CLOSE WINDOW

D1200
བོད་ཡིག

rnal 'byor gyi dbang phyug chen po dpa' bo rdo rje'i zhal snga nas kyis mdzad pa rdzogs sto/ /[]@##/ /rgya gar skad du/ shrI gu h+yA r+tha pra kA sa ma hA Ad+b+hU ta nA ma/bod skad du/ dpal zab mo'i don gsal ba rmad du byung ba chen po zhes bya ba/ dpal rdo rje sems dpa' la phyag 'tshal lo/ /phyag rgya chen po'i bdag nyid mgon/ /rang rig pa yi mtshan nyid dngos/ /spros pa med pa sku dang bral/ /ye shes nam mkha' rang bzhin 'dud//bya ba dang / spyod pa dang / rnal 'byor dang / rnal 'byor bla ma dang / rnal 'byor bla na med pa'i rgyud kyi mchog gi nang nas/ de rang phyag rgya chen po'i thig le rgyud kyi rgyal po las/ gang zhig dpal bla mas slob ma la bshad pa bdag la gnang ba de rang don/ phyi nas rnal 'byor ma'i lung las 'dun pa dang /mtshan nyid med pa'i ngag gi dbang gis rdo rje spun dang lhan cig 'brel gtam bgyid pa'i phyir bdag 'dri zhes thos so/ /de ni ji ltar bla mas gtan la phab pa'i rim pa rnam par dpyad de/ dang po re zhig brjod pa la sogs pa lnga bshad de/ gang gi phyir zhe na/des ni rgyud la mdor bstan pa dang / rgyas par bstan pa dang / so sor bstan pa dang / ye shes dang ye shes las byung ba'i don kun shes so/ /de'i phyir brjod pa la sogs pa lnga 'dri ba legs/ de la rim pa ni 'di yin te/ brjod pa dang / brjod par bya ba dang / 'brel pa dang / dgos pa dang / dgos pa'i yang dgos pa'o/ /de ru cha dang thig le la sogs pa'i bdag nyid sbyor ba drug gi rnam par shes pa man chad lnga bcu rtsa bzhi 'bri ba gang zhig dpal ye shes mkha' 'gro'i mtshan zhes bya ba'i mthar yan chad brjod pa'o/ /de ni dpal phyag rgya chen po'i thig le rje btsun smra ba de ni brjod par bya'o//de dag rjod pa dang / brjod par bya ba gnyis gnyis su med pa'i ngo bo'i phyir/ shes rab dang thabs gnyis su med pa'i de kho na nyid kyis 'dul ba'i don gzigs nas gang zhig gsang ba'i dbang bskur ba la sogs pa sbyin pa yang blang ba de ni dgos pa/dbang bskur ba la sogs pa thob pa'i phyi nas gang zhig 'bras bu rnyed pa de ni dgos pa'i dgos pa'o/ /'bras bu'i sgras ni sangs rgyas nyid/ /yang na rdo rje 'dzin pa'o/ /da ni brjod pa la sogs lnga la don gyi khyad par can 'dri/ gang zhig brjod par bya ba de ni rgyud kyi mdor bstan pa'o//gang zhig brjod par bya ba de ni rgyud kyi don rgyas par bstan pa'o/ /gang zhig 'brel pa de ni gsang ba'i dbang la sogs pa so sor bstan pa'o/ /gang zhig dgos pa de ni shes rab ye shes kyi dbang bskur pa'i ye shes so/ /gang zhig dgos pa'i dgos pa de ni bzhi pa'i don gyi man ngag gi ye shes las byung ba'o//ye shes las byung ba'i sgras ni ye shes thams cad khong du chud pa zhes bya ba'i don to/ /de ni slob dpon gyi gzhung ngo / /sdud pa po'i gzhung gis 'di ru brjod pa ni mdor bstan pa'i rgyud do/ /brjod par bya ba ni rgyas par bstan pa'i phyag dang zhal la sogs pa dang ldan pa'o//'brel pa ni so sor bstan pa'i mkha' 'gro ma'i 'khor ro/ /dgos pa'i ye shes ni 'dod chags kyis 'dul ba rnams la shes rab dang thabs gnyis su med pas tha mal pa'i 'dod chags 'jig pa'o/ /dgos pa'i dgos pa ye shes las byung ba ni grangs med pa'i 'jig rten gyi khams na yod pa'i bde ba dang mi bde ba la sogs pa'i nad kyis 'tshe ba la/bde ba chen po'i gnas su sleb pa'o/ /de ni slob dpon gyi zhal snga nas sdud pa po'i gzhung bshad pa'o/ /zhu ba po yang de ru 'di skad smra'o/ /rgyud la 'di skad bdag gis thos pa med pas sdud pa po'i gzhung ji ltar yin/rdo rje slob dpon gyis bka' stsal pa/ 'bum lnga'i bdag nyid/ kye'i rdo rje rtsa ba'i rgyud la 'di skad bdag gis thos pa la sogs pa nye bar bstan pa gsungs so/ /de'i dus su gzhan ma yin pa'i 'khor gyi dbus su rtsa ba'i don gyi rgyud thams cad rnal 'byor ma'i gzhung gi gsang ba chen po'i don de ma thag tu rgyas btab pa'i phyir/phyag rgya chen po'i thig le phyi ma'i rgyud ces bya ba'i gsang ba'i rgya mtsho'i rgyud las gsungs so/ /phyi ma zhes bya ba ni sngar phyung ba ste/ dpal sangs rgyas mnyam sbyor de kho na nyid bstan pa las de skad gsungs so//de'i phyir sdud pa pos 'di skad bdag gis thos pa la sogs pa ma smos so/ /'on kyang rtsa ba dang / brtag pa la sogs pa rgyud kun sdud pa po'i tshig yin no/ /gang gi phyir zha na/ bcom ldan 'das rdo rje sems dpa' ni lha dang mi la sogs pas rnyed par dka' ba de'i phyir/bcom ldan 'das kyi zhal nas sdud pa pos nyan te/ lha dang mi la sogs pa la gsal bar byas so/ /de bzhin du sdud pa po rang gis smras pa ni ma yin no/ /sdud pa po ni 'dir yang / rdo rje 'dzin pa'i sprul pa sa bcu'i dbang phyug byang chub sems dpa' sems dpa' chen po'o//bcom ldan ye shes mkha' 'gro la/ /zhes bya ba la bcom ldan 'das bdag gis zhu ba gson zhes/ de skad bcom ldan 'das dpal rdo rje 'dzin pa chen po la 'og tu 'chad pa'i sbyor ba drug gi rnam par shes pa la sogs pa don zhu ba'i phyir khong du chud par mdzad ces lung ngo //slob dpon gzhan gyi gzhung gis 'di ru don ni 'di yin te/ b+ha ga yod pa'i phyir bcom ldan 'das/ b+ha ga'i sgra ni yang dag pa chos kyi dbyings kyi ye shes de'i ye shes kyi 'od zer gang la yod pa de ni ye shes mkha' 'gro nyi ma'o/ /slob dpon gzhan gyi gzhung gis dbang phyug la sogs pa'i yon tan drug dang ldan pa'i phyir bcom ldan 'das so//nam mkha' la 'gro ba'i phyir mkha' 'gro zhes bshad do/ /nam mkha' la 'gro ba yang don/dpal in+d+ra b+hU ti'i zhal snga nas kyi gzhung gis 'di skad bshad de/ glo bur ba'i byang chub kyi sems kyi bdag nyid rdo rje 'dzin pa rang gis ngo bo'i sku rgyal ba'o/ /gsang ba'i snying pad rgyas par byed/ /ces bya ba la/ gsang ba ni/ A li kA li mnyam par sbyor ba zhes lung las bshad pa'o/ /slob dpon gzhan ma'i gzhung gis gsang ba ni chos kyi 'byung gnas so//rdo rje slob dpon gyi gzhung gis/ 'dab ma gsum pa'i rnam pa reg bya'i rtsa'i chu skyes so/ /snying po zhes bya ba ni byang chub kyi sems so/ /pad+ma zhes bya ba ni kun du dmar ba'i rang bzhin/ rgyas par byed pa zhes bya ba ni gsal bar mdzad pa'o/ /yang na 'byung bar mdzad pa'o zhes bya ba'i don to//gsang bar lte ba'i nang na gnas/ /zhes bya ba ni slob dpon badzra bo d+his gsungs pa'i A li kA li gnyis su med par sbyor ba mngon sum du rdo rje 'dzin pa chen po'i dngos po de/ 'di ru chos kyi 'byung gnas kyi gzhal yas khang gi nang du bzhugs so/ /rdo rje slob dpon gyi gzhung gis/gsang ba ni mchog gi dga' ba/ pad+ma ni chad pa'i dga' ba/ lte ba ni rang bzhin gyi dga' ba/ de lta bu'i dga' ba gsum gyi bdag nyid/ dga' ba gnyis kyi dbus su glo bur ba'i rang bzhin pad+ma'i 'dab mar chu bzhin du bzhugs so/ /'di ltar/ 'di ru gsang ba'i rgya mtsho las//mchog dang chad pa'i dbus su ni/ /de nyid gsum dag mi zad pa/ /gsang ba'i chu skyes lte nang bzhugs/ /gsang ba pad+ma rang bzhin bdag /ces gsungs so/ /'bum lnga'i bdag nyid la sogs zhes bya ba la/ de ru don ni 'di ltar bshad de/ 'bum lnga'i bdag nyid gang zhig kye'i rdo rje'i rgyud de ni brtag pa sum cu rtsa gnyis kyi mtshan nyid 'di ltar yin te/dang po rdo rje snying po mngon par byang chub pa'i brtag pa/ gnyis pa ni sgyu 'phrul gyi brtag pa/ gsum pa ni rdo rje gar gyi brtag pa/ bzhi pa ni sna tshogs kyi brtag pa/ lnga pa ni rdo rje'i brtag pa/ drug pa ni stobs po che'i brtag pa/ bdun pa ni mi g.yo ba'i brtag pa/ brgyad pa ni gzungs ma'i brtag pa/ dgu pa ni ku ru kul+le'i brtag pa/ bcu pa ni dregs chen gyi brtag pa/ bcu gcig pa ni rnam par snang mdzad kyi brtag pa/ bcu gnyis pa ni dngos grub kyi brtag pa/ bcu gsum pa ni sgrol ma'i brtag pa/ bcu bzhi pa ni rdo rje phag mo'i brtag pa/ bco lnga pa ni 'od zer gyi brtag pa/ bcu drug pa ni bdag med ma'i brtag pa/ bcu bdun pa ni gshin rje dgra'i brtag pa/ bco brgyad pa ni rdo rje hUM mdzad kyi brtag pa/ bcu dgu pa ni so sor 'brang ma'i brtag pa/nyi shu pa ni sbyin sreg gi brtag pa/ nyi shu rtsa gcig pa ni rab gnas kyi brtag pa/ nyi shu gnyis pa ni dkyil 'khor chen po'i brtag pa/ nyi shu gsum pa ni gtor ma'i brtag pa/ nyi shu bzhi pa ni sta gon gyi brtag pa/ nyi shu lnga pa ni mngon par byang chub pa'i brtag pa/nyi shu drug pa ni rgyas gdab pa'i brtag pa/ nyi shu bdun pa ni sbyor thabs kyi brtag pa/ nyi shu brgyad pa ni rdo rje glu'i brtag pa/ nyi shu dgu pa ni pad+ma gar gyi dbang phyug gi brtag pa/ sum cu pa ni phyag na rdo rje'i brtag pa/ sum cu gcig pa ni mkha' 'gro ma'i brtag pa/sum cu rtsa gnyis pa ni mkha' 'gro ma'i brtag pa/ de kun gyi nang nas mkha' 'gro dang mkha' 'gro ma'i yul du ma bzhugs pa zhes gcig nas gcig tu rim pa las byung ba'i tshig go/ /rgyud ces bya ba ni thabs dang shes rab gnyis med ldan pa'i bskyed rim rdzogs rim ldan pa'o//kye'i rdo rje zhes bya ba ni shes rab dang thabs gnyis su med pa las rdzogs pa'i bde ba chen po ye shes 'tsho zhes bya ba ni zab pa dang / gzung bar dka'o/ /gsungs zhes bya ba ni don ji lta ba bzhin bshad pa'o/ /sbyor drug rnal 'byor ma yi gzhung / /zhes bya ba ni 'di ltar gsungs/rnal 'byor ma'i gzhung gi sgras ni rnal 'byor ma thams cad kyi brtag pa'i rgyal po de ru le'u dang po la gang zhig sbyor ba drug dang rdo rje 'dzin pa chen pos bshad pa de ni rnal 'byor gyi rgyud kyi go rims kyis so/ /de'i phyir sbyor ba'i sgra la bstan pa/ sbyor ba ni mnyam par 'khyud pa/yang na phun sum tshogs pa/ de'i rim pa ni 'di yin te/ dang po ni bdag po'i phun sum tshogs pa/ gnyis pa ni rgyud kyi phun sum tshogs pa/ gsum pa ni sdud pa po'i phun sum tshogs pa/ bzhi pa ni dus kyi phun sum tshogs pa/ lnga pa ni 'khor gyi phun sum tshogs pa/drug pa ni gnas kyi phun sum tshogs pa/ de lta bu'i sbyor ba drug gis nyams par sbyor ba'i dngos po yang dag rgya che ba kun rdzogs kyi dpag tu med pa shes nas/ mdor bsdus pa 'dod pa can gyi don du/ cha dang thig le la sogs pa'i don bstan par byas nas/don dam pa'i sbyor ba drug gi don/ legs dgyes chen po'i mchod pa la sogs pa dang / rdo rje glu'i gus pas bcom ldan 'das rab tu dga' bar byas nas/ gsang ba'i sgras bcom ldan 'das mas 'di skad zhus so/ /cha dang thig le tshul dag dang / /tshul tsam mchog dang mchog las gzhan//sbyor ba drug dbye rnam par shes/ /gnas ni gang du gnas pa lags/ /srog ni gang nas byung ba dang / /rdo rje 'dzin pa gang du thim/ /rdo rje nyin gang mtshan mo gang / /mtshams dang shar ba gang zhig lags/ /gang du nub pa'i dus dang rtsa/ / mchog gi dbang phyug du tsam mchis/ /dus kyi mtshan nyid gang lags gsungs/ /de yi dus kyi dgos pa ci/ /A li kA li bya ba dang / /mnga' bdag gang nas byung ba lags/ /ro ni bye brag du zhig gnas/ /dga' ba yang ni de bzhin no/ /gang gi dus su dga' ba rnams/ /rdo rje dbang phyug skye bar 'gyur//chos kyi dbyings ni ji ltar bshad/ /rdo rje yang ni ji lta bu/ /re zhig bdag gi sgra ni gang / /gsang ba zhes bya ji ltar lags/ /mchog ces bya ba ji ltar te/ /dgyes pa'i don ni gsal bar brjod/ /rigs kyi bye brag du tsam bstan/ /phung po la sogs skye mched cing //tshangs pa dbang phyug drag po dang / /khyab 'jug rtag tu zhi ba dang / /gang nas skye zhing gang du gnas/ /ngo bo ji ltar chen po'i che/ /phyag rgya'i bye brag du zhig bstan/ /phyag rgya chen po ji ltar lags/ /mgon po mchod pa'i bye brag ci/ /de ru me tog ji ltar lags/ /mgon po chen po srog gcod ni//ji lta bu zhig 'tshal ba lags/ /dkyil 'khor mchog gi dam pa can/ /bcom ldan 'das de ji ltar lags/ /de ru lha mo ji ltar lags/ /lha mo zhes bya gang la bshad/ /bcom ldan dur khrod du zhig mchis/ /de ru shing ni ji ltar lags/ /dur khrod dang ni shing rnams las//rgyal ba'i dbang phyug gnas bka' stsal/ /mgon po nang gi sbyin sreg dang / /bdud rtsi lnga yi rim pa dang / /rnal 'byor ma yi 'dus pa dang / /de ru skad ni ji ltar lags/ /bdag nyid rang gi ngo bo ni/ /mgon po chen pos bka' stsol cig /de lta bu yi rim pa la//bzhi lhag lnga bcu dris pa la/ /gang du de nyid mchog gi dbang phyug gis rgyas par bstan pa/ bdag kyang de ru slob dpon gyi gzhung gis nges pa'i don dang / drang ba'i don bye brag gis 'dri zhes pa ni rigs pa'o/ /ci'i phyir zhe na/ rdo rje slob dpon gyis kyang rgyud kyi rim pa bka' stsal to//rgyud la rim pas dbang gi yan lag ni gong du yod do/ /de'i phyir dbang bskur ba'i don rab tu gsal bar byas nas/ rjes su rgyud thams cad kyi gleng gzhi dpyad par bya'o/ /gang gi phyir zhe na/ yang dag par dbang bskur ba'i slob ma lus la sogs pa zab pa'i man ngag gis don la snod yin par 'gyur ro//de lta ma yin par dbang bskur ba med par rgyud don gsal bar byas na slob dpon dang slob ma rtsa ba la ltung ba'o zhes gsungs so/ /dpal phyag rgya chen po'i thig le las/ le'u dang po'i bshad pa'o// // da ni le'u gnyis pa la zab pa'i tshig rnams bri/ bcom ldan 'das kyis bka' stsal pa la sogs pas mtha' yan chad don ji lta ba bzhin du bshad/ rim pa la sogs pa zhes bya ba la/ rim pa'i sgra ni sa bon las myu gu la sogs pa bzhin du nye bar dgod/ yang na skyor ba bzhi zhes bya ba ni don ji lta ba bzhin no//dbang bskur ba ni chags pa la sogs kyi dri ma dag par byed pa/ 'bras bu'i dus su gsum du dbye ba zhes bshad pa zhes bya ba ni rgyu 'bras kyi skabs su dpyad par bya'o/ /slob dpon la sogs bya ba la/ don ni ji ltar bshad de chu dang / dbu rgyan la sogs pas dbang bcu gcig gi dbang phyug sangs rgyas rdo rje 'dzin pa'i sku zhes bya ba'i don to//gsang ba zhes bya ba ni longs spyod rdzogs pa'i sku/ shes rab ye shes zhes bya ba ni chos kyi sku/ bzhi pa ni bde ba chen po'i sku/ slob dpon bcu gcig tu dbye zhes bya ba'i rim pa 'di yin te/ chu dang / dbu rgyan dang / rdo rje dang / dril bu dang / ming dang / dam tshig gsum dang / brtul zhugs dang / lung bstan pa dang / skyabs sbyin pa zhes bya'o/ /bcu gnyis pa gsang ba zhes bya ba ni longs spyod rdzogs pa'i sku'i mtshan nyid kyis kun rdzob dang don dam pa gnyis su med pa'i byang chub kyi sems myang ba nyams su myong ba zhes bya ba'i don to//bcu gsum pa shes rab ye shes zhes bya ba ni shes rab stobs kyi pha rol tu phyin pa'i ye shes shes nas spros pa dang bral ba gnyis su med pa/ de nyid ye shes la 'jug pa/ de ltar de nyid bcu bzhi zhes bya ba ni de nyid ye shes kyi 'jug pa las gzhan ma yin/ye shes ni nam mkha'i rang bzhin bde ba chen po'i sku nyid gsang ba'i dbang po rgyud kyi rim pa zhes bshad do/ /gzhan ni don ji lta ba bzhin du bshad/ sa dang 'bras bu gsum du dbye ba zhes bya ba la don ni 'di yin te/ gang zhig rgyu yin pa de rang rtsa ba/'di ru rtsa ba'i sgra ni 'od rab kyi rang bzhin/ chos kyi sku gsungs so/ /de yang sku dang gsung dang thugs gsum du dbye ba/ gang zhig bum pa'i dbang la sogs pa'i don de ni sku/ gang zhig gsang ba'i dbang de ni gsung / gang zhig shes rab ye shes kyi dbang de ni thugs so/ / de rnams kyi 'bras bu zhes bya ba ni sems las byung ba'i grags pa can/ bde ba chen po rgyal lo/ /yang na 'bras bu gsum du dbye ba'i don la ni 'di lta ste/ bzhi pa ni ye shes nam mkha'i rang bzhin gyi phyir rgyu la/ 'bras bu de'i phyir de nyid gsum gyi ngo bo nyid dpal rdo rje 'dzin pas gsungs so//dga' ba'i bye brag gis shes par bya zhes bya ba la/ dbang rnams la phyi'i rim pas dri ma med pa'i sa la sogs pa'i 'bras bu thob pa/ nang gi rim pas dga' ba la sogs pa'i 'bras bu'o/ /'khor lo rnams la don ni 'di lta ste/ bum pa'i dbang bskur ba'i dus su/ 'khrig pa dang 'o las sku'i 'khor lor dga' ba/bdud rtsi myong ba'i dus su/ 'jig rten las 'das pa'i reg bya tshor ba las gsang ba'i dbang las gsung gi 'khor lor mchog gi dga' ba/ shes rab thabs mnyam par sbyar ba'i bde ba nyams su myong ba las thugs kyi 'khor lor chad pa'i dga' ba/rang dang gzhan gyi bye brag gi dran pa med cing gang zhig dga' ba spros pa ye shes kyi 'khor lo rang bzhin gyi dga' ba zhes in+d+ra b+hU ti'i zhal snga nas kyi gzhung gis gsungs so/ /yar ngo'i tshes gsum zhes bya ba la sogs pa la/ bram ze 'dra bu'i gzhung gis gsang ba'i dbang bskur ba'i dus su byang chub kyi sems thig le gsum gzung ngo //thabs kyi zhal la sogs pa sgra ji bzhin du bshad do/ /lo bcu gnyis ma gsung ba'i dbang gi dus su'o/ /gang gi phyir zhe na pad+ma can ma yin pa'i phyir gsang ba byang chub kyi sems la bsrung ngo / /lo bcu drug dang ldan pa shes rab ye shes kyi dbang gi skabs su/dga' ba rab kyi ye shes pa bsrung ba dang byung ba gnyis kyi don du'o/ /lo nyi shu dang ldan pa/ gsang ba dang shes rab ye shes kyi dbang gnyis kyi don ni mi rnyed pa'i phyir spang bar bya'o/ /de ltar yang nyi shu lon pa yan chad ni phyag rgya'i dngos grub ring du bgyid pa nyid bcom ldan 'das rdo rje 'dzin pas gsungs so//rdo rje slob dpon gyi gzhung gis lo nyi shu lon pa byang chub kyi sems la 'khrug par byed 'khrug pas dga' ba 'byung bar mi 'grub/ rnal 'byor bla ma'i rgyud du 'dus par byas so/ /sring mo la sogs pa mtshan ma rnyed pa la/ dbang bskur ba gsum gyi dus su rig par gsungs so//ci'i phyir zhe na/ mtshan ma ni ye shes lnga la rgyu yin no/ /rgyu yod pas the tshom med pa'i 'bras bu rnyed do/ /ye shes kyi 'bras bu mngon du gyur pa'i rnal 'byor gyi dbang phyug la sring mo la sogs pas ni sdig pa med do/ /de ni re zhig kun rdzob kyi bden pa'i rim pa'o//don dam pa'i bden pa'i rim pas nang gi bum pa'i dbang gi dus su skad cig bye brag gsal bar byed pa'i phyir sring mo/ /gsang ba'i dbang gi dus su dga' ba 'jo ba'i phyir bu mo/ shes rab ye shes kyi dbang gi dus su ro thams cad la snang bar byed pa'i phyir chung ma/ chung ma slob dpon la dbul bar bya zhes bya ba la sogs pa kun rdzob kyi skabs su don ji lta ba bzhin gyis rtsa ba gsungs so//bla ma'i gzugs kyis bdag nyid ces bya ba la/ rdo rje sems dpa' rje btsun nyid ces bya ba'i don to/ /bdag mchod pa las dngos grub rnyed pa zhes bya ba la/ ye shes chen po thob ces dgongs pa'o//de ma thag tu phyag rgya chen po la sogs zhes bya ba la/ don 'di ltar bshad de bla ma rje btsun la yon phul ba dang / mchod pa la sogs pa'i phyis nas phyag rgya chen po'i dngos grub ster ba/ shes rab ma me tog dang spos la sogs pa'i rdzas kyis yang dag par mchod par byas nas lha mo'i gzugs su bsgoms te/slob ma'i yan lag thams cad du reg pa'i don du bsnyen par bya zhing sbyin par bya zhes dgongs pa'o/ /de ni nang gi bum pa'i dbang gi phyir yang rnam par rgyal ba'i bum pa lag tu gzung bar bya/ /gsang ba'i dbang gi dus su slob ma la ye shes goms pa'i phyir/dang po slob dpon gyis sna tshogs sbyor thabs kyis bsnyen pa bya'o/ /bsnyen pa sbyor bas byang chub kyi sems 'byung ba de ni slob ma'i kha ru dbab par bya gzhug par bya zhes sgra ji bzhin gyi rgyud kyi don no/ /sgra ji bzhin ma yin pa'i don gyis slob ma gzhan gyi dbang gang zhig 'byung ba de ni bdag gi gnas/slob dpon nag po'i gzhung gis/ bdag ni gnas rdo rje rin po che'i snying po gzhan gyi gnas ni pad+ma rin chen gyi snying po/ /slob dpon ku ku rA dza'i gzhung gis/ bdag gi gnas ni mchog gi dga' ba/ gzhan gyi gnas ni chad pa'i dga' ba/dpal in+d+ra b+hU ti'i gzhung gis bdag gi gnas ni bskyed rim/ gzhan gyi gnas ni rdzogs pa'i rim pa/ slob dpon Dom+bi pa'i zhal snga nas kyis/ bdag gi gnas ni thabs las byung ba/ gzhan gyi gnas ni thabs so/ /slob dpon gzhan pa'i ye shes dang / ye shes byung ba zhes dgongs pa'o//srin lag mthe bong la sogs zhes bya ba la/ phyi'i don gyi rdo rje rin chen gyi snying po'i nang nas byang chub kyi sems slob ma'i mgrin pa'i nang nas blugs te mgrin pa'i rtsa gnyis btsir bar bya'o/ /gang gi phyir zhe na/ des ni phyis nas ji ltar nyams su myong ba bzhin shes la/rang rig pa'i mtshan nyid can yang dag par 'byung ba zhes sgra ji bzhin gyis rgyud kyi don bshad de/ de ru dpe ni 'di lta ste/ gzhon nu ma la sogs pa la legs dgyes bzhin no/ /ji ltar shin tu lang tsho la bab pa'i rgyal po'i bu mo 'dod pa'i bde ba nam yang ma myong bas dang po'i skabs su shin tu mkhas pa/'dod pa'i sbyor bas gang zhig byed pa'i legs skyes kyi bde ba de ni dpe med brjod med ces slob dpon gzhan gyi gzhung ngo / /rdo rje slob dpon gyi gzhung gis ji bzhin/ dang po'i skabs su gzhon nu ma legs dgyes kyi bde ba/ rnam pa sna tshogs kyi bye brag cang mi tshor na/de bzhin du mgrin pa'i rtsa btsir ba las phyi rol gyi dngos po cang mi tshor ro/ /mthe bong zhes bya ba ni rdo rje rin chen/ srin lag ces bya ba ni rtog med ma/ sbyor ba zhes bya ba ni mnyam par 'khyud pa'i las kyis so/ /slob dpon u rgyan gyi gzhung gis srin lag ni chos kyi 'byung gnas/mthe bong ni rdo rje/ slob dpon kha che ba'i gzhung gis srin lag ni lte ba/ mthe bong ni sa bon/ slob dpon dzA lan+d+ha ra'i gzhung gis/ srin lag ni gsang ba'i sna/ mthe bong ni gsang ba'i rtsa/ longs spyod ni nang du 'jug par bya zhes bya ba la/ slob dpon a wa d+hU tI'i zhal snga nas kyi gzhung gis phan tshun byang chub kyi sems me tog gi sbrang rtsi yan lag bkab pas so//rdo rje slob dpon gyi gzhung gis/ rdo rje'i sa bon mchog gi dga' ba'i gnas su sta gon bya/ u rgyan gyi gzhung gis chad pa'i dga' ba'i gnas su rab gnas bya/ de ni gsang ba'i dbang gi rim pa'o//da ni rdo rje slob dpon gyi gzhung gis shes rab ye shes kyi dbang bri/ srog dang gtub pa mnyam par bya/ /zhes bya ba la/ phyi'i don gyi don ji lta ba bzhin no/ /nang gi don gyi srog ni 'gro ba'i dus/ gtub pa ni 'ong ba'i dus su/ dus kyi sgras ni 'jig rten las 'das pa'i bde ba nyams su myong ba'i skad cig go//mnyam par bya zhes bya ba ni ro gcig tu byas nas bstan pa'i rdo rje gzhon nu ma la legs dgyes kyis shin tu yang mchod par bya'o/ /legs dgyes zhes bya ba ni 'khrug pa med pa'i don to/ /shin tu zhes bya ba ni dus ring po'o//hUM phaT kyi sngags rin chen kha ru don 'di lta ste/ pad+ma dang rdo rje gnyis kyi lte ba'i kha ru hUM phaT bkod nas/ de la pad+ma bskyod par zhes tshogs la bshad pa'i skabs su slob ma la bshad pa'i dus su de la zhes bya ba ni byang chub kyi sems/ slob dpon u rgyan gyi gzhung gis lte ba/slob dpon kha che'i gzhung gis bya gdong ma/ slob dpon dzA lan+d+ha ra'i gzhung gis rang byung / slob dpon ka ma ru pa'i gzhung gis shes rab dang thabs mnyam par 'khyud pa'o/ /de'i dus la sogs pa ni don 'di ltar bshad de/ shes rab ye shes dbang bskur mnyam par sbyor ba'i dus su/ji ltar skad cig dang dga' ba slob dpon la skye ba de ltar ro/ /bcu drug ma la smra bar bya'o/ /gang gi phyir zhe na/ des yang dag par shes pas slob ma la dbang bskur ba'i dus su/ shes rab ma skad cig la sogs brda bgyid/ legs par brdas shes rab ye shes la 'khrul pa med pa'i sems grub pa zhes dgongs pa'o//phyis nas slob ma'i sbyin par bya/ /zhes bya ba la sogs pa'i yi ge'i don gyis bshad pa'o/ /pad+ma'i snying po'i dbus su gnas/ /zhes bya ba la sogs pa la/ pad+ma'i snying po ni sangs rgyas rin po che'i snod dbus na gnas zhes bya ba ni ri bong can 'bab pa'i gnas su bzhugs so//de ci'i phyir zhe na/ de rang don bri na/ rdo rje dbyings kyi dbang phyug ma'i rtsa/ rdo rje gsang pad kha 'byed/ rin po che la khams sa bon blugs pas phyug par byed pas rdo rje dbyings kyi dbang phyug ma zhes slob dpon gyis bstan pa'o//sangs rgyas nyid du thabs gzhan pas ma yin zhes gzhan kun gyi man ngag dang / bsgom pa la sogs pa dgag pa'i tshig go/ /gang gi tshe de ni mi rnyed ces pa/ 'di skad ces bshad de/ gang gi rdo rje dbyings kyi dbang phyug ma'i rtsa de ni rnam pa dang bral ba de'i phyir/phra bas phra ba nyid ces bcom ldan 'das kyis gsungs so/ /de ni gang nas rnyed ces rtog pa dang / mi rnyed pas rgyud kyi man ngag ni ji ltar 'gyur/ de'i don la thabs 'di ltar bshad/ rdo rje dbyings kyi dbang phyug ma dngos po dang bral bas kyang / de lta mod kyi bla ma'i man ngag las de la reg bya'i snang ba tsam tshor nas rang gi nyams su myong ba'i sems mi bskyod par 'gyur ro//de ru dpe ni 'di ltar gsungs so/ /me tog ke ta ka'i skyed mos tshal la/ gzugs med pa'i rlung / dbang po gsal ba'i shes rab can gyis gtan la phab nas/ gang gi tshe de ma thag tu bsnams pa tsam gyis sngar med pa'i dri nyams su myong /de ltar rig pas rdo rje dbyings kyi dbang phyug ma reg bya tsam gyis ci zhig dga' ba chen po nyams su myong / rim pa'i goms pa'i spyod pas sangs rgyas nyid 'thob po/ /dpal phyag rgya chen po'i thig le las le'u gnyis pa'i bshad pa'o// //da ni le'u gsum pa'i zab pa'i don bri/ de nas zhes bya ba rgyud thams cad kyi gleng gzhi dang / dbang bskur ba'i le'u gnyis pa'i 'og tu rgyud thams cad kyi gleng gzhi'i don/ dpal rdo rje sems dpa' rje btsun nyid rgyas par bstan pas bka' stsal kyang /de lta mod kyi dang po'i re zhig rdo rje slob dpon gyi zhal snga nas/ dpal in+d+ra b+hU tI'i zhal snga nas kyi gzhung gis ni/ de nas zhes bya ba la/ dang po ma skyes pa'i rang bzhin cha yin yang / thams cad 'byung bar mdzad pa zhes gsungs so/ / gsang ba zhes bya ba ni nyi ma'i 'od kyi rang bzhin thig le bshad ces bya ba ni rdo rje'i sa bon rnam pa can tshul gyi me/ mchog ces bya ba ni pad+ma'i sa bon grags pa mchog gi dga' ba/ rang gi ngo bo'i tshul can mchog gzhan zhes bya ba la/ mchog gi dga' ba las rab mchog gi mchog go//mthar mchog ces bya ba la/ nam mkha' lnga rnam par brgyan pa can/ rang bzhin dga' ba bde ba chen po'i rgyal po/ /de ni sbyor drug rnam par shes pa las rgyu'i mdor bstan pa gsungs so/ /da ni 'bras bu'i rgyas par bshad de/ phung po lnga nyid lus po la/ /legs dgyes dbang po 'khor lo drug /gang du bod pa'i tshig gi 'khor lo bye brag brda mdzad do/ /de rang don rdo rje slob dpon gyis 'di skad bshad de/ rlung gi 'khor lo lte ba'i gnas/ rkang pa'i mthil gyi gnas yan chad tshogs pa la bshad pa'i skabs so/ /slob ma la bshad pa'i dus su gsang ba'i pad+ma'i nang du'o//me'i 'khor lo ni de'i dkyil ma yin pa'i gru gsum gyi rnam pa/ u rgyan gyi gzhung gis lte ba'i phyi rol lo/ /sprul pa'i 'khor lo ni lte ba'i gnas/ chos kyi 'khor lo ni snying ga'i gnas/ /longs spyod kyi 'khor lo ni mgrin pa'i gnas/ bde ba chen po'i 'khor lo ni spyi bo'i gnas so/ /zla ba phyed bzhin cha'i dngos/ /rlung gi 'khor lo'i rnam par gsum/ dang ba'i don du bcom ldan 'das kyis gsungs so/ /rdo rje slob dpon gyi gzhung gis/ bcom ldan 'das ma bdag med ma/ /zhes nges pa'i don to/ /phyed min rgyas pa yang min chu zla bzhin du dpe yis gzung 'dzin rnam par spangs/rang nyid skye ba med pa yin yang thams cad la skye bar mdzad pa'i phyir sgyu 'phrul chen mo spros pa med kyang / khams gsum ma lus pa la srog gi cha bzung ma/ nam mkha'i rang bzhin gyi phyir zhi ba/ mchog gi dga' ba sbyin pa'i phyir mchog /rmad du byung ba'i dga' ba khong du chud pa'i phyir mchog gzhan ma/ rang bzhin dga' ba'i ngo bo nyid kyi phyir bsam du med pa/ srid pa dang mya ngan las 'das pa gnyis su med pa'i phyir skye ba med pa/ srog gi 'khor lo la srog gi grags pa can zhes 'di ltar gsungs te/phyi dang nang gi bdag nyid rlung gi 'khor lo skyed byed ma bdag /gang phyir zhe na/ rang bzhin gyis rlung gi ngo bo yin pa'i phyir dgongs pa'o/ /me yi 'khor lo'i nang du thim/ /yi ge med pa'i 'khor lo gcig /drang ba'i don gyi bcom ldan 'das kyi lung ngo / / rdo rje slob dpon gyi gzhung gis bcom ldan 'das rdo rje rigs skye bo rdo rjer grags pa bde ba chen po'i rgyal po'o/ /slob dpon ku ku ri pa'i zhal snga nas kyi gzhung gis me long lta bu'i ye shes ngo bo mi g.yo ba'i phyir yi ge med pa/ stong chen po'i rang bzhin gyi phyir rnam pa thams cad/ rnam pa med pa'i rnam par shes pa tsam gyi phyir kun la gnas pa/ rnam pa dang bcas pa'i rnam par shes pa'i ngo bo'i phyir kun la khyab pa dang / yang na nam mkha' rang bzhin gyi phyir/ shes rab dang thabs gnyis su med pa'i ngo bo'i phyir bde ba 'byung ba/ mchog gi dga' ba'i rang bzhin gyi phyir bde ba 'phel ba/yid kyi rnam par shes pa'i rang bzhin gyi phyir dbyangs dang gsal byed kyi yi ge dang bral ba/ bde ba chen po'i ngo bo nyid kyi phyir/ khams gsum ma lus pa rgyu bar byed pa po/ /tshul ni glo bur ba'i gnas zhes bya ba la/ drang ba'i don gyi bcom ldan 'das kyi lung ngo //nges pa'i don gyi rdo rje slob dpon gyi gzhung gis dpal rdo rje grags pa chen po'i rgyal po spros pa dang bral ba/ shes rab dang thabs dang 'khyud pa'i dus su tshul gyis 'du shes can/ rmad du byung ba'i dga' ba spro ba/ gang gi dga' bas thos pa dang / dran pa dang nyams su myong ba tsam gyis de bzhin gshegs pa yang / bde ba chen po'i bde ba rnyed pas/ phyi'i bud med kyi bde ba bsnyen pas dga' ba de ltar ni ma yin no/ /de'i phyir phyi ma yin pas rnam pa thams cad dang bral ba bde mchog dbang phyug gis zhes gsungs so//nyan thos dang rang sangs rgyas la sogs pa la gzung bar dka' ba'i phyir shin tu 'jigs par byed pa'i klu'i lce'i rnam pa/ ji ltar dpa' bo yin kyang sbrul chen po'i lce mthong na 'jigs so/ /de ltar rdo rje 'dzin pa la dga' ba 'byung ba sangs rgyas kyis kyang mi theg /'on kyang gzhan ma lha dang mi ci smos/nam mkha' la sogs pa la byed pa po zhes bya ba la phyi'i don gyis 'di ltar bshad de/ nam mkha'i sgra ni mtho ris/ sogs pa'i sgra ni mi yul dang sa 'og /nang gi don gyis mchog gi dga' ba la sogs pa/ slob dpon Dom+bi ba'i zhal snga nas kyi gzhung gis rnam pa sna tshogs pa la sogs pa'i skad cig/dpal in+d+ra b+hU te'i zhal snga'i gzhung gis/ ye shes gzugs dang bral ba'i phyir yi ge med pa/ reg bya dang bral ba'i phyir khams med pa la/ ro dang bral ba'i phyir gug skyed med pa/ sgra dang thal ba'i phyir thig le med pa dri ma med pa'i phyir dpag tu med pa/rang byung ba'i phyir skye ba med pa/ nam mkha'i rang bzhin gyi phyir mi zad pa/ don dam pa'i lta ba zhes dpal in+d+ra b+hU ti'i gzhung ngo / /lte ba'i gnas su la sogs bya ba la/ gong du bris so/ /slob dpon nag po pa'i gzhung gis lte ba ni gzhan ma yin/ sprul pa'i 'khor lo/slob dpon dpa' bo bzang po'i gzhung gis/ rdzogs pa'i rim pa'i phyogs su sprul pa'i 'khor lo lnga/ dpal sdom pa'i rgya mtsho dang / rigs chen po de kho na nyid kyi rgya mtsho chen po'i rgyud la sogs pa de dang 'dra/ mdor na bsdus pa 'dod pa la don gyi phyir/ brtag pa gnyis kyi rgyal po'i rgyud la sogs pa rgyas pa ma yin bka' stsal pa/yang na chos la spyod pa shes rab chung ba'i phyir zhes dgongs pa'o/ /tshul tsam chos kyi 'khor lor ni/ /sbrul gyi mig bzhin dri ma med/ /ces bya ba la/ drang ba'i don gyi bcom ldan 'das kyi lung ngo / / nges pa'i don gyi rdo rje slob dpon gyi gzhung gis 'di lta ste/ bcom ldan 'das la dang po'i dga' ba 'byung ba'i tshe rdo rje 'dzin pa'i sa la gnas pa/ de bzhin gshegs pa la de'i dga' ba'i 'od zer sna tshogs kyis/ yang dag par rmad du byung ba ro chen po brgyad skyes so/ /de gzigs nas phyis nas mchog gi dbang phyug gis/gsang ba chen po'i mchog /tshul tsam mchog gi dga' ba/ ye shes chen po rnam par spros pa/ chos kyi 'khor lor ni tsan+dan gang gis go rims kyi gnas kyis bstan pa'o/ /sbrul gyi mig bzhin dri ma med/ /ces bya ba la nye bar brtags pa tsam//'on kyang des ni shin tu dri ma med pa nyid rab tu bstan to/ /yang na nges pa'i don gyis sbrul gyi sgra ni longs spyod rdzogs pa'i sku/ kye la ri'i zhal snga nas kyi gzhung gis snang ba mched pa/ slob dpon badzra naM gyi zhal snga nas kyi gzhung gis rdo rje nyi ma shar ba/ka ma la bi rI zhal snga nas kyi gzhung gis thig le ye shes 'bigs pa/ rgyal mo lag smi'i gzhung gis sa la sogs pa 'byung ba lnga dang bral ba/ de'i phyir nyid rdo rje 'dzin pas yang dag dri ma med pa gsungs so/ /cha med pa'i phyir spros pa med pa gzhan ma'i gzhung ngo / /dri ma med pa'i phyir zhes bya ba de'i khyad par can gyi tshig /dri ma med pa bcos ma med pa rnam pa dang bral ba/ rnam pa med pa'i phyir gnas med pa/ gnas med pa'i phyir mi g.yo ba ye shes kyi nam mkha'i rang bzhin zhes bya ba'i don to/ /ye shes nam mkha'i rang bzhin gyi phyir dpe dang bral ba/dbus dang dbus ma yin pa med pa zhes bya ba ni yod pa dang med pa las 'das pa/ tshul tsam mchog gi ye shes ni/ lha'i dbang phyug gis mi shes khyab 'jug dang / lha chen dang / tshangs pa dang / brgya byin dang / nye ba'i dbang po la sogs pas kyang mi shes pa zhes bya ba'i don to//mchog gi longs spyod 'khor lor gnas/ /mchog gi rnam pa'i bdud rtsi mchog /ces bya ba la/ drang ba'i don gyi bcom ldan 'das kyi lung ngo / /rdo rje slob dpon gyi gzhung gis nges pa'i don gyi don 'di lta ste/ bcom ldan 'das rdo rje 'dzin pa chen po la mchog gi dga' ba ye shes chen po 'byung ba'i tshe/grangs med pa'i 'jig rten gyi khams na bzhugs pa'i sangs rgyas dang byang chub sems dpa' dang / 'chi ba med pa la sku 'bar ba dag dang / skam par 'gyur ba sems kyi sa la brgyal ba de ltar mi thub gzigs nas rdo rje 'dzin pa chen pos rab gtum dga' ba la snang ba med par mdzad nas/zhi ba chen po'i mtshan nyid mchog gi grags pa can gyis mtha'i dga' ba zhes rnam par spros so/ /longs spyod rdzogs pa'i don ni sngar bshad pas/ mchog gi dga' ba zhes bya ba la dga' ba thams cad dang skad cig dang ro rgyas pa'i phyir ro//mchog gi bdud rtsi zhes bya ba la thams cad skye ba'i rgyu yin pa'i phyir ro/ /dpal in+d+ra b+hU ti'i zhal snga'i gzhung gis mig mi thub pa'i skabs su/ dpe med pa'i bde ba myong ba'i phyir mchog gi bdud rtsi/ slob dpon ku ku ri'i zhal snga'i gzhung gis mi bskyod pa'i phyir mchog gi bdud rtsi/mchog gi dang po ni slob dpon gyi zhal snga nas 'di skad ces bshad de/ mchog la yongs su rdzogs pa'i ngo bo'i dga' ba la/ gang zhig 'od zer gyi tshogs de ni mchog gi dang po'o/ /mchog gi mtha' zhes bya ba la cho ga 'di skad gsungs te/yang dag drag po'i mchog ni dga' ba/ gang zhig nye bar zhi ba de nyid do/ /de ni mchog gi mtha'o/ /de ru bzhugs zhes bya ba la/ /de ru shar ba zhes bya ba'i don to/ /mchog grags mtha' ni dga' ba de ma thag tu bri bar bya'o/ /slob dpon gzhan gyi gzhung gis mchog ni dang po'i dga' ba/mchog gi mtha' ni chad pa'i dga' ba/ de ru bzhugs pa ni rang bzhin gyi dga' ba/ dpal in+d+ra b+hU ti'i zhal snga nas kyi gzhung gis/ mchog gi dang po ni gtso bo nyid/ mtha' ni de'i mjug /bzhugs pa zhes bya ba ni bskyod pa med pas so/ /slob dpon ku ku ri'i zhal snga nas [(]gyi [,]kyi [)]gzhung gis de dang 'dra'o//ji ltar chang gi ro ni bcud ces bya ba la/ rdo rje slob dpon gyis 'di skad ces gsungs te/ phyi rol gyi dpes ni ji ltar shin tu smin pa'i rgun 'brum gyi ro la dga' ba yod pa de'i phyir/ kun rdzob dang don dam pa gnyis su med pa'i byang chub kyi sems kyi ros sngar med pa rmad du byung ba'i zhi ba'i dga' ba yod do//mchog gi mtha' yis dga' ba la/ /gzugs la sogs pa'i rnam pa 'gog /de'i phyir/ gzugs dang bral ba'i bdag nyid bzhugs/ /thams cad bdag nyid dngos po med/ /ces pa nyid mchog gi dbang phyug gis gsungs so//mchog gzhan bde chen 'khor lor ni/ /thams cad mtha' yi mtha' na bzhugs/ /bcom ldan 'das kyis gsungs pa sgra ji bzhin gyis so/ /dngos grub thob pa'i slob dpon gyi gzhung gis/ /don ni 'di ltar bshad de/ dpal rdo rje 'dzin pa chen po mtha'i dga' ba/zhi ba chen po'i rang bzhin bzhugs pa'i skabs su/ de bzhin gshegs pa thams cad stong pa nyid 'jigs pa'i phyir brgyal ba/ sa la 'gyel ba de ltar gzigs nas bcom ldan 'das phyis nas kyang / mchog sbyin gyi grags pa can rmad du byung ba chen po'i dga' bar mdzad cing snang ba'o//bde ba chen po'i 'khor lo zhes bya ba/ slob dpon ku ku ri'i zhal snga nas kyi gzhung gis/ bde ba chen po tshor ba'i gnas gsang ba'i rin chen gyi snying po'o/ /kun gyi mtha' yi mtha' na bzhugs/ /zhes bya ba la 'di skad gsungs te/kun gyi mtha'i sgra ni mtha'i dga' ba'o/ /de'i mtha' ni ma yin pa rnam par 'byed pa dpal in+d+ra b+hU ti'i sras kyi gzhung gis kun gyi mtha' ni dga' bral/ mtha' na bzhugs pa zhes bya ba la rang bzhin gyi dga' ba/ de'i phyir/ blta bar dga' ba'i mtshan nyid dga'//thams cad mtshan nyid min dang bral/ /brjod med mi zad zhi ba ste/ /rang dga' nyams su myong ba'i dngos nyid rdo rje sems dpa' gsungs so/ /bla ma'i zhabs kyi bka' drin gyis/ /zhes bya ba la sogs pa la sgra ji bzhin gyis bshad do/ /steng 'og mnyam par sbyor ba yi//kha sbyar gyi ni dbyings kyi gnas/ /zhes 'khor lo rnams la de ltar mtshan nyid bshad do/ /slob dpon Dom+bi pa'i zhal snga nas kyi gzhung gis gsang ba'i pad+ma snying por 'og na rlung gi 'khor lo/ /steng na me'i 'khor lo/ 'og na lte ba'i 'khor lo/ steng na chos kyi 'khor lo//'og na longs spyod kyi 'khor lo/ /steng na 'ong ba bde ba chen po'i 'khor lo/ /slob dpon bi las badzra'i gzhung gis/ 'dab ma ni gang rung gsal ba/ lte ba rnams ni 'dus pa/ slob dpon gzhan ma'i gzhung gis nang gi 'dab ma ni 'dus pa/ de'i phyir kha sbyor gyi rnam pa yod pas zhes bstan to//bcu gnyis kyi phyed la sogs pa la 'khor lo rnams kyi 'dab ma'i grangs kyi tshad/ de la rim pa ni 'di yin te/ rlung gi 'khor lo'i 'dab ma drug /me'i 'khor lo'i 'dab ma gsum/ /sprul pa'i 'khor lo'i 'dab ma drug cu rtsa bzhi/ chos kyi 'khor lo'i 'dab ma brgyad/longs spyod kyi 'khor lo'i 'dab ma bcu drug /bde ba chen po'i 'khor lo ni 'dab ma sum cu rtsa gnyis so/ /dpal phyag rgya chen po'i thig le las le'u gsum pa'i bshad pa'o// //stong phrag bdun cu rtsa gnyis zhes bya ba la don ni 'di ltar gsungs te/phung po lnga'i bdag nyid spyi bo dang spyi gtsug yan chad/ stong phrag bdun cu rtsa gnyis kyi nang gi rtsa'i dra bas khyab bo/ /de'i nang nas rab ni gsum/ /kha cig ni gnyis ni len te/ kun dga' la dpal rigs chen po'i rgyud kyi rgyal por ming dang mtshan ma gsungs so/ /'di ru 'khor lo drug gi grangs mdor bstan pa'o//ci'i phyir zhe na/ gang zhig 'dab ma de rang rtsa'o/ /gzhan yang ji ltar mtshan bstan pa mtshan nyid kyang de ltar ro/ /lha mo rtsa 'byung med pa yis/ /phung po la sogs ji ltar 'byung / /zhes bya ba la 'di ltar bshad de/ phung po lnga'i sku bdag nyid//sku ni gzhi dang 'dra/ de yang gzhi rtsa dka' bas mi 'jig par 'gyur/ mi shigs pas bsod nams dang ye shes kyi tshogs gnyis 'grub/ de las sangs rgyas nyid slob dpon gzhan gyi gzhung gis/ rtsa la phung po brten/ slob dpon ku ku ri'i gzhung gis/ /phan tshun mnyam par 'brel slob dpon Dom+bi ba'i zhal snga'i gzhung gis phyi'i rtsa phung po la sogs pa la rten du gyur to//slob dpon in+d+ra b+hU ti'i gzhung gis phyi dang nang gi bdag nyid gnyis so/ /slob dpon bi la sa badzra'i gzhung gis chu la sogs pa dang ldan pa'i brten pa'i don byed do//de nas rtsa'i mtshan bstan pa rgyud las gsal ba'i phyir 'dir ma bris so/ /phung po med pa'i yi ge che/ /rnal 'byor pas ni ji ltar rnyed/ /ces ji ltar bshad de/ rtsa'i ni rten yin pas byang chub sems 'byung / de ni shes rab ye shes kyi dbang gi 'bras bu thob pa/ des ni ye shes chen po rdo rje 'dzin pa nyid ces bya ba'i don to//de ltar min na ye shes chen po thob par mi 'gyur zhes dgongs pa'o/ /phung po lnga yi bdag nyid sku/ /mkha' 'gro lngar ni rab tu grags/ /zhes bya ba la slob dpon shAkya mai tri'i gzhung gis 'di ltar yang bshad de/ gzugs kyi phung po sangs rgyas mkha' 'gro/sangs rgyas ni rnam par snang mdzad/ tshor ba'i phung po rin chen mkha' 'gro/ /rin chen ni rin chen 'byung ldan/ 'du shes phung po pad+ma'i mkha' 'gro/ pad+ma ni snang ba mtha' yas/ 'du byed kyi phung po ni las kyi mkha' 'gro/ /las ni don yod grub pa/rnam par shes pa'i phung po ni rdo rje mkha' 'gro/ rdo rje ni mi bskyod pa/ phung po lnga ni mkha' 'gro ji ltar 'gyur/ /zhes rtog nas slob dpon la 'di skad bshad de/ phung po la ni rang bzhin mkha' 'gro lnga/ 'on kyang mi'i skabs su glo bur ba'i dri mas khyab/ ji ltar zla ba dang nyi ma sprin dang mun pa dang dud pa la sogs kyis so//sangs rgyas dkyil 'khor de ltar med/ /ces klu sgrub snying po'i zhal snga nas kyi gzhung ngo / /'byung ba'i rang bzhin ye shes lnga'i don gyis bshad de/ de la rim pa ni 'di yin te/ me long lta bu'i ye shes dang / mnyam pa nyid kyi ye shes dang /so sor kun du rtog pa'i ye shes dang / bya ba grub pa'i ye shes dang chos kyi dbyings kyi ye shes so/ /de ltar ye shes la sogs pa'i bdag nyid/ phung po lnga'i grub pa'i sku/ /rtsa'i 'byung ba med pas mi 'grub/ /phung po med pas rnal 'byor pas dngos grub mi rnyed pas lung ngo //gzhan ma ni sgra ji bzhin gyis bshad do/ /lha mo'i rnam pa'i gzugs kyis ni/ /rtsa'i dngos po'i lus por zhes lung gi go rims kyis/ slob dpon ye shes byang chub kyi gzhung gis bshad/ gang zhig stong phrag bdun cu rtsa gnyis kyi rtsa'i dra ba de ni/rigs chen po'i rtsa'i rgyud kyis bshad pa'i skabs su lha mo'i rnam par dag pas 'khor gyi dkyil 'khor ro/ /slob dpon nag po pa'i gzhung gis 'bum lnga'i bdag nyid mkha' 'gro'i dkyil 'khor du/ slob dpon bi las badzra'i gzhung gis mkha' 'gro ma'i brtag pa'i dkyil 'khor du/dpal in+d+ra b+hU ti'i gzhung gis rtsa'i grangs la mdor bstan pa dang / nges pa'i don gyi rgyud la yang yod/ lha mo'i rnam par dag pa yang yod/ 'on kyang dkyil 'khor ba'i go rims kyis bcom ldan 'das kyis ma gsungs so//de skad in+d+ra b+hU ti'i zhal snga nas kyi dgongs pa bzung nas slob dpon ka ra bI ras 'di skad ces bshad do/ /rtsa'i 'khor lo lha mo'i gzugs kun du sprul pas dam tshig chen po'i dkyil 'khor gshegs pa'i don du/ skad cig gcig gis rnal 'byor ma thams cad la legs dgyes kyi bde ba myong ba'i phyir/nyid rdo rje 'dzin pa chen po mnyam par 'khyud par bzhugs so/ /slob dpon bo d+hi'i gzhung gis 'gro ba dang mi 'gro ba la skye ba'i rgyu'i phyir mnyam par 'gyur ro/ /reg bya'i khams la sogs pa zhes bya ba'i don ni 'di ltar bshad de/reg bya'i khams ni chos kyi 'byung gnas/ gsang ba'i pad+ma zhes bya ba'i don to/ /rgyal mtshan ni gsang ba'i rdo rje'o/ /sbyor bas ni mnyam par 'khyud pa'o/ /me'i 'khor lo'i nang du chu skyes kyi don ni 'di lta ste/ me'i 'khor lo ni gru gsum gyi gnas/ chu skyes ni de'i nang du sangs rgyas rin po che'i snod/slob dpon sha ba ri'i gzhung gis me'i 'khor lo'i nang gi chu skyes kyis gnyis ka'i bde ba myong ba mnyam par rgyas pa las rdo rje bskyed par bya'o/ /slob dpon a naM b+ha ga badzra'i gzhung gis/ gsang ba'i pad+ma ni rlung gi rang bzhin gsang ba'i rdo rje/nyi ma'i rang bzhin de dag gis/ /me yi 'khor lo rnam par rgyas/ /gang tshe rdo rje bskyod pa ni/ /de tshe me ni khong du chud/ /ces rgyud kyi go rims las rdo rje slob dpon gyis de skad ces bka' stsal pa/ rdo rje ni snying po byang chub kyi sems/ me ni rang las byung ba'i me tog /slob dpon gzhan gyi gzhung gis rdo rje ni thabs me ni shes rab slob dpon shAkya bshes gnyen gyi gzhung gis/ rdo rje ni A li'i rang bzhin/ me ni kA li'i rang bzhin/ dpal in+d+ra b+hU ti'i gzhung gis/ me'i bdag nyid kyi kA li/ ye shes las rdo rje'i bdag nyid/A li ye shes rab tu khong du chud par 'gyur ro/ /slob dpon ku ku ri'i gzhung gis A li kA li gnyis kyi kha sbyor bas dus gcig tu me dang rdo rje dag la khong du chud pa'o/ /rdo rje gsal gyis rnam par rgyal ba la sogs pa zhes 'di ltar bshad de/ gang gi tshe rdo rje pad+ma gnyis kyi kha 'byed pa de'i tshe/lte ba la sogs gnas la yod pa'i 'khor lo'i chu skyes rgyas rnam par rgyas pas/ byang chub kyi sems sbrang rtsi lta bu 'jog go/ /slob dpon Dom+bi pa'i gzhung gis/ 'khor lo drug par ma rgyas pa'i phyis nas rtsa'i 'dzag pa/ slob dpon in+d+ra b+hU ti'i gzhung gis 'khor lo'i pad+ma de rang rtsa'o//de ni rigs pas gzhung ngo / /de lta min na dngos po so so'i don mi 'grub po/ /de ltar yang / chag pa'i snod la chu bzhin du/ /zhes de nyid rdo rje 'dzin pas gnyis su med pa'i don gyi gsungs so/ /de nas sprul pa'i 'khor lo'i gnas la sogs zhes bya ba la rdo rje slob dpon gyi zhal nas rgyas par bshad/bdag ni 'di ru slob dpon 'ga' tsam gyi gzhung bri/ don gyis gtan la phab par byed/ rtsa'i ye shes nyams su ma myong ba'i bsgom pa can bcom ldan 'das kyi drang ba'i don bzung nas/ de bzhin gzhan ma sgom par byed//de ru yang shes pa tsam gyis yid shes par mi byed do/ /ci'i phyir zhe na/ bcom ldan 'das nye bar brtags pa'i phyir/ drang ba'i don gyis gtan la phab par byed/ de rang don skal pa dang ldan pa'i sems can gyi don du nges pa'i don gyis dpal in+d+ra b+hU ti'i zhal snga nas la sogs pa'i dngos grub thob pa'i slob dpon gyis gsal bar byed/de bzhin du bar ma chad pa'i rim pas gang zhig gsal bar byed pa de na/ rigs pas ni gsungs so/ /de ru slob dpon ku ku ri'i zhal snga nas kyi gzhung gis 'byung ba lnga'i rang bzhin rtsa lnga sprul pa'i 'khor lor 'dus pa ni nges pa'i don to//de'i rim pa ni 'di yin te/ shu kra b+ha ha dang / rak+ta b+ha ha dang / ra sa b+ha ha dang / ma d+ha b+ha ha dang / mu tra b+ha ha'o/ /rtsa gnyis ka'i rtse mo las/ /zhes bya ba la rdo rje slob dpon gyi zhal snga nas kyis 'di ltar bshad de/ me'i 'khor lo'i nang du gsang ba'i pad+ma'i lte ba'i g.yas g.yon/sbrul mo chung ba bzhin nyi ma dang zla ba 'dzag go/ /zla ba'i sgra ni shu kra/ nyi ma'i sgra ni rak+ta/ dpal in+d+ra b+hU ti'i gzhung gis ma da zhes bya ba/ rang byung gi me tog gi nang nas 'dzag go/ /mngal gyi dbus su rtsa gnyis ni/ /thag pa'i dngos po bzhin sbrul mo chung ba dang 'dra ba/dpes de ma thag tu bri bar bya'o/ /de ni rgyu ni gcig nyid shes par bya/ /zhes bya ba la 'di ltar gsungs te/ rgyu zhes bya ba ni rtsa ba/ rtsa ba 'dir a wa d+hU tI/ bdag med pa'i rang bzhin/ de rang kun dngos kyi gzugs kyis gnyis su dbye ba dang /gsum du dbye ba dang / bzhi ru dbye ba dang / lnga ru dbye ba dang / drug tu dbye ba dang / brgyad du dbye ba dang / brgyad gnyis su dbye ba dang / brgyad bzhi ru dbye ba dang / brgyad brgyad du dbye ba dang / stong phrag bdun cu rtsa gnyis su dbye ba'o/ /des ni rgyu'i rtsa ba las 'bras bu phun sum tshogs pa bshad/g.yon du shu kra 'byung ba zhes bya ba/ nges pa'i don dang drang ba'i don gyi bcom ldan 'das kyi lung ngo / /rdo rje slob dpon gyi gzhung gis 'di lta ste/ gcig pu ni byang chub kyi sems kyis gnyis su dbye ba dang / gsum du dbye ba dang bzhi ru dbye ba dang /lnga ru dbye ba'o/ /de la don ni rnam pa sna tshogs kyi skad cig 'byung ba'i tshe/ bo la dang kak+ko la'i reg bya tsam gyis sra bar gyur to/ /dga' ba skyes pas zhu bar gyur to/ /mchog gi dga' ba skyes pas tsha bar gyur to//chad pa'i dga' ba 'byung bas g.yo bar gyur to/ /rang bzhin dga' ba byung bas nam mkha'i rang bzhin du gyur to/ /de lta bu'i 'byung ba chen po'i lnga'i rang bzhin gyis gcig pu'i bde ba chen po'i byang chub kyi sems bshad pa'o/ /de'i phyir la lar g.yas su 'bab/ la lar g.yon du/ la lar dbus su/ la lar gyen du/ la lar 'og gi lam gyis/ la lar thams cad du'o/ /gang gi tshe g.yas su nyi ma la sogs zhes bya ba la slob dpon nag po pa'i gzhung gis ni 'di lta ste/ nyi ma'i sgra ni srog /srog gi 'byung ba'i tshe/ shu kra kun du dmar po'i ngo bor 'gyur ro/ /zla ba'i sgra ni nye ba'i srog /nye ba'i srog gi 'byung ba'i tshe/shu kra ni dkar po'i ngo bor 'gyur ro/ /me'i sgras ni bcud shu kra dang / rak+ta gnyis kyi nang du thim/ ji ltar sgo nga'i nang du mi snang ba'i srog /slob dpon bi ma la badzra'i gzhung gis ro la don de ltar bshad do/ /slob dpon in+d+ra b+hU ti'i gzhung gis/ mchog gi dga' ba'i bdag nyid byang chub kyi sems la don 'di ltar bshad do//slob dpon ku ku ri'i zhal snga nas rang bzhin dga' ba'i bdag nyid la de ltar bshad do/ /de'i bshad pa'i phyis nas rdo rje slob dpon gyi zhal snga nas bskyed pa'i gzhung gis 'byung ba'i sbyor ba bshad de/ sngon gyi las kyi rlung gis rnam par shes pa la sogs pa zhes bya ba la 'khor bar gnas pa lha dang mi la khyad par gyis shig dge ba dang mi dge ba'i rgyu sngon gyi las bcom ldan 'das rdo rje 'dzin pa'i skabs su/ sngon gyi las ni sems can thams cad la phan pa'i don du de bzhin gshegs pa nyid du 'byung /slob dpon Dom+bi pa'i gzhung gis/ las ni skad cig bzhis bskor ba'i ye shes/ slob dpon bi las badzra'i gzhung gis/ dga' ba'i sbyor ba/ dpal in+d+ra b+hU ti'i gzhung gis/ de kho na nyid rgyas pa/ slob dpon ku ku ri'i zhal snga nas 'od rab kyi snang ba/de rang yid kyi rnam par shes pa'i ngo bo'i phyir rang bzhin gyi rlung ngo / /'khor ba zhes bya ba la tha mal pa'i skabs su srid pa tha mal lo/ /rdo rje 'dzin pa chen po'i skabs su rang bzhin dga' ba'i 'od zer spro zhes rdo rje slob dpon gyi man ngag go/ /gang gi tshe gang gi skabs su rang bzhin dga' ba sra bar 'gyur/de'i tshe de'i dus su ma chags pa chen po'i yid phas bsgyur zhes nges pa'i don gyi bcom ldan 'das kyi lung ngo / /rdo rje slob dpon gyi don ni 'di lta ste/ pha'i sgras ni rdo rje 'dzin pa chen po'o/ /'dod chags chen pos yid bsgyur zhes bya ba la/rang bzhin dga' ba'i rgya mtsho chen po las bzhengs te/ chags pa chen po'i grags pa can/ mchog gi dga' ba la gnas mdzad nas/ grangs med pa'i 'jig rten gyi khams la skye ba'i rgyu'i don gyi phyir/ re to'i rgyud dang ldan pa'i b+ha ga can shes rab rnal 'byor ma bdag med ma dang lhan cig mnyam par 'khyud par mdzad do//re to'i sgras ni 'jig rten las 'das pa'i dus kun du bshad do/ /slob dpon u rgyan gyi gzhung gis chad pa'i dga' ba'o/ /slob dpon kha che'i gzhung gis 'od zer chen po'i dga' ba'i mchog go//slob dpon baM ga la'i gzhung gis dang po'i dga' ba'o/ /me dang nyi ma gsal bar 'byung ba'i don ni A li dang kA li 'byung bas so/ /slob dpon sha ba ri'i gzhung gis mchog dang chad pa 'byung bas so/ /de'i tshe chags pa chen po'i yid ces bya ba'i don ni/'di ltar bshad de bcom ldan 'das ma bdag med mas bdag med pa'i 'jig rten gzigs nas/ sgyu 'phrul can shes rab can dang skye bo ru sbyor bas/ sgyu ma'i rnam pa can 'dod chags chen po'i rang bzhin khams gsum du skye ba'i don du mkha' 'gro'i 'khyud pa bstan pa mdzad de/reg bya 'dod pa zhes bya ba ni lha dang mir skye ba'i don du shes rab thabs gnyis su med pa'i sbyor ba la thim/ bo la kak+ko la 'jug par/ /zhes bya ba la don ni 'di lta ste/ gsang ba'i rnam pa can kak+ko la bo la'i grags pa can/ rdo rje rab tu zhugs nas/chu'i nang du chu bzhin du kun rdzob dang don dam pa gnyis su med pa'i byang chub sems su gyur to/ /kha cig pad+ma dang rdo rje gnyis gleng / in+d+ra b+hU ti'i zhal snga nas kyi gzhung gis/ chu ni rdo rje las byung ba'i sa bon chu'i nang du ni pad+ma las byung ba'i kun du dmar ba'i rang bzhin de'i phyir de las sa bon las byung ba'i rgyu zhes nyid rdo rje 'dzin pas gsungs so//sa bon las gong bur skyes zhes bya ba la de bzhin gshegs pa 'byung bar 'gyur ro/ /gong bu'i sgras ni sku yin pa'i phyir ro/ /slob dpon gzhan ma'i gzhung gis ni gong bu nur nur po'i rnam pa'o//de las dang po ni rtsa skye'o/ /phyis nas gor gor dang / rkang lag 'gyu ba la sogs pa'i sbyor bas phung po la sogs pa 'byung zhes gyur to/ /dpal phyag rgya chen po'i thig le las/ /le'u bzhi pa'i bshad pa'o// //da ni lnga pa la zad pa'i don bri bar bya/gsang ba'i gzhang kha'i nang na gnas/ /zhes bya ba la/ slob dpon gyi zhal snga nas gsang ba'i pad+ma'i rgyud kyi gzhung gis ni/ gzhan gsang ba ni rin po che'i snying po bshad do/ /slob dpon dpa' bo bzang po'i gzhung gis ni gzhan ma yin pa'i chos kyi 'byung gnas so//dpal in+d+ra b+hU ti'i man ngag gi gzhung gis blta bar dka' ba'i reg bya'i gnas de ni gzhang kha'o/ /de'i phyir nyid rdo rje 'dzin pas gsang ba'i sku zhes bstan pa'o/ /de ru skye ba med pa'i cha chen po zhes bya ba la/ cha chen po'i sgras ni rnal 'byor ma bdag med ma/ rdo rje slob dpon gyi zhal snga nas kyis gsungs so//slob dpon bi las badzra'i gzhung gis gsang ba'i gnas su pad+ma gzhon nu'i skud pa bzhin no/ /dpal in+d+ra b+hU ti'i gzhung gis don dam pa byang chub sems kyi zla tshes so/ /de'i phyir nyid mchog gi dbang gis skye bo'i sgras gsungs so//de yang rnam par shes pa dang bral ba zhes bdag med ma nyid bshad do/ /ye shes sku zhes bya ba 'di ltar bshad de/ gang zhig bdag med ma nyid de rang ye shes kyi sku nyid do/ /bdag med ces bya ba ni stong pa nyid kyi ngo bor nges par bstan/ stong pa nyid kyi sgra la yang rdo rje slob dpon gyi zhal snga nas 'di ltar bshad de nges par bstan pa gsungs pa/stong pa nyid ces bya ba la rnam par mi rtog pa nyid ces bya ba'i don to/ /'phags pa klu sgrub kyi zhal snga nas ni/ kun rdzob stong pa nyid du bstan/ /stong pa nyid ni kun rdzob bo/ /de ru gnas nas srog skye zhes bya ba la/rdo rje slob dpon gyi zhal snga nas 'di skad bshad de/ rtog pa dang bral ba'i bdag med pa'i gnas nas/ kun rdzob dang don dam pa gnyis su med pa'i byang chub kyi sems rnam par shes pa'i srog gi rlung 'byung ngo / /de yang sems can la mchog gi srog gi tshe zhes bya ba'i don to//rtag tu bdag nyid pa'i srog chen po zhes bya ba la don ni 'di ltar gsungs/ srid pa bar ma do la rtag tu yod do/ /gnas lnga'i bzhugs zhes bya ba la/ 'byung ba chen po lnga'i gnas pa zhes dgongs pa'o/ /kha cig ni 'khor lnga'i len te/ 'byung ba lnga zhes grags pa ni rdo rje slob dpon gyi zhal snga nas 'di skad gsungs so//gang zhig 'byung ba chen po lnga de rang nam mkha' dang lnga'o/ /des brgyan pa khyab pa zhes bya ba'i don to/ /ci zhig ce na srog gi rlung ngo / /nam mkha' nam mkhar thim zhes bya ba la 'di ltar gsungs te/ nam mkha' zhes bya ba ni byang chub kyi sems/nam mkha' ni 'byung ba chen po lnga'i'o/ /thim zhes bya ba ni reg bya chen po skye bar byed do/ /slob dpon mtsho skyes rdo rje'i gzhung gis nam mkha' ni rnam par shes pa/ nam mkha' thim pa ni 'byung ba chen po lnga la khyab par gnas pa'o/ / dpal in+d+ra b+hU ti'i zhal snga nas ni nam mkha' ni srog /nam mkha' zhes bya ba ni 'byung ba chen po lnga la phan tshun bsten zhing sbyor ba'o/ /de nyid dpal rdo rje 'dzin pas 'di skad gsungs te/ 'byung ba chen po bzhi po ni/ /srog la rten du shes par bya/ /yang na de la srog ni brten/ / legs dgyes dbang mo shes par bya/ /de ru nyid mchog gi dbang phyug bskyed pa'i rim par 'byung ba chen po'i don rab tu gsal bar byed do/ /rnam par shes pa las rlung skyes/ /de las me ni 'byung bar 'gyur/ /de las chu ni skye bar 'gyur/ chu las sa ni 'byung bar 'gyur/ /de las phung po yang dag 'byung //phung po las ni skye mched do/ /de las ye shes rang bzhin ni/ /brgya rtsa brgyad kyi rim pas so/ /de ru bla ma'i zhal snga nas gnyis gnyis pa'i rgyud kyi go rims kyis rang bzhin ye shes la tshad bstan te/ /'bar dang 'khrug dang khro ba dang / /nga rgyal phyogs kun lta ba dang / / lngin par ngo tsha med pa dang / /'dzag pa rab tu rgyas pa dang / sgeg pa dregs dang rol pa dang / /bsam pa nor la chags pa dang / /bud med la dpyad nor ba'i rtsi/ /skam pa rgyal ba gnyid sad dang / /dbyal dang dga' ba'i mchi ma 'bab/ /sems ni g.yo ba dang ni rgyug /mi rtog nad dang mi snang dang //dgod pa glu dang dga' ba'i yid/ /bcu gnyis bdun gyis lhag pa'o/ /thun tshod gnyis kyi re re ni/ /ye shes yan lag la rim 'byung / /de ru 'phags pa klu sgrub snying po'i gzhung gis/ rdo rje slob dpon gyi zhal snga nas kyi don ni 'di ltar bshad de/ ye shes ni kun gzhi rnam par shes pa/ de'i yan lag ni bskor ba/ de rang nyid bdag med ma'i rang bzhin/ bdag med ma'i rang bzhin yin yang lus la brten nas 'gro ba la sogs pa'i don byed do/ /ji ltar rgya mtsho chen po la rten byas nas/ shing chen po bskor bar bgyid do//slob dpon ut+pa la'i gzhung gis rnam par shes pa ni rlung gi rang bzhin gyi ngo bo'o/ /dpal badzra pu ti'i zhal snga nas kyi rang bzhin man ngag gis/ las kyi rlung gis byas/ thun tshod gnyis kyi bar du/ nyi shu rtsa bdun gyi gnas su ran pa'i dus su/ chu tshod phyed phyed las kyi longs spyod myong nas/phyis nas kyang 'og gi lam nas de'i rim pas rab tu bskor ro/ /de ltar mtshan mo dang nyin mo'i bar du/ rang bzhin brgya rtsa brgyad la longs spyod dang / thim pa dang dbang po de ru slob dpon nag po pa la sogs pa'i man ngag gi rim pa ni 'di yin te las kyi rlung la zhon nas kun gzhi rnam par shes pa gang gi tshe spyi bo na gnas bgyid pa'i tshe/dbang grags lus po la 'bar ba'i rtags su gyur to/ /gang gi tshe spyi gtsug na gnas pa de'i tshe/ longs spyod gang la 'khrul pa'i rtags su 'gyur ro/ /gang gi tshe rna ba g.yas pa la shar na/de'i tshe mi snang ba'i rtags su 'gyur ro/ /gang gi tshe rgyab kyi gling bu na gnas par gyur na de'i tshe dbang gi ngo bo'i sems la nga rgyal gyi rtags 'byung ngo / /gang gi tshe rna ba g.yon na gnas par gyur na/ de'i tshe longs spyod can phyogs su lta ba'i rtags 'byung ngo / /gang gi tshe smin mtshams su gnas pa de'i tshe/mi snang ba'i rang bzhin lus po la gcin gtong ba'i rtags 'byung ngo / /gang gi tshe mig tu gnas pa de'i tshe/ dbang gi rang bzhin ngo tsha med pa'i rtags su 'byung ngo / /gang gi tshe lag ngar gyi rtsa ba gnyis su gnas par gyur pa de'i tshe longs spyod kyi rang bzhin shu kra 'dzag pa'i rtags 'byung ngo //gang gi tshe mchan khung gnyis la gnas par gyur pa de'i tshe/ mi snang ba'i rang bzhin sems rgyas pa'i rtags 'byung ngo / /gang gi tshe nu ma gnyis su gnas par gyur pa de'i tshe/ dbang gi grags pa can nga rgyal gyi rtags 'byung ngo //gang gi tshe lte bar gnas par gyur pa de'i tshe/ longs spyod kyi rang bzhin dregs pa'i rtags 'byung ngo / /gang gi tshe sna'i rtse mo la gnas par gyur pa de'i tshe thim pa'i rang bzhin las rol pa'i rtags 'byung ngo / /gang gi tshe kha ru gnas par gyur pa de'i tshe/ dbang grags shes rab bsam pa'i rtags 'byung ngo //gang gi tshe mgrin par gnas par gyur pa de'i tshe/ nor la chags pa'i rtags 'byung ngo / /gang gi tshe snying gar gnas par gyur pa de'i tshe mi snang ba'i rang bzhin skom pa'i rtags 'byung ngo / /gang gi tshe mtshan ma'i rtsa ba la gnas par gyur na/ de'i tshe dbang grags can brgyal ba'i rtags 'byung ngo //gang gi tshe mtshan mar gnas pa de'i tshe/ longs spyod kyi rang bzhin gnyid sad pa'i rtags 'byung ngo / /gang gi tshe gzhang khar gnas par gyur pa de'i tshe mi snang ba'i rang bzhin dbyal gyi rtags 'byung ngo / /gang gi tshe brla ru gnas pa de'i tshe/dbang grags can dga' ba la tshim pa'i rtags 'byung ngo / /gang gi tshe rje ngar gnyis la gnas par gyur pa de'i tshe longs spyod kyi rang bzhin sems g.yo ba'i rtags 'byung ngo / /gang gi tshe sor mor gnas par gyur pa de'i tshe mi snang ba'i rang bzhin rgyug pa'i rtags 'byung ngo / / gang gi tshe rkang mthil la gnas par gyur pa de'i tshe dbang grags can mi rtogs pa'i rtags 'byung ngo / /gang gi tshe mthe bong la gnas pa de'i tshe/ longs spyod kyi rang bzhin nad kyi rtags 'byung ngo / /gang gi tshe pus mo gnyis la gnas par gyur pa de'i tshe mi snang ba'i rang bzhin sems stor ba'i rtags 'byung ngo //gang gi tshe phyi nas yang gyen gyi rim pas thugs kyi 'khor lo la gnas par gyur pa de'i tshe dbang grags can rgod pa'i rtags 'byung ngo / /gang gi tshe gsung gi 'khor lo la gnas par gyur pa de'i tshe/ longs spyod can klu'i rtags 'byung ngo / /gang gi tshe sku'i 'khor lo la gnas pa de'i tshe mi snang ba'i rang bzhin dga' ba'i rtags 'byung ngo //de lta bu nyi shu rtsa bdun gyi gnas la/ kun gzhi rnam par shes pa'i steng dang / 'og tu 'gro ba las ye shes kyi rang bzhin las 'byung ba'i dus su/ mi snang ba dang / longs spyod dang dbang la/ dpal ka ma la shI la'i zhal snga nas kyi man ngag gi gzhung gis rdo rje slob dpon gyi gzhung gi don ni 'di lta ste/rang gi bde ba nyams su myong ba la gang zhig mi gsal ba nyid dam/ yang na rab tu 'jug pa de ni mi snang ngo / /kun rdzob dang don dam pa gnyis su med pa'i bde ba chen po nyams su myong ba ni longs spyod do//de dag gi ye shes kyi lta bas gang zhig 'khrul pa med pa nyid de ni dbang ngo / /rdo rje phreng ba'i rgyud la sogs par bya ba ni sgra ji bzhin gyis gsungs so/ /de ni mtshan mo'i don rdo rje slob dpon gyi zhal snga nas kyis ji ltar gsungs pa de ltar dpyad de/ mtshan mo shes rab ces su grags//shes rab mtshan mo dgung nyid 'gyur/ /zhes gnyis su med pa'i ngo bos nges pa'i don dang drang ba'i don gyis bcom ldan 'das kyi bka'o/ /slob dpon sha ba ri'i zhal snga nas kyi man ngag gis/ gang zhig shin tu mtshan dang ldan pa la lo bcu gnyis lon pa/ mi gsal ba'i pad+ma can de ni mtshan mo'i 'du shes shes rab slob dpon u rgyan gyi gzhung gis ma grags pa'i rang bzhin/rang gi rigs las skyes pa'o/ /slob dpon kha che'i gzhung gis yul gyi g.yo bas 'khyar ba'i kha che'i sems so/ /slob dpon ku ma rU pa'i gzhung gis nag sngon yan lag nas lo bcu drug dang ldan pa'o//slob dpon ku ku ri'i zhal snga nas kyi gzhung gis byang chub kyi sems zla ba rgyas pa'o/ /shes rab mtshan mo dgung nyid ces bya ba la/ bla ma'i zhal snga nas don ni 'di ltar bshad de/ shes rab ces bya ba lang tsho la bab pa/ mtshan mo zhes bya ba ni 'dod chags chen pos long ba/dgung nyid ces bya ba ni nam mkha'i cung zad dbye ba'o/ /mtshan mo'i rnam pa zhes bya ba la nam mkha'i chu skyes na gnas pa'i byang chub kyi sems shin du dkar ba'i phyir de dang zla ba/ mchog pas mchog dga' ba sbyin pa mya ngan las 'das pa'i rang bzhin no/ / slob dpon nag po'i gzhung gis ni dga' bral sbyin pa'i phyir mya ngan las 'das pa'i rang bzhin no/ /shes rab 'di ru gnyis dbye zhes/ /kun rdzob dang don dam pa'i dngos zhes bya ba bcom ldan 'das kyis rdo rje slob dpon gyi zhal snga nas sgra ji bzhin du gsungs so/ /kun rdzob reg bya skye med pa//zhes bya ba la bskyed pa'i rim pa'i phyogs su lha'i rnam par byin gyis brlabs te/ reg bya'i pad+ma la/ bdud rtsi myong ba'i phyir lo bcu drug dang ldan pa'o/ /dpal badzra pu ti'i gzhung gis/ nang gi bdag nyid las kyi phyag rgya'o/ /slob dpon Dom+bi pa'i zhal snga nas ni bya gdong ngo //slob dpon ku ku ri'i zhal snga nas ni srog gi rtsa ba'o/ /don dam pa'i reg bya dang bral ba skyed byed ma zhes bya ba la dpal in+d+ra b+hU ti'i gzhung gis bcom ldan 'das bdag med ma'o/ /slob dpon ku ku ri'i zhal snga nas kyi man ngag gis rtsa rtog med pa/ reg bya dang bral ba gang zhig bde ba/blta bar dka' ba'i mtshan nyid dka'/ /zhes bya ba la ni brjod du med pa'i phyir sgra ji bzhin pa'i don bka' stsal to/ /rang bzhin med pa'i rang bzhin can/ /de'i mtshan mo bdag gis bshad/ /ces bya ba la rdzogs pa'i rim pa'i skabs su brdar byas so/ /nyin mo thabs su grags zhes bya ba la slob dpon gyi zhal snga nas 'di ltar bshad de/nyin mo'i sgras ni rin po che nyi ma'i 'od zer can thar pa zhes bya ba ni de dang 'dra ba'i gang zag yang na grangs med pa'i 'jig rten gyi khams la rdo rje 'dzin pa'i sa thob pa'i don du thabs tsam bsam pa'i phyir thabs so//thabs ni nyi ma yin par 'gyur ro zhes bya ba la de ni thabs don gsal bar byas so/ /slob dpon nag po pa'i gzhung gis ni gsang ba'i rdo rje rin po che'i nang du 'byung ba mchog gi dga' ba'i ngo bo byang chub kyi sems so/ /b+ha ga las byung nyi mar 'gyur/ zhes bya ba la nges pa'i don dang drang pa'i don gyis bcom ldan 'das kyi bka'o/ /dpal in+d+ra b+hU ti'i gzhung gis/ b+ha ga ni shes rab/ nyi ma ni thabs/ 'byung ba ni byang chub kyi sems/ nyi ma b+ha ga'i bdag po zhes bya ba la/ shes rab ma la thabs mgon po yin no/ /yang na khong du chud par byed do//slob dpon sha ba ri'i gzhung gis/ b+ha ga ni shes rab kyi mngal gyi pad+ma rgyas pa/ nyi ma zhes bya ba ni rang byung gi me tog /'byung ba zhes bya ba ni de las skye ba'o/ /slob dpon badzra rA ga'i gzhung gis b+ha ga ni chad pa'i dga' ba'i rang bzhin/ byang chub kyi sems nyi ma ni mchog gi dga' ba'i ngo bo//bdag po'i sgra ni rang bzhin gyis dga' ba nyid do/ /srid pa'i rnam pa nyi mar 'gyur/ /zhes bya ba la/ rdo rje slob dpon gyi zhal snga nas/ brtag pa gnyis pa'i rgyal po'i rim par 'di bshad de/ shes rab ye shes kyi man ngag bsgom zhing ro chen po nyams su myong ba dang /de bzhin gsang ba'i rdo rje'i rin po che'i 'khor lor dga' ba chen po'i gnas su rgyun mi chad pa'i rnam par 'byed pa ma yin pa'i ngo bo zhig dga' ba 'byung ba'o/ /de rang nyid shin tu gsal ba'i phyir nyi ma'o/ /zla ba mya ngan las 'das pa'i ngo bo zhes bya ba la/shes rab ye shes kyi dga' ba las ci zhig dga' ba chen po'i phyogs su 'du shes med pa nyid do/ /dpal in+d+ra b+hU ti'i gzhung gis rtog pa med pa nyid do/ /slob dpon gzhan ma'i gzhung gis ni chad pa'i dga' ba'o/ /srid pa de ni rigs su bshad/ /ces bya ba la sogs pa la/dpal pra ha sti sta badzra u ta'i gzhung gis ni 'di ltar bshad de/ srid pa zhes bya ba ni kun gzhi rnam par shes pa/ rigs zhes bya ba ni phung po lnga grub pa'i sku/ zla ba la zhes bya ba ni srid pa bar ma do la/ rigs zhes bya ba ni srid pa len pa/ nyi ma las zhes bya ba ni sngon gyi smon lam gyi 'dus pa'i dran pas so//slob dpon Dom+bi ba'i zhal snga nas srid pa ni thabs/ rigs ni shes rab/ slob dpon mtsho skyes rdo rje'i gzhung gis srid pa ni mchog gi dga' ba'i rang bzhin shu kra/ rigs zhes bya ba ni rak+ta/ zla ba byang chub kyi sems la rigs skye ba/ nyi ma la rak+ta zhes bya ba'i don to//slob dpon gyi gzhung gis de ni mya ngan las 'das pa'i rang bzhin can byang chub kyi sa bon shin tu rnam par 'grub pa'i phyir rak+ta'i ngo bor gyur to/ /gang gi tshe rang gi mtshan nyid du gyur pa de'i tshe/ rdo rje rin po che 'dra bar 'gyur ro/ /gang gi tshe cung zad stobs kyis 'pho bar 'gyur ba de'i tshe skye pa'i gzugs can du gyur to//de ni bskyed pa'i rim pa'i phyogs so/ /rdzogs pa'i rim pa'i phyogs su spros pa med pa'i phyir nyi ma grub ces bya ba ni mchog gi dga' ba'i byang chub kyi sems rnam par rtog pa'i rigs dang bral zhes bya ba'i don to//gang zhig rnam par rtog pa med pa dang cha med pa de ni rab dang mchog go/ /rab mchog gi phyir phra mo/ phra mo'i phyir gang yang min/ gang yang ma yin pa'i phyir stong pa nyid kyi sku'o/ /stong pa nyid kyi sku'i phyir 'od rab bo/ /'od rab kyi phyir zhi ba chen po'o//zhi ba chen po'i phyir kun la bzhugs so/ /dpal pad+ma shI ka ra'i gzhung gis ji ltar nam mkha' kun la khyab pa de ltar 'od rab/ grags pa'i rang bzhin thams cad la bzhugs zhes dgongs so/ /de ni nyin mo la sogs pa ni sgra ji bzhin no/ /mtshams gnyis 'dus zhes bya ba la sogs pa ni/mtshams zhes bya ba ni 'pho ba/ gnyis bya ba ni shes rab dang thabs/ 'dus zhes bya ba ni kha sbyor ro/ /rdo rje dang / pad+ma dang / nyi ma dang / zla ba zhes bya ba ni shes rab thabs gnyis su 'brel bas/ gang zhig kha sbyor byed pa de ni rdo rje dang pad+mar grags pa'i mtshan ma gnyis 'dus pa'o//yang na de dag las byung ba zla ba dang nyi ma'o/ /zla ba'i sgras ni shu kra/ nyi ma'i sgras ni rak+ta'o/ /lte ba gnyis kyi phrad pa la sogs zhes bya ba ni gnyis ka'o/ /shes rab dang thabs kyi mtshan ma gnyis ka la gang zhig snying po'i gnas de ni lte ba gnyis so//phrad pa zhes bya ba ni shes rab ye shes dbang bskur nyams su myong ba'i skabs su bla ma'i man ngag las gsang ba'i rin po che 'dus pa'o/ /phra mor lta ba'i skad cig gis mtshan nyid ces bya ba ni nang gi lta ba grub ces bya ba'i don to/ /dpal in+d+ra b+hU ti'i gzhung gis ni gsang ba chen po rin po che rtse mo gnyis 'dus pa las/gang zhig shes rab ye shes kyi dbang bskur gyi 'bras bu nyams su myong ba'i byang chub kyi sems thigs pa'i snang ba'i thigs pa de ni dogs gnyis kyi dbus su reg bya'i lta bas gzigs pa nyid do/ / mtshams ni spros pa las 'das zhes bya ba la sogs pa la gang zhig sngar bstan pa'i mtshams de ni spros pa dang bcas pa'i mtshan nyid can gang zhig 'og tu bshad pa de ni spros pa dang bral ba'o/ /de'i phyir rnam pa dang bral ba dang mchog dang mchog las mchog nyid bcom ldan 'das kyis gsungs so//phrad pa gnyis kyi dbus gnas la sogs pa la/ pra ha sti sta badzra u da ya'i gzhung gis kun rdzob dang don dam pa gnyis su med pa'i shes rab/ dpal in+d+ra b+hU ti'i gzhung gis ni dngos po dang dngos po ma yin pa'i phyogs gnyis spangs te/ rnal 'byor pa la dngos grub sgrub pa'i phyir ye shes kyi sgron ma tsam gang ngo //byug dang snum pa rnam par grol/ /zhes bya ba ni byug ces bya ba ni 'khor ba snum pa/ zhes bya ba ni mya ngan las 'das pa de dag gis bral lo zhes bya ba'i don to/ /de ni mtshams la sogs zhes bya ba'i sgra ji bzhin no/ /shar la sogs zhes bya ba la slob dpon sha ba ri'i gzhung gis ni lha dang mi nyid skye ba nyid kyi phyir bcom ldan 'das rdo rje 'dzin pa chen pos sems can dmigs pa'i thugs rje mngon du gyur par mdzad pas/bsgrub pa dang sgrub thabs chen po'i thabs kyi ngan 'gro'i sems can ye shes kyi lcags kyus zhal du zhugs te bde ba chen po'i gnas su zla ba zhu ba'i bdud rtsi'i gzugs kyis bzhag ste/de'i skabs su/ gang zhig dga' ba chen po de ni shar ba'i dang po/ /gang zhig gzhan ma yin pa'i spro ba de'i rdzogs pa de ni dga' bral lo/ /mdud pa'i rtse mo mchog gi gnas//zhes bya ba la/ spro ba'i dus ni bab pa'i mchog gi dga' ba la rdo rje rin chen 'khor lor bzhugs pa'i gnas ni bzhi pa'o/ /gnas kyi sgra ni shar bar bshad do/ /tsa na ka yi zur gzugs can/ /zhes bya ba ni ye shes zhabs kyi man ngag gi gzhung gis/ bskyed pa'i rim pa'i phyogs su byang chub sems kyi thig le'o//slob dpon gzhan ma'i gzhung gis de ni rdzogs par gleng / de rang kho na shes par bya/ /zhes pa la slob dpon Dom+bi pa'i gzhung gis ni/ gang gi dga' ba'i thig le de rang chad pa'i dga' ba'i thig le kha 'am sgo'o/ /yang na lam zhes bya ba'i don to//kha ni gnyis pa yin zhes bya ba la chad pa'i dga' ba la yang kha chad pa'i spro ba'i lam zhes bya ba'i don to/ /'phags pa klu sgrub snying po'i gzhung gis sgo gnyis pa rtag pa dang chad pa nges par gsungs so/ /dpal in+d+ra b+hU ti'i gzhung gis ni gang zhig tsa na ka'i rus pa'i rnam pa can byang chub sems kyi thig le de ni dkyil 'khor 'khor lo'i mdud pa'i gnas so//kha zhes bya ba ni nang gi lha mo'i sgo/ gnyis pa zhes bya ba ni phyi rol gyi sgo/ de ni bskyed pa'i rim pa'i phyogs/ rdzogs pa'i rim pa ni gang zhig tsa na ka'i rus pa'i gzugs can byang chub kyi sems de ni mchog gi dga' ba 'byung ba/de rang kha zhes bya ba ni rdo rje rin po che'i sgo/ gnyis pa zhes bya ba ni gsang ba pad+ma lte ba'i sgo/ pra ha sti sta badzra u da ya'i gzhung gis shar ba zhes bya ba ni kun rdzob dang don dam pa gnyis kyi byang chub kyi sems kun snang /dpal in+d+ra b+hU ti'i gzhung gis shar ba ni mchog gi dga' ba/ oM d+ha'i sgras ni mtshan mo'i 'du shes kyi ngo bo can chad pa'i dga' ba/ bdag po'i sgras ni zla ba'i 'du shes kyi ngo bo can/ mtshan mo gyen du 'gro ba ni rang bzhin dga' ba/ mtshan mo thig le mnyam par grags//zhes bya ba ni dga' ba bzhi'i rang bzhin can byang chub kyi sems zla ba'i rgyal po'o/ /thig le bzhi ru dbye zhes bya ba ni rim pa'i phyogs su phyi snang ba dang / dbang dang / longs spyod dang / ye shes kyi bye brag ces bya ba'i don to/ /thog ma tha ma dbus zhes bya ba la thog ma'i skabs su longs spyod/dbus kyi skabs su dbang / tha ma'i skabs su mi snang ba de ni bskyed pa'i rim pa'i phyogs so/ /rdzogs pa'i rim pa'i phyogs su thog ma mi snang ba/ dbus su longs spyod/ tha ma dbang / bzhi pa nye bar rnyed min zhes bya ba ni gang zhig ye shes de ni bskyed pa'i rim pa dang /rdzogs pa'i rim pa dang bral ba/ /gang phyir rang rig bdag nyid do/ /de phyir brjod par nus ma yin/ /zhes bcom ldan 'das nyid rdo rje 'dzin pas gsungs so/ /de ni de ltar bshad ces bya ba la sogs pa'i sgra ni ji bzhin no/ / nub pa'i don ni rdo rje slob dpon gyi bshad pa/ gang tshe gang gi dus su dga' ba gsum gyi bdag nyid pa'i sems shar ba'i snang ba mched pa'i bdag nyid kyi blang bar thim pa de'i tshe/ nub par shes par bya zhes bya ba'i don te/ de yang 'od zer dal bas zhes dgongs so/ / slob dpon Dom+bi pa'i gzhung gis nus pa ni chad pa/ slob dpon sha ba ri'i gzhung gis/ 'gro med pa la 'gro bar 'gyur/ /zhes bya ba dang / zhu ba med pa'i ngo bo can byang chub kyi sems la zhu ba nyid do/ /gang gi tshe thog ma nas tha mar 'gro ba 'di lta ste/ gang gi tshe'i dus su mchog gi dga' bar gnas nas/chad pa'i dga' ba'i gnas su de'i tshe nub bo/ /bI ra bu ti'i gzhung gis ni thog ma'i dga' ba las dga' bral gyi gnas su nub par mdzod/ tha mar nub par rab tu bstan/ /zhes bya ba la slob dpon sha ba ri'i gzhung gis ni tha ma ni chad pa'i dga' ba/ nub pa ni chad pa/dpal in+d+ra b+hU ti'i gzhung gis ni chad pa'i dga' ba ni dga' ba kun la dga' med skye bar byed pa'i btang snyoms byed ces bya ba'i don to/ /brtan pa'i gnas las mi brtan pa'i gnas zhes bya ba ni 'di skad nub pa'i nges pa'i don nyid nges pa'i mchog gi dbang phyug gis rab tu gsal la brtan pa la sogs pa'i bde ba ni mi brtan pa'i bde ba las so zhes sgra bzhin no//dpal phyag rgya chen po'i thig le las le'u lnga pa'i bshad pa'o// //da ni drug pa la zab pa'i tshigs su bshad pa bri/ dus ni gnas dbye zhes su bstan/ / zhes pa la sogs pa la slob dpon nag po'i gzhung gis ni rtsa ba'i kun spyod la 'jug pa dang 'dra ba'o/ /slob dpon sa ra ha'i gzhung gis ni dus zhes bya ba brjod du med pa'i sgrub thabs kyi brtson pa/ gnas skabs zhes bya ba ni dus gcig tu byang chub kyi sems 'byung ba/ dus ni gnyis su dbye ba zhes bya ba'i gzhung gis bram ze mo badzra ba ti'i gzhung gis bskyed pa dang rdzogs pa'i sbyor ba'o//bsam du med pa'i dus zhes bya ba la/ lha lcam lak+Sh+mI'i gzhung gis/ rtse ro ma las byung ba'i rang bzhin gyi rlung gi ngo bo tsam dga' ba chen po rgyal mo dpal mo bzang mo'i gzhung gis srog gi rtsa las byung ba'i srog gi rlung las rang bzhin chad pa'i dga' ba/bzang po'i dus ni gnas skabs brjod/ /ces bya ba la/ lha lcam lak+Sh+mI'i gzhung gis ni rdo rje dbyings kyi dbang phyug ma las byung ba'i nye ba'i srog gi rang bzhin reg bya'i dga' ba/bzang po'i dus lta ngan dus zhes bya ba la/ rgyal po dpal mo bzang mo'i gzhung gis mchog dang chad pa zhes bshad/ lha lcam lak+Sh+mI'i gzhung gis ni shin tu dga' ba'i phyir ngan dus/ shin tu bla ma'i phyir bzang dus so/ /sna yi 'phar ma gnyis bu ga las/ / zhes bya ba ni rgyal pa badzra karka ti ri'i gzhung gis bde ba chen po tshor ba'i gnas su shu kra dang rak+ta 'bab pa'i gang zhig sgo'i lam de ni sna'i 'phar ma zhes bya ba'i don to/ /de'i lam gyis gang zhig spros pa dang bral ba'i bde ba chen po nyams su myong ba de ni dus zhes dpal in+d+ra b+hU ti nyid la skye ba dang po sngon du dngos grub thob pa rnal 'byor ma lag smi'i gzhung ngo //de yang lha lcam lak+Sh+mI'i thabs dang ma reg kyang da lta gsungs pa'i slob dpon shAkya mi tras mdzad pa'i bstan bcos kyis bstan pas rdo rje slob dpon gyi zhal snga nas gsungs so/ /de ni re zhig rnal 'byor ma dngos grub thob pa'i gzhung ngo //da ni rnal 'byor ma dbang phyug pas bstan bcos pa'i don dpyad de/ 'jigs pa de ni dus ngan bstan/ /zhes bya ba ni phyi rol gyi don gyi skabs su/ sna'i 'phar ma gnyis kyis gang zhig srog dang nye ba'i srog gnyis la 'ong ba dang / 'gro ba de ni ji lta bzhin no/ /nang gi bdag nyid kyis 'jug pa de ni/ shin tu dus zhes bya ba ni bde ba chen po'i 'khor lo man chad nas/ bde ba chen po tshor ba'i gnas yan chad/ srog gi rlung la zhon nas byang chub kyi sems 'ong ba'o/ /'gro ba ngan dus brjod ces bya ba ni de las gnas gzhan sleb ba zhes dz+nyA na mU rti'i gzhung ngo //ngan dus dga' bral shes par bya/ /bzang dus rab mchog ldan pa zhes bya ba la/ bstan pa'i don la rab tu gsal ba nyid mchog gi dbang phyug gsungs so/ /gnyis kyi bral ba'i de kho nyid/ /ces bya ba ni 'gro ba dang 'ong ba dang 'byung ba dang de zad pa dang bral ba'i rang bzhin dga' ba/pad+ma sha kha'i gzhung ngo / /de'i phyir ni/ de ltar dus ni sngon med nyid/ /ces de nyid bcom ldan 'das kyis gsungs so/ /blta bar dga' ba la sogs zhes bya ba la/ rang bzhin rlung gi ngo bo phyir/ /rnam pa la sogs mtshan nyid kyis/ / thar pa dka' ba'i mtshan nyid kyis bral ba/ /zhes bya ba ni bsgom pa la sogs kyis mi rnyed mtshan ngan thams cad dang bral ba ni chad pa'i skad cig rang gi yan lag gis/ rnam par bral zhes slob dpon bi la sa badzra'i gzhung ngo / /de ltar dus la sogs zhes bya ba ni sgra ji bzhin gyis bka' stsal to//de dus yid ni gzhan mar min/ /rnal 'byor ni byed na zhes bya ba la/ dpal ma hA su kha badzra'i gzhung gis/ mchog dang chad pa 'byung ba'i dus su rnal 'byor pa yid kyi rnam par shes pa dang ldan pa'i byang chub kyi sems bde ba chen po'i gnas nas/ gang tshe g.yo bar byed pa na//de'i tshe nges par bskyod mi zad/ /rdo rje 'dzin dang 'dra bar 'byung / /zhes dngos po'o/ /dpal in+d+ra b+hU ti'i gzhung gis ni/ mchog dang chad pa las 'byung ba dang / 'jig pa dang gnas dang / 'jug pa dang / 'gro ba dang / 'ong ba la sogs pa'i rnam par rtog pa dang bral ba gang gi tshe rnal 'byor pas sems tshor ba de'i tshe nyid rdo rje 'dzin pas zhes dgongs so//A li kA li 'byung la sogs/ /zhes bya ba la pra ha sti sta badzro da ya'i gzhung gis ni 'di ltar gsungs so/ /A li sgra ni shes rab/ kA li sgra ni thabs kyi 'byung ba zhes bya ba ni byang chub kyi sems gang las zhes bya ba ni srub pa dang /bsrub thabs chen po'i sbyor bas so/ /gzhan ni sgra ji bzhin no/ /de ni re zhig gsang ba chen po'i don gyis rdzogs pa'i rim pa'o/ /bskyed pa'i rim pa'i phyogs su ni/ /'od rab gnas nas skye ba yi//snang ba chen po'i rang bzhin can/ /zhes bya ba ni/ kA li ye shes nyi ma/ dpe byad sum cu rtsa gsum zhes bya ba ni/ ka'i yig 'bru nas ha'i yig 'bru man chad do/ /snang ba chen po'i nyi ma las snang ba bral ba/ A li ye shes kyi zla ba'i sku'o/ /dbyangs yig bcu drug ldan pa zhes ba ba nas a nas a'i yig 'bru yan chad do//slob dpon Dom+bi pa'i gzhung gis ni rak+ta kA li ye shes/ shu kra A li ye shes/ slob dpon ku ku ri'i gzhung gi khyad par gyis/ kA li ye shes kyi ngo bo nyid dpal rdo rje sems dpa' rje btsun gyi sprul pa'i sku'o//A li ye shes kyi ngo bos bcom ldan 'das bdag med ma'i sku'o/ /de dag nyid mnyam par sbyor ba la sogs zhes bya ba la 'jig rten las 'das pa'i thabs dang shes rab mnyam par sbyor ba'i srub pa dang bsrub thabs las/ kun rdzob dang don dam pa gnyis su med pa'i rang bzhin byang chub kyi sems dal ba'i ro chen po 'du shes can skye ba zhes bya ba'i don to//slob dpon gyi gzhung gis ni dal ba stong pa nyid kyi rang bzhin byang chub kyi sems/ ro chen po zhes bya ba ni thugs rje'i rang bzhin/ slob dpon u rgyan gyi gzhung gis dal ba zhes bya ba ni chad pa'i dga' ba gnyis su med pa'i rang bzhin byang chub sems dpa'i ro chen po 'du shes can skye ba zhes pa'i don to//slob dpon gyi gzhung gis dal ba ni stong pa nyid kyi rang bzhin byang chub kyi sems/ ro chen po zhes bya ba ni thugs rje'i rang bzhin/ slob dpon u rgyan gyi gzhung gis dal ba zhes bya ba ni chad pa'i dga' ba gnyis su med pa'i rang bzhin byang chub kyi sems/ro chen po zhes bya ba ni mchog gi dga' ba'i rang bzhin/ slob dpon kha che'i gzhung ni/ dal ba zhes bya ba ni kun rdzob kyi ngo bo can/ ro chen po zhes bya ba ni don dam pa'i rang bzhin/slob dpon b+haM ga la'i gzhung gis ni/ dal ba zhes bya ba ni bskyed pa'i rim pa'i ngo bo/ ro chen po zhes bya ba ni rdzogs pa'i rim pa/ dpal in+d+ra b+hU ti'i gzhung gis ni dal ba ni mthar thug pa/ ro chen po zhes bya ba ni mthar thug pa dang bral ba'o/ /slob dpon b+he ra pu tra'i gzhung gis ni/dal ba ni ming snang ba'i ngo bo/ ro chen po zhes bya ba ni longs spyod kyi ngo bo/ de'i phyir mchog gi bdud rtsi ro'i dngos rig ma'i sna rtse dag las byung zhes lha lca lak+Sh+mI'i gzhung gis ni rdo rje dbyings kyi dbang phyug rtsa'i snying ga'i gnas nas byung /'khor lo drug par rab gsal byed/ /ces bya ba ni de ma thag tu smras pa'i ro chen po sku rten srog gi dbyug pa'i chu skyes khong du chud par byed pa zhes slob dpon Ar+ya de ba'i gzhung ngo / /de la reg bya rnyed byed ma/ /ro chen brgyad ni shes par bya/ /zhes bya ba la/ de la zhal zhes bya ba la rdo rje dbyings kyi dbang phyug ma'i kha/reg pa'i bde ba'i las so/ /ro chen po brgyad ces bya ba ni ye shes/ che ba'i 'bras bu thob pa'i dus su 'dar ba la sogs pa'i rtags so/ /reg bya'i ro zhes bya ba ni dga' ba la sogs gsal ba'i byed pa/ ro 'byung ba la sogs pa la/ro 'byung ba zhes bya ba ni rtags khong du chud pa'o/ /de'i dbang du byas pa ni dga' ba rnams 'byung ngo / /slob dpon bi la sa badzra'i gzhung gis ni/ 'byung ba zhes bya ba ni gsal ba'o/ /yang dag bzang ba skyes zhes bya ba ni tha mal ba ma yin pa'i rang bzhin no/ /slob dpon bi ma la mu dra'i gzhung gis/phyi rol gyi dpe la sogs pa dang bral ba'o/ /de la rim pa ni 'di yin te/ dga' ba dang / kun du dga' ba dang / dga' bral dang / rang bzhin gyis dga' ba'o/ /dga' ba zhes bya snang ba yin/ /zhes bya ba la/ pra ha sti sta badzro da ya'i gzhung gis rdo rje 'dzin pa chen po'i srub pa dang bsrub thabs kyi skabs su dngos po'i rang bzhin dga' ba 'byung ba'i tshe/zla ba dang nyi ma dang skar ma la rab tu gsal ba'i rang bzhin snang bar gyur to/ /de las 'jig rten las snang ba de ni dga' pa'i don to/ /de ni rab tu dga' ba'i don bri bar bya srub pa dang bsrub thabs kyi chen po'i dus su rten gyi ngo bo can dga' ba chen po 'byung ba'i tshe/mtho ris la gnas pa'i 'chi med la/ nyi ma'i bye brag gi 'od zer gsal ba de las grangs med pa'i 'jig rten gyi khams la snang ba mched pa de ni rab tu dga' ba'i don to/ /da ni dga' bral gyi don bri bar bya/chags pa chen po 'bar ba'i skabs su/ 'og na gnas pa'i lha min la mi'i rang bzhin phyogs thams cad du gsal ba/ de las 'og bdun yan chad snang ba thob pa/ de ni dga' bral gyi don to/ /da ni rang bzhin dga' ba'i don 'dri/ gang zhig rang bzhin dga' ba de ni 'od rab kyi ngo bo/de la snang ba dga' ba la sogs pa 'byung ba gsal ba de la bya ba'i don to/ /slob dpon Dom+bi pa'i gzhung gis ni dbang bzhi'i 'bras bu nyams su myong ba'i dus su/ sgom par byed pa la gang zhig dga' ba rnams skye ba de la snang ba la sogs pa ye shes kyi rtags so//slob dpon ku ku ri'i man ngag gi gzhung gis gcig pu'i shes rab ye shes kyi man ngag gi rim pa bsgom pas dga' ba bzhi'o/ /dga' ba re re la snang ba la sogs pa'i ye shes skye'o/ /de dus skad cig skye bar 'gyur/ /rnam pa sna tshogs sogs mtshan nyid/ /ces bya ba la 'di ltar bshad de'i sgra ni 'ong /rab tu zhes bya ba ni rgyu/ de'i gsal ba'i don ni 'di yin te/ dang por re zhig 'od rab kyi rgyu rtsa ba las rnam pa sna tshogs dang / rnam par smin pa dang / rnam par 'joms pa dang / rnam par mtshan nyid dang bral ba ni dga' ba rnams kyi rgyu 'byung ba'o//phyi nas 'bras bu can dga' ba nyid do/ /snang ba la sogs zhes bya ba ni gang zhig bstan pa de ni gcig pu 'od rab/ rgyu 'bras kyi bdag nyid kyi phyir/ gzhan ma kun la bkag pa'o/ /slob dpon bI ra bu'i man ngag gi gzhung gis ni 'od rab kyi rgyu 'bras dang bral ba'o/ /da ni dga' ba rnams kyi 'byung ba'i dus bshad de/gang tshe mdud pa'i nang du sems/ /de tshe dga' ba myong bar 'gyur/ /zhes bcom ldan 'das kyis bka' stsal pa'i go rims kyi rdo rje slob dpon gyi zhal snga nas/ rdo rje rin po che 'khor lo 'dud pa'i gnas su bshad do/ /slob dpon bi las badzra'i gzhung gis ni lte ba'i gnas so//slob dpon sha ba ri'i gzhung gis ni rdo rje rtsa ba'i gnas so/ /dpal in+d+ra b+hU ti'i gzhung gis ni bcom ldan 'das kyi bka' lung dang 'dra'o/ /shes rab ma'i skabs su de dang 'dra bar zhes slob dpon dz+nyA na sa ri'i gzhung ngo //sems kyi sgras ni nang gi bdag nyid bum pa'i dbang las reg bya nyams su myong ba'i dus su nang gi sa bon 'byung ba'o/ /de tshe de dus zhes bya ba la/ phyi yi dngos po kun la bcos ma yin/ /zhes gang mgu ba de ni dga' ba las byung ba zhes pa pad+ma shrI ka'i man ngag gi gzhung ngo //mdud pa las ni nas gsum tsam/ /zhes bya ba'i don ni 'di lta ste/ gang tshe gsang ba'i dbang bskur ba nyams su myong ba byang chub kyi sems rdo rje rin po che 'khor lo'i gnas nas 'bab pa de'i tshe phyi rol sgyu 'phrul gyi rang bzhin gang zhig khong du chud pa de ni mchog gi dga' ba/gsum pa'i gnas nas gsum par 'gro/ /zhes bya ba 'di ltar bshad de/ gsum pa'i gnas zhes bya bya ni rin po che'i 'khor lo las sor gcig tsam/ gsum par zhes bya ba ni sor gcig tsam/ slob dpon sha ba ri'i gzhung gis ni/ rin po che'i kha'o/ /gang gi tshe de ru shes rab ye shes kyi dbang bskur gyi don nyams su myong ba'i byang chub kyi sems babs pa de'i tshe/rang dang gzhan gyi bye brag gi dran pa med pas gang zhig ci yang mi tshor ba nyid de ni chad pa'i dga' ba/ dga' ba la mi snang ba 'byung ba med pa zhes bya ba ni slob dpon san+ta ku ri'i gzhung ngo //gsum dang bral ba zhes bya ba'i don ni 'di ltar bshad de/ 'bru nas sor gnyis tsam spangs te rang bzhin dga' ba la 'byung ba'i gnas so/ /dpal in+d+ra b+hU ti'i gzhung gis gsum pa zhes bya ba 'og gi cha las/ de kun steng gi char te/ gang zhig dbus kyi cha las phra mo'i skra'i rtse mo tsam de ni rang bzhin gyis dga' ba'i gnas so//de ni re zhig rten dang bcas pa'i phyogs so/ /brten pa'i phyogs su rang rig pa'i mtshan nyid can reg bya chen po'i snang ba chen po nyams su myong ba tsam gyis rang bzhin dga' ba shar ro/ /da ni gsang ba chen po la sogs zhes bya ba sgra ji bzhin gyis gsungs so//gzhan yang chos kyi dbyings grags pa la sogs zhes bya ba la/ 'dus pa chen po'i rgyud kyi go rims kyis 'di skad bshad de/ chos ni spros pa med pa/ dbyings ni spros pa yod pa/ nyon mongs pa zhes bya ba ni stong pa nyid kyi rang bzhin/de'i phyir nam mkha' nyid chos kyi dbyings nyid dpal rdo rje 'dzin pas gsungs so/ /khams ni sa bon zhes su dran/ /zhes bya ba kun rdzob kyi ngo bo byang chub sems so/ /chos thams cad ni nang yod ces bya ba la 'gro ba'i 'jig rten bzhugs pa zhes bshad do/ / gtan tshigs zhes bya ba ni 'jig rten gyi khams ma lus pa skye ba'i rgyu'o/ /mchog gi gnas zhes bya ba ni thugs kyi rdo rje'i rang bzhin/ /ji ltar mar khu la sogs bya/ /zhes bya ba sgra ji bzhin gyis gsungs te/ /de ni bskyed pa'i rim pa'i phyogs so/ /rdzogs pa'i rim pa'i phyogs su/chos kyi dbyings ni b+ha gar grags/ /b+ha ga'i sgra ni srid pa mchog gi dga' ba 'byung / /skye byed b+ha ga rin chen snod/ /ces bya ba la dpal in+d+ra b+hU ti'i gzhung gis reg bya'i rtsa'i bdag nyid pad+ma'o/ /bI ra b+hu ti'i man ngag gi gzhung gis rin po che zhes bya ba ni byang chub kyi sems snod ces bya ba ni rtsa gsum gyi bdag nyid kyi pad+ma'o//slob dpon Dom+bi pa'i gzhung gis ni rin po che zhes bya ba ni rak+ta/ snod ces bya ba ni ga bur/ slob dpon a wa d+hU tI'i gzhung gis ni/ b+ha ga'i sgras ni bcom ldan 'das/ snod kyi sgras ni rang 'od shes rab ma/ de'i phyir dbang phyug la sogs pa'i yon tan lnga dang ldan/de ni b+ha ga rab tu grags/ /zhes rgyud las bstan to/ /da ni bskyed rim rdzogs rim la nges par bstan pa'i tshig bri bar bya/ chos ni b+ha ga zhes su bstan/ /zhes bya ba la gang zhig chos kyis grags pa can/ b+ha ga de ni sprul pa'i 'khor lo'o//gang zhig khams kyis grags pa can/ /sems de ni gsung gi 'khor lo'o/ /gang gi phyir zhe na/ gang las khams kun la bye brag skyes zhes so/ /gang zhig gcig tu gyur pa'i grags pa can thugs de ni thugs kyi 'khor lo'o/ /de yang thugs kyi 'khor lo ni khams gsum ma lus pa bskyed pa'i rgyu'o//kun rdzob rnam pa'i gzugs kyis ni/ /zhes bya ba la sgra ji bzhin gyis gsungs so/ /dpal phyag rgya chen po'i thig le las le'u drug pa'i bshad pa'o// //da ni bdun pa la zab pa'i tshigs su bcad pa bri/ gzhan yang zhes bya ba la sogs zhes bya ba la sgra ji bzhin no//mi shigs zhes bya ba ni slob dpon badzra b+hU ti'i gzhung gis cha med pa/ slob dpon sha ba ri'i gzhung gis skye ba dang bral ba/ ye shes lnga'i bdag nyid ces bya ba ni me long lta bu'i ye shes la sogs pa'i ngo bo/ /nam mkha'i nang du thim zhes bya ba ni phung po lnga'i nang du'o//nam mkha'i bdag nyid ces bya ba ni de bzhin gshegs pa lnga'i ngo bo/ de ni re zhig don dam pa'i phyogs su ni pad+ma'i snying po'i dbus na gnas/ thig le gcig pu yi ge med/ /ces bya ba kun rdzob dang don dam pa gnyis su med pa'i byang chub kyi sems mchog gi dga' ba'o//rtsa gsum gyi bdag nyid pad+ma'i lte ba'i dbus su rtag tu shar zhes lha lcam lak+Sh+mI'i gzhung ngo / /grangs med pa skye bar mdzad pa'i phyir rnam pa thams cad kyi ngo bo/ /nam mkha'i rang bzhin gyis spyir rnam pa thams cad dang bral ba rdo rje 'dzin pa'i phyir rdo rje'o//da ni bdag gis sgra bshad de/ bdag gis sgra la sogs pa 'di ltar gsungs te/ a'i yig 'bru ni gsang ba'i rdo rje/ haM gi yig 'bru ni gsang ba'i shes rab/ dpal pad+ma shI kha ri'i gzhung gis ni/ a yi yig 'bru byang chub kyi sems haM gi yig 'bru dga' ba/in+d+ra b+hU ti'i gzhung gis a'i yig 'bru srid pa/ haM gi yig 'bru mya ngan las 'das pa/ slob dpon ku ku ri'i gzhung gis a'i yig 'bru sems/ haM gi yig 'bru sems las byung ba/ 'phags pa klu sgrub snying po'i gzhung gis a'i yig 'bru kun gyi gzhi rnam par shes pa/haM gi yig 'bru yid kyi rnam par shes pa/ dpal dngos grub kyi gzhung gis a'i yig 'bru de bzhin gshegs pas dbugs dbyung ba/ slob dpon nag po'i gzhung gis a'i yig 'bru spro ba/ haM gi yig 'bru len pa/ slob dpon b+hi ra pa tra'i gzhung gis a'i yig 'bru srog /haM gi yig 'bru nye ba'i srog /de lta bu'i slob dpon gzhan ma'i gzhung ni mang po yod do/ /da ni yi ge gnyis las slob dpon Dom+bi pa'i gzhung gis ni gnas kyi phun sum tshogs pa bri bar bya/ a'i yig 'bru ri'i rtse mo la sogs zhes bya ba la/ ri rtse ni rdo rje nyi ma 'byung ba'i gnas su rdo rje rin po che'i 'khor lo//rtse mo ni gsang ba'i rdo rje snying po'i gnas su/ slob dpon shAkya mi tra'i gzhung gis rdo rje rin po che'i gtsug tor ro/ /haM gi yig 'bru spyi bo mtshams kyi mthar zhes bya ba la/ don 'di yin te/ spyi bo zhes bya ba ni bde ba chen po tshor ba'i gnas pad+ma'i 'khor lo'i mtshams kyi gnas zhes bya ba ni gsang ba'i sna'i mtha'/slad ma ni sgra ji bzhin gyis gsungs so/ /dpal phyag rgya chen po'i thig le las le'u bdun pa'i bshad pa'o// //da ni brgyad pa la zab pa'i tshigs su bcad pa rnams bri/gsang ba chen po'i don ni rab bshad bya/ /zhes bya ba la/ dpal pra ha sti sta'i gzhung gis ni gsang ba chen po ni dngos po la sogs pa dang bral ba/ gsang ba chen po dga' ba che/ /zhes bya ba la/ gsang ba chen po ni man ngag nyams su myong ba dus su/gang zhig glo bur ba'i nang gi bdag nyid kyi snang ba chen po de ni gsang chen dga' ba'o/ /de'i dus su gang zhig 'jig rten las 'das pa'i bde ba chen po'i bdag nyid reg bya nyams su myong ba de ni mchog gi dga' mchog /de'i phyi nas gang zhig dpe med reg bya'i ro nyams su myong ba de ni gsang chen bdag nyid dga' bral/de'i skabs su gang zhig ngo bo med pa'i ngo bo can ye shes kyi snang ba chen po de gsal ba ni thams cad bdag nyid rang bzhin dga' ba'o/ /rang bzhin thug pa med pa'i skabs su gang brjod du med pa de khong du chud par bya'o//de ni gsang ba chen po pas/ /gsang ba chen po bde ba chen po nyams su myong ba'o/ /de ni re zhig don dam pa'i phyogs su'o/ /kun rdzob kyi phyogs su rat+na ga'u gzhung gis 'di skad gsungs so/ /gsang ba chen po'i shu kra zhes bya ba ni kun gzhi rnam par shes pa/ shu kra sogs zhes bya ba ni rnam par shes pa'i rlung /slob dpon nag po pa'i gzhung gis ni 'byung ba chen po bdag nyid rlung slob dpon Dom+bi'i gzhung gis ni srog rten bya ba/ phung po lnga'i bdag nyid sku/ /rten ni sa nyid shes par bya/ /zhes bya ba la dpal dam pa shu krA ri'i gzhung gis ni sku'i rten byang chub kyi sems so//de'i dang po'i dga' ba/ yang dag sra ba'i mtshan nyid kyi phyir sa/ mchog gi dga' ba phun sum tshogs pas gsher ba'i mtshan nyid kyi phyir chu/ chu ni srog la tsha zhes bya ba la/ dpal in+d+ra b+hU ti'i gzhung gis byang chub kyi sems bdud rtsi zhu ba nyid snying po'o//slob dpon ku ku ri'i gzhung gis ni khyab pa nyid/ dga' bral 'od brten zhes bya ba la/ chad pa'i dga' bral nang gi bdag nyid/ chags pa chen pos me'i nus pa kun du 'od zer can/ 'od ni mthar zhes bya ba ni/ dpal bde ba chen po'i gzhung gis ni bde chen grags pa rang bzhin dga' ba'i mtha' na skye ba med pa'i gnas zhes bya ba la/rang bzhin dga' ba bskyed rim rdzogs rim dang bral ba'o/ /mthar ni 'pho ba mi bshad ces bya ba la chad pa'i mtshan nyid ni ma yin no/ /'pho ba dang dngos po ma yin brten/ /zhes bya ba la klu sgrub snying po'i gzhung gis ni chad pa'o//dngos po ma yin mthar brjod ces bya ba la/ dpal pad+ma sha ba ri'i gzhung gis ni mthar thug pa'i rang bzhin dga' ba rtag tu shar ba zhes bya ba'i don to/ /de'i phyir mtha' ni phra mo bas shin tu phra zhes pa nyid rgyud las gsungs so/ /rang bzhin grags pa bde chen phyir//ye shes rlung du rab tu grags/ /de dang nam mkha' zhes su bstan/ /zhes bya ba la rnam pa thams cad kyi stong pa nyid chen po/ ye shes rang bzhin gyi phyir zhes lung ngo / /gzhan ma ni/ thams cad bdag nyid rtag tu bzhugs/ /zhes sgra ji bzhin gyis bshad do//yang na/ thams cad bdag nyid rtag tu bzhugs/ /zhes bya ba ni sna tshogs pa'i spyod pa'i sbyor bas/ dngos po kun la khyab pa zhes mtshan mchog gi rgyud las gsungs so/ /dpal in+d+ra b+hU ti'i gzhung de dang 'dra'o/ /da ni rigs lnga'i don bshad de/ rigs ni ka pa la ru brjod//ces bya ba drang ba'i don to/ /nges pa'i don gyis ka pa la ni rus kyi sdom pa zhes slob dpon u ta ma ra badzra'i gzhung gis so/ /dpal sarba b+hU ti'i gzhung gis ni gsal ba'i don 'di lta ste/ dpal rdo rje sems dpas 'dul ba'i gang zag rjes su chags pas bde ba chen po'i sdom pa'i dus su/rdo rje lte ba las rigs kyi 'byung ba'o/ /ka pa la ni dang po ka brjod ces bya ba ni 'dus nas sngon du rdo rje zhes sdom pa'i rgya mtsho'i rgyud kyi man ngag gi gzhung ngo / /ka ni dang po rtsa ba zhes bya ba la rigs thams cad kyi nang nas rdo rje'i rigs ni yab/ yang na rigs su kun la rgyur gyur pa de slob dpon bi las badzra'i gzhung ngo / /rtsa ba lnga ru dbye zhes bya ba ni de bzhin gshegs pa lnga'i rang bzhin no/ /de las grangs med pa'i rigs so/ /de bzhin gshegs pa lnga'i bdag nyid phung po lnga nyid la sogs zhes bya ba la stong pa nyid kyi rdo rje'i rang bzhin nyid kyi phyir/tha mal pa de dang de bzhin gshegs pa'i ngo bo/ de ci'i phyir zhe na/ kun la 'byung ba chen po lnga la dbang mdzad pa'i phyir ro/ /gang zhig 'byung ba chen po lnga po de yang lha'i dngos po/ ji ltar khyab 'jug ni sa/ dbang phyug chen po ni chu/ drag po chen po ni me/ tshangs pa ni rlung / rtag tu zhi ba ni nam mkha'o/ /de la lnga la gcig khyab pa ste/ bdag ni don dam pa'i rtsa zhes bya ba la/ 'od rab chen po'i rang bzhin/ dpal rdo rje 'dzin pa chen po'o/ /kun la khyab pa zhes bya ba ni 'di ltar gsungs te/'od rab tu chen po'i phyir thams cad khyab pa'o/ /'byung ba chen po la kun la khyab na yang de lta mod kyi de la yang 'od rab chen po gsal bar byed pa'o/ /de'i phyir khyad par gyis kun la khyab pa'o/ /slob dpon tsan+d+ra ka ri'i gzhung gis thams cad kyi sgras ni 'byung ba chen po lngas/de rnams khyab pa snang ba skye bar byed pa/ 'od rab chen po zhes bya ba'i don te/ shin tu spros pa dang bral ba'i stong pa nyid/ skye ba dang 'jig pa dang bral ba'i phyir 'pho ba med pa/ nam mkha' la gzhan gyi phyir 'ong ba med pa/ mi gsal ba'i phyir dang /dngos po med pa'i phyir skye ba med pa/ gzhan ma thugs rje btub pa la sogs sgra ji bzhin gyis gsungs so/ /dpal phyag rgya chen po'i thig le las le'u brgyad pa'i bshad pa'o// //da ni dgu pa la zab pa'i tshigs su bcad pa bri bar bya/ phyag rgya sgra ni bdag por byed rgyud sarba b+hU ti'i de kho na nyid bstan pa las gsungs so//dpal in+d+ra b+hU ti'i gzhung gis ni kun rdzob kyi phyogs su brtul zhugs chen po/ don dam pa'i phyogs su ye shes kyi don rgyas btab pa/ gsang ba'i phyogs su thabs dang shes rab mnyam par sbyor ba/ brda zhes bya ba ni gsang ba'i man ngag las drangs pa/yang na gsang ba'i dam tshig la 'dus/ slob dpon gzhan ma'i gzhung gis ni lag pa la sogs pa'i sbyor thabs kyis phyag rgya gleng ngo / /dpal badzrA b+hU ti'i gzhung gis ni khams gsum ma lus pa phyag rgya bdag nyid do/ / gzhan ma ni rdo rje slob dpon gyi zhal snga nas sgra ji bzhin du gsungs so/ /rigs kyi bye brag gis gang zhig gzhon nu ma rigs ngan rdo rje 'dzin pas gsungs pa de ni rigs kun la rang bzhin gyi rigs med par rab tu bstan to/ /gang gi phyir zhe na/ de bzhin gshegs pa la rigs dang skye ba med do//slob dpon bI ra b+hU ti'i gzhung gis kun de bzhin gshegs pa'i phyir bcom ldan 'das kyi rigs kyi bye brag dag pa sku gsung thugs kyi rnam par dag pas/ gang zhig sring mo la sogs kyis bstan pa de ni rnam par rtog pa dang bral ba'i ye shes 'byung ba'i don du zhes lha lcam lak+Sh+mI'i gzhung ngo //phyi nas kyang rtsa'i don gyis gang zhig rnam par dag pa de yang mi myong ba zhes bya ba'i don to/ /sa la sogs pa'i don gyis gang zhig rnam par dag pa de ni kun la yod ces dgongs so/ /de bas sring mo la sogs kyis bye brag mi bya zhes rnal 'byor ma badzra bi ti'i gzhung ngo //ro drug ni don gyi gang zhig sring mo la sogs pa bstan pa de ni slob dpon bI ra b+hU ti'i gzhung gis khams gsum gso ba'i phyir nye bar myong bar bya zhes gsungs so/ /de kun 'bad pas mchod par bya/ /myur du dngos grub thob par 'gyur//zhes bya ba la/ thabs dang shes rab gnyis su med pa'i sbyor bas dga' bar byas zhes dgongs so/ /gang gi phyir zhe na/ myur du dngos grub ster zhes dgongs pa'i don to/ /dpal phyag rgya chen po'i thig le las le'u dgu pa'i bshad pa'o// //da ni le'u bcu ba'i zab mo'i tshigs su bcad pa bri/rdo dang sa la sogs pa'i mchod rten la/ de kho na nyid shes pa can gyis phyag rgya la sogs pa dgag ces rgyud kyi go rims kyis lha lcam lak+Sh+mI'i gzhung gis slob dpon gyi zhal snga nas gsungs so/ /de ci'i phyir zhe na/ de kho na nyid shes pa rnams kyi sems kyis ngo bo ni shes/de'i phyir sa la sogs pa lha'i sku spangs te/ de bzhin gshegs pa lnga'i bdag nyid kyi lus po 'byung ba'i bdud rtsi'i rdzas kyis nyid thugs kyi rdo rje la bzhugs pa'i gnas sku'i rgyal po mchod par bya zhes dgongs so/ /gzhan ma ni sgra ji bzhin gyis bshad/rigs lnga'i mnyam par sbyor ba la sogs rdo rje slob dpon gyi zhal snga nas sngar bstan pa/ de bzhin du kun sangs rgyas yin pa'i dgongs pas rigs kyi bye brag dgag go/ /btung ba dang mi btung ba ni spyad par bya'o zhes bya ba la/ rnam par rtog pa med pa nyid la brda'o//sogs pa'i sgras ni gces pa dang mi gces pa'o/ /dpal bI ra b+hU ti'i gzhung gis shes rab dang ye shes kyi dbang mi gnas pa ni shes rab ye shes btung ba ni mchog gi dga' ba/ mi btung ba ni chad pa'i dga' ba/ de yang mi spyod ces bya ba'i don to//bud med skal ldan min mi smra/ /zhes bya ba la 'di skad gsungs te/ bud med la skur ba 'debs pas phyag rgya chen po'i dngos grub mi 'thob ces dpal dz+nyA na b+hU ti'i gzhung ngo / /gzhan ma ni sgra ji bzhin gsungs so/ /da ni gnas la sogs pa rnal 'byor ma'i rgyud las gsungs pa'i rim pas rdo rje slob dpon gyi zhal snga nas kyis rim pa 'di ltar gsungs te/legs dgyes chen mo 'byung ba'i dus su gnas/ gang zhig byang chub kyi sems la brten pa de ni gnas/ bde ba'i bdud rtsi la gang zhig 'phel ba dang brten pa de ni nye ba'i gnas/ bde ba la yang dang yang du gang zhig skye ba de ni zhing / bde ba la rang gi gnas su gang zhig rgyas pa de ni nye ba'i zhing / ci 'byung ba bde ba'i dngos po la bzung bas tshan+do ha/ de ring nye ba'i byed pas nye ba'i tshan+do ha/ bde ba'i chos la yang dag par sbyor bar byed pas 'dus pa/ der nye ba'i phyir nye ba'i 'dus pa/nye ba zhes bya ba ni ji ltar shel gyi dum bu la phyi'i rtsi bzhin no/ /bde ba chen po la thog ma dang tha mar gang zhig dngos po med pa de ni dur khrod/ dngos po med pa'i mtshan nyid kyis gang zhig bde ba nyams su myong ba de ni nye ba'i dur khrod/ bde ba nyams su myong ba de yang dag par khyab par 'phel ba'o//de dang dran pas nye bar 'phel ba'o/ /de kun bcu gnyis kyi bdag nyid/ /bde ba nyams su myong ba las/ /gnas brtan pas bde ba chen po tshor ba'i gnas so/ /nang gi bdag nyid kyi gnas ni spyi bo dang spyi gtsug gi gnas so/ /phyi'i gnas ni u rgyan la sogs pa'o//slob dpon gzhan ma'i gzhung gis gnas la sogs pa don gyis a rnams la bstan par byas so/ /mchod pa'i dus su mchod par bya/ /zhes bya ba 'di ltar gsungs te/ mchod pa'i dus zhes bya ba ni rdo rje 'dzin pa'i nga rgyal gyis bsgrub pa dang sgrub thabs kyi sbyor ba/mchod pa zhes bya ba ni gnyis su med pa'i ngo bos lha'i rnam pas thabs dang shes rab bdag nyid kyi sgra dga' bar bya/ /ri bong can 'od me tog gi/ /zhes bya ba la/ slob dpon bI ra b+hU ti'i gzhung gis/ ri bong can gyi sgra ni zla ba/ zla ba'i sgra ni byang chub kyi sems/ 'od zer sgras ni thig le rnams kyi me tog gis zhes bya bas ni yid 'phrog can gyis so//yang na dkar bas so/ /me tog nyi ma dmar ba zhes bya ba la rang las byung ba'i me tog go/ /slob dpon dz+nyA na b+hU ti'i gzhung gis ni 'di ltar bshad de/ srog ni bde ba chen po'i 'khor lo la gnas pa'i byang chub kyi sems so//spyod pa zhes bya ba ni 'khor lo gsum gyi byugs pa'i nang gi bde ba chen po tshor ba'i gnas su dbang drug /longs spyod dang mi snang ba'o/ /lha bshos kyi sgras ni tshim par byed pa/ dbul ba'i sgras ni nyams su zhes bya ba ni de ma thag tu smras pa'i bde ba chen po'i 'khor lo'i gnas so//slob dpon Dom+bi'i gzhung gis ni 'dab ma drug cu rtsa bzhi dang ldan pa'i sprul pa'i 'khor lo/ /slob dpon bI ra b+hU ti'i gzhung gis ni/ shes rab ma'i mngal gyi pad+mar/ srog gcod par bya zhes pa rgyal mi bI ra ma ti'i gzhung gis shes rab ma'i pad+mar byang chub sems kyi me tog gis mchod par bya'o//mi dga' mi bya zhes pa la dpal nA ga bo d+hi'i gzhung gis/ rang la thabs kyi mchog gi dga' ba las gzhan mi gnas reg par mi bya/ shes rab ma la mi brtson pa'i sems mi bya'o zhes so/ /de ci'i phyir zhe na/ mchod pa'i skabs su sbyin pa la sogs kyi don gal che'o/ /de'i srog gcod pa las yang dag pa'i rab mchog gi dga' ba'i ngo bo bsod nams kyi 'bras bu rnyed ces lung gi go rims kyis dpal pad+ma shrI ka ri'i gzhung ngo / /da ni gsang ba'i dkyil 'khor bstan pa/ ji ltar rdo rje slob dpon gyi zhal nas bshad pa de la 'di ru gsal bar bri bar bya/ gru gsum la sogs zhes bya ba la/ gru gsum zhes bya ba ni longs spyod dang / mi snang ba dang / dbang la nyams su myong ba'i gnas so/ /dmar zhes bya ba ni 'od rab kyi rang bzhin/ ran pa zhes bya ba ni shin tu ran pa'i chos kyi dbyings kyi ye shes kyi ngo bo//rim pa gnyis zhes bya ba ni rten dang brten pa'i mtshan nyid can/ dkyil 'khor zhes bya ba ni snying po'i rang bzhin/ nang gi rim pa la dpal ldan zhes bya ba ni slob dpon sha ba ri'i gzhung gis ni/ nang gi rim pa ni brten pa'i gnas/dpal gyi sgras ni bcom ldan 'das bdag med ma/ bcom ldan 'das byang chub sems yid ces bya ba ni don dam pa'i byang chub sems kyi thig ler grags pa can mgon po he ru ka / phyi nas brten pa'i gnas so/ /rigs gsum can gyi rnal 'byor ma/ /zhes bya ba ni sku dang gsung dang thugs kyi ngo bo can/ro ma dang 'dzin ma dang rtog med ma'o/ /slob dpon mtsho skyes rdo rje'i gzhung gis lus dang ngag dang yid 'bab pa de ni nang gi dkyil 'khor gyi rnam par dag pa'o/ /da ni lha mo dag 'dri bar bya/ lha mo'i sgras ni bdag po de sarba b+hU ti'i de kho na nyid kyis bstan pa'i gzhung ngo //dpal in+d+ra b+hU ti'i gzhung gis ni yan lag nye bar gsungs so/ /lus po gnas zhes bya ba la lung la brten pa'i go rims kyi rtsa ba'i bstan pa'o/ /gang gi phyir zhe na/ sgra ni dkyil 'khor ro/ /chos kyi dbyings kyi rang bzhin gyi phyir de rang b+ha ga bshad do//b+ha ga las byung byang chub sems kyi rje btsun no/ /'byung ba'i sgra ni shar zhes bya ba'i don to/ /ji ltar nam mkha' la rgyal ba'i zla ba'o/ /dur khrod brgyad kyi dbus na bzhugs/ /zhes bya ba la 'di skad bshad do/ /lha mo'i yan lag dang ldan pa'i gsang ba'i dkyil 'khor phyi dang nang dang gsang ba'i dur khrod kyis brgyan pa'o//phyi'i gtum drag pa la sogs pa me'i sreg pa'i gnas/ nang gi sgo dgu dang ldan pa'i sku/ gsang ba ni bde ba'i bdag nyid byang chub sems kyi dbugs 'byung ba'i mi snang ba'i gnas so/ /dpal bde ba chen po'i gzhung gis dur khrod brgyad la slob dpon gyi zhal snga nas 'di skad bshad de/gsang ba'i chu skyes kyi dbus su reg bya'i rtsa brgyad 'dab ma can pad+ma dmar po de'i dbus su bde ba chen po'i rgyal po'i byang chub kyi sems/ shar gyi 'dab mar kun rdzob kyi gzugs can byang chub kyi sems mi snang ba'i ngo bor gyur pas tshig pa'i mtshan nyid gtum drag /lho ru longs spyod nyid gyur pas mi 'tshig pa'i mtshan nyid dbyibs can/ nub tu longs spyod las 'das pa'i mtshan nyid can tshang tshing / byang du dbang thob pas dum bur ma gyur pa'i mtshan nyid can 'bar ba/me'i mtshams su chad pa'i dga' bar gyur pas 'jigs pa'i mtshan nyid dmyal tshogs/ chu'i mtshams su chad par gyur pa mi bzad pa'i mtshan nyid can 'jigs par byed pa/ rlung gi mtshams su chad pa'i gnas nas srog gi rlung dang phrad pas/ phyi nas kyang dga' ba'i gnas su sleb pa'i phyir/mdung rtse bskyod pa'i mtshan nyid can ha har dgod pa/ dbang gi mtshams su cung zad gyen du 'gro bas mchog gi dga' bas 'gegs pa'i mtshan nyid g.yer kha can no/ /de ltar gsang ba chen po'i dur khrod brgyad kyi rtsa ba'i 'dab ma'i gnas las cung zad g.yo ba ni chad pa la sogs kyi gnas bstan te/de ru rtsa'i 'dab ma la rim pa 'di yin te/ mthu drag ma dang / mthu byed ma/ ro mchog ma dang / mthu sgra ma/ nam mkha' ma dang / chu sbyin ma dang / rul ba ma dang / ser sna ma'o/ /rtsa'i yan lag dang nye ba'i yan lag mang po yod pa'i phyir ro//shing gi sgra nyid mchog gi dbang phyug gis gsungs zhes slob dpon sha ba ri'i gzhung ngo / /rtsa'i shing me tog la sogs pa rgyud kyi zhes byang chub sems 'byung ba'i phyir don to/ /sogs pa'i rang las byung ba'i me tog /me tog gis med par ji ltar mchod/dkyil 'khor gyi steng du 'gyur zhes bya ba la 'di ltar bshad de/ byang chub kyi sems rang las byung ba'i me tog med par/ shes rab ma'i phyag rgya'i dkyil 'khor la/ mi snang ba dang / longs spyod dang dbang gi grags pa can mchod par med ces dgongs so//slob dpon bi la badzra'i gzhung gis ni gsang ba'i me tog la sogs pa med pas/ thabs dang shes rab la rdzogs pa med pa rnal 'byor ma'i gzhung gis ni phyag rgya dang / dngos grub mi 'grub bo/ /dpal phyag rgya chen po'i thig le las le'u bcu pa'i bshad pa'o// //da ni le'u bcu gcig pa la zab pa'i tshigs su bcad pa bri/ nyon cig sbyin sreg rab tu bshad/ /ces bya ba la sogs pa'i sgra ji bzhin gyis gsungs so/ /lte ba'i gnas su tshul gyis gnas/ /zhes bya ba la/ dpal gsang chen rdo rje'i gzhung gis ni/gsang ba'i pad+ma'i snying po/ slob dpon Dom+bi pa'i gzhung gis ni/ 'dab ma drug cu rtsa bzhi'i lte ba'i gnas so/ /gsang ba'i pad+ma'i ni slob dpon gyi zhal snga nas reg bya'i rtsa'i 'dab mar bshad pa'o/ /de'i lte ba'i gnas su tshul rig par bya'o/ /de'i phyir tshul gyi mtha' mar gsang ba'i pad+ma zhes rgyud las bshad do//tshul gyi sgras ni glo bur ba'i sgra'o/ /slob dpon bI ra b+hU ti'i gzhung gis ni byang chub sems kyi sgra'o/ /de ru rang dbang gi rlung zhes bya ba ni slob dpon u rgyan gyi gzhung gis ni reg bya'i rtsa brgyad/ 'dab ma'i lte ba'i dbus su glo bur ba'i tshul la gnyis su med pa'i rang bzhin gyis rlung rtag tu shar ro//kun du bskor te mi bskor zhes bya ba ni rdo rje slob dpon gyi zhal snga nas 'di skad ces bshad do/ /kun du bskor ba zhes bya ba ni thabs dang shes rab nye bar sbyor ba'i dus su/ rang bzhin gyi rlung kun la shar na yang khyad par gyis g.yas skor du 'byung /mi bskor zhes bya ba ni g.yon la bskor ba'o/ /dpal badzra b+hU ti'i gzhung gis kun du bskor zhes bya ba ni skad cig 'byung ba'o/ /mi bskor zhes bya ba ni thim par gyur pa'o/ /dbang po gnyis kyi bud shing sbyor ba las/ /thabs dang shes rab mnyam par 'khyud pa'i bsgrub pa dang /sgrub thabs chen po'o/ /rlung la me 'bar bya ba la de ma thag tu smras pa'i rang bzhin gyi rlung gis bskul bar bya ba'i gtum mo'i ngo bo can bcom ldan 'das ma rdo rje dbyings kyi dbang phyug ma 'bar ro/ /steng gi 'khor lo la gnas pa'i mar zhes bya ba la/steng ni bde ba chen po'i 'khor lo/ mar ni byang chub kyi sems so/ /des ni ci smras na rang bzhin gyi rlung gis khong du chud par byas ba'i gtum mo'i 'od zer gyis bde ba chen po na gnas pa'i byang chub kyi sems kyi mar zhu bar 'gyur ro/ /dpal ma hA su kha'i gzhung gis ni steng gi 'khor lo ni sprul pa'i 'khor lo nas/nang du gzhug pa'i 'khor lo mchog /de rang snod ces bya ba ni sangs rgyas rin po'i snod gsungs so/ /ha ni rnam par dgang gzar bstan/ /zhes bya ba la dpal in+d+ra b+hU ti'i gzhung gis ni rtsa gsum gyi bdag nyid reg bya'i sa bon no//slob dpon sha ba ri'i gzhung gis ni shes rab ma'i gsang ba'i pad+ma'i lte ba'o/ /blugs gzar rdo rje 'di ru bstan/ /zhes bya ba la rdo rje rin po che dbyug pa hom khung b+ha ga zhes bya ba ni sgra ji bzhin no/ /dbang po lnga la sgra ji bzhin no/ / yar na stobs lnga'o/ /mar ngo las ni zhes bya bas chad pa'i dga' ba/ de ni slob dpon dpal ldan gyi gzhung ngo / /nya gang ba la gshegs su gsol/ /zhes bya ba ni mchog gi dga' ba'i gnas yan chad/ chad pa'i dga' ba'i 'jug pa'o/ /slob dpon nag po pa'i gzhung gis mar ngo shes rab ma/yar ngo ni thabs/ gshegs su gsol zhes bya ba ni shes rab la dbang bskur bar bya'o/ /hom khung phyi rol thigs phyed tsam ni/ blugs gzar nas/ /thigs phyed tsam ni dor mi bya/ /zhes bya ba ni hom khung gi phyi rol ni gsang ba'i pad+ma'i phyi rol lo/ / blugs gzar nas ni gsang ba'i rdo rje'i rin po che nas/ de la don ni 'di yin te/ byang chub sems kyi mar dgang blugs dbul ba'i dus su/ yo ni phyi rol du gtang bar mi bya'o/ /slob dpon Dom+bi pa'i gzhung gis ni/ gang zhig hom khung gi phyi rol de ni rdo rje'i phyi rol/ blugs gzar gyi sgras ni gsang ba rin po'i gnas/de las phyi'i gnas su byang chub sems gtang bar mi bya'o/ /mi bya ba'i phyir na dgang blugs ni ma yin no/ /sangs rgyas la sogs bya ba ni gsang ba'i don gyis rdo rje slob dpon gyi zhal snga nas 'di skad gsungs te/ sangs rgyas zhes bya ba ni sems dang sems las byung ba/ byang chub sems dpa' zhes bya ba ni phung po lnga/ lha dang lha mo yin zhes bya ba ni khams kyi rang bzhin/ srin po zhes bya ba ni skye mched/ phyogs skyong brgyad ces bya ba ni ro brgyad/ bsreg rdzas kyis ni tshim par bya/ /zhes bya ba ni thabs dang shes rab gnyis su med pa'i sbyor bas/phan tshun gyi byang chub sems kyi bdud rtsis dgyes par bya'o/ /de ci'i phyir zhe na/ des ni phung po la sogs bstan par 'gyur ro/ /gang zhig rdo rje sems dpa' mchod pa ni/ dgang blugs kyis ni sbyin par bya/ /zhes slob dpon dz+nyA na b+hU ti'i gzhung gis 'di skad gsungs te/rdo rje sems dpa' zhes bya ba ni dpal bde ba chen po'i rgyal po'o/ /dgang blugs kyis zhes bya ba ni mi spro ba'i bdud rtsi gang zhig rang bzhin dga' ba des mchod par bya/ nyams su myong bar bya zhes bya ba'i don to/ hUM phaT sngags kyis la sogs zhes bya ba ni gsang ba'i mnyam par sbyin pa'i sbyin sreg gi dus su rdo rje'i rin po che'i snying por lta ba'i rnam par dgod par bya'o//pad+ma rin po che'i snying por pha'i rnam pa/ des ni mkha' 'gro kun dgyes la/ /zhes bya ba ni mkha' 'gro ma'i sgras ni rtsa dgyes zhes bya ba ni mi zad gyur pa'o//gzhan ma yang rnal 'byor ma mo zhes bya ba ni phyi rtsa'o/ /dngos grub yang ster zhes bya ba ni/ /rang bzhin dga' ba'i grub tu gyur/ /zhes slob dpon bsan+ta ti la ka'i gzhung ngo / /de ltar bshad pa la sogs zhes bya ba ni sgra ji bzhin no/ /'dod pa thams cad grub par byed/ / ces bya ba la slob dpon dz+nyA na b+hU ti'i gzhung gis ni rtsa la sogs pa rgyas pa nyid do/ /dpal phyag rgya chen po'i thig le las le'u bcu gcig pa'i bshad pa'o// //da ni bcu gnyis pa tshigs su bcad pa bri/ bdud rtsi lnga yi rim pa 'di ltar la sogs zhes bya ba la/ bdud rtsi lnga zhes bya ba ni nang gi don gyi mkha' 'gro ma las byung ba'i dkyil 'khor lnga/de ru sku'i 'khor lo ni rnam par snang mdzad/ gsung gi 'khor lo ni snang ba mtha' yas/ thugs kyi 'khor lo ni mi bskyod pa/ yon tan gyi 'khor lo ni rin chen 'byung ldan/ las kyi 'khor lo ni don yod grub pa/phyi'i don gyi rdzas lnga'i bdag nyid do/ /gsang ba'i don gyis thog ma dang tha ma dang dbus dang bral ba'i bde ba chen po'i rgyal po'o/ /dpal phyag rgya chen po'i thig le las le'u bcu gnyis pa'i bshad pa'o// //da ni bcu gsum pa la zab pa bri/ u rgyan la sogs gnas zhes bya ba la/gnas la sogs pa'i don lngar bshad par bya'o/ /rnal 'byor ma'i 'dus pa zhes bya ba ni gsang ba'i mnyam par sbyor ba'i dus su rtsa phrad pa'i 'pho ba/ de ru skad ni smra bar byed/ /ces bya ba slob dpon sha ba ri'i gzhung gis phan tshun byang chub sems 'dus par byed do//de'i gsang ba'i sgra dang ldan pa nyid rgyud las gsungs so/ /gsang ba'i sgra ni legs dgyes kyi dga' ba'i ro zhes slob dpon pa la sa badzra'i gzhung ngo / /slob dpon gzhan ma'i gzhung gis gsang ba'i sgras ni rang rang gi rigs la 'dus pa'o/ /slob dpon rat+na b+hU ti'i gzhung gis gsang ba'i skad ni 'dor ba'i brda'i gnas so//slob dpon Dom+bi'i gzhung gis ni skal ba dang ldan pa mi ldan pa bstan pa'i rgyu'i phyir/ gsang ba'i skad smra ba'o/ /gzhan ma ni chang la sogs pa sgra ji bzhin gyis gsungs so/ /dpal phyag rgya chen po'i thig le las le'u bcu gsum pa'i bshad pa'o// //da ni bcu bzhi pa la zab pa'i tshigs su bcad pa bri/ yan lag phyag rgya la sogs pa'i mtshan nyid la sogs zhes bya ba la/ rdo rje slob dpon gyi zhal snga nas 'di skad gsungs te/ yan lag gi sgras ni thabs/ phyag rgya'i sgras ni shes rab/mtshan nyid ces bya ba ni bde bar sbyor ba/ slob dpon dz+nyA na b+hU ti'i gzhung gis yan lag ni srid pa/ phyag rgya ni mya ngan las 'das pa de dag gnyis kyis yongs su shes pa las phyag rgya'i dngos grub bo/ /slob dpon nag po pa'i gzhung gis yan lag ni mchog gi dga' ba/phyag rgya ni chad pa'i dga' ba/ slob dpon mtsho skyes rdo rje'i gzhung gis phyag rgya'i dngos grub mngon du gyur pa'i rnal 'byor pa la nye bar brtags pa'i don gyi phyir rnal 'byor ma 'dus pa'o/ /dpal phyag rgya chen po'i thig le las le'u bcu bzhi pa'i bshad pa'o// //da ni bco lnga pa la zab pa'i tshigs su bcad pa'i don bri/ gzugs dang mtshan nyid ces bya ba ni slob dpon gyi zhal snga nas 'di skad ces gsungs te/ gzugs ni kun du dmar ba'i rang bzhin byang chub kyi sems/ mtshan ma zhes bya ba ni phyi rol du 'byung ba'i rnam pa'i ngo bo/sogs pa'i sgras ni gnas so/ /de la don ni 'di yin te/ gang zhig rnal 'byor ma rtag tu A li kA li bdud rtsi'o/ /gsang ba'i pad+ma'i gnas nas 'dzag pa de ni the tshom med par dngos grub chen po ster bar 'ong / A li kA li'i ye shes las khams gsum skye ba'i phyir ro//gang zhig nyid las de ltar gyur pa'i ye shes rtag tu 'byung ba de ni mi las gzhan pa'i lha'i rigs so/ /lha mo ma yin pa gzhan mas dngos grub chen po grub par mi nus pa mi 'ong zhes dgongs pa'o/ /dpal phyag rgya chen po'i thig le las le'u bco lnga pa'i bshad pa'o// //da ni bcu drug pa la zab pa'i tshigs su bcad pa bri/ nyon cig dkyil 'khor rgyal dbang po/ /zhes shes bya ba ni slob dpon gyi zhal snga nas mkha' 'gro ma rdo rje gur gyi man ngag gi gzhung gis 'di ltar bshad de/ dkyil 'khor gyi sgras ni 'khor gyi snying po/snying po stong pa nyid kyi ye shes kyi rang bzhin don dam pa'i byang chub kyi sems/ 'khor ni bya ba'i ye shes so/ /der ni min bdag bzhugs zhes bya ba ni badzra b+hU ti'i gzhung gis ni stong pa nyid kyi ye shes kyi ngo bo/ bdag nyid don dam pa'i byang chub kyi sems bde ba chen po'i byang chub bo//hUM gi dngos po la dngos po zhes 'dir bshad do/ /hUM gi dngos po zhes thugs kyi rdo rje'i mkha' 'gro las so/ /dngos po zhes bya ba ni gsung gi rang bzhin/ kun rdzob dang don dam pa gnyis su med pa'i byang chub kyi sems kyi ngo bo/ gsum pa'i dngos po zhes bya ba ni mtshan dang dpe byad dang ldan pa longs spyod rdzogs pa'i sku'o//slob dpon gzhan ma'i gzhung gis ni gdul dka' 'dul byed kyi phyir/ dpal rdo rje 'dzin pa chen po la sprul pa'i kye'i rdo rje'o/ /de rang la ye shes mkha' 'gro zhes bya ba'i mtshan nyid do/ /nyi ma'i dkyil 'khor gyi steng du bzhugs zhes bya ba la mchog gi dga' ba'i gnas na bzhugs/nyi ma bye ba'i 'od ces bya ba la rang bzhin dga' ba'i grags pa can 'od rab chen po'i ngo bo/ khyed dang lhan cig mnyam par 'khyud/ /ces bya ba la/ legs dgyes chen mo'i mnyam par gnyis su med pa'i sbyor bas bdag med ma'i kha sbyar gyi sbyor ba'o//chu skyes sngon po'i gzugs can zhes bya ba la/ ye shes chen po yang nam mkha'i rang bzhin no/ /slob dpon bI ra b+h+wu ti'i gzhung gis ni zhal la skad cig rnam par dag pa bshad do/ /kha cig dga' ba'i rnam par dag pa len/phyag la sna tshogs thabs gsal ba'i phyir/ slob dpon gyi zhal snga nas sna tshogs rnam par dag pa bshad do/ /de ni re zhig bdag po rdzogs pa'i gzhung / 'khor rdzogs pa'i skabs su slob dpon dz+nyA na mUrti'i gzhung gis ni/ gang zhig bcu gnyis pa'i bdag nyid de ni thabs kyi dkyil 'khor/gang zhig bzhi bcu rtsa bzhi pa de ni thabs las byung ba'i dkyil 'khor/ slob dpon bI ra b+hU ti'i gzhung gis ni gang zhig bsgrub pa dang sgrub thabs kyis ro'i dga' ba las rdzogs pa de ni ye shes kyi dkyil 'khor/ gang zhig skad cig gi rnam par rdzogs pa de ni 'byung ba'i dkyil 'khor/slob dpon sha ba ri'i gzhung gis dang po 'byung ba de ni rten gyi dkyil 'khor/ gang zhig phyi nas 'byung ba de ni brten pa'i dkyil 'khor/ gang zhig phyag la nya dang chu srin la sogs pa de ni/ mkha' 'gro ma rdo rje gur gyi man ngag gis nad la sogs pa 'jig par mdzad pa'o//slob dpon slad ma ni sgra ji bzhin no/ /gang zhig nyi shu rtsa bzhir gnas/ /de ni tshogs la bzhugs pa'i sa/ /zhes bya ba la/ 'khor lo bzhi gnas pa'i lha mo sum cu rtsa gnyis la gnas dang / nye ba'i gnas la sogs pa'i bzhugs pa'i gnas so//gang gi phyir zhes nang gi lha mo la nang gi gnas/ phyi'i lha mo la phyi rol gyi sgo la sogs pa/ dbus ni gnas pa la rten med pa'i phyir gnas la sogs pa bzhugs pa'i sa zhes slob dpon sha ba ri'i gzhung ngo / / 'di ru lha mo sum cu rtsa gnyis la/ gnas nyi shu rtsa brgyad ji ltar bzhugs pa'i sa yin par gyur pa de la slob dpon gyis 'di ltar bshad de/ le'u nyi shu rtsa brgyad pa la gang zhig sbyor ba dang / nye ba'i sbyor ba bzhi por gsal/ des sum cu rtsa gnyis tshang bar 'gyur ro/ / de ni re zhig lha mo'i gnas kyi phun sum tshogs pa bshad/ da ni rnam par dag pa'i bskyed pa'i rim pa bri/ de nas bskyed pa'i rim pa yis/ /rtsa kun la ni 'byung ba'i tshe/ /zhes bya ba la slob dpon mang po'i gzhung gis/ rdo rje slob dpon gyis 'di skad bshad de/ dang po re zhig bsgrub dang sgrub thabs las/phyi dang nang gi bdag nyid kyi gsang ba'i rtsa las 'byung ba'i tshe/ de las lha mo'i rnam pa 'byung bar 'gyur ro/ /de ni bskyed pa'i rim pa'i phyogs so/ /rdzogs pa'i rim pa'i phyogs su ni phyi dang nang gi bdag nyid can gyi dkyil 'khor la gnas pa'i lha mo'i tshogs la gzung 'dzin rnam par spangs pa'i phyir/gang nas skye ba der rang zhugs la rtsa'i rnam par dag pa'o/ /'dzums pa dang 'byed pa la sogs zhes bya ba la/ rtsa'i lha mo'i mchod pa spro ba'i bdag nyid can/ bde ba chen po'i dga' ba 'byung ba la ye shes kyi phyag rgya khong du chud pa'o//ye shes kyi phyag rgya ni zhi ba chen po'i rang bzhin spros pa med pa/ bsgrub dang sgrub thabs chen po khong du chud pa las/ de rang gtum mo/ /slob dpon sha ba ri'i gzhung gis ni las drag po mdzad pa'i phyir gtum mo/ /slob dpon bI ra b+hU ti'i gzhung gis/ mchog gi dga' ba rgyas par byed pa'i phyir gtum mo//slob dpon Dom+bi pa'i gzhung gis ni 'od zer rab tu che ba'i phyir gtum mo/ /slob dpon bde ba chen po'i gzhung gis ni rdo rje la 'dzums pa/ pad+mo la dbye ba/ lha lcam lak+sh+mI'i gzhung gis/ 'dzums pa zhes bya ba ni gyen la 'gugs pa/ dbye ba ni 'og tu gshegs su gsol ba/dpal in+d+ra b+hU ti'i gzhung gis/ 'dzums pa ni shu kra/ dbye ba ni rak+ta/ de dag mnyam par sbyor ba ni 'dus pas rdo rje che/ rdo rje me las zhi ba chen po'i rang bzhin spros pa med pa ma yin yang mchog gi dga' ba'i 'od zer gyis khyab pa'i phyir 'bar ba dang / sreg par byed pa dang /byang chub kyi sems zhu bar byed pa dang / rtsa la tshim par byed pa dang / dkyil 'khor la bya ba'i mchod pa mdzad do/ /de ltar rtsa chen po spros pa med pa'i ye shes kyi sgron ma rang bzhin can/ rtsa thams cad rten byas nas/ shes rab dang gzugs kyis 'jig rten las 'das pa'i shes rab ye shes kyi don grub par mdzad ces bshad do//sngar bstan pa'i gzhan ma ni sgra ji bzhin pa'o/ /de rang bde ba chen po ye shes ni/ dkyil 'khor la ni rnam par bzhugs/ /zhes bya ba ni gang zhig rdzogs pa'i rim pas shes rab ye shes kyi dbang / de rang bde ba chen po/bskyed pa'i rim pa'i sgra ni sgrub thabs kyi dgos pas bde ba chen po thob pa/ bskyed pa'i rim pa'i phyogs la ni phyi'i shes rab bsgrub pa dang / sgrub thabs tsam la 'dod ces slob dpon san+ta gup+ta'i gzhung ngo / /gang gi phyir zhe na rtag tu ma'i shes rab bsnyen pas/bsam gtan la 'grib pa 'ong bas/ de ltar rgyud nyid las sngar 'di ltar bstan/ blta ba tsam ni dgos pa ste/ /de bzhin kun la rtag tu min/ /phye nas rnam rtog skye bar byed/ /des ni dngos grub mi thob pa/ /dkyil 'khor du ni rnam par bzhugs/ /zhes bya ba ni dkyil 'khor gyi sgras ni bdag po de la/bde ba chen po rtag tu shar/ /zhes bya ba'i don to/ /dkyil 'khor la yang bde ba chen po la/ rten dang brten pa la dbyer med pa dpal in+d+ra b+hU ti'i gzhung ngo / /kun rdzob dang ni dam pa'i don/ /gnyis su dbye ba'i bde ba chen/ /zhes bya ba ni kun rdzob kyi gzugs can bde ba chen po'i shes rab ye shes las 'byung ngo //ci'i phyir zhe na shes rab ye shes las/ tha mal pa ma yin pa'i dga' ba rnams la shar ba'i dus/ dga' ba la sogs pa las bde ba chen po'i rnam par shes pa'o/ /don dam par zhes bya ba ni/ rang las 'gyur ba de rnams sogs//zhes bya ba la sgra ji bzhin no/ /snang ba reg bya 'dus pa dang / 'gro ba de ni bzhi pa zhes bya ba ni snang ba zhes bya ba kun rdzob kyi bdag nyid/ shes rab ye shes dbang bskur ba'i dus su bdag med ma'i rang bzhin shes rab ma la spyan gzigs par byed pa'i byin rlabs zhes bya ba'i don to//slob dpon sha ba ri'i gzhung gis ni dga' ba bzhi pa/ snang ba la sogs pa bzhi rtsa bar gyur pa/ rgyur gyur pa zhes bya ba'i don to/ /dpal in+d+ra b+hU ti'i gzhung gis snang ba ni lam/ reg bya ni byed pa po/ 'dus pa ni bya ba/ 'gro ba ni 'bras bu/ gzhan ma srid pa dang bral ba zhes mtha' yan chad sgra ji bzhin gyis de bskyed pa'i rim pa dga' ba bzhi'o//de ni re zhig dga' ba bzhi la bstan pa tsam/ da ni dga' ba bcu drug gi bye brag gis/ gang zhig dga' ba bzhi la sbyor ba de la dang po'i dga' ba rnams la rgyud kyi go rims kyis/ slob dpon dz+nyA na mU rti'i gzhung gis 'di skad bshad de/shes rab ma la spyan gzigs pa dang / 'khyud pas dang po'i sbyor ba'i dang po 'dod pa'i dga' ba/ gnyis pa 'dar ba'i dga' ba/ gsum pa 'gro ba'i dga' ba/ bzhi pa dga' ba nyid/ de ni dang po'i dga' ba'o/ /pad+ma dang rdo rje gnyis kyi 'dus pa'i 'dod pa rgyas pa las/sbyor ba gnyis kyi dang po rgyas pa'i dga' ba/ gnyis pa stobs kyi dga' ba/ gsum pa 'byung ba'i dga' ba/ bzhi pa mchog gi dga' ba nyid/ de ni sbyor ba gnyis pa'o/ /byang chub kyi sems 'gro ba'i skabs su gsum pa'i sbyor ba'i dang po 'bar ba'i dga' ba/gnyis pa thig le'i dga' ba/ gsum pa myos pa'i dga' ba/ bzhi pa chad pa'i dga' ba nyid do/ /sbyor ba bzhi pa'i dang po/ u ta'i dga' ba/ gnyis pa tshul gyi dga' ba/ gsum pa gnyid log pa'i dga' ba/ bzhi pa rang bzhin dga' ba nyid/ de lta bu'i sbyor ba'i dga' ba bcu drug go//slob dpon bI ra b+hU ti'i gzhung gis rtsa bas ni dga' ba bzhi/ de la yang shes rab ma la spyan gzigs pa'i rgyud las 'byung ngo / /gang zhig 'dod pa'i dga' ba la sogs pa de ni dga' ba rnams nges par bstan pa'i mtshan nyid/ gang zhig gtso rab kyi don de ni so sor bstan pa'i mtshan nyid do//de ni u ta'i dgug pa la sogs zhes bya ba la/ dpal in+d+ra b+hU ti'i gzhung gis ni u ta'i dgug pa zhes bya ba ni rdzogs pa'i rim pa'i sbyor bas rten med pa'i rang bzhin bde ba gnyis su myong ba'o/ /slob dpon bI ra b+hU ti'i gzhung gis ni shes rab las slar bde ba dgug par byed pa/gang zhig ces bya ba'i sgra ni zhu ba po rnams la khong du chud par bya ba'i tshig go/ /thigs pa gsum gyi mthar zhes bya ba la/ gsum gyi sgra ni dga' ba gsum/ de rnams kyi mtha' ni bzhi pa'i rang bzhin gyi dga' ba/ de ru thigs pa mthar zhes bya ba ni/ chad pa la rab tu 'jug par bya'o zhes dgongs pa'o/ /rang bzhin rim par shes par bya ba la sogs pa la/ dga' ba'i sbyor ba bzhi la rim pas rang bzhin dga' ba kun la shar ro/ /gzhan ma dga' ba la sogs pa la nyams su myong ba'i gnas ni/ bde ba chen po'i gtsur tor nas smin mtshams kyi 'khor lo'i dbus yan chad drang ba'i don gyis bcom ldan 'das kyi bka'o//des don gyis bde ba chen po'i 'khor lo/ gtsur tor ni bde ba chen po'i tshor ba'i gnas so/ /slob dpon ku ku ri'i gzhung gis ni gsang ba'i rdo rje'i rin po che'i smin mtshams kyi 'khor lo ni gsang ba'i rdo rje'i rin po che'i gdu bu'i gnas so//de ru dga' ba'i thigs pa la nyams su myong ba'i gnas so/ /slob dpon sha ba ri'i gzhung gis shar ba'i dus so/ /smin mtshams su 'khor lo nas mgrin pa'i gnas su ni cung zad 'og gi lam de ru mchog gi gnas/ snying ga'i rdo rje rin chen gyi gnas de ru chad pa'i dga' bas so/ /de ni bskyed pa'i rim pa'i phyogs so/ /rdzogs pa'i rim pa'i phyogs su ni lte ba'i 'khor lo la sogs zhes bya ba la/ lte ba'i 'khor lo ni de ma thag tu smras pa'i rdo rje rin po che'i dbus gnas so/ /mdoms kyi sgras ni de'i spyi bo'i sa/de ru dga' ba rnams kyis nyams su myong ba'i gnas so/ /mdud pa'i rtsa bar ni rdo rje rin po che'i 'khor lo nyid/ de ru mchog gi dga' ba'i gnas so/ /rin po che kha zhes bya ba ni rin po che'i 'khor lo'i nang gi sgo de ru chad pa'i dga' ba'i gnas so/ /rdo rje rin po che'i nang gi gnas zhes bya ba la bla ma'i zhal snga nas gzhung mang po bka' stsal te/rab ni dpal in+d+ra b+hU ti'i man ngag gi gzhung gis mdud pa'i gnas/ lha lcam lak+Sh+mI'i gzhung gis gsang ba rin po che'i snod kyi dbus nas/ slob dpon badzra b+hU ti'i gzhung gis rdo rje rin po che rangs pa'o//slob dpon bI ra b+hU ti'i gzhung gis ni rin po che'i kha'i nye bar ro/ /dpal phyag rgya chen po'i thig le las le'u bcu drug pa'i bshad pa'o// //da ni bcu bdun pa'i tshigs su bcad pa bri/ thig le tshul dang cha la sogs/ /zhes bya ba la/ ka ma la shI la'i gzhung gis/cha'i gnas ni snang ba'i ngo bo can dga' ba/ thig le zhes bya ba ni snang ba mched pa'i ngo bo mchog gi dga' ba/ tshul gyi sgra ni snang ba thob pa'i ngo bo can chad pa'i dga' ba/ de rnams la ye shes kyi 'od rab grags pa'i rang bzhin gyi dga' ba/ ye shes kyi sgra ni dga' ba rnams las ni yongs su grub pa'i mtshan nyid/slob dpon Dom+bi'i gzhung gis ye shes ni dga' ba rnams las rnyed pa'i gzhi/ slob dpon sha ba ri'i gzhung gis ni nyams su myong ba'i gnas so/ /rnam rtog las ni rtog med la/ /zhes bya ba la sogs pa la rnam par rtog pa zhes bya ba ni bskyed pa'i rim pa rtog pa med pa zhes bya ba ni rdzogs pa'i rim pa/dpal in+d+ra b+hU ti'i gzhung gis/ rnam par rtog pa ni me tog kun+da dang mtshungs so/ /rtog pa med pa zhes bya ba ni gzugs dang bral ba'i rang bzhin bde ba/ klu sgrub snying po'i gzhung gis rnam par rtog pa ni dngos po can/ rtog pa med pa ni dngos dang bral ba/slob dpon gzhan ma'i gzhung gis rnam par rtog pa ni srid pa/ rtog pa med pa ni mya ngan las 'das pa/ dpal bde ba chen po'i gzhung gis rnam par rtog pa ni mchog gi dga' ba/ rtog pa med pa ni dga' ba dang bral ba/ lte ba'i gnas zhes bya ba ni de dag la gnyis su med pa'i ngo bos rang bzhin dga' ba/gang tshe bdud rtsi'i gnas 'gro ba/ /zhes bya ba la rdzogs pa'i phyogs su bdud rtsi'i gnas ni mya ngan las 'das pa'i gnas/ mya ngan las 'das pa'i gnas ni slob mas ye shes rdzogs pa/ bskyed pa'i rim pa'i phyogs su ni bde ba'i bdag nyid byang chub sems nyid bcom ldan 'das rdo rje 'dzin pas gsungs so//de rnams gnas ni bzhi ru ste/ /dga' ba'i bye brag gis ni thal/ /zhes bya ba la slob dpon nag po pa'i gzhung gis de rnams zhes bya ba ni byang chub sems kyi thig le bzhi ru zhes bya ba ni dpral ba dang / mgrin pa dang / snying ga dang /lte ba'i gnas so/ /thal ba zhes bya ba ni 'di sleb pa'o/ /de la don ni 'di yin te/ gsang ba'i rdo rje rin po che'i dpral ba la tshogs pa'i gnas su/ byang chub kyi sems thig le bzhi pa sleb pas dga' ba'i ngo bo zhes dgongs pa'o/ /phyi nas yang rdo rje slob dpon gyis 'di ltar bshad de/gang gi tshe byang chub kyi sems thig le'i dngos po can du gyur pa de'i tshe rnam par rtog pa nyid/ gang gi tshe dga' ba nyid/ de'i tshe rtog pa med pa nyid/ rtsa yi kun spyod sbyor ba yis/ /zhes bya ba sgra ji bzhin pa'o/ /dpral ba'i steng gi pad+ma'i gnas la sogs zhes bya ba ni/ dpral ba zhes bya ba ni gsang ba'i rdo rje rin chen 'khor lo'i thog ma'i gnas/steng du pad+ma zhes bya ba ni bde ba chen po'i 'khor lo'i gnas pa can bde ba chen po'i pad+ma nyid do/ /de'i gtsug tor steng bzhin zhes bya ba ni 'khor lo'i rnam pa las phyi rol gyi gnas su/ gang zhig 'dzums pa'i pad+ma'i dngos po can rin po che de ni gtsug tor ro//slob dpon nag po pa'i gzhung gis ji ltar sangs rgyas kun gyi dbu la/ gtsug tor sangs rgyas rin po che'i snod la yang de ltar ro/ /des na/ bde ba chen po tshor ba'i gnas/ /zhes bya ba'i don to/ /dpal ku ku ri'i gzhung gis gsang ba'i rtsa'i gnas bstan pa'o/ / lte ba'i 'og ma la sogs zhes bya ba ni bskyed pa'i rim pa'i phyogs su sgra ji bzhin/ rdzogs pa'i rim pa'i phyogs su slob dpon dz+nyA na b+hU ti'i gzhung gis/ lte ba'i gnas ni gsang ba'i rdo rje rin po che'i dbus/ 'og ces bya ba ni/ sgo'i phyi rol gyi gnas so/ /gru gsum gyi rnam pa'i phyir/ de rang sum mdo'i gnas so//de'i steng ni 'di ltar bshad de/ gru gsum gyi steng na/ lte ba'i sgras ni gsang ba rin po che'i snod/ mdoms zhes bya ba'i gsang ba'i snod kyi dbus/ slob dpon bI ra b+hU ti'i gzhung gis/ dbus kyi gnas ni rin po che'i 'khor lo bde ba chen po'i mdzod nyid gru gsum gyi 'og tu lte ba'i rnam pa can zhes bya ba la/phyi nas ni don gang gis bshad ces/ slob dpon gyis 'di ltar bshad de byang chub kyi sems 'bab pa'i bdag nyid la sogs rnams la gnas kyi bdag nyid bstan pa'o/ /la la nA la sogs go sla bar gsungs so//rdo rje rtse mo la sogs zhes bya ba la/ slob dpon sha ba ri'i gzhung gis/ rdo rje rtse mo la sogs zhes bya ba la/ rdo rje rtse mo zhes bya ba ni snang ba'i gnas/ thugs kyi rdo rje zhes bya ba ni de ru snang ba thob pa/ sum mdor zhes bya ba ni longs spyod kyi gnas/ gsung yin zhes bya ba ni de ru snang ba mched pa/lte ba zhes bya ba ni dbang gi gnas/ sku zhes bya ba ni snang ba/ sku gsum la de ltar nges pa'i zhes bya ba ni snang ba la sogs pa'i mtshan nyid kyi dga' ba/ gsum la rin po che'i kha'i mtha' nas 'byung ba'i bzhi bstan pa'o/ /phyi nas kyang de rang la gyen du lam gyi rim pas rgyas par bstan pa'i don bshad de/snying ga zhes bya ba ni gsang ba'i rdo rje rin po'i gnas/ thugs kyi rdo rje zhes bya ba ni dbang gi grags pa can chos kyi sku/ mgrin pa zhes bya ba ni rdo rje rin po che'i 'khor lo/ /gsung gi rdo rje zhes bya ba ni/ de ru longs spyod kyi rang bzhin longs spyod rdzogs sku/dpral ba zhes bya ba ni rdo rje rin po che 'khor lo'i gdan/ sku'i rdo rje'i mchog ces bya ba ni mi snang ba'i grags pa can/ sprul pa'i sku mi snang ba'i sgras ni gnas nas gnas su 'pho ba/ slob dpon badzra b+hU ti'i gzhung gis ni dang po'i gnas su 'gro ba/ dpal pad+ma sha ba ri'i gzhung gis ni skye med du 'gro ba/de'i dbus na yod pa'i srog la sogs zhes bya ba ni dpal bde ba chen po'i gzhung gis/ de'i sgras ni de ma thag tu smra ba'i grags pa can dga' ba gsum srog ces bya ba ni bzhi pa rang bzhin dga' ba/ de yang kun rdzob kyi bde ba la bskyed pa'i rim pa'i phyogs su'o//nye ba'i srog ces bya ba ni dga' bral/ snying ga'i gyen las srog gi rlung zhes bya ba ni rdo rje rin po che'i dkyil nas kun rdzob kyi bde ba'i bdag nyid rang bzhin dga' ba shar ba/ kun du snang ba zhes bya ba'i don to/ /lte ba'i 'og nas rdo rje rin chen kha'i gnas nas/tshim byed kyi rlung gi sgras ni dga' bral la shar ba'i tshe/ gang gi tshe dgongs pas dga' bral ni tshim byed rlung gi mtshan nyid can/ de ru slob dpon nag po pa'i gzhung gis/ tha mal pa'i chags pa'i dga' ba rnams la/ mgu ba skye ba'i don gyi phyir/ gang gi tshe rkang mthil nas tshim byed kyi rlung 'byung bar 'gyur ba de'i tshe srog gi rlung gyen du 'gro/rkang mthil zhes bya ba ni rdo rje rin po che'i sgo/ de las srog gi rlung rang bzhin gyi dga' ba/ rang gi stobs nus kyis/ tshim byed pa'i rlung yang gyen du 'gugs par mdzad/ tshim byed pa'i rlung ni lte ba'i gnas su gzhi bgyid par zhes slob dpon wa san+ta ti la ka'i zhal snga nas ni/rdo rje rin po che'i lte ba'i gnas su bzhugs pa'i gsang ba'i pad+ma'i/ de ru tshim par byed pa'i rlung 'gro ba tsam gyis gsang ba chen po'i ngo bor 'gyur/ rang bzhin dga' ba nyid rdzogs pa zhes bya ba'i dgongs pa'o/ / de rdzogs pa'i rim pa'i phyogs so/ /bskyed pa'i rim pa'i phyogs su ni 'di ltar bshad de/ rdo rje rin po che'i 'khor lo'i gnas kyi rtsa ba ni gtsug tor gyi gnas nas gang gi tshe/ me tog kun+da dang 'dra ba rang bzhin gyi dga' ba shar ba de'i tshe/ dga' bral gyi ngo bo can byang chub kyi sems/ rdo rje rin chen gyi kha sgo'i gnas su gshegs so//de'i tshe de ni srog gi rlung / lte ba'i gnas su brten par 'gyur/ /zhes bya ba la/ gang gi tshe dga' bral 'byung ba de'i tshe/ yang dag pa shes rab ye shes kyi dbang gi de kho na nyid rnal 'byor pas thob na/ de'i tshe srog gi rlung la reg par byed par nus/ de las de'i skad cig gis rang bzhin gyi dga' ba rdo rje rin po che'i lte ba'i gnas su bstan par 'gyur ro/ /dpal phyag rgya chen po'i thig le las le'u bcu bdun pa'i bshad pa'o// //da ni bco brgyad pa la zab pa'i tshigs su bcad pa bri/ kha sbyor rnam pa'i sbyor ba yis/ /zhes bya ba la sogs pa la sdom pa'i rgya mtsho'i gzhung gis/rdo rje slob dpon gyis 'di ltar bshad de/ kha sbyor gyi sgras ni srog gi dbyug pa la/ spros med ma la/ tsan+dan go shiR+Sha'i shing gi nang du sbrul mo bzhin du mnyam par 'khyud pa/ slob dpon Dom+bi'i gzhung gis ni bdud rtsi ma dang / de bzhin bdud rtsi 'bab pa ma'i//sems la gang gi rim pas ni/ /'ong ba dang ni 'gro bar 'gyur/ /zhes 'di ltar bshad de/ rnam par shes pa'i rlung gi bdag nyid kyi byang chub kyi sems/ srog gi rlung la zhon nas legs dgyes chags pa chen po 'byung dus su/ rdo rje dbyings kyi dbang phyug ma'i snying ga'i lam gyis mi snang ba dang longs spyod dang /dbang la shar bar byed ces lung ngo / /legs dgyes kyi chags pa chen po'i sgra ni mchog gi dga' ba'o/ /lte ba'i rtsa bar srog gi rlung / /zhes bya ba ni gang zhig lte ba de ni mchog dang / chad pa gnyis su med pa'i gnas so//slob dpon Do m+bI'i gzhung gis ni kun rdzob kyi rang bzhin dga' ba'i gnas so/ /srog gi rlung ni snang ba thob pa'i rang gi ngo bo can/ bde ba chen po'i rin po che de ni skad cig tsam la gtor bas/ nyams su myos bas reg bya'i rtsa'i rang bzhin can/ pad+ma rnams la gyen du 'gro ba dang /rgyas par byed pa zhes bya ba'i don to/ /de ni lte ba'i dbus su gnas/ /zhes bya ba la rgyas pa'i rnam pa can/ reg bya'i pad+ma la lte ba'i gnas su/ legs dgyes chen po'i snang ba chen po can/ bde ba'i rin chen rtag tu shar/ /zhes bya ba'i don to/ / dpal phyag rgya chen po'i thig le las le'u bco brgyad pa'i bshad pa'o// //da ni bcu dgu pa la zab pa'i tshigs su bcad pa bri/ bcu drug lon pa dang lhan cig gang zhig kha sbyor ba de ni slob dpon bde ba chen po'i gzhung gis ni gsang ba'i rin chen gyi lte ba gnyis las 'byung ba'i shU kra 'bab pa la sogs pa 'dus pa phrad pa zhes bya ba'i don to//byang chub sems las 'byung ba pad+ma'i nang du dbab par bya zhes bya ba la 'di ltar bshad de/ pad+ma ni gzhon nu ma'i kA li'i snying po'i bum pa/ de ru byang chub kyi sems dbab par bya'o/ /gang gi phyir zhe na/ de lta bu'i bum pa'i dbang bskur bas slob dpon nyid du thob/slob dpon bi la sa badzra'i gzhung gis slob dpon nyid du ni chad pa'i dga' ba la dbang / dbang las phyi nas gsang ba la sogs pa'i 'bras bu rnyed/ de'i phyir slob dpon gyi dbang mchog ces nyid mchog gi dbang phyug gis gsungs so/ /de ltar min na pad+ma'i phyi rol du babs pas gcig pu'i chad pa'o//des ji ltar dbang nyid du 'gyur ro/ /da ni gsang ba'i dbang bskur ba la don bri/ gang tshe gsang ba'i gnas su sems/ /zhes bya ba ni gang zhig rten med pa'i bdag nyid pa'i bde ba nyams su myong ba de ni/ yang dag gsang ba de ni re zhig don dam pa'i phyogs su/kun rdzob kyi phyogs su dpal bde ba chen po gzhung gis ni thabs dang shes rab gnyis kyis gsang ba rin po che'i nang du byang chub kyi sems gzung ba/ slob dpon bI ra b+hU ti'i gzhung gis/ gang zhig phyi rol ma yin spros pa de ni gsang ba/ de'i phyir/ sems ni pad+ma'i nam mkha' min/ /zhes rgyud las gsungs so/ /nam mkha' pad+ma'i sgra ni rdo rje slob dpon gyis bar ma bshad do/ /da ni shes rab ye shes kyi dbang bskur bri/ shes rab ni byang chub kyi sems zla ba rgyas pa'i zhal/ rdo rje dbyings kyi dbang phyug ma/ ye shes ni me tog la dri bzhin dngos po dang bral ba'i bde ba/dbang bskur ni nyams su myong ba/ de ni rdzogs pa'i rim pa/ bskyed pa'i rim pa'i phyogs su ni/ shes rab ni gsang ba'i pad+ma las babs pa'i byang chub kyi sems ye shes ni rdo rje las byung ba/ dbang bskur ni phan tshun 'dus pa/ rgyud kyi man ngag gi go rims kyi man ngag slob dpon mtsho skyes rdo rje'i gzhung 'di lta ste/dbang bskur ni rdo rje bum pa rin chen rgyud las 'bebs pa/ de yang shes rab pad+ma'i yan lag rab la/ ye shes kyi chad pa'i phyag rgya de'i phyir/ ye shes kyi skabs las de ma yin pa nyid/ dpal rdo rje 'dzin pa chen pos dbang bskur ba'i don gsungs so//slob dpon bI ra b+hU ti'i gzhung gis shes rab ma las/ thabs la gang zhig ye shes kyi dbang bskur ba de ni shes rab ye shes kyi dbang / shes rab kyi dbang gi sgras ni bcos pa med pa'i bde ba'i dbang / slad ma sngar bstan pa de ni sgra ji bzhin no//de'i 'gog pa bzhi par grags zhes bya ba ni/ gang zhig dga' bral gyi thig le 'gog pa de ni rang bzhin dga' ba'i mtshan nyid can bzhi pa'o/ /slob dpon gzhan ma'i gzhung ni dga' bral gyi thig le gang zhig ngo bo nyid med pa de ni bzhi pa'o/ /thig le'i sgra ni ye shes zhabs kyi gzhung gis ni/phra mo'i rnal 'byor gyi rten bshad do/ /slob dpon sha ba ri'i gzhung gis ni snang ba dang / longs spyod dang dbang dang / ye shes kyi rim pas dbang bskur te/ re re la byang chub sems kyi thig le bzhi/ dbang bskur bzhi la bcu drug gi grangs so//de yang nang gi bdag nyid kyi A li kA li'i ngo bo can/ de ni bskyed pa'i rim pa'i phyogs so/ /de ni rdzogs pa'i rim pa'i phyogs su bzhi pa'i rang bzhin ye shes kyi mtshan nyid kyi phyir thigs pa dang bral ba/ de ru dbang bskur ba gsum gyi grangs kyis/ thig le bcu gnyis de yang /nang gi bdag nyid A li'i rang bzhin/ de la rim pa ni 'di yin te/ 'od dang / stobs dang / sprin dang / tshul dang / dbugs dang / ut+pal dang / mgu dang / yid dang / snying dang / zla ba dang / nyi ma dang / drag po de ni rang bzhin dga' ba'i thig le bzhi med pa'i bcu gnyis/mchog gi dga' ba'i kA li thig le'o/ /chad pa'i dga' ba shar ba'i dus su byang chub kyi 'od du zhu ba'i phyir gzhi 'phel ba/ 'phel bas zla ba'i phyir/ de dang A li'i thig le zhes mtshan du gyur to/ /slob dpon bI ra b+hU ti'i gzhung gis ni/ A li ye shes las ni skye ba'i phyir/A li'i ye shes 'bras bu 'phel ba'o/ /slob dpon mtsho skyes rdo rje'i gzhung gis/ byang chub kyi sems rtsa ba'i phyir rgyu'i mtshan nyid can A li'i ye shes de rang rnam par smin pas 'bras bu kA li'i ye shes dpal in+d+ra b+hU ti'i gzhung gis/ A li kA li'i sbyor ba'i gnyis su med pa'i rang bzhin tshangs pa'i sgo nas mgrin gnas la sogs zhes bya ba la/bskyed pa'i rim pa'i phyogs la ni tshangs pa'i sgra ni bde ba chen po'i yan lag rab/ de nas ni de'i gnas nas gsang ba'i lte ba yan lag yan chad tshangs pa'i dbyug pa'i dbus kyi lam gyis A li kA li'i dga' ba'i thig le rnams las/mi snang ba dang / longs spyod dang / dbang dang / ye shes so/ /ye shes thub pa med pa'i re re'i skabs su reg bya'i ro'i nyams gnyis gnyis 'byung bar 'gyur ro/ /'khor lo bzhi'i rim pa zhes bya ba la/ 'og tu bshad pa'i dbang bskur ba bzhi/phyi'i shes rab ma dgos pa med pas nang gi bdag nyid kyi ye shes kyi phyag rgya dang lhan cig dbang bskur ba'i rim par bya zhes slob dpon a kra pu ti'i man ngag go/ /de la rim pa ni 'di yin te/ bde ba chen po'i 'khor lor dga' ba'i thig le bzhi spros pas bum pa'i dbang /longs spyod 'khor lor mchog gi dga' ba ni thig le bzhi spros pas gsang ba'i dbang / chos kyi 'khor lor dga' bral thig le bzhi spros pas shes rab ye shes kyi dbang / sprul pa'i 'khor lo bde ba chen po'i tshor ba'i gnas su/ rang bzhin dga' ba'i thig le bzhi spros pas/de ltar de bzhin bzhi pa'o/ /de ni bskyed pa'i rim pa'i phyogs so/ /rdzogs pa'i rim pa'i phyogs su ni dbang bskur gsum la/ rdo rje rin po che/ de'i rim pa ni 'di yin te/ bum pa'i dbang ni rdo rje rin po che'i kha ru/ gsang ba'i dbang ni rin po che'i lte ba'i dbus su/de ye shes kyi dbang ni rdo rje rin po che 'khor lo'i dbus su/ bzhi pa ni de ltar de bzhin bshad par shes rab ye shes kyi dbang la 'bras bu'o/ /tshangs pa'i zhal dang bral zhes bya ba ni gang zhig lha'i bu tshangs pa de la/ zhal bzhi/ des rnam pa dang bral pa'i ro chen po dang ldan pa'i bcom ldan 'das kyi zhal rnams so//de ni A li'i thig le bcu gnyis kyi grangs la bstan pa'o/ /dpal pra ha ri'i gzhung gis ni/ ro chen po brgyad kyi rang bzhin he ru ka'i zhal lo/ /dpal in+d+ra b+hU ti'i gzhung gis/ tshangs pa'i zhal ni byang chub kyi sems mchog gi thig le'o//lha lcam lak+Sh+mI'i gzhung gis ni ro chen po zhes bya ba ni tshangs pa'i ye shes kyi ngo bo can/ byang chub kyi sems thig le dang bral ba/ gang gi phyir zhe na rang bzhin dga' ba 'byung ba'i tshad ma'i phyir ro/ /bcu gnyis phyed la sogs zhes bya ba ni dpal bde ba chen po'i gzhung gis ni thig le bcu gnyis kyi nang nas/dbang bskur dga' ba re re la gsum gsum du shes par bya'o/ /bzhi pa'i rang bzhin gyi phyir thig le dang / dga' ba dang bral zhes sngar gdams so/ /gzhan ma ni gong ma dang 'og ma'i don sgra ji bzhin gsungs so/ /dpal phyag rgya chen po'i thig le las le'u bcu dgu pa'i bshad pa'o// //da ni nyi shu pa la zab pa'i don bri/ rnal 'byor pa la spyod pa zhes bya ba ni 'di ltar bshad de/ rnal 'byor zhes bya ba ni rnam pa thams cad mkhyen pa dbang phyug ces bya ba ni phyogs gcig pa'i btang snyoms/ spyod pa ni bye brag gsum pa'i thugs rje'i rten byed pa/slob dpon bI ra b+hU ti'i gzhung gis/ yang dag pa'i shes rab ye shes kyi dbang bskur ba'i 'bras bu nyams su myong zin pa gang zhig/ /rin po che'i gang zag de ni/ rnal 'byor gyi dbang phyug gi spyod pa ni rang gis spyod/ dpal in+d+ra b+hU ti'i gzhung gis ni thams cad bdag nyid rtag tu bzhugs pa'i rnal 'byor dbang phyug nges par bstan to//slob dpon gzhan ma'i gzhung gis ni phyag rgya chen po'i dngos grub thob pa la rnal 'byor dbang phyug nyid du bstan to/ /gzhan ma ni sgra ji bzhin no/ /dpal phyag rgya chen po'i thig le las le'u nyi shu pa'i bshad pa'o// //da ni nyi shu rtsa gcig pa la zab pa'i tshigs su bcad pa bri/ sngar bstan pa'i drug la sogs pa sgra ji bzhin gsungs so/ /gzhan ma ni phyi'i don gyis sngags kyi don gyi sa bon yi ge btu ba'i dus su/ legs par mnyam pa'i sa cha ru/ /chang la sogs pas mchod par bya/zhes sgra ji bzhin no/ /gsang ba'i don gyis ni mchog gi dga' ba'i ngo bo can yid/ sa'i cha zhes bya ba ni chos kyi 'byung gnas/ legs par mnyam pa'i sgra ni thabs dang shes rab gnyis su med pa nyid/ mchod pa'i sgra ni bsgrub dang sgrub thabs mdzad pa/ de'i phyir/ mchog gi dga' ba'i sbyor ba yi/ /rtse gcig pas ni mnyes par bya/ /zhes bya ba la nyid rgyud las bstan to/ /bsnyen pas gang zhig byung ba'i me tog las bstan pa'o/ /gsang bar zhes bya ba ni phyi dang nang gi bdag nyid kyi mchod pa'i nges par bstan pa'o/ /gzhan ma ni sgra ji bzhin no//A li kA li mnyam byas nas/ /zhes bya ba la/ phyi'i don gyis mi mnyam pa ma yin pa dang / nyung ba min pa bri bar bya ba'i don to/ /gsang ba'i don gyis ni mchog dang chad pa/ de dag mnyam par bya zhes slob dpon in+d+ra b+hU ti'i gzhung ngo / /slob dpon sha ba ri'i gzhung gis ni dmar po 'byung ba'i nang du dkar po'i ro mnyam par zhes bya ba'i don to//thub pa bdun ni drang bar bya/ /zhes bya ba la/ 'dab ma bdun sde tshan dang po bri bar byas nas/ phyi nas ha'i yig 'bru yan chad/ nyi shu rtsa drug gsal bar byed pa bri bar bya'o/ /dang por rnam par snang mdzad bri/zhes bya ba ni/ oM gyi yig 'bru lnga pa'i lnga pa zhes bya ba ni yig 'bru ma/ uSh+ma Na yi bzhi pa zhes bya ba ni yig 'bru ha/ bcu drug pa yi gnyis par ldan/ /zhes bya ba ni A ring po sbyar ro/ /dang po'i dang po zhes bya ba ni yig 'bru ka'o/ /mes ldan pa zhes bya ba ni 'og tu yi ge ra sbyar ba'o//dbyangs yig bcu gsum pa ni sbyar/ /zhes bya ba ni o'i yig 'bru mgo bor brgyan pa'o/ /bzhi pa'i bzhi pa zhes bya ba ni yig 'bru d+ha'o/ /dbyangs yig bcu gcig pa dang ldan/ /zhes bya ba ni e'i yig 'brus brgyan pa'o/ /uSh+ma Na yi dang po zhes bya ba ni yig 'bru sha'o//an+tas+tha yi bzhi pa zhes bya ba ni yig 'bru wa'o/ /me yi sa bon zhes bya ba ni yig 'bru ra'o/ /gnyis pa'i gsum pa zhes bya ba ni dza'o/ /an+tas+tha'i dang po ni ya'o/ /an+tas+tha'i bzhi pa ni wa'o/ /dbyangs yig gsum pa dang ldan zhes bya ba ni i'i yig 'bru sbyar ba'o/ / gnyis pa'i gsum pa zhes bya ba ni dza'o/ /brgyad pa'i dang po zhes bya ba ni ya'o/ /dbyangs yig gnyis pa dang ldan zhes bya ba ni A ring ba dang sbyar ba'o/ /gsum pa'i dang po zhes bya ba ni ta log go/ /log yang de rang sbyor zhes bya ba ni ta log pas so/ /phyi nas yang ni de rang sbyin/ /zhes bya ba ni ta log gnyis par bri bar bya'o//uSh+ma Na yi bzhi pa zhes bya ba ni ha'o/ /dbyangs yig gnyis pa dang ldan zhes bya ba ni A ring po dang sbyar ba'o/ /uSh+ma Na yi gsum pa zhes bya ba ni sa'o/ /lnga pa'i lnga pa ni ma'o/ /uSh+ma Na yi bzhi pa ni ha'o/ /dbyangs yig gnyis pa ni A ring ba dang sbyar ba'o//dang po'i dang po zhes bya ba ni ka'o/ /an+tas+tha'i gsum pa zhes bya ba ni la'o/ /lnga pa'i dang po zhes bya ba ni pa'o/ /dbyangs yig gnyis pa dang ldan pa/ /zhes bya ba ni A ring ba'o/ /dang po'i gsum pa ni ga'o/ /nyi shu pa sbyar zhes bya ba ni na'o/ /dbyangs yig gsum pa dang sbyar zhes bya ba ni i dang sbyar ba'o//khro bo'i gzugs ni che bas che/ /zhes bya ba ni de rang la mthu rab tu bstan to/ /uSh+ma Na yi gsum pa zhes bya ba ni sa'o/ /bzhi pa'i lnga pa zhes bya ba ni na'o/ /'og tu de dang sbyar zhes bya ba ni na dang ldan pa'o/ /lnga pa'i bzhi pa ni b+ha'o//dbyangs yig gnyis pa dang ldan zhes bya ba ni A ring po dang sbyar ba'o/ /brgyad pa'i dang po ni ya'o/ /uSh+ma Na yi bzhi pa ni ha'o/ /dbyangs yig drug pa dang ldan zhes bya ba ni U dang sbyar zhes so/ /cha dang thig ler ldan zhes bya ba ni zla tshes dang ldan pa'i thig le mgo bor bri bar bya'o//phyi nas de rang sbyin par bya/ /zhes bya ba ni hUM gi yig 'bru gnyis pa bri bar bya'o/ /lnga pa'i gnyis pa zhes bya ba ni pha'o/ /gsum pa'i dang po zhes bya ba ni ta log go/ /uSh+ma Na yi gsum pa ni sa'o/ /an+tas+tha'i bzhi pa dang ldan/ /zhes bya ba ni 'og tu wa dang sbyar ba'o/ / dbyangs yig gnyis pa dang bcas zhes bya ba ni A ring ba dang sbyar ba'o/ /ya'i sde tshan brgyad pa ni ha'o/ /dbyangs yig gnyis pa dang ldan pa/ /zhes bya ba ni A ring ba dang sbyar ba'i don to/ /don thams cad grub par byed pa/ /zhes bya ba ni sngags kyi dngos grub ster zhes bya ba'i don to//gzhan ma'i gzhung gis ni zhi ba la sogs pa'i las 'grub par byed do/ /bdag gis zhes bya ba ni bcom ldan 'das kyi sngags bstan pa'o/ /dang po gzugs kyi bdag po zhes bya ba ni oM gyi rnam pa'o/ /an+tas+tha yi bzhi pa zhes bya ba ni wa'o/ /gnyis pa'i gsum pa ni dza'o/ / me'i sa bon gyis brgyan zhes bya ba ni 'og tu ra'i yig 'bru dang ldan pa'o/ /bzhi pa'i dang po zhes bya ba ni ta'o/ /dbyangs yig bcu gcig pa dang ldan zhes bya ba ni e dang sbyar ba'o/ /gnyis pa'i gsum pa zhes bya ba ni dza'o/ /dbyangs yig bcu gsum pa dang ldan zhes bya ba ni oM dang ldan pa'o//dang po'i gsum pa ni ga'o/ /me'i sa bon gyis 'og dang ldan zhes bya ba ni ra dang sbyar ba'o/ /uSh+ma Na yi bzhi pa zhes bya ba ni ha'o/ /nyi mas sbyar zhes bya ba ni 'og ma'i cha'i yig 'bru ra dang ldan pa'o/ /dbyangs yig bzhi pa dang ldan zhes bya ba ni hUM gi rnam pa'o//lnga pa'i gnyis pa pha'o/ /gsum pa'i dang po zhes bya ba ni ta log go/ /nye ba'i snying po zhes bya ba ni rtsa ba'i sngags yan lag go/ /dang po rnam par snang mdzad ces bya ba ni oM gyi rnam pa'o/ /uSh+ma Na yi gsum pa zhes bya ba ni sa'o/ /dbyangs yig lnga pa zhes bya ba ni u dang ldan pa'o//me'i sa bon zhes bya ba ni ra'o/ /bzhi pa'i dang po zhes bya ba ni ta'o/ /uSh+ma Na yi gsum pa zhes bya ba ni sa'o/ /nyi shu rtsa lnga zhes bya ba ni ma'o/ /rlung gi sa bon zhes bya ba ni ya'o/ /dbyangs yig bcu gcig pa dang sbyar/ /zhes bya ba ni e dang ldan zhes bya ba'i don to//uSh+ma Na yi dang po zhes bya ba ni sha'o/ /an+tas+tha'i bzhi pas ldan pa ni wa'o/ /nyi ma'i sa bon zhes bya ba ni ra'o/ /dbyangs yig gsum pa zhes bya ba ni i dang ldan pa'o/ /uSh+ma Na yi bzhi pa zhes bya ba ni ha'o/ /dbyangs yig drug pa zhes bya ba ni u dang ldan pa'o/ /cha dang thig les brgyan pa zhes bya ba ni zla tshes dang ldan pa'i thig les brgyan pa'o//phyi nas de rang bzhin zhes bya ba ni hUM gi rnam pa gnyis bri bar bya'o/ /gzhan ma ni sngags 'bigs par byed pa zhes bya ba ni de rang la nus pa'i mthu bstan to/ /lnga pa'i gnyis pa zhes bya ba ni pha'o/ /gsum pa'i dang po zhes bya ba ni ta log go/ / uSh+ma Na yi gsum pa zhes bya ba ni sa'o/ an+ta s+tha'i bzhi pa zhes bya ba ni wa'o/ /dbyangs yig gnyis pa dang ldan zhes bya ba ni A ring ba'o/ /ya'i sde mtshan brgyad pa zhes bya ba ni ha'o/ /dbyangs yig gnyis pa dang ldan zhes bya ba ni A ring ba'o/ /khyed kyi zhes bya ba ni bcom ldan 'das ma'i snying po bstan pa'o//dang po lha'i bdag po zhes bya ba ni oM gyi rnam pa'o/ /dang po'i dang po zhes bya ba ni ka'o/ /sa yi sa bon dang ldan pa/ /zhes bya ba ni la'o/ /dbyangs yig bzhi pa dang ldan zhes bya ba ni I'o/ /cha dang thig les brgyan ces bya ba ni sngar bstan pa'o//an+tas+tha'i bzhi pa zhes bya ba ni wa'o/ /sa yi sa bon 'og tu ldan/ /zhes bya ba ni la yis so/ /dbyangs yig bzhi pa dang ldan pa/ /zhes bya ba ni I yis so/ /cha dang thig les rnam par brgyan/ /zhes bya ba ni snga ma bzhin no/ /gnyis pa'i gsum pa zhes bya ba ni dza'o//sa'i sa bon 'og tu ldan zhes bya ba ni la'o/ /dbyangs yig bzhi pa dang ldan pa/ /zhes bya ba ni I yis so/ /zla tshes thig les brgyan pa zhes bya ba ni don ji lta ba bzhin no/ /lnga pa'i gnyis pa zhes bya ba ni pha'o/ /gsum pa'i dang po zhes bya ba ni ta log go//swA hA mthar zhes bya ba ni don ji lta ba bzhin no/ /nye ba'i snying po zhes bya ba ni bcom ldan 'das ma'i rtsa ba'i sngags yan lag ces bya ba'i don to/ /gzhan ma ni sgra ji bzhin no/ /hri d+hiM khaM zhes bya ba ni sku gsung thugs kyi sa bon gyi sngags kyis bdud rtsi lnga brims par bya'o/ /byin gyis rlob pa'i don to//ya ra la wa yi ge sa bon gyis gsol bar bya ba dgongs pa'o/ /dpal phyag rgya chen po'i thig le las/ le'u nyi shu rtsa gcig pa'i bshad pa'o// //da ni nyi shu rtsa gnyis pa la zab pa'i tshigs su bcad pa bri/ sems can la bsrung ba la sogs zhes bya ba la/slob dpon sha ba ri'i gzhung gis gsang ba'i don la bshad/ sems can gyi don ni tha mal pa ma yin pa'i bsgrub pa dang sgrub thabs las byung ba'i byang chub kyi sems srung ba zhes bya ba ni rdo rje rin po che'i 'khor lor yang dag par 'dzin pa/ gtor ma zhes bya ba ni mchog gi dga' ba nyid kyis de la nyams su myong ba/don du zhes bya ba ni 'jig rten las 'das pa shes pa'i phyir ro/ /dur khrod la sogs zhes pa ni 'dod chags kyi rnam par rtog pa bsreg pa'i gnas su/ chu ngogs zhes bya ba la byang chub kyi sems 'pho ba'i gnas su/ slob dpon gzhan ma'i gzhung gis ni srog gi rtsa ba'i gnas su//yul gyi mtha' zhes bya ba ni mchog gi dga' ba las gnas gzhan du/ ci'i phyir zhe na yul na gnas pa rtag tu mi che bas dga' ba med/ 'tshe bar byed pa de'i phyir/ dga' bral med pa'i gnas su gsang ba'i gtor ma gtang bar bya zhes bya ba'i don to//yang na ri la zhes bya ba ni sangs rgyas rin po che mtho ba'i gnas su zhes slob dpon a kra b+hU ti'i gzhung gis so/ /shing gcig gnas su zhes bya ba ni spros pa med pa rten gyi dbyug pa ru/ khang stong zhes bya ba ni nyon mongs pa thams cad dang bral ba'i gnas rang bzhin dga' ba'o//gzhan ma mo la sogs zhes bya ba ni phyi'i don gyis kun sgra ji bzhin no/ /dpal phyag rgya chen po'i thig le las le'u nyi shu rtsa gnyis pa'i bshad pa'o// //da ni le'u nyi shu rtsa gsum pa la zab pa'i tshigs su bcad pa bri/ gsang ba mchog dang dgyes gnas su/ / de ru 'khor lo rab tu bskor/ /zhes pa la/ dpal bde ba chen po'i gzhung gis ni gsang ba zhes bya ba ni 'dod chags 'gegs pa'i gnas su/ mchog ces bya ba ni srog gcod pa'i gnas su/ dgyes pa zhes bya ba ni rgyal po 'gugs pa'i gnas su/ de ru 'khor lo rab tu bskor/ /zhes bya ba ni tshogs kyi 'khor lo bya zhes mdor bstan pa'o//phyi nas kyang de ltar smra ba la rgyas par bshad pa'i don bshad de/ 'dod chags 'gegs pa'i gnas su ni gnang ba'i dbang bskur ba'i dus su/ srog gcod pa'i gnas su ni shes rab ye shes kyi dbang bskur ba'i dus su/ rgyal po dbang bskur ba'i gnas su ni shes rab ye shes 'gog pa'i dus su/tshogs zhes bya ba ni reg bya'i rtsa 'dus pa/ 'khor lo zhes bya ba ni de'i rten gyi gnas sangs rgyas rin po che'i snod/ rab tu bskor zhes bya ba ni kun spyod/ slob dpon bI ra b+hU ti'i gzhung gis ni tshim byed pa'o/ /dpal in+d+ra b+hU ti'i gzhung gis gsang ba zhes bya ba/gsang ba pad+ma A li'i dga' ba mi snang ba'i gnas su/ mchog ces bya ba pad+ma'i lte ba'i dga' ba/ kA li longs spyod kyi gnas su/ dgyes pa'i zhes bya ba ni lte ba'i dbus su dga' ba rab kyi rab/ A li kA li gnyis su med pa'i dbang gi gnas su/tshogs kyi 'khor lo zhes bya ba ni dga' ba dang rtsa thams cad rgyas pa nyid mngon sum du nyams su myong ba'o/ /de ni bdag nyid kyi phyogs su/ phyi'i phyogs su ni phyag rgya'i dngos grub sgrub pa'i don gyi phyir/ thabs dang shes rab mi mnyam pa ma yin pa'i rdo rje he ru ka'i rnam pas/ rdo rje slob dpon tshogs kyi gtso bo nyid du me tog la sogs pa'i dkyil 'khor gyi dbus su/ sna tshogs gdan gyi steng du bzhugs su gsol bar byas nas/ mchod pa'i mchod sbyin la sogs kyis mchod par bya ste/ tshogs dang lhan cig rnam par rtog pa spang ba'i don du gsang ba tshogs gsol nas/ye shes grub pa'i don du ni/ rdo rje glu yis rdo rje'i gar bya'o/ /myur du dngos grub sgrub pa'i don du brtson par byed pa'i phyir/ slob dpon la mchod pa'i dus su chos thams cad bdag med ma'i rang bzhin gyi phyir/ mdung rtse'i mtshon chas bskum pa'i ro gdan du dbul bar bya'o//gzhan ma ni sgra ji bzhin no/ /lte ba la sogs zhes bya ba la lte ba'i sgra ni ri dgas kyi bcud/ rdo rje chu zhes bya ba'i don to/ /ri bong can zhes bya ba ni zla ba byang chub kyi sems zhes bya ba'i don to/ /dga' ba zhes bya ba ni 'od dang ldan pa rang las 'byung ba'o/ / mchog ces bya ba ni rnam par snang mdzad dri chen zhes bya ba'i don to/ /rta zhes bya ba ni don yod grub pa'i rang bzhin sa lu zhes bya ba'i don to/ /sa bon gyi bkod pa ni sgra ji bzhin no/ /nang gi ro ma la sogs zhes bya ba la/ slob dpon bI ra b+hU ti'i gzhung gis ni nang gi sgras ni nang gi bdag nyid kyi pad+ma/ nang gi bdag nyid kyang gsang ba yin zhes bshad do/ /ro ma zhes bya ba ni bya gdong gi rnam pa can/ /rdo rje dbyings kyi dbang phyug ma chen mo'i rtsa'o/ /pad+ma'i 'dab mar bkod pa zhes bya ba ni yo ni pad+ma'i nang du bsgom par bya'o/ /phyi dang nang gi bdag nyid la sogs zhes bya ba la de ma thag tu smra ba'i pad+ma gnyis ro mnyam par rab tu tshim par bya/byang chub sems kyis rgyas par bya/ /zhes bya ba'i don to/ /'khor lo bzhi'i bye brag ces bya ba ni kun du rtsa ba las kha sbyor bas bya zhes dgongs pa'o/ /dang po dpa' bo'i ro tshor ma la sogs pa/ slob dpon dz+nyAn mUrti'i gzhung gis ni/dpa' bo zhes bya ba ni rang bzhin gyi dga' ba/ bdud rtsi'i bum pas dbang bskur ba'i dus su/ ro tshor ma'i skabs su gsang ba'i sna'i sgo ru 'jug par bya'o/ /dpa' bo'i dpa' bo dbus dang zhes bya ba ni/ dpa' bo zhes bya ba ni rang bzhin gyi dga' ba/ dpa' bo zhes mchog gi dga' ba'i bdud rtsi'i gsang ba'i dbang bskur ba'i dus su/gsang ba'i sna'i dbus su nyams su myang bar bya'o/ /dpa' bo'i dbang po kha la zhes bya ba ni rang bzhin gyi dga' ba/ dga' ba dang dpa' bo zhes bya ba ni chad pa'i dga' ba'i ro shes rab ye shes kyi dbang gi dus su/ gsang ba'i sna bcom ldan 'das ma rdo rje dbyings kyi dbang phyug ma'i rin po che'i kha ru/ de ma thag tu smra ba'i chad pas dga' ba'i ro bdud rtsi me tog gis mchod par bya'o/ /rim gror bya zhes bya ba'i don to/ /gang gi phyir zhe na tshogs kyi 'khor lo la yang dag par dbang bskur ldan pa la 'gro ba'i dbang /yang na de'i dus su dbang bskur med pa rnams la dbang bskur sbyin par bya zhes slob dpon a kra pu ti'i gzhung ngo / /lte ba gnyis dbus gnas zhes bya ba ni dpa' bo dga' ba rnams la/ rdo rje dang pad+ma gnyis kyi rin chen lte ba'i gnas su/ bla ma'i man ngag gis dbang bskur ba'i don shes nas nyams su myong bar bya'o zhes gzhan ma ni sgra ji bzhin no//ma dang sring mo zhes bya ba ni gzung 'dzin gyi rnam par rtog pa spang ba'i don du thabs dang shes rab kyi tshogs mchod par bya zhes lha lcam lak+Sh+mI'i gzhung ngo / /gzhan ma ni sgra ji bzhin gyis bshad do/ /dpal phyag rgya chen po'i thig le las le'u nyi shu rtsa gsum pa'i bshad pa'o// //da ni nyi shu rtsa bzhi pa la zab pa'i tshigs su bcad pa bri/ de nas gzhan yang bshad bya ba/ /zhes bya ba la/ de nas sgra ni phyi nas bshad pa/ gsang ba'i bdag nyid tshogs kyi 'khor lo'i phyi nas las mchog bsgrub par bya/las mchog gi sgras ni thabs dang shes rab gnyis su med pa'i ro mnyam pa'i skabs su/ tshogs kyi 'khor lo thams cad gsang bar bya/ ngo bo nyid med pa nyid du bya zhes pa'i don dpal in+d+ra b+hU ti'i gzhung gis ni/ snang ba med pa nyid du bya/ skye ba bdun la sogs zhes bya ba ni rten bdun gyi ngo bo//gsang ba'i tshogs kyi 'khor los thams cad tshim par bya zhes so/ /de la rim pa ni 'di yin te/ sbyor ba'i rten dang / dam tshig gi rten dang / tshul gyi rten dang / bskyod pa'i rten dang / dus kyi rten dang / rnam par smin pa'i rten no/ /skye ba gsum pa la tshogs zhes bya ba ni/lam gsum pa 'byung ba'i gang zhig snang ba gsum gyi byang chub kyi sems/ des gsang ba'i bdag nyid tshogs kyi 'khor lor tshim par byed pas las mchog go/ /gzhan ma ni go sla ba'i phyir sgra ji bzhin no/ /dpal phyag rgya chen po'i thig le las le'u nyi shu rtsa bzhi pa'i bshad pa'o// //da ni nyi shu rtsa lnga pa la zab pa'i tshigs su bcad pa bri/ srog dang brngub pa'i mnyam sbyor bas/ /zhes bya ba la sogs pa la/ slob dpon sha ba ri'i gzhung gis dga' ba'i gnas nas/ gzhan ma'i gnas su slob ma'i yid kyi rnam par shes pa rang gi ngo bo'i byang chub kyi sems/brngub pa zhes bya ba gzhan ma'i zhes bya ba la/ rang bzhin dga' ba'i gnas su gnas pa byas nas zhes bya ba ni bla ma'i man ngag las nye bar brtags te/ mchog dang chad pa'i dga' ba nyid/ /srog dang brngub pa bza' bar bya/ /nyams su myong bar bya zhes pa'o/ /de ni bskyed pa'i rim pa'i phyogs//rdzogs pa'i rim pa'i phyogs su ni/ /mchog dang chad pa'i bdag nyid pa'i rnam pa dang bral ba'i bde ba 'gog ste/ snang ba med par byas te/ srog dang brngub pa mnyam par blta/ /stong pa chen po nyid ye shes kyis gzigs par bya zhes pa'i don to/ /de nang gi bdag nyid kyis rim pa gnyis kyis bshad pa'o//phyi'i don gyis pad+ma'i kha sbyor ba'i thabs dang shes rab yang dag par spyod par bya'o/ /gsang ba'i don gyis snying ga'i snying po'i nam mkha' ru/ dri med shel gyi yi ge bzhin du/ byang chub sems kyi phreng ba sprul pa'i 'khor lo nas bzlog par byas nas/steng gi 'khor lo man chad 'dren par bya zhes bya ba'i don to/ /gsang ba'i don gyi ni ha'i yig 'bru bton nas/ bzlas pa'i rim pa bshad pa de ni dpal a wa d+hU tI'i gzhung ngo / /'jam pa zhes bya ba ni mchog gi dga' ba 'byung ba'i dus su shin tu phra mo reg bya'i tshul du 'don par bya'o//'don pa zhes bya ba ni bzlas pa kun spyod kyi don du'o/ /mgrin pa ya rkan 'gul med ces bya ba ni longs spyod rdzogs pa'i gnas pa rtsa mi 'gul bas so/ /snying ga ru ni zhes bya ba ni bde ba chen po tshor ba'i gnas nas/ gzhan mar nang gi reg bya 'jam pa nyams su myong ba'i thabs kyis/gsang ba'i bzlas pa mi bya zhes slob dpon a kra pu ti'i man ngag go/ /gang gi phyir zhe na/ kun rdzob kyi bde ba'i bdag nyid la don dam pas 'gog pa'i phyir zhes dgongs pa'o/ /ye shes kyi don gyis shes rab ni gtum mo'i ngo bo/ /thabs ni gtan med pa'i bde ba de ni slob dpon dri med bshes gnyen gyi gzhung ngo //rdo rje skyil krung byas nas sems la sogs zhes bya ba ni rdo rje bzhin du mi shigs pa'i ye shes kyi thug pa med pas skye ba byang chub kyi sems zhes bya'o/ /slob dpon gzhan ma'i gzhung gis ni thabs dang shes rab gnyis las byung ba/ gang zhig kun rdzob dang don dam pa gnyis su med pa'i rang bzhin/byang chub kyi sems de ni 'gog pa'i gtan las g.yo ba med par bya'o/ /ye shes 'byung ba'i don gyis dpal bde ba chen po'i gzhung gis/ gsang ba'i bzlas pa ni cha dang thig le dang tshul dang med ces bya ba la/ snang ba la sogs dang bral ba'i bde ba'i rgyal po//bde ba chen po tshor ba'i gnas su myong bar bya'o/ /de ni ye shes las byung ba'i so sor bstan pa'o/ /dpal in+d+ra b+hU ti'i gzhung gis ni thig le dang / tshul dang / cha dang bral ba'i snang ba gsum gang zhig ye shes de ni gzhan ma yin pa'i rang bzhin dga' ba'o/ / de ni nang gi bdag nyid kyi phyogs su/ thig le dang tshul dang cha'i bdag nyid pa'i gang zhig longs spyod dang / mi snang ba dang / dbang gi grags pa can ye shes de yang rnam pa thams cad kyi bdag nyid rang bzhin dga' ba'o/ /de ni phyogs phyogs su'o/ /gsum pa ni thig le dang / tshul dang cha'i nang na gnas pa'i gang zhig dga' ba gsum gyi bdag nyid/ye shes chen po de yang dag pa'i rang bzhin dga' ba'o/ /de ni gsang ba'i phyogs su'o/ /de ni rdzogs pa'i 'bras bu'i don gyis/ bzlas pa'i rim pa'i brda bshad par bya ste/ cha'i nang na sems la sogs/ /zhes bya ba ni/cha'i sgra ni shin tu yang zab pa'i phyir chad pa'i dga' ba/ sems zhes bya ba ni byang chub kyi sems nang du zhes bya ba ni de'i yan lag la slebs pa/ sems tshul gyi nang du 'di ltar bshad de/ thig le ni mchog gi dga' ba/ stong pa nyid ni rang bzhin gyi dga' ba/ rang bzhin dga' ba la mchog gi dga' ba'i grags pa can/ye shes rab tu 'jug par bya/ /rnam pa thams cad kyis rang bzhin dga' ba gcig pu nyams su myong bar bya zhes pa'i don to/ /dga' ba gsum dang bral ba'i phyir stong pa nyid kyi rang bzhin zhes bstan pa de ni nges pa'i don gyis bcom ldan 'das kyi bka'o//dpal phyag rgya chen po'i thig le las le'u nyi shu rtsa lnga pa'i bshad pa'o// //da ni nyi shu rtsa drug pa la zab pa'i tshigs su bcad pa bri/ dus ni cha zhes rab tu bstan/ /de dag sbyor ba'i dgongs pa zhes bya ba la/ dpal bde ba chen po'i zhal snga nas kyi man ngag gi gzhung gis 'di ltar bshad de/dus zhes bya ba ni 'jig rten las 'das pa'i dga' ba nyams su myong ba/ cha zhes bya ba ni phyag rgya chen po nyid/ slob dpon Dom+bi pa'i zhal snga nas kyi man ngag gi gzhung gis/ cha ni spros med ma/ dus ni byang chub kyi sems so/ /slob dpon nag po'i gzhung gis cha ni shes rab/dus ni thabs/ lha lcam lak+Sh+mI'i gzhung gis/ cha dang dus zhes bya ba ni bde ba la shar pa dang nub pa dpal in+d+ra b+hU ti'i zhal snga nas kyi man ngag gi gzhung gis ni ji ltar brgyud la rgyud pas gsungs so/ /de la don ni 'di yin te/ bco lnga'i bdag nyid kyi gang zhig zla ba rgyas pa de ni rten gyi cha/gang zhig dga' ba bcu drug pa'i bdag nyid kyi nyi ma de ni brten pa'i dus de dag sbyor ba ni dgongs pa gcig tu gyur pa nyid/ bzhi dang bzhi ru dbye ba zhes bya ba ni 'di ltar bshad de/ bcu drug pa'i bdag nyid gang zhig srog gi dbyug pa'i rten gyi sbyor ba bzhi/de yang bzhi ru dbye ba de ltar/ grangs kyi rim pa bcu drug pa'i bdag nyid pa zhes bya ba'i don to/ /yan lag gcig gi rnam pa dang bral bar zhes bya ba ni 'di ltar bshad de/ bcu drug pa'i bdag nyid gang zhig sbyor ba de ni thams cad rgyas pa'i phyir skye ba med pa'i phyir mi rtog ces lung ngo //de yang bco lnga'i bdag nyid pa la 'di nyid nyams su myong ba'i dgongs pa'o/ /byis pa rnams khong du chud pa'i don gyi phyir/ phyi'i grangs kyi sbyor ba bcu drug pa la skyon dang yon tan med do/ /da ni bcu drug pa'i ye shes la/ gnas kyi phun sum tshogs pa bri/ srog ni byang chub kyi sems/ dbyug pa ni bde ba chen po'i 'khor lo nas/ sprul pa'i 'khor lo yan chad/ bka'i dngos pos khyab pa'o/ /de'i phyir rten gyis bstan pa'o/ /slob dpon Dom+bi pa'i gzhung gis ni/ srog gi dbyug pa ni byang chub kyi sems/ rten ni rnam par shes pa'i rlung /slob dpon sha ba ri'i gzhung gis ni srog gi dbyug pa ni spros med ma'i dngos po/ /rten ni byang chub kyi sems/ slob dpon nag po pa'i gzhung gis ni srog gi dbyug pa ni srog gi rtsa'i dngos po/ /rten ni spros med ma/ slob dpon in+d+ra b+hU ti'i gzhung gis ni/ dbyug pa ni a'i rnam pa de rang thams cad grub par byed pa'i phyir de ru sbyor ba'i don sngar bstan par byas pas/srog gi dbyug pa dbus su zhes bya ba ni byang chub kyi sems bdud rtsi mchog gi las ni gsum du dbye ba/ phyi dang nang dang gsang ba'i bdag nyid do/ /nang gi bdag nyid ni dbus kyi gnas/ gsang ba ni de yi nang du phyi'i 'dod pa'i gnas/ 'dod pa'i gnas su phyi'i rtsa la sogs pa'i mnyam par sbyor ba/ dbus kyi gnas su reg bya'i rtsa la sogs pa'i sbyor ba/ gsang ba'i gnas su gsang ba'i rtsa la sogs pa'i sbyor ba zhes slob dpon in+d+ra b+hU ti'i gzhung ngo / /dpal in+d+ra b+hU ti'i gzhung gis ni gsang ba dang dbu ma'i gnas gnyis la mdud pa'i sbyor ba med/'on kyang dga' ba la sogs pa la yod pa de'i phyir ro ma ni mdud pa sum cu rtsa gnyis dang ldan/ nang du min zhes nyid bcom ldan 'das rdo rje 'dzin pas gsungs so/ /mdud pa'i sgras ni phyi dang nang gi bdag nyid pa/rtsa rnams la phan tshun yan lag bsgril zhes slob dpon o kra pu ti'i gzhung ngo / /mdud pa'i nang du sbyor ba yin/ /zhes bya ba la/ lha lcam lak+Sh+mI'i gzhung gis ni phyi dang nang gi bdag nyid kyi rtsa rnams la/ mdud ma'i spyan gyis dbus su/ byang chub sems dang dga' ba de dag la gnyis su med pa nyid de ni cha rnams dgos pa zhes bya ba ni rtsa rnams kyi phrad pa'o//cha'i sbyor ba nang du min/ /zhes bya ba ni gsang ba'i gnas su phrad pa dgag pa'o/ /de bas spros pa med pa'i rang bzhin gyi phyir/ spros med ma zhes nyid mchog gi dbang phyug gis gsungs so//g.yas g.yon mdud pa'i nang du ni la la nA dang / ra sa nA bzhugs zhes bya ba ni srog gi dbyug pa la gang zhig dbus kyi gnas/ de ru g.yas g.yon la la nA dang ra sa nA gnyis/ bcom ldan 'das bdag med ma a wa d+hU tI la/ gsung dang thugs kyi ngo bo/ /srog gi rtsa ni sku bcom ldan 'das ma bdag med ma a wa d+hU ti'i nyid sku gsung thugs dang bral ba de ni dang po'i rgyud kyi man ngag gi gzhung ngo //mdud pa gnyis dbus re re ni/ /sum cu rtsa gnyis bcu drug dran/ /zhes bya ba ni phyi rol nas sum cu rtsa gnyis/ mdud pa'i bdag nyid/gang zhig srog gi dbyug pa de la mdud pa gnyis gnyis kyi dbus su/ rtsa re re dang dga' ba re re 'dus pas mdud pa sum cu rtsa gnyis kyi dbus su bcu drug gi rnam pa can cha'o/ /de bzhin dga' ba bcu drug pa de ro gcig tu gyur pas/ sbyor ba zhes bya ba'i don to/ /mdud pa sum cu rtsa gnyis kyi dngos po la dpal ye shes thig le'i gzhung gi grangs ni/dang po ni zur gsum gyi dngos po can/ gnyis pa ni puN+Da rI ka'i spyan can/ gsum pa ni drag pa'i spyan can/ bzhi pa ni dzA ti'i me tog bzhin/ lnga pa ni tshangs pa'i mig bzhin/ drug pa ni dung mig bzhin/bdun pa ni rna mig bzhin/ brgyad pa ni ba mig bzhin/ dgu pa ni dung gi lte ba bzhin/ bcu pa ni glang po che'i lte ba bzhin/ bcu gcig pa ni ut+pa la'i lte ba bzhin/ bcu gnyis pa ni pad+ma'i lte ba bzhin/ bcu gsum pa ni bung ba'i kha bzhin/ bcu bzhi pa ni rma bya'i kha bzhin/ bco lnga pa ni rdo rje'i kha bzhin/bcu drug pa ni rgyas pa'i til gyi me tog 'dra bar bya'o/ /gzhan ma ni mdud pa bcu drug de'i nang na gnas/ de yang mi gsal ba'i phyir reg bya'i rtsa'i rnam pa la rten zhes slob dpon bi las badzra'i gzhung ngo / /sor bcu gnyis pa'i skud pa'i mdud pa med pa gcig pu zhes bya ba la bde ba chen po'i 'khor lo'i mtha' nas/mgrin pa'i steng yan chad de tsam ni phyi dang nang gi bdag nyid kyi rtsa rnams la sbyor ba med do/ /gang gi phyir zhe na shin tu phra bar sbyor bar yang mi 'gyur zhes slob dpon o kra pu ti'i gzhung ngo / /de las gzhan ma mdud pa dang ldan zhes bya ba ni sgra ji bzhin no//rlung gi 'khor lo yan chad ces bya ba la/ gsang ba'i pad+ma'i lte ba'i nang zhes bya ba'i don to/ /mgrin pa'i lte ba nas rin chen rke yan chad du/ de tsam sbyor ba bcu drug gi gnas bstan to/ /da ni rgyud las bstan pa'i go rims kyis sbyor ba bcu drug bri/'dod pa'i dga' ba dang / de bzhin shul ma'i cha'i rtsa las/ ro gcig tu gyur pas sbyor ba dang po'o/ /gnyis pa ni 'das pa'i dga' ba dang / stobs ma la/ gsum pa ni 'gro ba'i dga' ba dang / bdud rtsi ma la/ bzhi pa ni dga' ba dang / de bzhin dpal mo la lnga pa ni rgyas pa dang /de bzhin rdul ma la/ drug pa ni sa'i dga' ba dang / de bzhin myos pa mo la/ bdun pa ni 'byung ba'i dga' ba dang / de bzhin mtshan mo la/ brgyad pa ni mchog gi dga' ba dang / de bzhin ro ma la/ dgu pa ni 'bar ba'i dga' ba dang / de bzhin zhi ba ma la/ bcu pa ni thig le'i dga' ba dang /de bzhin nag mo la/ bcu gcig pa ni myos pa'i dga' ba dang / de bzhin zad pa ma la/ bcu gnyis pa ni chad pa'i dga' ba dang / de bzhin snur ma la/ bcu gsum pa ni u ti'i dga' ba dang / de bzhin g.yo ma la/ bcu bzhi pa ni tshul gyi dga' ba dang / de bzhin rlung ma la/bco lnga pa ni gnyid log dga' ba dang / de bzhin me lce ma la/ bcu drug pa ni rang bzhin dga' ba dang / de bzhin bskyed ma la/ rin chen mgrin par sleb pa tsam/ /rgyas pa'i zla ba zhes su dran/ /zhes sngar bstan pa'o/ /de rang shar ba zhes bya ba la sogs pa ni yongs su rdzogs pa nyid/rab tu gsal ba zhes slob dpon o kra pu ti'i man ngag go/ /bcu dang lnga ni skye ba'i rgyu/ /bcu drug pa la rtog med ces sngar bstan pas so/ /shar ba dang nub pa med pa'i phyir de la sbyor ba med pa zhes lung las sgra ji bzhin no/ /da ni rtsa'i mtshan nyid can rtsa rnams la bskyed pa'i sbyor ba bri/bcu drug pa dang / de bzhin nyid ma zhes bya ba la/ rgyal po chen po in+d+ra b+hU ti'i zhal snga nas kyi/ nyid las skye ba'i dpal pad+ma shI ka ri'i gzhung gis 'di ltar bshad de/ bcu drug pa zhes bya ba ni kun rdzob dang don dam pa gnyis su med pa'i ngo bo can byang chub sems kyi dngos po/ / nyi ma zhes bya ba ni de dang 'dra ba ste/ 'on kyang 'od che ba'i phyir ra'i dngos po/ /gang du gnyis ka'i sbyor bar 'gyur zhes bya ba ni gnyis ka zhes bya ba ni ta'i rnam pa dang / ra'i rnam pa'o/ /gang du sbyor ba zhes bya ba ni bcom ldan 'das bdag med ma nyid a wa d+hU ti'i grags pa can skye ba med ma'o//rang bzhin de ni mtshan nyid ces bya ba la/ bcom ldan 'das bdag med ma la/ dbyer med pa'i ngo bo rang bzhin dga' ba'i rje btsun/ dpal phyag rgya chen po'i thig le'i rgyal po'o/ /bcu drug pa dang de bzhin nyid/ /cha rnams kyi ni skye ba'i rgyu/ /zhes bya ba la sogs pa ni go sla ba'i phyir sgra ji bzhin gyis bshad do//dpal phyag rgya chen po'i thig le las le'u nyi shu rtsa drug pa'i bshad pa'o// //da ni le'u nyi shu rtsa bdun pa la tshigs su bcad pa bri/ /sbas pa'i sngags la gsal ba zhes bya ba ni/ mi dge ba bcu byed pa'i gang zag la gsang ba'i sngags sbas pa/yi ge grags pa can yang de bzhin no/ /dge ba byed pa'i gang zag dang / /de bzhin gsang ba'i tshig bsrung ba la/ thams cad rab tu gsal bar bya/ de'i phyir dad pa can dang / dad pa med pa nyid dpal rdo rje 'dzin pas gsungs so/ /dpal phyag rgya chen po'i thig le las le'u nyi shu rtsa bdun pa'i bshad pa'o// //da ni nyi shu rtsa brgyad pa las zab pa'i tshigs su bcad pa bri/ nyon cig lha mo phyag rgya che/ /mchog gi rnam pa bde ba'i rab/ /ces bya ba la/ slob dpon sha ba ri'i gzhung gis ni/ bde ba'i rab kyi don gyis ni shin tu bde ba chen po snang ba chen po nyid nges par bstan to//rnal 'byor ma la de ka min/ /zhes bya ba la ni/ slob dpon bI ra pu ti'i gzhung gis ni rnal 'byor ma zhes bya ba ni thabs kyis dbang bskur rnyed pa'i shes rab ma la bde ba skye ba'i rang bzhin nang na yod pa'i phyir/ /cung zad phyag rgya chen po las myur du dngos grub byed pa zhes bya ba'i don to//rnal 'byor pa la cung zad dka'/ /zhes bya ba ni thabs ni shes rab kyi dbang bskur rnyed na yang / de lta mod kyi bde ba 'byung ba'i gnas/ phyi rol du gyur pas na zhes bya ba'i don to/ /slob pa'i thabs kyis rnyed ces bya ba la sogs pa ni gang zhig spros pa dang bral ba'i rang bzhin phyag rgya chen po'i don de ni rten dang bcas pa'i thabs kyis nam yang mi rnyed ces bya ba'i don to//thabs ma yin pas kyang mi rnyed do/ /gang gi phyir zhe na nyams su myong ba'i dus su reg bya'i bde ba khong du chud pa'i thabs/gang gi tshe med pa de'i tshe thams cad mkhyen pas kyang mi rnyed de/ 'on kyang grub par byed pa'i rnal 'byor pas gang las so/ /de ltar yang 'di ru bcom ldan 'das rdo rje 'dzin pas thabs 'di gsungs te/ rlung gi 'khor lo'i cha'i gnas su zhes bya ba ni rang bzhin gyi rlung 'byung ba'i gnas su'o//rlung ma gnyid ma zhes bya ba ni zla ba dang nyi ma 'bab pa'o/ /g.yas dang g.yon gyi phyogs kyis ni/ /cha ni shin tu bskor bar bya/ /zhes bya ba ni/ cha'i sgras ni bcom ldan 'das bdag med ma/ a wa d+hU tI/ de'i g.yon phyogs su khu ba 'bab ma/g.yas phyogs su khrag 'bab ma/ de dag rab tu bskul bas gang zhig bde ba skye ba de ni thabs kyis bla ma'i man ngag las phyag rgya chen po rnyed ces nyid mchog gi dbang phyug gis gsungs so/ /cha yi dbus ni rtsa bar bzhugs/ /zhes bya ba ni 'di ltar bshad de a wa d+hU tI grags pa can no//pad+ma'i grags can dbus gnas su/ skra'i rtse mo brgya stong gi cha'i tshad bcom ldan 'das ma phyag rgya chen po'o/ /rtsa'i gnas zhes bya ba ni sprul pa'i 'khor lo las/ rtsa'i gnas zhes bya ba ni bde ba chen po'i 'khor lo de tsam khyab par bzhugs zhes slob dpon tshangs pa'i zhal snga nas kyi man ngag gi gzhung ngo //de la yang sogs zhes bya ba ni sgra ji bzhin no/ /phyi dang nang gi bdag nyid rnam par bzhugs zhes bya ba ni phyi rol pa'i phyag dang zhabs la sogs pa dang mnyam par ldan pa'i 'khyud pa'i sbyor bas so/ /nang gi bdag nyid ni gzugs la sogs pa dang bral ba'o//tshangs pa'i zhal snga nas kyi man ngag gi gzhung gis ni phyi rol gyi reg bya mchog gi grags pa can a wa d+hU tI/ nang gi bdag nyid kyi ngo bo can ni reg bya dga' ba/ ye shes snang ba'i skad cig /thig le tshul me chu/ rlung nam mkha' la sogs pa dang bral ba'o//gang zhig mi shes pa la sogs zhes bya ba ni dpal in+d+ra b+hU tI'i zhal snga nas ni de ltar gyur pa'i phyag rgya chen po gang zhig mi shes pa ni bcom ldan 'das sangs rgyas yin kyang rnal 'byor chen po ma yin/ dpal rdo rje sems dpa' chen rang ngo bo mi mkhyen ces bya ba'i don to//dpal phyag rgya chen po'i thig le zhes bya ba ni go sla ba'i phyir sgra ji bzhin gyis gsungs so/ /de skad thos nas la sogs pa ni 'di skad gsungs zhes bya ba yan chad sdud pa pos bstan pa go sla ba'i phyir sgra ji bzhin no/ /rtsa ba'i rgyud du zhes bya ba ni tshangs pa'i zhal snga nas kyi man ngag gi gzhung gis/rigs chen po'i rgyud/ slob dpon nag po'i gzhung gis ni 'bum lnga'i bdag nyid kyi rgyud/ de ru gzhan gyi gnas dang bdag gi gnas kyi mdor bstan pa tsam/ bcom ldan 'das bdag la gsungs zhes bcom ldan mo'i zhu ba'i tshig go//bcom ldan 'das kyis bka' stsal pa/ gzhan ma'i gnas ni b+ha gar bstan/ nang gi gnas ni lte ba'o/ /de ru dpal lha mo yan lag rab kyi man ngag gi gzhung gis/ byang chub spro ba khyab pa'i phyir/ /gzhan ma'i gnas rdo rje dbyings kyi dbang phyug ma/lte ba'i nang na bzhugs pa'i phyir bdag nyid kyi gnas so/ /gzhan mas sgo'i phyi rol zhes bya ba ni rdo rje dang pad+ma thabs kyi rin po che dang 'khor lo'i gnas zhes rnal 'byor ma bung ba'i mngal gyi man ngag go/ /gzhan ma'i gnas ni sbyor ba 'am/ /zhes bya ba la 'dus pa la sogs pa'i rgyud las bstan to//nang gi bdag nyid kyi gnas rnal 'byor ma zhes phyag rgya chen po'i thig le'i rgyud la sogs pa las bstan to/ /yang ni sbyor ba dang / nye ba'i sbyor ba bzhi sngar nyi shu rtsa brgyad pa'i gnas so/ /rdzogs pa'i don du mtho ris dang mi yul dang / sa 'og dang ri rab kyi rtse mo de ni nang gi bdag nyid dang phyi rol gyi'o//nang gi bdag nyid ces bya ba ni chos kyi 'khor lo'i snying ga dang / lte ba'i snying ga dang / sprul pa'i 'khor lo'i snying ga dang / gsang ba'i sna'i snying ga'o/ /sprul pa'i 'khor lo'i snying ga zhes bya ba ni sangs rgyas rin po che'i snod ces ki la ri'i zhal snga nas kyi man ngag gi gzhung ngo //lhag ma ni go sla ba'i phyir don ji lta ba bzhin gyis bshad do/ /dpal phyag rgya chen po'i thig le las le'u nyi shu rtsa brgyad pa'i bshad pa'o// //'di ni dpal phyag rgya chen po'i thig le las zab pa'i don gsal ba rmad du byung ba zhes bya ba/nang dang gsang ba rgya cher bshad pa/ u rgyan gyi slob dpon phyag rgya chen po'i dngos grub brnyes pa/ slob dpon zab pa'i rdo rjes mdzad pa rdzogs so// //paN+Di ta shes rab gsang ba dang / lo tsA ba g.yung drung snying pos bsgyur ba'o// //

CLOSE WINDOW