185b7 @#/ /rgya gar skad du/ pradz+nyA bar+d+ha ni nA ma d+hA ra NI/
186a1 bod skad du/ shes rab skyed pa zhes bya ba'i gzungs/ thams cad mkhyen pa la phyag 'tshal lo/ /'di skad bdag gis thos pa dus gcig na/ bcom ldan 'das byang chub sems dpa' blo ldan zhes bya ba ri rab kyi ngos la
186a2 bzhugs te/ri rab la gnas pa'i lha'i bu thams cad kyis bskor nas mdun du byas te chos ston to/ /de nas byang chub sems dpa' sems dpa' chen po gzhon nu'i gzugs can gyis thal mo sbyar te byang chub sems dpa' blo ldan la gsol ba/
186a3 bcom ldan 'das sems can shes rab rtul po/ blo zhan pa/ yid mi gzhungs pa rnams kyi slad du shes rab skyed pa zhes bgyi ba'i gzungs bshad du gsol/ bshad pa/ hU~M pi tsu pi tsu pradz+nyA bar+d+ha ni/ dz+wa la dz+wa la me d+hA bar+d+ha ni/ d+hi ri d+hi ri/ bud+d+hi
186a4 bar+d+ha ni swA hA/gang zhig gzungs 'di 'dzin pa dang / klog pa dang / 'dri ba dang / 'drir 'jug pa dang / chung ngu na yi ge 'bru gcig tsam thos na yang de'i tshe 'di nyid la shes rab chen por 'gyur ro/ /gang gis zla ba drug gi bar du nyin re zhing rtsa ba
186a5 khyor gang la rig pa 'di lan bdun btab ste/nyi ma shar ba'i tshe 'thungs na tshigs su bcad pa stong stong 'dzin to/ /lan cig 'thungs na lnga brgya 'dzin te/ nyin gcig bzhin shes rab 'phel bar 'gyur ro/ /nyin gcig bzhin du brjod pa tsam
186a6 gyis dran pa dang yid gzhungs par 'gyur ro//shes rab skyed pa zhes bya ba'i gzungs rdzogs // //rgya gar gyi mkhan po dz+nyA na gar+b+ha dang lots+tsha ba ban+de klu'i dbang pos bsgyur/ rgya gar gyi mkhan po bid+yA ka ra siM ha dang / zhu chen gyi
lo ts+tsha ba ban+de de ba tsan+d+ras zhus te gtan la phab pa/

CLOSE WINDOW