CLOSE WINDOW

D1301
བོད་ཡིག

lo tsA ba shA kya'i dge slong nyi ma rgyal mtshan dpal bzang pos/ dpal thar pa gling gi gtsug lag khang chen por legs par bsgyur cing gtan la phab pa'o// @##/ /rgya gar skad du/ he badzra sA d+ha no pi ka /bod skad du/ kye'i rdo rje'i sgrub pa'i thabs/ dpal he ru ka la phyag 'tshal lo//ye shes gnyis med rgyu dang bral/ /de bzhin tshogs bral gang gi gnas/ /dpal ldan khrag 'thung phyag 'tshal te/ /de bsten cho ga bstan par bya/ /gsang ba'i don ldan sgrub pa pos/ /yang dag don ldan dam tshig dang / /phyi nang gsang ba'i sdom pa shes/ slob dpon gsang dang shes rab dang / /de bzhin bzhi pa'i dbang ldan pas/ /bsgom pa'i mchog ni bsgrub par 'gyur/ /shing gcig drung ngam dur khrod du/ /bsgom pa dag ni dge bar gsungs/ /yang na dben zhing dgon pa dang / /ma mo'i gnas la sogs de bzhin//yang na bde zhing nyams dga' bar/ /rang gi 'dod pa bsgrub par bya/ /der ni bde zhing rgya che ba'i/ /stan la rnam par 'dug nas ni/ /me tog la sogs bye brag dang / /bdud rtsi yis ni bsang gtor bya/ /rdo rjes mkha' snying dbus gnas par/ /nyi ma'i dkyil 'khor bsam par bya//de la hUM yig 'bar ba yis/ /mtshon cha mchog ni spro bar bya/ /mkha' dbyings til gang bzhin rgyas pa'i/ /rang gi dkyil 'khor mchog bkug ste/ /rang snying sa bon mchog skyes pa'i/ /lha mo rnams kyis mchod par bya/ /gau rI zla ba'i mtshan ma dang / /tsau rI nyi ma'i snod 'dzin te//be tA lI yi lag na chu'o/ /g+hasma rI ni sman 'dzin te/ /puk+ka sI ni rdo rje'o/ /sa ba rI ni de bzhin bcud/ /tsaN+DalI ni rnge chung 'khrol/ /Dom+bi chags chen rjes chags pas/ /snying gar yongs su 'khyud pa ste/ /'di rnams kyis ni gtso bo mchod/ /de rjes bsod nams yan lag go//gsum gyi skyabs 'gro sogs bya ste/ /'di ltar phyag 'tshal skyabs 'gro dang / /sdig bshags bsod nams rjes yi rang / /byang chub mchog tu sems bskyed dang / /dam bca' bdag lus dbul bar bya/ /de nas dang por byams pa ste/ /de rjes snying rje rnam par bsgom//gsum par dga' ba bsgom par bya/ /kun gyi tha mar btang snyoms so/ /de nas ye shes blta ba'i phyir/ /phyi dang nang gi dngos 'di kun/ /rnam dag stong par rnam dpyad de/ /sprin med nam mkha' ltar bsams nas/ /gsang sngags 'di ni brjod par bya/ /oM shU n+ya tA dz+nyA na badzra swa b+hA At+ma kou0f85haM//sems brtan byed pa'i gsang sngags 'dis/ /stong pa nyid las sems kyi dngos/ /a haM o dang ldan pa ni/ /oM dbus haM gis 'brel pa las/ /raM la nyi ma bdun bsams te/ /de la hUM las byung ba yi/ /sna tshogs rdo rje bsgom par bya/ /rdo rje des kyang ra ba dang //dra ba 'ching ba'ang bsgom par bya/ /de dbus mkha' dbyings bdag nyid kyis/ /shes rab e gzugs bsgom par bya/ /de steng sa dang chu dang ni/ /me dang rlung gi dkyil 'khor rnams/ /ljang gu dkar po dmar po dang / /du ba'i mdog tu bsam par bya/ /gru bzhi zlum po gru gsum dang //zla kham dbyibs su rnam par bsam/ /de steng oM ldan a haM ni/ /bdag nyid ngo bo gnas bsams te/ /e gzugs nas ni a haM bar/ /thams cad 'dres gyur 'khor lor 'gyur/ /gru bzhi pa la sgo bzhi pa/ /ka ba brgyad kyis nye bar brgyan/ /dra ba dra phyed yang dag ldan//rdo rje thig gis yongs brgyan pa'o/ /de stengs chos dbyings bdag nyid kyi/ /ro ni mkhas pas rab bsgoms te/ /de la A li kA li las/ /'byung ba nyi ma zla ba bsam/ /de dag rab tu sa bon ni/ /a dang hUM las gyur pa yi/ /rdo rje gri gug bsgom par bya/ / de la rang sems bdag nyid kyi/ /a haM yongs su zhugs pa ni/ /dam pa'i dga' ba'i rang bzhin gyis/ /sems dpar 'di de brjod pa'o/ /de rnams gcig tu 'dres pa las/ /ye shes lnga yi bdag nyid kyi/ /he ru kar ni rnam par bsgom/ /zla ba me long ye shes te/ /de bzhin nyi ma mnyam pa nyid//sa bon las byung mtshan ma ni/ /so sor rtog par gsungs pa'o/ /dbyer med 'dres pa nan tan te/ /skur gyur chos dbyings ye shes yin/ /sku mdog sngo rengs shar ba'i 'od/ /bin+du dmar po 'dra ba'i spyan/ /dbu skra kham pa gyen du 'khyil/ /phyag rgya lnga yis rnam par brgyan//'khor lo snyan cha phyag gdub dang / /mgur chu dang ni ske rags rnams/ /sangs rgyas lngar ni dag pa yis/ /'di rnams phyag rgyar rab tu bsgrags/ /lo grangs bcu drug lta bu la/ /rab tu khros pa'i lta stangs can/ /g.yon na rdo rje thod pa dang / /gnyis pa yum gyi bdag nyid kyis//kha T+wAM ga yang 'khyud pa'o/ /g.yas na rdo rje nag po ste/ /hUM gi sgra 'byin bdag nyid can/ /zhe sdang bdag nyid bsgom par bya/ /gal te phyag rgya byed 'dod na/ /g.yon gyi dang po ka pA la/ /lha dang lha min khrag gis bkang / /g.yas kyi dang po rdo rje ste/ / lhag pa'i phyag gnyis ji lta ba/ /rang dang 'dra ba'i phag mos 'khyud/ /gzhan yang sngon nyid ji lta ba'o/ /gzhan yang zhal gsum phyag drug ste/ /g.yas pa'i zhal ni skya rengs 'dra/ /g.yon pa dmar po gcer bu ste/ /g.yon gyi dang po tri shU la/ /g.yas kyi dang po rdo rje'o//g.yon pa gnyis pa dril bu dang / /g.yas pa gnyis pa karta ri/ /lhag mas rdo rje lu gu rgyud/ /gri dang thod pa bsnams pas 'khyud/ /gzhan ni sngo bzhin yum de bzhin/ /gzhan yang bsgom par bya ba ni/ /zhal brgyad pa la zhabs bzhi pa/ /bcu drug phyag gis rnam par brgyan//bdud bzhi zhabs kyis rnam par mnan/ /'jigs pa dag kyang 'jigs par byed/ /mgo bo'i phreng bas rnam brgyan cing / /nyi ma la bzhugs gar gyis stabs/ /sna tshogs rdo rje spyi bor 'chang / /kha dog nag po 'jigs par byed/ /rang zhal nas ni hUM 'phro zhing / /sku la thal bas rnam par byugs//bdag med ma dang mnyam ldan pa'i/ /dga' ba'i sbyor bas snyoms par 'jug /rnam par mi rtog bde ba yi/ /mi rtog rang bzhin bde bar gnas/ /dang po'i zhal ni nag po che/ /g.yas pa me tog kun+da 'dra/ /dpa' bo g.yon pa dmar ba che/ /steng gi zhal ni rnam par gtsigs//nyi shu rtsa bzhi'i spyan dang ldan/ /lhag ma'i zhal ni bung ba 'dra/ /g.yas kyi 'bar ba'i phyag brgyad na/ /pad+ma b+han+d+ha brgyad nang du/ /glang po rta dang bong bu dang / /ba lang rnga mo mi dag dang / /byi la dang ni seng ge rnams/ /rim pa bzhin du shes par bya/ /sa dang chu dang rlung dang me//zla ba nyi ma de bzhin yang / /gshin rje dang ni gnod sbyin rnams/ /g.yon gyi b+han+d+ha brgyad du'o/ /sgeg dang dpa' dang mi sdug dang / /rgod dang khro dang 'jigs par byed/ /snying rje ngo mtshar zhi la sogs/ /'bar ba'i gar dgu nyams dang ldan/ /zhabs kyis sa la brdabs mdzad cing //lha min lha la bsdigs mdzad pa'i/ /rang gi snying gar ra yig las/ /byung ba'i nyi ma'i dkyil 'khor bsgom/ /de nas thabs dang shes rab kyi/ /ngo bo nyid kyi hUM yig go/ /rdo rje yi ge hUM las byung / /kha dog nag po drag po che/ /rdo rje lte ba'i dbus gnas par/ / de nyid hUM du bsgom par bya/ /gzhan yang hUM yig yongs gyur pa'i/ /zhe sdang bdag nyid rnam par bsgom/ /rdo rje las byung nag po che/ /'dam skyes sngon po rab 'dra ba'i/ /yang na sngo rengs shar ba 'dra/ /dad pas nges par bsgom par bya/ /de nas gzhal yas yid 'ong pa'i/ / ma mo'i 'khor lo bsgom bya ste/ /yab yum gnyis su med pa yi/ /yid 'ong sbyor ba'i dgyes pa las/ /byung ba'i gau rI dbang po'i phyogs/ /shar gyi sgor ni rnam par gnas/ /gnyis su med pa'i sbyor ba las/ /byung ba'i tsau rI yang spros te/ /lho phyogs sgo skyong tsau rI gnas/ /'jam po 'jug pa sbyor ba las//be tA lI yang dbyung bar bya/ /spros nas bdud 'joms nub sgor ro/ /snyoms 'jug sbyor ba chen po las/ /g+hasma rI yang dbyung bar bya/ /spros nas byang gi sgo ru ni/ /khro mo'i gzugs su rnam par gnas/ /gnyis sprad pa yi sbyor ba yis/ /puk+ka sI yang dbyung bar bya//spros nas dbang ldan grwa ru ni/ /'khrug pa'i gzugs su rnam par gnas/ /gzhan yang gnyis med sbyor ba las/ /sha ba rI ni me yi grwa /tsaN+DalI ni srin po'i phyogs/ /Dom+bi rlung gi grwa ru'o/ /gau rI g.yas na gri gug ste/ /g.yon pa na ni de bzhin nya/ /tsau rI g.yas na rnge'u chung ste//g.yon pa'i phyag na phag pa'o/ /pe tA lI g.yas rus sbal te/ /g.yon na pad+ma b+han+d+ha'o/ /g+hasma rI ni g.yas na sbrul/ /g.yon pa na ni rnal 'byor snod/ /puk+ka sI g.yas seng ge ste/ /g.yon na de bzhin dgra sta'o/ /sa ba rI g.yas dge slong ste/ /g.yon na de bzhin bsreg shang ngo //tsaN+DalI g.yas 'khor lo ste/ /g.yon pa na ni de bzhin gshol/ /Dom+bi g.yas na rdo rje ste/ /g.yon na de bzhin sdigs 'dzub po/ /gau rI la sogs phyag gnyis gsungs/ /skyil krung phyed ma gar gyi stab sa/ /spyan gsum skra ni gyen du brdzes/ /phyag rgya lnga yis rnam par brgyan//gau rI sku mdog nag por 'gyur/ /tsau rI btsod dang 'dra ba ste/ /be tA lI ni gser btso ma/ /g+hasma markata lta bu ste/ /puk+ka in+d+ra nI la 'dra/ /zla 'od lta bu'i sa pa rI/ /tsaN+DalI ni nam mkha'i mdog /Dom+bi sna tshogs dag tu bshad/ /tshangs dang dbang bo nye dbang po//drag po gshin rje gnod sbyin dang / /bden bral na ni thags bzangs ris/ /gau rI la sogs lha mo yi/ /rim bzhin gdan du shes par bya/ /de rnams sa bon 'di yin no/ /gaM tsaM baM g+haM paM saM laM DaM/ /bdag pos sa bon 'di dag las/ /de rnams gdon pa nyid du bya//de nas rang gi rig ma dang / /rdo rje 'dzin ma 'dod chags ches/ /'od du zhu bar gyur pa las/ /mtshams kyi lha mo bshes gnyen mos/ /sna tshogs glu yis mchod de bskul/ /kye yi rdo rje thugs rjes gzigs te puk+ka bdag la skyobs/ /bde ba chen po sbyar ba bdag 'dod stong pa'i rang bzhin bsal te bzhengs su gsol//stong pa'i rang bzhin bsal nas sa yi dngos grub dgos don du/ /gal te gson par mchis bzhed kye yi rdo rje bzhengs su gsol/ /tsaN+Da bdag gis khyod med phyogs ma mthong nas gsol 'debs na/ /lha la sogs pa'i 'jig rten bsgral bar dam bcas ci slad bzhugs//bdag ni Do m+bi'i mtshan ma med pa khyod kyi sems ni shes pa ste/ /thugs rje med pa de mi rung bas rdzu 'phrul lta bur bzhengs su gsol/ /de dag gsan nas sngon bzhin du/ /AH hUM dag las rdo rje 'dzin/ /chen po 'od du zhu las bzhengs//de nas zhe sdang bdag nyid kyi/ /rang snying sa bon las byung ba'i/ /'bar ba nag po lcags kyu yis/ /khams gsum gnas pa'i sangs rgyas rnams/ /spyan drangs ma mo brgyad rnams kyis/ /sngon bzhin mchod de gsol ba gdab/ /bdag nyid chen po bcom ldan 'das//bcom ldan rnams kyis dbang bskur ba/ /de bzhin gshegs pa thams cad kyis/ /bdag la dbang bskur rab tu stsol/ /oM a b+hi Shiny+tsa tu mAM sa rba badzra ta thA ga ta a d+hiSh+ThA na/ de skad gsol ba btab pa yis/ /bde gshegs de dag thams cad kun/ /he ru ka yi skur gyur te//bde gshegs lnga yi bdag nyid kyi/ /bdud rtsi bum pas dbang bskur te/ /de tshe me tog gur gum char/ /'bab dang rnga yi sgra grag cing / /gzugs kyi rdo rje ma sogs dang / /spyan sogs rdo rje dbyangs rnams kyis/ /dbang bskur rab tu byas pa yis/ /thugs kyi dbang phyug sogs sangs rgyas//dbu rgyan du ni gyur par bya/ /mi bskyod rtag dang rin chen dbang / /mtha' yas de bzhin gshegs rnams kyis/ /puk+ka sI sogs mtshams gnas pa/ /rim pa bzhin du rgya yis gdab/ /zhe sdang gti mug ser sna dang / /'dod chags rdo rje ma yis ni/ /sgo gnas kai ri la sogs pa//rim bzhin du ni gdab par bya/ /rgya yi gdab cing mtshan pas na/ /des 'dir rgyas zhes bya ba yin/ /rang snying sa bon 'od zer gyis/ /sangs rgyas rnams ni gzhug byas te/ /bdud rtsi myang ba'i sbyor ba yis/ /de dag tshim pa nyid du bya/ /rlung dang me yi dkyil 'khor ni//zla gam gru gsum kha dog gnyis/ /yi ge yaM dang raM gyis mtshan/ /ba dan dang ni rdo rjes mdzes/ /de steng b+han+d+ha a las byung / /der ni ye shes bdud rtsis bkang / /yi ge hUM las rab bskyed pa'i/ /rdo rje las byung oM gyis mtshan/ /de nyid gsum gyis byin brlabs pa'i//bdud rtsi lha yi sbyor bas bsang / /mchod dang bstod pa nyid du bya/ /dag pa'i rang bzhin shes par bya/ /gzugs dang tshor ba 'du shes dang / /'du byed rnam shes phung por ni/ /rdo rje ma dang gau rI dang / /chu yi lha mo mkha' 'gro ma/ /bdag med rnal 'byor mar dag go//sa chu me rlung 'byung ba bzhi/ /puk+ka sI la sogs pa'i dngos/ /gzugs sgra dri ro reg bya chos/ /gau rI tsau rI be tA lI/ /g+hasma sa spyod mkha' spyod do/ /mig dang rna ba sna dang lce/ /lus dang yid kyi dbang po ni/ /gti mug zhe sdang ser sna dang / /'dod chags phrag dog rdo rje dang / / bdag med rnal 'byor mar shes bya/ /'khor lo snyan cha mgur chu dang / /phyag gdub ska rags phyag rgya lnga/ /mi bskyod mtha' yas rin chen dbang / /snang mdzad don grub bdag nyid do/ /phyag gnyis thabs dang shes rab ste/ /phyag bzhi bdud bzhi rnam par dag /phyag drug pha rol phyin drug go//bcu drug phyag tu gsungs pa ni/ /stong pa bcu drug bdag nyid do/ /zhal gcig stong pa nyid kyi sgo/ /zhal gsum rnam par thar pa gsum/ /zhal brgyad rnam par thar pa brgyad/ /zhabs bzhi bdud bzhi dag pa nyid/ /spyan ni dag pa'i rdo rje gsum/ /dbang po drug dang phung po lnga//skye mched drug dang 'byung ba rnams/ /ngo bo nyid kyis rnam dag pas/ /sna tshogs dag cing rnam par grol/ /gzugs yul la sogs gang gi yang / /rnal 'byor pa yis mig yor tshul/ /thams cad rang bzhin gyis dag phyir/ /sangs rgyas rdzu 'phrul sna tshogs so//rnam par dag pa byas nas ni/ /rnal 'byor sdom pa'i bdag nyid dang / /phyi nang bzlas pa brtsam par bya/ /de la 'di ni sdom pa ste/ /e waM ma yA'i bdag nyid kyis/ /'khor lo bzhi ni lus la gnas/ /'di ltar sprul pa'i chos dang ni/ /longs spyod bde chen 'khor lo rnams//lte ba snying ga mgul pa dang / /spyi bor rim bzhin shes par bya/ /'khor lo rnams kyi pad+ma ni/ /drug cu rtsa bzhi de bzhin brgyad/ /bcu drug sum cu gnyis su shes/ /sa bon oM dang hUM dang ni/ /oM dang haM ste rim bzhin no/ /A li kA li sprul pa la/ /yongs su bskor bar shes par bya//bde gshegs yab yum sa bon gyis/ /chos kyi 'khor lo de bzhin bskor/ /yi ge i e 'dren bcas pas/ /longs spyod 'khor lo bskor pa yin/ /sprul pa'i sku dang chos kyi sku/ /de bzhin longs spyod rdzogs pa dang / /sku gsum yongs su shes pa rnams//'khor lo bzhi ru 'dod pa yin/ /'khor lo 'di rnams rang bzhin ni/ /lha mo bzhi dang phyag rgya bzhi/ /yi ge 'bru bzhir 'dod pa ste/ /sangs rgyas spyan dang mA ma kI/ /dkar mo sgrol ma de bzhin du/ /las dang chos dang dam tshig dang / /phyag rgya chen por brjod pa'o/ /yi ge e dang waM dag dang //ma dang yA yang 'di yi dngos/ /de bzhin sku gsung thugs rnams dang / /A li kA li'ang 'di nyid yin/ /ye shes skad cig bzhir grags pa/ /sna tshogs dang ni rnam smin dang / /rnam par 'joms dang mtshan nyid bral/ /'khyud dang myong dang spyod pa dang / /ci yang ma yin pa yi sems//'khor lo bzhi la gnas pa yin/ /sdug bsngal kun 'byung 'gog pa lam/ /phung po nyon mongs bzhi 'byin pa/ /bden pa bzhi yang 'di nyid do/ /bdag dang sngags dang lha dang ni/ /ye shes rnams kyi de nyid rnams/ /rang rang yang dag gang yin pa'am/ / 'khor lo bzhi yi ngo bo'o/ /dga' dang dam pa'i dga' ba dang / /bral dang rang bzhin dga' ba rnams/ /bde ba'i ye shes cha bzhi ste/ /drod thob pa dang 'phel ba dang / /chags bral bde dang mi gnyis bde/ /de yang 'khor lo bzhi la gnas/ /gnas brtan thams cad yod par smra/ / de bzhin mang pos bkur ba dang / /dge 'dun phal chen sde zhes pa/ /sde pa bzhi yang de nyid yin/ /rnal 'byor gsang sngags sdom pa dang / /ye shes sdom pa'ang bstan par bya/ /sme sha lte bar 'bar ba yis/ /de bzhin gshegs lnga bsregs pa dang / /spyan la sogs pa bsregs pa dang //haM bsregs zla ba 'bab pa'o/ /de ni 'di ltar shes bya ste/ /rnal 'byor gsang sngags sdom pa yis/ /bsreg pa'i mtshan nyid shes par bya/ /bsreg pa me dang rlung yin te/ /ye shes me yi snang ba gang / /las kyi rlung gis bskul ba yin/ /las kyang bcom ldan shes rab ma'i/ / rlung gi de nyid 'di yin te/ /lte ba'i dbus las 'phro zhing phra/ /chos dang longs spyod bde chen bzhi/ /brtan dang g.yo ba kun gyi bdag /yi ge aM gi bdag nyid ni/ /las kyi rlung gi gzhi yin te/ /'di las kun du 'byung ba yin/ /'di dag rgyu ba'i rim pa ni/ /nyi ma gcig la thun bzhi ste/ /de bzhin chu tshod sum cu gnyis/ / rim pa bcu drug de bzhin du/ /drug cu rtsa bzhi'i cha dang ldan/ /zla ba nyi ma zhes bya ba'i/ /A li kA li'i ngo bo ni/ /sna bug g.yas dang g.yon du rgyu/ /de yang sa dang chu dang ni/ /me dang rlung gi bdag nyid can/ /'byung ba bzhi yi ngo bor 'dod/ / 'di rnams dus su rgyu ba ste/ /nam mkha'i rang bzhin du sa ma yin/ /lci zhing mkhrang ba sa yi khams/ /thur du rgyu ba dang por 'dod/ /grang zhing rtsub pa chu yi khams/ /mdun du rgyu ba gnyis pa yin/ /dro zhing 'jam pa me yi khams/ /'di ni phyir la nye bar rgyu/ /yang zhing stobs can rlung gi khams//gyen du rgyu bar shes par bya/ /de bzhin chu tshod rim pa dang / /thun zhes bya bar grags pa yang / /'dir ni 'di nyid gzung bya ste/ /g.yas su ji bzhin g.yon de bzhin/ /de nas kyang ni g.yas yin te/ /bar chad yod pa ma yin no/ /dus min rgyu ba gang zhe na/ / gang zhig 'chi ba'i dus nyid dang / /byang chub sems rgyun 'bab pa dang / /nad chen 'byung ba'i snga ltas la/ /de dag dus gcig 'byung ba ste/ /'di ni nam mkha'i khams su brjod/ /rlung dang ye shes rnam shes dang / /dug rnams lhan cig rgyu ba ste/ /nams kyang 'bral ba ma yin no//reg pa'i rlung zhes bya ba ni/ /lus las nam yang mi 'da' ste/ /gal te 'das na 'chi bar 'gyur/ /rlung gi de nyid shes pa yis/ /me yi de nyid bskul bar bya/ /dbugs dang drod kyi khams dag kyang / /tha dad 'jug pa ma yin no/ /de la me yi de nyid ni/ / dbang po gtsubs pa'i sbyor ba las/ /ye shes me ni 'byung 'gyur te/ /ji ltar phyi rol me bzhin no/ /de yang dbang po'i lam nas ni/ /lte ba'i rtsa ru rab tu 'bar/ /'od chen du bar bcas pa yis/ /tsaN+DalI ni 'bar bar 'gyur/ /ye shes me yi snang ba de/ /shin tu 'bar bar gyur pa dang / / chos kyi 'khor lo la gnas pa'i/ /bde gshegs lnga dang de bzhin du/ /lha mor bcas pa tshig par 'gyur/ /longs spyod 'khor lo byung nas ni/ /g.yas nas bskor ba lan gsum byas/ /smin phrag mdzod spur byung nas kyang / /de nas rna ba g.yas su byung / /phyogs bcu'i sangs rgyas bskul byas nas//spyi bo'i gtsug tu zhugs par gyur/ /chos kyi 'khor lo la babs te/ /shin tu tshig par gyur pa 'di/ /sngags kyi sdom par 'dod pa yin/ /ye shes sdom pa'i bye brag ni/ /snying gar sangs rgyas bka' ba gros nas/ /rnam dag bdud rtsi bsdus byas te/ / sngon gyi lam nas byung nas kyang / /phyogs bcu bdud rtsi bsdu byas te/ /sngon bzhin haM la zhugs gyur pas/ /sems kyi zla ba zhu nas ni/ /so yi sbu gu nas byung nas/ /longs spyod 'khor lor babs par gyur/ /der ni cung zad ngal so nas/ /sngon bzhin phyir yang bskor nas ni/ /chos kyi 'khor lor babs par gyur//bde bar gshegs rnams gang bar byas/ /sngon bzhin phyir yang bskor nas ni/ /sprul pa'i 'khor lor babs par gyur/ /de bzhin kun du 'gro bar byed/ /skra yi rtse mo 'bum gyi cha/ /ye shes snang ba'i bye brag dag /mig gis mthong ba ma yin no/ /'di ni sdom par brjod pa'o//nang gi bzlas pa bstan pa ni/ /'og tu rlung gi dkyil 'khor te/ /gru gsum gnas ni de bzhin me/ /lto ba chu yi dkyil 'khor te/ /de steng dbang chen ri rab bcas/ /rlung gi dkyil 'khor steng du ni/ /rtag pa'i 'khor lo bsgom bya ste/ /de la mi gnyis bdag nyid kyi//yi ge a yi sdom pa gzung / /byang chub sems kyi rang bzhin 'di/ /lus dang ngag yid gang yang min/ /'dod chags zhe sdang gti mug min/ /kha dog dbyibs sogs ma yin zhing / /khro zhi la sogs rnam par spangs/ /mtshan ma kun dang bral ba yi/ /dbu ma chen po bsgom par bya/ / gzhan ni sdom pa ji lta ba'o/ /'di ni ci yang ma yin phyir/ /ma ning bzlas pa zhes 'dod de/ /bzlas pa'i mchog tu gyur pa yin/ /gal te skyo bar gyur na ni/ /phyi rol bzlas pa brtsam par bya/ /rang snying sa bon 'od zer gyis/ /ye shes sems dpa'i gnas nyid dang / /sku gsung thugs kyi gnas rnams nas//ji ltar 'dod pa spro bar bya/ /oM de ba pi tsu badzra hUM hUM hUM phaT swA hA/ he badzra gyi snying po'o/ /oM trai lokyA k+She pa hUM hUM hUM phaT swA hA/ phyag gnyis pa'o/ /oM dz+wa la dz+wa la b+h+yo hUM hUM hUM phaT swA hA/ phyag bzhi pa'i'o/ /oM ki Ti ki Ti badzra hUM hUM hUM phaT swA hA/ phyag drug pa'i'o/ /oM aSh+TA na nA ye/phiM gor+d+ha ke sha brta ma ne/ tsa tu rbiM sha ti ni trA ya sho Da sha b+hu dzA ya kr-ish+Na dzI mU ta wa pu She ka pA lA mA la a ne kaM d+ha ri Ne A d+ham ta krU ra tsiT+Ta' ya/ /ar+d+hen du daM sh+TI Ne mA ra ya mA ra ya/ /kA ra ya kA ra ya/ gardza ya gardza ya/ /tardza ya tardza ya/ /sho Sha ya sho Sha ya/ sa pha sA ga rA na/ ban+d+ha ban+d+ha/ /nA ga aSh+Ta kAn/gr-ihaN gr-ihaN/ sha trUM ha hA hi hI hu hU he hai ho hau haM haH phaT swA hA/ /phyag bcu drug pa'i'o/ /bzlas pas skyo bar gyur pa na/ /rdo rje dril bu gsil byas te/ /mchod dang bstod dang smon lam dag/ /legs par btab ste phyag rgya dgrol/ /dbyings su bsdu dang gshegs gsol ba/ / ji lta ji bzhin bya ba yin/ /de nas rnal 'byor chen po yis/ /spyod lam kun du lha nyid kyi/ /ting nge 'dzin las nyams mi bya/ /'di ltar nyal ba'i tshe na yang / /rdo rje 'dzin chen ting 'dzin gyis/ /chags chen rjes su chags byas te/ /ye shes me yis lus zhu nas/ /chos sku sems su gyur par nyal//gang tshe ldang ba'i tshe na yang / /tshad med bzhi yis bskul ba yis/ /sngon gyi smon lam rjes dran nas/ /sgyu ma lta bu'i sbyor ba yis/ /ting 'dzin rim par ldang bar bya/ /gang zhig za ba'i tshe na yang / /sdom pa'i dngos po ji lta ba'i/ /lus ni lha yi dkyil 'khor te//zas ni bdud rtsir byin brlab bya/ /zos pas dbyer med tshim par bya/ /yang na sbyin sreg mchod pa bya/ /ra sa ya na me yi khams/ /g.yas su 'bar zhing 'phro ba ste/ /A li'i ngo bor shes par bya/ /la la nA ni rlung gi khams/ /g.yon du gtsubs shing g.yo ba ste//kA li'i ngo bor shes par bya/ /de dbus lus kyi bdag nyid la/ /bza' sogs 'o ma'i sbyin sreg bya/ /gal te 'gro 'chag byed pa na/ /rigs lnga rnams la bslang ba dang / /phyag rgya la sogs rgyan rnams dang / /rdo rje thos pa'i spyod pa dag /ji skad gsungs pa de bzhin bya/ / 'dis ni byang chub rnyed mi dka'/ /gal te gtor ma gtong 'dod na/ /he ru ka yi sbyor ba yis/ /'byung po la ni mngon dmigs te/ /zas rnams bdud rtsir byin brlabs nas/ /sngags 'di yis ni tshim par bya/ /oM in+da/ dzam/ dzal/ dz+kakha/ b+hU ta/ bah+ni/ ba u/ rak+sha/ tsand/ sudz+dza/ mA da/ pap+pa/ pAtA ye/ aSh+Tha sap+pa swA hA/ e daM/ ba liM/ b+huM dza/ dzi g+ha/ phul+la/ d+hUp+pa/ mAM sa/ biM g+ha/ am+ba/ kadz+dza/ sA d+ha/ khAn+ti/ khu Ni/ pheT/ gA da/ oM a kA ro mu khaM sarba d+ha rmA NAM/ A n+ya nu t+pan+na twA ta/ oM AH hUM phaT swA hA/ gang zhig rtag tu 'du byed pa/ /las rnams thams cad 'grub pa dang //'byung po'i tshogs rnams dga' nas ni/ /de la dngos grub myur bar 'gyur/ /las rnams dag gi mjug tu yang / /mchod dang bstod cing smon lam gdab/ /de la smon lam 'di yin te/ /rigs ldan skye zhing blo gros rjes su ldan/ /dam tshig ldan zhing kye yi rdo rje ston/ / snying rje ldan zhing bla ma rnams la gus/ /skye ba kun du 'di ltar skye gyur cig /rdo rje dril bu lag gis 'khrol byed cing / /zab mo'i dam chos rab tu klog pa dang / /dam tshig btsun mo'i khu ba za byed par/ /skye ba kun du 'di ltar skye gyur cig /de nas sprul pa rang la bsdu/ /ye shes dkyil 'khor slar gshegs gsol//spyod lam la sogs sngon bzhin du'o/ /slob dpon chen po 'jam dpal ye shes zhabs kyis mdzad pa/ he badzra'i sgrub thabs he ru ka mnyes par bya ba'i cho ga rdzogs so// rgya gar gyi mkhan po many+dzu shrI dz+nyA na dang / rong zom d+harma b+ha dras bsgyur cing zhus te gtan la phab pa'o/

CLOSE WINDOW