CLOSE WINDOW

D1239
བོད་ཡིག

/ @##/ /rgya gar skad du/ Sha DaM ga sA d+ha naM nA ma/ bod skad du/ yan lag drug pa zhes bya ba'i sgrub thabs/ kye rdo rje la phyag 'tshal lo/ /dkyil 'khor sgyu ma la bzhugs chu zla dang mtshungs lha mo brgyad kyi bdag/ kye'i rdo rje rnam thar bsdu dngos de bzhin nyid kyi zhal dang zhabs phyag sprul/ /bdud kyi snying ga nyams dga' ba yi gnas su sems can don mdzad dgyes/ /gar mkhan nam mkha' lta bus dregs par mdzad cing 'gro ba bsrung ba dang / /dang po sangs rgyas kyi sprul sku 'dra ba/ /skye ba'i chu bo sgrol ba'i theg gcig pa//bla ma la gus phyag 'tshal rtog pa yin/ /kye'i rdo rje'i rgyud chen rgya mtsho lta bu las/ /DoM bi'i zhal snga nas kyi rim rnyed pas/ /kye rdo rje'i shrI'i sgrub thabs ni/ /mi shes sgrib g.yogs mun 'dra ba'i/ /thur ma 'di ni brtsam par bya/ /dngos grub kyi ni sems 'di yis//mtshan mo'i dus su rang khyim dang / /dur khrod chu 'gram de dag tu/ /'jigs pa med par bsam gtan bya/ /snying gar chu skyes nyi ma de'o/ /gzugs brnyan hU~M las khyad par bsgom/ /bla ma rdo rje mchod nas ni/ /bdun po yongs su dag par ni/ /gau rI la sogs lha mo brgyad//mchod pa yongs su spro bar bya/ /sdig pa byas pa bshags pa dang / /byed pa yang ni sdom pa dang / /bsod nams rjes su yi rang dang / /de dag yongs su bsngo bar bgyi/ /dkon mchog skyabs su 'gro ba dang / /byang chub mchog sems bskyed pa dang / / lam la gnas shing bdag kyang ni/ /gzhan gyi don du dbul ba dang / /gnang ba nod dang tshangs pa yi/ /gnas ni bzhi po'i bsam gtan bya/ /dang po byams pa bsgom bya zhing / /gnyis pa snying rje'i bye brag bsgom/ /gsum pa dga' ba bsgom pa ste/ /thams cad tha ma btang snyoms so//yang ni stong pa'i byang chub ni/ /bsgom zhing 'di ni brjod par bya/ /oM shU n+ya tA dz+nyA na badzra swa b+hA wa ba At+ma kou0f85haM/ stong pad raM skyes hU~M dngos la/ /sna tshogs rdo rje'i bsam gtan bya/ /'gro ba'i bdud rnams sel byed pa'i/ /hU~M las gsal b ar spro bar bya//oM rak+Sha rak+Sha hU~M hU~M hU~M phaT swA hA/ yi ge 'di brjod do/ /'di las rdo rje bskor ba'i gur/ /bla re yang ni bsgom par bya/ /rdo rje'i sa la nam mkha'i dbyings/ /yaM raM baM laM byung ba'i dkyil 'khor ro/ /b+h+rUM las 'khor lo'i steng du bdag /bar ma'i skyes pa'i bsam gtan bya//'di ni 'byung ba'i dkyil 'khor bzhi/ /'khor lo 'di ni lnga pa'o/ /gcig 'gyur de las sangs rgyas kyi/ /gzhal yas khang du gyur pa ste/ /ngos bzhi pa la sgo bzhi pa/ /rta babs bzhis ni rnam par brgyan/ /dra ba dra phyed yang dag ldan/ /ka ba brgyad kyis shin tu spras//lha mo brgyad kyi 'od rnams ni/ /gsal ba yis ni snam bu yin/ /'di ni chu skyes 'dab ma ni/ /brgyad pa bri zhing phreng ba gcig /nyi ma'i dkyil 'khor la gnas pa'i/ /bdud bzhi yis ni rnam par brgyan/ /oM sarba ta thA ga ta a lA nI ya badzra swa b+hA ba At+ma kou0f85ho/ / sangs rgyas pho brang bye brag rdzogs/ /rnam pa lnga po bsgom pa ni/ /zla ba me long ye shes te/ /rta bdun pa ni mnyam pa nyid/ /lha yi sa bon phyag mtshan ni/ /so sor rtog pa yin zhes zer/ /thams cad gcig 'gyur bya nan tan/ /gzugs brnyan rdzogs pa de chos dbyings/ /A li bsgom pa zla ba ste//kA li rta bdun pa yin no/ /gnyis kyi bar na oM dang hUM/ /de gnyis rdo rje gri gug gyur/ /zla nyi sa bon phyag mtshan ni/ /'di dag thams cad gcig gyur pa/ /chu dang 'o ma tha dad med/ /de 'dra'i rdo rje bsam gtan ni/ /zhal brgyad phyag ni bcu drug pa/ /'jigs byed zhabs ni bzhi pa'o//dpa' bo thod pa'i phreng ba can/ /bdag med ma yis phrag nas 'khyud/ /phyag rgya lnga ni 'dzin pa'i lha/ /zla ba'i nor bu kha dog 'od/ /rtsa ba'i lus mdog g.yon gyi ni/ /zhal ni dmar dang dkar dang gzhan/ /glang po rta bong glang rnga mo/ /mi dang seng ge de byi la/ /g.yas pa'i thod pa brgyad pa ni//dang po glang po rim shes bya/ /gzhi dang chu gnas rlung dang ni/ /me lha de nas snang byed dang / phyi mthar byed dang nor sbyin ni/ /g.yon pa'i thod pa brgyad na'o/ /lha mo zhal gcig phyag gnyis ma/ /gnag cing gyen du bsgreng ba ser/ /gri gug thod pa kha T+wAM ga /'dzin cing stag lpags sham thabs can//oM pad+ma su khA d+ha ra ma hA rA ga su khan+da da tsa tur/ A nan+da b+ha ga bi shwa hU~M hU~M hU~M/ kaR+YaM ku ru Sh+wa me/ oM badzra ma hA dwe Sha tsa tur/ A nan+da dA ya ka kha ga mu khai ka ra so nA tha hU~M hU~M hU~M/ kaR+YaM ku ru Sh+wa me/ oM sarba ta thA ga ta a nu rA ga Na badzra swa b+hA wa At+ma kou0f85haM/ /dang por s kyes bu bsam de nas//mkha' 'gro ma de'i 'khor lo spro/ /rdo rje rjes su chags byed pas/ /rgyal ba'i khu ba rjes su 'gyur/ /sa bon brgyad du gyur pa'o/ /de bzhin gshegs pa'i thig le de/ /gaM tsaM baM g+haM baM saM laM DaM/ /lha mo'i sa bon dbyung ba'o/ /gau rI dbang gshin chom rkun ma/ /ro langs ma ni chu bdag gnas//g+hasma rI ni gsus po che/ /de bzhin puk+ka sI dbang ldan/ /ri khrod ma ni byin za'i grwa/ /gtum mo bden bral la gnas te/ /g.yung mo 'di ni rlung gnas na/ /lha mo'i 'khor lo rdzogs pa'o/ /ho gnyis dbus su gnas pa ni/ /sku gsung thugs kyi yi ge ste/ / 'di ni bar ma'i sems can ming / /lha mo'i pad+mar bsam gtan bya/ /bar ma mnyam par 'jug pa ni/ /khu ba'i ngo bos rjes su dran/ /mtshams kyi lha mos bskul ba ste/ /de nas dbyangs kyis bskul bar bya/ /snying rje'i yid kyis bla med bzhengs/ /puk+ka sI ni bdag la skyobs/ /stong pa'i rang bzhin spangs nas ni//bdag la 'dod pa'i bde chen sbyor/ /khyed mi bzhugs na bdag 'gum pas/ /stong pa'i rang bzhin nyid spangs la/ /ri khrod ma 'bras grub par ni/ /kye yi rdo rje khyed bzhengs shig /'jig rten phyir smon 'dod pa'i gtso/ /ci phyir stong pa'i ngang las bzhugs//khyod mi bzhugs na phyogs mi khums/ /gtum mo bdag ni gsol ba 'debs/ /g.yung mo bdag ni yid rmongs pas/ /snying rje rgyun chad ma mdzad par/ /bdag gis khyod kyi thugs 'tshal gyis/ /khyod ni mig 'phrul lta bur bzhengs/ /bskul ba'i glu'o/ /bskul bas sngon gyi byang chub kyi//smon lam rjes su dran pa'o/ /khu ba'i gzugs las bzhengs pa ni/ /oM dang hU~M gnyis rdo rje che/ /zhal brgyad zhabs ni bzhi pa ste/ /phyag ni bcu drug dag gis brgyan/ /bdud bzhi mnyam par mnan pa ste/ /phyed bcas pa yis gar mkhan ni//mgo bo'i phreng bas do shal byas/ /sna tshogs rdo rje spyi bor 'dzin/ /rtsa ba'i zhal ni nag po che/ /g.yas pa ku mu da dang mtshungs/ /g.yon pa dmar po chen po 'jigs/ /phyi ma'i zhal ni bung ba mtshungs/ /spyan ni nyi shu rtsa bzhis phyug /bdag med ma la bde ba ster/ / glang po rta bong glang rnga mong / /mi dang seng ge de byi la/ /g.yas pa'i thod pa brgyad po ni/ /dang po glang po rim shes bya/ /gzhi dang chu gnas rlung dang ni/ /me zla de nas snang byed dang / /phyi mthar byed dang nor sbyin ni/ /g.yon ba'i thod pa brgyad na'o/ /gau rI kha dog nag mo'o/ /chom rkun ma ni btsod dang mtshungs//ro langs ma ni gser bsregs mdog /g+hasma rI ni margata mtshungs/ /puk+ka sI ni dbang sngon mo/ /ri khrod ma ni zla nor 'od/ /gtum mo nam mkha'i sngo bsangs ma/ /g.yung mo sna tshogs pa ru 'dod/ /gau rI g.yas na gri gug ste/ /g.yon na nya ni de bzhin no//chom rkun ma g.yas cang te'u ste/ /g.yon na phag pa de bzhin no/ /ro langs ma g.yas rus sbal te/ /g.yon pa'i lag pa thod pa'o/ /za phod ma yi g.yas na sbrul/ /g.yon pa'i lag pa thod pa'o/ /puk+ka sI g.yas seng ge ste/ /g.yon pa'i phyag na dgra sta 'dzin/ / ri khrod ma g.yas dge slong ste/ /g.yon pa na ni gsil byed shes/ /gtum mo g.yas na 'khor lo ste/ /g.yon na thod pa de bzhin no/ /g.yung mo g.yas na rdo rje ste/ /g.yon na sdigs mdzub de bzhin no/ /skyil krung phyed pa'i gar gyis gnas/ /gau rI la sogs phyag gnyis shes//spyan gsum skra ni gyen du yin/ /phyag rgya lnga yis shin tu mdzes/ /tshangs pa dbang po nye dbang drag /gshin rje nor gyi bdag po dang / /bden bral dang ni thags bzangs ris/ /gau rI la sogs pa yi gdan/ /thams cad rdo rje 'di yis ni/ /rang sngags yi ge rdzogs pa dang //phyag rgya phyag mtshan gyur pa las/ /snying gar ye shes bsam gtan bya/ /rang snying pad nyir hU~M rdo rje/ /hU~M ye shes sems dpa' bzhugs pa'i snying / /pad nyir gnas pa'i hU~M rdo rje/ /hU~M ye shes rjes su bsam pa'o/ /dam tshig 'khor lo la mnyam thim/ / ye shes 'khor lo chen po 'bar/ /sangs rgyas byang chub sems dpa' ni/ /bsgrubs te gzhan yang du ma yin/ /dza hUM baM hoHbka' lung 'dis/ /gau rI la sogs bzhi po 'dis/ /dgug dang 'di ni gzhug pa dang / /bcing dang rjes su dgyes par bya/ /mig la sogs pa gti mug sogs//rdo rje gsum ni gnas gsum bsam/ /mig gnyis rdo rje gti mug ma/ /rna gnyis zhe sdang rdo rje ma/ /sna ni ser sna ma zhes brjod/ /kha la 'dod chags rdo rje ma/ /lus la phrag dog rdo rje ma/ /yid la bdag med rnal 'byor ma/ /ming gi yi ge dang pos bskyed//phyag gnyis zhal gcig bzang po yi/ /gri gug thod pa lag na bcas/ /sna tshogs mdog can ro yi gdan/ /sku gsung thugs kyi gnas su ni/ /oM AHhU~X ni 'di yi sngags/ /'di las mkha' spyod sa spyod ma/ /zhabs 'og gnas pa'i bsam gtan bya/ /sku gsung thugs kyi rdo rje ni//rnal 'byor ma ni rigs gsum dngos/ /rang snying sa bon khyad par spro/ /lcags kyu'i gzugs kyi 'od zer gyis/ /sangs rgyas spyan drangs yang dag mchod/ /dbang bskur ba ni blang ba'o/ /mgon po de bzhin gshegs thams cad/ /khyed kyis bdag la dbang bskur cig /de nas de bzhin gshegs 'di dag /he ru ka gzugs byas nas ni/ /bdud rtsi lnga yi chus gang ba'i/ /bum pa nyid kyi phyag gis bsnams/ /blugs te dbang bskur mtha' ru 'di'i/ /rtsa ba'i mi bskyod phyag rgya'o/ /de ni yang ni gau rI dang / /puk+ka sI 'di'i phyag rgya'o//sangs rgyas rin chen dpag med yang / /phyi ma drug la gnyis gnyis rim/ /oM sarba ta thA ga ta a b+hi She ka ta badzra swa b+hA wa At+ma kou0f85haM/ 'bud pa dang / 'bar ba dang / thod pa dang / lcags kyu lnga dang / sa bon lngar gyur pa'i bdud rtsi'i ro myong bar byed p a la//rdo rje nas kyi 'bru tsam bsams te/ dpal kye rdo rje brtag pa'o/ /oM sarba ta thA ga ta a mr-i ta swa da na badzra swa b+hA ba At+ma kou0f85haM/ /ye shes mchod pa sna tshogs sogs/ /lha mo 'di brgyad mchod pa ni/ /spro zhing 'khor lo'i bdag po ni/ /'khor l o'i bdag nyid pas sngon mchod//oM sarba ta thA ga ta pU dza badzra swa b+hA ba At+ma kou0f85haM/ rnal 'byor ma ni de dag gis/ /'khor lo'i gtso bo la bstod pa/ /khyod ni rnal 'byor ma rnams bskor/ /nyid kyi thugs kyis khyod dgongs grub/ /rgyu dang mi rgyu 'khor ba kun sgrub p a//snying rje'i thugs kyis sems can byang chub tu/ /kun rdzob sgyu mas byang chub sgrub pa'i yid/ /dgyes pa'i shrI he ru ka rdo rje bstod/ /oM sarba ta thA ga ta stu ti badzra swa b+hA ba At+ma kou0f85haM/ /rdo rje rjes su chags byed dang / /sangs rgyas gzhal med bye brag bsgom/ / dbang bskur bdud rtsi myang ba dang / /mchod pa bstod pa yan lag drug /yan lag drug bsgom rnal 'byor gang / /de ni myur du dngos grub thob/ /pho brang sangs rgyas rnam snang mdzad/ /dbang ni mi bskyod de bzhin gshegs/ /bdud rtsi myang ba 'od dpag med/ /bstod pa rin chen 'byung ldan dpal//mchod pa don yod yang dag mchod/ /rjes chags rdo rje sems dpa'o/ /dngos grub 'di ni nye ba yi/ /yan lag drug gis bskyed pa ni/ /dang po sprin dang 'dra ba mthong / /gnyis pa du ba 'dra ba ste/ /gsum pa glog gi rnam pa'o/ /bzhi pa mar me 'bar ba dang //lnga pa thams cad snang ba ste/ /sprin med nam mkha' 'dra ba'o/ /phyis ni sgyu ma'i rnam pa mtshungs/ /rmi lam snang ba skad cig go/ /lte bar gtum mo 'bar ba yis/ /de bzhin gshegs pa lnga bsregs te/ /spyan la sogs pa yang bsregs pa/ /bsregs pas haM las ri bong 'byung //bsam gtan mi nus rnal 'byor gang / /don ni dag pa rjes su dran/ /snying rje spyan ni dmar po ste/ /yan lag nag po byams pa'i thugs/ /bsdu ba'i dngos po bzhi pa ni/ /zhabs ni rnam pa bzhi zhes brjod/ /zhal brgyad rnam par thar pa yin/ /bcu drug phyag ni stong pa ste//phyag rgya lnga ni sangs rgyas yin/ /khro bo gdug pa 'dul ba po/ /spyan gsum po ni sku gsum mo/ /rus pa bden pa bzhi pa'o/ /gzugs ni rdo rje ma yin te/ /tshor ba gsang ba'i gau rI ma/ /de bzhin chu ma 'du shes phung / /'du byed rdo rje mkha' 'gro ma/ /rnam shes 'di ni bdag med ma//don dam la ni phung po med/ /de ni yan lag drug tu 'gyur/ /skye mched drug ni dag pa yi/ /zhe sdang rdo rje rdo rje ma/ /rdo rje ro ma 'bab ri yin/ /phrag dog rdo rje ma de bzhin/ /gti mug rdo rje ma yang ni/ /yin te rdo rje mkha' 'gro ma/ /ser sna gsang ba'i gau rI ma/ /yid la bdag med rnal 'byor ma//sa ni puk+ka sI ru brjod/ /chu rnams ri khrod ma zhes zer/ /drod ni gtum mor shes par bya/ /rlung ni g.yung mor rab tu brjod/ /gzugs ni gau rIr yang dag bshad/ /sgra ni chom rkun ma ru bshad/ /so so'i dri ni langs ma/ /ro yi tshul ni za phod ma/ /reg bya sa spyod ma zhes brjod//chos kyi khams ni mkha' spyod ma/ /sa ni dang por nor sbyin mtha'/ /phyug po thams cad sa 'grub bo/ /glang po la sogs 'dzin pa ni/ /nad ni nye bar zhi ba'o/ /glo dang dbugs dang de bzhin smyo/ /khrag skyugs mdze nad birdzi ka /mcher pa mchin pa rang gzugs ni//glang po la sogs rab tu brjod/ /ni raM su 'am gzhan las ni/ /bsam gtan sngags kyi bzlas pa bya/ /oM aSh+TA na nA ya biM gor+d+ha ke sha war+t+ma ne/ tsa turbiM sha ti/ ne trA ya/ sho Da sha b+hu dzA ya/ kr-iSh+Na dzI mU ta wa pu She/ ka pA la mA lA ne kA d+hA ri Ne/ At+mA ta krU ra tsit+tA ya ar+d+hen+du daMSh+T+r-i Ne/mA ra ya mA ra ya/ kA ra ya kA ra ya/ gar+dz+dza ya gar+dz+dza ya/ tar+dz+dza ya tar+dz+dza ya/ sho Sha ya sho Sha ya/ sap+ta sA ga rA na/ ban+d+ha ban+d+ha/ nA gASh+Ta kAn/ gr-ih+Na gr-ih+Na sarba sha trUM/ ha hA hi hI hu hU he hai ho hau haM haHphaT swA hA/ bar chad thams cad nyer zhi'i phyir/ /gtor ma rgyun du sbyin par bya/ /oM in+daM dza ma dza la dzak+kha b+hU ta bah+ni bA u rAk+kha tsan+da sudz+dza ma da bap+pa ta la pA tA le aSh+Ta sap+pa swA hA/i daM ba liM b+huM dza dziM g+ha phul+la d+hUp+pa mAM sa piM ga am+b+ha sap+pa kadz+dza sA da/ khan+ti khu Ni/ phe Ta gA da/ oM a kA ro mu khaM sarba d+har+m+mA NAM/ Ad+ya nut+pan+na twAta oM AHhU~M phaT swA hA/ /lha mo'i rgyud kyi pad+ma mang po ni/ / @#/ /bla ma zhi bas nyi ma'i 'od kyis phye/ /mi thub zla bas sbrang rtsi gzhibs 'thungs bas/ /sgrub pa'i thabs ni sbrang rtsi skyugs pa'o/ /dpal gyi thugs rje'i stobs kyis sgrub thabs byas/ /'di las ngal bar gyur pa'i bsod nams gang / /des thob skye ba'i rgya mtsho las sgrol ba'i//theg pa 'gro ba sgrol ba'i rgyur gyur cig /yan lag drug pa'i sgrub thabs zhes bya ba/ /slob dpon mi thub zla bas mdzad pa rdzogs so// //bla ma dam pas bka' stsal pa/ /dge slong shAkya ye shes kyis/ /yan lag drug pa'i sgrub thabs 'di/ /

CLOSE WINDOW