བོད་ཡིག |
213a1 @#/ /rgya gar skad du/ Ar+ya rat+nA ka ra nA ma ma hA yA na sU tra/ bod skad du/ 'phags pa dkon mchog 'byung gnas zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos
213a2 pa dus gcig na/bcom ldan 'das yul gnas bcas na nag po'i kun dga' ra ba na dge slong gi dge 'dun chen po dbang dang ldan par gyur pa/ mngon par shes pa mngon par shes pa'i dgra bcom pa drug khri nyis stong dang / 'jam dpal gzhon nur gyur pa la sogs pa byang chub sems dpa'
213a3 brgyad khri bzhi stong dang thabs cig tu bzhugs te/thams cad kyang theg pa chen po la yang dag par zhugs pa/ theg pa dpag tu med pa la yang dag par zhugs pa/ theg pa grangs med pa la yang dag par zhugs pa/ theg pa bsam gyis mi khyab pa la yang dag par zhugs pa/ theg
213a4 pa mtshungs pa med pa la yang dag par zhugs pa/theg pa gzhal du med pa la yang dag par zhugs pa/ theg pa brjod du med pa la yang dag par zhugs pa/ 'jig rten gyi khams dpag tu med pa'i sangs rgyas kyi zhing tshad med pa yongs su dag pa'i smon lam la yang dag
213a5 par zhugs pa/'jig rten gyi khams grangs med pa'i sangs rgyas kyi zhing tshad med pa yongs su dag pa'i smon lam la yang dag par zhugs pa/ 'jig rten gyi khams bsam gyis mi khyab pa'i sangs rgyas kyi zhing tshad med pa yongs su dag pa'i smon lam la yang dag par
213a6 zhugs pa/'jig rten gyi khams mtshungs pa med pa'i sangs rgyas kyi zhing tshad med pa yongs su dag pa'i smon lam la yang dag par zhugs pa/ 'jig rten gyi khams tshad med pa'i sangs rgyas kyi zhing tshad med pa yongs su dag pa'i smon lam la yang dag par zhugs pa/
213a7 'jig rten gyi khams brjod du med pa'i sangs rgyas kyi zhing tshad med pa yongs su dag pa'i smon lam la yang dag par zhugs pa sha stag go/ /de nas 'jam dpal gzhon nur gyur pa dang / byang chub sems dpa' thams cad zil gyis gnon pa la sogs pas bcom ldan 'das la 'di skad
213b1 ces gsol to//bcom ldan 'das de bzhin gshegs pas thugs brtse ba'i slad du rang gi sangs rgyas kyi zhing tshad med pa yongs su dag pa bshad du gsol/ de ci'i slad du zhe na/ bcom ldan 'das 'khor 'di na byang chub sems dpa' theg pa chen po la yang dag par zhugs
213b2 pa/theg pa dpag tu ma mchis pa la yang dag par zhugs pa/ theg pa grangs ma mchis pa la yang dag par zhugs pa/ theg pa bsam gyis mi khyab pa la yang dag par zhugs pa/ theg pa mtshungs pa ma mchis pa la yang dag par zhugs pa/ theg pa gzhal du ma mchis
213b3 pa la yang dag par zhugs pa/theg pa brjod du ma mchis pa la yang dag par zhugs pa/ 'jig rten gyi khams dpag tu ma mchis pa'i sangs rgyas kyi zhing tshad ma mchis pa/ yongs su dag pa'i smon lam la yang dag par zhugs pa/ 'jig rten gyi khams grangs ma
213b4 mchis pa'i sangs rgyas kyi zhing tshad ma mchis pa yongs su dag pa'i smon lam la yang dag par zhugs pa/'jig rten gyi khams bsam gyis mi khyab pa'i sangs rgyas kyi zhing tshad ma mchis pa yongs su dag pa'i smon lam la yang dag par zhugs pa/ 'jig rten gyi khams mtshungs
213b5 pa ma mchis pa'i sangs rgyas kyi zhing tshad ma mchis pa yongs su dag pa'i smon lam la yang dag par zhugs pa/'jig rten gyi khams gzhal du ma mchis pa'i sangs rgyas kyi zhing tshad ma mchis pa yongs su dag pa'i smon lam la yang dag par zhugs pa/ 'jig rten gyi khams
213b6 brjod du ma mchis pa'i sangs rgyas kyi zhing tshad ma mchis pa yongs su dag pa'i smon lam la yang dag par zhugs pa sha stag mchis pa de dag bcom ldan 'das las sangs rgyas kyi zhing tshad ma mchis pa yongs su dag pa thos na/'jig rten gyi khams dpag tu ma mchis pa'i
213b7 sangs rgyas kyi zhing tshad ma mchis pa yongs su dag pa la yang dag par 'jug pa dang /'jig rten gyi khams grangs ma mchis pa'i sangs rgyas kyi zhing tshad ma mchis pa yongs su dag pa la yang dag par 'jug pa dang / 'jig rten gyi khams bsam gyis mi khyab pa'i sangs rgyas
214a1 kyi zhing tshad ma mchis pa yongs su dag pa la yang dag par 'jug pa dang /'jig rten gyi khams mtshungs pa ma mchis pa dang / gzhal du ma mchis pa dang / brjod du ma mchis pa'i sangs rgyas kyi zhing tshad ma mchis pa yongs su dag pa'i smon lam la yang
214a2 dag par 'jug pa'i slad du brtson 'grus rgya cher rtsom zhing de dag go cha sra bar 'gyur/go cha stobs dang ldan par 'gyur/ go cha rdo rje lta bur 'gyur/ go cha mi shigs par 'gyur/ go cha mi ldog par 'gyur/ go cha mi zlogs par 'gyur/ yi dam brtan par 'gyur/ yi
214a3 dam stobs dang ldan par 'gyur/yi dam mi 'khrugs par 'gyur/ yi dam mi ldog par 'gyur/ yi dam mi zlogs par 'gyur/ stobs bskyed pa thob par 'gyur/ bgyid pa thams cad sangs rgyas bcom ldan 'das thams cad kyis rab tu bstod par 'gyur/ de dag 'chi
214a4 ba'i phyogs su mun pa ma mchis par 'gyur/byang chub sems dpa'i spyod pa bla na med pa spyod pa na zhum pa ma mchis/ rgod pa ma mchis/ sgyid lug pa ma mchis/ sems can rnams kyi bsam pa la 'jug pa la de dag gi byang chub thogs pa ma mchis par 'gyur/ sems can
214a5 rnams kyi bsam pa'i sgrub pa 'tshal bas 'thun par chos ston par 'gyur/sems can rnams kyi gan du mchi ba'i dus 'tshal pa la gnas par 'gyur/ sems can 'dul ba'i cho ga la mkhas par 'gyur/ sangs rgyas kyi theg pa pa la sems can rnams 'dzud pa'i thabs
214a6 la mkhas par 'gyur/brjod pa thams cad la ma chags par 'gyur/ mdor bsdus pa dang rgyas pa la mkhas pas nye ba dang / ring bar 'du shes pa ma mchis par 'gyur lags so/ /de skad ces gsol pa dang / bcom ldan 'das kyis 'jam dpal gzhon nur
214a7 gyur pa la 'di skad ces bka' stsal to//'jam dpal legs so legs so/ /khyod ni theg pa chen po la yang dag par zhugs pa/ theg pa dpag tu med pa la yang dag par zhugs pa/ theg pa grangs med bsam gyis mi khyab mtshungs pa med gzhal du med brjod du med pa la yang
214b1 dag par zhugs pa rnams dang /'jig rten gyi khams dpag tu med pa'i sangs rgyas kyi zhing tshad med pa yongs su dag pa'i smon lam la yang dag par zhugs pa rnams dang / 'jig rten gyi khams grangs med bsam gyis mi khyab mtshungs pa med gzhal du med brjod du med pa'i
214b2 sangs rgyas kyi zhing tshad med pa yongs su dag pa'i smon lam la yang dag par zhugs pa rnams dang /snying brtse ba don 'dod pa snying rje can 'jig rten thams cad la phan pa dang bde bar rab tu sbyor ba'i byang chub sems dpa' sems dpa' chen po rnams kyi gces spras byed pa
214b3 ste//'jam dpal gang de bzhin gshegs pa la gsol ba 'debs pa de yang byang chub sems dpa' sems dpa' chen po de dag gi dge ba'i rtsa ba'i stobs bskyed pas spobs so/ /'jam dpal de'i phyir legs par rab tu nyon la yid la zung shig dang bshad do/ /bcom ldan 'das
214b4 legs so legs so//zhes gsol te/ 'jam dpal gzhon nur gyur pa bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /'jam dpal shar gyi phyogs cha na sangs rgyas kyi zhing brjod du med pa bzhi bcu'i rdul phra rab kyi rdul
214b5 snyed kyi sangs rgyas kyi zhing 'das pa na 'jig rten gyi khams zil gyis mi non pa zhes bya ba yod de/de na de bzhin gshegs pa dgra bcom pa yang dag par rdzogs pa'i sangs rgyas don thams cad grub pa zhes bya ba bzhugs te/ 'tsho zhing gzhes la 'jig rten gyi khams dpag
214b6 tu med pa'i sangs rgyas kyi zhing tshad med pa yongs su dag pa dang ldan pa/'jig rten gyi khams mtshungs pa med pa'i sangs rgyas kyi zhing tshad med pa yongs su dag pa'i smon lam dang ldan pa/ 'jig rten gyi khams gzhal du med pa'i sangs rgyas kyi zhing tshad med pa
214b7 yongs su dag pa'i smon lam dang ldan pa/'jig rten gyi khams brjod du med pa'i sangs rgyas kyi zhing tshad med pa yongs su dag pa'i smon lam dang ldan no/ /'jam dpal byang chub sems dpa'i theg pa la yang dag par zhugs pa'i rigs kyi bu'am rigs kyi bu mo gang
215a1 gis de bzhin gshegs pa dgra bcom pa yang dag par rdzogs pa'i sangs rgyas don thams cad grub pa de'i 'jig rten gyi khams dpag tu med pa'i sangs rgyas kyi zhing tshad med pa yongs su dag pa thos na/de thams cad kyang 'jig rten gyi khams dpag tu
215a2 med pa'i sangs rgyas kyi zhing tshad med pa yongs su dag pa rnyed par 'gyur ro//'jig rten gyi khams grangs med bsam gyis mi khyab mtshungs pa med gzhal du med brjod du med pa'i sangs rgyas kyi zhing tshad med pa yongs su dag pa dang ldan par 'gyur ro/ /'jam dpal ngas
215a3 gang gi tshe 'jig rten gyi khams mar me can gyi tshong 'dus kyi dbus su de bzhin gshegs pa dgra bcom pa yang dag par rdzogs pa'i sangs rgyas mar me mdzad las de bzhin gshegs pa don thams cad grub pa de'i sangs rgyas kyi zhing tshad med pa yongs su dag pa thos pa de'i tshe mi skye
215a4 ba'i chos la bzod pa thob bo//gang gi tshe ngas mi skye ba'i chos la bzod pa thob pa de'i tshe de bzhin gshegs pa mar me mdzad des nga bla na med pa yang dag par rdzogs pa'i byang chub tu lung bstan te/ legs so legs so/ /skyes bu dam pa khyod ma 'ongs pa'i dus bskal pa
215a5 grangs med pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba 'jig rten gyi khams dpag tu med pa'i sangs rgyas kyi zhing tshad med pa yongs su dag pa dang ldan zhing 'jig rten gyi khams grangs med bsam gyis mi khyab
215a6 mtshungs pa med gzhal du med brjod du med pa'i sangs rgyas kyi zhing tshad med pa yongs su dag pa dang ldan par 'gyur ro zhes 'jam dpal de bzhin gshegs pa mar me mdzad de las ngas rang gi lung bstan pa thos nas/dge ba'i rtsa ba'i shugs kyis ta la bdun srid kyi
215a7 nam mkha' la 'phags te/sangs rgyas kyi mthus de bzhin gshegs pa dgra bcom pa yang dag par rdzogs pa'i sangs rgyas don thams cad grub pa 'khor brgya stong du mas yongs su bskor cing mdun gyis bltas pa la chos ston pa de ngas mthong ngo / /de mthong nas
215b1 bar snang la 'dug bzhin du de bzhin gshegs pa de la tshigs su bcad pa 'di dag gis mngon par bstod do//ye shes gzigs pa dpag med thogs pa med/ /bde gshegs ma smad 'jig rten mig tu gyur/ /khyod kyi ye shes thogs pa med par 'jug /bde
215b2 gshegs khyod kyis 'jig rten ma gzigs med//bde gshegs khyod kyi 'od ni zil mi non/ /sangs rgyas zhing bye bsam mi khyab par 'gro/ /ri dang brag gi rtse mo thal byung ste/ /rgyal ba'i 'od la sgrib par byed pa med/ /'bras bu ji ltar lag mthil gzhag pa
215b3 bzhin//bde bar gshegs pa sangs rgyas mtha' yas ston/ /sangs rgyas zhing rnams sna tshogs rnam mang la/ /rgyal ba'i sras rnams sgrib pa med par 'gyur/ /'jig rten mgon po phyogs bcu'i 'jig rten na/ /phung med byang chub rab zhi reg 'gyur zhes/ /
215b4 rgyal sras bsod nams byas la lung ston pa/ /bar snang 'di na deng 'dug bdag gis mthong / /phyogs bcu'i 'jig rten byang chub sems dpa' dag /nam mkha'i ngos la 'dug cing sems dang bas/ /nyon mongs rgyal ba rgyal ba yab la bstod/ /bar
215b5 snang 'di na deng 'dug bdag gis mthong //phyogs bcu'i 'jig rten byang chub sems dpa' dag /dga' ldan gnas nas dpag med shi 'phos nas/ /phra ba'i blo rnams tha ma'i mngal 'jug pa/ /bar snang 'di na deng 'dug bdag gis mthong / /phyogs bcu'i
215b6 'jig rten byang chub sems dpa' dag /ma yi g.yas logs rum na gnas gyur te/ /lha yis rab tu mchod cing byung ba dag /bar snang 'di na deng 'dug bdag gis mthong / /phyogs bcu'i 'jig rten byang chub sems dpa' dag /bdud kyi sde dang dpung rnams
215b7 pham byas nas//byang chub sems dpa' bla med byang chub sems/ /bar snang 'di na deng 'dug bdag gis mthong / /'jig rten mgon po phyogs bcu'i 'jig rten na/ /me la chu btab zhi bar 'gyur ba bzhin/ /yang byung rab zhi mya ngan yongs 'da' ba/ /bar
216a1 snang 'di na deng 'dug bdag gis mthong //stobs bcu mi dbang khyod kyi gzi brjid kyis/ /'jig rten na ni sgrib pa gang yang med/ /rgyal ba tshad med zhing yang de bzhin te/ /thogs pa med par nam mkha' 'di nas mthong / /ji ltar mi dag
216a2 rmi lam 'dod spyod dang //sos ka ji ltar smig rgyu 'byung ba dang / /la las chu nang zla ba mthong ba bzhin/ /zhing dang sangs rgyas de dag bdag gis mthong / /gang tshe bdag gis sangs rgyas zhing yongs dag /de tshe sgrib pa med pa'i ye shes thob/ /sgrib pa med pa'i
216a3 ye shes skyes pa'i tshe//de ni mi dbang byang chub bdag lung bstan/ /'gro ba thams cad brag ca 'dra ba ste/ /skye bo mkhas pa dag la mi slus so/ /de ring mgon po khyod kyi gsung thos nas/ /chos kyi ming dang yang dag nyid kyang rtogs/ /nga ni sgrib med rnam grol spyod
216a4 pa na//mtshungs med bsam yas sangs rgyas zhing yang dag /rgyal ba tshad med de bzhin zhing rnams na/ /mi dbang gzigs shing bzhugs par ngas mthong ngo / /'jam dpal de lta bas na byang chub sems dpa' sems dpa' chen pos sgrib pa med pa'i rnam par thar pa
216a5 la bslab par bya'o//sgrib pa med pa'i rnam par thar ba la spyod pa'i byang chub sems dpa' sems dpa' chen po ni rnam par thar par yang mi 'dzin/ 'di na rnam par thar pa med par yang mi 'dzin/ sgrib par yang mi 'dzin/ 'di na sgrib pa med ces kyang mi 'dzin/ byang
216a6 chub sems dpa' med par yang mi 'dzin/byang chub sems dpa' 'di na med par yang mi 'dzin/ spyod pa med par yang mi 'dzin/ spyod pa 'di na'o zhes kyang mi 'dzin/ sangs rgyas kyi zhing med par yang mi 'dzin/ sangs rgyas kyi zhing 'di na'o zhes kyang mi 'dzin/
216a7 dpag tu med pa med par yang mi 'dzin/ dpag tu med pa 'di na'o zhes kyang mi 'dzin/ grangs med pa med par yang mi 'dzin/ grangs med pa 'di na'o zhes kyang mi 'dzin/ bsam gyis mi khyab pa med par yang mi 'dzin/ bsam gyis mi khyab pa 'di na'o zhes kyang
216b1 mi 'dzin/mtshungs pa med pa med par yang mi 'dzin/ mtshungs pa med pa 'di na'o zhes kyang mi 'dzin/ gzhal du med pa med par yang mi 'dzin/ gzhal du med pa 'di na'o zhes kyang mi 'dzin/ brjod du med pa med par yang mi 'dzin/ brjod du med pa 'di na'o
216b2 zhes kyang mi 'dzin to//'jam dpal 'di lta ste/ dper na mi zhig gnyid kyis log pa'i rmi lam du 'dod pa'i yon tan lnga la kun tu spyod pa rmis la mi de yang byis pa'i rang bzhin can ma yin/ blun pa'i rang bzhin can ma yin gyi mkhas pa rtogs pa shes rab dang ldan
216b3 pa'i rang bzhin can te/nyal ba sad nas 'dod pa'i yon tan med par yang mi 'dzin/ 'dod pa'i yon tan 'di na'o zhes kyang mi 'dzin/ 'dod pa'i dga' ba med par yang mi 'dzin/ 'dod pa'i dga' ba 'di na'o zhes kyang mi 'dzin pa de bzhin du/ 'jam dpal
216b4 sgrib pa med pa'i rnam par thar pa la spyod pa'i byang chub sems dpa' sems dpa' chen po yang rnam par thar pa med par yang mi 'dzin/rnam par thar pa 'di na'o zhes kyang mi 'dzin to/ /de bzhin du sbyar te/ brjod du med pa med par yang mi 'dzin/ brjod du med pa
216b5 'di na'o zhes kyang mi 'dzin pa'i bar du'o//'jam dpal 'di lta ste dper na sgyu ma mkhan nam sgyu ma mkhan gyi slob ma mkhas pas skye bo phal po che'i mdun du sgyu ma sna tshogs 'di lta ste/ glang po che'i tshogs sam/ rta'i tshogs sam/ shing rta'i tshogs sam/ dpung bu chung gi
216b6 tshogs bstan la/de la mi byis pa'i rang bzhin can ma yin pa/ blun pa'i rang bzhin can ma yin pa mkhas pa rtogs pa/ bye brag phyed pa/ shes rab dang ldan pa'i rang bzhin can de dag gis de mthong na/ glang po che'i tshogs med par yang mi 'dzin/ glang po che'i tshogs
216b7 'di na'o zhes kyang mi 'dzin/rta'i tshogs med par yang mi 'dzin/ rta'i tshogs 'di na'o zhes kyang mi 'dzin/ shing rta'i tshogs med par yang mi 'dzin/ shing rta'i tshogs 'di na'o zhes kyang mi 'dzin/ dpung bu chung gi tshogs med par yang mi 'dzin/ dpung bu
217a1 chung gi tshogs 'di na'o zhes kyang mi 'dzin/sgyu ma med par yang mi 'dzin/ sgyu ma 'di na'o zhes kyang mi 'dzin pa de bzhin du 'jam dpal sgrib pa med pa'i rnam par thar pa la spyod pa'i byang chub sems dpa' sems dpa' chen po yang rnam par thar par yang
217a2 mi 'dzin/rnam par thar pa 'di na'o zhes kyang mi 'dzin to/ /de bzhin du sbyar te/ brjod du med pa med par yang mi 'dzin/ brjod du med pa 'di na'o zhes kyang mi 'dzin pa'i bar du'o/ /'jam dpal 'di lta ste/ dper na nam thang zhing sprin med pa'i nam mkha' las
217a3 mtsho'i chu shin tu dang ba'i nang du zla ba'i dkyil 'khor gyi gzugs brnyan 'byung ba de la mi gang dag byis pa'i rang bzhin can ma yin pa/blun pa'i rang bzhin can ma yin pa/ mkhas pa bye brag phyed pa/ rtogs pa/ shes rab dang ldan pa'i rang bzhin can de dag
217a4 gis de mthong na zla ba'i dkyil 'khor med par yang mi 'dzin/zla ba'i dkyil 'khor 'di na'o zhes kyang mi 'dzin/ gzugs brnyan med par yang mi 'dzin/ gzugs brnyan 'di na'o zhes kyang mi 'dzin pa de bzhin du/ 'jam dpal sgrib pa med pa'i rnam par thar
217a5 pa la spyod pa'i byang chub sems dpa' sems dpa' chen po yang rnam par thar pa med par yang mi 'dzin/rnam par thar pa 'di na'o zhes kyang mi 'dzin to/ /de bzhin du sbyar te/ brjod du med pa med par yang mi 'dzin/ brjod du med pa 'di na'o zhes kyang mi 'dzin/ yang
217a6 dag par 'grub pa med par yang mi 'dzin/yang dag par 'grub pa 'di na'o zhes kyang mi 'dzin pa'i bar du'o/ /'jam dpal 'di lta ste/ dper na sos ka'i zla ba tha ma'i tshe nam thang zhing sprin med pa'i nam mkha' la smig rgyu rgyu zhing g.yo ba de la mi gang dag byis pa'i rang
217a7 bzhin can ma yin pa/blun pa'i rang bzhin can ma yin pa/ mkhas pa/ rtogs pa/ bye brag phyed pa/ shes rab kyi rang bzhin can de dag gis de mthong na/ smig rgyu ba med par yang mi 'dzin/ smig rgyu ba 'di na'o zhes kyang mi 'dzin/ g.yo ba med par yang mi 'dzin/
217b1 g.yo ba 'di na'o zhes kyang mi 'dzin pa de bzhin du/ 'jam dpal sgrib pa med pa'i rnam par thar pa la spyod pa'i byang chub sems dpa' sems dpa' chen po yang spyod pa med par yang mi 'dzin/ spyod pa 'di na'o zhes kyang mi 'dzin/ sangs rgyas kyi zhing med par yang mi 'dzin/
217b2 sangs rgyas kyi zhing 'di na'o zhes kyang mi 'dzin dpag tu med pa med par yang mi 'dzin/ dpag tu med pa 'di na'o zhes kyang mi 'dzin/ grangs med pa med par yang mi 'dzin/ grangs med pa 'di na'o zhes kyang mi 'dzin/ bsam gyis mi khyab pa med par yang mi 'dzin/
217b3 bsam gyis mi khyab pa 'di na'o zhes kyang mi 'dzin/ mtshungs pa med pa med par yang mi 'dzin/ mtshungs pa med pa 'di na'o zhes kyang mi 'dzin/ gzhal du med pa med par yang mi 'dzin/ gzhal du med pa 'di na'o zhes kyang mi 'dzin/ brjod du med pa med par yang mi
217b4 'dzin/brjod du med pa 'di na'o zhes kyang mi 'dzin/ yongs su dag pa med par yang mi 'dzin/ yongs su dag pa 'di na'o zhes kyang mi 'dzin/ yang dag par 'grub pa med par yang mi 'dzin/ yang dag par 'grub pa 'di na'o zhes kyang mi 'dzin to/ /'jam dpal 'di lta
217b5 ste/dper na sprin med cing sprin dang bral te nam thang ba'i nam mkha'i dkyil nas sprin byung bas nam mkha' thams cad yog pa de mkhas pa'i rang bzhin can gyi mis mthong na/ sprin gyi dkyil 'khor med par yang mi 'dzin/ sprin gyi dkyil 'khor 'di na'o zhes kyang mi 'dzin/ kun
217b6 khebs pa med par yang mi 'dzin/kun khebs pa 'di na'o zhes kyang mi 'dzin pa de bzhin du/ 'jam dpal sgrib pa med pa'i rnam par thar pa la spyod pa'i byang chub sems dpa' sems dpa' chen po yang rnam par thar pa med par yang mi 'dzin/ rnam par thar pa 'di na'o zhes kyang mi
217b7 'dzin/sgrib pa med pa med par yang mi 'dzin/ sgrib pa med pa 'di na'o zhes kyang mi 'dzin/ byang chub sems dpa' med par yang mi 'dzin/ byang chub sems dpa' 'di na'o zhes kyang mi 'dzin/ spyod pa med par yang mi 'dzin/ spyod pa med pa 'di na'o zhes kyang mi 'dzin/ sangs
218a1 rgyas kyi zhing med par yang mi 'dzin/sangs rgyas kyi zhing 'di na'o zhes kyang mi 'dzin/ dpag tu med pa med par yang mi 'dzin/ dpag tu med pa 'di na'o zhes kyang mi 'dzin/ grangs med pa med par yang mi 'dzin/ grangs med pa 'di na'o zhes kyang mi 'dzin/ bsam
218a2 gyis mi khyab pa med par yang mi 'dzin/bsam gyis mi khyab pa 'di na'o zhes kyang mi 'dzin/ mtshungs pa med pa med par yang mi 'dzin/ mtshungs pa med pa 'di na'o zhes kyang mi 'dzin/ gzhal du med pa med par yang mi 'dzin/ gzhal du med pa 'di na'o zhes kyang mi 'dzin/
218a3 brjod du med pa med par yang mi 'dzin/ brjod du med pa 'di na'o zhes kyang mi 'dzin/ yongs su dag pa med par yang mi 'dzin/ yongs su dag pa 'di na'o zhes kyang mi 'dzin/ yang dag par 'grub pa med pa yang mi 'dzin/ yang dag par 'grub pa 'di na'o zhes kyang mi 'dzin to/ /
218a4 'jam dpal sgrib pa med pa'i rnam par thar pa la spyod pa'i byang chub sems dpa' sems dpa' chen pos ci bdag gi sangs rgyas kyi zhing dpag tu med pa yongs su dag par 'gyur ram zhes sems la mi bya ste/ 'on kyang sgrib pa med pa'i rnam par thar pa la spyod pa'i byang chub sems dpa'
218a5 sems dpa' chen po'i sangs rgyas kyi zhing dpag tu med pa bsgrim mi dgos par yongs su dag par 'gyur ro//sgrib pa med pa'i rnam par thar pa la spyod pa'i byang chub sems dpa' sems dpa' chen po ci bdag gi sangs rgyas kyi zhing grangs med pa yongs su dag par 'gyur ram/ de bzhin
218a6 du sbyar te/ci sangs rgyas kyi zhing brjod du med pa yongs su dag par 'gyur ram snyam du sems la mi bya ste/ 'on kyang sgrib pa med pa'i rnam par thar pa la spyod pa'i byang chub sems dpa' sems dpa' chen po'i sangs rgyas kyi zhing brjod du med pa bsgrim mi dgos par yongs su dag par
218a7 'gyur ro//'jam dpal 'di lta ste/ dper na nam langs pa'i dus kyi tshe/ ci nyi ma 'char ram snyam du sems la mi bya ste/ 'on kyang nam langs pa'i dus kyi tshe/ bsgrim mi dgos par nyi ma 'char ba de bzhin du/ 'jam dpal sgrib pa med pa'i rnam par thar pa la spyod pa'i
218b1 byang chub sems dpa' sems dpa' chen pos ji ltar bdag gi sangs rgyas kyi zhing dpag tu med pa yongs su dag par 'gyur snyam du sems la mi bya ste/'on kyang sgrib pa med pa'i rnam par thar pa la spyod pa'i byang chub sems dpa' sems dpa' chen po'i sangs rgyas kyi zhing dpag tu med pa
218b2 nas brjod du med pa'i bar du bsgrim mi dgos par yongs su dag par 'gyur ro//'jam dpal sgrib pa med pa'i rnam par thar pa la spyod pas de bzhin gshegs pa don thams cad grub pa de'i sangs rgyas kyi zhing dpag tu med pa yongs su dag go/ /sangs rgyas kyi zhing grangs med pa dang /
218b3 bsam gyis mi khyab pa dang / mtshungs pa med pa dang / gzhal du med pa dang / brjod du med pa yongs su dag go/ /de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das de bzhin gshegs pa
218b4 dgra bcom pa yang dag par rdzogs pa'i sangs rgyas don thams cad grub pa de'i sangs rgyas kyi zhing ji tsam du rgya cher yongs su dag lags/de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal
218b5 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas don thams cad grub pa de'i sangs rgyas kyi zhing ji tsam du rgya cher yongs su dag pa ni tshig gi go bar sla ba ma yin no//gsol pa/ bcom ldan 'das dper bgyir rung lags sam/
218b6 bcom ldan 'das kyis bka' stsal pa/ 'jam dpal rung ngo / /'jam dpal 'di lta ste/ dper na sangs rgyas kyi zhing brjod du med pa bzhi bcu'i rdul phra rab kyi rdul snyed kyi 'jig rten gyi khams grong khyer gcig tu gyur pa la 'di lta ste/ phye'am phye ma'i rnam pa gzhan gyis gang ba
218b7 bzhin du yungs kar gyis gang bar gyur te/mi la la zhig gis yungs kar de rdul phra rab tu btags nas yungs 'bru re re yang yungs 'bru ji snyed pa de snyed kyi rdul phra rab kyi rdul du byas la/ des rdul phra rab de dag phrag pa la thogs nas shar phyogs su song ste/ gom pa gcig bor bas
219a1 'jig rten gyi khams gang gA'i klung gi bye ma snyed 'da' la/gom pa 'dor ba 'di 'dra ba dang ldan zhing / 'di lta ste/ sems kyi mgyogs pa'i rdzu 'phrul lta bu'i mgyogs pa dang ldan te/ gom pa 'dor ba de lta bu dang ldan pas bskal pa gang gA'i klung gi bye ma
219a2 snyed du song zhing rdul phra rab kyi rdul gcig bor la de lta bu'i tshul gyis shar phyogs su rdul phra rab kyi rdul de thams cad bor te de bzhin du lho dang /nub dang / byang dang / phyogs mtshams rnams su de snyed kyi rdul phra rab kyi rdul bor zhing de bzhin du steng dang / 'og gi phyogs su
219a3 yang rdul phra rab kyi rdul de snyed bor na/'jam dpal de ji snyam du sems/ yungs kar gyi rdul phra rab kyi rdul gang du bor ba dang ma bor ba'i 'jig rten gyi khams gang mang / gsol pa/ bcom ldan 'das rdul phra rab kyi rdul bor ba'i 'jig rten gyi khams de ni nyung lags
219a4 kyi ma bor ba de ni ches mang lags so//bka' stsal pa/ 'jam dpal 'jig rten gyi khams gang du rdul phra rab kyi rdul bor ba dang / gang du ma bor ba'i 'jig rten gyi khams de dag thams cad grong khyer gcig tu gyur la/ 'di lta ste/ phye'am phye ma'i rnam pa gzhan gyis gang ba bzhin
219a5 du yungs kar gyis gang ba de la mi la la zhig gis yungs 'bru de dag btags te/yungs 'bru re re yang yungs 'bru de dag ji snyed pa de snyed kyi rdul phra rab kyi rdul du byas te/ des rdul phra rab kyi rdul de dag thams cad phrag pa la thogs nas shar phyogs su song ste/ gom pa gcig
219a6 bor bas 'jig rten gyi khams gang gA'i klung gi bye ma snyed 'da' zhing /'di lta ste/ sems kyi mgyogs pa'i rdzu 'phrul lta bu'i mgyogs pa dang ldan pa de lta bu'i gom pa 'dor zhing de lta bu'i mgyogs pas/ gang gA'i klung gi bye ma snyed kyi bskal par song ste rdul phra rab kyi rdul
219a7 gcig bor zhing de lta bu'i tshul gyis shar phyogs su rdul phra rab de thams cad bor la/de bzhin du lho phyogs su rdul phra rab kyi rdul de snyed 'dor zhing / nub dang / byang dang / byang shar dang / shar lho dang / lho nub dang / nub byang gi mtshams dang / steng dang / 'og gi phyogs
219b1 dang /phyogs mtshams su rdul phra rab de snyed bor na/ 'jam dpal de ji snyam du sems/ gang du rdul phra rab de dag bor ba dang / gang du ma bor ba'i 'jig rten gyi khams gang mang / gsol pa/ bcom ldan 'das gang du rdul phra rab de dag bor ba ni nyung lags kyi ma
219b2 bor ba'i 'jig rten gyi khams de ni ches mang lags so//bka' stsal pa/ 'jam dpal 'jig rten gyi khams gang du rdul phra rab bor ba dang gang du ma bor ba de dag thams cad grong khyer gcig tu gyur la/ 'di lta ste/ phye'am phye ma'i rnam pa gzhan gyis gang ba bzhin du yungs
219b3 kar gyis gang la/mi la la zhig gis yungs 'bru de dag btags nas/ yungs 'bru re re yang yungs 'bru de dag ji snyed pa de snyed kyi rdul phra rab kyi rdul du byas te/ des rdul phra rab de thams cad phrag pa la thogs nas shar phyogs su song ste/ gom pa gcig bor bas 'jig rten gyi
219b4 khams gang gA'i klung gi bye ma snyed 'da' zhing 'di lta ste/sems kyi mgyogs pa'i rdzu 'phrul lta bu'i mgyogs pa dang ldan te/ gom pa de lta bur 'dor ba dang / de lta bu'i mgyogs pa dang ldan pas gang gA'i klung gi bye ma snyed kyi bskal par song ste rdul phra rab gcig bor la/ de lta bu'i
219b5 tshul gyis shar phyogs su rdul phra rab de thams cad bor la de bzhin du lho phyogs su rdul phra rab de snyed bor zhing /nub dang / byang dang / byang shar dang / shar lho dang / lho nub dang / nub byang gi mtshams dang / steng dang / 'og gi phyogs dang / phyogs mtshams re rer yang rdul phra rab
219b6 de snyed bor na 'jam dpal de ji snyam du sems/gang rdul phra rab de bor ba dang gang du ma bor ba'i 'jig rten gyi khams de dag gang mang gsol pa/ bcom ldan 'das gang du rdul phra rab bor ba ni nyung lags kyi ma bor ba de ni ches mang lags so/ /bka' stsal pa/ 'jam dpal 'jig
219b7 rten gyi khams gang du rdul phra rab ma bor ba dang gang du bor ba de dag thams cad grong khyer gcig tu gyur nas yungs kar gyis gang ba ni ji lta ba sngar dpe bstan pa de bzhin du rgyas par byas te stong phrag sum cur bsgyur ba/'jam dpal de thams cad kyi tha ma'i rdul phra rab kyi phung po bzhag pa de
220a1 snyed kyi 'jig rten gyi khams rab 'byam gyi rgya ji tsam par de bzhin gshegs pa dgra bcom pa yang dag par rdzogs pa'i sangs rgyas don thams cad grub pa'i byang chub kyi shing gi rgya yang de tsam mo//byang chub kyi shing de ni rin po che sna bdun te/ 'bras bu ni yid bzhin gyi
220a2 nor bu'o//byang chub kyi shing de'i yal ga ni tha ma'i rdul phra rab kyi rdul snyed yod do/ /yal ga gcig cing yang tha ma'i rdul phra rab kyi rdul snyed kyi yal ga phre'u yod de/ yal ga phre'u gcig cing yang tha ma'i rdul phra rab kyi rdul snyed kyi 'bras bu yod do/ /'bras bu re re la yang cha shas ni
220a3 dpag tu med do//'jam dpal byang chub kyi shing de ni de bzhin gshegs pa don thams cad grub pa'i legs par spyad pa'i 'bras bur grub pa ste/ de ni mig yongs su ma sbyangs pa'i sems can rnams kyi mig lam du snang bar mi 'gyur ro/ /'jam dpal 'di lta ste/ dper na bar snang
220a4 gi gnod sbyin rnams kyi gzhal med khang dag mi rnams kyi mig lam du snang bar mi 'gyur ba de bzhin du byang chub kyi shing de yang mig yongs su ma sbyangs pa'i sems can rnams kyi mig lam du snang bar mi 'gyur ro//'jam dpal byang chub kyi shing de la sems can rnams mi thogs par
220a5 'gro ste/'jam dpal 'di lta ste/ dper na bar snang gi gnod sbyin dag gi gzhal med khang rnams la mi thogs par 'gro ba de bzhin du 'jam dpal byang chub kyi shing de la sems can rnams mi thogs par 'gro ste/ byang chub kyi shing de yang yongs su dag pa'i las dang ldan pa'i sems
220a6 can rnams kyi las kyi rnam par smin pas yongs su grub pa'i phyir ro//'jam dpal yang de bzhin gshegs pa don thams cad grub pa de'i 'jig rten gyi khams ni shar phyogs su yang tha ma'i rdul phra rab kyi rdul ji snyed pa de snyed yongs su dag go/ /lhor yang de snyed/ nub tu yang de snyed/ byang
220a7 du yang de snyed/shar lhor yang de snyed/ lho nub tu yang de snyed/ nub byang du yang de snyed/ byang shar du yang de snyed/ steng dang 'og gi phyogs su yang de snyed kyi 'jig rten gyi khams yongs su dag ste/ sangs rgyas kyi zhing de de tsam du rgya cher yongs su dag go/ /sgrib pa med pa'i
220b1 rnam par thar pa la brten na de'i brgyar bgrangs pa de snyed du rang gi sangs rgyas kyi zhing yongs su dag go//'jam dpal byang chub kyi shing de'i 'bras bu 'byung ba dang / skye ba dang / rgyas pa dang / 'gas pa rgyun mi 'chad cing bar skabs med de/ 'jam dpal 'di lta ste/ dper
220b2 na byis pa lnga brgya tsam rtse na kha cig 'greng /kha cig 'dug pa'i rgyun mi chad cing bar skabs med pa de bzhin du 'jam dpal byang chub kyi shing de'i 'bras bu 'byung ba dang / skye ba dang / smin pa dang / 'gas pa yang rgyun mi 'chad cing bar skabs med do/ /'jam dpal 'di lta
220b3 ste/dper na char gyi 'bru rags pa 'bab pa'i tshe/ chu la chu'i chu bur kha cig 'byung / kha cig 'jig pa rgyun mi 'chad cing bar skabs med pa de bzhin du 'bras bu de dag 'byung ba dang / skye ba dang / rgyas pa dang / 'gas pa yang rgyun mi 'chad cing bar skabs med de/ 'bras
220b4 bu 'gas pa de'i cha shas gcig las kyang gang gA'i klung gi bye ma snyed kyi byang chub sems dpa' 'byung ste/mtshan sum cu rtsa gnyis dang ldan pa/ lus dpe byad bzang po brgyad cus brgyan pa/ sred med kyi bu ltar lus mkhregs pa/ srid pa tha ma par gyur pa'i sems can 'jig
220b5 rten gyi khams brjod du med pa'i sangs rgyas kyi zhing tshad med par yongs su dag pa'i smon lam dang ldan pa'i bar du ste/de dag thams cad kyis kyang de tsam du rgya cher sangs rgyas kyi zhing yongs su dag par sbyangs te/ de dag de nas byung nas de bzhin gshegs pa dgra bcom
220b6 pa yang dag par rdzogs pa'i sangs rgyas don thams cad grub pa de'i zhabs la mgo bos phyag 'tshal nas phyogs gcig tu 'khod do//phyogs gcig tu 'khod pa'i byang chub sems dpa' de dag la de bzhin gshegs pa don thams cad grub pas rang gi sangs rgyas kyi zhing
220b7 yongs su dag pa 'chad de/dus gsum mnyam pa nyid kyang ston to/ /de dag kyang sangs rgyas kyi zhing yongs su dag pa nyan cing kun 'dzin te/ thos ma thag tu mngon par shes pa lnga thob bo/ /mngon par shes pa thob ma thag tu de bzhin gshegs pa don thams cad grub pa de'i
221a1 zhabs la mgo bos phyag 'tshal te/de bzhin gshegs pa de la lan gsum bskor ba byas nas 'dong ngo / /de dag rdzu 'phrul gyi stobs kyis rang rang gi sangs rgyas kyi zhing du song nas bla na med pa yang dag par rdzogs pa'i byang chub mngon par rdzogs par
221a2 'tshang rgya'o//'jam dpal de bzhin gshegs pa don thams cad grub pa de sngon byang chub sems dpa'i spyad pa spyod pa na/ byang chub sems dpa'i ting nge 'dzin gsum bsgoms te rab tu goms par byas/ lam du byas/ rten du byas/ rus shing bzhin du byas/ rab tu
221a3 rtogs par byas shing legs par brtsams so//ting nge 'dzin gsum gang zhe na/ byang chub sems dpa'i ting nge 'dzin shugs ldan zhes bya ba dang / byang chub sems dpa'i ting nge 'dzin zhi gnas zhes bya ba dang / byang chub sems dpa'i ting nge 'dzin chos thams cad la
221a4 dbang byed pa zhes bya'o//'jam dpal sngon byung ba 'das pa'i dus bskal pa dpag tu med/ grangs med/ bsam gyis mi khyab/ mtshungs pa med/ gzhal du med/ brjod du med pa de'i pha rol gyi yang ches pha rol na/ me tog gi tshogs zhes bya ba'i bskal pa byung
221a5 ste/me tog gi tshogs kyi bskal pa de la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/
221a6 sangs rgyas bcom ldan 'das dkon mchog dam pa zhes bya ba 'jig rten du byung ste/ de bzhin gshegs pa dgra bcom pa yang dag par rdzogs pa'i sangs rgyas dkon mchog dam pa de la nyan thos thog mar 'dus pa ni nyan thos khrag khrig phrag brgyad cu yod de/ dgra bcom pa
221a7 zag pa zad pa/nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid
221b1 par kun tu sbyor ba yongs su zad pa/sems kyi dbang thams cad kyi dam pa'i pha rol du son pa sha stag go/ /byang chub sems dpa' 'dus pa ni de'i nyis 'gyur yod de/ thams cad kyang 'jig rten gyi khams dpag tu med pa'i sangs rgyas kyi zhing tshad med pa yongs su dag pa'i
221b2 smon lam la yang dag par zhugs pa/'jig rten gyi khams grangs med pa'i sangs rgyas kyi zhing tshad med pa yongs su dag pa'i smon lam la yang dag par zhugs pa/ 'jig rten gyi khams bsam gyis mi khyab pa dang / mtshungs pa med pa dang / gzhal du med pa dang /
221b3 brjod du med pa'i sangs rgyas kyi zhing tshad med pa yongs su dag pa'i smon lam yang dag par zhugs pa sha stag go/ /yang nyan thos 'dus pa gnyis pa la ni nyan thos khrag khrig yod do/ /byang chub sems dpa' 'dus pa ni de'i nyis 'gyur yod do/ /nyan thos 'dus pa gsum pa la ni
221b4 nyan thos khrag khrig phrag brgya yod de/thams cad kyang dgra bcom pa/ nyon mongs pa med pa/ dbang dang ldan par gyur pa nas sems kyi dbang thams cad kyi dam pa'i pha rol du son pa'i bar du'o/ /byang chub sems dpa' 'dus pa ni de'i nyis 'gyur yod do/ /nyin re zhing chos
221b5 ston pa thams cad la nyan thos 'dus pa dang /byang chub sems dpa' 'dus pa rnams kyis mnyam du de bzhin gshegs pa des chos bstan pa kun shes so/ /'jam dpal de bzhin gshegs pa dkon mchog dam pa de'i nyan thos 'dus pa ni rtsis mkhan nam rtsis mkhan gyi slob ma mkhas
221b6 pas bskal pa'am/bskal pa brgya'am/ bskal pa stong ngam/ bskal pa stong phrag brgya'am/ bskal pa bye ba'am/ bskal pa khrag khrig gam/ bskal pa gtams sam/ bskal pa dkrigs sam/ bskal pa 'gyur yas kyi bar du yang nyan thos 'dus pa 'di snyed ce'am/ nyan
221b7 thos 'dus pa brgya phrag 'di snyed ce'am/nyan thos 'dus pa stong phrag 'di snyed ce'am/ nyan thos 'dus pa brgya stong phrag 'di snyed ce'am/ nyan thos 'dus pa bye ba phrag 'di snyed ce'am/ nyan thos 'dus pa khrag khrig phrag 'di snyed ce'am/ nyan thos 'dus pa gtams phrag 'di snyed ce
222a1 'am/nyan thos 'dus pa dkrigs phrag 'di snyed ce'am/ nyan thos 'dus pa khyad phyin phrag 'di snyed ce'am/ nyan thos 'dus pa 'gyur yas phrag 'di snyed yod ces brtsi bar mi nus so/ /'jam dpal 'di lta ste/ dper na stong gsum gyi stong chen po'i 'jig
222a2 rten gyi khams kyi skar ma'i gzugs la skar ma'i gzugs 'di snyed ce'am/skar ma'i gzugs brgya phrag 'di snyed ce'am/ skar ma'i gzugs stong phrag 'di snyed ce'am/ skar ma'i gzugs brgya stong phrag 'di snyed ce'am/ bye ba phrag 'di snyed ce'am/ khrag khrig phrag 'di snyed
222a3 ce'am/gtams phrag 'di snyed ce'am/ dkrigs phrag 'di snyed ce'am/ 'gyur yas phrag 'di snyed yod ces rtsis mkhan nam/ rtsis mkhan gyi slob ma mkhas pas kyang bgrang bar mi nus te/ 'on kyang skar ma'i gzugs dpag tu med pa'i grangs su 'gro ba de bzhin du 'jam dpal
222a4 nyan thos 'dus pa de rnams kyi mtha' yang rtogs par mi nus so//'jam dpal de'i dus na rgyal po bde gnas blo gros zhes bya ba chos dang ldan pa chos kyi rgyal po zhig yod pa de sangs rgyas kyi zhing de thams cad la dbang zhing bdag po byed de/ las kyi rnam par smin pa las byung ba'i rdzu 'phrul
222a5 thob pa des de bzhin gshegs pa dgra bcom pa yang dag par rdzogs pa'i sangs rgyas dkon mchog dam pa de nyan thos dang /byang chub sems dpa'i dge 'dun du bcas pa la lo bye ba khrag khrig phrag drug cu'i bar du ro sna brgya pa'i zhal zas sbyar te rim gro byas so/ /yul ka shi pa'i na bza'
222a6 gsol zhing yo byad thams cad kyang sbyar te/'di ltar chos gos dang / bsod snyoms dang / mal cha dang / na ba'i gsos sman dang / yo byad kyis rtsa ba'i rim gro byas so/ /des de bzhin gshegs pa nyan thos kyi dge 'dun dang bcas pa de la ro sna brgya pa'i zas kyis rim gro byas pas
222a7 dge ba'i rtsa ba rgya che zhing dpag tu med pa mngon par 'dus byas so//dge ba'i rtsa ba rgya che zhing dpag tu med pa mngon par 'dus byas pas dge ba'i rtsa ba'i shugs rgya che zhing dpag tu med pa bskyed do/ /dge ba'i rtsa ba rgya che zhing grangs med pa mngon par 'dus byas so/ /dge ba'i rtsa ba rgya che
222b1 zhing grangs med pa mngon par 'dus byas nas/dge ba'i rtsa ba'i shugs rgya che zhing grangs med pa bskyed par gyur to/ /sbyin pa'i pha rol tu phyin pa dang ldan pa'i dge ba'i rtsa ba bsam gyis mi khyab/ mtshungs pa med/ gzhal du med/ brjod du med pa'i yang brjod du med pa mngon
222b2 par 'dus byas nas/sbyin pa'i pha rol tu phyin pa dang ldan pa'i dge ba'i rtsa ba'i shugs rgya che zhing bsam gyis mi khyab/ mtshungs pa med/ gzhal du med/ brjod du med pa bskyed par gyur to/ /tshul khrims kyi pha rol tu phyin pa dang ldan pa'i dge ba'i rtsa ba dpag tu med pa rgya
222b3 chen po mngon par 'dus byas te/tshul khrims kyi pha rol tu phyin pa dang ldan pa'i dge ba'i rtsa ba dpag tu med pa rgya chen po mngon par 'dus byas nas tshul khrims kyi pha rol tu phyin pa dang ldan pa'i dge ba'i rtsa ba'i shugs dpag tu med pa rgya chen po bskyed do/ /de bzhin du sbyar te/ tshul
222b4 khrims kyi pha rol tu phyin pa dang ldan pa'i dge ba'i rtsa ba grangs med/bsam gyis mi khyab mtshungs pa med/ gzhal du med/ brjod du med cing rgya cher mngon par 'dus byas so/ /tshul khrims kyi pha rol tu phyin pa dang ldan pa'i dge ba'i rtsa ba grangs med pa nas brjod du med cing rgya che ba'i bar
222b5 du mngon par 'dus byas nas tshul khrims kyi pha rol tu phyin pa dang ldan pa'i dge ba'i rtsa ba'i shugs rgya che zhing grangs med/bsam gyis mi khyab/ mtshungs pa med/ gzhal du med/ brjod du med pa bskyed do/ bzod pa'i pha rol tu phyin pa dang ldan pa'i dge ba'i rtsa ba rgya che zhing grangs med/
222b6 dpag tu med pa mngon par 'dus byas te/ ji ltar sbyin pa'i pha rol tu phyin pa dang / tshul khrims kyi pha rol tu phyin pa mngon par 'dus byas pa de bzhin du bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa yang rgyas par bya'o/ /
222b7 shes rab kyi pha rol tu phyin pa dang ldan pa'i dge ba'i rtsa ba rgya che zhing dpag tu med pa mngon par 'dus byas so/ /shes rab kyi pha rol tu phyin pa dang ldan pa'i dge ba'i rtsa ba rgya che zhing dpag tu med pa mngon par 'dus byas nas shes rab kyi pha rol tu phyin pa dang ldan pa'i dge ba'i rtsa ba'i shugs rgya che zhing
223a1 dpag tu med pa bskyed do//de bzhin du sbyar te/ shes rab kyi pha rol tu phyin pa dang ldan pa'i dge ba'i rtsa ba rgya che ba grangs med/ bsam gyis mi khyab/ mtshungs pa med/ gzhal du med/ brjod du med pa mngon par 'dus byas te/ shes rab kyi pha rol tu
223a2 phyin pa dang ldan pa'i dge ba'i rtsa ba brjod du med pa'i bar du mngon par 'dus byas nas shes rab kyi pha rol tu phyin pa dang ldan pa'i dge ba'i rtsa ba'i shugs grangs med/bsam gyis mi khyab/ mtshungs pa med/ gzhal du med/ brjod du med pa bskyed do/ /'jam dpal rgyal po bde
223a3 gnas blo gros kyis de lta bur pha rol tu phyin pa drug dang ldan pa'i dge ba'i rtsa ba rnams bskyed nas/dga' ba dang / dad pa dang / mchog tu dga' ba mang bas ta la bdun srid du nam mkha' la 'phags nas/ bcom ldan 'das de bzhin gshegs pa dkon mchog dam pa de la pha rol
223a4 tu phyin pa dang ldan pa'i tshigs su bcad pa 'di dag gis mngon par bstod do//stobs bcu shes rab mtha' yas pa/ /chu bo bzhi rgal mi'i seng ge /khyod la phul ba dpag med 'gyur/ /sbyin pa de yang zil mi non/ /ba tshwa med pa'i zhing dag la/ /rdo dang bong ba gyo mo med/ /
223a5 kun sbyangs rab tu rmos pas na/ /mi mnyam med phyogs rtswa med par/ /ji ltar sa bon btab nas su/ /rmed pa'i mi de bder nyal yang / /dus su rtsa ba brtan par zug /myu gu sngon por 'byung bar byed/ gru yis sa la chus btab pas/ /lo ma sdong bu rnams kyang 'byung / /dus
223a6 tshigs dus kyi rim bzhin du//nges par 'bras bu smin par 'gyur/ /de bzhin 'dod chags zhe sdang bcom/ /gti mug bral ba nges pa'i blos/ /ma smad yon tan zhing khyod la/ /shes rab gshol gyis rmos pa ni/ /sa bon nyung ngu btab na yang / /de bzhin sbyin bdag mi brtson
223a7 yang //pha rol phyin pa yongs rdzogs shing / /thams cad mkhyen pa'i myu gu skye/ /mgon po khyod la sbyin phul na/ /byams pa snying rje nyon mongs med/ /rnam par thar pa'i sgo gsum dang / /tha mar 'bras bu mya ngan 'da'/ /sum cu rtsa gnyis mtshan mnga' ba/ /sa la dong ka men rgyas
223b1 bzhin//bdag gis dge ba'i rtsa bsags pas/ /ji ltar bde gshegs de bzhin shog /ji ltar bsod nams mtshan mnga' ba/ /legs spyad bsags pa thub pa'i tog /ji ltar mi mchog dam pa bzhin/ /bdag kyang bde gshegs de bzhin gyur/ /ji ltar dpe med blo
223b2 can khyod//shes rab gnas la khyod gnas nas/ /lta bar rab tu bying ba yi/ /skye bo ma log 'god par mdzad/ /bdag kyang byang chub reg nas ni/ /de bzhin bde la rab gnas te/ /log pa'i lam song skye bo rnams/ /bden pa bzhi yi lam du 'god/ /ji
223b3 ltar khyod ni phung po med//bla med phung po zad par zhugs/ /byis pa phung pos bcings pa rnams/ /thams cad phung po 'dor du btsud/ /bdag kyang phung po med pa dang / /phung med byang chub mchog thob nas/ /phung pos bcings pa'i skye bo rnams/ /phung po 'dor bar
223b4 rab tu 'god//ji ltar khyod kyis nyon mongs spangs/ /chu yis me rnams zhi ba bzhin/ /nyon mongs me yis 'bar ba yi/ /skye bo sdug bsngal thar bar mdzad/ /bdag kyang byang chub rab reg ste/ /khro glen 'dod me ma zhi zhes/ /nye bar zhi ba'i lam stor ba'i/ /skye bo rab tu
223b5 zhi bar 'god//ser sna'i zhags pas bcings pa dang / /phrag dog kun sbyor mun pas bsgribs/ /srid par chags pa mgon med rnams/ /yan lag brgyad kyi lam la dgod/ /ji ltar rang byung khyod nyid ni/ /stobs bcu ye shes rab gnas te/ /srid skom sems can khrag
223b6 khrig la//stobs bcu ye shes ngoms par mdzad/ /bdag kyang byang chub rab reg cing / /bla med ye shes thob nas su/ /srid skom sems can khrag khrig la/ /stobs bcu ye shes ngoms par bgyi/ /'jam dpal de ltar rgyal po bde gnas blo gros kyis bcom ldan 'das
223b7 de bzhin gshegs pa dkon mchog dam pa de la lo bye ba khrag khrig phrag drug cu'i bar du zas ro sna brgya pa sbyar cing /yul ka shi pa'i na bza' gsol te bar snang la 'dug nas tshigs su bcad pa de dag gis mngon par bstod de/ dge ba'i rtsa ba'i shugs tshad med/ grangs med/
224a1 bsam gyis mi khyab/ mtshungs pa med/ gzhal du med/ brjod du med pa bskyed nas/ dge ba'i rtsa ba'i shugs des bskal pa brjod du med par nam yang sems can dmyal bar ma skyes/ dud 'gro'i skye gnas dang / gshin rje'i 'jig rten dang / lha ma yin gyi
224a2 ris su yang ma skyes/mi khom pa rnams su ma skyes/ rigs dma' bar ma skyes/ dbul po'i rigs su ma skyes so/ /bskal pa brjod du med par nam yang lus la rlung las gyur pa'am/ mkhris pa las gyur pa'am/ bad kan las gyur pa'i nad ma byung ngo / /nam yang dbang
224a3 po ma tshang bar ma gyur/nam yang mig ser ba dang / 'jigs pa'i mig dang / mig yo ba dang / bzhin yo bar ma gyur to/ /nam yang skyes bu chen po'i mtshan sum cu rtsa gnyis kyis lus ma brgyan par ma gyur/ nam yang dpe byad bzang po brgyad cu dang bral bar ma gyur/ lha'i
224a4 nang du lhar gyur tam/mi'i nang du mir gyur na/ nam yang dbang po dang phyug po ma byas par ma gyur/ nam yang smon lam phun sum tshogs pa dang bral bar ma gyur/ nam yang sangs rgyas med pa'i sangs rgyas kyi zhing du ma skyes/ nam yang nad med pa dang / gzugs dang longs spyod
224a5 dang /g.yog 'khor dang / phyug pas de sngon dregs par ma gyur/ nam yang bud med kyi dregs pa dang gos kyi dregs pa ma skyes/ nam yang sbyin bdag ma byas par ma gyur/ de nam yang tshul khrims kyi dregs pa ma skyes/ nam yang tshul khrims dang ldan pa ma yin par ma gyur/ de nam
224a6 yang thos pas dregs pa ma skyes/nam yang mang du thos pa ma yin par ma gyur/ nam yang 'dod pa'i 'du shes ma skyes/ nam yang btsun mo'i 'khor gyis ma bskor bar ma gyur/ nam yang tshangs par mi spyod par ma gyur te/ bsams ma thag tu bu rnyed par gyur to/ /nam yang
224a7 gnod sems kyi 'du shes ma skyes/nam yang rnam par 'tshe ba'i 'du shes ma skyes te/ de ltar rgyal po des shugs dang ldan pa'i ting nge 'dzin 'di bskyed nas/ byang chub sems dpa'i yon tan 'di rnams dang gzhan yang rab tu bsgrubs so/ /'di ji snyam du sems/ 'jam
224b1 dpal de'i tshe de'i dus na rgyal po bde gnas blo gros zhes bya bar gyur pa de gzhan zhig yin pa snyam du 'dzin na de ltar mi blta'o//de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas don thams cad grub pa de ni de'i tshe de'i dus na rgyal po bde
224b2 gnas blo gros zhes bya bar gyur to//'jam dpal de lta bas na theg pa chen po la yang dag par zhugs pa'i byang chub sems dpas sbyin pa'i pha rol tu phyin pa dang ldan pa'i dge ba'i rtsa ba'i shugs btsal bar bya'o zhes de ltar bslab par bya'o/ /'jam dpal theg pa chen po la yang
224b3 dag par zhugs pa'i byang chub sems dpa' sems dpa' chen po sgrib pa med pa'i rnam par thar pa la spyod pa des tshul khrims kyi pha rol tu phyin pa dang ldan pa'i dge ba'i rtsa ba rgya chen po mngon par 'dus byas te/tshul khrims kyi pha rol tu phyin pa dang ldan pa'i dge ba'i rtsa ba'i
224b4 shugs rgya chen po bskyed par bya'o// //bam po gnyis pa/ 'jam dpal sngon byung ba 'das pa'i dus na/ bskal pa grangs med/ dpag tu med/ bsam gyis mi khyab/ mtshungs pa med/ gzhal du med/ brjod du med pa na rgyal po'i drang srong tshangs pa'i
224b5 lha zhes bya ba dang /mes byin zhes bya ba gnyis byung ste/ de gnyis gnas shig na 'khod de/ de dag dgon pa nas dgon par/ nags tshal nas nags tshal du/ gshong nas gshong du/ nags thibs po nas thibs por 'gro zhing bdag cag bud med dang lhan cig gnas par
224b6 gyur na bdag cag 'dod chags kyi rgyu las byung ba'i bslab pa las 'gal bar 'gyur/yongs su bzung ba dang bcas pa dang lhan cig tu 'grogs na yang bdag cag gnod sems kyi rgyu las byung ba'i bslab pa las 'gal bar 'gyur/ yongs su bzung ba dang bcas pa'am yongs su bzung ba la
224b7 nyes par mi lta ba dang lhan cig 'grogs par gyur na yang /bdag cag gti mug gi rgyu las byung ba'i bslab pa las 'gal bar 'gyur ro zhes de lta bu'i nyes pa rnams mthong nas/ dgon pa nas dgon par/ nags tshal nas nags tshal/ gshong nas gshong / nags thibs
225a1 po nas thibs por rgyu'o//'jam dpal de'i dus na rgyal po sde mi pham pa zhes bya ba zhig yod de/ de rgyal por dbang bskur ba'i tshe khyim gyi gnas nas mngon par byung ba rnams rtswa dang / shing dang chu la ci bder spyod du gnang ste/ rjes su yi rang ngo zhes
225a2 tshig de skad ces smras pas/drang srong de gnyis kyang rgyal po sde mi pham pa'i yul khams na gnas so/ /de'i tshe rgyal po sde mi pham pa la chom rkun nor 'phrog pas gnod pa'i las byas te bros pa dang / drang srong de dag gis chom rkun bros pa mthong ngo / /chom rkun de
225a3 dag gis kyang drang srong nags kyi nang na gnas par mthong nas chom rkun de dag gis thal mo sbyar te 'di skad ces smras so//drang srong khyed la bdag cag mthong ngam zhes la la zhig gis dris na khyed kyis ma ston cig /de nas drang srong tshangs pa'i lhas drang srong mes byin la smras
225a4 pa/kye ma'o mes byin byung ba 'di ni shin tu dka' na ji ltar bya/ gal te 'di ma mthong ngo zhes smras na ni gzhan bslus par 'gyur/ ji ste bstan na ni gnod pa byas par yang 'gyur na/ 'di ji ltar bya khyod smros shig /de skad ces smras pa dang / drang srong mes byin gyis drang
225a5 srong tshangs pa'i lha la 'di skad ces smras so//kye tshangs pa'i lha 'di la gnod par 'gyur bar ma 'dzin cig /de ci'i phyir zhe na/ tshangs pa'i lha gang la la dag lus dang srog la lta ba dang bcas par gnas pa de dag ni yongs su zag pa byung ba byung ba rnams kyis sems zin
225a6 nas 'dug go//tshangs pa'i lha 'di lta ste/ dper na gos snum can la rdul reg na chags par 'gyur ba de bzhin du tshangs pa'i lha gang dag kha cig lus dang srog la lta ba dang bcas par gnas pa de dag ni yongs su zag pa byung ba byung ba rnams kyis sems kun tu zin nas 'dug go/ /
225a7 tshangs pa'i lha gang dag kha cig lus dang srog la mi lta ba de dag la ni yongs su zag pa byung ba byung ba rnams kyis sems kun tu zin cing 'dug par mi 'gyur ro/ /tshangs pa'i lha 'di lta ste/ dper na gos yongs su dag pa la rdul gyis reg kyang sprugs ma thag tu de med par 'gyur
225b1 ba de bzhin du tshangs pa'i lha gang dag kha cig lus dang srog la mi lta ba de dag ni yongs su zag pa byung ba byung ba rnams kyis sems kun tu zin cing gnas par mi 'gyur ro//de bas na tshangs pa'i lha bdag cag kyang lus dang srog la mi blta bar bya'o/ /tshangs pa'i lha gal te bdag
225b2 cag lus dang srog la ma bltas na bdag cag yongs su zag pa 'byung ba des sems zin nas gnas par mi 'gyur ro//kye tshangs pa'i lha lus dang srog la lta ba dang bcas pa'i brtul zhugs 'grub bo zhes sangs rgyas bcom ldan 'das rnams kyis bka' ma stsal to/ /de
225b3 nas drang srong tshangs pa'i lha la drang srong mes byin gyis lus dang srog la mi lta ba bstan pas lus dang srog la mi lta ba rnyed do//de nas rgyal po sde mi pham pas chom rkun de dag tshol zhing nags stug po der phyin te/ rgyal po sde mi pham pas nags stug po'i nang na drang srong de dag gnas
225b4 pa mthong ngo //mthong nas drang srong de dag ga la ba der song ste/ mi kha cig nags stug po der chom rkun tshol du bkye'o/ /de nas rgyal po sde mi pham pas drang srong de dag gi rkang pa la mgo bos phyag 'tshal te phyogs gcig tu 'dug go/ /phyogs gcig tu 'dug nas rgyal
225b5 po sde mi pham pas drang srong de gnyis la 'di skad ces smras so//drang srong khyed gnyis kyis chom rkun nags stug po 'di'i nang du 'ongs pa'am phyir byung ba lta mthong ngam/ de skad ces smras pa dang / drang srong de gnyis kyis rgyal po sde mi pham pa la 'di skad ces smras so/ /
225b6 rgyal po bdag cag gis bdag nyid kyang mi mthong na chom rkun lta ga la mthong / rgyal po sde mi pham pa dang drang srong de dag gtam 'di byas pa dang / rgyal po'i mi de dag gis chom rkun de dag zin te/ de dag gis de dag zin nas rgyal po sde mi pham pa ga la ba der 'ongs te phyin
225b7 nas 'di skad ces smras so//chom rkun de dag bzung ste mchis pa 'di lags zhes byas so/ /de nas rgyal po sde mi pham pas drang srong de gnyis kyis smras pa'i don khong du ma chud nas drang srong de gnyis la smras pa/ khyed ni zer ba yin te/ drang srong ma yin no zhes de
226a1 gnyis kyi rkang pa dang lag pa gcod du bcug go//'on kyang drang srong de dag gis gzhan la gnod pa ma byas so/ /de nas yang drang srong mes byin rkang lag bcad pa dang / rgyal po sde mi pham pa la 'di skad smras so/ /kye rgyal po khyod nyid la bdag kun du
226a2 btsal na rgyal po sde mi pham pa zhes bya ba'i rgyal po gang yin ci mig rgyal po sde mi pham pa'am/'on te rgyal po sde mi pham pa mig las gzhan nam/ ci rgyal po sde mi pham pa de rna ba'am/ sna'am/ lce'am/ lus sam/ yid dam/ 'on te rgyal po sde mi pham pa de rna ba dang /
226a3 sna dang / lce dang / lus dang / yid dang / rnam par shes pa las gzhan nam zhes drang srong des bdag mi dmigs par bstan pa dang / yang dag pa ji lta ba bzhin rtog go/ /de nas rgyal po sde mi pham pas yang dag pa ji lta ba bzhin du brtags na bdag nyid ma dmigs
226a4 so//don dam par bdag nyid ma dmigs pas 'gyod pa chen po dang ldan par 'gyur te/ nyes pa med pa'i drang srong gis bshad pa'i don ma shes pas 'phral du sdig pa'i las byas pa des chos nyid de yang dag pa ji lta ba bzhin du rab tu shes nas sdug bsngal zhing yid mi bde ste
226a5 'gyod nas sa'i phyogs de na 'gre zhing ldog go//de nas drang srong mes byin des rgyal po sde mi pham pa 'gyod par rig nas 'di skad ces smras so/ /rgyal po chen po khyod ji ltar bdag nyid mi dmigs pa de bzhin du su'i rkang lag bcad pa de yang mi dmigs so/ /de nas rgyal
226a6 po sde mi pham pa la drang srong mes byin gyis stong pa nyid bstan pas kun nas dkris pa de myur du bsal te/chos rnams kyi ngo bo nyid kyi mtshan nyid myur du rtogs nas des de gnyis la ston par 'du shes bskyed do/ /drang srong de dag gis de la tshul khrims kyi gtam brjod
226a7 de/rgyal po chen po tshul khrims yongs su dag pa'i phyir tshul khrims dang ldan pa'i sems la smon pa 'grub ste/ rgyal po chen po tshul khrims su yongs su dag pa'i mthu la gzigs/ rgyal po chen po bden pa dang / bden pa'i tshig gang gis bskal pa brjod du med par
226b1 yang sems ma rung bar byas par mi dran pa lta na bden pa dang bden pa'i tshig des bdag cag gnyis kyi lag pa g.yas pa snga ma bzhin du gyur cig ces byas ma thag tu bden pa'i byin gyi rlabs kyis/de gnyis kyi lag pa g.yas pa snga ma bzhin du gyur to/ /rgyal po chen po
226b2 bden pa dang bden pa'i tshig gang gis bskal pa brjod du med par lus kyi las ma rung bar byas par mi dran pa lta na/bden pa dang bden pa'i tshig des bdag cag gnyis kyi lag pa g.yon pa snga ma bzhin du gyur cig ces byas ma thag tu bden pa'i byin gyi rlabs kyis/ de gnyis kyi
226b3 lag pa g.yon pa snga ma bzhin du gyur to//rgyal po chen po bden pa dang bden pa'i tshig gang gis bskal pa brjod du med par 'tsho ba ma rung bar byas par mi dran pa lta na/ bden pa dang bden pa'i tshig des bdag cag gnyis kyi rkang pa snga ma bzhin du gyur cig ces byas pa dang /
226b4 'di ltar drang srong mes byin de'i bden pa'i byin gyi rlabs kyis/ drang srong de gnyis kyi rkang pa dang lag pa snga ma bzhin du gyur to/ /de nas rgyal po sde mi pham pas de gnyis kyi bden pa'i byin gyis brlabs kyi rdzu 'phrul mthong nas spu zing zhes byed par gyur to/ /de nas drang
226b5 srong mes byin gyis bden pa'i byin gyis brlabs thos pas lus kyi las dang /ngag gi las dang / yid kyi las yongs su dag par bya ba'i phyir brtson par gyur to/ /de de na 'dug bzhin du 'phags pa'i tshul khrims kyi pha rol tu phyin pa la gnas par gyur to/ /des de nyid
226b6 nas phyogs bcu'i 'jig rten gyi khams na tshad med pa'i sangs rgyas bye ba khrag khrig mthong ste/la la ni bla na med pa yang dag par rdzogs pa'i byang chub mngon par rdzogs par 'tshang rgya/ la la ni bla na med pa'i chos kyi 'khor lo skor/ la la ni rdzu 'phrul gyi cho 'phrul rnam pa du
226b7 mas sems can rnams la 'doms/la la ni tshe'i 'du byed 'dor/ la la ni phung po'i lhag ma med pa'i mya ngan las 'das pa'i dbyings su yongs su mya ngan las 'das pa'i de bzhin gshegs pa de dag thams cad kyi spyan snga na drang srong mes byin rim gro dang bsnyen bkur
227a1 byed pa mthong ngo //des drang srong mes byin de rdzu 'phrul gyi cho 'phrul rnam pa du mas sangs rgyas bcom ldan 'das de dag gi bstan pa sems can rnams la ston cing bla na med pa'i tshul khrims kyi pha rol tu phyin pa rab tu brjod pa mthong ngo / /de nas rgyal
227a2 po sde mi pham pas de bzhin gshegs pa de rnams dang sems can bye ba khrag khrig du ma mthong ste/tshul khrims kyi pha rol tu phyin pa dang ldan pa'i dge ba'i shugs rnams kyis ta la bdun srid tsam du nam mkha' la 'phags te bar snang la 'dug nas/ drang srong mes byin de
227a3 dang sangs rgyas bcom ldan 'das de rnams la rdzu 'phrul gyi cho 'phrul dang ldan pa dang /tshul khrims kyi pha rol tu phyin pa dang ldan pa'i tshigs su bcad pa rnams kyis mngon par bstod do/ /ji ltar dri med me long dkyil 'khor la/ /lus la mchis pa'i nyes dang
227a4 yon tan gda'//de bzhin tshul khrims yang dag dge ba la/ /sems la mchis pa'i nyes dang yon tan gda'/ /'dod bzhin 'bras bu 'byung ba'i shing chen ltar/ /bsams pa bzhin du 'bras bu kun kyang sbyin/ /de bzhin tshul khrims phung po gtsang dag
227a5 pas//bsams pa bzhin du 'bras bu kun kyang sbyin/ /ji ltar sa la rab tu las byas te/ /bsams pa bzhin du snod kyi rnam par gyur/ /de bzhin tshul khrims phung po yongs sbyangs pas/ /bsams pa bzhin du yon tan thams cad sbyin/ /ji ltar yid bzhin
227a6 nor bu byi dor bgyis//bsams pa bzhin du longs spyod sna tshogs sbyin/ /de bzhin tshul khrims phung po byi dor bgyis/ /bsams pa bzhin du yon tan thams cad sbyin/ /rgyal sras rnams kyis thog mar spyad gsungs pa/ /tshul khrims yongs dag thog ma'i
227a7 rkang pa ste//rgyal ba rnams ni dri med rkang pa des/ /byang chub zhi ba mchog rnams yang dag grub/ /ji ltar shing rgyal n+ya gro gzhon nu 'dir/ /sa gzhi mnyam par btsugs shing rab bskyed na/ /yal ga byung zhing mngon par rab tu skye/ /me tog 'bras bur ldan zhing
227b1 khyad par 'dzin//de bzhin tshul khrims phung por su gnas pa/ /rgyal ba'i sras de yon tan rnams kyis skye/ /thams cad mkhyen pa'i ye shes 'dir reg nas/ /'gro ba sdug bsngal rnams las thar byed 'gyur/ /tshul khrims ldan pas dpal dang gzi brjid rnyed/ /
227b2 tshul khrims ldan pa gzugs rab mdzes par 'gyur/ /tshul khrims dag la rgyal sras rtag dga' ba/ /rnyed par dka' ba'i chos kyang rab tu skyed/ /spyod pa yongs dag tshul khrims kun spyod pa/ /dri med khrims ldan drang srong mes byin 'di/ /sangs rgyas yon tan
227b3 mnga' ba brgya dag gis//kun tu bstod pa mdzad par bdag gis mthong / /tshul khrims yongs dag kun du spyod pa la/ /sangs rgyas brgyas ni mngon par bstod gyur dang / /ji ltar bdag gi slob dpon mes byin la/ /sangs rgyas brgya yis mngon par bstod
227b4 pa ltar//de bzhin tshul khrims gzi brjid ldan pa bdag /legs par spyad pa brgya yis mngon par bstod/ /skyes nas bdag gi khrims stobs gdung med de/ /rims nad btab pa gso ba byas pa bzhin/ /dri med tshul khrims gnas pas bdag gis kyang / /
227b5 phyogs bcu'i 'jig rten bzhugs pa'i bde bar gshegs/ /bye ba khrag khrig mang po rgyu ba dang / /tshul khrims bsngags pa yongs su brjod pa mthong / /dri med tshul khrims gnas pas bdag gis kyang / /bde gshegs bye ba khrag khrig mang po rnams/ /bla
227b6 med byang chub rim par sangs rgyas te//bdud rnams bye ba khrag khrig btul ba mthong / /dri med tshul khrims gnas pas bdag gis kyang / /bde gshegs bye ba khrag khrig mang po rnams/ /dgra bcom bstod cing mtshungs med 'khor lo mchog /'gro la phan
227b7 phyir rgyal bas bskor ba mthong //dri med tshul khrims gnas pas bdag gis kyang / /bde gshegs bye ba khrag khrig mang po dag /skye bo mun pas bsgribs shing mi mkhas pa/ /bde gshegs sdug bsngal brgya las 'grel ba mthong / /dri med tshul khrims gnas
228a1 pas bdag gis kyang //bde gshegs bye ba khrag khrig mang po rnams/ /sems can khrag khrig btul te mdzad pa mdzad/ /bde gshegs dad pas bsgral phyir bzhugs pa mthong / /dri med tshul khrims gnas pas bdag gis kyang / /bde
228a2 gshegs bye ba khrag khrig mang po rnams//'gro ba'i don chen mdzad pa mdzad nas su/ /yang 'byung med par mya ngan 'da' ba mthong / /dri med tshul khrims gnas pas bdag gis kyang / /bde gshegs bye ba khrag khrig mang po rnams/ /mya ngan 'das nas ring bsrel
228a3 rab rgyas shing //skye bo bde bas mngon du tshim mdzad mthong / /de ring slob dpon khyod kyi gsung thos nas/ /bdag gi mig kyang bsam mi khyab par dag /de phyir phyogs bcu dag gi rgyal ba rnams/ /sgrib pa med pa'i mig gi stobs kyis mthong / /bdag gi
228a4 mtshungs med tshul khrims yongs dag pas//de las bdag gi sgrib med mig 'di skyes/ /tshul khrims phung po yongs su sbyangs pa las/ /sgrib pa med pa'i mig ni bdag gis thob/ /'di ltar thal sbyar slob dpon mchog khyod la/ /gang gi mthu che ba ni de 'dra
228a5 ba//de la thal mo mngon sbyar phyag 'tshal cing / /mtshungs med rdul bral byang chub reg par bgyi/ /de nas rgyal po sde mi pham pas tshul khrims kyi pha rol tu phyin pa dang ldan pa'i dge ba'i rtsa ba'i shugs de rnyed pas de bzhin gshegs pa de dag thams cad kyis rab tu
228a6 bsngags par gyur to//tshul khrims kyi pha rol tu phyin pa dang ldan pa'i dge ba'i rtsa ba'i shugs rnyed pas phyogs bcu mun pa med par gyur to/ /sangs rgyas bcom ldan 'das de dag thams cad kyang mthong ste/ gang sangs rgyas bcom ldan 'das de dag gis chos bstan
228a7 pa de dag thams cad kyang len cing 'dzin to//de tshun chad nams kyang dran pa nyams par ma gyur te/ bskal pa brjod du med pa'i bar du dus thams cad du'ang thos pa 'dzin par gyur to/ /de la chos kyi sgo bye ba khrag khrig brgya stong dpag tu med pa mngon du gyur to/ /'di
228b1 ltar sgrib pa med pa'i chos la bzod pa khong du chud cing sems la kun nas dkris pa med pas gang dang gang du skyes pa de dang der skyes ma thag tu phyogs bcu'i 'jig rten tshad med pa'i 'jig rten gyi khams na sangs rgyas bcom ldan 'das rnams mthong ste/sangs rgyas bcom
228b2 ldan 'das de dag dang lhan cig tu smra zhing gtam zer te/'di ltar mun pa med pa'i lus dang ldan pa'i phyir sangs rgyas bcom ldan 'das de dag gis bod cing yang dag par mgu bar byas pa yin no/ /'jam dpal de ji snyam du sems/ de'i tshe de'i dus na drang srong mes
228b3 byin zhes bya bar gyur pa de gzhan zhig yin pa snyam du 'dzin na 'jam dpal khyod kyis de ltar mi blta'o//de ci'i phyir zhe na/ de bzhin gshegs pa dri ma med pa'i spyan de de'i tshe de'i dus na drang srong mes byin zhes bya bar gyur to/ /'jam dpal 'di ji snyam du sems/
228b4 de'i tshe de'i dus na drang srong tshangs pa'i lha zhes bya bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o/ /de ci'i phyir zhe na/ de bzhin gshegs pa spyan mchog de de'i tshe de'i dus na drang srong tshangs pa'i lha zhes bya bar gyur to/ /'jam
228b5 dpal 'di ji snyam du sems/de'i tshe de'i dus na rgyal po sde mi pham pa zhes bya ba gang tshul khrims yongs su dag pa thos ma thag tu kun nas dkris pa bsal bar gyur pa de gzhan zhig yin pa snyam du 'dzin na 'jam dpal khyod kyis de ltar mi blta'o/ /de ci'i phyir zhe na/
228b6 de bzhin gshegs pa don thams cad grub pa de de'i tshe de'i dus na rgyal po sde mi pham pa zhes bya bar gyur to/ /'jam dpal de lta bas na byang chub sems dpa' sems dpa' chen pos tshul khrims ma nyams par bya'o/ /tshul khrims la skyon med pa dang / tshul khrims
228b7 shin tu bsdams pa dang /tshul khrims ma 'dres pa dang / tshul khrims rnam par dag pa dang / tshul khrims yongs su dag pa dang / tshul khrims rdzogs par bya ste/ tshul khrims kyi pha rol tu phyin pa de la chags par mi bya/ tshul khrims kyi pha rol tu phyin
229a1 pa la mchog tu 'dzin par mi bya'o//de ltar tshul khrims yongs su dag pa la sgrib pa med pa'i rnam par thar pa mngon du 'gyur ro/ /sgrib pa med pa'i rnam par thar pa mngon du gyur pas ji ltar bdag gis sangs rgyas kyi zhing dpag tu med pa yongs su
229a2 dag par 'gyur snyam sems la mi bya ste/'on kyang sgrib pa med pa'i rnam par thar pa mngon du gyur na bsgrim mi dgos par sangs rgyas kyi zhing dpag tu med pa yongs su dag par 'gyur te/ sangs rgyas kyi zhing grangs med/ bsam gyis mi khyab mtshungs pa med/
229a3 gzhal du med/ brjod du med pa yongs su dag par 'gyur ro/ /'di ltar tshul khrims kyi pha rol tu phyin pa yongs su dag na/ bzod pa'i pha rol tu phyin pa yang yongs su dag par 'gyur ro/ /de ci'i phyir zhe na/ gal te tshul khrims la mchog tu 'dzin pa med na de'i
229a4 bzod pa'i pha rol tu phyin pa yongs su dag par 'gyur te/de ltar mchog tu 'dzin pa gang gis kyang tshul khrims la mchog tu 'dzin pa med do/ /'jam dpal sngon byung ba 'das pa'i dus na bskal pa dpag tu med pa nas brjod du med pa'i bar du de'i pha rol gyi yang ches pha rol
229a5 na mi 'chi ba kun du 'phags pa zhes bya ba'i bskal pa byung ste/'jam dpal mi 'chi ba kun du 'phags pa'i bskal pa de la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/
229a6 skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das rnam par snang mdzad ces bya ba 'jig rten du byung ngo / /'jam dpal de'i tshe de'i dus na drang srong mi 'khrugs pa'i blo gros zhes bya ba zhig yod de/ 'jam dpal ci'i phyir drang srong
229a7 de mi 'khrugs pa'i blo gros zhes bya zhe na/'jam dpal sngon byung ba bskal pa mi 'chi ba kun du 'phags pa de'i pha rol gyi yang ches pha rol na bskal pa grangs med brjod du med pa na de bzhin gshegs pa rnam par rgyal ba dang ldan pa zhes bya ba byung ste/ de'i tshe'i tshad dpag tu med
229b1 de/sangs rgyas kyi zhing brjod du med cing tshad med pa yongs su dag pa dang ldan no/ /yang de bzhin gshegs pa dgra bcom pa yang dag par rdzogs pa'i sangs rgyas rnam par rgyal ba dang ldan pa de'i sangs rgyas kyi zhing na blo gros 'bar ba zhes bya ba bram ze'i rigs shing sA la
229b2 chen po lta bu sangs rgyas khrag khrig dpag tu med pa rnams la dge ba'i rtsa ba bskyed pa zhig yod de/blo gros 'bar ba bram ze'i rigs shing sA la chen po lta bu de la mi phyed pa'i g.yog sangs rgyas khrag khrig dpag tu med pa la dge ba'i rtsa ba bskyed pa'i bram ze khrag khrig phrag brgyad
229b3 cu yod do//yang 'jam dpal blo gros 'bar ba bram ze'i rigs shing sA la chen po lta bu des bcom ldan 'das de bzhin gshegs pa rnam par rgyal ba dang ldan pa de la lo bye ba khrag khrig dgu bcur mi 'khrugs pa'i dbyings zhus te/ bcom ldan 'das kyis mi 'khrugs
229b4 pa'i dbyings mi 'khrugs pa'i dbyings zhes gsungs na bcom ldan 'das mi 'khrugs pa'i dbyings de gang lags/ci'i slad du mi 'khrugs pa'i dbyings zhes bgyi/ de skad ces gsol pa dang / bcom ldan 'das de bzhin gshegs pa rnam par rgyal ba dang ldan pas blo
229b5 gros 'bar ba bram ze'i rigs shing sA la chen po lta bu de la 'di skad ces bka' stsal to//blo gros 'bar ba mi 'khrugs pa'i dbyings mi 'khrugs pa'i dbyings zhes bya ba de ni 'dus ma byas pa'i dbyings kyi tshig so/ /blo gros 'bar ba ci'i phyir dbyings de mi 'khrugs
229b6 pa'i dbyings zhes bya zhe na/blo gros 'bar ba 'dus ma byas pa'i dbyings ni pa yang med/ 'bri ba yang med/ len pa yang med/ 'god pa yang med/ zad pa yang med/ 'gog pa yang med/ 'grib pa yang med/ 'phel ba yang med/ rigs kyang ma yin/
229b7 rigs med pa yang ma yin/ 'gyur ba yang ma yin/ 'dzin pa yang ma yin/ 'dor ba yang ma yin/ gzung ba yang ma yin/ gtong ba yang ma yin/ phra ba yang ma yin/ zab pa yang ma yin/ mun pa yang ma yin/ snang ba yang ma yin/ nyin par yang ma yin/
230a1 mtshan mo yang ma yin/ ring po yang ma yin/ thung ngu yang ma yin/ nye ba yang ma yin/ ring ba yang ma yin/ yangs pa yang ma yin/ dog pa yang ma yin/ gcig pu yang ma yin/ thun mong yang ma yin/ gzugs kyang ma yin/
230a2 snga ba yang ma yin/ 'phyi ba yang ma yin/ 'gro ba yang ma yin/ 'ong ba yang ma yin/ 'pho ba yang ma yin/ mi 'pho ba yang ma yin/ 'chi 'pho ba yang ma yin/ skye ba yang ma yin te/ de ltar 'dus ma byas pa'i dbyings de ni mi 'khrugs pa zhes bya'o/ /de'i
230a3 phyir de'i ming mi 'khrugs pa'i blo gros zhes bya bar gyur to//drang srong mi 'khrugs pa'i blo gros des de bzhin gshegs pa rnam par snang mdzad de la yang mi 'khrugs pa'i dbyings kun dris so/ /de la de bzhin gshegs pa dgra bcom pa yang dag par rdzogs pa'i
230a4 sangs rgyas des lo bye ba khrag khrig drug cu'i bar du mi 'khrugs pa'i dbyings de bstan pa bshad de/des mi 'khrugs pa'i dbyings thos ma thag tu 'di lta bu'i dge ba'i rtsa ba'i shugs rnyed de/ de lta bu'i dge ba'i rtsa ba'i shugs kyis nam mkha' la ta la bdun srid du 'phags
230a5 nas drang srong mi 'khrugs pa'i blo gros de bar snang la 'dug ste/sangs rgyas bye ba khrag khrig dpag tu med pa rnams bzod pa'i pha rol tu phyin pa'i bsngags pa brjod pa mthong ngo / /bzod pa'i pha rol tu phyin pa yongs su rdzogs pa'i byang chub sems dpa' bye ba khrag khrig
230a6 dpag tu med pa yang mthong ngo //de bzhin gshegs pa re re'i 'khor re re na yang byang chub sems dpa' khrag khrig dpag tu med pa bzod pa'i pha rol tu phyin pa yongs su rdzogs pa dang / yongs su rdzogs par 'gyur ba dang / mi 'khrugs pa'i dbyings la gnas pa
230a7 dang /mi skye ba'i chos la bzod pa'i pha rol tu phyin pa rdzogs pa'i byang chub sems dpa' bye ba khrag khrig tshad med pa rnams mthong ngo / /de bzhin gshegs pa re re'i chos bstan pa re re la yang byang chub sems dpa' khrag khrig dpag tu med pa rnams bzod pa'i pha
230b1 rol tu phyin pa yongs su rdzogs pa dang /yongs su rdzogs par 'gyur ba dang / mi 'khrugs pa'i dbyings la gnas pa dang / mi skye ba'i chos la bzod pa dang / nges pa'i stobs bskyed pa la zhugs pa dang / nges pa'i stobs bskyed pa'i rjes su 'jug pa mthong ngo / /mthong
230b2 nas bcom ldan 'das de bzhin gshegs pa rnam par snang mdzad de la bzod pa'i pha rol tu phyin pa dang ldan pa'i tshigs su bcad pa dag gis mngon par bstod do//bde gshegs chos tshul ji bzhin thos nas su/ /mi mchog bdag gis bzod pa zhi ba rnyed/ /bgyid po gang
230b3 yang ma mchis bgyid ma mchis//chos nyid dag la gnas par the tshom bral/ /bdag gis 'jig rten rig khyod gsung thos nas/ /chos 'di thams cad nam mkha'i dbyings 'drar 'tshal/ /bdag gis ring nas stor rnyed 'thun bgyis te/ /gter chen ji ltar
230b4 yun ring ston pa bzhin//deng bdag bzod pa'i shugs ni rgya chen skyes/ /chos kyi tshul ni yang dag ji bzhin 'tshal/ /de ring bdag gis the tshom dogs kun spangs/ /'jig rten mkhyen pa khrag khrig mtha' yas mthong / /ji ltar bya rnams sgo nga 'phrugs nas ni/ /sgo
230b5 nga'i steng ngam zhabs su mchus brtol te//rang gi sgo nga bcag nas byung ba bzhin/ /bde gshegs khyod gsung thos nas bdag kyang byung / /bdag gis ji ltar 'dod pa'i sa kun bor/ /'jig rten mkhyen pa khrag khrig mtha' yas mthong / /rgyal ba bye ba mtha' yas bzod
230b6 stobs gnas//bde gshegs ye shes mnga' bas bdag lung bstan/ /bde gshegs mtha' yas phyogs bcu'i 'jig rten na/ /rgyal sras lung bstan de dag de bzhin ston/ /bzod stobs rnyed pas seng ge'i sgra sgrog pa/ /nam mkha'i bya lam 'dir mchis
230b7 bdag gis mthong //nam mkha' 'di la mchis nas bdag gis kyang / /rgyal ba bde bar gshegs pa mtha' yas kyis/ /bzod thob sras la bde gshegs rang byung 'gyur/ /skye bo bdud zhags 'grol zhes lung ston mthong / /nam mkha'i bya lam 'dir
231a1 mchis bdag gis kyang //bde gshegs bye ba khrag khrig mtha' yas rnams/ /dgra yi tshogs bcom kun mkhyen legs 'chang sras/ /'gro mgon zil mi non 'gyur lung ston mthong / /bdag gis rgyal sras spyad pa spyod pa dag /'gro
231a2 phan byang chub rdul med btsal slad du//rgyal srid rin chen mgo mig gtong ba dang / /mthu rnyed brtan pa thub pa'i khur khyer mthong / /rgyal sras dga' ldan gnas nas shi 'phos te/ /lha yi bu mo brgya yis glu blangs shing / /bkra shis bcas pa'i dbyangs kyis mngon
231a3 bstod nas//rgyal rigs drang srong bram ze'i rigs skye mthong / /bdag gis rgyal sras zla bcu mngal gnas pa/ /lha yi gnas na lha yi bu bzhin du/ /snying rjes chos ston lha rnams rab tu 'dul/ /mngal na gnas pa mi yis mngon mchod mthong / /bdag gis rgyal
231a4 sras yum gyi lhums nas su//lha rnams kyis kyang mngon par mchod cing byung / /sems dge bas na mi gtsang rdul mi chags/ /rin chen nyes pas mi gos bzhin du mthong / /bdag gis rgyal sras rgyal srid rin chen bdun/ /brgya phrag bcu po bu yi tshogs rnams dang / /
231a5 rta dang glang pos gang ba'i sa spangs te/ /bdud kyi zhags bcad mngon par byung ba mthong / /bdag gis rgyal sras 'gro la sman slad du/ /khrag khrig bdud rnams zil mnan byang chub reg /nyon mongs ring bsags rnam mang dpa' bos spangs/ /bde gshegs nyi ma bzhin
231a6 du lhan pa mthong //bdag gis rgyal sras rang gis nyon mongs btul/ /mtshungs med dam pa chos kyi 'khor lo bskor/ /lha mi sems can khrag khrig rnams btul zhing / /zad mthar 'gro ba lan gsum skor ba mthong / /bdag gis rgyal ba stong phrag mtha' yas
231a7 pa//rgyal ba'i zhing rnams rgyu zhing sems can 'dul/ /'gro la sman slad 'gro ba stong par mdzad/ /pad ma nyi bzhin sems cad sad mdzad mthong / /bdag gis rgyal ba stong phrag mtha' yas pa/ /sems can btul nas sangs rgyas mdzad pa mdzad/ /lce steng
231b1 byung ba'i mchil ma mis bor bzhin//de bzhin gshegs tshogs gnas su 'dor ba mthong / /bdag gis sangs rgyas stong phrag mtha' yas pa/ /zhi bar 'gro ba me la chus btab bzhin/ /'gro ba sdug bsngal khur skyo mya ngan bzlas/ /stobs bcu nyon mongs kun spangs
231b2 'das pa mthong //bdag gis rgyal ba stong phrag mtha' yas pa/ /'gro la sman don mdzad cing sku gdung bral/ /mya ngan 'das kyang skye bo mya ngan zlo/ /mya ngan 'das kyang bstan pa rjod pa mthong / /de ltar 'gro la sman slad skyabs su mchi/ /dge ba bsags pa 'di
231b3 yis sangs rgyas gyur//bdag nyid grol nas sems can khrag khrig dgrol/ /mgon med bdud zhags bcings pa zhi bar bgyi/ /de nas drang srong mi 'khrugs pa'i blo gros kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas
231b4 rnam par snang mdzad de la bzod pa'i pha rol tu phyin pa dang ldan pa'i tshigs su bcad pa rnams kyis mngon par bstod nas/dge ba'i rtsa ba des byang chub sems dpa'i spyad pa spyod pa na bskal pa brjod du med par nam yang gti mug par ma gyur/ nam yang 'dod pa ma spyad/ nam
231b5 yang bud med kyi dbang du ma gyur/nam yang bdud kyi spyod yul la ma spyad/ nam yang mngal gyi gnas su ma zhugs/ rtag tu rgyun mi 'chad par rdzus te skyes/ nam yang bdud kyi las kyis ma bsgribs/ nam yang bdud kyi las kyi dbang du 'gro bar ma gyur/ nam
231b6 yang byang chub kyi sems dang bral bar ma gyur/nam yang 'khor bas skyo ba'i sems ma bskyed/ sems can thams cad la phan pa dang ldan pa ma yin pa nam yang phan pa med pa'i sems ma bskyed do/ /bskal pa brjod du med par nam yang sangs rgyas dang bral ba'i yid
231b7 la byed pa ma bskyed/nam yang chags pa dang ldan pa'i yid la byed pa ma bskyed/ bskal pa brjod du med par nam yang skye ba dang ldan pa'i yid la byed pa ma bskyed/ nam yang 'byung ba ma btsal/ nam yang thams cad mkhyen pa'i sems dang bral bar ma gyur/
232a1 nam yang dman pa'i sems dang ldan par ma gyur/ nam yang thams cad mkhyen pa yid la byed pa dang bral bar ma gyur/ nam yang dge ba'i bshes gnyen dang bral bar ma gyur/ nam yang thams cad mkhyen pa nyid du dmigs par ma gyur/ nam yang
232a2 dge ba'i bshes gnyen dang mi ldan par ma gyur/nam yang dge ba'i bshes gnyen rnams la dngos por ma dmigs/ de nam yang 'dus byas dang 'dus ma byas kyi chos rnams tha dad par ma bsams/ des nam yang dus gsum mnyam pa las lam log par ma bsten/
232a3 des nam yang dus gsum dmigs par ma gyur to/ /'jam dpal de ji snyam du sems/ de'i tshe de'i dus na drang srong mi 'khrugs pa'i blo gros zhes bya bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o/ /de ci'i phyir zhe na/
232a4 de bzhin gshegs pa don thams cad grub pa de de'i tshe de'i dus na drang srong mi 'khrugs pa'i blo gros zhes bya bar gyur te/ de sgrib pa med pa'i rnam par thar pa la spyad pas ji ltar ngas brjod pa bzhin du de tsam du rgya cher sangs rgyas kyi zhing yongs su dag par byas so/ /'jam dpal de
232a5 lta bas na byang chub sems dpa' sems dpa' chen po sangs rgyas kyi zhing rgya cher yongs su spyod par 'dod pas sgrib pa med pa'i rnam par thar pa'i phyir rtsom pa mi 'dor ro//sgrib pa med pa'i rnam par thar pa la mos par bya'o/ /yang 'jam dpal de bzhin gshegs pa don
232a6 thams cad grub pa de sngon byang chub sems dpa'i spyod pa spyod pa na/brtson 'grus kyi pha rol tu phyin pa dang ldan pa'i dge ba'i rtsa ba dpag tu med pa rgya chen po mngon par 'dus byas so/ /brtson 'grus kyi pha rol tu phyin pa dang ldan pa'i dge ba'i rtsa ba'i shugs dpag tu med cing rgya
232a7 chen po bskyed de/brtson 'grus kyi pha rol tu phyin pa dang ldan pa'i dge ba'i rtsa ba grangs med cing bsam gyis mi khyab pa nas brjod du med pa'i bar du rgya chen po mngon par 'dus byas so/ /brtson 'grus kyi pha rol tu phyin pa dang ldan pa'i dge ba'i rtsa ba'i shugs bsam gyis mi
232b1 khyab/mtshungs pa med/ gzhal du med/ brjod du med pa rgya chen po bskyed do/ /'jam dpal sngon byung ba 'das pa'i dus bskal pa dpag tu med/ bsam gyis mi khyab/ mtshungs pa med/ gzhal du med/ brjod du med pa na rin chen byung ba zhes bya ba'i bskal
232b2 pa la de bzhin gshegs pa rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa lha dang mi rnams kyi ston pa/ sangs rgyas bcom ldan 'das bzang po'i lha zhes bya ba 'jig rten du byung ste/ 'jam
232b3 dpal de bzhin gshegs pa bzang po'i lha de'i tshe'i tshad ni bskal pa khrag khrig phrag brgyad cur gyur to//'jam dpal de'i tshe de'i dus na de bzhin gshegs pa bzang po'i lha'i gsung rab la dge slong mos pa'i blo gros zhes bya ba zhig byung ste/ shin du rtogs pa dang ldan
232b4 pa/shin du blo gros dang ldan pa/ shin du dran pa dang ldan pa/ shin du brtson 'grus dang ldan pa/ shin du brtson 'grus kyi pha rol tu phyin pa'i stobs bskyed pa rnyed pa/ sngon gyi rgyal ba la lhag par bya ba byas pa/ rgyal po'i rigs las rab tu byung ste/ gzugs
232b5 bzang ba mdzes pa/blta na sdug pa/ de bzhin gshegs pa bzang po'i lha de ma gtogs par sangs rgyas kyi zhing de na mos pa'i blo gros ji tsam du mdzes pa de tsam gyis mdzes pa'i sems can su yang med de/ de blta bas chog mi shes pa sangs rgyas khrag khrig dpag tu
232b6 med pa la bsnyen bkur byas pa/yongs su sbyang ba byas pa/ tshad med pa'i chos nyid las nges par byung ba byang chub sems dpa'i ting nge 'dzin bzhi rnyed de/ 'dod pa bzhin rnyed cing nyon mongs pa med par rnyed/ tshegs med par rnyed nas 'dris par byas te/ re
232b7 zhig ni de bla na med pa yang dag par rdzogs pa'i byang chub mngon par rdzogs par 'tshang rgya bar sems mi 'jug go//stobs bcu'i pha rol tu son pas 'dod na sangs rgyas kyi zhing tshad med pa rnams su 'gro'o/ /de nas dge slong mos pa'i blo gros de de bzhin gshegs
233a1 pa dgra bcom pa yang dag par rdzogs pa'i sangs rgyas bzang po'i lha ga la ba der song ste phyin nas de bzhin gshegs pa bzang po'i lha'i zhabs la mgo bos phyag 'tshal nas lan gsum bskor ba byas te thal mo sbyar nas phyogs gcig tu 'dug go//phyogs
233a2 gcig tu 'dug nas kyang dge slong mos pa'i blo gros des de bzhin gshegs pa bzang po'i lha de la 'di skad ces gsol to//bcom ldan 'das gzings chen po bca' bar 'tshal ba dang zam pa chen po gdags par 'tshal ba dang / 'khor ba'i rgya mtsho las rgal bar 'tshal ba dang /
233a3 sems can thams cad bsgral bar 'tshal ba dang / sangs rgyas kyi zhing tshad ma mchis pa yongs su sbyang bar 'tshal ba dang / sangs rgyas kyi zhing grangs ma mchis/ bsam gyis mi khyab/ mtshungs pa ma mchis/ gzhal du ma mchis/ brjod du ma mchis pa yongs su sbyang
233a4 bar 'tshal ba dang /sangs rgyas kyi zhing mtha' yas pa yongs su dag pa bsgrub par 'tshal ba'i byang chub sems dpa' sems dpa' chen pos chos gang la brtson par bgyi/ de skad ces gsol pa dang / de bzhin gshegs pa bzang po'i lhas dge slong mos pa'i blo gros de la 'di
233a5 skad ces bka' stsal to//dge slong de dag dang yon tan tshad med pa gzhan yang bsgrub par 'dod pa'i byang chub sems dpa' sems dpa' chen pos sgrib pa med pa'i rnam par thar pa khong du chud par bya ba'i phyir brtson 'grus brtsam mo/ /mtshan mor 'du shes yid la mi byed pa
233a6 dang /nyin par 'du shes dang / grang bar 'du shes dang / dro bar 'du shes dang / bkres par 'du shes dang / zas su 'du shes dang / skom du 'du shes dang / btung bar 'du shes dang / gos su 'du shes pa yid la mi byed pa dang / stobs su 'du shes pa
233a7 yid la mi byed cing 'du shes thams cad yid la mi byed par sgrib pa med pa'i rnam par thar pa mngon du byas te brtson 'grus brtsam mo//sgrib pa med pa'i rnam par thar pa de khong du chud par bya ba'i phyir brtson 'grus brtsams te/ des brtson 'grus brtsams na sgrib pa med
233b1 pa'i rnam par thar pa mngon du 'gyur ro//sgrib pa med pa'i rnam par thar pa la spyod pa'i byang chub sems dpa' sems dpa' chen po'i sangs rgyas kyi zhing dpag tu med pa rnams yongs su dag par 'gyur ro/ /de bzhin du sbyar te/ sangs rgyas kyi zhing brjod du med pa'i bar du
233b2 yongs su dag par 'gyur ro//de nas dge slong mos pa'i blo gros de la de bzhin gshegs pa bzang po'i lha des de bzhin du bstan cing gdams nas des 'du shes thams cad yid la ma byas te/ /sgrib pa med pa'i rnam par thar pa rtogs par bya ba'i phyir bskal pa khrag khrig phrag
233b3 brgyad kyi bar du brtson 'grus brtsams nas spyod do//de nas bskal pa khrag khrig phrag brgyad 'das pa dang / /de sgrib pa med pa'i rnam par thar pa la rab tu gnas par gyur nas/ byang chub sems dpa'i dbang bcus nges par byung ste/ des sprul pa khrag khrig tshad med pa mngon
233b4 par sprul nas lha la dad pa rnams la lhar mngon par sprul/klu la dad pa rnams la klur/ gnod sbyin la dad pa rnams la gnod sbyin du/ dri za la dad pa rnams la dri zar/ grul bum la dad pa rnams la grul bum du/ lha ma yin la dad pa rnams la lha ma yin du/ nam mkha' lding la dad
233b5 pa rnams la nam mkha' lding du/mi'am ci la dad pa rnams la mi'am cir/ lto 'phye chen po la dad pa rnams la lto 'phye chen por mngon par sprul to/ /de ltar dge slong mos pa'i blo gros des sangs rgyas kyi zhing de na sems can sprul pa ji lta bu la dad pa bzhin du rtag tu rgyun mi 'chad par mngon
233b6 par sprul te/des der sems can tshad med pa yongs su smin par byed pa'i sbyor bas myur du brtson 'grus kyi pha rol tu phyin pa rdzogs par gyur to/ /de bzhin gshegs pa dgra bcom pa yang dag par rdzogs pa'i sangs rgyas bzang po'i lha des dge slong mos pa'i blo
233b7 gros de brtson 'grus kyi pha rol tu phyin pa yongs su rdzogs par mkhyen nas brtson 'grus kyi pha rol tu phyin pa dang ldan pa'i chos kyi gtam gyis yang dag par dga' bar byas/yang dag par 'dzin du bcug /yang dag par rab tu mgu bar byas nas/ de'i brtson 'grus kyi
234a1 pha rol tu phyin pa shin tu bsngags so//de bzhin gshegs pa bzang po'i lha des brtson 'grus kyi pha rol tu phyin pa dang ldan pa'i gtam gyis de yang dag par dga' bar byas/ yang dag par 'dzin du bcug /yang dag par gzengs bstod/ yang
234a2 dag par rab tu mgu bar byas nas brtson 'grus kyi pha rol tu phyin pa dang ldan pa'i dge ba'i rtsa ba'i shugs 'di lta bu rnyed de/de lta bu'i dge ba'i shugs kyis nam mkha' la ta la bdun srid du 'phags te 'dug go/ /'jam dpal de nas dge slong mos pa'i blo gros bar snang la
234a3 'dug nas 'di 'dra ba'i ye shes rnyed de/gang gis phyogs bcu'i 'jig rten na 'jig rten gyi khams dpag tu med pa rnams su sangs rgyas bcom ldan 'das de dag thams cad kyi sngon gyi spyod pa shes/ sangs rgyas kyi zhing thams cad na sems can thams cad kyi dbang po
234a4 mchog dang mchog ma yin pa shes/sems can de dag thams cad kyi sems dang spyod pa shes so/ /des ye shes de rnyed nas sems can thams cad kyi sems dang spyod pa la the tshom med cing sangs rgyas bcom ldan 'das de dag gi sngon gyi spyod pa la'ang the tshom med de/ de bzhin
234a5 gshegs pa bzang po'i lha de la brtson 'grus kyi pha rol tu phyin pa dang ldan pa'i tshigs su bcad pa rnams kyis mngon par bstod do//stobs bcu stobs 'chang stobs rab stobs ldan pa/ /nor mang bged cing sras rnams nor ldan mdzad/ /bde gshegs khyod kyi sras rnams
234a6 nor mang rnyed//'gro 'di shin du sdug bsngal nor ldan mdzad/ /bde gshegs khyod kyi nor rnams gtor cing gos/ /rgyal ba khyod kyi sras mchog nor rnyed nas/ /dga' zhing 'gro la sman pa'i spyod mchog spyod/ /rgyal mchog rgyal ba dag dang 'dra bar 'gyur/ /thub mchog
234a7 khyod sras yon tan brgyas ldan pa//spyod pa'i nges pa mchog 'di rnam spyod la/ /skye bar nub cing rga shis gtses pa dang / /'gro ba sdug bsngal brgya ldan gzir ba rnams/ /sdug bsngal bdag med stong par rtogs pas na/ /shi 'phos 'gror mchis 'khor ba'i
234b1 'gror chags pa//mthong nas 'gro ba sdug bsngal bder 'god cing / /de dag snying rje rlabs chen rnyed par 'gyur/ /'gro la sman sems snying rje bskyed nas su/ /'khor ba'i sred pa bcom yang skye ba 'dzin/ /dge ba tshad med rnams kyang dran sogs shing / /'gro ba rnams la
234b2 sman bde zhi bar bgyid//log pa'i lam mchis sems can stong rnams ni/ /stobs bcus bstan pa'i lam mchog rnams su ste/ /zhi ba'i grong khyer zhi bde dge ba ni/ /gang nas sngon gyi rang byung gshegs par dgod/ /de dag stong pa tshad med gtong ba ni/ /mgo lag mig bzang
234b3 bu sdug de bzhin du//tshul khrims bzod dang brtson 'grus ting nge 'dzin/ /thos dran mkhas shing mos dang stobs la gnas/ /shing dbang drung du bdud sde bcas par btul/ /dpe med ye shes go 'phang mchog der rnyed/ /rang 'byung sems can stong rnams khrid nas su/ /mi
234b4 'chi byung zhi bde ba zhi bar gshegs//nam mkha' 'di la de ring bdag mchis nas/ /phyogs bcu'i stobs bcu ma nor de bzhin gsung / /rgyal sras rgyal ba'i yon tan spyod spyad nas/ /shin du lung ston pa ni du ma mthong / /de dag rang gi spyod thos dga' mgu ste/ /rab
234b5 tu 'dzum dmul yid gnyis the tshom bral//thal mo sbyar te mngon par lus btud nas/ /stobs bcu yon tan mnga' ba mkha' las bstod/ /de ring nam mkha' 'dir mchis bdag gis mthong / /'khor ba brgyar ni rgyal sras dge spyad nas/ /dga' ldan lha yi gnas nas
234b6 shi 'phos te//dri bral dpe med glang chen mchog gyur nas/ /lha yi gnas nas rab tu babs nas su/ /yum bde nyal ba'i lhums su zhugs pa la/ /lha rnams stong gis shin du rab mchod cing / /lha mi lha mo rnams kyis gtsor bgyis bstod/ /de dag yum gyi
234b7 lhums su zhugs pa na//lha yi gnas 'dra rab tu mdzes par gyur/ /mngal gyis mi gos chu las pad ma ltar/ /yum la bde zhing yang bar gnas nas su/ /lha rnams brgya la rab tu chos bshad de/ /lha mchog 'khor rnams dge ba'i lam du btsud/ /de dag chos tshig
235a1 rgya chen thos nas su//skom pas chu la sa bzhin bdud rtsi 'thung / /nam mkha'i ngos 'dir bdag mchis mthong ba ni/ /rgyal sras dri med blo gros dran mkhas pa/ /yum gyi phyag gis shing gi yal ga gzung / /mchan khung nas ni byung ba rab tu mthong / /
235a2 lha dang mi yi dbang pos rab mchod cing / /sa yi steng na 'jigs med gom pa 'dor/ /de yis thams cad phyogs su bltas nas su/ /'dzum dmul tshig smras nga 'dra khams gsum med/ /nam mkha'i ngos 'dir bdag mchis mthong ba ni/ /rgyal sras mang po 'gro la sman
235a3 dga' ba//grong dang grong khyer rin chen bltams pa yi/ /rab tu 'byor cing ldan pa'i sa bor te/ bal glang rmig pas bcings pa bcad pa ltar/ /blo gros mchog gis khyim chags bsal bcom ste/ /'gro la sman slad dpa' bo mngon par byung / /sdug bsngal zhi zhing srid zad
235a4 bdud rtsi tshol//nam mkha'i ngos 'dir bdag mchis mthong ba ni/ /rgyal sras brtul zhugs dka' thub drag spyad de/ /skyil mo krung bcas byang chub shing dbang drung / /g.yo can bdud btul byang chub dam pa reg /rgyal ba thams cad dang ni mnyam rnyed nas/ /zhi dga' bde
235a5 gnas zhing mchog lta bzhin du//smon lam rgya chen bdag gis 'dir rdzogs te/ /'khor brgyar legs spyad brtul zhugs 'di grub bo/ /nam mkha'i ngos 'dir bdag mchis mthong ba ni/ /phyogs bcu'i stobs bcu shin tu mang po dag /'khor lo rgya chen rab tu bskor ba ni/ /
235a6 pha rol rgol 'dul 'khor ba'i sdug bsngal zhi/ /skal yod 'gro ba rnams kyi nyon mongs bcom/ /mun pa'i rdul bsal 'gro rnams bde ba byin/ /'jig rten gtso bo rnams kyis de thos nas/ /'khor ba'i rgyud bsal ma song phyogs su song / /de ring nam mkha' 'di la
235a7 bdag mchis nas//rgyal ba brgya dag lha mi 'khor 'dul zhing / /lha mi gnas nas 'gro la snying brtse yid/ /'jig rten dag na rab tu zhugs pa mthong / /rgyal ba brgya phrag du ma gzhan dag kyang / /'khor ba zad song zhi bar rdul med gnas/ /lha mi brgya rnams yid dgar
235b1 gyur nas su//ring bsrel dam pa de la mchod pa mthong / /'jig rten gtso bo rkang gnyis mchog khyod la/ /lha dang mi dang khyim bdag khyod drung mchis/ /zhal nas zhi rab chos kyi rang bzhin thos/ /khyod kyi spyod ldan myur du skyabs su 'gro/ /mi dbang khyod kyi yon tan yang
235b2 dag bstod//khyu mchog phan byed stobs bcu yon tan 'chang / /zhi bar ldan zhing dul ba zhi ba rnyed/ /'khor ba'i rgyud bral 'jigs med phyogs su song / /bde gshegs mi yi seng ge khyod kyi mthus/ /blo mchog khyod kyang steng gi mkhar gnas pa/ /mngon shes lnga las nyams
235b3 pa med rnyed nas//phyogs bcur 'khor rgyud rab 'byams rnam mang ba/ /mtshungs med du ma de ring mthong ba ni/ /rgyal ba'i yon tan sna tshogs dri med spyod/ /yang dag yon tan gyis ni de dag bstod/ /rgyal ba khyod kyi yon tan mtha' mi rnyed/ /de nas dge slong mos pa'i blo
235b4 gros des de bzhin gshegs pa bzang po'i lha de la tshul dang 'thun pa'i tshigs su bcad pa de dag gis bstod nas dge ba'i rtsa ba des phyin chad bskal pa brjod du med par nams kyang mngon par shes pa lnga dang bral bar ma gyur te/mngon par shes pa lnga dang ldan par gyur pas sangs
235b5 rgyas kyi zhing de dag thams cad na sems can dmyal ba dang /dud 'gro'i skye gnas dang / gshin rje'i 'jig rten stongs par byas/ lha ma yin gyi ris thams cad yongs su chad cing mi khom pa thams cad chad par gyur to/ /de smon lam gyi dbang gis sangs rgyas kyi zhing der yang dang
235b6 yang skyes pa na sems can rnams kyis sangs rgyas thog mar byung ba bzhin du shin tu ngo mtshar du shes te/gang dang gang du skyes par gyur pa de dang der gang de bzhin gshegs pa byung ba de na ltas 'byung ba de dag de skye ba'i ltas su byung ngo / /de bzhin gshegs pa mngon par rdzogs
235b7 par 'tshang rgya ba na ltas gang 'byung ba de dag kyang mngon par shes pa lnga thob nas byung ngo //de bzhin gshegs pa chos kyi 'khor lo bskor ba na ltas gang byung ba de dag des mngon par shes pa lnga bshad pa'i tshe 'ang ltas de dag byung ngo / /de bzhin gshegs pa tshe'i 'du byed 'dor ba'i tshe
236a1 ltas gang byung ba de tshe'i 'du byed 'dor ba'i tshe yang ltas de dag byung ngo //de bzhin gshegs pa yongs su mya ngan las 'das pa'i tshe ltas gang byung ba de 'chi ba'i dus byed pa na yang ltas de dag byung ngo / /des tshe rabs re re la yang sems can bye ba khrag
236a2 khrig brgya stong dpag tu med pa theg pa chen po la btul/sems can bye ba khrag khrig brgya stong du ma ni nyan thos kyi theg pa la btul to/ /re zhig ni byang chub sems dpa' des bla na med pa yang dag par rdzogs pa'i byang chub mngon par rdzogs par sangs ma rgyas te/ sangs
236a3 rgyas kyi bya ba de lta bu dag sems can rnams la bstan to//'jam dpal de'i tshe de'i dus na dge slong mos pa'i blo gros zhes bya bar gyur pa de gzhan yin pa snyam du yid gnyis dang the tshom za na/ 'jam dpal khyod kyis de ltar mi blta'o/ /de ci'i phyir zhe na/
236a4 'jam dpal de bzhin gshegs pa don thams cad grub pa de de'i tshe de'i dus na dge slong mos pa'i blo gros zhes bya bar gyur to/ /'jam dpal de lta bas na bla na med pa yang dag par rdzogs pa'i byang chub yang dag par sgrub pa'i byang chub sems dpa' sems dpa' chen pos
236a5 dge slong mos pa'i blo gros de brtson 'grus kyi stobs gang dang ldan par gyur pa'i brtson 'grus kyi stobs de lta bu dang ldan par bya'o//brtson 'grus kyi stobs dang ldan pa'i byang chub sems dpa' sems dpa' chen po ni tshegs chung ngus sems mnyam par gzhog par
236a6 'gyur ro//de ci'i phyir zhe na/ brtson 'grus kyi stobs dang ldan pa'i byang chub sems dpa' sems dpa' chen po ni dbang po'i don las sems slar sdud de/ dbang po'i don la yang dbang po'i don mi dmigs shing dbang po'i don ni dbang po'i don gyi ngo bo nyid kyis
236a7 stong par mthong /dbang po'i don dang dbang po'i mtshan ma yang mi dmigs/ gang gis dbang po'i mtshan mar dmigs pa de yang mi dmigs so// //bam po gsum pa/ 'jam dpal sngon byung ba 'das pa'i dus na bskal pa tshad med/
236b1 grangs med/ bsam gyis mi khyab/ mtshungs pa med/ gzhal du med/ brjod du med pa de'i pha rol gyi yang ches pha rol na bdud rtsi snying po zhes bya ba'i bskal pa byung ste/ 'jam dpal bdud rtsi'i snying po'i bskal pa de la de bzhin gshegs pa dgra bcom pa
236b2 yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das mtha' yas rnam par gnon pa zhes bya
236b3 ba 'jig rten du byung ngo //'jam dpal de bzhin gshegs pa mtha' yas rnam par gnon pa de byung ba'i tshe/ thams cad kyi thams cad du 'phags pa'i bden pa dang bral ba'i sgra ma byung ngo / /gang sems can thams cad kyi sgra de yang sdug bsngal dang / kun 'byung ba
236b4 dang /'gog pa dang / lam 'phags pa'i bden pa rnams ston to/ /de bzhin gshegs pa mtha' yas rnam par gnon pa de'i rim gro byed pa dge slong snyan pa'i sgra dbyangs zhes bya ba zhig yod de/ don shes/ chos shes/ dus shes/ tshod shes/ bdag shes/
236b5 'khor shes/ gang zag rab dang tha ma shes te/ de bzhin gshegs pa mtha' yas rnam par gnon pa la bskal pa bye ba phrag dgu bcu'i bar du yid du 'ong bas bsnyen bkur byas te/ yid du mi 'ong bas ma yin no/ /des bshad pa rnams kyang bzung ste/ bdag
236b6 gi don yang mi gtong ngo //des bskal pa bye ba phrag dgu bcu po de dag gi bar du 'dod pa'i 'du shes ma bskyed/ gnod sems kyi 'du shes ma bskyed/ rnam par 'tshe ba'i 'du shes ma bskyed/ srog dang ldan pa dang / gang zag dang ldan pa'i rtog pa ma bskyed/
236b7 dngos po dang ldan pa yang ma yin/ chos dang ldan pa yang ma yin/ chos ma yin pa dang ldan pa yang ma yin/ 'dod pa'i rnam par rtog pa yang ma bskyed/ gnod sems kyi rnam par rtog pa yang ma yin/ rnam par 'tshe ba'i rnam par rtog pa yang ma yin/ nye du
237a1 la rtog pa yang ma yin/nye du ma yin pa la rtog pa yang ma yin/ shes pa la rtog pa yang ma yin/ mi shes pa la rtog pa yang ma yin/ ljongs la rtog pa yang ma yin/ mi dga' bar rtog pa yang ma bskyed/ sems can dang ldan
237a2 pa'i rtog pa yang ma bskyed/srog dang ldan pa yang ma yin/ gang zag dang ldan pa yang ma yin/ dngos po dang ldan pa yang ma yin/ chos dang ldan pa yang ma yin/ chos ma yin pa dang ldan pa yang ma yin/ mtshan ma dang ldan pa yang ma yin/ mtshan ma
237a3 med pa dang ldan pa yang ma yin/smon lam dang ldan pa yang ma yin/ smon lam ma yin pa dang ldan pa yang ma yin/ 'khor ba dang ldan pa yang ma yin/ mya ngan las 'das pa dang ldan pa yang ma yin/ ye shes dang ldan pa yang ma yin/ ye shes ma
237a4 yin pa dang ldan pa yang ma yin/sangs rgyas dang ldan pa yang ma yin/ sangs rgyas ma yin pa dang ldan pa yang ma yin/ rang sangs rgyas dang ldan pa yang ma yin/ rang sangs rgyas ma yin pa dang ldan pa yang ma yin/ nyan thos dang ldan pa yang ma yin/ nyan
237a5 thos ma yin pa dang ldan pa yang ma yin/so so'i skye bo dang ldan pa yang ma yin/ so so'i skye bo ma yin pa dang ldan pa yang ma yin/ rnam par rtog pa dang ldan pa yang ma yin/ rnam par rtog pa med pa dang ldan pa'i rnam par rtog pa'ang ma bskyed de/ 'du shes thams cad
237a6 dang bral ba'i ting nge 'dzin bsgoms/rtog pa dang bral ba'i ting nge 'dzin bsgoms nas dge ba'i rtsa ba des sangs rgyas bcom ldan 'das rnams la nams kyang bsnyen bkur ma byas par ma gyur te/ sangs rgyas bye ba khrag khrig brgya stong brjod du med pa la bsnyen bkur byas/ sangs
237a7 rgyas bcom ldan 'das de dag thams cad la des g.yog dang bsnyen bkur byas pas dngos po med pa'i ngo bo nyid kyi ting nge 'dzin la bsnyen cing bsgoms te/mang du byas pas de phyin chad bskal pa brjod du med pa'i bar du sangs rgyas med pa'i zhing du nam yang ma skyes/ nam yang
237b1 zhing du 'du shes dang sangs rgyas su 'du shes kyang ma skyes/nam yang byang chub kyi sems rgyun du mi 'byung bar ma gyur/ rtag tu rgyun mi 'chad par sangs rgyas bcom ldan 'das rnams la bsnyen bkur dang g.yog byas/ sangs rgyas kyi zhing thams cad du sprul pas sems can
237b2 rnams yongs su smin par byas/gang dang gang du sprul pa sprul pa de dang de na sems can rnams kyis sangs rgyas byung ba snyam du shes te/ rdzu 'phrul gyi cho 'phrul rnam pa du mas sems can de dag la ston to/ /gang dang gang du sprul pa sprul pa de dang der sems can ji lta bu la mos pa
237b3 de lta bur sprul pa sprul te 'dul ba'i sems can rnams kyi rgyud dang sbyar te rnam par 'dul ba'i phyir sangs rgyas kyi zhing du sprul pa rnam pa du mar sprul to//sprul pa de dag gis kyang gzhan yang sprul te bstan to/ /'jam dpal 'di lta ste dper na sgyu ma mkhan gyis sprul pa mngon
237b4 par sprul te/sgyu ma mkhan gyis sprul pa de dag gis kyang sprul pa gzhan mngon par sprul pa de bzhin du/ 'jam dpal dge slong snyan pa'i sgra dbyangs kyis kyang sprul pa mngon par sprul te/ sprul pa de dag gis kyang gzhan mngon par sprul to/ /'jam dpal de ji snyam du
237b5 sems/de'i tshe de'i dus na dge slong snyan pa'i sgra dbyangs zhes bya bar gyur pa de gzhan zhig yin pa snyam du 'dzin na 'jam dpal khyod kyis de ltar mi blta'o/ /de ci'i phyir zhe na/ de bzhin gshegs pa don thams cad grub pa de/ de'i tshe de'i dus na dge slong snyan pa'i
237b6 sgra dbyangs zhes bya bar gyur to//'jam dpal de lta bas na sgrib pa med pa'i rnam par thar pa la spyod pa'i byang chub sems dpa' sems dpa' chen pos dngos po med pa'i ngo bo nyid kyi ting nge 'dzin la bsten par bya/ bsgom par bya/ mang du bya'o/ /byang chub sems
237b7 dpa'i ting nge 'dzin dngos po med pa'i ngo bo nyid 'di yang shes rab kyi pha rol tu phyin pa dang ldan pa'i byang chub sems dpa' la 'byung ngo //'jam dpal sngon byung ba 'das pa'i dus na bskal pa tshad med grangs med/ bsam gyis mi khyab/ mtshungs pa med/ gzhal
238a1 du med/brjod du med pa de'i pha rol gyi yang ches pha rol na bskal pa'i snying po zhes bya ba'i bskal pa byung ste/ bskal pa'i snying po'i bskal pa de la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/
238a2 bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das mtshungs pa med pa'i gzi brjid 'od ces bya ba 'jig rten du byung ste/ 'jam dpal de bzhin gshegs pa mtshungs pa med
238a3 pa'i gzi brjid 'od de'i 'od kyis shar phyogs su gang gA'i klung gi bye ma snyed kyi 'jig rten gyi khams snang bar gyur/lho phyogs su gang gA'i klung gi bye ma snyed kyi 'jig rten gyi khams snang bar gyur/ nub phyogs su gang gA'i klung gi bye ma snyed kyi 'jig rten gyi khams snang
238a4 bar gyur/byang phyogs su gang gA'i klung gi bye ma snyed kyi 'jig rten gyi khams snang bar gyur/ de bzhin du shar lho dang / lho nub dang / nub byang dang / byang shar dang / steng dang / 'og dang phyogs bcu kun du phyogs re rer yang gang gA'i klung gi bye ma snyed kyi 'jig rten
238a5 gyi khams de bzhin gshegs pa mtshungs pa med pa'i gzi brjid 'od de'i 'od kyis snang bar gyur to//sems can gang de'i 'od kyis reg pa de dag thams cad kyang bla na med pa yang dag par rdzogs pa'i byang chub las phyir mi ldog par gyur to/ /de bzhin gshegs pa mtshungs
238a6 pa med pa'i gzi brjid 'od de'i 'jig rten gyi khams na byang chub sems dpa' gang gA'i klung gi bye ma snyed rnams kyis phyir mi ldog pa'i theg pa la yang dag par zhugs par gyur te/de bzhin gshegs pa de yongs su mya ngan las 'das nas/ byang chub sems dpa' de dag
238a7 phal cher bla na med pa yang dag par rdzogs pa'i byang chub mngon par rdzogs par sangs rgyas nas sems can brjod du med pa rnams theg pa gsum gyis rab tu 'god do//yang de'i tshe de'i dus na sangs rgyas kyi zhing de na dge slong sprin gyi rgyal po zhes bya ba zhig byung ste/
238b1 'jig rten gyi khams de na byang chub sems dpa' ji snyed yod pa de dag thams cad kyi mchog byed de/ des byang chub sems dpa' de dag thams cad bla na med pa yang dag par rdzogs pa'i byang chub mngon par rdzogs par sangs rgyas pa de dag gi dam pa'i chos dus dang po dang / bar ma
238b2 dang /tha ma gsum du gzung ngo zhes de ltar smon lam btab bo/ /'jam dpal de na byang chub sems dpa' de dag thams cad dus ji lta ba bzhin du so so'i 'jig rten gyi khams su bla na med pa yang dag par rdzogs pa'i byang chub mngon par rdzogs par sangs rgyas te/ sems
238b3 can dpag tu med cing brjod du med pa rnams kyi don byas nas phung po lhag ma med pa'i mya ngan las 'das pa'i dbyings su mya ngan las 'das so//de bzhin gshegs pa de dag thams cad kyi dam pa'i chos dge slong sprin gyi rgyal po des dus thog ma dang / bar ma dang / tha ma gsum
238b4 du bzung ngo //de dag mya ngan las 'das pa'i 'og tu 'jig rten du snyigs ma lnga byung ste/ sems can skal ba med par gyur nas dam pa'i chos nub pa de'i tshe/ byang chub sems dpa' de phyi rol gyi drang srong mngon par shes pa lnga dang ldan par gyur te/ de bstan bcos gang 'jig rten
238b5 gyi don du 'gyur ba chos dang ldan pa de khong du chud nas rab tu ston pa 'di lta ste/snyan tshig gi rig byed dang / nges brjod kyi rig byed dang / mchod sbyin gyi rig byed dang / srid srung gi rig byed dang / sgra'i bstan bcos rnams dang / gtan tshigs kyi bstan bcos rnams dang / gso
238b6 ba'i bstan bcos rnams dang /nor sbyar dang dug dang sngags dang sman gyi rgyud dang / dus 'khor ba dang / dus dang / gza' dang / rgyu skar shes pa yang rab tu ston to/ /sems can rnams la phan pa dang ldan pa'i bzo'i gnas thams cad kyang ston to/ /nam sangs rgyas byung
238b7 ba de na de'i 'khor los sgyur ba'i rgyal por gyur te/rgyal po'i srid bor nas 'khor dang bcas te/ khyim nas khyim med par rab tu byung ngo / /rab tu byung nas de bzhin gshegs pa de dag gis bstan pa yang kun 'dzin/ yongs su mya ngan las 'das pa de dag gi ring bsrel la
239a1 yang mchod pa rnam pa mang pos rab tu sbyor bar gyur to//skye bo'i tshogs dpag tu med pa rnams sangs rgyas la mchod pa byed du 'jug par gyur/ dam pa'i chos dang ldan pa dang / sangs rgyas mchod pa dang ldan pa dang / sems can yongs su smin
239a2 par byed pa dang ldan pa dang /bdag gi dge ba'i rtsa ba rnams bla na med pa yang dag par rdzogs pa'i byang chub tu bsngo zhing sems can thams cad dang thun mong du byas nas sangs rgyas kyi zhing yongs su dag pa'i phyir yang yongs su bsngos so/ /'jam dpal byang chub sems dpa'
239a3 sprin gyi rgyal po des byang chub sems dpa' de thams cad byang chub mngon par sangs rgyas pa la de lta bu'i tshul du bde ba'i yo byad thams cad kyis rim gro byas/bzhugs pa dang yongs su mya ngan las 'das pa de dag thams cad dang / de bzhin gshegs pa tshad med pa gzhan gyi
239a4 yang dam pa'i chos dus thog ma dang /bar ma dang / tha ma gsum du bzung ste/ 'on kyang de la sangs rgyas bcom ldan 'das de rnams kyis bla na med pa yang dag par rdzogs pa'i byang chub tu lung ma bstan to/ /de ci'i phyir zhe na/ de shes rab kyi pha rol tu phyin pa las nges par
239a5 'byung ba ma yin pa'i phyir ro//de bzhin gshegs pa mtshungs pa med pa'i gzi brjid 'od de yang de'i tshe mya ngan las ma 'das te/ de nas byang chub sems dpa' sprin gyi rgyal po de bcom ldan 'das de bzhin gshegs pa mtshungs pa med pa'i gzi brjid 'od kyi zhing sangs rgyas kyi
239a6 zhing du smon lam gyi dbang gis yang dang yang skyes nas/de'i dge ba'i rtsa ba yongs su smin pa'i stobs des de bzhin gshegs pa de mthong ma thag tu shes rab kyi pha rol tu phyin pa yongs su dag par byas te/ de'i tshe de bzhin gshegs pa des bla na med pa yang dag par rdzogs
239a7 pa'i byang chub tu lung bstan to//dge ba'i rtsa ba gang la brten pas dge slong sprin gyi rgyal po shes rab kyi pha rol tu phyin pa yongs su dag ce na/ 'di lta ste/ dus gsum mnyam pa nyid la 'jug pa dang / dus gsum gyi chos thams cad mnyam par mthong bas dge slong sprin gyi
239b1 rgyal po shes rab kyi pha rol tu phyin pa yongs su dag go//'dus byas dang 'dus ma byas kyi chos rnams tha dad par mi mthong bas dge slong sprin gyi rgyal po shes rab kyi pha rol tu phyin pa yongs su dag go/ /chos thams cad ngo bo nyid dang bral bar mthong bas dge slong sprin gyi
239b2 rgyal po shes rab kyi pha rol tu phyin pa yongs su dag go//chos thams cad ma skyes ma 'gags par mthong bas dge slong sprin gyi rgyal po shes rab kyi pha rol tu phyin pa yongs su dag go/ /chos thams cad 'ong ba yang ma yin 'gro ba yang ma yin par mthong bas dge slong
239b3 sprin gyi rgyal po shes rab kyi pha rol tu phyin pa yongs su dag go//chos thams cad gnas pa med par mthong bas dge slong sprin gyi rgyal po shes rab kyi pha rol tu phyin pa yongs su dag go/ /chos thams cad mya ngan las 'das pa dang mtshungs par mthong bas dge slong sprin gyi rgyal po
239b4 shes rab kyi pha rol tu phyin pa yongs su dag go//chos thams cad brjod du med par mthong bas dge slong sprin gyi rgyal po shes rab kyi pha rol tu phyin pa yongs su dag go/ /chos thams cad la bdag med par mthong bas dge slong sprin gyi rgyal po shes rab kyi pha rol tu phyin
239b5 pa yongs su dag go//chos thams cad la sems can med par mthong bas dge slong sprin gyi rgyal po shes rab kyi pha rol tu phyin pa yongs su dag go/ /chos thams cad la srog med par mthong bas dge slong sprin gyi rgyal po shes rab kyi pha rol tu phyin pa yongs su dag go/ /
239b6 chos thams cad la gang zag med par mthong bas dge slong sprin gyi rgyal po shes rab kyi pha rol tu phyin pa yongs su dag go/ /chos thams cad nam mkha' dang mtshungs par mthong bas dge slong sprin gyi rgyal po shes rab kyi pha rol tu phyin pa yongs su dag go/ /chos thams cad
239b7 chos kyi dbyings las byung bar mthong bas dge slong sprin gyi rgyal po shes rab kyi pha rol tu phyin pa yongs su dag go//de ltar chos kyi dbyings las chos thams cad byung bar mthong bas dge slong sprin gyi rgyal po shes rab kyi pha rol tu phyin pa yongs su dag ste/ de ltar de shes rab
240a1 kyi pha rol tu phyin pa yongs su dag pas 'di lta bu'i dge ba'i rtsa ba'i shugs rnyed de/de lta bu'i dge ba'i rtsa ba'i shugs rnyed pas ta la bdun srid du nam mkha' la 'phags te/ de bar snang la 'dug nas phyogs bcu'i 'jig rten gyi khams tshad med pa
240a2 na sangs rgyas bcom ldan 'das mthong ba la la ni bla na med pa yang dag par rdzogs pa'i byang chub mngon par rdzogs par 'tshang rgya/la la ni bla na med pa'i chos kyi 'khor lo skor/ la la ni rdzu 'phrul gyi cho 'phrul rnam pa du mas sems can rnams 'dul/ la la ni tshe'i
240a3 'du byed 'dor/la la ni phung po'i lhag ma med pa'i mya ngan las 'das pa'i dbyings su yongs su mya ngan las 'da' bar mthong ste/ mthong nas de bzhin gshegs pa dgra bcom pa yang dag par rdzogs pa'i sangs rgyas mtshungs pa med pa'i gzi brjid 'od de la shes
240a4 rab kyi pha rol tu phyin pa dang ldan pa'i tshigs su bcad pas mngon par bstod do//bskal pa bye ba mang por 'khor ba na/ /sbyin pa mtha' yas pa dag rgya cher stsal/ /bde bar gshegs pa'i bstan pa rab 'dri zhing / /sbyin gnas mang po dag la bdag gis bsnyen/ /
240a5 'jig rten rig pa 'jig rten mngon grags pa/ /spyan ldan dri med ces bgyi mkhyen pa de/ /ri rab brtsegs 'dra bsod nams brgya yi mtshan/ /byang chub 'tshal slad de la rim gro bgyis/ /bye ba khrag khrig drug cu mtha' yas pa/ /de yi dge 'dun bde gshegs
240a6 sras la yang //lo bye khrag khrig bdun cu'i bar du ni/ /rgyal ba nyan thos bcas la bsnyen bkur bgyis/ /dga' zhing mos pa mngon par bskyed nas su/ /zas skom rnam mang yid du 'ong ba dag /bde bar gshegs la bdag gis dbul ba phul/ /'on kyang bde
240a7 gshegs des bdag lung ma bstan//'das pa'i dus tshe sangs rgyas byung ba ni/ /mkhyen pa 'jig rten mgon po mya ngan sel/ /me rtse sprin ces bya ba'i de bzhin gshegs/ /nyan thos bcas pa rgyal de bsnyen bkur bgyis/ /'dren pa de la lo bye drug cu bzhir/ /
240b1 bdag gis 'khor dang bcas la bkur sti bgyis/ /bdag gis ye shes yangs pa ma sbyangs pas/ /'on kyang bde gshegs des bdag lung ma bstan/ /'das pa'i dus na 'dren pa byung ba ni/ /ye shes rgya mtsho zhes kyang phyogs su grags/ /chos rgyal de yi 'khor
240b2 du gyur pa ni//bye ba khrag khrig drug cur tshang ba lags/ /bdag gis rgyal mchog nyan thos bcas de la/ /lo bye dgu bcu'i bar du bsnyen bkur bgyis/ /byang chub dam pa 'tshal ba'i slad du 'dir/ /bdag gis sbyin pa mtha' yas rgya cher stsal/ /mya ngan 'das
240b3 par gyur nas lo lnga nas//bde gshegs nyan thos dag la bkur sti bgyis/ /bshos dang skyems kyi rnam par rab tu sbyar/ /'on kyang bde gshegs des bdag lung ma bstan/ /'das pa'i dus na kha lo sgyur byung ba/ /mkhas pa ye shes ri bo de bzhin gshegs/ /
240b4 de yi zhing rnams mtshungs med bsam mi khyab/ /'jig rten khams rnams khrag khrig thams cad nas/ /skyob pa bde gshegs de yi 'dus pa ni/ /yang dag mthong ba'i nyan thos rnams su gyur/ /khrag khrig bdun du sangs rgyas zhing rnams ni/ /la las btags
240b5 nas phra rab rdul bgyis la//de ni mi gang la las byung ba yis/ /phra rab rdul du bgyis pa'i rdul de thogs/ /mi des shin tu rdul phran de thogs te/ /shar gyi phyogs su mgyogs ldan de mchis pa/ /gang gA'i klung gi bye snyed sangs rgyas zhing / /de yi gom pa
240b6 gcig gis de dag rgal//de bzhin mi de bskal pa brgyar mchis nas/ /mtha' mar shin tu phra ba'i rdul gcig bor/ /de bzhin shin tu phra ba'i rdul de kun/ /shar gyi phyogs su mchis nas thams cad bor/ /de bzhin ma lus phyogs bcu thams cad du/ /ji snyed
240b7 kyi ni rdul phran kun bor te//de dag zhing rnams gang du bor ba dang / /gang du rdul phran ma bor de dag rnams/ /grong khyer gcig tu de kun bgyis nas su/ /de ni yungs kar dag gis gang bar bgyis/ /gal te 'jig rten khams rnams thams cad kyang / /
241a1 yungs 'brus gang ba la la su spro bas/ /btags nas shin tu phra ba'i rdul du bgyis/ /thams cad kyang ni ji ltar snga ma bzhin/ /de bzhin thams cad phyogs kyi zhing rnams kyang / /stong du bsgyur cing bsgre ba bgyis pa yang / /de yi tha ma 'tshal
241a2 bar nus kyang gda'//skyob pa de yi zhing ni tshad ma mchis/ /bde gshegs de la dgra bcom mnga' ba ni/ /nyan thos khrag khrig bsam gyis mi khyab rnams/ /rgyal ba de yang nyan thos bcas par mchod/ /de bzhin gshegs des bdag la lung ma bstan/ /'das
241a3 pa'i dus na 'dren pa byung ba ni//'jig rten mchod rten zhes ni phyogs su grags/ /gang zag mchog de bdag gis mchod na yang / /de bzhin gshegs des bdag la lung ma bstan/ /ma smad pa yi bde gshegs sangs rgyas brgyad/ /rgyal ba grags 'chang 'jigs
241a4 mdzad des pa dang //sA la'i rgyal po nor 'od chen dang / /tog gi rgyal po bsod nams brgya yi mtshan/ /bdag gis 'dren pa de dag nyan thos bcas/ /byang chub mchog rab 'tshal slad bkur sti bgyis/ /'on kyang shes rab mthar phyin ma sbyangs pas/ /
241a5 de bzhin gshegs des bdag la lung ma bstan/ /bskal pa gcig la mthu chen bde bar gshegs/ /thams cad gzigs pa stong phrag drug byung ste/ /bdag gis gang zag mchog de kun mchod kyang / /bde gshegs de dag gis kyang lung ma bstan/ /'das pa'i
241a6 dus na 'dren pa byung ba ni//zlas byin zhes kyang phyogs bcur grags pa ste/ /rgyal ba nyan thos bcas la bkur sti bgyis/ /de bzhin gshegs des bdag la lung ma bstan/ /'das pa'i dus na 'dren pa byung ba ni/ /tsan dan dam pa bde gshegs 'phrul chen
241a7 te//mi yi dam pa de la'ang bsnyen bkur bgyis/ /gang zag mchog des bdag la lung ma bstan/ /'dren pa 'jig rten mkhyen pa sngon byung ba/ /glog sprin zhes bgyi phyogs su grags pa ste/ /rgyal ba de yang nyan thos bcas par mchod/ /de bzhin
241b1 gshegs des bdag la lung ma bstan//sngon gyi sangs rgyas rkang gnyis mchog byung ba/ /the tsom kun gyi bcings pa gcod mdzad pa/ /sprin sbyin rnam 'dren bde bar gshegs pa ste/ /de la rim gro bgyis kyang lung ma bstan/ /sngon gyi sangs rgyas rnam
241b2 'dren sdig mi mnga'//dgra bcom zhes kyang phyogs su grags pa ste/ /'jig rten mkhas pa de la mchod bgyis kyang / /de bzhin gshegs des bdag la lung ma bstan/ /sngon gyi sangs rgyas khrag khrig mtha' yas pa/ /'jig rten mgon po mtshungs
241b3 med nyan thos bcas//byang chub mchog 'tshal bkur sti rab bgyis kyang / /bde gshegs de dag gis kyang lung ma bstan/ /mtshungs med 'dren pa rnams la bsnyen bkur bgyis/ /shes rab dam pa mchog ni bdag gis sbyangs/ /chos kyi tshul dang mtshan
241b4 nyid de rtogs nas//des na dri med tog gis bdag lung bstan/ /'di ltar bdag gis de ring chos nyid mthong / /the tsom ma lus par ni thams cad bcad/ /sgyu ma smig rgyu chu zla 'dra ba ru/ /chos rnams thams cad skye ba bdag gis mthong / /ji ltar mi
241b5 rnams ri yi bar na yang //yid du 'ong ba'i glu dbyangs skad 'byin te/ /skad cig tu ni brag ca gzhan yang 'byung / /de yi sgra la byed pa po ma mchis/ /ri yi bar ni ji ltar brag ca bzhin/ /de bzhin bdag gis chos rnams yang dag mthong / /de la bdag ni
241b6 the tshom ma mchis te//des na gang zag mchog des bdag lung bstan/ /nam mkha' bar snang ji ltar bya yi rjes/ /de dag ma mchis ma byung 'byung mi 'gyur/ /rgyal bas bstan pa de bzhin mthong bas na/ /des na gang zag mchog gis bdag lung bstan/ /
241b7 chos 'di thams cad bar snang nam mkha' bzhin/ /de rnams gang la'ang mngon par chags ma mchis/ /phyogs nas mchis shing gang du'ang mchis ma mchis/ /des na gang zag mchog gis bdag lung bstan/ /ji ltar rmi lam na ni skom pa'i mis/ /chu
242a1 grang dang ba de yis 'tshal na yang //skom pa chad cing zhi bar mi 'gyur ba/ /de bzhin bdag gis 'dod pa'i yon tan rtogs/ /rnga brdungs de las sgra rnams rab 'byung ste/ /skye bo byis pa rnams ni dga' bar gyur/ /de yang ko ba dang ni
242a2 shing las kyang //sgra de mi rnyed de bzhin chos nyid do/ /ji ltar pi wang len pa sbrengs pa yi/ /rgyud las snyan pa'i sgra yang shin tu gtong / /shing dang rgyud rnams las kyang ma lags te/ /sgra de mi rnyed de bzhin chos nyid do/ /gzugs dang sgra dang ro dang dri
242a3 reg kyang //pi wang dag gi sgra 'drar mthong bas na/ /the tshom dogs pa thams cad kun du bcom/ /de bas 'jig rten 'dren pas bdag lung bstan/ /sa dang shing dang mun dza bal ba dza/ /de bzhin 'od ma rtswa dang chur brten te/ /bar snang la ni de dag
242a4 kun bskor nas//'jig rten kun rdzob khyim du gyur ces brjod/ /de bzhin rus pa sen mo rgyus pa rnams/ /spu dang skra dang khrag rnag pags pa yis/ /nam mkha' dag kyang kun nas bskor nas ni/ /de bzhin kun rdzob lus su gyur ces brjod/ /gzugs
242a5 ni dbu ba 'dra ste snying po med//tshor ba rnams ni chu yi chu bur 'dra/ /'du shes rnams ni smig rgyu 'dra ba mthong / /de la byis pa'i rang bzhin skye bos nor/ /sems pa dag ni chu shing snying po 'dra/ /rnam shes rnam pa kun du sgyu ma bzhin/ /gang gis 'gro ba
242a6 lhar bcas 'khyam byas pa//de ltar mthong bas rgyal bas lung yang bstan/ /de nas dge slong sprin gyi rgyal po des de bzhin gshegs pa mtshungs pa med pa'i gzi brjid 'od de la shes rab kyi pha rol tu phyin pa dang ldan pa'i tshigs su bcad pa 'di dag gis mngon
242a7 par bstod nas/dge ba'i rtsa ba des bskal pa brjod du med par nams kyang chos la rmongs par ma gyur/ nams kyang tshul khrims la snying por 'du shes par ma gyur/ ting nge 'dzin rnams la snying por 'du shes par ma gyur te/ rtag tu rgyun mi 'chad par shes
242b1 rab kyi pha rol tu phyin pa la gzhol bar gyur to//nam yang shes rab kyi pha rol tu phyin pa la dngos por ma dmigs te/ 'di lta ste/ dper na mi zhig gzings las rgya mtsho chen po rgal nas gzings bor te gar dga' bar 'gro ba de bzhin du dge slong sprin gyi
242b2 rgyal po de'ang shes rab kyi pha rol tu phyin pa shes par byed mod kyi/shes rab kyi pha rol tu phyin pa la mngon par zhen par mi byed do/ /'di lta ste dper na mi zhig me 'dod pa des mes dgos pa byed mod kyi tshig pa'i nyes pa'ang srung ba de bzhin du/ byang chub sems
242b3 dpa' sprin gyi rgyal po de'ang shes rab kyi pha rol tu phyin pas chos rnams mthong mod kyi/mngon par zhen pa'i nyes pa'ang bsrung ngo / /shes rab kyi pha rol tu phyin pa gzhan la'ang ston mod kyi/ mngon par zhen pa'i nyes pa las kyang zlog par byed do/ /shes rab kyi
242b4 pha rol tu phyin pas sangs rgyas kyi zhing tshad med par sangs rgyas kyi bya ba byed mod kyi/des sems can de dag dang / sangs rgyas de dag tu 'dzin pa'ang med do/ /'jam dpal de ji snyam du sems/ de'i tshe de'i dus na dge slong sprin gyi rgyal po zhes bya bar gyur pa de
242b5 gzhan zhig yin pa snyam du 'dzin na/'jam dpal khyod kyis de ltar mi blta'o/ /de ci'i phyir zhe na/ de bzhin gshegs pa don thams cad grub pa de de'i tshe de'i dus na dge slong sprin gyi rgyal po zhes bya bar gyur to/ /'jam dpal de lta bas na thabs mkhas pa gang
242b6 dang ldan pas dge slong sprin gyi rgyal po shes rab kyi pha rol tu phyin pa la spyod pa'i thabs mkhas pa de dang ldan par byang chub sems dpa' sems dpa' chen pos shes rab kyi pha rol tu phyin pa la spyad par bya'o//de lta bu'i thabs mkhas pa dang ldan pa'i byang chub sems
242b7 dpa' ni sangs rgyas kyi zhing dpag tu med pa yongs su sbyong ngo //sangs rgyas kyi zhing grangs med/ bsam gyis mi khyab/ mtshungs pa med/ gzhal du med/ brjod du med pa yongs su sbyong ngo / /de nas yang bcom ldan 'das kyis 'jam dpal gzhon nur gyur
243a1 pa la bka' stsal pa/'jam dpal de bzhin gshegs pa don thams cad grub pa de sngon byang chub sems dpa'i spyad pa spyod pa na/ byang chub sems dpa'i ting nge 'dzin zhi ba zhes bya ba bsgoms te/ rab tu goms par byas/ lam du byas/ rten du byas/ nan tan
243a2 du byas/rab tu 'dris par byas/ legs par brtsams shing rab tu rdzogs par byas te/ des sbyin pa'i pha rol tu phyin pa zhi ba dang rab tu zhi bar rtogs so/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa
243a3 dang /bsam gtan gyi pha rol tu phyin pa dang / shes rab kyi pha rol tu phyin pa yang zhi ba dang rab tu zhi bar rtogs so/ /'di lta ste/ dper na 'dus ma byas kyi khams zhi ba dang rab tu zhi ba de bzhin du pha rol tu phyin pa drug kyang zhi ba dang rab tu zhi bar rtogs so/ /'di lta ste/
243a4 dper na 'dus ma byas kyi khams mi skye mi 'gag pa de bzhin du pha rol tu phyin pa drug kyang mi skye mi 'gag go/ /'di lta ste/ dper na bdag thams cad kyi thams cad du mi dmigs pa de bzhin du pha rol tu phyin pa drug kyang thams cad kyi thams cad du mi dmigs te/ pha rol tu
243a5 phyin pa drug ji lta ba de bzhin du chos thams cad kyang mi skye mi 'gag go//chos thams cad ni zhi ba ste zhi ba de yang mi dmigs/ gang gi zhi ba de yang mi dmigs so/ /'jam dpal sngon byung ba 'das pa'i dus na bskal pa grangs med/ bsam gyis mi khyab/ mtshungs pa med/
243a6 gzhal du med/ brjod du med pa'i pha rol gyi yang ches pha rol na/ nyi ma snang ba zhes bya ba'i bskal pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul
243a7 ba'i kha lo sgyur ba bla na med pa/lha dang mi rnams kyi ston pa/ sangs rgyas bcom ldan 'das thams cad zil gyis gnon pa zhes bya ba 'jig rten du byung ste/ de bzhin gshegs pa thams cad zil gyis gnon pa de'i rim gro byed pa dge slong zhi ba'i blo gros zhes bya ba zhig
243b1 yod de/des de bzhin gshegs pa thams cad zil gyis gnon pa la lo bye ba phrag brgyad cur bla na med pa yang dag par rdzogs pa'i byang chub 'dod pa'i phyir yid du 'ong bas rim gro byas te/ yid du mi 'ong bas ma yin no/ /de bcom ldan 'das de bzhin gshegs pa
243b2 thams cad zil gyis gnon pa de'i gan du song nas 'di skad ces gsol to//bcom ldan 'das zhi ba sangs rgyas kyi sa la slob par 'tshal ba'i byang chub sems dpa' sems dpa' chen pos chos gang la brtson par bgyi/ de skad ces gsol pa dang / de bzhin gshegs
243b3 pa thams cad zil gyis gnon pas dge slong zhi ba'i blo gros la 'di skad ces bka' stsal to//dge slong zhi ba'i blo gros sangs rgyas kyi sa la slob par 'dod pa'i byang chub sems dpa' sems dpa' chen pos sbyin pa'i pha rol tu phyin pa la brtson par bya'o/ /dge slong ji ltar
243b4 spyad pas bdag sbyin pa'i pha rol tu phyin pa yongs su rdzogs par 'gyur zhes byang chub sems dpa' sems dpa' chen pos sbyin pa'i ngo bo nyid mi dmigs par bya'i sbyin pa mi sbyin par ni mi bya'o//sbyin gnas kyi ngo bo nyid mi dmigs par bya'i sbyin gnas mi 'tshal bar ni mi bya'o/ /
243b5 sbyin bdag gi ngo bo nyid dmigs par mi bya'i sbyin bdag tu mi 'gyur bar ni mi bya'o/ /des las kyi rang bzhin mi dmigs par bya'i las bdag gir bya ba dang 'gal bar ni mi bya'o/ /bslab pa'i ngo bo nyid mi dmigs par bya'i sangs rgyas kyi ye shes la mi bslab par ni mi
243b6 bya'o//sbyin pa de yang byang chub tu bsngo bar bya ste/ byang chub kyi ngo bo nyid dmigs par mi bya/ bsngo ba'i ngo bo nyid kyang dmigs par mi bya/ dge ba'i rtsa ba rnams mi bsngo bar yang mi bya'o/ /dge slong 'di lta ste/ dper na chu'i nang na zla ba'i gzugs brnyan
243b7 snang ba de zla bar yang shes par mi bya/de zla ba ma yin par yang shes par mi bya ba de bzhin du bya ba thams cad la yang shes par bya'o/ /bya ba de lta bus sbyin pa byin na sbyin pa'i pha rol tu phyin pa yongs su rdzogs par 'gyur ro/ /de nas dge slong zhi ba'i blo gros de la de bzhin
244a1 gshegs pa thams cad zil gyis gnon pas sbyin pa de lta bus sbyin pa'i pha rol tu phyin pa bstan pas sbyin pa yongs su bsngo ba'i ye shes dpag tu med pa dang ldan par gyur to//'jam dpal de'i tshe de'i dus na gang bcom ldan 'das de bzhin gshegs
244a2 pa thams cad zil gyis gnon pa des sbyin pa bsngo ba'i snang ba bsam gyis mi khyab pa rnyed par bya ba'i phyir gdams pa dge slong zhi ba'i blo gros zhes bya bar gyur pa de gzhan zhig yin pa snyam du 'dzin na/'jam dpal khyod kyis de ltar mi blta'o/ /de ci'i phyir zhe na/ de
244a3 bzhin gshegs pa don thams cad grub pa de de'i tshe de'i dus na dge slong zhi ba'i blo gros zhes bya bar gyur to//de yang de phyin chad bskal pa brjod du med par nam yang sbyin pa'i pha rol tu phyin pa bsngo ba bsam gyis mi khyab pa dang bral bar ma gyur/ byang chub mngon par
244a4 rdzogs par sangs ma rgyas kyi bar du rtag tu rgyun mi 'chad par byang chub sems dpa'i yon tan gzhan tshad med pa dang ma bral bar gyur to//de nyid de'i sangs rgyas kyi zhing dpag tu med pa yongs su dag pa dang / sangs rgyas kyi zhing grangs med pa yongs su dag pa
244a5 nas sangs rgyas kyi zhing brjod du med pa yongs su dag pa'i rgyur gyur to//'jam dpal de lta bas na byang chub sems dpa' sems dpa' chen pos sangs rgyas kyi zhing dpag tu med pa nas brjod du med pa'i bar du yongs su sbyong bar 'dod pas de ltar sbyin pa dang /
244a6 sbyin pa'i pha rol tu phyin pa la brtson par bya'o/ /'jam dpal sngon byung ba 'das pa'i dus na bskal pa dpag tu med/ grangs med/ bsam gyis mi khyab/ mtshungs pa med/ gzhal du med/ brjod du med pa de'i pha rol gyi yang ches pha rol na de bzhin gshegs
244a7 pa dgra bcom pa yang dag par rdzogs pa'i sangs rgyas rig pa zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das gzi brjid dpag tu
244b1 med ces bya ba 'jig rten du byung ste/'jam dpal de bzhin gshegs pa gzi brjid dpag med kyi gsung rab la dge slong rab tu zhi ba'i blo gros zhes bya ba sangs rgyas khrag khrig dpag tu med pa la dge ba'i rtsa ba bskyed pa zhig byung ste/ de nas dge slong rab tu zhi ba'i blo
244b2 gros de bcom ldan 'das de bzhin gshegs pa gzi brjid dpag med ga la ba der song ste phyin nas/bcom ldan 'das de'i zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas dge slong rab tu zhi ba'i blo gros des
244b3 de bzhin gshegs pa gzi brjid dpag med la 'di skad ces gsol to//bcom ldan 'das byang chub sems dpa' byang chub kyi phyir spyod pas sbyin pa'i pha rol tu phyin pa la ji ltar spyad par bgyi/ byang chub sems dpa' sbyin pa'i pha rol tu phyin pa la spyod pa'i
244b4 sbyin pa'i pha rol tu phyin pa ji ltar yongs su dag par 'gyur/de skad ces gsol pa dang / de bzhin gshegs pa gzi brjid dpag med kyis dge slong rab tu zhi ba'i blo gros la 'di skad ces bka' stsal to/ /rab tu zhi ba'i blo gros byang chub kyi phyir spyod pa'i
244b5 byang chub sems dpa' sems dpa' chen pos chos thams cad dngos po med pa'i ngo bo nyid du khong du chud par bya/sbyin pa'i ngo bo nyid med par khong du chud par bya/ len pa'i ngo bo nyid med par khong du chud par bya/ sbyin bdag ngo bo nyid med par khong du chud par bya/
244b6 sbyin gnas ngo bo nyid med par khong du chud par bya/ sbyin gnas mchod pa ngo bo nyid med par khong du chud par bya/ bsngo ba ngo bo nyid med par khong du chud par bya/ gang bsngo ba de yang ngo bo nyid med par khong du chud par bya/ gang du bsngo ba dang gang gis bsngo ba de yang ngo bo nyid
244b7 med par khong du chud par bya'o//de ci'i phyir zhe na/ sbyin pa ni sbyin pa'i ngo bo nyid kyis stong ngo / /len pa ni len pa'i ngo bo nyid kyis stong ngo / /sbyin gnas kyang sbyin gnas kyi ngo bo nyid kyis stong ngo / /sbyin pa'i 'bras bu yang sbyin pa'i 'bras bu'i ngo bo nyid
245a1 kyis stong ngo //bsngo ba yang bsngo ba'i ngo bo nyid kyis stong ngo / /byang chub kyang byang chub kyi ngo bo nyid kyis stong ngo / /de ltar stong pa nyid la mos pa ni bya ba tshad med pa'i bsam pas sbyin pa'i pha rol tu phyin pa yongs su dag par 'gyur te/
245a2 sbyin pa'i yang pha rol tu phyin pa'i ming 'thob cing 'bags pa med par 'gyur ro/ /rab tu zhi ba'i blo gros 'di lta ste/ dper na sgyu ma mkhan gyis bud med rin po che mngon par sprul na/ de yang bud med rin po che'i grangs su 'gro mod kyi/ de la bud med rin po
245a3 che'i ming ma dmigs pa de bzhin du/rab tu zhi ba'i blo gros sbyin pa la sbyin pa'i ngo bo nyid mi dmigs mod kyi/ sbyin pa'i pha rol tu phyin pa zhes bya ba'i grangs su yang 'gro/ len pa ngo bo nyid kyis mi dmigs mod kyi len pa zhes bya ba'i grangs su yang 'gro/ sbyin
245a4 bdag ngo bo nyid kyang mi dmigs mod kyi sbyin bdag ces bya ba'i grangs su yang 'gro/sbyin pa'i 'bras bu yang ngo bo nyid kyis mi dmigs mod kyi/ sbyin pa'i 'bras bu zhes bya ba'i grangs su yang 'gro/ byang chub kyang ngo bo nyid kyis mi dmigs mod kyi/ byang chub
245a5 ces bya ba'i grangs su yang 'gro/byang chub sems dpa' ngo bo nyid kyis mi dmigs mod kyi/ byang chub sems dpa' zhes bya ba'i grangs su yang 'gro'o/ /rab tu zhi ba'i blo gros 'di ltar byang chub sems dpa' ni bya ba'i ngo bo nyid mi dmigs mod kyi bya ba yang chud
245a6 mi gson te/de tsam gyis de'i sbyin pa'i pha rol tu phyin pa yongs su rdzogs par 'gyur ro/ /de nas dge slong rab tu zhi ba'i blo gros de bzhin gshegs pa gzi brjid dpag med kyis de lta bu'i tshul gyis sbyin pa'i pha rol tu phyin pa 'dzin du bcug nas zhi ba'i sa yongs su
245a7 'dzin pa thob ste/dge ba'i rtsa ba des nam yang ma zhi ba'i sa la mi spyod do/ /gang mya ngan las 'das pa'i zhi ba de sbyin pa'i zhi ba'o zhes de ltar mthong bas zhi ba'i chos rnams mngon du gyur to/ /'jam dpal de'i tshe de'i dus na dge slong rab tu zhi ba'i blo gros zhes
245b1 bya bar gyur pa de gzhan zhig yin pa snyam du dogs shing yid gnyis dang the tshom za na 'jam dpal khyod kyis de ltar mi blta'o//de ci'i phyir zhe na/ de bzhin gshegs pa don thams cad grub pa de/ de'i tshe de'i dus na dge slong rab tu zhi ba'i blo gros zhes bya bar gyur to/ /
245b2 'jam dpal de lta bas na byang chub sems dpa' sems dpa' chen pos mya ngan las 'das pa'i mnyam pa nyid kyis sbyin pa mnyam pa nyid du gyur par sbyin pa sbyin par bya'o/ /de ltar na de'i sbyin pa'i pha rol tu phyin pa yongs su rdzogs pa yin no/ /sbyin pa'i pha rol tu phyin
245b3 pa la bslab pa'i byang chub sems dpa' sems dpa' chen po ni tshul khrims kyi pha rol tu phyin pa la gnas par 'gyur ro//de ci'i phyir zhe na/ ngo bo nyid med pa'i phyir sbyin pa dang tshul khrims mtshungs so/ /'jam dpal sngon byung ba 'das pa'i dus na bskal pa dpag
245b4 tu med grangs med/bsam gyis mi khyab/ mtshungs pa med/ gzhal du med/ brjod du med pa de'i pha rol gyi yang ches pha rol na de'i tshe de'i dus na rin po che dag pa zhes bya ba'i bskal pa byung ste/ 'jam dpal rin po che dag pa'i bskal pa de la de bzhin gshegs
245b5 pa dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das brtson 'grus dpe
245b6 med ces bya ba byung ngo //de'i tshe de'i dus na bram ze'i rigs shing sA la chen po lta bu khyab 'jug gis byin zhes bya ba zhig byung ste/ sangs rgyas bye ba khrag khrig dpag tu med pa rnams la bsnyen bkur byas shing dge ba'i rtsa ba bskyed pa'i rigs chen por skyes pa/ bram
245b7 ze'i gsang tshig kha ton du 'don cing bzung ba rig byed gsum gyi pha rol du son pa/sgra nges par sbyor ba dang / shes gsal dang bcas pa dang / yi ge rab tu dbye ba dang bcas pa dang / sngon byung ba'i gtam lnga po rnams dang / brda sprod pa dang / 'jig rten rgyang pa na pa dang /
246a1 mchod sbyin gyi rgyud dang / bud med dang / skyes pa'i mtshan la mchog tu mkhas par gyur pa/ rang gi rigs kyi 'dul ba la rjes su gnang ba/ yongs su grags pa/ rab tu byung ba'i slob dpon du gyur pa zhig yod de/ bram ze'i rigs shing sA la chen po lta bu
246a2 khyab 'jug gis byin des sangs rgyas brtson 'grus dpe med ces bya ba 'jig rten du 'byung ngo zhes thos nas de 'di snyam du sems te/bdag cag gi gsang tshig las byung ba skyes bu chen po'i mtshan sum cu rtsa gnyis dang ldan pa ni 'gro ba gnyis su 'gyur te/ gsum du
246a3 'gyur ba med do//gal te khyim na gnas na ni 'khor los sgyur ba gling bzhi las ches rnam par rgyal zhing chos can chos kyi rgyal po ste rin po che bdun dang ldan no/ /de la rin po che 'di bdun 'byung ba 'di lta ste/ 'khor lo rin po che dang / glang po rin po che dang / rta rin po che
246a4 dang /bud med rin po che dang / nor bu rin po che dang / khyim bdag rin po che dang / blon po rin po che dang / rin po che de bdun no/ /de la bu stong tshang ba yod de/ dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms
246a5 pa rnams so//des gling bzhi pa'i 'jig rten chad pa dang / mtshon gyis ma yin par chos kyis phab ste rab tu gnas so/ /gal te skra dang kha spu bregs nas gos ngur smrig bgos te khyim nas khyim med par rab tu byung na ni de bzhin gshegs pa dgra bcom pa yang dag
246a6 par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das su 'gyur ro snyam nas de 'di snyam du sems te
246a7 'di 'dra ba'i skyes bu chen po dag 'jig rten na mthong ba rnyed par dka' ste/bdag ni de bzhin gshegs pa dgra bcom pa yang dag par rdzogs pa'i sangs rgyas brtson 'grus dpe med ga la ba der 'gro'o/ /bcom ldan 'das de bzhin gshegs pa brtson 'grus dpe med
246b1 de skyes bu chen po'i mtshan sum cu rtsa gnyis dang ldan nam 'on te mi ldan pa'i bar du shes par bya'o//de ste ldan na ni rdzogs pa'i sangs rgyas su gdon mi za bar rig par bya'o/ /ji ste mi ldan na yang de lta bu'i skyes bu dam pa dag mthong ba'ang legs so snyam mo/ /de nas
246b2 bram ze'i rigs shing sA la chen po lta bu khyab 'jug gis byin bram ze'i bu stong phrag drug cus yongs su bskor cing mdun du bdar nas/de bzhin gshegs pa brtson 'grus dpe med de ga la ba der song ste phyin nas/ bcom ldan 'das de bzhin gshegs pa brtson 'grus
246b3 dpe med de'i zhabs la mgo bos phyag 'tshal nas lan gsum bskor ba byas te phyogs gcig tu 'dug nas/bram ze'i rigs shing sA la chen po lta bu khyab 'jug gis byin des de bzhin gshegs pa brtson 'grus dpe med de la 'di skad ces gsol to/ /bcom
246b4 ldan 'das byang chub sems dpa' sems dpa' chen po theg pa chen po la yang dag par zhugs pa/theg pa dpag tu ma mchis pa la yang dag par zhugs pa/ theg pa grangs ma mchis/ bsam gyis mi khyab/ mtshungs pa ma mchis/ gzhal du ma mchis/
246b5 brjod du ma mchis pa la yang dag par zhugs pas tshul khrims kyi pha rol tu phyin pa ji ltar yongs su sbyang bar bgyi/ bcom ldan 'das ji ltar bslabs na byang chub sems dpa' sems dpa' chen pos tshul khrims kyi pha rol tu phyin pa yongs su sbyong bar bgyid/
246b6 tshul khrims kyi pha rol tu phyin pa yongs su dag na byang chub sems dpa' sems dpa' chen pos ci yongs su sbyangs pa lags/ de skad ces gsol pa dang / de bzhin gshegs pa brtson 'grus dpe med des khyab 'jug gis byin bram ze'i rigs shing sA la
246b7 chen po lta bu de la 'di skad ces bka' stsal to//bram ze tshul khrims kyi pha rol tu phyin pa la slob par 'dod pa dang / tshul khrims kyi pha rol tu phyin pa yongs su sbyong bar 'dod pa'i byang chub sems dpa' sems dpa' chen pos srog gcod pa spang bar bya ste/
247a1 des srog gcod pa mi dmigs par bya'o/ /des ma byin par len pa'ang spang bar bya ste/ ma byin par len pa mi dmigs par bya'o/ /'dod pa la log par g.yem pa yang spang bar bya ste/ 'dod pa la log par g.yem pa mi dmigs par bya'o/ /
247a2 du smra ba yang spang bar bya ste/ du smra ba mi dmigs par bya'o/ /phra ma'i tshig kyang spang bar bya ste/ phra ma'i tshig kyang mi dmigs par bya'o/ /ngag rtsub po yang spang bar bya ste/ ngag rtsub po yang mi dmigs par bya'o/ /tshig kyal pa yang spang bar
247a3 bya ste/tshig kyal pa yang mi dmigs par bya'o/ /brnab sems kyang spang bar bya ste/ brnab sems kyang mi dmigs par bya'o/ /gnod sems kyang spang bar bya ste/ gnod sems kyang mi dmigs par bya'o/ /yang dag par lta ba can du yang bya ste yang
247a4 dag par lta ba mi dmigs par bya'o//chos ji snyed pa de thams cad kyang shes par bya ste/ de dag mi dmigs par bya zhing mngon par mi zhen par bya ste/ de ltar byang chub sems dpa' sems dpa' chen pos tshul khrims kyi pha rol tu phyin pa la bslab par bya'o/ /de
247a5 ltar tshul khrims kyi pha rol tu phyin pa yongs su dag pas byang chub sems dpa' rab tu zhi ba'i sa la snang ba thob par 'gyur te/chos gang yang mi 'dzin cing chos gang la yang mngon par mi zhen to/ /chos gang la yang dmigs pa'i phyir nye bar gnas pa ma yin no/ /gang
247a6 de ltar mthong ba des ni rten cing 'brel bar 'byung ba mthong ngo //gang gis rten cing 'brel bar 'byung ba mthong ba des ni chos gang yang mi mthong ngo / /gang gis chos gang yang mi mthong ba de ci yang mi shes so/ /gang ci yang mi shes pa de byang chub kyi phyir spyod do/ /
247a7 gang byang chub kyi phyir spyod pa de ci la'ang mi spyod do/ /gang ci la'ang mi spyod pa de/ byang chub mngon par rdzogs par 'tshang rgya'o/ /gang byang chub mngon par rdzogs par 'tshang rgya ba de ci'ang 'tshang mi rgya ste/ gang ci'ang 'tshang mi rgya ba de ni tshul khrims yongs su
247b1 dag pa zhes bya'o//gang de ltar nges pa med pa'i chos yang dag pa ji lta ba bzhin du rab tu shes pa de ni tshul khrims yongs su dag pa zhes bya'o/ /gang tshul khrims yongs su dag pa des ni chos nyid mthong ngo / /gang gis chos nyid mthong ba de ni zhi ba zhes bya'o/ /
247b2 rab tu zhi ba zhes bya'o/ /nye bar zhi ba zhes bya'o/ /zhi gnas kyi mchog thob pa zhes bya'o/ /zhi gnas dam pa thob pa zhes bya'o/ /de nas bcom ldan 'das de bzhin gshegs pa brtson 'grus dpe med des rab tu zhi ba'i sa bstan pa khyab 'jug gis byin bram ze'i
247b3 rigs shing sA la chen po lta bus bcom ldan 'das de bzhin gshegs pa brtson 'grus dpe med de la zhi ba dang mthun pa'i tshigs su bcad pa dag gis mngon par bstod do//khyod kyis 'dod chags de bzhin zhe sdang zhi/ /khyod ni gti mug bral zhing zag pa'ang
247b4 bas//rnam par 'dren pa zhi ba'i sa la bzhugs/ /sems zhi bde gshegs khyod la phyag 'tshal lo/ /nga rgyal zhi zhing dregs dang rnam par bral/ /dri med nyi ma bzhin du snang mdzad de/ /rtag par rab tu zhi ba'i chos rnams ston/ /sems zhi bde gshegs khyod
247b5 la phyag 'tshal lo//gang na nyon mongs rab tu mi skye ba/ /zhi ba'i sa la bcom ldan rab bsten cing / /zhi ba'i sa la sras rnams gnas su btsud/ /sems zhi bde gshegs khyod la phyag 'tshal lo/ /gzugs rnams zhi bar bcom ldan rab tu gsung / /de bzhin
247b6 tshor ba 'du shes sems pa rnams//rnam par shes pa'i rgyud kyang zhi bar gsungs/ /sems zhi bde gshegs khyod la phyag 'tshal lo/ /'dus byas 'di zhi 'dus ma byas pa'ang zhi/ /khyod kyi spyod yul cho ga de bzhin zhi/ /brtson 'grus zhi zhing spyod pa'ang de bzhin
247b7 te//sems zhi bde gshegs khyod la phyag 'tshal lo/ /sangs rgyas zhi ba'i yul rnams rab tu mkhyen/ /de ni srog chags tha ma'i sa ma lags/ /'gro ba der ni nyan thos mkhas mi mchi/ /rang rgyal dag gis de ni yongs mi rtogs/ /gang zag mchog khyod
248a1 'gro ba gang mkhyen pa//de nas sa dang chu dang rlung ma mchis/ /der 'byung rnams kyi 'gro ba ma mchis bshad/ /de na nyi zla rnams kyang 'gro ma mchis/ /de mkha' ma lags bar dang sa ma lags/ /thams cad dngos po ma mchis 'di
248a2 yang bshad//sangs rgyas thams cad spyod yul de bzhin te/ /bde bar gshegs pas rab tu zhi ba bshad/ /zhi ba thob mdzad zhi 'gro bla na med/ /rab zhi dri ma thams cad 'khru ba ste/ /gang 'drir 'khrus bgyid mya ngan yong 'da' zhing / /rgyal ba skyob pa kun gyi
248a3 spyod yul mchi//'gro ba rnams kyi bsam pa kun mkhyen cing / /de dag spyod pa bde gshegs rab mkhyen te/ /chos 'di rnams ni rang bzhin zhi bar mkhyen/ /sems zhi bde gshegs khyod la phyag 'tshal lo/ /zhi la dgyes shing yid zhi de bzhin gshegs/ /
248a4 zhugs la chab bzhin du ni bsil bar gyur/ /zhi ba'i sa la 'gro ba rab 'dzud pa/ /sems zhi bde gshegs khyod la phyag 'tshal lo/ /rnam par 'dren pa tha ma'i lus 'dzin cing / /thub pa khyod ni 'khor ba'i bcings kun pas/ /mya ngan 'das pa'i bde ba khyod
248a5 mkhyen te//mya ngan 'das khyod bde gshegs khyod la 'dud/ /zhi gnas thugs su chud rtogs mgon bstod pa'i/ /bsod nams mi nyung bdag gis gang bsags pa/ /dpe med shin tu bsgrubs pa'i lam de yis/ /zhi ba sangs rgyas sa de thob par shog /
248a6 mgon la zhi bar 'thun pa'i sgra dag gis/ /bde gshegs ston pa zhi dgyes bstod pas su/ /zhi ba'i sa de shin tu thob par shog /rgal nas skye bo mi mkhas bsgral bar bgyi/ /de nas bram ze'i rigs shing sA la chen po lta bu khyab 'jug gis byin des de bzhin
248a7 gshegs pa brtson 'grus dpe med de la zhi ba dang 'thun par tshigs su bcad pas mngon par bstod nas/dge ba'i rtsa ba des phyin chad sangs rgyas khrag khrig dpag tu med pa rnams mnyes par byas/ sangs rgyas kyi zhing brjod du med pa rnams yongs su sbyangs/ sems
248b1 can khrag khrig dpag tu med pa du ma yang dag par rdzogs pa'i byang chub la yongs su smin par byas te/yongs su dag pa'i sangs rgyas kyi zhing du skye ba yang dag par 'dzin du btsud do/ /'jam dpal de'i tshe de'i dus na bram ze'i rigs shing sA la chen po lta bu khyab 'jug
248b2 gis byin zhes bya bar gyur pa de gzhan zhig yin pa snyam du 'dzin na 'jam dpal khyod kyis de ltar mi blta'o//de ci'i phyir zhe na/ de bzhin gshegs pa don thams cad grub pa de de'i tshe de'i dus na bram ze'i rigs shing sA la chen po lta bu khyab 'jug gis byin zhes bya bar
248b3 gyur to//'jam dpal de ltar na byang chub sems dpa' sems dpa' chen pos pha rol tu phyin pa drug zhi bar rab tu brtag par bya'o/ /zhi ba'i lam kun du bsten par bya'o/ /rgod par mi 'gyur bar bya'o/ /byang chub sems dpa'i ting nge 'dzin zhi gnas bsnyen par bya'o/ /
248b4 bsten par bya'o/ /bsgom par bya'o/ /mang du bya'o/ /'jam dpal zhi bar spyod pa la ni yongs su mya ngan las 'da' ba ste/ ma zhi bar spyod pa la ni 'khor ba'o/ /'jam dpal de bzhin gshegs pa don thams cad grub pa des sngon byang chub sems dpa'i spyad pa spyod
248b5 pa ni yun ring por bzod pa la bsten cing bsnyen te bsgoms nas mang du byas so// //bam po bzhi pa/ /'jam dpal sngon byung ba 'das pa'i dus na bskal pa dpag tu med/ grangs med/ bsam gyis mi khyab/ mtshungs pa med/ gzhal du
248b6 med/brjod du med pa de'i pha rol gyi yang ches pha rol na de'i tshe de'i dus na pad ma'i 'byung gnas zhes bya ba'i bskal pa byung ste/ 'jam dpal bskal pa pad ma'i 'byung gnas de la de bzhin gshegs pa dgra bcom pa yang dag par rdzogs pa'i sangs rgyas rig pa dang
248b7 zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das blo gros mtha' yas zhes bya ba 'jig rten du byung ste/ 'jam dpal de bzhin gshegs
249a1 pa blo gros mtha' yas de'i sangs rgyas kyi zhing tshad med par yongs su dag pa bshad du mi nus pa ni 'di lta ste/dper na da ltar bcom ldan 'das de bzhin gshegs pa don thams cad grub pa de'i sangs rgyas kyi zhing bzhin no/ /bcom ldan 'das de
249a2 bzhin gshegs pa blo gros mtha' yas de'i sangs rgyas kyi zhing du theg pa chen po la yang dag par zhugs pa ma gtogs par sems can gzhan rnams mi skye'o//de bzhin gshegs pa de theg pa chen po la brtsams nas chos ston te/ sangs rgyas kyi zhing rgya che ba dang /
249a3 sangs rgyas kyi zhing yongs su dag pa'ang 'chad do/ /'jam dpal de'i tshe de'i dus na bcom ldan 'das de bzhin gshegs pa blo gros mtha' yas de'i gsung rab la dge slong rtag tu rnam par lta ba zhes bya ba zhig byung ste/ bsdu ba'i dngos po bzhi dang ldan zhing bsdu ba'i
249a4 dngos po bzhis sems can rnams sdud do//'phags pa'i rigs bzhi la rab tu gnas par gyur/ so so yang dag par rig pa bzhi rnyed par gyur/ tshangs pa'i gnas pa bzhi dang ldan par gyur te/ byams pa chen po la gnas pa dang / snying rje chen po la gnas pa dang /
249a5 dga' ba chen po la gnas pa dang / btang snyoms chen po la gnas pa dang / nyon mongs pa med par gnas pa dang bral bar yang ma gyur to/ /'jam dpal bcom ldan 'das de bzhin gshegs pa blo gros mtha' yas de'i sangs rgyas kyi zhing de na byang chub sems dpa'
249a6 ji snyed yod pa de dag gi nang na byang chub sems dpa' rtag tu rnam par lta ba ni mchog ces bya'o//byang chub sems dpa' rtag tu rnam par lta ba de de bzhin gshegs pa blo gros mtha' yas de'i bstan pa kun 'dzin par gyur te/ de bzhin gshegs pa blo gros mtha' yas de
249a7 la ji lta ba de bzhin du sangs rgyas bcom ldan 'das brjod du med pa rnams kyi bstan pa kun bzung ngo //de 'di ltar bzod pa la rab tu gnas pas de bzhin gshegs pa re re'i sangs rgyas kyi zhing na yang sems can dpag tu med pa rnams bla na med pa yang dag par rdzogs
249b1 pa'i byang chub la yang dag par btsud de//de bzod pa la gnas nas sangs rgyas kyi zhing la lar sangs rgyas su ston/ la lar byang chub sems dpa'i spyod pa ston/ la lar dang por sems bskyed pa ston te/ 'jam dpal byang chub sems dpa' rtag tu rnam par lta ba de lta bu'i
249b2 rdzu 'phrul dang ldan par gyur to//'jam dpal de'i tshe de'i dus na byang chub sems dpa' rtag tu rnam par lta bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o/ /de ci'i phyir zhe na/ de bzhin gshegs pa don thams cad grub pa de
249b3 de'i tshe de'i dus na byang chub sems dpa' rtag tu rnam par lta ba zhes bya bar gyur to//'jam dpal de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas ji ltar na sangs rgyas kyi
249b4 chos 'di myur du nub par mi 'gyur zhes sangs rgyas kyi bstan pa yongs su gzung ba la nan tan bya'o//'jam dpal de sangs rgyas kyi bstan pa yongs su gzung ba'i phyir slob ma sangs rgyas kyi bstan pa de yongs su gzung ba la zhugs pa yin no/ /de nas de'i tshe bcom ldan
249b5 'das kyis tshigs su bcad pa 'di dag bka' stsal to//mi yi seng ge mi mchog 'jig rten mkhas/ /'das pa kun gyis bzod pa rab tu bsngags/ /'jig rten phan 'dod gang dag ma byung ba/ /mi mchog kun kyang bzod pa bsngags par 'gyur/ /bzod pa'i stobs
249b6 dang ldan par gyur pa ni//dgra med byang chub la yang gzhol ba ste/ /bla na med pa'i bzod pa bsten pas na/ /'dren pa myur du byang chub thob par 'gyur/ /mi yi seng ge de dag mi 'jigs bzod/ /bla na med pa'i byang chub tshol ba'i tshe/ /mgo dang lag dang rkang pa rnams
249b7 kyang byin//mkhas pa rnams ni skyo bar 'gyur ba med/ /bzod pa'i stobs kyis dgra rnams kun kyang thul/ /bzod pa'i stobs kyis nyon mongs rnams las rgyal/ /bzod pa rab tu bsten pas rang 'byung 'gyur/ /bzod pas mi 'chi go 'phang rnyed par 'ong / /bzod pa bsten pas rab tu
250a1 gzugs bzang 'gyur//bzod pa bsten pas mi yi dbang por 'ong / /bzod la bsten pas mtshan bzang 'chang ba yi/ /'jig rten rang byung de bzhin gshegs par 'gyur/ /bzod pa'i stobs kyis nyes las rgyal bar byed/ /bzod pa'i stobs ni de dag stobs kyi mchog /
250a2 bzod pa bsten pas de dag dgrar rgol med/ /'jig rten mkhyen pa 'gro la phan 'dod pa/ /rang byung gang rnams 'das par gyur pa dag /bzod la gnas te bdud rnams rab btul nas/ /'jig rten phan sems byang chub rab rnyed de/ /bla na med pa'i stobs ni bzod pa'o/ /
250a3 bzod pa'i stobs dang mtshungs pa yod ma yin/ /stobs can de ni bzod pa bsten pas na/ /chos rnams gang yang ci lta bzhin du bzod/ /de la phan sems stobs dang ldan zhes gsung / /bzod la gnas pas the tshom rnams kyang gcod/ /bzod la gnas pas ye shes
250a4 dag par 'gyur//bzod la gnas pas the tshom med pa ste/ /rtag tu bzod pa'i stobs mchog bsnyen par gyis/ /bzod pa 'di ni rgyal bas rab tu bsngags/ /bzod pa des kyang bsams pa kun 'grub ste/ /de bas mtshungs med bzod la bsten gyis dang / /ring
250a5 por mi thogs 'jig rten mkhyen par 'gyur//'jam dpal de lta bas na byang chub sems dpas bzod pa gnyis la bsten par bya ste/ gzhan las 'gyur ba med par bzod pa dang / chos rnams la rjes su 'thun par bzod pa'o/ /'jam dpal yang bcom ldan 'das de
250a6 bzhin gshegs pa don thams cad grub pa des sngon byang chub sems dpa'i spyad pa spyod pa na brtson 'grus mnyam pa nyid rab tu rtogs par gyur te/brtson 'grus ji lta bar le lo yang de bzhin/ le lo ji lta bar brtson 'grus kyang de bzhin no/ /chos de gnyi ga la yang mtshan
250a7 nyid gcig ste/rab tu zhi ba/ mya ngan las 'das pa dang mnyam pa/ g.yo ba dang rlom sems med pa/ skyod pa med pa/ 'gyur ba med pa/ byed pa med pa/ sems pa med pa/ sems pa dang bral ba/ phan tshun du mi sems pa ste/ ji ltar bdag mi sems pa
250b1 lta bu ste/de ni mtshan nyid med pa/ btags pa med pa/ brjod du med pa/ gzung du med pa/ 'du shes med pa/ 'du shes dang bral ba/ sems pa med pa/ sems pa dang bral ba/ mi tshor ba tshor ba med pa/ rnam par mi shes pa/ rnam par shes pa med pa/ mi gos
250b2 pa/kun nas nyon mongs pa can ma yin pa/ mi gnas pa shes par byed pa med pa'o/ /chos de dag rtogs par bya ba'i phyir brtson 'grus brtsams shing brtul ba brtan par gyur to/ /'jam dpal sngon byung ba 'das pa'i dus na bskal pa dpag tu med/ grangs med/ bsam
250b3 gyis mi khyab/mtshungs pa med/ gzhal du med/ brjod du med pa de'i pha rol gyi yang ches pha rol na/ de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten
250b4 mkhyen pa/skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das zla 'od rgyal po zhes bya ba 'jig rten du byung ste/ de bzhin gshegs pa zla 'od rgyal po de'i 'od kyis sangs rgyas kyi zhing grangs med pa snang bar gyur to/ /'od de
250b5 la sgrib par byed nus pa'i chos gang yang med de sgrib pa thams cad las thal nas snang bar byed do//'od de yang bde bas bsil ba reg na bde ba/ dge ba'i rtsa bas bskyed pa ste/ de bzhin gshegs pa de'i sngon gyi smon lam gyis sems can gang 'od des reg pa rnams sngon ma rnyed
250b6 pa'i bde ba rnyed par gyur/sngon byas pa'i dge ba'i rtsa ba rnams kyang rjes su dran par gyur to/ /'jam dpal de'i tshe de'i dus na de bzhin gshegs pa de'i rim gro byed pa dge slong des pa zhes bya ba zhig yod de/ de bzhin gshegs pa de la lo bye ba khrag khrig sum cu rtsa drug gi
250b7 bar du yid du 'ong bas bsnyen bkur byas te/yid du mi 'ong bas ma yin no/ /bshad pa'ang 'dzin cing bdag gi don yang mi gtong ngo / /des bcom ldan 'das de bzhin gshegs pa zla 'od rgyal po de la lo bye ba khrag khrig phrag sum cu rtsa drug gi bar du 'di ltar brtson
251a1 'grus mnyam pa nyid brtsams kun 'dri ste/bcom ldan 'das byang chub sems dpa'i theg pa la yang dag par zhugs pa'i rigs kyi bu'am rigs kyi bu mos ji ltar brtson 'grus kyi pha rol tu phyin pa rab tu rtogs par bgyi/ ji tsam gyis brtson 'grus
251a2 mnyam pa nyid khong du chud par 'gyur ba lags/de la de bzhin gshegs pa zla 'od rgyal pos lo bye ba khrag khrig phrag sum cu rtsa drug gi bar du brtson 'grus mnyam pa nyid mtshan nyid gcig pa la brtsams te/ bstan pa'i tshig bye ba khrag khrig phrag brgya stong gis lung bstan to/ /
251a3 de nas dge slong des pa des de bzhin gshegs pa de las brtson 'grus mnyam pa nyid thos nas brtson 'grus mnyam pa nyid kyi mchog dang ldan par gyur/ des brtson 'grus kyi mnyam pa nyid rtogs nas bcom ldan 'das de bzhin gshegs pa zla 'od rgyal po de la brtson 'grus
251a4 mnyam pa nyid dang 'thun pa'i tshigs su bcad pa dag gis mngon par bstod do//lha dang bcas dang mi dang bdud/ /lha min bcas ris 'jig rten na/ /'dren pa khyod dang 'dra ma mchis/ /mi 'dra lhag pa ga la mchis/ /sdig ma mchis pa'i 'gror gshegs pa/ /
251a5 bde gshegs mtshungs mnyam thugs ldan pa/ /bde gshegs khyod kyi sgrub pa ni/ /ma smad mi g.yo zla ma mchis/ /khyod la le lo brtson 'grus mtshungs/ /rnam par 'dren pa chos 'di dag /brag ca dang ni mtshungs 'dra zhes/ /bcom ldan 'das ni 'dud cing ston/
251a6 chos rnams bye brag med mkhyen nas/ /khyod kyi brtson 'grus zhan ma mchis/ /brtson 'grus stobs ni pha rol phyin/ /bde gshegs rkang gnyis gtso phyag 'tshal/ /brtson 'grus dag gi mnyam nyid 'di/ /gang gis rab rtogs smra ba'i rtag /khrag khrig bdud rnams btul
251a7 nas su//byang chub dam pa de dag reg /stobs bcu 'jig rten snang mdzad kun/ /brtson 'grus mnyam la brten nas su/ /rkang gnyis dam pa rab rnyed de/ /gzhan yang de bzhin rnyed par mdzad/ /'jig rten mgon po thams cad kyis/ /brtson 'grus mnyam nyid
251b1 shin tu bsngags//srid pa mthar phyin srin 'gags pa/ /bcom ldan 'das kyang de bzhin bstod/ /gang zag gang dag mi skyo bar/ /zhi gnas brtson 'grus brtsams gyur pa/ /mi mkhas 'gro ba rtogs bgyi'i slad/ /de dag byang chub rnyed par 'gyur/ /zhi gnas stobs
251b2 kyi pha rol phyin//brtson 'grus mnyam rnyed 'gro mchog gang / /'jig rten mgon khyod de yi yab/ /de dag rnams ni khyod kyi sras/ /de dag rnyed pa legs rnyed de/ /mir ni yang dag legs par mchis/ /de dag brtson 'grus mnyam nyid 'di/ /sems la yang dag 'grub
251b3 par 'gyur//gang rnams brtson 'grus mnyam nyid la/ /'jig rten sgron ma sems 'jug pa/ /de dag rang 'byung bde bar gshegs/ /stobs bcu'i stobs rnams 'byung bar 'gyur/ /de nas dge slong des pa des bcom ldan 'das de bzhin gshegs pa zla 'od rgyal po de la
251b4 brtson 'grus mnyam pa nyid dang 'thun pa'i tshigs su bcad pa de dag gis mngon par bstod nas/brtson 'grus mnyam pa nyid rtogs te/ dge ba'i rtsa ba des bskal pa brjod du med par nam yang brtson 'grus mnyam pa nyid la mi gnas par ma gyur te/ rtag tu rgyun mi 'chad par
251b5 thabs mkhas pa dang ldan par gyur to//de'i tshe de'i dus na dge slong des pa zhes bya bar gyur pa de gzhan zhig yin pa snyam du yid gnyis dang / som nyi dang / the tshom za na 'jam dpal khyod kyis de ltar mi blta'o/ /de ci'i phyir zhe na/ de bzhin gshegs pa don thams cad
251b6 grub pa de de'i tshe de'i dus na dge slong des pa zhes bya bar gyur to//'jam dpal de lta bas na byang chub sems dpa' sems dpa' chen pos brtson 'grus mnyam pa nyid la brtson par bya'o/ /brtson 'grus mnyam pa nyid la brtson pa'i byang chub sems dpa' sems dpa' chen po la ni
251b7 bsam gtan gyi pha rol tu phyin pa mngon du 'gyur te/bsgom pa yongs su rdzogs par 'gyur ro/ /de ci'i phyir zhe na/ brtson 'grus mnyam pa nyid rnyed par bya ba'i phyir sems rtse gcig par gyur te de'i phyir de zhi ba mchog tu 'gyur ro/ /'jam dpal sngon byung ba 'das pa'i dus
252a1 na bskal pa dpag tu med/grangs med/ bsam gyis mi khyab/ mtshungs pa med/ gzhal du med/ brjod du med pa de'i pha rol gyi yang ches pha rol na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan
252a2 pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das zhi gnas yang dag 'phags zhes bya ba 'jig rten du byung ste/ 'jam dpal de bzhin gshegs pa zhi gnas yang
252a3 dag 'phags de'i sangs rgyas kyi zhing na thams cad kyi thams cad rnam pa thams cad kyi thams cad du 'dod pa na spyod pa'i nyon mongs pa rgyu ba med par gyur te sems can de dag thams cad la 'dod pa'i kun nas dkris pa mi skye'o//'jam dpal de'i tshe de'i dus na bcom ldan 'das de
252a4 bzhin gshegs pa zhi gnas yang dag 'phags zhes bya ba de'i gsung rab de la de bzhin gshegs pa de'i rim gro byed pa dge slong bsam gtan spyod yul zhes bya ba zhig byung ste/des de bzhin gshegs pa zhi gnas yang dag 'phags la bskal pa brgyad kyi bar du yid
252a5 du 'ong bas bsnyen bkur byas te/yid du mi 'ong bas ma yin no/ /dge slong bsam gtan spyod yul de la chos thams cad bsam gtan gyi dmigs par gyur to/ /de ltar dge slong bsam gtan spyod yul des bskal pa brgyad kyi bar du zhi gnas la bsgoms par gyur to/ /
252a6 de zhi gnas kyi stobs de dang ldan pas rtsom pa thams cad la dbang thob par gyur to/ /de chos gang dang gang la dmigs par byed pa chos de dang de zhi bar kun bsgoms te/ mya ngan las 'das pa dang mtshungs pa/ mtshan nyid med pa/ chos kyi dbyings su nges pa/ nam mkha' dang
252a7 mnyam zhing mtshungs pa ste/gang dmigs pa'i mtshan nyid du gyur pa sems kyang de'i mtshan nyid du gyur pa'o/ /gang sems kyi mtshan nyid du gyur pa de rtse gcig pa'i mtshan nyid du gyur pa'o/ /gang rtse gcig pa'i mtshan nyid du gyur pa de byang chub kyi mtshan nyid du gyur pa'o/ /gang byang
252b1 chub kyi mtshan nyid du gyur pa de byang chub kyi phyogs kyi chos kyi mtshan nyid du gyur pa'o//gang byang chub kyi phyogs kyi chos kyi mtshan nyid du gyur pa de byang chub sems dpa'i mtshan nyid du gyur pa'o/ /gang byang chub sems dpa'i mtshan nyid du gyur pa de zhi ba'i mtshan nyid du gyur pa ste/ de ni
252b2 chos thams cad zhi ba la nem nur med cing the tshom mi za'o//de dge ba'i rtsa ba des bskal pa brjod du med par nam yang 'dod pa na spyod pa'i nyon mongs pa dang ldan par ma gyur te/ smon lam gyi stobs kyis ni lan mang du 'dod pa'i khams su skyes so/ /de ci'i phyir zhe na/ 'dod pa'i
252b3 khams na sems can snod du 'gyur ba mang bas don gyi dbang 'di la brten nas 'dod pa'i khams su skyes te/snying rje chen pos yongs su non cing snying brtse ba'i phyir ro/ /'jam dpal 'di ji snyam du sems/ de'i tshe de'i dus na dge slong bsam gtan spyod yul zhes bya bar gyur pa
252b4 de gzhan zhig yin pa snyam du 'dzin na 'jam dpal khyod kyis de ltar mi blta'o//de ci'i phyir zhe na/ de bzhin gshegs pa don thams cad grub pa de de'i tshe de'i dus na dge slong bsam gtan spyod yul zhes bya bar gyur to/ /'jam dpal de lta bas na bla na med pa yang dag par
252b5 rdzogs pa'i byang chub mngon par rdzogs par 'tshang rgya bar 'dod pa'i byang chub sems dpas zhi gnas dang 'thun pa'i lhag mthong bsgom par bya'o//zhi gnas dang 'thun pa'i lhag mthong sgom pa'i byang chub sems dpa' sems dpa' chen po la rab tu zhi ba'i shes rab kyi pha rol tu phyin
252b6 pa yang dag par 'grub bo//'jam dpal sngon byung ba 'das pa'i dus na bskal pa dpag tu med pa nas brjod du med pa'i bar de'i pha rol gyi yang ches pha rol na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar
252b7 gshegs pa/'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das tog gi rgyal po zhes bya ba 'jig rten du byung ste/ 'jam dpal bcom ldan 'das de bzhin gshegs pa tog gi rgyal po
253a1 de'i tshe'i tshad ni lo bye ba khrag khrig phrag dgu bcur gyur to//'jam dpal yang de bzhin gshegs pa tog gi rgyal po de'i gsung rab la dge slong ye shes bla ma zhes bya ba dang / bsam gtan bla ma zhes bya ba gnyis nyan thos kyi zung mchog gi zung / bzang
253a2 po'i zung shig byung ste/dge slong ye shes bla ma ni shes rab can gyi mchog tu gyur/ dge slong bsam gtan bla ma ni rdzu 'phrul can gyi mchog tu gyur to/ /de nas dge slong ye shes bla ma ni de bzhin gshegs pa tog gi rgyal po de'i nyan thos rnams lta ba phun sum tshogs pa la rab
253a3 tu 'dul/dge slong bsam gtan bla ma ni mchog gi don rnyed par rab tu 'dul te/ phyogs gang na dge slong ye shes bla ma dang / dge slong bsam gtan bla ma de 'khod pa'i phyogs der bcom ldan 'das de bzhin gshegs pa tog gi rgyal po mdzad pa chung bar gyur to/ /dge
253a4 slong ye shes bla ma ni sems can rnams byang chub sems dpa'i theg pa la yang dag par 'dzud/dge slong bsam gtan bla ma ni spyod pa la yang dag par 'dzud/ dge slong ye shes bla ma ni shes rab kyi pha rol tu phyin pa la 'doms/ dge slong bsam gtan bla ma ni thabs
253a5 mkhas pa la 'doms/dge slong ye shes bla ma ni sbyin pa dang / tshul khrims dang / bzod pa dang / brtson 'grus kyi pha rol tu phyin pa la 'doms/ dge slong bsam gtan bla ma ni bsam gtan gyi pha rol tu phyin pa la 'doms/ dge slong ye shes bla ma ni lhag mthong la
253a6 'doms/dge slong bsam gtan bla ma ni zhi gnas la 'doms/ dge slong ye shes bla ma ni sems can gyi bsam pa shes pa la 'doms/ dge slong bsam gtan bla ma ni rab tu zhi ba'i ye shes la 'doms/ dge slong ye shes bla ma ni stobs kyi ye shes la 'doms/ dge slong
253a7 bsam gtan bla ma ni mi 'jigs pa'i ye shes la 'doms/dge slong ye shes bla ma ni so so yang dag par rig pa bzhi la rab tu 'dul/ dge slong bsam gtan bla ma ni so so yang dag par rig pa bzhi la snyoms par 'jug pa'i ye shes la 'doms/ dge slong ye shes bla ma ni
253b1 nan tan la 'doms/dge slong bsam gtan bla ma ni sems bcos pa dang bsdu ba'i phyir 'doms/ dge slong ye shes bla ma ni don dam pa'i ye shes la 'doms/ dge slong bsam gtan bla ma ni kun rdzob shes pa la 'doms/ dge slong ye shes bla ma ni thabs shes pa la 'doms/
253b2 dge slong bsam gtan bla ma ni thabs shes pa thob par bya ba'i phyir 'doms/ dge slong ye shes bla ma ni sems can 'dul ba'i phyir 'doms/ dge slong bsam gtan bla ma ni bsam gtan gyis 'dul bar 'doms/ dge slong ye shes bla ma ni thams cad mkhyen pa la 'doms/
253b3 dge slong bsam gtan bla ma ni rnam pa thams cad mkhyen pa nyid la 'doms te/ de ltar dge slong gnyis kyi yon tan gyi khyad par ni bskal pa brjod du med par bshad kyang yon tan gyi khyad par zad par mi nus te/ dge slong de gnyis de tsam du yon tan bsam gyis mi khyab pa dang ldan
253b4 no//de ltar dge slong de gnyis kyis bcom ldan 'das de bzhin gshegs pa tog gi rgyal po'i bstan pa yongs su bzung bar gyur to/ /de bzhin gshegs pa de yongs su mya ngan las 'das nas bskal pa khrag khrig brgyad kyi bar du de bzhin gshegs pa'i bstan pa dge slong nyan
253b5 thos gnyis po des bzung nas gnas par gyur to//'jam dpal de'i tshe de'i dus na dge slong ye shes bla ma zhes bya bar gyur pa de gzhan zhig yin pa snyam du 'dzin na 'jam dpal khyod kyis de ltar mi blta'o/ /de ci'i phyir zhe na/ de bzhin gshegs pa don thams cad
253b6 grub pa de de'i tshe de'i dus na shes rab can gyi mchog dge slong ye shes bla ma zhes bya bar gyur to//'jam dpal de'i tshe de'i dus na rdzu 'phrul can gyi mchog dge slong bsam gtan bla ma zhes bya bar gyur pa de gzhan zhig yin pa snyam du 'dzin na 'jam dpal khyod kyis de ltar mi
253b7 blta'o//de ci'i phyir zhe na/ de bzhin gshegs pa seng ge'i rtsal gyis bzhud pa de de'i tshe de'i dus na dge slong bsam gtan bla ma zhes bya bar gyur to/ /'jam dpal de lta bas na byang chub sems dpa' sems dpa' chen pos shes rab kyi pha rol tu phyin pa dang thabs
254a1 mkhas pa la brtson par bya'o//shes rab kyi pha rol tu phyin pa dang thabs mkhas pa dang ldan pa'i byang chub sems dpa' sems dpa' chen po byang chub sems dpa'i sa zhi bar nges par 'byung bar 'gyur ro/ /de byang chub sems dpa'i sa zhi ba la bsnyen cing
254a2 goms par byas/mang du byas pas gang la dmigs par byed pa de thams cad sangs rgyas kyi skur shes so/ /'jam dpal 'di lta ste dper na sman gser 'od kyis mig bskus pa'i mis gzugs ci mthong ba de thams cad gser gyi kha dog tu mthong ste/ kha dog gzhan du ma yin
254a3 pa de bzhin du 'jam dpal byang chub sems dpa' ting nge 'dzin zhi ba la bsnyen cing bsgoms te mang du byas pas byang chub sems dpa' sems dpa' chen po dmigs pa gang la dmigs par byed pa dang /thams cad kyang sangs rgyas kyi skur mthong ngo / /'jam dpal 'di lta
254a4 ste dper na yongs su dag pa'i nor bu rin po che snod gang du bzhag pa'i snod de thams cad de'i kha dog tu gnas pa de bzhin du/'jam dpal byang chub sems dpa'i ting nge 'dzin zhi ba la bsnyen cing bsgoms te mang du byas pas byang chub sems dpa' sems dpa' chen po dmigs
254a5 pa gang dang sems phrad pa de thams cad sangs rgyas kyi skur mthong ngo //'jam dpal 'di lta ste/ dper na skyes bu gang dang gang la mang du rtogs pa rmi lam na yang de dag shes pa de bzhin du/ 'jam dpal byang chub sems dpa'i ting nge 'dzin zhi ba la bsnyen cing bsgoms te
254a6 mang du byas pas chos gang mngon du gyur pa de dag sangs rgyas kyi skur mthong ngo //'jam dpal 'di lta ste/ dper na skyes bu bzo ci dang ci la slob pa de dang de tshar phyin par 'gyur ba de bzhin du/ 'jam dpal byang chub sems dpa'i ting nge 'dzin zhi ba la slob pa'i byang chub
254a7 sems dpa' sems dpa' chen po sangs rgyas mthong bar gnas par 'gyur ro//de sbyin pa sbyin pa na sbyin gnas thams cad sangs rgyas kyi skur byin gyis rlob ste/ de'i sbyin pa de yang de bzhin gshegs pa la phul bar 'gyur ro/ /des sbyin pa de yang de bzhin
254b1 gshegs pa la phul bar shes te/de ltar de'i sbyin pa'i pha rol tu phyin pa 'bras bu che bar 'gyur ro/ /de thams cad du sangs rgyas kyi gzugs la dad pas tshul khrims yongs su dag par 'gyur ro/ /'jam dpal sngon byung ba 'das pa'i dus na bskal pa dpag tu med/ grangs
254b2 med pa nas brjod du med pa de'i pha rol gyi yang ches pha rol na pad ma bla ma zhes bya ba'i bskal pa byung ste/yang 'jam dpal pad ma'i bla ma'i bskal pa de la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/
254b3 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das dpa' sra rnam par gnon pa zhes bya ba 'jig rten du byung ste/ yang 'jam dpal bcom ldan 'das de bzhin gshegs pa dgra bcom pa yang dag par rdzogs
254b4 pa'i sangs rgyas dpa' sra rnam par gnon pa de'i rim gro byed pa dge slong legs par brtags spyod ces bya ba zhig byung ste/des de bzhin gshegs pa dpa' sra rnam par gnon pa la rab tu dga' ba dang gus pas bsnyen bkur byas so/ /de'i tshe rgyal rigs shing sA la chen po lta bu 'gro
254b5 ba 'dzin zhes bya ba phyug cing nor mang la longs spyod che ba/'bru dang mdzod dang bang ba mang ba/ sangs rgyas khrag khrig phrag brgyad cu la dge ba'i rtsa ba bskyed pa/ dge slong legs par brtags spyod dang yun ring po nas lhan cig spyad cing lhan cig bsten pa/ lhan cig 'grogs shing gnas
254b6 pa/las lhan cig bsags pa zhig yod do/ /de nas dge slong legs par brtags spyod de rgyal rigs shing sA la chen po lta bu 'gro ba 'dzin de ga la ba der song ste phyin nas rgyal rigs shing sA la chen po lta bu 'gro ba 'dzin de la 'di skad ces smras so/ /khyim bdag khyod shes par
254b7 gyis shig /da ltar de bzhin gshegs pa dpa' sra rnam par gnon pa zhes bya ba 'jig rten du byung nas de chos ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/
255a1 yongs su dag pa/ yongs su byang ba rab tu ston gyis rgyal rigs tshur shog /bcom ldan 'das dpa' sra rnam par gnon pa de ga la ba der 'dong ngo / /de bzhin gshegs pa de mthong na dge ba'i rtsa ba sogs shing chos thos par 'gyur ro/ /de nas rgyal
255a2 rigs shing sA la chen po lta bu 'gro ba 'dzin de dge slong legs par brtags spyod dang lhan cig tu bcom ldan 'das de bzhin gshegs pa dpa' sra rnam par gnon pa de ga la ba der dong ngo //de nas rgyal rigs shing sA la chen po lta bu 'gro ba 'dzin des bcom ldan 'das de bzhin
255a3 gshegs pa dpa' sra rnam par gnon pa de mthong ma thag tu 'di ltar de'ang sngon gyi de bzhin gshegs pa de la bsnyen bkur byas pa'i phyir/dge ba'i bshes gnyen gyis yongs su bzung ba'i phyir/ dge ba'i bshes gnyen dang skal ba mnyam par spyad pa'i phyir/ yun ring
255a4 por dge ba'i bshes gnyen gyis bstan pa las 'gal bar ma byas pa'i phyir de sems rab tu dad de/bskal pa bye ba dpag tu med par tshul khrims yang dag par bsgrubs shing chos thams cad mnyam pa nyid la mos te/ sbyin pa po dang sbyin bdag tu gyur cing sbyin pa dang tshul khrims
255a5 la rnam par rtse ba des bcom ldan 'das dpa' sra rnam par gnon pa de'i zhabs la mgo bos phyag 'tshal nas lan gsum du bdag gi rigs dang ming nas smos te gsol to//bcom ldan 'das bdag ni 'gro ba 'dzin ces bgyi'o/ /bde bar gshegs pa bdag ni 'gro ba
255a6 'dzin ces bgyi'o//btsun pa bcom ldan 'das bdag ni rgyal rigs shing sA la chen po lta bu 'gro ba 'dzin ces bgyi ba lags so/ /de skad ces gsol pa dang / bcom ldan 'das de bzhin gshegs pa dpa' sra rnam par gnon pa des rgyal rigs shing sA la chen po lta bu
255a7 'gro ba 'dzin de la 'di skad ces bka' stsal to//'gro ba 'dzin khyod ni bde ba dang ldan pa yin la/ lha dang lha ma yin dang / gnod sbyin dang / dri za dang / mi dang / sems can gzhan dag ni 'khor ba'i bde ba 'dod na 'gro ba 'dzin khyod don gyi dbang ci zhig mthong bas de
255b1 bzhin gshegs pa'i zhabs la phyag 'tshal te ming nas 'byin/de skad ces bka' stsal pa dang / rgyal rigs shing sA la chen po lta bu 'gro ba 'dzin des de bzhin gshegs pa dpa' sra rnam par gnon pa la 'di skad ces gsol to/ /bcom ldan 'das rgyal rigs shing sA la
255b2 chen po lta bu 'gro ba 'dzin bdag ni bla na med pa yang dag par rdzogs pa'i byang chub mngon par rdzogs par sangs rgyas nas thams cad mkhyen pa thob par 'tshal/sgrib pa ma mchis pa'i ye shes skyed par 'tshal/ mun nag la snang ba bgyid par 'tshal/ lam gol bar
255b3 zhugs pa'i sems can rnams la lam ston par 'tshal/ded pa rnams drang bar 'tshal/ shes rab ma mchis pa rnams la shes rab rab tu bstan par 'tshal/ nor ma mchis pa'i sems can rnams nor dang ldan par bgyid par 'tshal/ sems can dbul po rnams
255b4 la 'phags pa'i nor gyis phyug por bgyid par 'tshal/bying ba rnams la gzings stsal bar 'tshal/ gzings bcing bar 'tshal/ gru sbyar bar 'tshal/ stegs gzugs par 'tshal/ zam pa gdags par 'tshal/ skrag pa rnams kyi dpung gnyen du 'gyur
255b5 bar 'tshal/skyabs ma mchis pa rnams kyi skyabs su 'gyur bar 'tshal/ mgon ma mchis pa rnams kyi mgon du 'gyur bar 'tshal/ rten ma mchis pa rnams kyi rten du 'gyur bar 'tshal/ gnas ma mchis pa rnams kyi gnas su 'gyur bar 'tshal/ mi ngoms pa
255b6 rnams ngoms par bgyid par 'tshal/cho ga ma 'tshal ba rnams tshim par bgyid par 'tshal/ tshig pa rnams zhi bar bgyid par 'tshal/ sngangs pa rnams rab tu dga' bar bgyid par 'tshal/ na ba rnams la gsos bgyid par 'tshal/ 'gum pa dag gso bar
255b7 'tshal lags so//bcom ldan 'das gang la sbyin pa stsal bas thar pa'i 'bras bur 'gyur ba dang / gang la bgyi ba bgyis pas mi 'chi ba la gzhol bar 'gyur ba'i sbyin pa'i gnas ni de bzhin gshegs pa 'dra ba 'jig rten thams cad na gzhan gang yang ma mthong
256a1 lags so//de'i slad du bcom ldan 'das bdag zhabs la phyag 'tshal ba bgyid do/ /de skad ces gsol pa dang / de bzhin gshegs pa dpa' sra rnam par gnon pas rgyal rigs shing sA la chen po lta bu 'gro ba 'dzin de la 'di skad ces bka' stsal to/ /
256a2 'di ltar khyod sangs rgyas kyi chos zab mo 'di lta ste/ thams cad mkhyen pa la sems 'jug pa legs so legs so/ /'gro ba 'dzin khyod kyi spobs pa legs so/ /dam bcas pa legs so/ /yid la byed pa bzang ngo / /yang dag par zhugs pa mtshungs pa med do/ /
256a3 bsam pa mnyams so/ /khyod kyi sems kyi rgyud ni snum mo/ /de lta bas na 'gro ba 'dzin dge ba'i bshes gnyen la bsnyen par bya'o/ /tshul khrims la rab tu gnas te sbyin pa sbyin no/ /'gro ba 'dzin chos 'di gnyis la brtson par bya ste/ gang byang chub sems dpa'i theg pa
256a4 la yang dag par zhugs pa'i rigs kyi bu'am rigs kyi bu mo/tshul khrims la gnas te sbyin pa sbyin na sems can thams cad la phan pa dang bde ba'i phyir zhugs pa ste/ byang chub la yang nye bar gyur pa yin no/ /de ci'i phyir zhe na/ gtong ba la mos shing tshul khrims la
256a5 gnas pa'i byang chub sems dpa' la byang chub rnyed par mi dka' ba'i phyir ro//de nas rgyal rigs shing sA la chen po lta bu 'gro ba 'dzin des bcom ldan 'das de la sbyin pa dang / tshul khrims dang ldan pa'i gtam thos nas/ sangs rgyas kyi zhing yongs su dag pa dang /
256a6 sems can yongs su smin par bya ba'i phyir smon lam rgya cher btab bo/ /de'i tshe de bzhin gshegs pa dpa' sra rnam par gnon pa de la des sbyin pa dang / tshul khrims dang ldan pa'i tshigs su bcad pa dag gis mngon par bstod do/ /rkang gnyis gtso bo 'dod pa rnams
256a7 bor nas//lam mchog dam pa 'di ni rab tu ston/ /legs par bshad pa'i chos de thos nas su/ /byang chub mchog tu sems kyis smon lam 'debs/ /dpa' bo gang dag bla med byang chub zhugs/ /dang ba'i yid kyis spyad pa spyod bgyid cing / /byang chub bla med zhi ba zhugs
256b1 nas su//'gro la sman pa'i slad du chos spyod pa/ /de dag rjes su bdag ni slob 'tshal bas/ /rgyal ba rnams la dad pas bslab par bgyi/ /'gro ba bcings pa rnams ni dgrol slad du/ /bla na med pa'i byang chub thob par bgyi/ /mdongs par gyur pa rnams kyi mig dbye
256b2 slad//log pa'i lam du mchis pa slar bzlog slad/ /bla na med pa'i lam du dgod 'tshal bas/ /ston la phyag 'tshal bgyi ba bdag gis bgyi/ /sngon gyi sangs rgyas brgya la bdag gis spyad/ /sngon gyi rgyal ba'i lam du mchi bar sems/ /de bzhin gshegs pa'i
256b3 dge 'dun bsnyen par 'tshal//ston pa la ni phyag 'tshal bgyi ba bgyi/ /sngon gyi rgyal ba'i rjes su slob 'tshal te/ /zhi ba rtogs pa'i rjes su mchi bar 'tshal/ /nyon mongs pa rnams ma lus 'dor 'tshal te/ /de bas rgyal ba rnams la bgyi ba bgyi/ /lam stor sems
256b4 can rab tu mdongs pa rnams//bdag gis mchog gi lam la dgod par 'tshal/ /bde ba dam par rab tu gzhag par 'tshal/ /de bas rgyal ba rnams la bgyi ba bgyi/ /'gro ba thams cad dga' bar bdag bgyid 'tshal/ /shul rnams chab kyis chag chag gdab
256b5 par 'tshal//bsil ba'i sa de rab tu bstan par 'tshal/ /de bas rgyal ba la ni mchod pa bgyi/ /'gro ba rnams ni nyon mongs sred pas skom/ /nyon mongs me yis tshig pa'i sems can kun/ /zhi ba ma mthong mgon med dub pa rnams/ /dgrol bar 'tshal bas bdag
256b6 ni bgyi ba bgyi//'dod pa'i yon tan dag gis mi ngoms pas/ /chags pa'i stobs kyis 'khor bar 'khor gyur cing / /yongs 'dzin tshol ba'i sems can byis pa rnams/ /dgrol bar 'tshal bas bdag ni bgyi ba bgyid/ /zhe sdang stobs kyis byis pa rnam par
256b7 rmongs//legs par ma bsdams sems kyis zhe sdang skyed/ /de dag bdag gis yongs su dgrol slad du/ /rgyal ba rnams la bgyi ba rgya chen bgyi/ /gti mug stobs kyis sems can byis pa bsgribs/ /bgyi dang mi bgyi ma 'tshal gyur pa rnams/ /de dag bdag gis yongs
257a1 su dgrol slad du//rgyal ba la ni bgyi ba rgya chen bgyi/ /phrag dog stobs kyis byis pa rnams byung ste/ /zhi ba ma 'tshal srid par bcings gyur pa/ /de dag bdag gis yongs su dgrol slad du/ /rgyal ba rnams la bgyi ba rgya chen bgyi/ /ser sna'i stobs kyis byis pa
257a2 rnams byung ste//gtong dang thar dang 'bras bu ma 'tshal bas/ /kun nas sogs shing sdug bsngal myong gyur pa/ /de dag slad du mchod pa shin tu bgyi/ /nyon mongs stobs kyis byis pa rnams gtses te/ /ma 'tshal bas ni sdig pa'i sug las bgyid/ /de slad 'gro ba rnams su
257a3 sdug bsngal myong //de dag slad du bdag ni mchod pa bgyi/ /sems can gang dag khyod kyi bstan la dad/ /de dag rnams kyang nyes pa 'dis mi reg /rgyal ba de dag rjes su slob 'tshal bas/ /de slad rgyal ba rnams la bgyi ba bgyid/ /su dag 'dod chags bral ba rab tshol
257a4 zhing //rang 'byung 'gyur zhes spyod pa rnams spyod pa/ /de dag gi yang rjes su bdag slob ste/ /de bas rgyal ba bgyi ba bdag bgyid lags/ /su dag thams cad mkhyen nyid rab tshol zhing / /rgyal ba la ni mchod pa rgya chen bgyid/ /de dag gi yang rjes su bdag slob cing / /rgyal
257a5 ba la ni mchod pa rgya chen bgyi//su dag stobs rnams yongs su tshol ba na/ /rgyal ba la ni mchod pa rgya chen bgyid/ /de dag gi yang rjes su bdag slob ste/ /rgyal ba la ni mchod pa rgya chen bgyi/ /su dag 'jigs pa ma mchis rab tshol zhing / /rgyal ba la ni mchod pa rgya chen bgyid/ /
257a6 de dag gi yang rjes su bdag slob cing / /rgyal ba la ni mchod pa rgya chen bgyi/ /su dag so so yang dag rig tshol zhing / /rgyal ba la ni mchod pa rgya chen bgyid/ /de dag gi yang rjes su bdag slob cing / /rgyal ba la ni mchod pa rgya chen bgyi/ /su dag dbang po lnga rnams rab tshol zhing / /
257a7 rgyal ba la ni mchod pa rgya chen bgyid/ /de dag gi yang rjes su bdag slob cing / /rgyal ba la ni mchod pa rgya chen bgyi/ /bde gshegs rnams kyi brgyad chos gang dag /rgyal ba'i sku la ma 'dres mnga' ba rnams/ /su dag tshol zhing sangs rgyas rnams mchod pa/ /de dag rjes
257b1 su slob cing mchod par bgyi//spyod yul spyod dang dbang po drug dag pa/ /ye shes rnam dag ting 'dzin rnam dag dang / /tshul khrims ting nge 'dzin rnams rab tshol zhing / /der ni bdag gis sangs rgyas 'dren pa mchod/ /de nas dge slong legs par brtags spyod kyis rgyal rigs
257b2 shing sA la chen po lta bu 'gro ba 'dzin las stobs bcu'i bsngags pa brjod pa thos nas bcom ldan 'das de bzhin gshegs pa dpa' sra rnam par gnon pa la 'di skad ces gsol to//bcom ldan 'das bdag kyang de bzhin spobs lags so/ /bde bar gshegs pa bdag kyang
257b3 de bzhin spobs lags so//bcom ldan 'das kyis bka' stsal pa/ legs par brtags spyod spobs par gyis shig /de nas dge slong legs par brtags spyod kyis bcom ldan 'das de bzhin gshegs pa dpa' sra rnam par gnon pa de la stobs bcu dang ldan pa'i tshigs su
257b4 bcad pa dag gis mngon par bstod do//bde bar gshegs pas bskal pa byer spyad pas/ /ma nyams 'dus ma byas pa'i gnas brnyes pa/ /de thob bgyid slad 'dren pa spyad par bgyi/ /mi mchog khyod 'dra'i sangs rgyas thob par shog /spyad pa spyod tshe 'das pa'i rnam par 'dren/ /
257b5 sangs rgyas bye ba khrag khrig khyod kyis mchod/ /rgyal ba de dag rim gro mdzad nas su/ /mtshungs pa ma mchis bla med byang chub brnyes/ /'dren pa dung dang rnga chen khar rnga yis/ /rgyal ba bye ba stong dag rab mchod pas/ /de slad dbyangs kyis khams gsum go bar mdzad/ /'gro
257b6 ba rnams kyi yid kyang shin tu chags//rgyud sgra 'jam po shin tu drangs spyod cing / /stobs bcu'i mchod rten rnams la blangs pas na/ /de slad rgyal ba yid mchi dga' ba yi/ /dbyangs kyis sems can khrag khrig rnam par 'grel/ /bde gshegs rnams kyi spyan sngar
257b7 bzhugs nas su//glu dang rol mo'i sgra snyan kun blangs pas/ /de slad 'dren pa khyod kyi gsung yang mnyen/ /skyes pa bud med rnams kyi sems kyang sdud/ /zas mchog mtshungs pa ma mchis yid mchi rnams/ /khyod kyis rgyal ba nyan thos bcas rnams gsol/ /zas skom shin tu
258a1 rnam mang legs mdzad pas//de slad longs spyod mang po rnams kyang brnyes/ /la ba 'jam po du kul ka shi pa/ /gser gyi kha dog dri med yid mchi ba/ /na bza' rigs che mdzes la phul bas na/ /de slad bde gshegs sku mdog bsam mi khyab/ /dga' zhing gus
258a2 pa bzang po bskyed nas su//sngan chad sbyin gnas bla ma bsnyen bkur cing / /zas dang skom rnams rgya cher phul bas na/ /'jig rten 'dren pas mtho ba bdun kyang brnyes/ /lha zas ro 'dra yid du mchi ba rnams/ /rgyal ba nyan thos bcas la gsol bas na/ /de slad ro yi ro mchog
258a3 mtshan rnams kyang //'jig rten mkhyen pas yid du mchi ba brnyes/ /rtag tu bde gshegs rnams kyi mchod rten la/ /me tog dri rab de bzhin 'bras bu'i mchog /kha dog ldan pa 'jam zhing mdzes pa phul/ /de slad 'dren pas 'bras bu mchog brnyes so/ /dri dang byug pa bde
258a4 gshegs mchod rten la//khyod kyis rtag tu yid du mchi ba phul/ /de slad bde gshegs sku la dri dag ni/ /ji ltar tsan dan snod bzhin rab tu gsung / /spri ka gur kum dri rab bzang po dag /bde gshegs mchod rten dag la phul bas na/ /de slad sku las gur kum spos rab
258a5 rnams//phyogs bcu kun tu dri de ldang bar gyur/ /me tog phreng mchog mdzes shing sna tshogs pa/ /rtag tu bde bar gshegs pa'i sku la btags/ /de slad khyod kyis gsung 'jam bshad pa rnams/ /ud pa la yi phreng ba bzhin du len/ /'jig rten mgon po bde gshegs
258a6 gsung ba la//gtam smra rnams kyi bar chad ma mdzad pas/ /de slad 'khor la tshig rnams ston pa na/ /gzhan gyis bar chad bgyi ba yongs ma mchis/ /sems kyang thams cad nye bar bzhag nas su/ /rang byung ba yi chos rnams bshad pa gsan/ /yid ni kun tu gar yang ma
258a7 g.yengs pas//de slad ston pas bshad pa chab mi 'tshal/ /sngon gyi bde bar gshegs pas chos bstan la/ /sman bzhin du ni 'du shes nyer bzhag ste/ /bdag nyid la ni nad par 'du shes bskyed/ /de slad khyod kyi gsung bstan kun gyis bzung / /bde bar gshegs pa la ni sman
258b1 par bsgoms//bdag nyid la yang nad par 'du shes bskyed/ /chos la sman yin snyam du nyer bzhag nas/ /ji snyed dus kyi rgyal ba khyod kyis mchod/ /bde bar gshegs pa dag las chos gsan nas/ /gang gis ser sna nam yang ma bsten na/ /de dag thams cad de bzhin
258b2 gshegs pa yis//rab tu bstan cing rgyal ba mnyes par mdzad/ /bde bar gshegs pa dag las chos gsan pas/ /ser sna ma mchis gyur pas shin tu bstan/ /de slad 'dren pa 'khor la 'chad pa na/ /khyod kyi spobs pa dag ni shin tu brjod/ /rdzogs pa'i byang chub dam pa
258b3 'tshal slad du//sngon chad khyod kyis chos rnams gang bsnyen pa/ /'dren pa bdag kyang de dag yongs su tshol/ /'dren pa'i yon tan yang dag rab bsngags pas/ /des ni rkang gnyis mchog tu 'gyur bar shog /sems can thams cad rnam par 'dren gyur cig /de nas
258b4 bcom ldan 'das de bzhin gshegs pa dpa' sra rnam par gnon pa byang chub sems dpa' sems dpa' chen po de gnyis kyis mngon par bstod pa'i tshe ma thos par yang mi dgongs/dmas par yang mi dgongs pa de ni rgya mtsho bzhin du brtan pa nyid dus las mi yol lo/ /de
258b5 ma thos par yang mi dgongs dmas par yang mi dgongs nas byang chub sems dpa' shin tu brtags spyod dang /'gro ba 'dzin de gnyis la 'di skad ces bka' stsal to/ /skyes bu dam pa dag legs so legs so/ /skyes bu dam pa dag de de bzhin no/ /skyes bu dam pa
258b6 khyed kyis de bzhin gshegs pa'i yon tan dang ldan pa'i tshigs su bcad pa smras pas/sems can bye ba khrag khrig gis sangs rgyas kyi zhing yongs su dag pa dang / sems can yongs su smin par bya ba'i phyir dge ba'i rtsa ba bskrun cing bskyed de/ khams so sor song ba'i
258b7 sems can rnams rig nas ji lta bur 'thun par sprul pas chos bstan pa'i phyir yongs su bsngos so//'jam dpal 'di ji snyam du sems/ de'i tshe de'i dus na dge slong legs par brtags spyod ces bya bar gyur pa de gzhan zhig yin pa snyam du 'dzin na 'jam dpal khyod kyis
259a1 de ltar mi blta'o//de ci'i phyir zhe na/ de bzhin gshegs pa shin tu mthor bzhud de de'i tshe de'i dus na byang chub sems dpa' legs par brtags spyod ces bya bar gyur to/ /'jam dpal 'di ji snyam du sems/ de'i tshe de'i dus na rgyal rigs shing sA la chen po
259a2 lta bu 'gro ba 'dzin ces bya bar gyur pa de gzhan zhig yin pa snyam du 'dzin na 'jam dpal khyod kyis de ltar mi blta'o//de ci'i phyir zhe na/ de bzhin gshegs pa don thams cad grub pa de de'i tshe de'i dus na rgyal rigs shing sA la chen po lta bu 'gro ba 'dzin ces bya bar gyur to/ /
259a3 'jam dpal de lta bas na byang chub sems dpa' sems dpa' chen po sangs rgyas kyi zhing brjod du med pa yongs su sbyang bar 'dod pa dang / cho 'phrul rnam pa mang pos sems can yongs su smin par byed 'dod pas de bzhin gshegs pa'i yon tan yongs su brjod pa la rnal 'byor
259a4 du bya'o//mngon par brtson par bya'o/ /'jam dpal de bzhin gshegs pa don thams cad grub pas byang chub sems dpa'i spyad pa spyod pa na sangs rgyas rjes su dran pa bsten cing bsgoms te mang du byas so// //bam po lnga pa/ 'jam dpal sngon byung
259a5 ba 'das pa'i dus na bskal pa dpag tu med cing bsam gyis mi khyab pa nas brjod du med pa'i bar du de'i pha rol gyi yang ches pha rol de'i tshe de'i dus na ud pa la 'byung ba zhes bya ba'i bskal pa byung ste/'jam dpal ud pa la 'byung ba zhes pa'i bskal pa de la de bzhin
259a6 gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das shin tu phra sems
259a7 zhes bya ba 'jig rten du byung ste/de bzhin gshegs pa shin tu phra sems de'i gsung rab la dge slong zhi ba'i blo gros zhes bya ba byang chub sems dpa'i theg pa la yang dag par zhugs pa zhig byung ste/ sangs rgyas kyi zhing de na byang chub sems dpa' thams cad kyi mchog tu
259b1 gyur to//de nas byang chub sems dpa' zhi ba'i blo gros de de bzhin gshegs pa shin tu phra sems de ga la ba der song nas bcom ldan 'das de bzhin gshegs pa shin tu phra sems de'i zhabs la mgo bos phyag 'tshal nas phyogs gcig tu 'dug go/ /phyogs gcig tu
259b2 'dug nas dge slong zhi ba'i blo gros des bcom ldan 'das de bzhin gshegs pa shin tu phra sems de la 'di skad ces gsol to//bcom ldan 'das chos gang gis byang chub sems dpa' sems dpa' chen po rnams phyir mi ldog cing myur du bla na med pa yang dag par rdzogs
259b3 pa'i byang chub mngon par rdzogs par 'tshang rgya bar 'gyur/de skad ces gsol pa dang / bcom ldan 'das de bzhin gshegs pa shin tu phra sems kyis dge slong zhi ba'i blo gros de la 'di skad ces bka' stsal to/ /'di la dge slong byang chub sems dpa' sems dpa' chen
259b4 po phyir mi ldog pa thob par 'dod cing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas chos zab mo la bzod par mngon par brtson par bya'o//zab mo la bzod par mos pa de ni bzod pas chos de dag la 'dod par byed do/ /'dod
259b5 par byed pas sgrub par 'gyur ro//sgrub pas nan tan byed do/ /ji ltar de bzhin gshegs pas gsungs pa de bzhin du chos de dag khong du chud par bya ste/ de ni byang chub sems dpa' sems dpa' chen po rnams kyi phyir mi ldog par 'gyur ba'i chos gcig go/ /zhi ba'i blo gros
259b6 byang chub sems dpa' sems dpa' chen po gang bzod pa de la blo rab tu gnas par 'gyur ba de sems can rnams la snying rje chen po gnas par 'gyur ro//de ci'i phyir zhe na/ bzod pa 'di la rab tu gnas pa'i byang chub sems dpa' ni sangs rgyas rnams kyis kyang bzod pa 'di
259b7 las bskyod mi nus so//'di ltar yang zhi ba'i blo gros chos de dag gi chos nyid ni 'di yin te/ ma nor ba de bzhin nyid dang / gzhan ma yin pa de bzhin nyid do/ /'di la gnas pa'i byang chub sems dpa' ni chos thams cad la the tshom med par 'gyur te/ 'di ni bla na med pa yang
260a1 dag par rdzogs pa'i byang chub bo//bzod pa 'di thob pas sangs rgyas zhes bya ste/ 'dis chos thams cad kyi ngo bo nyid rtogs pa yin/ 'dis chos thams cad kyi tshul mthong bar bya ba yin/ 'dis chos thams cad kyi yul rtogs pa yin te/ de bas na sangs rgyas
260a2 zhes bya'o//'di ni chos rnams kyi chos nyid ma yin no zhes de la sus kyang bsgyur ba'am bzlog par mi nus so/ /zhi ba'i blo gros 'di lta ste/ dper na skyes pa'am bud med kyang rung zas zos pa de la sus kyang khyod kyis zas ma zos so zhes bsgyur mi nus so/ /de ci'i phyir zhe na/ de mngon sum ste/
260a3 gzhan gyi rkyen ma yin pa de bzhin du zhi ba'i blo gros chos nyid 'di la rab tu gnas pa'i byang chub sems dpa' la 'di ni chos rnams kyi chos nyid ma yin no zhes sus kyang 'dzin du gzhug par mi nus so/ /de ci'i phyir zhe na/ gzhan gyi rkyen gyis ma yin gyi/ chos nyid de la mngon sum pa'i phyir
260a4 ro//zhi ba'i blo gros 'di lta ste/ dper na skyes pa'am bud med kyang rung ste/ skom 'thungs pa de la khyod kyis skom ma 'thungs so zhes sus kyang bslu ba'am log par 'dzin du gzhug mi nus so/ /de ci'i phyir zhe na/ 'di ltar de la mngon sum ste/ gzhan gyi rkyen ma yin pa de bzhin du chos
260a5 nyid 'di la rab tu gnas pa'i byang chub sems dpa' yang 'di chos rnams kyi chos nyid ma yin no zhes sus kyang bsgyur ba'am bslu bar mi nus so//zhi ba'i blo gros 'di lta ste/ dper na bden pa mthong ba'i nyan thos la 'di lam ma yin no/ /'di ni lam gyi 'bras bu ma yin no zhes de la
260a6 sus kyang bslu ba'am log par 'dzin du gzhug mi nus pa de bzhin du zhi ba'i blo gros chos nyid 'di la gnas pa'i byang chub sems dpa' sems dpa' chen po yang 'di chos nyid ma yin no zhes sus kyang de la bslu ba'am log par 'dzin du gzhug mi nus so//de ci'i phyir zhe na/ de ni mngon
260a7 sum ste/gzhan gyi rkyen ma yin pas ji ltar sangs rgyas kyis bstan pa de bzhin du chos rnams la bzod do/ /zhi ba'i blo gros 'di ji snyam du sems/ gang gis so so'i skye bo yang ma dmigs/ so so'i skye bo'i chos kyang ma yin/ nyan thos kyang ma yin/ nyan thos kyi chos kyang ma yin/
260b1 rang sangs rgyas kyang ma yin/ rang sangs rgyas kyi chos kyang ma yin/ byang chub sems dpa' yang ma yin/ byang chub sems dpa'i chos kyang ma yin/ sangs rgyas kyang ma yin/ sangs rgyas kyi chos kyang ma dmigs na de chos gang la yang gnas pa ma yin nam/ gsol pa/ bcom
260b2 ldan 'das ma lags so//de ci'i slad du zhe na/ 'di ltar des gang la gnas par 'gyur ba'i chos de'ang mi dmigs te/ chos rnams mi dmigs pa ni mi gnas pa zhes bgyi'o/ /bcom ldan 'das des bka' stsal pa/ zhi ba'i blo gros legs so legs so/ /zhi ba'i blo gros 'di
260b3 lta ste/dper na nam mkha' ni ci la yang mi gnas pa de bzhin du zhi ba'i blo gros chos thams cad kyang mi gnas pa'o/ /zhi ba'i blo gros chos thams cad ni nam mkha' dang mtshungs pa ste mi gnas pa'o/ /zhi ba'i blo gros rjes su 'thun pa'i bzod pa 'di ni gsum ste/ gsum gang zhe na/
260b4 chung ngu rjes su 'thun pa'i bzod pa dang / 'bring du rjes su 'thun pa'i bzod pa dang / cher rjes su 'thun pa'i bzod pa'o/ /chung ngu rjes su 'thun pa'i bzod pa ni shugs dang ldan pa'i ting nge 'dzin du bshad par bya/ 'bring du rjes su 'thun pa'i bzod pa ni zhi gnas kyi ting nge 'dzin du
260b5 bshad par bya/cher rjes su 'thun pa'i bzod pa ni chos thams cad la dbang byed pa'i ting nge 'dzin du bshad par bya'o/ /de ci'i phyir zhe na/ chung ngu rjes su 'thun pa'i bzod pa las ni dge ba'i rtsa ba'i shugs skye'o/ /'bring du rjes su 'thun pa'i bzod pa las ni rab tu zhi ba dmigs par
260b6 'gyur ro//cher rjes su 'thun pa'i bzod pa las ni rab tu snang ba la sems 'jug ste/ de'i dmigs pa thams cad yongs su rtogs par 'gyur/ chos nyid la rab tu gnas par 'gyur/ chos nyid la rab tu gnas pas na don rnams legs par yongs su zin par 'gyur ro/ /de ni de'i
260b7 don so so yang dag par rig pa yin no//des chos thams cad kyi mtshan nyid gcig tu rtogs par 'gyur te/ de ni de'i don so so yang dag par rig pa yin no/ /chos de rnams kyang skye bo rnams kyi nges pa'i tshig bzhin du 'chad de/ nges pa'i tshig de la yang mngon par zhen par mi byed do/ /
261a1 skye bo de dang de dag nges pa'i tshig de dag la mos par byas kyang de la mngon par zhen par mi byed pa de ni de'i nges pa'i tshig so so yang dag par rig pa yin no/ /de'i nges pa'i tshig la dus ji lta ba bzhin du spobs/ ji ltar chos nyan pa rnams kyis go ba de lta bur spobs/ /
261a2 chos rnams kyi chos nyid ji lta ba de bzhin spobs/ chos rnams kyi ngo bo nyid stong pa ji lta ba bzhin spobs/ ji ltar chos rnams mi skye mi 'gag pa de bzhin spobs/ ji ltar chos rnams 'gro ba yang med/ 'ong ba yang med pa de bzhin spobs/ ji ltar chos rnams 'chi 'pho ba'ang med/
261a3 skye ba'ang med pa de bzhin spobs/ ji ltar chos rnams yod pa ma yin pa de lta bur spobs/ ji ltar chos rnams mi rig cing mi snang ba de lta bur spobs/ ji ltar 'chad pa'ang med nyan pa'ang mi dmigs pa de lta bur spobs/ ji ltar las kyang med las kyi rnam par smin pa yang med pa
261a4 de ltar spobs/ji ltar 'khor ba yang med mya ngan las 'das pa yang mi dmigs pa de lta bur spobs/ ji ltar gang yang 'khor ba yang med/ mya ngan las 'das par 'gyur ba'ang mi dmigs pa de lta bur spobs/ ji ltar byang chub dang byang chub par bya ba mi dmigs pa de lta bur spobs/
261a5 ji ltar kun nas nyon mongs pa med pa dang / rnam par byang ba'ang mi dmigs pa de lta bur spobs/ ji ltar chos gang la'ang thob pa mi dmigs pa de lta bur spobs/ ji ltar so so'i skye bo'i chos rnams spong ba med cing nyan thos kyi chos rnams kyang thob pa med pa de lta bur spobs/ ji ltar
261a6 nyan thos kyi chos rnams las mi 'da' zhing rang sangs rgyas kyi chos rnams kyang thob par mi 'gyur ba de lta bur spobs/ji ltar rang sangs rgyas kyi chos rnams las mi 'da' zhing sangs rgyas kyi chos rnams kyang rnyed par mi 'gyur ba de ltar spobs so/ /ji ltar sangs rgyas kyi chos rnams kyang
261a7 mi 'dor zhing mya ngan las kyang yongs su mi 'da' ba de ltar spobs te/de ni de'i spobs pa so so yang dag pa rig pa yin no/ /spobs pa so so yang dag par rig pa de yang chos gang la yang spobs par 'gyur ba med de/ de ltar na cher rjes su 'thun pa'i bzod pa'i thob pas thams cad la dbang
261b1 byed pa sgrub par 'gyur ro//cher rjes su 'thun pa'i bzod pa thob pa'i byang chub sems dpa' sems dpa' chen po ni chos thams cad la dbang byed pa'i ting nge 'dzin la gnas nas de re zhig bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur te/ sangs rgyas rnams
261b2 kyi bya ba rnams kyang byed do//de bzhin gshegs pa'i cho ga dang spyod yul ci 'dra ba byang chub sems dpa' de'i cho ga dang spyod yul yang de 'dra bar 'gyur ro/ /de bzhin gshegs pa'i bzhud pa dang ldog pa ci 'dra ba de'i 'gro ba dang ldog pa yang de dang 'dra bar 'gyur ro/ /ji lta bur de bzhin gshegs
261b3 pa'i gzigs pa dang /rnam par gzigs pa dang / smyang ba dang / bskum pa dang / chos gos snam sbyar dang / chig rkyang dang / lhung bzed bsnams pa dang / zos pa dang 'thungs pa ci 'dra bar de'i lta ba dang / kun tu lta ba nas nyal ba dang smra ba dang cang mi zer ba de 'dra bar 'gyur ro/ /kun tu spyod pa gang gis de bzhin
261b4 gshegs pa kun du spyod pa de'i spyod pa'ang de 'dra bar 'gyur ro//cher 'thun pa'i bzod pa thob pas lus de nyid kyis byang chub mngon par rdzogs par sangs rgyas nas 'dod na bskal pa brjod du med pa'i bar du 'dug go/ /de ltar cher 'thun pa'i bzod pa dang ldan pa'i byang chub sems dpa' sems dpa' chen po ni sangs
261b5 rgyas zhes bya'o//de skad ces bka' stsal pa dang / dge slong zhi ba'i blo gros kyis bcom ldan 'das la 'di skad ces gsol to/ /bcom ldan 'das gang gi tshe dang po sems bskyed pa'i byang chub sems dpa' bla na med pa yang dag par rdzogs pa'i byang chub tu dang po sems bskyed na ci dang po sems bskyed pa de nyid kyis
261b6 byang chub sems dpa' lags sam/bka' stsal pa/ zhi ba'i blo gros de ni ma yin no/ /zhi ba'i blo gros sems gang gis thog ma chos la nges par 'gyur ba'i sems des dang po sems bskyed pa'i byang chub sems dpa' zhes bya'o/ /de nas byang chub sems dpa' zhi ba'i blo gros kyis de bzhin gshegs pa shin
261b7 tu phra sems de la bzod pa'i pha rol tu phyin pa dang ldan pa'i tshigs su bcad pa 'di dag gis mngon par bstod do//chos gang skye ba ma mchis 'byung ma mchis/ /'chi 'pho ma mchis rga bar mi 'gyur ba/ /skyes bu rgyal ba seng ge de ston cing / /drang srong chen pos sems can de la bkod/ /
262a1 gang la dngos po ci yang ma mchis shing / /gzhan gyi dngos po'ang sus kyang ma rnyed pa/ /nang na ma lags slad rol dag na yang / /dngos po mi rnyed de la mgon pos bkod/ /bde bar gshegs pas zhi ba'i blo gsungs kyang / /'gro ba gang yang rnyed par mi 'gyur te/ /de dag 'gro las
262a2 grol bar rnam par gsungs//grol nas sems can mang po rab tu 'grol/ /chos kun bdag ma mchis par ston mdzad cing / /sems can 'dzin las 'jig rten rnam par 'grol/ /bdag nyid 'gro las grol zhing 'gro grol bas/ /de slad pha rol gshegs kyang rgal ma mchis/ /drang srong chen po
262a3 srid pa'i pha rol byon//pha rol gshegs pa'ang gang yang rnyed mi 'gyur/ /pha rol ma mchis tshu rol ma mchis na/ /pha rol song ngo zhes kyang gsung du brjod/ /gang gis tshig tu smra ba de ma mchis/ /gang smras de yi tshig kyang yong ma mchis/ /gang la smras pa de yang rnyed mi 'gyur/ /gang gis rig pa de yang mchis ma lags/ /log
262a4 par rtog la chags pa'i dbang gis su//'dir ni 'gro ba 'di kun rab tu 'khyams/ /mi gang zhig gis zhi ba'i chos rig pa/ /des ni rang byung de bzhin gshegs pa mthong / /chos mchog zhi ba'i rnams kyang rab tu rtogs/ /dga' ba rnyed nas sems can tshim par bgyid/ /nyon mongs brgal nas de ni rgyal bar 'gyur/ /
262a5 bdag nyid rgyal bar gyur cing bdag mi gnas/ /des ni rgyal ba'i byang chub rab tu rtogs/ /sangs rgyas nas ni 'gro ba rtogs pa mdzad/ /gang nas bla med byang chub mchi ba yi/ /shul der sems can lam gol zhugs pa bgyi/ /rgyal ba zhi gnas 'gro ba zhi bar mdzad/ /'byung ba'i ngo bo rnam par grol bar
262a6 bsgom//sems can gang dag shin tu log gyur pa/ /ye shes ldan pas mi shes shes par mdzad/ /'das pa'i drang srong chen po gang byung ste/ /rgyal ba de dag gi yang shul mchog 'di/ /drang srong mchog kyang de yi shul nas gshegs/ /ma byon gang de rnams kyang gshegs par 'gyur/ /de bzhin chos 'di rab tu
262a7 sus rtogs pa//de la gal te sangs rgyas bye stong gis/ /'di ni tshul ma yin zhes gsungs na yang / /khyed ni rgyal ba ma yin de zhes smra/ /gzhan gyi blo phyir gang dag mi mchi ba/ /de yi sems ni de las yongs mi 'gyur/ /rgyal ba'i tshul la bdag ni mngon sum gyur/ /mi yi rgyal po khyod ni mi gsung
262b1 bzhugs//bde bar gshegs pas chos gang rab bshad pa/ /de la bdag ni gang la'ang dogs ma mchis/ /bdag gi chos nyid 'di 'tshal 'phrog mi nus/ /gang gis bzod pa gsum po de 'tshal ba/ /de ni ji ltar rgyal ba'i spyod bzhin te/ /mchi ba dang ni slar mchi nyal ba dang / /smra zhing 'chag pa dag kyang
262b2 ston pa bzhin//de yi spyod lam rnams kyang de dang 'dra/ /lung ston pa yang rgyal ba'i rang bzhin te/ /rgyal ba'i blo gros la ni de yang gnas/ /'gro ba thams cad kyis ni bskyod mi nus/ /zla ba skar bcas sa la lhung yang gda'/ /de la rnam par 'gyur ba yong mi 'byung / /nam mkhar 'bras chags lhun po rdib kyang
262b3 gda'//de yi chos nyid gzhan du yod mi 'gyur/ /skyes bu des ni bzod pa 'di rnyed nas/ /sems can rig par mdzad pa'i sangs rgyas 'gyur/ /gang gis sangs rgyas rang 'byung 'gyur ba yi/ /de 'dra ba yi chos nyid des rtogs so/ /rgyal las mngon sum bdag gis 'di thos te/ /bzod pa 'di rnyed nas ni
262b4 phyir mi ldog /sangs rgyas gyur nas rnam par rtogs bgyid 'gyur/ /'gro ba rnams la'ang chos 'di go bar mdzad/ /ji ltar bdag gi chos nyid mthong ba'i rnams/ /de ni gzhan la rab tu bshad par bgyi/ /rgyal ba rnams kyi blo gros bstan bgyi ste/ /sems can mi rtogs rnams kyang rtogs par bgyi/ /rgyal ba
262b5 rnams kyis ji ltar chos gzigs pa//de 'dra'i chos nyid rnams ni rab tu bstan/ /gang la gnas pas rang 'byung 'gyur ba yi/ /de ring bla med bzod pa bdag gis thob/ /rang byung thub dbang de la skyabs su mchi/ /'jig rten sman slad spyod pa bdag gis spyad/ /rang byung rgyal ba'i zhing rnams yongs su
262b6 spyad//'gro ba sdug bsngal dub pa rab tu dgrol/ /de bzhin rgyal ba'i rjes su slob bgyid cing / /sems can 'gro ba thob par rnam par grol/ /sangs rgyas tshul la bdag gis tshul yang 'tshal/ /sems can spyod pa 'di 'dra bdag gis spyad/ /zhi ba'i blo gros chos nyid 'di rig nas/ /zhing
262b7 brgya dag tu sprul pa sprul pa bgyis//sems can kun gyi tshul la rab zhugs nas/ /so sor 'thun par sprul pa shin tu sprul/ /des ni bsam mi khyab pa'i zhing rnams sbyangs/ /sems can bsam mi khyab la gdams ngag stsal/ /chos tshul shin tu bzang ba 'dzin
263a1 du stsal/ston pa'i blo gros la ni thams cad btsud/ /de nas dge slong zhi ba'i blo gros des cher rjes su 'thun pa'i bzod pa rab tu thob nas brjod du med pa'i zhing rnams sprul pas kun du gang bar byas so/ /'jam dpal de'i tshe de'i dus na dge slong zhi ba'i
263a2 blo gros zhes bya bar gyur pa de gzhan zhig yin pa snyam du yid gnyis dang the tshom za na 'jam dpal khyod kyis de ltar mi blta'o//de ci'i phyir zhe na/ 'jam dpal de bzhin gshegs pa don thams cad grub pa de'i tshe de'i dus na dge slong zhi ba'i blo gros zhes bya bar gyur to/ /'jam
263a3 dpal de lta bas na byang chub sems dpa' sems dpa' chen po mi skye ba'i chos la bzod pa thob par 'dod pas brtson 'grus brtsam mo//ji ltar na bdag gi sems spyod yul ma yin pa la mi spyod cing / ji ltar na bdag gi sems chos nyid kyis lam gol ba la gnas par
263a4 mi 'gyur snyam du de gal te sems mi g.yeng bar bya ba'i phyir brtson 'grus rtsom zhing brtson 'grus brtsams te gnas pa'i byang chub sems dpa' la myur du mi skye ba'i chos la bzod pa skye bar 'gyur ro//'jam dpal sngon byung ba 'das pa'i dus na bskal pa dpag tu med grangs
263a5 med pa nas brjod du med pa'i bar de'i pha rol gyi yang ches pha rol na de'i tshe de'i dus na bskal pa rtag gi 'od ces bya ba byung ste/bskal pa rtag gi 'od de la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar
263a6 gshegs pa/'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das dri ma med pa'i zla 'od gzi brjid rgyal po zhes bya ba 'jig rten du byung ste/ de bzhin gshegs pa dgra bcom pa yang dag par rdzogs pa'i
263a7 sangs rgyas dri ma med pa'i zla 'od gzi brjid rgyal po de'i bstan pa la byang chub sems dpa' sems dpa' chen po brtson 'grus brtsams pa zhes bya ba byung ste/de nas byang chub sems dpa' sems dpa' chen po brtson 'grus brtsams pa des brtson 'grus rtsom pa bdag dang 'dra ba ma mthong ste/ de'i
263b1 tshe na bcom ldan 'das de'i sangs rgyas kyi zhing na byang chub sems dpa' tshangs par spyod pa ji snyed pa de dag gi nang na byang chub sems dpa' brtson 'grus brtsams pa de mchog tu brjod do//de nas de bzhin gshegs pa dri ma med pa'i zla 'od gzi brjid rgyal po 'khor brgya stong du mas bskor
263b2 cing mdun gyis bltas pa la byang chub sems dpa' sems dpa' chen po brtson 'grus brtsams pa stan las langs te/gos phrag pa gcig tu bgos nas pus mo g.yas pa'i lha nga sa la btsugs te/ bcom ldan 'das la 'di skad ces gsol to/ /gal te zhus nas zhu ba
263b3 lung bstan pa'i slad du bcom ldan 'das kyis bdag la skabs phye na/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ /de skad ces gsol pa dang / bcom ldan 'das de bzhin
263b4 gshegs pa dri ma med pa'i zla 'od gzi brjid rgyal pos byang chub sems dpa' brtson 'grus brtsams pa de la 'di skad ces bka' stsal to//rigs kyi bu khyod de bzhin gshegs pa dgra bcom pa yang dag par rdzogs pa'i sangs rgyas la ci 'dod pa dris shig dang / dris pa de
263b5 dang de'i lung bstan pas sems rangs par bya'o//de nas byang chub sems dpa' brtson 'grus brtsams pas bcom ldan 'das de bzhin gshegs pa dri ma med pa'i zla 'od gzi brjid rgyal po la 'di skad ces gsol to/ /bcom ldan 'das brtson 'grus brtsams pa brtson 'grus
263b6 brtsams pa zhes bgyi ba bcom ldan 'das ji tsam gyis na byang chub sems dpa' brtson 'grus brtsams pa lags de skad ces gsol pa dang /de bzhin gshegs pa dri ma med pa'i zla 'od gzi brjid rgyal pos byang chub sems dpa' brtson 'grus brtsams pa la 'di skad ces bka'
263b7 stsal to//legs so legs so/ /rigs kyi bu khyod de bzhin gshegs pa la de lta bu'i don 'dri ba ni rigs kyi bu khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang bde ba'i phyir zhugs
264a1 pa ste/rigs kyi bu de'i phyir shin tu legs par nyon la yid la zung shig dang ngas bshad do/ /bcom ldan 'das legs so zhes gsol nas byang chub sems dpa' brtson 'grus brtsams pas bcom ldan 'das de'i ltar nyan pa dang / bcom ldan 'das kyis
264a2 de la 'di skad ces bka' stsal to//nam byang chub sems dpa' mnyam pa nyid rab tu rtogs par bya ba'i phyir brtson pa mi 'dor bar gyur te/ skad cig kyang mi 'dug cing / 'di ltar chos thams cad la rab tu rtogs par bya ba'i phyir blo gros gzhan du mi 'gyur te yid gzhan
264a3 du mi 'jug na/de tsam gyis rigs kyi bu byang chub kun bsgrub pa'i phyir byang chub sems dpa' sems dpa' chen po brtson 'grus brtsams pa yin no/ /gzhan yang rigs kyi bu byang chub sems dpa' sems dpa' chen po sngon gyi de bzhin gshegs pa dgra bcom pa yang dag par rdzogs
264a4 pa'i sangs rgyas rnams kyi brtson 'grus rjes su dran te/de ltar sngon gyi de bzhin gshegs pa de dag byang chub sems dpa'i spyad pa spyod pa na lus dang sems gnyis yang dag par rab tu bzung nas sbyin pa sbyin pa de bzhin du bdag gis kyang sbyin pa sbyin no/ /de ltar sbyin pa na de bzhin du
264a5 rab tu rtogs na sbyin pa'i pha rol tu phyin pa yongs su dag par 'gyur ro//ji ltar na lus dang sems yang dag par rab tu bzung ba yin zhe na/ 'di lta ste/ de ni sbyin pa dang / sbyin pa po dang / len pa dang / len pa po mi dmigs pa ste/ de ni de'i shes rab kyi pha rol tu phyin pa'o/ /
264a6 sangs rgyas kyi zhing brjod du med pa bdag gis yongs su sbyang ngo snyam pa ni lus dang sems yang dag par bzung ba yin te/ 'di ltar sangs rgyas kyi zhing brjod du med pa yongs su dag par bya'o snyam pa ni lus dang sems yang dag par bzung ba yin no/ /'di ltar bdag gis brjod du med
264a7 pa'i sems can rnams yongs su smin par bya'o snyam pa ni lus dang sems yang dag par rab tu bzung ba yin no//'di ltar bdag gis de bzhin gshegs pa'i stobs rnams yongs su rdzogs par bya'o snyam pa ni lus dang sems yang dag par rab tu bzung ba yin no/ /'di ltar bdag
264b1 gis de bzhin gshegs pa'i mi 'jigs pa rnams yongs su gzung bar bya'o snyam pa ni lus dang sems yang dag par rab tu bzung ba yin no//'di ltar de bzhin gshegs pa'i dbang po rnams yongs su gzung ngo snyam pa ni lus dang sems yang dag par rab tu bzung ba yin no/ /'di
264b2 ltar sangs rgyas kyi chos ma 'dres pa brgyad yongs su gzung bar bya'o snyam pa ni lus dang sems yang dag par rab tu bzung ba yin no//'di ltar thams cad mkhyen pa yongs su gzung bar bya'o snyam pa ni lus dang sems yang dag par rab tu bzung ba yin no/ /'di ltar thabs
264b3 mkhas pa la bslab par bya'o snyam pa ni lus dang sems yang dag par rab tu bzung ba yin no//'di ltar sems can rnams kyi bsam pa la 'jug par bya'o snyam pa ni lus dang sems yang dag par rab tu bzung ba yin no/ /'di ltar dus shes pa la bslab po snyam pa ni lus dang
264b4 sems yang dag par rab tu bzung ba yin no//'di ltar tshod shes pa dang / don shes pa dang / chos shes pa dang / bdag shes pa dang / pha rol shes pa dang / gang zag mchog dang / mchog ma yin pa shes pa la bslab par bya'o snyam pa ni lus dang sems yang dag par
264b5 rab tu bzung ba yin no//de ltar yongs su spang ba'i rigs pa ni yongs su spang bar bya/ 'di ltar bsnyen pa'i rigs pa ni bsnyen par bya'o snyam pa ni lus dang sems yang dag par rab tu bzung ba yin no/ /'di ltar lus brtag par mkhas pa la bslab po snyam pa ni de lus dang sems
264b6 yang dag par rab tu bzung ba yin te/de la lus yang dag par rab tu 'dzin pa dang / sems yang dag par rab tu 'dzin pa 'di ni brtson 'grus zhes bya'o/ /gang mi g.yo ba dang mi lhod par 'jug pa dang / rgyun mi 'chad pa dang / rgyun chags pa dang / rjes su 'dzin pa de ni brtson
264b7 pa zhes bya'o//gang brtson 'grus 'di dang / gang rtsom pa 'di la mngon par brtson pa de ni brtson 'grus brtsams pa zhes bya'o/ /de nas byang chub sems dpa' sems dpa' chen po brtson 'grus brtsams pa des brtson 'grus kyi pha rol tu phyin pa 'di thos nas chos thams cad la
265a1 dbang byed pa'i ting nge 'dzin la gnas par gyur to//brtson 'grus rtsom pa 'di la yang gnas par gyur to/ /'jig rten gyi khams dpag tu med pa na sems can rnams dad pa ji lta ba bzhin yongs su smin par bya ba'i phyir sprul pa rnam pa du ma mngon par sprul te/
265a2 thabs mkhas pa dpag tu med pa dang ldan pas sems can dpag tu med pa dag yongs su smin par byas so/ /sangs rgyas kyi zhing de dang de dag tu sangs rgyas bye ba khrag khrig dpag tu med pa rnams mnyes par byas so/ /de nas byang chub sems dpa' sems dpa' chen po brtson 'grus
265a3 brtsams pa des bcom ldan 'das de bzhin gshegs pa dri ma med pa zla 'od gzi brjid rgyal po de la brtson 'grus kyi pha rol tu phyin pa dang ldan pa'i tshigs su bcad pa dag gis mngon par bstod do//stobs bcu ldan pa khyod ni brtson 'grus kyis/ /mtshungs 'dra'i sems can
265a4 gang yang mi rnyed de//thub pa dam pa khyod ni brtson 'grus kyis/ /chos nyid mchog la yang dag reg par gyur/ /stobs bcu ldan pa khyod ni brtson 'grus kyis/ /sangs rgyas zhing ni dpag yas yongs su dag /sems can rnams ni yongs su smin par mdzad/ /shes rab
265a5 tshad ni dpe zla ma mchis lags//stobs bcu ldan pa mi yi seng ge khyod/ /brtson 'grus kyis ni sems can 'du shes bshig /khyod kyis stong pa nyid ni rab tu mkhyen/ /sems can 'du shes de yang khyod kyis spangs/ /khyod kyis stong pa nyid ni mi dmigs par/ /brtson
265a6 'grus kyis ni chos kun rab tu mkhyen//brtson 'grus stobs kyis pha rol phyin pas na/ /zhi ba'i sa rnams la yang rab tu bzhugs/ /bde gshegs khyod kyi sras rnams rjes slob pas/ /bla na med pa'i byang chub rab tu mchis/ /stobs bcu ldan pa khyod kyi brtson 'grus kyis/ /
265a7 yang dag che ba'i bdag nyid rab tu bstan/ /brtson 'grus stobs kyis pha rol phyin pa la/ /bde bar gshegs pa khyod kyi sras rnams slob/ /sprul pa rnam pa sna tshogs brgya dag gis/ /sems can rnams ni yongs su smin par bgyid/ /'gro ba rnams ni rab tu dgrol slad du/ /
265b1 khyod kyi sras rnams byang chub gang zhugs pa/ /de dag bcom ldan khyod kyi go 'phang 'dir/ /bde bar gshegs pa'i sras rnams rjes su mchi/ /'gro ba rnams ni yongs smin bgyi slad du/ /khyod kyi sras rnams go bgos spyod pa ni/ /khyod kyi rjes su thams cad rab slob
265b2 cing //sems can mang po byang chub la yang 'god/ /mi yi dbang po seng ge khyod kyi sras/ /khrag khrig brtson 'grus dag la gnas nas su/ /de dag 'gro ba yongs su dgrol slad du/ /rgyal ba'i zhing ni khrag khrig rnams su mchi/ /rgyal ba'i zhal ni dri med zla ba
265b3 ltar//shin tu zil gyis mi gnon mtha' yas 'od/ /thub pa khyod sras mtshungs pa ma mchis pa/ /spyad pas dag par gyur pa'i spyad pa spyod/ /khyod kyi sras po mi blo rnam dag rnams/ /sangs rgyas zhing rnams yongs su dag bgyid cing / /mi mchog dbang pos
265b4 sems can khrag khrig rnams//bdag ma mchis par rab tu 'tshal bar bgyis/ /brtson 'grus kyis ni brtson 'grus mtshungs ma mchis/ /ting 'dzin mi g.yo brtan pa'i ting nge 'dzin/ /brtson 'grus stobs kyis pha rol phyin nas su/ /lha dang mi rnams brtson 'grus
265b5 skyed du bcug /lha mi dri zar bcas pa'i 'jig rten dag /brtson 'grus kyis ni shin tu zil gyis gnon/ /byang chub 'tshal bas brtson 'grus rab tu brtan/ /srid pa dag las skye bo sgrol bar 'tshal/ /gang gis 'dus byas mtshan ma rnams bshig cing / /de dag
265b6 gis ni byang chub thob ma mchis//brtson 'grus dag kyang nam du'ang mi nyams pa/ /de dag la ni rab tu phyag 'tshal lo/ /gang rnams bsam pa rtag tu byang chub phyir/ /gang de rgyal ba'i rigs rnams 'dzin pa dag /bde gshegs go 'phang gzhol zhing brtan pa rnams/ /
265b7 de dag la yang rab tu phyag 'tshal lo/ /skye bo dag gi don dang sman slad du/ /gang dag rab tu zhum par mi 'gyur zhing / /rtag tu bde bar gshegs pa'i go 'phang ni/ /rga shi ma mchis pa la dad pa rnams/ /de dag la yang rab tu phyag 'tshal lo/ /nad dang rga shi dag las
266a1 rab thar ba//dri ma gsum bcom khyod kyi skyabs mchis pas/ /dge ba de yis bde bar gshegs gyur te/ /mi rga mi 'chi byang chub reg par shog /de nas byang chub sems dpa' sems dpa' chen po brtson 'grus brtsams pas bcom ldan 'das de
266a2 bzhin gshegs pa dri ma med pa zla 'od gzi brjid rgyal po de la brtson 'grus kyi pha rol tu phyin pa dang ldan pa'i tshigs su bcad pa dag gis mngon par bstod nas de brtson 'grus rtsom pa de dang ldan par gyur to//de bskal pa bye ba dgu bcu'i 'khor ba phyir bsnyil bar gyur
266a3 to//'di ltar yang 'jam dpal de'i tshe de'i dus na byang chub sems dpa' brtson 'grus brtsams par gyur pa de gzhan zhig yin pa snyam du 'dzin na 'jam dpal khyod kyis de ltar mi blta'o/ /de ci'i phyir zhe na/ de bzhin gshegs pa don thams cad grub pa de de'i tshe de'i dus na byang chub
266a4 sems dpa' brtson 'grus brtsams par gyur to//'jam dpal de bas na byang chub sems dpa' sems dpa' chen po theg pa chen po la yang dag par zhugs pa/ sangs rgyas kyi zhing dpag tu med pa yongs su sbyang bar 'dod pa dang sems can dpag tu med pa rnams yongs su smin par bya bar 'dod
266a5 pas sangs rgyas kyi zhing yongs su dag par bya ba'i phyir dge ba'i rtsa ba dag yongs su bsngo bar bya'o//sgrib pa med pa'i rnam par thar pa rtogs par bya ba'i phyir brtson 'grus kyang mi gtong bar bya ste/ byang chub sems dpa' sems dpa' chen po brtson 'grus brtsams pa sgrib pa
266a6 med pa'i rnam par thar pa la gnas pa ni sems can gyi bsam pa rig par bya ba'i phyir sems gnas te/de bzhin gshegs pa'i stobs yongs su grub nas sems can thams cad kyi bsam pa'i rjes su song ba zhes bya ba'i ting nge 'dzin de 'thob bo/ /des ting nge 'dzin de thob nas sems can
266a7 phung po gsum du 'byed de/gsum gang zhe na/ yang dag pa nyid du nges pa'i phung po dang / log pa nyid du nges pa'i phung po dang / ma nges pa'i phung po'o/ /de sems can gang dag log pa nyid du nges pa'i phung po la gnas pa de dag yongs su smin par bya ba'i phyir thabs mkhas pa la
266b1 slob cing sems can gang dag log pa nyid du nges pa'i phung po la gnas pa de dag ci nas drang ba'i phyir thabs mkhas pa la slob ste/de thabs mkhas pa de dang ldan pas log pa nyid du nges pa'i sems can rnams rab tu drang ba'i phyir bskal pa brjod du med par 'khor ba na 'dug
266b2 go//'jam dpal sngon byung ba 'das pa'i dus na bskal pa dpag tu med bsam gyis mi khyab mtshungs pa med brjod du med pa de'i pha rol gyi yang ches pha rol na bdud rtsi'i snying po zhes bya ba'i bskal pa byung ste/ bdud rtsi'i snying po'i bskal pa de la de bzhin gshegs pa dgra bcom
266b3 pa yang dag par rdzogs pa'i sangs rgyas/rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das rin chen tog rgyun mi 'chad pa'i rgyal po zhes
266b4 bya ba 'jig rten du byung ste/'jam dpal de bzhin gshegs pa rin chen tog rgyun mi 'chad pa'i rgyal po de'i sangs rgyas kyi zhing der yang bram ze'i rigs shing sA la chen po lta bu dbang pos byin zhes bya ba sangs rgyas khrag khrig tshad med pa la bsnyen bkur byas pa dge ba'i rtsa ba
266b5 tshad med pa dang ldan pa zhig byung ngo //de nas bram ze'i rigs shing sA la chen po lta bu dbang pos byin de/ bcom ldan 'das de bzhin gshegs pa rin chen tog rgyun mi 'chad pa'i rgyal po de ga la ba der song ste phyin nas de bzhin gshegs pa de'i zhabs la mgo bos phyag 'tshal
266b6 nas phyogs gcig tu 'dug go//phyogs gcig tu 'dug nas bram ze'i rigs shing sA la chen po lta bu dbang pos byin des bcom ldan 'das de bzhin gshegs pa rin chen tog rgyun mi 'chad pa'i rgyal po de la 'di skad ces gsol to/ /ji tsam gyis byang chub sems
266b7 dpa' sems dpa' chen po sems can yongs su smin par bgyi ba dang /sangs rgyas kyi zhing yongs su sbyang ba'i thabs mkhas pa dang ldan pa lags/ de skad ces gsol pa dang / bcom ldan 'das de bzhin gshegs pa rin chen tog rgyun mi 'chad pa'i rgyal pos bram ze'i
267a1 rigs shing sA la chen po lta bu dbang pos byin la 'di skad ces bka' stsal to//dbang pos byin byang chub sems dpa' sems dpa' chen pos byang chub sems dpa'i ting nge 'dzin sems can thams cad kyi bsam pa'i rjes su song ba zhes bya ba thob pa de na
267a2 byang chub sems dpa' sems dpa' chen po sangs rgyas kyi zhing yongs su dag par bya ba dang /sems can thams cad yongs su smin par bya ba'i thabs mkhas pa dang ldan par 'gyur ro/ /de byang chub sems dpa'i ting nge 'dzin sems can thams cad kyi bsam pa'i rjes su
267a3 song ba de dang ldan pas smon lam gang dang gang btab pa de dang des nges par 'byung bar 'gyur te/des yid bzhin du rab tu rnyed cing sgrub bo/ /de 'dod na de bzhin gshegs pa gcig gi smon lam yongs su rdzogs par byed/ de 'dod na de bzhin gshegs pa gnyis kyi smon lam yongs
267a4 su rdzogs par byed/de 'dod na de bzhin gshegs pa gsum gyi smon lam yongs su rdzogs par byed de/ de bzhin gshegs pa grangs med pa'i bar gyi smon lam yongs su rdzogs par byed do/ /de bzhin gshegs pa bsam gyis mi khyab pa'i smon lam kun rdzogs par byed pas
267a5 sangs rgyas kyi zhing bsam gyis mi khyab pa yongs su dag par 'gyur ro//dbang pos byin shar gyi phyogs cha na gang gA'i klung gi bye ma snyed dang mnyam pa'i sangs rgyas kyi zhing 'das pa na rin chen can zhes bya ba'i 'jig rten gyi khams yod de/ de na de bzhin gshegs pa dgra bcom pa yang
267a6 dag par rdzogs pa'i sangs rgyas dge ba'i zla ba zhes bya ba da ltar bzhugs te 'tsho zhing gzhes so//dbang pos byin de bzhin gshegs pa dge ba'i zla ba de sngon byang chub sems dpa'i spyad pa spyod pa na smon lam gang btab pa de thams cad yongs su rdzogs par gyur te/ des smon
267a7 lam 'di skad ces btab bo//bdag gi sangs rgyas kyi zhing gi mtha' rtogs par sla ba ma yin par shog shig ces byas nas de'i smon lam de yongs su rdzogs te/ da ltar de'i sangs rgyas kyi zhing gi tshad gzung sla ba ma yin no/ /gzhan yang bdag gi sangs rgyas kyi zhing gi bkod
267b1 pa tshad gzung sla bar ma gyur cig /bdag gi sangs rgyas kyi zhing na rin po che 'di snyed yod do zhes rin po che'i mtha' bde bar rtogs sla bar ma gyur cig /bdag gi sangs rgyas kyi zhing na byang chub sems dpa' rnams tshad gzung sla bar ma gyur cig /bdag gi sangs rgyas kyi
267b2 zhing na rin po che mig ris su bris pa 'di nyid do zhes tshad gzung nus par ma gyur cig /bdag gi sangs rgyas kyi zhing na 'di snyed kyi gzugs dang / sgra dang dri dang / ro dang reg bya'i longs spyod dang ldan no zhes tshad gzung nus par ma gyur cig /bdag gi sangs rgyas kyi zhing
267b3 de na dge bar spyod pa dang ldan pa'i sems can rnams tshad gzung nus par ma gyur cig /bdag gi sangs rgyas kyi zhing de na sems can rnams kyi dge ba la mos pa'i spyod pa dang ldan pa tshad gzung nus par ma gyur cig /bdag gi sangs rgyas kyi zhing de na sems can rnams kyi
267b4 dge ba kun du spyod pa dang ldan pa tshad gzung sla bar ma gyur cig ces byas nas/de smon lam rnams yongs su rdzogs te/ de ltar de'i sangs rgyas kyi zhing de na sangs rgyas kyi zhing bkod pa rnams kyi tshad gzung sla ba ma yin/ rin po che'i mtha' rtogs par sla ba ma yin/ byang
267b5 chub sems dpa' rnams kyi tshad gzung sla ba ma yin/rin po che mig ris su bris pa rnams kyi tshad gzung sla ba ma yin/ gzugs dang / sgra dang / dri dang / ro dang / reg bya'i longs spyod dang ldan pa'i tshad gzung sla ba ma yin/ sems can rnams kyi dge
267b6 bar spyod pa dang ldan pa'i tshad gzung sla ba ma yin no//de ltar de'i sangs rgyas kyi zhing de na sems can rnams kyi dge ba la mos pa dang ldan pa'i tshad gzung sla ba ma yin no/ /de ltar de bzhin gshegs pa de sngon byang chub sems dpa'i spyad pa spyod pa na smon lam 'di dag dang /
267b7 gzhan yang tshad med pa dag btab par gyur te/ de dag thams cad byang chub sems dpa'i ting nge 'dzin bsam pa'i rjes su song ba la brten nas yongs su rdzogs so/ /dbang pos byin de lta bas na byang chub sems dpa' sems dpa' chen pos sems can thams cad kyi
268a1 bsam pa'i rjes su song ba'i ting nge 'dzin rab tu rnyed par bya ba'i phyir brtson par bya'o//de nas bram ze'i rigs shing sA la chen po lta bu dbang pos byin des de bzhin gshegs pa rin chen tog rgyun mi 'chad pa'i rgyal po des smon lam de dag bsgrags ma thag tu
268a2 des smon lam de dag thams cad btab bo//de nas bcom ldan 'das des de'i sangs rgyas kyi zhing yon tan bsam gyis mi khyab pa dang ldan par 'gyur ro zhes lung bstan to/ /'jam dpal 'di ji snyam du sems/ de'i tshe de'i dus na bram ze'i rigs shing sA la chen po lta bu dbang pos byin
268a3 zhes bya bar gyur pa de gzhan zhig yin pa snyam du 'dzin na 'jam dpal khyod kyis de ltar mi blta'o//de ci'i phyir zhe na/ de bzhin gshegs pa don thams cad grub pa de de'i tshe de'i dus na bram ze'i rigs shing sA la chen po lta bu dbang pos byin zhes bya bar gyur te/ de bzhin gshegs pa
268a4 don thams cad grub pa de'i sangs rgyas kyi zhing yon tan de snyed dang ldan no//de lta bas na 'jam dpal byang chub sems dpa' sems dpa' chen pos ji ltar smon pa'i smon lam de dag la bslab par bya'o/ /ji ltar smon pa'i smon lam la slob na byang chub sems dpa' sems dpa' chen po thabs
268a5 mkhas pa dang ldan pas sems can khrag khrig dpag tu med pa yongs su smin par byed do//de'i tshe'i tshad dpag tu med par 'dzin te/ sems can khrag khrig dpag tu med pa yang tshe'i tshad dpag tu med pa 'dzin du 'jug go/ /'jam dpal sngon byung ba 'das pa'i dus na bskal pa
268a6 dpag tu med/grangs med/ bsam gyis mi khyab/ mtshungs pa med/ gzhal du med/ tshad med/ brjod du med pa de'i pha rol gyi yang ches pha rol na dge ba 'byung ba zhes bya ba'i bskal pa byung ste/ dge ba 'byung ba'i bskal pa de la de bzhin gshegs pa dgra bcom pa yang
268a7 dag par rdzogs pa'i sangs rgyas/rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das spos mchog rgyal po zhes bya ba 'jig rten du byung ste/
268b1 'jam dpal de bzhin gshegs pa dgra bcom pa yang dag par rdzogs pa'i sangs rgyas spos mchog rgyal po de'i sangs rgyas kyi zhing der bram ze'i rigs shing sA la chen po lta bu tsan dan gyi snying po zhes bya ba zhig byung ngo / /bram ze'i rigs shing sA la chen po lta bu tsan dan gyi snying po de de
268b2 bzhin gshegs pa spos mchog rgyal po de ga la ba der song ste phyin nas bcom ldan 'das de bzhin gshegs pa spos mchog rgyal po'i zhabs la mgo bos phyag 'tshal nas phyogs gcig tu 'dug go//phyogs gcig tu 'dug nas bram ze'i rigs shing sA la chen po lta bu tsan
268b3 dan gyi snying po des de bzhin gshegs pa spos mchog rgyal po de la 'di skad ces gsol to//thabs mkhas pa dang ldan pa thabs mkhas pa dang ldan pa zhes bgyi ba bcom ldan 'das ji tsam gyis na byang chub sems dpa' sems dpa' chen po thabs mkhas pa dang ldan pa lags/
268b4 de skad ces gsol pa dang / bcom ldan 'das de bzhin gshegs pa spos mchog rgyal pos bram ze'i rigs shing sA la chen po lta bu tsan dan gyi snying po de la 'di skad ces bka' stsal to/ /tsan dan gyi snying po nam byang chub sems dpa' sems dpa' chen pos sems can thams cad
268b5 kyi bsam pa la zhugs te/bsam pa la zhugs nas so so ci rigs par chos ston pa de tsam gyis byang chub sems dpa' sems dpa' chen po thabs la mkhas pa dang ldan pa yin no/ /de thabs la mkhas pa de dang ldan pas mos pa ji lta ba bzhin du sems can rnams la 'thun
268b6 par chos ston par byed do//de thabs la mkhas pa de lta bu dang ldan pas na sangs rgyas kyi zhing yongs su sbyong ba dang / sems can yongs su smin par bya ba'i phyir bskal pa brjod du med par yang brtson pa mi 'dor ro/ /de thabs mkhas pas yongs su zin pa'i shes rab kyi pha rol tu
268b7 phyin pa la spyod pa na nam yang thabs mkhas pa dang bral ba'i sems mi skyed do//myur du sangs rgyas kyi zhing brjod du med pa yang yongs su sbyong ngo / /de nas bram ze'i rigs shing sA la chen po lta bu tsan dan gyi snying po de bcom ldan 'das de bzhin gshegs pa spos mchog rgyal po des
269a1 thabs la mkhas pa dang /shes rab kyi pha rol tu phyin pa bstan ma thag tu ji ltar bstan pa bzhin rab tu bsgrubs so/ /ji ltar bstan pa bzhin rab tu bsgrubs pas na sems can rnams kyi bsam pa la 'jug pa shes pa rab tu thob par gyur to/ /de thabs la
269a2 mkhas pa de dang ldan pas sangs rgyas kyi zhing yongs su sbyang ba dang sems can yongs su smin par bya ba'i phyir bskal pa brjod du med par yang brtson pa ma bor ro//des thabs la mkhas pas yongs su zin pa'i shes rab kyi pha rol tu phyin pa la spyod pa na bskal pa brjod du med par nam
269a3 yang thabs la mkhas pa dang bral ba'i sems ma skyes so//sems bskyed pa des phyogs bcu'i 'jig rten gyi khams na sangs rgyas kyi zhing khrag khrig brjod du med pa rnams yongs su sbyangs so/ /sangs rgyas kyi zhing re rer yang sems can dkrigs phrag khrag khrig brjod du med pa
269a4 yongs su smin par byas so//sangs rgyas kyi zhing re rer yang sems can khrag khrig tshad med pa rnams zab mo'i chos kyi bzod pa la rab tu bkod do/ /'jam dpal de'i tshe de'i dus na bram ze'i rigs shing sA la chen po lta bu tsan dan gyi snying po zhes bya bar gyur pa de gzhan zhig yin pa snyam du
269a5 'dzin na 'jam dpal khyod kyis de ltar mi blta'o//de ci'i phyir zhe na/ de bzhin gshegs pa don thams cad grub pa de de'i tshe de'i dus na bram ze'i rigs shing sA la chen po lta bu tsan dan gyi snying po zhes bya bar gyur to/ /'jam dpal de lta bas na byang chub sems dpa' sems dpa'
269a6 chen pos sems kyi mtshan ma la nges par rtog pa'i bzod pa la brtson par bya'o// //bam po drug pa/ 'jam dpal sngon byung ba 'das pa'i dus na bskal pa tshad med/ grangs med/ bsam gyis mi khyab/ mtshungs pa med/ gzhal du med/ brjod du med
269a7 pa de'i pha rol gyi yang ches pha rol na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa lha dang mi rnams kyi ston pa/ sangs
269b1 rgyas bcom ldan 'das ye shes 'byung gnas zhes bya ba 'jig rten du byung ste/de bzhin gshegs pa ye shes 'byung gnas de'i sangs rgyas kyi zhing du byang chub sems dpa' sems dpa' chen po shes rab bla ma zhes bya ba byung ste/ de nas byang chub sems dpa' sems
269b2 dpa' chen po shes rab bla mas bcom ldan 'das de bzhin gshegs pa ye shes 'byung gnas de la zhus nas sems can yongs su smin par bya ba'i phyir yul rgyu zhing song ngo //de yul rgyu zhing song nas sangs rgyas kyi zhing brjod du med pa yongs su sbyangs te sangs rgyas kyi zhing
269b3 re rer yang sems can bye ba khrag khrig brjod du med pa rnams bla na med pa'i chos la nges par sems pa'i brjod par yongs su smin par byas nas des smon lam 'di skad btab bo//bdag sangs rgyas kyi zhing gang du skyes pa der sems can rnams kyis sangs rgyas byung ba snyam du
269b4 shes par shog shig /bdag sangs rgyas kyi zhing gang du skyes par sems can dmyal ba dang / dud 'gro'i skye gnas dang / gshin rje'i 'jig rten dang / lha ma yin gyi ris dang / mi khom pa thams cad chad par shog shig ces des smon lam btab pa yongs su rdzogs
269b5 par gyur te/'jam dpal byang chub sems dpa' shes rab bla ma de byang chub sems dpa'i spyad pa spyod cing sangs rgyas kyi zhing gang du skyes pa der sems can rnams kyis sangs rgyas byung bar shes shing sems can dmyal ba dang / dud 'gro'i skye gnas dang / gshin rje'i
269b6 'jig rten dang /lha ma yin gyi ris dang / mi khom pa thams cad yongs su chad par gyur to/ /chad par gyur nas kyang sangs rgyas kyi zhing der slar ma byung ngo / /des yang smon lam 'di skad du btab ste/ gang bdag gis byang chub sems dpa'i spyad pa spyod pa na sa'i phyogs su
269b7 rkang pa'i mthil gyis reg par gyur pa de dag bskal pa brjes kyi bar du mchod rten du gyur par shog shig /sems can gang gis mchod rten de'i gnas mthong yang rung / thos kyang rung / der song yang rung / de dag thams cad bla na med pa yang dag par rdzogs pa'i byang
270a1 chub las phyir mi ldog par gyur cig /mchod rten gyi gnas de ji srid du 'dug pa de'i bar du sangs rgyas kyi zhing der dam pa'i chos nub par mi 'gyur bar shog shig /mchod rten gyi gnas ji srid du 'dug pa de srid du sangs rgyas kyi zhing de na sems can rnams
270a2 dam pa'i chos nyan pa rgyun mi 'chad par shog shig /sems can gang gis bdag gi ming thos pa de dag thams cad kyang bla na med pa yang dag par rdzogs pa'i byang chub las phyir mi ldog par gyur cig ces byas nas de'i smon lam de yongs su rdzogs par gyur te/ de spyod pa la zhugs pas
270a3 sangs rgyas kyi zhing de 'dra bar kun 'dzin cing yongs su sbyangs so//sangs rgyas bye ba phrag brgyad kyi smon lam ji lta bu ji snyed pa de dag thams cad kyang des bzung ngo / /sangs rgyas bye ba phrag brgyad kyi tshe'i tshad ji srid pa de dag thams cad kyang des yongs su bzung ngo / /sangs
270a4 rgyas bye ba phrag brgyad kyi nyan thos 'dus pa ji snyed pa de snyed kyi nyan thos 'dus pa'ang des yongs su bzung ngo //sangs rgyas bye ba phrag brgyad kyi byang chub sems dpa'i tshogs ji snyed pa de snyed kyi byang chub sems dpa'i tshogs kyang des yongs su bsdus so/ /sangs rgyas bye ba phrag
270a5 brgyad de dag gi sangs rgyas kyi zhing gi phun sum tshogs pa ji snyed pa de dag thams cad kyang des yongs su bzung ngo //des sangs rgyas kyi zhing bye ba khrag khrig brjod du med pa yongs su sbyangs nas/ de bcom ldan 'das de bzhin gshegs pa ye shes 'byung gnas de ga la ba der
270a6 song ste phyin nas de bzhin gshegs pa ye shes 'byung gnas de'i zhabs la mgo bos phyag 'tshal te phyogs gcig tu 'dug go//phyogs gcig tu 'dug nas byang chub sems dpa' shes rab bla mas de bzhin gshegs pa ye shes 'byung gnas de la 'di skad ces gsol to/ /gang
270a7 bcom ldan 'das kyi sras rnams yab las skyes pa de dag spun lags te/bcom ldan 'das bdag gi nu bo de dag la de bzhin gshegs pas ci nas kyang byang chub sems dpa' dag skye bo mang po la sman par 'jug pa de lta bu'i chos bshad du gsol/ /de skad ces gsol pa dang /
270b1 de bzhin gshegs pa ye shes 'byung gnas des byang chub sems dpa' shes rab bla ma de la 'di skad ces bka' stsal to/ /shes rab bla ma khyod shes rab kyi pha rol tu phyin pa la zhugs te bla na med pa yang dag par rdzogs pa'i byang chub mngon par rdzogs par sangs ma rgyas kyang sangs
270b2 rgyas kyi bya ba byed pa legs so//legs so/ /de nas bcom ldan 'das de bzhin gshegs pa ye shes 'byung gnas kyis dge slong gi dge 'dun la 'di skad ces bka' stsal to/ /dge slong dag byang chub sems dpa' shes rab bla mas ji lta bur las byas pa la ltos/ dge
270b3 slong byang chub sems dpa' shes rab bla mas sems can ji snyed smin par byas pa ni rtsis mkhan nam rtsis mkhan gyi slob mas bskal par yang rung /bskal pa brgyar yang rung / bskal pa khrag khrig tu yang rung ste/ de dag gis rtsi bar mi nus so/ /'jam dpal de na byang
270b4 chub sems dpa' shes rab bla ma des sems can tshad med pa nyan thos kyi mya ngan las 'da' bar yongs su mya ngan las bzlas so//de'i nyis 'gyur gyi byang chub sems dpa' sems dpa' chen po rnams bla na med pa yang dag par rdzogs pa'i byang chub la rab tu bkod do/ /byang
270b5 chub sems dpa' de dag thams cad kyang bla na med pa yang dag par rdzogs pa'i byang chub mngon par rdzogs par sangs rgyas nas tshad med pa'i sems can rnams yongs su mya ngan las bzlas te/yongs su mya ngan las 'das so/ /de lta bur byang chub sems dpa' sems
270b6 dpa' chen po shes rab bla ma des sems can rnams yongs su mya ngan las bzlas so//sems can shin tu mang po byang chub la rab tu bkod do/ /'jam dpal 'di ji snyam du sems/ de'i tshe de'i dus na byang chub sems dpa' shes rab bla ma zhes bya bar gyur pa de gzhan
270b7 zhig yin pa snyam du 'dzin na 'jam dpal khyod kyis de ltar mi blta'o//de ci'i phyir zhe na/ de bzhin gshegs pa don thams cad grub pa de de'i tshe de'i dus na byang chub sems dpa' shes rab bla ma zhes bya bar gyur to/ /'jam dpal de ltar de bzhin gshegs pa
271a1 don thams cad grub pa de sngon byang chub sems dpa'i spyad pa spyod pa na sgrib pa med pa'i sangs rgyas kyi rnam par thar pa la gnas pas thabs mkhas pa dang ldan par gyur to//de lta bas na 'jam dpal byang chub sems dpa' sems dpa' chen po rnams kyis
271a2 thabs mkhas pa dang ldan par bya'o//thabs mkhas pa yongs su rdzogs par bya ba'i phyir byang chub sems dpa' la chos thams cad la dbang dang ldan pa'i ting nge 'dzin bshad par bya'o/ /chos thams cad la dbang dang ldan pa'i ting nge 'dzin la rab tu gnas pa'i byang chub sems dpa'
271a3 sems dpa' chen po sems bskyed pa gcig gis kyang sangs rgyas kyi zhing brjod du med par sangs rgyas bcom ldan 'das rnams la bsnyen bkur byas nas/de dag kun du spyad pa spyod pa ni 'jam dpal 'di lta ste/ dper na mtsho chus gang nas 'gags pa med cing chu 'bab pa ni
271a4 sa gang logs su gzhol ba der 'bab bo//de bzhin du chos thams cad la dbang dang ldan pa'i ting nge 'dzin la rab tu gnas pa'i byang chub sems dpa' sems dpa' chen po yang ga las gar bltas pa de dang der sangs rgyas kyi chos rnams kyis rlan par byed de/ de ltar na byang chub
271a5 sems dpa' de sangs rgyas kyi chos thams cad la dmigs pa yin no//de nas 'jam dpal gzhon nur gyur pas bcom ldan 'das la tshigs su bcad pa dag gis mngon par bstod do/ /bcom ldan chos rnams gnyis ma mchis/ /chos rnams bye brag mchis ma lags/ /
271a6 de ni chos kyi mtshan nyid de/ /chos kun mtshan nyid ma mchis lags/ /nam mkha' ji ltar nam mkha' yis/ /dper bgyir rung ba ma lags te/ /chos kyi dper yang de bzhin du/ /rnam pa thams cad bgyir mi rung / /chos la chos kyis mthong ma mchis/ /chos
271a7 kyis chos rnams mi rig ste//shes pa po dang chos rnams kyang / /gnyis ka 'di ni yong ma mchis/ /sangs rgyas chos dang sangs rgyas su/ /mi mkhas gang dag rnam par rig /de dag sangs rgyas de bzhin du/ /sangs rgyas chos rnams mi rig lags/ /sangs rgyas
271b1 chos dang sangs rgyas zhes//de ni byis pa'i spyod yul te/ /sangs rgyas chos dang sangs rgyas ni/ /sus kyang rtogs par rngo mi thogs/ /ji ltar tshig gis brjod pa ltar/ /chos 'di dag la gdags ma mchis/ /chos de gdags pa ma lags te/ /bdag dang 'dra bar
271b2 rtogs par bgyi//bdag ni gdags su ma mchis te/ /'on kyang bdag ces smra ba bzhin/ /chos rnams la ni btags pa yang / /bdag dang 'dra bar rtogs par bgyi/ /bdag ni btags par ma mchis te/ /'on kyang bdag ces smra ba bzhin/ /chos rnams btags pa
271b3 ma mchis par//mkhas pa rnams kyis rtag tu rtogs/ /ji ltar nam mkha'i ri mo ni/ /ma byung 'byung bar mi 'gyur te/ /de bzhin chos rnams gdags pa yang / /ma byung 'byung bar mi 'gyur lags/ /rdzas ma lags pa'i 'dogs pa yis/ /mi gang
271b4 'di la 'dogs pa ni//mdzangs pa rnams kyis mi bsngags te/ /de ni mkhas pas dpya ba lags/ /'dogs pa de bzhin chos rnams la/ /mi gang 'di la 'dogs pa ni/ /mdzangs pa rnams kyis mi bsngags te/ /mkhas pas de ni dpya ba lags/ /'gro ba
271b5 ma mchis 'gro ba'i sgras//sangs rgyas rnams kyis bstan pa ni/ /nam mkha'i ri mo bris pa ltar/ /de bzhin chos rnams rtogs par bgyi/ /bar snang bya rjes ji bzhin du/ /'gro de nges par ma mchis lags/ /sbal pa'i spu yi la ba ltar/ /de bzhin zhi ba'i
271b6 chos nyid blta//bzhin gyi gzugs brnyan me long la/ /rang bzhin ston par mkhas pas bshad/ /dkyil 'khor de na bzhin gzugs ltar/ /de bzhin chos rnams thams cad blta/ /ji ltar mi dag ri yi bar mchis te/ /skad phyung nas ni brag phug sgra yang grag /
271b7 brag ca de la byed pa ma mchis ltar/ /de bzhin chos la byed pa su ma mchis/ /chos 'di dag ni rgyal bas de ltar bstan/ /mchis pa ma lags 'di la byed ma mchis/ /rang byung 'di dag rtogs nas rab bstan te/ /de bzhin gshegs pas shin tu ngo mtshar
272a1 mdzad//rgyal bas bstan pa'i chos rnams gang rtogs pa/ /mi yi 'dren pa de dag ngo mtshar te/ /mig dang ldan pas bstan nas long ba gang / /gzugs rnams mthong ba bzhin du ngo mtshar lags/ /long ba gzhan gyis bstan pa'i gzugs rnams la/ /
272a2 mthong bar gyur na de ni ngo mtshar te/ /de bzhin 'dren pa khyod kyi gsung thos nas/ /gang dag dad par gyur pa ngo mtshar lags/ /chos rnams bstan pa dag kyang de bzhin du/ /thar par 'tshal bas rab tu rtogs par bgyi/ /gang dag chos rnams rig par mi 'gyur ba/ /de
272a3 dag gis ni de bzhin gshegs pa mthong //de nas 'jam dpal gzhon nur gyur pas bcom ldan 'das kyi spyan sngar tshigs su bcad pa de dag smras nas bcom ldan 'das la 'di skad ces gsol to/ /bcom ldan 'das byis pa so so'i skye bo gang chos thams cad ngo bo nyid ma
272a4 mchis par ston pa dang /chos thams cad ngo bo nyid ma mchis par smra ba de dag ni bcom ldan 'das kyi ldem po ngag ma 'tshal lags so/ /de ci'i slad du zhe na/ bcom ldan 'das chos rnams ni thog ma nas dmigs su ma mchis na ngo bo nyid ma mchis par bstan du ga la mchis/ bcom
272a5 ldan 'das chos gang dmigs su ma mchis pa de dag ni gang yang bgrang bar ma bgyis lags so//de ci'i slad du zhe na/ bcom ldan 'das chos thams cad ni nam mkha' dang mtshungs te gnyis su ma mchis shing gnyis su dbyer ma mchis lags so/ /bcom ldan 'das gzugs
272a6 zhes bgyi ba 'di ni gnyis su ma mchis pa la bgrang bar bgyis pa lags so//de ci'i slad du zhe na/ bcom ldan 'das gzugs ni nam mkha' dang mtshungs te gnyis su ma mchis shing gnyis su dbyer ma mchis pa lags so/ /bcom ldan 'das dper bgyi na nam
272a7 mkha' la gnyis su mi dmigs pa de bzhin du gzugs la yang gnyis su mi dmigs lags so//bcom ldan 'das de bzhin du tshor ba dang / 'du shes dang / 'du byed dang / rnam par shes pa'ang gnyis su ma mchis te/ gnyis su dbyer ma mchis lags
272b1 so//de ci'i slad du zhe na/ bcom ldan 'das rnam par shes pa ni nam mkha' dang mtshungs te/ bcom ldan 'das gzugs gang lags pa dang / rnam par shes pa gang lags pa dang / gnyis su ma mchis pa gang lags pa dang / 'dus ma byas pa gang lags
272b2 pa de ni gnyis su ma mchis te gnyis su dbyer ma mchis pa lags so//bcom ldan 'das tshor ba dang / 'du shes dang / 'du byed dang / rnam par shes pa gang lags pa dang / gnyis su ma mchis pa dang / gnyis su dbyer ma mchis pa gang lags pa dang / bcom
272b3 ldan 'das 'dus byas gang lags pa dang /'dus ma byas gang lags pa de dag ni gnyis su ma mchis te gnyis su dbyer ma mchis pa lags so/ /'di ni 'dus byas so/ /'di ni 'dus ma byas so zhes bgyi ba de yang bcom ldan 'das gnyis su ma mchis pa la bgrang bar bgyi lags
272b4 so//bcom ldan 'das sgrib pa ma mchis pa'i rnam par thar pa 'di la spyod pa'i byang chub sems dpa' sems dpa' chen po de gnyis su med par spyod pa zhes bgyi ste/ bcom ldan 'das 'das pa'i dge ba'i rtsa ba gang lags pa dang / ma 'ongs pa'i dge ba'i rtsa ba gang lags pa dang / da ltar
272b5 byung ba'i dge ba'i rtsa ba gang lags pa de ni gnyis su ma mchis pa'i tshig lags so//'dod pa'i khams dang ldan pa gang lags pa rnams dang / gzugs kyi khams dang ldan pa gang lags pa rnams dang / gzugs ma mchis pa'i khams dang ldan pa gang lags pa rnams dang / mya ngan
272b6 las 'das pa'i dbyings dang ldan pa gang lags pa'i dge ba'i rtsa ba de dag kyang gnyis su ma mchis pa'i tshig lags so//zag pa dang bcas pa'i dge ba'i rtsa ba gang lags pa rnams dang / zag pa med pa'i dge ba'i rtsa ba gang lags pa de dag kyang gnyis su ma mchis pa'i tshig bla
272b7 dgas lags so//nyan thos kyi dge ba'i rtsa ba gang lags pa rnams dang / rang sangs rgyas kyi dge ba'i rtsa ba gang lags pa rnams dang / sangs rgyas kyi dge ba'i rtsa ba gang lags pa de dag ni gnyis su ma mchis shing gnyis su dbyer ma mchis lags so/ /dge ba'i rtsa ba gang lags pa
273a1 dang mi dge ba'i rtsa ba gang lags pa de yang gnyis su ma mchis te gnyis su dbyer ma mchis lags so//'khor ba gang lags pa dang mya ngan las 'das pa gang lags pa de dag kyang gnyis su ma mchis te gnyis su dbyer ma mchis lags so/ /bcom ldan 'das
273a2 de ltar gnyis su ma mchis pa'i chos kyi tshul 'di la nem nur ma mchis shing the tshom mi 'tshal ba de ni gnyis su ma mchis pa spyod pa'i byang chub sems dpa' sems dpa' chen po zhes bgyi'o//de nas 'jam dpal gzhon nur gyur pas de'i tshe tshigs su bcad pa 'di dag gsol to/ /gang dag
273a3 rgyal ba'i mi gnyis tshul rtogs pa//de dag the tshom ma mchis bde bar gshegs/ /de dag rga shi ma mchis gnas mthong ste/ /de dag rgyal ba nyan thos bcas pa mchod/ /mi gnyis bye brag ma mchis chos nyid du/ /bde bar gshegs pas chos kun bstan pa mdzad/ /gzhan
273a4 ma lags pa'i tshig 'di thos nas su//mkhas pa rnams kyi the tshom ma mchis gyur/ /gang dag skyon bral zhi bar rab zhugs pa/ /mtshungs pa med par byang chub rab tu bstan/ /de ni ston pa'i yul la rab zhugs te/ /de dag ston pa'i bka' la rab tu gnas/ /gang dag
273a5 'di ni gzugs zhes bya zhes brjod//tshor ba dang ni 'du shes sems pa dag /de ni 'dus byas rnam shes de skad ston/ /de dag ston pa'i bka' la gnas ma lags/ /gang dag dge ba rab tu bzang zhe'am/ /dge ba ma yin chos rnams ngan zhes mchi/ /de dag
273a6 ston pa'i bka' la mi gnas te//de dag gnyis la spyod pa'i mi zhes bstan/ /khams gsum pa zhes gang dag brjod pa'i mi/ /de dag thub pa'i bstan pa brtson ma bgyis/ /dam pa'i don du khams gcig ma mchis na/ /de la gsum du mchis par ga la 'gyur/ /
273a7 gang dag de bzhin 'di dag 'dus byas te/ /cig shos 'dus ma byas zhes rnam gnyis smra/ /de dag bde gshegs bstan pa'i chos rnams la/ /nan tan bgyid pa spro ba'i mi ma lags/ /'di ni mi gnyis chos zhes gang smra ba/ /de dag ston pa'i bka' la
273b1 mi gnas te//bde bar gshegs pas chos rnams gang bstan pa/ /de la gnyis dang mi gnyis chos ma mchis/ /gang dag bde gshegs bstan ces smra bgyid pa/ /ston dang de dag dmigs su ma mchis te/ /gang gis bstan pa de yang ston ma mchis/ /gang la bshad pa de yang
273b2 mchis ma lags//gang bstan de yang dmigs su ma mchis lags/ /gang la rig bgyi de yang skye ma mchis/ /kun du thams cad ci yang dmigs ma mchis/ /rgyal ba'i sras rnams de ltar rtogs par bgyid/ /chos gang bde bar gshegs pa ston pa yang / /de la chos de
273b3 dmigs par mi 'gyur te//stong pa stong nyid ci yang yong mi dmigs/ /mtshan med mtshan ma med nyid kyang de bzhin/ /gang du smon pa med par bshad pa yang / /de la smon pa med pa mi dmigs lags/ /de bzhin grol dang grol bar bgyid mi dmigs/ /bde bar gshegs
273b4 pas de 'dra'i chos bstan te//bde bar gshegs pas de 'dra'i chos bstan pa/ /gang dag de ma rtogs nas gzhan rtogs pa/ /de dag skye bo rtag tu bcings nas su/ /srin bu ba rgya bgyid bzhin gnon pa bgyid/ /gang zag dam pa ston pa thugs rje can/ /'jig rten mgon po srog
273b5 chags phan bzhed pas//sngon chad dka' ba spyad pa brgya spyad de/ /thugs rje rab tu bskyed nas kun du byung / /gang gis 'gro ba rtog ldan mgu bgyid pa/ /lam mchog de ni de yis rab tu bstan/ /dga' sems bde gshegs 'thun pa'i brtul zhugs can/ /de dag bde
273b6 gshegs bstan pa'i 'gro bas mchis//'ong dang 'gro bar sgra yis bshad pa yang / /de la 'ong ba dmigs su yod ma mchis/ /bdag gis bstan pa de yang mi dmigs la/ /bde bar gshegs pas chos nyid rab tu bstan/ /zhi dang zhi ba gang na'ang yong ma mchis/ /
273b7 rab tu ma zhi de yang mchis ma lags/ /zhi ba'i ston pa'ang de bzhin ma mchis lags/ /zhi ba gang lags de yang yong mi dmigs/ /kun nas nyon mongs gang na'ang ma mchis te/ /kun nas nyon mongs gyur pa'ang mchis ma lags/ /shes ldan gang lags de yang ma mchis
274a1 te//gang gis bstan pa de yang mchis ma lags/ /de bzhin chos rgyal ba yis shin tu bstan/ /ston pa dang ni brjod pa'ang ma mchis te/ /ming du bstan pa'ang de bzhin mchis ma lags/ /de ltar rgyal ba'i chos nyid rtogs par bgyid/ /
274a2 ston dang bstan pa tshor dang tshor bgyid dang / /'dren dang 'dren pa zhi dang zhi bgyid pa/ /nam mkha' bar snang bya yi rjes 'dra bar/ /thub pas yang dag chos nyid rab tu bstan/ /de bzhin chos nyid la yang gang rtogs pa/ /des ni de bzhin gshegs pa yang mthong
274a3 zhing //de yis mi yi gtso bor bkur sti bgyis/ /sangs rgyas sa la mkhas shing rnam par rtogs/ /de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal chos bshad pa 'di rnams sus shes par 'gyur/
274a4 gsol pa/ bcom ldan 'das ma skyes ma 'gags pas chos bshad pa 'di rnams 'tshal bar 'gyur ro/ /bka' stsal pa/ 'jam dpal gal te ma skyes ma 'gags pas shes par 'gyur na ji ltar khyod kyis bla na med pa yang dag par rdzogs pa'i byang chub mngon
274a5 par rdzogs par sangs rgyas nas chos bshad par 'gyur//gsol pa/ bcom ldan 'das gal te bdag kyang gzhan la/ byang chub kyang gzhan na ni bdag byang chub mngon par rdzogs par 'tshang rgya lags so/ /bka' stsal pa/ 'jam dpal de skad du bshad
274a6 na byis pa so so'i skye bo rnams skrag par 'gyur ro//gsol pa/ gal te skrag pa'i chos 'ga' zhig mchis na ni de la skrag par yang 'gyur na bcom ldan 'das chos thams cad la skrag pa ma mchis lags so/ /bka' stsal pa/ 'jam dpal skrag ces bya ba de
274a7 chos gang gi tshig yin//gsol pa/ bcom ldan 'das skrag ces bgyi ba de ni phyin ci log gi tshig lags so/ /bka' stsal pa/ 'jam dpal phyin ci log ces bya ba de ni chos gang gi tshig yin/ gsol pa/ bcom ldan
274b1 'das phyin ci log ces bgyi ba de ni yang dag pa nyid kyi mtha'i tshig lags so//bka' stsal pa/ 'jam dpal yang dag pa nyid kyi mtha' ni skrag par mi 'gyur ro/ /gsol pa/ bcom ldan 'das de de lta lags te/ yang dag pa nyid kyi mtha' ni skrag
274b2 par mi 'gyur te/mi skrag pa zhes bshad pa lags so/ /bcom ldan 'das 'di lta ste/ dper bgyi na yang dag pa'i mtha' yang yang dag pa'i mtha' zhes brjod lags mod kyi/ don dam par na yang dag pa'i mtha' yang mi dmigs te/ de bzhin du bcom ldan
274b3 'das skrag pa yang mi dmigs/mi skrag pa yang mi dmigs lags so/ /bcom ldan 'das chos thams cad brjod du ma mchis te/ brjod du ma mchis pa yang mi dmigs lags so/ /de nas 'jam dpal gzhon nur gyur pas de'i tshe tshigs su bcad pa 'di dag
274b4 gsol to//chos rnams thams cad mi skrag ste/ /mi skrag pa yang ma mchis lags/ /chos rnams brjod pa tsam du bas/ /yang dag mtshan nyid de ma lags/ /ma skyes pa yi bu la yang / /bu zhes gdags par 'gyur mod kyi/ /de na bu ni rnyed mi 'gyur/ /
274b5 kun rdzob chos rnams de 'dra lags/ /ji ltar mo sham bu rnams ni/ /'chi bar 'gyur ba mi dmigs pa/ /de bzhin kun rdzob chos rnams kyang / /rnam pa kun tu mi dmigs lags/ /kun rdzob rnams kyang kun rdzob tu/ /ma byung 'byung bar mi 'gyur te/ /ji
274b6 ltar bar snang nam mkha' la//ri mo bris pa ma mchis bzhin/ /kun rdzob la yang kun rdzob ces/ /mi gang rjes su 'brang ba ni/ /de la phyin ci log ces kyang / /mig ldan rnam par mthong ba smra/ /kun rdzob dang ni dam pa'i don/ /de dag gnyi ga mi rtogs te/ /gang
274b7 gis de dag mi rtogs pa//de ni chos nyid mi rtogs so/ /gang dag chos nyid mi rtogs pa/ /de dag so so'i skye bor gsungs/ /de dag 'jig rten mgon kun kyis/ /mu stegs gzhan zhes rab tu gsungs/ /gang gis chos nyid rig pa ni/ /de dag sangs rgyas bstan la
275a1 skyes//bdud stong bye ba rnams kyis kyang / /de la bskyod par rngo mi thogs/ /gang dag bla med sangs rgyas sa/ /zhi ba de ni rnam rtogs pa/ /mkhas pa de dag skrag pa dang / /mi skrag par ni rmongs mi 'gyur/ /gang dag sangs rgyas bye ba las/ /zhi ba'i sa
275a2 la spyad bgyis pa//mkhas pa de dag skrag pa dang / /mi skrag par yang rtogs mi bgyid/ /gnyis su ma mchis sa thob nas/ /mkhas pa gang dag mi zhen pa/ /de ni mi dbang sras lags te/ /chos kyi sprul pa thugs kyi sras/ /rtogs shing mngon bgyis mthong ba dang / /
275a3 chos mchog gang gis rnyed de dag /gum na'ang mya ngan mi bgyid la/ /dga' bar 'gyur ba'ang ma mchis lags/ /'gum pa la yang dga' mi bgyid/ /'tsho ba'ang yongs su tshol mi bgyid/ /btang snyoms smra ba dpa' bo dag /dge ba'i chos ni mang po bgyid/ /byang
275a4 chub ched du lam sbyong zhing //sangs rgyas rigs 'dzin 'di dag ni/ /sangs rgyas spyod yul gang lags pa/ /yab kyi rjes su rab tu slob/ /brtson 'grus ldan zhing 'jigs ma mchis/ /sems can kun la sman slad du/ /thams cad mkhyen pa yongs tshol te/ /zhi ba mya ngan
275a5 'da' bar zhugs//'jig rten shin tu bsregs pa la/ /de dag mya ngan 'da' ston te/ /bdag nyid la ni mi lta zhing / /bde dang sdug bsngal mi gnas lags/ /ji ltar mgo la me 'bar ba/ /zhi bar bgyid pa tshol ba bzhin/ /sems can kun gyi don slad du/ /de dag
275a6 de bzhin chos rnams tshol//'gro la dga' bas nyin mtshan du/ /de gang rang byung shin tu tshol/ /bskal pa bye ba stong du yang / /nams kyang brtson 'grus mi 'dor ro/ /bu dang chung ma nor dang 'bru/ /mgo dang de bzhin rgyal po'i srid/ /zhum pa ma mchis
275a7 kun btang zhing //de dag gtong ba rab tu bsgoms/ /srog chags kun gyi don slad du/ /de dag byang chub mchog reg 'gyur/ /blo mchog ldan pa de dag ni/ /mthong zhing thos pa rnyed par dka'/ /de nas 'khor der byang chub sems dpa' thams cad zil gyis
275b1 gnon pa zhes bya ba 'dus te 'dug par gyur pa des bcom ldan 'das la 'di skad ces gsol to//bcom ldan 'das 'di lta ste/ dper bgyi na bar snang la rgyu ba'i bya rten pa ma mchis shing nam mkha'i khams la mi chags par gang dang gang du 'tshal ba de dang der mchi ba de
275b2 bzhin du bcom ldan 'das 'jam dpal gzhon nur gyur pa yang chos kyi dbyings la gnas te mi chags par chos 'chad lags so//bcom ldan 'das 'jam dpal gzhon nur gyur pa 'di chos kyi dbyings la zhugs nas ji srid lags/ de skad ces gsol pa dang / bcom
275b3 ldan 'das kyis byang chub sems dpa' thams cad zil gyis gnon pa la 'di skad ces bka' stsal to//thams cad zil gyis gnon pa sangs rgyas bye ba khrag khrig 'bum phrag dpag tu med pa gang dag gang yongs su mya ngan las 'das pa yang 'jam dpal gzhon nur gyur pa
275b4 'dis bla na med pa yang dag par rdzogs pa'i byang chub tu btsud de/de bzhin gshegs pa de dag thams cad kyang sangs rgyas kyi zhing yongs su dag par bla na med pa yang dag par rdzogs pa'i byang chub mngon par rdzogs par sangs rgyas nas yongs su mya ngan las 'das so/ /rigs kyi bu
275b5 sngon byung ba 'das pa'i dus na bskal pa dpag tu med/grangs med/ bsam gyis mi khyab/ mtshungs pa med/ brjod du med pa de'i pha rol gyi yang ches pha rol na de bzhin gshegs pa dgra bcom pa yang dag par rdzogs pa'i sangs rgyas ye shes kyi dpal zhes bya ba 'jig rten du
275b6 byung ngo //de'i pha rol gyi yang ches pha rol na de bzhin gshegs pa ye shes 'byung gnas zhes bya ba 'jig rten du byung ngo / /de'i pha rol gyi yang ches pha rol na de bzhin gshegs pa ye shes bla ma zhes bya ba 'jig rten du byung ngo / /de'i pha rol gyi yang ches pha rol na de bzhin gshegs
275b7 pa ye shes mthong ba zhes bya ba 'jig rten du byung ngo //de'i pha rol gyi yang ches pha rol na de bzhin gshegs pa ye shes spyod yul zhes bya ba 'jig rten du byung ngo / /de'i pha rol gyi yang ches pha rol na de bzhin gshegs pa ye shes mdzod ces bya ba 'jig rten du byung ngo / /de'i pha
276a1 rol gyi yang ches pha rol na de bzhin gshegs pa ye shes dpal zhes bya ba 'jig rten du byung ngo //de'i pha rol gyi yang ches pha rol na de bzhin gshegs pa seng ge sgrog pa zhes bya ba 'jig rten du byung ngo / /de'i pha rol gyi yang ches pha rol na de bzhin gshegs
276a2 pa seng ge rnam par gnon pa zhes bya ba 'jig rten du byung ngo //de'i pha rol gyi yang ches pha rol na de bzhin gshegs pa seng ge blo gros zhes bya ba 'jig rten du byung ngo / /de'i pha rol gyi yang ches pha rol na de bzhin gshegs pa stobs rab tu 'joms pa zhes bya ba 'jig rten du byung ngo / /
276a3 de'i pha rol gyi yang ches pha rol na de bzhin gshegs pa shugs 'chang zhes bya ba 'jig rten du byung ngo / /de'i pha rol gyi yang ches pha rol na de bzhin gshegs pa dpal brtsegs snying po zhes bya ba 'jig rten du byung ngo / /de'i pha rol gyi yang ches pha rol na de bzhin gshegs pa
276a4 dpal brtsegs rnam par 'joms pa zhes bya ba 'jig rten du byung ngo //de'i pha rol gyi yang ches pha rol na de bzhin gshegs pa mchog tu dga' ba'i rgyal po zhes bya ba 'jig rten du byung ngo / /de'i pha rol gyi yang ches pha rol na de bzhin gshegs pa stobs kyi shugs
276a5 rnam par gnon pa zhes bya ba 'jig rten du byung ngo //de'i pha rol gyi yang ches pha rol na de bzhin gshegs pa rab tu zhi bar spyod pa zhes bya ba 'jig rten du byung ngo / /de'i pha rol gyi yang ches pha rol na de bzhin gshegs pa zhi ba'i 'od zer tog gi rgyal po zhes bya ba 'jig rten du byung ngo / /
276a6 de'i pha rol gyi yang ches pha rol na de bzhin gshegs pa mtha' yas blo gros zhes bya ba 'jig rten du byung ngo / /de'i pha rol gyi yang ches pha rol na de bzhin gshegs pa mtha' yas 'dul ba zhes bya ba 'jig rten du byung ngo / /de'i pha rol gyi yang ches pha rol na de bzhin gshegs pa pad
276a7 ma'i tog ces bya ba 'jig rten du byung ngo //de'i pha rol gyi yang ches pha rol na de bzhin gshegs pa dri ma med pa'i zhal zhes bya ba 'jig rten du byung ngo / /de'i pha rol gyi yang ches pha rol na de bzhin gshegs pa zla 'od ces bya ba 'jig rten du byung ngo / /de'i pha rol gyi yang ches
276b1 pha rol na de bzhin gshegs pa dri ma med pa'i 'od zer zhes bya ba 'jig rten du byung ngo //de'i pha rol gyi yang ches pha rol na de bzhin gshegs pa dogs pa thams cad legs par 'joms pa zhes bya ba 'jig rten du byung ngo / /de'i pha rol gyi yang ches pha rol na de bzhin gshegs
276b2 pa snang byed ces bya ba 'jig rten du byung ngo //de'i pha rol gyi yang ches pha rol na de bzhin gshegs pa thams cad zil gyis gnon pa zhes bya ba 'jig rten du byung ngo / /de'i pha rol gyi yang ches pha rol na de bzhin gshegs pa bdud rtsi 'chang zhes bya ba 'jig rten du byung ngo / /de'i pha
276b3 de'i pha rol gyi yang ches pha rol na de bzhin gshegs pa bdud rtsi grags pa zhes bya ba 'jig rten du byung ngo //de'i pha rol gyi yang ches pha rol na de bzhin gshegs pa dri ma med pa'i spyan zhes bya ba 'jig rten du byung ngo / /de'i pha rol gyi yang ches pha rol na de bzhin gshegs pa phyir mi ldog
276b4 pa zhes bya ba 'jig rten du byung ngo //de'i pha rol gyi yang ches pha rol na de bzhin gshegs pa dri ma med pa'i mig ces bya ba 'jig rten du byung ngo / /de'i pha rol gyi yang ches pha rol na de bzhin gshegs pa dri mchog rgyal po zhes bya ba 'jig rten du byung ngo / /de'i pha rol gyi yang
276b5 ches pha rol na de bzhin gshegs pa dri mchog dpal zhes bya ba 'jig rten du byung ngo //de'i pha rol gyi yang ches pha rol na de bzhin gshegs pa dri'i rgyal po zhes bya ba 'jig rten du byung ngo / /de'i pha rol gyi yang ches pha rol na de bzhin gshegs pa blo gros spos zhes bya ba
276b6 'jig rten du byung ngo //de'i pha rol gyi yang ches pha rol na de bzhin gshegs pa ud pa la'i spyan zhes bya ba 'jig rten du byung ngo / /de'i pha rol gyi yang ches pha rol na de bzhin gshegs pa mtha' yas snang ba'i spyan zhes bya ba 'jig rten du byung ngo / /de'i pha rol gyi yang
276b7 ches pha rol na de bzhin gshegs pa dgra thams cad 'dul ba zhes bya ba 'jig rten du byung ngo //de'i pha rol gyi yang ches pha rol na de bzhin gshegs pa mngon par 'phags pa'i ri rgyal ba rgyan pa zhes bya ba 'jig rten du byung ngo / /de'i pha rol gyi yang ches pha rol na de bzhin
277a1 gshegs pa tshangs pa'i tog ces bya ba 'jig rten du byung ngo //de'i pha rol gyi yang ches pha rol na de bzhin gshegs pa tshangs pas skyabs zhes bya ba 'jig rten du byung ngo / /de'i pha rol gyi yang ches pha rol na bskal pa gcig la sangs rgyas drug khri 'jig rten du byung ste/
277a2 de dag gi thog ma ni 'od ces bya/ tha mar ni de bzhin gshegs pa grags pa'i 'od ces bya ba 'jig rten du byung ngo / /de'i pha rol gyi yang ches pha rol na sangs rgyas bye ba phrag bzhi 'jig rten du byung ste/ de dag gi thog mar ni de bzhin gshegs pa mar me mdzad ces bya ba 'jig
277a3 rten du byung ngo //de dag gi tha mar ni de bzhin gshegs pa spyan rig ces bya ba 'jig rten du byung ngo / /de'i pha rol gyi yang ches pha rol na bskal pa gcig la sangs rgyas bye ba phrag dgu byung ste/ de dag gi thog mar ni de bzhin gshegs pa bde spyan zhes bya ba 'jig rten du byung ngo / /
277a4 tha mar ni de bzhin gshegs pa rnam par 'byed pas rnam par phye ba zhes bya ba 'jig rten du byung ngo / /de'i pha rol gyi yang ches pha rol na de bzhin gshegs pa dga' mchog ces bya ba 'jig rten du byung ngo / /de bzhin gshegs pa dga' mchog de'i sangs rgyas kyi zhing na grags sbyin
277a5 zhes bya ba dang /dpa' mkhas zhes bya ba dang / tshangs pa'i mig ces bya ba dang / tsan dan zhes bya ba dang / rab mdzes zhes bya ba dang / seng ge 'dzin ces bya ba dang / kun nas mdzes zhes bya ba dang / spobs pa mtha' yas zhes bya ba dang / blo gros mi zhan zhes bya ba dang /
277a6 des pa zhes bya ba dang / 'grogs na bde zhes bya ba'i byang chub sems dpa' sems dpa' chen po des shing 'grogs na bde ba yon tan 'bum phrag mang po dang ldan pa bcu gcig tshangs par spyad pa spyod do/ /de'i tshe na yang bram ze'i rigs shing sA la chen po lta bu nyi mas byin zhes bya ba
277a7 mkhas shing yid rno ba shes rab kyi rang bzhin can zhig yod de/de nas bram ze'i rigs shing sA la chen po lta bu nyi mas byin grogs po bram ze'i rigs shing sA la chen po lta bu lnga brgya tsam dang lhan cig tu rin chen ldan zhes bya ba'i grong khyer chen po nas phyi rol du 'khyam pa'i phyir byung nas
277b1 dong ste/de dag dga' ba sna tshogs zhes bya ba'i tshal ga la ba der phyin to/ /de'i tshe dga' ba sna tshogs zhes bya ba'i tshal de ni byang chub sems dpa' bcu gcig 'jig rten rnams kyi don la sems phan par sems/ bde bar sems shing 'khod pa bram ze'i rigs shing sA la
277b2 chen po lta bu'i bu nyi mas byin de dga' ba sna tshogs zhes bya ba'i tshal de na 'khyam pas dga' ba sna tshogs kyi tshal de na 'khod pa'i skyes bu dam pa de dag des shing 'grogs na bde la mi rgod ma khengs mi g.yeng /mu cor mi smra/ smra ba mi mnga' zhing dran pa nye bar gzhag la/ shes rab
277b3 can/shes rab dang ldan pa/ shin tu grims par gnas par mthong ngo / /mthong nas des dge ba'i rtsa ba bskyed cing yun ring por shes rab yongs su bsgoms pa dang 'phags pa'i rigs la bsten pas skyes bu dam pa de dag la sems rab tu dang bar gyur to/ /de sems rab
277b4 tu dang bas skyes bu dam pa bcu gcig po de dag ga la ba der bram ze'i rigs shing sA la chen po lta bu'i bu g.yog rnams dang lhan cig tu dong ngo //skyes bu dam pa grags byin des bram ze'i rigs shing sA la chen po lta bu'i bu nyi mas byin rgyang ring po nas 'ong ba mthong ngo / /mthong nas bram
277b5 ze'i rigs shing sA la chen po lta bu'i bu de'i 'gro ba dang /ldog pa dang / lta ba dang / smyang ba dang / bskum pa'i spyod pa kun kyang tshangs par spyad pa yun ring du spyad pa'i spyod lam bzhin te/ skyes bu dam pa 'di bla na med pa yang dag par rdzogs pa'i byang chub kyi snod du 'gyur
277b6 ro snyam du sems so//de nas rigs kyi bu grags byin gyis skyes bu dam pa bcu gcig po de dag la 'di skad ces smras so/ /tshe dang ldan pa dag 'di ltar nyi mas byin skyes bu dam pa sangs rgyas kyi sras kyi tshul du 'gro ba/ bla na med pa sangs rgyas kyi chos rnams kyi snod du gyur
277b7 pa 'ong gis byang chub sems dpa' 'di la skyes bu dam pa rnams kyis snying rje bskyed la gdams pa dang /rjes su bstan pas ci nas rigs kyi bu 'di skye bo phal po che'i don byed cing snang ba ston pa snang bar bya ba'i phyir legs par dgongs shig /de nas bram ze'i rigs shing sA
278a1 la chen po lta bu'i bu nyi mas byin skyes bu dam pa bcu gcig po de dag gi gan du song nas 'di dag ni ston pa'o//'di dag ni 'phags pa'o zhes skyes bu dam pa de dag la ston par 'du shes bskyed de/ des skyes bu dam pa de dag gi rkang pa la mgo bos phyag 'tshal nas
278a2 phyogs gcig tu 'greng ngo //de nas rigs kyi bu grags byin gyis bram ze'i rigs shing sA la chen po lta bu'i bu nyi mas byin de la kye bram ze'i rigs shing sA la chen po lta bu'i bu nyi mas byin khyod 'dug cig ces smras nas bram ze'i rigs shing sA la chen po lta bu'i bu nyi mas byin skyes bu
278a3 dam pa de dag la shin tu ri mo bskyed de 'dug pa ni 'di lta ste/dper na rigs kyi mna' ma gyos sgyug gi mdun na 'dug pa bzhin du dam pa de dag la ri mo skyes par gyur to/ /'di lta ste/ dper na nad pa nad kyis btab nas yun ring mo las sman pa mthong na dbugs byung ba de bzhin du
278a4 bram ze'i rigs shing sA la chen po lta bu'i bu nyi mas byin de yang rigs kyi bu de dag mthong ma thag tu dbugs byung bar gyur to//'di lta ste/ dper na gsad pa la thug pa'i mi gsad du bkri ba las don bya bar 'dod phan par 'dod bde bar 'dod pa'i mi la la zhig byung ste/ des de gsad
278a5 pa las thar bar byas nas de mi de la 'di ni bdag gi skyabs/bdag la snying brtse ba can zhes de byas pa gzo ba cher skyes pa bzhin du/ bram ze'i rigs shing sA la chen po lta bu'i bu nyi mas byin yang skyes bu dam pa de dag la bdag gi skyabs/ bdag la snying brtse ba can no zhes byas pa gzo ba
278a6 skyes so//de nas rigs kyi bu grags byin gyis bram ze'i rigs shing sA la chen po lta bu'i bu nyi mas byin la smras pa/ nyi mas byin de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung ba rnyed par dka'o/ /'di lta ste/ dper na u dum
278a7 wA ra'i me tog brgya la brgya lam na 'jig rten du 'byung bar 'gyur ba de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyang brgya la brgya lam na 'jig rten du 'byung ste/gang 'jig rten thams cad dang mi 'thun pa/ 'jig rten thams cad dang
278b1 'gal ba/zab pa mthong bar dka' ba/ rtogs par dka' ba/ brtag tu med pa/ mu stegs can gzhan thams cad kyi rtog ge'i spyod yul ma yin pa/ nyan thos rnams kyis ma chud pa/ rang sangs rgyas rnams kyis mi shes pa/ byang chub sems dpa' rnams kyi
278b2 spyod yul ma yin pa'i chos ston to//de bzhin gshegs pa de la khyod kyis gus pa bskyed par bya'o/ /bsti stang dang bcas/ ri mo dang bcas pa la ni shes rab yang dag par gnas shing byams pa bskyed/ ye shes rab tu 'byung / rig pa bskyed/ mngon par shes
278b3 pa mngon du 'gyur/byang chub kyi phyogs kyi chos rnams mdun na gnas par 'gyur ro/ /de bzhin gshegs pa 'jig rten thams cad dang mi 'thun pa'i chos ji ltar ston ce na/ nyi mas byin chos thams cad ni nam mkha' la bris pa bzhin du dngos po med pa ste/ chos de
278b4 dag ni 'jig rten thams cad dang mi 'thun pa'o//nyi mas byin 'di lta ste/ dper na nam mkha' la bris pa ni ma byung mi 'byung ba de bzhin du nyi mas byin gzugs ni nam mkha' lta bu ste ngo bo nyid kyis 'gags pa'o/ /tshor ba dang / 'du shes dang / 'du byed dang / rnam
278b5 par shes pa yang nam mkha' lta bu ste ngo bo nyid kyis 'gags pa'o//nyi mas byin 'di lta ste/ dper na nam mkha' la bris pa ni ma skyes pa ste/ de bzhin du gzugs kyang ma skyes pa'o/ /tshor ba dang / 'du shes dang / 'du byed dang / rnam par shes pa yang ma
278b6 skyes pa'o//nyi mas byin 'di lta ste/ dper na nam mkha' la bris pa ni ma 'gags pa ste/ de bzhin du nyi mas byin gzugs kyang ma 'gags pa'o/ /tshor ba dang / 'du shes dang / 'du byed dang / rnam par shes pa'ang ma 'gags pa'o/ /nyi mas byin 'di lta
278b7 ste/dper na nam mkha' la bris pa ni mi 'ong mi 'gro ba de bzhin du nyi mas byin gzugs kyang mi 'ong mi 'gro ste/ tshor ba dang / 'du shes dang / 'du byed dang / rnam par shes pa yang mi 'ong mi 'gro ba'o/ /nyi mas byin 'di lta ste/ dper na nam mkha' la ni bris pa
279a1 ma skyes ma byung ba de bzhin du gzugs kyang ma skyes ma byung ste/tshor ba dang / 'du shes dang / 'du byed dang / rnam par shes pa yang ma skyes ma byung ngo / /nyi mas byin 'di lta ste/ dper na nam mkha' la bris pa ni ma 'phos ma skyes pa de bzhin du gzugs
279a2 kyang ma 'phos ma skyes te/tshor ba dang / 'du shes dang / 'du byed dang / rnam par shes pa'ang ma 'phos ma skyes so/ /nyi mas byin 'di lta ste dper na nam mkha' la bris pa ni ma byung kun nas ma byung ba de bzhin du gzugs kyang ma byung kun nas ma byung ste/ tshor ba dang / 'du
279a3 shes dang /'du byed dang / rnam par shes pa'ang ma byung kun nas ma byung ngo / /nyi mas byin 'di lta ste/ dper na nam mkha' la bris pa ni ma skyes shing med pa de bzhin du gzugs kyang ma skyes shing med pa ste/ tshor ba dang / 'du shes dang / 'du byed dang / rnam par shes pa'ang
279a4 ma skyes shing med pa'o//nyi mas byin 'di lta ste/ dper na nam mkha' la bris pa ni ma grub mngon par ma grub pa de bzhin du gzugs kyang ma grub mngon par ma grub ste/ tshor ba dang / 'du shes dang / 'du byed dang / rnam par shes pa yang ma grub mngon par ma grub bo/ /nyi
279a5 mas byin 'di lta ste/dper na nam mkha' la bris pa ni brjod du med cing brjod pa ma yin pa de bzhin du gzugs kyang brjod du med cing brjod pa ma yin te/ tshor ba dang / 'du shes dang / 'du byed dang / rnam par shes pa yang brjod du med cing brjod pa ma yin no/ /nyi mas byin 'di
279a6 lta ste/dper na nam mkha' la bris pa btags pa med cing gdags pa ma yin pa de bzhin du gzugs kyang btags pa med cing gdags pa ma yin te/ tshor ba dang / 'du shes dang / 'du byed dang / rnam par shes pa yang btags pa med cing gdags pa ma yin no/ /nyi mas byin
279a7 'di lta ste/dper na nam mkha' la bris pa ni tha snyad tsam ste/ nam mkha' la bris pa tha snyad tsam las gzhan ma yin pa de bzhin du gzugs kyang tha snyad tsam ste/ gzugs tha snyad tsam las gzhan ma yin no/ /tshor ba dang / 'du shes dang / 'du byed dang / rnam par shes pa
279b1 yang tha snyad tsam ste/tha snyad tsam las rnam par shes pa gzhan ma yin no/ /nyi mas byin 'di lta ste/ dper na nam mkha' la bris pa ni 'di ltar kun rdzob tsam ste/ kun rdzob las nam mkha' la bris pa gzhan ma yin pa de bzhin du nyi mas byin gzugs kyang 'di ltar
279b2 kun rdzob tsam ste/kun rdzob las gzugs gzhan ma yin/ tshor ba dang / 'du shes dang / 'du byed dang / rnam par shes pa yang 'di ltar kun rdzob tsam ste/ kun rdzob las rnam par shes pa'i bar du gzhan ma yin no/ /nyi mas byin 'di lta ste/ dper na nam mkha' la
279b3 bris pa ni 'di ltar ming tsam ste/ming tsam las nam mkha' la bris pa gzhan ma yin pa de bzhin du gzugs kyang ming tsam ste/ ming tsam las gzhan ma yin no/ /de bzhin du rnam par shes pa'i bar du yang 'di ltar ming tsam ste/ ming tsam las rnam par shes pa'i bar du
279b4 gzhan ma yin no//nyi mas byin 'di lta ste/ dper na nam mkha' la bris pa ni 'di ltar brjod pa tsam ste/ brjod pa tsam las nam mkha' la bris pa gzhan ma yin pa de bzhin du gzugs kyang 'di ltar brjod pa tsam ste/ brjod pa tsam las gzugs gzhan ma yin no/ /
279b5 de bzhin du rnam par shes pa'i bar du yang 'di ltar brjod pa tsam ste/ brjod pa tsam las rnam par shes pa'i bar du gzhan ma yin no/ /nyi mas byin 'di lta ste/ dper na nam mkha' la bris pa ni 'di ltar btags pa tsam ste/ btags pa tsam las nam mkha' la bris
279b6 pa gzhan ma yin pa de bzhin du gzugs kyang 'di ltar btags pa tsam ste/btags pa tsam las gzugs gzhan ma yin no/ /tshor ba dang / 'du shes dang / 'du byed dang / rnam par shes pa yang 'di ltar btags pa tsam ste/ btags pa tsam las tshor ba
279b7 dang /'du shes dang / 'du byed dang / rnam par shes pa gzhan ma yin no/ /nyi mas byin 'di lta ste/ dper na nam mkha' la bris pa 'di ltar 'du shes tsam ste/ 'du shes tsam las nam mkha' la bris pa gzhan ma yin pa de bzhin du gzugs nas rnam par
280a1 shes pa'i bar du yang 'di ltar 'du shes tsam ste/'du shes tsam las gzugs nas rnam par shes pa'i bar du gzhan ma yin no/ /nyi mas byin 'di lta ste/ dper na nam mkha' la bris pa ni brda tsam ste/ brda tsam las nam mkha' la bris pa
280a2 gzhan ma yin pa de bzhin du gzugs nas rnam par shes pa'i bar du yang 'di ltar brda tsam ste/brda tsam las gzugs nas rnam par shes pa'i bar du gzhan ma yin no/ /nyi mas byin 'di lta ste/ dper na tshig gang gis nam mkha' la bris par brjod pa'i tshig ni
280a3 don dam par mi dmigs pa de bzhin du 'di lta ste/gzugs dang / tshor ba dang / 'du shes dang / 'du byed dang / rnam par shes pa zhes bya ba'i chos de dag kyang 'das pa'i de bzhin gshegs pa rnams kyis kyang ma dmigs/ ma byon pa dang / da ltar gyi de bzhin
280a4 gshegs pa rnams kyis kyang ma dmigs so//nyi mas byin ye shes de rtogs par bya ba'i phyir sangs rgyas bcom ldan 'das rnams sngon byang chub sems dpa'i spyad pa spyod pa na sdug cing phangs pa'i dngos po thams cad yongs su btang yang zhum par mi 'gyur te/ gang ye shes
280a5 'di la gnas pa de dag ni 'jig rten du rtogs par mi blta'o//gang ye shes 'di la gnas pa de dag ni 'jig rten gyi grangs su mi 'gro'o/ /gang ye shes 'di la gnas pa de dag ni gdags par bya ba ma yin no/ /gang ye shes 'di la gnas pa de dag ni byang chub mngon par
280a6 rdzogs par sangs rgyas so//gang ye shes 'di la gnas pa de dag ni 'khor ba las bskyod pa ma yin no/ /gang ye shes 'di la gnas pa de dag ni 'khor ba'i chos can yang ma yin no/ /mya ngan las 'das pa'i chos can yang ma yin no/ /gang ye shes 'di la gnas pa
280a7 de dag ni kun nas nyon mongs pa'i chos can ma yin/rnam par byang ba'i chos can ma yin no/ /gang ye shes 'di la gnas pa de dag ni zhi bar spyod pa yang ma yin/ ma zhi bar spyod pa yang ma yin no/ /de nas bram ze'i rigs shing sA la chen po lta bu'i bu nyi mas byin gyis
280b1 skyes bu dam pa grags byin gyis bshad pa la legs so zhes shin tu bstod de rjes su yi rang ngo //de nas yang skyes bu dam pa bcu gcig po de dag gis bram ze'i rigs shing sA la chen po lta bu'i bu nyi mas byin de rab tu dga' bar bya ba'i phyir bram ze'i rigs shing sA la chen po
280b2 lta bu'i bu nyi mas byin de la 'di skad ces smras so//rigs kyi bu khyod kyis chos zab mo 'di thos kyang ma skrag skrag par ma gyur/ shin tu skrag par ma gyur/ ma myos myos par ma gyur pa legs so legs so/ /rigs kyi bu khyod kyis gang la bslab par bya ba'i sa ni 'di yin
280b3 no//de nas bram ze'i rigs shing sA la chen po lta bu'i bu nyi mas byin zab mo gos pa med pa'i chos bstan pa 'di thos nas tshim zhing mgu ste yi rangs nas rab tu dga' ste/ dga' ba dang / yid bde ba skyes nas sangs rgyas kyi chos zab mo mthar phyin par gyur to// //bam
280b4 po bdun pa ste tha ma/de nas bram ze'i rigs shing sA la chen po lta bu'i bu nyi mas byin dang / skyes bu dam pa bcu gcig po de dag de bzhin gshegs pa dgra bcom pa yang dag par rdzogs pa'i sangs rgyas dga' mchog ces bya ba de ga la ba der dong ste phyin nas bcom ldan 'das
280b5 de'i zhabs la mgo bos phyag 'tshal te phyogs gcig tu 'khod do//de nas skyes bu dam pa grags byin des bcom ldan 'das de bzhin gshegs pa dga' mchog de la tshigs su bcad pa 'di dag gsol to/ /zhi ba'i dbyings la rab zhugs tshul rnams la/ /mkhas pa
280b6 'dren pa rnams ni legs so zhes//gang gis mi mchog shin tu 'thob 'gyur ba/ /de ni mi rnams dam pa bstan du gsol/ /'jig rten mkhas pas bstan pa thos nas su/ /byang chub mchog la mi rnams rab tu 'jug /gang thos drang srong chen por 'gyur ba dag /tshul
280b7 de srog chags rnams la sman slad gsungs//bde gshegs bdag gi rigs la gnas nas su/ /thub pas sangs rgyas ye shes mngon par bstod/ /rgyal bas de yid rab tu dga' bar mdzad/ /de dag thos nas shin tu gnas par 'gyur/ /rgyal ba bdag
281a1 gis ji tsam 'tshal ba rnams//'dren pa bdag gis chos rnams bshad lags te/ /ston pas ji ltar chos rnams kun mkhyen pa/ /'dren pas legs par ma lus bstan du gsol/ /de la dga' mchog 'jig rten 'dren pa yis/ /rgyal
281a2 sras spyod pa gang la spyad pas na//mi yi gtso bo 'dren par 'gyur ba yi/ /sangs rgyas chos rnams ma lus nges par bstan/ /thams cad chos zhes bya ba mtshan nyid gcig /mtshan nyid bral zhing mtshan nyid med pa ste/ /zhi ba nga med mi g.yo yon tan med/ /
281a3 spobs pa med cing zhi ba 'tsho ba med/ /kun nas nyon mongs rnam par byang bas stong / /dngos po nyid med cung zad med pa ste/ /'di ni bstan pa ma yin ston pa med/ /bshad pa med cing 'chad par byed pa'ang med/ /tshor ba ma yin tshor ba po yang med/ /shes
281a4 pa ma yin shes par byed pa'ang med//su la'ang ma yin gang gis kyang min te/ /'di dag ma byas byed du bcug pa'ang med/ /sus kyang blangs pa med cing btang ba'ang med/ /sus kyang bsgrags pa med la thos pa'ang med/ /sus kyang mi shes rnam par shes pa'ang med/ /
281a5 'di dag dngos por sus kyang mthong ba med/ /'di ni zhi ba ma yin rgod pa'ang min/ /zhi bar mi byed zhi bar byas pa'ang med/ /byed pa ma yin byed pa med pa'ang min/ /sems pa med cing tshor bar byed pa'ang med/ /'dus byas ma yin 'dus ma byas pa'ang min/ /'pho
281a6 ba ma yin mi 'pho ba yang min//'ongs pa med cing 'gro ba yod pa min/ /'di ni kun du mi 'chi skye ba med/ /skye ba med cing bskyed pa'ang ma yin te/ /'di ni 'gags pa med la 'gags pa'ang min/ /'di ni brtan pa med cing bshig pa'ang med/ /de ltar rgyal
281a7 ba'i chos rnams bshig pa'ang med//de ltar rgyal ba'i chos rnams shes par gyis/ /'dren pa bde bar gshegs pa gang 'das pa/ /de dag gis kyang tshul 'di rab tu bstan/ /'dren pa sangs rgyas ma byon 'byung ba rnams/ /de dag kyang ni tshul 'di 'chad par
281b1 'gyur//rnam par 'dren pa da ltar gang byung ba/ /rgyal ba de dag kun kyang tshul 'di ston/ /chos nyid 'di dag rab tu shes pa yi/ /byang chub sems dpa' 'jigs pa med par 'gyur/ /zhi ba'i sa yang rab tu shes 'gyur te/ /mkhas pas shes par dka' ba rab tu bstan/ /
281b2 rgyal ba'i thugs sras ji tsam shes pa dag /'gro ba gtses pa 'di la mya ngan med/ /de la snying rje bla na med pa ste/ /'gro ba kun la byams par shin tu gnas/ /stong pa nyid la gnas par gyur pas na/ /rgyal ba'i bstan pa dag la the tshom med/ /mtshan ma med
281b3 par gnas par gyur pas na//de la smon lam 'debs pa'ang yong med de/ /rlung rnams nam mkha' dag la mi thogs bzhin/ /dpa' bo de dag 'gro bar mi chags so/ /bskal pa mang por bye bar kun 'khor zhing / /sems can bye ba mang po ston par byed/ /kun du kun
281b4 nas nyon mongs mi 'gyur te//de ni byang chub dam pa 'tshang rgya nus/ /gal te bdud kyis sangs rgyas bye bstan te/ /de dag nyan thos kyis shes smra na yang / /ngas ni chos nyid yang dag rab rtogs te/ /khyod ni 'dren pa min zhes de smra'o/ /dri ma med pa'i ye shes mig sbyangs
281b5 te//bdag ni the tshom ma lus rnam par byang / /stong par bdag ni gzhan dring gi mi 'jog /khyod ni gang zag mchog min phar deng shig /de ltar rgyal bas chos nyid bstan pas na/ /gang la 'dren pa'i sras rnams gnas pa la/ /bye ba khrag khrig bdud kyis thub dka' ste/ /
281b6 ji ltar ri bo bskyod par mi nus bzhin/ /de nas bram ze'i rigs shing sA la chen po lta bu'i bu nyi mas byin bcom ldan 'das de bzhin gshegs pa dga' mchog de las stong pa nyid dang ldan pa'i tshigs su bcad pa de dag thos nas 'di lta bu'i dge ba'i rtsa ba'i shugs thob ste/
281b7 dge ba'i rtsa ba ji lta bu'i thob pas ta la bdun srid du nam mkha' la 'phags te/ des phyogs bcu'i 'jig rten gyi khams dpag tu med pa dag na byang chub sems dpa' bye ba khrag khrig brgya phrag dpag tu med pa rnams thabs mkhas pa rnam pa tha dad pas byang chub sems dpa' yang
282a1 dag par sgrub pa mthong /byang chub sems dpa' bye ba khrag khrig dpag tu med pa rnams dga' ldan gyi gnas nas shi 'phos te/ yum gyi lhums su zhugs pa yang mthong / byang chub sems dpa' bye ba dpag tu med pa rnams lha 'bum gyis mchod cing yum
282a2 gyi rum du 'gro ba yang mthong /byang chub sems dpa' bye ba khrag khrig 'bum phrag dpag tu med pa rnams btsas nas gom pa bdun 'dor ba yang mthong / byang chub sems dpa' bye ba khrag khrig dpag tu med pa rnams mngon par 'byung ba yang mthong / byang chub sems dpa' bye ba
282a3 khrag khrig 'bum phrag dpag tu med pa rnams byang chub mngon par rdzogs par byang chub pa yang mthong /sangs rgyas bye ba khrag khrig dpag tu med pa rnams la brgya byin dang tshangs pa dag gis chos kyi 'khor lo bskor bar gsol pa yang mthong / sangs rgyas bcom ldan 'das dpag
282a4 tu med pa rnams chos kyi 'khor lo bskor ba yang mthong /sangs rgyas bcom ldan 'das dpag tu med pa rnams spyod lam dpag tu med pa rnams kyis sems can rnams 'dul ba yang mthong / sangs rgyas bcom ldan 'das dpag tu med pa rnams phyogs bcu'i 'jig rten na
282a5 phung po'i lhag ma med pa'i mya ngan las 'das pa'i dbyings su yongs su mya ngan las 'da' ba yang mthong ngo //de nas bram ze'i rigs shing sA la chen po lta bu'i bu nyi mas byin bar snang la 'dug bzhin du bcom ldan 'das de bzhin gshegs pa dga' mchog de la
282a6 tshigs su bcad pas mngon par bstod pa/legs so legs so rkang gnyis kun gyi mchog /'dren pa khyod kyis 'di dag chos bstan pa/ /bar snang gnas kyi bya yi rjes bzhin du/ /dngos bral mtshungs med ci yang ma lags pa/ /mtshan ma ma mchis nam
282a7 mkhar bris pa bzhin//de ltar bde bar gshegs pas chos bstan te/ /sprul pa dag gis ji ltar gzhan sprul bzhin/ /yang dag tu na rgyal bas bstan ma mchis/ /sos ka'i dus kyi smig rgyu ji bzhin du/ /snang yang yang dag par ni mchis ma lags/
282b1 de bzhin bde bar gshegs pas chos bstan te/ /ston pa gang lags de yang de dang 'dra/ /sngon chad the tshom nem nur gang byung ba/ /de yang 'dren pa'i drung du bral gyur te/ /bde bar gshegs pas gsungs pa'i chos kyang rig /'gro ba sgrol mdzad rnam par 'dren
282b2 par shog /stobs bcu dag gis bsgrubs pa ci 'dra bar/ /rgyal ba'i zhing mchog bzang po sbyang bar bgyi/ /sangs rgyas rgyal ba rkang gnyis gtsor gyur te/ /skye bo ma rtogs pa rnams rtogs par bgyi/ /srid pa'i rgya mtshos khyer ba'i 'gro ba rnams/ /gnas dang skyabs dang
282b3 rten kyang ma mchis pa'i//skyabs su 'gyur zhing sdug bsngal thar bgyi ste/ /rga shi bral ba'i gnas kyang bstan par bgyi/ /bye ba khrag khrig bdud kyi spyod yul ni/ /thams cad rgyal ba'i spyod yul du yang bgyi/ /sems can bdud kyi yul nas bton nas su/ /drang srong chen po'i
282b4 yul du drang bar bgyi//bde bar gshegs pas zhi ba'i chos bstan pa/ /gang gis thos nas gang la'ang mi reg pa/ /de dag mchog gi tshul la gnas par 'gyur/ /'dren pa srog chags rnams kyi ston par 'gyur/ /chos nyid 'di ltar mi gang rab rtogs shing / /ston pa rgyal
282b5 ba'i dbang po'i spyan snga nas//bstan bcos kun la mkhas shing 'jigs bral ba/ /de dag bla na med pa'i bde gshegs 'gyur/ /stong pa 'di nyid gang gis rab rtogs shing / /stong par dmigs pa'i 'du shes bral gyur na/ /de dag ma smas bde bar gshegs par 'gyur/ /
282b6 srog chags bye ba mang po 'grol bar bgyid/ /mkhas pa btsog pa la ni mi dga' ste/ /zas kyi ro rnams la yang chags ma mchis/ /rtogs pa dgon pa'i gnas la shin tu mos/ /de dag rkang gnyis dam pa mkhas par 'gyur/ /sbyangs pa gang dag stobs bcus bsngags pa dag /de
282b7 dag rtag tu rab tu gnas par 'gyur//'phags pa'i rigs la de dag rtag tu dga'/ /rab tu dga' bas byang chub mchog kyang thob/ /de dag chos rnams bde bar gshegs pas bsngags/ /de la mkhas pa gnas pas 'di mthong ste/ /zhi ba gang la bde gshegs gnas pa yi/ /
283a1 byang chub de ni 'jig rten 'dren pas bsngags/ /'dren pa khyod las stong pa deng thos te/ /ye shes bla na med pa'ang bdag gis bsgrubs/ /sangs rgyas rkang gnyis gtso bor 'gyur bar bgyi/ /mi mkhas 'gro ba dag kyang rnam par dgrol/ /thub
283a2 pa khyod la bdag ni skyabs su mchi//gang la log pa'i blo gros mi dmigs shing / /chos rnams kun la khyod ni the tshom bral/ /de slad 'jig rten khyod dang 'dra ma mchis/ /'dren pa bde bar gshegs la gang bstod pa'i/ /bsod nams mi chung bdag gis bsags pas
283a3 na//bdag ni de yi dge ba'i las 'di yis/ /mi yi gtso bo 'dren par 'gyur bar shog /de nas bram ze'i rigs shing sA la chen po lta bu'i bu nyi mas byin gyis bcom ldan 'das de bzhin gshegs pa dga' mchog de la tshigs su bcad pa de dag gis mngon par bstod
283a4 nas dge ba'i rtsa ba des bskal pa brjod du med par nams kyang smyos pa dang glen par ma gyur to//gang dang gang du skyes pa de dang der 'dren pa skyes bu chen por gyur to/ /nams kyang log par ltung bar ma gyur to/ /nams kyang gzhan gyi dring la 'jog par ma gyur to/ /nams kyang gzhan gyi
283a5 ngor lta bar ma gyur to//nams kyang bskal pa brjod du med par tha na se gol gtogs pa tsam gyi bar du sems can rnams yongs su smin par ma byas par ma gyur to/ /thams cad zil gyis gnon pa 'di ji snyam du sems/ de'i tshe de'i dus na rigs kyi bu grags byin zhes bya bar
283a6 gyur pa de gzhan zhig yin pa snyam du 'dzin na thams cad zil gyis gnon pa khyod kyis de ltar mi blta'o//de ci'i phyir zhe na/ rigs kyi bu bzang skyong zhes bya ba de de'i tshe de'i dus na rigs kyi bu grags byin zhes bya bar gyur to/ /thams cad zil gyis gnon pa 'di ji snyam du
283a7 sems/de'i tshe de'i dus na mkhas pa'i snying por gyur pa de gzhan zhig yin pa snyam du sems na khyod kyis de ltar mi blta'o/ /de ci'i phyir zhe na/ byang chub sems dpa' dkon mchog 'byung gnas zhes bya ba de de'i tshe de'i dus na rigs kyi bu mkhas pa'i snying po zhes bya bar gyur to/ /
283b1 thams cad zil gyis gnon pa 'di ji snyam du sems/ de'i tshe de'i dus na tsan dan snying po zhes bya bar gyur pa de gzhan zhig yin pa snyam du 'dzin na khyod kyis de ltar mi blta'o/ /de ci'i phyir zhe na/ byang chub sems dpa' skyob byin zhes bya ba de de'i tshe de'i dus na rigs kyi
283b2 bu tsan dan snying po zhes bya bar gyur to//thams cad zil gyis gnon pa 'di ji snyam du sems/ de'i tshe de'i dus na rigs kyi bu tshangs pa'i mig ces bya bar gyur pa de gzhan zhig yin pa snyam du 'dzin na khyod kyis de ltar mi blta'o/ /de ci'i phyir zhe na/ byang chub sems dpa' ded
283b3 dpon bzang po de de'i tshe de'i dus na rigs kyi bu tshangs pa'i mig ces bya bar gyur to//de bzhin du sbyar te/ gang rigs kyi bu des pa zhes bya bar gyur pa de ni byang chub sems dpa' mes byin yin no/ /gang de'i tshe de'i dus na rigs kyi bu blo gros 'chang zhes bya bar gyur pa de ni byang chub sems
283b4 dpa' bzang skyong yin no//de'i tshe de'i dus na gang rigs kyi bu kun du 'dzin par gyur pa de ni byang chub sems dpa' dbang pos byin yin no/ /de'i tshe de'i dus na gang rigs kyi bu spobs pa mtha' yas su gyur pa de ni byang chub sems dpa' chu'i lha yin no/ /thams cad zil gyis gnon pa
283b5 'di ji snyam du sems/de'i tshe de'i dus na bram ze'i rigs shing sA la chen po lta bu'i bu nyi mas byin zhes bya bar gyur pa de gzhan zhig yin pa snyam du 'dzin na thams cad zil gyis gnon pa khyod kyis de ltar mi blta'o/ /de ci'i phyir zhe na/ 'jam dpal gzhon nur gyur pa 'di de'i tshe de'i dus na bram
283b6 ze'i rigs shing sA la chen po lta bu'i bu nyi mas byin zhes bya bar gyur to//thams cad zil gyis gnon pa de lta bas na/ byang chub sems dpa' sems dpa' chen po gzhan gyi dring la mi 'jog pa dang / gzhan gyis mi bkri bar 'dod pa dang / gzhan gyi ngor mi blta bar 'dod
283b7 na chos kyi dbyings la rab tu 'jug pa'i phyir dge ba'i bshes gnyen rnams la bsten par bya/'grogs par bya/ bsnyen bkur bya'o/ /chos zab mo mnyan pa'i phyir yongs su 'dri ba'i ngang tshul can du bya'o/ /de nas 'jam dpal gzhon nur gyur pas bcom ldan 'das
284a1 la 'di skad ces gsol to//bcom ldan 'das 'di ltar stobs bskyed pas chos kyi dbyings la zhugs pa'i byang chub sems dpa' thams cad zil gyis gnon pa 'dis yang dag par rdzogs pa'i sangs rgyas ji snyed cig la dge ba'i rtsa ba bskyed lags/
284a2 sangs rgyas bcom ldan 'das ji snyed cig la yongs su zhu ba zhus lags/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal stong gsum gyi stong chen po'i 'jig rten gyi khams kyi sa dang /
284a3 rtswa dang / shing dang / yal ga dang / lo ma rnams rdul phra rab tu byas kyang bgrang bar nus kyi/ byang chub sems dpa' thams cad zil gyis gnon pas sangs rgyas bcom ldan 'das de dag las dge ba'i rtsa ba bskyed pa dang / sangs rgyas bcom ldan 'das rnams la
284a4 chos kyi dbyings su yongs su zhugs pa dang /chos kyi dbyings la 'jug pa dang / thabs mkhas pa la 'jug pa yongs su dris pa ni bgrang bar mi nus so/ /'jam dpal sngon byung ba 'das pa'i dus na bskal pa grangs med/ dpag tu med/ bsam gyis mi khyab/
284a5 mtshungs pa med/ gzhal du med/ brjod du med pa de'i pha rol gyi yang ches pha rol na zhi ba'i phung po'i bskal pa la sangs rgyas kyi zhing dpag tu med cing sangs rgyas kyi zhing tshad med par yongs su dag pa dang ldan pa brjod du med pa'i sangs rgyas kyi zhing yongs su dag pa dang
284a6 ldan par de bzhin gshegs pa/rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das dbang po'i rgyal mtshan zhes bya ba
284a7 'jig rten du byung ngo //de bzhin gshegs pa dbang po'i rgyal mtshan de'i sangs rgyas kyi zhing de na yang dge slong dpa' sra zhes bya ba mkhas pa/ yid gzhungs pa/ bye brag phyed pa/ rtogs pa/ shes rab kyi rang bzhin can zhig byung ste/ bcom ldan 'das de bzhin
284b1 gshegs pa dgra bcom pa yang dag par rdzogs pa'i sangs rgyas dbang po'i rgyal mtshan de la rim gro byed par gyur to//des de bzhin gshegs pa dbang po'i rgyal mtshan de la lo bye ba khrag khrig brgyad cu'i bar du shin tu gus par byas te bshad pa rnams kyang gzungs su
284b2 'dzin cing rang gi don kyang mi gtong ste/des de bzhin gshegs pa la lo bye ba khrag khrig brgyad cu'i bar du thams cad mkhyen pa nyid kyi sems kyis rim gro byas te/ de'i dge ba'i rtsa bas sangs rgyas bye ba khrag khrig dpag tu med pa rnams mnyes par byas nas de bzhin gshegs
284b3 pa de dag thams cad kyi rim gro byed par gyur te/de bzhin gshegs pa de dag thams cad la'ang thams cad mkhyen pa nyid kyi sems kyis bsnyen bkur byas so/ /de bzhin gshegs pa de dag thams cad kyis thog ma dang / bar dang / tha mar dus gsum du bstan pa rnams
284b4 yongs su bzung bar gyur to//de'i 'og tu zhi ba'i snying po zhes bya ba'i bskal pa de la sangs rgyas bye ba phrag dgu byung ste/ sangs rgyas bcom ldan 'das de dag thams cad byang chub sems dpa' des yang mnyes par byas nas de bzhin gshegs pa de dag thams cad kyi rim gro byed par gyur
284b5 te/de dag thams cad la yang thams cad mkhyen pa nyid kyi sems kyis rim gro byas nas de bzhin gshegs pa de dag thams cad kyi thog ma dang / bar dang / tha ma dus gsum du bstan pa rnams yongs su bzung ngo / /de'i 'og tu zla 'od ces bya ba'i bskal pa byung ste/ de la de
284b6 bzhin gshegs pa dgra bcom pa yang dag par rdzogs pa'i sangs rgyas dkon mchog mkhas pa'i rgyal po zhes bya ba 'jig rten du byung ngo //de bzhin gshegs pa dkon mchog mkhas pa'i rgyal po de'i tshe'i tshad ni bskal pa bye ba phrag brgyad cur gyur te/ de la yang byang chub
284b7 sems dpa' dpa' sra des bskal pa bye ba brgyad cu'i bar du yid du 'ong bas bsnyen bkur byas te/yid du mi 'ong bas ma yin no/ /de la de bzhin gshegs pa dkon mchog mkhas pa'i rgyal po zhes bya ba des bskal pa brgyad cu'i bar du ji ltar chos kyi dbyings la 'jug par 'gyur te/
285a1 nam mkha' la bris pa lta bur chos kyi dbyings su 'jug pa bstan to/ /bskal pa bye ba brgyad cu'i bar du chos thams cad nam mkha' la bris pa lta bur bstan te/ dpa' sra 'byung ba chen po bzhi ni gzhan du 'gyur yang srid kyi nam mkha' la bris pa lta bu'i chos thams
285a2 cad ni kyang gzhan du 'gyur ba med do//de nas byang chub sems dpa' dpa' sra chos kyi dbyings la 'jug pa 'di thos nas 'di lta bu'i dge ba'i rtsa ba'i shugs thob ste/ ji lta bu'i dge ba'i rtsa ba'i shugs thob pas nam mkha' la ta la bdun srid du 'phags te/ des phyogs
285a3 bcu'i 'jig rten gyi khams dpag tu med pa na byang chub sems dpa' dpag tu med pa rnams bla na med pa yang dag par rdzogs pa'i byang chub mngon par rdzogs par 'tshang rgya bar mthong /kha cig ni bla na med pa'i chos kyi 'khor lo bskor/ kha cig ni rdzu 'phrul gyi cho 'phrul rnam pa
285a4 du mas sems can rnams 'dul/kha cig ni tshe'i 'du byed 'dor/ kha cig ni phung po'i lhag ma med pa'i mya ngan las 'das pa'i dbyings su yongs su mya ngan las 'da' ba mthong nas bcom ldan 'das de bzhin gshegs pa dkon mchog mkhas pa'i rgyal po de la zab mo'i
285a5 tshigs su bcad pa 'di dag gis mngon par bstod do//zhi ba byang chub mtshungs med btsal slad du/ /bdag gis sangs rgyas 'das pa bye stong la/ /shin tu gus pa chen po bskyed nas su/ /sngon gyi 'dren pa dag la bsnyen bkur bgyis/ /sems ni nams kyang gzhan
285a6 du ma bsams te//rtag par yid ni stong pa nyid la bzhag /chos rnams stong par bde bar gshegs pas bstan/ /de dag chos kyang yid kyis rnam par bsams/ /bdag tu smra ba mi gang mi mkhas pa/ /mu stegs can kun bdag gis zil gyis mnan/ /chos rnams
285a7 thams cad chu yi zla ba bzhin//de la bdag ni the tshom cang ma mchis/ /mig 'di dam pa'i don du stong par ni/ /bde bar gshegs pas bshad pa thos nas rtogs/ /mig 'di mig tu mchis pa ma lags te/ /mdzangs pa ma lags mi rnams 'di la slad/ /nges par
285b1 sna lce rna ba de bzhin te//lus kyang ngo bo nyid kyis mchis ma lags/ /de bzhin sems dang sems pa'ang stong pa nyid/ /sems ni dben zhing rab tu stong pa lags/ /gzugs kyang gzugs kyis rnam par dben zhing stong / /sgra dang dri dang ro dang reg kyang stong / /
285b2 chos rnams thams cad ngo bo nyid stong ste/ /skye mched de dag ngo bo nyid kyis stong / /de bzhin khams kyang khams rnams nyid kyis stong / /bden pa'ang bden pas de bzhin stong pa ste/ /'di la mdzangs pa ma lags 'gro ba rnams kyang bslad/ /gang na'ang
285b3 stong par rig pa ma mchis par//nam mkha' bar snang bya yi rjes dang mtshungs/ /gang na'ang ngo bo nyid ni ma mchis pa/ /de ni nams kyang gzhan gyi rgyur mi 'gyur/ /gang gis ngo bo nyid ni mi rnyed par/ /rang bzhin de med ji ltar gzhan gyi rkyen/ /rang bzhin
285b4 med pa gzhan gyis ci zhig skyed//rgyu de bde bar gshegs pas bstan pa'o/ /thams cad chos kyang mi g.yo brtan par gnas/ /mi 'gyur 'tshe ba ma mchis zhi ba ste/ /ji ltar nam mkha' rig pa ma mchis ltar/ /de la mi mdzangs 'gro ba myos par 'gyur/ /
285b5 ji ltar ri bo dag ni mi sgul ba/ /de bzhin chos rnams rtag tu bskyod mi nus/ /'chi 'pho ma mchis skye ba ma mchis pa'i/ /chos rnams de ltar rgyal bas rab tu bstan/ /gang gis yang dag chos rnams nges rtogs pa/ /des ni rgyal ba rnam 'dren bsnyen bkur bgyis/ /
285b6 gang la 'di 'dra'i nan tan ma mchis pa/ /de dag rgyal ba'i chos nyid mchod ma bgyis/ /gang gis tshul bzhin rab tu chos rtogs pa/ /des ni rgyal ba bde gshegs bkur stir bgyis/ /de dag rgyal ba chos kyis mchod bgyis te/ /byang chub mchog tu de dag
285b7 'tshang yang rgya//gang gis tshul bzhin chos rnams rab rtogs pa/ /mkhas pa de dag rgyal ba'i rigs kyang 'dzin/ /bde bar gshegs pa'i bstan pa des bzung ste/ /byang chub dam pa mchog tu 'tshang yang rgya/ /rgyal ba brgya yis stong pa nyid bshad de/ /
286a1 byang chub sems dpa' khrag khrig rnams kyis bzung / /bde bar gshegs pa'i shul 'dir byang chub phyir/ /de la mkhas pa the tshom gzhar mi 'byung / /bde bar gshegs pas chos rnams gang bstan pa/ /chos nyid de ni de ring bdag gis
286a2 'tshal//'dren pa mi rnams kyi yang mchog tu 'gyur/ /shin tu sdug bsngal skye bo rnam par dgrol/ /'di ltar stong pa nyid ni rig pas na/ /bdag gis de ring chos kyi yab la mchod/ /gang slad mi yi gtso bo khyod 'phags pas/ /de bzhin gshegs pa de la skyabs
286a3 su mchi//de nas byang chub sems dpa' dpa' sras bcom ldan 'das de bzhin gshegs pa dkon mchog mkhas pa'i rgyal po la stong pa nyid dang ldan pa'i tshigs su bcad pa de dag gis mngon par bstod pa'i dge ba'i rtsa ba des gang dang gang du skyes pa de dang der yang gzungs dang /
286a4 zhi gnas dang / shes rab kyis sems can thams cad zil gyis mnan to/ /'jam dpal de'i tshe de'i dus na byang chub sems dpa' dpa' srar gyur pa de gzhan zhig yin pa snyam du 'dzin na 'jam dpal khyod kyis de ltar mi blta'o/ /de ci'i phyir zhe na/ byang chub sems
286a5 dpa' thams cad zil gyis gnon pa 'di ni de'i tshe de'i dus na byang chub sems dpa' dpa' sra zhes bya bar gyur to//de lta bas na 'jam dpal byang chub sems dpa' sems dpa' chen po sangs rgyas kyi zhing brjod du med pa rnams yongs su sbyang bar 'dod pas stong pa nyid rnam par
286a6 thar pa'i sgo la bslab par bya'o//de la slob pa'i tshe yang sems gang la yang mi chags mi thogs te/ de'i sems ma chags shing thogs pa med pas bya ba gang dang gang la dmigs pa de dang de yang mngon sum du 'gyur ro/ /'jam dpal nga stong pa nyid 'di la slob pa na/ ye
286a7 shes ji lta bu rab tu thob pas ji ltar bsams pa de bzhin du 'gyur zhing gar 'dod pa der 'gyur ba'i ye shes de lta bu rab tu thob bo//'jam dpal shar gyi phyogs char sangs rgyas kyi zhing bcu 'das pa na rtag tu snang bar byas zhes bya ba'i 'jig rten gyi khams yod de/ de na nga la
286b1 sems can rnams kyis de bzhin gshegs pa dgra bcom pa yang dag par rdzogs pa'i sangs rgyas shugs 'chang zhes bya bar shes so//'jam dpal shar gyi phyogs char sangs rgyas kyi zhing brgyad 'das pa na rin chen yod ces bya ba'i 'jig rten gyi khams yod de/ de na
286b2 nga la sems can rnams kyis de bzhin gshegs pa dag pa'i spyan zhes bya bar shes so//'jam dpal shar gyi phyogs char sangs rgyas kyi zhing drug cu 'das pa na/ dge ba bsags zhes bya ba'i 'jig rten gyi khams yod de/ de na nga la sems can rnams kyis de bzhin
286b3 gshegs pa dgra bcom pa yang dag par rdzogs pa'i sangs rgyas don thams cad sems pa zhes bya bar shes so//'jam dpal shar gyi phyogs char sangs rgyas kyi zhing brgya 'das pa na bai dUr+ya'i snying po zhes bya ba'i 'jig rten gyi khams yod de/ de na nga la sems can rnams kyis de
286b4 bzhin gshegs pa gser gyi phung po zhes bya bar shes so//'jam dpal shar gyi phyogs char sangs rgyas kyi zhing sa ya phrag gnyis 'das pa na gser du snang ba zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa dgra
286b5 bcom pa yang dag par rdzogs pa'i sangs rgyas dpal gyi snying po zhes bya bar shes so//'jam dpal sangs rgyas kyi zhing 'di nas shar gyi phyogs char sangs rgyas kyi zhing stong brgyad brgya 'das pa na zhi ba spyod ces bya ba'i 'jig rten gyi khams yod de/ de na nga la sems can rnams kyis de
286b6 bzhin gshegs pa dgra bcom pa yang dag par rdzogs pa'i sangs rgyas dbang po'i rgyal po zhes bya bar shes so//'jam dpal shar gyi phyogs char sangs rgyas kyi zhing 'bum 'das pa na sprin gyi kha dog ces bya ba'i 'jig rten gyi khams yod de/ de na nga la sems can rnams kyis
286b7 de bzhin gshegs pa dgra bcom pa yang dag par rdzogs pa'i sangs rgyas stobs kyi rgyal po zhes bya bar shes so//'jam dpal shar gyi phyogs char sangs rgyas kyi zhing 'di nas sangs rgyas kyi zhing sum brgya 'das pa na yid du 'ong ba'i dri zhes bya ba'i 'jig rten gyi khams yod de/
287a1 de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas ri'i rgyal po zhes bya bar shes so/ /'jam dpal shar gyi phyogs char sangs rgyas kyi zhing sum khri brgyad stong 'das pa na me long dkyil 'khor snang
287a2 zhes bya ba'i 'jig rten gyi khams yod de/de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas spos kyi rgyal po zhes bya bar shes so/ /'jam dpal shar gyi phyogs char sangs rgyas kyi zhing 'di nas sangs rgyas kyi zhing
287a3 bye ba phrag brgyad cu 'das pa na zla ba snang ba zhes bya ba'i 'jig rten gyi khams yod de/de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas rga shi 'joms pa zhes bya bar shes so/ /'jam dpal shar gyi phyogs char
287a4 sangs rgyas kyi zhing bye ba phrag dgu bcu 'das pa na dus las 'das zhes bya ba'i 'jig rten gyi khams yod de/de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas dge sbyong rgyal po zhes bya bar shes so/ /'jam dpal
287a5 shar gyi phyogs char sangs rgyas kyi zhing gang gA'i klung gi bye ma snyed kyi sangs rgyas kyi zhing 'das pa na/tshe mnyam zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas spos mchog
287a6 ces bya bar shes so//'jam dpal shar gyi phyogs char 'jig rten gyi khams gang gA'i klung gi bye ma dang mnyam pa phrag sum cu rtsa brgyad 'das pa na zhi ba'i cho ga zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa dgra bcom
287a7 pa yang dag par rdzogs pa'i sangs rgyas blo gros dag pa zhes bya bar shes so//'jam dpal shar gyi phyogs char sangs rgyas kyi zhing drug cu'i rdul phra rab kyi rdul snyed kyi 'jig rten gyi khams 'das pa na ma smad pa zhes bya ba'i 'jig rten gyi khams yod de/ de na nga la sems
287b1 can rnams kyis de bzhin gshegs pa dgra bcom pa yang dag par rdzogs pa'i sangs rgyas rin chen bkod pa zhes bya bar shes so//'jam dpal shar gyi phyogs char sangs rgyas kyi zhing brjod du med pa'i rdul phra rab kyi rdul snyed kyi 'jig rten gyi khams 'das pa na rin po che
287b2 kun du gnas pa zhes bya ba'i 'jig rten gyi khams yod de/de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas gzi brjid 'phags pa'i rgyal po zhes bya bar shes so/ /'jam dpal shar gyi phyogs char
287b3 sangs rgyas kyi zhing brjod du med pa bcu'i rdul phra rab kyi rdul snyed kyi 'jig rten gyi khams 'das pa na dkon mchog 'byung gnas zhes bya ba'i 'jig rten gyi khams yod de/de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs
287b4 rgyas brtul zhugs spyad ces bya bar shes so//'jam dpal shar gyi phyogs char sangs rgyas kyi zhing brjod du med pa brgyad kyi rdul phra rab kyi rdul snyed kyi 'jig rten gyi khams 'das pa na yid grub ces bya ba'i 'jig rten gyi khams yod de/ de na nga la sems can rnams
287b5 kyis de bzhin gshegs pa dgra bcom pa yang dag par rdzogs pa'i sangs rgyas gtsug phud rgyal po zhes bya bar shes so//'jam dpal shar gyi phyogs char sangs rgyas kyi zhing brjod du med pa nyi shu rtsa lnga'i rdul phra rab kyi rdul snyed kyi 'jig rten gyi khams 'das pa na nges par
287b6 song ba zhes bya ba'i 'jig rten gyi khams yod de/de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas gtsug phud 'byung zhes bya bar shes so/ /'jam dpal shar gyi phyogs char sangs rgyas kyi zhing brjod du med pa
287b7 nyi shu rtsa lnga'i rdul phra rab kyi rdul snyed kyi 'jig rten gyi khams 'das pa na grong rdal zhes bya ba'i 'jig rten gyi khams yod de/de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas thams cad zil gyis gnon pa zhes
288a1 bya bar shes so//'jam dpal shar gyi phyogs char sangs rgyas kyi zhing brjod du med pa sum cu'i rdul phra rab kyi rdul snyed kyi 'jig rten gyi khams 'das pa na bde ba'i dri zhes bya ba'i 'jig rten gyi khams yod de/ de na nga la sems can
288a2 rnams kyis de bzhin gshegs pa dgra bcom pa yang dag par rdzogs pa'i sangs rgyas gnas med par spyod ces bya bar shes so//'jam dpal shar gyi phyogs char sangs rgyas kyi zhing brjod du med pa sum cu rtsa gcig gi rdul phra rab kyi rdul snyed kyi 'jig rten gyi
288a3 khams 'das pa na me tog bkram pa zhes bya ba'i 'jig rten gyi khams yod de/de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas dbang phyug ces bya bar shes so/ /'jam dpal shar
288a4 gyi phyogs char sangs rgyas kyi zhing brjod du med pa sum cu rtsa brgyad kyi rdul phra rab kyi rdul snyed kyi 'jig rten gyi khams 'das pa na tsam pa'i kha dog ces bya ba'i 'jig rten gyi khams yod de/de na nga la sems can rnams kyis de bzhin gshegs pa dgra bcom pa
288a5 yang dag par rdzogs pa'i sangs rgyas grags pa'i lha zhes bya bar shes so//'jam dpal shar gyi phyogs char sangs rgyas kyi zhing brjod du med pa bzhi bcu'i rdul phra rab kyi rdul snyed kyi 'jig rten gyi khams 'das pa na lhas sprul pa zhes bya ba'i 'jig rten gyi khams yod
288a6 de/de na nga la sems can rnams kyis de bzhin gshegs pa mi gnas pa zhes bya bar shes so/ /'jam dpal shar gyi phyogs char sangs rgyas kyi zhing 'di nas sangs rgyas kyi zhing brjod du med pa bzhi bcu rtsa gcig gi rdul phra rab kyi rdul snyed kyi 'jig rten gyi
288a7 khams 'das pa na rab tu grub pa zhes bya ba'i 'jig rten gyi khams yod de/de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas dbyangs kyi rgyal po zhes bya bar shes so/ /'jam dpal shar gyi phyogs char
288b1 sangs rgyas kyi zhing brjod du med pa bdun cu rtsa gcig gi rdul phra rab kyi rdul snyed kyi 'jig rten gyi khams 'das pa na ma smad pa zhes bya ba'i 'jig rten gyi khams yod de/de na nga la sems can rnams kyis de bzhin gshegs pa sman gyi rgyal po zhes bya bar
288b2 shes so//'jam dpal shar gyi phyogs char sangs rgyas kyi zhing brjod du med pa bdun cu rtsa bzhi'i rdul phra rab kyi rdul snyed kyi 'jig rten gyi khams 'das pa na gser du snang ba zhes bya ba'i 'jig rten gyi khams yod de/ de na nga la sems can rnams kyis de
288b3 bzhin gshegs pa mi rtag gzi brjid rgyal po zhes bya bar shes so//'jam dpal shar gyi phyogs char gser gyis rab tu brgyan ces bya ba'i 'jig rten gyi khams yod de/ de na nga la sems can rnams kyis de bzhin gshegs pa gsol ba byed pa zhes
288b4 bya bar shes so//'jam dpal shar gyi phyogs char gser gyi gtsug ces bya ba'i 'jig rten gyi khams yod de/ de na nga la sems can rnams kyis de bzhin gshegs pa nyon mongs dri ma sbyangs zhes bya bar shes so/ /'jam dpal shar gyi phyogs char
288b5 sangs rgyas kyi zhing brjod du med pa bzhi bcu rtsa bzhi'i rdul phra rab kyi rdul snyed kyi 'jig rten gyi khams 'das pa na mngon par 'phags pa zhes bya ba'i 'jig rten gyi khams yod de/de na nga la sems can rnams kyis de bzhin gshegs pa dpal gyi snying po zhes bya bar
288b6 shes so//'jam dpal shar gyi phyogs char snang ba can zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa dpal brtsegs zhes bya bar shes so/ /'jam dpal shar gyi phyogs char sangs rgyas kyi zhing
288b7 brjod du med pa sum cu rtsa gcig gi rdul phra rab kyi rdul snyed kyi sangs rgyas kyi zhing 'das pa na grags can zhes bya ba'i 'jig rten gyi khams yod de/de na nga la sems can rnams kyis de bzhin gshegs pa nyon mongs pa zhi bar byed pa zhes bya bar shes so/ /'jam
289a1 dpal shar gyi phyogs char sangs rgyas kyi zhing brjod du med pa sum cu rtsa lnga'i rdul phra rab kyi rdul snyed kyi sangs rgyas kyi zhing 'das pa na gzi brjid can zhes bya ba'i 'jig rten gyi khams yod de/de na nga la sems can rnams kyis de bzhin gshegs pa blo gros 'dzin
289a2 ces bya bar shes so//'jam dpal shar gyi phyogs char sangs rgyas kyi zhing brjod du med pa sum cu rtsa drug gi rdul phra rab kyi rdul snyed kyi sangs rgyas kyi zhing 'das pa na tshangs pa 'byung ba zhes bya ba'i 'jig rten gyi khams yod de/ de na nga la sems can rnams kyis de bzhin
289a3 gshegs pa dpal gyi gzi brjid rgyal po zhes bya bar shes so//'jam dpal shar gyi phyogs char sangs rgyas kyi zhing brjod du med pa sum cu rtsa bdun gyi rdul phra rab kyi rdul snyed kyi sangs rgyas kyi zhing 'das pa na sangs rgyas dgyes pa zhes bya ba'i 'jig rten gyi khams yod de/
289a4 de na nga la sems can rnams kyis de bzhin gshegs pa blo gros rgyal po zhes bya bar shes so/ /'jam dpal sangs rgyas kyi zhing 'di nas shar gyi phyogs char sangs rgyas kyi zhing brjod du med pa sum cu rtsa brgyad kyi rdul phra rab kyi rdul snyed kyi sangs rgyas kyi zhing 'das pa na rin chen
289a5 sgo zhes bya ba'i 'jig rten gyi khams yod de/de na nga la sems can rnams kyis de bzhin gshegs pa 'jig rten slob dpon zhes bya bar shes so/ /'jam dpal shar gyi phyogs char sangs rgyas kyi zhing brjod du med pa sum cu rtsa bzhi'i rdul phra rab kyi rdul snyed kyi
289a6 sangs rgyas kyi zhing 'das pa na rin po che'i rtse mo zhes bya ba'i 'jig rten gyi khams yod de/de na nga la sems can rnams kyis de bzhin gshegs pa skar rgyal zhes bya bar shes so/ /'jam dpal shar gyi phyogs char sangs rgyas kyi zhing 'di nas sangs rgyas kyi zhing
289a7 brjod du med pa sum cu'i rdul phra rab kyi rdul snyed kyi sangs rgyas kyi zhing 'das pa na rin chen me tog shin tu rgyas pa zhes bya ba'i 'jig rten gyi khams yod de/de na nga la sems can rnams kyis de bzhin gshegs pa sa dang mnyam pa zhes bya bar shes so/ /'jam
289b1 dpal shar gyi phyogs char sangs rgyas kyi zhing brjod du med pa sum cu rtsa bzhi'i rdul phra rab kyi rdul snyed kyi sangs rgyas kyi zhing 'das pa na shin tu mdzes zhes bya ba'i 'jig rten gyi khams yod de/de na nga la sems can rnams kyis de bzhin gshegs pa don thams cad gzigs
289b2 pa zhes bya bar shes so//'jam dpal shar gyi phyogs char sangs rgyas kyi zhing brjod du med pa sum cu rtsa lnga'i rdul phra rab kyi rdul snyed kyi sangs rgyas kyi zhing 'das pa na tsan dan gyi dri zhes bya ba'i 'jig rten gyi khams yod de/ de na nga la sems can rnams kyis de bzhin gshegs
289b3 pa mtha' yas snang ba zhes bya bar shes so//'jam dpal shar gyi phyogs char sangs rgyas kyi zhing 'di nas sangs rgyas kyi zhing brjod du med pa bzhi bcu'i rdul phra rab kyi rdul snyed kyi sangs rgyas kyi zhing 'das pa na zil gyis mi non pa zhes bya ba'i 'jig rten gyi khams yod de/ de na
289b4 nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas don thams cad grub pa zhes bya bar shes so//'jam dpal de lta bu'i rnam grangs su sangs rgyas kyi zhing tha dad pa rnams su sangs rgyas kyi bya ba byed pa'i tshe nga la sems can rnams kyis
289b5 ming tha dad par shes pa ni brjod du med pa'i bskal par smras kyang shar gyi phyogs cha'i sangs rgyas kyi zhing gi mtha' rtogs par mi nus so//de bzhin du phyogs cha thams cad kyi sangs rgyas kyi zhing du nga la sems can rnams kyis ming tha dad pa'i de bzhin gshegs par shes pa
289b6 yang brjod du med pa'i bskal par smras kyang sangs rgyas kyi zhing tha dad pa'i mtha' bde bar mi rig go//'jam dpal sems can dge ba'i rtsa ba chung ba rnams kyis nga'i sangs rgyas kyi zhing tshad med pa thos na mos par 'gyur ro/ /'jam dpal byang chub sems dpa' gang theg pa
289b7 'di la yang dag par zhugs pa dang /theg pa 'di la yang dag par zhugs pa'i dge ba'i bshes gnyen rab tu mgu bar byas pa de dag kyang 'jam dpal nga'i sangs rgyas kyi zhing tshad med pa thos na the tshom skye bar 'gyur na nyan thos kyi theg pa can dang / rang sangs rgyas kyi theg pa
290a1 can dang /de ma yin pa'i byis pa so so'i skye bo rnams lta ci smos/ 'jam dpal ngas mngon par shes pa 'das pa'i dus na bskal pa dpag tu med grangs med/ bsam gyis mi khyab pa de'i pha rol gyi yang ches pha rol na yon tan rab tu bskyed pa zhes bya
290a2 ba'i 'jig rten gyi khams na de bzhin gshegs pa dgra bcom pa yang dag par rdzogs pa'i sangs rgyas brtson 'grus mtha' yas zhes bya ba 'jig rten du byung ste/de'i tshe de'i dus na nga ni bram ze'i bu mo blo gros mtha' yas zhes bya bar gyur to/ /de bzhin gshegs pa brtson
290a3 'grus mtha' yas de yang byang chub sems dpa' khrag khrig brgyad cus yongs su bskor bar gyur te/byang chub sems dpa' de dag thams cad kyang theg pa chen po la yang dag par zhugs pa theg pa dpag tu med pa la yang dag par zhugs pa nas theg pa brjod du med pa'i bar la
290a4 yang dag par zhugs pa sha stag ste/de dag la bcom ldan 'das de bzhin gshegs pa brtson 'grus mtha' yas de'i rang gi sangs rgyas kyi zhing tshad med pa yongs su dag pa 'chad de/ nga yang bla na med pa yang dag par rdzogs pa'i byang chub 'dod pa'i phyir bcom ldan
290a5 'das de bzhin gshegs pa brtson 'grus mtha' yas de la rim gro dang bsnyen bkur byas so//de nas ngas de'i sangs rgyas kyi zhing tshad med pa yongs su dag pa thos nas bdag gi sangs rgyas kyi zhing yang de bas kyang shin tu rgya che ba de 'dra bar gyur cig ces de lta bu'i smon lam btab
290a6 nas bdag gis dge ba'i rtsa ba thams cad kyang sangs rgyas kyi zhing rgya cher yongs su dag par bya ba'i phyir bsngos te/bcom ldan 'das de bzhin gshegs pa brtson 'grus mtha' yas des bla na med pa yang dag par rdzogs pa'i byang chub dang / sangs rgyas kyi zhing tshad
290a7 med pa yongs su dag par lung bstan mod kyi 'on kyang ngas bla na med pa yang dag par rdzogs pa'i byang chub kyi phyir sangs rgyas kyi zhing rgya cher yongs su dag par bya ba'i phyir brtson 'grus ma btang bar gyur nas de ltar ngas de'i 'og tu sangs rgyas bye ba khrag khrig tshad med pa rnams la
290b1 bsnyen bkur byas te/de'i dge ba'i rtsa ba bsags pas nga sangs rgyas kyi zhing rgya cher yongs su dag par bla na med pa yang dag par rdzogs pa'i byang chub mngon par rdzogs par sangs rgyas so/ /de nas bcom ldan 'das kyis de'i tshe tshigs su bcad pa 'di dag bka' stsal to/ /
290b2 brjod kyis mi lang 'khor ba na/ /bsam gyis mi khyab 'das pa'i dus/ /sangs rgyas zhing gi rgya bskyed phyir/ /de na nga yis brtson 'grus brtsams/ /brtson 'grus mtha' yas zhes bya ba/ /gang zag mtshungs pa med pa byung / /sems can bye ba rnam par 'dul/ /lhar
290b3 bcas 'jig rten rnams la ston//sangs rgyas chos la dbang byed cing / /stobs rnams kyi yang pha rol phyin/ /mi 'jigs pa la shin tu gnas/ /so so yang dag rig la mkhas/ /gnas dang gnas min dbang yang thob/ /las dang ye shes rtogs par rig /
290b4 las rnams yang dag 'dzin pa dang / /rnam par smin la the tshom med/ /khams rnams du mar shes pa dang / /rnam par 'dren pa shin tu ldan/ /sems can rnams kyi dad pa rnams/ /ma lus yang dag rab tu mkhyen/ /sems can rnams kyi dbang po
290b5 yi//rim pa bzhin du yang dag mkhyen/ /dbang po mchog dang tha ma rnams/ /ma lus par yang rab tu mkhyen/ /bsam gtan ye shes rnam thar dang / /ting nge 'dzin gyi pha rol phyin/ /snyoms par 'jug dang tshad med la/ /rkang gnyis dam pa shin
290b6 tu bslabs//sangs rgyas rnams kyi ting nge 'dzin/ /des ni mi mkhyen gang yang med/ /thams cad mkhyen cing thams cad gzigs/ /gzigs pa la yang sgrib pa med/ /de bzhin gshegs pa de la ngas/ /sangs rgyas zhing gi rgya dris te/ /sangs
290b7 rgyas zhing gi rgya che ba//bskal pa chen po bdag la gsungs/ /kun nas nyon mongs rnam par byang / /ma lus yang dag rab tu mkhyen/ /gang rnams khyod kyis mi mkhyen pa/ /de 'dra'i chos ni yong ma mchis/ /sangs rgyas zhing gi skyon rnams dang / /
291a1 yon tan thams cad rab tu mkhyen/ /sangs rgyas bstan pa rgya che ba/ /rkang gnyis gtso bos bshad du gsol/ /sems can rnams kyi smin pa dang / /ji ltar mi rnams 'tshang rgya ba/ /nyon mongs gang gis nyon mongs pas/ /mi mkhas
291a2 'khor bar rab tu 'khor//mi rnams gang gis nyon mongs pa/ /nyon mongs de dag khyod kyis mkhyen/ /de yi lam dang bsam pa rnams/ /'dren pa khyod kyis rnam par mkhyen/ /ji ltar ting 'dzin 'byung ba dang / /byung nas ji ltar gnas pa dang / /ji
291a3 ltar de las ldang ba rnams//ston pa khyod kyis rab tu mkhyen/ /bsam gtan rnams dang tshad med pa/ /ji snyed ting nge 'dzin rnams dang / /zhi gnas dang ni lhag mthong rnams/ /rnam pa thams cad shin tu mkhyen/ /ji ltar chos la 'dogs pa dang / gang
291a4 gi rkyen gyis bshad pa yang //de yang ston pas rab mkhyen te/ /de la the tshom mi mnga' khyod/ /khyod kyis bskal pa byer spyad pas/ /ye shes 'di las nges par 'byung / /ston pas stobs kyi mthu yang brnyes/ /drang srong chen po stobs dang ldan/ /bskal pa stong
291a5 phrag bye ba yi//bdag dang pha rol rnams kyi yang / /spyod pa dpag tu ma mchis shing / /bsam gyis mi khyab thams cad mkhyen/ /gang du byang chub ci 'dra ba/ /skye ba thams cad du yang 'jug /de dag ma lus 'dren pa yis/ /ji lta bu yang rab tu mkhyen/ /gang du
291a6 ji 'dra skye ba dang //gang du rigs kyang ci 'dra ba/ /ji ltar kun du spyad pa rnams/ /de dag 'dren pas rab tu mkhyen/ /tha ma'i chos rnams ci 'dra ba/ /'dren pas 'khor ba de rnams kyang / /'gro ba gang du skye ba ni/ /de bzhin gshegs pas rab tu mkhyen/ /ci 'dra ba yi
291a7 ye shes kyis//sngon chad rnam par lung bstan pa/ /mkhas pa khyod kyis de mkhyen pas/ /de la the tshom mi mnga' khyod/ /tshul khrims gang dang chos gang dang / /ci 'dra'i spyod pa spyad pa dang / /ye shes gang la zhugs pa yang / /de dag 'dren pas rab
291b1 tu mkhyen//gang dang gang gi las kyis su/ /skye ba rnams su 'gro bar 'gyur/ /rnam smin ci 'dra 'thob pa yang / /de dag mgon pos rab tu mkhyen/ /gang du gnas pa de dag gi/ /rgyun du mchi bar nges pa yang / /de yang khyod kyis ma lus mkhyen/ /de
291b2 slad yid gnyis mi mnga' khyod//gang gi lus kyis sems gang skyes/ /de yang khyod kyis rnam par mkhyen/ /sems de'i rgyu ni gang lags pa/ /de yang 'dren pas shin tu mkhyen/ /sngon chad gnas pa mkhyen pa ni/ /khyod dang 'dra ba yong ma mchis/ /sangs rgyas
291b3 bye ba stong rnams dang //'dren pa khyod ni de dang 'dra/ /srog chags so so'i dge ba rnams/ /rjes su dran pas rab tu mkhyen/ /de slad sangs rgyas chos rnams la/ /'dren pa'i ye shes thogs mi mnga'/ /gang dang gang gis lus kyis su/ /ji lta bu yi rgyud du
291b4 mchi//de yang thams cad mkhyen pas mkhyen/ /de slad rgyal bas lhag ma mchis/ /'dren pa chos rnams thams cad la/ /khyod ni the tshom yong mi mnga'/ /sems can kun gyi spyod yul yang / /sangs rgyas spyan gyis rab tu gzigs/ /skye ba dang ni 'chi
291b5 'pho mkhyen//khyod 'dra ba ni yong mi gda'/ /lhar bcas 'jig rten thams cad na/ /thub pa khyod las lhag ma mchis/ /zag pa zad pa'ang rab tu mkhyen/ /ma lus pa yang rtogs par gyur/ /nyon mongs thams cad yongs su spangs/ /khyod kyis bag chags
291b6 kun kyang bcom//sems can kun gyi nyon mongs dang / /spyod pa rnams kyang 'dren pas mkhyen/ /gang la nyon mongs spyod yul dang / /nyon mongs 'di dag gar 'byung mkhyen/ /nyon mongs dag la spyad pas na/ /bag chags rjes su 'jug pa rnams/ /de
291b7 dag kun kyang khyed mkhyen te//de las khyod ni pha rol phyin/ /bdag dang pha rol rnams kyi yang / /nyon mongs gang gis spong ba yi/ /lam de rnams kyang rab tu mkhyen/ /de slad khyod ni lam la mkhas/ /'jig rten kun mgon rnam 'dren pa/ /mtha' yas
292a1 brtson 'grus de bstod nas//bskal bye khrag khrig mtha' yas par/ /'gro ba gnyis su de skyes so/ /'di nas lha ris nga skyes te/ /rtag par lha yi dbang por gyur/ /bye ba mtha' yas lha rnams la/ /rgyal ba'i ye shes 'thob par
292a2 bstan//lha yi gnas nas shi 'phos te/ /mi yi dbang po rgyal por gyur/ /sems can khrag khrig mtha' yas pa/ /rgyal ba'i ye shes thob par bstan/ /de dag nga yi chos thos nas/ /bsti stang mtshungs med bskyed nas su/ /sems ni thams cad
292a3 nyer gzhag ste//dri med sems kyis de dag nyan/ /sems can bye ba mtha' yas pa/ /byang chub mchog la nges par gyur/ /nga yi tshig thos rtogs pa ni/ /sangs rgyas byang chub nges par gyur/ /sangs rgyas bye ba mtha' yas pa/ /sangs rgyas zhing gi rgya
292a4 bshad kyang //bskal pa khrag khrig mtha' yas su/ /rgya chen bshad pa mi zad do/ /sangs rgyas yon tan gang brjod dang / /drang srong chen pos zhing bsngags pa/ /thams cad rang bzhin stong par bshad/ /de dag ma skyes mi 'gag bstan/ /gang 'dir
292a5 sangs rgyas bsngags pa dang //sangs rgyas yon tan gang bstan dang / /bde bar gshegs pas zhing brjod pa/ /gang gis bshad pa'ang de dang 'dra/ /chos rnams zhi bar bde gshegs bshad/ /zhi ba'i rang bzhin de mi rnyed/ /gang la bshad pa de
292a6 yang stong //'di la mgon med 'gro ba myos/ /de nas bram ze'i rigs shing sA la chen po lta bu'i bu mo blo gros mtha' yas kyis bcom ldan 'das de bzhin gshegs pa brtson 'grus mtha' yas la tshigs su bcad pa de dag gis mngon par bstod nas bud med
292a7 kyi dbang po las gyur te/de phyin chad bud med kyi lus su mi skye bar gyur to/ /'jam dpal de lta bas na byang chub sems dpa' sems dpa' chen po sangs rgyas kyi zhing tshad med pa yongs su sbyang bar 'dod cing bla na med pa yang dag par rdzogs pa'i byang chub mngon
292b1 par rdzogs par 'tshang rgya bar 'dod pas byang chub sems dpa'i rnam par thar pa sgrub pa'i stong pa nyid sgrib pa med pa la bslab par bya'o//chos kyi rnam grangs 'di bshad pa'i tshe/ sangs rgyas kyi zhing 'di thams cad rnam par 'gyur ba drug tu g.yos te/ 'gul rab tu
292b2 'gul/kun du rab tu 'gul/ g.yos rab tu g.yos/ kun du rab tu g.yos/ ldeg rab tu ldeg /kun du rab tu ldeg /'khrugs rab tu 'khrugs/ kun du rab tu 'khrugs/ 'ur 'ur rab tu 'ur 'ur/ kun du rab tu 'ur 'ur/ chem chem rab tu chem chem/ kun
292b3 du rab tu chem chem/shar phyogs dma' na nub phyogs mtho/ nub phyogs dma' na shar phyogs mtho/ lho phyogs dma' na byang phyogs mtho/ byang phyogs dma' na lho phyogs mtho/ dbus dma' na mtha' mtho/ mtha' dma' na dbus mtho bar gyur to/ /srog chags
292b4 bye ba khrag khrig phrag drug cu rtsa drug len pa med par zag pa rnams las sems rnam par grol lo//dge slong dang / dge slong ma dang / dge bsnyen dang / dge bsnyen ma tshad med pa phrag brgya ni chos rnams la chos kyi mig rdul med cing dri ma dang bral ba rnam par dag go/ /byang chub sems
292b5 dpa' bye ba khrag khrig dpag tu med pa ni mi skye ba'i chos la bzod pa thob par gyur to//srog chags stong phrag dpag tu med pa rnams dang / lha dang mir bcas pa'i skye dgu sngon sems ma bskyed pa rnams ni bla na med pa yang dag par rdzogs pa'i byang chub tu sems skyes so/ /bcom ldan
292b6 'das kyis de skad ces bka' stsal nas/byang chub sems dpa' brgyad khri bzhi stong po de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te bcom ldan 'das kyis gsungs pa la mngon par bstod do// //'phags pa dkon
292b7 mchog 'byung gnas zhes bya ba theg pa chen po'i mdo rdzogs // //rgya gar gyi mkhan po dzi na mi tra dang / su ren dra bo d+hi dang / zhu chen gyi lo tsA ba ban de ye shes sdes zhus te skad gsar chad kyis bcos nas slad kyis gtan la phab pa// //
CLOSE WINDOW