CLOSE WINDOW

D1299
བོད་ཡིག

bod kyi lo tsA ba gyi jo zla ba'i 'od zer gyis bsgyur ba'o// @##/ /rgya gar skad du/ ba liM karma kra ma nA ma/ bod skad du/ gtor ma'i las kyi rim pa zhes bya ba/ dpal rdo rje sems dpa' la phyag 'tshal lo/ /bla med dkon mchog gsum po dang / /de yi chos skyong srung ma la//bzod gsol don du 'dud pa dang / /rgyu yi phyir kyang phyag 'tshal lo/ /tshogs gnyis rdzogs par bya ba dang / /snga ma'i lan chags bral ba dang / /'phral gyi bar chad nyer zhi'i phyir/ /gtor ma rgyun du gtang bar bya/ /tshogs kyi 'khor lo chen po dang / / phrin las rnam bzhi rtsom pa dang / /dbang bskur chen po byed pa'i tshe/ /gtor ma'i rim pa 'di ltar bya/ /yo byad dang ni bca' thabs dang / /dgod rim dang yang byin rlabs dang / /dbul dang dbang bskur dgye ba bdun/ /las kyi rim pa mdor bsdus pa'o/ /sha dang bdud rtsi zas lnga dang / / gzhan yang bza' btung sna tshogs te/ /gro ga 'am ras sam shing shun la/ /mchod pa'i bye brag sna tshogs bya/ /mdor na sna tshogs pa yi rdzas/ /sdig pa med cing gnod pa med/ /yo byad dam par 'di bshad do/ /gzhan yang gtor ma chen po ni/ /shin tu che ba'i snod dag tu/ / mchod pa'i bye brag kha zas kyis/ /khengs par bkang ba'i steng dag tu/ /a shwad+tha yi shing dag la/ /gru gsum phyag rgya byas te gzhag /gru gsum rtse la mar me gsum/ /nyin mtshan rtag tu gtang bar bya/ /de ru 'phan dang rgyal mtshan dang / /gdugs dang phyag rgya sna tshogs gzhag/ de yi dbus su zan kham gsum/ /steng du b+ha n+d+ha mtshan bzangs dag /khrag chen dag gis gang ba gzhag /gzhan yang mdzes pa'i snod dag tu/ /khengs par bkang ba'i steng dag tu/ /'phan dang rgyal mtshan gdugs rnams gzugs/ /mar me gcig kyang rtag tu gtang / /mkha' 'gro ma dang phyogs skyong ni//mdzes pa'i snod du rdzas rnams kyis/ /legs par bkang ste gzhag par bya/ /tshogs dang tshogs kyi rol pa yin/ /lhag ma dag la lhag ma bya/ /kun kyang gcan gzan rjes bzhin nam/ /las kyi dbyibs dang sbyar bar bya/ /chang dang khrag dang chu yis sbyang //gtor chen rtsa ba'i dbus su gzhag /yang na byang shar mtshams su gzhag /lhag ma lho yi phyogs su'o/ /phyogs skyong shar te mkha' 'gro nub/ /shin tu lhag ma mdun nam byang / /yaM las rlung dang raM las me/ /a las snod kyi nang dag tu/ /aM las nyi ma'i dkyil 'khor bsam//de yi dbus dang phyogs mtshams su/ /hUM b+h+rUM AM dzr-IM khaM/ na go ku da ha/ dri chu dri chen khrag dang ga bur shel/ /mi dang ba lang khyi glang rta/ /de yi steng du yig 'bru bsam/ /de las rigs lnga yab yum bsam/ /de steng oM las zla ba ste/ /de steng hUM las rdo rje bsam/ / phaT kyis bud cing 'bar ba dang / /bsros te dros pas yab yum rol/ /byang chub sems kyi 'od zer gyis/ /phyogs bcu dag na gnas pa yi/ /bde gshegs ye shes byang chub sems/ /sems can rnams kyi bkrag gzi mdangs/ /rtsi shing nags tshal bcud bsdus te/ / slar yang ji bzhin dgug par bya/ /thim nas thams cad 'od du zhu/ /oM AH hUM gis byin gyis brlab/ /las kyi skabs la bab pa dang / /gtor chen b+han+d+ha'i nang du ni/ /sgrub thabs gzhung bzhin bsgoms nas su/ /de yi phyi rim bar khyams la/ /lha brgyad 'khor bcas mos pas bsgom//gnyis pa la ni phyogs skyong dang / /de bzhin gsum par klu chen brgyad/ /'khor dang bcas pa mos pas so/ /tshogs kyi rdzas rnams drangs pa la/ /bsang gtor byas te byin gyis brlab/ /phud spros pad+ma'i phyag rgyas blang / /sngags 'di brjod cing dbul bar bya//oM e h+ye hi badzra i daM ba liM khA hi/ lha rnams kun la de bzhin dbul/ /bsrung ba'i dbang sngags brjod cing dbul/ /bstod cing rdo rje glu yang blang / /de nas lhag ma'i phud spros te/ /gru gsum zla ba'i steng dag tu/ /bdag nyid kye yi rdo rjer bsgom/ /de yi khyams la mkha' 'gro ma//'khor dang bcas pa mos pas bsam/ /gnyis pa la ni dbang phyug ma/ /gzhan yang 'gro ba ris drug dang / /dmigs kyi yul gyi lha 'dre rnams/ /lcags kyu'i phyag rgya bcas nas su/ /oM e h+ye hi/ sarba yo gi ni/ sarba DA ki ni/ prah+ma Ni/ ru tra ni/ ma he shwa ri/ beSh+Na be/ /bA rA hi/ na ya siM ga /a ya te/ ag+na ye/ ba ru Na ye/ ba ya be/ ku mA ri/ ko be ra/ ga ru Ni/ pasna ki /byi na ya ki /b+hi pa sa tri/ b+he pra ma ni/ b+he ska ri/ tsa muN+Di/ sarba de ba/ sarba a su ra/ sarba ma nu Sha/ sarba tir+ya ka /sarba pre ta ka / sarba na ra ka/ /sarba g+hU ta/ pi shA ca/ U sh+ma n+da/ a sma ra ta ya/ mos pa'i tshul du spyan drangs mchod/ /pad+ma'i phyag rgyas blangs la dbus/ /puSh+pa/ d+hU pa/ dI pa/ gan+d+ha/ nai bi t+ye/ pany+tsa a mr-i te/ ma tha/ dra rtsa ba ta ga te/ tsa tra tsa ma ra/ sa yo tha/ ma tsa ma sa/ ma hA ra k+ta/ na na khA hi/ saM bur+NaM/ i daM ba liM b+huM dza tha/gr-i h+Na tha sa ma ya rak+Sha tha ma ma sarba a the/ ha sa yaM/ ku ro tha/ a tra/ sA d+ha ni/ yi shra traSh+Ta shaM/ rak+Sha sarbaM/ ar+thaM/ ya thai baM/ ya theSh+TaM/ b+huM ja tha/ hUM hUM phaT phaT swA hA/ pi ba tha/ ma ti kra ma tha/ ma ma sarba sa pa ri/ sa ta su khaM bi sho d+ha na ye swA hA/ yi ka b+ha ban+tu/ oM AH hUM/ hUM hUM phaT phaT swA hA/ rol mo'i sgra dang rdo rje glu blangs te/ lhag ma'i gtor ma dbul bar bya'o/ /bdag nyid dgyes rdor rnal 'byor gyis/ /chos 'byung nang du 'dab brgyad gsum/ /rim par dkar nag dmar po'o/ /de yang yig 'bru gsum las bsgom/ /lha dang phyogs skyong klu chen brgyad//oM AH hUM las pad mdog bzhin/ /zhal gcig phyag gnyis rdor dril 'chang / /rang gi yum yang de bzhin te/ /brkyang bskum tshul gyis kun kyang gnas/ /sa bon las ni 'od zer spro/ /gzugs dang gzugs med lha brgyad la/ /'dod khams lha mi phyogs skyong ste//ngan song gsum dang lha ma yin/ /klu chen brgyad la bstim par bya/ /bdag gi thugs ka'i sa bon las/ /phyag rgya bzhi yis sku gsung thugs/ /rang bzhin gnas nas spyan drangs te/ /phyi nang gsang bas mchod bya ste/ /lha dang phyogs skyong klu brgyad la/ /rnam snang mi bskyod mtha' yas kyis//rim pa ji bzhin dbang bskur bya/ /de la sngags 'dis rab tu 'bul/ /pad+ma'i phyag rgyas blangs nas su/ /oM in+da ya ma dza la/ yak+Sha dzaH hUM baM hoH b+hU ta bah+ni/ bA yu/ rak+Sha/ tsan+da/ surdza mA ta/ pap+pa/ ta la/ pA tA la/ a Tha sap+pa swA hA/ i daM ba liM b+huM dza/dzi g+ha maM sa d+hU paM puSh+pe dI paM/ gan+d+he/ piM g+ha/ aM ba/ kats+tsha/ khan+ti/ khu Ni/ phe Ta/ ga da/ oM a kA ro mu khaM/ sarba d+harmANA/ Ad+ya nut+pan+na twAta/ oM AH hUM swA hA/ rdo rje glu dang rol mo'i sgras/ /mchod de nyin mo lan gsum gtang / /yi dam lha yi rnal 'byor gyis/ /mchod pa'i rdzas la bsang gtor brlab//'dab brgyad dbus kyi lte ba la/ /mkha' 'gro 'khor bcas dmigs byas te/ /badzra DA ki ni/ siM gi ni/ byA g+h+ri ni/ dzaM bu gi ni/ lu ki ni/ DA ki ni/ dI pi ni/ tsu pi ni/ kaM po dzi ni/ brjod pa tsam gyis dmigs byas te/ /'dab brgyad la ni mkha' 'gro ma//gru chad la ni khams gsum gyi/ /gtso bo thams cad bsam par bya/ /khyams la 'khor rnams thams cad do/ /oM AH hUM/ kun kyang sku gsung thugs dang ldan/ /b+ha ga'i phyag rgya mgo steng bca'/ /oM a kA ro mu khaM sarba d+harmA NAM/ Ad+ya nu t+pan+na rwAta/ spyan drangs bstims la bar chod bgegs//'ong ba bsrung phyir 'di skad do/ /oM na maH saman+ta kA ya wA ka tsit+ta badzra NaM/ na mo badzra kro d+ha ya/ ma hA daM ShoT+T+a ka Ta/ b+hai ra bA ya/ a si mu shU la paR+shu pA sha hastA ya/ oM a mr-i ta ku N+Da li/ kha kha/ khA hi khA hi/ tiSh+Tha tiSh+Tha/ ban+d+ha ban+d+ha/ ha na ha na/ ma tha ma tha/ gardza gardza/ s+pho Ta ya s+pho Ta ya/ bi s+pho Ta ya bi s+phog+sa ya/ sarba big+h+nA na bi nA ya nAM/ ma hA ka bi de/ bi bi tan+ta ka rA ya/ sarba gau rI u pa tha ba sa ma naM/ ku ru ku ru hUM hUM hUM phaT phaT phaT swA hA/ de ltar bdud rtsis mtshams bcad nas/ /pad+ma'i phyag rgyas gtor ma dbul//ba liM ga tha/ oM A ra li hoH dzaH hUM baM hoH/ badzraDA ki na maH sa ma ya s+t+waM/ dr-i sh+ya hoH/ oM kha kha khA hi khA hi/ sarba b+hU ta/ pre ta rAk+Sha sa/ pi shA tsa uSh+ma n+da a pa smar/ DA ki n+ye da ya/ i daM ba liM gr-i h+Nan+tu/ sarba sid+d+hi m+me pra ya ts+tshan+du/ sa ma yar k+Sha n+tu/ sa ma ya rak+Sh+n+tu/ ya tha baM/ ya theSheT/ b+huny+dza tha/ bi ba tha/ ma ti kra ma tha/ ma ma sarba pa ri pu ka /ta ta su ka bi sho d+ha ya swA hA/ oM a kra bi kre/ sma sha ne pa/ parba de/ kan+d+ha re/ g+hu he gra me/ parba s+ye/ pa the/ khe dra/ sor+Na ma ka ra/ bi se sa ta ba dza ni/ thang la ga te bu mo/ ma taM ga ta/ bi se swA hA/ kr-iSh+Na ru tra/ ma hA ru tra/ de ba twata tra/ sa ma sred ta/ kre na kar la pi pa dzi/nan ta ti ta/ bi na ya ka /tsa muN+Di/ go ra pi pa tsi/ u ma de bi tu/ sta pa dza yash+tsa/ bi dza ya/ tsi bu ba/ a tsi ta/ a pa ra tsi ta/ dzi ka li/ kA ya b+ha bAn+tu/ oM AH maM hUM phaT swA hA/ de ltar phul te gsol ba dang / /se gol brdab cing gshegs su gsol/ /oM kr-i to ba sar+b+ba sa twAr+tha/ sid+d+hi ma dat+tA thA nu ga/ gats+tsha twAM bu d+d+hA bi Sha yaM/ pu ne re ga ma na yats+tsha/ rang rang gnas su yud tsam gyis/ /phyin te rnal 'byor bsgo ba nyan/ /de ltar mtshan mo lan gsum gtang / /yi dam lha yi rnal 'byor gyis/ /lce la rdo rje bsgom byas te/ /lha'am chos nyid rol bsams na/ / dngos grub rim par 'grub par 'gyur/ /rnal 'byor rol pa'i lhag ma la/ /shin tu lhag ma'i gtor ma bya/ /lte bar bdag nyid yi dam bsgom/ /pre ta brjod cing zur drug la/ /yi dags thams cad bsdu bar bya/ /oM u tsiSh+Ta a d+hi tiSh+Ta b+hU dza de bi tha hUM hUM phaT/ sdug bsngal bral zhing tshim par bsam//sgrub pa'i zhag grangs thon pa dang / /slob ma'i mgo steng gtor ma gzhag /rtag tu bsrung zhing skyob pa dang / /phrin las bzhi yi dbang thob bsam/ /sum mdo'am lam ka'i bzhi mdo'am/ /dur khrod yang na chu 'gram du/ /nam phyed na ni gtor ma gtang //byang shar mtshams su gtor chen bskyal/ /mdor na gnas pa'i go rims kyis/ /skyel ba'i sa ru phyin pa dang / /phyogs phyogs gdon rnams zil mnan phyir/ /phyogs bzhi dag tu kha bltas te/ /rdo rje gsor zhing dril bu dkrol/ /lag pa g.yon nas g.yas su bsgyur//rkang pa g.yon nas g.yas su brdab/ /lag pa brkyang ste 'phyang zhing 'phur/ /long mo gshibs te 'gying bag gis/ /'gyur zhing g.yon du bgrad cing blta/ /rang sngags gdon cing dgye bar bya'o/ /rdo rje'i glu yang drag tu blang / /rol mo'i sgra yang drag tu brdung / /'di ni mkhas pa rnams kyi gzhung //rgyud rnams dang ni 'gal ba med/ /gdams ngag rim pa 'di bris pas/ /lhag chad nor ba ci mchis pa/ /dkon mchog bla ma chos skyong dang / /mkhas pa rnams la bzod par gsol/ /rmongs pa rnams la mig phye bas/ /las kyi gzhung bsrangs dge rtsa gang /

CLOSE WINDOW