CLOSE WINDOW

D1265
བོད་ཡིག

dpal dgyes pa'i rdo rje'i sgrub thabs rdzogs so// //rgya gar gyi mkhan po kun du bzang po dang / lo tsA ba dge slong tshul khrims rgyal bas bsgyur cing zhus te gtan la phab pa'o// @##/ /rgya gar skad du/ shrI he ru kasA d+ha ni/ bod skad du he ru ka'i sgrub thabs//dpal rdo rje mkha' 'gro la phyag 'tshal lo/ /khrag 'thung 'jig rten gsum las bskyod/ /dpal ldan bla mar mgos btud nas/ /de yi sgrub thabs zhi ba ni/ /gsungs pa'i cho ga mdor bsdus bya/ /dpa' bo zhal gcig phyag gnyis pa/ /bdag med ma yis mgul nas 'khyud//'khor lo la sogs rgyan dang ldan/ /spyan gsum stag gi sham thabs can/ /rgyud 'dir bsgom pa la dbang ba'i rnal 'byor bas tho rangs langs te/ stan bde ba la 'dug nas/ rang gi snying gar nyi ma la gnas pa'i hUM bltas te/ de'i 'od zer gyis dpal he ru ka mngon du byas la/me tog la sogs pa mchod pa lngas yang dag par mchod par bya'o/ /de'i spyan sngar sdig pa bshags pa dang / bsod nams la rjes su yi rang ba dang / gsum la skyabs su 'gro ba byas te/ byang chu ba chen por sems bskyed do/ /sems can thams cad bde ba la dgod par 'dod pa'i byams pa dang /sdug bsngal thams cad las bsgral bar 'dod pa'i snying rje dang / bde ba nges par rgyun mi 'chad par 'dod pa'i dga' ba dang / nyon mongs pa thams cad dang / nye ba'i nyon mongs pa dang / gzung ba dang 'dzin pa la/ sogs pa'i rtog pa'i dri mas ma gos pa'i rang bzhin ston ka'i dri ma med pa'i nam mkha'i dkyil ltar gnyis su med pa'i ye shes tshul dang gcig pa'i stong pa nyid bsgom par bya'o/ /oM shU n+ya tA dz+nyA na badzra swa b+hA ba A t+ma kou0f85haM/ zhes bya ba'i sngags kyis byin gyis brlab po/ /de nas langs te nam mkha'i phyogs su nyi ma'i dkyil 'khor la gnas pa'i hUM bltas te/de yongs su gyur pa las rdo rje'i lte ba la gnas pa'i nyi ma la hUM bsam par bya'o/ /de'i 'od kha nas 'thon te/ dpal he ru ka'i gzugs kyis 'gro ba ma lus pa'i don byas nas de nyid du zhugs pa dang /de yongs su gyur pa las dpal he ru ka pad+ma sna tshogs 'dab ma can la ro'i steng nyi ma'i dkyil 'khor la bzhugs pa/ zhal gcig pa phyag gnyis pa spyan gsum pa/ phyag g.yas na rdo rje/ g.yon na rdo rjes mtshan pa'i thod pa bsnams pa/ gar gyi stangs dang ldan pa stag gi sham thabs can spyi bor mi bskyod pa'i bdag nyid mi'i mgo bo las byas pa'i 'khor lo 'dzin pa dang /rna bar 'od dpag med kyi bdag nyid mi'i rus pa'i rna cha dang / mgul bar rin chen 'byung ldan gyi rang bzhin mgul rgyan dang ldan pa/ lag pa la rnam par snang mdzad kyi rang bzhin gdu bu dang ldan pa/rked par don yod grub pa'i bdag nyid ske rags kyis brgyan pa/ skra'i mchod phyir thogs dang / dpung rgyan dang / rkang gdub kyis brgyan pa/ dbu skra ser po gyen du brje sa pa/ bdag med ma zhal gcig phyag gnyis pa/ gri gug dang thod pa bsnams pa'i mgul nas 'khyud pa'o//de lta bur gyur par bdag nyid bsams la/ rna bar bdag med ma'o/ /mig ni rdo rje ma'o/ /sna la gsang ba'i gau rI ma/ lce la chu'i rnal 'byor ma/ /lus la rdo rje mkha' 'gro ma/ /yid la bdag med mas byin gyis brlabs par bsam par bya'o//de nas spyi bor pad+ma 'dab ma sum cu rtsa gnyis pa'i lte ba la/ haM kha thur du bltas pa'o/ /mgrin par pad+ma 'dab ma bcu drug pa la aM gyen du bltas pa'o/ /snying gar pad+ma 'dab ma brgyad pa'i lte ba la hUM kha thur du bltas pa'o/ /lte bar pad+ma 'dab ma drug cu rtsa bzhi pa'i steng du aM kha gyen du bsam par bya'o//de nas dam tshig sems dpa' lta bu'i ye shes sems dpa' bkug ste/ dzaH hUM baM hoH zhes pa'i sngags kyis dgug pa dang gzhug pa dang / bcing ba dang dbang du bya'o/ /chu dang 'o ma bsres pa lta bu ro mnyam par bya'o//de'i rjes la rang gi snying gar nyi ma la rdo rje/ de'i lte bar hUM gi 'od kyis de bzhin gshegs pa thams cad kyi bdag nyid dpal he ru ka bkug la mchod pa bya ste/ de bzhin gshegs pa thams cad kyis bdag la dbang bskur cig ces gsol ba gdab po/ /de dag gis bdud rtsi lngas gang ba'i rin po che'i bum pas dbang bskur bas bdag la mi bskyod pa mgon po'i dbu rgyan dang bcas pa bsam par bya'o//de nas rnal 'byor ma'i tshogs thams cad kyis rang rang gi byang chub sems kyi rdzas kyis mchod par bsam mo/ /de nas/ mche ba gtsigs shing 'jigs pa che//sngags kyi me tog phreng bas brgyan/ /sha chen rab tu gsol mdzad pa/ /he ru ka la phyag 'tshal bstod/ /ces bya bas bstod par bya'o/ /de nas snying gar hUM yongs su gyur pa las rdo rje/ de'i 'og tu oM yongs su gyur pa las pad+ma'i snod bskyed de/ de'i dbus su oM gyis mtshan pa'i/ go ku da ha na ma ra mu su bi la sogs pa dam tshig gi rdzas bsam par bya'o/ /de nas rdo rje dang / pad+ma'i sbyor bas/ me 'bar ba des rdzas rnams bsregs te bskol nas zhu bar gyur pa/ de bzhin gshegs pa thams cad kyi rang bzhin du bltas te/ye shes kyi nyi ma 'bar ba/ ye shes kyi sa bon de'i 'od kyis de bzhin gshegs pa thams cad kyi bdud rtsi bkug nas/ dngos po de dag dang lhan cig par bya ste/ oM AH hUM zhes bya ba'i yi ges byin gyis brlab par bya ste/ de nas hUM dkar po'i rang bzhin gyis lce sbyangs la/bdag nyid de yis tshim par bya'o/ /de nas snying gar nyi ma la gnas pa'i hUM la bskor nas gnas pa'i/ oM trai lo kyA k+She pa hUM hUM hUM phaT swA hA/ zhes bya ba'i yi ge bcu gnyis kyi sngags kyi phreng ba mar me'i phreng ba ltar 'bar zhing gsal ba yid kyis bris te/ klog pa'i rim pa bzhin du/mi 'gyur bar bzlas par bya'o/ /gung dang dgongs kyi dus su yang bdag nyid he ru ka'i rang bzhin du skad cig gis bskyed de/ de nas mig la sogs pa'i rnam par dag pa dang / 'khor lo'i bsgom pa dang / mchod pa dang / bstod pa dang / bdud rtsi myang ba dang / bzlas pa la sogs pa byas te/ji bzhin par gnas nas gshegs su gsol bar bya ste/ gtor ma gtang ba la sogs pa bya'o/ /de nas dkyil 'khor bsdus te/ skad cig mas lhar sprul pa ci bder gnas par bya'o/ /dpa' bo 'jig rten gsum bskyod pa'i//sgrub thabs bla med byas pa las/ /bsod nams gang zhig bsags pa des/ /'jig rten rdo rje 'dzin par shog /dgyes pa rdo rje zhal gcig phyag gnyis pa'i sgrub thabs rdzogs so// //slob dpon chen po sa ha dza bi la sa'i zhal snga nas mdzad pa/

CLOSE WINDOW