CLOSE WINDOW

D1148
བོད་ཡིག

lo tsA ba shAkya blo gros kyis bsgyur cing zhus te gtan la phab pa'o// @##/ /rgya gar skad du/ sha ta pany+tsa sha ti ka nA ma s+ya sto tra TI ka /bod skad du/ brgya lnga bcu pa zhes bya ba'i bstod pa'i 'grel pa/ dkon mchog gsum la phyag 'tshal lo/ / spel mar bstod pa phyogs glang pos/ /zab mo nye bar bshad pa ni/ /brgya ni lnga bcu pa yi don/ /rmad byung de las rnam shes nas/ /rgyal ba la ni gus pa yi/ /dga' byed snyan pa'i dge slong gis/ /de yi phyogs la dad pa yis/ /rnam par dbye ba rab tu bya/ /de la 'dir brgya lnga bcu pa'i bstod pa re zhig dang por gleng bslang ba dang /rgyu dang 'bras bu dang / sman 'dogs pa'i sgo nas bstod pa dang / bcu gsum du rab tu bstan pa ni 'di lta ste/ gleng bslang ba'i bstod pa dang / pha rol tu phyin pa drug gi rgyu thun mong ma yin pa'i phyir gcig tu byas nas rgyu la bstod pa'o//'bras bu la bstod pa ni dpe med pa la sogs pa'i dbye bas rnam pa gsum ste/ dpe med pa la bstod pa dang / rmad du byung ba la bstod pa dang / sku la bstod pa zhes bya ba'o/ /sman 'dogs pa'i bstod pa ni snying rje la sogs pa'i dbye bas rnam pa brgyad de/ thugs rje la bstod pa dang / gsung la bstod pa dang / bstan pa la bstod pa dang / smon lam la bstod pa dang / lam la 'jug pa la bstod pa dang / dka' ba mdzad pa la bstod pa dang / mkhas par bstod padang / bu lon med pa la bstod pa zhes bya'o/ /de rnams kyi bsdus ba'i tshigs su bcad pa dag ni/gleng bslang bstod dang rgyu la ni/ /rnam drug 'bras bu dpe med dang / /rmad du byung dang de bzhin sku/ /sman 'dogs rnam brgyad de yang ni/ /thugs rje gsung dang bstan pa dang / /smon lam dang ni lam 'jug dang / /dka' mdzad nyid dang mkhas pa dang / / bu lon med dang bcu gsum mo/ /bstod pa bcu gsum po de rnams kyi re re'i bshad pa yongs su rdzogs pa ni phyis bshad par bya'o/ /de la gleng bslang ba zhes bya ba ni dang por brtsam pa'o/ /gleng bslang ba der don gang dang gang gis bshad pa zhes bya ba bstan pa dang / rgyu la bstod pa la sogs pa rnams la yang tshigs su bcad pa gang gis don gang bshad pa de yang rab tu bshad par bya'o//re zhig gleng bslang ba'i bstod pa'i tshig gi don ni de bzhin gshegs pa la skyabs su 'gro ba la sogs pa'i mchod 'os nyid dang / de bzhin gshegs pa'i rgyu nyid dang de bzhin gshegs pa'i nyes pa ma lus pa zad pa rjes su dpag pa dang /yon tan ma lus pa mi shes pas kyang bcom ldan 'das la yon tan gyi phyogs gcig tsam gyis bstod pa dang phyag 'tshal ba'i yon tan gyi phyogs tsam bshad pa zhes bya'o/ /'dir yang bsdus pa'i tshigs su bcad pa ni/ston la skyabs 'gro sogs mchod 'os/ /nyes pa med pa rjes su dpag /yon tan mtha' yas kyang ni chas/ /bstod pa 'dir ni phyag 'tshal phyogs/ /de la gang la'ang rnam pa thams cad du zhes bya ba rgyas par bshad pa'i phyir tshigs su bcad pa gnyis brtsam par bya ste/gang zhig la ni nyes pa kun/ /gtan nas yod ye mi mnga' zhing / /gang la'ang rnam pa thams cad du/ /yon tan thams cad gnas gyur pa/ /gal te sems shig yod na ni/ /de nyid la ni skyabs 'gro zhing / /de bstod de ni bkur ba dang / /de yi bstan la gnas pa'i rigs//gang zhig la ni nyes pa kun/ /zhes smros pa la/ de nyid la ni skyabs su 'gro ba'i rigs zhes bya ba la sogs pa'i tshig dang sbyar ro/ /gang zhig ces bya ba ni thun mong gi sgra yin yang don gyis sangs rgyas bcom ldan 'das kho na la 'jug go/ gang gi phyir nyes pa thams cad zad pa dang yon tan ma lus pa dang ldan pa ni gzhan med pa de'i phyir 'di ltar bshad de/ thams cad mkhyen la yon tan kun/ /mnga' la de yang nyams mi mnga'/ /nyes pa bag chags bcas de yang / /skyob pa gcig pu la mi mnga'/ / zhes bya'o/ /nyes pa zhes bya ba ni 'dod chags la sogs pa ste/ nyes pa byed pa zhes bya ba'i phyir ro/ /yang na lus dang ngag dang yid kyi rgyud la nyes pa byed pa ni snod ma yin par byed pa zhes bya bas na nyes pa'o/ /mi mnga' zhes bya ba ni mi mnga' ba ste/ skyon du gyur pa ma brnyes pa'i phyir ro//yod ye zhes bya ba ni bcom ldan 'das kyi spangs pa phun sum tshogs pas ngo mtshar ba gsal bar byed pa'o/ /yang na tshig kha bskang ba'i phyir tshig gi phrad do/ /gang zhig la nyes pa mi mnga' ba de skyabs su 'gro ba la sogs pa'i mchod 'os pa zhes bya'o/ /phyi rol gyi 'dod chags dang bral ba dang /slob pa rnams la nyes pa med pa'i phyir skyabs su 'gro ba la sogs pa'i mchod 'os su thal bar 'gyur zhes pas na/ de bsal bar bya ba'i phyir 'di bshad de/ thams cad ces bya ba ni ma lus pa zhes bya ba'i don to/ /gal te phyi rol gyi 'dod chags dang bral ba de rnams kyi nyes pa med na yang de bzhin du srid pa'i rtse mo'i nyes pa nges par ma spangs pa'i phyir dang /slob pa po rnams kyi yang ji lta bar sbyor bas khams gsum dang / gnyis dang gcig gi thob pa'i bsgom pas spang bar bya ba rnams ma spangs pa'i phyir ro/ /dgra bcom pa rnams la yang khams gsum gyi nyes pa med na de rnams kyang skyabs su 'gro ba la sogs pa'i mchod 'os su thal bar 'gyur zhes pas na bshad pa/gtan nas zhes bya ba ni dus thams cad du'o zhes bya ba'o/ /don gang yin zhe na/ gal te dgra bcom pa rnams la yang nyes pa thams cad med mod kyi gtan nas med pa ni ma yin te/yongs su spangs pa'i dus su yod pa dang / dgra bcom pa rnams kyis yongs su ma spangs pa'i chos can yin pa'i phyir ro/ /'o na rang sangs rgyas rnams la yang nyes pa thams cad gtan nas med pas de la yang skyabs su 'gro ba'i mchod 'os su thal bar 'gyur ro zhes bya bas na de rnams las kyang khyad par du bya ba'i phyir bshad pa/rnam pa thams cad ces bya ba ni rnam pa thams cad kyis zhes bya ba'i don to/ /gang gi phyir de rnams kyis rnam pa thams cad du 'dod chags pa la sogs pa spangs par ma gyur te/de rnams kyis bag chags ma spangs pa'i phyir ro/ /de bas na de rnams kyang skyabs su 'gro ba la sogs pa'i mchod 'os ma yin no/ /bcom ldan 'das la yang nyes pa thams cad ni gtan nas rnam pa thams cad du mi mnga'o/ /de'i phyir na nyes pa ma lus pa shin tu mi mnga' ba'i slad du bcom ldan 'das kho na la skyabs su 'gro ba la sogs pa'i mchod 'os pa yin no zhes bshad do//gang zhig la ni nyes pa kun mi mnga'/ /zhes bya ba ni bshad pa'i go rims kyis tshigs su bcad pa 'di ltar gdon na rjes su mthun par mi 'gyur ro zhes pas na/tshigs su bcad pa dang rjes su mthun pa'i phyir na gtan nas dang / rnam pa thams cad ces bya ba ni go rims su gdon pa'o/ /phyi rol gyi ri bo la sogs pa'i dngos po rnams la yang gtan nas rnam pa thams cad du nyes pa med na de rnams la yang skyabs su 'gro ba la sogs pa'i mchod 'os su thal bar 'gyur zhes pas na/de dag dgag par bya ba'i phyir/ bshad pa thams cad nas rnam pa thams cad du zhes bya ba ni yon tan thams cad ces bya ba dang sbyar ro/ /yang yon tan thams cad gang zhe na/ nyan thos dang thun mong du nyon mongs pa med pa dang smon lam gyi ye shes la sogs pa'o//thun mong ma yin pa rnams kyang ma 'dres pa dang / stobs dang / mi 'jigs pa la sogs pa'o/ /de rnams kyang chung ngu dang / 'bring la sogs pa'i dbye bas ni ma yin te/ 'on kyang chen po nyid la gnas pa zhes bya bas na bshad pa/rnam pa thams cad ces bya ba ni khyad par thams cad kyis zhes bya ba'i don to/ /khyad par 'phags par bgyi ba la/ /khyod la thang lhod 'ga' ma byung / /de slad khyod kyi khyad par rnams/ /thog drung rim pa dbyer ma mchis/ /zhes pa gang 'chad par 'gyur ba'o//gang la zhes bya ba ni don gyis bcom ldan 'das kho na dang sbyar ro/ /'ang zhes bya ba'i sgra ni khyad par gyi rgyu gsal bar byed pa'o/ /nyes pa ma lus pa zad par gyur pa dang / yon tan gyi khyad par ma lus pa dang ldan pa'i phyir de nyid la ni skyabs su 'gro ba'i rigs so zhes bya ba ni rgyas pa'o//gnas gyur zhes bya ba ni yang dag par gnas pa ste/ bzhed pa tsam gyi phyir dang / mngon du gyur pa'i nus pa yin pa'i phyir ro/ /yon tan ni sngar bshad pa ste/ nyes pa'i gnyen por bgrang zhing goms par byas na zhes bya ba'i phyir ro/ /bshad pa ni 'di yin te/nyes pa med pa tsam gyis yon tan med pa skyabs mi nus so/ /skyabs kyi don ni skyabs kyi don zhes bya ste grub pa'i mtha'o/ /ri bo la sogs pa de rnams kyang yon tan med pa'o/ /bcom ldan 'das ni nyes pa mi mnga' ba dang / yon tan dang ldan pa'o/ /de bas na de nyid skyabs su 'gro ba la sogs pa'i mchod 'os pa yin gyi ri bo la sogs pa ni ma yin zhes bya'o//de nyid kyi phyir mang po skyabs su 'gro ba ni/ ri bo dag dang nags tshal dang / /skyed mos tshal dang shing drung dang / /mi rnams 'jigs pas bsdigs pa yi/ /skyabs 'gro 'di ni mchog ma yin//skyabs 'gro 'di ni dam pa min/ /de la skyabs su 'gro bas ni/ /sdug bsngal kun las grol mi 'gyur/ /zhes bcom ldan 'das kyis gsungs pa'o/ /gal te rnam pa thams cad du yon tan gnas par gyur pas bcom ldan 'das nyan thos la sogs pa rnams las khyad par du gyur pa'i phyir skyabs su 'gro ba la sogs pa'i mchod 'os pa yin na yang de bzhin du spangs pa phun sum tshogs pas kyang bcom ldan 'das bstod par 'gyur ro zhes bya bas na/gtan nas rnam pa thams cad du/ /zhes bya ba la sogs pa'i tshigs su bcad pas bshad do/ / de zhes bya ba ni sngar bshad pa'i nyes pa thams cad mi mnga' ba dang / yon tan thams cad dang ldan pa yang ngo / /nyid ces bya ba ni nges par gzung ba'o/ /nges par gzung ba gang yin pa na/ skyabs su 'gro ba la sogs pa'o/ /de ltar gyur ba las gzhan pa ni skyabs su 'gro ba la sogs pa'i snod ma yin no zhes bya ba'o//skyabs 'gro zhing zhes bya ba ni skyabs khas blangs pa'i phyir ro/ /skyabs kyi don ni skyabs kyi don/ /zhes sngar bshad de/ des ni yid kyi las la spro bar byed do/ /de bstod ces bya ba ni yang dag par gyur pa'i yon tan la bstod pa'o/ / 'gro ba'i rigs zhes bya ba ni thams cad la sbyar ro/ /des ni ngag gi las la spro bar byed do/ /de ni bkur ba dang zhes bya ba ni thal mo sbyar ba la sogs pas bsnyen bkur bya zhes par dgongs pas so/ /des ni lus kyi las la spro bar byed do/ /de'i bstan la gnas zhes bya ba ni lus dang ngag dang yid dag gis des bkag pa mi spyad pa dang /rjes su gnang ba sgrub par byed pa'o/ /de lta bus ni bcom ldan 'das kyi bstan pa la gnas par 'gyur te/ des ni sgrub pa la spro bar byed do/ /rigs pa zhes bya ba ni rigs pa las ma 'das pa ste/ rigs pa dang mthun pa zhes bya ba'i don to//gal te sems shig yod na ni/ /zhes bya ba ni bdag nyid la phan pa'i sems gzung bar bya ste/ gtso bo yin pa'i phyir ro/ /bdag la phan par sems pas na zhes bya'o/ /gzhan du na phyugs rnams la yang sems yod de/ de rnams kyis ni nyes pa dang yon tan brtag pa'i nus pa dman pas bdag la phan par mi sems pa'o//de bas na bdag la phan par sems pa gang yin pa des ni nyes pa thams cad mi mnga' ba dang / yon tan thams cad dang ldan pa la skyabs su 'gro ba bya ba dang / de'i bstan pa la gnas par bya'o zhes bstan to//de lta bas na tshigs su bcad pa de gnyis kyis ni ston pa la skyabs su 'gro ba la sogs pa'i mchod 'os bstan to/ /dgongs pa gang gis slob dpon 'di nyid kyis skyabs su 'gro ba la sogs pa'i mchod 'os pa 'di lta bus gsal bar byas so zhes bya ba bshad par bya ste/'dir yang slob dpon phyogs kyi glang pos zhar la bstan to/ /kha cig na re skyabs su 'gro ba la sogs pa'i mchod 'os pa mi shes pas 'di skad zer te/ de ring gang la skyabs su mchi/ /ji srid bdag la sems yod na//gang gi bstan la gnas pa dang / /gang bstod gang la bsnyen bkur bgyi/ /zhes bya ba de'i phyir/ gtan nas rnam pa thams cad du/ /zhes bya ba rgyas par slob dpon gyis bshad do/ /'dir yang 'di ltar 'chad par 'dod pas gang gi phyir 'jigs pa dang bcas pa'i 'jig rten pas skyabs su 'gro ba la sogs pa'i mchod 'os pa tshol bar byed pa de rnams gang la 'jigs pa gang gis 'di nyid smras pa zhes bya'o//'di nyid spel ma'i spel mar gnas brtan shAkya blos bshad pa ni/ 'bar zhing tsha ba'i 'dod chags sogs/ /me yis lus ni bsregs gyur cing //skye mched kun la gnod byed pa'i/ /dmyal bar yid ni skrag gyur pas/ /de ring gang la skyabs su mchi/ /zhes pa ni rgyas pa'o/ /bshad pa ni 'di yin te/ 'dod chags la sogs pa'i mes yang dag par gdungs pa'i lus dang ldan pa dbang po kun la gnod pa'i dmyal ba las yid skrag nas skyabs su 'gro ba la sogs pa'i mchod 'os pa tshol bar byed pa dag gi dbang du byas nas/gtan nas rnam pa thams cad du/ /zhes bya ba ni rgyas par bshad do/ /skyabs su 'gro ba la sogs pa'i mchod 'os pa de dang 'dra ba gang yin zhe na/ mngon sum du ma bshad pa de'i phyir 'di bshad par bya ste/ /thams cad mkhyen la yon tan kun/ /mnga' la de yang nyams mi mnga'/ /nyes pa bag chags bcas de yang / /skyob pa gcig pu la mi mnga'/ /nyes pa bag chags bcas de zhes bya ba la/ bag chags dang bcas par 'jug pa zhes bya ba ni bag chags bcas pa ste nyes pa'o//de la bag chags zhes bya ba gang yin zhe na/ de la gsung rab la mkhas pa kha cig ni ji ltar me tog dang bcas pa'i til rnams kyi dri dang ldan pa'i me tog bsal na yang de dang 'dra ba'i dri gzhan 'byung zhes zer ro/ /yang na ji ltar lu gu rgyud du sprel ba las grol ba'i skyes bus yun ring por goms pa'i dbang gis sngar gyi 'gro ba dang 'dra bar 'gro ba de bzhin du nyes pa spangs par gyur na yang 'phags pa nyan thos rnams kyi nyes pa'i bud shing bstan pa'i phyir dang /'phags pa'i lam gyi me myur ba ma yin pa'i phyir seng ldeng gi bud shing gi dman pa'i mes bsregs pa'i sol ba dang 'dra ba nyes pa dang mtshungs pa sems dang sems las byung ba'i khyad par lung du ma bstan pa rgyud la lhag mar gyur pa gang yin pa de ni bag chags zhes bya'o//gang gi phyir de bzhin du 'phags pa shA ri'i bu'i chags pa'i bag chags thos pa ni gang gi tshe gnas brtan mod gal gyi bu chen po'i yan lag dang nying lag bram ze rab tu byung ba dbyig pa'i gtsug phud can gyis dbyug pas brdegs shing bu ram gyi shing dang 'dra bar brdungs pa de'i tshe rgyal po ma skyes dgras de sman pa dag la gtad de zhag bdun gyis 'di sos par gyis shig /gzhan du na khyod kyi rnyed pa kun du dbral bar bya'o zhes pa na/ slob dpon de yang rgan pa'i phyir dang / shin tu brdegs pa'i phyir gso bar ma nus pa de'i phyir yongs su mya ngan las 'da' bar dogs par gyur to/ /de'i yang yongs su mya ngan las 'da' bar 'dod pa'i dgongs pa shes nas thog ma med pa'i dus kyi rgyud la bag chags kyi lhag ma dang ldan pa 'phags pa shA ri'i bu dge slong khri phrag bdun gyi 'khor dang bcas pa snga dro yongs su mya ngan las 'das so//de'i 'chi ba bzod ma nus pas gnas brtan mod gal gyi bu chen po dge slong stong phrag bdun cu rtsa drug dang bcas pa yongs su mya ngan las 'das zhes bya'o//chu bo gang+gAs kyang de'i nyin la gtsug lag khang khyer bas na gnas brtan pi lin+da'i bus gzugs 'tshong ma rengs par gyur cig ces chu bo gang+gA la smras so/ /de ni tshe snga ma la bram ze yin pas na de ni de'i nga rgyal gyi bag chags so//de bas na skye bo'i rtsod pas chu bo gang+gA la dmod pa dor ro zhes bya ste/ de'i phyir na de dang 'dra ba'i bag chags dang bcas pa zhes bya'o/ /des bas na nyon mongs ba'i bud shing dman pa'i phyir dang / 'phags pa'i lam gyi me shin tu rno ba'i phyir mar dang til mar gyi rno ba'i mes bsregs pa'i dngos po dang 'dra ba'i skyon ni mi mnga' ste spangs pa'i phyir ro/ /gang gi yin zhe na/ skyob pa zhes bya bar bshad do/ /ji ltar bdag gi rgyud la de/ /bag chags lhag ma'ang ma lus pa/ / de ltar rnam pa thams cad du/ /nyes pa khyod kyis rab tu bcom/ /zhes de ltar 'chad par 'gyur te/ gang zhig la ni de lta bu'i nyes pa med pa dang / 'di lta bu'i yon tan mnga' ba de ni skyabs su 'gro ba la sogs pa'i mchod 'os pa thar pa 'dod pa rnams kyis khas blangs so/ /de bzhin du yang bcom ldan 'das kyi ni ji ltar bshad pa'i nyes pa mi mnga' ba dang yon tan kho na mnga' ba zhes bya'o//de yang zhes bya ba ni ji ltar bshad pa'i rnam pa can gyi nyes pa gzung ngo / /nyes pa zhes bya ba'i don ni bshad zin te/ mi mnga' ba zhes bya ba yang ngo / /gcig pu zhes bya ba ni nges par 'dzin pa'o//gcig kho na yin gyi gnyis pa ni ma yin no/ /gcig gang zhe na/ bshad pa/ skyob pa'i dbang thob pa zhes bya ba'i don to/ /bcom ldan 'das gcig pu chos rnams la skyob pa zhes bya ste/ skyob pa gzhan med do zhes bya bas na de ltar gsungs pa'o/ / yang na ta spri khams ni skyong ba'i don te nges par Ni ni'i rkyen can no/ /des na gdul bya'i dus 'das nas nges par skyob par byed pas na/ skyob pa zhes bshad do/ /chu srin gyi gzhi rgya mtshos kyang / /dus ni shin tu 'da' byed la/ /gdul bya'i sems can rnams kyi ni/ /dus las sangs rgyas 'da' mi mdzad//ces de bzhin du gsungs pa'o/ /kun zhes bya ba ni yon tan dang sbyar ro/ /thams cad mkhyen pa zhes bya ba ni thams cad mkhyen cing thams cad mkhyen par gyur pas na thams cad mkhyen pa ni yon tan dang ye shes kyi khyad par ro/ /yang na thams cad mkhyen pa zhes bya ba ni drug pa'i mtha' can te skyob pa dang sbyar ro//de yang zhes bya ba ni yon tan no/ /nyams mi mnga' zhes bya ba ni mi 'gyur ba'i ngang tshul can no/ /des ni ston pa'i chos nyid mi nyams pa bstan to/ /yang na nyams pa mi mnga' ba ni nyes pa mi mnga' ba skyob pa thams cad mkhyen pa zhes bya'o//de'i yon tan la bstod pa brjod pas ni bcom ldan 'das kho na la bstod pa dang sbyar ro/ /de'i phyir na nyes pa bag chags dang bcas pa ma lus pa spangs pa dang / yon tan thams cad phun sum tshogs pa mnga' ba yang bcom ldan 'das la skyabs su 'gro ba la sogs pa'i mchod 'os pa'i rgyu bshad do//bcom ldan 'das la nyes pa bag chags dang bcas pa yang mi mnga' ba zhes ji ltar rtogs par 'gyur zhe na bshad pa/ 'dir rjes su dpag pa bshad par bya ste/ bcom ldan 'das kyi sku dang ni/ /gsung dang thugs kyi phrin las la//zhe 'gras gyur pa gang gis kyang / /chos dang ldan par glags mi rnyed/ /zhe 'gras gyur pas mi rnyed ces bya ba ni rgyas pa'o/ /mi zhes bya ba ni dgag pa bshad pa'o/ /bcom ldan 'das kyi la glags mi rnyed ces bya ba dang 'dir sbyar ro/ /kyang zhes bya ba ni gang gi zhes bya ba'i don la'o//gang du mi rnyed ce na bshad pa/ /sku dang gsung dang thugs kyi phrin las zhes bya ba ni sku dang gsung dang thugs zhes bya ste/ sku gsung thugs so/ /phrin las kyi sgra ni re re dang sbyar ro/ /gang gis mi rnyed ce na bshad pa/ zhes 'gras pa zhes bya ba ni rgyas pa'o/ / rtog pa chung ba 'ba' zhig tu ma zad kyi 'on kyang skyon tshol bal gzhol bas kyang zhes bya ba'i don to/ /char dus kyi zla ba bzhi'i bar du bcom ldan 'das kyi thad du 'dug pa phyi ma'i mis skyes bu chen po'i mtshang btsal bar bya ba'i phyir dang / tshul bzhin ma yin pa rnams dpyad par bya ba'i phyir yang bcom ldan 'das kyi 'dod chags la sogs pa'i nyes pa tsam yang ma mthong ngo zhes bya ba ni mdo'i don to//'o na mdzes ma rab tu byung ba la brten pas mu stegs pa gzhan gyis glags rnyed do zhes bya bas na/ bshad pa/ chos dang ldan pa zhes bya ba ni chos kyi sgra ni bden pa la 'jug pa'o/ / nges na bshad pa ni 'di yin te/ bden pa dang bcas par 'jug pa gang yin pa des ni glags mi rnyed do/ /gang gis bden pa spangs nas bcom ldan 'das la smod par byed pa de la dgag pa lta smos ci dgos/ de bzhin du de bzhin gshegs pa bltams pas mu stegs pa de rnams rnyed pa dang bkur sti ma rnyed pas mdzes ma rab tu byung ba rang gis bsad nas bcom ldan 'das la mi bsngags pa'i gtam bsgrags pa ni dge sbyong gau ta mas 'di ni bsnyen bkur byed du bcug nas bsad do zhes bya ba'o//de nas mu stegs pa kha cig rnyed pa dang bkur sti rnyed pas 'thab krol mkhan gyi mu stegs pa gzhan la smras pa/mdzes ma khyed cag rang gis bsad na dge sbyong gau ta ma la smod dam zhes pa rgyal po gsal rgyal gyis thos nas yul nas bskrad do/ /de bzhin du tsi tsa dka' thub ma'i mi bsngags pa'i dpe brjod par bya'o/ /rnyed pa zhes bya ba ni 'thob pa'o//gang gis zhes bya ba ni zhe 'gras pa dang sbyar ro/ /bcom ldan 'das zhes bya ba ni de bzhin gshegs pa la mchod pa'i tshig go/ /glags zhes bya ba ni skyon tshol ba dang / nyes pa 'dzin pa zhes bya ba'i tha tshig go/ /gal te nyes pa yod na de las byung ba'i sku dang gsung dang thugs kyi phrin las kyi tshul dang mi mthun pa'i spyod pa tshol na su zhig gis rnyed par 'gyur ba ste/de bas na de bzhin gshegs pa la nyes pa mi mnga'o/ /de lta bus ni bcom ldan 'das kyi nyes pa zad pa'i rjes su dpag pa bstan nas/ bstod pa bya ba'i dgos pa bshad par bya ste/'khor ba thog ma med par lce gcod pa dang / ngan song du skye ba la sogs pa dang / nyon mongs pa dang bcas pa bdag gis bcom ldan 'das la bstod pa ma byas pa gang yin pa de ni bdag bslus pa yin no/ /rgya mtshor gnya' shing bu ga ru/ /zhes bya ba'i rgya che bas tshigs su bcad pa gnyis bshad par bya ste/rgya mtshor gnya' shing bu ga ru/ /rus sbal mgrin pa tshud pa ltar/ /dam chos dga' ston cher bcas pa'i/ /mi nyid bdag gis thob nas ni/ /mi rtag nyid dang rjes 'brel zhing / /las kyi glags la dogs bcas pa/ /bdag gi lce 'di nyid kyis go//snying po ci phyir blang mi bya/ /bdag gis zhes bya bas ni bdag nyid bstan to/ /thob nas zhes bya ba ni thob pa'o/ /mi nyid ni skye ba'o/ /dam chos dga' ston cher bcas pa/ /zhes bya ba ni mi nyid kyi khyad par ro/ /dam pa'i chos ni dam pa'i chos so/ / yang na mdzes pa'i chos ni dam pa'i chos so/ /gal te chos kyi sgra 'di ni gsung rab dang mya ngan las 'das pa la sogs pa mang po la 'jug pa yang de bzhin du 'dir yang sangs rgyas kyi gsung rab brjod pa'o/ /de bzhin du mdo las chos bstan pa yang nye bar zhi ba dang / yongs su mya ngan las 'das pa zhes bya ba la sogs pa gsungs pa'o//chen po yang yin la dga' ston yang yin pas na dga' ston chen po ste/ mngon par mtho ba dang nges par legs pa dag gi rgyu yin pa'i phyir ro/ /dam chos dga' ston chen po dang 'dra ba ni dga' ston chen po'o/ / dam chos dga' ston chen po dang bcas pa gang yin pa de ni dam chos dga' ston chen po dang bcas pa ste mi nyid thob nas zhes bya ba dang sbyar ro/ /rgya mtsho ni rgya mtsho chen po'o/ /de la gnya' shing ni thod 'dzin pa'i yo byad do/ /de'i bu ga ni bu ga'o/ /de la rus sbal gyi mgrin pa ni de ru tshud pa'o//rgya mtshor gnya' shing bu ga ru/ /rus sbal mgrin pa tshud pa ltar ni mi nyid dpe gang la yod pa de ni rgya mtshor gnya' shing bu ga ru rus sbal mgrin pa tshud pa dang 'dra ba'o/ /bcom ldan 'das kyis gsungs pa 'di lta ste/ dge slong dag 'dir sa chen po chu bo gcig dang /rgya mtsho gcig tu gyur to zhes bya ba rgya che bas gleng gzhi dang yang dag par ldan pa'i mdo sde'o/ /de la yan lag gi don ni 'di yin te/ ji ltar rgya mtsho chen por zhugs pa rlung gis phan tshun shin tu g.yo ba bu ga gcig dang ldan pa'i gnya' shing gi bu gar lo brgya 'das nas lan cig ldang ba'i rus sbal gyi mgrin pa bya rog dang shing ta la'i 'bras bu'i rigs pas dka' bas 'jug pa de bzhin du ngan song gi rgya mtsho chen por lhung ba'i srog chags mi dge ba'i las kyi lam chen po'i rlung gis bdas pas mi'i 'gro ba la 'jug pa rnyed pa dka' ba zhes bya'o// de bas na mi nyid rnyed par dka' ba thob nas ci zhig bya zhe na/ smras pa/ mi rtag nyid dang rjes 'brel zhing / /zhes smos pa la/ mi rtag pa zhes bya ba ni 'jig pa'i rgyu'o/ /kha cig na re 'jig pa kho na zhes zer ro/ /de dang 'brel ba ni rtag tu mi rtag pa'i rjes su 'gro ba ste/ 'dus byas pa rnams skad cig mas 'jig pa zhes bya ba'i don to/ /bdag gi lce zhes bya ba ni 'chad par 'gyur ro/ /de'i phyir bde ba'i skal pa dang bcas pa'i mi rtag pa nyid bstan nas/ 'tsho ba nyid kyi bdag gi lce'i nye bar 'tsho ba bshad par bya ste/ las kyi glags la dogs bcas pa/ / zhes bya ba ni dge ba dang mi dge ba'i las byed pa'i mi rnams gang yin pa de rnams las dge ba'i las las byung ba ni mi nyid do/ /dge ba'i las de rnams kyi mi dge ba'i las rnams ni glags so/ /de dang dogs pa ni som nyi dang bcas pa ste/ 'tsho ba nyid kyi lce gcod pa dang / nad la sogs pa rnams zil gyis gnon pa yod pa'i phyir ro//snying po blang ba ni blang ba'o/ /lce'i snying po gang yin zhe na/ de bzhin gshegs pa'i yon tan la yang dag par bstod pa'o/ /de bzhin du yang bshad pa/ dam chos tshig gi snying po ste/ de las gzhan pa bya rog sgra/ / zhes bya'o/ /ci'i phyir zhes bya ba ni mi srid pa la'o/ /yang na ci'i phyir ni rnam pa gang gis mi bya ba kho na zhes bya ba'i don to/ /'di zhes bya ba ni rang gi rgyud la yod pa'o/ /lce zhes bya ba ni tshig ste/ rgyu la 'bras bu nye bar btags pa'i phyir ro/ /lce kho na la tshig ces bshad do/ / bstod pa brjod pa'i snying po blang ba'i dgos pa bshad nas/ gzhan gyi tshig gi glags slob dpon gyis rtogs pa ste/ yon tan gyi mtha' shes pas de bzhin gshegs pa la bstod pa'i mchod 'os yin gyi/ bcom ldan 'das kyi che ba'i yon tan gyi mtha' mi shes pas ci'i phyir bcom ldan 'das kyi bstod pa la rtsol zhe na/bshad pa/ de ltar thub pa'i yon tan gyi/ /yul lta grangs med shes mod kyi/ /rang gi don la gus pa yis/ /de yi phyogs gcig bsgrims te brjod/ /de ltar yul grangs med pa zhes smos pa la/ de ltar zhes bya ba ni 'di skad ces bya ba'i don to//mi nyid rnyed dka' ba sangs rgyas bskyed pas brgyan pa thob nas lce'i snying po ci'i phyir blang bar mi bya zhes rab tu dpyad nas zhes dgongs pa'o/ /yang na de ltar zhes bya ba'i sgra 'di ni rgyu la 'jug pa'o/ /dper na 'di ltar char 'bab pa dang rgyug pa zhes bya'o/ / de bas na 'dir yang de bzhin gshegs pa'i yon tan gyi mtha' mi shes pas bstod pa mi byed na 'phags pa shA ri'i bu yang shes rab can gyi gtso bor gyur pas kyang bcom ldan 'das la bstod pa byed par mi 'gyur ro zhes bya ba rgyu de las zhes bya ba'i don to/ /yul lta grangs med ces bya ba la/grangs ni yongs su bcad par mi nus pa zhes bya'o/ /de bzhin gshegs pa'i ye shes ni bgrang mi nus te/ de'i yul ni rang sangs rgyas dang 'phags pa nyan thos kyi ye shes kyi spyod yul ma yin pa'i phyir ro/ /yon tan shes mod kyi zhes bya ba ni shes nas kyang ngo / / dus gang gi tshe sangs rgyas bcom ldan 'das kyis 'jig rten las 'das pa'i thugs bskyed par mdzad pa'i dus de'i tshe nyan thos dang rang sangs rgyas rnams kyis kyang bcom ldan 'das kyi thugs sems kyis mi shes so zhes bya ba ni lung ngo / /yul grangs med pa gang la yod pa de ni yul grangs med pa zhes bya ste/kun du 'gro ba'i phyir ro/ /des na bdag gis bstod par mi nus so/ /yon tan grangs med shes mod kyi/ /zhes bya ba de'i don ni bshad zin to/ /de yi phyogs gcig bsgrims te brjod/ /ces smos pa la/ yon tan de rnams kyi phyogs gcig ni cha ste/ de'i bsgrims pa ni bstod pa bya ba'i phyir brtson par bya ba'o//de lta bus bcom ldan 'das la cung zad phan par 'gyur ram zhes pa la bshad pa/ rang gi don la gus pa ni rang don la brtson pas bcom ldan 'das la bstod pa'o/ /gang gi phyir bstod pa dang smad pa dag gis bcom ldan 'das rjes su chags pa dang khong khro bar mi 'gyur zhes bya ba'o//de lta bu'i tshigs su bcad pa gsum po 'dis yon tan gyi mtha' mi shes pas kyang cha tsam gyis rang gi don la rtsol bas bcom ldan 'das la bstod pa brtsams so zhes bshad pa yin no/ /da ni ston pa la phyag 'tshal ba sngon du 'gro ba'i bstod pa la 'jug pa bshad par bya ste/gang gi yon tan grangs dag dang / /mthu la thug pa ma mchis la/ /rmad byung phrin las dpag med can/ /rang byung khyod la phyag 'tshal lo/ /zhes bya ba ni rgyas pa'o/ /rang byung ni gzhan gyis ma bstan par shes bya ma lus pa thugs su chud pa'i khyad par dang ldan pas thams cad mkhyen par gyur to zhes bya ba ni rang byung ngo //rang byung de la phyag bya ba ni phyag 'tshal ba zhes bya'o/ /'tshal ba ni 'tshal lo ba'o/ /rmad byung phrin las dpag med can/ /zhes smos pa la/ dpag med ni tshad med pa dang /shin tu dkon pa dang / ngo mtshar ba ste/ phrin las ni sku dang gsung dang thugs kyi phrin las gang la yod pa de ni rmad byung phrin las dpag med can de la phyag 'tshal lo zhes bya ba dang sbyar ro/ /rgyu phun sum tshogs pa la bstod pa bstan pa ni phrin las rgyur gyur pa'i phyir ro/ / 'bras bu phun sum tshogs pa la yang bstod pa bshad par bya ste/ gang gi yon tan grangs dag dang / /zhes bya ba ni gang gi zhes bya ba dang sbyar ro/ /don gyi dbang gis byed pa'i tshig yongs su 'gyur ro zhes bya bas na khyod la zhes bya ba bzhi pa'i mtha' can 'dir drug pa'i mtha' can du 'gyur te/gang gi khyod kyi zhes bya ba'i don to/ /grangs ni gcig la sogs pa'o/ /mthu ni gdul bya'i bya ba la nus pa'o/ /grangs dang mthu de dag gi yon tan ni stobs dang mi 'jigs pa la sogs pa rnams la thug pa ni nges par gzung ba ma mchis pa dang sbyar ro/ /gang gi phyir thug pa ma mchis pa de'i phyir/'di snyed bgyi ba'i mtha' med na/ /zhes bya ba'i tshigs su bcad pa bshad pa/ 'di snyed bgyi ba'i mtha' med na/ /'di lta lags zhes ci zhig smos/ /khyod kyi yon tan slad du bdag /bsod nams snyam nas spyi brtol skyes/ /'di snyed ces bya ba ni tshad 'di dang ldan pa ste/brgya'am stong zhes bya ba de lta bu'i mtha' ni yongs su chad pa'i yon tan rnams te mi mnga' zhes bya ba'i don to/ /de lta bus ni 'bras bu phun sum tshogs pa bshad pa yin no/ /mthu phun sum tshogs pa bstan pa bshad pa ni 'di lta lags zhes ci zhig smos zhes smos pa la/'di lta bu ni 'di lta bu'i mthu dang ldan pa khyod kyi yon tan zhes bya ba ste/ ci zhig ni tshig gi skabs kho na ci zhig smos zhes bya ba ste dgongs pa'o/ /khyod ni ji ltar bstod pa la brtson zhes pa la bshad pa/ bsod nams snyam nas zhes bya ba ni bsod nams kyi rgyu kho na yin pas na bsod nams so//yang na yon tan dag mdzad pas na bsod nams te sdig pa 'joms pa zhes bshad do/ /snyam gyi sgra ni nges par gzung ba la'o/ /yang gi sgra ni don gzhan brjod par 'dod pa la'o/ /bshad pa ni 'di yin te/ khyod kyi yon tan rnams la grangs dang mthu dag gis thug pa ma mchis mod kyi/'on kyang khyod kyi yon tan ni bsod nams yin zhes bdag nges pa skyes pa'o/ /de'i phyir yon tan gyi slad du ni khyod kyi yon tan la brten pas so/ /bdag spyi brtol skyes pa zhes bya ba ni yon tan gyi khyad par ma 'tshal na yang bdag cag rnams la spyi brtol yod de/rang gi don la gus pas yon tan gyi phyogs gcig la bstod par bya ba'i phyir zhes bstan to/ /de lta bu'i tshigs su bcad pa gnyis po 'dis bcom ldan 'das kyi rgyu dang 'bras bu phun sum tshogs pa la bstod pa rab tu brtsams so zhes bshad do/ /bstod pa gleng bslang ba'i bshad pa ste le'u dang po'o// //ji ltar bcom ldan 'das rmad du byung ba'i phrin las kyis bcom ldan 'das byang chub tu thugs bskyed par mdzad pa bshad par bya ste/ spyod dam mi spyod snyam pa yi/ /rnam par rtog pa rnam spangs nas/ /'gro ba 'di ni nyam thag ces/ / khyod bdag nyid kyis zhal gyis bzhes/ /spyod pa ni spyod pa mdzad pa dang / mi spyod pa ni spyod pa mi mdzad pa'o/ /dam gyi sgra ni rnam par rtog pa zhes bya'o/ /snyam zhes bya ba ni yongs su spang ba thugs kyis ma mdzad do zhes bya ba'i tha tshig go/ /rnam par rtog pa ni rnam par rtog pa'o/ /bdag nyid ces bya ba ni bdag nyid do//ma zhus pa nyid ni thugs rje'i gzhan dbang du gyur pa'i phyir zhes bya ba ni dgongs pa'o/ /zhal gyis bzhes pa ni 'gro ba zhes 'chad par 'gyur ro/ /yongs su bskyab pa'i phyir zhes zhal gyis bzhes pa ste/ byang chub tu thugs bskyed pa'i phyir zhes bya ba dgongs pa'o/ / de bzhin du byang chub sems dpar gyur pa bcom ldan 'das kyis de bzhin gshegs pa'i lam mi mkhyen na 'gro ba 'khor ba las bskyab par mi spyod do zhes bya bas na/ slong ba rnams la lus la sogs pa byin nas smon pa zhes te/ gtong ba dang shin tu gtong ba 'dis ma 'ongs pa'i 'jig rten 'dren pa med pa las sangs rgyas su gyur nas sems can ma rgal ba rnams bsgral bar bya ba dang /ma grol ba rnams dgrol bar bya ba dang / dbugs ma phyung ba rnams dbugs dbyung bar bya ba dang / yongs su mya ngan las ma 'das pa rnams yongs su mya ngan las bzla bar bya ba'o zhes pa ni lung ngo //khyod ces pa ni khyod kyis so/ /de lta bu'i rnam par rtog pa spangs nas ci'i phyir zhal gyis bzhes she na/ gang gi phyir/ 'gro ba 'di ni nyam thag ces smos pa la/ gang la nyam thag ces bya ba ni nyam thag pa skyob pas na mchod 'os pa ste/ gzir bar smra ba'i gnas so/ /de bas na bshad pa 'di yin te/ gang gi phyir 'khor ba'i sdug bsngal la skyabs med pa'i 'gro ba la byang chub sems dang thugs rje mdzad pa de'i phyir spyod pa dang mi spyod snyam pa'i rnam par rtog pa spangs nas/ 'gro ba bskyab pa'i phyir zhal gyis bzhes so/ / 'di ni zhes bya ba ni nye bar bstan pa la'o/ /'gro ba zhes bya ba ni sems can gyi 'jig rten no/ /de bas na/ khyod ni ma bcol legs mdzad pa/ /zhes bya ba'i tshigs su bcad pa/ khyod ni ma bcol legs mdzad pa/ /khyod ni rgyu med bzhin du byams/ /khyod ni ma 'dris mdza' bshes te/ / 'brel ba med pa'i gnyen 'dun lags/ /ma bcol ba ni ma zhus pa'o/ /legs pa ni chos kyi ngang tshul lo/ /snying rje dang bral ba'i 'jig rten pa sdug bsngal las bskyab pas legs pa'i ngo bo zhus pas kyang byed dam mi byed pa'o/ /bcom ldan 'das ni ma zhus phar yang gong du bshad pa'i tshigs su bcad pa phyed kyis legs so zhes bya ba bshad do//khyod ni zhes bya bas ni bcom ldan 'das bshad do/ /rang gi bde ba'i don du kha cig kha cig tu byams pa ni brtse ba dang ldan pa yin no/ /khyod kyang nyid kyi bde ba'i rgyu gzhan la mi ltos par thugs rje dang ldan pa'i phyir na rgyu med bzhin du byams pa'o//dri ni slar yang 'brel pa'i dbang gis byams pa'o/ /'dris pa med pa ni ma 'dris pa'o/ /de rnams kyi mdza' bshes ni bshes te ma 'dris mdza' bshes so/ /thugs rje dang ldan pa'i phyir na ma 'dris pa rnams la yang 'dris pa bzhin pas na bshes so/ / 'brel pa ni gnyen 'dun te pha dang ma'i rigs dang 'brel pa'o/ /de nyid 'jig rten pa'i gnyen 'dun zhes bshad do/ /bcom ldan 'das kyang thugs rje dang ldan pa'i phyir 'brel pa med pa'i gnyen 'dun lags te/ rigs kyi 'brel pa med na yang gnyen 'dun zhes bshad do/ /de lta bu'i tshigs su bcad pa gnyis kyis ni bcom ldan 'das kyis thugs rje sngon du song ba'i byang chub tu thugs bskyed pas sems can rjes su bzung ba bshad do//rgyu ni dbye ba drug ces bya ba pha rol tu phyin pa drug tu bstan te/ de rnams kyis bcom ldan 'das la bstod pa'i phyir ma bcol bar legs par mdzad pa dang rgyu med bzhin du byams pa la sogs pa de ni bshad do//ji ltar zhe na/ gang gi phyir sbyin pa'i pha rol tu phyin pa yongs su rdzogs par bya ba'i phyir thugs rangs pa dang spu zing zhes byed pa dang bcas pa de'i phyir/ /nyid kyi sha yang stsol mdzad na/ /zhes pa ni rgyas pa'o//nyid kyi sha yang stsol mdzad na/ /dngos po gzhan lta smos ci 'tshal/ /legs mdzad khyod kyis srog kyang ni/ /slong ba'i skye bo rnams la btang / /de ltar byams pa'i stobs byang chub sems dpar gyur pa'i bcom ldan 'das kyis ut+pal sngon po dang 'dra ba shin tu rno ba'i ral gris rang gi sha bcad cing bcad cing gnod sbyin rnams la bza' ba'i phyir btang ngo //nor bu gtsug can byang chub sems dpar gyur pas kyang srin po rnams la btang ngo zhes bya ba ni rtogs pa brjod pa'o/ /dngos po gzhan zhes bya ba ni nor bu dang gser dang dngul la sogs pa rnams so//smos ci 'tshal zhes bya ba ni de smos ci 'tshal te/ don gyis go bas dngos po gzhan gyi sbyin pa rtogs par 'gyur ro zhes dgongs pa'o/ /de ltar rang gi sha kho na btang ba yin nam zhe na/ ma yin zhes bshad pa/ srog kyang ni zhes bya ba ni rgyas pa'o/ /srog ni srog rnams kyis kyang ngo //btang zhes bya ba na mchod par gyur pa'o/ /slong ba'i skye bo rnams ni rnyed pa 'dod pas 'ongs pa'o/ /dper na ri bong du gyur pa'i bcom ldan 'das kyis slong mo pa'i gzugs can gtso ba'i bsam pa dang ldan pa'i brgya byin 'ongs pa des yongs su longs spyod par bya ba'i phyir me'i phung po la bzhag nas zhes pa ni skyes rabs so//khyod ni ma bcol legs mdzad pa/ /zhes bshad pa de nyid la brten nas legs mdzad ces bya ba ni bcom ldan 'das la bod pa'o/ /de ltar srog chags rnams kyi longs spyod pa'i phyir sbyin pa bshad nas/ yongs su skyob pa'i sbyin pa bshad par bya ste/nyid kyi sku dang srog dag gis/ /lus can gshed mas zin rnams kyi/ /lus dang srog kyang khyod kyis ni/ /lan brgya phrag tu blu ba mdzad/ /nyid kyi sku zhes smos pa la/ /nyid kyi ni nyid kyi'o/ /sku zhes bya ba ni cha la tshogs pa nye bar 'dogs pas sku'i cha ni sku zhes bshad de/srog dag gis zhes bya ba ni skum lus pa'i tshig blangs pa'i phyir ro/ /sku des ci zhig byas she na/ lan brgya phrag tu blu bar mdzad/ /ces bshad par 'gyur ro/ /blu ba ni nyos pa'o/ /lan brgya phrag tu zhes bya ba ni lan mang du zhes bya ba'i don to/ /ci zhig blus she na/bshad pa/ blus pa ni bdag la bdag nyid chags pa spangs nas thugs rje'i dbang gis gzhan rnams la bdag la chags pa la brten nas lus kyi cha rnams blu ba mdzad do/ /lus de rnams gang gis yin zhe na/ lus can rnams kyi zhes bshad pa ste/ srog chags rnams kyi zhes bya ba'i don to//ji ltar gyur pa yin zhe na/ bshad pa/ bshad mas zin rnams kyi zhes bya ba ni gsod par rtsol ba ste gshed ma rnams so/ /zin pa ni de rnams kyis zin pa rnams kyi'o/ /dper na bcom ldan 'das rgyal po dpal gyi sder gyur pas thams cad gtong ba'i bdag nyid du bsgrags pas bram ze'i cha byad 'dzin pa'i brgya byin la lus kyi phyed bcad nas rab tu btang ngo zhes bya ba ni rtogs pa brjod pa'o//lus blu ba kho na yin nam zhe na/ ma yin zhes bshad pa/ /srog dag gis zhes smos pa la/ srog ces bya ba ni rang gi srog rnams kyis so/ /srog gis lus can gshed mas zin rnams kyi//lus dang srog kyang khyod kyis ni/ /lan brgya phrag tu blu ba mdzad/ /ces bya ba na thams cad la de ltar sbyar ro/ /ltogs pa'i sdug bsngal gyis non pas rang gi bu bza' bar bya ba'i phyir rtsol ba la/ stag mo byang chub sems dpar gyur pas gzigs pas de la bdag nyid byin nas stag phrug rnams rang gi srog gis blu ba mdzad do//yang rgyal po zhi bar gyur pas khra'i cha lugs 'dzin pa'i brgya byin gyis nye bar gces pa'i phug ron gzigs pas dgrol bar bya ba'i phyir ral gris nyid kyi sha bcad cing bcad cing rab tu btang ste ji srid nyid kyi sku ma lus bsrang la bsgar nas phug ron de blu ba mdzad do zhes bshad do//de bzhin du gzhan yang sngon dga' ba mdzad pa'i byang chub sems dpa'i skyes rabs dper bshad par bya'o/ /de lta bu'i tshigs su bcad pa gnyis kyis bcom ldan 'das kyi sbyin pa'i pha rol tu phyin pa la bstod nas slar yang / ngan 'gros bsnyengs slad ma lags la//zhes bya ba'i rgyas pas ni tshul khrims kyi pha rol tu phyin pa la bstod pa bshad par bya ste/ ngan 'gros bsnyengs slad ma lags la/ /bzhed pa'i 'gro ba'ang sgrub ma lags/ /dgongs pa dag pa 'ba' zhig gis/ /khyod kyis tshul khrims goms par mdzad//de la dmyal ba dang / dud 'gro dang / yi dags ni ngan 'gro ste/ rnam par smin pa mi bzad pa'i phyir ro/ /de nyid 'jigs pa ste de las 'jigs pa zhes bya ba'i phyir ngan 'gros bsnyengs pa de'i phyir ro/ /bdag la chags par gyur pa'i 'jig rten pa yis tshul khrims srung bar byed do//khyod kyis kyang ngan 'gro'i bsnyengs pas tshul khrims goms par ma mdzad do zhes bshad do zhes bshad par 'gyur zhes bya ba'o/ /lha dang mi rnams kyi bde ba 'dod pa'i skye bos tshul khrims srung ba yin no/ /khyod kyis kyang bzhad pa'i 'gro ba'ang sgrub pas tshul khrims goms par ma mdzad do//'o na ci'i phyir zhe na/ bshad pa/ dgongs pa dag pa 'ba' zhig gis/ /zhes bya ba ni dge ba la goms pa dang / sdig pa las grol ba'i rang bzhin gyis dag pa'i thugs kyis zhes bya ba'i don to/ /de bzhin du bdag la chags pa dang bral ba'i phyir dgongs pa yang de yin la 'ba' zhig kyang de yin pas na dgongs pa 'ba' zhig go//dgongs pa ni sems dang sems las byung ba'i tshogs so/ /de'i dag pa ni sems can ma lus pa yongs su skyob pa'i phyir dri ma med pa'i ye shes las byung ba bla na med pa'i byang chub ste/ nga yis dag pa brnyes pa ni//gang zhig byang chub bla na med/ /ces bya ba'i tshigs su bcad pa'i phyed do/ /de'i slad ni de'i rgyu zhes bya ba'i don to/ /dag pa zhes bya ba ni rgyu'i don la gsum pa bsgrubs pa ste/ dper na slong bas na gnas pa zhes bya ba ste/ slong ba'i rgyu zhes pas rtogs par 'gyur ba de bzhin du 'dir yang bsam pa dag pa'i rgyu yis zhes bya'o//tshul khrims zhes bya ba ni bya ba ma yin pa las ldog pa yang dag par len pa'o/ /goms par mdzad ces bya ba ni rang bzhin du mdzad pa'o/ /de ltar na dgongs pa phun sum tshogs pas tshul khrims kyi pha rol tu phyin pa yongs su rdzogs pa bshad nas/sbyor ba phun sum tshogs pa'i yongs su rdzogs pa bstan par bya ba'i phyir/ rtag tu gya gyu rnam spangs shing / /zhes bya ba la sogs pa'i tshigs su bcad pa bshad par bya ste/ rtag tu gya gyu rnam pa spangs shing / /drang brtan rnams ni rtag bsten pas//yongs su dag pa'i las rnams kyis/ /khyod ni gzhi rten gcig pur gyur/ /g.yo las byung ba'i las rnams ni gya gyu'o/ /de dang 'brel pas gang zag kyang gya gyu ba'o/ /de rnams rtag tu spangs pa ni rtag tu yongs su spangs pa zhes dgongs pa'o/ / drang brtan rnams ni dge ba'i las rnams so/ /de la sbyor ba'i gang zag kyang drang brtan rnams so/ /de rnams rtag tu bsten pa ni shin tu bsten pa yis zhes bya ba'i don to/ /rgyu de dag las cir 'gyur zhe na/ smras pa/ yongs su dag pa'i las rnams kyis/ /zhes bya ba la sogs pa la/las rnams kyis zhes bya ba'i don ni bshad zin te/ yongs su dag pa zhes bya ba ni dge ba rnams so/ /gzhi rten gcig pur gyur zhes smos pa la/ gzhi rten ni lam mo/ /gcig pu zhes bya ba ni khyod ces bya ba dang sbyar te/ bcom ldan 'das gcig pu'o/ /gzhi'i rten yin pas na de'i dngos po ni gzhi rten gcig pu'o//gyur zhes bya ba ni thob pa'i don te/ de'i don ni 'di yin te/ 'jig rten pa las 'dren ma can yin gyi/ khyod kyang rgyu gnyis po 'di yis las dkar po rnams kyi lam gcig pu kho nar gyur to zhes bya'o/ /de lta bu'i tshigs su bcad pa gnyis po 'dis tshul khrims kyi pha rol tu phyin pa la yang dag par bstod nas/bzod pa'i pha rol tu phyin pa la yang dag par bstod pa'i phyir bshad pa/ sdug bsngal mang pos gzir ba na/ /khyod kyis dge ba'i thugs kyis ni/ /nyon mongs rnams la sran btsugs nas/ / skye bo nyon mongs can la brtse/ /mang pos gzir ba zhes bya ba ni rgyas pa'o/ /gzir ba zhes bya ba ni srog chags rnams la phan pa'i phyir/ yan lag bcad pa'i sdug bsngal dang ldan pas so/ /mang po zhes bya ba ni lan mang pos so/ /khyod kyis zhes bya ba ni bcom ldan 'das kyis so//dge ba'i thugs kyis zhes bya ba ni thugs rje'i dbang gis yongs su dag pa'i thugs kyis so/ /ci zhig mdzad ce na/ nyon mongs rnams la sran btsugs nas/ /zhes smos pa la/ nyon mongs pa rnams ni 'dod chags la sogs pa'o/ /de rnams la sran btsugs pa zhes bya ba ni mthu gsal bar mdzad pa'o//bdag la gnod pa byed pa rnams kyi nyon mongs pa nga yis bcom par bya zhes pa ni yid la byed pa mdzad do zhes bya ba'i don to/ /'o na byang chub sems dpas gshed ma'i rgyud kyi nyon mongs pa bzod pa'i rgyu yin na de'i phyir nyon mongs pa de dag mchod pa'i rigs na ci'i phyir de gzhom par bya ba'i phyir thugs 'khrugs pa yin zhe na/de ni bden mod kyi 'on kyang nyon mongs pa'i dbang gis dgra rnams bdag dang 'dra ba'i snod la gnod pa byas na nges par sdig pa can du 'gyur ro zhes bya bas na/ dgra bo rnams la thugs rje'i dbang gis nyon mongs pa rnams spang bar bya ba'i phyir thugs 'khrugs so//dper na kha cig phan par 'dod pas gdon la sdigs par byed kyi gdon gyis zin pa la ni ma yin no zhes bya'o/ /de nyid kyi phyir bshad pa/ skye bo nyon mongs can la brtse/ /zhes bya ba la/ skye bo ni spyan la sogs pa za bar byed pa'i bya rgod la sogs pa'o//nyon mongs pa can zhes bya ba ni nyon mongs pa'i dbang du gyur pa'o/ /rgyu de nyid kyi phyir brtse ba ni dgra bo de rnams kyi nyon mongs pa gzhom pa'i slad du thugs bskyed pa'i phyir ro/ /bzod pa'i pha rol tu phyin pa'i rgyu yin na yang gzhan gyi sdug bsngal bskyed pa'i phyir mchod pa dang /nyon mongs pa gzhir gyur pa'i skye bo gnod pa byed pa la yang 'khrug pa mi skyed pa'i phyir bzod pa mdzad ces bya ba'i tshigs su bcad pa 'dis bshad do/ /bzod pa'i gnas skabs gnyis pa bshad par bya ste/ khyod kyis gzhan gyi don slad du//sku srog btang nas dgyes gyur gang / /de 'dra srog chags 'gums pa las/ /sos pa rnams la'ang byung ma gyur/ /gzhan gyi don gyi slad du sku srog btang nas zhes smos pa la/ gzhan gyi don zhes bya ba ni gzhan la phan pa'i rgyu'i phyir ro/ /btang ba ni btang ba'o/ /sku srog ni srog go//dgyes pa ni khyod la thugs bde bar gang gyur pa'o/ /ji ltar klu gzhon nu dung gi gtsug phud can rim gyis 'ongs shing nye bar gnas pa la nam mkha' lding gis za bar gyur pa gzigs nas de bskyab par bya ba'i phyir byang chub sems dpar gyur pa gzhon nu sprin la zhon gyis nam mkha' lding la bdag nyid btang ngo //de bzhin du rgyal po zla 'od du gyur pas kyang rang gi mgo byin nas bram ze drag po'i mig ces bya ba la mchod do/ /de 'drar ma gyur zhes bya ba ni dgyes pa'o/ /'gums pa la sogs pa rnams zhes bya ba ni sngar 'gum pa las phyi nas sos pa ste/snga ma'i dus phyi ma'i dus kyis bsdus pa ni 'jig pa dang skye ba bzhin no/ /srog la re ba med pa rnams kyis ji ltar na srog rnyed pa ni 'gums pa sos pa zhes bya'o/ /srog chags rnams kyi srog de ltar gyur pa de rnams kyi yang de dang 'dra bar dgyes pa mi srid pa ji ltar gzhan gyi don gyi slad du khyod kyi srog gtong ba zhes bya ba ni bsdus pa'i don to//de ltar na gnas skabs 'dir gshed ma rnams kyi sdig pa bskyed pa ma spangs pas/ gshed ma pa rnams ni bzod pa bskyed pa'i rgyu yin no zhes bya bas na/ khyod ni bzod pa'i pha rol tu phyin pa 'dod pas nyid kyi srog gis kyang mchod do zhes bya ba'i tshigs su bcad pa 'dis bshad do//khyod ni lan 'ga' ma lags par/ /zhes bya ba'i tshigs su bcad pa gnyis kyis ni bzod pa gsum pa'i gnas skabs bshad par bya ste/ khyod ni lan 'ga' ma lags par/ /gtubs kyang sdug bsngal mi dgongs par//gshed ma bgyid pa'i sems can la'ang / /gtso bo thugs rjer gyur pa gang / /khyod kyi thugs ni rin po che/ /rdzogs pa'i byang chub sa bon de/ /dpa' khyod kho nas snying por mkhyen/ /de gzhan skye bos 'ol mi mchi/ /gang zhes bya ba ni thugs rje zhes bshad pa'o//sdug bsngal mi dgongs par zhes bya ba ni nyid kyis gzir pa thugs la ma mdzad pa zhes bya ba'i don to/ /gtubs pa zhes bya ba ni ral gri la sogs pas zhes drang bar bya'o/ /ji ltar bzod pa smra bar gyur pa nags na gnas pa'i gnas pa lta bar bya ba'i phyir rgyal po'i btsun mo nye bar 'ongs pa la chos bstan pa dang /de la phrag dog gis khros pa'i rgyal po rtsod pa 'byin gyis rna ba dang lag pa dang rkang pa rnams ral gris bcad do/ /yang na sdug bsngal gyis gtubs so zhes bya ba dang sbyar ro/ /mi dgongs par zhes bya ba ni rang gi srog la zhes drang bar bya'o//ji ltar rus sbal du gyur pas rgya mtsho chen por gru zhig pa'i tshong pa rnams 'gram du bsgral ba'i blos rgyab la bskyon nas 'gram du bsgral to/ /de dub pas shin tu gnyid log par gyur pa la grog mas kun du zos pas gnyid stug po las sad nas grog ma de rnams 'chi ba'i dogs pas cung zad kyang ma g.yos par 'gram de nyid du 'chi ba'i dus byas so zhes bya'o//de bzhin du gzhan yang glang po che mche ba drug pa'i skyes rabs dper brjod par bya'o/ /gtubs kyang zhes bya ba ni dum bur byas pa'o/ /lan 'ga' ma lags pa ni lan mang por ro/ / gshed ma bgyid pa'i sems can la'ang / /zhes bya ba ni gsod par byed pa rnams la'o/ /thugs rje zhes bya ba ni sman par dgongs pa'o/ /thugs rje nyid ni thugs rje ste rigs bzhi la sogs pa bzhin no/ /gyur pa zhes bya ba ni gyur to zhes bya ba'i don do/ /gtso bo zhes bya ba ni yon tan thams cad kyi dbang phyug yin pa'i phyir bcom ldan 'das la bod pa'o//gnas skabs gsum par gsungs pa de ni bstod pa mdzad pa 'dis shin tu ngo mtshar bar sems sa/ /de la ngo mtshar ci zhig yod ce na/ /gang gi phyir gnas skabs dang po la nyon mongs pa'i gzhan dbang du gyur pa de nyid bdag la gzir bar byed ces bya ba la bzod pa'o//gnyis pa la yang gshed ma de dag bdag la phan pa byed ces bya'o/ /gnas skabs gsum pa 'di la lan mang por gtubs pa 'ba' zhig tu ma zad pa la cung zad kyang ma 'khrugs shing bzod pa mdzad pa dang /gshed ma rnams la'ang nga la gnod pa byas pas ma 'ongs pa na sdug bsngal bsten par ma gyur cig ces bya bas de rnams kyi nyon mongs pa bdag gis gzhom par bya'o zhes pas de rnams la thugs rje'i thugs bskyed par mdzad pas de ltar na 'dir ngo mtshar ba brjod do//gang rang gi sdug bsngal mi dgongs par gzhan gyi sdug bsngal zhi bar bya'o zhes rab tu 'jug par mdzad do zhes bshad do/ /de'i phyir bshad pa/ rdzogs pa'i byang chub sa bon de/ /zhes pa ni rgyas pa'o/ /rdzogs pa'i byang chub ni de bzhin gshegs pa'i rgyud de zad pa dang mi skye ba'i ye shes kyi mtshan nyid do//de'i sa bon ni rgyu ste yang dag par rdzogs pa'i byang chub kyi sa bon de'i zhes pa'o/ /rang bzhin ji lta bu yin zhe na/ thugs ni rin po che zhes smos pa la/ thugs nyid rin po che ste/ sems can ma lus pa skyob pa'i phyir dang / nges par nor gyis shin tu dkon pa'i phyir ro//de zhes bya ba ni gshed ma pa rnams la thugs rje'i dgongs pa dang yang dag par ldan pa'o/ /khyod ni khyod kyi'o/ /khyod kho na ni gzhan ni ma yin no/ /dpa' bo zhes bya ba ni de lta bu'i nus pa dang ldan pas bcom ldan 'das la bod pa'o/ /yang na 'gro ba ma lus ba gdon pa la brtson 'grus kyi khyad par dang ldan pa'i phyir ro//snying por mkhyen pa zhes bya ba ni yang dag par rdzogs pa'i byang chub kyi sa bon thugs rje'i thugs de'i snying po ste/ shes bya ma lus pa la thogs pa med pa'i de bzhin gshegs pa'i ye shes de snying por mkhyen pa ste/ khyod kho na dang sbyar ro/ /'ol mi mchi ba ni spyod yul du ma gyur pa'o/ /de zhes bya ba ni snying po'o/ /gzhan skye bo ni nyan thos dang rang sangs rgyas dang byang chub sems dpa' la sogs pa ste nyan thos la sogs pa'i spyod yul ma yin zhes bsdus pa'o/ /de lta bu'i tshigs su bcad pa gsum po 'di yis bzod pa'i pha rol tu phyin pa la yang dag par bstod nas/dka' spyad las ni ma bgyis par/ /zhes bya ba'i tshigs su bcad pas bcom ldan 'das kyi brtson 'grus kyi pha rol tu phyin pa la bstod pa ni/ dka' spyad las ni ma bgyis par/ /go 'phang rnyed dka' mi 'thob ces/ / de slad nyid la'ang ma gzigs par/ /khyod kyis brtson 'grus legs par spel/ /ma bgyis pa ni ma byas pa kho na'o/ /dka' spyad las ni dka' bas bsgrub par bya'o/ /ji lta bu yin zhe na/ bshad pa/ go 'phang rnyed dka' mi 'thob ces pa ni dka' bas 'thob par 'gyur zhes bya ba'i don to//go 'phang zhes bya ba ni sems can thams cad la bskyab pa'i phyir na de bzhin gshegs pa'i ye shes te/ gzhan gyi don ma lus pa'i rten yin pa'i phyir ro/ /de ltar dgongs pa bskyed nas ci zhig mdzad ce na/ bshad pa/ de slad nyid la'ang ma gzigs par/ /zhes bya ba ni nyid kyi srog la'ang ma dgongs pa ste/brtson 'grus ni dge ba'i chos rnams la spro ba'i mtshan nyid can la/ legs par spel ba ni khyad par du 'dren pa zhes bya ba ste dgongs pa'o/ /ji ltar ri dgas kyi tshogs kyi gtso bor gyur pas rngon pa la brtson pa dpung dang bcas pa'i rgyal po mthong nas rgyab la khur nas chu bo drag po'i pha rol tu ri dgas rgal bar mdzad do//ri dgas kyi tshogs kyi rmig pa rno bas khrag 'dzag pa dang lus ma lus par snad par gyur cing tshigs chang ba'i sdug bsngal dang ldan pas kyang ri dgas kyi phru gu gcig ma brgal ba bsgral bar mdzad do zhes bya ba'o//de lta bu la sogs pa'i dka' ba spyad pa yang dper bya'o/ /gzhan yang / khyad par 'phags par bgyi ba la/ /zhes bya ba ni rgyas par bshad pa ste/ khyad par 'phags par bgyi ba la/ /khyod la thang lhod 'ga' ma byung / /de slad khyod kyi khyad par rnams/ /thog drung rim par dbyer ma mchis//skyon rnams bsal ba dang yon tan bsags pa dang sems can gyi don mdzad pa zhes bya ba ni khyad par ro/ /de rnams kyis 'phags pa ni 'phags par gyur ba'o/ /de la thang lhod ni brtson 'grus kyi nges pa ste/ khyod la 'ga' yang ma byung ba ni ngan 'gror song bas kyang gnas skabs 'ga' yang ma yin no//ji ltar 'jig rten pas lung du bstan pa rig nas bsam gtan dang po bskyed pa de nyid kyis bdag nyid bya ba byed par bsam zhing khyad par du 'phags par 'gyur ro zhes khyod de ltar ma mdzad do/ / rgyu de'i phyir na byang chub brnyes shing khyad par du 'phags pa khyod la thugs rje chen po la sogs pa gang yin pa de rnams kyi thog drung ma mchis pa ni chad pa mi mnga' ba zhes bya ba'i don to/ /rnam pa 'dis yon tan thams cad khyad par du 'phags pa'i mthar thug pa kho na zhes bshad do//yang na byang chub sems dpa'i gnas skabs su'o/ /rgyu de'i phyir na khyad par du 'phags pa ni sbyin pa dang tshul khrims la sogs pa khyad par du 'phags pa brnyes pa ste/ pha rol tu phyin pa yongs su rdzogs par mdzad do zhes bya ba'i don to/ /de lta bu'i tshigs su bcad pa gnyis kyis brtson 'grus kyi pha rol tu phyin pa la bstod nas/bsam gtan gyi pha rol tu phyin pa la bstod pa bshad par bya ste/ thugs ni thugs rje chen po dang / /rtag tu rjes su 'brel slad du/ /ting nge 'dzin 'bras bur bcas pa yi/ /shin tu bde la'ang khyod ma chags//zhes bya ba la sogs pa smos pa la/ shin tu bde ba zhes bya ba ni sdug bsngal med pa'i phyir ro/ /shin tu bde ba la yang ma chags pa ni srid par khyod ma gyur zhes bya ba dang sbyar ro/ /gang la zhe na/ bshad pa/ ting 'dzin 'bras bu dang bcas pa/ /zhes stos pa la ting nge 'dzin ni bsam gtan dag go//'bras bu dang bcas pa ni 'bras bur bcas pa ste/ snyoms par 'jug pa'i bsam gtan dang / 'thad pa bsgrub pa'i bsam gtan de rnams la yang zhes bya ba'i don to/ /rgyu ci'i phyir zhe na/ bshad pa/ rtag tu rjes su 'dres slad du//zhes bya ba la sogs pa ni gang gi phyir thugs rje chen pos sems can la phan pa'i bya ba la byang chub sems dpas rtag tu thugs dran nas bsam gtan gyi bde ba la chags pa'i glags skabs tshol bar mi mdzad do/ /de'i phyir thugs rje chen po de dang rtag tu thugs rjes 'brel par gyur to zhes bya ba'o//ji ltar byang chub sems dpas byang chub ma thob par thugs rje chen pos yun ring du goms par byas zhes bya bas na snying rje med pa rnams las khyad par du gyur ba'i phyir ro/ /rgyu gang gi phyir 'bras bu dang bcas pa la chags par ma gyur pa de'i phyir/ gzhan dang thun mong ma lags pa'i//zhes bya ba ni rgyas par bshad par bya ste/ gzhan dang thun mong ma lags pa'i/ /bde ba gang de gya nom yang / /dam pa'i spyod ldan khyod 'dra la/ /gnod par bas kyi sman ma mchis/ /khyod 'dra zhes bya ba ni khyod dang 'dra ba'o/ /rgyu'i gnas skabs kyi bar du byed pa yin pa'i phyir na byang chub sems dpa' rnams la bshad pa yin no//gnod par zhes bya ba ni gnod par byed pa kho na'o/ /sman ma mchis zhes bya ba ni phan pa mi byed pa'o/ /bde ba gang de zhes bya ba ni snyoms par 'jug pa'i bsam gtan dang / 'thad pa bsgrub pa'i bsam gtan dang / dben pa las skyes pa'o//de ni dam pa ma yin nam zhe na/ ma yin zhes bshad pa/ dam pa zhes bya ba ni shin tu sman pa mdzad pa'i phyir dang / dus ring por rjes su 'jug pa'i phyir mchog kyang zhes bya ba'i don to/ /dam pa'i spyod ldan zhes smos pa la/ spyod pa ni spyod pa'o/ /de ni de'i rnam pa 'dis dam pa yin no zhes bod pa'o//ci'i slad du bde ba de khyod dang 'dra ba la gnod par byed pa zhes pa la/ bshad pa/ gzhan dang thun mong ma lags pa'i/ /zhes bya ba ni gang gi phyir de ni thun mong ma lags pa ste spyi ma yin pa'o/ /gang dang thun mong ma yin zhe na/ gzhan dag dang zhes bya ba'i don to/ /bshad pa ni 'di yin te/ bcom ldan 'das kyi ting nge 'dzin las byung ba gang yin pa de ni srog chags gzhan rnams kyis bsten par mi nus pa'i rgyu des na de la chags pa mi skyed pa nyams su myong ba dang ldan pa'i ting nge 'dzin las rgyal ba'i phyir bsam gtan gyi pha rol tu phyin pa yongs su rdzogs par gyur to zhes bya'o//de lta bu'i tshigs su bcad pa gnyis pos bsam gtan gyi pha rol tu phyin pa la bstod nas/ 'dres pa las ni legs bshad pa/ /zhes bya ba'i tshigs su bcad pas shes rab kyi pha rol tu phyin pa la bstod pa bshad par bya ste/'dres pa las ni legs bshad pa/ /snying po skyon med nyi tshe zhig /khyod kyis kun bzhes thugs la bzhag /nyes bshad dug bzhin yongs su spangs/ /'jig rten na 'chad pa po ni rnam pa gsum ste/ legs par bshad pa dang /nyes par bshad pa dang / 'dres pa'i tshig gi dbye ba'i phyir ro/ /de rnams las byang chub sems dpas 'dres pa'i tshig las snying po legs par bshad pa thugs la bzhag pa ni bzung ba'o/ /kha cig la ni dbyangs nye bar bsgyur ba zhes bya ba ni yi ge ta'i rnam par rigs so zhes bya bar shes nas/sgra ngan pa yi 'jigs pa yis/ /snying po kho na A taM zhes bya bas ni lung ma yin pa'i gdon pa'o/ /de la lan ni 'di yin te/ 'di ni nye bar bsgyur ba ma yin gyi de dang 'dra ba'i tshig phrad do/ /dper na du rna ya zhes bya ba ste/ des na thugs la bzhag pa zhes bya ba ni slob dpon gyis bshad pa mdzes pa yin no//gang zhig legs par bshad pa 'ba' zhig tu smra ba de rnams la byang chub sems dpas skyon med nyi tshe zhig ces bya ba ni legs par bshad pa dang sbyar ro/ /legs par bshad pa dang ma 'dres pa gang yin pa de ni bdud rtsi dang 'dra ba thugs rangs bas bzhes pa zhes bya ba'i don to//gzhan kha cig ni kha na ma tho ba 'ba' zhig smra bde rnams las nyes par bshad pa'i tshig dug bzhin du yongs su spangs so/ /de ltar rnam pa gsum po 'dis shes rab kyi pha rol tu phyin pa'i dag pa bstan nas/de nyid 'phel ba bshad par bya ste/ rin chen snying po mkhyen khyod kyis/ /legs bshad srog gis 'jal ba na/ /skye ba de dang de dag tu/ /byang chub slad du dpa' rtsal bstan/ /rin chen snying po mkhyen khyod kyis/ /zhes bya ba la/ khyod kyis 'jal bya ba dang sbyar ro/ / rin chen snying po mkhyen pa zhes bya ba ni legs par bshad pa kho na rnyed par dka' bas na rin po che ste/ de rnams kyi snying po ni bla na med pa'i byang chub po/ /de mkhyen pa zhes bya ba ni rin chen snying po mkhyen pa zhes bod pa'o/ /gang gis 'jal ba yin zhes pa la/ /bshad pa/ dbyig dang gser la sogs pa rnams 'ba' zhig gis ni ma yin gyi srog dag gis kyang ngo //gang 'jal zhe na smras pa/ legs par bshad pa'o/ /dper na legs par bshad pa tshol bar gyur pa'i bcom ldan 'das kyis chos ma gsan pas thugs mug par gyur pas gnod sbyin gyi cha lugs 'dzin pa'i brgya byin las/chos spyod pa ni legs par spyad/ /spyod na de ni spyad mi bya/ /'jig rten 'di dang pha rol du/ /chos spyod pa ni bde bar nyal/ /zhes bya ba'i tshigs su bcad pa 'di la nyid kyi sku de la bza' ba'i phyir stsal nas blus pa'o/ / ci zhig mdzad ce na smras pa/ dpa' rtsal bstan zhes bya ba ni brtson 'grus la dmigs pa mdzad do zhes bya ba'i don to/ /de ci'i slad du zhe na/ smras pa/ byang chub slad du ni byang chub kyi rgyur ro/ /skye ba dang de dag ni 'gro ba lnga'i 'khor ba thams cad du skye bas so zhes bshad pa'o/ / 'dir de ma dang ri dgas kyi skyes rabs la sogs pa dper bya'o/ /de slad grangs med gsum dag tu/ /zhes bya ba rgyas par rgyu la bstod pa nye bar bsdus te bshad pa/ de slad grangs med gsum dag tu/ /khyod ni de ltar brtson pa na/ /brtson 'grus 'ba' zhig grogs gyur bas//go 'phang bla na med pa brnyes/ /de ltar zhes bya ba'i sgra ni de bzhin nyid kyi don nam/ yang na rnam pa la'o/ /des na pha rol tu phyin pa rnams las gzhan dad pa la sogs pa'i dge ba yang gzung ngo / /grangs med gsum dag tu zhes bya ba ni bskal pa chen po grangs med pa gsum gyis so//de ltar brtson pa na zhes bya ba ni ji ltar bshad pa'i bka' ba'i spyod pa mdzad pas so/ /brtson 'grus 'ba' zhig grogs gyur pas/ /zhes bya ba la/ brtson 'grus ni brtson 'grus te/ de nyid 'ba' zhig grogs su gyur pa gang la yod pa de ni brtson 'grus 'ba' zhig grogs su gyur pa ste/glang po dang rta la sogs pa ni ma yin no/ /des na brtson 'grus 'ba' zhig grogs su gyur pa khyod ces bya ba dang sbyar ro/ /ci zhig bya ba zhe na/ smras pa/ go 'phang bla na med pa brnyes pa ste/ mngon du mdzad pa'o//go 'phang ni gnas so/ /ji lta bu yin zhe na/ bshad pa/ bla na med pa ni bla na med par khyad par gang la med pa de ni bla na med pa ste/ de bzhin gshegs pa'i ye shes zhes bya ba'i don to/ /de ltar de ni pha rol tu phyin pa drug gis bcom ldan 'das kyi rgyu la bstod pa zhes bshad do zhes bya'o//rgyu la bstod pa'i bshad pa ste le'u gnyis pa'o// //da ni rnam pa gsum gyis 'bras bu la bstod pa las/ re zhig dpe med pa las bstod pa de las rgyu gang gis dpe med pa nyid dang / rnam pa gang gis dang / gang dang bcas pas dpe med ces bya ba ste/dbye ba gsum mo/ /de la rgyu gang gis dpe med pa nyid brnyes pa ni/ /mtho la phrag dog mi mdzad cing / /zhes bya ba'i tshigs su bcad pas de bshad par bya ste/ mtho la phrag dog mi mdzad cing / /dma' la rngan can mi mdzad la/ /mnyam la 'gran pa mi mnga' bas//khyod ni 'jig rten gtso bor gyur/ /'jig rten pa phal che ba thos pa dang tshul khrims la sogs pa'i khyad par dang ldan pa'i gang zag rnams la phrag dog skye ste/ gzhan gyi yon tan bzod mi nus pa zhes bya ba'i don to/ /dma' ba rnams la rngan can ni rngan can gyi blo dang / mnyam pa dang bcas pa la 'gran pa ni phan tshun zil gyis gnon pa yin no/ /bcom ldan 'das kyang byang chub sems dpa'i gnas skabs su mtho ba rnams la phrag dog mi mdzad de/ yon tan kun du 'dzin pa'i phyir ro/ /dma' ba la rngan can mi mdzad pa ni de rnams la yang yon tan yang dag par stsal ba'i phyir ro//mnyam la 'gran pa mi mnga' ba ni nye bar blangs pa'i yon tan rnams brtan par mdzad pa'i phyir ro/ /'gran pas ni bar chad du 'gyur zhes bya ba'o/ /rgyu gsum po de rnams kyis khyod ces pa ni bcom ldan 'das 'jig rten gyi gtso bor gyur pa ni/ dpe med pa nyid thob par gyur zhes bya ba'i don to//de ltar re zhig phrag dog la sogs pa mi mnga' ba'i phyir dpe med pa nyid bshad nas/ khyod ni yon tan rgyu rnams la/ /zhes bya ba'i rgyas pas rgyu gzhan bshad par bya ste/ khyod ni yon tan rgyu rnams la/ /mngon dgyes 'bras bu rnams la min/ / yang dag sgrub pa de nyid kyis/ /khyod kyi yon tan pha mthar phyin/ /'jig rten pa rnams ni yon tan rnams kyi 'bras bu rnams la mngon par zhen pa yin gyi de'i rgyu rnams la ni ma yin no/ /bcom ldan 'das ni byang chub sems dpar gyur cing sred pa dang bcas par gyur pas kyang 'bras bu las nyung yang rgyu rnams la mngon par zhen pa ni de rnams tshol ba dang dgongs pas bgyis so//gang dag gi rgyu yin zhe na/ bshad pa/ yon tan ni bsam gtan dang snyoms par 'jug pa rnams kyi zhes bya ba'i don to/ /min zhes pa ni mngon par zhen pa dang sbyar ro/ /gang la zhe na/bshad pa/ 'bras bu rnams la zhes bya ba ni bsam gtan dang snyoms par 'jug pa'i bde ba rnams la'o/ /yang na rdzu 'phrul la sogs pa rnams la'o/ /de nyid kyis zhes bya ba ni rgyud de dang yon tan rnams kyi rgyu rnams la mngon par zhen pa rnams kyis so/ /khyod ni yon tan pha mthar phyin pa ni de nyid kyis dang sbyar ro//rnam pa gang gis she na/ bshad pa/ yang dag par bsgrub pa zhes bya ba ni yang dag pa'i lam gyis dang / gzhan la phan pa'i sgo nas zhes bya ba'i don to/ /khyod ces bya ba ni bcom ldan 'das la'o/ /mthar phyin zhes bya ba ni khyad par ro//yon tan ni bsam gtan la sogs pa ste/ phyin pa ni thob pa'o/ /de lta bu'i tshigs su bcad pa gnyis po 'dis byang chub sems dpa'i gnas skabs dang po phrag dog la sogs pa ma mdzad pa dang / yon tan rnams kyi rgyu rnams la mngon par zhen pa dang 'bras bu la mngon par zhen pa'i rgyus byang chub brnyes pa'i bcom ldan 'das kyi dpe med pa 'dir bshad do//gnas skabs bar mar dman pa la mos pa bsal ba bshad pa ste/ gang gi phyir dman pa la mos pa'i byang chub sems dpa' rnams 'di skad smra ste/ nyon mongs pa rnams gnod par byed pa dang /thub pa'i dbang po'i go 'phang dka' bas sgrub pa dang / sangs rgyas nyid thob pa'i phyir chog shes pa gang yin pa de bsal nas sems can la thugs rje'i dbang gis/ ji ltar khyod kyi zhabs rdul yang / /bsod nams skye ba mched 'gyur pa/de ltar khyod kyis legs spyad pas/ /bdag nyid rab tu bskrun pa mdzad/ /de ltar/ bdag nyid rab tu bskrun pa mdzad/ /ces smos pa la/ de ltar zhes bya ba ni brtson 'grus la sogs pa'i rnam pa des so/ /rab tu bskrun pa mdzad pa zhes bya ba ni yon tan gyi mtha' brnyes pa ste de bzhin gshegs pa'i ye shes thugs su chud pa'i phyir ro//khyod kyis ni bcom ldan 'das kyis so/ /legs par spyad pas zhes bya ba ni sku dang / gsung dang thugs kyi dge ba'i phrin las gsum gyis so/ /ji ltar zhes bya ba ni rnam pa gang gis so/ /bsod nams skye ba mched 'gyur ba//zhes bya ba ni bsod nams ni dge ba'i phrin las rnams te/ skye ba ni skye ba'o/ /de mched pa ni rgyas par mdzad pa zhes bya bas na bsod nams skye ba mched pa'o/ /de rnams kyi dngos po ni bsod nams skye ba na ched pa ste/ der 'gyur ba'o/ /yang zhes bya ba ni srid pa la'o//zhabs rdul zhes bya ba ni zhabs dag gi rdul lo/ /khyod kyi zhabs kyi rdul rnams la yang bkur sti byas na skye bo rnams bsod nams rnyed par 'gyur ro zhes bya ba'i don te/ gnas skabs bar ma'o/ /gnas skabs phyi ma'i dpe med pa'i rgyu bshad par bya ste/ nyes pa nyams smad rtsa nas bton//yon tan spel nas rnam par sbyang / /gzhung lugs bzang po des na khyod/ /grub mchog lhag par brnyes pa lags/ /nyams smad rtsa nas bton zhes bya ba ni rgyas pa'o/ /nyams smad ces bya ba ni skye ba snga mar srab par mdzad pa ste/ 'jig rten pa'i lam gyi sel ba dang spangs pa'i phyir ro//rtsa nas bton zhes bya ba ni skye ba phyi mar 'phags pa'i lam gyis sa bon med par mdzad pa'o/ /de dag gang yin zhe na/ bshad pa/ nyes pa ni 'dod chags la sogs pa'o/ /spel nas zhes bya ba ni skye ba snga mar brtson 'grus la brtson pas khyad par du 'dren pa'o//rnam par sbyangs zhes bya bas ni skye ba phyi mar zag pa med pa'i shes rab kyis snyoms par 'jug pa thams cad kyi sgrib pa spang bar bya ba'i phyir ro/ /de dag gang yin zhe na/ bshad pa/ yon tan ni bsam gtan dang snyoms par 'jug pa la sogs pa'o//gzhung lugs bzang po des na zhes bya ba'i gzhung lugs bzang po des so/ /de ltar gyur pa gang yin zhe na/ smras pa grub mchog lhag par brnyes pa zhes smos pa la/ grub mchog ni bla na med pa'i byang chub ste/ gzhan gyi don thams cad gang gis 'grub ces bya ba'i phyir na/de ni khyod kyis brnyes pa lags/ /zhes bya ba'i don to/ /da ni skabs phyi ma'i dpe med pa'i rgyu bshad par bya ste/ ji ltar bdag gi rgyud la de/ /bag chags lhag ma'ang ma lus pa/ /de ltar rnam pa thams cad du/ /nyes pa khyod kyis rab tu bcom/ /de ltar zhes bya ba ni rnam pa des so//rnam pa thams cad du zhes bya ba ni 'bad rtsol thams cad kyis so/ /nyes pa ni 'dod chags la sogs pa rnams so/ /bcom zhes bya ba ni gnyen po'i phyogs bsgoms pas slar yang skye ba dgag pa mdzad ces bya ba'i don to/ /ji ltar zhes bya ba ni skyon rnams kyi'o/ /bdag gi rgyud la zhes bya ba ni bdag gi rgyud la'o//bag chags zhes bya ba'i mtshan nyid ni bshad zin to/ /'ang gi sgra ni khyad par la'o/ /nyes pa ma lus pa bcom pa 'ba' zhig tu ma zad kyi de rnams kyi bag chags kyang ma lus pa ste/ ma bzhag ces bya ba'i don to/ /de lta bu'i tshigs su bcad pa 'dis nyes pa ma lus pa'i bag chags dang bcas pa nyan thos la sogs pas sems can gyi don ma lus pa byed par mi nus so zhes bya bas na nyes pa dang bcas pa'i bag chags spangs pa'i phyir dpe med pa nyid bshad nas/yon tan gyis phongs pas kyang sems can gyi don byed mi nus zhes bya bas na slar yang yon tan phun sum tshogs pa'i dpe med pa nyid/ji ltar gzhan la de dag dang / /zhes bya bas rgyas par bshad par bya ste/ ji ltar gzhan la de dag dang / /'dra ba tsam yang mi gda' ba/ /de ltar khyod kyis bsags bsags nas/ /bdag nyid la ni yon tan bsgrubs//de ltar zhes bya ba ni brtson 'grus la sogs pa des so/ /bsags bsags nas zhes bya ba ni shin tu'i don la rkyen can te/ ji ltar zos shing zos shing 'gro ba bzhin zhes bya ba'o/ /bya ng+h+ri du nya ni 'dzin pa dang rgyas pa'i khams kyi don yongs su bzung nas brtson 'grus kyis shin tu bsags zhes bya ba ste bsdus pa'i don to//bdag nyid la zhes bya ba ni nyid kyi rgyud la'o/ /bsgrubs zhes bya ba ni bzhed pa tsam gyis mngon du bzhag par gyur pa'o/ /yon tan ni mi 'jigs pa la sogs pa rnams so/ /'dra ba tsam yang zhes bya ba ni 'dra ba tsam yang ngo //de dag dang zhes bya ba ni yon tan rnams kyi'o/ /ji ltar zhes bya ba ni rnam pa gang gis zhes bya ba ste mi gda' ba zhes bya ba dang sbyar ro/ /gzhan la zhes bya ba ni bse ru'i rwa dang 'dra ba'i rang sangs rgyas kyi rgyud la yang mi mnga' ba zhes bya ba'i don to / / de lta bu'i tshigs su bcad pa de rnams kyis rgyu gang gis dpe med pa kho na bshad do/ /rnam pa gang gis dpe med pa nyid ni/ 'jig rten pa yi dpe dngos kun/ /zhes bya ba'i tshigs su bcad pa gnyis kyis bshad par bya ste/ 'jig rten pa yi dpe dngos kun/ /gegs bgyid pa dang sgrib pa can/ / re zhig pa dang nyi tshe ba/ /shin tu rnyed par sla ba lags/ /khyod kyi yon tan bla med la/ /gegs bgyid ma mchis rtogs ma mchis/ /brtan pa dang ni rgyun chags pas/ /dpe lta mchis par ga la 'gyur/ /de la gegs bgyid pa ni zil gyis gnon pa'o/ /sgrib pa ni sgrib pa ste de dag gang la yod pa de ni gegs bgyid pa dang sgrib pa can no//dpe'i dngos po zhes bya ba ni 'chad par 'gyur ro/ /'di lta ste dper na re zhig nyi ma dang zla ba la gegs bgyid pa ni sgra gcan la sogs pa dag gis so/ /sgrib pa ni khug rna la sogs pa dag gis so/ /re zhig pa zhes bya ba ni nyin bar nyi ma dang mtshan mo zla ba'o//des na re zhig pa dpe'i dngos po yin no zhes rtogs par 'gyur ro zhes bya ba'o/ nyi tshe ba zhes bya ba ni gang gi tshe 'dzam bu'i gling du nyi ma dang zla ba dag yin pa de'i tshe byang gi sgra mi snyan du ni ma yin no/ /rgyu de'i phyir ni shin tu rnyed par sla ba zhes bya ba la sogs pa ni shin tu rnyed par sla ba'i khyad par gang la yod pa de ni shin tu rnyed par sla ba'o//de gang yin zhe na/ bshad pa/ 'jig rten pa'i dpe'i dngos zhes bya ba ni gang gis dper byas pa de ni dpe ste de nyid dngos po ni rdzas te/ dpe'i dngos po ni nyi ma la sogs pa'o/ /'jig rten pa'i zhes bya ba ni 'jig rten pa la grags pa'o//de bzhin du pad+ma dang / ut+pal la sogs pa la yang ci rigs par sbyar bar bya'o/ /khyod kyi yon tan ni stobs dang mi 'jigs pa la sogs pa rnams so/ /gegs bgyid ma mchis pa ni gegs bgyid pa dang bral ba ste/ nyon mongs pa dang nyon mongs pa ma yin pa'i rmugs pa shin tu mi mnga' ba'i phyir mi mthun pa dang bral bzhes bya ba'i don to//rtogs ma mchis zhes bya ba ni gzhan gyi rgol ba'i mun pas zil gyis gnon par ma gyur pa'o/ /de bzhin du bcom ldan 'das kyis gsungs pa ni yang dag par rdzogs pa'i sangs rgyas su gyur pa ngas chos 'di rnams khong du chud pa ma yin zhes bya bas 'dir nga la su zhig rtsod par byed dam/dran pa la 'jug gam zhes bya ba'i rgyu mtshan yang ma mthong ngo / /de lta bu'i rgyu mtshan ma mthong ba ngas bde ba thob pa dang / bsnyengs pa mi mnga' ba thob pa dang mi 'jigs pa thob pa yang gnas nas khyu mchog rlabs po che'i gnas su dam bca' ba dang /tshangs pa'i 'khor lo bskor ba dang / 'khor gyi nang du seng ge'i sgra yang dag par bsgrags pa zhes bya'o/ /brtan pa zhes bya ba ni re zhig pa ma yin pa ste/ rtag tu yang dag par rjes su 'gro ba'i phyir ro/ /rgyun chags pas zhes bya ba ni shes bya thams cad la gegs bgyid pa ma mchis pa'o//de lta bu'i rnam pa 'dis bla na med pa'i mchog gzhan med pa zhes bya ba'i don to/ /khyod kyi dpe lta mchis par ga la 'gyur zhes smos pa la/ ga la ni dpe dang sbyar ro/ /lta zhes bya ba ni don gzhan 'chad par 'dod pa la'o/ /'gyur ba ni 'gyur zhes bya ba'i don to//khyod kyi ni khyod kyi'o/ /'jig rten pa'i dpe gzhan dngos su na don gzhan du 'gyur pa ni med do zhes dgongs pa de lta bu'i tshigs su bcad pa gnyis po 'dis nyi ma la gegs bgyid pa dang ldan zhing gegs ma mchis pa la sogs pa'i rnam pas grangs ji lta ba bzhin du de bzhin gshegs pa'i yon tan rnams kyi dpe med par bshad do//da ni gang dang lhan cig dpe med de kho na bshad par bya ste/ de la re zhig de bzhin gshegs pa'i dgongs pa gang yin pa de'i chos gsum ste/ zab pa dang / brtan pa dang / gsal ba nyid ces bya ba'o//de la zab pa la brten nas bshad par bya ste/ gang tshe khyod kyi dgongs pa'i dkyil/ /gting dang pha rol med brtags na/ /rgya mtsho'i zab pa nyid kyang ni/ /ba lang rjes ltar sa ler gda'/ /ba lang rjes ltar zhes bya bas ni nyung ba nyid bshad do/ /rgya mtsho'i zab pa nyid la ltos na ba lang gi rjes dang 'dra bar 'gyur ro//ci zhig tu 'gyur zhe na/ rgya mtsho'i zab pa nyid ni ba lang rjes ltar sa ler gda' bar 'gyur ro/ /rgya mtsho chen po'i zab pa nyid ces bya ba'i don to/ /gang gi tshe yin zhe na/ bshad pa/ gang tshe khyod kyi dgongs pa'i dkyil/ /zhes bya ba la sogs pa ni gang gi tshe brtags pa zhes bya ba dang sbyar ro//gang gi tshe khyod kyi dgongs pa'i dkyil ni dgongs pa'i gting med pa brtags na de'i tshe rgya mtsho'i zab pa nyid ni ba lang gi rjes ltar sa ler gda' bar 'gyur ro/ /rgyu gang gis she na/ gang tshe khyod kyi dgongs pa'i dkyil/ /gting dang pha rol med pa ste//gting med pa ni nyan thos chen po la sogs pa rnams kyis kyang yongs su mi shes pa'i phyir ro/ /rgya mtsho'i gting ni lha ma yin gyis kyang ma rnyed pa'i phyir ro/ /bcom ldan 'das kyi dgongs pa'i dkyil yang pha rol med pa ste/ shes bya ma lus pa spyod yul du gyur pa'i phyir dang rgya mtsho ni tshad yongs su chad pa'i phyir zhes bya ba'o//de lta bu'i rnam pa 'dis rgya mtsho chen po'i zab pa ba pas bcom ldan 'das kyi dgongs pa zab pa tshigs su bcad pa 'dis bshad do/ /da ni brtan pa'i dpe med pa bshad par bya ste/ chos rnams kun gyis mi bskyod pa/ /khyod kyi brtan pa mngon bsams na//sa yi brtan pa nyid kyang ni/ /shir sha'i ge sar rtse ltar chung / /zhes bya ba ni shir sha'i shing las byung ba'i me tog gi 'dab ma'o/ /'dab ma de'i rtse mo ni shir sha'i ge sar gyi rtse mo ltar chung bar 'gyur ro/ /brtan pa ni mi g.yo ba nyid do/ /sa'i zhes bya ba ni sa'i zhes bya ba'i don to//rgyu gang gis she na/ bshad pa/ chos rnams kun gyis mi bskyod pa/ /zhes bya ba ni gang gi phyir khyod kyi thugs brtan pa gang yin pa de ni chos rnams kun gyis mi bskyod pa zhes bya ba'i rigs na byas pa'i byed pa la drug pa'i rkyen can no/ /ji ltar bcom ldan 'das [(]gyi[,]kyi[)] brtan pa mi bskyod pa yin zhe na/de'i thugs don gyi rang bzhin gyi yul can phyin ci log par smra bas mi bskyod par mi nus pa'i phyir ro/ /de ltar gsungs pa ni dge slong gang zhig 'di ltar smra ste/ nga la dge sbyong gau ta mas gsungs pa gang yin pa de ni bdag gis smad cing bdag gis gzhan la smra'o zhes bya ba de ni gnas med do zhes bya ba'o/de lta bas na mi bskyod pa kho na'o/ /brtan pa mngon par bsams na ni bsam par bya ba bsams na sa'i brtan pa shir sha'i ge sar rtse ltar chung ba ste/ lha mo kha cig gis kyang bskyod par nus pa'i phyir ro/ /'di ltar gsungs te/lha mo dge slong ma rdzu 'phrul chen po dang ldan pa mthu chen po dang ldan pa gang yin pa des kyang sa'i 'du shes rgya chung bas sar byin gyis rlob cing / tshad med pa'i chu'i 'du shes bsams nas g.yo bar byed do zhes bya ba'o/ /de lta bu'i tshigs su bcad pa des sa'i brtan pa las bcom ldan 'das kyi dgongs pa brtan pa'i dpe med pa rab tu bstan to//gsal ba nyid kyi dpe med pa bshad par bya ste/ thub pa khyod kyi ye shes kyi/ /snang bas mi shes rab rib dag /'joms pa'i thad na nyi ma yang / /me khyer tsam du'ang mi spyod do/ /mi shes rab rib dag 'joms pa'i/ / zhes bya ba la/ mi shes pa ni ma rig pa'o/ /de nyid rab rib ste/ yang dag pa'i don gyi lta ba bsgribs pa'i phyir ro/ /mi shes pa'i rab rib 'joms pa gang yin zhe na/ ye shes kyi snang ba ste/ ye shes ni thugs so/ /de nyid snang ba ste/ 'phags pa'i bden pa bzhi yang dag par gsal bar mdzad pa'i phyir ro//de'i ye shes kyi snang ba'i yul la zhes 'chad par 'gyur ro/ /khyod kyi ni khyod kyi'o/ /thub pa gsum dang ldan pa'i phyir na thub pa'o/ /mi'i sgra ni spyod pa dag gang med pa ste/ mi spyod ces bya ba'i don to/ /gang gis mi spyod ce na/ nyi ma ni nyi ma yis so/ /gang du mi spyod ce na/bshad pa/ ye shes mi snang ba'i yul dang sbyar ro/ /ci zhig mi spyod ce na/ bshad pa/ thad na me khyer tsam du yang / /zhes pa ni me khyer gang yin pa de ni me khyer ro/ /me khyer ni gsal ba dang ldan pa'i srin bu de'i thad na gsal ba ste/ de'i de 'thad pa'i yul yin no zhes bya'o//snang ba de tsam yang nyi mas mi nus te/ bden pa'i yul mngon du ma gyur pa'i phyir ro zhes bya ba'o/ /de lta bu'i tshigs su bcad pa des bcom ldan 'das kyi thugs dpe med pa nyi ma'i snang ba bas gsal ba nyid bshad nas/ yon tan gzhan rnams kyi yang dpe med par bshad par bya ste/khyod kyi gsung thugs mdzad spyod rnams/ /dag pa'i gan na ston zla dang / /chu dang nam mkha'i dag pa rnams/ /dri ma can ni lta bur gda'/ /dri ma med pa yang dri ma can nyid lta bur snang ste/ dag pa rnams zhes bya ba ni bshad par 'gyur ro/ /gang gis she na/ bshad pa/ ston zla dang chu dang nam mkha'i zhes bya ba ni sprin la sogs pa rnams kyis dri ma can du 'gyur srid pa'i phyir ston ka'i sgra ni re re dang sbyar ro/ /ston ka'i zla ba dang chu dang nam mkha'i zhes bya ba ni zlas dbye ba'i snying po can bdun pa de ni skyes bu'i bsdu ba'o/ /gang la ltos nas she na/ bshad pa/ dag pa'i gan na zhes bya ba ni dag pa la ltos na zhes bya ba'i don to/ /de la bcom ldan 'das kyi gsung gi dag pa'i gan na ston ka'i zla ba'i dag pa dang / thugs kyi dag pa'i gan na ston ka'i nam mkha'i dag pa dang / spyod pa ni sku'i phrin las te/ de'i dag pa'i gan na ston sha'i chu'i dag pa dri ma can nyid ltar gda' ba ste/yongs su ma dag pa'i lus dang ngag dang yid kyi las las byung ba bag chags dang bcas pa nyon mongs pa ma lus pa'i dri ma dang bral ba'i phyir ro/ /de lta bu'i tshigs su bcad pa des ston ka'i zla ba la sogs pa rnams las bcom ldan 'das kyi gsung la sogs pa rnams kyi dpe med pa nyid bshad nas/dpe med par bstod pa nye bar bsdu bar bya ba'i phyir bshad pa ni/ 'jig rten legs pa gang ci'ang rung / /thams cad bsngos na'ang der bas te/ /nyon mongs 'jig rten chos rnams kyis/ /sangs rgyas chos la byad mi khor/ /thams cad bsngos na'ang der bas te//zhes bya ba la/ der bas te zhes bya ba ni ba lang rjes ltar sa ler gang gda' zhes bya ba la sogs pa thams cad bshad zin pa zhes bya ba'o/ /rgya mtsho'i zab pa la sogs pa nye bar bshad pa gang yin pa de ni tshig tsam ste/ gzhung 'di nyid kyi don gyis go bas gzhan thams cad kyang dpe ma yin no zhes bsdus nas bshad pa'o//thams cad gang yin zhe na/ bshad pa/ /de 'jig rten legs pa gang ci'ang rung / /zhes smos pa la gang ci'ang rung ba ni pad+ma dang / ut+pal la sogs pa ste/ legs pa ni mdzes shing 'jig rten pa la grags pa gang yin pa de yang khyod kyi dpe ma yin no zhes dgongs pa'o//rgyu gang gis she na/ bshad pa/ sangs rgyas chos la khyad mi khor/ /zhes smos pa la/ khyad mi khor zhes bya ba ni khyad par mang po gegs ma mchis pa zhes sngar bshad pa'i phyir ro/ /ci ni gang gi phyir zhes bya ba'i don la'o/ /sangs rgyas chos la zhes bya ba ni stobs dang mi 'jigs pa la sogs pa rnams so//'jig rten chos rnams zhes bya ba ni 'jig rten pa la grags pa'i nyi ma la sogs pa'o/ /'dir chos kyi sgra ni dngos po tsam gyi tshig tu khong du chud par bya'o/ /nyon mongs pa zhes bya ba ni gegs bgyid pa dang sgrib pa la sogs pa ji ltar bshad pas 'jig pa dang ldan pa'o//bshad pa ni 'di yin te/ gang gi phyir/ nyon mongs 'jig rten chos rnams kyis/ /sangs rgyas chos la khyad mi khor/ /de'i phyir na/ 'jig rten legs pa gang ci'ang rung / /thams cad bsngos na'ang der bas te/ /zhes bya ba gang yin pa de yang khyod kyi dpe yang ma yin no zhes bya ba'o//de lta bu'i tshigs su bcad pa 'di rnams kyis 'jig rten pa'i dpe las dpe med pa bshad nas/ bcom ldan 'das kyis 'jig rten las 'das pa'i dpes dpe med pa bshad par bya ste/ rin chen chos gang brnyes nas khyod/ /mchog tu gyur pa de nyid dang //khyod du bsgrun zhing de dang ni/ /khyod dang bsgrun ldom kho nar bas/ /rin chen chos gang zhes smos pa la/ bla na med pa yang dag par rdzogs pa'i byang chub ni 'dir rin chen chos su 'thad kyi mya ngan las 'das pa ni ma yin te/ nyan thos la sogs pa rnams kyis kyang de thob pa'i phyir ro//brnyes nas zhes bya ba ni yang dag par rjes su 'gro ba'am mngon du gyur pas so/ /khyod mchog tu gyur pa zhes bya ba ni sems can ma lus pa'i mchog tu gyur zhes bya ba'i don to/ /gang zhig sems can rkang med dam/ rkang gnyis pa'am/ rkang mangs zhes bya ba gang yin pa'i sems can de rnams las de bzhin gshegs pa dgra bcom pa yang dag par rdzogs pa'i sangs rgyas mchog yin no zhes bya ba ni mdo'i tshig yin no//de zhes bya ba ni rin chen chos so/ /nyid kyi sgra ni nges par gzung ba ste/ de nyid kyis ni gzhan gyi ni ma yin no/ /kho nar bas pas sgra ni yongs su dag par brjod pa'o//yongs su dag pa'i phyir legs te/ /zhes bya ba ni bcom ldan 'das la bod pa'o/ /sangs rgyas rin po che dag yongs su dag pa'i phyir bsgrun pa la ni skyon med do zhes dgongs pa'o/ /de nyid kyi phyir na bshad pa/ de dang khyod ni zhes smos pa de zhes bya ba ni chos rin chen gyi'o/ / dang gi sgra ni bsgrun ldom zhes bya bar rjes su drang ba'i phyir ro/ /khyod ces bya ba ni bcom ldan 'das dang bsgrun pa'i phyir rin chen chos kyi dpe dang de'i khyod ces bya ba dang mdor bsdus pa'o/ /spel ma las kyang slob dpon phyogs kyi glang pos khyad par du bstod de/ yang na de yang gye khyod mtshungs min//gang phyir gnyi ga mnyam pa nyid/ /tshad ma mkhan gyis brjod par nus/ /de ni sus kyang rtogs mi 'gyur/ /zhes bshad do/ /de'i dgongs pa ni 'di yin te/ glang dang glang rgod dag la khyad par yod na yang tshad ma la sogs pa spyi'i shes pas dper brjod par bya ste/ glang ji lta ba de bzhin du glang rgod do//yang na glang rgod ji lta ba de bzhin du glang zhes bya ba'o/ /de bzhin du de bzhin gshegs pa dang / rin chen chos dag gi tshad ma ni gang gis kyang mi shes so/ /de'i phyir khyod kyi rin chen chos ni dpe ma yin gyi/ de'i yang khyod kyi ma yin zhes bya ba'o/ /gal te bcom ldan 'das kyi dpe med na gsung 'di dag ni zla ba las bdud rtsi 'dzag pa bzhin du 'byung zhes bya bas dper ji ltar byas she na/bshad pa/ gang la spyi tsam bstun nas ni/ /cung zad brjod pa bgyid pa de/ /smra ba po yi rang dga' dang / /thabs dang gcam bu tsam du bas/ /rang dga' zhes bya ba ni rang gi 'dod pa ste de ni 'gal ba tsam mo//tsam gyi sgras ni dpe med pa zhes bshad do/ /gang yin zhe na/ bshad pa/ gang la spyi tsam bstun nas ni/ /zhes smos pa la/ spyi ni gang gzhan la yang yod pa'o/ /bstun pa ni chos rnams yongs su brtag pa'o/ /cung zad ces bya ba ni cung zad ces bya ba'i don to//bshad pa ni 'di yin te/ chos gzhan dang spyi yis khyod kyi dpe yid kyis byas pa gang yin pa de ni rang dga' bas na 'gal ba tsam yin te dpe ni ma yin no/ /gang la bstan nas ni zhes bya ba la sogs pa smos pa la/ /gang la zhes bya ba ni dngos po gang la spyi dang bstun nas dpe nyid kyi tshig gis brjod par bgyid pa gang yin pa de ni gang zag smra ba po gcam bu tsam du bas pa ste shin tu gcam bu zhes bya ba'i don to//de'i phyir na bcom ldan 'das dpe med do zhes bya ba ste/ dpe med pa la bstod pa'i bshad pa'o/ /dpe med pa la bstod pa'i bshad pa ste le'u gsum pa'o// //da ni rmad du byung ba la bstod pa/ khyod ni bdud las rnam rgyal te/ /zhes bya ba'i tshigs su bcad pa gnyis kyis bshad par bya ste/ khyod ni bdud las rnam rgyal te/ /'gro kun dad par mdzad pa yang / /bdag gis chos nyid rjes bsams na/ /chen po ltar gang ma mthong ngo //sdang bas rgol bar rtsol byed pa/ /mang po'ang gzhom par bya ba ni/ /khyad par gnas la brten pa yi/ /bzod pa'i tshigs su mtshar mi che/ /chen po ltar gang ma mthong ngo / /zhes bya ba ni rmad du byung ba lags zhes bya ba'i tshigs su bcad pa gsum pa'i mthar bshad par 'gyur ro//chen po ma mthong ba ni chung ba'o/ /ltar gyi sgra ni dper ro/ /gang gi sgra ni tshig kha skong ba'o/ /khyod kyi nyan thos gnas brtan nyer sbas kyang bdud las rgyal lo zhes thos nas khyod ni bdud las rgyal ba ni chen po ltar ngo mtshar rmad du byung ba ma mthong ngo zhes bya bar dgongs pa'o/ / chos nyid rjes bsams na zhes bya ba ni chos rnams kyi rang bzhin ni chos nyid de/ sangs rgyas kyi chos rnams nyung ngu rjes su bsams na zhes bya ba'i don to/ /spyang ki las seng ge rgyal ba zhes mkhas pa rnams ngo mtshar bar mi 'gyur ro/ /bdag nyid kyi nus pa'i rjes su dpag pas kyang 'gro kun dad par zhes bya ba la sogs pa smos pa la/'gro kun zhes bya ba ni 'chad par 'gyur ro/ /dad par zhes bya ba ni ngo mtshar du gyur pa'o/ /bdud las rgyal zhes bya ba bdud las rgyal ba la brten nas so/ /bdud ni 'dod pa'i lha zhes bya ba lha'i bu 'byung po bye ba sum cu rtsa drug gis yongs su bskor ba mda' bo che dang /mdung thung brgya bcom ldan 'das la bsnun par byed cing / ting nge 'dzin gyi gegs ni byed pa'i phyir nye bar gnas pas bgegs phra mo yang byed ma nus zhes bya ba'o/ /khyod de las rgyal ba gang yin pa de ni 'gro bas ngo mtshar du brtsi ste/ bdag gis ni ma yin no zhes bya bar dgongs pa'o//rgyu ci'i phyir zhe na/ bshad pa/ rgol ba mang po'ang zhes bya ba ni rgyas pa'o/ /mang po zhes bya ba ni ma lus pa ste/ mthu dang ldan pa zhes bya ba'i don to/ /'ang zhes bya ba'i sgra ni gang gi phyir zhes bya ba'i don to/ /sdang bas rgol bar zhes bya ba ni mi 'gal ba'i bsams pas so//gzhom par bya ba zhes bya ba ni rgyal ba'i phyir ro/ /rtsol byed pa zhes bya ba ni nye bar gnas pa'o/ /bzod pa'i tshigs su mtshar mi che/ /zhes bya ba ni nyan thos kyi gnas skabs la yang bzod pas gzhom par bya ba'i phyir dka' ba byed pa ni ma yin no/ / khyad par gnas la brten pa ni bskal pa grangs med pa gsum gyis dri ma med pa'i bsod nams dang ye shes thob par bya ba'i phyir skye ba phyi ma dang ldan pa'i byang chub sems dpa' ni khyad par gyi gnas so/ /de la brten pa'i bzod pas bdud kyi 'khor dang mngag gzhug pa mi sdug pa rnams las rgyal bar bya ba shin tu sla ba'i phyir na bde ni ngo mtshar mi che'o//da ni bcom ldan 'das kyi rmad du byung ba gang yin zhe na/ bshad pa/ gang tshe bdud rnams mngon btul ba/ /de yi nub mo kho na la/ /nyon mongs shin tu che spangs pa/ /de nyid rmad du byung ba lags/ /gang tshe bdud rnams mngon btul ba//zhes bya ba la sogs pa bshad par 'gyur ro/ /kho na'i sgra ni don gzhan 'chad par 'dod pa'o/ /bdud rnams mngon btul ba zhes bya ba ni gsod pa'i chos la nye bar sbyor bas na bdud ni lha'i bu'i bdud do/ /de mngon btul ba ni de'i 'og tu zhes bya ba'i don to//nyon mongs shin tu che spangs pa/ /zhes bya ba la/ nyon mongs pa zhes bya ba ni 'dod chags la sogs pa rnams te/ spangs pa ni nyon mongs pa spangs pa'o/ /de ni nyan thos pas kyang byed/ /ces bya ba'o/ /shin tu che ba zhes bya ba ni khyad par te/ bag chags kyang spangs pa'i phyir ro//de'i nub mo kho na la zhes bya ba ni gang gi nub mo la ting nge 'dzin nyams par bya ba'i phyir bdud nye bar gnas pa de nyid rmad du byung ba ste/ rnam par g.yeng ba'i rkyen dang phrad na yang nyon mongs pa shin tu che ba spangs pa gang yin pa de nyid rmad du byung ba yin gyi bdud las rgyal ba ni ma yin no /'o na bcom ldan 'das kyis cho 'phrul chen po bstan pas 'od srungs rdzogs byed pa la sogs pa'i mu stegs pa btul ba de yang rmad du byung ba yin na de nyid nges par 'dzin pa ci'i phyir zhe na/ bshad pa/ 'od zer phreng bstod ldan pa'i/ /nyi mas mun pa bsal gang lags/ /dpa' bo khyod kyis mu stegs las//rgyal bar mdzad pa ci zhig mtshar/ /mun bsal zhes bya ba la sogs pa smos pa la mun pa bsal ba ni mun nag bsal ba'o/ /nyi ma ni nyi ma zhes bya'o/ /ji lta bu yin zhe na/ bshad pa/ 'od zer phreng ba stong ldan pa'i/ /zhes smos pa la/ 'od zer ni 'od zer rnams so//stong yang yin la 'od zer phreng ba yang yin pas na 'od stong ste/ de gang la yod pa de ni 'od zer phreng ba stong ldan pa'o/ /'od zer gyi phreng ba stong dang ldan pa des mun pa bsal ba ni ngo mtshar ba ma yin no/ /de la yongs su mi rtog pa'i gang zag ngo mtshar bar gyur pa gang yin pa de ni des ngo mtshar zhes sems so//khyod kyis mu stegs las rgyal bar mdzad pa ni ngo mtshar ba zhes pa dang sbyar ro/ /dpa' bo zhes bya ba ni bod pa'i tshig dang rgyu yang bstan to/ /gang gi phyir brtson 'grus kyi che ba dang ldan pa'i phyir de bas na khyod ni dpa' bo'o/ /mu stegs pa de rnams brtson 'grus dman pa'i sha ra dwa ti'i bu la sogs pa nyan thos rnams kyis kyang btul ba de bas na khyod kyis de las rgyal bar mdzad pa ni ngo mtshar ba ma yin no//'di'i phyir na yang ngo mtshar ba ma yin te de'i phyir/ 'dod chags bral bas chags bcas dang / /zhes bya ba'i rgyas par bshad par bya ste/'dod chags bral bas chags bcas dang / /zhe sdang bral bas zhe sdang can/ /gti mug bral bas rmongs pa ste/ /gsum pos rtag tu gsum dag btul/ /'dod chags dang zhe sdang dang gti mug dang bcas pa'i gang zag gsum 'dod chags dang bral ba dang /zhe sdang dang bral ba dang / gti mug dang bral ba dang / gang zag gsum gyi rim pa ji lta ba bzhin du rtag tu btul lo/ /de rnams kyang mu stegs pa ni 'dod chags dang ldan pa yin gyi/ /khyod ni rnam par grol ba ste/ /de bas na ji ltar khyod kyis mu stegs las rgyal ba ngo mtshar ba ma yin no zhes bya ba ni mdor bsdus pa'i don to//'o na bcom ldan 'das kyi ngo mtshar ba ji lta bu yin zhe na/ bshad pa/ dam chos rab tu bstod pa dang / /dam chos ma lags smod mdzad kyang / /dam pa dag dang tha ma la/ /khyod ni chags dang khro mi mnga'/ /dam chos rab tu bstod pa dang //zhes smos pa la/ bstod pa ni bstod pa'o/ /dam chos ni rnam par byang ba'i phyogs kyi dge ba zhes bya ba'i don to/ /dam chos ma lags pa zhes bya ba ni kun nas nyon mongs pa'i phyogs kyi nyon mongs pa zhes bya ba'i don to/ /smod mdzad ces bya ba ni smod par mdzad pa'o//chags dang zhes bya ba ni rjes su chags pa'o/ /khro ba ni khong khro ba'o/ /de dag khyod la mi mnga' ba/ /zhes bya ba'i don to/ /gang la zhe na/ smras pa/ dam pa dag dang tha ma la/ /zhes bya ba ni dge ba can dang / mi dge ba can dag la rim pa ji lta ba bzhin du chags pa dang khro ba mi mnga' ba'o//'on kyang gzhan la smad par mdzad pa'i phyir bstod pa mdzad pa'am/ smod pa mdzad pa de gnyi ga yang zhes dgongs pa'o/ /'di yang ngo mtshar ba ste/ gang gi phyir/ dgra bcom pa dang mu stegs la/ /rjes su chags dang khong khro bar/ /khyod kyi thugs ni mi 'gyur na//khyod la bstod du ci zhig mchis/ /dgra bcom pa dang mu stegs la/ /zhes bya ba la sogs pa smos pa la/ khyod kyi thugs ni mi 'gyur na/ /zhes bya bas 'chad par 'gyur ro/ /dgra bcom pa zhes bya ba ni nyes pa ma lus par spangs par gyur pa dag la'o//mu stegs la zhes bya ba ni rdzogs byed la sogs pa rnams la'o/ /rjes su chags dang khong khro bar/ /zhes bya ba ni chos nyid la gnod par byed pa'i mu stegs pa rnams la khong khrobs gang gi thugs ni mi 'gyur ba ste/ de rnams la khong khro bar mi 'gyur ro zhes dgongs pa'o//'phags pa kun dga' bo la sogs pa'i dgra bcom pa rnams la gang gi tshe kun dga' bo dgon pa ba/ phyag dar khrod pa/ phug la chags pas 'dod pa la mi ltos par blta zhes bya ba de ltar khyod kyis yun ring por bzhed pa'i thugs la dgongs pa dgra bcom pa thob pas yongs su rdzogs par byed pa la chags pas thugs ni mi 'gyur ba ste/de rnams la chags par mi 'gyur ba'o/ /de dang 'dra ba'i rmad du byung ba'i yon tan dang ldan pa khyod la bstod du ci zhig mchis pa ni gzhan dam par bstod pa gang gis te/ bstod pa de ni ma mchis zhes bya ba'i don to/ / rmad du byung ba gzhan yang bshad par bya ste/ yon tan rnams la'ang ma chags la/ /yon tan can la'ang bzhed mi mnga'/ /kye ma'o khyod kyi thugs stobs ni/ /rab dang yongs su dag pa lags/ /yon tan rnams la'ang ma chags la/ /zhes smos pa la/ yon tan rnams ni stobs dang mi 'jigs pa la sogs pa rnams la'o//byang chub sems dpa'i gnas skabs su yon tan dang 'dra bar mi brtsi ba dang / de rnams la yang ma chags pa ni chags par ma gyur pa ste/ de rnams 'phel bar bya ba'i phyir ro/ /rgyur gyur pa'i yon tan de rnams kyis sems can rnams yon tan dang ldan par mdzad ces pas na rtsol ba la gnas par ro//de rnams la bzhed pa mi mnga' ba ni bsam gtan la sogs pa'i yon tan dang ldan par gyur pa la yang nyon mongs pa can gyi bzhed pa mi mnga' ba'o/ /de'i phyir na kye ma'o rab dang zhes bya ba la/ kye ma'o zhes bya ba ni ngo mtshar ba'o//khyod ni khyod kyi'o/ /rab dang zhes bya ba ni sngar bshad pa'i cho gas 'dod chags la sogs pa'i rnyog pa dang bral ba'o/ /thugs stobs zhes bya ba ni thugs so/ /yongs su dag pa ni dri ma dang bral ba zhes bya ba'i don to/ /dbang po rnams ni rab dang ba/ /zhes bya ba'i tshigs su bcad pas rmad du byung ba 'di yang bshad par bya ste/dbang po rnams ni rab dang ba/ /dus rnams rtag tu mi nyams pas/ /khyod thugs rtag tu dang ba dag /mngon sum gyur ba bzhin du gda'/ /rten la brten pa nye bar 'dogs pa mig la sogs pa la brten pa'i dbang po de rnams rab dang ba ni dri ma med pa ste/khro ba la sogs pas byas pa'i bzhin 'gyur ba dang bral ba'i phyir zhes bya ba'o/ /ji ltar skye ba gtsang ba'i bram zes bshad pa ni bcom ldan 'das go ta ma'i spyan ni rab tu dang ba dang / zhal gyi mdog dag pa dang / sku mdog dkar ba gang yin pa de ni dbang po dang ba'i phyir ro//dper na kye go ta ma ji ltar chu bo 'dzam bu'i gser gyi rang bzhin gyi gong bu gser mgar mkhas pas bdar nas ras dkar po la bzhag na shin tu snang ba dang / 'des pa dang / rnam par gsal bar gyur pa de bzhin du bcom ldan 'das gau ta ma'i dbang po dag rab tu dang ba zhes bya ba ni snga ma bzhin no//dus rnams rtag tu mi nyams pas/ /zhes bya ba ni rtag tu mi nyams pa'i ngang tshul can te dus thams cad du zhes bya ba'i tha tshig go/ /thugs zhes bya ba ni thugs so/ /rtag tu dang ba zhes bya ba ni rtag tu dag pa'o/ /mngon sum gyur pa bzhin du zhes bya ba ni thugs dang ba med na dbang po rnams dang bar mi 'gyur ro//khong stong gi nang me gnas pa'i/ /shing las lo ma 'byung mi 'gyur/ /zhes de ltar bshad pa'o/ /de bas na dbang po'i dang ba las thugs kyi dang ba mtshon par 'gyur ro/ /de'i thugs kyi dang ba gzhan gyi sems mi shes pas mngon sum du ma gyur pa'i phyir bzhin zhes bya ba ni dper ro//gzhan rmad du byung ba bshad par bya ste/ rang bzhin dam pa legs gsungs dang / /mdzad spyod bzang pos bsgrags pas na/ /khyod kyi blo gros dgongs pa dag /rnam dag byis pa'i bar la grags/ /zhes bya ba ni rgyas pa'o//byis pa'i bar zhes bya ba ni byis pa rnams las kyang brtsams zhes bya ba'i don to/ /grags zhes bya ba ni rab tu grags pa'o/ /khyod kyi ni khyod kyi'o/ /de gang yin zhe na/ blo gros dgongs pa dag ni mi 'jigs pa la sogs pa'i blo gros te/ shes rab kyi rang bzhin yin pa'i phyir ro//dran pa nye bar gzhag pa gsum ni dgongs pa'o/ /de dag gi rnam par dag pa ni nyon mongs pa'i dri ma dang bral ba'i phyir ro/ /de dag ji ltar byis pa rnams kyi bar la yang grags she na/ smras pa/ gang gi phyir bsgrags pa zhes bya ba ni rtogs shing gsal bar gyur pa'o/ /rang bzhin ni dgongs pa ste/de nyid mi 'jigs pa la sogs pa'i sems dang sems las byung ba'i tshogs so/ /de'i bsgrags pa ni rtags su gyur pa zhes bya ba'i don to/ /legs gsungs mdzad spyod bzang po zhes bya ba la/ legs gsungs ni yongs su dag pa'i gsung gi phrin las so//mdzad spyod bzang po ni yongs su dag pa'i sku'i phrin las so/ /bzhed pa chung ba'i bcom ldan 'das kyis sbas pa'i yon tan rnams kyang de dag gis gsal bar byas zhes bya ba ste/ gsang ba gsal bar byas pa bzhin no/ /de bas na de rnams bsgrags pa yin no/ / de dag kyang thugs dag pa med na rnam par dag par mi 'gyur ro zhes bya bas ni thugs kyi rnam par dag pa gsal bar mdzad do / /de bas na byis pa'i bar la yang sangs rgyas kyi chos zab mo rab tu grags so/ /de ltar 'jig rten pa yang zer te/ rnam pa rtags dang 'gro ba dang / /spyod pa dang ni smra ba dang //mig dang gdong gi rnam pa yis/ /nang gi yid ni shes par bya/ /zhes bya bas rmad du byung bar bstod pa bshad do/ /rmad du byung ba la bstod pa'i bshad pa ste le'u bzhi pa'o// //gzugs med pa'i dngos po'i don gyi 'bras bu nyid kyis re zhig bcom ldan 'das la bstod pa bshad do//sku la bstod pa la/ sku ni dad pa skyed par mdzad pa dang / tshim par mdzad pa nyid dang / rten dang brten pa'i yon tan gyi rjes su mthun pa dang / sku dang yon tan dag gi phan tshun rten dang brten pas mdzes pa zhes bya ba rnam pa bzhi'o/ /de la re zhig dad pa skyed par mdzad pa nyid bshad par bya ste/nye bar zhi la yid du 'ong / /'bar la gnod pa mdzad mi mnga'/ /dul la rngom brjid che ba yi/ /sku 'dis su zhig dad mi mdzad/ /nye bar zhi la yid du 'ong / /zhes bya ba ni rgyas pa'o/ /rgod pa spangs pa'i phyir na nye bar zhi ba ste sku de zhes bya bas 'chad par 'gyur ro//drang srong phyi rol pas sdug bsngal dang dka' thub bzod par nus pa dang 'dra ba'i nye bar zhi ba yang yid du 'ong ba ma yin nam zhe na/ smras pa/ yid du 'ong ba zhes bya ba ni mtshan dang dpe byad kyis spras pa yin pa'i phyir yid du 'ong bar mdzad pa zhes bya ba'i don to//'od 'dom gang ba'i 'od kyis gsal ba'i phyir na 'bar ba'o/ /'bar ba'i phyir nyi ma'i 'od zer dang 'dra bar gnod pa mdzad pa yin nam zhe na/ ma yin zhes bshad pa/ gnod pa mdzad mi mnga' ni gnod pa mdzad mi mnga' ba'i ngang tshul gang la mnga' ba de ni gnod pa mdzad mi mnga' ba ste/mthong ba dang rjes su mthun pa zhes bya ba'i don to/ /rab tu byung ba dang mthun pa'i spyod lam mnga' ba'i phyir na dul ba ste/ rgod pa mi mnga' ba zhes bya ba'i don to/ /dul ba yin na yang rngom brjid che ba ma yin pa ni 'gal ba yin zhes bshad pa ste/ rngom brjid che ba zhes bya ba ni rngom brjid che ba zhes bya ba'i don to//sku zhes bya ba ni sku mdog dang dbyibs kyi bdag nyid do/ /su zhig dang mi mdzad ces bya ba ni su zhig 'dra ba ji lta bu zhe sdang can yang dad pa gzhol bar mi mdzad dam ste/ skye bo thams cad la dad pa skyed par mdzad pa zhes dgongs pa'o//ji lta bu zhe na/ gang gi phyir yul thams cad bsnyen na dang bar mi 'gyur te/ khyod kyi sku ni/ khyod kyi sku de gang gis ni/ /zhes bya ba la sogs pas bshad par bya ste/ khyod kyi sku de gang gis ni/ /lan brgyar mthong dang gang zhig gis/ /dang por mthong ba de gnyi ga /'dra bar mig ni mgu bar mdzad//gang gi phyir/ mthong zhing lan brgyar mthong ba ni lan mang du zhes bya ba'i don to/ /brgya'i sgras ni mang po kho na ston pa'i phyir ro/ /gang zhig gis dang por mthong ba zhes bya ba ni gang zag gang zhig gis de'i sku dang por mthong ba ste sku'i mtshan nyid ni bshad zin to/ /mgu bar mdzad pa ni rangs par mdzad pa'o//khyod kyi ni khyod kyi'o/ /mig ni bde ba dang ldan pa'i mig gi rnam par shes pa skye ba'i phyir ro/ /'dra bar zhes bya ba ni mtshungs par ro/ /de gnyi ga zhes bya ba ni dang por mthong ba 'ba' zhig tu ma zad kyi 'on kyang gnyi ga yang ste lan brgyar mthong ba dang /dang por mthong ba dag gi'o/ /de lta bu'i tshigs su bcad pa gnyis po 'dis skus dad pa skyed par mdzad pa nyid bshad do/ /rgyu gang gis sku des dad pa skyed par mdzad pa nyid yin zhe na/ bshad pa/ khyod kyi sku ni mdzes pa'i phyir/ /blta bas mi ngoms rang bzhin pas/ / mthong ngo cog ni phyi phyir zhing / /dga' ba bskyed par mdzad pa lags/ /khyod kyi sku ni mdzes pa'i phyir/ /zhes bya ba ni rgyas pa'o/ /Shi tsa ni tshim pa'i khams so/ /tshim par byed pa zhes bya bas na mdzes pa'o/ /nye bar len pa lud kyi rkyen dang sbyar bar bya'o/ /mdzes pa kho na yin pas na mdzes pa'o//bshad pa ni 'di yin te/ mtshan dang dpe byad la sogs pas brgyan pa'i bcom ldan 'das kyi sku la srog chags rnams kyis blta bas ngoms par mi 'gyur ba des na sku de ni mdzes pa zhes bshad do/ /'di ltar thos pa yin te/ rgyal po gzugs can snying pos ri brags kyi grong khyer gyi rgyal po drag po'i sras kyi dad pa bskyed par bya ba'i phyir de ras ris la sangs rgyas kyi sku bris nas bskur bar brtsams so//de la ri mo mkhan thams cad bcom ldan 'das kyi yan lag dang nying lag mthong bas tshim par ma gyur pas sku bri bar ma nus so zhes pas bcom ldan 'das kyis rgyal po chen po des 'tshal gyis ri mo mkhan ngal bar gyur pas gang gi phyir de bzhin gshegs pa ni blta bas chog mi shes pa nyid kho nas bris sku la 'od spro bar bya'o zhes bya'o//de nas bcom ldan 'das kyis bris sku la 'od spro bar mdzad do/ / rgyal po gzugs can snying pos de ri brags kyi bdag po la bskur to/ de mthong nas rgyal po shin tu dad pa skyes par gyur nas bris sku de nyid la rten cing 'brel bar 'byung ba bris pa bsgoms pas 'phags pa'i bden pa mthong bar gyur nas bcom ldan 'das kyi thad du phyin te rab tu byung nas dgra bcom pa thob par gyur to zhes bya ba'o//phyir gyi sgra ni gang gi phyir zhes bya ba'i don to/ /mdzes pa'i rang bzhin pas zhes bya ba ni blta ba dang rjes su mthun pa kho na zhes bya ba'i don to/ /sku ni sku'o/ /mthong ngo cog ni phyi phyir zhing / /zhes bya ba ni yang dang yang du mthong bar gyur pas dga' ba'i yid la bde ba skyed par mdzad pa ste/skyed par mdzad pa lags zhes bya ba'o/ /phyi phyir zhing zhes bya ba ni snga na med pa'i khyad par dang ldan pa'i dga' ba kho na mdzad pa'o/ /gang gi phyir lan brgyar mthong ba dang / gang zhig gis sngar bshad pa rigs pa yin zhes bya ba'o//tshigs su bcad pa 'dis sku blta bas mi ngoms pa bshad do/ /rten gyi rjes su mthun pa nyid bshad par bya ste/ rten gyi yon tan dag dang ni/ /brten pa'i yon tan phan tshun du/ /'tsham pas khyod kyi sku dang ni/ /yon tan phun tshogs mchog dang ldan/ /rten gyi yon tan dag dang ni//zhes bya ba la sogs pa smos pa la/ rten ni gzugs kyi sku ste/ de'i yon tan ni brtan pa nyid de/ rdo rje'i sku gdung mthong bar ma gyur pa'i phyir ro/ /dbyibs ni shin tu mdzes pa ste/ shing n+ya gro d+ha ltar chu zheng gab pa dang / seng ge'i ro stod dang 'dra ba'i phyir ro//'bar ba nyid ni 'od 'dom gang ba dang / mtshan dang dpe byad kyis 'bar bar gyur pa'i phyir ro/ /mdog gser 'dra ba dang khyab 'jug gi stobs phun sum tshogs pa dang 'dra ba rten gyi yon tan dang ldan pa'i sku ni gzugs kyi sku nyid de ldan pa zhes 'chad par 'gyur ro/ /rten pa'i yon tan zhes smos pa la/brten pa ni stobs dang mi 'jigs pa la sogs pa dang ma 'dres pa'i yon tan rnams so/ /brten pa'i yon tan ni de rnams khyad par du gyur pa zhes bya ba'i don to/ /'dir yon tan gyi sgra ni khyad par gyi tshig go/ /yon tan gyi khyad par ni rnam par dag pa nyid dang /thogs pa med pa nyid dang / zil gyis gnon pa nyid dang / zab pa la sogs pa zhes bya ba'o/ /brten pa'i yon tan de rnams kyi mi 'jigs pa la sogs pa'i yon tan de nyid phun sum tshogs pa mchog dang ldan pa ni bdag nyid kyi che ba dang ldan pa'i rgyur gyur pa'i phun sum tshogs pa dang ldan pa ste/khyod kyi sku dang yon tan zhes bya ba dang sbyar ro/ /phan tshun du 'tsham pas zhes bya ba ni rten gyi yon tan phun sum tshogs pa brten pa'i yon tan dang rjes su mthun pa ni rten no/ /brten pa'i yon tan phun sum tshogs pa rten gyi yon tan dang rjes su mthun pa dang ldan pa ni brten pa zhes bya'o//de lta bu'i tshigs su bcad pa 'dis sku'i brten pa'i yon tan rjes su mthun pa kho na bshad do/ /mtshan dang dpe byad bzang 'bar ba/ /zhes bya ba'i tshigs su bcad pa gnyis kyis don de nyid gsal bar bya ba'i phyir bshad par bya ste/ mtshan dang dpe byad bzang 'bar ba//khyod kyi sku las ma gtogs pa/ /de bzhin gshegs pa'i yon tan 'di/ /gzhan gang zhig la legs gnas 'gyur/ /khyod sku brten pa yon tan la/ /nga dpal che zhes gsungs gsungs ltar/ /de yi yon tan rnams kyang slar/ /nged legs bkod ces gsungs pa 'dra//gzhan gang zhig ni gzhan gang zhig la'o/ /legs gnas ni mdzes par gnas par 'gyur ro zhes bya ba'i don to/ /de rnams kyang mi 'jigs pa la sogs pa rnams so/ /ji lta ba bzhin du gnas pa'i dngos po de bzhin du gshegs pas na de bzhin gshegs pa'o//ji ltar sngon yang dag par rdzogs pa'i sangs rgyas gshegs pa ni 'jug pa ste/ de bzhin du 'di yang gzhan la sman pa'i slad du 'jug pa la sogs pas gshegs pa zhes pas na de bzhin gshegs pa'o/ /yang na sngon yang dag par rdzogs pa'i sangs rgyas su gshegs pa ni gzhan dag gi tshogs dang chos kyi sku la sogs pa yongs su rdzogs par bya ba'i phyir khyad par gyi ye shes dang ldan par gyur pa de bzhin du 'dir yang gshegs pa zhes bya bas na de bzhin gshegs pa'o//de'i yon tan ni de bzhin gshegs pa'i yon tan no/ /khyod kyi sku las ma gtogs pa//zhes smos pa la khyod kyi sku ni bshad pa gang yin pa de las ma gtogs pa zhes bya ba'i don to/ /khyad par du gyur pa gang yin zhe na/ mtshan dang dpe byad bzang 'bar ba/ /zhes bya ba ni mtshan dang dpe byad bzang 'bar ba las ma gtogs pa zhes bya bar dgongs pa'o//de la skyes bu chen po'i mtshan rnams ni phyag dang zhabs kyi mthil 'khor lo'i mtshan dang ldan pa dang / 'od gsal ba dang / smin mtshams su mdzod spus rnam par brgyan pa dang / dbu gtsug gtor dang ldan pa zhes bya ba la sogs pa'i mtshan ni mdo las gtogs par bya'o/ /dpe byad bshad par bya ste/sen mo ha cang mi ring ba dang / mtho ba dang / zangs kyi mdog 'dra ba dang / snum pa nyid dang / sor mo zlum pa dang / rgyas pa dang / byin gyis phra ba dang / rtsa mi mngon pa dang / rtsa mdud pa med pa dang / chung ba dang / phra ba dang / brla chu shing gi sdong po dang 'dra bar rgyas pa dang /gshibs pa dang / mi mnyam pa med pa dang / byin gyis phra zhing mdzes pa dang / 'ol ma se'i me tog dang 'dra bar dmar ba dang / dang ba dang / snum pa dang / tsan+dan lta bu'i dri dang ldan pa'i khrag ces bya ba la sogs pa ste brgyad cu'o/ /gzhan yang / khyod kyi sku ni nga dpal che/ /zhes pa ni rgyas pa'o/ /dpal che ba ni skal ba dang ldan pa'o/ /nga zhes bya ba ni nga'o zhes bya ba de lta bu'o/ /khyod ces bya ba ni khyod kyi'o/ /sku'i mtshan nyid ni bshad zin to/ /gsungs zhes pa ni gsungs pa'o/ /gsungs pa ni srog chags kyi yul yin pa'i phyir te/ lta zhes pa ni dpe'o/ /brten pa ni sngar bshad pa'i brten pa la'o/ /nged legs bkod ces bya ba ni de rnams nged legs bkod ces bya ba'o/ /slar gsung pa ni slar yang gsung pa'o/ /'dra ba'i sgra ni snga ma bzhin du bshad par bya'o/ /de zhes bya ba ni sku'o/ /yon tan ni sngar bshad zin to/ / bshad pa'i don ni 'di yin te/ khyod kyi sku ni brten pa'i yon tan la gsungs pa lta bu ste/ gang nga dpal che ba dang ldan pa yin no zhes bya bas nga la bla na med pa'i yon tan brten pa zhes bya ba'o/ /yon tan de rnams ni slar gsungs pa dang 'dra ba'i sku mtshan dang dpe byad kyis spras pa khyod la yongs su dag pa'i phrin las dag gis nged rnams legs par bkod pa zhes bya ba'o//de ltar sku dang yon tan dag phan tshun rten dang brten pa nyid kyis gsungs pa bshad de sku la bstod pa bshad do/ /sku la bstod pa zhes bya ba'i bshad pa ste le'u lnga pa'o// //sman pa mdzad pa ni dbye ba rnam pa brgyad de/de la re zhig thugs rje la bstod pas ni 'khor ba'i nyes pa mkhyen pa'i bcom ldan 'das kyang thugs rjes yun ring por bzhugs pa dang / /sems can rnams kyi de'i tshe shin tu sdug bsngal zhi bar bya ba'i phyir skye bo mang po'i gnas su bzhugs pa dang dgon par mi bzhugs pa dang /da ltar byung ba'i sdug bsngal bzod spyod pa dang / bud med kyi spyod pa legs pa dang / mi legs pa dang 'dra ba'i thugs rje mnga' ba ste tshig gi don bzhi'o/ /de la bcom ldan 'das kyis smon lam la brten pas yongs su mya ngan las 'das kyi bar du bkres pa dang skom pa la sogs pa'i sdug bsngal bzod spyod pa dang /'khor ba'i skye bo gzhan dang 'dra ba dang / rgyu la khyad par mi mnga' ba bshad par bya ste/ 'gro ba 'di dag thams cad ni/ /khyad med nyon mongs rnams kyis bcing / /khyod ni 'gro ba'i nyon mongs dag /dgrol slad yun ring thugs rjes bsdams//thams cad khyad med ces bya ba la thams cad ces bya ba ni khams gsum mo/ /khyad med ces bya ba ni lha rnams nas dmyal ba'i bar du'o/ /khyad med pas na nyon mongs pa rnams kyis bcings pa ni srid pa'i rtse mo'i nges par ma spangs pa'i phyir ro zhes bya bar dgongs pa'o//'khor bar 'gro ba nyon mongs par byed ces pas na nyon mongs pa rnams so/ /de rnams kyis bcings zhes bya ba ni 'khor ba las ma 'das pa'i phyir ro/ /'gro ba 'di zhes bya ba ni sems can gyi 'jig rten 'di'o/ /de ltar na 'jig rten pa nyon mongs pa rnams kyis bcings pas 'khor bar nyon mongs par gyur to//khyod ni 'gro ba'i nyon mongs dag dgrol slad/ /ces bya ba ni shes rab kyi mtshon chas 'gro ba'i nyon mongs pa'i zhags pa gcod pa'i phyir ro/ /yun ring thugs rjes bsdams zhes bya ba ni smon lam nas brtsams te yongs su mya ngan las 'das kyi bar du'o//gang gi phyir de ltar gyur pa de'i phyir na/ /dang por khyod la phyag bgyi 'am/ /'on te gang gis 'khor bar khyod/ /skyon mkhyen yun ring de lta bur/ /bzhugs mdzad thugs rje che la bgyi/ /dang por khyod la phyag bgyi 'am/ /zhes bya ba la sogs pa smos pa la/ 'am zhes bya ba'i sgra ni dri ba dang the tshom mo//dang po ni dang po'o/ /phyag ces bya ba ni phyag bgyi ba'o/ /khyod la ni bcom ldan 'das la'o/ /thugs rje che ba'i mtshan nyid ni bshad zin to/ /'on te ni yang na zhes bya ba'i don to/ /gang las the tshom 'di yin zhe na/ gang gi phyir 'jig rten pa'i shes pas long ba nyon mongs pa'i zhags pas bcings pas 'khor ba'i sdug bsngal nyams su myong ba zhes bya ba de ni ngo mtshar ma yin no//'on kyang gang gis zhes bya ba la sogs pa smos pa la/ gang gis ni thugs rje chen pos so/ /de lta bu ni yang dag par gyur pa gsal bar byad pa'i shes rab kyis 'khor ba'i skyon mkhyen pa ste/'khor ba ni 'gro ba rigs drug go/ /bzhugs pa ni bzhugs par mdzad pa ste/ /'gro ba rnams kyi nyon mongs pa yun ring por zhi bar byed pa'i phyir ro/ /de'i phyir/ /dang por khyod la phyag bgyi 'am/ /zhes pa la rnam par rtog pa ni 'di yin no//yon tan gyi the tshom bsal bar ma gyur na ma ning gi rtags kyi sbyor ba byas zhes rtogs nas/ /dang por khyod la phyag bgyi 'am/ /zhes yongs su gdon to/ /de lta bu'i tshigs su bcad pa gnyis kyis shes rab kyis 'khor ba'i skyon mkhyen kyang thugs rjes yun ring por bzhugs pa zhes bshad do//gzhan yang / dben pa'i bde ba spangs gyur khyod/ /mang po'i nang na bzhugs pa gang / /de khyod thugs rjes dus 'das pa/ /glags shig thod nas bgyid par bas/ /dben pa'i bde ba spangs gyur khyod/ /ces smos pa la/ /dben pa ni 'du 'dzi spangs pa'o /de las byung ba'i bde ba dben pa'i bde ba'o/ /de gyur pa ni rjes su mthun pa gang la yod pa de ni dben pa'i bde ba spangs par gyur pa ste/ de ni gdul bya'i skye bo mang pos yongs su bskor ba'o/ /khyod ni khyod kyi'o/ /'das pa ni 'das pa'o/ /de gang yin zhe na/ dus ni mtshan mo dang nyin mo la sogs pa'o//glags shig thod pa ni spro ba thob pa'i thugs rjes de mdzad do/ /nyid bzhed pa'i dben pa'i bde ba spangs nas rgyu med pa'i thugs rje'i gzhan dbang gis gzhan la sman pa la rtse gcig pas khyod kyi dus 'das so zhes bya ba ni bsdus pa'i don to/ /gang gi phyir thugs rjes glags skabs rnyed nas 'di mdzad dam zhe na/bshad pa/ rig pa yis ni mtsho nang nas/ /klu bzhin khyod kyang thugs rje yis/ /dgon pa zhi gnas grong gi mthar/ /gdul ba'i don gyi slad du drangs/ /dgon pa zhi gnas grong gi mthar/ /zhes bya ba la sogs pa smos pa la/zhi ba dang rjes su mthun pa'i dgon pa ni zhi ba'o/ /de las grong gi mthar ni grong dang nye bar drangs pa'o/ /khyod ni bcom ldan 'das so/ /kyang ni gang gi phyir zhes bya ba'o/ /klu bzhin zhes bya ba la sogs pa ni ji ltar sbrul gyi mche bas btab pa'i dug gso bar bya ba'i phyir mtsho'i nang du gnas pas klu rig pas mtsho'i nang nas drangs pa de bzhin du nyon mongs pa'i sbrul gyis zos pa'i 'gro ba gso bar bya ba'i phyir thugs rje'i rig pas dgon pa zhi ba la dgyes par gyur pa khyod dgon pa nas grong gi mthar drangs so//de bas na dben pa'i bde ba spangs gyur khyod ces bya ba rgyas pa'i tshigs su bcad pa'i don ni rigs pa'o//de lta bu'i tshigs su bcad pa gnyis kyis thugs rje'i dbang gis mang po'i nang na bzhugs pa dang / dben par mi bzhugs pa zhes bshad do/ /gzhan yang / nyer zhi mchog la gnas bzhin du/ /thugs rje gtso dang ldan pas na//rol mo mkhan gyi sgyu rtsal yang / /khyod kyi zhabs kyis 'dor bar mdzad/ /nyer zhi mchog la gnas bzhin du/ /zhes smos pa la/ nyer zhi mchog la gnas zhes bya ba ni nyer zhi mchog la gnas pa'o/ /bzhin gyi sgra ni ngo mtshar ba'i don la'o/ /thugs rje gtso dang ldan pas na//zhes smos pa la/ /gtso bo ni gtso bo ste/ drang bar byed pa zhes bshad de/ de gang la yod pa de ni gtso bo dang ldan pa'o/ /de'i ngo bo nyid ni thugs rje'i gtso bo dang ldan pa ste/ thugs rjes yin gyi gzhan gyis ni ma yin no/ /de ni thugs rje gtso bo dang ldan pa ni thugs rje gtso bo dang ldan par gyur pa zhes bya ba'i don to//khyod kyi zhabs kyis 'dor bar mdzad/ /ces bya ba ni zhabs bskyod par mdzad pa'o/ /ci'i slad du zhe na/ rol mo mkhan gyis sgyu rtsal yang / /zhes smos pa la/ rol mo mkhan gyi sgyu rtsal dag go/ /de rnams kyi sgyu rtsal ni bzo'i gnas dag ste/de dag kyang khyod kyi mdzad pa la 'jug par mdzad pa'o/ /'di lta ste/ rol mo mkhan gyi cha lugs bzhengs nas lha'i yul du gshegs te/ bcom ldan 'das nyid kyis rgyud mangs brdungs pas rgyud stong phrag chad par gyur kyang nam mkha' las yongs su gang ba'i sgra bsgrags pas shin tu dga' ba zhes bya ba'i dri za'i rgyal po rgyud mangs brdung ba'i bzo bo nga rgyal dang ldan pa rol mo mkhan gyi nga rgyal de las phral nas gdul bar mdzad do zhes bya bar thos so//de yang rjes su mthun pa ma yin zhing skye bo gdul bya'i sdug bsngal gzod ma spyod pa'i thugs rjes mdzad do zhes bstan to//gzhan yang / rdzu 'phrul seng ge'i sgra dang ni/ /nyid kyi yon tan brjod pa gang / /de ni bzhed spyod mi mnga' ba/ /khyod kyi thugs rjes bstar ba lags/ /rdzu 'phrul seng ge'i sgra dang ni/ /zhes bya ba ni rgyas pa'o/ /rdzu 'phrul ni nam mkha' la 'gro ba dang /'bar ba dang / 'bebs pa dang / char 'bab pa la sogs pa'i 'o/ /seng ge'i sgra dang 'brug gi sgra dang 'dra ba'o/ /ji ltar gsungs pa ni nga las phyi rol du gyur pa la ni dge sbyong ngam bram ze med de/ /gang gis 'khor gyi tshogs 'di rnams kyi nang du seng ge'i sgra yang dag par sgrogs par byed pa kho na zhes bya ba la sogs pa'o//de nyid 'jigs pa med pa'i seng ge dang 'dra bas sgra sgrogs pas na seng ge'i sgra'o/ /nyid kyi yon tan brjod pa ni nyid la bstod pa'o/ /ji ltar stobs bcu dang ldan pa dang / de bzhin gshegs pa dgra bcom pa zhes bya ba la sogs pa'o/ / rdzu 'phrul dang / seng ge'i sgra dang / nyid kyi yon tan brjod pa gang yin pa de ni byis pa'i 'jig rten pa 'dod pas gzhan la rab tu ston par byed do/ /de ni bzhed spyod mi mnga' ba/ /zhes bya ba la sogs pa smos pa la/ de la bzhed pa ni 'dod pa dang sred pa ste/ de nyid yul rnams kyi rgyud spyod par byed pas ni spyod pa'o//de mi mnga' ba ni gang gis spangs pa de ni bzhed spyod mi mnga' ba'o/ /de ni khyod kyi thugs rjes bstar ba'o/ /de zhes bya ba ni rdzu 'phrul la sogs pa'o/ /thugs rjes bstar ba ni thugs rje'i rtags so/ /ji ltar ka shi'i rdo la gser bzang ba'am ngan par yongs su brtag pa de bzhin du sems can rnams kyi da ltar byung ba'i sdug bsngal bzod par spyod pa'i bcom ldan 'das kyi thugs rje yang rdzu 'phrul la sogs pa'i ka shis rjes su dpag par bya ste/bzhed pa dang spyod pa mi mnga' ba'i phyir zhes bya ba ni bsdus pa'i don to/ /de lta bu'i tshigs su bcad pa gnyis kyis thugs rje'i dbang gis da ltar byung ba'i sdug bsngal bzod mi spyod pa zhes bshad do//legs pa dang mi legs pa'i bud med kyi tshul dang mthun pa bshad par bya ste/ gzhan gyi don du rab bzang gi /nyid kyi rten la brtse med pas/ /mgon po khyod nyid 'ba' zhig la//thugs rjes thugs rje mdzad ma gyur/ /gzhan gyi don du rab bzang gi/ /zhes bya ba ni rgyas pa'o/ /gzhan gyi don ni gzhan la sman pa mdzad pa'i phyir ro/ /rab tu bzang ba ni mkhas pa'o/ /gi zhes bya ba ni zhal gyis bzhes pa la'o/ /nyid kyi rten la brtse med pa/ /zhes bya ba ni de bzhin gshegs pa de nyid kyi rten te/de la brtse ba med pa ni rtsub pa dang gzir bar mdzad pa ste/ thugs rje zhes 'chad par 'gyur ro/ /khyod nyid ni bcom ldan 'das la yin gyi gzhan la ni ma yin no/ /'ba' zhig ni bdag nyid che ba zhes bya ba'i don to/ /mgon po zhes bya ba ni bod pa'o//thugs rjes thugs rje mdzad ma gyur/ /zhes bya bas ni de ltar bstan pa yin te/ thugs rjes mdzad pa dang / rjes su bzung ba mdzad ces pa ni thugs rje'i don dang mthun pa'i mtshan no/ /khyod kyi yul la thugs rje'i don dang mthun pa'i mtshan du ma gyur to/ /de lta bas na nyid kyi rten la brtse ba mi mnga' ba dang /gzhan la chags pa'i rang bzhin gang yin pa des ni bud med kyi spyod pa mi legs pa bshad do/ /gzhan la chags pa dang / nyid kyi rten la brtse ba med pa zhes bya bar shes par ji ltar 'gyur zhe na/ smras pa/ 'di ltar res 'ga' brtan pas gang /gzhan don bsgrub par mdzad slad du/ /khyod ni lan brgyar phyogs dag tu/ /gtor ma bzhin du btang ba lags/ /'di ltar lan brgyar phyogs dag tu/ /zhes bya ba smos pa la/ 'di ltar zhes bya ba ni ji ltar 'di ni gzhan la chags pa dang / nyid kyi rten la brtse ba med pa de ltar bshad par bya zhes bya ba'i don to//gang ni gang gi phyir zhes bya ba'i don to/ /yang na 'di ltar gang zhes bya ba ni 'chad par 'dod pa'i don rab tu ston par byed pa'i tshig phrad ces bya ba'o/ /khyod ni 'chad par 'gyur ba'o/ /lan brgya ni lan mang por ro/ /brtan pa'i phyir brtan pa ni thugs rje nyid du brjod do//res 'ga' gtor ma bzhin du zhes bya ba ni ji ltar snying rje med pa dag gis phyogs dum bur byas nas gtor mar btang ba ste/ gnod sbyin la sogs rnams dga' bar bya ba'i phyir ro/ /de bzhin du thugs rjes kyang thugs rje mi mnga' ba dang 'dra bar khyod lan brgyar byas nas btang ba lags so zhes 'chad par 'gyur ro//ci'i slad du zhe na/ bshad pa/ gzhan don sgrub par mdzad slad du/ /zhes bya bas ni stag phrug la sogs pa rnams kyi bza' ba sgrub pa'i phyir ro/ /khyod ces bya ba ni khyod do/ /byang chub sems dpa' la sbyor ba'i gnas skabs su btang ba lags so//gang la zhe na/ phyogs dag tu ni las kyi byed tshig gi mtha' can yin te/ /phyogs bzhir gtong ba zhes bya ba'i don to/ /gang gi phyir de ltar gyur pa de'i phyir gzhan gyi don rab tu bzang ba ni legs par bshad pa'o/ / de lta bu'i tshigs su bcad pa gnyis kyis bud med kyi spyod pa mi legs pa dang 'dra ba'i spyod pa bshad na/ bud med kyi spyod pa legs pa de bshad par bya ste/ tha mal pa'i skye bos kyang bud med g.yon can dbang du mi 'gyur te/ 'on kyang brtan pa'i khyad par can gyi byang chub sems dpa' lta smos kyang ci dgos te/de ltar khyod la gnod mdzad kyang / /nongs pa can du mi brtsi bas/ /khyod kyi bzhed pa kho na dang / /mthun 'jug pa ni legs par gda'/ /de ltar khyod la gnod mdzad kyang / /zhes bya ba ni rgyas pa'o/ /khyod kyi srog pas kyang gzhan gyi srog la gces par dgongs pa'o//des na thugs rje 'di ni khyod kyi bzhed pa dang rjes su mthun zhing khyod kyi thugs dang mi 'gal bar 'jug pa ni sems can la sman pa'i slad du 'jug pa'o/ /legs pa ni yin pa'o/ /ji ltar 'di shes par bya zhe na/ bshad pa/ de ltar khyod la gnod mdzad kyang //zhes bya ba la sogs pa la/ de ltar zhes bya ba ni snga ma bzhin du bshad par bya'o/ /yang na de ltar zhes bya ba ni lan brgyar bcad nas gtor mar btang ba la sogs pa'i rnam pa des so/ /kyang ni gang gi phyir gyi don to/ /gnod mdzad kyang zhes bya ba ni gzir bar yang mdzad pa'o//khyod ni bcom ldan 'das so/ /mi brtsi bas ni legs pa yin gyi gdug pa can ni ma yin no zhes bya ba'i don to/ /gang gi phyir nongs pa can du mi brtsi zhes/ /bud med gdug pa can ni dor ba'i rigs na khyod kyis thugs rje 'di dor bar ma mdzad pas nges par 'di ni nongs pa can du mi brtsi bas nongs par mi mdzad pas zhes bya ba'i don to//de ltar 'dir dgongs pa dang rjes su mthun pa'i phyir thugs rjes bud med kyi spyod pa legs pa dang 'dra ba tshigs su bcad pa 'dis gsal bar rtogs par bya'o zhes bya ba ste/ thugs rje la bstod pa'i bshad pa'o/ /thugs rje la bstod pa zhes bya ba'i bshad pa ste le'u drug pa'o// //gsung la bstod pa'i dbye ba bcu gcig ste/ de la tshigs su bcad pa gang gis tshig gi don gyi dbye ba gang yin pa bshad pa de ni phyis bshad par bya'o/ /de la/tshig bzang ba dang don che dang / /zhes bya ba'i tshigs su bcad pa gnyis te/ tshig bzang ba dang don che dang / /bden pa dang ni snyan pa dang / /zab gsal gnyi ga'i don ldan dang / /bsdus dang spros pa dang ldan pa/ /khyod kyi gsung ni de lta bu/ /khyod kyi dgra bos thos na yang / / thams cad mkhyen pa legs so zhes/ /su zhig nges pa skye mi 'gyur/ /tshig bzang ba dang zhes bya ba bshad par bya ste/ tshig bzang ba'i gsung gang la yod pa de ni tshig bzang ba ste/ tshig gsal ba zhes bya ba'i don to/ /tshig gsal ba yin na yang sgeg pa'i sdeb sbyor la sogs pa dang 'dra bar don mi tshe ba ma yin nam zhe na/smras pa/ don che ba ni mtho ris dang thar pa gsal ba'i phyir ro/ /drang srong ser skya la sogs pa'i tshig kyang de ltar gsal ba yin te/ 'on kyang phyin ci log gi don gsal ba zhes bya bas na de dag las kyang khyad du bshad par bya ste/ bden pa zhes bya ba ni phyin ci log ma yin zhes bya ba'i don to//bden pa ma yin pa phal che ba ni snyan pa yin te/ 'di dag ni bde ba dang snyan pa dang yang yin te/ mnyan pa'i rigs so zhes bya ba'i don to/ /ji lta ba bzhin du sbyor ba ni chung ngu dang / 'bring dang / dbang po rnon po'i gdul bya'i ngo bo'i phyir zab pa dang /gsal ba dang / gnyi ga'i don gang la yod pa de ni zab pa dang / gsal ba dang / gnyi ga'i don dang ldan pa'o/ /de la rten cing 'brel bar 'byung ba'i tshig gi don dang ldan pa ni zab pa ste/ zab pa'o/ /sbyin pa la sogs pa yang ba'i don dang ldan pa ni gsal ba'i don to//rten cing 'brel bar 'byung ba'i tshig gi don la sogs pa ni gnyi ga'i don dang ldan pa'o/ /bsdus pa ni mdor bsdus pa ste/ ji ltar dge slong dag gzugs zhes bya ba'i chos spang bar bya'o zhes bya ba'o/ /spros pa ni rgyas pa'o/ /'di lta ste/ dge slong dag gzugs ni bdag ma yin te/dge slong dag gzugs bdag yin na gzugs ni gnod pa dang sdug bsngal bar mi 'gyur ro/ /de gnyi ga gang la yod pa de ni bsdus pa dang spros pa dang ldan pa ste/ gdul bya bsdus pa dang spros pa la dga' ba'i dbang du byas pa'i phyir ro/ /su zhig ces bya ba ni mi srid pa'i phyir ro//mi 'gyur ba ni mi 'gyur ba'o/ /thos pa ni thos nas so/ /gsung ni mdo'i sde dang dbyangs kyis bsnyad pa'i sde la sogs pa'o/ /de lta bu ni ji ltar bshad pa'i rnam pa dang ldan pa'o/ /khyod kyi ni khyod kyi'o/ /khyod kyi ni bcom ldan 'das la'o/ /rjes su chags pa dang 'bring 'ba' zhig tu ma zad kyi dgra bos kyang zhes bya ba ni yang go sgra'i don to//thams cad mkhyen pas na thams cad mkhyen pa zhes bya'o/ /des pa ni nges pa'i rkyen zhes bya'o/ /de lta bu'i tshigs su bcad pa gnyis kyis bcom ldan 'das kyi gsung la thams cad mkhyen pa kho nar gsal ba ni dbye ba dang po'i bshad pa'o//gzhan yang / mang po'i ril gyis snyan ma lags/ /bcos pa 'ga' tsam snyan par bas/ /khyod kyi gsung don grub pas kyang / /thams cad legs gsungs kho na lags/ /mang po ril gyis snyan ma lags/ /zhes pa ni rgyas pa'o/ / mang po ni phal che ba snyan pa ste/ thos pa dang rjes su mthun pa'o/ /gsung thams cad ces bya ba ni bshad par 'gyur ro/ /bcos pa 'ga' tsam zhes bya ba ni gang zhig 'dod pa'i bde ba'i longs spyod la zhen pa de ni de dang rjes su mthun pa'i gsung gis 'du 'khar mi nus so/ /bcos pa 'ga' tsam gyi gsung ni snyan pa ma yin zhes bya ba'i don to//dper na 'dod pa'i bde ba la chags pa'i srid pa las 'jigs pa bstan par bya ba'i phyir gsungs pa ni/ de ltar 'bar bar gyur pa la/ /rangs dang dga' ba ci zhig yod/ /mun pa'i nang du gnas pa yis/ / sgron ma ji ltar tshol mi byed/ /ces bya ba'o/ /gzhan kha cig 'di ltar smra bar byad de bcos pa'i gsung ni snyan pa ma yin te/ dper na lha sbyin la bcom ldan 'das kyis bka' stsal pa/ rmongs pa'i skyes bu shA ri'i bu dang / maud gal gyi bu la yang dge slong gi dge 'dun gtod par mi byed na khyod la gtod pa lta smos kyang ci dgos/gang gi phyir shAkya rnams kyi bran mo'i bu am baSh+Ta zhes bya ba'i skye bo ra'i mchil ma za bar khyod 'gyur ro zhes bya ba'o/ /de bas na mi bzod pa'i bsam pa dang ldan pas gnas par 'os pa'i gdul bya la thugs rjer dgongs pa'i bcom ldan 'das kyis bka' stsal to//de'i yang mi snyan pa ma yin pa dang / rtsub mo ma yin pa ste/ thugs nyon mongs pa dang mi ldan pa'i phyir ro/ /gsung zhes bya ba'i don ni bshad zin to/ /don grub pa ni mtho ris dang thar pa'i don bsgrub par bya ba'i phyir ro/ /kyang gi sgras ni don gzhan ston pa'o//thams cad ces bya ba ni snyan pa dang me snyan pa'o/ /legs par gsungs pa ni legs par gsungs pa'o/ /de lta bu'i tshigs su bcad pa 'dis shAkya rnams kyi tshig snyan pa ste/ dbye ba rnam pa gnyis pa bshad do/ /de nyid bshad par bya ste/ khyod kyi gsung ni rnam brtags na//gang zhig 'jam dang rtsub pa dang / /gang yang de gnyis ldan pa dang / /thams cad ro gcig nyid du 'gyur/ gang zhig 'jam pa ni snyan pa'i gsung zhes 'chad par 'gyur ro/ /ci 'dra ba yin zhe na/ gzhi bstan pa'i mdo las ji skad gsungs pa ni 'di ni lus kyi legs par spyad pa dang /'di ni lus kyi legs par spyad pa'i rnam par smin pa'i 'bras bu dang / 'di ni ngag dang yid kyi legs par spyad pa dang / 'di ni ngag dang yid kyi legs par spyod pa'i rnam par smin pa'i 'bras bu dang / 'di ni lha dang mi rnams zhes bya ba'o/ /gang zhig rtsub pa zhes bya ba ni rtsub pa dang rjes su mthun pa'o//ji lta ba bzhin du mdo de nyid las/ 'di ni lus kyi nyes par spyad pa dang / 'di ni lus kyi nyes par spyad pa'i rnam par smin pa'i 'bras bu dang / 'di ni ngag dang yid kyi nyes par spyad pa dang / 'di ni ngag dang yid kyi nyes par spyad pa'i rnam par smin pa'i 'bras bu dang /'di ni dmyal ba dang / dud 'gro dang / yi dags zhes bya ba'o/ /gang yang de gnyis dang ldan pa/ /zhes bya ba ni gang zhig gsung de gnyis ni 'jam pa dang rtsub pa dag ste/ ldan pa ni ldan pa zhes bya ba'i don to/ /de bzhin du mdo de nyid las 'di ni lus kyi legs par spyad pa zhes bya ba snga ma bzhin dang /de bzhin du 'di ni lus kyi nyes par spyad pa zhes bya ba snga ma bzhin no/ /thams cad ces bya ba ni 'jam pa dang / rtsub pa dang / gnyis ka dang ldan pa'i gsung ro gcig pa nyid ni thar pa gcig gi mtha' brtags pa ni rnam par spyod pa ste/'gyur ba ni 'gyur ba'o/ /khyod kyi ni gsung ngo / /khyod kyi gsung ni rjes su chags pa dang / khong khro ba med pa'i phyir dang / thugs rje dang 'brel ba'i phyir rnam par spyad ban thams cad ro gcig par 'gyur te/ legs par spyod pa la gnas pa'i sbyor bas thar pa thob par mdzad pa ste/bsdus pa'i don to/ /de lta bu'i tshigs su bcad pas gsung thar pa dang ro gcig pa ste/ dbye ba gsum pa bshad do/ /de'i phyir na ngo mtshar bar yid kyis bstod par bya ste/ e ma'o shin tu yongs dag pa'i/ /phrin las rnams ni rab tu bzo//nga yis rin chen gsung rnams kyi/ /snod 'di 'dra ba 'di bgyis so/ /e ma'o shin tu yongs dag pa'i/ /zhes bya ba ni rgyas pa'o/ /kye ma'o zhes bya ba ni ngo mtshar ba'o/ /shin tu yongs dag pa'i phrin las ni dkar po 'ba' zhig ste/ gya gyu rtag tu spangs pa'i phyir//zhes bya ba la sogs pa'o/ /bzo zhes bya ba ni mkhas pa'o/ /rab tu ni khyad par dang ldan pa zhes bya ba'i don to/ /phrin las des zhes bya ba ni byed pa'i tshig yongs su gyur pa dang sbyar ro/ /'di zhes bya ba ni dad pa skyes pas mngon sum dang 'dra bar srid par byed de/ rin chen gsung rnams kyi zhes bya ba ni tshig bzang ba dang don che ba la sogs pa'i rnam pas shin tu dkon pa'i phyir gsung rnams ni rin chen no//'di 'dra ba ni rnam pa 'di dang 'dra ba ste/ mtshan dang dpe byad kyis brgyan pa'o/ /snod ni rten no/ /bgyis so zhes bya ba ni bskyed pa dang nges par bsgrubs pa ste/rin chen gsung dang rjes su mthun pa zhes dgongs so/ /gsung gi rin chen rnams kyi snod ji lta bu yin zhe na/ bshad pa/ khyod zhal blta na rab sdug pa/ /de las mnyan na snyan pa yi/ /gsung 'di dag ni zla ba las/ /bdud rtsi 'dzag pa bzhin du 'byung / / khyod zhal blta na rab sdug pa/ /zhes smos pa la/ zhal de las zhes bya ba ni 'chad par 'gyur ro/ /na ni gang gi phyir zhes bya ba'i don to/ /blta na sdug pa zhes bya ba ni blta na sdug pa ste blta bar 'os pa zhes bya ba'i don to/ /'di ni gsung zhes 'chad par 'gyur ro/ /ci 'dra ba yin zhe na/mnyan na snyan pa'o/ /zhal ni zhal las 'dzag pa ste/ 'dzag pa bzhin du 'byung ba'o/ /khyod kyi gsung gi mtshan nyid ni bshad zin to/ /zla ba las bdud rtsi 'dzag pa bzhin du 'byung zhes bya ba la/ zla ba ni bdud rtsi'i rang bzhin no zhes 'jig rten la grags pa'o//ji ltar de las zhu ba'i rang bzhin gyi bdud rtsi 'dzag pa de bzhin du/ bcom ldan 'das kyi zhal gyi zla ba las don dam pa dang mya ngan las 'das pa thob pa'i phyir na gsung kho na bdud rtsi 'dzag pa bzhin 'byung ngo zhes bstan to/ /de lta bu'i tshigs su bcad pa gnyis kyis gsung dang rjes su mthun pa'i rten pa ste/dbye ba bzhi pa bshad do/ /gzhan yang / khyod kyi gsung ni 'dod chags kyi/ /rdul rab zhi mdzad char sprin 'dra/ /zhe sdang sbrul ni 'don pa'i phyir/ /nam mkha' lding dang 'dra ba lags/ /'dod chags kyi rdul rab zhi bar mdzad ces smos pa la/'dod chags kho na rdul te/ sngo ba thi ba la sogs pa mi sdug pa bstan pas de rab tu zhi bar mdzad pa ni sel bar mdzad pa zhes bya ba'i don to/ /gsung gi don ni bshad zin to/ /khyod ni khyod kyi'o/ /char sprin 'dra zhes bya ba ni char sprin ma yin pas char sprin dang 'dra bar spyod pas na char sprin dang 'dra ba'o//brik+Sha la sogs pa'i sgra la ka'i rkyen can te/ de ltar 'chad par 'gyur ba'i sbyor ba la yang shes par bya'o/ /nam mkha' lding dang 'dra ba zhes smos pa la/ nam mkha' lding ni nam mkha' lding ngo / /de dang 'dra bar skyod pa ste/ byams pa la sogs bstan pas/zhe sdang sbrul ni gdon pa'i phyir/ /zhes smos pa la/ zhe sdang nyid sbrul te/ khro ba'i dug 'byin pa'i phyir ro/ /gdon pa'i phyir zhes bya ba ni de la brten nas zhes bya ba'i don to/ /gzhan yang / yang dang yang du mi shes pa'i/ /rab rib 'joms pas gdugs dang 'dra/ /nga rgyal ri bo mngon 'joms pas//brgya byin mtshon cha 'dra ba lags/ /gdugs dang 'dra ba zhes bya ba ni rgyas pa'o/ /gdugs bzhin du spyod pas na gdugs dang 'dra ba'o/ /yang dang yang du zhes bya ba ni slar yang rten cing 'brel par 'byung ba bstan pas sngon gyi mtha' dang / phyi ma'i mtha' dang dbus kyi mtha' gsal ba'i phyir na gdugs dang 'dra ba'i gsung zhes thams cad la drang bar bya'o//ci zhig mdzad ce na/ bshad pa/ mi shes pa'i rab rib 'joms pas zhes bya ba la/ /mi shes pa ni ma rig par grags pa ste/ yang dag pa'i lta ba la sgrib par byed pa'i rab rib de rnam par sel bar mdzad ces bya ba'i don to//brgya byin gyi mtshon cha ni rdo rje ste/ de dang 'dra bar spyod pa'o/ /nga rgyal ni mtho ba'i mtshan nyid dang chos mthun pa'i phyir na ri bo ste ri bo'o/ /de 'joms pas na brgya byin gyi mtshon cha dang 'dra ba ste/ las bdag gir bya ba kho na dang /bdag med pa las 'byung ba'i phyir ro/ /las bdag gir bya ba bsams pa na 'di ltar 'gyur te/ las las rigs dang / gzugs dang / lang tsho la sogs pa gzhan rnams kyang yin no/ /'di ni bdag med pa dang / 'dus byas pa tsam nyon mongs pa'i gzhan dbang du gyur pa'i las las 'byung bas na rnam pa gang gis su zhig nga rgyal byed ces bya ba'o//de lta bu'i tshigs su bcad pa gnyis kyis 'dod chags dang / zhe sdang dang / gti mug dang / nga rgyal 'joms pa ni gsung yin pas na dbye ba lnga pa bshad do/ /gzhan yang / don gzigs pas na mi slu ba//nongs mi mnga' phyir rjes su mthun/ /legs par sbyar bas go sla ste/ /khyod kyi gsung ni legs gsum ldan/ /don gzigs pas na mi slu ba/ /zhes bya ba ni rgyas pa'o/ /don gzigs pa gang la yod pa de ni don gzigs pa'o/ /gsum zhes bya ba ni 'chad par 'gyur ro//de'i rang bzhin ni don gzigs pa'i phyir na mi slu ba ste/ bden pa zhes bya ba'i don to/ /bcom ldan 'das kyi gsung gi don ni mi slu bar mthong ste/ de'i gsung la rjes su 'jug pa rnams kyis mtho ris dang thar pa thob pa'i phyir ro/ /dper na nga yongs su mya ngan las 'das pa'i lo brgya'i 'og tu rgyal po gtum po mya ngan med ces bya ba 'byung bar 'gyur ro//des ni nub gcig la chos kyi rgyal po'i mchod rten brgyad khri byed par 'gyur ro zhes bcom ldan 'das kyis gsungs so/ /de bzhin du ma 'ongs pa'i dus su khu ta ga zhes bya ba'i mi rnams kyi mgo bo la gnyer ma lhags par 'gyur ba dang /bu mo gzhon nu las kyang bu skye bar 'gyur ro zhes bya ba la sogs pa thams cad nye bar dmigs par 'gyur ro zhes bya ba'o/ /yang na don gzigs pa'i gsung gsung ba ni mi slu ba yin no/ /ma rig pa la sogs pa 'joms pa'i ye shes kyis gang gis don gzigs pa de ni don gzigs pa ste/de ni bcom ldan 'das kho na'o/ /de'i gsung ni mi slu ba ste/ don gzigs pa'i phyir ro/ /'dod chags la sogs pas dkrugs pa'i sems dang ldan pa rnams kyi tshig ni rjes su mi mthun pa ste/bcom ldan 'das kyi ni nongs pa mi mnga' ba'i phyir na rjes su mthun pa ste/ drang srong rgyas pa la sogs pa dang 'dra bar snga phyir mi mthun pa ni ma yin no zhes dgongs pa'o/ /go sla zhes bya ba ni gdul bya'i skye bos rtogs par mdzad pa'o/ /legs par sbyar ba zhes bya ba ni ji ltar gdul byas phal pa'i tshig dang /chos skad dang / kla klo'i tshig gi dbye bas don shes pa de bzhin du legs par sbyar ba zhes bshad de/ de'i phyir don gzigs pa dang / rjes su mthun pa dang / go sla ba ste legs pa gsum gang la yod pa de ni legs pa gsum dang ldan pa ste/ / khyod kyi gsung ngo / /ni'i sgra ni tshig gi kha bskang ba'o/ /rnam pa gsum po de dag gis yongs su dag pa'i gsung dag gis ston pa nyid du grags pa'i tshigs su bcad pa 'dis dbye ba drug pa bshad do/ /gzhan yang / re zhig dang por khyod kyi gsung / /nyan pa rnams kyi yid 'phrog mdzad//de nas yid la bsam bgyis na/ /rdul dang mun pa dag kyang sel/ /nyan pa rnams kyi yid 'phrog mdzad/ /ces bya ba la/ yid ni sems dag go/ /re zhig ces bya ba ni rim pa'i don to/ /nyan pa rnams kyi ste/ yan lag lnga dang ldan pa'i dbyangs kyis gzhan du rjes su mi 'brang ba'i phyir yid 'phrog ga par mdzad pa'o//dang por ni dang por ro/ /gsung ni gsung ngo / /khyod kyi ni khyod kyi zhes bya'o/ /nyan pa las phyi ma'i dus su yid la bsam bgyis na zhes bya ba ni bsam pa dang bsgom pa'i rim pas so/ /rgyud la dri mas gnod pa'i phyir rdul ni nyon mongs pa thams cad do//mun pa zhes bya ba ni gti mug go/ /nyon mongs pa'i rigs ma lus pa ni gti mug sngon du song ba'i phyir gti mug log par bshad do/ /'dod chags ni rdul gyi tshig gis spong ba tsam zhig bstan te/ 'dir ni gsung gcig nas gcig gis nyon mongs pa rtsa ba dang bcas par 'joms par bshad de/des ni yid 'phrog par byed pa'i dbye ba bdun pa bshad do/ /gzhan yang / phongs pa rnams kyi dbugs 'byin cing / /bag med rnams ni skrag par mdzad/ /bde ba can dag skyob mdzad pas/ /khyod gsung kun dang 'tsham par 'jug /phongs pa rnams kyi dbugs 'byin cing / /zhes smos pa la/ phongs pa rnams ni nyon mongs pa thob pa ste/ nyon mongs pa de las nges par 'byung ba bshad pas dbugs 'byin pa zhes bya bas na phongs pa rnams kyi dbugs 'byin pa'o/ /gsung zhes bya ba ni 'chad par 'gyur ba'o//dper na nya pa dag gis nya rgyas nya dang ris mthun pa'i chu srin 'gram du drangs pa shin tu sdug bsngal ba dang ldan pas bcom ldan 'das kyi mthus smras pa ni 'di nas bdag shi 'phos nas sems can dmyal bar skye bar 'gyur ro zhes smras pa de la bcom ldan 'das kyis gsungs pa/nga ni thugs rje ldan rgyal la/ /sems ni legs par dad par gyis/ /dud 'gro'i skye gnas spangs nas ni/ /de nas mtho ris 'gro bar 'gyur/ /zhes bya ba'i tshigs su bcad pa 'dis dbugs dbyung bar mdzad do/ /bcom ldan 'das la sems rab tu dad pas lha rnams kyi nang du skyes pa dang /bcom ldan 'das kyi thad du phyin pas bden pa mthong bar gyur to zhes bya'o/ /de bzhin du sdug bsngal dang ldan pa'i sbrul gdug pa la sogs pa gzhan rnams kyang dper bshad par bya'o/ /bag med pa rnams ni skrag par mdzad ces bya ba ni dge ba'i bya ba la rtse gcig pa med pa'i bag med pa dag la sdug bsngal bstan pas 'jigs pa bsal bar mdzad pa ste/ji ltar 'bras bu smin pa na/ /rtag tu ltung ba'i 'jigs dang ldan/ /de bzhin skyes pa'i mi rnams ni/ /rtag tu 'chi ba'i 'jigs pa ldan/ /zhes byaba'o/ /nyung ngu la longs spyod pa dang / yang na skye ba dang 'jig par bstan pas phal cher 'dod pa'i bde bas bde ba dang ldan pa rnams kyi skyo bar bgyid pa ni 'dod chags dang bral ba bskyed par mdzad pa'o/ /dper na/ nyung dang sdug bsngal mang por ldan/ /'dod pa mkhas pas rnam shes pas/ /lha yi 'dod pa rnams la yang / / lhag par dga' bar mi 'gyur ro/ /'dus byas rnams ni mi rtas ste/ /skye dang bcas pa'i chos can pas/ /skyes nas 'jig par 'gyur bas na/ /de rnams myur du zhi na bde/ /zhes bya ba'i tshigs su bcad pa gnyis so/ /de'i phyir kun dang 'tsham pa ni 'tsham pa dang mthun par 'jug pa'i ngang tshul gang la yod pa de ni kun dang 'tsham par 'jug pa ste khyod kyi gsung ngo //de lta bu'i tshigs su bcad pa 'dis khyod gsung kun dang 'tsham par 'jug pa'i dbye ba brgyad pa bshad do/ /gzhan yang / mkhas pa rnams kyi dga' ba bskyed/ /bar ma rnams kyi blo yang spel/ /tha ma'i rab rib rnam 'joms pas//gsung 'di skye bo kun la sman/ /mkhas pa rnams kyi dga' ba bskyed/ /ces bya ba ni rgyas pa'o/ /mkhas pa ni dbang po rnon po rnams kyi ste/ dga' ba ni yid bde ba bskyed pas na dga' ba bskyed pa ste/ bton pa tsam gyis rtogs pa'i phyir ro/ /gsung zhes bya ba ni 'chad par 'gyur ba'o//dper na sngon chu srin las lha'i bur gyur pa de nyid kyi bden pa'i rang bzhin mthong nas tshong pas khe rnyed pa dang 'dra bar yid bde ba thob pas 'gro bar gyur to zhes rgyas par gsungs pa'o/ /bar ma rnams ni dbang po par ma rnams kyi thos pa dang bsam pa la sogs pa'i sbyor bas bsgom pa'i rang bzhin gyis shes rab nye bar bsdus pa'i phyir blo spel bar mdzad pa'o//tha ma ni dbang po dman pa rnams kyis mi shes pa'i rab rib 'joms pas na rab rib 'joms pa ste/ las dang 'bras bu'i 'brel pa nges par bskyed par mdzad pa'i phyir ro/ /de bas na dbang po rnon po dang /bar ma dang / tha ma'i skye bo la sman pas na skye bo kun la sman pa ste gsung de nyid bshad pa'o/ /de lta bu'i tshigs su bcad pa 'dis gsung ni skye bo kun la sman pa ste dbye ba dgu pa bshad do/ /slar yang / lta ba dag las dgar mdzad cing / /mya ngan 'das pa nye bar 'dren//nyes pa sel mdzad khyod kyi gsung / /yon tan rnams kyi char yang 'bebs/ /lta ba dag las dgar mdzad cing / /zhes smos pa la/ dga' bar mdzad pa ni ring du mdzad pa'o/ /gsung zhes bya ba ni 'chad par 'gyur ro/ /lta ba dag ni 'jig tshogs dang mthar 'dzin pa la sogs pa dag las te/nyon mongs pa zad par mdzad pa bstan pas mthong ba'i lam 'byung ba'i phyir ro/ /mya ngan las 'das par nye bar 'dren zhes bya ba ni nyon mongs pa zad par mdzad pa bstan pa nyid kyis bsgom pa'i lam bskyed pa'i phyir phung po'i lhag ma dang bcas pa'i mya ngan las 'das par nye bar 'dren par mdzad ces bya ba'i don to//nyes pa sel mdzad ces bya ba ni nyon mongs pa spang ba bstan pa nyid kyis mi slob pa'i lam bskyed pa'i phyir ro/ /nyes pa ni khams gsum pa'i ma lus par sel bar mdzad pa ste/ rab tu sel bar mdzad pa ni rab tu sel bar mdzad pa'o/ / dgra bcom pa nyid thob par mdzad pa'i phyir nyon mongs pa med pa dang / smon lam gyi ye shes la sogs pa'i yon tan rnams kyi char yang 'babs te/ de bskyed pa'i phyir bstan par mdzad pa'i phyir ro/ /de la lta bu'i tshigs su bcad pa 'dis gsung mthong ba dang / bsgom pa dang / mi slob pa'i lam dang mthun pa ste dbye ba bcu pa bshad do//dran pa dang blo dag thogs pa dang ldan pa'i phyir drang srong rgyas pa la sogs pa'i tshig ni brdzun pa yin te/ bcom ldan 'das ni/ kun la ma thogs thugs mnga' zhing / /zhes bya ba rgyas par bshad par bya ste/ kun la ma thogs thugs mnga' zhing //dgongs pa'ang kun nas nyer gnas pas/ /de slad khyod kyis lung bstan kun/ /thams cad la yang slu mi mnga'/ /kun ni shes bya rnams la ste thogs pa mi mnga' ba ni thogs pa mi mnga' ba'o/ /thugs ni shes rab ste/ nyon mongs pa'i sgrib pa dang / nyon mongs pa dang nyon mongs pa ma yin pa'i mi shes pa spangs pa'i phyir ro//khyod kyis zhes bya ba ni 'chad par 'gyur ro/ /kun du zhes bya ba ni shes bya nyid la ste/ nye bar gnas pa ni mnyam par gzhag pa'o/ /dgongs pa ni yul la 'dod pa'o/ /slu ba ni 'bras bu med pa bshad pa'o/ /slu ba mi mnga' ba ni mi slu ba ste 'bras bu dang bcas pa zhes bya bar dgongs pa'o//de slad ces bya ba ni rgyu yin pa'i phyir ro/ /kun la thugs dang dgongs pa dag mnyam par gzhag pa'i phyir khyod kyis lung bstan pa kun ni gdams ngag ste/ slu ba mi mnga' ba zhes bya ba'i don to/ /'di'i phyir yang mi slu ba ste/ gang slad yul min dus min dang //snod min rnams su mi 'jug pa/ /de slad khyod gsung don mchis te/ /brtson 'grus legs par brtsams pa bzhin/ /gang slad yul min dus min dang / /zhes bya ba la sogs pa smos pa la/ gang slad ces bya ba ni gang gi phyir ro/ /yul min ni yul kho na la rab tu 'jug pa ste/gdul bya'i dgos pa'i phyir ro/ /'di ltar cho 'phrul chen po ston par bzhed pas rgyal po'i khab nas mnyan yod du gshegs so/ /gang gi phyir dus min pa ni dus kho na la rab tu 'jug pa'o/ /ji ltar yun ring por bcom ldan 'das kyis cho 'phrul chen po ston par mdzad pa zhes bya ba rgyal po gsal rgyal gyis dris pas zhag bdun 'das pa na zhes gsungs pa ste/dus de tsam gyis gdul ba'i rgyud des yongs su smin par gzigs pa'i phyir ro/ /gang gi phyir snod min ni rdzogs byed la sogs pa snod ma yin pa'o/ /snod ni thar pa'i sa bon dang ldan pa'i snod kho na 'jug pa'o//de slad ni rgyu des don mchis pa ste khyod kyi gsung ni don dang ldan pa'o/ /sangs rgyas bcom ldan 'das rnams ni 'bras bu don dang bcas pa'i chos ston pa zhes bya ba'o/ /ji lta bu zhe na/ smras pa/ brtson 'grus legs par brtsams pa bzhin/ / zhes bya ba ni bcom ldan 'das kyis gsungs te/ byis pa'i brtson 'grus kyis ni le lo skye bar 'gyur ro/ /shin tu brtsams ches pas ni rgod par 'gyur ro/ /de ltar mtha' gnyis spangs nas bar ma'i lam gyis brtson 'grus brtsam par bya zhes bya ba'o/ /de ltar yang dag par brtsams pa'i brtson 'grus don dang ldan par 'gyur zhing nges par thar pa nyid du 'gyur ba de bzhin du rgyu de las gsung de ni don mchis pa zhes bya ba'o//de lta bu'i tshigs su bcad pa gnyis kyis gsung don dang ldan pa'i 'bras bu'i rang bzhin te/ dbye ba bcu gcig pa bshad pa ni gsung la bstod pa'i bshad pa'o//gsung la bstod pa'i bshad pa zhes bya ba ste le'u bdun pa'o// //gsung gi don gang yin pa de ni bstan pa yin pas na gsung la bstod pa'i 'og tu bstan pa la bstod pa bshad par bya ste/ bgrod pa gcig dang thabs bde dang / /legs par 'brel dang nyes pa med//thog ma bar dang mthar dge ba/ /khyod kyi bstan 'dra gzhan la med/ /bgrod pa gcig dang thabs bde dang / /zhes bya ba la sogs pa smos pa la/ gang gis bgrod pas na bgrod pa ste bgrod pa ni lam mo/ /gcig kyang yin la bgrod pa yang yin pas na bgrod pa gcig ste/bstan pa zhes 'chad par 'gyur ro/ /lta ba rnam par dag bya'i phyir/ /lam 'di las ni gzhan pa med/ /ces mdo las bshad pa'o/ /lam gcig kho na yin te/ dper na de bzhin gshegs pa'i bstan pa zhes bshad do/ /yang na thar pa gcig pu kho na thob par bya ba'i phyir bgrod pa ni bgrod pa gcig pa'o//gcig gis bgrod pa zhes pa ni drug pa'i bsdu ba'o/ /shing sha ba'i lo ma dang 'dra ba'i mdo las ji ltar gsungs pa ni chos gang zhig mngon par shes pa dang / yang dag par byang chub pa dang / mya ngan las 'das pa'i phyir yang dag par 'jug pa de rnams nyid kyis mkhyen cing mngon par rdzogs par sangs rgyas nas bshad do zhes bya ba'o//thabs bde zhes bya ba la thabs ni sbyar ba'o/ /gdungs pa la sogs pa'i dka' ba'i dka' thub dgag pa'i phyir thabs bde ba gang la yod pa de ni thabs bde ba ste/ bde ba dang ldan pas sems mnyam par gzhag par 'gyur ro zhes mdo'i tshig yin pa'i phyir ro//ji srid thar pa ma thob pa de srid du lha dang mi rnams kyi 'bras bu legs par 'brel ba'i ngang tshul gang la yod pa de ni legs par 'brel ba dang ldan pa'o/ /nyes pa ni skyon te/ 'dod chags la sogs pa'i nyes pa dang mi ldan pa'i phyir na nyes pa med pa'o//thog ma ni thos pa'i dus dang / bar ma ni bsam pa'i dus dang / tha ma ni bsgom pa'i dus su dge ba ste/ mngon par mtho ba dang / nges par legs pa'i mtshan nyid dang ldan pa'o/ /de'i rgyur gyur pa'i phyir thog ma bar dang mthar dge ba ni bstan pa'o//khyod kyi 'dra ba gzhan la med pa ni drang srong ser skya dang / pe lu ka dang / gcer bu pa la sogs pa rnams kyis bstan pa'o/ /'di la ni rnam pa thams cad du bsten pa'i rigs so/ /de bzhin du yang / khyod kyi gzhung lugs de lta bu/ /gcig tu phangs la chags lta bas//byis pa gal te smod bgyid na/ /lta dang 'dra ba'i dgram mchis/ /gcig tu phangs la zhes bya ba ni rgyas pa'o/ /de lta bu'i bgrod pa gcig pa la sogs pa'i tshogs so/ /gcig tu phangs pa ni 'dod par bya ba'o/ /gcig tu phangs pa khyod kyi gzhung lugs zhes 'chad par 'gyur ro//mu stegs pa ngan pa'i lta ba la chags pa ni lta ba la chags pa ste/ lta ba la chags pa'i rgyur gyur pa des so/ /byis pa ni byis pa kho na'o/ /gzhung lugs ni bstan pa'o/ /gal te zhes bya ba ni srid pa'i tshig go/ /smod pa ni smod par bgyid pa'o/ /ma mchis pa ni ma mchis pa'o/ / lta ba dang 'dra ba ni lta ba dang 'dra ba'i dgra ste/ lta ba kho na'o/ /de rnams nyid kyi dgra'i mchog ste/ gang gis khyod kyi dge ba dang ldan pa'i bstan pa la byis pa de rnams sun 'byin par byed do zhes bya ba ni mdor bsdus pa'o/ /gzhan ni 'gro ba'i don slad du/ /sdug bsngal mang bstar gang lags pa//de bsams khyod bstan ngan na yang / /gnas par bgyi ba la thug na/ /bstar ba ni khyod kyis nyams su myong zhes bya ba'i don to/ /gzhan ni khyod kyis bstar ba lags/ /zhes brjod pa ni khyod kyis bstar ba lags zhes bya ba'i don to/ /sdug bsngal gang zhes bya ba dang sbyar ro//don slad du zhes bya ba ni de'i rgyu mtshan gyi phyir ro/ /gang gi yin zhe na/ 'gro ba yi'o/ /sdug bsngal zhes bya ba ni byang chub tu thugs bskyed pa nas mya ngan las 'das pa'i bar dang / dmyal ba dang dud 'gro rnams kyi yang rnam pa du ma'i sdug bsngal mang po de ni sdug bsngal ba'o//bsam pa ni dran pa yis so/ /ngan na yang zhes bya ba ni mi mdzes pa la yang ngo / /yang gi sgra ni mi srid pa yang / shin tu nye bar zhi ba bstan to/ /gnas par bgyi ba la thug na/ /zhes bya ba ni gnas par bya ba'i rigs so/ /khyod kyi bstan pa ni khyod kyis gsungs pa'i cho ga la'o//bshad pa ni 'di yin te/ sman par mdzad pa'i phyir khyod kyi bstan pa ngan na yang byas pa gzo bas gnas pa'i rigs so/ /phan pa gsung zhing phan mdzad pa/ /khyod kyi bstan pa ci smos te/ /mgo la zhugs ni 'bar bas kyang / /ci yi slad du sgrub mi bgyid/ /phan pa mdzad pa ci smos te//zhes bya ba smos pa la/ ci smos te zhes bya bas ni the tshom med pa bstan te/ phan pa mdzad pa zhes bya ba ni rdzu 'phrul gsal ba dang / gzhan gyi cha lugs 'dzin pa'i thabs kyis phan pa mdzad pa'o/ /phan pa gsung ba zhes bya ba ni phan pa bstan pa'i ngang tshul dang ldan pa'o//bstan pa'i mtshan nyid ni bshad zin to/ /ci'i slad du zhes bya ba ni mi srid pa'i phyir te/ rnam pa gzhan mi srid cing rnam pa gang zhig gis sgrub par mi bgyid pa yin pa'o/ /mgo la zhugs ni 'bar bas kyang / /zhes bya ba ni mgo bo zhugs kyis 'bar bar gyur na yang mgo po tshig pa la btang snyoms byas pas 'phags pa'i bden pa mthong bas khyod kyi bstan pa 'bras bu dang bcas par bya'o zhes bya ba ni dgongs pa'o//'di ltar bcom ldan 'das kyis bka' stsal te/ dge slong dag mgo bo 'bar bar gyur pa la btang snyoms su byas nas 'phags pa'i bden pa bzhi mngon du ma gyur pa mngon du bya ba'i phyir 'dun pa dang brtson 'grus chen po'i chen pos ji srid sbyor ba'i bar du bya ba'i rigs so zhes bya ba'o//de lta bu'i tshigs su bcad pa de rnams kyis rgyu gang gis bstan pa la 'jug pa de'i rgyu bshad nas/ /bstan pa la 'jug pa'i phan yon bshad par bya ste/khyod kyi bstan pas rang dbang dang / /byang chub bde dang zhi ba dang / /khyod kyi yon tan bsngags pa dang / /legs pa bzhi po 'di kun thob/ /rang dbang dang byang chub bde dang zhes bya ba ni rgyas pa'o/ /rang dbang ni chos nyid de/ de thob pa zhes bya ba ni 'chad par 'gyur ro//rang dbang ni rang dbang kho na ste/ gzhan gyi dbang du ma gyur pa zhes bya ba'i don to/ /bstan pa la brten nas sred pa spangs pa'i phyir bran du mi 'gyur te/ sred pa ni bran gyi rgyu yin no/ /sred pa rtsa nas bcad pa na/ /dngos grub lag mthil thob par 'gyur/ / de la glags skabs med pa na/ /bran nyid mgo la gnas par 'gyur/ /zhes de bzhin du gsungs so/ /byang chub ces bya ba la sdug bsngal ma lus pa bcom pa'i phyir byang chub kho na bde ba'o/ /bsngags pa zhes bya ba ni mchod pa'o/ /khyod kyi yon tan la bsngags pa byas pas ni khyod kyi yon tan la bsngags pa'o//nga'i nyan thos shes rab dang ldan pa'i nang na shA ri'i bu ni lha'i mig tu gyur pas na mchog dang / rdzu 'phrul dang ldan pa rnams kyi mchog ni dge slong maud gal gyi bu zhes bya ba'o/ /de lta bu la sogs pa'i yon tan rnams kyis bstod par bya ba'i phyir zhi ba zhes bya ba ni mya ngan las 'das pa'o//thob pa ni thob pa'o/ /ci zhig ce na/ legs pa bzhi po 'di kun te/ rang dbang la sogs pa legs pa bzhi po 'di kun thob par 'gyur ba'o/ /gang las she na/ khyod kyi bstan pa las zhes bya ba'i don to/ /de lta bu'i tshigs su bcad pa 'dis bstan pa la 'jug pa'i phan yon bshad nas/bstan pas bdud bzhi las rgyal ba bshad par bya ste/ dpa' bo khyod kyi bstan pa 'di/ /mu stegs thams cad skrag mdzad la/ /bdud ni sems khong chud mdzad cing / /lha dang mi rnams dbugs kyang 'byin/ /mu stegs thams cad skrag mdzad la//zhes bya ba la sogs pa la/ skrag par mdzad ces pa ni skrag pa'o/ /bstan pa zhes bya ba ni bshad par 'gyur ro/ /nges par legs pa lhag par rtogs par bya ba'i phyir 'jug pa ni mu dang 'dra bas na mu'o/ /de legs par brjod pas na mu stegs ni rdzogs byed la sogs pa'o//de dag thams cad skrag par mdzad pa ni bdag med pa nyid ston par mdzad pa'i phyir ro/ /gang gi phyir mu stegs pa de rnams kyi bdag tu lta bstod par mi 'dod pa de'i phyir/ chos kun bdag nyid med pa ste/ /zhes bya ba'i de bzhin gshegs pa'i bstan pas skrag par 'gyur ro//bdag tu 'dzin pa las byung ba'i nyon mongs pa thams cad ces bya ba de'i phyir bdag med pa bstan pas nyon mongs pa'i bdud ma lus pa las bstan pa rnam par rgyal bar gyur to zhes bshad pa yin no/ /bdud ni lha'i bu'i bdud do//de'i sems khong du chud par mdzad pa ni de'i yul las 'das par bstan pa'i phyir lha'i bu'i bdud las rgyal ba nyid bshad do/ /bden pa bstan pas ngan 'gro'i 'jigs pa ni ma yin pas so/ /lha dang mi rnams dbugs kyang 'byin/ /zhes pa ni mi rnams kyi yang tshe sbyin pa'i thabs yin pa'i phyir phung po'i bdud las bstan pa rgyal ba nyid bshad do//khyod kyi 'di zhes bya ba ni ji ltar bshad pa'o/ /dpa' bo ni bod pa'o/ /'chi bdag gi bdud las rgyal bar bshad par bya ste/ 'chi bdag bstan pa khams gsum gyi/ /sa chen dag la spyod bgyid pa//mi thogs bzlog pa ma mchis pa'ang / /khyod kyi bstan pas zil gyis mnan/ /khams gsum gyi sa chen zhes bya ba la sogs pa ni 'dod pa dang / gzugs dang / gzugs med pa ni khams gsum mo/ /de nyid kyi sa chen po ni yul chen po'o/ /de la spyod bgyid pa ni khams gsum gyi sa chen po gang la spyod bgyid pa'o//'chi bdag gi bstan pa zhes bya ba ni 'chad par 'gyur ro/ /yon tan dang ldan pa rnams la yang mi thogs pa zhes bya ba ni thogs pa med pa'i phyir khyad par ma yin pa dang gsod par byed pa zhes bya ba'i don to/ /bzlog pa ma mchis pa ni lcags kyu med pa ste/bzlog ma nus zhes bya ba'i tha tshig go/ /khyod kyi bstan pas zhes bya ba ni khyod kyi bstan pa'i lam gyis so/ /zil gyis mnan pa ni mthu dang bral bar mdzad pa'o/ /'chi bdag ces bya ba ni 'chi bdag gi'o/ /bstan pa ni rab tu 'jug pa zhes bya ba'i don to//de ltar gang las rtogs par 'gyur zhe na/ bshad pa/ khyod kyi bstan pa'i thugs 'tshal ba/ /dga' na bskal par yang gnas la/ /gang du bdud kyis mi brdzi phya ba/ /der yang dga' mgur rab tu mchi/ /khyod kyi bstan pa'i lugs 'tshal ba/ /zhes bya ba ni khyod kyi bstan pa'i tshul shes pas na khyod kyi bstan pa'i lugs 'tshal ba ste/rdzu 'phrul gyi rkang pa bsgoms pa'i mthu dang ldan pa zhes bya ba'i don to/ /na ni gang gi phyir zhes bya ba'i don to/ /bskal par yang gnas la zhes bya ba ni lo mang po 'ba' zhig tu ma yin gyi/ bskal par yang gnas te de ni yang dag par srid ces dgongs pa'o//gang zhig kha cig gis rdzu 'phrul gyi rkang pa bzhi kun du bsnyen pa dang / bsgom pa dang / phu dud byed 'dod pa de ni bskal par gnas pa'am bskal pa las lhag par gnas pa zhes bya ba ni mdo'i tshig go/ /rab tu mchi zhes bya ba ni 'gro ba'o/ /der zhes bya ba ni phung po lhag ma med par mya ngan las 'das par ro//yang gi sgra ni yang gi don te/ der yang rab tu mchi zhes bya ba'i don to/ /ci'i phyir der rab tu mchi zhe na/ gang gi phyir de nyon mongs pas bcings pa las grol ba'i dga' mgu ni rang dbang ngo / /gang du zhe na/ phung po lhag ma med pa'i mya ngan las 'das pa kho nar ro//bdud kyis mi brdzi zhes bya ba ni yul ma yin pa'o/ /gang gi phyir de lta bu yin pa de'i phyir na khams gsum gyi sa chen po zhes bya ba sngar sa chen po zhes bya ba'i snga ma'i tshigs su bcad pa'i don rigs so/ /de lta bu'i tshigs su bcad pa de rnams kyis bdud bzhi las bstan pa rgyal bar mdzad pa kho na bshad do//gzhan yang / lung gi don ni bsam pa dang / /bsgom dang gus par mnyan pa yi/ /dus gsum cha dbye khyod kyi ni/ /bstan las gzhan la mchis ma lags/ /lung gi don ni bsam pa dang / /zhes bya ba ni rgyas pa'o//lung zhes bya ba ni gzhan las thos pa'o/ /don bsam pa zhes bya ba ni rigs pa la dmigs pa'o/ /bsgom pa ni ting nge 'dzin du bshad do/ /gus par mnyan pa ni rab tu sbyor ba ste/ bsgom pa dang gus par mnyan pa de yi'o/ /dang gi sgra ni lung dang don bsam pa yang ngo //dus gsum cha dbye zhes bya ba ni re zhig dang por lung gi dus dang / de nas de'i don bsam pa'i dus dang / de nas bsgom pa la sbyor ba'i dus zhes bya ba ni dus gsum gyi cha dbye ba'o/ /gzhan la ma mchis pa ni gang du gzhan las she na/ khyod kyi bstan pa las so//sangs rgyas kyi bstan pa kho na la thos pa dang bsam pa dang bsgom pa'i rang bzhin gyi shes rab rnams kyi bstan pa yod de/ gzhan la ni ma yin no zhes bya ba ste/ de lta bu ni tshigs su bcad pa 'dis bshad do/ /bstan pa rjes su mi bsgrub pa'i sdug bsngal gang yin pa de bshad par bya ste/drang srong skyes mchog khyod kyi bstan/ /de ltar legs par khyab 'di la/ /mi gus gang lags de las ni/ /sdug bsngal chen po 'ang ci zhig mchis/ /de ltar legs par khyab 'di la/ /zhes bya ba la sogs pa smos pa la/ de ltar zhes bya ba ni rang dbang la sogs pa'i tshigs su bcad pas bsdus pa'o//legs par khyab pa ni de phan yon gyi tshogs kyi rgyu yin pa'i phyir ro/ /bstan pa legs par khyab pa ni nges par legs par yang dag par khyab pa zhes bya ba'i don te khyod kyi bstan pa de dang sbyar ro/ /drang srong ni dgra bcom pa'o//de rnams kyi skyes mchog ni 'dren pa dang gtso bo zhes bod pa'o/ /bstan pa ni sngar bshad zin to/ /mi gus pa ni dad par mi byed pa'o/ /gang zhes bya ba ni gang gi don la yongs su spyod pa'o/ /ci zhig ces bya ba ni srid par brjod pa'o/ /sdug bsngal chen po'ang zhes bya ba ni shin tu rang don nyams pa zhes bya ba'i don to//de las zhes bya ba ni mi gus pa las so/ /bshad pa'i don ni 'di yin te legs par khyab pa'i rgyud khyod kyi bstan pa la mi gus pa'i phyir phyi rol du lta ba rnams kyi rang gi don chen po nyams pa 'di nyid yin te/ gzhan ni ma yin no zhes bstan pa la bstod pa'i bshad pa'o//bstan pa la bstod pa zhes bya ba'i bshad pa ste le'u brgyad pa'o// //smon lam la bstod pa ni bcom ldan 'das kyis sngon smon lam bzhes pa ste/ mthong ngam thos sam dran par gyur pa'am/ /reg gam brjod pa'i tshig gi nyer 'gro yang / / rnam pa thams cad 'gro la phan pa ni/ /bde dang ldan pa shin tu byed par shog /ces bya ba'o/ /de'i 'bras bu dang bcas pa bstan par bya ste/ khyod thos pas ni spro ba skye/ /mthong bas dad pa skye bar 'gyur/ /khyod gsung thos pas dga' 'gyur te/ /bstan pas rnam par grol bar bgyid//khyod thos pas ni spro ba skye/ /zhes bya ba la sogs pa smos pa la thos pa zhes bya ba ni thos pa ste/ sangs rgyas zhes bya ba'i dbyangs 'di'o/ /spro ba skye ba ni mthong ba las mos pa bskyed par mdzad de/ dper na khyim bdag mgon med zas sbyin gyis sangs rgyas zhes bya ba'i sgra sngon ma thos pa thos pas dga' zhing ba spu ldang bas bstan pa la mos par gyur to//de'i phyir bcom ldan 'das thos pa tsam gyis der 'gyur ro zhes bya ba'i smon lam 'bras bu dang bcas pa bstan to/ /nye bar phongs pa'i srog chags rnams tshim par mdzad pa la sogs pa'i rang bzhin yin pa'i phyir dad pa skye par 'gyur ba ni dad pa skye bar mdzad pa ste/mthong ba ni mngon sum du byed pa'o/ /de ltar mthong bas phan par mdzad par 'gyur ro zhes bya ba'o/ /chos bstan pa'i gsung gis dga' bar 'gyur ba ni nyan pa po dga' ba bskyed par mdzad pa zhes bya ba'i don to//de ltar 'phags pa nyan thos kyis yang dag par chos mnyan pas dga' ba skye bar 'gyur ba dang / sems khrugs par 'gyur ba dang / mya ngan las 'das pa la mngon du phyogs par 'gyur zhes pa ni mdo'i tshig go/ /rnam par grol bar bgyid pa ni nyon mongs pa'i zhags pa dag las so//bstan pas zhes bya ba ni 'phags pa'i lam ma/ /gzhan yang / chos bstan pa ni med na yang / /khyod kyi sras kyis mgu bar 'gyur/ /'phel bas skye dgu rnams kyang dga'/ /gshegs pa na ni phan 'dogs mdzad/ /ldog pa na ni rgud par 'gyur/ /khyod kyi sras kyis mgu bar 'gyur//zhes bya ba ni rgyas pa'o/ /sras ni lhums nas bltams pa ste/ des mgu bar 'gyur ba ni byang chub sems dpa' skyes zhes bya bas brgya byin la sogs pa rnams mgu ba bskyed pa'i phyir ro/ /yang na byang chub thob pa ni sras te/ des kyang de bzhin du mthar bde ba grub par mdzad pas na mgu bar 'gyur ba ni byang chub sems dpas 'chi ba med pa lhag par rtogs par gyur to zhes bya bas ni brgya byin la sogs pa rnams mgu bar gyur to zhes bya ba'i don to/ /'phel ba ni nyan thos pa mang po ste/ des skye dgu rnams kyang dga' ba ni 'jig rten pa rnams la phun sum tshogs par mdzad pa zhes bya ba'i don to//dge slong dag nyan thos gsar bu dag spyod yul la spyod pa na skye bo mang po la phan pa dang / skye ba mang po la bde ba zhes bya ba la sogs pa ji ltar gsungs pa'o/ /gshegs pa ni bcom ldan 'das gshegs pa ste/des phan 'dogs mdzad pa ni phan pa thams cad mdzad pa'o/ /bcom ldan 'das spyod yul gyi grong du gshegs pa na sgang mtho ba dma' bar 'gyur ba dang / dma' mo mthon por 'gyur ba dang / long ba rnams kyis mig rnyed par 'gyur ba dang / 'on pa rnams kyis rna ba dang / lkugs pa rnams kyis tshig rnyed par gyur to zhes bya ba ni lung ngo / /ldog pa na ni bcom ldan 'das yongs su mya ngan las 'das pa na ste/ de rgud par gyur pa ni skye dgu rnams kyi rang gi don nyams pa'i phyir ro/ /gzhan yang / bsgrags pas sdig pa 'phrog par mdzad//khyod dran pas ni rangs par 'gyur/ /btsal bas blo gros skye 'gyur te/ /yongs su shes pas rnam par dag /bsgrags pas sdig pa 'phrog par mdzad/ /ces bya ba la sogs pa smos pa la/ bsgrags pa ni yon tan la bstod pa ste/ des sdig pa 'phrog pas na sdig pa 'phrog par mdzad pa zhes bya ste/yon tan de lta bu dang ldan pa'i bcom ldan 'das yin pas na brjod pa ni zhar la brjod pa'i phyir ro/ /de lta bu'i gtam la sbyor ba nye bar 'gro ba phan par mdzad pa zhes bya ba ni mthong ba'o/ /dran pa zhes bya ba ni de lta bu'i bcom ldan 'das de bzhin gshegs pa dgra bcom pa yang dag par rdzogs pa'i sangs rgyas zhes bya ba'o//khyod ni khyod do/ /rangs pa ni rangs par mdzad pa'o/ /de ltar de bzhin gshegs pa'i rnam pa dran pa'i 'phags pa nyan thos pas don myur bar thob pa dang / chos myur du thob pa dang / de bzhin gshegs pa dang ldan pa'i rangs pa thob par 'gyur ro zhes bya ba ni mdo'i tshig go//de ltar rjes su dran pa rtogs pas phan pa mdzad pa zhes bshad do/ /gzhan gnas skabs thams cad la yang ji lta ba bzhin du sbyor bas 'gro ba la phan pa mdzad pa dang / bcom ldan 'das dang sbyar ro/ /btsal bas zhes bya ba ni ston pa kho na la btsal ba'o//ji ltar rab tu byung ba 'phar ba yis bram ze rigs gtsang ma la smras pa ni 'di lta ste/ glang po'i nags su 'gro ba'i skyes bus glang po'i nags su zhugs pa na nags tshal chen po de ru glang po'i rkang rjes mthong nas kye ma'o glang po che gang gi 'di lta bu'i rkang rjes zhes nges par rtogs par 'gyur ba de bzhin du/kye mi'i cha lugs dang ldan pa la rkang pa bzhi med de/ gang gi de ltar gyur pa ni bcom ldan 'das de bzhin gshegs pa go ta ma dgra bcom pa yang dag par rdzogs pa'i sangs rgyas zhes bya ba la sogs pa bram ze'i tshig phrad kyi mdo las gsungs so//de bzhin du btsal nas rjes su 'gro ba dang ldog pa dag gis ston pa kho nar nges pa ste/ yongs su shes par bshad do/ /shes nas dad pa rnyed pa'i phyir ro/ /rnam par dag pa ni nyon mongs pa'i dri ma 'phrog pa'i phyir ro/ /gzhan yang / khyod la bsu bas dpal du byed/ /bsten pas blo gros mchog tu 'gyur/ /bsten na 'jigs pa med par mdzad/ /bsnyen bkur bgyis pas bde bar 'gyur/ /khyod la bsu bas dpal du byed/ /ces pa ni rgyas pa'o/ /lha dang mi rnams kyi phun sum tshogs pa mdzad pa'i phyir na dpal du byed pa'o//khyod ni khyod la'o/ /bsu ba ni khyod kyi drung du 'gro ba'o/ /nye bar phyin nas chos thos pa'i sbyor bas bsten pa ni kha na ma tho ba dang bcas pa dang / kha na ma tho ba med pa yongs su shes pa'i phyir blo gros su gyur pas na shes rab bskyed par mdzad pa zhes bya ba'i don to//mchog ni khyad par dang ldan pa'o/ /chos thos nas bcom ldan 'das dang chos la skyabs su 'gro ba'i sbyor bas brten pa ni gus pa'o/ /'jigs pa med par mdzad pa ni ngan song gi 'jigs pa las 'das pa'i phyir ro/ /gang zhig sangs rgyas skyabs 'gro ba//de ni ngan 'gror mi 'gro ste/ /zhes tshigs su bcad pa'i tshig go/ /skyabs su song bas 'phags pa'i lam khong du chud pa ni bsnyen bkur bgyis pa ste/ de lta bus ni de bzhin gshegs pa la kun du bsnyen bkur byas par 'gyur te/ de'i bstan pa bsgrubs pa'i phyir ro//bsnyen bkur byas pas des bde bar 'gyur ba ni bde bar 'gyur ba ste/ bde ba ni bde bar bshad do/ /de yang 'dir sdug bsngal ma lus pa nye bar zhi ba'i mtshan nyid mya ngan las 'das pa 'dod pa ste/ bde ba dam pa mya ngan 'das/ /zhes gsungs pa'i phyir ro//de mdzad pa'i ngang tshul gang la yod pa de ni bde bar 'gyur ba ste/ mya ngan las 'das pa thob par mdzad ces pa ni dgongs pa'o/ /gzhan yang ji ltar mes gdungs pa rnams kyi gdung ba zhi bar byed pa'i phyir mtshon nus pa can du gyur pa de bzhin du/ sdig pas nye bar gdungs pa rnams kyi khyod bsod nams chen po'i rang bzhin gyi mtsho chen po ji lta bu yin zhe na/bshad pa/ tshul khrims phun sum tshogs pas dag /bsam gtan phun sum tshogs pas dang / /shes rab phun tshogs mi 'khrugs pas/ /khyod ni bsod nams mtsho chen lags//tshul khrims phun sum tshogs pas dag /ces smos pa la/ tshul khrims ni sngar bshad zin to/ /de'i phun sum tshogs pa ni khyad par ro/ /tshul khrims phun sum tshogs pa des dag pa ni nyes par spyod pa'i dri ma dang bral ba'i phyir dri ma med pa'i mtsho chen po bzhin no/ /bsam gtan ni dge ba ste/thugs rtse gcig pa'o/ /de'i phun sum tshogs pa ni dang ba'i khyad par gyi sbyor bas dang ba ste/ 'dod chags la sogs pa'i 'dam gyis ma gos pas na rnyog pa dang bral ba'i mtsho chen po bzhin no/ /shes rab ni chos rnam par 'byed pa'o/ /de'i phun sum tshogs pa ni khyad par ro//des mi bskyod pas na mi 'khrugs pa zhes bya ba'i don to/ /de bzhin gshegs pa'i shes rab kyis so sor snang ba mtha' yas pa zhes bya ba'i mdo'i tshig ste/ mi 'khrugs pa'i mtsho chen po bzhin no/ /de ltar mtsho chen po dang chos mthun pa'i phyir bsod nams mtsho chen ni bsod nams kyi rang bzhin te/bsod nams mang ba'i phyir dper na shing gi rang bzhin gyi shing rta bzhin no/ /gzhan yang / khyod sku bltar 'os rin chen te/ /legs gsungs mnyan 'os rin chen lags/ /chos ni spyad 'os rin chen pas/ /khyod ni rin chen 'byung gnas lags/ / khyod sku bltar 'os rin chen te/ /zhes bya ba la sogs pa la/ sku ni kha dog la sogs pa'o/ /bltar 'os pa ni bltar 'os pa'i nang na rin chen te/ mtshan la sogs pa phun sum tshogs pas na dad par 'os pa nyid kyis phan par mdzad pa'o/ /mnyan 'os ni mnyan par 'os pa'o/ / mnyan 'os rnams kyi nang na rin che bas na mnyan 'os rin chen te/ legs par gsungs pa ni phan par mdzad pa'i phyir ro/ /chos ni legs par gsungs pa ste/ de'i don ni bshad zin to/ /de yang dbang po dang stobs dang byang chub kyi yan lag la sogs pa'o/ /de ni spyad 'os rin chen te//spyad pa ni chos kyi rang bzhin rnam par spyad na rin po che ste/ shin tu phan pa mdzad pa'i phyir ro/ /rgyu de'i phyir khyod yon tan rin chen 'byung gnas legs te/ yon tan ni sku la sogs pa ste/ de nyid ni rin chen de rnams kyi 'byung gnas te/ bskyed pa'i gnas yin pa'o/ / khyod ni khyod do/ /gzhan yang / khyod ni chu bos 'das pa'i gling / /smas pa'i bdag nyid skyob pa ste/ /srid pa'i 'jigs pas nyen pa'i skyabs/ /thar 'chal rnams kyi 'dren pa lags/ /khyod ni chu bos bdas pa'i gling / /zhes bya ba ni rgyas pa'o/ /khyod ni bcom ldan 'das so/ / chu bo ni nyon mongs pa dang nye ba'i nyon mongs pa rnams so/ /bdas pa ni thar pa'i lam las ring du bdas pa ste/ lteng rgyas 'od srungs la sogs pa rnams me la yongs su spyod cing tshul khrims dang brtul zhugs mchog tu 'dzin pa'i lta ba'i chu bos bdas pa ni chu bos bdas pa'i gling dang 'dra bas na gling ste/mya ngan las 'das pa la bkod pa'i phyir ro/ /skyob pa zhes bya ba ni skyob par mdzad pa zhes bya ba'i don to/ /smas pa'i bdag nyid ni sems kyi rang bzhin smas pa gang la yod pa de ni smas pa'i bdag nyid de/ sdig pa byas pa'o/ /de rnams kyi smas pa'i bdag nyid ni sor mo'i phreng ba la sogs pas srog chags brgya stong du ma gsod par byed pa rnams la chos bstan pas dgra bcom pa la bkod pa'i phyir ngan 'gror 'gro ba rnams kyi skyob pa'o//skyabs zhes bya ba ni chos ston pa med na yang khas blangs pa tsam gyis dmyal ba la sogs pa'i srid pa'i 'jigs pas 'jigs pa gang yin pa de rnams srid pa'i 'jigs pa rnams las bskyab pa'o//de ltar yang lha'i bu gzhan kha cig gis phag mo'i mngal du zhag bdun na bdag skye bar shes nas shin tu dus pas brgya byin gyis bskul bas sangs rgyas la skyabs su song bas dud 'gro'i skye gnas las log cing lha rnams kyi nang du skyes so zhes bya ba ni rtogs pa brjod pa'o//thar 'tshal rnams kyi zhes bya ba ni 'khor ba'i btson ra las bdag nyid grol bar 'dod pa rnams kyi'o/ /'dren pa ni de rnams kyi 'dren pa ste khyod nyid ni lam mo/gzhan yang / tshul khrims dag phyir snod kyi mchog /zhing gshin 'bras bu phun sum tshogs/ /srog chags kun la phan mdzad phyir/ /grogs kyi phul yang khyod lags so/ /zhing gshin 'bras bu phun sum tshogs/ /zhes bya ba ni rgyas pa'o/ /snod kyi mchog ni srog chags kun//zhes 'chad par 'gyur ro/ /tshul khrims dag pa gang la yod pa de ni tshul khrims dag pa ste de'i dngos po'o/ /tshul khrims dag pa de'i rgyus shin tu phyag 'tshal ba'i snod kyi mchog go/ /zhing gshin zhes bya ba ni zhing bzang po'o/ /'bras bu phun sum tshogs pa ni 'bras bu phun sum tshogs pa zhes bya ba'i don to//gang gi phyir khyod la bye ma phul ba yang rgyal po gtum po mya ngan med pa'i 'bras bu'i sa bon du gyur to/ /grogs kyi phul zhes bya ba ni grogs bzang po'o/ /phan mdzad phyir ni phan par mdzad pa ste/ thar pa'i lam ston par mdzad pa'o/ / srog chags kun la zhes bya ba ni lus can thams cad la'o/ /khyod ni khyod do/ /gang zhig de bzhin gshegs pa'i lam la ma zhugs pa de rnams la yang de bzhin gshegs pa phan par mdzad pa ste/ thams cad la phan par mdzad pa ni ston par mdzad pa'i phyir ro/ /gzhan yang / phan 'dogs mdzad pas mdza' bshes te/ /'grogs na bde phyir snying du sdug /zhi phyir gcig tu yid du 'ong / /yon tan kun mnga' mchod 'os khyod/ /mdza' bshes khyod ni srog chags kun la zhes bya ba'i rjes su 'jug go/ /phan 'dogs mdzad ces bya ba ni 'khor ba'i sdug bsngal thugs la dgongs nas sangs rgyas kyi go 'phang brnyes shing thar pa'i lam ston par mdzad pa'i phyir ro//'grogs na bde phyir zhes bya ba ni 'khrugs na yang gzhan gyi gnod pa bzod pa tsam ste/ 'jig rten pa la bzod par grags so/ /'grogs na bde ba dang ldan pa'i phyir na 'grogs na bde ba 'ba' zhig tu ma zad de/'on kyang gnod pa byed pa thams cad la bzod pa bstar ba dang / srog chags rnams la yang phan pa stsol ba ste/ bde bar gnas pa gang yin pa de ni 'grogs na bde ba'o/ /rgyu de'i phyir snying du sdug pa'o/ /sangs rgyas kyi yul snying du sdug pa ni skyes bu rnams kyi yid rtag tu 'phrog pa zhes bya bas na snying du sdug pa'o//mtshan la sogs pas brgyan pa'i phyir gcig tu yid du 'ong ba ni blta bar 'os pa ste/ zhi ba'i phyir lta ba dang rjes su mthun pas na zla ba'i dkyil 'khor bzhin no/ /gcig tu zhi ba'i dngos po ni zhi ba ste rgyu de'i phyir ro//yon tan kun ni ji skad bshad pa'i rgyur gyur pas so/ /mnga' bas mchod 'os zhes bya ba la/ /mnga' ba'i sgra ni bya ba'i khyad par ro/ /mchod 'os zhes bya ba ni mchod par 'os pa ste/ srog chags kun gyis mchod par 'os pa'o/ /gzhan yang /sdig pa med pas yid dang 'thad/ /sku gsung bzang bas dga' bar mdzad/ /don kun 'grub phyir dpal yangs te/ /yon tan legs rten bkra shis lags/ /sdig pa med pas yid dang 'thad/ /ces smos pa la/ yid dang 'thad pa ni yid dang 'thad pa'o/ / legs pa ni legs pa'o/ /srog chags kun la zhes bya ba'i rjes su 'jug pa'o/ /sdig pa med pas zhes bya ba ni dam pas smad pa'i lus la sogs pa'i las mi mdzad pa'i phyir ro/ /dga' ba ni dga' ba'o/ /sku dang gsung bzang ba ni dag pa'o/ /nges pa'i tshig so so yang dag par rig pa'i mthar phyin pa'i phyir gsung bzang ba dang mtshan la sogs pas brgyan pa'i phyir sku bzang ba ste/thos pa dang lta ba dang rjes su mthun pa zhes bya ba'i don to/ /dpal yangs zhes bya ba ni phun sum tshogs pa'i rgyur bshad do/ /de bas na bcom ldan 'das kho na la dpal yangs so//don kun 'grub phyir zhes bya ba/ don kun ni mtho ris dang thar pa la sogs pa gang las 'grub pa de ni don kun 'grub pa'o/ /de'i dngos po ni don kun 'grub pa ste/ rgyu de'i phyir na dpal yangs so/ /yang na bltas pa tsam gyis gter lnga brgya gzigs par gyur pa dang /rgyal po gzhan kun gyis kyang de'i yab zas gtsang ma'i sku skyes kyi rgyu mang du bskur bar gyur to/ /des na de'i yab kyis don thams cad grub pa zhes mtshan btags pa de bas na dpal yangs so/ /bkra shis la legs pa ni bkra shis pa ste/ sdig pa 'joms pa zhes bya ba'i don to/ gang las she na/ bshad pa/ yon tan legs rten thams cad kyi gnas su gyur pa'i phyir ro/ /de lta bus rnam pa thams cad dang / gnas skabs thams cad dang / mthong ba dang thos pa la sogs pa'i smon lam 'bras bu dang bcas pas bcom ldan 'das kyi smon lam la bstod pa bshad do/smon lam la bstod pa zhes bya ba'i bshad pa ste le'u dgu pa'o// //lam la 'jug pa la bstod pa ni dbye ba bdun te/ de yang bshad pa'i skabs su bstan par bya'o/ /de la/ khyod ni rngan thon bgyid la skul/ /zhes bya ba'i tshigs su bcad pa gnyis bshad par bya ste/ khyod ni ngan then bgyid la skul//chom rkun bgyid pa tshar yang gcod/ /gya gyu can rnams rnal du 'gad/ /dal bus bgyid la bzhen bskul 'dabs/ /dul ba rnams ni lam la sbyor/ /dmu rgod rnams la btang snyoms mdzad/ /de slad skyes bu 'dul ba yi/ /kha lo sgyur ba bla med mchog /khyod ni rngan then bgyid la skul ba ni/ /kha lo sgyur ba bla med mchog /ces bya bas 'chad par 'gyur ro/ /dper na kha lo sgyur ba'i mchog gis shing rta'i rta dag rngan then ni gom pa gcig kyang mi 'gro ba'i ngang tshul can la lcag dbyug gis rdeg pas skul bar byed pa de bzhin du/ khyod kyang skyes bu 'dul ba le lo'i dbang gis 'khor bar gnas pa la 'khor ba'i sdug bsngal dang / mya ngan las 'das pa'i yon tan ston pa dang zhi gnas skyed pa'i sbyor bas yongs su bskul ba ste/ mya ngan las 'das pa'i lam la 'dzud par mdzad pa zhes bya ba'i don to/ /ji ltar lam las lam gzhan du shing rta 'dren pa'i rta rnams srab kyis blan nas kha lo sgyur bas tshar gcod pa de bzhin du/khyod kyang lam ngan par gnas pa'i skyes bu gdul bya rnams chos bstan pa'i srab kyis tshar gcod pa ni lam bzang po la 'dzud par mdzad ces bya bar dgongs pa'o /ji ltar gya gyu can rnams ni rta 'khyog par 'gro ba rnams shing rta'i kha lo sgyur bas rnal du 'god cing lam drang po la 'god par byed pa de bzhin du/ khyod kyang g.yo sgyu dang ldan pa'i skye bo gdul bya gang yin pa de rnams rnal du 'god pa ni lam drang po la 'god par mdzad pa'o/ /ji ltar dal bus bgyid pa'i rta rnams la kha lo sgyur bas bzhen bskul 'debs pa de bzhin du 'bad rtsol dman pa gang yin pa de rnams la/brtson 'grus bstan pas khyod bzhen bskul 'debs so/ /kun dga' bo brtson 'grus la brten nas rta bzang po gang yin pa de rnams kyi kha lo sgyur bas lam du khyad par gyi khur khyer bar bya ba'i phyir lam la sbyor ba dang /de bzhin du gang gdul bya sha ra ti'i bu la sogs pa de rnams kyang gdul bya'i dgos pa'i khyad par gyi mtshan nyid dang ldan pa'i lam la sbyor ba dang / de bzhin du shA ri'i bu mnyan yod kyi gnas na gnas pa'i skye bo'i tshogs la dgongs su gsol zhes bya ba de'i bkas 'phags pa shA ri'i bus rgyal byed kyi tshal gyi gnas su mu stegs pa mdun du 'gro ba dang mnyan yod kyi skye bo'i tshogs bden pa mthong ba la sogs par rab tu bkod do zhes ji skad gsungs pa'o//de lta bu'i tshig rkang pa gcig dang bcas pa'i tshigs su bcad pas zhi gnas bskyed pa sngon du 'gro bas 'phags pa'i lam la 'dzud pa ste/dang po'i dbye ba bshad do/ /ji ltar dmu rgod ni rta mi srun pa rnams te/ de rnams kha lo sgyur ba btang snyoms su byed pa de bzhin du khyod kyang byang chub kyi sa bon ma blangs pa'i dmu rgod rnams la btang snyoms mdzad pa ni lam la 'dzud par mi mdzad pa'o//gang gi phyir de gdul ba'i skabs la ma bab pa ste/ thugs rje mi mnga' ba ni ma yin pa'i phyir ro/ /thar pa'i sa bon dang ldan pa'i/ /sems can la ston phyag byin pas/ /ngan song dag dang srid pa las//rjes su brtse bas sgrol bar mdzad/ /de lta bu'i tshigs su bcad pa 'dis sa bon dang bral ba rnams la dus de srid du btang snyoms mdzad pa ste/ dbye ba gnyis pa'i bshad pa'o/ /gzhan yang / khyod ni nyam thag rnams la brtse/ /bde bar gnas la phan par dgyes/ / phongs par gnas la thugs rje bas/ /kun la phan par bzhed pa lags/ /khyod ni nyam thag rnams la brtse/ /zhes bya ba ni rgyas pa'o/ /nyam thag pa zhes bya ba ni dge ba'i rtsa ba chad par gyur cing nyes pa'i spyod pa byed pa rnams la brtse ba ste/ nyes pa'i spyod pa de las gdon par dgongs pa'o//bde bar gnas pa ni dge ba'i rtsa ba 'phel ba rnams la skal ba dang ldan pa yin pa'i phyir phan par dgyes pa ste/ snying po kho na yin pa'i phyir phan pa'i sgras thar pa bshad do/ /de la dgyes zhes bya ba ni bzhed pa ste/ de'i rang bzhin ni phan par dgyes pa ste/ thar pa la dgod par rtsol ba zhes bya ba'i don to//dge slong dag soms shig /bag med par ma byed cig ces bya'o/ /phongs par gnas la zhes bya ba ni lta bas phongs pa ste/ dge ba'i rtsa ba yang dag par chad par gyur pa'o/ /thugs rje ni phan pa la dmigs pa tsam ste/ skal ba dang mi ldan pa'i phyir 'don pa la brtson pa ni ma yin no//kun la phan par bzhed pa ni lha sbyin la sogs pa 'gal ba dang / mgon med zas sbyin la sogs pa rjes su chags pa gang yin pa de dag thams cad la phan par bzhed pa ste/ mtho ris dang thar pa thob pa'i phyir dgongs pa zhes bya ba'o/ /de lta bu'i rigs su bcad pa 'dis phan pa dang /phan pa ma yin pa dag dang / kun la phan par bzhed pa ste/ dbye ba gsum pa'i bshad pa'o/ /gzhan yang / khyod ni dgra bo rnams la'ang byams/ /nyams par gyur la phan 'dogs mdzad/ /gtum po rnams la thugs brtse bas/ /khyod ni ya rabs rmad cig lags//khyod ni dgra bo rnams la'ang byams/ /zhes bya ba la sogs pa smos pa la/ dgra bo rnams ni gnod pa byed pa ste/ lha sbyin la sogs pa'o/ /dgra bo de rnams la yang bcom ldan 'das byams pa ni thugs brtse ba'i phyir sdug bsngal las yongs su skyob pa'o//de bas na gdung ba'i rims kyis non par gyur pa'i lhas byin gyi gdung ba'i rims bcom ldan 'das kyi bden pa'i byin gyi rlabs kyis bsal to zhes bya ba ni lung ngo / /phan 'dogs zhes bya ba ni bcom ldan 'das gshegs pa'o/ /'di ni bstan pa la 'dzud pa'o//nyams par gyur la zhes bya ba ni nyams pa'i rgyu mtshan la'o/ /nyams par gyur pa ni smad par bya ba ste/ 'jig rten pa dang 'gal ba'i las spyod pa'i phyir ro/ /'di lta ste/ gzhon nu nges par gnas pa zhes bya ba mnyan yod kyi grong khyer gyi phyag dar khrod sbyangs pas 'tsho bar gyur ba bcom ldan 'das gshegs nas rab tu dbyung bar mdzad do zhes thos nas mnyan yod kyi skye bo'i tshogs sangs rgyas kyi bstan pa la shin tu ma dad par gyur te/'di lta bu'i skye bo ngan pa yang rab tu 'byin par mdzad ces bya ba'o/ /de nas rgyal po gsal rgyal gyis bcom ldan 'das la 'gyod pa skyed pa'i phyir rgyal byed kyi tshal du phyin par gyur to//'phags pa nges par gnas pa de yang rdo leb gang yang rung ba'i steng du phyag dar khrod kyi gos 'drub cing gnas so/ /bcom ldan 'das kyang khang pa'i yang thog gi sgo bcad nas ting nge 'dzin la snyoms par zhugs par gyur to/ /rgyal pos kyang 'phags pa nges par gnas pa ngo ma shes pas smras pa/'phags pa bcom ldan 'das la bdag mchis so zhes zhu ba mdzod cig ces smras so/ /'phags pa de yang dgra bcom pa rdzu 'phrul dang ldan pa gzhan gyi sems shes pas rgyal po'i sems shes nas rdo lab de la chu la bye'u bzhin 'dzul bar byas shing gshegs nas bcom ldan 'das ting nge 'dzin las ldang bar mdzad do//de nas rgyal po nang du zhugs nas bcom ldan 'das kyi zhabs la spyi bos gtugs shing phyag byas nas dang por de lta bu'i rdzu 'phrul chen po dang ldan pa'i dge slong gang yin zhes zhus so zhes bya ba'o//bcom ldan 'das kyis bka' stsal pa/ don gang gi phyir 'gyod pa bskyed pa'i slad du 'ongs zhes bya ba'o/ /rgyal pos thos nas shin tu dad cing yi rangs par gyur to/ /slar yang de la dad pa bskyed pa'i slad du bcom ldan 'das kyis bka' stsal pa/ / bshad pa mkhregs dang 'jam pa ni/ /sman pa yis ni yongs rtogs nas/ /khrus kyi sman ni ster ba ste/ /rigs ni yongs su rtog mi byed/ /de bzhin rgyud ni 'jam pa dang / /rtsub pa yang ni yongs rtogs nas/ /nyon mongs bkru phyir sman sbyin pa/ /sangs rgyas kyi ni rigs mi ltos/ / gtum po zhes bya ba ni srog chags du ma gsod par byed pa sor mo'i phreng ba dang dpal sbas la sogs pa rnams la'o/ /thugs brtse ba ni thugs brtse bas gzhan dbang du 'gyur ba'o/ /rmad cig lags zhes bya ba ni 'jig rten pa'i chos rnams las 'das pa'i phyir mi shes pa nyid ston pa'o/ / gang gi phyir 'jig rten pa ni 'gal ba la sogs pa rnams la thugs brtse ba la sogs pas 'jug par mi 'gyur ro/ /ya rabs zhes bya ba ni 'phags pa nyid do/ /de lta bu'i tshigs su bcad pa 'dis dgra bo rnams la yang phan par bzhed pa ste/ dbye ba bzhi pa bshad do/ /gzhan yang / phan 'dogs bgyid slad pha ma dag /gal te bla mar 'tshal na go/ /khyod ni lhag par phan 'dogs pas/ /bla ma nyid 'gyur smos ci 'tshal/ /phan 'dogs bgyid slad pha ma dag /ces bya ba ni rgyas pa'o/ /pha ma dag ces bya ba ni bla ma nyid dang sbyar ro/ /phan 'dogs bgyid slad ces bya ba ni skyed pa dang gso ba la sogs pas so//gal te 'tshal zhes bya ba ni bla ma zhes pa dang sbyar ro/ /smos ci dgos zhes bya ba ni de ni 'gyur ba la smos ci 'tshal ba'o/ /bla ma ni bla ma'o/ /khyod ni khyod la'o/ /lhag par phan 'dogs pa ni nyon mongs pa med pa thar pa'i grong khyer thob par mdzad pa'i phyir yongs su rdzogs pa'i phan 'dogs pa mdzad ces bya ba'i don to//bshad pa ni 'di yin te/ skye ba gcig la phan pa byed pa'i phyir pha dang ma dag nye bas na bla ma nyid de/ khyod kyang de ltar lhag par phan 'dogs par mdzad ces bya bas na bla ma nyid du brjod par mi nus so zhes bya ba'o//gzhan yang / rang gi don la mi lta bas/ /nyid kyi dgra bo ltar gyur cing / /g.yang sa'i mu na gnas rnams la/ /ra ba lta bur gyur pa'ang khyod/ /rang gi don la mi lta bas/ /zhes bya ba la sogs pa smos pa la/ rang gi don ni dge ba'i rtsa ba la sogs pa ste/ de la mi lta ba ni sdig pa la chags pa'o/ /nyid kyi dgra bo ltar gyur cing / /zhes bya ba ni dgra bo dang 'dra ba zhes bya ba'i don to/ /rang gi don la mi lta bas nyid kyi dgra bo ltar gyur pa de rnams la khyod ni bcom ldan 'das so/ /g.yang sa'i mu na gnas rnams la/ /zhes pa la/ g.yang sa ni ngan 'gror 'gro ba'o//g.yang sa de'i mu ni mdun na gnas pa'i sdig pa'i las so/ /de la gnas pa ni sor mo'i phreng ba dang dpal sngas la sogs pa gang yin pa de ni g.yang sa'i mu na gnas pa ste/ ngan 'gror 'gro ba'i las byed pa'o/ /de rnams la ra ba lta bur gyur pa ni ji ltar kha cig la g.yang sa'i mu la mngon du gyur pa'i ra bas 'dzin par bya ba'i phyir nus pa dang ldan par gyur pa de bzhin du/khyod kyang de rnams la bya ba ma yin pa bsal ba'i phyir ra ba lta bur gyur pa zhes bya ba'o/ /gzhan yang / 'jig rten gnyis kar sman gdags dang / /'jig rten las ni 'da' slad du//mun par gyur pa'i 'jig rten la/ /khyod kyis shes rab snang bar mdzad/ /'jig rten gnyis kar sman gdags dang / /zhes bya ba ni rgyas pa'o/ /'jig rten pa'i sgra ni zag pa dang bcas pa'i dngos po brjod do/ /'jig rten gnyis ka ni 'jig rten gnyis ka ste/ gzugs dang gzugs med pa dang snyoms par 'jug pa dag dang /'jig rten pa'i lam mo/ /des sman gdags pa ni 'jig rten gnyis kar sman gdags dang po/ /gang la sman gdags par mdzad ce na/ dge ba'i rtsa ba yongs su smin pa la zhes rtogs par bya'o/ /yang na 'phags pa'i lam gyis bden pa mthong bas ngan song gi 'jigs pa las 'das pa'i phyir lha dang mi rnams la sman gdags par mdzad pa'o//shes rab snang bar mdzad ces bya ba ni 'chad par 'gyur ro/ /'jig rten las ni 'da' slad du/ /zhes bya ba ni 'jig rten las 'da' ba gang yin pa de ni 'jig rten las 'da' ba ste/'jig rten las 'das pa'i lam des ni srid pa'i rtse mo las kyang 'da' ba'i phyir ro/ /de'i slad du ni 'jig rten las 'das pa'i phyir 'jig rten las 'das pa'i lam ste/ skal ba dang ldan pa rnams 'jug pa zhes bya ba'i dgongs pa'o/ /dang gi sgra ni/khyod kyis shes rab snang bar mdzad/ /ces pa ste bsdus pa'i don to/ /shes rab kyi snang ba de gzhan gyis kyang byas sam zhe na/ smras pa/ mun par gyur pa'i 'jig rten la/ /zhes smos pa la/ mun pa ni mi shes pa ste/ de nyid mnga' ba'i phyir mun par gyur pa'i 'jig rten pa rnams so/ / dper na long ba'i 'jig rten pa las sangs rgyas su gyur cig ces bya ba byang chub sems dpar gyur pa khyod kyis smon lam btab pa de yang de bzhin du bsgrubs so/ /mun par gyur pa de rnams la ji ltar yang dag par gyur pa bsal ba'i phyir shes rab kyis snang bar mdzad pa ni skyed pa ste/ bla na med pa'i ye shes khong du chud par mdzad pa zhes bya ba'i tha tshig go/ /de lta bu'i tshigs su bcad pa 'dis dge ba'i rtsa ba yongs su smin pa rnams 'jig rten las 'das pa'i lam dag la bkod pa ste/ dbye ba lnga pa'i don bshad do/ /de ltar 'jig rten dang 'jig rten las 'das pa'i lam dag la bkod nas/yul la nye bar spyod pa na/ /lha mi'i spyod pa tha dad kyi/ /chos kyi longs spyod thun mong bas/ /khyod la dbye ba mi mnga'o/ /lha ma'i spyod pa tha dad kyi/ /zhes bye ba la sogs pa smos pa la/ tha dad pa ni dngos po gcig ma yin pa'o/ /nye bar spyod pa na zhes bya ba ni yul la nye bar spyod pa zhes bya ba'o//spyod pa ni spyod pa'o/ /ji ltar tha dad ce na/ lha rnams ni lha'i de bdud rtsi la za ba'i longs spyod pa dang ldan pa dang / gnyis gnyis dang / 'khyud pa dang / lag pa bcangs pa dang / dgod pa dang / blta bas 'khrig pa spyod pa'i spyod pa dang ldan pa'o/ / mi rnams ni dman pa'i longs spyod kyi spyod pa dang ldan pa zhes bya ba'o/ /de ltar lha dang mi rnams kyi longs spyod kyi spyod pa ni tha dad pa'o/ /chos kyi longs spyod ces bya ba smos pa la/ chos kyi longs spyod ni bden pa mthong ba dang zhi ba'i gnas dben pa la sogs pa'o/ /de'i thun mong ni 'dra ba kho na ste/chos kyi longs spyod thun mong ba'i rgyu de las so/ /khyod ni bcom ldan 'das la'o/ /dbye ba mi mnga'o ni 'dra ba nyid thob pa zhes bya ste/ yul la nye bar longs spyod pa dang sbyar ro/ /khyod la brten pas chos kyi longs spyod pa dang 'dra ba'i phyir lha dang mi rnams 'dra ba'i yul la longs spyod pa'i spyod pa dang ldan par gyur to zhes bya ba ni mdor bsdus pa'o//de lta bu'i tshigs su bcad pa 'dis lha dang mi rnams lam la 'jug par 'dra ba kho na ste/ dbye ba drug pa'i bshad pa'o/ /chos kyi longs spyod thun mong yin pa'i phyir lha dang mi rnams 'dra ba yin par ji ltar shes she na/smras pa/ bcom ldan 'das kyis skye ba dang / na tshod rigs dang yul dang ni/ /dus kyi skyon med chos rnams kyis/ /'di dag kun la sman yon btags/ /skye ba dang / na tshod dang rigs dang zhes bya ba la sogs pa smos pa la/ skye ba dang na tshod dang /rigs dang / yul dang / dus te zlas dbye ba'i bsdu ba'o/ /de rnams kyi skyon med pa dang re rer sbyar ro/ /phal che ba'i gtong ba ni skyon te yongs su gtong ba'o/ /yongs su gtong ba gang la mang ba zhes bya ba de ni skyon med pa ste/ chos rnams rtsis sman yon btags zhes bya ba dang sbyar ro//skyon med pa ni khyad par la mi ltos pa zhes bya ba'i tha tshig go/ /skye ba la skyon med pa ni ji ltar lha rnams kyi nang du skyes pa rnams chos la gzud par bya ba'i phyir chos kyi sman yon btags pa de bzhin du mi rnams kyi nang du skyes pa rnams kyang ngo / /na tshod la skyon med pa ni rgan po rnams ji lta ba de bzhin du byis pa dang /gzhon nu dang / lang tsho dang ldan pa rnams so/ /rigs la skyon med pa ni bram ze rnams ji lta ba de bzhin du rgyal rigs dang / rje'u rigs dang / dmangs rigs rnams so/ /yul la skyon med pa ni yul dbus kyi skye bo ji lta ba bzhin du mtha' 'khob kyi skye bo rnams kyang ngo //rus la skyon med pa ni ji ltar nya'am gnam stong ji lta ba de bzhin du tshes gcig go/ /dang ni gang gi phyir gyi don te/ kun la sman yon btags pa'o/ /sman yon btags pa ni yang dag pa'i dbye bas gtong ba'o/ / chos rnams kyis sman yon btags pa ni chos rnams kyis phan yon btags pa'o/ /'di dag ni ji ltar bshad pa mdzad pa'o/ /khyad par la mi ltos pas chos kyis kun la phan yon btags pa ste/ gang yang yongs su spong bar ni mi mdzad de/ ji ltar 'jig rten pas/ dmangs rigs la ni dgongs mi bshad//lhag ma min zhing spangs pa yang / /min la chos min bstan pa dang / /de la brtul zhugs kyang mi sbyin/ /zhes bya ba'o/ /de'i phyir lha dang mi rnams kyi tha dad pa zhes bya ba'i tshigs su bcad pa'i don ni rigs so/ /de ltar chos kyi longs spyod pa dang ldan pa'i mir gyur pa rnams la yang /khyod kyi nyan thos srid bral zhing / /ya mtshan 'dzin pa med rnams la'ang / /lha rnams thal sbyar sman bgyid cing / /ya mtshan che ba lta bur mchod/ /ya mtshan 'dzin pa med rnams la'ang / /ya mtshan che ba lta bur zhes bya ba ni rgyas pa'o//ya mtshan ni ngo mtshar ba ste/ de gang la yod pa de ni ya mtshan 'dzin pa'o/ /ya mtshan 'dzin pa med pa rnams ni nyan thos dang sbyar ro/ /ya mtshan che ba lta bur zhes bya ba la/ ya mtshan che ba lta bu ni ya mtshan che ba lta bu'o/ /lha rnams zhes bya ba ni 'chad par 'gyur ro/ /mi rnams su gyur pa yang de lta bu'i rdzu 'phrul chen po dang ldan par gyur zhes pas lha rnams de ltar ngo mtshar skyes par gyur to//thub pa'i dbang po'i gsung rab 'di ni grub pa'i snying po can skye ba la sogs pa la mi ltos pa zhes bya bas na ngo mtshar skyes pa de rnams kyi nyan thos pa la mchod do zhes bya ba ni bsdus pa'i don to//smon bgyid cing zhes bya ba ni lha zhes bya ste/ nyan thos pa rnams las kyang kho bo cag 'di ltar gyur to zhes bya ba'o/ /sred bral zhing zhes bya ba ni bya ba byas pa dang / mos pa dang bral ba'i nyan thos pa rnams la mchod pa zhes bya ba ni bsnyen pa'o/ / mchod pa'i bya ba gtso bo yin pa'i phyir dang / smon bgyid kyi bya ba gtso bor ma gyur pa'i phyir nyan thos sred bral la zhes bya ba ste/ gtso bor gyur pa'i bya ba dang sbyor ba'i phyir na las kyi tshig ste/ lnga pa'i ni ma yin no/ /thal sbyar zhes bya ba ni thal mo sbyar ba'o/ /dper na rigs ngan par skyes pa 'phags pa nges par gnas pa de nyid rdo leb kyi steng du phyag dar khrod kyi gos 'drub pa la tshangs rigs kyi lha mo bdun brgya tshangs ris nas 'ongs nas gus pas bsnyen bkur byed cing bltas nas lha mo gzhan kha cig gis tshigs su bcad pa 'di brjod de/rgya che ba yi lha mo bdun brgya yis//tshangs ris nas ni 'ongs nas gus pa yis/ /cang shes skyes pa'i mtha' ni gzigs pa ste/ /nges gnas srid mthar son la phyag 'tshal lo/ /zhes bya ba'o/ /nyan thos zhes bya ba ni khyod 'ba' zhig la mi zad kyi nyan thos rnams la yang zhes bya ba ni 'ang gi sgra'i don to//de lta bu'i tshigs su bcad pa gnyis po 'dis 'phags pa'i lam skyes pa rnams la khyad par gyi gnas las skyes pas mchod pa ste/ dbye ba bdun pa'i bshad pa'o/ /de ltar rtogs pas ngo mtshar ba'i yid kyis bstod pa byed pas bshad pa ni/ e ma'o sangs rgyas 'khor ba yi//nying khur gyur pa byung ba brjid/ /de ni mi yang lha rnams kyis/ /smon par bya ba nyid du gyur/ /e ma'o sangs rgyas 'khor ba yi/ /zhes bya ba ni rgyas pa'o/ /e ma'o zhes bya ba ni ngo mtshar ba ste brjid ces bya ba dang sbyar ro/ /'khor ba ni nye bar len pa'i phung po lnga'o/ / de'i nying khur gyur pa ni snying por bshad de/ mar gyi snying po bzhin du 'khor ba de'i nying khur ro/ /gang gis she na/ smras pa/ sangs rgyas byung ba ni gzhan gyis bstan mi dgos te/ nyid kyis mi shes pa'i gnyid bcom pa'i phyir sangs rgyas zhes bshad do/ /sad pa'i skyes bu bzhin no//de'i byung ba ni skye ba ste/ de'i brjid pa ni 'od kyi khyad par ro/ /de ji ltar ngo mtshar che zhe na/ bshad pa/ de ni mi yang zhes bya ba la sogs pa la/ mi ni mi'i skye ba ste skye ba dman pa yin pas kyang ngo / /de na zhes bya ba ni gang zhig sangs rgyas su byung bar gyur pa'o/ /lha rnams ni brgya byin la sogs pa rnams kyis smon par bya ba nyid du gyur te/smon par bya ba nyid du gyur pa'o/ /de ltar brgya byin gyis smon pa ni kye ma'o bdag gnas 'di nas 'phos nas/ mi rnams kyi skal ba dang ldan par skyes nas skra dang kha spu bregs nas ji srid srid pa 'di las gzhan du mi len pa zhes bya ba'i bar ni mdo'i tshig go//lam la 'jug pa'i bstod pa'i bshad pa'o/ /lam la 'jug par bstod pa zhes bya ba'i bshad pa ste le'u bcu pa'o// //dka' ba mdzad pa la bstod pa ni dka' ba mdzad pa'i rgyu gang yin pa dang / gang zhig dka' ba mdzad pa'i bya ba'i rten dang /ji ltar rang dbang ma yin pa dang / rnam pa gang gis dka' ba mdzad pa'i bya ba zhes bya ba ste/ dbye ba bzhi'o/ /de la/ mnyel dang zhi bde nyams gyur dang / /zhes bya ba'i tshigs su bcad pa gnyis bshad par bya ste/ mnyel dang zhi bde nyams gyur dang / /skye bo ngan dang 'grogs pa dang //mi mthun pa dang mang po dang / /skyon yang yon tan bzhin dgongs shing / /'gro ba'i don slad ma chags pa'i/ /thugs kyis brtson pa mdzad pa gang / /sangs rgyas rnams kyi sangs rgyas kyi/ /chos nyid bcom ldan de rmad do/ /mnyel ba gang yin pa de ni mnyel ba ste//sdug bsngal dgongs pa'o/ /'di ltar nga la gzir ba mi bzad pa byung ba dang / nad stug pos 'chi ba'i mthar gyur pa dang / 'khor rnam bzhi la chos bstan pas mnyel bar gyur to zhes bstan to/ /zhi ba'i bde ba ni bsam gtan las byung ba'i bde ba'o/ /de nyams par gyur pa ni yongs su btang ba'o//skye bo ngan dang 'grogs pa ni lhas byin dang / skar bzangs dang / kun khro dang / ba ra dwa dza la sogs pa dang 'grogs pa'o/ /mi mthun pa ni grang ba dang / /rlung dang / tsha ba la sogs pa'o/ /mang po ni zhi ba'i bde ba dang bral ba'i gdul bya'i skye bos yongs su bskor ba ste/de lta bu la sogs pa'i skyon rnams phung po lhag ma med pa'i mya ngan las 'das pa thob pa dang / dbang nyid thob pas kyang yon tan bzhin te yon tan bzhin du dgongs pa'o/ /brtson pa mdzad pa ni 'jug pa'o/ /ci rang gi don yin nam zhe na/ ma yin zhes bshad pa/'gro ba'i don slad ni sems can la phan pa'i rgyu'o/ /gang zhes bya ba ni gang gis zhes bya ba'i don gyi tshigs phrad de/ brtson pa'i rgyu gang gis brtson par mdzad pa'o/ /de rmad do zhes bya ba yang dag par rdzogs pa'i sangs rgyas so/ /ci 'jig rten pa bzhin du srid pas de bzhin du brtson par mdzad pa yin nam zhe na/bshad pa/ ma chags pa'i thugs kyis zhes bya ba ni sred pa mi mnga' ba'i thugs kyis te/ sred pa rtsa ba nas bton pa'i phyir ro/ /de rmad do zhes bya ba ni dmigs par mi 'gyur ba ste/ 'jig rten pa shin tu rmad du byung ba yin pa'i phyir kho bo cag 'dra bas bsam par mi nus so zhes bya ba ni dgongs pa'o//bcom ldan zhes bya ba ni mchod pa'i tshig go/ /sangs rgyas rnams kyi ni de bzhin gshegs pa rnams kyi'o/ /sangs rgyas zhes bya ba ni bod pa'o/ /chos nyid ni chos kyi rang bzhin te thugs rje chen po zhes bya ba ni dgongs pa'o//de lta bu'i tshigs su bcad pa gnyis po 'dis mnyel ba la sogs pa bzod spyod pa'i dka' ba mdzad pa'i rgyu thugs rje chen po bshad nas/ rten gang gis mnyel ba sku nyams su bstar ba de bshad par bya ste/ bshos kyang phal pa gsol mdzad cing / /res 'ga' smyung ba dag kyang mdzad//nyam pa'i shul du'ang gshegs mdzad cing / /rad rod can du'ang mnal ba mdzad/ /bshos kyang phal pa gsol mdzad cing / /zhes bya ba la sogs pa smos pa la/ zas ngan pa ni bshos phal pa'o/ /gsol mdzad ni khyod kyis bzhes bya bas 'chad par 'gyur ro//dper na grong khyer srung byed ces bya bar bram ze'i rgyal po mes byin zhes bya bas bcom ldan 'das zla ba gsum mgron du gnyer ba la bram ze'i yul nas mi mngon pa'i gnas su zhugs pa dang / de la byang phyogs kyi lam nas tshong pa 'ong ba de dag las rta chas brnyes nas bcom ldan 'das kyis gsol lo zhes bya ba ni rtogs pa brjod pa'o//res 'ga' smyung ba dag kyang mdzad/ /ces bya ba ni dper na sa la zhes bya ba bram ze'i grong gi skye bo rnams bdud kyis zin pa'i phyir bsod snyoms gcig kyang rnyed par ma gyur to/ /nyam nga'i shul du'ang gshegs mdzad cing //zhes bya ba ni dper na rgyal po'i khab kyi bram ze tshong dpon gyis bcom ldan 'das blta ba'i phyir mnyan yod du phyin par gyur to/ /bcom ldan 'das kyis kyang rgyud yongs su smin pa dang ldan par ma gzigs nas rgyal po'i khab tu zhabs gshegs so/ /tshong dpon yang rgyal po'i khab tu song ngo //bcom ldan 'das tsam par gshegs pa nas/ de bzhin du gnas bcas dang / bA rA Na sI dang yangs pa can zhes bya ba'i grong khyer chen po drug tu gshegs so/ /de nas mthong ma thag tu tshong dpon gyis bden pa mthong bar gyur to/ /rad rod can du'ang mnal ba mdzad//ces bya ba la mnal ba ni khyod ces 'chad par 'gyur ro/ /rang bzhin gyi don la ka ta'i rkyen can no/ /ba lang gi rjes btod pas na rad rod can no/ /ba lang gi rmig pas brdzis pa'i 'dam skams pa dang rad rod can dang 'dra bar gyur te/ rad rod can de rnams su mnal ba mdzad do/ji ltar kau shA m+bI'iko shAsbyi'i 'brog pa'i bu mo zhig gi grong khyer sde bsangs su rang 'dod pa'i lag can dgon pa pa khyor 'dod pas phas gnyen gyi tshogs kyis yongs su bskor ba dang bcas pa lag can gyi gan du dgon par btang ngo / /dgongs ka'i dus su dgon pa'i sgo bcad pas grong khyer gyi phyi rol du gnas so//lag can gyis grong khyer sngo bsangs mthong bas bden pa mthong bar bya ba'i skal ba dang mi ldan par mkhyen nas bcom ldan 'das kyang dgon pa dang nye bar gshegs te rad rod can gyi sar rtsa'i mal stan la mnal ba mdzad do/ /ba lang rdzi dag gis kyang lag can dgon pa pa la 'di skad smras te/gang zhig rab tu byung bas khyod srin po las grol bar mdzad pa de nyid rad rod can du mnal bar mdzad do zhes lag can gyis thos nas grong khyer sngo bsangs ma bltas par byas pa gzo ba nyid kyis de bzhin gshegs pa'i thad du phyin nas phyag 'tshal te zhus pa/yul 'khor gyi nang du rlung g.yos pa la rad rod can du gdan la bcom ldan 'das mnal ba mdzad dam zhes zhus so/ /bcom ldan 'das kyis bka' stsal pa/ lag can gzhan 'jig rten pa kha cig bde ba'i slad du nyal bar byed de/ nga ni de rnams las gzhan pa ste/ 'dod chags dang zhe sdang dang gti mug gi gdung ba mi mnga' ba'i phyir ro/ /'dod chags la sogs pa'i yongs su gdung ba dang ldan pas 'jam pa'i stan la nyal na yang sdug bsngal gyis gnyid log par byed do zhes bya ba'o/ /de ltar de la chos bstan pas khyim bdag lag can gyis ji lta ba bzhin du bden pa mthong bar gyur to zhes bya ba'o//mgon khyod gtso bor gyur lags kyang / /gdul bya rnams la byams slad du/ /sku ngas rdo dang gcam tshul dang / /skad dang cha lugs bsgyur ba'ang mdzad/ /sku ngas rdo dang gcam tshul dang / /zhes bya ba la/ sku ngas ni bsnyen bkur ma yin pa'o//ji ltar dgon pa pa'i khyim du bcom ldan 'das bzhugs pa dang / dgon pa phyi rol du byung bar gyur pa de yang 'ongs nas dge sbyong song shig ces smras pa dang / bcom ldan 'das gshegs te/ gzhan gyis yongs su bzung ba'i phyir ro/ /dge slong zhugs shig ces smras pa dang /bcom ldan 'das zhugs te/ dregs pa dang nga rgyal mi mnga' ba zhes bya ba'i phyir ro/ /de ltar sems can rnams dang sku la brten nas mnyel ba bshad do/ /skad dang cha lugs bsgyur ba'ang mdzad/ /ces bya ba ni sangs rgyas kyi cha lugs spangs nas cha lugs gzhan pa ni dper na legs par 'dod pa'i don du rgyud mangs brdung ba'i cha lugs dang /rdza mkhan rgan po la sogs pa'i cha lugs kyang ji lta ba bzhin zhes bya ba'o/ /'phags pa'i gsung spangs nas kla klo'i skad shes pa'i 'jig rten skyong ba rnams la chos bstan par mdzad pa'i phyir dab phi dab phi zhes bya ba'i skad gzhan no//gsung la brten nas mnyel ba ni gsung rten mnyel ba'o/ /de ltar phan 'dogs mdzad pa'i phyir mgon khyod ces bya ba ni bod pa'o/ /gdul bya kho na ni gdul bya'o/ /de rnams la byams pa ni thugs rje chen po yis te/ de'i slad du ni gdul bya rnams la byams pa'o//de ltar 'dir dka' ba mdzad pa'i bya ba'i rgyu bshad do/ /gtso bor gyur lags kyang zhes pa ni zhi ba dang phung po'i lhag ma med pa'i mya ngan las 'das pa'i grong khyer la 'jug pa'i gtso bor gyur pas kyang ngo / /bshos kyang phal pa gsol mdzad cing / / zhes bya ba la sogs pa'i dka' ba mdzad pa 'ba' zhig tu ma zad kyi/ 'on kyang / kun gyis dga' mgur rang don phyir/ /bran bzhin bskor bar bsgrims pa la/ /mgon khyod rtag tu bdag nyid la/ /mnga' mchis pa yang ma lags so/ /zhes smos pa la/ mnga' mchis pa ni rang dbang nyid do//mgon khyod ces bya ba'i don ni bshad zin to/ /rtag tu zhes bya ba ni rtag par te mchis pa yang ma lags zhes bya ba dang sbyar ro/ /bdag nyid ni nyid kyi sku la ji ltar bshad par bya zhe na/ smras pa/ bran bzhin zhes bya ba smos pa la/ tshig gi mchod 'os zhes bya ba ni bran te gzhan dbang du bshad do//bzhin ni dpe'o/ /kun gyis zhes bya ba ni srog chags rnams kyis so/ /'ang ni gang gi phyir gyi don to/ /dga' mgur zhes bya ba ni ji ltar 'dod pa'o/ /rang don ni rang gi don gyi phyir ro/ /bskor ba ni bskor ba ste/ skyabs mdzad pa'i phyir ro/ / bshad pa ni 'di yin te/ ji ltar gang zhig bran gang yin pa des rang gi don gyi phyir ji ltar 'dod pas bskor ba de bzhin du khyod kyang kun gyis ji ltar 'dod pas rang gi don gyi phyir bskor ba'o/ /de'i phyir/ mgon khyod rtag tu bdag nyid la/ /mnga' mchis pa yang ma lags so/ /kun gyis dga' mgur rang don phyir//zhes bya ba ni ji ltar shes par bya zhe na/ smras pa/ khyod la gang dang gang du yang / /ji skad bskul yang mi spong ste/ /nyid kyi sgrub pa bzang po la/ /'da' bar gyur pa ma mchis so/ /khyod la gang dang gang du yang / /zhes bya ba ni rgyas pa'o/ /ji skad ces bya ba ni bram ze'am sme sha can nam dbul po'am phyug po'am bde ba'am sdug bsngal dang ldan pas so//gang dang gang du zhes bya ba ni bdun pa'i rgyu mtshan te/ ngan song las gdon par bya ba'i phyir dang / bde 'gro la dgod par bya ba'i phyir ro/ /ji skad ces bya ba ni zhe sa dang bral bas so//bskul ba zhes bya ba ni zhus pas so/ /nyid kyi sgrub pa zhes bya ba ni nyid kyi sgrub pa'o/ /gang gi dge ba'i bya ba gang yin pa de bzhin du 'jug pa ste/ gzhan gyi gzir ba bsal bar bya ba'i phyir ro/ /dper na dmyal bar 'gro ba'i dogs pa dang ldan pas sngon bde 'byung las phyis lha'i bu las gsungs pa/thugs rje ldan pas rgyal dag la/ /sems ni legs par dad par gyis/ /de ltar gzhan la yang ci rigs par sbyar ro/ /gnas pa la gcig pa'i phyir sgrub pa bzang po ste/ de las 'da' bar gyur pa ma mchis pa ni 'da' bar ma gyur pa zhes bya'o/ /de lta bu 'dis ni rang dbang du ma gyur pa bshad do//da ni rnam pa gang gis dka' ba mdzad pa de bshad par bya ste/ ji ltar khyed ni gnod bgyid la/ /phan pa lhur mdzad de lta bur/ /skye bo dag ni phan bgyid la'ang / /phan pa de ltar lhur mi bgyid/ /phan pa lhur mdzad ces bya ba ni bshad zin to/ / gnod bgyid la zhes bya ba ni zas gtsang la sogs pa 'ba' zhig la phan par mdzad par ma zad kyi gnod par bgyid pa la gzhol ba lhas byin la sogs pa la yang ngo / /khyod ni bcom ldan 'das so/ /ji ltar khyod phan pa lhur mdzad pa de bzhin du phan par byed pa'i skye bo la skye bo ma yin no//ji ltar lhas byin zhes bya ba ni bcom ldan 'das kyi mched zla ste/ skye ba gzhan du gnod par bgyid pa'i smon lam btab pa dang / rtag tu phan pa ma yin pa stsol ba'o/ /bcom ldan 'das ni rtag tu phan par mdzad pa dang / /phan pa zhes bya ba ni gtsug lag go/ /gzhan yang / khyod ni gnod bgyid dgra bo la//phan pa mdzad pa'i bshes lags te/ rtag tu skyon dag tshol ba la/ /yon tan 'ba' zhig tshol ba lags/ /khyod ni gnod bgyid dgra bo la/ /zhes bya ba la sogs pa snos pa la/ gnod pa ni gnod pa bgyid pa'o/ /gnod pa bgyid pa'i dgra bo ni rdzogs byed la sogs pa'i mu stegs pa'i tshogs de dag go//khyod phan pa mdzad pa ni dge ba mdzad pa ste/ de nyid bshes so/ /rtag tu skyon dag tshol bar byed pa gang yin pa de ni rtag tu skyon dag tshol ba'o/ /rtag tu skyon dag tshol ba ni mi mchog la sogs pa yin la/ yon tan 'ba' zhig tshol ba ni dge ba tshol ba dang ldan pa'o//de lta bu'i tshigs su bcad pa 'dis gnod pa bgyid pa la phan pa lhur mdzad pa dang / phan pa lhur mi bgyid pa tshol ba la phan pa lhur mdzad pa tshol ba dang / skyon tshol ba dag la yon tan 'ba' zhig tshol ba zhes bya ba'i rnam pa de dag rnams kyis dka' ba mdzad pa zhes bya ba bshad do//gzhan yang / khyod ni gang na dug bcas shing / /zhugs dang bcas par spyan drangs pa/ /der ni brtser bcas gshegs pa dang / /khyod la bdud rtsi can du gyur/ /khyod ni gang na dug bcas shing / /zhes bya ba ni rgyas pa'o/ /gcer bu pa phal la dad pa khyim bdag dpal sbas kyis dug dang bcas pa'i bshos mdun du bzhag nas khyim gyi nang du me'i 'obs kyi steng du rtswa gcal du bkram pa'i steng du song na bcom ldan 'das mer lhung zhing dug dang bcas pa'i zas kyis 'chi bar 'gyur ro zhes bya ba'i bsam pas spyan drangs so//bcom ldan 'das kyang de la thugs brtse bas dge slong gi dge 'dun gyi tshogs kyis bskor ba de'i khyim du gshegs nas zhabs bkod pa de ma thag tu me'i 'obs de las pad+ma skyes par gyur pa dang / bshos kyang dug dang bral nas bcom ldan 'das dang 'phags pa'i dge 'dun gyi tshogs kyis bzhes so zhes bya ba'o//dpal sbas chung ma dang bcas pa dad par gyur nas chos bstan pas bden pa mthong bar gyur to zhes bya ba ni rtogs pa brjod pa'i sde'o/ /de nyid la brten nas bshad pa/ gang na spyan drangs pa zhes bya ba la sogs pa smos pa la/ gang na zhes bya ba ni dpal sbas gnas so/ /spyan drangs pa ni gdugs tshod kyi phyir zhus par gyur pa'o/ /dug dang bcas pa ni dug dang bcas pa ste spyan drangs pa'o/ /de bzhin du zhugs dang bcas pa'o/ /der ni de'i rgyu mtshan te dpal sbas kyi slad du zhes bya ba'i don to/ / gshegs pa zhes bya ba ni yon bdag gi mngon du yang dag par gshegs pa'o/ /ji ltar zhe na bshad pa/ brtser bcas ni thugs rje dang bcas pa'o/ /bdud rtsi can ni bdud rtsi can du gyur pa'o/ /bdud rtsi ni 'dir mya ngan las 'das pa thob pa'i lam ste/ mi 'chi ba'i rgyu yin pa'i phyir ro/ / de la me'i gnyen por brtse ba dang bcas pa'i chu mngon du gyur pas gshegs pa dang / dug gi gnyen por bdud rtsi/ de dang ldan pa yang dag pa'i lam gyis gshegs par gyur to zhes bya ba dang sbyar te/ gshegs pa zhes bya ba ni nye bar sbyor ba gnyis dang sbyar ba'i phyir ro/ /de lta bu'i tshigs su bcad pa 'dis 'gal ba rnams la yang rtag tu phan pa bskyed pas dka' ba mdzad pa bshad do//gzhan yang / bzod pas mi snyan brjod pa dang / /'khu ba dag ni bde legs kyis/ /mi snyan smra la bden pas te/ /khyod kyis sdang ba byams pas btul/ /bzod pas mi snyan brjod pa dang / /zhes bya ba smos pa la/mi snyan pa brjod pa ni tshig rtsub po dang ldan pa ste bzod pas btul ba'o/ /ji ltar mi snyan pa brjod pa'i bram ze b+ha ra dwa dzas bcom ldan 'das mnyan yod du bsod snyoms la gshegs pa la mang du mi snyan pa brjod nas dbu la rdul gyis gtor ba la bcom ldan 'das la ma phyin par bram ze de nyid kyi mgo la babs par gyur to//de nas bcom ldan 'das kyis tshigs su bcad pa gsungs pa/ dag pa dang ni skyon rnams med pa dang / /sngar med mi la nyes gang byed pa ni/ /phyis de nyid la sdig pa ldog par 'gyur/ /ji ltar phra mo'i rdul gtor mgo la bzhin/ /zhes bya ba'o//'khu ba dag ni gnod pa byed pa'i bsam pa can la bde legs kyis btul lo/ /dang gi sgras ni bzod pas kyang ngo / /'khu ba dag ces bya ba ni kha cig tshig mang por zer ba'o/ /legs pa'i sgras don dam pa'i dge ba dang mya ngan las 'das pa 'thad do zhes bshad do/ /de nyid kyis na 'phags pa'i lam mo//de nas bde legs kyis ni dpal sbas la sogs pa bden pa mthong bas btul ba dang bzod pas kyang ngo / /'o na sdang ba byams pas btul/ /zhes 'chad par 'gyur na/ sdang ba gang yin pa de nyid 'khu ba ste sdang ba'i don can zhes bya ba khams gdon par brjod pa'i phyir zlos pa'i skyon du de 'gyur ro zhe na/ma yin te/ dka' ba mdzad pa'i bya ba'i rnam pa mdzad pa'i phyir gnas gcig tu bde legs dang bzod pa la sogs pas sdang ba btul lo zhes bstan pa dang / gnas gzhan du byams pa la sogs pa dka' ba mdzad pa'i gnas skabs su 'di ni smra ba mi rigs so//kha cig na re/ khro ba dag ni bde legs kyis/ /zhes brjod pas na de dag gis zlos pa'i skyon shin tu bsal to/ /khro ba ni sor phreng can la sogs pa'o/ /mi snyan smra la bden pas te/ /zhes bya ba la/ mi snyan pa smra ba gang yin zhe na/ mdzes ma rab tu byung ba la brten nas mu stegs pa mi snyan pa ba'o//de rnams khyod kyis bden pas btul ba dang / dang gi sgras ni bzod pas kyang ngo / byams pas ni phan pa'i thugs kyis so/ /sdang ba ni gsod pa la brtson pa ste/ bdud kyi bran dar mngag gzhug pa'o/ /de rnams kyi mda' dang mdung thung bcom ldan 'das la 'phangs pa la byams pa la sbyor ba'i phyir me tog gi char du gyur to zhes bya ba ni lung ngo //de lta bas na 'dir byams pa dang bde legs dang bzod pa'i rnam pa de rnams kyis dka' ba mdzad pa bshad do/ /gzhan yang / thog ma med dus goms pa yi/ /mi yi rang bzhin mang po yang //khyod kyis ngan song rnams bzlog nas/ /skad cig nyid la yongs su bsgyur/ /thog ma med dus goms pa yi/ /zhes bya ba la sogs pa smos pa la/ /thog ma med dus goms pa ni zhugs pa nyid de/ thog ma med dus goms pa'o/ /mang po ni rnam pa mang po can no//rang bzhin ni sems can rnams kyi 'dod chags dang zhe sdang dang gti mug gi bdag nyid can no/ /khyod kyis ngan song rnams bzlog nas/ /zhes bya ba la/ ngan song ni ngan 'gro ste/ rnam par bzlog pa ni gang gis bzlog pa de ngan song rnams bzlog pa'o/ /skad cig nyid ces bya ba ni dus nyung ngus so//yongs su bsgyur ba ni gzhan du bsgyur ba'o/ /'dod chags kyi spyod pa dang ldan par gyur pa gang yin pa de ni dbang po thul bar gyur pa ste/ dper na 'phags pa dga' bo'i dbang po thul ba bzhin no/ /zhe sdang gi spyod pa dang ldan par gyur pa gang yin pa de ni byams pa la gnas par gyur pa ste/dper na sor phreng bzhin no/ /de ltar 'dir yun ring por 'jug pa'i nyon mongs pa rnams dus nyung bas bzlog pas dka' ba mdzad pa bshad pa ste/ dka' ba mdzad pa la bstod pa'i bshad pa'o/ /dka' ba mdzad pa la bstod pa'i bshad pa zhes bya ba ste le'u bcu gcig pa'o// //mkhas pa la bstod pa bshad par bya ste/ de la mkhas pa ni shes rab can dang gzhol ba zhes bya ba'i don to/ /de la skye ba bzhin du skye ba la mkhas pa dang / tshim pa skyed pa la mkhas pa dang / don dang bcas pa'i gsung la mkhas pa dang /rim par ston pa la mkhas pa dang 'don pa'i thabs mkhas pa ste rgyu dang bcas pa zhes bya bas na dbye ba lnga'o/ /gang gi phyir/ rtsub pa dang 'jam bgyis pa dang / /'jungs pa rnams ni gtong phod dang / /gtum po nges par bgyis pa gang / /de ni khyod kyi thabs mkhas lags//ngang 'jam bgyis pa zhes bya ba la 'jam pa'i rang bzhin ni 'jam pa ste bud pa'o/ /bgyis pa zhes bya ba ni thob pa'o/ /rtsub pa zhes bya ba ni khro ba can no/ /ji ltar khyim bdag drag po gtum por gyur pa bcom ldan 'das kyis btul bas ngang 'jam par gyur pa dang /de bzhin du rgyal po ma skyes dgra la sogs pa rnams so/ /'jungs pa rnams ni ser sna can no/ /dang gi sgros pa'i sa pa zhes bya ba ste bsdus pa'i don to/ /gtong phod ces bya ba ni sbyin par byed pa nyid do/ /dper na khyim bdag dpa' bo zhes bya ba ser sna dang ldan pas slong mo yang mi ster ba de la bcom ldan 'das kyis sbyin pa'i chos bstan pa las brtsams te/khyim bdag sbyin pa chen po lnga po 'dis zhes bya'o/ /sbyin pa gcig kyang nga la dka' na chen po lnga lta smos kyang ci dgos zhes dpa' bos bsams so/ /bcom ldan 'das kyis bka' stsal ba/ /srog gcod pa las ldog pa sbyin pa chen po dang ma byin par len pa dang /ji srid 'bru'i chang dang / bcos pa'i chang myos pa'i khu ba bag med pa'i gnas las ldog pa ni sbyin pa chen po zhes bya ba'o/ /dpa' bos yang dag par bsams te sbyin pa 'di ni sbyin pa yin te/ bang mdzod mi zad pa'i phyir ro zhes bya bas na bkur sti byas nas thos pa brtsams te mngon par dad par gyur pas bcom ldan 'das la na bza' zung cig dbul bar bsams nas khyim du zhugs te gos kyi sgrom bya nas na bza' zung cig dbul lam 'di dbul lam gzhan dbul zhes sems pa de'i sems bcom ldan 'das kyis mkhyen nas tshigs su bcad de gsungs pa/sbyin pa dang ni rtsod pas mnyam par bshad/ /yon tan de dag skye ngan la mi gnas/ /g.yul 'gyed dus nyid sbyin pa'i dus yin te/ /rgyu bsdus pas ni 'dra ba nyid du 'gyur/ /zhes bya ba'i gsung thos nas dad pa mang du skyes par gyur pas mang po ri ba'i na bza' zung bcom ldan 'das la phul nas chos nyan pas bden pa mthong ba dang /rab tu byung bas dgra bcom par gyur to/ /gtum po zhes bya ba ni g.yo sgyu dang ldan pa'o/ /des pa ni rgyud 'jam par bgyis pa'o/ /de ni zhes bya ba ni bgyis pa zhes bya ba dang sbyar ro//thabs mkhas pa ni sbyor ba la mkhas pa zhes bya ba'i don to/ /gzhan yang / dga' bo dbang po nyer zhi dang / /nga rgyal khengs pa 'dud pa dang / /sor mo'i phreng ba'ang zhi bgyis na/ /su zhig ngo mtshar skyed mi bgyid/ /dbang po nyer zhi zhes bya ba smos pa la/ dbang po ni mig la sogs pa rnams te/nyer zhi ni 'dod chags la sogs pa'i yul la mi 'jug pa'o/ /de la dga' bo ni bcom ldan 'das kyi mched zla ste/ 'dod chags kyi shas che ba bcom ldan 'das kyis btul bas dbang po dul ba'i nang na mchog tu gyur to/ /su zhig ngo mtshar skyed mi bgyid//ces bya ba dang thams cad la sbyar ro/ /nga rgyal khengs pa ni shin tu nga rgyal dang ldan pa'i skye bo pha dang ma dag la yang phyag 'tshal bar mi byed pa bcom ldan 'das kyis rab tu phyung nas dgra bcom pa la bkod do/ /'dud pa ni dam pa dang rigs kyis rgan pa dang / rab tu byung ba rgan po rnams la yang dag par 'dud par gyur to//sor mo'i phreng ba gang la yod pa de ni sor mo'i phreng ba'o/ /de nyid rkun po mi'i sor mo'i phreng ba 'dzin pas srog chags stong phrag gsod par byed pa bcom ldan 'das kyis btul lo/ /sor mo'i phreng ba zhi ba de la su zhig ngo mtshar skyed par mi byed de/sangs rgyas kyi bstan pa la dad pa dang ldan pa dang / dad pa dang mi ldan pa thams cad kyang ngo mtshar skyed par mdzad do zhes bya ba ni dgongs pa'o/ /de ltar rtsub pa la sogs pa'i rigs can dang 'jam pa la sogs pa'i rigs can du gyur pa zhes bya ba'i tshigs su bcad pa gnyis kyis bcom ldan 'das skye ba la mkhas pa bshad do//gzhan yang / khyod kyi chos kyi ros tshim pas/ /gser las bgyis pa'i mal spangs nas/ /ran mang bting ba'i gnas mal du/ /brtan rnams bsad nyams nyal bar bgyid/ /ran mang bting ba'i gnas mal du/ /zhes bya ba ni rgyas pa'o//mang ba ni lus can gyis te/ ran mang bting ba'i gnas mal zhes bya ba dang sbyar ro/ /gser las bgyis pa zhes bya ba la/ gser ni gser du bshad do/ /de las bgyis pa'i mal ni gser las bgyis pa'i mal ste/ gser gyis rnam par spras pa zhes bya ba'i tha tshig go/ / nyel bar bgyid ces bya ba ni nyal ba'o/ /bsod nyams ni 'dod chags la sogs pa'i yongs su gdung ba med pa'i phyir ro/ /brtan pa rnams zhes bya ba ni shes rab dang ldan pa ste/ 'phags pa'i lam bskyed pa'i phyir ro/ /de ltar bzang ldan dang / 'od srungs dang / dga' bo dang / kun dga' bo dang /bre bo zas la sogs pa rnams kyis nga rgyal spangs nas bcom ldan 'das kyi bstan pa la rab tu byung bas dgra bcom par gyur to/ /ji ltar de rnams rtswa mang po bting ba'i gnas mal la bsod nyams kyis nyal bar bgyid ce na/ gang gi phyir chos kyi ros tshim pas zhes bya ba ni mya ngan las 'das pa dang /don dam pa thob pa'i 'phags pa'i lam 'phags pa rnams la tshim pa skyed par byed pa'i phyir chos kyi don gyi ro ni chos kyi ro'o/ /de yis tshim par gyur pa ste/ tshim pa'i don zhes bya ba la byed pa tshig drug pa'o/ /khyod ces bya ba ni khyod kyi'o/ /bzang ldan la sogs pa mang po chos kyi ros tshim pas bsod nyams kyis nyal bar byed de/zhi ba thob pa'i sems kyis ni/ /nye bar zhi bas bde bar nyal/ /zhes tshigs su bcad pa gsungs so/ /de bzhin du 'dir tshim pa bskyed pa la mkhas par bshad do/ /gzhan yang / khyod kyis dus dang bsam mkhyen pas/ /res 'ga' zhus na'ang mi gsung la//spros gyur gzhan la bstan pa dang / /drung du gshegs nas bshad pa'ang mdzad/ /res 'ga' zhus na mi gsung la/ /zhes bya ba ni gzhon nu'i bu dang rigs mthun pa rab tu byung ba ci gau ta ma bdag yod dam zhes bcom ldan 'das la zhus shing bcom ldan 'das la zhus kyang ma gsungs so//rgyu ci'i phyir zhe na/ dus dang bsam pa mkhyen pas zhes bya bas 'chad par 'gyur ro/ /de la dus ni gzhon nu'i bsam pa yongs su smin par ma dgongs pas bdag med pa bshad pa'i skal ba dang ldan pa 'di ni ma yin no zhes dgongs pas ma gsungs so//drung du gshegs nas zhes bya ba ni ma zhus par yang bshad pa mdzad pa ni chos ston pa'o/ /ji ltar ngan spong gi bu'i rdza mkhan gyi khyim du bzhugs pa nas drung du gshegs te/ dge slong pad+ma'i rjes su 'brang ba la thog mar dge ba zhes bya ba la sogs pa'i chos bstan to//de'i tshe pad+ma'i rjes su 'brang ba'i bsam pa yongs su mkhyen pa des so/ /spros gyur zhes bya ba ni gdung ba bskyed nas so/ /gzhan pa ni gzhan 'dul ba'i phyir ro/ /ji ltar 'od srungs kyis zhus pas gsungs pa ni 'on kyang khyod kyi dri ba bsal ba'i dus ni ma yin no zhes bya ba'o//de nas de'i stobs kyis zhus shing mang du zhus pa'i tshe bcom ldan 'das kyis 'od srungs de la spro ba bskyed nas dus gzhan gyi tshe bsam pa yongs su smin par thugs kyis mkhyen nas dris pa de la lan klan par mdzad do/ /thos nas dus gzhan gyi tshe bden pa mthong bar gyur to zhes bya ba ni mdo'i don to//dus dang bsam pa mkhyen pas zhes bya ba la/ dus dang bsam pa ni yongs su smin pa ste/ de mkhyen pas na dus dang bsam pa mkhyen pa'o/ /de na dus dang bsam pa mkhyen pa khyod kyis so/ /de lta bas na 'dir don dang ldan pa la ston mkhas pa zhes bshad do//gzhan yang / dri med gos la tshon bzhin du/ /thog mar sbyin sogs gtam dag gis/ /sems la spro ba bskyed nas ni/ /phyi nas chos ni bstan pa mdzad/ /thog mar sbyin sogs gtam dag gis/ /zhes bya ba'i tshigs su bcad pa la/ thog mar zhes bya ba ni dang por ro//sbyin sogs gtam dag gis zhes bya ba la/ sogs kyi sgras ni tshul khrims kyi gtam la sogs pa shes par bya'o/ /sems la spro ba ni sems las su rung ba nyid de/ 'phags pa'i bden pa'i gtam gyis don yongs su shes pa'i nus pa dang ldan pa zhes bya ba'i tha tshig go/ / dus ni dus phyi ma'o/ /chos ni 'phags pa'i lam zhes dgongs pa'o/ /dri ma med pa gang la yod pa de ni dri med gos te de la'o/ /chos gang yin pa de ni tshon no/ /bzhin du ni dper ro/ /ji ltar tshon gyi las la mkhas pas thal ba la sogs pas dri ma dag par gyur pa'i gos la tshon gyis btsos pa de bzhin du/khyod kyis sbyin pa'i gtam la sogs pas sems la spros pa bskyed cing go rims kyi gtam la mkhas pas chos bstan pa mdzad do zhes bya ba ni ma lus pa'i don to/ /de bzhin du mdo las/ gang de sangs rgyas bcom ldan 'das kyis thog ma'i dus su chos kyi gtam mdzad de/dper na sbyin pa'i gtam dang / tshul khrims kyi gtam dang / mtho ris kyi gtam gyi bar du'o/ /dper na gos dag pa dri ma med pa la tshon gyis btsos na yang dag par tshon len par gyur pa de bzhin du/ gnas 'jog dang ris mthun pa'i bram ze mo stan de la gnas nas 'phags pa'i bden pa bzhi dngos su byas so zhes bya ba ste/dper na sdug bsngal ba dang / kun 'byung dang / 'gog pa dang / lam zhes bya ba'o/ /de lta bas na 'dir rim pas ston pa la mkhas par bshad do/ /gang gi phyir de ltar mdzad pa de'i phyir/ 'khor ba mi bzad gting nas ni//'gro ba nyon mongs drang slad du/ /khyod kyis gang gis ma btsal ba'i/ /thabs dang spyod pa de ma mchis/ /zhes bya ba ni rgyas pa'o/ /thabs ni sbyor ba ste/ skal ba dang mi ldan pa drang ba'i phyir thabs mdzad pa'i spyod pa mi nus sam zhe na/ smras pa/ spyod pa zhes bya ba ste/ dang gi sgra ni dang gi sgra'i don to//thabs gang gis mi spyod ces bya ba de ni mi mnga'o/ /gang gis sems mi brtsal ba ni khyod kyis rtsol ba ma mdzad pa'o/ /de'i don ni 'di yin te/ khyod kyis thabs dang spyod pa rnams brtsal bar mdzad do zhes bya ba'o/ /ci'i phyir zhe na/ 'khor ba mi bzad gting nas ni//zhes bya ba la sogs pa ni rga ba dang / na ba dang / 'chi ba la brten pa'i phyir na 'khor ba mi bzad pa'o/ /thog ma med pa'i dus can yin pa'i phyir zab pas na gting ring ba'o/ /de las drang ba'i slad du ni mya ngan las 'das par 'dren pa'i phyir ro/ /'gro ba ni 'jig rten pa thams cad do//gal te phung po lnga'i rang bzhin gyi 'khor ba las 'gro ba ldog pa ma yin mod kyi 'on kyang 'chad pa pos dbye ba 'chad par 'dod pas 'khor ba las 'gro ba drang ba'i slad du zhes bya bas bshad pa grub ste/ ji ltar nags 'di na seng ldeng dang / shing pA la sha yod de zhes bya ba'o//thams cad kyi rtsol ba mdzad ces pa ji ltar shes she na/ smras pa gang gi phyir/ sku yi cha lugs rnam mang dang / /gsung gis so so'i skad bzhin du/ /'dul ba'i bsam pa tha dad pa/ /de dang der ni khyod kyis mdzad/ /sku'i cha lugs rnam mang zhes smos pa la rnam mang zhes bya ba ni rab tu mang po'o//sku'i cha lugs rnams ni dbye ba du ma'o/ /gsung ni gsung gis so/ /mdzad ces bya ba ni 'chad par 'gyur ba ste gsungs pa zhes bya ba'i don to/ /cha lugs rnams ni gzhan pa'i cha lugs de mdzad pa zhes bya ba dang sbyar zhing mdzad pa zhes bya ba'i don to//'dul ba'i bsam pa ni dgongs pa'o/ /de tha dad pa ni 'dod chags dang zhe sdang la sogs pa'o/ /der ni 'dul ba'i bsam pa tha dad pa'i rgyu yis so/ /de la mnyan yod kyi grong khyer du re zhig khyod kyi gsung rnam pa mang ba ste dper na dab phe dab phe zhes bya ba 'jig rten skyong ba'i bsam pa tha dad pa dang /de las gzhan pa rnams la 'phags pa'i gsung gis so/ /cha lugs rnams kyang mang du mdzad pa ste/ ji ltar dri ba shin tu snyan pa'i nga rgyal bsam pa can du mkhyen pas rol mo mkhan gyi cha lugs dang / ji ltar gzhan pa rdza mkhan kha cig gis rdza sa'i rdza ma 'khor lo las phab ma thag tu skams par gyur pa de'i phyir nga dang 'dra ba rdza mkhan gyi bzo'i slob dpon med do zhes nga rgyal skyes pa de'i bsam pa bcom ldan 'das kyis mkhyen pas rdza mkhan gyi cha lugs su sprul nas 'khor lo kho na las so btang ba dbang ba mdzad do//slar yang sangs rgyas kyi cha lugs su mdzad nas nga rgyal dang bral ba de 'dul bar mdzad do zhes bya ba'o/ /tha mal pa'i skad dang cha lugs gzhan pa de rnams kha cig smod pa ma yin nam zhe na/ smras pa/ de dag kun kyang dag pa dang / mi 'gal ba dang mchod 'os dang /brjid dang lha mi rnams la ni/ /sman 'dogs bkur ba sha stag lags/ /dag pa mi 'gal ba zhes bya ba la sogs pa ni mi dge ba'i rtsa ba skyed par byed pa mi mnga' ba'i phyir na dag pa'o/ /gzhan la phan pa la sbyor ba'i phyir mi 'gal ba'o/ /gzhan la sman 'dogs pa'i phyir mchod 'os te/rab tu bsngags par 'os pa zhes bya ba'i don to/ /ma rig pa'i rab rib gdon pa la g.yer ba'i phyir na brjod pa dang ldan pa'o/ /kun zhes bya ba ni sku'i cha lugs rnam pa mang ba dang / gsung gi cha lugs rnam pa mang ba'o/ /lha dang mi rnams la sman 'dogs pa ni phan par mdzad pa ste bden pa mthong bar mdzad pa'i phyir ro/sha stag ni lha dang mi rnams kyis phyag bya bar 'os pa'o/ /da ltar byung ba'i dus zhes bya ba ni byed tshig drug pa dang sbyar ro/ /dag pa la sogs pa'i yon tan dang ldan pa ji ltar shes par 'gyur zhe na/smras pa/ smra dang bgyid pa phal cher ni/ /legs par rngo thogs ma lags kyi/ /bden par gsung ba khyod la ni/ /de gnyis gzhan du gda' ba lags/ /smra dang bgyid pa zhes bya ba ni rgyas pa'o/ /dang gi sgra ni gang gi phyir gyi don to/ /gang gi phyir phal che ba dang legs pa ni legs pa ste/rngo mi thogs pa dang / phal che ba dang / legs par smra ba yang rngo mi thogs pa'o/ /gzhan yang 'jig rten pa kha cig legs par byed pa'am legs par smra ba ste/ khyod la gzhan du zhes bya ba ni cha lugs rnam pa mang po dang / gsung rnam pa mang po la sogs pas sngar bshad pa'i sbyor ba la sogs pa rnams kyis logs par gda' ba lags so//phyin ci log pa'i gsang mi mnga' ba'i phyir bden pa gsung ba zhes bod pa'o/ /gda' ba zhes bya ba ni gda' ba'o/ /de gnyis zhes bya ba ni sngar bshad pa'o/ /phal che ba dang legs pa ni bgyid pa dang gsung ba'o//de'i phyir sku'i cha lugs rnam mang zhes bya ba ni sngar legs par bshad do/ /de lta bu'i tshigs su bcad pa de rnams kyis dag pa'i sku dang gsung gi sgrub pas rgyu dang bcas pa'i drang ba'i thabs la mkhas pa nyid bshad do/ /de ni bya ba med na yang sems can drang ba la mkhas pa bshad par bya ste/bdag nyid dag pa 'ba' zhig gis/ /khyod kyis 'gro ba'i dpal zhing mdzad/ /'di ltar rnam pa 'di 'dra zhing / /'jig rten gsum na mchis ma lags/ /thog med srid pa nyam nga bar/ /snga nas gcig tu nyams pa yi/ /sems can kun la/ sman slad du/ /khyod ni de ltar brtson pa lags/ /bdag nyid dag pa 'ba' zhig gis/ /zhes bya ba'i tshigs su bcad pa gnyis te/ bya ba mi mnga' ba'i phyir bdag nyid 'ba' zhig ni thugs kyi dag pa ste/ nyon mongs pa bag chags dang bcas pa'i dri ma ma lus pa spangs pas na bdag nyid dag pa 'ba' zhig nges so//nyid ces bya ba ni nges par 'dzin pa la'o/ /dpal zhing mdzad ces bya ba ni dag byed du mdzad pa ste/ mtho ris kyi lam la 'god par mdzad pa'i phyir ro/ /'gro ba'i mtshan nyid ni bshad zin to/ /mdzad ces bya ba ni srid pa'i don la ling gi rkyen dang sbyar ro//gang las de ltar yin zhe na/ bshad pa/ 'di ltar rnam pa 'di 'dra zhes bya ba la sogs pa smos pa la/ /'di ltar ni rnam pa 'di 'dra ste/ skyon thams cad mi mnga' ba dang yon tan thams cad dang ldan pa yang sngar bshad do/ /zhing ni 'dir mtho ris dang thar pa'i 'bras bu thob pa'i gnas so//'jig rten gsum dag ni khams gsum dag na'o/ /mchis pa ni ma lags pa dang sbyar ro/ /de'i phyir na bstod pa dang phyag 'tshal ba byed pas 'gro ba'i dpal zhing du mdzad pa'o/ /thog med srid pa nyam nga bar/ /zhes bya bal sogs pa smos pa la/thog med ces bya ba ni khas blangs pa'i tshig phrad do/ /gcig tu nyams pa zhes bya ba ni skye ba dang / rga ba dang / na ba dang / 'chi ba la sogs pa rnams kyis rgyud gzir ba'o/ /skye ba thog ma med pa'i phyir thog med srid pa nyam nga bar ro/ /srid pa ni 'khor ba ste/ de nyid skye ba dang / rga ba dang / na ba dang / 'chi ba dang ldan pa'i phyir nyam nga ba'o/ /sman slad du zhes bya ba ni sdug bsngal thams cad spangs pa'i phyir ro/ /sems can kun la zhes bya ba ni khyad par ma rtogs pa'i lus can rnams la'o/ /sngar bshad pa'i cha lugs dang gsung gzhan la sogs pas bcom ldan 'das khyod kyis yang dag par zhugs pa'o//des na shin tu drang ba'i thabs la mkhas pa zhes bya ste/ mkhas pa la bstod pa'i bshad pa'o/ /mkhas pa la bstod pa zhes bya ba'i bshad pa ste le'u bcu gnyis pa'o// //bu lon med par bstod pa bshad par bya ste/bu lon ni nges par bya bste/ de bsgrub pa'i phyir bu lon med pa ste/ de'i rang bzhin ni bu lon med pa'o/ /de la bdud las rgyal ba'i phyir dang / dam pa'i chos la bkod pa'i phyir dang / gzugs sku'i dbye ba'i phyir sems can rnams la bu lon med par bshad par bya'o//de la 'dir re zhig 'dir gleng bslang ba bshad par bya ste/ gang gis khyod drin lan lon pa'i/ /sgrub de mchis snyam ma bgyid de/ /skye bo 'ang gang dag mya ngan 'das/ /de dag gis kyang lan ma lon/ /khyod kyi chos la gnas de dag /rang don kho na bgyid par bas//de'i slad du 'o brgyal gang / /de la lan go ci zhig lon/ /sgrub pa zhes bya ba ni sgrub pa ste/ /de mchis snyam mi bgyid ces bya ba ni ma mthong ba zhes bya ste/ bstod pa mkhas gyis smras po'o/ /ji ltar sgrub par 'gyur ba ni sgrub ces bya ba'o/ /drin ni phan pa zhes bya bar dgongs pa'o//'o na bde bar gshegs pa'i gsung bskyangs pas mya ngan las 'das pa gang yin pa de ni bcom ldan 'das kyi drin la lan glon pa ma yin nam zhe na/ smras pa/ skye bo'ang gang dag mya ngan 'das/ /zhes bya ba la sogs pa smos pa la/ 'ang gi sgra ni bdag nyid kyi che ba bstan te/gang dag ces bya ba ni sha ra dwa ti'i bu la sogs pa'o/ /mya ngan las 'das pa ni nyon mongs pa dang skye ba zad par byed pa'o/ /de dag gis kyang lan ma lon pa ni de dag bu lon chags pa yin te/ lan ma lon pa'i phyir ro/ /de ci'i phyir zhe na/ bshad pa/ khyod kyi chos la gnas de dag /ces bya ba la sogs pa ni gal te khyod kyi chos ni khyod kyi bstan pa la gnas pa yang rang don khon ra nyon mongs pa zad par byed cing de bzhin du gzhan gyi don mi byed do/ /'o brgyal gang ni chos bstan pa la sogs pa rnams kyis 'o brgyal ba'o/ /de'i slad du ni gdul bya de rnams kyi don du'o//de la lan go ci zhig lon pa ni lan go ci zhig lon pa ste/ lan med pa zhes bya ba ni dgongs pa'o/ /de lta bas na re zhig khyod la de rnams la lan mi ldon pa de rnams la khyod ji ltar slar sman pa mdzad ce na/ smras pa/ khyod ni sems can gnyid log pa'i//rgyud la gzigs pa'i zhugs tse ba/ /bag med gyur pa rnams kyi ni/ /grogs bzang bag dang bcas pa lags/ /khyod ni sems can gnyid log pa'i/ /zhugs tse ba zhes bya ba ni rgyas pa'o/ /khyod ni bcom ldan 'das so/ /ni ni gang gi phyir ro/ / zhugs tse ba ni mi shes pa'i gnyid las sangs pa ste/ gzhan la phan pa sgrub par rtsol ba zhes bya ba'i don to/ /sems can gnyid log pa zhes bya ba ni 'chad par 'gyur ro/ /rmugs pa'i gnyid kyis ye shes kyi spyan bkag pa'i phyir sems can rnams gnyid log pa'o/ /rgyud ni sems can rnams zhes bya ba dang sbyar ro//gzigs pa zhes bya ba ni so so la gzigs pa'i zhugs tse ba'o/ /ji lta ba bzhin du gsungs pa ni nyin lan gsum dang mtshan lan gsum du sangs rgyas kyi spyan gyis gang 'grib pa dang / gang 'phel ba dang / gang nyon mongs pa nyam nga ba'i gnod pa dang ldan pa la bdag gis gang sdug bsngal nyam nga ba'i gnod pa dang ldan pa dgol bar bya zhes sangs rgyas kyi spyan gyis 'jig rten la gzigs par mdzad do zhes bya ba ni rgyas pa'o//bag dang bcas pa zhes bya ba ni dge ba'i rtsa ba yongs su smin pa'i dus las ma 'das pa'o/ /bag med pa'i sems can rnams zhes bya ba ni dge ba la mi gnas pa'o//rgyu de'i phyir khyod ni grogs bzang bas na grogs te mchog tu sman pa zhes bya ba'i tha tshig go/ /'di las kyang sman pa ste/ gang gi phyir/ khyod kyis nyon mongs gzhom pa bshad/ /ces bya ba'i tshigs su bcad pa gnyis bshad pa ni/khyod kyis nyon mongs gzhom pa bshad/ /bdud kyi g.yo dag bstan pa mdzad/ /'khor ba'i rang bzhin mi bzad brjod/ /'jigs pa med pa'i phyogs kyang bstan/ /phan dgongs thugs rje can gyis ni/ /sems can rnams la bgyi 'tshal ba/ / gang zhig khyod kyis ma mdzad pa/ /gzhan go ci zhig mchis lags kyi/ /nyon mongs pa ni 'dod chags la sogs pa rnams so/ /gzhom pa ni gnyen por bshad do/ /dge slong dag 'dod chags kyi nad chen po'i mi sdug pa'i sman chen po dang / yang na mi sdug pa bsgos pa'o/ zhe sdang gi byams pa dang / yang na byams pa bsgom pa'o/ /dge slong dag gti mug gi nad chen po'i rten cing 'brel bar 'byung ba so sor rtog pa sman chen po dang / yang na rten cing 'brel bar 'byung ba so sor rtog pa bsgom pa zhes bya ba ni mdo'i tshig go/ /yang na ci rigs par nyon mongs pa thams cad kyi gnyen po ni mthong ba'i lam dang /bsgom pa'i lam zhes bshad do / /de ltar nyon mongs pa'i bdud las rgyal ba bshad nas/ bdud kyi g.yo dag bstan pa mdzad/ /ces bya ba'i tshig gis lha'i bu'i bdud kyi g.yo bstan pas bu lon med pa bshad do/ /bdud kyi g.yo ni snyan pa dang mi snyan pa'i yul bsdus pa de bstan pa ni bstan pa mdzad ces bya ba'i don to//ji ltar mdo las gsungs pa ni dge slong rnams 'dir bdud glags skabs lta ba dang / glags tshol ba dang / glags skabs la 'jug pas mig gis shes par bya ba gzugs sdug pa dang /dga' ba dang / yid du 'ong ba dang / 'dod pa dang ldan pa dang / chags pas bltas nas drung du 'dren par byed pa de bzhin du rna bas shes par bya ba'i sgra dang / snas shes par bya ba'i dri dang / lces shes par bya ba'i ro dang / lus kyis shes par bya ba'i reg bya dang / / yid kyis shes par bya ba'i chos te/ drug po rtag par gnas pa la nye bar 'dren par byed do/ /de'i phyir dran pa dang shes bzhin gyi sems kyis kun du bsrung bar bya'o/ /de lta bu'i gzugs mthong ba na yid bde ba dang / yid mi bde bar mi bya ste/ shes bzhin gyis btang snyoms la gnas par bya'o zhes bya ba la sogs pa'o//dper na gnas brten legs sad sgom pa po 'jigs pa chen po dang ldan pa'i drung du bdud 'ongs pas de 'jigs pas de lta bu'i rab tu byed pa bcom ldan 'das la zhus so/ /bcom ldan 'das kyis bka' stsal ba/ /sdig pa can gyi bdud de song bas dogs pa med par bsam gtan gyis shig ces bya ba'o//slar yang de nags su phyin nas sgom pa la de bzhin du slar yang bdud der 'ongs so/ /gnas brten gyis tshigs su bcad pa smras pa/ ji ltar 'dod pa'i gzugs kyis ni/ /nga la bslu bar mi nus so//khyod kyi g.yo ni bsal bas na/ /nga yi gan du khyod ni nyams/ /zhes bya ba ste/ de ltar bdud kyi g.yo dag bstan pa mdzad pa'o/ /'khor ba'i rang bzhin mi bzad brjod/ /ces bya ba ni thams cad don dang mi ldan pa'i 'byung gnas su gyur pa yin no/ / dge slong dag 'khor ba ni thog ma dang tha ma med pa la khyed cag dag gi yun ring por mi bzad pa dang / dga' ba dang / yid du mi 'ong ba'i sdug bsngal nyams su myong ba dang / ma'i mngal du khrag gi thig le nye bar blang ba dang / lan mang por dmyal ba dang / lan mang por dud 'gro dang /lan mang por yi dags te lan mang por ngan 'gror lhung bar gyur to zhes bya ba ni mdo'i tshig go/ /'khor ba'i skyon gyis ma gos pa'i phyir 'jigs pa med pa'i phyogs zhes bya ba ni mya ngan las 'das pa ste/ zhi ba mya ngan las 'das pa zhes bya ba mdo las gsungs pa'i phyir ro/ / de bstan zhes bya ba ni bstan zhes bya ba'i don to/ /gzhan go ci zhig ma mdzad pa/ /zhes bya ba la sbyar ro/ /lhag ma med ces bya ba ni dgongs pa'o/ /phan dgongs zhes bya ba ni phan pa dgongs pa gang la mnga' ba de ni phan dgongs te gzhan la phan pa'i dgongs pa yin zhes dgongs pa'o/ / thugs rje can ni thugs rjes mdzad pa'o/ /bgyi 'tshal ba ni bgyi 'tshal ba'o/ /gang zhig bgyi 'tshal ba ma mdzad pa ni mdzad pa ste/ thams cad gzhan la phan pa mdzad pa zhes bya ba'i don to/ /'o na bcom ldan 'das ni dge ba tshad med pa la mkhas pa yin na ji ltar dge ba ma yin pa lhas byin la sogs pa dang /dge ba nyam chung ba kho bo cag dang 'dra ba la nyid kyi dge ba stsal nas phan dgongs ma mdzad pa yin zhe na zhes pa de'i phyir/ gal te chos ni 'di dag dang / /zhes bya ba'i tshigs su bcad pa gnyis slob dpon gyis smras so/ /gal te chos ni 'di dag dang / spo ba zhig tu btub na ni//gdon mi 'tshal bar khyod kyis ni/ /lhas byin la brten kun la stsal/ /de slad 'gro la brda sprod pa/ /'gro ba'i mgon po khyod kyis ni/ /'di la phan tshun byed pa po/ /med pa skad du nges par gsungs/ /spo ba zhig tu btub na ni/ /zhes bya ba'i bsam pas gal te'i sgra dang sbyar ro//spo ba zhig tu btub na ni rgyud gzhan la snyegs pa'o/ /chos ni stobs dang mi 'jigs pa la sogs pa'o/ /btub ces bya ba ni 'gyur ba'o/ /'di dag ni sngar bshad pa'i chos so/ /gdon mi 'tshal bar ni nges par ro/ /lhas byin ni shin tu gnod pa byed pa'o//brten ni brtsams nas so/ /kun la stsal ba ni bkod par gyur ba'o/ /gang gi phyir spo ba zhig tu mi btub pa de'i phyir 'gro ba'i mgon po zhes bya ba la sogs pa ste/ rgyu de'i phyir ro/ /de ltar phan par mdzad pa'i phyir 'gro ba'i mgon po zhes bya ba ni bod pa'o/ /'di na 'khor bar gang zag gzhan byed pa po ma yin te rang kho na'i las 'di ni byed ces de skad du gsungs so//nges par zhes bya ba ni dogs pa med pa'o/ /'gro ba ni 'jig rten pa thams cad do/ /brda sprod pa zhes bya ba ni dngos su tshig gis brda sprod pa yin te/ 'on kyang gzhan gyi rgyud la spo ba zhig tu mi btub pas chos rnams kyi don gyi go ba'o//ci'i phyir zhe na/ 'di na phan tshun byed pa po med pa ste/ gzhan du na nges khyed cag la rang gi chos spo ba zhig tu btub par 'gyur ro zhes bya ba ni bsdus pa'i don to/ /byang chub sems dpa'i gnas skabs su bcom ldan 'das kyis sems can la sman pa mdzad pa ni pha rol tu phyin pa la bstod par bstan to//bde bar gshegs pa'i go 'phang thob nas bzhugs par mdzad pa'i bya ba gang yin pa de ni sngar bshad do/ /ma 'ongs pa'i sems can la rjes su brtse bas kyang / 'jig rten rnams la thugs brtse bas//zhes bya ba'i tshigs su bcad pa gnyis bshad pa ni/ 'jig rten rnams la thugs brtse bas/ /yun ring sa steng dam chos bshad/ /'jig rten gsum phan 'dogs nus pa'i/ /slob ma dam pa'ang mang du bskrun/ /mngon du gdul bya'i tshogs kyang ni/ /mdzes bzang yan chad btul lags pas//yun ring zhes smos la/ yun ring zhes bya ba ni tshig phrad kyi don to/ /sa steng ni mi'i 'jig rten pa'o/ /dam chos ni lung gi bdag nyid de yun ring bshad ces bya ba dang sbyar ro/ /gzhan dang gzhan du yun ring por bzhag nas de nyid lha dang mi rnams kyi bzung ba nga'i bstan pa ni lo lnga stong gi bar du mi nub par gnas so zhes gsungs pa'i phyir ro//'jig rten rnams la thugs brtse bas/ /zhes bya ba ni nyid kyi don ma yin te/ 'on kyang ma 'ongs pa'i skye bo rnams la sman pa mdzad par bzhed pa yis so/ /slob ma mang po ni bcom ldan 'das kyis gnas brtan 'od srungs chen po la sogs pa ste/slob ma mang po de rnams bskrun pa'o/ /ji ltar slar yang de rnams bskrun par mdzad ce na/ de rnams kyi rgyud nyid la 'phags pa'i khams bskrun par mdzad pa'i phyir ro/ /yang na khams rnams ni don ma yin pa'i phyir mang du bskrun zhes bya ba ste/slob ma dam pa dang nges par sbyar ro/ /'jig rten rnams la thugs brtse ba ni bstan pa la gnas par byed pa'i phyir ro/ /ji lta bu zhe na/ 'jig rten gsum phan 'dogs nus pa ste/ 'jig rten gsum ni khams gsum ste/ phan 'dogs pa ni mtho ris dang thar pa thob pa'i mtshan nyid la nus pa zhes bya ba'i don to//gzhan yang / mngon du gdul bya'i tshogs kyang ni/ /zhes pa la sogs pa smos pa la/ mngon du btul ba'i tshogs ni mngon du btul ba'i tshogs so/ /btul ba la gnyis te/ nyan thos kyis btul ba dang /sangs rgyas kyis btul ba'o/ /de la gang bcom ldan 'das nyid kyis btul ba de ni mngon du btul ba'i tshogs so/ /de la bcom ldan 'das kyis mngon du btul ba'i tshogs de ni 'phags pa kun shes kau N+Di n+ya la sogs pa nas mdzes bzang yan chad ces bya ba'o/ / mdzes bzang zhes bya ba ni rab tu byung ba ste/ kun gyi mthar bcom ldan 'das yongs su mya ngan las 'das pa'i tshe dgra bcom pa nyid du gzhag go/ /de gang gi mtha' na yod pa de ni mdzes bzang yan chad de/ de btul ba ni dgra bcom pa la sogs pa'i 'bras bu la rab tu bkod pa'o//da go khyod la sems can gyi/ /bu lon lhag ma ci mchis na/ /'di ltar rdo rje'i ting 'dzin gyis/ /sku gdung til 'bru bzhin blags nas/ /bu lon lhag ma ci mchis na/ /zhes bya ba ni khyad par/ cung zad kyang med do zhes bya ba ni dgongs pa'o/ /sems can gyi zhes bya ba ni sems can rnams kyi don zhes bya ba ste/bu lon lhag ma ci mchis dang / /zhes bya ba dang sbyar ro/ /de lta bu ni 'dir sems can rnams dam pa'i chos la bkod pa'i phyir bu lon med pa bshad do / /gzugs sku'i dbye bas bu lon med par bshad par bya ste/ / 'di ltar rdo rje'i ting 'dzin gyis/ /zhes bya ba la sogs pas ni/ /khyod kyis yal bar ma bor ro/ /zhes bya ba dang sbyar ro/ /sku ma lus pa phye mar blags pa'i phyir ting nge 'dzin kho na rdo rje ste rdo rje de yis so/ /til 'bru bzhin zhes bya ba ni til 'bru'i cha dang ldan pa'i dbye bas so/ /sku gdung ni nyid kyi sku las byung ba'o//blags pa ni mtshan dang rgyu'i bya ba la sha dre zhes bya bar 'gyur ro/ /sku gdung blags pas ni dka' spyad yal bar ma bor ba mtshon par bya ste/ ji ltar rtsis mkhan gnas kyi rjes su ston pa zhes bya'o/ /mjug tu'ang khyod kyis shin tu ni/ /dka' spyad yal bar ma bor ro//gzugs kyi sku dang chos 'di dag /gzhan don kho nar mdzad do zhes/ /dka' spyad yal bar ma bor ba ni shin tu gzhan la phan pa mdzad pa'i bya ba'o/ /mjug tu'ang zhes bya ba ni smon lam 'ba' zhig la brten par ma zad kyi yongs su mya ngan las 'das pa'i dus kyi snga rol du'o//yal bar ma bor ba ni yongs su mya ngan las 'das pa'i dus su yang yal bar ma bor ba'o/ /de lta bas na yongs su mya ngan las 'das pa'i tshe 'jig rten pas sku gdung las gzugs brnyan byas nas nga yongs su mya ngan las 'das na yang mtho ris dang thar par 'gyur ro zhes bya bas na bcom ldan 'das nyid kyi sku gdung ting nge 'dzin gyi stobs kyis blags so zhes bya ba ni lung ngo //yang na dam pa'i chos bzhag pa dang / sku gdung blags pas bu lon med pa blags par mi 'gyur te/ gzugs kyi sku dang chos 'di dag /gzhan don kho nar mdzad do zhes bya ba la sogs pa smos pa la/gzhan don ni gzhan gyi dgos pa dag go/ /kho na zhes bya ba ni nges par 'dzin pa'o/ /chos ni gsung rab bo/ /gzugs kyi sku ni sku zhes bya ba'o/ /de ltar na/ 'jig rten yid ches dka' 'di la/ /khyod kyis mya ngan 'das pa bstan/ /de slad chos sku ma lus pa//sras kyi mchog la gtad mdzad de/ /yid ches dka' ba zhes bya ba ni dad pa med pa'o/ /'di la zhes bya ba ni 'dzam bu'i gling pa'i skye bo la'o/ /mya ngan las 'das zhes bya ba ni gnas skabs gzhan 'ba' zhig tu ma zad kyi phung po'i lhag ma med par yongs su mya ngan las 'da' ba na yang ngo //bstan pa ni bstan pa ste/ khyod kyis zhes bya ba dang sbyar ro/ /gzugs kyi sku dang chos 'di dag /gzhan don kho nar mdzad do zhes bya ba de nyid bshad par bya ste/ de slad sras kyi mchog la gtad mdzad de/ /zhes bya ba ni rgyas pa'o/ / de zhes bya ba ni nye bar bstan pa'o/ /slad ni gang gi phyir gyi don to/ /sras ni 'phags pa kun dga' bo dang / 'od srungs la sogs pa rnams la'o/ /gtad mdzad ni gtad par mdzad pa ste/ nga yongs su mya ngan las 'das pa na 'od srungs khyod kyis bstan pa'i bya ba gyis shig pa'o/ / yongs su mya ngan las 'das pa na yang dge slong kun dga' bo la khyod kyis bstan pa zungs shig ces bsgo nas yongs su mya ngan las 'da' bar bya'o zhes gsungs so/ /khyod kyi chos kyi sku ni gsung rab ste/ yan lag bcu gnyis kyi dbye ba ma lus pa'o/ /gzugs sku til 'bru ltar bshig nas//khyod ni yongs su mya ngan 'das/ /til 'bru lta bu ni til 'bru tsam gyi cha shas kyi dbye bas gzugs sku bshig nas bcom ldan 'das khyod yongs su mya ngan las 'das pa ni phung po'i lhag ma med par yongs su mya ngan las 'das pa brnyes pas so/ /gang gzugs kyi sku dang chos 'di dag /ces sngar bshad pa de bshad do/ /bu lon med par bstod pa bshad pa dang / de bzhin du dbye ba brgyad kyis phan pa mdzad pa yang ste/ bu lon med par bstod pa zhes bya ba'i bshad pa ste le'u bcu gsum pa'o// //da ni bstod pa nye bar sdud par 'dod pa'i rgyu dang 'bras bu phan 'dogs pa phun sum tshogs pa slar yang bshad par bya ste/e ma'o gnas pa a e ma'o tshul/ /e ma'o yon tan e ma'o sku/ /sangs rgyas kyi ni chos rnams la/ /ya mtshan mi che 'ga' ma mchis/ /yongs su mya ngan las 'das pa la dbang thob pas kyang gzhan la phan 'dogs pa'i rgyur gnas pa ni gnas pa'o//e ma'o zhes bya ba ni ngo mtshar ba zhes bya ba'i don to/ /des ni phan 'dogs pa phun sum tshogs pa bshad do/ /phan 'dogs pa la gnas pa de yang thugs rje chen po'i dgongs pa dang ldan pas yin no zhes bya ba bshad pa/e ma'o tshul la/ tshul ni spyod pa ste dgongs pa zhes bya ba'i tha tshig go/ /des ni 'bras bu phun sum tshogs pa bstan to/ /mtshan dang dpe byad kyis brgyan pa yin pa'i phyir na e ma'o sku'o/ /thogs pa med par 'jug pa'i phyir e ma'o/ / yon tan ni stobs dang mi 'jigs pa la sogs pa'o/ /des ni 'bras bu phun sum tshogs pa bstan to/ /yang na bskal pa grangs med pa gsum du 'phel bar gyur pa dang / tshad med pa'i phyir e ma'o/ /yon tan ni pha rol tu phyin pa la sogs pa'o/ /des ni rgyu phun sum tshogs pa bstan to//de'i phyir thams cad kyang ngo mtshar ba zhes bya ba bshad par bya ste/ sangs rgyas kyi ni chos rnams la/ /zhes bya ba smos pa la/ ni'i sgra ni khas blangs pa'o/ /sangs rgyas kyi chos rnams ni mi 'jigs pa dang / thugs rje chen po la sogs pa rnams te ma mchis pa zhes bya ba dang sbyar ro//'ga' zhes bya ba ni sangs rgyas kyi chos rnams [(]gyi [,]kyi [)]nang na chos gzhan no/ /de lta bas na ngo mtshar ba thams cad kyi yon tan dang ldan pa la/ phan 'dogs mdzad cing blta na sdug /sku gsum phrin las zhi gyur pa/ /khyod la 'od sdang bar bgyid pa yi//rmongs pa mi bzad pa la gzigs/ /phan 'dogs mdzad cing blta na sdug /ces bya ba ni rgyas pa'o/ /smon lam yan chad nas yongs su mya ngan las 'das kyi bar du phan 'dogs pa'i ngang tshul gang la yod pa de ni phan 'dogs pa ste/ de la phan 'dogs pa ni khyod ces bya ba dang sbyar ro//mtshan gyis brgyan pa yin pa'i phyir blta na sdug pa ni blta na sdug pa'o/ /zhe sdang gi rgyu lus dang ngag gi las skyed pa nyon mongs pa bag chags dang bcas pa spangs pa'i phyir ni sku gsung phrin las zhi gyur pa'o/ /de la zhe sdang gi rgyu dang bral ba khyod la sdang bar bgyid pa ni gdug pa can sdang bar bgyid pa gang yin pa de rnams gti mug mang po dang ldan pa zhes bya ba la sogs pas bshad par bya ste/rmongs pa mi bzad pa la gzigs/ /zhes bya bal/ gzigs zhes bya ba ni 'jig rten pas bskyed pa dang 'dra ba'i tshig phrad de/bya ba mngon du gyur pa dang rtse gcig pa la 'jug pa'o/ /rmongs pa zhes bya ba ni ma rig pa'o/ /mi bzad pa zhes byab ni ma rungs pa'o/ /de lta bas na re zhig shes rab 'chal sdang bar bgyid pa yin te/ shes rab dang ldan pa'i bdag nyid la phan pa ni/ bsod nams rgya mtsho rin chen gter//yon tan 'byung gnas chos kyi tshogs/ /khyod la sems can gang 'dud pa/ /de dag la yang phyag 'tshal legs/ /yon tan 'byung gnas chos kyi tshogs/ /zhes bya ba la sogs pa smos pa la/ bsod nams ni dge ba'i las te/ de nyid rgya mtsho dang 'dra bas na tshad med pa'i phyir ro//rin chen ni stobs dang mi 'jigs pa la sogs pa rnams te/ gter ni rin po che'i gter te mi zad pa'i phyir ro/ /chos ni byams pa dang snying rje la sogs pa rnams te/ nyan thos dang rang sangs rgyas la sogs pa dang thun mong ma yin pa'i chos te/chos kyi tshogs ni chos kyi tshogs so/ /de ltar byams pa nyid kyis yon tan thams cad kyi 'byung gnas de zhing du gyur pa'o/ /sems can gang zhes bya ba ni srog chags so/ /khyod la zhes bya ba ni khyod dang sbyar ro/ /'dud pa ni 'dud par byed pa'o//de dag la yang zhes bya ba ni sems can rnams la'o/ /legs zhes bya ba ni legs par bya ba'o/ /de gang yin zhe na/ smras pa/ phyag 'tshal ba ni srog chags de rnams la phyag 'tshal bar bya ba gang yin pa de ni shin tu legs zhes bya bas ni ston pa la gus pa bstan to//da ni bstod pa rngo mi thogs pa bshad par bya ste/ mgon khyod yon tan mi bas kyang / /bdag gi zho sha bas 'tshal bas/ /des na 'jigs pa mchis slad du/ /glo ba la ni gcags bzhin mchis/ /mgon khyod yon tan mi bas kyang / /zhes bya ba la sogs pa smos pa la mi bas pa gang yin pa de ni mi bas pa'o//khyod ni khyod kyi'o/ /yon tan sngar bshad zin to/ /mgon po zhes bya ba ni bod pa'o/ /zho sha ni nus pa ste ye shes kyi zhes bya bar khong du chud par bya'o/ /kyang gi sgra ni don gzhan 'chad par 'gyur ba'o/ /bas 'tshal ba ni gang la bas pa mchis pa zhes bya ba'o//bdag gi zhes bya ba ni bstod par byed pa yi'o/ /des na zhes bya ba ni rgyu de las so/ /'jigs pa mchis slad du zhes bya ba ni gang gi phyir de bzhin gshegs pa'i yon tan mi bas pa dang bdag gi zho sha bas 'tshal ba'i slad du dang sbyar ro//de bzhin gshegs pa'i yon tan dang 'gal ba'i skyon thob cing gnod pa'i lhung ba yin te/ de'i phyir 'jigs pa ni 'jigs pa'i slad du'o/ /glo ba la ni gcags bzhin mchis/ /zhes bya ba ni bstod par bya ba'i phyir bdag bstod par mi byed pa zhes bya ba drang par bya'o//gcags bzhin zhes bya ba ni mchis pa dang sbyar ro/ /de bzhin gshegs pa'i yon tan rnams kyis tshim pa'i phyir bstod pa mi byed pa ni ma yin gyi/ 'on kyang 'jigs pa ma mchis pa'i slad du zhes bya ba ste mdor bsdus pa'o/ /gal te de bzhin gshegs pa'i yon tan mi bas pa yin na gang gis bstod par byed nus pa yin zhes smras pa/khyod kyi rang gi ngo bo nyid/ /tshad ma mchis la bsam mi khyab/ /bstan min grangs kyang ma mchis pa/ khyod bdag nyid kyis mkhyen lags grang / /bstan min grangs kyang ma mchis pa /zhes bya ba ni rgyas pa'o/ /tshad ma mchis pa zhes bya ba ni yongs su gcod mi nus pa ste/ yon tan gyi nus pa gcig kyang rtogs par mi nus pa'i phyir ro/ /gcig la sogs pa'i grangs kyis bgrang mi nus pas na grangs kyang ma mchis pa ste/ yon tan mtha' yas pa'i phyir ro//sangs rgyas las sems can gzhan gyi yul ma yin pas na bsam gyis mi khyab pa'o/ /bstan pa ni dpe'o/ /bstan min ni dpe med pa zhes bya ba'i don to/ /bdag nyid ni bdag nyid kyis so/ /nyid ces bya ba ni nges par 'dzin pa'o/ /bdag nyid kyis ni nyan thos kyi mchog dang rang rgyal ba rnams kyis ni ma yin no//bdag ces bya ba ni rang gi sgra'i rnam grangs so/ /dper na 'jig rten pa kha cig smra ba ni rang gi bdag nyid kyis bdag grong du 'gro bar bya zhes bya ba'o/ /rang gi zhes bya ba ni chos kyi sku'i ngo bo nyid dang gzugs kyi sku'i ngo bo nyid do//khyod ces bya ba ni nges par 'dzin pa'o/ /ci zhig nges par 'dzin zhe na/ kha cig 'di skad smra bar byed de/ 'jig rten gyi khams gzhan du yang shAkya'i sras dang dus mnyam du sangs rgyas bcom ldan 'das byung ba de dag phan tshun yon tan rgyas par mkhyen pa zhes bya bas na de dag dgag par bya ba'i phyir/nges par 'dzin pa ni bcom ldan 'das shAkya thub pa khyod nyid kyis bdag nyid mkhyen gyi/ gzhan gyis ni rngo mi thogs so zhes bya ba'o/ /de ni sangs rgyas bcom ldan 'das snga ma dang phyi ma'i de bzhin gshegs pa gnyis 'jig rten du dus mnyam du 'byung ba de ni gnas dang go skabs med do zhes bya ba mdo'i tshig go//de bas na khyod kho nas bdag nyid mkhyen pa'i mchod 'os yin gyi/ nyan thos la sogs pa'i ni ma yin te/ kho bo cag mi gtsang ba'i srin bu dang 'dra bas lta smos kyang ci dgos zhes bya ba'o//de'i phyir na khyod kyi/ mtsho chen chab ni bas par ma gyur kyang / /skye bo'i gdung ba rab tu zhi bgyid ltar/ /khyod kyi yon tan cha tsam ma bsgrags kyang / /bdag ni mchog tu glo ba dga' zhing mchis/ /khyod kyi yon tan cha tsam zhes bya ba la/yon tan rnams kyi cha ni cha ste/ de'i skra tsam gyi rtse mo ste nyung ngu zhes bya ba'i don to/ /de nyid bcom ldan 'das khyod kyi ma bsgrags pa ni ma bstod pa ste/ yon tan thams cad lta ga las so/ /de bzhin du yang mchog ni khyad par du'o/ /bdag ni bdag gi'o//dga' ba ni rangs pa'o/ /glo ba ni glo ba la mchis pa'o/ /yon tan gyi cha tsam ma bsgrags pas dga' bar ji ltar 'gyur zhe na zhes bya ba'i brgal ba'i lan bshad pa ni byas par ma gyur kyang zhes bya ba la sogs pa smos pa la/ bas par ma gyur zhes bya ba ni bas par ma gyur pa'o//mtsho chen chab ni chab po/ /skye bo'i gdung ba rab tu zhi bgyid ltar ni zhi bar 'gyur ba'o/ /ltar ni gang gi phyir ro/ /de bas na tshad med pa'i yon tan gyi mtsho chen po bcom ldan 'das kyi yon tan gyi cha tsam la bstod pas/ bdag ni mchog tu glo ba dga' zhing mchis//zhes pa ste mdor bsdus pa'o/ /da ni bstod pa'i 'bras bu yongs su bsngo ba bshad par bya ste/ bdag gis thub la dad pas spobs skyes pa'i/ /dge ba'i las 'di'i 'bras bu 'khrungs pa yis/ /ngan rtog rlung dmar 'tshubs pas dkrugs pa yi/ /'gro ba'i sems ni rnal du gnas par shog /dag pa'i las 'di'i 'bras bu 'khrungs pa yis/ /zhes bya ba ni rgyas pa'o/ /'bras bu 'khrungs pa ni 'bras bu byung ba yis so/ /'di'i ni brgya lnga bcu pa'i bstod pa las byung ba ste/ dge ba ni ngag gi ngo bo nyid kyi dge ba'i las kyi'o/ / ci 'dra ba zhig ce na/ smras pa/ thub la dad pa zhes bya ba la sogs pa ni thub pa la dad pa las byung ba'i spobs pa ni shes rab ste/ de las skyes pa ste byung ba gang yin pa de ni thub la dad pas spobs skyes pa ste/ dge ba'i las de'i 'bras bu 'khrungs pa yis so/ /'dod chags dang gnod sems la sogs pa ni ngan rtog go//de nyid yul rnams la sems rnam par g.yeng ba'i phyir rlung dmar 'tshubs pa'o/ /de yis 'tshubs pa ni ngan rtog rlung dmar 'tshubs pas dkrugs pa'o/ /'gro ba'i sems ni rnal du gnas par shog /ces bya ba ni skye bo thams cad kyi sems dbang du gyur nas dgra bcom par gyur cig ces bya ba ni dgongs pa'o//de ltar rgyu dang 'bras bu'i dbye ba brgya lnga bcu pa'i bstod pa'i 'grel pa'o/ /bde gshegs la bstod bshad pa yis/ /bdag gis dge ba gang thob pa/ /'gro ba'i sdug bsngal zhi ba'i phyir//de las bde gshegs 'gyur bar shog /brgya lnga bcu pa zhes bya ba'i bstod pa'i 'grel pa dge slong dga' byed snyan pas mdzad pa rdzogs so// //rgya gar gyi mkhan po shrI shrad+d+hA ka ra wa r+m+ma dang / lo tsA ba shAkya blo gros kyis bsgyur cing zhus te gtan la phab pa'o/

CLOSE WINDOW