CLOSE WINDOW

D1223
བོད་ཡིག

/gos med sku la phyag 'tshal bstod/ /rdzogs so// // @##/ /rgya gar skad du/ ho ma bi d+hi/ bod skad du/ sbyin sreg gi cho ga/ dpal dgyes pa'i rdo rje la phyag 'tshal lo/ /dpal ldan dgyes pa'i rdo rje dang / /bdag med ma gus phyag byas te//rdo rje slob dpon bka' drin gyis/ /sbyin sreg cho ga bshad par bya/ /bdag gzhan phan par 'dod pa yis/ /rnam rtog nga rgyal sogs spangs te/ /chos phyir 'brang ba'i blo yis ni/ /sbyin sreg rim pa mnyan par gyis/ /bla med nang dang phyi rol te/ / sbyin sreg dbye ba rnam pa gsum/ /ye shes me lha phung po sogs/ /bud shing bsreg pa bla med yin/ /phyi rol sbyin sreg gis bsgres te/ /kha zas bza' sogs nang gir bshad/ /dkyil 'khor dang ni lha gnas dang / /sgrub pa'i dus su sbyin sreg bya/ /sbyin sreg las rnams med pa la/ / dngos grub 'byung bar mi 'gyur te/ /las rnams thams cad bsgrub pa'i phyir/ /mkhas pas sbyin sreg las rnams brtsam/ /sdig pa 'jig phyir zhi ba ste/ /bsod nams yongs 'dzin rgyas pa yin/ /chags pa bsgom phyir dbang 'gyur te/ /rtog pa zad phyir gsod pa yin/ /nyon mongs ser ba zhi byed dang //ting nge 'dzin ni rgyas byed phyir/ /rang gi lha yi sbyor bas bdag /ji lta bar ni sems kyis bya/ /de nas phyi yi bshad bya ste/ /thab dang rdzas kyi mtshan nyid dang / /sgrub pa po dang lha dag dang / /sgrub pa'i thabs dang rnam lngar 'gyur/ /de la thab khung bshad pa ni/ / sems can dbye bas mtha' yas te/ /las kyi dbye bas bzhi ru 'gyur/ /rigs kyi dbye bas lnga ru 'gyur/ /zhi ba la ni zlum po ste/ /rgyas pa la ni gru bzhi'o/ /dbang la gzhu yi dbyibs su'o/ /mngon spyod la ni gru gsum mo/ /bskrad dang dgug la'ang de bzhin no/ /rgya ru khru gang zabs su ni//mtho gang pa ni zhi ba yin/ /rgya ru khru do zabs su ni/ /khru gang pa ni rgyas par bzhed/ /rgya ru khru gang zabs su ni/ /mtho gang pa ni dbang la'o/ /rgya ru sor mo nyi shu la/ /zabs su sor bcu mngon spyod la/ /bskrad dang dgug la'ang de bzhin no/ /zhi la kha dog dkar por bya/ /rgyas pa la ni ser po'o//dbang la dmar por bya ba'o/ /mngon spyod la ni nag po'o/ /dgug pa la ni dmar por bya/ /bskrad pa la ni nag por bya'o/ /zhi la kha khyer sor bzhis bskor/ /nang du'ang sor bzhi dor bar bya/ /rgyas pa la ni sor brgyad de/ /nang du'ang de bzhin dor bar bya/ /dbang la kha khyer sor bzhis bskor//nang du'ang sor bzhi dor bar bya/ /mngon spyod la ni sor gsum ste/ /nang du'ang sor gsum dor bar bya/ /dgug dang bskrad la'ang de bzhin no/ /zhi ba'i thab khung dbus su ni/ /rdo rje dang ni gri gug bri/ /kha khyer la ni rdo rjes bskor/ /rgyas la dbus su rin po che'o/ /kha khyer la'ang rin po che'o//dbang la dbus su pad+mas mtshan/ /kha khyer de dang 'dra bas bskor/ /mngon spyod la ni ral gri'o/ /kha khyer la yang ral gris bskor/ /dgug la dbus su lcags kyu bzhag/ /kha khyer de dang 'dra bas bskor/ /bskrad la dbus su rdo rje ni/ /rtse gsum pa ni gzhag par bya'o//kha khyer la yang rtse gsum bri/ /dbus su gri gug kun la mthun/ /thab khung nang gi phyogs bzhir ni/ /kha T+wAM ga dang bde gshegs kyi/ /phyag mtshan phyi ma rim bzhin gzhag /thab khung kun la kha dog dang / /mthun pa'i dri yis byug par bya/ /zhi ba phal cher srod la bya//rgyas pa snga dro bya ba yin/ /dbang ni dgongs ka'i dus su bya/ /dgug pa la yang de dang 'dra/ /mngon spyod na ma phyed nyin phyed bya/ /bskrad pa'ang de dang 'dra ba yin/ /zhi ba shar du bya bar bshad/ /rgyas pa lho yi phyogs su bya/ /dbang gi las ni nub tu bya/ / dgug la'ang nub tu bya ba yin/ /mngon spyod byang du brtsam par bya/ /bskrad pa'i las kyang de dang 'dra/ /tshon gyis rjes mthun bri ba'am/ /yang na me tog dag kyang rung / /thab khung dag ni de ltar bya/ /rdzas ni 'di ltar shes par bya/ /zhi ba la ni til gyis so/ /rgyas pa la ni zho zan no/ / dbang dang dgug la ut+pal/ /mngon spyod la ni tsher mas so/ /bskrad pa la yang tsher ma'o/ /kun la mthun pa 'di dag ste/ /mchod yon dang ni zhabs bsil dang / /bsang gtor dri dang byug pa dang / /me tog mar me til dang ni/ /yam shing mar dang zho zan dang / /ku sha dUr ba'i myu gu nas/ / gro dang 'bru dang ma sha dang / /ma grugs 'bras dang rta sga dang / /gla gor sho sha dzA ti pa la/ /gzhan yang zhu ba'i rdzas rnams dang / /bdud rtsi me dang bud shing ngo / /mngon spyod la ni bsgrub bya yi/ /gzugs brnyan ske tshe lan tshwa dang / /khrag dang mi rus phye ma dang / /dug dang dpa' bo lnga rnams so//u dum+WA ra la sogs pa'i/ /yal ga rtse mo'i cha las byung / /srid du mdzub gang sbom mthe bo'i/ /dpangs tsam sbrang rtsi 'o ma dang / /tsan+dan dkar po'i chu la spangs/ /rtse gcig zhi la ro rgyas ni/ /yal ga dbus kyi cha las byung / /srid du khru gang sboms su ni/ mthe bo mthe'u chung bar khengs pa//zho dang mar dang ser po dri/ /de la spangs te rtse gcig pas/ /dbul bya mkhas pas dbang la ni/ /tsan+dan dmar dang yungs dmar la/ /spangs pa tshad ni zhi dang mthun/ /drag po la ni tsher ma'i shing / /rtsa ba'i cha las byung ba ni/ /srid du sor bcu sboms su ni//phra dang sbom pa'ang dbul bar bya/ /khrag dang dug dang lan tshwa dang / /tshwa ba'i dri la spangs pa'o/ /bskrad dang dgug pa'ang de bzhin no/ /ring dang thung dang gas dang phra/ /srog chags bcas sogs spang bar bya/ /u dum+WA ra la sogs pa'i/ /mngar ba'i ro dang 'o mar bcas/ / bud shing zhi ba'i las la bya/ /skyur ba'i ror ldan rgyas pa la'o/ /dbang la dmar zhing tsher ma ni/ /lcags kyu lta bu yod pa'o/ /dgug pa la yang de bzhin no/ /drag po la ni kha ba dang / /tsha ba'i ror ldan tsher mar bcas/ /bskrad pa la yang de bzhin no/ /ring thung kha dog la sogs pa//ci rigs pas ni bud shing bya/ /mchod yon la sogs snod rnams ni/ /zhi ba la sogs las rim bzhin/ /dngul dang gser dang zangs ma dang / /lcags la sogs pas byas pa yin/ /dgang gzar byugs gzar yu ba khru/ /'og tu rdo rje rin chen bya/ /de steng rgyar ni sor bzhi la//zabs su sor gnyis nang rdo rje/ /sor bzhi'i mthar ni rdo rje ste/ /bar du pad+ma'i 'dab ma'i dbyibs/ /blugs gzar pad+ma'i dbyibs sor gnyis/ /zabs su sor gcig nang rdo rje/ /'o ma can las byung me'am/ /rgyun gzhag me'am bram ze ni/ /tha mal me ni zhi ba la'o//rgyas pa la ni rgyal po dang / /rgyal rigs dang ni blon po'i me/ /yang na dgon pa nas byung me'o/ /dbang dang dgug la smad 'tshong ngam/ /rje rigs khyim nas byung mes bya/ /dgug pa la ni gar mkhan dang / /rol mo pa las byung ba 'am/ /lam du bus pa'i mes bya'o//mngon spyod la ni rje bo dang / /gdol pa'i khyim nas byung bas bya/ /bskrad pa la yang de bzhin no/ /kun la'ang dur khrod me dang ni/ /sol bar ldan pas bya ba'o/ /sbyin sreg yo byad thams cad ni/ /bdag gi g.yas su dgod par bya/ /rdo rje de bzhin dril bu dang / /mchod yon snod ni g.yon du gzhag /dgang gzar dang ni blugs gzar dang / /mar ni mdun du gzhag par bya/ /mngon spyod pa ni go bzlog pa'o/ /thams cad kyang ni bsangs nas gzhag /slob dpon dag gam sgrub pa po/ /mtshan nyid thams cad yang dag ldan/ /sbyin sreg las la mkhas pa yis//brtson pas sbyin sreg las bya'o/ /'dir ni lha ni rnam gsum ste/ /bsreg bya len dang las byed dang / /mchod par bya ba'i me lha ste/ /'di rnams mtshan nyid gzhan nas gsungs/ /thab kyi rim pa bshad par bya/ /de nas slob dpon de yis ni/ / sbyin sreg khang par legs 'dug nas/ /khrus sogs bya ba sngon byas te/ /sgrub thabs las byung cho ga yis/ /las kyi rjes su mthun pa yi/ /lha yi nga rgyal bskyed nas ni/ /rdzas rnams yang dag byin gyis brlab/ /dang por bsang gtor snod la ni/ / gsang sngags 'di ni bzlas byas te/ /oM rak+Sha rak+Sha hUM hUM hUM phaT/ /de yis kun la bsang gtor bya/ /de nas mchod yon la sogs la/ /rang rang gsang sngags bzlas pa'am/ /yang na gsang sngags 'di bzlas te/ /oM AHhUM/ thams cad dag par bsam bya ste/ /gong nas 'byung ba'i me blangs la//de la rak+Shas bsang gtor bya/ /thab tu 'ang bsang zhing me bcug la/ /gsang sngags 'di dang bcas pa yi/ /rlung yab kyis ni spar bar bya/ /oM he ru ka ma hA badzra dz+wa la hUM hUM hUM/ de nas bgegs ni bcing bya'i phyir/ /ku sha drungs phyung sngo ba la/ /gsang sngags 'di ni bzlas nas kyang //oM badzra satwa A yu She swA hA/ /shar dang lho dang nub dang byang / /dbus su'ang legs par dgram par bya/ /de nas legs sbyangs gnas der ni/ /yi ge hUM las byung ba yi/ /zhi sogs las kyi rjes mthun pa'i/ /thab khung dag ni bsam par bya'o/ /de yi dbus su pad+ma ni//'dab brgyad pa ni legs dmigs la/ /mngon par byang chub lnga yis ni/ /rdo rje sems dpa' bskyed par bya/ /'dod chags chen po'i tshul gyis ni/ /rdo rje sems dpa' yongs gyur las/ /raM las byung ba'i me lha bsam/ /zhi ba'i me lha dka' po'o/ /rgyas pa la ni ye shes me/ / dbang dang dgug la 'dod pa'i me/ /mngon spyod las dang bskrad pa la/ /rlung gi me ni mkhas pas bsam/ /zhal gsum phyag drug kha dog dkar/ /mchod phyir thogs la sogs pas brgyan/ /dang pos rig ma yang dag 'khyud/ /g.yas gnyis dbyug to mi 'jigs pa/ /g.yon gnyis bgrang phreng spyi blugs 'dzin//rgyas pa de las kha dog ser/ /dbang dang dgug la dmar po la/ /g.yas g.yon gnyis kyi bar pa na/ /lcags kyu zhags pa 'dzin pa'o/ /gsad dang bskrad dang nag po la/ /dbu skra gyen brdzes za byed lta bu yi/ /g.yas na ral gri 'dzin pa'o/ / sngags dang phyag rgya sbyor ba yis/ /ye shes me lha spyan drang bya/ /g.yas pa mi 'jigs phyag rgya yi/ /mthe bong srin lag mtshams bkug pa'o/ /oM ag+na ma hA te dza sarba kA mar+tha sA d+ha ka/ /ka ru tsu da kri twa swA hA/ asmi san+ni hi to b+ha ba/ me lha spyan drang ba'i phyag rgya dang sngags so/ /bgegs bskrad bsang gtor la sogs bya//dzaHhUM baM hoH/ /zhes brjod pas/ dgug dang de bzhin gzhug pa dang / /bcing dang rjes su dgyes par bya/ /sa tiM hUM gats+tsha ha bya b+hu ka a ga mi sha si dza ta kA le sarba sid+hi ku ru sha me/ /me dga' ba'i sngags so/ /de nas gnyis med me lha la/ /thugs ka'i sa bon 'od zer gyis//de bzhin gshegs rnams bskul byas te/ /bdud rtsi bum pa'i chu yis ni/ /dbang bskur ba ni bya ba'o/ /zhi ba'i me la rnam snang mdzad/ /dbu rgyan du ni bya ba yin/ /rgyas la rin chen 'byung ldan no/ /dbang dang dgug la tshe dpag med/ /gsod sogs las la mi bskyod pa'o/ / de nas rang rang sngags kyis ni/ /bsang gtor mchod yon zhabs bsil dbul/ /de nas me lha'i kha dang ni/ /dgang gzar blugs gzar nang du ni/ /yi ge raM ni legs bkod de/ /mar gyis yongs su bkang ba yi/ /dgang blugs bdun nam gsum mam gcig /me lha'i sngags kyis dbul bar bya//oM he ru ka ag+na ye a mo ka s+ya shAn+tiM gu ru swA hA/ /gzhan yang rang rang sngags dang sbyar/ /de nas 'bar ba'i mtshan ma brtag /ngan na bsrung bar bya ba'o/ /de nas legs par me de la/ /mchod pa kun gyis rab tu mchod/ /oM rak+Sha rak+Sha hUM hUM hUM phaT/ bsang gtor sbyin pa'o/ / oM kha raM khA hi swA hA/ mchod yon gyi sngags so/ /oM ni ri ti hUM/ zhabs bsil gyi sngags so/ /oM badzra gan+d+he hUM dri'i sngags so/ /oM badzra puSh+pe hUM/ me tog gi sngags so/ /oM badzra d+hU pe hUM/ bdug spos kyi sngags so/ /oM badzra dI pe hUM/ /mar me'i sngags so/ /oM badzra nai bi d+ye hUM/ lha bshos kyi sngags so//de nas sgra dang rol mo rnams/ /phul la rdzas rnams yang dag bsang / /thog ma tha mar dgang gzar gyis/ /dbul bya gzhan du blugs gzar gyis/ /oM ag+na ye swA hA/ mar gyi'o/ /oM badzra ya dz+nyA na ya swA hA/ /yam shing gi'o/ /oM sarba pA baM da ha na badzra ye swA hA/ til dang yungs kar rnams kyi'o/ /oM sarba saM pa de swA hA/ zho dang zan gyi'o/ /oM a bra ti ha ta badzra ye swA hA/ ku sha'i 'o/ /oM badzra A yu She swA hA/ dUr ba'i myu gu'i'o/ /oM badzra ma hA be gA ya swA hA/ nas kyi'o/ /oM badzra g+hasma ri swA hA/ gro'i'o/ /oM badzra bi dzA ya swA hA/ 'bru'i'o/ /oM ma hA ba lA ya swA hA/ ma sha'i'o/ /oM badzra puSh+Ta ye swA hA/ 'bras ma grugs pa'i'o/ /oM ma hA shi ya swA hA/ rta sga dang / gla gor zho sha dang / dzA ti pha la rnams kyi'o/ /zhu ba'i rdzas rnams lhag ma ni/ /me lha'i sngags kyis sbyin sreg bya'o/ /oM bo d+hi br-ik+Sha ye swA hA/ byang chub shing gi'o/ /oM badzra rta tA ya swA hA/ n+ya gro d+ha'i'o/ /oM badzra sa ta ka rA ya swA hA/ a mra'i'o/ /yam shing 'od kyi dkyil 'khor du'o/ /til dang 'bras chan zho ni phyag /ku sha dUr ba spyi gtsug tu'o/ /nas dang gro dang 'bras dang ni/ /mon sran rde'u zhal du'o/ /zhu ba'i rdzas kyang zhal du'o//dri ni thugs kar me tog dbu/ /zhal bsil zhal la dbul bar bya/ /mchod yon 'thor 'thung phyag la'o/ /mar me mdun du dbul bar bya/ /de nas bsang gtor sbyin la bstod/ /hUM 'jig rten dbang phyug tshangs dbang mgon gyi sras/ /me lha'i rgyal po Tak+kis dbang bskur ba/ / shes rab mchog gis nyon mongs thams cad bsreg /'dzin byed me lha nyid la rnam par 'dud/ /bstod pa'o/ /de nas bdud rtsi'ang 'bul byas la/ /las rnams bsgo bar bya ba'o/ /me lha'i dbang du byas pa'o/ /de nas me lha'i thugs kar ni/ /nyi ma'i dkyil 'khor legs bsams la//der ni lha rnams bskyed par bya'o/ /de nas thugs ka'i 'od zer gyis/ /ye shes dkyil 'khor spyan drang bya'o/ /bgegs bskrad bsang gtor mchod yon sbyin/ /dzaHhUM baM hoH zhes brjod la/ gau rI la sogs bzhi pos ni/ /dgug gzhug bcings la dgyes pa bskyed/ /thugs ka'i sa bon 'od zer gyis//ye shes dkyil 'khor spyan drangs la/ /de yis dbang bskur legs par bya/ /de nas 'thor 'thung mchod yon 'bul/ /lha rnams lce la hUM bkod de/ /sngon du gsungs pa'i rim gyis ni/ /mchod pa kun gyis rim bzhin mchod/ /khyad par bshad pa'i rdzas rnams ni//ji ltar nus par bya ba'o/ /mthar ni dgang blugs phul nas ni/ /lha rnams gzi byin bskyed par bya/ /zhi la sngags kyi mtha' ru ni/ /shIn+taM ku ru swA hA btags/ /rgyas la sngags kyi mtha' ru ni/ /puSh+TiM ku ru oM zhes gdags/ /dbang la sngags kyi mtha' ru ni/ /wa shaM ku ru ho zhes gdags//dgug la sngags kyi mtha' ru ni/ /A kAR+Sha dang dzaH gdags so/ /mngon spyod la ni sngags kyi mthar/ /mA ra ya phaT ces bya btags/ /de nas bsang gtor phul nas ni/ /bstod pa rnams kyis yang dag bstod/ /bdud rtsi myang ba'ang bya ba yin/ /dngos grub gang 'dod gsol gdab la//ye shes dkyil 'khor slar gshegs gsol/ /dam tshig lha rnams thugs kar bsdu/ /lha dbang du byas pa'o/ /de nas bar chad nyer zhi'i phyir/ /a kA la sogs sngags kyis ni/ /phyogs skyong la sogs mgron rnams la/ /gtor ma 'bul bar byas nas kyang //rdzas rnams lhag ma me lha la/ /sngags kyis bsang nas rim bzhin du/ /bsang gtor mchod yon la sogs pa/ /so so'i sngags kyis dbul bar bya/ /dril bu rol mo'i sgra rnams dang / /bstod pa'ang snga ma bzhin du bya/ /bdud rtsi myang ba'ang byas nas ni//ye shes me lha gshegs su gsol/ /oM ag+na ye ya hi ya ti swa sarba tse bA pa ra ar+thaM tsas ti haM gats+tsha ha bya bu ka/ spyan drang ba yi cho ga las/ /mthe bong phyir bskyed slar gshegs pa'o/ /slar gshegs pa'i sngags dang phyag rgya'o/ /de nas dam tshig me lha ni/ /me yi gzugs su gyur par brtag /dge ba'i rtsa ba bsngo bya ste/ /ci bde bar ni gnas par bya'o/ /mkha' las char ba bab pa yis/ /rdo rje'i steng nas rtsa skyes ltar/ /slob dpon dag gi byin rlabs kyis/ /rtog ge bdag gis byas pa'o/ /sbyin sreg gi cho ga slob dpon mtsho skyes rdo rjes mdzad pa rdzogs so/

CLOSE WINDOW