CLOSE WINDOW

D1261
བོད་ཡིག

/ @##/ /rgya gar skad du/ shrI he ru ka b+hU ta nA ma maN+Da la no pi kA/ bod skad du/ dpal he ru ka 'byung ba zhes bya ba'i dkyil 'khor gyi cho ga /dpal he ru ka la phyag 'tshal lo/ /zhabs ni yongs su bskyod pas shin tu bzlog par dka' ba'i dba' rlabs yongs su bgrod pa bzhin//phyag rnams rnam par bskyod pa'i rnam rgyas rlabs kyi gar ni shin tu dag pa'i rlabs/ /phyag gi glang po la sogs chu na rgyu ba bzhin te gyen gyi dbu skra me dang mtshungs/ /dbu ma'i phreng ltar bzhad cing chu gter dri med khrag 'thung khyed kyi skus ni srung gyur cig /dpal ldan khrag 'thung kun mkhyen rig par bcas/ /snying rje gcig cing skyon rnams ma lus spangs/ /lhan cig skyes dngos spyi bos btud byas te/ /de yi bsdus pa'i dkyil 'khor brjod par bya/ /dkyil 'khor chen po'i las ni ma gtogs par//dngos grub bla med mchog ni mi rigs te/ /dbang dang rab gnas bzlas dang sgrub pa sogs/ /de bas 'dod pas cho ga la brtson bya/ /dkyil 'khor ting 'dzin phyag rgya sngags dang ni/ /bya ba gdan dang bzlas pa sbyin sreg dang / /mchod pa las su ldan pa sdud pa ste/ /de nyid dag ni rnam pa bcu yin no//slob dpon de nyid bcu rnams shes/ /sngags dang rgyud kyi sbyor ba rig /mtshan nyid kun dang yang dag ldan/ /bstan bcos don ni kun rig cing / /dbang rnams kun gyis dbang bskur cing / /bla ma'i bka' thob yon tan ldan/ /dam tshig ldan zhing sdom par ldan//brtan zhing theg pa gsum ldan rig /'jig rten chos kyis mi 'phrogs la/ /bzod ldan snying rje'i bdag nyid can/ /bzlas pa la brtson ser sna bral/ /dad dang byams la yang dag gzhol/ /cho ga yongs su rdzogs pa yis/ /dkyil 'khor bya ba brtsam pa ste//bsod nams la sogs 'brel phyir dang / /dad pa'i phyir yang bya ba ste/ /rtag par dkyil 'khor smod pa dang / /cho ga dman par mi bya'o/ /skye ba 'dir yang sdug bsngal che/ /'jig rten pha rol 'jigs pa che/ /de bas nan tan thams cad kyis/ /dngos grub 'dod pas bya ba nyid//cho ga bdag nyid nus pa yis/ /rgyud las gsungs pa'i gzhung de nyid/ /de ltar byas pa'i bsod nams kyis/ /blta bas mi mthong skye bar 'gyur/ /dkyil 'khor mngon par mchod pa yis/ /des ni myur bar skye bar 'gyur/ /de la dang por 'di ltar slob dpon bkra shis par 'dod pas slob ma la sogs pas dkyil 'khor sngon du song bas lan gnyis lan gsum du gsol ba btab pa'am/bdag nyid bsod nams 'dod pas dkyil 'khor gyi cho ga'i yid kyis dang por re zhig sngon du bsnyen pa bya'o/ /de la dge zhing rjes su mthun pa bar chad med pa'i gnas su kye'i rdo rje'i rnal 'byor gyis dmigs shing rnal 'byor pas ting nge 'dzin gsum byas la 'khor los sgyur ba'i rgyal po'i sngags dang /rang gi lhag pa'i lha nyid kyi sngags 'bum bzlas par bya zhing / gzhan dag gi sngags ni khri bzlas par bya'o//yang na bdag po'i snang bas de la mos pas kyang dkyil 'khor bya'o/ /sngon du bsnyen pa'o/ /ri phug dang ni chu 'gram dang / /dur khrod skye bos dben dang nags/ /'bab chus gang ba 'ba' zhig tu/ /dngos grub myur bar gdon mi za/ / grong khyer khyim dang lhas dang ni/ /gtsug lag khang gi khyim gnas su/ /yun rings kyis ni dngos grub dag /'grub ces de nyid rig pas gsungs/ /gnas ni rnam par bstan pa'o/ /nyi ma bzang zhing skar bzang la/ /tho rangs dus su blo ldan gyis/ /sa yi mtshan nyid pha rol son//sa ni yang dag brtag par bya/ /tsin tsa yung ba btu bar ram/ /ka rany+dza dang don 'grub ko bi da ra dang / kar+Ni kas ni mnyam bkang rigs kyi ri/ /rus sbal glang po'i rgyab 'dra'i sa ni spang bar bya/ /shar phyogs pi pi ling gi shing dang ni/ /lho phyogs blag sha ba yi shing dang ldan//nub phyogs n+ya gro d+ha yi shing dang ldan/ /byang gi phyogs na ba ku le dang ldan/ /me yi mtshams ni ka ku b+he dang ldan/ /pa lA sha ni bden bral dag du brjod/ /rlung gi phyogs su shal ma li shing ste/ /dbang ldan du ni u dum+WA ra'o/ /mya ngan med dang kan+da su kha nim pa grub shing / ta ma la dang ma tso ku tsa a mra bal po se'u/chu dang dbang po'i phyogs su chu mig dang ldan shis pa'i sa/ /gru bzhi'i mtshan nyid sa ni rnam par brtag par bya/ /der ni gdab gru bzhi rnam par brkos byas nas/ /de la brkos pa'i sa yis shin tu gang bar bya ba ste/ /gal te dong ste khengs par ma gyur shis pa ma yin zhing //sa la sogs pa lhag par gyur na shin tu bsngags pa yin no/ /sa yongs su brtag pa'o/ /tsin tsa la sogs ldan pa yis/ /gal te dkyil 'khor brtsams gyur na/ /'thab mo mya ngan nor nyams pa/ /yon bdag dag la myur du 'grub/ /rus sbal glang rgyab yang na gzhong //'chi dang nad dang yang na rgud/ /de phyir de 'dra'i gnas su ni/ /blo ldan dkyil 'khor brtsam mi bya/ /a sho ka sogs mnyam ldan pa'i/ /dkar po'i sa ni shin tu shis/ /byang shar dag ni chu mig tu/ /'gyur na dngos grub bla na med/ /khung bu brkos pa'i sas ma khengs//thams cad kun ni nyams par 'gyur/ /brkos pa'i sas ni khung bkang na/ /thams cad dag ni 'byung bar 'gyur/ /sa yi mtshan nyid do/ /de la rab tu bsngags pa'i sa'i dbus su stan bde zhing mtho ba la 'dug ste/ gtsang sbra dang / dri zhim pa dang / lus ji snyed pa'i gos kyis brgyan pa dang / cod pan bcings pa byas nas/ yo byad thams cad mnyes par bzhag ste/ srung ba dang bzlas pa bya zhing rdo rje dang dril bu lag tu blangs la/ sngags pa mnyam par gzhag pas gtor ma dang mchod pa byin la tho rangs kyi dus su ting nge 'dzin gsum bya ste/'chad par 'gyur ba'i cho ga'am bdug pa'i sbyin sreg gis bgegs bsal zhing phur bus gdab cing rdo rje ra ba dang / rdo rje'i gur la sogs pa yang rnam par bsgoms te/ slob ma bsrung ba'i don du zhi ba'i sbyin sreg bya'o/ /de'i rjes la gtor ma rgya chen po man ngag ji lta bas sbyangs la rnga'i sgra dang bcas pas phyogs kun gyi 'jig rten skyong ba rnams la dbul lo//de nas phyi de nyin par snga dro'i dus su sngags pas lha nyid kyi rnal 'byor bya ste/ las thams cad pa'i sngags kyis bsngags pa'i chus yang dag par gtor la 'chad pa'i 'gyur ba'i mtshan nyid kyis sa'i lha mo yid kyis spyan drangs nas mchod pa lngas yang dag par mchod nas/lha mo khyod ni zhes bya ba la sogs pa'i tshigs su bcad pas gsol ba btab cing / oM tiSh+Tha badzra hUM/ zhes pa'i sngags kyis nam mkha'i dkyil du dgod par bya'o/ / pus mo'i tshad tsam sa la ni/ /las kyi rdo rjes brko bar bya/ /ba su'i klu ni mnyam dmigs la/ /de nas shin tu yongs su sbyangs/ /ston zla 'bring dang tha chungs la/ /nyi shar dbang ldan phyogs su dgod/ /klu ni lho ru kha bltas nyal/ /g.yon logs su ni shin tu gnas/ / dgun zla ra 'bring tha chungs la/ /gshin rje ru ni mgo gnas te/ /nub tu kha phyogs mi tshul ni/ /ro stod yin te klu yi tshul/ /dpyid kyi ra ba 'bring dang tha/ /zla bar byang phyogs kha blta ba/ /nub tu mgo blta nyal ba ni/ /ba su'i klu ni stobs po che/ /dbyar zlar 'bring thu chungs dul//klu ni gzhogs kyis nyal ba ste/ /byang du mgo bstan shar du ni/ /dus rnams kun du kha blta'o/ /klu 'di'i rgyab kyi smad du ni/ /gal te kun du brkos gyur na/ /yon bdag 'dod pa'i dngos grub ni/ /'byung bar 'di la the tshom med/ /gal te mgo bor brkos gyur na//pha ma spun dang rtsa lag dang / /bu dang tsha bo stobs la sogs/ /rtag tu brlag par 'gyur ba yin/ /gal te rgyab kyi lus la brkos/ /gnas rnams nyams dang yang na 'chi/ /yun ni ring bar snga ma'i chas/ /ba glang ma he la sogs brlag /klu gnas yang dag shes bya ste/ /smad kyi cha 'dir brko bar bya/ /bskor bas yongs su bgrod byas la/ /sa yi grags ldan ma la blta/ /blo ldan mkhas pas brtag byas la/ /de nas zug rngu bsal byas la/ gal te zug rngu de ma bsal/ /nyes pa dag ni skyed par 'gyur//rus pa yan lag rdzogs dang mnyam chud na/ /zug rngu sol ba'i zug rngus 'jigs pa ston/ /thal bas nor nyams 'chi dang mi rus dang / /sbrul sogs zug rngus kyang ni gnod par 'gyur/ /rdo ba rdul dang gyo mo sen mo skra dang kre ta'i shing / /so phag dri ma snum pa tsher ma la sogs bcas//'ching dang bsnun pa la sogs mang po'i zug rngu 'byung / /zug rngu legs bsal des ni nyon mongs ma lus sel/ /pus mo tsam ni brkos nis su/ /sa ni dag par ma gyur na/ /slar yang sngags pas rked pa tsam/ /yongs su dag cing brko bar bya//rgyun mi chad pa'i zug rngu 'di/ /gal te 'byung bar gyur ba na/ /lag pas bkab ste sngags bzlas pas/ /de nyid kyis ni dag par 'gyur/ /sngags ni oM ha na ha na kro d+ha hU~M phaT/ /de nas yi ge hU~M gis bsngags pa'i bdud rtsi lnga dang bsres pa'i chus 'jim pa byas pas yang dag par bya zhing //las thams cad pa'i sngags kyis bzlas pa'i chus bsang ba bya zhing / 'bru dang rin po che dang sman rnams dbus su brtan par gzhug cing sa gzhi de shin tu mnyam par bya'o/ /rang gi khyim dang ba lang lhas/ gtsug lag khang dang khang shul dang / 'bab shul rgya mtsho 'jug ngogs su/ /sbyang dang brko ba sogs mi bya/ /lag pa brkyangs te sngags bzlas pas/ /de yis sa ni sbyang bar gsungs/ /de yis sa ni sbyang 'gyur to/ /rang gi sems ni yongs su dag /sngags ni oM rak+Sha rak+Sha hU~M hU~M hU~M phaT swA hA/de nas sgo bzhi dang rta babs su ldan pa'i khang bu brtsegs pa'i nang du chud pa'i bla re bre ba dang / rnga ma dkar po dang / /ljon shing dang / 'phan dang lo mas kun du khyab par bya zhing khyad par 'phags pa'i dar gyis legs par brgyan cing / dri zhim po dang me tog gi phreng bas rnam par bkra ba'i gos kyis yan lag brgyan pa'i rang bzhin gyis sbyangs pa dang /dri yis nye bar byugs pa dang / zur bzhir rnam par gnas pa'i spos dri zhim po'i snod byas la slar yang sbyin sreg la sogs pa bya'o/ /de bzhin du sa'i lha mo nam mkha'i phyogs su rnam par gnas par bsam par bya'o//sa sbyang ba'i cho ga'o/ /de'i rjes la rdo rje slob dpon grogs bzang po dang / shin tu legs par bsdams pa'i dkyil 'khor gyi sa la stan bde ba la 'dug ste/ gtor ma dang mchod pa la sogs pa phul la/ /rang 'dod pa'i lha'i dkyil 'khor rnam par bsgom zhing bgegs bskrad par bya ba'i phyir las thams cad pa'i sngags kyis bzlas pa'i dri'i chus dkyil 'khor gyi sa la yongs su gtor bar bya'o//de nas oM b+hU kha~M zhes bya ba'i sngags kyis nam mkha'i rang bzhin du bya'o/ /hU~M la~M hU~M/ zhes bya bas rdo rje rdul phran gyi rang bzhin du sa gzhi bsgom par bya'o//oM me dI ni badzra b+ha ba badzra satwa hU~M zhes bya ba 'dis byin gyis brlab par bya'o/ /'di ni man ngag gis sa sbyang ba'o/ /'di ni nang gi sbyang ba'i cho ga 'o// //de'i rjes la slob dpon gyis me tog dri zhim pos dgram pa byas nas dkyil 'khor gyis gzhi'i dbus su 'dug ste lag tu rdo rje dang dril bu bzung la/de bzhin gshegs pa thams cad kyis bdag nyid kyi ting nge 'dzin gsum gyi rnal 'byor dang ldan pa la rdo rje dang dril bu 'dzin pa'i slob mas phyogs bzhin rnam par gnas pa'i dkar mo la sogs pa'i rnal 'byor ma bzhir bsgoms la//tshigs su bcad pa bzhis gsol ba gdab par bya ste/ zhi ba de bzhin gshegs pa kun/ /de bzhin gshegs pa kun gyi gnas/ /chos rnams mchog ni bdag med pa'i/ /dkyil 'khor mchog ni bshad du gsol/ /mtshan nyid thams cad yang dag rdzogs//mtshan min thams cad yang dag spangs/ /kun du bzang po sku yi mchog /dkyil 'khor mchog ni bshad du gsol/ /zhi ba mchog ni chos las 'byung / /ye shes spyod pa rnam par spyod/ /kun du bzang po gsung gi mchog /kha lo sgyur bas dkyil 'khor gsungs//sems can kun gyi thugs chen po/ /rang bzhin dag cing dri ma bral/ /kun du bzang po thugs kyi mchog /dkyil 'khor kha lo sgyur bas gsungs/ /de nas sngags pas gsol ba btab pa dang du blangs la/ sangs rgyas dang byang chub sems dpa'i thams cad kyi nga rgyal bskyed par bya ste/bdag nyid sangs rgyas byang chub sems/ /bdag nyid don yod rdo rje chos/ /rdo rje nyi ma nyid kyang bdag /bdag nyid sangs rgyas thams cad do/ /zhes bya bas so/ /de'i rjes la hU~M badzrod tiSh+Tha zhes bya ba'i sngags 'dis bsgoms pa'i dkyil 'khor gyi 'khor lo gshegs su gsol te/nam mkha'i dkyil du dgod par bya'o/ /de nas sems can gyi khams nyon mongs pa'i mun pas g.yogs pa shin tu snying rje ba'i yid kyis nyon mongs pa la rab tu khros te de nas ldang bar bya'o/ /Ta yig ri bong mig g.yon la/ /ma yig nyi ma g.yas la 'dzin//sna tshogs 'jig rten dag la gzigs/ /kun nas rdo rje'i lta stangs kyis/ /rkang mthil nas ni rdo rje 'bar/ /dal bas rdo rje gsor bya zhing / /rdo rje rgya gram gom stabs gar/ /gnas rnams su ni dril bu dkrol/ /ba~M hwa~M sa ya~M pra du Sh+To g+ha na hU~M/ kha nas hU~M yig sgra gdon cing /rab sdang bsdigs pas gzhag par bya/ /sngags pas g.yas nas bskor bya zhing / /'khor lo yis ni bskor bar bya'o/ /de bas bgegs ni gzhil bya'i phyir/ /tshigs bcad 'di ni brjod par bya/ /lus ngag sems la gnas pa yi/ /gza' dang 'byung po sha za sogs//gang zhig lus ni srul po ste/ /khyed rnams kun du 'gro bar byos/ /bde chen ye shes las byung ba/ /rdo rje sems dpa' dngos kyi rigs/ /nga ni dpal ldan snying rje'i stobs/ /bsnyung ba'i dkyil 'khor sbyor ba'o/ /gal te gang zhig goms byed na/ / rdo rje 'bar bas lus po ni/ /gsang ba gsum skyes gshegs pa dang / /kun nas kun du phye mar brlag /de nas de rjes ma lus bgegs/ /'jigs pas byed par blta bar bya/ /bgegs bskrad pa'i mtshan nyid dang yongs su gzung ba zhes bya'o/ /de nas sngags pas bgegs nye bar zhi bar bya ba'i phyir//bdud rtsi 'khyil ba'i sku lus phyed rno ba shin tu mi bzad pa'i nyi ma phyed pa'i 'od dang mtshungs pa dbus su bsgom par bya ste/ oM g+ha g+ha g+hA ta ya g+hA ta ya/ sarba duSh+TA~M phaT phaT/ kI la ya kI la ya/ sarba pA paM hU~M hU~M hU~M/ badzra kI la ya badzra d+ha ra A dz+nyA pa ya ti kA ya wA ka tsi t+ta badzra kI la ya hUM phaT ces bya ba'i sngags 'dis phyogs thams cad du spro ba'i sbyor bas blos gdab par bya'o//slar yang bgegs ma lus pa zhi bar bya ba'i phyir/ /rang rang gi phyogs na gnas pa bu dang zho shas 'tsho ba dang 'khor du bcas pa'i dbang po la sogs pa phyogs skyong ba dang /gzhan yang bgegs byed pa ni dkyil 'khor gyi sa'i dbus su gcig pa nyid du gnas par bltas la/ /bdud rtsi 'khyil ba'i sngags de nyid kyi blos gdab par bya'o/ /phur bus gdab pa'i cho ga'o/ /de nas bgegs med cing 'bar ba rnon pa'i rigs kyi 'od du dkyil 'khor gyi sa bltas la phur bus gdab pa'i phyi rol tu rdo rje ra ba zhes bya ba ste/re pha dmar po yongs su gyur pa'i nyi ma'i dkyil 'khor gyi dbus na gnas pa'i yi ge hUM nag po yongs su gyur pa las skyes pa'i 'od zer lnga dang ldan pa'i sna tshogs rdo rje bsgom par bya zhing 'od zer gyi phreng ba des rdo rje phreng ba 'bar ba 'phros pas phyogs bzhir khyab cing //shin tu thug par gyur pas rnam par mdzes shing rdo rje ra ba gru bzhi pa'o/ /steng du khyab pas ni rdo rje'i gur dang ra ba'i 'og tu khyab pas ni sa gzhi rdo rje'i rang bzhin no/ /ra ba dang gur gnyis las kyang phyogs phyogs su 'od zer spros pas thug par gyur te/phyi'i phyogs bcing ba dang nyi ma dang sna tshogs rdo rje las kyang kun nas 'od zer du gyur pas nang mtshams med par byas la/ /de nas phyi rol thag ring por mtshams bcad par bsgom par bya'o/ /rdo rje'i gur la sogs pa'i srung ba'i 'khor lo'i cho ga'o//de nas baM yig las skyes shing de las byung ba lus phyed la/ gser gyi mdog can phyag na rin po che'i bum pa bsnams pa/ na bza' bzang pos brgyan cing sa'i lha mdun du bsams la tshigs su bcad pas rab tu gnas par byas te/ kye rdo rje khro bo'i mchod pa la//lha mo khyod ni dbang du gyur/ /rin chen du ma 'dzin pa'i sa/ /che ge mo bdag dkyil 'khor bri/ /bskul ba lan gsum bar du ni/ /sa la bsang gtor la sogs sbyin/ /mchod pas mnyam par mchod byas la/ /de nyid du ni thim par bsam/ /de nas slob dpon grogs dang bcas pas dkyil 'khor la dri zhim po dang me tog bzang pos nye bar byug pa dang /gtor ba byas la/ /lha'i gnas su bdud rtsi lngas dkyil 'khor dgu dang / bdag med ma'i dkyil 'khor la ni dkyil 'khor bco lnga byas la/ nam mkha' la gnas pa'i dkyil 'khor blos spyan drangs te//bdud rtsi lngas nye bar byugs pa'i dkyil 'khor la mnyam par dgod par bya'o/ /rdo rje ra ba la sogs pa dang mtshams bcad pa'i mthar thug par byas la/ phyi dang gsang ba'i mchod pa rnams kyis dkyil 'khor gyi 'khor lo de la yang dag par mchod pa dang /bstod pa dang bdud rtsi myong ba bya'o/ /sa yongs su bzung ba dang sta gon la gnas pa'i dus su mtshan mo rol mo dang ta m+bu ra dang gling bu dang lag rnga dang rdza rnga shin tu snyan po'i rol mo'i dbyangs dang / glu snyan pa dang skye bo sgeg po dag gi gar gyi rjes su 'brang ba dang / bkra shis kyi khyad par gyis kyang dkyil 'khor gyi khyim du dkyil 'khor mchod par bya'o//de nas legs par yongs su brtags pa'i shin tu 'jam zhing bde ba'i stan la 'dug ste/ mdun gyi g.yon gyi cha ru me tog bzang po dang chus yongs su bkang zhing yongs su bzlas pa'i 'thor 'thung gi snod gzhag par bya zhing //ting nge 'dzin gsum gyi rnal 'byor dang ldan pa'i rnal 'byor pas bum pa sta gon la gnas par bya ste/ de la nag po ma yin pa dang / kha 'dab yangs pa dang / mgrin pa ring ba dang / nang yangs pa shin tu legs par bkrus la spos kyis bdug cing nas dang /nas so ba dang / sran ma ma sha dang / 'bras kyi so ba dang / /til dang 'bru lnga dang / bri ha ti dang / kaN+Da ka ri dang swe ta a pa ra dzi ta dang / lhar bcas dang ldan pa'i sman lnga dang / gur gum dang / a ga ru dang / 'gran ti ka dang / tsan+dan dang pa tra~M ga ste dri lnga dang / gser dang / dngul dang / zangs dang / mu tig dang / byu ru dang / mthing shing ste rin chen lnga dang ldan pa/ /glang po che dang / rta dang ba glang dang bong bu la sogs pas ma bgrod pa'i chu klung la sogs pa nas shin tu bshams la chu blangs la snod gzhan dang rig par mi bya'o/ / oM ta t+pe ta t+pe ma hA ta t+pe swA hA/ zhes bya bas maN+Dal gyi chu ru byas nas chus yongs su bkang ba la tsu ta dza dang dzam+bu ka dang / bil ba dang / ta ma lu ste kha rgyan lnga gzugs shing gos sar pa zung gis mgrin pa dkri bar byas te/ chos 'byung la gnas pa'i rang gi lha'i mtshan mas mtshan par bya zhing /yi ge ba~M gyis rin po che'i rang bzhin du byas par bsams la/ 'phan dang gdugs dang ldan par bya zhing bsgoms pa'i dkyil 'khor gyi bdag po steng du dgod cing me tog phreng bas dkris pa'i rdo rjes sbrel la/ /rnam par rgyal ba'i bum pa dang rjes su mthun pa'i stan gzhag cing me tog gis dkris pa'i rdo rje lag pa g.yon gyis blangs la//g.yas pas ni phreng ba blangs la sngags pas yi ge gsum gyi bar du bcug pa'i lha rang gi sngags lan brgya rtsa brgyad kyis mngon par bsngags par bya'o/ /de bzhin du dkyil 'khor gyi bum pa gzhan las cung zad dman pa'i tshad kyis te/cho ga yang de bzhin du bya zhing lha rang rang gi mtshan mas mtshan pa dang / rjes su mthun pa'i gdan ldan par bsgoms la dkyil 'khor gyi sa la dkyil 'khor gyi lha byin gyis brlabs pa'i yi ge gsum gyi bar du chud pa'i dkyil 'khor gyi lha'i sngags kyis lan bdun gyi bar du mngon par bsngags par bya'o//de nas zhabs bsil la sogs pa phul te/ mchod pa rnam pa lngas mchod cing dril bu dkrol la bstod par bya'o/ /de bzhin du bum pa gzhan yang cho ga bya ste/ sems can rnams gsang ba'i don du g+ha sma rI bskyed la/yi ge gsum gyi bar du chud pa'i las thams cad pa'i sngags kyis lan brgya rtsa brgyad kyi bar du mngon par bsngags par byas la/ de bzhin du zhabs bsil dang / bstod pa la sogs pa bya'o/ /de'i 'og tu bgegs nye bar zhi bar bya ba'i phyir gtor ma sbyin par bya'o//de la bum pa sta gon la gnas pa 'di nyin gcig bzhin du dus gsum du cho ga bya'o/ /gzhan dag na re shar phyogs la sogs pa'i sgor bum pa brgyad dang ldan pa ste/ rgyal ba dang / bkra shis dang / grub pa dang / bsrung ba dang / rgyal ba dang / zhi ba dang / rdzu 'phrul dang / grub pa'i ming dang ldan pa ste/ oM su~M k+Shu~M yu~M hU~M phaT swA hA/ zhes bya ba'i sngags 'dis lan bdun du bsngags la de bzhin du lhag par gnas par bya'o zhes zer ro/ /bdag med ma'i dkyil 'khor la ni lha mo rnams kyi bum pa bco lnga la de bzhin du gri gug gis mtshan par bsgom zhing /rang rang gi sngags kyis mngon par bsngags par bya zhing lhag ma ni snga ma bzhin no/ /bum pa lhag par gnas pa'i cho ga'o/ /de nas thal mo sbyar la lus btud de me tog bzang po bzung la/ oM sarba ta thA ga ta su la li ti/bi la sa na mi ter nA ma mi b+ha ga bA na ta~M/ dzaH hU~M ba~M hoH/ pra tIts+tsha ku su mAny+dza lin nA tha hoH/ zhes brjod la me tog dor la dkyil 'khor gyi 'khor lo mchod par bya'o/ /de nas pus mo g.yas pa'i lha ngas la btsugs te/ lag pa g.yas pa brkyang ste/ sngags pas spos bzangs kyis g.yab par bya zhing lce la hU~M yig las skyes pa'i rdo rje phra mo bsam par byas la/ dkyil 'khor gyi bdag po dang gzhan yang bskul bar bya ste/ bcom ldan khro bo rdo rje mchog /rig pa'i rgyal po phyag 'tshal bstod/ /snying rje'i bdag nyid dkyil 'khor ni//mgon po bdag ni 'dri bar 'tshal/ /slob ma rnams ni bskyab pa dang / /khyad rnams la yang mchod pa'i phyir/ /de la bdag dang bcom ldan kye/ /bka' drin bdag ni mdzad pa'i rigs/ /sangs rgyas 'gro la 'khor lo bskor/ /'bras bu la gnas byang chub sems//gzhan yang sngags kyi lha nyid dang / /'jig rten skyong ba'i lha dag dang / /rdzogs sangs bstan la rab zhugs pa'i/ /'byung po bstan pa la mos rnams/ /yang dag rdo rje'i spyan gyis ni/ /bdag cag rnams la dgongs su gsol//che ge mo dag rdo rje che/ /kye rdor 'byung ba'i dkyil 'khor ni/ /ci nus pa yis cho ga yi/ /'gro ba sbyang phyir 'bri bar 'tshal/ /slob ma dang bcas de dag la/ /brtse bas yongs su bzung nas ni/ /dkyil 'khor dang bcas thams cad la/ /myur ba ru ni sgrub par rigs//zhes lan gsum gyi bar du gsol bar bya zhing mchod la bstod par bya'o/ /lha lhag par gnas par bya ba'i cho ga'o/ /de nas sngags pas dkyil 'khor gyis las 'phags te slob ma yang dag par bsrungs te lhag par gnas par bya ste/ yon tan bde gshegs dad dang ldan//rigs ldan nga rgyal bral ba dang / /kha dog gzugs dang lang tshor ldan/ /don 'dod brtson 'grus khyad par 'phags/ /byas gzo bzo mkhas shes rab ldan/ /legs bkrus me tog phreng gis brgyan/ /gzugs bral yon tan med pa'ang rung //dman pa'ang lhag par gnas par bya/ /dkyil 'khor cho gar 'khor rnam bzhi/ /de dag rjes su gnang ba nyid/ /rang rang bslab pa dang ldan zhing / /theg chen la ni mos pa'i bdag /la la sngags ni grub don du/ /dkyil 'khor 'dir ni 'jug par byed//de las gzhan pa bsod nams 'dod/ /'jig rten pha rol 'dod pa gzhan/ /'jig rten pha rol bstan pa na/ /nges par dad par byed pa ni/ /blo ldan dkyil 'khor gzhug bya yi/ /skye bo 'di yi blo yis min/ /skye ba 'di yi blo yis ni/ /de bzhin 'jig rten pha rol min//'jig rten pha rol 'dod pa'i mi/ /'di yi 'bras bu zhar 'byung nyid/ /'di dag ma lus bar brjod nas/ /slob ma snying la 'jug sgor bya/ /rdo rje'i lam nas byung nas ni/ /rang rig pad+ma'i dbus na gnas/ /ma lus snying gar zhugs nas ni//zhu gyur de bzhin gshegs pa yis/ /bkru bar bsgom bya sngags mchog gis/ /dkyil 'khor sgo nas gsol gdab pa/ /sems can rnams la phan mdzad pa'i/ /brtson chen bdag ni ston pa khyod/ /'khor ba'i rgya mtsho mi bzad las/ /bde chen khyod kyis drang du gsol/ / theg chen khyod kyis drang du gsol/ /theg brtan byang chub chen po ni/ /mgon po chen po bdag la stsol/ /dam tshig de nyid bdag la stsol/ /byang chub sems kyang bdag la stsol/ /sangs rgyas chos dang dge 'dun te/ /dkon mchog gsum po bdag la stsol/ /thar pa chen po'i grong mchog tu//mgon po bdag ni gzhug tu gsol/ /zhes slob mas gsol ba gdab par bya'o/ /gus shing khyad 'phags dul ba yis/ /slob mas lan gsum gsol nas ni/ /gtso gyur slob ma bkug byas la/ /bla mas tshig 'di brjod par bya/ /theg chen 'di ni brtse ba ste/ / sngags kyi spyod pa cho ga'i gzhung / /theg chen snod ni khyed rnams la/ /de ni yang dag bshad par bya/ /dus gsum 'byung ba'i sangs rgyas ni/ /sku gsung thugs kyi rdo rje can/ /rdo rje gsang sngags mthu stobs kyis/ /ye shes mtshungs pa med pa brnyes/ /mtshungs med sngags kyis sbyor ba yis//bdud kyi sde chen mi bzad pa/ /dpa' bo shAkya seng ge sogs/ /gang zhig gis ni stobs chen bcom/ /'jig rten rjes 'jug la 'gro ba/ /phyir mi ldog pa'i 'khor lo bskor/ /de bas brtse blos 'di dag ni/ /kun mkhyen thob bya'i phyir du gyis/ /zhes 'di dag brjod la/sdig pa bshags pa la sogs pa byas nas/ /gsum la skyabs su 'gro ba la sogs pa rgyas par bya'o/ /sangs rgyas chos dang dge 'dun te/ /bla na med pa'i dkon mchog gsum/ /sangs rgyas rnal 'byor sdom pa ni/ /dus 'di nas ni gzung bar bgyi/ bslab pa'i tshul khrims rnam gsum dang / /dge ba'i chos ni sdud pa dang / /sems can don byed tshul khrims ni/ /bdag gis brtan par rab tu gzung / /rdo rje dril bu phyag rgya yang / /yang dag nyid du gzung bar bgyi/ /rin chen rigs chen bskyed bya'i phyir/ /slob dpon dag kyang gzung bar bgyi//dam par byas la nyin bzhin du/ /sbyin pa rnam bzhi rab tu sbyin/ /rin chen rigs chen la sbyor ba'i/ /dam tshig dag kyang yid du 'ong / /phyi nang gsang ba theg pa gsum/ /dam pa'i chos ni rab tu gzung / /pad+ma'i rigs mchog dag pa la/ /byang chub chen po las byung ba/ / sdom pa thams cad ldan par ni/ /de nyid kyis ni rab tu gzung / /las ni chen po rigs 'byung phyir/ /mchod pa'i las kyang ci nus bgyi/ /byang chub sems ni bla med pa/ /dam pa bdag gis bskyed par bgyi/ /sems can kun gyi don gyi rgyus/ /sdom pa thams cad gzung bar bgyi/ / ma bsgral ba ni bsgral bya zhing / /ma grol ba dag rnam grol bgyi/ /dbugs ma phyin pa dbugs phyung zhing / /sems can mya ngan 'das la dgod/ /ces lan gnyis lan gsum mo/ /'byor pa ma yin pa la ni/ /sdig pa thams cad so sor bshags/ /dkon mchog gsum la skyabs su mchi//'gro ba'i dge la rjes yi rang / /sangs rgyas byang chub yid kyis gzung / /zhes bya ba 'dis gsum la skyabs su 'gro ba la sogs pa sbyin no/ /de nas slob dpon gyis slob ma rnams kyi snying ga dang spyi gtsug dang mgrin pa rnams su bdag med ma dang mkha' spyod ma dang sa spyod ma rnams bsgom zhing lag pa g.yas pas rdo rje'i rtse mo nas bzung la yi ge gsum pa'i sngags brjod cing snying ga la sogs par reg par bya'o//spyi bor ni me tog gzhag cing spos dang mar me yang mdun du ste/ dri ni snying gar sbyin par bya'o/ /de nas pa To dang u dum+WA ra dang a shwat+tha la sogs pa 'o ma can gyi shing las skyes pa sor bcu gnyis pa srin gyis ma zos shing ma tshig pa/'gyel ba ma yin pa/ rma med pa mi yo ba la dri chus bskus te/ rtse mor me tog gi phreng ba bcings la/ oM a dzi hwA sa~M brta ni hU~M phaT ces bya bas so/ /shing la la ni bdun yongs su bzlas nas de la sbyin par bya'o//de nas slob mas shar ram byang du bltas la/ ba glang gi pags pa tsam gyi sa'i cha lci bas nye bar byugs la bla ma'i bkas rtse mo nas zos te so shing dor bar bya'o/ /so shing ji ltar bor ti lhung bde kha tshur phyogs pa de de lta na ni/de ni dngos grub mchog tu shes/ /gang zhig smra ba mkhas par 'gyur/ /shar du de bzhin dngos grub ni/ /'bring po ru ni rab tu grags/ /byang du de bzhin dngos grub ni/ /'jig rten pa dang dud 'gro yin/ /so shing bor bar gyur pa na/ /gal te thur du kha bltas na/ /de ni steng 'og dngos grub ste//phyi rol lhung na dngos grub med/ /de nas oM hrI bi shud+d+ha sarba d+ha rmAH pA paM ni tsa s+ya/ saM sho d+ha ya sarba bi ka lpAM a pa na ya hU~M zhes bya ba'i sngags 'dis mngon par bsngags pa'i chu khyor ba gsum blud par bya'o/ /de nas las thams cad pa'i sngags kyis bzlas pa'i skud pa gsum bsgril la mdud pa gsum dor bas slob ma rnams bsrung ba'i don du lag pa g.yas pa la bcing bar bya'o//de'i rjes la las thams cad pa'i sngags kyis bzlas pa'i/ /ku sha gcig sngags kyi don du sbyin par bya zhing / de bzhin du gzhan yang ku sha mang po stan gyi don du sbyin par bya'o//de nas chos bshad la nyan du gzhug go/ /kun mkhyen 'jig rten 'byung ba ni/ /brgya lam dag na 'byung 'gyur te/ /udum+WA ra'i me tog bzhin/ /brgya lam dag na 'byung bar 'gyur/ /sngags ni theg par sbyong ba ni/ /de bas kyang ni 'byung bar dkon/ /gang gis sems can mtshungs med don//mi ldog nus par spyad par gyis/ /bskal pa bye ba du ma ru/ /gang gis sngon gyi sdig byas pa/ /dkyil 'khor 'di 'dra mthong ba yis/ /de dag thams cad zad par 'gyur/ /gsang sngags theg pa gnas nas ni/ /skyob pa'i sngags ni bzlas pa yis//go 'phang bla na med 'gyur zhing / /dpag med grags pa smos ci dgos/ /sdug bsngal thams cad 'byung ba yi/ /de rnams kyis ni ngan 'gro gcod/ /gang zhig spyod mchog 'di yis ni/ /blo ni shin tu dri ma med/ /de nas bdag nyid che khyod kyis/ /mtshungs pa med pa'i rnyed pa rnyed//rgyal pa sras bcas thams cad kyis/ /gang zhig khyed rnams bstan pa 'dir/ /thams cad yongs su gzung gnas pas/ /bdag nyid chen po rnams su skye/ /de bas khyed rnams theg chen la/ /legs pa nyid du skye bar 'gyur/ /dpal ldan lam mchog 'di yis ni//theg pa mchog tu 'byung bar byed/ /gang zhig khyed rnams bgrod 'gyur ba/ /de bzhin gshegs pa nyid 'gyur te/ /yod dang med las 'das pas na/ /nam mkha' lta bu'i dri ma bral/ /zab cing rtog ge ba rnams kyis/ /brtag par mi nus gnas dang bral/ /spros pa rnams dang bral ba de//spros pa rnams kyis rnam par spros/ /theg chen gzhung la gnas pa yis/ /'di 'dra ba yis chos thob 'gyur/ /zhes pas so/ /de nas dge ba'i bsam pas langs su bcug la des rang gi gnas su dkyil 'khor bri bar bya yis rmi lam du ji ltar mthong ba brjod par rigs so zhes brjod la oM rak+Sha rak+Sha hU~M hU~M hU~M phaT swA hA/zhes bya ba'i las thams cad pa'i sngags 'dis mngon par bsrungs la de la nyal du gzhug go/ /slob ma lhag par gnas pa'o/ /de nas rdo rje slob dpon gyis thams cad rdzogs nas las thams cad pa'i sngags sam/rtsa ba'i sngags ji srid 'dod pa'i bar du bzlas la seng ge'i nyal thabs su byas te/ nyal bar bya'o/ /de nas tho rangs de'i mtshan ma mthong ba'i rmi lam dri bar bya'o/ /dge ba 'am mi dge ba thos nas tsham tshom med par smra/ /rmi lam sangs rgyas mthong ba dang / /sku gzugs mchod rten mthong ba dang /chos nyan pa dang de yi grogs/ /dge slong dge 'dun mthong ba dang / /lha khang sangs rgyas sras dang dge slong ma/ /ri bo skyed mos tshal la 'dzin dang rten/ /'bab chu lteng ka zho yi tshogs rnams dang / /ri dgas rgyal dang e na ya rnams bsngags//'khor lo yis mtshan khyad 'phags bya rnams dang / /rmi lam rtag tu bsam gtan 'jug mthong dang / /chu dang ri bo bzang la gnas pa dang / /khyad 'phags nam mkha' la gnas 'phags bsam zhing / /dge bsnyen rnams dang rgyal po brtson ldan dang / /sngags pa dbang phyug na chung bzang mo dang //pha ma bla ma mtho ris song ba dang / /lha mo mchog dang gsang ba dam pa dang / /sgrub mchog yon tan ldan dang bram ze dang / /rgyal ba'i dkyil 'khor 'dus pa chen po dang / /gos kyis brgyan dang me tog rgyas pa dang / /sbyin sreg byed dang 'bras bu me tog dang //rgyal por dbang bskur rgyal srid thob pa dang / /g.yul las rgyal dang bdag nyid rkun po bsad/ /rgya mtshor bying las thar par gyur pa dang / /ngam grog bgrod par dka' las thar pa'o/ /de dag la sogs pa'i rmi lam gyi mtshan ma dge ba dang /de las mi mthun pa ni mi dge ba zhes brjod do/ /dge ba las ni dngos grub dang mi dge ba las ni dngos grub ma yin par sngags pas shes nas gang mi dge ba mthong ba de lta na ni bgegs mthar byed kyi sngags bzla bar bya zhing / chos thams cad ni rmi lam lta bu dang rmi lam lta bus thob par nye bar bzung nas de la mos shing dngos grub kyi phyir rmi lam ngan pa nye bar zhi bar bsgom mo//de nas rnal 'byor pas kye rdo rje'i ting nge 'dzin gsum bya ste/ lhag par gnas gzhug pa'i ched dang lha'i dkyil 'khor gshegs su gsol ba'i don du nam mkhar la dgong par byas la/ dur khrod nas rnyed pa'am dam tshig dang ldan pas bkal ba'i sar pa la dkar po dang ser po dang dmar po dang ljang gu dang nag po dang dri dang kha dog bzang bsgrub pa'i phye mas bsres pas so sor bcos pa la/b+h+rU~M A~M dz-I~M kha~M hU~M/ yi ge las grub pa rnam par snang mdzad dang / rin chen 'byung ldan dang / 'od dpag med dang / don yod grub pa dang / mi bskyod pa'i rang bzhin dang / me long lta bu dang / mnyam pa nyid dang / so sor rtog pa dang / bya ba nan tan dang / chos kyi dbyings shin tu rnam par dag pa'i ye shes kyi bdag nyid la me long la sogs pa yang so so'i ye shes bzhi'i rjes su 'brangs pas nyi shu rtsa lngas phye ba'i thig skud rim bzhin du lag par gzhag la bsgril bar bya te/de nas rang gi phyogs na rnam par gnas pa'i de bzhin gshegs pa thams cad 'dus par gyur pa rnam par snang mdzad la sogs pa de bzhin gshegs pa lngar bltas la/ de rnams kyi thugs kar yang yi ge b+h+rUM la sogs pa'i sa bon las grub pa'i ye shes kyi thig skud 'od zer gyi rang bzhin bltas la//oM a shwa shwa ta badzra/ /sU tra me pra ya ts+tsha ma hA maN+Da la sU tra ya na hU~M zhes bya ba 'dis rnam par snang mdzad la gsol ba gdab par bya'o/ /de bzhin du mtshan spos la rin chen 'byung ldan la sogs pa la gsol ba gdab par bya'o//de nas kye rdo rje'i rnal 'byor gyis de ltar gnas par byas nas/ slob dpon gyis mig gnyis la dza yig las nyi zla bsgom par bya ste/ rab tu 'bar zhing bskyod pa'i mig la mig gi rdzi ma 'bar pa'i lta stangs kyis lcags kyus bkug cing spyan drangs pa'i ye shes kyi thig bcom ldan 'das kyis bskul zhing btang bar mos te/thig skud lag tu bzhag la rang rang gi kha dog gi nang du rnam par bcug ste/ g+ha sma rI'i rnal 'byor dang ldan pa'i slob ma dang stabs gcig tu thig 'dzin pas phan tshun gnas te/ chos thams cad ni phan tshun gnas pa/ chos thams cad ni gcig nas gcig tu gnas pa/ chos thams cad ni shin tu rab tu gnas pa ste/ hU~M zhes bya ba 'di brjod cing thig skud bsgril bar bya'o/ /de nas yang ji ltar bsgril bar byas shing gcig tu gyur pa'i thig skud khru ru ni dkyil 'khor gyi nyis 'gyur du 'gyur la//pra sbom ni sgo'i nyi shu cha'o/ /de nas sngags pas dri'i chus bsres pa'i bdud rtsi rnam pa lngas gsher bar byas la/ de'i snying por yi ge gsum chud par byas te dris nye bar byugs pa'i gser la sogs pa'i snod du gzhag cing mchod pa rnam pa lngas mchod la lag tu gzhag ste yi ge hU~M gi bzlas pas yongs su bsrung bar bya'o//de nas yang sngags pas dkyil 'khor gyis la dris nye bar byugs shing me tog bkram la/ nam mkha'i dkyil na bzhugs pa'i kye'i rdo rje'i dkyil 'khor mngon par dmigs la/ bsang gtor la sogs pa phul la mchod pa dbul bar bya ste/de nas rnal 'byor ba bdag nyid kyi rdo rje'i rnal 'byor dang ldan pas byang phyogs su sgrub pa po g+ha sma rI'i gzugs su dmigs la mig g.yas g.yon dag la yi ge rdza las skyes pa'i 'od zer ser po dang ldan pa'i nyi zla rnam par bsam par bya'o//de nas sngags pa nub kyi phyogs su gnas te kha shar du bltas te/ khu tshur g.yon pas thig skud de lte ba'i thad kar gzung bar bya ste/ byang phyogs kyi sgrub pa pos kyang der gzung bar byas la dzaHdzaHdzaHzhes bya ba'i dzaHyig gsum gyis bskul la/ byang phyogs kyi sgrub pa pos kyang dzaHdzaHdzaHzhes bya ba'i dza yig gsum gyis de dgug par bya'o/ /de bzhin du shar phyogs su mngon par 'dug la kha nub phyogs su bltas te lhan cig pas/ /oM badzra sa ma ya sU tra mA ti kra ma hU~M zhes brjod la rdo rje dang bcas pa'i lag pa g.yas pa'i mtheb mdzub kyis thig blangs la se gol gyi sgra bya zhing /lte ba'i thad ka'i phyogs dang mnyam par bar snang la phyogs thams cad mnyam pas tshangs thig gdab par bya ste/ de bzhin du 'og gi thig gdab par bya'o/ /de nas yang / 'dir ni sems can 'gro don du/ /khyed rnams kyi ni dus la bab//ces bya ba'i thig gi sgras nam mkha'i khams thams cad na rnam par bzhugs pa'i de bzhin gshegs pa thams cad bskul bar bya'o/ /de nas bskor ba'i 'gros kyis lho phyogs nas 'dug la/ byang phyogs su kha phyogs pa dang / slob ma ni byang phyogs 'dug la kha lho ru phyogs pa dang /lhan cig pas de bzhin du tshangs thig gdab par bya zhing de bzhin du 'og tu yang thig gdab par bya'o/ /de nas me'i mtshams na 'dug ste kha byang du phyogs pa dang / dbang ldan gyi mtshams su 'dug ste kha lhor phyogs pa dang lhan cig pas shar gyi cha'i thig gdab par bya'o//de nas rlung gi phyogs su 'dug ste kha lhor phyogs pa dang / bden bral mtshams su 'dug ste kha byang du phyogs pa dang / lhan cig pas nub kyi cha'i thig gdab par bya'o/ /yang bskor ba'i 'gros kyis rlung gi mtshams su 'dug la kha shar du phyogs pa dang dbang ldan gyi mtshams su 'dug ste kha nub tu phyogs pa dang lhan cig pas byang phyogs kyi cha'i thig gdab par bya'o//de nas me'i mtshams su 'dug ste kha nub tu phyogs pa dang / bden bral gyi mtshams su 'dug ste kha shar du phyogs pa dang lhan cig bas lho phyogs kyi cha'i thig gdab par bya'o//yang de kho na bzhin du 'dug la rlung gi mtshams su 'dug pas mtshams kyi thig gdab par bya'o/ /de nas bden bral gyi mtshams su 'dug pa dang dbang ldan gyi mtshams su 'dug pa dang lhan cig pas mtshams kyi thig gdab par bya'o/ /de nas phyogs bzhi'i dbus ma tshangs thig gi gzhogs gnyis su 'khor lo gru bzhi pa cha brgyad kyi tshad sgo'i sa'i cha'i thig gdab par bya'o//de nas rtsa ba'i thig gru bzhi pa'i phyi rol du sgo'i bzhi cha'i tshad kyi rdul tshon gyi thig gdab par bya'o/ /de'i phyi rol du sgo'i phyed kyi tshad bi d+hi ka'i sa'o//de nas rdul tshon gyi thig go/ /de nas bid+hi ka'i tshad kyis dra ba dang dra ba phyed pa nyi zla'i snam bu'i thig go/ /de nas rdul tshon gyi sa'i thig gdab par bya'o/ /de nas sgo bzhi rnams kyi gzhogs gnyis su so sor rdul tshon gyi sa'i thig rnam gsum gdab par bya zhing //sgo'i tshad lha'i snam bu'i sa'i thig gdab par bya'o/ /de nas sgo'i gzhogs gnyis su rdul tshon gyi sa'i tshad kyi cha dor la rdul tshon gyi sa'i tshad du rta babs dang ka ba'i thig gdab par bya'o/ /de ltar khrun du ni sgo'i sum 'gyur te rta babs kyi steng du ni ji ltar mdzes par bri'o//de nas thig skud de nyid nyis ldab tu byas la dkyil 'khor gyi dbus su 'dug ste/ dkyil 'khor la gdab pa'i seng ldeng gi phur pa yongs su bzung ste/ brtan par gdab pa de la thig skud btags shing / de'i byang phyogs kyi sgrub pa po dang lhan cig dbang ldan gyi phyogs nas brtsams nas bskor ba'i 'gros kyis dkyil 'khor gyi phyi rol nas phyi rol zlum po'i rnam pa rdo rje'i thig gnyis gdab par bya'o//yang thig skud de nyid nyis ldab du byas te rang gis dbang ldan gyi phyogs nas brtsams nas bskor ba'i 'gros kyis dkyil 'khor gyi nang du zlum po'i rnam pa rdo rje'i thig gnyis de bzhin du gdab par bya'o//de nas khor yug ces bya ba 'od kyi dkyil 'khor gyi thig gnyis bskor ba'i 'gros kyis phyogs rnams mnyam par 'byung bar gdab par bya'o/ /bdag med ma'i dkyil 'khor la ni dkyil 'khor brgyad dang mtshungs par ka ba brgyad kyi thig la de bzhin du mnyam pa'i char gdab par bya'o//shar phyogs kyi cha'i 'khor lo'i ka ba gdab pa la ni lho phyogs kyi cha ru 'dug cing byang du kha phyogs pas gdab par bya'o/ /nub phyogs kyi cha'i pad+ma'i ka ba'i thig ni byang phyogs kyi cha ru 'dug la kha lhor phyogs te'o//byang phyogs kyi cha'i ral gri'i ka ba'i thig ni nub phyogs kyi char 'dug cing kha shar du phyogs pas so/ /lho phyogs kyi cha'i rin po che'i ka ba'i thig gi shar phyogs kyi char 'dug cing kha nub tu phyogs pas gdab par bya'o/ /de la gal te thig 'debs pa la sbyor ba'i byang gi sgrub pa po med pa de lta na ni grogs las ma gtogs par yang rang gi thig skud phur bus btab la gdab par bya'o//thig 'debs pa'i dus su yang mtshan ma brtag par bya ste/ mtshan ngan dngos grub min pa ste/ /thig skud chad na bla ma nyams/ /dman dang stongs pas nad la sogs//phyogs la rmongs na slob ma 'khrul/ /mtshan ma de yang tshangs thig gnyis btab pa las so zhes kha cig smra'o/ /gzhan dag na re tshangs thig dang phyogs thig dang zur thig btab pa las so zer ro/ /la la na re thig thams cad btab pa las so zhes gsung ngo / /de'i rjes la rtsa ba'i thig ring nas brtsams nas sgo dkyil du thig bzhi phyi bar bya'o//de nas so so'i sgo logs na gnas pa'i dang po'i rdul tshon gyi re khA bzhag la/ gsum pa'o/ /de nas ya phubs kyi gzhogs gnyis na gnas pa'i sgo'i tshad kyi re khA gnyis so/ /de nas bi d+hi ka'i 'og na gnas pa mgrin pa g.yas g.yon gyi logs na gnas pa'i so so'i re khA gnyis phyi bar bya'o//de nas sgo'i phyed kyi tshad kha khyer gyi 'og na gnas pa so so'i re khA gnyis so/ /de nas bi d+hi ka'i tshad phyogs kyi mkhur ba'i gzhogs na gnas pa so so'i re khA gnyis dang kha khyer gyi steng na yang lhag ma rdul tshon gyis la gnas pa'i ri khA bdun phye bar bya'o//de nas yang dkyil 'khor gyi thig gis btab cing ci lta ba'i dbyibs kyi tshad kyis brgyan pa de ni phyi dang nang du yang bsgom par bya ste/ zur bzhi pa la sgo bzhi pa/ /rta babs bzhi yis nye bar brgyan/ /theg bzhi dag dang mnyam ldan zhing //dar dang me tog phreng gis brgyan/ /re khA lnga dang mnyam ldan pa/ /dkyil 'khor mchog la ba dan rtser/ /dril bu rnams kyis mnyam par ldan/ /mtshams kyi cha ni thams cad de/ /sgo sogs kyi ni mtshams rnams su/ /rin po che la rdo rjes mtshan/ /'phar ma gcig pa dag tu bya//bdag med ma yis yang de bzhin/ /slar yang 'khor lo'i nang du ni/ /phyi yi 'khor lo'i phyed kyi ni/ /kun nas yongs su zlum po la/ /'khor lo'i ka ba sogs kyis brgyan/ /rdo rje'i phreng ba sogs kyis mdzes/ /rnga ma me long dag dang ldan/ /bla re yis ni rnam par bres//de ltar chos kyi dbyings kyi bdag nyid kyi dkyil 'khor tshon can gyis thig btab la/ thig skud kyang yi ge gsum pa muH'i mtha' can gyis gshegs su gsol/ /snod gtsang mar gzhag par bya'o/ /de nas rdo rje slob dpon dkyil 'khor du 'khod de/ yi ge hI yis mig g.yas g.yon la nyi zla dag bskyed la khro bo'i lta stangs kyis kun nas blta bar bya zhing yid kyis sgo bzhi dbye bar bya'o//thig gdab pa'i cho ga'o/ /de nas rin po che'i rigs dang lcags sam dung gi gnas sam/ sA li dang khre 'am dur khrod kyi so phag dang sol ba dang mi rus sam/rkun mo'i lo ma'i rang bzhin dkar po dang ser po dang dmar po dang ljang gu dang nag po'i kha dog rnams legs par btags la spos kyis bdugs te/ snod gtsang mar so sor bzhag la/ /b+hUM AM dzr-IM khaM hU~M/ yi ge bskyed la rdul tshon mdun du gzhag ste/ sngon bzhin du rnam par snang mdzad la sogs pa'i de bzhin gshegs pa'i ye shes kyi 'od zer rnams kyis 'bar bar bltas la lcags kyus bkug cing de rnams ye shes kyi rang bzhin du gcig tu byas la/de rnams 'bar bar bltas la mngon par bsngags par byas te/ oM badzra tsI tra sa mA ya hU~M/zhes bya ba'i sngags kyis so/ /de nas badzra be+e ga zhes brjod la dkyil 'khor la gnas pa'i ye shes kyi thig yid kyis dor la dbus su gzhug ste/ dkyil 'khor gyi lte ba la gnas pa'i phur pa yi ge hUM gis bton la/ rang gi lag na gnas pa'i rdo rje'i snying po la bsgom par bya zhing phur bu bton pa'i shul du tshon sna lngas mnyam par bkang la/dril bu'i sgra dang rdo rje'i glu rnams kyis mtshan ma ngan pa spang pa'i phyir/ chos dbyings 'di ni rnam par dag /sems can khams ni sgrol ba po/ /kye rdor zhes bya rgyal po che//de bzhin gshegs pa kun gyi gnas/ /nyes pa kun las rnam par grol/ /zhes/ nga rgyal bskyed la thabs dang shes rab kyi bdag nyid kyi rnal 'byor pas khu tshur g.yon pas so sor blangs te dbang ldan gyi phyogs nas brtsams la/ dkar po dang /ser po dang dmar po dang / ljang gu dang / nag po'i kha dog rnams phyi rol nas brtsams te bskor zhing bri bar bya'o/ /yang gsungs pa/ dkar pos rdo rje'i rang bzhin bsdus/ /gzhan ni gser gyis spras pa ste/ /pad+ma rA ga'i rang bzhin bsdus/ /margata lta bu de bzhin te//nang du nag po shes par bya/ /'di ni tshon rtsi'i rim par ldan/ /zhes so/ /de bzhin du yang / ji ltar re khA 'bab pa ni/ /mnyam la ma yo ma chad cing / /sgo yi nyi shu'i cha yis ni/ /mtshams ni nas kyi tshad du 'gyur/ /de nas yang sngags pa mnyam par gzhag pas mtshan ma nye bar brtag par bya ste/sbom par lhung bas rims su 'gyur/ /dman pa yis ni nor nyams shing / /yo ba gnam thig chad pas ni/ /bla ma slob ma 'chi bar 'gyur/ /rdul tshon bskor ba ma yin pas/ /phab na yang dag 'debs par 'gyur/ / de las gzhan 'gyur dge ba ste/ /bla ma slob ma shin tu 'phags/ /de nas dbus kyi dkyil 'khor gyi thig la thug par shar gyi sa'i cha ni dkar po'o/ /lho'i sa'i cha ni ser por bya'o/ /nub kyi sa'i cha ni dmar po'o/ /byang gi sa'i cha ni ljang gu'o/ /dbus kyi sa'i cha ni nag po'o//de'i dbus su pad+ma 'dab ma brgyad pa dmar po'i bre'u 'bru la/ nyi ma'i dkyil 'khor la gnas pa'i thod pa dkar po nang dmar ba kha gyen du bltas pa'i dbus su sna tshogs rdo rjes mtshan pa bri bar bya'o/ /phyag gnyis pa dang phyag drug pa'i kye rdo rje rnams kyi rdo rje nag po 'od 'phro ba'o//shar gyi 'dab ma la sogs par rim pa ji lta ba bzhin du sna tshogs rdo rje dang bral ba'i thod pa ste/ shar sgo'i pad+ma la gnas pa'i zla ba'i steng du kha dog nag po'i gri gug go/ /lho sgor ni btsod kyi mdog gi rde'u chung ngo / /nub kyi sgor ni gser gyi mdog can gyi rus sbal lo//byang sgor ni margata kyi mdog gi sbrul lo/ /dbang ldan gyi mtshams su ni in+d+ra nI la'i mdog gi seng ge'o/ /me'i mtshams su ni chu shel lta bu'i dge slong ngo / /bden bral mtshams su ni nam mkha' sngo bsangs kyi 'khor lo'o//rlung gi mtshams su ni sna tshogs pa'i mdog gi rdo rje ste/ pad+ma dmar po 'dab ma brgyad pa'i ze'u 'bru la gnas pa'i zla ba'i steng du bri bar bya'o/ /mtshan ma de dag la ni slar yang bdud bzhi po tshangs pa la sogs pa'i gdan mnyam pa'am mi mnyam par bri bar bya'o//de nas bdag med ma'i dkyil 'khor bri bar 'dod pas dkyil 'khor de'i snying po la pad+ma dmar po 'dab brgyad bri bar bya'o/ /de'i ze'u 'bru la yang zla ba'i steng du gri gug kha dog nag po bri bar bya'o/ /de bzhin du shar la sogs pa'i pad+ma'i 'dab ma rnams la gri gug bzhi'o//phyi'i 'phar ma dbang ldan la sogs pa'i mtshams rnams su yang bzhi'o/ /shar sgo la sogs par yang bzhi'o/ /shar nub kyi sgo la gnas pa ni gzhogs gnyis su gri gug gnyis pad+ma la gnas pa'i zla ba'i dkyil 'khor gyi steng du bri bar bya'o/ / yang 'di dag ni rdul tshon bri ba'i las la 'jug pa dang ldog pa'i dus su yid kyis rdo rje thig bsal bar bya ste/ /badzra be ga zhes bya ba brjod nas bya'o/ /gzhan du ni dam tshig nyams pa yin no/ /de bzhin du yang de kho na nyid bsdus pa las/ rdo rje thig ris yid kyis spangs//gzhan du na ni 'jug pa dang / /ldog pa yi ni dam tshig rnams/ /de dag gis ni nyams pa yin/ /zhes gsungs so/ /de nas dkyil 'khor gyi phyogs dang mtshams su zhi ba dang / ro langs dang / ro dang 'byung po la sogs pas bkram pa'i dur khrod brgyad bri bar bya'o//de la shar phyogs su ni 'tshed pas sbrel ba drag cing gtum pa'i ri phug ces bya ba'i dur khrod do/ /lho phyogs su ni dum bus bkang ba'i 'jigs su rung ba'o/ /nub phyogs su ni bor bas sbrel ba ka raM ka kaM ngo / /byang phyogs su ni mdung gis 'bigs pas sbrel pa 'bar ba sna tshogs so//dbang ldan mtshams su ni bcings pas sbrel ba ha ta'i gad mo'o/ /me'i mtshams su ni phyed bsregs pa dpal gyi nags tshal lo/ /bden bral gyi mtshams su ni dum bu phyed pas gang ba mun pa mi bzad pa'o//rlung gi mtshams su ni dong brko bas gang ba gI li kI la'i sgra sgrogs pa bri bar bya'o/ /de nas ji lta ba bzhin du shing gi rim pa bri bar bya ste/ shri sha dang / tsU ta dang / ka ko li dang / a shwat+tha dang / pa ta dang / ka rany+dza dang / la ta par ka ti dang / sa rdul lo/ / shing gi rtse mor ni shing gi bdag po 'khor dang bcas pa bri bar bya ste/ de la khra gdong can ni khra'i tshogs kyis bskor ba'o/ /ce spyang gdong ni 'ug pa'i tshogs kyis bskor ba'o/ /khyi gdong can ni khyi'i tshogs kyis bskor ba'o/ /phag gdong can ni phag gi tshogs kyis bskor ba'o//byi la'i gdong can ni ce spyang gi tshogs kyis bskor ba'o/ /stag gi gdong can ni stag gi tshogs kyis bskor ba'o/ /bya rgod kyi gdong can ni srin po'i tshogs kyis bskor ba'o/ /sha ba'i gdong can ni ro langs kyi tshogs kyis bskor ba'o/ / shing gi rtsa ba rnams su ni phyogs skyong la 'khor dang sras su bcas pa 'dud cing thal mo sbyar ba dang ldan pa'am mi ldan pa'ang rung bri bar bya ste/ de la dbang po ni sku mdog ser po rin po che'i cod pan dang rdo rje 'dzin pa na bza' bzang pos brgyan cing glang po dkar po la bcings pa'o/ / gshin rje ni sku mdog nag po spyan dmar ba/ smin ma dang skra gyen du brdzes pa/ dbyug pa dang mdung 'dzin cing ma he la bcibs pa'o/ /chu lha ni sku mdog dkar po gdengs ka bdun dang klu'i zhags pa dang dung 'dzin pa chu srin la bcibs pa'o/ /nor sbyin ni gser gyi mdog can rin po che'i cod pan can lcags kyu dang dbyug pa 'dzin zhing sha ra b+ha la bcibs pa'o//dbang ldan ni sku mdog dkar po ral ba'i cod pan gyi rtser zla bas mtshan pa/ spyan gsum pa thod pa'i phreng bas brgyan pa phyag bzhi la rde'u chung dang thod pa dang rtse gsum dang kha T+wAM ga 'dzin pa khyu mchog la bcibs pa'o//me lha ni sku mdog dmar po skra'i thor tshugs dang / mchod phyir thogs pa can phyag bzhi la mi 'jigs pa dang phreng ba dang mgrin rings dang / dbyu gu 'dzin pa ra la bcibs pa'o/ /bden bral ni sku mdog sngon po skra ser skya gyen du 'greng ba thod pa'i phreng bas brgyan pa gri dang thod pa 'dzin pa ro la bcibs pa'o//rlung lha ni du ba'i mdog can rlung dar 'dzin cing rin po che'i cod pan can ri dwags la bcibs pa'o/ /de dag kyang lha dang yi dags dang klu dang gnod sbyin dang / 'byung po dang drang srong dang srin po dang / rlung gi tshogs kyis bskor ba bri bar bya'o//de'i g.yon phyogs rnams su klu brgyad po gdengs ka dang bcas pa bri bar bya ste/ de la ba su ka ni zla ba dang mtshungs pa'i spyi bo na ut+pa la sngon po can no/ /pad+ma ni dung du ston pa gdengs ka la skar mas mtshan pa'o/ /kar ko Ta ni dUr ba bzhin ljang ba mgrin par ri mo gsum gyis mtshan pa'o//ta k+Sha ka ni me tog pan+du ka dang mtshungs pa spyi bo na g.yung drung gis mtshan pa'o/ /pad+ma chen po ni kun+da dang mtshungs pa spyi bor mdung gis mtshan pa'o/ /hu lu hu lu ni mig sman dang mtshungs pa spyi bor pad+mas mtshan pa'o/ /rigs ldan ni du ba'i mdog can zla ba phyed pas mgrin par mtshan pa'o//dung skyong ni gser gyi mdog can mgrin par zla ba rgyas pas mtshan pa bri bar bya'o/ /de'i rgyab kyi cha rnams su sprin bri bar bya ste/ de la sgra sgrogs ni mdog nag po'o/ /'khyil pa ni mdog sngon po'o/ /mi bzad pa ni gur gum gyi mdog go/ g+hur ni ta ni sna tshogs pa'i mdog go/ /g+ha na ni mdog dkar po'o/ /rnyis pa ni mdog ser po'o/ /char 'bab pa ni dru sa ra'i mdog go/ /tsan+dan ni mig sman gyi mdog ste de ltar bri bar bya'o/ /gzhan dag tu ni 'khor lo ji ltar rjes su mthun zhing mdzas par brtag par bya'o/ /rdul tshon dbab pa'i cho ga'o// //dkyil 'khor bri ba'i dus su brgya la gang zhig rtsod pa dang / bgegs slong bar byed pa'am/ bdag nyid bgegs byed pa de lta na ni sngar gsungs pa'i cho gas dbang po la sogs pa bsgoms pa la phur bu btab cing bgegs nye bar zhi bar bya'o//gal te char 'bab cing bdud kyi byed pa de lta na ni dur khrod kyi ras kyis nye bar g.yogs la kye rdo rje'i rnal 'byor gyi khro bor gnas te/ oM A R+Ya A R+Ya/ sa ma sA na pri yA ya hU~M hU~M hU~M phaT swA hA/ zhes pa'i sngags yongs su bzla zhing mig gyen du bltas la khro bo'i me 'bar ba'i phreng ba'i rigs yang dag par spros pa des nam mkha'i dkyil khyab cing sprin thams cad thal bar byas par bsam mo//de nas me zhi bar 'dod na me'i steng du ba~M yig las skyes pa'i chu'i dkyil 'khor dkar po/ de'i steng du pad+ma sna tshogs 'dab ma'i ze'u 'bru la b+hUM dkar po las skyes pa'i 'khor lo dkar po rtsibs brgyad pa'i dbus na gnas pa'i yi ge b+hUM yongs su gyur pa las ston ka'i zla ba la gnas pa'i thugs kar yi ge b+h+rU~M gyis byin gyis brlabs pa/rgya mtsho bzhi dang chu bo bzhi dang ma dros pa'i chu dang mtshungs pa rnams kyis thugs ka'i sa bon gyi 'od zer gyi sprin gyi tshogs kyi phreng ba las byung bas nam mkha'i dkyil ma lus pa khyab pa'i chu'i rgyun phyogs bcur yongs su khyab par byed pa'i rnam par snang mdzad rnam par bsam par bya'o//gal te rlung zhi bar byed 'dod na/ de lta na ni rang gi lha nyid kyi rnal 'byor ram rdo rje hUM mdzad kyi rnal 'byor gyis yi ge hUM 'bum bzlas pa'i lci bas lam lhung ba'am grog mkhar gyi sas rlung lha'i gzugs brnyan byas la/yaM yig las byung ba'i rlung lha'i sku nam mkha'i dkyil du bsgoms la yid kyis bkug la gzugs brnyan byas la gzhug cing bsdams la/mi rus las phur pa sor bzhi pa'i tshad kyis brgya rtsa brgyad bzlas la gzugs brnyan la gdab par bya'o/ /de bzhin du chu'i bgegs zhi bar bya ba'i phyir yang chu la gdab par bya'o/ /yang na sngar brjod pa'i rim pas rdo rje ra ba la sogs pas gzhi rdo rje ra ba la thug pa'i cho ga'i rjes su 'jug pas khro bo'i blta bas mdun du bltas la/rtsa ba'i sngags bzla bar bya ste/ oM a Sh+TA na nA ya/ biM ga lo r+d+h+wa ke sha ba r+t+ma ni/ tsa tu rbiM sha ti ne trA ya/ Sho Da sha b+hu dzA ya/ kr-i Sh+Na dzI mU ta wa pu She/ ka pA la mA lA ne kA d+ha ri Ne/ A d+h+ma ta krU ra tsi t+tA ya/ a r+d+he n+tu daM Sh+T+r-i ni/oM mA ra ya mA ra ya/ kA ra ya kA ra ya/ ga r+dz+dza ya ga r+dz+dza ya/ ta r+dz+dza ya ta r+dz+dza ya/ sho Sha ya sho Sha ya/ sap+ta sA ga rA na/ ban+d+ha ban+d+ha/ nA gA Sh+Ta kA na/ gr-i h+Na gr-i h+Na/ sha trUM/ ha hA hi hI hu hUM/ he hai ho hau haM ha/ phaT swA hA/ zhes bya bas so/ /yang na bgegs thams cad zhi bar bya ba'i phyir arga'i lo ma dang dug dang ske tshe dang tsi tra ka'i khu bas bgegs rnams kyi ming bris la/oM he badzra dz+wa ra dz+wa ra/ sha trUM naM b+h+rUM hUM hUM hUM phaT swA hA/ zhes bya ba'i sngags khri yongs su bzlas la/ khros pas 'bras phub kyi me la bsreg par bya'o/ /gal te de lta na yang bgegs ma zhin de lta na ni dug dang tshwa dang ske tshe dang dur khrod kyi thal ba dang sol ba dang bsnun pa dang /mi rus kyi phye ma dang smyo byed kyi khu bas bgegs kyi gzugs brnyan byas la/ bong bu dang rnga mo la sogs pa'i lci ba la dur khrod kyi me btang ste/ mtshon rnon pos dum bur bcad la/oM sarba big+h+nAM mA ra ya g+hu zhes bya ba'i sngags kyis khros shing 'gengs pa'i lta stangs dang g.yon brkyang ba'i gom stabs kyis sngar bzhin du bgegs bsreg par bya'o/ /yang na chos thams cad rnam par rtog pa tsam gyis slob ste de'i rang bzhin dang bdag med pas bgegs thams cad thal bar bya'o//bgegs zhi bar bya ba'i cho ga'o// //de nas rdul tshon rdzogs par gdab par byas nas slob dpon khrus dang dri zhim pos byugs pa dang lus la gos bzang po dang cod pan dang me tog dang ldan pas dkyil 'khor du zhugs te stan shin tu 'jam zhing mtho ba la 'dug nas lha'i rnal 'byor du byas nas/rdul tshon lhag ma yi ge gsum gyi mthar yi ge muHsa gshegs su gsol la/ rdul tshon gyi snod kyang skye bos dben pa'i sa phyogs su gzhag go/ /dkyil 'khor gyi phyi'i sa lci bas byugs shing gtor ba dang /me tog gi ra ba dang ldan pa dang / khan+Ta bin+Ta la sogs pa'i spos kyis bdug pa dang / mar me'i phreng ba 'bar ba dag kyang bya'o/ /de nas dkyil 'khor gyi phyi rol lam nang du gdab pa'i rnam par rgyal ba'i bum pas li dzaM la sogs pas gang bar byas la shar gyi cha'am lho'i char gzhag par bya'o//dkar po la sogs pa'i bum pa bzhi pa ni dkyil 'khor gyi phyi rol gyi shar la sogs pa'i phyogs su ji ltar rim pa bzhin du gzhag par bya'o/ /gzhan yang puk+ka sI la sogs pa'i bum pa ni dbang ldan la sogs pa'i mtshams su gzhag par bya'o//las thams cad pa'i bum pa yang dkyil 'khor gyi shar sgo'i phyogs su gzhag par bya'o/ /sgo'i bum pa brgyad po yang dkyil 'khor gyi khang pa'i shar sgo la sogs pa'i phyogs su gzhag par bya'o/ /bdag med ma'i dkyil 'khor la yang rnam par rgyal ba'i bum pa snga ma bzhin du dgod par bya'o//rdo rje ma la sogs pa'i bum pa bcu bzhi po yang gnas ji lta ba'am ji ltar mdzes pa bzhin du shar nas brtsams te dgod par bya'o/ /lhag ma ni snga ma bzhin no/ /de nas lha mo'i bum pa de rnams nas chu cung zad cung zad blangs la bdud rtsi lnga dang ldan pas pad+ma'i snod du gdod par bya'o//bum pa dgod pa'i cho ga'o/ /de nas sngags pas dkyil 'khor la mngon par phyogs te yo byad bsags la/ rab tu dga' ba'i yid kyis cho ga bzhin du dkyil 'khor mchod cing bsgrub par bya ste/ de la rim pa ni 'di yin te/yod na lo bcu drug ma'i phyi'i rig ma 'am med par gyur na bsgoms pa'i rig ma dang lhan cig ting nge 'dzin gsum dang ldan pa'i rnal 'byor pas pad+ma de'i sgras phyogs bcu na bzhugs pa'i de bzhin gshegs pa thams cad spyan drangs la/ rang gi snying gnas zhugs te zhu bas rdo rje'i lam nas shes rab kyi pad+ma'i dbus su gnas par bsgom zhing de nas nam mkha'i dkyil du spro ba'i sbyor bas spro bar bya ste/sems can gyi don byas nas/ yang blos spyan drangs nas dkyil 'khor gyi zur gyi nam mkha' la de dgod par bya'o/ /de nas de dang lhan cig tu lhags pa'i bgegs kyi rigs zhal brgyad pa'i hUM gi sgras bsal bar bya zhing rang gi dkyil 'khor yang mngon par bsrung bar bya'o/de nas bsang gtor la sogs pa byin la dzaH hU~M baM hoHzhes bya ba 'dis ji ltar rim pa bzhin du spyan drangs la dkyil 'khor la gnas pa'i mtshan ma rnams la gzhug pa dang bcing ba dang dbang du byas te/de nas mig dang lus la sogs pa byin gyis brlab pa dang / phung po la sogs pa rnam par dag par mos te/ yang bsang gtor la sogs pa phul la rang gi thugs ka nas spros pa'i mchod pa'i lha mo brgyad kyis phyi dang gsang ba'i mchog pas yang dag par mchod la na bza' gnyis kyang so sor phul//'khor lo'i bdag po la tshigs su bcad pa 'dis bstod par bya'o/ /sna tshogs rnam par bkra ba'i dngos po rnams la gzigs par mos/ /sna tshogs rnam par bkra ba'i 'o dang 'khyud pas dgyes pa dang //sna tshogs rnam par bkra ba'i bde ba'i ston mos rab tu dad pa dang / /sna tshogs rnam par bkra ba'i sdom pa chen po nye bar rab tu ston/ /'jig rten dngos po rnams kyi dam tshig rnams la bzhugs/ /rgyu dang mi rgyu 'jig rten ma lus bzhengs su gsol//khyod ni rnal 'byor ma tshogs dang bas yongs su bskor/ /khyod ni mchog thob pa yis sems ni bde bas khyab/ /der ni rgyu dang mi rgyu'i 'jig rten thams cad sbyong / /snying rje'i thugs kyis sems can byang chub rnam rtog mdzod/ /dpal ldan khrag 'thung rdo rje yis ni dgyes pa yis//sgyu mar bslus rdo rje dag la rab tu 'jug /ces pas so/ /de nas pad+ma'i snod kyi bdud rtsi lnga po man ngag ci lta bas sbyangs la gtor bar bya'o/ /dkyil 'khor gyi lha dang gtso bor bcas pa bdud rtsi des ngoms shing bde bas tshim par bsgoms la so sor rim pas dkyil 'khor gyi bdag po'i sngags nas brtsams te lha thams cad kyi sngags bzlas la de rnams yongs su dgyes par bya'o//de nas sngags pas yod par gyur na byang chub kyi sgrub pa po skye bo gzhan dag 'jug pa bzlog pa'i phyir dkyil 'khor du bkod la phyir 'gro bar bya ste/ rnga ma dkar po dang 'phan dang rgyal mtshan dang ba dan dang bcas pa glu dang gar dang rol mo'i sgra la sogs pa'i sa phyogs su stan bde ba la 'dug ste mdun du zangs mo che'i nang du khur ba la sogs pa nya dang sha dang zan dang zho dang 'o ma dang sbrang rtsi dang chang dang sA li dang til gyis bsres pa dang /sna tshogs pa'i bza' bca' dang btung ba dang bldag pa dang gzhib pa'i rdzas kyis gang bar mar me lnga dang / bdud rtsi dang mchod rdzas dang gdugs dang rgyal mtshan dang mar me'i phreng ba ste/ rdzas gzhan gyis kyang dgang bar bya'o/ /med par gyur na ni zan dang chu tsam gyis thams cad gang bar mos par byas la/mdun na gnas pa'i gtor ma la blta zhing de la cho ga bzhin du 'bar ba la sogs pa dang ye shes lnga'i bdag nyid kyis rim pas sbyang bar bya'o/ /de la rim pa ni 'di yin te bar snang la hUM yig las skyes pa'i rdo rje sngon po rtse mo gyen du bltas ba bsgoms la/de'i 'og tu a yig las skyes pa'i thod pa dmar po kha gyen du phyogs pa'o/ /thod pa de'i dbus su oM gyis byin gyis brlabs pa'i bdud rtsi lnga'i gzugs su gyur par gtor ma blta'o/ /de nas rdo rje dang thod pa mnyam par sbyor ba las mi byung ste me long ye shes dang /des gdungs pa ni mnyam pa nyid kyi ye shes dang gdungs pas zhu zhing 'od 'bar ba ni so sor rtog pa'i ye shes dang / ye shes kyi rang bzhin dang nyi ma'i dkyil 'khor du byas pa ni bya ba nan tan gyi ye shes te/ de'i 'od zer gyis phyogs bcu'i 'jig rten gyi khams na rnam par bzhugs pa'i de bzhin gshegs pa ma lus pa'i gzugs bltas la/'od zer de nyid kyis de'i ye shes kyi sa bon las ye shes kyi bdud rtsi blangs nas bdud rtsi de nyid blugs shing ro mnyam par byas pa ni chos kyi dbyings shin tu rnam par dag pa'i ye shes te/'di de ye shes lngas sbyangs la bdud rtsi'i mchog tu bya zhing yi ge gsum gyis byin gyis brlab par bya'o/ /de nas mdun gyi nam mkha'i phyogs su chos 'byung gi nang du chud pa'i pad+ma dmar po 'dab ma brgyad pa bsgoms la/ de'i shar phyogs la sogs pa'i 'dab ma la rim pa ji lta ba bzhin du dbang po dang /gshin rje dang chu lha dang rnam thos so/ /dbang ldan la sogs pa'i mtshams kyi 'dab ma la dbang po dang me lha dang bden bral dang rlung lha ste/ hU~M yig las skyes shing mdog nag po zhal gcig pa lag na rdo rje dang dril bus sbrel ba rang dang 'dra ba'i rig ma la 'khyud pa g.yas brkyang bas gnas pa mi bskyod pa'i cod pan can bsgom par bya'o//chos 'byung gi nang brgyad po de'i steng du nyi zla tshangs pa la sogs pa'i ltar ldan pa/ rgyal chen bzhi'i ris dang ldan pa gsum cu rtsa gsum dang / 'thab bral dang / dga' ldan dang / 'phrul dga' dang /gzhan 'phrul dbang byed do/ /'dod pa na spyod pa dang ldan pa'o/ /tshangs pa 'khor dang / tshangs pa mdun na 'don dang / tshangs pa chen po ste/ bsam gtan dang po dang ldan pa dang / 'od chung dang tshad med 'od dang / 'od gsal te/ bsam gtan gnyis par skyes pa dang /dge chung dang / tshad med dge dang / dge rgyas te/ bsam gtan gsum par skyes pa dang / sprin med 'od dang / bsod nams skyes dang / 'bras bu che dang / mi che ba dang / mi gdung ba dang / shin tu mthong dang / gya nom snang ba dang / 'og min na gnas pa ste/ bsam gtan bzhi pa las skyes pa gzugs na spyod pa dang ldan pa'o//bde ba can gyi 'jig rten gyi khams na gnas pa dang / 'od zer can gyi 'jig rten gyi khams na gnas pa dang ldan pa ste/ aM yig las skyes pa sku mdog dkar po/ rdo rje dang dril bu 'dzin pa 'khor dang bcas pa rang dang 'dra ba'i rig ma dang ldan pa/g.yas brkyang bas gnas pa rnam par snang mdzad kyi cod pan can bsgom par bya'o/ /de'i 'og chos 'byung gi nang du ni mtha' yas dang / ba su ka dang / ta k+Sha ka dang / kar ko Ta dang / pad+ma dang / pad+ma chen po dang / dung skyong dang / rigs ldan la sogs pa'i klu dang thag bzangs ris dang /ba li dang / pra ha dang / rnam par snang mdzad la sogs pa'i lha ma yin chen po ni sa 'og na gnas pa'o/ /sa'i lha yang 'khor dang bcas pa'o/ /yang sos dang / thig nag dang bsdus 'joms dang / ngu 'bod dang / ngu 'bod chen po dang tsha ba dang / rab tu tsha ba dang / mnar med pa'i ming can te tsha ba'i dmyal ba na rab tu gnas pa tsha ba dang ldan pa dang / chu bur can dang / chu bur rdol ba can dang / so thams thams dang / a chu zer ba dang / ut+pal dang / pad+ma dang / pad+ma chen po dang zhes bya ba grang ba na gnas pa'i dmyal ba dang chu dang skam dang /rlung gi phyogs dang ri bo la sogs pa so so na gnas pa'i sems can dmyal ba'i ris su skyes pa kha dog dmar po rdo rje dang dril bu 'dzin pa rang dang 'dra ba'i shes rab la 'khyud pa/ g.yas brkyang bas gnas pa 'od dpag med pa'i cod pan can bsgom par bya'o//de nas rdo rje slob dpon gos rnam par bkra ba dang thor tshugs dang / me tog dang / rna bar ut+pa la dang / rna cha dang / mgul rgyan dang do shal dang dpung rgyan dang / rkang gdub dang sor gdub la sogs pa'i rgyan gyis brgyan pa shar la sogs pa'i phyogs mtshams su dris nye bar byugs pa'i bi d+hi ka brgyad kyi dbus su chos 'byung la gnas pa'i lha ste/shar dang dbang ldan dag gi mtshams su dris nye bar byugs la bi d+hi ka ni chos 'byung gi steng na gnas pa ste/ nub dang bden bral dag gi bar gyi bi d+hi ka la ni chos 'byung gi 'og na gnas pa'i lha'o//yang na rang dang nye ba ji bzhin du rim pas dkar mo la sogs pa bkug ste/ gzhug pa dang / bcing ba dang / dbang du byas la/ bsang gtor la sogs pa yang byin la gtor ma la sngags kyis byin gyis brlab par bya ste/ de la 'di ni gtor ma byin gyis brlab pa'i sngags so//oM in+da/ dza ma dza la/ dza k+kha b+hU ta/ bA h+ni/ bA u rak+kha/ tsand/ sudz+dza/ mA da/ pa p+pa tA laM/ pA tA la/ aSh+Ta sap+pa swA hA/ i daM ba liM/ b+hu ny+dza/ dziM g+hA phu l+la/ d+hU pa/ mAM sa/ piM ga/ a m+b+ha sa p+pa ka dz+dza sA d+ha/ kha n+ti/ khu ni/ phe Da gA da/ oM a kA ro mu khaM sarba d+harmA NAM/A d+ya nu t+pa n+na twA ta/ oM AHhU~M phaT swA hA/ de nas de rnams kyi lce la hU~M yig dkar po las skyes pa'i rdo rje phra zhing mdzes pa bsam par bya ste/ spro ba'i sbyor bas de'i rang bzhin du lce byas la/ de nas langs te rnga la sogs pa'i sgras de la mngon du phyogs shing rim pa ji lta ba bzhin du khur pa'i khu ba la sogs pa thal mos lan gsum gyi bar du gtong zhing bdud rtsi'i mchog tu gyur pa'i gtor ma des de dag tshim par bya'o//de ltar na phyogs skyong la sogs pa la gtor ma phul bas/ de rnams kyis nye bar spyad de dga' ba dang ldan pas sgrub pa po la mngon par mos pa'i dngos grub ster zhing phyogs par bsgoms la/yang 'thor 'thung la sogs pa phul te mchod pa rnam pa lngas mchod la tshigs su bcad pa gnyis kyis bstod cing / thod pa na gnas pa'i bdud rtsi myangs la bzod par gsol te/ oM khyed kyis sems can don kun mdzad//rjes su mthun pa'i dngos grub stsol/ /sangs rgyas yul du gshegs nas kyang / /slar yang byon par mdzad du gsol/ /oM AHhU~M badzra muHzhes bya ba 'dis gshegs su gsol bar bya'o/ /gshegs nas kyang de rnams rab tu dga' ba'i yid dang ldan pas rang rang gi gnas su shes par blta'o//gtor ma'i cho ga'o/ /de nas slob dpon rdo rje dang dril bu 'dzin pa'i sngags pas rdo rje dang dril bu lag tu bzung ste/ g.yas brkyang ba'i go 'phang gis gnas la/ kye rdo rje phyag gnyis pa'i rnal 'byor dang ldan pas me tog sngon po'i phreng ba blangs la/hU~M hU~M gi sgra brjod par bya ba dang / hi hi'i rnam par 'jigs pa'i ngang tshul dang rdo rje'i go 'phang dang rdo rje'i gar gyi shugs kyis dkyil 'khor du zhugs la dril bu dkrol zhing bskor ba gsum byas la/ dman pa dang stong pa'i nyes pa zhi bar bya ba'i phyir dkyil 'khor la bltas la/me tog gi phreng ba sngon po bcom ldan 'das la phul te/ slar gar gyi sbyor bas blangs la/ rang gi spyi bor bcings te/ dkyil 'khor la mchod pa chen pos mchod par bya'o/ /ko sha tas kar kartsu re/ /mar dang sbrang rtsir sbyar ba yi/ /dkyil 'khor mdun du spos rnams ni//rtag par dgyes mdzad dgod par bya/ /srog dang kun dur gla ba dang / /rgya mo las ni 'byung ba rnams/ /rin chen rgyal po dgyes pa'i spos/ /bu ram gyis sbyar lho yi char/ /pa pa ti skra pra ba ga /sa de dri dang sa tir byas/ /'od dpag med ni dgyes pa'i spos//kha shar gyis sbyar rgyab tu bzhug /tsan+dan gnyis dang ga bur dang / gla ba sen mo sa la ki/ don yod grub pa dgyes pa'i spos/ /mar gyis sbyar la g.yon du bzhag /dpal du ma mi bskyod kha che dang / /pha li ni dang rgya mtsho skyes/ /dpal ldan khrag 'thung dgyes pa'i spos//kha ra yis sbyar rang mdun dgod/ /bo la gla ba sa rdzi dbang / /ko si a sreg 'dab mnyam pa/ /til mar gyi bsgos mar me ni/ /'od ldan mtshams su dgod par bya/ /gal te 'du ba tshogs pa yod na dkyil 'khor las mi ring bar bsnyen bkur dang gus pa sngon du song bas shar phyogs kyi char ni bcom ldan 'das ma shes rab kyi pha rol tu phyin pa gdon par bya'o//lhor ni rin po che'i tog go/ /nub tu ni sdong po brgyan pa'i mdo sde'o/ /byang du zla ba'i sgron ma'i mdo sde'o/ /gar la sogs pa dang pheg rdob pa yang phyogs bzhir bya'o//de nas yang me tog bzang po sna tshogs pa la oM badzra puSh+pe AH hU~M swA hA/ zhes bya ba'i sngags 'dis bcom ldan 'das la dbul bar bya'o/ /oM badzra d+hU pe AH hU~M swA hA/ zhes bya ba 'dis lhan cig skyes pa yang dag par sbyar ba'i spos so/ /oM badzra dI pe AH hU~M swA hA/zhes bya ba 'dis bskol ba'i til mar me'i rtse mo'i snang ba'o/ /oM d+h+wa~M d+h+wa~M badzra ne bi d+ye AH hU~M swA hA/ zhes bya ba 'dis sa li dri zhim po'i lha bshos so/ /gzhan yang mchod pa'i rdzas ni hU~M yig las bskyed pa byas la yi ge gsum gyis phul la bstod pa dang bdud rtsi myang bar bya'o//de nas cho ga dman pa dang stong pa yongs su rdzogs par bya ba'i phyir dkyil 'khor la sngar phyag 'tshal ba'am/ yang na mos pas las thams cad pa'i thab khung du rgyas pa'i sbyin sreg bya ste/ dkyil 'khor gyi lho phyogs sam/ shar phyogs kyi char sa ser po la zheng du khru gang gi tshad tsam brkos la zhabs su ni sor bcu gnyis te/rdo rje phreng bas bskor zhing dbus su ni bid+hi ka'i mtshan ma gnas shing ring thung sor brgyad pa gtso bo'i mtshan ma byin gyis brlabs pa'i dbus su ste/ steng du sor bzhi pa'i bar mtshams bor la zheng dang dpangs su ni sor bzhi pa pad+ma rgyas pa'i rnam pa lta bu la phyogs rnams su ni rdo rje rtse lnga pas mtshan cing mtshams su ni rdo rje rtse gsum pas bskor zhing khru gang tsam gyi thab khung gis dang ldan pa'i thab khung byas las ser pos byug cing /dkyil 'khor gyis yang lci bas nye bar byugs la/yang de gnyi ga dri ser po dang bdud rtsi lnga bsres pas nye bar byug pa byas la/ me tog bzang po khra bo'am/ me tog ser pos dus gsum du dgram par bya'o/ /de nas thab khung shis pa de la nang la ni lo ma'am/ sha la'i bar ni'am chu shing gi lo ma'am gos phra mos kun nas gdab par bya'o//'byor par ma gyur na/ rdul tshon gyis thab khung bri bar bya'o/ /de nas khrus dang dri zhim pos yan lag dang gos khra bos brgyan pa dang / me tog gi phreng ba dang thor tshugs dang yid rab tu dga' bas bstan bzang po la 'dug pa'am/rgyal po'i rol pas bsrung ba'i bzlas pa byas la kha byang du phyogs pa'am kha shar du phyogs pas ji srid mngon par 'dod pa rgyas par gyur pa de srid du sngags pas dga' ba dang ldan pas rgyas pa'i sbyin sreg bya'o/ /de nas mdun du bdud rtsi lnga dang chur bsres pas maN+Dal byas la/me tog gi gcal yang bkram ste/ g.yon gyi char yang many+dzi la sogs pa gser ram dngul lam zangs sam rdo shing ngam sa'i rang bzhin nam dung ngam nya phyis sam ba r+Na pu ta la sogs pa legs par bkrus la bdugs te snod gsum bzhag la/ de dag tu zho dang til dang bi ta'i dris ji ltar brjod pa bzhin du 'jug ngogs kyi chus dgang bar bya'o//de nas dang po'i snod kyi chu la oM gyi mtha' can las thams cad pa'i sngags kyis lan bdun gyi bar du bsngags so/ /snod gnyis pa'i chu la ni yi ge gsum gyi bar du tshud pa'i rang gi lha'i sngags oM gyi mtha' can gyis lan bdun gyi bar du bsngags par bya'o//de nas mdun du ma ny+dzi gnyis la bzed zhal gnyis kyi snod bzhag la snga ma bzhin du dgod par bya'o/ /g.yas kyi phyogs su bud shing la mngar gsum dang ldan pa dang / zan bzang po'i changs pa la zho mar dang sbrang rtsir ldan pa til nag po dang so ba dang mar du ldan pa/sa ha'i me tog dang bil ba'i 'bras bu dang sA lu dang 'bras thug po che dang so ba dang / nas dang 'gro dang rgyal po sran ma dang / sran ma ma sha dang pad+ma dang nA ga ge sar dang kar ni ka dang / me tog dmar po la sogs pa'i bsreg rdzas la las thams cad pa'i chus btab la dgod par bya'o//de nas bgegs nye bar zhi bar bya ba'i phyir/ gtor ma byin la lha'i rnal 'byor du byas pa'i rnal 'byor pas mchod sbyin gyi shing las byung ba'i thab khung nas 'bus ma zos pa'i bud shing blangs la/dge 'dun gyi tshang bang ngam/ nor bu las byung ba'am rgyal po'i tshang bang nas me chen po'i me blangs la/ snod gtsang mar bzhag la 'o ma dang ldan pa'i bud shing skam pos sbar la/ de nas de'i yi ger gsum gyis bus la las thams cad pa'i chu la ku sha'i bsang sbrel gyi rtse mo nas bzung la lan gsum gyi bar du bskor zhing gtor te/thab khung gi dbus su shing skam po'i tshal bu'am rtswa skam po dang bcas pas gzhug par bya'o/ /de nas oM dz+wa la dz+wa la hUM zhes bya ba'i sngags bzlas la rlung g.yab kyis sbar bar bya zhing / rigs kyi snying pos lan bdun gyi bar du bsngags pa'i mar gyis blugs la sbar bar bya'o//de nas oM i me ku shA shu b+hA di bya ba pu tra brah+ma ba bi Te Na bud+d+ha d+harma saM ha ra kAHbr-i thi bi ra saM badzra ta gar+b+ha a big+h+NAM ma ma shAn+tiM ku ru ban+d+ya oM badzra satwa AH'dis lan bdun gyi bar du bsngags pa'i ku sha rtsa ba nas bton cing gsar pa dri mas ma gos pa ma chad pa tha dad pa ma yin pa srin gyis so btab pa ma yin pa shin tu ring ba ma yin pas bskor bar bya'o//bi d+hi ka'i shar du kha blta zhing sbyin pa dang gshin rje nas nub tu kha blta ba dang / byang du rtse mo bstan la/ me nas shar du rtse mo bstan par bya'o/ / de nas rang gi lha'i sa bon las thab khung bskyed la de nas me 'bar ba de'i dbus su re pha dang bcas pa'i dkyil 'khor zur gsum pa dang po mchog gi thugs kyi gzugs la/ oM yongs su gyur pa'i pad+ma la gnas pa'i yi ge hUM las skyes pa kha dog ser po dbu skra'i thor tshugs can g.yas na bgrang phreng dang mi 'jigs pa/phyag g.yon na spyi blugs dang dbyug pa 'dzin pa/ gsus pa 'phyang ba na bza' ser po can tshangs sku dang ldan pa/ /'od zer ser zhing gdan ser po la sems dpa'i skyil mo krung gis bzhugs pa'i me lha rnam par bsgoms la/ nam mkha' la yang ye shes sems dpa' bltas la sngags 'don zhing spyan drang bar bya ste/ oM a gan ye ma hA te dza sarba kA mA r+tha pra sA d+ha kA/ ka ru Na kr-i t+sa twa a r+tha a smi na san+ni hi to b+ha ba zhes bya bas so/ /de nas ye shes kyi me lha spyan drangs te/ de nyid gsum gyi dbus su chud pa'i Tak+ki'i sngags kyis/mdun gyi nam mkha'i phyogs su pad+ma'i gdan la dgod cing de dang lhan cig lhag pa'i bgegs hU~M yig gis bskrad la/ chu snod dang po las ku sha'i gtsang bsrel gyis dang po'i bzed zhal du bsang gtor lan gsum dbul lo/ /de nas mtheb mdzub gnyis kyis snod gnyis pa na gnas pa nas me tog dang bcas pa'i chu blugs la de bzhin du 'thor 'thung lan gsum dbul bar bya'o//de nas oM dzaH hU~M ba~M hoH/ khaM raM pra ba ra sa t+kA ra a r+g+haM pra tIts+tsha swA hA zhes bya ba'i sngags brjod la rdo rje rtse mo kha phye nas chu snod gsum pa nas snod gnyis par mchod yon lan gsum gyi bar du dbul bar bya'o//de nas oM ni ri ti hU~M khaM pra ba ra sa t+kA ra pA d+yaM pra tIts+tsha swA hA/ zhes bya ba 'dis de na gnas pa'i chu nyid las mtheb mdzub sbyar bas me tog dang bcas pa blangs te de bzhin du dal bas lan gsum gyi bar du zhabs la dbul bar bya'o//de nas oM a gan ye A d+yi byA di byA bi ShA bi ShA ma hA shri ye ha b+h+yA ka byA ba ha nA ya swA hA/ zhes bya ba'i sngags kyis de bkug la dam tshig gi me la gzhug pa dang bcing ba dang dbang du bya ba dang / 'di'i mig dang lus la sogs pa byin gyis brlab pa dang / dbang yang bya ste/ yang bsang gtor la sogs pa dang cho ga'i rjes su 'jug pa sngar brjod pa'i sngags nyid kyis mchod pa rnam pa lngas mchod la yang dag par grub pa'i me la mngon par bstod par bya'o/ /de'i rjes la gser ram zangs sam mchod sbyin gyi shing las byas pa skyes bu'i mtheb sor gyi tshad dang ldan pa ste/sor nyi shu bzhi pa chang zungs la rdo rjes mtshan pa rnal 'byor dbyug pa'i steng du ni sor bzhi pa la gru bzhi pa zabs su sor gnyis brus pa dang po mchog gi rdo rjes mtshan pa gung mo'i tshad kyis ro 'bab pa'i bug pa dang ldan pa/de'i mchu nas 'og tu sor bzhi pa la dbus su rtse mor thug pa dang bcas pa ste/ rtse gsum pa'i rdo rje'o/ /rtse gsum rdo rje'i dbus su pad+ma'i 'dab ma'i rnam pa'o/ /dbyug pa'i 'og tu ni sor drug pa'i rdo rje rin po ches mtshan pa'i blugs gzar te/ de dang rjes su mthun pa'i dbyug pa la rdo rje rin po che dang /rgyar ni sor gnyis pa pad+ma'i 'dab ma'i rnam pa la zabs su sor gang tsam brkos la dbus su rdo rje mchog gi rdo rjes mtshan pa'i dgang gzar/ de'i kha la ni rang gi lha'i sa bon dang me'i khar yang raM yig bkod la pus mo'i nang nas lag pa kha gyen du bltas te/lag pa g.yon pas mar gyis bkang ba'i blugs gzar blangs la lag pa g.yas pa kha sbub ste blugs gzar la bskyon pa'i dgang gzar blangs te/ de'i blugs gzar mar gyis bkang la oM a g+na ye/ oM a mu kaM s+ya pu Sh+TiM ku ru oM/ zhes bya ba'i sngags kyis bsreg rdzas la bsregs pas me lha'i kha cung zhig dbye ba'o/ /de nas dgang gzar dang blugs gzar du bcas pa bskor ba byas la/ oM na maHsa man+ta bud+d+hA nAM/ a g+na ye oM a mu kaM s+ya pu Sh+TiM ku ru oM zhes brjod la rdzogs pa'i sreg pa bya'o/ / de nas sngags pas mnyam par gzhag pas me'i kha dog dang dri dang sgra'i rnam pas me'i mtshan nyid dge ba dang mi dge ba'i ltas brtag par bya ste/ me ni rtse gcig 'bar ba yis/ /sbyor ba thams cad byed par 'gyur/ /g.yo ba med pas mnyam 'bar la/ /rtse gnyis pa ni 'bring por shes//gal te 'bar ba rtse bzhi la/ /legs par mnyam nas mthong na ni/ /de na rtag tu sa rnams kyi/ /rgya mtsho bzhi yi ska rags so/ /kun da zla mtshungs snum pa yi/ /bai DU R+Ya gzugs bzang po'i 'od/ /du ba med cing dri bral me/ /nad med rigs rgyud 'phel bar byed//chu shal nor bu dang mtshungs pa'i/ /kha ba yi ni rnam pa 'dra/ /bu ya ra ga lta bu yis/ /sdig pa 'phrog cing dngos grub ste/ /lham bu chu shel dbang po'i gzhu/ /glog dang byu ru dang mtshungs la/ /gser sbyangs in+d+ra nI la dang / /nyi 'od rgyal srid longs spyod ster//tsam pa 'dam skyes ut+pal si/ /ma la ti dris bsil dang ldan/ /ga pur a ru Na yi dri/ /rig pa'i gnas kyi bdag po gter/ /glang chen rta dang khyu mchog sgra/ /dur ba keng gi la yi sgra/ /yul 'jug dus kyi sbyin sreg gis/ /dgra rnam 'joms shing rnam par rgyal//pi wang gling bu me dang 'ga'/ /pad+ma dud dang ka ha'i sgra/ /shin tu zab cing shin tu snum/ /sgra med mes ni bde ba ster/ /dpal byed gdugs dang dung dang pad/ /rtse mo gsum po dag gi tshul/ /rgyal mtshan rnga yab rdo rje mchog/ /klu drung rta dang glang po'i tshul//mar bsreg dgang gzar rnam pa dang / /gdan bzang nyi ma'i rnam pa dang / /sgra med g.yas nas skor byed cing / /gong bu gcig pas don chen ster/ /dge ba yi ni mtshan nyid do/ /g.yo zhing mngon du phyogs shing 'bar/ /rtse gsum pa la du bar bcas/ /'khor zhing me stag 'phro bar bcas//lus ngag yid la nad rnams byed/ /gang zhig hom mkhan bsreg pa'i tshul/ /me lce rtse gsum ltag pa 'dra/ /me lce chad cing 'od zer bral/ /langs na de yis 'chi ba ste/ /me gang myur du g.yo byed cing / /myur du dgod cing ni Sh+Tha ra/ / g.yon nas myur du 'thor byed cing / /myur du sa la reg par byed/ /'di ni shing mdzer thig le gnag /rigs rgyud nyams shing 'khu bar smra/ /rgyal po'i bzhon par nyams pa'am/ /yang na de yi dpon po 'chi/ /mdog bral du ba sprin nag dang / /sngo bsangs mdog dang shin tu bsres//rtsub dang pa la sa dmar 'dra/ /'dod pa'i don ni nyams par byed/ /de yang rnyang dri dri ma ngan/ /chu skyes srog chags dri dang ldan/ /rdul dang byi la ma he dang / ce spyang gtum pa dri yi cha/ /bya rog sbrul gyi dri dag gam/ /bshang ba du ma'i dri dang ldan/ /gal te 'di 'dra'i mer gyur na//gtso bo rgud par smra bar byed/ /tsa ta tsa ta'i sgra la sogs/ /'ur 'ur zhes pa'i sgra dang ldan/ /'tsheg 'tsheg sgra yi rang bzhin nam/ /rdo rje sgra yis nor nyams byed/ /ral gri'i rtse mor zur 'dra dang / /rnga mo ba lang mgo dang mtshungs/ / gang 'di 'jigs pa'i rnam pa ste/ /gal te sbyin sreg 'di brjod na/ /mi dge ba yi mtshan nyid do/ /de ltar shes par byas nas gal te sngags pas mi dge ba'i ltas mthong ba de lta na ni las thams cad pa'i chus lan bdun gtor zhing / las thams cad pa'i sngags kyis sbyangs la bsrungs te/mar gyis bsregs pas lan bdun bsreg par bya zhing / /yang snga ma bzhin du bskor bar bya'o/ /de ltar bgegs med par byas nas yang me la bsreg rdzas dang mar dgang gzar dang blugs gzar gang ba gcig gam gsum mam lan bdun du 'byor tshad kyis blugs gzar dgang gzar ldan pas dbul bar bya ste/oM na maHzhes bya ba'i sngags kyis so/ /de nas blugs gzar gyis mar gyi sreg blugs gsum mam bdun bsregs la/ pa la sha dang / u dum+WA ra dang / a mra dang / ka ta m+ba dang / ka sma R+Ya dang / a shwa t+tha dang / pa la k+Sha dang /n+ya gro d+ha la sogs pa'i yam shing gi shing 'o ma can las skyes pa'i shing sar pa lo ma gnyis dang bcas pa mnyam par bcad pa dbus kyi cha nas lag pas bzung nas rtse mo gnyis mnyam par gshibs la bdud rtsi dang dri ser po'i chus bkrus la zho dang 'o ma dang mar la rtse mo gnyis bsnyugs te/ ming med dang mthe bos bzung la yam shing rtse gcig pas bsreg par bya'o//yang na seng ldeng dang nyi ma'i shing dang pa la k+Sha dang / pi pi ling dang / a pasma na dang / pa la sha dang / u du m+WA ra dang / b+ha ta dang / be kaM ka ta dang / a mra dang / sA li dang / kha lce las skyes pa shin tu gsar zhing drang la lo ma dang bcas pa'i yam shing phyogs drang po nas rang rang gi sngags kyis bsreg par bya'o//ya yo can dang skra 'dab can dang bral ba rtse mo nyams pa dang / pags pa dang bral ba dang ring ba dang thung ba dang sbom pa dang phra ba dang / yo ba dang rtse mo khrag dang srin gyis zos pa dang / srog chags dang bcas pa ni spang bar bya'o//de'i rjes la yam shing gis bsreg pa'i me la mar dang mar khu ma nyams pa dang khre dang so ba dang dUr ba dang ku sha la sogs pa'i bsreg rdzas gzhan bsreg par bya ba sngags brjod la bsreg par bya ste/ sngags so so'i mtha' ru oM che ge mo rgyas par gyis shig /oM zhes bskul ba'i sngags kyis dor bar bya'o/ /de la sngags kyi tshig ni oM badzrA ya dzA ya swA hA/ u dum+WA ra'i'o/ /oM bo d+hi br-i k+ShA ya swA hA/ a shwat+tha'i'o/ /oM badzra la tA ya swA hA/ pa la k+Sha'i'o/ /oM badzra ku be rA ya swA hA/ n+ya gro d+ha la sogs pa'i 'o ma can gyi'o//oM sa hA gA hA ya swA hA/ /a mra'i'o/ /de ltar na gzhan la yang ste/ oM sarba pA paM da ha na badzrA ya sarba pA baM da ha swA hA/ til la sogs pa'i'o/ /oM badzra puSh+Ta ye swA hA/ ma nyams pa'i khre la sogs pa'i'o/ /oM sarba saM ba de swA hA/ so ba dang bza' ba mchog gi'o//oM badzra A yu She swA hA/ dUr ba'i'o/ /oM a pra ti ha tA ya swA hA/ ku sha'i'o/ /badzra bi dzA ya swA hA/ so ba'i'o/ /oM ma hA be+e gA ya swA hA/ nas kyi'o/ /oM ma hA ba lA ya swA hA/ /sran ma'i'o/ /oM badzra g+ha sma rI swA hA/ gro'i'o/ /rdzas gzhan la yang hU~M gi de kho na nyid gsum las skyes pa rnams kyis so//de la gal te yod na 'du ba'i rdzas de thams cad ni me lha'i zhal du dbul lo/ /ku sha la sogs pa'i bsreg rdzas ni 'od kyi dkyil 'khor la'o/ /bza' ba dang btung ba la sogs pa ni phyag tu'o/ /me tog ni spyi bor ro/ /spos ni 'bar ba la'o/ / dri ni snying gar ro/ /bsang tor ni sku dang zhabs dag la'o/ /mar me dang mchod yon dang lha bshos ni mdun du'o/ /dgang gzar dang blugs gzar med par gyur na lag pa'i mtheb mdzub kyi sbyor bas bsreg rdzas thams cad bsreg par bya'o/ /de la sor mo lnga'i sbyor bas ni rdzogs pa'i sreg blugs so//gung mo dang ming med dang mthe bo'i sbyor ba cig shos kyis sreg blugs sbyin par bya'o/ /de nas me lha la mthor 'thung la sogs pa byin la/ me de de bzhin gshegs pa thams cad kyi ye shes kyi mer gyur pas chos kyi dbyings su gyur pa la/ shes rab kyi pha rol tu phyin pa'i rang bzhin las ma lus pa'i gnas 'jig rten las 'das pa'i mer bltas la/ /de'i snying ga'i pad+ma nyi ma'i dkyil 'khor gyi gdan la rang gi lha'i sa bon grub pa mtshan ma dang sa bon las yongs su gyur pa las dkyil 'khor gyi lha mo dang dkyil 'khor gyi bdag por bcas pa de bzhin gshegs pa thams cad kyi ngo bo dpal kye rdo rjer bsgoms la/ye shes kyi dkyil 'khor yang spyan drangs la mdun gyi nam mkha'i phyogs su dgod par bya'o/ /oM e h+ye hi b+ha ga wAn ni ha b+ha ga t+yaM/ sa ma ye na tsa a n+d+ha di kaM tsa/ pra ti tse daM me zhes bya ba'i sngags kyis so/ /de nas bgegs bskrad pa la sogs pa bya zhing 'thor 'thung dang bsang gtor la sogs pa phul la/ /dzaHhUM baM hoH/ zhes bya ba 'dis dgug pa dang gzhug pa dang bcing ba dang dbang du byas la/ ye shes kyi 'khor lo dang dam tshig gi 'khor lo gnyis lhan cig tu gyur cing chu dang 'o ma lta bur blta'o//de nas dkyil 'khor de'i lus dang mig la sogs pa rnam par sbyang ba dang dbang bskur ba yang byas la/ slar yang bsang gtor dang 'thor 'thung la sogs pa dang mchod pa dang bstod pa'i bar gyis cho ga byas la/lce la hU~M yig bstims te/ rang rang gi sngags kyis cig shos kyi sreg blugs kyang sngon bzhin du phul la/ yo byad thams cad kyi rdzas bsres la/ sreg blugs gcig gam gsum mam bdun nam nyi shu rtsa gcig gam brgya rtsa brgyad dam stong phrag brgya ji ltar rnyed pa snga ma bzhin du 'bul lo//de nas yang bsreg rdzas thams cad lha rnams kyi ljags la legs par lhung bar mos par bya'o/ /dbang gi dus su ni yon phul la slob ma rnams kyi lag pa g.yon pa'i mthe bo so so nas gzung la rang ngam gzhan gyis sreg blugs gsum mam bdun byin la yod par gyur na/rgyal po sa'i bdag po dang dge 'dun dang lha mo dang phyogs skyong ba dang / bdag nyid rgyas par bya ba'i don du sreg blugs bsreg par bya'o/ /de ltar ci rnyed pa'i sbyin sreg byas la mthar ni rigs kyi snying po gsum mam bdun nam nyi shu rtsa gcig tu mar gyi sreg blugs kyis nye bar sbar bar bya'o//de nas rdzogs pa'i sreg blugs phul la 'thor 'thung dang phye ma dang bral ba'i ta m+bo la dang / gos la sogs pa phul la mchod pa dang bstod pa byas la/ de nas lha de dag thams cad la tsan+dan la sogs pa dang mar la sogs pa'i rdzas kyis dga' zhing mgu nas rang gi lus kyi sprin spros pas rin po che dang bdud rtsis gang ba'i bum pa lag na bzung ste/bsgrub bya la dbang bskur zhing rdo rje'i lus su byas la de'i khang pa yang rin po che du mas yongs su gang bar bsgoms la ral gri la sogs pa'i dngos grub kyang bskyed cing / rang gi lus kyi sprin rang nyid la yang dag par 'dus par blta'o/ /de nas sngags pas me tog gi thal mo sbyar la mnyam par gzhag ste lus btud la dman pa dang stong pa'i skyon zhi bar bya ba'i phyir dang / mngon par 'dod pa'i dngos grub kyi phyir mkhyen cing bzod par gsol bar bya ste/ bcom ldan bdag la nus med pas/ /ma 'byor pa dang ma rig dang / /dman pa'am ni lhag pa ste/ /gang bgyis de khyod bzod par gsol/ /zhes bya bas so/ /de nas badzra satwa zhes lan gsum brjod par bya'o/ /oM khyed kyis 'gro ba'i don kun mdzad/ /rjes su mthun pa'i dngos grub stsol//sangs rgyas yul du gshegs nas ni/ /slar yang byon par mdzad du gsol/ /oM AHhU~M badzra maHzhes brjod la rang gi 'dod pa'i lha'i dkyil 'khor gshegs su gsol bar bya'o/ /de nas thab khung dang me lha sngon bzhin du bsang gtor dang 'thor 'thung la sogs pa phul te mngon par mchod la/rim pa bzhin du yo byad lhag ma bsreg par bya'o/ /de nas rdzogs pa'i sreg blugs phul la/ /bsang gtor la sogs pa yang phul te/ /tam+po la dang gos la sogs pa'i mchod pa yang byas la/ dril bu yang dkrol zhing bstod par bya'o//de nas 'dod pa'i dngos grub kyi phyir gsol zhing bzod pa phul nas badzra satwa zhes lan gsum bskul la/ swA n+wa n+tse ba pa rA r+tha ny+tsa sA d+hi taM gats+tsha/ ha bya b+hu ka a ga mi Sh+wA pi ya thA kA lA+e/ /sarba sid+d+hi ku ru shwa mi zhes bya ba'i sngags kyis me lha gshegs su gsol lo//de nas me nang du snod legs par bkrus par bsreg rdzas kyi lhag ma mar dang 'o ma dang sbrang rtsi dang sha kha rar ldan pa'i thug pa bsdus te bskol la/ gnyen 'dab rnams la yang cung zad sbyin par bya'o/ /de'i rjes la yi ge brgya pa'i sngags lan bdun brjod la dge ba yang bla na med pa yang dag par rdzogs pa'i byang chub tu yongs su bsngos la ldang bar bya'o//de la 'di ni yi ge brgya pa'i sngags so/ /oM badzra satwa sa ma ya/ ma nu pA la ya/ badzra satwa twe no pa tiSh+Tha dr-i D+ho me b+ha ba/ su to Sh+yo me b+ha ba/ su po Sh+yo me b+ha ba/ a nu rak+to me b+h+ya ba/ sarba sid+d+hi m+me pra yats+tsha sarba karma su tsa me tsi t+taM shre yaHku ru hUM/ha ha ha ha ho/ b+ha ga wAn sarba ta thA ga ta badzra mA me mu ny+tsa badzrI b+ha ba ma hA sa ma ya satwa AH/ 'dir zhar la 'ongs pa'i dbang gis zhi ba la sogs pa'i sbyin sreg gi cho ga brjod par bya'o/ /de la nad dang gnod pa dang skar mda' ltung ba'i gnod pa dang bgegs dang nyon mongs pa dang sdig pas zin pa'i bdag gam gzhan rnams zhi bar bya ba'i phyir dang /mngon par shes pa dang thar pa bsgrub pa'i phyir yang zhi ba'i sbyin sreg bya'o/ /de la dkyil 'khor gyi shar phyogs su dkar po la rgyar khru gang brko zhing zabs su ni sor bcu gnyis te/dbus su ni pad+ma 'dab ma brgyad pa sor bcu drug pa la gnas pa'i rdo rje rtse mo lnga pa sor brgyad pa rtse mo shar du bstan pa'o/ /steng du ni sor bzhi pa'i bar bzhag pa rgya dang dpangs su yang sor bzhi pa'i bi d+hi kas bskor ba'i thab khung zlum po byas la 'jim pa dkar pos byug cing dkyil 'khor gyi sa la lci bas kyang nye bar byugs la/yang de gnyi ga tsan+dan dkar po'i dri bdud rtsi lnga dang bcas pas byug cing me tog dkar po bzang pos kyang mngon par gtor bar bya'o/ /rdul tshon gyis kyang thab khung bya'o/ /gser la sogs pa'i snod du dri dkar po dang nas dang 'o ma dang bcas pa'i chus bkang la swA hA'i mtha' can gyi sngags kyis sngar bzhin bzla bar bya'o//'o ma can gyi shing ngam 'brog gi lci ba'i bud shing dang zho mar dang sbrang rtsi dang 'o ma dang nas dang til dang lA dzA dang pri yang ku dang tsan+dan dang 'bras sA lu'i zan dang dUr ba sngon po dang / me tog dkar po grus pa dang ke sa ra'i me tog dang /a mra'i lo ma dang nir ya ba la sogs pa'i dri zhim po rnams kyang bsreg cing pa la sha la sogs pa sor bcu gnyis pa la sbom pa ma yin pa mtheb mdzub kyi tshad tsam rtse mo'i cha bdud rtsi dang dri dkar po dang chus spang bar bya zhing / sbrang rtsi dang 'o ma dang mar la rtse mo gnyis bsnyugs la/lhag ma ni sngar gsungs pa'i yam shing gi mtshan nyid do/ /mchod sbyin gyi shing las byung ba 'am nor bu las byung ba'am tha mal pa'am bram ze'i me blangs la me sbar zhing / me lha sku mdog dkar po na bza' dkar po mnabs pa thor tshugs dkar po la me tog dkar po dang ldan zhing byams pa dang snying rje dang ldan pa/pad+ma'i gdan la bzhugs shing zhal byang ngam shar du phyogs shing yid zhi ba ste/ nya'i tshes gcig nas brtsams te sngags pa sngar langs te/ sngags thams cad kyi mthar ni swA hA a mu ka s+ya shI n+taM ku ru swA hA/zhes yang dag par bskul zhing sngags rab tu bton te zhi ba'i sbyin sreg bya'o/ /de nas mar dang bdud rtsi la sogs pa'i rdzas kyis dga' zhing mgu nas lha rnams rang gi lus kyis sprin gyi tshogs spros te/ ye shes kyi chus gang ba'i rin po che'i bum pa bsnams pa rnams kyis bsgrub bya dbang bskur zhing mi 'dod pa'i nad la sogs pa bor nas/mngon par 'dod pa'i dngos grub bsgrubs te rang gi lus kyi sprin rang nyid la 'dus shing / rnam par gnas te bya ba byas par blta'o/ /zhi ba'i sbyin sreg gi cho ga'o/ /ral gri dang 'khor lo dang mda' dang rin po che dang pad+ma dang gter chen po dang bcud dang bcud len dang rgyal srid la sogs pa bsgrub par bya ba'i phyir ni bdag tha mal pa'am pha rol tha mal pas zla ba nya nas brtsams te rgyas pa'i sbyin sreg bya'o//de la dkyil 'khor gyi lho phyogs su sa gzhi ser po la khru do ba thabs su ni khru gang ba khyer gyi bar la sor brgyad dpangs su yang sor brgyad pa'i be d+hi kas bskor ba la/dbus na 'khor lo rtsibs brgyad pa la rdo rje rin po che dang ldan pa/ rin po che zur brgyad pa lta bu'am/ zur bzhi pa lta bur brkos la thab khung byas te sa mdog ser po dang dri dang bdud rtsis thab khung dang de'i sa phyogs nye bar byugs la/me tog ser po'am me tog khra bo dgram par bya'o/ /bud shing ni 'brog gi lci ba ma gtogs par sngar brjod pa nyid kyi 'bras bu dang bcas pa'o/ /lhag ma ni las thams cad pa'i cho gar gsungs pa bzhin no//rgyas pa'i sbyin sreg gi cho ga'o/ /bsad pa dang skam pa dang bskrad pa dang sdang ba dang rengs pa dang rmongs pa dang lus skems pa la sogs pa'i las bsgrub par bya ba'i phyir mngon spyod kyi sbyin sreg bya ste/ de la dkyil 'khor gyi byang phyogs su rtsub cing skam pa'i nam mkha' lta bu'i sa gzhi nag po la sor nyi shu pa zabs su sor bcu pa dbus su ni rtse gsum pa'i rtse mor sor brgyad pa'i rdo rjes byin gyis brlabs pa/steng du sor gsum por la zhed dang dpangs su ni sor gsum pa kha khyer gzhol bas bskor ba'i bi d+hi ka'am mgo byang du bltas pa'i zur gsum nag po'i thab khung byas la/sa bdag dang dur khrod kyi thal ba dang bong bu dang rnga mo la sogs pa'i lci ba ji snyed pas byugs la dri mi zhim pa dang / me tog sngon po dang dmar po dang so ba'i 'bru la sogs pas dgram par bya'o/ /de la sngar brjod pa'i snod du dri ngan pa'i chu dang ko tra ba dang /mi dang ba lang dang bong bu'i chu me tog dang bcas pa la sngags yi ge phaT kyi mtha' yis sngar bzhin du yongs su bzlas la g.yas kyi char yongs su gzhag par bya'o/ /yungs kar ser po dang 'bru mar tshan de dang me tog dang tshwa dang ske tshe dang / dur khrod kyi thal ba dang /rkang pa'i rdul dang nim pa'i lo ma dang bong bu dang rnga mo la sogs pa'i lci ba dang skra dang brdungs la/ bya rog la sogs pa rnams kyi dang byi la'i gcin rtug dang / tsher ma dang / gseg ma dang rus pa'i phye ma dang khrag so ru dang sha dang dug dang khrag dang ske tshe dang smyo ba'i 'dab ma'i khu bas sbyar la/las thams cad pa'i sngags kyis bzlas pa'i chu dang / thal ba dang bsnun pa dang sol ba dang dug la sogs pa dang bsres la rdzas 'di rnams kyis dgra'i sprul pa'i gzugs brnyan byas la bsreg rdzas bya'o/ /mi tshil gyi mar me yang g.yon gyi char bzhag go//bud shing ni tsha ba dang tsher ma can dang / kha ba dang / dring ba dang shing las skyes pa'am/ yang na dur gyi shing ngam bong bu dang rnga mo'i lci ba skam po'o/ /nim pa dang seng ldeng dang ko b+hi d+ha dang b+ha la ta ka dang ma da na'i shing las skyes pa'am/ tsha ba dang tsher ma dang bcas pa'am/ kha ba'i shing las skyes pa'am dur khrod kyi shing las skyes pa rtsa ba'i cha nas bcad la yam shing bya ste/ sor bcu pa la me tog dang bcas pa rtse mo rno ba 'bru mar tshan de la rtse mo gnyis bsnyug go/ /dur khrod kyi mi rus las skyes pa'am/ /dur khrod kyi shing las skyes pa'am/ rdo las byung ba'am/ gdol ba'i khyim nas byung ba'i me yis so/ /kha dog nag po skra gyen du 'bar ba/ mig dmar ba mche ba gtsigs pa gdong khro gnyer dang bcas pa/ khro la 'jigs su rung ba/ gsus pa 'phyang ba/ bong thung ba gos nag po gyon pa/ mchod phyir thogs pa dang ldan pa/'bar zhing kha gdangs pa'i me lha'o/ /khro zhing gos sngon po bgos pa'i thor tshugs me tog dang ldan pa/ gos dang khrag dang chus brlan par byas shing khengs pa'i mig can/ khro gnyer gyi gdong dang ldan pa rkang pa g.yon pas g.yas pa mnan pa/ so yis so la mnan cing stan dang bral te bsgrub bya'i gzugs brnyan gyi lto ba la tsog bur 'dug pa'am/khro bo'i skyil krung bcings la kha lho ru blta zhing snying rje'i khros pas dkon mchog gsum la gnod pa'i dgra bzlog par bya ba'i phyir mar ngo gang yang rung ba nas brtsams te/ nyin phyed dam mtshan phyed na khro ba nyid kyis tshad mar byas te/ pus mo gnyis las phyi rol tu lag pa byas la lag pa g.yos pas mtshon rnon po blangs te/ bsreg bya la bcad cing bcad cing lag pa g.yon gyis sdigs mdzub byas te/ phaT a mu ka s+ya a b+hi tsa raM ku ru phaT ces pa'i sngags brjod la bsreg par bya ste/mngon spyod kyi sbyin sreg bya ste/ sdang ba la ni khyad par du bskul ba'i mtshams su/ oM dzrIM swA hA/ hU~M a mu kaM bi de sha ya/ bskrad pa la ni oM khaM swA hA/ hU~M a mu ka u ts+tsha tra na ya hU~M/ rengs pa dang rmongs pa dag la ni oM hU~M hU~M swA hA/ bau ShaT a mu kaM s+t+waM m+b+ha ya mo ha ya bau Sha Ta/ bsad pa la ni oM g+hu swA hA/ phaT a mu kaM mA ra ya phaT/ de ltar gzhan la yang ngo / /sbyin sreg gi lha dgyes te rang gi snying ga'i sa bon las khro bo spros te rdo rje zhags pa dang me mdag gi char gyis bsgrub bya la bkang zhing mtshon cha du mas btab cing srog dang bral te bde bar gshegs pa nyid la sbyar nas spros pa rnams bdag nyid la bsdus par blta'o//'di ni mngon spyod kyi sbyin sreg gi cho ga'o/ /lha dang klu dang gnod sbyin dang dri za dang lha ma yin dang nam mkha' lding dang mi'am ci dang bud med kyi dkyil 'khor dang bcas pa dang mi'i dbang po la sogs pa rnams dbang du bya ba dang dgug pa'i phyir dbang gi sbyin sreg gam dgug pa'i sbyin sreg bya ste/de la dkyil 'khor gyi shar phyogs sam dgug pa la ni nub nyid du ste/ sa phyogs dmar po b+ha ga'i rnam pa'am zla ba phyed pa'i rnam pa la dbus su rdo rje pad+mas byin gyis brlabs pa'o//dgug pa la ni dbus su rdo rje rtse gcig pa'i rnam pa'i rdo rje lcags kyus byin gyis brlabs pa ste/ de gnyis ka yang zhi ba'i thab khu ba ltar brko zhing kha khyer la sogs pa'i tshad dang ldan pa'i thab khung byas te/sa dmar po dang dris nye bar bskus la me tog dmar pos kyang brgyan cing chu shing la sogs pa'i 'dab mas kyang dgab par bya'o/ /sngar brjod pa'i snod na gnas pa'i chu dang me tog dmar po dang drir ldan pa la yi ge ho'i mtha'i sngags kyis g.yon phyogs su bzla'o/ /dgug pa la ni g.yas phyogs su gzhag par bya zhing pri yang khu dang tsam pa ka dang puN+Da rI ka dang nA ga ge sar dang ke sa la dang ku tsa la dang a sho ka ste/nags las byung ba'i lo ma dang bcas pa sor lnga pa zhi ba'i skabs su gsungs pa'i skyon dang bral ba'i yam shing ngo / /skyur ba'i 'bras bu dang ut+pa la dmar po dang me tog dmar po'i 'bras bu ste/gzhan yang rang rang gi brtag pa las gsungs pa'i bsreg rdzas ni g.yas su'o/ /dgug pa la ni de dag nyid g.yon du ste/ lcags kyu'i rnam pa'i tsher ma dang gzhag par bya'o/ /nim pa dang sgyur ba'i shing las skyes pa dang gzhan yang me tog tu bcas pa'i bud shing ni dbang la'o//dgug pa la ni tsher ma dang bcas pa'i bud shing ngo / /me ni smad 'tshong ma'i khyim mam smad 'tshod ma ma yin pa gar mkhan gyi rigs kyi khyim gyi me'o/ /dgug pa la ni gar mkhan gyi shul lam lam po che'i me'o/ /kha dog dmar po'i 'od dang ldan pa'i me lha gdan dang bcas pa gos dmar po gyon pa mchod phyir thogs pa dang ldan pa'o//gos dmar po gyon cing cod pan la me tog gis dkris la/ khro bo'i nga rgyal spangs la chags pa'i yid kyis rdo rje skyil mo krung gis 'dug ste/ kha nub tu phyogs pas so/ /dgug pa la ni cung zhing sngags pas kha gyen du bltas la/oM a swA hA/ oM a mu kaM ba shiM ku ru hoH/ oM hU~M swA hA/ dza a mu kaM A kA R+Sha ya dzaHzhes pa'i sngags brjod la/ nam phyed na dbang gi sbyin sreg gam/ dgug pa'i sbyin sreg go/ /sbyin sreg gis lha mgu nas rang gi lus kyis sprin spro ste/ /me tog nag po dang dmar po kha bye ba las byas pa'i gzhu rna drung du bkang pa ut+pala'i sdong bu mda' yis bsgrub bya'i snying gar bsnun te dbang du byed pa dang dgug pa la ni ut+pal dmar po'i sdong bu'i zhags pas bcings shing me tog dmar po las byas pa'i lcags kyus snying gnas bzung ste bkug nas sgrub po'i rkang pa'i drung du gdab par byas nas rang gi lus kyi sprin rang nyid las 'dus par bsgom par bya'o//dbang dang dgug pa'i sbyin sreg gi cho ga'o/ /las thams cad pa'i sbyin sreg ni ji ltar grags pa'i las rkyang bas bya'o/ /de la yang gsungs pa'o/ /'dis tshe 'phel bar bya ba'i phyir mar la bsnyugs pa'i dUr ba dang bcas pa bsreg par bya zhing bsrung ba'i don du ni de bzhin du til mar la bsnyugs te ku shas bsreg par bya zhing /rang 'dod pa'i lha bsgom par bya'o/ /sngags kyi mthar ni ji ltar yang dag par bskul ba'i tshig dang / rdzas dang bya ba dang bsgom pa dang sngags dang /sa bon la sogs pa'i khyad par yang sngon dang sngon du 'brang bas sbyang bar bya'o/ /de ltar na ji lta ba bzhin gyi tshes dang dus dang ji ltar skabs yod pa'am/ de la mos pas ji srid du mngon par 'dod pa'i zhi ba la sogs par gyur pa de srid du sbyin sreg bya'o//de yang / tha mal gnas la rgyas pa bya/ /nad kun la ni zhi ba ste/ /sdang ba kun la gsad bya zhing / /bdag gi don 'dod dbang gis bya/ /zhes gsungs so/ /de nas phyi'i sbyin sreg byas pa'i sngags pas rdzas dang bdag dang lha rnams rnam par dag pa'i sgo nas bsam par bya zhing byams pa dang bzod pa dang brtson 'grus dang stong pa nyid dmigs par bya zhing /kun rdzob kyi bden pa dang don dam pa'i bden pa dang kun 'byung gi bden pa la dgod par bya'o/ /nyan thos dang rang sangs rgyas dang theg pa chen po dang lam dman pa dang 'bring dang lhag pas rnam par grol ba'i khyad par gyis sangs rgyas kyi go 'phang 'grub par bya'o//de yang / phyir ni rnam pa gsum ldan te/ /gnas gsum po la gsum gnas na/ /haM gi las rnams gsum po ni/ /'grub par de bzhin gshegs pas gsungs//haM gi las ni mi shes par/ /gang dag gzhan du byed pa ni/ /sngags kyi ye shes spangs pa yis/ /rmongs pas 'bras bu thob pa med/ /ces gsungs so/ /de ltar mngon par 'dod pa'i dngos grub kyi phyir sgrub pa po rnams la yun mi ring ba nyid kyis 'grub par 'gyur te/slar yang myur du goms par bya ba'i phyir 'di ltar bsam par bya ste/ 'di ltar skabs su sbyin sreg thams cad la ni gang 'di dag sa dang thab khung ku sha dang me tog dang bsreg rdzas dang snod dang chu dang bzang zhal blugs gzar dang dgang gzar dang yam ging dang bud shing dang me lha dang 'dod pa'i lha dang dkyil 'khor mchod pa'i bdag nyid la sogs pa thams cad ni rang bzhin gyis yongs su dag cing chos kyi dbyings kyi rang bzhin du gyur pa'o zhes nges par bya'o//haM yig yan lag 'bras skyes pa/ /de las gzhan dag bshad pa ni//ma brjod na yang bdag nyid kyis/ /mkhas pas shes par byas te gzung / /sa gzhi zhing sa 'phel bar byed/ /thab kyis khyim ni 'phel byed cing / /mar gyis thams cad 'byor bar byed/ /yam shing gis ni gzi byin bskyed/ /shing gis lhag par dpa' bar byed//ku shas srung ba thams cad byed/ /dkar pos sa gzhi zhi bar byed/ /khre yis rgyas par byed par brjod/ /til gyis sdig pa 'phrog par rigs/ /so bas nor dang so pa 'dren/ /sran mas stobs ni che bar byed/ /nas byin pas ni rlung gi shugs/ / 'dar ba yis ni tshe 'phel byed/ /gro yis nad rnams nyams pa dang / /sbrang rtsi 'o mas shes rab ste/ /zho zan bde ba thams cad ster/ /'dod pa'i lha dang me yis ni/ /de bzhin 'dod pa'i dngos grub ste/ /lhag mas las kyi rjes mthun par/ /zho sogs las ni byed par shes//blugs gzar shes rab gong ma thabs/ /de nyid sbyor ba gnyis med bsgom/ /de nas rnam par byung ba'i mar/ /ye shes chen po'i bdud rtsir byed/ /bdag dag rgyu dang mi rgyu dang / /me lha de yis tshim par bya/ /de ltar gang zhig sbyin sreg byed/ /de ni 'dod pa'i snod du gyur//sbyin sreg gi cho ga'o/ /de ltar sbyin sreg gi cho ga byas nas dkyil 'khor du 'jug par bya ste/ de nas lha'i 'khor lo la mngon sum bzhin du bltas la/ sngar gsungs pa'i cho gas dkyil 'khor la yang dag par mchod pa dang bstod pa dang / bdud rtsi myang ba la sogs pa byas nas bzla bar bya'o//de nas slob ma rnams la dbang sogs bsdu bar 'dod pa'i sngags pas rigs kyi gtso bo la bla ma byas te/ 'chad par 'gyur ba'i slob ma gzhug pa'i cho gas bdag nyid dang por dkyil 'khor du 'jug pa'i bdag nyid kyis/ rigs kyi bdag pos dbang mtha' dag gi bar rdzogs par byas la/ de nas 'di ltar las thams cad dang rjes su gnang ba thob nas dkyil 'khor du slob ma gzhug pa'i don du zag pa med pa'i bde ba chen po rdo rje 'dzin pa'i rang bzhin de kho na nyid kyi gzugs brnyan lta bu'i chos thams cad kyi bdag nyid gnyis su med pa'i ye shes kyi lus dkyil 'khor gyi 'khor lo'i rang bzhin dang bden pa dang dran par bya ba'i phyir dga' bas tshigs su bcad pa 'di nyan du gzhug go//nam mkha'i las byung mtshan ldan phyir/ /gdod ma med pa'i gter gyi mchog /sems dpa'i rdo rje chen po'i dngos/ /dpal ldan kye rdor sogs bdag sgrubs/ /dngos grub chen po kun gyi mchog /dbang phyug chen po lhag pa'i lha/ /rdo rje 'dzin pa kun gyi rgyal/ /don dam mi 'gyur bdag la sgrubs/ /skyon rnams kun dang bral ba ste//'dod chags kun gyis rjes chags khyod/ /'dod chags che la dgyes chen po/ /bcom ldan bdag la de nyid sgrubs/ /shin tu dag pa rnams kyi mchog /gdod ma nas grol de bzhin gshegs/ /kun du bzang po kun gyi mchog /byang chub sems dpa' bdag la sgrubs//dngos grub chen po kun gyi mchog /dbang phyug che mchog phyag rgya ni/ /dngos grub rdo rje mthar thug pa/ /rdo rje snying po'i bdag por gyur/ /sems can kun gyi yid khyab pa'o/ /sems can kun gyi snying la gnas/ /sems can kun gyi yid nyid ni//'dod mchog dam tshig rnams kyi mchog /bden pa gang gis ye shes te/ /shes rab thabs dag dkyil 'khor la/ /bden pa de yis mgon po bdag /khyod kyis 'dod pa yongs su rdzogs/ /chos rnams gzugs brnyan lta bu ste/ /dag cing dang la rnyog pa med/ / gzung du med cing brjod du med/ /rgyu dang las las mnyam par byung / /de nyid las byas de bzhin nyid/ /ces bya ba'i bden pas/ /gzugs brnyan gsal por dri med par/ /de nas dkyil 'khor nas byung ba'i slob dpon gyi zhabs gnyis la dkyil 'khor sngon du 'gro bas phyag 'tshal la//drang bar bya ba'i phyir slob mas gsol ba gdab par bya ba ni 'di ltar gsol ba gdab par bya'o/ /'khor lo phyir mi ldog pa'i dbang / /mgon pos bdag la stsal nas ni/ /dkyil 'khor lha yi de nyid dang / /slob dpon las kyang gsung du gsol/ /sangs rgyas kun gyi dam tshig rnams//sdom pa gsang ba rnams kyi mchog /sems can rnams kyi don gyi rgyus/ /bdag ni rtag tu slob dpon gyur/ /de nas 'di ltar gsol ba btab nas bla mas dkyil 'khor gyi bdag po la gsol ba btab par bya ste/ bdag che ge mo ming 'di zhes/ /byang chub sems ni gzung ba la//dam tshig sdom par ldan par ni/ /gsang ba'i dkyil 'khor 'di ru 'tshal/ /zhes bya bas so/ /de nas slob dpon gyis brjod par bya ste/ gsang ba chen po'i rigs dag pa/ /gsang chen yongs su gzung ba yi/ /bdag nyid chen po khyod 'dod dam/ /'chal zhes slob mas kyang brjod par bya'o//de nas slob dpon gyis lus la khrus dang dri zhim po dang me tog gi phreng ba dang gos dmar po cod pan dang bcas pa la gdong pa gos dmar pos bkab la yon phul te/ a khaM bI ra hU~M/ zhes bya ba'i sngags kyis me tog gi phreng ba bzung la/ las thams cad pa'i sngags bzlas pa'i bum pa'i chus gtor la/slob ma 'dod pa'i lha'i gzugs la mig dang lus la sogs pa byin gyis brlabs par rnam par bsams nas/ yol bas bcad pa byas nas dkyil 'khor du gzhug par bya ba'i phyir kye snying du sdug pa khyod su yin zhes dri bar bya'o//des kyang skal bzang snying du sdug pa bdag go zhes brjod par bya'o/ /de nas bla mas kyang me tog la sogs pas yang dag par mchod de/ de yi ge hU~M gis shar sgor gzhag par bya'o/ /de nas 'di'i snying gar oM yo ga tsit+ta ut+pa da ya mi zhes bya ba'i sngags kyis rnal 'byor du sems bskyed do//oM su ra tes ma ya s+t+waM ho sid+d+hi badzra ya tha su khaM zhes bya ba 'dis snying gar me tog dang bcas pa'i rdo rje gzhag par bya'o/ /de nas 'di la de bzhin gshegs pa thams cad kyis de ring khyod byin gyis brlab par 'gyur ro/ /khyod kyis 'di de bzhin gshegs pa thams cad kyi mchog gi gsang chen gyi dkyil 'khor du ma zhugs pa rnams la brjod par mi bya zhing /gzhan dad pa med pa rnams la brjod par mi bya'o/ /de nas las thams cad pa'i sngags sam/ Tak+ka'i sngags kyis slob ma drangs la/ a khaM bI ra hU~M zhes bya ba'i sngags kyis yol ba'i nang du bcug la slob dpon dang dkyil 'khor la phyag byas nas slob mas 'di skad brjod par bya'o//oM de bzhin gshegs pa thams cad kyi bsnyen bkur gyi phyir bdag nyid dbul bar bgyi'o/ /oM slob dpon rnams kyi bsnyen bkur gyi phyir bdag nyid dbul bar bgyi'o//oM sems can rnams kyi bsnyen bkur gyi phyir bdag nyid dbul bar bgyi'o zhes bya bas so/ /de nas 'di skad ces brjod par bya'o/ /deng 'dir khyod de bzhin gshegs pa thams cad kyi rigs su zhugs kyis de bas na ngas kyang rdo rje ye shes bskyed par bya ste/ye shes gang gis de bzhin gshegs pa thams cad kyi dngos grub kyang thob na dngos grub gzhan lta smos kyang ci dgos/ /khyod kyis 'di ni dkyil 'khor ma mthong ba'i sngon du brjod par mi bya'o/ /des dam tshig nyams par gyur ta re zhes bya bas so//de nas slob ma'i spyi bor rdo rje bkod la/ 'di de rdo rje dam tshig ste/ /gal te khyod kyis tshul 'di ni/ /'ga' zhig drung du bzlas gyur na/ /mgo bo dag ni gshegs par byed/ /ces bya bas so/ /de nas snying gar rdo rje bkod la/ /oM rdo rje sems dpa' nyid kyang ni//de ring khyod kyi snying la gnas/ /gal te khyod ni smra byed na/ /skad cig de la 'bigs par 'gyur/ /zhes bya ba 'dis mnas bsgags la/ /bdud rtsi lnga dang bsres pa'i dri zhim po'i chus yi ge gsum gyis byin gyis brlabs la/ oM badzra ma ho da ka zhes bya ba 'dis lan bdun bzlas te/'di de dmyal ba'i chu yin te/ /dam tshig 'das na sreg par byed/ /dam tshig bsrungs na dngos grub ster/ /rdo rje bdud rtsi'i chu 'thung shig /ces brjod la blud par bya'o/ /de nas slob ma dam bcas pa brtan par bya ba'i phyir 'di skad brjod par bya'o//deng nas bzung steng ni khyod kyi phyag na rdo rje ste/ /gang nga yis brjod pa 'di dag khyod kyis bya zhing / nga la khyod kyis brnyas par yang mi bya'o/ /nyam nga ba ma spangs par 'chi ba'i dus byas te dmyal bar ltung bar gyur ta re zhes bya bas so/ /de nas sarba ta thA ga ta shwA d+hi tiSh+ThA na ta ma badzra swA hA/zhes brjod du bcug la de'i snying gar sa'i dkyil 'khor la~M yig las skyes pa gru bzhi pa ser po zur bzhir rdo rje rtse gsum pa'i yi ge hU~M gis byin gyis brlabs pa bsgom par bya'o/ /mgrin par ni chu'i dkyil 'khor ba~M yig las skyes pa zlum po dkar ba bum pas mtshan pa/a'i yi ges byin gyis brlabs pa bsgom par bya'o/ /de nas spyi bor rlung gi dkyil 'khor yaM yig las skyes pa gzhu'i rnam pa nag po/ /mtha' gnyis su dar dpyangs g.yo bas mtshan pa dbus su ha~M gis byin gyis brlabs pa bsam zhing /rkang mthil gnyis su dz+dza yig yang dag par 'bar ba bsam par bya'o/ /de nas de'i 'og tu rlung gi dkyil 'khor gyi steng du ra~M yig las skyes pa'i me'i dkyil 'khor kha dog dmar po zur gsum pa bsgom par byas la des snang bar byas te/ dril bu dkrol la A be+e sha ya s+t+waM b+ha ya ra ra ra ra/tsa la ya tsa la ya/ hU~M a dz+haiMHzhes bya ba'i sngags kyis bskul la ji srid du babs kyi bar du dbab par bya'o/ /yang na slob ma'i rkang pa'i 'og tu rlung gi dkyil 'khor las sa bon gyis byin gyis brlabs pa bsgoms la/ des de bskul bar bsgom par bya'o/ /de nas yang drag po'i gar dang bcas pas dril bu dkrol zhing /oM li le li le hU~M zhes bya ba'i sngags babs kyi bar du brjod la/ de babs par rig nas kyang 'dod chags rdo rjer bsams la de'i lce la AHyig dmar po bsgoms la/ rdo rje smros shig ces brjod par bya'o//de nas de babs pa la brtan par bya ba'i phyir tiSh+Tha badzra zhes brjod par bya'o/ /de ltar dris pa dang dge ba dang mi dge ba smra bar 'gyur ro/ /de nas oM tiSh+Tha badzra sa ma ya pra ti sa li te hU~M hU~M ho ho swA hA/ zhes bya ba'i sngags kyis babs pa brtan par bya zhing / tshigs su bcad pa 'dis bden pa'i byin rlabs bdar bar bya'o/ /yang dag dkyil 'khor 'di ru ni/ /bdag gis slob ma rab gzhug pas/ /lha rnams kyi ni rim pa ni/ /ji ltar bsod nams de ltar 'gyur/ /'di yis dngos grub ci 'gyur ba/ /de yi rigs ni snod yin te//gang 'di'i bsod nams rjes mthun pa/ /de 'dra'i dkyil 'khor dag tu 'gyur/ /zhes bya bas so/ /de nas de'i mig gis ci mthong zhes dri bar bya'o/ /des brjod pa'i dkar po dang / ser po dang / dmar po dang / nag po'i dkyil 'khor gyi snang bas zhi ba dang rgyas pa dang dbang dang mngon spyod kyi dngos grub tu 'os pa de la rim pas brjod par bya'o//de nas gzung ba'i me tog gi phreng ba yi ge hU~M gis 'phangs la/ pra tIts+tsha ho zhes brjod par bya'o/ /de nas dngos grub dman pa dang mchog me tog lhung ba lhas mtshon par bya'o//lha rnams kyi ni khyad par las/ /de bzhin gnas la gus pa yi/ /sangs rgyas la lhung me tog de/ /dbu snyan gtsug tor dbu skra na/ /dngos grub phyag rgya cher gsungs te/ /sngags la mngon par sbyar nas 'gyur/ /spyan dang zhal gyi phyogs cha na/ / sngags kyi dngos grub dag tu gsungs/ /sku yi stod du dngos grub mchog /sku smad na ni 'bring du bshad/ /'og char dngos grub tha ma ste/ /mchog ni byang chub ces su bshad/ /'bring gis dbang phyug dngos grub ste/ /tha ma yis ni nor rnams grub/ /'di yis rim pa thams cad ni//bdag med ma rnams la yang nges/ /gzhan du lha rnams gdan la ni/ /dngos grub gsum gyi rnam par ston/ /ji ltar bor ba'i me tog de/ /gzugs brnyan las ni ring lhung na/ /de yi dngos grub ring bar 'gyur/ /nye ba nyid na 'dir 'gyur te/ /sngags pa rnams la phan pa'am//phan 'dogs rab tu 'dzin pa ste/ /de yi spyod yul lhung gyur na/ /de ni de yi rigs su shes/ /'phangs pa'i me tog phreng ba de/ /gal te bar du lhung gyur na/ /gang la nye gyur phreng ba de/ /de ni de yi rigs su ston/ /gal te maN+Dal 'das na ni/ /gal te de ni ltung gyur na//de yi dngos grub gzhan 'gyur te/ /'di yis dad pa bcos ma'o/ /gal te rgya la phreng ba de/ /phreng ba re khAr lhung gyur na/ /zhi byas slar yang phreng ba ni/ /de ni nan tan gyis gtor bya/ /slar yang de la nye gyur na/ /blo ldan gyis ni slar mi dor/ /de la dngos grub thob pa min//gar yang nges med blo ldan kye/ /gnyis kyi bar du mnyam pa dang / /phyir lhung ba la 'bras bu med/ /zhi byas slar yang blo ldan gyis/ /phreng ba de ni dor bar bya/ /thig gi rnam par shes pa nyid/ /gzhan med rtag par snying po lhung / /de yi spyod yul de shes nyid/ / phred ba ru ni rab tu grags/ /de la sogs pa rnam pa yis/ /gal te yang dag ldang ma yin/ /slar yang phreng ba 'phang bar bya/ /de ltar gsum yin spang bar bya/ /me tog dor ba'o/ /de nas me tog lhung ba las lha shes par bya ste/ slar yang 'phangs pa'i me tog blangs te blangs nas kyang //'di ni mnyes shing stobs po che/ /zhes brjod la slob ma'i spyi bor bcing bar bya'o/ /phreng ba'i dbang ngo / /de nas slob ma'i mig dag la yi ge oM 'bar ba dang ldan par bsgoms la/ oM de ring rdo rje sems dpa' nyid/ /mig rnams 'byed pa rnams kyi mchog// rdo rje'i mig ni bla med par/ /mig rnams thams cad dbye bar bya/ /zhes brjod la gdong bcings pa bkrol la/ /kye rdo rje'i mthong ba brjod par bya ba ni so so'i lha rnams kyi ming dang / dkyil 'khor gyi bdag po'i ming sngon du 'gro ba nas brtsams te/ dkyil 'khor bstan par bya'o/ / de nas bla ma dgyes nas slob ma la 'di skad brjod par bya'o/ /deng nas dad pa bskyed byos la/ /dkyil 'khor 'di ni blta bar bya'o/ /khyod ni sangs rgyas rigs su skyes/ /rig pa'i sngags ni byin gyis brlabs/ /grub pa'i rnal 'byor de dag dang / /'byor pa thams cad mngon du gyur//dngos grub rgyus ni dam tshig skyongs/ /sngags kyi dngos la 'bad ldan gyis/ /de nas slob mas kyang bla ma'i zhabs ngag la btung de 'di skad brjod par bya'o/ /oM badzra maN+Da la ma hA maN+Da la pra ti hou0f85haM/ /oM yo ga maN+Dal ma hA maN+DalaM/ /dar si hou0f85haM/ oM gu h+ya maN+Dal ma hA maN+Dal Da k+Shi hou0f85haM/ zhes bya bas so/ /slob ma gzhug pa'i cho ga'o// //de nas bla ma dang slob ma'i dge ba spel bar bya ba'i phyir bkra shis kyi tshigs su bcad pa gsum blang bar bya'o/ /bkra shis dam pa gang zhig sems can ma lus phan zhing mos pa yis//dpal ldan khrag 'thung skyon rnams mang po rnam par sel mdzad pa/ /rig pa'i yan lag chags pa'i bde ba'i bdag nyid legs nyams pa'i/ /dbang rnams mchog la yang ni des ni bkra shis gyur par shog /bkra shis gang zhig lha dang mi dang lha ma yin gyis mchod//ltag na med pa'i chos rnams dag ni de yis gsungs pa dang / /'jig rten gsum po rnams su bdag med par ni rnam bshad pa/ /dbang rnams mchog la yang ni des ni bkra shis gyur par shog /bkra shis gang zhig mchog gi chos rnams rtag par 'dzin mdzad pa'i//lha yi tshogs ni rgyal ba'i sras po'i tshogs kyi bdag /bkra shis bzang po sems can phan 'dogs mdzad pa rnam pa bzhi/ /dbang rnams mchog la yang ni des ni bkra shis gyur par shog /de nas/ byang chub rdo rje sangs rgyas rnams/ /ji ltar che ba'i chen po gsal//bdag la drang ba'i don du ni/ /nam mkha' rdo rje la sogs stsol/ /zhes bya ba 'dis gsol ba btab pa dang / slob ma pad+ma la sogs pa'i gdan la 'dug cing / mi bskyod pa'i gzugs su bsams la/ /de bzhin gshegs pa thams cad dpal kye rdo rje'i gzugs dang ldan pas ye shes kyi chus gang ba'i rin po che'i bum pa bsnams nas dbang bskur bar rnam par bsams la/rdo rje rin chen dbang bskur ni/ khams gsum kun gyis phyag byas pa/ /gsang ba gsum las mnyam byung ba/ /sangs rgyas rnams kyis bdag la stsol//zhes brjod la/ khu tshur gyi chu dang bcas pa'i rdo rje blangs la/ oM badzra a b+hi Shiny+tsa/ zhes brjod la 'khor los sgyur ba ltar dbang bskur bar bya'o/ /de la 'di ni dbang bskur ba'i rim pa ste/ dang po rnam rgyal bum pa'i chus/ /de'i 'og gau rI sogs bum chus//de 'og sbos mo sogs bum chus/ /chos kyi dbyings shin tu rnam par dag pa'i ye shes kyi ngo bo chu'i dbang zhes bya'o/ /de nas slob ma rin chen rgyal po'i gzugs su bsgoms la/ rang gi lha dang ldan pa'i gser la sogs pa las byas pa'i cod pan sngar brjod pa'i sngags kyis spyi bor bzhag la phyogs bcu na de bzhin gshegs pa'i rigs kyi bdag po'i gzugs kyi cod pan la zhugs par bsgoms la sngar bzhin du dbang bskur bar bsgom mo//mnyam pa nyid kyi ye shes kyi bdag nyid kyi cod pan gyi dbang zhes bya'o/ /de nas 'od dpag med kyi gzugs su de bsgoms la rdo rje'i rtse mo nas blangs te/sangs rgyas rdo rje'i dbang gis ni/ /de ring khyod la dbang bskur gyis/ /'di de sangs rgyas thams cad nyid/ /dngos grub phyir ni rdo rje long / /zhes brjod la rdo rjes snying ga dang spyi gtsug dang mgrin pa rnams su reg par bya ste/lag pa rnams su byin la sngar bzhin du dbang bskur bar bya'o/ /so sor kun du rtog pa'i ye shes kyi bdag nyid rdo rje'i dbang zhes bya'o/ /de nas don yod grub pa'i gzugs su rnam par bsgoms la/ dril bu lag pa g.yon par byin la rdo rje dang dril bur ldan pa'i lag pa gnyis 'khyud pa'i tshul dbyer med pa'i rnam pa la oM badzra a d+hi ba d+hi s+t+wAM a b+hi Shiny+tsa mi/tiSh+Tha badzra sa ma ya staM zhes brjod la dbang bskur bar bya'o/ /bya ba nan tan gyi ye shes kyi bdag nyid dril bu'i dbang zhes bya ba'o/ /de nas de rnam par snang mdzad kyi gzugs su bsams la rdo rje dang dril bu spyi bor bzhag ste/oM badzra satwa s+t+waM a b+hi Shiny+tsa mi/ badzra nA ma a b+hi She ka ta zhes brjod la/ kye dpal che ge mo rdo rje zhes bya ba'i rnam grangs 'dis rigs dang rjes su mthun pa nyid kyi tshul gyis 'khor los sgyur pa'i ming gi dbang bskur bar bya'o//'di ni me long lta bu'i ye shes kyi ngo bo nyid ming gi dbang zhes bya'o/ /dbang 'di rnams kyis ni sngags kyi rgyud nyan pa dang bshad pa dang sgrub pa la dbang du byas par 'gyur ro/ /de nyid kho na rig pa'i dbang gi ye shes rigs rnam pa lnga po de'i phyir dbang lnga zhes bya'o//gang gang snang ba de de rnams/ /de ni he ru ka dngos nyid/ /phal pa gang ni dag pa'i chos/ /sangs rgyas ye shes kyang de yin/ /rig pa'i dbang spyis byang chub nges par thob pa yin gyis/ khyad par gyi yang dag par rdzogs pa'i byang chub pa ma yin no//de bas nan tan gyis yang dag par rdzogs pa'i byang chub nges par thob par bya ba'i phyir slob dpon gyi dbang gi don du gnyer ba spyi'i sdom pa bzung zhing slob dpon gyi sdom pa bzung ba la brtul zhugs sbyin par bya'i gzhan du na lhung bstan pa dang dbugs 'byin pa ma yin te/de gnyis kyis ni phyir mi ldog pa'i sa la rab tu gnas pa'i phyir te/ bdag ni lung bstan to/ /bdag ni dbugs 'byin pa thob po zhes mos pa'i stobs kyis 'bad pa med pa'i nges pa thob pa'o/ /snod kyi bye brag mthong nas brtul zhugs ster ba ltar lung bstan pa dang /dbugs dbyung ba yang de kho na rig pas mi sbyin no/ /zhes gzhan dag na re'o/ /brgya la de bzhin du rjes su gnang ba yang byin nas sems can thams cad ces bya ba'i tshigs su bcad pa lnga po 'dis zhes ni gzhan dag na re'o/ /de nas gzhan yang rang gi lha'i phyag rgya bslabs la/rtsa ba'i sngags sam snying po'i sngags brgya rtsa brgyad bzlas la slob ma de la sbyin par bya'o/ /nga yis khyod la bcom ldan sbyin/ /'dir ni nye bar gyur pa yin/ /zhes smra bar bya'o/ /nga yis khyod ni bcom ldan gzung / /bdag la nye ba ru ni gyur//zhes slob mas kyang brjod par bya'o/ /de nas bla mas khyod kyis sngags dang phyag rgya 'di dkyil 'khor ma mthong ba 'ga' zhig gi drung du smra bar mi bya'o/ /gleng gzhi des khyod dmyal bar gyur ta re zhes slob ma la brjod par bya'o/ /rig pa'i dbang gi tsho ga'o//de nas rig pa'i dbang dang slob dpon gyi sdom pa 'dzin pas phyag 'tshal te yon phul la/ byang chub rdo rjes sangs rgyas rnams/ /ji ltar che ba'i chen po gsal/ /bdag la'ang drang ba'i don du ni/ /nam mkha' rdo rje la sogs stsol/ /zhes bya ba'i gsol ba 'di dang ldan pas sgo na gnas pa gzhug par bya zhing pad+ma 'dab ma brgyad pa bris la de'i steng du bzhag ste/rang 'dod lha'i rnal 'byor gyis slob ma nam mkha' la gzhag la/ rang gi snying ga'i 'od zer las kha nas bton pa'i de bzhin gshegs pa thams cad dpal he ru ka'i gzugs dang ldan pas mchod pa rnam pa lnga dang gdugs dang rgyal mtshan dang ba dan dang rol mo dang bkra shis kyi glu dang ldan pas phyag na rin po che'i bum pa nas ye shes kyi chu gnas pas dbang bskur bar rnam par bsgom par bya ste/rdo rje chen po'i dbang bskur ni/ /khams gsum gyis ni phyag byas pa//gsang ba gsum las mnyam byung ba/ /sangs rgyas kun gyi gsal gyur to/ /zhes brjod la pad+ma'i snod la gnas pa'i chus dbang bskur bar bya'o/ /de nas 'di la dkyil 'khor gyi de nyid dang lha'i de nyid dang / slob dpon gyis yongs su spyad pa yang brjod par bya ste/de la shin tu rnam par dag pa'i ting nge 'dzin gyi snying po sdud pa'i phyir longs spyod rdzogs skus dkyil 'khor bsdus so/ /sems yang dag par bslang ba rnam par dag pas ni khang bu brtsegs pa'o/ /tshad las mnyam par bgrod pa nyid kyi phyir gru bzhi'o/ /byams pa chen po dang snying rje chen po dang dga' ba dang /btang snyoms rnam par dag pas ni thig bzhi'o/ /chos rjes su dran pa'i sbyor bas ni thig skud do/ /'jig tshogs la lta ba dang / mthar 'dzin par lta ba mchog tu 'dzin pa dang / tshul khrims dang brtul zhugs mchog tu 'dzin pa'i lta ba las grol zhing ye shes rnam par dag pas ni thig 'debs pa dang /sdom pa dang / sems can gyi don byed pa dang / dge ba'i chos sdud pa dang / sdom pa'i tshul khrims rnam par dag pas ni rgyan du mas brgyan pa'o/ /dad pa dang brtson 'grus dang / dran pa dang ting nge 'dzin dang / shes rab kyi dbang pos ni sems kyi rnam grangs rnam pa lnga'o/ /sdig pa mi dge ba skyes pa rnams 'joms par brtson pa ni shar gyi rta babs so/ /ma skyes pa rnams mi skyed pa'i phyir so sor rtog pa ni nub kyi rta babs so/ /skyes pa rnams gnas par bya ba'i phyir rab tu brtson pa ni byang gi rta babs so//yang dag par spong ba bzhi rnam par dag pa'i rta babs bzhi'o/ /lus dang tshor ba dang sems dang / chos zhes bya ba dran pa nye bar gzhag pas ni stegs bu bzhi'o/ /bzod pa dang chos dang / don dang sngags dang / gzungs rnam par dag pas ni bi d+hi ka la rnam par gnas pa'i glu dang gar la sogs pa'i mchod pas sbrel pa'i lha mo'i tshogs so/ /stong pa nyid rnam par thar pa'i sgo ni shar gyi sgo'o/ /mtshan ma med pa rnam par thar pa'i sgo ni lho'i sgo'o/ /smon pa med pa rnam par thar pa'i sgo ni nub kyi sgo'o//mngon par 'dus ma byas pa rnam par thar pa'i sgo ni byang gi sgo'o/ /'dun pa'i rdzu 'phrul gyi rkang pa ni shar gyi ya phubs so/ /brtson 'grus kyi rdzu 'phrul gyi rkang pa ni lho'i sgo'o/ /sems kyi rdzu 'phrul gyi rkang pa ni nub kyi sgo'o/ /dpyod pa'i rdzu 'phrul gyi rkang pa ni byang gi sgo'o//thugs rjes brlan cing bsod nams dang ye shes kyi tshogs yongs su rdzogs pa ni bum pa gang ba'o/ /dran pa dang chos rnam par 'byed pa dang dga' ba dang / shin tu sbyangs pa dang ting nge 'dzin dang brtson 'grus dang / btang snyoms dang zhes bya ba byang chub kyi yan lag bdun rnam par dag pas ni me tog gi phreng ba'o//sgrib pa thams cad rnam par grol zhing ting nge 'dzin dang shes rab yang dag par 'dus pa de bzhin gshegs pa'i lam gyi ye shes ni rnga yab po/ /nyon mongs pa'i sa bon la bton nas nyon mongs pa rnam par 'joms pa ni do shal lo//nyon mongs pa'i sa bon nye bar bcom nas nyon mongs pa rnams phyed pa ni do shal phyed pa'o/ /me long la sogs pa'i ye shes kyis ni me long ngo / /'gro ba thams cad dbyer med par brjod pas der gnas pa'i nyon mongs pas rjes su ma gos pa'i phyir pad+ma'o//sems can rnams mnyam par 'byung ba'i phyir byang chub kyi sems rang bzhin gyis 'od gsal ba'i rnam par dag pas ni zla ba'o/ /rdo rje lta bu'i ting nge 'dzin las skyes pa'i shes rab ye shes ni nyi ma'i dkyil 'khor ro/ /gzugs la sogs pa las phyin ci ma log pa'i phyir gong na med cing mtha' las 'das pa'i yon tan no//chos kyi dbyings shin tu rnam par dag pa'i rgyu mthun pa'i phyir mchod pa rnam pa lnga'o/ /ngo tsha shes pa dang khrel yod pas ni na bza'o/ /gdul bya la bskyod pa'i dam pa'i chos mdo'i sde dang /dbyangs kyis bsnyad pa'i sde dang lung du bstan pa'i sde dang tshigs su bcad pa'i sde dang ched du brjod pa'i sde dang de lta bu byung ba'i sde dang / shin tu rgyas pa'i sde dang rmad du byung ba'i sde ste/ lta ba'i yan lag dgu'i tshig thams cad na gnas pa'i phyir/ ba dan sna tshogs pa'i rtse mo na dril bu la rlung gis bskyod pa'i sgra'o//sha dang lha dang shes rab dang chos dang / sangs rgyas kyi spyan gyi lta ba rnam par dag pas ni tshon sna lnga'o/ /bdag med ma'i dkyil 'khor la yang de bzhin te/ 'on kyang khyad par ni 'di yang dag pa'i lta ba dang / yang dag pa'i rtog pa dang /ngag dang las kyi mtha' dang / 'tsho ba dang rtsol ba dang / dran pa dang ting nge 'dzin dang 'du shes pa ste/ 'phags pa'i lam yan lag brgyad pa rnam par dag pas ni ka ba brgyad do/ /sangs rgyas thams cad kyis thams cad du thogs pa med par rdo rje theg pa'i chos kyi 'khor lo bskor ba ka ba brgyad kyi steng rdo rje phreng bas sbrel pa'o//'jig rten gyi khams thams cad bdag med par bsdus pas ni dur khrod brgyad do/ /dkyil 'khor gyi de kho na nyid ces bya'o/ /gzugs kyi skye mched kyi lus su gyur pa la so sor rtog pa ni dkar mo'o//sgra'i skye mched kyi sems su gyur pa la so sor rtog pa'i ngo bo ni chom rkun ma'o/ /dri'i skye mched dag tu gyur pa la so sor rtog pa'i ngo bo ni ro langs ma'o/ /ro'i skye mched ye shes su gyur pa la so sor rtog pa'i ngo bo ni g+ha sma rI'o/ /sa'i khams lus kyi de kho na nyid kyi ye shes kyi ngo bo ni puk+ka sI'o//chu'i khams sems kyi de kho na nyid ye shes kyi ngo bo ni ri khrod ma'o/ /me'i khams ngag gi de kho na nyid kyi ye shes kyi ngo bo ni tsaN+Da lI'o/ /rlung gi khams ye shes kyi yang dag pa'i ye shes kyi ngo bo ni Dom+bi nI'o/ /ji ltar brjod pa'i yang dag pa'i ye shes kyi 'bras bu ni rdo rje 'chang chen po'i go 'phang gong na med pa'i byang chub dpal kye rdo rje'o//bdag med ma'i dkyil 'khor la ni reg pa'i skye mched dang shes rab kyi dbang po'i ngo bo nyid ni sa spyod ma'o/ /chos kyi skye mched dang dad pa dang / /brtson 'grus dang dran pa dang / ting nge 'dzin dang shes rab dang stobs kyi ngo bo ni mkha' spyod ma'o/ /dad pa'i dbang po'i ngo bo ni sa 'og gnas ma'o/ /brtson 'grus kyi dbang po'i ngo bo ni chom rkun ma'o/ /dran pa'i dbang po'i ngo bo ni ro langs ma'o/ /ting nge 'dzin gyi dpong po'i ngo bo ni g+ha sma rI'o/ rab tu dga' ba dang dri ma med pa dang /'od byed pa'i sa'i ngo bo ni puk+ka sI'o/ /mngon du gyur pa'i sa'i ngo bo ni ri khrod ma'o/ /ring du song ba dang mi g.yo ba'i ngo bo ni tsaN+Da lI'o/ /legs pa'i blo gros dang chos kyi sprin gyi ngo bo ni Dom+bi nI'o/ /gzugs kyi phung po dang mig gi skye mched dang gti mug chen po dang /sangs rgyas kyi sa dang / me long lta bu'i ye shes kyi ngo bo ni rdo rje ma'o/ /tshor ba'i phung po dang sna'i skye mched dang nga rgyal chen po dang / sangs rgyas kyi sa dang / mnyam pa nyid kyi ye shes kyi ngo bo nyid ni gsang ba'i dkar mo'o/ / 'du shes kyi phung po dang / lce'i skye mched dang / 'dod chags chen po dang / sangs rgyas kyi sa dang / so sor rtog pa'i ye shes kyi ngo bo nyid ni chu'i rnal 'byor ma'o/ /'du byed kyi phung po dang lus kyi skye mched dang / phrag dog chen po dang / sangs rgyas kyi sa dang / bya ba nan tan gyi ye shes kyi ngo bo ni rdo rje mkha' 'gro ma'o/ /rnam par shes pa'i phung po dang / yid kyi skye mched dang / zhe sdang chen po dang / sangs rgyas kyi sa dang / chos kyi dbyings shin tu rnam par dag pa'i ngo bo ni bdag med ma'o/ /lha'i de kho na nyid ces bya ba'o/ / phyi dang nang dang sa sbyang ba la sogs pa dang slob dpon gyis yongs su sbyang ba yang ngo / /de nas dam tshig gsum dang ldan pas rdo rje'i brtul zhugs sbyin par bya ste/ hUM yig las skyes rdo rje ni/ /'di de sangs rgyas thams cad nyid/ /rdo rje sems dpa'i phyag na gnas/ / phyag na rdo rje'i brtul zhugs brtan/ /khyod kyis kyang ni rtag par zung / /zhes brjod la 'dzin du gzhug go/ /slob mas kyang oM sarba ta thA ga ta sid+d+hi badzra sa ma ya tiSh+Tha e Sha s+t+waM d+ha ra ya mi ba ho/ /hi hi hi hi hUM zhes brjod la rdo rje gzung bar bya'o/ /rdo rje brtul zhugs zhes bya'o//de nas bla mas/ sems dpa' thog ma tha ma med/ /rdo rje sems dpa' dga' ba che/ /kun du bzang po kun gyi bdag /rdo rje snying po bdag po'i gtso/ /zhes bya ba'i de kho na nyid 'dis slob ma rdo rje 'dzin du gzhug go/ /rdo rje'i brtul zhugs dang rdo rje'i dam tshig go//de'i rjes a yig las skyes pa'i dril bu/ /'di de sangs rgyas thams cad kyi/ /shes rab dbyangs kyi rjes 'gror brjod/ /rgyal ba byang chub mchog gi gzhung / /khyod kyis kyang ni rtag tu zungs/ /zhes bya bas 'dis 'dzin du gzhug cing / /srid pa rang bzhin gyis dag phyir//rang bzhin gyis ni 'byung bar byed/ /sems can rang bzhin gyis dag pas/ /dam pa'i srid pa dag tu byed/ /ces bya ba 'dis dril bu'i de nyid kyis slob mas kyang bzung la de dkrol bar bya'o/ /rdo rje brtul zhugs dang dril bu'i dam tshig go/ /de nas rang 'dod lha'i phyag rgya ste//yid kyi sku ni brtan pa khyod/ /phyag rgya mngon par rtogs par mdzod/ /thams cad du ni brtan pa gang / /des na phyag rgya zhes su brjod/ /ces bya ba 'dis bslab par bya'o/ /slob mas kyang bla ma'i ngag gis rang gi lha nyid kyi phyag rgya bsgoms la/ de nyid phyag rgya'i mngon par rtogs pa zhes bya ba 'dis byin gyis brlab par bya'o//rdo rje'i brtul zhugs dang / phyag rgya'i mngon par rtogs pa ste dam tshig gsum dang ldan pa'i rdo rje'i brtul zhugs so/ /de nas bdag nyid sangs rgyas kyi gzugs su rnam par bsgoms la/ khu tshur g.yon pas chos gos kyi grwa nas bzung la snying gar bzhag ste/ mchog sbyin pa'i phyag rgya chen po g.yas brkyang bas mngon par phyogs la/ oM 'dir ning yis lung bstan bya/ /khyod ni bde gshegs rdo rje sems/ /srid pa yongs su grub pa'i phyir/ /srid pa'i ngan 'gro las gdon bya//he shrI a mu kaM badzra nA ma sid+d+h+ya b+hur b+hu ba swaH/ zhes brjod la lung bstan par bya'o/ /phyag rgya chen po brkyang ba 'dis gang lung bstan pa de la de bzhin gshegs pa thams cad dang byang chub sems dpa' rnams kyis mgrin gcig tu bla na med pa yang dag par rdzogs pa'i byang chub tu lung ston to//'di kho na rdo rje 'dzin pa rnams kyi phyag rgya dang sngags dang byin gyi rlabs so zhes brjod par bya'o/ /lung bstan pa zhes bya ba'o/ /de nas dam tshig gsum dang ldan pa'i dbugs 'byin pa sbyin par bya ste/ gsang chen dkyil 'khor dam pa la//mthong nas mchog tu rab tu zhugs/ /sdig pa kun las rnam par grol/ /khyod ni de ring legs gnas nyid/ /gang phyir bde chen ma dor na/ /slar yang khyod ni mi 'chi 'gyur/ /khyod ni mthong ba med pa ru/ /su la yang 'jigs med spyad par gyis//srid pa shin tu grub pa'i phyir/ /khyod srid sdug bsngal mtsho las thar/ /srid pa shin tu bsnun bya'i phyir/ /bstan pa'i mchog tu yang dag 'byung / /dngos grub dam tshig sdom pa ste/ /'di ni khyod kyis rtag tu zungs/ /rtag pa mchog rnams dag pa'i bka'//sangs rgyas kun gyis mnyam par gsungs/ /byang chub sems ni spang mi bya/ /gang zhig rdo rje'i phyag rgya ste/ /gang zhig bltas pa tsam gyis kyang / /sangs rgyas nyid du gdon mi za/ /dam pa'i chos ni spong ba dang / /dor ba nam yang mi bya'o/ /mi shes pa yi rmongs pa yis//rtag par bsgrags par byas gyur na/ /bdag nyid kyis ni bdag nyid spangs/ /bka' thub kyis ni gdung mi bya/ /ji ltar bde ba bder bzung ste/ /ma 'ongs pa na 'di 'tshang rgya/ /rdo rje dril bu phyag rgya yang / /dor ba nam yang mi bya'o/ /slob dpon la ni brnyas mi bya//'di ni sangs rgyas kun dang mnyam/ /bla ma sangs rgyas kun dang mnyam/ /slob dpon 'di la brnyas na ni/ /sangs rgyas thams cad la brnyas yin/ /de ni rtag tu sdug bsngal thob/ /yams dad 'tshe ba nad rnams dang / /gdon dang rims dang dug rnams dang //bgegs dang log 'dren mi bzad pas/ /bsad nas sems can dmyal bar 'gro/ /de bas 'bad pa thams cad kyis/ /rdo rje slob dpon bla ma che/ /dge ba rab tu mi spyoms pas/ /nam yang smad par mi bya'o/ /bla ma la ni gus bcas yon/ /rjes su mthun par dbul ba bya//des ni rims sogs gdung ba rnams/ /phyir zhing 'byung bar mi 'gyur ro/ /rtag par rang gi dam tshig bsgrub/ /rtag par de bzhin gshegs pa mchod/ /rtag par bla ma la yang dbul/ /bla ma sangs rgyas kun dang mnyam/ /de phyin sangs rgyas thams cad la//rtag par byin pa nyid du 'gyur/ /de byin bsod nams tshogs yin te/ /tshogs la dngos grub mchog tu 'gyur/ /de ring khyod kyis skye 'bras bcas/ /gang 'dir rab tu zhugs pa nyid/ /lha dang dam tshig mtshungs par ni/ /gnas par gyur bar the tshom med//sangs rgyas rdo rje 'dzin rnams kyis/ /khyod ni de ring dbang bskur te/ /khams gsum pa yi rgyal po che/ /khyod kyis rgyal po'i gtso bor gnas/ /de ring bdud las rnam par rgyal/ /grong khyer mchog tu rnam par zhugs/ /de ring sangs rgyas thob par 'gyur 'dir ni som nyi mi bya'o//mi bzad rang gi dam tshig bde ster bza' ba dang / /rdo rje la ni yid kyis rab tu dad par gyis/ /'gro ba myur du bde ba de ni rdo rje sems/ /rab mnyam rtag par khyod ni de ring zhugs par gyur/ /slob ma gus shing mnyes gshin pa/ /bla ma'i zhabs gnyis btud byas nas//gtso bos ji ltar bka' stsal pa/ /gsungs shig de ltar bdag gis bgyi/ /'di dag ni dbugs dbyung ba sbyin pa'o/ /de nas de'i rjes su gnang ba sbyin par bya ste/ /de la dang por rang gi gtso bo'i rnal 'byor dang ldan pas gser gyi thur ma la bzlas pa byas nas sbyin zhing 'di skad ces brjod par bya'o//sman pa'i rgyal pos thur ma yis/ /'jig rten rab rib bsal ba ltar/ /khyod kyis mi shes ling tog ni/ /mnyes gshin rgyal bas bsal bar mdzad/ /oM badzra nai tra a pa ha ra ba tra laM hrIH slob ma'i mig gnyis la yi ge praM bsgoms la bzla bar bya'o//de nas me long bstan la chos kyi mtshan nyid brjod par bya ste/ /chos rnam gzugs brnyan dag dang mtshungs/ /dag cing dang la rnyog ba bral/ /gzung du med cing brjod du med/ /rgyu dang las las mnyam par byung / /rang bzhin med cing gnas dang bral//chos rnams de ltar nges shes nas/ /sems can don ni mtshungs med gyis/ /khyod ni 'dren pa rnams su skye/ /zhes bya ba gsungs so/ /de nas mtha'i dbyangs yig las skyes pa'i dril bu dkrol la sbyin par bya ste/ thams cad nam mkha'i mtshan nyid de//nam mkha' la yang mtshan nyid med/ /nam mkha' dang mnyam sbyor ba las/ /mchog gi mnyam pa nyid gsal lo/ /zhes bya bas so/ /de nas yi ge hos gzhu byin te 'di skad ces brjod do/ /sarba ta thA ga ta a nu rA ga ya swA hA/ /zhes bya bas so/ / phyogs bzhir mda' bzhi 'phang bar bya'o/ /gcig ni steng du 'phang zhing 'og tu yang ngo / /oM badzra satwa zhes bya ba 'dis me long blangs la 'di skad ces brjod par bya'o/ /me long dang mtshungs rdo rje ma/ /dag cing dang la rtog pa med/ /sangs rgyas kun gyi bdag po mchog /de ni mnyes gshin snying la gnas/ /gang 'di de bzhin gshegs pa thams cad kyi bdag po'i byang chub kyi sems 'dir mos par bya'o/ /de nas oM badzra he tu maM zhes bya bas rkang pa gnyis kyi 'og tu 'khor lo'o/ /oM badzra b+ta Sha raM zhes bya bas lag pa g.yas su ni dung dang g.yon du glegs bam ste/dbyangs yig dang pos dril bu bskyed la/ yang mtha'i dbyangs yig gis byin la 'di skad ces brjod par bya'o/ /deng nas bzung ste sems bskyed pa dang mtshungs pa tsam gyis 'di ltar chos kyi 'khor lo bskor bar bya'o/ / chos kyi dung ni bla med pa/ /kun nas des par sgrogs pa'o/ /de la 'dod pa'am yid gnyis min/ /dogs pa med pa'i sems kyis so/ /sngags spyod theg pa'i cho ga ni/ /'jig rten pa la rtag tu ston/ /de ltar byas gzo sangs rgyas rnams/ /nye bar phan gdags zhes su gsungs//de nas rdo rje 'dzin rnams kyis/ /khyed rnams kun du srung bar mdzad/ /yang rang gis sangs rgyas 'khor los bsgyur ba'i gzugs ji lta bar dmigs la/ 'jig rten ma lus thams cad du/ /sems can rnams la phan pa'i phyir/ / ji ltar sna tshogs 'dul ba yi/ /chos kyi 'khor lo bskor bar gyis/ /de bzhin du rdo rje dang rin po che dang pad+ma dang / /las kyi 'khor lo bskor bar gyis/ /tshigs su bcad pa lngas rjes su gnang ba sbyin par bya'o/ /'di ni rjes su gnang ba sbyin pa'o/ /brtul zhugs dang rjes su gnang ba sbyin pa la thug pa de ni zhi ba'i mthar yang sbyin par bya'o//de nas slob ma yongs brtags la/ /rigs kyi rig pa kun byas shing / /lag gdub srung bas bzlas byas la/ /lag g.yas la ni bcing bar bya/ /spyi bro gdugs ni gzung bya zhing //bskor ba dag ni byas nas kyang / /dkyil 'khor sgo ru thal sbyar la/ /gdugs dang bcas pa lhung bar bya/ /slob ma la ni 'di brjod bya/ /rgyud ni 'dzin par gyur pa'o/ /slob dpon gyis ni gdugs gsal ba/ /de yis snying la 'jug bsgo ba/ /da ni dkyil 'khor slob dpon 'gyur//sngags dang rgyud kyang 'dzin par 'gyur/ /sangs rgyas byang chub sems dpar bcas/ /lha rnams kyis ni gsung yang yin/ /sems can rnams ni bskyab pa'i phyir/ /khyed kyis dkyil 'khor cho ga yis/ /rgyud dang sbyar te sgrub pa pos//nan tan gyis ni bri bar bya/ /de nas rang gi sngags brgya rtsa brgyad bzlas la/ /nga yis khyod la bcom ldan byin/ /'dir ni yang dag nye bar 'gyur/ /zhes bya ba 'dis slob ma la sbyin par bya'o/ /slob mas kyang bzung la/ /bcom ldan khyod la bdag gis ni//zhes bya ba 'dis bzung la bzla bar bya'o/ /de nas rang gi lha nyid kyi phyag rgya bzhi brlabs la brjod par bya ste/ khyod kyis sngags sam phyag rgya 'di ni gzhan dag mi shes pa rnams la nam yang lan cig tsam yang brjod cing bstan par mi bya'o/ / de ci'i phyir zhe na/ de bzhin du sems can de ni dkyil 'khor ma mthong bar gyur pas/ /phyag rgya dang dkyil 'khor sbyor ba'i 'bras bu thob pa ni yid gnyis thob par gyur nas nyam nga ba ma spangs par 'chi ba'i dus byas nas dmyal bar 'gro bar gyur ter/ /khyod kyang gzhi des dmyal bar 'gro bar 'gyur ro//spyi'i slob dpon gyi dbang ngo / /khyad par ni/ /shes rab bcu drug lon pa la/ /log pa dag gis mnyam par 'khyud/ /rdo rje dril bu'i sbyor bas ni/ /slob dpon gyi ni bskur bar 'dod/ /'jig rten las 'das pa'i slob dpon gyi dbang zhes bya'o//slob dpon gyi dbang kho na phyir mi ldog pa'i dbang rdo rje 'dzin pa chen po'i dbang zhes kyang brjod do/ /'jig rten pa dang 'jig rten las 'das pa'i slob dpon gyi dbang zhes bya'o/ /rig pa'i dbang dang slob dpon gyi dbang ni bum pa'i dbang zhes brjod de/nor bu'i bum pa la mngon par dbang bskur ba'i phyir ro/ /sku rnam par dag pa'i mtshan nyid sprul pa'i ngo bo bum pa'i dbang zhes bya'o/ /slob dpon mchog ni dbang phyug ste/ /slob dpon dbang bskur yang dag sbyin/ /dam tshig bzang po nges par byin/ /rmad du byung ba'i sdom pa'i mchog /glang po mi sogs ba lang sogs/ /mtha' sogs kyi yang bza' bar bya/ /kye yi rdo rje'i dngos grub rgyus/ /bdud rtsi lnga ni de bzhin bza'/ /srog chags kyang ni khyod kyis gzhom/ /mi bden pa yang smra bar bya/ /khyod kyis ma byin par yang long / / gzhan gyis bud med bsten par gyis/ /srog ni sems zhes brjod pa ste/ /sems gcig srog chags gsod pa'o/ /'jig rten bla med bsgral zhes pa/ /brdzun du yang ni smras pa'i sgras/ /btsun mo'i khu ba ma byin par/ /rab mdzes gzhan gyi bud med de/ /dam tshig de nyid yang dag par//rdzogs sangs rgyas kyis yang dag bstan/ /bza' chen khyod kyis bskyab pa ste/ /sdom pa la ni bsgom par dka'/ /zhes so/ /de nas mchod pa lnga po ni/ /yul rnams kyi yang khyad par gyis/ /bla ma'i kun du sgrub pa po/ /cho gas slob ma mchod par bya//dam tshig la sogs sbyin pa'o/ /de nas slob mas tshogs kyi 'khor lo byas la/ /de'i 'og tu bla ma la rig ma brgyad dbul bar bya ste/ /skyed mdzad ma dang sring mo dang / /bu mo dang ni tsha mo dang / /de bzhin zhang po'i chung ma dang / /sru mo dang ni sgyug mo dang //de bzhin pa yi sring mo de/ /rig ma brgyad du yang dag grags/ /de ni lha mo brgyad kyi dngos/ /sgrub por dngos grub ster ba'o/ /de rnams med na de bzhin gshegs pa lnga'i rigs las skyes pa rdo rje ma la sogs pa'i rig ma dbul bar bya'o/ /gar mtshos ma rigs ngan ma//de bzhin gtum mo bram ze mo/ /de bzhin gshegs pa'i rigs las skyes/ /rig ma lnga zhes nye bar brjod/ /zhen cing 'khyud pa'i 'o yis ni/ /de nas de mchod rnal 'byor pas/ /bo l+la ka k+ko la sbyor bas/ /de rnams dang ni rol par bya/ /der ni chang yang blud bya zhing //sA li las skyes stobs bza' bya/ /btung ba dang ni bza' ba dang / /de bzhin slar yang mtshon par bya/ /phyi nang thun tshod gnyis pa la/ /slob ma der ni gzhug par bya/ /mig ni gos kyis bkab byas la/ /'khor lo der ni gzhug par bya/ /sA lu las skyes btsos sbyar ba'i//slob ma tshim par bza' bar byos/ /der ni chang yang btung bar byos/ /rnal 'byor ma yang mchod par bya/ /dum bu gcig pa'i thod chen po/ /chang gis rab tu bkang byas la/ /skal chen po ston la dbul zhing / /rjes la phyag byas rang nyid btung //sbyin pa'ang de nyid rang gis so/ /de bzhin du ni sgrub pa pos/ /yang nas yang du phyag kyang bya/ /ma'am sring mo yin pa dang / /sgyug mo dang ni tsha mo dang / /rnam par mi rtog sems kyis so/ /dngos grub yun mi ring bas thob/ /de nas slob dpon gyis 'dod yon lnga dang ldan pa'i rnal 'byor ma dang rnal 'byor gyi tshogs kyi rigs mchod pa lnga dang ldan pa/glu dang rol mo'i sgra dang mchod pa dang ldan pa'i tshogs kyis dkyil 'khor bsdus la/ gos la sogs pa'i yol bas skye bo med par byas la/ bla re la sogs pa mthar thug pas bla re bres te/rngams 'phyang zhing 'gan stan 'jam po la rgyab rten zung dang ldan zhing / bdug pas bdugs shing mar me sbar ba'i phyogs su nye bar 'dug ste/ rigs de rnams gang yang rung ba'am sgrub pa po la dga' ba/ skra bzang la mdzes pa'i bzhin can/mig yangs pa mdog sngo bsangs la de kho na nyid kyi gzugs kyis mtshan pa/ lang tshos brgyan cing rigs dang ldan pa/ dad pa dang snying rje dang ldan pa la brtan pas rang gis dbang bskur la/ ting nge 'dzin gsum la mkhas pa/ gos bzang pos brgyan cing si h+la ga bur 'byung ba ste/yang na gang yang rung ste ji ltar rnyed pa'i lo bcu gnyis pa'am/ lo bcu drug lon pa'i rig ma slob mas phul lo/ gos kyis brgyan pa me tog dang ldan pa yan lag gis yid 'phrog pa/ chags pas mdzes pa 'di 'dra ba la pang du blangs te chags pa bskyed la 'khyud par bya'o//de nas rig ma dang bcas pa'i bla ma mthong nas mchod pa rnam pa lnga po dang / gdugs dang rgyal mtshan dang ba dan dang gos kyi rgyan dang chang la sogs pa dang sha la sogs pa'i mchod pa du mas de la yang dag par mchod la/yan lag thams cad kyis phyag btsal la mngon par bstod par bya ste/ bcom ldan zhi ba chen po kye/ /rdo rje rnal 'byor gcig pa'i mchog /phyag rgya sgrub pa po mi phyed pa'i/ /rdo rje sbyor ba las 'byung ba'i/ /ji ltar bdag nyid che khyod kyis//bdag la 'ang de mdzod gtso bo kye/ /'khor ba yi ni 'dam tshogs su/ /bdag bying drongs la skyabs su gsol/ /zhes pa'o/ /de nas de'i mthar slob dpon dang rig ma dag so btab pa btung bar bya zhing / nu ma gnyis dang pad+ma la yang reg par bya ste/ rkang pa bkug la 'phyang mo la sogs pas gzhug pa'i bye brag gis ji srid du khu ba dang ldan par gyur pa de srid du 'di la kun du ru'i sbyor bas bsten par bya'o/ /grol ba'i dus kyi gnas skabs de ru/ kye bcom ldan 'das zhes bya ba la sogs pa'i tshigs su bcad pa 'dis bstod pa dang rang gi lha nyid kyi rnal 'byor mngon du byas la/shes rab dang slob ma'i gdong bcings la/ de bzhin gshegs pa thams cad zhu bas gang ba zla ba dang nya ba dang mtshungs pa/ kun du ru'i sbyor ba las byung ba rdo rje nor bu'i nang na gnas pa/ mthe bong dang ming med gnyis kyis slob ma'i kha'i nam mkha' la dor la 'di skad brjod par bya'o/ /ji ltar 'das pa'i sangs rgyas kyis/ /byang chub sras rnams dbang bskur ltar/ /bdag gi gsang ba'i dbang gis ni/ /khyod kyi sems rgyud dbang bskur ro//zhes pas so/ /slob mas kyang a ho su kha zhes brjod la lto ba ru mid par bya'o/ /rig ma yang gos dang bral bar byas la/ /pad+ma'i gdan sbyor ba las skyes pa la slob ma'i khas de bzhin du lto bar mid de gnas par bya'o/ /ngag rnam par dag pa'i mtshan nyid dang longs spyod rdzogs pa'i sku'i rang bzhin gsang ba'i dbang zhes bya'o//de nas slob dpon dang slob ma dag shes rab ye shes kyi dbang len par 'dod na/ rig ma gcig gis gzhung ngam gzhan ma gcig la'ang rung de bzhin du sngar bzhin du kun du ru bya zhing / slob mas kyang rdzogs pa'i byang chub tu dus su sngar bzhin bstod pa byas la rgyal ba'i dbang gsol ba gdab par bya'o/ /de nas slob dpon langs la slob ma rmad du byung ba khro ba spangs pa phrag dog med pa mthong nas de la rig ma gtad par bya ste/ rjes su 'dren cing phan sems kyis//de nas ston pas bka' stsal pa/ lha mo dga' ster gnas ster ma/ /sna tshogs gzugs ma yid 'ong ma/ /sems dpa' chen pos 'di khyer la/ /kun du ru gyis rdo rje 'dzin/ /khyer cig khyer cig sems dpa' che/ /khyer la mchod pa dag tu gyis//skad cig dbye bas phye ba yi/ /dga' ba de nas skye gyur te/ /bde ba'i ye shes skad cig la/ /e baM rnam par rab tu bzhugs/ /dang po dga' ba tsam nyid de/ /gnyis pa la ni mchog dga' dang / /gsum pa dga' bral zhes su brjod/ / de bzhin bzhi pa lhan cig skyes/ dga' ba bde ba cung zad bde/ /mchog gi dga' ba de bas lhag /dga' ba bral la chags pa yin/ /lhan cig skyes pa lhag ma nyid/ /dang por reg par 'dod pa dang / /gnyis pa la ni bde bar 'dod/ /gsum pa chags pa nyams pa'i phyir//de phyir bzhi pa bsgom par bya/ /mchog gi dga' ba srid par brjod/ /mya ngan 'das pa'ang chags bral nyid/ /dbu ma dga' ba tsam nyid de/ /'di rnams spangs pa lhan cig skyes/ /sna tshogs dang ni rnam par smin/ /rnam nyid de bzhin mtshan nyid bral//skad cig bzhi po mnyam par phrad/ /de ltar rnal 'byor pas shes 'gyur/ /'khyud dang 'o byed la sogs pa/ /sna tshogs rnam pa sna tshogs bshad/ /rnam par smin pa de las bzlog/ /bde ba'i ye shes za ba nyid/ /bdag gis bde ba zos pa'o//gros ni rnam par nyed par brjod/ /mtshan nyid bral ba gsum las gzhan/ /chags dang chags bral rnam par spangs/ /sna tshogs dang po'i dga' ba nyid/ /rnam smin la ni mchog dga' nyid/ /rnam nyed dga' bral dga' ba nyid/ /lhan cig skyes dga' mtshan nyid bral//chags pa ma yin chags bral min/ /dbu mar dmigs par mi 'gyur ro/ /gsum po spangs pa kho na la/ /lhan cig skyes pa rdzogs par brjod/ /dga' ba gsum po rnam par spangs/ /de yang dga' ba dang por mtshon/ /mchog mtha' dga' bral dbu mar ni//stong las stong pa he ru ka/ /zhes so/ /grangs 'di'i rim pas gsungs te/ bskyed pa'i rim pas yang dga' bral gyi gnas su lhan cig skyes pa rtogs par bya'o/ /de nas rig mas kyang zhen pa lta bus sgrub pa po la rnam par bltas la/ 'di skad brjod par bya'o/ /dri chen dri chu bza' ba dang / /khrag dang khu ba de bzhin sha//rtag par bud med la gus mchog /mnyes gshin khyod kyis nus sam ci/ /b+ha ga'i pad+mar 'o byed pa/ /mnyes gshin ji ltar bde bar smros/ /de nas sgrub po bzhin 'dzum pas/ /'di skad ces ni brjod par bya/ /khu ba khrag la sogs bza' ba/ /ci phyir lha mo bdag mi spro//de bzhin b+ha gar 'o byed dang / /rtag par bud med la gus bgyid/ /de nas dgyes shing gos dang bral bar byas shing / gur gum dang / gla ba dang / ga bur dang / tsan+dan la sogs pa'i dri bzang pos byugs la gnas su me tog bzang pos brgyan la/ tsog pur 'dug la rang gi mtshan ma nye bar bstan la/ 'di skad ces brjod par bya'o/ /e ma bdag pad rin chen ni/ /bde ba thams cad yang dag gnas/ /gang zhig cho ga bzhin du bsten/ /bdag ni de yi mdun du gnas/ /rdzogs sangs rgyas bsten la sogs dang //ji ltar pad+mar bya ba gyis/ /bde chen rgyal po 'di nyid ni/ /de bzhin du ni rnam par gnas/ /b+ha ny+dza mo k+Sha ho zhes bya bas so/ /de nas sgrub pa pos bla ma'i man ngag gis sa bon dang mtshan ma yongs su gyur pas bdag med ma'i gzugs su de rnam par bsams la//de'i snying ga dang / spyi gtsug dang / mgrin pa rnams su/ hU~M oM AH'i yi ge blta bar bya'o/ /de nas pad+ma dang rdo rje sbyang bar bya ste/ oM pad+ma su kha d+ha ra/ ma hA rA ga/ /su kha n+da/ tsa tu rA nan+da/ b+ha ga bi shwa/ hU~M hU~M hU~M/ ka R+YaM ku ru Sh+wa me/ oM badzra ma hA dwe Sha/ tsa tu rA nan+da/ dA ya ka/ /kha ga mu kha e ka ra swa na tha/hU~M hU~M hU~M/ ka R+YaM ku ru Sh+wa me zhes bya ba 'dis so/ /de'i rjes la dga' ba dang bcas shing zhen pa'i mig gis de la blta bar bya zhing 'khyud pa dang 'o dang bcas pas pad+ma'i nang na gnas pa'i bdag med ma'i rang bzhin gyis rtsa gsum la sor mo'am lces rtse bar byas la/ji srid du gnyi ga'i khu ba de srid du bsten par bya'o/ /de la yang kun du bltas nas brtsams te/ tshogs kyi lam dang / mthong ba dang sgom pa dang / khyad par dang / mthar phyin pa dang / bar chad med pa'i lam ste/ yang dag par rdzogs pa'i byang chub ni brda'i sgo nas bla ma'i man ngag gis rig par bya'o//byang chub kyi sems rdo rje nor bu'i rtse mo la gnas pa ni byang chub kyi sems bde ba chen po lhan cig skyes pa/ bde ba chen po dbang po thams cad 'phel ba 'gags pa/ yul na mi gnas pa dmigs pa med pa'i dbang gis so sor nges pa'i yul 'phel ba don dam pa'i lhan cig pa'i dpe'i tshul/gang zhig nyams su myong bar gyur pa de ni man ngag goms pa'i dbang gis btsir ba'i cho gas rlung rnam par rgyal ba'am/ phyi'i srung bas ji ltar nus pas brtan par byas la/ don dam pa lhan cig skyes pa dmigs par bya ba'i phyir mtshon par bya'o//yang gsungs pa/ byang chub sems ni rnam spangs nas/ /ji srid ma byas rnal 'byor pas/ /de srid rgyun mi 'chad pa thob/ /dga' skyes bde ba ci zhig spros/ /bde ba thams cad kyi ni ste/ /byang chub sems ni lhung gyur na/ /rnam shes phung bo brgyal ba'i phyir//smod med dngos grub gnas 'ongs/ /zhes so/ /sbyor ba de ni mnyam byung ba'i/ /mkhas pas ga phur spangs mi bya/ /de nas lag gis blang mi bya/ /thod pa dung gis ma yin te/ /bdud rtsi lce yis blang byas nas/ /rgyas dang stobs ni nges par byed//de nas langs te blo ldan gyis/ /bla ma'i zhabs la btud par bya/ /mchog tu dga' ba yang dag thob/ /sna tshogs spangs pa'i skad cig la/ /ston pas smras pa sems dpa' che/ /bde ba chen po rnam par zung / /ji srid byang chub bar du ni/ /sems can don gyi rdo rje 'dzin//zhi dang rgyas pa la sogs pa/ /'di yis kun du 'grub par 'gyur/ /'byung ba lnga yi rang bzhin las/ /kun du ru la lnga ru 'gyur/ /dga' ba chen po gcig nyid las/ /dbye ba lnga ru 'gro bar 'gyur/ /po la ka kau la sbyor bas/ /reg pas sra ba'i bag chags nyid//sra ba gti mug chos kyi phyir/ /gti mug rnam par snang mdzad brjod/ /gang phyir byang chub sems gang nyid/ /gsher ba chu yi khams su brjod/ /chu ni mi bskyod gzugs kyi phyir/ /zhe sdang 'dren pa mi bskyod pa/ /gnyis bskyod pa yis sbyor ba las/ /drod ni rtag tu skye bar 'gyur//'dod chags dpag med rdo rje ni/ /ka k+ko lar ni gang zhig sems/ /de ni rlung gi rang bzhin can/ /phrag dog don yod grub pa yin/ /bde ba'i 'dod chags khrag tu 'gyur/ /dga' ba nam mkha'i mtshan nyid de/ /nam mkha'i ser sna rdo rjer 'gyur//ser sna nam mkha' las byung nyid/ /sems ni chen po gcig nyid la/ /lnga yi gzugs kyis rnam par mtshon/ /rigs ni lnga po de nyid las/ /stong phrag du ma skyes pa nyid/ /de phyir 'di dag rang bzhin gcig /bde chen mchog tu rtag pa nyid/ /'di nyid ye shes chen po nyid//rtog pa thams cad rnam par spangs/ /gnyis dang gnyis su med pa'i tshul/ /dngos dang dngos med bdag nyid gtso/ /thabs dang shes rab shin tu 'dres/ /chags dang chags bral rnam par 'dres/ /de nyid srog chags rnams kyi srog/ /de nyid yi ge dam pa nyid//brtan dang g.yo ba khyab nas gnas/ /sgyu ma'i gzugs can nyid du 'dod/ /dkyil 'khor 'khor lo'i thabs kyis ni/ /rtag tu nges par 'gro bar 'gyur/ /yang na bdag nyid thams cad de/ /yang na kun gyis rnam par spangs/ /de yang dga' bral dang por mtshon/ /dga' ba gsum po rnam par spangs//ye shes 'di ni ches phra zhing / /rdo rje nam mkha'i dkyil dang mtshungs/ /zhi ba thar nyer 'dod chags skyes/ /khyed rang yang ni de yi pha/ /zhes so/ /thugs rnam par dag pa'i mtshan nyid chos kyi dbyings kyi ngo bo nyid shes rab ye shes kyi dbang zhes bya'o/ /yang dbang gnyis po 'di la ni de kho na nyid med par gyur na/bsgoms pas bkug pa'i grogs kyis sbyor bas so/ /'dir ni 'di skad gsungs par gyur te/ slob dpon gsang ba shes rab dang / /bzhi pa de yang de bzhin te/ /dga' ba la sogs rim pa yis/ /'di bzhi grangs bzhin bskur bar shes//zhes so/ /de la yang dbang bzhi pa zhes ji ltar yin te/ /kye rdo rje'i rgyud las dbang rnam pa gsum zhes 'dod do/ /bzhi pa slar yang de bzhin no/ /zhes pa ni gsum pa las gzhan pa ni phreng ba dang chu la sogs pa ste/ dbang gi mtha' ni de kho na nyid bsdus pa la sogs pa'i gzhung des bsdus nas smras te/gang 'di ltar rdo rje'i rigs kyi le'u las dbang rnam pa bzhi brjod pa ji ltar 'dod pa bzhin 'gyur te/ de ltar na ni dbang rnam pa bzhi po ni shes rab ye shes las mngon nas mos par sbyor ro/ /de bzhin da yang dgod pas dag pa slob dpon du 'dod cing /blta ba de bzhin gsang ba ste/ /lag pas 'khyud pas shes rab bo/ /de yang der ni gnyis gnyis so/ /zhes so/ /'di'i don ni gang shes rab dang lhan cig tu dga' ba dang / dgod pa la sogs pa de bzhin gshegs pa thams cad mchod pa'i gzugs slob dpon gyi phyir de ni slob dpon gyi dbang ngo //gang shes rab la dga' ba dang bcas pas pad+ma la blta ba de ni gsang ba la brten pa'i phyir gsang ba'i dbang ngo / /gang yang shes rab la 'khyud nas shes rab la brten pa dang bas pa'i phyir/ shes rab kyi dbang ngo / /gang slar gnyis kyis 'byor ba las thun mong ba dang mchog gi de kho na nyid nye bar mtshon pa dang bcas pa gnyis su med pa'i ye shes de ni bzhi pa zhes su 'dod do//gzhan ni 'di ltar so sor 'dod de/ le'u dang po las 'di ltar thams cad du bzhi'o zhes zer ba'i phyir ro/ /la la ni mngon pa ni mi phyed pa'i mos pa'i sbyor ba ste/de bas na sems kyi dbang de nyid las rnam pa gnyis kyi dbye bas dbang bzhi par bstan par bya'o/ /de bzhin du yang shes rab kyi yan lag la 'dus shing lhan cig skyes pa'i bde ba chen po gang bsten par byas pa'i mtshan nyid de ni shes rab kyi shes rab la brten pa'i phyir shes rab ye shes kyi dbang zhes bya'o//gang mnyam par gzhag pa'i yid kyis lhan cig skyes pa'i bde ba chen po'i sbyor ba 'di ni dam tshig 'di dang 'dra bar 'di yang bsgom par bya ba ni lhan cig skyes pa dam pa'i sbyor ba de ni thams cad du paN+Di ta chen po dpal zhi ba rin chen 'byung gnas zhabs kyis 'di gsal bar gsungs so//lhan cig skyes pa dam pa'i sbyor ba'o/ /lhan cig sbyor ba dam pa'i sbyor ba'i TI kA lhan cig skyes mdzes zhes bya ba bdag nyid kyis byas pa der yang bdag gi dbang gi don yang dag par bshad de/ 'dir gzhung rgyas pa'i 'jigs pas rgyas par ma byas so/ /'di dag thams cad kyang mnyam par gzhag pa'i bla mas shes rab ye shes kyi dbang gi dus su slob ma la bsnyad par bya ba yin no//sku gsung thugs rnam par dag pa'i mtshan nyid bde ba chen po'i ngo bo dbang bzhi pa zhes bya'o/ /ji ltar brjod pa'i mngon par dbang bskur gsum po ni nyan thos dang / rgyal po dang mu stegs dang /rtog ge skam po dang rmongs pa dang ma ning dang / rgan po dang / rang gi bu dang / dad pa med pa rnams la sbyin par mi bya'o/ /gzhan yang phreng ba dang tshul sogs pa'i mngon par dbang bskur ba gang su yang rung ba la tshig tsam gyis mi bya'o/ /'di ni dbang gi cho ga'o// //chos dang de bzhin bde gshegs glegs bam rdo rje dril bu dang //rab gnas nam mkha'i khams dang mnyam par rjes su 'gro bar ni/ /don dam mgon po 'di ni 'jig rten pa yis mi shes pas/ /'jig rten rnams las phan par 'dod pas rab tu gnas par byed/ /sku gzugs mchod rten gtsug lag khang //dam chos ras ris glegs bam dang / /bzang po tshad dang dman pa dang / /rdzogs pa bde ba'i rgyud ldan pa/ /de rigs de mtshan shes pa yis/ /rab gnas dag ni bya bar rigs/ /bsod nams mngon par 'phel byed dang / /yang ni rjes su yi rang nyid/ /gang du sku gzugs rdzogs pa nyid//ma mchod yun ring gnas pa ni/ /ji srid mchod par ma gyur pa/ /dge ba ma yin skyed par byed/ /dper na skyes bu gang zhig ni/ /rig pa'i mtshan nyid rnam spangs na/ /'jig rten kun gyis mchod mi byed/ /gzugs brnyan rnams kyang de bzhin 'gyur/ /gang gis rab gnas dag dang bral//de la phyag 'tshal mchod pa ni/ /dper na sngags bral sbyin sreg bzhin/ /bsreg rdzas 'bras med thal ba'o/ /de bzhin 'di ltar sngags med gnas/ /mchod ldan gang zhig mchod pa'o/ /de yi las kyi rnam smin gyis/ /skye ba kun du mchod 'os min/ /de la nyi ma bzang po dang / /rgyu skar bzang po dang gza'i sbyor ba dang ldan pa las khrus dang gtsang sbras dri bzang pos lus la byugs la rgyan bzang po dang /thor tshugs dang grogs bzang po dang bcas pas lag tu rdo rje dril bu bzung la yo byad yongs su bsogs te/ me tog bzang pos gtor ba'i stan 'jam po la nye bar 'dug cing / dkyil 'khor gyi mchod pa dang ting nge 'dzin gsum byas la lha la mngon du phyogs pa gsum gyis rdo rje slob dpon rnams kun mchog dang ldan pa'i rjes su mthun pa mtshan ma dang /stan dang rten dang brten pa dang bcas pa'i dkyil 'khor snying gar sa bon dang mtshan mas byin gyis brlabs la rigs dang rjes su mthun pa'i cod pan la byin gyis brlabs pa dang ldan par bltas la nam mkha' la yang ye shes sems dpa'i dkyil 'khor rnam par bltas la/bsang gtor la sogs pa byin la/ rang gi snying ga'i sa bon gyi 'od zer las spros pa'i mchod pa'i lha mo brgyad pos yang dag par mchod pa dang / bstod pa dang bdud rtsi myang bar bya'o//de nas me tog bzang pos thal mo sbyar te lus btud la/ oM sarba ta thA ga ta su la li ta bi lA sa na mi ste na mA mi haM b+ha ga bAn ti dzaH hU~M baM hoHpra tIts+tsha ku su mAny+dza li nA tha hoHsa ma ya s+t+waM sa ma ya s+t+waM sa ma ya s+t+waM zhes brjod la/ thal mo'i me tog dor bar bya'o/ /de nas pus mo g.yas pa'i lha ngas la btsugs la/lag pa g.yas kyi spos kyis bdug par bya zhing / gtso bo dang gzhan yang sta gon la gnas par bya'o/ /bcom ldan che ge rdo rje mchog /rig pa'i rgyal po phyag 'tshal bstod/ /rdo rje bdag nyid rab gnas ni/ /mgon po bdag ni bgyid par 'tshal/ / slob ma rnams la skyabs pa dang / /khyed rnams la yang mchod pa'i phyir/ /bcom ldan bdag ni de la dang / /bka' drin dag ni mdzad par rigs/ /ji ltar rdzogs pa'i sangs rgyas rnams/ /dga' ldan du ni yang dag gnas/ /lha mo sgyu 'phrul lto ba der/ /de ru gnas nas 'di ru mdzad/ /mgon po rtag tu 'dir bzhugs la//gyur te me tog la sogs 'di/ /che ge mo yi byang chub sems/ /'phel ba'i phyir ni bzhes su gsol/ /zhes de ltar lan gsum sta gon la gnas par bya'o/ /mchod pa la sogs pa snga ma bzhin du bya'o/ /de nas phyi rol du 'khod de phyogs skyong rnams la gtor ma sbyin par bya'o//de nas nang du zhugs te las thams cad pa'i sngags kyis bzlas pa'i skud pa sum bsgril la mdud pa gsum dang ldan pa la/ so so 'brang mas lag pa g.yas pa la btags la/ las thams cad pa'i sngags kyis bzlas pa'i chu gtor la slob ma bsrung bar bya'o/ /bya ba thams cad kyis gso sbyong 'di dang ldan pa'i slob ma dang /lhan cig rgyu bar bya la/ 'di dag de yis brjod du gzhug ste/ sngags pas cung zad gang brjod pa/ /mchod pa la sogs cho ga yis/ /mchod sbyin che 'bras bskyed pa la/ /g.yo ni med pa dag tu byos/ /zhes pas so/ /de nas bgegs zhi bar bya ba'i phyir/ /rtsa ba'i sngags yongs su bzlas la nyal bar bya'o//'di ni rab tu gnas pa'i cho ga'o// //de nas nyi ma gzhan pa la ni ji ltar brjod pa'i mtshan nyid kyis sngags pas zhi ba'i gtor ma sbyin la/ lha la mngon par phyogs pas 'dug ste/ lha'i rnal 'byor byas la gzugs brnyan shar du bstan la/ gos ser po bskon te sngar gsungs pa'i mtshan nyid kyi rdzogs pa'i rnal 'byor gyis rdzogs par byas la rnam pa kun gyi mchog dang ldan pa la snying ga dang mgrin pa dang spyi bo rnams su hU~M dang AHdang oM gyi yi ge gsum gyis byin gyis brlabs pa khri zur bzhi pa gru bzhi'i tshad dpangs su khru do pa'i khri gtsang ma la yang dag par bkod de bya ba pa rnams kyis bya ba par bya'o//de nas khu tshur g.yas g.yon gyis nyungs kar ser po blangs la/ lugs su 'jug pa dang bzlog pas bskor la/ oM sarba pA paM da ha na badzra ya swA hA/ zhes bya ba 'dis lan gsum gyis bsngags la me la dor bar bya'o/ /de bzhin du sngags de nyid kyis chu la gtor bar bya'o/ /de nas kham por so ma btang ba dang zan changs kyis kyang bya ba par bya ste/de'i rjes la oM sarba ta thA ga ta kA ya bi sho d+ha ne swA hA/ zhes bya bas lan bdun gyis bsngags pa'i 'di dang til mar dang dUr ba'i tshom bus rab tu gtor la phyi'o/ /'khar ba'i snod na gnas pas 'ba' do dang / u du m+bA ra dang / shi ri sha dang /a shwa d+tha dang / blag sha dang / ba ka la bya ba cing sa bon lngas byin gyis brlabs pa'i dri lngas bkru bar bya'o/ /phyi nas rgyal po mngon par dbang bskur ba'i sbyor bas gdugs dkar po 'dzin pa'i mi dang / bcas pas rgyal ba dang bkra shis kyi tshigs su bcad pas bstod par bya ste/rnga'i sgra dang / dung gi sgra dang / bud med rnams kyi ca co'i sgra dang / glu snyan nye bar mtshan par byas pa'i dbang bskur ba'i cho ga dang de bzhin gshegs pa'i phyag na bsnams pa'i bum pas khrus kyi tshigs su bcad pa 'don cing khrus bya'o/ /tshigs su bcad pa ni/ ji ltar bltams pa tsam gyis ni de bzhin gshegs rnams khrus gsol ltar//lha yi chu ni dag pa yis/ /de bzhin bdag la khrus gsol cig /oM sarba ta thA ga ta a b+hi She ka tas ma ya shri ye hUM/ ri mo dang gleg bam la sogs pa ni me long la bkru bar bya'o/ /de bzhin du bkra shis kyi tshigs su bcad pa'i ched du brjod pa gdon par bya ste/bkra shis gang zhig chos kyi skus bsngags pas/ /gcig dang du ma nyid ni rab spangs shing / /ngos gzung bral ba spros pa med pa yis/ /khyod kyis bkra shis des ni zhi bar mdzod/ /bkra shis gang zhig dpe byad mtshan nyid sogs/ /dbus bzhugs nyid 'khrungs kyis ni rnam par brgyan//longs spyod rdzogs sku chos gsung bzang po ste/ khyed kyis bkra shis des ni zhi bar mdzod/ /bkra shis gang zhig me bzhin 'bar ba ste/ /'od 'bar shin tu rab tu 'khor ba yi/ /sprul pa'i sku ni gzhan gyi don mdzad pa/ /khyed kyis bkra shis des ni zhi bar mdzod/ /ces bya ba ni bkra shis kyi tshigs su bcad pa'o//rim pa de ltar mngon par bkrus nas/ /gtsang la 'jam pa'i na bza' 'am/ /log pas chu med par byas te/ gur gum gyi lde gus gos gnyis la bskus la/ oM di byA bA sa me swA hA/ zhes bya ba'i sngags 'dis yongs su gsol bar bya'o//de nas oM badzra ga n+d+he AHhUM/ zhes bya bas 'dis ga bur dang gla ba dang si h+la dang / tsan+dan la sogs pa'i dris yod par gyur na mnyam par byugs par bya'o/ /oM badzra b+ha ra Sha bi b+hu Sha ne swA hA/ zhes bya bas rna cha dang mgul rgyan dang dpung rgyan dang lag gdub la sogs pa'i rgyan gyis brgyan pa bya'o//de nas oM badzra rat+na tra mi ti zhes bya ba'i sngags kyis spyi bor cod pan bcing bar bya'o/ /oM badzra satwa AHzhes bya bas me long bstan par bya'o/ /gser gyi rang bzhin gyi thur ma la/ oM badzra tsa k+Shu tsa k+Shu sa man+ta tsa k+Shu bi shod+ha ne swA hA/ zhes bya ba 'dis spyan phye bar bya'o/ /de nas go ro tsa na'i thig le phul la/me tog dang spos dang mar me dang tam po la cung zad la las thams cad pa'i sngags kyis yang dag par bsrungs la/ yi ge hUM gis blangs te/ Ta k+kis sam srung ba'i sngags kyis dkyil 'khor du bcug la gcig tu dgod par bya'o/ /de nas dkyil 'khor bsgrub pa'i cho gas ye shes kyi dkyil 'khor ram ye shes sems dpa' bsgrubs la/'thor 'thur dang bsang gtor la sogs pa phul la/ zhal brgyad pa'i hU~M gi sgras de dang lhan cig lhags pa'i bgegs kyi rigs tshar gcad la/ dza hU~M baM hoHzhes bya ba 'dis bkug la grub pa'i sku gzugs la gzhug pa dang bcing ba dang dbang du byas la/mig dang lus la sogs pa byin gyis brlab pa dang / dbang bskur ba byin la/ yang bsang gtor la sogs pa dbul lo/ /de nas me tog la sogs pa'i mchod pa sngags brjod la dbul bar bya ste/ chu dang thang las de bzhin skyes/ me tog dam pa 'di dag ni/ bdag gis gus pas dbul lags kyis//ci bde bar ni rab tu bzhes/ /lhan cig skyes sam sbyar las byung / /spos mchog dam pa 'di rnams ni/ /bdag gis gus pas dbul lags kyis/ /ci bde bar ni rab tu bzhes/ lhan cig skyes sam de bzhin sbyar/ /dri mchog dam pa 'di rnams ni/ / bdag gis gus pas dbul lags kyis/ /ci bde bar ni rab tu bzhes/ /mar me bzang 'bar mun pa 'phrog /shin tu snum pa'i sgron ma 'di/ /bdag gis dad pas dbul lags kyis/ /ci bde bar ni rab tu bzhes/ /bza' dang bca' bar yang dag ldan/ /kha dog dri dang ror ldan pa/ /lha bshos thams cad ldan pa ste//phul ba mnyam par rab tu bzhes/ /so so rang gi tshigs su bcad pa la sngags brjod par bya'o/ /de nas 'thor 'thung la sogs pa phul la/ 'dod yon lnga'i mchod pas kyang mchod la/ /bstod pa dang bdud rtsi myang bar bya'o/ /de nas sngags pas mnyam par gzhag ste/ thal mo sbyar ba dam pa de nyid las/ /nam mkha' las byung mtshan ldan phyir/ /zhes bya ba'i tshigs su bcad pa 'dis brjod la/ /yi ge brgya pa'i sngags lan bdun gyi bar du bzla bar bya'o/ /de nas brtan par bya ste/ sems can gyi don du gsol ba gdab par bya'o/ /mgon po ji ltar skal ldan par//sems can don ni rtag tu mdzod/ /sna tshogs gzugs ni bzung gyur te/ /'jig rten khams 'di thams cad du/ /zhes bya bas so/ /de nas sngon bzhin du phyi rol du gtor ma phul la/ bdud rtsis dgyes par byas te/ /yang dag par mchod la/ phyogs skyong gshegs su gsol bar bya'o//de nas rjes la dkyil 'khor du zhugs pa'i lha dang dkyil 'khor la phyag 'tshal zhing / bskor ba byas la/ cho ga dman pa bskang ba'i phyir sngon bzhin du rgyas pa'i sbyin sreg gi mthar yon bdag rgyas par bya ba'i phyir/ mthe bong g.yas pa lag pa g.yon pas bzung ste/ bsreg rdzas las lan gsum mam bdun sbyin pa'am sbyin du gzhug go//de nas bla mas slob ma la yon blang bar bya ste/ slob mas kyang dga' ba'i yid kyis rang gi 'byor ba dang rjes su mthun pa ste/ rgyan thams cad kyis brgyan pa'i bu mo dang / glang po dang rta dang shing rta dang / ba lang dang ma ma he la sogs pa dang /so ba dang gser dang / dngul dang zangs dang nor bu dang mu tig la sogs pa'i rdzas dang / lo thog phun sum tshogs pa'i zhing sa dang / khyim dang skyed mos tshal dang / kun dga' ra ba la sogs pa'am gnas rnams phul bas dgyes te/ slob dpon dam pa dang lha thams cad dgyes par 'gyur ro//dgyes pas ni 'dod pa'i dngos grub rnams su shes par bya'o/ /thams cad du bla ma dgyes par bya'o/ /de nas snod legs par bkrus par sreg blugs kyi lhag ma sbrang rtsi dang / 'o ma dang sha kha rar bsres pa'i thug pa bsgrubs la rang gi lha'i sngags kyis so//de'i rtse mo'i cha gser la sogs pa'i snod du bzhag la/ oM di byA naM sa mA d+hi d+h+yA naM pr-i Na ne swA hA/ zhes bya ba'i sngags 'dis lha la dbul bar bya'o/ /de nas dri gtsang khang brtsig pa ni shin tu gzob pas brtsigs la/ sku gzugs kyi sum cha'i tshad kyi stegs bu la sku gzugs shin tu bub pa ma yin pa dang /gyed pa ma yin pa dang / yo ba ma yin pas drang por legs par bkod la/ oM su pra tiSh+Tha badzra swA hA/ zhes bya ba 'dis bzhugs su gsol lo/ /de lta ma yin na ni nyes pa ster bar 'gyur ro/ /de nas sngon bzhin du bsang gtor la sogs pa phul la yang dag par mchod pa dang bstod pa dang /bdud rtsi myang ba la sogs pa dang / yi ge brgya pa'i sngags lan bdun bzlas la bzod par gsol bar bya ste/ lha dang de yi sras rnams dang / /rdzogs sangs bzod mdzad pa yi rigs/ /tshangs sogs lha yi tshogs rnams kyi//theg 'gyur cho ga'i bya ba la/ /kun du zhi dang bkra shis dang / /yon tan bdag nyid cher mdzad nas/ /sangs rgyas yul du gshegs nas ni/ /slar yang byon par mdzad du gsol/ /gang gis sku gzugs 'di la ni/ /bskal pa bskal pa brgyar bzhugs te/ /sa chu me dang rlung rnams kyi//lha rnams kyis ni bsrung bar mdzod/ /'di ni shin tu dgyes 'gyur te/ /dga' bas rang gi gnas gshegs la/ /slob dpon slob mar bcas pa dang / /bu dang tsha bo bsrung du gsol/ /zhes bya bas so/ /gzhan yang khyad par brjod par bya ste/ bris pa dang lugs ma la ji ltar brjod pa'i cho gas rab tu gnas par bya ste/rje btsun gyi mchod rten yang khang bu brtsegs pa bskyed pa'i cho gas bskyed la sangs rgyas dang byang chub sems dpa' thams cad kyi gnas su bsgoms te/ sangs rgyas dang byang chub sems dpa' dang / rig sngags kyi lha ma lus pa spyan drangs la/ mchod rten gyi nang du gzhug pa dang bcing ba dang dbang du byas la bsang gtor la sogs pa phul te/mngon par mchod pa dang bdud rtsi myang ba la sogs pa byas la/ oM su pra tiSh+Tha badzres swA hA/ oM hU~M hrI b+h+rUM dr-i D+ha tiSh+Tha zhes bya ba'i sngags kyi rab tu gnas par bya'o/ /lhag ma ni snga ma bzhin no/ /glegs bam ni 'di ltar rab tu gnas par bya ste/yi ge dzr-IM yongs su gyur pa las glegs bam la 'od dpag tu med par bltas la/ de yongs su gyur pa las skyes pa'i yi ge'i chal bar bsgoms la/ oM hUM hrI d+h+waM zhes bya ba 'dis rab tu gnas par bya ste/ de bzhin gshegs pa thams cad dang / rdo rje 'dzin pa thams cad kyis byin gyis brlabs par bsgom par bya'o//lhag ma ni snga ma bzhin no/ /gtsug lag khang la ni sangs rgyas dang byang chub sems dpa' thams cad dang / nyan thos dang rang sangs rgyas rnams bzhugs pa'i ting nge 'dzin gyi gnas chos kyi dbyings rgyas par oM hUM hrIHzhes bya ba'i sngags 'dis bskyed par bya'o//de nas lhag par gnas pa la sogs pa byas la/ gtor ma dang mchod pa la sogs pa phul te/ oM su pra tiSh+Tha badzre swA hA/ oM hUM hrIHb+h+rUM khaM dzr-Im b+ha ba dr-i D+ha teSh+Tha b+hu khaM zhes bya ba'i sngags kyis rab tu gnas par byas la/ sangs rgyas dang byang chub sems dpa' dang rdo rje 'dzin pa rnams kyis byin gyis brlabs te/mi phyed pa'i rdo rje bzhin du rab tu gnas par bsgoms la/ bum pa thams cad kyi chus bkrus nas/ gtsug lag khang la oM badzrod ka a b+hi She ka na zhes bya ba'i sngags kyis bsang bar bya'o/ /de nas gtsug lag khang skyong ba'i nag po chen po blos bkug la gcig du gzhug pa dang /bcing pa dang dbang du byas la/ slob dpon phyag gnyis pa'i he badzra'i rnal 'byor dang ldan pas bka' sbyin par bya ste/ gtsug lag khang 'di gnas par du/ /sdig bral khyod kyis srung bar gyis/ /'phags pa'i dge 'dun bya ba dka'/ /bya ba rnams ni myur du sgrubs//zhes pas so/ /de ltar byas nas bla mas slob ma dga' ba dang bcas pas bod cing bshes drin bya'o/ /rab gnas mtshan ma ngan spangs pa/ /khyod kyis gsol gdab byas pa'o/ /de ni nga yis 'bad pas byas/ /ci bde bar ni mchod par gyis/ /zhes bya bas so//de nas sngags kyi lhag ma'i thug pa sbyin par bya'o/ /bde gshegs lhag ma 'di dag ni/ /sdig pa nyams pas bza' bar gyis/ /gzhan la ci thob pa cung zad sbyin par bya'o/ /de nas slob mas kyang mchod pa du mas lha rnams mchod la bskor ba gsum bya zhing phyag bya'o//de nas rang gi gnas su 'khod la dge slong dang dge slong ma dang / dge bsnyen dang dge bsnyen ma la sogs pa la gsol bar bya'o/ /gzhan yang mgon med cing phongs pa la nus tshad kyi ston mo sbyin par bya'o/ /de'i rjes la bzo bo dang slob dpon du bcas pa la ston mo gsol te/ / na bza' la sogs pa'i sbyin pas yongs su mnyes par byas la/ bzod pa gsol te gshegs su gsol lo/ /mtshan mo tshogs kyi 'khor lo byas la rol mo'i sgra chen po bya'o/ /de nas slob dpon dkyil 'khor du zhugs la mchod par bya ste/ lag pa g.yon pas spos kyi reng bu gzung zhing lag pa g.yas pas dril bu dkrol te bstod par bya zhing /yi ge gsum po muH'i mtha' can gyis gshegs su gsol lo/ /rdul tshon snod gtsang mar gzhag la 'dod pa rnams la cung zad sbyin te/ chu klung chen po la dor bar bya'o/ /dkyil 'khor gyis phyogs kyang / oM a kA ro mu khaM sa r+b+ba d+ha rmA NAM A d+ya nu t+pa n+na twA t+ta muHzhes bya ba'i sngags kyis lci bas byug par bya'o//de nas phyogs skyong la sogs pa la gtor ma rgya chen po sbyin par bya'o/ /gang gis dkyil 'khor 'di 'dra bas/ /dngos grub ji ltar 'dod par 'gyur/ /skye ba 'di'am pha rol du/ /de bas 'di dag ldan par bya/ /yang gsungs pa/gdol pa smyig mkhan la sogs pa/ /gsod don don du sems pa ste/ /des kyang kye rdor shes pa na/ /'grub 'gyur 'di la the tshom med/ /ces pa'o/ /rtsig rmang dang ni rab gnas dang / /sbyin sreg dkyil 'khor nor gang ni/ /de rnams slob dpon dbang bar ni/ /rdo rje 'dzin pa rnams kyis gsungs//dpal ldan kye rdor rgyud las gsungs/ /gang zhig cho ga ma rdzogs pa/ /de rdzogs bya phyir spyi yis ni/ /rgyud gsungs cho gar brten pa yin/ /dpal ldan zhib bzang po'i zhabs kyi pad+ma las skyes bcud/ /yang dag man ngag rin chen bzang po'i mdzod ni myang byas nas/ / dpal ldan khrag 'thung 'byung ba'i dkyil 'khor rin po che 'di yis/ nyin mo'i 'byung gnas bdag ni skye bo'i bsil grib byed par 'dod/ /dpal ldan he ru ka 'byung dkyil 'khor legs par sbyar ba las/ /de yis skyon bsal dge ba bdag la rab tu gang skyes pa/ /de yis skye bo ma lus pa rnams nyon mongs rnam bral te/

CLOSE WINDOW