CLOSE WINDOW

D1193
བོད་ཡིག

/rgya gar gyi mkhan po bi na yang de ba dang / lo tsA ba dge slong chos kyi shes rab kyis bsgyur cing zhus te gtan la phab pa// //[]@##/ /rgya gar skad du/ shrI he baj+ra nam tan+t+ra ar+tha saM graha/ bod skad du/ dpal dgyes pa'i rde rje zhes bya ba'i rgyud kyi don bsdus pa/ dpal rdo rje sems dpa' la phyag 'tshal lo/ /ye shes chen po'i ro rdzogs pa/ bde ba che la phyag 'tshal nas/ /dgyes pa'i rdo rje rgyud kyi don/ /ci nus bdag gis bris bar bya/ / sangs rgyas bcom ldan 'das kyis byang chub tu thugs bskyed de/ byang chub kyi phyogs dang pha rol tu phyin pa la sogs pa'i sgo nas tshogs bsags te/ /bskyed pa'i rim pa nas brtsams nas/ /sa bdun pa'i bar du kun rdzob kyi bden pa rdzogs par mdzad/ /sa brgyad pa nas sa bcu pa'i bar du snang ba gsum rnam par dag par sbyangs nas sa bcu thob ste/zung ngu 'jug pa'i rim pas kun du bzang po'i sa la don dam pa'i bden pa lhun gyis grub ste/ dga' ldan nas 'dzam bu'i gling du babs te/ dka' thub kyis sprul pa'i sku 'jig rten mi yul du bzhag nas/ yid gnas gyur pa'i ting nge 'dzin gyi sku 'og min du gshegs te/mngon par byang chub pa mnga' brnyes nas/ gsang sngags kyi tshul gyis mngon par rdzogs par sangs rgyas te/ tshangs pa chen po'i gnas dang / dbang skyur gyi khang pa dang / ri rab kyi steng la sogs par lha rnams btul lo//de nas mi yul du gshegs te rdo rje'i gdan la [(]mdon [,]mngon [)]par sangs rgyas nas/ lha dang mi la sogs pa'i gdul ba'i thabs mang du gsungs mod kyi/ mdor bsdun rnam pa gsum ste/ lta ba ngan cing spyod pa zhan pas spungs pa'i yon tan la sogs pa shin tu nyam thag pas/ yun ring po nas byang chub tshol bar byed pa rnams la ni/ /'phags pa'i bden pa bzhi dang gang zag la bdag med par rtogs pa tsam gyis 'dod chags dang bral ba'i chos bstan to/ /gdul bya kha cig bdag lta ba dang / /nga rgyal dang 'dod chags la sogs pas dregs pas/ /snying rje dang shes rab kyi rgyu che ba rnams la ni rnam par shes pa'i tshogs brgyad la sogs pa dang //tshad med pa la sogs pa'i sgo nas bdag med pa gnyis dang ljan pa dang / /sa dang pha rol tu phyin pa zab cing rgya che ba bstan pa dang / /gdul bya kha cig dka' thub dang ba'i yul spangs pas skrag pa//za ba mo la lhag par mos pa/ /chos kyi de kho na nyid kyi snod du gyur pa/ /snying rje chen pos sems kyi rgyud brlan pa rnams la ni/ /'khor los skyur ba'i rgyal po la sogs par mngon par sprul nas/ 'dod chags kyi chos kyi spyod pa'i tshul lta bu bstan te/ /gsang sngags kyi spyod pa bstan pa yin no//de la 'gro ba gang skye ba gzhan du goms pa'i stobs kyis nags tshal dben pa la mngon par dga' zhing / /khrus dang dkyil 'khor bri ba dang / /dka' thub dang mchod pa dang / /sbyin sreg dang bzlas brjod la sogs pa'i bya ba med par yid mnyam par 'dzag me nus pa/ / de kho na nyid bsgom pa'i nus pa chung ba mtshan ma can gyi spyod pa la mngon bar dga' ba rnams la/ /spyi'i spyod pa de dag shas cher ston pa'i bya ba'i rgyud rdo rje gtsug tor gyi rgyud dang / /rig ba mchog gi rgyud dang / /rab tu grub pa'i rgyud la sogs pa bka' stsal pa yin no/ /gang zhig bya ba'i khyad par la yang mos shing // thabs dang shes rab kyi spyod pa rgya chen po la yang sbyor ba' nang gi bdag nyid can gyi tshul yang mi 'dor bar spro ba dang dag la ni/ /bya ba dang / /rnal 'byor gyi chag nyes las mthun pa'i gnyis ka'i rgyud/ /phyag na rdo rje mngon par dbang bskur bzhes bya dang / /rnam par snang mdzad chen po mngon par rdzogs par byang chub pa zhes bya ba la sogs pa bka' stsal to//gdul bya kha cig de kho na nyid la ma [(]chog [,]tshad [)]par dga' ba'i sems dang ldan pa/ /rnal 'byor la lhag par mos pa/ /phyi'i yo byad la me dga' bar ting nge 'dzin gyis rgyud rnam par dag par 'dod pa rnams la ni/bya ba'i yan lag nyung zhing rnal 'byor gyi yan lag gtso tsher ston pa'i rnal 'byor gyi rgyud/ dpal mchog dang po zhes bya dang / rnal 'byor gyi rgyud 'phags pa de kho na nyid bsdus pa dang / rtogs pa thams cad bsdus pa'i rgyud la sogs pa bka' stsal to//gdul bya kha cig rang bzhin gyis dbang po rno ba/ de kho na nyid bsgom par gcig tu 'dun pa sngon goms pa'i stobs kyi bya ba yod pa/ dngos po thams cad la tha dang pa'i 'du shes mi 'jug pa/ theg pa chen po la sems rnam par sbyangs pa/ shes rab dang thabs gnyis su med pa'i spyod pa la mngon par dad pa'i bdag nyid chen po de la ni/de kho na nyid kyis rnal 'byor gcor mdzad de gnyis su med pa'i tshul gyis 'jug cing / spros pa dang bcas pa dang / spros pa med pa dang / shin tu spros pa med pa'i spyod pa chen po'i rnal 'byor chen po'i rgyud/sangs rgyas thams cad dang mnyam par sbyor ba mkha' 'gro sgyu ma bde ba'i mcho gces bya ba'i rgyud dang / 'dul ba don yod par grub bzhes bya ba rnal 'byor chen po'i rgyud dang / dpa' gsang ba 'dus pa zhes bya ba rnal 'byor chen po'i rgyud dang / nges par brjod pa bla ma zhes bya ba rnal 'byor chen po'i rgyud la sogs pa bka' stsal to//de ltar gsang sngags kyi rnam par thar pa grangs med pa bka' stsal pa las/ dpal gsang ba 'dus pa la sogs pa thabs kyi rgyud dang / zla gsang thig le'i rgyud dang / rdo rje dra ba'i rgyud la sogs pa shes rab kyi rgyud rnams ni shin tu sbas pa ste/ston pas kyang dus thams cad du thams cad la ston par ma mdzad de/ shin tu gsang ba nyid du gsungs pa/ shes rab shin tu che ba dang ldan pa'i spyod yul du bstan zhing gsang ba'i don sbas te bka' stsal pa yin no/ /ci'i phyir 'do srungs thub pa chen po mngon par rdzogs par sangs rgyas ba'i tshe na yang bka' stsal cing ma bstan to//de bzhin du rnam par gzigs dang / gtsug tor can la sogs pa mngon par rdzogs par sangs rgyas ba'i tshen yang gsang sngags kyi rnam par thar pa bka' ma stsal to/ /mar me mdzad thub pa chen po mngon par rdzogs par sangs rgyas pa'i tshe yang /gsang ba'i rgyud bka' ma stsal to/ /lnga brgya tham dang nye ba la bde bar gshegs pa shAkya thub pas/ lha dang mi la sogs pa'i 'gro ba las 'phro dang skal bar ldan pa rnams tshegs chung ngus skye ba 'dun la sogs pas dngos grub chen po dag la dgod ba'i phyir/gzugs khams su yang sangs rgyas nyid dang / tshangs pa'i rgyal po la sogs par sku bstan nas bskul ba dang / 'dod khams su yang dbang phyug chen po la sogs pa dang / lha ma yin dang bdud la sogs pa 'dul ba'i phyir/ dpal he ru ka'i sku chen po gar rnam pa dgu la sogs pa dang ldan pa'i sku bstan nas btul ba dang /'dod khams kyi lha klu la sogs pa phal cher ni dpal phyag na rdo rje dang / kun du bzang po dang / 'jam dpal dbyangs dang / rdo rje snying po la sogs pa'i sku bstan nas/ gsang sngags kyi rnam par thar pas byang chub la bkod pa dang /'dzam bu'i gling la sogs par yang mi rnams 'dul ba'i don du/ sangs rgyas kyi sku nyid dang / 'khor los skyur ba'i rgyal bo'i cha byad du bstan pa dang / mu stegs can gdul ba'i phyir mu stegs kyi ston pa rnams kyi cha byad gdong lnga gtsug phud lnga pa dang /zur phud lnga pa dang / gcer bu thal gos can la sogs pa'i gzugs su bstan nas btul pa dang / de bzhin du 'gro ba ris drug so so ces 'dul ba'i gzugs su bstan nas byang chub la bkod pa yin no/ /rgyud 'di ni gsang ba bas kyang ches gsang ba len te/ rgyud thams cad kyi tha ma'i tha mar bstan pa yin no/ /dpal dgyes pa'i rdo rje'i rgyud 'di'i mtshan thog mar smos pa'i dgos pa ni/ nyan pa'i skye bo dag ldog pa'i yan lag tu mi 'gyur ba'i phyir thog mar mtshan smos so/ /de yang dang por dgos 'brel gyi yan lag bzhi ldan par bstan te/ brjod pa dang / dgos pa dang / 'brel pa dang / dgos pa'i yang dgos pa'o/ /de la brjod pa ni 'di skad bdag gis thos pa dus gcig na zhes bya ba nas/ nyes bral rnam grol zhi ba ster/ /khyod ni pha ste rang bdag yin/ /zhes bya ba'i bar gyes bstan to/ /dgos pa ni 'di nyid dang gzhung ltar dkyil 'khor du zhugs te dbang bskur zhing dam tshig phog nas/man ngag thob ste dkyil 'khor dang sbyin sreg dang / mchod pa dang / bzlas brjod dang / rtse gcig pa'i ting nge 'dzin gyis 'grub pa ni dgos pa'o/ /de las phyag rgya chen po'i dngos grub thob ste/ sgyu ma'i dpe bcu gnyis kyi tshul du ji srid 'khor ba ma stongs kyi bar du 'gro ba'i don mdzad pa ni dgos pa'i yang dgos pa'o//'brel pa ni dkyil 'khor du 'jug cing dam tshig dpog pa la sogs bzhi rgyu yin la/ phyag rgya chen po'i dngos grub thob pa ni 'bras bu yin te/ de gnyis rgyu dang 'bras bu'i tshul du 'brel bas na 'brel ba'o//'di'i rgyu dang po'i brtag pa ni sum cu rtsa gnyis bstan la/ de las 'di ni brtag pa gnyis slob dpon gyis logs su bton pa yin no zhes zer ro/ /la la dag ni brtag pa dang po rdo rje dra ba'i rgyud ces bya ba 'di'i rgyu dang po yin la/ 'dir gnyis su phye ba'i dang po ni rgyud phyi ma yin la/gnyis pa ni phyi ma'i yang phyi ma yin no/ /gzu lu mas ma yin pa'i phyir ro/ /slob dpon rdo rje tse n+p+ras mdzad pa'i TIkA las tshig gi don bshad pa nyung dur bsdus pa yin no/ /'di skad bdag gis thos pa'i dus gcig na zhes bya ba la/ 'di'i sdud pa po phyag na rdo rjes/ston pa la 'di kho na skad thos te brgyud de 'ongs ba ma yin te/ mngon sum du dus gcig gi tshe rgyud 'di thos so zhes pa'i don to/ /la la dag ni 'di'i sdud pa po ni rdo rje snying po ste/ des kyang bcom ldan 'das dbang sgyur gyi khang pa dang / ri rab kyi rtse mo la sogs pa na bzhugs pa'i tshen ni/rgyud gzhan dang gzhan dag gsungs la/ dus gcig gi tshe ni bcom ldan 'das dpal he ru ka btsun mo'i b+hag la bzhugs pa'i tsha/ rgyud 'di thos te mngon sum du'i zhes ba'i don/ bcom ldan 'das de bzhin gshegs pa zhes pa la/ gang du dbang phyug la sogs pa'i yon tan dang ldan pa la bcom ldan 'das zhes bya'o//de lta bu'i yon tan dang ldan pa can to/ btsun mo'i b+hag la bzhugs nas/ rgyud 'di bshad ces pa'i don to/ /rnam pa gcig tu na 'di skad ces bya ba ni sangs rgyas dang byang chub sems dpa' thams cad ni/chos gcig tu gsungs la tha dad par ni ma yin te/ de bas na 'di ni bcom ldan 'das nyid kyis 'di skad thos zhes bya'o/ /de yang 'di skad ni elbaM ste e ka ra ni shes rab kyi bdag nyid du 'dren la/ lbaM kar ni thabs kyi bdag nyid du 'dren te/ dngos su e ni yum mo/ /lbaM ni thabs so//byin du ni byang chub kyi sems te/ de lta bu'i byang chub kyi sems las/ rgyud la sogs pa thams cad 'byung bar rtogs/ /zhes bya bste/ 'di skad bdag gis rtogs pa'i dus gcig na/ zhes bya'o/ /yang na 'di skad bdag gis zhes bya ba ni/ e lbaMm yA ste/ e ni 'di zhes pa dang sbyar/lbaM ni skad dang sbyar/ bdag ni ma dang sbyar/ gis ni yA dang sbyar te/ de yang phyag rgya rnam pa bzhi dang 'brel te/ sangs rgyas spyan ni las kyi phyag rgya ste/ e dang sbyar/ de yang 'di zhes bya ba dang 'brel to/ /mA ma kI ni chos kyi phyag rgya ste/ lbaM dang skad ces bya ba dang 'brel to//gos dkar mo ni phyag rgya chen po dang / ma dang bdag bya ba dang 'brel to/ /sgrol ma ni dam tshig gi phyag rgya dang yA dang gis zhes bya ba dang sbyar ro/ /de ltar phyag rgya bzhi dang ldan par shes sam rtogs pa'i dus gcig na zhes bya'o/ /yang na e lbaM ni chos kyi sgo thams cad ston par 'dren te/thun mong ma yin pa gsang ba zhes bya ba rnal 'byor chen po'i rgyud las kyang / e ni shes rab nyid gyur la/ /lbaM ni rab dga'i bdag po'o/ /thig le ming shigs de nyid ni/ /de las yi ge nyid kyang skyes/ /chos kyi phyag rgya'i yi ge ni/ /de nyid shes pa gang gis shes//de ni sems can thams cad la/ /chos kyi 'khor lo byed par 'gyur/ yang / e lbe yig gnyis sgyu ma la/ /thams cad mkhyen pa 'dir bzhugs nas/ /dam chos bstan pa'i thog mar ni/ e lbaM de phyir thog mar bshad/ /ces 'byung bas/ chos thams cad e lbaM las 'byung pas 'di skad ces smos so//ci ste tshig dang don 'brel bar ston pa ni sdud pa yin na/ thos pa smos bzhin du shes pa dang rtogs pa ci zhig bya/ lan du de bzhin gshegs pa ni dgongs pa'i dbang du gsungs te/ mi dgongs bar ni ma yin te/ 'di ni sgra ji bzhin ma yin par bshad bste/'di ltar shes rab dang thabs gnyis su med par gyur pa ni shes pa yin la/ de las mthar thug pa chags pa yang ma yin bral ba yang ma yin dbu mar yang mi dmigs pa'i skad cig ma la ni dus gcig na zhes bya'o/ /bcom ldan 'das zhes bya ba ni/'di nyid las/ dbang phyug la sogs legs rdzogs pa/ /yon tan drug tu bshad pa dag/ /dpal ldan 'byor pa'i sangs rgyas ni/ /bcom ldan 'das zhes rab tu bshad/ /ces pa nas ldan zhes bya'o/ /bcom pa ni gzhan yang nyon mongs pa la sogs pa'i bdud rnams bcom pas/bcom ldan 'das yin 'byung bas na/ bcom ldan 'das zhes bya'o/ /de bzhin gshegs pa thams cad kyi sku gsung thugs rdo rje zhes pa la/ de bzhin gshes pa lnga/ btsun mo mA ma kI la sogs pa'i b+ha ga na bzhugs she'o/ /la la dag ni bcom ldan 'das dgyes ba'i rdo rje nyid btsun mo'i b+hag la bzhugs zhes bya bar sbyar ro//'di ltar zhes bya ba la rdo rje snying pos zhus pa ste 'di skad du/ de bzhin gshegs pa thams cad kyi sku dang gsung dang thugs kyi snying po gang lags zhus pa dang / bcom ldan 'das kyis bka' stsal ba ste/de bzhin gshegs pa thams cad kyi sku gsung thugs kyi snying po/ gsang ba bas ches gsang bzhus pa legs so legs so zhes bka' stsal te/ bstod pa'i tshig ste/ rdo rje chen po rdo rje snying po byang chub sems dpa' chen po zhes bya ba ni/ zhu ba po byang chub sems dpa' rdo rje snying po la bstod pa'o//rdo rje sems dpa' dang sems dpa' chen po/ dam tshig sems dpa' chen po snying po dgyes bzhes bya ba ni/ dgyes pa'i rdo rje las he ru ka bzhi byung bste/ rdo rje sems dpa' zhes bya ba ni rnam par snang mdzad de/ sku'i bdag nyid do/ dngos su dbu gcig phyag gnyis pa'o/ /sems dpa' chen po zhes bya ba ni snang ba mtha' yas te gsung gi bdag nyid pas phyag bzhi pa'o/ /dam tshig sems dpa' chen po zhes bya ba ni thugs kyi bdag nyid de/ rdo rje sems dpa' ste dbu gsum phyag drug pa'o/ /snying po dgyes pa ni dgyes pa'i rdo rje nyid de/dbu brgyad pa phyag bcu drug pa'o/ /de lta bu'i don bshad kyis nyon cig pa'i don to/ /mi phyed pas na rdo rjer bshad/ /ces pa la/ bshig cing 'dral du med pa 'am/ sku gsung thugs mi phyed pa'am/ /ye shes lnga dang ldan pa la bya'o/ /sems dpa' srid pa gsum gcig ces pa ni/sems dpa' ni rdo rje sems dpa' 'o/ /srid pa gsum ni khams gsum mo/ /de ltar khams gsum nyid sku gsung thugs kyi bdag nyid du shes te/ gcig pa nyin ni de dag gi ngo bo rang bzhin med par shes pa'o/ /shes rab 'di yi sbyor bas na//zhes pa ni/ de lta bu'i shes rab kyis chos nyid du sbyor ba ste/ de nyid la rdo rje sems dpar sbyar te/ gong ma'i sku'i bdag nyid zhal gcig phyag gnyis pa dang sbyar ro/ /ye shes chon po'i ro rdzogs pa/ /zhes bya ba ni/ /me long lta bu'i yi shes la sogs pa lhun gyis grub pas na/ro rdzogs pa zhes bshad do/ /rnam pa gcig tu na dgyes pa'i rdo rje'i ye shes kyi bde ba chen po'i ro bstar zhing rdzogs pa zhes bya ste/ snang ba mtha' yas kyi bdag nyid phyag bzhi pa dang sbyar te de nyid ni sems dpa' che zhes bshad do/ /rtog tu dam tshig bsnyen pa ni/ /zhes pa la/dam tshig ni bza' ba dang btung ba'i dam tshig la bya na/ 'dir shes rab dam tshig gi bdag nyid la bsnyen par 'dren te/ dngos su rdo rje sems dpa' ste dbu gsum phyag drug pa dang sbyar ro/ /de la ni dam tshig sems dpar rab tu brjod ces bya'o/ /snying rje chen po dgyes pa ste/ rdo rje shes rab dag tu bshad/ /ces pa la/ snying rje ni thams cad la khyab pa la byan/ snying rjes dgyes pa'i thabs te yab dang sbyar la/ de nyid bde ba chen po'i dgyes pa dang ldan zhes bya'o/ /rdo rje shes rab tu bstan pa ni yum dang sbyar te yum shes rab la bya ste/ dngos su thabs dang shes rab gnyis su med pa'i rgyud ces bya'o//de lta bu'i thabs dang shes rab tu 'brel pa'i rgyu dang yes bshad ces bya ba'i don to/ /ci ste ta ta saM gra ha la sogs pa shes rab kyi rgyud ma yin nam zhe na/ 'on te de rnams la ni thabs kyi shas che la/ shes rab kyi shas chung bar ston la/ 'dir ni thabs dang shes rab zung du 'brel pa'i rgyud yin pas/de thabs khyad par du che bas na/ shes rab thabs dag bdag nyid rgyud/ /nga yis bshad kyi nyan par gyis/ /zhes bya ba'o/ /mthong ba 'gugs shing brda chen dang / /mkhas pa'i mthu ni du ma byed/ / ces pa la mthong ba ni 'og nas mnan pa dang / bskrad pa dang / mngon spyod la sogs pa'o/ /dgug pa ni bgegs dang bar du gcod pa dag po/ /brda ni 'og nas 'byung ba dag go/ /mkhas pa ni bya ba dngos grub brgyad la sogs pa'o/ /ye shes rnam shes mthu dag ni/ /lha mo rnams las yang dag 'byung //zhes bya ba la dngos su bdag med pa'i rnal 'byor ma dang gnyis su med pa'i bde ba chen po las/ phyag rgya chen po'i dngos grub yang dag par rdzogs pa'i sangs rgyas srub ste/ sangs rgyas kyi sgyu 'phrul dang mthu rnams thob ces bya ba'i don to/ de bas thog mar rgyu gcig bu/he ru ka ni skyed byed yin/ /zhes pa la/ /he ru ka dngos por bsgom pa ni grol bar mi 'gyur na/ ji ltar bya zhe na/ 'on te rtsa ba las/ 'di bsgoms pa ni rnam grol zhing / /bsgoms pas 'ching ba bcings pa las/ zhes gsungs te/ 'di bsgoms pas ni rnam grol zhing / / rang bzhin gyis ma skyes par bya'o/ /bsgoms pas 'ching ba ni dngos por bsgoms pas 'ching ba yin la/ dngos po he ru ka'i skul bya la/ de nyid chu zla ltar skye 'gog dang bral bar shes pa ni/ de yis grol bar yongs shes bya/ zhes bya ba'i don to/ /de bas na mkhas pa ni ma skyes par shes pa ste/dngos po thams cad rang bzhin gyis ma skyes par shes pa'o/ /dngos po rang bzhin med par shes pa de bzhin du/ /he ru ka'i yang dngos po med par shes pa'i don du/ ye shes lus la gnas pa ste/ dngos po kun la khyab par gnas/ /zhes pa la/ gong ma lta bu'i ye shes ni gzhan na med de/rang gi sems nyid 'od gsal bar shes par bya'o/ /ye shes ther zug ma yin pas dngos po kun la khyab ces bya ste/ thams cad kyi bdag nyid ces bya ba'i don to/ /'o na de lus la gnas zhes smos pas na/ dngos po thams cad yin no zhe na/ ma yin ta/ lus la 'das zhes smos pa yin no/ /de bas na ye shes de ni gcig dang du ma'i bdag nyid dang bral ba/ rtog pa ste mtshan mar 'dzin pa'i rtog pa las 'das pa'i don to/ /la la dag ni shes rab kyi rang gi ngo bo bya ba la/ lus la spyir ye shes gnas pa'i rnam grangs ni naDi stong phrag bdun cu rtsa gnyis la sogs pa mang yang /mdor na sum cu rtsa gnyis te/ de dag gi gtso bo ni rtsa gsum yin te/ la la nA ni shes rab rnam par dag pa'i ngo bo ste g.yas na gnas so/ /ras nA ni thabs rnam par dag ba'i bdag nyid g.yon na gnas so/ /a lba d+hA tI ni byang chub kyi sems rnam par dag pa'i ngo bo dbus na gnas te/gzung 'dzin gyi rnam par rtog pa dang bral ba'o/ /la la nA ni mi bskyod rgyud/ /zhes pa ni/ g.yas pa'i rtsa las dri chu 'byung ba na ag sho byA'i bdag nyid do/ /ra sanA ni khrag kyang rgyu zhes pa ni g.yon na gnas pa ste/ rin chen 'byung ldan gyi bdag nyid do//a lba d+hU tIr rab grags pa/ /shes rab zla ba rgyu bar 'dod/ /ces pa ni dbus na gnas pa ste/ don yod grub pa'i bdag nyid kyi don to/ /mi phred pa dang phra ba'i gzugs/ /zhes bya ba la sogs pa ni/ na Di sum cu rtsa gnyis kyi ming ngo / /de dag gi grangs ni mi phyed bas ni so dang sen mo skyed do//phra pa'i gzugs kyis skra dang spu skyed do/ /lha zhes bya ba'i rtsas ni pags pa skyed do/ /g.yon pas ni sha skyed do/ /g.yon pa can gyis ni chu ba skyed do/ /rus sbal skyes kyis ni rus pa skyed do/ /dngos po can gyis ni mkhal ma skyed do/ /dbang gis ni snying skyed do//gnos pas ni mig skyed do/ /byin rlabs kyis ni mkhris pa skyed do/ /ma mos ni glo ba skyed do/ /mtshan mo rgyu bas ni rgyu ma skyed do/ /grub ster gyis ni grang bskyed do/ /ud ri ni dar nis lto ba skyed do/ /la la nA nis mi bskyod skyed do/ /a lbad+hU tIs ni shes rab zla ba rgyu bskyed do/ / khrag rgyu ba ni ro'o/ /drang pos ni bshad bskyed do/ mdog nag gis ni sha dang pags pa'i srubs skyed do/ /thun mong gis ni mchil ma skyed do/ /gzhir ster gyis ni rna sbabs skyed do/ /rnal bral gyis ni khrag skyed do/ /dga' bas ni tshil skyed do/ /grub bas ni mchil ma skyed do/ /rnam smin gyis ni mig rnag skyed do//me tog gis ni snabs skyed do/ /mkhris gsum gyis ni gzugs skyed do/ /'dod mas ni skra skyed do/ /'do dmas ni skra skyed do/ /khyim gyis ni dri skyed do/ /tsa N+Dis ni ro skyed do/ /ka ta yas ni rig bya skyed do/ /bdud kyi bu mos ni chos thams cad rang bzhin med pa ste/de dag ni rtsa sum cu rtsa gnyis kyi skye ba dang bskyod pa'o/ /de rnams kye rnam par dag pa ni lha mo ste bdag med ma dang / rdo rje ma dang / gau rI ma dang / pa ri dang / rdo rje mkha' 'gro ma dang / puk+ka sI dang / sha lba rI dang / tsaN+Da lI dang / Do m+pi dang / gau rI dang / tsau rI dang / betA lI dang / g+hasma rI dang / sa spyod dang / mkha' spyod do/ /de lha mo de rnams rtsa gnyis gnyis la dbang zhing dag pa'o/ /de las la la nA dang / ra sa nA dang / /alba d+hA tI ni bdag med pa'i rnal 'byor ma'o/ /lhag ma nyi shu rtsa dgu ni 'bad pas spang bar bya'o/ /ci'i phyir na de dag ni sus kyang mi rtogs shing //gzhi'i don gyi bya ba mi nus pa'i phyir ro/ /gsol pa/ bcom ldan 'das ji lta bu lags/ /bka' stsal pa/ srid gsum ma lus yongs bsgyur cing / gzung dang 'dzin pa rnam spangs pa'o/ /zhes pa la/ srid pa gsum ni khams gsum ste/ de nyid he ru ka'i sku gsung thugs yongs su gyur pa'o//gzung ba ni gzugs la sogs pa'i yul rnams so/ /'dzin pa ni sems te de yang yul ngo bo nyid kyis ma grub na sems kyang ma grub ste/ /yul sems gnyis stong pa nyid du gyur ba ni rtogs pa thams cad spangs pa'o/ /dngos su rtsa sum cu rtsa gnyis la sogs pa yul snang ba dang //de rtogs pa'i byang chub kyi sems dang gnyis su med par gyur pa'o/ /gzhan du lhar sgrub pa'i thabs yod dam snyam pa la/ gzhan du thabs rnams cad ni/ /dngos po'i mtshan nyid dag tu bshad/ /ces pa la gzung 'dzin dag pa'i thabs las bzhan pa/dngos po thams cad kyi mtshan nyid dpal he ru kar brtags la/ de ni me long gi gzugs brnyan ltar ngo bo nyid med par shes ba'i don/ sdom pa'i dbye bas bshad bya ste/ /zhes bya ba ni/ sdom pa'i tshig ste/ A li kA li zhes bya ba nas/ ya ni sgrol ma dag tu bshad/ /ces bya bas ni spyi sdom bstan la/de dag gi dbye ba ni/ sprul pa'i 'khor lo bya ba las/ /rgyud spyir smos par shes bar bya'o/ /de la sprul ba'i 'khor lo 'dab ma drug cu zhes bya ba ni/ lte ba'i rtsa'i 'khor lo 'dab ma drug cu rtsa bzhi bste/ 'dab ma la ka chen sum cu rtsa gnyis nyis ldab tu brtsis pa'o/ / dbus su a bri'o/ /snying gar chos kyi 'khor lo 'dab ma brgyad pa la/ yab yum bzhi dbus su hUM dgod do/ /mgrin par longs spyod kyi 'khor lo 'dab ma bcu drug pa la/ a chen bcu drug bkod la/ dbus su oM dgod do/ /spyi bor bde ba chen po'i 'khor lo rtsibs sum cu rtsa gnyis la/ka chen sum cu rtsa gnyis bkod la/ dbus su ha dgod/ skad cig ma bzhi ni/ rnam pa sna tshogs pa dang zhes bya ba ni/ dga' ba dang sbyar yab yum gyi kha dog dang dbyibs sna tshogs su snang ba la dga' ba'i don/ rnam par smin pa shin tu dga' ba dang sbyar/ rnam par 'dzoms pa ni/ mchog tu dga' ba dad sbyar/ rnam pa'i mtshan nyid ni mthar thug pa'i dga' ba dang sbyar/ 'phags pa'i bden pa bzhin/ sdug bsngas kyi bden pa ni sprul ba'i 'khor lo dang sbyar/ lhag ma yang ci rigs par sbyar par bya'o/ /bdag gi de kho na nyid ces smos pa la/ lus dang sems la cha shas kyis gzhig dang ngo bo nyid ma grub pa'o//lha ni lha'i bdag nyid chu'i zla ba ltar shes par bya'o/ /yig 'bru gsum gyi rang bzhin ma grub par shes pa ni sngags kyi de kho na nyid do/ /ye shes ne rang rig pa'i shes pa ma grub par shes par bya'o/ /dga' ba rnams gnas brtan pa'i ste la sogs pa ni 'og nas 'byung ba dang 'brel pas 'dir ma bris so//de dag thams cad ni e lbaM du 'dus so zhes bya ba ni/ gong 'og nas e lbaM ma yA bzhi dang thabs dang shes rab tu sbyar bar shes bar bya'o/ /tsaN+Da lA+e'i lte bar las/ /bde gshegs lnga ni sreg par byed/ /spyan sogs lnga ni bsregs nas kyang //haM bsregs sha sha'i rgyun yang 'bab/ /ces bal/ lte bar ni chags chen po me 'bar bzhes sbyar ro/ /tsaN+Da lIni rigs dan te/ /de dang su yang reg bar mi nus pa ltar/ kar ni ka las su ka byung ba de mthar thug pa'i dga' ba 'od gsal ba las byung ba ste/ sus kyang rtogs par mi 'gyur zhing /reg par dka' zhes bya ba'i don to/ /des ni 'bar ba ste sems can gyi 'dod chags kyi mi nyid stong ba nyid du 'bar ba zhes bya'o/ /bde gshegs lnga ni sreg par byed/ /ces pa la/ des rigs lnga la sogs pa'i sangs rgyas thams cad yang bsregs te/ye shes su zhu ba'i tha tshig go/ /de bzhin du lum lnga yang zhu ba'i don to/ haM bsregs sha sha'i rgyun yang 'bab/ /ces bya ba ni/ bde ba chen po'i gnas tshangs pa'i sgor haM zhes bya ba don yod grub pa'i rang bzhin de las bde ba chen po'i sa bon/ zla ba zhu ba nyid na Di sum cu rtsa gnyis su byung ste/ka lo ka'i kar ni kar 'od gsal ba sangs rgyas dang byang chub sems dpa' thams cad kyi bdag nyid 'bab pa'i don to/ /yang na haM bsregs zhes bya ba ni/ spyi bo bde ba chen po'i gnas su/ phyogs bcu'i sangs rgyas bsdus la/ bde ba chen po nyid dang / sangs rgyas rnams 'dres te gcig tu gyur pa de haM gi bdag nyid gyur la/de nyid zla bzhu ba'i bdud rtsir gyur pa/ niDa rnams su zhugs te/ gar ni 'di dbus su 'od gsal bar 'bab ces pa'i tha tshig go/ /rnam pa gzhan du na tsaN+Da lI yi lte ba 'bar/ /zhes bya ba lte ba ni thab khung ka lo ka'o/ /'bar ba ni rang rig pa'i ye shes 'od gsal ba'o/dngos su snyoms par 'jug pa'i ye shes kyis me byung ste 'bar ba'o/ /bde gshegs lnga ni bsreg bya ste/ /zhes pa ni/ 'dod chags la sogs pa'i rtog pa lnga dang bra ba'o/ /spyan sogs lnga yang bsreg byas la/ zhes pa la/ khams lnga'i rtog pa dang bral ba'i tha tshig go//haM bsregs sha sha'i rgyun yang 'bab/ /ces pa la/ spyi bo'i haM zla ba zhu ste na De'i lam du byung ste 'od 'bar bas nam mkhar bab pas rtog pa thams cad dang bral ste/ rigs lnga'i phyag rgya chen po 'grub pa'i don to/ /tshigs su bcad pa 'di ni man ngag gi gnas chen po ste/rtog ge pa rnams dang / theg pa dman pa la zhugs pa rnams kyi spyod yul ma yin pa'i phyir/ dgongs pa'i don rnams sbas te bshad pa ste/ bla ma'i kha las shes par bya'o/ /rgyud 'di nyid kye nang nas kyang / /mthar thug gzhan gyis mi rtogs te/ /gang la rnyed par mi 'gyur ro//bla ma'i thabs rgyur bsnyen bkur dang / /bdag nyid bsod nams ldan par ro/ /zhes 'byung bas/ man ngag rnams ni rna ba nas rna bar brgyud de ston gyi tshig dang yi ger ni ma bris so/ /de bas na bla ma dam pa rnams yun ring du bsnyen bkur byas te/ man ngag thob nas bsgrubs na 'grub//ces pa'i tha tshig go/ /le'u dang po'i bshad pa'o// //de nas gnyis pa sngags kyi le'u bshad par bya ste/ gtor ma dang / bskyed pa dang / bzlas pa dang / sgrub pa la sogs pa'i sngags 'chad pa'i don to/ /a kA romu khaM zhes bya ba ni dang po sngags kyi sgo ste/chos thams cad stong pa nyid do zhes pa'i don to/ /Ad+ya nuta ces bya ba ni sgo de las skyes zhes bya ba'i tha tshig go/ /pan+na dwAta o AHhU pham swAhA/ bruM AM dzr-IM khaM hUM zhes bya ba ni rigs lnga'i sa bon ta skyi bo dang / mtshog ma dang / mgrin pa dang / snying ga dang / lte ba nas byin gyis brlab po//oM de lbaM pi cu badzra hUM hUM hUM phaT swA hA/ zhes bya ba ni/ oM ni sngags thams cad kyi thog mar 'gro ba'o/ /de ba ni lha rnams kyi don to/ /pi tsu ni khyab pa'i snying rje chen po bskyed ste/ snying rje des lha rnams kyi sku dang 'od la sogs pa sems can thams cad la bsdu zhing bstim pa'i don to/ / badzra ni de rnams kyang rdo rje ltar cis kyang mi shigs pa'i don/ yang na bdag nyid la gong ma rnams bsdu zhing bstim pa'i don/ hUM gsum ni lha'i sku gsung thugs gsum gyis sems can dang rnal 'byor pa'i lus ngag yid gsum byin gyis brlab pa'i tha tshig go/ /lhag ma rnams la yang de bzhin du shes bar bya'o//zla tshes dang bin du gsum zhi zla tshes ni snod yin la/ bin du ni ye shes bdud rtsi ste/ des bdag dang 'gre ba'i rgyud la bstim pa'i don to/ /phaT ni gnas yin la/ swA hA ni brtan par byed pa'i don to/ /oM a swA hwA phaT/ rnams sngags dang spel ba ni man ngag gis bstan pa'o//a ka tsa ta pa ya sha sna tshogs pad+ma'i lte ba la bzhugs te/ zhal lam zhabs brgyad dang ldan pa'i phyir dang / rnam par thar pa brgyad kyi phyir dang / lha mo brgyad kyi 'khor gyis bskor ba'i don to/ /a A la sogs pa yi ge bcu drug ni nyis ldab tu brtsis pas/ dpal he ru ka la mtshan sum cu rtsa gnyis kyis brgyan pa'i don to//yang na sngags gnyis gnyis lha mo brgyad kyi snying po ste gau rI la sogs pa'i lha mo brgyad bskyed pa'i don to/ /'dir dris pa sngags 'di rnams ni lha mo brgyad kyi snying po yin na ni/ de bzhin gshegs pa la mtshan sum cu med pa'i skyon du 'gyur ro zhe na/de lta ma yin te thugs rje chen po'i dbang gis mtshan bzang po nyid lha mo'i tshul du bstan pas na mi 'gal lo/ /oM trai lo kya zhes pa ni oM gyi don ni bshad zin to/ /trai lo kya ni 'jig rten gsum zhes bya ba'o/ /a k+She pa ni 'du ba'am sdud par byed pa'o//dngos su 'jig rten gsum gyi 'phags pa thams cad kyi sku dang 'od la sogs pa/ bdag dang sems can la bsdu ba'i don to/ /hUM la sogs pa ni snga ma bzhin no/ /oM dz+wa la dzra la zhes pa la/ dz+wa la ni 'bar ba ste/ dngos su phyag bzhi la 'od 'bar ba'i don/ b+h+yo zhes bya ba ni sgra las rnams kyis zhes bya bar 'dren to//dngos su 'bar ba rnams kyis bdag dang gzhan gyi bag chags rnams dag pa'am/ sreg par byed pa'i don/ phyag bzhi ba'i sngags so zhes bya ba la gong ma'i sngags des dgyes pa'i rdo rje phyag bcu drug ba las/ phan tshun gyi dang po gnyis gnyis te/phyag bzhi bskyed pa'i don to/ /oM ki Ti zhes pa la/ ki Ti ki Ti ni bdud dam/ ma rungs pa dbang du sdud ba ste/ dngos su dgyes pa'i rdo rje'i zhabs bzhi 'am brgyad kyis lha brgyad mnan te/ de rnams kyi nor glang po la sogs pa'i thod pa brgyad phyag g.yas na bsnams pa dang / 'byung ba bzhi'i lha dang / nyi zla dang / gshin rje dang / nor skyong gi thod pa phyag g.yon na bsnams te bsdigs pas/ de rnams kyi 'khor lo gnod sbyin dang bdud la sogs pa dbang du sdud ba'i don/ yang na sngags 'di brjod pas dgyes pa'i rdo rje'i g.yas g.yon gyi phyag 'og ma drug bskyed ba'i don/hUM la sogs pa snga ma bzhin no/ /oM AHhUM zhes bya ba ni nye ba'i snying po'o/ /de lba pi tsu la sogs pa ni snying po ste rtsa ba'i snying po'o/ /lhag ma'i sngags rnams nus pa dang / las ni rtsa ba nyid las gsal lo/ /ku ru kul+le zhes bya ba ni lha mo zhig drag po'i las byed pa la mthu che ba zhig ste/de bzlas pas las 'grub bo/ glang po'i rdul bya ba ni/ chang mang po blud de lus bskyod pa dang / 'phral ba las rdul 'byung ba la bya'o/ /zhi ga kha dag ba can ni/ rdza phor te de'i nang du sgrub rdzas gzhug pa'i don/ ti la kas btab la zhes pa ni sgrub rdzas te/ li bskyod pa ste dri chu brtags pa 'phral bar thig le bya'o//rkang pa'i 'og tu bcug la bzlas/ /zhes bya'o/ /rdo rje chu'i nang zhes pa ni 'bras las nyi zla'i gzugs brnyan byas to/ snod bzang por rdo rje las byung ba'i chu'i nang du bzhag la bsngags bzlas zhes bya ba'i don/ a lag ta'i thang chu ni dngos rgya skyegs kyi shing gi thang chu ste/des slob dpon gyi mthe bo'i nang gang gi ltor bsku ba'i don/ nor skyong gi lag pa ni mi 'jigs pa sbyin pa'o/ /rdo rje mo dang gau rI dang mkha' spyod dang sa spyod la sogs pa'i lha mo bdun ni khyad par du gnod pa dang bskrad pa dang gsad pa dang mngon spyod la sogs pa'i las bsgrub par bya ba'i don to//le'u gnyis pa'i bshad pa'o/ /da ni le'u gsum pa'i don bshad par bya ste/ thog mar byams pa bsgom par bya/ /zhes pa la/ tshad med pa bzhi sgrub pa pos bsgom pa'i don/ gzhan yang byang chub snying po dang / /zhes pa la/ chos thams cad ngo bo nyid kyis ma skyes bar shes pa ni byang chub kyi snying po'i//rnam pa gcig tu ni yum gyi mkhar pad+ma'i 'dab ma brgyad bsgoms te lte ba la he ru ka 'dab ma brgyad la gau rI ma la sogs pa'i lha mo brgyad bsgom mo/ /de nas he ru ka'i sa bon las 'od la 'phros pas nam mkha' bkang ste/ de 'dus pas lte ba'i dang po'i gnas su bsdu ste/ he ru ka 'od du zhu ste stong pa nyid du gyur to/ /de nas phyogs kyi lha mo bzhis bskul bas/ yi ge hUM byung ba gnyis pa la ni sa bon bsdu zhes bya ba'o/ /de nas yi ge gyur pa las he ru ka'i skur gyur pa ni/ gsum pa gzugs brnyan legs par rdzogs//zhes bya'o/ /bzhi pa yi ge nges par dgod/ /ces bya ba ni/ khrag 'thung gi thugs ka'i nyi ma'i steng du hUM bsgom bar bya'o/ /mdun du raM las nyi ma bsgom/ /zhes pa ni/ bsgom pa la thog mar 'jug pa'i tshe dang por dmigs pa ston pa yin no/ /'dir 'dri ba bo na re sgrub pa pos dur khrod la sogs par gnas te/thog mar bdag khrag 'thung gi skur dmigs te/ snying gar nyi ma'i steng du raM bsgoms la/ de'i 'og tu tshad med pa bsgom zhes 'byung na/ 'dir dang por tshad med pa 'byung bar ci'i phyir/ smras pa de ni bden yang mu stegs byed la sogs pa la gsang ba'i phyir dang /gti mug can dag slob dpon la rag mi lus bar gzu lums 'jug pa'i phyir dkrugs te bstan pa yin no/ /mdun du raM las nyi ma bsgom/ /zhes pa ni/ rnal 'byor ba'i mdun du raM las nyi ma'i dkyil 'khor bsgom pa'i don/ de nas nyi hUM kun rdo rje/ /zhes bya ba ni/nyi ma'i steng du sna tshogs rdo rje bsgom pa'i rdo rje'i dkyil du hUM dmigs/ rdo rje las rdo rje ma mo mang po spros pas nam mkha' bkang ste/ de las rdo rje'i ra ba dang dra ba dang phur bu la sogs pas mtshams bcing bar bya'o/ /thog mar shi ba bsgoms nas ni/ /zhes bya ba la/ bdag gi stan du lha dbang phyug chen po bsgoms pa'o//de nyid stong pa nyid kyi rang bzhin yin pas na chos nyid du bsgom mo/ /rnal 'byor pas de'i steng du 'dug la/ he ru ka dpal rnam par bsgom/ /zhes bya ba la sogs pa brda phrad sla'o/ /lha dbang bskur ba'i le'u bzhi pa yang brda phrad sla'o// // de nas le'u lnga pa bshad par bya ste/ ma dang sring mo zhes bya ba ni/ lo tsa na la sogs pa pa'i yum rnams kyi dmigs pa bstan te/ 'og nas 'byung ba dang 'brel to/ /de ni 'bad pas bsnyen bya zhing / /gang yang dbye bar mi bya'o/ /zhes bya ba ni/ yum de rnams tshul bzhin du mchod cing bzang ngan la sogs pa'i rtog pa mi bya zhes pa'i don to//gsang ba ma byas sbrul dang me/ /rkun ma 'byung bas sdug bsngal skyed/ /ces bya ba ni/ de lta bu bsgrub pa'i yum mchod pa'i gsang ba de snod du mi 'gyur ba la bshad dam bstan na/ tshe 'dir sbrul gyis 'dzin pa dang / mes tshig pa dang / gzhan gyis nor phrog pa dang / gdon gyis 'dzin pa dang / nad la sogs pa sdug bsngal mang pos gzir bar 'gyur ba'i don/ rigs lnga yi ni phyag rgya dag /thar pa'i rgyur ni bshad pa ste/ /rdo rje'i phyag rgya la sogs pa la zhes pa rdo rje'i rigs kyi yum mA ma kI la sogs pa'i yum la bya la/de dag ye shes skye ba'i bdag nyid yin pas/ thar pa'i rgyu zhes bya'o/ /rdo rje'i phyag rgya ni bdag rigs gang yin par dmigs la/ de dang gnyis su med par mchod ba'i tshe/ /rang gi dbang po'i rdo rje nyid ni rdo rje'i phyag rgya yin la/ yum gyi phyag rgya la zhes bya'o/ /sogs kyi khongs su ni rin po che'i rigs la sogs pa la bya ba'i don to//de dag gi dngos su yab yum gyi dbang po'i phyag rgya zhes bya ba'i don to/ /lhag ma ni go sla'o/ /rigs drug dag tu rab bshad pa/ /zhes bya ba ni/ rdo rje sems dpa' la sogs pa lnga dang / mi bskyod pa dang drug la bya'o//tshangs ba mya ngan 'das sangs rgyas/ /zhes bya ba ni drug po rigs dang sbyar bste/ /tshangs pa ni de bzhin gshegs pa'i rigs so/ /khyab 'jug ni rdo rje'i rigs so/ /zhi ba dag pa ni ma hA de lba ste las kyi rigs so/ /kun ni thams cad bdag la gnas/ /zhes bya ba ni rin po che'i rigs so//dam pa bde sems ni pad+ma'i rigs so/ /rnam par sangs rgyas ni ag sho byA'i rigs so/ /gang yang lus ni yang dag ldan bya ba ni/ rnal 'byor ba'i lus lha gong ma rnams dang ldan pa'i don/ de nyid lhar gyur cing lha'i bdag nyid yin pas na/ lha zhes bshad pa yin no/ /lhag ma ni brda phrad sla'o//A li kA li rnam brtags pa'i/ /smras pa bzlas pa zhes pa la/ A li dang kA li ni sngags thams cad 'byung ba'i rgyu yin la/ de rnams las bzlas ba'i sngags thams cad 'byung ba ni/ smras pa bzlas pa zhes bya ba'i don to/ /ji ltar pa yis bde thob pa/ /zhes bya ba ni/dpal he ru ka ni thams cad kyi 'byung gnas pha'o/ des bde thob ni byang chub kyi sems kyi bde ba/ e lbaM las thob pas bde ba thob ces bya'o/ /de bzhin du rnal 'byor pas kyang e lbaM gyi bde ba la rtag tu goms par byas pas/ he ru ka'i dngos grub thob pas za zhes bya'o/ /'chi ba gang gis bde ba 'di//zhes pa la/ 'chi ba ni phyi rol pa la sbas te bstan pa ste/ rgyas par byed pa zhes bya ba ste dngos su byang chub kyi sems bde ba'i ros rgyas pa'i bde ba zhes bya'o/ de bde bsam gtan ngag gis grol/ /zhes bya ba la/ de lta bu'i bde ba la sems rtse gcig du byas pas/ khams gsum las grol te/phyag rgya chen po'i dngos grub ces bya ba'i don to/ /rnam pa gcig tu na/ ji ltar pha yis bde thob pa/ /zhes bya ni/ byang chub tu sems bskyed pa'i pha ni slob dpon yin la/ rdo rje slob dpon des mthar thug pa'i bde ba las skyes pa'i dongs grub thob pa ltar/rnal 'byor ba de'i man ngag thob nas bde ba las skyes pa'i dngos grub thob pas ni/ de bzhin rang gi bde ba za/ /zhes bya'o/ /'chi ba lam ra Na ste 'chi ba'o/ /'chi ba'i sems gcig tu gyur ba ltar/ bde ba'i dngos grub blang ba'o/ /yang na ma ra Na zhes bya ste/ rgyas pa la bya la de lta bu'i bde ba la sems gcig tu 'dus pas rgyas par bya'o/ /'chi ba gang gis ni de lta bu'i bde bas rgyas pa'i dngos grub ni bde ba 'di zhes bya'o/ /de lta bu'i bde ba ni rtag tu bde ba chen po la gnas pas thob ces bya ba'i don to/ /le'u lnga pa'i bshad pa'o// // le'u drug pa las 'khor ba'i tshu rol nas/ mya ngan las 'das pa'i pha rol tu 'gro ba'i spyod pa ston zhes bya ba'i don to/ /cung zhig dro ba nyid thob nas/ /zhes bya ba ni/ rnal 'byor pa de la phyi nang gnyis kyi rtags 'og nas ga bur la sogs pa'i dri 'byung ba dang ngang pa la sogs pa'i skad 'byung ba ni phyi'o//nang gi ni 'grel pa nyid do/ /rtags phra mo 'byung pa ste/ rnam par rtog pa chung pa dang / nyon mongs pa'i shas chung ba dang / kha zas la dad chub ba dang gnyid la sogs pa chung pa dang / rmi ltas rno ba la sogs pa 'byung ba la bya'o/ /de nas rtog pa chung ba dang gong ma'i spyod lam dag skye bos kha na ma tho ba med par bya'o//dngos grub thob nas ci 'dod par/ /zhes bya ba ni/ dngos grub kyi mtshan ma byung ste sgrub pa chen po la 'jug pa'i phyir/ 'og ma'i phyag rgya blangs te sgrub/ /ces bya ba'i don/ rdo rje'i bu mo ma rnyed na/ /zhes bya ba rdo rje'i rigs kyi bu mo ste/ Do m+bi'o/ /de ltar mi ldan na rang gi lha'i rigs kyis kyang bya ste/ gong du smos pa'i rdo rje'i rigs la sogs pas bya'o/ /yang na rigs gzhan pad+ma'i rigs la sogs pa'o/ /lhag ma ni go sla'o/ /lus kyi sbyin pa btang nas ni/ zhes bya ba la/ bdag gis lus 'phags pa dang 'gro ba kun la btang ba'o//de nas sngags kyi spyod pa brtsam mo/ /skal ldan skal med khyad par gyis/ /'di ltar sbyin pa sbyin mi bya/ /zhes pa ni/ sems can gcig gi phyir bdag gi lus la sogs pa mi gtong ba'i don/ lhag ma ni go sla'o/ /sgrub pa thob pa'i slob ma yis/ /yang dag ye shes snang ba ldan//bla ma la ni mngon par 'dud/ /ces pa la/ slob dpon dngos grub ma thob la slob ma dngos grub thob kyang bla ma la phyag 'tshal ba la sogs pa ma byas na ltung zhing nyams par gyur ba'i don/ /le'u drug pa'i bshad pa'o// //da ni le'u bdun pa bshad par bya ste/'di las rnal 'byor dang phyi rol pa'i mtshan ma brtag pa ste/ sor mo gcig ston pa ni mdzub mo gcig ston pa'o/ /sor mo gnyis ston pa ni mdzub mo dang gung mo gnyis ston pa'o/ /rgyal mtshan mtshon can mri yang dang / /zhes bya ba ni/ rgyal mtshan te mi shing la btags pa'i shi ba'i sha dang /mtshan gyis bsad pa dag bsdus la/ sam ta ste bza' zhes pa'o/ /yang nas ba ta bar tan ni skye ba bdun pa'i mtshan ma grib ma bdun snang ba la sogs pa mthong na/ da sgrub pa'i rdzas su sam ta bar ti bya ba'i don/ da ltar bya ba yang rtags byung nas/ dngos grub kyi mtshan ma byung nas snying rje chen pos bya ba na/gtso bos bya ba dang / snying rje bskyed pa'i don to/ /lhag ma ni go sla bas ma bris so/ /shrI ni gnyis med ye shes te/ bya ba la chos thams cad rang bzhin med cing 'od gsal ba'i ye shes la bya'o/ /he ni rgyu sogs zhes bya ba ni/ de ltar ma rtogs pas rgyu dang byed pa por rtogs pa rnams//phyi nang gi rten 'brel las byung ba'i ngo bo nyid kyis ma grub par bstan pa'i don/ ru ni bkod dang bral ba ste/ /zhes bya ba la/ bkod pa ni chos thams cad gcig dang du ma dang bral ba la shes par bya'o/ /ka ni gang la gnas pa med/ /ces bya ba ste/mthong ba'i chos mya ngan las 'das par shes te/ blang dor med pas gang la yang mi gnas/ /zhes bya'o/ /rdo rje thod pa zhes bya ba ni/ sgrub pa bo de he ru ka'i brtul zhugs la gnas shing lag na rdo rje dang thod pa 'chang ba'i ming yin no/ /ji lta ji ltar skye 'gro yi/ /mkhas pas byis sha ta zos nas//sems can de de dbang du 'gyur/ /zhes bya ba ni/ glang po la sogs pa bsad pa ma yin pa/ kha na ma tho ba med pa/ rang bzhin gyis shi ba'am/ gzhan gyis gsad cing tshong khang nas blangs pa'i sha sgrub pa po'i rdzas su nyos la mchod pa byas na/ sems can de dag rnams mtho ris dang byang chub thob ces pa'i don/yang na skye 'gro ni ye shes skyes pa'i sangs rgyas yin la/ de thugs rjes gzhan gyi don la sku tha dad par 'gro ba'i don/ mkhas pa'i ste ye shes las skye bar shes ba'i don/ zos zhes bya ba ni de dang gnyis su med pas so/ / de sems can de zhes bya ba ni/ he ru ka de dbang du gyur de/ de'i dngos grub thob ces bya ba ste/ sgra ji bzhin ma yin par bshad pa'o/ /dgongs pa'i don rnams bshad de spas pa ni/ yum dang ci rigs par bshad pa'o/ /le'u bdun pa'i bshad pa'o// //da ni le'u brgyad pa rnal 'byor ma'i dkyil 'khor bstan te/mkha' dbyings b+ha ga'i bsam gtan ni/ /zhes bya ba ni/ 'og ma'i zur gsum bya ba dang 'brel to/ /lhag ma ni go sla bas ma bris so/ /rim pa gnyis po zhes bya ba ni/ de dbang chen la sogs pa bskyed pa'i khang pa'i dbus su pad+ma 'dab ma brgyad pa bya'o//de'i lte ba la ni ra Ad+ma/ 'dab ma phyogs bzhi la ni/ rdo rje ma dang / gau rI dang bA rA hI dang mkha' 'gro ma bzhi rim par bkod la/ mtshams bzhin byang chub sems sogs pas bkang ba'i ka pA la bzhi bkod do/ /de'i phyi rim pad+ma 'dab ma brgyad par byas la/ gau rI tsau rI bai tA lI g+hasma rI dang /puk+ka sI dang / sha ba rI dang / tsaN+Da lI dang / Dom+bi rnams dgod do/ /shar dang nub kyi sgo la mkha' spyod dang / /sa spyod gnyis dgod do/ /de rnams ni 'khor ba'i ngo bo ste/ kha dog dang / mtshan mar yang snang la/ don dam par ni rang bzhin med pa mya ngan las 'das pa'i ngo bor yang snang ba'i don/lhag ma go sla bas ma bris so/ /gzhan ni zur ni gsum par bshad/ /ces bya ba ni/ gzhal yas khang de'i phyi rim btsun mo'i b+ha ga la bya'o/ /de'i dbus su yi dags kyi gdan bco lnga dgod/ de ste zla ba dag yin te/ /zhes bya ba ni dbus kyi lte ba la zla ba'i steng du a chen bcu drug phrag gnyis dgod/de na kA li ka chen sum cu rtsa gnyis kyi steng du/ ya ra la lba/ sha Sha sa ha dang / d+haDa gnyis te bzhi bcu rtsa gnyis dgod/ /de nyi mar gyur te/ dngos su A li zla ba ste thabs kyi bdag nyid kA li nyi ma ste shes rab kyi bdag nyid do/ /de nas nyi ma mnan nas ni/ / zhes pa la/ zla ba'i 'od nyi ma'i 'od kyis mi snang zhing gcig tu gyur pas nyi ma nyid du snang ngo / /bde ba chen po gnyis A li kA li gnyis las/ zla ba dang nyi ma gnyis gcig tu gyur pa'i don/ de gnyis su med pa las 'og ma'i gau rI la sogs par gyur pa'i don/ de la zla ba ni me long lta bu'i ye shes kyi rtags/de gnyis su med pa nyi ma'i dkyil 'khor ni mnyam ba nyid kyi ye shes kyi rtags so/ bdun bdun la zhes pa ni/ nyi ma la rta bdun yod pa la bya zer na/ slob dpon la las ni lha bco lnga la pad+ma dang sgo la bkod pa'i lha mo bcu bzhi gnas/ nyi ma bdun bdun yin zhes pa dang sbyar ro//de gnyis ni mnyam ba nyid kyi ya shes so/ /rang gi lha yi sa bon dgod/ /ces bya ba la/ lha mo rnams kyi yig 'bru dang phyag mtshan zangs gri dgod ba'i don/ de ni so sor rtog pa'i ye shes kyi bdag nyid do/ /sku yongs su rdzogs pa ni/ bya ba grub pa'i ye shes kyi bdag nyid de/ sku lnga nyid du gyur pa ste/ /zhes bya ba ni/ zla ba dang nyi ma dang yig 'bru dang / phyag mtshan dang / sku yongs su rdzogs pa dang / lnga las gyur pa'i don de lta bu'i cho ga mkhas pas bshad do/ /A li kA li mnyam sbyor te/ /zhes bya ba ni/ A li kA li gnyis las sku rdzogs pa'i tshul du byung bas/ rdo rje sems dpa'i bdag nyid de/ sku rdzogs pa'i tshul du byung ba yin la/ yi ge las ma byung zhes bya bar sbyar ro/ /de ni dngos hUM las gtso bo bskyed pa dang / phaT las 'khor bskyed pa la sogs pa mi dgos zhes bya ba'i don/ sems can gzugs brnyan las byung ba/ /dkyil 'khor gtso bor rnam par bsgom//sras kyi zhal dang mtshan la sogs/ /zla ba nor bu rin chen 'od/ /ces pa la/ 'dir slob dpon dag mi mthun par ston te/ paN+Di ta rin chen 'byung gnas zhi ba'i zhal nas ni/ sems can gyi sems kyis sems rdo rje'i dkyil 'khor gyi gtso bo'i bdag nyid rdo rje rtse lnga par snang la/de las sras kyi zhal te/ dbus kyi gtso bo'i sku bskyed ces gsung ngo / /slob dpon gzhan dag ni/ sems can gzugs brnyan las byung ba/ /zhes bya ba ni/ rdo rje sems dpa' nyid la bya'o/ /de nyid dkyil 'khor nyid kyi gtso bo yin pas na/gtso bo bsgom zhes bya'o/ /sras kyi zhal dang mtshan la sogs/ /zhes bya ba ni/ rdo rje sems dpa' las he ru ka 'byung bas na sras kyi zhal zhes bya'o/ /zla ba nor bu rin chen 'od/ /ces bya ba ni/ zla ba ste rde rje sems dpa' dkar po'o/ /nor bu ni hi ru ka nor bu mthon ka lta bu'o/ rin chen 'od ni gnyis ka yang 'od 'bar ba zhes bya ba'i don/ 'di ltar thams cad rdzogs par 'byung ba ni/ /A li kA li las 'byung bas na/ shes rab thabs kyi ngo bo zhes bya ba'i don to/ /lhag ma ni gong du bstan pas 'dir ma bris so/ /dang po nag por bsgom par bya/ /zhes bya ba nas/drug pa dkar gzugs rnal 'byor pas/ /zhes bya ba'i bar ni/ gzugs sgra la sogs pa lnga dang yid dang drug gyur pa'i lha mo zhes bya ba'i don/ 'di dag gi kha dog ni dkrugs nas bstan te/ dang po nag po bsgom zhes bya ba ni chos kyi lha mo'o/ /gnyis pa dkar por zhes bya ba ni reg bya'i lha mo'o//gsum pa ser po zhes bya ba ni dri'i lha ma'o/ /bzhi pa ljang gu zhes bya ba ni ro'i 'o/ /lnga pa sngon po ni sgra'i 'o/ /drug pa dkar gzugs ni gzugs kyi lha mo dang sbyar te/ de dag gi ngo bo gang yin pa ni 'og nyid nas 'byung ngo / /mchog tu dga' mthar sgom zhes pa ni/ de ltar gzugs sgra la sogs pa dang 'dod chags dang 'dod chags dang bral ba la sogs pa las 'das pa'i mkha' la dmigs pa'i don/bskyed pa'i rim pa nyid dang ni/ /rdzogs pa'i rim pa zhes pa la/ bskyed pa'i rim pa ni gong du gzhal yas khang bskyed pa nas/ snying gar yig 'bru bkod pa dang / /gtso bo nas sgo ba la sogs pa bskyed pa la bya'o//rdzogs pa ni gong ma rnams kyang rang bzhin gyis 'od gsal ba nyid du sgom pa'o/ /rim pa gnyis po ni bskyed dang rdzogs pa gnyis la bya'o/ de bas na de bzhin gshegs pas rnam pa gnyis su bka' stsal to/ /gsang ba 'dus pa zhes bya ba rnal 'byor chen po'i rgyud las/sangs rgyas rnams kyis chos bstan pa/ /rnam pa gnyis su zhes bya ste/ /bskyed pa yi ni rim pa dang / /de bzhin rdzogs ba'i rim pa'o/ /zhe'o/ /de bas na rgyud 'di gnyis rim pa gnyis kyis rgyas btab nas ston pa'i don/ rdo rje chos su bstan pa ni//zhes bya ba ni/ rdo rje sems dpa' nyid kyis bshad/ /ces sbyar ro/ /de yan chad bskyed pa'i rim pa bstan nas/ rdzogs pa'i rim pa bstan pa'i phyir/ mkha' dbyings 'di ni pad+ma ste/ /zhes pa ni/ mkha' nyid yum gyi b+ha ga yin pa'i don/ de sus rtogs she na/ ye shes b+ha ga zhes smras so//rnam par dag pa'i ye shes dang ldan par/ /rigs pas ye shes b+ha ga zhes su bshad/ /ces bya'o/ /mnyam ldan bsam gtan ni A li kA li gnyis su med pa'i bsam gtan te/ dngos su mthar thug pa'i dga' ba dang sbyar ro/ /de nyid bde ba chen po'i 'khor lo bas bde ba chen po 'khor lo zhes bshad do//kun rdzob don dam dbye ba ste/ /zhes pa la/ byang chub kyi sems la gnyis te/ kun rdzob byang chub kyi sems ni zla ba zhu ba'o/ /don dam ba byang chub kyi sems ni mthar thug pa'i dga' ba'o/ /sa bon de yi bde ba'o/ /zhes bya ba la/ sa bon ni kun rdzob bo/ / bde ba ni don dam par shes par bya'o/ /shes rab yang gong ma bzhin no/ gang phyir dga' ba la sogs pa/ /bzhi po dag tu rab tu phye/ /zhes pa la/ dga' ba dang mchog tu dga' ba dang dam par dga' ba dang / mthar thug par dga' ba ni/ bzhi po dag tu phye ba'o/ /de na mthar thug rim pa bzhi po de dag ni rdzogs pa'i rim par bshad ces bya'o//lhag ma rnams ni go sla bas ma bris so/ /dga' ba dang po srid bar bshad/ ces pa ni/ dga' ba dang po skyes pa ni sems can rnams la yod pas na/ de las srid pa bskyed pa'i don/ rnam par chags pa ni/ chags pa'i gnas de nyid ma skyed par shes pa ni/mya ngan las 'das pa zhes bya'o/ /dbus su dga' ba tsam zhig ni/ /'di ni mthar thug rnam spangs pa'o/ /zhes bya ba la dga' ba bar ma gang yin pa ni dbus so/ /des kyang mthar thug pa mi rtog pas ni spangs zhes bya'o/ /de'i don ni sus kyang mi rnyed ces bya'o//'o na sngags gyis grol ba cis grol zhe na/ rtsa ba las/ bla ma thabs rgyud bsnyen bkur ba/ /zhes gsungs te/ gang zhig bla na med pa'i byang chub tu sems bskyed pa dad pa dang brtson 'grus dang ldan pa/ dkyil 'khor du zhugs shing dbang rnam pa bzhi tshul bzhin du thob pa/dam tshig gi gnas rnams lus srog pa ltos pa med par srung ba des/ bla ma la dus rtag tu bsnyen bkur byas pa rnams kyis man ngag thob nas gdod rtogs pas na/ bdag nyid bsod nams ldan par zhes bya'o/ /tha ma phra ba'i gzugs yin te/ zhes bya ba ni mu stegs dang theg pa dman pa rnams kyis mi rtogs zhes bya ba'i don/mchog gi dngos po nyid ces bya ba ni/ dbang po rnon po ste snying rje chen pos blo'i rgyud sbyangs pa/ shes rab chen pos dam pa'i bden pa phyin ci ma log par rtogs pa ni mchog ces pa'i don to/ /bar ni chung ngu dang chen po ma yin no//dbang po drug yul drug la g.yeng ba'i so so'i skye bo la sogs ba ni gzhan zhes bya'o/ /mnyam zhing mtshungs pa'i las rnams ni/ /zhes pa la/ gnyis su med pa ni mnyam pa'o/ /mthun par gyur pa ni mtshungs pa'o/ de ltar mnyam pa dang mtshungs pa'i las la sbyor ba ni las zhes bya'o//de nyid rtag tu bstan pa ni ro bsgom pa'o/ /de ltar mnyam pa dang mtshungs pa med pa de don du yang spyod pa'i tshig tu brjod pas mtshungs med brjod pa'o/ /de lta bu'i 'khor lo ste sngags pa'i dkyil 'khor gyi rong ru bshad do/ /lhag ma ni go sla'o/ /'dod chags zhe sdang phrag dog dang /gti mug nga rgyal de bzhin te/ /de kun de nyid mchog la ni/ /bcu drug char yang mi phod do/ /zhes bya ba la/ dper na zla ba tshes bcu drug cha ni phra mo zhig yod pa de phal gyis mi rtogs so/ /de bzhin du de nyid mchog ste mthar thug pa'i dga' ba de bzhin nyid de la bcu drug gi cha tsam du yang mi phod ces bya'o//yang na 'dod chags ma hA de wa dang / zhe sdang khyab 'jug dang gti mug tshangs pa dang / phrag dog lha ma yin la sogs pa'i lha'i longs spyod thams cad kyis/ de nyid mchog ste bde ba chen po de la bcu drug char yang mi phod do zhes pa'i don dgongs pa'i don gzhan dang gzhan dag kyang 'dir ci rigs par sbyor cig//de'i don dngos su chos kyi dbyings las byung bas na chos kyi dbyings las byung ngo / /de'i bden pa nam mkha' dang mnyam pas na thabs ldan no/ /lhag ma ni brda phrad sla bas ma bris so/ /rig byed grub pa'i mtha' kun ni/ / zhes pa ni/ 'jig rten pa'i lam grub pa mtha' dag la bya'o/ /rdzas la sogs pa ni 'di dang spyod pa ni sbyin sreg dang gtor ma la sogs pa spyod pa rnams kyis shes par bya'o/ /de dag gis ni srid pa 'khor/ /zhes bya'o/ /gang gis dgyes rdor mi shes bya ba ni/ /gong ma gnyis la bya'o/de nyid don med pa nyid ces bya ba'i don/ le'u brgyad pa'i bshad pa'o// //da ni le'u dgu pa'i don bshad par bya ste/ gang dang gang du 'jig rten bcings pa las/ /de dang de yi 'ching las rnam grol zhing / /zhes pa la/ gang dang gang du bcings pa 'dod chags la sogs pa nyon mongs pa rnams kyis so//de dang de'i 'ching las rnam grol bya ba ni/ dper na dug sman dang sngags kyis ma thub pa ni/ gsod par 'gyur la/ de thub ba ni bdud rtsir 'gyur bzhin du/ 'dod chags la sogs pa'i ngo bo nyid ye shes su ma shes na/ nyan thos la sogs pa ni 'ching bar 'gyur la/de nyid shes pa'i rnal 'byor pas ni dngos grub bas na/ rnam grol zhing zhes bya'o/ /de yang dpal mchog dang po zhes bya ba rnal 'byor gyi rgyud las kyang / 'dod chags zhe sdang gti mug gsum/ /'dzin pas dug tu gyur pa yin/ dug nyid nye bar zhi gyur na//dug ni dug med byas pa yin/ /bdud rtsi rim gyis bsten na ni/ /bdud rtsi nyid du gyur ba yin/ /zhe'o/ /'dul ba don yod par grub pa zhes bya ba rnal 'byor chen po'i rgyud las kyang / gang zhig blun po 'ching 'gyur ba/ /de yis mkhas pa yongs grol zhes/ /byang chub rnam par bsgoms na ni//'di dag thams cad phyin ci log/ /gang gis rmongs pa 'ching 'gyur zhing / /ngu 'bod mthar ni de 'gyur ba/ /de nyid kyis ni grol 'gyur zhing / /zhes 'byung bas na/ nyon mongs pa rnam par dag pa shes pa ni/ grol bar 'gyur zhes bya ba'i don/ /'jig rten rmongs ba de nyid mi shes bya ba ni/so so'i skye bo dang mu stegs pa dang / sangs rgyas kyi mu stegs pas mi shes te/ rmongs zhes bya ba'i don/ gong ma de rnams kyis bde ba chen po'i man bag ma thob pas/ de nyid spangs pa zhes bya'o/ /de ltar bla ma'i man ngag ma tho ba cing de kho/ na'i don ma rtogs na/ dngos grub thob par mi 'gyur ro zhes bya'o/ /gtan tshigs de'i phyir ni gzugs sgra la sogs pa bems po rtag pa ther zug tu rtogs pa thams cad spangs dang 'od gsal bar shes la/ skye 'gro'i dngos po ste/ de la rtogs pa'i sems kyang 'od gsal bar shes pas na/skye 'gro'i dngos po yongs dag gces bya'o/ /le'u dgu pa'i bshad pa'o// //da ni le'u bcu pa'i don bshad de/ le'u 'di las slob ma dbang bskur ba bstan to/ /de nas yang dag bshad bya ba la sogs pa brda phrad sla bas ma bris so/ /byang chub sems dpa'i khyim dang ni//zhes pas/ sngon sangs rgyas dang byang chub sems dpa' bzhugs pa'i gnas te/ dngos su rdo rje'i gdan dang / bya rgod phung po'i ri dang / ri po ta la la sogs par bsgrub ces bya ba'i don to/ /la la dag ni sangs rgyas dang byang chub sems dpa'i sku'i gzugs brnyan bzhugs pas lha khang nyid la bya'o zhes zer ro//nges par brjod pa bla ma zhes bya ba'i rnal 'byor chen po'i rgyud las kyang / /ri su la dang ni ri rtse dang / chu bo chen po'i dogs dag dang / /rgya mtsho chen po'i 'gram dag dang / shing gcig dang ni dge ba'i gnas/ /ma mo'i khyim mam dud khrod dang / /sna tshogs dben pa'i sa phyogs sam//lha khang dang ni mchod rten dang / khyim mam bzhi mdo dag tu ni/ /sgrub pa po yis sbyor bsgrubs na/ /'dod pa kun gyi 'bras bu ster/ /zhe 'o/ /dpal gsang ba 'dus pa zhes bya ba'i rtsa ba'i rgyud chen po las kyang / dgon pa chen po'i ngos phyogs sam/ /rab tu rnam par dben pa dang /ri bo dben pa'i sa phyogs su/ /ting 'dzin byas na dngos grub thob/ /ces 'byung bas na/ rnal 'byor chen po'i rgyud kyi sgor zhugs pa'i rnal 'byor pa rnams kyis dkyil 'khor la sogs pa'i las bed ba dang / sgrub pa la 'jug pa rnams ni/ dgon pa dang nags 'dab la sogs par sgrub kyi/gzhan du grong dang 'du 'dzi la sogs par dkyil 'khor la sogs pa'i las byas na/ dam tshig nyams shing ngan 'gro rnams su skye ste/ dngos grub chen po la rgyab kyis phyogs shing / rnam par grol ba thob bar mi 'gyur ro/ /de bas na 'di nyid las kyang nags 'dab la sogs pa dben pa dang /khyim gyi dbus su dkyil 'khor bya/ /zhes 'byung bas na dgon pa'i khyim du bya'o/ /de la spyir rnal 'byor chen po'i sgrub ba po rnams kyi gnas khang ni dgon pa dang / bas mtha' la sogs par rnal 'byor pa'i gnas khang brtsigs te/ de yang khang pa sum brtsegs su byas la/'og khang du ni mchod pa la sogs pa longs spyod kyi gnas bya'o/ /bar khang du ni rnga dang gling bu dang dung dang cha lang la sogs pa rol mo'i cha rkyen dag gzhag go /de'i steng du ni rnal 'byor pho mo dang / bla 'phan dang / sku dang 'dris la sogs pa bkod de/ de'i dbus su dkyil 'khor dang mchod pa la sogs pa zhes 'byung ngo / /de bas na 'di nyid las/ khyim gyi dbus su dkyil 'khor ni/ /dkyil 'khor dam pa bri bar bya/ /zhes bya ba dang 'brel to/ /de'i dbus te gong ma'i nang du bya zhes bya ba'i don to/ lhag ma ni brda phrad sla'o/ phyag rgya de yis bsnyen pa yis//de dus shukra ldan byung ba/ /zhes bya ba ni lha mo de nyid tshul bzhin du byin gyis brlabs la/ snyoms par zhugs te shukra dbab pa de mkha' de nyid du ro 'dzin gyis slob mas blang ba'am/ shin tu ma goms pa zhig na khar blugs par bya'o/ /dang po sprin gyi tshul can gyi//grub nas sgyu ma lta bur bya/ /zhes pa la/ rnal 'byor pas thog mar gnas gong ma lta bur tshul bzhin du dbang thob pas/ yun ring du bsgrubs te thog mar grub pa'i mtshan ma/ sprin lta bu'i sna tshogs pa'i 'od dang snang ba dag 'byung ngo / /de goms pa las sgyu ma lta bur 'gyur ro//der yang mthar thug rmi lam lta bu ste/ /gnyid log ma log mthong bzhin du/ /zhes pa la mthar thug pa'i dga' ba la yun ring du bzhag ste/ dper na gnyid log pa'i rmi lam na gter rnyed pa rmis pa'i gzugs brnyan/ sad na dngos po med kyang gzugs brnyan yid la yod pa ltar gnyid log pa dang /ma log pa dang 'gro ba dang 'dug thams cad du/ mthar thug pa'i bde ba la mnyam par gzhag pa'i don/ mtshan ma mthong nas sgrub pa ste/ rnal 'byor phyag rgya grub par gyur/ zhes bya ba la/ de ltar yun ring du bsgoms pas rnam par rtog pa thams cad dang bral to/rim gyis 'od gsal pa thob pa'i mtshan ma rgyud las byung ba rnams byung ba ni rnal 'byor phyag rgya ste/ phyag rgya chen po'i dngos grub ces bya ba'i don to/ /lhag ma ni brda phrad sla'o/ /shes rab thabs kyi sbyor ba yis/ de las sa ni skye bar byed//ces pa la snyoms par 'jug pa'i tshe dbang po sprad pa las cung zhig sra ba ni sa'i mtshan ma ste/ de las ni skyid bar byed ces bya'o/ /byang chub sems kyi rgyun babs las/ /chu ru yang ni gyur pa yin/ /zhes pa la sha shi nu ba'i rgyun brlan pas na chu zhes bya'o/ /rog pa las ni me 'byung ste//zhes pa la/ gnas skabs de na me'i tsha ba bskyed pa la bya'o/ /rgyun 'bab pa ni rlung ngo / /bde ba'i ro gang gis brjod du med pas nam mkha' 'o/ /de ltar byung ba las gyur pa'i bde ba ni bde ba chen po ma yin te/ ye shes grub pa zhes bya ba rnal 'byor chen po'i sgrub thabs las kyang /dbang po gnyis byung bde ba ni/ /de nyid yin zhes skye ngan smra'i/ /de ni bde ba che zhes te/ rgyal ba rnams kyis ma gsungs so/ /bde gshegs kun gyi ye shes ni/ /rang nyid ngo bo nyid mkhyen la/ /bde ba kun gyi gtsor gyur la/ /bde ba chen po zhes bshad do//bde ba de yang mi spang ste/ /chags dang mnyam pa'i bde med de/ /de ni rgyal ba rnams la dbul/ /'dod pa'i don kun longs spyod cing / /smad pa dag tu mi bya'o/ /zhe'o/ /de ltar 'byung ba'i bde ba ni/ /bde ba yin gyi chen po ni ma yin zhes pa'i don/ /'on gang yin zhe na/ mthar thug gis ni gang bskyed pa//de ni mthar thug yin zhes brjod pa ni/ rtog pa thams cad dang bral ba gnyis su med pa'i skad cig ma la bya'o/ /thams cad bde ba gcig pu pa/ /rang bzhin mthar thug yin par brjod/ /ces pa la/ thams cad bde ba ni rtog pa thams cad dang bral bas/ thams cad dang bral gcig pu zhes bya'o//de sus rtog pa ni bde ba gcig pu yang yin la/ /mthar thug pa yang yin pa'i don de'i dngos po gang zhe na/ /phyag rgya'i rgyu dang rnam bral zhing / /zhes pa ste/ /mthar thug pa'i skabs su sngags dang phyag rgyal sogs pa rnams la mi rtog pas bral zhes bya'o/ / snying rje thabs ldan rnal 'byor pas/ /zhes pa la stong pa nyid dang / snying rje chen po dang / /rtag tu mi 'bral zhing gnas zhes bya'o/ /byang chub sems zhes bya ba ni/ /kun rdzob dang don dam pa'i sems te/ /sems can thams cad byang chub la dgod pa'i bsam pas snyoms par zhugs pa'i sa bon las/sku dang dkyil 'khor la sogs 'byung ste/ /'gro ba'i don spyad pa na kun rdzob byang chub kyi sems so/ /de'i bde ba spros pa thams cad dang bral ba ni/ /don dam pa'i bde ba chen po ste/ /de ni don dam byang chub kyi sems zhes bya'o/ /rnam gcig tu na he ru ka'i sku chu zla lta bu thams cad kyi bdag nyid du snang bas//thabs sna tshogs kyis 'gro ba 'dren par mdzad pa ni/ snying rje ste kun rdzob byang chub kyi sems yin la/ don dam par sgyu ma'i mkhan po ltar rtog pa thams cad dang bral ba la bya'o/ /yang na mthar thug ba'i bde ba chen po de ni shes rab dang snying rje zung du 'brel pa'i bdag nyid yin pas/byang chub kyi sems zhes bya ste/ 'phags pa dri ma med par grags pas bstan pa'i mdo las kyang / shes rab dang ni snying rje gnyis ldan la/ /byang chub sems zhes bya ba shes pa dang / /slob dpon klu sgrub kyi zhal snga nas kyis rim pa lnga'i sgrub pa mdzad pa las kyang /shes rab snying rje gcig pa ni/ /shes nas blo ni nges byas te/ /rim 'di sangs rgyas spyod yul te/ /de ni zung du 'jug pa'o/ /zhe'o/ /de bas na mthar thug pa'i bde ba chen po de ni/ shes rab dang snying rje'i bdag nyid yin pas na//byang chub kyi sems zhes pa ste/ de la sgrub pa pos dang por thob ma med pa nas kyi sdug bsngal dran par byas la/ mya ngan las 'das pa'i bde ba 'dod pas 'du 'dzi thams cad yongs su spang bar bya zhing tha na rgyal srid kyi dbang phyug la yang sdug bsngal du bsam par bya'o//gnyis par ni til 'bru tsam la yang dngos por 'dzin pa'i blo spang bar bya'o/ /gsum par ni don dam ba'i bden pa la dad pas lus dang srog la yang ltos pa med par bya ste/ 'du shes gsum pa'i tshul du dmigs te/ de bas na b+hu zhes bya ba ni zas la spyod pa ste/de tsam zhig rjes su dran pa dang 'du 'dzi thams cad spong bar byed cing / dka' thub dang brtul zhugs so zhes gang la yang sems par mi byed cing rang gi sgrub pa'i don la rtse gcig tu dmigs pa'o/ /su zhes bya ba ni gnyid log pa ste rnam par shes pa 'di dag la ma rig pas nye bar mtshon pas mngon sum du byed do//ma rig pa lcags kyu 'dra ba des rnam par shes pa gang la yang 'dren par mi byed de/ 'od gsal ba nyid mngon sum du byed cing dri ma med pa'i ngo bo nyid rtse gcig tu sems pa'o/ /ku zhes bya ba ni bshar sar 'gro ba ste bshang gci dor ba'i phyir/ de tsam zhig dran par byed cing 'du 'dzi spong bar byed la/lus dang tshor ba dang dbang po la sogs pa'i ngo bo nyid la sems par mi byed cing / gang sgrub pa'i don la skad cig kyang mi g.yel bar sgrub ces bya ba'i don to/ /sems de la skad cig dang zhag dang zla ba dang / lo la sogs par gnas par byas la/lhun gyis grub ste de'i skabs su ni gsang sngags dang dka' thub dang / sbyin sreg la sogs pa mi dgos pa'i don to/ /mdor bsdus sems bsdus tshul can te/ /zhes pa la dper na 'chi ba'i sems gcig tu gyur cing rtog pa chung ba ltar/ mthar thug pa'i sems de yang rtog pa dang bral ba/nam mkha'i ngang tshul can de la ni sems bsdus zhes bya'o/ /de lta bu'i ngang der spyod lam thams cad du rig pa lnga phyi de la 'bab pas na/ bzlas pa'ang de zhes bya'o/ /rtog pa thams cad dang bral ba 'od gsal ba ni/ dkyil 'khor snying po yin la de la gnyis su med pa'i ye shes dang /mnyam du 'jug cing dbyer med par gyur pa ni/ dkyil 'khor du 'jug pa yang de zhes bya'o/ /le'u bcu ba'i bshad pa'o// //da ni le'u bcu gcig pa bshad par bya ste/ mnyam ba'i drag shul 'phral bar gtod/ /ces bya ba ne/ mig dang dbugs la sogs pa ni sgrub pa ste/he ru ka'i mig gnyis drang por blta ba ni mnyam pa'o/ /'phral bar gtod pa ni gyen du 'phral ba'i phyogs su blta ba'o/ /dus kun ltung byed yin par bshad/ /ces bya ba ni/ de ltar bltas pas bsgrub par bya ba sa la ltung ba'i don to/ / mig 'bras gnyis po g.yon du gtod/ /g.yon du blta ba dbang blta ba'o/ /zhes bya ba la/ g.yon phyogs su mig gnyis bltas pas dbang du 'gyur ba'i don/ g.yas su bltas pas kyang bsgrub par bya ba dbang du 'gyur pa'i don/ yang mig gnyis sna bug gnyis kyi rtser bltas pas ni/rnam par gnon pa'i las 'grub po/ /de ni lta stangs bzhi bsgrub pa'o/ /dbugs kyis bsgrub pa ni/ dbugs phar gtong bas ni ltung bar byed pa yin la/ gnas pas ni dbang du byed pa yin no/ /tshur brngubs pas ni 'gugs par byed pa yin no/ /de dag gi don gsal bar bstan pa'i phyir/ltung byed ljon shing bcud rnams su/ /zhes bya ba ni/ sgrub pa'i shing gi bcud rnams 'gugs par byed do/ /dbugs gnas pa ni sgrub pa'i me tog rnams dbang du byed do/ /dbugs brngubs pas ni rdo rje'i shing shri ki sta bcud rnams sdud pa ste/ de mthu dang ldan pas bsgrubs na//zla drug gis 'grub ces pa'i don to/ /'di la yid gnyis mi bya ste/ /sangs rgyas sgyu 'phrul mi bsam mo/ /zhes pa la/ 'di rnams sangs rgyas kyi sgyu 'phrul yin gyi/ bdag gis thob bam mi thob ces bsam par mi bya ba'i don mthong ba bzhi po zhes pa ni/ gong ma bzhi po la bya'o//lhag ma ni go sla bas ma bris so/ /na sogs gsogs pa ni zhes pa ni bza' ba dam tshig ste/ thog ma'i sha zhes bya ba ni/ khyi'i sha'o/ /na ni mi'i sha'o/ /ga ni ba lang gi sha'o/ /ha ni glang bo che'i sha'o/ /mthar thug sha ni rta'i sha ste/ de rnams zos na 'grub par 'gyur ro zhes bya ba'i don to//rigs bdun ni skye ba bdun pa'i grib ma bdun yod pa shi ba'i sha zos na 'grub po/ /yang na 'di pa shu 'am phyugs chen po zer te/ de'i sha la sogs bas las 'grub ste/ de'i mtshan ma ni grib ma bdun 'char ba dang / lus ga bur gyi dri dang ldan pa dang /bshang gci gla rtsi bro ba dang / /dkon mchog la dang pa dang / pha rol tu phyin pa kun dang ldan pa la sogs pa'o/ /kha cig de gsad pa de yin zer na ma yin te/ nges par brjod pa bla ma'i rgyud las/ 'di 'dra'i rnal 'byor pas mthong na/ /gsad pa'i sbyor ba ma yin pas//'chi ba med la mi bsregs shing / /srog chags sna tshogs gdug pa dang / /gang yang rung ba zar mi gzhug /de ni mtshan mo ma mthong bar/ /mi snang ba yi dbang phyug mchog /'di 'dra sngags pas rtogs nas ni/ /bdag gis bslangs te sbyin pa spyad/ / ces 'byung bas/ de'i sha dang rus pa la sogs pas grub pa sna tshogs 'byung ngo / /khyad par du snying ga lte ba spyi bo na yod do/ /gong ma'i sha de rnams kyang rang bzhin gyis shi ba'am/ rigs ngan dang shan pa la sogs pa las yon bdag gis nyos te zos pa ni dam pa rnams dgyes pa yin la/gzhan du sems can la gnod pas gsad dam/ grub pa sna tshogs 'byung ngo / gsod du bcug pa'i sbyor ba la sogs pa rnams kyis blangs te zos na/ nyes pa chen por 'gyur te/ dgongs pa lung bstan pa'i rgyud las/ rnal 'byor pa ni bdag ces sma/ /chos 'di g.yo yis byed 'gyur te//srog chags gzhan rnams gsod par byed/ /dam tshig rnams ni de mi shes/ /rnal 'byor rnal 'byor dman pa yi/ /sngags pa rnams ni 'grub mi 'gyur/ /zhe'o/ /rgyud 'di nyid las kyang / srog gcod pa yi sbyor ba yis/ /dam tshig nyams pa'i mchog tu 'gyur/ / sems can gnod pa byas tsam gyis/ /phyag rgya'i dngos grub thob mi 'gyur/ /de bas rnam pa thams cad du/ /sems can gnod ba spang bar bya'o/ /zhes 'byung bas/ gong ma'i rdzas rnams blang zhes bya ba'i don/ ku ru ku l+le'i sgrub pa bshad/ /ces pa la sogs pa ni brda phrad sla pas ma bris so//le'u bcu gcig pa'i bshad pa'o// //'di man chad brtag pa gnyis rgyud phyi ma'i phyi ma 'chad de/ de las kyang le'u dang po bshad pa ston to/ /'dir sku gzugs rab tu gnas pa'i cho ga bstan pas na/ sgo bsal bas ci rigs par shes par gyis shig/ /da ni le'u gnyis pa'i bshad pa bstan te/'di las shes rab dang ye shes kyi dbang bskur ba'i cho ga ston te/ /bcom ldan chos rnams thams cad kyi/ /ji ltar rgya mtshor ku ba bzhin/ /zhes pa la/ 'khor ba'i dngos po rgya mtsho las/ /chos kyi de bzhin nyid kyi pha rol tu 'gro bar 'dod bas zhes bya bar sbyar ro//de yang dper na rgya mtsho ni rgya che zhing zab kyang / thabs mkhas ba'i skyes bus ku ba gnyis gshibs pa la zhon te song na/ mthar gyis pha rol gyi ngogs su phyin pa ltar/ chos kyi dbyings las byung ba'i dngos grub rgya chen po ste/ ji ltar thob par 'gyur zhes zhus pa'o//bka' stsal pa/ bdag med pa yis rnal 'byor bdag /yang na dpal ldan khrag 'thung sbyor/ /zhes pa la/ bdag med pa la 'jug pa dang / dpal he ru ka'i sku sgyu ma lta bu la skad cig tsam yang mi g.yeng ba'i sems kyis gnas shing bsgoms na/ dngos grub thob po zhes pa'i don/de bas na rtsa ba las/ skad cig tsam ni gzhan pa'i sems/ /mi gnas dngos grub 'dod pa'o/ /zhes pa dang 'brel to/ /lhag pa ni go sla bas ma bris so/ /rig pa lan cig byas pa yis/ /rtags ni de ma thag tu 'byung / /zhes pa la/ shes rab dang mnyam par bzhag pas mthar thug pa'i dga' ba las ye shes 'byung ste/dngos grub 'byung zhes bya ba'i don/ /zla ba gcig tu gsang ba spyod/ /gang yang rung ba'i zla ba la sgrub ces byas te/ rtags byung nas dngos grub blangs pa'i thabs so/ /gang du phyag rgya mi rnyed na/ /drin gyis phog pa'i sngags pa la/'di zhes bya ba'i phyag rgya long / /zhes bya ba ni/ gal te sems byang nas dngos grub tu gyur ma khad nas/ rang la phyag rgya med pa la 'byor pa rnams kyis ming 'di zhes bya ba ni phyag rgya ston pas na/ de rtog pa med bar blangs la sgrub ces ba'i don to/ /bdag nyid mthu yis brtags nas kyang //longs spyod phyir ni spyod min bshad/ /ces pa la/ bdag gi sems sbyangs pa dang / rtog pa zang cing man ngag thob bas sgrub kyi/ 'dod pa'i longs spyod gyi phyir spyod pa ni ma yin no/ /gal te 'dod pa'i phyir spyod na ni/ 'jigs pa'i gzugs su bshad pa ste/sems can dmyal bal sogs par skye ba'i don/ rnam par snang mdzad sgyu 'phrul dra ba'i rgya cher 'grel pa las kyang / gzhan du 'dod pa'i longs spyod la/ /mngon par 'dod pa skyes gyur na/ /ma goms dbang gis sngags pa ni/ /mnar med dmyal bar skye bar 'gyur//zhes pa dang / gzhung gzhan la ni phyag rgya chen po'i dngos grub sgrub pa'i grogs rig pa de dang / bdag sgrub pa po gnyi ga yang dbang dang dam tshig tu ldan pa/ sems shin tu blang ba man ngag thob pa rnams kyis mchod cing bsgrubs na/ dngos grub tu 'gyur gyi/ gzhan du sngags tshig tsam du bzlas te/gzu lums su spyad na bdag kyang ngan 'gro la sogs pa rnams su brlag la/ gzhan yang phung bar byed pa yin pas na/ tshul bzhin du sgrub cing mchod ces pa'i don/ gsol ba/ bdag med rnal 'byor ma sbyor ba/ /phyag rgya rnams kyi khyad par ci/ /phyag rgya phyag rgya gnyis pa'o//zhes pa la/ bdag med pa la spyod ba'i rnal 'byor pas/ /thabs med par shes rab gcig pu la mi 'grub la/ shes rab med par yang thabs kyis mi 'grub ste/ de bas na de gnyis bstan pa las phyag rgya chen po'i dngos grub 'byung bas na/ phyag rgya phyag rgya gnyis po zhes bya ba'i don to//'o na gong du lha mo 'ba' zhig gis dkyil 'khor la ji ltar dngos grub skye zhe na/ lan du/ bud med gzugs ni spangs nas kyang / /bcom ldan gzugs ni gzhan byas te/ /zhes pa la lha mo'i gzugs spangs nas thabs kyi gzugs su bya ba ste/ de yang nu ma gnyis spangs te pad+ma'i sgor sbyar bas rdo rjer gyur la/cig shos kyis sgre'ur gyur te/ ngos gnyis su ni dril bu yis/ /zhes pa'o/ /de nas gzugs ril gyis he ru kar gyur ba'i don/ de lta bu'i thabs kyis bsgrubs na dngos grub tu 'gyur ba'i tha tshig go/ /des yon tan ci sgrub ce na/ skye ba dang 'jig pa las grol te/ shes rab thabs kyis gnon mi nus/ /zhes bya ba'i don to/ de bas na thabs kyis ni skye ba'i 'khor ba med par byed la/ shes rab kyis ni 'jigs pa'i 'khor ba las rgal bas/ srid mthar byed ces pa'i don/ des na 'jigs pa med ces bya la/ de ltar thabs dang shes rab gnyis las grub pas ni/ dngos po 'khor ba skye ba dang mthun pa las thar te/ yang dag par rdzogs pa'i sangs rgyas grub ces pa'i tha tshig go/ /bskyed pa'i rim pa'i sbyor bas ni bya ba nas/ rtag tu sbyor ba byas pa yin/ /zhes bya ba'i bar ni bskyed pa'i rim pa dngos po skye ba ther zug tu rtog pa sel te/tshig gi don ni rgyud las gsal bar ma bris so/ /da ni dbang bskur ba'i thabs bstan te/ bde ba nag po la sogs pa ni/ dngos po thams cad bde ba chen po las logs na med ces bstan pa'o/ /rdo rje snying pos gsol ba zhes bya ba ni sdud pa po'i tshig go/ / bcom ldan bde chen mchog dam las thams cad 'byung na/ bskyed ba'i rim pa gong du bstan pas ci zhig bgyi zhes zhus pa la bka' stsal pa/ dad pa'i shugs can khyod bde na mi bden yang / bskyed pa'i rim pa la ma brten par/ rdzogs pa'i rim pa logs na med de/ de bas na/ dngos med lus las bde ba gang / /bde ba dag gis brjod mi nus/ /gzugs can khyab pas khyab pa yi/ /'gro ba rnams ni bde bas khyab/ /ces gsungs te/ bde ba ni lus la brten nas skye'o/ dngos po med pa las ni ma yin no/ /de bas na 'gro ba rnams ni bde bas khyab/ /ces bya ba la sogs pa gsungs so//gang yang le los zil non bya ba ni/ de lta'i bde ba chen po ni le lo can sems rnam par g.yeng ba/ 'du 'dzi'i dbang du gyur pas mi rtog pa'i don/ gru gsum chos kye phyag rgya de ni/ sangs rgyas la sogs pas bcu'i khyad par gyi yon tan dpag tu med pa skye bas na/rin chen za ma tog ces bya'o/ /mthar thug dga' ba'i rang ngo bo/ zhes bya ba ni/ gsum pa spangs pa'i dga' ba'o/ /mchod tu dga' ba dang / shin tu dga' pa rnams ni goms pa las/ dper na mun par sgron ma bteg na shin tu gsal ba ltar/ dga' ba'i snang bas dngos po la rnam par rtog pa'i mun pa bsal nas/mchog gi dngos grub thob ces bya ba'i don to/ /gsal byed kyang ni de bzhin no/ /zhes bya ba la/ dga' ba rnams kyis grub pa thob pa ltar/ A li kA li yi ge rnams las kyang / /dngos grub 'byung zhes pa'i tha tshig go/ /lhag ma'i dpe don rnams ni brda phrad sla'o//'dod chags nyid bcings 'jig rten pa/ /zhes bya ba ni/ 'dod chags 'khrig pas 'khor bar 'ching ba rnams ni/ /man ngag bla ma la bsnyen bkur byas pas thob nas/ dga' ba rnams ltar spyad pas/ 'dod chags 'khor bar skye ba'i me 'dod chags rnam par dag pa/gnyis su med pa'i yi shes kyis zhi ste/ phyag rgya chen po'i dngos grub tu 'gyur zhes pa'i don to/ /de su'i spyod yul yin zhe na/ zlog pa'i brtag pa 'di nyid ni/ /sangs rgyas mu stegs can gyis min/ /zhes bya ba ste/ dngos po nyan thos kyi rigs can lta ba dang /spyod pa dman pa la mos pa dngos grub chen po la rgyab kyis phyogs pa rnams kyi yul ma yin zhes bya ba'i don/ 'byung ba rang gzugs lnga pa ni/ /bde ba chen po lnga ru 'gyur/ /zhes bya ba ni/ bde ba chen pa zla ba zhu ba la/ 'byung ba lnga tshang la de la bde ba lnga zhes bya'o//lnga bo rnams kyang bde ba'i dngos po ni gcig las med ces pa'i tha tshig go/ /shes rab thabs kyi sbyor ba yis/ /bya ba la sogs pa la shes rab dang thabs snyoms par 'jug pa'i skad cig ma la/ 'byung ba lnga dang / nyon mongs pa lnga dang / rigs rnam pa lnga sogs pa/ skad cig ma'i tshul gyis rdzogs pa ni ci rigs par shes bar bya'o/ /le'u gnyis pa'i bshad pa'o// //da ni le'u gsum pa'i bshad pa ston te/ rgyud thams cad kyi rtog pa brjod pa zhes bya ba ni/ thabs kyi rgyud dpal la gsang ba 'dus pa la sogs pa dang / shes rab kyi rgyud nges par brjod pa bla ma'i rgyud la sogs pa thams cad kyi ting nge 'dzin dang /man ngag gsal par ston zhes pa'i don to/ /de las khyad par du rnal 'byor ma ste/ shes rab kyi rgyud mkha' 'gro sgyu ma bde mchog ces bya ba la sogs pa'i rgyud thams cad gtan la 'bebs pa'i phyir ro/ /'di'i sdom pa dang /dbang bskur ba la sogs pa ston pas na/ de la sdom pa bshad par bya/ /zhes bya ba'i don to/ /sdom pa sangs rgyas thams cad de/ /e waM la ni rab tu bzhugs/ /zhes bya ba ni/ rnam pa'i sdom pa ni sangs rgyas thams cad de/ sangs rgyas ni e waM la 'dus te/ e ni yum yin la/waM ni yab yin/ byin du ni byang chub kyi sems yin te/ sems de b+ha ga la bzhugs zhes bya'o/ /de yang dngos su sgrub pa po dang / sgrub pa dang / bsgrub par bya ba gsum dgongs pa'i don gyis bshad pa ste/ sgrub pa po ni rnal 'byor ba/ rang nyid longs spyod rdzogs pa'i sku'i bdag nyid ba yin la/sgrub pa ni yum ste/ chos kyi dbyings kyi ngo bo nyid e yin la/ bsgrub par bya ba ni gnyis su med pa'i ye shes te/ byin du dang sbyar te/ de lta bu'i man ngag slob dpon gyis phog cing dbang bskur ba la bde ba chen po gcig pu byed ces bya'o/ /gang 'di e ni sna tshogs sku/ /zhes bya ba la yi ge e ste/mkha' de nyid thams cad kyi bdag nyid du gyur pa/ chos kyi dbyings kyi ngo bo nyid do/ /dbus su waM gyis rnam par brgyan/ /zhes bya ba la/ mkha' de'i dbus su waM ste thabs dang byang chub kyi sems gnas zhes bya'o/ /sangs rgyas rin chen za ma tog /ces pa la/sangs rgyas kyang yin la rin po che lang yin pas na rin chen no/ /za ma tog ltar mtshan dang dpe byad kyis brgyan pa'am/ gzhal yas khang gi yon tan dam pa dang ldan pas sangs rgyas rin chen za ma tog ste/ dngos su phyogs bcu'i sangs rgyas thams cad kyi rin po che ste/ che ba'i yon tan thams cad kyi 'byung gnas zhes bya ba'i don to/ /gnas der ni bde ba dang dga' ba thams cad kyi bdag nyid yin pas na/ de las skyes zhes bya ba'i don to/ /skad cig dbye ba'i khyad par can/ /zhes bya ba ni/ mthar thug pa'i ye shes skad cig ma ni/ gong ma'i e waM las skyes pas na/e waM la ni rab tu gnas/ /zhes bya ba'i tha tshig go/ /de yang rnam pa sna tshogs zhes bya ba la sogs pa bzhi pos ston to/ /'dir rnam pa sna tshogs pa la sogs pa bzhi dang / dga' ba rnam pa bzhi dang / dbang bskur ba rnam pa bzhi la sogs pa/ man ngag gi gnas chen po bcu gnyis la sogs pa ni bla ma'i bka' las shes par bya'o/ /rdo rje snying pos gsol pa/ dam tshig rnams ni gang la gnas/ /sdom pa rnams ni gang zhig yin/ /bcom ldan 'das kyis bka' stsal pa/ /khyod kyis srog chags gsad par bya/ /brdzun gyi tshig kyang smra bar bya//khyod kyis ma byin blang bar bya/ /gzhan gyi bud med bsten par gyis/ /zhes bya la sogs pa smos pa la/ 'dir gang zag kha cig gi sgra ji bzhin du bzung ste/ srog gcod pa la sogs pa log bar spyod pa yong de srog gcod pa ni rang bzhin gyis kha na ma tho pa rnams kyi nang na yang ches rags pa yin zhing /ngan song gi rgyu'i gtso bor gsungs pa dang / mi dge pa chen po yin zhing ston pa'i bstan pa la 'gal ba'i rtsa ba yin te/ de bas na bde par gshegs pa'i bka' mtha' dag las srog gcod pa mi 'byung bar shes par bya'o/ / srog gcod pa ni mu stegs kyi chos kha cig las 'byung ste/ sngon gram ze sha la dga' ba dag cig gis sha 'dod pa'i phyir/ ri dgas dang phyugs la sogs pa'i gzugs brnyan byas nas gzhan gyi mig brid de/ tha mar phyugs dngos su gsod cing de nyid lhar skyo bar 'gyur ro zhes gzhung sgrub pa dag la//mu stegs gzhan gtsang mar spyod pa brtul bzhugs la gnas pa bsam gtan la 'jog pa dag chos ma yin par 'dod de/ de yang drang srong rgyas pas rang gi bu bram ze khye'u ne tso mchod sbyin la btsud pa dang / ne tsos pha la 'di skad du/ /mchod sdong btsugs pas phyugs bsad de//khrag gi dam tshig byas gyur pa/ /'di yis mtho ris 'gro na go/ /dmyal bar rang gis 'gro bar 'gyur/ /zhes bya ba la sogs pa smras pas/ sun phyung bar gyur to zhes grags na/ sangs rgyas kyi bstan pa la zhugs pa rnams kyis/ de la chos dang ldan pa'i lam zhes ltar bgrang //gsang ba 'dus pa'i 'grel ba slob dpon dpal gyi sdes mdzad pa las/ de la srog gcod pa zhes bya na/ ye shes kyi rdo rjes sems can gyi khams ma lus pa mi dmigs par byed pa'i stong pa nyid kyi ting nge 'dzin thob par byed pa de gang yin pa de/ 'dir srog gcod pa zhes bshad pa dang /de yang de nyid kyi TI kA las kyang / srog ces bya ba rlung chen po rtag tu 'jug pa'i mtshan nyid can te/ bkag cing bsdams pa la ni srog gcod pa zhes bya'i/ sems can bsad pa ni ma yin no zhes 'byung ste/ des na 'di'i don kyang srog dang rtsol ba bsdams nas/sems nang du bsdus te mtshan ma med pa'i ting nge 'dzin la mnyam par 'jog pa ni srog gcod pa zhes bya'o zhes dgongs so/ /gsang ba 'dus pa'i dka' 'grel slob dpon kun dga' snying pos mdzad pa las kyang / de la ye shes kyi rdo rjes sems can gyi khams ma lus ba dngos po med par byed pa'i stong pa nyid kyi ting nge 'dzin thob pa'i don ni srog gcod pa'o zhes gsungs so//gsang ba 'dus pa'i 'grel ba sgron ma gsal bar byed pa las kyang / sems can thams cad bsad na ni/ /zhes bya ba ni/ stong pa nyid du bya bas rnam par bshig pa'o zhes bshad pa dang /dgongs pa lung bstan pa'i rgyud las/ gang gi phung sogs dngos med pa/ /zhi gnas las kyang sems kyis byas/ /de ni srog gcod byed pa ste/ /theg pa'i mchog la gnas pa yin/ /zhes gsungs so/ /dpal gsang ba 'dus pa zhes bya ba'i rtsa ba'i rgyud las/ rdo rje gsang ba 'di lta bus/ /sems can thams cad bsad na ni/ /mi bskyod sangs rgyas zhing dag tu/ /rgyal ba'i sras su skye bar 'gyur/ /zhes gsungs pa ni/ bshad ma thag pa'i stong pa nyid kyi ye shes kyis/ bdag gzhan gyi rgyud du gtogs pa'i 'jig tshogs la lta ba la sogs pa rnam par bshig ste/ma skyes par bsgom pa'i don to/ /'bras bu gsungs pa ni mi bskyod pa'i sangs rgyas kyi zhing du skye ba'o/ /de bas na bsam gtan gyi sbyor ba 'dis sku dang thugs mi dmigs pa'i mtshan nyid can gyi ting nge 'dzin bsgoms na/ mi bskyod pa'i sangs rgyas kyi zhing du skye bar 'gyur ba'i don to//la la dag ni srog gcod pa ni sems can 'khor ba las bsgral la yin no zhes rtogs na/ de lta bu ma yin te/ bla na med pa'i byang chub tu sems bskyed de/ tshogs dpag tu med par bsags nas/ sems can thams cad 'khor ba'i rgya mtsho las byang chub kyi skam la 'don pa ni sgrol bzhes bya'i/gsod pa la ni mi bya ste/ gal te sems can bsad pas 'khor ba las bsgral bar nus na ni/ sangs rgyas dang byang chub sems dpa' mthu bo che rnams kyis gsod pa'i sbyor ba 'ba' zhig gis sems can gyi don mdzad pa'i rigs na/nam pa de lta bu gang nas kyang ma gsungs/ gang du ma mdzad pas/ bsgral ba'i tshig gis don yang gsod pa ma yin no/ /de bas na srog gcod pa dang 'brel pa dang 'di la chos su bgrang ba ni/ sangs rgyas kyi bstan pa mtha' dag dang 'gal ba nyid yin pas/byang chub kyi lam du mi rung ngo / /spros pas cho ga gi dkyus ma nyid la 'jug par bya'o/ /de bas na rgyud nyid las/ srog ni sems zhes bshad pa ste/ /gcig pa'i sems ni srog bcad yin/ /gsungs pa ste/ bdag gi sems 'od gsal ba dang / sems can thams cad kyi sems dang chos thams cad shes rab kyi mtshon gyis skye pa med par shes pa ni srog gcod pa zhes bya'o//brdzun gyi tshig tu smra ba la sogs pa rang bzhin gyis kha na ma tho ba yin pa'i phyir/ 'phags pa'i lam dang 'gal ba yin pa dang / dngos po brdzun smra ba ni ma yin no/ /snod dang bcud kyis bsdus pa'i phyi nang gi chos thams cad ni byed pa pos byas pa ma yin zhing /rten cing 'brel par 'byung ba sgyu ma lta bu rgyu rkyen la rag las pa slu ba'i chos can yin par ston pa ni brdzun du smra ba'o/ /de yang dgongs ba lung bstan pa'i rgyud las/ nang dang de bzhin phyi rol dag//rten 'byung gnyis su ston pa ni/ de ni brdzun smra dga' ba ste/ /gnas med la gnas rnal 'byor pa'o/ zhes smras pa ni brdzun du smra ba'o/ /sems can gyi khams thams cad sku dang gsung dang thugs rdo rje'i rang bzhin du bskyed bar bsgoms pas/ sems can gyi khams ma lus pa'i sems dang sems las byung ba'i rnam par rtog pa'i rdzas phrogs shing gsal ba ni/gzhan gyi nor 'phrog pa'o/ /de yang dgongs pa lung bstan pa'i rgyud las/ rdzogs sangs rgyas kyi ye shes gang / /de ni rdzas su shes bya ste/ /de phrogs ngang tshul gang yin pa/ / gzhan gyi nor la chags par 'dod/ /'jig rten gyi khams thams cad kyi rdul phra rab dang mnyam pa'i lha mo thams cad dang yang dag par mnyam par sbyor ba'i bsgom pa ni rtag tu 'dod pa la dga' ba'o/ /bud med mchog ni bcom ldan 'das yum shes rab kyi pha rol tu phyin pa de bzhin gshegs pa thams cad kyi yum du gyur pa/mtshan gyi rnam pa gzhan yang phyag rgya chen po zhas bya ba yin te/ de dag dang gcig tu 'dres par gyur ba la dgongs nas/ gzhan gyi bud med bsten par gsungs pa yin no/ /gang zhig de nyid dngos gcig pa/ /de bzhin nyid la rtag sbyor ba//sems can de de 'dod la dga'/ /sgrub pa'i mchog la dam par 'gyur/ /zhes gsungs pa yin no/ /de bas na rgyud 'di nyid las kyang 'jig rten bsgral bar bya zhes pa/ brdzun gyi sgrar yang brjod pa yin/ /btsun mo'i shu kra ma byin len/ /gzhan gyi bud med rang gi lha mo/ zhes gsungs bas/srog gcod pa la sogs pa'i tshig 'di rnams ni dgongs pas gsungs pa yin pas na/ sgra ji bzhin ma yin don to/ /lhag ma ni brda phrad par sla bas ma bris so/ /dpa' bo thams cad bza' bar bya/ /zhes pa la gtsang btsog bzang ngan kun mnyam par bza' ba'i don/ kha dog lnga ni mnyam par spyad//ces bya ba ni rgyal rigs dang bram ze dang rje'u rigs dang rigs ngan dang Do m+bi'i rigs so/ /bdud rtsi lnga dang bu ram chang / /zhes pa la/ bdud rtsi lnga ni rdzas lnga yin no/ bu ram ni khrag go/ /chang gi dug ni mig la sogs pa'i dbang po'i dri ma'o/ /nim pa ni pags pa'o/ thab chu ni dro'o/ /skyur ni me tog go/ /mngar ni dri chu'o/ /bska ba ni sha'o/ /kha ba ni khrag go/ /tsha ba ni tshil lo/ /lan tshwa ni rkang ngo / /rus pa ni zhag go/ /dri zhim ni sen mo'o/ /chu ni bu rogs so/ /khrag ni dngos so/ /de dag mi rtog bza' bar bya/ /zhes pa'i don/ /sna tshogs ri bo'i gos bgos shing //zhes pa la/ ro'i gos las kha dog mang po can gyi smad kyi dbang bo 'gegs pa'i gos la bya ba'i don/ sa'i rgyan ni/ thal chen gyis lus bskus pa la bya ba'o/ /yi dags gnas las skyes pa'i me tog ni rol bcings pa'i me tog gi phring ba bor ba de mgo la bcing ba'i tha tshig go//lhag ma ni brda phrad sla bsam bris so/ /ka li ka ni sangs rgyas lnga/ /zhes bya ba la sogs pa ni/ /de nyid mthar thug dga' ba ste/ /lhag ma ni ci rigs par shes par bya'o/ /le'u gsum pa'i bshad pa'o// //da ni le'u bzhi ba bshad de/ 'di las glu dang gar dang brda la sogs pa ston to//glu dang gar ni gnyis po yis/ /gar mchog glu ni blang bar bya/ /zhes pa la/ glu ni a mi ta ba'i gzugs kyis blangs la gar ni he ru ka'i gzugs kyis bya'o/ /sgog skya'i dri la sogs pa ni grub pa thob par gyur ba'i mtshan ma ste/ sgog skya ni dngos so//ga bur la sogs pa'i dri zhim po 'byung ba'o/ /de bzhin dang pa la sogs pa'i sgra dang / ce sbyang ni ku zhes zer ro/ /phyag rgya'i mtshan ma ni rgyud las gsal lo/ /mi shes sgrub pos dngos mi 'grub/ /ces bya ba ni/ /zhe sdang la sogs pa'i nyon mongs pa lnga dang / rigs rnam pa lngar sbyar te sgrub pa ni/de dag gi rigs mthun par sbyar ba ste/ dper na rims sel pa'i sngags la/ rims kyi sngags zer ba dang 'dra bar/ de dag gi gnyen por gyur ba'i ye shes gang yin pa de la de skad ces bya ste/ de bas na chos mthun pa'i tshul ltar na/ phung bo lnga dang tshul mthun pa'i chos kyi sgos nyon mongs pa lnga rnam par dag pa ni rigs lngar snang ba yin te/yod pa dang med pa dang / rtag pa dang chad pa dang / gzug ba dang 'dzin pa la sogs pa gnyis su dmigs pa'i shes pa la sdang zhing 'joms pas na zhe sdang ste/ gnyis su med pa'i ye shes so/ /de'i phyir zhe sdang rnam par dag pa ste/mi bskyod pa ni bdag med zhe sdang phyag rgya ste/ zhes bya'o/ /'di ltar gti mug ni rmongs shing bye brag mi phyed pa'i mtshan nyid can yin pa ltar/ chos kyi dbyings la nges par rtogs pa'i ye shes kyang chos thams cad ro gcig bar rtog pa nyid kyis bye brag mi 'byed par cha mthun pas na/bems po ltar gnas pa'i phyir/ gti mug rnam par dag pa ni rnam par snang mdzad de/ dngos su rdo rje gti mug phyag rgya yin/ zhes bya ba dang sbyar ro/ /phrag dog ni gzhan gyi don phun sum tshogs pa la mi bzod cing / bdag nyid 'byor pa dang ldan pa la 'dod pa'o/ /'dir ni 'gro ba'i don gzhan la ltos pa med par bdag gnyid gcig pus sangs rgyas kyi mdzad pa byed 'dod pa ste/las kyi mtshan nyid phrag dog rnam par dag pa ni don yod grub ba ste/ dngos su gau rI phrag dog phyag rgya ste/ /zhes pa'i don to/ /'dod chags ni dngos po gang yang rung ba la chags shing zhen pa'i mtshan nyid can yin la/sems can thams cad smin cing grol ba la chags pa'am/ yang dag pa'i don la zhe na cing mi gtong ba ni 'dod chags pa ste/ de ni 'dod chags rnam par dag pa'i ngo bo 'od dpag tu med pa ste/ dngos su ba rI 'dod chags phyag rgya yin/ /zhes pa'i don to/ /nga rgyal ni rlom sems kyi bdag nyid yin la sangs rgyas thams cad dang bdag nyid mnyam par rtog pa'i dbang gis nga rgyal rnam par dag pa ni rin chen 'byung ldan te/de yang / dngos su ser sna'i phyag na mkha' 'gro ma/ /zhes gsungs pa'i don to/ /de bas na 'khor ba'i spyod yul nyon mongs pa'i rang bzhin can gyi 'dod chags la sogs pa la brten pa la mi bya'i/'dir chos kyi dbyings rnam par dag pa la sogs pa khong du chud pa'i gnyen pos snga ma'i rang bzhin dang bral te/ rtogs pa'i khyad par gzhan skye ba ni/ 'jig rten las 'das pa'i chos kyi sgor gyur te/ dper na dug sngags grub pas dug gi nus pa med par byas te/dug bsten pas sman du gyur pa'i nus pa gzhan skyes pa dang 'dra ba'i phyir/ 'di skad du gsungs pa yin gyi gzhan du na 'di dag 'khor ba'i rgyu ma tshang ba med pa yin zhing / ngan song la sogs bar 'dren pa'i dug nyid yin pas/ rgyu dang 'bras bu phyin ci log tu gyur pa ni 'gal ba nyid yin pa'i phyir/'di dag bsten pa las rnam par dag pa'i ye shes 'byung zhing 'tshang rgya bar 'gyur ba mi srid do/ /de'i phyir spros pa med pa'i shes rab stobs su gyur pa dug sngags grub pa lta bus zin na/ gdod thabs kyi dam par 'gyur gyi gzhan du ni ma yin no//de ltar na nyon mongs pa de rnams kyi gnyen po dang / de rnam par dag pa'i ye shes lnga'i rang bzhin las rigs lnga'i khyad par du snang ba yin pas na/ de la dgongs nas/ sangs rgyas thams cad chags las 'khrungs/ /de bzhin rmongs dad sdang las 'khrungs/ /zhes gsungs pa yin no//dpal mchog dang pa'i rgyud las kyang / 'dod chags zhe sdang gti mug gsum/ /'dzin pas dug tu 'gyur pa yin/ /dug nyid nye bar zhi gyur na/ /dug ni dug mer byas pa yin/ /zhe'o/ /dkon mchog brtsegs pa'i mdo las kyang / 'ong srungs 'di lta ste dper na sngags dang sman gyis yongs su zin pa'i dug gis 'chi bar byed mi nus so//'od srungs de bzhin du ye shes dang thabs mkhas pas yongs su zin pa'i dug gis kyang / log par ltung bar byed mi nus she'o/ /de ltar nyon mongs pa lnga po'i rnam par dag pa nyid de bzhin gshegs pa lnga ston par mdzad pa 'di yang bde bar gshegs pa'i thabs mkhas pa nyid yin gyi/nyon mongs pa dang bcas pa ni ma yin no/ /de bas na rgyud las/ gang gi rang bzhin chags dang rnam bral yang / /gdul bya'i don phyir khrol khro ba dang / /'dod chags can la chags pa ltar ston pa/ /byang chub mchog gnas de la phyag 'tshal lo//zhes gsungs pa yin no/ /yang 'di ltar bcom ldan 'das ni bag chags dang bcas pa'i nyon mongs pa yongs su spangs pa'i mthar byon pa yin du zin kyang / gdul bya kha cig gi dbang du mdzad nas/ btsun mo'i tshogs la sogs pa 'jig rten las 'das pa'i lha mo rnams kyis yongs su bskor te/bzhugs nas 'dod pa la sogs nye bar longs spyod pa lta bur ston par mdzad pa yang / ci zhig las dgongs te de ltar mdzad ce na/ 'dod pa'i dbang phyug la sogs pa'i lha rnams bdag nyid kyi chung ma dang slas kyi tshogs pa 'dod pa'i longs spyod kyis shin tu dregs shing /rang las mchog tu gyur ba gzhan med par rtogs pa dang gi dregs pa bsal nas/ bstan pa la gzung par bya ba'i phyir de bzhin gshegs pa rnams kyi yon tan tshad med pa rnam pa bzhi dang / pha rol tu phyin pa drug la sogs pa lha mo'i bdag nyid du sprul pa mdzad nas/lha las ches khyad par du gyur pa'i 'dod pa'i longs spyod dang ldan par bstan pa des/ de mthong nas rang gi 'khor ba shin tu yid byung zhing nga rgyal med pa'i sgo nas de bzhin gshegs pa'i phun sum tshogs la 'dod pa skye bar 'gyur te/ de dag thabs gang gis thob par 'gyur zhes zhus pa dang /de thob pa'i thabs su gsum la skyabs su 'gro ba dang / byang chub tu sems bskyed pa la sogs pa la btsud pas/ 'jig rten las 'das pa'i yon tan de dag thob par mdzad pa yin no/ /yang dam tshig chen po'i rgyud las/ rtag tu 'dod pa gnas pa yi/ /lha yi bu ni 'di rnams dang / /'dod chags can ni gzhan gyi phyir/ /rab dga'i dkyil 'khor bshad pa yin/ /zhes gsungs pas/ /'di ni khyi gus khyi gu 'byin pa 'dra bar/ /skye bo 'dod chags kyi shas che ba la/ /'dod chags spong pa'i phyir shin tu khyad par tu 'phags pa'i btsun mo'i tshogs dang /'dod pa'i yul la spyod pa lta bur ston pa mdzad de/ /de tha ma la pa'i 'dod pa la skyo ba bskyed cing / de bzhin gshegs pa'i bla na med pa'i 'byor pa la sems 'dun cing 'dod pa bskyed pa dang / /de dag gi rang bzhin rtog par mdzad pas//de la zhen cing ma dang mar 'dzin pa'i rtog pa dang bral bas/ /rim gyis nyon mongs pa las grol zhing yon tan gyi tshogs rdzogs par mdzad pa yin no/ /de bas na rdo rje dra ba'i rgyud las/ /'gro ba 'dod chags kyis ni rmongs pa la/ /'dod chags mi yis sel bar byed pa yin//zhes gsungs pa yin no/ /'dir 'dod chags kyi rnam par dag pa rgya cher gsungs pa ni/ /mngal nas skye ba gdul ba'i phyir dang / /rgyud 'di las shes rab dang snyoms par 'jug pa 'ba' zhig ston pa'i phyir/ /dgongs pa'i dbang gis de ltar ston par mdzad pa yin la/ /de bzhin gshegs pas 'dod chags dang bcas par rtog cing //tshul dang mi mthun par 'dzin pa ste/ /de dag gis dgongs pa ma rtogs pa yin gyi/ /'di ni 'gro ba gdul ba'i phyir thabs kyis mdzad pa nyid yin no/ /de yang 'jig rten dang rjes su mthun par 'jug pas/ /mar me mdzad nas bzung nas ni//de bzhin gshegs pa 'dod chags bral/ /sgra gcan zin la sras zhes gsungs/ /'di ni 'jig rten mthun 'jug yin/ /zhes gsungs so/ /zhar las 'ongs pa rdzogs te/ /dkyus pa nyid la 'jug par bya ste/ /puk+ka sI ni zhe sdang rgya/ /zhes ston to/ /lhag ma rnams ni 'bad pas spang bar bya//zhes pa las/ /rtsa gsum po ni mchog yin gyi/ /lhag ma ni rtsa nyi shu rtsa dgu dgos med zer ro/ /de las kyang / /bcu drug cha ni gang yang mi dgos te/ /zhes pas so/ /bcu drug cha ni nyi shu rtsa dgu las phra ba'i rtsa ni sus kyang mi rtogs shing las gang yang mi nus zhes bya ba'i don to//rgyud las gang gi phyir/ gzhi'i don gyi bya ba mi byed pa'i phyir zhes 'byung bas so/ /byang chub sems rgyun zla ba ste/ /bco lnga'i cha ni bdag nyid can/ /zhes bya ba la/ zla ba tshes bco lnga pa'i mtshan nyid lha byang chub kyi sems yin te/ de ni bde ba chen po'i bdag nyid can yin pas na//dngos su rnal 'byor ma ldan pas rtogs kyi/ thabs gcig pus ni mi rtogs pa'i don to/ /bde ba yis ni bsrungs pas na/ /bde ba can gyi sgrar brjod do/ /zhes ba'i don lhag ma ni brda phrad sla'o/ /ljang gu mi 'jigs rigs can te//zhes pa la/ ljang gu ni shin tu mdzes pa'o/ /rtog pa spangs shing dam tshig dang ldan pas na mi 'jigs rigs can zhes bya'o/ /sih+la ga pur yang dag 'byung / /zhes bya ba ni/ sih+la ni rak+ta'o/ /ga pur ni byang chub kyi sems te/ dngos su de dag gnyis dang ldan pa la bya'o/ / thabs dang shes rab rnam spangs nas/ /zhes bya ba ni/ po la ni thabs su 'dren la/ de spangs zhes bya/ kak+ko la ni shes rab ste/ /de gnyis spangs pas mi 'grub ces bya ba'i don to/ /mkhas pas bde chen byas nas ni/ /zhes pa la de ltar po la dang kak+ko la dang ldan pas bde ba chen po byas te/de gnyis su med pa'i bde bde las byung ba'i/ mkhas pas ga pur spang mi bya/ /zhas 'byung bas/ gong ma'i bde ba las byung ba'i zla ba zhu bde spang bar mi bya ste/ de spangs na dngos grub med ces pa'i don/ 'o na ji ltar blang bar bya zhe na/ lag pas ma yin te/ de ni nya phyis dung phor min//zhes bya ste/ thabs kyis mi blang gi sangs rgyas thams cad kyi blos/ 'chi med dzi hwas blangs nas ni/ /zhes pa la/ bdud rtsi de nyid lces btung bar bya'o/ /stobs ni 'phel ba nyid du 'gyur/ /zhes bya ba la/ de 'thungs pas dngos grub skad cig ma la ma thob kyang / / bkrag dang gzi mdangs dang stobs dang gzi brjid 'phel bar 'gyur ba'i don to/ /dang po dbyangs yig rang ngo bo/ /zhes pa ni a la bya ste/ /sems de ni a'i bdag nyid yin pas na/ blo dang ldan pas sangs rgyas thams cad kyi bdag nyid du brtag par bya'o/ /de dang lhan cig dngos grub ni//phyag rgya chen po'i bde ster zhes bya ba la/ de lta bu'i yon tan dang ldan pa'i byang chub kyi sems de man ngag bzhin bsgoms shing / rtag tu bsten pas yang dag pa'i sangs rgyas su 'gyur ro zhes pa'i don to/ /lhag ma ni go sla'o/ /rnal 'byor ma lus dbus gnas na/ / zhes bya ba ni/ rnal 'byor yang yin la lus kyi dbus na gnas pas lus kyi dbus na zhes bya'o/ /dngos su thabs dang gnyis su med pa'i dbus na zhes bya ba'i don to/ /a yi sdom pas yang dag gnas/ /zhes bya ba ni/ de lta bu'i lus kyi dkyil 'khor gyi dbus na/ a ni zhes bya ba ni byang chub kyi sems yin la/sdom pa ni kun rdzob tu kunA lta bu ste dkar ba dang don dam par bde ba chen po la rtag tu sbyor bar byed pas na/ yang dag gnas zhes bya'o/ /ji ltar phyi rol de bzhin bdag/ /sdom pa de ni rab tu gsal/ /zhes pa la/ 'das pa'i du sam rnal 'byor pa gzhan la snang ba ltar/bdag nyid la yang de bzhin du gsal zhes bya ba ni/ thabs kyi bde ba phyag rgya che/ /rdo rje skye mched thabs yin te/ /zhes bya ba la thabs kyi bde ba ni thabs nyid las byung ba'i bde ba las byung bas na/ phyag rgya che zhes bya'o/ /rdo rje skye mched thabs yin te/ /zhes pa la/ rdo rje las skyes pas na rdo rje skye mched de/dngos su rdo rje 'chang chen po nyid la bya ste/ de yang rdo rje 'chang bar mdzod pas na/ rdo rje 'dzin pa ste/ yi ge'i don to/ /me long lta bu la sogs pa'i yi shes lnga po de'i rang bzhin 'chang bar mdzad pas ni rdo rje 'dzin pa ste/ spyi'i don to/ /yid kyi rang bzhin gyi sku lus 'dzin par mdzad pas na rdo rje 'dzin pas na sbas pa'o//rdo rje ni gnyis su med pa'i ye shes te/ de'i ngo bo nyid kyis 'chang bas na/ rdo rje 'dzin pa ste mthar thug pa'o/ /de lta bu'i rdo rje 'dzin pa ni rdo rje'i skye mched thabs yin te zhes bya'o/ /ci ste thabs dang shes rab gnyis ldan pas ni byang chub kyi sems skye'i thabs gcig pu las ji ltar skye zhe na/'on to gong nas phyag rgya chen po smos pa dang / rnal 'byor ma lus dbus gnas zhes smos pa na/ phyag rgya de ni shes rab kyi phyag rgya la bya ste/ de bas na/ nga yi thabs dang shes rab zung du 'brel/ /zhes bya'o//gsang ba 'di ni zhes pa la/ de ltar thabs dang shes rab kyi zab mo gsang ba 'di ni rtog ge pa rnams kyi yul ma yin pas gsang ba'i phyir dang / yang na rgyud 'di nyid las thabs dang shes rab 'ba' zhig bstan te/ de ni mu stegs dang nyan thos dang skye bo blo dman pa rnams kyi yul ma yin zhing /ma mos te skur pa btab pas sems can dmyal ba nam mkha'i mthar gnas par 'gyur zhes gsungs te/ de bas na snod du mi 'gyur zhing ma brtags pa'i slob ma dag dkyil 'khor gzhug cing dbang bskur ba dang / man ngag bstan pa lta ci smos te/chung ngun tshig 'bru 'ga' brjod pa'am/ glegs bam mam ri mo la sogs pa bstan pas kyang nyams par gyur ro/ /nges par brjod pa bla ma zhes bya ba rnal 'byor chen po'i rgyud las kyang / gsang sngags su la'ang sbyin mi bya/ /man ngag rnam par nyams mi bya/ /dam tshig gnas la ci rigs par//man ngag rnams ni sbyin par bya/ /zhe'o/ /de bas na dpal gsang ba 'dus pa zhes bya ba rnal 'byor chen po'i rgyud las kyang / de bzhin gshegs pa kun gyi gsang / zhe'o/ /rgyud 'di nyid las kyang / rgyud kun du ni spas pa ste/ /tha ma'i tha mar bstan pa yin//zhes bstan pas shin tu gsang ngo / /'on te mchod pa dang dkyil 'khor la sogs pa la gsang ba med dam zhe na/ de rnams ni dbang po rtul po'i tshogs la bshad pa yin gyi/ thabs kyi gsang ba snang ba gsum rnam par dag pa de bzhin gshegs pa thams cad kyi man ngag 'di ni dbang po rnon po'i slob ma la bshad pa yin pas gsang ba'o//yang dag 'dus zhes bya ba la/ gnyis gcig tu 'dus pas 'dus pa ste/ yi ge'i don to/ /rdo rje pad+ma yang dag par sbyor ba ste spyi'i don to/ /shes rab dang thabs yang dag par sbyor ba ni 'dus pa ste spas pa'i don to/ kun rdzob dang don dam pa'i bden pa 'dus pa ste/ de nyid 'do gsal ba las 'byung bas/ gnyis su med pa'i ye shes kyi bdag nyid can rdo rje 'chang chen po ni mthar thug pa ste/ de ni gnyis su mi rtog pas/ /phyi rol gnyis su brtag mi bya/ /zhes smos so/ /rnam pa gcig tu na/ phyi rol gnyis su brtag mi bya//zhes pa la/ /tatwa saM gra ha la sogs pas na/ thabs 'ba' zhig ston la/ /'di'i thabs dang shes rab gnyis su med pa las byung bas na gnyis kyi rtog pa dang bral zhing spangs pas na gnyis su brtag mi bya zhes bya'o/ /sku gsum lus kyi dbus nyid na/ /'khor lo'i gzugs su bshad pa ste//zhes bya ba la sogs pa la/ /rnal 'byor pa'i lus kyi dbus na/ /chos kyi sku dang / /longs spyod rdzogs pa'i sku dang / /sprul pa'i sku gsum gnas zhes bya'o/ /de yang sprul pa'i 'khor lo dang / /chos kyi 'khor lo dang / /longs spyod kyi 'khor lo dang / / bde ba'i 'khor los gzugs su bstan nas 'khor lo'i gzugs zhes bya'o/ /chos dang longs spyod sprul pa dang / /bde ba chen po de bzhin te/ /zhes pa la chos kyi sku ni snying ga'i 'khor lo la gnas so/ /longs spyod rdzogs pa'i sku ni mgrin pa'i pad+ma la gnas so/ /sprul pa'i sku ni lte ba'i pad+ma la gnas so//bde ba chen po ni spyi bo'i pad+ma la gnas zhes pa'i don to/ /b+ha ga snying ga mgrin tshogs sam/ /sku gsum po ni yang dag gnas/ /zhes pa la b+ha ga ni sprul ba'i 'khor lo rtsi bas drug cu rtsa bzhi yod pa la/ /ka chen sum cu rtsa gnyis lugs su byung ba dang / /lugs las bzlog pa rnams rtsi bas rnams la dgod la//dbus su ni yi ge a dgod do/ /snying gar ni chos kyi 'khor lo rtsi bas brgyad pa la yab yum brgyad bkod la/ /dbus su ni yi ge hUM dgod do/ /mgrin par longs spyod kyi 'khor lo rtsi bas bcu drug pa la a chen bcu drug bkod la/ / dbus su yi ge oM dgod do/ /spyi bor bde ba chen po'i 'khor lo rtsi bas sum cu rtsa gnyis la ka chen sum cu rtsa gnyis dgod/ dbus su yi ge haM dgod do/ /de bas na b+ha gar sprul pa'i 'khor lo ni/ sprul pa'i sku yin la/ /mgrin par ni longs spyod rdzogs pa'i sku yin la/ /snying ga dang spyi bo gnyis su chos kyi skur bsdu'o//de la ni/ /sku gsum po ni yang dag gnas/ /zhes bya ba'i don to/ /lhag ma ni ci rigs par shes par bya'o/ /rgyu mthun la sogs dbye ba yis/ /bcom ldan shes rab la rtsol cing / /zhes pa la/ /de ltar shes rab las rgyu mthun pa'i/ 'bras bu la sogs pa 'byung la/ des ni bla na med pa'i byang chub skyed bar byed ces pa'i tha tshig go/ /ci ste thabs dang ldan pa'i shes rab ni de lta yin na/ 'jig rten gyi bud med thams cad khams gsum du 'khor ba ci yin zhe na/ lan du/ las kyi rlung gis bskul pa yin//zhes bya ba ste/ las dge ba dang / mi dge ba'i rlung gi bdas pas khams gsum du 'khor ba yin la/ de nyid thabs dang ldan zhing man ngag thob na byang chub kyang 'grub ste/ thabs chen dag dang ldan pa la/ /nyon mongs byang chub yan lag rgyu/ /'khor ba'ang bzhi ba'i mtshan nyid de//de phyir de bzhin gshegs bsam yas/ /zhes 'byung ba lta bu'o/ /rnam pa gcig tu na bcom ldan shes rab la gsol zhing / /zhes bya ba ni/ gong gi 'bras bu bzhi po dag las shes rab skye zhing 'byung bsan de la gsol zhes bya'o/ /las ni rlung gis bskul zhes pa ni/ zla ba zhu nas kar nir 'bab pa nyid rlung gi las yin pas na des ni gnas brtan pa la sogs pa dang / 'khor lo rnams kyi las byed pa'i don to/ /lto ba gzhal yas khang du bshad/ /ces pa la/ lto ba ni lus kyi khog pa nyid do/ /chags pa dang bral ba'i skad cig ma la sems pa la gnas pas na b+ha ga ste zhes bya'o/snam sbyar dag ni mngal 'bar ba/ /zhes pa la/ 'jig rten na btsun pa bkur ba ni rab tu byung ba yin la/ 'dir ni sems can thams cad rab tu byung zhing ston pa'i 'du shes bskyed pa la bya ste/ de yang ma hA la k+Sh+mI zhal snga nas/ dngos po kun la sngags shes pas//brnyas pa nyid du mi bya zhing / /rdo rje sems dpa' bdag nyid du/ /mngon sum sku yis rtag tu bzhugs/ /zhes pa dang 'phags pa 'od srungs kyis kyang sems can thams cad la ston pa'i 'du shes lta'o zhes gsungs ba ste/ de bas na ma'i mngal du zhugs te bu grogs kyis rang bzhin gyis dkris te gnas pa ni snam sbyar ro//mkhan po la brten nas bslab pa skye ba ltar/ ma la brten nas bu rogs kyis skye bas na mkhan po'o/ /phyag ni mgon la thal sbyar yin/ /zhes pa la/ skye pa'i tshe thal mo dbral bar gshibs te 'byung bas na phyag ces bya'o//de nas rim gyis skyes pa ni bslab pas mtho ris dang byang chub bskyed pa ltar lus rim gyis bskyed pa'i don/ sngags zlos pa ni ud bdag /ces pa ni bu byung mngal nas byung ba nyid gcer bur gnas pa ni gcer bu'i sha tshugs so/ /de'i 'og tu de'i mgo bregs pa rnams ni dge slong yin no//de la sogs pa'i sems can rnams zhes pa ni/ de dag ni sangs rgyas yin par the tshom med de/ de yang in+b+ra b+hU ti'i zhal snga nas kyis kyang / sems can kun gyi yid khyab par/ /rdo rje sems dpa' rang nyid bzhugs/ /zhes gsungs bas na/ dper na gser 'gyur rtsi srang gcig rnyed na lcags srang stong la bskus pas/ thams cad kyang gser du 'gyur bar nges pa ltar/ sems can thams cad sangs rgyas yin par nges par bskyed pa ni the tshom med ces bya'o/ /de bas na rgyud 'di'i sgor zhugs pa'i rnal 'byor pas kyang / /sems can thams cad dang //dngos po thams cad dpal he ru ka'i rang bzhin du bsgom pa'i don/ lhag ma rnams ni brda phrad sla bas ma bris so/ /sems can 'di ni sangs rgyas te/ /'on kyang kun brtags dri mas khyab/ /de de bas kha nas sangs rgyas yin/ /zhes pa la/ /sems can thams cad ni sangs rgyas thams cad kyi bdag nyid byang chub kyi snying po chos kyi sku'i bdag nyid yin pa'i don//'o na cis khams gsum du 'khor ba yin snyam pa la/ 'on kyang kun brtags dri mas khyab ste/ ma rig pa'i bla thabs kyis bsgos shing / phra rgyas kyi nyon mongs pa'i dbang gis las sna tshogs spyad pas gnas khams gsum du skye zhing 'khor ba'i don to//'on te dag par bya ba'i thabs med dam zhe na/ de de bsal nas sangs rgyas yin/ /zhes gsungs te/ dbus dang mtha' rnam par 'byed pa las kyang / 'di ni dri bcas dri ma med/ /chu khams gser dang nam mkha' bzhin//dag pa bzhin du dag par 'dod/ /ces pa dang / dpung ba bzang pos zhus pa'i rgyud las kyang / 'dod chags la sogs nyon mongs dri mar bcas/ /de bas sems 'di 'khor ba yin par gsungs/ /nyon mongs rnam dag shel dang zla 'dra na/ /srid pa'i rgya mtsho' mtha' ni rab tu bsgrags//zhes gsungs so/ /de nas ni nyon mongs pa rnam par dag na thams kyang sangs rgyas yin par the tshom med pa'i don to/ /rang gi sems nyid byang chub yin/ /zhes bya ba la/ sems can thams cad kyi sems nyid sangs rgyas yin la/ sems las gzhan pa'i sangs rgyas ni logs nas mi rnyed do//'jig rten las 'das pa'i le'u las kyang / rgyal ba'i sras dag khams gsum ni sems tsam ste/ dus gsum yang sems tsam du rtogs shing / /sems de yang mtha' dang dbus med par rtogs shig ce'o/ /slob dpon klu sgrub kyi zhal snga nas kyis kyang /sems gang gis ni byis pa rnams/ /'khor ba'i 'ching bas 'ching bar byed/ /sems de nyid kyi rnal 'byor pa/ /bde gshegs gnas su 'gro bar 'gyur/ /zhes gsungs ba dang / thams cad gsang ba'i rgyud las kyang / 'byung ba lnga yi bdag nyid lnga//mi yi lus ni brtan byas te/ /dngos de nges par bsgoms pa yis/ /rang sems mthu yis sangs rgyas 'gyur/ /zhes gsungs pa dang / 'di nyed las kyang / /gang du 'jig rten khams rnams las/ /sangs rgyas rnyed par mi 'gyur te/ /sems nyid rdzogs pa'i sangs rgyas te//sangs rgyas gzhan du ma bstan to/ /zhes gsungs pas na/ sems las logs nas sangs rgyas med/ /ces pa'i don to/ /lhag ma ni brda phrad sla'o/ /sa ni puk+ka sIr grags pa/ ji ltar mi bskyod phyag rgya yin/ /gang yang gti mug sa rnams ni/ /lus ni rnam par snang mdzad bshad//ces bya ba la sogs pa la/ lus dang rnam par snang mdzad du sbyar ba dang / de bzhin du/ mi bskyod pa dang sbyar ba dang / /sogs pa ni lus dang sems gnyis phan tshun brten te 'byung la/ gcig rang mi skye ba de bzhin du de bzhin gshegs pa'i rigs dang rigs lnga po yang gcig la gcig brten te/rgyu dang 'bras bu'i tshul du 'byung bas na/ rdo rje rigs dang gti mug gi rigs sbyar ba dang / 'byung ba dag kyang phan tshun bsnor te 'byung ba yin no/ /'khor lo'i dbus na gsang ba gsum/ /zhes pa la/ lus kyi 'khor lo'i dbus na gnas pa'i don//sa sbyod lus kyi phyag rgya ste/ /zhes pa la/ sa la spyod pa sku phyag rgya chen po ste/ rdo rje'i lus can 'og tu gzigs/ zhes bya ba ste/ yab dang sbyar ro/ /mkha' spyod 'dod chags phyag rgya ste/ /zhes bya ba ni yum dang sbyar te/ rdo rje mo dag steng du gzigs/ /zhes bya'o/ / sems ni bdag med tshul can yin/ /zhes pa la/ byang chub kyi sems de ni bdag med pa gnyis kyis stong zhing gzung 'dzin gyi dri ma rnam par dag pa mtha' thams cad dang bral ba la bya ste/ dbus na gnas zhes pa'i don to/ /rigs drug tu ni rnam phye ba/ /zhes pa la/ rigs drug ni ak+ko b+h+ya dang /snang mdzad dang / rin chen 'byung ldan dang / snang ba mtha' yas dang / don yod grub pa dang / rdo rje sems dpa' ste drug go/ /lhag ma ni brda phrad sla'o/ /le'u bzhi pa'i bshad pa'o// //da ni le'u lnga pa 'chad do/ rgyud 'di spyir man ngag 'ba' zhig ston pas/nyan thos la sogs pa'i yul ma yin pas dgongs pa dang / brdas bstan pa dang / bla ma'i kha las shes par bya dgos pas tha snyad zhib tu ma bshad pa yin no/ /bdag med pa la tsum+ba byed/ /gtso bo thod pa reg byed cing / /zhes pa la dgyes pa'i rdo rje nyid yum dang gnyis su med pa la bya ste/rdo rje thod pa ni he ru ka'o/ /lta na yang 'dzin byed cing zhes bya ba ni/ nu ma la 'dzin pa'o/ /de nas snyoms 'jug gi dkyil 'khor gsal bar byed ces bya ba'i don to/ /lhag ma ni brda phrad sla'o/ /dgyes pas gnyis gnyis mnyam par ldan/ zhes bya ba la yab yum gnyis su med pa las mthar thug pa'i dga' ba dang ldan pa'i don to/ /mi bsgul ba yi rang gzugs kyis/ /mi bsgul ba yi bde ba thob/ ces pa la/ mthar thug pa'i skabs su rtog pa gang la yang rang bzhin gyis mi 'phro bas na rang gzugs kyis bya pa'i don to//de gang du yang mi 'phro zhing skad cig ma de la phyag rgya chen po'i dngos grub thob par byed pas na/ bde ba thob ces pa'i tha tshig go/ /lhag ma bung ba lta bur gnag /ces bya ba ni/ dbu g.yas dkar g.yon dmar dbus gnag /lhag ma bung ba'i mjug ma ltar gnag / ces pa'i don to/ /lhag ma ni go sla bas ma bris so/ /he ru ka'i phyag mtshan ni grang po la sogs pa brgyad kyi thod ba bsnams pa ni/ lha chen po rnams kyi nor dbang du sdud pa'i rtags so/ /sa chu la sogs pa brgyad pa snams pa ni/ de dag gi lha la bya'o/ /gnyis 'thung la sogs rim bzhin zhes pa ni glang po che ste/gong ma'i glang po dang rta dang bya ba'i bshad pa ston te/ glang po che ni dang por snas chu la sogs pa brngubs nas de nas gdod snas yar khar ldubs bas phogs gnyis 'thung bas gnyis 'thung zhes bya ste/ de lta bu la sogs pa'i thod pa bsnams zhes pa'i don/sa chu la sogs pa ni sa ni sa bdag go/ /chu ni chu lha'o/ /rlung ni rlung lha'o/ /me ni me lha ste/ de bzhin du nyi zla dang / mthar byed de gshin rje dang / nor skyong ste ku be ra'o/ /de dag gi thod pa bsnams pa'i don/ ci'i phyir zhe na/ lha la sogs pa dag glang po la sogs pa'i 'gro ba kun/byang chub kyi rgyu dang ldan pas/ de rnams gzud ba'i phyir/ phyag mtshan du bsnams pa'i tha tshig go/ /lhag ma go slabs ma bris so/ /dom byi sna tshogs mdog ces bya ba ni/ dbu dkar bde'i 'og ma ser ba la sogs pa kha dog lnga'i rang bzhin can yin pa'i tha tshig go//lhag ma ni go sla'o/ /til mchog ma ni bkug nas kyang / zhes bya ba ni brgya byin gyi slas mo zhig ste/ de bkug nas byin gyis brlabs te rdo rje'i snying po la dbang bskur zhes bya ba'i don to/ /skad rings ma nor legs par ni/ zhes bya ba la/ hUM sgra ring por 'dren pa la bya/ yo shi dag ni 'gugs par byed/ /ces pa la/ bud med sngags des dgug pa'o/ /rig byed dang po nyid la ni/ /zla ba phyed pas rnam par brgyan/ /zhes bya ba ni/ rig byed dang po ni yi ge oM la bya la/ zla ba phyed ni byin dus steng du mtshan pa'o/ /aSh+TA na nA la sogs pa ni/he ru ka zhal brgyad pa'i sngags so/ /nub phyogs su ni rus sbal te/ /byang phyogs su ni sbrul yang bri/ /zhes pa la/ 'di ni nor bas dpyad de/ gong du lha rnam pa gnyis kyi phyag mtshan la ni/ nub phyogs su sbrul bsnams pa yin la/ /byang phyogs su rus sbal bsnams na 'di phyag mtshan bri pa la mi mthun par gda' na legs par dpyod cig /lhag ma rnams ni man ngag gi gnas chen po ste/ bla ma'i kha las shes par bya'o/ /le'u lnga pa'i bshad pa'o// //da ni brtag pa gnyis pa'i le'u drug pa 'chad de/ lha mos dam por 'khyud nas ni//shes rab thabs la reg par byed/ /ces pa la/ reg pa ni pad+ma la rdo rje 'jog pa'o/ /brtan pas skra ni gzung byas nas/ /zhes bya ba ni/ lha mo'i sku bzang po la gzung ba'o/ /shes rab kyi sen mos lus kun la 'debs pas na/ sen mos rol pa'o/ /de nas gnyis su med pa gyur pa ni sbyor ba'o//le'u drug pa'i bshad pa'o// //da ni le'u bdun pa las glegs bam gyi bshad pa bstan te/ sbrang chen snag tsha byas nas ni/ zhes pa la/ ma nu sa'i tshil dang zhag la sogs pa'i dud pa'i snag tshal mi rus kyi smyu gus yi ge bri ba'i don/skye bo ngan pa ni dam tshig med pa la bya'o/ /des sku dang pu sti mthong na/ tshe 'di dang tshe rabs kun du dngos grub dang bskol ba'i don/ mi srun tha ma la pa la rtsa/ /zhes bya ba ni/ mchan khung dang skra'i bar du sba ba'i don/ glegs bam lam gyi spyod yul la/ /zhes bya ba ni/ de'i glegs bam gzhan du sba ba ma rnyed kyang /'og ka dang 'khor gsum 'gegs pa'i 'og tu sba zhes pa'i don to/ /shi ba dgu yi gzugs can dag /ces pa la/ ro'i gdan dgu la bzhugs zhes bya ba'i tha tshig go/ /byA g+h+ra'i pags pa ni stag gi pags pa'o/ /bza' ba dag ni yang bza' zhing //zhes pa la/ ga Na tsakra'i tshe na bza' btung la sogs pa'i longs spyod yang dang yang du bya ba'i don to/ /de nas ma mo rnams la mchod/ /ces pa la/ de ltar bza' btung la sogs pa'i longs spyod kyis rnal 'byor pa'i lus kyi dkyil 'khor gyi lha la mchod nas/de'i las kyi lhag ma las pa ma mo dang mkha' 'gro ma la sogs pa la gtor ma'i mchod pa dbul zhes pa'i don to/ /rnam pa gcig tu na de ltar bza' btung la sogs pa dang / gang dang glu la sogs pas mchod pa'i 'og tu snyoms par 'jug pa bla na med pa'i bde ba'i mchod pas ni/ma mo rnams la mchod par bya/ /zhes pa'i don to/ /lhag ma ni brda phrad sla'o/ /le'u bdun pa'i bshad pa'o// //da ni le'u brgyad pa'i don 'chad de/ de nas rnal 'byor ma yis zhus/ /zhes pa la/ lha mo bdag med mas zhus pa'i don to//phyag rgya chen po ji lta bur/ /zhes pa la/ yum gyi phyag rgya chen po zhes bya ste/ de'i mtshan ma dang rtags ni rgyud nyid las gsal bas 'dir ma bris so/ /de nas lha mo dga' nas ni/ /'di skad kyis ni tshig gsol to/ /gdul dka' tha ma'i sems can dag / ji lta bar ni gdul bar bgyi/ /bcom ldan 'das kyis bka' stsal pa/ /dang po gso sbyong nyid la dgod/ /de rjes bslab pa bcu yang sbyin/ /de nas be bsha yang bstan/ /de nas yang ni mdo snga ste/ /de nas spyod pa yang bstan bya/ /de rjes dbu ma gnyis bstan bya/ /rgyud rnams thams cad shes par bya//de nas dgyes rdor la dgod de/ /slob ma gus pas blangs nas ni/ /'grub pa yang ni the tshom med/ /ces pa la/ ci ste rgyud nyid las rdzogs pa'i rim pa yod bzhin du/ bskyed pa'i rim pas ci zhig ces smos pas bslab pa'i rim pa la gnas mi dgos par dgyes pa'i rdo rje nyid la slob pa ni ci nyes she na/'on te khyod kyi rgol ba 'di ni chung ma med bar bu'i nor sogs pa dang 'dra'o/ /de bas na de kho na nyid bsdus pa'i rgyud chen po las kyang / byang chub sems dpa' don thams cad grub pa la de bzhin gshegs pa thams cad kyis bka' stsal pa/sems de ni rang bzhin gyis 'od gsal ba yin pas zla ba lda bu'o/ /zla ba'i dkyil 'khor ni rim gyis rdzogs par 'gyur te/ de bzhin du rang bzhin gyis 'od gsal ba'i sems de yang rim gyis rdzogs par 'gyur ro zhe'o/ /gzhan yang mdo sde dag las 'jig rten na 'phong dang bzo'i gnas dang /shing thog dang 'brul sogs pa ni rim gyis rdzogs par 'gyur gyi/ cig car ni ma yin no zhe'o/ /de bzhin du rdzogs pa'i rim pa'i ting nge 'dzin la slob par byed pas kyang / rim gyis 'jug pa la bslab bar bya'i/ cig car ni ma yin no/ /de bas na lus rnam par dben pa med par ngag rnam par dben pa shes par mi nus so//ngag rnam par dben pa dang bral bas ni sems rnam par dben pa rtogs par bya bar mi nus so/ /sems kyi rang bzhin gyi snang ba med pa'i ting nge 'dzin med par kun rdzob kyi bden pa mngon sum du bya bar mi nus so//kun rdzob kyi bden pa rtogs pa dang bral bas ni don dam pa'i bden pa mngon sum du bya bar mi nus so/ /don dam pa'i bden pa med par zung du 'jug pa'i rim pa mngon gsum du bya bar mi nus so/ /bcom ldan 'das kyis kyang don gyi dbang 'di gzigs nas/ rim gyis 'jug pa la bslab par bya'i ci gcan ni ma yin no//rim gyis 'jug pa'i rdzogs pa'i rim pa la bslab pas/ cig car rang gi rgyud rnam par dag par 'gyur ro zhe'o/ /'dir bshad pa/ sems can dang po'i las can rnams/ /dam pa'i don la 'jug pa la/ /thabs ni rdzogs pa'i sangs rgyas kyis//skas kyi rim ba lta bur gzhag /ces gsungs so/ /spros pas mchog gi dkyus ma nyid la 'jug par ste/ gdul dka' tha ma'i sems can dag /ji lta bar ni gdul bar bgyi/ /zhes bya ba'i lan ltar shes par bya ste/ de bsan byis pa so so'i skye bo phyugs dang 'dra ba rnams dkon mchog gsum la skyabs su 'gro zhing /yan lag brgyad pa'i khrims srung bar byed pa ni/ dang po gso sbyong nyid la dgod/ /ces bya'o/ /de las kyang ches mya ngan las 'das pa la mngon du phyogs pa'i phyir/ ce lu'i bslab pa bcu srung bar byed pa ni/de nas bslab pa bcu yang sbyin/ /zhes bya'o/ /de'i 'og tu b+he bas Sha ste nyan thos bye brag pa'i chos bstan pa dang / de nas mdo ste ste/ nyan thos mdo sde pa'i chos bstan la/ /dge slong du khrims nyis brgya lnga bcu dpog go/ /de nas spyod pa bstan te/ kun rdzob byang chub tu sems bskyed du gzhug ste/rnal 'byor spyod pa'i chos rnams bstan par bya'o/ /de'i 'og tu mtha' thams cad dang bral ba dbu ma chen po'i don bstan te/ don dam pa byang chub mchog tu sems bskyed du gzhug go/ /de nas byang chub sems pa'i ltung ba bzhi bcu rtsa gnyis dang /phas pham pa'i chos brgyad la gnas ta/ pha rol tu phyin pa'i sgo nas 'jug cing bsgrub par bya'o/ /de nas yang myur du yang dag par rdzogs pa'i sangs rgyas thob par bya ba'i phyir/ gsang sngags kyi rnam par thar pa'i sgor zhugs te/ bla ma dam pa rnams la dkyil 'khor du 'jug cing dbang bskur ba dang /dam tshig dag thob nas/ phyi nang gi rgyud mtha' dag shes bar byas nas/ rgyud rnams thams cad shes par bya/ /zhes bya ba'i don to/ /de nas tha mar dpa' dgyes pa rdo rje'i sgor zhugs te/ shes rab dang ye shes kyi dbang mnos nas/sgrub pa la zhugs pas ni gdon mi za bar phyag rgya chen po'i dngos grub thob ste/ de bas na/ de nas dgyes rdor la dgod de/ /slob ma gus pas blangs nas ni/ /'grub par yang ni the tshom med/ /ces pa'i don to/ /brtag pa gnyis pa las le'u brgyad pa'i bshad pa'o// // da ni le'u dgu pa'i don 'chad de/ dkon mchog gsum dang bla ma'i dgrar gyur pa la/ drag po'i chog bya ba ste/ kha sbyar las byung mtshan nyid ni/ /zhes pa la/ las byung ni dgra'i phung po las sems dbyung ba la bya'o/ /bsgrub bya'i lte ba'i rtsa ba nas/ /zhes bya ba ni/ dgra'i lte ba aM ku shas sems drangs te/snying gar yig 'bru gsum pa bsdus la/ phyir phyung na 'chi ste/ de lta bu'i sbyor ba la lan mang du bya bas ni/ sangs rgyas kyang 'jig ces bya ba'i don/ yang dgra'i snying ga na yi ge nr-i gnas pa gong ma bzhin du lcags kyus blangs na 'grub ces pa'i tha tshig go//de yang thog ma dang dbus dang tha mar snying rje chen pos zin par bya'o/ /snying rje dang bral ba ni bdag nyid kyang brlag par 'gyur ro/ /de nas lam du khab bsams te/ zhes bya ba la/ dgra de'i snying ga dang spu'i khung bu kun du yang khab kyi gtsugs par bsams la/ snying la sogs pa mes kyang tshig par bsams na 'chi bar 'gyur ro//ltos shig lha mo rin chen ma/ /zhes bya ba ni/ rin po che mig ma phug ni rin chung la/ phug pa ni rin che'o/ /de bzhin du srid pa dag par byed pa rnam par mi rtog pa'i ting nge 'dzin rnyed pa ni/ rin chen ma zhes bya la/ / dngos por rtog pa ni de lta ma yin no/ /de lta bu'i 'bar ba'i skus sgrub pa'i sbyor ba byas na/ ji ltar 'dod pa'i grub pa thob pa/ /ces pa'i don to/ /de lta bu ni dkyil 'khor rin po che lta bu yin pas 'dod pa'i yon tan thams cad dang ldan pa'i don to/ /lhag ma rnams ni brda phrad sla bas ma bris so//gsang sngags dag ni nga yis bshad/ /dang po rnam par snang mdzad de/ /zhes pa la/ le'u gnyis pa las sngags btu bstan te/ ci'i phyir na dam tshig mang pa dang / mu stegs la sogs pa gzu lums can dag gis mi rtogs par bya ba'i phyir sbas te bstan pa yin no//ci ste de bzhin gshegs pa ni sems can la lkog tu ma gyur cing khyab pa'i thugs rje mnga' ba yin na/ 'dir yi ge la sogs pa sbas pa 'gal lo zhe na/ 'on te de bzhin gshegs pa la dbri bkol dang bye brag tu mi mnga' yang / 'gro ba snod du ma gyur pa rnams kyis don la 'jug par mi nus pa rnams la rim gyis theg pa'i khyad par la blo sbyangs te nam zhig de'i snod du gyur pa na/gdod bstan pa yin no/ /de bas na de bzhin gshegs pa ni sems can re re'i phyir yang bskal pa nas bskal par bzhugs te/ 'gro ba rim gyis byang chub la dgod kyi/byed pa po ltar skad cig gis cig car ni mi 'god pa'i phyir ro/ /'on tang na snod du rung ba'i dbang po mchog dang ldan pa rnams la ni/ gsang ba'i theg pa bstan gyi/ de ltam yin pa rnams la ni theg pa'i rim pa gzhan bstan pa yin te/ dbang ma bskur zhing dam tshig la mi gnas pa rnams la gsang ste/shes rab kyi pha rol tu phyin pa tshul brgya lnga bcu pa'i 'grel pa las kyang / dam tshig la ma zhugs pa gsang pa'i tshad ni/ byams pa byang chub sems dpa' yang 'od du mi snang ngo zhes bka' stsal pa dang / gsol ba bdag ni tshe gcig gis thogs pa'i byang chub sems dpa' ni/dus phyi ma la mngon par 'tshang rgya bar de bzhin gshegs pa thams cad kyis lung bstan na/ phyogs bcu'i sangs rgyas kyi zhing thams cad dang / de bzhin gshegs pa thams cad kyi sku dang gsung dang thugs kyi yon bsam gyis mi khyab pa bdag gis mthong ste/sangs rgyas kyis las ngar las bsgribs pa tsam du bas te/ ci la yang gsang ba ma mchis pa/ dkyil 'khor 'di mdzad pa bdag la gsang du ci mchis zhes gsol pa dang / bka' stsal pa/ byams pa khyod kyis thams cad mthong gis kyang /khyod kyi dkyil 'khor 'di'i dam tshig la sngar ma zhugs pa bstan du mi gnang ngo zhes bka' stsal nas/ phyis byams pa byang chub sems dpa' dkyil 'khor 'di nyid du zhugs nas/ mgu rangs te bstod do zhes gsungs pa dang / rgyud 'di nyid las kyang / dgyes pa'i rdo rje'i dbang min par/ /dgongs pa'i tshig rnams smra ba ni/ /de ni dam tshig nyams 'gyur bar/ /'gro bar yang ni the tshom med/ /gdon dang chom dang rkun po dang / /rims dang gdon dang dug rnams kyis/ /gal te sangs rgyas nyid 'chi zhe'o/ /de bas na sngags kyi don sbas te bstan pas na 'gal ba med do//dang po rnam par snang mdzad de/ zhes pa ni oM mo/ /uSh+ma Na yi bzhi pa la/ /zhes bya ba ni ha'o/ /puk+ka sIs mdzes stong pas mnan/ /zhes pa ni u'o/ /zhes pa ni u'o/ /stong pas mnan pa ni thig le'o/ /de gsum 'dus pa las ni hUM 'grub po/ /de'i mthar swA hA ni gnon pa'i sngags so//thog mar sde tshan dang po ste/ zhes bya ba ni a'o/ /de nas mkha' spyod de bzhin te/ zhes pa ni u'o/ /mthar ni swA hAr sbyar bar bya/ /zhes pa la/ stong pa ni thig le'o/ /swA hA ni dngos po ste/ sdang bar bya ba'i sngags so/ /dngos su o badzri swA hA zhes bya ba'o//dang po ste yi dbang phyug dang / /zhes pa ni a'o/ /lnga pa yi ni gsum pa dang / /zhes pa ni ba'o/ /stong pa mkha' 'gro sbyar nas kyang / /zhes ba la/ stong pa ni thig le'o/ /mkha' 'gro ni u'o/ /swA hA mthar bcas mngon spyod byed/ /ces pa ni/ dngos su oM buM swA hA zhes bya'o//sde tshan thog ma nyid la ni/ /zhes pa ni e'o/ hUM ni dmar po dang ldan pa/ swA hA mthar bcas dang ldan pa/ zhes bya ba ni/ dngos su oM hU swA hA ste dgug pa'i sngags so/ /thog ma'i gti mug rigs can la/ /zhes ba ni o'o/ /g+hu zhes kyang ni yang dag sbyar/ /mthar yang swA hA sbyar ba ni/lha dang mi ni gsod par 'gyur/ /zhes bya ba ni dngos su oM g+hu swA hA zhes bya'o/ /thog ma ni dang po zhes bya ba ni oM mo/ rdo rje mkha' 'gro yang dag sbyar/ /zhes bya ba ni u'o/ /thog mar rnam snang nyid la ni/ /zhes bya ba ni a'o/ /mthar gnas pa yi gnyis pa la/ /zhes bya ba ni ra'o//rdo rje mkha' 'gro dag gis sbyar/ /zhes bya ba ni u'o/ /thog ma yi ni dang po la/ /zhes bya ba ni ka'o/ /mkha' 'gro ma yis yang dag sbyar/ /zhes bya ba ni u'o/ /yang ni thog ma'i dang po la/ /mkha' 'gro ma yis yang dag sbyar/ /zhes pa ni ka dang u gnyis so/ / mthar gnas pa'i gsum pa zhes pa ni la'o/ /gzhan yang de bzhin yang dag sbyar/ /steng du tsau rIs rnam par brgyan/ /zhes pa ni e'o/ /hi zhes kyang ni yang dag sbyar/ /mthar ni swA hAr ldan par bya/ /ku ru ku l+le'i gsang bsngags so/ /zhes pa la/ dngos su ku ru ku l+le'i d+hi/ / zhes pa'i don to/ /dang po oM ste bzhi pa gsum/ /zhes pa ni/ /oM ni dngos so/ /bzhi pa'i gsum pa ni da'o/ /cau rI'i rnam par brgyan zhes pa ni e'o/ /mthar gnas pa yi bzhi pa la/ /zhes pa ni lba'o/ /deb pi tsu badzra dang sbyar/ uSh+ma'i bzhi pa la zhes pa ha dang a dang sbyar//puk+ka sI yis rnam par brgyan/ /zhes pa ni u'o/ /stong pas mnan cing sum 'gyur ro/ /zhes pa ni hUM gsum mo/ /lnga pa yi ni gsum pa zhes pa ni pa'o/ /gsum pa yi ni thog ma la/ /zhes pa ni Ta'o/ /mtha' ni swA hAr bcas pa ni/ dgyes pa yi ni snying po yin/ / zhes pa la/ dngos su de ba pi tsu badzrahUMhUM hUM phaT swA hA zhes dgyes pa'i snying po yin zhes bya'o/ /rnam par snar mdzad dang po la/ /zhes bya pa ni a'o/ /dz+wa la dz+wa la rnam phye ste dngos so/ /lnga ba yi ni bzhi pa zhes bya ba ni b+ha'o/ /mthar gnas pa yi thog mar sbyar/ zhes pa ni ya'o/ / g+ha sma rI yis rnam par brgyan/ /zhes bya ba ni o'o/ uSh+ma Na yi bzhi pa las/ /zhes pa ni ha'o/ /rdo rje mkha' 'gros yang dag brgyan/ /zhes bya ba ni a'o/ /stong pas mnan cing sum 'gyur ro/ /zhes bya ba ni hUM gsum mo/ /lnga pa'i gnyis pa zhes bya ba ni pha'o/ /gsum pa yin dang po zhes bya ba ni Ta'o//swA hA'i mtha' dang bcas pa ni dngos so/ /de phyag bzhi pa'i sngags so/ /dang po rnam par snang mdzad de/ /zhes pa ni a'o/ /thog ma yi ni dang po zhes bya ba ni ka'o/ /gsum pa'i dang po zhes bya ba ni Ta'o/ /nang gi go rims rnam par sbyar//zhes bya ba ni i ste gu gu'o/ /gnyis 'gyur du ni bya ba yis dngos so/ /lnga pa'i gsum pa zhes bya ba ni ba'o/ /gnyis pa yin ni gsum pa dza'o/ /me yis rnam par brgyan pa ni ra'o/ /hUM gsum gyis ni rnam par sbyar/ /zhes bya ba ni dngos so/ lnga pa yi ni gnyis pa dang / zhes bya ba ni pha'o/ /gsum pa yi ni thog ma dang / /zhes bya ba ni Ta'o/ /mthar ni swA hA bya ba ni phyag drug pa'i sngags so/ /dang po rnam par snang mdzad de/ /zhes bya ba ni a'o/ /bzhi pa'i dang po ni ta'o/ /me yis kyang ni rnam par brgyan/ /zhes pa ni ra'o/ /be tA lI yis rnam par brgyan//zhes pa ni e'o/ /mthar gnas pa yi gsum pa la la'o/ /g+ha sma rI yis rnam par brgyan/ /zhes bya ba ni o'o/ /thog ma yi ni dang po la/ /zhes bya ni ka'o/ /rdo rjes kyang ni yang dag sbyar ba ni a'o/ /k+Sha latsau rIs brgyan pa ni k+Sha ni dngos so/ /cau rI ni e'o/ /lnga pa yi ni thog ma dang //zhes pa ni ba'o/ /uSh+ma yi ni bzhi pa ni/ /zhes bya ba ni ha'o/ /rdo rje [(]'kha' [,]mkha' [)]'gros rnam par brgyan/ /zhes pa na a'o/ /stong pas mnan cing gsum 'gyur zhes bya ba ni hUM gsum mo/ /phaT dang swA hA mthar bcas pa ni dngos po nyid de/ phyag gnyis pa'i sngags so//bdag med dang po'i thog ma ni ka'o/ /gnyis pa'i thog ma ni tsa'o/ /gsum pa'i thog ma ni Ta'o/ /bzhi pa'i thog ma ni ta'o/ /lnga pa'i thog ma ni pa'o/ /mthar gnas pa'i thog ma ni ya'o/ /uSh+ma'i thog ma ni sha'o/ /dang po rnam par snang mdzad de/ /zhes pa na a'o/ /mthar ni swA hAr bcas pa dag//yul 'khrug pa'i sngags te 'bum du bzlas so/ /mthar gnas pa yi gnyis pa ni rA'o/ /k+Sha ni gnyis pa/ hUM gsum pa ni dngos so/ /dang po rnam par snang mdzad ces pa a'o/ /mthar gnas pa ni swA hA dang sbyar ba ni/ zhabs su swA hA dang sbyar ba ste/rdzas sbyangs pa'i sngags so/ /dang po rnam par sna mdzad da/ /zhes bya ba ni oM mo/ /rdo rjes AHdang hUM can ni btung ba la sogs pa byin gyis brlabs pa'i sngags so/ /dang po rnam par snang mdzad ni oM mo/ /rdo rjes a kA ro mu kho de nyid ni gong ma'i sngags nyid do/ /uSh+ma Na'i gsum pa ni sa'o//mthar gnas pa'i bzhi pa ni lba'o/ /steng du me yis rnam par brgyan ni ra'o/ /d+harmA NAM ste rjes la dngos so/ /rdo rje yang bya ba ni a'o/ /Ad+ya nu t+pan+na twAta dang / oM AHhUM phaT swAhA ni 'byung po'i tshogs thams cad kyi gtor ma'i chog 'o/ /brtag pa gnyis pa'i sngags btu ba'i le'u bshad pa ste/le'u dgu pa'i bshad pa'o// //de nas brtag pa gnyis ba'i le'u bcu pa bshad de/ /le'u 'di las bzlas pa dang / /bgrang phreng gi rnam grangs kyis las gang gang bya ba dang / /mthun pa'i rdzas kyis bskus na nor bu gzi brjid can du bya ba dang /gzhan yang tha ma'i shwa nyid de bya ba dang / sa pa ni gong du bshad pa dang 'brel to/ /brtag pa gnyis pa'i bzlas pa'i le'u'i bshad pa ste le'u bcu pa'i bshad pa'o// //da ni brtag pa gnyis pa'i le'u bcu gcig pa'i bshad pa ston te/ /le'u 'di las ni rnal 'byor ma rnams kyi lus kyi mchan ma dang /

CLOSE WINDOW