CLOSE WINDOW

D1243
བོད་ཡིག

/ @##/ /rgya gar skad du/ he badzra nA ma sA d+ha naM/ bod skad du/ kye rdo rje zhes bya ba'i sgrub pa'i thabs/ /kye rdo rje la phyag 'tshal lo/ /zhal brgyad phyag ni bcu drug pa/ /hU~M skyes gau rI la sogs bskor/ /zhabs kyis bdud bzhi mnan pa ste//bdag med ma yis ltag nas 'khyud/ /spyan ni nyi shu rtsa bzhi mnga'/ /thod rlon brgya phyed phreng ba can/ /sngon po phyag rgya lngas brgyan la/ /phyag 'tshal sgrub thabs bshad par bya/ /de la dang por re zhig rnal 'byor pas/ gdong bkru ba la sogs pa'i bya ba byas la sems can thams cad kyi don du blo bskyed nas/oM rak+Sha rak+Sha hU~M hU~M hU~M phaT swA hA/ zhes pas gnas la sogs pa bsrung ba byas la/ dpal kye rdo rje las gsungs pa'i dkyil 'khor du zhugs pas rim pa ji lta ba bzhin du dbang bskur ba/ yang dag pa'i bka'i rjes su gnang ba dang /shin tu rnam par dag pa dang / de kho na'i ye shes phyi ci ma log pa thob pa/ mtshan ma rnyed pa/ dur khrod la sogs pa yid du 'ong ba'i gnas su sna tshogs rdo rjes mtshan pa'i bde ba'i stan la 'dug pa/ bdud rtsi lnga la sogs pa'i dam tshig bstan pa/ gang la yang mi ltos pa/dogs pa med pa'i shes rab dang bcas pa dpal kye rdo rje'i nga rgyal dang ldan par bya'o/ /de nas rang gi snying gar pad+ma'i steng du raM zhu ba las nyi ma'i dkyil 'khor de'i steng du hU~M sngon po dmigs so/ /de nas hU~M gi yi ge las 'od zer lnga spros pas khams gsum gsal bar byas nas slar bkug ste/mdun gyi nam mkha' la bcom ldan 'das phyag bcu drug pa zhal brgyad pa spyan gsum pa rang gi rig ma la 'khyud pa/ skra ser po gyen du brdzes pa/ phyag rgya lngas brgyan pa/ lha mo brgyad kyis bskor ba/ kha dog dang phyag mtshan 'og nas 'byung ba lta bu spro ba dang bsdu ba'i sku bsam mo//de'i mdun du gau rI nag mo phyag na byang chub kyi sems kyi zla ba can g.yas na tsau rI dmar po rang 'byung gi me tog ces bya ba'i nyi ma can/ rgyab tu be tA lI ser mo phyag na rdo rje'i chu'i lhung bzed thogs ma/ byang du g+hasma rI ljang gu gsang ba'i sman 'dzin ma/dbang ldan du puk+ka sI sngon mo sha sna tshogs 'dzin ma/ me ru sha ba rI dkar mo chang bsnams ma/ /bden bral du tsaN+Da lI cung zad dmar ba rde'u chung brdung ma/ rlung du Dom+bi nI du ba'i mdog can ma nyid kyi sku la 'khyud pa/ de ltar rnal 'byor ma rnams kyis bskor ba'i bcom ldan 'das gsal bar dmigs te/de nas phyis 'od zer rang gi sa bon la bstim mo/ /yang rang gi sa bon las 'od zer spros te/ phyi dang nang dang / gsang ba dang / de kho na'i mchod pa'i khyad par gyis bcom ldan 'das la mchod pa ni de la me tog dang /spos dang / lha bshos dang / rin po che sna bdun la sogs pa dbul ba ni phyi'i mchod pa'o/ lha mo brgyad kyis bdud rtsi lnga dang sha lnga la sogs pa dbul ba ni gsang ba'i mchod pa'o/ /yang dag pa'i bla ma'i gdams ngag gis bdag med ma dang gnyis su med pa'i bde ba nyams su myong ba de ni de kho na'i mchod pa'o//de ltar shin tu rnam par dag pa'i mchod pa byas nas/ lus ngag yid gsum dang bas phyag byas te/ de dag gi mdun du sdig pa bshags pa la sogs pa bya'o/ /gang zhig 'khor ba thog ma med pa nas phyin ci log gi rnam par rtog pa las skyes pa'i bdag gis sdig pa'i las byas pa thams cad dang /gzhan gyis bgyis pa la rjes su yi rang ba dang / cung zad bgyid du stsal ba de dag thams cad bshags shing yang phyin chad mi bgyi'o/ /gang zhig so so'i skye bo dang / lha dang / nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas thams cad kyi dge ba'i rtsa ba thams cad la rjes su yi rang ngo / /bsod nams thams cad bla na med pa yang dag par rdzogs pa'i byang chub tu yongs su bsngo bar bgyi'o/ /de nas khams gsum gyi bdag nyid bde ba chen po'i rang bzhin gyis sangs rgyas dpal kye rdo rje dang /des bstan pa'i sngags dang phyag rgya dang / dkyil 'khor la sogs pa'i rang bzhin gyi chos dang / de'i dkyil 'khor gyi 'khor lor gnas pa'i rnal 'byor ma'i tshogs la ji srid byang chub kyi snying po la mchis kyi bar du skyabs su mchi'o sems can thams cad kyi don byed pa'i rgyur gyur pa'i rang bzhin gyi rnam pa thams cad kyi mchog dang ldan pa'i stong pa nyid yang dag pa'i byang chub kyi sems bde ba chen po bskyed par bya'o//bdag gis 'di ltar bla na med pa byang chub kyi sems kyi rdo rje'i lam la brten par bya'o/ / chos kyi 'khor lo bskor bar bskul ba dang / mya ngan las mi 'da' bar gsol ba gdab par bya'o/ /de nas sems can thams cad la bu gcig pa dang 'dra ba'i bde ba'i mchog gi ngo bo nyid kyi byams pa chen po dang / sdug bsngal dang / sdug bsngal gyi rgyur gyur pa rtog pa thams cad kyi rgya mtshor bying ba'i sems can thams cad skyabs med pa mthong nas de bsgral ba'i phyir 'dod pa'i snying rje chen po dang /bde ba chen po dang ma bral bar mthong ba'i dga' ba dang / 'jig rten pa'i chos brgyad las log pa'i lam gyi mtshan nyid kyi btang snyoms bsgom par bya'o/ /de ltar bla na med pa'i chos thams cad rab tu 'byed pa'i mtshan nyid kyi shes rab kyis chos thams cad rten 'brel las skyes pa tsam rang bzhin gyis gzod ma nas skye ba med par gsal bar shes par bya ste/dngos po ma lus pa'i bde ba de kho na nyid kyi snying por bsdus pa'i stong pa'i ye shes kyi rdo rje'i rang bzhin gyi chos shes nas oM shU n+ya tA dz+nyA na badzra swa b+hA wa A t+ma kou0f85haM zhes pa'i sngags de yid kyis bzlas te/skye ba med pa 'gag pa med pa yang dag pa'i bla ma'i man ngag gis thang cig mi gnas pa'i ngo bo la gnas pa'o/ /de nyid 'od gsal ba'o/ /de ni shin tu bde bar gnas/ / chos kun de nyid kho nar gsungs/ /shes rab pha rol phyin pa de/ /bdud rnams 'joms par byed pa'i mchog /de nas sngon gyi sngon lam gyis stong pa nyid 'od gsal ba'i ting nge 'dzin las langs te/ nam mkha' la raM las byung ba'i nyi ma'i dkyil 'khor de'i steng du hU~M sngon po 'od du zhu bar gyur pa las sna tshogs rdo rje'i 'od zer lnga bsgoms nas mnar med pa'i sems can dmyal ba'i me dang 'dra ba'i 'od zer shin tu 'bar ba'i tshogs ji tsam 'dod par spro ste/phyogs su rdo rje'i rwa ba dang / steng du rdo rje'i gur dang / 'og tu rdo rje'i sa gzhi dmyal ba la thug pa yan chad bsam par bya'o//de'i nang du nyi ma'i dkyil 'khor gyi steng du sna tshogs rdo rje/ de las 'od zer 'phros pas phyogs mtshams rdo rje'i rtsig pa la sogs pas brtan par bya'o/ /de'i dkyil du b+h+rUM ser po bsam mo/ /b+h+rUM zhu ba las 'khor lo rtsi bas bcu pa kha dog ser po myur du 'khor zhing gzhan du mi g.yo ba'o//de'i dkyil du sna tshogs rdo rje/ /de'i steng du sna tshogs pad+ma/ /de'i steng du nyi ma'i dkyil 'khor bsam mo/ /de'i steng du zla ba nyi ma kha sbyar ba'i dbus su hU~M yig blta'o/ /me long lta bu'i ye shes la sogs pa ye shes lnga'i rim pas bcom ldan 'das hU~M mdzad bsam mo//hU~M las skyes pa sku mdog i n+d+ra nI la dang 'dra ba ljang gu sna tshogs pas brgyan pa/ rin po che'i dbu rgyan can/ 'jigs byed dang dus mtshan mo nag mo mnan pa/ phyag gnyis rdo rje dang dril bu 'dzin pas rang gi rig ma la 'khyud pa/ zhabs brkyang bskum du bzhugs pa bsam par bya'o//de nas yang dag pa'i slob dpon gyi gdams ngag las rdo rje thod pa'i sbyor bas khro bo bcu bsgom par bya ste/ de la shar la sogs pa phyogs bzhir gshin rje gshed po dang / shes rab mthar byed dang / pad+ma mthar byed dang bgegs mthar byed dang bzhi ni nag po dang /dkar po dang dmar po dang / sngon po'i rim pas so/ /rdo rje'i tho ba dang / be con dkar po dang / chu skyes dmar po dang / rdo rje nag po phyag gis 'dzin pa'o/ /de rnams kyang sbom la thung ba/ gsus pa 'phyang ba/ khro ba dang bcas pa/ sbrul gyi chun po brgyad kyis brgyan pa/ skra ser po gyen du brdzes pa/spyan dmar la zlum pa/ rnam par snang mdzad dang / mi bskyod pa dang / snang ba mtha' yas dang / don yod grub pa dang / bzhis dbu brgyan pa/ stag gi pags pa'i sham thabs can no/ /de bzhin du mi'i mtshams dang / bden bral gyi mtshams dang /rlung gi mtshams dang / dbang ldan gyi mtshams dang bzhir 'dod pa'i rgyal po dang / dbyug sngon can dang / stobs po che dang / mi g.yo mgon no/ /de rnams kyang kha dog nag po lcags kyu dang / dbyug to dang / rtse gsum dang / ral gri phyag gis 'dzin pa'o/ / 'dod pa'i rgyal po dang / mi g.yo mgon po dang gnyis ni na bza' bzang po/ /rin po che la sogs pas brgyan pa/ rin po che'i dbu rgyan can no/ /dbyug to can dang / stobs po che gnyis ni gshin rje gshed po dang 'dra ba shin tu 'jigs pa'o/ /'og tu gnod mdzes rgyal po ni tho ba nag po phyag gis 'dzin pa rin po ches dbu brgyan pa'o//steng gi rtsibs la yang gtsug tor 'khor los sgyur ba ser po rin po ches dbu brgyan pa/ 'khor lo ser po bsnams pa/ rnam par snang mdzad kyis dbu brgyan pa'o/ /'dod pa'i rgyal po la sogs pa lnga ni mi bskyod pas dbu brgyan pa'o//de dag ni khro bo bcu ste/ sna tshogs pad+ma'i steng du nyi ma'i dkyil 'khor la zhabs bgrad nas gnas pa/ g.yon pas sdigs mdzub snying gar bsgreng pa/ sbrul gyi zhags pa thogs pa'o/ /de ltar srung ba'i 'khor lo byas nas de'i dkyil na rdo rje hU~M mdzad zhu ba las 'byung ba chen po nam mkha' chen po chos 'byung gru gsum pa rdo rje 'dzin pa chen po'i rang bzhin ston ka'i ri bong can ltar dkar ba zhabs phra ba kha yangs ba zur gsum pa zur dod pa de ltar bsam par bya'o//de'i dkyil du sna tshogs pad+ma/ de'i steng du sna tshogs rdo rje chen po rtse mo bcu gnyis pa/ shar gyi rtse mo gsum ni dkar ba/lho'i gsum ni ser ba/ nub kyi gsum ni dmar ba/ byang gi gsum ni ljang khu/ dbus sngon po bsam par bya'o/ /de'i steng du yaM las skyes pa'i rlung gi dkyil 'khor gzhu'i dbyibs 'dra ba sngon po ba dan g.yo ba gnyis kyis mtshan pa'o/ /de'i steng du raM las me'i dkyil 'khor gru gsum dmar po la raM gyis mtshan pa'o//de'i steng du baM las skyes pa'i chu'i dkyil 'khor dkar ba zlum po baM gyis mtshan pa'o/ /de'i steng du laM las skyes pa'i sa'i dkyil 'khor gru bzhi pa ser po zur la rdo rje gsum pas mtshan pa'o/ /de'i dkyil du sna tshogs rdo rje la rten 'brel las skyes pa'i sems can 'byung ba chen po bzhi zhu ba las skyes pa shin tu rnam par dag pa'i sangs rgyas kyi zhing 'dus pa chen po'i gzhal yas khang rnam par snang mdzad kyi rang bzhin sna tshogs pa'i rin po che bzhi'i rang bzhin gyi gzhal yas khang gru bzhi pa/sgo bzhi pa/ka ba brgyad kyis nye bar brgyan pa/ zur bzhi pa/ rta babs bzhis rnam par spras pa/ lha mo ser mo pi wang brdung ba dang / lha mo dmar mo gling bu 'bud pa dang / Da ma ru brdung ba lha mo du ba'i mdog can ma/ lha mo dkar mo rnga bo che brdung ba dang / lha mo ser mo me tog gi phreng ba thogs pa/lha mo dmar mo 'gying bag can/ lha mo glu ma sku mdog dmar ser ma/ lha mo gar ma kha dog sna tshogs pa/ lha mo me tog ma dkar mo/ /lha mo spos me ma nag mo/ /lha mo mar me ma dmar mo/ /lha mo dri chab ma ser mo/ /gzugs kyi lha mo dkar mo dang / ro'i lha mo dmar mo dang / reg bya'i lha mo ljang gu dang / chos kyi lha mo ste/ de ltar bcu drug ni zla ba phyed pa'i thig le can/ rang rang gi sa bon las grub pa/ mig dang gzugs tha dad par bzhugs pa/ rtsa ba la sogs pa'i sgo'i 'gram du mchod pa'i lha mo rnams kyis brgyan pa ste/ de ltar rim pas g.yas skor du gnyis gnyis gnas so//dra ba dang dra ba phyed pa dang / pu shu dang / me tog gi phreng ba dang / bla re dang / me long dang / rnga yab la sogs pas mdzes par brgyan pa/ rdo rje'i phreng ba'i 'od zer gsal ba sangs rgyas mang po 'phro ba la sogs pa sna tshogs g.yo ba'i rtse la dril bu 'khrol ba 'dod pa'i yon tan lngas brgyan pa/yid du 'ong ba'i gzhal yas khang la dur khrod brgyad kyis bskor ba bsam par bya'o/ /de la shar gyi dur khrod chen po ni gtum drag ces bya ste/ shi ri sha'i shing la lha glang po che'i mgo bo can ser po/ /brgya byin ser po dang / klu ba su ki ser po/ /sprin sgra sgrogs zhes bya ste sngon po'o//me'i mtshams kyi dur khrod chen po ni ha ha dgod ces bya ste/ shing ka ra ny+dza la lha ra'i gdong pa can me lha dmar po der klu pad+ma chen po ljang gu/ sprin 'khrigs pa zhes bya ste/ mdog dmar po'o/ /lho'i dur khrod ni 'jigs sde zhes bya ste/ shing a mra zhes bya ba la lham he'i mgo bo can/gshin rje nag po/ /der pad+ma dkar po dang / sprin 'khyil pa zhes bya ba mdog ser po/ /bden bral gyi dur khrod ni 'jigs pa zhes bya ste/ pa ka ha'i shing lha ra'i gdong ba can/ bden bral nag po klu mtha' yas skya bo dang / sprin gang ba ser po'o//nub kyi dur khrod ni 'bar ba 'khrigs pa zhes bya ste/ shing ni a sho ka la lha chu srin gyi mgo bo can ser po chu lha dkar po/ /der klu karko Ta dmar po/ /sprin drag po dkar po'o/ /rlung gi mtshams kyi dur khrod ni mun nag 'jigs pa zhes bya ste/ ardzu na'i shing la lha ri dgas kyi gdong pa can dkar po//rlung gi lha sngo skya/ der glu rigs ldan khra bo/ /sprin char 'bebs ljang gu'o/ /byang gi dur khrod ni tshang tshing can 'jigs su rung ba ste/ byang chub kyi shing la lha mi'i gdong pa can/ gnod sbyin ser po/ /der klu 'jog po nag po/ /sprin rmugs pa dkar po'o//dbang ldan gyi dur khrod ni dpal gyi nags zhes bya ba ste/ shing ni bo d+hi br-ik+Sha la lha khyu mchog gi gdong pa can/ lha chen po dkar po/ /klu dung skyong ser po/ /sprin gtum drag mdog sna tshogs pa'o/ /dur khrod chen po ni mchod rten du blta bar bya'o/ /de ltar bsam par bya'o//de ltar brgya byin la sogs pa brgyad ni ro stod can te/ g.yon pa rnams kyis thod pa bsnams pa/ g.yas kyis gtor ma 'dzin pa'o/ /de ltar shing chen po ni brgyad do/ /gzhan dag ni shing sna tshogs pa ste dpag tu med do/ /pho rog dang / 'ug pa dang / bya dkar dang / 'bri ta dang / khyi dang / spyang ki dang / spyang mo dang / khra dang / khra mo dang / seng ge dang / phag pa dang / stag la sogs pa'i 'jigs pa dang / sbrul thams cad dang / glang sbrul dang / dum bu b+ha ma gar hi b+ha shin tu 'jigs par byed pa/ keng rus dang / gsal shing dang / ro 'phyang ba dang / mgo chad pa'i lus po dang / thod pa dang / pus mo dang / mgo med pa'i lus po dang / lag pa dang / mgo bo dang / 'jigs pa sna tshogs pa'o/ /dngos grub can la sogs pa lha mang po dang / dam tshig gi bdag nyid rnal 'byor ma rnams 'du ba'i tshogs gnod sbyin dang /srin po dang / yi dags srog gcod pa la sogs pa rgyu bar gnas pa'o/ /bdag la dga' ba cho 'phrul sna tshogs ston pa/ sgra chen po sgrogs pa'i dur khrod chen po'o/ /de'i dbus su pad+ma dmar po 'dab ma brgyad pa'i steng du 'jigs pa'i bdud bzhi gan rkyal du 'jug par blta'o//phung po'i bdud tshangs pa dang / nyon mongs pa'i bdud khyab 'jug dang / lha'i bu'i bdud brgya byin dang / 'chi bdag gi bdud dbang phyug chen po'o/ /bdud bzhi'i snying gar nyi mas mnan pa bsam par bya'o/ /shar la sogs pa bzhir tshangs pa la sogs pa mnan pa'o//dbang ldan la sogs pa bzhir gshin rje dang / gnod sbyin dang / lha ma yin dang / srin po'o/ /de brgyad kyi snying gar zla bas mnan pa'o/ /de dag thams cad gzhal yas khang grub pa'i rjes su bsam mo/ /der A li bcu drug nyis 'gyur du byas pa las zla ba'i dkyil 'khor shes rab kyi gzugs kyi rang bzhin me long lta bu'i ye shes so//de'i steng du kA li sum cu rtsa bzhi D+ha Da d+ha da ya la de ltar drug gi bzhi bcu'o/ /de dag nyis 'gyur du byas pa las nyi ma'i dkyil 'khor thabs kyi rang bzhin ni mnyam pa nyid kyi ye shes so//de gnyis kha sbyor ba'i dbus su hUM dang aM gnyis 'od du zhu ba las/ gri gug dang thod pa sbyar ba la rang gi sa bon gyis mtshan pa ni so sor rtog pa'i ye shes so/ /sa bon gnyis las 'od zer 'phros pas de bzhin gshegs pa thams cad gsal bar byas nas de rnams kyi 'od zer gyis bkug nas slar rang la thim ste/thams cad gcig tu gyur pa ni bya ba nan tan gyi ye shes so/ /de'i thog tu zla ba dang / nyi ma dang / sa bon dang / phyag mtshan rnams yongs su gyur pa las bdag nyid bcom ldan 'das rdo rje sems dpa'i sku mdog dan phyag mtshan 'og nas 'byung ba lta bu'i/dpal kye rdo rje'i gzugs su langs te/ rgyu'i rdo rje 'dzin gyi rang bzhin bdag med mas ltag nas 'khyud pa/ chos kyi dbyings kyi bdag nyid bsam par bya'o/ /ye shes lnga'i byang chub pa'i rnam pa'o//de nas oM pad+ma su kha d+hA ra ma hA rA ga su kha~M dad ta tsa tu rA nan+da b+ha ga bi shwa/ hU~M hU~M hU~M kaR+YaM ku ru Sh+wa me/ oM badzra ma hA dwe Sha tsa tu rA nan+da da ya ka kha ga mu khe ka ra so nA tha hU~M hU~M hU~M kaR+YaM ku ru Sh+wa me zhes pad+ma dang rdo rje byin gyis brlab bar bya'o/ /oM sar+b+ba ta thA ga ta a nu rA ga Na badzra swa b+hA ba At+ma kou0f85haM/de ma thag tu rjes su chags par bya'o/ /sbyor ba dang po bshad pa'o/ /de ltar las kyi phyag rgya'i rim pa'o/ /de nas bcom ldan 'das kyi thugs kar hUM bcom ldan 'das ma'i thugs kar oM gi sa bon bltas nas snying ga'i sa bon las 'od zer 'phros pas de bzhin gshegs pa thams cad bkug nas snying ga'i sa bon la thim/de rnams 'od du zhu ba las shar phyogs la sogs par tshangs pa'i gdan gnas pa'i steng du zla ba dang / nyi ma kha sbyar la byang chub kyi sems kyi thig le zhu nas phyir 'phros pa dang rim pa ji lta ba bzhin du gaM tsa~M ba~M g+ha~M pa~M sha~M la~M Da~M zhes bya ba'i sa bon brgyad bsam mo//de rnams yongs su gyur pa las gri gug dang / cang te'u dang / rus sbal dang / sbrul dang / seng ge dang / dge slong dang / 'khor lo dang / rdo rje rnams bsam mo/ /de'i steng du yang sa bon gyi yi ge rnams so/ /zla ba dang / nyi ma dang / phyag mtshan la sogs pa zhu nas sngon po dang 'dra ba'i ye shes sems dpa' lnga'i mngon par byang chub pa las gau rI la sogs pa bsgom par bya ste/ de la shar sgor ga~M gi yi ge las skyes pa'i gau rI dkar mo mdog nag mo/ /phyag g.yas na gri gug /g.yon na nya ro hi ta/ tshangs pa mnan pa/gzugs kyi phung po'i rang bzhin dgod do/ /lho'i sgo la tsa~M gi yi ge las skyes pa tsau rI dmar mo phyag g.yas na cang te'u/ g.yon na phag pa/ dbang po mnan pa tshor ba'i phung po'i rang bzhin can no/ /nub kyi sgor baM gyi rnam pa las skyes pa be+e tA lI gser bcom lta bu phyag g.yas na rus sbal/g.yon pad+ma'i snod nye dbang mnan pa 'du shes kyi phung po'i rang bzhin no/ /byang gi sgor g+hasma rI g+ha~M gi rnam pa las skyes pa ljang gu phyag g.yas na sbrul/ g.yon na thod pa/ drag po mnan pa 'du byed kyi phung po'i rang bzhin no/ /dbang ldan gyi mtshams su puk+ka sI sngon mo pa~M gi rnam pa las skyes pa phyag g.yas na seng ge/g.yon na dgra sta/ gshin rje mnan pa khams kyi rang bzhin bsam mo/ /me'i mtshams su sha ba rI sha~M gi rnam pa las skyes pa kha dog dkar po phyag g.yas na dge slong / g.yon na gsil byed/ gshin rje mnan pa chu'i khams kyi rang bzhin bsam mo//bden bral du gtum mo la~M yig gi rnam pa las skyes pa sngon mo phyag g.yas na 'khor lo/ /g.yon na thod pa/ srin po mnan pa me'i khams kyi rang bzhin bsgom mo/ /rlung gi mtshams su DoM bi nI Da~M gi rnam pa las skyes pa kha dog sna tshogs pa phyag g.yas na rdo rje/g.yon na sdigs mdzug thags bzangs ris mnan pa rlung gi khams kyi rang bzhin bsgom mo/ /de rnams thams cad spyan zlum zhing dmar po gsum pa skyil krung phyed pa'i gar gyis bzhugs pa/ skra ser po gyen du brjes pa/ zhabs gnyis pa/ phyag rgya lnga dang ldan pa//zla ba'i gdan la bzhugs pa/ gar dgu'i ro dang ldan pa/ mche ba gtsigs pa/ gcer bu ma/ byang chub kyi sems 'phro ba las byung ba yang dag par bsgom mo/ /de nas oM AHhU~M gi yi ge gsum gyi rang bzhin hoHd+mar po gnyis kyis mtshan pa mtha' ma brten pa dri za'i grong khyer dang 'dra ba mthong ba las rjes su chags pas bcom ldan 'das kyi zhal du zhugs nas//rdo rje'i lam nas lha mo'i dkyil 'khor du zhugs te/ de lta bu'i rang bzhin bsgom mo/ /de'i rjes su bcom ldan 'das shin tu bde ba chen por ro gcig pas rang gi rig ma dang lhan cig zhu bar gyur pa las rang gi sa bon gyi gzugs kyis rnam par gnas par bsam mo//de nas puk+ka sI la sogs pa'i lha mo bzhi po rnams rang rang gi mgon med par shes nas yid sdug bsngal chen por gyur te/ shin tu 'dod pa'i sems dang rab tu sad par 'dod pa rnams kyis rdo rje'i glus bskul bas bcom ldan 'das bzhengs su gsol ba/rje btsun snying rje'i yid bzhings shig /puk+ka sI ni bdag la skyobs/ /stong pa'i rang bzhin nyid spongs la/ /bdag la bde chen sbyor bar mdzod/ /khyod med na ni bdag 'gum pas/ /kye yi rdo rje khyod bzhengs shig//stong pa'i rang bzhin nyid spangs la/ /sa ba ri 'bras grub par mdzod/ /dga' gtso 'jig rten mgron gnyer ba/ /stong pa nyid la bzhugs sam ci/ /khyod med phyogs ni mi 'tshal bas/ /gtum mo bdag ni zhu ba bgyid/ /bdag gis khyod kyi thugs 'tshal gyis//mig 'phrul mnga' ba khyod bzhengs shig/ /DoM bi bdag ni dran nyams pas/ /snying rje rgyun chad ma mdzad cig/ /ces de kho na nyid kyi glu rnams kyis bskul bas rmi lam rab tu sad pa ltar bcom ldan 'das tu bzhengs nas bdud rtsir zhu bar gyur pa las zla ba'i gzugs so//de'i steng du sa bon gnyis gyur pa'i phyag mtshan de yang hU~M dang aM gis mtshan pa'o/ /de nas nyi ma'i dkyil 'khor dang bcas pa gcig tu gyur nas/ aM gi rnam pa las byung ba bdag med ma la snyoms par zhugs pas hU~M las skyes pa'i bcom ldan 'das kyis bdag nyid 'bras bu kye rdo rje zhabs brkyang bskums du bzhugs pa/lha dang lha ma yin la sdigs pas khros pa/ thod pa lngas dbu brgyan pa/ gzhon nu lo bcu drug lon pa dang 'dra ba/ zhabs bzhis bdud bzhi mnan pa/ mgo bo rlon pa lnga bcu'i phreng ba can/ spyi bor sna tshogs rdo rje nag pos mnan pa/nyi ma'i 'od lta bur 'bar ba zhal nas hU~X gi sgra sgrogs pa/ lus la thal bas byugs pa/ zhal brgyad pa rtsa ba'i zhal nag po chen po/ /g.yas ni dkar ba/ yang g.yas pa gnyis ni nag po'o/ /g.yon pa ni dmar po'o/ /yang g.yon pa'i zhal gnyis ni nag po'o//steng gi zhal ni bung ba'i mdog go/ /mche ba gtsigs pa/ so so'i zhal spyan dmar po gsum gsum mnga' ba/ mche ba cung zad gtsigs pa/ sgeg pa dang / dpa' ba dang / drag shul dang / /khro ba dang / rgod pa dang / 'jigs pa dang / snying rje dang / rngam pa dang /zhi ba ste/ gar gyi ro dgu'i tshul du bzhugs pa/ skra seng po gyen du 'khyil ba/ phyag rgya drug gis brgyan pa/ skyil krung phyed pa'i gar gyis nyi ma'i dkyil 'khor la bzhugs pa/ phyag bcu drug pa/ g.yas kyi phyag brgyad du glang po che dang / rta dang / bong bu dang / ba glang dang / rnga mo dang / mi dang / seng ge dang / byi la ste/ thod pa'i snod brgyad du glang po che la sogs pa rim pa ji lta ba bzhin no/ sa dang / chu dang / me dang / rlung dang / zla ba dang / nyi ma dang / gshin rje dang / gnod sbyin te de lta bu'i rnam pa bsam mo/ /bdag med ma la sogs pa ni zhabs gnyis phyag gnyis ma/zhal gcig ma nag mo spyan gsum dmar zhing zlum pa/ phyag rgya lnga 'dzin ma/ gcer bu ma/ skra ser po gyen du 'khyil pa/ thod pa lngas dbu brgyan pa/ mgo bo skam po lnga bcu'i do shal can/ phyag g.yas na gri gug /g.yon na thod pa//bcom ldan 'das la phyag gnyis kyis 'khyud pa/ bcom ldan 'das kyi ma mchu'i ro myang ba bsam par bya'o/ /de nas bcom ldan 'das kyi thugs kar pad+ma/ de'i steng du nyi ma/ de'i steng du hU~M sngon po'o/ /bdag med ma'i thugs kar pad+ma'i steng na zla ba/ de'i dkyil nas a las byung ba'i gri gug yu ba la zla ba/ /de'i steng du aM bsam par bya'o/ /rnal 'byor ma brgyad kyi thugs kar yang pad+ma/ de'i steng du zla ba de'i steng du rang gi sa bon/ /de gyur pa las phyag mtshan/ de la yang zla ba'i steng du sa bon bsam par bya'o/ /de dag ni dkyil 'khor rgyal po mchog gi ting nge 'dzin to//de nas dkyil 'khor yongs su bsgrubs la/ sa bon de rnams las phyir 'phros te/ nam mkha' khyab par spros nas/ de dag gsal bar byas nas rang gi snying ga'i sa bon las 'od zer lcags kyu lta bus ye shes kyi 'khor lo bkug ste/shar phyogs kyi nam mkhar bzhugs nas zhal brgyad kyi hUM gis bgegs bskrad de/ mchod yon la sogs pa phul nas yang mchod cing bstod nas/ dzaHhU~M baM hoHbskul bas gau rI la sogs pa rim pa ji lta bas dgug pa dang / gzhug pa dang / bcing ba dang /dgyes par byas nas dam tshig gi 'khor lo dang / ye shes kyi 'khor lo gnyis chu la chu bzhag pa bzhin gcig tu gyur par bsam mo/ /mig la gti mug rdo rje ma/ /rna bar zhe sdang rdo rje ma/ /sna la ser sna rdo rje la/ /kha la 'dod chags rdo rje ma/ / lus la phrag dog rdo rje ma/ /yid la bdag med rnal 'byor ma/ /dkar mo rdo rje ma dang / /nag mo bdag med ma dang / /ser mo nang gi gau rI dang / /dmar mo rdo rje chu ma dang / /ljang gu rdo rje mkha' 'gro ma'o/ /yang nag mo ni bdag med ma'o/ /de rnams rdo rje ma la sogs pa'i ming bzhi'o//gti mug rdo rje ma la sogs pa rang rang gi sa bon rnams las byung ba go chas dbang po dag pa'o/ /de nas lus ngag yid gsum pa yi ge oM AHhU~M las sa spyod ma dang / mkha' spyod ma dang / /bdag med ma rigs gsum pas byung ba'o/ /de dag kyang phyag gnyis pa gri gug dang thod pa 'dzin pa/spyan gsum zhal gcig ma/ ro'i steng na zla ba mnan pa bsam par bya'o/ /rang rang gi snying ga'i sa bon las 'od zer 'phros pas sangs rgyas spyan drangs te nam mkha' la bzhugs pa la lha mo brgyad po rnams kyis yang dag par mchod de gsol la ba gdab po//de bzhin gshegs pa thams cad kyis bdag la dbang bskur bar mdzad du gsol/ /de nas sangs rgyas de rnams kyis he ru ka'i gzugs kyis de bzhin gshegs pa lnga'i bdag nyid kyis bdud rtsi lngas bum pa gang bas/ 'di ltar/ snang ba thams cad skyes tsam na/ /de bzhin chu yis khrus byas ltar//de bzhin gshegs pas dbang mdzad de/ /dag pa bzang po'i chus dbang bskur/ /zhes brjod de dbang bskur ro/ /dbang bskur ba'i rjes la me tog dang gur kum gyi char 'bab par 'gyur ro/ /rnga'i sgra byed do/ /dbang bskur bas spyi bor rang rang gi rigs kyi bdag pos mtshan par 'gyur ro//de la bcom ldan 'das kyi dbu la mi bskyod pas dbu brgyan pa'o/ /de ltar mi bskyod pa dang / rnam par snang mdzad dang / rin chen 'byung ldan dang / snang ba mtha' yas rnams kyis gau rI la sogs pa bzhi la dbu brgyan pa ni zhe sdang dang / gti mug dang /ser sna dang / 'dod chags so/ /puk+ka sI la sogs pa'i phyag rgya de nyid do/ oM sar+b+ba ta thA ga ta a b+hi She ka badzra swa b+hA ba At+ma kou0f85haM zhes bya ba'i sngags bzlas so/ /de nas yaM nag po las rlung gi dkyil 'khor/ de'i steng du raM dmar po las ma'i dkyil 'khor dmar po/ /de'i steng du thod p a gsum//de'i steng du a dmar po las byung ba'i thod pa phyi dkar la nang dmar ba/ de'i nang a las zla ba'i dkyil 'khor/ de'i steng du b+hUM AM dzr-IM khaM hUM rigs lnga'i sangs rgyas kyi rang bzhin bdud rtsi lnga dang sha lnga kun go gu da ha na de'i steng du oM yig las kha chod kyi ngo bo dang / a las zla ba'i dkyil 'khor ro//de'i steng du hU~M las rdo rje rtse lnga pa lte bar hU~M gis mtshan par bsam/ hU~M las spros pa'i 'od zer gyis rlung gi ba dan bskyod pas zla ba'i rdo rje'i lhag ma zhu bar gyur te/ thod pa na gnas pa'i rdo rje yang lan lngar 'bar ba'i bdud rtsi kun dkrugs pas 'bar nas de nyid du zhu bar gyur nas der lhung ste/oM AHhU~M gi yi ge de gsum gyis khams gsum gyi bdud rtsi drangs nas thim pas yi ge gsum gyis byin gyis brlabs pas gcig tu gyur to/ /'khor lo'i lha dang lha mo de dag gi lce la hU~M las byung ba'i rdo rje nas tsam sbu gu yod pa bsgoms la/de'i rdo rje bcud len te/ de nas bcom ldan 'das la sogs pas gsol bar bsam mo/ /de nas zhal du ji ltar rigs par bdag med ma la sogs pa la ster ba ste/ oM sar+b+ba ta thA ga ta a mr-i ta badzra swa b+hA ba At+ma kou0f85haM sngags de bzlas pas 'khor lo'i lha thams cad m nyes par gyur te/rang gi snying ga'i bon las 'od 'phros pas gzugs rdo rje ma dang / ro rdo rje ma dang / reg rdo rje ma dang / chos kyi dbyings kyi rdo rje ma ste/ me long dang / pi wang dang / dung dang / rol mo'i snod dang / reg bya rdo rje ma na bza' sna tshogs 'dzin ma/ chos kyi 'byung gnas phyag gis 'dzin pa'o//de dag la sogs pa ni sna tshogs pa yo byad kyi dkyil 'khor dang rang la mchod pa'o/ /oM sar+b+ba ta thA ga ta pU dza swa b+hA ba At+ma kou0f85haM/ de bzlas nas sangs rgyas spyan dang / mA ma kI dang / gos dkar mo dang / sgrol ma bzhis 'khor lo la bstod p a/khyod ni rnal 'byor ma yi tshogs kyis bskor/ /nyid kyi thugs kyis byin brlabs khyod dgongs grub/ /'gro ba g.yo dang mi g.yo khyod kyis dbang / /thugs kyi thugs kyis sems can sgrol bar mdzad/ /bsam mi khyab la mi ldog brtson par byed/ / thugs dgyes mdzod cig dpal ldan kye rdo rje/ /de ltar rnal 'byor ma rnams kyis rdo rje'i glus bstod do/ /oM sar+b+ba ta thA ga ta stu ti ra badzra swa b+hA ba At+ma kou0f85haM zhes bzlas so/ /pho brang dag pa ni rnam par snang mdzad de yan lag dang po'o/ /rjes su chags pa dag pa ni rdo rje sems dpa' ste gnyis pa'o//dbang gi dag pa ni mi bskyod pa ste gsum pa'o/ /bdud rtsi myang ba'i rang bzhin dag pa ni 'od dpag med pa ste bzhi pa'o/ /mchod pa dag pa ni don yod grub pa ste lnga pa'o/ /bstod pa dag pa ni rin chen 'byung ldan te drug pa'o/ /de ltar 'khor lo yan lag drug bsgoms pa des ni myur du dngos grub thab par 'gyur ro//de ltar bsgoms pas dngos grub kyi mtshan ma ni dang po sprin gyis bsgribs pa'i nya'i zla ba dang 'dra bar snang ngo / /de bas kyang cher goms pa la ni sgyu ma dang 'dra bar snang ngo / /de bas kyang cher goms pa las ni rmi lam dang 'dra bar snang ngo //shin tu goms pas rnam par smin pas gnyid ma log pa dang 'dra bar snang ngo / /de nas dkar mo la sogs pa rnal 'byor ma brgyad dang / /dkyil 'khor gyi gtso bo phyogs bcur rgyun mi 'chad par spros te/ /sna tshogs pa'i gdul bya sems can la sogs pa'i gzugs su sprul nas sems can gyi don byas te so so ji ltar 'dul ba'i don byas nas de'i rjes la slar 'dus nas dkyil 'khor bde ba chen por blta'o//de ltar chos kyi phyag rgya'i rim pa'o/ /de ltar khams gsum thams cad dkyil 'khor gyi rnam par bsam mo//'di ltar thabs dang shes rab ro gcig pa bde ba chen po las skyes pa'i byang chub kyi sems las 'phros pa de lta bur shes nas gau rI la sogs pa lha mo brgyad rang gi zhal du thim/ de'i rjes su zhal bdun rtsa ba'i zhal la thim/ /de bzhin du phyag bcu bzhi phyag mtshan dang bsam pa'i rtsa ba'i phyag gnyis la thim/de bzhin du zhabs gnyis rtsa ba'i zhabs la thim par bsam mo/ /de ltar thabs dang shes rab kyi rang bzhin gyi gzugs khams gsum thams cad gcig tu gyur par mthong ste/ ji ltar gnas bzhi 'khor lo bzhir rgyas btab bo//de ltar lte ba'i 'og tu sprul pa'i 'khor lo gnas te/ /kha dog sna tshogs pa pad+ma'i 'dab ma drug cu rtsa bzhi la/ de'i lte bar sa bon oM nag po 'od ser po can kha yar blta ba'o/ /snying gar chos kyi 'khor lo dkar po 'dab ma brgyad pa ste/ /de'i dbus su hU~M gi rnam pa sngon po kha thur du bltas pa de'i pad+ma 'dab ma brgyad la b+h+rUM AM dzr-IM khaM phyogs bzhir dgod do//mgrin par longs spyod kyi 'khor lo dmar po pad+ma 'dab ma bcu drug pa ste/ /de'i dbus su oM gyi rnam pa dmar po kha gyen du bltas pa oM la~M a la~M bzhis bskor ba'o//spyi bor bde ba chen po'i 'khor lo ni pad+ma dkar po 'dab ma sum cu rtsa gnyis mgo mar blta ba/ de'i dbus su haM gi rnam pa dkar po bdud rtsi 'bab pa shin du gsal bar bltas la/ /'khor lo yang dag par bsgoms nas/ 'od zer gyi tshogs nam mkha' khyab par spros pa dang //bsdu ba yang de nyid kyi nang du thim par bya'o/ /de lta bu'i dus la rnal 'byor gyis sngags bzlas pa 'di'i tshul gyis nges par sngags kyi yi ge bzlas te/ /lha mo'i zhal nas 'od zer dang ldan pa 'phros pas gtso bo'i zhal du zhugs/ /rdo rje'i lam nas byung nas pad+mar zhugs/yang lha mo'i zhal nas gtso bo'i zhal du zhugs/ de'i rim pas rgyun mi 'chad par bzlas so/ zhi ba la sogs pa'i las kyi dbye bas dkar po'i las bya'o/ /de'i sngags ni/ oM a Sh+TA na nA ya go r+d+hapiM ke sha wa r+t+ma ni/ tsa tu ra biM sha ti ne trA ya//sho Da sha b+hu dzA ya/ kr-iSh+Na dzI mA ta wa pu She/ ka pA la mA lA ne kI d+hA ri ne a d+h+mA ta krU ra tsit+tA ya ar+d+hen+du daMSh+TI Ne/ oM mA ra ya mA ra ya/ /kA ra ya kA ra ya/ /gar+dz+dza ya gar+dz+dza ya/ tar+dz+dza ya tar+dz+dza ya/ sho Sha ya sho Sha ya/ sap+ta sA ga rA na ban+d+ha ban+d+ha/ nA gA Sh+Ta kA na/ gr-ih+Na gr-ih+Na/ sha trUM/ ha hA hi hI hu hU he hai ho hau haM haHphaT swA hA/ bcom ldan 'das kyi rtsa ba'i sngags so/ /oM de wa bi tsu badzra hU~M hU~M hU~M phaT swA hA/ /snying po'i sngags so/ /oM badzra kartA ri he badzrA ya hU~M hU~M hU~M phaT swA hA/ nye ba'i snying po'i sngags so/ /de nas zla ba dang ldan pa aM gi sa bon dang bcas par bdag med ma zhu/bcom ldan 'das ma bcom ldan 'das kyi thugs ka'i sa bon la thim par bsam par bya'o/ /de nas sprul pa'i sa bon las mar me 'bar ba dang 'dra ba'i gtum mo sbar bas gtum pa'i phyir na gtum mo'i gzugs te/ /des chos kyi 'khor lo la gnas pa'i de bzhin gshegs pa lnga bsregs te//spyan la sogs pa yang bsregs nas/ /A li kA li ldan pa'i longs spyod kyi 'khor lo dang / bde ba chen po'i 'khor lo de'i dbus na gnas pa'i ye shes kyi gzugs kyi haM bsregs te/ bsregs nas mi shigs pa'i bde ba chen po'i gzugs byang chub kyi sems bzung nas bcom ldan 'das de dang lhan cig tu ro gcig par gyur nas yang slar log ste nyi ma dang thod pa bzung nas snying ga'i sa bon la thim par bsam mo//de nas sa bon nyid gcig pu ste/ /rigs lnga'i bdag nyid du 'od gsal ba tsam du gnas pa'o//'di lta ste lung las/ /rdo rje sems dpa' thig le ste/ /mi bskyod pa yang de nyid yin/ /zla tshes rnam par snang mdzad do/ /rang gi rin chen 'byung ldan te/ /ha ni snang ba mtha' yas yin/ /u ni don yod grub pa ste//sangs rgyas lnga ru de shes nas/ /zhes so/ /de nA da las dmar mo lta bu'i 'od 'phros te u phrag dog gi rang bzhin gyi gzugs lha la thim ste/ de nas ha 'dod chags kyi rang bzhin ser sna'i gzugs zla tshes la thim/ de nas gti mug gi gzugs thig le la thim/ thig le'i phyed zhe sdang gi gzugs thig le la thim/ thig le de chos kyi dbyings kyi gzugs tsam la thim mo/ /de ltar chos thams cad gnyis su med pa rtag pa dang / /chad pa dbus med par kun la mi gnas pa'i bde ba chen po ste nA da tsam gnas so/ /de ltar phyag rgya chen po'i mtshan nyid bshad zin to//'di lta ste/ /a ni yig 'bru kun gyi mchog /khong nas 'byung ba skye ba med/ /tshig tu brjod pa spangs pa ste/ /don chen yi ge dam pa yin/ /gzhan yang / oM a kA ro mu khaM sarba d+harmA NA A d+ya nut+pan+na twAta/ ces gsungs pa dang / sgyu 'phrul dra ba 'bum phrag lnga'i rgyud las kyang gsungs pa//chos rnams skye med yi ge gnas med pa/ /tshig tu brjod med yid kyi yul med las/ /'di ltar skyes pa'i chos rnams rab tu gsungs/ /de ltar chos ni skye ba med pa'o/ /zhes gsungs so/ /de nas sngon gyi sngon lam gyi stobs kyis sna tshogs pa'i sems can gyi sems ji ltar 'dul ba'i dbang gi chos kyi sku las longs spyod rdzogs pa dang sprul pa spros te/sems can ma lus pa'i don byed do/ /gzhan du yang lung las/ /phyag rgya chen po'i dbang de las/ /ji ltar shes pa'i bde chen po/ /de yi dbang gis 'di yin te/ /dkyil 'khor de na gzhan ma yin//ji ltar sgyu ma rmi lam bzhin/ /ji ltar dri za'i grong khyer bzhin/ /de ltar dkyil 'khor sa le bar/ /goms par gyur nas de ltar mthong / /zhes gsungs so/ /de ltar khams gsum thams cad ni dkyil 'khor gyi bdag nyid de chu zla ba dang 'dra bar rten 'brel las skyes par shes nas dbang po'i sgo mi 'gog cing gang la yang mi brten pa the tshom dang bral ba'i rnal 'byor pas lha'i nga rgyal ji lta bar bde bar spyod par byed do//'di lta ste klu sgrub kyi zhal snga nas de gsungs pa/ /'di ni khams gsum min te gzhal yas khang pa yin/ /srog chags min te rgyal ba'i 'khor lo'i gtso bo yin//yul min dbang po min te 'byung ba la sogs min/ /gzugs la sogs pa ma yin chos nyid bdag nyid do/ /de nas dkyil 'khor ba yang 'di'o/ /sna tshogs dkyil 'khor 'khor lo shes te ci ste 'khrul par byas pa yin/ /dam tshig gi phyag rgya'i bshad pa'o//de'i phyir dag pa'i dran pa thams cad ni bar chad thams cad spong ba'i rnam par dag pa ni rdo rje'i rwa ba la sogs pa'o/ /chos thams cad nam mkha' lta bur rnam par dag pas chos kyi 'byung gnas so/ /chos la gos pa med pa rnam par dag pas sna tshogs pad+ma'o/ /chos thams cad rang bzhin med pa gnyis su med pa'i ye shes lnga rnam par dag pa ni sna tshogs rdo rje'o//rnam par snang mdzad btsun po dang ldan pa rnam par dag pas gzhal yas khang ngo / /rnam par shes pa'i tshogs brgyad rnam par dag pas chos sna tshogs dbyer med pa'o/ /de bzhin gshegs pa dang de bzhin nyid la rang bzhin med par gnas pas zur bzhi mnyam pa'o/dran pa nye bar gzhag pa bzhi rnam par dag pa ni shar phyogs kyi sgo'o/ /yang dag par spong ba bzhi rnam par dag pa ni lho phyogs kyi sgo'o/ /rdzu 'phrul gyi rkang pa bzhi rnam par dag pa ni nub kyi sgo'o//dbang po lnga rnam par dag pa ni byang gi sgo'o/ /bsam gtan bzhi rnam par dag pa ni rta babs bzhi'o/ /ting nge 'dzin bzhi rnam par dag pa ni snam bu bzhi'o/ /chos zab mo la bzod pa rnam par dag pa ni lha mo bcu drug go/ /gsung rab yan lag dgu rnam par dag pa ni dril bu dang 'phan la sogs pa'o//byang chub kyi yan lag bdun rnam par dag pa ni dra ba dang dra ba phyed pa dang nyi ma dang zla ba'o/ /rnga yab dkar po bcu rnam par dag pa ni dge ba snying rjes 'dzin cing bsod nams dang ye shes kyi tshogs so/ /phun sum tshogs pa'i mchog rnam par dag pa ni bum pa brgyad do//thams cad du ma bcings shing sangs rgyas dang byang chub sems dpa' thams cad kyi rdo rje'i lam chos kyi 'khor lo rnam par dag pa ni rdo rje'i phreng ba nag po'o/ /gzugs la sogs pa rnam par dag pa ni mtha' yas shing dpe med pa kun du 'dod pa'i yon tan lnga'o/ / chos kyi dbyings rnam par dag pa ni mchod pa rnam pa lnga'o/ /ngo tsha shes pa dang khrel yod pa rnam par dag pa ni sgo'i dar dpyangs so/ /'phags pa'i lam yan lag brgyad rnam par dag pa ni ka ba brgyad do/ /chos thams cad sems med pa rnam par dag pa ni dur khrod brgyad kyis brgyan pa'o//'dod chags chen po rnam par dag pa ni pad+ma dmar po 'dab ma brgyad pa'o/ /lte ba la rang bzhin gnyis su med pa'i de kho na nyid drungs 'byin pa rnam par dag pa ni tshangs pa la sogs pa bzhi'i gdan no/ /sems can thams cad kyi rgyud 'khor zhing ma rig pa'i mun pas mi dge ba'i 'dam du bying ba de bsal du phyir byang chub sems kyi myu gu bskyed pa rnam par dag pa ni tshangs pa la sogs pa'i steng du nyi ma'i dkyil 'khor ro//'jig rten gyi chos brgyad du bshad pa rnam par dag pa ni phyogs brgyad na bzhugs pa'i lha'i gdan no/ / sems can gyi nyon mongs pa'i me zhi ba rnam par dag pa ni zla ba'i gtan no/ /gzugs kyi phung po dang / gti mug chen po dang / me long lta bu'i ye shes dang / gzugs dang / sbyin pa'i pha rol tu phyin pa dang / 'jigs tshogs su lta ba dang / shes bya'i sgrib pa rnam par dag pa ni ro hi ta'o//nyon mongs pa drug rnam par dag pa ni gri gug go/ /tshor ba'i phung po dang / nga rgyal dang phra ma dang / mnyam pa nyid kyi ye shes dang / tshul khrims dang / mthar 'dzin par lta ba dang / nyon mongs pa'i sgrib pa rnam par dag pa ni tsau rI'o/ /yan lag dgu rnam par dag pa ni rje chung ngo //gti mug rnam par dag pa ni phag pa'o/ /'du shes kyi phung po dang / 'dod chags chen po dang / so sor rtog pa'i ye shes dang / log par lta ba dang / skye ba'i sgrib pa dang / bzod pa dang / dri ma rnam par dag pa ni be tA lI'o/ /phrag dog rnam par dag pa ni rus sbal lo//stong pa rnam par dag pa ni thod pa'o/ /'du byed kyi phung po dang / phrag dog dang / bya ba nan tan gyi ye shes dang / lta ba mchog tu 'dzin pa dang / las kyi sgrib pa dang / bsam gtan gyi pha rol tu phyin pa dang / ro rnam par dag pa ni g+hasma rI'o/ / zhe sdang rnam par dag pa ni sprul lo/ /'dod chags sbyor ba rnam par dag pa ni ga bur ro/ /sa'i khams dang / rnam par thar pa'i sgo stong pa nyid dang / byams pa chen po dang / thabs kyi pha rol tu phyin pa rnam par dag pa ni puk+ka sI'o/ /nga rgyal rnam par dag ni seng ge'o/ / lus ngag yid rnam par dag pa ni dgra sta'o/ /chu'i khams dang / rnam par thar pa'i sgo mtshan ma med pa dang / snying rje chen po dang / smon lam gyi pha rol du phyin pa rnam par dag pa ni sa pa rI'o/ /byang chub kyi sems rnam par dag pa ni dge slong ngo / /mi brjed pa'i dran pa rnam par dag pa ni gsil byed do//me'i khams dang / rnam par thar pa'i sgo smon pa med pa dang / dga' ba chen po dang / stobs kyi pha rol tu phyin pa rnam par dag pa ni tsaN+Da lA'o/ /nyon mongs pa'i tha pa rlog par byed pas na thong ba'o/ /mi shes pa gcod par byed pas 'khor lo'o//rlung gi khams dang / rnam par thar pa'i sgo 'dus ma byas pa dang / btang snyoms chen po dang / ye shes kyi pha rol tu phyin pa rnam par dag pa ni DoM bi nI'o/ /ye shes dag pa'i phyir na rdo rje'o/ /bdud tshogs gcig gi ngo bo dag pa ni sdigs mdzub bo//rnam par shes pa'i phung po dang / zhe sdang chen po dag pa dang chos kyi dbyings kyi ye shes kyi tshul khrims dang brtul zhugs kun du spyod pa dang / reg bya dang / brtson 'grus kyi pha rol tu phyin pa dang / gzugs rnam par dag pa ni dpal te ru ka'o/ /byams pa'i sems rnam par dag pa ni nag po'i lus so//snying rje rnam par dag pa ni mig dmar po'o/ /mi bskyod pa dang / lus ngag yid rnam par dag pa ni dmar po'o/ /rnam par thar pa brgyad rnam par dag pa ni zhal brgyad pa'o/ /de la dbang rnam par dag pa ni g.yon pad+ma dmar po'o//zhi ba dag pa ni g.yos dkar po'o/ /mi bskyod pa dang / snang ba mtha' yas dang / rin chen 'byung ldan dang / rnam par snang mdzad dang / don yod grub pa rnam par dag pa ni 'khor lo dang / rna cha dang / mgul rgyan dang / dpung rgyan dang / ska rags so/ /rdo rje sems dpa' rnam par dag pa ni thal bas byugs pa'o//khro bo ni 'dul bar dka' ba'i gdul bya 'dul ba'o/ /nang du 'dzum pa ni skra kham pa gyen du brdzes pa'o/ /rang bzhin med par rtogs pa ni spyi bor sna tshogs rdo rje'o/ /rigs lngar gtogs pa ni dpral bar thod pa lnga'o/ / stong pa bcu drug ni phyag go/ /thabs dang shes rab ni g.yon pa dang g.yas pa na lha la sogs pa'i thod pa'o/ /glo dang / dbugs mi bde ba dang / snyom pa dang / khrag nad dang / mdze dang / 'brum bu dang / mchin pa'i nad dang mcher ba'i nad ni glang po la sogs pa'i dag pa'o// sems can thams cad kyi klo la sogs pa'i nad bsal ba'i phyir ro/ /dbang phyug thams cad grub par bya ba'i phyir rnam par dag pa ni sa la sogs pa brgyad do/ /A li kA li rnam par dag pa ni brgya phyed kyi thod pa'i phreng ba'o/ /bsdu ba'i dngos po bzhi rnam par dag pa ni zhabs so//byang chub kyi yan lag bdun rnam par dag pa ni pags pa'o/ /bden pa bzhi rnam par dag pa ni rus pa'o/ /sha ni sbos mo'o/ /khrag ni ri khrod ma'o/ /khu ba ni gtum mo'o/ /g.yung mo ni rkang dang tshil dag go/ /gzugs dang / tshor ba dang / 'du shes dang / 'du byed ni dkar mo la sogs pa bzhi'o//sprul pa dang / longs spyod dang / chos rnam par dag pa ni sku gsum mo/ /bde ba chen po'i sku rnam par dag pa ni khong du dran pa'o/ /khams gsum ma lus pa dmigs pa med pa'i dag par bya ba ni skyil krung phyed pa'o/ /sgo'i ngos thams cad rnam par dag pa ni rkang pa ya gcig gi mthe bong nyi ma la reg pa'o//chos thams cad med pa rnam par byang ba shes rab kyi pha rol tu phyin pa'i rang bzhin bdag med pa yod med kyi skyon dag par bya ba ni gri gug go/ /dngos po dang dngos po med pa'i rnam par rtog pa dag ni mgo bo'i pad+ma'i snod do//bdud bzhi'i khrag dag par bas pa ni ka pA la khrag gis bkang ba'o/ /rigs lnga dag pa ni thod pa'i phreng ba'o/ /srid pa dang mya ngan las 'das pa'i ngo bo ni lag pa'o/ /bden pa gnyis rnam par dag pa ni zhabs gnyis so/ /stong pa dang snying rje dbyer med pa'i rang bzhin du nyams su myong ba dang grub pa'i mtha' dag pa ni phyi rol du thabs dang shes rab snyoms par 'jug pa nges par bstan pa'o//nyin mo dang mtshan mo rnam par dag pa ni thabs dag shes rab kyi dag pa'o/ /dbyug gu drug cu rtsa bzhi dang / thun brgyad dang /'pho ba bcu drug dang / rtsa sum cu rtsa gnyis rnam par dag pa ni rigs par ro/ /sprul pa la sogs pa 'khor lo bzhi'i 'das ma la gnas pa ni de ltar dgyes pa'i rdo rje'i dam tshig gi rnal 'byor pas rdo rje dang gri gug 'dzin pas sems can thams cad la phan pa'i don du gtor ma byin gyis brlab par bya'o//de la chos kyi 'byung gnas gru gsum du pad+ma dmar po 'dab ma brgyad kyis brgyan pa dbus dang steng dang 'og tu blta'o/ /de la dbus kyi pad+ma 'dab ma brgyad la shar gyi 'dab ma la dbang po mig stong pa phyag na rdo rje'o/ /glang po che dkar po'i gdan can no//lhor gshin rje phyag na dbyug pa'o/ /nag po ma he'i gdan can no/ /nub kyi 'dab ma la chu lha dkar po'o/ /chu srin gyi gdan can no/ /phyag na zhags pa can no/ /byang gi 'dab ma la gnod sbyin ser po byi la'i gdan can no/ /phyag na dpal 'bras so/ /de rnams thams cad 'dzin pa'i rin po che'i cod pan can no//gshin rje nyi ma'i gdan can dang nyi ma'i 'od do/ /lhag ma zla ba'i gdan dang zla ba'i 'od do/ /dbang ldan gyi 'dab ma la sa bdag spyan gsum pa/ ral pa dang cod pan can no/ /khyu mchog gi gdan can lag na rtse gsum dkar po'o//stag gi pags pa'i gos 'dzin pa/ /thal ba'i rdul gyis byugs pa/ rus pa'i rgyan can zla ba'i gdan dang de'i 'od do/ /me'i 'dab ma la me'i lha gsus pa 'phyang ba shin tu dmar ser ra la zhon pa/ bgrang phreng dang / spyi blugs 'dzin pa/ ral pa'i cod pan can/ nyi ma'i gdan dang de'i 'od do//chos gos gyon pa'o/ /bden bral gyi 'dab ma la srin po skra dmar ser gyen du 'khyil ba gri gug dang thod pa 'dzin pa'o/ /smin ma 'khyog pa dang bcas pa nag po/ /nyi ma'i 'od dang de'i gdan can no/ /rlung gi 'dab ma la rlung lha phyag na rgyal mtshan ljang gu dang rin po che'i cod pan can/ri dgas la zhon pa/ zla ba'i 'od dang de nyid kyi gdan can no/ /rgyan thams cad 'dzin pa/ lte ba la sa'i lha ser po bzang po'i stan can/ rgyan thams cad kyis brgyan pa/ bum pa'i lag pa dang / zla ba'i stan la zla ba'i 'od do/ / yi dags kyis bskor nas gnas pa'o/ /steng gi chos 'byung la gnas pa'i 'dab ma brgyad la/ shar gyi 'dab ma la zla ba dkar po'o/ /rta dkar po'i gdan can no/ /rin po che'i cod pan can lag na ku mu ta'o/ /rgyan thams cad kyis brgyan pa/ zla ba'i gdan dang zla ba'i 'od do//lha'i 'dab ma la nyi ma dmar po phyag bzhi pa pad+ma 'dzin pa rta ljang gu la zhon pa/ rin po che'i cod pan can rgyan thams cad kyis brgyan pa/ rang gi 'od can no/ /nyi ma dang zla ba nya bar mtshon pa dang / phyogs dang phyogs ma yin pa'i mtshon pa mig dmar dang / gza' lhag pa dang / phur bu dang / pa sangs dang / spen pa dang / sgra gcan dmar po dang / sngo bsangs dang / ser po dang / dkar po dang / nag po dang / du ba'i 'od do/ /rang rang gi stan dang / mtshan ma dang rgyan can no/ /dbus kyi lte ba la tshangs pa zhal bzhi pa/ phyag bzhi pa/ dbyug pa gsum 'dzin pa/ /mi 'jigs pa'i phyag na bgrang phreng dang / spyi blugs 'dzin pa/ ser po ngang pa la zhon pa/ zla ba'i gdan dang zla ba'i 'od do/ /mchod phyir thogs 'chang ba/ lus sbom po/ /ral pa thung ba/ tshangs ris kyis bskor ba/ mdun na 'don dang / dga' ldan dang /'phrul dga' dang / 'og min la sogs pa rang rang gi gzugs brtan par bya'o/ /'og tu chos 'byung la gnas pa'i pad+ma 'dab ma brgyad po rnams la phyogs mtshams su rim pa ltar stobs kyi rgyu ljang gu dang / dung skyong ser po dang / mtha' yas ser po dang / nor rgyas kyi bu dmar po dang / 'jog po dang / rigs ldan ser ba dag dang / pad+ma ser po dang / pad+ma chen po dkar po dag ste/ brgyad po de dag ni rin po che'i cod pan can/ mi'i gdong pa la rgyan thams cad dang / gdengs ga dang ldan pa/ lha ma yin dang / sems can dmyal ba dang lhan cig pa'o/ / lte ba la lha dkar po mi'i thod pa can mi'i gdengs ka can te/ de dag thams cad ni pad+ma gsum la ste/ rang gi snying ga'i sa bon las byung ba'i dkar mos bkug nas chos rkun mas pad+ma'i steng du bcug la/ ro langs mas lcags sgrog gis bcings te/ za phod mas dril bus dbang du byas la dbus kyi pad+ma la gnas pa rnams ni rang rang gi mdog dang /rtags dang mtshan ma dang / dbyibs yongs su gyur nas sa bon gyi yi ge las skyes pa'i nag po mi bskyod pa'i cod pan can no/ /steng du gnas pa rnams ni rang rang gi gzugs dang gzugs kyi ngo bor gyur te/yi ge oM las skyes pa dkar po/ rnam par snang mdzad cod pan can no/ /'og na gnas pa rnams ni rang rang gi gzugs spangs te yi ge a las skyes pa dmar po snang ba mtha' yas kyi cod pan can no/ /pad+ma gsum la gnas pa de dag ni lag na rdo rje dang dril bu 'dzin pa/gdong gcig pa rang snang ba'i rig ma'i yan lag gis 'khyud pa g.yas brgyang bas stan la gnas par blta'o/ /'di rnams bstan par bya ste/ de rnams la oM pra par sat+kA ra ar+g+haM pra tIts+tsha swA hA/ zhes bya ba'i sngags kyis dung phor gyi nang du phyag rgyas mdun du mchod yin byin nas/snga ma bzhin du bdud rtsi myang ba'i cho gas gtor ma nye bar spyod pa bdud rtsi nyid du bsgrubs la/ oM in+da dza ma dza la dzak+kha/ b+hU ta bah+ni bA u rak+kha/ tsan+da sudz+dza mA da bab+ba tA la bA tA le aT+Ta sap+pa swA hA/ zhes bya ba 'dis de rnams bstod cing dril bu dkrol lo//gtor ma nye bar spyod pa de ni yi ge hUM las skyes pa'i nas 'bras tsam gyi rdo rje'i lce'i 'od zer gyi sbu gus drangs la rnal 'byor pa bdag bza' zhing de dag la yang bza' ba sbyin no/ /de dag kyang hUM las 'od zer gyi lce'i sbu gus drangs te de nas ji lta bar bde ba myang bar bsam par bya ste/i daM ba liM b+huny+dza dziM g+ha phul+la d+hU p+pa mAM sa piM g+ha/ am+b+ha sap+pa kadz+dza sA dA khan+ti khu Ni phe Da gA da zhes bya ba la sgo bzhir dril bu gnas bzhir dkrol lo/ /oM a kA ro mu khaM sarba d+harmA NAM A d+ya nu t+pan+na twAta oM AHhU~M phaT swA hA/ zhes bya ba'i sngags kyis tshim par bya'o//kol+la i ri T+Thi a bo lA/ mum+mu Ni re kak+ko lA/ g+ha Ne kr-i bi Ta ho badz+dza i ka ru Ne ki a a Na ro lA/ ta hi baM la khAdz+dza i gA D+heM ma e nA pidz+dza i/ ha le kA li dz+dza pA Ni a i dun+du ra bIdz+dzi a i/ tsa u sa ma ka ts+tshu rI sih+lA ka pu ra lA i a i/ mA la in+d+ha Na sA liM dza/ta hiM b+ha ru khA i a i/ phreM kha Na kha Ta ka ran+ti shud+d+ha/ a shud+d+ha na mu Ni a i/ ni raM shu aM ge tsa DA wi/ ta hiM dza sa rA ba pA Ni a i/ ma la a dze kun+du ru ba TA i/ DiN+Di mi ta hiM NA bAdz+dzi a i zhes bya ba rdo rje'i glu yan lag thams cad yongs su rdzogs shing yongs su rdzogs par bya ste/phyi nas 'thor 'thung byin la/ oM badzra sa twa sa ma ya/ ma nu pA la ya/ badzra satwa twe no pa tiSh+Tha dr-i D+ho me b+ha ba/ su po Sh+yo me b+ha ba/ a nu rak+to me b+ha ba/ sarba sid+d+hiM me pra yats+tsha/ sarba karmA su tsa me tsit+taM shre yaHku ru hUM ha ha ha ha ho/ b+ha ga wAn/ sarba ta thA ga ta/ badzra mA me muny+tsa badzri ba ba/ma hA sa ma ya sa twa AHzhes brjod la oM muHzhes bya ba 'dis gshegs su gsol lo/ /de'i rjes la bza' bar bya ba la sogs pa gzhan yang za ba cho ga 'dis bza' bar bya ste/ lto ba'i thab khung gi steng du snying ga'i nyi ma'i me la bza' bar bya ba la sogs pa'i rdzas zhu zhing lag pa'i blugs gzar gyis sbyin sreg bya zhing hU~M dkar po las byung ba'i rdo rje nas 'bras tsam gyis mtshan pa'i rdo rje'i lces sku gsum gyi bdag nyid 'khor lo dang bcas pa'i he ru ka'i gzugs can rnal 'byor pas dgang blugs dbul lo//mgrin pa'i sgo nas de dag thams cad zhugs shing lto ba'i mes smin pas bdud rtsir gyur te/bdud rtsi des 'khor dang bcas pa'i bcom ldan 'das legs par tshim par 'gyur ro/ /nang gi bdag nyid kyi sbyin sreg gi cho ga'o/ /rgyal ba rnams kyis dag pas dag pa yongs rdzogs 'di dag rtag tu snang gang la/gzod nas skye 'gag med par gzhan dag rnam par bgrang ba'i rtog pa bye ba spangs/ bden brdzun spangs shing gsal ba srid dang zhi ba mnyam zhing gnyis med tshul nges pa/ /de yi 'khor lo'i bdag nyid rgyal po'i yon tan gzhi yin rdo rje mkha' 'gro thub dbang po//dpal ldan khrag 'thung sgrub thabs shin tu rgyas pa dpal ldan rin chen lha mo'i phyir byas pa/ /yan lag rim pas byas 'dis rnam par dag pa'i gter zhes bshad par khas blangs nas/ /bdag gis byas pas bsod nams nyer bsags nges pa des ni sdug bsngal rnam bsal nas//'jig rten gsum gyur skye bo myur du phyag rgya chen po'i gnas su 'gro bar shog /bdag gis sgrub thabs brtsams pa yis/ /dge ba'i rtsa ba gang thob pas/ /khams gsum sems can thams cad ni/ /bde gshegs sku gsum thob par shog /

CLOSE WINDOW