CLOSE WINDOW

D1283
བོད་ཡིག

slob dpon mkhas pa chen po ye shes snying po'i zhal snga nas mdzad pa/ ro sreg pa'i dbang du bya ba rdzogs so// @#/ /rgya gar skad du/ e ka bI ra s+thA te ru ka kho Da sha byu dza sA d+ha rmA nA ma/ bod skad du/ dpa' bo gcig pa dpal he ru ka phyag bcu drug pa'i sgrub pa'i thabs zhes bya ba/dpal rdo rje sems dpa' la phyag 'tshal lo/ /dang por rang nyid thun mong dang khyad par gyi mtshan nyid dang ldan pas bgegs dang 'tshe ba la sogs pa med par rjes su mthun pa'i gnas su zhugs te/ bya ba'i rim pa ni maN+Dal dang ras ris la sogs pa dgod pa dang /mchod pa nye bar bshams te/ khrus sngon du song bas lhar mos shing / stan bde ba la 'dug nas/ oM badzra puSh+pe oM AH hUM zhes pa la sogs pas mchod pa lnga byin gyis brlabs pa dang / mchod pa gzhan dag kyang oM AH hUM zhes so/ /de nas rang gi snying gar raM yongs su gyur pa'i nyi ma la hUM bsam ste/de'i 'od zer bdag gnas pa'i khang pa la phog pas rdo rjes gtams par mos shing / oM he badzra a d+hi tiSh+Tha sta ta na rak+Sha hUM hUM hUM phaT swA hA/ zhes pas gnas bsrung ba dang / de bzhin du bdag dang srog dang rnal 'byor bsrung ba la yang sbyar te/oM At+ma dzi ba yo ga zhes pa dag gis so/ /de nas snying ga'i sa bon las 'od zer 'phros pas/ bsod nams tshogs kyi dkyil 'khor spyan drangs te/ mngon sum lta bur gsal bar dmigs te/ chu dang thang las skyes pa yi/ /lha rdzas bzang po'i me tog 'di/ / gus pa mchog gis bdag 'bul na/ /ci bde bar ni bzhes su gsol/ /oM badzra puSh+pe dza me g+ha sa mu dra s+pha ra Na sa ma ye hUM/ de la sogs pa thun mong gi mchod pa byas la/ yang rang gi snying ga'i sa bon las lha mo brgyad phyung ste mchod de/ de yang gau rI ma ni ri bong 'dzin/ tsau rI ma ni nyi ma'o//ro langs ma ni 'bab chu 'dzin/ /g+hasma rI ni stobs 'dzin ba'o/ /sbos mo tsan+dan sdong bu 'dzin/ /ri khrod ma ni sbrang rtsi'o/ /gtum mo cang te'u sgra brdung zhing / /g.yung mo mgul pa la sbyor ba'o/ /skyes bu bzhin du byed par bshad/ /de nas bshags pa bya ste/ bdag gis sdig pa bgyis pa dang / /rjes su yi rang bgyis pa dang / /rdzogs sangs rgyas kyi spyan sngar ni/ /thams cad ma lus so sor bshags/ /de nas rjes su yi rang ba byas te/ /sangs rgyas byang chub sems rnams dang / /'phags pa nyan thos rang rgyal dang / / so so skye bo'i bsod nams de/ /kun la rjes su yi rang ngo / /de nas bsngo ba bya ste/ /bdag gi dge ba 'di dag kun/ /bla med byang chub yang dag rdzogs/ /sems can kun dang thun mong du/ /yongs su smin cing rdzogs par bgyi/ /de nas skyabs su gsol te/ /rdzogs pa'i sangs rgyas rkang gnyis mchog /de yis gsungs pa'i dam chos dang / /byang chub sems dpa'i dge 'dun la/ /byang chub bar du skyabs su mchi/ /de nas smon pa byang chub mchog tu sems bskyed de/ bdag gis bla med byang chub tu/ /yang dag rdzogs par gyur nas ni/ /sems can kun don phan pa'i phyir//mi gnas mya ngan 'das la dgod/ /de nas 'jug pa byang chub mchog tu sems bskyed de/ /bdag gi sbyin pa la sogs pa/ /pha rol phyin pa kun rdzogs pa/ /rdo rje theg pa bla med pa'i/ /lam ni yang dag bsten par bya/ /de nas sngar gyi hUM las byung ba'i 'od zer gyis 'gro ba sems can thams cad bkug nas/bshes dang 'brel pa lta bur gsal bar dmigs nas/ tshad med pa bzhi brtse gdung gi rnam pa dang / sdug bsngal dang bral bar bya ba dang / thabs thob pas dga' ba dang / mi rtog pa la 'jug pa'i btang snyoms bsgom par bya'o//de'i rjes la sngags 'di dag brjod pas/ stong pa nyid du bsgom par bya ste/ oM swa b+hA ba bi shud+d+haH d+harmA te swa b+hA ba shud+d+hou0f85haM/ zhes pa des ni/ chos kun rnam par dag pas na/ /bdag kyang rang bzhin rnam par dag /ces par bsgrubs na/ oM shU n+ya tA dz+nyA na b adzra swa b+hA ba At+ma kou0f85haM/zhes pa des ni/ stong nyid ye shes rdo rje yi/ /rang bzhin nga'am bdag yin no/ /zhes pa de la gnas par bya'o/ /de nas bdag nyid skad cig tsam gyis ni/ /ye shes dang ldan lha ru mos pa re/ /de yi mdun na nam mkha' re pha las/ /gyur pa nyi ma'i steng du hUM las ni//sna tshogs rdo rje ye shes lnga ldan bsam/ /de yi lte bar hUM las 'od 'phros pas/ /bgegs bsregs ra ba dang ni gur yang bsam/ /de yi steng du pad+ma nyi ma la/ /rang gi sems nyid ye shes rnam pa yi/ /hUM gi de nyid yongs su gyur pa las/ / rdo rje rtse lnga'i lte bar yi ge hUM/ /yang na de yi 'od zer gyis ni khams gsum gyi/ /sems can rnam par sbyangs te 'od zer bsdu/ /de rjes rdo rje yongs su gyur pa las/ /he ru ka dpal zla ba chu shel 'od/ /zhal brgyad nyid shu rtsa bzhi spyan gyis che/ /bcu drug phyag ldan zhabs bzhis bdud bzhi mnan//rang snang mos pa tsam ste dngos su min/ /mche ba cung zad gtsigs shing ral pa dang / /thod pa'i dbu rgyan thod pa'i phreng ba dang / spyi gtsug 'khor lo la sogs phyag rgya ldan/ /brkyang bskum skyil krung phyed pa gar mos bya/ /de tshe rang gi snying gar nyi ma la/ /hUM gi rnam pa bdud rtsi thig ler bcas//srog dang rtsol ba'i sbyor bas 'od zer 'phro/ /oM de ba pi tsu badzra hUM hUM hUM phaT swA hA/ zhes pa ni ci nus pas bzla bar bya ste/ de rjes de yang smin par bya ba'i phyir/ /shing 'bras tshos pa ltar gyur 'bras bu yi/ /he ru ka dpal phyag mtshan zhal sogs ni/ / sngar sogs mig sman bcag pa lta bu'i mdog /de rjes de yang rdzogs par bya ba'i phyir/ /rang gi snying ga'i nyi steng sa bon las/ /rdo rje sa bon dang bcas yongs gyur pa/ /ye shes sems dpa' rang 'dra'i snying ga ru/ /ting 'dzin sems dpa' mtshan ma sa bon bsam/ /de yi 'od kyis ye shes bdag po bsdu//de brjod dzaH hUM baM hoH sa rang la bstim/ /rdzogs sangs rgyas las gzhan du yang ma yin/ /brtan par bya phyir skye mched drug po dang / /sku gsung thugs su byin rlabs dbang bskur bya/ /dbang gi sngags rnams dag ni brjod kyang rung / /mchod nas bstod dang bdud rtsi myang ba'ang bya//de dag sngags brjod pa yang 'di yin te/ /oM sarba ta thA ga ta pU dza badzra swa b+hA ba At+ma kou0f85haM/ oM sarba ta thA ga ta pra stu te badzra swa b+hA ba At+ma kou0f85haM/ oM sarba ta thA ga ta a mr-i ta swa da na badzra swa b+hA ba A t+ma kou0f85haM/ da ni rdzogs rim la 'jug pa/ /shes bya'i gts o mo gtum mo sbar//yang ni srog dang rtsol sbyar bas/ /ye shes rlung dang me sbar bas/ /haM las bdud rtsi'i thig le bab/ /ngal so dbugs dbyung dbyer med 'gyur/ /de la sems brtan rtse gcig bya/ /nyams chen gtso bo'i rnam pa ni/ /dga' dang skad cig rigs gsum las/ / mtshan nyid bral ba'i lhan skyes bsgom/ /sems brtan pa yi mtshan ma ni/ /gzung 'dzin bral zhing ye shes nyid/ /rtags ni smig rgyu du ba dang / /mar me sprin med nam mkha' 'dra/ /nges par chos nyid mngon sum byed/ /de ltar ci nus bsgom bya ste/ /skyo bar gyur na sngags bzlas bya/ /bdag nyid rim gnyis tshogs pa gcig /bskyed rim 'bras bu he ru ka /mig sman chag pa lta bur mos/ /phyag mtshan zhal sogs sngar bzhin no/ /rdzogs rim bde la mi rtog cing / /mi dmigs pa ru mos pas bzlas/ /zla ba lta bu'i bsam gtan dang / /chu zla lta bu'i rnam pa ste/ /brag ca lta bu'i bzlas pa ni//oM aSh+TA na nA ya/ ping+ga lo r+d+h+wa ke sha wa r+t+ma ne/ tsa tu rbiM sha ti ne trA ya/ sho Da sha b+hu dzA ya/ kr-i Sh+Na dzI mU ta ba pu she/ ka pA la mA lA ne kA d+hA ri Ne/ ad+h+ma ta krU ra tsi t+tA ya/ b+r+d+ha n+tu daM Sh+T+rI Ne/ mA ra ya mA ra ya/ kA ra ya kA ra ya/ g+r+dza ya g+r+dza ya/ ta rdza ya ta rdza ya/ sho Sha ya sho Sha ya/ sap+ta sA ga rAn/ ban+d+ha ban+d+ha/ nA gA Sh+Ta kAn/ gr-ih+Na gr-ih+Na/ sha trUM naM/ ha hA hi hI hu hU he hai ho hau haM haH hUM phaT swA hA/ zhes pa dag ni bzlas byas nas/ /'byung po kun gyi gtor ma'am/ /mtshan phyed yin na tshogs 'khor bya/ /de nas tsud zad mchod byas na/ /oM AH hUM muHyis ni/ /ye shes bdag po gshegs su gsol//dam tshig rang gi thugs kar bsdu/ /spyod lam lhag par mos pa yis/ /bskyed rim lha yi nga rgyal dang / /rdzogs rim gnyis su med par mos/ /gang zhig thar pa'i lam ni 'dod pa des/ /bla med mchog gi theg par zhugs nas kyang / /bla ma dam pa'i gdams pa la brten nas/ tshe 'di nyid la phyag rgya chen po bsgrub//de ltar bdag la 'di ni rim par 'byung / /rjes su 'brangs pas 'di bzhin bsgrub par bya/ /dge ba gang thob des ni thams cad kyang / /'phral la yid ches mngon du byed gyur cig /dpa' bo gcig pa dpal he ru ka phyag bcu drug pa'i sgrub pa'i thabs rdzogs so// //

CLOSE WINDOW