བོད་ཡིག |
276a1 @##/ /rgya gar skad du/ Ar+ya sarba bud d+ha bi Sha ya a pa tA radz+nyA na A lo ka a la~M ka ra nA ma ma hA yA na sU tra/ bod skad du/ 'phags pa sangs rgyas thams cad kyi yul la 'jug pa'i ye shes snang ba'i rgyan ces bya ba theg pa chen po'i mdo/ bam po dang po/ sangs rgyas
276a2 dang byang chub sems dpa' thams cad la phyag 'tshal lo//'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri'i rtse mo bzhi'i shing drung chos kyi dbyings kyi snying po'i khang na/ 'di lta ste/ nyan thos chen po brgyad dang kun shes kauN+Di n+ya
276a3 la sogs pa dge slong nyi khri lnga stong gi dge slong gi dge 'dun chen po thams cad kyang dgra bcom pa zag pa zad pa/nyon mongs pa med pa dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa glang po chen po bya ba byas pa/
276a4 byed pa byas pa/ khur bor ba bdag gi don rjes su thob pa/ srid pa kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems can thams cad kyi dbang gi dam pa'i pha rol tu son pa sha stag dang 'di lta ste/ byang chub sems dpa' sems dpa'
276a5 chen po 'jam dpal gzhon nur gyur pa dang /nor dpal dang / sangs rgyas dpal dang / sman gyi rgyal po dang / sman yang dag 'phags la sogs pa 'jig rten gyi khams gzhan dang gzhan dag gi de bzhin gshegs pa bye ba khrag khrig brgya stong dag gis kun nas bkye ba'i byang chub sems
276a6 dpa' bye ba khrag khrig phrag bdun cu rtsa gnyis thams cad kyang phyir mi ldog pa'i chos kyi 'khor lo rab tu bskor ba thams cad kyang shin tu rgyas pa'i sde dkon mchog brtsegs pa'i mdo yongs su zhu ba la mkhas pa/thams cad kyang sa bcu pa chos kyi sprin thob pa/ thams cad kyang shes
276a7 rab kyis ri rab ltar gyur pa/thams cad kyang stong pa nyid dang / mtshan ma med pa dang / smon pa med pa dang / skye ba med pa dang / 'byung ba med pa dang / dngos po med pa'i sems su bsgoms pa'i sems dang ldan pa/ thams cad kyang chos zab mo'i snang ba chen po thob pa/ thams
276b1 cad kyang de bzhin gshegs pa'i spyod lam dang ldan pa/thams cad kyang mngon par shes pa yongs su sbyangs pas nges par 'byung ba thams cad kyi ngo bo nyid kyi rang bzhin la gnas pa sha stag dang thabs cig tu bzhugs so/ /de'i tshe na bcom ldan 'das 'di snyam du bdag gis byang chub
276b2 sems dpa' sems dpa' chen po rnams kyi myur ba dang /stobs dang shugs chen po yang dag par bskyed par bya ba'i phyir/ chos kyi gtam brjod par bya zhing / 'jig rten gyi khams gang gA'i klung gi bye ma snyed dag nas/ byang chub sems dpa' sems dpa' chen po gzi
276b3 brjid che ba gzi brjid che ba dag bsdu bar yang bya/bdag gis chos bstan pa chen po'i chos kyi rnam grangs bshad pa'i ltas snang ba chen po'ang bstan par bya/ bdag gis byang chub sems dpa' sems dpa' chen po rnams lhags nas bdag la chos bstan pa chen po
276b4 yongs su zhu bar 'gyur bar yang bya'o snyam du dgongs so//de nas bcom ldan 'das kyis de'i tshe/ phyogs bcu'i 'jig rten gyi khams stong gsum gyi stong chen po'i 'jig rten gyi khams grangs med cing bsam gyis mi khyab pa dag gi rdul phra rab kyi rdul snyed dag 'od
276b5 zer chen po'i sprin dag gis snang bar mdzad do//de'i tshe na phyogs bcu'i phyogs re re nas kyang byang chub sems dpa' sems dpa' chen po sangs rgyas kyi zhing bye ba khrag khrig phrag 'bum phrag brjod du med pa bcu'i rdul phra rab kyi rdul snyed dag lhags so/ /de dag la byang chub sems
276b6 dpa' re re yang byang chub sems dpa'i rnam par 'phrul pa bsam gyis mi khyab pa dag gis 'ongs te lhags nas kyang /bcom ldan 'das la tshul dang 'thun pa'i mchod pa bsam gyis mi khyab pa dag byas nas/ bcom ldan 'das kyi spyan sngar rang rang gi smon lam gyi stobs las
276b7 byung ba'i pad ma'i stan dag la 'khod de/bcom ldan 'das la mig mi 'dzums par lta zhing sdod par gyur to/ /de'i tshe na chos kyi dbyings kyi snying po'i khang de'i dbus su seng ge'i khri nor bu rin po che chen po'i pad ma'i snying po can rgyar dpag tshad bye ba phrag grangs med pa yod pa/
277a1 rim gyis mtho ba nor bu rin po che kun tu snang ba las grub pa/ nor bu rin po che glog gi sgron ma'i kha khyer gyis yongs su bskor ba/ nor bu rin po che 'od bsam gyis mi khyab pa'i lan kan gyis yongs su bskor ba/ nor bu rin po che dpe med pas yongs su bskor ba/
277a2 nor bu rin po che snang ba dpe las 'das pa'i phreng bas mdzes par byas pa/ nor bu rin po che dbang gi rgyal po'i dra bas kun nas g.yogs pa/ nor bu rin po che rnam pa sna tshogs spras pa/ gdugs dang rgyal mtshan dang / ba dan bsgreng ba dang ldan pa zhig byung bar gyur to/ /
277a3 seng ge'i khri nor bu rin po che chen po'i snying po can de'i kho ra khor yug nas 'od zer grangs med pa bye ba khrag khrig 'bum phrag bcu byung ste/ 'od zer de dag gis phyogs bcu'i 'jig rten gyi khams gzhan dang gzhan dag snang ba chen pos khyab par gyur to/ /yang de'i tshe na phyogs
277a4 bcu'i phyogs re re nas lha dang /klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba sangs rgyas kyi zhing bye ba khrag khrig 'bum phrag brjod du med pa bcu'i
277a5 rdul phra rab kyi rdul snyed dag kyang lhags par gyur te/de dag las kha cig ni rin po che'i khang pa brtsegs pa dag na 'khod la/ lha'i bu mo bye ba khrag khrig 'bum phrag grangs med cing bsam gyis mi khyab pa glu dbyangs dang / rol mo'i sgra 'byin pa dag dang lhags so/ /kha cig ni
277a6 me tog las byas pa dag dang /kha cig ni tsan dan sbrul gyi snying po las byas pa dag dang / kha cig ni mu tig las byas pa dag dang / kha cig ni rdo rje las byas pa dag dang / kha cig ni nor bu rin po che rdo rje ltar snang ba las byas pa dag dang / kha cig ni 'dzam bu'i chu bo'i gser las
277a7 byas pa dag dang /kha cig ni nor bu rin po che 'od thams cad yang dag par 'dus pa las byas pa dag dang / kha cig ni nor bu rin po che dbang gi rgyal po las byas pa dag dang / kha cig ni nor bu rin po che yid bzhin gyi nor bu las byas pa dag dang / kha cig ni nor bu rin po che brgya
277b1 byin thogs pa las byas pa dag dang /kha cig ni rgya mtsho'i rten rnam par dag pa'i rin po che'i bkod pa stong lta bu nor bu rin po che chen po kun nas 'od zer snang ba las byas pa'i khang pa brtsegs pa dag la 'khod la/ lha'i bu mo bye ba khrag khrig 'bum phrag grangs med cing bsam
277b2 gyis mi khyab pa'i glu dbyangs dang rol mo'i sgra 'byin pa dag lhags so//lhags nas kyang bcom ldan 'das la bsam gyis mi khyab pa dang / mtshungs pa med pa dang / gzhal du med pa dang / dpag tu med pa las kyang shin tu 'das pa'i mchod pa byas te/ bcom ldan
277b3 'das kyi spyan sngar rang rang gi smon lam gyi stobs las byung ba'i stan dag la 'khod nas/bcom ldan 'das la mig mi 'dzums pas lta zhing sdod par gyur to/ /de'i tshe na stong gsum gyi stong chen po'i 'jig rten gyi khams 'di 'dzam bu chu bo'i gser las grub par kun tu gnas par
277b4 gyur cing /nor bu rin po che chen po sna tshogs kyi shing ljon pa dag gis legs par brgyan pa dang / lha'i me tog gi shing ljon pa dag dang / gos kyi shing ljon pa dag dang / tsan dan sbrul gyi snying po'i shing ljon pa dag dang / spos kyi shing ljon pa dag dang / a ga ru'i shing
277b5 ljon pa dag gis kyang legs par brgyan cing /nor bu rin po che nyi ma dang zla ba dang / glog gi sgron ma'i dra bas kun nas khebs pa dang / gdugs dang rgyal mtshan dang / ba dan bsgreng ba dang ldan la/ shing ljon pa thams cad la yang lha'i bu mo bye ba khrag khrig 'bum phrag grangs
277b6 med pa mu tig gi do shal lus phyed la thogs pa dang /rin po che'i phreng ba thogs pa dag 'khod par gyur to/ /de'i tshe na seng ge'i khri nor bu rin po che chen po'i snying po can de las tshigs su bcad pa 'di dag byung ngo / /khyod kyi bsod nams stobs kyis bdag byung ste/ /mi dbang rgyal po
277b7 tshur gshegs bzhugs su gsol//rgyal ba rkang gnyis dam pa 'degs bgyi ste/ /de ring bdag gis brnag pa 'di rdzogs 'gyur/ /bdag gi lus 'di rin chen rgyus grub ste/ /'dren pa khyod phyir bdag gis dkyil na ni/ /rin chen pad ma yid 'ong gcig mchis te/ /skyob pa
278a1 bdag gi brnag pa de rdzogs mdzod//rin chen pad ma 'di la bzhugs nas ni/ /bdag dang 'jig rten 'di kun mdzes par mdzod/ /gang thos seng ge'i khri 'di 'dra thob pa/ /chos de srog chags bye mang bstan du gsol/ /khyod kyi sku la 'od zer stong byung ste/ /'jig rten khams
278a2 mang rab tu snang byed pa//de ni bdag gis dga' mchog skyes pa'i mtshan/ /'dren pa bdag gi slad du bzhugs su gsol/ /sngon yang bdag gis phyogs 'dir rang byung ba'i/ /thub pa bye ba phrag brgyad bteg gyur pas/ /myur du bzhugs te phan btags mdzad du gsol/ /
278a3 bcom ldan deng 'dir phan gdags mdzad du gsol/ /de nas bcom ldan 'das gdan snga ma las bzhengs te/ seng ge'i khri nor bu rin po che chen po pad mo'i snying po can de la skyil mo krung bcas te bzhugs nas/ thams cad dang ldan pa'i byang chub sems dpa'i tshogs la rnam
278a4 par gzigs te/byang chub sems dpa' sems dpa' chen po de dag la yang dag phul gyi chos bstan pa'i ltas mdzad do/ /de'i tshe na thams cad dang ldan pa'i byang chub sems dpa'i tshogs rnams 'di snyam du sems te/ 'jam dpal gzhon nur gyur pa 'dis de bzhin gshegs
278a5 pa dgra bcom pa yang dag par rdzogs pa'i sangs rgyas la bdag cag gis thos nas/yun ring du lon pa skye ba med pa dang / 'gag pa med pa'i chos kyi rnam grangs de yongs su zhus na ci ma rung snyam mo/ /de nas 'jam dpal gzhon nur gyur pas/ bcom ldan 'das kyis
278a6 lhas mdzad pa yang rig /byang chub sems dpa' sems dpa' chen po de dag gi sems kyi yongs su rtogs pa yang sems kyis shes nas/ stan las langs nas bla gos phrag pa gcig tu gzar nas/ pus mo g.yas pa'i lha nga pad ma'i snying po la btsugs te/ bcom ldan
278a7 'das ga la ba de logs su thal mo sbyar ba btud nas/bcom ldan 'das la 'di skad ces gsol to/ /bcom ldan 'das skye ba ma mchis pa dang / 'gag pa ma mchis pa zhes bgyi na/ bcom ldan 'das skye ba mchis pa dang / 'gag pa ma mchis pa zhes bgyi ba de
278b1 chos gang gi tshig lags/de'i tshe tshigs su bcad pa 'di dag gsol to/ /mi skye 'gags pa ma mchis pa/ rnam 'dren khyod kyis bshad du gsol/ /de yi nges tshig mtshan nyid de/ /ci 'dra shes rab chen po pa/ /mi skye 'gag pa ma mchis pa/ /de ni ji
278b2 ltar brjod par bgyi//dpe rnams dang ni gtan tshigs kyis/ /thub chen bshad pa mdzad du gsol/ /byang chub sems dpa' mang po 'dus pa 'di dag ni/ /'jig rten rnam par 'dren pa rnams kyis bkye lags te/ /ye shes 'tshal zhing khyod la phyag 'tshal mchis
278b3 lags na//dam chos rgya chen dam pa bshad par mdzad du gsol/ /de skad ces gsol ba dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal legs so legs so/ /'jam dpal khyod skye bo mang po la
278b4 phan pa dang /skye bo mang po la bde ba dang / 'jig rten la snying brtse ba dang / lha dang mi rnams kyi skye bo phal po che'i don dang / phan pa dang / bde ba dang / byang chub sems dpa' sems dpa' chen po rnams kyis sangs rgyas kyis thob par bya ba'i phyir zhugs te/
278b5 khyod de bzhin gshegs pa la don de lta bu yongs su zhu bar sems pa ni 'jam dpal yang khyod legs so/ /'jam dpal de bzhin gshegs pa don de bstan pa na gnas de la khyod skrag pa dang 'jigs pa dang / dngang bar mi bya zhing 'jam dpal khyod kyis ye shes la bsten par
278b6 yang bya'o//'jam dpal skye ba med pa dang 'gag pa med pa zhes bya ba 'di ni de bzhin gshegs pa dgra bcom pa yang dag par rdzogs pa'i sangs rgyas kyi tshig yin te/ 'jam dpal 'di lta ste dper na/ sa gzhi chen po 'di bai dUr+ya rin po che'i rang bzhin du kun nas
278b7 gnas par gyur cing /de yang ji ltar bai dUr+ya chen po'i rang bzhin gyis gzhi chen po de la sum cu rtsa gsum pa'i gnas dang / lha'i dbang po brgya byin dang / khang rnam par rgyal byed kyi gzugs brnyan kun tu snang bar 'gyur ba de ltar kun nas gnas par gyur la/ de na
279a1 lha'i dbang po brgya byin lha'i 'dod pa'i yon tan lnga po dag gis rtse ba dang /dga' ba dang / dga' mgur spyod pa yang kun tu snang bar gyur cing / de nas de'i tshe lha rnams kyis 'dzam bu'i gling gi skyes pa dang / bud med dang khye'u dang bu mo thams cad la tshig
279a2 'di skad ces/kye skyes pa dang bud med dag tshur shog /lha'i dbang po brgya byin 'di khang rnam par rgyal byed kyi nang na/ lha'i 'dod pa'i yon tan lnga po dag gis rtse ba dang dga' ba dang dga' mgur spyod par byed pa la ltos/ kye skyes pa dang bud med kyi
279a3 tshogs dag tshur sheg /sbyin pa dag byin cig /bsod nams dag gyis shig /tshul khrims yang dag par long ste 'dug shig dang / khang rnam par rgyal byed 'di lta bu dag gi nang na rtse bar 'gyur/ dga' bar 'gyur/ dga' mgur spyod par 'gyur zhing /
279a4 brgya byin nyid thob par yang 'gyur la lha'i dbang po brgya byin lha'i longs spyod dag gis 'byor cing ldan par gyur pa ci 'dra ba de 'dra ba'i 'byor pa dag dang ldan par yang 'gyur ro/ /zhes yang dag par skul bar yang byed la/ 'jam dpal de nas skyes pa dang / bud med dang
279a5 khye'u dang bu mo de dag gis bai dUr+ya chen po'i rang bzhin gyi sa gzhi chen po de la sum cu rtsa gsum pa'i gnas dang /khang rnam par rgyal byed dang / lha'i dbang po brgya byin gyi gzugs brnyan mthong nas/ thal mo sbyor zhing me tog dag kyang 'thor bar byed/ spos dag
279a6 kyang 'thor bar byed la/tshig 'di skad ces bdag cag kyang lha'i dbang po brgya byin ci 'dra ba de 'dra ba'i lus thob par gyur cig /bdag cag kyang ji ltar lha'i dbang po brgya byin 'di khang rnam par rgyal byed kyi nang na lha'i 'dod pa'i yon tan lnga po dag gis rtse ba dang / dga' ba
279a7 dang /dga' mgur spyod par byed pa de ltar gyur cig ces rjod par byed kyang / sems can de dag gis ni 'di ltar bai dUr+ya chen po'i rang bzhin gyis gzhi chen po la sum cu rtsa gsum pa'i gnas dang / khang rnam par rgyal byed dang / lha'i dbang po brgya byin snang ba 'di ni
279b1 bai dUr+ya chen po'i rang bzhin yongs su dag pa'i phyir/gzugs brnyan kun tu snang ba yin no zhes de ltar yongs su mi shes te/ de dag brgya byin nyid 'dod pas sbyin pa dag kyang sbyin/ bsod nams dag kyang byed tshul khrims dag kyang yang dag par blangs te gnas shing dge ba'i rtsa ba dag kyang
279b2 sum cu rtsa gsum pa'i gnas snang ba der skye bar bya ba'i phyir yongs su sngo bar byed na/'jam dpal ji ltar bai dUr+ya chen po rang bzhin gyis gzhi chen po de la sum cu rtsa gsum pa'i gnas kyang med/ khang rnam par rgyal byed kyang med/ lha'i dbang po brgya byin yang med mod
279b3 kyi/'on kyang bai dUr+ya chen po yongs su dag pa'i phyir/ de la sum cu rtsa gsum pa'i gnas dang / khang rnam par rgyal byed dang / lha'i dbang po brgya byin gyi gzugs brnyan kun tu snang ste/ de dag kyang yod pa ma yin zhing skye ba med pa dang / 'gag pa med pa ma
279b4 yin bzhin du bai dUr+ya chen po yongs su dag pa'i phyir/gzugs brnyan kyang kun tu snang ba de bzhin du/ 'jam dpal sems yongs su dag pa dang bsgom pa shin tu goms par byas pa'i sems can la de bzhin gshegs pa'i sku snang bar gyur/ 'jam dpal de bzhin gshegs
279b5 pa'i mthus sems can rnams kyis de bzhin gshegs pa'i sku mthong ba de yang ma byung ba/ma skyes pa ma 'gags pa dngos po ma yin/ dngos po med pa ma yin/ bltar snang ba ma yin/ bltar mi snang ba ma yin/ 'jig rten ma yin/ 'jig rten med pa ma yin/ sems
279b6 pa yod pa ma yin/sems pa med pa ma yin/ bsam du yod pa ma yin/ bsam du med pa ma yin/ yod pa ma yin/ med pa ma yin mod kyi/ 'jam dpal 'on kyang sems can rnams ni de bzhin gshegs pa'i gzugs brnyan la dmigs nas me tog kyang 'thor bar byed/
279b7 spos dang / nam mkha' dang / rin po che dag kyang dbul bar byed cing / tshig 'di skad ces bdag cag kyang de bzhin gshegs pa dgra bcom pa yang dag par rdzogs pa'i sangs rgyas ci 'dra ba de 'dra bar gyur cig ces rjod par byed de/ sangs rgyas kyi ye shes 'dod pa de dag bdag
280a1 kyang sbyin pa dag kyang sbyin bsod nams dag kyang byed/tshul khrims yang dag par blangs te gnas shing de dag kyang de bzhin gshegs pa'i ye shes thob par bya ba'i phyir/ yongs su sngo bar byed do/ /'jam dpal 'di lta ste dper na/ bai dUr+ya chen po'i rang
280a2 bzhin gyi sa gzhi chen po de la lha'i dbang po brgya byin gyi gzugs brnyan snang ba de g.yo bar mi byed/sems par mi byed/ spro bar mi byed/ rtog par mi byed/ rnam par rtog par mi byed cing / rtog pa med pa/ rnam par rtog pa med pa/ sems pa med pa/ yid la byed
280a3 pa med pa/zhi ba bsil bar gyur pa/ skye ba med pa/ 'gag pa med pa/ mthong ba med pa/ thos pa med pa/ bsnams pa med pa/ myangs pa med pa/ reg pa med pa/ mtshan ma med pa/ rnam par rig pa med pa/ rnam par rig par bya ba ma yin pa/ de bzhin du
280a4 'jam dpal de bzhin gshegs pa dgra bcom pa yang dag par rdzogs pa'i sangs rgyas kyang /g.yo bar mi byed/ sems par mi byed/ spro bar mi byed/ rtog par mi byed/ rnam par rtog par mi byed cing / rtog pa med pa dang / rnam par rtog pa med pa dang / sems
280a5 pa med pa/yid la byed pa med pa/ zhi ba bsil bar gyur pa/ skye ba med pa/ 'gag pa med pa/ mthong ba med pa/ thos pa med pa/ bsnams pa med pa/ myangs pa med pa/ reg pa med pa/ mtshan ma med pa/ rnam par rig pa med pa/ rnam par rig
280a6 par bya ba ma yin pa ste/'jam dpal de bzhin gshegs pa ni skye ba med pa'i gnas yin mod kyi/ 'on kyang 'jig rten na gzugs brnyan bzhin du snang zhing sems can rnams kyi mos pa ji lta ba bzhin du mthong ba'i bye brag gis tshe'i bye brag ston par yang byed la/ yongs su
280a7 smin pa dang mos pa'i stobs bskyed pas/byang chub kyi snod du gyur pa'i sems can rnams la gzugs brnyan snang bar yang 'gyur te/ sems can rnams kyi bsam pa dang mos pa ji lta ba bzhin du chos thos par yang 'gyur/ bsam pa ji lta ba bzhin du theg pa gsum du shes
280b1 par yang 'gyur/bsam pa ji lta ba bzhin du rnam par grol bar yang 'gyur ro/ /'jam dpal 'di lta ste dper na/ sum cu rtsa gsum pa'i lha rnams kyi bsod nams kyi stobs kyis grub pa'i chos kyi rnga bo che chos kyi sgra zhes bya ba zhig khang rnam par rgyal byed kyi steng gi bar snang la 'dug cing / lha'i
280b2 bu thams cad kyi mig lam las yang dag par 'das te/bltar mi snang zhing mi mthong mod kyi 'jam dpal 'on kyang chos kyi rnga bo che de gang gi tshe sum cu rtsa gsum pa'i ris kyi lha rnams lha'i 'dod pa'i rtsed mo dang / dga' ba dang / longs spyod dag gis rtag par rgyun du shas cher bag med
280b3 par gyur cing /yang dang yang du lha'i 'dun sa chos bzang gi nang du zhugs te/ chos yang dag par bgro bar mi byed pa dang / 'jam dpal gang gi tshe lha'i dbang po brgya byin yang lha'i 'dod pa'i rtsed mo dang / dga' ba dang / longs spyod dag gis rtag par rgyun du shas cher bag med
280b4 par gyur cing /yang dang yang du lha'i 'dun sa chos bzang gi nang du zhugs te/ chos kyi khri stan la 'dug nas chos smra bar mi byed pa de'i tshe/ chos kyi rnga bo che bar snang la 'dug cing / mig gi lam las yang dag par 'das te/ bltar mi snang zhing mi mthong ba de las chos kyi sgra
280b5 'di lta bu 'byung bar 'gyur te/chos kyi sgra des sum cu rtsa gsum pa'i ris kyi lha thams cad la 'di skad du/ grogs po dag gzugs dang / sgra dang / dri dang / ro dang / reg bya dag ni mi rtag pa yin gyis/ bag med par ma spyod cig /gnas 'di nas myur du shi 'phos
280b6 par gyur ta re/grogs po dag 'du byed thams cad ni sdug bsngal ba yin no/ /grogs po dag 'du byed thams cad ni stong pa yin no/ /grogs po dag 'du byed thams cad ni bdag med pa yin no/ /grogs po dag 'di nas shi 'phos pa rnams ni yang 'dir skye bar 'gyur ba dka' ba
280b7 yin gyis bag med par ma byed par grogs po dag chos yang dag par bgro bar gyis shig /chos kyi kun dga' la dga' bas dga' bar gyis shig /chos gces par bya ba dang / chos la gzhol ba dang / chos rjes su dran pa yid la byed pa la gnas par gyis shig /lha'i 'dod
281a1 pa'i rtsed mo dang dga' ba dang /longs spyod 'di dag dang yang mi 'bral bar gyis shig /ces sgras go bar byed do/ /'jam dpal de'i tshe na chos kyi rnga bo che de ltar mi snang ba/ gzugs med pa/ rtog pa med pa/ rnam par rtog pa med pa/ mig gi lam las yang
281a2 dag par 'das pa/ma skyes pa/ ma 'gags pa/ tshig gi lam las yang dag par 'das pa/ sems dang / yid dang / rnam par shes pa dang bral ba de lta bu de'i sgra des sum cu rtsa gsum pa'i ris kyi lha thams cad la yang dag par bskul bas de dag 'jigs pa dang /
281a3 skrag pa dang / skyo ba dang / yid byung bar gyur nas lha'i 'dun sa chos bzang gi nang du zhugs te/ chos kyi kun dga' la dga' bas dga' bar gnas shing / chos gces par bya ba dang / chos la gzhol bar bya ba dang / chos rjes su dran pa yid la byed pa la gnas par yang
281a4 byed de/de dag de nas shi 'phos nas khyad par du 'gro bar yang shes so/ /de'i tshe na lha'i dbang po brgya byin yang lha'i 'dun sa chos bzang gi nang na zhugs te/ chos kyi khri stan la 'dug nas chos ston par byed do/ /'jam dpal gang gi tshe lha ma yin rnams lha rnams dang lhan
281a5 cig g.yul sprod par byed cing /der yang gang gi tshe sum cu rtsa gsum pa'i lha rnams pham par gyur pa de'i tshe na/ chos kyi rnga bo che de sgra 'di lta bu 'byin par byed de/ sgra des lha ma yin rnams 'jigs pa dang / skrag pa dang / skyo ba dang / yid byung bar gyur nas
281a6 'bros par byed do//'jam dpal chos kyi rnga bo che de la ni sgrub par byed pa dang / lus gzugs cung zad kyang med de/ 'jam dpal chos kyi rnga bo che de ni bltar mi mthong ba/ mi snang ba yod pa ma yin pa/ ma byung ba/ bsam du med pa/ sems pa med pa/ mtshan ma med pa/
281a7 gzugs can ma yin pa/ sgra med pa/ dngos po med pa/ gnyis su med pa ste/ mig gi lam las yang dag par 'das pa yin mod kyi/ 'jam dpal 'on kyang sum cu rtsa gsum gyi ris kyi lha'i bu sngon yongs su sbyang ba byas pa rnams la/ chos kyi rnga bo che de sgra de
281b1 lta bu 'byin cing sum cu rtsa gsum pa'i ris kyi lha'i bu rnams kyi gnod pa dang /'khrug pa dang nye ba'i nyon mongs pa thams cad nye bar zhi bar byed do/ /'jam dpal ji ltar chos kyi rnga bo che de ltar mi snang ba/ mi mthong ba/ yod pa ma yin pa/ ma byung ba/ bsam du med pa/ sems pa med pa/
281b2 mtshan ma med pa/ gzugs can ma yin pa/ sgra med pa dngos po med pa/ gnyis su med pa ste/ mig gi lam las yang dag par 'das pa yin mod kyi/ 'jam dpal 'on kyang sum cu rtsa gsum pa'i ris kyi lha'i bu sngon yongs su sbyang ba byas pa rnams la chos kyi rnga bo che de sgra
281b3 de lta bu 'byin cing sum cu rtsa gsum pa'i ris kyi lha'i bu rnams kyi gnod pa dang /'khrug pa dang nye ba'i nyon mongs pa thams cad nye bar zhi bar bya ba'i phyir/ sgra 'byin par byed cing lha'i bu bag med pa rnams la yang chos kyi sgras yang dag par skul bar byed la/ chos kyi sgra de yang
281b4 sum cu rtsa gsum pa'i ris kyi lha'i bu rnams kyi gnod pa dang /'khrug pa dang nye ba'i nyon mongs pa thams cad nye bar zhi bar byed do/ /'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang bltar mi snang ba/ mi mthong ba/ yod pa
281b5 ma yin pa/ma byung ba/ bsam du med pa/ sems pa med pa/ mtshan ma med pa/ gzugs can ma yin pa/ sgra med pa/ dngos po med pa/ gnyis su med pa ste/ mig gi lam las yang dag par 'das pa yin mod kyi/ 'jam dpal 'on kyang sems can rnams
281b6 sngon gyi las kyi rnam par smin pas bsam pa dang /mos pa ji lta ba bzhin du/ chos kyi sgra 'byung bar kun tu shes shing / chos kyi sgra de yang sems can thams cad kyi gnod pa dang / 'khrug pa dang nye ba'i nyon mongs pa thams cad nye bar zhi bar bya ba'i phyir/ 'jug par 'gyur
281b7 te/chos kyi sgra skad kyis 'jig rten na de bzhin gshegs pa'i gsung zhes bya ba'i grangs su 'gro'o/ /'jam dpal de bzhin gshegs pa ni yod pa ma yin mod kyi/ 'on kyang 'jig rten ni chos kyi sgra skad kyis de bzhin gshegs pa zhes bya bar gdags pa 'byung ste/ sems can
282a1 rnams kho na'i sngon gyi dge ba'i rtsa ba'i las kyi rnam par smin pas sems can thams cad kyis/de bzhin gshegs pa las sgra 'byung bar kun tu shes so/ /sgra de yang sems can thams cad kyi bde ba thams cad yang dag par bskyed par bya ba dang / bag med pa rnams
282a2 la yang dag par bskul bar bya ba'i phyir byung ste/'jam dpal sems can de dag gis sgra de thos nas/ 'di ni de bzhin gshegs pa'i sku yin no snyam du de bzhin gshegs pa la rtog par yang byed do/ /byang chub sems dpa' las dang po pa rnams dang / byis pa so so'i skye bo thams
282a3 cad de bzhin gshegs pa la dmigs pa'i dge ba'i rtsa ba yang dag par bskyed par bya ba'i phyir/de bzhin gshegs pa'i gsung yang thos mod kyi/ 'jam dpal 'on kyang de bzhin gshegs pa dgra bcom pa yang dag par rdzogs pa'i sangs rgyas ni skye ba med pa dang / 'gag
282a4 pa med pa yin par rig par bya'o//'jam dpal 'di lta ste dper na/ sos ka'i dus kyi mthar thug nas dbyar zla ra ba byung bar gyur pa na/ sems can rnams kyi sngon gyi las kyi rnam par smin pas sa la gnas pa'i sa bon gyi tshogs dang / lo tog gi tshogs dang / rtswa
282a5 dang /shing gel pa dang / rtsi dang / nags tshal thams cad kun tu bskyed par bya ba'i phyir/ steng gi nam mkha' bar snang gi gnas la 'di 'dra ba'i rlung dag ldang ste/ des char pa sdud par byed cing bsdus nas kyang sa gzhi chen po la 'bab par byed do/ /des sa gzhi chen
282a6 po thams cad kun tu tshim par byed cing /de'i tshe na 'dzam bu gling pa'i mi thams cad kyang rab tu dga' ba dang / yid bde ba skye bar byed de/ de la 'jig rten na sprin ces bya ba'i ming du 'gyur ro/ /'jam dpal gang gi tshe steng gi bar snang las char pa'i tshogs chen po mi 'bab
282a7 pa de'i tshe na 'dzam bu gling pa'i mi thams cad 'di skad ces 'dir sprin mi 'khor ro zhes rjod par byed do//'jam dpal gang gi tshe steng gi bar snang las char pa'i tshogs chen pos gzhi la 'bab pa de'i tshe na ni/ 'dzam bu gling pa'i mi thams cad 'di skad ces/ a la la sprin chen po ni
282b1 char gyi rgyun 'bebs par byed cing /sa gzhi chen po yang kun tu tshim par byed do/ /zhes kyang rjod par byed do/ /'jam dpal de na ni sprin yang med la sprin du gdags pa yang med de/ 'jam dpal sems can rnams kyi sngon gyi las kyi rnam par smin pas char pa'i tshogs chen po
282b2 rlung gis kun nas bskyod na ni/steng gi bar snang las 'bab par yang 'gyur/ 'jam dpal char pa'i tshogs chen po de rlung gis kun nas dkrugs pa ni/ steng gi bar snang de nyid du bag la zha bar yang 'gyur ro/ /'jam dpal de ltar sems can rnams kyi sngon gyi las kyi rnam
282b3 par smin pas steng gi bar snang la char pa'i tshogs chen po de kun nas 'dus pa dang /rlung kun tu 'khrug pa dag gi char pa'i rgyun kun tu 'dzin pa'am/ 'bebs par byed pa de la sprin ces 'dogs par 'byung mod kyi/ 'jam dpal de la ni sprin yang med/ sprin du gdags pa yang med
282b4 do//'jam dpal sprin de ni ma skyes pa/ ma 'gags pa/ sems kyi yul du mi 'jug pa/ 'ong ba dang 'gro ba dang bral ba yin no/ /'jam dpal de bzhin du byang chub sems dpa' sems dpa' chen po sngon dge ba'i rtsa ba'i tshogs bsags pa dag dang / sems can nyan
282b5 thos dang /rang sangs rgyas kyi shes pa 'dod pa gzhan dag dang / sems can dge ba'i rtsa ba bskyed pa/ mya ngan las 'das pa yang dag par bstan pa'i rgyu can rnams la/ de bzhin gshegs pa dgra bcom pa yang dag par rdzogs pa'i sangs rgyas spobs pa thogs pa mi mnga' ba
282b6 dang ldan pa 'jig rten du byung ngo //'jig rten du byung ngo zhes bya ba'i grangs su 'gro ste/ de gang ci gsung ba de dag thams cad kyang de bzhin pa ma nor ba de bzhin pa gzhan ma yin pa de bzhin pa yin pas/ de la lha dang mi rnams kyi nang na de bzhin gshegs pa zhes bya ba'i mtshan du btags pa
282b7 yin te/'jam dpal de las lha dang mi rnams kyi nang du de bzhin gshegs pa zhes bya ba'i sgra 'byung bar yang 'gyur ro/ /'jam dpal de bzhin gshegs pa ni yod pa ma yin pa ste/ 'jam dpal de bzhin gshegs pa ni mtshan ma med pa/ mtshan ma dang bral ba/ yul na mi gnas
283a1 pa/phyogs na mi gnas pa/ ma byung ba/ ma skyes pa/ ma 'gags pa yin no/ /'jam dpal de bzhin gshegs pa'i spobs pa des lha dang bcas pa'i 'jig rten chos kyis yang dag par tshim par mdzad cing / yang dag par 'dzin du btsud nas/ byang chub sems
283a2 dpa' las dang po pa rnams dang /byis pa so so'i skye bo yongs su mya ngan las 'da' bas 'dul ba gzhan dag gi sngon gyi las kyi rnam par smin pas mi snang bar gyur pa na/ de gzhi de dag gis 'di snyam du de bzhin gshegs pa yongs su mya ngan las 'das so snyam du yang sems te/ 'jam dpal de
283a3 bzhin gshegs pa ni skye ba yang med/'gag pa yang med do/ /'jam dpal de bzhin gshegs pa ni ma skyes pa ma 'gags pa ste/ 'jam dpal de bzhin gshegs pa ni gzod ma nas yongs su mya ngan las 'das pa yin no/ /'jam dpal de bzhin gshegs pa dgra bcom pa yang dag par
283a4 rdzogs pa'i sangs rgyas ni yod pa ma yin pa ste/'jam dpal ji ltar char pa dmigs pa las sprin ma byung ba/ ma skyes pa/ ma 'gags pa/ yod pa ma yin pa/ de la 'jig rten na sprin sprin ces bya bar 'dogs pa byung ba de bzhin du/ 'jam dpal chos ston par dmigs pa las/
283a5 de bzhin gshegs pa ma byung ba/ ma skyes pa/ ma 'gags pa/ yod pa ma yin pa/ gzod ma nyid nas ma skyes pa de la 'jig rten na/ de bzhin gshegs pa dgra bcom pa yang dag par rdzogs pa'i sangs rgyas zhes bya bar 'dogs pa 'byung ngo / /'jam dpal 'di lta ste dper
283a6 na/stong gsum 'bum phrag bcu la dbang sgyur ba'i tshangs pa chen po zil gyis mi non cing zil gyis gnon par byed pa ni nyin gcig bzhin du rgyal chen bzhi'i lha'i ris kyi mthar thug pa'i bar gyi lha'i ris thams cad la rnam par lta bar byed de/ 'jam dpal stong gsum 'bum phrag bcu
283a7 la dbang sgyur ba'i tshangs pa chen po zil gyis mi non cing /zil gyis gnon par byed pa ste/ lha'i ris thams cad la rnam par lta bar byed pa de'i tshe na/ lha'i ris thams cad kyi nang na/ lha'i bu thams cad rang rang gi 'dod pa'i rtsed mo dang / dga' ba dang longs spyod dag spangs
283b1 te/sil snyan dang pheg rdob dang / glu dbyangs kyi sgra thams cad zhi bar byas nas/ 'dod pa'i rtsed mo dang / dga' ba dang / longs spyod yid la byed pa btang ste/ gus pa dang bcas pas thal mo sbyar nas/ tshangs pa chen po de la mig mi 'dzums par lta bar byed do/ /tshangs
283b2 pa chen po de yang gnas nas mi g.yo bar lha'i bu thams cad yud tsam zhig bdag ltar 'jug par byed de/de'i tshe na lha'i bu de dag tshangs pa'i 'jig rten du skye bar 'dod cing / dge ba'i rtsa ba rnams kyang tshangs pa'i 'jig rten du skye bar bya ba'i phyir yongs su sngo bar byed do/ /
283b3 'jam dpal tshangs pa chen po de yang tshangs pa'i gzhal med khang de nas 'chi 'pho bar mi byed bzhin du/ sngon gyi smon lam gyi byin gyis brlabs dang / lha'i bu de dag gi sngon gyi dge ba'i rtsa ba bsags pa'i mthus/ stong gsum 'bum phrag bcu la dbang sgyur ba'i tshangs
283b4 pa chen po zil gyis mi non cing zil gyis gnon par byed pa gzhan zhig byin gyis rlob par byed do//'jam dpal sprul pa'i tshangs pa chen po de yang nyin gcig bzhin du rgyal chen bzhi'i ris kyi mthar thug pa'i bar gyi lha'i ris thams cad la rnam par lta bar byed de/ 'jam dpal de'i tshe
283b5 na/lha'i ris thams cad kyi nang na lha'i bu thams cad rang rang gi 'dod pa'i rtsed mo dang / dga' ba dang / longs spyod dag spangs te/ sil snyan dang / pheg rdob pa dang / glu dbyangs kyi sgra thams cad zhi bar byas nas/ 'dod pa'i rtsed mo dang / dga' ba dang / longs spyod
283b6 yid la byed pa btang ste/gus pa dang bcas pas thal mo sbyar nas/ tshangs pa chen po de la mig mi 'dzums par lta bar byed do/ /sprul pa'i tshangs pa chen po de yang gnas nas mi g.yo bar lha'i bu thams cad yud tsam zhig bdag la bltar 'jug par yang byed de/ de'i tshe na lha'i bu
283b7 de dag kyang tshangs pa'i 'jig rten du skye bar 'dod cing dge ba'i rtsa ba rnams kyang tshangs pa'i 'jig rten du skye bar bya ba'i phyir yongs su sngo bar yang byed do//'jam dpal de la ni tshangs pa yod pa ma yin te/ 'jam dpal tshangs pa de ni stong pa ya ma brla/ ma byung ba yi ge med pa/ sgra med pa
284a1 yul med pa/dngos po med pa bsam du med pa/ mtshan ma med pa/ sems dang / yid dang / rnam par shes pa dang bral ba/ ma skyes pa ma 'gags pa yin mod kyi/ 'jam dpal 'on kyang tshangs pa chen po de nyid kyi sngon gyi dge ba'i rtsa ba dang / smon lam gyi
284a2 byin gyis brlabs dang /lha'i bu de dag gis sngon gyi dge ba'i rtsa ba bsags pa'i mthus lha'i ris thams cad la bltar snang bar yang 'gyur ro/ /'jam dpal 'on kyang lha'i bu de dag 'di snyam du tshangs pa chen po de ni sprul pa/ stong pa ya ma brla/ ma byung ba yi ge med pa/ sgra med pa/ yul
284a3 med pa/dngos po med pa/ bsam du med pa/ mtshan ma med pa/ sems dang yid dang rnam par shes pa dang bral ba/ skye ba med pa 'gag pa med pa yin no snyam du mi sems so/ /'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang stong pa/
284a4 ya ma brla ma byung ba/ yi ge med pa/ sgra med pa/ yul med pa/ dngos po med pa/ bsam du med pa/ mtshan ma med pa/ sems dang / yid dang / rnam par shes pa dang bral ba ma skyes pa ma 'gags pa yin mod kyi/ 'jam dpal 'on kyang de bzhin gshegs pa dgra bcom pa yang
284a5 dag par rdzogs pa'i sangs rgyas kyi sngon byang chub sems dpa'i spyad pa spyod pa'i smon lam gyi byin gyis brlabs dang /byang chub sems dpa' las dang po pa rnams dang / nyan thos dang rang sangs rgyas kyi theg pa la yang dag par zhugs pa rnams dang / byis pa so so'i skye bo thams cad
284a6 kyi dge ba'i rtsa ba bsags pa'i mthus/de bzhin gshegs pa gnas nas mi g.yo bzhin du mtshan brgya stong gis legs par brgyan pa/ 'jig rten na gzugs brnyan bzhin du kun tu snang ngo / /'jam dpal byang chub sems dpa' las dang po pa rnams dang / nyan thos dang
284a7 rang sangs rgyas kyi theg pa pa thams cad dang /byis pa so so'i skye bo thams cad ni 'di snyam du de bzhin gshegs pa ni stong pa ya ma brla ma byung ba/ yi ge med pa/ sgra med pa/ yul med pa/ dngos po med pa/ bsam du med pa/ mtshan ma med pa/ sems dang / yid dang /
284b1 rnam par shes pa dang bral ba/ ma skyes pa/ ma 'gags pa yin par mi sems mod kyi/ 'jam dpal 'on kyang de bzhin gshegs pa ni spyod lam thams cad du de bzhin gshegs pa'i sku mtshan brgya stong gis legs par brgyan pa las sems can mos pa rnam pa sna tshogs tha dad pa
284b2 rnams la chos ston pa chen po yang 'byung bar yang byed do//chos bstan pa de yang sems can thams cad kyi gnod pa dang / 'khrug pa dang nye ba'i nyon mongs pa thams cad nye bar zhi bar byed pa 'gyur te/ de bzhin gshegs pa ni de la yang thams cad du mnyam zhing btang snyoms la rnam par
284b3 mi rtog cing bye brag mi 'byed de/'jam dpal rnam grangs des kyang 'di ltar skye ba med pa dang / 'gag pa med pa zhes bya ba de ni de bzhin gshegs pa'i tshig yin par rig par bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /de bzhin
284b4 gshegs pa rtag tu skye med chos//chos rnams kun kyang bde bar gshegs dang 'dra/ /byis pa'i blo can mtshan mar 'dzin pa rnams/ /'jig rten dag na med pa'i chos la spyod/ /de bzhin gshegs pa zag med dge ba yi/ /chos kyi gzugs brnyan yin te 'di la ni/ /de bzhin nyid med
284b5 de bzhin gshegs pa'ang med//'jig rten kun tu gzugs brnyan kun tu snang / /'jam dpal 'di lta ste dper na/ nyi ma'i dkyil 'khor gyi 'od zer dag ni 'dzam bu'i gling du dang po kho nar ri'i dbang po'i rgyal po chen po rnams snang bar byed do/ /de'i 'og tu ri khor yug dang khor yug chen po
284b6 rnams snang bar byed do//de'i 'og tu ri chen po gzhan dag kyang snang bar byed do/ /de'i 'og tu ri nag po rnams snang bar byed do/ /de'i 'og tu sa phyogs mthon po mthon po dag snang bar byed do/ /de'i 'og tu 'dzam bu'i gling 'di'i sa phyogs dma' ba dma' ba dag kyang snang bar byed do/ /'jam dpal 'on
284b7 kyang nyi ma'i 'od zer de dag ni rtog par mi byed/rnam par rtog par mi byed/ sems par mi byed/ rnam par sems par mi byed de/ 'jam dpal nyi ma'i 'od zer rnams ni sems dang / yid dang / rnam par shes pa dang bral ba/ ma skyes pa/ ma 'gag pa/ mtshan nyid med pa/ mtshan nyid
285a1 dang bral ba/yid la byed pa med pa/ yid la byed pa dang bral ba/ spros pa med pa spros pa dang bral ba/ yongs su gdung ba med pa/ yongs su gdung ba dang bral ba/ tshu rol na gnas pa ma yin pa/ pha rol na gnas pa ma yin/ mtho ba ma yin/ dma' ba ma yin/
285a2 bcings pa ma yin/ grol ba ma yin/ shes pa dang ldan pa ma yin/ shes pa dang mi ldan pa ma yin/ nyon mongs pa dang bcas pa ma yin/ nyon mongs pa med pa ma yin/ bden par smra ba ma yin/ du smra ba ma yin/ pha rol ma yin/ tshu rol ma yin/ 'gram na ma
285a3 yin/gshong na ma yin/ thang la ma yin/ chu bo na ma yin/ rtog ge'i spyod yul ma yin/ rtog ge ma yin pa'i spyod yul ma yin/ gzugs can ma yin/ gzugs med pa ma yin mod kyi/ 'jam dpal 'on kyang sa gzhi mtho ba dang dma' ba dang bar ma'i bye brag gis snang ba
285a4 chen po dang /chung ngu dang bar ma'i 'od zer sna tshogs snang bar 'gyur ro/ /'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang rtog par mi byed/ rnam par rtog par mi byed/ sems par mi byed/ rnam par sems par mi byed de/
285a5 'jam dpal de bzhin gshegs pa ni sems dang / yid dang / rnam par shes pa dang bral ba/ ma skyes pa/ ma 'gag pa/ mtshan nyid med pa/ mtshan nyid dang bral ba/ yid la byed pa med pa/ yid la byed pa dang bral ba/ spros pa med pa/ spros pa dang bral ba/ yongs su
285a6 gdung ba med pa/yongs su gdung ba dang bral ba/ tshu rol na gnas pa ma yin/ pha rol na gnas pa ma yin/ mtho ba ma yin/ dma' ba ma yin/ bcings pa ma yin/ grol ba ma yin/ shes pa dang ldan pa ma yin/ shes pa dang mi ldan pa ma yin/ nyon mongs pa dang bcas
285a7 pa ma yin/nyon mongs pa med pa ma yin/ bden par gsung pa ma yin/ par gsung ba ma yin/ tshu rol ma yin/ pha rol ma yin/ 'gram na ma yin/ gshong nam yin/ thang la ma yin/ chu bo na ma yin/ thams cad mkhyen pa ma yin/ thams cad mi mkhyen pa ma yin
285b1 rtog ge ma yin/rtog ge med pa ma yin/ spyod pa ma yin/ spyod pa med pa ma yin/ kun tu 'byung ba ma yin/ kun tu mi 'byung ba ma yin/ dran pa dang ldan pa ma yin/ dran pa dang mi ldan pa ma yin/ sems pa ma yin/ sems pa med pa ma yin/ yid ma yin/ yid med pa ma
285b2 yin/sgra skad ma yin/ sgra skad med pa ma yin/ ming ma yin/ ming med pa ma yin/ gzugs ma yin/ gzugs med pa ma yin/ brjod pa ma yin/ brjod du med pa ma yin/ gdags pa ma yin/ gdags su med pa ma yin/ bltar snang ba ma yin/ bltar mi snang
285b3 ba ma yin/tshul ma yin/ tshul med pa ma yin/ lam ston pa ma yin/ lam mi ston pa ma yin/ 'bras bu thob pa ma yin/ 'bras bu ma thob pa ma yin/ rtog pa ma yin/ rtog pa med pa ma yin/ rtog pa dang bral ba ma yin/ rtog pa dang ma bral ba ma yin mod kyi/ 'jam
285b4 dpal 'on kyang de bzhin gshegs pa nyi ma'i dkyil 'khor gyis ye shes kyi 'od zer dag ni khams gsum po de dag tu chos kyi dbyings mtha' dang dbus med pa dag la thogs pa med pa'i 'od zer gyi snang ba dag gtong bar mdzad cing /ye shes kyi 'od zer btang ba dag gis kyang dang po kho nar
285b5 byang chub sems dpa' lhag pa'i bsam pa'i ri'i dbang po'i rgyal po chen po lta bu dang ldan pa rnams kyi lus la 'bab par 'gyur ro//de'i 'og tu rang sangs rgyas kyi theg pa la yang dag par zhugs pa rnams kyi lus la 'bab par 'gyur ro/ /de'i 'og tu nyan thos kyi theg pa la yang
285b6 dag par zhugs pa rnams kyi lus la 'bab par 'gyur ro//de'i 'og tu sems can lhag pa'i bsam pa dge ba dang / mos pa ji lta ba dang ldan pa rnams kyi lus la 'bab par 'gyur ro/ /de'i 'og tu de bzhin gshegs pa nyi ma'i dkyil 'khor gyi ye shes kyi 'od zer dag tha na
285b7 sems can log pa nyid du nges pa'i sems kyi rgyud dang ldan pa rnams kyi lus la 'bab par 'gyur zhing /de dag la ma 'ongs pa'i rgyu yang dag par skyed pas phan 'dogs pa dang / dge ba'i chos rnams kyis yang dag par 'phel bar yang byed do/ /'jam dpal de bzhin gshegs
286a1 pa ni de dag la yang thams cad du mnyam zhing btang snyoms la rnam par mi rtog cing bye brag mi 'byed de/'jam dpal de bzhin gshegs pa nyi ma'i dkyil 'khor gyi ye shes kyi 'od zer ni 'di snyam du bdag gis sems can 'di la ni chos rgya chen po bstan par bya'o/ /'di la ni bstan par mi bya'o
286a2 snyam du yang mi sems la/'di snyam du sems can 'di ni rgya chen po la mos pa yin no/ /'di ni bar ma la mos pa yin no/ /'di ni nyan thos kyi theg pa la mos pa yin no/ /'di ni bsam pa dge ba yin no/ /'di ni dman pa dang log pa la mos pa yin no snyam du rnam par rtogs par yang mi byed
286a3 de/'jam dpal de bzhin gshegs pa ni 'di snyam du/ sems can 'di ni rgya chen po la mos pa yin gyis 'di la ni theg pa chen po bstan par bya'o/ /'di ni lhag pa'i bsam pa bar ma la mos pa yin gyis/ 'di la ni rang sangs rgyas kyi theg pa bstan par bya'o/ /'di ni nyan thos kyi theg pa la
286a4 mos pa yin gyis/'di la ni nyan thos kyi theg pa bstan par bya'o/ /sems can bsam pa dge ba rnams kyi bsam pa rtogs par byas nas/ bsam pa rnam par sbyang bar bya'o/ /sems can log pa nyid du mos pa'i bar dag ni lta ba drang po bya zhing / ji ltar rjes su 'thun pa'i chos bstan
286a5 par bya'o//snyam du yang mi sems te/ de bzhin gshegs pa nyi ma'i dkyil 'khor gyi ye shes kyi 'od zer snang ba ni de ltar rnam par rtog par mi byed do/ /de ci'i phyir zhe na/ de bzhin gshegs pa nyi ma'i dkyil 'khor gyi ye shes kyi 'od zer snang ba ni rtog pa dang / rnam par rtog pa dang /
286a6 yongs su rtog pa dang / spros pa thams cad yang dag par rgyun chad pa yin pa'i phyir ro/ /'jam dpal 'on kyang sems can rnams kyi dge ba'i bsam pa'i rgyud sna tshogs dag la de bzhin gshegs pa nyi ma'i dkyil 'khor gyi ye shes kyi 'od zer gyi snang ba sna tshogs dag 'byung bar yang
286a7 'gyur ro// //bam po gnyis pa/ 'jam dpal 'di lta ste dper na/ rgya mtsho chen po'i nang na nor bu rin po che chen po bsam pa thams cad yongs su rdzogs par byed pa zhes bya ba zhig yod de/ de rgyal mtshan gyi rtse mo la btags na de las sems can gang
286b1 gis bsam pa ci 'dra ba de lta bu'i sgra 'byung bar sems can rnams kyis kun tu shes kyang nor bu rin po che chen po de ni rtog par mi byed/rnam par rtog par mi byed/ sems par mi byed/ rnam par sems par mi byed cing / sems pa med pa sems med pa sems dang yid dang rnam par
286b2 shes pa dang bral ba yin no//'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang rtog par mi byed/ rnam par rtog par mi byed/ sems par mi byed/ rnam par sems par mi byed cing / sems pa med pa/
286b3 sems dang / yid dang / rnam par shes pa dang bral ba/ ma bzung ba/ yongs su gzung bar bya ba ma yin pa/ ma thob pa thob par bya ba ma yin/ so so'i bden pa bsal ba/ 'dod chags bsal ba/ zhe sdang bsal ba/ gti mug bsal ba/ bden pa ma yin/
286b4 pa ma yin/ rtag pa ma yin/ mi rtag pa ma yin/ 'od ma yin 'od med pa ma yin/ 'jig rten ma yin/ 'jig rten med pa ma yin/ rtog pa med pa dpyod pa med pa ma skyes pa ma 'gags pa/ bsam du med pa rab tu bsam du med pa/ rang bzhin med pa rang bzhin gyi gzhi
286b5 med pa/rang bzhin stong pa blang ba med pa/ dor ba med pa/ mngon par zhen par bya ba med pa/ brjod du med pa/ brjod pa yang dag par rgyun chad pa/ kun tu dga' ba med pa/ kun tu dga' ba dang bral ba/ kun tu dga' bas nges par bcom pa/ grangs su bgrang ba
286b6 ma yin pa dang /grangs su bgrang ba dang / 'gro ba med pa 'gro bar 'gro ba med pa/ 'gro ba thams cad yang dag par rgyun chad pa/ brjod pa thams cad yang dag par rgyun chad pa/ bltar mi snang ba/ mi mthong ba gzung du med pa/ tha snyad med pa/ nam mkha' ma yin/ bla
286b7 gab med pa ma yin/gzung bar mi bya ba ma yin/ bltar snang ba ma yin/ bstan par bya ba ma yin/ tshogs pa ma yin/ tshogs pa med pa ma yin/ brtags pa ma yin/ rnam par brtags pa ma yin/ rnam par bsgrubs pa ma yin/ kun tu bstan pa
287a1 ma yin/kun nas nyon mongs pa can ma yin/ yongs su sbyang bar 'os pa ma yin/ ming med pa/ gzugs med pa/ mtshan ma med pa/ las med pa/ las kyi rnam par smin pa med pa/ 'das pa ma yin/ ma 'ongs pa ma yin/ da ltar byung ba ma yin/
287a2 ci yang ma yin/ nyon mongs pa med pa/ yi ge med pa/ sgra skad med pa/ sgra skad thams cad las yang dag par 'das pa/ sgra med pa/ mtshan nyid med pa/ mtshan nyid thams cad dang bral ba/ nang na mi dmigs/ phyi rol na mi dmigs/ gnyi ga med par yang mi
287a3 dmigs pa yin mod kyi/'jam dpal 'on kyang de bzhin gshegs pa'i lhag pa'i bsam pa yongs su dag pa'i ye shes rin po che snying rje chen po'i rgyal mtshan gyi rtse mo la btags na/ de las sems can gang yin pa de'i bsam pa dang mos pa ji lta ba de lta bu'i chos bstan
287a4 pa 'byung bar sems can rnams kyis kun tu shes kyang /de bzhin gshegs pa ni de dag la yang thams cad du mnyam zhing btang snyoms la rnam par mi rtog cing bye brag mi 'byed do/ /'jam dpal 'di lta ste dper na/ brag ca ni gzhan gyi rnam par rig pa las 'byung bar
287a5 sems can rnams kyis kun tu shes kyang de ni 'das pa ma yin/ma 'ongs pa ma yin/ da ltar byung ba ma yin/ nang na ma yin/ phyi rol ma yin/ gnyi ga med par yang mi dmigs te/ ma skyes pa/ ma 'gags pa/ chad pa ma yin/ rtag pa ma yin/ shes
287a6 pa dang ldan pa ma yin/shes pa dang mi ldan pa ma yin/ shes rab ma yin/ shes rab med pa ma yin/ rig pa ma yin/ rig pa med pa ma yin/ rnam par grol ba ma yin/ rnam par grol ba med pa ma yin/ kha na ma tho ba dang bcas pa ma yin/ kha na ma tho ba med pa ma
287a7 yin/dran pa dang ldan pa ma yin/ dran pa dang mi ldan pa ma yin/ gnas pa dang ldan pa ma yin/ gnas pa dang mi ldan pa ma yin/ 'dug pa ma yin/ mi 'dug pa ma yin/ sa'i khams ma yin/ chu'i khams ma yin/ me'i khams ma yin/ rlung gi khams ma yin/
287b1 'dus byas ma yin/ 'dus ma byas ma yin/ spros pa yod pa ma yin/ spros pa med pa ma yin/ sgra ma yin/ sgra med pa ma yin/ bltar snang ba ma yin/ bltar mi snang ba ma yin/ yi ge med pa/ sgra med pa/ sgra las yang dag par 'das pa/ gzhal du med pa/ gzhal
287b2 ba las yang dag par 'das pa/mtshan nyid med pa/ mtshan nyid dang bral ba/ zhi ba ma yin/ ma zhi ba ma yin/ ring po ma yin/ thung ngu ma yin/ sems pa yod pa ma yin/ sems pa med pa ma yin/ sems yod pa ma yin/ sems med pa ma yin/ snang ba ma yin/ mi snang ba ma yin/ bstan du yod pa
287b3 ma yin/bstan du med pa ma yin/ rang bzhin stong pa/ dran pa med pa/ yid la byed pa med pa/ rtog pa med pa/ dpyod pa med pa/ sems dang / yid dang / rnam par shes pa dang bral ba/ thams cad du mnyam zhing btang snyoms la rnam par mi rtog cing bye brag mi 'byed pa/
287b4 dus gsum las yang dag par 'das pa yin mod kyi/ 'jam dpal 'on kyang sems can lhag pa'i bsam pa tha dad pa rnams kyi sgra skad dang rnam par rig pa sna tshogs dag las brag ca'i sgra skad sna tshogs dag 'byung bar 'gyur zhing / de dag ni byang chub sems dpa' rnams kyis de kho na
287b5 bzhin du kun tu shes par 'gyur ro/'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang 'das pa ma yin/ ma 'ongs pa ma yin/ da ltar byung ba ma yin/ nang na ma yin phyi rol na ma yin zhing / gnyi ga med par yang mi dmigs
287b6 te/ma skyes pa/ ma 'gags pa/ chad pa ma yin/ rtag pa ma yin/ shes pa dang ldan pa ma yin/ shes pa dang mi ldan pa ma yin/ shes rab ma yin/ shes rab med pa ma yin/ rig pa ma yin/ rig pa med pa ma yin/ rnam par grol ba ma yin/ rnam par grol
287b7 ba med pa ma yin/kha na ma tho ba dang bcas pa ma yin/ kha na ma tho ba med pa ma yin/ dran pa dang ldan pa ma yin/ dran pa dang mi ldan pa ma yin/ gnas dang ldan pa ma yin/ gnas dang mi ldan pa ma yin/ 'dug pa ma yin/ mi 'dug pa ma yin/ sa'i khams ma yin/ chu'i
288a1 khams ma yin/me'i khams ma yin/ rlung gi khams ma yin/ 'dus byas ma yin/ 'dus ma byas ma yin/ spros pa yod pa ma yin/ spros pa med pa ma yin/ sgra ma yin/ sgra med pa ma yin/ bltar snang ba ma yin/ bltar mi snang ba ma yin/
288a2 yi ge med pa/ sgra med pa/ sgra las yang dag par 'das pa/ gzhal du med pa/ gzhal ba las yang dag par 'das pa/ mtshan nyid med pa/ mtshan nyid dang bral ba/ zhi ba ma yin/ ma zhi ba ma yin/ ring po ma yin/ thung ngu ma yin/ sems pa yod pa ma yin/
288a3 sems pa med pa ma yin/ sems yod pa ma yin/ sems med pa ma yin/ snang ba ma yin/ mi snang ba ma yin/ bstan tu yod pa ma yin/ bstan du med pa ma yin/ rang bzhin stong pa/ dran pa med pa/ yid la byed pa med pa/ rtog pa med pa/ dpyod pa med pa/ sems
288a4 dang /yid dang / rnam par shes pa dang bral ba/ thams cad du mnyam zhing btang snyoms la rnam par mi rtog cing bye brag mi 'byed la/ dus gsum las yang dag par 'das pa yin mod kyi/ 'jam dpal 'on kyang sems can mos pa tha dad pa rnams kyis lhag pa'i bsam pa
288a5 dang /rnam par rig pa sna tshogs dag las de bzhin gshegs pa'i gsung 'byung bar kun tu shes par 'gyur ro/ /'jam dpal 'di lta ste dper na sa la bsten cing sa la gnas nas rtswa dang shing gel ba dang / rtsi dang nags tshal thams cad 'phel zhing rgyas pa dang / yangs par 'gyur yang
288a6 'jam dpal sa ni rtog par mi byed/rnam par rtog par mi byed de/ thams cad du mnyam zhing rnam par mi rtog pa/ bye brag mi 'byed cing sems par mi byed de/ sems dang / yid dang / rnam par shes pa dang bral ba yin no/ /'jam dpal de bzhin du de bzhin gshegs pa la brten
288a7 cing de bzhin gshegs pa la gnas nas sems can nyan thos kyi theg pa pa'am/rang sangs rgyas kyi theg pa'am/ theg pa chen po pa thams cad kyi dge ba'i rtsa ba thams cad kyang 'phel zhing rgyas pa dang yangs par 'gyur la/ de bzhin gshegs pa la brten cing de bzhin gshegs pa la gnas nas
288b1 spyod pa pa dang /kun tu rgyu dang / gcer bu pa la sogs pa mu stegs kyi gnas gzhan thams cad kyi dge ba'i rtsa ba thams cad dang / tha na log pa nyid du nges pa rnams kyi dge ba'i rtsa ba gzhan gang dag yin pa de dag thams cad kyang 'phel zhing rgyas pa dang yangs par 'gyur mod kyi/ 'jam
288b2 dpal 'on kyang de bzhin gshegs pa ni rtog par mi byed/rnam par rtog par mi byed de/ 'jam dpal de bzhin gshegs pa dgra bcom pa yang dag par rdzogs pa'i sangs rgyas ni rtog pa dang / rnam par rtog pa dang / dmigs pa dang / yid la byed pa thams cad rgyun chad pa/ sems
288b3 dang yid dang rnam par shes pa dang bral ba/rtog ge ma yin/ rtog ge'i spyod yul ma yin/ mi snang ba/ mi mthong ba/ bsam du med pa/ bsam par bya ba ma yin pa/ yid la byed pa med pa/ sems pa med pa/ sems dang / yid dang / rnam par shes pa dang bral ba/
288b4 thams cad du mnyam zhing btang snyoms la rnam par mi rtog cing bye brag mi 'byed do/ /'jam dpal 'di lta ste dper na/ nam mkha' ni thams cad du mnyam zhing rnam par mi rtog la/ bye brag mi 'byed de/ ma skyes pa/ ma 'gags pa/ 'das pa ma yin/ ma 'ongs pa ma
288b5 yin/da ltar byung ba ma yin/ mtshan gzhi med pa/ spros pa med pa/ gzugs med pa/ bstan du med pa/ rnam par rig pa med pa/ reg pa med pa/ gnas med pa/ gzhal du med pa/ gzhal ba las yang dag par 'das pa/ dpe med pa/ dpe las yang dag
288b6 par 'das pa/mi gnas pa/ gzung ba med pa/ mig gi lam las yang dag par 'das pa sems dang / yid dang / rnam par shes pa dang bral ba/ mtshan nyid med pa/ yi ge med pa/ sgra med pa/ yid la byed pa med pa/ blang ba med pa/ dor ba med pa/ 'degs
288b7 pa med pa/gzhag pa med pa/ tshig gi lam las yang dag par 'das pa/ thams cad kyi rjes su song zhing rjes su zhugs pa yin mod kyi/ 'jam dpal 'on kyang sems can rnams kyis dbyibs chung ngu dang / 'bring dang / chen po dag gis nam mkha' yang chung ngu dang /
289a1 'bring dang chen por kun tu shes par 'gyur ro/ /'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang thams cad du mnyam zhing rnam par mi rtog la/ bye brag mi 'byed/ ma skyes pa/ ma 'gags pa/ 'das pa
289a2 ma yin/ma 'ongs pa ma yin/ da ltar byung ba ma yin/ mtshan gzhi med pa/ spros pa med pa/ gzugs med pa/ bstan du med pa/ rnam par rig pa med pa/ reg pa med pa/ gnas med pa/ gzhal du med pa/ gzhal ba las yang dag par 'das pa/ dpe med pa/
289a3 dpe las yang dag par 'das pa/ mi gnas pa/ gzung ba med pa/ mig gi lam las yang dag par 'das pa/ sems dang / yid dang / rnam par shes pa dang bral ba mtshan nyid med pa/ yi ge med pa/ sgra med pa/ yid la byed pa med pa/ blang ba med pa/ dor ba med pa/
289a4 gdeg pa med pa/ gzhag pa med pa tshig gi lam las yang dag par 'das pa/ thams cad kyi rjes su song zhing rjes su zhugs pa yin mod kyi/ 'jam dpal 'on kyang sems can dman pa dang / 'bring dang / mchog gang dag yin pa de dag gis de bzhin gshegs pa yang dman pa dang /
289a5 'bring dang / mchog tu mthong ngo / /'jam dpal de bzhin gshegs pa ni 'di snyam du sems can 'di ni bsam pa dang / mos pa dman pa yin gyis sems can 'di la ni gzugs kyi sku'i kha dog yongs su 'grub pa dman pa bstan par bya'o/ /sems can 'di ni bsam pa dang mos pa
289a6 'bring yin gyis sems can 'di la ni gzugs kyi sku'i kha dog yongs su 'grub pa 'bring bstan par bya'o//sems can 'di ni bsam pa dang mos pa rgya che ba yin gyis/ sems can 'di la ni gzugs kyi sku'i kha dog yongs su 'grub pa rgya chen po bstan par bya'o snyam du mi sems so/ /'jam
289a7 dpal chos ston pa yang de bzhin du rtogs par bya ste/'jam dpal de bzhin gshegs pa ni 'di snyam du sems can 'di ni dman pa la mos pa yin gyis/ sems can 'di la ni nyan thos kyi theg pa'i gtam dman pa brjod par bya'o/ /sems can 'di ni bar ma la mos pa yin gyis/ sems can
289b1 'di la ni rang sangs rgyas kyi theg pa'i gtam par ma brjod par bya'o//sems can 'di ni rgya chen po la mos pa yin gyis/ sems can 'di la ni theg pa chen po'i gtam rgya chen po brjod par bya'o snyam du mi sems so/ /'jam dpal de bzhin gshegs pa ni 'di snyam du sems can 'di
289b2 ni sbyin pa la mos pa yin gyis/sems can 'di la ni sbyin pa'i gtam brjod par bya'o/ /sems can 'di ni tshul khrims dang / bzod pa dang / brtson 'grus dang / bsam gtan la mos pa yin gyis/ sems can 'di la ni bsam gtan gyi gtam brjod par bya'o/ /snyam du yang mi
289b3 sems so//'jam dpal de bzhin du de bzhin gshegs pa ni 'di snyam du sems can 'di ni shes rab kyi pha rol tu phyin pa la mos pa yin gyis/ sems can 'di la ni shes rab kyi pha rol tu phyin pa'i gtam brjod par bya'o snyam du yang mi sems te/ 'jam dpal de bzhin gshegs pa la ni rnam
289b4 par rtogs pa de lta bu dag med do//de ci'i phyir zhe na/ 'jam dpal de bzhin gshegs pa ni chos kyi sku yin pa'i phyir te/ 'jam dpal de bzhin gshegs pa ni shin tu ma skyes pa dang / ma 'gags pa yin no/ 'jam dpal de bzhin gshegs pa'i rnam par shes pa ni ming dang gzugs dang nges
289b5 pa'i tshig gi rjes su 'brang zhing 'byung ba ma yin te/'jam dpal de bzhin gshegs pa ni rtog par mi byed/ rnam par rtog par mi byed pa yin no/ /'jam dpal de bzhin gshegs pa ni skad cig pa yin te/ mi zad pa'i mtshan nyid dang / mi zad pa'i mtha' dang / yang dag pa'i mthar nges pa
289b6 yin no//'jam dpal de bzhin gshegs pa dgra bcom pa yang dag par rdzogs pa'i sangs rgyas ni/ chos thams cad kyi mnyam pa nyid kyi mtha' dang / gnyis su med pa'i mtha' dang / shin tu 'byung ba med pa'i mtha' yin te/ thams cad du mnyam zhing rnam par mi rtog la bye brag mi 'byed de/ dman
289b7 pa ma yin/bar ma ma yin/ mchog ma yin no/ /'jam dpal de bzhin du chos thams cad kyang mnyam zhing rnam par mi rtog la bye brag mi mi 'byed de/ dman pa ma yin/ bar ma yin/ mchog ma yin no/ /de ci'i phyir zhe na/ 'jam dpal chos thams cad ni dmigs su med pa'i phyir te/ 'jam dpal
290a1 chos thams cad ni dmigs su med pa gang yin pa de ni mnyam pa nyid yin no//mnyam pa nyid gang yin pa de ni gnas pa nyid yin no/ /gnas pa nyid gang yin pa de ni mi g.yo ba nyid yin no/ /mi g.yo ba nyid gang yin pa de ni mi rten pa yid yin no/ /chos thams cad la mi rten pa'i sems kyi gnas
290a2 med do//sems mi gnas pa ni skye ba med par gyur te/ de ltar mthong ba'i sems dang sems las byung ba rnams ni phyin ci ma log par 'jug par 'gyur ro/ /gang gi sems phyin ci ma log pa des ni ji lta ba bzhin thob par 'gyur ro/ /ji lta ba bzhin thob pa ni 'phro bar mi byed do/ /spros pa med pa
290a3 la ni spyod pa yang med do//gang gi tshe spyod par mi byed pa de'i tshe mi 'khor ro/ /gang gi tshe mi 'khor ba de'i tshe rnam par mi 'phro ste/ rnam par 'phro ba med pa ni chos nyid dang 'gal bar mi byed do/ /chos nyid dang mi 'gal ba ni thams cad dang rjes su 'thun par 'gyur ro/ /thams cad dang rjes su 'thun pa
290a4 ni chos kyi rang bzhin las mi g.yo'o//chos kyi rang bzhin las mi g.yo bas ni chos kyi rang bzhin thob par 'gyur ro/ /chos kyi rang bzhin thob pa ni cung zad kyang 'phro bar mi byed do/ /de ci'i phyir zhe na/ 'jam dpal rgyu dang rkyen gyis bskyed pa'i phyir te/ rgyu dang rkyen gyis bskyed pa gang yin pa de
290a5 ni shin tu ma skyes pa yin no//shin tu ma skyes pa gang yin pa des ni nges pa 'thob bo/ /nges pa thob pa gang yin pa de ni chos thams cad yid la byed pa dang lhan cig mi gnas te/ gang gi chos thams cad yid la byed pa dang lhan cig mi gnas pa de'i tshe gnas par bya ba med pa yin no/ /gang gi tshe
290a6 gnas par bya ba med pa de'i tshe mi 'byung mi 'jig go//gang gi tshe mi 'byung mi 'jig pa de'i tshe gnas shing chos thob par 'gyur ro/ /gang gi tshe gnas shing chos thob pa de'i tshe tshul bzhin gyi chos la zhugs par 'gyur ro/ /tshul bzhin gyi chos la zhugs pa la ni gang sangs rgyas kyi chos ma yin
290a7 pa'i chos de dga' yang med do//de ci'i phyir zhe na/ 'jam dpal stong pa nyid rjes su rtogs pa'i phyir te/ stong pa nyid rjes su rtogs pa gang yin pa de ni byang chub bo/ /des de ltar stong pa nyid dang / mtshan ma med pa dang / smon pa med pa dang / mngon par 'du bya ba med pa dang / gnas
290b1 med pa dang /'byung ba med pa dang / gzung ba med pa dang / gzhi med pa rjes su rtogs pa'i phyir byang chub ste/ byang chub ni tshul bzhin la sbyor ba'o/ /tshul bzhin du sbyor ba ni 'degs pa med pa dang / gzhag pa med pa dang / bya ba med pa dang / rnam par bya ba med pa la sbyor ba
290b2 dang /chags pa med pa dang / grol ba med pa la sbyor ba dang / gcig pa nyid ma yin pa dang / tha dad pa nyid ma yin pa la sbyor ba dang / 'ongs pa ma yin pa la sbyor ba dang / tshul bzhin la sbyor ba yin no/ /tshul bzhin gang yin pa de la ni sbyor ba yang med/ spongs pa yang med/ /'bras
290b3 bu mngon sum du bya ba yang med do//de ci'i phyir zhe na/ 'jam dpal sems ni rang bzhin gyis 'od gsal ba'i phyir te/ de ni glo bur gyi nye ba'i nyon mongs pa thams cad kyis nye bar nyon mongs par zad kyi/ rang bzhin gyis kun nas nyon mongs pa nyid ma yin no/ /rang bzhin gyis 'od gsal ba
290b4 nyid gang yin pa de ni kun nas nyon mongs pa med pa nyid yin no//kun nas nyon mongs pa med pa gang yin pa de la ni gnyen po gang gis nyon mongs pa spong bar 'gyur ba'i gnyen po med do/ /de ci'i phyir zhe na/ 'jam dpal de ni dag pa nyid yin pas dag pa ni dag par mi 'gyur ba'i phyir te/ dag pa
290b5 gang yin pa de ni skye ba med pa'o//skye ba med pa gang yin pa de ni ma smad pa'o/ /ma smad pa gang yin pa de ni 'dod pa spangs pa'o/ /'dod pa spangs pa gang yin pa de la ni sred pa thams cad 'gag go/ /gang la sred pa thams cad 'gags pa de ni mi skye'o/ /mi skye ba gang yin pa de ni byang chub bo/ /
290b6 byang chub gang yin pa de ni mnyam pa nyid do/ /mnyam pa nyid gang yin pa de ni de bzhin nyid do/ /de bzhin nyid la ni 'dus byas dang / 'dus ma byas kyi chos thams cad gnas so/ /de bzhin nyid gang yin pa de la ni 'dus byas kyang med/ 'dus ma byas kyang med/ gnyis su gdags pa yang med
290b7 do//gang la 'dus byas kyang med/ 'dus ma byas kyang med/ gnyis su gdags pa yang med pa de ni de bzhin nyid do/ /de bzhin nyid gang yin pa de ni gzhan ma yin pa de bzhin nyid do/ /gzhan ma yin pa de bzhin nyid gang yin pa de ni 'gyur ba med pa de bzhin nyid do/ /'gyur ba med pa de bzhin
291a1 nyid gang yin pa de ni 'ong ba med pa de bzhin nyid do//'ong ba med pa de bzhin nyid gang yin pa de ni 'gro ba med pa de bzhin nyid do/ /'gro ba med pa de bzhin nyid gang yin pa de ni ji lta ba bzhin de bzhin nyid do/ /ji lta ba bzhin de bzhin nyid gang yin pa de ni nam yang de bzhin nyid ma yin pa ma yin
291a2 no//nam yang de bzhin nyid ma yin pa ma yin pa gang yin pa de ni kun nas nyon mongs par mi 'gyur/ rnam par byang bar mi 'gyur ro/ /gang kun nas nyon mongs par mi 'gyur/ rnam par byang bar mi 'gyur ba de ni skye bar mi 'gyur/ 'gag par mi 'gyur ro/ /gang skye bar mi 'gyur/ 'gag
291a3 par mi 'gyur ba de ni mya ngan las 'das pa dang mnyam mo//gang mya ngan las 'das pa dang mnyam pa de ni 'khor bar mi 'gyur/ yongs su mya ngan las 'da' bar mi 'gyur ro/ /gang 'khor bar mi 'gyur yongs su mya ngan las 'da' bar mi 'gyur ba de ni 'das pa ma yin/ ma 'ongs pa ma yin/ da ltar
291a4 byung ba ma yin no//gang 'das pa ma yin/ ma 'ongs pa ma yin/ da ltar byung ba ma yin pa de ni dman pa ma yin/ bar ma ma yin/ mchog ma yin no/ /gang dman pa ma yin/ bar ma ma yin/ mchog ma yin pa de ni de bzhin nyid de/ de bzhin nyid ces bya ba de ni de kho na'i don gyi tshig
291a5 yin no//de kho na zhes bya ba ni de bzhin nyid kho na'o/ /de bzhin nyid de kho na ni de bzhin nyid do/ /de bzhin nyid dang bdag de ni gnyis su med de gnyis su byar med do/ /gnyis su byar med pa'i don gang yin pa de ni byang chub ste/ byang chub ni don rtogs pa'o/ /don ces bya ba ni chos bstan
291a6 pa thams cad la rnam par thar ba'i sgo gsum du 'jug pa shes pa'o//shes pa zhes bya ba ni chos thams cad la dus gsum mnyam pa nyid du 'jug pa'o/ /chos thams cad kyi dbyer med pa'i don de ni don ces bya ste/ don ni sgra med pa/ brjod du med pa/ tha snyad med pa tha snyad yang dag par chad pa
291a7 yin no//shes pa zhes bya ba ni don rjes su rtogs pa'i shes pa dang / rnam par shes pa rjes su rtogs pa'i shes pa gang yin pa ste/ de ni shes pa zhes bya'o/ /don ces bya ba ni de kho na'i don shes pa dang / rnam par shes pa rjes su rtogs pa'i shes pas nges par rtogs pa gang yin pa ste/
291b1 de nyid chos nyid yin no/ /chos nyid gang yin pa de ni don yin no/ /don rjes su rtogs pa'i shes pa dang / rnam par shes pa rjes su rtogs pa'i shes pa dang / nges pa'i don rjes su rtogs pa'i shes pas rjes su rtogs pa gang yin pa de ni chos nyid do/ /chos nyid gang yin pa de ni don yin no/ /
291b2 don gang yin pa de ni chos nyid dang / chos gnas pa nyid dang / chos nges pa nyid de de ni chos la 'jug par mi 'gyur ro/ /chos la ma zhugs pa gang yin pa dang / don dang tshig 'bru mnyam pa nyid gang yin pa de ni gnyis su med pa'i don gyis mnyam pa nyid yin te/ mnyam pa nyid gang yin
291b3 pa de ni don yin no//don shes pa dang / rnam par shes pa la mnyam pa nyid gang yin pa de ni gnyis su med pa'i sgor 'jug pas na/ shes pa yin no/ /nges pa'i don dang drang ba'i don mnyam pa nyid kyis don mnyam pa de ni stong pa nyid do/ /stong pa nyid du don mnyam pas gang zag mnyam
291b4 pa nyid mnyam mo//gang zag mnyam pa nyid kyis chos mnyam pa nyid mnyam mo/ /chos mnyam pa nyid kyis rnam par grol ba mnyam pa nyid mnyam ste/ rnam par grol ba mnyam pa nyid rjes su rtogs pa ni byang chub bo/ /'jam dpal gzugs la chags pas chags par gyur pa rnams kyis
291b5 mig ni chags pa yin no//gzugs dang mig gi rang bzhin shes pa ni chags pa med pa yin no/ /lta ba la chags pas chags par gyur pa rnams kyi rang gi lus ni chags pa yin no/ /lta bar gyur pa thams cad kyi rang gi lus kyi rang bzhin stong pa nyid du shes pa ni chags pa
291b6 med pa yin no//tshul bzhin ma yin pa yid la byed pa la chags pas chags par gyur pa rnams kyi chos kyi snang ba ni chags pa yin no/ /tshul bzhin yid la byed pa'i chos la so sor rtog cing ngo bo nyid kyis rang bzhin stong pa nyid du shes pa ni chags pa med pa yin no/ /the tshom gyi dri ma la
291b7 chags pas chags par gyur pa rnams kyi thar pa ni chags pa yin no//mos pa dang rnam par grol ba yang dag pa ji lta ba bzhin du shes pa ni chags pa med pa yin no/ /le lo'i dri ma la chags pas chags par gyur pa rnams kyi rtogs par bya ba la brtson 'grus brtan pa nyid ni chags pa yin
292a1 no//chos ji lta ba bzhin du rtogs pa ni chags pa med pa yin no/ /sgrib pa la chags pas chags par gyur pa rnams kyi byang chub kyi byang chub kyi yan lag rnams ni chags pa yin no/ /sgrib pa med pa'i rnam par thar pa shes pa ni chags pa med pa yin no/ /rang bzhin gyis yongs
292a2 su dag pa'i chos thams cad ni rgyu dang rkyen tshogs pa las 'byung ste/de la byang chub sems dpas kun nas nyon mongs pa'i rgyu dang / rnam par byang ba'i rgyu yang yongs su shes par bya zhing / kun nas nyon mongs pa'i rgyu rnam par dag pa dang / rnam par byang ba'i rgyu rnam par dag pas kyang
292a3 gnas par mi bya'o//bdag kun nas slong ba dang / lta ba kun nas slong ba ni kun nas nyon mongs pa'i rgyu yin no/ /chos bdag med pa la 'jug pa'i bzod pa ni rnam par byang ba'i rgyu yin no/ /ngar 'dzin pa dang / nga rgyal gyi lta ba ni kun nas nyon mongs pa'i rgyu yin no/ /nang nye bar zhi ba dang phyi rol
292a4 tu rgyu ba med pa ni rnam par byang ba'i rgyu yin no//'dod pa dang / gnod sems dang / rnam par 'tshe ba dang / rtog pa dag ni kun nas nyon mongs pa'i rgyu yin no/ /mi sdug pa dang / byams pa dang / snying rje dang / dga' ba dang / btang snyoms dang / brten pa'i chos la 'jug
292a5 pa'i bzod pa ni rnam par byang ba'i rgyu yin no//phyin ci log bzhi ni kun nas nyon mongs pa'i rgyu yin no/ /yang dag pa'i dran pa nye bar gzhag pa bzhi ni rnam par byang ba'i rgyu yin no/ /sgrib pa lnga ni kun nas nyon mongs pa'i rgyu yin no/ /dbang po lnga ni rnam par byang ba'i rgyu yin no/ /skye mched
292a6 drug ni kun nas nyon mongs pa'i rgyu yin no//rjes su dran pa drug ni rnam par byang ba'i rgyu yin no/ /dam pa ma yin pa'i chos bdun ni kun nas nyon mongs pa'i rgyu yin no/ /byang chub kyi yan lag bdun ni rnam par byang ba'i rgyu yin no/ /log pa nyid brgyad ni kun nas nyon mongs pa'i rgyu yin no/ /
292a7 yang dag pa nyid brgyad ni rnam par byang ba'i rgyu yin no/ /kun nas mnar sems kyi dngos po dgu ni kun nas nyon mongs pa'i rgyu yin no/ /mthar gyis gnas pa'i snyoms par 'jug pa dgu ni rnam par byang ba'i rgyu yin no/ /mi dge ba bcu'i las kyi lam ni kun nas nyon mongs pa'i rgyu yin no/ /
292b1 dge ba bcu'i las kyi lam ni rnam par byang ba'i rgyu yin te/ mdor mi dge ba yid la byed pa thams cad ni kun nas nyon mongs pa'i rgyu yin no/ /dge ba yid la byed pa thams cad ni rnam par byang ba'i rgyu yin no/ /de la kun nas nyon mongs pa'i rgyu gang yin pa dang / rnam par byang ba'i rgyu
292b2 gang yin pa'i chos de dag thams cad ni rang bzhin gyis stong pa dang /sems can med pa dang / srog med pa dang / gang zag med pa dang / bdag po med pa dang / yongs su 'dzin pa med pa dang / byed pa med pa dang / sgyu ma lta bu dang mtshan nyid med pa dang / nang nye bar
292b3 zhi ba yin no//nang nye bar zhi ba gang yin pa de ni rab tu zhi ba'o/ /rab tu zhi ba gang yin pa de ni rang bzhin no/ /rang bzhin gang yin pa de ni dmigs su med pa'o/ /dmigs su med pa gang yin pa de ni gnas med pa'o/ /gnas med pa gang yin pa de ni de kho na'o/ /de kho na ni nam
292b4 mkha' ste/des chos thams cad nam mkha' lta bur rab tu shes na kun nas nyon mongs pa dang rnam par byang bas spyod kyang nam mkha'i chos nyid dag mi spong ngo / /de ci'i phyir zhe na/ 'jam dpal gang la skye ba'am/ 'gag par 'gyur ba'i chos de gang yang med pa'i phyir ro/ /
292b5 'jam dpal gyis gsol pa/ bcom ldan 'das 'o na de bzhin gshegs pas byang chub ji ltar brnyes lags/ bcom ldan 'das kyis bka' stsal pa/ 'jam dpal de bzhin gshegs pas ni rtsa ba med pa dang / gnas med par byang chub thob bo/ /'jam
292b6 dpal gyis gsol pa/bcom ldan 'das de la rtsa ba ni gang lags/ gnas ni gang lags/ bcom ldan 'das kyis bka' stsal pa/ 'jam dpal 'jig tshogs ni rtsa ba yin no/ /yang dag pa ma yin pa'i kun tu rtog pa ni gnas yin no/ /'jam dpal de la de bzhin
292b7 gshegs pas byang chub mnyam pa nyid kyis chos thams cad mnyam pa nyid du shes te/'jam dpal de'i phyir de bzhin gshegs pas rtsa ba med pa dang / gnas med par byang chub mngon par rdzogs par sangs rgyas zhes bya'o/ /'jam dpal byang chub ni zhi ba dang nye bar zhi ba yin te/
293a1 de la zhi ba ni gang / nye bar zhi ba ni gang zhe na/ nang ni zhi ba yin no/ /phyi rol ni nye bar zhi ba yin no/ /de ci'i phyir zhe na/ 'jam dpal mig ni bdag dang bdag gis stong ste/ de'i rang bzhin de yin pa'i phyir de ni zhi ba zhes bya'o/ /des mig stong pa zhes bya bar yongs
293a2 su shes nas gzugs rnams la mi rgyug ste/de'i phyir nye bar zhi ba zhes bya'o/ /de bzhin du rna ba ni bdag dang bdag gis stong ste/ de'i rang bzhin de yin pa'i phyir de ni zhi ba zhes bya'o/ /des rna ba stong pa zhes bya bar yongs su shes nas sgra rnams la mi rgyug ste/ de'i phyir nye bar zhi ba
293a3 zhes bya'o//sna ni bdag dang bdag gis stong ste/ de'i rang bzhin de yin pa'i phyir de ni zhi ba zhes bya'o/ /des sna stong pa zhes bya bar yongs su shes nas/ dri rnams la mi rgyug ste/ de'i phyir nye bar zhi ba zhes bya'o/ /lce ni bdag dang bdag gis stong ste/ de'i rang bzhin de yin
293a4 pa'i phyir de ni zhi ba zhes bya'o//des lce stong pa zhes bya bar yongs su shes nas ro rnams la mi rgyug ste/ de'i phyir nye bar zhi ba zhes bya'o/ /lus ni bdag dang bdag gis stong ste/ de'i rang bzhin de yin pa'i phyir de ni zhi ba zhes bya'o/ /des lus stong pa zhes bya bar yongs su shes nas/
293a5 reg bya rnams la mi rgyug ste/ de'i phyir nye bar zhi ba zhes bya'o/ /'jam dpal yid ni bdag dang bdag gis stong ste/ de'i rang bzhin de yin pa'i phyir de ni zhi ba zhes bya'o/ /des yid stong pa zhes bya bar yongs su shes nas/ chos rnams la mi rgyug ste/ de'i phyir nye bar zhi ba zhes
293a6 bya'o//'jam dpal byang chub ni sems kyi rang bzhin 'od gsal ba nyid kyis rang bzhin 'od gsal ba yin te/ ci'i phyir 'od gsal ba zhes bya zhe na/ rang bzhin gang yin pa de ni kun nas nyon mongs pa med pa/ nam mkha' dang mnyam pa/ nam mkha'i rang bzhin can/ nam
293a7 mkhar yang dag par 'du ba/nam mkha' lta bu ste/ rang bzhin gyis shin tu 'od gsal ba yin pa'i phyir ro/ /'jam dpal byang chub ni blang ba med pa nyid dang / dor ba med pa nyid yin te/ de la blang ba med pa nyid ni gang / dor ba med pa nyid ni gang zhe na/ blang ba med pa nyid ces bya
293b1 ba ni chos thams cad gzung du med pa nyid yin no//dor ba med pa nyid ces bya ba ni chos thams cad spang du med pa nyid yin no/ /'jam dpal de la de bzhin gshegs pa ni blang ba med pa nyid dang / dor ba med pa nyid kyis chu bo las rgal bar gyur te/ ji ltar de bzhin nyid kyi tshu rol yang
293b2 yang dag par rjes su mi mthong /pha rol yang yang dag par rjes su mi mthong ba de ltar chu bo las rgal to/ /de ltar de bzhin gshegs pas tshu rol dang pha rol dang bral ba'i chos thams cad mngon par rdzogs par byang chub ste/ de'i phyir de bzhin gshegs pa zhes bya'o/ /'jam dpal
293b3 byang chub ni mtshan ma med pa nyid dang /dmigs pa med pa nyid yin te/ de la mtshan ma med pa nyid ni gang / dmigs pa med pa nyid ni gang zhe na/ 'jam dpal mig gi rnam par shes pa mi dmigs pa ni mtshan ma med pa nyid yin no/ /gzugs yang dag par rjes su mi mthong ba ni
293b4 dmigs pa med pa nyid yin no//rna ba'i rnam par shes pa ni dmigs pa ni mtshan ma med pa nyid yin no/ /sgra mnyan du med pa ni dmigs pa med pa nyid yin no/ /sna'i rnam par shes pa mi dmigs pa ni mtshan ma med pa nyid yin no/ /dri bsnam du med pa ni dmigs pa med pa nyid yin no/ /
293b5 lce'i rnam par shes pa mi dmigs pa ni mtshan ma med pa nyid yin no/ /ro myang du med pa ni dmigs pa med pa nyid yin no/ /lus kyi rnam par shes pa mi dmigs pa ni mtshan ma med pa nyid yin no/ /reg bya reg par bya ba med pa ni dmigs pa med pa nyid yin no/ /yid kyi rnam par shes pa mi
293b6 dmigs pa ni mtshan ma med pa nyid yin no//chos rnams rnam par shes par byar med pa ni dmigs pa med pa nyid yin no/ /'jam dpal de ni 'phags pa rnams kyi spyod yul yin te/ 'jam dpal gang khams gsum pa'i spyod yul ma yin pa de ni 'phags pa rnams kyi spyod yul yin no/ /
293b7 'jam dpal byang chub ni 'das pa ma yin/ ma 'ongs pa ma yin/ da ltar byung ba ma yin te/ dus gsum mnyam pa 'khor gsum yongs su chad pa yin no/ /'jam dpal de la 'khor gsum yongs su chad pa gang zhe na/ 'das pa la sems mi 'jug pa dang / ma 'ongs pa la rnam par shes
294a1 pa mi rgyug pa dang /da ltar byung ba la yid la byed pa mi 'byung ba gang yin pa ste/ de ni sems dang yid dang / rnam par shes pa la mi gnas shing rtog par mi byed rnam par rtog par mi byed do/ /rtog par mi byed rnam par rtog par mi byed pa ni 'das pa yid la mi byed/
294a2 ma 'ongs pa la rlom sems su mi byed/ de ltar byung ba la 'phro bar mi byed do/ /'jam dpal byang chub ni lus med pa nyid dang / 'dus ma byas pa nyid yin te/ 'jam dpal de la lus med pa nyid ni mig gi rnam par shes pas rnam par shes par bya ba ma yin pa dang / rna ba dang sna dang lce
294a3 dang lus dang /yid kyi rnam par shes pas rnam par shes par bya ba ma yin pa gang yin pa'o/ /'jam dpal sems dang yid dang rnam par shes pas rnam par shes par bya ba ma yin pa gang yin pa de nyid 'dus ma byas pa nyid yin te/ 'dus ma byas pa nyid ces bya ba ni gang la skye ba med pa
294a4 dang /gnas pa med pa dang / 'jig pa med pa'o/ /de ni 'khor gsum yongs su dag pa 'dus ma byas pa yin te/ 'dus ma byas pa ji lta ba kho na bzhin du 'dus byas kyang de lta bu kho na yin par rtogs par bya'o/ /de ci'i phyir zhe na/ 'jam dpal chos thams cad kyi ngo bo nyid gang yin
294a5 pa de ni ngo bo nyid med pa ste/ngo bo nyid med pa gang yin pa de la ni gnyis su med pa'i phyir ro/ /'jam dpal byang chub de ni dbyer med pa'i gzhi yin te/ de la dbyer med pa ni gang / gzhi ni gang zhe na/ ming med pa ni dbyer med pa'o/ /de bzhin nyid ni gzhi'o/ /gnas med pa ni dbyer med pa'o/ /
294a6 chos kyi dbyings ni gzhi'o/ /tha dad pa nyid med pa ni dbyer med pa'o/ /yang dag pa'i mtha' ni gzhi'o/ /dmigs pa med pa ni dbyer med pa'o/ /g.yo ba med pa ni gzhi'o/ /stong pa nyid ni dbyer med pa'o/ /mtshan ma med pa ni gzhi'o/ /rnam par rtog pa med pa ni dbyer med pa'o/ /smon pa
294a7 med pa ni gzhi'o//sgrub pa med pa ni dbyer med pa'o/ /sems can med pa ni gzhi'o/ /sems can gyi ngo bo nyid med pa ni dbyer med pa'o/ /nam mkha' ni gzhi'o/ /dmigs su med pa ni dbyer med pa'o/ /skye ba med pa ni gzhi'o/ /'gag pa med pa ni dbyer med pa'o/ /'dus ma byas ni
294b1 gzhi'o//spyod pa med pa ni dbyer med pa'o/ /byang chub ni gzhi'o/ /nye bar zhi ba ni dbyer med pa'o/ /mya ngan las 'das pa ni gzhi'o/ /mngon par 'grub pa med pa ni dbyer med pa'o/ /skye ba med pa ni gzhi'o/ /'jam dpal byang chub ni lus kyis mngon par rdzogs par byang chub par mi 'gyur
294b2 te/sems kyis kyang ma yin no/ /de ci'i phyir zhe na/ 'jam dpal lus ni bems po g.yo ba med pa sems pa med pa ste/ rtswa dang / rtsig pa dang / shing dang bong ba dang / gzugs brnyan lta bu yin la/ sems kyang sgyu ma lta bu ste/ gsog dang gsob dang / yang dag pa
294b3 ma yin pa dang /'dus ma byas pa yin pa'i phyir ro/ /'jam dpal gang gis lus dang sems de ltar rtogs pa de ni byang chub ces bya ste/ 'jam dpal de yang tha snyad la brten pa yin gyi don dam par ni ma yin no/ /de ci'i phyir zhe na/ 'jam dpal byang chub ni lus dang sems dang
294b4 chos dang chos ma yin pa dang /yang dag pa dang yang dag pa ma yin pa dang / bden pa dang pas brjod par bya ba ma yin pa'i phyir ro/ /'jam dpal byang chub ni chos thams cad kyis brjod par bya ba ma yin pa ste/ de ci'i phyir zhe na/ 'jam dpal byang chub la ni gang gis tshig
294b5 dang tha snyad 'jug par 'gyur ba'i gnas cung zad kyang med pa'i phyir ro//'jam dpal 'di lta ste dper na/ nam mkha' ni gnas med pa/ 'dus ma byas pa/ ma skyes pa/ ma 'gags pa/ brjod par bya ba ma yin pa'o/ /'jam dpal de bzhin du byang chub kyang gnas med pa/
294b6 'dus ma byas pa ma skyes pa/ ma 'gags pa/ brjod par bya ba ma yin pa'o/ /'jam dpal 'di lta ste dper na/ yang dag par yongs su tshol ba na chos thams cad kyis brjod par bya ba ma yin pa de bzhin du/ 'jam dpal yang dag par byang chub yongs su tshol ba na yang chos thams cad
294b7 kyis brjod par bya ba ma yin no//de ci'i phyir zhe na/ 'jam dpal yang dag par ni tshig ni ma skyes pa dang / ma 'gags pa yin pas yod pa ma yin pa'i phyir ro/ /'jam dpal byang chub ni gzung ba med pa nyid dang / gnas med pa nyid yin te/ 'jam dpal de la gzung ba med pa ni gang / gnas
295a1 med pa ni gang zhe na/'jam dpal mig yongs su shes pa ni gzung ba med pa nyid yin no/ /gzugs dmigs su med pa ni gnas med pa nyid yin no/ /rna ba yongs su shes pa ni gzung ba med pa nyid yin no/ /sgra dmigs su med pa ni gnas med pa nyid yin no/ /sna yongs su shes pa ni
295a2 gzung ba med pa nyid yin no//dri dmigs su med pa ni gnas med pa nyid yin no/ /lce yongs su shes pa ni gzung ba med pa nyid yin no/ /ro dmigs su med pa ni gnas med pa nyid yin no/ /lus yongs su shes pa ni gzung ba med pa nyid yin no/ /reg bya dmigs su med pa ni gnas med pa
295a3 nyid yin no//yid yongs su shes pa ni gzung ba med pa nyid yin no/ /chos dmigs su med pa ni gnas med pa nyid yin no/ /de bzhin gshegs pas ni de ltar gzung ba med pa nyid dang / gnas med pa nyid du byang chub mngon par rdzogs par sangs rgyas te/ mngon par rdzogs par sangs
295a4 rgyas nas kyang /mig gzung du med pa dang / gzugs dmigs su med pa'i phyir/ mig gi rnam par shes pa la mi gnas so/ /rna ba gzung du med pa dang / sgra dmigs su med pa'i phyir rna ba'i rnam par shes pa la mi gnas so/ /sna gzung du med pa dang / dri dmigs su med pa'i phyir
295a5 sna'i rnam par shes pa la mi gnas so//lce gzung du med pa dang ro dmigs su med pa'i phyir/ lce'i rnam par shes pa la mi gnas so/ /lus gzung du med pa dang / reg bya dmigs su med pa'i phyir lus kyi rnam par shes pa la mi gnas so/ /yid gzung du med pa dang / chos dmigs
295a6 su med pa'i phyir yid kyi rnam par shes pa la mi gnas te/de'i phyir de bzhin gshegs pa dgra bcom pa yang dag par rdzogs pa'i sangs rgyas ni rnam par shes pa la mi gnas pa dang ldan pa zhes bya ba'i grangs su 'gro'o/ /'jam dpal bzhi po 'di dag ni sems can rnams kyi sems kyi gnas yin
295a7 te/bzhi gang zhe na/ 'di lta ste/ gzugs ni sems can rnams kyi sems kyi gnas yin no/ /'jam dpal de bzhin du tshor ba dang / 'du shes dang / 'du byed rnams ni sems can rnams kyi sems kyi gnas yin te/ 'jam dpal de bzhin gshegs pas ni sems can rnams kyi sems
295b1 kyi gnas bzhi po de dag ma skyes pa dang /ma 'gags par shes so/ /'jam dpal byang chub ces bya ba de ni stong pa nyid kyi tshig yin te/ 'jam dpal stong pa nyid gang gis byang chub stong pa'i stong pa nyid des chos thams cad kyang stong ste/ 'jam dpal de bzhin gshegs pas ni de dag ji
295b2 ltar stong pa de lta bu kho nar mngon par rdzogs par sangs rgyas so//'jam dpal stong pa nyid kyis stong pa nyid mngon par rdzogs par sangs rgyas pa yang ma yin te/ 'jam dpal 'di lta ste/ stong pa nyid dam byang chub de ni shes pa'i tshul gcig pa yin no/ /'jam dpal gang la stong pa nyid
295b3 kyang med/byang chub kyang med pa de la ni 'jam dpal gang gis stong pa nyid dang / byang chub ces gnyis su dbye ba'i gnyis ni cung zad kyang med do/ /de ci'i phyir zhe na/ 'jam dpal chos thams cad ni gnyis su med pa/ mtshan nyid med pa gnyis su dbyer med pa/ ming med pa
295b4 mtshan ma med pa/sems dang yid dang rnam par shes pa dang bral ba/ ma skyes pa/ ma 'gags pa/ rgyu ba med pa/ spyod pa med pa/ kun 'byung ba med pa/ yi ge med pa/ sgra med pa yin pa'i phyir ro// //bam po gsum pa ste tha ma/ 'jam dpal stong
295b5 pa nyid ces bya ba gang yin pa de ni mngon par zhen pa med pa dang /'dzin pa med pa'i tshig yin te/ 'jam dpal de la ni don dam par na gang stong pa zhes bya ba'i chos gang yang dmigs su med do/ /'jam dpal 'di lta ste dper na/ nam mkha' nam mkha' zhes brjod kyang nam
295b6 mkha' ni brjod par bya ba ma yin no//'jam dpal de bzhin du stong pa stong pa zhes brjod kyang stong pa ni brjod par bya ba ma yin te/ chos thams cad kyis 'jug pa ni de lta bu yin no/ /'jam dpal chos thams cad ni ming med pa yin na/ de dag la ming gis rjod par byed de/ 'jam dpal
295b7 ming ni yul na gnas pa ma yin/phyogs na gnas pa ma yin no/ /'jam dpal ji ltar ming yul na gnas pa ma yin/ phyogs na gnas pa ma yin pa de bzhin du ming gang gis chos gang rjod par byed pa'i chos de yang / yul na gnas pa ma yin/ phyogs na gnas pa ma yin no/ /'jam
296a1 dpal de bzhin gshegs pas ni chos de dag thams cad de ltar gzod ma nyid nas ma skyes pa ma byung ba/ma 'gags pa/ mtshan nyid med pa/ sems dang yid dang rnam par shes pa dang bral ba/ yi ge med pa/ sgra med par shes so/ /'jam dpal ji ltar shes pa de kho na
296a2 bzhin du rnam par grol te/bcings pa las grol bar gyur pa ma yin no/ /'jam dpal byang chub ni nam mkha' dang mnyam pa ste/ nam mkha' ni mnyam pa ma yin/ mi mnyam pa ma yin la byang chub kyang mnyam pa ma yin/ mi mnyam pa ma yin no/ /de ci'i phyir zhe na/ 'jam dpal
296a3 chos gang la yang dag par yongs su 'grub pa med pa de ni mnyam pa dang /mi mnyam par brjod par bya ba ma yin pa'i phyir ro/ /'jam dpal de bzhin gshegs pas ni de ltar chos thams cad mnyam pa med pa dang / mi mnyam pa med par mngon par rdzogs par sangs rgyas te/ ji ltar
296a4 chos phra rab tsam yang mnyam par ma byas/mi mnyam par ma byas pa de ltar mngon par rdzogs par sangs rgyas shing / yang dag pa'i shes pas chos de dag ji lta ba de lta bu kho nar shes so/ /'jam dpal yang dag pa'i shes pa yang gang zhe na/ 'jam dpal chos thams cad rtsa ba med
296a5 pa dang /ma skyes pa dang / ma 'gags pa dang / ma byung ba las 'byung ba dang / byung nas kyang 'jig par 'gyur te/ 'jam dpal de dag kyang bdag po med pa dang / yongs su 'dzin pa med par 'byung zhing bdag po med pa dang / yongs su 'dzin pa med par 'jig par shes pa'o/ /
296a6 'jam dpal de ltar byung ba dang / 'jig pa la brten nas chos rnams 'jug par 'gyur yang 'di la 'jug par 'gyur ba gang yang med de/ de ni lam gyi rgyun bcad pa'i phyir de bzhin gshegs pa chos ston pa zhes bya'o/ /'jam dpal byang chub ces bya ba de ni ji lta ba bzhin gyi gnas yin te/
296a7 'jam dpal de la ji lta ba bzhin gyi gnas gang zhe na/ 'jam dpal ji lta ba bzhin gyi gnas zhes bya ba ni byang chub ste/ byang chub ji lta ba de bzhin du gzugs kyang de bzhin nyid las mi 'da'o/ /byang chub ji lta ba de bzhin du tshor ba dang / 'du shes dang / 'du byed rnams dang / rnam par shes pa
296b1 yang de bzhin nyid las mi 'da'o//byang chub ji lta ba de bzhin du sa'i khams kyang de bzhin nyid las mi 'da'o/ /byang chub ji lta ba de bzhin du chu'i khams dang / me'i khams dang / rlung gi khams kyang de bzhin nyid las mi 'da'o/ /'jam dpal byang chub ji lta ba de bzhin du mig gi khams dang /
296b2 gzugs kyi khams dang / mig gi rnam par shes pa'i khams kyang de bzhin nyid las mi 'da'o/ /byang chub ji lta ba de bzhin du rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams
296b3 dang /lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams kyang de bzhin nyid
296b4 las mi 'da'o//chos gdags pa de ni 'di tsam du zad de/ 'di lta ste phung po dang / khams dang / skye mched du gdags pa'o/ /de bzhin gshegs pas ni de dag yang dag pa ji lta ba bzhin du mngon par rdzogs par sangs rgyas shing phyin ci ma log par mngon par rdzogs par sangs
296b5 rgyas so//de dag ni sngon ji lta ba bzhin du phyis kyang de bzhin bar du yang de bzhin te/ sngon gyi mthar ma skyes pa dang / phyi ma'i mthar mi 'pho ba dang / dbus su bden pa yin no/ /de ltar de dag ji lta ba bzhin gyi gnas yin te/ gcig ji lta ba bzhin du thams cad de bzhin la/ thams
296b6 cad ji lta ba bzhin du gcig kyang de bzhin te/'jam dpal 'di la ni gcig pa nyid dam/ mang po nyid du dmigs su med do/ /'jam dpal byang chub ni rnam pa'i 'jug pas rnam pa med par zhugs pa yin te/ 'jam dpal de la rnam pa ni gang / rnam pa med pa ni gang zhe na/
296b7 'jam dpal rnam pa zhes bya ba ni dge ba'i chos thams cad la rtsom pa'o/ /rnam pa med pa zhes bya ba ni chos thams cad dmigs su med pa'o/ /rnam pa zhes bya ba ni sems mi gnas pa'i gnas skabs so/ /rnam pa med pa zhes bya ba ni rnam par thar pa'i sgo mtshan ma med pa'i ting nge
297a1 'dzin to//rnam pa zhes bya ba ni chos thams cad la sems pa dang 'jal ba dang / bgrang ba dang / so sor rtog pa'o/ /rnam pa med pa zhes bya ba ni gzhal ba las yang dag par 'das pa ste/ gzhal ba las yang dag par 'das pa yang gang zhe na/ gang la
297a2 rnam par shes pa'i las med pa'o//rnam pa zhes bya ba ni 'dus byas la so sor rtog pa'o/ /rnam pa med pa zhes bya ba ni 'dus ma byas la so sor rtog pa'o/ /'jam dpal byang chub ni zag pa med pa nyid dang / len pa med pa nyid yin te/ 'jam dpal de la zag pa med pa gang
297a3 len pa med pa nyid gang zhe na/'jam dpal zag pa med pa nyid ces bya ba ni zag pa bzhi dang bral ba ste/ bzhi po de dag kyang gang zhe na/ 'di lta ste 'dod pa'i zag pa dang / srid pa'i zag pa dang / ma rig pa'i zag pa dang / lta ba'i zag pa ste/ zag pa bzhi po de dang bral ba'o/ /len pa
297a4 med pa nyid ces bya ba ni len pa bzhi dang bral ba ste/bzhi po de dag kyang gang zhe na/ 'di lta ste 'dod pa'i len pa dang / lta ba'i len pa dang / tshul khrims dang / brtul zhugs mchog tu 'dzin pa'i len pa dang / bdag tu smra ba'i len pa ste/ len pa bzhi po de dag dang bral ba'o/ /
297a5 'jam dpal de la sems can ma rig pas ldongs par byas pa/ sred pas dkrugs par gyur pa dag ni phan tshun mngon par zhen par gyur nas len par byed kyi de bzhin gshegs pas ni bdag tu smra ba'i len pa rtsa ba yin par yongs su shes nas/ bdag rnam par dag pas sems can
297a6 thams cad rnam par dag pa rjes su rtogs par gyur te/bdag rnam par dag pa gang yin pa dang / sems can thams cad rnam par dag pa gang yin pa de ni gnyis su med de gnyis su dbyer med la/ gnyis su med pa'i don gang yin pa de ni skye ba med pa dang / 'gag pa med pa yin
297a7 no//'jam dpal skye ba med pa dang / 'gag pa med pa la ni sems dang yid dang / rnam par shes pa 'jug par mi 'gyur te/ 'jam dpal gang la sems dang / yid dang / rnam par shes pa mi 'jug pa de la ni yongs su rtogs pa gang gis tshul bzhin ma yin pa yid la byed par
297b1 'gyur ba'i yongs su rtog pa gang yang med do//tshul bzhin yid la byed pa la rab tu brtson pa de ni ma rig pa kun nas slong ba mi byed do/ /ma rig pa kun nas ldang ba med pa gang yin pa de ni srid pa'i yan lag bcu gnyis po dag gi kun nas slong ba med pa yin no/ /srid pa'i yan lag bcu gnyis
297b2 po dag gi kun nas ldang ba med pa gang yin pa de ni skye ba med pa yin no//skye ba med pa gang yin pa de ni skyon med pa yin no/ /skyon med pa gang yin pa de ni nges pa'i don yin no/ /nges pa'i don gang yin pa de ni don dam pa yin no/ /don dam pa gang yin pa de ni gang zag med pa'i don yin no/ /
297b3 gang zag med pa'i don gang yin pa de ni brjod du med pa'i don yin no/ /brjod du med pa'i don gang yin pa de ni rten cing 'brel par 'byung ba'i don yin no/ /rten cing 'brel par 'byung ba'i don gang yin pa de ni chos kyi don yin no/ /chos kyi don gang yin pa de ni de bzhin gshegs pa'i don yin te/ de'i
297b4 phyir gang gis rten cing 'brel par 'byung ba mthong ba des chos mthong ngo //gang gis chos mthong ba des de bzhin gshegs pa mthong ngo zhes gsungs te/ ji ltar yongs su tshol ba na ci yang mi mthong ba de ltar mthong ngo / /'jam dpal de la ci yang zhes bya ba gang zhe na/ 'di lta ste sems dang dmigs pa
297b5 ste/des gang gi tshe sems dang dmigs pa yang dag par rjes su mi mthong ba de'i tshe na yang dag par mthong ba yin pas/ de bzhin gshegs pas ni chos de dag de ltar mnyam pa nyid kyis mnyam par mngon par rdzogs par sangs rgyas so/ /'jam dpal byang chub ni dag pa dang / dri ma med pa dang
297b6 nyon mongs pa med pa yin te/'jam dpal de la dag pa ni gang dri ma med pa ni gang nyon mongs pa med pa ni gang zhe na/ 'jam dpal stong pa nyid ni dag pa'o/ /mtshan ma med pa ni dri ma med pa'o/ /smon pa med pa ni nyon mongs pa med pa'o/ /skye ba med pa ni dag pa'o/ /mngon par 'du
297b7 bya ba med pa ni dri ma med pa'o//'byung ba med pa ni nyon mongs pa med pa'o/ /rang bzhin ni dag pa'o/ /yongs su dag pa ni dri ma med pa'o/ /'od gsal ba ni nyon mongs pa med pa'o/ /spros pa med pa ni dag pa'o/ /spros pa dang bral ba ni dri ma med pa'o/ /spros pa nye bar zhi ba ni nyon
298a1 mongs pa med pa'o//de bzhin nyid ni dag pa'o/ /chos kyi dbyings ni dri ma med pa'o/ /yang dag pa'i mtha' ni nyon mongs pa med pa'o/ /nam mkha' ni dag pa'o/ /bar snang ni dri ma med pa'o/ /nam mkha' ni nyon mongs pa med pa'o/ /nang yongs
298a2 su shes pa ni dag pa'o//phyi rol tu rgyu ba med pa ni dri ma med pa'o/ /phyi nang dmigs su med pa ni nyon mongs pa med pa'o/ /phung po yongs su shes pa ni dag pa'o/ /khams rang bzhin med pa ni dri ma med pa'o/ /skye mched rnams spong ba ni nyon mongs pa med pa'o/ /'das pa la
298a3 zad par shes pa ni dag pa'o//ma 'ongs pa la mi skye bar shes pa ni dri ma med pa'o/ /da ltar byung ba la chos gnas par shes pa ni nyon mongs pa med pa'o/ /'jam dpal de ltar dag pa dang dri ma med pa dang / nyon mongs pa med pa ni gnas gcig tu yang dag par 'du ste/ 'di lta ste/ zhi ba'i
298a4 gnas su'o//zhi ba gang yin pa de ni rab tu zhi ba yin no/ /rab tu zhi ba gang yin pa de ni nye bar zhi ba yin no/ /nye bar zhi ba gang yin pa de ni nye bar zhi bar gyur pa yin no/ /nye bar zhi bar gyur gang yin pa de ni thub pa zhes bya'o/ /'jam dpal de ltar na nam mkha' ji lta bar byang chub kyang de
298a5 bzhin no//byang chub ji lta bar chos rnams kyang de bzhin no/ /chos rnams ji lta bar sems can rnams kyang de bzhin no/ /sems can rnams ji lta bar zhing rnams kyang de bzhin no/ /zhing rnams ji lta bar mya ngan las 'das pa yang de bzhin no/ /'jam dpal de'i phyir chos thams cad ni mya ngan
298a6 las 'das pa dang mnyam pa zhes bya ste/mthar thug par gyur pa'i phyir gnyen po med pa yin la/ gnyen po med pa'i phyir gzod ma nas dag pa dang / gzod ma nas dri ma med pa dang / gzod ma nas nyon mongs pa med pa yin no/ /'jam dpal de la de bzhin gshegs pa chos thams cad de ltar mngon par
298a7 rdzogs par sangs rgyas pa sems can rnams kyi khams la rnam par gzigs pa ni sems can rnams la dag pa dri ma med pa nyon mongs pa med pas rnam par rol ba zhes bya ba'i thugs rje chen po skye bar 'gyur ro//'jam dpal ji ltar na byang chub sems dpa' byang chub sems dpa'i spyad pa spyod pa yin
298b1 zhe na/'jam dpal gang gi tshe byang chub sems dpa' zad pa'i phyir rlom sems su mi byed cing ma zad pa'i phyir yang ma yin/ skye ba'i phyir yang ma yin/ mi skye ba'i phyir yang ma yin/ gtan zad pa zad par bya ba'i phyir yang ma yin/ gtan mi skye ba rnam par 'khrugs par yang mi byed pa de ltar spyod
298b2 na/'jam dpal byang chub sems dpa' byang chub sems dpa'i spyad pa spyod pa yin no/ /'jam dpal gzhan yang byang chub sems dpa' 'das pa'i sems la zad pa zhes bya bar mi spyod/ ma 'ongs pa'i sems la ma thob pa zhes bya bar mi spyod/ da ltar byung ba'i sems la yod ces bya bar mi spyod
298b3 cing 'das pa dang ma 'ongs pa dang /da ltar byung ba'i sems la chags par mi 'gyur ba de ltar spyod na/ 'jam dpal byang chub sems dpa' byang chub sems dpa'i spyad pa spyod pa yin no/ /'jam dpal gzhan yang byang chub sems dpa' sbyin pa dang / byang chub dang / sems can rnams dang / de bzhin
298b4 gshegs pa de la gnyis su med de/gnyis su byar med pa de ltar spyod na byang chub sems dpa'i spyad pa spyod pa yin no/ /'jam dpal de bzhin du byang chub sems dpa' tshul khrims dang / byang chub dang / sems can rnams dang / de bzhin gshegs pa de la gnyis su med de gnyis su byar med pa de ltar spyod na
298b5 byang chub sems dpa'i spyad pa spyod pa yin no//'jam dpal de bzhin du byang chub sems dpa' bzod pa dang / byang chub dang / sems can rnams dang / de bzhin gshegs pa dang / brtson 'grus dang byang chub dang / sems can rnams dang / de bzhin gshegs pa dang / bsam gtan dang /
298b6 byang chub dang / sems can rnams dang / de bzhin gshegs pa dang / de bzhin du shes rab dang / byang chub dang / sems can rnams dang / de bzhin gshegs pa de la gnyis su med de gnyis su dbyer med pa de ltar spyod na/ byang chub sems dpa'i spyad pa la spyod pa yin no/ /'jam dpal gal te byang chub
298b7 sems dpa' gzugs stong zhes bya bar mi spyod/mi stong zhes bya bar mi spyod pa de ltar spyod na/ 'jam dpal byang chub sems dpa' byang chub sems dpa'i spyad pa la spyod pa yin no/ /de ci'i phyir zhe na/ 'jam dpal gzugs ni gzugs kyi ngo bo nyid kyis stong pa'i phyir ro/ /'jam dpal de bzhin du gal
299a1 te byang chub sems dpa' tshor ba dang /'du shes dang / 'du byed rnams dang / rnam par shes pa stong zhes bya bar mi spyod mi stong zhes bya bar mi spyod pa de ltar spyod na/ byang chub sems dpa' byang chub sems dpa'i spyad pa la spyod pa yin no/ /de ci'i phyir zhe na/ 'jam dpal sems
299a2 dang /yid dang / rnam par shes pa dmigs su med pa'i phyir gang yongs su shes pa'am/ spang ba'am/ bsgom pa'am/ mngon sum du bya ba'i chos de dag gang yod pa ma yin pa'i phyir ro/ /'jam dpal zad pa zhes bya ba gang yin pa de ni gtan zad pa kho na yin no/ /gtan zad pa gang yin
299a3 pa de ni zad par bya ba ma yin no//zad par bya ba ma yin pa'i phyir mi zad pa yin no/ /de ci'i phyir zhe na/ 'jam dpal de ni ji lta ba bzhin du zad pa yin la/ ji lta ba bzhin du zad pa gang yin pa de la ni zad pa cung zad kyang med la/ gang la zad pa cung zad kyang med pa de ni 'dus ma byas pa ste/ 'dus
299a4 ma byas pa gang yin pa de la ni skye ba yang med/'gag pa yang med pa'i phyir ro/ /de'i phyir de bzhin gshegs pa rnams byung yang rung / ma byung yang rung / chos nyid dang / chos gnas pa nyid dang / chos kyi dbyings 'di ni gnas pa kho na zhes bya ste/ ji ltar chos kyi dbyings la gnas pa de bzhin
299a5 du shes pa de yang 'jug par mi byed ldog par mi byed do//ji ltar shes pa de 'jug par mi byed/ ldog par mi byed pa de lta bu'i chos kyi tshul la 'jug pas zag pa skyed par mi byed/ 'gag par mi byed do/ /'jam dpal zag pa zad pa zhes bya ba de ni tha snyad dang / sgra dang / yi ge dang /
299a6 brdar gdags pa yin te/ 'di la ni skye ba'am/ 'gag par 'gyur ba'i chos gang yang med do/ /de nas 'jam dpal gzhon nur gyur pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das
299a7 ga la ba de logs su thal mo sbyar ba btud nas/bcom ldan 'das la tshigs su bcad pa 'di dag gis mngon par bstod do/ /kha dog rtags dang dbyibs mi mnga'/ /rtsa ba mi mnga' gnas mi mnga'/ /mi 'gag 'byung ba mi mnga' ba/ /mi rten khyod la phyag 'tshal
299b1 lo//mi gnas gnas pa mi mnga' ba/ /blang ba mi mnga' dor mi mnga'/ /skye mched drug las rnam grol ba/ /mi rten khyod la phyag 'tshal lo/ /chos rnams kun la mi gnas shing / /dngos dang dngos med rnam par spangs/ /'du byed mnyam pa nyid brnyes pa/ /mi rten khyod la phyag
299b2 'tshal lo//khams gsum dag las rnam par grol/ /mkha' ltar mnyam nyid thugs su chud/ /'dod pa rnams kyis mi gos pa/ /mi rten khyod la phyag 'tshal lo/ /gshegs dang bzhugs dang gzims pa yi/ /spyod lam rnam pa thams cad du/ /rtag tu mnyam par
299b3 bzhag mdzad pa//mi rten khyod la phyag 'tshal lo/ /mnyam par byon cing mnyam par gshegs/ /mnyam pa nyid la gnas pa po/ /mnyam zhing 'khrugs par mi mdzad pa/ /mi rten khyod la phyag 'tshal lo/ /mnyam pa nyid la zhugs gyur cing / /chos rnams kun la mnyam par
299b4 bzhag /mtshan ma med la zhugs gyur pa/ /mi rten khyod la phyag 'tshal lo/ /mi gnas dmigs pa mi mnga' ba/ /shes rab bsags shing mnyam par bzhag /chos la mnga' dbang brnyes gyur pa/ /mi rten khyod la phyag 'tshal lo/ /sems can kun gyi sgra skad dang / /de
299b5 bzhin gzugs dang spyod lam dag /skad cig gcig gis gzigs mdzad pa/ /mi rten khyod la phyag 'tshal lo/ /ming dang gzugs las rnam par grol/ /rgyu dang phung po thams cad bcad/ /rnam pa med la 'jug mdzad pa/ /mi rten khyod la phyag 'tshal lo/ /mtshan ma dag
299b6 dang rnam bral zhing //mtshan ma'i rnam pa rnam par spangs/ /mtshan ma med la 'jug mdzad pa/ /mi rten khyod la phyag 'tshal lo/ /yang dag rtog pa rnam ma brtags/ /thugs yid rab tu mi gnas shing / /yid mdzad mi mnga' mi dgongs pa/ /mi rten khyod la phyag 'tshal
299b7 lo//nam mkha' 'dra bar gnas mi mnga'/ /thogs pa mi mnga' spros mi mnga'/ /nam mkha' mnyam pa'i thugs mnga' ba/ /mi rten khyod la phyag 'tshal lo/ /nam mkha' dbus mtha' ma mchis pa/ /sangs rgyas chos nyid de dang 'dra/ /dus gsum yang dag 'das gyur
300a1 pa//mi rten khyod la phyag 'tshal lo/ /nam mkha'i mtshan nyid sangs rgyas te/ /nam mkha'ang mtshan nyid mchis ma lags/ /rgyu dang 'bras bu rnam grol ba/ /mi rten khyod la phyag 'tshal lo/ /ngar 'dzin mi mnga' sgra mi mnga'/ /gzung ba ma mchis chu zla
300a2 'dra//chos rnams kun la mi gnas pa/ /mi rten khyod la phyag 'tshal lo/ /phung po rnams dang skye mched dang / /khams rnams dag la mi gnas la/ /phyin ci log las rnam par grol/ /mi rten khyod la phyag 'tshal lo/ /mtha' gnyis dag las rnam grol zhing / /bdag tu lta ba
300a3 yang dag bcad//chos dbyings mnyam pa nyid brnyes pa/ /mi rten khyod la phyag 'tshal lo/ /gzugs kyi grangs las rnam grol zhing / /dam chos ma lags rnam par spangs/ /len dang gtong ba mi mnga' ba/ /mi rten khyod la phyag 'tshal lo/ /bdud kyi ming las rab 'das shing / /
300a4 chos kun rtogs par thugs su chud/ /sgrib pa mi mnga' chos gyur pa/ /mi rten khyod la phyag 'tshal lo/ /don 'tshal rnams kyis mchis mi brjod/ /ma mchis shes kyang brjod mi bgyi/ /lan med tshig lam ma mchis pa/ /mi rten khyod la phyag 'tshal lo/ /gnyis kyi chos la mi
300a5 rten par//theg pa'i rgyal mtshan kun tu btsugs/ /gnyis dang gnyis med rnam grol ba/ /mi rten khyod la phyag 'tshal lo/ /khyod kyis yid kyi nyes pa dang / /lus kyi nad bzhi pham par mdzad/ /bsam yas dpe dang rnam bral ba/ /mi rten khyod la phyag 'tshal lo/ /lhun gyis grub
300a6 par 'jug mdzad cing //nyes pa thams cad rnam par spangs/ /spyod pa mkhyen pas thog drangs pa/ /mi rten khyod la phyag 'tshal lo/ /khyod dgongs zhi zhing zag mi mnga'/ /'byung min 'byung ba'i bdag nyid can/ /gnas dang rtog pa mi mnga' ba/ /mi rten khyod la phyag 'tshal lo/ /
300a7 dmigs pa mi mnga' thugs kyis su/ /kun gyi sems ni rab tu mkhyen/ /bdag gzhan 'du shes mi mnga' ba/ /mi rten khyod la phyag 'tshal lo/ /dmigs dang dmigs pa rnams kyis ni/ /kun gyi sems ni rmongs par bgyid/ /sgrib pa med pa'i chos gyur pa/ /mi rten khyod la
300b1 phyag 'tshal lo//dmigs pa dag dang sems rnams ni/ /ngo bo nyid kyi mchis ma lags/ /bsam yas mnyam pa nyid brnyes pa/ /mi rten khyod la phyag 'tshal lo/ /gnas pa mi mnga' mkhyen pa yis/ /zhing rnams kun dang de bzhin du/ /sems can kun gyi spyod gzigs pa/ /
300b2 mi rten khyod la phyag 'tshal lo/ /sangs rgyas rnams kyis lan 'ga' yang / /sems dang chos kun gtan ma dmigs/ /chos rnams thams cad kun mkhyen pa/ /mi rten khyod la phyag 'tshal lo/ /chos kun sgyu ma lta bu ste/ /sgyu ma nyid kyang mchis ma lags/ /sgyu ma'i chos
300b3 las rnam grol ba//mi rten khyod la phyag 'tshal lo/ /rdzogs sangs 'jig rten spyod mdzad kyang / /'jig rten chos la rten mi mdzad/ /'jig rten rnam rtog mi mnga' ba/ /mi rten khyod la phyag 'tshal lo/ /stong phyir stong la spyod mdzad cing / /khyod nyid stong zhing spyod
300b4 yul stong //stong pa stong par ston mdzad pa/ /mi rten khyod la phyag 'tshal lo/ /sgyu ma lta bu'i ting 'dzin dang / /sgyu 'phrul chen pos rnam 'phrul zhing / /tha dad ma mchis snyoms zhugs pa/ /mi rten khyod la phyag 'tshal lo/ /du ma ma lags gcig ma lags/ /
300b5 ring dang nye la mi 'jug cing / /gdeg dang gzhag pa mi mnga' ba/ /mi rten khyod la phyag 'tshal lo/ /rdo rje lta bu'i ting 'dzin gyis/ /skad cig gcig la mngon sangs rgyas/ /dngos ma mchis par mnyam gzhag pa/ /mi rten khyod la phyag 'tshal lo/ /'dren pa dus rnams thams
300b6 cad du//mi g.yo mya ngan 'das pa rtogs/ /sna tshogs thabs dang ldan pa po/ /mi rten khyod la phyag 'tshal lo/ /sems can rnams kyi brgyud pa'i thabs/ /mkhyen pas mkhas par gyur pa lags/ /de phyir mi g.yo mya ngan 'das/ /mi rten khyod la phyag 'tshal lo/ /
300b7 mtshan ma mi mnga' lhun gyis grub/ /spros pa mi mnga' skyon mi mnga'/ /snang med bdag gi mi mnga' ba/ /mi rten khyod la phyag 'tshal lo/ /rnam rtog mi mnga' skyon mi mnga'/ /bdag gis bdag nyid ji bzhin par/ /kun tu mkhyen pa thams cad mkhyen/ /mi rten khyod la phyag 'tshal lo/ /
301a1 stobs bcu chu bo rgal ba khyod la phyag 'tshal lo/ /'jigs bral 'jigs med stsol ba khyod la phyag 'tshal lo/ /ma 'dres chos rnams nges par thugs su chud gyur pa/ /'gro ba kun gyi 'dren pa khyod la phyag 'tshal lo/ /kun sbyor 'ching ba bcad pa khyod la phyag 'tshal lo/ /
301a2 pha rol byon te thang la bzhugs la phyag 'tshal lo/ /skye bo ngal ba'i rnam 'dren khyod la phyag 'tshal lo/ /'khor bar gshegs shing mi gnas pa la phyag 'tshal lo/ /'gro ba thams cad dag na sems can rnams dang ni/ /thabs cig bzhugs kyang thugs yid rab tu dben gyur pa/ /
301a3 ji ltar pad ma chab kyis gos par mi 'gyur zhing / /sangs rgyas thub pa khyod kyis stong nyid shin tu bsten/ /mtshan ma thams cad rnam pa kun tu rnam par bshig /khyod la gar yang smon par mdzad pa mchis ma lags/ /ston pa'i go 'phang bla med dben pa nyid lags te/ /dmigs med
301a4 chu bo rgal ba khyod la phyag 'tshal lo//sangs rgyas mthu chen bsam gyis khyab pa ma lags te/ /mi gnas nam mkha' mnyam pa nyid la phyag 'tshal lo/ /yon tan kun gyi mchog mnga' khyod la phyag 'tshal lo/ /dpal 'phags lhun po 'dra ba khyod la phyag 'tshal lo/ /de nas bcom
301a5 ldan 'das kyis 'jam dpal gzhon nur gyur pa la legs so zhes bya ba byin te/'jam dpal legs so legs so/ /'jam dpal khyod kyis legs par smras so/ /'jam dpal de de bzhin te/ 'jam dpal sangs rgyas rnams ni gzugs las blta bar mi bya ste/ chos las ma yin/ mtshan
301a6 ma las ma yin/chos kyi dbyings las kyang ma yin no/ /sangs rgyas rnams ni nyag gcig bzhugs pa ma yin/ skye bo mang po'i nang na bzhugs pa ma yin no/ /sangs rgyas rnams ni sus kyang mthong ba ma yin/ thos pa ma yin/ mchod pa ma yin te/ mchod par byed pa yang ma yin no/ /sangs
301a7 rgyas rnams ni chos 'ga' yang gcig pa nyid dam/mang po nyid du mi mdzad pa yin no/ /sangs rgyas rnams kyi byang chub brnyes pa med do/ /sangs rgyas rnams ni chos gang gis kyang rab tu 'byed par mi byed do/ /sangs rgyas rnams kyis ni chos 'ga' yang ma gzigs/ /ma gsan ma dgongs/ rnam
301b1 par mi mkhyen/kun tu mi mkhyen to/ /sangs rgyas rnams kyis ni ma gsungs/ ma brjod do/ /sangs rgyas rnams kyis ni mi gsung mi brjod do/ /sangs rgyas rnams ni gsung bar mi 'gyur brjod par mi 'gyur ro/ /sangs rgyas rnams ni mngon par rdzogs par 'tshang rgya bar mi mdzad
301b2 do//sangs rgyas rnams kyis ni chos gang yang mngon par rdzogs par 'tshang ma rgyas so/ /sangs rgyas rnams ni nyon mongs pa ma spangs so/ /sangs rgyas rnams kyis ni rnam par byang ba mngon sum du ma mdzad do/ /sangs rgyas rnams kyis ni chos gang yang ma gzigs/ ma gsan/
301b3 ma myangs/ ma mnams/ ma reg /mi mkhyen to/ /de ci'i phyir zhe na/ 'jam dpal chos thams cad ni gzod ma nas yongs su dag pa yin pa'i phyir ro/ /'jam dpal byang chub sems dpa' chos kyi rnam grangs 'di la mos pa gang la la zhig gis stong gsum gyi stong chen
301b4 po'i 'jig rten gyi khams kyi rdul phra rab kyi rdul snyed kyi sems can rang rgyal ba nyid la bkod pa bas ni 'jam dpal byang chub sems dpa' gzhan gang zhig chos kyi rnam grangs 'di la mos par gyur na//de ni de bas ches bsod nams mang du skyed par gyur na/ gang chos kyi rnam grangs 'di
301b5 yi ger 'dri 'am/yi ger 'drir 'jug pa lta smos kyang ci dgos te/ de ni de bas ches bsod nams mang du bskyed par 'gyur ro/ /'jam dpal yongs su brtag pa nye bar bzung na/ stong gsum gyi stong chen po'i 'jig rten gyi khams na sems can sgo nga las skyes pa dang / mngal
301b6 nas skyes pa dang /drod gsher las skyes pa dang / rdzus te skyes pa dang / gzugs can dang / gzugs med pa dang / 'du shes can dang / 'du shes med pa dang / rkang pa med pa dang / rkang gnyis pa dang / rkang bzhi pa dang rkang gang ji snyed yod pa de dag thams cad
301b7 snga phyi med par mi'i lus thob par gyur la/mi'i lus thob nas kyang byang chub tu sems bskyed par gyur la/ byang chub tu sems bskyed nas kyang / byang chub sems dpa' re res kyang sangs rgyas byang chub sems dpa' dang bcas/ nyan thos dang bcas pa/ sangs rgyas kyi zhing
302a1 gang gA'i bye ma ltar grangs med pa'i rdul phra rab kyi rdul snyed dag la/bskal pa gang gA'i bye ma ltar grangs med pa snyed du na bza' dang / zhal zas dang / gzims cha dang / gdan dang / snyun gyi gsos sman dang / yo byad rnams kyis bsnyen bkur byed cing / bde ba'i yo byad
302a2 thams cad kyang nye bar sgrub par byed la/de dag yongs su mya ngan las 'das pa'i mchod rten rin po che las byas pa'i 'phang du dpag tshad brgya yod pa/ rin po che'i lan kan gyis yongs su bskor ba/ nor bu dang / mu tig dang / rin po che'i chun pos mdzes par byas pa/ gdugs dang rgyal
302a3 mtshan dang /ba dan sgreng ba/ nor bu rin po che dbang gi rgyal po'i dra bas kun nas g.yogs pa sha stag kyang byed du bcug pa bas ni/ 'jam dpal byang chub sems dpa' bsam pa phun sum tshogs pa gzhan gang zhig gis sangs rgyas thams cad kyi yul la 'jug pa ye shes snang ba'i rgyan
302a4 zhes bya ba'i chos kyi rnam grangs 'di thos nas mos par byed/'jug par byed/ yid ches par byed cing / yongs su rtogs par byas nas kyang tha na tshig bzhi pa'i tshigs su bcad pa gcig tsam zhig lung 'bogs par byed na de ni de bas ches sangs rgyas kyi ye shes rjes su rtogs par 'gyur
302a5 ba'i bsod nams grangs med pa bskyed par 'gyur te/bsod nams mngon par 'du byed pa de la byang chub sems dpa' de dag gi sbyin pa las byung ba'i bsod nams mngon par 'du bya ba snga ma des ni brgya'i char yang nye bar mi 'gro'o/ /stong gi cha dang / 'bum gyi cha dang / bye ba phrag 'bum gyi
302a6 cha dang /grangs dang cha dang bgrang ba dang dpe dang / rgyur yang nye bar mi 'gro'o/ /'jam dpal byang chub sems dpa' khyim pa gang la la zhig gis sangs rgyas dang byang chub sems dpa' dang bcas pa/ nyan thos kyi dge 'dun dang bcas pa gang gA'i bye ma ltar grangs med pa snyed cig la bskal pa
302a7 gang gA'i bye ma ltar grangs med pa snyed du//na bza' dang / zhal zas dang / gzims cha dang / gdan dang snyun gyi gsos sman dang / yo byad rnams kyis bsnyen bkur byed pa bas ni/ byang chub sems dpa' rab tu byung ba tshul khrims dang ldan pa/ bsam pa phun sum tshogs pa gzhan gang gis
302b1 tha na dud 'gro'i skye gnas su skyes pa'i sems can la sbyin pa kham gcig tsam zhig byin par gyur na/bsod nams mngon par 'du bya ba de la bsod nams mngon par 'du bya ba snga ma des brgya'i char yang nye bar mi 'gro'o/ /stong gi cha dang / 'bum gyi cha dang / bye ba phrag 'bum gyi cha dang /
302b2 grangs dang / cha dang / bgrang ba dang / dpe dang rgyur yang nye bar mi 'gro'o/ /'jam dpal gal te byang chub sems dpa' rab tu byung ba tshul khrims dang ldan pa stong gsum gyi stong chen po'i rdul phra rab kyi rdul snyed dag las byang chub sems dpa' re res kyang phyogs bcu'i sangs rgyas byang chub
302b3 sems dpa' dang bcas/nyan thos dang bcas pa gang gI'i bye ma ltar grangs med pa snyed dag la bskal pa gang gA'i bye ma ltar grangs med pa snyed du na bza' dang / zhal zas dang / gzims cha dang / gdan dang snyun gyi gsos sman dang / yo byad rnams kyis bsnyen bkur byed par gyur
302b4 na/byang chub sems dpa' de dag gi sbyin pa las byung ba'i bsod nams mngon par 'du bya ba gang yin pa de la ni byang chub sems dpa' khyim pa'am/ rab tu byung ba bsam pa dag pa/ tshul khrims dang ldan pa gzhan gang zhig gi chos kyi rnam grangs 'di thos nas mos par byed/
302b5 'jug par byed/ yid ches par byed/ yi ger 'dri bar byed/ yi ger 'drir 'jug par byed na bsod nams mngon par 'du bya ba de la byang chub sems dpa' de dag gi sbyin pa las byung ba'i bsod nams mngon par 'du bya ba snga ma des ni brgya'i char yang nye bar mi 'gro'o/ /stong gi cha dang /
302b6 'bum gyi cha dang / bye ba phrag 'bum gyi cha dang / grangs dang cha dang bgrang ba dang / dpe dang rgyur yang nye bar mi 'gro'o/ /'jam dpal gal te byang chub sems dpa' sems dpa' chen po zhig gis stong gsum gyi stong chen po'i 'jig rten gyi khams rin po che sna bdun gyis yongs su bkang ste/
302b7 sangs rgyas rnams la dbul bar 'bul zhing / de ltar phul bas bskal pa stong gsum gyi stong chen po'i 'jig rten gyi khams kyi rdul phra rab kyi rdul snyed du 'bul bar phul ba bas ni/ byang chub sems dpa' gzhan gang zhig gi chos kyi rnam grangs 'di las tha na tshig bzhi pa'i tshigs su bcad pa
303a1 gcig tsam zhig byang chub sems dpa' gzhan la bstan par gyur na/bsod nams mngon par 'du bya ba de la bsod nams mngon par 'du bya ba snga ma des ni brgya'i char yang nye bar mi 'gro'o/ /stong gi cha dang / 'bum gyi cha dang / bye ba phrag 'bum gyi cha dang / grangs dang / cha dang /
303a2 bgrang ba dang / dpe dang rgyur yang nye bar mi 'gro'o/ /'jam dpal bskal pa stong gsum gyi stong chen po'i 'jig rten gyi khams kyi rdul phra rab kyi rdul snyed du sbyin pa'i bsod nams mngon par 'du bya ba lta zhog gi /'jam dpal gal te byang chub sems dpa' gang gA'i bye ma ltar grangs
303a3 med pa snyed cig byung bar gyur la/de dag las byang chub sems dpa' re res kyang / sangs rgyas kyi zhing 'dzam bu chu bo'i gser las byas pa/ shing ljon pa thams cad kyang lha'i gos rnams kyis yongs su dkris pa nor bu rin po che 'od thams cad yang dag par 'dus pa'i dra bas kun nas
303a4 g.yogs pa/nor bu rin po che dbang gi rgyal po las byas pa'i khang pa brtsegs pa/ nor bu rin po che glog gi sgron ma'i lan kan gyis yongs su bskor ba dag gis yongs su gang bar byas pa gdugs dang / rgyal mtshan dang / ba dan bsgreng ba/ gang gA'i bye ma ltar grangs med pa ji snyed
303a5 cig sangs rgyas gang gA'i bye ma ltar grangs med pa snyed dag la nyin gcig bzhin du dbul bar 'bul zhing /de ltar phul bas bskal pa gang gA'i bye ma ltar grangs med pa snyed du 'bul bar phul ba bas ni byang chub sems dpa' gzhan gang zhig gis chos kyi rnam grangs 'di la mos par byas na/
303a6 chos kyi rnam grangs 'di las tha na tshig bzhi pa'i tshigs su bcad pa gcig tsam zhig byang chub sems dpa' gzhan la bstan tam/ 'jug par byas na bsod nams mngon par 'du bya ba de la byang chub sems dpa' de dag gi sbyin pa las byung ba'i bsod nams mngon par 'du bya ba snga ma des ni brgya'i char
303a7 yang nye bar mi 'gro'o//stong gi cha dang / 'bum gyi cha dang / bye ba phrag 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /'jam dpal 'di lta ste dper na khams gsum du gtogs pa'i sems can thams cad sems can dmyal ba dang / dud 'gro dang /
303b1 dang / gshin rje'i 'jig rten du skyes par 'gyur la/ de nas byang chub sems dpa' khyim pa zhig gis sems can de dag thams cad sems can dmyal ba dang / dud 'gro dang / dang / gshin rje'i 'jig rten nas bton te/ rang sangs rgyas nyid la bkod pa bas ni byang chub sems
303b2 dpa' rab tu byung ba gzhan gang zhig gis tha na dud 'gro'i skye gnas su skyes pa'i sems can la sbyin pa kham gcig tsam zhig byin par gyur na/de ni de bas ches bsod nams mang ba dang / ches bsod nams grangs med pa skyed par 'gyur ro/ /'jam dpal gal te byang chub sems dpa' rab tu byung
303b3 ba sangs rgyas kyi zhing bcu'i rdul phra rab kyi rdul snyed cig byung bar gyur la/de dag las byang chub sems dpa' re res kyang phyogs bcu'i phyogs cha re rer sangs rgyas bcom ldan 'das sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed dag mthong bar
303b4 gyur cing /de bzhin gshegs pa byang chub sems dpa' dang bcas/ nyan thos dang bcas pa re re la yang bskal pa sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed du na bza' dang / zhal zas dang / gzims cha dang / gdan dang / snyun gyi
303b5 gsos sman dang /yo byad rnams kyis kyang bsnyen bkur byed la/ de bzhin gshegs pa re re la yang nyin gcig bzhin du 'jig rten gyi khams sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed dag nor bu rin po che dbang gi rgyal pos yongs su
303b6 bkang ste/dbul bar phul ba las ni byang chub sems dpa' chos kyi rnam grangs 'di la mos par gyur pa gzhan zhig gis tha na dud 'gro'i skye gnas su skyes pa'i sems can la sbyin pa kham gcig tsam zhig byin par gyur nas/ bsod nams mngon par 'du bya ba de la byang chub sems
303b7 dpa' de dag gi sbyin pa las byung ba'i bsod nams mngon par 'du bya ba snga ma des ni brgya'i char yang nye bar mi 'gro'o//stong gi cha dang / 'bum gyi cha dang / bye ba phrag 'bum gyi cha dang / grangs dang cha dang / bgrang ba dang / dpe dang / rgyur yang nye bar mi 'gro'o/ /de ci'i phyir zhe na/ 'jam dpal 'di lta ste/ chos kyi
304a1 rnam grangs 'di thos pa ni byang chub sems dpa' phyir mi ldog pa rnams kyi phyag rgya yin pa'i phyir ro//'jam dpal gal te byang chub sems dpa' la la zhig gis phyogs bcu'i 'jig rten gyi khams kyi sems can thams cad dad pas rjes su 'brang ba nyid la bkod pa bas ni/ byang chub sems dpa' gzhan
304a2 gang zhig gis sems can gcig cig don gyi rjes su 'brang ba nyid la bkod par gyur na/de ni de bas ches bsod nams grangs med pa skyed par 'gyur ro/ /'jam dpal gal te byang chub sems dpa' la la zhig gis phyogs bcu'i 'jig rten gyi khams kyi sems can thams cad don gyi rjes su 'brang ba nyid la
304a3 bkod pa bas ni byang chub sems dpa' gzhan gang zhig gis sems can gcig cig chos kyi rjes su 'brang ba nyid la bkod par gyur na de ni de bas ches bsod nams grangs med pa skyed par 'gyur ro//'jam dpal gal te byang chub sems dpa' la la zhig gis phyogs bcu'i 'jig rten gyi khams kyi sems can
304a4 thams cad chos kyi rjes su 'brang ba nyid la bkod pa bas ni byang chub sems dpa' gzhan gang zhig gis sems can gcig cig rgyun du zhugs pa'i 'bras bu la bkod par gyur na/de ni de bas ches bsod nams grangs med pa skyed par 'gyur ro/ /'jam dpal gal te byang chub sems dpa' la la
304a5 zhig gis phyogs bcu'i 'jig rten gyi khams kyi sems can thams cad rgyun du zhugs pa'i 'bras bu la bkod pa bas ni byang chub sems dpa' gzhan gang zhig gis sems can gcig cig lan cig phyir 'ong ba'i 'bras bu la bkod par gyur pa de ni de bas ches bsod nams grangs med pa skyed par 'gyur ro//
304a6 'jam dpal gal te byang chub sems dpa' la la zhig gis phyogs bcu'i 'jig rten gyi khams kyi sems can thams cad lan cig phyir 'ong ba'i 'bras bu la bkod pa bas ni byang chub sems dpa' gzhan gang zhig gis sems can gcig cig phyir mi 'ong ba'i 'bras bu la bkod par gyur na/ de ni de bas
304a7 ches bsod nams grangs med pa skyed par 'gyur ro//'jam dpal gal te byang chub sems dpa' la la zhig gis phyogs bcu'i 'jig rten gyi khams kyi sems can thams cad phyir mi 'ong ba'i 'bras bu la bkod pa bas ni/ byang chub sems dpa' gzhan gang zhig gis sems can gcig cig dgra bcom pa
304b1 nyid la bkod par gyur na de ni de bas ches bsod nams grangs med pa skyed par 'gyur ro//'jam dpal gal te byang chub sems dpa' la la zhig gis phyogs bcu'i 'jig rten gyi khams kyi sems can thams cad dgra bcom pa nyid la bkod pa bas ni byang chub sems dpa' gzhan gang zhig gis sems can gcig
304b2 cig rang sangs rgyas nyid la bkod par gyur na de ni de bas ches bsod nams grangs med pa skyed par 'gyur ro//'jam dpal gal te byang chub sems dpa' gang la la zhig gis phyogs bcu'i 'jig rten gyi khams kyi sems can thams cad rang sangs rgyas nyid la bkod pa bas ni byang chub sems dpa' gzhan
304b3 gang zhig gis sems can gcig cig byang chub kyi sems la bkod par gyur na de ni de bas ches bsod nams grangs med pa skyed par 'gyur ro//'jam dpal gal te byang chub sems dpa' la la zhig gis phyogs bcu'i 'jig rten gyi khams kyi sems can thams cad byang chub kyi sems la bkod pa bas ni byang
304b4 chub sems dpa' gzhan gang zhig gis sems can gcig cig phyir mi ldog pa nyid la bkod par gyur na de ni de bas ches bsod nams grangs med pa skyed par 'gyur ro//'jam dpal gal te byang chub sems dpa' la la zhig gis phyogs bcu'i 'jig rten gyi khams kyi sems can thams cad phyir mi
304b5 ldog pa nyid la bkod pa bas ni byang chub sems dpa' gzhan gang zhig gis chos kyi rnam grangs 'di la mos shing yi ger 'drir bcug nas gzhan dag la rgya cher yang dag par ston pa dang /tha na sems can gcig cig chos kyi rnam grangs 'di la 'jug par byas na de ni de bas ches bsod nams grangs
304b6 med pa skyed par 'gyur ro//de nas de'i tshe bcom ldan 'das kyis tshigs su bcad pa 'di dag bka' stsal to/ /byang chub sems dpa' gang zhig zad pa'i dus mtha'i tshe/ /sangs rgyas bye ba phrag bcu'i dam chos 'dzin pa bas/ /gang zhig mdo sde 'di ni nyan par byed gyur na/ /de ni de bas bsod
304b7 nams chen po khyad par 'phags//gang zhig rdzu 'phrul stobs kyis phyogs bcur song nas ni/ /sangs rgyas bye ba phrag bcu dag la mchod byed cing / /snying rje bskyed de bde ba kun la chags med par/ /skyes bu dam pa thams cad phyag 'tshal btsud pa bas/ /gang zhig bder gshegs bstan la sems
305a1 rab dad gyur cing //rgyal ba'i chos rnams smon par byed pa'i mdo sde 'di/ /gzhan la yud tsam gcig cig ston par byed gyur na/ /de ni de bas bsod nams 'bras bu khyad par 'phags/ /bde gshegs bstan pa'i mdo sde sgron mar gyur pa 'di/ /gang gis lha dang mi la yang dag bstan byas pa/ /de ni shes
305a2 rab rno zhing mthu chen ldan gyur la//sangs rgyas rnams kyis yang myur du 'thob par 'gyur/ /gang gis bde gshegs sangs rgyas mi mchog de dag ni/ /phung po lhag ma med par yongs su mya ngan las/ /'das par gyur pa dag gi de 'dra'i sgra thos nas/ /sems can gzhan la'ang yang dag sgrogs par byed gyur
305a3 cing //mchod rten gnam 'phang mtho ba srid rtse'i mthar thug pa/ /khyon dang ldan par gyur pa'ang srid rtse ji bzhin pa/ /rin chen mdzes pas spras shing gdugs dang ba dan dang / /de bzhin dril sgras mdzes par byed du bcug gyur pas/ /'di na byang chub sems dpa' gang zhig 'di 'dra ba'i/ /mdo sde 'di thos
305a4 lus la gnas par 'gyur ba'am//glegs bam bri ba byas te gzhag par byed 'dod na/ /de ni de yi bsod nams 'bras bu khyad par 'phags/ /ser sna'i dri ma bsal bar gyur cing 'jigs med pa'i/ /byang chub sems dpa' gang zhig chos 'di 'dzin byed na/ /de yi bsod nams dpag tu yod par mi 'gyur te/ /ji
305a5 ltar 'dod pa bzhin du byang chub thob par 'gyur//mdo 'di bde bar gshegs pa rnams kyis rab bsngags shing / /byang chub sems dpa' mang pos yongs su bzung ba yin/ /de bzhin gshegs pa rnams kyi sku lus nam mkha' yi/ /khams dang 'dra ba thams cad 'dir ni bstan pa yin/ /bcom ldan 'das gyis de skad ces bka'
305a6 stsal nas/byang chub sems dpa' sems dpa' chen po 'jam dpal gzhon nur gyur pa dang / byang chub sems dpa' dang nyan thos chen po grangs med pa bsam gyis mi khyab brjod du med pa dag dang / lha dang mi dang lha ma yin dang / nam mkha' lding dang / dri zar bcas pa'i 'jig rten yi rangs te/ bcom ldan 'das kyis gsungs
305a7 pa la mngon par bstod do//'phags pa sangs rgyas thams cad kyi yul la 'jug pa ye shes snang ba'i rgyan ces bya ba theg pa chen po'i mdo rdzogs so// //rgya gar gyi mkhan po su ren dra bo d+hi dang / zhu chen gyi lots+tsha ba ban de ye shes sde la sogs pas bsgyur cing zhus te gtan la phab pa// //
CLOSE WINDOW