CLOSE WINDOW

D1237
བོད་ཡིག

/ //rgya gar gyi mkhan po pradz+nyA a an+d+ri ru tsi dang / dge slong shAkya ye shes kyis bsgyur cing zhus te gtan la phab pa'o// @##/ /rgya gar skad du/ he badzra sA d+ha na s+ya badzra pra dI pa nA ma Ti pi NI shud+d+ha/ bod skad du/ kye rdo rje'i sgrub thabs kyi mdor bshad pa dag pa rdo rje sgron ma zhes bya ba/dpal kye rdo rje la phyag 'tshal lo/ /rtog pa med pa'i rang bzhin can/ /kye yi rdo rje'i zhabs phyag 'tshal/ /bskyed pa'i rim pa la brten te/ /rnam par dag pa gsal bshad bya/ /dang por re zhig sgrub thabs kyi mdo brjod par bya ste/de nas mchod pa'i 'khor lo dang / tshangs pa'i gnas bzhi dang / mchog dang lhan cig skyes pa dang / /rang gi 'dod pa'i lha dang / srung ba'i 'khor lo dang / stong pa nyid du lhag par mos pa dang / dur khrod dang / gzhal yas khang dang / rgyu'i dkyil 'khor dang / zhu bas bskyed pa dang / bzhengs pa dang / dgod pa dang / zhe sdang gi bdag nyid dang / 'byin pa dang / ye shes kyi 'khor lo dang / dbang bskur ba dang / rgyas gdab pa dang / bdud rtsi myang ba dang / 'gro ba'i don dang / yan lag drug dang / 'od gsal dang /ldang ba dang / sngags bzlas pa dang / gtor ma'i de nyid dang / phra mo'i rnal 'byor dang / go cha gnyis dang / dgod pa gnyis dang / 'chag pa dang / kha zas dang / spyod lam dang / nyal ba dang / slar ldang ba'o/ /sgrub thabs kyi mdo sum cu rtsa gnyis po de rnams kyis skyes bu chen po'i mtshan rnam par dag pa'o//dang po re zhig rnal 'byor pa sems can gyi don la brtson pa'i blo gros can gyi sa zhes bya ba ni dang po ni thog ma re zhig go /rnal 'byor 'dod pa gang de ni rnal 'byor ro/ /sems can gyi yid la re ba rdzogs par 'dod pa gang de sems can gyi don la brtson pa'i blo gros can gyis shes pa'o//yang dag pa'i bla ma rje btsun mnyes par byas nas/ cho ga ji lta bar dpal kye rdo rjer gsungs pa'i dkyil 'khor du rab tu zhugs nas zhes pa ni des shin tu mtha' gcig la gnas par gyur pa lus kyi gces spras yongs su dor te/yang dag pa'i sems kyis mnyes par 'gyur bas bla ma mnyes par bya ste/ yang dag pa'i bla ma'i gdams pa'i man ngag shes pa ni yang dag pa'i bla ma rje btsun kyang ngo / /de mnyes par gyur na de rnams kyis kye'i rdo rjer gsungs pa'i dkyil 'khor du cho ga ji lta bar rab tu 'dzud pa'i phyir/dpal kye rdo rje las gsungs pa'i dkyil 'khor du rab tu zhugs nas so/ /go rims ji lta bar dbang bskur te zhes pa ni chu la sogs pa nas shes rab ye shes kyi dbang bskur ba'i mthar thug ste/ rim pa ji lta bar dbang bskur te zhes pa'o//yang dag par rjes su gnang bas zhes bya ba ni dbang bskur nas ji ltar gdams pa nye bar bstan pas rgyud bstan te/ slob ma la phan pa dang de'i rjes su snod du rig nas de las mchog gi dga' ba'i mtha' dang / dga' bral la sogs pa'i de nyid gsal bar bya zhing tshig gi don gzhan du byas nas bstan par bya ste/'di ni yang dag par rjes su gnang bas so/ /de'i rjes su yang dag par rjes su gnang ba'i sngags pas 'chad par 'gyur ba'i rim pa gnang bas spyad par bya ste/ ji srid phyag rgya thob par gyur pa'i bar du'o/ / phyag rgya thob pa zhes pa ni cung zhig thob par gyur pa'o/ /shin tu rnam par dag pa phyin ci ma log pa'i de kho na nyid kyi ye shes thob cing zhes pa ni phyin ci log ma yin pa'i phyir phyin ci ma log pa'o/ /'on kyang rang bzhin gyis lus 'di'i rnam par dag pa nyid rnam par spangs nas shin tu rnam par dag pa'i de kho na nyid kyi ye shes kyi sgo nas shes pas na ye shes te/ye shes kyi lam thob pa'o/ /'di ni shin tu rnam par dag pa'i phyin ci ma log pa de kho na nyid kyi ye shes thob cing zhes pa'o/ /mtshan ma thob pa dang zhes pa ni brtags pa'i rnam pa'i mtshan ma ste/shin tu rnam par dag pa phyin ci ma log pa'i de kho na nyid kyi ye shes yongs su thob pa'i phyir ro/ /de'i phyir phyin ci ma log pa'i de kho na nyid kyi ye shes kyi rgyu ste 'bras bu phyin ci ma log pa'i de kho na nyid kyi ye shes so/ /de'i mtshan mar shes pas man ngag ji lta ba las te 'di ni mtshan ma thob pa'o//de'i phyir 'di skad du/ chu skyar gyis ni chu dag dang / /du bas me ni shes pa ste/ /byang chub sems dpa' blo ldan gyis/ /mtshan ma rnams kyis rig ces so/ /dang gi yi ge las kyang 'dis ye shes dang ldan pa'i rnal 'byor pa dpal kye rdo rje sgrub par 'dod pas rtsa bar gsungs pa'i rig ma thob bar gyur pa na dur khrod dang nags tshal du 'gro bar bya'o zhes pa'o//de'i rjes su dur khrod la sogs pa yid du 'ong ba'i gnas su gnas pa'i rnal 'byor gyis gsangs nas 'chad par 'gyur ba'i gtor ma dang mchod pa byas nas ji ltar gsungs pa'i cho gas mchod pa'i 'khor lo spyan drangs nas phyi dang gsang ba dang /de kho na nyid kyi mchod pa'i khyad par rnams kyis mchod nas bsgom pa brtsam par bya'o/ /de nas me tog ma la sogs pa rnam pa sna tshogs pas mchod pa ni phyi dang / de'i 'khor lor gnas pa'i lha mo'i lag na yod pa ni dam tshig gi brda'i rdzas sgom pa ni gsang ba dang /sku spro ba dang bsdu ba ni de kho na nyid kyi ming ste/ 'dis gang de rang gi snying gar nyi ma la gnas pa'i sa bon las rnam par 'thon pa'i 'od zer gyi dra ba rnams kyis spyan drangs pa'i 'khor lo dang bcas pa'i rje btsun de la yang dag par mchod par bya ste/'dis ni rang gi snying gar nyi ma la gnas pa las byung ba'i don gsal bar byas pa'o/ /de nas de'i spyan sngar mchod pa bla na med pa bdun bya'o/ /de rnams kyis ni bcom ldan 'das kyis bsod nams kyi tshogs kyi don du mchod pa'i 'khor lo gsungs te/bsod rnams kyi tshogs las ye shes kyi tshogs dang / ye shes kyi tshogs las byang chub bla na med pa'o/ /de nas bu gcig pa la sdug pa'i mtshan nyid kyis byams pa chen po sems can thams cad la rtag tu bskyed nas de nas 'khor ba'i rgya mtshor lhung ba bltas te/btson ra na bu sdug bsngal bar gyur pa na ji ltar nyam thag pa de ltar skyabs med pa'i sems can rnams la snying rje chen po bltas nas/ phyi nas dga' ba chen po thob pa'i rnal 'byor pas ji ltar bdag la yang grub par rig nas dgod pa ni dga' ba dang ldan pa'i sngags pas dga' ba rnam par bsgom par bya zhing /'khor ba la chags shing che ba'i bdag nyid rnyed pa dang bkur sti la sogs pa la ltos pa thams cad dang bral ba'i mtshan nyid btang snyoms chen po bsgom par bya'o//de ltar gyur pa'i sngags pas mchog gi sgrub pa brtsam par bya ste/ chos kyi dbyings kyi bdag nyid shes/ /dang po ro ni bsgom byas te/ /rnal 'byor pas ni de steng du/ /gnas nas he ru ka nyid bsgom/ /shrI he ru ka badzra/ der gnas nas yi ge drug gi don mngon du bya'o//de nas dam pa'i gdams pa las shrI he ru ka zhes pa yi ge bzhi'i don ye shes snang ba rdo rje'i ting nge 'dzin gyi rnal 'byor gyis mngon du bya zhing / de bsgom par bya ste 'di ni mchog go/ /'di ni mi gtsang ba'i lus dor nas lhan cig skyes pa'i rnal 'byor rtsom pa ste/skad cig gis sangs rgyas kyi gzhal yas khang gi dbus su e baM gi yi ges gsal bar byas pa'i sngon bzhin du zhal dang mtshan ma la sogs pa rnams kyis bdag nyid rdo rje sems dpa' zhi ba chen po ral pa'i cod pan dang ldan pa rdo rje skyil krung can chos kyi phyag rgyas mtshan pa phyag gnyis pa ro'i steng du zla ba la bzhugs pa bsgom par bya zhing mtha' yas pa'i 'jig rten gyi khams can mtshan sum cu rtsa gnyis 'chang zhing dpe byad brgyad cus brgyan pa lhan cig skyes pa'i he ru ka bsam par bya zhes pa'o//gang gi phyir/A li dang kA li dag gis mnyam par sbyar ba rang bzhin med pa'i go 'phang mchog/ /ces bya ba ni ro zhes pa mchog gi don te rdo rje sems dpa'i gdan no/ /de'i bskyed pa ni hUM phaT kyi yi ge mi 'dod de/ ji ltar dang gi yi ge las yi ge zhes pa ni stong pa'o/ /de'i phyir yi ge yin na mngon brtags las bskyed pas/gong bu ste/ des na yi ge bskyed gong bu'i zhes so/ /de nyid brten par byed pa'i rgyud nyid las le'u brgyad par bcom ldan 'das kyis gsungs pa/ A li kA li mnyam sbyor ba'i/ /rdo rje sems dpa'i gdan yin te//yi ge las byung gong bu yi/ /hUM phaT yi ge mi 'dod do/ /snga ma bzhin du zhal dang phyag mtshan la sogs pa rnams kyis zla ba mdzes pa'i nor bu'i 'od ces pa'i tshig las sems pa'i sgras lhan cig skyes pa'i mgon po rnam par bsams nas zhe sdang rdo rje'i go 'phang brtsam par bya'o//de nas zhe sdang rdo rje'i go 'phang brjod de re pha'i nyi ma bsgoms nas 'gyur med hUM gi yi ge sbyor bas de'i thugs kar bsam mo/ /de'i thig les zla ba nya gang bar bsam par bya'o/ /de'i dbus su gnas pa 'gro ba skye ba'i sa bon gsal bar byed pa'i hUM gi yi ge'o//de ltar srid pa gsum gyi dbang phyug tu rnam par bsgoms nas so/ /de'i snying gar ni rdo rje sems dpa'i snying gar zhes pa'i don to/ /ji ltar lha'i le'u gsungs pa'i rim pa ste/ rang gi snying gar re pha bsgom//de las byung ba'i nyi dkyil 'khor/ /der ni hUM gi rnam par nyid/ /shes rab thabs kyi rang bzhin can/ /hUM yig las byung rdo rje ni/ /kha dog nag po mi bzad che/ /rdo rje'i lte ba'i dbus gnas pa/ /hUM gi de nyid slar yang bsgom/ /hUM yig yongs su gyur par bltas/ la zhe sdang gi bdag nyid rnam par bsgom mo/ /hUM yig yongs su gyur pa'i sgras ni de thams cad yongs su gyur nas zhe sdang rdo rje'i snying gar bsgoms nas/ gdams ngag ji lta bar rdo rje can ni zhe sdang rdo rje'i bdag nyid du 'gyur ro/ /'chad par 'gyur ba'i rim pas de dang mnyam pa'i sku'i dbyibs bsam par bya zhing /bzhi rnams kyi dbus su rnal 'byor pas ji ltar mos par ji ltar nye bar gdams pa las zhal brgyad pa la sogs pa'i 'dod pa'i lha'i rnam pa gsum gyi gzugs can mi bzad pa chen po 'di lta bu'i mnga' bdag bsgom par bya ste/ sems dpa'i sku las yang dag byung //dkyil 'khor dbang phyug rnam par bsgom pa'i tshig las so/ /de ltar zhe sdang rdo rje'i rnal 'byor gyis phyogs dang phyogs bral rnams su rim pa ji lta bas khro bo'i tshogs spro bar bya ste/ hUM gi yi ge las yongs su gyur zhing thams cad 'od zer chen po 'bar bas 'khrugs pa rnams dbyung ste/de nas shar la sogs pa'i phyogs rnams su gshin rje mthar byed dang / shes rab mthar byed dang pad+ma mthar byed dang / bgegs mthar byed rim pa ji lta bar bsams te/ nag po dang / dkar po dang / dmar po dang / sngon po rnams so/ /rdo rje'i tho ba dang /rdo rje'i dbyug pa dkar po dang / rdo rje'i chu skyes dmar po dang / kha gyes pa'i rdo rje bsnams pa rnams te/ thung zhing gsus pa 'phyang ba rnams rnam par snang mdzad dang / rin chen dbang po dang / rdo rje chos dang / don yod grub pas mgo bo rnams mtshan pa'o/ /de nas dbang ldan la sogs pa'i mtshan rnams su mi g.yo ba dang /'dod pa'i rgyal po dang / dbyug pa sngon po dang / stobs po che rnams ni nag po chen po ral gri dang / lcags kyu dang / dbyug pa dang / mdung rtse gsum pa bsnams pa'o/ /'dod pa dang ni mi g.yo ba dag ni rol zhing lha'i rgyan gyis brgyan pa'o//dbyug pa sngon po dang stobs po che dag ni gshin rje mthar byed ltar rnam par 'gyur ba'o/ /de'i dbus su bsam zhing gzhan yang steng du gtsug tor 'khor los sgyur ba ser po 'khor lo ser po bsnams pa'o/ /rnam par snang mdzad kyi dbu rgyan can thung zhing gsus pa 'phyang ba'o//'og tu gnod mdzes rgyal po kha dog nag po gtun shing bsnams shing lto ba 'phyang ba'o/ /'dod pa la sogs pa bzhi dang gnod mdzes rgyal po ni mi bskyod pa'i dbu rgyan can/ khro bo bcu po 'di rnams ni g.yon brkyang gi zhabs rnams te/ g.yon na sdigs mdzub rdo rje'i zhags pa bsnams pa rnams/sna tshogs chu skyes dang nyi ma rnams la blta bar bya'o/ /de ltar rjes su rim pa ji lta bas 'thon nas khro bo rnams rang rang gi gnas su der song ba rnam par bsams te mngon du phyogs par gyur nas gnas te thal mo sbyar ba byas nas rkang pa brgyad pa dang snying po dang nye ba'i snying po'i sngags rnams kyis bstod pa sngon du 'gro ba can gyi bdag cag rnams kyis ci dang ci bgyi zhes smra bar blta bar bya'o//de nas zhi ba la sogs pa'i dbye bas oM sum+b+ha ni sum+b+ha zhes bya ba la sogs pas de rnams la bka' lung byin nas/de rnams kyi blo dang ldan pa rdo rje 'dzin pa'i bka' yang dag par bzung nas rang gi sprul pa rang gi gnas su bzhag nas bgegs kyi tshogs rnams mgul bar rdo rje'i zhags pas bcings nas rang rang gi mtshon chas skrag par byed cing bzung nas 'ongs nas/ bgegs kyi tshogs rnams phyogs bcu'i rang rang gi sprul pa la gtad nas rdo rje 'dzin la mngon sum du gyur nas gnas par blta'o//de la bgegs kyi tshogs ni 'di lta ste/ dbang po dkar po mig stong pa rin po che'i dbu rgyan can 'gying ba'i lus so/ /gshin rje nag po skra dmar ser gyen du 'greng ba thung zhing gsus pa 'phyang ba'o//chu lha dkar po gdengs kas mtshon pa'i mgo bo sgeg pa'i lus so/ lus ngan ser po rin po che'i dbu rgyan can 'gying ba'i lus so/ /dbang ldan dkar po ral pa'i cod pan can thung zhing che ba'i sku'o/ /me lha dmar po ral pa'i cod pan can dbu rgyan gyis mtshan pa'i lus so//srin po du ba'i mdog can skra grol ba thung ba'i lus so/ /rlung lha ljang gu rin po che'i dbu rgyan can 'gying ba'i lus so/ /steng du mes po chen po ser po thung zhing gsus pa 'phyang ba ral pa'i cod pan can no/ / 'og tu sa'i lha mo ser mo rin po che'i dbu rgyan can rol pa'i lus can ma'o/ /bgegs kyi rnam par 'dren pa de rnams gshin rje mthar byed la sogs pa rnams kyis bzung ba rnams bred cing nyams te skyabs tshol ba la gzhol ba blta bar bya'o/ /de'i rjes la rang gi snying ga'i sa bon las khro bo'i mgo mdung gi rnam pa kha dog nag po mi bzad pa chen po bskal pa 'jig pa'i me ltar bzod par dka' ba steng na bdud rtsi 'khyil pa'i rnam pa spros nas gshin rje mthar byed la sogs pa rnams la gtad par bsams nas bgegs kyi tshogs kyi mgo bo rnams su/de'i rjes su/ oM g+ha g+ha g+hA ta ya/ sarba duSh+TaM phaT phaT/ kI la ya kI la ya/ sarba pA paM phaT hUM hUM badzra kI la badzra d+ha ro adz+nyA pa ya ti sarba duSh+Ta big+ha nI/ kA ya bAk+tsit+ta badzra kI la ya hUM phaT ces 'dis phur bus gdab par bya'o zhes pa ni phur bu'i sngags so//oM badzra mung+ga ra badzra kI la ya/ A ko Ta ya A ko ta ya hUM hUM phaT ces bya ba 'dis brdung bar bya ste/ khro bo thams cad rang gi mtshan ma yongs su gyur pas rdo rje'i tho ba rnam par bsgoms nas sngags kyi phur bus gdab pa dang brdung ba ste/ ji srid sa la song bar gyur pa de srid du phur bus gdab pa dang brdung bar bya'o//de nas rang rang gi sprul pa la gshin rje mthar byed la sogs pa zhugs par bsam mo/ /de'i rjes la gcig tu byed pa'i dus su khro bo'i mes log par 'dren pa dang 'khor rnams rtsa ba nas med par byas par blta'o// da ni re phas mdun du nyi ma rnam par bsgoms nas nyi ma der hUM gis bskyed pa'i sna tshogs rdo rje'o/ /rdo rje de nyid kyis rwa ba dang gur bcings pa rnam par bsgom ste/ dang gi yi ges rdo rje mda'i dra ba'o/ /rdo rje'i bla re dang rdo rje las gyur pa'i sa gzhi gsungs te/ dbang chen gyi gzhi la thug par bsam par bya'o//bgegs rnam par sel ba zhes pa'i tshig las srung ba'i 'khor lo brjod pa ni bgegs nye bar zhi ba'i don du'o/ /de'i rjes la dngos po ma lus pa bsdus pa ni snying po'i de kho na nyid kyi sngags brjod par bya'o zhes bya ba ni/ de nyid kyis ni/chos thams cad rnam par dpyad pas gang gzugs yin pa de snying po ste de bsdus pa ni de sdud pa'o/ /oM shU n+ya tA dz+nyA na badzra swa b+hA ba At+ma kou0f85haM zhes pa ni sngags so/ /de ma thag par sngags kyi don bdag dang khams gsum po dngos po med par mngon du byas l a bsgom par bya'o//stong pa nyid du lhag par mos pa'o/ /de'i dbus su nam mkha'i dbyings khyab pa can gyi shes rab e'i yi ge'i rnam pa dkar po bsgom ste de'i steng du zhes pa ni de'i dbus su nam mkha'i steng du sa gzhi yin te/ nges par rim pa 'dis rlung la sogs pa 'byung ba chen po bzhi'i dkyil 'khor bsdus pas gzhal yas khang dur khrod brgyad kyis brgyan par bsam par bya'o//de nas rjes su rim pa ji lta ba'i sbyor bas dur khrod rnams brjod par bya ste/ shar du gtum drag ces bya ba'i dur khrod do//shi ri Sha'i shing la glang po che'i gdong can rdzu 'phrul chen po dkar po/ /phyogs kyi bdag po dbang po dkar ser mig stong pa/ /ai ra pa ti dkar po la gnas pa/ /klu'i rgyal po nor rgyas ser po/ /sprin sgra sgrogs kha dog sna tshogs pa/ lhun po'i ri rin po che sna bzhi las gyur pas/dkar po rdo rje zhes bya ba'i mchod rten dkar po'o/ /lhor 'jigs byed thod pa can zhes bya ba'i dur khrod chen po a mra'i shing la ma hi R+Sha'i gdong can rdzu 'phrul chen po nag po/ /phyogs skyong pa'i gshin rje ma he la zhon pa nag po klu pad+ma dkar po/ / sprin zlog byed kha dog sna tshogs pa/ mA lA ya'i ri dkar po/ /nag po rdo rje zhes bya ba'i mchod rten no/ /nub tu 'bar ba 'khrug pa zhes bya ba'i dur khrod chen po/ /ke ke lA'i shing la chu srin gyi gdong can rdzu 'phrul chen po dkar po/ /phyogs kyi bdag po chu lha dkar po/ klu karko Ta dmar po/ /sprin mi bzad pa kha dog sna tshogs pa/ ti se'i ri dkar po/ /dmar po rdo rje zhes bya ba'i mchod rten no/ /byang du tshang tshing 'khrigs pa zhes bya ba'i dur khrod chen po/ /a shwad+tha'i shing la mi'i gdong can rdzu 'phrul chen po dkar po/ /phyogs kyi bdag po lus ngan ser po mi'i bzhon pa can/klu 'jog po nag po/ /sprin 'khor byed kha dog sna tshogs pa/ mnad ra'i ri ljang gu/ /'du byed rdo rje zhes bya ba'i mchod rten no/ /byang shar du phun tshogs nags tshal zhes bya ba'i dur khrod chen po/ n+ya gro d+ha'i shing la ba lang gi gdong can rdzu 'phrul chen po dkar po//phyogs kyi bdag po dbang phyug chen po dkar po glang dkar po'i bzhon pa can/ klu dung skyong ser po sprin gtum po kha dog sna tshogs pa/ dbang chen gyi ri'i rgyal po nag po/ /sems kyi rdo rje zhes bya ba'i mchod rten no/ /mer ha har dgod pa zhes bya ba'i dur khrod chen po//ka rany+dza'i shing la ra'i gdong can rdzu 'phrul chen po dmar po/ /phyogs skyong ba me lha dmar po ra'i gdan can/ klu pad+ma chen po ljang gu/ /sprin stug po kha dog sna tshogs pa/ spos ngad ljang ba'i ri ser po/ /sku rdo rje zhes bya ba'i mchod rten no/ bden bral du mun pa mi bzad pa zhes bya ba 'am dur khrod chen po//parka Ta'i ljon pa'i shing la ro'i gdong pa can/ rdzu 'phrul chen po nag po/ /phyogs kyi bdag po srin po'i ro'i gdong can nag po/ /klu mtha' yas dkar po/ /sprin 'gengs byed kha dog sna tshogs pa/ kha ba'i ri dkar po//rin chen rdo rje zhes bya ba'i mchod rten no/ /rlung du kI li kI li sgra sgrogs pa zhes bya ba'i dur khrod chen po/ /pa Ta li'i shing la ri dgas kyi gdong ba can rdzu 'phrul che po ljang gu/ phyogs kyi bdag po rlung lha ri dgas la zhon pa/ klu rigs ldan khro bo/ /sprin char 'bebs kha dog sna tshogs pa//dpal gyi ri sngon po/ /chos kyi rdo rje zhes bya ba'i mchod rten no/ /de'i nang du rdzu 'phrul chen po rnams kyang g.yon na mi'i thod pa khrag gis yongs su gang ba'i lag pa can/ g.yas na ro sna tshogs mngon par 'dren pa'i lag pa pad+ma dang ldan pa rnams bsam par bya'o//de'i rjes la rtsa ljang ser gyi myu gu 'bus pa'i 'dab mas spras pa'i sna tshogs pa'i me tog gi shing rnams kyis stug cing / khwa dang / khu byug dang / 'ug pa dang / ne tso dang / ri skegs dang / thi ba dang / thi ba mo dang / bya rgod la sogs pa sna tshogs pa'i bya rnams kyis nye bar brgyan pa//seng ge dang / spyang ki dang / stag dang / dom dang / phag la sogs pa sna tshogs pa'i ri dgas rnams kyis yungs su gang ba/ sna tshogs pa'i dri bzang po can mi tog yongs su dri ldang ba rnams kyis 'khrugs par byas pa/ sna tshogs pa'i sbrul gyi tshogs kyis gang ba/ rus mgo dang / keng rus dang / thod pa dang / ro la sogs pa rnams kyis sna tshogs pa'i gnas dang phyogs brgyan pa/ gzhan yang sna tshogs pa'i phyogs rnams su gnas gzhi dang / gtsug lag khang dang / bsam gtan gyi khang pa dang / rdzing bu dang / rnal 'byor ba dang / rnal 'byor ma dang / kun spangs dang /kun spangs ma dang / bsam gtan pa dang / bsam gtan ma dang / gnod sbyin dang / gnod sbyin mo dang / yi dags dang / yi dags mo dang / srin po dang srin mo dang / grul bum dang / grul bum mo dang / 'byung po dang / 'byung mo dang / mkha' 'gro dang /mkha' 'gro ma dang / dpa' bo dang / dpa' mo'i tshogs rnams kyis yongs su spras shing / dam tshig gi brda la chags pa'i sems dang ldan pa/ rgod pa dang / sgeg pa dang / 'khyud pa dang / 'o byed pa rnam pa sna tshogs la sogs pa thob pa'i mkha' 'gro dang / mkha' 'gro ma'i tshogs rnams kyis yongs su gang ba rnams so//de'i rjes la dga' ba'i sems kyis la la rdo rje gom pa rnams kyis gar byed/ la la rdo rje glu rnams kyis glu len/ /la la sna tshogs pa'i dam tshig gi spyod pa rnams kyis spyod/ /la la bdud rtsi lnga dang sgron ma lnga za bar byed/ /la la sna tshogs pa'i dngos po nye bar stobs par byed/la la sna tshogs pa'i sems can rnams yang dag par tshim par byed/ la la chang rnams 'thung bar blta bar bya'o/ /gzhan rnams kyis kyang khar rnga dang / Da ma ru dang / rnga dang / rnga pa Ta ha dang / kr-i bi Da dang / rnga kha gcig pa dang / pi wang dang / gling bu dang / pheg rdob pa la sogs pa sna tshogs pa'i rol mo rnams kyis dkrol bar byed/ /gzhan yang grub pa du ma dang / rig pa 'dzin pa dang / rig pa 'dzin ma dang / lto 'phye chen po dang / lto 'phye chen mo dang / mi'am ci dang / mi'am ci mo dang / dri za dang / dri za mo zhes pa la sogs pa rnams dang /lha dang lha ma yin dang / nam mkha' lding gi tshogs kyis yongs su gang ba rnams kI li kI la'i sgra sgrogs shing mi bzad pa tshang tshing 'khrigs shing 'jigs su rung ba rnams ni gar gyi ro dgus shin tu yid tshim par byed pa ro langs dang 'byung po'i tshogs rnams kyis byin gyis brlabs shing gnas pa'i dur khrod brgyad rnams bsam par bya'o//dur khrod brgyad ni rnam par shes pa brgyad rnam par dag pa'o/ /rnam par shes pa brgyad ces pa ni mig la sogs pa'i rnam par shes pa lnga dang / kun gzhi'i rnam par shes pa dang / yid kyi rnam par shes pa dang / nyon mongs pa can gyi yid kyi rnam par shes pa zhes pa ste/ me long dang / rmi lam dang / sgyu ma dang / smig rgyu dang / dri za'i grong khyer dang / sgra brnyan dang / chu zla dang / nam mkha' zhes pa'i dpe brgyad rnam par dag pa dur khrod brgyad du shes par bya'o/ / de nas dur khrod brgyad ni chos thams cad yongs su shes pas gzung bya dang / 'dzin pa la sogs pa spangs pa'i phyir rnam par shes pa brgyad kyi dpes dur khrod brgyad rnams shes pa'o/ /de ni brjod pa'i rlung la sogs pa 'byung ba chen po bzhi yongs su gyur pa'i gzhal yas khang brjod par bya ste/dran pa nye bar gzhag pa bzhi rnam par dag pa'i sgo bzhi'o/ /yang dag par spong ba bzhi rnams ni rta babs bzhir dran to/ /rdzu 'phrul gyi rkang pa bzhi rnam par dag pas stegs bu bzhi'o/ /dbang po lnga rnams ni logs bzhi dang rdo rje'i thig go/ /stobs lnga rnams ni zur bzhi dang dra ba dang dra ba phyed pa'o//'phags pa'i lam yan lag brgyad rnam par dag pas ka ba brgyad rnams rab tu brtags shing byang chub kyi yan lag bdun rnams ni phyogs can dang mda' yab dang gdugs dang rnga yab dang bla re dang dril bu dang ba dan rnams te/gzhal yas khang ni byang chub kyi phyogs kyi chos sum cu rtsa bdun rnam par dag pa'o/ /'od gsal ba bsgom par bya zhes pa'i sgras ni gzhal yas khang ste/ des ni byang chub kyi phyogs kyi chos kyi don gyi rang bzhin du rang bzhin las so/ /'on kyang bskyed pa la so sor brjod pa bzhin du rtogs par bya zhing //rang bzhin gyis ni sa la sogs pa'i rim pa bsam par bya'o/ /de nas byang chub kyi phyogs kyi chos kyi dbye ba rnams 'phags pa mtsho skyes kyi zhabs kyi sku drin las brjod par bya ste/ de la thog mar lus bskyed pa ni de'i chos las de'i chos can thams cad stong pa ste/de'i phyir dang por lus bskyed pa'o/ /rjes su'i sgras ni de'i ngo bo med pa ni de'i chos kyi rang bzhin te/ phyi nas de'i chos kyi rang bzhin gang yin pa de dran to zhes bskyed pa med pa'i phyir sngar gyi gzugs kyi dngos po ma lus pa'i de kho na'i rang bzhin no//de las sems kyi rang bzhin yin no zhes dran pa'i sgras brjod na ni de'i tshe rab tu snang ba ji ltar yin zhe na/ brtags pa'i rnam pa ste de las gzhan du ni rang bzhin de ltar ma yin no/ /de yang me long gi gzugs brnyan ji lta ba de ltar bskyed pa so sor brtags pa'i rnam par rab tu snang ba'o//nye bar gzhag pa'i sgras ni ci zhig ce na/ mchog nas mchog tu gzhag pa ste/ 'dis ni nye bar gzhag pa'o/ /mchog ni 'od gsal ba ste/ dran pa'i sgras brjod pa'o/ /de las langs shing gnas pa'i rgyu las shar gyi sgo de ltar gyur par brtag ste/lus dran pa nye bar gzhag pa rnam par dag pas shar gyi sgo'o/ /de bzhin du tshor ba rjes su dran pa nye bar gzhag pa rnam par dag pas lho'i sgo'o/ /de bzhin du chos rjes su dran pa nye bar gzhag par rnam par dag pas nub kyi sgo'o//de bzhin du sems rjes su dran pa nye bar gzhag pa rnam par dag pas byang gi sgo'o/ /de ltar yin zhes ji ltar zhe na gzugs rnam par spangs nas/ tshor ba gzhan du mi rtogs shing 'du shes kyang de ltar dang rnam par shes pa'ang de bzhin du 'gyur ro//'on kyang sgyu ma dang / rmi lam ji lta ba dang / dri za'i grong khyer ji lta ba de ltar sgo rnams rab tu snang ba'o/ /de bzhin du gzugs dang / tshor ba dang / 'du shes dang / 'du byed dang / rnam par shes pa bsgrubs pa ste/ chos thams cad kyang de bzhin du rnam par shes pa yang skad cig ma'o//ji ltar zhe na/ rnam par dpyad na mi bzad pa'o/ /rnam par dpyad na zhes pa ci zhe na/ chos gang yin pa de rnams kyis rnam par shes pa bsgrubs pa ste/ de rnams skad cig ma ngo bo med pa'o zhes bden par gsungs te/ de'i phyir rnam par shes pa yang skad cig ma'o//ji ltar zhe na/ chos thams cad rnam par dpyad pas gser la sogs pa rnams kyis yongs su brdungs pa'i bum pa la sogs pa'i chos rnams so/ /de'i chos med pa ni ji ltar rdzas med pa ste/ de ltar chos thams cad med pa na rnam par shes pa med pa yin te//des na rnam par shes pa yang skad cig ma'o/ /ji ltar gzung bya rdzas med par 'gyur na/ 'dzin pa po med pa ste/ de ltar gzung bya dang 'dzin pa po med na 'dzin pa med do/ /gzhan yang ji ltar gzung bya dmigs nas 'dzin pa gnas shing de dag med na 'dzin pa med do//lhag ma'i gzugs ni sgo chen po bskyed pa rnam par dag pa las gzhan du mi shes te/ de ltar gyur pa'i sgo bzhi bsam par bya/ sprul pa skad cig ma'i rang bzhin no/ /yang dag par spong ba bzhi rnams ni rta babs bzhi rnams su dran to zhes bya ba la sdig pa ma skyes pa rnams kyi gnyen po dang /sdig pa skyes pa rnams kyi rnam par gcod pa dang / dge ba ma skyes pa rnams kyi bskyed pa dang / dge ba skyes pa rnams sangs rgyas nyid du yongs su bsngo ba ste/ gnyen po dang rnam par gcod pa dang / bskyed pa dang yongs su bsngo ba'o//gang gi gnyen po gang yin zhe na/ 'dod chags la sogs pa'i nyon mongs pa'i gnyen po ste/ de las ma skyes pa na nyon mongs pa skye bar 'gyur ba na gnod pa byas pa de ni gnyen po'o/ /'dod chags la sogs pa'i nyon mongs pa skyes pa nyid na yang rnam par nyams pa'i phyir 'di bsgom pa ste de rnam par gcod pa'i phyir ro//de'i phyir de rnam par nyams pa las 'di rnams med pa ste/ des na nyon mongs pa med pa'i go 'phang skye'o/ /skyes pa de ni sems can dang lhag cig thun mong du byed par 'dod pa nyid ni yongs su bsngo ba zhes pa ste/ yang dag par spong ba bzhi rnam par dag pas rta babs rnams so/ /rdzu 'phrul gyi rkang ba bzhi rnam par dag pas stegs bu bzhi rnams ni dad pa dang / brtson 'grus dang / dpyod pa dang / sems te/ dad pa zhes pa ni bsam pa la shin tu gus pa nyid do/ de bzhin du brtson 'grus kyang shin tu mngon par 'dod pa nyid rnam par ma chad pa'o//de nyid kyis rgyun mi 'chad par rnam par dpyod pa ni dpyod pa'o/ /rnam par dpyod pa zhes bya ba yang rang bzhin de nyid kyis rang dang gzhan de'i rnam par dpyod pa zhes bya'o/ /sems kyi rang gi gzugs kyi rnam par bskyed pa ni sems kyi mthar thug pa nyid de//de'i phyir sems kyi mthar thug pa nyid dngos su byed pa'o/ /de ltar rdzu 'phrul gyi rkang pa bzhi rnam par dag pa ni stegs bu bzhi'o/ /rdzu 'phrul bskyed pa zhes pa ni gang de sprul pa rnam par dag pas rnam par dag pa'i rnam pa ste/ de'i spro ba dang sdud pa'i sku zhes bya ba ji ltar 'dod pas rdzu 'phrul lo//'di'i rnam pa dngos su byed pa ni bskyed pa ste/ de'i phyir de las gzhan du ni rang bzhin rdo rje'i rnam par rab tu 'jug pa med do/ /dbang po lnga rnams ni logs bzhi dang rdo rje'i thig ces bya ba la dad pa'i dbang po dang / dran pa'i dbang po dang /brtson 'grus kyi dbang po dang / ting nge 'dzin gyi dbang po dang / shes rab kyi dbang po dang / mngon par yid ches pa de dang por rgyu nye bar len pas dad pa'i sgras brjod de/ /shin tu gus pa'i phyir ro/ /bdag nyid kyis shes pa gnyis par 'jug pa las gzhan du ldog pa rnam par spangs nas 'khor ba'i las can 'khor ba'i bar du thob nas 'jug pas 'jug pa ste/dad pa'i sgras brjod do/ /nyin mtshan du rnal 'byor gsum pa bdag ces rnam par ma chad pa la sems 'jug pa tsam gyis gang gi rnam pa ma byas par skye ba de ni dran pa'i dbang po'i sgras brjod do//sems rtse gcig pa ni bzhi pa rtse mo'i sgras ni yang dag pa'i lam ste/ de dang lhan gcig pa nyid ni sems kyi rtse gcig pa nyid de ting nge 'dzin gyi sgras brjod cing / /u ra sa'i sgras ni gzhan du brjod do/ /rdo rje'i thig rnams kyi zhes pa ni re khA lnga rnams dang / ra ba lnga rnams de bzhin gshegs pa lnga'i dbye bas phye ba yin la//de'i dbus su sangs rgyas kyi gzhal yas khang ste/ rdo rje'i sgras ni thams cad dang lhan cig mnyam zhing rdo rje ni mi phyed pa'o/ shes rab kyi dbang po'i sgras chos thams cad rab tu mi gnas pa'o zhes gsal bar byas pa yin no/ / de'i tshe rab rnams mnyam par ste de bzhin gshegs pa rnams la phan tshun dbye ba med pa'i phyir ro/ /gang rdo rje 'dzin pa'i rang bzhin gyis zhes pa ni rdo rje'i thig rnams kyis brgyan par byas pa zhes pa ste/ ra ba 'di rnams kyis brgyan pa'i bsam gtan gyi khang pa bsam par bya'o/ / zur rnams dang / do shal dang / do shal phyed pa ni stobs rnams zhes bya ba ni dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs te/ mngon par yid ches pa dang po'i rgyud dang / rgyu'i yongs su gang ba'i stobs dang /stobs dngos su byed pa de rdzogs par byed pas dad pa'i stobs kyi sgras brjod do/ /de'i ched du rgyun chad med par sems brtan por byas nas 'jug pas brtson 'grus kyi stobs so/ /gzhan yang der skad cig kyang sems nye bar mi dmigs pas nyin mtshan du rnal 'byor de dran pa ni dran pa'i stobs so//sems rtse gcig pa nyid du ji ltar gyur pa na'o/ ji ltar gyur pa'i sgras ni chos thams cad nye bar mi dmigs pa'i mchog gi lam yin la de mngon sum du byed pa ste dbyer med pa de dngos su ting nge 'dzin gyi sgras brjod do/ /de bzhin du stobs bzhi rnam par dag pa zur bzhi ste/dbang po bzhi rnams kyis yongs su gang bar byed pas stobs bzhi rnams so/ /gang ba'i sgras ni rjes su don gang bar byed pa'i phyir ro/ /shes rab kyi stobs kyis ni do shal dang do shal phyed pa ste/ stobs ni mngon du brjod do/ /shes rab kyi dbang pos gsal bar byas pa chos thams cad rab tu mi gnas pa gang yin pa de yang dag par gang bar byed pa ni dngos su byed pa'o//shes rab kyi stobs kyis dbye ba med pa'i bdag nyid ni do shal dang do shal phyed pa'i bsgom pa ste/ des brjod do/ /'phags pa'i lam yan lag brgyad rnams kyis ka ba brgyad rnams rab tu brtags te/kun nas brtsams pa yongs su mi gtong ba zhes bya ba ni yang dag pa'i lta ba'o/ /slu ba med pa'i tshig ces bya ba ni yang dag pa'i ngag go/ /dge ba bcu las yongs su mi 'da' ba zhes bya ba ni yang dag pa'i rtog pa'o//sems can la 'tshe ba med pa'i sems zhes bya ba ni yang dag pa'i las kyi mtha'o/ /dge ba bcur sems gcig pa ni yang dag pa'i 'tsho ba'o/ /shin tu bdag med pa'i sems zhes bya ba ni yang dag pa'i rtsol ba'o/ /rtsol ba zhes bya ba ni yod pa dang med pa rnam par gcod pa'o//dus gsum skad cig la shes pa ni yang dag pa'i dran pa'o/ /'jig rten gsum nyid gcig pa'i sku ni yang dag pa'i ting nge 'dzin te/ 'di rnams kyis ka ba rnams yang dag par brtags pa'o/ /byang chub kyi yan lag bdun rnams ni phyogs can dang /mda' yab dang / gdugs dang rnga yab dang / bla re dang / dril bu dang / ba dan zhes dan pa rnams ni thams cad du dus gsum yongs su shes pa'i dran pa zhes bya ba ni dran pa yang dag byang chub kyi yan lag go/ /rgyun mi 'chad par ro chen po nyid khong du chud pa ni chos rab tu rnam par dag par bsag pa yang dag byang chub kyi yan lag go//rnam par chad pa med par rnal 'byor chen pos 'jug pa zhes bya ba ni brtson 'grus rab tu rnam par bsag pa yang dag byang chub kyi yan lag go/ /bdag med ma gtogs pa gzhan la dga' ba med pas dga' ba rab tu rnam par bsag pa yang dag byang chub kyi lan lag go//thams cad du stong pa nyid dang snying rje dbyer med pa zhes bya ba'i rab tu sbyor ba ni shin tu sbyangs pa rab tu rnam par bsag pa yang dag byang chub kyi yan lag go/ /phyin ci ma log pa'i ting nge 'dzin rab tu thob pa zhes bya ba ni ting nge 'dzin rab tu rnam par bsag pa yang dag byang chub kyi yan lag go//ting nge 'dzin la lhun gyis grub pa 'jug pa ni btang snyoms rab tu rnam par bsag pa yang dag byang chub kyi yan lag go/ /byang chub kyi yan lag bdun po 'di rnams kyis phyogs can la sogs pa brjod pa rnam par bsam par bya ste/byang chub kyi phyogs kyi chos sum cu rtsa bdun gzhal yas khang bsgom pa'i mthar thug pa 'dis ni dang po stong pa nyid la sogs par mngon par byang chub par thams cad mkhyen pa nyid yin no//da ni rgyu'i rdo rje 'dzin pa'i bskyed pa brjod par bya ste/ gzhal yas khang gi nang du sna tshogs pad+ma'i steng du bdud bzhi rnams kyis nyi ma mnan pa blta bar bya ste/ dgyes mdzad rdo rje tshangs pa dang khyab 'jug dang dbang phyug chen po dang lha'i dbang po rnams ni phung po dang /'chi bdag dang / nyon mongs pa dang / lha'i bu rjes su tshangs pa ste/ phung po rnams kyi nyon mongs par byed pa po bdud bzhi po rnams so/ /de nas de'i steng du nyi ma'i dkyil 'khor bltas nas de'i steng du i yi ge la sogs pa dbyangs rnams kyi nyis 'gyur du byas te/ lugs 'byung dang lugs bzlog gis bltas nas de yongs su gyur pa las zla ba'i dkyil 'khor bsgom par bya ste/ skyes bu chen po'i mtshan sum cu rtsa gnyis gsal bar byed pa me long bu'i ye shes so/ /Da D+ha da d+ha ya la zhes pa yi ge drug byin nas/ ka la sogs pa'i yi ge rnams kyis nyis 'gyur du byas te/lugs 'byung dang lugs bzlog gis bltas nas de yongs su gyur pa las/ nyi ma'i dkyil 'khor blta ste/ dpe byad brgyad cu gsal bar byed pa mnyam pa nyid kyi ye shes kyi rang bzhin no/ /'di dag gi steng du hUM dang oM gi sa bon gnyis bltas nas de las byung ba'i thod pa'i gri gug bltas te sa bon gnyis kyis mtshan pa so sor rtog pa'i ye shes so//sa bon las 'od zer spros te mtha' yas pa'i 'jig rten gyi khams rnams snang bar byas nas blangs te de nyid du zhugs nas thams cad kyang gcig tu gyur par bsgom par bya ste bya ba grub pa'i ye shes so//de thams cad yongs su gyur te/ skad cig gis rang nyid dpal he du ka'i sku shin tu rnam par dag pa chos kyi dbyings kyi ye shes yin la des ni rnam pa lnga ste/ me long lta bu'i ye shes kyis ji ltar gzugs mthong ba/ mnyam pa nyid kyi ye shes kyis de ltar ro gcig tu 'gyur zhing /so sor rtog pa'i ye shes kyis so sor rtog pa ste de ltar yang bya ba grub pa'i ye shes kyis bya ba gang pa de gcig nyid du byed pa/ shing tu rnam par dag pa chos kyi dbyings kyi ye shes ni rnam pa thams cad dang lhan cig gcig pa'i gzugs te/ 'di ni rnam pa lnga mngon par byang chub bo//de nas 'jig rten gsum pa'i skur brtags nas de nas shar la sogs pa'i sgo rnams su rim pa ji lta bar tshangs pa dang / dbang po dag dang / nye dbang dang / drag po rnams dang / de bzhin du dbang ldan la sogs pa'i mtshams rnams su gshin rje dang /nor gyi 'dren pa dang / srin po dang / thags bzangs ris rnams te/ de ltar gdan brgyad rnams rnam par bsgoms nas de'i steng du zla ba dang / nyi ma kha sbyar ba'i dbus rnams su gaM tsaM baM g+haM baM shaM laM naM zhes pa sa bon brgyad la blta bar bya'o/ /de yongs su gyur pa rnams ni gau rI la sogs pa rnams kyi mtshan ma rnams te/gri gug dang / cang te'u dang / rus sbal dang / sbrul dang / seng ge dang / dge slong dang / 'khor lo dang / rdo rje rnams bsam zhing des byin gyis brlabs pa de rnams thams cad gcig tu yongs su gyur te/ gau rI la sogs pa rdzogs par bya ba blta bar bya ste/des ni bsgom bya'i dkyil 'khor brjod do/ /da ni 'di rnams kyi rnam par dag pa dang / phyag mtshan la sogs pa brjod par bya ste/ de nas brtse bas spyan dag dmar po ste/ brtse ba zhes pa ni sems can rnams la bu gcig pa'i sems nyid brtse ba ste/des na spyan dag dmar pa'o/ /byams pa'i thugs kyi yan lag gnag/ /byams pa'i thugs kyi zhes pa ni phung po'i khams dang dbang po rnams 'gog pa ste/ des na byams pa'i thugs kyi yan lag gnag pa'o/ /rdo rje can spyan gsum dag pa/ /zhes pa ni sku dang gsung dang thugs rnams kyi sgrib pa med pa ni rdo rje gsum mo//bsdu ba'i dngos po bzhi yis ni/ /zhabs ni rnam pa bzhi rnams dran/ /bsdu ba'i dngos po zhes pa ni sbyin pa dang / snyan par smra ba dang / don dpyod pa dang don mthun pa nyid de/ bsam bya min pa nyid la sems bskrun pa zhes bya ba ni sbyin pa ste/de la bsam bya min pa la sems bskrun pa na ji ltar bde ba de ltar dga' ba ste gdams pa ji lta ba las khong du chud par bya'o/ /bsregs pa las dang / bcad pa las dang / bdar ba las gser ji lta ba de bzhin du de kho na don mthun pa'i sgras ni thams cad rnams kyi gcig pa'i sku nyid kyi ming ste/de ltar na zhabs bzhi rnams kyi rnam par dag pa'o/ /zhal brgyad rnam par thar pa rnam par dag pa ste/ gzugs stong par mthong ba dang / go skabs med pa stong par mthong ba dang / sdug pa dang mi sdug pa'i shes pa thob pa stong par mthong ba dang /lta ba byas pa thob pa stong par mthong ba dang / nam mkha' thob pa stong par mthong ba dang / ci yang med pa thob pa stong par mthong ba dang / bdag med pa'i shes pa thob pa stong par mthong ba dang / yang dag par rig pa 'gog pa stong par mthong ba ste/'di ni rnam par thar pa brgyad rnam par dag pa zhal rnams so/ /rnam par thar pa zhes pa ni nyes pa thams cad rnam par spangs pa'i bde ba thob pa zhes pa ste/ bde ba chen po rang dang gzhan yang dag par rig pa'i shes pa 'gog pa'i phyir ro/ /phyag rnams stong pa bcu drug nyid//ces pa ni nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang /thog ma dang tha ma med pa stong pa nyid dang / rang bzhin stong pa nyid dang / rang bzhin ma yin pa stong pa nyid dang / chos thams cad stong pa nyid dang / dngos po med pa stong pa nyid dang / rang gi ngo bo nyid stong pa nyid dang / dngos po med pa'i rang bzhin stong pa nyid de/ 'di ni stong pa nyid bcu drug go//da ni stong pa nyid kyi don brjod par bya ste/ chos mtha' dag gi nang stong pa nyid de 'di ni nang stong pa nyid do/ /chos thams cad kyi phyi rnams de lta bu nyid ni phyi stong pa nyid do/ /stong pa nyid dang snying rje dbyer med par sbyor ba ni bla ma'i gdams pa las yin te/ de ltar phyi nang stong pa nyid do/ /gang dbye ba med pa'i sbyor ba las gyur pa de ni chen po stong pa nyid ces pa mngon par brjod do/ /sbyor ba chen po las gang stong pa de ni stong pa nyid stong pa nyid du brjod do/ /des na don dam pa ni mchog nas mchog dam pa ni don dam pa stong pa nyid do/ / 'di rnams ni stong pa nyid drug go/ /mngon par 'dus byas pa'i rnam pa thams cad kyis gcig tu byas pa ni 'dus byas stong pa nyid do/ /'dus ma byas zhes pa ni 'du byed kyang med cing skye ba rnam pa thams cad gcig tu ldan pa'o/ /rnam pa thams cad kyi mchog dang ldan pa zhes bya ba ni mtha' las 'das pa stong pa nyid do//thog ma dang tha ma med pa stong pa nyid ces bya ba ni de dang lhan cig dbye ba med pa'i phyir ro/ /rang bzhin med pa stong pa nyid ces bya ba ni rang bzhin lha'i rnam pa las gyur pa'o/ /lnga'i rnam pa zhes pa rnam pa stong pa ste 'di ni rang bzhin stong pa nyid do//rang bzhin med pa'i rang bzhin ni rang bzhin med pa shes rab kyi pha rol tu phyin pa'o zhes pa ste rang bzhin med pa stong pa nyid do/ /brtan pa dang 'gro ba rdul phra rab kyang chos thams cad de/ chos thams cad kyi sgras brjod pa'i phyir gang brjod pa de thams cad stong pa ste/'di ni chos thams cad stong pa nyid do/ /dngos po med pa zhes pa ci zhe na/ 'gro ba thams cad mgal me'i 'khor lo bzhin du ngo bo mthong ba ni rang bzhin las te/ rang bzhin ngo bo grangs pas dngos po med pa stong pa nyid do/ /rang bzhin zhes pa ni rang bzhin stong pa nyid do//nam mkha'i khams dang rnam par shes pa dag gcig tu gyur pa na gzugs ji ltar gyur pa lta bu ni dngos po med pa stong pa nyid do zhes brjod do/ /stong pa nyid 'di rnams ni phyag rnam par dag par rab tu brjod do/ /de nas zhal gyi kha dog gi rnam par dag pa brjod par bya ste/dang po'i zhal nag po ni zhe sdang gi las bsgrub pa'i don dang / dbang po rnams sgrib pa med pa'i yang ngo / /g.yon gyi zhal dmar po ni dbang du bya ba bsgrub pa'i don to/ /lus dang ngag dang yid gcig pa'i rang bzhin nyid ni dbang nyid do/ /g.yas kyi zhal dkar ba ni zhi ba'i don to//phung po dang khams dang skye mched rnams la lha nyid kyi dag pa'i nga rgyal nyid ces bya ba ni zhi ba'o/ /steng gi zhal mche ba gtsigs pa can du ba'i mdog ni phyi ma'i tshe na zhe sdang la sogs pa'i nyon mongs pa skyes par gyur pa nyams pa'i don to/ / de bzhin du bdud bzhi rnam par nyams pa'i don du bung ba dang mtshungs pa'i zhal bzhi rnams te/ phung po la brten pa'i nad ni phung po'i bdud dang / phung po rnams kyi phung por gyur pa ni 'chi ba'i bdud dang / sems can la gnod pa byed pa ni nyon mongs pa'i bdud dang / de bzhin du bud med la g.yo ba ni lha'i bu'i bdud du brjod do//bdud bzhi rnams rnam par nyams pa'i don du bung ba dang mtshungs pa'i zhal bzhi rnams so/ /phyag mtshan rnams kyi rnam par dag pa brjod par bya ste/ glang po che la sogs pa gzung ba rnams ni nyon mongs pa sna tshogs nye bar zhi ba'i phyir ro//nyon mongs pa sna tshogs zhes bya ba ni glo dang / dbugs mi bde ba dang / de bzhin du smyo ba dang / khong skams dang / mdze dang / phol dang / skran dang / rang bzhin glang po la sogs pa de rnams yongs su brjod do/ /'dir nyon mongs pa brgyad po de rnams lag par gyur pa'i sems can rnams te/snod kyi steng du rnam par bsnams pa ni rnam par gzung ba'o zhes pa'i don to/ /sa la sogs pa nas nor 'dzin gyi mthar thug pa g.yon gyis bsnams pa'i phyag gi mtshan ma rnams ni dbang phyug brgyad rab tu grub pa'i don to/ /sku yi dbang phyug gsung dbang phyug /de bzhin thugs kyi dbang phyug dang / /rdzu 'phrul can 'gro'i dbang phyug ste/ /'dod byed yon tan brgyad pa'o/ /zhes so/ /sku mtha' yas pa ni sku'i dbang phyug dang / sems can thams cad kyi skad smra bas gsung gi dbang phyug dang / sems can gyi sems shes pas thugs kyi dbang phyug dang /rdzu 'phrul gyis 'jig rten gyi khams mtha' yas mthong bas rdzu 'phrul gyi dbang phyug dang / 'jig rten gsum gcig pa'i sku ni kun du 'gro ba'i dbang phyug dang / 'dod pas bde ba chen po'i rang bzhin sems can rnams mngon par 'dod pas 'dod pa'i dbang phyug ste/'dod pa'i sgras 'dod pa 'dod pa brjod pa'o/ /byed pa po zhes pa ni byed pa po rdo rje 'dzin pa nyid kyis byed pa'i dbang phyug go/ /zab mo'i lha nyid kyi rnam pa las mya ngan las 'da' bar gshegs shing mya ngan las 'das nas lha nyid kyi rnam par rgyu bas yon tan gyi dbang phyug ste/'dis ni mtshan ma rnams kyi rnam par dag pa'o/ /snod rnams kyi rnam par dag pa brjod par bya ste/ snod ni snying rje'i cha shas rab tu gsal ba yin zhing phyag rnams stong pa nyid bcu drug dag pa ste/ 'dis ni stong pa nyid dang snying rje dbyer med pa nyid du rab tu gsal bar byas pa'o//ma mo rnams kyi sangs rgyas lnga/ /zhes bya ba ste/ ma mo zhes bya ba ni phyag rgya rnams te de bzhin gshegs pa lnga dag pa'o/ /phyag rgya zhes pa ni yongs su g.yogs pa ste/ 'khor lo dang / rna rgyan dang / mgul rgyan dang / lag pa la dpung rgyan dang /ska rags dang / thal ba ste/ phyag rgya drug tu rab tu grags so/ /phyag rgya zhes pa ni yang dag pa'i shes pa'o/ /yang dag pa'i shes pa zhes pa ni gang du shes pa'i ngo bor med pa ni gang gzugs yin pa de yang dag par shes par 'gyur ro/ /yi ge lnga bcu las byas pa phrag pa la mgo bo'i phreng ba ste/A li dang kA li lnga bcu'i yi ge dag pas zung du 'jug pa'i lam nye bar ston pa po mgul par mgo'i phreng ba'o/ /da ni gar gyi ro dgu brjod par bya ste/ bdag med ma dang lhan cig ro gcig pa ni sgeg pa'o/ /dur khrod na gnas pa ni dbang po'o//khro gnyer dang mtshe ba gtsigs pa ni mi sdug pa'o/ /'bar ba'i 'od ni drag shul lo/ /rnam par rgyas pa'i zhal ni bzhad pa'o/ /brlan dang bcas pa'i mgo bo'i phreng ba can ni 'jigs su rung ba'o/ /sems can rjes su 'dzin pa'i thugs ni snying rje'o/ /sgyu ma'i gzugs ni ngo mtshar ba'o//'dod chags la sogs pa'i nyon mongs par rab tu spangs pa nyid kyi phyir zhi ba ste/ gar dgu po 'di rnams dang lhan cig pa'i bcom ldan 'das rgyur gyur pa'i bdag nyid do/ /dpral ba'i steng du mgo bo skam po lnga'i phreng ba rnams ni phung po lnga rnams rab tu gsal ba'o//spyi bor sna tshogs rdo rjes mtshan pa ni sna tshogs pa'i don byed pa'i phyir ro/ /thams cad mkhyen pa'i gzugs kyi phyir dang / dus gsum yongs su mkhyen pa'i phyir zhal so so rnams la spyan gsum gsum mo/ /'dod chags pa la sogs pa'i nyon mongs pa mtha' dag bsreg pa'i don du dbu skra dmar ser gyen du 'greng ba nyid du bstan to//chos thams cad sgrib pa med par rab tu gsal ba'i phyir gcer bu'o/ /byang chub kyi sems kyi rkang pa thob pa'i phyir skyil krung phyed pa'i gar stabs so/ /'jig rten gsum po mtha' dag gcig tu rab tu gsal ba'i phyir zhabs kyi mtheb mo gcig bstan pa'o//bcom ldan 'das kyang skad cig mar rab tu snang ba ste/ ji ltar bcom ldan 'das de ltar bcom ldan 'das ma la yang ste/ dbye ba yang gcig gi dbyibs kyi dbang las zhal gcig ma'o/ /phyag g.yon na lha dang lha ma yin rnams kyi khrag gis bkang ba'i thod pa bsnams pa ste/lha dang lha ma yin gyi sgra ci zhe na/ lha ni lus dang ngag dang yid de de'i yul ni lha ma yin no/ /'di dag gis byed pa med pa ni chags pa med par dmigs pa med par byed pa ste/ des gang ba'i thod pa'o/ /thod pa dang khrag dag gi gcig tu byed pa zhes bya ba ni shes rab kyi pha rol tu phyin pa'i don yongs su gang bar bstan to//g.yas na nyon mongs pa ma lus par gcod pa'i phyir gri gug bsnams pa ste/ lhag ma gang cung zad bcom ldan 'das kyi rnam par dag pa bzhin du bcom ldan 'das ma la yang rtogs par bya'o//da ni bsgrub bya'i dam tshig rdo rje 'dzin pa'i lus la 'khor lo bzhi bsam ste/ sprul pa dang por byas nas chos dang longs spyod rdzogs pa dang sprul pa dang bde ba chen po ste/ sku bzhi rnam par dag pa'i don to/ /da ni dkyil 'khor ba'i rnam par dag pa brjod par bya'o//gau rI nag mo ni bdud kyi gdul bya'i sems can rab tu bsad pa'i phyir ro/ /g.yas kyi lag pa na log par lta ba gcod pa'i phyir gri gug gzung zhing / g.yon na 'khor ba'i bag chags rnam par nyams pa'i phyir nya ro hi ta'o/ /tsau rI dmar mo ni 'dod chags kyi gdul bya'i sems can rab tu sad pa'i phyir g.yas na shes rab dang thabs kyi rang bzhin nyid gsal ba'i phyir cang te'u dang /g.yon gti mug rnam par nyams pa'i don du phag pa'o/ /bet+tA lI gser btso ma'i 'od ni rab tu rgyas pa'i sems can rnam par 'dul ba'i don te bde ba bskyed pa'i phyir zhes pa'i don to//g.yas stong pa nyid kyi don rab tu gsal ba'i phyir rus sbal dang / g.yon na snying rje'i rang bzhin pad+ma'i snod do/ /g+hasma rI ni nor bu ma ra ka ta dang mtshungs pa ni cung zad dmar zhing ljang ba'i rdo rje bsnams pa ste/ mngon spyod rab tu bsgrub pa la bsad par lta ba can gyi skye bo rab tu sad par bya ba'i don to//g.yas na zhe sdang rnam par dag pas sbrul dang / g.yon na thabs dang shes kyi bdag nyid rnal 'byor gyi snod do/ /puk+ka sI sngon mo ni rengs pa'i don bsgrub pa la/ nga rgyal can gyi sems can rab tu sad pa'i don to//g.yas na bdud kyi sde rab tu 'joms pa'i phyir seng ge dang / g.yon na gnyis 'dzin ma lus par gcod pa'i dgra sta'o/ /sha pa rI dkar mo zhi ba'i sems can rab tu sad pa'i phyir ro/ /g.yas na ye shes lnga rab tu gsal ba'i dge slong dang / g.yon na gnyis su med pa'i ye shes khong du chud pa'i phyir 'khar gsil lo/ /tsaN+Da lI nam mkha' ltar ljang gu rengs pa ni don bsgrub pa rengs pa'i sems can rab tu sad pa'i phyir ro/ /g.yas na cung zad shes pa tsam yang gcod pa'i phyir 'khor lo dang / g.yon na mi shes pa'i dri ma rtsa ba nas zlog pa'i don du thong gshol lo//g.yung mo kha dog sna tshogs ma sna tshogs kyi don rab tu bsgrub pa la dang / ma rungs pa'i bsam pa can gyi skye bo rab tu sad pa la'o/ /mi shes pa'i ye shes rab tu gsal ba'i phyir g.yas na rdo rje dang / ma rungs pa ma lus pa la bsdigs pa'i phyir sdigs mdzub nyid dran no//da ni 'di rnams kyi gdan brgyad kyi rnam par dag pa brjod par bya ste/ chags pa dang / rig pa dang / thos pa dang / 'jungs pa dang / bza' ba dang / gnyid dang rtog pa dang / dad pa ste shin tu mngon par zhen pa gcod pa'i phyir gdan rnams nye bar bstan to//shin tu mngon par zhen pa yang bsam gtan la bya ste/ de ltar gdan rnams kyi rnam par dag pa brjod do/ /'di rnams thams cad ni spyan gsum ma/ skra dmar ser gyen du 'greng ba/ /phyag rgya lngas rnam par brgyan pa/ skyil krung phyed pa'i gar gyis gnas pa gos dang bral ba zhal mche ba gtsigs pa/bcom ldan 'das 'dod pa'i 'dod pa dang ldan pa bsgom par bya'o/ /de'i mthar lha'i snam bu la pi wang ma la sogs pa rnams gtso bo'i sgo rnams su g.yas nas brtsams nas sgo dang zur gyi mtshams rnams su lha mo gnyis gnyis te/ming gi gtso bo dang po'i yi ge zla ba dang thig le dang ldan pa 'di rnams kyi sa bon te/ des bskyed pa 'di rnams kyi mtshan ma yang sa bon des mtshan ma zla ba dang nyi ma dag gi dbus su bltas nas gau rI la sogs pa rnams ji ltar rdzogs pa de ltar pi wang ma la sogs pa rnams bskyed do zhes bya bas bsam par bya'o//'di lta ste pi wang ma ser mo/ /gling bu ma dmar mo/ /rdza rnga ma du ba'i mdog can ma/ rnga zlum ma dkar mo/ /bzhad ma ser mo/ /sgeg mo dmar mo/ /glu med dmar mo/ /gar ma kha dog sna tshogs ma/me tog ma dkar mo/ /bdug spos ma nag mo/ /mar me ma gser 'od ma/ dri ma ser mo/ /me long ma dkar mo/ /ro ma dmar mo/ /reg bya ma ljang gu/ chos ma dkar mo ste/ 'di rnams phyag g.yas na rang rang gi phyag mtshan rnam par 'dren zhing zhabs rnams zla ba'i gdan la gnas pa ste/cha bcu drug rnam par dag par blta bar bya'o/ /des ni sna tshogs pad+ma dang por byas nas rgyu rdo rje 'dzin pa'i sku rdzogs shing dkyil 'khor pa'i mthar thug pas ni lam shes pa nyid mngon par byang chub pa'o/ /de nas da ni phra mo'i dkyil 'khor gyi rang bzhin hoHyig dmar po'i phreng ba gnyis kyis yongs su dkris pa bsam par bya ba ni gdams ngag las/dri za'i sems pa bde ba chen po'i rang bzhin shin tu chags pa'i rang gi 'od zer gyis bkug nas man ngag ji lta ba las rab tu bcug nas rab tu zhugs pa tsam gyis bcom ldan 'das shin tu mchog tu bde ba chen por gcig pa'i ros rang gi rig ma dang bcas pa chags shing rjes su chags pas zhu ba sa bon gyi gzugs kyis gnas par gyur to//de nas puk+ka sI la sogs pa lha mo bzhi rnams kyis bdag cag rnams kyi mgon med do zhes smras nas yid mi bde ba chen po thob cing shin tu nyam thag pa'i sems dang ldan pa rnams kyis rab tu sad par byed pa'i glu rnams kyis bcom ldan 'das bzhengs su gsol ba'o//'dir bzhengs pa'i tshigs su bcad pa bzhi po'i don 'di brjod bar bya ste/ bzhengs shig rje btsun snying rje'i thugs/ /zhes bya ba la sogs pa la/ bzhengs shig khyed nyid snying rje'i yid dang ldan pa puk+ka sI bdag la yongs su skyobs shig /bde ba chen po'i sbyor bas bdag 'dod par mdzod cig /zhu ba'i gzugs nyid kyis stong pa nyid kyi ting nge 'dzin spongs zhes pa ste/ bdag gis khyed la byams pa chen po'o/ /byed dang bral bas bdag 'gum pa ste/stong pa nyid kyi kye rdo rje khyed bzhengs pa'i ri khrod ma'i don grub par mdzod cig ces pa ste/ bdag gis khyed la snying rje chen po'o/ /'jig rten mgron du gnyer nas dga' ba de'i gtso bo stong par bzhugs pa ci lags/ gtum mo bdag ni gsol bar bgyid de khyod dang bral bas phyogs mi shes pa ni mi mthong ba'o zhes pa ste/de'i phyir bzhengs shig ces pa ste/ bdag gis khyod la dga' ba chen po'o/ /kye mig 'phrul khyed nyid bzhengs shig khyed kyi thugs ni bdag gis 'tshal te/ g.yung mo bdag ni shin tu mdzangs shing sgrin pa nyams dga' ba'o//snying rje rnam par chad par ma mdzad cig ces pa ste/ bdag gis khyed la btang snyoms chen po'i gnas so/ /'dis ni de kho na nyid bzhi rnam par dag pas zhu ba'i gzugs bstan to/ /kha zas kyi de kho na nyid dang / lha'i de kho na nyid dang / sngags kyi de kho na nyid dang /ye shes kyi de kho na nyid do/ /de nas bla ma'i gdams pa las/ ji lta ba de ltar rim pas de kho na nyid bzhi'i don khong du chud par bya ste/ 'di ni gzhung mangs kyis 'jigs pa las ma brjod do/ /des na de nyid kyi gzugs dang ldan pa'i bcom ldan 'das su gal te gyur na de'i tshe de nyid kyi glu'i sbyor ba las gnyid sad pa bzhin du bzhengs pa'o//de lta na yang gzhan dag na re bcom ldan 'das shin tu bdag med pa dang lhan cig pa'i sems kyis bdag med pa can yin na/ de'i phyir nam mkha'i rmi lam mthong ba ci zhig yin/ gnyid sad pa bzhin du bcom ldan 'das ji ltar bzhengs she na/'dir smras pa/ sems can rnams kyis gnyid kyi gnas skabs na cung zad kyang mi shes shing / de nas ldang ba mthong ba ji ltar yin/ /de'i phyir bya ba'i dbang las skad cig gis skrag pa bzhin du langs te/ de ltar stong pa nyid kyi ting nge 'dzin la snyoms par zhugs pa'i bcom ldan 'das kyis rang dang gzhan rig pa mi mkhyen to//de nas de kho na nyid kyi glus bskul bas smon lam kyi dbang las bzhengs pa'o/ /de lta na yang dri ba gnyis te/ ji ltar srog chags rnams kyis lus kyi bde ba dmigs nas de rnams kyis gnyid kyi gnas skabs ni/ mi shes te/ 'on kyang lus yod pas te/ bcom ldan 'das ci de dang mtshungs sam/ ji ltar bzhengs/ ji ste yang sngags pas thog mar mi gtsang ba'i lus gtsang mar byas te/ stong pa nyid la sogs pa rnam par dag pas sprul pa'i sku la mngon par zhen pa las slar yang ci ste gang gis zhu ba 'thob ste/des ni sprul pa ma yin ste ji ltar rus pa dang rkang pa la sogs pa dang bral ba nyid kyi phyir ro zhes dri ba gnyis so/ /de nas smras pa/ dang po zhu ba thob pa ni rgyu yin zhing / 'bras bu ni ma yin no/ /de ltar zhu ba thob pa la sogs pa dag pa las 'bras bu rdo rje 'dzin pa yang gzung ba ste dri ba gcig thal lo//de ltar gnyis pa yang dang por lha'i rnam pas mi gtsang ba'i lus med cing mi gtsang ba'i lus med na dag pa'i sprul pa'i lus su mngon par zhen pa tsam ste/ de med pas bdud rtsi'i khu ba dang / zla ba bzhin du rmi lam sgyu ma dang mtshungs par rnam par shes pa'i gzugs kyis gnas pa ste/des na sgyu ma'i rnam par shes pa smon lam gyi rten yin te/ ji ltar sgyu mas rang dang gzhan rig pa mi shes pa de lta na'ang bya ba byed pa ste de ltar sgyu ma'i rnam par shes pas rang dang gzhan shes pa las gzhan du yun ring po'i smon lam gyi dbang las ldang ba yin no//de la ldang ba'i rim pa ni 'di yin te/ rnam pa lnga'i rnal 'byor las so/ /bdud rtsi khu ba zla ba'i gzugs/ /zhes pa ste/ bdud rtsi'i khu ba 'di yongs su gyur pas ye shes lnga'i rang bzhin byang chub kyi sems te/ de las A li yongs su gyur pa'i me long lta bu'i ye shes te zla ba'o//kA li yongs su gyur pa las mnyam pa nyid kyi ye shes nyi ma'o/ /de dag gi dbus su son pa'i sa bon ni so sor rtog pa'i ye shes su brjod cing / thams cad rnams kyi gcig pa ni bya ba grub pa ste/ gzugs rdzogs pa ni dag pa'i chos nyid do//de'i phyir ye shes lnga'i rang bzhin gyi byang chub kyi sems so/ /de bzhengs pa'i 'od zer rnams kyis rgyu ba dang mi rgyu bar bcas pa bkug nas dkyil 'khor ba de nyid du ro gcig pa nyid du byas nas ston ka'i zla ba'i rnam pa byang chub kyi sems su blta bar bya ste/rnal 'byor zhes bya ba'i ting nge 'dzin te/ de'i rjes la skad cig gis gzugs de yongs su gyur te lhan cig skyes pa'i kye rdo rje ston ka'i ri bong 'dzin pa'i rnam pa mtha' yas pa'i 'jig rten gyi khams gsal bar mdzad pa chos kyi phyag rgya dang ldan pa ye shes lnga'i rang bzhin bsam par bya ste/rjes su rnal 'byor zhes bya ba'i ting nge 'dzin to/ /de nas phung po dang khams dang skye mched rnams kyi dgod pa brtsam par bya ste/ gzugs la aM gi yi ge dgod do/ /tshor ba la iM gi yi ge 'dren no/ /'du shes la IM ring po bsgom mo/ / 'du byed la uM dgod do/ /rnam par shes pa aM gi yi ge dgod de/ phung po lnga rnam par dag pa'i phyir ro/ /sha la uM gyi yi ge dgod do/ /khrag la r-iM yang dran to/ /byang chub kyi sems la r-iM gi yi ge'o/ /rkang dang tshil dag la l-iM gi yi ge dgod de khams yang dag pa'i phyir ro/ gzugs kyi yul rnams la l-iM ngo / /sgra la eM gi yi ge dgod do/ /dri'i cha la aiM gi yi ge dang / ro la oM gyi yi ge yang ngo / /reg bya la oM gyi yi ge'o/ /chos kyi dbyings la oM gi yi ge ste/ 'di rnams brtan par byed pa'i rgyu nyid kyi phyir le'u dgu par bcom ldan 'das kyis gsungs te/gzugs kyi phung por rdo rje ma/ /tshor ba la ni gau rIr dran/ /'du shes chu yi rnal 'byor ma/ /rdo rje mkha' 'gro 'du byed la/ /rnam shes phung po'i tshul gyis ni/ /bdag med rnal 'byor ma gnas so/ /gzugs la gau rIr rtag tu brjod/ /sgra la chom rkun ma rab grags//dri yi cha la ro langs ma/ /ro la za phod ma dran to/ /reg las spyod mar brjod cing / mkha' spyod ma ni chos dbyings la/ /sha la pu ka sI bshad cing / /khrag la ri khrod ma rab grags/ /gtum mo khu ba zhes brjod cing / /g.yung mo rkang dang tshil dag la'o/ /'di ni rnal 'byor chen po zhes bya ba'i ting nge 'dzin to//des ni phung po dang khams dang skye mched la dgod pa ste/ de ltar yang de'i phyir slar yang / dang po stong pa'i byang chub ste/ /gnyis pa sa bon sdud pa'o/ /gsum pa gzugs ni rdzogs pa dang / /bzhi pa yi ge dgod pa'o/ /lte bar snying gar mgrin par dang //dpral bar de ltar pad+ma bzhi/ /drug cu rtsa bzhi brgyad cu drug/ /rim pa de ltar sum cu gnyis/ de phyir bsgom pas de ru ni/ /rgyu dang mi rgyu bcas par bsam/ /de nas sngags kyi le'ur gsungs pa'i sku dang gsung dang thugs byin gyis brlab pa'i sngags kyis sku dang gsung dang thugs byin gyis brlab par bya ste/ji ltar man ngag gis gdams pa las so/ /oM gyi yi ges sku rdo rje dang / AH'i yi ges gsung rdo rje dang / hUM gi yi ges thugs rdo rje ste rnal 'byor chen po'o/ /da ni de'i steng du zhes pa sems dpa'i snying gar sngar bshad pa'i rim pas rang sgrub thabs su gsungs pa'i rim pas de ltar dpal he ru ka'i rnam pa'i gzugs kha dog bzhi rnams kyi nang nas dpa' bo gcig pa'i rang gi 'dod pa'i lha 'am/bdag med ma dang snyoms par zhugs pa rang gi rig ma dang ldan pa rdzogs pa'i sku'i bdag nyid blta bar bya'o//de'i rjes su dam tshig gsum brtsam par bya ste/ rdo rje 'dzin pa nyid ni bdag nyid kyi dam tshig dang / rang gi snying gar nyi ma ni ye shes kyang dam tshig dang / de'i steng du hUM gi yi ge ni ting nge 'dzin gyi dam tshig ste/ 'chad par 'gyur ba'i gdams pa las ye shes dang ting nge 'dzin gyi dam tshig gnyis shes par bya'o//dgod pa yang bcom ldan 'das ci lta bar de ltar bcom ldan 'das ma la bya ste/ lhag pa yang bcom ldan 'das ma'i rigs lnga'i tshogs te gzhan dang gzhan gyi sgrub thabs su grags so/ /tshogs zhes pa ni de bzhin gshegs pa'i tshogs so/ /AH'i yi ges pad+ma 'dab ma gsum pa sim par byed pa dang bcas shing /hUM gi yi ges pad+ma'i ze'u 'bru hUM gi yi ges bskyed pa'i rdo rje ste/ de'i nor bu hUM gi yi ge blta zhing / oM ma hA su kha d+ha ra zhes pa la sogs pa'i tshigs su bcad pa gnyis kyis pad+ma dang rdo rje byin gyis brlabs nas ma bcos pa'i yi ge brjod pa sngon du 'gro ba can gyi rdo rje bskyod nas dga' ba brtsam par bya ste/de bzhin gshegs pa lnga rnams kyi nang nas gsung rdo rje'i rgyal las so/ /dang por stong pa nyid du lhag par mos pa la sogs pa dga' ba'i bde ba'i mthar thug pas ni dang por sbyor ba zhes bya ba'i ting nge 'dzin to//de yang shes rab dang thabs dag ro gcig pa'i bde ba chen po las byung ba'i byang chub kyi sems las rnam par byung ba zhes rig nas yul gyi grong khyer gyi dbus su de nyid gsum brjod pa sngon du 'gro ba can gyi nam mkha' lding gi phyag rgya 'dzin pa'i rnal 'byor pas lces bsnyen par bya ste/de ltar de bzhin gshegs pa'i mchod pa ni rtag tu yin no/ /phyir ru yang gal te shes rab bzang mo yin pa'am/ ma yin na de'i tshe mi bya ste/ rtsa ba'i ltung bar 'gyur ro/ /de'i rjes la gang cung zad phra zhing rdul phra rab kyi tshad tsam gyi byang chub kyi sems kyi gzegs ma'i gnas pa de yongs su gyur pas lha mo'i pad+ma'i dbus su dkyil 'khor pa dang bcas pa'i mnga' bdag srub pa dang bsrub pa'i sbyor ba las rnam par bsams nas rdo rje 'dzin pa'i hU~M dang /bcom ldan 'das ma'i aM dang / gau rI ma'i gaM dang / tsau rI ma'i tsaM dang bet+tA lI'i baM dang / puk+ka sI'i pa~M dang /sha ba rI'i sha~M dang / tsaN+Da lI'i la~M dang / Dom+bi nA'i Di rnams dbyung ste/ de la sogs pas shar la sogs pa'i sgo rnams su rim pa ji lta bar gau rI la sogs pa'i lha mo brgyad rnams dang hUM gi yi ge dang aM gi yi ge de dag gis bcom ldan 'das dang bcom ldan 'das ma dag phyung nas/ bcom ldan 'das bcom ldan 'das ma la rab tu gzhug cing /bcom ldan 'das ma bcom ldan 'das la de bzhin no/ /dri za'i sems pa 'jug pa dang por byas nas dkyil 'khor 'byin pa'i mthar thug pas na rnam pa thams cad shes pa nyid mngon par byang chub pa'o/ /de'i rjes la byang chub kyi sems las bskyed par gyur pa'i gau rI la sogs pa'i lha mo rnams bsgom par bya'o//de ltar ji ltar bstan pa'i dkyil 'khor gyi 'khor lo dang / der son pa'i rig ma'i tshogs kyis yongs su bskor ba'i 'od zer gyi tshogs kyis nam mkha'i logs khyab par yang dag par rnam par bsgom par bya'o//da ni ye shes kyi 'khor lo dgug pa dang / gzhug pa dang / bcing ba dang / mnyes par bya ste rang gi snying ga'i sa bon las 'od zer phyung ste/ nam mkha'i khongs su spros nas ye shes sems dpa' spyan drangs te/ mdun du rnam par bsams nas mchod yon dang zhabs bsil la sogs pa phul te/yang dag par mchod nas bstod de/ dzaHhUM baM hoHzhes pa 'dis dgug pa dang / gzhug pa dang / bcing ba dang / tshim par bya'o/ /ye shes kyi 'khor lo dam tshig gi 'khor lo la bcug ste/ ji ltar ltar gcig tu gyur nas/ lha'i nga rgyal bskyed par bya zhing snying gar ye shes kyi nga rgyal bsam zhing gang lta na yang bdag nyid bzhin du ye shes kyi 'khor lo ste/ de lta na yang bcug pa'i rjes la phyag gnyis pa zhal gcig pa dmar po shes rab dang ldan pa'i ye shes sems dpa' thugs kar bsam zhing de'i thugs kar ting nge 'dzin mgon po'o//de nas bcom ldan 'das ma dang por byas te gau rI la sogs pa rnams kyang de ltar bsam par bya'o/ /ye shes kyi 'khor lo dgug pa dang por byas nas ye shes kyi 'khor lo gzhug pa'i mthar thug pas ni rnam pa kun mngon par byang chub pa'o// //de'i rjes la ye shes kyi 'khor lo dang / dam tshig gi 'khor lo dag gcig tu byed pa'i tshe rab tu 'bar ba'i 'od zer rnams kyis spyan drangs nas nam mkha' la de bzhin gshegs pa lnga he ru ka'i gzugs brnyes pa dkyil 'khor dang bcas pa'i bdag nyid can bsams nas/a b+hi Shany+tsin+tu mAM sarba ta thA ga ta zhes don du gnyer bar blta zhing / de bzhin gshegs pa de rnams kyis rnam par rgyal ba'i bum pa lnga dang ldan pa'i phyag rnams kyis/ ji ltar bltams pa tsam gyis ni/ /zhes pa la sogs pa'i tshigs su bcad pa bklags nas rang nyid la khrus mdzad cing /oM sarba ta thA ga ta a b+hi She ka sa ma ya shrI ye hUM zhes brjod do/ /de'i rjes la gur gum dang tsan+dan dang / sna tshogs pa'i dri bzang dri dang ldang ba dang / me tog gi char 'bab pa yin zhing / rnga'i sgra grag ste gar dang rol mo dang bstod pa'i sgras mtha' med pa'i 'jig rten gyi khams na ca co'i sgra sgrogs shing mngon par dbang bskur te spyi bor thugs kyi dbang phyug tu gyur to//bcom ldan 'das ma la yang thugs kyis mtshan pa'o/ /thugs dang / rtag pa dang / rin chen dbang phyug dang / 'od dpag med dang / don yod grub pa ste/ de bzhin gshegs pa rnams kyis gau rI la sogs pa rnams la rgyas gdab cing / gzhan yang de bzhin gshegs pa 'di rnams kyis rim pa ji lta bar puk+ka sI la sogs pa rnams la mgo bor mtshan to/ /de nas pi wang ma la sogs pa rnams kyis rang gi yul gyi mnga' bdag la mchod pa byed cing /me long dang / pi wang dang / dri'i dung dang / ro sna tshogs kyis gang ba'i snod dang / reg bya'i dngos po dang / byang chub kyi sems kyis yongs su gang ba'i chos 'byung ste/ de rnams bzung nas gzugs rdo rje ma la sogs pa rnams kyis bcom ldan 'das la mchod par byed pa'o//khyod ni rnal 'byor ma tshogs rnams kyis yongs bskor zhing / /khyod ni nyid kyi thugs kyis mchog dang rab brnyes nas/ /khyod kyis rgyu dang mi rgyu'i 'gro ba kun brgyan te/ /snying rje'i thugs kyis mtha' dag yang dag sad mdzad pa//sgyu ma'i spros pas rdo rje rnam par bsgrubs pa ste/ he ru ka dpal rgyal po yid kyis dgyes pa kye/ /zhes rdo rje'i glus spyan ma la sogs pa rnams kyis bcom ldan 'das la bstod cing / de bzhin gshegs pa dang /byang chub sems dpa' dang / rig pa'i lha mo dang khro bo'i dbang po la sogs pa rnams kyis snying po dang nye ba'i snying po dang phreng ba dang rkang pa brgyad pa'i sngags rnams kyis nam mkha' la gnas nas bstod pa ste/ mngon par dbang bskur ba dang por byas nas bstod pa'i mthar thug pa des ni rtse mo mngon par byang chub pa'o//de'i rjes la mdun du ya las byung ba'i rlung gi dkyil 'khor rgyal mtshan gyis brgyan pa/ de'i snying du raM las byung ba'i me'i dkyil 'khor 'bar bas mtshan pa/ de'i steng du AH'i yi ge las skyes pa'i mgo bo gsum gyi steng du slar yang AH'i yi ges byin gyis brlabs pa/de ni nang dmar zhing phyi dkar ba de'i dbus su b+hUM AM dzr-IM khaM hUM/ laM maM pAM tAM bAM ste de rnams yongs su gyur nas bdud rtsi lnga dang sgron ma lnga rdzogs par bya ste/ de'i steng du hUM gi yi ges bkab cing hUM gi yi ges byin gyis brlabs pa bltas nas rlung gis bskul ba'i me 'bar ba las dngul chu'i rnam par gyur pa hUM gi yi ges dag pa dang /AH'i yi ges rtogs pa dang / oM gyi yi ges 'bar bar byas nas de'i rjes la de nyid gsum gyi 'od zer gyis ye shes kyi bdud rtsi bkug nas de nyid la bcug ste/ gcig tu byas nas hUM las byung ba'i rdo rjes dkrugs te/ro mnyam par byas nas rdo rje bdud rtsi la thim par blta'o/ /de bzhin gshegs pa'i ye shes kyi bdud rtsi rab tu bcug pas shin tu bsil bar gyur pa de ltar rdzogs par byas nas de nyid gsum gyis byin gyis brlabs te/ 'od zer gyis bkug nas hUM las byung ba'i rdo rje'i lces dkyil 'khor dang bcas pa'i bdag nyid kyis gsol ba'o//bdud rtsi myang ba dang por byas de'i mthar thug pa ni mthar gyis gnas pa'i mngon par rtogs pa'o/ /de'i rjes la dkyil 'khor dang dkyil 'khor ba de so sor spro ba'i sbyor bas gang gis gang du gdul bya rnams de'i sprul pas der phyin te de rnams btul nas 'ongs te/rang rang gi lus la bsdus nas rim pa 'dis yongs su smin par byas te/ yan lag drug gi sgom pa brtsam par bya'o/ /'byin pa dang por byas nas 'gro ba'i don gyi mthar thug pas ni dkyil 'khor rgyal po mchog gi ting nge 'dzin to//de nas bong can dang nyi ma kha sbyar ba'i dbus su gsang sngags kyi rgyal po 'khor los sgyur ba'i sa bon gyi yi ge bltas nas yan lag drug bsgom mo/ /gang las she na/ rang gi snying gar gnas pa'i zla ba dang nyi ma'i dbus su son pa'i hUM gi yi ge las 'thon pa'i 'od zer gyi tshogs las so//de nas ye shes sems dpa'i thugs kar dang po'i ting nge 'dzin mgon po nag po bsgom ste/ de yongs su gyur pa las thig le bsams nas de'i 'od zer rnams kyis bcom ldan 'das kyi ba spu'i sbubs nas mngon par 'thon te/dkyil 'khor dang dkyil 'khor ba dang bcas pa nag po chen por bltas te/ gnyis pa la ser po dang / gsum pa la dmar po dang / bzhi pa la ljang gu dang / lnga pa la sngon po dang / drug pa la dkar po ste/ 'dis ni yan lag bsgoms shing yan lag drug bsgoms nas phyi nas kha dog rnam par bshig par bya'o//kha dog rnam par bshig pa'i sgras ni gnyis su rtogs te/ zhi ba la sogs pa'i dbye ba'i don gyis kha dog de bzhin gshegs pa'i nga rgyal dang / 'od gsal du 'jug pa'i thabs brtod pa ste/de ltar A li dang kA li rnams dbugs dbyung ba dang rngub pa las spros te bsdus nas de nyid du rang nyid zhugs te gcig tu gyur pa'o zhes pa ni A li dang kA li'i phreng ba rnams spros nas so/ /gang las she na/ dbugs dbyung ba las te dbugs phyir 'byung ba'i lam nas A li dang kA li 'thon nas de'i 'od zer rnams kyis mtshan dang dpe byad rnams yang dag par sbyangs te/rgyu ba dang mi rgyu bar bcas pa gcig tu gyur nas de nyid la bcug ste gau rI la sogs pa rnams dang bdag med ma rang nyid la 'dus nas bdag nyid rdo rje 'dzin pa'i go 'phang la ma brtags pa'i rang bzhin gyis gnas pa'o//de nas zhal gcig phyag gnyis pa dkar po ste/ de la ri bong can dang / nyi ma kha sbyar ba'i dbus su dngos po dang dngos po med pa mi dmigs pa zhes pa ste/ des na rigs kyi le'ur/ lus la ye shes chen po gnas/ / rtog pa thams cad yang dag spangs/ /dngos po kun la khyab pa po/ /lus la gnas kyang lus ma skyes/ /zhes longs spyod rdzogs pas gsungs shing / de ltar yang / me long gzugs la yan lag mtha' dag pa'i/ /dang pa'i mchog gi gzugs ni ji ltar mdzes pa ste//dpe byad brgyad cu dang ni mtshan gyis phyug pa yis/ /rdo rje 'dzin pa'i sku ni de ltar rtag pa nyid/ /'di ni rang byin gyis brlab pa'i rim pa ste/ 'gro ba'i don dang por byas nas lhan cig skyes pa'i mthar thug pas ni skad cig ma gcig la mngon par byang chub pa'o/ / de nas sa bon gyi gnas skabs la gnas pa zhes pa ste/ 'di'i gang zhe na/ lhan cig skyes pa de ni sa bon no/ /skabs 'dir 'di dran par bya ste zhes pa ni dgod pa dang / blta ba dang / 'khyud pa dang / snyoms par 'jug pa bzhi rnam par dag pas shes par bya ste/ slob dpon dang /gsang ba dang / shes rab dang / mchog tu bde ba chen po'i mthar thug pa rnams la 'dis ni dga' ba'i skad cig ma'i dbye ba rnams brjod de/ slob dpon gyi sgras ni rnam pa sna tshogs pa'i skad cig ma ste dang po dga' ba'o/ /gsang ba'i sgras ni rnam par smin pa'i skad cig ma ste mchog dga'o//shes rab kyi sgras ni rnam par nyed pa'i skad cig ma ste dga' bral lo/ /mchog tu bde ba chen po'i mthar thug pa zhes pa'i sgras ni mtshan nyid med pa'i skad cig ma ste lhan cig skyes pa'i dga' ba'o/ /las kyi phyag rgya'i sbyor bas lhan cig skyes pa'i grib ma cung zhig bye ba tsam zhing /ye shes kyi phyag rgya'i sbyor bas yang dag par sbyor ba ste phyag rgya chen po'i sbyor bas slar yang tshor ba med pa'o/ /ji ltar/ der ni thog ma dbus mtha' med/ /srid med mya ngan 'das pa med/ /'di ni mchog tu bde chen te//bdag med gzhan yang med pa'o/ /zhes lhan cig skyes pa'i gnas skabs su rig par byas nas de nas bcom ldan 'das kyang 'od gsal du 'jug go zhes pa'i don to/ /'dis ni sa bon gyi yi ge dang zla ba dang / nyi ma dag 'dres par gyur te zhes pa 'dis ni ye shes gsum gyi ngo bo med par gsal ba'o//bdud rtsi'i rang bzhin zhes pa 'dis ni lhan cig skyes pa'i gnas skabs brtan por byas pa'o/ /'od zer gyi phung po'i rnam pa'i rim pas mar me'i rtse mo bzhin du ji srid dmigs par bya'o zhes pa la 'od zer ni 'od zer ro//phung po'i rnam pa'i rim pa zhes pa ni phung po'i tshogs so/ /rim pas zhes pa ni phung po lnga'i rim gyis 'jug cing / mar me'i rtse mo bzhin du zhes pa ni ji ltar mar me'i rtse mo mar me las skad cig gi nub pa ste/ de ltar bcom ldan 'das ni phung po'i rim gyis gzugs nas gzugs tshor ba la'o//de bzhin du tshor ba 'du shes la'o/ /de bzhin du 'du shes 'du byed la'o/ /'du byed rnam par shes pa la'o/ /rnam par shes pa nam mkha' la ste phyogs med pa'i phyir ro/ /sngar nas gau rI la sogs pa rnams kyis bsdu ba ji ltar yin zhe na/de la rim pa 'di brjod par bya ste/ A li dang kA li dag gis byung nas 'jig rten gsum po mtha' dag gcig tu byas te/ rim pa ji lta bar gzhug cing gau rIs rang gi yul bzung nas bcom ldan 'das la song ngo / / de bzhin du tsau rI dang / bet+tA li dang / g+hasma rI ni tshor ba dang / 'du shes dang / 'du byed rnams la song ngo / /de ltar puk+ka sIs sra ba'i khams bzung nas rdo rje 'dzin pa'i gzugs kyi khams la song ngo / /de bzhin du sha ba rI dang / tsaN+Da lI dang / Dom+bi nI ni chu dang me dang / rlung rnams la song ngo //gang yang gau rI la sogs pa rnams kyis bsdu bar gyur pa na puk+ka sI la sogs pa rnams kyis bsdu ba bstan te/ de lta na'ang dbye ba brjod par bya ste/ rang gi khams rnam par spangs nas gzugs la sogs pa rnams kyis bsdu ba ci zhig ste/ 'on kyang nyal ba'i dus su de rnams gzung nas so//de nas puk+ka sI la sogs pa rnams kyi yang ste/ gzung bar bya ba dang / 'dzin pa po dang / 'dzin par yod na ye shes gsum rnam par dag cing mkha' spyod ma dang sa spyod ma dang bdag med ma'i rang bzhin gyis gzugs te gzhan snang ba dang snang ba mched pa dang /snang ba nye bar thob pa'i sgras brjod pa rnams so/ /bdag med ma lha mos phyogs gnyis thob nas rdo rje 'dzin pa'i rnam par shes pa la sngon nyid du song ngo / /gang las she na/ bdag med ma'i thugs kar zla ba'i dkyil 'khor la aM gi yi ge blta zhing / de nyid kyis aM gi yi ge zla ba'i dkyil 'khyor lhan cig zhu ste/ bcom ldan 'das ma bcom ldan 'das kyi thugs kar rab tu zhugs par bsam par bya'o zhes pa'i tshig las te/ bcom ldan 'das ma'i bsdu ba'o/ /'dis ni lhan cig skyes pa dang por byas nas 'od gsal gyi mthar thug pa ni chos kyi sku mngon par byang chub pa'o//de nas 'od gsal las ldang ba brjod par bya ste/ 'dir 'od gsal ba de ni mchog gi rnal 'byor ro/ /ldang ba ni so sor ji ltar ye shes su snang ba rdo rje las lhan cig skyes pa skye zhing / phyi nas lhan cig skyes pa dang por byas nas 'od gsal ba'i mthar thug par ji ltar gyur pa ste/de ltar 'od gsal las lhan cig skyes pa dang / lhan cig skyes pa las slar yang rim pa 'di nyid kyis bsam par bya ste/ ji srid byang chub thob par gyur par ro/ /thun bzhir byin gyis brlab pa'i rim pas zhes pa ni tho rangs dang /nyi ma gung dang / phyi dro dang / mtshan mo ste bsgom pa'i rim pa'o/ /de'i rjes la bsgom pa'i rim pa las skyo ba'i rnal 'byor pas sngags bzlas par bya'o/ /de'i rjes la 'od gsal las langs nas bsgom pa dang gtor ma yang bsam par bya'o/ /de ltar yang mchog dang por byas nas lhan cig skyes pa'i kye rdo rje'i rnal 'byor las ji ltar gsungs pa'i rim pas rang 'dod pa'i lha'i gzugs su rdzogs par byas te/de nas sngags zlos pa ni mkha' 'gro ma'i 'khor lo'i bdag nyid can bcom ldan 'das rdzogs par byas nas ji ltar snga ma rnams de ltar phyi ma rnams te/bya ba dang byed pa'i 'brel pas dang por bcom ldan 'das dang de'i rjes la mkha' 'gro ma'i 'khor lo bsam par bya'o/ /gtor ma sbyin pa ni de lta bu nyid de/ 'on kyang ma rungs pa 'dul ba'i don du rdo rje 'dzin pa khro bo'i bdag nyid can du bsam par bya ste/las kyi sbyor ba yang yan lag drug la brten nas bya'o/ /de nas bzlas pa'i skabs su gau rI la sogs pa'i sngags zlos pa na gang gi zlos pa po de 'khyud nas bcom ldan 'das ma de'i gnas su rnal 'byor ma'i kun tu spyod pas bsam par bya zhing / rdo rje 'dzin pa'i phreng ba'i snying po dang rkang pa brgyad pa dang /snying po dang / nye ba'i snying po rnams zlos pa'o/ /ma yin na bdag med ma'i dang gau rI la sogs pa rnams kyi snying po'i sngags tsam bzlas par bya'o/ /de la rim pa ni 'di lta ste/ 'khor lo'i dbus su shes rab dang ldan pa'i bdag nyid bltas te cho ga 'di nyid kyis sngags kyi yi ge lha mo'i zhal nas rang gi zhal du ste rim pa nyid kyis rgyun mi 'chad par sngags 'khor bar bya ste/'di ni 'khor lo'i bzlas pa'o/ /rang gi snying gar sngags kyi yi ge rnams bkod nas 'od zer dang bcas pa mgon po gyen du bstan pa rnams bsam par bya ste/'di ni gong bu'i bzlas pa'o/ /sngags kyi yi ge de rnams dkyil 'khor gyi dbang phyug gi dang / dkyil 'khor pa rnams kyi zhal nas rjod par byed do zhes yid kyis rtogs par bya ste/ 'di ni dam tshig gi bzlas pa'o//de'i rjes la ji ltar 'dod pa'i dmigs pa'i mthar thug par dbugs dbyung zhing lte ba nas gyen du 'gro zhes bsam zhing sna nas dbugs nang du 'jug par bsam ste de ltar 'og tu mi dmigs par ji ltar 'dod pas sgra rtogs pa ni/ gzhan sbas pa'i man ngag kyang /de lta bu ste/ 'di ni rdo rje'i bzlas pa'o/ /de nas sngon du brjod pa'i rim pas khro bo'i dbang phyug gi go 'phang rdzogs par byas nas rim pa ji lta bar khro bo spros te bgegs kyi tshogs 'gugs pa'i ched du mngag par bya ste/ de rnams mngags nas de nyid gsum la thar pa'i grong khyer gsum bsams te/'di ltar bsams te glang po'i snod kyi bsdu bas rdo rje dang / de bzhin du sa'i snod kyi dril bu bskyed nas rdo rje dang dril bu 'dzin par gyur te/ sems can la phan pa'i ched du las kyi dbye ba dang kha dog gi sbyor ba las gtor ma byin gyis brlab par bya ste/de rnams kyis rdo rje 'dzin pa'i grong khyer du bkug cing log par 'dren pa rnams steng du gtsug tor 'khor los sgyur bas dang / 'og tu gnod mdzes rgyal pos bkug pa tsam gyis/ oM an+di dza ma dza la zhes pa la sogs pa'i sngags kyis bsngags nas oM A kaR+Sha ya dzaHoM pad+ma tra ya pra be sha ya hUM/oM swa swa s+tha na ban+d+ha ya baM/ oM badzra g+haN+Da ya ba shid+kuM ru hoHzhes pa 'dis dgug pa dang / gzhug pa dang / bcing ba dang / tshim par byas nas/ brjod pa'i cho gas bdud rtsir bskyed nas zhabs bsil dang /me tog dang / bdug spos dang / dri dang / mar me lnga la sogs pa'i mchod pa dang / bstod pa dang / gtor ma nye bar stobs pa sngon du 'gro ba can gyis mtshams kyi glu brjod cing pad+ma'i bskor ba la sogs pa rnams bya'o/ /de nas 'khyud pa'i rjes rnams su phyag rgya bcing ba byas nas bgegs rnam par thar pa'i grong khyer gyi dbus der rnam par brtags te/de'i dbus kyi grong khyer dang shar gyi 'dab ma la dbang po mig stong pa dkar ser lag na rdo rje can e ra ba ti dkar po la gnas pa'o/ /lho'i 'dab ma la gshin rje lag na dbyug pa can nag po ma he la zhon pa'o//nub kyi 'dab ma la chu lha dkar po chu srin gyi bzhon pa can lag na ku mu da dang pad+ma'o/ /byang gi 'dab ma la gnod sbyin ser po rta'i bzhon pa can lag na dpal gyi 'bras bu'o/ /de thams cad rgyan 'phyang zhing rin po che'i cod pan dang ldan pa gshin rje nyi ma'i gdan dang nyi ma'i 'od can lhag ma rnams zla ba'i gdan dang zla ba'i 'od can no//dbang ldan gyi 'dab ma la 'byung po'i bdag po dkar po mig gsum pa ral pa'i cod pan can khyu mchog gi bzhon pa dang ldan pa lag na rtse gsum dang stag gi pags pa'i gos 'dzin pa/thal bas gos pa'i lus can rus pa'i rgyan thams cad kyis brgyan pa zla ba'i gdan dang zla ba'i 'od can no/ /me'i 'dab ma la me lha gsus pa 'phyang zhing shin tu rgyas pa bong thung ba ra'i bzhon pa can dmar po bgrang breng dang spyi blugs 'dzin pa ral ba'i cod pan can/shing shun gyi gos dang ldan pa nyi ma'i gdan dang nyi ma'i 'od can no/ srin po'i 'dab mar srin po sgra grol ba ral gri dang thod pa 'dzin pa khros shing smin ma 'khyog pa dang bcas pa nag po ro'i steng na nyi ma'i gdan dang nyi ma'i 'od can no//rlung gi 'dab ma la rlung lha lag na rdo rje can ljang gu rin po che'i cod pan dang ldan pa ri dwags la zhon pa zla ba'i gdan dang zla ba'i 'od can rgyan thams cad 'dzin pa'o/ /lte ba la sa'i lha mo ser mo lha'i gos dang rgyan thams cad 'dzin pa lag na bum pa dang zla ba'i gdan dang zla ba'i 'od can yi dags rnams kyis sa'i lha mo kun nas bskor nas gnas pa'o//dbang po la sogs pa lnga rnams g.yon gyis klu'i zhags pa 'dzin zhing thams cad kyang g.yon brkyang gi gom pa'o/ /steng du chos 'byung la gnas pa'i pad+ma'i 'dab ma brgyad rnams la shar gyi 'dab mar zla ba dkar po rta'i bzhon pa dang rin po che'i cod pan dkar po can lag na ku mu da dang rgyan thams cad 'dzin zhing zla ba'i gdan dang zla ba'i 'od can no//lho'i 'dab ma la nyi ma dmar po phyag dag gis pad+ma 'dzin zhing rta ljang ser gyi bzhon pa dang rin po che'i cod pan can rgyan thams cad 'dzin pa rang gi gdan dang 'od can no//nub kyi 'dab ma la lag pa ser po byi ba la zhon pa nyi ma'i gdan dang nyi ma'i 'od can lag na mda' dang rin po che'i cod pan no/ /byang gi 'dab ma la pa ba sangs sngon po'i 'od zer nyi ma'i gdan dang nyi ma'i 'od can rin po che'i cod pan dang ldan pa shak+ti 'dzin pa'o//dbang ldan gyi 'dab ma la bkra shis dmar po nyi ma'i gdan dang nyi ma'i 'od can skra gyen du grol zhing pad+ma 'dzin pa'o/ /me'i 'dab ma la phur bu shin tu ser ba nyi ma'i gdan dang nyi ma'i 'od can rin po che'i cod pan dang ldan pa mchod sdong 'dzin pa'o//srin po'i 'dab ma la spen pa nag po skra dmar ser nyi ma'i gdan dang nyi ma'i 'od can rtse gsum 'dzin pa'o/ /rlung gi 'dab ma la sgra gcan dang mjug rings dag nyi ma'i gdan dang nyi ma'i 'od dang ldan pa nag po dang du ba'i 'od kyi kha dog dag /'khor ba'i 'khor lo bkug nas za zhing mngon par 'dren pa 'dzin pa'i sgra gcan dang /kha sbyar ba'i thal mo 'dzin pa'i mjug rings so/ /de'i dbus kyi lte ba la tshangs pa phyag bzhi pa gdong bzhi pa dbyu gu gsum 'dzin zhing mi 'jigs pa'i phyag rgya dang / phyag lhag ma dag gis bgrang phreng dang spyi blugs 'dzin pa ser po dang ba'i bzhon pa dang zla ba'i gdan dang zla ba'i 'od can tshangs skud can no//sha rgyas shing thung ba ral pa dang ldan pa tshangs pas kun nas bskor nas tshangs ris rnams dang / tshangs pa mdun na 'don rnams dang / 'thab bral rnams dang / 'og min la sogs pa'i lha rnams kyi yongs su bskor ba rnams so//'og tu chos 'byung la phyogs bral gyi rim pas klu nor rgyas ser po/ /klu pad+ma dkar po/ /klu karko Ta dmar po/ /klu 'jog po nag po/ /klu dung skyong ser po/ /klu pad+ma chen po ljang khu/ /klu mtha' yas skya bo/ /klu rigs ldan khra bo ste brgyad po 'di rnams rin po che'i cod pan dang ldan pa/mi'i gdong pa can rgyan thams cad 'dzin zhing mgo bo la gdengs kas mtshan pa/ lha ma yin dang dmyal ba'i sems can dang bcas pa rnams so/ /lte ba la klu'i rgyal po lhag ma ni rin po che dkar po'i cod pan can mi'i gdong dang gdengs ka dang ldan pa'o//de ltar de rnams brtan par byas nas slar yang de rnams yongs su gyur te/ sku dang gsung dang thugs kyi sbyor bas de rnams bsdus shing rnam par rdzogs par byas la steng na gnas pa rnams sku'i rnam pa dang / dbus na gnas pa rnams mi bskyod pa'i rnam pa dang / 'og na gnas pa rnams gsung rdo rje'i rnam par blta bar bya'o/ /las thams cad pa'i don gyi phyir de rnams kyi phyag dang zhal slar yang bdag nyid ji lta ba de ltar ro/ /las gzhan gyi nga rgyal sbyor ba ji lta bar bya ste/bdag nyid kyi gzugs ji lta bar de ltar thams cad kyi'o/ /de'i rjes la oM pra wa ra sa kA rA ya ar+g+haM pra tIts+tsha swA hA zhes pa'i sngags kyis rab tu bskul te mchod yon sbyin zhing sen mo 'debs pa'i phyag rgyas zhabs dag la zhabs bsil phul nas//i daM ba liM b+huny+dza dzI g+ha zhes pa la sogs pas gsol bar bya zhing bya ba yang zhu bar bya'o/ /de'i rjes la mtshams kyi glus bcom ldan 'das dang bcom ldan 'das ma dang lha mo'i 'khor lo dang khro bo rnams kyi sngags brjod cing rdo rje dang dril bu 'dzin pas mngon par 'dren pa sngon du 'gro ba can gyi dril bu dkrol zhing rdo rje gsor ba byas nas oM a kA ro mu khaM sarba d+harmA NAM zhes pa la sogs pa bklags te/oM badzra he ru ka sa ma ya ma nu bA la ya badzra he ru ka twe no pra tiSh+Tha/ dr-i D+ho me b+ha ba/ su to Sh+yo me b+ha ba/ su po Sh+yo me b+ha ba/ a nu rak+to me b+ha ba/ sarba sid+d+hiM me pra ya ts+tsha sarba karmA su tsa me/ tsi t+taM shre yaHku ru hUM ha ha ha hoH/ b+ha ga wAn sarba ta thA ga ta badzra he ru ka badzra mA me mu ny+tsa he ru ko badzri b+ha ba ma hA sa ma ya satwa A hUM phaTaHzhes pa 'dis tshim pa rnams gshegs par bya'o/ /de la 'di ni rnam par gshegs pa'i sngags te/oM AHhUM phaT phaT phaT do/ /ma yin na/ oM badzra muHmuHmuH'o/ /oM gyi yi ges smon lam dang / /AH'i yi ges tshim pa dang / /hUM gi yi ges ngoms pa dang / /phaT kyi yi ge gsum gyis nye bar bsdu ba ste/ lha mo rnams ni tshad ma dam tshig tshad ma dang //de yis gsungs pa'i tshig ni mchog tu tshad ma ste/ /bden pa de yis lha mo de rnams kyis/ /bdag ni rjes su 'dzin pa'i rgyur ni 'gyur bar shog /srid dang zhi ba mnyam par chags shing the tshom rtog pa bcom pa ste/ /nam mkha' bzhin du stong pa las ni dngos po mtha' dag rnam gzigs shing //brtse ba mchog gi snying rje'i chu yis rgyas pa'i sems kyi chu yis mgon po rnams/ /lha mo rnams kyis bdag la rjes su brtse bar mdzod cig mdzod/ /yan lag drug dang por byas nas gtor ma'i de nyid kyi mthar thug pa 'dis ni las rgyal po mchog ces bya ba'i ting nge 'dzin to//de las langs nas chos kyi dbus su sna tshogs pad+ma bsam zhing de'i 'dab ma rnams la brgyad pa rnams kyi dbang phyug brgyad rnams dang / de'i thugs kar sa bon bsams te/ sa bon las nA da'i rtse mo bye ba bsgom zhing sems brtan par byed pa'i don du phra mo'i mtha' bsam par bya'o//de dang lhan cig par gyur pas the tshom med par sems brtan par 'gyur zhing / sems brtan pa tsam gyis de bzhin gshegs pa'i tshogs dang / rnal 'byor ma'i tshogs rgya chen po mtha' yas pa'i 'jig rten gyi khams khyab par spro bar bya'o//gang las she na/ rang gi mtshan ma las bsam du med pa'i mgon po dkyil 'khor dang bcas pa'i bdag nyid can mnga' bdag 'phro ba ste/ mtshan ma yang yungs kar sbom po tsam pa bsam par bya'o//'di ni phra mo'i rnal 'byor zhes bya ba'i ting nge 'dzin to/ /de las langs nas gal te yang go cha gnyis byas nas kye rdo rje lhan cig skyes pa'i rnal 'byor gyis 'chag par bya ste/ mi bskyod 'khor lo'i gzugs kyis ni/ /zhes pa la sogs pas hUM mgo bo la 'khor lor bya zhing hrIHrna ba dag la lha'i rna lung dang /dzAM mgul par mgul gyi phreng ba dang / aM lag pa dag la dpung rgyan gnyis dang / khaM dpyi la ske rags nyid dang / haM lus thams cad la thal ba'i lus ni gdams ngag chen po'i las go cha bgo zhing / de bzhin du/ mig tu gti mug rdo rje ma/ /zhes pa la sogs pa'i go cha'o/ /de la go cha'i sngags ni 'di yin te/ aM AM iM IM uM UM ste/ de dang 'dis ni rdo rje rnal 'byor ma dang de bzhin gshegs pa rnams kyis yongs su bgos pa'i lus de ni bcom ldan 'das so zhes go cha gnyis pa'o//'dis go cha bgos nas lhan cig skyes pa'i kye rdo rje'i rnal 'byor gyi rnal 'byor pa seng ge bzhin du gnas par bya'o/ /gang du zhe na 'jig rten gsum gyi khang pa'i nang du'o/ /de ltar yang / 'di ni gzhal yas khang ste srid gsum ma yin srog chags rnams min 'di rnams rgyal ba rnams//bdag ni 'khor lo'i dbang phyug mi min yul min dbang po rnams min sa sogs rnams ma yin/ /chos nyid bdag nyid nyid kyi gzugs sogs rnams min de rnams dang ni 'di rnams dkyil 'khor ba/ sna tshogs pa ni dkyil 'khor 'khor lor mnyam pa'i sems te ci zhig khyod ni 'khrul par byed//de'i rjes la gang cung zhig nye bar bsgrubs pa'i bza' ba'i rdzas rnal 'byor rnyed dam de thams cad sngon bzhin du bdud rtsi myang ba'i chogs rnam par sbyangs te/ de nyid gsum gyis byin gyis brlabs nas bza' bar bya'o//bza' ba'i cho ga brjod nas de nas gnas dang rgyu ba rtsa ba'i rgyud kyi rjes su 'brangs nas bdag gis brjod par bya ste/ sred dang rmongs dang chags dang khro/ /rtsed mo bya ba spang bya ste/ /gnyid dang nga rgyal rab spangs na/ spyod pa the tshom med par bya/ /des na/lus ni sbyin par byin nas ni/ /phyi nas spyod pa yang dag brtsam/ /skal pa skal min rnam spyad nas/ /de phyir sbyin pa mi sbyin no/ /bza' dang bca' ba btung ba ni/ /ji ltar thob pa bza' ba ste/ /'dod dang mi 'dod rtog pa las/ /'dzin pa 'dir ni mi bya'o// rigs lngar yang dag sbyor ba ni/ /rigs gcig tu ni brtag pa ste/ /rigs ni gcig dang du ma yis/ /ji ltar dbye ba mi skye'o/ /shing gcig tu 'am dur khrod du/ /dge ba'i bsgom pa bshad pa ste/ /ma mo'i khyim du mtshan mor dang / /yang na skye bo med pa'i mthar/ / gal te spyod pa byed 'dod na/ /chung zhig drod ni thob pa na'o/ /gal te grub par 'gro 'dod pa/ /spyod na spyod pa 'dis spyad do/ /gzhan rnams kyang rtsa bar gsal zhing spyod pa zhes pas spyod pa ste rgyu ba dang / gnas pa dang / tha snyad dang / spyod pa dang / don dam pa la yang brjod de/ chen po mchog rab tu thob nas so/ /chen po mchog gi don gang yin zhe na/ cung zhig drod thob pa'o/ /'di'i don ci zhe na/ chung ngu'i phyir mtshan mor rang gi gnas su sbas shing spyad de/ ji srid de ltar drod thob par gyur pa'i bar du'o/ /gang las she na/ ji ltar dbye ba mi shes pa//zhes pa'i tshig las so/ /thob par gyur na rnam gzhag med par lar gyis shig pa'am mi byed pa ni rang dbang nyid do/ de nas thun gzhan la nyal bar 'dod pas dga' bral gyi rnal 'byor sngon du byas nas nyal bar bya zhing / ldang ba'i dus su puk+ka sI la sogs pa'i glus bskul te langs nas de ltar bya'o//rim pa 'dis ni ji srid dkyil 'khor gyi 'khor lo thob par gyur pa'i bar du'o/ /de nas/ bskyed pa'i rim pa ma rtogs par/ /ji ltar rdzogs pa mi shes shing / /rdzogs pa'i rim pa ma rtogs pa/ / de ltar bskyed pa'i rim pa min/ /de ltar yang / rim pa gnyis la mnyam brten nas/ /rdo rje can gyi chos bstan to/ /de ltar ji ltar bstan pa'i dkyil 'khor gyi 'khor lo'i nang du'o/ /zhal gcig ni gnyis su med pa'i ye shes rnam par dag pa'o/ /phyag gnyis ni stong pa nyid dang snying rje rnam par dag pa'o//phyag g.yas na rdo rje ni mi phyed pa'i ye shes rab tu gsal bar byed pa'o/ /g.yon na thod pa dang kha T+wAM ga ste/ kha T+wAM ga ni shes rab kyi rang bzhin dang / thod pa ni byang chub kyi sems rab tu gsal bar byed pa'o/ /de bzhin du phyag bzhi ni bdud bzhi nyams pa'i don to//zhal gcig ni bsam du med pa'i ye shes rnam par dag pa'o/ /dang po dang g.yas kyi phyag na rdo rje ni zung du 'jug pa'i lam rab tu gsal bar byed pa'o/ /dang po dang g.yon pa'i phyag na thod pa ni lha dang lha ma yin rnams kyi khrag gis gang ba'o/ /lha dang lha ma yin gyis sgras ni dngos po dang dngos po med pa'o//khrag gi sgras ni de bzhin du gyur pa'o/ /gang ba'i sgras ni go 'phang de thob pa'o/ /de rnam par dag pa'i mi'i thod pa'o/ /phyag lhag ma dag gis rdo rje phag mo la 'khyud pa'o/ /de ltar phyag drug ni pha rol tu phyin pa drug rnam par dag pa'o//zhal gsum ni sku dang / gsung dang thugs rab tu gsal bar byed pa'o/ /g.yon na dril bu ni stong pa nyid rnam par dag pa'o/ /rtse gsum ni mi shes pa gsum gcod pa'i don to/ /g.yas na rdo rje ni mnyam pa nyid kyi ye shes rnam par dag pa'o/ /gri gug kyang lhag ma'i shes pa gcod pa'i phyir ro//phyag lhag ma dag gis gri gug dang thod pa ste/ de ltar phyag gnyis pa dang / phyag bzhi pa dang / phyag drug pa rnams kyi rnam par gzhag pa'o/ /skyil krung phyed pas ro'i steng na nyi ma la gnas pa'o/ /gzhan phyag bcu drug pa ji lta bar ro/ / gsum pa de rnams la yang de ltar ro/ /dpal ldan mtsho skyes zhabs kyis mdor bstan pa'i/ /mdo ni bka' yis dzA lan+d+ha ri par/ /grags pa bdag gis rnam par smras pa ni/ /de yi chos la brten nas mdor bshad pa'o/ /rnam dag rim pa mdor bshad pa/ /dga' ba'i rdo rjes byas pa ste//des ni 'gro kun dpal rdo rje/ /ye shes pha rol phyin gyur cig slob dpon mtsho skyes zhabs kyis mdzad pa'i dpal kye rdo rje'i sgrub thabs kyi mdor bshad pa dag pa rdo rje sgron ma zhes bya ba grub pa brnyes pa'i slob dpon dpal dzA lan+d+ha ri zhabs kyis mdzad pa 'di yongs su rdzogs so/

CLOSE WINDOW