CLOSE WINDOW

D1268
བོད་ཡིག

snang ba mtha' yas rdo rje la zhal gyis gnang / des yi ge 'di mdzad do/ /dpal dgyes pa'i rdo rje las slob dpon chen po snang ba mtha' yas rdo rjes mdzad pa'i go byed snying po rdzogs so// @##/ /rgya gar skad du/ shri he badzra rat+na pra lo ke sA ng+ha naM nAm/ bod skad du/ dpal dgyes pa rdo rje'i sgrub thabs rin po che'i sgron ma zhes bya ba/ dpal rdo rje sems dpa' la phyag 'tshal lo/ /he ru ka dang bdag med bcas/ /de chos 'khor la phyag 'tshal te/ /de 'dod phyir na de sgrub thabs/ /de don gnyer la sgron 'di bri/ /chags med byang chub sems dang ldan//dbang thob blo ldan lung blangs pas/ /dur khrod la sogs gnas bde bar/ /rnal 'byor brtson pas bsgrub par bya'o/ /tho rangs byams pas mal nas langs/ /gdong la sogs pa dis bkrus nas/ /rdo rjes mtshan pa'i stan la 'dug /bdud rtsi'i ri lu lce la gzhag /snying rjes ma rnams gzung byas la/ /zhal brgyad nga rgyal bdag bsgoms te/ /rak+Shas sa sbyang gnas bsrung ba/ /me ri dra gur brtan par bsgom/ /he ru ka yi snying ga ru/ /paM dang raM las gsal bar ni/ /pad+ma nyi ma dmar po bsgom/ /de steng hUM nag 'od zer lngas/ / phyogs bcur spros pa bskul dang sbyang / /byas nas thams cad mkha' la bzhugs/ /bla ma sangs rgyas rang dang lha/ /gsal bsgoms lus sprul phyag bya'o/ /de yang 'og nas ston pa yi/ /bcom ldan sku mdog phyag dang rgyan/ /phyag mtshan bcas pa bzhugs pa ni//bdag med yum dang ldan pa'o/ /de mdun gau rI nag mo ni/ /byang chub sems dkar ri bong can/ /g.yas na tsau rI dmar mo yang / /byang sems dmar po nyi 'od 'bul/ /rgyab na ser mo be tA lI/ /lhung bzed chu bzang bkang ba 'bul/ /g.yon na ljang gu g+hasma rI//dri bzang thod pa bkang ba 'bul/ /byang shar puk+ka sI sngon mo/ /sha lngas thod pa bkang ba 'bul/ /me na mdog dkar sha ba rI/ /ro ldan btung ba sna tshogs 'bul/ /lho nub mdog dmar tsaN+DalI/ /Da ma ru sgrog sgra rnams 'bul/ /rlung na Do m+bI sna tshogs gzugs//phyag rgya bsnol nas mchod pa 'bul/ /bla ma mi bskyod spyi bor bzhugs/ /gsal bar brtan par legs bsgoms la/ /snying ga'i sa bon spro bsdu las/ /phyi yi lha mo mchod pa'i tshogs/ /yon chab me tog spos la sogs/ /rab gnas le'u'i sngags kyis mchod//sa bon spros la gau rI'i tshogs/ /bshams dang gnas nas byon pa dang / /mdun na gnas pa'i rim pa yis/ /bdud rtsi lnga dang sha lnga 'bul/ /gtso bo'i sa bon gyis bskul nas/ /DoM bI gsang ba'i mchod pa 'bul/ /mchod pa'i lha mo thams cad kyang //spros pa de dag gnas nas bsdu/ /de nas de dag mdun du yang / /pus btsugs thal sbyar 'jigs sems kyis/ /thog med dus nas deng dus su/ /'khor bas 'khor bar bsags pa'i sdig /bgyis dang bgyid du stsal ba dang / /yi rang bshags shing slan chad bsdam//sangs rgyas byang chub sems dpa' dang / /rang rgyal nyan thos so so yi/ /skye bo'i dge la rjes yi rang / /gsum la skyabs dang sems gnyis bskyed/ /bskul dang gsol bdag kyang gdab/ /thams cad byang chub chen por bsngo/ /de nas byams dang snying rje dang //dga' dang btang snyoms yun rings bsgom/ /de nyid gsum dang muHbrjod pas/ /mdun gyi spyan drangs gnas su gshegs/ /chos rnams stong par shes byas la/ /blo gnas pa la sngags 'di brjod/ /oM swa b+hA ba shud+d+haH sarba d+harmA swa b+hA ba shud+d+hou0f85haM/ / brjod pas gzung ba'i chos rnams kun/ /rmi lam mig 'phrul smig rgyu dang / /chu zla mig yor sgyu ma tsam/ /sems snang tsam las yod ma yin/ /oM shU n+ya tA dz+nyA na badzra swa b+hA ba At+ma kou0f85haM/ brjod pas sems snang de dag kun/ /rdul dang du ba khug rna sprin/ /skyon bral ston ka'i nyi phyed kyi//nam mkha'i dkyil ltar sems gzhag bya/ /chos nyid spros dang bral ba las/ /smon lam byams pas 'gro ba dran/ /nam mkha'i dkyil du raM dang hUM/ /nyi ma'i dkyil 'khor dus me 'bar/ /de nas hUM las byung ba yi/ /sna tshogs rdo rje'i sa gzhi dang //ra ba gur dang bla re dang / /rdo rje ra ba 'bar ba 'phro/ /de nas e las chos kyi dbyings/ /chos 'byung gru gsum nam mkha' mnyam/ /bsgoms pa'i nang du yaM raM baM/ /laM bzhi sngo dmar dkar dang ser/ /yaM zhu sngon po gzhu yi dbyibs/ /rlung gi dkyil 'khor ba dan ldan//de steng raM las gru gsum dmar/ /me yi dkyil 'khor raM gyis mtshan/ /de steng baM las zlum po dkar/ /chu yi dkyil 'khor bum pas mtshan/ /de steng laM las gru bzhi ser/ /sa yi dkyil 'khor rdo rjes mtshan/ /sems kyi snang bas de rnams zhu/ /snang ba mched pas gzhal yas grub//rin po che las grub pa yi/ /zur bzhi sgo bzhi logs bzhi pa/ /rta babs bzhi dang ka ba brgyad/ /mchod pa sna tshogs rgyan gyis mdzes/ /chos kyi 'khor lo ri dgas gdugs/ /ba dan dril bu 'phan la sogs/ /sangs rgyas mang po'i snang bas khyab//dra ba dra phyed twa ra na/ /bum pa rdo rje phreng ba dang / /sgo khyud zla phyed rdo rje mdzes/ /dur khrod brgyad na mtsho brgyad klu/ /shing brgyad zhing skyong gdan mgo brgyad/ /phyogs skyong chung ma bu 'khor brgyad/ /steng na lha brgyad lha yi 'khor/ /mchod rten brgyad dang rnal 'byor tshogs/ / @#/ /grogs byed rnal 'byor ro langs 'dre/ /bya dang gcan gzan sna tshogs sbrul/ /sha za gdug pa ro yi tshogs/ /shar sogs sgo yi logs rim par/ /glu ma gar ma yon chab ma/ /me tog spos dang mar me ma/ /dri chab zhal zas sgra sna tshogs/ / gzugs sgra dri ro reg bya chos/ /rgyan phreng ma rnams sna tshogs mdog /de nang dkar ser dmar dang ljang / /gzhal yas dbus ni mthing ga 'bar/ /rdo rje ra ba pad+mar ldan/ /ge sar bdud bzhi nyi mas mnan/ /pad+ma brgyad la lha brgyad bri / /snying gar zla bas mnan pa'o/ /mdzes pa'i gzhal yas de nang gi /dbus kyi bdud bzhi'i nyi steng du/ /hUM dang aM las 'og dang steng / /A li nyis 'gyur zla dkyil 'khor/ /kA li nyis 'gyur nyid dkyil 'khor/ /thod pa gri gug phyag mtshan ma/ /sa bon gnas pa spro bsdus pas/ /thams cad gcig tu gyur pa las//zhal brgyad yum dang kha sbyar ba/ /'og gzhi gsal bar bsgom par bya/ /chags can bskyab phyir thugs rje yis/ /bdag nyid thugs ka'i sa bon las/ /phyogs bcur sangs rgyas gtsug tu byon/ /thugs kar sa bon so sor gnas/ /oM pad+ma su khaM d+ha ra ma hA rA ga dat+ta tsa tur A nan+da b+ha ga bi shwa hUM hUM hUM ka R+YaM ku ru Sh+wa me/pad+ma sngags kyis byin gyis brlab/ /de nas rdo rje byin gyis brlab/ /oM badzra ma hA dwe Sha tsa tur A nan+da dA ya ka kha ga mu kha e ka ra so nA tha hUM hUM hUM ka R+YaM ku ru Sh+wa me/ oM sarba ta thA ga ta a nu rA ga ta badzra swa b+hA ba A t+ma kou0f85haM/ de ni sbyor ba dang po yin/ /de nas rjes su chags pa yis/ /shar sogs tshangs sogs snying ga ru/ /gaM tsaM baM g+haM paM shaM laM DaM/ /de nas phyogs mtshams rnams su babs/ /shar du gaM yig gsal ba las/ /A li nyis 'gyur las zla ba'i/ /dkyil 'khor me long ye shes dang //steng du kA li nyis 'gyur las/ /nyi ma'i dkyil 'khor mnyam pa nyid/ /gaM gyur gri gug nag po la/ /zla ba sa bon so sor rtog /sa bon sprul sbyang gcig gyur pa/ /bya ba nan tan ye shes yin/ /gau rI bzhengs pa'i sku de ni/ /chos kyi dbyings kyi ye shes so/ /sngon du bsgoms pa'i gtso bo dang //'og gi lha mo bdun po yang / /de bzhin ye shes lnga yi sku/ /rnal 'byor pa yis brtan par bsgom/ /shar du gri gug las byung ba'i/ /tshangs pa'i steng na gau rI nag /g.yas na gri gug g.yon na nya/ /gzugs kyi phung po rang bzhin bsgom/ / lho ru dbang po'i steng gnas dmar/ /Da ma ru las tsau rI bzhengs/ /Da ma ru g.yas phag pa g.yon/ /tshor ba'i phung po'i rang bzhin bsgom/ /nub tu baM las be tA lI / /gser mdog nye dbang gdan la bzhugs/ /g.yas na rus sbal thod pa g.yon/ /'du shes phung po'i rang bzhin bsgom//byang du g+haM las g+hasma rI/ /drag po'i steng na mar kata mdog /sbrul g.yas phyag g.yon thod pa 'dzin/ /'du byed phung po'i rang bzhin bsgom/ /byang shar paM las seng ge las/ /puk+ka sI sngo gshin rje'i steng / /g.yas na seng ge dgra sta g.yon/ /sa yi khams kyi rang bzhin no//me ru shaM dang dge slong las/ /sha ba rI dkar gnod sbyin gdan/ /g.yas na dge slong gsil byed g.yon/ /chu yi khams kyi rang bzhin no/ /srin por laM dang 'khor lo las/ /gtum mo mkha' mdog srin po mnan/ /g.yas na 'khor lo thong gshol g.yon//me yi khams kyi rang bzhin no/ /rlung du DaM dang rdo rje las/ /DoM bI kha dog sna tshogs te/ /rdo rje g.yas la sdigs mdzub g.yon / /rlung gi khams kyi rang bzhin bsgom/ /lha mo de rnams spyan gsum ma/ /dmar zhing zlum la mche ba gtsigs/ /dbu skra kham ser gyen du mdzes //rus thod 'khor lo snyan cha dang / /mgul rgyan la sogs phyag rgya lnga/ /mi mgo skam po bco lnga'i phreng / /gcer bu g.yon brkyang gar thabs bzhugs/ /gtso la 'dud pa'i stangs dang ldan/ /bar dor gnas pa'i lus ngag yid/ /oM dang AH hA+o+uM dkar dmar nag /hoH gnyis thabs dang shes rab brten/ /'khor los sgyu ma ltar mthong nas/ /gtso bo'i spyir zhugs gtso nyid zhu/ /yum yang zhu nas hA+o+uM aM gnyis/ /sa bon dkyil 'khor dbus gnas pa/ /rtog med bde ba chen por bzhugs/ /bdag po stor bas lha mo rnams//shin tu 'dod pa'i sems gdungs pas/ /puk+ka sI sogs lha mo bzhis/ /rdo rje'i glu ni len par byed/ /rje btsun thugs rje'i yid bzhengs shig /puk+ka sI ni bdag la skyobs/ /stong pa'i rang bzhin nyid spongs la/ /bdag la bde chen sbyor ba mdzod//khyod mi bzhugs na bdag 'gum pas/ /thugs rje rgyun chad ma mdzad bzhengs/ /stong nyid bcom ldan ci la bzhugs/ /sha ba rI 'bras 'grub par mdzod/ /dga' gtso 'jig rten mgron pos nas/ /stong pa nyid la bzhugs sam ci/ /gtum mo bdag ni gsol 'debs na//bcom ldan kye yi rdo rje bzhengs/ /bdag gis khyod kyi thugs 'tshal gyis/ /mig 'phrul lta bur khyod bzhengs/ shig /DoM bI bdag ni dran nyams pas/ /bcom ldan dgyes pa rdo rje bzhengs/ /rdo rje'i glu ni sgra snyan gyis/ /rmi lam lta bur gtso bo bzhengs/ / mngon byang lnga yi ye shes las/ /bcom ldan dgyes pa rdo rje nyid/ /dkyil 'khor dbus na gar dgur bzhugs/ /zhal brgyad pa la phyag bcu drug /steng zhal dud mdog mche ba gtsigs/ /kham ser skra brje sa 'khor lo rus/ /sna tshogs rdo rjes dbu skra brgyan/ /dang po sku dang mthun pa'i zhal//g.yas dkar g.yas gnyis sku dang mthun/ /g.yon dmar g.yon gnyis ji bzhin sku/ /dbu skra gyen 'bar thod lnga'i thod/ /spyan gsum dmar zlum mche ba gtsigs/ /snyan cha 'gul rgyan dpung pa'i rgyan/ /phyag zhabs gdu bu 'og pag rgyan/ /stag gi sham thabs steng na bcings//thod rlon phreng ba thal bas byugs/ /tshangs pa brgya byin nye dbang drag /steng na zhabs bzhi g.yas brkyang bzhugs/ /phyag g.yas dang po glang po che/ /thod par gnas pas yum la 'khyud/ /de bzhin rta bong glang rnga mo/ /mi dang seng ge byi la bsnams//phyag g.yas thod pa'i rim par 'dzin/ /phyag g.yon dang po thod pa'i nang / /sa yi lha mo bcas pa 'khyud/ /steng 'og rim par thod par gnas/ /chu dang me dang rlung nyi ma/ /zla ba gshin rje nor sbyin no/ /de yum zhal gcig phyag gnyis pa/ /mdog nag gri gug thod pas 'khyud//phyag rgya lngas brgyan thod skam phreng / /skra ser gyen 'bar spyan gsum dmar/ /bdag po ro myang g.yon brkyang zhabs/ /bdud bzhi'i steng na mnyam par bzhugs/ /de nas bdag dang 'khor de dag /gsal bar legs par brtan par bsgom/ / bde gsal dkyil 'khor rgyal po mchog /ting 'dzin gsum du bstan pa yin/ /de dag gsal ni rang rang gi /snying gar gdan la phyag mtshan bsgom/ /de yi sa bon phyogs bcur spro/ /bskul sbyangs sa bon so sor thim/ /hUM gis ye shes 'khor lo bkug /shar gyi nam mkhar bzhugs la mchod//dzaHhUM baM hoH lha mo bzhis/ /dgug gzhug gnyis med dgyes par bya/ /de nas skye mched byin gyis brlab/ /gtso bo 'khor lo thams cad kyi/ /mig la gti mug rdo rje dkar/ /rna bar zhe sdang rdo rje nag /sna la ser sna rdo rje ser/ /lce la 'dod chags rdo rje dmar//lus la phrag dog rdo rje ljang / /yid la bdag med rnal 'byor gnag /de dag tshangs sogs pad zla'i steng / /gri gug thod pa phyag rgya lnga/ /sku gsung thugs kyang byin brlabs te/ /mgo dang kha dang snying ga ru/ /oM dang AH hUM dkar dmar nag /sa spyod mkha' spyod bdag med ma//gri gug thod pa 'dzin pa yi/ /pad zla tshangs pa dag la bsgom/ /yang ni rang snying sa bon gyis/ /phyogs bcu'i bla ma rgyal ba dang / /'khor lo khro bo lha mo rnams/ /spyan drangs mchod nas gsol ba 'debs/ /oM sarba ta thA ga ta a b+hi Shiny+tsa tu mAM/ / brjod pas gnang nas rigs lnga yis/ /bum pa bdud rtsis bkang bas bskur/ /rigs kyi bdag pos spyi bor mtshan/ /bdag la mi bskyod rdo rje yis/ /phyogs kyi lha mo bzhi po la/ /mi bskyod rnam snang rin chen 'byung / /'od dpag med dang bzhi yang bsgom/ /de bzhin zhe sdang gti mug dang //ser sna 'dod chags bzhi yis kyang / /puk+ka sI sogs mtshams bzhi la/ /rim pas spyi bor mtshan par bsgom/ /oM sarba ta thA ga ta a b+hi She ka badzra swa b+hA baAt+ma kou0f85haM/ da ni bdud rtsi myang bar bya/ /yaM raM AH hA+o+uM oM rnams bsgom/ /de nyid gsum g yis byin gyis brlabs//rlung dang me dang thod sgyed dang / /sa bon gnas pa'i ka pA la/ /hUM gis sbyangs dang AH yis 'bar/ /oM gyis ye shes bdud rtsir 'bab/ /b+h+rUM dzrIM AM khaM hUM lnga dang / /naM haM shaM ShaM g+haM dang lnga/ /bdud rtsir gyur pa rdo rje lces/ /myangs la 'khor lo bde bas mchod//de la sngags 'dis brtan par bya'o/ /oM sarba ta thA ga ta a mr-i ta swa da badzra swa b+hA ba At+ma kou0f85haM/ /hUM gis sa bon gyis bkug nas/ /sangs rgyas thams cad zhal du zhugs/ /phyir spros mchod pa'i lha mo yis/ /rim pas mchod nas gnas su thim/ / oM sarba ta thA ga ta pU dzA badzra swa b+hA ba A kou0f85haM/ /lha mo de dag rigs yum dang / /gsung gcig tu ni mthun par bstod/ /bcom ldan lha mo brgyad kyis bskor/ /thugs rje thugs kyis 'gro ba sgrol/ /snod dang 'gro ba bcom ldan thugs/ /thugs dgyes mdzod cig bcom ldan khyod//phung po khams dang skye mched dang / /dug lnga dag mdzad khyod la bstod/ /oM sarba ta thA ga tastu ti badzra swa b+hA ba At+ma kou0f85haM/ de dag brtan par rab gsal bar/ /rnal 'byor pa yis rnal 'byor bya/ /pho brang rnam dag rnam snang mdzad/ /rjes su chags pa rdo rje s ems//dbang ni mi bskyod rdo rje dag /bdud rtsi myang ba 'od dpag med/ /mchod pa don yod grub pa ste/ /bstod pa rin chen 'byung ldan yin/ /yan lag drug dang ldan bsgoms pas/ /dngos grub myur du 'grub par 'gyur/ /dang po sprin bar nyi ma 'dra/ /gnyis pa sgyu ma lta bur snang //snang ba thob pa rmi lam ltar/ /'od gsal mnyam gzhag rjes thob med/ /bdag nyid de ltar brtan gyur pas/ /'gro ba'i sdug bsngal la bltas te/ /byams dang snying rje'i 'khor lo'i lha/ /rgyun mi chad par phyogs phyogs 'phro/ /so so'i gdul bya sbyangs byas nas//slar 'dus nang du 'khor lo bsgom/ /thabs dang shes rab las byung zhing / /byang chub sems ni spro dang bsdu/ /mdog mtshan cha lugs thams cad kyang / /ji ltar gsal bar brtan par bsgom/ /de ltar rdzogs bskyed rdzogs pa'i rim/ /lha mo rim par zhal la bsdu/ / zhal dang phyag rnams mtha' nas rim/ /rtsa ba'i zhal dang phyag la bsdu/ /zhabs gnyis yum la thim pa dang / /'khor lo bzhi yi rgya yis gdab/ /lte ba snying mgrin spyi bon/ /sprul pa chos dang longs spyod dang / /bde ba chen po'i 'khor lo bsgom/ /de yang sku bzhi'i ngo bo yin/ / sprul par rtsa 'dab drug cu bzhi/ /lte bar aM 'bar rtsa 'dab la/ /kA li bzhi dang drug cu gnas/ /'od zer lnga ldan rab tu 'bar/ /snying gar rtsa 'dab brgyad gnas la/ /lte bar hUM nag 'dab ma la/ /b+h+rUM dzrIM AM khaM e waM ma/ /yaM dang brgyad ni legs par bsgom/ /mgrin par bcu drug 'dab ma la//lte bar aM 'bar rtsa 'dab la/ /A li bcu drug dag gis brgyan/ /'bar ba'i rnam par gnas pa yin/ /spyi bor rtsa 'dab sum cu gnyis/ /lte bar haM dkar 'dab ma la/ /A li nyis 'gyur dag gis bskor/ /kha dog dkar po bdud rtsi 'bab/ /lte bar gtum mo sbar ba yis//de bzhin gshegs pa lnga bsregs shing / /spyan la sogs pa yang bsregs te/ /bsregs pas ri bong rgyun haM 'bab/ /yi ge gsal bar gyur nas ni/ /yi ge de dag spro dang bsdu/ /bskul sbyang byas nas slar 'dus te/ /yi ge rang rang gnas la zhugs/ / srog dang rtsol ba las byung ba/ /lte ba'i 'og nas raM 'bar bas/ /'khor lo legs sbyangs 'og min gyi/ /bdud rtsi blangs nas spyi bor bsam/ /sbyangs pa'i 'khor lo rnams gang nas/ /thams cad snying gar rab tu thim/ /don dam bdud rtsi zag med bsgom/ /hUM yang rim pas nA dar gnas//shin tu yun rings goms mi gnas/ /nam mkha'i dkyil ltar rngul dang bral/ /thog ma tha ma dbus med cing / /'khor min mya ngan 'das pa min/ /bdag dang gzhan yang yod ma yin/ /'di ni bde chen rgyal po yin/ /gzung dang 'dzin pa rnam par spangs//sems sbyong ba la skyo ngal na/ /rim pa rim par sku bskyed la/ /yab dang yum gnyis zhal phyag rgyas/ /snying gar sa bon yi ge la/ /bskor nas gnas pa zhal nas zhal/ /rdo rje lam nas pad+ma dang / /pad+ma'i zhal nas zhal du 'khor/ /rang 'dod pa yis bzlas pa bya//bsam gtan kha dog dbye ba yis/ /zhi la sogs par shes par bya/ /oM aSh+TA na nA ya/ ping go r+d+ho ke sha bar+t+ma ne/ tsa tur bing sha ti ne trA ya/ Sho Da sha b+hu dzA ya/ kr-i Sh+Na dzI mU ta ba pu She ka pA la mA la a ne kaM d+ha ri Ni/ An+d+ra ta krU ra tsit+tA ya/ar+d+han+du daM Sh+T+ri Ne/ oM mA ra ya/ mA ra ya/ kA ra ya/ kA ra ya/ gardza ya/gardza ya/ tardza ya/ tardza ya/ sho Sha ya/ sho Sha ya/ sap+ta sA ga rAn/ ban+d+ha ban+d+ha/ nA ga aSh+Ta kA na/ kr-iN+Da kr-iN+Da/ sarba sha trUM sarba du Sh+Tan/ ha hA/ hi hI/ hu hU/ he hai/ ho hau/ haM haH/ phaT swA hA/ / bcom ldan 'das kyi rtsa sngags yin/ oM de ba pi tsu badzra hUM hUM hUM phaT swA hA/ snying po'i sngags su shes par bya'o/ /oM badzra karta ri he badzrA ya hUM hUM hUM phaT swA hA/ de ni nye ba'i sngags kyang yin/ oM a ka tsa Ta ta pha ya sha hUM swA hA/ grong khyer dkrug pa'i sngags yin no/ /oM tri lokyA k+She pa hUM hUM hUM phaT swA hA/phyag gnyis pa'i snying po'o/ /oM badzra dz+wa la dz+wa la b+h+yo hUM hUM hUM phaT swA hA/ de ni phyag bzhi pa'i sngags so/ /oM ki Ti ki Ti badzra hUM hUM hUM phaT swA hA/ phyag drug pa'i snying po yin // //tshogs gnyis bsag dang gzhan dbang bsdu/ /bdag dang sems can bsrung ba'i phyir//lha dang chos skyong sems can la/ /bdud rtsi mchod sbyin gtor ma sbyin/ /shar lho'i dur khrod nam mkha' la/ /chos 'byung sum brtsegs steng 'og rim/ /dbus su pad+ma 'dab brgyad nag /shar nas phyogs mtshams go rims su/ /brgya byin gshin rje chu lha dang //gnod sbyin bdag po 'byung po'i bdag /me lha srin po rlung gi lha/ /dkar nag dmar skya ser po dang / /dkar dmar dud ka ljang gu yi/ /mdog kyang rim pa bzhin du gsal/ /rdo rje dbyug pa sprul gyi zhags/ /dpal 'bras rtse gsum dbyu gu gsum/ / gri gug ba dan lag na thogs/ /glang po ma he chu srin dang / /rta dang khyu mchog ra skyes dang / /mi ro ri dgas zhon pa dang / /dur khrod rgyan dang chung ma dang / /bu 'khor bcas pa bsgom par bya'o/ /steng gi chos 'byung pad+ma dkar/ /shar nas rim pa snga ma ltar/ /brgya byin tshangs pa khyab 'jug drag /gzhon nu tshogs bdag dag byed dang / /legs ldan nag po rim par gnas/ /dkar ser dmar dang nam mkha'i mdog /dkar gnyis ser dang nag po ste/ /mdog kyang de bzhin rim par gsal/ /rdo rje dbyu gu rtse gsum dang / /'khor lo rtse gsum mda' gzhu dang //la phug ba dan ral gri 'dzin/ /pad+ma'i gdan gnas rin chen brgyan/ /chung ma bu 'khor lha yi 'khor/ /rim pa bzhin du gnas pa'o/ /'og gi chos 'byung pad+ma dmar/ /sngon bzhin 'jog po dung skyong dang / /mtha' yas rigs ldan pad+ma che/ / dga' bo nor rgyas pad+ma brgyad/ /gdengs ka sbrul zhags pad zla'i gdan/ /dkar ser dmar ljang yang dkar dang / sngo dang dmar skya dkar po'i mdog /rin chen rgyan dang pad+ma dang / /chung ma bu 'khor bcas pa dang / /ngan 'gro gsum dang bcas pa yin/ /pad+ma'i lte ba gsum po la//rang gi he ru ka nyid bsgom/ /dzaH hUM baM hoH sa dgug dang gzhug /nam mkha' khyab pa'i gtso bo 'khor/ /mi bskyod rnam snang 'od dpag med/ /rang bzhin sngo dang dkar dmar mdog /rdo rje dril bu rang 'od bcas/ /rus rgyan gtso dang 'khor de bzhin/ /de nyid gsum dang dbang bskur rgya//lce rnams rdo rje sbu gur bsgom/ /de rnams mdun du gtor dag la/ /byin gyis brlabs la rang bzhin btung / /sngon du bstan pa'i bdud rtsi lnga / /dgyes rdor lha dgur gyur pa'o/ /oM in+da dza ma dza la dzak+kha b+hUM ta ba h+ni bA yu rAk+Sha tsaN+D+ra sUdz+dza mA sa sa p+ta pA tA la pA tA la a s+tha sap+pa swA hA/i daM ba li b+hu dza dziM b+ha puSh+pa d+hU pa mAM sa ping+ga am+b+ha sarba kadz+dza khan+ti khu Ni phe Ta gA da swA hA/ oM a kA ro mu khaM sar+b+ba d+harmA NAM/ Ad+ya nu t+pan+na twA ta oM AHhUM phaT swA hA/ /gsum gsum brjod la gtor ma gtang / /yi ge gsum dang muHyis gshegs/ /bar chad zhi dang lhag chad zhi//rdo rje'i glu 'di dal bus blang / /ko la i ri T+Tha a po lA/ muM mu Ni kak+ko lA/ b+ha Ne a kri ta niSh+Thatani D+Thi ha/ ka ru Ni ke A i na ro la ta hiM ba la kha li/ ma in bi dza/ ki la ka le dz+dza rU ba ni/ a I d+hu ru d+hu ru/ Nadz+dza a i tsa a sa ma shats+tsha ri si h+la/ ka pu ra la i a i ma khu la a in d+ha/nas lidz+dza/ ha hi bu ru / i a o/ pre kha na khe Ta/ ka ran ti / shud+d+hA sud+d+ha N+Na ma Ne/ a i ni raM su aM/ tsan+d+ra bI/ ta idz+dza sa ra sa tsi pa ni A I ma sa sa la dzir ru ra bA Ta/ i d+hi Ni / ma hA hiSh+Ta badz+dza a i/ mchod pa dang gtor ma gtang ba//tshogs kyi 'khor lor 'dun blang / /bza' dang btung ba longs spyod pa/ /bdud rtsi sbyor bas lus rgyas 'gyur/ /thun bzhi'i rnal 'byor ldan pa yis/ /bsgrubs na 'grub kyi gzhan du min/ /sngon du bstan pa legs rtogs nas/ /tshogs gnyis gzhal yas dkyil 'khor gsum//zhal gsum g.yas dkar g.yon pa dmar/ /dbus ni sku dang mthun pa nyid/ /rdo rje ral gri g.yas na 'dzin/ /dril bu rtse gsum phyag g.yon na/ /rang ni rang rig yum la 'khyud/ /phyag bzhi rdo rje thod pa dag /g.yas dang g.yon pa'i phyag na 'dzin/ / gnyis ni rig ma nyid la 'khyud/ /phyag gnyis g.yas na rdo rje dang / /thod pa kha T+rAM phyag g.yon na/ /de gsum tshangs pa'i steng na bzhugs/ /gzhan dag sngon du bstan pa nyid/ /spro dang bsdu dang 'khor lo dang / /de don bsgom dang gtor ma sngags/ /zhal gsum phyag bzhi la sogs rnams//rnal 'byor pa yis gang 'dod bsgom/ /rjes thob rnam par dag pa yang / /dbye ba shes pas rtag tu bsgom/ /me ri dra gur bdud las rgyal/ /rnam thar chos 'byung chos kyi dbyings/ /gshin rje dbugs 'byin dur khrod brgyad/ /sgo bzhi dran pa nye bar gzhag /gru bzhi yang dag spong ba bzhi/ /sgo rgyan rdzu 'phrul rkang pa bzhi/ /'dod yon lha mo dbang po lnga/ /rtsig pa lnga yang stobs lngar dag /rta babs bzhi ni bsam gtan bzhi/ /rten 'brel bcu gnyis dag pas ni/ /rim pa bcu gnyis 'od 'bar ba'o/ /rgyan rnams byang chub yan lag bdun//ka ba brgyad mdzes 'phags lam brgyad/ /'khor lo bzhi ni bden pa bzhi/ /de bzhin gdugs ni tshad med bzhi/ /byams pa'i thugs ni sku mdog nag /snying rje spyan dmar 'gro la gzigs/ /dpa' bo gar dgu 'gro rnams sgrol/ / btang snyoms sna tshogs rdo rjes mdzes/ /'khor lo'i gzugs ni mi bskyod pa/ /rna cha dag la 'od dpag med/ /mgul gyi phreng ba rin chen gtso/ /yan lag kun bkod rnam snang mdzad/ /'od dpag la ni don yod grub/ /yan lag kun thugs rdo rje 'dzin/ /zhal brgyad rnam par thar pa brgyad//sku gsum dkar dmar gnag pa'i zhal/ /phyag rnams stong pa bcu drug ste/ /nad rnams 'joms pas glang po sogs/ /dngos grub myur bas lha mo sogs/ /rus pa'i rgyan yang bden pa bzhi/ /stag gi pags pa byang chub bdun/ /bsdu ba bzhi ni zhabs bzhi yin//skye rga bcom pas bdud bzhi mnan/ /bdag med chos sku rnam dag nyid/ /phung po dag pas gau rI sogs/ /ye shes dag pas kha dog bzhi/ /gri gug sogs kyis bdud bzhi byed/ /tshad med goms pas khams bzhi la/ /puk+ka sI sogs lha mo bzhi/mdog dang phyag mtshan de bzhin no/ /nyin mo bcom ldan thabs su gnas/ /mtshan mo shes rab stong pa nyid/ /'gro ba'i gar dang phyag rgya bskyod/ /brjod pas thams cad sngags yin no/ /khrus byed dbang bskur bsam gtan dang / nyal ba gnyid kyi bsam gtan bsgom//de ltar brtan pa'i rnal 'byor pas/ /dbang po mi dgag 'gro rnams bskyab/ /bla ma'i rim 'ongs rgyud rgyal don/ /bsgoms pas blo la gsal ba'i don/ /dgyes rdor mos la phan phyir byas/ /'di las byung ba'i bsod nams des/ /bdag dang 'gro ba ma lus pa//dgyes rdor myur du 'grub par shog /dpal dgyes pa rdo rje sgrub pa'i thabs/ rin po che'i sgron ma zhes bya ba/ slob dpon chen po dpal mar me mdzad ye shes kyis mdzad pa rdzogs so// //rgya gar gyi mkhan po paN+Di ta dA na shI la dang /

CLOSE WINDOW