CLOSE WINDOW

D1276
བོད་ཡིག

/dbang chen po rim pa gsum pa zhes bya ba rdzogs rim gyi man ngag rdzogs so// @##/ /rgya gar skad du/ dwi b+hu dza he badzra sA d+ha naM/ bod skad du/ dgyes pa rdo rje phyag gnyis pa'i sgrub pa'i thabs/ dpal rdo rje he ru ka la phyag 'tshal lo//e waM yi ge la bzhugs pas/ /dga' bzhi la sogs mnga' bdag ni/ /dang po dbus mtha' las grol ba/ /rdo rje 'chang de la phyag 'tshal/ /bla ma rnams dang sangs rgyas dang / /chos dang dge 'dun gus bcas shing / /rgan gzhon rdor spyod phyag byas nas//dgyes pa rdo rje'i [(]sgrubs [,]sgrub [)]thabs bshad/ /dang po goms par byed pa ni/ /gang du sngags pas dngos grub 'grub cing / sems rtse gcig par 'gyur ba/ shing gcig gam/ dur khrod dam/ ma mo'i khyim mam/ de bzhin mtshan mo'am/ skye bos dben pa'i grong mtha' 'am/dgon par bsngags pa gsungs pa'i gnas bzang po brtag go/ /rang gi snying gar raM bsams la/ de las byung ba'i nyi ma'i dkyil 'khor de la hUM yang bskyed la/ DoM bi nIs rjes su chags pas phrag na 'khyud pa'i thabs dang shes rab kyi bdag nyid can rdo rje las 'khrungs pas/thugs rje dang ldan pa'i rje btsun la/ rgyan thams cad kyis brgyan pa'i lha mo brgyad gau rI ri dgas kyi mtshan ma bsnams pa/ tsau rI nyi ma'i snod bsnams pa/ be tA lI chu bsnams pa/ g+hasma rI sman bsnams pa/ puk+ka sI phyag na rdo rje bsnams pa/sha ba rI ro bsnams pa/ tsan+Da lI Da ma ru bsnams nas/ g.yung mo de kho nas mchod pas de rnams kyis gtso bo la mchod pa byed pa nam mkha' la blta'o/ /de nas/ dkon mchog gsum la skyabs su mchi/ /sdig pa thams cad bshags par bgyi/ / 'gro ba'i dge la rjes yi rang / /sangs rgyas byang chub yid kyis gzung / /dang po byams pa bsgom par bya/ /gnyis pa snying rje bsgom par bya/ /gsum pa dga' ba bsgoms nas ni/ /kun gyi mtha' ru btang snyoms so/ /yang sems stong pa nyid du dmigs pas tha mal pa'i nga rgyal spang bar bya ste/oM shU n+ya tA dz+nyA na badzra swa b+hA ba At+ma kou0f85haM/ dang por raM las nyi ma bsam/ /nyi ma'i dbus su rab gnas pa'i/ /hUM las sna tshogs rdo rjer bsam/ /rdo rje de las ra ba dang / /rdo rje'i gur gyis phub par bsgom/ /mkha' dbyings b +ha ga bsgoms nas ni//de nang bsgom par bya ba ni/ /dang por ro ni bsam bya ste/ /chos dbyings bdag med yin zhes bya/ /de stengs gnas pa'i rnal 'byor pas/ /he ru ka ru bsgom par bya/ /A li las zla kA li nyi/ /de stengs sa bon hUM brtag bya/ /hUM las rdo rje bsam par bya//rdo rje'i lte ba hUM la yang / /de nyid hUM ni gnas par bsam/ /me long ye shes zla ba ste/ /mnyam nyid ye shes bdun par ldan/ /phyag mtshan sa bon so sor rtog /thams cad gcig bsdus bya nan tan/ /chos nyid dag pa'i rdzogs pa'i sku/ /mngon par byang chub rnam pa lnga//rim bzhin mkhas pas bsgom par gsungs/ /sems can lus las yang dag 'byung / /dkyil 'khor gtso bo bsgom par bya/ /zhal dang phyag mtshan gsungs bzhin te/ /chu shel lta bu'i 'od mnga' ba/ /dga' bas gnyis ni snyoms par zhugs//bdag med ma dang lhan cig sbyor/ /bsrub bya bsrubs pa'i sbyor ba yis/ /gau rI la sogs nges 'byung bya/ /gaM tsaM baM g+haM paM saM laM DaM sa bon las nges 'byung / /dbang po gau rI gshin rje sku/ /chu yi phyogs su be tA lI/ /lus ngan phyogs su g+hasma rI/ /puk+ka sI ni dbang ldan 'dod//me yi phyogs su sha ba rI/ /tsaN+DalI ni bden bral gnas/ /rlung gi phyogs su Do m+bir 'dod/ /gau rI kha dog nag por 'gyur/ /tsau rI btsod kyi kha dog ldan/ /be tA lI ni gtso mo'i mdog /margata ma dog 'dra g+hasma rI/ /in+d+ra nI mdog puk+ka sI/ /sha ba rI ni chu shel bzhin//tsan+Da lI ni mkha' bzhin sngo/ /Do m+bi nI ni sna tshogs mdog /ro yi steng na 'od 'bar zhing / /phyag gnyis dbu skra gyen du brdzes/ /sbyin dmar zhal ni gcig dang bcas/ /phyag rgya lnga yis rnam par brgyan/ /phyag ni gcig na ka pA la bsnams/ / g.yas kyi phyag na gri gug go/ /kha T+wAM ga ni phyag g.yon na/ /rked pa stag gi pags pas g.yogs/ /de nas rdo rje chags chen gyis/ /rig ma dang bcas zhu bar gyur/ /sna tshogs glu dang nyer spyod pas/ /de nas lha mo skul bar byed/ /snying rje'i yid kyis lha mo bzhengs//sbos mos bdag la yongs su skyobs/ /stong pa'i ting 'dzin spangs nas ni/ /bde chen 'dod pas bdag la sbyor/ /khyod mi bzhugs na bdag 'gum pas/ /stong pa'i rang bzhin spangs nas su/ /ri khrod ma 'bras bsgrub pa'i phyir/ /dgyes pa rdo rje khyod bzhengs shig /'dod pas 'jig rten snying mnan na/ /gtso bo ci phyir stong nyid bzhugs/ /khyod mi bzhugs na phyogs rmongs pas/ /gtum mo bdag ni gsol ba 'debs/ /bdag gis khyod kyi thugs 'tshal gyis/ /sgyu 'phrul lta bur khyod bzhengs shig / 'gro gtso smra bas bdag legs shes/ /thugs rje rgyun chad ma mdzad cig /dang po stong nyid byang chub ste/ /gnyis pa sa bon bsdus pa yin/ /gsum pa gzugs ni rdzogs pa ste/ /bzhi pas sa bon dgod pa po/ /hUM rdo rje las rdo rje cher/ /zhu ba'i gzugs ni bzhengs par gyur//'gro ba'i don la 'od zer gyis/ /rang gi lus ni rnam spros pas/ /nam mkha'i dkyil 'khor khyab byas nas/ /tshogs re slar yang 'dus pa yin/ /rnal 'byor zhe sdang bdag nyid gyur/ /kha dog sngo zhing cung zad dmar/ /dbu skra ser po gyen du brjes/ /phyag rgya lnga yi rgyan gyis brgyan//'khor lo rna cha mgul rgyan dang / /lag pa'i gdu bu ska rags rnams/ /sangs rgyas lnga yi rnam dag ste/ /phyag rgya lnga ru rab tu grags/ /bcu drug cha byad khros pas gzigs/ /phyag g.yon rdo rje thod pas mtshan/ /kha T+wAM ga yang g.yon pa ni//rdo rje 'bar ba g.yas pa na/ /hUM sgrogs pa yi bdag nyid can/ /lha mo brgyad kyis yongs bskor nas/ /mgon po dur khrod nang na rol/ /dpal ni gnyis med ye shes te/ /he ni rgyu sogs stong pa nyid/ /ru ni bkod pa spangs pa yin/ /ka ni gang du mi gnas pa//chos kyi dbyings las nges 'khrungs pas/ /chos nyid bdag nyid bsgom pa yin/ /oM d+ha rma d+hA tu swa b+hA ba At+ma kou0f85haM/ /mig ni rdo rje gti mug ma/ /rna ba rdo rje zhe sdang ma/ /sna ni ser sna rdo rje ma/ /lce ni 'dod chags rdo rje ma/ /reg bya rdo rje phrag dog ma'o/ /bdag med r nal 'byor ma ni yid//sa spyod ma ni lus rdo rje/ /mkha' spyod ma ni gsung rdo rje/ /thugs ni dbus na bzhugs pa'i phyir/ /de phyir bdag med ma dbus 'khrungs/ /rang snying nas ni sa bon byung / /'od zer nag po dang ldan la/ /lcags kyu'i rnam pa can gyis ni/ / khams gsum na bzhugs sangs rgyas rnams/ /yum brgyad dang bcas bkug nas ni/ /yang dag mchod nas gsol ba gdab/ /oM a b+hi Shiny+tsa tu maM sarba ta thA ga ta zhes bya bas so/ /he ru ka sku'i cha byad can/ /de bzhin gshegs pa lnga rnams kyis/ /de bzhin gshegs lnga bdag nyid can//bdud rtsi lnga yis gang ba yi/ /bum pa'i dbang bskur te/ rnga brdungs pa'i sgra dang ldan pas me tog gi char dang gur gum gyi char 'bebs shing / /thugs rje la sogs pa mngon par bstod cing / spyan la sogs pas glu len pas dbang bskur bas mgo la rang gi rigs kyi bdag po bzhugs par 'gyur ro//'khor lo'i gzugs ni mi bskyod pa/ /rna ba 'od dpag med kyi bdag /mgul rgyan rin chen 'byung ba'i bdag /gdu bu rnam par snang mdzad 'dod/ /ska rags la ni don grub bzhugs/ / shes rab rang bzhin kha T+wAM ga /'khor ba mya ngan 'das pa yi/ /rnam rtog bcad pa pad+ma'i snod/ /rnam par grol ba'i rgyu ru ni/ /bdud bzhi'i khrag ni gsol ba yin/ /snying rje'i spyan ni dmar ba yin/ /yan lag nag po byams pa'i sems/ /pags pa byang chub yan lag bdun//rus pa'i rgyan ni bden pa bzhi/ /khro ba ma rungs gdul bya la/ /khrag ni sha ba rI ru bstan/ /khu ba tsaN+DalI ru grags/ /tshil dang rkang ni Do m+bi nI/ /bdud la sogs pa nyes pa drug /gcod phyir gri gug thogs pas bzhugs/ /thod pa stong nyid ngo bo ste/ / thams cad thabs su shes par bya/ /dus tshigs gsum ldan byin gyis brlabs/ /lha yi sku ru gnas par bya/ /bya rnams byed tshe rnal 'byor pas/ /rnal 'byor 'di ni dran par bya/ /skad cig tsam yang sems gzhan ni/ /ma rig ma rungs ldan sems kyis//dngos grub 'dod pa'i sgrub pa pos/ /'bad pas mkhas pas gnas mi bya/ /zla drug rnal 'byor pas bsgoms na/ /the tshom 'dir med dngos grub thob/ /de la so ma nyi mi bya ste/ /sangs rgyas rdzu 'phrul bsam mi khyab/ /yan lag ji snyed yod pa dang / /gong du brjod pa thams cad ni//de snyed sngags dang phyag rgya yin/ /dpal ldan he ru'i go 'phang gnas/ /de la sngags ni 'di yin te/ /oM trai lo kyA k+She pa hUM hUM hUM phaT swA hA/ gshegs su gsol ba'i don du spyan drangs nas/ /yang dag par mchod la/ /bsod nams yongs su bsngos la bzod par gsol lo//he ru ka rnam par bsams nas ldang ba'i bla ma'i man ngag yin no/ /shes rab bla ma'i zho rtag tu/ /bla ma dam pa'i gdams ngag gi /bdud rtsi myang ba gang yin pa/ /de yis sangs rgyas thob par 'gyur/ /dgyes rdor rgyud las gsungs pa yi//der rnyed rim pas bsdus nas ni/ /dgyes pa'i sgrub thabs gsal byas pas/ /bsod nams dpag med gang bsags pa/ /des ni ltas ngan nyes mang zhing / /sdug bsngal gyis rmongs bsam ldan 'gro/ /ma lus thub dbang dkyil 'khor che/ /

CLOSE WINDOW