CLOSE WINDOW

D1298
བོད་ཡིག

@#/ /rgya gar skad du/ shrI he badzra ba lo kra ma/ bod skad du/ dpal dgyes pa'i rdo rje'i gtor ma'i rim pa/ dpal ngag gi dbang phyug la phyag 'tshal lo/ /thabs dang shes rab bdag nyid can/ /yi ge gnyis las yang dag 'byung / /sku gsung thugs kyi dbang phyug gtso//te ru ka la phyag 'tshal te/ /sku gsung thugs kyi dbye ldan pa'i/ /dgyes pa'i rdo rje'i dkyil 'khor la/ /bdud rtsi gtor ma dbul ba yi/ /cho ga'i thabs kyi rim pa bshad/ /de la gtor ma'i dgos pa ni/ /dpal kye'i rdo rje'i dkyil 'khor dang / sbyin sreg dang mchod pa dang /sgrub pa'i dus su rnal 'byor pas phan gdags pa dang / tshar gcad pa dang / rigs kyi bu dag tshe ring bar 'dod pa dang / yams dang nad med par 'dod pa dang / mu ge zhi bar 'dod pa dang / gnod pa zhi bar 'dod pa dang / dpal dang grags pa 'phel bar 'dod pa dang /dus ma yin par 'chi ba zlog par 'dod pa dang / longs spyod dang 'byor pa 'dod pa dang / phas kyi rgol ba bzlog par 'dod pa dang / 'jig rten dang 'jig rten las 'das pa'i dngos grub thob par 'dod pa mkhas pas gtor ma'i las la brtson par bya'o/ /de yang gang zhig ce na gzhung las/bgegs rnams zhi bar bya ba dang / lha rnams 'go bar bya ba dang / dam tshig nyams pa bskang ba'i phyir/ /gtor ma'i las 'di ci nus brtsam/ /zhes 'byung ngo / /yang kha cig las/ 'byung po kun la gtor ma 'di dag gis/ /rnal 'byor pa yis mchod pa legs byas nas//dus kun rnyed pas bde bar 'gyur ba dang / /lha rnams dga' zhing 'gro ba 'byor bar 'gyur/ /'byung po'i tshogs la gtor ma gcig sbyin na/ /sdang dang mngon spyod dgra yi sde 'joms shing / /dgar dang gsad dang dgug par byed pa dang / /zhi zhing bde dang rgyas par byed pa yin//zhes 'byung ngo / /yang slob dpon kha cig gis/ /'jig rten 'jig rten las 'das pa'i/ /dngos grub chog thams cad la/ /dpal ldan rdzogs pa'i sangs rgyas kyis/ /gtor ma'i las 'di shin tu bsngags/ /zhes 'byung bas/ gtor ma'i las 'di shin tu phan yon che'o/ /de la 'dir ni sngags pas 'byung po nyi shu rtsa bzhi la gtor ma sbyin dgos te/ lha chen brgyad po 'khor dang bcas/ /klu chen brgyad dang phyogs skyong brgyad/ /'khor du gtogs pa'i brgyad po rnams/ /rang rang 'khor dang bcas rnams la//rgyun du 'am ni zla ba'am/ /de bzhin lo gcig rgyun 'khor ram/ /zla ba yar ngo'i tshes bcu dang / /mar ngo yi ni tshes bcu la/ /dkyil 'khor sbyin sreg bzlas pa dang / /de bzhin gnod byung dus dag gam/ /ji ltar 'os shing rigs pa dang / /rang gis ji ltar rjes mthun par/ / ci 'byor pa yi yo byad kyis/ /nan tan du ni gtor ma sbyin/ /zhes 'byung ngo / /de la gtor ma'i g.yos kyang ji ltar zhe na/ me tog bdug spos mar me byug pa dang / /sman rnams dang ni dri dang lha bshos dang / /tshod ma dag dang la du khur ba dang / /zas dron dang ni drug cu par bcas dang / phye sogs byas pa bsres nas ni/ /'bras chan 'bras kyi phyi nang 'bru bdun dang / /zho dang 'bru mar 'o thug sogs pa bsre/ /khrag dang sha dang sran ma nya sha sogs/ /sbyar chang 'bru chang sna tshogs chan la sogs/ /btsos dang rjen dang rnying dang bcas pa rnams/ /ji bzhin bdud rtsi lnga dang bsres byas nas//de dag kun gyis snod rnams bkang nas su/ /bum pa chus bkang ba yi steng du gzhag /khur ba zan du mar me steng du bltam/ /mtshan mo'i dus su de dag la yang dbul/ /zhes 'byung bas/ drag po la ni dgra bo'i gzugs brnyan steng du gzhag go/ / gtor ma kha dog las kyis bsgyur ro/ /de nas gtor ma byin gyis brlab pa'i rim pa ni/ de dang por bdag nyid lha'i sku phyag rgya chen por gsal bar bsgoms nas/ thog ma nam mkha' lta bu la/ /yaM las rlung gi dkyil 'khor yaM gyis mtshan pa/ raM las me'i dkyil 'khor raM gyis mtshan pa/de'i steng du a las thod pa/ de'i nang du nyi ma'i steng du hUM b+h+rUM AM dzri'aM khaM dang go ku da ha na las/ lcags kyu lnga dang / bdud rtsi lngar bskyed do/ /de'i steng du hUM las rdo rje a las zla ba la phyed nub pa'o/ /de'i steng du oM gyis ye shes kyi bdud rtsi spyan drangs/ AH sa gzi brjid bskyed/hUM gyis ye shes kyi bdud rtsi dang / dam tshig gi bdud rtsi gnyis su med par bya'o/ /de ltar byin gyis brlabs nas mdun du gru gsum chos 'byung nang du pad+ma sum brtsegs bsam ste/ dang po pad+ma dkar po'i dbus su dgyes pa'i rdo rje dkar po las lha brgyad oM las bskyed pas bskor/bar du pad+ma sngon po'i dbus su dgyes pa'i rdo rje sngon po la hUM las bskyed pa'i phyogs skyong bcu sngon pos bskor/ 'og tu pad+ma dmar po'i dbus su dgyes pa'i rdo rje dmar po la a las bskyed pa'i klu chen po brgyad kyis bskor ro/ /mgron spyan drang ba'i phyir rdo rje pad+ma'i phyag rgya bcings te/oM e a ra li hoH/ hriM hriM hriM/ dzaH hUM baM hoH/ badza DA ka DA ki nI/ badzra dr-i sh+ya hoH/ badzra sa ma ya hoH/ badzra sa ma ya s+t+waM/ pheM gsum brjod pa dang bcas pa las/ snying ga'i sa bon 'od zer gyis bkug la/ oM AH hUM lha brgyad 'khor dang bcas pa dang /phyogs skyong brgyad dang klu chen brgyad/ /bka' bzhin 'khor du gtogs pa rnams/ /dam tshig dgongs te gnas 'dir gshegs/ /gzhan yang gru gsum khongs gtogs pa'i/ /zhing skyong tshogs la 'di lta ste/ /oM shing gcig dang na dur khrod dang //ri bo dang ni ri sul phug /grong dang bzhi mdo zhing dang ni/ /khyad par du ni khang stong dang / /gdol pa'i snod dang thang dang ni/ /khyad par du ni mtsho la gnas/ /ma mo yi ni gnas rnams nas/ /nag po drag po drag chen po/ /lha sbyin mnyam du bsten pa dang / / nag po gtsigs dang mi sdug dang / /bka' las 'das dang log 'dren rnams/ /rgan byed me dang drag mo dang / /brjed byed ma dang u ma dang / /rgyal dang rnam par rgyal ba dang / /mi thub gzhan gyis mi thub ma/ /nag mo bzang mo nag chen mo/ /nag sbom ma dang rnal 'byor ma//dbang mo dang ni zla ba mo/ /drag mo sdang mo 'chang ba mo/ /'phrog byed ma dang mar me mo/ /sum cu ma dang dbang mo dang / /'jigs byed grong gnas rnal 'byor ma/ /drag mo'i gzugs dang gzugs chen mo/ /mche ba gtsigs dang thod chen ma/ /thod phreng phreng chen kha T+wAM ma/ / sbrul chen ral gri dgra sta can/ /rdo rje de bzhin gzhu chen ma/ /de bzhin chen mo mkha' 'gro lnga/ /de bzhin rdo rje dbang phyug gtso/ /las kun rjes su sgrub byed ma/ /sbyor ba'i dkyil 'khor rgyal chen mo/ /de bzhin rdo rje dbang phyug gtso/ /de bzhin gshegs pa'i sku chen te/ / rdul med rnal 'byor 'byin ba mo/ /rdo rje dbang mo'i bka' 'di yis/ /thams cad ma lus 'dir 'dus shig /oM kak+ka D+ha na/ bab+ba n+tA na/ khakh+kha dA na sarba duSh+Ta naM ha na ha na/ g+hA ta ya/ g+hA ta ya/ he badzra maN+Dal sa ba ri wA re b+h+yo A kaR+Sha ya hUM dzaH/ zhes pas bkug la pad+ma'i gdan la bzhugs par bsams la/de nas mchod pas mchod de/ /oM ku ru ku ru a d+hi pa ti tiSh+Tha sa ma ya hUM dzaH/ gnyis su med par bya'o/ /de nas dam tshig gi lha la thim pa'i rjes su/ lce pad+ma'i steng du hUM las rdo rjer byin gyis brlab po/ /de nas pad+ma'i lag pa kha phye ste/ gtor ma la gtad nas gtor ma 'bul ba'i sngags brjod do/ /oM AH hUMH hoH badzra b+hai ra bA ya/ badzra b+hai ra bi ya/ dzo ga dzo gi ni/ sarba lo ki ka lo kot+ta ra/ sarba DA ka DA ki nI sh+tsa b+ho/ badzra gau rI/ badzra tsau rI/ badzra bi tA lI/ badzra g+hasma rI/ badzra puk+ka sI/ badzra sa ba rI/ badzra tsaN+DalI/ badzra DoM bi nI/a ti kaM /sa pa ri wA re b+h+yo/ i daM ba liM/ gan+d+ha/ puSh+pa/ d+hU pa/ dI pa/ ak+Sha taM/ da da ma hi te dza/ a ka s+t+ya/ sa pa ri wA re b+ho/ i daM ba liM/ gr-ih+nan tu dzaH hUM baM hoH/ saM tri p+ta/ sarba s+t+wA ni shAn+tiM ku ru/ puSh+Tim ku ru/ rak+Sha haM ku ru/ a ba na ku ru/ gub+ho ka ro du/ kurban+d+ra hUM hUM phaT swA hA/i daM ba liM kha kha khA hi khA hi/ b+h+yo b+h+yo b+h+yo b+h+yo/ dza dza dza dza/ badzra d+ha ro tA dz+nyA pa ya ti swA hA/ oM AH hUM hoH/ sarba de ba/ nA ga /yak+Sha/ rAk+Sha sa/ ma nu Sha/ a ma nu Sha/ a su ra/ gan+d+ha r+b+ha/ kuM b+hi ra/ g+hi d+ha ri/ ga ru Da/ b+hU ta/ pre ta/ pi ShA tsa/ a pasma ra/ u man+ta/ sarba lo ki ka lo kot+ta ra/ badzra DA ka DA ki ni sa pa ri wA re b+h+yo/ /i maM sarba pU dza gan+d+ha/ puSh+pa/ d+hU pa/ dI paM/ nai bi d+h+yaM/ ak+Sha taM da da ma hi te tsam/ a gat+t+yA sa pa ri wA re b+h+yoH/ i daM ba liM gr-ih+nan+du/ kha dan+du/ pi ban+tu/ dzaH hUM baM hoH/ sa ma ya rak+Shan+tu/ ma ma sid+d+hi m+me pre ya ts+tshan+tu/ ya the baM/ ya theSh+TaM b+huny+dza ho/ /mA ti kra ma tha/ ma ma sarba kar+t+ya sad su khaM/ bi shud+d+ha ye sa ha ka yi ka /b+ha ban+tu/ hUM hUM phaT/ badzra d+ha ro A dz+nyA pa ya ti/ oM in+da/ dza ma/ dza la/ jak+kha/ b+hU ta/ bah+ni/ ba u/ rak+kha/ tsan+d+ra/ sUdz+dza/ ma ta/ pa p+pa/ ta la/ pA tA la/ a Tha/ sa p+pa/ sA d+ha/ i daM ba liM b+huny+dza/ dzi g+haM/ puSh+pa/ d+hU pa/ dI paM/ mAM sa/ am+ba/ kA ts+tsha/ sA d+ha/ khan+ti/ khu Ni/ phe Ta/ gA da/ oM a kA ro mu khaM sar+b+ba d+harmA NAM Ad+ya nut+pan+na twA ta/ oM AH hUM phaT swA hA/ de nas tshigs su bcad pa 'dis yang bsngo ba ni/ oM lha chen brgyad po 'khor bcas dang / /'jig rten skyong ba 'khor bcas dang / /klu chen brgyad po 'khor bcas dang //gnod sbyin tshogs rnams ma lus dang / /srin po'i tshogs rnams ma lus dang / /'byung po'i tshogs rnams ma lus dang / /yi dags tshogs rnams ma lus dang / /sha za'i tshogs rnams ma lus dang / /smyo byed tshogs rnams ma lus dang //brjed byed tshogs rnams ma lus dang / /mkha' 'gro'i tshogs rnams ma lus dang / /de la sogs pa'i 'byung po'i tshogs/ /ma lus tshogs bcas ji snyed rnams/ /'dir gshegs bdag la dgongs su gsol/ /mchod sbyin gtor ma 'di snoms la//bdag ming 'di zhes bya ba la/ /nad med tshe dang dbang phyug dang / /dpal dang grags dang skal ba bzang / /longs spyod rgya chen kun thob cing / /zhi dang rgyas la sogs pa yi/ /las kyi dngos grub bdag la stsol/ /dam tshig can gyis bdag la srungs/ / dngos grub kun gyis bstod grogs mdzod/ /dus min 'chi dang nad rnams dang / /gdon dang bgegs rnams zhi bar mdzod/ /rmi lam ngan dang mtshan ma ngan/ /bya byed ngan pa zhi bar mdzod/ /'jig rten bde zhing lo legs dang / /'bru rnams rgyas shing 'phel bar mdzod/ /bde legs thams cad 'grub pa dang //yid la 'dod pa 'grub par shog /mkha' 'gro'i tshogs rnams ma lus kun/ /de la sogs pa'i gnod sbyin tshogs/ /drag cing gtum pa'i 'byung po'i tshogs/ /ma rungs sems can ming 'di long / /dag cing snying rje med pa yi/ /rnal 'byor ma dang ma mo dang //mkha' 'gro gnod sbyin sha za dang / /lto 'phye dang ni srin po dang / /gzhan yang sha za khrag 'thung ba'i/ /khyi dang khra dang kaM ka dang / /'ol ba bya rgod la sogs pa'i/ /gzugs can thams cad 'dir gshegs shig /bdag ming 'di zhes bya ba la/ /gnod par byed pa 'di zhes pa//chung ma nor dang srog dang ni/ /'dod pa rnams ni 'phrog par mdzod/ /rang gi yul nas 'byung ba dang / /dgar ba dang ni bskrad par bgyis/ /bdag gi dpung ni stobs med la/ /dgra ni stobs ldan kho na ste/ /'di nyid khyod kyis bza' ba'i phyir/ /sha dang khrag dang zhag dang rkang //bza' ba skom dang bcas pa mdzod/ /dgra lus gsol ba dgra mdangs phrogs/ /rang gi rnal 'byor ci rigs par/ /long la zab nyid du gyis/ /thams cad tshim par bzhes su gsol/ /gang gis bdag la mi tshugs shing / /dgra 'di thams cad choms par mdzod//bdag la las kyi dngos grub ni/ /rgya chen yongs su stsal nas kyang / /nyid kyi gnas dang yul du gshegs/ /ci nus 'byor pa'i mchod pa 'di bzhes la/ /bdag gi las 'di 'bras bu mchis par mdzod/ /pus mo lha nga sa la btsugs nas ni/ /thal mo sbyar nas khyod la gsol ba ni//btsun mo dang ni sras dang g.yog tu bcas/ /gsan cing 'dir gshegs bdag la bka' drin skyobs/ /bdag gi bsod nams stobs dang ni/ /de bzhin gshegs pa'i byin rlabs dang / /gsang sngags rig sngags mthu dag dang / /chos kyi dbyings kyi stobs kyi mthus//sems can rnams la phan gdags pas/ /don rnams yang dag bsams pa kun/ /sems can khams ni ma lus par/ /de dag thams cad ci rigs par/ /thogs pa med par 'byung gyur cig /sngags pa gang zhig dgra bgegs tshar gcad par 'dod pa des/gzugs gtor ma'i steng du bzhag la/ gnod sbyin ma la sogs pa mi sdug pa'i gzugs can/ pho nya grangs med pas zos 'thungs par bsam zhing / gtor ma bstabs shing 'di skad las bcol lo/ /oM ma lus zhing na bzhugs pa'i rgyal ba dang / dpal chen khrag 'thung khro rgyal 'jigs byed tshogs/ /ye shes mkha' 'gro mkha' 'gro ma yi tshogs/ /dam can rgya mtsho ma lus dgongs su gsol/ /thugs rje chen pos 'gro ba'i don mdzad cing / /gdul dka' drag po'i tshogs rnams 'dul ba'i phyir/ /sgyu ma lta bur cir yang ston mdzad pa//gtum chen rab rngam tshogs la phyag 'tshal lo/ /snyigs ma lnga ldan bstan pa 'jig dus 'dis/ /bdud dang mu stegs log par lta ba rnams/ /zhi ba'i las kyis 'dul bar mi 'gyur bas/ /tsham ngam drag po'i phrin las myur du mdzod/ / rgyal ba'i spyan sngar khas blangs shing / /bstan pa bsrung bar zhal bzhes pa/ /'jigs byed chen po'i bka' bzhin du/ /shin tu gdug pa 'dul mdzad pa'i/ /tshangs pa dbang phyug chen po dang / /lha yi dbang po 'dod pa'i lha/ /khyab 'jug tshogs kyi bdag po dang //b+h+r-iM gi ri ti gzhon nu dang / /dga' byed dbang phyug 'dod lha dang / /nyi ma zla ba gza' chen dang / /smin drug la sogs pa khyung gi mgo /mgyogs pa'i gshog pas gdengs ka byas/ /rdo rje sku yi dam tshig can/ /dkar po rtag pa'i dbu rgyan can/ /zhal gcig pa la phyag gnyis te//'khor lo dang ni dril bus brel/ /rig ma dang ni mnyam du sbyor/ /'jigs pa'i tshul gyis brkyang bskum gnas/ /phyag rgya drug gis lus la brgyan/ /dus mtha'i me chen klong dkyil na/ /hUM phaT pheM pheM 'jigs par sgrogs/ /steng gi lha tshogs bcas pa yi/ / nam mkha'i ro zhon khyod kyis ni/ /dam tshig phrin las dus la bab/ /hUM he ru ka yi bka' bzhin du/ /in+d+ra ru d+hi rak+ta dang / /ye shes dam tshig bdud rtsi dang / /sna tshogs gtor ma 'di long la/ /bdag cag rnal 'byor sgrub pa po/ /rdo rje slob dpon slob ma dang / /rdo rje spun dang ming sring la//gnod par byed pa'i dgra bgegs ni/ /sngags rgyud ye shes sun 'byin cing / /slob dpon smod cing spun la 'khu/ /byang chub sems spong dam tshig nyams/ /zhi ba'i las kyis mi 'dul bas/ /gdug cing sdang sems ldan pa rnams/ /rab tu drongs shig 'dir khug la/ / rdul dang thal ba bzhin du lhogs/ /mngon spyod phrin las dus la bab/ /sha dang khrag dang rus pa rol/ /rgyu ma glo snying nang grol drongs/ /sngon gyi dam las ma 'da' bar/ /bcol ba'i las rnams grub par mdzod/ /rgyal ba'i spyan sngar khas blangs shing / /bstan pa bsrung bar zhal bzhes pa//'jigs byed chen po'i bka' bzhin du/ /shin tu gdug pa 'dul mdzad pa'i/ /brgya byin gshin rje chu bdag dang / /gnod sbyin dbang bdag me yi lha/ /srin po rlung lha la sogs pa/ /srin po'i mgo can 'jigs pa'i gzugs/ /mgyogs pa'i gshog pas gdengs ka byas//rdo rje thugs kyi dam tshig can/ /nag po mi bskyod dbu rgyan ldan/ /zhal gcig phyag ni gnyis pa ste/ /rdo rje dang ni dril bus brel/ /rig ma dang ni mnyam du sbyor/ /'jigs pa'i tshul gyis brkyang bskum gnas/ /phyag cu drug gis lus la brgyan/ /dus mtha'i me chen klong dkyil na//hUM phaT pheM pheM 'jigs par sgrogs/ /bar gyi mi tshogs bcas pa yis/ /bar snang ro zhon khyod kyi ni/ /dam tshig phrin las dus la bab/ /hUM he ru ka yi bka' bzhin du/ /in+d+ra ru d+hi rak+ta dang / /ye shes dam tshig bdud rtsi dang / /sna tshogs gtor ma 'di long la/ /bdag cag rnal 'byor sgrub pa po//rdo rje slob dpon slob ma dang / /rdo rje spun dang ming sring la/ /gnod par byed pa'i dgra bgegs ni/ /sngags rgyud ye shes sun 'byin cing / /slob dpon slod cing spun la 'khu/ /byang chub sems spong dam tshig nyams/ /zhi ba'i las kyis mi 'dul bas/ /gdug cing sdang sems ldan pa rnams//rab tu drongs shig 'dir khug la/ /rdul dang thal ba bzhin du lhogs/ /mngon spyod phrin las dus la bab/ /sha dang khrag dang rus par rol/ /rgyu ma glo snying nang grol drongs/ /sngon gyi dam las ma 'da' bar/ /bcol ba'i las rnams grub par mdzod//rgyal ba'i spyan sngar khas blangs shing / /bstan pa bsrung bar zhal ba zhes pa/ /'jigs byed chen po'i bka' bzhin du/ /shin tu gdug pa 'dul mdzad pa/ /stobs rgyu dung skyong mtha' yas dang / /nor rgyas bu dang 'jog po dang / /rigs ldan pad+ma chen po dang //pad+ma la sogs chu srin mgo /mgyogs pa'i gshog pas gdengs ka byas/ /rdo rje gsung gi dam tshig can/ /dmar po gar dbang dbu rgyan ldan/ /zhal gcig pa la phyag gnyis te/ /pad+ma dang ni dril bus brel/ /rig ma dang ni mnyam du sbyor/ /'jigs pa'i tshul gyis brkyang bskum gnas//phyag rgya drug gis lus la brgyan/ /dus mtha'i me chen klong dkyil na/ /hUM phaT pheM pheM 'jigs par sgrogs/ /'og gi klu tshogs bcas pa yis/ /sa 'og ro zhon khyod kyi ni/ /dam tshig thugs dam dus la bab/ /hUM he ru ka yi bka' bzhin du/ / in+d+ra ru d+hi rak+ta dang / /ye shes dam tshig bdud rtsi dang / /sna tshogs gtor ma 'di long la/ /bdag cag rnal 'byor sgrub pa po/ /rdo rje slob dpon slob mar bcas/ /rdo rje spun dang ming sring la/ /gnod par byed pa'i dgra bgegs ni/ /sngags rgyud ye shes sun 'byin cing //slob dpon smod cing spun la 'khu/ /byang chub sems spong dam tshig nyams/ /zhi ba'i las kyis mi 'dul bas/ /gdug cing sdang sems ldan pa rnams/ /rab tu drongs shig 'dir khug la/ /rdul dang thal ba bzhin du lhogs/ /mngon spyod phrin las dus la bab//sha dang khrag dang rus par rol/ /rgyu ma glo snying nang grol drongs/ /sngon gyi dam las ma 'da' bar/ /bcol ba'i las rnams grub par mdzod/ /rgyal ba'i spyan sngar khas blangs shing / /bstan pa bsrung bar zhal bzhes pa/ /'jigs byed chen po'i bka' bzhin du//shin tu gdug pa 'dul mdzad pa/ /phyi rol dur khrod 'jigs pa na/ /dpa' bo dpa' mo rnal 'byor tshogs/ /zhing skyong drag po ro langs dang / /ma mo mkha' 'gro la sogs pa tshogs/ /sha za brjed byed srul po dang / /nam gru log 'dren la sogs pa/ /gnod sbyin sa bdag gdug pa'i 'dre//la la srin po'i zhal can la/ /mi yi lus can 'jigs pa'i gzugs/ /la la stag gi mgo can la/ /mi yi lus can rngam pa'i gzugs/ /la la seng ge'i mgo can la/ /srin po'i gzugs can shin tu khro/ /la la mkha' lding mgo can la/ /klu yi lus can 'jigs pa'i gzugs//de bzhin bya yi mgo can dang / /gcan gzan lus can sna tshogs rnams/ /la la khro zhing la la rngam/ /la la zhi zhing la la gtum/ /la la 'gying zhing la la lding / /la la sha za khrag 'thung brtson/ /la la khro gtum 'jigs pa'i gzugs/ / la la rab brtson khro gnyer can/ /la la bzhad gad ha ha sgrog /la la 'brug skad bzhin du ldir/ /la la rngam skad pheM pheM sgrogs/ /la la mkha' stong gar gyis 'gengs/ /la la rtsub cing la la gnag /la la dkar zhing rnam par gsal/ /la la dmar zhing chags pa'i mdog /la la sngo zhing sdang ba'i tshul/ /la la ser po dbyibs mdog rgyas/ /la la khro gnyer smin bu rtsub/ /la la smin bu gyen du 'khyil/ /skra 'khyil nam mkha'i dbyings su khyab/ /zhal gdangs mche gtsigs khrag 'thung ba'i/ /ljags dril mche ba dmar po gtsigs/ /spyan gsum sdang mig khro gnyer can//rus pa'i bstar phreng sbrul gyis brgyan/ /khrag zhag tshil gyi tshom bus brgyan/ /glang chen ko rlon rnam par bshal/ /stag gi pags pas sham thabs byas/ /na bza' mi yi lpags rlon gsol/ /la la rdo rje gtun shing dang / /ral gri chu gri la sogs pa'i//lag na mtshon cha sna tshogs 'dzin/ /la la gar gyi phyag rgyas sbyor/ /phyi yi dkyil 'khor chen po 'dir/ /phyi rol 'byung po'i tshogs bcas rnams/ /sa steng sa ro zhon thams cad kyi/ /dam tshig phrin las dus la bab/ /hUM he ru ka yi bka' bzhin du/ /in+d+ra ru d+hi rak+ta dang / /ye shes dam tshig bdud rtsi dang //sna tshogs gtor ma 'di long la/ /bdag cag rnal 'byor sgrub pa po/ /rdo rje slob dpon slob ma dang / /rdo rje spun dang ming sring la/ /gnod par byed pa'i dgra bgegs ni/ /sngags rgyud ye shes sun 'byin cing / /slob dpon smod cing spun la 'khu/ / byang chub sems spong dam tshig nyams/ /zhi ba'i las kyis mi 'dul bas/ /gdug pa'i sdang sems ldan pa rnams/ /rab tu drongs shig 'dir khug la/ /rdul dang thal ba bzhin du lhogs/ /mngon spyod phrin las dus la bab/ /sha dang khrag dang rus la rol/ /rgyu ma glo snying nang grol drongs//sngon gyi dam las ma 'da' bar/ /bcol ba'i las rnams grub par mdzod/ /de nas gsad pa'i las bzhi bya/ de nas rdo rje'i glu brjod/ de nas chos bshad de/ oM chos rnams gzugs brnyan lta bu ste/ /dag cing gsal la rnyog pa med/ /rgyu dang las las kun du 'byung //de bzhin nyid las nges par skyes/ /bden pa 'dis ni dkyil 'khor du/ /kun gyis dri ma med mthong shog /sems can thams cad bde gyur cig /gang gi lam nas 'gro ba der/ /sangs rgyas nyid dang phrad par shog /de nas smon lam gdab pa ni/ /oM shI la tsaN+Dan le pe taM a gang+d+ya naM pra b+ha ra Na/po taM ka ku mu mi kI ra NaM bi ha ra taM/ bud+d+ha bi sha ya/ pu na rA ga ma na ya muH/ oM badzra sa twa sa ma ya/ ma nu pA la ya/ badzra sa twa twe no pa tiSh+Tha/ dr-i D+ho me b+ha ba/ su to Sh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+hi m+me pra yats+tsha/ sarba ka rma su ts+tsha me/tsi t+taM shre yaH/ ku ru hUM/ ha ha ha ha hoH b+ha ga bAn/ sarba ta thA ga ta badzra mA me muny+tsa/ badzrI b+ha ba ma hA sa ma ya sa twa AH/ de nas bkra shis brjod/ oM khyed kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang //slar yang 'byon par mdzad du gsol/ /zhes pas rang bzhin gyi mgron gshegs su gsol lo/ /dam tshig gi mgron yi ge gsum du byas nas bdag gi snying ga'i sa bon la bsdu'o/ /rnal 'byor pa yi ser sna dang / /dbul ba'i dri ma sbyang ba dang / /dngos grub myur du thob pa dang //'gro rnams bkod par 'phel phyir byas/ /dge bas 'gro kun byang chub mchog /rin chen gling du myur 'gro shog /dpal dgyes pa'i rdo rje'i gtor ma'i cho ga'i rim pa/ slob dpon chen po a la la badzras mdzad pa rdzogs so// //paN+Di ta kas+tha pa ga thA ga ya d+ha ra dang /

CLOSE WINDOW