CLOSE WINDOW

D1297
བོད་ཡིག

ye shes kyi mkha' 'gro ma ni gu mas mdzad pa rdzogs so/ /rdo rje ye shes mkha' 'gro ma de nyid dang / lo tsA ba rlan dar ma blo gros kyis bsgyur ba'o// @#/ /rgya gar skad du/ he badzra Sho Das b+hu dza sA d+ha ni/ bod skad du/ kye'i rdo rje phyag bcu drug pa'i sgrub pa'i thabs/'jam dpal gzhon nur gyur pa la phyag 'tshal lo/ /rdo rje mkha' 'gro la phyag 'tshal lo/ /gang zhig goms pa'i ro myong ba/ /tsam kyis dngos por 'dzin pa 'di/ /ring du spong zhing yon tan rnams/ /'od gyur he ru ka de 'dud/ /tho rangs mal nas langs la/snying gar raM las byung ba'i nyi ma'i dkyil 'khor bltas la/ de'i 'od kyis bdag nyid dri ma med par byas nas/ oM rak+Sha rak+Sha hUM hUM hUM phaT swA hA/ zhes lan gsum brjod nas/ gnas dang / bdag nyid dang / rnal 'byor srung ba byas la/ bsam gtan gyi khang par zhugs nas/ stan bde ba la 'dug ste/ oM badzra re khe hri zhes bya bas maN+Dal byas la/ oM badzra mi di nI badzI b+ha ba badzra ban+d+ha hUM zhes bya bas byin gyis brlabs pa'i dkyil du/ oM AHhUM/ zhes bya ba brjod nas me tog gzhag par bya'o/ /shar du ni gi go rI na maHzhes bya bas so/ /lhor ni rtsaM tso rI na maHzhes bya bas so//nub tu ni baM be tA lI na maHzhes bya bas so/ /byang du ni hUM g+hasma rI na maHzhes bya bas so/ /dbang ldan du ni paM puk+ka sI na maHzhes bya bas so/ /me'i mtshams su shaM sha ba rI na maHzhes pas so//bden bral du ni rtsaM tsaN+Da lI na maHzhes bya bas so/ /rlung mtshams su ni Di Dom+bi Ni na maHzhes bya bas so//oM de ba pi tsu badzra hUM hUM hUM phaT swA hA/ zhes bya bas bcom ldan 'das yang dag par mchod la/ bdag med ma la yang / oM a A/ i I/ u U/ r-i r-I/ l-i l-I/ e ai/ o au aM swA hA/ zhes bya ba'i sngags kyis mchod do/ /yang bcom ldan 'das la/oM aSh+Tan nA ya na maH/ oM ping+ga udz+nya ke sha brta sa ne namaH/ oM tsa tur biM sha ti ne tA ya na maH/ oM She Da sha b+hu dzA ya na maH/ oM kr-i Sh+Na dzi mU ta wa pu She na maH/ oM ka pA la mA lA a ne ka d+ha ri Ni na maH/ oM Ad+d+hA ta krU ra cit+tA ya na maH/ ar+b+han du daMSh+Ti Ne na maH/ zhes bya ba'i tshig brgyad kyis mchod par bya ste/oM badzra pu Sh+be AHhUM/ oM badzra d+hU pe AHhUM/ oM badzra g+han+na AHhUM/ oM badzra ne bi d+ye AHhUM/zhes bya bas byin gyis brlabs pa'i me tog la sogs pa phul la/ lan gsum gyi bar du skyabs gsum gyi tshigs su bcad pa brjod do/ /yang mchod pa byas nas phyag btsal la/gtor ma byin nas badzra muHzhes bya bas gshegs su gsol bar bya'o/ /de'i rjes la sems can thams cad lha'i bde ba la dgod par 'dod pa'i byams pa dang / sdug bsngal thams cad bsal bar 'dod pa'i snying rje dang / lha'i bde ba rgyun mi 'chad par nges par 'dod pa'i dga' ba dang /bla na med pa'i lam nye bar dgod par 'dod pa'i btang snyoms bsgom par bya'o/ /yang yid kyis chos thams cad la dmigs nas dpyad na stong pa 'od gsal ba'i ngo bor bltas la/ oM shu n+ya tA dz+nyA na badzra swa b+hA ba a konahaM/ zhes bya ba 'dis byin gyis brlab par bya'o//de ma thag tu raM las byung ba'i nyi ma la aM dang hUM bltas la/ de'i 'od kyis dpag tu med cing mtha' yas pa'i 'jig rten gyi khams na gnas pa'i sems can rnams yang dag par rdzogs pa'i byang chub tu bkod nas/ yi ge gnyis po de nyid du yang dag par bsdus nas zhugs par bsams pas/yud tsam gyis yongs su rdzogs par bcom ldan 'das ma dang bcas pa'i bcom ldan 'das phyag bcu drug pa/ zhal brgyad pa/ phyag rgya lnga 'dzin pa/ zhabs bzhis gshegs pa/ bdud bzhi'i snying gar byas krung phyed pa'i gar gyis mnan pa/mgo bo'i phreng ba 'phyang ba/ 'jig pa'i dus kyi sprin sngon po'i mdog gi lus can khro ba dang bcas pa/ dbu skra dmar ser gyen du 'bar ba/ spyan nyi shu rtsa bzhi mnga' ba/ phyag bcu drug na bsnams pa'i thod pa/ g.yas kyi rnams na glang po che dang / rta dang / bong bu dang / glang dang / rnga mo dang / mi dang / sha ra ba dang / byi la rnams gnas pa'o/ /g.yon pa'i brgyad na/ sa dang / chu dang / rlung dang / me dang /zla ba dang / nyi ma dang / gshin rje dang / nor sbyin rnams 'dzin pa'o/ /spyi bor sna tshogs rdo rje 'dzin pa/ 'khor ba'i sdug bsngal 'phrog pa/ gri gug dang thod pa bsnams pa'i bdag med mas 'khyud pa'i bdag nyid can bsgom par bya'o/ /de'i rjes snying gar nyi ma la hUM bltas la/ bdag med ma'i snying gar yang zla ba la yi ge e blta zhing spyi bor ni yi ge oM mo/ /mgrin par ni byeda'o/ /snying gar yi ge hUM bkod la/ mig la gti mug rdo rje ma/rna ba la zhe sdang rdo rje ma/ sna la ser sna rdo rje ma/ kha la 'dod chags rdo rje ma/ lus la phrag dog rdo rje ma/ yid la bdag med ma bkod la/ snying ga'i 'od kyis sangs rgyas rnams spyan drangs nas/ oM a b+hi Shiny+tsa tu rmA sarba ta thA ga ta zhes bya bas dbang bskur bar gsol ba gdab par bya'o//de nas sangs rgyas rnams kyis dbang bskur bas/ me tog dang / gur gum gye char yang dbab par bsam/ lha mo rnams kyis kyang bdag nyid la bstod pa bsgom par bya'o/ /bsgoms pas dub par gyur na yang sngags bzlas par bya ste/ oM de wa pi tsu badzra hUM hUM hUM phaT swA hA/zhes bya'o/ /langs pa'i dus su lha mo rang gi snying ga'i sa bon gyi nang du bsgoms la/ lha'i gzugs kyis gnas par bya'o/ /bsgom pa'i dang por yang gtor ma sbyin par bya'o/ /de'i rim pa ni 'di yin te/ yi las rlung gi dkyil 'khor bsams la/ de'i steng du raM las me'i dkyil 'khor ro/ /de'i steng du a las thod pa'o/ /de'i steng du go ku da ha na/ ma ra mu su bi/zhes bya ba'i rdzas rnams oM gyes byin gyis brlabs la bsgoms nas/ steng du yi ge hUM yongs su gyur pa las rdo rje dkar po ste/ rdo rje dang pad+ma snyoms par zhugs pa las me 'bar bas tshos shing khu bar gyur pa de'i 'od kyis/de bzhin gshegs pa thams cad kyi gzugs mthong ba las/ de dag gi thugs kyi sa bon gyi bdud rtsi bsdus nas/ der chud par byas nas/ oM A hUM zhes pa'i sngags kyis byin gyis brlab par bya'o/ / 'di lta bu ni gtor ma la sogs pa'i rdzas dag par bya ba'i cho ga'o/ /nam mkha' las chos 'byung gi nang du pad+ma 'dab ma brgyad pa'i lte ba la/ bcom ldan 'das kyi dkyil 'khor gyi 'khor lo'am/dpa' bo gcig pu'am/ phyogs kyi 'dab ma la dbang po la sogs pa rang rang gi rig mas mgul nas 'khyud pa/zhabs g.yon brkyang bas gnas pa/ kha dog nag po mi bskyod pa'i cod pan can/ rdo rje dang dril bu bsnams pa bltas la/ de'i steng du tshangs pa de bzhin du kha dog dkar po/ rnam par snang mdzad cod pan du 'dzin par blta bar bya'o/ /'og tu sa 'og na gnas pa'i klu la sogs pa rnams la/kha dog dmar po snang ba mtha' yas kyi cod pan byas la blta bar bya'o/ /thams cad kyi lce pad+ma'i 'dab ma la hUM las rdo rje dkar por bsgoms la/ snying ga'i sa bon las byung ba'i go rI la sogs pa'i lha mo rnams kyis yongs su dag pa'i bdud rtsis dgang bar bya'o//de'i sngags ni 'di yin te/ in+da dza ma dza la dzak+Sha b+hU ta bah+ni ba yu rak+Sha tsan+da srudz+dza mA da pa p+pa tA le/ a Tha sab+ba swA hA/ aM de ba liM b+huM dza dzi g+ha phul+la d+hU pa mAM sa piM g+ha a mAs p+pa kA dzAs sA d+ha khA n+ti khu Ne phe Da gA da/ oM a kA ro mu khaM sarba d+har+m+mA NAM Ar+ya nut+pan+da tAta oM aHhUM phaT swA hA/zhes lan gsum brjod nas/ bsang gtor sbyin par bya ste/ oM hrIbi shud+h+hAHd+harmA s+sa rbapA paM bi sho d+ha ya sarba bi kalpa na ya hUM/ zhes bya ba'i sngags 'dis so/ /yid kyis mchod pa byas la/ oM badzra muHzhes bya ba 'dis gshegs su gsol lo/ / zas kyi dus su yang de bzhin du zas kyi rdzas rnams sbyar nas/ bdag nyid kyi lce la hUM las rdo rje dkar por byas la/ snying gar bcom ldan 'das bltas la de nyid du de bzhin gshegs pa thams cad bsdus nas/ ye shes sems dpa'i thugs ka'i sa bon las byung ba'i mes/ kha zas kyi rdzas rnams sbyangs shing sbyin sreg byed do//chags pa'i dus su yang shes rab ma bdag med ma'i gzugs su mos pa byas nas/ de'i mgo bo la oM/ snying gar hUM/ pad+ma'i lte ba la AM bsams nas/ oM pad+ma su kha d+ha ra ma hA rA ga su khaM dat+ta tsa tur A nan+da b+ha ga bi shwa hUM hUM hUM kar+yaM ku ru Sh+wa me zhes bya ba 'dis pad+ma byin gyis brlabs la/bdag nyid la yi ge gsum bkod la/ hUM las rdo rje bsgoms nas/ oM las de'i nor bu'o/ /oM badzra ma hA dI Sha tsa tur A nan+da da ya ka kha ga mu khe e ka rA so nA tha hUM hUM hUM ka tra~M` ku ru Sh+Ta me/ zhes bya ba 'dis rdo rje byin gyis brlabs nas/ siM siMsiM/ha ha ha zhes bya bas chags pa brtsam par bya'o/ /bla ma'i man ngag gis skad cig ma mtshon par byas nas/ rdzogs pa dang bdud rtsi len gyis blangs la bdag nyid tshim par bya'o/ /nyal ba'i dus su lhan cig skyes pa'i rang bzhin du sna tshogs 'dis mos par byas la gnyid log par bya'o//byis pa rnams kyis rtogs bya'i phyir/ /ston pa mgon po zhal brgyad pa'i/ /bdag gis sgrub thabs byas pa des/ /'gro kun rdo rje 'dzin gyur cig /dpal dgyes pa rdo rje phyag bcu drug pa'i sgrub thabs/ paN+Di ta A tsar+ya kr-iSh+Ta'i zhal snga nas mdzad pa rdzogs so// //

CLOSE WINDOW