CLOSE WINDOW

D1254
བོད་ཡིག

rim gnyis phyag rgya bzhi rtogs nas/ /rdo rje 'dzin pa'i gnas thob shog// @##/ /rgya gar skad du/ shrI he badzra sa pat+ta ti maN+Da la bi d+hi/ bod skad du/ dpal dgyes pa'i rdo rje'i gzhung 'grel gyi dkyil 'khor gyi cho ga /dpal rdo rje mkha' 'gro la 'tshal lo//'jig dus chu 'dzin mdog can drug lhag bcu yi phyag ldan drag zhal brgyad/ /brgyad phyed dmar ba'i zhabs rnams g.yas brkyang phyed krung bdud kyi snying gar mnan/ /stag lpags mnabs shing nyams dgu'i yon tan la brten mgo phreng thod pa can/ /srid pa'i 'jigs 'joms 'jigs rung bzhad mdzad dgyes pa'i rdo rjes rtag tu srungs//skye bo phal cher sdug bsngal gyis gdungs pas/ /gzhung mang blta bar nus pa ma yin te/ des na phun sum tshogs min 'joms byed pa'i/ /gzhung 'grel dkyil cho ga shin tu mdor bsdus pa//bdag gi nus pa ji bzhin 'dir bya'o/ /dang por re zhig slob dpon gsang sngags kyi tshul la mkhas shing / 'khor ba'i sdug bsngal las 'gro ba 'don pa'i bsams pa can thos pa dang bsams pa dang bsgoms pa'i stobs kyis chos kyi dbyings rtogs pas ma lus pa'i yul rnams dug med par byas te/nye bar spyod pa'i shes rab kyi tshogs spel bas phyin ci log gi rtog pa las byung ba'i ma rig pa'i ling tog bsal te/ rang bzhin gyi 'od gsal ba dang ldan pa la/ slob mas dkyil 'khor bri ba'i phyir lan gsum gyi bar du gsol ba gdab par bya'o//de nas de'i sems las byung ba'i bgegs rang gi snying ga'i sa bon gyi gzi brjid kyis bskrad la/ rtsa ba'i sngags sam phreng ba'i sngags brgya rtsa brgyad bzlas pas bsrungs nas/ 'khor lo can gyi rtsa ba'i sngags dang / bdag med ma'i sngags 'bum phrag re re bzlas pas sngon du bsnyen pa bya'o//de'i rjes la dkyil 'khor gyi phyogs su song ste/ rang gi lha'i rnal 'byor dang ldan pa'i rnal 'byor pas der raM las byung ba'i nyi ma'i dkyil 'khor bsgoms la de'i steng du hU~M las byung ba'i sna tshogs rdo rje bsams nas/nyi ma dang rdo rje dag las rdo rje'i rang bzhin gyis sar byas la/ rtsa ba'i sngags mngon par bzlas pa'i chus bsang gtor bya'o/ /de nas sa'i lha mo mdog ser mo zhi ba'i rang bzhin can phyag gnyis kyis gser gyi bum pa bsnams pa/ rang gi snying ga'i sa bon gyi 'od zer gyis bkug la mchod pa bya ste/ dgyes pa'i rdo rje khro bo yis/ /mchod cing sna tshogs rin chen 'dzin/ /lha mo khyod ni dpang du gyur/ /sa 'dir dkyil 'khor bri bar bya/ /zhes bya ba'i sngags kyi tshig gis sa blangs la/ /sa'i lha mo blos nam mkha'i phyogs su bteg nas/pus mo nub tsam du brkos te/ gyo mo la sogs pa bsal te sa de nyid kyis dgang par bya'o/ /de ltar yang gsang ba de kho na nyid bsdus pa las/ /pus nub tsam du brkos nas ni/ /sa de nyid kyis dgang par bya/ /gal te lhag par gyur na ni//dngos grub yod par ston pa yin/ /zhes gsungs so/ /khung bu dgang ba'i dus su mchod pa dang gtor ma ci nus pa yang bya ste/ 'di ni khung bu dgang ba'i cho ga'o/ /de nas yang mngon par 'dus byas pa'i dkyil 'khor gyi sar slob dpon dgyes pa'i rdo rje'i rnal 'byor dang ldan pas/rak+Sha rak+Sha hU~M hU~M hU~M phaT swA hA/ zhes bya ba lan gsum brjod la/ sngar bstan pa bzhin nyi ma dang sna tshogs rdo rje las byung ba'i rdo rje'i sar bsgoms te/ oM ma de ni badzrI b+ha ba badzra ban+d+ha hU~M/ zhes bya ba 'dis sa byin gyis brlab par bya ste/ sa sbyang ba'i cho ga'o//de nas slob dpon dkyil 'khor gyi khang par zhugs te/ slob mas/ dga' chen khyod bdag ston pa ste/ /zhes bya ba la sogs pa 'og nas byung ba'i tshigs su bcad pas gsol ba btab la/ slob dpon gyis kyang dgyes pa'i rdo rje'i rnal 'byor dang ldan pas me tog gi phreng ba dang /tsan+dan gyi byug pa dang / cod pan la sogs pas brgyan la rdo rje dang dril bu gzung ngo / /cho ga de nyid kyis slob ma bzhi yang gau rI la sogs par dmigs te phyogs bzhir bzhag la/ tshigs su bcad pa bzhis gsol ba gdab par bya ste/ de bzhin gshegs pa kun zhi ba//de bzhin gshegs pa kun gyi gnas/ /sems dpa' rdo rje las byung ba'i/ /dkyil 'khor gtso bos bshad du gsol/ /mtshan nyid thams cad yang dag rdzogs/ /mtshan min thams cad spangs pa yi/ /kun du bzang po sku yi mchog/ / dkyil 'khor dam pa bshad du gsol/ /zhi ba'i chos ni mchog las byung / /ye shes spyod pa rnam sbyong ba/ /kun du bzang po gsung gi mchog /dkyil 'khor snying po bshad du gsol/ /sems can kun gyi sems chen po/ /rang bzhin dag pas dri ma med/ /kun du bzang po thugs kyi mchog /dkyil 'khor snying po bshad du gsol/ /de ltar gsol ba btab pa'i mthar hUM badzrod tiSh+Tha zhes bya bas dkyil 'khor gyi 'khor lo nam mkha' la bteg la/ bdag nyid phyag gnyis pa'i dgyes pa'i rdo rje'i rnal 'byor dang ldan pas/ mig g.yas par ma las nyi ma'i dkyil 'khor bsgom/mig g.yon par Ta las zla ba'i dkyil 'khor bsams te/ khro bo'i lta bas dkyil 'khor gyi sa thams cad du bltas nas/ langs te rkang mthil du hUM las byung ba'i rdo rje gdengs po bsgoms la/ dbang ldan gyi mtshams nas brtsams te/g.yas brkyang dang / g.yon brkyang la sogs pa'i rdo rje'i 'gros kyis gar gyi tshul gyis kun du bcags nas dkyil 'khor gyi sar gnas pa'i bgegs rnams la 'di skad brjod par bya'o/ /hU~M lus ngag sems la gnas pa yi/ /bgegs kyi tshogs kun nga la nyon//nga ni dpal ldan rdo rje'i stobs/ /srung ba'i 'khor lo rab sbyor bas/ /rdo rje 'bar pa'i lus 'di yis/ /sku gsum las byung dgag par bya'o/ /gal te bdag tshig las 'das na/ /zhig gyur 'di ni the tshom med/ /ces brjod nas rdo rje sems dpa'i bde ba chen po'i ye shes las byung ba'i las tsam gyis/gang su yang rung ba'i lus srul po la sogs pa bgegs kyi tshogs chen po rnams 'dir ma gnas par dengs shig ces kyang brjod de/ sa yongs su gzung pa'o/ /de nas yang bgegs rnams zhi bar bya ba'i phyir dkyil 'khor gyis sa'i dbus su gnas so//bgegs mthar byed kyi sku smad phur bu'i gzugs can bcu phyung la/ phyogs bcu'i bgegs rnams bkug ste/ oM g+ha g+ha g+ha ta ya g+hA ta ya sar+b+ba duSh+Tan phaT/ kI la ya kI la ya sar+b+ba pA paM phaT hU~M hU~M hU~M/ badzra kI la ya badzra d+ha ro A dz+nyA pa ya ti kA ya bA ka tsi t+ta badzra kI li kI la ya hU~M phaT/ces bya ba'i phur bu'i sngags kyis phur bu btab la/ phur bu'i phyi rol du rdo rje ra ba dang / dra ba la sogs pa bsams te/ rak+Sha rak+Sha zhes pa la sogs pa'i sngags kyis bsrung bar bya'o/ /de nas yang sa'i lha mo me tog la sogs pa nye ba'i longs spyod kyis mchod de//dgyes pa'i rdo rje khro bo yi/ /mchod cing sna tshogs rin chen 'dzin/ /lha mo khyod ni dpang du gyur/ /sa 'dir dkyil 'khor bri bar bya/ /zhes bya ba dang / /shAkya seng ge skyob pa yis/ /ji ltar bdud kyi stobs bcom pa//de bzhin bdag gis bdud las ni/ /rgyal bar byas te dkyil 'khor bri/ /zhes bya ba tshigs su bcad pa gnyis kyis sa'i lha mo sta gon la gnas par bya'o/ /de nas dkyil 'khor kyi sa bdud rtsi lnga dang ldan pa'i dri zhim pos byugs la/ bcom ldan 'das dang rnal 'byor ma rnams kyi so so'i gnas gnas su bdud rtsi lnga'i maN+Dal byas nas/go rims ji lta ba bzhin du nam mkha' la gnas pa'i 'khor lo blos bkug ste/ bzhugs su gsol la/ yang mtshams bcing ba la sogs pa bya ste/ ci 'byor ba'i phyi nang gi mchod pas yang dag par mchod nas tshigs su bcad pa 'dis bstod par bya'o//gti mug gis mnan 'gro bltas nas/ /'gro ba'i gti mug rab zhi'i phyir/ /rdo rje can gyis gau rIr mdzad/ /de bas gau rI bstod phyag 'tshal/ /zhe sdang gis mnan 'gro bltas nas/ /'gro ba'i zhe sdang zhi bya'i phyir//rdo rje can gyis tsau rIr mdzad/ /de bas tsau rI bstod phyag 'tshal/ /nga rgyal gyis mnan 'gro bltas nas/ /'gro ba'i nga rgyal zhi bya'i phyir/ /gtso bos be+e tA lI gzugs mdzad/ /de bas be tA bstod phyag 'tshal/ /'dod chags kyis dkrugs 'gro bltas nas//'gro ba'i 'dod chags zhi bya'i phyir/ /gtso bos g+ha sma rI gzugs mdzad/ /de bas g+ha sma rI bstod 'dud/ /bdag med ma dang gnyis med gzugs/ /phyag 'tshal bstod cing phyag 'tshal 'dud/ /ye shes lnga dang sku gsum bdag /rdo rje mkha' 'gro phyag 'tshal bstod//de nas bskor ba byas la/ /bdud rtsi lnga dang ldan pa'i bdug spos thogs te/ pus mo g.yas pa'i lha nga sa la btsugs nas 'di skad ces brjod par bya ste/ hUM he ru ka dpal dpa' bo che/ /rig pa'i rgyal po phyag 'tshal 'dud/ /dkyil 'khor thugs rje'i bdag nyid can//mgon po bdag ni 'bri bar 'tshal/ /slob ma rnams la brtse ba dang / /khyed la mchod pa bya ba'i phyir/ /bcom ldan bdag ni gus pa la/ /de bas bka' drin mdzad par 'os/ /'gro ba'i 'khor lo don mdzad pa'i/ /sangs rgyas bdag la dgongs su gsol/ / 'bras gnas byang chub sems dpa' dang / /sngags kyi lha gzhan gang lags dang / /'jig rten skyong ba'i lha rnams dang / /gang yang 'byung po mthu chen dang / /sems can bstan la dga' ba rnams/ /gang su rdo rje'i spyan can rnams/ /rdo rje chen po 'di bzhes pas/ /he ru ka 'byung dkyil 'khor ni//yo byad ci 'byor pa dag gis/ /'gro ba dag phyir bdag 'bri bas/ /bdag dang slob mar bcas pa la/ /thugs rje thugs dpag mdzad nas kyang / /dkyil 'khor par bcas thams cad kyis/ /thugs rjes dgongs nas nye bar mdzod/ /ces bya ba'i tshigs su bcad pa lan gsum brjod pas lhag par gnas par bya ste/'di ni lha sta gon la gnas pa'i cho ga'o/ /de nas rtsa ba'i sngags dang phreng ba'i sngags ci nus su bzlas la/ ting nge 'dzin gyis nang gi sa sbyang bar bya ste/ tho rangs kyi dus su yang mchod pa dang / bstod pa la sogs pa byas nas/dri'i dkyil 'khor la gnas pa'i lha'i 'khor lo yid kyis nam mkha' la bteg ste/ gshegs su gsol la/ rim pa 'dis dkyil 'khor gru bzhi par thig gdab par bya'o/ /rim pa de yang 'di yin te/ dang por tshangs thig gnyis btab nas/ de 'og mtshams kyi thig gnyis gdab/ /de nas dkyil 'khor tshad dang ni/ /mthun par gru bzhir gdab par bya/ /tshangs pa'i thig gis ngos gnyis su/ /sgo yi 'khor lo'i brgyad char gdab/ /de nas ngos gcig gyen tshad du/ /tshon gyis yi thig gdab bya//de nas yang ni sgo yi phyed/ /tshon sna sgo yi bzhi cha ru/ /skud pa gnyis pa bri bar bya/ /de yi tshad du logs thig bri/ /de nas sgo tshad gsum du bya/ /lha yi gnas kyi skud pa ni/ /mtshams su sgo dang mtshungs par gdab/ /ngos kyi ri mo rnam pa lnga/ /sgo yi bzhi char kun du gdab//sgo phyed kun du mu khyud de/ /rin chen sa gzhi de yi phyed/ /dra ba dra phyed snam bu ni/ /mu khyud sa dang mtshungs par gdab/ /ba gam gyi ni sa gzhi dag /de yi phyed du kun du bri/ /de ltar bris nas thig dbyi ba/ /gzhan dag tu ni gsal bshad pas/ /de ltar 'dir brjod yod min te//rang rang gis ni dbye bar bya/ /de nas ye shes lnga'i rang bzhin gyi tshon sna lngas kha dog legs par btsos pa'i skud pa legs par bsgril cing bsal la/ /chur dkyil 'khor gyi nyis 'gyur du byas te/ yang slob dpon phyag gnyis pa dgyes pa'i rdo rjer bsgoms la/g.yas g.yon gyi mig gnyis su ma dang Ta las nyi ma dang zla ba'i dkyil 'khor bsams te/ 'bar ba'i lta bas de bzhin gshegs pa thams cad bkug la/ der gzhug pa dang / bcing ba dang / dbang du byas nas/ bdud rtsi lngas byugs te dum bur byas la/rtsa ba'i sngags kyis bsrungs nas snod gtsang mar gzhag par bya'o/ /de skad du yang de kho na nyid bsdus pa las/ rab tu myur bar bskul ba'i mig /mig gi rdzi mas 'gugs byed pa/ /'bar ba'i lta bas zhes bya ste/ /'gro ba thams cad 'gugs par byed//ces gsungs so/ /de nas de'i 'og tu/ oM a b+ha ga wA na sha satwa sU pra pra ya ts+tsha swA tsa kra sU tra na ya hU~M zhes bya bas nam mkha' la bzhugs pa'i dkyil 'khor las ye shes kyi skud pa blangs la phan tshun rjes su rtogs pa ste/ chos kun phan tshun rjes su 'gro/ / chos rnams thams cad shin tu yang / /rjes su 'gro bar chos kun brjod/ /ces brjod la/ slob ma gau rI'i rnal 'byor dang ldan pa dang lhan cig bsgril lo/ /de nas dzaHgsum gyis slob ma la gtad do/ /bdag nyid kyang de bzhin du brjod nas rdo rje la dkris pa'i skud pa khu tshur g.yon pas bzung ste/nub phyogs su gnas nas/ shar phyogs su gnas pa'i slob ma dang lhan cig tu tshangs pa'i thig dang po gdab po/ /oM badzra sU tra sa ma ya mA ti kra ma hU~M/ sems can don byed dus su ni/ /nam mkhar bzhugs pa'i de bzhin gshegs/ /de dag 'dir gshegs bya ba'i phyir//thig skud sgra yis bskul bar bya/ /de ltar nam mkha' thig gdab pa na/ thig skud gyi sgras de bzhin gshegs pa rnams bskul te 'byon par 'gyur ro/ /de nas bskor phyogs su song ste/ gshin rje'i phyogs su gnas nas/ byang phyogs su gnas pa'i slob ma dang /tshangs thig gnyis pa gdab cing / de'i 'og tu yang de bzhin du gdab bo/ /de nas me mtshams su song ste/ dbang ldan gyi mtshams na gnas pa'i slob ma dang shar logs kyi thig btab la/ yang skor phyogs su rlung mtshams su song ste/bden bral gyi mtshams na gnas pa'i slob ma dang / nub logs kyi thig gdab po/ /de nyid du gnas de slob ma dbang ldan gyi phyogs su song nas byang logs kyi thig gdab la/ yang skor phyogs mi mtshams su song ste/ bden bral gyi mtshams na gnas pa'i slob ma dang /lho logs kyi thig gdab po/ /yang de nyid du gnas te rlung mtshams na gnas pa'i slob ma dang mtshams thig dang po btab nas/ skor phyogs su bden bral gyi mtshams su song la dbang ldan na gnas pa'i slob ma dang mtshams thig gnyis pa gdab po/ /de nas slob dpon dbus su gnas te/thig skud nyis 'gyur du byas la slob mas dbang ldan gyi mtshams nas brtsams te/ phyi rol gyi 'khor lo nyis rim du bskor nas yang slob dpon bdag nyid kyis dbang ldan kyi mtshams nas brtsams te/ nang gi dkyil 'khor nyis rim kun du bskor bar bya'o//de nas bdag nyid bsnyems pa dang bcas shing / smin ma bcum pa'i khro gnyer gyi mig gi khro bo'i lta bas blta zhing hi zhes brjod pas sgo rnams phye la/ oM AHhU~M badzra muHzhes bya ba'i sngags kyis ye shes kyi skud pa gshegs su gsol te/ye shes kyi thig gdab pa'i cho ga'o/ /de bzhin du de bzhin gshegs pa lnga'i kha dog gi tshon rtsi lnga gser la sogs pa'i phyi ma'am/ de ma 'byor na 'bras phye la sogs pa phye ma zhib tu btags te/ dri zhim pos bdug la thod par bzhag ste/sngon bzhin du de bzhin gshegs pa thams cad khro bo'i lta bas bkug la kha dog ji lta ba bzhin du bstims nas/ oM badzra tsi tra sa ma ye hUM/ zhes bya bas mngon par bsngags te/ dkyil 'khor gyi ye shes kyi skud pa oM badzra be+e ga zhes bya ba'i sngags brjod pas yid kyis nam mkha' la bteg la nang du zhugs nas/chos dbyings 'di ni rnam par dag /sems can khams ni rnam grol ba/ /dgyes pa'i rdo rje rgya chen gyi/ /dkyil 'khor snying po bri bar bya/ /zhes brjod de/ tshon rtsi rnams so sor lag pa g.yon pa'i khu tshur gyis bzung la/dbang ldan gyi mtshams nas brtsams te/ ri mo phan tshun ma 'byar ba dang / ya yo med par g.yas skor du bri'o/ /rim pa ni 'di yin te/ nang rol du ni nag po'o/ /de yi phyi rol du dkar po'o/ /de nas ni ser po'o/ /de nas ni dmar po'o/ /tha mar ni ljang gu'o/ /de ltar na ri mo lnga po cung zad cig gi bris nas kham phor la sogs pas bkab ste/phyi nas slob ma rnams kyis ci bder dgye zhing rdo rje shugs kyi tshig brjod nas/ ri mo yid kyis nam mkhar bteg ste 'byung ba dang 'jug par bya'o/ /rdo rje phreng bas bskor ba'i snying po'i dkyil 'khor gyi sa gzhi ni sngon por bya la/shar gyi cha ni nag por bya'o/ /lho'i cha ni dmar po'o/ /nub kyi cha ni ser po'o/ /byang gi cha ni ljang gur byas nas/ dbang ldan gyi mtshams kyi lha rnams la/ sna tshogs pad+ma'i steng du seng ge nag po bri'o/ /de bzhin du me mtshams su ni dge slong dkar po'o//bden bral du ni sprin gyi mdog gi 'khor lo/ /rlung mtshams su ni rdo rje khro bo/ shar sgor ni zangs gri nag po/ /lhor ni rje chung dmar po/ /nub tu ni rus sbal ser po/ /byang du ni sbrul ljang gu'o/ /dbus su ni sna tshogs pad+ma'i steng du sna tshogs rdo rjes mtshan pa'i thod pa dum bu gsum pa dang /zangs gri sngon po bri'o/ /he ru ka phyag gnyis pa la sogs pa'i phyogs la ni rdo rje 'bar ba bri'o/ /bdag med ma'i dkyil 'khor du ni rnal 'byor ma rnams kyi gnas su zangs gri sngon po bri ste tshon dgye ba'i cho ga'o/ /de nas tho rangs kyi dus su bum pa gtsang ma nag por ri spangs pa/lto ba yangs shing mgrin pa dang bcas pa la/ rang rang gi mtshan ma bris pa'i nang du 'bru dang / rin po che dang / sman rnam pa lnga lnga stsal te/ ci nus pa'i ting nge 'dzin la gnas nas rang rang gi sngags yi ge gsum dang spel bas lhag par gnas par bya'o/ / de la nas dang / gro dang / mon sran gre'u dang / 'bras kyi so ba dang / til rnams ni 'bru lnga'o/ /gser dang dngul dang byu ru dang mu tig dang / rgyal po 'khyil pa rnams ni rin po che lnga'o/ /bri ha ti dang / kaN+Da ka ri dang / a pa ra dzi ta dkar po dang / ha sa dang ha sa de ba rnams ni sman rnam pa lnga'o//de la lhag par gnas pa'i rim pa ni 'di yin te/ dri zhim po dang bdud rtsi lnga dang bcas pa'i chu yi ge gsum gyis sbyangs pas yongs su bkang la/ ras kha dog sna tshogs pas mgrin pa bcings te/ shing lo rlon pas kha brgyan la/ me tog sna tshogs kyi phreng bas sbyangs pa'i rnam par rgyal ba'i bum par dkyil 'khor gyi bdag po gzhug go//gzhan dag la ni dkyil 'khor ba rnams so/ /rnam par rgyal ba'i bum pa'i steng du rdo rje bzhag la/ me tog dang bdug pa dang / a r+g+ha dang zhabs bkru ba la sogs pa phul nas/ snga ma bzhin du sngags ci nus par bzlas pas lhag par gnas par bya'o//dzaHhUM baM hoHkhaM raM baM oM a zhes bya ba ni de'i a r+g+ha'i sngags so/ /badzra puSh+pe hU~M swA hA zhes bya ba la sogs pa ni me tog la sogs pa'i sngags so/ /de nas gtor ma byin te slob ma lhag par gnas par bya'o/ /bum pa sta gon la gnas pa'i cho ga'o//de la rgan po dang / byis pa dang / rgyal po dang / rang gi bu rnams ma gtogs par rang rang gi bslab pa dang ldan zhing / theg pa chen po la dad pa la sogs pa shin tu brtags pa'i slob mas maN+Dal byas la/ pus mo sa la btsugs te thal mo sbyar ba dkyil 'khor gyi sgor bzhag ste/slob ma la tshigs su bcad pa 'di bsgrags par bya'o/ /sngags kyi dngos grub don gnyer gang / /dkyil 'khor 'dir ni gzhug par bya/ /bsod nams 'dod pas de las gzhan/ /bdag gzhan 'jig rten pha rol gnyer/ /dad pa chen po ldan pa dag /'jig rten pha rol la dmigs nas/ /blo ldan dkyil 'khor gzhug bya ste/ /'di yi 'bras bu gnyer mi bya/ /gal te 'di 'bras don gnyer na/ /'jig rten pha rol 'grub mi 'gyur/ /'jig rten pha rol la dmigs na/ /'bad pa med par 'di 'bras 'grub/ /de nas rang gi lus la slob ma yid kyis bcug ste/rdo rje'i lam nas byung nas byung nas rang gi 'od kyis shes rab kyi pad+ma'i snying por gnas pa la/ de bzhin gshegs pa thams cad kyis dbang bskur bar bsgoms nas slar phyung ste/ dkyil 'khor du gzhug pa'i phyir slob mas 'di brjod par bya'o/ / bdag med ma yis mgrin 'khyud pa'i/ /dga' chen khyod bdag ston pa ste/ /byang chub chen po'i tshul brtan pa/ /dpa' bo chen po bdag 'tshal lo/ /dam tshig de nyid bdag la stsol/ /byang chub sems kyang bdag la nod/ /dpa' bo dpa' mo'i dbang phyug ma/ /bdag med mar bcas he ru ka'i//gsang ba'i gnas sogs yang dag pa/ /lus gnas cho ga bshad du gsol/ /de nas slob dpon gyis slob ma la 'di brjod par bya'o/ /khyod ni tshul chen snod yin pas/ /bu tshur theg pa chen po yi/ /gsang sngags spyod tshul cho ga ni/ /khyod la yang dag bstan par bya//sku gsung thugs kyi rdo rje can/ /dus gsum sangs rgyas 'byung ba rnams/ /gsang sngags rdo rje'i mthu yis ni/ /ye shes mnyam med yang dag rnyed/ /gsang sngags sbyor ba mnyam med pa/ /shA kya seng sogs mchog gis ni/ /drag po chen po bdud kyi sde/ / stobs chen dag kyang des bcom ste/ /'jig rten mthun par gshegs nas su/ /'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /yang slob mas/ dkon mchog gsum la skyabs su mchi/ /sdig pa thams cad so sor bshags//'gro ba'i dge la rjes yi rang / /sangs rgyas byang chub yid kyis gzung / /zhes lan gsum brjod nas/ /slob ma rtsa ba'i sngags kyis bsrungs la/ /oM AHhU~M zhes bya ba rnams kyis spyi bo dang / mgrin pa dang / snying ga rnams su/ /sa spyod ma dang / mkha' spyod ma dang bdag med ma rnams bltas la/khu tshur g.yas pas rdo rje bzung nas langs te/ snying ga dang / mgrin pa dang / spyi bor tsan+dan la sogs pas byug cing yi ge gsum brjod la/ gnas gsum du rdo rjes reg par bya'o/ /de nas sngags dang bcas pas spyi bor me tog mdun du spos/snying gar byug pa/ mig sngar mar me byin la/ sor bcu gnyis pa'i tshad kyi so shing a shwa t+tha dang u dum bA ra la sogs pa'i rgyu las byung ba/ gas chag med cing drang ba/ rtsa ba'i sngags kyis mngon par bzlas te sbyin no/ /so shing 'chos te ba lang gi ko ba tsam kyis maN+Da la byug par kha shar du bltas te drang por dor ro//de bdag nyid la rtse mo bltas na ni mchog 'grub la/ shar du bltas na ni 'bring 'grub po/ /gzhan dag gis ni 'jig rten pa'i dngos grub 'grub par ston to/ /de nas dri yi chu la oM hrI bi shud+d+ha sarba d+ha rmA sarba pA paM ni Sh+tsa sho d+ha ya sarba bi ka lpa a pa na ya hUM zhes bya bas mngon par bsngags te lan gsum blud la/yi ge d+hI bzlas pa'i ku sha sngas su sbyin zhing / yi ge ha bzlas pa ni stan du sbyin no/ /yi ge hU~M bzlas pa'i skud pa mdud pa gsum dang ldan pa dpung par btags la/ oM badzra satwa sa ma ya ma nu pA la ya/badzra satwa twe no pa tiSh+Tha dr-i D+ho me b+ha ba/ su to Sh+yo me b+ha ba/ a nu ra k+to me b+ha ba/ su po Sh+yo me b+ha ba/ shA shwa to me b+ha ba/ hr-i da ya me a d+hi tiSh+Tha/ sarba sid+d+hi m+me pra ya ts+tsha/ sarba karma su tsa me/ tsi t+taM shri yaHku ru hU~M/ ha ha ha ha hoHb+ha ga wA na badzra mA me ma ny+tsa badzri b+ha ba ma hA sa ma ya satwa AH/de nas tshigs su bcad pa 'dis spro ba bskyed par bya ste/ 'jig rten du ni kun mkhyen dag /u dum bA ra'i me tog bzhin/ /brgyal ma na ni res 'ga' zhig /'byung 'gyur yang na mi 'byung ngo / /gsang sngags spyod pa'i tshul 'byung ba//de bas kyang ni dkon pa ste/ /gang gis sems can mnyam med don/ /bla med byed par nus pa yin/ /bskal pa bye ba du mar ni/ /sngon du sdig pa byas pa gang / /dkyil 'khor 'di 'dra mthong ma thag /de dag zad par 'gyur yin na/ /grangs pa mtha' yas sngags spyod pa'i//tshul la gnas pa smos ci dgos/ /skyob pa'i gsang sngags bzlas na ni/ /go 'phang bla na med par 'gyur/ /gang gis spyod pa mchog 'di la/ /blo gros shin tu dri med na/ /sdug bsngal thams cad 'byung ba yi/ /ngan 'gro de yis gcod par 'gyur/ /bdag nyid chen po khyed rnams kyis//rnyed pa mnyam med de ring rnyed/ /gang phyir rgyal ba sras bcas pa'i/ /bdag nyid chen po thams cad kyis/ /bstan pa 'di la khyed rnams kun/ /yongs su bzung ste skye bzhin du/ /de phyir khyed rnams theg chen du/ /legs pa nyid du 'gro bar 'gyur//theg pa chen po cher 'byung ba'i/ /lam mchog 'di ni dpal dang ldan/ /khyed rnams der ni dong bas na/ /de bzhin gshegs pa nyid du 'gyur/ /de'i 'og tu slob ma rtsa ba'i sngags gyis bsrungs la/ thal mo sbyar te tshig 'di brjod nas khyad par can gyi sdom pa 'dzin du gzhug go//mi ldog 'khor lo'i dbang bskur bas/ /mgon pos bdag la stsal nas kyang / /'khor lo lha yi de nyid dang / /slob dpon yongs su phrin las gsungs/ /sangs rgyas kun gyi dam tshig dang / /sdom pa bla na med pa'ang gsungs/ /de nas rmi lam ci zhig mthong ba nang par nga la smros shig ces bsgo ba las/lha la lhag par mos pas rang gi gnas su btang ste/ slob ma sta gon la gnas pa'i cho ga'o/ /de nas slob dpon dkyil 'khor gyi khang par zhugs nas/ slob ma bsrung ba'i phyir 'khor lo can gyi sngags bzla zhing gtor ma btang ngo //nang par sngar langs la slob ma bos la rmi lam dge pa dang sdig pa shes par byas nas/ gal te sdig pa mthong na rtsa ba'i sngags bzlas pas bsrung ngo / /rdul tshon bri ba zin nas dri zhim po'i chus bkrus te/ gos gtsang ma bgos nas rdul tshon gyi lhag ma rnams oM AHhU~M badzra muH/zhes bya bas gshegs su gsol la/ gnas dben par bzhag go/ /dkyil 'khor gyi phyi rol du ni ba'i lci bas byugs la/ dri zhim po'i chus bsang gtor byas te/ me tog sil ma dgram mo/ /de nas bla re bre ba dang / rgyal mtshan la sogs pas gnas ji lta ba bzhin du bris nas bum pa rnams gnas su gzhag ste/rnam par rgyal ba'i bum pa ni nang gi shar phyogs su gzhag go/ /las thams cad pa'i bum pa ni skye bo kun la bsang gtor bya ba'i phyir rdo rjes mtshan cing yi ge gsum bzlas la/ dkyil 'khor gyi sgo'i g.yas phyogs su bzhag go/ /yang bum pa kun las chu nyung zad nyung zad a r+g+ha'i snod du blugs la rnam par rgyal ba'i bum pa'i steng du gzhag go/ /de nas mchod pa'i yo byad ci 'byor pa mar gyi mar me la sogs pa bshams nas dkyil 'khor gyi khang pa'i sgo nang du slob dpon stan 'jam pa la 'dug ste/rim pa 'dis dkyil 'khor bsgrub pa brtsam par bya'o/ /lo bcu gnyis ma'am bcu drug ma'i rang gi rigs kyi bu mo'am/ gzhan yang rung ste/ ma la sogs pa'i yon tan dang ldan pa bzung la bsgrub pa'am/ma 'byor na ting nge 'dzin kyang rung ste/ dbang bskur ba'i bar du sgrub thabs las byung ba bzhin bskyed nas/ rdo rje dang pad+ma byin gyis brlab pa sngon du 'gro bas shes rab dang snyoms par zhugs pa'i bde ba'i sgras/ de bzhin gshegs pa thams cad bkug ste/rang gi lus la bcug la dkyil 'khor gyi 'khor lo'i tshul du nam mkha' thams cad khyab par spos te/ slar yang bkug nas dkyil 'khor gyi steng du bzhag la/ zhal brgyad pa'i sngags kyis bgegs bsal te/ oM badzra gau rI A kar+sha ya dzaH/ oM badzra tsau rI pra be sha ya hU~M/ oM badzra be+e tA lI ban+d+ha ya baM/ oM badzra g+ha sma rI ba shiM ku ru hoH/ zhes bya ba'i sngags rnams kyis lcags kyu la sogs pa thogs pa'i gau rI la sogs pas nam mkha' las ye shes kyi dkyil 'khor rang rang gi mtshan ma'i lha la dgug pa dang /gzhug pa dang bcing ba dang / dbang du byas la yi ge brgya pas brtan par bya'o/ /de'i 'og tu a r+g+ha phul la me tog la sogs pas yang dag par mchod nas/ mthar oM AH badzra wa sta hU~M zhes pas ras zung du sbyar ba lha rnams la phul la/ yang nang gi mchod pas mchod nas/rdo rje dril bu gsil te/ mi bskyod pa ni ye shes che/ /rdo rje dbyings ni mkha' chen po/ /rdo rje gsum mchog dkyil 'khor gsum/ /rdo rje mkha' 'gro phyag 'tshal bstod/ /rnam par snang mdzad dag pa che/ /rdo rje zhi ba dga' ba che/ /rang bzhin gyis ni 'od gsal mchog /sangs rgyas mkha' 'gro phyag 'tshal bstod/ /rin chen rgyal po rab tu zab/ /rdo rje nam mkha' dri ma med/ /rang bzhin dag pas gos pa med/ /rin chen mkha' 'gro bstod phyag 'tshal/ /rdo rje mi 'chi rgyal po che/ /mi rtog nam mkha' rdo rje 'dzin/ / 'dod chags pha rol phyin pa brnyes/ /pad+ma mkha' 'gro bstod phyag 'tshal/ /don yod rdo rje rdzogs sangs rgyas/ /bsam pa thams cad rdzogs mdzad pa/ /dngos nyid dag pa nyid las byung / /sna tshogs mkha' 'gro bstod phyag 'tshal/ /zhes bya bas bstod la/ /shes rab kyi pad+mar gnas pa'i bdud rtsis bdag dang dkyil 'khor gyi lha rnams la gtor bas mnyes par bya'o//de nas sgrub g.yog dkyil 'khor du gzhag ste/ bdag nyid phyir byung nas rgya chen po'i gtor ma rim pa 'dis btang ngo / /dang po yaM las byung ba'i rlung gi dkyil 'khor sngon po gzhu lta bu ba dan gyis mtshan pa bsams la/de yi steng du raM las byung ba'i me'i dkyil 'khor gru gsum bsam mo/ /der gnas pa'i a las bskyed pa'i thod par dam tshig gi rdzas rnams oM gyis byin gyis brlabs par bsams la/ steng gi nam mkhar hU~M las byung ba'i rdo rje 'bar bsgoms te/'og gi cha'i rlung gis me sbar bas steng gi rdo rje dang bcas pa'i rdzas rnams bzhu ste/ ro gcig du gyur pa 'od gsal bar bsams la/ de'i 'od kyis 'jig rten kun du khyab pa'i sangs rgyas ma lus pa'i thugs ka na gnas pa'i sa bon las bdud rtsi drangs te/ der phab nas bdud rtsi mchog tu bsgrub po/ /de nas nam mkha'i phyogs su chos 'byung ba'i phyag rgya chen po pad+ma 'dab ma brgyad kyis mtshan pa bltas la/ rang gi snying ga'i sa bon las byung ba'i gau rI la sogs pa'i mtshan ma thogs pa rnams kyis 'byung po thams cad bdug nas der gzhug pa bcing ba dang dbang du bya ba'o//de la pad+ma'i steng du ni tshangs pa la sogs pa'i lha rnams bsam mo/ /pad+ma'i 'dab ma rnams la ni so so'i phyogs skyong ba rnams 'god do/ /pad+ma'i 'og tu ni mi dang / yi dags dang / byol song dang / dmyal ba dang / klu brgyad kyi bar du bsams te/ thams cad kyang sgrub thabs las 'byung ba'am/ skad cig ma'i rim pas/ rdo rje dang dril bu thogs shing g.yas brkyang ba'i lha'i lus su bskyed la/ spyan ma la sogs pas dbang bskur bar bltas te/ phyag rgyas gdab bo/ /de la tshangs pa la sogs pa ni dkar po ste sku rdo rje mtshan pa'o//dbang po la sogs pa ni nag po ste thugs rdo rje mtshan pa'o/ /klu la sogs pa ni dmar po ste gsung rdo rje mtshan pa'o/ /phyi nang gi mchod pas mchod nas bstod de/ thams cad lce'i pad+ma'i 'dab ma la hU~M las skyes pa'i rdo rje las 'od zer bsams nas sngags 'dis gdab par bya'o//oM i n+da dza ma dza la dza k+kha b+hU ta bA h+ni bA u rak+kha tsan+da sudz+dza mA da bap+pa tA la pA tA laM/ a Sh+Ta sab+ba swA hA/ i daM ma liM b+hu ny+dza dziM g+haM phul+la d+hU b+ba mAM sa piM g+ha aM b+ha sap+pa ka dz+dza sA d+ha kha n+ti khu Ni pha Da ga da/ oM a kA ro mu khaM sarba d+ha rmA NAM A d+ya nu t+pa n+na twA ta oM AH hUM phaT swA hA/ de nas oM hrI bi shud+d+ha sarba d+ha rmAH pA pa ni sh+tsa s+ya saM sho d+ha ya sarba bi ka lpAM a ba na ya hUM/zhes bya bas 'thor 'thung byin la yi ge brgya pa'i mthar muH/ zhes brjod la slar btang ngo / /de nas dkyil 'khor gyi khang par zhugs te/ dgyes pa'i rdo rje phyag gnyis pa'i rnal 'byor pa slob ma dang bcas pas dril bu gsil zhing dkyil 'khor bskor la/slar phyir byung ste/ snga dro rgyas pa'i sbyin sreg bya'o/ /yang nang du zhugs te/ dkyil 'khor gyi bdag po las dkyil 'khor du zhugs pa nas/ rjes su gnang ba'i bar du blos blangs la/ de nas 'dod chags chen po las byung ba'i//'khor lo de nyid gzugs brnyan zhing / /rang gis shes nas slob ma rnams/ /gzhug phyir gtso la gdab par mdzod/ /nam mkha' las byung mtshan nyid phyir/ /thog ma tha ma med pa'i mchog /sems dpa' rdo rje che rang bzhin/ /dgyes pa'i rdo rje bdag sgrubs shig /dngos grub chen po kun gyi mchog /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag sgrubs shig /nyes pa med la rtag pa ste/ /'dod chags kun gyi rjes su chags/ /'dod chags chen po dga' ba che//bcom ldan de nyid bdag sgrubs shig /shin tu dag pa kun gyi mchog/ /gdod nas grol ba de bzhin gshegs/ /kun du bzang po kun gyi mchog /byang chub sems su bdag sgrubs shig /dngos grub chen po kun gyi mchog /dbang phyug chen po phyag rgya'i mchog/ / grub pa'i rdo rje cher bstod pas/ /rdo rje bsnyems pa bdag po'i bdag /sems can kun gyi yid khyab pa/ /sems can kun gyi snying la gnas/ /sems can kun gyi yab nyid de/ /'dod chags mnyam pa'i dam tshig mchog /ces bya ba'i dam tshig gi glu blangs nas/ bden pa'i tshig 'di bsgrags par bya ste/shes rab thabs bdag dkyil 'khor gyi/ /bden pa'i byin rlabs gang yin pa/ /bden pa de yi mgon khyod kyis/ /bdag gi 'dod pa skong byed shog /chos rnams gzugs brnyan lta bu ste/ /gsal zhing dag la rnyog pa med/ / gzung du med cing brjod du med/ /rgyu dang las las byung ba dang / /de bzhin de kho na las byung / /bden pa de yis dkyil 'khor ni/ /gzugs brnyan gsal bar sems can rnams/ /dri med thams cad mthong bar shog /de'i rjes la rdo rje la rdo rje can dang bcas pa'i rnal 'byor ma rnams mnyes par bya ba'i phyir nang gi sbyin sreg bya ste/ma la sogs pa'i yon tan brgyad dang ldan pa dam tshig can gyi bu mo brgyad gos med par gau rI la sogs pa byas la/ bdag nyid dang gos med par rgyud las gsungs pa'i rdo rje'i slob dpon du byas nas/ dkyil 'khor gyi khang pa'am gzhan du'ang rung ste/ dam tshig can gyi skye bo mong po tshogs pa la/ dam tshig gi rdzas cho ga bzhin du sbyangs nas/ snying ga'i nyi ma la gnas pa'i he ru ka la ye shes kyi dkyil 'khor ma lus pa spyan drangs nas/ rdo rje'i lce dang ldan pa'i sbyin sreg bya'o//de yang / mang po ci bya dgos med par/ /snying ga'i sa bon me 'bar la/ /der ni ga bur btung bya zhing / /dkyil 'khor pa la nges rab gtor/ /btung ba de yis rnal 'byor ba/ /myur du sangs rgyas thob par 'gyur/ /zhes bya'o/ /de nas shin tu myos pa ma yin par langs te/slob ma bos nas mtshan mo'i dus su maN+Dal byas te/ ci 'byor ba'i yon dbul lo/ /de nas slob ma bsrung ba'i phyir lha'i mos pa byas la/ dam tshig gi rdzas byin te/ yol ba'i phyi rol du gzhag la/ /dkyil 'khor kyi sgo drung du gnas pa'i bum pa'i chus bsang gtor byas nas/a khaM bI ra hU~M zhes bya ba'i sngags bzlas pa'i gdong g.yogs bcings te me tog gi phreng ba bzung ste/ dkyil 'khor du gzhug pa'i phyir/ bu khyod ci la dga' ba smros/ zhes dri bar bya'o/ /des kyang / skal bzang bde chen bdag dga'o/ /zhes brjod do/ / de nas yang / de yis bu khyod ci zhig bya/ /zhes slar dris pa dang / sangs rgyas mchog gi dam tshig go/ /zhes brjod do/ /de nas oM sarba yo ga tsit+ta ut+da da ya mi zhes bya bas byang chub tu sems bskyed la/ thog med dus nas 'khor ba nas/ /bdag gis sdig pa gang bgyis dang //bgyid stsal gang yin de ring bshags/ /gtso bo slar yang sdom par bcas/ /rgyal ba sras bcas rnams dang ni/ /'gro gzhan legs byas gang yin pa/ /de dag kun la yi rang ste/ /byang chub tu ni bdag gis bsngo/ /sangs rgyas chos dang dge 'dun la//de ring bdag ni skyabs su mchi/ /'khor ba'i sdug bsngal bcad pa dang / /dge ba rnams ni spel ba'i phyir/ /byang chub sems gnyis bskyed nas su/ /'gro rnams de ring don du gnyer/ /sangs rgyas gyur nas 'gro ba rnams/ /ma lus srid mtsho las bsgral bgyi//de nas me tog dang bcas pa'i rdo rje/ oM su ra te sa ma ya s+t+waM ho sid+d+hi badzra ya thA su khaM zhes bya bas de'i snying gar bzhag la/ de ring khyod de bzhin gshegs pa thams cad kyis byin gyis brlabs kyis/ gsang chen dam pa 'di de bzhin gshegs pa thams cad kyi dkyil 'khor du ma zhugs rnams la smra bar mi bya zhing /ma dad pa rnams la yang ma yin no zhes bsgo la a khaM bI ra hUM/ zhes bya ba'i sngags kyis dkyil 'khor gyi khang par bcug la/ 'di skad ces brjod par bya ste/ de ring khyod de bzhin gshegs pa thams cad kyi rigs su zhugs te/gzhan yang ngas khyod la ye shes gang gis de bzhin gshegs pa thams cad kyi dngos grub kyang thob par 'gyur na/ dngos grub gzhan lta smos kyang ci dgos te/ de lta bu'i rdo rje ye shes bskyed par bya'i/ khyod kyis dkyil 'khor ma mthong ba rnams kyi mdun du smra bar mi bya ste/khyod dam tshig nyams par gyur ta re/ de nas spyi bor rdo rje bzhag la/ 'di ni khyod kyi dam tshig gi rdo rje ste/ gal te tshul 'di su yang rung ba la smras na/ 'dis khyod kyi mgo 'gems par byed do zhes brjod la/ slar yang snying gar rdo rje bzhag ste/oM rdo rje sems dpa' nyid khyod kyi/ /snying la de ring yang dag bzhugs/ /gal te tshul 'di smras gyur na/ /de ma thag tu dral te gshegs/ /zhes brjod nas mna' bsgag par bya ste/ rnam par rgyal ba'i bum pa'i steng na gnas pa'i pad+ma'i nang du son pa'i bdud rtsi lnga la/oM badzra a mr-i ta u da Tha zhes bya ba mngon par bzlas la/ 'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ni/ /rdo rje bdud rtsi'i chu 'dis 'grub/ /ces brjod de blud la/ de ring phyin chad khyod kyi rdo rje sems dpa' nga yin gyis/ngas gang 'di gyis shig ces bsgo ba rnams bu khyod kyis bya dgos la/ nga la brnyas par yang ma byed cig /byas na yang ba ma spangs par 'chi ba'i dus byas nas sems can dmyal ba chen por ltung bar gyur ta re zhes brjod do/ /mna' bsgag pa'i cho ga 'dis brtan por byas la dbab par bya ste/dam tshig gi chu'i cho ga'o/ /de nas slob mas de bzhin gshegs pa thams cad kyis byin gyis rlobs la/ rdo rje sems dpa' bdag la dbab par gsol zhes lan gsum du gsol ba dang / slob ma'i snying gar laM las byung ba'i dbang chen gyi dkyil 'khor sna tshogs rdo rjes mtshan pa la hU~M/mgrin par paM las byung ba'i chu'i dkyil 'khor bum pas mtshan pa la AHspyi bor yaM las byung ba'i rlung gi dkyil 'khor la rgyal mtshan gyis mtshan pa la ha/ rkang pa'i mthil du rlung dang me'i dkyil 'khor gyi steng du yi ge dz+haiMHbsgoms la/rdo rje dril bu gsil zhing bsgyings pa dang bcas pas/ A be sha ya s+t+waM ba yA ra ra ra ra tsa la ya tsa la ya hU~X AH ha dz+haiM/ zhes pa lan brgyar bzlas te dbab po/ /babs pa'i lce la a dmar po bsams la/ gsungs shig rdo rje dge mi dge/ /zhes dris na legs pa dang nyes pa ston par 'gyur ro//de la thugs babs pas ni yongs su shes pa skye'o/ /gsung babs pas ni sngags smra bar 'gyur ro/ /sku babs pas ni mkha' la gnas so/ /oM tiSh+Tha badzra/ zhes bya bas babs pa brtan por byas te/ 'di ni ye shes dbab pa'i cho ga'o/ /de nas//snying po'i dkyil 'khor 'di ru ni/ /bdag gis slob ma gzhug par bgyi/ /lha yi rigs kyi rim pa dag /bsod nams bzhin du de bzhin shog /'dis ni dngos grub gang 'grub dang / /rigs ni gang gi snod du 'gyur/ /'di yi bsod nams ci yod las/ /dkyil 'khor 'dir ni de bzhin shog /ces bya bas bden pa'i byin brlabs byas la/ /mig lam du snang ba'i 'od kyi bye brag dri'o/ /des kyang smra bar bya ste/ de la dkar po dang / ser po dang / dmar po dang / sngon po'i dbye bas zhi ba dang rgyas pa dang / dbang dang mngon spyod kyi dngos grub rnams kyi snod du go rims bzhin du bstan la/gti mug gis mnan 'gro bltas nas/ /zhes bya ba la sogs pa'i tshigs su bcad pa lngas bstod te/ pra tA ts+tshi badzra ho/ /zhes bya ba 'dis slob mas me tog gi phreng ba dkyil 'khor du dor bar bya'o/ /de la gal te sangs rgyas rnams kyi dbu dang /mdzod spu dang spyi gtsug tu lhung na ni phyag rgya chen po'i dngos grub tu 'gyur ro/ /gal te spyan dang zhal du lhung na ni sngags kyi dngos grub tu 'gyur la/ yan lag gi mchog tu lhung na mchog 'grub/ /yan lag gi dbus su lhung na 'bring 'grub/ /yan lag gi smad du lhung na tha ma 'grub/sku las ring du lhung na ring zhig na 'grub bo/ /nye bar lhung na myur du 'grub bo/ /lha gang la bab pa ni gnas kyi ri mor shes par byas la gnyis kyi bar du lhung na ni gang la nye ba de'i rigs su shes par bya'o/ /dkyil 'khor gyi phyi rol du lhung na ni dngos grub phran tshogs 'grub po/ /gal te ri mo la lhung na ni bskyar te dor du gzhug go//ci ste lan gsum du ri mo la bab pa dang / phyi'i rdo rje re ba'i phyi rol du lhung ba rnams la ni dngos grub med par shes par bya ste/ me tog dor ba'i cho ga'o/ /de nas me tog de blangs te/ /stobs po chen po sems dpa' che/ /'di ni so sor gzung bar gyis//zhes brjod la slob ma'i spyi bor bcings nas/ mig gnyis su yi ge oM bsgoms la/ oM rdo rje sems dpa' nyid khyod kyi/ /mig 'byed par ni nan tan mdzad/ /phyo bas thams cad mthong 'gyur ba/ /rdo rje'i mig ni bla na med/ /ces brjod de/ /gdong g.yogs bkrol la//thar pa chen po'i grong khyer mchog /ltos shig ltos shig sems dpa' che/ /me tog gang du lhung gyur pa/ /de ni khyod kyi he ru ka/ /zhes brjod la/ dkyil 'khor ba ltar bcug ste/ /sgo srung ma nas brtsams nas gtso bo'i bar du ming brjod pa sngon du 'gro bas bstan par bya ste/dkyil 'khor du gzhug pa'i cho ga'o/ /dbang bskur nas ni de nyid bstan/ /gzhan du na ni dngos grub dag /shin tu ring bar 'gyur ro zhes/ /rdo rje 'dzin pas yang dag gsungs/ /de bas na dngos grub kyi phyir rjes su mthun pa'i yon rdo rje bla ma la phul nas/ byang chub rdo rjes sangs rgyas la//mchod chen ji ltar stsal ba bzhin/ /bdag kyang rab tu bskyab pa'i phyir/ /nam mkha'i rdo rjes deng bdag stsol/ zhes brjod la phyag bya'o/ /slob dpon gyis kyang de la dbang bskur ba'i phyir/ rtsa ba'i dkyil 'khor gyi phyi rol du snying po'i dkyil 'khor gyi phyed tshad tsam gyi dkyil 'khor gru bzhi pa sgo bzhi pa bris te/de'i dbus su pad+ma 'dab ma brgyad ge sar dang bcas pa bri'o/ /sgo rnams dang mtshams rnams su ni lha mo rnams kyi mtshan ma bris la/ slob ma'i lus khrus bya zhing tsan+dan dang me tog gi phreng bas brgyan pa der bzhag la/ shis pa'i cho ga bya ste/yungs kar la bcom ldan 'das kyi rtsa ba'i sngags bzlas te/ g.yas g.yon gyi khu tshur gyis bzung nas lan gnyis gnyis su bskor la/ /kham phor gyi mer blugs so/ /de ltar lan gsum byas nas/ /de bzhin du chu'i shis pa lan gsum du bya'o/ / slar yang rtsa ba'i sngags kyis bsrungs la nye reg bya ste/ de nyid bzlas pa'i dris byug pa dang / me tog gi phreng ba mgor bcings shing / rtsa ba'i sngags kyis ar+g+ha byin la/ mar dang sa rdzar bsregs pa'i bdug pas bdugs te/ shis par bya ba'i cho ga'o/ /de nas he ru ka'i gzugs su dmigs la/mig la sogs pa byin gyis brlabs nas/ steng du bla re bres la/ g.yas logs su gdugs dkar po gser gyi yu ba can yi ge hUM bzlas pa yongs su gzung ngo / /g.yon logs su ni rgyal mtshan dang ba dan bsgreng zhing gos sna tshogs bris la/ rnga bo che dang / zangs kyi dung bud pa dang / dung gi bud pa la sogs pa ca co'i sgras nam mkha' gang bar bsams la/ rdo rje dril bu dkrol zhing / phun sum tshogs pa mnga' ba gser gyi ri bo 'dra/ /'jig rten gsum gyi mgon po dri ma gsum spangs pa/ /sangs rgyas pad+ma rgyas pa'i 'dab 'dra'i spyan mnga' ba//bkra shis dam pa de yis deng 'dir zhi byed shog /de yis nye bar bstan pa'i mchog rab mi g.yo ba/ /'jig rten gsum na grags shing lha dang mi yis mchod/ /chos kyi dam pa skye dgu rnams la zhi byed pa/ /'di ni 'jig rten dge ba'i bkra shis gnyis pa yin//dge 'dun dam pa chos ldan thos pa'i bkra shis phyug /mi dang lha dang lha ma yin gyi sbyin pa'i gnas/ /tshogs kyi mchog rab ngo tsha shes dang dpal gyi zhing / /de ni 'jig rten dge ba'i bkra shis gsum pa yin/ /zhes bya ba la sogs pa'i bkra shis kyi glu blangs la/seng ge'i khri'am/ shing stegs la hU~M bzlas par bzhag nas dbang bskur te/ dang po rnam par rgyal ba'i bum pa'i chus gtor ro/ /de'i 'og tu lha mo rnams kyi bum pas so/ /de ltar phyi'i dbang bskur byin nas nang gi dbang bskur sbyin par bya ste/rang gi snying ga'i sa bon gyi 'od kyis phyogs bcu na bzhugs pa'i de bzhin gshegs pa'i 'khor lo bkug la/ thugs rje'i bdag nyid can rnams kyis/ /'di la dbang bskur rab tu stsol/ /zhes yid kyis bskul la/ de dag rang gi 'od las byung ba'i dbang bskur ba'i yo byad thams cad kyis dbang bskur bar bltas la/sangs rgyas rnams ni thams cad kyi/ /gsang gsum gnas las byung ba yi/ /khams gsum kun gyis phyag byas pa/ /rdo rje dbang bskur chen po sbyin/ /zhes bya bas bkru'o/ /de'i rjes la bcom ldan 'das rdo rje lha mo dang bcas pa de dag slob ma'i ba spu'i bu gar btsud la/lus ma lus pa de'i rang bzhin du byas nas/ mi bskyod pa'i cod pan gyi sbyor bas gnas par bsams te/ mi bskyod pa'i rang bzhin gyi chu'i dbang bskur ro/ /de nas bcom ldan 'das kyi rtsa ba'i sngags bzlas pa'i gos dang dri la sogs pa byin la/snga ma bzhin gsol ba 'debs su bcug ste/ gser la sogs pa'i khams kyi rang bzhin gyi lugs ma'am/ /bris pa'am/ de ma 'byor na dar dang ras kyi rang bzhin las byas pa'i cod pan mgor bcings la/sngar bstan pa'i sngags kyis nam mkha'i khams na bzhugs pa'i de bzhin gshegs pa thams cad rin chen dbang phyug gi gzugs kyis der bzhugs par bsams te/ rdo rje nyi ma'i rang bzhin gyi cod pan gyi dbang ngo / /de nas rdo rje rtse lnga pa khu tshur g.yas par bzung nas/slob ma'i snying ga la sogs par gtugs te/ sangs rgyas kun gyi rdo rje'i dbang / /de ring khyod la bskur bar bya/ /'di de sangs rgyas thams cad nyid/ /shin tu grub phyir rdo rje zung / /zhes bya bas lag pa g.yas par rdo rje sbyin te/ snang ba mtha' yas kyi rang bzhin gyi rdo rje'i dbang ngo //de nas lag pa g.yon par dril bu byin la/ lag pa g.yas g.yon rdo rje dril bu dang ldan pas 'khyud pa'i tshul du bzhag la/ oM badzra a d+hi pa ti s+t+waM/ a b+hi sha ny+tsi mi tiSh+Tha badzra sa ma ya s+t+waM zhes brjod do/ 'di ni dam tshig rdo rje'i rang bzhin gyi bdag po'i dbang ngo //de nas rdo rje dril bu slob ma'i spyi bor bzung la/ oM badzra satwa s+t+waM/ a b+hi shiny+tsa mi badzra nA ma a bi She ka ta/ kye dpal rdo rje che ge mo zhes lugs dang mthun pa'i ming rnams las gang 'dod pa gdags/ gang gang snang ba de dang de/ he ru ka dpal rang nyid gtso//gang phyir chos rnams rnam dag pas/ /sangs rgyas ye shes rang bzhin nyid/ /ces slob ma la bsgrags te/ 'dis ni rtag pa'i rang bzhin gyi ming gi dbang ngo / /dbang bskur ba lnga po 'di dag gis ni rgyud la sogs pa nyan pa dang / bshad pa dang /sgrub pa'i snod du 'gyur te/ go rims bzhin du me long lta bu dang / mnyam pa nyid dang / so sor rtog pa dang / bya ba grub pa dang / chos kyi dbyings kyi ye shes rnams te/ rdo rje slob dpon gyis rdo rje slob ma bla ma'i man ngag bzhin mkha' 'gro ma rnam pa lngar bsams la sbyar ro//de dag ni spyan la sogs pa'i rig pa lnga'i las yin pa dang / ma rig pa bzlog pas na rig pa'i dbang ngo / /de nas mi ldog 'khor lo zhes bya ba la sogs pas sngar sdom pa bzung ba'i slob mas/ bdag dang gzhan gyi don gyi phyir/ /rdo rje slob dpon dbang bskur ba//thugs rje can khyod bka' drin gyis/ /bdag la de ring stsal du gsol/ /zhes gsol ba btab pa dang / nam mkha' khyab pa'i de bzhin gshegs pa lha mo dang bcas pa rnams kyis dbang bskur bar bsgoms la/ rdo rje che dang dril bu che/ /zung shig rdo rjer byin gyis brlabs//de ring rdo rje slob dpon gyur/ /slob ma'i tshogs rnams bsdu bar gyis/ /zhes bya bas slob ma bskul la/ /dam tshig gsum po 'dzin du gzhug ste/ hUM gis rdo rjer bsgoms la/ /'di de sangs rgyas thams cad nyid/ /rdo rje sems dpa'i phyag na gnas//rtag tu khyod kyis kyang gzung ste/ /phyag na rdo rje'i brtul zhugs brtan/ /oM sarba ta thA ga ta sid+d+hi badzra sa ma ya tiSh+Tha e Sha s+t+waM d+ha ra ya mi hi hi hi hi hUM zhes bya ba 'dis slob mas rdo rje bzung la/ de kho na nyid 'di brjod de/ thog mtha' med pa'i sems dpa' ni/ /rdo rje sems dpa' dga' ba che//kun tu bzang po thams cad bdag /rdo rje snying po bdag po'i gtso/ /bcom ldan 'das dpal mchog dang po'i skyes bu'o/ /oM ma hA badzra hUM/ de nas a las bskyed pa'i dril bu/ 'di de sangs rgyas thams cad kyi/ /shes rab dbyangs kyis rjes 'gror brjod//khyod kyis kyang ni rtag tu bcang / /byang chub mchog tu rgyal ba bzhed/ /ces bya ba 'dis dril bu byin la/ srid pa rang bzhin dag pa'i phyir/ /rang bzhin gyis ni dngos med byas/ /rang bzhin dag pa'i sems ldan pa/ /srid pa dam pa mchog tu gyed/ /ces bya ba'i chos skyis dril bu dkrol bar bya ste/oM badzra g+ha N+De a zhes bzlas so/ /de'i rjes la/ shes rab lo grangs bcu gnyis pa/ /lag gnyis kun du 'khyud par ldan/ /rdo rje dril bu'i sbyor ba yis/ /slob dpon gyi ni dbang du 'dod/ /ces gsungs pas/ rang gi lha'i phyag rgyar byin gyis brlab par bya'o//de yang / /yid kyis lus ni brten pa'i phyir/ /dam tshig phyag rgya zhes byar brjod/ /gang gis lus kun brten byed pa/ /des na phyag rgyar rab tu grags/ /zhes bya ba'i mngon par rtogs pa bskyed la rdo rje sems dpa'i rnam par bltas te/ me tog la sogs pas mchod cing bstod par bya ste/ bsnyems pa dang bcas pas me tog gcig slob ma la bsnun la/ deng nas brtsams te rdzogs sangs rgyas/ /sras dang bcas rnams rnam rol cig /rdo rje bsnyems pa'i rnal 'byor gyis/ /dga' ston bde ba'i mchod pa bgyis//a sgeg dang bcas pas phreng ba 'phang / /sangs rgyas thams cad mchod par bya/ /des ni bcom ldan 'bral mi 'gyur/ /phreng ba de ni rgyan yin no/ /oM lus can kun la dam chos kyi/ /khyod kyis glu ni blang bar bya/ /de yis bde gshegs dngos grub ni/ / myur du bde ba myong bar 'gyur/ /gi/ de ni thal mo'i gar gyis ni/ /sangs rgyas thams cad chags par byas/ /sangs rgyas 'du ba'i phrin las kyis/ /gar mkhan tshul du bsgyur bar gyis/ ho rdzogs sangs rgyas la spos phul pas/ /brtul zhugs bzang pos legs tshim gyis//lus can bde gshegs cha lugs su/ /ye shes kyis ni tshim par gyis/ a/ sangs rgyas rnams la me tog dor/ /byang chub yan lag tshogs 'gyur bas/ /mtshan dang dpe byad ldan pa yis/ /bde gshegs sku ni thob par gyis/ /b+huM/ chos kyi me ni legs spar bas//rdo rje chos dang 'dra ba ru/ /sems can ma rig ldongs pa la/ /ye shes sgron mes snang bar gyis/ /pra/ rgyal ba rnams la dri phul bas/ /tshul khrims de bzhin shes rab dang / /rnam grol ye shes mthong ba yis/ /byang chub lus can rnams la bsgos//g+ha/ de yi 'og tu gser gyi thur ma la bcom ldan 'das kyi rtsa ba'i sngags bzlas te/ ji ltar mig mkhan rgyal po yis/ /'jig rten ling tog bsal ba ltar/ /bu khyod kyis ni mi shes pa'i/ /ling tog rgyal ba rnams kyis bsal/ /oM badzra ni trA a ba ha ra pa Ta laM hri tra zhes bya bas mig la byug ste dag par bya'o//de nas me long bstan te/ chos rnams gzugs brnyan lta bur ni/ /gsal zhing dag la rnyog pa med/ /gzung du med cing brjod du med/ /rgyu dang las las kun du byung / /rang bzhin med cing bdag med pa/ /de ltar chos rnams shes byas nas//sems can don ni mnyam med byos/ /'on kyang skyob pa'i sras su skye/ /de nas a las bskyed pa'i dril bu byin te/ thams cad nam mkha'i mtshan nyid de/ nam mkha' la ni mtshan nyid med/ nam mkha' dang ni mnyam sbyor bas/ /kun mchog mnyam pa nyid du gsal//zhes bya bas dkrol bar bya'o/ /yang ho zhes bya bas mda' gzhu byin la/ de bzhin gshegs pa thams cad la rjes su chags par byos shig/ /ces bsgo la/ phyogs bzhin mda' bzhi 'phang ba dang / steng 'og tu yang re re 'phen du gzhug go//yang a badzra sa twa zhes bya ba 'dis me long bstan la/ rdo rje sems dpa' me long ltar/ /gsal zhing dag la rnyog pa med/ /bu khyod kyi ni snying la zhugs/ /rdo rje sems dpa' rang nyid gtso/ /zhes bya ba dang / gang yang sangs rgyas thams cad kyi bdag po byang chub kyi sems ni 'di nyid yin par shes par gyis shig ces brjod do//oM badzra he tu zhes bya bas 'khor lo rkang pa'i bar du bcug la/ oM badzra b+ha Sha raM zhes bya bas lag pa g.yas par dung byin la/ g.yon par yi ge a la he badzra'i po ti byin la/ dril bu yang byin te dkrol zhing /deng nas brtsams te sems bskyed pa/ /tsam gyis chos kyi 'khor lo bskor/ /khyod kyis the tshom dogs med par/ /yid gnyis med pa'i sems kyis su/ /chos kyi dung ni bla med pa/ /dri med kun du gang bar gyis/ /sngags spyod tshul gyi cho ga rnams//skye bo rnams la rtag tu shod/ /de ltar byas na sangs rgyas la/ /phan 'dogs drin du gzo zhes bya/ /rdo rje 'dzin pa de kun yang / /khyod la rtag tu srung bar mdzad/ /de nas so so'i 'khor los sgyur ba'i rnal 'byor byas la/ sems can kun la phan pa'i phyir/ / sems can kun la thams cad du/ /ji ltar 'dul ba sna tshogs pa'i/ /chos kyi 'khor lo rab tu bskor/ /zhes bya ba dang / chos kyi gnas su rdo rje dang / rin po che dang pad+ma dang / las kyi tshig bcug la tshigs su bcad pa lngas rjes su gnang bar byin nas/ bdag nyid langs te/ sangs rgyas kyi gzugs su dmigs la/ g.yon pa snying gar chos gos 'dzin pa'i tshul du byas la/ g.yas pa mi 'jigs pa sbyin pa'i phyag rgyar byas la/ rdo rje ming gi dbang bskur bas lung bstan te/ 'di ni khyod la ngas lung bstan/ /rdo rje slob dpon de bzhin gshegs//srid pa shin tu dag pas na/ /srid pa'i ngan 'gro rnams las bton/ /kye che ge mo zhes bya ba'i de bzhin gshegs pa b+hur b+hu ba swA hA zhes bya'o/ /gang la 'dis lung bstan pa 'di la/ sangs rgyas dang byang chub sems dpa'i dkyil 'khor gyi 'khor lo dang bcas pa rnams kyis mgrin gcig tu byang chub chen por lung ston pa mdzad de/phyag rgya chen po 'di dang sngags 'di'i mthu yin no/ /zhes bya bas dang pa bskyed par bya'o/ /de nas gsang ba bsgrags te/ /'dod chags bral ba lta bu yi/ /khams gsum na ni sdig med de/ / de bas 'dod la chags bral bar/ /khyod kyis nam yang mi bya'o/ /ma hA sa ma ya ha na hUM phaT/ /de nas slob ma'i spyi bor gdugs bzung la/ bskor ba byas la thal mo sbyar te/ gdugs dang bcas par dkyil 'khor gyi sgo drung du sa la lus gtugs la/ sngags rnams 'dzin par gyur pa yi/slob ma 'di ni phul ba lags/ /de nas gdugs gzhan du bzhag la/ slob ma'i snying la bab pa'i tshig 'di dag brjod do/ /de ring dkyil 'khor slob dpon gyur/ /sngags dang rgyud rnams 'dzin gyur pa/ /sangs rgyas byang chub sems dpa' dang //lha rnams kun gyis mthun par gsungs/ /sems can kun la rjes brtse bas/ /dkyil 'khor cho ga bzhin du bris/ /khyod kyis nan tan bskyed nas su/ /sgrub pa po rnams sngags la sbyor/ /de nas slar yang gzengs bstod par bya ste/ /mchog tu gsang ba'i dkyil 'khor 'dir//btsud pa dang ni mthong ba yi/ /de ring sdig las rnam grol nas/ /de ring khyod rnams dge bar gnas/ /bde chen theg pa 'di la ni/ /phyi nas 'chi ba yod min zhing / /mi thub tshugs pa yod min pas/ /cis kyang mi 'jigs dga' bar gyis//srid pa shin tu dag pas na/ /srid pa'i sdug bsngal las 'das so/ /byang chub sems ni spang mi bya/ /rdo rje zhes bya'i phyag rgya ste/ /gang zhig bskyed pa tsam gyis ni/ /sangs rgyas nyid 'gyur the tshom med/ /dam pa'i chos ni smad mi bya/ /nam yang dor bar yod mi rung //mi shes pa'am rmongs pa la/ /de nyid bsten par mi bya'o/ /rdo rje dril bu mi spang ste/ /slob dpon nam yang smad mi bya/ /sangs rgyas kun dang mtshungs pa yi/ /rang bdag yongs su spangs nas su/ /dka' thub kyis ni gdung mi bya//ji ltar bde bar bde gzung na/ /'di ni ma 'ongs rdzogs sangs rgyas/ /zhes bya bas dbugs dbyung ngo / /slob mas phyag byas te/ gtso bos ji ltar bka' stsal pa/ de dag thams cad bdag gis bgyi/ /zhes khas blang ngo / /slob dpon gyi dbang bskur ba'i cho ga'o// //de nas dkyil 'khor gyi de kho na nyid dang dkyil 'khor gyi rnam par dag pa'i mtshan nyid dang / lha'i de kho na nyid dang lha'i rnam par dag pa dang / slob dpon gyi phrin las dkyil 'khor gyi sgrub pa thams cad sngon du 'gro ba'i slob dpon 'jug pa'i las rnams te/gsum po de dag bstan par bya'o/ /de'i 'og tu sa phyogs dben par byas te/ yol bas bar du bcad nas/ rgyud las gsungs pa'i dam tshig can bla ma la phul nas/ bcom ldan zhi ba chen po kye/ /rdo rje sbyor bas yang dag byung / /mi phyed phyag rgyar rab tu bsgrub//rdo rje rnal 'byor gcig bzhes pas/ /bdag nyid chen po khyod ji bzhin/ /gtso bos bdag ni mdzad du gsol/ /'khor ba 'dam gyi tshogs su ni/ /bying ba skyabs med bdag la skyobs/ /zhes bya bas gsang ba'i dbang bskur ba'i phyir gsol ba btab pa dang /de nas dpal ldan slob dpon ni/ /rjes su brtse dang ldan pa yis/ /slob mar snying rje bskyed nas ni/ /rdo rje 'dzin pas mdzad pa la/ /bza' dang btung ba yid 'ong dang / /chang dang sha chen du ni bcas/ /me tog phreng dang bdug pa dang / /rgyal mtshan dril bur bcas pa dang //byug pa la sogs mchod pa yis/ /bla ma rdo rje can la mchod/ /de'i rjes la rgyud la sogs pa'i cho ga bzhin snyoms par 'jug par bya ste/ ji srid du phyag rgya khu ba dang ldan pa de srid kyi bar du bsten la/ phyag rgya dang slob ma gdong g.yogs kyis bcings nas/bsten pa las gang byung bde slob ma'i khar tshigs su bcad pa 'dis dbab par bya ste/ ji ltar sangs rgyas rgyal ba yis/ /byang chub sras la dbang bskur bzhin/ /bdag la gsang ba'i dbang gis ni/ /sems kyi rgyun gyis bkru ru gsol/ /des kyang a ho su kha zhes brjod do//longs spyod rdzogs par gzhug go/ /shes rab kyis kyang de bzhin du slob ma la sbyin par bya ste/ shes rab thabs kyang gsang ba'i dbang bskur ba'o/ /de'i rjes la yang slob mas sngar bstan pa'i gsol ba gdab pa'i tshig gsol ba dang / de'i spyod yul du byas te/ de yang gsungs pa/ ser sna med cing khro bral ba'i/ /slob ma bdag nyid chen po la/ /de nyid du ni mnyam pa'i ro/ /slob ma'i spyod yul dag tu bya/ /zhes so/ /de nas lag pa de'i lag par byin la/ /mgo bor lag pa bzhag ste/ dga' ster gnas te lha mo 'di//sna tshogs gzugs can yid 'ong ma/ /zung shig zung shig sems dpa' che/ /bzung nas rab tu mchod par bya/ /thabs gzhan gyis ni sangs mi rgya/ /'gro ba gsum ni dag byed pa/ /de bas khyod kyis 'di dang ni/ /nam yang 'bral bar mi bya ste/ / 'di ni sangs rgyas thams cad kyi/ /rig pa'i brtul zhugs bla na med/ /blun po gang zhig 'di spong ba/ /de la mchog gi dngos grub med/ /ces bya bas sbyin no/ /des kyang dri zhim po'i pad+ma kha phye ste slob ma la bstan la/ 'di skad ces brjod do/ bshang gci dag ni bza' ba dang /khrag dang khu ba de bzhin te/ sha chen bstan par bu spro'am/ /bud med rnams la gus pa dang / /b+ha ga'i pad+mar 'o byed pa/ /bu khyod ji ltar bde bar smos/ /des kyang lan du/ lha mo ci phyir bdag mi spro/ /khu khrag la sogs bza' ba dang / /bud med rnams la bdag gus shing //b+ha ga'i pad+mar 'o bgyid do/ /zhes brjod do/ /des sgrub pa po la dgyes par gyur nas dngos su bltas te/ e ma nga yi pad+ma 'di/ /bde ba kun dang yang dag ldan/ /ci ste cho ga bzhin bsten na/ /de yi mdun du nga 'dug ste/ /sangs rgyas bsnyems pa la sogs pa'i//bya ba pad+mas ji bzhin byed/ /bde chen rgyal po rang nyid ni/ /'di nyid du ni yang dag gnas/ /b+ha ny+dza mo k+Sha ho/ /de'i rjes la thabs ni dgyes pa'i rdo rjer dmigs/ shes rab ni bdag med mar dmigs te/ gnyis ka'i mig la sogs pa byin gyis brlab pa dang /sku gsung thugs byin gyis brlabs la/ hU~M las bskyed pa'i rdo rje nor bu/ oM las bskyed la/ oM badzra ma ha dwe Sha tsa dur a nan da dA ya ka kha ga mu kha e ka ra so nA thA hU~M hU~M hU~M ka r+yaM ku ru Sh+wa me zhes bya bas byin gyis brlabs nas/ /hrI las pad+mar bskyed de/oM pad+ma su kha d+ha ra ma hA rA ga su khaM dad+ha tsa tur A nan da dA/ b+ha ga bi shwa hU~M hU~M hU~M ka R+YaM ku ru Sh+wa me zhes bya bas byin gyis brlabs te/ rtsa'i dbye ba bstan pa dang / skad cig ma'i rang bzhin rnams brjod la/ do la kur ba dang / su pra ti su ri ta la sogs pa'i ka ra na dang ldan par 'dod pa'i yan lag gi sor mos pad+ma la bskul zhing ston pa'i bka' bsgo bas/sid sid sid ha ha ha kun du ru badzra d+h+r-i ka ces bya bas bskyed nas/ grol pa'i skabs su slob ma nyams su myong ba rnyed pa na brda bya ste/ bla mas/ ye shes 'di ni shin tu phra/ /rdo rje snying po mkha' dang mtshungs//rdul med thar ster zhi ba nyid/ /khyod kyis pha ni khyod nyid do/ /zhes bya bas bstan to/ /de nas slob mas lce yis bdud rtsi blangs la langs te/ bla ma la bskor ba byas nas/ yan lag brgyad kyis phyag byas la/ /khyod kyi zhabs kyi bka' drin gyis//gtso bo dbang bskur rnam gsum thob/ /deng 'dir rnam pa bzhi pa yang / /gtso bos bdag la bka' drin mnod/ zhes gsol ba btab la/ bzhi pa'i phyir ci 'byor pa'i yon yang dbul lo/ /de nas brtse ba dang bcas pa'i bla mas dam tshig gi sdom pa sbyin par byas te/khyod kyis srog chags gsad par bya/ /zhes pa la sogs pa bsrung ba'i dam tshig dang / dang po'i na dang po'i ga zhes bya ba la sogs pa bza' ba'i dam tshig brjod pa ni/ shes rab ye shes dang bcas pa'i dam tshig go/ /bzhi pa ni bla ma'i kha las shes par bya bas 'dir ma bstan to//dkyil 'khor sbyin sreg ma gtogs par/ /rab gnas 'dir ni bstan yod min/ /zhes gsungs pas slob ma la phan pa'i phyir/ ji ltar 'dod pa'i sbyin sreg gi cho ga brjod par bya ste/ de las gzhi dkar po la thab khung khru gang zlum po zabs su sor bcu gnyis pa brkos pa'i dbus su/rgyar sor drug 'phang du sor gsum pa'i pad+ma 'dab ma brgyad pa'i steng du thod pa la gnas pa'i sna tshogs rdo rje/ 'dab ma rnams la lha mo rnams kyi mtshan ma bkod la rdo rje phreng bas bskor bar bya'o/ /thab khung gi phyi rol du sor bzhi dor la/kha khyer rgya dang dpangs su de tsam pa rdo rjes bskor bar bya'o/ /stegs bu'i mtshams bzhir ni rdo rje rtse gsum pas mtshan pa/ las dang mthun pa'i sas kun du byugs nas/ las dang mthun pa'i dris kyang byug go/ /me tog dkar po dus gsum du gtor bar bya ste/zhi ba'i thab khung ngo / /rgyas pa la ni sa gzhi ser po la khru do gru bzhi pa/ zabs su de'i phyed du brkos la kha khyer snga ma las nyis 'gyur du byas te/ lhag ma ni snga ma bzhin no/ /de nas sa ser po dang dri ser pos byug la/ me tog ser pos gtor bar bya'o//dbang la nis gzhi dmar po la rgyar sor nyi shu/ zabs su sor bcu pa'i thab khung gru gsum du brkos la/ sor gsum pa'i kha khyer gyis bskor ro/ /lhag ma ni sngar bstan pa bzhin no/ /de nas sa dmar po dang dri dmar pos byug la me tog dmar pos dus gsum du gtor ro//dgug pa dang bsad pa la yang de bzhin no/ /'di'i khyad par brjod par bya ste/ sa phyogs gnag cing snying po ma yin pa dang / gas pa dang tsha sgo can du bya ste/ sa nag po dang dur khrod kyi thal ba dang / bong bu dang rnga mo'i rtug pa ci snyed pas byug cing dri mi zhim pa dang /dri med pa'i me tog nag po dang / dmar po dang phub mas gtor bar bya ste/ de la dkyil 'khor ram lha khang gi shar phyogs su zhi ba dang dbang gi thab khung bya'o/ /lho phyogs su ni rgyas pa'o/ /byang phyogs su ni mngon spyod kyi'o/ /nub tu ni dgug pa'o//yang na rdul tshon gyis kyang las dang rjes su mthun pa'i thab khung bya bar snang ste/ thab khung gi cho ga'o/ /da ni dgang gzar dang blugs gzar bstan pa ste/ gser dang zangs las byung ba'am/ mchod sbyin gyi shing las byas pa yang rung ste/yu ba'i mthar sor drug pa'i rdo rje rin chen bya'o/ /dbyug pa ni sor bcu drug pa'o/ /dbyug pa'i steng gi char ni sor bzhi pa'i rdo rje'o/ /dkyus ni sor bzhi pa la/ zabs su sor gnyis pa dbus su rdo rje rtse lnga pas mtshan pa ste/ rtse mo la bcud 'dzag pa'i mchu mthe'u chung gi tshad 'di ni dgang gzar ro//blugs gzar ni pad+ma'i 'dab ma'i dbyibs lta bu la/ rgyar sor gnyis zabs su sor gcig pa/ dkyil du rdo rje rtse lnga pas mtshan pa ste/ lhag ma ni snga ma bzhin no/ /gnyis ga'i yu ba ni rdo rje khu tshur gyis bzung du rung ba ste/ de ltar na de dag khru re re bar bstan to/ /ji ste dgang gzar dang blugs gzar med na/ dgang blugs kyi sbyin sreg ni sor mo lnga dang ldan pa'i lag pa byal/ cig shos ni sor mo gsum bsdus pas bya'o/ /de la a mra dang / u dum bA ra dang / ka tam pa dang / pA la shA dang /a shwa t+tha dang / pa la k+Sha dang / n+ya gro d+ha dang / bi dang ka dang / sa mi dang / ka sa ma rga dang / a pa ma rga las byung ba'i rtse mo'i cha las byas shing gsar pa mtho gang tsam gyi tshad la/ 'dab mar bcas pa'o ma dang sbrang rtsi dang mar la rtse mo gnyis spags la/ dri dkar po'i chus gtor ba'i yam shing 'dab ma gnyis dang bcas pa'i rtse mo gcig pa/mthe bo dang srin lag gis bzung ste bsreg par bya'o/ /de la rul pa dang gas pa dang chag pa dang / shun pa med pa dang / yo ba dang / rtse mo gnyis pa dang / thung ba dang ring ba dang / srog chags kyis zos pa dang /srog chags can ni spang bar bya'o/ /yang nas dang 'bras yos dang / zho dang 'o ma dang / til dang ku sha gsar pa dang / dUr ba dang / tsu ta'i 'dab ma dang / tsan+dan dang 'bras zan dang / me tog dkar po dang / mar dang bcas pa ste de dag las ci 'byor ba sreg pa ni zhi ba'i bsreg rdzas so//yam shing de dang 'dra ba las dbus kyi cha las byung zhing khru gang chag gang ba/ dri ser po'i chus gtor ba sbrang rtsi las spags pa'o/ /gzhan yang zas mchog shri pha la dang / 'bras bu sA lu dang / gser dang / kar Ni ka'i me tog dang /'bru rnams ni rgyas pa'i 'o/ /tsam pa ka dang / a shwa t+tha dang / ba ku dang / pri yang ku las byung ba'i yam shing sor lnga pa 'dab ma dang bcas pa dang / me tog dang / 'bras bu skyur po dang / mngar po dang / khyad par du yang ut+pal dmar po dag ni dbang gi'o/ / dgug pa la ni de dag dang / tsher ma lcags kyu lta bu dag /mngon spyod la ni nim pa dang / seng ldeng dang / byi lo ta la sogs pa'i shing ro tsha ba dang / kha ba dang tsher ma can dang / dur khrod kyi shing las byas pa'i sor bcu pa rtse mo gnyis rnon por bzhogs shing / khrag dang yungs mar la sogs pa'i yam shing dang /yungs kar dang / mar nag dang / lan tshwa dang / skye tshe dang / nim pa'i 'dab ma dang / dur khrod kyi thal ba dang / dgra'i rkang rjes kyi rdul dang / bong bu dang / rnga mo'i rtug pa rnams ci snyed pa'am/ thams cad kyang rung ste/ dug dang khrag dang lan tshwa dang sbyar nas dgra'i gzugs brnyan byas la/gtub cing bsreg par bya ste bsreg rdzas bstan pa'o/ /zhi ba'i bud shing ni mchod sbyin gyi shing srog chags med pa'am/ nags kyi ba lang gi lci ba las thab khung bas cung zad dma' bar bya'o/ /rgyas pa la ni ba lang gi lci ba ma gtogs pa 'bras bu can gyi shing rnams las bya'o//dbang la ni shing skyur po dang / me tog can rnams las bya'o/ /dgug pa la ni tsher ma lcags kyu can lta bu rnams las so/ /mngon spyod la ni shing tsha ba dang / tsher ma can dur khrod kyi shing dang /bong bu dang rnga mo'i rtug pa rnams la ste bud shing bstan pa'o/ /de nas zhi ba'i las la khrus dang gtsang sbra byas te/ lus dri zhim pos phyugs la/ gos dang rgyan dkar pos brgyan te/ byams pa dang ldan pas kha nub tu bltas la/ stan nang tshangs can 'jam po'am/pad+ma la 'dug ste/ zhi ba'i yid kyis yang ngo'i tshes gcig gi tho rangs nas brtsams te bya'o/ /rgyas pa la ni me tog gi phreng ba ser po dang / rgyan ser pos brgyan te/ stan bzang po la bzang po'i 'dug stangs kyis 'dug ste/ rangs pa'i yid kyis kha byang du bltas la nyi ma snga dro nas brtsams te bya'o//dbang la ni gos dang / rgyan la sogs pa dmar pos brgyan te/ chags pa'i yid kyis stan mthon po la rdo rje skyil krung gis kha shar du bltas par bya'o/ /dgug pa yang de bzhin te/ khyad par du kha steng du bltas la bya'o//mngon spyod la ni khro ba'i sems kyis gos dang rgyan sngon po dang / khrag dang chus sbags pa bgos la gshin rje'i phyogs su bltas te/ stan mkhrang po la bsgrub bya'i gzugs brnyan gyi snying gar 'dug pa'am/ stan med par yang rung ste/ rkang pa g.yon pas g.yas pa mnan la/so 'cha' zhing gdong khro gnyer dang ldan pas mig bzlog ste/ mar po'i tshes gnyis po'am gzhan la yang rung ste/ khro ba nyid bstan par byas la/ bsgrub bya sdig pa las bzlog par bya ba'i phyir/ nyin phyed dam mtshan phyed na/ hUM las byung ba'i rdo rje lcags kyus bsgrub bya'i bsrung ba bcas la bya'o//sgrub pa po bstan pa'o/ /zhi ba'i ar+g+ha'i snod ni gser ram dngul lam/ zangs sam sa dang rdo dang / dung dang nya phyis la sogs pa dang / shing lo skyong pa yang rung ste/ nas dang 'o ma dang / dri dkar po dang ldan pa'i chus blugs la/rang gi lha'i sngags kyi mthar swA hA dang ldan pa la lan bdun bzlas par bya'o/ /rgyas pa la yang de bzhin te/ khyad par du dri ser po'i chu dang / til dang zho dang ldan pa ste/ oM gyi mtha' dang ldan pas bzlas so/ /dbang la ni dri dmar po'i chu ste/ho'i mtha' dang ldan pa bzlas so/ /mngon spyod la ni dir mi zhim zhing gnag pa dang bcas pa'i chu khrag dang ba'i gcin dang ko tra ba dang ldan pa la phaT kyi mtha' dang ldan pa bzlas te/ mchod yon kyi cho ga'o/ /de la zhi ba dang rgyas pa dang dbang rnams la ni las thams cad pa'i chu yi ge hUM yongs su bzlas pa dang /a r+g+ha'i snod gnyis g.yon du bzhag la/ yang de nyid yongs su bzlas pa'i chu de gnyis las lag pa g.yas pas blangs te/ yam shing dang bud shing la sogs pa'i bsreg rdzas la bsang gtor byas la/ g.yas phyogs su gzhag go//drag po'i la ni zlog ste gzhag go/ /de la zhi ba la ni shing 'o ma can dang gtsubs pa la sogs pa byung ba'i me dang / bram ze'i sbyin sreg gi mes bya'o/ /rgyas pa la ni dge 'dun gyi sro khang gi me 'am/ rgyal rigs dang rje'u rigs kyi khyim gyi mes bya'o/ /dbang la ni rje'u rigs dang smad 'tshod ma'i khyim gyi mes bya'o//dgug pa la ni gar mkhan dang kun du rgyu dang / lam du bud pa'i mes bya'o/ /drag po la ni dur khrod kyi shing dang / rdo gtsubs pa las byung ba dang / shan pa'i khyim gyi mes bya'o/ /de nas hUM bzlas pa'i chu ku sha'i rtse mos blangs la/bsang gtor lan gsum byas te/ gtsang zhing skam pa'i rtswa dang lhan cig tu bcug la rlung yab kyis sbar nas/ oM dz+wa la dz+wa la hU~M/ zhes bya ba lan bdun bzlas pa'i mar gyis sngar la/ oM badzra satwa a/ zhes bya ba yongs su bzlas pa'i ku sha rlon pa 'dab ma ma nyams shing shin tu ring ba ma yin pa rtse mo shar du bstan te/thab khung gi phyi rol du g.yogs la/ yi ge hU~M gis thab khung bskyed de/ de'i nang du raM las me lha las dang rjes su mthun pa'i mdog dang / rgyan dang phreng ba can/ phyag gnyis na bgrang phreng dang / ril ba spyi blugs thogs pa/gsus pa 'phyang zhing ral pa'i thor tshugs can bskyed la/ oM a gan ye ma hA te dza sarba ka ma r+tha pra sa da ka ka ru Na kri twa sarba a smin sa na ni hi to b+ha ba zhes bya ba'i sngags kyis ye shes kyi me lha bkug la/ dzaH hU~M baM hoHzhes pas de nyid du dgug pa la sogs pa byas nas/oM dzaH hU~M baM hoHkhaM raM/ zhes bya bas a r+g+ha dbul lo/ /oM ni ri hUM khaM/ zhes bya bas zhabs bsil phul te/ mig la sogs pa byin gyis brlab pa dang dbang bskur pa'i bar du byas la phyi dang nang gi mchod pas mchod de/ oM d+h+waM d+h+waM zhes bya bas lha bshos dbul lo//de nas de'i lce la hU~M gis rdo rje bsams la zhal cung zad gdangs te gzar bu gnyis thogs pa'i gru mo gnyis kyi nang du bcug la/ oM a gan ye swA hA/ zhes bya bas gang gi sbyin sreg sbyin no/ /drag po la ni zhal shin tu gdangs te gdug pa dang bcas pa'i tsha ba'i mar nag sbyin no//de nas me'i mtshan nyid mkhas pas brtag par bya ste/ 'ja' tshon dang / sa ti ka dang / rnga ma dang / 'dam bu chu shel lta bu'i mdog ni dge ba'i las la shis so/ /gzhan yang dri ma med cing sgra zad pa dang / rtse mo gcig tu 'bar ba ni shis pa ste/ de nas zhi ba la khyad par mdog dkar ba'o/ /rgyas pa la ser po'i mdog /rjes su chags pa la dmar ba ste/ /sngo dang nag po mngon spyod la/ de la bgegs dang bcas pa'i me ni du ba che zhing me stag 'phro la dal bus 'bar zhing zhan pa dang / me lce 'chad pa dang / 'od med cing mdog sngo ba dang /mdung rtse lta bu dang / zhib ma lta bu dang / ba lang gi gdong pa lta bu'i dbyibs dang / mi ro'i dri dang / dri med pa'am/ yang na drag tu 'bar ba'o/ /de ltar bgegs dang bcas par shes nas snga ma bzhin bsang gtor byas la/ rtsa ba'i sngags kyis bsrungs te/ gsang ba'i sbyin sreg gsum mam bdun dbul lo/ /de nas yang yam shing la sogs pa so so'i sngags kyis ji snyed 'dod pa bsregs la/ bsang gtor dang 'thor 'thung la sogs pa phul te/ me lha me 'bar ba'i rnam par gyur pa blta'o/ /de nas sgrub thabs las byung ba'i cho ga las dang rjes su mthun pa'i rgyud las gsungs pa'i lha der bskyed la/ye shes sems dpa' spyan drangs nas/ a r+g+haM la sogs pa phul te/ dam tshig sems dpa' la bstims la sku gsung thugs byin gyis brlabs te/ ljags la rdo rjer bsams la zhi ba dang rgyas pa dang /dbang dang / dgug pa la ni zhal cung zad tsam dbye/ drag po la ni shin tu gdangs par phye la bsreg go/ /de la oM a gan ye swA hA/ zhes bya ba mar gyi sngags so/ /oM sarba pA paM da ha na badzrA ya a mu kaM sarba pA paM da ha swA hA/ til gyi'o/ /oM badzra puSh+Ta ya swA hA/'bras kyi'o/ /oM badzra bi dzA ya swA hA/ so ba'i 'o/ /oM ma hA be gA ya swA hA/ nas kyi'o/ /oM ma hA ba lA ya swA hA/ sran gre'u yi'o/ /oM badzra g+ha sma rI ya swA hA/ gro'i 'o/ /oM badzra A yu She swA hA/ dUr ba'i 'o/ /oM a pra ti ha ta badzra swA hA/ ku sha'i'o/ /oM badzra a dz+nyA ya swA hA/u dum+WA ra'i 'o/ /oM bo d+hi br-i k+ShA ya swA hA/ a shwa t+tha'i'o/ /oM badzra la ha ye swA hA/ p+la k+Sha'i'o/ /oM badzra ku be+e ra ya swA hA/ n+ya gro d+ha'i 'o/ /oM badzra sa ha ka ra ya swA hA/ a mra'i 'o/ /de ltar ci 'byor pas bsregs nas bsang gtor dang 'thor 'thung la sogs pa phul te yang dag par mchod nas/ma 'byor pa dang nyams pa dang / gang yang bdag rmongs blo yis ni/ /bgyis pa dang ni bgyid stsal ba/ /de kun mgon pos bzod par mdzod/ /ces bya bas bzod par gsol lo/ /slar yang 'dod pa'i lha la dngos grub kyi phyir gsol ba btab nas/yi ge brgya pa'i mthar muH/ brjod nas gshegs su gsol lo/ /de nas yang thab kyi nang du me lha bsams la/ bsreg rdzas kyi lhag ma'i rdzas la sbyin sreg phul te/ slob ma dang bcas pas mthar gang ba'i sbyin sreg phul nas/ dngos grub kyi phyir gsol ba btab ste/me lha khyod kyis rang bzhin don/ /bsgrub pa tshul bzhin byas zin gyis/ /dam tshig gnas la mnos mdzod la/ /rang gnas bde bar gshegs su gsol/ /bdag dang gzhan gyi don rnams ni/ /bsgrubs te sbyin sreg gsol la bzhud/ /slar yang dus bzhin gshegs nas su//bdag gi sngags kyi dngos grub mdzod/ /sbyin sreg gi cho ga'o// //skyob pa rnams kyi rang bzhin ni/ /mi gnas mya ngan 'das yin te/ /spro dang ldan pa'i skye bo la/ /sngags pas nor ni rnyed pa dang / /skye bo rab tu dad pa yis//byed po dge ba spel ba'i phyir/ /rab gnas bstan bcos las gsungs pa/ /tha snyad tsam du byas pa yin/ /dang por nyi ma bzang po la phyi nang gi khrus bya zhing dri zhim pos byugs nas rgyan sna tshogs kyis brgyan te gtsug tor bcings nas mchod pa'i yo byad rnams pa sogs so/phyag gnyis pa'i he ru ka'i rnal 'byor dang ldan pa/ rdo rje dang dril bu 'chang bas stegs bu gru bzhi pa/ dpangs su khru do par byas ba'i steng slob dpon bdag nyid 'dug nas/ yang de nyid lugs sku dang po ti la sogs pa rab gnas bya bar 'os pa bzhugs su gsol lo//steng du bla re bre ba dang / gdugs dang rgyal mtshan dang ba dan la sogs pa bres te/ me tog gi phreng ba dang / sil ma spungs la/ glu dang gar dang rol mos brgyan nas/ phyi dro'i dus su rim pa 'dis khrus bya'o/ /dang por sku gzugs na bza' ser po gsol la/yungs kar la hUM yongs su bzlas te khu tshur g.yas g.yon gyis bzung nas lan gnyis su bskor te/ kham phor gyi mer blugs shing shis pa'i bskor ba lan gsum byas la/ de bzhin du oM bzlas pa'i chu'i shis pa'i bskor ba yang lan gsum du bya'o/ /de nas bdud rtsi lnga dang /ba'i rnam pa lnga yang rung ba'i rim gyis bskus la byug par bya'o/ /ras ris dang 'bur sku la sogs pa rnams kyi ni me long gi gzugs brnyan la byug go/ /de nas dri zhim po'i chus bkrus la/ oM sarba ta thA ga ta bi sho d+ha ne badzra swA hA/ zhes bya ba yongs su bzlas pa'i dri zhim po'i mar nag gis byug la/pa tra dang udum+Wa ra la sogs pa'i shing shun gyi lde gus byugs te mar nag phyi'o/ /de nas skyu ru ra'i 'dag chal gyis byugs la/ sngar bshad pa'i bkra shis kyi tshigs su bcad pas khrus gsol ba byas te/ sangs rgyas dang rig pa'i tshig rnams kyis sngar bstan pa ltar khrus byed bzhin par bsgoms la bdag nyid kyis kyang rnam par rgyal ba'i bum pa la sogs pas phyi'i khrus byas nas chu'i thigs pa sku las gos 'jam pos blang bar bya'o//de nas oM AH badzra gan+d+he hUM hUM hUM/ zhes bya ba'i dri zhim pos byugs la/de bzhin du hUM las bskyed pa'i me tog la sogs pa mchod pa'i yo byad phul te/ snying ga dang mgrin pa dang mgo bo dang dpung pa dang / spyi gtsug rnams su rdo rje dang bcas pa'i lag pa g.yas pas nye reg byas la lag par sbos phor thogs te pus mo sa la btsugs la/lce hUM gis rdo rjer byas la/ bcom ldan rdo rje che ge mo/ /rig pa'i rgyal mo phyag 'tshal bstod/ mgon po thugs rje'i bdag nyid kyis/ rab gnas gnang bar bgyid par 'tshal/ slob ma rnams la brtse ba dang / khyed rnams la yang mchod pa'i phyir//bcom ldan bdag ni gus pa la/ /bka' drin dag ni mdzad par 'os/ /'gro ba'i 'khor lo mdzad pa yi/ /sangs rgyas bdag la dgongs su gsol/ /byang chub sems dpa' dgra bcom dang / /gsang sngags lha gzhan gang lags dang / /'jig rten skyong ba'i lha rnams dang //'byung po sangs rgyas kyi bstan dang / /gang yang bstan la mngon dga' ba'i/ /sems can rdo rje'i mig can rnams/ /che ge mo dag rdo rje ches/ /rig pa'i rgyal po 'di zhes pa'i/ /rab gnas yo byad ci 'byor pas/ /'gro ba zhi phyir bgyid par 'tshal//bdag dang slob mar bcas pa la/ /thugs rje nye bar dgongs nas kyang / /rab tu gnas pa thams cad la/ /thugs rjer ldan pas byin rlabs mdzod/ /ces bya ba 'dis lha la snyan gsan phul la/ lugs ma la sogs pa'i sku gzugs rnams sngon du bdag med par bsgoms te/zla ba rdo rje la sogs pa'i rim pa'am/ skad cig tsam gyis rang gi lhar bskyed do/ /po ti rnams la gsung rdo rje yongs su gyur pa las byung pa'i yi ge bskyed do/ /lha khang dang mchod rten la sogs pa ni rnam par snang mdzad yongs su gyur pa las byung bar bsams la/phyogs bcu rnams nas ye shes sems dpa' bkug ste/ sngar bstan pa'i sngags kyis ar+g+ha dang zhabs bsil la sogs pa phul nas/ sngar bstan pa'i tshul gyi sku gzugs kyi thugs kar bcug la/ de bzhin du dbang bskur te/ sbyor ba ji lta ba bzhin phyag rgyas btab nas/me tog dang bdug pa la sogs pa phyi nang gi mchod pas yang dag par mchod de/ rab gnas kyi lha gang yin pa'i sngags de nyid mang du bzlas nas yi ge brgya pa'i mthar muHbrjod nas/ slar gshegs su gsol ba 'di ni lhag par gnas pa'i cho ga'o/ de nas nang par snga dro langs te slob dpon rang gi lha'i rnal 'byor dang ldan pas/ mchod pa'i yo byad thams cad bsogs nas/ bcom ldan rdo rje che ge mo/ /zhes bya ba la sogs pa'i tshigs su bcad pa nang par zhes bya ba'i gnas su nga ni zhes pa brjod de lha bskul la/lhag par gnas pa'i skabs su bshad pa'i cho ga thams cad bya ste/ gshegs su gsol ba ma gtogs pa'i yi ge brgya pas brtan par bya'o/ /gang dag lhag par gnas pa ma byas pa rnams kyis kyang de ltar bya'o/ /de nas rgyas pa'i sbyin sreg byas nas mthar slob ma g.yon phyogs su bzhag pa la/bgegs mthar byed kyi sngags bzlas pa'i chus bsang gtor byas nas/ g.yas pa'i mthe bong lag pa g.yon pas bzung ste/blugs gzar gyis mar gyi sreg blugs ci 'byor pa lha la phul nas/ til la sogs pa yang bsregs la//bdud rtsi 'khyil pa'i sngags bzlas pa'i me tog gi phreng ba 'di lag par btags la/ sngar bstan pa'i chus bsang gtor byas te/ oM ru ru s+phu ru dz+wa la tiSh+Tha sid+d+ha lo tsa ni/ sarba a r+tha sA d+ha ni swA hA/ zhes bya ba'i sngags de'i snying gar bsams la/ tshigs su bcad pa 'dis yon bslang bar bya'o//bla ma yongs su mnyes pa yis/ /las kyi dngos grub thob 'gyur pas/ /tha na bkur sti tsam gyis kyang / /bla ma yongs su mnyes par bya/ /zhes so/ /de nas thab khung de nyid du mar gyi lhag ma dang / 'o ma la tsA ru bcos la sbyin sreg phul te/ oM tsa k+Shu sa man+ta tsa k+Shu bi sho d+ha na badzra swA hA/ zhes bya ba'i sngags dang / gser gyi thur mas sku gzugs kyi spyan phye la/ oM di bya a gne sa mA d+hi d+ha na pri Na ne swA hA/ zhes bya ba'i sngags kyis tsA ru'i phud lha la dbul bar bya'o/ /de nas bdag dang slob ma zhi ba dang rgyas par bya ba'i phyir/oM badzra puSh+Ta ye swA hA/ zhes bya bas sbyin sreg byas la/ bla mas/ de bzhin gshegs pas gsol ba yi/ /lhag ma sdig pa sbyang phyir zo/ /zhes bya bas/ tsA ru'i lhag ma slob ma za ru gzhug go/ /de nas bdud rtsi 'khyil ba'i sngags bzlas zhing khu tshur g.yas pas bzung ba'i rdo rje'i rtse mos sku gzugs kyi sku smad dang bar dang dbul lan gsum bskor la brtan par byas nas/sku gzugs kyi sum cha'i tshod kyi stegs bu'i steng du/ oM su pra tiSh+Tha badzre swA hA/ zhes bya bas bzhugs su gsol lo//slob mas sku gzugs la bskor ba dang phyag bya ba dang / mchod pa rnams byas nas/ slob dpon la mchod pa'i yo byad rnams sbyar te dbul lo/ /slob dpon gyis kyang phyogs skyong ba rnams la gtor ma phul la/ sku gzugs yun ring du bzhugs par bya ba'i phyir dang /bdag dang slob ma zhi bar bya ba'i phyir phyogs skyong rnams la gsol ba gdab ste/ bzod gsol bya'o/ /rje ste ras ris dang sku gzugs la sogs pa rnams kyi rab gnas mdor bsdus te bya bar 'dod na/ bdag nyid rang gi lhag pa'i lhar bsgoms la/ sku gzugs la sogs pa khrus byas nas/mchod pa'i yo byad rnams bshams te/ bdag med pa'i bsam gtan sngon du 'gro bas/ skad cig tsam gyis lhar bsgoms la/ mig dang sku la sogs par byin gyis brlabs te/ ye shes sems dpa' bstims nas/phyi nang gi mchod pas yang dag par mchod la de nyid kyi sngags lan brgya rtsa brgyad bzla'o/ /dril bu dang bgrang phreng gi rab gnas ni yig 'bru las gsung rdo rjer bskyed de/ de yongs su gyur pa'i dril bur blta'o/ /dad pa chung ba dang / ku sa li dang / 'tsho ba'i don gyi rnal 'byor pa pho mo rnams kyi bgrang phreng la sogs pa ni/sngags tsam bzlas pas byin gyis brlab bo/ /de nas mchod pa bya ste/ sngags brgya rtsa brgyad bzlas nas rdo rje dril bu gsil la thal mo sbyar te/ de bzhin gshegs pa rnams la bzod par gsol lo/ /dkyil 'khor la sogs cho ga ni/byas pas bdag gis dge thob pa/ /des ni sems can thams cad kyi/ /sdug bsngal thams cad 'joms byed shog /dpal dgyes pa rdo rje'i gzhung 'grel gyi dkyil 'khor dang sbyin sreg dang / rab gnas kyi cho ga slob dpon nag po'i zhal snga nas mdzad pa rdzogs so/

CLOSE WINDOW