CLOSE WINDOW

D1238
བོད་ཡིག

/ //paN+Ti ta many+dzu shrI la mnyan nas/ lo tsA ba nyi ma rgyal mtshan dpal bzang pos bsgyur ba'o// @##/ /rgya gar skad du/ prA kA shaM nA ma shrI he badzra sA d+ha naM/ bod skad du/ dpal kye rdo rje'i sgrub thabs rab tu gsal ba zhes bya ba/dpal he ru ka la phyag 'tshal lo/ /mgon po stong dang stong min gyi/ /rang bzhin phyag gnyis lhan cig skyes/ /sku mdog dkar zhing zhal gcig la/ /he ru ka dpal phyag byas nas/ /de las yongs gyur rnam pa ni/ /bcu drug pa dang phyag drug sogs//de bzhin du yang bdag med ma/ /sngags pas de rnams sgrub thabs brjod/ /de la dpal ldan slob dpon mtsho skyes zhabs kyis mdzad pa'i sna tshogs pa'i kye rdo rje'i sgrub thabs kyi mdor bsdus pa rdo rje sgron ma zhes bya ba dpal dzA lan+d+ha ri ba'i zhabs kyis mdzad do/ / 'di nyid bzang po'i zhabs kyis zhe sdang rdo rje'i sgrub pa'i thabs mdzad pa de dang de'i don gsal ba kho na'o/ /de lta na yang blo zhan pa dag gis de thos nas bsgom par bya bar mi nus so zhes rnam par bsams nas/ de bsgrub pa'i thabs dang / mdor bsdus pa dang / zhe sdang rdo rje'i sgrub pa'i thabs rnams las yang dag par drangs te blo zhan pa dag gi rang gi yid ches bya ba'i phyir du bdag gis rtsa ba'i rgyud kyi rjes su 'brang nas bskyed pa dang rdzogs pa'i rim pa'i sgrub pa'i thabs bsre bar bya'o//kye rdo rjer yang dag gsungs pa/ /bskyed pa yi ni rim pa dang / /rdzogs pa yi yang rim pa nyid//rim gnyis mtshungs pa la brten nas/ /rdo rje can gyis chos bstan to/ /zhes pa'o/ /de la rdzogs pa'i rim pa'i sgrub pa'i thabs ni shes rab kyi pha rol tu phyin pa la sogs pa mdo gzhan gyi rjes su 'brangs nas kyang khong du chud par bya'o/ /de la skyes bu chen po'i mtshan sum cu rtsa gnyis rnam par dag pa'i sgrub pa'i thabs kyi mdo ni sum cu rtsa gnyis su dzA lan+d+ha ri pa'i zhabs kyis gsungs/de yang rim gyis 'chad par 'gyur ro/ /dang por re zhig sdig pa bshags pa dang / /gsum la skyabs su 'gro ba dang / / gso sbyong gi bar du bzung nas pha rol tu phyin pa drug la legs par bslabs pa/ rdo rje'i bla ma mnyes par byas nas dpal kye rdo rjer gsungs shing ji skad du bshad pa'i tshogs dkyil 'khor du zhugs shing rim pa ji lta ba bzhin du yongs su dbang bskur ba/ slar yang bla ma rje btsun yang dag par bsnyen pa/'di'i rgyud thos nas yang dag pa'i de kho na nyid stong pa nyid dang snying rje dbyer med pa'i byang chub kyi sems thob cing / kye rdo rje bsgom par bya'o zhes bla ma'i rjes su gnang ba thob pa/ sems can thams cad kyi don la brtson pa'i blos/ dpal kye rdo rje'i sgrub pa byed par 'dod pa'i rnal 'byor pas/yid dang rjes su mthun pa'i sbas pa'i gnas su/ /sna tshogs rdo rjes mtshan pa'i bde ba'i stan gyi dbus su rdo rje'i skyil mo krung gis 'dug nas/ drod thob par gyur pa ji srid par dpal kye rdo rje bsgom par bya'o/ /drod cung zad yang dag par thob pa na bdud rtsi lnga la sogs pa'i dam tshig bsten cing /shes rab mtshan ma thob pa bkug la yang dag par bzung nas rang gi 'dod pa'i lha bsgrub par bya'o/ /shrI he ru ka haM zhes brjod nas 'chad par 'gyur pa'i rang gi 'dod pa'i lhar dmigs te rang gi snying ga'i pad+ma re pha yongs su gyur pa'i nyi ma la/hUM yig sngon po 'od zer lnga dang ldan pa blta bar bya'o/ /de las rnam par 'phros pa'i 'od zer rnam lnga rnams kyis mtha' yas pa'i 'jig rten gyi khams snang bar byas nas/ gau rI la sogs pa'i rnal 'byor ma'i 'khor los yongs su bskor ba'i rang gi 'dod pa'i lha dang /bla ma dang / sangs rgyas dang / byang chub sems dpa' rnams kyang spyan drangs te/ mdun gyi nam mkhar bsams nas/ phyi dang gsang ba dang / de kho na nyid kyi mchod pa'i khyad par rnams kyis yang dag par mchod par bya'o//de la rang gi sa bon las rnam par spros pa'i pi wang ma la sogs pa chos ma'i mthar thug pa'i lha mo bcu drug po 'chad par 'gyur ba'i rang rang gi rnam pa dang phyag dang mtshan ma dang zhabs rnams kyis so zhes pa phyi'i mchod pa'o/ /de'i 'khor lor gnas pa'i gau rI la sogs pa'i lha mo phyag na dam tshig gi rdzas stobs pa bsgom pa ni gsang ba'i mchod pa'o//bdag med ma rang snyoms par zhugs pa'i bde ba rjes su myong ba las spro ba dang sdud pa'i de kho na nyid de/ de nyid de kho na nyid kyi mchod pa'o/ /yang dag par mchod nas bcom ldan 'das kyi spyan sngar sdig pa bshags pa la sogs pa bya'o//thog ma med pa dang ldan pa'i 'khor bar skye ba brgyud pa rnams su 'khor ba na sdig pa'i las gang zhig byas pa dang byed du bcug pa dang / rjes su yi rang ba ni bshags par bgyi ste/nyid kyis de thams cad slan chad nges par mi bgyi'o/ /skye bo thams cad dang / de bzhin du 'jig rten pa'i lha rnams dang / bse ru ltar spyod pa'i sangs rgyas rnams kyi bsod nams dang nyan thos kyi sangs rgyas dang / rdzogs pa'i sangs rgyas skyob pa rnams kyi bsod nams la ngo bo nyid kyis rjes su yi rang ngo //gang zhig rjes su yi rang ba dang / lhan cig tu gyur pa'i bsod nams kyang bla na med pa yang dag par rdzogs pa'i byang chub gang yin par bsngo bar bgyi'o/ /sems dpa' rnams kyi byang chub tu sems bskyed pa'i slad du lhan cig skyes pa'i dga' ba'i bde ba'i khang par bcom ldan 'das rnams gsum po gcig pa'i sku dpal ldan he ru ka dpa' bo sangs rgyas dang /des bstan pa'i dkyil 'khor dang sngags dang phyag rgya la sogs pa'i chos dang / de'i 'khor lor gnas pa'i gau rI la sogs pa'i lha mo'i tshogs kyi dge 'dun la yang byang chub kyi snying po ji srid par skyabs su mchi'o//sems can thams cad kyi don byed pa'i rgyur gyur pa rnams thams cad kyi mchog dang ldan pa'i stong pa nyid kyi mtshan nyid yang dag par rdzogs pa'i byang chub tu stong pa nyid dang snying rje dbyer med pa'i byang chub kyi sems bskyed par bgyi'o//bla na med pa'i lam la brten par bgyi ste/ 'di lta ste/ rdo rje theg pa la'o/ /slar yang sems can de rnams thams cad bde bar bya ba'i phyir du bdag dang bdag gis sbyin par bgyi'o/ /mchod pa'i 'khor lo zhes bya ba mdo dang po'o// //kye yi rdo rje yang gsungs pa/ /nam mkhar rje btsun bltas nas ni/ /rdo rje skye ba snying rje che/ /rgyan rnams thams cad 'dzin pa yi/ /lha mo brgyad rnams kyis mchod bya/ /de la/ gau rI ri dgas mtshan ma 'dzin/ /chom rkun ma ni nyi ma'i snod/ /ro langs ma ni chu lag ma//g+hasma rI ma sman 'dzin zhing / /puk+ka sI yi lag na stobs/ /ri khrod ma ni ro 'dzin gyur/ /tsaN+Da lI ni cang te'u brdung / /g.yung mos 'khyud par rab ston bya/ /zhes so/ /slar yang gsungs pa/ gzugs rdo rje ma la sogs pa rnams kyis mchod par bya'o zhes pa la sogs pa rgyas par ro//de'i rjes su thog ma med pa'i srid pa'i 'khor lor 'khor ba rnams su sems can thams cad bdag gi ma dang bcas spun dang sring mo la sogs pa'i rang bzhin no zhes yongs su brtags nas/ de rnams la bu gcig pa ltar dga' ba'i mtshan nyid kyi byams pa chen po bsgom par bya'o//de nas de thams cad 'khor ba'i rgya mtshor lhung zhing skyabs med par mthong nas mchi ma cher 'khrug cing sdug bsngal gyi rgyu las 'don par mngon par 'dod pa'i rang bzhin gyi snying rje chen po bsgom par bya'o/ /de nas yang dga' ba thob pa'i rnal 'byor pas dpal he ru ka la sogs pa khyad par 'phags pa'i thabs mthong ba las bde ba thams cad stobs pa'i rang bzhin gyi dga' ba chen po bsgom par bya'o//de'i rjes su grub pa'i bdag nyid dpal he ru ka'i rnam par byas nas rnyed pa sogs par 'dzin pa ni rigs pa ma yin no zhes 'jig rten gyi chos brgyad dang bral ba'i mtshan nyid kyi btang snyoms chen po yang bzhi par bsgom par bya'o//tshangs pa'i gnas bzhi'o/ /de dang bar med par tha mal pa'i lus med par bltas nas ye shes kyi snang ba rdo rje'i ting nge 'dzin gyi rnal 'byor gyis/shrI he ru ka zhes pa'i yi ge bzhi'i don la mngon du phyogs shing bsgom pa ste/ dam pa'i man ngag las so/ /'di nyid mi gtsang ba med pa'o zhes pa mchog go/ /de ltar ni dzA lan+d+ha ri pa'i zhabs kyis rnam par bshad pa mdor bsdus pa rdo rje sgron ma las/ 'di ltar gyur pa'i sngags pa mchog gi bsgrub pa las brtsams nas/mkhas pa chos dbyings bdag nyid kyi/ /ro ni dang por bsgom par bya'o/ /de yi steng du rnal 'byor pa/ /gnas nas he ru ka nyid bsgom/ /'di'i don ni der gnas nas shrI he ru ka badzra zhes pa'i yi ge drug gi don la mngon du phyogs par bya zhing /de nas dam pa'i man ngag las/ /shrI he ru ka zhes pa'i yi ge bzhi'i don ye shes kyi snang ba rdo rje'i ting nge 'dzin gyi rnal 'byor mngon par bsgom par bya zhes pa ni mchog go/ /de nas lhan cig skyes pa'i mgon por bzhengs par bsams te/skad cig gis sangs rgyas kyi khang pa'i dbus su baM gyi yi ges brjod pa'i rdo rje sems dpa' dkar po zhi ba chen po ral pa'i cod pan can rdo rje'i skyil mo krung dang chos kyi phyag rgya dang ldan pa'i phyag gnyis pa/ mtshan sum cu rtsa gnyis 'dzin zhing dpe byad brgyad cus rnam par spras/lhan cig skyes pa'i he ru ka rnam par bsgom mo/ /de'i dkar po nyid la sogs pa'i gzugs su ci ltar rig par bya zhe na/ mtshams zhal sogs snga ma bzhin/ /zla ba chu shel nor bu'i 'od/ /ces le'u brgyad par gsungs pa las so/ /sngon bzhin zhes pa ni/ji ltar ma rig pa'i bag chags yongs su gyur pa las srab pa la sogs pa'i rnam par bskal pa dang po pa rnams kyi gzugs te/ de lta bu yin no zhes pa lhan cig skyes pa'o/ /'dir zla ba grags pa'i zhabs kyis rdo rje sems dpa' rdzogs pa'i mdor yang gsungs te/stong pa nyid du mos pas tha mal pa'i lus kyi nga rgyal dor nas skad cig gis bdag nyid rdo rje 'chang chen po'i gzugs mdog dkar por mos par bya'o/ /'di'i mdo ni dpal gsang ba 'dus pa'i le'u gsum pa las/ nam mkha'i dbyings kyi dbus bzhugs par//sangs rgyas dkyil 'khor bsgom par bya/ /'od zer sprin gyi bkod pa che/ /sangs rgyas 'bar ba'i 'od dang mnyam/ /zhes so/ /'di nyid du yang bcom ldan 'das kyis le'u brgyad pa las gsungs te/ A li kA li mnyam sbyor ba/ /rdo rje sems dpa' yi ni gdan// zhes pa'o/ /'dir 'di'i don brjod par bya ste/ A li kA li'i ni zla ba dang nyi ma ste gzung ba dang 'dzin pa dag tu bla ma'i man ngag dang lung las kyang shes par bya'o/ /de dag gi mnyam par sbyor ba ni 'dres nas 'dzin pa ma rig pa zhes pa'i tha tshig ste/ de med phyir na de yang med//ces pa'i nus pa nyid las so/ /med par dgag pa'i 'jug pas thams cad stong pa nyid gdan te/ gdan dang / gzhi dang / bskyed pa'i gnas so zhes pa'i tha tshig go/ /slar yang kye rdo rjer gsungs pa/ 'gyur med las byung sku yi ni/ /hUM phaT yi ge 'ang 'dod mi bya//zhes so/ /'di'i don ni 'di yin te/ /'gyur ba'i rnam par nyams pa ste/ /'gyur med ni rnam par nyams pa med pa thams cad stong pa mi gtsang ba'i lus med pa'o/ /de ltar na de las byung ba yang de yin la sku yang de yin te/ de lta bu'o/ /'od gsal ba las byung ba yi/ / rdo rje sems dpa' de yi ni/ /hUM phaT yi ge'ang 'dod par mi bya ste/ bdag gi phyir 'od gsal ba dor nas gzhan hUM yig la sogs pa rnams ni rgyu nyid ma yin no/ /rdzogs pa'i gzugs nyid kyi phyir/ /de'i ste bcom ldan 'das kyi'o zhes pa ni mngon par 'dod pa'i don to/ /slar yang dzA lan+d+ha ri pa'i zhabs kyis gsungs te/A li kA li mnyam sbyor ba ni rang bzhin med pa'i gnas mchog ste ro zhes pa'i don to mchog ni rdo rje sems dpa'i rdo rje gdan no/ /de ltar ni 'phags pa lha'i zhabs kyis/ sems ni rang las byung thim bya/ /sems byung ma rig pa la ste//de yang 'od gsal bar 'gro la/ /srid pa gsum po 'dir 'gag go/ /'od gsal ba las stong pa che/ /zhes pa la sogs pa rgyas par ro/ /'phags pa brgyad stong par yang gsungs te/ gang chos thams cad la nye bar dmigs pa med pa de ni shes rab kyi pha rol tu phyin pa ste de nyid sangs rgyas kyi/skyed par byed pa'o zhes so/ /'dis ni mchog dang lhan cig skyes pa yang bshad pa yin no/ /bskyed pa'i rim pa'i phyogs la ni hUM yig la sogs pa rnams kyang rgyud nyid de/ hUM gi yi ge gyur bltas nas/ /zhe sdang bdag nyid rnam bsgom bya//zhes lha'i le'u las gsungs pa'i phyir ro/ /'dir bskyed pa'i rim pa la brten nas ji ltar rigs par rdzogs pa'i rim pa ste/ de'i phyir som nyi mi bya'o/ /bcom ldan 'das kyis ni skal pa med pa'i sems can rnams la brten nas man ngag sbas pa'i don du bstan pa yin no//sgra la sogs pa rnams kyi rnam pa gzhan du bstan pa las te 'di dang 'dis de go bar bya'o/ /shrI he ru ka badzra zhes pa'i yi ge drug po 'di ni baM yig gis nges par bshad pa ste/ mchog las rdo rje sems dpa' lhan cig skyes pa he ru kar bshad do//de'i snying kar dzraM yig ste/ yi ge ra yongs su gyur pa las nyi ma'o/ /de'i zla phyed dang yi ge a yongs su gyur pa las yongs su rdzogs pa'i zla ba'i dkyil 'khor te/ de'i dbus su skye 'gro skye ba'i sa bon dza yig ni hUM yig tu bsgyur bar bstan to/ /kha dog nag po 'jigs pa chen po bltas nas hUM yongs su gyur pa las rdo rje'o//de'i lte bar gnas pa'i hUM gi de kho na nyid bsgom par bya'o/ /de'i rjes su nyi ma la sogs pa'i hUM yongs su gyur pas zla ba'i gzugs brnyan tsam du bsgoms te/ 'chad par 'gyur ba'i man ngag gis/ de las rnam par spros pa'i zhe sdang rdo rje 'jigs pa chen po nam mkha' la bltas nas/de zhugs pa las rang gi 'dod pa'i lha'i gzugs su gnas par bya ste gtso bo'o/ /de ltar yang bzang po'i zhabs kyis kye rdo rje'i rgyud las phyung nas gsungs te/ rang gi snying gar re pha bsgom/ /de las byung ba'i nyi dkyil 'khor//de nyid du ni hUM nyid kyang / /thabs dang shes rab rang bzhin can/ /kha dog nag po 'jigs chen po/ /hUM yig las ni rdo rjer gyur/ /rdo rje lte ba'i dbus gnas par/ /hUM gi de nyid slar bsgom bya/ /'di dag thams cad yongs su gyur pas man ngag ji lta bas zla ba'i gzugs brnyan bsgom par bya ste/'chad par 'gyur ba'i man ngag gis/ /de las spros nas steng du rdo rje can 'jigs pa chen po nam mkha' la bltas nas rab tu zhugs pas rang gi 'dod pa'i lha'i bdag nyid du gyur ces so/ /dzA lan+d+ha ri pa'i zhabs kyis kyang rtsa ba'i rgyud las phyung nas gsungs te/sems dpa'i gzugs brnyan las byung ba'i/ /dkyil 'khor dbang po bsgom par bya/ /zhes so/ /zhes pa rang gi 'dod pa'i lha'o/ /de ltar zhal brgyad la sogs pa'i 'jigs pa chen po zhe sdang rdo rje bsgom par byas nas hUM las byung ba'i 'bar ba'i phreng ba 'khrugs pa'i khro bo bcu po rnams shar la sogs pa'i phyogs thams cad du spro bar bya ste/de la shar du gshin rje mthar byed rnam par snang mdzad kyi dbu rgyan nag po chen po phyag na rdo rje tho ba'o/ /lhor shes rab mthar byed rin chen 'byung ldan gyi dbu rgyan can dkar po chen po dbyug pa dkar po 'dzin pa'o//nub tu pad+ma mthar byed 'od dpag med kyi dbu rgyan can dmar po chen po chu skyes dmar po 'dzin pa'o/ /byang du bgegs mthar byed mi bskyod pa'i dbu rgyan can sngon po chen po kha gyes pa'i rdo rje 'dzin pa'o/ /dbang ldan du mi g.yo ba nag po chen po ral gri 'dzin pa'o/ / mer 'dod pa'i rgyal po nag po chen po rdo rje lcags kyu 'dzin pa'o/ /bden bral du dbyug pa sngon po nag po chen po dbyug pa sngon po 'dzin pa'o/ /rlung du stobs chen po nag po chen po rtse gsum 'dzin pa ste/ mi g.yo ba la sogs pa rnams ni mi bskyod pa'i dbu rgyan can no/ / steng du gtsug tor 'khor los sgyur ba ser po bdag po rnam par snang mdzad de 'khor lo ser po 'dzin pa'o/ /'og tu gnod mdzes rgyal po du ba'i mdog can thugs kyi dbang pos dbu brgyan pa gtun shing 'dzin pa 'jigs par byed pa bsam par bya ste/ khro bo rnams spyan gsum pa skra ser skya gyen du brdzes pa/sna tshogs pa'i sprul gyis brgyan pa/ /phyag gnyis pa/ zhal gcig pa/ thung zhing gsus khyim che ba/ g.yon pa na sdigs mdzub dang bcas pa'i zhags pa 'dzin pa/ rnam par 'gyur ba'i zhal can bsam par bya'o/ /'on kyang 'dod pa can dang /mi g.yo ba ni rol pa ste lha'i rgyan gyis brgyan pa'o/ /slar thams cad sna tshogs pad+ma dang nyi ma la g.yon brgyad pa'i stabs kyis gnas par blta bar bya'o/ /de ltar khro bo'i rgyal po bcu po rnams mtshungs par rang rang gi gnas su sprul pa'i bdag nyid gshin rje mthar byed la sogs pa'i khro bo bcu'i gzugs su bkod nas mngon du phyogs par gyur pas thal mo sbyor ba byas nas rkang pa brgyad pa dang snying po dang nye ba'i sngags kyis sngon du gtad de//bdag cag rnams kyis ci zhig bgyi/ /zhes smra ba blta bar bya'o//de nas zhi ba la sogs pa'i las kyi dbye bas bka' sbyin te/ oM sum+b+ha ni sum+b+ha hUM/ gr-ih+Na gr-ih+Na hUM/ gr-ih+NA pa ya gr-ih+NA pa ya hUM/ A na ya hoHb+ha ga wAn bad+yI rA dza hUM phaT ces mkha' 'gro ma rdo rje gur las gsungs pa'i sngags kyis bka' sbyin par bya'o/ /rdo rje 'dzin pa'i bka' yang dag bzung nas de dang der rang nyid song ste/dbang po la sogs pa'i bgegs kyi tshogs rnams mgrin pa rdo rje'i zhags pas bcings shing rang rang gi mtshon cha rnams kyis skrag bzhin du bzung nas phyogs bcu'i sprul pa rnams la gtad de rdo rje 'dzin pa la mngon du phyogs nas gnas par blta'o//de la bgegs kyi tshogs 'di rnams ni dbang po dkar pos srung dkar po la zhon pa/ mig stong pa lus mdzes pa rin po che'i cod pan no/ /gshin rje nag po ma he la zhon pa skra ser skye gyen du rjes pa thung zhing gsus khyim che ba'o/ / chu lha dkar po nam mkha'i mdog can gyis rus sbal la zhon pa lus mdzes shing mgo bor gdengs ka dang ldan pa'o/ /lus ngan ser po mi la zhon pa lus mdzes pa rin po che'i cod pan can no/ /dbang ldan dkar po glang la zhon pa ral pa'i cod pan can thung zhing gsus pa che ba'o//me lha dmar po ra la gnas pa mgo bor ral pa'i cod pan can lus thung pa'o/ /srin po du ba'i mdog can ro la gnas shing skra grol ba thung ba'o/ /rlung lha sngo bsangs kha sha ser po la gnas pa rin po che'i cod pan can lus mdzes pa'o/ /steng du mes po ser po dad pa la zhon pa ral pa'i cod pan can thung zhing gsus khyim che ba'o//'og tu sa'i lha mo ser mo 'dam skyes la gnas pa lus mdzes ma rin po che'i cod pan can no/ /bgegs 'di rnams ni gshin rje la sogs pa rnams kyis bzung ba las bred sha 'thon te gzhan du skyabs tshol bar blta'o//de'i rjes su rang gi snying ga'i sa bon las khro bo smad mdung gi rnam pa sku mdog nag po 'jigs pa chen po 'jig dus kyi me ltar bzod par dka' ba stod bdud rtsi 'khyil pa'i rnam pa can spros te bgegs kyi tshogs kyi mgo bor bsams nas bka' bsgos pa las/oM g+ha g+ha/ g+hA ta ya g+hA ta ya sarba duSh+TAn/ kI la ya kI la ya/ sarba pA paM/ hUM hUM badzra kI la badzra d+ha ro da a dz+nyA pa ya ti/ sarba duSh+TAM big+h+nAM kA ya wA ga tsit+ta badzra kI la ya hUM hUM phaT phaT ces pa'i sngags kyis phur bu gdab po/ /de'i rjes su khro bo thams cad kyi bdag nyid kyi mtshan ma yongs su gyur pa'i rdo rje tho bas brdung ngo //oM badzra mung+ga ra badzra kI la ya a ko Ta ya ko Ta ya hUM phaT ces pa brdung ba'i sngags te/ sngags 'dis phur bu 'di ji srid 'dzin pa'i mthil du son par gyur par gdab pa ste phur bu'o//de nas rang rang gi sprul pa rnams kyis lhan cig tu khro bo spros pa'i me rnams kyis bgegs 'khor dang bcas pa bsregs te/ lhag ma med par byas par blta'o/ /de ltar brdungs nas lhag ma med par byas te bgegs med par gyur pa'i phyi nas/ sngon du re phas nyi ma rnam bsgoms nas/nyi der hUM byung sna tshogs rdo rje che/ /rdo rje de nyid kyis ni ra ba dang / /gur bcing ba yang rnam par bsgom par bya/ /'dir yang na hUM yig gis rdo rje mda' dang / dra ba dang / rdo rje'i bla re dang / rdo rje'i rang bzhin gyi sa gzhi yang ste/ rgya mtsho'i mtshams kyi mthil la thug par bsam par bya'o zhes pa srung ba'i 'khor lo'o//de nas 'chad par 'gyur ba'i rim gyis/ /gang phyir yid kyis mi bsgom par/ /'gro ba thams cad bsgom par bya/ /zhes bya ba la sogs pas bsrung ba chen po stong pa nyid rnam par bsgoms nas oM shU n+ya tA dz+nyA na badzra swa b+hA wAt+ma kou0f85haM/zhes pa dngos po ma lus pa'i snying po bsdus pa'i sngags brjod par bya'o/ /de nas srung ba'i 'khor lo dang / khams gsum po dang / ra ba la sogs pa snang ba med par bsgom de'i dbus su nam mkha' khyab pa'i shes rab e yig gi rnam pa can dkar po bsgom par bya'o//de'i dbus su sna tshogs rdo rje'i stegs bu'i dbus su yaM yig las skyes pa'i rlung gi dkyil 'khor sngo po zla ba phyed pa'i rnam pa/ /de nas raM yig las skyes pa'i me'i dkyil 'khor dmar po gru gsum pa//de nas baM yig las skyes pa'i chu'i dkyil 'khor dkar po zlum po/ /de'i steng du laM yig las skyes pa'i sa'i dkyil 'khor ser po gru bzhi pa/ /de'i dbus su 'jug pa'i rnam par shes pa rig par byas nas 'byung ba chen po'i dkyil 'khor de thams cad yongs su gyur pa las skad cig gis khang pa brtsegs pa dur khrod brgyad kyis brgyan pa bsam par bya ste/de la go rims ji lta ba bzhin du/ shing dang / gnod sbyin dang / phyogs skyong dang / klu dang / sprin dang / ri dang / mchod rten dang ldan pa'i dur khrod brgyad bshad par bya ste/ shar du gtum drag ces bya ba'i dur khrod do/ /der shing shi ri sha dang / gnod sbyin glang po'i gdong dkar po dang / phyogs skyong brgya byin dkar po dang / klu nor rgyas ser po dang / sprin sgrogs pa zhes bya ba kha dog sna tshogs pa dang / ri rab gru bzhi pa rin po che'i rang bzhin dang / mchod rten dkar po rdo rje zhes bya ba gnas so//lhor lhag ma zhes bya ba'i dur khrod chen po'o/ /der shing tsu ta dang / gnod sbyin ma he'i gdong pa can nag po dang / phyogs skyong gshin rje nag po dang / klu pad+ma dkar po dang / sprin 'khyil ba kha dog sna tshogs pa dang / ri ma la ya dkar po dang /mchod rten nag po rdo rje zhes bya ba gnas so/ /nub tu 'bar zhing 'khrugs pa zhes bya ba'i dur khrod chen po'o/ /der shing mya ngan med dang / gnod sbyin chu srin gyi gdong pa can dkar po dang / phyogs skyong chu lha dkar po dang / klu karko Ta dmar po dang / sprin 'jigs pa zhes bya ba kha dog sna tshogs pa dang /ri kai la sha dkar po dang / mchod rten dkar po chags pa'i rdo rje zhes bya ba gnas so/ /byang du ri bo'i phug ces bya ba'i dur khrod chen po'o/ /der shing a shwat+tha dang / gnod sbyin mi'i gdong pa can dkar po dang / phyogs skyong lus ngan ser po dang / klu 'jog po nag po dang /sprin 'ur 'ur sgrogs pa kha dog sna tshogs pa dang / ri man+da ra ljang ru dang / mchod rten dkar po 'du byed rdo rje zhes bya ba gnas so/ /dbang ldan du dpal mo'i nags zhes bya ba'i dur khrod chen po'o/ /der shing n+ya gro d+ha dang / gnod sbyin pa glang gi gdong pa can dkar po dang /phyogs skyong dbang phyug chen po dkar po dang / klu dung skyong zhes pa ser po dang / sprin gtum po zhes bya ba kha dog sna tshogs pa dang / ri dbang chen nag po dang / mchod rten dkar po thugs rdo rje zhes bya ba gnas so/ /mer drag tu dgod pa zhes bya ba'i dur khrod chen po'o//der shing ka ra ny+dza ka dang / gnod sbyin ra'i gdong pa can dmar po dang / /phyogs skyong me lha dmar po dang / klu pad+ma chen po sngo bsangs dang / sprin stag po zhes bya ba kha dog sna tshogs pa dang / ri spos ngad ldan pa ser po dang / mchod rten dmar po sku rdo rje zhes bya ba gnas so//bden bral du 'jigs pa'i mun pa zhes bya ba'i dur khrod chen po'o/ /der shing la tA parka Ti dang / gnod sbyin nag po dom gyi gdong pa can dang / phyogs skyong srin po nag po dang / klu mtha' yas zhes bya ba dkar po dang / /sprin gang ba can zhes bya ba kha dog sna tshogs pa dang /ri gser zhes bya ba dang / mchod rten dkar po rin chen rdo rje zhes bya ba gnas so/ /rlung du kI li kI li sgrogs pa'i dur khrod chen po'o/ /der shing a rdzun dang / gnod sbyin ljang gu ri dgas kyi gdong ba can zhes bya ba dang / phyogs skyong rlung lha sngo bsangs dang /klu rigs ldan khro bo dang / sprin char 'bebs zhes bya ba kha dog sna tshogs pa dang / ri dpal gyi ri zhes bya ba sngon po dang / mchod rten ljang gu chos kyi rdo rje zhes bya ba gnas so/ /gnod sbyin 'di rnams ni rdzu 'phrul chen po can zhal gcig pa phyag gcig phyag gnyis pa shing las lus phyed 'thon pa dag ste/phyag g.yon pa rnams na khrag gis yongs su gang ba'i mi'i thod pa 'dzin zhing g.yas pa'i phyag gi pad+mas ro sna tshogs pa 'dzin pa'i rnam par bsam par bya'o/ /'di rnams ni rtswa ljang gu dang / shing sna tshogs pa stug po dang / myu gu dang / 'dab ma dang me tog rnams ser bas brgyan shing //bya rog dang / ko ki la dang / 'ug pa dang / ne tso dang / sha ri ka dang / po ta ka dang / po ti kA dang / bya rgod la sogs pa sna tshogs pa'i bya'i tshogs kyis nye bar brgyan pa/ seng ge dang / spyang ki dang / stag dang / dom dang / phag la sogs pa'i ri dgas sna tshogs pas yongs su gang ba/ dri bzang po can gyi me tog sna tshogs pa'i dri zhim pos 'khrigs par byas pa/ sprul pa sna tshogs pa'i lang long gis 'jigs par byed pa/ rus pa dang / mgo bo dang / keng rus dang / thod pa dang / ro la sogs pa rnams kyis gnas sna tshogs pa'i yul so sor brgyan zhing slar yang yul so so rnams su lha khang dang /gtsug lag khang dang / bsam gtan gyi khang pa dang / rdzing bu rnams kyis nye bar brgyan pa/ /dam tshig gis brda dang ldan pa'i sems kyis tshogs pa'i a ba d+hU tI dang /a wa d+hU tI mo dang / bsam gtam pa dang / bsam gtan ma dang / gnod sbyin dang / gnod sbyin mo dang / yi dags dang / yi dags mo dang / srin po dang / srin mo dang / grul bum dang / grul bum mo dang / 'byung po dang / 'byung mo dang / mkha' 'gro dang /mkha' 'gro ma dang / dpa' bo dang / dpa' mo dang ldan pa/ dgod pa dang / sgeg ma dang / rnam par sgeg pa dang / 'khyud pa dang / 'o byed pa dang / sen mos 'debs pa'i kun du dga' ba la sogs pa thob pa'i mkha' 'gro dang / mkha' 'gro ma'i tshogs rnams kyis yongs su gang ba//de'i rjes su kun du dga' ba'i sems kyis kha cig rdo rje'i rkang pas gar byed do/ /kha cig ni rdo rje'i glu len no/ /kha cig ni sna tshogs pa'i dam tshig gi kun du spyod pa la kun spyod do/ /kha cig ni bdud rtsi lnga dang sgrol ma lnga za bar byed do/ /kha cig ni sna tshogs pa'i gos stobs par byed do//kha cig ni sna tshogs pa'i sems can rnams skrag par byed do/ /kha cig chang 'thung bar byed pa yang 'dir blta bar bya'o/ /gzhan yang / rnga drA ka dang / Da ma ru dang / rnga pa Ta ha dang / rnga mard la dang / rnga dz+ha dz+ha ra dang / pi wang dang / gling bu dang / cha lang la sogs pa'i sil snyan sna tshogs pa rnams sil snyan 'khrol bar byed pa/ slar grub pa dang / rig pa 'dzin pa dang / rigs 'dzin ma dang / lto 'phye chen po dang / mi 'am ci dang / mi 'am ci mo dang / dri za dang / dri za mo la sogs pa du ma dang /lha dang / lha ma yin dang / nam mkha' lding gi tshogs rnams 'khrigs shing kI li kI li'i sgra dang / 'jigs shing 'ur 'ur sgrogs par shin tu 'jigs par byed pa/ /de nas yang gar gyi ro dgus yid 'phrog par byed pa/ ro langs dang 'byung po'i tshogs dang ldan pa'i dur khrod chen po brgyad po rnams ni/rnam par shes pa brgyad rnam par dag par bsam par bya'o zhes pa/ dzA lan+d+hA ri pa'i zhabs kyis gsungs pa bris pa ste dur khrod do/ /de'i dbus su bshad pa'i rlung la sogs pa 'byung ba chen po bzhi yongs su gyur pa las khang pa brtsegs pa ste/'di'i gru bzhi nyid dang / rdo rje'i thig ni dbang po lnga rnam par dag pa'o/ /sgo bzhi ni dran pa nye bar gzhag pa bzhi rnam par dag pa'o/ /rta babs bzhi ni yang dag par spong ba bzhi rnam par dag pa'o/ /stegs bu bzhi ni rdzu 'phrul gyi rkang pa bzhi rnam par dag pa'o//grwa bzhi dang / de shal phyed pa ni stobs lnga rnam par dag pa'o/ /'phags pa'i lam yan lag brgyad rnam par dag pa las ka ba brgyad du rab tu brtags so/ /byang chub kyi yan lag bdun rnam par dag pa las sgo logs dang mda' yab dang /gdugs dang rnga yab dang bla re dang dril bu dang ba dan rnams kyang ngo / /de ltar byang chub kyi phyogs kyi chos sum cu rtsa bdun rnam par dag pa las rten cing 'brel par 'byung ba thar pa chen po'i grong rnam par snang mdzad rnam par dag pa 'od gsal ba'i rang bzhin te rtse mo bcu gnyis pa'i sna tshogs rdo rje'i stegs bu'i steng du bsam par bya'o//de la shar gyi rtse mo gsum ni dkar po dang / lho ser po dang / nub dmar po dang / byang ljang gu dang / stegs bu'i dbus kyi kha dog ni sngon por bsam par bya'o/ /gru bzhi dang thig la sogs pa rnams ni dzA lan+b+ha ri ba'i zhabs kyis mdzad pa'i rnam par bshad pa las khong du chud par bya'o//da ni lha mo bcu drug po rnams rnam par dgod pa brjod par bya ste/ rdo rje'i thig nyid dang / rtsig pa lnga po de rnams las phyi rol gyi lha'i snam bu la sgo'i rtsa ba nas brtsams te logs gnyis gnyis su g.yas skor gyi rjes su rim pas zla ba dang nyi ma'i gdan gnyis gnyis kyi dbus su son pa'i rang rang gi ming gi yi ge dang po zla tshes dang thig le dang ldan pa'i sa bon las rdzogs pa'i mchod pa'i lha mo rnams rang rang gi ming gi rnam pa can du gnas pa ni 'di lta ste/pi wang ma ni ser mo dang / gling bu ma ni dmar po dang / rnga zlum ma ni du ba'i mdog dang / rdza rnga ma ni dkar mo dang / bzhad ma ni ser mo dang / sgeg mo ni dmar mo dang / glu ma ni dmar po dang / gar ma ni kha dog sna tshogs ma dang /me tog ma ni dkar mo dang / bdug spos ma ni nag mo dang / mar me ma ni gser lta bu dang / dri ma ni ser mo dang / me long ma ni dkar mo dang / ro ma ni dmar mo dang / reg bya ma ni ljang gu dang / chos ma ni dkar mo ste 'di rnams thams cad zla ba'i gdan la gnas pa cha bcu drug rnam par dag pa blta bar bya'o//'di rnams kyis brgyan pa'o zhes pa khang pa brtsegs pa'o/ /de'i rjes su khang pa brtsegs pa'i dbus su 'dab ma sna tshogs pa'i pad+ma'i ze'u 'bru'i steng du bdud bzhi gan rgyal du g.yas dang g.yos du mgo bo ste/ phung po dang / nyon mongs pa dang /'chi bdag dang / lha'i bur mngon par brjod pa rnams blta bar bya'o/ /de la phung po'i bdud ni tshangs pa dang / nyon mongs pa'i bdud ni khyab 'jug dang / 'chi bdag gi bdud ni dbang phyug chen po dang / lha'i bu'i bdud ni lha'i dbang po ste/ bdud bzhi po rnams kyi snying gar nyi mas mnan pa'o//shar la sogs pa'i phyogs kyi 'dab ma rnams su tshangs pa dang / dbang po dang / nye dbang dang / drag po rnams so/ /dbang ldan la sog pa'i phyogs bral gyi 'dab ma rnams su gshin rje dang / lus ngan dang / bden bral dang / thags bzang ris kyang ngo / / 'di rnams kyi snying gar yang zla ba brgyad kyis mnan pa ste/ 'dab ma sna tshogs pa'i pad+ma la sogs pa nas thags bzangs ris kyi mthar thug pa ni khang pa brtsegs pa rdzogs pa'i dus nyid du rdzogs pa'o/ /gang gi phyir na rten cing 'brel bar 'gyur ba bsam gyis mi khyab pa nyid kyi phyir ro//snying gar nyi ma'i steng du a yig la sogs pa'i dbyangs nyis 'gyur yongs su gyur pas mtshan sum cu rtsa gnyis gsal bar byed pa'i zla ba'i dkyil 'khor me long lta bu'i ye shes kyi rang bzhin no/ /de'i steng du ka la sogs pa'i yi ge sum cu rtsa bzhi Da D+ha da d+ha ya la zhes pa'i yi ge drug dang bcas pa lugs su 'byung ba dang lugs las bzlog pas nyis 'gyur du byas nas yi ge brgyad cu yongs su gyur pa las nyi ma'i dkyil 'khor te dpe byad brgyad cu gsal bar byed pa mnyam pa nyid kyi ye shes kyi rang bzhin du blta'o//de kha sbyar ba'i dbus su hUM dang aM gi sa bon gnyis yongs su gyur pa'i thod pa dang gri gug de nyid kyis mtshan pa ni so sor rtog pa'i ye she so//de nas sa bon nyid las rnam par spros pa'i 'od zer gyi dra ba rnams kyis mtha' yas pa'i 'jig rten gyi khams snang bar byas nas yang bkug ste de nyid du zhugs pa las thams cad gcig pa nyid ni bya ba grub pa'i ye shes so//gcig nyid yongs su gyur pas skad cig gis bdag nyid 'chad par 'gyur ba'i sku mdog dang mtshan ma la sogs pa rdzogs pa'i rang gi 'dod pa'i lha dpal he ru ka'i gzugs sam phyag bcu drug pa dang / phyag drug pa dang / phyag bzhi pa dang / phyag gnyis pa rgyu rdo rje 'dzin pa'i gzugs dang / de bzhin kho nar rdzogs pa'i bdag med ma la sogs pa phrag par 'byung ba ni shin tu rnam par dag pa'i chos kyi dbyings kyi ye shes so zhes pa rnam pa lngas mngon par rdzogs par byang chub pa'o//shar la sogs pa'i phyogs su rim pas snying gar zla ba rnams la de bzhin kho nar zla ba dang nyi ma sbyar ba'i dbus su/ /gaM tsaM baM g+haM paM shaM laM DaM pa'i sa bon brgyad po blta bar bya'o/ /de yongs su gyur pa'i gau rI la sogs pa rnams kyi mtshan ma ni/ /gri gug dang cang te 'u dang /rus sbal dang / sbrul dang / seng ge dang / dge slong dang / 'khor lo dang / /rdo rje ste sa bon de dag nyid kyis byin gyis brlabs pa bsam par bya'o/ /de thams cad yongs su gyur pa'i rnam pa lngas mngon par rdzogs par byang chub pas gau rI la sogs pa yang sku mdog dang mtshan ma la sogs pa 'chad par 'gyur ba'i rim pas rdzogs par bya'o zhes pa rgyu'i dkyil 'khor ro//de ltar rang gi 'dod pa'i lha'i rnam pa rdzogs nas bdag med ma la sogs pa'i mkha' 'gro ma'i 'khor lo yang ste rang gi rig ma dang lhan cig ro gcig tu snyoms par zhugs par blta bar bya'o//ting nge 'dzin gyi dam tshig gi 'od zer gyis bkug pa'i dri za'i sems can bde ba chen po'i rang bzhin no/ /hoHyig dmar po'i phreng ba gnyis kyis bskor ba/ 'khor lo'i mkha' 'gro'i lam nas rab tu zhugs nas/bcom ldan 'das rang gi rig ma dang lhan cig 'dod chags chen po'i rjes su chags pa las shin tu mchog gi bde ba chen po'i ror zhugs/ /sa bon gyi gzugs kyis gnas par gyur pa'o zhes pa zhu ba lta bu'o/ /de nas puk+ka sI la sogs pa'i lha mo bzhi po rnams 'khor lo'i bdag po med par mthong nas mya ngan gyis gdungs te bdag cag ni mgon med pa'o zhes pa nas yid mi bde ba chen po thob pas shin tu smre sngags kyis thugs rab sad par byed pa'i rdo rje'i glu rnams kyis bcom ldan 'das slong bar byed do//khyod bzhengs rje btsun snying rje'i yid//ces pa la sogs pa tshigs su bcad pa bzhi'i don brjod par bya ste/ khyed bzhengs rje btsun snying rje'i yid/ /puk+ka sI bdag yongs su skyobs/ /stong nyid rang bzhin dor nas ni/ /bde chen sbyor bas bdag 'dod mdzod/ /zhu bar ltung ba'i ting nge 'dzin las shes pa ste bdag la khyod kyi byams pa chen po'o//khyod med na ni bdag 'gum pas/ /kye yi rdo rje khyod bzhengs shig /stong nyid rang bzhin nyid dor nas/ /ri khrod ma yi bya ba sgrubs/ /zhes pa bdag la khyod kyi snying rje chen po'o/ /dga' gtso 'jig rten mgron gnyer nas/ stong pa nyid la bzhugs sam ci//khyod med phyogs ni mi 'tshal bas/ /gdol ba mo bdag zhu ba bgyid/ /ces pa de las bzhengs shig ste bdag la khyod kyi dga' ba chen po'o/ /bdag gis khyod thugs mig 'phrul shes/ /kye ma mig 'phrul can khyod bzhengs/ /g.yung mo bdag ni grong khyer ma//snying rje chad par ma mdzad cig /ces pa bdag la khyod kyis btang snyoms chen po'i gnas pa'o/ /bcom ldan 'das rang gi rig ma dang lhan cig 'dod chags chen pos rjes su chags pa las shin tu mchog gi bde ba chen po'i ror zhu ba sa bon gyi gzugs kyis gnas par gyur pa'o zhes pa 'di'i don rnam par dpyad par bya ste/ci zhu ba de thog mar de nyid tha mal pa'i lus med par bltas nas ye shes kyi snang ba rdo rje'i ting nge 'dzin gyi sbyor bas gang bcom ldan 'das lhan cig skyes pa he ru ka yin nam/ de yongs su gyur pa'i phyag bcu drug pa la sogs pa'i gzugs yin//gnyi ga ltar yang mi rigs te/ longs spyod rdzogs pa dang / /sprul pa'i sku dag ni rus pa dang / rkang la sogs pa dang bral ba nyid kyi phyir ro zhes kha cig rnam par rtog na/ dri za'i sems can rab tu zhugs pa las zhu bar gyur pa nyid zhu ba yin no//ji ltar yan lag bcu gnyis la brten nas ma dang pha yang dag par sbyor ba las khu ba dang khrag de dag 'dres par gyur pa ni zhu ba yin pa de bzhin du 'dir yang ste/ 'di ltar bcom ldan 'das zhu ba zhes pa dri za'i sems can zhu ba yin pas na bcom ldan 'das zhu ba'o zhes smra ba ni rigs pa ma yin no//nye bar brtags pa las bcom ldan 'das dang lhan cig gnyis su med par byas nas brjod par byas te/ dngos su na zhu ba yin no/ /de ltar rigs pa yang ma yin te/ zhu ba la sogs pa med pa'i phyir ro/ /zhu ba lhung ba'i sgras sngar med pa'i sems can skye ba yang brjod pa ma yin no//de'i phyir zhu ba lhung ba'i sgras phyag bcu drug pa la sogs pa ma yin zhing lhan cig skyes pa rnam par gzhag par bya'o/ /'di nyid mtsho skyes zhabs kyis gsungs pa ni/ /sa bon gyi gzugs kyis gnas par gyur pa zhes so/ /de bzhin du yang dzA lan+d+ha ri pa'i zhabs kyis/lha'i rnam pas ma dag pa'i lus med pa ste/ ma dag pa'i lus med pa na dag pa'i skur brtag pa tsam mo/ /de yang med pa na bdud rtsi zhu ba'i thigs pa bzhin du dang ba sgyu ma lta bu'i rnam par shes pa'i gzugs kyis gnas pa ste/'di nyid sgyu ma lta bu'i rnam par shes pa'i smon lam gyi rten no/ /ji ltar sgyu ma rang dang gzhan gyi shes pa dang yang dag par rig pa med na yang don gyi bya ba byed do/ /de bzhin du rnam par shes pa'i sgyu ma ni yun ring por smon lam gyi shugs kyis don byed pa'i dbang gis bzhengs pa ste rmi lam sad pa bzhin no//de la 'dir bzhengs pa'i rim pa ni rnam pa lnga'i rab tu sbyor ba las te/ der bdud rtsi zhu ba'i thigs pa dang 'dra ba sgyu ma lta bu'i rnam par shes pa de yongs su gyur pa las rnam par shes pa lnga'i rang bzhin der A li yongs su gyur pa'i me long lta bu'i ye shes te zla ba'o//kA li yongs su gyur pa'i mnyam pa nyid kyi ye shes te nyi ma'o/ /de dag gi dbus su son pa'i sa bon no/ /de yongs su gyur pa'i mtshan ma ni so sor rtog par brjod par bya ste/ thams cad gcig pa nan tan te/ gzugs rdzogs dag pa'i chos nyid do//de la ye shes lnga'i rang bzhin byang chub kyi sems las langs pa'i 'od zer rnams kyis rgyu ba dang bcas pa'i mi rgyu ba bkug nas de nyid du dkyil 'khor ba dang ro mnyam du byas nas byang chub kyi sems ston ka'i zla ba'i dkyil 'khor gyi rnam par blta bar bya ste zhes pa ni rnal 'byor zhes bya ba'i ting nge 'dzin to//de'i rjes su skad cig gis de yongs su gyur pa'i lhan cig skyes pa'i gzugs brnyan ston ka'i ri bong 'dzin pa'i rnam pa mtha' yas pa'i 'jig rten gyi khams rab tu gsal bar byed pa'i chos kyi phyag rgya dang ldan pa ye shes lnga'i rang bzhin sgyu ma lta bu'i lhan cig skyes pa he ru ka phyag gnyis pa blta bar bya'o zhes pa ni rjes su rnal 'byor zhes bya ba'i ting nge 'dzin te bzhengs pa'o//'di ltar rjes su rnal 'byor rdzogs par byas nas phung po dang / khams dang / skye mched rnams la rdo rje ma la sogs pa nas/mkha' spyod ma'i mthar thug pa rnams kyi sa bon dgod par bya'o/ /'di lta ste/ gzugs kyi phung po la rdo rje ma'i oM dgod par bya'o/ /tshor ba'i phung po la gau rI'i i ngo / /'du shes kyi phung po la chu'i rnal 'byor ma'i IM ngo / 'du byed kyi phung po la rdo rje mkha' 'gro ma'i uM ngo / rnam par shes pa'i phung po la bdag med ma'i aM ngo / /sha la puk+ka sI'i U dgod do/ /khrag la ri khrod ma'i r-iM ngo / /byang chub kyi sems la gdol ba mo'i riM ngoM/ /rus pa la g.yung mo'i l-iM ngo / /skye mched dgod pa yang brjod par bya ste/ gzugs kyi skye mched la gau rI gzhan gyi lIM dgod par bya'o//sgra chom rkun ma'i eM ngo / /dri la ro langs ma'i aiM ngo / /ro la ga sma rI'i oM ngo / /reg la sa spyod ma'i auM ngo / /chos kyi khams la mkha' spyod ma'i aM ngo / /le'u dgu bar yang bcom ldan 'das kyis gsungs pa/ /gzugs phung rdo rje ma ru gyur/ /zhes pa la sogs pa ste dgod pa'o//mngon par rtogs pa'i rim pa 'di nyid kyang rtsa ba'i rgyud du/ /dang por stong nyid byang chub ste/ /gnyis pa la ni sa bon bsdu/ /gsum pa gzugs brnyan rdzogs pa ste/ bzhi pa yi ge dgod pa'o/ /zhes so/ /mya ngan las 'das pa'i sku 'dzin pa'i don dang / gdul bya'i skye bo mi spang ba'i don du phung po la sogs pa dgod pa'i shin tu rnal 'byor rdzogs par byas nas/rnal 'byor chen po yang dag par brtsam par bya ste/ lte ba dang / snying ga dang / mgrin pa dang / dbral bar yang pad+ma bzhi pa'o/ /'dab ma drug cu rtsa bzhi dang / brgyad dang / bcu drug dang /sum cu rtsa gnyis go rims bzhin du bsams nas/ de rnams su aM hUM oM haM rnam par bkod de/ sku dang / gsung dang / thugs byin gyis brlab par bsam par bya'o/ /mgo bor oM yig dkar po bsams nas de las sku rdo rje'i tshogs kyis nam mkha' gang ba sa bon de nyid du zhugs pa las sku rdo rjer gyur pa'o//oM kA ya badzrAt+ma kAHsarba d+har+m+maHkA ya badzrA t+ma kou0f85haM zhes brjod do/ /ngag gi lam du AHyig dmar po bsams nas de las gsung rdo rje'i tshogs kyis nam mkha' gang ba sa bon de nyid du zhugs pa las gsung rdo rjer gyur pa'o/ oM wA ka badzrAt+ma kAHsarba d+ha r+m+maHwA ka badzrA t+ma kou0f85haM zhes brjod do/ /snying gar hUM yig nag po bsams nas de las thugs rdo rje'i tshogs kyis nam mkha' gang ba sa bon de nyid du zhugs pa las thugs rdo rjer gyur pa'o/ /oM tsat+ti badzrAt+ma kAHsarba d+har+m+ma sh+tsat+ti badzrA t+ma kou0f85haM zhes brjod do//bcom ldan 'das kyis sngags kyi le'ur yang gsungs pa/ oM AHhUM zhes pa sku dang gsung dang thugs byin gyis rlob pa'i sngags so zhes so/ /rnal 'byor chen po zhes bya ba'i ting nge 'dzin te 'di rnams kyi mthar thug pa ni dgod pa'o/ /bcom ldan 'das ma la ni dgod pa ji lta bur gyur pa de bzhin te rigs lnga'i cha shin tu lhag pa'o//sngar gsungs pa'i rim pas he ru ka'i rnam pa bzhi po rnams kyi nang nas rang gi 'dod pa'i lha shes rab dang snyoms par zhugs pa'i bdag nyid sku mdog nag po 'jigs pa chen po zhe sdang gi bdag nyid can blta bar bya'o//sngar gsungs pa'i rim pa ni/ sems dpa'i gzugs brnyan las byung ba'i/ /dkyil 'khor dbang po bsgom par bya/ /zhes gsungs pa las so/ /de nas 'chad par 'gyur ba'i rim pas mtshan ma la sogs pa can bsams nas dam tshig gsum brtsal bar bya ste/de la bdag nyid dam tshig rdo rje 'dzin pa'i gzugs nyid do/ /rang gi snying gar nyi ma la bdag nyid dam tshig pa bzhin du ye shes kyi dam tshig dang / de'i thugs kar ting nge 'dzin gyi dam tshig yi ge hUM bsam par bya'o zhes pa zhe sdang gi bdag nyid do//de ltar dam tshig gsum gyi bdag nyid du gyur nas rigs lnga'i cha dang ldan par bya'o/ /shes rab rnyed nas mi g.yo zhing / /sgrub po la gus mnyen gshin pa/ /sems can kun phan tshol ba can/ /mtshan rnams kun dang ldan pa'o/ /de'i mgo bor oM yig dang /snying khar hUM yig dang / lte bar swA yig dang / brla zung la AHyig dang / rkang pa dag la hA yig kyang dgod do/ /bcom ldan 'das ma'i yan lag dgong pa yang brjod par bya'o/ /gzugs phung rdo rje mar ni gyur/ /tshor ba la ni dkar mor dran/ /'du shes chu yi rnal 'byor ma//'du byed rdo rje mkha' 'gro ma/ /rnam shes phung po'i tshul gyis ni/ /bdag med rnal 'byor ma gnas so/ /sa ni puk+ka sIr bshad do/ /chu khams ri khrod ma ru dran/ /me ni gtum mor shes par bya/ /rlung ni g.yung mor rab tu grags/ /gzugs la dkar mor rtag tu bshad//sgra la chom rkun ma rab grags/ /dri yi cha la ro langs ma/ /ro la g+hasma rI rab grags/ /reg las spyod mar bshad de/ /chos kyi khams la mkha' spyod ma/ de ltar 'di rnams kyi sa bon yang dag par dgod par byas nas pad+ma dang rdo rje'i byin gyis brlab par bya'o//aHyig gis pad+ma dga' ba sbyin par byed par bsams nas pad+ma'i mdzod kyi ze'u 'bru'i bu gar hUM yig rnam par bsam par bya/ de'i rjes su hUM yig las byung ba'i rdo rje bsgom par bya zhing de'i nor bu'i bu gar hUM yig bsams nas slar yang / oM pad+ma su khA d+ha ra ma hA rA ga su khan+da da/tsa tu rA nan+da b+ha ga bi shwa hUM hUM kaR+YaM ku ru Sh+wa me/ oM badzra ma hA dwe Sha tsa tu rA nan+da dA ya ka kha ga mu khai ga ra so nA tha hU~M hU~M kA R+YaM ku ru Sh+wa me zhes pa'i sngags kyis byin gyis brlab par bya'o/ /phyi rol du phyag rgya med na yid kyis sprul pa'i phyag rgya rnyed nas de yang rigs lnga'i cha dang ldan pa'i rim pa dang po nyid du byas nas/rjes su chags pa brtsam par bya'o/ /oM sarba ta thA ga tA nu rA ga ta badzra swa b+hA wAt+ma kA s+sar+b+ba d+har+m+maH oM sarba ta thA ga tA nu rA ga ta badzra swa b+hA wAt+ma kou0f85haM zhes byas nas/ gsung rdo rje'i nga rgyal gyis hUM yig b rjod de rdo rje g.yo bar bya'o//stong pa nyid du mos pa la sogs pa nas dga' ba'i bde ba'i mthar thug pa ni dang po sbyor ba zhes bya ba'i ting nge 'dzin to/ /'di yang shes rab dang thabs ro gcig pa'i bde ba chen po 'byung ba'i byang chub kyi sems phaT yig gi rnam par spros par bsams nas mchod pa bya ste/oM sarba ta thA ga ta pU dzA badzra swa b+hA wAt+ma kaHsarba d+har+m+mAHoM sarba ta thA ga ta pU dzA badzra swa b+hA wAt+ma kou0f85haM zhes pa 'di yis so/ /nam mkha' lding gi phyag rgya 'dzin pa'i rnal 'byor pas pad+ma'i mdzod kyi nang du byang chub kyi sems de lce yis b langs nas/de bzhin gshegs pa thams cad dang rdo rje rnal 'byor ma'i rang bzhin gyis bdag nyid mchod par bya'o/ /gal te legs par bslabs par gyur pa'i phyag rgya med na ni mi bya ba kho na ste gzhan du na rtsa ba'i ltung bar 'gyur ro/ /de'i rjes su byang chub kyi sems kyi rdul phra mo gang cung zad gnas pa de yongs su gyur pa las 'khor lo dang bcas pa'i rje btsun bsgom par bya ste bsrub par bya ba bsrub par bya ba'i sbyor ba las so//rdo rje 'dzin pa'i hUM/ bcom ldan 'das ma'i o/ gau rI'i ga~M/ chom rkun ma'i tsaM/ro langs ma'i ba~M/ g+hasma ri'i g+ha~M/ puk+ka sI'i pa~M/ ri khrod ma'i sha~M/ gtum mo'i tsa~M/ g.yung mo'i Da~M/ zhes pa'i sngags 'di rnams kyis dbyung bar bya/ phyung nas kyang 'gro ba'i don mdzad cing bkug nas de bcom ldan 'das kyi 'khor lo'i mkha' 'gro'i lam nas zhugs pa las 'o ma dang chu ji lta ba de bzhin du bcom ldan 'das 'chad par 'gyur ba'i rim pas bzhugs pa'o//bcom ldan 'das ma dang bcom ldan 'das ma yang ste/ gau rI la sogs pa rnams kyang rang rang gi gdan rnams su bsam par bya'o zhes pa ni dbyung ba'o/ / de la phyag bcu drug rnams ni stong pa nyid bcu drug rnam par dag pa'o/ /g.yas kyi phyag brgyad na gnas pa'i pad+ma'i snod brgyad rnams su go rims ji lta ba bzhin du glang po che dang / rta dang / bong bu dang / glang dang / rnga mo dang / mi dang / sha ra b+ha dang / byi la rnams so/ /de bzhin du sa dang /chu dang / me dang / rlung dang / zla ba dang / nyi ma dang / gshin rje dang / nor sbyin rnams kyang g.yon gyi pad+ma'i snod brgyad po rnams su rim pas shes par bya'o/ /glo dang de bzhin dbugs mi bde/ /smyo zad mdze dang rkang bam dang / /mcher ba mchin pa'i rang bzhin gyis/ / thams cad 'di nyid rab tu grags/ /zhes pa nyon mongs pa brgyad rnam par dag pa las glang po che la sogs pa 'dzin pa rnams so/ /sa la sogs pa nas/ nor sbyin gyi bar du ni dbang phyug brgyad rnam par dag pas so/ /'di lta ste/ sku yi dbang phyug gsung gi dbang phyug dang //de bzhin kho nar thugs kyi dbang phyug kyang / /rdzu 'phrul dang ni kun 'gro'i dbang phyug dang / /'dod dang byed po yon tan brgyad pa'o/ /sku mtha' yas pa ni sku'i dbang phyug go/ /thams cad kyi skad du smra ba ni gsung gi dbang phyug go/ /sems can thams cad kyi sems shes pa ni thugs kyi dbang phyug go//rdzu 'phrul gyis mtha' yas pa'i 'jig rten gyi khams lta ba ni rdzu 'phrul gyi dbang phyug go/ /'jig rten gsum po gcig pa'i sku ni kun du 'gro ba'i dbang phyug go/ /Ats+tshi'i sgras ni 'dod pa gsungs te/ 'dod pas sems can rnams kyi bde ba chen po skyed par byed pa ni 'dod pa'i dbang phyug go//byed po ni rdo rje 'chang chen po zhes byed po'i dbang phyug go/ /lha'i rnam pas spyod pa ni yon tan gyi dbang phyug go/ /pad+ma'i snod ni snying rje'i cha rnam par dag pa las yin la/ phyag rnams ni stong pa nyid rnam par dag pa las te/ 'dis ni stong pa nyid dang snying rje dbyer med pa nyid du rig par byas so/ /byams pa'i thugs las yan lag gnag//zhal brgyad rnam par thar pa brgyad/ /rnam par dag pa las te/ sdang ba sgrub par byed pa'i don du zhal dang po ni nag po'o/ /dbang gi don du g.yon pa dmar po'o// g.yas kyi dkar po ni zhi ba sgrub pa'o/ /zhe sdang la sogs pa byung ba rnam par nyams pa'i don du steng gi zhal ni rnam par gtsigs pa du ba'i mdog go/ /bdud bzhi rnam par gzhom pa'i don du slar g.yas g.yon gyi zhal gnyis gnyis nag po ste/ zhal thams cad nyid mche ba gtsigs pa/'khyog po'i smin ma dang bcas pa/ /'jigs pa'i dus kyi me 'bar ba/ /'khrug pa'i 'od can 'jigs pa chen po ste/ /khro bo bdag nyid can nyid kyi phyir ro/ /zhal so sor dmar zhing zlum pa'i spyan gsum ste snying rje las ni dmar po nyid do/ /rdo rje gsum gyi spyan gsum gyis/dus gsum yongs su shes pa las ni spyan gsum nyid do/ /de ltar nyi shu rtsa bzhis byug pa'o/ /dar dpyang bcings shing gyen du brdzes pa'i skra ni ser skya ste 'dod chags la sogs pa'i nyon mongs pa ma lus pa sreg par byed pa'i phyir ro/ /'gro ba'i don byed pa'i phyir spyi bor sna tshogs rdo rjes mtshan pa'o//phung po lnga po rnams kyi rang bzhin med pa nyid rtogs par bya ba'i phyir du dpral ba'i steng du mgo bo skam po lnga'i phreng bas brgyan pa'o/ /de bzhin gshegs pa lnga rnam par dag pa las 'khor lo dang rna rgyan dang /mgul rgyan dang / ska rags te phyag rgya lnga dang ldan pa'o/ /rdo rje sems dpa' rnam par dag pa las thal ba yang ngo zhes pa phyag rgya drug tu rab tu grags so/ /chos thams cad la dmigs pa med pa rtogs par bya ba'i phyir du yang dag par rdzogs pa'i ye shes rnam par dag pa las gcer bu'o//bsdu ba'i dngos po bzhis zhabs bzhi'o/ /byang chub kyi sems shin tu thob pa'i phyir nyi ma'i dkyil 'khor la zhabs gnyis kyis skyil krung phyed pa tA Na Da pa'i stabs 'chang ba nyid do/ /'di nyid khams gsum po ma lus pa gcig pa'i skur rtogs par bya ba'i phyir zhabs kyi mthe bong gcig pu btsugs pa'o//de lta bu kho nar bgegs rnam par nyams pa las g.yon bskum pa'i zhabs 'chang ba'o/ /A li kA li'i yi ge rnam par dag pa las yi ge lnga bcus bkra ba khrag rab tu 'dzag pa'i mgo bo rlon pa'i phreng ba phrag pa la bkod pa ste zung du 'jug pa'i lam nye bar bstan pas na mgo bo'i phreng ba phrag pa la'o//sgeg pa dpa' ba mi sdug pa/ /drag shul rgod dang 'jigs su rung / /snying rje ngo mtshar zhi rnams kyis/ /gar gyi ro dgu ldan pa nyid/ /ces pa ste/ de la bdag med ma dang lhan cig ro gcig pa nyid ni sgeg pa'o//dur khrod na bzhugs pa ni dpa' ba'o/ /khro gnyer gtsigs pa nyid ni mi sdug pa'o/ /'bar ba'i 'od nyid ni drag shul lo/ /zhal rnam par rgyas pa nyid ni rgod pa'o/ /mgo bo rlon pa'i phreng ba nyid ni 'jigs su rung ba'o/ /sems can rjes su 'dzin pas sems nyid ni snying rje'o//sgyu ma'i gzugs nyid ni ngo mtshar ba'o/ /'dod chags la sogs pa'i nyon mongs pa spangs pa nyid ni zhi ba ste de rnams dang ldan pa'o/ /brgyad gnyis kyi lo'i rnam pas rol pa'i sku bdag med ma dang snyoms par zhugs pa'i bcom ldan 'das su bdag nyid blta bar bya'o//bcom ldan 'das ji lta ba de ltar bcom ldan 'das ma yang ste 'on kyang phyag lnga lnga dang ldan pa'i mi mgo skam po'i phreng bas brgyan pa'i sku lha dang lha ma yin gyi khrag gis gang ba'i thod pa phyag g.yon na 'dzin pa nyon mongs pa ma lus pa gcod pa'i phyir gri gug 'dzin pa'o//khams gsum pa gcig pa'i ngor gtogs par bya ba'i phyir du zhal gcig ma/ bcom ldan 'das kyi smad kyi ro yang dag par myang bar byed pa/ zhabs g.yon brkyang bas mchog tu bde ba chen po'i dga' bas bcom ldan 'das dang snyoms par zhugs par bsam par bya'o//pha rol tu phyin pa drug rnam par dag pas kye rdo rje phyag drug pa ste zhal gsum pa rtsa ba'i zhal nag po/ /g.yon dmar po/ /g.yon gyi phyag gnyis dag gis rtse gsum dang rdo rje dril bu 'dzin pa/ g.yas kyi phyag gnyis dag gis rdo rje dang gri gug 'dzin pa/phyag lhag ma dag gis gri gug dang thod par bcas pas rdo rje lcags sgrog ma la snyoms par zhugs pa ro mnan pa blta bar bya'o/ /yang bdud bzhi rnam par dag pa las kye'i rdo rje phyag bzhi pa ste g.yas kyis rdo rje 'dzin pa g.yon gyis thod khrag /phyag lhag ma dag gis rdo rje phag mo la snyoms par zhugs pa/ zhal gcig pa ro mnan pa bsam par bya'o/ /yang kye rdo rje phyag gnyis pa ni g.yon gyis thod pa dang kha T+wAM ga// g.yas kyis 'bar ba'i rdo rje ro mnan pa blta bar bya'o/ /phyag drug pa la sogs pa 'di rnams kyi shes rab ma ni rdo rje ma ste/lhag ma ni phyag bcu drug pa bzhin te sku mdog dang rgyan la sogs pa dang hUM las byung ba la sogs pa'i gzugs su blta bar bya'o/ /de bzhin du rdo rje lcags sgrog ma la sogs pa rnams kyi yang bdag med ma bzhin te ming tsam tha dad pa'o//thams cad kha T+wAM ga la 'khyud pas gnas pa ni thams cad kyi yin par blta bar bya'o/ /de ltar gyur pa'i bcom ldan 'das rang gi 'dod pa'i lha'i rnam par bsams nas bsrub cing bsrub pa'i sbyor ba las lha mo'i 'khor lo gang yin pa thog mar dbyung bar bya ste/de la shar la sogs pa'i phyogs dang sku mdog dang mtshan ma la sogs pa'i rim pa ni rnam par dag pa'i sgo nas rtogs par bya'o/ /de la shar gyi sgor gdul bya bdud kyi sems can sad par bya ba'i gaM yig las skyes pa'i gau rI nag po'o/ /log par lta ba gcod par byed pa'i phyir g.yas kyi phyag na gri gug 'dzin pa/'khor ba'i bag chags nyams par bya ba'i phyir g.yon pas nya ro hi ta 'dzin pa/ tshangs pa mnan pa/ gzugs kyi phung po'i rang bzhin du bsam par bya'o/ /lhor gdul bya 'dod chags kyi sems can sad par bya ba'i phyir tsaM yig las chom rkun ma sku mdog dmar mo'o//shes rab dang thabs kyi bdag nyid can rtogs par bya ba'i phyir g.yas na cang te'u 'dzin pa/ gti mug gzhom pa'i don du g.yon na phag pa 'dzin pa/ brgya byin mnan pa tshor ba'i phung po'i rang bzhin du blta bar bya'o//nub tu sems can rnams kyi rgyas pa'i don du baM yig las skyes pa'i ro langs ma gser gyi mdog can no/ /stong pa nyid rtogs par bya ba'i phyir g.yas na rus sbal 'dzin pa/ snying rje'i rang bzhin rtogs par bya ba'i phyir g.yon na pad+ma'i snod 'dzin pa nye dbang la zhon pa 'du shes kyi phung po'i rang bzhin du rnam par brtag par bya'o//byang du mngon spyod kyi las rab tu bsgrub pa'i don du g+haM las skyes pa'i za nus ma nor bu ma rgad lta bu'o/ /zhe sdang rnam par dag pa las g.yas na sbrul 'dzin pa shes rab dang thabs kyi bdag nyid khong du chud pa'i don du g.yon pas rnal 'byor lhung bzed 'dzin pa/drag po la zhon pa 'du byed kyi phung po'i rang bzhin du bsgom par bya'o/ /dbang ldan du rmugs pa'i las rab tu rtogs pa'i phyir du paM las skyes pa'i puk+ka sI sku mdog sngon mo'o/ / nga rgyal rnam par sbyang ba'i don du yang g.yas seng ge 'dzin pa/ bdud kyi sde rnam par 'joms pa'i phyir dang mi mdza' ba ma lus pa gcod pa'i phyir du g.yon pas dgra sta 'dzin pa/ gshin rje mnan nas/ sa'i khams kyi rang bzhin du shes par bya'o/ /mer zhi ba'i sems can rab tu sad par byed pa'i phyir du sha~M yig las skyes pa'i sha ba rI dkar mo'o//me long lta bu la sogs pa'i ye shes lnga po rnams rab tu sad par byed pa'i phyir du g.yas na dge slong 'dzin pa/ gnyis su med pa'i ye shes khong du chud pa'i phyir du g.yon na 'khar gsil 'dzin pa/lus ngan la zhon pa/ chu'i khams kyi rang bzhin du blta bar bya'o/ /bden bral du rengs pa rab tu bsgrub pa'i don du tsaM yig las skyes pa'i gtum mo nam mkha' sngo bsangs ma'o/ /dregs pa'i sems can rab tu sad par byed pa'i phyir du yang g.yas na 'khor lo 'dzin pa/the tshom gyi shes pa'i cha gcod pa'i phyir dang mi shes pa'i dri ma rtsa ba nas med pa'i don du g.yon pas gshol 'dzin pa/ srin po mnan pa/ me'i khams kyi rang bzhin du bsgom par bya'o/ /rlung du don sna tshogs pa so sor rtogs pa'i phyir du DaM yig las skyes pa'i Dom+bi nI sna tshogs mdog go//bsam pa ma rungs pa'i skye bo rab tu sad pa'i phyir dang mi phyed pa'i ye shes rtogs pa'i phyir du g.yas pas 'bar ba'i rdo rje 'dzin pa/ gdug pa ma lus pa bsdigs pa'i phyir du g.yon pas sdigs mdzub 'dzin pa/ thags bzangs ris la mnyam par zhon pa/rlung gi khams kyi rang bzhin du bsam par bya'o/ /ye shes kyi phyag rgya'i phyogs la bdag med ma yang slar rje btsun la phyung ba'i rjes su gzhug cing zhugs par bsam par bya'o/ /de phyung ba'i rjes su gzhug pa dag dang nye ba'i mtshan nyid kyi phyir de bzhin du gau rI la sogs pa gzhan dang gzhan rnams phyung ba'i rjes su gzhug par shes par bya'o//'di rnams kyis ni ji srid yan lag dgod pa de srid du 'byung ba'o zhes pa 'di gsungs pa yin no/ /'di rnams thams cad dmar zhing zlum pa'i spyan gsum pa/ ser skya gyen du brdzes pa//zhal mche ba gtsigs pa/ gcer bu phyag rgya lnga dang ldan pa/ skyil krung byed pa'i tA Na Da bas zla ba'i gdan la gnas pa/ drag mo brgyad gnyis kyi lo'i rnam pa ma'o/ /byang chub kyi sems phyung ba lam yang dag par byung ma bcom ldan 'das dang 'dod pa la snyoms par zhugs pa blta bar bya'o//da ni gau rI la sogs pa rnams kyi gdan brgyad kyi rnam par dag pa brjod par bya ste/ 'dod chags dang / rig ma dang / 'dzag pa dang / btung ba dang / bza' ba dang / gnyid dang / rtog ge dang / dad pa rnams su mngon par zhen pa gcod pa'i phyir du tshangs pa la sogs pa nas thags bzangs ris kyi mthar thug pa'i gdan brgyad po rnams gsungs pa yin no//de ltar ji skad du bstan pa'i dkyil 'khor gyi 'khor lo'i nang du son pa'i ma ma'o tshogs kyis yongs su bskor ba'i rang gi sku las rnam par spros pa'i 'od zer gyi tshogs kyis nam mkha'i mthil khyab par yang dag par rnam par bsgom par bya zhing ye shes kyi 'khor lo dgug par bya'o//bdag nyid dam tshig gi thugs ka'i pad+mar hUM las byung ba'i thod par gnas pa'i nyi ma la hUM yig sngon po'i 'od zer gyi lcags kyu rnams kyis mtha' yas pa'i 'jig rten gyi khams snang bar byas nas ye shes kyi 'khor lo yang mdun du bkug par rnam par bsams te mchod yon dang zhabs bsil la sogs pa phul nas yang dag par mchod cing bstod pa yang byas te/dzaHhUM baM hoHzhes pa 'dis dgug pa dang gzhug pa dang bcing ba dang mnyes par bya'o//de nas oM badzra gau rI A kAR+Sha ya dzaHoM badzra tsau rI pra be sha ya hUM/ /oM badzra bet+tA lI ban+d+ha ya baM/ oM badzra g+hasma rI to Sha ya hoHzhes pa ji lta ba'i lam nas ye shes kyi 'khor lo dam tshig 'khor lo la gzhug go/ /'dis dpal he ru ka'i nga rgyal brtan par bya'o//gal te yang bdag nyid dam tshig bzhin du ye shes kyi dam tshig go/ /de lta na ye shes kyi 'khor lo gzhug pa dang bar med par ye shes kyi dam tshig zhal gcig phyag gnyis pa dmar po rang 'od kyi shes rab ste rang gi snying gar bsam par bya'o//de'i snying gar ting nge 'dzin gyi mgon po yang ngo / /de nas bcom ldan 'das ma yang de bzhin te ye shes kyi dam tshig gi snying gar pad+ma dang zla ba la gnas pa'i aM yig las skyes pa'i gri gug la gnas pa'i zla bar gnas pa'i aM yig blta bar bya'o/ /rnal 'byor ma brgyad rnams kyi de bzhin du ye shes kyi dam tshig gi snying gar pad+ma dang zla ba rnams su rang rang gi sa bon las skyes pa'i mtshan ma/slar yang zla ba la gnas pa'i de'i sa bon gyis byin gyis brlabs la blta bar bya'o zhes pa ye shes kyi 'khor lo'o/ /ye shes kyi 'khor lo dang dam tshig gi 'khor lo dag gcig tu byas pa'i dus su rang gi sku las rnam par spros pa'i 'od zer rnams kyis bkug pa'i de bzhin gshegs pa lnga po dpal he ru ka'i gzugs thob pa rnams dang rdo rje rnal 'byor ma dang byang chub sems dpa' chen po dang khro bo la sogs pa rnams kyang nam mkha' la mngon du bltas nas mngon par dbang bskur bar gsol ba gdab ste/a b+hi Shiny+tsa tu mAM sarba ta thA ga ta zhes pas so/ /de bzhin gshegs pa lnga de rnams kyang bdud rtsi lngas gang ba'i rnam par rgyal ba'i bum pa la sogs pa rnams kyis/ ji ltar bltams pa tsam gyis ni//de bzhin gshegs kun khrus gsol ltar/ /lha yi chu ni dag pa yis/ /de bzhin bdag gis khrus bgyi'o/ /zhes gsung zhing 'khru bar mdzad do zhes pa mngon par dbang bskur ba'o/ /de nas dam tshig rdo rje'i rnal 'byor ma rnams kyis dzo dzo'i sgra sgrogs par byed do//byang chub sems dpa' rnams kyis slar yang dga' ba'i bdag nyid du gzigs par mdzad do/ /khro bo la sogs pa rnams kyis dga' bar mdzad do/ /nam mkha' sna tshogs pa'i dri bzang po can gyi me tog gi char 'bab par 'gyur ro/ /gur kum dang tsan+dan gyi char dang rin po che sna tshogs pa'i char rab tu 'bab pa'o//gar dang sil snyan dang glu dang bstod pa'i sgras mtha' yas pa'i 'jig rten gyi khams rnams kyi steng du ca co'i sgra chen po 'byung bar 'gyur ro/ /dbang bskur ba na bcom ldan 'das kyi spyi bor thugs kyi dbang por 'gyur te bcom ldan 'das ma'i yang de bzhin no//gau rI la sogs pa rnams la mi bskyod pa dang / rnam par snang mdzad dang / rin chen 'byung ldan dang / 'od dpag med kyis rgyas gdab par bya'o/ /slar yang sangs rgyas de rnams kho nas puk+ka sI la sogs pa rnams kyis glu'i bstod pas bstod par yang 'gyur te/rnal 'byor ma tshogs grogs mos yongs bskor khyod/ /khyod ni rang gi thugs la mchog brnyes pa/ /des ni rgyu dang mi rgyu'i 'gro kun mdzes/ /snying rje'i thugs kyis sems can sad par mdzad/ /he ru ka dpal rgyal po mig 'phrul gyi//spros pas bya ba sgrubs la thugs dgyes mdzod/ /de bzhin gshegs pa dang byang chub sems dpa' dang rig ma dang lha mo dang khro bo la sogs pa rnams kyis kyang nam mkha' la bzhugs nas snying po dang nye ba'i snying po dang rkang pa brgyad pa'i phreng ba'i sngags rnams kyis mngon par bstod par 'gyur ro zhes rgyas gdab bo//de nas ma mo'i tshogs kyi dbus su rig ma dang ldan pa'i rdo rje can bdud rtsi za ba rdzogs par byas te/ yaM yig las rlung gi dkyil 'khor sngon po zla ba phyed pa'i rnam pa'o/ /de'i steng du raM yig las skyes pa'i me dmar po gru gsum mo//de'i steng du AH yig las skyes pa'i mgo bo gsum gyi steng du pad+ma'i snod phyi dkar ba nang dmar ba AH yig gis byin gyis brlab pa yang ngo / /de'i nang du buM yig la sogs pa'i sngags kyis bca' ba dang bdud rtsi lnga dang sgron ma lnga yang rdzogs par byas nas oM yig gis byin gyis brlabs pa yang ngo //de'i steng du hUM yig las byung ba'i rdo rje dkar po blta bar bya'o/ /de'i rjes su rlung gis bskul ba'i me tsha ba nyid las dngul chu'i ro'i rnam pa bzhin du gyur pa'o/ /oM AHhUM gi yi ge rnams kyis sbyang ba dang rtogs pa dang 'bar bar byas nas mtha' yas shing mu med pa'i sangs rgyas dang byang chub sems dpa' la sogs pa rnams la rjes su chags par byas nas 'jig rten gyi khams rnams su song nas ye shes kyi bdud rtsi bkug ste de nyid du zhugs pa las gcig tu byas nas de nyid rdo rjes dkrugs pas ro mnyam par byas te rdo rje yang bdud rtsi la thim par blta bar bya ste/rdo rje dang chu skyes sbyor ba las bsil bar gyur pa de bzhin gshegs pa'i ye shes kyi bdud rtsi yang zhugs pa'o/ /rdzogs pa de kho na nyid gsum gyi byin gyis brlabs pa'i lag pa'i blugs gzar gyis blangs nas hUM las byung ba'i ljags rdo rje'i 'od zer gyis drangs te bdud rtsi de zhi ba la sogs pa'i las kyi dbye bas ting nge 'dzin gyi dam tshig la sbyin sreg bya'o//de ni dkyil 'khor pa la de dang 'dra bar bsam mo zhes pa bdud rtsi myang ba'o/ /de'i rjes su dkyil 'khor gyi bdag po dang / dkyil 'khor ba de las spros pa'i lha'i sprul pa du ma gang dang gang na gdul bar bya ba yod pa//de dang der song nas de rnams btul te slar 'ongs nas sprul pa rnams rdo rje can gyi rang rang gi sku la nye bar bsdu bar bya'o zhes pa 'gro ba'i don no/ /dbyung ba la sogs pa nas 'gro ba'i don gyi mthar thug pa ni dkyil 'khor rgyal po mchog ces bya ba'i ting nge 'dzin to//de'i rjes su/ /mtsho skyes zhabs kyis kha dog ni/ /las kyi dbye bas dbye bar bya'o/ /zhes pa ni yan lag drug sbas pa ste/ /bzang po'i zhabs kyis slar cung zad gsal bar mdzad de hUM yig las gyur pa'i kha dog ste ji ltar rigs par rab tu sbyor ba las zhes so//'di yang dzA lan+d+ha ri pa'i zhabs kyis rgyas par rnam par bshad de/ 'di lta ste/ ri bong can dang nyi ma kha sbyor ba'i dbus su sngags kyi 'khor los sgyur ba chen po'i sa bon gyi yi ge bltas nas yan lag drug bsgom par bya'o//'dis 'di gsungs pa yin te/ bdag nyid dam tshig gi thugs kar pad+ma la gnas pa'i zla ba dang nyi ma'i dbus su son pa'i hUM yig las spros pa'i 'od zer gyi tshogs rjes su zhugs pa las dang por ting nge 'dzin gyi mgon po nag po bsgom par bya'o/ / de yongs su gyur pa las thig le'i gzugs su bsams nas 'od zer rnams bcom ldan 'das kyi ba spu'i bu ga las phyung ste dkyil 'khor dang dkyil 'khor pa thams cad la mngon par khyab par byas pa las cher gnas par blta bar bya'o/ /'di ltar gnyis par dmar po dang /gsum par ser po dang / bzhi par ljang gu dang / lnga par sngon po dang / drug par dkar po yang ste/ zhi ba la sogs pa'i las la ji ltar rigs par shes par bya'o zhes pa yan lag drug go/ /yan lag drug bsgom pa byas nas de nas 'od gsal ba brtsam par bya ste/A li kA li'i phreng bar spros pa'i dbugs dbugs kyi lam nas phyung ste/ 'thon po'i 'od zer rnams kyi mtshan dang dpe byad yang dag par sbyangs nas rgyu ba dang bcas pa'i mi rgyu ba gcig tu gyur nas gau rI la sogs pa rnams dang bdag med ma yang ste rang la 'jug pa'i bdag nyid kyis gang yang rdo rje 'chang gi go 'phang du brtags shing de thams cad 'od gsal bar blta bar bya ste dngos po thams cad las so//'di nyid las 'chad par 'gyur ba'i 'od gsal du 'jug pa'i rim pas lhan cig skyes pa'i he ru ka zhal gcig phyag gnyis pa sku mdog dkar por bsams nas de'i thugs kar sa bon bsam par bya'o//de'i rjes su 'od gsal du 'jug pa'i rim pa ni gau rI la sogs pa rnams byang chub kyi sems las rnam par spros pa'o zhes shes par byas nas dang por gau rI ni bcom ldan 'das kyi gzugs kyi phyung po la gzhug go//de ltar chom rkun ma dang / ro langs ma dang g+hasma rI dang / bdag med ma yang ste ji ltar rigs par tshor ba dang / 'du shes dang / 'du byed dang / rnam par shes pa'i phung po rnams la gzhug go/ /de bzhin du puk+ka sI la sogs po rnams ni sa la sogs pa rnams la gzhug go//de ltar phyi rol gyi dkyil 'khor du 'jug pa ste/ de nas bcom ldan 'das kyi nang du gnas pa'i phung po lnga po rim gyis 'jug pa ni gzugs kyi phung po dang tshor ba'i phung po dag ni 'du shes kyi phung po ste/ de 'du byed kyi phung po rnams su dang /de yang rnam par shes pa la ste bdag med ma yang ngo / /der sa spyod ma dang mkha' spyod ma yang phyogs gnyis thob pa las 'od gsal bar 'gro'o zhes 'dod de mya ngan las 'das pa thams cad stong pa ji srid par ro/ /de bzang po'i zhabs kyis gsungs pa/sngags pas phung po lnga rang bzhin gyis 'od gsal bar bsam par bya ste dkyil 'khor ba thams cad blangs shing slar rang gi yul bsdus pa'o/ /'dis de'i sa bon gyi yi ge dang zla ba dang nyi ma dag kyang 'dres par gyur pas bdud rtsi'i rang bzhin 'od zer gyi phung po'i rnam pa mar me'i rtse mo lta bur rim gyis rjes su mi dmigs par bya'o zhes so//'dir dzA lan+d+ha ri ba'i zhabs kyis mtsho skyes zhabs kyi rnam par bshad par/ 'dis de'i sa bon gyi yi ge dang zla ba dang nyi ma dag kyang 'dres par gyur pa zhes pa 'dis ye shes gsum po med par bstan to//bdud rtsi'i rang bzhin zhes pa 'dis ni lhan cig skyes pa'i gnas skabs bstan par mdzad do zhes pa la sogs pa'i gzhung gi rnam par bshad pa 'dis ni 'od gsal ba nyid 'ba' zhig rnam par bshad pa yin gyis bzhengs pa 'ba' zhig gsungs pa ni ma yin no/ /de bzang po'i zhabs kyis gsungs pa/de'i rjes su zla ba dang nyi ma dang sa bon dag gcig tu gyur pa las skad cig gis rab tu 'bar ba'i 'od zer gyi phung po'i rnam par bsam par byas nas rim gyis mar me'i rtse mo lta bur gyur pa de'i rjes su chu shing gi snying po'i rnam par de srid du bsam par bya ste dmigs pa med par gyur pa ji srid bar ro//skabs 'dir 'di dran par bya ste/ der ni thog ma dbus mtha' med/ /srid med mya ngan 'das pa med/ /bdag med gzhan ni med pa ste/ /'dir de mchog tu bde chen no/ /zhes pa 'od gsal ba'o/ /de nas 'od gsal ba las rnam par bzhengs pa ste/'od gsal de ni mchog gi rnal 'byor te bzhengs pa'i rgyu'o/ /'di nyid skad cig gis lhan cig skyes pa'i he ru ka'i gzugs kyi ye shes skye ba mtshan sum cu rtsa gnyis 'chang zhing dpe byad brgyad cus brgyan pa grib ma dang sgyu ma dang mtshungs shing zhi bar bsams nas ye shes kyi snang ba rdo rje'i rang bzhin nyid kyi dkyil 'khor gyi dbang po bsdus pas bsgom par bya'o//rdo rje 'chang gis kyang gsungs pa/ sems dpa'i gzugs brnyan las byung ba'i/ /dkyil 'khor dbang po bsgom par bya/ /zhes so/ /sngags bzlas pa'i rgyur phyag bcu drug pa la sogs pa'i gzugs kyis bcom ldan 'das dang por rdzogs par byas nas mkha' 'gro ma'i 'khor lo sngar bzhin du bsam par bya'o//'di ltar snga dro dang phyi dro dang mtshan mo phyed pa ste/ thun bzhi po rnams kyi rim pas bsgom pa'i rim pa bstan pa yin no/ bsgom pas dub na sngags bzla bar bya'o/ /de'i rim pa ni 'di yin te 'khor lo'i dbus su kha sbyor bas bdag nyid dpal he ru ka'i rnam par bsgoms nas dkyil 'khor gyi dbang phyug dang dkyil 'khor ba rnams kyi sngags kyi yi ge rnams bcom ldan 'das ma'i zhal nas/ 'thon nas bcom ldan 'das kyi zhal du zhugs te a ba d+hU tI'i lam dang rdo rje'i lam nas pad+mar zhugs pas sngags kyi yi ge rnams 'od zer dang bcas pa slar yang bcom ldan 'das ma'i zhal nas rang gi zhal du'o zhes pa'i rim pa 'di nyid kyi zhi ba la sogs pas phye ba'i kha dog gi sbyor bas mi skyo'i bar du bzla bar bya'o zhes pa ni khyogs kyi bzlas pa'o//snying gar nyi ma la sngags kyi yi ge rnams 'od zer dang bcas shing mgo bo gyen du phyogs pa 'khor yug gi rnam pas nye bar bskor ba bsam zhing bsam par bya'o zhes pa ni gong bu'i bzlas pa'o/ /dkyil 'khor gyi dbang phyug dang /dkyil 'khor pa rnams kyi sngags kyi yi ge de rnams thams cad du sgra ring pos 'byin par byed pa yid kyis rtogs par bya'o zhes pa ni dam tshig gi bzlas pa'o/ /snying po dang nye ba'i snying po dang phreng ba'i sngags la sogs pa man ngag las bzlas pa yang slar bya ba yin no//de la sngags ni 'di yin te/ oM de ba pi tsu badzra hUM hUM hUM phaT swA hA/ phyag bcu drug pa'i 'o/ /oM ki Ti ki Ti badzra hUM hUM hUM phaT swA hA/ phyag drug pa'i 'o/ /oM dz+wa la dz+wa la b+h+yo hUM hUM hUM phaT swA hA/ phyag bzhi pa'o/ /oM trai lokyA k+She pa hUM hUM hUM phaT swA hA/ phyag gnyis pa'i 'o/ / thams cad kyi snying po'o/ /slar yang nye ba'i snying po oM badzrA ya hUM hUM hUM phaT do/ /oM aSh+TA na nA ya bid+go r+d+ha ke sha war+t+ma ne tsa turbi sha ti ne trA ya/ Sho Da sha b+hu dzA ya kr-iSh+Na dzI mU ta wa bu Sha/ ka pA la mA lA ne ka d+hA ri Ne/ Ad+h+ma ta krU ri tsit+tA ya/ ar+d+he n+du daMSh+Ti Ne/ mA ra ya mA ra ya/ kA ra ya kA ra ya/gardza ya gardza ya/ tardza ya tardza ya/ sho Sha ya sho Sha ya/ sap+ta sA ga rAn ban+d+ha ban+d+ha/ nA gASh+Ta kA na/ gr-ih+na gr-ih+na/ sarba sha trU na/ ha hA hi hI hu hU he hai ho hau haM haHphaT swA hA/ zhes pa ni bcom ldan 'das kyi rtsa ba'i sngags nyid dang phreng ba'i sngags so/ /oM aSh+TA na nA ya hU~M hU~M hU~M phaT/oM piM god+ha ke sha war+t+ma ne hU~M hU~M hU~M phaT/ oM tsa turbiM sha ti ne trA ya hU~M hU~M hU~M phaT/ oM Sho Da sha b+hu dzA ya hU~M hU~M hU~M phaT/ oM kriSh+Na dzI mU ta wa pu She hU~M hU~M hU~M phaT/ oM kA pA la mA lA ne ka d+hA ri Ni hU~M hU~M hU~M phaT/ oM Ad+h+ma ta krU ra tsit+tA ya hU~M hU~M hU~M phaT/ oM ad+he daMSh+T+r-I ne hU~M hU~M hU~M phaT/ zhes pa ni bcom ldan 'das kyi rkang pa brgyad pa'i sngags so//oM aM nai rAt+me hU~M phaT swA hA/ oM badzra DA ki ye hU~M phaT swA hA/ zhes pa bcom ldan 'das ma'i snying po dang nye ba'i sngags so/ /oM aM AM/ /iM IM/ uM UM/ r-iM r-IM/ liM l-IM/ e ai/ oM auM aM phaT swA hA/ zhes pa ni bcom ldan 'das ma'i rtsa ba'i sngags so//oM aM AM hU~M hU~M phaT/ oM iM IM hU~M hU~M phaT/ oM uM UM hU~M hU~M phaT/ oM r-i r-IM hU~M hU~M phaT/ oM l-iM l-IM hU~M hU~M phaT/ oM eM aiM hU~M hU~M phaT/ oM oM auM hU~M hU~M phaT/ oM aM hU~M hU~M phaT/ zhes pa ni bcom ldan 'das ma'i rkang pa brgyad pa'i sngags so/ /'dir dzA lan+d+ha ri pa'i zhabs kyis gsungs pa/gal te gau rI ma la sogs pa rnams kyi sngags bzla bar bya ba de'i tshe de la 'khyud par bya ste bcom ldan 'das ma yang de'i gdan la bsam par bya'o/ /de la sngags ni 'di yin te/ oM badzra gau rI ye hU~M hU~M phaT swA hA/ oM badzra tsau rI ye hU~M hU~M phaT swA hA/oM badzra bet+tA lI ye hU~M hU~M phaT swA hA/ oM badzra g+hasma rI ye hU~M hU~M phaT swA hA/ oM badzra puk+ka sI ye hU~M hU~M phaT swA hA/ oM badzra sha wa rI ye hU~M hU~M phaT swA hA/ oM badzra tsa N+Da lI ye hU~M hU~M phaT swA hA/ oM badzra Dom+bi nI ye hU~M hU~M phaT swA hA/ zhes so/ /da ni gtor ma'i de kho na nyid brjod par bya ste/stong pa nyid du mos pas lhan cig skyes pa'i he ru ka'i rnam par bsgoms nas sngar bshad pa'i rim pas sems dpa'i gzugs brnyan las byung ba'i khro bo'i dbang po zhal brgyad pa la sogs pa 'jigs pa chen po zhe sdang rdo rjer rnam par bsgom par bya'o/ /de ltar rnal 'byor pa zhe sdang rdo rje'i ting nge 'dzin la gnas bzhin du oM yig las byung ba'i khro bo bcu po 'bar ba'i phreng ba 'khrugs pa thams cad phyung nas shar la sogs pa'i phyogs su gshin rje'i gshed la sogs pa bkye ste dbang po la sogs pa'i bgegs kyi tshogs rnams bkug nas oM sum+b+ha ni sum+b+ha zhes pa la sogs pa'i sngags kyis bka' bsgo ste zhi ba la sogs pa'i las kyi dbye bas so//de'i rjes su glang po'i snod yongs su gyur pa las rdo rje dang / sa'i snod yongs su gyur pa las rdo rje dril bu yang bsam par bya ste de ltar gzhan rnams kyi yang sbyang bar bya/de ltar rdo rje dang dril bu 'dzin pa'i blo bzang gis 'dab ma brgyad pa'i pad+ma gsum steng nas steng du ste yi ge gsum las rdzogs pa'i thar pa'i grong khyer gsum bsam par bya'o/ /de rnams nyid kyis bkug pa'i bgegs rnams/oM an+di dza ma dzA la dzak+ka b+hu ta bah+ni bA u rak+kha tsan+da sudz+dza mA da bab+pa ta la pA tA laM aT+Ta sa sap+pa swA hA/ zhes pa'i sngags kyis sa bon nas dgug pa la sogs par bya'o/ /oM badzra gau rI AkAR+Sha ya dzaHoM badzra tsau rI pad+ma tra ye pra be sha ya hU~M/ oM badzra be tA lI swa swa s+thA ne Shu kro d+ha ban+d+he na ban+d+ha ye/oM badzra g+hash+ma rI shaM g+haN+DA ya wa shaM ku ru hoHzhes byas nas blta bar bya'o/ /de la bar gyi grong du shar gyi 'dab ma la dbang po lag na rdo rje zla ba'i gdan la zla ba'i 'od can rgyan thams cad kyis brgyan pa'o/ /lhor gshin rje lag na dbyug pa ste nyi ma'i gdan la nyi ma'i 'od can no//nub tu chu lha sa ku mu da dang zla ba'i gdan la zla ba'i 'od can rgyan thams cad 'chang ba'o/ /byang du gnod sbyin te lag na shrI pha la dang zla ba'i gdan la zla ba'i 'od can rgyan thams cad 'chang ba'o/ /dbang ldan gyi 'dab ma la 'byung po'i bdag po mig gsum pa/lag pa na rtse gsum dang stag gi pags pa'i gos 'chang ba thal bas sre bor gyur pa'i lus rus pa'i rgyan thams cad kyis brgyan pa zla ba'i gdan la zla ba'i 'od can no/ /me'i 'dab ma la me lha gsus pa che ba bgrang phreng dang spyi blugs 'dzin pa/ nyi ma'i gdan la nyi ma'i 'od can bla gos bgos pa'o//bden bral gyi 'dab mar srin po shang lang dang thod pa 'dzin pa/ khro zhing smin ma 'khyog po dang ldan pa ro'i steng du nyi ma'i gdan la nyi ma'i 'od can no/ /rlung gi 'dab mar rlung lha lag na rgyal mtshan dang rgyan thams cad 'chang ba zla ba'i gdan la zla ba'i 'od can no/ / pad+ma'i ze'u 'bru la sa'i lha mo ser mo lha'i gos dang rgyan thams cad 'chang ba lag na bum pa ste zla ba'i gdan la zla ba'i 'od can yi dags rnams kyang sa'i lha mo la kun nas bskor te gnas pa'o/ /dbang po la sogs pa rnams kyi khyad par gzhan ni srung ba'i 'khor lor bshad pa de 'dir rtogs par bya la/'dir gang bshad pa de yang 'dir shes par bya'o/ /dbang po la sogs pa lnga rnams kyis g.yon pas sbrul zhags 'dzin pa/ slar thams cad g.yas brkyang pa'i zhabs kyis gnas par bsams nas hUM yig gis mi bskyod pa'i rnam par blta bar bya'o/ / steng du chos 'byung du gnas pa'i pad+ma 'dab ma brgyad po rnams su shar gyi 'dab ma zla ba dkar po rta dkar po la zhon pa lag na ku mu da ste rgyan thams cad 'chang ba zla ba'i gdan la zla ba'i 'od can no/ /lho'i 'dab ma la nyi ma dmar po phyag dag gis pad+ma 'dzin pa rta ljang gu la zhon pa rin po che'i cod pan can rgyan thams cad kun nas rdzogs pa'i nyi ma'i gdan la nyi ma'i 'od can no//nye ba'i mtshan nyid kyi phyir zla ba dang nyi ma dag gis lhag pa la sogs pa bzung ngo / /nub kyi 'dab ma la lhag pa ser po byi ba ser po la zhon pa nyi ma'i gdan la nyi ma'i 'od can lag na mda' ste rin po che'i cod pan can no//byang gi 'dab ma la pa ba sangs sngon po rim po che'i cod pan can/ mdung 'dzin pa nyi ma'i gdan la nyi ma'i 'od can no/ /dbang ldan gyi 'dab ma la bkra shis dmar po skra gyen du grol ba pad+ma 'dzin pa nyi ma'i gdan la nyi ma'i 'od can no/ /me'i 'dab ma la phur bu shin tu ser ba rin po che'i cod pan can be con 'dzin pa nyi ma'i gdan la nyi ma'i 'od can no//bden bral gyi 'dab ma la spen pa nag po skra ser skya rtse gsum 'dzin pa nyi ma'i gdan la nyi ma'i 'od can no/ /rlung gi 'dab ma la sgra gcan dang mjug rings te cher gnag pa dang du ba'i mdog 'khor zhing 'khor bas bkug nas za ba'i rnam pa can gyi lag pa nyi ma'i gdan la nyi ma'i 'od can no//pad+ma 'dab ma brgyad pa'i ze'u 'bru'i dbus su tshangs pa ser po gdong bzhi pa lag pa bzhi pa dbyug gu gsum 'dzin pa dang mi 'jigs pa'i phyag /phyag lhag ma dag gis phreng ba dang spyi blugs 'dzin pa la zhon pa zla ba'i gdan la zla ba'i 'od can mchod phyir thogs dang ldan pa thung zhing lus rgyas pa ral pa can te tshangs ris dang tshangs pa mdun na 'don dang tshangs chen la sogs pa nas 'og min gyi mthar thug pa rnams kyis tshangs pa la kun du bskor nas gnas par rnam par bsams nas oM yig gis sku rdo rje'i rnam par rdzogs par blta bar bya'o//de'i rjes su 'og tu chos 'byung du gnas pa'i pad+ma 'dab ma brgyad po rnams su phyogs dang phyogs bral gyi rim pas te de la/ nor rgyas ser po/ /klu pad+ma dkar po/ /klu stobs kyi rgyu dmar po//klu 'jog po nag po/ /klu dung skyong ser po/ /klu pad+ma chen po sngo bsangs/ klu mtha' yas dkar po/ /klu rigs ldan khra bo/ /brgyad po 'di rnams kyang rin po che'i cod pan can mi'i gdong can rgyan thams cad 'dzin pa mgo bor gdengs ka sa brgyan pa lha ma yin dang dmyal ba'i sems can dang bcas pa de'i ze'u 'bru la yang klu lhag ma dkar po rin po che'i cod pan can mi'i gdong pa la gdengs ka dang ldan pa ste de rnams 'di ltar brtan par byas nas AHyig yongs su gyur pa las gsung rdo rje'i rnam par blta bar bya zhing dpal he ru ka'i gzugs kyis thams cad du sbyar bar bya'o//yang na las thams cad pa'i don du phyag dang zhal dang sku mdog la sogs pa gsungs te/ zhi ba la sogs pa'i las la bdag nyid gzugs ji lta ba de bzhin du de rnams kyi bya'o/ /de ltar kun du bsams nas sku dang thugs dang gsung rdo rje dpal he ru ka'i gzugs thob pa rnams la mchod yon la sogs pa dbul bar bya ste de la ku sha'i chun pos mgo bo la bsang gtor dang /phyag rgyas zhabs la zhabs bsil dang / lag pa g.yon par gnas pa'i dung lag pa g.yas pas bkab nas zhal du 'thor 'thung dang / phyag rgyas mgo bo la mchod yon te lan gsum du'o//oM pra wa ra sat+kA ra dang / pra tIts+tsha swA hA'i bar du ar+g+haM la sogs pa bcug ste 'di dang de rnams kyis thams cad phul nas/ i daM ba liM b+huny+dza dzid+g+ha phul+la dup+pa mAM sa piM g+ha am+b+ha kAdz+dza sAp+pa sA d+ha khan+ti khu Ni phe Da gA da/ zhes pa 'dis so//phyed snga mas bza' ba'i zhal zas dang / phyed phyi mas ni bya ba yang ngo / /de'i rjes su rdo rje dang rdo rje dril bu 'dzin pa'i sngags pas pad kor la sogs pa'i rnam pas thog ma nyid du rdo rje gsor zhing gnas brgyad rnams su dril bu gsil ba byas nas man ngag gis bdud rtsir byas pa'i gtor ma sbyin par bya'o//oM a kA ro mu khaM sarba d+harmA NA mA d+ya nut+pan+na twata AHhUM phaT swA hA zhes brjod de 'di nyid kyis kun du tshim par yang byas nas thun mtshams su snyan pa'i glu yang blang bar bya zhing rtsa ba'i sngags kyis bstod nas yi ge brgya ba brjod do/ /de la glu ni 'di yin te/kaul+la i reT+Thi a bo lA/ mam+mu Ni re kak+ko lA/ g+ha Na kr-i pi Ta ho badz+dza i/ kA ru N+ye ki a i na ro lA/ ta hiM ba la khAdz+dza i/ gA D+he ma a nA pidz+dza i/ ha le kA liny+dza ra pA Ni a i/ dun+du ra badz+dzi a i/ tsa u sa ma kAs+thU ri/ sih+la kAp+pu ra lA i A i/ mA la in+d+ha Na shA liM dza/ta hiM b+ha ru khA i a oM/ phreM kha Na khe Ta ka ran+te/ sud+d+ha a sud+d+ha na mu Ni a i/ ni raM su ang+ge tsa DA bi a i/ ta hiM dza sa rA ba pA Ni a i/ ma la a dza kun+du ru baT+Ta i/ driN+Di ma ta hiM na bAdz+dza a I/ /de la rtsa ba'i sngags ni 'di ni te/ oM aSh+TA na nA ya/ zhes pa la sogs pa'o//de la yi ge brgya ba'i sngags ni 'di yin te oM shrI he ru ka sa ma ya ma nu pA la ya/ he ru ka twe no pa tiSh+Tha dr-i D+ho me b+ha wa/ su to Sh+yo me b+ha wa/ su po Sh+yo me b+ha wa/ a nu rak+to me b+ha wa/ sarba sid+d+hi m+me pra yats+tsha/ sarba kar+m+ma su tsa me tsi t+taM shre yaHku ru hU~M ha ha ha ha hoHb+ha ga wAn sarba ta thA ga ta badzra mA me muny+tsa he ru ko b+ha wa ma hA sa ma ya sa twa AHhU~M phaT de'i rjes su bden pa'i byin gyis brlab pa byas nas rjes su brtse bas 'dod pa'i don gyi gsol ba btab ste gshegs su gsol lo//de la bden pa'i byin gyis brlab pa ni/ /lha mo tshad ma dam tshig tshad ma dang //des gsungs dag kyang tshad ma'i mchog yin te/ /bden pa 'di yis lha mo de dag rnams/ /bdag la rjes su 'dzin pa'i rgyur 'gyur shog /bdag la rjes su brtse ba ni/ /mgon po kun rtog chags bcom srid zhi mnyam la chags/ /dngos kun ngo bo nyid kyi mkha' dang mtshungs par gzigs//shin tu lci ba'i snying rje'i chus brlan rgyas pa'i thugs/ /lha mo rnams kyis bdag la rjes brtser mdzod cig mdzod/ gshegs pa ni/ oM badzra muHoM AHhU~M phaT phaT phaT ces pa 'di rnams kyi oM yig gis smon lam mo//AHyig gis dgyes pa'o/ /hU~M yig gis tshim par byed pa'o/ /phaT yig gsum gyis nye bar bsdu bar bya'o/ /rnal 'byor pa rnams dge slong gtor ma 'dis/ /gal te 'byung po thams cad mchod byed pa/ /de tshe de rnams dri med bder 'gyur te/ / 'gro ba rnams su 'byor dang lha yang dga'/ /dbang dang mngon spyod dgra sde 'jig pa dang / /bskrad pa dang ni gsad dang dgug pa dang / /zhi rgyas bde ba 'di rnams don du ni/ /'byung po'i tshogs la rtag tu gtor ma sbyin/ /zhes pa ni/ las rgyal po mchog ces bya ba'i ting nge 'dzin to//de nas 'khor lo'i dbus su gnas pa'i sngags pa'i lte ba dang / snying ga dang / de bzhin du mgrin pa dang / dpral bar yang go rims bzhin du/ 'dab ma drug cu rtsa bzhi dang / brgyad dang / de bzhin du bcu drug dang / sum cu rtsa gnyis pa'i pad+ma bzhi po bsams nas lte bar sa bon bsam par bya'o//gtum mo'i gzugs mar me'i rtse mo lta bur 'bar bas chos kyi 'khor lor gnas pa'i de bzhin gshegs pa lnga rnams dang spyan ma la sogs pa yang bsregs nas A li dang kA li dag 'byung ba dang rngub pa dang longs spyod rdzogs pa'i 'khor lo dang bde ba chen po'i 'khor lo dang rnam par dag pa'i gzugs can haM yig kyang bsregs pa las/de nas bde ba chen po'i rgyur gyur pa'i byang chub sems blangs te bcom ldan 'das dang lhan cig tu de ltar ro gcig tu byas nas slar zla ba dang nyi ma dang thod pa yang bzung nas snying ga'i sa bon la rab tu gzhug par bya'o//nA da dang bcas pa'i 'bar ba'i sa bon de ni de bzhin gshegs pa lnga'i bdag nyid du gyur pa ste bcom ldan 'das kyis gsungs pa/ thig le rdo rje sems dpar 'gyur/ /zla phyed rnam par snang mdzad 'dod/ / re khA rin chen bdag po nyid/ /nye yig gis ni 'od dpag med/ /u yig don yod grub par yang / /shes nas rgyal ba lnga bdag nyid/ /ces so/ /slar yang nA da mar me'i rtse mo lta bur phyung ste phrag dog gi rang bzhin can u yig ni chags pa'i rang bzhin can ha yig la'o/ /de'i rjes su ha yig ni ser sna'i bdag nyid can re khA la'o//de nas re khA yang gti mug gi rang bzhin can zla ba phyed pa la'o/ /zla ba phyed pa yang zhe sdang gi rang bzhin can thig le la ste/ thig le yang nA da la bsdu bar bya zhing / nA da yang phra mo'i rtse mor bsgom par bya'o/ /'dis sems brtan par gyur pa na lhun gyis grub pas de bzhin gshegs pa'i bkod pa dang /rnal 'byor ma'i dra ba dang / dkyil 'khor gyi 'khor lo yang rgyas par mtha' yas pa'i 'jig rten gyi khams khyab par byed pa spro bar bya'o/ /'di nyid dzA lan+d+ha ri ba'i zhabs kyis sbas pas gsungs pa/ 'di nyid las bzhengs nas chos kyi dbus su sna tshogs pad+ma yang bsam par bya'o//de'i 'dab ma brgyad rnams su brgyad po rnams kyi dbang phyug kyang ste de'i thugs kar sa bon bsam par bya'o/ /sa bon las nA da'i rtse mor mthar bsgom par bya zhing sems brtan par byed pa'i don du rtse mo phra ba'i mthar bsam par bya'o//de yis lhan cig tu 'byung bas sems brtan par 'gyur ba la the tshom mi bya'o/ /sems brtan pa tsam gyis de bzhin gshegs pa'i bkod pa dang rnal 'byor ma'i dra ba yang shin tu rgyas par mtha' yas pa'i 'jig rten gyi khams khyab par byed pa spro bar bya ste gang las na/rang gi mtshan ma las spro ba ste bsam gyis mi khyab pa'i mgon po dkyil 'khor gyi bdag nyid can zhes so/ /chos kyi sgras don rnam pa gnyis bstan te man ngag gi lta ba las khong du chud par bya'o/ /mtshan ma yang nyungs kar sbom po tsam du bsam par bya'o zhes bya ba phra mo'i rnal 'byor zhes bya ba'i ting nge 'dzin du bshad par bya'o//'di nyid las bzhengs pa las gal te rnal 'byor pa phyag gnyis pa kye rdo rje'i rnal 'byor gyis go cha gnyis byas nas gnas par bya'o/ /de la 'khor lo'i gzugs kyis mi bskyod pa ni mgo bor hU~M ngo //lha'i rna rgyan gyi rnam pas 'od dpag med ni rna ba dag la hrI'o/ /mgul gyi phreng ba'i rnam pas rin chen dbang po ni mgrin par trAM ngo / /lag gdub kyi rnam pas rnam par snang mdzad ni lag pa dag la oM mo/ /ska rags kyi rnam pas don yod grub pa ni rked pa la khaM ngo //thal ba'i rnam pas rdo rje sems dpa' ni yan lag thams cad la haM ste go cha bsam par bya'o/ /mig dag la ni gti mug rdo rje ma ni aM ngo / /rna ba dag la zhe sdang rdo rje ma ni AM ngo / /sna la ser sna rdo rje ma ni iM du bshad do/ /kha la 'dod chags rdo rje ma ni uM ngo / / yid la bdag med rnal 'byor ma ni aM ngo / /sems dpa' chen po go cha rnams kyis dbang po rnams kyi rnam par dag pa bya'o zhes pa ni dgod pa gnyis pa'o// //de bzhin gshegs pa dang rdo rje rnal 'byor ma las bsgrubs pa 'dis lus la go cha gyon nas rnal 'byor pa seng ge bzhin du gnas par bya ste phyag gnyis pa'i kye rdo rje'i rnal 'byor gyis 'jig rten gsum gyi gzhal yas khang gi nang du'o//de ltar yang klu sgrub zhabs kyis/ /srid gsum ma yin 'di ni khang brtsegs srog chags ma yin 'di rnams rgyal ba'o/ /bdag ni mi min 'khor lo'i dbang po yul min la dbang po la sa sogs min//bdag nyid gzugs la sogs dang chos nyid kyang min de slad de rnams dkyil 'khor pa/ /sna tshogs 'di rnams dkyil 'khor 'khor lor bsdus phyir kye sems 'khrul par 'gyur ba ci/ /zhes pa bzhugs pa'o/ /de'i rjes su gang cung zad rnyed pa'i bza' ba dang bca' ba'am btung ba la sogs pa'i rdzas rnyed pa rnal 'byor pas sngar bzhin du sbyangs shing yi ge gsum gyis brlabs nas bdud rtsi myang ba'i cho gas bza' bar bya'o zhes pa bza' ba'o//rtsa ba'i rgyud kyi rjes su 'brangs nas gnas pa dang rgyu ba dag gis brjod par bya ste de ltar ni/brkam dang rmongs dang 'jigs dang khro/ ngo tsha'i bya ba'ang rnam spang bya/ /bdag nyid gnyid ni spangs nas ni/ /the tshom med par spyod pa bya/ /'di nyid lus kyi sbyin pa byin nas ni/ /phyi nas spyod pa kun du brtsam/ /skal dang skal med rnam dpyad pas//de las sbyin dang sbyin bya min/ /bza' bca' de bzhin btung ba ni/ /ji ltar rnyed pa'ang bza' bar bya/ /'dod dang mi 'dod rnam rtog phyir/ /'dzin pa'i cha ni bya ba min/ /rigs lnga po ni mnyam sbyor bar/ /rigs gcig tu ni brtag par bya/ /rigs ni du ma nyid kyis ni//ji bzhin dbye ba bskyed bya min/ /shing gcig gam ni dur khrod dang / /de bzhin mtshan mo ma mo'i khyim/ /yang na skye bo med pa dang / /bas mthar bsgom pa dge bar brjod/ /gal te spyod pa byed 'dod na/ /drod ni cung zad thob pa na'o/ /gal te dngos grub 'gyur 'dod yod//'dis ni spyod pa spyad par bya/ /zhes rgyas par ro/ /spyod do zhes pa ni spyod pa dang kun du spyod pa'o/ /gnas pa'i tha snyad ni kun du spyod pa zhes pa'i tha tshig go/ drod cung zad thob pa la ltos pa yang gsungs pa/ rnal 'byor pa thams cad kyang mtshan mo rang gi gnas su shin tu spyod pa bya ste ji srid cung zad thob par gyur par ro//'di gang las she na/ ji bzhin dbye ba bskyed bya min/ /zhes pa'i gsung las so/ /thob pa na bya ba'am/ mi bya ba ni rang dbang nyid de 'di ni spyod pa'o/ /de nas thun mtshams gzhan la nyal bar 'dod pas dpal he ru ka'i rnal 'byor la mngon du phyogs par byas nas seng ge bzhin du nyal bar bya'o zhes pa nyal ba'o//ldang ba'i dus su yang puk+ka sI la sogs pa'i glus bskul ba las langs pa na sngar bshad pa'i rim nyid kyis mchod pa'i 'khor lo la sogs pa nas spyod pa'i mthar thug pa thams cad thun gsum du bya ste ji srid dkyil 'khor gyi 'khor lo'i rnam pa mngon sum du byas pa las las dang po pa'i rnal 'byor pa sa brgyad kyi dbang phyug sangs rgyas kyi zhing du 'gro zhing 'ong ba'o//bcom ldan 'das kyis kyang gsungs pa/ ji srid bsgom la sbyor 'gyur ba//de srid dang po'i las can yin/ /dang po'i las kyi sbyor bas kyang / /sa brgyad pa ni thob par 'gyur/ /zhes pa slar yang langs pa'o/ /'di rnams kyis ni sgrub pa'i thabs kyi mdo sum cu rtsa gnyis rnam par bshad do/ /de la mdo gang zhe na 'di lta ste/ mchod pa'i 'khor lo dang /tshangs pa'i gnas pa bzhi dang / mchog dang / lhan cig skyes pa dang / rang gi 'dod pa'i lha dang / srung ba'i 'khor lo dang / stong pa nyid du mos pa dang / dur khrod dang / khang pa brtsegs pa dang / rgyu'i dkyil 'khor dang / zhu ba lhung ba dang / bzhengs pa dang /dgod pa dang / zhe sdang gi bdag nyid dang / spro ba dang / ye shes kyi 'khor lo dang / dbang bskur ba dang / rgyas gdab pa dang / bdud rtsi myang ba dang / 'gro ba'i don dang / yan lag drug dang / 'od gsal ba dang / bzhengs pa dang / sngags bzlas pa dang / gtor ma'i de kho na nyid dang / phra mo'i rnal 'byor dang /dgod pa gnyis pa dang / bzhugs pa dang / bza' ba dang / spyod pa dang / nyal ba dang / slar yang langs pa'o/ /de nas rdzogs pa'i rim pa bri bar bya ste/ chos kyi sgras don rnam pa gnyis bstan te man ngag ji lta ba las khong du chud par bya'o zhes gang gsungs pa 'di'i don to//man ngag kyang 'di yin te bskyed pa'i rim pa'i rnal 'byor gyis sems brtan par byed pa'i don du rdo rje'i bu gar mtshan ma nyungs kar sbom po tsam du rnam par bsams nas dkyil 'khor gyi dbang phyug bsam par bya'o/ /rim pa 'di nyid kyis rdzogs pa'i rim pa bsgom pa po zla ba dang nyi ma dang thob pa dang sa bon la sogs pa la mi ltos par skad cig gi rnam pas rang gi 'dod pa'i lha'i rnam par rdzogs pa'i gzugs su rdzogs par byas nas chos las steng du sna'i rtse mor nyung kar bsam par bya'o//nyungs kar zhes pa ni srog rtsol gyi kun du rtog pa ste de yang nyin mtshan du rgyu ba'i rim pas khrig phrag gnyis dang brgya phrag bcu drug tu 'gyur ro//de bsgom pa rab kyi mthar thug pa'i rim pa de nyid kyis srog rtsol 'gog pa'i phyir gzung ba la sogs pa'i rnam pas de'i rang bzhin brgyad cu dang bcas pa 'gog ste med par dgag pa'i 'jug pas so//de nas yang spro ba dang sdud pa'i sku rdo rje 'chang 'byung ba yin te 'di ni med par dgag pa dang ma yin par dgag pa'i bdag nyid do/ /de dang 'dis kyang sa brgyad kyi dbang phyug nyid du rab tu grub bo/ /dzA lan+d+ha ri pa'i zhabs kyis de gsungs pa/ de'i rjes su lta ba las steng du 'gro bar bsam par bya ste/ji ltar 'dod pas dmigs pa med par sna las rngub pa bsam par bya'o/ /de bzhin kho nar dbyung ba na 'og tu dmigs pa med pa ji srid par ro/ /ji ltar 'dod pa'i sgra ni rtogs pa ste de lta bu'i man ngag ni shin tu sbas pa yin no zhes pa rdo rje bzlas pa'o//'dis 'di gsungs pa yin te bskyed pa dang rdzogs pa'i rim pa dag gis lus dang ngag dang sems brdzun pa nyid du rtogs pa la brten nas stong pa nyid dang snying rje dbyer med pa'i byang chub kyi sems la 'jug go/ /des bdag byin gyis brlabs pa yang khong du chud par bya'o//kye rdo rjer yang gsungs pa/ rdo rje snying pos gsol ba/ thabs gang gis byang chub kyi sems bskyed par bgyi ba lags/ bcom ldan 'das kyis bka' stsal pa/ dkyil 'khor 'khor lo sogs thabs dang / /bdag byin brlab pa'i rim pas kyang //zhes pa rdo rje'i bzlas pa ste rim pa gnyis pa'o/ /da ni bdag byin gyis brlab pa'i rim pa rtogs par bya ste de la dkyil 'khor gyi 'khor lo la sogs pa'i thabs rtogs par byas pa las brdzun pa'i lus dang ngag dang sems ni bdag gi sgras mngon par brjod par bya ba yin la/de rnams kyi byin gyis brlab pa ni phan tshun so so ma yin pa'i rnam pas skyes pa'i lus la sogs pa dbyer med pa gang mtshan sum cu rtsa gnyis dang dpe byad brgyad cus brgyan pa'i sku dmigs pa med pa'i bde ba'i khang pa khyad par dga' ba'i mtshan nyid sgyu ma lta bu'i ye shes lhan cig skyes pa'i dga' ba'i ye shes rnam par dag pa de ni bdag byin gyis brlab par brjod de longs spyod rdzogs pa'o//ci ltar na de'i lus la sogs pa dbyer med pa yin zhe na/ brtag pa gnyis pa'i le'u bzhi par gsungs pa/ lus spangs nas ni gzhan du na//sems ni mdzes par mi 'gyur ro/ /sems spangs nas kyang gzhan du na/ /lus ni gnas pa mthong mi 'gyur/ /dpal 'dus par yang gsungs pa/ lus kyi rnam pas sems dang / sems kyi rnam pas lus dang ngag tu brjod pas sems su khyed kyis bskyed cig ces so//'phags pa lha'i zhabs kyis kyang lam gyi snying po las gsungs pa/ gang zhig rang bdag nyid kyis 'gyur/ /de 'dir rang byin brlab pa'o/ /gnyis med nyid las nges grol ba/ /bdag gi sgra yis mngon brjod bya/ /dzA lan+d+ha ri pa'i zhabs kyis kyang //rigs kyi le'u las phyung nas longs spyod rdzogs pa zhes gsungs so/ /lus la ye shes chen po gnas/ /kun du rtog pa thams cad spangs/ /dngos po kun la khyab byed pa/ /lus la gnas kyang lus skyes min/ /le'u brgyad par bcom ldan 'das kyis gsungs pa/rang rig 'di ni ye shes te/ /ngag gi lam 'das spyod yul lo/ /'dis ni byin rlabs rim pa'i phyir/ /kun mkhyen ye shes de rang bzhin/ /bdag byin gyis brlab pa nyid bcom ldan 'das kyis bstan pa sna tshogs la ltos nas ming gzhan gyis gsungs te/le'u bcu par/ de nyid rnam par shes pa'i tshul/ /skyes bu sngon rabs dbang phyug dang / /bdag dang srog dang sems can dang / /dus dang gang zag nyid dang yang / /dngos po kun gyi rang bzhin 'di/ /sgyu ma'i gzugs can yang dag gnas/ /'phags pa lang kar gshegs par yang gsungs pa/gang zag rgyun dang phung po dang / /rkyen dang rdul dang de bzhin du/ /gtso bo dbang phyug byed po rnams/ /sems tsam du ni nga smra'o/ /'dir smras pa/ lus la ye shes chen po gnas/ /zhes pa ni lus ni 'dir sprul pa'o//lus de la gnas pa ste/ bdag byin gyis brlab pa'i mtshan nyid ye shes ni lus la gnas par 'gyur ro/ /dmigs pa thams cad nye bar rtogs pa nyid kyi phyir de'i bden pa'i rnam pa ni 'di'o/ /de yongs su ma shes pa las phung po'i skye ba blangs pa yin te/ci'i phyir zhe na sngon dang sngon gyi bag chags kyi phung po 'gags nas lhan cig skyes pa'i dga' ba las bag chags 'dzin/ bar ma do'i srid pa'i gnyen po khyad par gyi dga' ba'i mtshan nyid kyi ye shes 'byung ba yin no/ /de nas shes rab dang thabs kyi pad+ma dang rdo rje yang dag par sbyor ba mthong nas 'dod pa nye bar len pa las skye ba ste 'dzin pa po med pa'i rang bzhin mchog tu dga' ba'o//de nas gzung bar byas pas stong pa'i dga' ba yang ngo / /de nas rlung skye'o/ /de nas me'o/ /de nas sa'o/ /de nas yang phung po lnga rnams dang po rnams dang yul rnams rim gyis 'byung ngo //de dpal kye rdo rje'i rgyud du gsungs pa/ rdo rje snying pos 'di skad gsol zhing bshad de/ kye bcom ldan 'das lus de la ye shes chen po rang bzhin gyis dag pa ci ltar na 'byung ba'i bdag nyid du 'gyur ba lags/ bcom ldan 'das kyis bka' stsal pa ni bo la dang kak+ko la sbyor zhing reg pa las te dag cing gzod ma nyid nas rang bzhin med par 'dir bcom ldan 'das rdo rje can mkha' 'gro ma rnams la bde ba sbyin pas gsungs so/ /khrem gnyer med pa'i rang bzhin bdag /thams cad lus la rnam par gnas//kye bcom ldan 'das ci'i slad du 'byung ba chen po'i phung po lags/ bcom ldan 'das kyis bka' stsal pa/ bo la kak+ko la sbyar ba'i/ /reg pas sra ba'i chos kyis ni/ /sa ni de las skye bar 'gyur/ /byang sems chu yi rnam pa las/ /chu yi khams kyang 'byung bar 'gyur//bskyed pa las ni drod skye ste/ /'gro bas rlung du rab tu grags/ /bde bas nam mkha'i khams kyang ngo / /lnga po rnams kyis yongs su bskor/ /de 'di ltar bcom ldan 'das kyis gsal bar gsungs te/ 'byung ba lnga yi rang bzhin las//kun du ru la lnga ru 'gyur/ /dga' ba chen po'i gcig nyid ni/ /dbye bas lnga ru 'gro ba yin/ /bo la kak+ko la sbyar ba/ /reg pas sra ba'i bag chags las/ /sra ba gti mug chos nyid phyir/ /gti mug rnam par snang mdzad do/ /gang phyir byang sems gsher ba las//gsher ba chu yi khams su 'dod/ /chu ni mi bskyod gzugs nyid phyir/ /zhe sdang mi bskyod 'dren pa'o/ /gnyis kyis bskyod pa'i sbyor ba las/ /drod ni rtag tu skye bar 'gyur/ /'dod chags dpag med rdo rje yin/ /'dod chags drod las 'byung bar 'gyur/ kak+ko lar ni gang zhig sems/ /de ni rlung gi rang bzhin can/ /phrag dog don yod grub pa yin/ /don yod rlung las 'byung ba'o/ /bde ba 'dod chags khrag tu 'gyur/ /dga' ba nam mkha'i mtshan nyid de/ /nam mkha' ser sna rdo rjer 'gyur/ /ser sna nam mkha' las byung ba'o//sems ni chen po gcig nyid la/ /lnga yi gzugs kyis mtshon pa yin/ /rigs ni lnga po de nyid las/ /stong phrag du ma skyes pa nyid/ /de phyir 'di dag rang bzhin gcig /bde chen mchog tu phan pa nyid/ /'dod chags la sogs sems lnga yi//dbye ba lnga ru 'gro bar 'gyur/ /de nas yang khams dang phung po dang yul la sogs pa rnams kyi rang bzhin med pa ste ngo bo nyid kyis gdod ma nas ma skyes pa'o/ /kye rdo rjer yang gsungs te/ rang bzhin gdod nas ma skyes pa/ /brdzun min bden min de bzhin du/ / thams cad chu yi zla ba ltar/ /'dod pas rnal 'byor mas shes gyis/ /'di lta ste gtsub shing dang gtsub stan dang skyes bu'i lag pa'i rtsol ba las glo bur du me 'byung bar 'gyur ro/ /me 'di ni gtsub shing la mi gnas/ /gtsub stan la yang ma yin/ /skyes bu'i lag pa dag la yang ma yin te//rnam pa thams cad du yongs su btsal na gcig na yang yod pa ma yin pas/ /me de yang bden pa yang ma yin zhing brdzun pa yang ma yin no/ /de ltar chos thams cad rnal 'byor mas yid la gyis shig /de'i phyir de rnam par dag pa na ste/phyi nas de nyid yang dag bshad/ /rnam dag ye shes rang bzhin can/ /zhes dbang gi le'u las gsungs pa nyid kyi phyir ro/ /yang 'di nyid du gsungs pa/ dang por dga' ba 'gro ba'i gzugs/ /de bzhin mchog dga' 'gro ba'o/ /dga' bral dga' ba'ang 'gro ba nyid//gsum po rnams la lhan skyes med/ /'di la man ngag gis rnam par bshad pa ni mtshan nyid med pas brdzun pa ste 'gro ba'i ye shes skye'o/ /dang po la ni de khyad par du bzung nas gsungs so/ /mchog tu dga' ba'i ye shes de ni gzung bar bya ba dang 'dzin pa po'i dngos po la dmigs nas 'dzin pa'i don to//dga' bral gyi dga' ba yang 'di dang 'dis gsungs te/ sems dang sems las byung ba dang ma rig pa rnams kyi mi mthun pa'i phyogs nyid kyi phyir ro/ /byang chub kyi sems 'di ni rnal 'byor pa'i rang rig pa'i ye shes te de ni rnal 'byor pa ye shes dang ldan pa la yin na de'i tshe so so'i skye bo rnams kyis ci ltar shes par bya/gang du rtogs par bya ba yang yin nam zhe na/ brjod par bya ste bla ma bsnyen bkur ba las snyoms par zhugs pa'i dga' ba'i rnam pa mngon sum du byas nas gzhan du gzugs la sogs pa'i yul rnams su yang shes par bya'o//de kye rdo rjer gsungs pa/ e yig cha byad bzang po gang / /dbus su waM gyis rnam par brgyan/ /bde ba thams cad kyi ni gnas/ /sangs rgyas rin chen za ma tog /skad cig dbye bas phyed nyid las//dga' ba de la skye bar 'gyur/ /skad cig shes la bde shes pa/ /e waM yi ger rab tu gnas/ /sna tshogs dang ni rnam smin dang / /rnam nyid de bzhin mtshan nyid bral/ /skad cig bzhi la brten nas ni/ /de ltar rnal 'byor pas shes 'gyur/ /'khyud dang 'o byed la sogs pa//sna tshogs rnam pa sna tshogs bshad/ /rnam par smin pa de las bzlog /bde ba'i ye shes bza' ba ni/ /bdag gis bde ba zos par ni/ /lta ba rnam nyid du rab gsungs/ /mtshan nyid bral ba gsum las gzhan/ /chags dang chags bral rnam par spangs//sna tshogs dang po'i dga' ba ste/ /rnam smin la ni mchog dga'o/ /rnam nyid la ni dga' bral dga'/ /lhan cig skyes dga' mtshan bral la'o/ /slob dpon gsang ba shes rab dang / /bzhi pa de yang de bzhin no/ /dbang ni bzhi yi grangs kyis ni/ /dga' ba la sogs rim shes bya//dgod pa dag pa slob dpon te/ /lta ba gsang ba de bzhin no/ /lag bcangs la ni shes rab nyid/ /gnyis gnyis 'khyud la de bzhin nyid/ /sems can rnams kyi dngos grub phyir/ /dbang ni rnam pa bzhi ru bshad/ /gtor dang bkrus pa zhes bya 'dis/ / de yis dbang zhes brjod par bya/ /da ni dga' ba la sogs pa rnams kyi mtshan nyid brjod par bya ste/ dang po reg par 'dod pa dang / /gnyis pa bde bar 'dod pa dang / /gsum pa 'dod chags 'jigs nyid phyir/ /bzhi pa'ang bsgom par bya ba min/ / 'di nyid ni/ dga' bas bde ba cung zad de/ /mchog tu dga' ba de las lhag /dga' bral dga' ba chags bral 'gyur/ /lhag mas lhan cig skyes dga'o/ /de ltar ni 'phags pa lha'i zhabs kyis/ e ma bde ba e ma'o bde/ /ji lta ji ltar za ba na/ /sems ni mchog tu 'dod pa ste//dga' bral dga' ba tsam yin no/ /'dis 'di gsungs par gyur pa yin te/ /ma rig pa'i mi mthun phyogs kyi mtshan nyid dga' bral gyi dga' ba la nye bar dmigs pa gang yin pa'i bde ba nyid kyis cung zad grib ma'i rjes su byed pa'i dpe'i bde ba des mtshan sum cu rtsa gnyis 'chang zhing dpe byad brgyad cus brgyan pa ji ltar me long gi nang du ri mo'i rnam pa nye bar dmigs pa de bzhin nyid du mngon du byed pa longs spyod rdzogs pa'i ye shes su rdo rje bla ma'i zhal las rig par bya'o//de nas bcom ldan 'das kyis gsungs pa/ ston pa sum cu rtsa gnyis mtshan//khyab bdag dpe byad brgyad cur ldan/ /de ltar yang klu sgrub zhabs kyis/ /me long dri ma med par ni/ /gzugs brnyan gsal bar blta bya zhing / /dngos dang dngos med rnam grol ba/ /shin tu bkri ba'i rdo rje sems/ /bla ma bzang la brten bya ste/ /bdag byin brlabs su de brjod bya//de ltar ni 'phags pa lha'i zhabs kyis kyang gsungs la/ de yang dzA lan+d+ha ri pa'i zhabs kyis rgya 'grel rdo rje sgron mar bris pa 'di lta ste/ ji ltar shin tu dang pa'i me long la/ /gzugs brnyan yan lag kun ldan gzugs su snang / /de bzhin mtshan dang dpe byad brgyad cu yis//phyug pa'i rdo rje 'chang sku rtag pa nyid/ /ces pa bdag byin gyis brlab pa ste rim pa gsum pa'o// //da ni rnam par dag pa'i rim pa brjod par bya ste slar yang phreng ba dang chu la sogs pa'i dbang gi rim gyis/ mthe bong srin lag dag gis de/ /slob ma'i khar ni ltung bar bya//zhes pa 'dis gsang ba la sogs pa'i dbang bskur ba byin nas gsum pa khyad par gyi dga' bas byin gyis brlab pa'i dga' ba'i rnam pa rtogs par byas te/ bzhi pa de yang de bzhin no/ /zhes pa 'dis de'i rnam par dag pa ni med par dgag pa'i 'jug pas de bzhin nyid kyi rnam par dag pa ni rnam pa gnyis te gzugs dang gzugs ma yin pa'i phung po la sogs pa rnams kyi lha'i rnam par dag pa dang /gzhan ni lhan cig skyes pa'i gzugs rang rig pa'i bdag nyid can gzung bar bya ba la sogs pa'i gnyen po dga' ba gsum po bdag byin gyis brlab pa'i mtshan nyid thob pa gang gi rnam par dag pa ste de bzhin nyid lhan cig skyes pa'i dga' ba rang bzhin no//de bcom ldan 'das kyis gsungs pa/ dngos por grags pa thams cad kyis/ /rnam dag de bzhin nyid du brjod/ /phyi nas re re'i dbye bas de/ /lha rnams kyis ni brjod par bya//gsungs pa/ phung po lnga dang dbang po drug /skye mched drug dang 'byung chen lnga'i/ /mtshan nyid rang bzhin gyis rnam dag /mi shes nyon mongs sgrib sbyang bya/ /rang rig bdag nyid dag pa ste/ /dag pa gzhan gyis rnam grol min/ /yul rnams dag pa'i dngos nyid phyir//bde ba mchog ni rang rig pa'o/ /'dis 'di gsungs pa yin te bskyed pa'i rim pa la brten nas lha mo rdo rje ma la sogs pa rnams kyis gzugs kyi phung po la sogs pa rnams rnam par dag par gsungs so/ /bdag byin gyis brlab pa'i mtshan nyid thob pa'i dga' ba gsum po rnams kyi rnam par dag pa ni rang rig pa'i bdag nyid can de bzhin de las rab tu zhugs pa zhes pa'i don te 'dis mya ngan las 'das pa thams cad stong par gsungs so//de kho na nyid kyi le'u yang gsungs pa/ dpal ldan de bzhin nyid gshegs shing / /zhes pa la sogs pa'o//slar yang / ngo bos gzugs med mthong ba med/ /sgra med thos pa po yang med/ /dri med snom pa po yang med/ /ro med myong ba po yang med/ /sems med sems las byung ba med/ /dbang gi le'ur yang gsungs pa/ mchog dga' bsgom pa med cing bsgom pa po yang med//lus kyang med cing gzung ba med cing 'dzin pa'ang med/ /sha dang khrag kyang med cing bshad dang lci ba'ang med/ /skyug khro rmongs med gtsang sbra mchod phyir thogs med dang / /chags med sdang ba med dang rmongs med phrag dog med/ /ser sna med dang nga rgyal med cing mthong bya med//bsgom dang sgom po med cing bshes dang dgra med cing / /khrem gnyer med pa'i lhan cig skyes pa sna tshogs nyid/ /'di yang ci ltar shes par bya zhe na/ 'di nyid du yang gsungs pa/ gzhan gyis brjod min lhan cig skyes/ /gang las kyang ni mi rnyed de//bla ma brgyud pa nyer bsnyen dang / /rang la bsod nams las shes bya/ /de lta na yang lhan cig skyes pa la gang du yid ches/ brjod par bya ste/ snyoms par zhugs pa'i lhan cig skyes pa'i grib ma'i rjes su byed pa nyid kyi phyir bla ma'i man ngag las lhan cig skyes pa shes par bya'o//de bcom ldan 'das kyis gsungs pa/ de la de nyid bstan par bya/ mchog mtha' dga' bral dang po mchog mtha' can/ /zhes pa ste/ gang gi dang po dga' bral yin pa de ni dga' bral dang po ste lhan cig skyes pa'o/ /mthar byed do zhes pa ni mtha' can no//mchog ni rab kyi mtha' ba ste de ni de lta bu yin no/ /dga' bral dang po yang yin la mchog mtha' can yang yin pa de ni dga' bral dang po mchog mtha' can no/ /rgyud rnams kun tu sbas pa ste/ /mtha' yi mtha' ni rab tu gsal/ /rdo rje mchod pa rab sbyar nas/ /de la lha mo des zhus pa//lha de'i skad cig ji ltar lags/ /gtso bo chen po bshad du gsol/ /der ni thog ma dbus mtha' med/ /srid med mya ngan 'das pa med/ /bdag med gzhan ni med pa ste/ /'dir yang bcom ldan 'das kyis gsungs/ /ji ltar dbang bskur gsol gdab pa'i/ / slob ma'i bya ba bshad par bya/ /bla ma phyag rgya ldan mthong nas/ /brtul zhugs can gyis bstod mchod bya/ /bcom ldan zhi ba chen po kye/ /rdo rje rnal 'byor gcig tu brtson/ /sgrub po phyag rgya tha mi dad/ /rdo rje rnal 'byor las byung ba/ /ji ltar khyod ni bdag nyid che/ /bya ba bdag la'ang de mdzod cig /'khor ba 'dam gyi tshogs nang du/ /bying ba skyabs med bdag la skyobs/ /zhim pa'i bza' ba btung ba dang / /ba la che mchog ma da na/ /bdug pa lha bshos phreng ba dang / /dril bu rgyal mtshan byug pa ste/ /slob ma dam pas rdo rje'i 'dzin/ /mchod pa 'di rnams kyis mchod do//mchod pa'i bar med par ston pa pos/ 'dis lhan cig skyes pa'i dga' ba khong du chud par bya ste/ /gang phyir yid kyis mi bsgom par/ /'gro ba thams cad bsgom par bya/ /thams cad chos ni yongs shes na/ /bsgom pa nyid ni bsgom pa min/ /'di dang 'di ni brtan pa dang g.yo ba rnams kyi yang de kho na nyid do//'di lta ste/ thams cad thams cad stong pa zhes bya'o/ /de bcom ldan 'das kyis gsungs pa/ brtan dang g.yo ba'i dngos po gang / /rtsa lcug 'khri shing la sogs rnams/ /bdag gi dngos po'i rang bzhin las/ /dam pa'i de nyid nges bsgom bya//de rnams gcig pu gzhan yod min/ /bde ba chen po rang rig pa'o/ /mchog tu dga' ba yang dag thob/ /sna tshogs spangs pa'i skad cig la/ /ston pas smras pa sems dpa' che/ /bde ba chen po gzung bar gyis/ /de ltar yang 'phags pa lha'i zhabs kyis gsungs pa/dga' ba la sogs rim pas phra mo la/ /dmigs pa la ni brten nas skad cig ma/ /zad par 'gyur ba bzhi pa'i dus su ni/ /e ma dmigs pa zhes bya ci zhig yin/ /gang yang khrem gnyer med pa'i bde ba ni/ /myong ba'i rnam par gzhal bar bya ba tsam/ / de yang 'jigs pa yang ste de la ni/ /rnam par bsgyings pa 'ba' zhig dmigs pa med/ /e ma'o srid gsum gang ba yi/ /bde ba chen po sgeg pa ste/ /gang gis rang dang gzhan gyi char/ /rnam dbyer med pa'i skad cig go/ /'dis 'di gsungs par gyur pa yin te/ gsum pa dga' bral gyi dga' ba'i dpe las//bdag byin gyis brlab pa'i bde ba 'byung ba nyid du rtogs par byas nas de nyid rnam par dag pa las de bzhin nyid kyi rnam pas lhan cig skyes par rtogs par bya ba yin no/ /'di ni/ bzhi pa de yang de bzhin no/ /zhes pa 'di'i don to//snyoms par 'jug pa yod na ye shes gang yin pa thog mar gsungs pa ste/ de bzhin du 'dir yang lhan cig skyes pa rtogs pa las de ni de yang bzhi pa'i ye shes su 'gyur ba des na lhan cig skyes pa byang chub kyi sems kyi dpe las bde ba gang yin pa dang ye shes gang yin pa la yid ches par bya'o//lhan cig skyes pa'i grib ma'i rjes su byed pa nyid kyi phyir de ni de kho nyid du bshad pa ma yin gyi 'byung ba chen po pa'o/ /gang gi phyir bcom ldan 'das kyis kyang / /gang phyir 'khyud pa che bde ba/ /de phyir bde ba de nyid min/ /zhes gsungs so/ /'di nyid slob ma'i dri ba'i tshig go//dngos grub kun gyi gter gyur pa/ /byang chub sems ni ltung gyur na/ /phung po rnam shes brgyal 'gyur bas/ /ma smad dngos grub ga la yod/ /mkha' dbyings rdo rje yang dag sbyor/ /reg las rmad byung chen po yi/ /bde ba skye ba gang yin pa/ /de ni mchog dga'i byed po'o/ / zhes pa la/ ma smad dngos grub ga la yod/ /ces pa ni de nyid mchog tu dga' bar bshad pa'i lhan cig skyes pa'i dga' ba las phyag rgya chen po'i bdag nyid can gyi dngos grub po/ /dmigs pa thams cad nye bar zhi ba'i phyir na ma smad pa ste de'i phyir lhan cig skyes pa khong du chud pa'o/ / phung po la sogs pa brgyal ba de yod na ye shes gang rjes su myong ba yin/ des na bdag byin gyis brlab par ma dag par byas so/ /de bsgom pa rab kyi mthar son pa na ste ji srid du phung po la sogs pa med par ma gyur pa de srid du phyag rgya chen po'i dngos grub mngon sum du byed par mi nus so//bcom ldan 'das kyis kyang gsungs pa/ mchog tu bde ba phung po med/ ces so/ /'di nyid kyang rnal 'byor ma rnams kyis 'chi bar mngon par brjod de/ bcom ldan 'das kyis kyang gsungs pa/ ji ltar pha las bde thob pa/ /de yi bde ba rang gis bzang / /bde ba gang gis 'chi ba ste//de yi bde ba bsam gtan brjod/ /'chi ba zhes bya'i rnam rtog ni/ /zhes pa shes rab kyi pha rol tu phyin pa la sogs par rgyas par ro/ /mang du smra bas ci zhig bya/ /rdo rje theg pa'i de nyid las/ /rdzas kyi dngos por yod ces pa'ang / /rang bzhin rten nas de nyid do//brtags pa'i dngos po med pa ste/ /gzhan gyi dbang ni yod pa yin/ /zhes pa ste de la sogs pa'i sgras gzhan gyi dbang bzung ngo / /rgyu gzhan la brten pas na gzhan gyi dbang dang grub pa yin no/ /gzhan gyi dbang ni 'gro ba'i bdag byin gyis brlab pa'i mtshan nyid do/ / de dag gi dngos po med pa ni yongs su grub pa'i gzugs lhan cig skyes par bshad pa mya ngan las 'das par yang gsungs te thams cad kyi thams cad du thams cad stong pa ni mu stegs pa rnams kyi cha shas yin no/ /de nyid shes rab kyi pha rol tu phyin pa de bzhin gshegs pa skyed par mdzad ma'o zhes pa rnam par dag pa ste rim pa bzhi pa'o// //da ni rnam par dag pa las ldang ba'i rim pa rab tu bstan par bya'o/ /de la smras pa/ ldang ba ni bdag byin gyis brlab pa'i mtshan nyid kyi dga' ba gsum gyi bdag nyid med pa yin pa'i phyir ci lta ba de ni su zhig gi yin par 'gyur zhe na brjod par bya ste/bdag byin gyis brlab pa'i mtshan nyid med pa ni skyes pa ma yin gyi gang zhig bag chags dang bcas pa'i sgyu ma lta bu'i rnam par shes pa dang lhan cig skyes pa'i dga' ba bsgoms pa las ji srid 'gog pa mngon sum du mi byed pa de srid du ldang ba ste skyed par ni mi 'gyur ro//'dir yang gsungs pa/ phyi nas de nyid yang dag bshad/ /rnam dag ye shes rang bzhin can/ /zhes pa'o/ /phyi nas zhes pa ni bdag byin gyis brlab pa'i de ma thag tu rang rig pa las skyes pa ni dngos grub po/ /ji skad du gsungs pa/ rang rig las ni dngos grub 'gyur//rang rig phyir na bsgom pa'o/ /zhes pa'o/ /slar yang gsungs pa/ phyag rgya rgyu dang sbyor bral las/ /rnal 'byor snying rje thabs su 'gyur/ /stong nyid snying rje dbyer med pa/ /byang chub sems su brjod pa yin/ /'di nyid bcom ldan 'das kyis zung du 'jug pa ni lam dang zung du 'jug pa ni 'bras bur gsungs pa yin no//de gsungs pa/ rang rig ye shes de nyid 'gyur/ /rang gzhan yang dag rig pa spangs/ /mkha' mnyam rdul bral stong pa nyid/ /dngos dang dngos med bdag nyid mchog /thabs dang shes rab shin tu 'dres/ /chags dang chags bral rnam par 'dres//de nyid srog chags rnams kyi srog/ /de nyid mi 'gyur ba ma yin/ /de nyid thams cad bya ba po/ /lus kun la ni rnam par gnas/ /zhes so/ /'di nyid du gsungs pa/ dpal ldan de bzhin nyid gshegs shing / /de bzhin slar yang byon pa nyid//'dis ni shes rab rigs pa yis/ /de bzhin gshegs par mngon brjod bya/ /de la rdo rje snying pos gsol pa/ thabs gang gis byang chub kyi sems bskyed par bgyi ba lags/ bcom ldan 'das kyis bka' stsal pa/ dkyil 'khor 'khor lo sogs thabs dang //bdag byin brlab pa'i rim pas kyang / /kun rdzob don dam gzugs can gyi/ /byang chub sems ni rab tu bskyed/ /kun rdzob kun+da lta bu ste/ /don dam bde ba'i gzugs can no/ /bud med k+ko la bde ba can/ /e waM yi ge'i rang bzhin du/ /bde ba srung ba nyid kyi phyir//bde ba can zhes brjod par bya/ /sangs rgyas byang chub sems dpa' dang / /rdo rje 'dzin pa rnams kyi gnas/ /'di nyid 'khor ba zhes bya ste/ /'di nyid mya ngan 'das pa nyid/ /'khor ba spangs nas gzhan du ni/ /mya ngan 'das pa rtog mi 'gyur/ /'khor ba gzugs dang sgra la sogs//'khor ba tshor ba la sogs pa/ /'khor ba dbang po rnams nyid de/ /'khor ba zhe sdang la sogs pa/ /'di rnams chos ni mya ngan 'das/ /rmongs phyir 'khor ba'i gzugs can nyid/ /rmongs med 'khor ba dag pas ni/ /'khor ba mya ngan 'da' bar 'gyur//'dis chos 'di rnams kyi rab tu mi gnas pa'i mya ngan las 'das pa yongs su mkhyen pa las rgyal ba mchog rnams kyis bdag nyid kyi skye ba gsungs pa yin no/ /gal te gzhan rnams kyis bla ma brgyud pa'i rim pas rang bzhin yongs su shes par 'gyur zhing so so'i skye bo rnams kyi yin pa de'i tshe de rnams kyi bdag nyid 'ba' zhig pa yang ma yin no//bcom ldan 'das kyis kyang gsungs pa/ ma lus pa yi sems can gyi/ /skye ba gang la brjod bya ba/ /gang phyir sprul pa gnas brtan phyir/ /de la sprul pa'i sku nyid yin/ /zhes pa la sogs pa rgyas par te//sde pa sde ma zhes bshad pa/ /lto ba gnas su brjod par bya/ /skye gnas 'dod chags bral bar 'gyur/ /mngal gyi khru ma chos gos yin/ /de bzhin ma ni mkhan po'o/ /mgo bor thal mo sbyar ba phyag /'gro ba'i bya ba bslab pa'i gnas/ /de bzhin sngags bzlas a dang haM//skye gnas 'khor lo'i yi ge a/ /bde chen gyi yang yi ge haM/ /gcer bu skra dang kha spu bregs/ /sngags bzlas kyang ni dge slong skyes/ /tshogs pa 'di rnams kyis sems can/ /sangs rgyas nyid du the tshom med/ /zla ba bcu yang sa rnams yin/ /sems can sa bcu'i dbang phyug go//'di nyid ye shes chen po ste/ /lus kun la ni rnam par gnas/ /gnyis dang gnyis su med pa'i tshul/ /dngos dang dngos med bdag nyid gtso/ /brtan dang g.yo ba khyab nas gnas/ /sgyu ma'i gzugs can nyid du snang / /dkyil 'khor 'khor lo sogs thabs kyis//rtag tu nges par 'grub par 'gyur/ /lus la ye shes chen po gnas/ /kun du rtog pa thams cad spangs/ /dngos po kun la khyab byed pa/ /lus la gnas kyang lus skyes min/ /de'i phyir bdag byin gyis brlab pa'i de bzhin nyid la rab tu zhugs pa'i de ma thag tu skyes pa'i rim pa shes par bya ste rnam pa gzhan du 'khor ba zad pa tsam kho nar 'gyur ro//'khor bar gnas pa'i bar du yang dam pa'i don yang dag par rtogs pa'i thabs dang / stobs bcu dang mi 'jigs pa la sogs pa'i yon tan dang ldan pa'i mchog tu bde ba chen po'i mtshan nyid kyi 'bras bu rang bzhin gyis thob par 'gyur ba ma yin no//de gsungs pa/ bskyed pa'i rim pa'i rnal 'byor gyi/ /brtul zhugs can gyis spros pa bsgom/ /spros pa rmi lam ltar byas nas/ /spros pa nyid ni spros med bya/ /sgyu ma ji bzhin rmi lam ni/ /ji ltar bar ma'i srid ji bzhin//rtag tu goms pa'i skyong ba las/ /de lta bu nyid dkyil 'khor snang / /phyag rgya chen po'i dbang bskur ba/ /ji ltar shes pa'i bde chen po/ /'di nyid de myong ba las te/ /gzhan las dkyil 'khor 'byung ba med/ /de ltar yang / phung po rnams nyid dri ma med pa'i dkyil 'khor te//thams cad lha mo mang por rnam par nges shing rtogs/ /dpa' bo he ru ka yang yin pa ste/ /'dzag med sku ste de bzhin nyid kyi ro yin no/ /kye rdo rje'i rgyud du yang gsungs pa/ /bde ba nag po bde ba ser/ /bde ba dmar po bde ba dkar/ /bde ba sngon po bde ba ljang //bde ba nag po rgyu mi rgyu/ /bde ba shes rab bde ba thabs/ /de bzhin kun du ru skyes bde/ /bde ba dngos dang dngos med pa/ /rdo rje sems dpa' bde bar brjod/ /rdo rje snying pos gsol pa/ rdzogs pa'i rim pa'i rnal 'byor 'di/ / de yi bde ba bde chen 'dod/ /rdzogs pa bsgom pa med pa yi/ /bskyed pas dgos pa ci zhig yod/ /bcom ldan 'das kyis bka' stsal ba/ /e ma byang chub sems chen 'di/ /dad pa'i shugs kyis rab tu nyon/ /lus ni dngos med gang las bde/ /bde bar smra bar mi nus so/ / khyab bya khyab byed tshul gyis ni/ /bde bas 'gro ba khyab pa yin/ /ji ltar me tog la gnas dri/ /me tog med phyir shes mi 'gyur/ /de bzhin gzugs la sogs med pas/ /bde ba dmigs pa nyid mi 'gyur/ /dngos pa dngos po med pa nga / /dngos po rtogs phyir sangs rgyas nga / / gang zhig le los nyer 'tshe dang / /rmongs pa gang gis bdag mi shes/ /rje btsun lha mo'i b+ha gar ni/ /e yi rnam pa'i cha byad gzugs/ /sangs rgyas rin chen za ma tog /bde ba can du rtag tu rgyu/ /'chad pa po nga chos kyang nga / /rang gi tshogs ldan nyan pa nga / /bsgrub bya 'gro ba'i ston pa nga //'jig rten 'jig rten pa yang nga / /lhan cig skyes dga'i rang bzhin nga / /mchog mtha' dga' bral dang po can/ /mun pa la ni mar me ltar/ /de bzhin bus kyang yid ches gyis/ /ston pa sum cu rtsa gnyis mtshan/ /btsun mo'i b+ha ga bde can du/ /khu ba'i ming gis rnam par gnas//gsungs pa'i rim pa 'di gnyis kyis/ /sngags rgyud sogs dang rnal 'byor la/ /gang gis he ru ka mi shes/ /de yis log par ngal ba'o/ /de med pas na bde med 'gyur/ /bde ba med na de med 'gyur/ /nus med nyid phyir ltos bcas te/ /lha yi rnal 'byor las bde'o//gang phyir lus las byung bas na/ /lha zhes brjod par bya ba yin/ /de phyir sangs rgyas dngos 'gyur min/ /dngos med tshul du'ang 'gyur nyid min/ /zhal phyag rnam pa gzugs can te/ mchog tu bde bas gzugs med pa/ /de phyir 'gro kun lhan cig skyes/ /rang bzhin lhan cig skyes brjod bya//rnam par dag pa'i sems kyis ni/ /rang bzhin nyid ni mya ngan 'das/ /bzhin lag kha dog dbyibs las ni/ /lha yi rnam pa'i gzugs su ni/ /skye ba tsam gyis rnam par gnas/ /'on kyang tha mal bag chags las/ /de'i phyir longs spyod rdzogs pa'i lus med pas grol ba ma yin te/de ni gang du yang 'dod par bya ba ma yin no/ /thams cad du stong pa nyid las lhan cig skyes pa bshad pa dngos pos grol ba de yang ma yin no/ /de'i phyir yang de dag gi rnam par grol ba ni stong pa nyid dang / snying rje dbyer med pa'i mthar thug pa'i gzugs byang chub kyi sems ma yin no zhes bya bar nges so//de ltar yang klu sgrub zhabs kyis/ /dngos po nyid kyis rnam grol bya/ /dngos po med pas 'gyur ba min/ /dngos po'i bdag nyid rnam grol te/ /dngos dang dngos med yongs shes pas/ /bcom ldan 'das kyis yang rgyud du gsungs pa//rdo rje snying po snying rje che/ /dngos po nyid kyis rnam grol zhing / /dngos po'i 'ching bas 'ching bar 'gyur/ /de yongs shes pas grol ba yin/ /dngos po med pa'ang yongs shes pas/ /dngos po bsgom 'gyur shes rab can/ /dngos po med pa'ang yongs shes pas//he ru ka dpal de ltar bsgom/ /yang gsungs pa/ shrI yig gnyis med ye shes te/ /de ni rgyu sogs stong pa nyid/ /ru yig bkod pa dang bral ba/ /ka ni gang du'ang mi gnas pa'o/ /de ltar shes nas rnal 'byor pa/ /gang zhig mnyam gzhag sgom byed pa/ /bsod nams zhan pa'i mi yis kyang //the tshom med par de 'grub po/ /mnyam par gzhag pa'i rnal 'byor yang rnal 'byor tha ma'i'o/ /bza' dang btung dang khrus byed dang / /sad dam nyams yang bsam par bya/ /phyag rgya chen po mngon 'dod pas/ /de las rtag tu 'gro bar 'gyur/ /zhes pa mnyam par gzhag pa 'di ni rnal 'byor ma 'bring po'i yin no//chen po'i spyad pa spyod pa rnams kyis/ /bza' btung ji ltar rnyed pa dang / /bgrod dang bgrod min mi spang zhing / /khrus dang gtsang sbra mi bya ste/ /grong gi chos ni spang mi bya/ /blo ldan sngags bzla ba nyid min/ / bsam gtan dmigs par bya nyid min/ /gnyid ni spang bar mi bya ste/ /dbang po rnams ni mi dgag go/ /ba la thams cad bza' bar bya/ /rigs rnams la ni mnyam par spyad/ /dogs pa med pa'i sems kyis ni/ /btsun mo thams cad dga' bar bya/ /grogs la dga' bar mi bya zhing //de bzhin gdug la zhe sdang min/ /rdo shing sa las byung ba yi/ /lha 'di rnams la phyag mi bya/ /zhes pa la sogs pa rgyas par ro/ /de ltar yang / sngags kyi bzlas med dka' thub med cing sbyin sreg med/ /dkyil 'khor ba med dkyil 'khor yang ni med pa ste/ /de ni sngags bzlas dka' thub de yin sbyin sreg de//de ni dkyil 'khor pa ste dkyil 'khor yang ni de/ /mdor bsdus nas ni sems su 'dus pa'i gzugs can no/ /gzhan du yang gsungs pa/ ji ltar dpa' bo rtog med pas/ /'jig rten pa yi gnas bcom nas/ /spyod pa thams cad spyad par bya//de tshe de yis sangs rgyas mthong / /zhes pa'o/ /dpal ldan he ru ka yis rgyud kyi rgyal por gsungs ba'i bla med rim pa lnga/ /dpal ldan jA lan d+ha ri bzang po'i zhabs kyis bkod dang bla ma'i gsang ba'i bzhed/ /de thob skal bzang la yang dag gzhung byas bsod nams mchog thob de la//ma lus sems can phung po'i 'gro bas bla med rim lnga des par thob par shog/ /dpal kyi rdo rje'i sgrub pa'i thabs rab tu gsal ba zhes bya ba dkyil 'khor chen po'i slob dpon dpal sgra gtsan gsang ba'i zhabs kyi mdzad pa rdzogs so// //'di ni tshad med pa'i bsod nams kyi dpal la brten nas dzam bus mtshan pa'i gling gi byang phyogs kyi rgyud kyi rgyal po'i srid la mnga' bsgyur zhing / bstan pa rin po che la sri zhu dang / bya ba lhag par bsgrub pa'i khur gyis mi ngal ba'i chos kyi rgyal po chen po// grags pa 'byung gnas rgyal mtshan dpal bzang pos lung stsal zhing / bdag rkyen mdzad nas/ rgya gar shar phyogs kyi paN+Di ta chen po shrI ba na rat+na zhabs kyi zhal snga nas dang / bod kyi lo tsA ba 'gos gzhon nu dpal gyis phyogs las rnam par rgyal pa'i pho brang chen po sne gdong rtse'i gtsug lag khang du bsgyur pa'o/

CLOSE WINDOW