CLOSE WINDOW

D1248
བོད་ཡིག

/ //paN+Di ta mkhas pa chen po man+t+ra ka la ku sha'i zhal snga nas bsgyur cing gtan la phab pa//[]@##/ /rgya gar skad du/ b+ha ga bAn he badzra tat+t+wa tsa tur+k+ra ma sA d+ha naM nA ma/ bod skad du/ bcom ldan 'das dgyes pa'i rdo rje'i sgrub pa'i thabs de kho na nyid bzhi'i rim pa zhes bya ba/dpal rdo rje sems dpa' la phyag 'tshal lo/ /thabs dang shes rab gnyis med he ru ka /bdag med lha mo bcas la phyag 'tshal nas/ /de nyid thob cing dad dang skal yod par/ /de nyid bzhi yi rim pa bri bar bya//snying rje chen pos 'gro la dang por blta/ /gso sbyong dag nas rgyud rnams rim pas sbyangs/ /rgyud 'di'i dkyil 'khor zhugs shing dbang dag blangs/ /de nyid shes shing bkas gnang gnas bzhi bsgom/ /dur khrod la sogs dben dang nyams dga' bar/ /sna tshogs rdo rje'i gdan la legs gnas pa//bdag dang rnal 'byor gnas gsum bsrung ba ni/ /dang po'i bdud rtsi lnga sogs khrus byas la/ /tshad med bzhi bsgom lha dang bdag nyid blta/ /srung ba rak+Sha brjod nas dra gur bya/ /legs gnas rten la bdud rtsi sgron ma lnga//me tog la sogs mchod dang gtor ma btang / /zhing skyes sogs dang legs sbyang rig ma dang / /grogs bzang rten dang gcig pu dogs med sgrub/ /bdag nyid snying ga'i sa bon hU~M nag las/ /'od zer lnga spros bskul sbyangs nam mkha' rten/ /bla ma dgyes rdor 'khor lo spyan drangs la//'og bzhin legs bsgoms phyag 'tshal la sogs bya/ /rang nyid hU~M gi spro bsdu phyi dang nang / /gsang ba'i lha mo rnams kyis rim par mchod/ /gau rI dkar mo ri dgas mtshan ma 'dzin/ /tsau rI dmar mo rang byung me tog thogs/ /be+e tA lI ni ser mo chu phyag ma//g+hasma rI ljang gsang ba'i sman yang 'dzin/ /puk+ka sI sngo phyag na sha sna tshogs/ /sha ba rI dkar sna tshogs ro yi phyag /tsaN+Da lI dmar sgra rin chen tshogs/ /nang gi sku gsum bde ba chen pos mchod/ /DoM bi phyag rgya rang gi sku la 'khyud/ /de kho na nyid mchod pa gnyis su med//sdig bshags yi rang bsngo dang lus dbul dang / /lam bstan pa dang gsol ba gdab pa dang / /tshad med bzhi bsgom lha gshegs de rjes la/ /chos rnams sgyu ma rang sems rdul dang bral/ /oM shU n+ya tA dz+nyA na badzra swa b+hA ba At+ma kou0f85haM zhes b rjod la sngags kyi don de dran pa las bdag gi de kho na nyid gnas par bya'o//chos nyid de las ra~M dang hU~M/ /nyi ma'i dkyil 'khor dra gur dang / /de las e las chos 'byung bsgom/ /de nas ya~M ra~M ba~M la~M dag /sngo dmar dkar ser sa bon dag /gyur nas 'byung bzhi'i dkyil 'khor bzhi//rang sems kyis bsgyur gzhal yas khang / /thar pa'i grong mchog rnam par snang / /gru bzhi sgo bzhi lha mos mchod/ /dra ba dra phyed twa ra na/ /ka ba brgyad dang rta babs bzhi/ /rgyan dang chos kyi 'khor lo gdugs/ /sangs rgyas zhing rgyas mchod pa'i tshogs/ / dur khrod brgyad na shing brgyad sogs/ /ha ra tsu ta a sho ka /a shwat+tha dang ka ra na dza/ /dza li ta dang par ti par/ /be+e te b+ha tra phyogs dang mtshams/ /zhing skyong phyogs skyong lha dang klu/ /zhing skyong brgyad kyi zhal dang mdog /phyogs skyong brgyad dang mdog de bzhin/ / gri gug thod pa g.yas dang g.yon/ /gtor len zhing dag legs par skyong / /brgya byin dkar po glang po'i bdag /rdo rje dril bu g.yas dang g.yon/ /gshin rje mthing nag ma he zhon/ /dbyung pa thod pa de bzhin no/ /chu lha dkar po chu srin mnan/ /sbrul zhags g.yas dang pad+ma g.yon//gnod sbyin ser po rta la zhon/ /dpal 'bras ne'u le g.yas dang g.yon/ /'byung po'i bdag po dkar po ni/ /khyu mchog dkar po mdung thod 'dzin/ /me lha dmar po ra la zhon/ /spyi blugs dbyu gu rtse gsum bsnams/ /srin po kham nag mi ro'i khri//gri dang thod pa g.yas dang g.yon/ /rlung lha dud kha sha ba zhon/ g.yas na ba dan zhags pa g.yon/ thams cad rin chen rgyan ldan te/ /srin po rus pas brgyan pa po/ /chung ma bu 'khor phyogs mdog bcas/ /mdog rnams zhi byed chos legs skyong / /steng gi mkha' la lha chen brgyad//shar du brgya byin sngon dang 'dra/ /lho ru tshangs pa gser gyi mdog /spyi blugs dbyu gu rtse gsum 'dzin/ /nub tu khyab 'jug dmar po ste/ /'khor lo g.yas dang g.yon dud dang / /byang du lha chen thal ba'i mdog /rtse gsum thod pa g.yas dang g.yon//dbang ldan gzhon nu drug gi bu/ /dkar po mda' dang gzhu 'dzin pa/ /shar lho tshogs bdag dkar po ni/ /g.yas g.yon la phug la du 'dzin/ /bden bral b+h+riM gi ri ti smug /g.yas na mdung dang ba dan g.yon/ /rlung du legs ldan nag po ni/ /ral gri g.yas na phub ni g.yon//thams cad lha rgyan dag dang ldan/ /'dod pa'i lha rnams kyis bskor nyi zla gza'/ /'og nas klu brgyad phyogs dang mtshams/ /'jog po dung skyong rigs ldan dang / /mtha' yas pad chen dga' bo dang / /nor rgyas bu dang pad+ma rnams/ /phyogs skyong mdog dang sbrul zhags g.yas//gdengs ka dang ldan pad+ma g.yon/ /sprin brgyad chu brgyad mchod rten brgyad/ /bya dang gcan gzan ro yi tshogs/ /grub pa'i mchog thob rnal 'byor bzhugs/ /gzhal yas nang du pad+ma brgyad/ /rdo rje phreng ba nag pos bskor/ /dkar ser rA ga dmar dang gnag/ / phyogs dang rtsig pa'i rim par gnas/ /dbus su bdud bzhi nyi mas mnan/ /'dab ma lha brgyad zla bas mnan/ /nyi steng hU~M dang oM nag bsgom/ /de 'og A li nyis 'gyur las/ /me long zla ba shes rab gzugs/ /sum cu rtsa gnyis 'byung po la/ /steng du kA li nyis 'gyur las//Da D+ha da d+ha la ya gnyis/ /mnyam nyid nyi ma thabs kyi gzugs/ /dpe byad brgyad cu 'grub par byed/ /thod dkar gri sngon nyi zla dang / /sa bon mtshon pa so sor rtog /bskul sbyang gcig gyur nan tan yin/ /gcig gyur sku ni chos kyi dbyings/ /sku ni mthing nag chen po nyid//zhal brgyad zhabs bzhi phyag bcu drug /dbu skra dmar ser gyen du 'khyil/ /steng zhal dud mdog mche ba gtsigs/ /rus pa'i 'khor lo spyan gsum dmar/ /'og ma g.yas dkar g.yon pa dmar/ /dbus zhal gzhan rnams sku yi mdog /spyan dmar gsum gsum mche ba gtsigs//sna tshogs rdo rje thod pa'i thod/ /rna cha mgul rgyan dpung pa'i rgyan/ /phyag gdub zhabs gdub rus pas brgyan/ /khrag 'dzag lnga bcu'i phreng ba 'phyang / /stag gi sham thabs thal bas byugs/ /rdo rje dril bu dang po'i phyag /yum la legs par 'khyud pa'o//g.yas kyi gnyis pas ral gri 'dzin/ /de nas mda' dang 'khor lo gshor/ /dbyug pa rtse gsum lcags kyu rim/ /g.yon ni rim bzhin pad+ma gzhu/ /kha T+wAM thod pa rin po che/ /sdigs mdzub zhags pa bsnams pa'o/ /yum ni sku mdog yab dang mnyam/ /zhal gcig phyag bzhi dang po gnyis//rdo rje dril bu yab la 'khyud/ /gnyis ni mda' dang gzhu bsnams pa'o/ /thod skam lnga bcu'i phreng bas brgyan/ /rgyan rnams rus pa yab dang mnyam/ /gtso bo zhabs bzhi g.yas brkyang nas/ /brgya byin tshangs pa nye dbang drag /nyi ma'i dkyil 'khor gyis mnan pa'i//steng nas 'jigs dang sgeg pa gshe/ /bzhad drag snying rje rngam dang zhi/ /gar dgus rnam par gyur par bsgom/ /pad+ma rdo rje byin gyis brlab/ /oM pad+ma su khA d+ha ra ma hA rA ga su khaM dad+ta tsa tur A nan da wa gi wa sha hU~M hU~M kar+yaM ku ru Sh+wa me/ oM badzra ma hA dwe Sha tsa tur A nan da dA ya ka kha ga mu khe ka ra so nA tha/hU~M hU~M hU~M kar+yaM ku ru shwa me/ de ni sbyor ba dang po yin/ /dkyil 'khor sprul pa de ma thag /lha rnams zhal gzhug snying gar gnas/ /a nu rA ga brjod nas 'byung / /ga~M tsa~M ba~M g+ha~M pa~M sha~M la~M Da~M/ /brgyad po phyogs dang mtshams rnams su//lha yi gdan steng su 'phros pas/ /mngon byang lnga las lha mo bskyed/ /ga~M dang gri gug las byung ba'i/ /gau rI dkar mo phyag bzhi ma/ /mda' gzhu gri gug thod khrag bsnams/ /shar gyi 'dab mar tshangs pa mnan/ /tsa~M dang Da ma rus bskyed pa'i/ / tsau rI dmar mo phyag bzhi ma/ /'khor lo lcags kyu Da ma ru/ /lho yi 'dab mar brgya byin mnan/ /ba~M dang rus sbal las grub pa'i/ /bet+tA lI kar phyag bzhi ni/ /chang chu ral gri thod pa bsnams/ /nub kyi pad+ma nye dbang mnan/ /g+ha~M dang sprul las yang dag bskyed/ /g+hasma rI ljang phyag bzhi ste//me thab dgra sta thod khrag bkang / /mi 'jigs phyag dang drag po'i steng / /byang gi 'dab mar bsgom par bya/ /pa~M dang seng ge dag las byung / /puk+ka sI ser phyag bzhi ma/ /dpag bsam lcug ma thod shas bkang / /rin po che dang mchog sbyin phyag/ / gshin rje mnan pa byang shar bsgom/ /sha~M dang dge slong las skyes pa'i/ /sha ba rI dkar phyag bzhi ma/ /kha T+wA~M thod pa rdo rje zhags/ /gnod sbyin mnan pa shar lhor bsgom/ /la~M dang 'khor lo bskyed pa yi/ /tsan+Da lI sngon phyag bzhi ni/ /rlung ras ba dan thod pa dkar/ / srin po mnan pa lho nub bsgom/ /DaM dang rdo rje las byung ba'i/ /DoM bi nI sngo phyag bzhi na/ /thod pa gshol dang ba dan dang / /mdung rtse gsum pa lha ma yin/ /mnan pa nub byang pad+mar bsgom/ /sgo bzhir dzaHhU~M ba~M hoHdang / /rdo rje rin chen pad+ma dang / /ral gri sngo zhing mngon byang las//rta gdong phag gdong khri seng gdong / /zhal bzhi phyag bzhi ro yi gdan/ /g.yas ser g.yon dmar dang po sngo/ /steng zhal rta gdong ljang khur gnas/ /phyag gnyis gling bu gzhan gnyis ni/ /rdo rje lcags kyu bsnams pa'o/ /g.yas sngon g.yon dmar dang po ser//steng zhal phag gdong dmar por gnas/ /phyag gnyis pi wang gzhan gnyis ni/ /rin po che dang zhags pa 'dzin/ /g.yas sngo g.yon dkar dbus ma dmar/ /steng zhal khyi gdong ser por gnas/ /phyag gnyis rnga chen gzhan gnyis ni/ /pad+ma dang ni lcags sgrog 'dzin//g.yas sngo g.yon dkar dbus ma ljang / /steng zhal seng gdong dkar por gnas/ /phyag gnyis rdza rnga de bzhin gnyis/ /ral gri gsang ba 'dzin par mdzad/ /shar sgo la sogs rim par ni/ /pad+ma nyi ro'i steng du bsgom/ /thams cad spyan gsum dmar zhing zlum//dbu skra dmar ser gyen du 'bar/ /gcer bu rked la stag lpags dkris/ /rus pa'i phyag rgya lnga dang ldan/ /mgo bo skom po'i phreng ba 'phyang / /g.yon brkyang sgeg dang 'jigs pa'i gzugs/ /phyogs mtshams rang rang gdan la bzhugs//yi ge la zhugs gtso bo zhu/ /nyi ma'i steng na hU~M dang a~M/ /bde ba'i thig le dbyibs su gnas/ /de nas 'khor gyi lha mo rnams/ /rang rang gtso bo ma mthong nas/ /yid che cher gdungs rdo rje glus/ /bzhengs par bzhed nas gtso bo bskul/ /rje btsun thugs rje'i thugs kyis bzhengs//bdag la bde ba chen por sbyor/ /stong pa'i rang bzhin spangs nas su/ /puk+ka sI ni bdag la skyobs/ /khyod mi bzhugs na bdag 'gum pas/ /thugs rje rgyun chad ma mdzad bzhengs/ /stong pa'i rang bzhin ci ste bzhugs/ /sha ba rI 'bras grub par mdzod//dga' gtso 'jig rten mgron gnyer nas/ /stong pa nyid bzhugs sam ci/ /gtum mo bdag ni gsol 'debs ni/ /bcom ldan rdo rje rdo rje bzhengs/ /bdag gis khyod kyi thugs 'tshal gyis/ /mig 'phrul mnga' ba khyod bzhengs shig /DoM bi bdag ni dran nyams par//snying rje chen po chad mdzad bzhengs/ /rmi lam lta bu sgra gsan nas/ bcom ldan sngar bzhin dgyes rdor bzhengs/ /sku mdog la sogs sngar bzhin bsgom/ /dkyil 'khor rnams la legs par blta/ /lha rnams thugs kar pad nyi zla/ /rang rang phyag mtshan sa bon bsgom//de ni dkyil 'khor rgyal po mchog /gtso bo'i thugs ka'i 'od zer gyis/ /ye shes dkyil 'khor spyan drangs la/ /shar gyi dur khrod nam mkhar bzhugs/ /phyi nang gsang ba legs mchod la/ /gau rI la sogs lha mo bzhis//dzaH hU~M baM hoH sa dgug gzhug bcing / /dgyes pa bskyed nas gnyis med bsgom/ /mig la sogs pa'i dbang po drug /mngon shes bskyed phyir sbyang bar bya/ /ma~M d+ha~M na~M ra~M a~M na~M dag /dkar nag ser dmar ljang gu nag /pad nag /pad zla sa bon gri gug las/ / gti mug zhe sdang ser sna rnams/ /'dod chags phrag dog bdag med ma/ /rdo rje'i ming can lha mo drug /bskul sbyangs byas nas lha mor bsgom/ /phyag rgya lnga dang gri gug thod/ /thams cad g.yon brkyang bsgom par bya/ /mtshog ma snying ga mgrin pa ru/ /oM dkar AH dmar hU~M nag las//kha dog gsum gyi gru gug las/ /bskul sbyangs sku gsum byin brlabs las/ /sa spyod mkha' spyod bdag med ma/ /dkar dmar nag po gri gug 'dzin/ /phyag rgya lnga ldan ro yi gdan/ /g.yon brkyang sgeg dang bcas pa bsgom/ /yang ni rang snying sa bon las//'od zer lnga spros bskul sbyangs byas/ /bla ma dkyil 'khor rgyal ba rnams/ /khro bo rig pa'i lha mor bcas/ /mchod pa gsum gyis legs mchod la/ /dbang bskur don du gsol ba gdab/ /oM sarba ta thA ga ta a b+hi Shi ny+tsa tu mAM/ /mi bskyod la sogs sangs rgyas rnams//spyan ma la sogs sku las byung / /bdud rtsi bum pa lha dbang bskur/ /oM sarba ta thA ga ta a b+hi She ka ta sa ma ya shrI ye hU~M/ sgrib gnyis sbyangs nas rgyas gdab pa/ /bdag dang gau rI pu k+ka sI/ /bcom ldan mi bskyod legs par bzhugs/ /sha pa rI dang tsau rI la/ / rnam par snang mdzad de bzhin bzhugs/ /tsa N+Da lI dang be T+TA lI/ /rin chen 'byung ldan bsgom par bya/ /DoM bi dang ni g+ha sma rI/ /dbu la snang ba mtha' yas bzhugs/ /de nas bdud rtsi myang bar bya/ /shar lho dur khrod nam mkha' la/ /sgom bzhi yi dbu stengs su/ /rnam par snang mdzad rim bzhin bsgom//ya~M ra~M a~M gsum hA~M nag oM/ /mas yar rim pas bsgom par bya/ /hU~M brjod rang snying hU~M 'od kyis/ /hUM bskul ma drung dkyil 'khor dang / /mgo bo gsum dang pad+ma brgyad/ /sa bon bcas pa'i thod pa bsgom/ /de bzhin hU~M 'od yab bskul bas/ /a yi 'od kyis sa bon rnams//gyur nas bdud rtsir gyur pas ni/ /hU~M las rnam sprul b+h+rU~M las dri/ /dzr-IM las dkar po aM las dmar/ /khaM las chur 'gyur phyogs kyi ri/ /naM las mi sha haM las rta/ /naM las glang po ShaM las ni/ /ce spyang gaM las ba glang sha/ /hU~M gi me sbar bdud rtsi bskol/ / a yi zla ba'i dkyil 'khor lhung / /hU~M nyid rdo rje gyur nas ni/ /lan lngar 'phar zhing dkrugs byas nas/ /rdo rje hU~M dang oM 'od des/ /ye shes bdud rtsi spyan drangs 'dres/ /lha rnams ljags la hUM nyid las/ /rdo rje sbu gus bdud rtsi myang / /oM sarba ta thA ga ta a mr-i ta badzra swa b+ha ba A t+ma kou0f85haM//de nas mchod pa'i lha mo rnams/ /dkyil 'khor lha la rim bzhin mchod/ /mchod pa'i go rims la sogs pas/ /phyi nang gsang ba'i mchod pa 'bul/ /oM sarba ta thA ga ta pU dzA badzra [(]swA [,]swa [)]b+hA ba At+ma kou0f85haM/ rig pa'i lha mo thams cad kyis/ /dkyil 'khor lha la b stod pa mdzad//lha mo'i dkyil 'khor bcom ldan bskor/ /g.yo dang mi g.yo khyod kyis thugs/ /sems can kun gyi don mdzad rnams/ /bcom ldan mchog tu dgyes rdo rje/ /zhal gyi thugs kyi dgongs pa grub/ /thugs dgyes mdzod cig dgyes rdo rje/ /oM sarba ta thA ga ta stu ti badzra swa b+hA ba A t+ma kou0f85haM/brtan par gyur nas 'khor lo bskor/ /lha rnams phyogs phyogs spro bya ste/ /nam mkha'i mthar thug 'gro ba rnams/ /dkyil 'khor lha ru gsal bar bsgom/ /brtan par gyur nas tshur bsdus la/ /rang nyid dkyil 'khor gsal bar bsgom/ / las kyi rgyal po'i 'khor lo mchog /de ni lha yi de nyid yin/ /bla ma la brnyas dad med sngags la rlom/ /glegs bam mthong bas khengs shing dbang bskur dman/ /de la sgra yi tshig kyang brjod mi bya/ /dad ldan de nyid bzhi thob gus par sgrub la brtson/ /bla ma'i lung thob drin dran bla ma la gus de dag ni//de ni ri dbang rtse las lhung gyur pa/ /ltung bar mi bya snyam yang ltung bar 'gyur/ /sdig bral ye shes rim pa 'phel bar 'gyur ba yin/ /lha'i de kho na nyid kyi rim pa ste dang po'o// //da ni ye shes kyi de kho na nyid bshad de/ /thams cad rang gi sems yin pas//lha rnams rang la bsdus pa ni/ /ji ltar me long dkyil 'khor la/ /has btab rim pas 'du ba bzhin/ /rta gdong la sogs sgom bzhi/ /yan lag bzhi la bsdu bar bya/ /lha mo brgyad ni zhal la bsdu/ /zhal dang phyag rnams rim bzhin te/ / bdag yul zhal re phyag gnyis pa/ /gzhan nas brten pa'i 'khor lo bzhi/ /bsgoms nas 'og nas 'byung ba yi/ /rtags brgyad 'byung ba bsgom pa 'am/ /mi dgag rgyud don man ngag yin/ /'dir ni bla ma'i man ngag gis/ /lha yi lung thob dang 'dra ba/ /bar dor phyag rgya chen po 'thob//gsang ba'i pad+ma mtshan nyid dang / /sems dang ye shes 'dres gyur pa'i/ /mngon par byang chub rim pa dag /ye shes dbang la nyan par 'tshal/ /byang chub rim pa'i rdo rje can/ /gnas bzhi la ni yang dag brten/ /yid du 'ong ba'i gnas dag tu/ / bde ba'i stan la gnas nas ni/ /'dod chags la sogs rim spangs te/ /brtan dang g.yo ba'i dngos kun la/ /snying rje phan par bsams nas su/ /mnyam pa'i sems ni bskyed par bya/ /'og dang 'og min sgra yi mtha'/ /de bzhin gsang ba'i pad+ma ste/ /cha dang mdog ni sna tshogs dang / /de bzhin du ni gzhan dag ste//sku gsung thugs kyi rdo rje yis/ /chos kyi dbyings kyi rol ba'o/ /bsdus te gong bu'i sbyor ba yis/ /rdo rje sems dpa' rang nyid 'gyur/ /chu dang me yi khams dag ni/ /ro gcig 'gyur bas go 'phang mchog /shes rab thabs dang sbyor ba las/ /dbang po drug po sangs rgyas nyid//yang dag bstan bcos de nyid shes/ /slob dpon lung gis rjes 'gro zhing / /gsang chen de nyid don bsgom pa/ /gcig nas brgyud de de nyid can/ /stong pa de nyid la sogs mtshan/ /thams cad sngon bzhin mtshan byas nas/ /dri ma bkrus pa'i lus kyis ni//mngon par byang chub rim pas grol/ /zla ba'i dkyil 'khor dbus gnas par/ /ye shes sems dpa' bsgom par bya/ /zla ba'i dkyil 'khor zer 'phros pas/ /kun da zla ltar dkar ba'i mdog /zhabs gnyis sems dpa'i skyil krung bcas/ / rgyan rnams kun gyis rnam par brgyan/ /sangs rgyas lnga yi dbu rgyan can/ /phyag gnyis phyag rgya che bcings nas/ /nyid kyi thugs kar bsdams par mdzad/ /gzugs mdzes shin tu rdzogs pa yi/ /ye shes pad+ma'i gdan du bsam/ /snying ni chu shing me tog 'dra/ /lte ba nas ni 'phyangs te gnas//sngon bzhin pad+ma rgyas par brgyan/ /'dab ma brgyad kyis brgyan pa yi/ /ge sar dang ni zla ba bcas/ /sa bon yi ge dgod par bya/ /lte ba'i dkyil 'khor la bzhugs pa/ /zhal gcig phyag gnyis dkar po'i mdog /dri chen dbus su bsgom par bya/ / de yi dbus su rnam shes dang / /ye shes gnyis su med par bsgom/ /sngon du byams pa ldan pa yi/ /shar gyi 'dab mar mi bskyod pa/ /snying rje chen po lho sgo ru/ /rin chen de nyid sa bon no/ /dga' ba nub sgo'i 'dab ma la/ /'od dpag med kyi sa bon dgod/ /btang snyoms byang gi 'bab ma la//don yod gtso bo bsam par bya/ /stong pa mtshan nyid med pa las/ /dbyangs yig shar sogs sa bon ni/ /zla phyed thig ler ldan pa dag /gos dkar ldan pa'i rim bzhin dgod/ /mtshams kyi 'dab ma bzhi po ru/ /sngon du bstan pa'i ma ning dgod/ /de yi dbus su rang gi sems//yi ge nyid du bsgom par bya/ /stong pa mtshan nyid med pa las/ /ji ltar yi ge bsgom par bya/ /sems ni ya mtshan skye bar 'gyur/ /bcom ldan bshad pa ji ltar lags/ /de nas bcom ldan bka' stsal pa/ /ji bzhin de nyid rdo rje nyon/ / stong pa'i mtshan nyid mtshon pa las/ /chu shing me tog bdud rtsi bzhin/ /snying po med pa'i snying por 'gyur/ /dbus kyi rnam shes ye shes te/ /ye shes rang bzhin gzugs med cing / /mtshan nyid med pa'i mtshan nyid can/ /dri ma med pa'i ye shes sku/ /dngos dang dngos med rnam par grol//kha dog gzugs dang yi ge med/ /gzugs dang stong pa'i dbus dag tu/ /rnal 'byor can gyis de nyid gzung / /mnyam pa nyid kyi sems kyis ni/ /mtshan nyid ji bzhin bsgom par bya/ /de yi rdzogs pa'i byang chub lam/ bla ma nyid kyi lung bzhin du//da ni myur du mthong bar 'gyur/ /rnam shes ye shes gzugs dag ni/ /bstan bcos las ni mtshan nyid bstan/ /de nyid kho na dpa' bos bshad/ /'od zer dkar pos brgyan pa dag/ /'di ni rtag tu bsgom par bya/ /sgeg pa lnga yi mchod rten la/ /bdud rtsi sa bon bsams nas ni//'od zer dkar po gsal ba'i mdangs/ /bdud rtsi'i rgyun ni 'dzag pa las/ /snying ga'i pad+ma'i ge sar la/ /mthe bong tsam gyi zlum po la/ /de yi dbus su sa bon ni/ /A li kA li dag las btung / /mdog dkar de ni shin tu mdzes/ /zla ba'i 'od zer kun du 'phro//de yi dbus kyi sgo rnams la/ /thig le bsgom pa rab tu grags/ /skra yi rtse mo brgya yi cha/ /rdul phran gzugs su rtag tu gnas/ /rnam par shes pa'i dngos po yi/ /mtshan nyid mtshon pa'i ye shes can/ /sems kyi mtshan nyid mi shes pas/ /thig le gnas kyi go 'phang blta//snying dang tshangs pa'i sgo dang ni/ /thigs pa lam gyi sgo dag tu/ /bla ma'i lung la gus pa yis/ /rnam shes ye shes gzung bar bya/ /phyi rol pa yi lam dag dang / /bstan bcos las ni mi rnyed cing / /bstan pa yang ni rnyed slar te/ /de sbyor bas ni rnyed par dka'//bla ma'i bsnyen bkur gus pa yis/ /thabs dang ldan pa'i sgrub pa pos/ /bla ma'i zhal gyi lam gyis ni/ /mkhas pas 'di ni bsgom par bya/ /mi g.yo 'tshe ba med pa ru/ /mnyam par gzhag ste dngos po bsgom/ /chos kyi sngon 'gro yid yin te/ / yid kyis 'jug cing yid kyis 'dag /yid kyi rgyal po'i bka' drin gyis/ /smra ba dag ni byed pa 'byung / /de bas thams cad yid rang bzhin/ /blo ldan yid las byung zhes bya/ /gal te bzla 'dod rnal 'byor pa/ /snying gi bsam dang bsgom pa ste/ /sdom dang rgyud 'gyur sa bon ni//de nyid kho na gzugs med do/ /rgyu dang 'bras bu'i sa bon ni/ /ye shes de nyid mthong ba med/ /gzugs sogs srid pa'i 'dod spyod la/ /sa bon lnga ni bsgom par bya/ /kun nas kun du 'jug pa dang / /'gro dang 'gro min yang dag gnas/ /rtag tu rtsa ba gzer bar bya/ / ye shes rnam shes sa bon ni/ /thig le'i sgra dang yang dag ldan/ /srid pa'i longs spyod 'dod pa yis/ /ngag gi yi ge spangs nas ni/ /yid kyis bzlas dang yang dag ldan/ /rtag pa chos kyi dbyings nyid kyi/ /mi g.yo go 'phang rgyun du gnas/ /rtag tu 'phang zhing gos med pas//ye shes la ni rnam shes thim/ /rnam shes ye shes nyid 'gyur na/ /byang chub rim pa mthong 'gyur zhes/ /mar me lta bu thams cad la/ /snang 'gyur mtshan ma dang po ste/ /srin bu me khyer lta bu dang / /rdul mthong mtshan ma gnyis pa yin/ /nyon mongs 'joms pa'i mtshan nyid gdags//rdul phran dkar po'i rnam par ni/ /phyogs su de bzhin mthong 'gyur ba/ /rtags ni gsum pa yin par shes/ /'dod pa lha yi longs spyod rnams/ /sems kyis mthong ba bzhi pa ste/ /gzugs kyi lha mthong lnga pa yin/ /gzugs med spyod yul drug pa ste//chos kyi dbyings la gnas pa bdun/ /sangs rgyas 'bras bu brgyad pa ste/ /rnal 'byor pas ni ma yengs bsgom/ /snying rje ldan pa'i rnal 'byor pas/ /rtse gcig bsgoms na mchog thob 'gyur/ /ye shes bsgom pa'i rnal 'byor pas/ /gang du 'pho ba'i man ngag ni//bla ma'i brgyud pa yod la blang / /'chi ba rnam rtog mkha' spyod 'gro/ /gang zhig dad med brtson med blun po shes rab med/ /bla ma'i skyon blta nyes brjod g.yo sgyus bla ma bslus/ /tshogs su mi blta lkog tu brnyas byed 'dzum tshig smra/ /bu dang rgyal po dge slong rigs bzang yin yang spang //skyon rnams spangs pa'i gzugs spyod ma yin la/ /bla ma la gus snying rje gzhan phan shes rab thabs dang ldan/ /spyod lam rnam bzhir mi yengs bsgom la brtson zhing rim par ston/ /de lta bu la sngags kyi de nyid legs par bstan par bya/ /ye shes kyi de nyid kyi rim pa ste gnyis pa'o// //de nas sngags kyi mtshan nyid bshad/ /rnal 'byor ba rnams rtag tu bzla/ /sngags dang yi ge tha mi dad/ /gnyis med rtag tu bzla ba ni/ /gal te bzla 'dod rnal 'byor pas/ /snying gis bsam dang bsgom pa ste/ /rdo rje rgyu gyur sa bon ni//de kho na ni gzugs med do/ /rang gi snying gar sa bon la/ /bsam gtan sngags kyis bskor la bzla/ /oM de wa pi tsu badzra hU~M hU~M hU~M phaT swA hA/ snying po'o/ /oM a Sh+TA na nA ya/ piM ga u r+d+ha ke sha ba r+t+ma na/ tsa tu rbiM sha ti ne trA ya/ /Sho Da sha b+hu dzA ya/ /kr-i Sh+Na dzI mU ta wa pu She/ ka pA la mA lA ne kA d+hA ri Ni/A d+h+mA ta krU ra tsi t+tA ya/ a r+d+he n+du daM Sh+TI Ne/ oM mA ra ya mA ra ya/ kA ra ya kA ra ya/ ga r+dz+dza ya ga r+dz+dza ya/ ta r+dz+dza ya ta r+dz+dza ya/ sho Sha ya sho Sha ya/ sa p+ta sA ga rA na/ ban+d+ha ban+d+ha/ nA ga a Sh+Ta kA na/ gr-i h+na gr-i h+na/ sarba du Sh+TAM Sha trUM/ ha hA hi hI hu hU he hai ho hau haM haH phaT swA hA/ rtsa ba'i sngags so//oM badzra g+hu dzu si ta pa ra ma lo ke shwa re ka pA la/ mA la d+ha ri Ni ru d+hi pr-i ye na pa si hU~M phaT swA hA/ /gau rI'i snying po'o/ /oM badzra tsa N+De shwA ri kha T+wAM gi ma hA badzra ka pA la mA la ku ho/ /A ka D+D+h+ya/ sarba du Sh+TAM hr-i da ya/ A ka D+D+h+ya b+hu hUM phaT swA hA/ /tsau rI'o/ /oM badzra be t+tA lI kha kha khA hI sarba du Sh+TaM bi ka Ta/be she ta ri ni bi kr-i ta A laM kA ra b+hU Shi ta/ ha na ha na/ da ha da ha/ pa tsa pa tsa/ pi laM pa sa ma nu smA ra/ pra sha ya maN+Tal ma te/ u ta pa ya sarba hU~M hU~M hU~M swA hA/ /be t+tA lI'o/ /oM badzra ma he shwa ri haM haM haM haM ru lu b+h+yo hU~M phaT/ pa khra yaM sarba du Sh+TA nIM ni rma tha ya hU~M hU~M phaT swA hA/g+ha sma rI'i 'o/ /oM badzra ha b+ha ba ti badzra gu dza sha ra ba hUM/ pi tsi ta bi shi ta ri na/ sarba ta thA ga tA dzu s+the sa ma ya ma nu smA ra ha na ha na/ raM ga raM ga ya/ s+phu ra s+phu ra ya/ A be sha sarba b+hU taM ta/ na d+ha na d+ha sa ta ya/ ha ha ha ha/ hU~M hU~M phaT swA hA/ puk+ka sI'i 'o/ /oM pi shA tsi pa r+Na sha ba rI sarba ma ri raM pra sha ma ni/hU~M hU~M hU~M mo ha pu ta ri hUM phaT swA hA/ ri khrod mI'i'o/ /oM badzra su laM ni b+hi n+da sarba du Sh+TAM hr-i da ya/ A ka R+Sha ya/ A ka R+Sha ya/ ha na ha na/ da ha da ha/ ni rma tha ra ya bi laM ba/ sa ma ya ma nu smA ra hU~M hU~M phaT swA hA/ tsa N+Da lI'o/ /oM badzra ba ra ma g+hu dzai ka sa la bi b+hU Shi ta sarba du Sh+TAM mo ha ni pri ye/dz+ye hi ga pa ti badzra b+hU dze sa ri b+ha hU~M/ baM baM ba sa pa ri ni sarba du Sh+TAM/ tsau ni ri hU~M phaT/ DoM bi nI/ /oM badzra ba Da ba mu khaM yo ge shwa ri hi hi hi hi dzaH hU~X phaT swA hA/ rta gdong ma'i'o/ /dzi ta pa ra/ oM badzra daM yu bA rA ha mu khI traM hU~X phaT swA hA/ phag gdong ma'i'o/ /oM badzra sA d+hu saM dze li ni ma hA ya k+Sha ni k+Sha ni rU pa ni ma hA pha la ya ni ra na te/kA ma ru ba ti taM tra da ho hU~M phaT swA hA/ khyi gdong mA'i 'o/ /oM tsa n+d+ra sU R+Ya hU~X trA sa ni siM ha ni rte siM ha ba ga te/ saM he ni taM taM taM baM baM hU~M phaT swA hA/ seng ge gdong la sogs pa'i sngags so/ /oM aM swA hA/ bdag med ma'i'o/ /oM iM swA hA/gau rI/ /oM AM swA hA/ tsau rI'i'o/ /oM IM swA hA/ /be t+tA lI'i'o/ /oM oM swA hA/ g+ha sma rI'i 'o/ /oM UM swA hA/ /puk+ka sI'i'o/ /oM r-i swA hA/ sha wa rI'i'o/ /oM r-I laM swA hA/ tsa N+Da lI'i'o/ /oM l-iM swA hA/ DoM bi ni li'o/ /rtsa ba'i 'o/ /oM h+ya gri ba hU~M phaT swA hA/ rta gdong ma'i'o/ /oM badzra sU ra gri ba hU~M phaT swA hA/phag gdong ma'i'o/ /oM ku ku ra gr-i ba hU~M phaT swA hA/ khyi gdong ma'i 'o/ /oM badzra sid+ha gri ba hU~M phaT swA hA/ /seng gdong ma la sogs pa'i snying po ring po'o/ /rnal 'byor zlos la brtson pa yis/ /gnas la phyag 'tshal yi ge lnga/ / zhi ba'i thig le dbyibs mdog brlan/ /bde ba mi rtog stong pa nyid/ /mi rtog stong pa gnyis su med/ /bla ma'i man ngag sa la bzla/ /bla ma tha mal par mthong dug sel bdud rtsi spong / /rigs dang bsnyen bkur gyis khengs 'jig rten chos brgyad tshol/ /de 'dra'i slob ma 'ong ba snying rjes dge ba de yang bzung //dal 'jam brtson zhing bka' sgrub thos bsam sgom pa pos/ /rigs gnas 'byor pa dgos kyang de ni gzung sbyang bya/ /dbang bskur rgyud bshad sngags dang gdams ngag bstan par 'os/ /sngags kyi de kho na nyid kyi rim pa ste gsum pa'o// // da ni bdag gi de kho na nyid bshad/ /de nyid shes pas mnyam gzhag med/ /dngos po rnams ni thams cad kyi/ /rnam dag de bzhin nyid du brjod/ /phyi nas re re dbye ba yis/ /lha rnams rnam par dag par bya/ /mi shes sgrib g.yogs rnam sbyangs nas/ /lus can phung po khams skye mched//rigs lnga yum lnga rdo rje ma/ /gcig gnyis gsum bzhi lnga dang bcu/ /brgya stong khri 'bum bye ba dag /grangs med sku yi gsang ba bsam mi khyab/ /gsung dang thugs kyi gnyis med bsam mi khyab/ /rnal 'byor rnams la phan pa'i phyir/ / lus med rdo rje can de nyid/ /shes rab pha rol phyin pa mchog /khams gsum 'di dag thams cad ni/ /rmi lam sgyu ma ji bzhin du/ /chos brgyad rtog pa ring du dor/ /gnyis med mi rtog nges par bya/ /pha rol phyin drug spyod pa yis/ /sangs rgyas dngos grub myur du 'grub/ / sems can mi rtog sgyu mas byas/ /chos kyi dbyings la bdag spyod pas/ /grogs po med par gcig pur rgyu/ /dogs pa med pa'i sems kyis ni/ /ji ltar bde bar gnas par bya/ /ji ltar bdud rtsi don gnyer ba/ /snying po blangs nas tshigs ma 'dor/ /de bzhin bdud rtsi lnga rnyed nas/ /rtog pa thams cad spangs nas su//sangs rgyas thams cad bstan pa bzhin/ /rtog med ting 'dzin longs spyod bya/ /rgyud rnams kun nas rgyal bas bstan/ /rtog pas dmyal bar 'gro 'gyur zhing / /'gro drug rgya mtsho 'khor bar 'gro/ /rtog pa med na grol bar 'gyur/ /phyag rgya chen po'i gnas su 'gro//de bas rnal 'byor bdag nyid ni/ /de ni yang dag don rig pas/ /snying rje 'gro don bsam pa can/ /dmigs pa med par brtan par dpyad/ /dogs med seng ge bzhin du rgyu/ /'on kyang slob dpon smad mi bya/ /rdo rje spun la mi mgu min/ /rtsa ba yan lag dam tshig rnams//gtan med sgyu mas spang bya zhing / /de nyid bcu shes bskyed rdzogs kyis/ /thams cad mkhyen pa bsgrub par bya/ /rnal 'byor chen po sna tshogs ye shes rdo rje sems dpa' rjes su brgyan/ /la las nyon mongs zhi byed lam bzang lam can lus ngag yid sgrub 'bras bu ni//sgyu ma smig rgyu dri za'i grong 'dra ting 'dzin dag la blo gnas pas/ /'dod chags la sogs nad can ye shes sgyu ma'i sman gyis bdag gzhan gso bar bya/ /bdag byin brlab pa man ngag dag /gang gis bla ma las ma bsgrubs/ /rtag dang chad pa la dmigs pas/ /mi de phyir log gyur pa yin//mchod pa thams cad rnam spangs nas/ /bla ma mchod pa yang dag brtsam/ /de mnyes pas ni kun mkhyen pa'i/ /ye shes mchog ni thob par 'gyur/ /bla med thob pa'i slob dpon ni/ /rdo rje sems dpa' mchod byas pas/ /de yis bsod nams ma byas shing //bka' thub ma bsnyen gang zhig yod/ /de nyid mi zad 'dod pa yis/ /shin tu dga' ba gang dang gang / /shin tu khyad par can de nyid/ /de dang de nyid bla mas byin/ /bla ma yis ni sdig pa 'phrog /slob dpon gyis ni 'jigs pa sel//slob dpon gyis ni sdug bsngal gyi/ /rgya mtsho 'jigs las pha rol sgrol/ /gang zhig nga rgyal gyis khengs shing / /yang dag man pa sun 'byin dang / /de nyid chos brnyes bcas pa la/ /de la de nyid bstan pa min/ /bla ma la gus bden par smra/ /rnam par mkhas shing rgyud gcig la//dam tshig spyod pa bsrung ba dag /rim pa de la bstan par bya/ /bdag gi de kho na nyid kyi rim pa ste bzhi pa'o// //de nyid bzhi bsgom rnal 'byor pa'i/ /sgrib sbyang bar chad zhi ba dang / /tshogs bsags mkha' spyod 'pho ba'i phyir/ chos skyong mkha' 'gro gtor ma byin//shar gyi dur khrod nam mkha' la/ /chos 'byung sum brtsegs bar ma ni/ /lte bar maM las sa yi lha/ /gser mdog bum pa 'dzin byed ma/ /rgyan rnams kun gyis rnam par brgyan/ /pad zla'i gdan la legs bzhugs ma/ /mkha' yi yi dgas tshogs kyis bskor//shar la sogs pa'i phyogs dang mtshams/ /dur khrod bstan pa phyogs skyong 'khor/ /steng gi pad+ma'i lte ba la/ /baM las tshangs pa gdong bzhi gser gyi mdog /g.yas na mi 'jigs 'phreng ba 'dzin/ /g.yon na spyi blugs rtse gsum 'dzin//gzugs khams lha yis bskor nas bzhugs/ /paM las pad+ma'i lte ba la/ /phu las pad+ma dkar po dkar/ /gdengs ka sbrul zhags pad+ma 'dzin/ /phyogs mtshams klu chen brgyad po ni/ /dur khrod bstan pa lta bur bsgom/ /phyogs mtshams lha rnams @#//sngon ltar bsgom/ /'dod pa'i lha yi 'khor gyis bskor/ /dzaH hU~M baM hoH rim brjod nas/ /gau rI la sogs lha mo yis/ /dgug gzhug gnyis med gyur nas kyang / /phyogs skyong 'khor bcas thugs kyi rigs/ /mi bskyod rang nyid dur khrod brgyan/ /mthing nag rdor dril yum dang bcas//zhal gcig g.yas brkyang bsgom par bya/ /lha rnams sku yi rigs yin te/ /dkar po dur khrod rgyan dang ldan/ /rdo rje dril bu yum dang bcas/ /zhal gcig g.yas brkyang bsgom par bya/ /klu brgyad gsung rigs dmar po ste/ /'od dpag rang bzhin dur khrod rgyan//mdog dmar rdor dril yum dang bcas/ /zhal gcig g.yas brkyang bsgom par bya/ /rang rang rgyan dang sku gsung thugs/ /lce rnams rdo rje sbu gus myang / /bdag nyid bdud rtsi myangs par blta/ /gtor ma gsum ni byin brlabs la/ /phyogs skyong rnams la dbul ba ni//oM i n+da dza ma dza la/ dza k+kha b+hU ta ba h+Ni bA u rA k+kha/ tsa n+da su dz+dza mA da pap+pa ta la pA tA la a Sh+Tha sa p+pa swA hA/ i daM ba liM/ b+hu ny+dza/ dziM g+ha phu l+la d+hU p+pa mAM sa piM ga a m+ba sa b+ba ka dz+dza sa da khA n+ti khu Ni phaT gA da/ oM a kA ro mu khaM sarba d+ha rmA NAM/ A d+ya nu t+pa n+na twA ta/ oM AHhU~M phaT swA hA/ ko l+la i ri D+Thi/ a bo lA mum+mu Ni re kak+ko lA/ g+ha Ne kr-i pi ta ho bA dz+dza i/ ka ru Ne ki a i Na ro lA/ ta hiM ba la khA dz+dza i/ g+ha D+heM ma a nA pidz+dza a i/ ha le kA liM dza ra pa Ni a i/ dun+du ra badz+dzi a i/ tsa u sa ma kA t+thu ri si h+la/ ka p+pu ra lA/ i a i/ mA la i n+d+ha NaM sA li ny+dza/ ti haM/ b+ha ru khA i a i/phreM kha Na khe Ta ka ran+te/ shu d+hA shu d+d+ha na mu Ni a i/ ni rAM shu aM ge tsa TA wi a i/ ta hiM dza sa rA ba pa ni a i/ ma la ya dza kun+du ru ba T+Ta i/ Di N+Di ma ta hin+na bA dz+dza a i/ /zhes bya ba'i rdo rje'i glus so/ /yan lag thams cad yongs su rdzogs par bya ste/ phyi nang 'thor 'thung byin la/oM badzra satwa sa ma ya/ ma nu pA la ya/ badzra satwa twe no pa tiSh+Tha/ Di D+ho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+hi m+me bra ya ts+tsha/ sarba karma su tsa me/ tsi t+taM shre yaH ku ru hU~M/ ha ha ha ha hoH/ b+ha ga bAn/ sarba ta thA ga ta badzra mA me muny+tsa/ badzrI b+ha ba/ma hA sa ma ya satwa aH/ rang nyid lhar bsgoms lag gnyis kyis/ /pad+ma'i phyag rgya bskor bar bya/ /hU~M hU~M hU~M gsum brjod dril bu dkrol/ /rdor dril thal mo thugs kar sbyar/ /snying rje chen po bskyed nas ni/ /rdo rje glu blang smon lam gdab/ /mchog gsum sdig dang sgrib med cing //'dod chags la sogs skyon dang bral/ /gzung dang 'dzin pa rnam par spangs/ /de bzhin nyid la bdag phyag 'tshal/ /chos rnams sgyu ma lta bur mdzes/ /gnyis spros gnyis sbyang gnyis su med/ /lus can don du sgyu mas spyad/ /dngos po bral ba bdag phyag 'tshal/ / sems can thams cad sdig med cing / /sems can thams cad bde gyur cig/ /sangs rgyas nyid dang phrad gyur cig /lam de nyid nas zhugs nas kyang / /ma brgal ba rnams bsgral ba dang / /ma grol ba rnams grol bar shog /rnal 'byor chos dang dam tshig la/ /da lta nyid du gnas par shog /g.yon pa khu tshur snying gar gzhag /phyag g.yas brkyang ste gshegs gsol ba/ /sarba g+ha Ta n-i gr-ih+na gr-ih+na hU~M phaT/ oM AHhU~M muHbsam gtan mi sbyor nyal mi nus/ /thabs dang shes rab pha rol phyin/ /ldang tshe lha mo'i glus bskul zhing / /langs nas khrus byed dbang bskur bsam//gtor ma maN+Dal mchod sogs rnams/ /bskur ba bcas pas bya ba yin/ /bza' ba phud dbul bdud rtsi myang / /spyod lam rnam bzhir ci spyod pa/ /de nyid bzhi yi rim pas spyad/ /rgyud dang bla ma'i man ngag la brten nas/ /dgyes rdor rim pa bzhi yi sgrub thabs byas//'di las dri med dge ba gang bsags pas/ /'gro kun dgyes pa'i rdo rje 'grub par shog /slob dpon ka m+pa las mdzad pa'i dgyes pa rdo rje'i sgrub thabs de kho na nyid bzhi'i rim pa zhes bya ba rdzogs so// //paN+Di ta bai ro tsa na rak+Shi ta dang lo tsA ba glan dar ma blo gros kyis bsgyur zhing zhus te gtan la phab pa'o/

CLOSE WINDOW