CLOSE WINDOW

D1292
བོད་ཡིག

bcom ldan 'das kye'i rdo rje'i sgrub pa'i thabs/ mngon par rtogs pa'i rim pa don rab tu gsal ba zhes bya ba rdzogs so// @##/ /rgya gar skad du/ shrI he badzra sA d+ha na/ bod skad du/ dpal dgyes pa rdo rje'i sgrub thabs/ rdo rje sems dpa' la phyag 'tshal lo//kun nas dang bas rje btsun gyi/ /zhabs kyi pad+mar gus btud de/ /blo dman rnams la phan pa'i phyir/ /dgyes pa rdo rje sgrub thabs bri/ /'dir rten gyi khyad par thun mong dang / thun mong ma yin pa'i sdom pa dang ldan pas/ gnas dur khrod la sogs par/nam gyi brgyad cha la langs te/ khrus dang / chu sbyin byas nas maN+Dal phul nas de nas mchod pa dang gtor ma la sogs pa bshams la/ stan nang tshangs can la rdo rje skyil mo krung gis 'dug ste/ he badzra zhes brjod pas skad cig gis rang nyid he ru ka zhal gcig phyag gnyis par bsgoms pa'i rjes la/rang gi snying gar re pha bsgom/ /de las byung ba'i nyi dkyil 'khor/ /der ni hUM gi rnam pa nyid/ /thabs dang shes rab rang bzhin can/ /de las 'od zer 'phros pa yis/ /nam mkhar rje btsun bltas nas ni/ /rdo rje skye ba snying rje che/ /rgyan rnams thams cad 'dzin pa yi//lha mo brgyad po rnams kyis mchod/ /dkar mo ri dgas mtshan ma 'dzin/ /chom rkun bdud las rgyal ba'i snod/ /ro langs ma ni chu lag ma/ /g+hasma rI ni sman 'dzin cing / /puk+ka sI ni rdo rje'i lag /de bzhin ri khrod ma ro 'dzin/ /gdol pa mo ni cang te'u brdung / /'di rnams kyis ni gtso bo mchod//'dod chags chen po rjes chags nas/ /g.yung mo sku la 'khyud pa nyid/ /de lta bu'i tshogs rten blos mngon sum lta bur dmigs la/ phyag btsal ba dang / phyi nang gsang ba dang de kho na'i mchod pa dang / sdig pa bshags pa dang / bsod nams la rjes su yi rang ba dang /skyabs su 'gro ba dang / lam ston pa dang / kun rdzob dang don dam gyi bdag nyid kyi sems bskyed pa dang / dge ba'i rtsa ba bsngos la/ tshogs rten rnams la blos btang ba'am/ gshegs su gsol bar bya'o/ /de nas dang po byams pa bsgom par bya/ /gnyis par snying rje rnam bsgom zhing //gsum par dga' ba bsgom pa dang / /kun gyi mthar ni btang snyoms so/ /yang ni stong pa'i byang chub ste/ /de yang spro bsdu sngon du 'gro bas/ oM shU n+ya tA dz+nyA na badzra swa b+hA ba At+ma kou0f85haM/ zhes brjod la/ chos thams cad sgyu ma tsam du bsgom mo/ /re phas nyi ma sngon du rnam b sgoms nas//nyi der hUM byung sna tshogs rdo rje ste/ /rdo rje de nyid kyi ni ra ba dang / /gur bcings pa yang rnam par bsgom pa nyid/ /de yi nang du b+h+rUM las byung ba yis/ /phyir log 'khor lo lta bu yi/ /'khor lo rtsibs bcu rgya che zhing / /khong stong mi g.yo 'khor bar bsgom/ /nam mkha'i khams su b+ha ga bsam//dbus su rnam par bsgom pa ni/ /'khor lo'i sngon du ci rigs par/ /lha rnams ji ltar 'byung ba nyid/ /'khor los dang chu ni sngon/ /ji ltar rigs par byin za dang / /lha rnams kyi ni rlung chen dang / /de steng b+h+rUM las 'khor lo dang / /thig ler gyur pas gzhal yas khang / /gru bzhi pa la sgo bzhi pa//pad+ma 'dab brgyad 'phar ma gcig /ka ba brgyad kyis nye bar brgyan/ /dra ba dra phyed pa dang / /dur khrod brgyad dang yang dag ldan/ /phyi nang rdo rje'i thig gis spras/ /lte bar ro ni rnam bsgom pa/ /chos kyi dbyings kyi rang bzhin brjod/ /'dab ma brgyad la bsam pa ni/ /tshangs pa dbang po nye dbang drag /gshin rje dang ni nor bdag dang / /bden bral dang ni thags bzangs ris/ /gau rI la sogs rnams kyi gdan/ /nyi mar bcas pa'i ro dgu bsam/ /A li zla ba kA li nyi/ /dgung gnyis rnal 'byor ma yis bsgom/ /dbus kyi nyi zla kha sbyar bar/ /nA da lhung bas hUM du gyur/ / hUM las gaM sogs spro bar bya/ /gaM tsaM baM g+haM paM shaM laM DaM gau rI la sogs pa'o/ /de las spros shing bsdus pa las/ /dbus kyi gtso bo'i phyag mtshan ni/ /hUM las byung ba'i rdo rje ste/ /kha dog nag po 'jigs chen po/ /rdo rje lte ba'i dbus gnas par/ /yang ni hUM gis de nyid bsgom/ /'khor rnams gri gug rde chung dang /rus sbal sbrul ni phyogs su'o/ /seng ge dang ni dge slong dang / /'khor lo rdo rje mtshams su'o/ /rang rang sa bon dag gis mtshan/ /yang ni spro bsdus sa bon bsdu/ /de las lnga pa gzugs brnyan rdzogs/ /hUM gi rnam par gyur bltas nas/ /zhe sdang bdag nyid rnam par bsgom//rdo rje skye ba nag po che/ /'dam skyes sngon mo 'dra ba'i mdog /yang na sngon dang nyi ma'i mdog /dad pas nges par rnam par bsgom/ /sngo dang nyi ma mtshungs pa'i mdog /pan+du dmar po'i spyan dang ldan/ /skra ser gyen du 'khyil ba dang / /phyag rgya lngas ni rnam par brgyan/ /'khor lo rna cha gdu bu dang //lag gdub dang ni ska rags nyid/ /sangs rgyas lnga ni rnam dag pa/ /'di rnams phyag rgyar rab tu grags/ /sdang mig brgyad gnyis lon pa'i tshul/ /g.yon na rdo rje thod pa dang / /g.yon pa nas kyang kha T+wAM ga /g.yas na rdo rje nag po nyid/ /hUM gi yi ge 'don pa'i bdag /rnal 'byor ma brgyad yongs bskor nas/ /dur khrod du ni mgon po rol/ /dbang dkar gshin rje chom rkun ma/ /chu bdag phyogs su rol pa mo/ /lus ngan por ni g+hasma rI/ /dbang ldan du ni puk+ka sI/ /mer ni de bzhin ri khrod ma/ /bden bral gdol pa mo gzhag cing / / rlung du g.yung mo rnam par bzhag /dkar mo g.yas na gri gug ste/ /de bzhin g.yon na ro hi ta/ /chom rkun ma g.yas cang te'u/ /g.yon pa'i phyag na phyag pa nyid/ /ro langs ma g.yas rus sbal te/ /g.yon pa yis ni pad+ma'i snod/ /g+hasma rI ni g.yas na sbrul/ /g.yon par rnal 'byor lhung bzed nyid//puk+ka sI g.yas seng ge ste/ /g.yon pas dgra sta de bzhin no/ /ri khrod ma g.yas dge slong ste/ /g.yon na gsil byed de bzhin no/ /gdol pa mo g.yas 'khor lo ste/ /g.yon pas thod pa de bzhin no/ /g.yung mo g.yas na rdo rje ste/ /g.yon na sdigs mdzub de bzhin no//skyil krung phyed pa'i gar gyis gnas/ /dkar mo la sogs phyag gnyis brjod/ /spyan gsum skra ni gyen du ste/ /phyag rgya lnga yis rnam par brgyan/ /gau rI kha dog nag por gyur/ /chom rkun ma ni btsod dang mtshungs/ /ro langs ma ni gser btsos bzhin/ /g+hasma rI ni ma rka ta mtshungs//puk+ka sI ni dbang sngon mtshungs/ /ri khrod ma ni zla nor 'od/ /gtum mo nam mkha'i sngo bsangs ma/ /g.yung mo sna tshogs pa zhes brjod/ /de nas zhi ba'i yig 'bru dgod/ /mig la gti mug rdo rje ma/ /rna bar zhe sdang rdo rje ma/ /sna la ser sna ma zhes bshad/ /kha la 'dod chags rdo rje ma//lus la phrag dog rdo rje ma/ /yid la bdag med rnal 'byor ma/ /dbang po rnams ni dag pa'i phyir/ /'dis ni cho ga sems dpa' che/ /de nas gnas gsum byin gyis brlab/ /spyi bor sa spyod mgrin par mkha'/ /snying gar bdag med rnal 'byor ma'o/ /spro bsdu sems dpa' sum brtsegs bsdu//ye shes 'khor lo spyan drangs te/ /mchod bstod dgug gzhug dbang du bya/ /rigs lnga la sogs spyan drangs te/ /mchod cing gsol gdab dbang bskur bas/ /zhe sdang phyag rgya gtso bo la/ /zhe sdang phyag rgya puk+ka sI/ /gti mug phyag rgyas ri khrod ma/ / ser sna'i phyag rgyas gdol pa mo/ /'dod chags phyag rgyas g.yung mo nyid/ /yang ni dkar mo zhe sdang rgyas/ /gti mug phyag rgyas chom rkun ma/ /ser sna'i phyag rgyas ro langs ma/ /'dod chags phyag rgyas g+hasma rI/ /kha T+wAM ga dang rjes chags bya'o/ /bdag byin brlab sogs rdzogs rim bsgom/ / de nas rnal 'byor ma brgyad po/ /thugs ka'i hUM la bsdu byas la/ /de yi nang gi rgyas gdab bsgom/ /de rjes dag pa rjes dran bya/ /bzlas thabs bzhi yi rim pa yis/ /ngag gi sgrib sbyong gsang sngags bzlas/ /oM trai lo kya Ak+She pa hUM hUM hUM phaT swA hA/ zhes bya ba'i sngags kyi bzlas pa bya'o/ / gtor ma de nyid bzhi ldan btang / /smon lam btab la spyod lam bya'o/ /rgyun du thun bzhi'i rnal 'byor bsgom/ /cho ga'i rim pa de nyid kyis/ /phyag bzhi ni bdud bzhi las rnam par rgyal ba'i rnam par dag pa ste/ gong du brjod pa'i gzugs dang sku mdog dang hUM las byung ba'o/ /phyag g.yon gyi dang po na skyes pa'i thod pa lha dang lha ma yin gyi khrag gis bkang ba/de bzhin du g.yas kyi phyag na rdo rje dang / phyag lhag ma gnyis kyis shes rab ma la 'khyud pa/ shes rab ma rdo rje phag mo ni bcom ldan 'das kyi gzugs can no/ /de'i sngags ni oM dz+wa la dz+wa la b+h+yo hUM hUM hUM phaT swA hA/ phyag drug pa zhal gsum pa/ g.yon dmar ba/ g.yas pa zla ba dang nyi ma lta bu/ dang po sngon po/ /gcer bu gong du gsungs pa'i sku mdog dang gzugs can no/ /phyag rnams ni pha rol tu phyin pa rnam par dag pa'o/ /phyag g.yon gyi dang po na rtse gsum pa/ g.yas kyi dang po ni rdo rje/g.yon gyi gnyis pa na dril bu/ phyag g.yas kyi gnyis pa na gri gug /phyag lhag ma gnyis kyis yum lu gu rgyud ma dang snyoms par 'jug pa'i tshul gyis 'khyud pa'o/ /de yang bcom ldan 'das ji lta ba bzhin du shes rab ma ste/ g.yas pa dang g.yon pa na gri gug dang thod pa bsnams pa/khams gsum gyi bdag nyid can gyi ro mnan pa'o/ /de'i sngags ni/ oM ki Ti ki Ti badzra hUM hUM hUM phaT swA hA/ dpal ldan 'bum lnga la brten rdo rje sems dpa' yi/ /bla ma'i gsung gis gsal bar byas nas rnam spras pa'i/ /de dges 'gro ba 'di kun srid mtsho brgal gyur nas/

CLOSE WINDOW