CLOSE WINDOW

D1258
བོད་ཡིག

/rab tu gnas pa'i cho ga'i tshul zab mo/ /paN+Di ta chen po nag po'i zhal snga nas mdzad pa rdzogs so// @##/ /rgya gar skad du/ ga na tsa kra pU dzA kra ma/ bod skad du/ tshogs kyi 'khor lo'i mchod pa'i rim pa/ 'phags pa spyan ras gzigs dbang phyug la phyag 'tshal lo//tshogs rnams bsags par bya ba dang / /bgegs rnams nye bar zhi bya'i phyir/ /bsod nams mthar thug tshogs 'khor lo/ /lung dang man ngag gi bzhin bri/ /de la re zhig dang por lugs dang mthun pa'i tshogs kyi khang bu tsan+dan la sogs pa'i dris bgos pa yid du 'ong ba'i gnas su/las thams cad pa'i skyes bu lha'i nga rgyal dang ldan pas chag chag gdab pa dang / maN+Dal bya ba dang / me tog dgram pa dang / mchod pa bshams pa dang / phyogs skyong gi gtor ma rgya chen po bsham mo//de nas slob dpon spyan drangs la/ /ji ltar rig ma dang bcas par bzhugs su gsol la/ /las thams cad pa'i bum pa rgyan dang ldan par byin gyis brlab mchod pa'i bum pa yang ci rigs par bsham mo/ /de nas rnal 'byor pa pho mo 'du bar 'os pa kun bsogs pa/de dag gis dang por gsol ba gdab ste/ khro bo sngon po mdzes pa ste/ /khyod ni dam tshig yid du 'ong / /nor bu rin chen gces bcings pa'i/ /dbyug pa phyag na bsnams pa ste/ /bdag ni 'khor ba las bsgral phyir/ / dpa' bos gnang gis gtong du gsol/ /rnal 'byor ma yi tshogs dbus su/ /bzang po'i sgo 'di phye ste thong / /zhes gsol ba gdab nas/ nang du bkug ste/ las kyi bum pa'i chus gtor zhing / skyor chu blud do/ /de nas gral rim bzhin du bkod nas rdo rje slob dpon la me tog phul la gsol ba gdab/rnal 'byor pa pho mo la yang me tog gtor la bskul bar yang bya'o/ /de nas rdo rje slob dpon gyis lhag pa'i lhar bsgoms te/ mos pa tsam gyis kyang lce lag byin gyis brlab/ de nas rdo rje dang dril bu yang hUM dang / a las byin gyis brlab/mngon par rtogs pa brjod de/ hUM thog mtha' med pa'i sems dpa' ni/ /rdo rje sems dpa' de bzhin gshegs/ /kun du bzang po kun bdag nyid/ /rdo rje snyems pa bdag po'i gtso/ /oM ma hA badzra hUM/ a srid pa'i rang bzhin dag pa'i phyir/ /ngo bo nyid kyis gdod nas dag /rang bzhin dag pa'i sems dpa' yis/ /srid pa dam pa mchog tu byed/ /ma hA badzra g+ha N+Da hoH/de nas mchod pa'i khyad par thams cad 'bru gsum gyis byin gyis brlab/ de nas snying ga'i sa bon gyi 'od zer gyis/ bla ma dam pa dang bcas pa gang yin pa'i lha rnams nam mkha' la bltas la/yon chab dang zhabs bsil dang zhabs khrus phul la/ me tog dang sgra snyan gyi bar du rim pas mchod/ de nas de nyid lnga pa'am/ gzhung gang yin pas bstod/ yan lag bdun pa rgyas bsdus gang yang rung bas mchod pa dang /smon lam yan chad bya/ yi ge brgya pas bzod gsol byas la gshegs su gsol/ de nas shU n+ya'i sngags kyis stong par bsgoms nas/ yi ge hUM gi snang bas dra ba dang ra ba dang sa gzhir bsgoms la/ de'i 'og tu 'byung ba rim brtsegs ri rab rin po che bsgoms la/de'i steng du sna tshogs pad+ma'i lte ba la/ sna tshogs rdo rje bsams te/ de'i lte ba la b+h+rUM las gzhal yas khang gdan dang bcas pa bskyed la/ gang rung gi ye shes sems dpa' spyan drangs te/ dbyer med par bstim mo/ /de nas chang bsrung ba dang byin gyis brlab pa gzhung bzhin du bya'o//yi ge ha dmar po las kha dog sbyangs la/ hoH dkar pos dri bsal te/ hrIHmthing gas nus pa bcom nas/ bdud rtsi'i rang bzhin du gyur par bsams la/ de nyid kyi 'od zer gyis bdud rtsi yang bkug ste bstim mo/ / de nas rtsa ba'i dkyil 'khor gyi lha la so so'i ming nas brjod cing mchod/ de'i 'og tu bdud rtsi dang bcas pa'i srin lag gis maN+Dal gru gsum bris la/ der bdud rtsi gtor bas zla ba'i gdan phyogs mtshams su gyur par bsam/ der ye shes kyi 'khor lor mos pa tsam gyis bsams la bdud rtsis mchod/de nas bdag nyid la mchod de/ mtheb srin gyi lce rtse dang / smin phrag dang / spyi bor gtor/ de nas de dag mi dmigs par bsams la/ rtsa ba'i dkyil 'khor la yon chab la sogs pa'i mchod pa'i yo byad khyad par kun gyis mchod do//de nyid lnga pa'am/ gang yin pa'i gzhung du bstod pa byas la gshegs su gsol/ de nas zhing skyong rnams la gtor ma rgya chen po btang ste/ yi ge gsum gyis sbyangs pa dang / 'bar ba dang / rtog par byas la/ maN+Dal thig bzhi btab pas ling tshe dgur byas te/dbus ma la ye shes kyi 'khor lo bsams la/ phyogs mtshams la zhing skyong brgyad ma mo sum cu rtsa gnyis dang bcas pa spyan drangs la mchod de/ oM shing gcig dang ni dur khrod dang / /ri bo dang ni ri sul phug /grong dang bzhi mdo dag dang ni//khyad par du ni khang stong dang / /gdol pa snod dang thang dang ni/ /khyad par du ni chu la gnas/ /nag po drag po drag chen po/ /brgya byin mnyam du bsten pa dang / /nag po gtsigs dang mi sdug dang / /dga' las 'das pa'i log 'dren rnams//rgan byed ma dang drag mo dang / /mi sdug ma dang u ma dang / /rgyal ma rnam par rgyal ma dang / /mi thub gzhan gyis mi thub ma/ /nag mo bzang po nag chen mo/ /nag sbom ma dang rnal 'byor ma/ /dbang mo dang ni zla ba mo/ /drag tu sdang dang 'phyang ba mo//'phrog ma dang ni mar me ma/ /'jigs byed grong gnas rnal 'byor ma/ /drag mo'i gzugs dang gzugs chen mo/ /mche ba gtsigs dang thod chen ma/ /thod phreng can dang khwa gdong ma/ /sprul chen ral gri dgra sta can/ /rdo rje de bzhin gzhu can ma//de bzhin chen mo mkha' 'gro lnga/ /las kun rjes su sgrub byed ma/ /de bzhin rdo rje dbang phyag gtso/ /de bzhin gshegs pa'i sku chen te/ /rdul med rnal 'byor byin pa mo/ /rdo rje dbang mo'i bka' yis ni/ /thams cad ma lus 'dir 'dus shig /oM kak+ka D+ha na/ba b+ba na d+ha na/ kha kh+khA n+da na/ sarba du Sh+Ta na naM/ ha na ha na/ g+hA ta ya g+hA ta ya/ a mo g+ha sa hUM dzaHzhes pas bkug la pad+ma'i 'dab ma la gnas par bsams la/ mchod pa sngar byin gyis brlabs pa de dbul te/ so so'i lce hUM las rdo rjer bsams pa'i sbu gu'i 'od kyis drangs te/mchod par bsams la/ de nas chos bshad de/ chos rnams gzugs brnyan lta bu ste/ /dag cing gsal la zhes pa la sogs pa brjod/ de nas smon lam gdab ste/ sems can thams cad sdig med cing / /sems can thams cad bde gyur cig /gang gi lam nas 'gro ba yis/ /sangs rgyas nyid dang phrad par shog /ma rgal ba rnams bsgral ba dang / /ma grol ba rnams bdag gis dgrol/ /da lta nyid du rjes brtse bas/ /rnal 'byor bstan bcos gnas la dgod/ /ces bya bas bsngo ba byas la gshegs su mi gsol/de nas rnal 'byor pho mo kun lha'i dkyil 'khor du bltas la/ dbang po la dri yis mchod/ de nas me tog dang / bdug pa dang / mar mes tshul bzhin mchod la/ de'i 'og tu bdud rtsi lnga dang bcas pa'i chang gis mchod de lag pa g.yas par chang bzung nas/g.yon pa rtse gsum par byas la/ tshigs su bcad pa 'dis sbyin te/ ltos shig mdzes pa dam pa'i chos/ /'di la the tshom yod ma yin/ /bram ze khyi dang gdol ba gsum/ /rang bzhin gcig tu rtogs pas bza'//zhes brjod la drang ngo / /len pa pos brjod pa/ 'dod chags dri ma bral ba yis/ /rin thang med las legs 'ongs chos/ /gzung dang 'dzin pa rnam par spangs/ /de kho na nyid la bdag phyag 'tshal/ /zhes pad kor dang bcas pas blang ngo / /'og ma rnams la drang ba ni 'di skad brjod do//sbyor ba'i dngos grub don du ni/ /spyod kun de nyid ji bzhin du/ /rnal 'byor pas ni kun du spyad/ /ji ltar de bas spyad par bya/ /zhes brjod la brim mo/ /de'i 'og tu sha khu dang mar gyis mchod/ /de nas lha bshos so sor bgrangs la/ / de dag kun gyis phud bsdus nas/ /slob dpon la phul nas/ slob dpon gyis cha gnyis su bgos te/ cha gcig g.yon gyi phyogs su bzhag la/ /byin gyis brlabs la dkyil 'khor gyi lha la dbul/ /cha gcig g.yas su bzhag la byin gyis brlabs la/ chos skyong gi gtor mar dbul te/oM a kA ro mu khaM zhes pa'i sngags kyis mchod/ de nas ci bder rol zhing spyad/ /skabs der bkra shis kyis/ de nas lha dang phyogs skyong la snang ba nod pa dang / bzod gsol byas te badzra muHzhes pas gshegs su gsol lo/ /ye shes lha la yi ge brgya pas bzod gsol byas la badzra muHzhes pas gshegs su gsol lo//dam tshig gi lha snying gar bsdus la/ /oM A t+ma di shi hUM zhes bsdu'o/ /de nas oM sarba du Sh+Ta na gr-i h+na gats+tsha hUM zhes pas phyi rol gyi lha gshegs su gsol lo/ /de nas lhag ma bsdus te/de la gnyis te/ rnal 'byor pho mo'i lhag ma ni phyi rol gyi sha za la sogs pa mi ma yin pa rnams la btang ste/ phyi sgor bton la btang ngo / /khyim pa'i lhag maM ni khyim de nyid kyi mi ma yin la bsngo'o/ /lhag ma de lta bu'i skal pa med pa la/slob dpon gyi kha nas bdud rtsi byin no/ /de nas yon bdag la bkra shis dang smon lam gdab po/ /de nas gtor ma skyel ba log pa dang / tshogs kyi khang sgor me long dang / dud 'bud pa dang / dkrol ba dang / chu can gyi zho zan gyis mchod/ de nas nang du log nas rnal 'byor pho mo la yang de bzhin mchod par bya'o//ma 'ongs skye bo gang dag tshogs rnams bsags par 'dod pa dang / /bslab pa'i lam la zhugs pa'i rnal 'byor pa dag gis/ /don du dri med lung dang bla ma'i man ngag ltar/ /ma nor bzung ste bdag dang gzhan la phan phyir bris pa yin/

CLOSE WINDOW