CLOSE WINDOW

D1211
བོད་ཡིག

/dbyu gu yang de dang 'dra'o/ /rgya gar gyi mkhan po rat+na badzra dang / dge slong shAkya ye shes kyis bsgyur ba'o// //[]@/ /kye rdo rje'i de kho na nyid rnam par phye ba bzhugs/ @##/ /kye'i rdo rje'i de kho na nyid rnam par phye ba las gsungs pa/de bzhin stong pa bcu drug ni/ /bcu drug phyag tu rab tu grags/ /glang po gti mug chos yin pas/ /glang po rnam par snang mdzad brjod/ /zhe sdang chos ni rta yin pas/ /rta ni mi bskyod par rab brjod/ /bong bu nga rgyal chos yin pas/ /bong bu rin chen 'byung gnas brjod//ba glang 'dod chags chos yin pas/ /ba glang pad+ma skyes par brjod/ /rnga mo phrag dog chos yin pas/ /rnga mo don yod grub pa nyid/ /las dang nyon mongs sdug bsngal la/ /mi dang sha ra b+ha byi la/ /stong pa brgyad du yang dag 'byung / /thod pa brgyad du yang dag gnas/kye'i rdo rje de kho na nyid rnam par phye ba las gsungs pa/ rdo rje gsum ngos mi phyed phyir/ /de ni mi phyed mar rab grags/ /skra yi rtse sogs rab dbye bas/ /de nyid kyang ni phra bar skye/ /mo gsham bu yi ngo bo'i phyir/ /de nyid kyang ni gzugs zhes bsgrags//gang phyir lus las 'byung ba'i phyir/ /de la brtse ba mar rab grags/ /gang la g.yon du 'khor 'gyur ba/ /de la g.yon pa ma zhes brjod/ /gang tshe zlum po'i lha mo ni/ /thung ngu ma zhes rab tu brjod/ /gang tshe rus sbal rnam skyes pa/ / rus sbal skyes zhes mngon par brjod/ /gang la srid pa'i mngon gnas pa/ /de la bsgom pa ma zhes brjod/ /bsil ba bsil sbyin ma yi rtsa/ /tsha ba yang ni tshe sbyin ma/ /tri pa ta med rang bzhin gyis/ /de la brkyang ma zhes byar brjod/ /rang bzhin med pa'i ngo bos ni/ / kun 'dar ma zhes rab tu bsgrags/ /thams cad ro ni ster ba'i phyir/ /de la ro ma zhes su brjod/ /gang tshe zla ba'i rnam pa'i gzugs/ /mkhas pas tshad ma zhes su bsgrags/ /'jigs pa mun pa'i gzugs su ni/ /kha dog nag po'ang skye bar 'gyur/ /mnyam pa'i sems kyi sbyor ba yis//spyi ma zhes ni mngon par brjod/ /gang tshe rgyu kun sbyin pa yang / /rgyu sbyin ma zhes rab tu grags/ /rgyu yi sbyor bral sdug bsngal gyis/ /de la sbyor bral ma zhes bsgrags/ /gnyen gyi tshul gyis sdug pa yang / /sdu gu ma zhes bya bar grags//yid la 'dod pa grub pa'i phyir/ /grub ma zhes ni rab tu brjod/ /me yi khams kyi rang bzhin gyis/ /'tshed ma zhes ni nges par brjod/ /chu yi khams kyi rang bzhin gyis/ /de bzhin yid bzangs ma zhes brjod/ /gtum pa'i las gnas lha mo ni//de bzhin gtum mo zhes su bsgrags/ /gzhon nu ma ni g.yo ba'i phyir/ /gzhon nu ma ni 'dral mar brjod/ /'di rnams rtsa yi dbye ba yis/ /lha mo 'di rnams rab tu grags/ /yang dag par ni sbyor ba dang / /rdo rje mkha' 'gro las gsungs pa/ /mgrin pa nas brtsams g.yon pa'i rtsa//longs spyod pa yi sku can ma/ /lte ba'i nang du ngal bsos shing / /kha ni 'og tu myos byed 'bab/ /gang zhig lte ba nas steng rtsa/ /de bzhin kha ni steng du 'bab/ /mgrin pa'i nang du ngal sos shing / /khrag 'bab par ni rab tu grags//'dir ni myos byed zla bar bshad/ /khrag ni nyi ma zhes su gsungs/ /'di dag zla ba nyi ma gnyis/ /rtsa gnyis su ni rab tu grags/ /zhe'o/ /yang dag par sbyor ba las gsungs/ /snying gi nang son pad+ma ni/ /'dab ma brgyad par snying por bcas/ /de yi nang du son pa'i rtsa//mar me rang gi ngo bo can/ /ka ta la yi me tog mtshungs/ /nar zhing kha ni 'og tu'o/ /de yi nang nas dpa' bo ni/ /yungs kar gyi ni sbom phra tsam/ /gzhom med hUM gi sa bon ni/ /snying po lta bu 'dzag pa nyid/ /'gro dang 'ong bar byed pa 'di//thams cad lus la rnam par gnas/ /dngos med rnam pa'i gzugs su ni/ /thung ngu ru ni yongs su grags/ /snying gar hUM gi rnam pa ni/ /ring po ma mo gnyis dang gnas/ /mgrin par oM gyi gzugs kyis ni/ /ma mo gsum dang pu lu ta/ /dpral bar haM gi rnam pa 'di//sgra dang thig le gzhom med pa'i/ /rdo rje sems dpa'i gzugs kyis ni/ /'dir ni ji ltar bde bar rol/ /'dab ma rnams kyi bzhi la yang / /phyogs bzhi dag tu rnam par gnas/ /'byung ba bzhi yi rtsa rnams ni/ /mar me'i rang bzhin lta bu'o/ / mi phyed ma ni spyi bor gnas/ /so dang sen mo 'bab mar brjod/ /spyi bo'i gtsug tu phra gzugs ma/ /skra dang ba spu 'bab par brjod/ /rna ba g.yas par brtse ba ma/ /pags pa dang ni dri ma 'bab/ /rgyab kyi ngos su g.yon pa ma/ /sha ni 'bab pa nyid du brjod/ / rna ba g.yon par thung ngu ma/ /chu rgyus 'bab par brjod pa'o/ /smin ma'i dbus su rus sbal skyes/ /rus pa'i phreng ba 'bab pa'o/ /mig dag tu ni bsgom pa ma/ /mkhal ma 'bab par brjod pa'o/ /lag pa'i rtsa bar dbang ma ni/ /snying ni 'bab par brjod pa'o//skyon zhes bya ba skyon ldan ma/ /mchan khung dag tu mig 'bab ma/ /'jug ma zhes bya'i 'jug chen mo/ /nu ma dag tu mkhris pa 'bab/ /lte ba ma mo glo ba 'bab/ /sna yi rtse mor mtshan mo ni/ /rgyu ma'i phreng ba 'bab pa nyid/ /kha dag la ni bsil sbyin ma//ngos kyi chu rgyus 'bab pa nyid/ /mgrin pa ru ni tsha ba ma/ /lto ba dag ni 'bab pa nyid/ /brkyang ma dang / ro ma dang / kun 'dar ma zhes pa 'di gsum ni gong du bshad pa nyid do/ /snying gar gzhol ma bshang ba 'bab/ /rangs ma zhes bya rangs ma'i gdong //'khyud ma mtshams kyi mtha' nang son/ /rtags la shin tu gzugs can ma/ /bad kan 'bab pa nyid du brjod/ /bshang ba'i lam du gci ma ni/ /rnag 'bab par ni brjod pa yin/ /brla dag tu ni rgyu sbyin ma/ /khrag 'bab par ni brjod pa'o/ / byin pa dag tu sbyor bral ma/ /rdul ni 'bab pa ru ni brjod/ /rkang pa'i sor mo sdu gu ma/ /tshil bu 'bab par brjod pa nyid/ /rkang pa'i rgyab tu 'grub ma ni/ /mchi ma 'bab par brjod pa nyid/ /mthe bor 'tshed ma mchil ma 'bab/ /pus mo gnyis su yid bzangs ma//sha dang snabs ni 'bab pa nyid/ /snying gi pad+ma'i ze 'bru ni/ /phyogs 'dab rim pa ji lta ba/ /sum skor 'dab ma khyim ma dang / /gtum mo dang ni bdud 'dral ma'o/ /brkyang ma ro ma kun 'dar ma/ /gsum ni bdag med rnal 'byor ma/ /mi phyed ma dang phra gzugs ma//rgyal bas rdo rje ma ru bshad/ /brtse ba ma dang g.yon pa ma/ /gnyis ni gau rI nyid du brjod/ /thung ngu ma dang rus sbal skyes/ /chu yi rnal 'byor ma zhes zer/ /sgom pa ma dang dbang ma nyid/ /rdo rje mkha' 'gro mar ni bshad/ /skyon ldan ma dang 'jug chen ma//gnyis ni puk+ka sI ru brjod/ /ma mo dang ni mtshan mo yang / /ri khrod mar ni rab tu grags/ /bsil sbyin ma dang tsha ba ma/ /gdol pa mer yang brjod pa nyid/ /gzhol ma dang ni rangs ma'i gdong / /'di gnyis g.yung mor brjod pa nyid//shin tu gzugs can spyi ma gnyis/ /gau rI sgo ni skyong ba mo/ /sgyu sbyin ma dang sbyor bral ma/ /chom rkun ma ru thub pas gsungs/ /sdu gu ma dang grub ma yang / /ro langs mar ni mngon par brjod/ /'tshed ma dang ni yid bzangs ma/ /g+ha sma rI ru dran par bya/ /sum skor ma dang 'dod ma nyid//gnyis ni sa spyod ma ru brjod/ /khyim pa gtum mo bdud 'dral ma/ /rtsa rnams gsum ni mkha' spyod ma/ /mkha' 'gro mar ni 'dod pa yi/ /bco lngas thams cad bsdus pa nyid/ /kye'i rdo rje'i de kho na nyid rnam par phye ba dang /

CLOSE WINDOW