བོད་ཡིག

e-texts based on the ACIP/ALL Input

@/ /chos mngon pa mdzod kyi bshad pa'i rgya cher 'grel pa slob dpon blo gros btsun pas mdzad pa bzhugs so/ / @##/ /rgya gar skad du/ a b+hi d+har+m+ma ka Sho b+hA Sh+ya TI kA ta twAr+tha nA ma/ bod skad du/ chos mngon pa mdzod kyi bshad pa'i rgya cher 'grel pa/ don gyi de kho na nyid ces bya ba sangs rgyas dang byang chub sems dpa' thams cad la phyag 'tshal lo/ /gang zhig kun la mun pa gtan bcom zhing / /'khor ba'i 'dam las 'gro ba drangs mdzad pa/ /don bzhin ston pa de la phyag 'tshal nas/ /chos mngon mdzod kyi bstan bcos rab bshad bya/ /bstan bcos mdzad par bzhed pas rang gi ston pa la bstod pa brtsams pa'i dgos pa'i dbang du byas nas gsungs pa/ de yang bstan bcos dang ston pa la gus par bskyed pas rang dang gzhan gyi don phun sum tshogs pa bshad pas/ bcom ldan 'das kyi che ba'i bdag nyid shes shing gus pa bskyed pa dang / ye shes dang spangs pa phun sum tshogs pa ldan pas/ de'i gsung mi bden pa'i gtan tshigs dang bral zhing don phyin ci ma log pa nyid kyis 'khor ba'i 'dam du bying ba'i sems can rnams drangs te 'bras bu mthar thug pa la rab tu sbyor ba'i phyir ro/ /bstan bcos la gus pa bskyed pa'i don ni de bzhin te/ lhag ma dang bcas pa'i dgos pa'i snying po yang ngo / /gus par gyur pas bde bar gshegs pa'i gsung so sor rang gis rig cing bstan bcos kyi bzhed pa de dang don mtshungs pa'i phyir dang dgos pa mtshungs pa'i phyir gus pa 'dir ma bshad kyang grub pa nyid do/ /mi bden pa'i gtan tshigs kyi gzhi ni rjes su chags pa dang khong khro dang 'jigs pa dag yin par shes par bya'o/ /'di rnams kyis ye shes dang spangs pa phun sum tshogs pa dang ldan pa nyid bshad pa yin no/ /gus pa bskyed pa rnams kyang klog pa dang kha ton dang nyan pa dang sems pa la sogs pa'i bya ba rnams la 'bad cing zhugs pas 'khor ba'i 'dam du bying ba de las rgol ba thob par byed do/ /'o na bstan bcos la gus pa bskyed pa kho na 'di'i don ma yin nam/ 'dir bcom ldan 'das kyi che ba'i bdag nyid shes par byed pa ci zhe na/ 'ga' zhig gang zag tshad mar byed pa yod pas de rnams gang zag nyid kyi sgo nas de'i tshig la gus par byed cing / don la rtogs pa gang yin pa de rnams kyang bla na med pa'i ye shes dang spangs pa phun sum tshogs pa thos nas de'i tshig gus pas nyan pa nas tshig dang rtags dang don la yongs su rtogs pa'i bar byed do/ /de nas ston pa'i tshig dang don dag ji ltar thos pa bzhin du ye shes dang spangs pa phun sum tshogs pa dang ldan par nges te/ ston pa la gus pa skye'o/ /de la bstan bcos byed par 'dod pas bstan bcos dang ston pa la gus pa bskyed pa'i don du bstod pa mngon par brjod do/ /'o na che ba'i bdag nyid shes par byed pa nyid 'dir dgos par gsungs pa ma yin nam zhe na/ che ba'i bdag nyid shes par bya ba'i don du yon tan brjod pa sngon du 'gro bas de la phyag 'tshal ba rtsom mo zhes te/ de ni bstan bcos dang ston pa la gus pa skyes pa'i rgyu mtshan gyi phyir gsungs pa bden no/ /rnam pa gzhan du na bstan bcos kyi thog mar che ba'i bdag nyid rab tu bstan pas ci zhig bya ste/ che ba'i bdag nyid kyi yon tan brjod pa ni bstan bcos rtsom pa la bltos pa med par yang bstan nus pa'i phyir bstan bcos byed par 'dod pas che ba'i bdag nyid shes par bya ba'i phyir bstod pa mngon par brjod pa'i don du blta bar bya'o/ /phan 'dogs pas na bstan bcos so/ /de'i phyir ston pa'i che ba'i bdag nyid las bstan bcos la gus pa skye zhing bstan bcos kyi nus pa las ston pa'i che ba'i bdag nyid nges te gus pa skye'o zhes sngar bshad pa nyid legs so/ /de ltar na bstod pa las bstan bcos kyi don rtogs par 'gyur ro/ /yang na gcig nas gcig tu brgyud de che ba'i bdag nyid shes par byed pa ni dngos kyi dgos pa zhes bshad kyi/ gus pa gcig nas gcig tu brgyud pa ni dgos pa ma yin no/ /gzhan du na mya ngan las 'das pa thob pa yang brjod byar 'gyur ro/ /yang na dgos pa ni bstan bcos rtsom pa'i gegs bsal ba dang dge ba'i rtsa ba nye bar sog pa la 'dod de sems zhi ba dang bsod nams kyi las nye bar sog pa las gzhan pa'i dgos pa med do/ /gegs dang bral bas rtsom pa'i bya ba yongs su rdzogs par 'gyur zhing mngon par mtho ba dang nges par legs pa la sbyor ba ni lta smos kyang ci dgos/ de'i phyir slob dpon gyis de bzhin gshegs pa yon tan phul du byung ba thams cad mnga' zhing skyon dang bral ba mthar phyin pa'i gnas yin pa'i phyir bla na med pa'i bsod nams kyi zhing dang lam de la phyag 'tshal ba rtsom par mdzad do/ /ci ltar na ming gi yon tan brjod pa sngon du 'gro ba'i phyag 'tshal ba la sbyar bas phul du byung ba'i 'dod pa'i 'bras bu rnam pa bzhi dang bsod nams kyi phung po thob pa dang bgegs dang log par 'dren pa dang bral te bstan bcos yongs su rdzogs par 'gyur zhe na/ nyan pa po rnams che ba'i bdag nyid thos pa las rab tu dad pa mngon par 'phel te 'jug cing de'i rgyu mtshan gyis bsod nams kyi tshogs thob pa dang bgegs dang log 'dren rnams dang bral te 'bad pa med par klog pa dang kha don dang mnyan pa la sogs pa'i bya ba'i khyad par la mthar phyin par 'jug par 'gyur ro/ /yang na bstan bcos byed pa phal cher rtsom pa la 'jug pa na 'dod pa'i lha la phyag byas nas 'jug par byed de/ slob dpon 'dis kyang mchog tu legs pa'i lam de'i rjes su 'jug pas bstan bcos mdzad par bzhed de yon tan brjod pa sngon du 'gro bas phyag 'tshal ba brtsams so/ /yang ci'i don du bstan bcos rtsom pa na 'dod pa'i lha la phyag 'tshal bar byed ce na/ bkra shis pa'i ched du dam pa rnams kyis bya ste/ bstan bcos la 'jug pa na kun tu nye bar phan pa ni bkra shis te tshe dang ldan zhing slob ma shes nyan can dang / skyes bu dpa' bo rnams su yang 'gyur ba'o zhes gzhan dag zer ro/ /che ba'i bdag nyid shes par byed pa ni bdag nyid kyi skye mched du gtogs pa'i rab tu dang ba bstan pa'i don dang gzhan dag la yang bskyed pa'i don te 'di yang bstan bcos la nye bar byed par bsams pa'o zhes gzhan dag zer ro/ /bstan bcos kyi thog mar bstod pa mngon par brjod pa'i phyir slob dpon gyis dam bcas pa nyid bstan bcos zhes dgos na/ de byed pa ni mun pa ma spang ba'i phyir bstan bcos la ma gus pa nyid du 'gyur ro/ /bstod pa mngon par brjod pas ni gzhan dag gis bstan bcos so so rang gi yang dag pa nyid shes pas bstan bcos 'di la gus pa skyes par byed do/ /de lta na yang bstod pa mngon par brjod pa don med pa min te/ gzhan du bstan bcos nye bar gyur pa nyid rtogs/ de'i don nyid las 'di la yang dag par 'jug cing de'i rten yin pas chos mngon pa mdzod ces rab tu grags pa ston par byed pa rnams nyid la yang gus pa bskyed par bya ste/ ston par byed pa rab tu grags pa rnams la yang tshig tsam gyis sgrub pa ni ma yin no/ /slar yang bstan bcos rtsom pa'i dgos pa ci zhe na/ chos rnams kyi rang dang spyi'i mtshan nyid rtogs pa ni dngos kyi dgos pa dang mya ngan las 'das pa thob pa yang dgos pa yin pa'i bar du'o/ /gang gi phyir 'gro ba lnga po rnams su las dang nyon mongs pa gnyis rgyur gyur pa las yang srid 'phen pa'i dus dang 'phangs pa'i yang srid mngon par 'grub pa'i dus dag tu las dang nyon mongs pa ma spangs pa rnams yang srid 'phen par byed cing skyed par byed do/ /des sems can rnams ji srid nyon mongs par gyur pa de srid du 'khor ba las thar bar mi 'gyur ro/ /chos rab tu rnam par 'byed pa ma gtogs pa nyon mongs pa rnams spongs pa'i thabs gzhan yod pa ma yin la/ nyon mongs pa thams cad kyang mi shes pa la gnas pa'i phyir chos khong du chud pa'i shes pa dang snang ba dang mun pa bzhin du mtshan nyid 'gal bas lhan cig tu mi gnas so/ /gang gi phyir chos rab tu rnam par 'byed pa las nyon mongs pa spong bar byed cing / nyon mongs pa spangs pas yang srid kyi las nye bar sog par mi byed la/ nye bar bsags pa rnams kyang lhan cig byed pa'i rgyu dang bral bas 'bras bu bskyed pa'i nus pa med par 'gyur ro/ /de ltar nyon mongs pa spangs pas da ltar gyi skye ba la yang srid du nying mtshams sbyor ba 'gog pas thar pa thob po/ /bstan bcos bye brag tu bshad pa la sogs pa dang dgos pa mtshungs na de rnams las lhag par rtsom pa dgos pa med pa ma yin nam zhe na/ bye brag tu bshad pa la sogs pa rnams la rgyas pa dang mdor bsdus pa dang ' khrugs pa la sogs pa'i skyon mthong ste yongs su mgu bas dgos pa mang ba dang rgya cher shes pa dang dge ba'i blo can rnams la phan gdags pa'i phyir rgyas pa dang mdor bsdus pa dang 'khrugs pa ma yin pa'i tshig don nye bar bstan pa chos mngon pa dang ches nye ba chos mngon pa'i mdzod ces bya ba brtsams so/ /de'i phyir 'di rtsom pa dgos pa med pa ma yin no/ /bstan bcos byed par 'dod pas zhes bya ba la slob ma 'chos pa'i phyir bstan bcos te/ 'chos pa yang bde 'gro dang thar pa'i rgyu la so sor 'god pa dang ngan 'gro'i 'jigs pa dang rgyu yongs su spong ba'o/ /yang na nyon mongs pa 'chos pa dang ngan 'gro'i 'jigs pa las skyob pa'i phyir bstan bcos te nyon mongs pa 'chos pa ni nyon mongs pa spang ba dang nyon mongs pa spang ba bden pa mthong ba rnams ni so sor brtags pa ma yin pa 'gog pa thob pas ngan song gi skye ba dang / ngan 'gro'i 'jigs pa las bskyab pa dang gnyi ga yang lam nyid yin pas na lam kho na bstan bcos te lam gyi bdag nyid de bstan bcos su 'dod do/ /ming gi tshogs la sogs pa rnams kyis ni gdul bya'i rgyud la rnam pa dang bcas rab tu dbye ba dang bcas 'bras bu dang bcas mi mthun phyogs dang bcas pa kun tu thob par 'dod pa'o/ /yang na 'dir gzhung la yang 'dra ba las btags te spyir btang ba ji lta ba bzung nas des tshig le'ur byas pa 'di nyid la bstan bcos su 'dod pas zhes bya ba ni ming gi tshogs la sogs pa rnams la 'jug par 'dod pa dang 'god par 'dod pa zhes bya ba'o/ /yang bstan bcos rnam pa gnyis te bshad bya'i chos mngon pa dang 'chad byed do/ /ji skad du/ bdag gis mngon pa'i chos 'di phal cher ni/ /kha che bye brag smra ba'i tshul grub bshad/ /ces pa lta bu'o/ /'chad byed kyi bstan bcos kyang tshig le'ur byas pa'i bdag nyid/ zag bcas zag pa med chos rnams/ /zhes bya ba la sogs pa ste/ de la bshad bya'i chos mngon pa dang 'gal ba de'i tshe byed par 'dod pa ni bstan par 'dod pa dang rnam par bshad par 'dod pa zhes bya ba'i tha tshig go/ /don gyi dbang gis bstan bcos rnam pa gnyis su bstan to/ / yang tshig le'ur byas pa'i bstan bcos dang 'brel pa de'i tshe byed par 'dod pa zhes bya ba ni 'jug par 'dod pa dang rtsom par 'dod ces bya ba'i tha tshig go/ /rang gi ston pa'i zhes ston pa'i spyi bzung nas ston pa'i sgra dang rang gi zhes gsungs pa ni gzhan gyi ston pa yang yod pas rang gi ston pa zhes gsungs pa ste/ des ni 'di skad brjod par 'gyur te sangs rgyas ni bcom ldan 'das so zhes lhan cig pa ni rang gi ston par skyabs su 'gro bar khas blangs pa'i phyir te khas blangs pa la sbyar bas bstan pa rjes su bsgrub pa'i phyir ro/ /'o na slob dpon gyis thog mar sangs rgyas kyi bla na med pa'i ye shes dang spangs pa phun sum tshogs pa 'bad pas bstan pas de la gnas par bstan pa ma yin nam zhe na/ de'i gsung la gnas pa las ston par 'gyur gyi khas blangs pa tsam gyis ma yin no/ /gzhan rang rang gi ston pa kho na las yon tan 'byung bas rang gi zhes khyad par smos pa don med pa can ma yin no/ /yang na sems can thams cad ni byang chub tu sems bskyed pa'i dus nyid nas slob ma'i dngos por bzung ste bdag gis 'di dag lam gyi 'bras bu la rjes su bstan to zhes de'i don nyid du 'khor bar zhugs shing rdzogs par sangs rgyas pas na 'di sems can rnams kyi rang gi ston pa ste gzhan ni ma yin no/ /mngon par byang ma chub pa nas sems can ma lus pa rjes su gzung ba'i phyir rang gi ston pa zhes bshad de/ ji skad du/ dpa' bo thugs rje ro gcig cing / /yun ring phan par bzhed pa can/ / 'gro ba bkren zhing rmongs pa yis/ /rang gi mgon por khyed ma 'tshal/ /zhes gsungs pa lta bu'o/ /yang na rang gi zhes pa bstan bcos dang 'brel pa na chos mngon pa byung ngo zhes pa'i don to/ /bdag nyid che ba shes par byed pa'i don du zhes bya ba la bdag nyid chen po'i dngos po ni bdag nyid chen po ste sems can thams cad kyi mchog nyid dang sems can thams cad kyi skyabs su 'os par gyur pa nyid do/ /ji skad du/ sems can gang dag rkang pa mang ba'am rkang pa gnyis pa'am rkang pa bzhi pa'am rkang mangs te de dag gi nang na de bzhin gshegs pa mchog ces bya ba ste zhes pa lta bu'o/ /ye shes dang spangs pa phun sum tshogs par bshad pas ni sems can gyi mchog nyid thams cad nyid du bstan te de las gzhan pa rnams la ni bla na med pa'i ye shes dang spangs pa med pa'i phyir ro/ /'gro ba rnams 'khor ba las 'don par mdzad pas na sems can thams cad kyi skyabs kyi 'os su gyur pa nyid do/ /yang na che ba'i bdag nyid ni shes bya thams cad la chags pa med cing thogs pa med pa'i ye shes te sems can thams cad pa'i gnyen po ni ye shes dang thugs rje'o/ /shes bya thams cad la mun par gyur pa spangs par bzhed pas ni shes bya thams cad la ma chags ma thogs pa'i ye shes bstan te/ 'khor ba'i 'dam las 'gro ba drangs mdzad pa zhes pa 'dis ni thugs rje chen po ste/ 'khor ba'i sdug bsngal gyis yongs su gdungs pa rnams la thugs rje mnyam pa'i phyir ro/ /yang na bdag nyid che bas ni rang gi don phun sum tshogs pa dang gzhan gyi don phun sum tshogs pa bstan te/ de yang kun la mun pa gtan bcom zhes pa 'dis rang gi don phun sum tshogs pa dang / 'khor ba'i 'dam las 'gro ba drangs mdzad pa/ /zhes pa 'dis gzhan gyi don phun sum tshogs pa bstan to/ /yon tan brjod pa sngon du 'gro bas de la phyag 'tshal ba rtsom par byed do zhes pa la mdor na 'di'i yon tan brjod pa sngon du 'gro ba de yang tshigs su bcad pa'i phyed snga mas so/ /rkang pa gsum pas ni phyag 'tshal ba brtsams so/ /de la phyag 'tshal nas zhes pa 'dir yon tan brjod pa sngon du 'gro bas phyag 'tshal ba'o/ /de la yon tan du byed pas na yon tan te/ legs pa don du gnyer bar byed pa rnams kyis goms par bya'o zhes pa'i tha tshig go/ /de rnams ni rgyu dang 'bras bu'i dbye ba rnam pa gnyis kyis te/ de la rgyu ni bsod nams kyi tshogs dang ye shes kyi tshogs so/ /bsod nams kyi tshogs ni pha rol tu phyin pa gsum ste/ sbyin pa dang tshul khrims dang bsam gtan rnams so/ /de ltar yang gsungs pa/ gsum po 'di rnams ni bsod nams bya ba'i dngos po rnams te/ sbyin pa las byung ba'i bsod nams bya ba'i dngos po dang / tshul khrims las byung ba dang / bsgom pa las byung ba zhes bya ba'o/ /shes rab kyi pha rol tu phyin pa ni ye shes kyi tshogs so/ /brtson 'grus dang bzod pa ni gnyi ga'i nang du gtogs te sbyin pa la sogs pa rnams la 'di dag mi 'jug pa mi srid pa'i phyir ro/ /yang gzhan dag ni sbyin pa dang tshul khrims dang bzod pa'i pha rol tu phyin pa ni bsod nams kyi tshogs so/ /bsam gtan dang shes rab ni ye shes kyi tshogs so/ /bsam gtan ni shes rab dang rjes su mthun pa'i phyir dang brtson 'grus ni gnyis ka la phan 'dogs pa'i phyir gnyi ga'i nang du gtogs so zhes zer ro/ /'bras bu phun sum tshogs pa rnam pa bzhi ni ye shes phun sum tshogs pa dang spangs pa phun sum tshogs pa dang gzhan la phan pa phun sum tshogs pa dang gzugs kyi sku phun sum tshogs pa ste 'dir ye shes dang spangs pa dang gzhan la phan pa phun sum tshogs pa rnams ni 'bras bu'i yon tan nyid du bzhed pa'o/ /yon tan brjod pa ni yon tan rnams mngon cing gsal bar byed pa'o/ /de la phyag 'tshal ba rtsom mo zhes pa la/ de la zhes pa ni rang gi ston pa la'o/ /phyag 'tshal ba'i sgra sbyor ba na rnam dbye bzhi pa ste don gyi dbang gis rnam par dbye ba yongs su 'gyur ro/ /phyag 'tshal ba rtsom mo zhes pa bstan bcos byed par 'dod pa zhes pa 'di dang mngon par 'brel te/ thun mong ma yin pa'i yon tan brjod pa sngon du 'gro bas spyi bos rab tu 'dud pa ni phyag 'tshal ba'o/ / yon tan brjod pa nyid kyis che ba'i bdag nyid grub pa ma yin nam/ de la phyag 'tshal bas ci zhig bya zhe na/ des kyang che ba'i bdag nyid mtshon mod kyi/ che ba'i bdag nyid yod pa ma yin pa la slob dpon phyag 'tshal ba rtsom pa dang bstan bcos byed par 'dod pa med do/ /yang na rang dang gzhan gyi rgyud la bsod nams nye bar bsags pa'i phyir lus dang ngag dang yid rnams kyis ston pa la sgrub pa'i mchod pa bya ba'i phyir yon tan brjod pa sngon du 'gro bas phyag 'tshal ba rtsom mo/ /de ltar na che ba'i bdag nyid kyang shes par byas la rang dang gzhan gyi rgyud la bsod nams nye bar sog pa la nan tan byas par yang 'gyur ro/ /de la rang gi ston pa la bstod pa mngon par brjod pas ni 'brel pa dang dgos pa dang brjod bya rnams so sor bstan te/ de yang bstan bcos byed par 'dod pas zhes pas ni 'brel pa'o/ /che ba'i bdag nyid kyang shes par bya ba'i phyir zhes pas ni dgos pa'o/ /yon tan brjod pa sngon du 'gro bas phyag 'tshal ba rtsom mo zhes pas ni brjod bya'i tshig dang don no/ /gang gi phyir rtogs pa sngon du 'gro bas dag don rtogs pas na tshig don no/ /da ni gang zhig ces bya ba sangs rgyas bcom ldan 'das kyi dbang du byas nas smras so zhes pa la bsam par bya ste/ gang zhig ces bya ba ni ming thams cad pa ste spyi'i sgra yang don dang skabs dang rtags la sogs la ma ltos par bye brag la gnas par bya bar mi nus so/ /de'i phyir 'di ni chos mngon pa 'chad pa na skabs kyis gzhan rnam par bcad nas sangs rgyas bcom ldan 'das nyid la 'jug ste/ chos mngon pa 'chad par rtsom pa na sangs rgyas las gzhan la bstod pa mngon par brjod pa ma yin par rtogs pa'i phyir ro/ /yang na ye shes dang spangs pa dang sems can la lan 'dogs par bshad pa gang yin pa de rnams sangs rgyas las gzhan la mi ldan par bshad pas gang zhig ces pa sangs rgyas bcom ldan 'das kyi dbang du byas nas gsungs pa'o zhes bya'o/ /ldan pa yang spyi'i sgra bye brag la gnas pa'i rgyur mthong ste/ dper na drus ma 'or cig ces brjod pa na be'u dang bcas pa'am/ rnge'u dang bcas pa la go ba bzhin no/ /shes bya thams cad la ma chags ma thogs pa'i ye shes nus pa rgyas pa dang ldan pas na rang nyid sangs rgyas te pad+ma kha rgyas pa bzhin no/ /yang na nyon mongs pa dang nyon mongs pa can ma yin pa'i gti mug gi gnyid gtan du zad pa'i phyir sangs rgyas te skyes bu gnyid sad pa bzhin no/ /ji ltar gnyid sad pa'i phyir skyes bu gnyid sad pa ni rang nyid sad pa zhes brjod par bya'i gzhan dag gi sad par byas pa ni ma yin pa de bzhin du 'dir yang ngo / /bdud bzhi bcom pa dang ldan pa'i phyir bcom ldan no/ /bdud de rnams kyang lha'i bu'i bdud dang nyon mongs pa dang 'chi bdag dang phung po zhes mngon par brjod pa rnams so/ /yang na 'di la skal ba mnga' bas skal ldan te/ skal ba yang ji skad du/ dbang phyug dang ni gzugs bzang dang / /grags dang dpal dang ye shes dang / / brtson 'grus phun sum tshogs pa ste/ /drug po rnams la skal zhes bya/ /zhes so/ /sangs rgyas las gzhan la dbang phyug dang gzugs dang grags pa la sogs pa 'di dag tshang bar yod pa ma yin pa de'i phyir sangs rgyas kho na bcom ldan 'das so/ /ji ltar sangs rgyas las gzhan la grags pa la sogs pa rnams tshang bar yod pa ma yin pa de ltar legs pa'i lam bstan pa sogs su slob dpon dpa' bo la sogs pa rnams kyis rgya cher bshad mod kyi 'dir ni gzhung mangs pa'i 'jigs pas ma brjod do/ /gal te sangs rgyas kho na bcom ldan 'das yin gyi/ gzhan ma yin na ci'i phyir sangs rgyas dang bcom ldan 'das gnyi ga smos she na/ gang gi phyir sangs rgyas kyi sgra nye ba'i tshig dang bral ba ni nyan thos dang rang sangs rgyas dang yang dag par rdzogs pa'i sangs rgyas dang gsum ka la 'jug pas de'i phyir bcom ldan 'das zhes smos so/ / bcom ldan 'das kyi sgra yang bdag nyid ma sbyangs pa kha cig gis gzhan du yang sbyar bas na sangs rgyas zhes smos so/ /yang na nye ba'i tshig med par bcom ldan 'das kyi mtshan nas smos pa mi rigs pas gnyi ga smos so/ /kun la mun pa gtan bcom zhing / /zhes bya ba la mun pa bcom zhes pa ni tshig gnyis pa 'bru mang po pa'i snying po can no/ /kun la gtan zhes pa'i nye ba'i tshig ni bdun pa'i de'i skyes bu'i bsdu ba'o/ /'di 'bru mang po pa ma yin no zhes shes par bya ba'i phyir gsungs pa/ 'di'i 'am 'dis mun pa bcom pas mun bcom mo/ /ci'i phyir 'di 'bru mang po par mi 'dod ce na/ 'bru mang po la niSh+Tha zhes pa niSh+Tha'i mtha' can snga mar tshig phrad du gyur pa las kun la mun bcom zhes par 'gyur gyi mun pa kun zhes pa ni ma yin no/ /A hi ta ag+ni la sogs par gtogs pa'i phyir niSh+Tha'i mtha' can gong du 'don pa'i nges pa med do/ /de ltar yang bcom pa dang mun pa'i sgra dag dang thams cad kyi sgra tha dad pa'i dbang du byas pa'i phyir ro/ /tha dad pa ma yin pa'i dbang du byas na thams cad du 'bru mang po pa thob ste/ de'i phyir kun la mun bcom zhes pa bdun pa de'i skyes bu nyid de 'di ni 'bru mang po pa'o/ /gang gi tshe 'di'i mun pa bcom zhes drug pa yin par tshig rnam par sbyar ba de'i tshe bcom ldan 'das mun pa 'joms pa'i 'brel pa can nyid du nye bar bzung bas mun pa bcom pa'i byed pa po dang byed pa ma bstan la/ gang gi tshe 'dis mun pa bcom zhes byed pa po'i mtshan nyid kyis gsum pa yin par tshig rnam par sbyar ba de'i tshe yang bcom ldan 'das mun pa 'joms pa'i byed pa po nyid du brjod par 'dod pa'i phyir ro/ /gang gi 'bras bu'am byed pa gang gis zhes mun pa bcom pa'i 'brel can dang byed pa mi shes so zhe na/ nyes pa 'di ni med de/ gzhan 'joms pa po dang 'brel pa can du ma bstan pa'i phyir de nyid kyi mun pa'i 'joms pa po dang 'dis bdag nyid kyi mun pa bcom mo zhes bya bar khong du chud par 'gyur te/ de nyid kyi phyir ci nas kyang de nyid mun pa 'joms pa la byed pa po nyid dang 'brel pa can nyid du shes par bya ba'i phyir gnyi ga ltar yang tshig rnam par sbyar ro/ /byed pa ni gnyen po brnyes pa ste de yod na mun pa spang ba'i phyir ro/ /thams cad la mun pa bcom pas na kun la mun bcom zhes pa ste/ tshig gnyis kyi 'bru mang po pa'i snying po can bdun pa de'i skyes bu'o/ /gtan zhes bya ba ni nye ba'i tshig yin gyi de dang tshig bsdu ba ni ma yin te mi zad pa ma yin pa'i phyir ro/ /'o na mun pa bcom pa ni tshig phyi ma gtso bo yin pa'i phyir mun pa bcom pa nyid gtso bo ma yin nam zhe na/ gtso bo yang bya ba gzhan dang 'brel par mthong ste/ ba khra mo khrid shog ces pa bzhin no/ /de bzhin du 'dir yang shes bya thams cad la mun pa bcom pa ni bcom ldan 'das nyid du shes par bya'o/ /yang na de'i mun pa bcom pa 'di lta bu'i 'dod pa ma yin no/ /'o na ci'i 'dod pa yin zhe na/ shes bya thams cad la bcom ldan 'das mun pa bcom pa nyid na/ bcom ldan 'das zhes bdun pa de'i skyes bur yang mi sbyar ro/ /'di ni nges par gtso bo nyid dang 'brel ba ma yin pas yon tan du gyur pa ma yin te/ don las 'brel pa bstan pa'i phyir ro/ /dper na/ khyod gdong ut+pal sngon po'i 'dab 'dra'i mig /de yi ze 'bru dang mtshungs dri ldan 'di'i/ /zhes so/ /kun la mun pa bcom pa mi srid do zhe na/ mi srid pa yang ma yin te/ srid pa las ni yon tan du gyur pa las mun pa bcom pa nyid kyis yul thams cad shes par 'gyur te/ chang gis ma myos pa bzhin no/ /dper na chang gi btung ba dang mig nyams pa mig nyams bzhin no/ /myos pa'am mig zhar bas btung ba'i gzhi dang mig gi gzhi shes par mi 'gyur ro/ /'o na ci zhe na gang zhig ma myos pa'am ma long ba des ni btung ba'i yul dang mig gi yul yang rnam par shes so/ /de bzhin du 'dir yang bcom ldan 'das kyis mun pa bcom pa ni yul thams cad shes par 'gyur bas mchog tu mun pa bcom pa nyid de/ /de'i phyir 'di ni tshig gnyis pa'i 'bru mang po pa'i snying po can bdun pa'i skyes bu zhes so/ /de la 'bad pa ni rnam pa thams cad du'o/ /gtan zhes bya ba ni don nye bar ston pa lhur byed pa yin gyi tshig rnam par sbyar ba lhur byed pa ni ma yin la/ kun la mun bcom zhes bya ba 'di ni tshig rnam par sbyar ba lhur byed pa yin no/ /de la mun pa'i rnam pa thams cad ni nyon mongs pa can dang nyon mongs pa ma yin pa rnam pa gnyis dang / 'dod pa dang gzugs med pa na spyod pa'i dbye ba dang don gyi dbye bas rnam pa gsum mam/ spong ba'i dbye bas rnam pa lnga'o/ /shes bya thams cad ni skye mched bcu gnyis rnams te/ mdo las bram ze thams cad thams cad ces bya ba ni skye mched bcu gnyis kyi bar rnams so zhes gsungs pa'i phyir ro/ /rnam pa lnga ni gzugs dang sems dang sems las byung ba dang ldan pa ma yin pa'i 'du byed dang 'dus ma byas rnams so/ /rnam pa gnyis ni zag pa dang bcas pa dang zag pa med pa'am/ 'dus byas dang 'dus ma byas so/ /'jig rten na phyi rol gyi mun pa ni bum pa la sogs pa'i gzugs mthong ba la gegs su gyur pa'i phyir skye bo long ba bzhin du byed pas mun pa zhes grags kyi/ 'dir ni yang dag pa'i don mthong ba'i gegs su gyur pas 'dra ba'i phyir mi shes pa kho na mun pa'o zhes bstan pa'i phyir mi shes pa ni yang dag pa'i don mthong ba la gegs su gyur pa'i phyir mun pa ste zhes gsungs so/ /yang dag pa'i don mthong ba ni thos pa dang bsam pa dang bsgoms pas bsdus pa phyin ci ma log pa'i don mthong ba'o/ /de la gegs su gyur pa ni yang dag pa'i don mthong ba de la gegs skyed pa'o/ /yang dag pa ma yin pa'i don mthong ba ni 'jig tshogs la lta ba la sogs pa ste/ de la ni gegs su gyur pa ma yin te ma rig pas phan btags pa kho na las de byung ba'i phyir ro/ /de nyid kyi phyir yang dag pa'i don mthong ba smos pa ni khyad par yin no zhes kha cig go/ /zag pa med pa mthong ba gtso bor gyur pa'i phyir yang dag pa'i don mthong ba'o zhes gzhan dag go/ /'dir don gzhan de nyid yang dag pa'i don du bzhed de/ de ltar yang sangs rgyas kyi chos yul dang dus shin tu bskal pa dang don rab tu dbye ba mtha' yas pa rnams la nyon mongs pa can ma yin pa'i mi shes pa yod pa nyid do zhes gsungs te/ de bzhin gshegs pa'i ye shes kyi mi mthun phyogs su gyur pa ni ma rig pa'i zhes bzhed do/ /thos pa las byung ba la sogs pas mthong ba yang dag pa'i don mthong ba yin te/ 'di'i shes bya'i yul thams cad bsam gyis mi khyab pa nyid do/ /de dag lhag ma ma lus shing phyin ci ma log pa rang dang spyi'i mtshan nyid kyi rnam pa can du mkhyen pa ni yang dag pa'i don mthong bar bzhed do zhes shes par bya'o/ /gzhan gyi rnam pa 'ba' zhig nyid ni ma yin te/ nyon mongs pa dang nyon mongs pa can ma yin pa'i kun tu rmongs pa spong ba'i dbang du byas nas shes bya thams cad la zhes gsungs pa'i phyir ro/ /gnyen po brnyes pas zhes bya ba la mi mthun pa'i phyogs spong bar byed pa'i phyogs ni gnyen po ste/ de yang gcig na rdo rje lta bu'i ting nge 'dzin yin te/ 'di ltar rdo rje lta bu'i ting nge 'dzin gyi mjug thogs su bcom ldan 'das gnyi ga'i cha las rnam par grol ba dang thams cad la thogs pa mi mnga' ba'i ye shes kyi nus pa mnga' bar 'gyur ro zhes zer ro/ /de brnyes pa ni mngon du gyur pa'i ngo bos so/ /de dang por thob pas so zhes gzhan dag go/ /'di ni bsam par bya ste/ rdo rje lta bu nyid kyis de ma spangs pa'i phyir ro/ /mthong bas spang bar bya ba rnams las srid pa'i rtse mo pa dang / bsgom pas spang bar bya ba'i nyon mongs pa'i rnam pa chung ngu'i chung ngu las gzhan bsgom pas spang bar bya ba thams cad kyi gnyen po ma yin zhes gzhan dag sems te/ rdo rje lta bu kho na ni ma yin par bzhed do/ /'o na ci zhe na/ rdo rje lta bu'i ting nge 'dzin gyi bar spong ba'i lam thams cad nyid de'i gnyen por bzhed de/ zag pa med pa'i ye shes dang de'i 'phrin las gnyen po nyid yin pa'i phyir nye ba gnyen po nyid du bzung nas so zhes gzhan dag go/ /gnyen po brnyes nas bcom gyi ngo bo nyid 'dod rgyal dang dam pa sbyin pa'i mthus ni ma yin no zhes ston par byed do/ /shin tu mthar thug pa'i gnyen po brnyes nas bcom ste zhes bya ba ni de'i so sor brtags pa'i 'gog pa brnyes pa ston par byed la/ phyis mi skye ba'i chos can du gyur pa'i phyir zhes bya ba 'dis ni so sor brtags pa ma yin pa'i 'gog pa brnyes pa ston par byed de/ de lta yin dang ston pa mun pa spangs pa dang yongs su mi nyams pa'i chos can nyid du gsal bar byas par 'gyur te so sor brtags pa'i 'gog pa brnyes pa'i phyir ro zhes gzhan dag sems so/ /gzhan de bcom zhes pa 'di nyid kyis so sor brtags pa dang so sor brtags pa ma yin pa'i 'gog pa thob pa bshad do/ /so sor brtags pa'i 'gog pa 'ba' zhig thob pa las shin tu bcom pas slar skye zhing 'byung ba ma yin pa'i phyir ro/ /de bas na 'das pa dang ma 'ongs pa dag ni nyams pa las mi skye ba'i phyir dang da ltar byung ba ni 'gog pa la mngon du phyogs pa'i phyir spangs pa med do zhes dogs pa bsal ba'i phyir gsungs pa/ phyis mi skye ba'i chos can du gyur pa'i phyir zhes pa ni/ ji ltar sngar yod pa ma yin pa'i gnyen po thob pa skyed par byed la/ de ltar gnyen po thob pa la phyis mi skye ba yod ces pa ste/ gnyen po thob pas bcom pa zhes brjod par bya'o/ /gzhan dag ni mi shes pa'i rnam pa 'ga' zhig la de la dmigs pa'i nyon mongs pa spangs pas shin tu spangs pa mthar phyin par spangs pa la yang kun tu spyod pa 'byung bas khyad par du byed do zhes sems so/ /phyis mi skye ba'i chos can du gyur pa'i phyir bcom pa ni/ ji ltar gzhan rnams kyi yang de la dmigs pa'i nyon mongs pa spangs pa tsam las ni ma yin zhes gzhan dag zer ro/ /gnyen po brnyes pas gnas yongs su gyur te phyis shin tu mi skye ba'i chos can du gyur pa'i phyir bcom pa ste/ de ltar yang nyon mongs pa skyed pa dang 'gal ba'i skye mched drug gi lam skyed pa'i rkyen dang nyon mongs pa skyed pa'i sa bon gyi skye mched drug skyed pa la 'gal ba nyid dang sdug bsngal la chos shes pa'i bzod pa mngon du gyur pa'i phyir de'i spang bya nyon mongs pa ldog pa'i rgyur gyur pa'i skye mched drug skyed par byed do/ /de bzhin du rdo rje lta bu'i ting nge 'dzin gyi bar mngon du gyur pa'i phyir nyon mongs pa dang nyon mongs pa can ma yin pa'i kun tu rmongs pa'i sa bon ma lus pa ldog pa'i skye mched drug skyed par byed do/ /de skyes pas rten dang sa bon med pa'i phyir phyis kun tu rmongs pa mi skye bar byed do/ /des na phyis shin tu mi skye ba'i chos can du gyur pa'i phyir bcom pa zhes brjod par bya'o/ /de la yang gnyen po brnyes pas shin tu mi skye ba'i chos can du gyur pa'i phyir bcom zhes 'di dang m ngon par 'brel pas 'ga' zhig ni mi shes pa cung zad kyi gnyen po thob pas de la dmigs pa'i nyon mongs pa bcom yang 'ga' zhig gi tshe sa bon skye ba yod pas bcom ldan 'das ni gnyen po brnyes pas mi shes pa ma lus pa'i sa bon drungs nas phyung ba'i phyir na phyis shin tu mi skye ba'i phyir bcom zhes ston par byed do/ /de yang gang gis ji ltar yul gang du bcom zhe na de bstan pa'i phyir kun la mun pa gtan bcom zhes gsungs te/ sangs rgyas bcom ldan 'das 'dis ni shes bya thams cad la mun pa gtan du bcom pas mkhyen no/ /gang gi phyir sangs rgyas bcom ldan 'das 'dis kun la mun pa gtan du bcom zhe na/ shes bya'i rnam pa thams cad kyi mun pa mun nag ni gnyen po brnyes pas phyis shin tu mi skye ba'i chos can du gyur pa'i phyir bcom pa'o/ /'dis kyang bcom ldan 'das rang gi don phul du phyin pa dang ye shes phun sum tshogs pa dang spangs pa phun sum tshogs par yang bshad do/ /de la kun la mun bcom zhes pas ye shes phun sum tshogs pa ste shes bya thams cad mkhyen pa la gegs su gyur pa'i mun pa spong ba'i thabs bstan pa dang bcom ldan 'das kyi mkhyen pa yul thams cad la ma chags ma thogs par 'chad par byed do/ /kun la mun pa bcom zhes pa 'dis spangs pa phun sum tshogs pa yang bstan te 'jig rten pa rnams la nyon mongs pa can gyi mi shes pa ma lus par spangs pa mi srid pa'i phyir ro/ /spangs pa yang phyis skye ba ste nyan thos dang rang sangs rgyas rnams nyon mongs pa can ma yin pa'i mi shes pa kun tu spyod pa'i phyir ro/ /de dag gi spangs pa ni spangs pa phun sum tshogs pa ma yin no/ /de bzhin gshegs pa kho na'i spangs pa ni kun tu rmongs pa'i rnam pa thams cad phyis shin tu mi skye ba'i chos can du gyur pa'i phyir spangs pa phun sum tshogs par rnam par gzhag par bya'o/ /gal te 'dod chags la sogs pa dag kyang shes bya thams cad la phyis mi skye ba'i chos can du gyur pa'i phyir gtan rnam pa thams cad du bcom pa ma yin na/ ci'i phyir mi shes pa bcom pa kho na'i sgo nas bcom ldan 'das la bstod pa brjod ce na/ mi shes pa ni gtso bo yin pa'i phyir ro/ /gzhan yang ston pa nyid phun sum tshogs pa bstan par bya ba'i phyir ro/ /ston pa nyid phun sum tshogs pa yang thams cad la thogs pa med pa'i ye shes dang 'gro ba 'khor ba'i 'dam nas 'dren par mdzad pa'i sbyor ba ste/ gzhan gyi don la rab tu mi sbyor ba'am/ phyin ci log tu sbyor ba ni bstan pa ma yin no/ / de la shes bya thams cad mkhyen pa la mi mthun pa'i phyogs su gyur pa'i mun pa bcom par bstan pas ni bcom ldan 'das thams cad la thogs pa med pa'i ye shes mnga' bar rtogs par byed do/ /gzhan gyi nyon mongs pa bcom par brjod pa ni ma yin pa'i phyir don dam pa la rab tu sbyor ba yang tshigs su bcad pa'i rkang pa gnyis pa dang rkang pa gsum pas bstan to/ /yang na rang gi don phul du byung ba'i mi mthun pa'i phyogs kyi mun pa bcom pa nyid gsungs kyi gzhan gyi nyon mongs pa bcom pa ni ma yin no/ /ye shes phun sum tshogs pa dang spangs pa phun sum tshogs pa yang ston pa'i bdag la phan pa phul du byung ba'o/ /gzhan gyi nyon mongs pa bcom pa ma yin pa'i phyir gnyi ga yang 'dis sgrub par nus pas na mun pa bcom pa nyid bshad do/ /yang na nyon mongs pa thams cad spangs par bstan pa'i ched kho nar gsungs par 'gyur te/ gang gi phyir mi shes pa ni nyon mongs pa dang nye ba'i nyon mongs pa thams cad dang mtshungs par ldan zhing kun tu rmongs pa dang cig shos slar mi skye ba ma yin pas de ltar nyon mongs pa gzhan dang nyon mongs pa thams cad mtshungs par ldan no/ /de'i phyir mi shes pa spangs pas cig shos nyon mongs pa dang nye ba'i nyon mongs pa spangs pa ni ma brjod kyang grub pa nyid de gnyen po gcig pa'i phyir ro/ /yang na nyan thos dang rang sangs rgyas rnams kyis kyang 'dod chags la sogs pa'i nyon mongs pa bcom pas 'dod chags la sogs pa kun la gtan bcom par brjod pa yod do zhe na ma yin te/ de rnams dang ston pa la khyad par brjod pas ston pa dang de rnams mun pa bcom par mtshungs pa ma yin te/ /nyan thos dang rang sangs rgyas rnams la nyon mongs pa can ma yin pa'i mi shes pa yod pa'i phyir ro/ /kun la mun pa gtan bcom zhes gnyis mngon par brjod pa'i don ci yin zhe na/ gzhan du brjod na bcom ldan 'das dang gzhan rnams la khyad par ma bshad par 'gyur bas so/ /de ltar yang ci ste mun pa kun bcom zhes brjod na/ de lta na nyan thos la sogs pa rnams la yang thal bar 'gyur ro/ /de rnams kyis kyang nyon mongs pa can gyi mi shes pa spangs pa'i phyir ro/ /gal te mun pa gtan bcom zhes brjod na/ de lta na sangs rgyas kyi chos shin tu bskal ba'i yul dang dus dang rab tu dbye ba dpag tu med pa rnams la nyon mongs pa can ma yin pa'i kun tu rmongs pa dang ma bral ba'i phyir nyan thos la sogs pa rnams kyang mun pa kun bcom pa nyid du thal lo/ /de'i phyir de dag rnam par gcad pa'i phyir gnyi ga brjod do/ /yang na ston pa las gzhan la kun tu rmongs pa gtan spangs pa mi srid pas de bzhin no/ /'o na mun pa gtan bcom zhes brjod na ston pa'i spangs pa phun sum tshogs pa kho na phan par 'gyur gyi ye shes phun sum tshogs pa ni ma yin no zhe na/ spangs pa phun sum tshogs pa nyid kyis ye shes phun sum tshogs pa rtogs par 'gyur ba ma yin nam/ tang bi nA b+hA bi twAta/ ya rgya s+ye ta de ba ta th+la bi ya byA b+hA bla d+la bye bA pra hA NAT/ byang chub kyi bar du bdag la phan pa phun sum tshogs pa nyid kyis ye shes phun sum tshogs pa bsgrubs pas de'i gnyen po brnyes pas de'i ngo bo'am de spang ba'i phyir/ ston pa'i spangs pa dang ye shes khyad par 'phags pa ni rang la phan pa sgrub pa phun sum tshogs pa 'byung ba'i rang bzhin du bstan par 'gyur ro/ /'o na nyan thos la sogs pa rnams la yang shes bya thams cad la nyon mongs pa dang nyon mongs pa can ma yin pa'i kun tu rmongs pa spangs pa yod pa ma yin nam zhe na/ gang gi phyir spangs pa 'ga' zhig gi rnam pas de rnams mi slob pa nyid kho nar 'gyur ba yin no/ /gal te de nyid 'dir kun tu spyod pa spangs par 'dod kyi de la dmigs pa'i nyon mongs pa spangs pa ni 'chad par 'dod pa ma yin te nyan thos la sogs pa rnams dang mtshungs pa'i phyir ro/ /nyan thos la sogs pa la yang shes bya thams cad la nyon mongs pa can gyi yid phyis shin tu mi skye ba'i chos can du gyur pa'i phyir/ kun tu spyod pa spangs pa yod pa ma yin nam zhe na/ de'i phyir nyan thos dang rang sangs rgyas la sogs pa rnams la yang mun pa kun bcom pa ni 'dod kyi zhes gsungs te yang dag pa'i gdams ngag gi 'bras bu sgrog par byed pas na nyan thos so/ /bdag nyid gcig pu so sor sangs rgyas pas na rang sangs rgyas rnams te/ de dag ni bdag nyid gcig pu 'dul bar byed kyi gzhan ni ma yin no/ /'dod mod kyi zhes bya ba ni khas blangs nas lan brjod par 'dod pas yin mod kyi zhes bya ba'i don to/ /nyon mongs pa can gyi kun tu rmongs pa dang bral ba'i phyir zhes bya bas ni kun la mun pa bcom pa ston par byed do/ /gal te nyan thos la sogs pa rnams thams cad du nyon mongs pa can gyi kun tu rmongs pa dang gtan bral bar mi 'gyur na nyon mongs pa dang las dang skye ba'i kun nas nyon mongs pa dang bral bar mi 'gyur te/ nyon mongs pa dang las dang skye ba'i kun nas nyon mongs pa rnams ni nyon mongs pa can gyis kun tu rmongs pa'i rgyu can yin pa'i phyir ro/ /yang ci ltar nyon mongs pa can ma yin pa'i mi shes pa yod pas nyan thos dang rang sangs rgyas rnams la kun nas nyon mongs pa gsum ldog par 'gyur zhe na/ nyon mongs pa can nyid kun nas nyon mongs pa'i rgyu yin pa'i phyir ro/ /gang gi phyir nyon mongs pa can nyid kho na bden pa'i don mthong ba'i mi mthun pa'i phyogs su gyur pa'i phyir kun nas nyon mongs pa'i rgyu'o/ /nyon mongs pa can ma yin pa ni bden pa'i don mthong ba'i mi mthun pa'i phyogs ma yin pas de ni sangs rgyas kyi chos la sogs pa mkhyen pa'i mi mthun pa'i phyogs nyid de/ bden pa'i don mthong ba las gzhan du ye shes 'jug pa'i gegs su gyur pa'i phyir de ni sangs rgyas rnams kho na'i sgrib pa brjod par bya'i nyan thos dang rang sangs rgyas rnams kyi ma yin no/ /nyan thos dang rang sangs rgyas kyi ni nyon mongs pa can kho na ye shes la sgrib pa'o/ /gtan nas ni ma yin te zhes pa ci zhe na/ mun pa bcom pa zhes bya ba dang sbyar te/ skabs su bab pa'i phyir ro/ /'di ltar de dag la zhes rgyas par brjod pa de'i tshe/ ha zhes pa gang gi phyir zhes bya ba'i tha tshig go/ /sangs rgyas kyi chos rnams la zhes bya ba la/ sangs rgyas kyi chos ni stobs dang mi 'jigs pa la sogs pa rnams te/ de dag ni thams cad mkhyen pa ma yin pa'i shes pa'i yul las 'das pas de la thams cad mkhyen pa las gzhan pa rnams kyi shes pa mi 'jug go/ /de nyid kyi phyir thogs pa med pa'i don gyis thams cad mkhyen pa rnams kho na ye shes kyi stobs can du brjod par bya'i gzhan rnams ni ma yin no/ /gzhan du na nyan thos dang rang sangs rgyas rnams las khyad par 'phags pa nyid du yang mi 'gyur ro/ /mdo las kyang / shA ri'i bu khyod kyis de bzhin gshegs pa'i tshul khrims kyi phung po dang ting nge 'dzin gyi phung po dang rnam par grol ba'i phung po dang rnam par grol ba'i ye shes mthong ba'i phung po shes sam zhes dris pa dang / gsol pa/ bcom ldan 'das ma lags so zhes gsungs te/ de'i phyir sangs rgyas kyi chos rnams la sangs rgyas las gzhan pa'i shes pa mi 'jug go/ /de'i phyir nyan thos la sogs pa rnams la sangs rgyas kyi chos kyi yul la nyon mongs pa can ma yin pa'i mi shes pa yod do zhes bya bar gsungs so/ /yul dang dus shin tu bskal pa dang don zhes bya ba la yul shin tu bskal pa ni 'jig rten gyi khams brgya stong phrag du mas chod pa'i gzhi'i yul rnams so/ /'o na rnam par rig byed ma yin pa gzugs can ma yin pa'i chos rnams yul na mi gnas pa nyid kyis ci ltar na de dag yul gyis bskal zhe na/ de bskyed pa'i rten gyi yul bskal pa'i phyir de dag kyang yul gyi bskal par brjod par bya'o/ /dgra bcom bse ru ston rnams kyis/ /stong gnyis gsum pa grangs med mthong / /zhes gsungs pa'i phyir yul shin tu bskal pa'i don rnams la nyan thos dang rang sangs rgyas rnams kyi shes pa mi 'jug ste/ gnas brtan maung+gal gyi bus rang gi ma skyes pa'i yul yongs su ma shes pa dper brjod par bya'o/ /dus shin tu bskal pa ni 'das pa dang ma 'ongs pa'i bskal pa du mas chod pa rnams te/ de la yang de rnams kyi shes pa thogs pa kho na ste/ gang gi dbang du mdzad nas bcom ldan 'das kyis/ nga yis 'di yi thar pa yi/ /sa bon shin tu phra ba yang / /tshon dang rdo yi gseng na gser/ /bag la zha ba lta bur gzigs/ /zhes gsungs te/ gnas brtan shA ri'i bus rab tu 'byung bar 'os pa'i skyes bu phyir btang ba dper brjod par bya'o/ / bcom ldan 'das kyi sangs rgyas kyi chos yul dang dus shin tu bskal pa rab tu dbye ba mtha' yas pa ste/ khams dang sa dang 'gro ba dang skye gnas dang rigs dang nyon mongs pa dang nyon mongs pa can ma yin pa spangs pa la sogs pas phye ba rab tu dbye ba mtha' yas pa rnams la nyan thos dang rang sangs rgyas rnams la nyon mongs pa can ma yin pa'i mi shes pa yod pa nyid do/ /yang / rma bya'i mdongs ni gcig pu la/ /rgyu yi rnam pa thams cad dag /kun mkhyen min pa'i shes bya min/ /de shes kun mkhyen stobs yin no/ /zhes gsungs so/ /dngos po'i rang bzhin shes pa la thogs pa ni de'i rab tu dbye ba shes pa la 'o/ /sangs rgyas kyi chos yul dang dus shin tu bskal pa dang don rnams la zhes pa ni dngos po'i rang bzhin nyid do/ /nyan thos la sogs pa rnams la nyon mongs pa can ma yin pa'i mi shes pa yod pas zhes pa ni sangs rgyas kyi chos la sogs pa'i rab tu dbye ba mtha' yas pa rnams la chags shing thogs pa dang 'brel ba'o/ /de la rab tu dbye ba shes pa chags pa med pa ni sangs rgyas kyi chos rnams kyi rang bzhin khong du chud pa ste/ de'i rab tu dbye ba rnams khong du chud pa'i ngo bor bshad pa'i phyir ro/ /gzhan du sangs rgyas kyi chos yul dang dus chos nye ba nyid kyi don te rab tu dbye ba mtha' yas pa zhes pa dang yang sbyar ro/ /de ltar na 'dir nyan thos la sogs pa rnams kyis mi shes pa'i rgyu rnam pa bzhi bshad par 'gyur te/ shes bya ring ba nyid dang yul ring ba nyid dang dus ring ba nyid dang rab tu dbye ba ring ba nyid do/ /de nyid kyi phyir/ shes bya yul dang rab dbye dang / /dus ni ring ba nyid dang yang / /ring ba nyid bzhir rab bshad pa/ /rdzogs sangs rgyas kyis rab tu mkhyen/ /zhes bshad do/ /gang gi phyir de ltar nyan thos la sogs pa rnams la ni sangs rgyas kyi chos la sogs pa rnams la nyon mongs pa can ma yin pa'i mi shes pa yod pa nyid yin pa dang ye shes de'i gegs tsam byed pa de'i phyir de dag kun la mun pa gtan bcom pa yin no/ /yang ci'i phyir 'dir kun tu rmongs pa'i dngos po rnam pa du ma bstan ce na/ rnam pa gcig bstan pas kyang nyan thos la sogs pa rnams kyi mun pa bcom pa gtan du ma yin pa rtogs par 'gyur/ yang de las bzlog pas sangs rgyas bcom ldan 'das kyis nyon mongs pa can gyi kun tu rmongs pa thams cad du spangs pa bstan pa'i phyir rnam pa du ma bstan pas shin tu gsal bar shes par 'gyur bas na 'di la skyon yod pa ma yin te/ mdo sde'i stobs dang stobs ma yin pa bsams te bshad cing don bsdus nas rnam par 'grel pa la 'jug pa'i phyir ro/ /de ltar bdag la phan pa bsgrub pa phun sum tshogs pas yang dag par bstan nas zhes bya ba la de ltar byed pa ni ji skad bshad pa'i bstod pa'i rnam pa bstan par bya ba'i phyir ro/ /bdag ces bya ba ni nga'o snyam pa'i nga rgyal skyed pa phung po'i rgyud do/ /bdag la phan pa'i phyir bsgrub pa ni bdag la phan pa sgrub pa'o/ /gang las bdag la phan pa 'thob pa'i bdag la phan pa yang 'dir thams cad shes pa nyid la mngon par 'dod la/ de yang mun pa bcom pa las 'thob pa'i phyir mun pa bcom pa ni 'dir bdag la phan pa sgrub pa'o/ /de'i phun sum tshogs pa ni thams cad la rnam pa thams cad du spangs pa'o/ /yang na bdag la phan pa ni kun tu rmongs pa spangs pa ste/ de yang 'dod rgyal lam dam pa sbyin pa'i mthus ni ma yin no/ /'o na ci zhe na gnyen po brnyes pas so/ /gnyen po brnyes pas bdag la phan pa sgrub pa de ni yul thams cad rnam pa thams cad du mi shes pa'i gnyen po phun sum tshogs pa nyid do/ / yang na bdag la phan pa'i phyir bsgrub pa ni bdag la phan pa sgrub pa ste/ byang chub tu sems bskyed pa nas bzung ste/ rdo rje lta bu'i ting nge 'dzin gyi bar byang chub sems dpa'i lam thams cad nyid do/ /de'i 'bras bu phun sum tshogs pa grub pa ni bshad ma thag pa'i ye shes phun sum tshogs pa dang spangs pa phun sum tshogs pa'o/ /des na bdag la phan pa sgrub pa phun sum tshogs pas yang dag par bstod nas zhes pa gtan tshigs la gsum pa'o/ /yon tan phul du byung ba brjod pa ni bstod pa ste/ bstod pa ni yon tan phun sum tshogs pa'i gtan tshigs sam rgyu'o/ / yang na bdag la phan pa ni bla na med pa'i ye shes dang spangs pa ste/ de sgrub pa ni de rtogs pa dang de thob pa'i byed pa ste/ bla na med pa'i ye shes dang spangs pa phun sum tshogs shing rab tu gyur pa thob par byed pa'o/ /gal te byang chub sems dpa' rnams kyi sbyor ba dang 'bras bu thams cad kyang gzhan gyi don nyid yin te/ ji skad du/ khyod kyi bsod nams bsod nams 'bras bu gang lags kun/ /gzhan gyi don te bdag phyir min zhes gsungs pa ma yin nam/ de'i phyir ji ltar na bdag la phan pa sgrub par brjod ce na/ byang chub sems dpa' rnams kyis gzhan la phan pa'i phyir bsgrub pa'i phan yon dang 'bras bu ni bdag la phan pa'i 'bras bu nyid yin pa'i phyir bdag la phan pa'i sgrub pa zhes brjod pas 'di la nyes pa med do/ /ji skad du/ gang 'dir shes rab yon tan gtso bor gzhan gyi dbang bzung nas/ /bcom ldan 'gro bar 'phrin las bsod nams 'bras bu mi zad pa/ /nye bar bzung ba de rnams gzhan du gyur las bcom ldan gyi/ /'gro la yongs su bsngo ba 'di ni don med gyur ma lags/ /de'i phyir ji ltar 'god pa nyid la rag go/ /yang bcom ldan 'das de nyid la zhes bya ba la/ yang gi sgra ni bcom ldan 'das de nyid la rnam pa gzhan gyi sgo nas bstod pa brjod pa mtshon par byed pa'o/ /gzhan la phan pa sgrub pa phun sum tshogs pas bstod pa ni zhes gzhan la phan pa'i phyir bsgrub pa ni gzhan la phan pa'o/ /de yang sems can rnams mya ngan las 'das pa'i sa la 'god par byed pa ste/ 'khor ba'i 'dam las 'gro ba drangs mdzad pa/ /zhes gang gsungs pa'o/ /gzhan dag phan pa la sbyor ba ni gzhan la phan pa'i sgrub pa'o/ /de'i phun sum tshogs pa ni 'gro ba la bla na med pa'i don sgrub par mdzad pa'o/ /'khor ba ni 'gro ba kun tu chags pa'i gnas yin pa'i phyir dang brgal bar dka' ba'i phyir 'dam lta bu yin te zhes bya ba la/ 'di dag gis sam 'dir 'gro ba dag 'khor bas na 'khor ba ste nye bar len pa'i phung po lnga 'gro ba lnga po'o/ /kun nas chags pas kun tu chags pa'am/ 'dis chags par byed pas kun tu chags pa ste/ bdag dang bdag gi ba'i srid pa'i gzhi'i ngo bo'i phyir 'gro ba kun tu chags pa'i gnas yin la/ bdag dang bdag gir lta ba'i gnas yin pas na brgal bar dka' ba ste/ 'jig tshogs la lta ba'i dbang gis 'gog pa la skrag pas de las mi brgal ba'i phyir ro/ /kun tu chags pa'i gnas yin pa dang brgal bar dka' ba dag gis na 'khor ba ni 'dam lta bu ste 'dam dang 'dra'o/ /yang na 'khor ba nas thog ma dang tha ma med pa nas kun tu brgyug cing skad cig kyang mi gnas pa ste/ ris mthun pa dang skal ba mnyam pa rnams las sngar skyes pa zhig nas bar ma chad par lus gzhan thob pa'o zhes bya ba'i tha tshig go / 'khor ba ni 'dam dang chos mtshungs pa las 'dam dang 'dra bas na 'dam zhes bya ste/ dper na 'dam chus brlan pa'i dbang gis 'gro ba kun tu chags pa'i gnas te bying bar byed pa'i bdag nyid yin la/ der bying ba ba lang rgan po la sogs pa rnams kyis rang gi g.yo 'gul dag gis brgal bar dka' ba de bzhin du 'khor ba yang srid pa'i sred pa'i brlan gyi dbang gis 'gro ba kun tu chags pa'i gnas yin la/ bdag la sred pa kun tu spyod pa'i phyir brgal dka' ba'o/ /yang na 'jig tshogs la lta ba dang bdag dang bdag gir 'dzin pa nye bar len pas de nyid du 'gro ba rnams 'bying bas kun tu chags pa'i gnas yin la/ bdag la sred pa kun tu spyod pa'i phyir brgal dka' ba ste bsam pa de dang mi 'bral ba'i phyir ro/ /yang na sred pa la brten pa'i phyir kun tu chags pa'i gnas yin la/ de las skye ba mi 'byung ba'i phyir ro/ /nga'o snyam pa'i nga rgyal ni brgal dka' ba ste/ de ni 'khor ba las nges par 'byung ba bstan pa dang mnyam pa'i gegs yin pa'i phyir ro/ /yang na 'jig tshogs la lta bas de'i 'gog pa la skrag pas 'jig tshogs la lta ba'i dbang gis kun tu chags pa'i gnas yin la/ tshul khrims dang brtul zhugs mchog tu 'dzin pa dang the tshom gyis brgal bar dka' ba ste/ lam gzhan la brten pa dang lam la the tshom za ba'i phyir te/ de ltar yang / 'gro mi 'dod dang lam nor dang / /lam la the tshom de snyed cig /thar pa bgrod la gegs byed pa/ /de yi phyir na gsum bstan to/ /zhes bshad do/ /yang na 'dam mi 'bral ba'i bdag nyid yin pa'i phyir kun tu chags pa'i gnas yin la/ gzhan la brten nas brgal ba yin pa'i phyir brgal bar dka' ba yin pa de bzhin du 'khor ba yang rjes su chags pa'i kun tu sbyor ba'i dbang gis 'gro ba kun tu chags pa'i gnas yin la/ yang dag par rdzogs pa'i sangs rgyas la brten nas brgal ba'i phyir brgal bar dka' ba ste/ sangs rgyas 'byung ba ni u dum wA ra'i me tog ltar dkon pa'i phyir ro/ /yang na nyon mongs pa thams cad nyid 'gro ba 'khor bar kun tu chags pa'i gnas yin te/ nyon mongs pa rnams gang yang rung ba yod na 'khor ba dang mi 'bral ba'i phyir bsod nams dang ye shes kyi tshogs nye bar bsags pas sangs rgyas 'byung ba'i bar skabs su yang lam skyed pa dang thar pa khong chud par mi 'gyur bas brgal dka' ba'o/ /'gro ba der bying ba skyabs med pa la thugs brtse ba dang ldan pa zhes bya ba la 'gro bar byed pas na 'gro ba ste/ skad cig kyang mi gnas par ris mthun pa dang skal ba mnyam pa'i gnas su shin tu 'gro ba'i phyir ro/ /bying ba ni nub pa ste de'i bdag nyid du gnas zhes bya ba'i tha tshig go/ /skyabs med pa ni dpung gnyen med cing cho nges brdung ba med pa'o/ /thugs brtse ba dang ldan pa ni snying brtse ba dang ldan pa ste/ thugs rje dang ldan pas 'khor ba'i 'dam las 'gro ba drangs so zhes bya ba'o/ /i ya te sA tre skyabs med pa la thugs brtse ba dang ldan pa zhes pa gang las 'di rtogs she na/ thugs brtse ba ni gzhan la phan pa bsgrub pa'i rgyu yin pas gzhan la phan pa'i bya ba de rang gi don yongs su grub pa'i thabs dang rjes su brtse ba la nges par bltos pa yin no/ / de yang bcom ldan 'das rnams kyis bla na med pa'i rang gi don thob pa ni saM b+ha ba [(]mi srid pa [)]tI ta thob par byed do/ /'di ni skyabs med pa la thugs brtse ba ldan pa zhes bya'o/ /dam pa'i chos ston pa zhes pa la/ dam pa ni bkra shis shing mchod par 'os pa rnams so/ /chos ni mdo la sogs pa rnams so/ /ston pa ni gsal bar byed pa'o/ /dam pa'i chos ston pa nyid phyag brkyang ba yin pas dam pa'i chos ston pa'i phyag brkyang ba'o/ /phyag brkyang ba dang 'dra bas phyag brkyang ba zhes byas nas 'khor ba'i 'dam du bying ba drangs pa dang 'brel pas 'dam du bying ba 'dren par bya ba'i rang bzhin gyis phyag brkyang ba'o/ /mang po'i tshig ni gdul bya'i dbye ba bstan pa'i phyir te/ spyod pa rnams kyi gnyen por ni/ /chos kyi phung po mthun par gsungs/ /zhes ji skad gsungs pa lta bu'o/ /gal te bdag cag la sogs pa rnams 'khor ba na gnas na ji ltar na 'gro ba 'khor ba'i 'dam las drangs she na/ dogs pa 'di bsal ba'i phyir skal ba ji lta ba bzhin drangs so zhes gsungs so/ /phyogs can bzhin du phyogs la yang 'dogs pa'i phyir ram 'gro ba ma lus pa la phan 'dogs pa'i bsam pa 'jug pa'i phyir chos bstan pas 'gro ba 'dren par byed cing 'gro ba ma lus pa 'dren par spyod pa'i dbang du byas nas de skad brjod de nyi ma bzhin no/ /'di ltar nyi ma ni pad+ma kha 'byed par nus pa yin yang yongs su smin pa de nyid kha 'byed par byed pa de bzhin du/ bcom ldan 'das kyis kyang 'gro ba 'dren par spyod pa na gang dag rgyud yongs su smin pa de dag kho na drangs kyi gzhan dag ni ma yin no/ /'dir brnan pa yang ste gang dang gang skal ba dang ldan pa de dang de drangs so zhes bya ba'i tha tshig go/ /skal ba dang ldan pa yang gang zhig yin ce na/ thar pa'i cha dang mthun pa'i dge ba'i rtsa ba yongs su smin pa'o/ / skal ba dang mi ldan pa rnams ni rang gis nyes pas sangs rgyas bcom ldan 'das sems can 'dul ba'i thabs la mkhas pa mthar phyin pa brnyes pa rnams kyis kyang 'khor ba'i 'dam nas drangs par mi spyod de/ de skad du/ khyod kyis phyi rol yan lag stobs/ /mtha' dag yang dag bsgrubs mod kyi/ /nang gi bdag nyid stobs bral bas/ /byis pa rnams ni nyon mongs bsten/ /zhes bshad do/ /skal ba dang mi ldan pa nyid ni log pa nyid du nges pa nas thar pa'i cha dang mthun pa'i dge ba'i rtsa ba yongs su ma smin pa dang / ma bstan pa dang / gzugs dang gzugs med par skyes pa rnams te/ der mthong ba'i lam mi skye ba'i phyir ro/ /de'i phyir skal ba dang ldan pa rnams kho na phyi dang nang gi phun sum tshogs pa dang ldan pa drangs pa yin no/ /lha yi rgyal pos char phab kyang / /sa bon mi rung mi 'khrungs ltar/ /sangs rgyas rnams ni byung gyur kyang / / skal ba med pas 'bras mi myong / /zhes bshad do/ /yang na gang zhig rnam pa gang gi skal ba dang ldan pa de de kho nas drangs te/ phung po bstan pa'am/ khams dang skye mched dam rten cing 'brel par 'byung ba bstan pas so/ /des na 'di ni bcom ldan 'das kyis chos bstan pa don dang bcas par ston par byed do/ /yang na nyan thos dang rang sangs rgyas kyi rigs can yin pas sems can rnam pa gsum yin la/ de dag las gang zhig theg pa gang gis drang ba'i skal ba ldan pa de de nyid kyis drang bar bya ste/ 'dis ni bcom ldan 'das sems can thams cad la phan 'dogs pa dang / bla na med pa'i dge ba'i bshes gnyen nyid du bstan to/ /de ltar yang / dge ba'i bshes gnyen mkhas pa gang / /gang zhig bag med sdig spyod pa/ /nus kyang yon tan gzhan dag la/ /nges par sbyor ba min pa nyid/ / ces bshad do/ /de ltar bdag dang gzhan la phan pa sgrub pa phun sum tshogs pa de lta bu dang ldan pa zhes bya ba la/ de ltar gyi sgra ni ji skad bshad pa'i bstod pa'i rnam pa bstan par bya ba'i phyir ro/ /spangs pa dang ye shes phun sum tshogs pa dang ldan pas bdag la phan pa phun sum tshogs pa dang ldan pa yin la/ dam pa'i chos ston pa 'bras bu dang bcas pa'i ston pa po yin pa'i phyir gzhan la phan pa phun sum tshogs pa dang ldan pas so/ /mgos btud nas zhes pa 'dis lus kyi las ston par byed do/ /de ltar lus dang ngag dang yid kyis ston pa la mchod pa byas te bstan bcos rtsom mo zhes bshad par 'gyur ro/ /yang phyag 'tshal ba dag gi las yin pas mgos btud nas zhes pa 'di mi 'thad do zhe na/ mi rigs te phyag 'tshal ba ni lus dang sems kyis 'dus pa yang yin la 'ga' zhig gi tshe dag tu rab tu brtag cing 'ga' zhig gi tshe mgo bo la sogs pa rnams kyis te 'dir ni gus pa'i khyad par bstan pa'i phyir ro/ /phyag 'tshal nas zhes bya ba ni mgos btud nas so zhes bshad do/ /gang yang 'dud pa'i sgra la na ma zhes sbyar ba na rnam dbye bzhi pa rigs pas 'di nye ba'i tshig gi mtshan nyid kyi bya ba las su nye bar btags pa ste/ 'thab pa la go bgo /khyim thab la nyal lo zhes pa lta bu'o/ /btud nas kyi sgra ni na ma'i sgra dang mtshungs pa'i phyir skyon med do/ /sbyor ba smos pa las gzhan du yang de'i don nyid la bzhir 'gyur ro zhes shes par bya'o/ /don bzhin ston pa zhes bya ba la don gang zhig ji ltar gnas pa de kho na ltar ston gyi gzhan du ma yin pas don bzhin ston pa'o/ /yang na don ji lta ba dang dgos pa ji lta ba bzhin du 'dul bar byed pas na don bzhin ston pa ste/ nyan thos kyi byang chub 'dod pa rang sangs rgyas kyi byang chub la 'dul ba lta bu ma yin pa ste de bzhin du gzhan la yang brjod par bya'o/ / yang don bzhin ston pa 'di rang dang gzhan la phan pa sgrub pa phun sum tshogs pa'i ldog pa nas yin nam ci zhe na/ 'dis don bzhin ston pa de'i ldog pa nas ma yin gyi/ 'on kyang gzhan la phan pa sgrub pa'i thabs 'dis gsal bar byed pa'o/ /de la gzhan la phan pa sgrub pa'i thabs ni snying rje dang ldan pas gzhan dag la dam pa'i chos ston pa ste de ni don bzhin ston pa nyid do/ /yang ji ltar na don bzhin ston pa nyid kyi sgo nas 'dir gzhan la phan pa sgrub pa'i thabs gsal bar byed ce na/ de'i phyir de ni ston pa na yang dag pa ji lta ba bzhin du ston pas 'khor ba'i 'dam las 'gro ba drangs kyi rdzu 'phrul dang dam pa sbyin pa'i mthun cha ma yin no zhes gsungs te/ mthu'i sgra ni nus pa brjod par byed pa ste/ rdzu 'phrul gyis ma yin dam pa sbyin pas ma yin zhes re re la yang sbyar bar bya'o/ /gal te yang de bzhin gshegs pa'i byin gyis rlabs kyi mthus sems can rnams skad cig tsam zhe sdang dang bral ba la sogs par ni 'gyur la/ gzhan gyi sems kyang shes mod kyi/ bcom ldan 'das kyi byin rlabs kyis de rnams nyon mongs pa spangs par ni mi 'gyur ro/ /'o na ci zhe na dam pa'i chos bstan pa las don rtogs te nyon mongs pa spong bar byed do/ /de skad du yang / yang dag pa'i lta ba skyed pa la rgyu gnyis dang rkyen gnyis te/ gzhan gyi sgra dang nang gi tshul bzhin yid la byed pa'i zhes gsungs so/ /nyon mongs pa spangs pa med par 'khor ba'i 'dam dang bral ba yang yod pa ma yin te/ de'i phyir de ni ston pa na yang dag pa ji lta ba bzhin du ston pas 'khor ba'i 'dam las 'gro ba drangs so/ /rdzu 'phrul ni nam mkha' la 'gro ba la sogs pa'o/ /dam pa sbyin pa ni dper na dbang phyug chen po la sogs pa rnams kyis srin po'i dbang po sgra sgrogs la sogs pa dag lha la sogs pa rnams kyis gsang bar bya ba ma yin pa lta bu'o/ /gzhan dag mthu ni rdzu 'phrul dang dam pa sbyin pa las logs su 'dod de/ ji ltar nor bu dang sman gyi mthus rims la sogs pa dang bral bar 'gyur ba lta bu'o/ /nyon mongs pa rnams dang rten mi mtshungs pa'i phyir rdzu 'phrul la sogs pa rnams nyon mongs pa'i gnyen po nyid du mi 'gyur ro/ /gang gi tshe rten nad kyi rgyu yin pa de'i tshe rten nyid nad med pa'i rgyur gso dpyad la sogs pa rnams su mthong bas rten tha dad pa mi 'dod do/ /de bzhin du rdzu 'phrul mthong yang gnyen po skyes pa med par nyon mongs pa spangs pa 'ga' yang mi mthong ngo / /dam pa sbyin pa'i mthus kyang ma yin te/ rgyu 'gal ba can rnams la de'i 'bras bu yang 'gal ba can nyid du mthong ngo / /nyon mongs pa spyod pa rnams la rgyu mi 'gal ba yod pa ma yin te/ dper na mi sdug pa dang mi rtag pa sogs pa bsgom pa la yang man ngag med pa med par de bsgom pa med pa bzhin no/ /rdzu 'phrul dang kun brjod pa dag gis ni sems can rnams rangs pa tsam zhig tu 'gyur na/ rangs pa tsam gyis ni nyon mongs pa spong ba yang ma yin no/ /nyon mongs pa ni 'khor ba'i rtsa ba yin pa'i phyir nyon mongs pa spangs pa med par 'khor ba'i 'dam las brgal ba yod pa ma yin te/ de'i phyir rdzu 'phrul dang dam pa sbyin pa'i mthus 'khor ba'i 'dam las drangs pa med do/ /tshigs su bcad pa 'dir ni gzhan gyi ston pa dang bstan pa dang slob ma rnams las/ bcom ldan 'das dang de'i bstan pa dang de'i slob ma rnams khyad par du 'phags par brjod do/ /spangs pa dang rtogs pa phun sum tshogs pa'i phyir dang / 'khor ba'i 'dam las brgal ba'i thabs yin pa'i phyir dang / 'khor ba'i 'dam las brgal ba'i phyir ro/ /gzhan dag ni ston par khas blangs par zad kyi/ spangs pa dang rtogs pa phun sum tshogs pa ma yin la/ de dag gis bstan pa ni 'khor ba'i 'dam las brgal ba'i thabs ma yin zhing / de dag gi slob ma rnams kyang 'khor ba'i 'dam las brgal ba ma yin no zhes don gyis bstan pa yin no/ /yang na bstan pa ni rten dang rgyu dang brjod bya dang gnas dang dgos pa'i khyad par bstan pas gzhan gyi bstan pa las khyad par 'phags par bshad de/ de la brten ni phyin na gshegs pa'i bstan pa la sems can rnams mngon par dad pa bskyed par bya ba'i phyir ro/ /rgyu ni thams cad du thogs pa mi mnga' ba'i ye shes dang bla na med pa'i spangs pa dang ldan pa'i bcom ldan 'das so/ /brjod bya ni phyin ci ma log pa'i don sdug bsngal dang stong pa dang bdag med pa la sogs pa'o/ /gnas ni 'khor ba'i 'dam du bying ba rnams so/ /dgos pa ni sems can rnams 'khor ba'i 'dam nas 'dren pa'o/ /yang na ye shes phun sum tshogs pa dang spangs pa phun sum tshogs pa dang gzhan la phan pa phun sum tshogs pa ste/ 'jig rten gsum gyi ston pa gcig pu nyid kyi bstan pa phyin ci ma log pa'i phyir 'jig rten gsum gyi ston pa gcig pu nyid do/ /yang na kun tu mun bcom zhes bya ste/ ye shes thogs pa mi mnga' ba'i phyir te/ sems can rnams kyi tshe rabs 'di dang phyi ma dang nges par legs par ma lus pa'i don byed nus pa la bshad do/ /mun pa gtan bcom zhes pa 'dis ni rjes su chags pa dang khong khro ba 'byung ba yod pa ma yin no/ /gzhan gyi don mthar phyin pa'i rgyu ni gzhan gyi don mthar phyin pa'i thabs so/ /yang na ye shes phun sum tshogs pa dang spangs pa phun sum tshogs pa rjes su dpag pa dang bcas pa yongs su gsal bar bstan/ don bzhin ston pa nyid kyis ye shes phun sum tshogs pa rjes su dpag par bya'o/ / sems can rnams 'khor ba'i 'dam nas 'byin pas spangs pa phun sum tshogs pa ste/ gang gi phyir 'khor ba'i 'dam las brgal ba de'i phyir 'gro ba 'dren par nus pa'o/ /'dam gyi gnas dang 'dra bas 'dam du bying ba'o/ /yang na rtogs pa mthar phyin pa dang spangs pa mthar phyin pa dang gzhan la phan pa mthar phyin pa dang gzhan la phan par byed pa'i thabs mthar phyin pa rnams so/ /de la phyag 'tshal nas zhes gsungs pa la byed pa po mtshungs pa'i bya ba gnyis kyis snga ma'i dus kyi bya ba la nas zhes pa bsgrub par bya ste/ dper na khrus byas nas za zhes pa lta bu'o/ /de'i phyir bya ba gzhan la bltos pas ci zhig bya zhe na/ zhes bya ba gsungs so/ /slob dpon gyis kyang bstan bcos rab bshad bya zhes bya ba gsungs te/ slob ma mchod pa'i phyir dang slob ma 'dul bar bya ba'i phyir bstan bcos so/ /'di skad bshad par 'gyur te/ phan pa 'thob pa'i rgyu dang mi phan pa spong ba'i rgyu dag gis yang dag par rjes su 'chos pa dang nyes pa dang sdug bsngal rnams las skyob pa'i phyir bstan bcos su bshad de/ phan pa dang mi phan pa 'thob pa dang spong ba'i rgyur gyur pa dag gis rjes su 'chos pa dang nyes pa dang sdug bsngal rnams las skyob pa'i phyir bstan bcos so/ /bstan bcos a to n+ya thA de yang gsal bar bya ba'am rab tu dbye bar bya ba'i phyir bstan bcos rab bshad bya zhes so/ /du ma nyid bcad pa'i phyir 'dri bar byed pa la chos mngon mdzod ces te/ chos mngon pa smos pa ni 'dul ba la sogs pa'i bstan bcos rnam par bcad pa'i don to/ /mdzod smos pa ni chos mngon pa'i bsdus pa'i ngo bo shes par bya ba'i phyir ro/ /ci'i phyir 'di brtsams she na chos mngon pa rgyas pa bsdu bar bya ba'i phyir ro/ /da lta yin dang bya ba du mas sems g.yeng ba dang blo zhen pa rnams rjes su gzung ba byas par 'gyur ro/ / de la gang la bstod pa dang ji ltar dang gang gi don du bstod pa tshigs su bcad pa 'dis bstan to/ /chos mngon pa mdzod ces brjod pa ni tshig bsdus pa'i yan lag yin pa'i phyir gnyis dam bcas par 'gyur te chos mngon pa dang mdzod do/ /chos mngon pa dmigs kyis dgar ba'i phyir mngon pa zhes bya ba 'di gang zhe na zhes bya ba smras te/ yan lag gi don de dmigs kyis bkar na tshig bsdu ba'i don bde blag tu khong du chud par 'gyur ro/ /chos mngon shes rab dri med rjes 'brang bcas/ /zhes bya ba la shes rab smos pa ni gtso bo yin pa'i phyir te/ chos mngon pa ni phung po lnga'o zhes gsungs pa'i phyir shes rab kho na chos mngon pa ni ma yin no/ /chos rab tu rnam par 'byed pa'o zhes bya ba ni chos rnams rnam par phye ste rang dang spyi'i mtshan nyid rtogs pa'o/ /dri med ces bya ba ni zag pa dang bcas pa gsal bar bya ba'i phyir te don dam pa brjod par 'dod pa'i phyir ro/ /dri ma rnams ni zag pa'i rnam grangs yin pa'i phyir zag pa med pa'o zhes smos te/ de la 'dod chags la sogs pa zag pa rnams rgyas par mi 'gyur bas na zag pa med pa'o/ /yang ci shes rab dri ma med pa kho na chos mngon pa yin nam zhe na/ smras pa ma yin no/ /'o na ci zhe na rjes 'brang bcas so/ /rjes su 'brang ba yang shes rab gtso bor gyur pa'i phyir te/ yang shes rab 'khor ni ma yin no/ /gang dag gzugs la sogs pa dang dus dang 'bras bu la sogs pa dag dang dge ba nyid kyis shes rab kyi rjes su 'jug ste/ de ni shes rab kyi 'khor ro/ /de la mi lcogs pa med pa dang bsam gtan dang bsam gtan khyad par can la brten pa'i shes rab la ni gang gis gang de skad du bshad pa yang dag pa'i ngag dang las kyi mtha' dang 'tsho bas bsdus pa rnam par rig byed ma yin pa'i gzugs kyang rjes su 'jug pa yong ngo / /de ltar zag pa med pa'i phung po lnga la chos mngon pa zhes bstan par 'gyur ro/ /gzugs med pa gsum la brten pa'i chos mngon pa ni phung po bzhi ste/ de ltar de ni phung po lnga las yin zhing de nyid zag pa med pa'i shes rab rjes 'brang bcas pa chos mngon pa'o/ /gal te sems las byung ba thams cad kyi rten yin pa'i phyir sems nyid gtso bo yin te/ de'i phyir de nyid dri ma med pa'i rjes su 'brang ba dang bcas pa chos mngon pa yin la rag mod ce na/ bya ba dang mthong ba dang dmigs pa mngon par rtogs pa la nus pa dang ldan pa'i phyir shes rab kho na rjes 'brang dang bcas pa la chos mngon pa zhes brjod do/ /bya ba mngon par rtogs pa nyid ni gzugs dang rigs la sogs pa rnams mthong bas cig shos sems la sogs pa rnams kyi zhes don 'di la sems ni ma yin gyi shes rab gtso bor yod do/ /gal te mthong ba bzhin du tshor ba la sogs pa rnams kyang nyams su myong ba'o zhe na/ rjes su rtogs pa'i phyir tshor ba la sogs pa rnams bden pa yongs su bcad par nus pa med pa'i phyir nyams su myong ba ma yin pa la sogs tshor ba la sogs pa rnams mngon par rtogs pa gsum par sdug bsngal la sogs pa'i mtshan nyid du khong du chud de/ gang gi phyir bden pa yongs su bcad de 'jug pa'i phyir ro/ /shes rab gtso bor gyur pa ni mthong ba mngon par rtogs pa'o/ /shes rab gtso bor bzung bas tshor ba la sogs pa cig car gyis kyang 'jug par byed do/ /de dang der khrid par byed pas na mngon par rtogs pa ste/ gtso bor gyur pa de'i phyir zag pa med pa'i shes rab kyi dbang po rjes 'brang dang bcas pa ni don dam pa'i chos mngon pa zhes legs par bshad par 'gyur ro/ /re zhig 'dis ni don dam pa pa'i zhes bya ba ni don dam pa'i dgos pa can te/ mya ngan las 'das pa'i dgos pa can yin pas don dam pa pa'o/ /don dam pa nyid ni dam pa pa ste 'dul ba pa bzhin no/ /yang ci las 'di shes par byang ce na/ chos mngon shes rab dri med rjes 'brang bcas/ /zhes te/ sha krA di bra bA ra NA rgyan+d+ha ha me na ma/ chos mngon pa zhes pas 'dul ba la/ pra bA ra ye ya mi ti/ lam dang lam gyi 'bras bu la 'god par bya'o zhes bya ba'i tha tshig go/ /don dam pa pa zhes khyad par du byas pas brdar btags pa yang yod do zhes shes par byas pa yin no/ /brdar btags pa zhes bya ba yang btags pa ba dang kun tha snyad pa dang gzhung lugs pa zhes bya ba'i tha tshig go/ /gang dang zhes bya ba ni thos pa dang bsam pa dang bsgom pa las byung ba dang zag pa dang bcas pa zhes bya'o/ /zag pa med pa rnam par bcad pa'i phyir zag pa dang bcas pa zhes khyad par du byas pa ni bsgom pa las byung ba kho na rnam pa gnyis yin pa'i phyir te thams cad la ni khyad par ma yin no/ /'dir thos pa la sogs pa las byung ba'i shes rab rnams kyi go rims ni skye ba'i dbang gis te shes rab 'di dag gi khyad par las ma yin no/ /mi lcogs pa med pa las zag pa med pa skye'o/ /'di dag gi mtshan nyid ni/ thos sogs las byung blo rnams ni/ /ming dang gnyi ga don yul can/ /zhes pa 'chad par 'gyur ro/ /gzhan ni lung dang rigs pa dang bsam pa dang bsgom pa las nges so/ /thos pa las byung ba sogs zhes pa'i rgyu la ma yaTa'i rkyen bsgrub pa'o/ /skyes nas thob pa zhes bya ba ni skyes pas thob cing ldan pa gang la yod pa yin gyi sbyor ba las byung ba ni ma yin te/ gang nas 'dod pa'i khams su skye ba'i nyon mongs pa dang nye ba'i nyon mongs pa bzhin no/ /'gro ba lnga po rnams su thob cing mngon du gyur pa'i ngo bo ni 'gro bar nges pas 'dod pa'i khams nas sa gong mar skye ba na gang du skye ba de nyid du thob po/ /rnam par nyams pa sngar nyid du yang thob par byed do/ /sngar ma yin pa nyid kyi phyir skye bas thos pa zhes bya'o/ /pra ti'i sgra ni slar yang zhes pa'i don te mig la sogs pa bzhin du yang yang rtogs shing yang dang yang ris mthun pa dang skal ba mnyam pa rnams su skye bas thob pa'o zhes gzhan dag zer ro/ /rjes 'brang dang bcas pa'o zhes kha mar bstan pa ni thos pa las byung ba la sogs pa rnams la yang sbyar ro/ /de la ji ltar skye bas thob rjes 'brang dang bcas pa phung po bzhi'i rang bzhin yin pa de bzhin du thos pa las byung ba dang bsam pa las byung ba yin no/ /bsgom pa las byung ba ni phung po lnga po ste nyer bsdogs dang bsam gtan dang bsam gtan khyad par can rnams na bsam gtan gyi sdom pa yod pa'i phyir ro/ /nyer bsdogs rnams dang gzugs med pa rnams na ni phung po bzhi pa'o/ /bstan bcos gang ni ye shes la 'jug pa la sogs pa ste/ de yang ming dang tshig dang yi ge'i tshogs kyi bdag nyid yin pa'i phyir mi ldan pa'i 'du byed kyi rang bzhin yin la/ tshig gi rang bzhin yin pa'i phyir sgra'i rang bzhin te/ de skad du yang / tshig gam ming yin de dag kyang / /gzugs dang 'du byed dag tu 'dus/ /zhes gsungs so/ /'dir yang 'khor dang bcas pa smos pa rjes su 'jug pas bstan bcos kyang phung po gnyis pa'am phung po gcig pa zhes sems so/ /bstan bcos ni don gsal bar byed pas shes rab kyi tshogs su 'dod de/ rigs dang spyi la sogs pa mi ldan pa'i 'du byed ni don gsal bar byed nus pa ma yin no/ /'di yang shes rab kyi 'khor du gyur par sems pa ma yin nam zhe na/ rigs la sogs pa don nyid la dmigs pa ma yin te/ sems dang sems las byung ba bzhin no/ /yang na chos mngon par mi 'dod pa ni de la dmigs pa med pa'i phyir ro/ /skye bas thob la la sogs pa'i shes rab chos mngon par 'dod do/ /ci ste phyi ma phyi ma shes rab kyi rgyu dang shes rab ma yin pa'i rgyu yin pa'i phyir 'di thams cad tshogs pa tha dad pa'i 'bras bu'i phyir phyi ma phyi ma shes rab 'khor dang bcas pa'i rgyur 'gyur ro zhe na/ shes rab ma yin pa'i 'khor du gyur pa'i rigs la sogs pa chos mngon pa nyid du 'gal lo/ /de yang de'i tshogs su gyur pa'i phyir chos mngon pa zhes brjod de de ltar bstan bcos kyang zag pa med pa'i shes rab kyi tshogs su gyur pa'i phyir chos mngon pa zhes brjod do/ /ji ltar skye bas thob pa'i shes rab med par ye shes la 'jug pa la sogs pa tshig gi rnam par 'don mi nus pas dngos sam brgyud pa'i sgo nas zag pa med pa'i shes rab kyi tshogs su 'gyur bas thob pa chos mngon par 'dod pa de bzhin du bstan bcos kyang don gsal bar byed pa yin pa'i phyir dngos sam brgyud pa'i sgo nas thos pa las byung ba la sogs pa'i shes rab kyi tshogs su gyur pas chos mngon pa zhes bya'o/ /ji ltar yang g ang kho na zag pa med pa'i shes rab dang bstan bcos kyi tshogs su gyur pa de kho na chos mngon pa nyid dang gang kho na skye bas thob pa la sogs pa'i shes rab dngos sam brgyud pas zag pa med pa'i shes rab kyi dbang po'i tshogs su gyur pa kho na chos mngon pa yin gyi gzhan ni ma yin pa nyid do/ /de ltar na 'o na mdo sde la sogs pa de bzhin gshegs pa'i gsung gi rnam pa thams cad zag pa med pa'i shes rab kyi tshogs su gyur pa'i phyir chos mngon pa nyid du 'gyur ro zhe na/ de ni de lta yin mod kyi/ 'on kyang mdo sde ni phal cher gdul bya'i bsam pa la mngon du phyogs pa yin zhing 'dul ba ni byung bas rab tu phye ba yin la/ chos mngon pa ni chos kyi mtshan nyid la mngon du phyogs pa kho na yin pas de kho na la chos mngon pa zhes ming du chags so/ /de'i phyir gzhan du thal ba med do/ /btsun pa 'dus bzang na re/ gang zhes bya bas 'jig rten pa'i bsgom pa las byung ba dang / yang zhes bya bas bsam pa las byung ba dang / dang zhes bya bas thos pa las byung ba dang / bstan bcos gang dang zhes pa 'dir dang gi sgras skye bas thob pa bzung ngo zhes zer ro/ /ci'i phyir yang 'dir gang zhes pa 'dis bsgom pa las byung ba nyid bzung zhe na/ nA tA s+yA e ba sAk+Sha ta kA ra Na b+hA bA da ban+ta d+hi yA na sA k+Sha ta bsgom pa las byung ba'i rgyur de gzung ba'i phyir yang 'bad pa bar skabs su bya bar 'gyur ro/ /de'i phyir dngos sam brgyud pas zag pa med pa'i shes rab kyi dbang po'i tshogs su gyur pa gang yin pa de ma lus pa gang zhes pa 'dis bzung ngo / /'di skad bshad par 'gyur te/ zag pa med pa'i shes rab 'ga' zhig kho na chos mngon pa ma yin no/ /'o na ci zhe na/ de'i tshogs su gyur pa'i phyir zag pa dang bcas pa'i shes rab gang yin pa de rnams kyang chos mngon pa ste/ de ltar gnyi ga la yang nges pa'i tshig tu na don mtshungs so/ /nges pa'i tshig ni nges par phye nas gtan la phab pa'i tshig ste/ ming 'dogs pa'i rgyu mtshan ston pa'o zhes bya ba'i tha tshig go/ /rang gi mtshan nyid 'dzin pa'i phyir chos te rang bzhin las mi 'da'o zhes bya ba'i tha tshig go/ / de la zag pa med pa'i shes rab kyi bdag nyid kyi chos 'khor dang bcas pa 'di ni don dam pa'i chos sam mya ngan las 'das pa'am chos kyi mtshan nyid la mngon du phyogs par byed pa'i chos yin pas na chos mngon pa'o/ /dam pa'i sgra ni mchog gi rnam grangs so/ /don gyi sgra ni shes bya'i rnam grangs so/ /ji ltar yid kyi rnam par shes pa'i don ni chos thams cad ces bya ste chos kyi sgra ni dngos po'i rnam grangs so/ /don dam pa'i dngos po zhes bya bas mchog tu gyur pa'i shes bya'i dngos po zhes ji skad bshad pa de bstan par 'gyur ro/ /de yang ci zhe na/ de'i phyir mya ngan las 'das pa zhes gsungs so/ /'am gyi sgra ni rnam par brtags pa'i don to/ /mya ngan las 'das pa ni dge ba dang dag pa'i phyir 'dus byas dang 'dus ma byas kyi chos thams cad las mchog yin no/ /'dus byas kyi chos thams cad yongs su btang bas sam de khas ma blangs pa'i phyir mchog go/ /yang na dam pa ni 'jig rten las 'das pa'i ye shes so/ /de'i don ni dam pa'o/ /sdug bsngal dang kun 'byung dang lam rnams kyang de'i don yin pas de'i phyir mya ngan las 'das pa zhes smos so/ /yang na don gyi sgra ni dgos pa brjod pa'o/ / dgos pa dam pa ni don dam pa ste/ de las gzhan pa'i dgos pa khyad par can yod pa ma yin no/ /de yang ci zhig ce na de'i phyir mya ngan las 'das pa zhes smos so/ /yang na dge ba zag pa med pa nyid kyi phyir dam pa ni lam mo/ /de la rab tu sbyor ba'i phyir mya ngan las 'das pa ni don dam pa'o/ /lam bsgoms pa yang 'bral ba'i don can yin pa'i phyir te/ skye 'chi dag dang bral te mya ngan las 'das par 'gyur ro/ /mya ngan las 'das pa'i chos kyi sgra yang thams cad du dam pa ma yin pa'i dngos por rtog pa bsal ba'i phyir ro/ /chos kyi mtshan nyid ni des mtshon par byed pas mtshan nyid de/ zag pa dang bcas pa rnams mi rtag pa la sogs pa'i rnam pa dang / rgyu la sogs pa'i rnam pa dang / zag pa med pa rnams zhi ba la sogs pa'i rnam pa dang / lam la sogs pa'i rnam pa dang / thams cad rten cing 'brel par 'byung bar ro/ /mngon pa ni mngon du phyogs par byed pa ste de la mya ngan las 'das pa thob par byed pas mya ngan las 'das pa la mngon du phyogs pa dang / chos kyi mtshan nyid mngon par rtogs par byed pas chos kyi mtshan nyid la mngon du phyogs pa'o/ /yang gzhan dag na re/ don dam pa dang brdar btags pa pa dag kyang don dam pa'i chos mya ngan las 'das pa thob par byed pa la mngon du phyogs la khyad par ni nye ba dang ring ba'i bye brag go/ /gnyi ga yang chos kyi mtshan nyid la dmigs shing mngon du phyogs so/ / bstan bcos kyi ming can gyi mya ngan las 'das pa thob par byed pa'i mtshan nyid gsal bar byed pas mngon du phyogs pa'o zhes zer ro/ /de ltar don dam pa pa ni nges pa'i tshig gis dang brdar btags pa pa ni don dam pa pa'i tshogs su gyur pa'i phyir chos mngon pa'i sgra 'jug ste/ dper na g.yo ba'i tshogs las rgya mtsho dang / de'i sgra thos pa las skyes bu 'di'o zhes dpyod pa bzhin no/ /ci ste de'i tshogs su gyur pa nyid rnam pa 'dis bshad ce na/ de bzhin du mya ngan las 'das pa yang chos kyi mtshan nyid la mngon du phyogs pas chos mngon pa nyid ma yin gyi/ 'o na ci zhe na tshogs su gyur pa nyid las zhes pa 'di ni lan ma yin no/ /tshig bsdu ba du ma 'thad pas tshig bsdu ba khong du chud par 'dod nas bstan bcos 'di ji ltar na chos mngon pa'i mdzod yin zhe na zhes bya ba gsungs te don gang gis yin zhes bya ba'i don to/ /yang na shes rab kyi tshogs su gyur pa'i khyim bstan bcos 'di yang chos mngon pa nyid yin te/ ye shes la 'jug pa la sogs pa bzhin no/ /ji ltar chos mngon pa'i mdzod ces brjod par bya zhe na/ de'i phyir 'dir de don du zhes bya ba la sogs pa gsungs te/ de zhes bya ba ni bstan bcos kyi ming can te de ma thag pa yin pa'i phyir ram shes rab kyi bdag nyid can la mi srid pa'i phyir ro/ /snga mar ni drug pa'i skyes bu'o/ /phyi mar ni 'bru mang po pa'o/ /don du zhes pa yi ge'i sgo nas ni ma yin te chud pa mi srid pa'i phyir ro/ /don du yang ji ltar gces gces yin gyi mtha' dag ni ma yin no/ /don rnams kyi gces pa ni gang zhig bstan na don du ma bstan par 'gyur ba'o/ /de las 'di byung ba ni don gces gces rnams phyi ming dang tshig dang yi ge blangs pa las so/ /mdzod dang 'dra bas na mdzod de/ ral gri'i shubs dang mtshungs pa'i phyir ro/ /dper na ral gri gang las 'byung ba dang gang du 'jug pa de la de'i shubs zhes 'jig rten na brjod pa bzhin no/ /de ltar na chos mngon pa rnam pa gnyis bstan te/ don dam pa pa dang brdar btags pa pa yang rnam pa gnyis te/ shes rab dang bstan bcos kyi bdag nyid can gyi phyir dang bstan bcos kyang rten dang brten pa'i phyir ro/ /tshig bsdu ba gnyis kyi don nges par bzung ba byas zin te/ yang ci'i phyir chos mngon pa bstan zhes bya ba la sogs pa ni dgos pa ci yod ces bya'o/ /dgos pa chung ba'i bstan bcos dag kyang yod la/ don ma yin pa'i dgos pa can yang yod pas de'i phyir dgos pa dris pa yin no/ /'di dang po nyid du sus bstan ce na zhes pa ni sngon du sus bstan ces pa ste/ dgos pa'i dbang du byas nas 'jug pas 'bras bu dang ldan pa mngon par yid ches pas bstan pa mtho ris la sogs pa'i dgos pa can la phal cher 'jug gi thams cad la ma yin pas nye bar ston pa pa tshol ba yin no/ /slob dpon 'dus bzang na re/ chos la rton par bya'i gang zag la ma yin no zhes gsungs pa'i phyir 'di btsal bar bya ba ma yin no zhe na/ gang zag tshad mar byed pa'i dbang du byas nas 'di dang po nyid du sus bstan zhes de skad bsnyad de/ de ltar gsungs so zhes bya ba de yang mdo'i don yongs su ma shes pas so/ /de la gang gi phyir sangs rgyas kyis gsungs pa kho na chos la rton par gsungs so/ /sangs rgyas kyis gsungs pa nyid gtan la dbab pa gang yin pa de la mi 'gal lo/ /de las gzhan gyis bstan pa la yang gzung bar bya ste 'gal ba med zhes pa 'di ni 'dir mdo'i don te/ bcom ldan 'das rtsa ba lags so/ /btsun pa bcom ldan 'das chos rnams kyi tshul can lags so/ /bcom ldan 'das rton par bya ba lags so zhes gsungs pa'i phyir de las 'di btsal bar bya ba mi 'thad pa med do/ /chos mngon pa 'di ni 'phags pa kA t+yA ya na'i bu la sogs pa rnams kyis byas par grag go zhes thos nas tshol bar byed/ gang yang gang zag tshad mar byed pa'i dbang du byas nas gsungs pa skyon med do zhes pa gang zhig bcom ldan 'das tshad mar gyur pas bkag pa de nyid tshad mar khas len par mi byed pa 'di ni mi rigs so/ /'di ltar slob dpon chos mngon pa 'chad par gus zhe na zhes pa ni 'chad par gus par byed ces bya ba'i tha tshig go/ /gang gi phyir chos rnams rab tu rnam 'byed med par zhes bya ba la/ de la chos rab tu rnam par 'byed pa las gzhan du nyon mongs pa nye bar zhi bar bya ba'i thabs yod pa ma yin no/ /'o na ci zhe na chos rab tu rnam par 'byed pa kho na nyon mongs pa nye bar zhi bar byed pa'i thabs yin gyi gzhan ni yod pa ma yin no zhes pa dag gi don to/ /yang bcom ldan 'das kyis chos gcig yid kyi mngon par shes pa dang yongs su shes pa spangs pa yang dag par sdug bsngal zad par nga mi smra'o zhes lta ba'i rnam pa kho na bstan to/ /'di skad brjod par 'gyur te/ sgra khong du chud pa la brda sprod pa las gzhan pa'i thabs sla ba yod pa ma yin pas brda sprod pa las gzhan pa'i thabs sla bas sgra shes pa'i nus pa bzhin no/ /gal te nyon mongs pa spangs par ma gyur na de las cir 'gyur zhe na/ de'i phyir nyon mongs pas kyang 'jig rten zhes bya ba la sogs pa smos te/ gting thug par dka' ba dang brgal bar dka' ba'i phyir 'khor ba ni mtsho chen po bzhin no/ /'khor ba zhes bya ba yang khams gsum po'am 'gro ba lnga por sems can rnams kyi nyon mongs pa'i rgyu mtshan gyis skye ba yang dang yang du gnas pas na 'jig rten 'khyam par byed do/ /de bas zhes bya ba ni ji srid nyon mongs pa rnams kyis 'jig rten 'khor ba'i rgya mtsho chen po 'dir 'khyam par byed pas so/ /de'i phyir zhes bya ba ni chos su rnam par 'byed pa de'i don du ste de'i rgyu mtshan du zhes bya ba'i don to/ /ston pa zhes bya ba ni sangs rgyas bcom ldan 'das so/ /gsungs so zhes bya ba ni bstan pa ste/ shA ri'i bu la sogs pa slob ma rnams kyis chos kyi mtshan nyid bstan pa dang rab tu rnam par 'byed par mi nus pas ston pa sangs rgyas kyis bstan bcos mdzad par rigs pa'i phyir chos mngon pa 'di nye bar bstan to/ /yang ji ltar chos rab tu rnam par 'byed pa las gzhan pa nyon mongs pa spong ba'i thabs med do zhes bya ba 'di khong du chud par bya zhe na/ chos rab tu rnam par 'byed pa ni gti mug gi gnyen po yin pa'i phyir la/ nyon mongs pa dang nye ba'i nyon mongs pa 'byung ba yang blun po la srid kyi blun po ma yin pa la ma yin te/ de'i phyir chos rab tu rnam par 'byed pa las nyon mongs pa spong ba'i thabs gzhan med do/ /'dir ci'i phyir chos mngon pa bstan zhes bya ba de'i lan no/ /chos rab tu rnam par 'byed pa'i don du zhes bya ba'o/ /lhag ma ni chos rab tu rnam par 'byed pa'i dgos pa'o/ /'di dang po nyid du sus bstan zhes bya ba de'i lan ni sangs rgyas bcom ldan 'das kyis zhes bya ba'o/ /gal te chos mngon pa'i byed pa po dag ni ci ltar ye shes la 'jug pa na 'phags pa kA t+yA ya na'i bu'o/ /rnam par shes pa'i tshogs ni gnas brtan lha skyid do/ /rab tu byed pa'i rkang pa ni 'phags pa dbyig bshes so/ /de bzhin du gzhan dag kyang gzhan gyis te de lta bu la sogs pa thos pa ma yin nam/ ci ltar na chos mngon pa bcom ldan 'das kyis gsungs zhes bya ba'i dogs pa bsal ba'i phyir de ni bcom ldan 'das kyis sil bur bshad ces gsungs te/ chos mngon pa de ni bcom ldan 'das kyis gdul bya'i rang bzhin gyi dri ba la bltos nas sil bur bshad la/ ston pa mya ngan las 'das nas gsung rab tu gyur pa na gnas brtan kA t+yA ya na'i bu la sogs pa mngon par shes pa drug dang ldan pa rnams kyis smos nas shes pas chos kyi rjes dgongs pa dang chos nyid la bltos te bsdus shing tshoms su byas nas sil bu la sogs pa phung por bcad de bzhag ste/ btsun pa chos skyob kyis ched du brjod pa'i tshoms sde tshan du byas pa bzhin no/ /ched du brjod pa'i tshigs su bcad pa dag ni lung dag dang 'dul ba las la lar bshad la de dag kyang btsun pa chos skyob kyis sde tshan du byas nas bzhag pa bzhin du chos mngon pa yang yin no/ /des na chos mngon pa ni sangs rgyas kyis gsungs pa kho na'o/ /lo'i sgra ni mdo sde pa chos mngon pa sangs rgyas kyis gsungs par mi 'dod pa kun tu mtshon par byed pa'i don te/ de ltar mi 'dod pa yang ci'i phyir zhe na/ gnas brtan kA t+yA ya na'i bu la sogs pas byas par thos pa dang nye bar bstan pa med pa la rton pa nyid dang mdo sde la rton par mi bya'o zhes brjod pa'i chos mngon pa la mi rton pas ris mthun pa gzhan la yang ste/ chos mngon pa'i gzhung gi bye brag las rigs pa dang 'gal ba gang dag chos mngon par bshad pa'i ldan pa ma yin pa dang 'das pa dang ma 'ongs pa dang dgra bcom pa yongs su nyams pa la sogs pa rnams so/ /de yis rigs pa bzod do zhe na ma yin te rigs pa dang 'gal ba'i tshig yod pas so/ /btsun pa 'dus bzang na re/ sangs rgyas kyis rjes su bzhed pa'i phyir sangs rgyas kyis gsungs pa ste/ yang dag par 'gro ba'i rnam grangs bzhin no/ /sangs rgyas kyis rjes su bzhed pa yang 'dir yang dag par dpyad de kun nas nyon mongs pa dang rnam par byang ba'i rgyu dang 'bras bu yongs su shes pa dang rjes su mthun pa'i phyir ro/ /sangs rgyas kyis rjes su bzhed ces pa gal te 'di snga ma dang mtshungs na yang dag par 'gro ba'i rnam grangs la sogs pa mdo yongs su 'dor ba ma yin par 'gyur te/ sangs rgyas kyis rjes su bzhed pa'i phyir dang so so thar pa la rton par bya bar gsungs pa'i phyir dang lhag ma yang de rgyas pa'i phyir ro/ /rton par bya ba ma yin par mngon par brjod pa'i phyir mu du ma'o/ /gal te chos mngon pa yang mdo rgyas pa'i phyir rton par bya'o zhe na/ sangs rgyas kyis ma gsungs pa'i phyir mdo rgyas pa nyid ma bkag la sangs rgyas kyis rjes su mi gnas pa'i phyir rton par bya ba ma yin no/ /ye shes kyi phung po de'i tshogs chos mngon pa'o zhes bsgrub byar 'dod na yang ye shes la rton par gsungs pa'i phyir 'di la rton par bya ba nyid yin par rtogs par byed do/ /gang yang mdo la rton par gsungs pa mu du ma las zhes pa 'dis ni sgrub byed 'ga' la yang skyon brjod ma yin no/ /gal te mu du ma zhes pa mu du ma ma yin zhe na/ 'dir ni rton par bya ba nyid kyis mngon par brjod pa'i rgyu yin no/ /rton par bya ba ma yin pa nyid kyis mngon par brjod pa ni gang yang drang ba'i don gyi mdo ste/ dper na don des tshad mar byed pa ma yin pa de'i don can gyi phyir gang ci yang rung ba 'di dgongs pa can ma yin pa'o/ /gang yang mdo'i khyad par las gsungs pa'i phyir chos mngon pa la rton par bya ba gsungs te dbyangs kyis bsnyad pa la sogs pa bzhin no/ /de ltar de skad gsungs pa yang ye shes la 'jug pa la sogs pa ma yin gyi mdo'i khyad par las so/ /gang gi phyir ston pa 'das pa'i gsung rab tu gyur pa na 'phags pa kA t+yA ya na'i bu la sogs pa rnams kyis bkod pa'o/ /bcom ldan 'das kyis kyang dge slong dag ci ltar na dge slong chos shes pa yin zhe na/ 'di la dge slong chos shes pa ni 'di lta ste/ mdo dang dbyangs kyis bsnyad pa dang / lung bstan pa dang tshigs su bcad pa dang ched du brjod pa dang gleng gzhi dang rtogs pa brjod pa dang de lta bu byung ba dang skyes pa'i rabs dang shin tu rgyas pa dang rmad du byung ba dang gtan la dbab pa'i chos rnams so zhes gsungs te/ de la gsung rab yan lag bcu gnyis las ye shes la 'jug pa la sogs pa chos mngon pa'i nang du 'dus pa de'i tshe ye shes la 'jug pa la sogs pa med pa ma yin no/ /bcom ldan 'das kyis ched du brjod pa bzhin du sil bur gsungs pa ma yin nam zhe na/ de ltar mdo sde pa rnams kyis khas len mod kyi bshad pa 'di ni ma yin no/ /ched du brjod pa yang mdo la sogs pa rnams su sil bur bstan pa dmigs la/ de ltar chos mngon pa med pa lta bu ni mtshungs pa ma yin no/ /gang yang mdo sde la rton par bya'o zhes gsungs pa'o/ /'dir rton pa'i sgra tshad ma'i don ma yin no/ /'o na ci zhe na sngar ni bdag med pa dang sems can med pa dang gang zag med pa la rton par gyur la/ da ni mdo sde brjed pa med pa lhur bya'o zhes pa 'di ni 'di'i don to/ /de ltar na yang gtan tshigs 'ga' zhig la skyon bshad pa med do/ /'o na ci zhe na gtan tshigs kyi nus pa nyid 'di la gnod byed ma yin no zhes rnam par bshad pa'o/ /gal te chos mngon pa sangs rgyas kyis gsungs na/ ci'i phyir bcom ldan 'das kyis 'phags pa kun dga' bo chos mngon pa brjod pa med pa lhur byed pa la ma sbyar zhe na/ gang yang / 'dir ni de bzhin gshegs pa'i gsung / /thams cad mdo sde'i sgra yis brjod/ /ces gsungs pas 'di yang gnod byed ma yin no/ /chos mngon pa de bzhin gshegs pa'i gsung ma yin pa 'dir bsdus pa ni ma yin no/ /gang yang mdo sde zhes brjod pas chos mngon pa nyid bshad de/ de ni mdo sde ste lugs des drang ba'i don gyi mdo yongs su bcad pa'i phyir dang 'di gang khas ma blangs pa'i phyir ro/ /de'i phyir yang ma grub pa'i don nyid gtan tshigs so/ /gang yang de gzhung lugs kyi khyad par las zhes pa 'di'i gtan tshigs mu du ma bsgom pa'i phyir gsungs pa mdo rnams kyang ris mthun pa gzhan rnams la dbye ba mthong ste/ mdo'i dbye ba kho na las kyang de'i gzhung gi dbye ba zhes pa 'dir ni phan tshun 'gal ba don gzhan mngon par brjod pa ris mthun pa gzhan rnams la'o/ /chos mngon pa'i rtogs pa'i dbye ba brjod par bya ste/ gzhung gi dbye ba las ni ma yin pa de'i phyir mdo nye bar bkod pa dang ni ma sbyar ro/ /don dang 'gal ba yod pa ma yin pa'i mdo sde ni nges pa'i don te/ mdo dang mi 'gal ba'i drang ba'i don gyi mdo khas blangs pa'i phyir ro/ /de nyid kyi phyir mdo sde'i don dang mi 'gal bar bstan pa'i bcom ldan 'das kyis nges pa'i don gyi mdo sde la rton par bya'i/ drang ba'i don la ma yin no zhes gsungs te/ ris mthun pa'i mdo gzhan la lhag pa dang chad par brjod pa phan tshun mi 'gal ba'i phyir ro/ / de'i phyir mdo sde'i dbye ba las ma yin gyi chos mngon pa'i rtogs pa'i dbye ba las so/ /ji skad du/ srid pa bdun rnams zhes mdor mngon par brjod pa de rnams kyis chos mngon par srid pa bar ma yod par rnam par gzhag pa na 'dis sangs rgyas kyis chos mngon pa gsungs par khas blangs pa yin no/ /gal te yang chos mngon pa nges pa'i don yin gyi de dang ris mthun pa gzhan dag ma yin na/ tshig don gzhan dang gzhan du rnam par gzhag pa mi rigs so/ /ci ste ris mthun pa las bzlog pa nges pa'i don du 'dod na/ sangs rgyas bcom ldan 'das rnams la phan tshun 'gal ba'i mngon par brjod par yod pa mi srid pas 'di yang dag pa ma yin no/ /ci ste drang ba'i don nyid yin pa de lta na yang ston par bya ba ma yin par thal lo/ /gal te de bzhin gshegs pas rab tu byung ba rgan po sde snod gsum pa rnyed par dka'o zhes gsungs pa'i phyir sangs rgyas kyis gsungs pa'i chos so zhe na/ sde snod phran tshegs kyis dgongs pa'i tshig go/ /gal te 'di mdo ma yin pa'i phyir zhe na/ 'di ni de lta ma yin te de mdo nyid du khas blangs pa'i phyir ram mdo'i bye brag yin pa'i phyir ro/ /gal te khyod kyi 'dod pas chos mngon pa bzhin chos mngon pa bye brag ma yin no zhe na/ de gsung rab yan lag bcu gnyis su ma 'dus pa'i phyir sangs rgyas kyis gsungs pa nyid ma yin par thal lo/ /gal te mdo'i sgras mngon par ma brjod pa'i phyir mdo ma yin no zhe na/ dbyangs kyis bsnyad pa la sogs pa rnams kyang mdo ma yin pa nyid dang / sde snod gsum du ma 'dus pa nyid dang sangs rgyas kyis ma gsungs pa nyid du thal lo/ /gang yang mdo sde dang 'dul ba dang ma mo 'dzin pa zhes gsungs kyi phran tshegs 'dzin pa zhes 'ga' yang ma gsungs so/ /yang kha cig tu ma mo 'dzin pa zhes gsungs pa ltar chos mngon pa 'dzin pa zhes gsungs sam ci zhe na gsungs so/ /yang ci ma mo ni chos mngon pa'o zhes 'ga' zhig tu gsungs sam zhe na/ don gyis gsungs te gang gi phyir gnas brtan 'od srungs chen pos/ tshe dang ldan pa ma mo zhes bya ba la ma mo gang zhe na/ dran pa nye bar gzhag pa bzhi dang zhes bya ba nas ji srid 'phags pa'i lam yan lag brgyad pa dang / 'khor bzhi dang / chos kyi sdom bzhi dang / so so yang dag par rig pa bzhi dang / stong pa nyid dang stong pa nyid ma yin pa dang / smon pa med pa dang smon pa med pa ma yin pa dang / mtshan ma med pa dang mtshan ma med pa ma yin pa dang / mngon par rtogs pa'i mtha' las byung ba dang / kun rdzob shes pa dang / rnam par 'thor ba bsgom pa dang / bsam gtan khyad par can dang / smon gnas shes pa dang / rab kyi mtha' pa dang / zhi gnas dang lhag mthong dang / yang dag par 'gro ba'i rnam grangs dang / chos kyi phung po dang gdags pa rnams te 'di rnams ni ma mo zhes brjod par bya'o zhes gsungs te/ chos phran tshegs rnams thams cad ni nye bar thob pa ma yin no/ /de'i phyir sde snod phran tshegs gsum pa zhes pa'i brjod pa de legs pa ma yin no/ /'dir mdo sde dang 'dul ba dang ma mo rnams ni gzhung la 'dod kyi don la ma yin pas de'i phyir dran pa nye bar gzhag pa bzhi dang zhes bya ba la sogs pas gzhung nye bar mtshon gyi 'di dag gi don nye bar mtshon pa ni ma yin no/ /phran tshegs kyi chos mngon pa'i mdo de rnams kyang yod do/ /gal te mdo smos pa nyid kyis smos so zhe na/ de lta na 'o na yang dag par 'gro ba'i rnam grangs kyang brjod par mi bya ste mdo smos pa nyid kyis de smos pa'i phyir ro/ /gal te 'dir ma mo'i sgra chos mngon pa la 'dod na/ ci'i phyir chos mngon pa 'dzin pa nyid ma brjod/ yang dag par 'gro ba'i rnam grangs bzhin du ye shes la 'jug pa la sogs pa ci'i phyir dngos su ma brjod pa nyid ce na/ yang dag par 'gro ba'i rnam grangs chos mngon pa ma yin zhes sgrub par nus so/ /de ltar phyogs tsam dpyad pa 'dis lhag ma dag kyang rtogs par bya ste spros pas chog go/ /dkyus ma nyid brtsam par bya ste/ chos rab tu rnam par 'byed pa'i phyir chos mngon pa smras na/ chos dag ni ma smras pas de nges par gzung bar bya ba'i phyir/ /zag bcas zag pa med chos rnams/ /zhes gsungs pa la/ chos zhes smos pa rjes su 'jug pa la yang chos smos pas ni 'di ni chos tsam kho na ste/ 'di na bdag gam bdag gi ba yod pa ma yin zhes shes par bya ba'i don to/ /zag pa dang bcas pa dang zag pa med pa'i chos rnams ni rnam pa gnyis kho na ste/ rnam par rtog pa gzhan med pa'i phyir ro/ /yang ci'i phyir phung po lnga zhes phung po bstan pa ma smos she na chos thams cad de rnams su ma 'dus pa'i phyir ro/ /de lta na 'o na khams bstan pa dang skye mched bstan pa yin la rag go zhe na/ de yang kun nas nyon mongs pa dang rnam par byang ba 'tshol ba'i phyir la/ 'dir ni kun nas nyon mongs pa dang rnam par byang ba'i phyogs gnyis ma 'chol bar bstan pa brjod par 'dod pa'i phyir ro/ /rnam par byang ba ni kun nas nyon mongs pa sngon du 'gro ba can yin pa'i phyir zag pa dang bcas pa sngar smos so/ /chos thams cad ces bya ba 'di ni zag pa dang bcas pa med pa'i rab tu dbye ba las tha dad pa'i chos 'ga' yang yod pa ma yin no zhes bstan pa'o/ /chos rnams rgyas par ston pa khams dang skye mched dag kyang yod pas mdor bsdus te bstan pa'o zhes khyad par du byas so/ /nges par gzung ba med pa'i dag ni 'bras bu med pa yin pas/ 'dir gdon mi za bar nges par gzung bar 'gyur dgos so/ /de la gal te 'di ni mdor bsdus te bstan pa kho na yin pas de ltar nges par gzung ba 'di nges par gzung bar bshad na mi rigs te/ ji lta khams la sogs pa bstan pa la bltos nas 'di bsdus pa'i tshig yin pa de bzhin du chos bstan pa la bltos nas rgyas pa'i tshig kyang yin no/ /ci ste 'di kho na mdor bsdus te bstan pa yin no zhes nges par 'dzin na 'di yang mi rigs so/ /mdor bsdus te bstan pa ni gzhan yang yod do/ /dper na 'dus byas dang 'dus ma byas dang gzugs can dang gzugs can ma yin pa dang / rtag pa dang mi rtag pa zhes bya ba la sogs pa lta bu'o zhe na gnyi ga ltar nyes pa med do/ /chos rnams kyi rang bzhin khong du ma chud par gyur pa la de'i rang bzhin rnam par phye ste gsal ba'i don du/ zag bcas zag med ces bshad na/ chos kyi sgra ni de'i rang bzhin rnam par phye ste ston par byed pa ma yin pas 'dir chos kyi sgra la thal bar 'gyur ba med de/ de'i phyir 'di ni mdor bsdus te bstan pa kho na yin gyi rgyas par yang ma yin no/ /'dus byas dang 'dus ma byas la sogs par bstan pa yang kun nas nyon mongs pa dang rnam par byang ba bstan pa dag 'chol lo/ /'dir ni 'chol ba mdor bsdus te bstan pa brjod par 'dod pa yin gyi gzhan ni ma yin no/ /gal te 'thab pa dang 'thab pa med pa la sogs pa yang 'chol ba med par ston pa yang ma yin nam zhe na yod mod kyi/ de yang zag pa dang bcas pa dang zag pa med pa'i rnam grangs nyid yin par gzhan du brjod na mi 'dod de/ de'i phyir 'di kho na mdor bsdus te bstan pa brjod par 'dod kyi gzhan ni ma yin no zhes bya bar gsungs so/ /zag pa dang bcas pa rnams kyang ji lta bu nyid yin snyam pa la/ de'i phyir de la zag pa dang bcas pa'i chos rnams gang zhe na zhes bya ba gsungs te/ de la zhes bya ba ni zag pa dang bcas pa dang zag pa med pa dag go/ /lam ma gtogs pa'i 'dus byas rnams zag bcas zhes bya ba la 'dus ma byas ni zag pa med pa yin te/ de'i phyir 'dus byas smos pas rnam par bcad do/ /lam ni 'dus byas nyid yin bzhin du zag pa med pa kho na yin pas de'i phyir lam ma gtogs pa zhes smos so/ /de dag kyang gang zhe na gzugs la sogs pa nye bar len pa'i phung po lnga'o/ /bden pa smos pa med kyang 'grel pa las lam gyi bden pa ma gtogs pa zhes bshad pa ni de ma thag tu zag med lam gyi bden pa dang zhes gsal bar yongs su gzung bas so/ /de yang yongs su 'jug pa thob pas 'dir yang dag pa'i lta ba la sogs pa rnams lam gyi bden par 'dod de/ mya ngan las 'das par 'gro bar byed pa la tha dad pa med pa'i byed pa yin pa'i phyir ro/ /lam gyi bden pa ma gtogs pa'i 'dus byas rnams nyid la zag pa dang bcas pa nyid mi srid par 'dri ba pa ni ci'i phyir zhe na zhes bya ba'o/ /'di ltar nor dang bcas pa bzhin du zag pa rnams kyang gdon mi za bar yod pa ni zag pa dang bcas pa'o zhes khas blang bar bya dgos so/ /de la gal te zag pa rnams kyi dmigs pas zag pa yod pa yin na ni 'gog pa dang lam gyi bden pa dag kyang de dag la dmigs pa'i nyon mongs pa yod pa'i phyir zag pa dang bcas pa nyid du thal bar 'gyur ro/ /ci ste brtan pa yin na de lta na mig la sogs pa rnams kho na zag pa dang bcas pa yin gyi/ gzugs la sogs pa rnams ma yin la mig la sogs pa rnams kyang thams cad ma yin te/ thams cad nyon mongs pa'i rten ma yin pa'i phyir ro/ /'on te mtshungs par ldan pas yin na/ de lta na yang sems dang sems las byung ba'i phyogs gcig zag pa med pa nyid du 'gyur te/ sems dang sems las byung ba thams cad nyon mongs pa dang mtshungs par mi ldan pa'i phyir ro/ /de ste zag pa rnams dang lhan cig 'byung bas zag pa yod pa yin na/ de lta na yang nyon mongs pa can gyi sems kho na'i nye bar len pa'i phung po lnga zag pa dang bcas par 'gyur gyi sems gzhan gyi ni ma yin no zhe na/ zag pa rnams rgyas par 'gyur bas zag pa yod pa ni zag pa dang bcas pa yin gyi gzhan du ni ma yin zhes bstan pa'i phyir/ gang phyir de dag la/ zag rnams kun tu rgyas par 'gyur/ /zhes gsungs so/ /yang na ji ltar bya ba nye bar byed pas nye bar len pa ste/ nye bar len pa dang bcas pa zhes brjod do/ /nye bar byed pa yod pa ma yin pas kyang grogs byed pas grogs dang bcas pa zhes brjod do/ /yid pa ma yin pa nyid de ltar yin mod kyi phra rgyas dang zag pa rnams ni zag pa dang bcas pa yin pas yod pa zhes bya'o/ /'jig tshogs la lta ba la sogs nyon mongs pa dang zag pa'i ming can nyon mongs pa can gyi sems kyi rgyun ni zag pa yin pa'i phyir ro/ /de rnams kyang yul gang dang mtshungs par ldan pa gang gis rgyas par 'gyur ba de la rgyas zhes brjod par bya'o zhes slob dpon 'dus bzang zer ro/ /'dir rgyud la bltos nas rgyas par yongs su rtogs pa'i skabs su 'gyur gyi rang gi bdag nyid la bltos pa ni ma yin te/ skad cig ma'i bdag nyid la dbye ba med pa'i phyir ro/ /'di skad bshad par 'gyur te/ gang gi tshe gang dang mtshungs par ldan pa la dmigs pas nyon mongs pa chung ngu la brten nas 'bring skye la/ 'bring la brten nas chen po ste chos de rnams zag pa dang bcas pa zhes bya ba 'di yang 'gog pa dang lam dag la yang mtshungs so zhes gang cung zad 'dri'o/ /ji lta ji ltar gnod pa'i chos rgyas shing rgyas pa de lta de ltar de la dmigs pa dang mtshungs par ldan pa'i nyon mongs pa rang nyid rgyas shing rgyas par 'gyur ro/ /dmigs pa dang mtshungs par ldan pas rgyas par bsgrub pa'i phyir de la rgyas par 'gyur zhes brjod de gnas thob pa'i don nam phra rgyas kyi don no/ /mtshungs par ldan pa gang la dmigs nas gnas thob pa ni gnas rnyed pa ste zag bcas de rnams so/ /gnas thob pa ni rang gi rgyud la gnas so zhes 'di ltar bshad pa yin no/ /'di yang 'gog pa dang lam dag la mtshungs so zhe na nye bar ma bcom pa ni gnas par mthong ba bzhin no/ /lta ba la sogs pa la dmigs pas ni de la gnas thob pa ma yin no/ /u pa g+hA ta ya la sogs pas kyang 'gog pa dang lam dag la mtshungs so zhe na 'di ni gnas pa'i don ma yin no/ /'o na ci zhe na bdag tu lta ba dang sred pas bdag gir byas pa'i dngos po la dmigs pa ni nges par gnas thob pa'i don to/ /de'i phyir 'gog pa dang lam dag ni des bdag gir ma byas shing de la ma dmigs pas de la nyon mongs pa rnams kyi gnas thob pa ma yin zhes brjod par bya'o/ /kha cig na re nyon mongs pa rjes mthun pa la phra rgyas kyi don to zhes zer ro/ /ji ltar pad+ma'i 'dab ma'i chu de ni gzhi la yang mi 'byar zhing gos la sogs pa rnams la rjes su 'gro ba de bzhin du nyon mongs pa rnams kyang chos gang dag la chags pa de dag la brten nas rgyas par 'gyur zhes brjod par bya'o/ /phra rgyas kyi don ni rjes su 'gyur ba'i don te/ gos la snum rjes su zhen pa bzhin no/ /gzhan dag ni 'dres par byed pa'o zhes zer ro/ /slob dpon gzhan dag na re gang la nyon mongs pa skye bar 'gyur ba de zag pa dang bcas pa yin te/ gang la nyon mongs 'phel 'gyur ba/ /de ni zag dang bcas par brjod/ /ces zer ba de dgag pa'i phyir 'gog pa dang lam gyi bden pa la dmigs pas kyang zag pa skye bar ni 'dod mod kyi zhes bya ba la sogs pa gsungs te/ 'dod mod kyi zhes bya ba ni yin mod kyi zhes bya ba'i don to/ /log par lta ba dang the tshom dang de dag 'ba' zhig pa dang mtshungs par ldan pa dang ma rig pa dang 'gog pa dang lam mthong bas spang bar bya ba ste phra rgyas drug po 'di dag 'gog pa dang lam gyi bden pa la dmigs nas 'byung / 'gog pa dang lam gyi bden pa de dag la rgyas par 'gyur ba med pas zag bcas su thal ba med/ e te na bi sa b+hA ga d+hA tu b+hU myA lam+ba naiHkle shairbir sa b+hA ga s+ya d+hA tor+b+hA mirbA na pA shri bi twi te ShAM ta trA na nu sha ya nA di kaM zhes gsungs pa yin no/ /gal te mdo las gang la nyon mongs pa skye ba de zag bcas so zhes gsungs pa ma yin nam zhe na/ bcom ldan 'das nyid kyis zag pa dang bcas pa'i chos mtshan nyid gsungs te/ zag pa dang bcas pa'i chos rnams gang zhe na/ nye bar len pa'i gzugs gang yin pa dang / gzugs gang la 'das pa dang ma 'ongs pa dang / da ltar byung ba na 'dod chags skye ba'am/ zhe sdang skye ba'am/ gti mug gam gzhan yang rung ste sems nye bar nyon mongs par byed pa'o/ /de bzhin du rnam par shes pa'i bar te bzlog pas ni zag pa med pa'o/ /gang gi phyir dge slong khyed rnams kyis zag pa dang bcas pa dang zag pa med pa'i chos rnams bstan par bya'o zhes bcom ldan 'das kyis gsungs so/ /zag pa dang bcas pa dang zag pa med pa'i mtshan nyid kyi chos bstan pa mi 'gal bar bshad pa nyid 'di yang ji ltar shes par bya zhe na/ de la dmigs pas kyang rgyas par mi 'gyur ba ni zhes bya ba la sogs pa ste/ phra rgyas bstan par/ zag med gong ma'i yul can min/ /bdag gir ma byas gnyen po'i phyir/ /zhes pa 'dir shes par bya'o/ /an+yA ha sa mA nA shra pa twAta/ zag pa dang bcas pa ni sa go tra ba dA pra ba/ duSh+Ta twA da/ kha zas dug dang bcas pa bzhin no/ /zag med lam gyi bden pa dang / /zhes bya ba la gal te zag pa dang bcas pa nyid bkag pa kho na las 'di zag pa med pa nyid du shes pa ma yin nam/ yang ci'i phyir 'di zag pa med pa nyid kyi nang du smos she na/ mdo sde pa'i gzugs bzhin du rnam grangs kyis zag pa dang bcas pa dang zag pa med pa nyid yin pa dgag par bya ba'i don te/ zag pa dang bcas pa dag las bkol ba yin pas zag pa med par nges pa'i rgyu med pa'i phyir ro/ /de ni de lta ma yin te rnam pa nyid bkod pa las zag pa dang bcas pa dag tu bkag pas don gyis zag pa med par shes par 'gyur ro zhe na/ gal te ma bstan par yang don gyis shes na ni/ 'dus byas rnams zag bcas zhes pas 'dus ma byas kyang ma bstan pa kho nar zag pa med pa nyid du shes par 'gyur ro/ /gosh+tsA tra ni ya mo ya da nA shra ba twa me ba r+thA dA par+ya te na pu naH/ zag bcas zag pa med pa nyid/ /zhes pa/ yat+pa de Na bad+ta bya tat+ta ma ba brU She/ 'dus ma byas kyang lam bzhin du zag pa med pa nyid du smos par mi bya'o/ / rnam pa gnyis nye bar bkod pa las dang rnam par rtog pa gsum pa yang mi srid do zhes pa 'di ni lam ma yin no/ /lam gyi sgra ni 'jig rten pa dang 'jig rten las 'das pa gnyis ka la thun mong ma yin mod kyi/ 'dir 'jig rten pa la rnam par bcad pa'i phyir/ zag med lam gyi bden pa dang zhes gsungs te/ de nyid kyi phyir lam gyi bden pa smos par mdzad pa yin no/ /'jig rten pa ni lam kho na yin gyi lam gyi bden pa ni ma yin no/ /'grel pa las kyang 'chad par 'gyur ba la bltos pa nyid kyis lam gyi bden pa ma gtogs pa zhes gsungs so/ /yang na grub par gyur pa la brtsams pa nges pa'i don du yin te lam gyi bden pa 'dus byas dag las bkol bas zag pa med pa nyid du grub bzhin du slar yang zag pa med pa dag gi nang du smos pa ni nges par bya ba'i don du'o/ /kha cig yongs su shes pa'i khams dmigs pa las sems dang sems las byung ba'i don thams cad dang / dgra bcom pa'i ma zin pa'i gzugs zag pa med par 'dod do/ /de'i phyir 'dus byas dag las lam gyi bden pa kho na zag pa med pa yin gyi 'dus byas kyi chos gzhan ni ma yin zhes pa nyid nges pa yin no/ /de bzhin du gcig ni so sor brtags pa'i 'gog pa kho na 'dus ma byas dang zag pa med par khas len gyi nam mkha' ni ma yin no/ /de ni zag bcas dang 'dus ma byas te/ so sor brtags pa ma yin pa'i 'gog pa ni khas mi len pa nyid do/ /gzhan dag ni 'dus ma byas rnam pa gsum btags par khas len gyi rdzas su ma yin no/ /de'i phyir 'dus ma byas zag pa dang bcas pa nyid yin pa bsal du zin kyang 'dus ma byas nyid dang zag pa med pa nyid dang / dngos po nyid du khas blang bar shes par bya ba'i phyir 'dus ma byas rnam gsum yang ste/ zhes bya ba gsungs so/ /yang na chos thams cad mdor bsdu na rnam pa gnyis su bstan te/ zag pa dang bcas pa dang zag pa med pa'o/ /de la zag pa dang bcas pa rnams ni ngo bo dang mtshan nyid kyi sgo nas bshad pa byas zin te/ lam ma gtogs pa 'dus byas rnams/ /zhes bya bas rang gi ngo bo'i sgo nas so/ /gang phyir de dag la/ zag rnams kun tu rgyas par 'gyur/ /zhes bya bas ni mtshan nyid kyi sgo nas so/ /de bzhin du zag pa med pa rnams kyang rang gi ngo bo dang mtshan nyid kyi sgo nas bshad par bya dgos pas de'i phyir/ zag med lam gyi bden pa dang / /'dus ma byas rnam gsum yang ste/ /zhes bya bas rang gi ngo bo'i sgo nas so/ /mtshan nyid ni ma gsungs kyang smras zin pa las bzlog pa'i sgo nas/ gang phyir de dag la/ zag rnams rgyas par mi 'gyur ro/ /zhes rtogs pa nyid do/ / de'i phyir 'di ni mtshan nyid brjod par bya ba'i phyir smras zin pa'i don rjes su brjod pa yin pas skyon med do/ /'dus ma byas ni rten gyi phyir dang rab tu ma grags pa'i phyir smos so/ /dang gi sgra ni bsdu ba'i don to/ /yang gi sgra ni rnam gsum kho na'o zhes nges par gzung ba'i don to/ / gal te chos rab tu rnam par phye bas nyon mongs pa nye bar zhi ba'i rgyur gyur pa'i chos de dag kho na bstan par bya ba yin nam/ nam mkha' dang so sor brtags pa ma yin pa'i 'gog pa dag ni ma yin no zhe na/ de gnyis bden pa'i khongs su ma gtogs pa'i phyir nam mkha' dang so sor brtags pa ma yin pa'i 'gog pa rnam par phye ba ni nyon mongs pa nye bar zhi ba'i thabs ma yin mod kyi/ de ltar yin yang zag pa med pa'i chos kyi zhar la zag pa med pa thams cad nye bar bstan to/ /de dag zag pa rgyas par mi 'gyur ba ni gnas mi thob bo zhes bya ba'o/ / 'dus ma byas ni brjod bya nyung bas de bstan pa'i mjug thogs su bshad par brtsam ste/ brjod bya mang ba'i phyir 'dus byas ni ma yin pa nyid do/ /ma grags pa'i phyir rnam pa gsum gang zhe na zhes bris pa dang / nam mkha' dang ni 'gog pa gnyis/ /zhes so/ /nam mkha' ni 'jig rten na yang rab tu grags pas sngar smos so/ /'gog pa gnyis ni 'gar yang ma grags te/ de nyid kyi phyir de gnyis gang zhe na zhes smras so/ /de la nam mkha' mi sgrib pa zhes bya ba la/ de la ni 'dus ma byas rnam pa gsum la'o/ /de la mi sgrib pa la dngos po dang thogs pa med pa thams cad kyang nam mkha' nyid du thal ba'i phyir/ mi sgrib pa ni sgrib pa med pa tsam yin la sgrib pa las gzhan pa dag kyang ma yin no/ /'o na ci zhe na rang bzhin gyi khyad par te/ de nyid kyi phyir sgrib pa med pa'i rang bzhin te zhes smos so/ /sgrib pa ni sgrib pa yin la/ 'di ni sgrib pa med pa'i rang bzhin yin pas sgrib pa med pa ste/ sgrib pa'i 'gal zla'i chos te don ma yin pa bzhin no/ /dgag pa ni mi mthun pa'i phyogs kyi don yin pa'i phyir te/ de'i phyir 'di la sgrib pa med pa'i rang bzhin yod pas zhes tshig rnam par sbyar ro/ /yang na 'di mi sgrib pa'i rang bzhin yin pas zhes tshig rnam par sbyar te/ 'di la sgrib par byed pa yang / /zhes pa rang bzhin gyi dbang du byas pa'i phyir ram 'brel pa can brjod par shes par bya'o/ /de ci'i phyir zhe na/ gang gi dbang du byas pa gang dang 'brel pa can nyid kyi phyir sgrib pa de dang de las pra ti sid+d+he te na su na de baM nam mkha'i rang bzhin bshad pa yin no/ /tshig le'ur byas par yang tshig don gzhan gtso bor brjod par bya bar 'gyur ro/ /tshor ba la sogs pa rnams la thal bar yang 'gyur te/ de rnams la de rnams kyi sgrib pa med pa'i phyir ro zhes slob dpon 'phags pa'i 'bangs zer/ rang bzhin ni rang gi ngo bo ste rang bzhin med pa ldog pas go skabs yod pa gang las de sgrib pa med pa 'di'i rang bzhin zhes 'dir tshig rnam par sbyar ba la mtshan nyid ma brjod par 'gyur ro/ /de'i phyir tshig rnam par sbyar ba 'di la sgrib pa med pa 'di'i rang bzhin zhes 'di skad brjod pa yin te/ 'dir tshig rnam par sbyar ba 'ga' zhig gi khyad par las don la khyad par med do/ /tshig le'ur byas par gang gsungs pa tshig don gzhan gtso bor brjod par bya'o zhes pa ni gnyi ga la mtshungs so/ / yang dngos po'i rang bzhin las don gzhan shes par bya ba'i phyir brjod pa nyid do/ /gang yang tshor ba la sogs pa rnams la thal bar 'gyur zhes bshad pa de yang mi rigs te/ tshor ba la sogs pa dag ni sgrib pa med pa'i rang bzhin can ma yin gyi/ nyams su myong ba la sogs pa'i rang bzhin can yin pa'i phyir ro/ /slob dpon 'dus bzang ni gang zhig sgrib pa med pa nyid rang bzhin te nam mkha'o zhes zer te/ sgrib pa med pa zhes bya ba ni 'byung ba dang 'byung ba las gyur pa'i tshogs kyis mi khyab pa zhes bya ba'i don to/ /'ga' zhig kyang mi 'dzin pa thams cad du yod pa nyid kyi phyir/ gal te de ni nam mkhar mi 'gyur te de la bum pa la sogs pa mi gnas pa'i phyir ro/ /mi sgrib pa ni rang gi yul du gzugs skye ba la gegs mi byed pa'i don to/ /gal te gegs mi byed na gzugs gnyis pa ci'i phyir dar thogs par byed ce na/ de ni nam mkhas thogs par byed pa ma yin gyi/ 'o na ci zhe na der gnas pa'i gzugs gzhan gyis so/ /gzhan du na de dang bral yang thogs par 'gyur ro/ /slob dpon 'phags pa'i 'bangs kyis gsungs pa/ 'di la yang rnam par bshad par tshor ba la sogs pa rnams la thal bar 'gyur zhes pa 'di yang snga ma kho na slar brjod pa yin pas 'di'i mtha' nges par bstan par bya ste/ gzugs kyi bdag nyid du med pas nam mkha'o zhes pa'i tshig gis rtogs par bya'o/ /gang na gzugs kyi go yod pa'o zhes bya bas ni bya ba'i sgo nas kyang 'di yod pa nyid du ston par byed do/ /gzugs kyi ni yul la gnas pa'i phyir yul gzhan dag tu skye ba go mi 'byed pa mi rnyed par 'gyur gyi gzhan dag gis ni ma yin te yul la mi gnas pa'i phyir ro/ /de'i phyir gzugs nyid la de skad bshad do/ /'dir ni phung po'i gzugs yongs su gzung gi skye mched kyi gzugs ni ma yin no/ /de ltar na 'dir nam mkha' ni rang gi ngo bo dang bya ba'i sgo nas bshad pa byas pa yin no/ /so sor brtags pas 'gog pa zhes bya bas ni mtshan gzhi ston pa'o/ /gang bral ba'o zhes bya ba ni skye ba dang snyoms par 'jug pa dang mi rtag pa nyid dang so sor brtags pa ma yin pa'i 'gog pa rnams rnam par bcad pa'i sgo nas mtshan nyid bshad de/ de rnams bral ba ma yin pa'i bdag nyid yin pa'i phyir ro zhes kha cig go/ /'gog pa gzhan rnams ni 'dir thal ba med de so sor brtags pas 'gog pa smos pa'i phyir zhes pa 'di la bsam pa ni zag pa dang bcas pa'i chos rnams kyi bral ba gang yin pa zhes pa'o/ /zag pa med pa rnams las khyad par du bya ba'i phyir zag bcas smos te/ de rnams ni spang bya dang kun sbyor dang 'ching ba ma yin pa nyid kyi phyir ro/ /bral ba zhes bya ba ni de'i 'gal zla thar pa dang mi 'dra bar ldan pa las so/ /ldan pa zhes bya ba 'di yang ci nyon mongs pa dang phra rgyas she na/ bstan bcos su ji skad bshad pa gang zag gang gi phra rgyas gang dngos po gang la rgyas par 'gyur ba de gang zag de phra rgyas de dang dngos po de ldan par brjod par bya'o/ / de'i phyir phra rgyas gnas pa'i mtshan nyid phra rgyas dngos po la ldan pa de 'gal zla'i chos zag bcas kyi chos rnams dang mi ldan pa'o/ /gang zag gi ldan pa'am gang zag gi mi ldan pa yang ji ltar zhe na/ rten gang la gang zag tu brjod pa'i rgyud la ldan pa'am mi ldan pa'i thob pa mngon du gyur pa la ldan pa'am mi ldan pa zhes bya bar rnam par gzhag par bya'o/ /yang na nyon mongs pa can gyi chos rnams kyi thob pa ni ldan pa'o/ /nyon mongs pa can ma yin pa'i zag pa dang bcas pa gang yang rung ba dang nyon mongs pa can gyi de la dmigs pa'i nyon mongs pa'i thob pa yang ldan pa'o/ /ji skad bshad pa'i spangs pa sdug bsngal mthong bas spang bar bya ba dang ldan pa'i lhag ma kun tu 'gro ba dang / sngar spangs pa'i rnam pa dang lhag ma de'i yul gyi dri ma rnams dang de'i thob pa ni zag pa dang bcas pa'i chos rnams dang mi 'dra ba'i chos can gyi phyir mi ldan pa zhes brjod par bya'o/ /yang ci ltar 'di dang nye ba ma yin pa de thob pa dang lhan cig nyon mongs pa can gyi chos rnams kyi thob pa skye zhe na/ de ltar byas nas mi ldan par byed pas sam 'di las thob pas na mi ldan pa'o/ /'dis bral bar byed pa dang bral bas bral ba ma yin no/ /de ltar byed na ni las dang zag pa dang bcas pa'i chos kyi thob pa dang bral ba tsam la yang thal bar 'gyur ro/ /cig shos la yang mya ngan las 'das pa'i thob pa dang zag pa dang bcas pa'i chos kyi thob pa mi ldan par thal bar ma yin nam zhe na thal bar 'gyur ba ma yin no/ /'dus ma byas kyi dbang du byas nas de lta na ta d+hi yan+nan+ta ra mar+tha kaM saM khyA ni tu la ni bi tsa ya pradz+nya t+ya na r+than+dA ram+p+ra ti bIp+sA r+thaH'di skad bstan par 'gyur te/ sdug bsngal la sogs pa 'phags pa'i bden pa rnams la so so so sor brtags pas so sor brtags pa'o/ / 'phags pa'i bden pa smos pa ni tshor ba rnam par bcad pa'i phyir ro/ /bstan pa 'di ni phal che ba'am gtso bo yin te/ gzhan du na 'jig rten pa'i lam gyis thob pa so sor brtags pa'i 'gog par mi 'gyur ro/ /gal te 'jig rten pas bral bas thob pa 'di ci ltar 'jig rten pa yin zhes kha cig go/ /e tats+tshan sa hi sred pa'i phra rgyas kyi phyir dang 'jig rten pa'i spang bya'i sa bdun pa'i 'dod chags kyi phra rgyas nyid kyi phyir ro/ /de'i phyir 'di yang 'jig rten las 'das pa'i lam bzhin du bral ba thob par byed do/ / shes rab kyi bye brag go zhes bya ba ni bar chad med pa'i lam ste des thob bya'o/ /bar gyi tshig mi mngon par byas pas zhes pa ni sgra'i sgo nas grags pa bye brag tu rtogs par byed pa'o/ /yang ci 'gog pa ltar gcig kho na'am gal te bral ba'i rdzas ltar du ma yin zhe na/ de'i phyir so so so so yin gsungs te gzhan dang gzhan yin no zhes bya ba'i tha tshig go/ /'di nyid 'chad par byed pa ni/ /ldan pa'i rdzas rnams ji snyed pa/ /zhes rgyas par 'byung ste/ rdzas su sat+tA nu pa pat+teHslob dpon gu Na nan+di na ra gcig dang du ma nyid mi srid do zhes zer te de ltar mi bsam mo/ /kha cig na re bral ba thams cad gcig nyid kho nar 'dod do zhes zer to/ yang gcig nyid ces ldan pa'i ched du rdzas zhes tshig rnam par sbyar te thob pa'i rgyu nyid kyi phyir ro/ /yang na dmigs pa dang mtshungs par ldan pa'i sgo nas nyon mongs pa dang phra rgyas rnams skye ba'i phyir te de dag kyang nye bar len pa'i phung po lnga'o/ /yang na ldan par gyur pa'i rdzas rnams te 'ching bar gyur pa'i phyir ro/ /bral ba nyid rdzas yin pa ni bral ba'i rdzas rnams te/ de dag kyang nam mkha' dang so sor brtags pa ma yin pa'i 'gog pa dag dang gzhan 'dus ma byas so/ /de lta ma yin na zhes bya ba ni gal te zag pa dang bcas pa'i chos thams cad kyi so sor brtags pa 'gog pa gcig nyid du gyur na zhes pa'o/ /nyon mongs pa thams cad 'gog pa mngon du byed par zhes bya ba ni kun 'byung dang 'gog pa dang lam mthong ba dang bsgom pas spang bar bya ba'i nyon mongs pa 'gog pa thob par 'gyur ro zhes bya ba'i tha tshig go/ /sdug bsngal mthong bas spang bar bya ba'i nyon mongs pa 'gog pa nyid kyis de 'gog pa'i phyir de lta yin na zhes rgya cher 'byung ste/ lam gyi skad cig ma gnyis kyis phra rgyas ma lus pa'i bral ba thob pa'i phyir gnyen po lhag ma bsgom pa don med pa nyid du 'gyur ro/ /rdzas gcig la cung zad cig ni mngon sum du byas la/ cung zad cig mngon sum du ma byas so zhes brjod par yang mi rigs so/ /ci bden pa ma mthong ba mthong bar bya ba'i don yin pa'i phyir lhag ma'i gnyen po bsgom pa 'bras bu dang bcas par yang mi rung ste/ bden pa lhag ma mthong ba ni de dag mthong bas spang bar bya ba'i nyon mongs pa'i bral ba thob pa'i don kho na yin pa'i phyir ro/ /gal te bden pa dang po mthong ba nyid kyis nyon mongs pa ma lus pa'i bral ba thob na ni/ de lta na bden pa lhag ma mthong ba don byas zin pa yin pas de dag mthong ba don med pa nyid du 'gyur ro/ /bsgom pa'i lam du yang ma mthong ba'i bden pa mthong ba med pa'i phyir bsgom pa don med pa nyid dang / nyon mongs pa spangs pa thag pa sring bar bya ba'i phyir khyad par gyi lam bsgom zhe na/ yang mi g.yo ba'i chos can la don med par thal bar 'gyur zhing / nyon mongs pa'i bye brag rnam par gzhag pa dang / gang zag gi bye brag rnam par gzhag pa thob par yang mi 'gyur te/ khams gsum po ma lus pa yang 'dod pa'i sdug bsngal mthong bas spang bar bya ba ma yin pa'i phyir ro/ /'o na zhes rgyas par 'byung ba la/ gang las bshad ce na mdo las te/ dge slong ma chos sbyin la khyim bdag sa gas/ ci 'phags ma 'gog pa 'dra ba yin nam/ 'on te mi 'dra ba yin zhes dris pa dang / tshe dang ldan pa sa ga 'dra ba ma yin no zhes bshad do/ / 'dra ba ni skal ba dang bcas pa'am skal ba dang mnyam pa ste 'dra zhing mtshungs zhes bya ba'i don to/ /du ma nyid yin na gnyis pa dang bcas pa nyid dam 'dra ba nyid mi 'gal bas ji ltar gcig pa nyid ces de dgag par mi bya'o/ /kA yo sla b+hA ga ni ro d+ha ai hi/ 'di'i 'dra ba'i rgyu gang yang ma yin la zhes rgyas par 'byung ba la/ 'dir ni rgyu'i sgra mi mngon par byas pas 'dra ba'i rgyu nyid la 'dra ba zhes brjod de/ dper na 'jigs pa snga la 'jigs pa zhes bya ba bzhin no/ /de ltar skal mnyam gyi rgyu rgyu ma yin pa bkag par shes par bya'i/ skal ba bkag pa dang 'dra ba bkag pa ni ma yin no/ /'gog pa'i rnam pa gcig nyid kyang spang bya nyon mongs pa'i dbang gis so so so sor mngon du byed de/ dper na zag pa dang bcas pa'i dngos po gcig gi yang sdug bsngal dang kun 'byung ba'i rnam pa dag las kyang skal ba mnyam pa'i 'gog pa zhes bya ba 'dir gnyis pa nyid du 'gyur ro/ /ka shwA ti sha ya/ skal ba mnyam pa'i rgyu 'gog go zhes kha cig go/ /'di la bsam pa ni 'gog pa gcig tu smra ba ma yin gyi sdug bsngal mthong bas 'gog pa cung zad mngon du ma byas par gang kun 'byung mthong bas mngon du bya ba med do/ /ci ste cung zad mngon du ma byas pa nyid yod do zhe na/ 'o na spangs pa du ma thob par byed de/ mngon du byas pa las mngon du ma byas pa gzhan yin pa'i phyir zag pa dang bcas pa'i dngos po shes pa mngon du bya'o zhes rnam pa gzhan gyis mngon du ma byas pa dang / mngon du byas pa mi 'gal lo/ /thob pa mngon du bya ba ni spangs par thob pa'i ma yin no/ /yang thob pa'i rigs pa 'dis kyang thal bar mi 'gyur ba'i phyir ro/ /'gog pa du ma de yang 'gog pa thams cad cig car mngon du byas par thal lo/ /lam gyi thob pa med pas nyon mongs pa rnams sam bral bas lhan cig byed pa'i rgyu dang 'brel pa la sogs pa med pa'i phyir nges pa'i rgyu 'ga' zhig yod pa gang las 'di nyid bral ba las gzhan ma yin pa nyid de/ de lam gyis thob kyi gzhan gyis ma yin no/ /nyon mongs pa 'di dag gi bral ba 'di nyid gzhan gyi ma yin zhes rnam par gzhag go/ /de ltar nges pa'i rgyu med na cig car bral ba thams cad thob pa'am/ bral ba ma thob bo zhes khas blang bar bya'o/ /gang zhig nyon mongs pa thams cad dang bral ba'i bdag nyid kho na 'gog par byed pa de'i sdug bsngal la chos shes pa'i bzod pas sdug bsngal mthong bas spang bar bya ba'i nyon mongs pa rnams kho na dang bral ba nyid thob la kun 'byung mthong ba la sogs spang bya rnams la ma yin no/ /yod pa ma yin pa tsam gyis 'gog pa nyon mongs pa rnams bral ba dang ldan pa med par thal ba'i phyir ro/ /'o na ci zhe na/ de la thob pa gang dang gang lam gyis thob pa de dang des nyon mongs pa dang bral ba nyid du rnam par mi 'jog gi spang bya'i nyon mongs pa dang bral ba nyid kyis rnam par 'jog go/ /ji ltar na 'dir lam bsgom pa don med pa nyid ce na/ gang yang bshad pa de dang de ni phul du byung ba dgag pa rab tu gyur pa'i rnam pa ste/ ci ltar yang der skal ba mnyam pa'i rgyur thal ba ni dge ba zag pa med pa nyid kyi phyir ro/ /lam bzhin du 'di las ma lhung ba'i phyir dgag par mi bya'o/ /skal ba mnyam pa ma yin pa zhes bya ba ni gzhan gyi rgyur ni thal ba ma yin pa'am zhes bya ba'o/ /de dgag pa ma yin no/ /rgyu'i gtan tshigs ni khas blang bar bya ba nyid ces pa ste 'on kyang dge ba yin pa'i phyir ro/ /rnam par smin pa'i rgyur thal ba yang 'di la med de/ dge ba zag pa med pa yin pa'i phyir ro/ /lam bzhin yin pa nyid de'i tshe skal ba mnyam pa'i rgyu thal ba yang med pa nyid de/ skyes pa'i thog ma med pa'i phyir dang sas ma bsdus pa'i phyir ro/ /nam mkha' dang so sor brtags pa ma yin pa'i 'gog pa bzhin no/ /yang gzhan dag ni 'gog pa mtha' dag gi dbang du byas nas 'gog pa ni 'dra ba ma yin no zhes bshad de/ 'gog pa dang 'dra ba chos gzhan pa dang dge ba gzhan ni yod pa ma yin no/ /skye la gtan du gegs byed pa/ /zhes pa la 'das pa dang da ltar byung ba rnams skye ba la gegs byed pa ma yin pas ma 'ongs pa rnams kho na'i 'thob pa'o/ /'gog pa yang rnam pa lnga bsam par bya ste/ mi rtag pa dang snyoms par 'jug pa dang / skye ba dang so sor brtags pa dang / so sor brtags pa ma yin pa'i 'gog pa'i dbye ba las so/ /de la skye ba smos pa ni mi rtag pa nyid kyi 'gog pa rnam par bcad pa'i phyir du'o/ /de ni da ltar byung ba rnams gnas pa la gegs su gyur pa yin gyi skye ba la ni ma yin no/ /gtan du zhes smos pa ni snyoms par 'jug pa dang skye ba'i 'gog pa bzlog pa'i phyir te/ de gnyis ni ma 'ongs pa'i sems dang sems las byung ba skye ba la dus cung zad cig gegs su gyur pa'i phyir ro/ /gzhan smos pa ni de ma thag tu smos pa bral ba'i mtshan nyid so sor brtags pas 'gog pa las rnam par bcad pa'i phyir ro/ /so sor brtags pa ni rig pa dang dpyad pas bsgrubs pa'i shes rab ste de ni des thob pa ma yin no/ /'o na ci zhe na de med par rkyen ma tshang bas thob ste de ltar gzhan du brjod do/ /gang zhig rgyu dang mtshungs pa de ma thag dang dmigs pa dang bdag po ste rkyen bzhi po dag las bzhi'am gsum gnyis kyang rung ji snyed cig gis skyed pa de skye ba la de dag ma tshang bas gtan du gegs su gyur pas so sor brtags pa ma yin pa zhes bya ba'i rdzas shig 'thob po/ /dper na mig dang yid gzugs gcig la yengs pa'i zhes bya ba la/ gzugs gcig la yengs pa'i mig dang yid gang yin pa zhes tshig rnam par sbyar ro/ /gang zhig gzugs las gzhan rnams zhes bya ba yul du byas pa las gzhan pa sgra dang dri dang ro dang reg rnams kyang zhes pa'o/ /thams cad nyid ni de rnams thams cad nyid la dmigs pa'i phyir ro/ /'das par 'gyur la zhes bya ba ni zhig 'gyur ba ste/ da ltar ba'i dus na rgyu dang dmigs pa dang bdag po'i rkyen yod kyang de ma thag rkyen ma tshang ba'i phyir/ de la dmigs pa'i rnam par shes pa'i tshogs lnga po dag ni yang skye bar mi nus te so sor brtags pa ma yin pas 'gog pa thob pa'i phyir ro/ /yang skye bar mi 'gyur ro zhes bya ba 'di ci ltar shes par bya zhe na/ de'i phyir de dag 'das pa'i yul la de dmigs pa'i mthu med pa'i phyir ro zhes gsungs te 'di skad bstan par 'gyur te/ mig la sogs pa'i rnam par shes pa rnams ni da ltar ba'i yul can yin pa'i phyir gzugs la sogs pa 'das pa rnams la mi skye ste/ dmigs pa'i rkyen ma tshang ba'i phyir ro zhes bya'o/ /slob dpon 'dus bzang na re sems dang sems las byung ba rnams kyang nges par rkyen bzhi las skye'o zhes zer ro/ /yid dang chos kyi skye mched kyi phyogs 'ga' zhig kyang brjod par bya ste/ mig la sogs pa'i rnam par shes pa dag ni dpe nyid du brjod par 'dod pa'i phyir ro/ /'dir gzhan dag gis rgol ba ni mig dang yid gzugs gcig la yengs pa na gzhan rnam par shes pa'i tshogs ci las/ gang dag skye ba med pa ye pi tsa san+ni gzugs la sogs pa dmigs pa gcig rnam par shes pa la sogs pa ni sems can gyi rgyud do zhes pa/ gal te rnam par shes pa gcig la sogs pa'i phyir sems can gyi rgyud la rkyen ma tshang ba'i phyir rnam par shes pa mi skye bar 'dod na de ci ltar rnam par shes pa rnam pa drug dang stong phrag mang po rnams yin/ gcig nyid dus gcig tu rgyud dang dmigs pa dang bdag po'i rkyen du gyur pas mig la sogs pa rnams 'dod kyi cig shos ma yin/ gal te snga ma dang phyi mar gnas pa'i go rims bzhin du skye bar nges na/ skyes bu'i byed pa don med par thal bas ma 'ongs pa'i dus pa rgyu ba yo ge nA pa brga pra sang+ga da pa brga med par thal bar 'gyur bas 'di yang 'dod pa ma yin pa nyid do/ /gal te dmigs pa'i skad cig nges pas mtshungs par ldan pa rnams kyi rkyen ma tshang ba nyid las gtan mi skye ba ma yin nam/ yang so sor brtags pa ma yin pa'i 'gog pa rtogs par byed ce na/ 'di la kha cig gis lan brjod pa/ thob pa gang la rkyen ma tshang ba'i phyir gtan mi skye ba'i chos can du shes par bya ba ma 'ongs pa de so so brtags pa ma yin pa'i 'gog pa gtan mi skye ba'i chos can ma 'ongs pa'o/ /'di ni lan ma yin no/ /phyogs snga ma dang sbyar na 'dir rkyen ma tshang ba ni rdzas las ma yin zhing byed pa las ma yin no/ /rkyen med par 'dus byas kyi chos 'ga' yang yod pa ma yin te/ thams cad kyang ma 'ongs ma 'ongs pa'i chos ma 'ongs pa rnams rkyen no/ /skyes bu'i byed pa med ces pa so sor brtags pa ma yin pa'i 'gog pa thob pa'o/ /'o na ci zhe na/ 'dis phrad par byed pas na rkyen de de ltar 'di las kyang gang gnas pa'i bya ba dang phrad par byed pas na de gnas pa rnams la ma tshang ba zhes shes par bya'o/ /ki ma ba s+the b+h+yaHkAR+Yi pra t+ye te nus pa de rnams sam 'das pa dang da ltar byung ba nyid dang de las ches gzhan pa de dang 'gal ba'i rkyen 'jug pa thob pa las gnod pa'am/ ma tshang ba'i gzugs mig dang yid gzugs gcig la yengs p a ni de las gzhan pa'i gzugs la sogs pa dang rnam par shes pa rnams kyi gnas dang dmigs pa la rag lus pa'i skye ba rnams kyi rgyu dang dmigs pa dang bdag po'i rkyen rnams dang 'bras bu sbyin pa'i gnas rnams la de dang mthun pa'i de ma thag pa'i rkyen du gyur pa'i phyir rkyen rnams ma tshang ba zhes bya'o/ /'dir so sor brtags pa ma yin pas 'gog pa thob pa ni mu bzhi par 'gyur te/ de'i phyir zag pa dang bcas pa rnams nyid ni so sor brtags pas 'gog pa thob la/ 'dus byas mi skye ba'i chos can rnams ni so sor brtags pa ma yin pas 'gog pa'o/ /zag pa dang bcas pa 'das pa dang da ltar byung ba skye ba'i chos can rnams so sor brtags pas 'gog pa kho na'i yin gyi so sor brtags pa ma yin pas 'gog pa ni ma yin te/ de ni mi skye ba'i chos can rnams kho na'i yin no/ /zag pa bcas pa smos pa ni zag pa med pa rnam par gcad par bya ba'i phyir te/ nyes pa med pa'i phyir zag med rnams ni so sor brtags pas 'gog pa yin te/ de la rang gi rgyud du gtogs pa'i 'das pa dang ma 'ongs pa'i nyon mongs pa can gyi chos rnams ni shes rab kyi stobs kyis da ltar byung ba'i thob pa 'gog pa'i phyir so sor brtags pas 'gog pa thob bo/ /gzhan gyi rgyud du gtogs pa'i nyon mongs pa dus gsum pa rnams thams cad kyang so sor brtags pas de la dmigs pa'i nyon mongs pa'i thob pa gcod pa'i phyir so sor brtags pas 'gog pa thob po/ / yang na rang gi rgyud du gtogs pa'i nyon mongs pa rnams 'das pa dang ma 'ongs pa dang da ltar byung ba'i thob pa dang bral ba'i phyir dang / thob pa ni da ltar rang gi thob pa dang bral ba'i phyir so sor brtags pas 'gog pa thob po/ /yang na rang gi rgyud la yang dus gsum pa'i spangs pa thob bo/ /saM yo ga ni ro d+h+yo hi bi saM yo ga A kA shA ta so sor brtags pas 'gog pa'i ldan pa yang kun tu sbyor ba 'khor dang bcas pa rnams kyi thob pa rnams so/ /kun tu sbyor ba'i 'khor gyi thob pa de rnams kyang so sor brtags pas 'gog pa nyid thob pa/ zag pa med pa'i 'dus byas mi skye ba'i chos can rnams ni so sor brtags pa ma yin pas 'gog pa thob pa kho na ste/ de dag zag pa med pa yin pa'i phyir so sor brtags pas 'gog pa med kyi rkyen ma tshang ba nyid kyi phyir so sor brtags pa ma yin pas 'gog pa thob po/ /mi skye ba'i chos can smos pa ni 'das pa dang da ltar byung ba'i skye ba'i chos rnam par gcad pa'i phyir du'o/ /zag pa med pa smos pa ni zag pa dang bcas pa bsal ba'i phyir du'o/ /'dus byas smos pa ni 'dus ma byas bsal ba'i phyir te de yang mi skye ba'i chos can dang zag pa med pa yin no/ /dper na dad pas rjes su 'brang ba'i lam mngon du gyur pa na chos kyi rjes su 'brang ba'i lam rkyen ma tshang bas so sor brtags pa ma yin pas 'gog par thob pa dang sdug bsngal la chos shes pa'i bzod pa'i tshe sdug bsngal la chos shes pa'i bzod pa ma 'ongs pa rnams bzhi char dang / de bzhin du sdug bsngal la rjes su shes pa'i bzod pa'i tshe sdug bsngal la rjes su shes pa'i bzod pa rnams te de ltar bden pa so so la brjod par bya zhing / de bzhin du gzhan la yang sbyar bar bya'o/ /gnyi ga zag pa dang bcas pa mi skye ba'i chos can rnams te 'di dag zag pa dang bcas pa'i phyir so sor brtags pas 'gog pa yin la/ mi skye ba'i chos can yin pa'i phyir so sor brtags pa ma yin pas 'gog pa'o/ /gnyi ga ma yin pa ni zag pa med pa 'das pa dang da ltar byung ba dang skye ba'i chos can rnams te/ de rnams ni zag pa med pa yin pa'i phyir so sor brtags pas 'gog pa mi 'thob po/ /skyes pa dang skye ba'i chos can nyid kyi phyir so sor brtags pa ma yin pas 'gog pa'o/ /ji ltar zag pa dang bcas pa rnams shes par bya ba yin pa de bzhin du 'dus byas rnams kyang yin pas 'dus byas de dag gang zhe na zhes dris te/ lam gyi bden pa ma gtogs pa bsdu ba'i phyir 'dus byas zhes bzung nas dris so/ /de'i phyir/ 'dus byas chos rnams de dag kyang / /gzugs la sogs pa'i phung po lnga/ /zhes gsungs te/ de la nad dang rga shi la sogs pa nye bar 'tshe ba'i khyad par rnams kyis gnod pas na phung po'o/ /tshul khrims la sogs pa dang 'brel ba'i phung po lnga rnam par gcad pa'i phyir du gzugs la sogs pa smos so/ /gzugs la sogs pa'i yul dgag pa'i phyir phung po zhes smos so/ /gal te gzugs la sogs pa byas pa'i phyir na byas na zhes brjod par bya ba ma yin nam byed pa'i dus byas zhes pa don med do zhe na/ don med pa ma yin te de ni rkyen gcig gis skyed pa 'ga' yang med do zhes bstan pa'i phyir de ltar bshad do/ /byas pa zhes brjod na ni gzugs la sogs pa rkyen gcig gis skyed pa nyid ma bkag par 'gyur ro/ /'dus byas kyi sgra'i don bstan pa'i phyir rkyen rnams 'dus shing phrad nas byas pas na 'dus byas zhes gsungs te/ 'dus shing zhes bya ba ni tshogs shing zhes bya ba ste 'bras bu bskyed pa la phan tshun rjes su mthun par gyur nas zhes bya ba'i tha tshig go/ /'dir snga ma ni bstan pa'i tshig yin la phyi ma ni bshad pa'i tshig yin te snga ma kho na'i rnam grangs yin pa'i phyir ro/ /'dus shing zhes bya ba 'dis ni dus tha dad pa rnams 'bras bu rjes su mthun pa'i phyir 'dus par ston te/ dper na yid rnam par shes pa la 'das pa'i yid dang ma 'ongs pa'i chos rnams lta bu'o/ /phrad nas zhes bya ba 'dis ni dus tha mi dad pa rnams te/ dper na mig gi rnam par shes pa la mig dang gzugs dag dang / myu gu la sa dang chu dang sa bon rnams bzhin no zhes kha cig go/ /yang gzhan dag na re 'dus shing zhes bya ba ni bar chad med par skye bar byed pa sa dang chu dang sa bon bzhin no/ / phrad nas zhes bya ba mig dang gzugs dus gcig tu gyur pa bzhin no zhes zer ro/ /gzhan dag na re snga mas ni phan tshun phrad pa ston la/ phyi mas ni rkyen thams cad kyi bya ba ston to/ /bshad pa snga mar res 'ga' gcig gis kyang byas so snyam du dogs par 'gyur bas de'i phyir phrad nas zhes bya ba smos so zhes gzhan dag go/ /bshad pa 'di dag la dang po gnyis ni phrad nas zhes bya ba 'di'i don ma yin te bya ba thams cad la rjes su mthun pa'i khyad par med pa'i phyir ro/ /phyi ma gnyis ni rkyen gcig gis skyed pa ni 'ga' yang med do zhes pa dang 'brel med pa nyid do/ /ji skad du/ bzhi yis sems dang sems byung rnams/ /gsum gyis snyoms par 'jug pa gnyis/ /gzhan ni gnyis po dag las skyes/ /dbang phyug sogs min rim sogs phyir/ /zhes so/ /byung ba'i gyur pa'i dus la rkyen k+t+wA bsgrub pa'i phyir/ ma byas pa nyid dang byed par 'gyur ba skye ba'i chos can rnams 'dus byas nyid do/ /ci ltar brjod ce na de'i phyir/ de dang rigs mthun pa'i phyir ma 'ongs pa dag la yang mi 'gal te 'o ma bzhin no zhes gsungs te/ dper na de dang rigs mthun pa'i phyir 'jo bar 'gyur ba dang 'jo bar 'gyur ba ma yin pa dag la yang 'o ma zhes brjod pa de bzhin du ma 'ongs pa skye ba'i chos can dang skye ba'i chos can ma yin pa dag la yang 'dus byas zhes brjod par bya ste/ skye ba la sogs pa mtshan nyid dang ldan pas 'dus ma byas rnam par gcad pa'i sgo nas rang gi mtshan nyid 'dra ba'i phyir dang de dang rigs mthun pa'i phyir ro/ /bcom ldan 'das kyis dus la sogs pa rnams kyang bstan la/ 'dus byas dang 'dus ma byas ma gtogs pa'i chos gzhan dag kyang med na de ci/ dus la sogs pa rnams 'dus byas sam 'on te 'dus ma byas yin zhe na/ de'i phyir de dag nyid dus gtam gzhi dang / /nges par 'byung bcas gzhi dang bcas/ /zhes bya ba gsungs te/ yang na 'dus byas kyi chos rnams kyi ming rab las grags pa 'chad par byed pa'o/ /kun tu rmongs pa med par bya ba'i phyir de dag nyid dus zhes bya ba la sogs pa ste/ de dag nyid ni gzugs la sogs pa'i phung po rnams so/ /skye ba dang 'jig pa'i chos can gyi phyir song ba dang 'gro ba dang 'gro bar 'gyur ba'i ngo bo yin pa'i phyir dus rnams te gzugs la sogs pa'i phung po las tha dad pa'i dus yod pa ma yin no zhes ston par byed do/ /ngo bo'i sgra ni re re la yang sbyar bar bya'o/ /gal te 'jig rten na bgrod par bya ba la lam gyi sgra rab tu grags pa ma yin nam/ ji ltar byed pa po la lam gyi sgra bye brag tu bshad ce na/ 'jig rten na byed pa po la yang lam gyi sgra mthong ste lam 'di ni grong che ge mo zhig tu song ba dang 'gro bar 'gyur ro zhes zer ba lta bu ste/ de'i phyir byed pa po la lam gyi sgra bstan du rung ngo / /mi rtag pa nyid kyis za ba'i phyir dus rnams so zhes pa ci zhe na/ nges pa'i tshig gi tshul gyis te/ za zhing 'cha' la 'jig ces bya ba'i tha tshig go/ /rig pa ni re zhig gang skye ba'i chos can dang da ltar byung ba de rang gi ngang gis 'jig ste mi rtag pa nyid kyis so zhes pa la gang ni 'das pa dang mi skye ba'i chos can no/ /de ji ltar zhe na skyon med de de yang de'i rigs can yin pa'i phyir rma bya bzhin zhes so/ /gtam ni ngag go zhes bya ba la sogs pa la de'i ni gtam gyi'o/ /gzhi ni yul lam rten te/ ngag ni ming la 'jug la/ ming ni don rjod par byed do zhes 'chad par 'gyur ba'i phyir ro/ /gal te ming gtam gyi gzhi yin na gzugs la sogs pa'i phung po rnams gtam gyi gzhi ma yin te/ ming ni 'du byed kyi phung po'i phyogs gcig po'i phyir ro zhe na/ de'i phyir don dang bcas pa'i gzhi smos pa'i phyir na zhes bya ba gsungs so/ /yang ci ltar gtam gyi gzhi zhes bshad pa la don dang bcas pa'i zhes smos pa ni/ yul la yul can bzhin du btags pa ste/ dper na bstan bcos kyi yul yi ger bris pa la bstan bcos zhes pa bzhin no/ /yang ci ltar ming dang bcas pa'i gzhi smos pa zhes bya ba 'di shes par bya zhe na/ de'i phyir bshad pa rab tu byed pa'i gzhung gtam gyi gzhi rnams ni khams bco brgyad kyis bsdus so zhes bya ba dang 'gal bar 'gyur ro/ /ji ltar na gzhan du ma yin zhe na/ gal te ming gi gzhi don dang bcas pa la smos na ni/ ming ni chos kyi khams kyi phyogs gcig gis bsdus pa'i phyir/ ji ltar gtam gyi gzhi rnams khams bco brgyad kyis bsdus par 'gyur/ de ltar don dang bcas pa'i gtam gyi gzhi gzung bar bya'o/ /ci ltar yang mi ldan pa'i ming la don yod par 'gyur zhe na/ ngag ni ming la 'jug pa'i phyir la/ ming ni don rjod par byed pa'i phyir ro/ /gzhan dag na re/ 'di rjod par byed pas na gtam ste/ ngag tu rjod par byed pas so/ /gtam zhes bya ba la gtam de dag gi gzhi'i ming gi don yang ji ltar rigs pa nyid do/ /gtam gyi gzhi'i sgra ni ming dang don dag smos pa dang don dang bcas pa'i gtam gyi gzhi smos pas rab tu byed pa'i gzhung dang mi 'gal lo/ /mdo sde pa rnams ni ming dag gi yul can yin pa'i phyir don dang bcas pa'i gzhi smos pa med par yang gtam gyi gzhi gzhan rnams kyang khams bco brgyad kyis bsdus par rung ngo zhes so/ /gal te don dang bcas pa dang gtam gyi gzhi bzung na ma bsdus pa de la yang gtam gyi gzhi'i ming yod pas ci ltar yang 'dir 'dus ma byas bsal zhe na/ mdo las dus su gtogs pa kho na gtam gyi gzhi nyid du bstan te/ dge slong dag gsum po 'di dag ni gtam gyi gzhi yin te bzhi pa dang lnga pa ni ma yin no/ /gang dag tu gtogs par mthong ba yang don las brtsams te gtam du gyur pa dang gtam du 'gyur ba dang gtam du byed pa lta bu'i thos pa dang 'dod pa dang rnam par shes pa yang don las brtsams te gtam dang gtam du 'gyur ba dang gtam du byed pa gang zhe na/ 'das pa ni gtam gyi gzhi'o/ /ma 'ongs pa ni gtam gyi gzhi'o/ /da ltar byung ba ni gtam gyi gzhi'o zhes gsungs so/ /gal te 'dus ma byas pa las kyang brtsams te gtam du 'gyur ba ma yin nam/ ci'i phyir de gtam gyi gzhi yin pa nyid mdo las bkag ce na/ ming de don dang lhan cig rigs pas gtam gyi gzhi ni don dang bcas pa'i ming ngo zhes bshad do/ de'i phyir ming gang zhig don dang lhan cig brjod par nus pa de gtam gyi gzhi yin na/ ming dus su gtogs pa dang 'dus ma byas su gtogs pa ni lhan cig go zhes bya bar mi rung bas de'i phyir 'dus ma byas ni gtam gyi gzhi ma yin no zhes slob dpon 'dus bzang zer ro/ /gal te 'di de ltar gyur na tha dad med pa'i don can kho na don du 'gyur gyi ming du ma yin no/ /gzhan yang ming de ltar byung ba dang don 'das pa dang ma 'ongs pa dag dang dngos po 'das pa yang da ltar byung ba dang ma 'ongs pa dag dang / ma 'ongs pa yang da ltar byung ba dang 'das pa dag dang lhan cig go zhes mi nus pas 'dus byas kyang gtam gyi gzhi ma yin par 'gyur ro/ /gzhan dag na re gang na ngag dang ming dang don gsum yod pa de gtam gyi gzhi yin na/ 'dus ma byas ni don kho na yin gyi ngag dang ming ma yin pas de gtam gyi gzhi ma yin no zhes zer ro/ /de la yang mtha' dag gtam gyi gzhi nyid ces bya bar thob pa ni bya ba ste dus ma yin pas de la 'ga' zhig gis brjod par bya ste/ dus gnas pa la 'di bstan pa yod kyang bzhi pa dang lnga pa kho na las ma yin lnga pa ma yin zhes gsungs pas na 'di bsam par bya'o/ /saM skr-i te nai pa 'dus ma byas su btags pa sems can dang 'gal ba 'gag pa skyed pa la gtan du bgegs byed pa mi sgrib pa nam mkha' zhes pas/ 'dus byas kho na gtam gyi gzhi yin gyi cig shos ma yin pa'i sgo nas mngon par 'dod pa'i phyir ro zhes gzhan dag go/ /gang nges par 'dus byas a nu b+hU ta ma nu b+hUM ta dzA tI yaM bA tan+nAm+nA nu b+hA bA kA ra bya ti re ke Na byo t+yan+ta du pA shra ye Nai pa sA Ti ko na tai ba la saM skr-i ta ma nu b+hU ta ma nu b+hU ta thA tI yaM bA gtam gyi spros pa la mngon par dga' ba'i 'chad pa po rnams kyis nyan pa po rnams la ming gis ston par byed pas de gtam gyi gzhi ni ma yin no/ /gang gi phyir mngon du byas pa'i 'dus byas dang 'dus ma byas rnams la yang de'i yul shes pa las byung ba'i ming rjes su gzhag pa'i phyir rgyu'i yul ma yin pa'i phyir rgyu ma yin par 'dod do/ /e paM tar+h+ya saM skr-i ta s+ye yan+nA mnA ya teta ta pra yo dza na me ba da b+ha ba t+ya pra yo dza naM saM skr-i ta bya bats+tshe dan ta da pa kalpa mA no pA yi twA di ti/ slob dpon 'phags pa'i 'bangs 'dus byas la ni so sor sbyor ba rnam par gcod pa'i rnam pa nyid kyis ming 'jug go zhes 'di sems so/ /mdo sde pa rnams ni ming tsam nyid kyi phyir 'dus ma byas gtam gyi gzhi ma yin te gang zag bzhin no/ /de ltar na 'o na 'das pa dang ma 'ongs pa dag la yang thal bar 'gyur te/ de dag kyang ming tsam nyid kyi phyir ro zhe na/ thal bar 'gyur ba med de byung ba nyid dang 'byung bar 'gyur ba nyid la der tha snyad pa'i phyir ro/ /de bzhin du yang yod pa nyid ma yin no/ /gzhan dag ni de ltar bzhi po de gtam du bya ba ma yin no zhes so/ /gdon mi za bar 'byung ba'i nges par 'byung ba ste zhes bya ba la 'byung bar byed pas ni 'byung ba ste 'gro zhes bya ba ni 'chag go/ /gor ma chags par 'byung ba ni nges par 'byung ba'o/ /de yang phung po lhag ma med pa'i mya ngan las 'das pa'i dbyings te/ der song ba la slar 'ongs pa med pa'i phyir ro/ /de nyid kyi phyir 'dus byas thams cad kyi mya ngan las 'das pa'o zhes bya ba smos te/ lam yang gzings dang 'dra ba nyid kyis spang bar bya bar bshad de/ de'i phyir 'dus byas thams cad kyi zhes bya ba smos so/ /phung po lhag ma dang bcas pa'i mya ngan las 'das pa ni 'dus byas thams cad kyi ma yin pas de 'dir mi 'dod do/ /'dir mu bzhi dang 'gal ba yod pa ma yin te/ thob pa la mu bzhi brjod pa'i phyir/ phung po lhag ma med pa la thob pa med pa'i phyir ro/ /de 'di dag la yod pas nges par 'byung ba dang bcas pa dag ste nor dang bcas pa bzhin no/ /yang gzhan dag na re/ slar yang nyid ces pas 'dus byas rnams nges par gzung ste/ nges par 'byung ba bcas pa kho na zhes pa ma yin gyi/ de lam gyi yang mtshan nyid yin pa'i phyir ro/ /de ltar nges par 'byung bcas zhes pa ni 'dus byas kyi chos thams cad kyi rnam grangs so/ /s+yA di Sh+ya ta i be ti tsi ta yuk+ta mi Sh+ya te/ gang dag zag pa dang bcas pa zhes khyad par byas pa don med par thal ba las/ der yang 'dus byas nyid kho na nges par gzung bar 'dod pas nye bar len pa'i phung po 'dus byas nyid do/ /'byung bar byed pa ni sdug bsngal dang kun 'byung dag las kyang zhes rgya cher 'byung ngo / /slob dpon 'phags pa'i 'bangs ni 'dir mya ngan las 'das pa mar me shi ba lta bur 'jug par nye bar zhi ba ste/ de yang so sor brtags pa ma yin pa'i 'gog pa dang rtag pa nyid kyi 'gog pa dang mi skye ba'i chos can rnams yin gyi so sor brtags pa ni pa yin no zhes zer ro/ /mi rtag pa nyid de ni mi rtag pa nyid kyi 'gog pa ste gzhan ma yin no/ /de yang 'dus byas te rtag pa dang rjes su 'brel pa ni nges par 'byung bcas su mi rung ngo / /so sor brtags pa ma yin pas 'gog pa ni 'dus byas thams cad kyi ma yin no zhes pa bsam par byed do/ /rgyu dang bcas pa'i phyir gzhi dang bcas pa dag ste zhes bya ba la de'i las kyis gnas pas ni gzhi ste rgyu'o/ /kun nas 'gebs par byed ces bya ba'i tha tshig go/ /rgyu dang 'bras bu dag ni snga ma dang phyi ma yin pa'i phyir dang phra ba dang rags pa yin pa'i phyir 'dir gnas par byed pa'o/ /las zhes bya ba ni gzhi gnas par byed pa'am de las skye ba'o/ /rgyu de gang dag la sogs pa de ni rgyu dang bcas pa dag go/ /gsung rab las don mang po la gzhi'i sgra mthong ba'i phyir rgyu dang bcas pa'i phyir zhes khyad par du byas so/ /'di ni rgyu'i tshig yin no/ /lo zhes bya ba la lo'i sgra ni 'dir gzhi'i sgra rang bzhin gyi tshig yin gyi rgyu'i tshig ma yin no zhes shes par bya ba'i phyir ro/ /gzhan du yang mtshungs pa ma yin nam/ gsung rab las ni don lnga la gzhi'i sgra mthong ste/ rang bzhin dang / yul dang ldan pa dang / rgyu dang yongs su 'dzin pa la'o/ /de la rang bzhin la ni ji skad du gnas brtan kun dga' bos/ btsun pa bdag gis dge slong gsar bu gsar bu 'di dag la ji ltar gdams par bgyi/ ji ltar rjes su bstan par bgyi/ ji ltar 'di dag la chos bstan par bgyi zhes gsol ba dang / kun dga' bo khyod kyis 'dir dge slong gsar bu gsar bu ba dag gzhi 'dzin du chug cig /gzhi klog tu chug cig ces bya ba lta bu ste/ 'dir ni rang bzhin yin no zhes bya bar khong du chud do/ /gzhi ji ltar thob pa dang ldan pa de ni gzhi'i rang bzhin yin no zhes rtogs par byed do/ /shes bya'i chos rnams gang zhe na/ bshad pa/ chos thams cad dngos po ji lta ba bzhin du shes pas shes par bya ba yin no zhes bya ba ni yul ji lta ba bzhin du shes par rtogs so/ /gzhi gang la rjes su chags pa'i kun tu sbyor ba dang ldan pa'i gzhi de la khong khro ba'i kun tu sbyor ba yang ldan no zhes bya ba ni ldan pa'o zhes bya bar khong du chud do/ /gzhi dang bcas pa'i chos rnams gang zhe na/ 'dus byas kyi chos thams cad do zhes bya bas ni rgyu dang bcas pa'o zhes bya bar rtogs so/ /ji ltar dngos po gang zhig mngon par shes pa dang yongs su shes pa'i dngos po de la brten nas de ltar dge slong nye bar zhi ba ni gzhi chad pa skye ba'i 'khor ba zad pa de ni yang srid med pa'o zhes bya bas rgyu chad pa'o zhes rtogs so/ /zhing gi gzhi dang khyim gyi gzhi dang tshong khang gi gzhi dang nor gyi gzhi dang yongs su gzung ba spangs te zhes bya bas ni yongs su 'dzin pa zhes rtogs te/ de'i phyir de ltar gzhi'i sgra don du ma can yin pa dang / 'dir rang bzhin gyi don zhes ji ltar rtogs she na/ de ni cig shos la yang mtshungs so/ /yang gzhi med pa'i chos rnams gang zhe na/ 'dus ma byas kyi chos rnams so zhes bshad pa la/ de rnams kyang rang bzhin med pa nyid kyi phyir/ gzhi'i sgra ni rang bzhin brjod pa'o zhes shes par bya'o/ /yang rang bzhin dang dmigs pa dang ldan pa dang rgyu yongs su 'dzin pa rnams la yang thams cad du gzhi'i sgra ni rang bzhin gyi tshig nyid do/ /de ltar de dag ni 'dus byas kyi chos kyi rnam grangs dag yin te/ brjod par bya ba'i dngos po mtshungs pa'i phyir ro/ /gzhan du na 'dus byas ji srid pa gzhi dang bcas pa'o/ /ji skad du 'grel par/ yang 'dus byas de dag nyid gang dag zag bcas nyer len pa'i/ phung po'ang de dag ces 'byung ba la gal te/ lam ma gtogs pa 'dus byas rnams/ /zag bcas zhes zag pa dang bcas pa rnams kyis bshad pa sngar nyid du byas zin pa ma yin nam zhe na/ 'di ni bden mod kyi/ 'dir ni de dag kho na'i ming gi nges pa gzhan dag bstan pa'i phyir te/ 'dus byas thams cad phung po zhes bya bar bshad na/ zag pa dang bcas pa'i phung po zhes bya ba gang yin pa de ni nye bar len pa'i phung po zhes bya ba dang / zag pa med pa'i phung po zhes bya ba nyid kyang yin no/ /zhes 'di la don gyis rtogs pas ming nges par bya ba'i phyir du 'di brtsams pa'o/ /'dis ci zhig 'grub par 'gyur zhe na/ nye bar len pa'i phung po gang dag yin pa de dag ni phung po yang yin te/ gzugs la sogs pa'i dngos po la spungs pa'i don bye brag med pa'i phyir ro/ /phung po dag kho na yin pa nye bar len pa'i phung po ma yin pa dag kyang yod de zag pa med pa'i phung po rnams so/ /de dag ni nye bar len pa dag las byung ba ma yin la/ nye bar len pa dag la rag lus pa yang ma yin zhing / de dag las nye bar len pa rnams 'byung ba yang ma yin no/ /'dod chags la sogs pa'i nye bar len pa rnams kho na la nyon mongs pa'i ming gis btags te/ de dag gis srid pa gsum du skye ba 'dzin pa'i phyir ram/ yang srid 'phen par byed pa'i las nye bar len pa'i phyir ro/ /de dag las byung ba'i phyir na nye bar len pa'i phung po dag go/ /gal te re zhig de dag gi rgyu mthun pa dang rnam par smin pa'i 'bras bu yin pa'i phyir gang nyon mongs pa can dang rigs gcig pa dang / lung du ma bstan pa kha cig dag ni nye bar len pa las byung bar rigs mod kyi/ 'on kyang dge ba zag pa dang bcas pa dang rigs gcig pa dang lung du ma bstan pa kha cig nye bar len pa las byung bar ci ltar brjod ce na/ bsod nams dang bsod nams ma yin pa dang mi g.yo ba'i 'du byed rnams ni ma rig pa'i rkyen can nyid yin pa'i phyir dang / zag pa dang bcas pa nyon mongs pa can ma yin pa rnams de'i rnam par smin pa dang skyes bu byed pa dang bdag po'i 'bras bu yin pa'i phyir ro/ /bsod nams kyi 'du byed srid pa'i longs spyod kyi bye brag tha dad pa don du gnyer ba dang mthun pa don du gnyer ba a ba dA ne h+ya rnams kyang de'i sa dang nges par 'byung ba dang lta ba kun nas slong ba dang ldan pa de dang lhan cig tu 'byung ba ma rig pa kun nas slong ba'i rgyu zhes bya'o/ /yang na nye bar len pa ni phung po rnam pa'o/ /ji ltar nye bar len pa yin zhe na/ nye bar len pa la rag las pa'i phyir rgyal po'i skyes bu bzhin no/ /nye bar len pa'i dbang gis dmigs pa dang 'gro ba gzhan dag tu gzhol ba'i phyir te 'jug pa'i phyir ro zhes bya ba'i don to/ /dgra bcom pa dag gi phung po rnams kyang nyon mongs pas zin pa'i gnod pa'i dbang gis gzugs kyi phung po rnam par 'gyur ba'i phyir dang de dag dang rjes su mthun pa'i sems dang sems las byung ba skye ba'i phyir nye bar len pa la rag las pa yin no/ /yang na de dag la nye bar len pa rnams 'byung ba nye bar len pa'i phung po rnams so/ /dgra bcom pa'i rgyud kyi zag pa dang bcas pa dag las kyang rgyud gzhan gyi nye bar len pa rnams 'byung ste dmigs pa'i sgo nas rgyas par 'gyur ba'i phyir ro/ /gzhan dag ni yang nye bar blangs pas nye bar len pa ste/ tshe dang ldan pa kun dga' bo nye bar blangs pa med na nga'o snyam pa mi 'gyur ro zhes te/ de rnams gzhan nye bar len pa yang yin la phung po yid yin pas nye bar len pa'i phung po zhes bya ba las 'dzin pa'i bsdu ba'o/ /zag pa med pa la ni nga'o snyam pa'i phyir ro/ /'thab pa ni nyon mongs pa'o zhes bya ba la/ 'thab pas na 'thab pa ste de nyid kyi phyir brtag pa'i rgyu mtshan bstan pa'i phyir/ bdag dang gzhan la gnod pa'i phyir ro zhes gsungs te/ 'jig rten na yang gang du bdag dang gzhan la gnod pa de ni 'thab pa ste g.yul zhes brjod la/ nyon mongs pa yang 'byung ba na bdag dang gzhan la gnod par byed de/ mdo las de'i 'dod pa'i 'dod chags skyes na bdag la gnod pa'i phyir gnas so/ /gzhan la gnod pa dang gnyi ga la gnod pa'i phyir gnas so zhes gsungs pa'i phyir ro/ /gzhan dag na re dag pa'i phyogs 'khrug par byed pa'i phyir 'thab pa zhes zer ro/ /'thab pa dang lhan cig pa yin pas 'thab bcas te/ 'dir yang lhan cig pa'i don to/ /de'i phyir de dag gis rgyas par byas pa nyid kyi phyir te/ dmigs pa dang mtshungs par ldan pa dang rten pa rnams ni zag pa dang bcas pa bzhin no zhes bshad do/ /de ltar zag pa dang bcas pa zhes pa 'di dang don la khyad par yod pa ma yin yang / 'di dang lhan cig tu gyur na 'thab pa 'byung ba nyid kyis 'thab pa dang lhan cig pas 'thab bcas so zhes slob dpon 'dus bzang zer ro/ /de la nyon mongs pa can kho na 'thab bcas su 'gyur ro zhe na nyes pa 'di med de/ zag pa dang bcas pa nyid 'thab bcas so zhes nges par gzung ba'i phyir ro/ /yang na zag pa dang bcas pa dang / 'thab pa dang bcas pa dang / zad yid dang bcas pa dang / dri ma dang bcas pa dang / zug rngu dang bcas dang / bgegs dang bcas pa zhes gsung rab las rnam grangs kyis gsungs pa'i don gyi 'jug pa bstan par bya ba'i phyir 'thab bcas zhes bshad do/ /zag pa dang bcas pa'i chos de dag nyid gsung rab las ming gzhan dag gis kyang tha snyad 'dogs te/ sdug bsngal kun 'byung 'jig rten dang / /lha gnas srid pa'ang de dag yin/ /zhes bya ste/ 'phags pa rnams dang mi mthun pa'i phyir zhes bya ba la/ 'phags pa smos pa ni bde ba dang bde ba yang ma yin sdug bsngal yang ma yin pa tshogs dang bcas pa dag ni 'phags pa ma yin pa rnams dang mi mthun pa ma yin pa'i phyir te/ 'du byed kyi sdug bsngal nyid kyis zag pa dang bcas pa thams cad yid 'byung ba'i gnas yin pa'i phyir 'phags pa rnams dang mi mthun par 'gyur ro/ /sdug bsngal thams cad kyi gnas su gyur pa'i phyir sdug bsngal lo zhes slob dpon 'dus bzang zer ro/ /sdug bsngal gyi gnas su gyur pa dang de'i rgyur gyur pa'i phyir sdug bsngal dang kun 'byung ba'i bden pa'i rnam pa dag yin gyi gzhan ni ma yin no/ /'di khyad par med par thal bar 'gyur zhes sems pa'o/ /ci ste sdug bsngal gyi gnas su gyur pa'i phyir 'phags pa rnams dang mi mthun pa'i phyir dang sdug bsngal dang gnod pa'i gnas su gyur pa'i phyir/ kun 'byung ba'i bden pa mngon par rtogs pa las mi mthun par 'gyur gyi bden pa mngon par rtogs pa las ni ma yin no/ /sdug bsngal gyi bden pa mngon par rtogs pa las ni 'du byed sdug bsngal ba nyid kyis mi mthun par 'gyur gyi/ thams cad sdug bsngal gyi gnas su gyur pa las ma yin no/ /'du byed sdug bsngal gyi dbang du mdzad de/ bcom ldan 'das kyis mdor na nye bar len pa'i phung po lnga sdug bsngal lo zhes gsungs pa'i sdug bsngal ni 'dun pa'i 'dod chags kyi gzhi'o/ /lam gyi bden pa ni 'du byed kyi sdug bsngal nyid du yod pa ma yin te gnyen po yin pa'i phyir ro/ /'phags pa rnams dang mi mthun pa yod pa yang gang du sems can la gang gis gnod par byed pa de nyid sun 'byin pa yin pas 'du byed kyi sdug bsngal nyid do/ /lam la thal bar 'gyur ba yod pa ma yin no/ /'di las sdug bsngal kun 'byung bas zhes bya ba ni 'di las sdug bsngal skye zhes bya ba'i don gang yin pa ste dngos po rigs mthun pa'i rgyu yin pa'i phyir ro/ /lam la yang kun 'byung nyid thal bar 'gyur ro zhe na ma yin te/ sdug bsngal la skyo bar gyur pa rnams 'di'i kun 'byung ba gang yin zhes de'i rgyu yongs su rtogs pa la 'jug pa'i phyir sdug bsngal gyi rgyu kho na kun 'byung yin gyi lam gyi rgyu ni ma yin no/ /'di ltar 'ga' yang lam la skyo ba de'i rgyu yongs su rtogs par mi byed do/ /lam gyis ni mya ngan las 'das pa thob pa'i rgyu de'i rgyu yongs su brtag pa'i phyir lam thams cad dngos po rigs mthun pa'i rgyu ma yin pas de'i rgyu la kun 'byung ba'i rgyu nyid du thal ba med do/ /'jig pas na 'jig rten zhes pa la 'gog pa'i phyir gnyen po nyid do/ /'jig pa lam la thal bar 'gyur ba med do/ /gzhan dag na re mi rtag pa nyid kyis 'jig go zhes zer ro/ / de ltar na lam la yang thal bar 'gyur ro/ /gang du 'jig rten gyi sgra 'di gting tshugs pa de nyid du 'di'i nges pa'i tshig byang bas lam la thal ba med do/ /'di la lta ba ni 'jig tshogs la lta ba la sogs pa rnam pa lnga rnams so/ /rgyas par 'gyur ba'i sgo nas gnas pas na zhes pa la/ gal te zag pa dang bcas pa'i dngos po la nyon mongs pa thams cad rgyas par 'gyur ba dang zag pa dang nye bar len pa dang 'thab pa zhes bshad pa'i phyir dang lta ba rnams kyang 'dod chags la sogs pa bzhin no/ /zhes sngar nyid du bstan pa ma yin nam zhe na 'di ni bden mod kyi de lta na yang zag pa dang bcas pa'i dngos po thams cad kyi tshe rnam grangs med par ni lta ba rnams kyi gnas g.yo ba med pa yin te brtan par 'dzin pa'i phyir ro/ /de'i phyir zag pa dang bcas pa'i dngos po ni de kho na'i gnas yin gyi/ de ltar 'dod chags la sogs pa dang ma rig pa dang the tshom rnams kyi ni ma yin no/ /rang gi mtshan nyid kyi nyon mongs pa yin pa'i phyir 'dod chags la sogs pa ni thams cad ma yin la thams cad kyi tshe yang ma yin no/ /ma rig ni thams cad kyi tshe yin gyi rnam grangs med par ni ma yin te/ 'dod chags la sogs pa dang mtshungs par ldan pa thams cad 'dod chags la sogs pa bzhin du rtog pa'i phyir ro/ /the tshom la ni thams cad yod mod kyi brtan par 'dzin pa ni ma yin no/ /de'i phyir de ni de dag gi gnas su mi brjod do/ /'byung bas na srid pa ste zhes pa ni gang zhig kun 'byung ba las byung ba de la mngon par 'dod do/ /de lta na lam la yang thal ba med do/ /yang na srid pa'i sgra 'di ni nye bar len pa'i phung po lnga la mtshams bcad pas de dag nyid la nges par brjod de/ mdo las srid pa gang zhe na nye bar len pa'i phung po lnga'o zhes gsungs pa'i phyir ro/ /yang na zag pa dang bcas pa'i chos kyi 'jug pa 'byung bas na srid pa zhes brjod do/ /gzhan dag ni 'di las 'byung ba dang 'di la 'byung bas na sred pa'o zhes zer ro/ /'ang gi sgra ni zang zing dang bcas pa la sogs pa'i rnam grangs nye bar bsdu ba'i don to/ /de ltar na 'di dag ni zag pa dang bcas pa'i zhes bya ba rgyas par 'byung ba la/ nye bar len pa'i phung po zhes bya ba nas srid pa zhes bya ba'i bar 'di dag ni zag pa dang bcas pa'i rnam grangs don ji lta bar bshad pa'i nye bar len pa'i phung po la sogs pa'i don gyi rjes su 'gro ba don dang 'dra ba don dang mthun pa'i zag pa dang bcas pa'i rnam grangs yin no/ /gzugs la sogs pa phung po lnga zhes smras pa de la zhes bya ba la smras pa'i tshig ni gzugs la sogs pa phung po rnams kyi dbang du byas pa la rab tu bstan par bya ba'i don to/ /gzugs ni dbang po lnga dang don/ /lnga dang rnam rig byed min nyid/ /ces bya ba la gzugs smos pas ni skabs kyi phung po'i gzugs gzung bar rig par bya'i skye mched kyi gzugs ni ma yin no/ /gnyi gar grangs bstan pa ni dbang po rnams dang yul rnams mang ba'i phyir ro/ /thams cad gzugs kyi bdag nyid du khas blangs pa'i phyir dang yul can dang yul gyi sgo nas gzugs kyi phung po bstan pa'i phyir mig la sogs pa dag dang gzugs la sogs pa dag la mngon par 'dod do zhes shes par bya'o/ /rnam par rig byed ma yin pa ni chos kyi skye mched kyis bsdus pa'i phyir don lnga'i khong gsum 'dus pas dbang po lnga'i yul ma yin pa'i phyir logs shig tu bstan to/ /nyid kyi sgra ni nges par gzung ba'i don te rnam par rig byed ma yin pa kho na'i zhes de las gzhan pa chos kyi skye mched kyis bsdus pa'i gzugs mdo sde pa la sogs pas kun btags pa rnam par gcad par bya ba'i phyir ro/ /dang gi sgra ni bsdu ba'i don to/ / mig la sogs pa dag gang dag gi rnam par shes pa dag gis rtogs pas na don te khong du chud ces bya ba'i don to/ /'dir gzugs kyi phung po ni skye mched bcu dang gcig gi phyogs gcig yin no zhes bstan pa yin te/ ci ste 'di dag gi mtshan nyid ci zhig ce na/ de'i phyir/ de dag rnams kyi rnam shes rten/ /mig la sogs gzugs dang ba rnams/ /zhes bya ba gsungs te/ de zhes pa'i sgra ni bar du ma chod pa'i phyir 'jig rten la grags pa khas blangs te gzugs la sogs pa'i don rnams dang sbyar bar bya'o/ /'jig rten na ni gzugs kyi blo sgra'i blo zhes yul gyi sgo nas rnam par shes pa ston gyi/ rnam par shes pa'i sgo nas ma yin no/ /rnam par shes pa de dag gi rten ni de dag rnams kyi rnam shes te/ ji skad du/ de dag gyur pas gyur nyid phyir/ /rten ni mig la sogs pa yin/ /zhes bshad pa lta bu'o/ /gzugs dang ba'i bdag nyid lnga po zhes bya ba ni gzugs kyi rang bzhin can no/ /dbang po las 'das pa'i don rtogs pa ni lung ngam rigs pa las 'gyur la/ yid ches pa ma yin pa rnams kyi tshig tsam la ni gus par bya ba yang ma yin pas/ mig la sogs gzugs dang ba rnams zhes bya ba 'di la lung ston pa ni/ bcom ldan 'das kyis ji skad du zhes rgya cher 'byung ba de la dang ba'i don ni 'di yin te/ dper na me long dang ba'am chu'i snod du gzugs la brten nas de'i snang ba gzugs brnyan 'byung ba de bzhin nas gzugs kyi bdag nyid dang ba lnga po la yang gzugs la sogs pa dag la brten de'i snang ba'i rnam rig 'byung ngo / /'dir gzugs dang ba'i bdag nyid du khyad par med pa'i phyir dang / rten gyi dngos por khyad par med pa'i phyir na mig la sogs pa rnams phan tshun dang yid las rnam par gcad par bya dgos te/ de'i phyir de dag rnams kyi rnam par shes pa'i rten dang gzugs dang ba zhes bya ba gnyi ga brjod do/ /de la de dag rnams kyi rnam par shes pa'i rten nyid kyis ni mig la sogs pa rnams phan tshun las rnam par gcod de/ gzugs kyi rnam par shes pa'i rten mig kho na yin gyi rna ba la sogs pa rnams ma yin no/ /de bzhin du ji srid reg bya'i rnam par shes pa'i rten ni lus kho na yin gyi mig la sogs pa rnams ma yin no zhes bya ba'i bar ro/ /gal te de ltar na/ lnga rnams kyi/ /de dang lhan cig skyes pa'ang yin/ /zhes gsungs pa'i phyir yod kyang mig la sogs pa nyid du thal bar 'gyur te/ de yang de'i rten yin pa'i phyir ro zhe na/ de'i phyir gzugs dang ba zhes brjod do/ /de dag gi rnam par shes pa'i rten gzugs dang ba'i bdag nyid can gang dag yin pa de dag ni mig la sogs pa rnams kho na yin gyi/ yid ma yin no zhes shes par byas par 'gyur ro/ / 'o na gzugs smos kyi don ma yin pa ci zhe na/ de dag gi rnam par shes pa'i rten dang ba mig la sogs pa rnams zhes bya ba 'dis grub pa'i phyir ro/ /gzugs can nam gzugs can ma yin pa de dag gi rnam par shes pa'i rten dang ba las gzhan yod pa ma yin no/ /gang khyad par gyi don gzugs su gsungs pa don dang bcas par 'gyur bar mdo las gsungs pa'i phyir ro/ /de ltar gal te mdo las mig la sogs pa'i rnam par shes pa'i rten gyi khyad par gyi tshig ma gsungs par bstan bcos kho nar klog par byed pa yin no/ /de la yang 'di gsungs pa'i phyir ro/ /de ltar 'o na the tshom med pa'i don du gzugs gsungs na 'bru mang po par rtogs pas mig la sogs pa zhes bya ba dang ba la thal bar 'gyur ro/ /gzugs gsungs pa'i phyir bsdu ba de ldog par nye bar bstan pa yin no/ /gang la mig la sogs pa'i rnam par shes pa'i rten nyid du rtog par 'gyur bas dang ba gzugs kyi rang bzhin ni med do/ /de ltar don dang bcas pa nyid gzugs su gsungs pa 'dis bstan bcos la gnod pa bshad do zhes slob dpon 'dus bzang zer ro/ /mdo las gang gsungs pa mig la sogs pa'i rnam par shes pa'i rten khyad par gyi tshig ma gsungs so/ /gzugs smos pa gnod pa med pa can no zhes pa de yang mi rigs te 'byung ba rgyur byas par gsungs pa'i phyir ro/ /gzugs smos pa don med pa can te gzugs can ma yin pa'i dang ba 'byung ba rgyur byas pa med do/ /de'i phyir mdo yang 'byung ba rgyur byas pa'i dang ba zhes brjod par bya'i gzugs dang ba zhes ni ma yin no/ /'dir 'bru mang po pa'i bsdu ba ldog pa'i phyir du gzugs smos pa rigs pa ma yin no/ /gzugs kyi phung po'i dbang du byas pa kho na gzugs kyi bdag nyid du grub kyi/ na tsa shrAt+ma kaHdang ba'i gzugs kyis bsdus pas na 'bru mang po par dogs pa yang med pa nyid do zhes 'di nyid sems so/ /mdo ni gdul bya'i bsam pa la ltos nas bcom ldan 'das kyis bstan pas na de la lci ba dang yang ba bsam par mi bya'o/ /slob dpon gyis kyang mdo las bstan pa dang mi 'gal ba de bzhin kho nar 'dir gzugs dang ba zhes gsungs so/ /de nyid kyi phyir bcom ldan 'das kyi gsung nye bar bstan pa'i phyir bcom ldan 'das kyis 'di skad du zhes bya ba la sogs pa gsungs so/ /yang na gang 'jig rten na kr-iSh+Na sA ra dang ut+pa la'i 'dab ma'i bdag nyid du gnas pa la mig ces brjod de/ de la mig gi rnam par shes pa brten no zhes bzlog ste brjod pa'i phyir kha dog dang dbyibs kyi mtshan nyid can gyi mig ma yin pa la yang mig gi rnam par shes pa'i rten gzugs dang ba zhes bya ste/ de bzhin du gzhan la yang brjod par bya'o/ /gzhan dag na re gzugs la sogs pa'i rnam par shes pa'i rten rnam pa gnyis te/ mig la sogs pa dang yong ngo / /dang ba ni rnam pa gsum ste dang ba'i dang ba dang / skye mched kyi gzugs dang ba dang / dbang po'i gzugs dang ba rnams so/ /de la de dag gi rnam par shes pa'i rten smos pa ni skye mched kyi gzugs dang ba las khyad par du byed do/ /gzugs smos pas ni dang ba'i bdag nyid las khyad par du byed do/ /dang ba smos pas ni yid las khyad par du byed do/ /gal te dad pa rnam par shes pa rnams kyi rten ma yin pa'i phyir de dag gi rnam par shes pa'i rten smos pa nyid kyis bsal ba ma yin nam zhe na/ gzugs smos pa don med pa can dang ba ni de ma thag pa'i rkyen du gyur pa not+pi so rnam par shes par 'dod pa de'i phyir yid bzhin du de ma thag pa'i rkyen du gyur pa rnam par shes pa'i rten yin no/ / gcig la yang tshogs dang lhan cig tu gyur pa mtshungs par ldan pa'i rgyur mngon par 'dul ba'i phyir rnam par shes pa'i rten dang ba'o zhes rung ba 'di ni de lta ma yin te bstan bcos dang 'gal ba'i phyir ro/ /bstan bcos su ni mig gi rnam par shes pa la sogs pa'i rten gsungs so/ /de lta na sems las byung ba rten yin pa'i phyir rten rnams kyang du mar thal lo zhe na/ rnam par shes pa ni rnam par shes pa gzhan dang lhan cig tu gyur pa yod pa ma yin gyi/ /rnam par shes pa snga ma 'gag pa dang rnam par shes pa phyi ma skye ba'i go skabs sbyin pa la rten zhes brjod de/ de ltar na sems las byung ba rnams sems dang lhan cig 'gag pa ni ma yin no/ /gang 'gag pa las rnam par shes pa skye ba'i go skabs zhes pa yid bzhin du de dag gi yang rten nyid du kun tu rtogs na 'di la nges pa med de gang zhig gang gi rgyu yin pa de de'i rten ma yin no zhes so/ /gzhan du 'byung ba rnams kyang 'byung ba'i rten nyid du 'thob ste 'di yang 'dod pa ma yin no/ /gsung rab las lhan cig byung ba nyid kyi phyir sems nyid sems las byung ba'i rten nyid bshad do/ /sems las byung ba rnams ni sems kyi rten ma yin no/ /gzhan du na sems dang sems byung ba'i rnam par gzhag pa 'chol bar 'gyur ro/ /yang na mig la sogs pa 'di dag smos pa gang dag yin pa zhes rgya cher 'byung ba de la mig la sogs pa rnams chod pa yin kyang shugs kyis de dag gi sgra dang 'brel ba ltar te/ shugs kyis gsung rab las kyang mig gi rnam par shes pa rna ba'i rnam par shes pa zhes dbang po dag gi rnam par shes pa ston pa'i phyir ro/ /de ltar na rnam par shes pa drug ma 'dres par bstan par 'gyur ro/ /yul dag gis ma yin te der mig la sogs pa'i rnam par shes pa dang yid kyi rnam par shes pa dbyer med pa'i phyir ro/ /de nyid kyi phyir de ltar bshad na rab tu byed pa'i gzhung dang yang mthun par 'gyur ro zhes so/ /'o na de ltar rten phan tshun yin pa'i phyir nus pa mi 'gyur ba yin nam zhe na/ mig gi rnam par shes pa'i rten gzugs dang ba'o/ /mig gi rnam par shes pa gang zhe na/ mig la brten nas gzugs so sor rnam par rig pa'o zhes 'di dag phan tshun rten ma yin par ches gzhan du rig par byas te des na de ni cig shos kyi shes byed do/ /slob dpon 'dus bzang na re/ rna ba'i dbang po dgag pa'i phyir tshig snga ma gzugs dang ba'i rang bzhin te/ gang gi phyir de mig gi rnam par shes pa'i rten gyi ngo bor med pa'i phyir ro/ /de la mig la sogs pa nyid du thal ba med do/ /phyi ma ni bar chad med par 'gag pa'i rten dgag pa'i phyir mig la sogs pa'i rnam par shes pa'i rten nyid la yang de'i gzugs dang ba'i rang bzhin med pas de la mig la sogs pa zhes bya bar thal ba med do/ /snga mas skal ba mnyam pa'i mig dang phyi mas de dang skal ba mnyam pa'o zhes zer ro/ /gong du bshad pa'i ngag gi khyad par gyis yid dgag pa ma yin par shes par bya zhing yul gyi gzugs dang ba zhes pa'i skyon yang med do/ /gal te de dang skal ba mnyam pa rnams la de'i rnam par shes pa'i rten nyid med pas so zhe na/ de ni de lta ma yin te nus pa'i shugs yongs su bzung bas bshad pa snga ma la ni gzugs smos pa don med pa can zhes bshad do/ /snga ma kho na'i gzugs dang ba'i mtshan nyid kyi khyad par la yang mig la sogs pa rnams phan tshun gyis tha dad do zhes shes par bya'o/ /'o na 'dir bshad pa kho na de dag gi rnam par shes pa'i rten yin pa'i phyir rjes su dpag pa ma yin nam zhe na/ de yang phan tshun thun mong du rgyu dang 'bras bu'i dngos po nyid de mig la sogs pa rnams la bshad pa de ltar long ba la gzugs kyi blo med do/ /yod pa rnams kyang rna ba la sogs pa rnams so/ /de bzhin du 'on pa la sogs pa rnams la yang sgra'i blo dag brjod par bya'o/ /phan tshun thun mong du rgyu dang 'bras bu nyid kyang de'i rgyu'i dbye bas 'bras bu'i sa bon rnams la khyab ces bya'o/ /mig la sogs pa dbye ba med pa rnams la dogs par mi rung ste rgyu tha dad du gyur pa'i phyir dang / tha dad du gyur pa'i rgyu rnams ni rgyu ma yin pa pi wang dang gling bu dang 'khar rnga la sogs pa'i sgra rnams la dbye ba mthong ngo / /thams cad du tha mi dad pa'i mtshan nyid kyi phyir 'byung ba rnams kyi dbye ba sgrub pa dbyer med pa'i mtshan nyid la yang 'dir dbye ba nyid do/ /nang dang phyi'i dbye ba bzhin nam tshor ba bzhin du nyams su myong ba'i mtshan nyid kyi khyad par la yang bde ba dang sdug bsngal dang / sdug bsngal yang ma yin bde ba yang ma yin pa'i dbye ba grub po/ /'o na de ltar tha mi dad pa'i mtshan nyid kyi phyir mig la sogs pa rnams sgra bzhin du skye mched gcig tu thal lo zhe na/ 'di ni de lta ma yin te rnam pa gzhan du skye mched rnam par bzhag pa'i phyir rigs gcig pa'i rnam par shes pa skye ba'i sgor gyur pas skye mched du rnam par gzhag par bya'i/ rang gi ngo bo la bltos nas ni ma yin te tha dad pa'i mtshan nyid rnams kyang skye mched gcig gis bsdus pa'i phyir ro/ /de la sgra bzhin du mig la sogs pa rnams skye mched gcig nyid du thal ba med do/ /gzhan dag na re gzugs ma yin pa'i dang ba'i bdag nyid ni mig gi rnam par shes pa'i rten yin pa'i phyir dper na yid lta bu'o zhes zer ro/ /thams cad du bye brag pa sems can gcig gi rnam par shes pa'i rten gyis kyang 'di khyab pa'i phyir/ de grub par 'dod pa ni gnod byed du 'gal lo/ /de'i phyir gtan tshigs ma grub pa mig gi rnam par shes pa la brten pa'i phyir dpe dang sgrub byed ma tshang ba'o/ /ser skya pa yang yon tan gsum gyis gtan tshigs dang khyab pa 'dod de gnod byed 'gal ba'o/ /yid ni yon tan gsum zhes pa tshad ma kun las btus pa'i bshad sbyar du rgya cher bstan pas der shes par bya'o/ /gtan tshigs ma grub pa yang 'dir ni gzhung mangs pa'i 'jigs pas ma brjod do/ /'grel bshad 'di las gzhan nyid kyi phyir rten dang brten pa rnams la ni dbye ba mthong ste/ 'khar gzhong dang rgya shug la sogs pa rnams bzhin no/ /na tsa sa ai pa ta s+yai bA shra yo driSh+Ta iSh+To bA dpe dang sgrub byed ma tshang ba'o/ /mig gi dbang po'i 'jug pa yid la brten nas 'jug pa ma yin te grangs can dang sangs rgyas pa'i khas blangs bA d+hA/ mdo las bcom ldan 'das kyis mig la sogs pa gzugs dang ba nyid mngon par brjod pa'i phyir ro/ /gzhan dag ni gzugs ma yin pa dang ba'i bdag nyid mig la sogs pa'i dbang po yin pa'i phyir yid kyi dbang po bzhin zhes zer ro/ /gzugs dang ba'i bdag nyid las ldog pas gzhan ma yin pa'i mig la sogs pa yod do zhes bya ba ni rten ma grub pa'i gtan tshigs so/ /gzhan du na gzhan gyi ngo bor khas blangs pa'i gzugs dang ba'i bdag nyid dgag par bya'o/ /de bzhin du yang rten ma grub par gyur pa de khas blangs pa'i phyir yod kyang rung de la dbang po nyid rab tu ma grub pas phyogs chos dang gtan tshigs ma yin no/ /nges par gzugs kyi bdag nyid kyis mig la sogs pa khas blang bar bya'o/ /thogs pa dang bcas pa nyid rnam par chad pa'i gzhi bstan pa'i phyir dang / thams cad du song ba'i phyir dbang po rnams rnam par chad pa'i gzhi bstan pa nyid rab tu ma grub po/ /de ltar yang lhas sbyin la sogs pa'i dbang po rnams bram ze rnams kyi dbang po'i gnas su yod ces khas blang ba'i phyir bram ze'i dbang po dang dbang po'i gnas gang yin pa de rnams de nyid las gzhan ma yin pa de'i gnas su 'jug pa'i phyir gzugs la sogs pa bzhin lus las phyi rol ma yin no/ /mig la sogs pa'i dbang po rnams de la the tshom la sogs pa rab tu sbyor las sam shing gel ba la sogs pa bzhin zhes bya ste spros pas chog go/ /gzugs kyi phung po rdzas bcu gcig pa bstan pa las dbang po lnga rnams bshad pa byas zin to/ /de'i mjug thogs su de dag gi don rnams bshad par bya dgos te/ de'i phyir dbang po lnga rnams bshad zin to/ /don lnga rnams bshad par bya ba gsungs te/ de la zhes pa dbang po dang don de rnams la'o/ /re zhig gi sgra ni rim pa'i don te re zhig gzugs bstan par bya dgos pa'o/ /gzugs rnam gnyis dang zhes bya ba ni rnam pa gnyis so zhes bya ba'i tha tshig go/ /gzugs la sogs pa dag ni mig la sogs pa dbang po'i yul dag go zhes 'jig rten na rab tu grags pas de dag gi mtshan nyid ma brjod par de dag gi dbye ba kho na ston te de ni 'jig rten na grags pa'i phyir ro/ /sngon po la sogs pa'o zhes bya ba la sogs pa'i sgras ni ser po dang dmar po dang dkar po sdud do/ /gzhan dag ni de'i bye brag go zhes bya ba ni sngon po la sogs pa'i kha dog gi bye brag ces bya ba'i don to/ /de dag kyang gang zhe na/ sprin dang du ba rdul dang khug rna dang grib ma dang nyi ma dang snang ba dang mun pa'o/ /de ltar byas na kha dog rnam pa bcu gnyis su 'gyur te/ rtsa ba'i kha dog bzhi dang / de dag shas che ba dang / shas chung ba dang 'brel ba'i bye brag gis sprin la sogs pa brgyad do/ /kha cig na re nam mkha'i khams kyi bye brag kho na yin gyi kha dog gzhan ma yin no zhe'o/ /grib ma dang mun pa ni 'od la gnod pa byas pas skyed pa'o/ /'dir khyad par ni 'di yin te/ grib ma ni gang na gzugs rnams snang ba'o/ /bzlog pa ni mun pa ste gang na gzugs rnams mi snang ba'o zhes bya ba'i tha tshig go/ / rnam par ma phye'o zhes pa ni rnam par dbye ba ma byas pa'o/ /gzugs kyi skye mched kha dog tu yod la dbyibs su med pa yang yod de zhes bya ba la dbyibs zhes bya ba 'di yang ci ma bshad pa'i ring po la sogs pa'o zhes de nyid shes par bya'o/ /gang la ring po la sogs pa'i blor 'gyur ba de ni ring po la sogs pa'i dbyibs so/ /de ltar na kha dog la sogs pa las tha dad pa'i dbyibs khas blang bar bya ba ci'i phyir na/ gang las phyogs gcig gi sgo nas 'jug pa kha dog gi tshogs mang ba la ring po'i blor zhing / nyung ba la thung ngu'i blo dang phyogs bzhi mnyam pa la gru bzhi'i blo dang / phyogs kun nas mnyam pa la zlum po'i blo dang / dbus su phal che ba la mtho ba'i blo dang / nyung ba la dma' ba'i blo dang / kha phyogs gcig tu phyogs pa la phya le ba'i blo dang / phyogs tha dad par phyogs pa la yang phya le ba ma yin pa'i blor 'gyur ro/ / ci ltar yang 'di rtogs par bya zhe na/ kha dog la sogs pa'i spyi la ring po la sogs pa'i blo ma yin yang don gzhan du gyur pa'i dbyibs zhes dang / reg par byed pa'i sgo nas kyang ring po la sogs pa'i blo skye'o/ /gzhan dbang po'i yul ma yin pa dang dbang po las 'das pa'i sgo nas kyang blo skye ba 'di dbang po'i shes pa ma yin no/ /'o na ci zhe na rjes su dpag pa'i shes pa ste de'i dri las me tog gi kha dog shes pa bzhin dri yang me tog gi kha dog las nges par de lta bu'i reg bya gang ci yang rung ba 'di ni dbyibs ma yin no/ /de'i phyir gnyi ga'i dbang po'i sgo nas bum pa la sogs pa bzhin ring po la sogs pa'i dbyibs kyi shes pa 'jug pa de kha dog la sogs pa rnams las don gzhan ma yin no/ /'di ni phyis las bstan pa'i mdzod kyi gnas su yang rnam par dpyod par 'gyur te spros pas chog go/ /gnyi gar yod pa yang yod de zhes bya ba ni lus kyi rnam par rig byed ma gtogs pa ring po la sogs pa'i dbyibs dang / sprin dang du ba dang rdul dang khug rna'o/ /gzhan dag na re nyi ma dang snang ba kho na kha dog tu yod kyi/ sngon po dang ser po dang dmar po dang dkar po dang grib ma dang mun pa zhes bya ba ni ma yin no zhes zer ro/ /ci'i phyir zhe na 'di ltar ring po la sogs pa'i dbyibs ma gtogs par sngon po la sogs pa 'dzin pa med do/ /ci ltar mun pa la ring po la sogs pa'i dbyibs 'dzin cing spyod pa la sogs pa rnams la mthar de bzhin du yongs su gcod pa'i phyir ro/ / gal te de lta na nyi ma dang snang ba gnyis la yang thal bar 'gyur ro zhe na thal ba med de/ snang ba dang nyi ma u pa g+ha rten gyi dbyibs su gzung ba'i phyir de mun pa yod pa ma yin no zhes bshad par bya'o/ /ji ltar na rdzas gcig la rdzas gnyi gar yod ce na zhes bya ba ni 'di yod pa'i don du khas blangs nas rgol ba'o/ /gnyi gar ni rnam pa gnyi gar ro/ /'di ltar rang ngo bo tha dad pas ni rdzas tha dad pa yin te/ de'i phyir de la gcig nyid 'gal lo/ /de la gcig nyid la ngo bo'i dbye ba med pas na de'i phyir snang ba la sogs pa bzhin nam lus kyi rnam par rig byed bzhin du dbyibs dang kha dog gi sgo nas de nyid dam de khas blang bar bya'i gnyi ga ji lta ba bzhin ma yin no/ /de la gnyi ga mngon pa'i phyir te zhes bya ba la de la zhes bya ba ni rdzas gcig la ste kha dog la yang dbyibs dang dbyibs la yang kha dog mngon pa'i phyir ro/ / yod pa 'di shes pa'i don yin gyi yod pa'i don ni ma yin no zhes bya ba la/ 'di skad du gnyi ga mngon pa'i phyir ro zhes bshad par 'gyur ro/ /gang kha dog kho nar yod la dbyibs su ma yin pa nyid yod pa'o zhes bshad pa der ni yod pa'i don nyid spyi la brten pa'i phyir yod pa'i don du yang mi 'gal lo zhes gzhan dag go/ /spyi'i dngos po gcig la kha dog dang dbyibs yod pa nyid 'gal ba med do zhes bya ba 'di gzugs kyi skye mched du gsungs pa'i phyir a kalpa na/ de nyid kyi phyir gnyi ga rdzas gcig pa ji lta ba ni yod pa ma yin no zhes gsungs so/ /'o na ni lus kyi rnam par rig byed la yang kha dog dang dbyibs su yod pa zhes bya ba thal bar 'gyur te/ lus kyi rnam par rig byed kyi rang bzhin thal mo sbyar ba la sogs dag yang sngon po la sogs pa'i kha dog mngon pa'i phyir ro/ /de'i phyir lus kyi rnam par rig byed ni dbyibs kho nar zhes bya ba de dang 'gal bar 'gyur ro/ /'di ni 'ga' zhig gi mi mthun pa nye bar bkod pa ste/ lhag ma nyi ma dang snang ba las tha dad pa'i gzugs kyi skye mched la rnam par smin pa las skyes pa'am rgyas pa las byung ba'am rgyu mthun pas byung ba mngon par byed pa'i kha dog dang dbyibs dag dbyer med par tshogs pa ni rnam par smin pa'i rgyu'am rgyas pa las byung ba'i rgyu'am skal ba mnyam pa'i rgyu'o/ /de ltar rnam par rig byed kyi dus su mngon par byed pa rnam par rig byed ma yin pa dang ldan pa dbyer med par tshogs pa rnam par smin pa'i rgyu las byung ba la sogs pa yod pa ma yin nam zhe na/ der ni thal mo sbyar ba la sogs pa dge ba'am mi dge ba'am lung du ma bstan pa yang rung ste dbyibs kyi chos la 'dir lung du ma bstan pa nyid do/ /de'i phyir kha dog gang yin pa gzugs kyi skye mched lhag mas bsdus pa nyid do/ /de las gzhan pa dbyibs dang tha mi dad pa'i rgyu nyid kyi kha dog gi rnam par rig byed kyi rang bzhin gzugs kyi skye mched de'i rgyu mthun pa las byung ba nyid ces bya ba kha dog dang lhan cig rgyu tshogs gcig pa 'gal lo/ /dbyibs kyi sgo nas yod pa nyid ni ma yin pa kho na'o zhes brjod par bya'o/ /'o na gang 'dis gzugs can dang lhan cig skye ba nges pa'i mtshan nyid 'dod na dbang po med pa dang / sgra med phra rab rdul rdzas brgyad/ /ces bya ba de la 'di ci ltar mang ba yin rnam par rig byed ma yin pa lhan cig tu gyur pa tha mi dad pa'i rgyu dang mthun pa'i rgyu dge ba dang mi dge ba rnams la dri la sogs pa 'byung ba las gyur pa rnams med pa'i phyir ro zhes so/ /de bzhin du rdzas lnga po'i rnam par rig byed kyi rdul phra rab de ltar grub par 'gyur ro/ /'dir spyi kho na gnyis ka lta bur mngon te rdzas ni ma yin no/ /gzhan du rdzas 'gal ba gnyi ga'i rang bzhin la mi 'jug go/ /gang du spyi la rnam par rig byed du brjod pa'i dbyibs btags pa de la kha dog kyang rnam par rig byed du thal bar bshad do zhe na ma yin te/ 'dir tha mi dad tshogs pa las byung ba cung zad phan par byed pa 'dod pa na spyod pa'i rdul phra rab rdzas brgyad pa can nyid de las gzhan pa tshogs pa'i dri la sogs pa dang bral ba med pa'i phyir zhes pa ste spros pas chog go/ /sgra ni rnam pa brgyad yod de/ /zhes bya ba la 'dis dngos po rnams sgrog par byed pas na sgra'o/ /yang na grag par byed pas sgra'o/ /bde bar gshegs pa pa dag na re rna ba'i yul du gyur pa'i gzugs 'byung ba bzhi las grub pa'o zhes zer ro/ /de la zin pa dag ni lus su gtogs pa rnams te/ phan tshun mthun par byed pa'i phyir sems dang sems las byung ba dag gi rten gyi dngos por nye bar gzung ba'i phyir ro/ /de ni mig la sogs pa da ltar byung ba dang tha dad pa rnam par smin pa las skyes pa dang rgyas pa las byung ba dag ste bzlog pa ni ma zin pa dag go/ /de dag gang la rgyur yod pas na zin pa'i 'byung ba chen po'i rgyu las byung ba'o/ /de la zin pa'i 'byung ba chen po'i rgyu las byung ba ni 'di lta ste/ lag pa dang ngag gi sgra lta bu'o zhes bya ba la/ gal te ngag gi sgra ma yin pa'i 'byung ba chen po'i rgyu las byung ba yang yod pa ma yin nam/ dper na tshangs pa 'dod par gtogs pa'i sprul pas smras pa dang / bsam gtan gnyis par skyes pa rnams kyi ngag gi rnam par rig byed lta bu ste/ rnam rig dpyod dang bcas dag na/ /zhes gsungs pa'i phyir dang / de ltar sgra ni 'byung ba rgyur byas pa lus dang ngag gi las zag pa dang bcas pa'i mtshan nyid can gyi phyir ro zhe na/ yod mod kyi 'di ni nyes pa med de/ dpe nyid du nye bar blangs pa'i phyir dang / 'dir lag pa dang ngag gi sgra ni zin pa'i 'byung ba chen po'i rgyu kho na las byung ba yin no zhes nges par gzung ba yin pa'i phyir ro/ /sems can du ston pa ni ngag gi rnam par rig byed kyi sgra'o/ /gzhan ni sems can du ston pa ma yin pa'o zhes bya ba ni gang zhig ngag gi rnam par rig byed kyi sgra las gzhan pa zin pa ma yin pa'i 'byung ba'i rgyu can rnam pa gnyis char yang ngo / /de ltar na zin pa dang ma zin pa'i 'byung ba'i rgyu can gnyis re re zhing sems can du ston pa dang sems can du ston pa ma yin pa'i phyir rnam pa bzhi yin la/ rnam pa bzhi po yang re re zhing yid du 'ong ba dang yid du mi 'ong ba'i dbye bas rnam pa brgyad yin no/ / yid du 'ong ba ni yid dang mthun pa ste mar 'dzin pa dang phar 'dzin pa bzhin no/ /'dir rgyu'i dbye ba dang rang gi ngo bo'i dbye ba las sgra'i rab tu dbye ba'i mtshan nyid bstan to/ /gzhan dag na re zin pa dang ma zin pa'i 'byung ba chen po'i rgyu las gyur pa'i sgra yang yod de zhes bya ba 'byung ste/ de la lag pa'i 'byung ba chen po dag ni zin pa'o/ /rdza rnga'i 'byung ba chen po dag ni ma zin pa'o/ /lag pa dang rdza rnga phrad pa las 'byung ba gnyi ga la brten nas skyes pa'i phyir zin pa dang ma zin pa'i rgyu las byung ba'o/ /de ni ci ltar kha dog gi rdul phra rab gcig la zhes rgyas par 'byung ste/ lag pa dang rdza rnga phrad pa las skyes pa'i sgra'i rdul phra rab ni 'byung ba bzhi chen gnyis rgyur byas pa las skyes pa ma yin te rgyur byas pa'i gzugs yin pa'i phyir kha dog gi rdul phra rab bzhin no/ /lus dang tha mi dad pa'i phyir ro/ /'byung ba bzhi tshan gnyis ni phan tshun lhan cig pa'i rgyu nyid do zhes slob dpon 'dus bzang zer ro/ /de las cir 'gyur na de'i rigs dang tha dad par 'gyur zhing de las kyang thogs pa nyid du 'gyur ro/ /na nu tsa pr-i thi pI d+hA tor b+hA tu nA bi ma b+hA go na ce na sa pra ti g+ha twa mi ti tsi na t+yaM me ta ta/ 'byung ba bzhi chen gnyis kyis sprul pa'i rdul phra rab ni phyi ste de la zin pa dang ma zin pa'i 'byung ba'i rgyu las byung ba zhes bya ba mi 'gal lo zhes slob dpon 'dus bzang zer ro/ /sems can du ston pa dang sems can du mi ston pa ni zin pa dang ma zin pa'i 'byung ba chen po'i rgyu las byung ba'i phyir ro/ /yid du 'ong ba dang yid du mi 'ong ba'i dbye ba gzugs la sogs pa rnams la yang yod na sgra kho na rnam pa gnyis zhe na zin pa dang ma zin pa'i 'byung ba chen po'i rgyu las byung ba'i phyir ro/ /yid du 'ong ba dang yid du mi 'ong ba bzhin gzugs la sogs pa rnams la yang zin pa dang ma zin pa'i 'byung ba'i rgyu las byung ba yod pa ma yin nam zhe na/ gzugs la sogs pa rnams kyi bzhin du sgra'i rgyu kho na rnam pa gnyis te/ rang gi ngo bo la yang de ltar bstan bcos su smos pa sgra'i mtshan nyid de/ de'i phyir ldog pa'i dbye bas kha dog dang dbyibs la brjod pa bzhin du brjod do/ /gzhan la yang dbye ba yod de/ zin pa'i 'byung ba chen po'i rgyu las byung ba ni sems can la sogs pa'i 'du byed las skyes pa'o/ /de la nges par bltos pa sems can gyi mngon par 'du byed pa las skyes pa de yang lag pa la sogs pa'i mngon par 'du byed pa las skyes pa'am ngag gi rnam par rig byed do/ /ngag gi rnam par rig byed kyang ming gi gnas rnams la bltos pa'o/ /de ltar dge ba la sogs pa'i dge bas dbye ba rnam pa mang du yod ces bya'o/ /sems can du ston pa dang sems can du mi ston pa dag re re yang zin pa dang ma zin pa'i 'byung ba chen po'i rgyu las byung ba ni mi 'khrul ba'i phyir so sor mngon par brjod pa'o/ /kha dog dang dbyibs lta bu 'khrul pa la yang re zhig sngon po la sogs pa dang ring po la sogs pa so sor mngon par brjod par 'dod do/ /'dir ni 'khrul pa la yang mi 'dod do zhes pa rgyu med par shes par bya'o/ /sngon po la sogs pa dang ring po la sogs pa kha dog dang dbyibs kyi ldog pas sprin la sogs pa rnams la med kyang logs su bstan par shes par bya'o/ /'dir rgyu shes par bya ba ma yin te bstan bcos phyogs su lhung ba rgyu'i bye brag bshad pa dang ma bshad par gyur pa zin pa dang ma zin pa'i 'byung ba'i rgyu bzhin no/ /ji skad bshad pa'i yid du 'ong ba dang mi 'ong ba nyid gzugs la sogs pa rnams la yang zhes pa de yang dgongs par mngon pa'i phyir 'di slob dpon gyi dgongs pa'o snyam nas 'dir 'di ltar rab tu phye zhing yongs su bshad do/ /ro ni rnam drug ces bya ba la myang bar bya bas na ro ste ro myang bar bya zhes bya ba'i tha tshig go/ /rang bzhin gyi bye brag khas blangs nas bye brag drug bstan gyi/ dbye ba gzhan ni de dag sbyar bya'i bye brag las mtha' yas pas ma brjod do/ /go rims tha dad pa ni de'i yul can gyi rnam par shes pa skye ba nges pa med par bstan par bya ba'i phyir ro/ /dri rnam bzhi zhes bya ba la bsnam par bya bas na dri ste de yang rnam pa bzhi'o/ /dri zhim pa dang dri nga ba dag dri mnyam pa dang mi mnyam pa yin pa'i phyir rnam pa bzhi'o/ /rigs las ni dri zhim pa dang dri nga ba zhes bya ba rnam pa gnyis kho na yin no zhes ston par byed do/ /yang bstan bcos las gsum pa dri mnyam pa bshad pa de ni kha cig dri zhim pa'i phyogs su bslan par bya la/ kha cig dri nga ba'i phyogs su bslan par bya ba yin pas rigs las gsum pa yon pa ma yin no/ /de yang mnyam pa las byung ba dang mi mnyam pa las byung ba yang rung ste rten la btags pa'i 'jug pa'i dbye ba gzhan yin pa'i phyir ro zhes kha cig go/ /gzhan dag bstan bcos su rnam pa gsum ni shas chung ba dang che ba'i dbye ba las yin te/ dri zhim pa dang dri nga ba dang dri mnyam pa'o/ /bstan bcos su yang dri mi mnyam pa dang dri zhim pa dang dri nga ba ma bshad la/ de las gzhan pa thun mong du dri zhim pa bshad cing / dri zhim pa dang dri nga ba dag las tha dad pa kho nar dri mnyam pa bstan bcos su bshad do zhes gzhan dag go/ /de la dbang po'i 'byung ba chen po dang ting nge 'dzin rgyas par byed pa ni dri zhim pa'o/ /bzlog pa ni dri nga ba'o/ /khyad par de gnyis ka med pa ni dri mnyam pa'o/ /reg bya bcu gcig bdag nyid do zhes bya ba la/ reg par bya ba yin pas na reg bya'am lus kyi dbang pos reg par nus pas reg bya'o/ /gal te gang gis gang la reg pa de la yang des reg pas na lus kyi dbang po yang reg byar 'gyur ba ma yin nam zhe na/ lus kyi dbang po ni reg par byed pa yin gyi reg par bya ba ni ma yin te mig bzhin no/ /mig ni lta bar byed pa yin gyi blta bar bya ba ni ma yin no/ /'ga' zhig gis 'ga' zhig la reg pa'am rten dang dmigs pa bar ma chad pa ni reg pa'i 'du shes de la brten pa'i rnam par shes pa gang yin pa la yul dmigs pa ni de yul dang bcas pa la reg pas nye bar spyod kyi/ yul dang rnam par shes pa'i rten gyis ni ma yin no/ /de nyid kyi phyir lus kyi dbang pos 'byung ba rnams nyid la reg par byed pas nye bar spyod do/ /de la brten pa'i gzugs la sogs pa rnams kyi rnam par shes pas mi 'dzin no/ /me tog la sogs pa rnams la yang kha dog la gnod pa las de'i rten la gnod kyi lus reg pa las ni ma yin no/ /'jam pa nyid ni mnyen pa'o zhes bya ba la 'jam pa kho na 'jam pa nyid de so sos kho na so so nyid yin pa bzhin no/ /nges pa'i tshig ni sbrel bar bya bas na 'jam pa'o/ /mnyen pa ni rud rud po ma yin pa ste sbed par bzod pa zhes bya ba'i tha tshig go/ /rtsub pa nyid ni rud rud po'o zhes bya ba la rtsub pa 'di la yod pas rtsub pa ste spu can bzhin no/ /rtsub pa zhes bya ba ni stobs kyi rnam grangs te rtsub pa kho na rtsub pa nyid do/ /rud rud po ni gyong po ste shin tu 'jam pa ma yin pa zhes bya ba'i tha tshig go/ /lci ba nyid gang gis na dngos po rnams 'jam pa'o zhes bya ba ni dma' bar byed ces bya ba'i tha tshig go/ /'di yod na dma' bar 'gyur bas na lci ba ste nongs par 'gyur zhes bya ba'i tha tshig go/ /lci ba kho na lci ba nyid do/ /bye brag tu smra ba rnams ni gang las srang mtha' mtho bar 'gyur ba'o zhes so/ /bzlog pa ni yang ba'o zhes bya ba la gang gis dngos po rnams 'jal bar mi byed pa ste/ 'di yod na dma' bar mi 'gyur bas yang ba'o/ /dbyibs rgya che ba nyid la yang yad+d+hA bA ta su kha mA hri yan+te b+hA bAH'jal ba na srang mtha' dmar po'i rgyu mtshan las zhes bye brag tu smra ba rnams zer ro/ /yang ba kho na yang ba nyid do/ /grang ba na dro ba 'dod par byed pa'o zhes bya ba ni gang gis nyam thag pas dro bar 'dod par 'gyur ba ste/ de ni bgrang bas na grang ba ste phan 'dogs pa dang gnod pa byed pa yin pa'i phyir myur du bgrod par bya ba'o zhes bya ba'i tha tshig go/ /gal te yang sos ka dang ston ka'i dus bzhin grang ba ni dro bar 'dod par byed par mi 'gyur ba ma min nam zhe na/ dro ba mngon par 'dod pa las rigs gzhan med pa'i phyir grang ba kho na dro ba mngon par 'dod pa'o zhes nges par gzung bar bya ste/ de ltar yang de'i las dang de'i rigs can yin pa'i phyir mtshan nyid can gyis mtshon par bya'o/ /bkres pa ni zas 'dod par byed pa'o/ /skom pa ni skom 'dod par byed pa'o zhes bya ba la gal te sems las byung ba'i chos ni lus kyi dbang po'i yul du yod pa ma yin zhe na/ de'i phyir rgyu la 'bras bu btags pa'i phyir te zhes bya ba gsungs te/ khong pa nas zas 'dod pa dang skom 'dod pa'i rgyu reg bya'i khyad par zhig 'byung ste/ der zas 'dod pa'i rgyu la bkres pa dang / skom 'dod pa'i rgyu la skom pa zhes bshad de/ rgyu la 'bras bu btags pa byas pa'i phyir ro/ /gal te 'dir rgyu la 'bras bu btags pa brjod par mi 'dod na ni 'di skad du bkres pa ni zas 'dod par byed pa'o/ /skom pa ni skom 'dod par byed pa'o zhes mi brjod par 'gyur te/ 'o na ci zhe na bkres pa dang skom pa dag ni zas dang skom 'dod pa dag go zhes de skad brjod par 'gyur ro/ /de nyid la dpe/ sangs rgyas rnams ni 'byung ba bde/ /zhes rgya cher 'byung ba la/ sangs rgyas 'byung ba bde ba nyid ma yin gyi/ bde ba'i rgyu yin pas bde bar bshad do/ /de bzhin du chos bstan pa la sogs pa gzhan dag la yang brjod par bya'o/ /mur+ts+tsha ma la daur+m+ma l+ya la sogs pa'i reg bya'i khyad par yod pa ni 'di dag gi nang du 'dus pa'i phyir so sor ma brjod de sngar gyi 'jam pa nyid lta bu'o/ /na bir+ya te karka sha gu ru twA ta/ de bzhin du reg bya'i khyad par gzhan dag la yang rigs pas bsdu bar bya'o/ /'jam pa la sogs pa 'di dag gi phan tshun gyi khyad par ni rten gyi khyad par las rtogs par bya ste/ chu dang me'i khams las byung ba'i phyir 'jam pa nyid do/ /sa'i khams las byung ba'i phyir lci ba nyid do/ /me dang rlung gi khams las byung ba'i phyir yang ba nyid do/ /de nyid kyi phyir shi ba'i lus la ljid lhag po yod pa nyid yin no/ /chu dang rlung gi khams las byung ba'i phyir grang ba'o/ /rlung gi khams las byung ba'i phyir bkres pa'o/ /me'i khams las byung ba'i phyir skom pa'o/ /de bzhin du gzhan la yang rgyur byas pa'i gzugs la ji ltar srid pa'i rten gyi khyad par rtogs par bya ste/ 'dir ni gzhung mangs pas len gyi don ma brjod do/ /de la gzugs kyi khams na ni bkres pa dang skom pa dag med de/ kham gyi zas kyi 'dod chags dang bral ba rnams der skye ba'i phyir dang / lus la gnod pa med pa'i phyir ro/ /gzhan du na de na yang bkres pa dang skom pa'i sdug bsngal yod par 'gyur ro/ /yang ba nyid la sogs pa lhag ma rnam pa lnga ni yod do/ /gal te gdags pa las byang gi sgra mi snyan pa rnams kyi dpag bsam gyi shing gi gos ni srang gcig 'jal lo/ /rgyal chen ris bzhi pa rnams kyi ni de'i phyed do/ /sum cu rtsa gsum pa rnams kyi ni de'i phyed do/ /de ltar phyed phyed phri bas gzhan 'phrul dbang byed pa rnams kyi dpag bsam shing gi gos ni srang gcig gi drug cu rtsa bzhi'i cha 'jal gyi/ de yan chad gzugs na spyod pa rnams kyi gos dag ni mi 'jal lo zhes bshad na/ lci ba nyid yod na ji ltar mi 'jal/ gzugs kyi khams na ni sems can gyi lus rnams dang / de'i rten rnams nor bu'i 'od ltar dang ba'i phyir lci ba nyid mi srid do zhe na/ de la gdags pa'i bstan bcos gzhung gzugs par bya ba'i phyir/ gal te de ni gos re re nas mi 'jal yang bsags pa dag ni 'jal lo zhes gsungs te/ de ji ltar shes par bya zhe na/ bsdus pa dang brkyang ba las te/ kA sha'i me tog gi snal ma bzhin no/ /kA shi ka'i me tog gi snal ma bsdus pa dang brkyang ba dang ldan pa dag la ni tshogs pa dag 'jal gyi re re ba ma yin no/ /rten yod pa'i phyir yang gzugs kyi khams na lci ba nyid yod do/ /ba tI nAM h+yA d+hA re Na bra ya dza na nA n+ya ShA+e karka sha twa mu ba ri b+hU mi sau ku mArgya pe k+Sha ya d+ha ra su ni rmA Ne Shu tsa gnod par byed pa'i grang ba med kyi phan par byed pa ni yod do/ /lo zhes bya ba la kha cig na re lo'i sgra ni ting nge 'dzin las tha dad pa'i phan 'dogs par byed pa khas ma blangs par gsal bar bya ba'i don du'o zhes zer ro/ /slob dpon 'phags pa'i 'bangs na re/ de dag gi ltar na bsam gtan dang po na rnam par shes pa'i tshogs gsum gyi bde bas phan 'dogs par byed par mi 'gyur ro zhes zer ro/ /gzhan dag ni de na sa shin tu sbyangs pa zhes bya ba'i reg pa'i khyad par las gzhan pa'i reg pa phan 'dogs par byed pa med do zhes zer ro/ /lo'i sgra'i dgongs pa ni thams cad kyi ma yin gyi gzhan dag gi 'di'i phan par byed pa'i rgyu 'gog pa'o zhes pa 'di bsam mo/ /grang ba ni dro ba mngon par 'dod par byed pa'o zhes mtshan nyid tha dad pa ni lo'i sgras gsal bar byed do zhes gzhan dag go/ /gzhan dag na re lo'i sgra ni lung gi tshul 'di mthong ba dang rjes su dpag pa las 'das zhes zer ro/ /de la res 'ga' ni rdzas gcig zhes bya ba rgyas par 'byung ste/ 'dir rdzas kyi sgras ni sngon po la sogs pa'i rigs brjod kyi rdul phra rab kyi rdzas ni ma yin te/ rnam par shes pa'i tshogs lnga po rnams na bsags pa la dmigs pa'i phyir ro/ /de'i rnam pa bye brag tu gcod pa zhes bya ba ni mi 'chol ba'i phyir yid kyi rnam par shes pas sngon po ma yin pa bsal nas sngon po'o snyam pa ste de bzhin du gzhan la yang brjod par bya'o/ /mig la sogs pa'i rnam par shes pas na yul bye brag tu gcod par mi nus te rnam par rtog pa med pa'i phyir ro zhes kha cig zer ro/ /gang gi tshe mig gi rnam par shes pa rdzas gcig gi rgyu can zhig rdzas gzhan gyi rang gi ngo bo la ma reg par bye brag tu bcad pa'i yul la skye ba de'i tshe/ de'i rnam pa bye brag tu gcod pa zhes bya'o/ /mig gi rnam par shes pas rdzas gzhan gyi rang gi ngo bos dben pa'i don gcig bzung ste phyin nas rim gyis yid kyi rnam par shes pas de las gzhan pa'i dngos po rnam par gcod pa'i sgo nas rnam par rtog par byed de/ de'i phyir mig gi rnam par shes pa yang de'i rnam pa bye brag tu gcod pa mi 'gal lo/ /nye na kha dog dang dbyibs 'dzin pa'i go skabs yod pa de'i phyir/ dper na thag ring po nas dmag bshams pa'am zhes bya ba la sogs pa smos te/ rna ba la sogs pa'i rnam par shes pa la yang de bzhin du rig par bya'o zhes bya ba la/ res 'ga' ni rdzas gcig gis rna ba'i rnam par shes pa bskyed de/ gang gi tshe 'di ni rnga pa Ta ha'i yin gyi dung gi sgra ni ma yin no zhes de'i rnam pa bye brag tu gcod par 'gyur ba na'o/ /res 'ga' ni mang pos te gang gi tshe de'i rnam pa bye brag tu mi gcod pa na ste ca co'i sgra dang glu dbyangs kyi sgra du ma nyan pa'i lta bu'o/ /lus kyi rnam par shes pa ni zhes bya ba la/ res 'ga' ni gcig gis te gang gi tshe 'di ni grang ba yin gyi dro ba ni ma yin no/ /'jam pa yin gyi rtsub pa ni ma yin no zhes rnam pa bye brag tu gcod par 'gyur ba na'o/ /res 'ga' ni gnyis kyis te 'byung ba gnyis sam 'byung ba las gyur pa gnyis so/ / yang res 'ga' ni gsum dang bzhi nas lnga'i bar gyis te 'byung ba rnams dang 'jam pa la sogs pa gcig gis te/ rtsub pa nyid la sogs pa rnams ni 'byung ba bzhi tshan gzhan la brten pa'i phyir ro/ /thams cad kyis kyang zhes rgyas par 'byung ba la/ 'dir yang shin tu mang na zhes bya ba rjes su 'jug ste lci ba dang grang ba dang rtsub pa'i ngo bo nye bar bzung nas bye brag tu ma bcad par 'dzin par mthong ba yang yin no/ /de'i phyir drug dang bdun dang bcu gcig gi bar dag gis kyang mchongs pa dang rkyal byed pa rnams la dro ba dang grang ba la sogs pa cig car nyams su myong ba dang / kha cig la bkres pa dang skom pa'i reg bya dag kyang ste lus kyi rnam par shes pa reg bya bcu gcig gi yul can bye brag tu ma bcad pa skye ba yin no/ /de ltar na spyi la dmigs pa'i phyir zhes bya ba la sogs pa la/ chos mngon pa las rnam par shes pa'i tshogs lnga rang gi mtshan nyid kyi yul can du 'don te/ de'i phyir sngon po la sogs pa'i rnam pa bye brag tu ma bcad pa rnam par shes pa'i gzung ba ni spyi la dmigs nas 'dzin pa'i phyir spyi'i yul can nyid dang spyi la dmigs pa'i phyir sngon po la sogs pa'i spyi gang yin pa de'i rnam par 'dzin pa'i phyir spyi'i yul can nyid du 'gyur ro zhes gzhan dag rtsod par byed do/ /gzhan dag ni 'di la rnam par shes pa'i tshogs lnga ni spyi'i yul can yin te rang gi yul mtha' dag la dmigs pa'i phyir/ chos thams cad bdag med pa bzhin no zhes pa'i rab tu sbyor ba nyid do/ /de'i phyir 'di dag ni skye mched kyi rang gi mtshan nyid kyi zhes rgyas par 'byung ngo / /bstan bcos las ni skye mched kyi mtshan nyid kyi dbang du mdzad nas rang gi mtshan nyid kyi yul can du bshad la skye mched kyi rang gi mtshan nyid de yang sngon po dang ring po la sogs pa rnams kyi spyi yin pas spyi'i yul can nyid du khas blangs par 'gyur te de'i phyir grub pa la sgrub pa'o/ /'ga' zhig rang gi skye mched kyi rdzas du mas bskyed par bya ba yin pa'i phyir spyi yin par khyad par med la bye brag tu ma bcad par de dag yul du yod pas spyi'i yul can yin gyi spyi nyid ni ma yin te/ de ni btags par yod pa'i phyir dang rnam par shes pa yang 'dis bdag med par bshad pa'i phyir ro/ /gzhan du na sngon po la sogs pa'i rang gi mtshan nyid kyi shes pa yang spyi'i yul can du 'gyur te rdul phra rab kyi rdzas du mas bskyed par bya ba yin pa'i phyir ro/ /'dir gtan tshigs ma grub pa dang dpe dang bsgrub bya'i chos ma tshang ba yang bsam par bya'o/ /yang skye mched kyi mtshan nyid ci rdzas kyi mtshan nyid ci zhe na/ mig la sogs pa'i rnam par shes pa mtshungs par ldan pa dang bcas pa'i rten dang dmigs par rung ba ni ji ltar srid pa bzhin du mig la sogs pa'i skye mched rnams dang / gzugs la sogs pa dmigs pa rnams kyi mtshan nyid do/ /de la mig gi dbang po'i yul kho na la mig gi rnam par shes pa skye'i gzhan las ni ma yin pas 'di dag ni skye mched kyi mtshan nyid la brten nas rang gi mtshan nyid kyi yul can yin gyi tha dad pa dag la tha mi dad par brtags pa las ni ma yin te/ de dag ni rnam par rtog pa med pa yin pa'i phyir ro/ /rdzas kyi rang gi mtshan nyid ni sngon po la sogs pa rnams kyi rang gi ngo bo brjod du med pa rnam par rtog pa med pa ye shes kyi yul te de ltar yang bstan bcos las mig gi rnam par shes pas sngon po rnam par shes kyi sngon po'o snyam du ni ma yin no zhes so/ /'di dpyad par bya ste zhes bya ba rgyas par 'byung ste lus dang lce'i dbang po gnyis ni rten gcig yin pa'i phyir dang / phrad nas 'dzin pa'i phyir dang / ro dang reg bya dag kyang phan tshun tha dad med pa'i phyir yul dang phrad pa'i go rims las rnam par shes pa skye ba'i go rims mi srid pas de'i phyir dpyad pa'o/ /za bar 'dod pas rgyud gtad pa'i phyir zhes bya ba la/ za bar 'dod pa ni 'dun pa yin zhing / de yang yid la byed pa dang mtshungs par ldan pa yin la/ yid la byed pa'i dbang gis kyang sems kyi rgyud dmigs pa gzhan rnams la 'jug pas de'i phyir lce'i rnam par shes pa sngar skye'o/ /gang gi tshe yul mnyam pa dang phrad la za bar 'dod pa med pa de'i tshe ni gang gi yul yin pa de sngar skye'o/ /dbang po lnga'i don dang zhes bya ba la sogs pa la/ de dag ji ltar 'dzin pa ni res 'ga' ni rdzas gcig gis mig gi rnam par shes pa skyed do zhes rgyas par ro/ /da ni de dag gi mjug thogs su bstan pa'i phyir de dag bshad pa'i mjug thogs su de ni rnam par rig byed ma yin pa brjod par bya'o/ / g.yengs dang sems med pa yi yang / /zhes bya ba ni ngag gi rnam par rig byed las khyad par byed pa ste ngag gi rnam par rig byed ni sems g.yengs pa dang sems med pa dag la mi 'byung ste rgyun chad pa'i phyir ro/ /rjes 'brel gang zhes bya ba ni lus kyi rnam par rig byed las khyad par du byed pa'o/ /gal te rnam par rig byed kyang rjes su 'brel ba ma yin nam zhe na/ rnam par rig byed log kyang rnam par rig byed ma yin pa mi ldog pa'i phyir 'dir mchog tu gyur par shes par bya'o/ /yang na rjes 'brel nyid nges par bzung ba'i phyir rnam par rig byed du thal ba med de/ rnam par rig byed ni de'i skad cig la yang yod do/ /dge dang mi dge zhes bya ba ni mig la sogs pa'i rgyun las khyad par du byed pa'o/ /'byung ba che rnams rgyur byas pa/ /zhes bya ba ni thob pa'i rgyun las khyad par du bya ba'i phyir ro/ /bstan bcos las sems g.yengs pa nyon mongs pa can gyi sems su bshad pas de'i phyir de las gzhan pa'i sems kyi yang yin pa'o zhes bya ba gsungs te/ 'dir de'i sgra yis ni kun nas slong ba'i sems shig brjod par 'dod la/ de las gzhan pa ni de slong bar byed pa'i sems dang mi 'dra ba'i phyir dge ba dang mi dge ba dang lung du ma bstan pa yang rung ste/ rjes su 'jug par byed pa g.yengs pa thams cad la brjod kyi nyon mongs pa can kho na ni ma yin no/ /gnyid dang brgyal ba sems med par khas ma blangs pa'i phyir dang / 'du shes med pa la rnam par rig byed ma yin pa med pa'i phyir 'du shes med pa dang 'gog pa'i snyoms par 'jug pa la snyoms par zhugs pa'i yang yin pa'o zhes gsungs te/ sems med pa ni snyoms par 'jug pa gnyis kho na yin no zhes ston par byed do/ /yang zhes bya ba'i sgras ni zhes bya ba ni yang gi sgra gang zhig tshig le'ur byas pa las/ g.yengs dang sems med pa yi yang / /zhes bya ba ste ma g.yengs pa sems dang bcas pa'i yang yin no zhes bya ba'o/ /'dir yang sems dang bcas pa smos pa ni 'di'i sems g.yengs pa med pas mi g.yengs pa zhes bya ba yin na sems med pa la yang thal bar 'gyur ba'i phyir de dgag pa'i don du gnyi ga'o/ /ji ltar yang sems mi g.yeng ba ni sems g.yeng ba dgag pa'i phyir dang mi g.yeng ba mngon du gyur pa'i phyir ro/ /yang na sems dang bcas pa'i gnas skabs rnam pa gnyis te/ g.yengs pa'i sems dang bcas pa'i gnas skabs dang / ma g.yengs pa'i sems dang bcas pa'i gnas skabs so/ /de la g.yengs pa sems dang bcas pa'i gnas skabs ni dngos su bstan la/ ma g.yengs pa sems dang bcas pa'i gnas skabs ni yang gi sgras so/ /de ltar na/ g.yengs dang sems med pa ya yang / /zhes pa 'dis gnas skabs gsum bstan par 'gyur ro/ /yang na 'dir mi g.yeng ba ni rnam par rig byed kyis kun nas slong ba pa'i sems dang bcas pa dang mnyam par gzhag pa'i sems dang mnyam par gzhag pa dang mnyam par ma bzhag pa'i rnam par rig byed ma yin pa'i kun slong gi sems bstan pa yin no/ /ji skad du/ rnam par rig byed dang ting nge 'dzin las byung ba'i zhes rgya cher 'byung ngo / /rjes su 'brel pa gsungs pa'i phyir kun slong gi char gyur pa'i sems kyi gnas skabs mi g.yeng ba zhes bya bar gzung bar bya'o zhes slob dpon 'phags pa'i 'bangs zer ro/ /skad cig ma las gzhan pa'i rjes su 'brel pa'i rgyun med do/ /gal te skad cig ma dang po la rgyun med pa de yang rnam par rig byed kyi skad cig med pa'i phyir/ n+YU nau rnam par rig byed ma yin pa'i skad cig na nu tsok+ta mA d+ya e ba na b+ha gI ti/ de ltar 'o na gnyis pa la sogs pa yang so sor rgyun gyis rjes su 'brel ba med pa'i phyir rnam par rig byed ma yin pa med do zhe na/ dang po yang skad cig phyi ma la bltos nas rjes su 'brel pa'i phyir ro/ /de 'ba' zhig ma yin gyi de'i kun slong yang brjod par bya'o/ /de dang 'dra ba nyid na de'i phyir rjes 'brel ba zhes brjod ce na/ rnam par rig byed kyi gnas su gyur pa 'gags kyang ma btang gi bar du rjes su 'jug par shes par bya bo'i phyir ro/ /thob pa'i rgyun yang zhes bya ba la sogs pa la/ thob pa rnams ni mi ldan pa yin pa'i phyir 'byung ba chen po rnams rgyur byas pa ma yin no/ /rgyur byas pa'i don ni rgyu'i don te zhes bya ba la phrad nas rnam par shes pa skyed pa la sogs pa'i rgyu'i ngo bo yin pa'i phyir zhes brjod de/ skyed pa dang rten pa dang gnas pa dang rton pa dang 'phel bar byed pas so/ /de la skyed pa ni rang gi gnas 'byung ba chen po rnams rgyur byas nas de bskyed pa'o/ /rten pa ni de rjes su sgrub pa ste/ gnas kyi bdag nyid kyi lus 'byung ba chen po rgyu byas pa dang mthun par 'jug pa/ sh+tsakra s+ye ba saM pa ri brta mA na bya b+ho mau sa'i phyogs su lus kyi 'byung ba chen po rnams rnam par rig byed ma yin pa dang mthun par 'jug pa'i rgyur 'gyur ba'o/ /gnas pa ni lus kyi 'byung ba chen po rnams rten pa'i gnas skabs so/ /rton pa ni rnam par gnon pas nye bar 'tshe ba'o/ /gnyi ga gsal bar skyes pa la rten gyi rnam 'gyur ni ta dwi ni brit+to taH'phel ba ni lus kyi 'byung ba chen po rnams gzhan 'dod pa'i rgyu med par rgyun rab tu 'brel bar byed pa'i phyir ro/ / gzugs dang byed pa'i rang bzhin yin yang zhes bya ba la gzugs smos pa ni sems pa las khyad par du bya ba'i phyir ro/ /byed pa smos pa ni mig la sogs pa las khyad par du bya ba'i phyir ro/ /de'i phyir de lta na na'i sgra la 'di shes par byas par 'gyur ro/ /rnam par rig byed ma yin pa ni rnam par rig byed bkag pa tsam ma yin la/ gzugs zang gcig rnam par rig byed las gzhan pa yang ma yin no/ /'o na ci zhe na gzugs dang byed pa'i rang bzhin yin pa'i phyir rnam par rig byed dang 'dra ba'i gzugs gzhan zhig kun nas slong bar byed pa'i sems dang sems las byung ba rnams lhag par rig par mi byed pa'i phyir rnam par rig byed ma yin pa zhes brjod de 'dra ba'i dbang du byas nas gzhan la yang ngag gi tshig rigs so/ /de bzhin du gang gi phyir gyi don zhes pa yongs su dri ba nyid do/ /yang na'i sgras 'dri ba gzhan nyid la a yam bA ra zhes gsal bar bya ba'i phyir ro/ /na'i sgra ni de'i ming gi rgyu shes par byed pa'i don to/ /brjod ces bya ba slob dpon gyi tshig yin par ston pa'o zhes bya ba ni ston pa'i gsung ma yin no snyam du dgongs pa'o/ /yang na de slob dpon nyid 'ba' zhig gi brjod kyi mngon sum mam rjes su dpag pa'i sgo nas ma yin pa'o/ /mdor na rnam par rig byed dang ting nge 'dzin las byung ba zhes rgyas par 'byung ste/ de la dge ba dang mi dge ba zhes ma brjod na ni rnam par rig byed dang ting nge 'dzin las byung ba'i rnam par smin pa las skyes pa dang rgyas pa las byung ba dag la yang thal bar 'gyur ro/ /rnam par rig byed dang ting nge 'dzin las byung ba ma brjod na ni rig byed kyi gzugs la yang thal bar 'gyur te de'i phyir gnyi ga smos so/ /de la rnam par rig byed las skyes pa ni sdom pa dang sdom pa ma yin pa'i bdag nyid can dge ba dang mi dge ba'o/ /cig shos kyang 'dod pa dang mi 'dod pa'i 'bras bu nyid kyis bde ba dang mi bde ba'i phyir ro/ /ting nge 'dzin las byung ba ni dge ba kho na ste bsam gtan dang zag med kyi sdom pa dag go/ /ting nge 'dzin ni gcig tu 'dod pa'i 'bras bu nyid kyi phyir zhes so/ /'di ni rnam par rig byed ma yin pa mtha' dag gi mtshan nyid wA s+yA ta bya sta bA/ do la re zhig mtha' dag la rung ba ma yin te rnam par rig byed kyi rdzas gcig 'dis mtha' dag mtshon pa ma yin na ni mi bya ste mtshan gzhi la 'khrul ba'i phyir ro/ /mi g.yengs pa sems dang bcas pa gang yin pa rgyur byas pa'i gzugs kyi bdag nyid rnam par rig byed ma yin pa'i rdzas dge ba de nyid g.yengs dang sems med pa yang rung de nyid ma yin no/ /dge ba zhes bya ba yod kyang rnam par rig byed ma yin pa'i gzugs kyi mtshan nyid gzhi ma yin zhing 'di mtshan nyid du mi rung ngo / /dbye ba'i mtshan nyid du ni 'gal ba med do/ /de ni de las gzhan du yang 'jug ste/ nir+dz+nyA ta mig gi rnam par shes pa'i rten gzugs dang ba dang mig gi mtshan nyid dang rnam par smin pa las skyes pa dang / rgyas pa las 'byung ba dang skal ba mnyam pa dang 'dra ba la sogs pa'i mtshan nyid bzhin no/ /slob dpon 'dus bzang na re/ 'di ni rnam par rig byed ma yin pa'i mtshan nyid skyon med pa ma yin te/ skad cig ma dang po ni rgyun ces bya ba mi rung ngo / /de lta bas na mtshan nyid 'dir bsdus pa med pas ma tshang ba yin no/ /rgyun yang rjes su med pa'i phyir rnam par rig byed ma yin pa rjes su med par 'gyur ro/ /mnyam par gzhag pa'i ni g.yengs pa dang sems med pa'i rjes su 'brel ba med pas de rnam par rig byed ma yin par thal bar 'gyur ba'i phyir nyams pa yin no/ /gal te ma g.yengs pa dang sems dang bcas pa'i rjes su 'brel ba'i phyir 'di ni nyes pa med do zhe na/ dge ba dang mi dge ba yang rnam par rig byed ma yin pa'i mtshan nyid du thal bar 'gyur ro/ /gong ma kho nas ma chog pa'i phyir sems med pa'i yang zhes bya ba'i sgra don med par 'gyur te/ sems g.yengs pa'i yang zhes bya 'dis sems dang bcas pa'i gnas skabs thams cad bsdus zin na gang yang zhes bya ba'i sgra gnyis pas bsdu bar bya ba'i gnas skabs gzhan ci zhig yod/ sems med pa'i dbang du byas te dge ba'i rnam par rig byed ma yin pa'i rjes su 'brel ba khyad par du bya dgos pa las ma tshang ba dang bstan bcos kyi lus nyams par thal bar 'gyur ro/ /yang gi sgra lhag par brjod pas khyad par du bya ba khyad par du ma byas pa yang ngo / /de la so sor ni thams cad la yang rnam par rig byed ma yin pa'i mtshan nyid las rgyun ma yin pa dang dang po 'ba' zhig pa ma yin pa nyid mtshan nyid de rgyun smos pa la yang de'i yan lag thams cad phan tshun ltos pa'i phyir te/ dper na bum pa'i sgras gzugs la sogs pa smos pa bzhin no/ /de'i phyir ma tshang ba med pa nyid do/ /rdzas su yod pa ma yin pa la yang rnam par rig byed ma yin pa med de/ rgyun smos pas de'i yan lag bzung bas rnam par rig byed la yang thal bar 'gyur ro/ /gang gi phyir de'i skad cig nye bar gnas pa sems med pa la yang nges pa de'i phyir brjod par bya'o zhes pa ni sems med pa la yang dge ba dang mi dge ba nges par gzung ba'i phyir thal ba med do/ /yang gi sgra lhag par brjod pa yang med pa nyid do/ /ji skad bshad pa sngar khyad par du bya dgos pa yang 'dir khyad par du byas pa nyid de/ dge ba dang mi dge ba dag gi rnam par rig byed ma yin pa'i gzugs dag gi ji ltar srid pa'i ngag yongs su rdzogs pa la mtshan nyid 'di skyon dang bcas pa'o zhes zer ba ni ma yin pa nyid do/ /gzhan du de'i mtshan nyid bshad pa byas pa dang mi 'dra ba'i sems la'ang sems med pa la gang / /lung bstan thogs pa med pa'i gzugs/ /de ni rnam par rig byed min 'dod/ /byas pa dang yang zhes pa ni byed pa dang bya ba gzhan yang ngo / /mi 'dra ba'i sems la'ang zhes pa ni kun slong du gyur pa'i 'dra ba'i sems la yang ngo / /lhag ma go sla ba nyid do/ /'di mtha' dag gi bya staM pA/ mtshan nyid du yongs su rtog na yang de la re zhig mtha' dag gi ma yin te/ thams cad kyi re re rnam par rig byed ma yin pa'i rdzas kyi mtshan nyid kyi phyir ro/ /nA pi bya staM thams cad la mtshon du med pa'i phyir ro/ /de'i phyir lung bstan thogs pa med pa'i gzugs zhes pa de kho na 'di'i mtshan nyid yin gyi lhag ma ni don med pa nyid do/ /yang na thogs pa med pa'i gzugs zhes asdu lung bstan pa smos pa yang don med pa can no/ /'dir yang rgyun nyid de'i mtshan nyid yin gyi rdzas ni ma yin no/ /a ta smin+bA ta ta pra yo ga i ti ba hu pra ka ra bi shrI NI ta shA ka the ti/ spros pas chog go/ /skabs su gsal nyid brtsam par bya ste/ 'byung ba dag ni sa khams dang / /zhes bya ba la sogs pa la/ dang po dang mthar khams smos pa ni bar du yang shes par bya ba'i phyir ro/ /khams smos pa ni kha dog dang dbyibs kyi bdag nyid kyi sa la sogs pa bsal ba'i phyir te/ gzhan du bshad na ni de dag la yang thal bar 'gyur ro/ /sa nyid khams yin pa ni sa'i khams te lhag ma la yang de skad du brjod par bya'o/ /gzhan dag ni sa'i khams ni sa'i khams so zhes 'chad do/ /de lta na ni thams cad rgyur byas pa'i gzugs 'dzin pa'i phyir khams nyid du 'gyur ro/ /rang gi mtshan nyid dang rgyur byas pa'i gzugs 'dzin pa'i phyir khams dag go zhes bya ba ni nges pa'i tshig gi tshul gyis te/ rang gi mtshan nyid ni sra ba dang gsher ba la sogs pa'o/ /rgyur byas pa'i gzugs ni 'byung ba dag las gzhan pa'i gzugs thams cad do/ /gzhan dag ni gzugs thams cad kyi 'byung gnas yin pa'i phyir khams rnams so zhes so/ /'byung ba rnams kyang 'byung ba rnams kyi gnas yin te skal ba mnyam pa'i rgyu yin pa'i phyir ro/ /'jig rten na yang 'byung gnas dag la khams kyi ming 'dogs te/ zangs kyi 'byung khungs bzhin no/ /khams bco brgyad kyi gnas skabs su ni thams cad reg bya'i khams te rigs kyi don rgyu'i don du dgongs pa'o/ /'dir ni sa la sogs pa so so rnams la rigs kyi don med do zhes gzhan dag ste/ 'byung ba so so rnams kyi rigs kyi don kyang khams kyi sgra la 'gal ba med do/ /'byung ba chen po bzhi rnams zhes bya ba la/ yang ji ltar 'di dag chen po nyid dang 'byung ba nyid dang gzhi nyid yin zhe na/ 'di dag gzugs gzhan thams cad kyi rten nyid dang rags pa'i phyir chen po nyid do zhes bya ba la/ gang zhig 'byung ba dag las gzhan pa'i gzugs de'i rten nyid dang rags pa'i phyir te/ gtos che ba'i phyir ro zhes bya ba'i tha tshig go/ /yang na 'byung ba de dag gi shas che ba gang dag la yod pas sa la sogs pa'i phung po de dag ni de dag gi bya ba shas che ba dag go/ /bya ba ni 'dzin pa la sogs pa'i las so/ /shas che ba nyid ni mtshan nyid rgyas pa las de dag mngon par gsal ba'o/ /sa la sogs pa'i phung po dag ni kha dog dang dbyibs kyi bdag nyid can dag go/ /chen por gnas pa nyid ni rgya chen por gnas pa nyid do/ /gzugs la sogs pa'i tshogs thams cad la sra ba la sogs pa yod pas na de dag ni chen po nyid do zhes slob dpon 'dus bzang zer ro/ /de ltar phyi rol tu bshad pa'i tshogs pa la gzugs la sogs pa dang ma bshad pa la ro la sogs pa dang thams cad du gzugs kyi khams na dri dang ro dag med do/ /sngon po la sogs pa rnams kyang de dag tshogs pa rnams la phan tshun med pa de ltar sra ba la sogs rnams la 'gar yang med pa ma yin no/ /de ltar re zhig chen po nyid yin no/ /'byung ba nyid ni gzugs rnam pa sna tshogs mngon par 'grub pa la de dang de dag gi rnam pa 'byung bas na 'byung ba dag go/ /gzhan dag na re 'khor ba thog ma med pa nas sems can thams cad kyi las kyi dbang gis nam yang ma byung ba myang bas na 'byung ba dag go zhes zer ro/ /yang na 'byung ba nyid 'byung ba'i dngos po'i ngo bo mched par byed pas na 'byung ba ste dngos po'i yod pa dang sems can gyi skye ba rgyas par byed ces bya ba'i tha tshig go/ /yang ji ltar 'byung ba chen po dag ni bzhi kho na yin gyi nam mkha' ni ma yin zhes khong du chud par bya zhe na/ nam mkha' ni 'byung ba bzhin du dngos po rnams la phan 'dogs pa dang gnod par byed pa'i rgyu mtshan ma yin pas 'byung ba dang mtshan nyid mi mthun pa'i phyir dang go skabs 'byed pa'i phyir 'byung ba ma yin no/ /'byung ba rnams ni de la yang phan 'dogs pa dang gnod pas 'jug go/ /gang du gzugs tshogs pa de nas nam mkha' 'gro ba med pas go skabs 'byed pa mi rung ngo zhe na/ de sgrib pa med pa'i ngo bos gnas pas thogs pa med pa'i phyir ro/ /'di la phan 'dogs pa dang gnod pa byed pa'i 'jug pa med do/ /des na thogs pa dang bcas pa rnams la go skabs 'byed pas btags pa yod la/ de la nam mkha'i khams sam nam mkha' nyid kyis nye bar btags so/ /de ltar 'bras bu sna tshogs pa mi byed pa'i phyir nam mkha' 'byung ba chen po ma yin no/ / sa la sogs pa'i 'byung ba dag ni mig la sogs pa 'bras bu sna tshogs su byed par mthong na nam mkha' ni rtag pa gcig pu yin zhing sna tshogs pa ma yin no/ /rtag pa dang sna tshogs pa ma yin pa ni rgyu las 'bras bu sna tshogs pa dang mi rtag par mi rung ngo / /dngos po rnams skye ba dang 'jig pa'i dus dag tu khyad par med pa'i phyir nam mkha' ni sa la sogs pa bzhin du 'byung ba chen po ma yin no/ /sa bon la sogs pa'i gnas skabs kyi 'byung ba dag ni rnam par 'gyur ba skye ba na myu gu la sogs pa'i gnas skabs kyi rkyen dag tu mthong na nam mkha' ni de ltar rnam par 'gyur ba ma yin te rtag pa'i phyir ro/ /gzhan dag na re nam mkha' ni chen po yin gyi 'byung ba ni ma yin te/ 'byung ba ni skyes pa'i rnam grangs yin pa'i phyir ro/ /ji skad du 'byung ba chen po nyid kyis 'thad pa'i phyir dang gang yang rung ba zhig ma tshang na 'byung ba las gyur pa skyed par mi nus pa'i phyir lhag chad med par bzhi nyid kho na'o zhes zer ro/ /bye brag tu smra ba rnams na re nus pa med pa don med par thal ba'i phyir te khri'u rkang pa bzhi pa bzhin no zhes so/ /yang khams de dag ces bya ba rgyas par 'byung ba la gal te rang gi ngo bo tsam zhig bstan par bya ba yin bzhin du ci'i phyir sa'i khams la sogs pa'i las brjod ce na/ gzugs kyi tshogs pa thams cad ma de dag gi rang bzhin ma dmigs kyang las de yod pa nyid du rjes su dpag par bya ba'i phyir te/ de ltar de dag phan tshun tha dad pa nyid bshad par 'gyur ro/ /'di ltar rdo ba la sogs pa rnams la sdud pa dang 'phel ba dang ltung ba rnams ldan pas sa'i khams chu dang rlung dang lhan cig spyod par shes par bya'o/ /chu la yang gru 'degs pa dang 'o ma dang 'bras bu smin pa dang dro ba dang g.yo ba rnams mthong bas sa dang rlung dang me rnams chu'i khams dang lhan cig dang me la yang brtan pa dang gang bur 'dug pa dang g.yo ba mthong ba'i phyir sa dang chu dang rlung rnams me dang lhan cig dang / rlung la yang 'dzin pa dang gos la sogs pa skems pa dang 'jug pa rnam par rgyu ba mthong bas sa dang me dang chu rnams rlung dang lhan cig spyod par shes par bya'o/ /las dang rang bzhin khyad par ci yod ce na byed pa la bltos pa dang de bzhin du las kyi kun spyod rdzas 'dzin pa la bltos pa na/ de ltar las kyi kun spyod rdzas 'dzin pa la bltos pas sa'i khams la 'dzin pa'i las su brjod par bya'o/ /kun sdud pa la bltos te gzhan kun sdud pa'i las brjod pa la bltos nas ma dang ldan pa'i las brjod pa bya'o/ /mer mer po ni myu gu la sogs pa la bltos te g.yo ba ni 'phel ba'i las su brjod par bya'o/ /gzhan dag na re 'byung ba'i mtshan nyid las rnams ni gsum pa dang du gcig pa nyid yin no zhes zer ro/ /rang bzhin ni rang gi ngo bo nyid de de yang thams cad du dngos po gzhan la bltos pa'o zhes pa ni khyad par ro/ /rgyas par byed pa ni 'phel bar byed pa dang rgyas par byed pa yin no/ /'phel ba ni myu gu la sogs pa rnams steng dang 'og dang ngos su ba ni la sogs pa dag las ches lhag par skye ba yin la/ rgyas par byed pa ni shing ljon pa la sogs pa rnams bar chad med par yul gzhan dag tu skye ba'o/ /sra gsher de nyid g.yo ba rnams/ /zhes bya ba la/ dngos po'i rkyen bshad pa ni rdzas las dngos po don gzhan ma yin pa nyid du shes par bya ba'i phyir te/ de nyid kyi phyir dro ba nyid ni me khams so zhes bshad do/ /dngos po rnams kyi mtshan nyid ni rang bzhin kho na yin te mi 'khrul ba'i phyir ro/ /mkhrang ba dang 'thas pa zhes bya ba'i bar du bstan par 'gyur ro/ /gsher ba ni chu'i khams so zhes bya ba la/ brlan pa'i bdag nyid can yin pa'i phyir gsher ba'o/ /gzhan dag phrag nyid do zhes zer ro/ /dro ba ni sreg par byed pa zhes bya ba'i tha tshig go/ /'byung ba smos pa ni gzugs can ma yin pa ni yul na mi gnas pa'i phyir ram yul gzhan du skyed pa mi srid pa'i phyir ro/ /rgyun smos pa ni skad cig ma gcig la yul gzhan du skye ba med pa'i phyir ro/ /sgron me g.yo ba bzhin du zhes bya ba la/ ji ltar sgron me skad cig ma yin pas 'gro ba bzhin du yul gzhan du skyed pa rlung gis g.yo bar brjod pa de bzhin du gzhan 'byung ba'i rgyun la yang yin no/ /mdo sde dang bstan bcos 'gal ba spang ba'i phyir ro/ / rab tu byed pa dag ces bya ba rgyas par 'byung ba la/ rab tu byed pa dag las rlung gi khams gang zhe na/ yang zhing g.yo ba nyid do zhes bstan la/ mdo sde las ni rlung gi khams ni yang ba nyid do zhes bstan to/ /yang ba nyid de ni rlung gi khams nyid ma yin te/ 'o na ci zhe na rab tu byed pa dag las lci ba nyid dang yang ba nyid do zhes bshad pa rgyur byas pa'i gzugs gzhan yang yin no/ /de'i phyir rlung gi khams gang zhe na/ yang ba nyid do zhes brjod pa ni rgyur byas pa'i gzugs la yang thal bar 'gyur na/ g.yo ba nyid do zhes brjod na las su 'gyur bas na/ g.yo ba'i rang bzhin yin pas rlung la yang ba dang g.yo ba gnyi ga brjod do/ /rang bzhin gyi sgra ni 'dir las la blta bar bya'i rang bzhin la ni ma yin te/ de'i bya ba ni 'byung ba rnams yul gzhan du skyed pa'o/ /de nyid kyi phyir 'di'i rang bzhin las kyis gsal ba yin no zhes rnam par bshad do/ /'di skad bshad par 'gyur te/ g.yo ba'i las can gyi yang ba ni rlung gi khams yin gyi thams cad du gzhan yang ba ma yin pa ni rlung gi khams kyi rang bzhin ma yin no zhes slob dpon 'dus bzang zer ro/ /'o na mdo sde dang rab tu byed par gsungs pa rlung gi khams ci ltar zhe na/ rgyu la 'bras bu btags pa'i phyir ro/ /gal te me'i khams la yang yang ba nyid kyi rgyu yod kyang de ni rlung gi khams ltar thams cad du yang ba ma yin la/ kA sha'i me tog la sogs pa'i yang ba nyid la yang gzhan du na me'i khams las byung ba'i dro ba der dmigs so/ /de'i phyir yang ba thams cad kyi rgyu nyid kyi phyir rlung gi khams la 'di gdags par rigs so/ /sa la sogs pa rnams la ni de'i 'bras bu lci ba nyid la sogs pa rnams dang pu kha ta ra gra h+ya ta re nyid kyi phyir de'i rang bzhin gyis zhes pa yang ba'i khyad par rlung gi khams la ki bArma te/ gang la rgyu la 'bras bu btags par rtag par byed/ g.yo ba zhes pa yang las kyis 'di bstan gyi rang bzhin gyis ni ma yin te/ rang bzhin ni gzhan la ltos pa med pa'i phyir sra ba la sogs pa bzhin no/ /rab tu byed par yang zhing g.yo ba nyid ces gnyi ga bstan pa don med pa ma yin no/ /gzhan du yang nges par shes pa ngo bo'i rang bzhin gyis yang ba nyid bstan pa ni rgyu la 'bras bu btags pa zhes sgrub par nus te gzhan du ma yin no/ /de ltar na 'dir mdo byed pa la rab tu sdang bas rnam par bshad pa la rnam par rtog pas rgyu gzhan tshol bar byed pa yang dmigs so/ /sa la sogs pa dag gis 'byung ba rnams ma bstan pa'i phyir sa la sogs pa dag 'byung ba rnams las gzhan yin no zhes don gyis smras par 'gyur ro/ /de'i phyir 'dri ba ni sa la sogs pa dang zhes rgya cher 'byung ba'o/ /sa ni kha dog dang dbyibs so zhes gal te sa'i sgras tshogs pa bzung la de la dri dang ro dang reg pa yod kyang kha dog dang dbyibs kho na las zhes bya ba'i rgyu brjod par bya'o zhe na/ 'jig rten gyi tha snyad du zhes brjod pa ma yin nam/ 'jig rten las grags pa ni btags par yod pa yin la/ 'jig rten na yang sa ston pa na kha dog dang dbyibs ston par byed do/ /'jig rten na snam bu ston pa na yang de lta yin nam zhe na/ yin te ring po'am dkar po'o zhes kha dog dang dbyibs kho na ston par byed do/ /yang snam bu ni skye mched bzhi'i bdag nyid du 'dod de sa bsnam par bya'o/ /myang bar bya'o/ /reg par bya'o zhes dri la sogs pa rnams kyis kyang 'jig rten na sa la nye bar spyod do/ /sa dang chu dang me'i khyad par las kha dog dang dbyibs dag dang sa la dri la sogs pa yod kyang gzugs kyi skye mched nyid kyis nye bar spyod do/ /chu la dri med kyang bsnam par bya'o zhes dri yis nye bar spyod do/ /me la dri dang ro dag med kyang khams gnyis dang sa la gzugs kyi skye mched khyad par med pa'i phyir zhes slob dpon 'dus bzang zer ro/ /de lta na 'o na thams cad du khyad par med par reg pa yis kyang nye bar spyod par thal bar 'gyur ro/ /'jig rten na ni kha dog dang dbyibs la sa ste bsnam par bya'o myang bar bya'o reg par bya'o zhes ston par byed kyi dri la sogs pa rnams ni ma yin te gzugs kyi skye mched bzhin no/ /'jig rten gyi tha snyad kyis sa nyid du khas blangs nas de ltar bshad de/ 'jig rten gyi tha snyad la ltos nas zhes bya ba'i tha tshig go/ /de bzhin du rnam par dpyad mi lang ba nyid kyis 'jig rten gyi gdags pa la nges pa yod pa ma yin zhes bya'o/ /chos mngon pa dag gis 'dir sa dang snam bu dag gis bstan pas de'i phyir dri la sogs pa rnams kyis kyang sa nye bar spyod pa skyon med do/ /gang kha dog dang dbyibs dag gis ston par byed pa de dag la slar 'di skad bshad do/ /'jig rten pa thams cad la btags pa gcig tu mtshungs pa ni med do/ /snam bu ni skye mched bzhi'i bdag nyid du yongs su bzung bas thams cad tshogs pa la ji ltar rigs par bstan pa byas par 'gyur ro zhes slob dpon 'dus bzang zer ro/ /gang gi tshe kha dog dang dbyibs las zhes pa de bzhin du chu me yang ngo / /chu rnams la re zhig sngon po dang ring po dag gis chu ston par byed de rdzas nyid kyis kyang nye bar 'dogs pa 'di lta bu yod par smra'o/ /chu rnams dra ban+tI ti na ti kha dog dang dbyibs phra ba nyid phan tshun gsher ba nyid yod pa de'i phyir kha dog dang dbyibs phra mo rnams tshogs pa'o/ /rlung gis bskul ba'i dbang gis yul gzhan du skyed pa yang mthong bar 'gyur ro zhes brjod do/ /'gro bar byed pas na chu'o/ /me la yang me stag dmar po 'bar ba dang ring po zhes 'jig rten gyis gdags par byed do/ /rlung tshogs khams nyid yin zhes pa g.yo ba'i las can yang ba'o/ /rdzas gcig pu nyid la 'jig rten na rlung zhes pas de'i phyir rlung dang rlung gi khams la khyad par med do/ /rlung rnams kyi tshogs ni rlung yod pa ste 'jig rten na rlung sngon po rlung zlum po zhes smra bar byed de/ de 'ga' zhig tu nye bar dmigs pas smra bar byed pa ni de dang 'dra ba'ang yin zhes pa ste/ de la 'dis 'di 'thor sa 'thor bar nus te de'i phyir rlung gi khams nyid rlung ngo zhes snga rabs pa rnams zer ro/ /sgra'i nges gzung gi phyir khams nyid yin zhes bya'o/ /sa la sogs pa ni kha dog dang dbyibs kyi bdag nyid kho na de ltar rigs te/ zad par gyi skye mched rnams la mi sdug pa'i khyad par nyid las dang mi sdug pa las kyang gzugs med pa'i phyir ro/ /rang gi ngo bo phan tshun tha dad pa dag la sgra tha mi dad pa 'jug pa'i rgyu mtshan khong du ma chud pa'i phyir ram/ thams cad du 'chad par 'gyur ba'i nges tshig med pa'i phyir 'dri ba ni ci'i phyir rnam par rig byed ma yin pa'i zhes rgya cher 'byung ba'o/ /gzugs su rung ba zhes bya ba ni gnod pa byar rung zhes bya ba 'di la shes byed kyi khungs ni don gyi sde tshan dag las mdo gsungs pa yin no/ /'di la dper brjod pa ni/ zug rngus zug bzhin gnod par 'gyur/ /zhes bya ba 'di yin te gnod pa'i gnas su gzugs su rung ba'i sgrar sbyar ba'i phyir ro/ /gal te zug rngus zug pa la sems pa dang bcas pas zug rngus bsnun pa las skyes pa'i sdug bsngal gyis gnod par 'gyur ba dang gnod pa tshol bar byed pa la/ de'i tshor ba'i 'dod pa la gnod pa byas pas bskyed pas gnod par 'gyur zhes bya ba ni rigs na/ gzugs ni sems can ma yin pas sdug bsngal med pa'i phyir ram/ yang na gzugs skad cig ma yin pa nyid kyis gnod pa byed pa'i dus med pa'i phyir gnod pa gang zhig yod ce na/ de'i phyir yongs su gyur pa bskyed pa'o zhes bya ba gsungs te/ rgyun gyi dbang du byas nas yin gyi skad cig gis ni ma yin no/ /yongs su 'gyur ba ni gzhan du 'gyur ba nyid do/ /mi 'dra ba yongs su 'gyur ba ni yongs su 'gyur ba ste snga ma dang mi 'dra ba nyid du bskyed pa'o zhes bya ba'i don to/ /gzugs su rung ba ni thogs pa'o zhes bya ba ni rang gi yul du gzhan skye ba'i gegs so/ /gang gi phyir sngon gyi las goms pa las dpyad na gzugs kha dog ngan pa dang kha dog bzang po an+ti ye yaM tshad mas rtogs par bya ba u da kro d+ha na b+ha b+ha yu ba nA hi zhes gsungs pa'i phyir mthar phyin pa'am dngos po la mngon par dpyad pas gzugs byar+tha tshe dang ldan pa khyod kyi dbang po rnams ni rab tu dang ba las na khyod kyis bdud rtsi cung zad rtogs so zhes gsungs pas so zhes slob dpon 'dus bzang zer ro/ /'di ni sems can du ston pa dang bstan du yod pa nyid kyi steng nges pa'i tshig kyang gzugs can ma yin pa thams cad la med pa'i phyir gzugs can kho na la de'i don srid do zhes pa yin no/ /gzugs kyi nges pa'i tshig gang la yin pa de kho na la de'i don las gzugs bstan par 'gyur gyi gzhan las ma yin zhes so/ /skyon de nyid du thal ba'am de'i rigs yin pa'i phyir mi skye ba'i chos can do She i ti tse ta bstan du yod pa dang bstan du med pa dag rigs mtshungs pa yod pa ma yin no/ /yod pa ni mi skye ba'i chos can mig la sogs pa'i rigs nyid rgyur byas pa'i gzugs kyi rigs yongs su bzung ba la yang 'byung ba rnams gzugs nyid du mi 'gyur ro/ /'dir de'i shes byed bshad pa gang yin pa de rnams kyang ma 'brel ba nyid de/ bde bar gshegs pa pa'i nges pa'i tshig ma yin no/ /de skad ces rgol ba la thams cad du bra ti bi d+hA nok+ta/ 'o na ni rdul phra rab ces bya ba la gal te gzugs su rung ba yongs su 'gyur ba bskyed pa dang thogs pa yin na ni gnyi ga ltar yang gzugs su mi 'gyur te cha shas med pa'i phyir ro/ /de ni ji ltar blta bar mi nus pa de bzhin du lag pa la sogs pa'i 'dus te reg pa dag gis reg par yang mi nus te yongs su 'gyur ba yang ma yin la thogs pa yang ma yin snyam du bsams pa'o/ /'di na rdzas kyi rdul phra rab la mngon par 'dod kyi 'dus pa'i rdul phra rab ni ma yin te/ de ni rdzas brgyad pa yin pas gzugs su rung bar mi 'gal lo/ /de nyid kyi phyir rdul phra rab kyi rdzas gcig logs shig tu gyur pa ni med pa nyid do zhes bya ba gsungs te/ 'dod na dbang po med pa dang / /sgra med phra rab rdul rdzas brgyad/ /ces bya ba la sogs par nges pa'i phyir ro/ /'dus pa la gnas pa de ni gzugs su rung ba nyid do/ gzugs su rung ba'am thogs pa yin no/ /gzhan dag ni rdul phra rab logs su gyur te yod pa nyid kyang gzugs su rung ba'o zhes zer ro/ /so so'i rnam par rig byed bskyed pa ni ma yin te/ rnam par shes pa'i tshogs lnga po rnams ni bsags pa la brten nas dmigs pa'i phyir ro/ /'di ltar yul nges pa med pa rnams thogs pa med pa'i ngo bo yang thogs pa dang bcas par 'dod de/ de rnams thogs pa'i ngo bor yod pa byas nas gzugs rnams de ltar rtog par bya'o/ /'o na ni 'das pa dang ma 'ongs pa zhes pa zhes bya ba la yul na mi gnas pa'i phyir gnod pa byar rung ba ma yin zhing thogs pa ma yin te gzugs can ma yin no snyam du bsams pa'o/ /de yang gzugs su yod zin pa dang zhes bya ba ni 'das pa'o/ /gzugs su yod par 'gyur ba zhes bya ba ni ma 'ongs pa skye ba'i rgyu'i chos can no/ /de dang rigs mthun pa zhes bya ba ni gzugs su yod par gyur pa dang rigs mthun pa mi skye ba'i chos can la 'dod de bud shing bzhin no/ /dper na shing la sogs pa 'bud bzhin pa ma yin pa la yang bud shing du brjod de/ de dang rigs mthun pa'i phyir bud shing yin pa de bzhin du 'dir yang yin no/ /'o na rnam par rig byed ma yin pa gzugs ma yin par 'gyur te de dang rigs mthun pa ma yin pa'i phyir dang thogs pa med pa'i phyir ro zhe na/ rnam par rig byed rgyur byas pa'i gzugs dang rigs mthun pa'i phyir gzugs dang rigs mthun pa nyid ma yin nam/ de nyid legs par dpyad na 'byung ba chen po'i rgyu las byung ba'i dngos po ni ji ltar yul na mi gnas zhes bya'o/ /de yang rnam par rig byed la gzugs yod pa'i phyir gzugs su yod par 'gyur te/ shing ljon pa g.yos pas grib ma g.yo ba bzhin no/ /nye bar 'jal ba dang dper brjod pa 'di ni 'dra ba ma yin te/ /shes pas shes byed 'jal ba ba lang gis ba men bzhin no/ /de ltar na grib ma g.yos pa dang rnam par rig byed ma yin pa 'dra ba ma yin no/ /dper brjod pa 'dir gang dper brjod pa dang sgrub byed kyi phyir bstan pa'i ngag 'di 'dir sgrub byed kyi chos ci yin/ rab tu sbyor ba du ma bsdus pa'i don ni rab tu sbyor ba'i ngag ma yin la/ rab tu sbyor ba'i ngag ni rang gi rten gyur pa la sgrub par byed pa ste rnam par rig byed ma yin pa la brten pa'i phyir grib ma bzhin no/ /yang na rnam par rig byed thams cad la brten pa'i dbang du byas te/ gzugs rjes su rnam par 'gyur ba'i rgyu la brten pa'i phyir ljon shing bzhin no/ /bsam gtan dang zag pa med pa'i sdom pa rnam par rig byed ma yin pa ni rnam par rig byed la mi ltos pa yin yang de'i rigs can yin pa'i phyir 'gyur ba med pa'i phyir ma yin te zhes rgya cher 'byung ba la/ kha cig na re dam bca'i khyad par 'di ni gzugs la med do/ /'gyur ba zhes pa de'i phyir 'di skad brjod par 'gyur te rnam par rig byed 'gyur ba ni de rig byed ma yin pa yang ma yin/ /rnam par rig byed gyur na mi 'gyur bas zhes so/ /de ni de lta ma yin te gang gi phyir gzugs su rung ba lag pa dang rkang pa la sogs pa'i 'dus te reg pa dag gis gzhan du bskyed pa de yang thogs pa med pa'i phyir rnam par rig byed ma yin pa der dngos su mi 'gyur bas de'i phyir rnam par rig byed kyi phyis khas blangs pa de 'di ltar dgag par mi bya'o/ /mi 'gyur ba'i phyir zhes pa khyad par med pa'o/ /'gram lcag dang thal mo dang 'bru la sogs pa rnam par 'gyur ba la rnam par rig byed ma yin pa'i khyad par yod pa ma yin pas de'i phyir gzhan gzugs su rung ba ma yin pa'i mtshan nyid rnam par 'gyur ba ni rnam par rig byed kyi phyi nas dang rnam par rig byed ma yin pa dag la'o zhes bshad par mi 'gyur ro/ /shing ljon pa la ni yal ga dang lo ma la sogs pa'i chung ba dang 'phel ba dang grib ma chung ba dang 'phel bar 'gyur bas shing ljon pa g.yos pas grib ma g.yos pa mi 'gal lo/ /de bzhin du sgrub byed la skyon bshad pa yang gang zhe na/ gtan tshigs ma grub pa nyid de/ gang gyur pas gang la gyur pa'i dngos po de dag rten dang brten pa'i dngos por med de/ dper na shing pa lA sha dang de'i grib ma bzhin/ yang na khas blangs pa'i d+hI d+hAM rgol bar byed de/ rnam par rig byed gyur kyang rnam par rig byed ma yin pa la ji ltar g.yeng ba rjes su 'jug pa'i phyir spyir btang ba khas blangs pas rnam par rig byed kyi gzugs las rnam par rig byed ma yin pa'i gzugs sel bar byed de/ rnam par rig byed log na zhes so/ /'dir yang gtan tshigs ma grub pa nyid de/ rnam par rig byed ma yin pa ni rnam par rig byed la brten pa ma yin zhing de log na de ldog pa ma yin no/ /bzlog pas grib ma rnam par rig byed e k+Shi ra k+Shi byed pa la yang sgrub byed brjod par bya ba ni go sla bas ma bshad do/ /yang na grib ma song ba nyid kyis rten log na bzlog pas khyab ces bya ba la rnam par rig byed log na rnam par rig byed ma yin pa bzlog ces bya ba ste/ 'dod pa la gnod byed 'gal ba'o/ / 'gal bar mthong ba ma yin te de las gzhan du khas blangs la gnod pa nyid de/ re zhig dper brjod khas blangs nas skyon med pa dang dpe la yang skyon med do/ /rten gyur na gyur par 'dra ba'i phyir dpe nyid kyang rnam par rig byed gyur na yang ma gyur pa'i phyir rnam par rig byed ma yin pa'i dpe ma yin par grib ma zhes ston par byed de/ rnam par rig byed log na yang de ma log la de gyur na yang ma gyur ro zhes shes par bya'o/ /kha cig na re rnam par rig byed gyur pa las gyur pa ni rnam par rig byed nyid do zhes zer ro/ /'di ltar rnam par rig byed ma yin pa ni rnam par rig byed chung ngu dang 'bring dang chen po la bltos nas chung ngu dang 'bring dang chen por 'gyur ba ni ma yin gyi/ snga ma las gzhan du skye ba la 'dir gyur par dgongs pas na 'di ni klan ka ma yin no/ /gzhan dag na re/ rten gyi 'byung ba la gzugs su yod pa'i phyir zhes zer ro zhes bya ba ni slob dpon dbyig gnyen bya ba ste/ sngon po la sogs pa rgyur byas pa'i gzugs 'byung ba la brten pa na/ 'byung ba dang grub pa dang bde ba gcig par mthong ste de'i phyir rgyur byas pa'i gzugs yin pas 'di yang rten gyi 'byung ba la gzugs su yod pa'i phyir gzugs su rung ba'o/ /thogs pa dang bcas pa'i phyir rgyur byas pa'i gzugs gzhan gzugs su yod pa dngos su khas blangs pa'i phyir la/ 'di ni thogs pa med pa'i phyir rten gyi sgo kho na nas gzugs su rung ba yin no zhes so/ /de lta na 'o na ni mig gi rnam par shes pa la sogs pa dag kyang zhes rgya cher 'byung ste/ de rnams kyi rten mig la sogs pa dag ni thogs pa dang bcas pa yin no zhes so/ /de nyid thal ba'i sgo nas 'khrul par ston par byed do/ /gzhan dag na re/ rten 'byung ba gzugs su yod pa'i phyir gzugs nyid du bshad pa la/ mig la sogs pa'i rnam par shes pa rnams la thal ba ci zhe na/ de dag gi rten 'byung ba med do/ /'dir ni thogs pa dang bcas pa'i rten gyi sgo nas rnam par rig byed ma yin pa nyid do/ /gzugs nyid 'dod pa 'byung ba rten ma yin pa'i phyir/ des na mig la sogs pa rnam par shes pa la sogs pa rnams la thal ba'o/ /nye bar bkod pa 'di ni mi mthun pa yin te zhes bya ba ni de nyid la lan smra'o/ /rnam par rig byed ma yin pa ni ljon pa la grib ma nyid ces bya ba rgya cher 'byung ste/ ji ltar shing ljon pa dang grib ma dag dang nor bu dang 'od dag grub pa dang bde ba dang gcig pa de bzhin du rnam par rig byed ma yin pa dang 'byung ba dag grub pa dang bde ba gcig go snyam du dgongs pa'o/ /mig gi rnam par shes pa la sogs pa dag ni mig la sogs pa dang de ltar yang ma yin te/ de dag ni de dag gi skye ba'i rgyu tsam 'ba' zhig tu zad pa'i phyir ro/ /'di ni re zhig bye brag tu smra ba ma yin te zhes bya ba la shing ljon pa la brten nas grib ma dang zhes rgya cher 'byung ba'o/ /ci ltar bye brag tu smra ba'i ma yin zhe na/ grib ma la sogs pa kha dog gi rdul phra rab rnams zhes bya ba la sogs pa'o/ /de la grib ma dang 'od ces bya ba ni kha dog gi gzugs kho na la/ kha dog gi rdul phra rab rnams ni rang gi 'byung ba bzhi chen la brten pa'i phyir shing ljon pa la sogs pa dag gi rten du mi 'dod do/ /grib ma dang 'od kyi rdul phra rab rnams kyi 'byung ba rnams ni shing ljon pa'i 'byung ba rnams rgyu ste de skyang ba dang gnas pa dang gyur pa'i rjes su 'byung zhing 'jug pa'i rgyu dang rten skyed pa dang rjes su 'jug pa'i rgyu dang gnas par gyur pa dang mthun par sgrub pa'i phyir ro/ /de'i grib ma la sogs pa'i rdul phra rab kyi rang gi 'byung ba rnams nyid rten skyed pa'i phyir shing ljon pa la brten pa ni ma yin par 'gyur ro/ /de'i phyir 'di nyid bye brag tu smra ba'i ma yin zhes pa/ /gzhan dag ni kha dog dang dbyibs ni kha dog la sogs pa'i spyi'am kun btags pa'o/ /gal te kha dog dang dbyibs tsam kho nar bden pa bye brag tu smra ba'i kha dog dang dbyibs la mngon par brten nas lus rab tu dbye ba bye brag tu smra ba 'dod do/ /ci ste kha dog la sogs pa'i spyi nyid kho na yang bye brag tu smra ba rnams kyi ma yin te de ni btags par yod pas bye brag tu smra ba rnams rgyu nyid du khas mi len no zhes gzhan dag zer ro/ /slob dpon 'dus bzang na re/ grib ma zhes bya ba kha dog mtha' dag gi spyi la gzung gi kha dog nyid la ni ma yin te shing ljon pa bzhin no zhes zer ro/ / de ltar gnyis po dag kyang btags par yod pa'i rten dang brten pa'i ngo bos hI yi ste/ rdzas kyi rten dang brten pa'i ngo bor khas ma blangs pa'i phyir ro/ /da lta yin dang 'byung ba rnams dang 'byung ba la brten pa rnams dang / rgyur byas pa'i gzugs la brten pa rnams kyang de rnams su thal bar 'gyur ro/ /rgyur byas pa'i gzugs kyang rgyur byas pa'i gzugs la brten cing zhes pa yod kyang gzugs la brten pa nyid ces pa ljon shing dang nor bu la brten pa nyid ces 'brel dang sbyar ro/ /grib ma dang 'od ni rang gi 'byung ba la brten te de'i rjes su byed pa'i phyir ro/ / rnam par rig byed ma yin pa'i rten 'byung ba chen po dag 'gags kyang zhes bya ba la/ 'dod gtogs rnam rig min skad cig /phyin chad 'das pa'i rgyu las byung / /zhes gsungs pa'i phyir rten gyi 'byung ba chen po dag 'gags kyang rnam par rig byed ma yin pa rjes su 'jug pa yin gyi/ grib ma dang 'od dag ni de ltar rten 'gags kyang mi 'gag pa ma yin no/ /de'i phyir rnam par rig byed ma yin pa ni shing ljon pa la grib ma nyid dang zhes bya ba la sogs pa gang smras pa de lan ma yin no/ /a b+hU te ra sa ma n+yA ga ta byA tsa bi dz+nyA b+hi rastA+e t+ya sam+ban+d+ha me ti n+ni ru d+h+ya te te ShA s+ya bi dz+nyA b+ti slob dpon 'dus bzang zer ro/ /gzhan dag ni skyed byed kyi 'byung ba rnams rnam par rig byed ma yin pa'i rten du 'dod do/ /cig shos ni 'brel ba med pas 'di'i rten yin no/ /gzhan dag gis ni 'di la zhes pa ni slob dpon nyid de/ mig la sogs pa'i rnam par shes pa dag gzugs nyid du thal bar 'gyur ro zhes bya ba 'di la'o/ /'di skad du bstan par 'gyur te gal te rten gzugs su yod pa'i phyir mig la sogs pa'i rnam par shes pa dag kyang rnam par rig byed ma yin pa ltar gal te gzugs nyid yin na ni/ de lta na de'i rten gzugs su yod pa ma yin pa'i phyir 'ga' zhig gzugs nyid ma yin par yang 'gyur na gcig la chos phan tshun 'gal ba 'du ba yang ma yin te rtag pa dang mi rtag pa bzhin no/ /rnam par rig byed ma yin pa de ltar rten tha dad du gyur pa ma yin te/ 'o na ci zhe na thams cad gzugs su yod pa ma yin no/ /de lta bas na 'dra bar thal ba med do zhes bya ba ni gzhan gyi mtshan nyid mtshan gzhi nyid la 'byung ba rnams su yang thal ba'o/ /de ltar gzhan gyi 'byung ba'i gzugs rnams kyi snga ma la sogs pa bzhin du rnam par rig byed ma yin zhes pa rjes su dpag pa'i gzugs nyid du gsungs te/ lus dang ngag gi las nyid kyi phyir dang rnam par rig byed bzhin du tshor ba la sogs pa'i phung pos ma bsdus pa'i phyir ro/ /'di rang kho na'i gzugs nyid las mtshan nyid gzhan ma yin pas zhes so/ /'di'i nges pa'i tshig tsam yang gzugs su rung bas gzugs nye bar len pa'i phung po zhes bya s te mtshan nyid la brten nas khyad par du ma byas pa'i phyir mig la sogs pa'i rnam par shes pa'i rten gzugs su rung bas gzugs nyid du thal bar mi 'gyur ro zhes pa slob dpon gyi len mngon par brjod pa mi rigs pa la brten pa'i spyi bzung nas nges par gzung ba'i phyir dang go skabs med par len mngon par brjod pa'o/ /gzhan dag na re mig la sogs pa'i rnam par shes pa'i rten gzugs su rung bas gzugs nyid du thal ba med do/ /de'i rigs las gzhan du na rnam par shes pa dngos por yod pa gzugs la mi ltos pa'o zhes zer ro/ /phung po rnam par gzhag pa'i mjug thogs su khams dang skye mched rnam par gzhag par rigs pa la de las brgal te tshor ba la sogs pa'i mtshan nyid ma brjod pa nyid du gzugs kyi phung po'i skye mched dang khams rnam par gzhag pa bde blag tu bstan par bya ba'i phyir/ dbang don de dag kho na la skye mched dang khams bcur 'dod ces rgya cher gsungs so/ /de'i skye mched dang khams rnam par gzhag pa zhes bya ba ni rnam par rig byed ma yin pa'i rnam par gzhag pa med pas 'di lhag ma dang bcas pa ste rnam par rig byed ma yin pa'i gzugs zhes bya ba cung zad kyang yod pa ma yin no zhes bstan pa'i don du'o/ /tshor ba la sogs pa brjod par bya ste zhes bya ba ni/ 'dus byas chos rnams de dag kyang / /gzugs la sogs pa phung po lnga/ /zhes brjod pa de la gzugs kyi phung po bshad zin nas da ni tshor ba la sogs pa brjod par bya zhes pa'o/ /tshor myong ba zhes bya ba la nyams su myong bas na myong ba'o/ /dngos po'i rang gi ngo bo sim pa dang nye bar gdung ba dang rnam pa de gnyis ka las rnam par grol ba'i rang bzhin mngon sum du byed pa'o/ /dngos po'i rang bzhin sim pa dang yongs su gdung ba dang rnam pa gnyis ka las grol ba'i nyams su myong bar byed pas kyang nyams su myong ba ste/ de yang rang bzhin gyi dbye ba las rnam pa gsum mo/ /de la lus dang sems 'phel bar 'jug pa ni bde ba'o/ /'grib par 'jug pa ni sdug bsngal lo/ /gang zhig gnyis ka yang mi 'jug la yod pa'i myong ba de ni bde ba yang ma yin sdug bsngal yang ma yin pa ste gnag pa yang ma yin dkar ba yang ma yin pa'i las bzhin no/ /rgyu mtshan gyi dbye ba las ni rnam pa drug ste mig dang gzugs dang rnam par shes pa gsum tshogs pa ni mig gi 'dus te reg pa yin la/ de bzhin du rna ba dang sna dang lce dang lus dang yid kyi 'dus te reg pa las byung ba yang rig par bya'o/ /tshor ba nyams su myong ba ni reg pa'i yin no zhes slob dpon 'dus bzang zer ro/ /gang 'dod pa dang mi 'dod pa gnyi ga las bzlog pa'i reg pa nyams su myong ba las de tshor ba ste/ de ltar bde ba myong bar 'gyur ba'i tshor ba dang zhes bya ba de lta bu la sogs pa gsungs so/ /bde ba'i tshor ba skyed pa nyid de la phan pa'i phyir ro/ /gal te yul nyams su myong ba las tshor bar 'gyur na dmigs pa gcig pa rnams la 'di'i khyad par ci zhig tu 'gyur zhe na/ de'i phyir reg pa nyams su myong bas tshor ba'o zhes rnam par gzhag go/ /de ltar na 'du shes dang mos pa dang dran pa dang shes rab la sogs pa rnams kyang dmigs pa'i sgo nas tshor bzhin te rang bzhin las brjod par mi bya'o/ /'on te dmigs pa gcig pa rnams la mtshan mar 'dzin pa la sogs pa rnams kyis 'du shes la sogs pa rnams dang khyad par 'dod na/ tshor ba yang yul nyams su myong bas ci ste mi 'dod/ reg pa nyams su myong ba yang de dang mtshungs par ldan pa'i rgyu'i ngo bo'am dmigs pa las byung ba'i phyir ro/ /de las de dang mtshungs par ldan pa'i sems las byung ba thams cad rig pa dang mtshungs par ldan pa'i khyad par las ma yin yang rgyur gyur pa'i sems las byung ba thams cad reg pa'i rgyur med pa'i phyir 'jig rten dang bstan bcos las kyang nyams su myong ba'i sgra 'bras bu'am rgyur rab tu grags pa med do/ /rab tu grags pa ni mngon du byas pa ma yin pas so/ /yang ci ltar bde ba dang sdug bsngal las tha dad pa'i gsum pa bde ba yang ma yin sdug bsngal yang ma yin pa'i nyams su myong ba yod do zhes shes par bya zhe na lung dang rigs pa las te/ gang gi phyir mdo las bde ba yang spangs sdug bsngal yang spangs te bde ba yang ma yin sdug bsngal yang ma yin zhes tshor ba rnam pa gsum gsungs pa dang / rig pa ni tshor ba dang bral ba'i sems skye ba med pa'i phyir dang bde ba dang sdug bsngal dang bral ba'i sems dmigs pa'i phyir ro zhes bya'o/ /'du shes ni mtshan mar 'dzin pa'i bdag nyid do zhes bya ba la mtshan ni khyad par te bdag dang rang bzhin dang rang gi ngo bo zhes pa rnams rnam grangs so/ /'di skad du/ khyad par 'dzin pa'i rang bzhin no/ /zhes brjod par 'gyur ro/ /chos dang sems can dang rnam par rtog pa'i gnas la 'jug pa'i phyir 'du shes te 'di tsam zhig dper brjod do/ /yang na sngon po la sogs pa'i kha dog dang dbyibs dang rten skyes pa dang bud med du rnam par rtog pa dang skyes pa'i rten la mdza' bo dang dgrar rnam par rtog pa dang de dag gi rten la rab tu sbyor ba ji lta bar bde ba dang sdug bsngal du 'dzin pa ste de lta bu la sogs pa sgra dang sgra la mngon par zhen cing khyad par du 'dzin pa la brjod par bya'o/ /de'i phyir 'di dag gi go rims de lta bu'o/ /tshor ba bzhin zhes bya ba la dper na tshor ba'i phung po rten gyi dbye bas drug tu phye ba de bzhin du 'du shes kyi phung po yang mig gi 'dus te reg pa las byung ba'i 'du shes nas yid kyi 'dus te reg pa las byung ba'i 'du shes zhes bya ba'i bar drug tu dbye'o/ /tshogs kyi sgra ni re re zhing rdzas du ma yin par shes par bya ba'i phyir ro/ /gal te yul gyi khyad par 'dzin pa'i rnam par rtog pa ni thogs pa'i reg pa rnam par rtog pa med pa dang mtshungs par ldan par ji ltar rung zhe na/ 'du shes ni sa mang po pa yin pa'i phyir tshor ba bzhin du rnam par shes pa thams cad dang mtshungs par ldan te thogs pa'i reg pa dang ldan pa ni g.yeng ba'i phyir bdag ma yin zhes pas na de la bya ba mngon par gsal bar mi 'gyur gyi g.yeng ba'i phyir tshig bla dgas kyi reg pa dang mtshungs par ldan pa la ni de'i bya ba mngon par gsal bar 'gyur ro zhes bya ba 'di ni khyad par ro/ /mig gi rnam par shes pa'i dus su mtshan mar ma bzung bar ni yid kyi rnam par shes pas nges par rtogs par mi nus so/ /de'i phyir tshor ba bzhin du 'du shes kyang 'dus te reg pa tha dad pa la tha dad par mi 'gal lo/ /'du byed phung po bzhi las gzhan/ /zhes bya ba las gang ji skad du bshad pa gsum dang 'chad par 'gyur ba'i rnam par shes pa'i phung po las gzhan pa mtshungs par ldan pa dang mtshungs par ldan pa ma yin pa'i 'du byed de dag ni 'du byed kyi phung po'o/ /rnam par shes pa'i phung po ma bstan par bzhi las gzhan ces brjod pa ci ltar yin zhe na/ 'dus byas chos rnams de dag kyang / /gzugs la sogs pa phung po lnga/ /zhes sngar nyid du rnam par shes pa bstan zin pas nyes pa 'di med do/ /bcom ldan 'das kyis mdo las zhes bya ba la sogs pas ni lung dang 'gal ba spong bar byed do/ /mdo las ni 'du byed kyi phung po gang zhe na/ sems pa'i tshogs drug go zhes gsungs la/ kha cig mdo 'di la brten nas 'du byed kyi phung po ni sems kho na yin no snyam du sems te de dag la mdo 'di dgongs pa can yin no snyam du shes par bya ba'i phyir/ bcom ldan 'das kyis mdo las zhes bya ba gsungs so/ /yang ci'i phyir sems las byung ba 'du byed kyi phung pos bsdus pa gzhan dag kyang yod na sems pa kho na 'du byed kyi phung po nyid du gsungs she na/ de'i phyir gtso bo yin pa'i phyir te zhes bya ba gsungs so/ /gang dag las gtso bo yin zhe na/ de las gzhan 'du byed kyi phung pos bsdus par bya ba dang yid la byed pa dang thob pa la sogs pa rnams las so/ /lhag ma rnams las de gtso bor gyur pa cis byas pa zhig ce na/ de'i phyir bshad pa de ni las kyi rang bzhin yin pa'i phyir de dang mtshungs par ldan pa rnams las mngon par 'du bya ba la gtso bo yin no/ /mngon par 'du bya ba ni rnam par smin pa 'phen pa yin la de'i dbang gis lhag ma rnam par smin pa 'phen pa'i phyir gtso bo yin no/ /gzhan dag na re 'di lta bu dang 'di lta bur gyur cig ces de ltar mngon par 'du bya ba la gtso bo yin no zhes zer ro/ /de nyid kyi phyir zhes bya ba ni sems pa mngon par 'du bya ba gtso bo de nyid kyi phyir ro/ /bcom ldan 'das kyis 'dus byas mngon par 'du byed do zhes rgyas par 'byung ba la/ gal te yang 'dus byas su gyur pa de nyid ji ltar sems pas 'du byed ce na/ cung zad cig yod du zin kyang 'bras bu 'phen pa la gtso bo yin pas skye ba dang rjes su mthun par rnam par 'jog par byed pas 'dus byas mngon par 'du byed ces brjod par bya'o zhes so/ /kha cig na re 'byung bar 'gyur ba'i ming gis yin pa de bzhin du phung po lnga'i mtshan nyid kyi 'dus byas kyang 'di ltar gyur cig ces de ltar mngon par 'du byed do zhes so/ /gzhan dag ni gzhan du yang ste reg pa dang yid la byed pa la sogs pa sems pa dang mthun par sgrub pa'i phyir 'du byed kyi phung po ste/ gzhan du na 'dus byas mngon par 'du byed pa ni de'i phyir brjod par bya ste zhes pa don med pa can ma yin par 'gyur te/ tshor ba la sogs pa nye bar len pa'i phung po rnams la mngon par brjod pa 'jug pa'i rgyu mtshan gsungs pa med pa de'i phyir sems pa kho na 'du byed kyi phung por bstan pa dgongs pa can yin no zhes shes par bya ba'i phyir/ bcom ldan 'das kyis 'dus byas mngon par 'du byed de zhes rgya cher 'byung ngo / /yang na phung po bzhis ma bsdus pa'i 'du byed rnams bsdu bar bya ba'i phyir chos kyi skye mched dang khams bzhin du 'du byed nye bar len pa'i phung po'o zhes 'du byed kyi sgras spyir bstan to/ /de lta ma yin na tshor ba la sogs pa ltar sems pa'i phung po zhes brjod par 'gyur ro/ /de lta ma yin na zhes bya ba la gal te sems pa kho na 'dus byas kyi phung po yin gyi/ reg pa dang yid la byed pa la sogs pa rnams dang thob pa la sogs pa ma yin pa de lta na/ de rnams gzugs dang tshor ba dang 'du byed dang rnam par shes pa'i phung po dag tu ma bsdus pa'i phyir/ sdug bsngal dang kun 'byung ba'i bden pa nyid du mi 'gyur te/ 'dus ma byas bzhin no/ /gal te de las cir 'gyur zhe na/ yongs su shes pa dang spangs par mi 'gyur te/ sdug bsngal yongs su shes pa dang kun 'byung spong bar mi 'gyur ro/ /yongs su shes pa dang spangs pa med na nyes pa ci yod ce na/ de'i phyir bcom ldan 'das kyis ni zhes rgya cher gsungs so/ /mngon par ma shes zhes bya ba ni mthong ba'i lam gyis so/ /yongs su ma shes par zhes bya ba ni bsgom pa'i lam gyis so/ /yang na mngon par ma shes shing zhes bya ba ni 'jig rten pa'i shes pas so/ /yongs su ma shes par zhes bya ba ni 'jig rten las 'das pa'i shes pas yin te/ zag pa med pa'i shes pa ni yongs su shes pa'o zhes bshad pa'i phyir ro/ /yang na go rims ji lta ba bzhin chos dang rjes su shes pa dag gam bzod pa dang shes pa dag gis yin par rig par bya'o/ /de bzhin du ma spangs pa zhes gsungs te zhes bya ba ni chos gcig kyang mngon par ma shes shing ma spangs par sdug bsngal mthar byed par nga mi smra'o zhes bya ba'o/ /de la sdug bsngal shes pas yongs su ma shes shing / kun 'byung shes pas ma spangs par te bshad pa ni thal ma thag tu bstan pa nyid yin no/ /de'i phyir gdon mi za bar reg pa dang yid la byed pa la sogs pa de rnams 'du byed kyi phung pos bsdus par khas blangs par bya ste/ de lta ma yin na sangs rgyas 'byung ba dang chos bstan pa don med par thal bar 'gyur ro/ /'di ltar mngon par ma shes shing yongs su ma shes pa nyid kyis 'di nam mkha' dang so sor brtags pa'i 'gog pa bzhin du 'gyur ro/ /nam mkha' dang so sor brtags pa'i 'gog pa yang sdug bsngal mthar byed do snyam pa 'di ni nga rgyal gyi dngos po yin pa'i phyir dang / nga rgyal ni sdug bsngal zad pa'i gegs su gyur pa'i phyir ro/ /de ltar na sems pa kho na 'du byed kyi phung po dang yid la byed pa la sogs pa rnams ni de'i khyad par ro zhes slob dpon dpal len zer ro/ /'di ni ma yin te yid la byed pa la sogs pa rnams dang sems pa rang bzhin tha dad pa'i phyir rang bzhin gzhan ma yin par nges par gzung bar bya ste sems pa dang sems las byung ba ma spangs pa gzhan 'ga' zhig thob par byed do/ /des na 'du byed kyi phung po yang rdzas du ma ste sems pa smos pas kyang 'di khong du chud do/ /de ltar na sems pa dang tha dad pa'i sems pa zhes bya ba gnyi ga yang med par thal ba ma yin te/ 'dun pa dang dad pa dang rmongs pa dang khro ba dang 'dod chags la sogs pa rnams ni phan tshun ngo bo tha dad pa yin pa'i phyir ro/ /tha mi dad pa'i tshul gyis 'jug pa sems pa'i rang bzhin no/ /de zhes bya ba ni rnam par shes pa'i phung po rnam par gcad par bya ba'i phyir ro/ /gsum zhes bya ba ni gzugs kyi phung po bsal ba'i phyir ro/ /skye mched bcu gcig dang khams bcu bdun gyis bsdus pa'i chos rnams thams cad chos kyi skye mched dang chos kyi khams kyis bsdus pas/ de'i phyir rnam rig byed min dang / /'dus ma byas dang bcas pa ni/ /zhes bya ba gsungs so/ /rnam par shes pa ni/ rnam shes so sor rnam rig pa/ /zhes bya ste so sor rnam par rig pa'i sgras shes rab la sogs pa rnams las khyad par du byed do/ /gzugs brnyan dang sgra brnyan ltar yul so sor snang ba'i phyir dngos po tsam la lta ba nyid ni rnam par shes pa'o/ /shes rab ni slar yang rang gi mtshan nyid yongs su gcod pa'o/ /'du shes ni yul gyi khyad par la dmigs pa ste de ltar 'di ni khyad par yin no/ /gzhan dag na re rnam par shes pa'i khams kyi rab tu dbye ba bstan pa'i don du so sor zhes pa ste brnan pa'i don to zhes zer ro/ /de nyid kyi phyir yul dang yul so sor rnam par rig byed ces gsungs te/ de yang gang zhig ce na dmigs pa zhes bya ba gsungs te/ de yang dngos po tsam gyi snang brnyan nyid yin par rig par bya'o/ /de la mig gi rnam par shes pa rnam par gzhag pa la gzugs nyid nye bar dmigs kyi sgra la sogs pa rnams ma yin no/ /sngon po yang nye bar dmigs kyi sngon po'o snyam du ni ma yin no/ /de bzhin du bud med dang skyes pa la sogs pa rnams yid du 'ong ba dang yid du mi 'ong ba'i ngo bos mi dmigs te gzugs tsam dmigs pa'i phyir ro/ /de bzhin du rna ba'i rnam par shes pa la sogs pa rnams la yang ji srid srid pa bzhin du brjod par bya'o/ /gang zhig mdo las/ rnam par shes par byed pas na/ /zhes byed pa po bstan pa ni rang gi ngo bo tsam ste/ de las tha dad pa'i rnam par shes pa por rtog pa dgag par bya ba'i phyir ro/ /dper na grib ma 'gro'o zhes bya ba lta bu ste/ de ni bar mtshams med par yul gzhan dag tu skye ba na cung zad kyang mi byed pa'i byed pa por brtan pa 'thob pa de bzhin du rnam par shes pa yang yul gzhan dag tu rgyun chags su skye ba na cung zad kyang mi byed kyang yul de dang de shes par byed do zhes byed pa po'i brtan pa 'thob po/ /gang las she na/ gre skyes rnam par shes par byed do zhes ni nga mi smra'o zhes gzhan las byed pa po bkag pa'i phyir ro/ / skad cig ma'i ngo bor bstan pa las tha dad pa'i rnam par shes par rtog pa dgag pa'i phyir ro/ /gzhan dag na re dper na grib ma 'gro'o zhes pa de yang yul gzhan du rgyud la byed pa po bstan to zhes zer ro/ /'dis kyang dus mngon par 'phangs pa'i phyir rnam par shes pa'i tshogs drug ni rnam par shes pa'i phung po'o zhes brjod do/ /yid kyi skye mched kyang de yin/ khams bdun dag tu'ang 'dod pa ste/ /zhes bya ba la gnyi ga la 'ang gi sgra ni rnam par shes pa'i rdzas re re zhing yid kyi skye mched yin gyi 'di btags pa tshogs pa pa ni ma yin pa'o zhes bstan par bya ba'i phyir ro/ / 'dir zhes bya ba ni 'dus byas dang 'dus ma byas zhes 'chad par ro/ /gzhan dag na re zag bcas dang zag pa med par ro zhes zer ro/ /rnam par shes pa'i phung po ni rnam par shes pa drug gi bdag nyid yin la de dag kyang khams rnam par gzhag pa ni mig gi rnam par shes pa'i khams nas yid kyi rnam par shes pa'i khams kyi bar ro zhes bstan pa nyid de/ de'i phyir yid kyi khams rnam par shes pa'i phung pos ma bsdus pa ni yod pa ma yin no zhes de ltar thugs la bzhag nas yang de dag las gzhan pa yid kyi khams de dag gang yin zhes 'dri ste/ drug po 'das ma thag pa yi/ /zhes rgya cher 'byung ba la de ma thag pa smos pa ni bar dang bcas pa rnam par gcad pa'i phyir ro/ /'das pa smos pa ni ma 'ongs pa rnam par gcad par bya ba'i phyir ro/ /rnam par shes pa smos pa ni 'das ma thag pa'i tshor ba la sogs pa rnam par gcad par bya ba'i phyir ro/ / ni'i sgra ni rnam par shes pa drug las de ma thag tu 'das pa kho na yin gyi yin gyi de las tha dad pa ni yod pa ma yin no zhes nges par gzung ba'i don to/ /'dir 'das ma thag pa ni rigs mthun pa'i skad cig mas chod pa 'das pa yin gyi rigs mi mthun pa'i skad cig ma'i de ma thag pa ni ma yin te/ de ltar na 'gog pa'i snyoms par 'jug pa las ldang ba'i sems la yang yod pa nyid du 'gyur ro/ /dper na bu de nyid dus dang gnas skabs kyis chod pa na gzhan gyi bar 'gyur ba dang / 'bras bu de nyid dus dang gnas skabs kyis chod pa na gzhan gyi sa bon yin pa lta bu'o/ /de bzhin du mig la sogs pa'i rnam par shes pa gzhan la brten pa de nyid dus dang gnas skabs kyis chod pa na gzhan gyi rten du 'gyur ro/ /de ltar na de nyid brten pa yin pa'i phyir rnam par shes pa yin la rten yin pa'i phyir yid yin no zhes bya bar 'grub par 'gyur ro/ / slob dpon 'phags pa'i 'bangs na re mig gi rnam par shes pa ni yid kyi rnam par shes pa la yid du 'gyur ro/ /mig gi rnam par shes pa la sogs pa rnams de ma thag tu de mi skye ba ma yin pas lus kyi rnam par shes pa'i bar nyid yid du 'gyur la/ de las gzhan pa'i rnam par shes pa ni yid kyi rnam par shes pa ste drug po rnams kyang yid du 'gyur ro zhes zer ro/ /'di yang nges pa'i rgyu med pa'i phyir sems ji lta bar thams cad kyi phyi ma mi srid do/ /de'i phyir ma la yang so sor bstan par bya'o/ /gcig gi nang du gcig 'dus pa'i phyir zhes bya ba la grangs bsgrub pa ni don gyi dbang gis 'gyur gyi rim pa'i dbang gis ma yin no/ /de la gal te yid kyi khams drug gi nang du 'dus so zhes bya ba yin na ni de lta ni yid kyi khams ma gtogs pa gzhan khams bcu bdun rdzas su yod par 'gyur ro/ /ci ste rnam par shes pa'i khams drug yid kyi nang du 'du na ni de lta na gzugs can bcu dang yid kyi khams dang chos kyi khams zhes bya ba bcu gnyis su 'gyur ro/ /de lta'ang yin mod kyi zhes bya ba la dngos su na de ltar bcu bdun nam bcu gnyis yin mod kyi 'on kyang rten dang brten pa'i dbye bas phye na/ drug pa'i rten ni rab bsgrub phyir/ /khams ni bco brgyad dag tu 'dod/ /ces bya ste gang gi phyir ji ltar rnam par shes pa rnams dmigs pa med pa na skye bar mi 'gyur ba de bzhin du rten med na yang yin la/ drug pa yid kyi rnam par shes pa'i khams la ni ji ltar mig la sogs pa'i rnam par shes pa rnams la mig la sogs pa lta bur rten gzhan yod pa ma yin no/ /de'i phyir yid kyi rnam par shes pa'i khams kyi rten rab tu bsgrub par bya ba'i phyir yid kyi khams bstan to/ /yang ji ltar 'gags zin pa da ltar ba'i rten du brjod ce na/ de skye ba la nye ba'i rgyur gyur pa'i phyir ro/ /ji ltar gzugs yod kyang mig med par de'i rnam par shes pa phyi ma mi skye ba de bzhin du yul rnams yod kyang rnam par shes pa snga ma 'gags pa med par rnam par shes pa phyi ma mi 'byung ngo / /de nyid kyi phyir 'gags ma thag pa zhes brjod kyi ches snga bar 'gags pa ni ma yin no/ / des go skabs phyir yang ma skye ba'i phyir de'i phyir 'di ni 'dir rten gyi dngos po'o/ /da ltar ba kho nas de'i rten gyi bya ba byed de/ de mtshungs pa de ma thag pa'i rkyen gyi 'bras bu nyid du yongs su gzung ba'i phyir ro/ /'das pas ni bya ba byas zin pa kho na'o/ /gal te rten sems yin pa'i phyir sems las byung ba nyid du thal lo zhe na de'i rjes su mi 'jug pa'i phyir thal ba med do/ /'on te ci'i phyir rnam par shes pa nyid du rnam par gzhag ce na/ yid kyi khams sems las byung ba ma yin yang mtshungs pa de ma thag pa'i rkyen nges pa las sems su nges pa de sems byung du nges pa las yid kyi khams ma yin no/ /'o na de ltar 'byung ba chen po rnams la yid kyi khams nyid yod par 'gyur te nges pa'i phyir ro/ /skye ba gcig pu la yid kyi khams med cing yid kyi khams zhes kyang mi rung ngo / /rnam par shes pa rgyu nyid kyi phyir sems las byung ba rnams rnam par shes pa'i rten du mi rung ngo / /de la rten drug tshan ni mig la sogs pa yid kyi mthar thug pa'o/ /brten pa drug tshan ni mig gi rnam par shes pa la sogs pa yid kyi rnam par shes pa la thug pa'o/ /dmigs pa drug tshan ni gzugs la sogs pa chos kyi khams kyi mthar thug pa'o/ / 'o na ni dgra bcom pa zhes bya ba la tha ma ni gang nas mtshams mi sbyor ba yongs su mya ngan las 'das pa'i dus kyi tshe thams cad kyi tha ma gang yin pa'o/ /de nyid la rgyu smras pa ni/ de gang gi zhes rgyas par 'byung ba ste/ rnam par shes pa 'das ma thag pa la yid ces bya ba la/ de gang gi 'das ma thag par 'gyur ba dgra bcom pa'i sems tha ma las sems gzhan skye ba yang ma yin no/ /de yang yid kyi ngo bor zhes bya ba la phyi ma'i rten gyi ngo bor gnas pa'i phyir na/ der yid nyid ma nyams so snyam du dgongs so/ /gal te de rten gyi ngo bor rnam par ma bzhag na ci'i phyir phyi ma mi skye zhe na/ de'i phyir rgyu gzhan ma tshang ba'i phyir rnam par shes pa phyi ma mi skye bar zad do zhes gsungs te/ de la yid las mjug thogs su rnam par shes pa skye ba'i rgyu gzhan ni mthong ba'i chos kyi rnam par smin pa lhag ma dang 'gro bar nying mtshams sbyor ba'i nyon mongs pa'i thob pa yin no/ / dgra bcom pa'i rnam par shes pa tha ma la ni yid kyi ngo bor gnas kyang gnyi ga med pas rnam par shes pa phyi ma mi skye'o/ /gal te drug po 'das ma thag pa'i rnam par shes pa yid nyid yin na mig la sogs pa'i rnam par shes pa rnams kyang yid la brten nas skye bas te yid la brten nas chos rnams kyang skye bar brjod par bya'i yid kyi rnam par shes pa las ma yin te/ yid kyi rkyen nyid ma bkag par mig la brten nas zhes gsungs pa yin no/ /'o na 'di rkyen gyi gtso bor bstan pa ci zhe na/ glan ka'i skabs med do/ /de la phung po dag gis ni zhes bya ba la sogs pa la/ 'dus byas chos rnams de dag kyang / /zhes bya ba der zag pa dang bcas pa dang zag pa med pa thams cad bsdus pa'i phyir phung po dag gis ni 'dus byas thams cad bsdus so/ /gang dag zag bcas nyer len pa'i/ /phung po'ang zhes bya ba der zag pa dang bcas pa rnams kho na nye bar len pa'i rgyur gyur pa'i phyir ram nye bar len pa las byung ba'i phyir ram nye bar len pa la rag lus pa'i phyir nye bar len pa'i phung po dag gis ni zag pa dang bcas pa thams cad bsdus so/ /skye mched dang khams dag gis ni chos thams cad bsdus so/ /chos thams cad kyang phung po lnga dang 'dus ma byas kyis so/ /'di ni re zhig rgyas pa'i sgo nas chos thams cad bsdus pa yin la/ bsdus pa ni phung po dang ni zhes rgya cher 'byung ste/ dang gi sgra ni kun sdud pa'i don to/ /'di ci ltar shes par bya zhe na/ gzugs kyi phung po dang / yid kyi skye mched dang chos kyi khams bsdoms pa nyid kyis de ltar shes par bya'i re res ni ma yin pa'o/ /de la gzugs kyi phung pos ni gzugs can gyi khams bcu dang rnam par rig byed ma yin pa'o/ /yid kyi skye mched kyis ni sems kyi khams bdun no/ /chos kyi khams kyis ni tshor ba la sogs pa gsum dang 'dus ma byas dang rnam par rig byed ma yin pa'o/ /yang ci'i phyir gsum po 'di dag kho nas yin gyi gzhan dag gis sam gnyis sam gcig gis ma yin zhe na/ de'i phyir bsdu ba de ni zhes rgya cher gsungs te/ gang dang gang nas byung yang rung zhes bya ba la/ phung po dang skye mched dang khams dag gis yin pa 'ba' zhig tu ma zad kyi/ 'o na ci zhe na gzhan yang bden pa dang 'gro ba dang khams dang rten cing 'brel par 'byung bas bsdu ba yang rig par bya'o/ /rang gi ngo bo nyid kyis te gzhan gyi dngos pos bsdus pa ni ma yin no/ /'o na phung po gsum gyis 'phags pa'i lam yan lag brgyad ci ltar bsdus te/ yang dag pa'i rtog pa dang rtsol ba dag gis shes rab kyi phung po bsdus par mi 'gyur zhing yang dag pa'i dran pas ting nge 'dzin gyi phung po bsdus pa ma yin te de'i rang bzhin ma yin pa'i phyir ro/ /de yang lta'o zhes pa gzhan gyi dngos pos bsdus kyang chos rnams la 'dod par bya'o zhes pas rigs mthun pa gzhan dag gzhan gyi dngos po nyid kyi khyad par las nges pa 'di ni ci las yin zhe na/ yang dag pa'i rtog pa dang rtsol ba dag nyid kyis shes rab kyi phung po bsdus kyi lam gyi yan lag lhag ma rnams ni ma yin no/ /ci ste gsal ba'i phyir yang dag pa'i rtog pa dang rtsol ba dag shes rab kyi mtshan nyid bstan la ting nge 'dzin la sogs pa ma yin zhing / dran pa dang ting nge 'dzin gyi mtshan nyid yang dag pa'i rtog pa la sogs pa ma yin pas yod par nges pa'i rgyu grub po/ /'o na rang bzhin gyis bsdus pa'i mtshan nyid med par bsdus pa khas blangs pa'i phyir/ ji ltar gzhan gyi dngos po dang mtshungs par ldan pas thams cad kyi thams cad du mtshungs par ldan pa nyid gzhan gyi chos bsdus pa la yang ci'i phyir 'dod par mi byed ce na/ mtshungs par ldan pa ni dmigs pa dang bcas pa rnams nyid de/ de yang rten dang dmigs pa dang rnam pa dang dus dang rdzas kyi rnam pa smos pa'i rgyu mtshan gyis thams cad kyi thams cad du mi rung ngo / /bsdu ba'i dngos po ni chos rnams thams cad kyi gzhan gyi dngos po'i khyad par la ste/ nges pa'i rgyu med pa'i phyir thams cad kyi thams cad du ma yin no/ /'o na gal te de ltar phung po gsum gyis lam bsdus so zhes brjod pa ming tsam zhig gam ci zhe na/ 'di ni bsdu ba'i sgra dang rjes su mthun pas brjod pa'o/ /rang bzhin gyis bsdu ba 'di ni 'di ltar dngos po rnams kyi rang bzhin nyid do/ /de nyid kyi phyir rang bzhin gyis bsdus pa thams cad ni dngos po la ma ltos pa'i phyir dang rgyu med pa'i phyir 'di ji ltar khong du chud par bya zhe na/ gzhan gyi dngos po dang mi ldan pa ni mig ste 'dir rna ba'i dngos po dang mi ldan pa'o/ /mi ldan gang dang gang yin pa de dang de nyid kyis bsdus so zhes bya ba rigs ma yin pa'i smra bar khong du chud par bya'o/ /dngos po rnams kyis bsdus pa'i rang bzhin ni 'dir rang bzhin gyi rang gi ngo bo ni ma yin no zhes gzhan dag zer ro/ /rang bzhin ni rang gi mtshan nyid do/ /rang gi mtshan nyid kyang dngos po rnams phan tshun 'byed par byed pa yin la gang la phye ba de nyid du bsdu ba la mi rig pa med do/ /de lta ma yin na dbye ba med pas bsdu ba nyid du mi 'gyur te/ bsdu ba ni rdzas gzhan pa rnams gcig tu byed pa nyid yin pa de'i phyir 'dir don du rung ngo / /gcer bu rnams kyang rang bzhin mngon par 'dod pa 'di'i ming gi don yang ci zhe na/ gang gi phyir rnam par rtog pa med pa'i ye shes kyi spyod yul gyi dngos po gzhan rnam par bcad pas ston par byed do/ /de nyid kyi phyir bstan bcos las kyang mig gi rnam par shes pas sngon po rnam par shes kyi sngon po'o snyam du ni ma yin no/ /yid kyi rnam par shes pas ni sngon po rnam par shes shing sngon po'o snyam du yang ngo zhes gsungs so/ /slob dpon 'dus bzang na re/ gzhan gyi dngos pos bsdus na ni chos gcig skyes pa dang 'jig pas chos thams cad skye ba dang 'jig pa mi 'dod pa nyid du thal bar 'gyur la/ rigs gcig spangs pa las thams cad spangs par 'gyur bas gong ma'i gnyen po don med pa nyid do/ /rang gi ngo bos bsdus par bstan pa'i phyir 'di ltar gzhan gyi ngo bos bsdus par yang mi 'gyur te 'di la skyon med do/ /dper na mig gi dbang po ni gzugs kyi phung po dang zhes rgya cher 'byung ste/ gzugs kyi mtshan nyid dang rjes su 'brel ba'i phyir gzugs kyi phung pos so/ /mig gi skye mched dang khams dag ni mi rtag pa nyid kyi phyir sdug bsngal gyi bden pa dang / de'i rgyu yin pa'i phyir kun 'byung gi bden pas bsdus so/ /gzhan dang gzhan bsdus pa yang de ltar rgya cher sbyar ro/ /bsdu ba'i dngos po ni sbyin pa dang snyan par smra ba dang don spyod pa dang don mthun pa rnams so/ /'khor rnams ni dge slong dang dge slong ma dang dge bsnyen dang dge bsnyen ma rnams so/ /bsdu ba'i dngos pos 'khor bsdus pa yang rang bzhin gyis ni ma yin te/ 'di res 'ga' ba yin pa'i phyir dang brdar btags pa'i yin par rig par bya'o/ /bsdu ba'i dngos po rnams kyis ni 'khor rnams bdag gir byed pa tsam la 'dir bsdu bar gsungs so/ /de ni rtag tu med pa dang phyis kyang res 'ga' ba yin no/ /rang bzhin gyis bsdus pa ni rtag pa dang don dam pa pa yin no zhes bstan par 'gyur ro/ /rten gyi dbye bas khams kyi dbye ba'i dbang du byas nas 'dri ba ni/ mig dang rna ba dag ces bya ba rgyas par 'byung ba'o/ /rigs dang spyod yul dang rnam par shes pa'i dbye bas khams dbye bar bya'i rten gyi dbye bas ni ma yin no zhes bstan pa'i phyir/ mi 'gyur te 'di ltar zhes bya ba la sogs pa gsungs te/ de la mig la sogs pa lnga po rnams ni phan tshun rigs dang spyod yul dang rnam par shes pa tha dad pa las khams tha dad do/ /gzugs la sogs pa yul gyi khams rnams ni rigs dang rnam par shes pa tha dad pa las so/ /rnam par shes pa'i khams drug ni rigs dang spyod yul tha dad pa las so/ /yid kyi rnam par shes pa'i thun mong ma yin pa'i yul ni chos kyi khams so/ /yid kyi khams spyod yul ni rnam par shes pa'i dbye ba las chos kyi khams spyod yul yin pa'i phyir dang / yid kyi rnam par shes pa'i rten yin pa'i phyir ro/ /de la rigs kyi dbye ba yod de rnam par shes pa'i khams drug gis bsdus pa'i phyir ro/ /mig dang rna ba dang sna rnams las rigs tha dad par yod pa ma yin no/ /rigs kyi don ni khams kyi don to zhes so/ /'bras bu'i dbye bas rten rnam par bcad de khams kyi dbye ba rnam par gzhag go/ /de'i phyir mig la sogs pa rnam pa gnyis yin mod na'ang khams gcig nyid de/ 'dir yang dpe ni skad cig ma'i rgyun gzhan gyi mig la sogs pa rnams so/ /de lta ma yin na khams nyi shu rtsa gcig tu 'gyur ba ma yin nam zhes brjod par mi bya'i/ 'o na ci zhe na/ 'di skad du khams tshad med pa dag tu 'gyur ba ma yin zhes brjod par bya'o/ /de bzhin du rna ba dang sna dag la yang sbyar bar bya'o zhes bya ba la rigs 'dra ba ni so sor gnyis ka yang rna ba dang sna'i rang bzhin yin pa'i phyir ro/ /spyod yul 'dra ba ni sgra dang dri'i yul can yin pa'i phyir ro/ /rnam par shes pa 'dra ba ni so sor gnyis ka rna ba dang sna'i rnam par shes pa'i rten yin pa'i phyir ro/ /spyod yul 'dra ba dang rnam par shes pa 'dra bar 'khrul pa ni yid kyi khams dang yul la yang yod pa'i phyir rigs gcig tu yod pa nyid do zhes pa'i khyad par 'di la skyon med de/ de ltar na 'o na spyod yul dang rnam par shes pa 'dra ba ni don med pa can te snga ma nyid kyis grub pa'i phyir zhe na/ mig gi khams dang yid kyi khams yul mtshungs pa ni med do/ /rnam par shes pa 'dra ba ni gnyi ga mig gi rnam par shes pa'i rten nyid kyi phyir ro/ /yul ni yid kyi rnam par shes pa'i lhag par dmigs pa'o zhes bya bar thal ba med do/ /kha cig rigs gzhan du sems so/ /lus kyi dbang pos tha dad pa med par bsdus pa'i phyir lus kyi khams ma yin pa'i pho'i dbang po dang mo'i dbang po med pa nyid do/ /de thams cad lus su rigs gcig pas rigs mtshungs pa dang / thams cad kyi yul reg bya yin pas spyod yul mtshungs pa'i phyir ro/ /reg bya'i khyad par las dbang po gzhan ni ma yin te/ mig dang brang la sogs pa bzhin no/ /mig dang brang dang mgrin pa dag kyang thun mong ma yin pa'i reg bya du ba la sogs pa dang phrad pa na de dag dbang po gzhan ma yin te thams cad lus kyi rnam par shes pa'i rten yin pa'i phyir ro/ /spyod yul mtshungs kyang rnam par shes pa 'dra ba dang rnam par shes pa mi 'dra bar gsal bar 'byung ngo / /dbang po rnams ni lhag par dbang byed pa nyid kyi phyir te/ kha cig tu de dag nyid kyang dbang byed pas skye mched dang khams gcig nyid dang yul reg bya yin par rigs mthun pa la yang dbang po so sor bstan pa dbang po bcu gcig rnams chos kyi skye mched dang khams gcig nyid la yang dbang po so sor bstan pa bzhin no zhes so/ /gal te mig la sogs pa rnams khams gcig nyid yin na/ ci'i phyir de rnams kyi rten gcig nyid du mi 'gyur zhe na/ de'i phyir mdzes bya'i phyir na gnyis byung ngo zhes gsungs so/ /gal te dngos po rnams 'byung ba rgyu'i dbang gis yin gyi dgongs pa'i dbang gis ma yin pa ma yin nam zhe na/ 'di ni de ltar yin no/ /ci'i phyir/ mdzes pa'i phyir na gnyis byung ngo / /zhes bya ba smras she na/ ji ltar da lta'i sems can so sor rigs mthun pa rnams mig dag gis rten tha dad pas yan lag rnam par 'byed pa'i rten la mdzes par rlom pa de bzhin du 'das pa'i dus na yang yin par gdon mi za ste/ de'i phyir srid pa sngon du 'gro ba can gyi las kyis mngon par bsgrub pa'i lus la dgongs nas/ mdzes bya'i phyir na gnyis 'byung ngo zhes bshad do/ de skyes pa'i las kyi gzhi bstan pa'i phyir ro/ /dper na rgyan mdzes pa la dmigs pa'i 'dun pa'i 'dod chags kyi rgyu can gyi 'bras bu yin pas mdzes par bya ba'i don du brjod pa bzhin no/ /slob dpon 'dus bzang na re/ dbang po'i rnam pa 'di rnams nyid kyi rnam pa mngon par 'grub pa de ni/ rgyu'i mi mthun phyogs med pa gnyis kyis mngon par 'grub ste/ lus kyi dbang po'i lag pa dang rkang pa'i gnas kyi dbye ba bzhin no/ /gang zhig 'dod chags la sogs pa lus kyi dbang po'i rten rnam par rtog pa dag tu mthong ba de'i rgyu ni de dag nyid kyi mthun pa'i phyogs 'dzin pas de rten med pa dang bcas pa gnyis bzhin du ci'i phyir rgyu la bltos pas dbang po mngon par 'grub ces so/ / gal te rgyu la bltos pas dbang po mngon par 'grub pa de nyid brjod par bya ba dbang po 'di rnams kyi rgyu nyid rnam pa gang gis gnyis nyid kyis 'jug par byed/ de la rigs kho na rnam pa zhe na/ las kyi rnam par thal ba las/ de nyid lhag par dbang byed pa thob pa'i sgra yis brjod par bshad do/ /gal te mig la sogs pa rten re rer gyur na lhag par dbang byed pa nyams te/ ji ltar gnyis dag gis yongs su gsal bar mthong ba de ltar re rer ma yin no/ /de ltar dbang po rnams kyis lhag par dbang byed pa 'grib pa dang nyams par 'gyur ba na/ mdzes bya'i phyir zhes pa lhag par dbang byed pa'o zhes bshad par bya ste/ mdzes bya'i phyir zhes pa'i sgra yis lhag par dbang byed pa brjod par bya'o zhes zer ro/ /'di ni rtog pa tsam ste ji ltar lce la sogs pa rnams rten gcig dang rten du ma la yang de dang 'dra bas dbang byed pa nyams pas 'di dag gi gcig la'ang mig la sogs par 'gyur ro zhes pa dang / las kyis lce ni rten nyid du gsal bar dmigs pa'i rten du gyur pa rgya chen po zhig skye bar 'dod do zhes brjod par mi nus so/ /rigs mthun par 'dra ba rnams la yang gzugs mdzes par rlom pa nges pa ste/ dper na 'ug pa la sogs pa rnams la yang rang gi lus mdzes pa'i srid pa las skyes pa nyid kyi mig la sogs pa'i rten gyi dbye ba lta bu'o/ /de lta ma yin te zhes bya ba la gal te mig la sogs pa rten gnyis par ma gyur na shin tu mi mdzes par 'gyur te/ rten gnyis pa'i mig la sogs pa dag la mdzes par mngon par rlom pa'i phyir ro/ /phung po dang khams dang skye mched kyi don zhes bya ba rgya cher 'byung ba la/ phung po dang skye mched dang khams rnams la dngos po'i sgo nas dbye ba yod pa ma yin te/ ji ltar gang phung po rnams 'dus ma byas khyad par du shes par bya bar gsungs la/ skye mched dang khams rnams la yang de nyid de de'i phyir 'dir phung po la sogs pa'i don gyi khyad par las byed pa yin gyi/ de yang dngos po'i khyad par shes par bya ba ma yin no/ /'du byed la sogs pa'i sgra rnams so sor don du ma yin pa'i phyir phung po dang skye mched dang khams kyi don rnam grangs gzhan gyis te/ de'i phyir de ltar phung po la sogs pa'i don bstan pa'i phyir/ spungs dang skye sgo rigs kyi don/ /phung po skye mched khams rnams yin/ /zhes bya ba gsungs te/ 'di rnams la spungs pa dang skye ba'i sgo dang rigs dag yod pas na zhes bya bar tshig rnam par sbyar ro/ / de rnams kyang gang zhe na/ phung po skye mched khams rnams yin/ /zhes bya ba ste sgra rnams yin no zhes bya ba ni tshig gi lhag ma'o/ /phung po'i don ni spungs pa'i don yin no zhes bya bar ji ltar rtogs she na/ mdo las de thams cad gcig tu bsdus te gzugs kyi phung po zhes bya ba'i grangs su 'gro'o zhes 'byung ba'i phyir ro/ /mi rtag pa nyid kyis 'gag pa'o zhes bya ba ni 'gog pa ni rnam pa lngar 'gyur ba las mi rtag pa nyid kyi mtshan nyid kyi 'gog pa'i khyad par ro/ /gzhan dag ni snyoms par 'jug pa'i 'gog pa dang / skye ba'i 'gog pa dang so sor brtags pa'i 'gog pa dang / so sor brtags pa ma yin pa'i 'gog pa'o/ /'dir mi rtag pa nyid kyis 'gags pa ni so sor brtags pa'i 'gags pa rnam par gcad pa'i phyir ro/ /gzugs kyi skabs las skye ba dang snyoms par 'jug pa'i 'gog pa dag ni sems dang sems las byung ba rnams nyid gzugs ma yin no zhes kha cig go/ /de bzhin du tshor ba la sogs pa la yang rig par bya zhing / shin tu bstan pas rang gi mtshan nyid kyi 'gog pa shes par bya'o/ /'gog pa rnam par gcad pa'i don du mi rtag pa nyid smos par shes par bya'o/ /snyoms par 'jug pa dang skye ba dang so sor brtags pas 'gog pa rnams ma 'ongs pa nyid do/ /so sor brtags pas 'gog pa dus gsum pa can no/ /zag pa dang bcas pa rnams kyi rang gi mtshan nyid kyi 'gog pa ni da ltar byung ba nyid do/ /da ltar byung ba ni byung la ma 'gags pa'o zhes bya ba la/ byung ba zhes bya ba de tsam zhig yin na ni 'das pa la yang thal bar 'gyur ro/ /ma 'gags pa zhes bya ba de tsam zhig yin na ni ma 'ongs pa la yang thal bar 'gyur bas dgag pa'i phyir gnyis ka smos so/ /nang ni rang gi rgyud la yod pa'o zhes bya ba ni mig la sogs pa dang gzugs la sogs pa'o/ / gzhan ni phyi'i 'o zhes bya ba ni gang zhig gzhan gyi rgyud kyi dang rgyud ma gtogs pa'o/ /yang na skye mched kyi sgo nas zhes bya ba ni mig la sogs pa nang gi skye mched drug dang gzugs la sogs pa phyi'i skye mched drug go/ /de'i phyir gzhan gyi rgyud du gtogs pa'i gzugs la sogs pa rnams phyi'i 'o zhes bya'o/ /rigs pa ni thogs pa dang bcas pa ste skye mched bcu'i rang bzhin no/ /phra ba ni thogs pa med pa ste rnam par rig byed ma yin pa'i gzugs so/ /yang na bltos pa pa yin te bil ba'i gzugs ni rags pa dang yin la skyu ru ra'i gzugs ni phra ba'o/ /gal te bltos pa pa ma yin pa'i phyir ma grub pa ste rnam par gnas pa med do zhe na/ ji ltar skyu ru ra'i gzugs de nyid bil ba dang rgya shug la bltos nas phra ba dang rags pa yang yin pas cung zad phra ba dang rags par gnas par mi 'gyur te/ pha rol dang tshu rol bzhin no zhe na ma yin te bltos pas tha dad pa'i phyir ro zhes bya ba la gang la bltos nas mngon par brjod pa de la bltos pa gnas skabs te/ dper na pha dang bu bzhin no/ /ngan pa ni nyon mongs pa can te bsgribs pa dang mi dge ba gya nom pa ni nyon mongs pa can ma yin pa ste dge ba dang ma bsgribs la lung du ma bstan pa'o/ / ring ba ni 'das pa dang ma 'ongs pa ste phan tshun da ltar byung ba'i dngos pos chod pa'i phyir ro/ /nye ba ni da ltar byung ba ste 'das pa dang ma 'ongs pa dag gis ma chod pa'i phyir ro/ /yang na byed pa po 'das pa dang ma 'ongs pa ni ring ba'o/ /da ltar byung ba ni nye ba'o/ /rnam par shes pa'i bar du yang de dang 'dra'o zhes bya ba la/ tshor ba dang 'du shes dang 'du byed gang ci yang rung / rnam par shes pa gang ci yang rung / 'das pa dang ma 'ongs pa dang da ltar byung ba'am/ nang gi'am/ phyi'i 'am/ rags pa'am/ phra ba'am/ ngan pa'am/ gya nom pa'am/ thag ring ba na yod pa gang yin pa'am/ nye ba na yod pa gang yin pa de thams cad gcig tu bsdus te rnam par shes pa'i phung po zhes bya ba'i grangs su 'gro'o zhes bya bar ro/ /de la rags pa dang phra ba ma gtogs pa 'das pa la sogs pa rnams ni de kho na ltar bstan to/ /de nyid kyi phyir 'di ni khyad par yin te/ zhes bya ba gsungs so/ /rags pa ni dbang po lnga la brten pa'o zhes bya ba ni rten gyi rjes su byed pa'i phyir ro/ /phra ba ni yid las byung ba'o zhes bya ba ni ma bsags pa dang thogs pa med pa'i rten can yin pa'i phyir ro/ /yang na sa las kyang zhes bya ba la bltos pa nyid kyi phyir 'dod par gtogs pa ni rags pa nyid dang srid pa'i rtse mo pa ni phra ba nyid do/ /'das pa dang ma 'ongs pa ni rang gi sgras brjod pa yin bzhin du ring por sgro btags pa dang ngan pa dang gya nom pa'i don yongs su rgyas par ma rangs pas bye brag tu smra ba rnams na re zhes gsungs so/ /btsun pa zhes bya ba ni dpe ston sde pa'i gnas brtan chos skyob po/ /dbang po lngas gzung bar bya'o zhes bya ba ni phyi'i skye mched lnga'o/ /gzhan ni phra ba'o zhes bya ba ni yid kyi dbang po'i gzung bar bya ba ste de yang mig la sogs pa skye mched gzugs can rnams dang rnam par rig byed ma yin pa'o/ /yid du mi 'ong ba'o zhes bya ba ni yid dang mi mthun pa ste/ /de ni yid du 'ong bar byed pa ma yin zhing dga' bar byed pa ma yin pa'i phyir ro/ /yid du 'ong ba ni yid dang mthun pa ste/ de ni yid du 'thad pa'i phyir yid du 'ong bar byed pa'o/ /de lta na rdor ba'i don gyis ni ngan pa yin la/ tshim par byed pa'i don gyis na gya nom pa'o/ /ring ba ni yul mi snang ba can no zhes bya ba'i rten gyi yul gyi dbang du byas nas yin te/ 'ga' zhig nye yang phra ba'i phyir mi snang bas yul smos so/ /cung zad cig nye ba yin yang chad pa'i phyir yul mi snang ba can du 'gyur mod kyi/ de'i rten ni gnas dang nyid kyis lta bar nus pas krita kyi rkyen ni nus pa'i don la rig par bya'o/ /nye ba ni yul snang ba can no zhes bya ba la skar ma la sogs pa ni cung zad cig ni ring yang snang ba de'i phyir yul snang ba can zhes smos so/ /yang rgyu ci'i phyir btsun pas bye brag tu smra bas bshad pa'i ring ba dang nye ba la rnam pa gzhan du ring ba dang nye ba bstan ce na/ de'i phyir 'das pa la sogs pa rang gi ming gis bstan pa'i phyir te zhes bya ba la gsungs te/ 'di ltar cung zad cig rang gi sgras rab tu dbye bar smras pa ni rab tu dbye ba gzhan gyi mtshan nyid la 'jug pa ma yin te tha mi dad par 'gyur ro zhes dgongs so/ / de dag gi nye ba dang ring ba dag ni zhes bya ba la tshor ba la sogs pa yul mi snang ba la brten pa ni ring ba yin la/ yul snang ba la brten pa ni nye ba'o/ /snga ma bzhin no zhes bya ba ni dbang po la brten pa ni rags pa'o/ /yid las byung ba ni phra ba'o/ /yang na sa las kyang ngo zhes bshad pa ltar ro/ / sems dang sems las byung ba rnams skye ba'i sgo'i don ni skye mched kyi don te zhes bya ba la/ gang las rtogs she na nges pa'i tshig tu na sems dang sems las byung ba rnams zhes rgya cher 'byung ngo / /skye ba ni 'ong ba la brjod do/ /sems dang sems las byung ba rnams skye zhing bdag gi dngos por red pa'o/ /de'i phyir de dag ni sems dang sems las byung ba rnams skye ba mched par byed pas na skye mched de/ mched par byed/ rgyas par byed/ bdag gi dngos por red pa rgyun du gnas par byed ces bya ba'i tha tshig go/ /ji skad du bram ze mig gi sgo nas ji srid gzugs rnams la blta ba'i phyir zhes bya ba de la/ drug po rnams nyid sgo'i don du 'thad de/ sems dang sems las byung ba'i sgo'i don ni bcu gnyis po rnams te/ mig la brten nas gzugs rnams la mig gi rnam par shes pa skye zhing gsum 'dus pa las reg pa dang lhan cig tshor ba dang 'du shes skye'o zhes gsungs pa'i phyir ro/ /rigs kyi don ni khams kyi don te zhes bya ba la/ gang las khong du chud ce na rigs su 'dra ba'i phyir ro/ /de nyid kyi phyir dper na ri 'ga' zhig la zhes rgya cher gsungs te/ dper na gser dang sa bon gyi rigs la khams zhes brjod pa lta bu'o/ /rten tam rgyud ces rgyas par 'byung ba la/ lus sam sems dang sems las byung ba'i rgyud gcig la'o/ /gzhan dag na re skad cig ma'i rgyun gcig la'o zhes zer ro/ /rigs bco brgyad rnams ni sa bon bco brgyad la khams bco brgyad du brjod pa'o/ /skal ba mnyam pa'i rgyu yin pa'i phyir ro zhes bya ba la mig gi dbang po ni mig gi dbang po phyis skyes pa dang ma skyes pa'i skal ba mnyam pa'i rgyu yin te/ de bzhin du gzhan la yang brjod par bya'o/ /'dus ma byas khams ma yin par 'gyur ro zhe na zhes bya ba la snga ma dang phyi ma nyid med pa'i phyir te/ de ni 'ga'i yang skal ba mnyam pa'i rgyu ma yin pa'i phyir ro/ /de ni sems dang sems las byung ba rnams kyi dmigs pa dang bdag po'i rkyen du gyur pa'i phyir 'dus ma byas kyang 'byung gnas nyid du grub bo/ /de lta na yang der skye mched dang khams kyi don dag dbyer med par 'gyur te/ gnyi ga yang sems dang sems las byung ba'i 'byung gnas su gyur pa'i phyir ro/ /de'i phyir gzhan dag na re khams zhes bya ba'i sgra 'di ni rigs kyi tshig yin no zhes zer ro/ /dper na gser la sogs pa'i rigs rnams phan tshun rigs tha dad pa de bzhin du mig la sogs pa dag kyang yin no/ /de ltar na rigs su 'ong bas khams kyi sgra 'di ni rigs kyi tshig yin no/ /rang bzhin zhes bya ba la rang bzhin ni rigs gzhan rnam par bcad pa'i sgo nas rang gi ngo bo ste/ mtshan nyid mtshungs pa la bshad kyi rdzas kyi rang bzhin nyid ni ma yin no/ /khams so sor mtshungs par yang mi 'gyur ro/ /drug pa rnams rigs tha dad pa'i phyir brten dang rten gyi rigs kyi dbye ba las ma yin zhing btags pa'i dus kyi dbye ba las sam snga ma drug nyid las yid kyi khams drug rnams kyang ngo / /de sngon du 'gro ba las shin tu gsal bar phye bas dus gsum pa can nyid la yang de dag thams cad gang la gnas pa de la bltos nas ming du rnam par gzhag go/ /yid sngon du 'gro bas rnam par shes pa'i khams drug tu 'gyur ro/ /ma 'ongs pa'i dus la ji ltar de dag de'i sngon du 'gro ba 'thad ce na/ yid ji lta bar khams kyang de bzhin pas rnam par shes pa'i khams drug ces bya'o/ /bye brag tu smra ba rnams kyi skye mched dang khams ltar phung po yang rdzas su 'dod la/ spungs pa yang rdzas du ma 'dus pa'i bdag nyid can yin pas rdzas su yod pa la spungs pa nyid mi srid do snyam ste 'dri ba ni/ gal te spungs pa'i don phung po zhes bya'o/ /spungs pa dang gang zag bzhin no zhes bya ba la/ ji ltar 'bru la sogs pa rdzas du ma 'dus pa'i phyir btags pa'i phung po yin gyi rdzas kyi ma yin te/ 'bru la sogs pa gsal na de 'dzin pa med pa'i phyir ro/ /de bzhin du gang zag gi gzugs kyi phung po stong phrag nyid kyang rdzas su med pa yin te/ ji ltar yan lag tshogs las ni/ /shing rta zhes ni mi btags pa/ /de bzhin phung po la brten nas/ /kun rdzob tu ni sems can brjod/ /ces bya ba'i lung las so/ /de bzhin du 'das pa dang ma 'ongs pa la sogs pa'i rdzas tshogs pa'i bdag nyid can yin pa'i phyir phung po rnams kyang btags pa'i yod par 'gyur na/ de yang 'dod pa ma yin pas phung po'i don gzhan zhig brjod par bya dgos so zhe na ma yin te/ rdul phra rab gcig kyang phung po yin pa'i phyir rdul phra rab gcig pu yang phung por brjod de/ gzhan du na phung po rnams rang bzhin med pa'i phyir phung po rnams skye mched dang khams ltar chos rnams kyi rang bzhin bsdus par mi 'gyur ro/ /phung po rnams btags pa'i yod pa rang bzhin nyid ma yin na/ de lta 'o na 'di gzhan dang 'gal lo/ /'o na spungs pa'i don ni phung po'i don to zhes bya ba ma yin te/ dang por spungs pa nye bar len pa dag 'dir don gyi spungs pa nyid don ma yin te rdzas dang rnam grangs yin pa'i phyir ro zhes slob dpon 'dus bzang zer ro/ /rdul phra rab gcig pu yang dus gsum gyis bsdus pa'i phyir blos mngon par bsdus pa'i sgo nas spungs pa nyid 'thad pas phung po rnams btags pa'i yod pa ma yin no zhe na/ de nyid la smras pa/ de lta na yang mdo dang 'gal te/ de dag thams cad gcig tu bsdus te gzugs kyi phung po zhes bya ba'i grangs su 'gro'o zhes gsungs pa'i phyir ro/ /slob dpon 'phags pa'i 'bangs na re/ phan tshun bltos pas rdzas ni rdzas ma dra/ phung po gang la gcig ni med de phung po de la bltos pa med pa'i phyir ro/ /ji ltar gzhan du na mi rtag pa dang sdug bsngal ba dang stong pa zhes bya ba las spungs par bya ba dang yongs su shes par bya ba gang zag btags pa nye bar len pa'i phung por gyur pa rdzas su yod pa nyid nyams kyi chos kyi khams 'di rnams yin no zhe na ma yin te/ gang zag ni btags par yod pa nyid de ming tsam nyid kyi phyir ro/ /de lta na 'o na bum pa dang snam bu la sogs pa yang rdzas su yod par thal bar 'gyur te/ de dag la yang rdzas dang rdzas phan tshun ltos pa bum pa dang snam bu'i don de ltar brjod nus pas gzugs ji snyed pa'i rdzas de snyed phung por 'gyur ro/ /de ltar yin na de dag thams cad gcig tu bsdus te gzugs kyi phung po zhes bya ba'i grangs su 'gro'o zhes bya ba de dang 'gal bar 'gyur ro/ /de la smras pa/ mi 'gyur te phan tshun bltos pas phung po zhes bya ba mang po rnams kyi ming 'di lta ste mang po rnams so zhes bya ba gzhan ma yin pa de rnams la zhes bgrang bar bya ste yul gcig la ni ma yin no zhes bya ba 'di dpe'o zhes zer ro/ /'di ni mi mthun pa nye bar bkod pa ste/ de la yang mang po rnams nyid re re la ni ma yin te 'das pa'i rdzas rnams la phung po zhes bya ba med par mtshungs so/ /ci ste de rnams mtha' dag nyid la phung por btags pa nyid na sran ma mA Sha'i phung po bzhin du sems can gyi phung po zhes bya ba btags par grub po/ /lus kyang mi rtag pa dang sdug bsngal ba dang stong pa las gzhan ma yin te so sor 'gro bar brjod pas de btags pa ma yin pa med do/ /de ltar sems can rnams kyang mi rtag par gsungs te/ gang gi nub mo kho na nas/ /mngal du dang po 'jug pa'i mi/ /sdod pa med par 'gro 'gyur te/ /song ba las kyang ldog pa med/ /ces so/ /sems can ni rdzas su yod pa yin pa la nye bar gnas pa las gdul bya'i khyad par la bltos nas sangs rgyas bcom ldan 'das rnams kyis chos bstan te/ de ltar phung po zhes bya ba yang mi rtag par bstan pa dang 'gal ba med do/ /btags par mthong ba dang btags pa nye bar bzung nas nags tshal gyi ljon shing dang dmag dpung dang dmag dpung gi yan lag rnams ji snyed pa de rnams ni skrag pa 'phel ba nyid kyis ma bris shing de ltar rnam par mi spyod do/ /gzhan dag na re khur khyer ba'i don nam zhes bya ba la bya ba nyid khur yin pa na bya ba'i khur ro/ /khyer ba ni de la rag las pa nyid do/ /de la rag lus shing bdag nyid rnyed ces bya ba'i don to/ /'di ltar lus kyi phyogs gang zhig khur khyer bar nus pa ni phrag pa yin la/ 'di yang bya ba'i khur khyer ba'i don phung po'i don yin no/ /gang zhig gang gi bya ba'i khur yin zhe na/ re zhig thun mong du ni phung po lnga rnams kyi skye mched drug yin te/ ji skad du ming dang gzugs kyi rkyen gyis skye mched drug ces bshad pa lta bu'o/ /gzugs dang rnam par shes pa gnyis kyi bya ba'i khur ni reg pa ste skye mched drug gi rkyen gyis reg pa zhes 'byung ba'i phyir dang / tshor ba'i ni sred pa ste tshor ba'i rkyen gyis sred pa zhes dang / 'du byed rnams kyi rnam par shes pa dang rnam par shes pa'i ming dang gzugs te/ 'du byed kyi rkyen gyis rnam par shes pa dang / rnam par shes pa'i rkyen gyis ming dang gzugs zhes gsungs pa'i phyir ro/ /de bzhin du gzhan la yang sbyar bar bya'o/ /de nyid rdzas gcig kyang phung po nyid du grub la tshogs pa rnams kyi re res kyang bya ba'i khur khyer bar nus pa'i phyir ro/ /yongs su chad pa'i don zhes rgya cher 'byung ba la/ lhan cig skye ba'i 'byung ba dang 'byung ba las gyur pa rnams dang / sems dang sems las byung ba rnams gcig kyang blos dpyad par bya ba nus pas yongs su chad pa'o/ /bya bar 'dod pa ni 'dus byas so/ /de la yongs su chad pa gang yin pa dang ma 'ongs pa dang da ltar byung ba rnams te/ de ltar phung po rnams rdzas su yod pa yin gyi btags par ni ma yin no/ /de ni mdo dang 'gal lo zhes rgyas par 'byung ba la/ slob dpon 'dus bzang na re/ skye mched dang khams kyi don gyi mdo gzung bar bya'i/ phung po'i don gyi mdo ni mi 'dod do zhes zer ro/ /rigs pa 'di ni ci de la rigs na skye mched dang phung po'i don gyi mdo las ma gsungs pa la de ltar mdo dang 'gal ba yod pa ma yin la/ phung po'i don gyi mdo las bcom ldan 'das kyis gsungs pas de dang mi 'gal ba gzhan ma yin no/ /bsgrub par nus pa'i mdor yang phung po'i don nyid gsungs te de thams cad gcig tu bsdus shing zhes gsungs pa'i phyir ro/ /re res ni mi nus pa nyid do/ /bya ba'i khur khyer ba'i don nam yongs su chad pa'i don ni phung po'i zhes shes par bya'o/ /thal bar 'gyur ba'i sgo nas phung po rnams btags pa'i yod pa nyid bzlog par 'dod pas na/ de ltar na skye mched gzugs can rnams kyang zhes bya ba rgyas par smos te/ thogs pa med pa'i skye mched bkag ste bcu char yang gzung ngo / /mig la sogs pa'i rdul phra rab mang po rnams skye ba'i sgor gyur pa'i phyir ro zhes bya ba ni btags pa'i yod pa nyid la rgyur smras pa ste/ rnam par shes pa'i tshogs lnga ni bsags pa la brten pa dang dmigs pa yin pa'i phyir ro/ /mig gi dbang po'i rdul phra rab dang kha dog gi rdul phra rab mang po bsags pa kho na rten dang dmigs pa'i ngo bos mig gi rnam par shes pa mtshungs par ldan pa dang bcas pa skye ba'i sgor 'gyur te/ lus kyi skye mched dang reg bya'i skye mched kyi bar du yang de dang 'dra'o/ /de'i phyir rdzas du ma 'dus pa'i phyir mig gi skye mched la sogs pa btags par yod pa nyid do/ /ma yin te tshogs pa rnams re re nas rgyu'i ngo bor gyur pa'i phyir zhes bya ba la/ gang mang po rnams skye ba'i sgor gyur pa'i phyir/ zhes bshad pa de ltar khas mi len te/ gang gi phyir tshogs thams cad kyang re re nas rgyur 'gyur te mig la sogs pa'i rnam par shes pa rnams rdul phra rab re re la brten pa'i phyir rdul phra rab re re la dmigs pa'i phyir ro/ /ci ste ci'i phyir bsags pa kho na rten yin zhing bsags pa kho na dmigs pa yin snyam du sems na/ de nyid kyi phyir rdzas du ma 'dus pa nyid mi 'da' ste bltos pa dang bcas pa rnams rgyu yin pa'i phyir ro/ /'di ltar gal te re re zhing skye mched du 'gyur na ni gzugs can ma yin pa'i skye mched ltar gnyis pa la mi bltos par 'gyur ba zhig go snyam na/ 'di'i len du yul lhan cig byed pa yin pa'i phyir zhes bya ba rgyas par gsungs te/ gal te lhan cig byed pa la bltos pa dang bcas pa rnams rgyur gyur pa'i phyir dbang po'i rdul phra rab rnams re re nas skye mched nyid du mi 'dod na/ de ltar mig la sogs pa dbang po'i gzugs la sogs pa dag las logs shig tu skye mched du mi 'gyur ro/ /ci'i phyir zhe na yul lhan cig byed pa'i phyir ro/ /yul la bltos pa med par dbang po rnams 'ba' zhig sems dang sems las byung ba rnams kyi skye ba'i sgor mi 'gyur la/ khyod kyi ltar na mig gi dbang po gzugs la sogs pa dag las logs shig tu skye mched du mi 'gyur ba yang ma yin te/ mdo las skye mched bcu gnyis so zhes gsungs pa'i phyir ro/ /de ltar na mig la sogs pa'i rdul phra rab rnams kyang so sor skye mched yin no zhes bya bar shes par bya'o/ /yang ci'i phyir mig la sogs pa rdul phra rab rnams yul gyi rdul phra rab rnams kyi lhan cig byed pa yin yang tha dad du byas she na/ de dag lhan cig byed pa yin pa'i phyir gcig tu byas pa ma yin gyi/ 'o na ci zhe na rigs dang spyod yul dang rnam par shes pa 'dra ba'i phyir ro/ /yul gyi rdul phra rab rnams ni rigs tha dad pas 'di dag gi spyod yul du yod pa ma yin te/ sngon po la sogs pa thams cad kyis rnam par shes pa skyed pa la mig gi dbang po'i rdul phra rab rnams kyang thun mong ba'i phyir sngon po la sogs pa'i rdul phra rab rnams kho na ni ma yin pas gcig tu ma byas te/ de bzhin du gzhan la yang rig par bya'o/ /bye brag tu bshad pa las ni zhes bya ba 'dis phung po rnams btags par yod pa yin no zhes ston par byed do/ /yang ci phung po 'di btags pa'i yod par lta bar byed na 'das pa'i ming la sogs pa gcig tu bsdoms pa la bltos te ma bltos pa'i mtha' 'jug par byed pa de yis de la bltos nas phung po zhes brjod de/ ma bltos par spungs pa bzhin du gcig gi ngo bor mi rigs so/ /rang gi tshogs pa can ni tshogs par bshad pas rdul phra rab gcig kyang phung po'i phyogs zhes bya'o/ /yang na phung po btags pa la bltos pa zhes pa ste phung por gyur pas btags pa la bltos pa'o/ /gzhan dag na re btags par yod pa'i phung po ni gzhan la bltos pa'o zhes zer ro/ /rdul phra rab khams gcig ces bya ba ni gzugs can bcu las gang yang rung ba'o/ /skye mched gcig ces bya ba ni gzugs can rnams las gang yang rung ba'o/ /phung po gcig gi zhes bya ba ni phung po lnga las gzugs kyi phung po'o/ /phyogs cha ni cha shas te rdzas kyi rdul phra rab kyi dbang du byas pa'o/ /btags pa la bltos pa med par phyogs la mi 'jug pa'i sgra phyogs su brjod de/ yang na bltos pas phung po btags par bshad pa zhes rgyas par te/ ji ltar 'di 'dod pa spyod par dmigs zhes bshad par 'gyur ro/ / phyogs la yang phyogs can bzhin du nye bar 'dogs pa'i tha dad yod de/ de la phyogs ni rdul phra rab po/ /phyogs can ni gzugs can gang yang rung ba khams dang skye mched dang phung po rnams so/ /de nyid la 'jig rten la grags pa'i dpe smos pa ni dper na ras yug gi phyogs zhes bya ba rgyas par 'byung ba'o/ /la ba la sogs pa tshig pa dgag pa brjod par 'dod pa dang ma tshig pa dgag pa brjod par 'dod pa'i tshe ras yug gi phyogs gcig tshig pa la ras yug tshig go zhes brjod kyi/ ril dang phyogs gcig tshig pa brjod par 'dod pa'i tshe ni ma yin pa de bzhin du 'dir yang phung po gzhan dgag pa brjod pa dang / phung po ma yin pa dgag pa brjod par 'dod pa'i tshe phung po'i phyogs gcig la phung por 'dogs te/ phyogs dang phyogs can dag gtso bo ma yin pa'i phyir ro/ /phung po dang skye mched dang khams rnams kyi chos tha dad pa la tha dad par bstan pa'i dgos pa 'dri ba ni/ yang ci'i phyir bcom ldan 'das kyis zhes rgya cher 'byung ba'o/ /bde bar gshegs pa'i dgongs pa ni shes par dka' mod kyi/ rtog ge pa rnams la ni 'di ltar snang ste gdul bya rnams kyi/ rmongs dbang 'dod rnam gsum gyi phyir/ /zhes bya ba rgyas par 'byung ba'o/ /rnam gsum gyi sgra ni re re dang sbyar bar bya ste/ rmongs pa rnam pa gsum gyi phyir/ /zhes bya ba ni sa 'dod pa rnam pa gsum gyi phyir gyi bar ro/ /grag go zhes bya ba grag go'i sgra ni 'di mdo'i don ma yin pa'o/ /gang las phung po lnga la sogs pa rnams su phung po la sogs pa bstan pa la dgos pa gzhan gsungs te/ go rims ji lta ba bzhin du gcig pa nyid dang byed pa po nyid dang za ba po nyid du 'dzin pa bsal ba'i sgo nas phung po la sogs pa gsum bstan te/ de dag la bdag tu 'dzin pa ni gcig pa nyid du 'dzin pa la sogs pa sngon du 'gro ba can yin pa'i phyir ro/ /yang na spyod pa stong phrag brgyad cu'i dbye ba la kun tu rmongs pa'i gnyen por phung po la sogs pa bstan to zhes grag go/ /kha cig ni sems las byung ba rnams la kun tu rmongs te ji ltar zhe na/ ril po'i bdag tu 'dzin pas zhes bya ste rgyu la rmongs pas ril po'i ril po la bdag snyam du 'dzin pas so/ /yang na sems las byung ba rnams la ril por bzung ste/ phyis bdag tu 'dzin pas tshor ba dang 'du shes dang 'du byed phan tshun pa dang bdag kyang mtshan nyid gcig pa nyid du bzung nas bdag tu mngon par zhen te/ de'i phyir de dag la bdag tu 'dzin pa sngon du 'gro ba can ril por 'dzin pa ste/ ril por 'dzin pa'i gnyen por phung po bstan pa brtsams so/ / de ltar na tshor ba la sogs pa'i dbye ba bstan pas phung po la ril por 'dzin pa log pa dang bdag tu 'dzin pa yang ldog par 'gyur te/ de sngon du 'gro ba can yin pa'i phyir ro/ /kha cig ni gzugs kho na la'o zhes bya ba la ril po'i bdag tu 'dzin pas kun tu rmongs so zhes bya bar sbyar ro/ /kun tu rmongs pa de'i gnyen por gzugs nyid rnam pa bcur phye ba dang sems dang sems las byung ba rnams skye mched gcig nyid de/ de ltar ril por phye ba la ril por 'dzin pa sngon du 'gro ba can gyi bdag tu 'dzin pa ldog par 'gyur ro/ /kha cig ni gzugs dang sems la ste rmongs so zhes bya bar snyegs so/ / de dag gi rmongs pa bzlog par bya ba'i phyir khams bstan pa las gzugs rnam pa bcu dang sems rnam pa bdun du phye nas bstan to/ /de la sems dang sems las byung ba dag la rmongs pa gang yin pa de ni rmongs pa'i rnam pa chung ba yin te/ dngos po phra ba dang rigs mthun pa la rmongs pa'i phyir ro/ / gang zhig gzugs la rmongs pa de ni rmongs pa'i rnam pa 'bring po yin te/ dngos po rags shing rigs mthun pa la rmongs pa'i phyir ro/ /gang zhig gzugs dang sems dag la rmongs pa de ni rmongs pa'i rnam pa chen po yin te/ dngos po phra ba dang rags pa dang rigs mthun pa dang mi mthun pa rnams la rmongs pa'i phyir ro/ /de ltar na phung po bstan pa 'dis ji skad bshad pa'i kun tu rmongs pa dang 'jig tshogs la lta ba ril por 'dzin pa sngon du 'gro ba can bzlog ste/ de sngon du 'gro ba can gyi nyon mongs pa rnams kyang spong ba yin no/ /dbang po dag kyang rnam pa gsum ste zhes bya ba la/ 'dir dbang po rnams ni dad pa la sogs pa'o/ /dbang po rtul po dang 'bring po dag gis ni khams dang skye mched rab tu dbye ba rtogs kyi phung po bstan pa ni ma yin no/ /dbang po rtul po la ni khams kyi rab tu dbye ba las phan btags par 'gyur gyi skye mched kyis ma yin no/ / dbang po rnon po dang 'bring po dag la ni phung po bstan pa dang skye mched bstan pas skye mched dang khams kyi dbye ba rtogs par nus te/ de'i phyir skye mched bstan pa dang khams bstan pa don med par 'gyur ba'am gzhan du na de bzhin gshegs pa la yid mi ches par 'gyur ro/ /de'i phyir gang zag dbang po rnon po'i dbang du byas nas phung po bstan pa dang dbang po 'bring po la skye mched bstan pa dang dbang po rtul po la khams bstan pa ste/ de ltar na thams cad la phan gdags pa byas par 'gyur ro/ /'dod pa yang rnam pa gsum ste zhes bya ba la/ 'dod pa ni mos pa ste/ gzhan du na mos pa rnams la gzhan du chos bstan pa ni yid mi ches pa'i rgyur 'gyur ba kho na 'ba' zhig tu zad pas/ gdul bya'i mos pa'i khyad par las phung po la sogs pa'i sgo nas rnam pa gsum ste/ 'di dag thams cad kyang chos rab tu rnam par 'byed pa'i don te/ chos rab tu rnam par 'byed pa med par nyon mongs pa spong ba med pas na/ phung po bstan pa'i dgos pa ni sngar nyid du shes par byas zin to/ /de las gzhan pa'i sems las byung ba phung po tha dad par byas pa mi 'gal ba gang yin pa 'dir brjod par bya ba ni yang ci'i phyir zhes rgyas par 'byung ba'o/ /'dod par bya bas na 'dod pa ste gzugs la sogs pa'i yul rnams so/ /de dag la lhag par chags pa ni 'dun pa'i 'dod chags so/ /lta ba dag ni 'jig tshogs la lta ba la sogs pa rnams so/ /de dag la lhag par chags pa ni 'dun pa'i 'dod chags kho na'o/ /snga ma ni phal cher khyim pa'i phyogs dang / phyi ma ni phal cher rab tu 'byung ba'i phyogs kyi'o/ /de ltar yang mdo las 'dod pa'i 'dod chags la lhag par zhen pa dang 'chums pa dang yongs su zhen pa dang lhan cig tu gyur pas khyim pa rnams ni khyim pa rnams dang lhan cig tu rtsod par byed 'gyed par byed do zhes gsungs te/ de gnyis kyis zhen pa ni tshor ba dang 'du shes so/ /gtso bo smos pa ni ma rig pa la sogs pa rnams kyang de gnyis kyi rgyur 'gyur ba'i phyir ro/ /tshor ba ro myang ba'i dbang gis ni zhes pa la ro myang dam pa ni tshor ba nyid ro myang ba yin pas na tshor ba myang ba'o/ /de ni ro mngar ba dang 'dra bas na ro myang ba ste de'i dbang gis 'dun pa'i 'dod chags kyi sgo nas 'dod pa la mngon par zhen pa yin no/ /yang na tshor ba la ro myang ba'i phyir tshor ba ro myang ba ste de la sred pa'i dbang gis tshor ba la phan 'dogs shing 'dod pa la mngon par zhen pa dang lhag par chags pa yin no/ /'du shes phyin ci log gi dbang gis zhes bya ba ni chos ma yin pas chos su 'du shes pa dang bdag med pa la sogs pa rnams la bdag la sogs par 'du shes pa ste/ de dag ni tshul khrims dang brtul zhugs mchog tu 'dzin pa dang 'jig tshogs dang mthar 'dzin par lta ba la sogs pa ste lta ba de dag la mngon par zhen no/ /gang gi tshe bden pa mthong ba rnams la 'du shes yod kyang phyin ci log med pas lta ba la mngon par zhen pa yod pa ma yin te/ de'i phyir gang gis 'du shes phyin ci log tu byas pa de nyid lta ba la mngon par zhen pa'i rgyu yin te/ de yod pa dang med pa dag gis yod pa dang med pa'i phyir ro zhe na/ de ni de lta ma yin te mi gsal ba'i bdag nyid kyis mun pa dang 'dra ba'i phyir na phyin ci log tu rtog pa'i rgyu ma rig pa ni lta ba la mngon par zhen pa'i rgyur shes par bya ba ma yin gyi/ gang zhig de dang 'dres shing mtshan mar 'dzin pa'i rnam pa can gyi 'du shes de ni rgyu yin no/ /smras pa/ 'dam bying nya ni yang yang 'phar ba yis/ /chu dag rnyog par byed pa ji bzhin du/ /ma rig pa dang rjes 'brel 'du shes kyis/ /rig pa sun 'byin byed pa'ang de dang 'dra/ /de'i phyir 'du shes phyin ci log gi dbang gis ni lta ba dag la mngon par zhen to zhes bya ba'i rigs so/ /tshor ba la zhen pa ni tshor ba la chags pa'o/ /'du shes phyin ci log tu gyur pa ni phyin ci log tu mtshan mar 'dzin pa'o/ /de la tshor ba la zhen cing sred pa la spyod pa ni 'khor bar 'khor ro/ /'du shes phyin ci log tu gyur pas ni lta bar spyod do/ /tshor ba la zhen pa ni phyin ci log bzhis 'du shes phyin ci log tu gyur pa kho nas nying mtshams sbyor ba'i tshe 'khor te/ ji skad du/ blo ni phyin ci log gyur las/ /rtse dgas 'gro ba'i yul du 'gro/ /zhes bshad pa lta bu'o/ /'dir 'khor ba'i rgyu'i ngo bo dag de ltar gsungs te dngos su ni phyin ci log tu zhen pa kho na rgyu nyid de sangs rgyas rnams la dgongs pa sngon du ma btang ba'i chos ston pa mi mnga' zhing / dgongs pa yang 'dir gsal bar byas pa'i phyir zhes so/ /'o na ci'i phyir skye mched dang zhes bya ba la sogs pa ni dri ba'o/ /phung po dag tu 'dus ma byas/ /don du rung phyir ma bshad do/ /phung po dag 'chad pa na 'dus ma byas ni de dag kho na'i khongs su bsdus par ram de dag las tha dad par gzhan zhig tu rnam par 'jog / de yang nye bar len pa'i phung po dag gam phung po dag gi khongs su sdud grang na rnam pa thams cad du yang mi rung ngo / /ci'i phyir zhe na don du mi rung ba'i phyir ro/ /re zhig phung po dag gi khongs su bsdu bar ni mi nus te/ de dag gi nye bar len pa'i don mi rig pa'i phyir ro/ /de dag gi nye bar len pa ni gzugs dang tshor ba dang 'du shes dang 'du byed dang rnam par shes pa dag yod na 'dus ma byas ni gzugs la sogs pa'i bdag nyid kyang ma yin te/ ji ltar de'i bdag nyid ma yin pa de gzugs la sogs pa'i phung po dag gis bsdus par rigs so/ /de nyid kyi phyir de ni gzugs ma yin zhing rnam par shes pa'i bar du yang ma yin pas zhes bshad do/ /'di skad bshad par 'gyur te de ni gzugs su rung ba ma yin pa nas rnam par rig pa ma yin pa'i bar du ste/ phung po drug par brjod par yang mi rung ste spungs pa'i don mi rung ba'i phyir ro/ /gal te phung po'i don ni spungs pa yin pas 'dus ma byas kyang tshor ba bzhin du phung po drug pa zhig tu cis mi 'dod de/ ji ltar gzugs la sogs pa 'das pa la sogs pa'i bye brag gis tha dad pa rnams phan tshun 'dus te reg pa la ma ltos par blos bsdoms nas phung por brjod par 'gyur ba de bzhin du 'dus ma byas kyang blos bsdoms pa la bltos nas phung por byas pa la 'gal ba ci zhig yod ce na/ 'di la 'gal ba yod de phung por byed pa ni phyogs nas 'gugs par ram dus las 'gugs pa zhig yin grang na/ gnyi ga yang 'dus ma byas phyogs dang dus su ma gtogs pa la srid pa ma yin no/ /de nyid kyi phyir 'dus ma byas ni 'das pa la sogs pa'i bye brag gis tha dad pa ma yin no zhes gsungs so/ /'das pa la sogs pa'i bye brag gis tha dad pa phung por rnam par 'jog na de lta bu'i mtshan nyid 'dus ma byas phung por brjod pa la mi rung ngo / /gnyi ga ltar yang phung por bstan pa la dgos pa med pa'i phyir gnyi ga ltar yang 'dus ma byas phung por ma bshad do/ /yang kun nas nyon mongs pa'i gzhi shes par bya ba'i phyir zhes bya ba la/ gzhi'i sgra ni 'dir rgyu'i rnam grangs te/ zag pa dang bcas pa rnams ni kun nas nyon mongs pa'i rgyu yin pa'i phyir ro/ /bya ba'i phyir gyi sgra ni 'dir dgos pa'i tshig go/ /kun nas nyon mongs pa dang rnam par byang ba'i gzhi shes par bya ba'i phyir zhes bya ba ni zag pa dang bcas pa rnams kun nas nyon mongs pa'i rgyu yin pa'i phyir la zag pa med pa rnams rnam par byang ba'i rgyu'i phyir yin na 'dus ma byas ni gnyi ga yang ma yin no/ /kun nas nyon mongs pa rgyas par mi 'gyur ba'i phyir kun nas nyon mongs pa ma yin no/ /lam ma yin pa'i phyir rnam par byang ba'i dngos po ma yin no/ /gzhan dag na re 'dus ma byas yin pa'i phyir dngos po gnyi ga yang ma yin pa nyid do zhes zer ro/ /gzhan dag na re rnam par byang ba'i rgyu nyid kyi phyir 'dus byas kyi dngos po ma yin zhing kun nas nyon mongs pa dang rnam par byang ba'i dngos po ma yin no zhes zer ro/ /de la 'dis rnam par byang ba byas pas na rnam par byang ba ste lam la mngon par 'dod do/ / de ltar so sor brtags pa'i 'gog pa nyid ni gnyi ga'i dngos por bshad de/ 'dis 'dus ma byas thams cad kyi'o zhes bya ba 'di bsam par bya'o/ /ji ltar bum pa chag pa zhes bya ba ni bum pa 'gags pa ste/ bum pa ma yin pa de bzhin du phung po zhig pa ste phung po 'gags pa yang 'dus ma byas yin pas phung po ma yin zhing / nam mkha' ni gcig kho na yin pas phung po ma yin no zhes zer ro/ /de dag ji ltar na khams dang skye mched zhig pa yang khams dang skye mched ma yin par thal bar 'gyur te/ khams dang skye mched kyi bdag nyid kho na khams dang skye mched zhig par rung ba ma yin pa'o/ /de ni de ltar ma yin te zag pa dang bcas pa'i phung po bzhin no/ /zag pa dang bcas pa'i skye mched rnams la yang 'gog par 'gyur ro zhes pa'i gnas skabs su thal bar 'gyur ro/ /gzhan dag na re 'dir phung po spungs pa zhig par 'dod pa ma yin no zhes zer ro/ /nam mkha' dang so sor brtags pa ma yin pa'i 'gog pa dag ma spangs pa'i bdag nyid kyi phyir ro/ /'o na ci zhe na gang la mtshan nyid med pa de phung po rnams las u pa ra ta me ba bA/ 'dus ma byas gsum yang phung po zhig par mi rung zhes pa ni dga' ba tshigs su bcad pa'i don to/ /phung po rnams kyi rnam pa gzhan bshad zin to zhes bya ba la/ skye mched dang khams dag gi rnam pa gzhan mngon par brjod pa'i phyir te/ kun nas nyon mongs pa la sogs pa'i dngos po rim pa gzhan gyi ngo bo skye mched dang khams su rnam par gzhag pa la sogs pa go rims lhag ma lus pa de brjod par bya'o/ /sangs rgyas rnams kyi gsung ni dgongs pa sngon du btang nas 'jug pa de'i phyir/ 'dir rim ni rags dang kun nyon mongs pa zhes bya ba la sogs pa gsungs te/ rags pa ji lta ba dang kun nas nyon mongs pa ji lta ba dang snod la sogs pa'i don gyi khams rnams kyang ngo / /gzugs ni thogs pa dang rnam pa'i phyir thams cad la rags zhes bya ba ni gtogs che ba'o/ /gzhan dag na re rnam par shes pa'i tshogs lnga'i rten yin pa'i phyir rags so zhes zer ro/ /rgyu ba rags pa ni gsum mo zhes tshig rnam par sbyar te lus kyang rgyu ba'i sa bcas pas rtogs par ches sla ba'i phyir ro/ /de nyid kyi phyir 'di ltar bstan pa rgya cher sbyar te/ 'du shes ni 'du byed dang rnam par shes pa gnyis las ches rags te de'i bya ba rtogs par ches sla ba'i phyir ro/ /'du shes ni skyes pa dang bud med la sogs pa'i mtshan mar 'dzin pa'o/ /rnam par shes pa bas ni 'du byed rags te/ 'dod chags la sogs pa'i kun tu spyad pa shin tu gsal bar rtogs pa'i phyir ro/ /gzhan dag na re mngon par 'du byed pa'i mtshan nyid kyi bde ba dang sdug bsngal la sogs pa'i 'jug pa nye bar mtshon pa'i phyir ro zhes zer ro/ /thams cad pas phra ba'i phyir rnam par shes pa ni mthar te/ gdul bya rnams gzud pa dang rjes su mthun pa'i phyir na 'di ni rags pa'i rim pa ste/ kun nas nyon mongs pa ji lta ba'o/ /phan tshun gzugs la mngon par dga' ste zhes bya ba la/ phan tshun kha dog dang dbyibs dang sgra dang dri dang ro dang reg bya la mngon par zhen par byed do zhes bya ba'i tha tshig go/ /de bzhin du gzugs gcig ni chags par bya ba ma yin te/ ji ltar mdo las skyes pa dang bud med phan tshun gzugs la reg par byed do zhes rgya cher 'byung ngo / /de dag kyang tshor ba'i ro myang ba la chags pa'i phyir phan tshun gzugs kyis mngon par dga' zhing tshor ba'i ro myang ba nas phrad pa dang bral ba'i sred pas zhen cing tshor ba'i ro myang ba dang tshor ba la chags pa'i bar du'o/ /gzhan dag na re gal te tshor ba thob pa nyid kyi phyir chags pa dang mngon par chags pa las so zhes so/ / 'du shes phyin ci log pa'i phyir ro zhes bya ba la/ sdug bsngal la bde'o snyam pa ni 'du shes phyin ci log pa ste/ tshor ba bde ba nyid kyang 'du byed 'gyur ba'i sdug bsngal dag gis sdug bsngal ba nyid do/ /phyin ci log de yang kun nas nyon mongs pa dag gis so zhes bya ba la/ mi rtag pa dang / sdug bsngal ba dang mi gtsang ba dang bdag med pa rnams la nyon mongs pas rnam par 'phrul te 'du shes phyin ci log tu 'gyur ro/ /sems kyang de dag gis kun nas nyon mongs pa can du byas pa zhes bya ba kun nas nyon mongs pas yang srid kyi rnam par shes pa mtshams sbyor ba'i nyon mongs pa la 'jug pas rnam par shes pa mthar gsungs so zhes gzhan dag zer ro/ /gang nas kun nas nyon mongs pa dang / gang gi don dang ji ltar dang gang zhig dang gang dag gis kun nas nyon mongs pa de bstan par bya ba'i phyir nyon mongs pa ji lta ba bzhin go rims brjod do/ /yang na snod la sogs pa'i don gyis te zhes rgya cher 'byung ba la/ gzugs ni snod lta bu ste tshor ba zas dang 'dra ba'i rten yin pa'i phyir ro/ /tshor ba ni zas lta bu ste ro myang bar bya ba yin pa'i phyir ro/ /gzhan dag na re sems can rnams la zas ni phan pa dang gnod par 'jug pa'i phyir ro zhes zer ro/ /'dis gsal bar byed pas na 'du shes ni tshod ma lta bu ste/ des yid du 'ong ba dang yid du mi 'ong ba'i mtshan ma bzung nas tshor ba gsal bar byed do/ /yang na 'du shes ni phyin ci log gi dbang gis tshor ba'i ro mngon par 'dod pa'i phyir na 'du shes ni tshod ma lta bu'o/ /gzhan dag na re kun nas nyon mongs pas dgra dang mdza' bo dang bran dang bde ba la sogs par mtshan mar 'dzin pas so zhes zer ro/ /'du byed rnams ni byan po lta bu ste de'i dbang gis rnam par smin pa yid du 'ong ba dang mi 'ong ba mngon par 'grub pa'i phyir ro/ /dmigs pa'i phyir na rnam par shes pa ni za ba po lta bu ste/ gzhan dag na re de la bdag tu 'dzin pa'i phyir ro zhes zer ro/ /gzhan dag na re sems can gyi rdzas gtso bo yin pa'i phyir te t+bu do dza ba twAta tshor ba la sogs pa rnams so zhes zer ro/ /sems can gyi dbang po'i gzugs gang yul gzugs su yod pa'i phyir 'dod pa'i yon tan gzugs kyis rab tu phye ba ni 'dod pa'i khams so/ /tshor bas rab tu phye ba ni bsam gtan rnams te tshor ba tha dad pas de tha dad pa'i phyir te/ 'di ltar snyoms par 'jug pa'i bsam gtan dang po gnyis na ni yid bde ba'o/ /gong ma gnyis na ni btang snyoms dag go/ /skye ba'i bsam gtan dag na ni/ /yid bde bde de btang snyoms dang / /btang snyoms yid bde bde ba dang / /btang snyoms btang snyoms tshor ba yod/ /ces pa'o/ /gzhan dag na re skye ba'i bsam gtan rnams su 'du byed thams cad kyi khyad par so sor rig cing dmigs pas gzugs kyi khams tshor bas rab tu phye ba'o zhes zer ro/ /'du shes kyis rab tu phye ba ni gzugs med pa gsum mo zhes bya ba la/ de dag ni de'i mtshan ma gsal ba'i phyir 'du shes gtso bo yin no/ /btang snyoms thun mong ba rnam par bcad pa med pa'i phyir de ni gtso bo ma yin no/ / gzhan dag na re lus med pas nam mkha' la sogs pa'i 'du shes kyis rnam par 'byed pa'i phyir 'du shes kyis rab tu phye ba'o zhes zer ro/ /'du byed tsam gyis rab tu phye ba ni srid pa'i rtse mo ste zhes bya ba ni 'di thams cad pas de'i sems la 'bras bu che ba'i phyir ro/ /phye ba ni gsal bar byas pa zhes bya ba'i tha tshig ste gang na gang zhig gtso bo de nyid kyis de nye bar mtshon par byas pa yin no/ /'di dag ni rnam par shes pa gnas pa yin la zhes bya ba ni gzugs su nye bar 'gro ba 'dod pa'i khams dang tshor bar nye bar 'gro ba gzugs kyi khams dang 'du shes su nye bar 'gro ba gzugs med pa gsum dang / 'du byed du nye bar 'gro ba srid pa'i rtse mo'o/ /de dag la rnam par shes pa gnas so zhes bya ba ni de dag gi sred pa'i rlan gyi mthus so/ /zhing dang sa bon gyi go rims lta bur bstan pa'i phyir ro zhes bya ba la/ zhing ni sngar yin la/ sa bon ni phyi nas te/ sngar ji ltar bshad pa'i phung po rnams zhing go rims pas bstan pa'i don de nyid kyi phyir rags pa la sogs pa'i rgyu rnams ji lta bar phung po rnams lnga las mi nyung mi mang ngo / /rim rgyu'i phyir zhes gang smras pa de sbyar bar bya ba'i phyir go rims kyi rgyu de nyid kyi phyir zhes rgya cher 'byung ngo / /de'i dbang nyid kyis ni zhes bya ba la sogs pa la/ ji ltar zhe na yul can gyi rten gyi gtso bo yin pa'i phyir te/ yul rnam par gzhag pa ni yul can gyi dbang yin pa'i phyir ro/ /dbang ni rag las pa'o/ /brten par rnam par gzhag pa yang rten gyi dbang ngo / /dbang po drug las dang por lnga ste mig la sogs pa dag go/ /ci'i phyir zhe na da lta'i don phyir zhes bya ba ste/ 'di dag gi yul da ltar ba yin pas da ltar ba'i don gyi dngos po ni da ltar ba'i don nyid du lhag par bzung nas da ltar byung bar skyes pas na de'i yul rnams sngar smos so/ /yid ni kha cig yul da ltar byung ba ste dper na gzhan gyi sems shes pa lta bu'o/ /kha cig gis dus gsum dang dus med pa'i yul can te/ shes rgyud 'das pa'i yul can ni sngon gyi gnas rjes su dran pa'i shes pa lta bu'o/ /ma 'ongs pa'i yul can ni mngon par 'dod pa'i shes pa lta bu'o/ /kha cig ni dus gsum pa'i yul can te/ dper na 'du byed mi rtag pa lta bu'o/ /kha cig ni dus med pa'i yul can te/ dper na 'gog pa la dmigs pa bzhin no/ /kha cig ni dus gsum dang dus med pa'i yul can te/ dper na chos thams cad bdag med do snyam pa lta bu ste/ de'i phyir yid ni ma nges pas phyis bshad do/ /'byung ba las gyur don phyir gzhi/ /zhes bya ba la sngar bshad pa'i reg bya ma gtogs pa'i 'byung ba las gyur pa rnams 'di nyid kyi yul lo/ /'byung ba gzhan rnams kyang de'i yul du ma nges pas na bzhi pa rnams so/ /rjes su bshad pa zas lce dang ma phrad pa nyid kyis dri 'dzin pa'i phyir ro zhes bya ba la/ gal te ma phrad pa'i zas kyi gong bu la brten pa'i dri kho na snas 'dzin na sna phrad nas 'dzin pa nyid la gnod par 'gyur ro zhes 'ga' zhig zer ro/ /zas dang 'dres pa'i rdzis myur du sna'i yul du phyin par byed pa yin te/ de dang rigs mthun pa'i phyir rdzi la brten pa'i dri la zas kyi dri zhes bya'o/ /rang gi 'byung ba bzhi tshan la brten pa nyid zas kyi dri ste 'byung ba chen po la brten pa'o/ /grib ma nyid shing ljon pa'i gral rim gyis 'jug pa de bzung zhes gzhan dag zer ro/ / yang ci'i phyir rdzas brgyad pa'i rdul phra rab gang la dri yin pa de la kha dog smos pa rjes su 'jug ste grib ma dang snang ba dag bzhin reg bya'i zhes pa phreng ba bzhin der gnas so/ /gsum po rnams gnas kyi dbang gis te/ rna ba gnas dag ji ltar gnas pa'i rim pas 'gyur ro/ /yid kyang de dag la brten pa dang zhes bya ba ni rnam par shes pa'i tshogs lnga'i mtshan nyid dang / yid kyi rnam par shes pa'i tshogs lnga'i mtshan nyid dang / yid kyi rnam par shes pa'i tshogs kyi mtshan nyid de/ 'di dag rnam pa drug car yang gzugs can ma yin pa'i phyir yul na mi gnas so/ /gzhan dag na re dang po lnga ni de'i 'jug pa lnga rnams te/ gsum po gang dag las ches gsal bar ring du 'jug pa gang yin pa'o/ /dper na gnas kyi rim pas mig la sogs pa rnams yul la sngon du 'jug la/ yid ni de dag la phyir 'jug pa lta bu'o zhes zer ro/ / de rnams la yang 'jug pa'i rnam par shes pa'i rten gyi dngos por nye bar 'gro ba'i yul smos pa ni/ mig dang rna ba dag yul rgyang ring ba'i phyir gnyis pa de dag sngar smos so/ /de las kyang mig ni ches rgyang ring ba la 'jug go/ /sna dang lce dang lus gsum po rnams las kyang gang zhig ches gsal ba ste/ ji ltar sna yis dri phra mo dmigs pa de ltar lces ro ma yin la/ ji ltar lces ro ltar lus kyis grang ba dang dro ba dag ma yin no/ /gal te mig la sogs pas nyams su myong ba'i gzugs la sogs pa kho na la yid kyi rnam par shes pa 'jug na/ ji ltar gnyid log pa rnams gzugs la sogs pa'i yul 'dzin ce na/ kha cig na re sngon nyams su myong ba dran pa las de yin no/ /de lta ma yin na dmus long gis kyang gzugs dmigs te/ de rmi lam rjes su dran pa kho nar gnyid sad pa bzhin 'di nga yis gzugs la sogs pa 'dzin pa ma yin pa'i phyir rmi lam mo zhes nyams su myong ba sngon gnyid ma log pas dran par byed de/ 'di ni des yul yongs su gcod pa ma yin pas nyams su myong ba nyid rmi lam du dmigs pa ma yin no/ /gal te de yang skye ba gzhan du nyams su myong bas so zhe na/ 'o na de lta na dmus long gis kyang rmi lam du gzugs dmigs par thal bar 'gyur te skye ba gzhan du nyams su myong ba'i phyir ro/ /long bas kyang rmi lam du gzugs mi mthong ba 'di ma grub pa de'i phyir rmi lam yang sngon gyi dmigs pa gzhan ni srid pas bstan bcos so sor bshad la/ mig gi rnam par shes pas nyams su myong ba yid kyi rnam par shes pas shes par bya ba rnams ji snyed pa dang de snyed pa bshad do/ /nges pa kho nar lnga rnams phan tshun gzhan la yang ma yin no/ /mngon du gyur pa'i phyir zhes bya ba gzugs la sogs pa'i yul gang yin pa rnams rmi lam du nye bar dmigs pa de dang mngon par 'brel pa nyid do/ /de bstan bcos su brjod ces bya ba de yang gzugs bstan du yod pa dang zhing sgrib pa med par byed pa nam mkha'i khams lta bu'o/ /gal te de'i gzugs glang po che dang rta dang ri bo dang ljon shing la sogs pa pa'i rnam pa dang zhing sgrib pa med par byas nas de'i rnam pa de bzhin du mthong ba dang ci ste de'i rnam pa ma yin pa yang rmi lam gyi nang du gzugs dmigs pa'i phyir yod pa ma yin pa dmigs pa de shes par 'gyur ro/ /de la ni rnam par dpyad pa gzhan te de nyid kyi phyir gtam 'phros pa zhar la byung bas chog go/ /dkyus ma nyid brtsam par bya ste/ dbang don de dag kho na la/ /skye mched dang ni khams bcur 'dod/ /ces bya ba der gzugs can gyi skye mched bcu gzugs kyi phung po'i rang bzhin du bshad la/ chos rnams rab tu rnam 'byed med par zhes bya ba der skye mched thams cad chos kyi rang bzhin du bshad pa de'i phyir 'dri ba ni/ yang ci'i phyir zhes bya ba la sogs pa ste gzugs kyi bdag nyid du khyad par med kyang gcig ni gzugs kyi skye mched ces bya bar brjod kyi gzhan dag ni ma yin/ yang na sgra la sogs pa'i skye mched ltar yin pa yang ming gzhan ji ltar mi brjod/ gzhan gzugs kyi skye mched nyid kyis brjod ces bya ba 'di la dgos pa ci zhig yod/ de bzhin du chos kyi skye mched la yang brjod par bya'o zhe na/ smras pa/ bye brag don dang zhes bya ba la sogs pa ste gzugs kyi chos nyid du khyad par med pa rnams so sor skye mched yin par shes par byed do la'o/ /bye brag kyang ci zhe na de ni khyad par gyi ming ngo / /gal te gzugs kyi rang bzhin yin pa'i phyir bcu char yang gzugs kyi skye mched ces brjod na ni/ mig la sogs pa dang gzugs la sogs pa rnams so sor yul dang yul can gyi dngos por rtogs par mi 'gyur la/ de ma rtogs pas kyang de dag so sor skye mched nyid du shes par mi 'gyur ro/ /de'i don du gzugs kyi bdag nyid can du khyad par med kyang gcig gzugs kyi skye mched du brjod nas sgra la sogs pa rnams ming gzhan dag gi skye mched du rnam par gzhag pa mdzad do/ /gzugs la yang skye mched gzhan rnam par gcad par bya ba'i phyir ming gzhan mi 'dogs te/ de ni byed rgyu ltar gzugs kyi ming thun mong ba kho nas gzhan dag las rnam par gcod pas khyad par gyi ming gdags pa don med do/ /de nyid kyi phyir mig la sogs pa bye brag tu byas pa dag gis zhes rgya cher gsungs so/ /yang na gzugs kyi skye mched gtso bo yin pa'i phyir gzugs kyi ming thun mong bas ston par mdzad kyi/ gzugs kyi bdag nyid yin yang gzhan dag gis ni ma yin te/ gtso bo ma yin pa'i phyir ro/ /lhag ma rnams la gtso bor bstan pa'i phyir/ de ni thogs pa dang bcas pa yin pa'i phyir te zhes bya ba rgya cher gsungs so/ /reg pa ma yin pa'i phyir gzugs kyi skye mched la lag pa la sogs pa'i 'dus te reg pa dag gis ci ltar reg ce na/ de nyid la ni reg par mi brjod de/ 'on kyang de'i rten 'byung ba rnams la lag pa la sogs pa'i 'dus te reg pa dag gis reg pa na ste/ phrad na gzugs su rung zhing gzhom du rung ngo / /'di zhes bya ba ni gzugs kyi dngos po tsam brtag tu rung bas rten la gnas pa brtag tu rung ba'o/ /che ge mo zhes bya ba ni rten bskal pa na gnas pa brtag tu rung ba'o/ /yang na rnam pa gnyi ga brtag tu rung ba nyid de thogs pa brtag tu rung ba dang yul brtag tu rung ba'o/ /'di ni 'di na'o zhes bya ba ni yul nye ba brtag tu rung ba'o/ /che ge mo zhig na'o zhes bya ba ni yul thag ring ba brtag tu rung ba'o/ /de'i phyir de ltar na gzugs su rung ba'i phyir dang brtag tu rung ba'i phyir gzugs kyi skye mched kho na gtso bo yin no/ /gzhan dag la ni brtag tu rung ba med pa'i phyir gtso bo ma yin te/ gang gi phyir mig la sogs pa rnams ni rjes su dpag pas gzung bar bya ba yin pa'i phyir 'di na'o che ge no zhig na'o zhes dngos su brtag tu mi rung la/ dri dang ro dang reg bya'i skye mched dag ni phrad nas gzung bar bya ba yin pa'i phyir che ge mo zhig na'o zhes yongs su brtag par mi nus so/ /sgra'i skye mched la yang phyogs bstan pa brtag tu yod par zad kyi yul brtag tu rung ba ni med do/ /'jig rten na yang gzugs so zhes grags kyi sgra ni ma yin la bcom ldan 'das kyis bstan pa yang 'jig rten la bstan pa'i phyir yin te/ bstan bcos rig pa rnams kyis kyang sgra la sogs pa rnams gzugs nyid du ma rtogs so/ /chos mang ba dang mchog bsdus phyir/ /zhes bya ba la/ 'dir chos kyi ming can gyi chos mang po rnams kho na bsdus te/ chos rab tu rnam par 'byed pa yang dag byang chub kyi yan lag dang / shes pa dang / rjes su dran pa dang / dad pa dang / dran pa nye bar gzhag pa dang / so so yang dag par rig pa dang / skyabs dang dkon mchog la sogs pa rnams so/ /'dir tshor ba la sogs pa chos mang po zhes bya ba la/ tshor ba dang / 'du shes dang / 'du byed rnams dang / 'dus ma byas rnams dang / rnam par rig byed ma yin pa bsdus te/ chos kyi sgra spyi ming med par de dag ji ltar 'dzin par 'gyur/ dge ba dang rtag pa'i phyir ram sdug bsngal rgyu dang bcas pa nye bar zhi ba'i bdag nyid yin pa'i phyir chos kyi mchog ni mya ngan las 'das pa ste/ chos kyi mchog bsdus pa'i phyir na chos kyi skye mched gtso bo nyid du ston par byed do/ /sha'i dang lha'i dang 'phags pa'i shes rab dang mig gsum gyi spyod yul yin pa'i phyir zhes bya ba ni/ de la sha'i mig ni bdag cag rnams kyi lta bu'o/ /lha'i ni lha rnams kyi'o/ /'phags pa'i shes rab kyi mig ni 'phags pa rnams kyi ste/ zag pa med pa'i shes pa ste chos thams cad la dmigs pa'o/ /sha'i mig dang lha'i ni gzugs kyi yul can kho na ste/ rnam pa nyi shus rags pa nyid kyis don rnam pa du mar brtag tu rung ba'i phyir dang / go rims bzhin du sha'i dang lha'i mig gis mdun du rags pa dang / thams cad phra bar brtag tu rung ba'i phyir dang / 'phags pa'i shes rab kyi mig gis mi rtag pa la sogs par brtag tu rung ba'i phyir gcig gzugs kyi skye mched du bstan to/ /phan tshun zhes bya ba rgya cher 'byung ba la/ mdo gzhan las bstan pa'i phung po dang skye mched dang khams 'di dag kho nar 'du na ni de ltar yin dang gang zhig gang du 'du ba brjod par bya'o/ /'on te tha dad pa yin na ni de ltar na yang 'dus byas thams cad dang zag pa dang bcas pa rnams dang / chos thams cad ni go rims bzhin du phung po dag dang nye bar lan pa'i phung po dag dang skye mched dang khams dag gis bsdus so zhes bya ba de dang 'gal bar 'gyur ro/ /mdo gzhan las gsungs pa de 'di dag gi nang du mi 'du na cir 'gyur zhe na/ gsung rab kyi tha snyad la kun tu rmongs par 'gyur ro/ /de bzlog par bya ba'i phyir 'di dag tu 'du bar brjod par bya ste/ sgra'i rang bzhin yin pa'i phyir gzugs kyi phung pos bsdus so/ /ming ni mi ldan pa'i 'du byed kyi rang bzhin yin pa'i phyir 'du byed kyi phung pos bsdus so/ /gal te gsung ni tshig yin par grags pa ma yin nam/ ji ltar ming sangs rgyas kyi gsung nyid du brjod ce na/ /'di tshig yod pas de'i phyir 'gal ba med do/ /sangs rgyas kyi gsung ni don gyis rab tu dbye ba'i phyir la/ ming yang don brjod par byed pa'i phyir sangs rgyas kyi gsung ming gi bdag nyid yin no zhes rjod par byed do/ /nges pa de la ming ni dpe tsam du zad do/ /sangs rgyas kyi gsung ming dang tshig dang yi ge'i tshogs kyi bdag nyid yin pa'i phyir ro/ /de la don dam pa dang kun rdzob tu yod pa'i rang gi ngo bo gsal bar byed pa ni ming ste/ dper na gzugs so/ /bum pa'o/ /rtag pa'o/ /mi'o zhes pa lta bu'o/ /gang gis the tshom med par bya ba dang dus dang yon tan gyi khyad par dang 'brel ba rtogs par byed pa ni tshig ste/ dper na lhas byin gA ma b+hA dza kr-iSh+NaM zhes pa lta bu'o/ /yi ge ni yig 'bru a yig la sogs pa'o/ /phung po la sogs gtam re yin/ /zhes bya ba la phung po las brtsams te bstan pa ni chos kyi phung po gcig go/ /de bzhin du skye mched dang khams dang rten cing 'brel bar 'byung ba la sogs pa rnams la yang brjod par bya'o/ /la sogs kyi sgras dge ba dang mi dge ba'i las kyi lam dang bsdu ba'i dngos po la sogs pa rnams sdud par byed do/ /spyod pa rnams kyi gnyen por ni/ /zhes bya ba rgya cher 'byung ste/ 'di ni gnas pa yin te sems can rnams kyi spyod pa ni 'dod chags dang zhe sdang dang gti mug dang / nga'o snyam pa'i nga rgyal dang / lta ba dang rtog pa la sogs pa'i bye brag gis brgyad khri ste/ de rnams kyi gnyen por bcom ldan 'das kyis mi sdug pa dang byams pa dang rten cing 'brel bar 'byung ba dang / mi rtag pa'i 'du shes dang / stong pa nyid dang / dbugs rngub pa dang 'byung ba dran pa la sogs pa bstan pa'i sgo nas chos kyi phung po brgyad khri gsungs par grag go/ /gzhan dag na re/ phung po la sogs gtam re yin/ /zhes bya ba 'di nyid/ spyod pa rnams kyi gnyen por ni/ zhes rnam grangs gzhan gyis bstan te/ gang zhig nyon mongs pa'i gnyen por mi 'gyur ba'i phung po bstan pa de ni 'ga' yang med pa'i phyir ro zhes zer ro/ / tshul khrims kyi phung po ni gzugs kyi phung pos zhes bya ba la/ tshul khrims ni lus dang ngag gi las kyi rang bzhin yin pa'i phyir gzugs kyi phung pos bsdus so/ /ting nge 'dzin dang shes rab dang rnam par grol ba'i ye shes mthong ba'i phung po rnams ni tshor ba dang 'du shes las tha dad cing sems dang mtshungs par ldan pa'i 'du byed kyi phung po'i mtshan nyid can yin pa'i phyir 'du byed kyi phung pos bsdus so/ /'dir ni rnam par grol ba'i phung po mi slob pa'i mos pa yin gyi/ 'dus ma byas ni ma yin no/ /brgyad ni ma chags pa'i rang bzhin yin pa'i phyir zhes bya ba la/ zad par nam mkha' dang rnam par shes pa ma gtogs pa la sogs pa'i zad par rnams te/ zad par bcu'o brgyad ma chags/ /zhes gsungs pa'i phyir ro/ /ma chags pa yang chos kyi skye mched kyis bsdus pa'i phyir zad par gyi skye mched brgyad ni chos kyi skye mched kyis bsdus so/ /'khor rnams dang bcas na ni zhes rgya cher 'byung ba la/ de la rnam par rig byed ma yin pa'i gzugs ni gzugs kyi phung pos so/ /rnam par shes pa'i phung po ni yid kyi skye mched kyis bsdus so/ /lhag ma rnams ni chos kyi skye mched kyis so/ /zil gyis gnon pa'i skye mched rnams kyang de dang 'dra'o zhes bya ba'i sgras ni de la ma chags pa'i bdag nyid 'khor dang bcas pa rnams ni phung po lnga'i rang bzhin dang yid dang chos kyi skye mched dag gi nang du 'dus par yongs su gzung bar bya'o/ /zad par nam mkha' dang rnam shes mtha' yas skye mched ces bya ba ni/ zad par skye mched bcu las/ khyad par du nam mkha' mtha' yas la sogs pa bzhi ste/ nam mkha' dang rnam par shes pa dang ci yang med pa dang / 'du shes med 'du shes med min skye mched dag ni rjes su 'brang ba'i gzugs med pa'i phyir phung po bzhi'i rang bzhin no/ /rnam par grol ba'i skye mched lnga ni zhes rgya cher 'byung ba la/ rnam par grol ba'i skye mched dang po gsum la ni gzhung 'dzin pas sgra'i skye mched do/ /bzhi pa yang gal te brjod cing sems par byed na ni skye mched gsum yod la/ de lta ma yin na yid dang chos kyi skye mched kyis bsdus so/ /lnga pa yang yid dang chos kyi skye mched dag yod de/ de'i phyir 'khor dang bcas pa rnams ni sgra dang yid dang chos kyi skye mched rnams kyis bsdus so/ /rnam par grol ba'i skye mched lnga gang zhe na/ mdo las 'di na dge slong la ston pa'am tshangs pa mtshungs par spyod pa bla ma'i gnas lta bu gang yang rung ba zhig gis chos ston par byed pa na/ 'di la ston pa'am tshangs pa mtshungs par spyod pa bla ma'i gnas lta bu gang yang rung ba zhig ji lta ji ltar chos ston pa de lta de ltar chos de dag la don so so yang dag par rig pa dang chos so so yang dag par rig par 'gyur ro/ /don so so yang dag par rig pa dang chos so so yang dag par rig pa de dag las rab tu dga' ba skye'o/ /rab tu dga' bar gyur pa las yid dga' ba skye'o/ /yid dga' bar gyur na lus shin tu sbyangs par 'gyur ro/ /lus shin tu sbyangs pas bde ba myong bar 'gyur ro/ /bde bar gyur na sems mnyam par 'jog go/ /sems mnyam par bzhag na yang dag pa ji lta ba bzhin du rab tu shes te/ 'di ni rnam par grol ba'i skye mched dang po'o/ /de ltar gnas pa'i dge slong ngam dge slong ma ting nge 'dzin la mnyam par 'jog pa ni zag pa yongs su ma zad pa yongs su zad par byed/ ma thob pa bla na med pa'i grub pa dang bde ba'i mya ngan las 'das pa thob par byed do/ /gzhan yang lhan cig nyid du ston pa'am tshangs pa mtshungs par spyod pa mkhas pa bla ma'i gnas lta bu gang yang rung ba zhig gis chos ston pa na ji ltar thos pa dang bshad pa'i chos rnams gzhan dag la rgya cher kha don byed du 'jug pa de lta de ltar de chos rnams la don so so yang dag par rig par 'gyur/ chos so so yang dag par rig par 'gyur zhing zhes bya ba snga ma bzhin te 'di ni rnam par grol ba'i skye mched gnyis pa'o/ /gzhan yang lhan cig nyid du ston pa'am tshangs pa mtshungs par spyod pa mkhas pa bla ma'i gnas lta bu gang yang rung ba zhig gis chos ston par byed pa na/ ji ltar thos pa dang / ji ltar bshad pa dang / ji ltar kun chub par byas pa'i chos rnams rgya cher dbyangs kyi kha ton du byed pa dang / yang ji ltar thos pa dang / ji ltar bshad pa dang / ji ltar kun chub par byas pa'i chos rnams gzhan dag la rgya cher yang dag par ston par byed de/ ji lta ji ltar gzhan dag la rgya cher yang dag par ston pa de lta de ltar de don rnams la don so so yang dag par rig par 'gyur/ chos so so yang dag par rig par 'gyur zhing zhes bya ba snga ma bzhin te/ 'di ni rnam par grol ba'i skye mched gsum pa'o/ /gzhan yang sngar bshad pa mi byed mod kyi/ ji ltar thos pa dang / ji ltar bshad pa dang / ji ltar kun chub par byas pa rnams la sems par byed 'jal bar byed yongs su rtogs par byed de/ ji lta ji ltar de dag la sems par byed pa dang 'jal bar byed pa dang yongs su rtogs par byed pa de lta de ltar de chos rnams la don so so yang dag par rig par 'gyur/ chos so so yang dag par rig par 'gyur zhing zhes bya ba snga ma bzhin te/ 'di ni rnam par grol ba'i skye mched bzhi pa'o/ /gzhan yang sngar bshad pa mi byed mod kyi/ de ting nge 'dzin gyi mtshan ma bzang po legs par 'dzin par byed/ legs par ston par byed/ legs par sbyor bar byed de/ ji lta ji ltar ting nge 'dzin gyi mtshan mo bzang po legs par 'dzin par byed pa dang / legs par ston par byed pa dang / legs par sbyor bar byed pa de lta de ltar de chos rnams la don so so yang dag par rig par 'gyur/ chos so so yang dag par rig par 'gyur zhing zhes bya ba snga ma bzhin te/ 'di ni rnam par grol ba'i skye mched lnga pa'o/ /rnam par grol ba skye ba'i sgor gyur pas skye mched dag go/ /skye mched gnyis las zhes bya ba ni mdo las ji ltar du rgya cher sems can gzugs can la 'du shes med cing so sor 'du shes med pa dag kyang yod de/ 'di lta ste lha 'du shes med pa'i sems can lta bu ste 'di ni skye mched dang po yin no/ /sems can gzugs med pa la ci yang med pa'i skye mched las yang dag par 'das te/ 'du shes med 'du shes med min skye mched rdzogs par byas te gnas pa dag kyang yod de/ 'di lta ste 'du shes med 'du shes med min skye mched du nye bar 'gro ba rnams lta bu ste/ 'di ni skye mched gnyis pa'o zhes gsungs pa yin te/ skye mched 'di gnyis las 'du shes med pa'i sems can ni skye mched bcus bsdus te/ de dag la 'chi 'pho ba dang skye ba'i dus dag na sems dang sems las byung ba'i yod pa'i phyir ro/ /khams mang po pa las khams drug cu rtsa gnyis bstan pa zhes bya ba la/ mdo las btsun pa ji tsam gyis na mkhas pa khams la mkhas pa lags/ kun dga' bo mkhas pa ni khams bco brgyad yang dag pa ji lta ba bzhin shes shing mthong ba yin te/ mig gi khams dang gzugs kyi khams dang / mig gi rnam par shes pa'i khams dang zhes rgya cher 'byung ngo / /de la sa'i khams dang chu'i khams dang / me'i khams dang rlung gi khams zhes bya ba dang po bzhi ni reg bya'i khams kyis bsdus so/ /nam mkha'i khams ni gzugs kyi khams kyis so/ /rnam par shes pa'i khams ni rnam par shes pa'i khams drug gis bsdus so/ /yang khams drug nyid de 'dod pa'i khams dang / gnod sems kyi khams dang / nges par 'byung ba'i khams dang / gnod sems med pa'i khams dang / rnam par mi 'tshe ba'i khams te 'di dag ni chos kyi khams kyis bsdus so/ /smras pa/ 'o na 'dod pa'i khams ni rnam pa lnga dang rnam pa nyi shu ste/ dmyal ba dang yi dgas dang dud 'gro dang mi dang lha rnam pa drug dang / dmyal ba dang bcas pa gling gi dbye bas nyi shu ste de dag kyang dge ba dang nyon mongs pa can dang lung ma bstan pa yin pas khams de dag khams bco brgyad kyis bsdus pa ma yin nam zhe na/ de ni de lta yin mod kyi/ 'dir ni 'dod pa'i khams zhes bya ba 'dod pa'i 'dod chags la dgongs pas thams cad kyis bsdus pa ma yin te/ gzhan du na de'i khongs su 'du ba'i phyir gnod sems kyi khams dang rnam par 'tshe ba'i khams logs shig tu mi brjod par 'gyur ro/ /yang khams drug ste sdug bsngal gyi khams dang bde ba'i khams dang yid mi bde ba'i khams dang yid bde ba'i khams dang btang snyoms kyi khams dang ma rig pa'i khams te 'di dag kyang chos kyi khams kyis bsdus so/ /yang khams bzhi ste tshor ba'i khams dang / 'du shes kyi khams dang / 'du byed kyi khams dang / rnam par shes pa'i khams te gsum ni chos kyi khams kyis bsdus la/ rnam par shes pa'i khams ni rnam par shes pa'i khams drug gis so/ /yang khams gsum ste 'dod pa'i khams dang / gzugs kyi khams dang / gzugs med pa'i khams te de la 'dod pa'i khams ni khams bco brgyad kyis bsdus so/ /gzugs kyi khams ni khams bcu bzhis bsdus so/ /gzugs med pa'i khams ni yid dang rnam par shes pa'i khams kyis bsdus so/ /yang khams gsum ste gzugs kyi khams dang gzugs med pa'i khams dang / 'gog pa'i khams te gnyis kyis bsdus pa ni bshad zin to/ /'gog pa'i khams ni chos kyi khams su 'du'o/ /yang khams gsum ste 'das pa'i khams dang ma 'ongs pa'i khams dang / da ltar byung ba'i khams te 'di dag so sor bco brgyad kyis bsdus so/ /yang khams gsum ste dman pa'i khams dang / gya nom pa'i khams dang / bar ma'i khams te/ gsum po 'di dag kyang ci rigs par khams bco brgyad dag tu 'du'o/ /yang khams gzhan gsum ste dge ba'i khams dang mi dge ba'i khams dang lung du ma bstan pa'i khams te/ 'di dag gi dang po gnyis te/ gzugs kyi khams dang / sgra'i khams dang / yid kyi khams dang / rnam par shes pa'i khams drug dang / chos kyi khams su yang 'du'o/ /gsum po ni bco brgyad po thams cad du'o/ /yang khams gsum ste slob pa'i khams dang / mi slob pa'i khams dang / slob pa yang ma yin mi slob pa yang ma yin pa'i khams te de la slob pa dang mi slob pa dang mi slob pa'i khams ni/ yid dang yid kyi rnam par shes pa'i khams dang chos kyi khams dag tu 'du'o/ /gsum po ni khams bco brgyad po thams cad du'o/ /yang khams gnyis bshad de/ zag pa dang bcas pa'i khams dang zag pa med pa'i khams te/ dang po ni khams bco brgyad du 'du'o/ /gnyis pa ni yid dang yid kyi rnam par shes pa'i khams dang chos kyi khams dag tu'o/ /yang gnyis te 'dus byas kyi khams dang 'dus ma byas kyi khams so/ /dang po ni khams bco brgyad du 'du'o/ /gnyis pa ni chos kyi khams su 'du ste/ de ltar de dag ni khams bzhi bcu rtsa bzhi rnams de ltar bco brgyad kyis bsdus par 'gyur zhing drug cu rtsa gnyis su yang 'gyur ro/ /gnyis kyi mtshan nyid ma bshad na zhes bya ni nam mkha' dang rnam par shes pa gnyis kyi'o/ /sa'i khams la sogs pa rnams kyi ni/ sra gsher dro nyid g.yo ba rnams/ /zhes bya bar bshad zin to/ /gal te rnam shes so so rnam rig pa zhes bya bar rnam par shes pa'i khams kyi mtshan nyid kyang bshad pa ma yin nam zhe na/ so sor rnam par rig pa'i mtshan nyid kyi khyad par zhes bya ba mig la sogs pa'i rnam par shes pa rnams phan tshun las khams nyid kyi khyad par zhes shes par bya ba ma yin no/ /ci 'dir rnam par shes pa thams cad kyang rnam par shes pa'i khams su 'dod pa des khyad par du byas pa zhes bya ba de lta bu ma yin mod/ sa la sogs pa rnams la sra ba la sogs pa khyad par med pa la yang sa la sogs pa'i khams tha dad pas so/ /nam mkha'i mtshan nyid bshad pa nam mkha'i khams ma yin pa de'i phyir rnam par shes par mi bya'o/ /ci nam mkha'i khams gzhan du na zhes bya ba la de nyid kyi phyir/ ci nam mkha' nyid nam mkha'i khams yin la zhes rgya cher gsungs so/ /bu ga zhes bya ba ci zhig yin/ rig par bya zhes bya ba la nam mkha' bzhin du bu ga'i don yang ma rtogs pa'i phyir ram/ bu ga ni nam mkha' nyid yin no snyam du log par rtogs pa'i phyir 'dri ba'o/ /snang dang mun pa dag yin lo/ /zhes bya ba ni gal te bu ga nam mkha'i khams yin la/ nam mkha'i khams kyang bu ga yin na ni/ der yang de ltar 'gyur bas thug pa med par 'gyur ba zhig go/ /lo'i sgra ni rdul phra rab rnams la phan tshun reg pa med pa'i phyir bsags pa la gdon mi za bar bu ga yod par 'gyur bas ma rangs pa'i don to/ /de nyid thogs pa'i nye 'khor gyi gzugs zhes bshad pa la de nyid ni nam mkha'i khams so/ /gzhan dag na re thogs pa bden par bshad pa bu ga'i khyad par 'ga' zhig la yod pa ma yin no zhes bya ba bye brag tu smra ba'i tshig tu bstan pa'i phyir zhes zer ro/ /mun pa ni mtshan mo'i rang bzhin dang snang ba ni nyin mo'i rang bzhin no/ /thogs pa zhes bya bsags pa'i gzugs/ /shin tu gnod pa byar rung ba/ /zhes bya ba rkang pa gnyis po 'di dag gi rkang pa dang po a g+haM ki li tsi ta s+thi zhes pa'i a yig bzung nas/ rkang pa gnyis pa rU pa mi t+yar+tha g+ha ta zhes pa'i g+ha yig dag dang nges pa'i tshig gi tshogs sbyar te/ a g+ha zhes pa ni thogs pa zhes bya'o/ /bsags pa ni tshogs pa'o/ /bsags par gnas pa ni bsags pa la gnas shing 'dus pa la gnas pa zhes bya ba'i don to/ /shin tu gnod par byar rung ba/ /zhes bya ba ni gnod par byed pa dang gnod par byed par byar rung ba zhes dgongs pa'o/ / nam mkha'i khams ni gnod par byed pa nyid dang gnod par byar rung ba de la sgrib pa med pa de'i nye 'khor te kun nas khor yug tu 'gyur ro zhes bya ba'i tha tshig go/ /de nyid ni ma yin no zhes bya ba de'i rigs so/ /nye 'khor gyi gzugs zhes bya ba gzugs kyi khams dang skye mched dang phung po'i rang bzhin zhes bya ba'i tha tshig go/ /snang dang mun pa zhes bya ba ni kha dog gi khyad par ro/ /mdo sde pa rnams na re/ bstan bcos las ni nam mkha'i khams kyi mtshan nyid nam mkha' las tha dad pa yod pa ma yin zhing / nam mkha'i khams dang nam mkha' yang rdzas ma yin pa'i phyir nam mkha'i khams rdzas su med ces zer ro/ /slob dpon 'dus bzang na re/ nam mkha'i khams ni nam mkha' las tha dad par yod de/ bcom ldan 'das kyis 'di skad du nam mkha' ni gzugs med pa bstan du med pa thogs pa med pa ste/ de ni ci la yang brten par mi 'gyur ro/ / 'on kyang 'jig rten na nam mkha' gdags pa yod do zhes gsungs pa'i phyir yod pa nyid dang tha dad pa gnyis ka shin tu gsal bar gsungs so zhes zer ro/ /gzugs kyi 'dod chags dang bral ba la nam mkha'i khams spangs par bstan pa'i phyir te/ bcom ldan 'das kyis gang gi phyir sems de'i khams lnga las 'dod chags dang bral ba rnam par grol bar 'gyur la/ de nas de'i rnam par shes pa nyid lhag mar lus par 'gyur ro zhes gsungs pa'i phyir ro/ /nam mkha' ni spangs par bsnyad par rigs pa yang ma yin te zag pa med pa'i phyir ro/ /nang dang phyi gsungs pa'i phyir te nang gi nam mkha'i khams ni mig gi bu ga gang yin pa dang zhes rgya cher gsungs so/ /phyi'i nam mkha' gang yin pa nam mkhar gyur pa'o/ /'dus ma byas la ni nang dang phyi zhes rung ba ma yin no/ /dpe ston sde pa na re snang ba dang nam mkha' ni gzhan ma yin pa nyid de/ snang ba nyid kyang nam mkha'i khams nyid du rtogs par bya'o zhes zer ro/ /mdo dang 'gal ba'i gnas med de nam mkha' nyid rdzas su sgrub pa la phyi ma 'dir rnam par dpyad pa ma yin no/ /spangs pa'i tshig kyang nyon mongs pa la 'jug par khas blangs pa'i phyir 'gal ba med do/ /gzhan du na 'byung ba spangs pa tsam kho na brjod dgos so/ /de spangs pa kho na lhag ma rgyur byas pa'i gzugs spangs pa bzhin nam mkha'i khams kyang spangs par grub po/ /nang dang phyi yang brten pa'i dbye bas 'gal ba med do/ /gang gsungs pa la sogs pa ltar skyes bur gdags pa'i nye bar len pa'i phyir dang de la brten nas mngal du 'jug par gsungs pa'i phyir ro/ /'dus byas dang zag bcas dang nam mkha'i khams zhes bya ba rgyu gnyis kyis 'di 'gal te/ 'dus byas ji lta ba nyid kyis zag pa dang bcas pa nyid la khyab ste/ de bzhin du gzugs kyi skye mched nyid kyis kyang zhes bya ste zhar la byung bas chog go/ /rnam par shes pa'i khams ni rnam par shes pa zag pa dang bcas pa ste/ de ci'i phyir zhe na/ 'di ltar khams drug po 'di dag ni zhes rgyu rgyas par smras te/ skyes bu 'di ni khams drug pa yin no zhes mdo las gsungs pa'i phyir khams drug la brten nas mngal du 'jug par 'gyur ro/ /sa'i khams la sogs pa ltar skye ba'i rten nyid du 'dod pa'i phyir rnam par shes pa'i khams kyang zag pa dang bcas pa nyid do/ /skye ba ni nang gi skye mched rnams te de ni rten no/ / de dag med na skye ba med pa'am 'jug pa med par so sor rig par bya'o/ /de nyid kyi phyir de dag ni skye ba nying mtshams sbyor ba'i sems las zhes rgya cher gsungs so/ /zag pa med pa'i chos rnams ni de lta ma yin no zhes bya ba ni skye ba rgyun gcod pa dang / gnod par byed pa dang yongs su gcod pa la sogs par 'jug pa'i phyir ro/ /gzhan dag na re skyed par byed pa dang gsos 'debs pa dang spel bar byed pa'i gzhir gyur pa zhes zer te/ 'di la skyed par byed pa ni rnam par shes pa'i khams te/ nying mtshams sbyor ba'i sa bon yin pa'i phyir ro/ /gso bar byed pa ni 'byung ba rnams te rten du gyur pa'i phyir ro/ /spel bar byed pa ni nam mkha'i khams te go 'byed pa'i phyir ro/ /chos de dag thams cad kyi bya ba ni phung po dang khams dang skye mched kyis ji ltar rigs par bsdus so/ /da ni chos rab tu rnam par dbye ba la phan pa de dag gi don gyi rnam pa bsam par bya ste de la khams rnams su gzugs dang sems rnam par phye ste bstan pas zag pa dang bcas pa'i rnam pa la sogs pa rnams bden pa bde blag tu khongs su chud pas khams rnams kho na las brtsams te bsam par bya'i/ phung po dang skye mched dag las brtsams te ma yin no/ /de nyid kyi phyir gang dag khams bco brgyad bstan pa zhes bya ba rgya cher gsungs so/ /bstan yod 'dir ni zhes bya ba la khams zhes skabs dang sbyor ba yang gang zhig yin pa mi shes pas de'i phyir de gang zhe na zhes bya ba gsungs so/ /gzugs zhes bya ba la gzugs ni bstan pa nyid de gzugs zhes bya ba 'jug pa'i rgyu nyid kyis sngar nyid du bshad pa ma yin nam zhe na/ 'chad par 'gyur ba la bltos nas gtso bor bstan par bya ba'i phyir ro/ /der bshad pa'i gzugs can rnams kho na la der khyad par gyi don rigs kyi/ gzugs can ma yin pa rnams la ma yin pa dang lhan cig tu bstan pas 'di la nyes pa med do/ /bstan pa zhes bya ba 'di yang gang zhig ce na 'di ni 'di na'o/ /'di ni che ge mo zhig na'o zhes bstan pa'i stobs las byung ba'i mig gi rnam par shes pa la ste/ de'i yul can yin pa'i phyir gzugs la de dang lhan cig gis zhes bsnyad do/ /de bzhin du khyad par gang gis bstan par nus pa'i khyad par des 'di bstan par bya bas na bstan pa zhes bya ste/ de yang mig gi dbang po'i yul nyid do zhes kha cig zer ro/ /gzhan dag na re/ 'di ni 'di na'o che ge mo zhig na'o zhes bsnyad pa 'di nyid bstan pa yin la/ gang zhig la de yod pas na bstan du yod pa ste/ dmigs pa dang bcas pa bzhin no zhes zer ro/ /slob dpon 'dus bzang na re/ gnyis bstan par lhan cig mthong bas nges pa'i phyir mig dang gzugs dag cig car skye'o zhes zer ro/ / gzhan dag na re bstan du yod pa zhes bya ba ni me long la sogs pa rnams la gzugs brnyan snang ba ji lta ba de ltar 'di bstan du yod pa'o/ /brag ca la sogs pa la ni thal bar mi 'gyur te cig car mi skye ba'i phyir ro zhes zer ro/ /bstan du yod pa'i mtshan nyid ji skad bshad pa bzlog pa'i sgo nas lhag ma rnams ni bstan du med pa'o zhes bshad par 'gyur ro/ /thogs dang bcas pa gzugs can bcu/ /zhes bya ba la gzugs can smos pa ni gzugs can ma yin pa rnam par gcad par bya ba'i phyir ro/ /chos kyi skye mched la rnam par rig byed ma yin pa'i gzugs yod pa'i phyir gzugs can du tha snyad gdags su yod pas bcu zhes bya ba smos so/ /de nyid kyi phyir bshad pa las kyang bcu gang dag ces bya ba rgya cher gsungs so/ /de dag la gzugs su rung ba'i gzugs yod pas gzugs su rung ba dang / rten dang brten pa'i gzugs sam ji ltar srid pa 'di dag la yod pas gzugs su rung ba'o/ /mig gi rnam par shes pa la sogs pa rnams la thal bar mi 'gyur te/ mig la sogs pa kun tu 'dzin pa'i don gyis de dag gi rten ma yin pa'i phyir ro/ /thogs pa zhes bya ba ni rdugs pa ste/ de 'di la yod pas thogs pa dang bcas pa'o/ /de yang rnam pa dang ldan pa'am rnam pa thams cad du ma yin par thogs pa dang bcas par 'dod ce na/ de yang rnam pa gsum ste zhes bya ba rgya cher gsungs te/ dper na lag pa la lag pa thogs pa ni rang gi yul du de skye ba la gegs su gyur pa'i phyir te der dmigs pa la de ltar brjod do/ /rdo ba la lag pa thogs pa yang de bzhin te de'i yul du mi skye ba yin gyi 'joms pa ma yin no/ /rdo ba yang de gnyis la zhes bya ba lag pa'i yul du rdo ba dag de'i yul du mi skye ba la thogs pa brjod do/ /yul la thogs pa ni yul can rnams yul la thogs pa'o/ /mig chu'i yul gyi gzugs rnams la mi thogs las thad la ma yin pa yang yod do/ /chu la yang nye ba la sogs pa rnams thogs pas de'i phyir mi phal che'i lta bu'o zhes gsungs so/ /gnyis kar ma yin pa yod de zhes rgyas par 'byung ba la/ mngal du nges par 'chi ba dang / dmigs pa gzhan la sems g.yeng ba dang / 'gog pa dang 'du shes med pa'i snyoms par 'jug pa la snyoms par zhugs pa dang 'du shes med pa mngon du gyur pa dang / 'jig rten gyi bar dag tu skyes pa rnams kyi mig ni gnyi gar yang mi thogs so/ / pha bong zhes bya ba ni lpags bye'u'o/ /mi phal che'i lta bu zhes bya ba la/ phal che ba smos pa ni kha cig gi mtshan mor yang 'jug ste las dang sman la bltos pa'i phyir ro/ /gnyi gar ma yin pa zhes bya ba ni mngal du nges par 'chi ba nas 'jig rten gyi bar dag tu skyes pa'i bar ro/ / dmigs pa la thogs pa ni sems dang sems las byung ba rnams kyi rang gi dmigs pa 'dzin pa ste/ de'i phyir 'di ni sems dang sems las byung ba rnams kho na'i rang gi dmigs pa dag la rnam par gzhag go/ /yang byed pa zhes bya ba 'di ci zhig ce na nus pa ste/ 'di ltar gang zhig gang la nus par 'gyur ba de ni der de'i yul yin no zhes smra ba por 'gyur ro/ /gang zhig de'i snang ba skyes pa las sems dang sems las byung ba rnams kyis 'dzin cing dmigs pa de ni dmigs pa'o/ /thogs pa ni rdugs pa yin la/ 'jug pa ma rdugs pa ni ma rdugs pa yin no zhes 'jig rten na grags pa de'i phyir/ yang ji ltar na rang gi yul lam zhes dri ba rgya cher 'byung ngo / /de las gzhan du mi 'jug pa'i phyir ro zhes bya ba la/ rnam par shes pa'am dbang po yang rung ste/ gzugs la sogs pa'i cha shas gang zhig tu zhugs pa de las gzhan mi 'dzin pa'i phyir ro/ /gang zhig gang gis bsgribs pa de ni de las gzhan du mi 'jug pa yin pa de bzhin du 'dir yang rung ba'i yul las gzhan du 'jug pa thogs pa yin no/ /dmigs pa la thogs pas dogs pa dang bcas par rnam par gzhag go/ /rang gi yul la 'jug pa yang ci zhe na/ de'i yul dang dbang po der dmigs pa las rnam par shes pa skye ba ste/ de la gzhan dag na re/ yul gang yin pa de mig gis dmigs pa nyid dang / rnam par shes pa yul can gyi ngo bo dang / mig gi rnam par shes pa ni 'dzin pa po'i ngo bo ste/ gal te de ltar mi 'jug na de ni de la thogs pa zhes brjod par bya'o zhes zer ro/ /dmigs pa la thogs pa ni rang gi yul du gzhan skye ba la gegs byed pa ste/ de yang sems la ni gzugs nyid do/ /khams bcu thogs pa dang bcas pa dang / thogs pa yang rnam pa gsum mo zhes bya ba bshad pa de la/ thogs pa gang gis thogs pa dang bcas pa mi shes pa de'i phyir de lta bas na 'dir bcu po 'di dag ni sgrib pa la thogs pas zhes rgya cher 'byung ngo / /phan tshun sgrib pa'i phyir ro zhes bya ba 'di ni rdul phra rab bsags pa yin pa'i phyir phan tshun sgrib par byed do zhes sgrib pa la thogs pas thogs pa dang bcas pa nyid kyi rgyu yin no/ /de lta yin dang sgrib pa la thogs pa ni gzugs la sogs pa rnams dang mig la sogs pa rnams so/ /yul la thogs pa ni mig la sogs pa rnams dang sems dang sems las byung ba rnams so/ / dmigs pa la thogs pa ni sems dang sems las byung ba rnams kho na'o/ /de'i phyir mu bzhi dang tshig phyi ma sbyor bar yang 'gyur ro/ /sems kyi khams bdun dang chos kyi khams kyi phyogs zhes bya ba la/ gang zhig sems dang sems las byung ba rnams kyi dmigs pa gang yin pa ni rnam par smin pa las skyes par sgrub par nus pa kho na'o/ /lus kyi rnam par shes pa ni dus yongs su 'gyur ba yang ngo zhes pa ma te shwA pa kastats+tshe nai ba sred pa'i tshogs drug rnam par gzhag ste/ mig gi 'dus te reg pa las skyes pa'i sred pa nas yid kyi 'dus te reg pa las skyes pa'i sred pa'i bar te/ mig gi 'dus te reg pa las skyes pa ma yin pa'i tshor ba la sogs pa mngon par brjod pa bzhin du/ mig gi 'dus te reg pa las skyes pa'i mtshungs pa de ma thag par khas blang bar bya'o/ /'di ltar mig gi 'dus te reg pa las skyes pa'i tshor ba la sogs pa rnams 'dus te reg pa'i de ma thag tu skye bar 'dod do/ /rnam pa gnyis kyang srog chags rnams kyi nyon mongs pa chung ngu dang nyon mongs pa chen po dag go/ /de la nyon mongs pa chung ngu ni phyin ci log gi rtog pa sngon du 'gro ba can no/ /nyon mongs pa sngon du gyur pa ni nyon mongs pa chen po ste yul dang mtshungs par ldan pa nyid do/ /de'i phyir 'ga' zhig la nyon mongs pa can gyi yid sngon du 'gro ba las rnam par shes pa pa skye'o/ /'ga' zhig la nyon mongs pa can ma yin pa sngon du 'gro bas zhes bya ba ma chags pa la sogs pa'i rang bzhin no/ /ma chags pa dang zhe sdang med pa dang gti mug med pa dang ngo tsha shes pa dang / khrel yod pa dang chos lnga po de dag ni rang gi ngo bos dge ba yin gyi gzhan dang mtshungs par ldan pas ni ma yin no/ /tshor ba la sogs pa sems las byung ba gzhan dag ma chags pa la sogs pa dang mtshungs par ldan pa de dag ni mtshungs par ldan pa kho nas dge ba yin gyi rang gi ngo bos ni ma yin no/ /ma chags la sogs pas kun nas bslang bas skye ba la sogs pa dang ldan pa ma yin pa dang rnam par rig byed ma yin pa'i gzugs kyang ste/ 'di dag gi dge ba nyid ni kun nas slong ba'i dbang gis yin gyi mtshungs par ldan pa dang rang gi ngo bos ni ma yin no/ /so sor brtags pas 'gog pa ni zhes bya ba ni don dam pas dge ba yin no/ /chags pa la sogs pa'i ngo bo nyid dang zhes bya ba la/ chags pa dang sdang ba dang rmongs pa dang / ngo tsha med pa dang khrel med pa ni rang gi ngo bos mi dge ba'o/ /chags pa la sogs pa dang mtshungs par ldan pa tshor ba la sogs pa ni mtshungs par ldan pa'i sgo nas so/ /skye ba la sogs pa dang rnam par rig byed ma yin pa'i gzugs ni kun nas slong ba'i sgo nas so/ /gzhan ni lung du ma bstan pa yin no zhes bya ba ni/ gang zhig rang gi ngo bos dge ba dang mi dge ba ma yin pa dang / de dang mtshungs par ldan pa ma yin pa dang / de dag gis kun nas bslang ba ma yin pa ste dper na nam mkha' dang so sor brtags pa ma yin pas 'gog pa dang lung du ma bstan pa'i sems dang mtshungs par ldan pa'i tshor ba la sogs pa dang / ji ltar bshad pa'i sems dang sems las byung ba'i kun nas slong ba ldan pa ma yin pa dag go/ /lus dang ngag gi rnam par rig byed kyi kun slong gi dbang gis dge ba dang mi dge ba nyid do zhes bya ba de'i phyir/ gzugs dang sgra'i khams ni zhes bya ba la sogs pa gsungs so/ /de las gzhan dag ni lung du ma bstan pa yin no zhes bya ba la/ lung du ma bstan pa'i sems kyis kun nas bslang ba'i lus ngag gi rnam par rig byed dang / rnam par rig byed las tha dad pa'i gzugs dang sgra thams cad do/ /dge ba la sogs pa'i dbye ba bshad zin to/ /gtogs pa ni ma bral ba ste/ 'dod pa'i khams kyi rang bzhin no zhes bya ba'i tha tshig go/ /kham gyi zas ni gzugs kyi khams na yod par mi 'gyur ba ci las she na/ 'di ni dgos pa med pa'i phyir te/ gzugs med pa'i khams na gzugs la sogs pa bzhin du dgos pa med pa nyid do/ /yang kham gyi zas la 'dod chags dang bral ba rnams gzugs kyi khams su skye bar rtogs par bya ste gzugs kyi 'dod chags dang bral ba rnams gzugs med pa'i khams su skye ba bzhin no/ /gzugs la sogs pa rnams zhes bya ba la/ dri dang ro dag med pa'i phyir sna dang lce'i rnam par shes pa dag kyang med do/ /dmigs pa med pa'i phyir yul 'ga' la yang rnam par shes pa mi skye ste/ dper na gzugs med pa'i khams su gzugs dang sgra la sogs pa'i rnam par de yin na zhes bya ba ni shugs kyis ma nges pa ste/ bstan du yod pa rnams kho na mdzes kyi bstan du med pa rnams ni ma yin pas rten kho nas chog gi zhes rgya cher 'byung ngo / /de'i phyir dbang po med pa'i rten ni 'khrul pa nyid do zhes bya ba de la/ mig la sogs pa'i rten ni chos mthun pa'i sgo nas yin la/ pho'i dbang po'i rten ni chos mi mthun pa'i sgo nas so/ /de la dgos pa la yang rten srid pa la sngar dbang po'i dgos pa bshad par gyur pa de'i phyir slar yang de mi srid par rigs pa ni ma nges pa ma yin pa nyid do/ /pho'i dbang po'i rten gyis ni der mdzes pa la sogs pa'i dgos pa mi bsgrub pas dgos pa med pa'i phyir dri dang ro bzhin du mi srid pa rigs kyi sna dang lce'i rten ni mdzes pa dang mngon par brjod pa'i dgos pa dang ldan pa'i phyir dbang po med par srid par rigs so/ /dgos pa la bltos nas skye bar brjod pa med kyi/ dbang po la bltos nas rten skye'o zhes pa rigs par khas blang bar bya'o/ /dgos pa dang bcas pa 'ba' zhig tu ma zad kyi dgos pa med par yang dbang po mngon par 'grub par 'gyur ro/ /ji ltar de de dang skal ba mnyam pa rnams nyid kyang khyad par nye bar bzung nas sna dang lce'i dbang po gang yin pa de la sa nA laM rgyu la 'khrul pa'i phyir ro snyam du sems so/ /don 'di ni dpe med par bstan par mi nus pas/ dper na mngal du nges par 'chi ba rnams kyi lta bu'o zhes dpe gsungs te/ nges pa smos pa ni 'chi bar ma nges pa rnams la phyogs gcig dgos pa dang bcas pa'i phyir te skyes pas gzugs la sogs pa mthong ba srid par 'gyur zhes dgos pa med kyang mngal du nges par 'chi ba'i ltar gzugs kyi khams su yang dbang po dag skye'o/ /mngal du nges par 'chi ba la rgyu med pa ma yin pa bzhin gzugs kyi khams su sna dang lce'i dbang po dag mngon par 'grub pa'i rgyu yod pa ma yin pas de na de dag med de/ mig la sogs pa ni chos mthun pa'i sgo nas so/ /pho'i dbang po ni chos mi mthun pa'i sgo nas so/ /sna dang lce'i dbang po dag de na rgyu med pa mi srid do snyam ste/ dbang po skye ba'i rgyu gang zhe na zhes bya ba'o/ /dbang po la sred pa dang bcas pa'i las kyi khyad par ro zhes bya ba la skye mched drug la bdag tu chags pa dang ldan pa'i yul mngon par zhen pa'i phyir te/ de nye bar longs spyod pa'i dbang po la sred pa dang bcas pa'i las kyi khyad par ro/ /gang yang yul la sred pa dang bral ba de dbang po las kyang sred pa dang bral ba yin pas zhes bya ba la/ yul so sor myong ba byas pa'i phyir dbang po 'dod de dper na gang zhig 'khrig pa'i reg pa la 'dod chags dang bral ba de ni pho'i dbang po las kyang 'dod chags dang bral ba bzhin no/ /de'i phyir sna dang lce'i dbang po la 'dod chags dang bral ba'i phyir de na de dag gi rgyu las kyi khyad par yod pa ma yin te pho'i dbang po'i rgyu bzhin no/ /ci ste yul 'dod chags dang bral yang dbang po la 'dod chags dang bral bar mi 'gyur ro zhe na/ rgyu med pa'i sna dang lce dag der skye ba ma yin te/ de'i phyir gal te rgyu med par skye na pho'i dbang po yang ci ste 'grub par 'gyur/ gal te 'dod chags dang bral bar gyur pa'i phyir rgyu dang bcas pas skye ba mi mdzes pa'i phyir yin gyi 'dod chags dang bral ba'i phyir ni ma yin no zhe'o/ /rdzogs pa'i sangs rgyas dang 'khor los sgyur ba ltar 'doms kyi sba ba sbubs su nub pa rnams kyi ci'i phyir mi mdzes par 'gyur/ 'doms kyi sba ba ni pho'i dbang po'o/ /'doms ni gang gis pho'i dbang po de bsdums pa'o/ /gang dag la 'doms kyi sba ba sbubs su nub pa yod pa de dag gi zhes tshig bsdu'o/ /pho'i dbang po la 'dod chags dang bral ba rnams der skye bas pho'i dbang po mngon par mi 'grub ste/ de la 'dod chags dang bral ba rnams la ni de'i rten mngon par mi 'grub par rtogs par bya'o/ /slob dpon 'dus bzang na re gang zhig dbang po la 'dod chags dang bral ba de nges par de'i rten las kyang ngo zhes zer ro/ / de nyid kyi phyir sna dang lce'i rten mngon par grub pas de dag sna dang lce la 'dod chags bral ba zhes bya ba ma yin par nges par bya'o/ /gang zhig rten la 'dod chags dang ma bral ba de ni nges par dbang po las kyang zhes so/ /dbang po la sred pa dang bral yang de'i rten la sred pa med pa 'ga' zhig dgos pa'i dbang gis mi 'gal te rnam par shes pa'i rten bzhin no/ /dper na mig la sogs pa'i rnam par shes pa la sred pa dang bral yang dgos pa'i dbang gis de'i rten la sred pa dang bral ba ma yin pa ste bsam gtan gnyis pa sogs par skye'o/ /de bzhin du yang yul la sred pa dang bral yang dgos pa'i dbang gis dbang po la sred pa yang ma bral ba'o zhes brjod pa'am bstan par nus te/ ji skad bshad pa'i dgos pa'i khyad par las dbang po la gnod par mi 'gyur zhes so/ /sna dang lce'i dbang po dag gzugs kyi khams su skye ba de lta bu 'di mi rigs pa de ltar khas ma blangs pa'i phyir ro/ /de na 'di dper brjod pa rab tu sgrub pa'i phyir bstan pa gang yin pa de rnams kyang ma 'brel ba nyid de/ gzhung mangs pa'i 'jigs pas de dag la rnam par dpyad do/ /dgos pa'i dbang gis 'byung ba yang ma yin no/ /dgos pa'i dbang ma yin no/ /'o na ci zhe na/ rgyu'i dbang gis zhes bya ba la sogs pa ste/ gal te skyes bu chen po'i mtshan rnams la ni de ltar mi brjod kyi/ rgyu yod na mi mdzes par byed pa bzhin du yang 'byung bar 'gyur ba nyid do/ /'o na ni mdo las dbang po rnams zhes bya ba la sogs pa 'dis ni khas blangs pa la gnod pa gsungs pa'o/ /da ni dbang po gang dag zhes bya ba la sogs pa 'gal ba spong ba'o/ /de lta ma yin na zhes bya ba la sogs pa la/ gal te 'dod pa'i khams su gang yin pa de'i dbang du byas nas mdo las bshad pa yang khas blangs te/ de bzhin du de na pho'i dbang po yang yod par thal te sna dang lce'i dbang po bzhin no/ /de ltar bcu bzhi bshad pa ni rnal 'byor spyod pa rnams so/ /lus kyi sgo nas zhes bya ba la sogs pa la/ 'di la bdag tu nga rgyal bzhag pas na skye mched drug lus yin te nga'am nga'o snyam du bsam pa'i phyir ro/ /de'i phyir khyad par med par skye mched drug la sred pa 'jug go/ /yul gyi sgo nas ni ma yin pas zhes bya ba ni yul gyi dmigs pa'i sgo nas ma yin pa ste/ de'i phyir yul la 'dod chags dang bral bas de'i 'dzin par byed pa dbang po la 'dod chags dang bral bar mi 'gyur ro/ / 'khrig pa'i reg pa'i 'dod chags dang bral ba rnams ni pho'i dbang po las 'dod chags par bral bar 'gyur te/ 'khrig pa'i reg pa'i sgo nas de la sred pa 'jug pa'i phyir te/ 'khrig pa'i reg pa dmigs pa'i phyir zhes bya ba'i tha tshig go/ /de'i phyir pho'i dbang po yang lus kyi dbang po'i bdag nyid yin pa'i phyir skye mched drug gis bsdus pa ma yin nam/ de'i phyir de la lus kyi sgo nas sred pa 'jug par thal bar 'gyur ro zhe na/ 'dir pho'i dbang po yang dag par 'grub pa'i las ni 'khrig pa'i reg pa la sred pa sngon du 'gro ba can yin te/ de'i phyir 'di la yul gyi sgo nas sred pa kun tu spyod kyi lus kyi sgo nas ni ma yin no/ /rten dang dmigs pa zhes bya ba ni mig la sogs pa rnams rten dang gzugs la sogs pa rnams dmigs pa'o/ /'di ltar rten dang dmigs pa med pa'i rnam par shes pa yod pa ma yin no/ /de'i phyir de ni mig la sogs pa rnams dang gzugs la sogs pa rnams med pa'i phyir mig la sogs pa rnam par shes pa'i khams rnams yod pa ma yin no/ /gang dag lam gyi bden pa dang 'dus ma byas kyis bsdus pa zhes bya ba la/ 'dir slob dpon la rgol bar byed pa ni nam mkha' dang so sor brtags pa'i 'gog pa yod pa ma yin yang zag pa'i gnyen po yin pa'i phyir zag pa med pa'i phyir zag pa med pa nyid du yongs su brtag par bya'o/ /bye brag tu smra ba rnams kyis zag pa'i gnyen po nyid kyis zag pa med pa nyid du brjod pa ma yin no/ /'jig rten pa'i lam ni zag pa med pa nyid du ma gyur pa'o/ /so sor brtags pa'i 'gog pa ni rnam par grol ba dang khyad par gyi lam yang zag pa dang bcas pa nyid do zhes rgol ba dang dgos pa rnam par mi shes so/ /bco lnga po de dag ni gcig tu zag pa dang bcas pa yin no zhes bya ba de la yang rgol bar byed pa ni nyon mongs pa'i thob pa med pa'i phyir dang mtshungs par ldan pa med pa'i phyir rgyas par mi 'gyur ba rnams zag pa med pa rnam par shes pa'i tshogs la sogs pa rnams lam gyi dbang gis yongs su shes par dmigs pa rnams zag pa med pa nyid du 'gyur ro/ /so sor brtags pa'i 'gog pa thob pa bzhin zhes bya ba gzugs la sogs pa rnams kyang nyon mongs pa'i thob pa med pa'i phyir dang nyon mongs pa dang mtshungs par ldan pa med pa'i phyir rgyas par mi 'gyur te de ltar de yang zag pa med par 'gyur ro/ /gzugs la sogs pa la ni thal bar mi 'gyur te yongs su shes pa la dmigs pa'i phyir ro/ /yang ci 'dir yongs su shes pa la dmigs pa nyid zag pa med pa'i rgyu yin zhe na/ ji ltar rgyas par mi 'gyur ba nyid yongs su shes pa la der dmigs pa ste sdug bsngal la chos shes pa la sogs pa rnams la 'khrug par byed pas rgyu ma yin no/ /rgyas par mi 'gyur ba nyid kyang gzugs la sogs pa rnams la zhes bshad pa de bzhin no/ /nyon mongs pa'i thob pa las sam mtshungs par ldan pa las zag pa dang bcas par 'dod pa ma yin te/ zag pa med pa rnams dge ba zag pa dang bcas pa'i zag pa bcas pa zag pa med par thal bar 'gyur ro/ /'o na ci phra rgyas rnams zag pa med pa rnams rgyas par 'gyur ba dang rgyud gzhan gyi nyon mongs pa rnams yongs su shes pa'i khams dmigs pa la rnam par shes pa'i tshogs drug la sogs pa rnams la ste/ de bas na zag pa dang bcas pa 'di dag gzugs la sogs pa bzhin no/ /gzhan yang de lta bu ni mdo dang 'gal bar 'gyur te/ zag pa dang bcas pa'i chos rnams gang zhe na/ ji srid mig nas gzugs la sogs pa dang / mig gi rnam par shes pa dang / mig gi 'dus te reg pa dang / gang yang mig gi 'dus te reg pa'i rkyen gyis nang du tshor ba skye ba bde ba'am sdug bsngal ba'am/ sdug bsngal yang ma yin bde ba yang ma yin pa'am zhes bya ba la sogs pa ste/ de la lam gyi bden pas bsdus pa'i chos kyi khams ni zag pa med pa'i sdom pa sems las byung ba rnams so/ / mi ldan pa dang zag pa med pa yid kyi khams kyi rnam par shes pa'i khams kyang lam gyis bsdus so/ /zag pa med pa'i rnam par shes pa dang 'dus ma byas ni chos kyi khams bsdus pa nyid do/ /rtog dang dpyod dang bcas pa ni/ /zhes bya ba la/ ni'i sgra ni rtog pa dang dpyod pa dang bcas pa kho na'o zhes nges par gzung ba'i don te/ de'i phyir 'di dag ni rtag tu zhes bya ba la sogs pa smos so/ /yang ci'i phyir 'di rtag tu rtog pa dang dpyod pa dag dang mtshungs par ldan zhe na/ 'di ltar de dag kha phyi rol du bltas pa'i rtsing ba yin no zhes bya ba ni bstan bcos kyi yi ge'o/ /de ltar yin dang kha nang du phyogs pa'i rgyu med pa rnams rtag tu sbyor ba mthong ba'i phyir ro zhes slob dpon 'dus bzang zer ro/ /de la sAd+h+ya s+ya bya b+hi tsA ro na he to na tsa sA d+h+ya bya b+hi tsA ran+na he tu pra yat+nAR+Ya ka twA de tat+ki la pa dang mi ti kA ra NAn+ta ra mA ha/ rtog pa dang dpyod pa dang bcas pa'i sa ni de yod pa'i phyir zhes bya'o/ /tha ma gsum zhes bya ba la gnyi ga nges par gzung ba la yang skyon med do/ /mthar 'don pas ni tha ma'o/ /ldan pa ma yin pa la rtog pa dang dpyod pa dang mtshungs par ldan pa med pas rtog pa dang bcas pa mi srid pas de'i phyir mtshungs par ldan pa zhes bya ba la sogs pa smos so/ /chos kyi khams mtshungs par ldan pa smos pas rtog pa dang dpyod pa gnyis la thal bar 'gyur la/ de dag la rtog pa dang dpyod pa gnyis pa med pas rtog pa dang dpyod pa dang bcas pa mi srid do/ /de'i phyir rtog pa dang dpyod pa dag las gzhan pa zhes bya ba smos so/ / bsam gtan dang po'i gong na rtog pa med pa'i phyir dang / bsam gtan khyad par can gyi gong na dpyod pa med pa'i phyir dang / khams tha ma gsum yin pa'i phyir 'dod pa'i khams dang bsam gtan dang po na zhes bya ba gsungs te/ 'dod pa'i khams dang bsam gtan dang po dag na ni gang zhig rtog pa dang dpyod pa dang mtshungs par mi ldan par 'gyur ba/ rtog pa dang dpyod pa spangs pa'i sems las byung ba'i rnam pa 'ga' yang yod pa ma yin no/ /bsam gtan khyad par can rnam par rtog pa med la dpyod pa tsam gyis rnam par dpyod pa nyid de/ mtshungs par ldan pa'i rtog pa zhes bya ba'i don to/ /rtog pa med cing dpyod pa med pa zhes bya ba ni bsam gtan khyad par can gyi gong na rtog pa dang dpyod pa med pa'i phyir chos kyi khams mtshungs par ldan pa ma yin pa thams cad kyang gnyi ga ma yin pa ste/ thams cad smos pa ni 'dus byas dang 'dus ma byas bsdu bar bya ba'i phyir dang / sa thams cad bsdu bar bya ba'i phyir ro/ /bsam gtan khyad par can gyi dpyod pa ni rtog pa med pa'i phyir dang / dpyod pa gnyis pa med pa'i phyir te/ rtog pa yang med la dpyod pa yang med pa yin no zhes bya bar bsnyegs so/ / dpyod pa ni rtag tu dpyod pa med cing rnam par rtog pa tsam ste rnam par rtog pa yang zhes bya ba rnam pa gsum mo/ /rtog pa ni rtag tu rnam par rtog pa med cing rtag tu dpyod pa tsam ste dpyod pa ma yin zhes so/ /'dod pa'i khams dang bsam gtan dang po'i zhes rgya cher 'byung ba la/ rtog pa dang bcas pa dang dpyod pa dang bcas pa 'di dag gi nang du mi 'du na zhes bya'o/ /slob dpon 'dus bzang na re/ dpyod pa med pa'i phyir cig shos kyi rnam pa dag gi nang du 'du bar mi 'gyur te/ rnam par rtog pa dang mtshungs par ldan pa'i phyir ro zhes zer ro/ /gal te rnam par rtog pa gnyis pa med pa'i phyir brjod par mi bya bar gyur na ci zhig mtshungs par ldan par 'gyur zhe na/ de la tshor ba gnyis pa yod de de dang mtshungs par ldan pa ma yin pa zhes bya ba nus pa med pa'i rgyu'i rang bzhin dang mtshungs par ldan par thal ba'am/ khyad par med kyang mtshungs par ldan pa khas blangs pas de'i phyir rang bzhin dang mtshungs par ldan pa'i phyir zhes brjod par bya'o/ /rnam par rtog pa gnyis pa med pa'i phyir ni ma yin zhes so/ /gzhan la gzhan dang mtshungs par ldan pa zhes rab tu grub pa ni de'i tshogs la rnam par dpyod pa bzhin ma yin no/ / rnam par rtog pa gnyis pa yod ces pa de'i phyir rnam par rtog pa gnyis pa med ces gsungs te/ gang bshad pa'i tshor ba gnyis pa yod do/ /de dang mtshungs par ldan pa ma yin pa yod ces bya ba 'di la yang rim pa bzhin du rgol bar byed de/ gal te yang de'i tshogs la tshor ba gnyis pa yod pa ma yin par gyur na/ ci zhig gis de nyid de dang mtshungs par ldan par dpyod par byed de 'du shes la sogs pa bzhin no/ /de nyid kyi phyir zhes pa la gang gi phyir de na dpyod pa rnam pa gsum po dag tu mi 'du bar gyur pa'o/ /rtog pa dang bcas dpyod pa bcas pa dag na zhes bya ba la/ 'dod pa'i khams dang bsam gtan dang po na'o/ /rnam pa dang po ni rtog pa dang mtshungs par ldan pa'i phyir ro/ /rnam pa gnyis pa ni dpyod pa dang mtshungs par ldan pa'i phyir dang / rtog pa gnyis pa med pa'i phyir ro/ /gsum pa ni ldan pa ma yin pa'i phyir ro/ /bzhi pa ni rtog pa dang mtshungs par ldan pa'i phyir dang / dpyod pa gnyis pa med pa'i phyir ro/ /lhag ma rnams ni gnyis ka spangs/ /zhes bya ba la de dag dang mtshungs par mi ldan pa'i phyir rtog pa dang dpyod pa spangs pa'o/ /gal te rnam par shes pa'i tshogs lnga zhes rgya cher 'byung ba la/ rtog pa ni rnam par rtog pa yin na de dang mtshungs par ldan pa rnams ji ltar rnam par rtog pa med pa dag ces bya/ yang rnam par rtog pa med pa dag ces gang du bshad ce na/ yid kyi rnam par shes pa kho na de dang de las rnam par rtog pa can nyid du bstan pas don gyis na rnam par shes pa'i tshogs lnga ni rtog pa med par bshad do/ /nges par rtog dang rjes dran pa'i/ /rnam par rtog pas rnam mi rtog /ces bya ba la/ ngo bo nyid kyi rnam par rtog pas ni ma yin no/ /rnam par rtog pa rnam pa brgyad thugs par bzhag nas gzhan du grag go'i sgra rab tu sbyar te/ rnam par rtog pa ni rnam pa gsum mo zhes grag go zhes so/ /dper na rta rkang pa gcig pa la rkang pa'i bya ba mi nus pa'i phyir rkang med ces bya ba de bzhin du dmigs pa nges par rtog pa dang mngon par brjod pa med pa'i phyir rnam par rtog pa gcig pa dag la yang rnam par rtog pa med pa zhes bya'o/ / gal te yid kyi rnam par shes pa yang rnam par rtog pa gcig pa yod pa ma yin nam zhe na/ yid kyi rnam par shes pa'i rigs la bsams nas de skad bshad do/ /sems rtsing bas rtog pa'i phyir ngo bo nyid kyi rnam par rtog par rnam par rtog ste rtog par byed pa'i bdag nyid yin pa'i phyir ro zhes slob dpon 'dus bzang zer ro/ /de dang 'dra bar 'jug pa'i shes rab dang dran pa dag la yang rnam par rtog par bshad de/ 'di ltar rnam pa med par dmigs pa thams cad la gsal ba'i phyir 'jug par byed pa gsal ba'i khyad par la 'jug la 'du shes kyi ma yin no/ /mi gsal ba nges par ma gzung ba'i phyir mos pa ma yin pa'i gzhi dang dmigs pa dang rnam pa dang dus mnyam pa nyid kyis 'jug pa'i sems las byung ba rnams la 'jug pa'i dus kyi dbye ba las rnam par rtog pa'i rang bzhin kho na rnam par rtog par mos pa dka'o/ /'dir sems las byung ba'i rang bzhin ston pa skabs su ma bab po zhe na/ de'i phyir de ni 'og nas sems las byung ba dag gi zhes bya ba la sogs pa'o/ /nges par rtog pa dang rjes su dran pa'i rnam par rtog pa dag ni gnas skabs kyi bzhag pa de nyid kyi mtshan nyid ni 'dir nges par brjod par bya dgos te gzhan du skabs med pa'i phyir ro/ /de'i phyir gzhan dag gis rang bzhin ci zhes bya ba la sogs pa gsungs te/ shes rab ni mig la sogs pa'i rnam par shes pa dang lhan cig skye ba dang yid las byung ba yang yod la/ yid las byung ba la rnam par gzhag pa dang mnyam par ma bzhag pa yang yod pas de'i phyir/ yid kyi zhes bya ba dang g.yeng ba zhes khyad par gnyis nye bar gzung ngo / /snyoms par 'jug pa'i shes rab ni nges par rtog pa mi skye ba'o/ /g.yeng ba ni nges par rtog pa'i rnam par rtog pa la brjod de/ mnyam par gzhag pa ma yin pa shes pa ni des ming la bltos te yul la 'jug pa skye bar byed do/ /mnyam par gzhag pa ni ming la mi ltos pa kho nar don la 'jug ste/ de'i phyir mnyam par gzhag pa ma yin pa'i shes rab ni g.yeng ba zhes bya'o/ /de nyid kyi phyir mig gi rnam par shes pa la sogs pa dang mtshungs par ldan pa'i shes rab ni nges par rtog pa'i rnam par rtog pa ma yin no/ /yid kyi dran pa thams cad nyid/ /ces bya ba la thams cad smos pa ni mnyam par gzhag pa nye bar gzung ba'i don to/ /yid smos pa ni mig gi rnam par shes pa la sogs pa dang mtshungs par ldan pa'i dran pa gsal bar bya ba'i phyir ro/ /dmigs pa mngon par brjod pa yin pa'i phyir dang snyoms par 'jug pa'i ming la bltos pa'i phyir mnyam par gzhag pa dang mnyam par ma bzhag pa thams cad yid las byung ba'i dran pa ste dran par byed pa'i rnam par rtog pa'o/ /mig gi rnam par shes pa la sogs pa dang mtshungs par ldan pa ni mi g.yeng ba'i phyir dang khyad par du rnam par rtog pa'i mtshan nyid med pa'i phyir rnam par rtog pa zhes mi bya ba de la 'dod pa'i khams dang bsam gtan dang po na mnyam par ma bzhag pa'i yid kyi rnam par shes pa gang yin pa de ni rnam par rtog pa gsum gyis rnam par rtog pa dang bcas pa yin no/ /bsam gtan dang po ni mnyam par gzhag pa'o/ /gnyis pa la sogs pa rnams su yang mnyam par ma bzhag pa'o/ /gnyis dag gis mnyam par gzhag pa nyid kyis so/ /dmigs pa zhes sems kyi khams bdun no zhes bya ba la/ bdun ni dmigs pa dang bcas pa nyid do zhes nges par gzung bar bya'o/ /'di gang las she na chos kyi phyed kyang zhes 'byung ba'i phyir ro/ /'di la dmigs pa yod pas na dmigs pa dang bcas pa'o/ /yul dang spyod yul dang dmigs pa zhes bya ba ni rnam grangs so/ /chos kyi phyed kyang zhes bya ba la dang gi sgra ni bsdu ba'i don to/ /gzhan dag na re nges par gzung ba'i don te zhes zer ro/ /de ltar na sems dang sems las byung ba rnams las gzhan pa rnams ni dmigs pa med pa'o zhes bya bar grub po/ /'dod pa gzhan ston pa'i phyir ro zhes bya ba ni kha cig rdul phra rab re re ba yul gyi dngos por 'thad kyi mtha' dag yul gyi dngos por mi 'thad do zhes zer ro/ /slob dpon dpal len na re yul rnams rdzas med pa ste/ rnam par shes pa'i tshogs lnga po bsags pa'i yul can yin pa'i phyir zhes zer ro/ /bye brag tu smra ba rnams na re rnam par shes pa'i tshogs lnga po'i yul rdzas su yod pa kho na ste/ rdul phra rab tshogs pa yul yin pa'i phyir rdul phra rab de rnams nyid de ltar 'dus pa las mig la sogs pa'i rnam par shes pa'i skye ba la rgyur 'gyur ro/ /'dus pa ma yin pa med par gyur pa'am de dag 'dus pa'i rdzas yul yin pa'i phyir re re dmigs par 'gyur ba ma yin no zhes zer ro/ /'dus pa ma yin pa'i yul la rnam par mi rtog pa'i phyir dang 'dus pa zhes bya ba 'ga' zhig dngos por yod pas gang la rnam par rtog pa med par mthong ba nas reg pa'i bar du skye bar 'gyur te/ 'dus pa'i yul nyid ma yin na sngon po dang ser po'o snyam du zhen par mi 'gyur zhing mig gi rnam par shes pas kha dog sngon po ma bzung bar yid kyi rnam par shes pa la sngon po'o snyam du rnam par rtog pa'i nus pa yod pa ma yin pas tshogs pa med na sngon po dang ser po la sogs pa rnams rdzas ma yin par thal bar 'gyur ba'i phyir ro/ /bcom ldan 'das mig dang gzugs la brten nas mig gi rnam par shes pa skye'o zhes bya ba nas yid dang chos la brten nas yid kyi rnam par shes pa skye'o zhes bya ba'i bar du gsungs so/ /tshogs pa ma yin pa gzugs la sogs pa'i rang bzhin zhes bya ba la/ de mig gi rnam par shes pa la sogs pa'i gzung ba ma yin no/ /gal te don dam pa'i yul can rnam par shes pa'i tshogs lnga ci las she na/ de rnams 'dod chags dang bral ba'i rang gi mtshan nyid kyi yul ma yin pa'i phyir dang kha phyi rol tu bltas pa'i phyir dang / mnyam par ma bzhag pa'i phyir dang rnam par mi rtog pa'i phyir dang / lan cig tshogs pa'i phyir dang nyung ba'i phyir ro/ /de'i phyir dmigs pa dang bcas pa'i chos kyi khams nyid kyang zhes bya ste/ rig pa de dag las lnga ni don dam pa la dmigs pa dang lhag ma yul zhes bya ba ni kun rdzob la dmigs pa yang ma yin no zhes bya ste zhar las byung bas chog go/ /dkyus ma nyid brtsam par bya ste/ ma zin dgu zhes bya ba la/ 'dir dang gi sgra dang po ni bsdu ba'i don to/ /gnyis pa ni sgra'i rnam grangs gsal bar byed pa'i don to/ /kha cig na re sgra yang dbang po dang tha mi dad pa yod do zhes zer ro/ /dgu po gzhan ni rnam pa gnyis/ /zhes gsungs pa'i phyir/ dgu ni ma zin pa kho na'o zhes shes par bya'o/ /chos kyi khams kyi phyed kyi dmigs pa dang bcas par bshad kyi thams cad ni ma yin pa ma zin pa ni thams cad 'dod pa nyid de/ de'i phyir brgyad pa'i phyed dang bcas te zhes gsungs so/ /dgu po gzhan ni rnam pa gnyis/ /zhes gsungs pa'i phyir dgu ni ma yin pa kho na'o zhes shes par bya'o/ /chos kyi khams kyi phyed dmigs pa dang bcas par bshad kyi thams cad ni ma yin la/ mi zin par ni thams cad 'dod pa nyid de/ de'i phyir brgyad pa'i phyed dang bcas te zhes gsungs so/ /dgu po gzhan ni rnam pa gnyis/ /zhes bya ba la brtsams par ma gyur na ni zin pa kho na'o zhes bya bar shes par 'gyur ba zhig go/ /da ltar byung ba rnams ni zin pa yin te de dag la phan btags pa dang gnod pa byas na sems dang sems las byung ba rnams la phan btags pa dang gnod pa byas par 'gyur ba'i phyir ro/ /'das pa dang ma 'ongs pa rnams ni ma zin pa yin te/ de dag la phan btags pa dang gnod pa mi srid pa'i phyir ro/ /gzugs la sogs pa dbang po dang tha mi dad pa rnams dang dbang po ni grub pa dang bde ba lhan cig pa'i phyir dbang po bzhin tha mi dad do/ /gzhan dag ni da ltar ba yin yang ma zin pa rnams te/ gang dag lus 'di la dbang po dang tha dad par gnas pa rnams so/ /'di lta ste rtsa ba ma gtogs pa'i zhes bya ba la/ skra dang ba spu dang sen mo dang so dag gi rtsa ba ni lus kyi dbang po dang tha mi dad pas spangs pa'i phyir te/ 'di ltar skra la sogs pa rtsa ba nas bton na tshor ba 'byung gi bcad na ni ma yin no/ /de ltar re zhig nang dag la yod pa'o/ /phyi rol dag la yod pa bshad pa ni sa dang chu la sogs pa rnams la yod pa zhes bya ba ste/ sogs pa smos pa ni me dang rlung dang shing dang so phag la sogs pa dag sdud do/ /'du byed rnams bdag med pa yin dang 'dzin pa po med pas mig la sogs pa rnams la zin pa nyid mi srid do snyam ste 'dri ba ni zin pa zhes bya ba'i don ci zhe na zhes bya ba'o/ /bstan bcos las ni bdag gis lus su gtogs pa'i zhes 'byung ngo / /de yang ci zhig ce na sems dang sems las byung ba rnams kyi bdag gir byas pa gang yin pa'o/ /bdag gir byas pa zhes bya ba ni gang zhig sems dang sems las byung ba rnams kyis rten gyi dngos por nye bar bzung ba'o/ /sems dang sems las byung ba gzugs can ma yin pa yul na mi gnas pa rnams kyis rten gyi dngos po nye bar bzung ba ni mos par dka'o zhe na/ de'i phyir phan pa dang gnod pa dag gis phan tshun mthun par byed pa'i phyir nye bar bzung ba yin gyi de la gnas pa'i phyir ni ma yin no/ /'di ltar mig la sogs pa rnams la mig sman la sogs pas phan btags na rnam par shes pa gsal zhing ma 'khrugs pa skye la rlung la sogs pas gnod pa byas na mi gsal ba dang 'khrug pa skye ba yin no/ /de bzhin du rnam par shes pa tshor ba bde ba dang sdug bsngal dang mtshungs par ldan pa rnams skyes na mig la sogs pa rnams 'phel ba dang 'grib par 'gyur te de ltar phan tshun mthun par byed pa yin no/ /sems dang sems las byung ba rnams mig la sogs pa rnams kyi zin pa nyid du thal bar 'gyur ba spang ba'i phyir/ 'jig rten na sems pa dang bcas pa'o zhes brjod pa gang yin pa'o zhes bya ba gsungs te/ gang zhig la 'jig rten na sems pa dang bcas pa'o zhes brjod ce na/ rten gang la gnod pa byas pa sdug bsngal 'byung ba dang / gang zhig 'dis rtswa ku sha dang tsha rgod dang me dang tsher ma dang gnam lcags la sogs pa dag las bsrung ba dang / gang zhig 'dod pa dang khro ba dang mya ngan dang 'jigs pa dang dga' ba la sogs pa dag gi rnam par 'gyur ba'o/ /sems dang sems las byung ba rnams ni 'dzin pa yin pa'i phyir zin pa'o zhes mi brjod do/ /bye brag tu smra ba rnams ni gzugs gang zhig la gzir ba'am bcad pa na sdug bsngal 'byung zhing bzlog pas bde ba 'byung ba de ni zin pa'o zhes zer ro/ /gzhan dag na re lus su gtogs pa 'di la nga dang nga'o snyam pa'i nga rgyal gyis yongs su zin pa ni zin pa'o zhes zer ro/ /de lta ni ma yin te sems dang sems las byung ba rnams zin pa yin par 'gyur du 'ong ngo / /nga rgyal nyid kyis ni dus su mi 'dud pa'i phyir dang gzugs nyid kyi phyir te/ nye bar len par byed pa dang / nye bar len pa'i byed pa po'i gzugs kyi phyir zhes bya ba'i tha tshig go/ /gzhan dag na re lus kyi dbang po dang tha mi dad pa gang yin pa de zin pa'o zhes zer ro/ /lus kyi dbang po'i zin pa de lta bu la ni dpyad par bya ste/ de ltar na gzugs la sogs pa dang sems dang sems las byung ba rnams dbang po ma yin pa'i phyir dang rten ma yin pas ma zin par thal bar 'gyur ba ma yin nam zhe na/ dbang po dang tha mi dad pa'i gzugs la sogs pa dang sems dang sems las byung ba rnams rten yin pas 'di la nyes pa med de/ reg bya rnam pa gnyis yin te zhes nges par gzung ste/ lhag ma gzugs can dgu po ni/ 'byung 'gyur chos khams phyogs gcig kyang zhes gsungs pa'i phyir ro/ /'byung ba rnams la yod pa'i phyir ro zhes bya ba ni bskyed pa la sogs pa'i ngo bos 'byung ba rnams de'i rgyur gyur pa'i phyir 'byung ba rnams la yod pa zhes brjod do/ /lhag ma zhes smos pas gzugs can ma yin pa la yang thal bar 'gyur bas gzugs can zhes bya ba smos so/ /chos kyi khams la yang rnam par rig byed ma yin pa'i gzugs yod pas gzugs can nyid yin pa de'i dgu po zhes bya ba smos so/ /rnam par rig byed ma yin pa'i gzugs kyang 'byung ba las gyur pa yin pas de bsdu bar bya ba'i phyir chos khams phyogs gcig kyang zhes bya ba smos so/ /kyang gi sgra ni bsdu ba'i don to/ /gzhan dag na re kyang gi sgra ni khams 'byung ba'i bdag nyid kho na yod pa ma yin pa nyid du bstan pa'i don to zhes zer ro/ /lhag ma rnams ni ma brtsams pa kho nas gnyi ga ma yin pa zhes bya bar grub po/ /skye mched bcu po dag ni 'byung ba tsam mo zhes zer te zhes bya ba la/ tsam gyi sgra ni 'byung ba las gyur pa yin pa rnam par bcad pa'i don to/ /de lta yin dang dri ba dang lan mi 'thad do zhe'o/ /skye mched bcu po dag ni 'byung ba tsam mo zhes bya ba de ni de lta ma yin no/ /tshig tsam gyis dad par mi 'gyur bas rgyu smras pa/ 'byung ba rnams ni bzhi nyid dang sra ba la sogs pa mtshan nyid du nges par gzung ba'i phyir zhes bya ba ste/ mdo las bzhi nyid du nges par gzung ba'i phyir dang / sra ba la sogs pa mtshan nyid du nges par gzung ba'i phyir ro/ /de la 'di dag ni 'byung ba chen po bzhi ste zhes bzhir nges par gzung ba dang / sa'i khams gang zhe na sra ba nyid do zhes rgya cher 'byung ste sra ba la sogs pa'i mtshan nyid nges par gzung ba dang bzhi'i nges par bzung bas ni 'byung ba chen po bcu dag med do zhes ston to/ /gal te 'byung ba las tha dad pa'i 'byung ba las gyur pa med na/ de lta yin dang skye mched bzhi'am gcig go zhes brjod dgos kyi bcu zhes ma yin no/ /sra ba la sogs pa'i mtshan nyid du nges par bzung bas ni mig la sogs pa rnams dang gzugs la sogs pa rnams 'byung ba dag gi nang du ma 'dus par ston te/ sra ba la sogs pa'i rang gi ngo bo dang mtshan nyid mi mthun pa'i phyir te tshor ba la sogs pa bzhin no/ /yang ji ltar de rnams 'byung ba dag dang mtshan nyid mi mthun par khong du chud ce na/ 'byung ba de dag reg bya yin pa'i phyir dang reg pa'i yul yin pa'i phyir ro/ /mig la sogs pa rnams kyi ni gzugs la sogs pa rnams yin gyi reg bya ni ma yin pa'i phyir ro/ /gzugs la sogs pa rnams blta bar bya ba dang bsnam par bya ba myang bar bya ba dang mig la sogs pa rnams kyang lta bar byed pa dang snom par byed pa dang myong bar byed pa yin gyi reg par mi byed pa'i phyir reg bya ni ma yin no/ /'byung ba'i bdag nyid can khyad par med pa'i phyir gzugs la sogs pa thams cad dbang po thams cad kyi gzung bar bya bar 'gyur na/ de ni yod pa yang ma yin te/ mig la sogs pas kyang ste mig dang rna ba dang sna dang lce rnams kyis ni sra ba la sogs pa ste/ sra ba dang gsher ba dang dro ba dang yang zhing g.yo ba nyid dang mi 'dzin te/ de'i phyir sa la sogs pa dag gzugs la sogs pa'i bdag nyid ma yin no/ /lus kyi dbang pos kyang kha dog la sogs pa ste/ kha dog dang sgra dang dri dang ro dag 'dzin pa ma yin te/ de'i phyir gzugs la sogs pa rnams 'byung ba'i rang bzhin ma yin pa zhes bya bar grub pa yin no/ /mig la sogs pa rnams ni yul can yin pa'i phyir dang / yul nges pa'i phyir yul dag dang phan tshun rang bzhin tha dad par khong du chud par bya'o/ /mdo las 'byung ba rnam bzhi nyid du nges par bzung ba dang sra ba la sogs pa'i rang bzhin nges par bzung ba'i phyir kha dog la sogs pa rnams lus kyi dbang po'i gzung bar bya ba las bzlog pa yin pas skye mched bcu po rnams ni 'byung ba tsam ma yin par grub po/ /gzugs su rung bas na gzugs te gnod pa byar rung ba zhes bya ba'i tha tshig go/ /de 'di la yod pas na mig la sogs pa'i skye mched gzugs can zhes bya'o/ /reg bya'i skye mched kho na 'byung ba chen po bzhi dag go zhes bya bar gsungs kyi mig la sogs pa'i skye mched rnams ni ma yin te/ 'byung ba las tha dad pa'i 'jam pa nyid la sogs pa reg bya'i skye mched du gsungs pas 'byung ba chen po bzhi dag rgyur byas pa zhes bya'o/ /reg bya'i skye mched kyi phyogs gcig kho nas 'byung ba rnams bsdus pa'i phyir lhag ma mig la sogs pa dang 'jam pa nyid la sogs pa ni 'byung ba dag ma yin no zhes bya ba gsal bar kun tu bstan pa yin no/ /thams cad 'byung ba'i bdag nyid yin te reg bya'i skye mched kho na rnam pa gnyis su bstan gyi mig la sogs pa'i skye mched rnams ma yin pa dang mig la sogs pa'i skye mched rnams kho na rnam pa gcig tu bstan gyi rig bya'i skye mched ma yin pa zhes bya ba 'di la 'byung ba dang 'byung ba las gyur pa gnyis rang gi ngo bo tha dad pas rgyu gzhan pa ma yin te/ de'i phyir mdo dang 'gal bas skye mched bcu po rnams 'byung ba tsam ma yin no/ /'o na mdo las zhes rgya cher 'byung ba la/ gal te mig 'byung ba'i rang bzhin ma yin na/ ci'i phyir 'di skad du/ mig gi sha'i gong bu la sra ba dang mkhrang bar gyur pa gang yin pa zhes bya ba zhes gsungs she na/ mig la sogs pa'i 'byung ba tshogs pa'i bdag nyid gang yin pa de la ni 'dir dbang po rnams 'byung ba'i rang bzhin du bstan pa 'thad cing gong bu smos pa yang don dang bcas pa'o/ /gang yang 'byung ba dang mtshan nyid mi mthun pa de la ni dbang po rnams 'byung ba'i rang bzhin du bstan pa mi 'thad de/ cha shas ma yin pa'i phyir dang / de'i bdag nyid ma yin pa'i phyir ro/ /gong bu smos pa yang don med do/ / mkhrang bar gyur pa zhes bya ba ni mkhrang ba'i rnam pa'o/ /de dang tha mi dad par 'jug pa zhes rgya cher 'byung ba la/ de la mig de dang tha mi dad par 'jug pa'i ngang tshul yod pas na tha mi dad par 'jug pa'o/ /'di skad du bstan par 'gyur te/ mig gi dbang po yang yin pa dang lhan cig 'jug pa'i sha'i gong bu de'i rten du gyur pa la mig gi sha'i gong bu gang yin pa zhes pa 'di nye bar btags te rten la brten pas btags pa'i phyir ro/ /de lta bu yang sha'i gong bu smos pa'i nus pa las yin no/ /mig ni sha'i gong bu'i bdag nyid ma yin te dang po'i bdag nyid yin pa'i phyir ro/ /gzhan dag na re/ 'jig rten gyi tha snyad dang mthun par gdags pa'i phyir de skad gsungs te/ 'jig rten na ni de'i rten sha'i gong bu 'byung ba dang 'byung ba las gyur pa'i bdag nyid can la mig tu 'du shes kyi dbang po la ni ma yin no zhes zer ro/ /gzhan du na mig la zhes bya ba kho na zhig bshad par 'gyur ro/ /yang rgyu mtshan gyi bdun pa brjod pas rtog par 'gyur te/ de las dbang po tha mi dad par 'jug pa'i gong bu mtha' dag gi rten 'byung ba rnams rjes su bzung bas na/ de nyid kyi phyir bdun pas bstan pa zhes bya ste rten gyi sha'i gong bu mtha' dag gzung ba'i don to/ /gal te mig la sogs pa rnams dang gzugs la sogs pa rnams 'byung ba'i bdag nyid ma yin na/ dge slong skyes bu 'di ni khams drug pa yin te zhes bya ba'i ston pa'i gsung dang 'gal bar 'gyur te/ sa la sogs pa'i khams rnams gzugs la sogs pa'i khams dang mig la sogs pa'i khams rnams las tha dad par yod na skyes bu 'di ni khams drug pa yin no zhes brjod par mi rigs so zhe na mngal du 'jug pa'i rdzas kyi gzhi bstan par bya ba'i phyir te/ mdo ni dgongs pa can yin pa'i phyir 'gal ba med do/ /de la nur nur po la sogs pa'i gnas skabs ni sems can gyi rdzas kyi gzhi ste/ de bstan pa'i phyir gzugs la sogs pa rnams yod bzhin du khams drug tu gsungs te/ de la gzhan dag na re reg pa'i skye mched rnams dang mig la sogs pa rnams 'byung ba bzhi tshan gyi bdag nyid de reg pa'i skye mched rnams ni rnam par shes pa skye ba'i rtsa ba'i rdzas yin pa dang / mig la sogs pa rnams kyang 'byung ba la brten pa'i phyir 'byung ba rnams ni rtsa ba'o zhes zer ro/ /gzhan dag ni nying mtshams sbyor bar 'brel ba'i tshe/ mig la sogs pa rnams med pas de dag ma gsungs la/ de'i tshe lus kyi dbang po yod mod kyi de'i de'i gnas skabs na grang ba la sogs pa yongs su gcod par mi nus pas yod kyang rang gi dgos pa mi byed pa gang yin pa de ni dgos pa dang mi ldan pa nyid kyi rgyu dang bcas par rnam par mi 'jog go snyam du sems so/ /de nyid kyi phyir khams drug po 'di dag sems can gyi rdzas kyi gzhi yin te/ nying mtshams sbyor ba'i sems nas 'chi 'pho ba'i sems kyi bar du dgos pa dang bcas pa'i phyir ro/ /'gog pa'i snyoms par 'jug pa rnams kyi rnam par shes pa la sogs pa ci ldang ba'i sems kyi de ma thag pa'i rkyen nyid do/ / lus kyi dbang po la yang 'o na skal ba mnyam pa'i rgyu sbyin pa'i phyir mtshungs par ldan pa'i rnam par shes pa skyes pa'i rten gyi dngos po ni lus kyi dbang po'i dgos pa'o/ /skal ba mnyam pa'i rgyu sbyin pa ma yin te/ gzhan dang mtshungs par ldan pa'i phyir ro/ /rdzas kyi gzhi bstan pa yang sra ba la sogs pa rnams nyid de/ gzugs la sogs pa rnams kyi rten rdzas gzhan ma yin pa'i gzugs la sogs pa rnams ma yin no/ /sra ba la sogs pa rnams zhes bya ba la sems kho na 'ching ba dang thar bar 'os kyi gzhan ni ma yin te/ tshor ba la sogs pa rnams sems kyi rten dang sems kyi rjes su 'jug pa'i phyir ro/ /kha cig na re bdag med par bstan pa'i phyir ro zhes zer ro/ /'dir rgyu gang las rten ni sra ba nyid las gzhan pa kha dog la sogs pa rnams ma yin zhe na/ tshogs pa thams cad la khyab pa sa la sogs pa'i mtshan nyid la yod kyi kha dog la sogs pa ma yin te/ 'di dag rten nyid dang kha dog la sogs pa skyed pa dang chen po nyid du grub pa ma yin no/ /'di ston pa'i dgongs pa pa yin gyi yang 'byung ba tsam zhig bzhed pa ma yin no zhes bya ba ji ltar khong du chud par bya zhe na/ yang reg pa'i skye mched drug gsungs pa'i phyir te/ mdo 'di nyid las kyang reg pa'i skye mched drug gsungs pa ni mig gi 'dus te reg pa'i skye mched nas yid kyi 'dus te reg pa'i skye mched kyi bar drug gsungs te de'i phyir 'byung ba tsam ma yin pa'i phyir khams drug gsungs pa yin no zhes bya bar shes par bya ste/ de lta ma yin na mig la sogs pa lnga po rnams sa'i khams la sogs pa las tha mi dad pa'i phyir reg pa'i skye mched drug ces yang mi gsung bar 'gyur ro/ /de la mig nyid reg pa'i skye mched yin pa ni mig gi reg pa'i skye mched de/ yid kyi reg pa'i skye mched kyi bar ni sems las byung ba'i chos reg pa'i rten yin no zhes bya ba'i don to/ /sems las byung ba rnams med par thal bar 'gyur ba'i yang phyir ro/ /ci yin zhe na khams drug tsam yin pa'i phyir mdo las khams drug gsungs kyi 'byung ba las gyur pa ni yod pa yin no/ /'o na ci zhe na rdzas kyi gzhi bstan pa'i phyir zhes sbyar ro/ /gal te mdo las sa'i khams la sogs pa ltar mig la sogs pa dang gzugs la sogs pa rnams ma gsungs pas de rnams med par 'dod na/ de ltar na tshor ba la sogs pa sems las byung ba rnams kyang ma gsungs pas de dag kyang med par thal bar 'gyur ro/ /ci ste ji ltar 'byung ba rnams kho nas 'byung ba las byung ba yin pa de bzhin du sems nyid sems las byung ba yin gyi sems las don gzhan du gyur pa ni ma yin pas thal ba 'dir mi 'gyur ro zhe na/ de'i phyir sems nyid ces bya ba la sogs pa rgya zhes gsungs so/ /ci'i phyir zhe na mdo dang 'gal ba'i phyir te/ mdo las 'du shes dang zhes bya ba rgya cher 'byung ngo / /yang sems 'dod chags dang bcas pa la sogs pa gsungs pa'i phyir te mdo las zhes bya bar sbyar ro/ /sems nyid sems las byung ba rnams yin no zhes bya bar khas blangs pa ni mi rigs te/ gang gi phyir sems 'dod chags dang bcas/ sems zhe sdang dang bcas/ sems gti mug dang bcas zhes gsungs pa'i phyir ro/ /'byung ba tsam ni 'ga' zhig yongs su spang bar bshad do/ /lus kyi rten la sogs pa'i 'byung ba bzhin sra ba la sogs pa sna tshogs par 'gyur te 'ga' zhig ni gzung ba'o/ /'ga' zhig ni 'dzin pa'o/ /'ga' zhig mig gi dbang po'i gzung ba'o/ /sra ba la sogs pa sna tshogs pa dang sna tshogs pa ma yin pa 'di ltar tha dad de/ sra ba la sogs pa mig gis gzung bar bya ba ma yin zhing kha dog la sogs pa yang lus kyis ma yin no/ /ai h+ye taM na gi hri ta mi bye ke/ kha dog la sogs pa rnams kyang ngo / /de la 'byung ba tsam nyid de rnams kyang rnam pa sna tshogs pa so sor nges pa'i dbang po'i gzung bar bya ba rnams so/ /de la gal te lus kyi dbang po'i gzung bar bya ba'i dbang du byas nas bshad pa la sogs pa rnams ni mig gis gzung bya ma yin te/ dbang po'i gzung bya gzhan ma yin no/ /kha dog la sogs pa rnams kyang lus kyis ma yin no/ /i t+ye tat+pa re NA b+h+Yu pa gamya ta e ba na twe tA pa tA/ gzugs la sogs pa 'byung ba'i bdag nyid dgag par 'gyur ro/ /rigs gcig la yang sna tshogs pa mthong ste tshor ba la sogs pa bzhin no/ /dper na tshor ba kha cig ni phan 'dogs pa dang / kha cig ni gnod pa dang / kha cig rnam pa gnyis ka yin pa lta bu'o/ / gang bshad pa'i dkar po pra bi ra la sogs pa mtshon pa'i don du kha dog la sogs pa rnams la zhes bya ba de la 'byung ba rnams kyi mchog dang tha ma'i dbye bas dkar po la sogs pa'i dbye ba bshad ces bya ste/ 'byung ba tshogs pa'i bdag nyid kyi gzugs la sogs pa rnams so zhes dgongs pa'o/ /de la ni da mu t+ta ra sa t+yaM kha dog la sogs pa rnams la yod pa 'byung ba rnams la ni bAR+Ya su nar kha dog la sogs pa'i 'byung ba rnams nyid ces rgyu mngon par brjod pa'i phyir ro/ /gang bshad pa'i mdo la mi brten pa dang brten pa'i dbye ba'i dbang du byas nas na bya hA n+ya te/ gang gi phyir rgyur byas pa'i gzugs kyi rang bzhin rnams 'byung ba rnams brten pa dang / reg bya bcu gcig pa bsdus pa rnams ma brten pa rnams so zhes pa 'di la yang lan du mi sbyar ro/ /de ni 'dod pa tsam ste/ gzhi nyid dang sra ba nyid dang sogs nges par gzung ba'i phyir ro/ /de ltar rgyu cis gzhan la mi brten pa nyid ce na/ 'byung ba chen po'i dbang du byas nas gsungs par khas blang bar bya'o zhes so/ /gzugs can bcu ni bsags pa'o/ /zhes bya ba la gzugs can bcu kho na bsags pa zhes bya bar nges par gzung ba nyid kyis gzhan brgyad bsags pa ma yin pa zhes bya bar rtogs so/ /yang ji ltar na de dag bsags pa yin zhe na/ de'i phyir rdul phra rab 'dus pa yin pa'i phyir zhes bya ba gzung ngo / /gcod byed gcad par bya ba nyid/ /phyi rol mi mkhas pa bzhi yin/ /zhes bya ba la phyi rol smos pa ni nang gi khams bsal bar bya ba'i phyir ro/ /bzhi smos pa ni sgra dang chos kyi khams bsal bar bya ba'i phyir ro/ /dgra sta dang shing zhes bya ba la sogs pa'o zhes bya ba la/ sogs pa'i sgra ni re re dang sbyar bar bya'o/ /dgra sta dang ral gri zhes bya ba la sogs pa ni gcod par byed pa'o/ /shing dang rtswa dang lus zhes bya ba la sogs pa ni gcad par bya'o/ /'dir dang gi sgra ni gnyis char la gnyis ka bstan pa'i don to/ /'dir ni grags pa'i dbang gis tha dad phyir dper brjod do/ /so so ba gnyis su med par mngon par sbyar ba la skyon med do/ /nyid ces bya ba ni nges par gzung ba'i don to/ /phyi rol gyi kho na'o snyam du dgongs so/ /bdag nyid du red ma thag tu 'jigs pa'i 'du shes thams cad la bya ba med pas gcod pa zhes bya ba'i chos 'di ci zhe na zhes bya ba ni/ yang na skad cig ma nyid kyi phyir gcad par bya ba dang gcod par byed pa med na gcod pa zhes bya ba'i chos ci zhig ces bya ba'o/ /'dus pa'i rgyun 'brel bar 'byung ba can rnam par 'byed pa skyed pa'o zhes bya ba la 'brel pa skyed pa ni gcad par bya ba zhes bya'o/ /gcod pa zhes bya ba gcad par bya ba'i rgyun las don gzhan du gyur pa ni ma yin no/ /rdul phra rab gcig la rnam par 'byed pa skye ba med pa'i phyir dang / 'brel pa dang rnam par 'byed pa'i dus gnyis kyang rdzas kyi skad cig gcig la mi srid pas 'dus pa'i rgyun la zhes bya ba smos so/ /lus kyi dbang po la sogs pa ni gcad par bya ba ma yin zhes bya ba la/ lus kyi dbang po la sogs pa dag la ni rnam pa de lta bu'i gcod pa de mi rigs te/ de ci'i phyir zhe na/ yan lag ma lus par bcad na de dag la gnyis su byar med pa'i phyir ro/ /ma lus pa smos pa ni yan lag 'phro dang bcas pa bcad na dbang po la rnam par dbye ba mthong ba'i phyir ro/ /'di la yang tshig tsam gyis dad par mi 'gyur ro zhe na/ de'i phyir dbang po rnams la ni gnyis su 'gyur ba med do zhes bya ba gsungs so/ /ni'i sgra ni dbang po rnams ni gcod par byed pa'i rkyen gyis rnam pa gnyis su byar mi nus pa nyid do zhes nges par gzung ba'i don to/ /de nyid la rgyu smras pa/ bcas pa'i yan lag la dbang po med pa'i phyir ro/ /de yang yan lag des yul 'dzin pa la shes te/ 'di ni rab tu grags pas ma bshad do/ /de lta na gal te sna'i rtse mo bcad pa slar sbyar ba lus kyi rnam par shes pa ji ltar bskyed ce na/ rgyas pa las byung ba'i dbang po skye ba'i phyir nyes pa med de/ 'dis ni dud 'gro'i khyad par 'ga' zhig gi mjug ma bcad pa slar skye ba yang rnam par bshad pa yin no/ /gcod par byed pa yang ma yin te zhes bya ba la/ dang ba'i mtshan nyid can rnams ni nor bu'i 'od bzhin du dang ba'i phyir ro/ /nor bu'i 'od ni gcad par bya ba ma yin te/ nor bu ma lus par bcad na de gnyis su med pa'i phyir te/ 'di ni nges par gzung ba las rnyed par 'gyur ro/ /sgra yang ma yin te chad pa'i phyir ro zhes bya ba la/ gzugs la sogs pa dang lhan cig rgyun mi 'jug pas de'i phyir 'di la drug mtshan 'di dag yod pa ma yin no/ /bsreg pa zhes bya ba'i chos 'di ci zhe na/ rgyu'i rgyun las me la sogs pa'i rkyen gyi rgyu can 'bras bu mi 'dra ba skye ba'o/ /dbang po rnams ni ma yin te dang ba'i phyir ro zhes bya ba la/ dang ba'i phyir de ShA ma g+nid+ha re ba byAn+na bi kA ro bi kA rash+tsa dA ha/ bsreg dang gzhal la mi mthun smra/ /zhes bya ba la/ a k+She pa pa da ma gcod pa la sogs pa rnams la yang 'byung ba gtso bo la rnam par dpyad par bya bas na khams bzhi po kho na gcod par byed pa'o/ /na gwa tsi te ka bya tsi ta nus pa mthong ba'i phyir ro/ /de la sra ba la sogs pa rnams na re zhig dgra sta dang rlung gi rgyu dang me dang rlung gi phung po rnam par shes pa la tsha bar 'dug pa ste/ shing dang ri bo dang bud shing dang yal ga la sogs pa rnam pa gnyis kyi dngos por nus pa mthong bas so/ /ro la sogs pa rnams la yang ste/ phye dang rgya sran ku lat+tha la sogs pa mnyam par bsags pa las rgyam tsha dang rdo ba la sogs pa gcod pas so/ /de la sra ba la sogs pa rnams kyis byas pa kho na gcad pa zhes bya ba rigs pa ma yin te/ de nyid las gzhan pa sra ba la sogs pa rnams kyis ma bcad pa'i phyir ro/ /sra ba la sogs pa rnams ni rang bzhin dang khyad par 'ga' yang med do/ /ro la sogs pa rnams ji lta ba de nyid kyang sreg par byed de/ me dang phrad pa las du ba la sogs pa'i rnam 'gyur rnams kyis so/ /de yang lag pas 'jal ba sogs byed pas na gzhal ba'o/ /bsreg pa dang gzhal ba dag la mi mthun par smra ba ni rigs te/ phyogs gnyis ka rig par mthong ba'i phyir ro/ /kha cig na re me'i khams shas che bar 'jug pa kho na sreg par byed pa nyid yin te/ me'i khams nyid smin par byed pa yin pa'i phyir dang / sa'i khams la sogs pa'i byed pa gzhan dang ldan pa'i phyir dang / sa'i phung po la sogs pa rnams kyis sreg pa mi srid pa'i phyir dang 'byung ba gzhan zil gyis mnan nas me'i khams kyi bya ba thob pa'i phyir ro zhes zer ro/ /gzhan dag na re phyi rol gyi khams bzhi po 'byung ba me shas che ba kho na sreg par byed de/ gal te me'i khams kho na sreg par byed na ni lhan cig tu gyur pa'i 'byung ba rnams dang / de dag la brten pa rgyur byas pa'i gzugs kyang sreg par byed par 'gyur zhing / khams bzhi po thams cad nyid sreg pa zhes bya ba rnam par 'gyur ba'i rgyu yin gyi/ me'i khams kho na ni sreg par byed pa ma yin no zhes zer ro/ /phyi rol gyi khams bzhi po nyid gzhal ba la ni mtha' dag srang mgo dma' ba'i rgyu yin pa'i phyir lci ba nyid kho na gzhal bar bya ba yin te/ yang ba rnams la srang mgo dma' ba'i rgyu mi srid pa'i phyir ro/ /lci ba nyid kyi lhan cig byed pa dang ldan pa'i rdzas rnams srang mgo dma' ba'i rgyu nyid du smra'i yang ba nyid kyi lhan cig byed pa dang ldan pa rnams ni ma yin te/ de lta na yang der lci ba nyid nus pa dang ldan par 'dod do zhes de ltar bsam par bya'o/ /rnam par smin las skyes pa dang / /rgyas las byung ba nang gi lnga/ /zhes bya ba la/ lnga zhes bya ba ni rnam par shes pa'i khams bsal bar bya ba'i phyir ro/ /nang gi zhes bya ba ni yul gyi khams bsal bar bya ba'i phyir ro/ /'dir yang nang gi lnga ni rnam par smin pa las skyes pa dang rgyas pa las byung ba'o zhes nges par gzung bar bya'o/ /'di gang las she na gang gi phyir rgyu mthun pa ni med do zhes gsungs pas so/ /gal te mig la sogs pa lngar skyes pa rnams ni mig la sogs pa phyis skyes pa rnams dang ma skyes pa rnams kyi skal ba mnyam pa'i rgyus rgyu ma yin nam/ rgyu mthun pa yang skal ba mnyam pa'i rgyu'i 'bras bu yin no zhe na/ ji ltar rgyu mthun du yod pa ma yin pa de las tha dad pa'i rgyu mthun med pa'i phyir yod pa ma yin zhes bshad kyis med pa ni ma yin te/ ji ltar rnam par smin pa las tha dad pa'i rgyas pa las byung ba yod pa dang rgyas pa las byung ba las tha dad pa'i rnam par smin pa las skyes pa ste/ ji ltar shi ba la rgyu mthun pa las byung ba'i gzugs la sogs pa dmigs pa de bzhin du de dag la rnam par smin pa las skyes pa dang rgyu mthun pa ni de las tha dad par dmigs pa med de/ de'i phyir rnam par smin pa las skyes pa dang rgyas pa las byung ba ma gtogs pa'i rgyu mthun pa med pa'i phyir mig la sogs pa la rgyu mthun pa las byung ba med par bshad do/ /las kyi rnam pa zhes bshad pa de'i 'bras bu mi 'dra bar smin pas na rnam par smin pa'o/ /gal te rnam par smin pa ni rnam par smin pa gzhan dang 'brel ba ma yin na/ ji ltar de dag rnam par smin pa las skyes pa zhes bya zhe na/ rnam par smin pa las skyes pa ni rnam par smin pa ma yin no/ / 'o na ci zhe na/ rnam par smin pa'i rgyu las skyes pa ni rnam par smin pa las skyes pa ste bar gyi tshig mi mngon par byas pa'o/ /'bras bu'i dus su phyin pa'i ngag gi las ni zhes bya ba la/ dus gang gi tshe bar med par las las 'bras bu skye ba ni 'bras bu'i dus te/ de tshe las de rnam par smin par 'gyur bas rnam par smin pa zhes bya'o/ /'di skad bstan par 'gyur te bar med par 'bras bu bskyed par rung ba'i las las skyes pas na rnam par smin pa las skyes pa'o/ /gal te 'bras bu la mngon du phyogs pa'i las rnam par smin par 'gyur bas rnam par smin pa yin na/ 'o na 'bras bu ji ltar rnam par smin pa yin zhe na/ de'i phyir 'bras bu ni rnam par smin pa kho na yin pas rnam par smin pa'o zhes bya ba gsungs so/ /rnam par smin pa dang bral ba'i rgyu la smin pas rnam par smin pa'o/ /gzhan dag na re/ rnam par smin pa las skyes pas rnam par smin pa'o zhes zer ro/ /rgyas pa la yod pa ni rgyas pa las byung ba dag ste sde tshan bzhin no/ /yang na rgyas pa nyid rgyas pa las byung ba dag ste rang gi don la 'phel ba byas pa'i sgra 'dul ba pa zhes pa lta bu'o/ /legs par bya ba ni khrus dang bsku mnye dang 'bad rtsol dang bsku byug la sogs pa'o/ /khyad par gyi sgra ni re re dang sbyar ro/ /zas la sogs pa yod kyang mi tshangs par spyod pas rgyas pa las byung ba la gnod par mthong ba'i phyir ro/ /tshangs par spyod pas ni mi gnod pa tsam du zad kyi/ rgyas pa ni zas la sogs pa dag kho nas yin no/ /zas la sogs pa dag ni rnam par smin pa la phan 'dogs par byed de/ de nyid kyi phyir rgyas pa'i rgyud ni rnam par smin pa'i rgyud la phyir bzhin du kun tu bsrung ngo zhes bya ba gsungs so/ /rnam par smin pa'i rgyud ni 'gro ba la sogs pa'i bya ba la nus pa med pa'i phyir stobs chung ba yin la/ rgyas pa'i rgyud ni stobs chung ba ri bo dang 'dra ba de gnas par bya ba'i phyir phyi'i ri bo dang 'dra bar 'gyur ro/ /rgyas pa las byung ba med par ni rnam par smin pa las skyes pa med kyi/ rnam par smin pa las skyes pa med par rgyas pa las byung ba ni yod par 'gyur te dper na lha'i mig bzhin no/ /rnam par smin pa las byung ba kho na bkag pas/ sgra ni rgyas pa las byung ba dang / rgyu mthun pa las byung ba yod do zhes bya bar khong du chud par 'gyur te/ mgrin pa la sogs pa'i 'byung ba chen po rgyas pa las byung ba dang tha mi dad par 'dug pa'i sgra ni rgyas pa las byung ba'o/ /rgyu mthun pa las byung ba'i byung ba dang tha mi dad par 'dug pa ni rgyu mthun pa las byung ba'o/ /sgra ni rnam smin las skyed min/ /zhes bya ba la tshig tsam gyis 'dod pa mi 'grub pas de'i rgyu dris pa dang / 'dod dgur 'byung ba'i phyir ro zhes gsungs te/ mig la sogs pa rnam par smin pa can ni 'dod kyang mi 'byung la mi 'dod kyang 'byung gi sgra ni de lta bu ma yin te/ brjod par 'dod pa sngon du 'gro ba'i phyir ro/ /rnam par smin pa las skyes pa'i gzugs ni rnam par chad nas yang skye ba yang ma yin na/ sgra ni skye ba yang yin te/ de'i phyir rnam par smin pa'i chos las 'das pa'i phyir sgra ni rnam par smin pa las skyes pa ma yin no/ /bstan bcos dang 'gal ba brjod pa'i phyir/ 'o na gang bstan bcos btags pa las zhes bya ba rgya cher gsungs te/ 'grub pa bden mod kyi 'di ni rnam par smin pa ma yin pas bstan bcos dang 'gal ba med do/ /'o na ci yin zhe na/ kha cig na re brgyud pa 'di ni gsum pa yin te/ de lta na tshig rtsub po spong ba sgra'i rgyu'i rgyu yin gyi dngos su ma yin la/ sgra ni rnam par smin pa las skyes pa de ltar yang ma yin no zhes zer ro/ / kha cig na re gang gi phyir rnam par smin pa las skyes pa las rnam par smin pa las skyes pa skye bar mi rigs te/ de'i phyir brgyud pa 'di ni bzhi pa'am lnga pa yin te/ zas dang legs par bya ba'i khyad par dag gis bskyed kyang rnam par smin pa las skyes pa'i 'byung ba rnams la brten nas skye ba de dag las rgyas pa las byung ba rnams te zhes brjod do/ /de dag la ni rgyu mthun pa las byung ba rnams te/ de rnams ni de dag gi skal ba mnyam pa'i rgyu yin pa'i phyir ro/ /de dag la ni sgra'o zhes zer ro/ /rgyas pa las byung ba rnams la rgyas pa las byung ba dang / rgyu mthun pa las byung ba rnams la rgyu mthun pa las byung ba dang / gang gi phyir 'byung ba la ltos par sgra'i gnas skabs ji lta ba las lung du ma bstan pa las dge ba dang mi dge ba dang / zin pa rnams la ma zin pa dang / lus kyi dbang po'i yul rnams la rna ba'i dbang po'i yul dang / de bzhin du rnam par smin pa las skyes pa la rnam par smin pa las skyes pa ma yin pa rnams su 'gyur ro/ /de lta na 'o na lus kyi tshor ba yang zhes bya ba rgya cher 'byung ba la/ de la gang zhig dngos kyi las kyi 'bras bu yin pa de ni rnam par smin par 'gyur gyi/ las las skyes pa'i 'byung ba las skyes pa ni ma yin te/ sgra bzhin no snyam du dgongs so/ /gal te sgra bzhin du rigs pa dang 'gal bar 'gyur na zhes bya ba la/ rnam par smin pa ma yin par 'gyur ro zhes bya bar sbyar ro/ /las las skyes pa'i 'byung ba las byung ba nyid rnam par smin pa'i mtshan nyid ma yin no/ /'o na ci zhe na/ ji skad bshad pa 'dod kyang mi 'byung la mi 'dod kyang 'byung ba 'di rnam par smin pa'i mtshan nyid de/ las kyi 'byung ba las byung ba'i tshor ba la ni mi 'gal te mig la sogs pa bzhin no/ /sgra la ni mi srid de 'di de dgur 'byung ba'i phyir ro/ / de la bde ba dang sdug bsngal gyi rkyen nye bar 'dus pa med kyang 'byung zhing bde ba dang sdug bsngal gyi rkyen log kyang mi ldog pa'i tshor ba bde ba dang sdug bsngal de ni rnam par smin pa las skyes pa yin la/ gang zhig bde ba dang sdug bsngal myong bar 'gyur ba'i yul nye bar tshogs pa las byung zhing / de med na mi 'byung ba de ni rgyu mthun pa las byung ba'o/ /slob dpon 'dus bzang na re/ lus kyi tshor ba thams cad las las skyes pa dang 'byung ba rgyu mthun pa ma yin zhing rnam par smin pa las skyes pa yang ma yin la/ 'byung ba las tha dad pa rnams kyang rnam par smin pa las skyes pa ma yin te/ de bskyed pa'i rgyu mtshan gyi phyir ro/ /lus dang reg bya la brten nas lus kyi rnam par shes pa skye ba'i lus kyi tshor ba de ni rnam par smin pa las skyes pa 'byung ba'i rgyu rkyen kho na'o/ /de gal te rnam par smin pa yongs su rtog na rnam par smin pa'i chos las 'das par 'gal lo/ /rnam par smin pa ma yin pa la ni 'gal ba med do zhes zer ro/ /de la gang gi phyir rnam par smin pa'i chos las 'das pa'i phyir rnam par smin pa ma yin pa zhes bya ba 'di nyid sbyar gyi lhag ma ni ma sbyar ba'i phyir gzhung kha bskang ba'i ched kho nar gsungs pa mtshon par bya ste gzhan rnam gsum zhes gsungs pa'i phyir ro/ /rgyu mthun las byung rnam smin skyes/ /thogs pa med brgyad ces bya ba la/ rgyu mthun pa las byung ba dang / rnam par smin pa las skyes pa kho na'o zhes nges par gzung bar bya'o/ /gang dag skal ba mnyam pa dang / kun tu 'gro ba'i rgyus bskyed cing rnam par smin pa las tha dad pa rnams ni rgyu mthun pa las byung ba dag go/ /gang dag rnam par smin pa rgyus bskyed pa de dag ni rnam par smin pa las skyes pa dag go/ /de la chos kun nas nyon mongs pa can gang dag kun tu 'gro ba'i rgyus bskyed pa de dag ni skal ba mnyam pa'i rgyus bskyed pa yang yin no/ /skal ba mnyam pa'i rgyus bskyed pa kho na yin gyi/ kun tu 'gro ba'i rgyus bskyed pa ma yin pa yang yod de/ dge ba dang ma bsgribs la lung du ma bstan pa rnams so/ /rgyas pa las byung ba rnams ni med de/ ci'i phyir zhe na/ thogs pa med pa rnams la rgyas pa med pa'i phyir ro/ /gzugs can rnams phan tshun thogs pas bar mtshams med par gnas pa la sogs pa zhes brjod de/ 'di ni thogs pa med pa dag la mi srid pas de dag la rgyas pa las byung ba med do/ /kha cig na re rgyas pa las byung ba yod pa la yang sngon gyi rgyu'i nus pa'i mthu lhag pa las ches rgyas par skye'o zhes zer ro/ /gzugs can rnams la yang 'phel ba dang khyad par du 'phags pa dang yang ba zhes bshad pa de ni rgyu mthun pa bzhin du ldan pa'o/ /gang zhig sngon gyi rgyu'i nus pa'i mthu lhag pa las byung ba ni rgyu mthun pa nyid la yang de ltar bshad do/ /skal ba mnyam pa dang kun tu 'gro ba'i rgyu'i sgo nas skyes pa rnams ni rgyas pa las byung ba dang rgyu mthun pa las byung ba'i lhan cig byed pa yin pa'i phyir rgyas pa las byung ba yod kyang rdul phra rab bsags pa med pa'i phyir rgyas pa las byung ba zhes bya ba la brjod do/ /gzhan rnam gsum zhes bya ba ni rnam pa gnyis dang rnam pa gcig ni ma yin no zhes nges par gzung ngo / /de la rnam par smin pa'i dbang po dang tha mi dad pa rnams ni rnam par smin pa las skyes pa dag go/ /rgyas pa las byung ba'i dbang po dang tha mi dad par 'dug pa rnams ni rgyas pa las byung ba dag go/ /lhag ma rnams ni rgyu mthun pa las byung ba dag go/ /gzugs la sogs pa thun mong gi longs spyod rnams rnam par smin pa nyid du mi rung ste/ Ak+She pa ba da pa bya tA ni ta s+ya rnam par smin pa dang bdag po'i 'bras bu yang ste/ 'di bdag po'i 'bras bu nyid ces bya'o/ /rnam par smin pa la yang de ltar thun mong du longs spyad pa nyid mi 'gal lo zhe na/ de lta na mig la sogs pa rnams la yang thal bar 'gyur ro/ /'dod pa nyid do zhe na/ sha za la sogs pa zhugs pa'i mig la sogs pas mthong ba la sogs pa 'di yang gzhan gyi rkyen gyis grub pas rang gi grub pa'i mtha' dang 'gal lo/ /ci ltar gzhan gyi mig gis gzhan la mthong ba byed par 'gyur/ gang bshad pa gang zhig dbang po'i rten de dang tha mi dad pa'i tshor ba ni longs spyod ces bya ste/ 'di la thun mong ba med do/ /thun mong ba'i longs spyod nyid ni zin pa'i gzugs la sogs pa rnams so snyam pa 'di la yang ci 'di la mthong ba la sogs pa la longs spyod du 'dod dam/ 'on te tshor ba yin zhes pa sbyar bar bya'o/ /'dus ma byas ni dge ba dang rtag pa'i phyir ram/ 'dus byas thams cad yongs su bor bas don du gnyer ba'i phyir snying po ste/ gzhan dag na re rtag pa'i phyir snying po nyid rdzas zhes bya'o/ /gser la sogs pa bzhin gyis yod pa nyid tsam ni ma yin pa'i phyir gzugs la sogs pa bzhin no zhes zer ro/ /'di dag gi skad cig ma la ni rgyu mthun pa yod pa ma yin pas skad cig ma ste gang gi phyir lam gyi skad cig ma dang po ni skal ba mnyam pa'i rgyu med par skye bas rgyu mthun las byung ba ma yin no/ /'dus byas kyi chos gzhan ni rgyu mthun pa las ma byung ba 'ga' yang med do/ /sdug bsngal la chos shes pa'i bzod pa'i skad cig ma ni skal ba mnyam pa'i rgyu la bltos pa med par skye ste/ mtshungs pa de ma thag pa'i rkyen ches stobs dang ldan pa'i phyir ro/ /de stobs dang ldan pa nyid ni 'phags pa'i lam dang rnam pa mtshungs pa'i chos du mas gsos btab cing de'i bdag nyid du gyur pa ni don de la rab tu sbyor ba'i phyir ro/ /rgyud gcig la mig la sogs pa gnyis su thal bar 'gyur ba'i phyir te/ gnyi ga'i bya ba mthong ba'i phyir ro/ /mig la sogs pa ni rnam par smin pa las skyes pa kho na ste rgyas pa las byung ba ma yin no/ /slob dpon dpal len ni sgra yang rnam par smin pa las skyes pa ste/ gang gi phyir rgyu gzhan gyi rnam par smin pa'i rang bzhin rnams so zhes zer ro/ /rdzas spyi'i dbye ba las mig la sogs pa rnams rten dang rgyud gcig la rnam pa gnyis te de'i rgyu'i dbye ba las so/ /de nyid kyi phyir mig la rgyu mthun pa yod pa ma yin no/ /de'i tha dad pa'i rgyu med pa'i phyir zhes bya bas 'di la gnod pa med do/ /ci ste spyi'i rgyud mngon par brjod pa'o zhes bya ba ni skyon med do/ /mig gi rnam par shes pa'i mtshungs par ldan pa skyed pa de'i bya ba la rnam par smin pa las skyes pa med pa nyid de/ mig de'i rnam par shes pa skyed pa'i rgyu rgyas pa las byung ba ma yin pas rigs pa mngon par brjod par 'dod pa ni lha'i mig go/ /de'i rnam par shes pa skyed pa'i rgyu med par thal ba las/ nus pa med pa ni rnam par smin pa las skyes pa'i mig ste/ rgyas pa las byung ba med par de'i rnam par shes pa skye bar 'dod ces pa gnyi ga der bskyed pa las nus pa dang ldan no/ /dbang po rnams ni de lta ma yin no/ /gnyis khas blangs pa la kha cig chos nyid kyis yod do/ /gang bshad pa/ rnam par smin pa las skyes pa'i rgyu'i phyir sgra rnam par smin pa las skyes pa zhes bya ba sngar nyid du de la so sor byas te/ 'dod pa'i rjes su byed pa'i phyir lus kyi rnam par rig byed bzhin du sgra yang rnam par smin pa ma yin zhes bya ste/ rgyu'i chos thams cad 'bras bu la 'gyur ba ma yin no/ /gzhan du na sgra'i rgyu nyid rnam par smin pa las skyes pa nyid kyis der 'gyur ro/ /de'i phyir rnam par smin pa las skyes pa rnams kyang rnam par smin pa ma yin pa las skye ba'i rgyu la 'gal lo/ /'dod pa'i khams na zhes rgya cher 'byung ba la/ chos 'das pa dang ma 'ongs pa rnams ni dge ba dang nyon mongs pa can dang ldan la/ da ltar byung ba ni lung du ma bstan pa dang ldan pa nyid yin te/ lung bstan min thob lhan cig ste/ /zhes gsungs pa'i phyir ro/ /'dod pa'i khams smos pa ni gzugs kyi khams rnam par gcad par bya ba'i phyir ro/ /rim pa smos pa ni rdzus te skye ba bsal ba'i phyir ro/ /gang gi phyir nur nur po la sogs pa'i gnas skabs ni nying mtshams sbyor ba'i gnas skabs nas bzung nas mig gi rnam par shes pa dge ba dang nyon mongs pa can dang ldan pa kho na yin gyi mig gi khams dang ni ma yin no/ /de'i phyir gang gi tshe mig gi khams kho na dang mi ldan pa ldan pa 'thob kyi/ mig gi rnam par shes pa'i khams dang ni ma yin no/ /sngar kho na nas ldan zin pa'i phyir ro/ /gzugs med par skyes pa rnams gnyi ga dang mi ldan pa'i phyir gzugs med pa nas shi 'phos nas zhes bshad do/ /bsam gtan gnyis pa la sogs pa smos pa ni/ de na mig gi rnam par shes pa la sogs pa med pa'i phyir skye ba na zhes bya ba srid pa bar ma'i gnas skabs su de dbang po ma tshang ba ma yin pa'i phyir bsam gtan gnyis pa la sogs par skye ba lta bar byed do/ /de dag mig gi khams dang ni mi ldan pa yod pa ma yin te/ de dag dbang po ma tshang ba med pa'i phyir ro/ /mig gi rnam par shes pa ni de'i sa med pa'i phyir bsam gtan dang po'i sa pa'i mig gi rnam par shes pa lung du ma bstan pa mngon du byed de/ de'i phyir lta ba'i tshe kho na mig gi rnam par shes pa dang ldan pa 'thob kyi mig gi khams dang ni ma yin no/ /de dag nas shi 'phos nas sa 'og mar skye ba na'o zhes bya ba ni/ bsam gtan gnyis pa nas shi 'phos nas tshangs pa'i 'jig rten nam 'dod pa'i khams su skye ba ste/ de ni mig gi khams dang ldan zin pa kho na yin la/ mig gi rnam par shes pa'i khams kho na dang mi ldan pa las/ srid pa bar ma do'i gnas skabs su ldan pa 'thob po/ /gzugs med pa'i khams nas shi 'phos nas zhes bya ba la/ de ni sngar nas gnyi ga dang mi ldan pa las tshangs pa'i 'jig rten nam 'dod pa'i khams su skye ba na cig car ldan pa 'thob po/ /gnyi ga ma yin pa ni rnam pa de dag ma gtogs pa'o zhes bya ba ni/ gzugs med pa'i khams nas shi 'phos nas de nyid du skye ba dang / tshangs pa'i 'jig rten nas de nyid du skye ba na'o/ /'dod pa'i khams su yang mig thob pa nyams pa'o/ /mu dang po ni bsam gtan gnyis pa la sogs par skye ba zhes rgya cher 'byung ba la/ bsam gtan gnyis pa la sogs par skyes pa ni mig gi khams kho na dang ldan gyi mig gi rnam par shes pa ni mngon du mi byed do/ /mig gi rnam par shes pa'i khams dang ni ma yin te rang gi sa pa med pa'i phyir dang bsam gtan dang po'i sa pa yang mngon du ma byas pa'i phyir ro/ /mu gnyis pa ni 'dod pa'i khams na zhes rgya cher 'byung ste/ de ni mig gi rnam par shes pa ma 'ongs pa kho na dang ldan gyi mig gi khams dang ni ma yin no/ /ma thob pa ni dmus long ngo / /nyams pa ni mig la gnod pa byas pas long ba'o/ /bsam gtan dang por skyes pa ni de na dbang po ma tshang ba med pa'i phyir mig ma thob pa dang nyams pa zhes mi bya'o/ /bzhi pa ni rnam pa de dag ma gtogs pa'o zhes bya ba ni gzugs med par skyes pa ste de ni gnyi ga dang ldan pa ma yin no/ /de bzhin du mig gi khams dang gzugs kyi khams dag dang zhes rgya cher 'byung ste/ gang mig gi khams dang mi ldan pa 'thob pa de gzugs kyi khams dang yin nam zhe na 'di la ni mu bzhi med do/ /'o na ci zhe na tshig phyi ma dang sbyor ba ste/ gang gzugs kyi khams dang mi ldan pa thob pa de mig gi khams dang yin te/ gzugs med pa'i khams nas shi 'phos nas 'dod pa'i khams dang gzugs kyi khams su skye ba na'o/ /mig gi khams kho na dang mi ldan pa ldan pa 'thob pa yin gyi snga nas ldan pa'i phyir gzugs kyi khams dang ma yin pa yod de rim gyis mig gi dbang po thob pa'o/ /gang mig gi khams dang ldan pa de gzugs kyi khams dang yin nam zhe na 'dir yang mu bzhi mi rigs te/ 'o na ci zhe na tshig snga ma dang sbyor ba ste/ gang mig gi khams dang ldan pa de gzugs kyi khams dang yang yin no/ /gzugs kyi khams kho na dang yin gyi mig gi khams dang ma yin pa yang yod de mig ma thob pa dang nyams pa'o/ /gang mig gi rnam par shes pa dang mi ldan pa ldan pa 'thob pa de gzugs kyi khams dang yang yin na/ der mu bzhi ste mu dang po ni bsam gtan gnyis pa la sogs par skyes pa mig gi rnam par shes pa mngon du byed pa dang / bsam gtan gnyis pa la sogs pa nas shi 'phos nas 'dod pa'i khams dang tshangs pa'i 'jig rten du skye ba na'o/ /gnyis pa ni gzugs med pa nas shi 'phos nas bsam gtan gnyis pa la sogs pa dag tu skye ba na ste/ de ni gzugs kyi khams kho na dang mi ldan pa ldan pa 'thob kyi/ mig gi rnam par shes pa'i khams dang ni ma yin te/ bsam gtan gnyis pa la sogs pa sa pa'i mig gi rnam par shes pa med pa'i phyir ro/ /mu gsum pa ni gzugs med pa'i khams nas shi 'phos nas bsam gtan dang po dag tu skye ba na ste/ de ni gzugs kyi khams dang mi ldan pa 'thob la/ mig gi rnam par shes pa'i khams dang yang yin no/ /mu bzhi pa ni gzugs med pa'i khams su skyes pa de nas shi 'phos nas de nyid du skye ba dang / 'dod pa'i khams dang bsam gtan dang por skyes pa de dag de nas shi 'phos nas de dag nyid du skye ba'o/ /gang mig gi rnam par shes pa'i khams dang ldan pa de gzugs kyi khams dang yang yin nam zhe na/ 'dir yang tshig snga ma dang sbyor ba ste/ gang mig gi rnam par shes pa'i khams dang ldan pa de gzugs kyi khams dang yang yin te/ 'dod pa'i khams dang bsam gtan dang por skyes pa dang / bsam gtan gnyis pa la sogs par skyes pa mig gi rnam par shes pa mngon du byed pa na'o/ /gzugs kyi khams kho na dang yin gyi rnam par shes pa'i khams dang ma yin pa yang yod de/ bsam gtan gnyis pa la sogs par mig gi rnam par shes pa mngon du mi byed pa na'o/ /dmus long 'dod pa'i khams su skye ba na/ de'i sa pa las gzhan pa'i srid pa'i mig gi rnam par shes pa'i khams 'thob po/ /de ltar srid pa 'chol ba yongs su spang ba'am/ rnam par smin pa la sogs pa'i dbang gis srid pa rnam par gzhag par bya'o zhes so/ /A k+She pa pa da 'di la yang dgongs pa mi shes te/ gal te dmus long skye ba las sngar gzhan du med de khyad par las byung ba'i don med do/ /skye ba na mig gi rnam par shes pa 'thob pa ma yin te sngon nyid du ldan pa'i phyir ro/ /sred pa'i dbang gis srid pa rnam par gzhag pa dang / rnam par smin pa'i dbang gis skye ba rnam par gzhag pa 'di la mi 'thad pa ci zhig yod/ nang gi bcu gnyis zhes bya ba la/ 'di ci zhig tu gzung bar bya zhe na/ gnyi ga ltar yang nges par gzung bar bya ste/ 'dis gzhan dag phyi'i zhes bya ba bshad par 'gyur ro/ /grangs tsam zhig bstan pas khyad par rtogs par mi 'gyur bas de'i phyir bcu gnyis gang dag ce na zhes dris so/ /de dmigs kyis dgar ba'i phyir/ gzugs la sogs ma gtogs zhes bya ba gsungs so/ /bdag gi dbang du byas pas na nang gi ste/ nang gi nyid ni nang gi'o/ /bdag med na ji ltar nang gi'am phyir 'gyur te/ tshul khrims med par ni lhag pa'i tshul khrims kyi lhag par mi 'gyur ba bzhin no zhe na/ sems ni ngar 'dzin pa'i rten yin pa'i phyir zhes rgya cher 'byung ste/ bdag tu smra ba rnams kyi ngar 'dzin pa'i rten la bdag ces brjod de/ 'di ltar bdag gi yon tan nyid dam/ bdag gi yul can nyid du rtog pas kyang 'dzin pa 'jug go/ /ngar 'dzin pa yang sems la brten te de las ma gtogs pa'i bdag med pa'i phyir ro/ /'di la bdag tu nga rgyal bzhag pas na sems kho na bdag yin la/ sems las byung ba rnams dang sems la brten pa'i phyir sems kho na la bdag tu nye bar 'dogs so/ /'dir sems la bdag tu 'dogs so zhes bya ba 'di yang ji ltar rtogs she na de'i phyir/ mkhas pas bdag nyid dul bas ni/ /zhes rgya cher 'byung ngo / / 'di yang lung gzhan la bltos te don de nyid kyi shes byed yin gyi/ yan gar ba ni ma yin no zhes bstan pa'i phyir bcom ldan 'das kyis gzhan las zhes rgya cher gsungs te/ 'di las ni/ sems dul bas ni bde ba 'dren/ /zhes sems dul ba gsungs so/ /de'i phyir 'dir bdag gi sgra sems kho na la mngon par bzhed do zhes bya bar shes par bya'o/ /bdag nyid legs par dul ba yi/ /mkhas pas mtho ris thob par 'gyur/ /zhes so/ /rten gyi dngos por nye bar gyur pa'i phyir na zhes bya ba la/ mig la sogs pa rnams la gang zhig gzugs la sogs pa dag yod pa ma yin pas/ sems yul na mi gnas pa'i rten gyi dngos po gang zhig yod ce na/ khyad par gang zhig yod na sems de dag 'gyur ba'i rjes su byed par 'gyur la/ de dag 'gyur ba'i rjes su byed pa las kyang rnam par shes pa de yul na mi gnas kyang mig la sogs pa dag kho na la mngon gyi/ gzugs la sogs pa dag la ni ma yin te/ 'di ltar tshor ba bde ba dang sdug bsngal dang mtshungs par ldan pa de ni lus kyi yul la yongs su gcod kyi/ gzugs la sogs pa'i yul gyi phyogs la ni ma yin no/ / de'i phyir khyad par 'di las mig la sogs pa dang gzugs la sogs pa rnams rnam par shes pa bskyed pa'i rgyur khyad par med kyang rten nyid dang yul nyid du 'grub pa yin te/ de'i phyir nang gi dang phyi'i nyid kyang yin pa'o/ /'di la skyed pa dang gnas pa gcig dang 'gog pa 'bras bu gcig la sogs pa rnams la sems dang sems las byung ba rnams la rgyu ci zhe na/ gnas brtan 'dus bzang ni/ sems la nang dang sems las byung ba rnams la phyi zhes zer ro/ /gzugs la sogs pa yul gyi ngo bo yin pa'i phyir ring ba nyid phyi'i rgyu dang / mig la sogs pa sems dang sems las byung ba'i rten gyi ngo bo yin pa'i phyir nye ba nyid dang nang nyid du bshad pa ma yin nam zhe na/ de ltar bshad pa'i rgyud du yongs su dri ba ni/ gzhung kha bskang ba 'ba' zhig tu mngon te/ gang bshad pa sems las byung ba rnams kho na su ta re/ nang nyid dang sems kyi rten nyid du nye bar gyur pa'i phyir ro zhes bya ba 'di yang ma 'brel ba lta bur mngon no/ /gang gi phyir phan 'dogs pa nye ba dang ring ba nyid kyis nang dang phyi rol du 'dod na/ mig la sogs pa thun mong ma yin pa'i rten gyi dngos pos phan 'dogs pa nyid kyis nye ba dang nang zhes brjod par bya zhing / gzugs la sogs pa rnams ni yul gyi ngo bos phan 'dogs pa nyid kyi ring ba dang phyi rol te de ltar rgya cher rnam par bshad do/ /gang yang sems gang ci yang rung ba ngar 'dzin pa'i rten yin pa'i phyir thams cad nang yin no zhes pa ni/ ngar 'dzin pa'i rten yin pa'i phyir sems su gdags par mi rung ste/ bdag gi yul ni ngar 'dzin pa'o zhes bdag tu smra ba rnams la rab tu grags pas de nyid kyi phyir de ltar bshad do/ /bdag gi dngos po yang bdag tu 'dzin pa'i rten yin pa'i phyir sems la bdag tu nye bar btags te/ de'i phyir nang dang phyi rol tu rnam par gzhag go/ /gang yang 'dod chags la sogs pa'i rten yin pa'i phyir thams cad nyon mongs pa dang mtshungs par ldan pa'i khyad par gyi rgyu med pas ngar 'dzin pa'i rten yin pa'i phyir sems la bdag ces btags pas bdag tu ni mi 'gyur te de'i rang bzhin gzhan yin pa'i phyir ro/ /gzhan la yang bdag tu 'dzin pa la 'gal ba med do/ /pad+ma can bzhin 'dod chags la sogs pa'i rten yin pa'i phyir de'i sems nyon mongs pa can kho nar 'gyur ba no pa tsaR+Ya [(]nye bar mi srid do//[) ]te/ de ltar yul la rnam par gzhag go/ /sa [(]de nyid [)]e pA [(]smras [)]ha sa [(]rtag tu [)]ta ta ma bdag de yang ngar 'dzin pa'i rten yin pa'i phyir sems ni rtag tu yul la na ta ti 'di 'ga' zhig gi tshe yul med par 'gyur ro zhes bya ba de lta bu ni ma yin te sems las byung ba rnams la yang thal bar 'gyur ro zhe na/ yid sngon du 'gro ba'i phyir dang / gcig pur spyod par gsungs pa'i phyir thal ba med do/ /de la brten pa kho na yul du 'gyur ba'i phyir sems las byung ba rnams kyang sems dul bas dul bar bstan pa lta bu'o/ /nges par bstan pa 'di rnams ni sems gtso bo ste pra ti rU pa kA [(]rgya dpe na ti med/[) ]ni sems las byung ba rnams yul rnams la pa [(]rtag tu [)]ta ta ma [(]gnas pa [)]pra ti She d+ha kA [(]rnam shes [)]ni bstan du bstan pa'i rgyu mtshan gtso bo ma yin no/ /'o na ci zhe na/ sa [(]rtag tu [)]ta ta ma ta na [(]'dod pa'am bzhed pa/[) ]tsAr+yaM [(]spyod pa min [)]ba lang gi sgra bzhin chags te/ gang gi phyir gzhan la sgra'i rgyu mtshan yod kyang mi 'jug pa de'i phyir sems sems las byung ba rnams la thal ba 'dir yang ni bAr+YaHgang yang sems las byung ba rnams kyang bdag dang 'jig tshogs la lta ba ci yis she na/ de ltar yang nye bar len pa'i phung po'i yul yin pa'i phyir ro/ /'dir rten dang dmigs pa'i ngo bos ngar 'dzin pa'i rten nyid sems la 'dod kyi dmigs pa'i ngo bo kho nas ma yin pa sems las byung ba rnams la ngar 'dzin pa'i rten nyid med do/ /gal te nang gi mig la sogs pa dag rnam par shes pa'i rten gyi dngos po yin na/ de lta 'o na rnam par shes pa'i khams drug po dag ces bya ba rgyas par 'byung ngo / /de dag yid kyi khams nyid du ma gyur pa zhes bya ba ni drug po 'das ma thag pa'i gnas skabs ma thob pa'o/ /da ltar byung ba'am ma 'ongs pa ni sems kyi rten ma yin te/ mtshungs pa de ma thag pa 'das pa'i gnas skabs ni mig la sogs pa'i rnam par shes pa'i khams nyid du rnam par gzhag pa ma yin no/ /drug po 'das ma thag pa yi/ /rnam shes gang yin de yid do/ /zhes de'i tshe yid kyi khams nyid du rnam par gzhag pa'i phyir ro/ /gang gi tshe yin pa de'i tshe na yang zhes bya ba la 'das pa'am da ltar byung ba yin yang rung ste/ mig gi rnam par shes pa'i khams la sogs pa de dag ste yid kyi khams ni ma yin no/ /rnam par shes pa 'das pa la ni sngar ma byung ba'i yid kyi khams nyid du 'gyur ba'am/ mig la sogs pa'i rnam par shes pa'i khams nyid sngar yod pa'am ldog pa med de/ rnam par shes pa nyid rnam par shes pa gzhan gyi rten gyi dngos pos yid kyi khams su 'jog pa'i phyir ro/ /de'i phyir yid kyi khams kyi mtshan nyid las mi 'da'o/ /de lta ma yin na zhes gsungs pa la/ gal te rnam par shes pa da ltar byung ba dang ma 'ongs pa yid kyi khams su mi 'gyur na ni 'das pa yang yid kyi khams dang mig la sogs pa'i shes par mi 'gyur ro/ /de lta yin na yid kyi khams 'das pa kho na yin par 'gyur gyi zhes bya ba rgyas par 'byung ngo / /gal te yid kyi khams 'das pa kho na yin par gyur na cir 'gyur zhe na/ de'i phyir khams bco brgyad po dag ni zhes rgya cher gsungs so/ /yang ci'i phyir de ltar 'dod ce na/ de'i phyir gal te yang rnam par shes pa ma 'ongs pa dang zhes bya ba la sogs pa gsungs te/ de nyid la rgyu bshad pa ni mtshan nyid ni dus rnams su 'khrul pa med do zhes bya ba ste/ 'khrul pa rnams ni ma 'ongs pa gzhan dag yin pa da ltar byung ba gzhan dag yin la 'das pa gzhan yin pa ste/ thams cad 'bad pa don med par 'gyur ro/ /dngos po dang dngos po med pa dag la yang so d+hA khya ni ru pA khya twe nA nA [× (]de dus bshad pa nye bar bshad pa med pa nyid kyi [×]/[) ]mtshan nyid mi mthun pa'i phyir phan tshun 'jug pa yang mi rigs te/ de'i rnam par shes pa rnams rnam par shes pa gzhan gyi rten gyi dngos po rang bzhin du dus thams cad du yod pas de ni 'das pa rnams la 'khrul pa med do zhes bshad do/ /drug po 'das ma thag pa yi/ /rnam shes dang yin de yid do/ /zhes so/ /chos zhes bya ba ni brten pa dang bcas pa zhes bya ba la/ rten dang bcas pa kho na'o zhes nges par gzung ba ste lhag ma ni/ de dang mtshungs pa dag kyang yin/ /zhes gsungs pa'i phyir ro/ /'di ni rten dang bcas pa'i yul gyi mtshan nyid de/ yul gang zhig rnam par shes pa gang gi yul du nges la/ de lta yin dang ji ltar yid kyi rnam par shes pa ni chos kyi khams thun mong ma yin pa'i yul du nges pa nyid kyi phyir/ gal te de la rnam par shes pa de skyes pa zhes bya ba rgya cher 'byung ngo / /skye ba'i chos can zhes bya ba ni mi skye ba'i chos can las khyad par du byed pa'o/ /de ltar na de ni yul gzung ba 'dzin par 'gyur bas rten pa dang bcas pa zhes bya'o/ /gang la yid kyi rnam par shes pa zhes bya ba la sogs pa la/ yid ni shes bya ma lus pa'i yul can yin pa'i phyir/ gang la yid kyi rnam par shes pa mtha' yas pa ma skyes pa'am skye bar mi 'gyur ba'i chos kyi khams dus gsum pa'am dus med pa gang yin pa de ni 'ga' yang med do/ /mtha' yas pa zhes bya ba ni yongs su bgrang du med pa'i phyir ro/ /rang gi bdag nyid la byed pa 'gal ba'i phyir dang / dmigs pa mtshungs pa'i phyir dang / shin tu nye ba'i phyir rang gi ngo bo dang lhan cig 'byung ba la dmigs pa ma yin no/ /lhan cig 'byung ba smos pas mtshungs par ldan pa yang gzung ngo / /'o na khams bcos rgyad pa thams cad bdag med pa'i shes pa'i yul yin pa'i phyir/ chos kyi khams bzhin du rten pa dang bcas par 'gyur ro zhe na mi 'gyur te/ de dag ni rang gi byed pa la bltos nas rten pa dang bcas pa dang / de dang mtshungs pa nyid du rnam par 'jog pa'i phyir ro/ /rang gi yul gyi byed pas zhes yul smos pa ni skal ba mnyam pa'i rgyu'i rten la sogs pa'i dngos po'i byed pa gzhan bzlog pa'i don to/ /gzugs rnams ma mthong bar 'gag pa dang zhes bya ba la/ mig da ltar ba ni 'gag pa la mngon du phyogs pa'i phyir 'gag pa zhes bya ste/ mi rtag pa nyid kyi byed pa gnas pa'i phyir ro/ /ma 'ongs pa ni skye ba'i chos can yin pa'i phyir 'gag par 'gyur ba zhes bya ste/ de ni gdon mi za bar ji ltar skye ba de bzhin du 'gag par 'gyur ba yin no/ /rnam par shes pa dang ldan pa dang ldan pa ma yin pa zhes bya ba ni/ ji ltar mig da ltar ba 'ga' zhig ni rnam par shes pa dang ldan pa yin la/ 'ga' zhig ni mi ldan pa yin pa de bzhin du mi skye ba'i chos can yang yin no/ /yid ni mi skye ba'i chos can kho na de dang 'dra ba yin te/ skyes pa gdon mi za bar dmigs pa 'dzin pa yin no/ /'di ltar dmigs pa med pa'i shes pa skye ba ni yod pa ma yin no/ /rang gi dbang po'i byed pas zhes bya ba la/ dbang po'i byed pa smos pa skal ba mnyam pa'i rgyu la sogs pa'i byed pa bsal bar byed pa'i phyir ro/ /dri la sogs pa ni gang dag gcig gis zhes bya ba la/ res 'ga' zhig rkyen nye na de dag nyid gzhan gyi sna la sogs pa'i yul du skyes nas de dag gi rnam par shes pa skyed par 'gyur ro/ /gal te chos kyi khams kyang thun mong yin pa'i phyir gzugs la sogs pa bzhin du rgyud du ma'i dbang gis rten pa dang bcas pa dang de dang mtshungs pa nyid du ci'i phyir rnam par mi 'jog ce na/ gzugs ni da ltar byung ba kho na mthong gi 'das pa dang ma 'ongs pa dang mi skye ba'i chos can ni ma yin te/ reg bya'i bar du yang de dang 'dra ste/ da ltar byung ba'i reg bya kho na la reg gi 'das pa dang ma 'ongs pa dang ni skye ba'i chos can la ni ma yin no zhes so/ /de'i phyir gzugs rnams kyi rten pa dang bcas pa dang de dang mtshungs pa'i ngo bo rgyud kyi dbang gi bya ba byed pa las rnam par gzhag pa'o/ /chos zhes bya ba rnams la ni rnam par rtog pa de lta bu yod pa ma yin te/ de ni dus gsum dang dus su ma gtogs pa la yang yul yin pa'i phyir ro/ /rgyud kyi dbang gis ma yin par ci'i phyir rnam par 'jog par mi nus she na/ kartuM ko [(]rgya dpe gcig na bak+tuM zer/[) ]'di dag ji ltar brten pa dang bcas pa zhes shes par mi 'gyur ro/ /de'i phyir brten pa dang bcas pa zhes bya ba'i don ci zhe na zhes gsungs te/ rten par byed pas na brten pa'o/ /de 'di la yod pas brten pa dang bcas pa'o/ / de yang dbang po dang yul dang rnam par shes pa rnams phan tshun rten par byed pa gang yin pa ste/ rten dang brten pa dang yul dang yul can gyi dngos por phan tshun rjes su mthun pa nyid ces bya ba'i tha tshig go/ /yang byed pa la rten par byed pas brten pa ste/ gang zhig gang gi byed pa yin pa de de dang rjes su mthun pa nyid kyis rten pa'o/ /dper na mig gi dbang po'i byed pa lta ba yin pa dang / rnam par shes pa'i rnam par shes pa dang / gzugs kyi de dag gi yul gyi dngos por gnas par byed pa lta bu ste de bzhin du gzhan yang brjod par bya'o/ /'di ni sngar rang gi las byed pa brten pa dang bcas pa'o zhes bshad do/ /yang na 'bras bu reg pa mtshungs pa'i phyir te brten pa mtshungs pa yin no zhes bya bar sbyar ro/ /'di ltar reg pa'i ni yul dang dbang po dang rnam par shes pa rten par byed pas brten pa ste/ de la rag las pa'i phyir ro/ /de'i phyir brten pa mtshungs pas rten mtshungs te reg pa mtshungs pa zhes bya ba'i tha tshig go/ /de dag gi reg pa ni sems las byung ba'i chos 'bras bu mtshungs pa des na rgyu'i dngos por mtshungs pa'i phyir te 'dra ba'i phyir ro zhes bya ba'i don to/ / gang dag brten pa dang bcas pa ma yin pa zhes bya ba la/ de dag ni brten pa dang bcas pa de dag dang rigs mthun pas mtshungs pa'i phyir de dang mtshungs pa ste de dang 'dra ba zhes bya ba'i tha tshig go/ /de dag gnyi ga yang lta ba dang skye mched gcig dang khams gcig yin na'o/ / yang phan tshun rgyu yin pa'i phyir rigs 'dra ba ste phan tshun 'brel ba'i phyir dang / phan tshun 'dren par bya ba'i phyir dang / mthong bas spang bar bya ba'i khams rnams ni du zhes rgya cher 'byung ba la/ de la gang dag mthong ba'i lam gyis spong bar 'gyur ba de dag ni mthong bas spong bar bya ba ste/ rnam pa dgu car yang lam rnam pa gcig gis spong ba gang yin pa de dag ni mthong bas spong bar bya ba rnams so/ /rnam pa dgu lam rnam pa dgu nyid kyis spong ba gang yin pa de ni bsgom pas spang bar bya ba rnams so/ /gzugs can smos pa ni gzugs can ma yin pa rnam par gcad par bya ba'i phyir ro/ /bcu zhes bya ba ni chos kyi khams gsal bar bya ba'i phyir ro/ /lnga yang zhes bya ba ni yid kyi rnam par shes pa'i khams ma gtogs pa mig la sogs pa rnam par shes pa'i khams dag go/ /tha ma ni rnam gsum zhes bya ba de nyid kyi phyir bsgom pas spang bar bya ba kho na'o zhes nges par gzung ste/ bden pa dag la log par rtogs pa med pa'i phyir ro/ /zag pa dang bcas pa'i phyir dang / dmigs pa med pa'i phyir dang / kha phyi rol tu bltas pa'i phyir gzhan rnams la yang rtogs par bya'o/ /yang gi sgra ni bsdu ba'i don to/ /'don pa'i go rims mtha' na yod pa'i phyir tha ma'o/ /phra rgyas brgyad cu rtsa brgyad ni khams gsum gyi bden pa mthong bas spang bar bya ba dag go/ /de dag dang lhan cig 'byung ba smos pa ni de dag dang mtshungs par ldan pa sems dang sems las byung ba rnams dang / de dag gi mtshan nyid dang / phra rgyas rnams kyi mthun pa'i mtshan nyid rnams gzung ngo / /de'i thob pa rnams ni ma yin no/ /de'i phyir thob pa rnams ni sngar skyes pa dang phyis skye ba yang yod pas de dag so so smos pas de'i thob pa rnams kyang 'khor dang bcas pa ste/ rjes su 'brang ba rjes kyi thob pa dang thob pa'i mtshan nyid rnams so/ /de la phra rgyas brgyad cu rtsa brgyad dang mtshungs par ldan pa'i rnam par shes pa ni yid kyi khams dang yid kyi rnam par shes pa'i khams so/ /lhag ma mtshungs par ldan pa phra rgyas dag dang lhan cig pa rnams dang ldan pa ma yin pa rnams ni chos kyi khams so/ /ha cang thal bar 'gyur ba yod pas zag pa med pa rnams las khyad par du bya ba'i phyir zag pa smos so/ /kha cig na re gang gi phyir so so'i skye bo nyid dang ngan song ba'i lus dang ngag gi las kyang 'phags pa'i lam dang 'gal ba'i phyir 'jig tshogs dang mthar 'dzin par lta ba la sogs pa ltar mthong bas spang bar bya ba yin te/ 'di ltar lam gyi skad cig dang po skyes pa na so so'i skye bo nyid dang mi ldan pa 'thob pa dang / rgyun du zhugs pa log par mi ltung ba chos can no zhes kyang bshad na/ ngan song ba'i lus dang ngag gi las ma spangs par ni ngan song zad par yang mi rigs so/ /bdag gi dmyal ba zad do zhes rgya cher gsungs shing zad pa dang spangs pa las bdag gi skye ba zad do zhes dgra bcom pa nyid brda sprod pas de'i phyir phra rgyas brgyad cu rtsa brgyad dang / de dang lhan cig 'byung ba dang zhes bya ba la sogs pa ni shin tu nyung bar brjod pa yin no zhes zer ro/ /'di la lan brjod par bya ste/ so so'i skye bo nyid dang / ngan song ba'i lus dang ngag gi las de dag ni mthong bas spang bar bya ba ma yin te/ de ci'i phyir zhe na/ de'i phyir/ mdor bsdu ba ni 'di yin no/ /zhes gsungs te/ nyon mongs can min mthong spang min/ /zhes bya ba 'dis so so'i skye bo nyid spang bar bya ba ma yin no zhes ston to/ /gzugs min zhes bya ba 'dis ni nyon mongs pa can yin yang ngan song ba'i lus dang ngag gi las mthong bas spang bar bya ba ma yin no zhes ston to/ /drug pa min skyes min zhes bya ba 'dis ni nyon mongs pa can yin yang mthong bas spang bar bya ba ma yin no zhes ston par byed do/ /gal te bcu ni bsgom pas spang bya yin/ lnga yang zhes bshad na yang ci'i phyir/ gzugs min drug pa min skyes min/ /zhes brjod ce na/ nges par bya ba'i phyir ro/ /tha ma gsum ni rnam gsum mo/ /zhes bshad pa der nyon mongs pa can ma yin pa ni mthong bas spang bar bya ba ma yin la/ nyon mongs pa can yang rnam par rig byed ma yin pa'i gzugs mthong bas spang bar bya ba ma yin zhing / nyon mongs pa can yin yang tshor ba la sogs pa drug pa las skyes pa ma yin pas mthong bas spang bar bya ba ma yin no zhes nges par byed pa ma yin te/ nyon mongs pa can ma yin pa ni mthong bas spang bar bya ba cung zad kyang med la gzugs kyang ma yin te mig la sogs pa bzhin zhes rjes su 'gro ba ston par byed do/ /nyon mongs pa can ma yin pa dang lung ma bstan pa yang ngo / /so so'i skye bo nyid ni ma bsgribs la lung du ma bstan pa'o zhes bya ba'i tha tshig go/ /'dis phyogs chos dang gtan tshigs ston par byed do/ /mi dge ba'i chos thams cad kyi gnas su gyur pa de nyon mongs pa can ma yin pa mi rigs so/ /de ltar log par rtog pa la de rab tu bsgrub par bya ba'i phyir/ dge ba'i rtsa ba kun tu chad pa dang zhes rgya cher gsungs so/ /gal te de dge ba yin par gyur na ni dge ba'i rtsa ba chad pa rnams so so'i skye bo ma yin par 'gyur te/ dge ba yin pa'i phyir dang de yang chad pa'i phyir ro/ /de ni 'dod pa yang ma yin te de'i phyir dge ba yang ma yin no/ /mi dge ba yang ma yin te 'dod chags dang bral ba rnams kyang de dang ldan pa'i phyir ro/ /gzhan du so so skye bo ni 'dod pa'i 'dod chags bral ba'i so so skye bor 'gyur ro/ /skye ba dang rten dang 'brel ba'i phyir de dang ldan par 'gyur zhing gzhan du skye ba ni khams dang sa gzhan dang ldan par 'gyur te/ de'i phyir nyon mongs pa can yang mi rigs so/ /lus dang ngag gi las ni gzugs yin na/ gzugs ni nyon mongs pa can nam nyon mongs pa can ma yin yang rung ste/ mthong bas spang bar bya ba cung zad med do/ /ci'i phyir zhe na/ bden pa rnams la log par rtog pa'i phyir dang / rtsa ba'i chos nyid du yod pa la mi dmigs pa'i phyir rgyu khyad par med pa'o/ /mthong bas spang bar bya ba rnams ni skye ba la sogs pa rnams kyis mtha' du mar 'gyur ro/ /sdug bsngal la chos shes pa'i bzod pa ni so so skye bo nyid du thal bar 'gyur ba'i yang phyir ro zhes bya ba la/ gal te sdug bsngal la chos shes pa'i bzod pas de spong na ni bzod pa skye ba na yang de la spang bar bya ba rnams dang ldan pa'i phyir 'phags pa yang so so skye bor 'gyur ro/ /slob dpon 'dus bzang na re/ de lta na so so skye bo nyid gang zhe na/ 'phags pa'i chos ma thob pa'o zhes bya ba'i bstan bcos dang 'gal lo zhes zer ro/ /de la dmigs pa'i nyon mongs pa spong ba las de spong gi gzugs ni mthong bas spang bar bya ba ma yin no/ /nyon mongs pa can ma yin pa'i dngos po'i rnam pa ni 'ching ba'i gtso bo ma yin yang 'jug par gang brjod pa ni rang bzhin gyis spong ba'i yul dang 'brel bar yang gang bshad pa dmigs pas spang ba'o/ /chos mngon pa pa rnams kyis de la gang zhig gnyen po skyes pa dang spang ba thob pa de'i rang bzhin spangs pa ste/ dper na kun tu sbyor ba 'bras bu gcig pa rnams kyi spang ba gang yin pa gzhi gang dang mi ldan pa'o/ /thob pa las thams cad du de la dmigs pa'i zag pa thams cad spangs pa ma yin nam zhe na/ mthong bas spang bar bya ba dang bsgom pas spang bar bya ba'i kun tu sbyor ba dang de dang mtshungs par ldan pa'i nyon mongs pa rnams rim gyis spong bar byed pa na bral ba'i thob pa rnams so so ba dag skye bas de dag spong bar byed ces bya'o/ /gzugs la ni de'i rjes su 'gro ba dang rigs rnams dang gzhan yang nyon mongs pa can ma yin pa rnams la de ltar bral ba'i thob pa skye ba ma yin no/ /de'i phyir de dag la ji lta bar bar chad med pa'i lam gyis spang bar bya ba nyid du rigs so/ /mthong ba'i lam gyis ni sa 'ga' zhig dang chags pa dang bral bar byed pa ma yin pas ci ltar na gzugs de spang bya yin par 'gyur/ ngan song ba'i chos rnams ni bden pa mthong ba rnams la rkyen ma tshang bas mi skye ste/ de'i yul nyon mongs pa rnams spangs pa las te/ de dag spang ba zhes bya ba spong ba gzhan du skyed par byed pa 'dod chags la sogs pa rnams yin no/ /ci'i phyir lta ba la sogs pa rnams bzhin du mthong bas spang bar bya ba nyid du mi brjod ce na de ltar nges par brjod par bya'o/ /bden pa rnams la log par mi rtog pa'i phyir zhes pa 'di nyid rgyu la dmigs pa'i dbang gis so/ /gang gi phyir 'dod chags la sogs pa spong ba'i gnas skabs su gal te de la dmigs pa'i nyon mongs pa spang ba'i phyir so so'i skye bo nyid spong bar byed de 'phags pa'i gang zag lnga po rnams ji ltar so so skye bo nyid du thal bar mi 'gyur/ sdug bsngal la chos shes pa'i bzod pa'i dus su de'i thob pa rnam par nyams pa'i phyir dang mthong ba'i lam las dus phyis bsgom pas spang bar bya ba de la ma skyes pas 'phags pa'i lam so so skye bo nyid du thal bar 'gyur ro/ /gang gi phyir sngar des byas pa'i spangs pa ma yin pa zhes bya ba phyis spong bar byed do/ /yang rnam par nyams pa dang spangs pa dag la khyad par ci zhe na yod de/ gang gi phyir rnam par nyams pa ni dmigs pa las nyon mongs pa skye ba srid kyi spang ba ni dmigs pa las ma yin pa'o/ /gal te de lta na 'o na/ dad pa'i rnam pa spangs kyang de'i/ /yul can dri ma rnams kyi ldan/ /zhes ci ste brjod ce na/ tshul de ni nyon mongs pa can yin la/ so so'i skye bo nyid ni nyon mongs pa can ma yin pa'i lung du ma bstan pa yin pas 'gal ba med do/ /lta ba ni spang bya nyon mongs pa can ma yin zhes bya ba la sogs pa 'dod par grags pa'i dbang du byas nas bshad pa de'i phyir rnam par dpyad par bya ste/ ji ltar so so skye bo nyid yin pa'i phyir zhes bya ba sa mthong bas spang bar bya ba zhes bya ba'i tshig gis 'phangs pa bden pa rnams la log par mi bsgrub pa'i phyir nyon mongs pa can ma yin pa'o/ /de la dmigs pa'i nyon mongs pa spangs pa yang spang ba'i phyir zhes rgyu gsungs pa 'di la rnam par dpyad pa ni/ zag pa med pa'i skad cig dang po la so so skye bo nyid du thal bar 'gyur ba'i phyir ro zhes bya ba lugs ngan pa ste/ de ltar gyur pa'i tshig gis 'phangs pa'i dgongs pa ci zhe na/ skye bar byed pa na de ma spangs pa'i phyir zag pa med pa skad cig dang po na so so skye bo nyid du thal bar mi 'gyur zhes pa'o/ /'di yang lugs ngan pa ste rang gi lugs dang gzhan gyi lugs dag ni skye ba dang gnas pa dang 'gag pa'i gnas skabs rnams su lam la khyad par med pa'i phyir ro/ /bye brag tu smra ba rnams ni spang bya'i dbye ba las 'dod de spangs pa'i thob pa phra rgyas kyi thob pa dang 'gal ba kun tu 'dzin pa dang lam gyi spangs pa'i bral ba thob pa 'dren par byed cing 'gag bzhin pa'i lam gyis de'i sgrib pa spong bar byed do/ /'di la ni gzhan du yang rnam par dpyad pa nyid do/ /gtam rnam par 'phros pa zhar las byung bas chog go/ /slob dpon 'dus bzang na re/ mig gi skye mched la sogs pa la yang tshor ba la sogs pa mthong bas spang bar bya ste/ gzugs la sogs pa'i yul la mig gi rnam par shes pa la sogs pa bzhin kha phyi rol tu bltas pas 'jug pa'i phyir ro zhes zer ro/ /'di las yang kha phyi rol tu bltas pas 'jug pa rgyu cis mthong bas sngang bar bya ba ma yin/ de nyid la gtan tshigs brjod par bya dgos te bden pa rnams la log par mi rtog pa'i phyir de las kha phyi rol tu bltas pa'i rgyu yin no/ /mig dang chos kyi khams phyogs ni lta ba yin zhes 'byung ste/ de la chos thams cad kyi nang nas lta ba'i rang bzhin ni chos gnyis yin te gzugs can rnams las ni mig gi dbang po'o/ /gzugs can ma yin pa rnams ni shes bya la rtog pa rgyu ba gsal ba can gyi shes rab kha nang du bltas par zhugs pa'o/ /de la re zhig mig gi mtshan nyid ni de la lta ba yang dag par sgrub par byed cing kun tu lta ba'i phyir dang / long ba dang 'gal ba'i phyir dang gsal bar lta ba'i phyir ro/ /de la 'jig tshogs la lta ba la sogs pa rnams ni 'dod chags la sogs pa bzhin du phra rgyas kyi rang bzhin yin pa'i phyir phra rgyas bstan pa'i skabs su bab par 'gyur bas 'dir ma brjod cing / lhag ma lta ba bzhi po dag gis rang gi ngo bo ni gzhan du ston pa'i skabs med pas 'di nyid du de dag gi ngo bo bstan to/ /mig la sogs pa'i rnam par shes pa dang mtshungs par ldan pa'i shes rab mi dge ba dang lung du ma bstan pa dang zag pa med pa yod pas de'i phyir yid kyi rnam par shes pa dang mtshungs par ldan pa'i shes rab dge ba zag pa dang bcas pa'o zhes khyad par rnam pa gsum brjod do/ /slob pa'i zag pa med pa'i shes rab ni slob pa'i lta ba ste/ slob pa smos pa ni mi slob pa las khyad par du bya ba'i phyir ro/ /zag pa med pa smos pa ni zag pa dang bcas pa las khyad par du bya ba'i phyir ro/ /mi slob pa'i zag pa med pa'i shes rab ni mi slob pa'i lta ba'o/ /yang dag pa'i lta ba bstan pa nyid kyis 'di dag gsum char yang bstan par 'gyur ba ma yin nam zhe na/ de lta yin mod kyi so so skye bo dang slob pa dang mi slob pa'i sa bstan par bya ba'i phyir dang / skye ba'i rim pa bstan par bya ba'i phyir rnam pa gsum du dbye bar bya'o/ /sprin dang bcas pa dang sprin med pa'i mtshan mo dang nyin mo'i gzugs la lta ba bzhin du zhes rgya cher 'byung ste/ de la snang ba dang bral ba'i phyir dang mun pas zil gyis gnon pa'i phyir mtshan mo sgang gshong spel ma dag la phyin ci log tu lta ba de bzhin du 'jig tshogs la lta ba la sogs pa rnams kyi lta ba'o/ /de nas 'jig rten pa'i yang dag pa'i lta ba ches yongs su dag par 'gyur te/ sprin dang bral ba'i zla ba'i 'od kyis mun pa bcom pa'i mtshan mo gzugs dmigs pa'i phyir ro/ /de nas slob pa'i lta ba ni nyi ma'i dkyil 'khor gyis g.yogs pa'i nyin mo gzugs mthong ba bzhin no/ /mi slob pa'i lta ba ni de bas ches khyad par du 'phags pa ste/ sprin med pa'i nyi ma'i 'od zer gyis mun pa bsal ba'i nyin mo gzugs dmigs pa bzhin no/ /rnal 'byor pa rnams ji lta ji ltar shes rab goms pa'i sgo nas snying gi mun pa spong ba de lta de ltar dmigs pa rnam par dag pa khyad par du 'gyur te/ 'di ltar dmigs pa la rnam par dag pa dang ma dag pa ni cung zad kyang med kyi rnam par dag pas rnam par dag par 'gyur zhes bya ba ni/ blo dri ma can nyid dag par byas pa la nges par gzung bar bya'o/ /bsdus pa'i don ni 'di yin te/ lta ba rnams ni rnam pa lnga ste/ lung du ma bstan pa dang / nyon mongs pa can dang / dge ba'i sems zag pa dang bcas pa dang / slob pa dang mi slob pa'i dbye bas so/ /de la lung du ma bstan pa'i rigs las ni/ mig gi dbang po lta ba yin gyi/ rna ba la sogs pa dang / shes rab ma bsgribs la lung du ma bstan pa thams cad ni ma yin no/ /nyon mongs pa can gyi rigs las ni lta ba lnga po de dag las gzhan pa'i shes rab lta ba ma yin te/ de yang 'dod chags dang / khong khro dang / nga rgyal dang / ma 'dres pa'i ma rig pa dang / the tshom dang lhan cig skyes pa'o/ /slob pa'i rigs las ni lta ba ma yin pa'i shes rab 'ga' yang med do/ /mi slob pa'i rigs la ni zad pa dang mi skye ba shes pa lta ba ma yin no/ /dge ba zag pa dang bcas pa'i rigs las ni/ yid kyi rnam par shes pa dang mtshungs par ldan pa kho na yin no/ / re zhig dge ba zag pa dang bcas pa btags pa 'ga' zhig lta ba ma yin te/ 'ga' zhig rnam par shes pa'i tshogs lngas mngon par bsgrubs pa rnam par rig byed ma yin pa'i kun slong du gyur pa 'chi ba'i mthar gyur pa'i dge ba zag pa dang bcas pa rnams so/ /'on te ci'i phyir 'jig rten pa'i lta ba dge ba zag pa dang bcas pa nyid du khyad par med kyang yid kyi rnam par shes pa dang mtshungs par ldan pa kho na la bya'i rnam par shes pa lnga dang mtshungs par ldan pa ni ma yin zhe na/ rnam shes lnga dang mtshungs skyes blo/ /nges rtog med phyir lta ma yin/ / zhes bya ba 'byung ste/ rtog par byed pa na lta ba yin te/ nges par sems pa la zhugs pa yin pa'i phyir ro/ /nges par rtog pa ni yul nges par sems pa sngon du 'gro ba can nges par 'dren par byed pa can yin na rnam par shes pa lnga dang lhan cig skyes pa'i shes rab ni de lta ma yin te zhes bya ba rgya cher 'byung ngo / /de nyid kyi phyir shes rab nyon mongs pa can zhes bya ba ni/ ji ltar nges par sems pa la 'jug pa'i phyir mig gi rnam par shes pa la sogs pa dang mtshungs par ldan pa'i shes rab rtog par byed pa ma yin zhing lta ba ma yin pa de bzhin du nyon mongs pa can dang nyon mongs pa can ma yin pa'i shes rab gzhan la rtog pa la sems par ma zhugs pa'i phyir rtog par byed pa ma yin pas lta ba ma yin te/ de yang sngar nyid du rgyas par bshad zin to/ /gal te rtog par byed pa yin pa'i phyir shes rab lta ba yin na ni/ 'o na ni mig dang rtog par byed pa nyid med na ji ltar lta ba yin zhe na/ gzugs la lta ba'i don gyis te zhes bya ba la/ mig ni gzugs la lta ba'i don gyis lta ba zhes brjod de/ nges par rtog pa'i don gyis ni ma yin la/ shes rab ni nges par byed pa'i don gyis yin gyi/ lta ba'i don gyis ma yin pas gnyi ga yang lta ba nyid yin par 'gal ba med do/ /gang shes pa dang mthong ba la gang brjod pa de'i don la mngon sum du 'jug pa nyid kyis lta bar byed pa'i don gyis ma yin zhing rtog par byed pas kyang ma yin no/ /gang gi phyir mig gis gzugs rnams mthong zhes bya ba la/ gzugs mthong ba ni gzugs la blta ba yin te/ de'i phyir gzugs la lta ba'i don gyis mig la blta ba zhes bya'o/ /rnam par shes pa gzhan dang ldan pas kyang zhes bya ba ni/ rnam par shes pa gzhan mngon du gyur pas kyang zhes bya ba'i don to/ /de bzhin du rna ba la sogs pa rang gi rnam par shes pa la bltos pa med pa rnams la yang nyan pa la sogs pa khas blangs pa'i phyir dang / yul thams cad cig car dmigs par thal bar 'gyur ro zhe na/ mig thams cad kyi mthong ba ni ma yin pa nyid de/ mig 'ga' zhig kho nas blta bar khas blangs pa'i phyir ro/ /rnam par shes pa dang bcas pa zhes bya ba ni rnam par shes pa gnas pa'o/ /rnam par shes pa rnams ni cig car dbang po rnams la gnas pa yang ma yin pas yul thams cad cig car dmigs par thal bar yang mi 'gyur ro/ /de lta na 'o na ni zhes rgya cher 'byung ba la/ rnam par shes pa kho na lta ba la nus pa dang ldan par snang ba'i phyir rnam par shes pa nyid kyis mthong bar 'gyur ro zhe na/ 'di la slob dpon 'dus bzang na re/ rnam par shes pa'i rten rnam par shes pa dang lhan cig skyes pa'i 'byung ba chen po nye bar bsags pa las mig gis blta bar nus kyi de la brten pa'i rnam par shes pas mthong zhes bya ba ni ma yin te/ gang gi phyir dmigs pa'i rgyu yod na dmigs par 'gyur ba de'i phyir dmigs pa'i rgyu nyid dmigs pa'o zhes bya ba ni rigs par brjod pa'o zhes zer ro/ /'di yang ma grub pa ma yin pa'i phyir rnam par shes pa'i rten bdag gi khyad par las gyur pa ni 'ga' yang ma bshad do/ /mdo las kyang mig dang gzugs la brten nas mig gi rnam par shes pa skye bar gsungs kyi/ rnam par shes pa dang gzugs la brten nas mig skye'o zhes 'ga' yang ma gsungs pas de'i phyir rnam par shes pa mig gi rgyu'o zhes bya ba ni rang gi rnam par rtog pa tsam ste/ gal te rnam par shes pa'i rgyu rgyas pa las byung ba'i khyad par las rten pa dang bcas pa'i mig gis mthong bar 'dod na/ de lta na de dang mtshungs pa'i mig gis kyang mthong bar thal bar 'gyur ro/ /rten pa dang bcas pa'i rgyu nye bar bsags pa'i phyir ches khyad par du 'phags par mthong ba zhes bya ba 'di'i khyad par du 'gyur ro/ /ci ste rten pa dang bcas pa dang de dang mtshungs pa las rnam par shes pas byas pa'i rang bzhin gyi dbye bar 'dod na/ de lta na yang khams dang skye mched rigs pa nyid du 'gal bas ci las nges par bya/ mig la brten pa'i rnam par shes pas mthong ba ma yin zhes bya ba bstan bcos la sogs pa rnam par shes pa'i khyad par las mig gi rnam par shes pa rigs gcig pa la mthong ba dang mthong ba ma yin pa mi rung ngo / /gal te rten gyi khyad par las 'di'i khyad par ro zhe na/ rten gyi khyad par las chos gzhan nyid du 'gyur ba med do/ /'di de lta ma yin na rnam par shes pa'i rigs su khyad par med kyang gang gi phyir swa ga ta khyad par 'di rna ba la sogs pa'i rnam par shes pa'i rten dang dmigs pa rnams las tha dad pa'i dmigs pa dang rten no/ /de nas khyad par las gzhan pa nyid rnam par shes pa rnams la yang 'di nyid mthong ngo zhes ci'i phyir mi 'dod/ ji ltar mig gi rigs su khyad par med pa la blta ba dang mi blta ba nyid yin pa de ltar rnam par shes pa la yang ci'i phyir mi 'dod/ gang gi phyir mig la rgyas pa las byung ba'i khyad par yod do zhe na/ rgyas pa las byung ba'i khyad par med de/ rang bzhin gzhan du 'gyur bar mtshungs so/ /'di'i mthong ba yang ci mig nyid dam 'on te mig ma yin pa 'ga' zhig / gal te mig nyid yin na/ de lta na rten bcas dang de mtshungs kyi dbye ba mi rigs te/ gnyi ga mig nyid yin pa'i phyir lta ba de ci zhig khyad par du byed/ mig ni lta bas khyad par du byed cing lta ba yang mig gis so zhe na/ sngon byed pa'i rnam pa bstan pa'o/ /ci ste mig lta ba yang ci/ /de'i lta ba gzugs la lta ba yin na/ 'di yang mig gi dbye ba mi shes so/ /mig gzhan rnam par shes pa bzhin gzhan ma yin pa'i rang bzhin nyid yod pa ma yin na yang cung zad rjes su lta ba dang / dngos po las gzhan ma yin pa de'i rang bzhin las gzhan pa gang yin pa nyid spang ba med do/ /gal te med na 'di tshig tsam gyis sgrub par ci zhig nus/ gsum nyid khas blangs par gyur pa'i dngos po'i byed pa de'i rang bzhin de la gal te rang bzhin tha dad na/ rang bzhin med pa'i byed pa kho na gzhan nyid nyams so/ /phan tshun tha dad pa'i rang bzhin rnams gzhan nyid du mthong ba med do/ /ci ste dngos po'i byed pa rang bzhin med pa nyid kyang de med par thal ba las gzhan ma yin pa nyid rang bzhin med pa la yod pa'i rjes su 'gro ba cung zad kyang yod pa ma yin pa de'i phyir rnam par shes pa las gzhan pa'i mig dag gis mthong ba mi 'thad do/ /shes rab de yang rnam par shes pa lta bar 'gyur ro/ /gzhan dag gis shes rab la rtog par byed pa'i bdag nyid kyi khyad par yod pas rnam par shes pas kyang da lta ba'i gzugs btags pa'i rnam pa nyid kyi khyad par ci zhig mi 'dzin zhe na/ gang bshad pa/ gal te mig gis mthong ba ma yin pa de med pa'i phyir long ba zhes mi brjod do/ /de ni de lta bu ma yin te gang gi phyir mig gis mthong ba la thun mong ma yin pa'i rgyu de med pa'i phyir 'dis yang mthong bar mi 'gyur bas long ba zhes brjod pa ma yin no/ /mig gi rnam par shes pas mthong na long ba yang ma yin par thal bar 'gyur ro/ /long ba la de skye ba med pa'i phyir ma yin yang 'das pa dang ma 'ongs pa'i mig gi rnam par shes pa'i rdzas yod pa de thob pa'am/ de las 'das pa pa dang ma 'ongs pa'i mig gi rnam par shes pa dang ldan pa'i phyir long ba yang ma yin zhes bya ba 'di la skyon med do zhe na/ gang bshad pa/ mig nyid de dang der mthong ba'i sgra yis bshad pa zhes bya ba de gnod byed ma yin te/ rgyu la 'bras bu btags pa'i phyir ro/ /gang bshad pa/ 'jig rten dang 'gal zhes bya ba la 'di 'jig rten dang 'gal ba ma yin te/ mig gi rnam par shes pa'i thun mong ma yin pa'i rgyu nyid kyis 'jig rten na mig gis mthong ngo zhes bya ba 'thad do/ /gang bshad pa/ gal te rnam par shes pa kho na mthong ba yin na chos gcig dang gnyis kyi bdag nyid du 'gyur bas shes rab la yang 'di nyid thal bar 'gyur te/ mthong ba dang shes rab dag tha mi dad par khas blangs pa'i phyir ro/ /'o na 'dir ci'i don du dbye ba khas len par byed/ de'i phyir gcig dang gnyis kyi bdag nyid thal bar 'gyur ro zhes zer te zhar las byung bas chog go/ /'di ni phyogs tsam zhig yin gyi gzhung mangs pa'i 'jigs pas rnam par dpyad pa rgyas par ni ma byas so/ /dkyus ma nyid brtsam par bya ste/ ci las she na/ gang phyir bar du chod pa yi/ /gzugs ni mthong ba min phyir lo/ /zhes bya ba la/ lo'i sgra ni rgyu 'dis ni rnam par shes pa mthong ba 'gog par nus pa ma yin no zhes mi 'dod par bstan pa'i don du'o/ /gal te rnam par shes pas mthong na rtsig pa la sogs pa dag la thogs pa med pa'i phyir ma chod pa ltar rtsig pas chod pa'i gzugs kyang mthong bar 'gyur na/ chod pa ni mthong ba yang ma yin te/ de'i phyir gang gis na chod pa mi mthong bar 'gyur bar lta ba'i bdag nyid ma yin pas rgyu gzhan yod pa ma yin no/ /de lta na gzugs chod pa mi mthong ba'i phyir rnam par shes pa blta ba'i bdag nyid can ma yin la blta ba'i bdag nyid can ma yin pa'i phyir na chod pa yang mi mthong ngo / /mig ni blta ba'i bdag nyid yin yang bar du chod pa la thogs pas bar du chod pa'i gzugs mi mthong ba dang / thogs pa med pas bar du ma chod par mthong ba 'gal ba med do/ / bsgrib pa la ni mig gi rnam par shes pa mi skye ba nyid de zhes bya ba rgya cher 'byung ste/ lta ba'i bdag nyid ma yin pa'i phyir bsgrib pa mi mthong ba ni ma yin no/ /'o na ci zhe na/ ma skyes pa'i phyir mi mthong ba'i bdag nyid kyi rgyu ni mi mthong ba'i zhes ston par byed do/ /de'i lugs la mig bzhin du thogs pa dang bcas pa nyid kyang nye bar dmigs pa'i nus pa la sgrib pas mi dmigs pa bzhin du de ltar 'gyur ro zhe na 'di ni mtshungs so/ /ci ste mi skye zhes bya ba rgyas par 'byung ste/ rnam par shes pa kho na yul la byed pa yin gyi mig ma yin te/ mig ni rnam par shes pa kho nar byed pa yin la/ rnam par shes pa yang thogs pa med pa yin no/ /de'i phyir yul dang mig yod na rnam par shes pa ci'i phyir mi skye/ /gang gi ltar na mig gis mthong zhing rnam par shes pas shes pa de'i ltar na ni/ rnam par shes pa rten mig dang lhan cig tu yul gcig la 'jug pa'i phyir gzugs gang zhig mig gis mthong ba de nyid rnam par shes pas rnam par shes so/ /de'i phyir rten dang lhan cig yul la 'jug cing mig kyang thogs pa dang bcas pa'i phyir chod pa'i gzugs la 'jug pa med cing mthong ba med de/ de'i phyir rnam par shes pa mi skye ba rung ngo / /gang bshad pa/ skye ba nyid de'i mthong ba dang mthong ba nyid kyis skye ba'o zhes bya ba de nyid kyi phyir bshad pa/ ci ltar skye ba med par gyur pa dang / ci ltar mthong bar 'gyur zhes bya ba ci ltar skye/ ma mthong ba'am ci ltar mthong zhes bya ba dang / bye brag tu smra ba'i skye ba las gzhan pa'i mthong ba zhes bya ba yang ci zhe na/ byed pa'i rigs yin pa'i phyir mthong bar sgrub pa rten pa dang bcas pa'i mig gzhan la gzhan skyed pa mi rung ngo / /'dus ma byas kyang der thal ba'i phyir rgyu dang 'bras bu'i 'brel ba med do/ /thal bar 'gyur ba las kyang byed pa'am 'dus byas nyid gzhan bskyed do zhes bya bar thal ba'am/ der yang de ltar zhes bya ba skabs ma yin no/ /ci ste nyes pa 'dir mi 'gyur te/ de ltar skyed pa dang mi skyed pa gzhan nyid do zhe na/ de lta na 'o na skye ba nyid mthong ba dang mthong ba nyid skye ba'o zhes bya ba bye brag tu smra ba'i phyogs la yang de nyid skyon yin no/ /yang skyed pa'i sgra yis bdag nyid du gyur pa tsam dang / mthong ba'i sgra yis bdag nyid kyi khyad par brjod do zhe na/ sgra dang don dag tha dad pa'i phyir mi skye ba nyid mthong ba dang mi mthong ba nyid skyed pa'o zhes ci'i phyir mi gzung / gang bshad pa/ mching bu dang lhang tsher la sogs pas chod pa la mig gi rnam par shes pa skye ba nyid de la ma bsgribs pa la skye ba zhes ji ltar brjod ce na/ de la yang gzhan gyis bshad pa/ gal te rnam par shes pas mthong ba na bar du chod pa'i gzugs kyang mthong ste/ lta bar mi byed pa de'i phyir mthong ba'i bdag nyid ni mig gi rnam par shes pa'o zhes bya ba 'dir 'di ltar bshad de/ skye ba med pa'i phyir ma mthong ba ni mthong ba'i bdag nyid ma yin pa'i phyir zhes bya ba de ltar bshad do/ /'di ni lan du ma 'brel ba nyid de/ bar du chod pa la yang skye zhes bya'o/ /mig kyang lus kyi dbang po bzhin du zhes rgya cher 'byung ba la/ lus kyi dbang po bzhin du zhes bya ba ni/ thogs pa dang bcas pa'i phyir bar chod kyis bar du bcas pa'i yul dang ma phrad pa'i phyir mi rig go zhes bya bar mi rigs na/ mig gi dbang po ni yid ltar ma phrad pa'i yul can yin pa'i phyir/ bar du gcod pas cung zad kyang byed pa ma yin pas bar du chod pa'i gzugs kyang ci ste mi mthong / slob dpon 'dus bzang na re/ de la gang bshad pa/ thogs pa dang bcas pa nyid kyi phyir chod pa dang sgrib pa med pa zhes brjod par bya ba de mi rigs te/ yul la thogs pa de dang der thogs pa dang bcas pa'i phyir ro/ /chod pa dang sgrib pa med par bshad pa ni/ sgrib pa'i thogs pa med pas so zhes zer ro/ /de lta na yang chod pa smos pa ni bral ba'i don can te/ mig gi rnam par shes pa yang yul la thogs pas thogs pa dang bcas pa zhes bya'o/ /mig ni thogs pa dang bcas pa nyid kyi phyir/ chod pa dang sgrib pa zhes brjod par bya ba ma yin no/ /gang bshad pa/ mig dang yul gang yin pa dang / de la brten pa'i rnam par shes pa yang de nyid dang cig car du yin/ de'i phyir ji ltar yul dang bcas pa mi snang bar byed pas yul gzhan la mig 'jug pa 'gog par byed pa'o/ /de bzhin du de'i rnam par shes pa la yang zhes bya ba de'i don du 'di brjod par bya ste/ rnam par shes pa de la yang 'jug pa'i rten yul gcig la 'jug pa'i phyir zhes bya ba 'di yang ma 'brel lo/ /'o na 'dir chod par byed pa ci zhe na/ gang gi tshe rten yul gcig pa'i phyir ma chod pa'i gzugs gzhan la rnam par shes pa 'jug par mi 'gyur ba nyid do/ /de'i phyir sgrib pa ni thogs pa nyid la 'dir mngon par 'dod de/ yul la thogs zhes shes par bya'o/ / mching bu dang / lhang tsher dang / shel dang chu dag gis zhes bya ba rgyas par 'byung ste/ gal te mig thogs pa dang bcas pa'i phyir lus kyi dbang po bzhin rang gi yul rtsig pa la sogs pas chod pa la mi 'jug na/ mching bu dang lhang tsher la sogs pas chod pa la yang de kho na ltar mi 'jug par 'gyur ba zhig na/ mching bu la sogs pa dag gis bar du chod pa ni mthong ba yin gyi reg pa ni ma yin no/ /de'i phyir thogs pa dang bcas pa nyid rgyu ma yin no/ /'o na ci zhe na/ gang la snang ba la gegs med na zhes bya ba 'byung ste/ mig ni snang ba'i lhan cig byed pa can yin pa'i phyir/ lhang tsher la sogs pa gang la snang ba la gegs med na des gzugs bsgribs bzhin du yang mig gi rnam par shes pa skye ba nyid yin pas des chod pa'i gzugs kyang mthong la/ gang du rtsig pa la sogs pa'i gegs yod na ni/ des chod pa'i gzugs la mig gi rnam par shes pa mi skye ste/ lhan cig byed pa'i rgyu med pa'i phyir ro/ /de bas na mi skye ba'i phyir rtsig pa la sogs pa dag gis bsgribs pa mi mthong ngo / /gal te mig kho na snang ba bzhin du kha cig 'byung ba tshogs pa la thogs pa dang thogs pa med pa'i phyir dang 'ga' zhig thogs pa med pa'i phyir chod pa'i gzugs mthong ba dang mi mthong bar 'gyur ba ma yin nam zhe na/ de ni de lta ma yin te/ mig ni thams cad du gegs med na ma phrad pa'i byed pa can yin pa'i phyir dang / snang ba ni de lta ma yin te phrad pa'i byed pa can yin pa'i phyir/ slob dpon 'dus bzang na re/ rtsig pa la sogs pas chod pa ni snang ba med pa'i phyir mi 'dzin no zhes zer ro/ /de ltar smra ba ni kha cig tu snang ba med kyang 'dzin pa'i phyir ro/ /'o na ci ltar 'ga' zhig tu gzugs tshogs bsgrib pa'i bdag nyid yin pa'i phyir/ mun pa snang ba bzhin du mtshungs so zhe na/ gang gi phyir gzugs kyi skye mched mun pas bsgribs pa mi 'dzin pa yod kyang chod pa 'dzin par bshad pa ni/ de dag bsgribs pas chod pa 'dzin gyi tshogs pa la sogs pas chod pa ni ma yin no/ /rtsig pa la sogs pas chod pa mi 'dzin pa'i rgyu yang ci zhe na/ shel la sogs pa rnams kyis chod pa 'dzin pas dris pa la/ de nyid brjod par mi bya ste/ de la rgyu gzhan med pa'i phyir snang ba'i gegs dang gegs ma yin pa zhes bya ste/ 'dis ni mun pa dang snang ba dag rnam par bshad do/ /mun pa ni snang ba dang 'gal ba ste de med pa'i yul 'dzin pa nyid kyis de dang 'dra ba zhes bya'o/ /de nyid kyi phyir des bsgribs pa mi 'dzin to/ /mtshan mo rgyu ba rnams ni rnam par smin pa nyid kyis de dang 'dra ba ste/ gang zhig mun pas chod pa'i gzugs kyang mthong bar byed do/ /gzhan dag la yang las kyi rnam par smin pa'i dbang gis de dang 'dra ba yod de/ gang gis de'i khong na gnas pa mthong ba lta bu'o/ /mig thams cad thams cad du lhan cig byed pa'i rgyu rkyen ma yin te/ snang ba la 'dod pa ci/ gang dag gis mig gi rnam par shes pa snang ba la ma bltos par skye ba de dag gi ltar na rtsig pa la sogs pas chod pa la ni snang ba'i gegs su gyur pa dang mi skye ba'i phyir mthong ba ma yin no/ /shel la sogs pas chod pa la ni snang ba'i gegs med pa'i phyir skye'o/ /de'i phyir mthong zhes brjod par bya'o/ /'o na gang mdo las zhes bya bas ni lung dang 'gal ba ston par byed do/ /gal te rnam par shes pas mthong na ni 'di skad du/ mig gi rnam par shes pas gzugs rnams mthong nas zhes bya ba de lta bu zhig gsung bar 'gyur ba zhig na/ mig gis gzugs rnams mthong nas mtshan mar 'dzin par mi 'gyur/ mngon rtags su 'dzin par mi 'gyur zhes bya ba de skad du rgya cher gsungs pa yang yin te/ de'i phyir mig kho nas mthong gi rnam par shes pas ni ma yin no zhes bya bar nges so/ /de ni de ltar ma yin te/ mdo ni dgongs pa can yin pa'i phyir ro/ /yang 'dir dgongs pa ni de yin zhe na/ 'dir dgongs pa ni de la brten te zhes bya ba 'di yin te/ yid la brten nas rnam par shes pas gzugs rnams mthong nas zhes bya ba'i don to/ /ji ltar de la brten nas rnam par shes pas zhes bya ba yin gyi mig kho nas ma yin no zhes bya ba 'di ji ltar shes par bya zhe na/ de'i phyir dper na yid kyis chos rnams rnam par shes par byas nas zhes bya ba gsungs te/ mdo de nyid las yid kyis chos rnam par shes par byas nas mtshan mar 'dzin par mi 'gyur na don rtags su 'dzin par mi 'gyur zhes gsungs so/ /yid ni 'das pa yin pa'i phyir zhes bya ba la/ 'das pa ni byed pa zhig pa'i phyir ram brjod du med pa'i phyir yid kyis chos rnams rnam par mi shes so/ /'o na ci zhe na/ da ltar ba yin pa'i phyir yid kyi rnam par shes pa yin te/ de'i phyir de la brten nas zhes bya bar rtogs so/ /yang na brten pa'i las rten la nye bar btags pa yin te zhes bya ba la/ brten pa mig gi rnam par shes pa de'i las gzugs mthong ba de'i rten mig dag la nye bar btags pa yin no/ /mig gis gzugs mthong nas zhes bya ba de nyid la dpe ni/ dper na khri'u dag 'bod do zhes bya ba ste/ brten pa'i las 'bod pa de'i rten la nye bar 'dogs pa bzhin no/ /ji ltar mdo las/ mig gi rnam par shes par bya ba'i zhes bya ba la/ rnam par shes pa ni de'i brten pa rnam par shes pa'i las yin gyi mig gi ma yin te/ de'i phyir brten pa'i las rten la nye bar btags so zhes shes par bya'o/ /yang na gzugs so sor rnam par rig pa'i rten gyi dngos po dang nye ba'i rgyur gyur pa'i phyir mig la brten nas rnam par shes par bya bas na/ mig gi rnam par shes par byas so/ /mdo las bram ze zhes bya ba rgyas par 'byung ste/ gal te mig gis mthong na ci'i phyir bcom ldan 'das kyis sgo nyid du nges par gsungs/ sgo nas ni gzhan gyis mthong ba yin gyi sgos ni ma yin te/ de'i phyir mig gi sgo nas rnam par shes pas mthong ngo zhes bya bar khong du chud do/ /der ni lta ba la sgo zhes bya bar zad do zhes bya ba la/ mdo der ni lta ba gang yin pa de mig gi las yin zhing lta ba de la sgo zhes brjod pa yin te/ de'i phyir mig nyid kyis mthong gi rnam par shes pas ni ma yin no/ /sgo dang lta ba'i sgras don tha mi dad pa nyid yin na ni brjod pa don med pa'i phyir 'dir ni mi rung ngo / /ci zhe na mig gis gzugs rnams mthong bar bya ba la lta ba yin no zhes de skad smra bar 'gyur ba'o/ /gal te gzugs rnams mthong ba la gzugs mthong ba nyid sgor gyur pa yin na/ gzhan mthong ba la sgor gyur pa gang zhe na/ yid ni chos rnams shes par bya ba la sgo yin no zhes bya ba gsungs pa der yang yid 'das pa kho na yid kyi rnam par shes pa'i rten gyi dngos por gyur pas sgo zhes gsungs te/ yid 'das pas chos thams cad rnam par shes pa'i nus pa med pa'i phyir ro/ /de bzhin du 'dir yang gzugs mthong ba'i rten yin pa'i phyir mig la sgo zhes gsungs kyi/ de la mthong ba'i nus pa yod pa ni ma yin te/ bems po yin pa'i phyir ro/ /gnas brtan 'dus bzang na re/ gang gi phyir yid kyi chos rnams rnam par shes so zhes gsungs pa de'i phyir 'dir dgongs pa ni de la brten nas zhes bya ba 'di yin no zhes zer ro/ /de la 'di ni shes byed du mi 'thad do/ / de dag rigs gcig pa'i phyir ro/ /gang gi phyir de'i mtshan nyid las yid kyi rnam par shes pa yang yid nyid kyi phyir ro/ /gal te yid kyi rnam par shes pa zhes brjod pa na/ der ni mtshan nyid du 'gal bar mi 'gyur ro/ /gang gi phyir yid rab tu spang bas smra ba'am/ byed pa 'das pa'i rnam par shes pa las lus dang ngag gi las slong bar byed pa'i nus pa med par brjod cing / da lta ba'i rnam par shes pa la ma yin pas yid nyid rab tu grub po/ /'o na mdo de las rnam par shes pa'i rten du gyur pa nyid mig la sogs par bzhed kyi thams cad ma yin pa ci zhe na/ rten bcas rnams la mthong ba med pa'i phyir ro/ /de'i phyir de la yid kyang rnam par shes pa'i rten du gyur pa las mngon par 'dod kyi thams cad ni ma yin no zhes shes par bya'o/ /de yang 'das pa kho na rten du 'gyur gyi ma skyes pa dang da ltar byung ba yang ma yin zhes bya'o/ /'di ci ltar na de'i shes byed ma yin pa nyid yin zhe na/ 'di na phyogs snga ma'i bsam pa ma gtogs pa'i phyir dgag pa'i phyir lan brjod pa thams cad 'brel med par 'gyur ro/ /gang bshad pa/ rnam par shes pa las mthong ba'i las rab tu ma grags pa la/ rten la der btags pa mi rigs so zhe na/ de yang mi rigs te rab tu grags pa'i phyir ro/ /gang gi phyir 'jig rten na mig gi sgo nas gzugs dmigs pa la mthong zhes rjod par byed do/ /mig la yod kyang gang mthong ba med do/ /rnam par shes pa ni de lta bu ma yin te/ rnam par shes pa kho na mthong ba zhes bya bar shes par bya'o/ /bram ze mig ni sgo yin no/ /zhes bya ba de'i don gang yin pa rnams ni gnas brtan 'dus bzang gis bshad do/ /de dag ni shin tu dbye dka' ba dang gzhung mangs pa'i 'jigs pas rnam par dpyad pa ma byas so/ /gal te rnam par shes pa mthong na gang gis rnam par shes/ gang gi ltar na mig gis mthong ba de'i ltar na ni rnam par shes pas gzugs mthong ngo / /rnam par shes so zhes tha snyad rigs na/ gang gi ltar na rnam par shes pas mthong ba de'i ltar na ni gzhan gyi rnam par shes pa med pas tha snyad med par 'gyur ro/ /mthong ba dang rnam par shes pa 'di gnyis la khyad par ci zhig yod/ gang gis zhes bya ba rgyas par 'byung ste/ gang gis gzugs mthong ba dmigs pa de nyid kyis 'di rnam par shes pa yin no/ /gal te dmigs pa mthong ba yin na sgra la sogs pa dag tu yang dmigs pa mthong bar 'gyur ro zhe na/ thog ma'i dmigs pa la mthong ba rnam par shes par 'dod kyi dmigs pa thams cad ni ma yin no/ /dper na shes rab 'ga' zhig la mthong ba zhes bya ba rgyas par 'byung ste/ lta ba'i rang bzhin brgyad mthong ba yang yin zhing / rab tu shes pa yang yin la/ de dag las gzhan rnams ni rab tu shes pa kho na yin pa de bzhin du/ mig gi rnam par shes pa ni mthong ba yang yin zhing / rnam par shes pa yang yin gyi/ rna ba la sogs pa'i rnam par shes pa ni rnam par shes pa kho na yin no/ /shes rab ni rtog par byed pa'i bdag nyid yin pa'i phyir dang de la mthong ba med pa'i phyir mthong ba zhes bya bar mi rung ngo / /dmigs pa'i bdag nyid kyi khyad par las rnam par shes pa 'ga' zhig la khyad par yod pas 'ga' zhig bdag med par mngon par mthong bar mi rung ngo zhe na/ rnam par shes pa yang bstan du yod pa'i yul nyid la khyad par yod pas 'di ni mtshungs te/ sngar yang khyad par bstan zin to/ /gzhan dag na re gal te mig gis mthong na zhes bya ba la sogs pa la/ de la mig 'byed pa na mthong ba zhes brjod pa rnam par shes pa las ma gtogs pa'i bya ba gzhan 'dra ba zhig yod la/ bya ba med par yang byed pa po nyid mi rigs te/ 'gro ba nyid bzhin no zhes zer ro/ /de ni glan gar mi rung ste zhes bya ba rgyas par 'byung ste/ rnam par shes pa la rnam par shes pa zhes brjod na/ de la ni byed pa po dang bya ba bye brag kyang med de/ rnam par shes pa las ma gtogs pa'i rnam par shes pa'i bya ba med pa'i phyir ro/ /de bzhin du 'dir yang byed pa po las ma gtogs pa'i bya ba med pas mig gis mthong ngo zhes byed pa po bstan par 'gyur ro/ /gal te 'dir yang de gnas so zhe na de ni de lta ma yin te/ thams cad du dngos po tsam gyi byed pa bstan pa'i phyir ro/ /dper na grib ma 'gro'o mi 'gro'o zhes bya ba de bzhin du rnam par shes pa yang rang gi rkyen dag las yul gang la skye ba de'i rnam par skyed pa las bya ba med kyang de nyid kyis yul rnam par shes pa zhes brjod do/ /gzhan dag na re mthong ba ni mig gi rnam par shes pa yin la zhes bya ba la/ mthong ba ni blta ba'o/ /de'i rten du gyur pa'i phyir zhes bya ba la/ mig ni mig gi rnam par shes pa'i rten du gyur pa'i phyir zhes bya ba ni las la byed pa po bzhin 'jug pas rab tu grags pa'i dpe yang mig la 'jug ste/ de'i phyir mig gis mthong zhes brjod par bya'o/ /dper na sgrogs pa'i rten du gyur pa'i phyir zhes bya ba ni de nyid la 'jig rten na grags pa'i dpe smras pa'o/ /de lta na mig ces bya ba la/ gal te mthong ba'i rten du gyur pa'i phyir mig gis mthong ngo zhes bya ba yin na/ de lta na rnam par shes pa'i rten du gyur pa'i phyir mig gis rnam par shes so zhes bya bar 'gyur ro zhe na mi 'gyur te/ byed pa po dang bya ba'i tha snyad 'di ni 'jig rten pa yin no/ /'jig rten na rnam par shes pa de ni mthong ba'o zhes grags te zhes rgya cher 'byung ngo / /bye brag tu bshad pa las zhes bya ba rgya cher 'byung ste/ 'jig rten na yin pa 'ba' zhig tu ma zad kyi bstan bcos las kyang de mthong bar brjod do zhes ston to/ /mig dang phrad cing zhes bya ba ni mig gis bltas shing de la snang bar gyur pa ste/ de yul gyi dngos por gyur cing zhes bya ba'i tha tshig go/ /gal te mthong ba'i rten du gyur pa'i phyir mig gis mthong ngo zhes bya ba na/ 'o na ni gang gi rten du gyur pas rnam par shes pas gzugs rnam par shes so zhes brjod do/ /de las rnam par shes pa las tha dad pa'i bya ba gzhan ni yod pa ma yin no zhe na/ de'i phyir rnam par shes pa ni yod tsam gyis zhes bya ba smos so/ /mig ni nye ba tsam gyis mthong ngo zhes bstan par mi nus te/ de dang mtshungs pa'i mig kyang yod pa'i phyir ro/ /rnam par shes pa ni de lta ma yin pas de yod pa tsam gyis gzugs rnam par shes so zhes brjod de/ dper na nyi mas nyin mor byed do zhes bya ba bzhin no/ /'di ltar gling rnams kyi snang ba'i gnas ni nyin mo yin la/ de yang 'od dang bcas pa'i nyi ma las gzhan yod pa ma yin no/ / de'i phyir nyi ma yod pa las nyin mor byed pa'o/ /yang na gal te mthong ba'i rten du gyur pa'i phyir mig gis mthong ba rnam par shes pa'i rten du gyur pa'i phyir mthong ba ma yin pa nyid de/ yid kho nas rnam par shes par byed pas na/ rnam par shes pa zhes thal bar mi 'gyur ro/ /bcom ldan 'das kyis kyang rnam par shes pas rnam par shes so zhes gsungs mod kyi/ mig la sogs pa rnam par shes pa las gzhan pa'i bdag nyid du yod pas de lta na yang mtshungs pa de ma thag pa 'das pa'i rnam par shes pa ni rnam par shes pa gzhan gyi rten du 'gyur bas da lta ba'i mig gi rnam par shes pa la sogs pas shes sogs bya bar mi 'gyur te/ 'das pa kho nas don dam pa las rnam par shes pa'i bya ba da ltar ba ma yin pa de las ma gtogs pa'i rnam par shes pa med pa'i phyir/ rnam par shes pa ni yod pa tsam gyis gzugs rnam par shes so zhes bya ste nye bar btags so zhes bya ba'i tha tshig go/ /yang na mthong ba'i rten gyis mthong ngo zhes bya ba bshad pa la/ rna ba'i rnam par shes pa'i rten yang 'ga' zhig gi tshe mig gi rnam par shes pa'i de ma thag pa'i 'das par gyur pa na des sgo rnam par shes so zhes bya bar 'gyur ba de'i phyir rnam par shes pa ni zhes bya ba la sogs pa gsungs te/ rna ba'i rnam par shes pa'i dus su mig gi rnam par shes pa nye ba ma yin pas de yang yod pa tsam gyis gzugs rnam par shes so zhes brjod de/ de'i phyir mig gi rnam par shes pas sgra rnam par shes so zhes thal bar 'gyur ba med do/ /'di ni mig gis mthong ngo / /rnam par shes pas rnam par shes so zhes bya ba 'di'i dgongs pa gang yin pa de yin no/ /gzhan dag na re de la mthong ba dang rnam par shes pa dag khyad par med par bshad pa la/ de'i khyad par 'chad par 'dod pas 'di bshad de/ mthong ba'i rten du gyur pa'i phyir mig gis mthong ngo / /yod pa tsam gyis rnam par shes pas rnam par shes kyi 'dis mthong ba ni ma yin no zhes zer ro/ /'di la mdo sde pa rnams na re zhes bya ba la/ ci mig gis mthong ngam rnam par shes pas mthong zhes bya ba'i skabs gang yin pa der ro/ /de dag ji skad zer zhe na/ nam mkha' bldad pa 'di ci dgos zhes bya ba ste/ rnam par dpyad pa 'di ni nam mkha' 'cha' ba dang 'dra bar dgos pa med de zhes bya ba'i don to/ /yang ji ltar rnam par dpyad pa 'di dgos pa med ce na/ de'i phyir mig dang gzugs la brten nas zhes bya ba rgyas par 'byung ba la/ 'di skad bstan par 'gyur te/ 'bras bu'i yod pa ni rgyu'i yod pa sngon du 'gro ba yin na de la blta ba ni su zhig mthong bar byed pa su zhig yin/ 'di la tshig tsam gyis dad par mi 'gyur zhe na/ de'i phyir 'di ni byed pa med pa dang zhes bya ba la sogs pa gsungs/ byed pa med pa dang zhes bya ba ni rgyu'i yod pa las tha dad pa'i bya ba 'gal ba de/ de las tha dad pa'i bya ba khas blangs na skad cig mar 'jig pa la gnod par 'gyur na/ dngos po rnams skad cig phan chad gnas pa ni tshad ma dag dang 'gal lo/ /chos tsam zhes bya ba ni nang gi byed pa'i skyes bu 'gog par byed pa'o/ / rgyu'i byed pa dang nang gi byed pa'i skyes bu med kyang rgyu dang 'bras bu dag la rgyu dang 'bras bu'i 'brel pa mi 'gal lo zhes bstan pa'i phyir rgyu dang 'bras bu tsam du zad la zhes bya ba smos so/ /tha snyad gdags pa'i don du zhes bya ba ni/ 'jig rten dang bstan bcos su'o/ /'dun pa'i sgo nas zhes bya ba ni don gyi mtshan gyis ni ma yin no zhes ston par byed pa'o/ /'di la mngon par zhen par mi bya ste/ tha snyad pa'i don ni btags pa yin pa'i phyir ro/ /don dam par btsal na mi dmigs pa'i phyir ro/ /bcom ldan 'das kyis zhes bya bas ni tha snyad pa'i don la mngon par zhen pa ni bcom ldan 'das kyis dgag pa mdzad do zhes ston par byed do/ /ljongs kyi mi'i nges pa'i tshig la mngon par zhen par mi bya'o zhes bya ba la/ ljongs kyi mi dang ljongs kyi mi'i nges pa ste/ gtan la phab pa'i nges pa'i tshig go/ /ci'i phyir 'di 'dis nges par byas zhes de dag la mngon par zhen par mi bya ste/ ci'i phyir 'di ni nges pa'i tshig yin gyi thams cad don dang ldan par rtog par mi bya'o zhes bya ba'i don to/ /'jig rten gyi ming la rab tu brgyug par mi bya'o zhes bya ba la/ rtog pa dang rab tu brgyug par bya zhes bya ba 'di ni don gcig go/ /gzhan dag na re lus la sogs pa las tha dad pa'i bdag ni yod de zhes bya bar yang dag pa ma yin par sgro btags pa'i sgo nas bdag dang srog ces bya ba de lta bu la sogs pa 'jig rten pa'i tha snyad lhag par sgro btags par mi bya'o zhes zer te/ don med pa'i phyir ming yang med do zhes btags par bya'o zhes bya ba'i don to/ /'di ni kha che bye brag tu smra ba rnams kyi grub pa'i mtha' yin na zhes bya ba la/ 'di ni kha che bye brag tu smra ba rnams la rab tu grags pa'i chos mngon pa bshad pa'i skabs su bab pas de'i phyir de dag nyid phyogs phyi mar gnas par byed do/ /gal te gang yang rung ba zhig btsums na/ gzugs gang yang rung ba zhig dmigs pa'i phyir gnyi gas mthong bar nus par grub bzhin du/ yang ci'i phyir mig gcig gis zhes rgyas par dpyod ce na/ gnyi ga phye na mthong ba gang yin pa de/ ci rim gyis sam 'on te cig car yin zhes bya ba 'di ma dpyad pas de'i phyir dmigs kyis nges par bya ba'i phyir rtsom mo/ /'di la nges pa med de zhes bya ba la/ de dag gang yang rung ba zhig btsums pa'am rnam par nyams na cig shos kyis mthong ba'i nus pa la gnod do zhes kha cig go/ /mig gis gzugs mthong yang btsums pa dang nyams pa dag gis ni ma yin no/ /cig car du mig gnyi ga dag gis mthong ste/ kyang gi sgras ni gcig gis kyang 'di gnyis kho na'am gcig kho nas zhes nges par ni mi gzung ngo / /nges pa 'di gang las she na gsal bar mthong ba'i phyir ro/ /chos mngon pa pa smos pa ni/ mdo sde pa rnams las kha cig gis kyang mthong ngo zhes 'dod pa bstan pa'i phyir ro/ /'di ltar gnyi ga phye na zhes rgyas par 'byung ba la/ mig gcig btsums na gzugs gang zhig rgyun chags su 'jug pa mi gsal bar dmigs pa de gnyi ga phye bas ches gsal bar dmigs te/ gcig gis mthong na ni snga ma dang phyi ma dag tu mthong ba khyad par du mi 'gyur ro/ /gang yang rung ba zhig gzhan du gyur na ni ma yin no zhes bya ba la/ gal te phye ba gang yin pa de phyed btsums pa'am phyed btsums pa de thams cad phye ba'am/ thams cad btsums na des zla ba gnyis 'dzin par mi 'gyur te/ de'i phyir mig gcig gis mthong ba yin no/ /de lta ma yin na mig gcig phye ba dang / gnyis pa phyed btsums pa na zla ba gnyis 'dzin par mi 'gyur ro/ /gcig phyed btsums pa'am phye ba dag gis zla ba gnyis 'dzin par mthong ba de'i phyir gnyis ka yang der nus so zhes bya bar nges pa'o/ /rnam grangs mthong ba dper brjod par 'gyur ro/ /'dra ba mthong ba la gnyis nyid du mngon par brjod pa'i phyir zhes pa'i tshig gis 'phangs pa'o/ /phyed phye ba dang btsums pa dag gis zla ba gnyis 'dzin pa rten 'gyur ba'i rjes su byed pa'i phyir gnyi ga'i rten nyid du bshad do/ /cig shos ma yin pa gzhan du 'gyur bas zla ba gnyis 'dzin pa'i rten rnam par 'gyur ba med pa'i phyir ro/ /gal te gnyi gas mthong na rten rnam par chad pas rnam par shes pa rnam par chad pas sems can gcig gi mig gi dbang po ltar skad cig ma gcig la rnam par shes pa gnyis su thal bar 'gyur ro zhe na/ lus kyi rnam par shes pa yang rnam par ma chad pa lus kyi dbang po'i rten yin pas/ de'i phyir mig gcig nyid kyis mthong gi gnyis dag gis ma yin te/ 'jug pa myur ba'i phyir der mngon par nga rgyal ba tsam la gnyis dag gis mthong zhes bya'o/ /de'i phyir rten rnam par chad pas zhes bya ba rgya cher smos so/ /ci'i phyir zhe na/ yul ni mi gnas pa'i phyir ro/ /mig gi rnam par shes pa ni 'khar gzhong dang rgya shug bzhin rten dang brten pa'i ngo bos mig la gnas te/ de dag gyur pas 'gyur ba'i phyir mig la de'i rten zhes bya'o/ /de'i phyir rten gcig la rag las pa'i phyir dang / yul na mi gnas pa'i phyir mig rgyas kyang rnam par shes pa gcig skyed par 'gal ba med na gnyis kyis yin pa lta smos kyang ci dgos/ dper na lag pa gnyis kyi cig car dro ba'i 'dus te reg pa las lus kyi rnam par shes pa re re rnam par ma chad par skye ste/ sun 'byin pas chod pa na gcig gis kyang rnam par shes pa du ma skyed par thal ba med do/ /thams cad kyi rkyen nye na cig car ram rim gyis skye bar smra ba rnams re shig mig g.yas pa'i rnam par shes pa skye'i cig shos kyi ma yin zhes bya ba 'di ci las she na/ thun mong ma yin pa'i rgyu dang yul dang 'bras bu smra ba'i bdag nyid mig gis mthong ba la yang yan lag du mas rnam par shes pa skyed par thal bar 'gyur ro/ /thams cad khyad par med na rdul phra rab gcig la rten pa nyid kyang mi rung ste/ khyad par gyi rgyu med pa'i phyir yul na mi gnas pa de'i rten rnam par chad pas rnam par chad pa'o/ /gzugs bzhin du zhes bya ba ni mi mthun pa'i dpe'o/ /gal te yul na mi gnas pa'i sems dang sems las byung ba rnams ji ltar mig gi dbang po'i rten gzugs so sor rnam par rig pa mig gi rnam par shes pa zhes bya/ ci ltar mig las de'i rnam par shes pa'i rten nyid de dang der mi gnas pa'i 'gal ba med ce na/ skyed pa la thun mong ma yin pa nyid kyis nye ba'i rgyu med pa'i phyir gnas dang rten du brjod do/ /de'i gnas skabs su gsungs pa ma yin pa de de'i rten du gsungs par gyur zhe na 'bru'i rten pa bzhin no/ /lhas byin rgyal po la brten cing gnas zhes brtags pa mthong ba'i phyir ro/ /gal te dbang po la phan pa dang gnod pa'i rjes su byed pa'i phyir de la gnas so zhe na ma yin te/ grib ma dang 'od dang gzugs brnyan la sogs pa dang shing dang bcas pa la sogs pa gnas la yang / rjes su byed pa mthong ba'i phyir te/ rgya mtsho zla ba zad pa dang 'phel ba'i rjes su byed pa bzhin 'di dag de la gnas pa ma yin te/ dbang po rnams yul la 'jug pa gcig pa'i phyir rnam par shes pas sha'i gong bu skye bo sun 'byin pa rdzi ma dang thur ma la sogs pa rnams mi 'dzin te cha nye bar gyur pas dbang po'i yul du mi gnas pa'i phyir ro/ /de nyid kyi phyir yul gyis bskal pa'i gzugs kyang mi 'dzin no/ /de lta ma yin na yul gyis bskal ba'i gzugs 'dzin pa la su zhig gegs byed par 'gyur/ gal te dbang po'i yul nyid kyi phyir rnam par shes pa'i mig gis sha'i gong bu rnams 'dzin par 'gyur na/ gang du gzugs kyi yul la de mi gnas pas de 'dzin par mi 'gyur ro/ /de'i phyir chos de dag gi rnam par shes pa rnams de'i rten la sogs pa nye ba dang ring ba dag mi 'dzin te/ thun mong ma yin pa'i rgyu'i yul nyid do/ /gzhan dag na re sems dang sems las byung ba'i 'bras bu nyid kyis myu gu la sogs pa bzhin no/ /gzugs brnyan la sogs pa rnams la mtha' du ma'o zhes zer ro/ /ji ltar thun mong ma yin pa'i 'bras bu'i yul de bzhin du de'i rgyud du gtogs pa la yang rnam par shes pa dang yid ni mig la sogs pa'i yul ma yin zhing / de rnam par shes pa'i rgyud ma yin pa'i phyir de ltar dbang po brten pa nyid kyang rnam par shes pa cha shas dang bcas pa nyid dang du ma nyid du thal bar 'gyur ba sngar nyid du bshad do/ /khyad par med pa'i phyir lhag ma dbang po'i rdul phra rab bzhin du rdul phra rab gcig kyang de'i rten du mi rung ngo / /ci 'di dag yul dang phrad pa zhig gam zhes bya ba la sogs pa la/ the tshom 'di ga las she na/ gnyi ga yang bsnyad pa mthong ba'i phyir ro/ /bcom ldan 'das kyis 'di skad du mig ni yid du 'ong ba dang yid du mi 'ong ba'i gzugs rnams la thogs so zhes gsungs na/ ma phrad pa la ni thogs pa mi rigs so/ /slar yang de lha'i mig gis sems can rnams la blta'o zhes rgya cher 'byung ba la/ ring ba gang dag yin pa dang nye ba gang dag yin pa zhes gsungs na/ yul dang phrad pa nyid yin na ni nye ba dang ring ba'i rnam par gzhag pa mi srid do/ /gal te yul dang phrad pa'i dbang du byas na yul 'dzin pa thams cad phrad pa nyid do/ /ci ste bar mtshams med par phrad na de'i phyir/ mig dang yid dang rna ba ni/ yul dang ma phrad/ 'di ltar gzugs rgyang ring po nas mthong zhing zhes bya ba 'dis ni yul dang ma phrad pa'o zhes bya bar shes par byed do/ /mig la yod pa'i mig sman mi mthong zhes bya ba 'dis ni yul dang phrad pa yin pa zlog par byed pa'o/ /de lta yin pas yul dang ma phrad pa kho na'o zhes bya bar nges par gzung bar 'gyur ro/ /gang gi phyir yul dang phrad pa dang ma phrad pa nyid ni gnyi ga ji lta bas smos pas yul dang phrad pa nyid bzlog par 'gyur ro/ /gang dag brten nas byung ste yul la gnas so zhes yul dang phrad par 'dod pa de dag gis ni yang 'dod pa tsam du zad de nye ba dang ring ba dag la dus mnyam par rtogs pa'i phyir ro/ /chos 'di ni nag po la sogs pa 'gro ba dang ldan pa rnams la mthong ba yang ma yin no/ /gal te mig ni 'od zer yin pa'i phyir mar me bzhin du thag nye ba dang ring ba dag lhan cig gsal bar byed pa mi 'gal zhe na/ blta bar 'dod pa mun khung du snang ba tshol ba'i phyir 'od zer nyid ma grub po/ /gal te mig ni 'od zer nyung ba'i phyir phyi rol gyi snang ba tshol bar byed do zhe na/ nyung ngu ni mang pos zil gyis gnon par mthong ba'i phyir dmigs pa nyid du mi 'gyur ro/ /dpe dang dpe can mtshungs pa yang ma yin te/ bar med par phrad pa gsal bar byed pa'i phyir ro/ /mar me ni sdong bu dang mar la sogs pa phrad pa sreg cing snang bar byed na/ mig ni mig sman la sogs pa shin tu nye ba rnams 'dzin par byed pa ma yin no/ /mar me ni bar med par thams cad snang bar byed na/ mig ni mdun gyi ri bo dang shing la sogs pa 'dzin par byed pa de'i phyir mig ni mar me lta bu'o zhes bya ba ma yin no/ /gal te mig ni 'od zer yin pa'i phyir mar me bzhin du thag nye ba dang ring ba dag lan cig gsal bar byed pa mi 'gal lo zhe na/ shel la sogs pas chod pa yang dmigs pas ma phrad pa 'dzin pa'i phyir dang the tshom mthong ba'i phyir na mig ni yul dang phrad pa ma yin no/ /phrad pa yin na ni reng reng por blta ba mtho yor la mi yin snyam du de'i khyad par dag la the tshom za bar yang mi rigs te/ reng reng po dang phrad pa 'dzin pas khyad par med do snyam pa'i gtan tshigs ci/ dpag tshad stong phrag du mas bskal ba dang phrad pa mi srid pa'i yang phyir te/ lan cig phye ma thag tu mig zla ba dang phrad do zhes bya bar brjod par ni mi rigs te/ de'i phyir mig ni yul dang ma phrad pa nyid yin no/ /de bzhin du sgra rgyang ring po nas thos so zhes bya ba rna ba yul dang ma phrad pa nyid kyis shes par bya ba ste/ yul dang phrad pa nyid yin na ni sna la sogs pa ltar phrad pa'i yul kho na rtogs par 'gyur gyi ring ba ni ma yin no/ /sgra rgyang ring po nas thos so zhes bya ba ji ltar rtogs she na/ phyogs la sogs pa'i bye brag gi sgo nas nges pa'i phyir te/ lho phyogs kyi sgra'o/ /byang phyogs kyi'o/ /nye ba'o/ /ring ba'o zhes de ltar nges pa'i phyir ro/ /phrad pa la de mi rigs te dri la sogs pa bzhin no/ /snang yang phyogs la sogs pas bsnyad pa mthong ba ma yin nam zhe na mthong ba yod de/ de ni yongs su rgyu ba'i rjes su phyogs ches gsal ba'i dri dmigs pa las rjes su rlom sems pa'o/ /yongs su mi rgyu ba'i mig dang rna ba dag dang de ltar mtshungs pa med do/ /nye ba dang ring ba las gsal ba dang mi gsal ba'i sgra 'dzin pa'i phyir nye ba ni phrad pa 'dzin pa nyid do/ /thams cad du thun mong ma yin pa'i rgyur gyur pas the tshom med do/ /ring ba la ni thams cad du the tshom nyid du 'gyur te khyad par gyi rgyu med pa'i phyir ro/ /yul dang phrad pa nyid gcig yin na ni zhes bya ba rgyas par 'byung ba la/ 'di na zhes bya ba ni mi'i yul dag na'o/ /gal te mig yul dang ma phrad pa nyid kyis rna ba la sogs pa dag las khyad par du gyur na ni/ bsam gtan pa rnams la lha'i mig gzugs phra ba dang chod pa dang thag ring ba la sogs pa 'dzin par byed pa skye bar mi 'gal te/ 'bad rtsol gyi khyad par las byung ba'i phyir ro/ /'bras bu'i khyad par skye ba de ltar rna ba la yang brjod par bya'o/ /yul dang phrad pa nyid yin na ni lha'i dang lha'i ma yin pa dag la khyad par med pa'i phyir 'bad rtsol don med par 'gyur ro/ /'di ni bsam gtan pa rnams la lha'i mig dang rna ba skye bar mi 'gyur te/ yid dang sna la sogs pa bzhin no/ /gal te mig yul dang ma phrad pa yin na ci'i phyir thag ring ba dang zhes bya ba la/ gzhan du mi 'dzin pa'i rgyu yod pa ma yin te/ gzhan du ma phrad pa 'dzin na la sogs pa bzhin du de yang ma phrad pa mi snang ba nye ba dag la yang mtshungs pas na mig ni yul dang ma phrad pa rung ba ma yin no zhe na/ de la ma phrad pa 'dzin pa'i rgyu 'dod pa ma yin te/ 'jig pa'i rgyu yang ma phrad pa'o/ /'o na ci zhe na nus pa'i khyad par las te/ gzhan du na dbang po thams cad kyi yul thams cad nyid du thal bar 'gyur ro/ /yul dang ma phrad pa'i byed pa can rnams la yang nus pa'i nges pa mthong ste rdo khab len bzhin no/ / khab len gyis kyang ma phrad pa'i lcags 'dren par byed de/ chod pa dang thag ring ba dang mngon du phyogs par mi gnas pa'i lcags thams cad 'dren nus pa ni ma yin pa nyid do/ /de bzhin du mig kyang yul dang ma phrad pa yin mod kyi/ ma phrad pa thams cad mthong ba ni ma yin no/ /gzhan yang phrad pa la dper brjod pa ma phrad kyang ma chod la gzugs brnyan 'byung ba de ltar chod pa dang thag ring ba rnams la 'byung ba ma yin pa de bzhin du chod pa dang thag ring ba'i yul las mig la yul gyi gzugs brnyan gyi bdag nyid kyi rnam par shes pa mi skye'o zhe na/ yul dang phrad pa nyid yin na yang 'di nyid mtshungs so/ /gzhan du brjod par bya ba mtshungs par so sor gnas pa la mig sman nam thur ma phrad pa ma mthong ngo / /gzhan du mthong ngo zhes bya ba 'di la rgyu ci zhig ce na/ 'di la nus pa'i yul gyi rnam par rtog pa ni rung ba ma yin te phrad pa khyad par med pa'i phyir ro/ /dbang po'i 'jug pa phyi'i rten dang nang gi rnam pa las kyang ma yin te/ yul mi 'dzin pa'i phyir ro/ /de'i phyir mig ni yul dang ma phrad pa'o/ /ji ltar yang sna la sogs pa zhes bya ba la/ nus pa tha dad pas sna la sogs pa bzhin no/ /thams cad ni ma yin te/ mig ni yul dang ma phrad pa'o zhes bya ba de'i shes par byed pa las phyi rol tu rtogs par bya'o/ /lhan cig skyes pa'i dri la sogs pa mi 'dzin pa'i phyir zhes bya ba la/ gzhan dag nang gi bdag nyid kho na'i grangs kyi zas kyi bya ba byed do zhes gsungs pa'i phyir/ nang smos pas de zas kyi bya ba byed do zhes zer ro/ /de ni de lta ma yin te/ 'di la nges pa yod pa ma yin te/ rnam par shes pa kho na zas te/ zas kyi bya ba byed par rtogs par byed do zhes so/ /mar mes bum pa'i gzugs dang ga pur la sogs pa'i dri sbyar ba rnams kyis dri dang ldan pa lta bu ni ma yin no/ /yid ni gzugs can ma yin pa'i phyir zhes bya ba la/ phreng ba ni phan tshun 'dab chags par 'byung ba yin la/ de yang yul na mi gnas pa'i gzugs can rnams kho na yin na/ yid ni gzugs can ma yin pa'i phyir yul na mi gnas te/ de'i phyir rang gi yul dang phrad pa ni mi nus pa nyid do/ /gang gi phyir phrad par 'dod pa ni phrad pa'i yul 'dzin par byed cing ma phrad pa la ni de ltar rnam par dpyod pa rtsom par byed do/ /yid ni phreng ba nyid du mi nus pas mig la sogs pa rnams la ji lta bar rnam par dpyad pa ni ma byas so/ / gzhan dag na re lhan cig 'byung ba dang mtshungs par ldan pa rnams mi 'dzin pa'i phyir yid ni ma phrad pa'i yul can no zhes zer ro/ /de dag ni lhan cig skyes pa'i dri la sogs pa ni 'dzin pa'i phyir mtha' du ma'o/ /yang kha cig ni rna ba'i nang du yang zhes bya ba la/ yang gi sgra ni thag ring po nas kyang thos pa'i rnam pa yul dang ma phrad pa yin par sems so/ /kha cig na re sgra rgyun chags par 'jug pa'i rim pa ba rnam par 'dod pa rtogs par byed pa'i phyir rna ba ni yul dang phrad pa kho na yin no zhes zer ro/ /de yang de lta ma yin te lag par bcangs pa'i dril bu'i sgra 'gags ma thag tu sgra mi thos pa'i phyir ro/ /re zhig kyang gang zhig bar nas chu rlabs kyi tshul du 'ong ba'i sgra de 'dzin pa sus bzlog /de'i phyir dril bu'i yul na gnas pa'i sgra kho na 'dzin gyi chu rlabs kyi tshul du rna bug gi bu gar phyin pa ni ma yin no/ /gal te mar me 'gags pa ni 'od lan cig pa bzhin du sgra'i rgyu 'gags pa na 'bras bu'i sgra 'gag go zhe na/ 'jig pa gzhan ma yin pas 'bras bu'i sgra 'jig pa ma yin no/ /skad cig ma dang po nyid khas blang bar bya zhing rgyud tha dad pa'i phyir ro/ /mar me dang gsal ba dag sems dang sems las byung ba bzhin no/ /sgra ni mar me dang mtshungs pa ma yin te/ de la mar me dang gsal ba dag mtshungs pa'i rgyu grub pa'i phyir ro/ /de'i kA ra NA pA ya [(]ngan song gi rgyu/[) ]lan cig zhig pa 'gal ba med de sems dang sems las byung ba bzhin no/ /rgyud tha mi dad pa ni sgra ste/ der rgyu ma yin pa 'jig pa'i phyir 'bras bu 'jig pa dang / sa bon 'jig pa dang myu gu 'jig pa bzhin no/ /des na rgyu tha dad pa'i phyir sgra snga ma zhig pa dang / sgra phyi ma skye bas de 'dzin pa sus zlog par byed/ de'i phyir rten brten pa las skye ba nyid sgrar yid ches te rna ba'i rnam par shes pa skye'o/ /phrad par yongs su brtags na ni sgra la thag ring ba dang nye ba nges par mi 'gyur te reg bya bzhin no/ /sbrang bu'i dar dir gyi sgra yang dbang po dang nye ba 'dzin par byed de ro la sogs pa bzhin no/ /bar med pas na rna ba yul dang ma phrad pa nyid do/ / yang rgyu cis de la yang dril bu la sogs pa'i gzugs mig gis ma dmigs she na/ dpe ston pa rnams na re/ mig dang gzugs dag la lhan cig byed pa'i rgyu snang ba med pa'i phyir ro zhes zer ro/ /slob dpon 'dus bzang na re/ dmigs pa la gegs byed pa'i phyir dang / rgyu yod pa ma yin pa'i phyir ro zhes zer ro/ /yang mun pa dmigs pa la gegs byed pa ci zhe na/ snang ba'i gegs byed pa'i phyir ro/ /ci zhes snang ba'i gegs la bltos pa med pa'i mig la sogs pa cung zad kyang med pa'i phyir dang / gal te snang ba'i gegs kyi rgyu las de bzhin du yod pa'i mig gi rnam par shes pa'i dngos po la sogs pa'i rgyu'i don te/ gzugs la sogs pa bzhin sus zlog par byed/ ci ste snang ba'i gegs la bltos pa med pa de lta na yang mun pas chod pa rnams su mar me'i gzugs la sogs pa rnams 'dzin par mi 'gyur te/ thams cad kyang rgyu dang 'bras bu ma tshang ba'i phyir mi skye ba nyid do/ /gegs kyi rgyu yod pa las ni ma yin te/ gegs kyi rgyu ni de'i rgyu dang 'gal ba las/ de ltar rnam par gzhag par bya'i dngos su ni ma yin no/ /'dir gzhan gyi phyogs su 'byin pa dang / rang gi phyogs gnas par byed pa mang du bshad pa gang yin pa de dag ni gzhung lci ba'i 'jigs pas rnam par dpyad pa ma byas so/ /gsum gzhan du zhes bya ba la/ gzhan du zhes smos pa ni yul dang phrad pa nyid do zhes nges par gzung bar bya ba'i phyir ro/ /gal te yul dang phrad pa dang ma phrad pa yin par 'dod na ni de ltar na gzhan du dang gzhan du ma yin pa zhes bya bar smra bar 'gyur ro/ /sna ji ltar yul dang phrad pa yin zhe na zhes bya ba la/ gang las the tshom za zhe na/ dri'i rten me tog la sogs pa thag ring po nas 'dzin pa'i phyir te/ ro dang reg bya dag ni de lta ma yin no/ /dbugs ma rngub par dri mi 'dzin pa'i phyir ro zhes bya ba la/ dbugs rngub pa dang bcas pas dri dang ldan pa'i me tog gis bsgos pa'i rlung sna'i dbang po dang 'dab chags par skyes pa na dri 'dzin pa'i phyir ram/ dri'i 'byung ba chen pos drangs/ sna'i dbang po dang 'dab chags par skyes pa'i dri 'dzin pa'i phyir dang / drangs pa med pas ma rngubs pa la dri dang dbang po phrad pa med pa de'i phyir sna ni yul dang phrad pa nyid du nges so/ /yul dang ma phrad pa nyid yin na ni/ mig dang rna ba bzhin du rngub pa dang bcas pas dang / ma rngubs pa gnyis la khyad par 'ga' yang med par 'gyur te/ dus thams cad du 'dzin pa'i phyir ro/ /slob dpon 'dus bzang na re/ 'di ni don tha dad pa ma yin te/ dbugs rngub pa dang bcas pas dri 'dzin pa la/ de la phrad par 'dzin pa nyid ci ltar grub par 'gyur/ gang gi tshe rdul phra rab rnams phan tshun mi reg pa de'i phyir/ dbang po dang po nye bar skyes pa'i yul 'dzin pas phrad pa 'dzin no zhes zer ro/ /sna dang lce dang lus zhes bya ba la/ a d+h+yAr ba e Sha lak+Sh+ya te/[ (]'dir ldan par sgro btags pa mtshon no/[) ]'dir tha mi dad par bstan pa med pa'i phyir yul dang dbang po dag yul dang phrad pa'i dbang du byas nas dbugs ma rngubs par dri mi 'dzin pa'i phyir zhes rgyu gsungs so/ /'o na ci/[ (]gang 'dir thob/[) ]yA tra brAp+ti mok+ShaM te [(]rgya dpe gcig na [×) ]des yul dang phrad pa gsum gsungs so/ /sna ni rang nyid dang nye bar skyes pa'i dri 'dzin par byed kyi/ mig gzhan du yang thag ring po na yod pa ma yin no/ /dris pa la 'di nges par brjod par bya ste/ dbugs ma rngubs par dri mi 'dzin pa'i phyir ro zhes pa 'di ni mngon par zhen pa tsam mo/ /kha cig phrad pa'i dngos po don gzhan 'dod de/ dper na bye brag pa rnams kyi gzhan du nam mkha'i khams kyis chod pa dang nye bar skye ba dang / gzhan du bdag nyid 'jig rten gyi khams kyis chod par skye'o zhes bya ba lta bu'o/ /de'i phyir phrad pa zhes bya ba 'di ci zhe na zhes pa dris so/ /'dab chags par 'byung ba'o zhes bya ba lan te/ de ltar na 'dab chags par 'byung ba las ma gtogs pa'i phrad pa gzhan yod pa ma yin no zhes bya bar shes par byas par 'gyur ro/ /'dab chags par 'byung ba yang kha cig gi ltar na nam mkha'i khams ma gtogs pa'i gzugs kyis ma chod pa nyid kyi phyir yin la/ gzhan dag gi ltar du gzugs thams cad kyis ma chod pa nyid kyi phyir yin no/ /ci rdul phra rab rnams zhes rgya cher 'byung ba la gal te phan tshun reg na cha shas dang bcas par thal bar 'gyur la/ cha shas med pa nyid yin na yang sems dang sems las byung ltar reg pa med do/ /ci ste mi reg na de lta yin yang gsum ni yul dang phrad pa'o zhes bya bar 'gal te ma reg pa ni phrad pa ma yin no/ /'dir ni rdzas kyi rdul phra rab la mngon par 'dod kyi/ 'dus pa'i rdul phra rab ni ma yin te/ de ni cha shas dang bcas pa'i phyir ro/ /'dres par 'gyur ro zhes bya ba ni yul tha mi dad par 'gyur ro zhes bya ba'i don te/ de'i cha shas kyi dngos po med par thal bar snang ngo / /de'i phyir bdag nyid thams cad kyi mi reg go/ /'on te phyogs gcig gis reg na ni zhes bya ba la/ 'ga' zhig gis reg cing 'ga' zhig gis mi reg na cha shas dang bcas pa dag tu thal bar 'gyur ro/ /gzhan yang rdul phra rab gang yin pa de rnams gal te phyogs gcig gis phan tshun reg na de rnams gos mtshungs pas de nas rdul phra rab gzhan dang reg pas rdzas rnams 'dres par 'gyur ro/ /de nyid du gnas pa nyid yin na/ phyogs gcig reg pas khyad par ci zhig byed/ ci ste mi reg na rdul phra rab de rnams phan tshun cha shas su mi rung ngo / /reg pa'i mtshan nyid can thogs pa las sgra 'byung ba mthong ste/ 'dri ba ni/ 'o na ci ltar zhes bya ba la sogs pa ste/ gal te bdag nyid thams cad kyis ma yin zhing / phyogs gcig gis kyang ma yin na/ phan tshun mi reg pa'i phyir ji ltar sgra 'grub par 'gyur zhe na/ de nyid kyi phyir te zhes bya ba ste/ gang gi phyir rdul phra rab phan tshun mi reg pa de nyid kyi phyir sgra 'grub bo/ /lag pas lag pa la zhes rgya cher 'byung ba la/ gos mtshungs pa'i phyir ro snyam du dgongs pa'o/ /de'i phyir thogs pa dang bcas pa nyid nyams par 'gyur la/ de med na thogs pa med pas gang las sgra 'byung bar 'gyur/ ldan pa'i dus mi 'thad pas gzegs zan pa ltar ldan pa las sgra 'byung bar khas blang bar yang mi bya ste/ 'o na ci zhe na/ gsung rab las 'byung ba dag kho na la ldan pa'i ming ngam phrad pa zhes gtogs so/ /'byung chen 'ga' zhig gis ni 'byung ba'i khyad par gzhan 'dab chags su skyes pa na gang zhig sgra bskyed par 'gyur ba phrad pa zhes bya ba'i ming thob la/ de dang lhan cig skyes pa'i sgra 'dzin pas 'dir ci ste mi dpyod/ ji ltar bsags pa la zhes bya ba ni/ bong ba dang so phag la sogs pa ste de dag gi rdul phra rab rnams phan tshun ma 'byar ba'i phyir brgyab na bye ma 'dus pa bzhin ji ltar ma 'jig par 'gyur zhe na/ rlung gi khams kyis gzung ba'i phyir ro/ / gal te rlung gi khams ni/ brdabs pa'i dngos po rnams la 'bral ba'i rgyur mthong ba ma yin nam zhe na/ 'di la ni gcig tu nges pa med de/ sems can gyi las kyi dbang gis byung ba'i rlung gi khams kha cig ni 'jig par zhugs pa yin te/ dper na 'jig pa'i tshe'i lta bu'o/ / kha cig ni 'dzin par zhugs pa yin te/ dper na chags pa'i tshe'i lta bu'o/ /'di yang snga ma dang mtshungs so/ /ma rig pa'i phyir rlung gi khams kyis 'dzin par nus pa ma yin no/ /reg par khas blangs pa nyid ni yang de nyid thogs pa med par nyid dang cha shas dang bcas pa nyid kyi skyon no/ /ma reg pa nyid du 'dzin par byed de/ dper na lus kyi dbang po ma reg par kho nar lus kyi rnam par shes pa skye ba bzhin no/ /gal te rdul phra rab rnams phan tshun mi reg na/ da ni ji ltar 'dab chags par zhes bya ba rgya cher 'byung ste/ phan tshun phrad pa med par 'dab chags pa nyid mi rigs so/ /de dag gi dbus na cung zad med pa zhes bya ba ni/ snang ba la sogs pa'i gzugs bzhin no/ /yang zhes bya ba ni gzhan yang zhes bya ba'i tha tshig go/ /nyes pa med do zhes bya ba ni bdag nyid thams cad kyis reg gam phyogs gcig gis reg ces nyes pa brjod pa gang yin pa'o/ /gzhan dag na re da ni ji ltar 'dab chags par phrad pa zhes bya ba la sogs pa smras pa gang yin pa de nyid nyes pa med do zhes zer ro/ /de ltar byas na zhes bya ba la/ gal te 'dus pa rnams phan tshun reg pa na'o/ /ci reg pa'i rgyu can gyi zhes bya ba la/ reg pa rgyur yod la de ni reg pa'i rgyu can no/ /reg pa zhig skye ba'am zhes bya ba ni/ gang zhig gzhan gyi reg pa'o/ /ma reg pa'i rgyu can zhes bya ba ni ma reg pa rgyur gang la yod pa'o zhes tshig rnam par sbyar te rdul phra rab rnams ni phan tshun ma reg pas ma reg pa'o/ /rgyu'i phyir zhes bya ba la/ reg pa'am ma reg pa yang rung ste/ gang zhig gang gi rgyu yin pa de ni de'i rgyu ste/ rgyu'i phyir zhes gsungs so/ /res 'ga' ni ma reg pa'i rgyu can gyis zhes bya ba rgyas par 'byung ba la/ gang gi tshe bsags pa'i rdul phra rab rnams zhig par gnas pa de'i tshe ma reg pa'i rgyu can gyis ma reg pa'o/ / gang gi tshe rdul phra rab rnams bsags par 'gyur ba de'i tshe ma reg pa'i rgyu can gyis reg pa'o/ /gang gi tshe bsags pa dang ldan pa bsags pa ste/ 'dus pa rnams 'dus pa de'i tshe reg pa'i rgyu can gyis reg pa ste nyi zer gyi rdul ni rgyun gyi skad cig gnyis pa ma phrad pa'i rgyu can ma phrad pa ste/ de ni phan tshun mi reg pas ma reg pa zhes bya'o/ /slob dpon 'dus bzang na re/ rags pa tshogs pa'i dbang du byas te phra mo la reg par brjod do/ /de'i rgyu can ni rags pa la ma reg pa'i rgyu can gyis reg par brjod de nyes par mi 'gyur ro/ /gang gi tshe 'dir gzugs de'i rkyen tshogs pa las 'dzin par byed pa'i rlung gi khams dang mi 'gal bar de las bzlog pa skye ba de'i tshe reg pa'i rgyu can gyis ma reg par skye ste/ rags pa 'dus pa'i rgyu can gyis phra mo zhes bya ba'i tha tshig go/ /de nyid kyi phyir nyi zer gyis rdul 'dzin par byed pa'i rlung gi khams ma skyes pa la de med pa'i phyir dang phra ba'i phyir 'dus pa rnams la ni de ma reg pa'i rgyu can gyis ma reg pa zhes bshad do/ /de'i phyir 'dir dgongs pa ni 'di yin par mngon no snyam mo/ /bye brag tu smra ba rnams kyis gang ma reg pa la rgyu bshad pa/ gal te bdag nyid thams cad kyis reg na 'dres par 'gyur ro/ /rdzas rnams skad cig pa nyid la reg pa'i dus mi srid pa'i phyir de la ni mi gus so/ /skad cig mar 'dzin pa dang 'gal ba la rgyu smras pa ni/ skad cig ma phyi mar gnas par 'gyur ro zhes bya ba ste/ reg pa'i skad cig ni skyes pa'i skad cig pas phyi ba yin te/ bdag nyid thob ma thag tu phan tshun reg pa'i phyir ro/ /skad cig ma phyi mar gnas pa yang ma yin te/ de'i phyir reg pa'i dus su 'gags pa'i phyir de mi reg go/ /reg pa ni gos mtshungs par skye ba ste/ de yang skad cig ma phyi mar gnas pa med par yang yul tha dad pa'i rgyu las 'gal ba med do zhes de ltar bsam par bya'o/ /'dab chags pa la reg go snyam du 'du shes par zad do/ /bye brag tu smra ba'i lugs las 'di la khyad par ci yod ce na/ 'di ni gzugs 'ba' zhig tu ma zad kyi bar du nam mkha' yang mi 'dod do/ /btsun pa'i lugs 'dod par bye brag tu smra ba'i lugs ma yin no/ /'di la rgyu nyid gsungs pa de lta ma yin na ni zhes bya ba la sogs pa ste/ gal te btsun pa'i lugs las gzhan du rdul phra rab kyi bar dag tu nam mkha' 'dod na'o/ /bar stong pa dag tu zhes bya ba ni gzugs gzhan gyis ma bkag pa dag tu'o/ /'gro ba la 'gog pa ni thogs pa ste/ de ni rdul phra rab kyi bar stong pa dag la mi rigs pas thogs pa dang bcas pa nyid nyams par 'gyur ro/ /gnas brtan 'dus bzang na re/ btsun pa'i lugs 'dod par yang mi bya sdang bar mi bya'o/ /'o na ci zhe na/ btsal bar bya ste/ gal te 'di dag la bar cung zad med na de lta na cha shas dang bcas pa'am go sa gcig par 'gyur ro/ /nyes pa snga ma las mi 'da' ba'i phyir ji ltar btsun pa'i lugs 'dod ces zer ro/ /yang ji skad du 'dus pa rnams ni cha shas dang bcas pa yin pa'i phyir reg par 'gyur bas zhes lan smras pa/ rdul phra rab rnams las bsags pa dag ces bya ba rgya cher 'byung ste/ ji ltar rdul phra rab phan tshun ltos pa rnams gzugs su rung ste/ 'dus pa ni ma yin pa de bzhin du/ rdul phra rab rnams bsags pa kho na la reg gi/ 'dus pa dag la ni ma yin te 'dus pa rnams rdul phra rab las tha dad pa med pa'i phyir ro/ /de'i phyir rdul phra rab rnams la 'dres par 'gyur ba dang / cha shas dang bcas pa nyid kyi nyes pa ni 'dus pa nyid do/ /'on te phyogs gcig gis reg na ni cha shas dang bcas pa dag tu thal bar 'gyur ba zhig na zhes gang smras pa de la bshad pa ni gal te rdul phra rab la phyogs tha dad pas rtogs na ni zhes bya ba rgya cher 'byung ba la/ phyogs chas tha dad pa ni phyogs tha dad pa ste/ shar gyi gzhan nyid yin la nub kyang gzhan nyid du yin/ steng ni gzhan nyid yin/ 'og gi bar du yang yin no/ /de ltar na phyogs tha dad pa yod pa nyid kyi phyir reg pa 'ba' zhig tu ma zad kyi ma reg pa yang cha shas dang bcas par thal bar 'gyur ro/ /gal te phyogs tha dad par rtogs pa ma yin na ni reg kyang thal bar mi 'gyur ro/ /gang du zhe na cha shas dang bcas pa nyid du ste/ go sa gcig par ni ma yin no/ /phyogs cha tha dad par brjod pa ni cha shas dang bcas par brjod pa'i rnam grangs yin no/ /cha shas med par khas blangs pa nyid kyis phyogs cha tha dad pa bzlog par byas pa nyid do/ /gal te rdul phra rab phyogs cha tha dad pas mngon par brjod pa 'di dgongs pa yin par shes par mi bya ste/ phyogs gcig gis kyang ma yin no/ /ma reg pa la cha shas dang bcas pa nyid ma bshad do/ /'o na go sa mtshungs pa de nyid 'dir brjod pa ci zhe na/ reg kyang thal bar mi 'gyur zhes bya ba slob dpon gyi dgongs par shes par mi bya'o/ /rdul phra rab las gzhan pa ci zhig gi cha shas dang gang gis cha shas dang bcas pa nyid ma yin te/ de ni rdul phra rab nyid du mi 'gyur zhes pa'i tshig gis 'phangs pa de cha shas dang bcas pa'o/ /gal te phyogs cha tha dad par brjod pa las kyang / tsa tat+pa ra me bA ne yaM/ de bzhin nyid 'dren par/ mi mthun pa'i phyogs su rnam par gzhag pa'i dbang las brjod do/ /slob dpon 'dus bzang na re/ rdul phra rab dang nye ba las zas kyi dri la sogs pa 'dzin pas sna la sogs pas phrad pa 'dzin par 'dod kyi sna dang dri la sogs pa'i rdul phra rab rnams phan tshun reg pa ni ma yin no/ /ma reg pa'i phyir sgrib pa dang thogs pa ma yin zhing thogs pa dang bcas pa ma yin pa'i phyir ro zhes zer ro/ /yang reg bya'i rdul phra rab rnams phan tshun reg gam ci zhe na/ reg par mi byed de 'dres pa dang cha shas dang bcas pa nyid kyi skyon du thal bar 'gyur ba'i phyir ro/ /gal te reg bya yang phan tshun reg par mi byed na/ de lta na 'o na reg bya ma yin pa'i rgyu med do/ /kim [(]ci [)]pu na [(]yang [)]ste ShAM bi ba ra maspraSh+Ta rU pa ma d+ya ye na [(]de rnams rgyas pa reg pa dang ba'i gzugs/[) ]tse di h+ye na/[ (]'ga' yang zhes pa 'di/[) ]rgyur byas pa'i gzugs 'byung ba la ma ltos pa yod pa ma yin zhing / 'byung ba rnams kyang der 'byung ba de'i phyir reg bya ma yin pa'i gzugs gzhan du brjod par bya'o/ /rgyur byas pa'i gzugs nyid ta s+ya hI ya te/ bi ba ra rU [(]gzugs kyi yang gzhan gyi [)]pa rU pa s+ya tsAn+ye na/ bi ba ra/ rU pe Na b+ha bi ta byi/[ (]gzugs kyis bsgom par bya'o/[) ]de yang gzhan du mi gnas so/ /de khas blangs pa nyid de/ bi ba ra/ med pa'i phyir/ bi ba ra/[ (]rgyas pa'i/[) ]gzugs kyis de chod pa dag tu rdul phra rab dag gis reg par thal ba'i phyir rdul phra rab rnams gos mtshungs pa nyid dam/ cha shas dang bcas pa nyid ni pa pa ri hri te lan nyid ma yin no 'gyur ro/ /gang yang bu ga gzugs kyi bar stong pa dag tu de las gzhan pa'i rdul phra rab kyi skabs la gegs su mi 'gyur te/ thogs pa dang bcas pa nyid skabs kyi gegs so zhes slob dpon 'dus bzang zer ro/ phan tshun go sa skyes pa la sgrib pa dang thogs pas thogs pa nyid du mi rung ba ma yin te/ rang gi yul du skyed par sgrub pa la sdang ba ni de dag thogs pa dang bcas pa nyid du 'dod do/ /a thA pi [(]yang [)]s+ya [(]'gyur [)]d+harma ti tse [(]chos nyid 'di [)]yaM ya [(]gang /[) ]ste thogs pa dang bcas pa yul tha mi dad pa nyid do/ /nges par rdul phra rab kyi bar du 'gro ba'i rdul phra rab rnams rdul phra rab de rnams dang reg pa las go sa mtshungs pa nyid du 'gyur ro/ /e [(]'di 'o na [)]ti tata r+ha rdul phra rab cha shas dang bcas par 'gyur te/ gnyis kyi cha shas med pa'i phyir ro/ /slob dpon dpal len na re/ a [(]yul dang bral ba ma yin pa'i gnas skabs/[)]bai de sh+ye nA ba s+thA naM/ zhes zer ro/ /de nyid kyi phyir a [(]cha shas 'di yul dang bral ba med pa'i phyir [)]b+hir+b+ha go s+ya bai de sh+ye na b+hA bA ta zhes bya ba thams cad kyi nyung ba nyid ni rdul phra rab pa rnams su smra'o/ /a bai de sh+ye khas blangs par 'gyur ro/ /gal te bA yaM go skabs yod pa lnga rnams a bai de sh+ye zhes bya ba bye ba brgya stong rnams kyi a [(]yul dang bral ba ma yin pa'i gegs/ [))]bai de sh+ye ko bi ban+d+haH de bzhin du a bai de sha ka'i rdul phra rab ji snyed pa thams cad kyang de snyed du gyur na 'gro ba mtha' dag rdul phran tsam du thal bar 'gyur ro/ /tsa tsA phu nar a bai de sh+yaM yang rdul phra rab gcig gi yul las lnga 'dus pa'i yul ches yangs pa'i phyir de'i cha shas nyid ma reg par yang khas blang bar bya'o/ /de'i phyir thams cad 'dus pa rnams la sarbe [(]'di rnams thams cad dngos po [)]ShAM b+hA ba da b+hi ni b+ha gi twa [(]cha shas nyid 'di rnams yul min pa bral ba zhes so/ /[)]me ShaM nA pe de sh+y-i di ti/ myur du 'jug pas zhes bya ba ni lta ba dang nyan pa'i byed pa myur du 'jug pas so/ /mgal me'i 'khor lo bzhin zhes bya ba la/ dper na yul gzhan du myur du 'jug pas na mgal me la 'khor lo'i blor 'gyur ba bzhin no/ /dbang po'i yul phra rab rnams ji snyed pa zhes rgya cher 'byung ba la/ sna la sogs pa dag gis ni dbang po'i rdul phra rab dag las ches lhag pa'i yul gyi rdul phra rab rnams mi gtogs so/ /'di ltar dbang po'i rdul phra rab rnams ni yul ches chung ba la yang de snyed cig byed pa dang bcas kyi/ ches nyung ba dang ches mang ba dag la ma yin te/ de lta na de dag yul dang phrad pa nyid du 'gyur gyi gzhan du ni ma yin no/ /mig dang rna ba dag gi ni ma nges par bshad pa'i phyir sngar bshad pa rnams la mnyam pa kho na 'dzin no zhes nges pa bshad par 'gyur ro/ /res 'ga' ni chung ste zhes bya ba rgya cher 'byung ba la 'di skad du/ yul ma nges pa'i phyir lhag par 'dzin gyi mgal me'i 'khor lo bzhin du myur du 'jug pa'i phyir ni ma yin no zhes bstan par 'gyur ro/ /ma phrad par khyad par med pa ni khyad par gyi rgyu med pa'i phyir rim gyis 'dzin par mi rigs pa de'i phyir thams cad kyis re shig rdul phra rab rnams kho na lan gcig 'dzin no/ /mig phye ba tsam gyis zhes bya ba la/ tsam smos pa ni myur du bsgyur bar rtog pa bzlog par bya ba'i phyir ro/ /tshad ni lus can gyi rdzas la brten pa'i phyir na yid la tshad yod pa ma yin te/ lus can ma yin pa'i phyir ro/ /de'i phyir 'di la tshad mi dpyad do/ /dbang po nyams pa rnams la rten yod kyang gzugs mthong ba yod pa ma yin pa de'i phyir mig la sogs pa dag rten las gzhan yin no zhes bya bar nges mod kyi/ de dag tu'am ji ltar gnas pa ni ma nges pas de'i phyir 'dri ba ni/ yang mig gi dbang po la sogs pa 'di dag gi zhes rgya cher 'byung ste/ mig gis gzung bar bya ba ma yin pa'i phyir 'di dag gi gnas tshul rnam par gzhag pa ni dka' mod kyi/ thogs pa dang bcas pa rnams yul tha dad par gnas pa'i phyir dang / 'dus pa rnams skye ba'i phyir gdon mi za bar gang dag ji ltar gnas pa de brjod par bya dgos so/ /re zhig mig gi rdul phra rab rnams ni zhes bya ba rgyas par 'byung ste/ mig gi 'bras bu ste/ mthong phyed kyi dkyil 'khor la go snyod kyi me tog bzhin du yul la mngon du phyogs par gnas so/ /go snyod kyi me tog smos pa ni phan tshun ma 'brel bar bstan pa'i phyir ro/ /phan tshun ma 'brel ba'i phyir gyes par thal zhes bya ba'i dogs pa bzlog pa'i phyir kha dog dang bas bkag pas zhes bya ba la sogs pa smos te/ kha dog dang smos pa ni shel ltar lta ba'i gegs bsal bar bya ba'i phyir ro/ /bla 'og na gnas na nang ma rnams la sgrib par 'gyur ro zhe na/ de'i phyir phan tshun mi sgrib bo zhes bya ba la sogs pa smos so/ /shel gyi cha shas dag ni phan tshun mi sgrib ste/ /phan tshun bsgribs na shel gyis bsgribs pa'i gzugs mi 'dzin par 'gyur ro/ /rna ba'i bu ga gi nang na gnas so zhes bya ba la/ rna ba'i bu ga ni rna khung gi bu ga'i mthar thug pa'o/ /mtshul pa'i nang na zhes bya ba ni/ sna'i nang na rten dang 'dra bar kha thur du bltas pa'o/ /skra'i rtse mo'i khyon tsam zhig ma khebs pa ni ma khyab pa'o/ /grag go'i sgra ni srid par bstan pa'i phyir ro/ /thams cad kyis rnam par shes pa skyed na ni zhes bya ba la/ lo'i sgra ni der lus mi 'jig pa ni las kyis gzung ba'i phyir yin gyi thams cad kyis rnam par shes pa mi skyed pa'i phyir ni ma yin no zhes bya ba'o/ /de nyid kyi phyir zhes bya ba ni/ gang gi phyir dbang po'i rdul phra rab pa'i yul gyi rdul phra rab gcig gis rnam par shes pa skyed pa med pa'i phyir ro/ /yid ni gcig pu zhig kho na yid kyi rnam par shes pa'i rten du 'gyur la/ chos gcig dang du ma yang lnga po dag gi zhes khyad par du byas so/ /rten dang dmigs pa ni bsags pa yin pa'i phyir zhes bya ba ni/ bsags pa la brten pa'i phyir dang bsags pa la dmigs pa'i phyir ro/ /bstan du med pa yang don gang gis she na/ de nyid kyi phyir zhes smos so/ /ci mig ni rnam par shes pa na zhes bya ba 'byung ste/ 'di ni rten nges par bstan par bya ba'i phyir brtsams kyi/ rten bstan par bya ba'i phyir ni ma yin no/ /tha ma'i rten 'das zhes bya ba ni gong du drug po 'das ma thag pa yi/ zhes bya ba'i mdo der bstan zin to/ /de bzhin du/ mig gis gzugs rnams mthong rten bcas/ /de la brten pa'i rnam shes min/ /zhes bya ba de nyid du lnga po rnams kyi rten da ltar byung ba'i dngos por gyur pa'i don nyid kyi phyir ro/ /tha ma'i rten 'das zhes bya ba la/ tha ma ni 'dod pa'i rim pa ste/ yid kyi rnam par shes pa de'i rten ni 'das pa nyid yin gyi/ de ltar byung ba dang ma 'ongs pa rnams ma yin no/ /yang zhes bya ba'i sgra ni 'das pa yang yin pa'o zhes bya ba la/ lnga rnams kyi/ de dag lhan cig skyes pa yin/ /zhes skyes na 'das pa mi rtogs la/ 'das pa ni 'dod pa yang yin te/ de'i phyir yang gi sgra ni de bsdu bar bya ba'i phyir yin no zhes ston par byed do/ /de ltar na lnga po rnams kyi 'das pa dang da ltar ba yin gyi ma 'ongs pa ni ma yin pas rten gyi rnam par gzhag pa yul dang 'dra ba ma yin no zhes pa shes par byas par 'gyur ro/ /de nyid kyi phyir zhes bya ba ni gang gi phyir rnam par shes pa'i tshogs lnga dbang po gnyis kyi rten can yin la/ yid kyi rnam par shes pa yid kyi dbang po kho na'i rten can yin pa'i phyir ro/ /mu dang po ni mig yin no zhes bya ba rten gyi dngos po yin gyi mtshungs pa de ma thag pa'i rkyen gyi dbang por ni ma yin te/ mig gi rnam par shes pa dang lhan cig skyes pa'i phyir dang / sems dang sems las byung ba kho na mtshungs pa de ma thag pa'i dngos por nges pa'i phyir mig gi rnam par shes pa'i mtshungs pa de ma thag pa'i rkyen ma yin no/ /gnyis pa ni chos kyi khams sems las byung ba 'das ma thag pa yin no zhes bya ba la/ sems las byung ba rnams rnam par shes pa'i rten ma yin pa'i phyir mtshungs pa de ma thag pa'i rten gyi dngos po kho na yin gyi/ rten gyi dngos por ni ma yin no/ /sems las byung ba smos pa ni ldan pa ma yin pa dgag par bya ba'i phyir ro/ /'das ma thag pa smos pa ni ma 'ongs pa dgag par bya ba'i phyir ro/ /de ma thag pa smos pa ni bar dang bcas pa dgag par bya ba'i phyir ro/ /gsum pa ni 'das ma thag pa'i yid yin no/ /zhes bya ba ni rten gyi dngos por yang yin la/ mtshungs pa de ma thag pa'i dngos por yang yin pa'o/ /bzhi pa ni bshad pa la ma gtogs pa'i chos rnams yin te zhes bya ba ni rten gyi dngos por yang ma yin la/ mtshungs pa de ma thag pa'i dngos por yang ma yin pa ste/ de dag kyang gzugs la sogs pa yul rnams dang rna ba la sogs pa rnams dang / sems las byung ba mi skye ba'i chos can rnams dang 'dus ma byas rnams so/ /de bzhin du lus kyi rnam par shes pa'i bar du yang rang gi dbang po brjod par bya'o zhes bya ba ni/ rna ba'i rnam par shes pa'i rna ba dang / sna'i rnam par shes pa'i sna dang / lce'i rnam par shes pa'i lce dang / lus kyi rnam par shes pa'i lus kyi dbang po ste mu dang po ni de lta bu'o/ /lhag ma ni snga ma bzhin no/ /yid kyi rnam par shes pa yin tshig snga ma dang sbyar ba ste zhes bya ba la/ gang du sngar mthong ba'i tshig gis don go ba dang de ni tshig snga ma dang sbyor ba'o/ /gang du phyi mar mthong ba'i tshig gis don go ba ni tshig phyi ma dang sbyar ba'o/ /re zhig gang rten gyi dngos por yin pa de mtshungs pa de ma thag pa'i rkyen gyi dngos por yang yin no zhes bya ba la/ 'das ma thag pa'i yid ni de'i rten dang mtshungs pa de ma thag pa'i rkyen yang yin no chos kyi khams sems las byung ba 'das ma thag pa'o zhes bya ba la/ de ni de'i mtshungs pa de ma thag pa'i rkyen kho na yin gyi rten ni ma yin no/ /yang ci'i phyir rnam par shes pa lnga po rnams kyi yul da ltar ba kho na yin gyi 'das pa yang ma yin zhe na/ rten da ltar ba'i dbang gis yul rnam par gzhag go/ /gzhan du na yid kyi rnam par shes pa dus gsum pa'i yul can ma yin par 'das pa kho na'i yul can du 'gyur ro/ /gzhan yang rten dang lhan cig yul la 'jug pa'i phyir dang / rten rnams kyang lkog tu gyur pa'i don la 'jug pa med pa'i phyir ro/ /da ltar ba'i gzugs la sogs pa rnams nyid yul gyi 'das pa dang ma 'ongs pa rnams yul ma yin no/ /gzhan dag mig gi rnam par shes pa la sogs pa 'ga' zhig gi yul 'das par yang sems te/ sngar skyes kho na'i rkyen gyis 'bras bu skyed pa rung gi lhan cig skyes pa ma yin pa dang / de bzhin du da ltar ba'i rkyen yang 'das pa kho na rung gi lhan cig skyes pa ma yin no zhes zer ro/ /rang gi rgyud 'dzin pa'i phyir 'das pa thams cad yul nyid du thal ba med do/ /gal te yod pa ma yin pa'i rgyu mi rigs so zhe na/ de ni ma yin pa nyid de/ 'das pa dang da ltar byung ba'i rgyu 'dod do/ /'o na ci da ltar byung ba dang ma 'ongs pa gang gi tshe rnam par shes pa da ltar byung ba de'i tshe 'das pa zhes brjod par byed ce na/ de lta na 'o na ma 'ongs pa dang da ltar byung ba yul yin zhes brjod par bya'i 'das pa ni yul zhes brjod par mi bya ste/ 'das pa yul ma yin pas so/ /dus gzhan gyi rkyen gyis dus gzhan gyi yul zhes bya ba rigs par brjod pa ma yin no/ /gang zhig rkyen gyi ngo bo mi snang bas rnam par shes pa skyes pa de dmigs pa'i rkyen zhes bya'o/ /gzhan du ni dmigs pa'i rkyen ma lus pa'i khyad par ci/ de'i rnam pa skye ba med par rnam par shes pa dus gzhan gyi dmigs pa 'dzin pa yod pa ma yin no/ / 'o na ci gang zhig da ltar byung ba'i yul la da ltar byung ba'i rnam par shes pa skye bar rtogs par byed ce na/ da ltar byung ba'i rgyu mtshan las da ltar byung ba'i rnam par shes pa la de'i rnam pa skye'o zhes bya ba ni rigs par brjod pa ma yin no/ /de'i rnam pa las rnam par shes pa la yul nges pa yang mi rigs so/ /de'i phyir da ltar byung ba'i yul nyid rnam par shes pa skye bar 'dod pa'i dmigs pa'i rkyen gyi ngo bor rnam par gnas so/ /gang gi tshe de'i rnam par shes pa skye bar 'gyur ba de'i tshe yul dang bcas par 'gags pas na 'das pa yul du brjod do/ /'das pa yul du brjod ces bya bas 'das pa'i yul mig gi rnam par shes pa'i lam du ldan pa lta bu ni ma yin te/ de ltar zhar las byung bas chog go/ /dkyus ma nyid brtsam par bya ste/ yang rnam par shes pa ni gnyis ka la rag lus te skyon zhes bya ba la/ gnyi ga la rag lus pa yang ji ltar shes par bya zhe na/ mig gi rnam par shes pa la sogs pa skye'o zhes bya ba lung la grub ste/ kha cig lung las mig dang gzugs la brten nas mig gi rnam par shes pa skye'o zhes bya ba nas de bzhin du yid dang chos la brten nas yid kyi rnam par shes pa skye'o zhes bya ba'i bar ro/ /nyams su myong ba ni rig bzhin pa rnams te/ mig gi rnam par shes pa la sogs pa rnams ni mig la sogs pa rnams dang gzugs la sogs pa med pa las mi skye zhing gzugs la sogs pa nye yang mig la sogs pa med pa'i phyir long ba la sogs pa rnams la mi skye'o/ /gal te yid la byed pa las skye bar bshad pa ma yin nam zhe na/ gzugs dang snang ba de las skyes pa'i yid la byed pa nye bar gnas pa las 'gyur gyi mig yongs su grub pa las ma yin no/ /de bzhin du de las skyes pa'i mig gi rnam par shes pa 'byung bar 'gyur ro/ /de la ci'i phyir gnyis kho na nye bar bkod ce na/ yid la byed pa ni sems las byung ba yin zhing sems la brten pa yin pa'i phyir dang sems kyi rten du mi 'gyur bas nye bar bkod do/ /de dag gyur pas 'gyur nyid phyir/ /zhes bya ba la sogs pa la/ de dag gi rnam par 'gyur ba ni de dag gyur pa'o/ /de dag rnam par 'gyur ro zhes tshig rnam par sbyar ro/ /phan pa dang gnod pa dang gsal ba dang mi gsal ba nyid kyi rjes su byed pa'i phyir ro zhes bya ba la/ phan pa dang gnod pa dag ni rkyen la bltos pa yin la/ gsal ba dang mi gsal ba nyid ces bya ba ni mig gi rang bzhin nyid do/ /rjes su byed pa'i sgra ni phan pa'i rjes su byed pa'i phyir ro zhes bya ba nas/ mi gsal ba'i rjes su byed pa'i phyir zhes bya ba'i bar re re dang sbyar ro/ /mig la sogs pa'i rnam par shes pa rnams ni go rims bzhin du bde ba skye ba dang sdug bsngal skye ba'i sgo nas mig la sogs pa dag mig sman dang rdul la sogs pa dag gis phan btags pa dang gnod pa byas pa'i rjes su byed cing / de bzhin du gsal ba dang mi gsal bar skyes pas gsal ba dang mi gsal ba'i rang bzhin du gyur pa nyid kyang rjes su byed de/ de'i phyir mig la sogs pa rnam par gyur pas rnam par shes pa rnams 'gyur ba yin no zhes bya ba shes par bya'o/ /gzugs la sogs pa dag gyur pas de dag 'gyur ba ni ma yin te/ gzugs la sogs pa dag gi phan pa dang gnod pa gsal ba dang mi gsal ba nyid kyi rjes su mi byed pa'i phyir ro/ /'di ltar gzugs la sogs pa yang mig ser gyis mig nyams pa rnams kyis dung ser por mthong ba yin la/ rab rib la sogs pas gnod pa byas na gzugs rnam par 'gyur bar mthong ba yin no/ /de bzhin du mig mi gsal na gzugs rang gi mtshan nyid kyis tshang yang mig gi rnam par shes pa mi gsal ba nyid du 'gyur ro/ /de ltar na mig gsal na gzugs mi gsal yang de'i rnam par shes pa gsal bar skye'o/ /'dir rten gyi don ni rjes su byed pa'i don yin no/ /shin tu legs pa yin gyi zhes bya ba ni ches legs pa yin no zhes bya ba'i tha tshig go/ /lus rlung la sogs pas sun phyung ba dang rnam par dag pa las rnam par shes pa 'khrugs pa dang ma 'khrugs pa skye ste/ de de'i rten ni ma yin no/ /yod kyang rjes su byed do zhes brjod par bya ba de lta na de'i tshe yang rang gi rten gyi rjes su byed pa nyid do/ /gang zhig gi lus sdug bsngal bar skyes pa de la sdug bsngal gyi tshor ba dang lhan cig thams cad 'khrugs pa'i lus kyi rnam par shes pa 'gags nas rgyud de nyid la yid kyi rnam par shes pa 'khrugs pa skye'o/ /de las bzlog pas ni 'khrugs pa ma yin pa skye ste/ de'i phyir de ni yid nyid kyi rjes su byed pa'o/ /gal te rang gi rten gyi rjes su byed na/ ji ltar zag pa dang bcas pa las zag pa med pa'i rnam par shes par 'gyur zhe na/ zag pa'i chos thams cad rten par mi 'gyur te/ rten med par thal ba'i phyir ro/ /gzhan du na lung du ma bstan pa'i mig las mig gi rnam par shes pa dge ba dang mi dge ba zhes bya/ gang la rnam par shes pa'i byed pa nyid kyis de bsnyad par rigs so snyam du bsam ste 'dri ba ni/ yang ci'i phyir zhes bya ba rgya cher 'byung ba'o/ /rten gyi don bshad zin pa'i phyir thun mong ma yin pa nyid kyi 'dri ba ni/ ji ltar thun mong ma yin pa nyid yin zhe na/ gzhan gyi mig gis gzhan nyid ni ma yin te/ rang gi rgyud du gtogs pa'i rigs kyi dbye ba las yid kyi rnam par shes pa dang / mig gi rnam par shes pa ni rigs mtshungs pa nyid yin yang sems can gyi rten tha dad pa'i phyir ro/ /lus kyi bar du yang de dang 'dra'o/ /dang zhes bya ba ni dri la sogs pa rnams la ni yul dang phrad pa'i phyir srid pa'i dbang du byas nas brjod pa gzhan sna la sogs pa'i rnam par shes pa'i dmigs par 'gyur ba rnams so/ /dper na rnga bo che'i sgra dang nas kyi myu gu bzhin zhes bya ba la/ sgra dang myu gu 'byung ba rgyu du ma la rag las pa yin yang / rnga bo che dang nas gnyis thun mong ma yin pa nyid kyi phyir dang rten yin pa'i phyir rnga bo che'i sgra/ nas kyi myu gu zhes de dag gis bstan gyi/ dbyu gu la sogs pa dang chu la sogs pa dag ni rnga pa Ta ha la sogs pa'i sgra dag sA lu'i myu gu la sogs pa dag la thun mong ba yin pa'i phyir de dag gis ma bstan te/ 'on kyang rnga bo che'i sgra nas kyi myu gu zhes bstan par nus so/ /de bzhin du 'dir yang mig gi rnam par shes pa nas yid kyi rnam par shes pa'i bar du bstan par nus kyi yul rnams kyis ni ma yin no/ /de lta mod kyi mig gi rnam par shes pa nye bar bkod pa gzhan ci'i don du zhe na/ thun mong ma yin pa nyid kyis shes par byed pa'i don to/ /rigs mthun pa rnams kyang rnam par shes pa gzhan gyi rten du 'gyur na rigs tha dad pa rnams lta smos kyang ci dgos zhes pa'o/ /gal te thun mong ma yin pa nyid kyi phyir gzugs la sogs pa bkag na rten bkag par gyur pas nye bar len pa don med pa can ma yin nam zhe na/ yid kyi rnam par shes pa'i yul la de las gzhan pa'i rnam par shes pa thun mong ma yin pa'i phyir/ de dag yid kyi rnam par shes pa'i rten gyis ma yin no/ /de'i phyir rten du gyur pa'i phyir thun mong ma yin pa nyid ces bya'o/ /thun mong ma yin pa nyid ces bya ba phan tshun gyi don du ston par byed do/ /gang gi phyir skye gnas gcig la gnas pa'i gzugs la yang skye gnas bzhi la gnas pa'i mig gi rnam par shes pa skye'i/ skye gnas gcig la gnas pa'i mig gi skye gnas gnyis la gnas pa'i mig gi rnam par shes pa yang mi skye na/ skye gnas bzhi la gnas pa lta ci smos/ de bzhin du khams dang 'gro ba dang ris nges pa las kyang thun mong ma yin no/ /mig gzhan la yang de bzhin du brjod par bya'o/ / gal te yang skye gnas gzhan la gnas pa'i yid kyis yid kyi rnam par shes pa skye gnas gzhan la gnas pa skye mod kyi gcig gis cig car skye gnas du ma la gnas pa skyed pa ni ma yin te/ gzugs la sogs pa dag la ji lta ba bzhin no/ /de'i phyir rten gyi rjes su byed pa'i phyir dang / phan tshun nges pas rten rnams kho nas rnam par shes pa rnams rten gyi yul rnams kyis ni ma yin no/ /gzhan dag na re gnyi ga nang gi bdag nyid yin pa'i phyir zhes zer ro/ /gzhan dag na re gnyi ga sems can du bgrang ba yin pa'i phyir gzugs la sogs pa rnams las tha dad do zhes zer ro/ /mig gi rnam par shes pa rkyen du ma las grub pa yin bzhin du yang gnyis kho na ci'i phyir smos she na/ rten dang dmigs pa nyid kyi sgo nas rkyen ches nye ba yin pa'i phyir ro/ /snang ba med kyang mtshan mo rgyu ba rnams dang / nam mkha' med par chu la rgyu ba rnams dang / mching bu dang lhang tsher dang shel gyis bar du chod pa la mig rnam dang / gnyi ga med par lha'i mig dang ldan pa la mig gi rnam par shes pa skye ba de ltar mig dang gzugs dag med pa ni ma yin no/ /yid la byed pa yang rnam par shes pa'i tshogs drug bskyed pa la rkyen thun mong ba yin te/ mig dang gzugs dag ni de ltar ma yin no/ /de'i phyir 'di gnyis kho na smos pa mdzes so/ /gdul bya'i dbang las khams rnams kyang bstan to/ /yid la byed pa la sogs pa smos pa yang glang po che'i rjes lta bu la sogs pa rnams la'o zhes so/ /yang lus gang la gnas te zhes bya ba la/ gang la zhes bya ba ni 'dod par gtogs pa'am/ bsam gtan dang po'am/ gnyis pa'am/ gsum pa'am/ bzhi pa'i sa pa'o/ /ci lus dang zhes bya ba la sogs pa la/ ci lus 'dod par gtogs na mig dang gzugs dang / rnam par shes pa dag kyang 'dod par gtogs pa kho na yin pas na/ /de bzhin du lus bsam gtan bzhi pa'i sa pa yin na/ mig dang gzugs dang rnam par shes pa dag kyang bsam gtan bzhi pa'i sa pa'i bar du yin pa zhig gam/ 'on te lus 'dod par gtogs na/ mig dang gzugs dang rnam par shes pa gzhan gyi sa pa yin pa nas de bzhin du lus bsam gtan bzhi pa'i sa pa yin na mig dang gzugs dang rnam par shes pa dag kyang gzhan gyi sa pa'i bar du yin pa zhig ce na/ bzhi car yang phan tshun nges pa med par bstan pa'i phyir/ thams cad la bye brag yod de zhes bya ba smos so/ /'dod pa'i khams dang bsam gtan dang por skyes pa ma gtogs pa gzhan du skyes pa rnams kyi bzhi po 'di dag thams cad rang gi sa pa yin pa mi srid de/ 'dod pa dang bsam gtan dang por skyes pa dag la ni rang gi mig gis rang gi gzugs rnams la lta ba na thams cad rang gi sa pa yang srid do/ /de nyid bstan pa'i phyir 'dod [(]la'i [,]pa'i [)]khams su skyes pa rang gi mig gis zhes bya ba rgya cher gsungs so/ /de ltar bsam gtan gsum pa dang bzhi pa'i sa pa'i mig gis zhes bya ba la sogs pa la/ ji ltar 'dod pa'i khams su skyes pa bsam gtan dang po dang gnyis pa'i mig gis de'i sa pa dang sa 'og ma'i gzugs rnams la lta ba na gang gi sa pa yin pa de rgyas par bshad pa de bzhin du/ bsam gtan gsum pa dang bzhi pa'i mig gis lta bar yang sbyar bar bya'o/ /de la bsam gtan gsum pa'i mig gis 'dod par gtogs pa'i gzugs rnams la lta ba na/ gzugs dang lus ni 'dod par gtogs pa yin la/ mig gi rnam par shes pa ni bsam gtan dang po'i sa pa yin no/ /mig ni gsum pa'i yin no/ /bsam gtan dang po'i gzugs la lta ba na/ lus ni 'dod pa na spyod pa yin la/ gzugs rnams dang mig gi rnam par shes pa ni dang po'o/ /mig ni bsam gtan gsum pa'i sa pa'o/ /bsam gtan gnyis pa'i sa pa'i gzugs rnams la lta ba na/ lus ni 'dod par gtogs pa yin la/ mig gi rnam par shes pa ni dang po'i yin no/ /gzugs rnams ni gnyis pa'i yin no/ /mig ni bsam gtan gsum pa'i sa pa yin no/ /rang gi gzugs rnams la lta ba na/ lus dang mig gi rnam par shes pa ni snga ma bzhin no/ /gzugs dang mig ni gsum pa'i 'o/ /de bzhin du bsam gtan bzhi pa'i mig gis 'dod par gtogs pa rnams la lta ba na/ lus dang gzugs ni 'dod pa'i khams yin la/ mig gi rnam par shes pa ni dang po'i yin no/ /mig ni bsam gtan bzhi pa'i sa pa yin no/ /bsam gtan dang po'i sa pa rnams la lta ba na/ lus ni snga ma dang 'dra la gzugs rnams dang rnam par shes pa ni dang po'i yin no/ /mig ni bzhi pa'i yin no/ /bsam gtan gnyis pa'i sa pa rnams la lta ba na/ lus ni 'dod pa na spyod pa yin la/ mig gi rnam par shes pa ni dang po'i yin no/ /gzugs rnams ni gnyis pa'i yin no/ /mig ni bzhi pa'i yin no/ /bsam gtan gsum pa'i sa pa rnams la lta ba na lus ni snga ma bzhin no/ /rnam par shes pa ni bsam gtan dang po'i yin no/ /gzugs ni gsum pa'i yin no/ /mig ni bzhi pa'i yin no/ /rang gi sa pa la lta na/ lus dang rnam par shes pa ni snga ma bzhin no/ /gzugs dang mig ni bzhi pa'i yin no/ /bsam gtan gsum pa'i mig gis lta ba la sogs pa la yang de bzhin du sbyar bar bya'o zhes bya ba la/ bsam gtan dang por skyes pa bsam gtan gsum pa'i mig gis 'dod pa'i gzugs rnams la lta ba na/ gzugs rnams ni 'dod pa na spyod pa yin la/ lus dang rnam par shes pa dag ni dang po'i yin no/ /mig ni gsum pa'i yin no/ /bsam gtan dang po'i gzugs rnams la lta ba na/ lus dang rnam par shes pa dang ngag rnams ni dang po'i yin la/ mig ni gsum pa'i yin no/ /bsam gtan gnyis pa'i gzugs rnams la lta ba na/ lus dang rnam par shes pa dag ni dang po'i yin la/ gzugs ni gnyis pa'i yin no/ /mig ni gsum pa'i yin no/ /rang gi gzugs rnams la lta ba na/ lus dang rnam par shes pa dag ni dang po'i yin la/ mig dang gzugs ni gsum pa yin no/ / bsam gtan bzhi pa'i mig gis lta ba'i yang de bzhin du sbyar bar bya'o/ /bsam gtan gnyis pa la sogs par skyes pa zhes bya ba la/ de la bsam gtan gnyis par skyes pa'i rang gi mig ni bsam gtan gnyis pa'i sa pa yin no/ /bsam gtan gsum pa dang bzhi pa ni gzhan gyi mig go/ /de bzhin du bsam gtan gsum par skyes pa'i rang gi mig ni bsam gtan gsum pa'i sa pa'o/ /gzhan gyi mig ni bsam gtan bzhi pa'i sa pa'o/ /bsam gtan bzhi par skyes pa'i mig ni rang gi sa pa kho na yin gyi/ gzhan gyi sa pa ni ma yin no/ /rang dang gzhan gyi gzugs rnams la lta ba'i yang zhes bya ba la/ bsam gtan gnyis par skyes pa'i rang gi sa pa'i gzugs ni bsam gtan gnyis pa'i gzugs dag go/ /lhag ma gong ma dang 'og ma dag ni gzhan gyi sa pa rnams so/ /bsam gtan gsum pa dang bzhi par skyes pa dag la yang de bzhin du brjod par bya ste/ bzhi par skyes pa'i gzhan gyi sa pa'i gzugs rnams ni 'og ma dag kho na yin gyi gong ma dag ni yod pa ma yin no/ /ci rigs par sbyar bar bya'o zhes bya ba 'byung ba ste/ de la rigs pa ni 'di yin te/ bsam gtan gnyis par skyes pa la 'dod par gtogs pa dang bsam gtan dang po'i sa pa'i mig med kyi rang gi sa pa'i mig gis rang dang 'og ma'i gzugs la lta ste gong ma dag la ni ma yin no/ /bsam gtan gsum pa'i sa pas ni/ bsam gtan bzhi pa'i gzugs ma gtogs pa'i gzugs rnams la lta'o/ /bsam gtan bzhi pa'i mig gis ni gzugs thams cad la lta'o/ /de lta na bsam gtan gsum pa dang bzhi par skyes pa rnams la ni sa 'og ma'i mig med kyi/ rang gi sa pa'i mig gis rang gi sa pa dang sa 'og ma'i gzugs la lta ste/ sa gong ma la ni ma yin no/ /lus la 'og ma'i mig ma yin/ /zhes bya ba la/ 'og ma bkag pas rang gi sa pa dang / sa gong ma pa gnang bar 'gyur ro/ /'di ltar sa gong ma'i lus las 'og ma pa'i mig rnam par smin pa las skyes pa mi rigs te/ sa 'og ma pa'i rnam par smin pa'i rgyus gong ma'i 'bras bu mi 'byin pa'i phyir ro/ /rgyas pa las byung ba yang mi rung ste/ sa 'og ma pa'i rgyas pa'i rgyu med pa'i phyir ro/ /lus dang mig dang gzugs rnams ni gzugs kyi rang bzhin yin pa'i phyir dang / bsam gtan bzhi pa'i gong na gzugs med pa'i phyir sa lnga pa kho na yin gyi/ sa gong ma dag na ni med do/ /mig gi rnam par shes pa ni sa gnyis pa ste zhes bya ba la/ 'dod pa'i khams dang bsam gtan dang po na yod kyi gong na ni yod pa ma yin te/ rtog pa dang bcas shing dpyod pa dang bcas pa'i phyir dang / bsam gtan gnyis pa la sogs pa dag na rtog pa dang dpyod pa med pa'i phyir ro/ /mig gis gong ma'i gzugs ma yin/ /zhes bya ba la gong ma bkag pas rang gi sa pa dang sa 'og ma khas blangs par 'gyur ro/ /yang ci'i phyir mig gong ma'i yul can du mi 'dod ce na/ sa 'og ma'i mig ni yul rags pa la 'tsham pa'i phyir sa 'og ma'i gzugs phra mo la lta ba'i nus pa med do/ /rnam par shes pa'ang gong ma ni mig gi ma yin te/ zhes bya ba 'dir yang rang gi sa pa dang sa 'og ma pa khas blangs par 'gyur te/ ji ltar sa gong ma'i gzugs sa 'og ma'i mig gi yul ma yin pa de bzhin du/ sa 'og ma pa'i rnam par shes pa yang sa 'og ma pa'i mig gis brten par mi 'gyur te rang rten dang lhan cig yul gcig la 'jug pa'i phyir ro/ /'di ni lha tshangs pa la sogs pa mthong ba'i phyir dang / de'i dbang gis rnam par shes pa skye ba'i phyir 'di ni dpyad par bya dgos so zhes bya ba 'di ni rgol ba'i gzhi yin no zhe na/ sprul pa'i gzugs mthong ba'i phyir na 'di ni dpyad zin to/ /de'i gzugs lus kyi 'ang gnyi ga thams cad du/ /zhes bya ba la/ de'i zhes bya ba ni bshad ma thag pa'i mig gi rnam par shes pa'i yul ni thams cad du rang dang 'og dang gong ma'i sa pa'i gzugs yin la/ lus kyi'ang gzugs dang rnam par shes pa dag gnyi ga rang dang 'og dang gong ma'i sa pa dag thams cad du yin no/ /de la rnam par shes pa'i rang gi sa pa'i gzugs ni rang gi rnam par shes pas rnam par shes pa'i 'dod pa dag bsam gtan dang po'i gzugs so/ /bsam gtan dang po'i rnam par shes pa'i gong ma ni sa pa'i bsam gtan gnyis pa la sogs pa'i gzugs so/ /sa 'og ma pa ni 'dod pa'i gzugs so/ /lus dang gzugs dang rnam par shes pa rang gi sa pa dag ni 'dod pa dang bsam gtan dang por skyes pa'i 'o/ /sa 'og ma pa dag ni bsam gtan gnyis pa la sogs par skyes pa'i 'o/ /sa gong ma pa dag ni 'dod pa'i khams su skyes pa kho na'i 'o/ /lus dang gzugs kyang rang dang 'og ma'i sa pa'o/ /gong ma'i mig gi yul gong ma dang rang dang 'og ma'i sa pa zhes bya'o/ /gsum dag ni zhes bya ba rgya cher 'byung ste/ yul dang phrad pa yin pa'i phyir ro/ / lus dang dbang po dang yul gyi bdag nyid can gsum char gdon mi za bar rang gi sa pa yin gyi/ rnam par shes pa la ni bye brag yod do/ /'di lta ste/ 'dod pa'i khams dang zhes bya ba la/ lus la sogs pa bzhin rnam par shes pa yang de'i sa pa nyid do/ /lus dang reg bya dang dbang po ni sa lnga pa yin la/ lus kyi rnam par shes pa ni sa gnyis pa yin pa de'i phyir 'di la dbye ba yod do/ /yid ni ma nges te zhes bya ba la/ re zhig mtshungs pa'i sa pa ni sa lnga po dag tu skyes pa gang yin pa'i rang gi sa pa bzhi po kho na yin no/ /snyoms par 'jug pa dang skye ba'i tshe zhes bya ba la/ de la snyoms par 'jug pa'i tshe yid sa gong ma yin pa ni/ gang gi tshe 'dod pa'i khams su skyes pa zhig bsam gtan dang po'i mjug thogs su 'dod pa na spyod pa'i yid kyi rnam par shes pas 'dod pa na spyod pa'i chos rnams shes pa ste/ de'i tshe yid ni sa gong ma yin la/ lus dang yid kyi rnam par shes pa dang chos rnams ni sa 'og ma pa yin no/ /bsam gtan gnyis pa'am bzhi pa'i mjug thogs su bsam gtan dang po dang gnyis pa dang gsum pa'i sa pa'i yid kyi rnam par shes pas bsam gtan dang po dang gnyis pa dang gsum pa'i sa pa'i chos rnams rnam par shes pa na/ de'i yid ni sa gong ma pa yin la/ gsum ni sa 'og ma pa yin no/ /bsam gtan dang por skyes pa zhig gis bsam gtan gnyis pa'i mjug thogs su bsam gtan dang po'i yid kyi rnam par shes pas bsam gtan dang po'i sa pa'i chos rnams shes pa na/ yid kyi gong ma'i sa pa yin la/ gsum ni 'og ma'i sa pa nyid do/ /bsam gtan gsum pa dang bzhi pa'i mjug thogs su bsam gtan gnyis pa dang gsum pa'i sa pa'i yid kyi rnam par shes pas bsam gtan gnyis pa dang gsum pa'i sa pa'i chos rnam par shes pa ni/ yid ni gong ma'i sa pa yin la/ gsum ni 'og ma'i sa pa nyid do/ /bsam gtan gnyis pa la sogs par skyes pa yang ji ltar rigs par brjod par bya'o/ /'dod pa'i khams su skyes pa 'dod par gtogs pa'i sprul pa sprul par byed pa na/ yid ni ci rigs par bsam gtan bzhi pa'i sa pa yin la/ gsum ni 'dod par gtogs pa'o/ /lus 'dod pa'i khams su skyes pa ni/ yid sa 'og ma pa'o/ /de'i phyir sngar thod rgal gyi bsam gtan gyi snyoms par 'jug pa la sa gong ma pa'i yid dang rnam par shes pa dang chos rnams ji ltar srid pa'o/ /'dod par gtogs pa'i sprul pa sdud pa'i tshe yang yid ni sa 'og ma pa dang / lus ni rang gi sa pa dang / yid kyi rnam par shes pa sa gong ma pa dang / chos ni ji ltar srid pa'o/ /skye ba'i tshe yang sa gong ma yin la/ lus sa 'og ma par mi rung ste/ sa 'og ma pa'i lus kyi dbang po mi 'gags par 'ga' yang skye bar mi 'gyur ro/ /'ga' zhig ni ma yin yang rigs mi mthun pa'i sems la gnas te dus byed do/ /de ltar sa gong ma lus la sa 'og ma pa'i yid med pas a ba sAng byaM sa gong ma pa'i yid sa 'og ma pa'i lus la mi 'thad do/ /gang zhig sa gong ma pa'i rnam par shes pa'i mjug thogs su 'dod pa dang gzugs dang gzugs med pa'i khams su nying [(]rgya dpe gcig gi lugs 'dod pa'i khams su nying mtshams sbyar zhes pa snang / [) ]mtshams sbyor ba na/ de'i yid ni sa gong ma pa yin la/ lus dang yid kyi rnam par shes pa ni sa 'og ma pa yin no/ /chos rnams ni de'i sa pa dang / sa gong ma pa dang mi ldan pa dag yin no/ /de bzhin du yang sa 'og ma pa ma yin la/ lus sa gong ma pa yin pa yang brjod par bya'o/ /snyoms par 'jug pa'i dus su lus sa gong ma pa dang yid sa 'og ma pa rung ste/ rnam par shes pa dang lus sprul pa'i sems kyis mngon du byed pa'i phyir ro/ /de bzhin du yid kyi rnam par shes pa dang chos la yang brjod par bya'o/ /rgyas par snyoms 'jug bstan pa las zhes bya ba la sogs pa ni/ zag pa med pa'i mjug thogs su/ /ltag 'og gsum pa'i bar dge ba/ /skye bo dag pa las de bzhin/ /rang gi sa pa'i nyon mongs kyang / /nyon mongs can las rang dag dang / /nyon mongs 'og ma'i dag gcig kyang / /'chi 'pho dag la nyon mongs kun/ /nyon mongs can la gong ma min/ /zhes bya ba dang / rigs mi mthun pa'i gsum par 'gro/ /thod rgal gyi ni snyoms 'jug yin/ / zhes bya ba de lta bu la sogs pa'o/ /zhar las 'ongs pa'i skabs zhes bya ba la/ zhar las 'ongs pa ni zhar las byung ba ste/ lus gang la gnas te zhes bya la sogs pa 'di ni mig gis gzugs rnams mthong zhes bya ba de las 'ongs pa yin no/ /gnyis kyis rnam shes phyi yi lnga/ zhes bya ba la/ lnga zhes bya ba ni chos kyi khams bsal bar bya ba'i phyir ro/ /phyi'i zhes bya ba ni mig la sogs pa bsal bar bya ba'i phyir ro/ /phyi'i lnga po kho na gnyis kyis shes par bya ba yin no zhes nges par gzung bas lhag ma bcu gsum ni rnam par shes pa gcig gi yul yin no zhes bya bar grub par 'gyur te/ lnga po rnams kyi yul ma yin pa'i phyir ro/ /'dus ma byas ni rtag pa kho na'o zhes nges par gzung bas chos kyi khams kyi phyogs gcig rtag go/ /lhag ma rnams dang / chos kyi khams kyi phyogs gcig ni mi rtag go zhes bya bar shes par byas par 'gyur ro/ /ma bsgribs pa dang bsgribs pa dag phan tshun 'gal ba las d+yA kA [(]nam mkha'i ldan pa bskyed pa 'gog pa yang 'dod do zhes so/ /[)]sha s+yA saM yo go t+bA da ni ro d+he tsi ti so sor brtags pa dang so sor brtags pa ma yin pa'i 'gog pa dag rtag pa nyid la rnam par dpyad par bya'o zhes bya ba rgol ba'i gzhi'o/ /sgrib pa med pas nam mkha' med na 'o na ci gang gi tshe sgrib pa las bzlog pa'i chos gzhan gang du don dang bcas pa'i go skabs la sgrib par byed pa de'i tshe nam mkha' gang la gzugs kyi skabs su 'gyur/ 'dis ni tshor ba la sogs pa rnams las bye brag tu bshad do/ / ji ltar yang rtsig pa la sogs pa la sor mo la sogs pa'i gzugs kyi skabs su 'gyur/ de la nam mkha' yod pa ma yin no zhe na/ 'di ni de lta ma yin te/ rtsig pa la sogs pa thogs pa der sor mo la sogs pa'i gzugs kyi skabs su 'gyur ro/ /gal te de yang nam mkhar 'gyur na/ re zhig rtsig pa la sogs pa'i gzugs de nyid ga la gnas par 'gyur/ 'di ni gang 'thug pa la de'i glags med do zhes 'thug pa la de med par rtog pa yang bkag go/ /phrad pa 'jig pa dang phrad pa skyed pa tsam ni bral ba ma yin no/ /gang zhig ma byung ba las byung ba dang byung ba nas med pa ni mi rtag par 'gyur na/ 'o na ci zhe na phrad pa las bzlog pa'i chos kyang phrad pa ban+d+haH[(]'ching ba dang kun sbyor dang phra rgyas so/ /[)]saM yo dzan ma nu sha ya na ma ta sta ta [(]de'i phyir [)]thob par byed pa'i mtshan nyid dang bral ba'i thob pa gang yin pa thob bo/ /phrad pa dang bral ba 'di las so sor brtags pa ma yin pa'i 'gog pas ma 'ongs pa'i chos mi skye ba tsam skye ba la gtan du gegs byed pa'i chos gang yin pa thob po/ /'di ni nam yang skye bar mi 'gyur to/ /'dus byas kyang rtag tu rang gi mtshan nyid kyis gnas pa'i phyir ro/ /ji ltar 'dus ma byas kho na rtag pa yin zhe na dus su rgyu ba med pa'i phyir ro/ /de med pa ni skye ba la sogs pa 'dus byas kyi mtshan nyid dang mi ldan pa'i phyir ro/ /mdo las ni skye mched drug rnam par gzhag pa las lus kyi dbang po'i mjug thogs su yid kyi dbang po bshad pa la/ chos mngon pa ba rnams kyis ni rnam pa ston pa dag tu ches bde blag tu bstan par bya ba'i phyir/ yang dmigs pa rnams 'don pa'i go rims gcig tu byas te/ de nas dmigs pa dang bcas pa'i dang por yid kyi dbang po bstan to/ /de la zhes bya ba ni nye bar 'god pa'i tshig ste/ dbang po gang dag bshad pa la/ chos kyi khams kyi phyogs gcig yin pa'i phyir chos kyi phyed ces bya'o/ /srog gi dbang po la sogs pa bcu gcig dang zhes bya ba la/ srog gi dbang po dang / tshor ba'i dbang po lnga dang / dang po la sogs pa lnga'o/ /cha zhes bya ba ni kun shes ldan pa'i dbang po la sogs par bzung ba'i cha dad pa la sogs pa lnga dang / bde ba dang yid bde ba dang btang snyoms kyi dbang po rnams te/ de la gsum gyi cha ni dbang po brgyad po de rnams su bshad do/ /'og nas 'chad do zhes bya ba ni/ lus las pho dang mo dbang dag / ces bya ba de nas so/ /lhag mi khams lnga po dag ces bya ba ni gzugs la sogs pa rnams so/ /chos kyi khams kyi phyogs gcig ni dbang po ma yin pa zhes bya ba ni dbang po bcu gcig ma gtogs pa rnams so/ /slob dpon btsun pa blo gros brtan pas nye bar bkod pa chos mngon pa mdzod kyi bshad pa'i rgya cher 'grel pa don gyi de nyid ces bya ba las gnas dang po rdzogs so/ / //sangs rgyas la phyag 'tshal lo/ /dbang po rnams bshad pa la zhes bya ba la/ khams kyi mdzod kyi mthar bsdus pa dang rab tu dbye ba'i sgo nas te/ chos kyi phyed dang gang dag ni/ /bcu gnyis nang gir bshad dbang po/ /zhes bya ba ni bsdus pas so/ /mig gi dbang po nas kun shes ldan pa'i dbang po dang zhes bya ba'i bar ni rab tu dbye bas so/ /de ltar dbang po bshad pa la/ /dbang po'i don mi shes pas de'i phyir dbang po'i don ci zhe na zhes smras so/ /'di ni sgra'i don gyi dbang du byas nas dris pa yin gyi dngos po'i don ni ma yin te/ dngos po phan tshun tha dad pa rnams la don tha mi dad pa nye bar bzung nas sgra 'jug pa ni mi rigs te/ ha cang thal ba'i phyir ro/ /dngos po'i don ni mig la sogs pa pho'i dbang po drug po 'ga' zhig ni mdzod kyi gnas dang po kho nar bstan la/ srog gi dbang po ni ldan pa ma yin pa rnams kyi nang nas 'chad do/ /dad pa la sogs pa rnams ni sems las byung ba rnams kyi nang nas so/ /bde ba la sogs pa dang mi shes pa kun shes par byed pa'i dbang po la sogs pa dag ni dbang po'i skabs 'di nyid nas ston par 'gyur ro/ /de'i phyir dngos po'i don gyi dbang du byas nas dris pa ma yin no zhes bya bar shes so/ /slob dpon yang sgra'i don kho na ston cing / skad kyi byings don yongs su 'dzin par mdzad pa ni/ dbang ni dbang phyug dam pa'o zhes bya ba ste/ dngos po'i yul can dri ba yin na ni 'di lan du mi rung ngo / /de dbang byed pas zhes bya ba la/ de'i byings las dbang byed pas na dbang po rnams te dbang bdag ces bya ba'i don to/ /'dus pa 'di la dbang byed do snyam du bsams pa'o/ / de'i phyir zhes bya ba la/ gang gi phyir dbang byed pas dbang po rnams yin pa de'i phyir dbang byed pa'i don ni dbang po'i don to/ /gal te dbang byed pas dbang po rnams nyid yin na de lta na dbang po rnams kho na dbang po rnams so zhes bya bar 'gyur ro zhe na/ dbang po ni dbang byed pa'i rtags dang / dbang byed pas brten pa dang / dbang byed pas byung ba'o zhes bya bar 'don pa'i phyir dbang po zhes bya bar 'gyur ro/ /de lta na yang g+ha tsa'i don brjod par bya dgos na de yang ma smos pas so/ /'di ni lan ma yin no/ /'di ni rnam par shes pa dang 'dra bar 'gyur te/ dper na rnam par shes par byed pas na rnam par rigs pa'o zhes bya bar 'gyur ba ni/ de las tha dad pa'i shes pa pos bsdus pa bsal bar bya ba'i phyir/ lu Ta'i don la gus pa med par byas te/ rnam par shes pa zhes bshad pa de bzhin du 'dir yang dbang byed pa zhes bya ba dbang po las tha dad pa'i rtags su rtog pa bsal bar bya ba'i phyir ro/ /ta thok+ta s+yA ts+tsit+ta karma No ra be tse ta ba ri kalpa nai rli ha twat+te na praSh+naM sriSh+Tha dzu Sh+Ta tso t+ya nu pa pat+ti sarba s+ya tsan+d+ri de[(] skad du/ sems las rnams kyang sems 'byung ngo [) ] yatwa pra saM gaH[ (]thams cad dbang po nyid du bral bar 'gyur ro/ /[)]dr-iSh+Ta twA rgya bi she ShA te pe ge s+ya ti pra saM gaH[ (]mthongaba'i phyir gang khyad par las rtogs pas yang ha cang thal/[) ]de'i phyir bcom ldan 'das kyis de dag las tha dad pa'i dbang byed pa'i rtags bsal bar bya ba'i don du de dang de dag la dbang byed par 'gyur ba'i phyir/ dbang byed pa'i don gyis na dbang po rnams so zhes gsungs so/ / lnga po rnams ni don bzhi la zhes bya ba la/ grangs mi mnyam par bstan pa'i phyir dang brnan pa mi mngon par byas pa'i phyir/ lnga po rnams re re zhing don bzhi la dbang byed do zhes bya bar shes so/ /de nyid kyi phyir/ re zhig mig dang rna ba dag ces don tha dad pa bye brag tu phye ste nye bar bkod pa'o/ /re re zhing zhes bya ba ni bsdus pa ma yin pa'o/ /lus mdzes par bya ba dang zhes bya ba la/ 'dir lus ni gzugs kyi tshogs pa la mngon par 'dod do/ /mdzes pa ni gzung bar bya ba'i ngo bo nyid do/ /mi mdzes pa'i ngo bo yin pa'i phyir zhes bya ba ni gzung bar 'os pa'i ngo bo ma yin pa'i phyir te/ ma long ba dang / ma 'on pa dag ni rten du gzung bar 'os pa nyid kyi phyir lus mdzes par bya ba la dbang byed pa'o/ /lus yongs su bsrung ba dang zhes bya ba ni mig dang rna ba dag dbang byed do zhes bya bar sbyar ro/ / yongs su bsrung ba ni srog gi bar chad kyi rgyu yongs su spang ba zhes bya ba'i don to/ /ji ltar mig dang rna ba dag gis lus yongs su bsrung ba yin zhe na/ /de'i phyir mthong ba dang thos nas zhes rgya cher gsungs te/ g.yang sa la sogs pa mthong zhing stag la sogs pa'i sgra thos nas srog gi bar chad du 'gyur ba'i ya nga ba de dag spong bar byed pa ste/ don de dag gi tshigs su bcad pa lung las so/ /mtshungs par ldan pa dang bcas pa dag ces bya ba ni/ sems las byung ba dang bcas pa dag ste/ mig dang rna ba gyur pa'i rjes su byed pas rten gyi ngo bor gnas pa'i phyir de dag gi rnam par shes pa skyed pa la dbang byed do/ /gzugs lta ba dang sgra mnyan pa dag gis zhes bya ba la/ gzugs dang sgra 'dzin pa dag gis zhes bya ba ni don te/ 'di dag gi byed pa ni yul 'dzin pa tsam zhig 'dod pa'i phyir ro/ /thun mong ma yin pa'i rgyu nyid la zhes bya ba ni yul ma 'dres pa yin pa'i phyir te/ rna bas gzugs la lta ba'am/ mig gis sgra nyan pa ni ma yin no/ /de'i phyir mig dang rna ba dag kho na gzugs la lta ba dang / sgra nyan pa dag gis thun mong ma yin pa'i rgyu nyid do/ /sna dang lce dang lus rnams ni zhes bya ba rgya cher 'byung ba la/ de dag las dbang po gang yang rung ba zhig nyams na rten gzung bar mi 'os pa'i phyir te snga ma bzhin no/ /de dag gis kham gyi zas la yongs su longs spyod pa'i phyir zhes bya ba la/ kham gyi zas ni dri la sogs pa skye mched gsum gyi bdag nyid yin la/ dri la sogs pa de dag sna la sogs pa dag gis longs spyod pas kham gyi zas yongs su longs spyod pa'i phyir sna la sogs pa rnams kyis lus yongs su bsrung ba yin te/ 'gro ba zas kyis gnas pa yin zhes gsungs pa'i phyir ro/ /sa la sogs pa'i rnam par shes pa zhes bya ba la sogs pa ni don go bar zad do/ /gzhan dag ni/ /mig dang rna ba dag skye ba'i chos dang lus yongs su bsrung ba la rim pa bzhin dbang byed do zhes zer ro/ /sngar bshad pa'i tshigs su bcad pa gnyis ni lung ngo / /gzhan dag na re gnyi ga yang gnyi ga ste/ skyes bu dam pa bsten pa dang / dam pa'i chos nyan pa la sogs pa la dbang byed pas so zhes so/ /bzhi rnams gnyis pa'o zhes bya ba la/ 'dir yang brnan pa ste/ re re zhing don gnyis gnyis la dbang byed de zhes bya bar skabs dang sbyar ro/ /bzhi po rnams re re zhing dbang byed do/ yul dang yul can grangs mi mnyam pa'i phyir re re zhing yin no zhes bya bar shes so/ /lo'i sgra ni rnam grangs phyi ma gsal bar byed pa'i don to/ /sems can gyi bye brag dang khyad par dag la dbang byed de zhes bya ba la/ sems can rnams mig la sogs pa dbang po can du mtshungs kyang pho'am mo zhes bya ba'i bye brag 'di pho dang mo'i dbang pos byas pa yin te/ 'di ltar bskal pa dang po pa rnams ni dbang po gnyis 'byung ba'i gong rol tu sems can sems can zhes bya bar bye brag med par rnam par gnas la/ dbang po gnyis byung nas ni pho'o mo'o zhes bya ba de ltar bye brag tu 'gyur ro/ / gang gi phyir dbang po gnyis byung ba'i gong rol tu bskal pa dang po pa rnams la nu ma la sogs pa dbyibs dang nga ro dang spyod pa la sogs pa bye brag med la/ dbang po byung nas nu ma la sogs pa'i dbyibs dang nga ro dang spyod pa la sogs pa bye brag yod pa de'i phyir/ de dag ni sems can gyi khyad par la yang dbang byed do/ /de lta na 'o na sems can gyi khyad par kho na sems can gyi dbye bar 'gyur ro zhe na/ /gang gi phyir nu ma la sogs pa'i dbyibs dang nga ro dang spyod pa yod kyang dbang po med pa'i phyir ro/ /gzhan du skyes pa dang bud med kyi dbang po med na pho'o mo'o zhes ston par mi 'gyur to/ /de'i phyir sems can gyi khyad par sems can gyi dbye ba la dbang byed do/ /sa [(]rgya dpe gcig na b+he darma b+hedaH[)]twa b+he dAr+Ya b+he daH[(]sems can gyi dbye ba 'phags pa'i dbye ba'o/ /[)]gzhan dag sems can gyi khyad par ni gos dang rgyan la sogs pa gzhan nyid do zhes zer ro/ /gzhan dag na re kun nas nyon mongs pa dang rnam par byang ba dag la dbang byed do zhes zer ro/ /gzugs na spyod pa rnams la pho'i dbang po med kyang sems can gyi khyad par 'grub pa'i phyir/ sems can gyi bye brag dang khyad par dag la dbang byed pa ni ma yin te/ sems can gyi bye brag ni khyad par gyis byas pa yin no snyam du bsams pa yin no/ /'di ltar zhes bya ba ni gang gi phyir gyi don to/ /de dag dang mi ldan pa dang nyams pa zhes bya ba ni/ de dag dang mi ldan pa dang / de dag nyams pa'o/ /pho dang mo'i dbang po dang bral ba ni za ma rnams so/ /de dag nyams pa ni ma ning dang mtshan gnyis pa dag ste/ /skyes pa'i dbang po nyams pa ni ma ning ngo / /mtshan gnyis pa ni gnyis ka nyams pa ste/ gnas nyams pa dang bde ba chung ngu'i rgyu yin pa'i phyir ro/ /kun nas nyon mongs pa ni nyes par spyod pa rab dang de'i rgyu nyon mongs pa ste/ de ni sdom pa ma yin pa dang / mtshams med pa dang / dge ba'i rtsa ba chad pa rnams so/ /'dis nyon mongs pa rnams dang de dag gis kun nas bslang ba'i las rnam par byang bar byed pas na rnam par byang ba ste/ de sdom pa dang / 'bras bu thob pa dang / 'dod chags dang bral ba rnams so/ /gang gi phyir kun nas nyon mongs pa dang rnam par byang ba skyes pa dang bud med kho na la yod kyi za ma dang ma ning dang mtshan gnyis pa dag la med pa de'i phyir/ pho dang mo'i dbang po dag ni kun nas nyon mongs pa dang rnam par byang ba la dbang byed do zhes bya bar nges so/ /srog gi dbang po ni zhes bya ba la sogs pa la/ 'dir rigs mthun par mtshams sbyor ba ni 'chi ba'i srid pa'i mjug thogs su srid pa bar ma dor mtshams sbyor ba'am/ skye ba'i srid pa'i mtshams sbyor ba gzung ste/ gzugs med pa'i khams dag tu yang de rnyed pa yin pa dang skye ba nges pa'i phyir ro/ /de'i 'og rol tu ni yang dag par 'dzin to/ /'di ltar nyon mongs pa dang dge ba'i sems dang ldan pa thams cad dang srog gi dbang po'i stobs kyis gzugs med pa'i khams nas 'chi 'pho ba med par mthong ngo / /gzhan dag na re dbang po btags pa las dbang po yongs su gcod pa la dbang byed do zhes zer ro/ /tar+b+hA bi b+hA bA t+ta b+hA bo bA b+hA bA ta/[ (]dngos po la dngos po las rgya dpe cig na be tsa zer dngos po med pa'i phyir ro/[) ]zhes so de'i tshe dri za'i sems gnyis po zhes rgya cher 'byung ste/ pha ma dag log par 'jug pa'i dus su'o/ /'dis ni kun nas nyon mongs pa can gyi sems kun tu spyod pa med par skye ba'i srid pa med pa'i phyir yid kyi dbang po ni yang srid mtshams sbyor ba la yang dbang byed do zhes ston par byed do/ /gzhan dag ni 'di la kun dga' bo gal te rnam par shes pa ma'i mngal du mjug par ma gyur na ni zhes bya ba rgya cher 'byung ba khungs su smra'o/ /dbang gi ngo bo mthun par byed pa la dbang byed pa nyid kyis ni dbang gi lus dang ngag dag mthun par 'jug go zhes bya ba'i don to/ /de nyid la khungs ni ji skad du zhes bya ba rgya cher smos te/ 'jig rten 'di ni sems kyis khrid/ /sems kyis yongs su drangs pa yin/ /sems kyi chos ni gcig pu yi/ /dbang gi rjes su chos kun 'gro/ /zhes bya ba 'byung ngo / /'dir 'jig rten ni nye bar len pa'i phung po lnga la bya ste/ nye bar len pa'i phung po lnga'i mtshan nyid can rten thams cad dam/ dbang po dang bcas pa'i lus la sems dbang byed par gsungs so/ /gzhan dag na re/ sems nyon mongs pa thams cad kyis kun nas nyon mongs par byed do/ /rnam par byang ba'i rgyus rnam par byang bar byed do zhes gsungs pa'i phyir kun nas nyon mongs pa dang rnam par byang ba dag la dbang byed do zhes zer ro/ /lnga dang brgyad ni lnga dang brgyad po rnams te/ lnga ni kun nas nyon mongs pa dang / brgyad ni rnam par byang ba la dbang byed de/ grangs mi mnyam par bstan pa'i phyir ro/ /de nyid kyi phyir go rims bzhin du zhes bya ba smos so/ /de dag la 'dod chags la sogs pa rgyas par 'gyur ba'i phyir ro zhes bya ba ni dmigs pa dang mtshungs par ldan pa'i sgo nas 'dod chags la sogs pa rgyas par 'gyur ba'i phyir zhes bya ba'i don te/ ji skad du/ tshor ba bde ba las ni 'dod chags rgyas par 'gyur ro/ /sdug bsngal las ni zhe sdang ngo / /bde ba yang ma yin sdug bsngal yang ma yin pa las ni gti mug go/ /zhes gsungs pa lta bu'o/ /de lta mod kyi btang snyoms ni thams cad dang mtshungs par ldan pa de lta na yang 'dod chags kho na bde ba'o zhes nges par gzung bar shes par bya ste/ gti mug kyang bde ba yang ma yin sdug bsngal yang ma yin pa nyid do zhes bya bar skyon med do/ /dad pa la sogs pa rnams ni rnam par byang ba la dbang byed de zhes bya ba de nyid la rgyu smos pa ni/ de dag gis rnam par byang bar byed do zhes bya ba ste/ gang gi phyir de dag gis rnam par byang bar byed pa de'i phyir de dag rnam par byang ba la dbang byed do zhes bya ba ni rnam par dag par byed do zhes bya ba'i don te/ de skad du yang / 'phags pa nyan thos dad pa'i sgo gtan phun sum tshogs pa/ brtson 'grus kyi dpung phun sum tshogs pa/ dran pa'i sgo srung phun sum tshogs pa/ sems mnyam par gzhag pa ni shes rab kyi mtshon gyis rnam par grol bar 'gyur ro zhes bya ba de lta bu la sogs pa gsungs so/ /gsum pa dag ni 'di dag kho na'i nang du 'dus so/ /gzhan dag na re bde ba la sogs pa rnams ni rnam par byang ba la yang zhes bya ba la/ yang gi sgra ni kun nas nyon mongs pa la yang ngo zhes bya bar rtogs te/ bde bar gyur pa'i sems mnyam par 'jog go/ /sems mnyam par gzhag pas yang dag pa'i lta ba bzhin rab tu shes so/ /yang dag pa ji lta ba bzhin rab tu shes pas 'dod chags dang bral bar 'gyur ro/ /'dod chags dang bral bas rnam par grol bar 'gyur ro zhes bya ba de lta bu la sogs pa gsungs so/ /de ltar na bde ba'i dbang po rnam par byang ba la yang dbang byed do/ /dad pa gang la sdug bsngal gyi rgyu can te rgyu can du yod pa de ni sdug bsngal gyi rgyu ste/ 'dis ni dad pa sdug bsngal gyi rgyu can yin pa'i phyir sdug bsngal gyi dbang po yang rnam par byang ba la dbang byed par ston to/ /nges par 'byung ba la brten pa drug ni nges par 'byung ba la dmigs pa'o/ /nges par 'byung ba ni zag pa dang bcas pa dang zag pa med pa'i lam ste/ yid bde ba la sogs pa'o/ /sogs pa'i sgras ni yid mi bde ba dang btang snyoms bzung ngo / /gzugs la sogs pa yul gyi dbye bas ni rnam pa drug tu dbye ste/ mdo las ji skad du/ mig gis shes par bya ba'i gzugs rnams brten nas yid bde ba nges par 'byung ba la brten pa/ nges par 'byung ba dang mthun pa nges par 'byung ba la dmigs pa skye'o zhes bya ba nas de bzhin du yid kyis shes par bya ba'i chos rnams la brten nas yid bde ba nges par 'byung ba la brten pa skye'o zhes bya ba'i bar dang / de bzhin du yid mi bde ba dang / btang snyoms kyang bsdus pa lta bu'o/ / gzugs la sogs pa rnams la so sor rtog pa la ni yongs su dpyod pa sngon du 'gro ba can gyi yid bde ba dge ba 'dod chags dang bral ba dang mthun pa'i phyir nges par 'byung ba la brten pa skye la/ gzugs la sogs pa dag gis bslus pa la ni tshul bzhin du yid mi bde ba 'dod chags dang bral ba dang mthun pa'i phyir nges par 'byung ba la brten pa'o/ /gzugs la sogs pa'i yul dag la so sor brtags shing btang snyoms su gnas te/ yid bde bar yang mi 'gyur yid mi bde bar yang mi 'gyur ba zhes bya ba ni nges par 'byung ba la brten pa'i btang snyoms te/ 'dod chags dang bral ba dang rjes su mthun pa'i phyir ro/ /de ltar na yid bde ba dang yid mi bde ba dang btang snyoms rnams kyang rnam par byang ba la dbang byed do zhes bya bar shes so zhes zer ro/ /zhes bya ba ni bye brag tu smra bas ji skad smras pa'i don ma lus pa rnams la dbang byed pa mi srid pas slob dpon ma rangs par ston par byed do/ /gzhan dag na re zhes bya ba ni dpe ston pa rnams so/ /rnam par shes nas ya nga ba yongs su spang ba'i phyir zhes bya ba la/ de la gnod pa byung ba yongs su gcod pas rnam par shes pa ya nga ba spong gi mig dang rna ba dag gis ni lus su bsrung ba ma yin te/ 'di ltar ma byung ba ni mthong zhing thos kyang yongs su mi spong ngo / /gal te lus yongs su bsrung ba ma yin na/ de dag gang la dbang byed ce na/ de gnyis rnam par shes pa la ni dbang byed do zhes bya ba gsungs te/ na'i sgra ni rnam par shes pa kho na la'o zhes nges par gzung ba'i phyir ro/ /gal te mig gis mthong ngo rna bas thos so zhes bya ba ma yin nam zhe na/ de'i phyir gzugs mthong ba dang sgra thos pa dag la yang thun mong ma yin pa'i rgyu gnyis la dbang byed par shes pa ma yin pa nyid do/ /de lta na lus yongs su bsrung ba la dbang byed pa mi 'gal lo/ /gang dag gi ltar na rnam par shes pa kho nas mthong ba dang thos pa de dag gi ltar na lus bsrung ba la mig dang rna ba dag dbang byed pa 'gal lo/ /de'i phyir rnam par shes pa las gzhan pa gzugs mthong ba'am sgra thos pa med pa de'i phyir zhes bya ba rgya cher gsungs te/ gal te mig gis mthong ngo rna bas thos so zhes bya ba de yang rnam par shes pa'i rten gyi ngo bo yin pas mthong ba dang thos par bshad do/ /de'i phyir de la de nyid dbang byed par mi 'gyur te/ gang zhig mthong ba la sogs pa'i byed pa la yod pa bya ba'i dus su de mi gnas pa'i phyir ro/ /gzugs mthong ba'i phyir ro zhes bya ba yang gzugs la sogs pa smos pa las gzhan ma yin te gzugs la sogs pa smos pa yang rnam par shes pa nyid kyis so/ /rnam par shes pa las gzhan pas gzugs la sogs pa mthong ba ma yin no/ / lus mdzes pa la rten kho na dbang byed kyi/ dbang po las 'das pa'i phyir dbang po rnams ma yin te/ 'di yang mdzes par bya ba'i don dang tshig gi don du rten kho nas tshig gi zhes sngar bshad zin pas nye bar ma bkod do/ /sna la sogs pa rnams kyis kyang lus yongs su bsrung ba nyid ma yin te/ dbang po rnams kyis gnod par 'gyur ba'i kham gyi zas kyang yongs su longs spyod pa'i phyir ro/ /yid kyi dbang po yang / yang srid nying mtshams sbyor ba la dbang gi ngo bo dang mthun par 'jug pa ma yin te/ las dang nyon mongs pa'i dbang gis yang srid nying mtshams sbyor ba'i phyir dang / 'phags pa rnams de'i dbang gis mi 'jug pa'i phyir ro/ /'di la don rnams kyang dbang byed pa ma yin nam zhe na zhes bya ba la/ ji ltar dbang po med par dmigs pa mi 'gyur ba de ltar don med par yang zhes bya ste/ 'on kyang dbang po bzhin no/ /de la dbang byed kyi don la dbang byed pa ni ma yin no/ /lhag par gtso bor byed pa ni dbang byed pa ste dbang byed pa dang gtso bo nyid dag rnam grangs yin no/ /gtso bo nyid ni de'i rgyu dang 'bras bu 'brel par skye bas de'i phyir bdag po nyid kyi don to/ /lhag par dbang byed pa ni ma yin te/ de la lhag par dbang byed pa med pa'i phyir ro/ /yang lhag par dbang byed pa'i don gang yin pa med pa ci zhe na/ gzugs thams cad dmigs par bya ba la zhes rgya cher 'byung ste/ gsal ba dang mi gsal ba la sogs pa'i rjes su byed pa'i phyir zhes bya ba la/ sogs pa'i sgras ni 'khrugs pa dang ma 'khrugs pa dang rig pa dang mi rigs pa'i rjes su byed pa gzung ngo / /de las bzlog pa yin pa'i phyir gzugs kyi ni ma yin te zhes bya ba la/ gzugs thams cad dmigs pa la mig bzhin du gzugs ni ma yin te/ thun mong ba'i rgyur yid ches shing nges pa'i gzugs dmigs pa'i rgyu yin pa'i phyir dmigs pa de la gsal ba dang mi gsal ba'i byed pa mi 'jug go/ /de'i phyir gzugs la sogs pa la dbang byed kyi gzugs ni ma yin no/ /yid chos rnams la dbang byed pa'i bar du yang de bzhin du sbyar ro zhes bya ba la/ rna ba dang sna dang lce dang lus dang yid rnams sgra dang dri dang ro dang reg bya dang chos rnams dmigs pa la lhag par dbang byed pa yin te/ sgra la sogs pa thams cad dmigs pa'i thun mong ba'i rgyu yin pa'i phyir ro/ /gsal ba dang mi gsal ba la sogs pa'i rjes su byed pa'i phyir dmigs te/ de las bzlog pa'i phyir sgra la sogs pa rnams la ma yin te/ de mtshungs rnams dbang po ma yin par thal ba'i phyir ro/ /slob dpon 'dus bzang na re 'di ni mi rigs te/ de mtshungs rnams kyis dbang byed pa med de/ de dag gis rnam par shes pa mi skyed pa'i phyir ro zhes zer ro/ /'o na rgyu gzhan ma tshang ba'i phyir zhes bya ba ci zhe na/ de la dbang po ma yin par thal ba med de/ rten pa dang bcas pa'i rigs yin pa'i phyir de yang dbang po zhes bya'o/ /de ma yin na khams gsum pa'i 'dod chags bral ba'i yid/ yang srid mtshams sbyor ba la dbang gi ngo bo dang mthun par 'jug pa mi ldan pa'i phyir dbang po ma yin pa nyid du 'gyur ro/ bye brag tu smra ba la ni de mtshungs dbang po ma yin par thal ba nyid do/ /rten gzung bar bya ba nyid kyis dbang byed par yang brjod pa ni lhag ma gsum pa med na yang 'di la skyon med do/ /gnas kho na rten du gzung ba nyid yin na yang dbang po ma yin par ma brten pa'i phyir dbang po ma yin par thal ba bzlog par dka'o/ /gang bshad pa/ mig thams cad gzugs thams cad dmigs par bya ba la thun mong gi rgyu ma yin te skad cig pa yin pa'i phyir zhe na/ de ni de lta ma yin te/ gang gi phyir thams cad nyid rnam par smin pa las skyes pa'am rgyas pa las byung ba'i mig skad cig ma nyid la skad cig so sor gzugs thams cad dmigs pa'i rgyu'i dngos po'i rjes su 'gro ste/ gang yang dmigs pa'i yul bzung bas lhan cig byed pa'i rgyu nyid kyis de skyed par byed de/ de yul gyi dngos por gzhan gyis ma yin pa de'i phyir/ gzugs thams cad dmigs pa skyed par nus pa'i phyir/ skad cig so sor gzugs thams cad dmigs pa la thun mong gi rgyu nyid ces bshad do/ /gzugs ser po mig gis mthong ba yang 'ga' zhig gi tshe sngon po dmigs pa'i rgyur 'gyur ba de lta bu ni ma yin no/ /mig dang gzugs mnyam pa nyid med do/ /gang bshad pa/ rjes su byed pa la yang rgyu med par skye ba la rjes su byed pa'i phyir ma skyes pa skyes pa'i phyir mtshungs pa la dbang byed pas/ gang yang rung ba zhig ma tshang na mi skye'o zhes bya ba 'di yang rigs pa ma yin te/ ma skyes pa'i rjes su byed pa ma yin pa'i gnas skabs med pa'i phyir mig gi dbang po yang de'i rgyu nyid du thal ba'i phyir ro/ /de'i phyir dbang po las byung ba rnam par shes pa'i bdag nyid du gyur pa kho na bsal ba dang mi gsal ba la sogs pa'i khyad par du 'gyur ro/ /gang zhig dbang po ma yin pa'i rjes su byed pa zhes bya ba de ltar na dmigs pa las byung ba'i rnam par shes pa de mi snang ba'i bdag nyid du gyur pa yin no/ /gang gis de yul rnam par shes par byed do zhes bya ba yang de'i rnam pa skye ba dang mi skye ba las gzhan rnam par shes pa'i bya ba yod pa ma yin te/ de'i phyir rgyu kho na 'dir rjes su byed pa'o zhes shes par bya'o/ /gang bshad pa dmigs pa'i rten gyi rjes su byed pa nyid kyis mig gis lus yongs su bsrung ba gtso bor ma grub ste/ gtso bo ma yin pa gtso bo'i rjes su byed pa'i phyir ro/ /'di yang shes par byed pa don gzhan ma yin pa'i phyir/ 'dir ni yul dang dbang po dag gtso bo ma yin pa gzhan gyi rjes su byed par shes par bya'o/ /lus yongs su bsrung ba ni gtso bo ma yin pa'i phyir ro/ /gang yang dmigs pa'i rten yod kyang ya nga ba ma mthong bas pras+tha la ltung ba nam zhes bshad pa 'di ni mthong ba dang thos pa dag la yang mtshungs so/ /gang sngar bshad pa'i don bcu gcig kho na 'dir yang bshad pa ni/ de'i don nges par gzung ba'i phyir slar yang brjod pa ste/ lus yongs su bsrung ba la sogs pa la mig la sogs pa rnams dbang byed par sbyar ro/ /lus kyi dbang po kho na las zhes bya ba rgya cher 'byung ba la/ reg bya'i yul can yin pa'i phyir lus kyi dbang po las gzhan ma yin zhes bya bar shes so/ /gzhan nyid yin na ni mig la sogs pa bzhin du reg bya'i yul can du mi 'gyur ro/ /lus kyi rnam par shes pa'i rten yin pa'i phyir yang lus kyi dbang po las gzhan ma yin te/ gzhan nyid yin na ni mig la sogs pa ltar mi lus kyi rnam par rtog pa'i bar du mi 'gyur ro/ /de'i phyir 'dod pa na spyod pa'i lus kyi dbang po'i phyogs yin te/ 'dod chags dang lhan cig skyes pa'i lus kyi rnam par shes pa nyon mongs pa can kho na'i rten du gyur pa gang yin pa'o/ /mo nyid la dbang byed pa'i phyir dang / pho nyid la dbang byed pa'i phyir na mo'i dbang po dang pho'i dbang po rnam par gzhag go/ /mo nyid ni mo'i ngo bo'o/ bsam pa la yang ngo bo zhes bya ba ste/ de'i phyir bud med kyi cha byad dang zhes bya ba smos so/ /kha cig cha byad kyang don gzhan yin par sems pa de'i phyir nga ro dang g.yo ba dang bsam pa dag ste zhes bya ba smos so/ /'di nyid rnam par dpyad par bya ba'i phyir/ de ni mo'i mo nyid yin no zhes bya ba smos te/ ji ltar kha cig rtog par byed pa ltar bud med kyi skal ba mnyam pa'i mtshan nyid don gzhan ni ma yin no/ /pho'i ngo bo ni pho'i cha byad dang zhes bya ba 'dir yang bshad zin pa'i rjes su 'brangs te brjod par bya'o/ /de la bud med kyi bsam pa ni skyes pa'i yul can te bud med ni skyes pa'i bsam pa can no zhes 'byung ba'i phyir ro/ pho'i bsam pa ni bud med kyi yul can skyes pa dag ni bud med kyi yul can yin pa'i phyir ro zhes 'byung ba'i phyir ro/ /pho dang mo gnyis kyi nga ro yang tha dad de 'di ltar ma mthong bar pho'am mor skad kyis shes par 'gyur ro/ g.yo ba dang 'phros la sogs pa yang pho dang mo rnams la phan tshun mtshan nyid mi mthun par dmigs so/ /'dir yang nga ro dang g.yo ba dang bsam pa rnams so/ /bud med dang skyes pa'i dbang po dbye ba tha dad pa la rgyud gzhan dmigs pa ma yin te/ sems can gyi dbye ba las mo nyid dang pho nyid rgyu mtshan de nyid las mo dang pho'i ming 'jug go/ /nu ma la sogs pa'i dbyibs ni 'khrul pa'i phyir ma yin te/ sems can gyi khyad par ni mo dang pho'i dbang pos byas pa nyid do/ /slob dpon 'dus bzang na re 'di yang snga ma dang rnam grangs kyis 'jug ste de'i phyogs gcig smos pa'i phyir ro/ /gal te yang mi 'jug pa de lta na slar yang nges pa'i don du ci ste brjod par byed ces zer ro/ /srog gi dbang po ni ris mthun par gnas par bya zhes rgya cher 'byung ba la/ gnas pa ni 'dir rgyun rjes su 'jug pa ste/ 'di ltar gzugs med pa'i khams na dge ba dang nyon mongs pa can gyi sems dang ldan pa rnams kyang srog gi dbang po'i mthu las ris mthun pa rjes su 'jug la/ srog gi dbang po 'gags na 'gag par 'gyur ro/ /gal te 'gro ba zas kyis gnas pa yin/ /zhes bya ba zas dag kyang dbang po nyid du thal bar 'gyur ba ma yin nam zhe na ma yin te med kyang gnas pa'i phyir te/ gzugs dang gzugs med par skyes pa rnams ni kham gyi zas med kyang ris mthun par rjes su 'jug pa yin no/ /de bzhin du 'gog pa'i snyoms par 'jug pa dang / 'du shes med pa'i snyoms par 'jug pa la snyoms par zhugs pa rnams dang / 'du shes med pa pa mngon du gyur pa rnams reg pa dang sems pa dang rnam par shes pa med kyang ris mthun par rjes su 'jug pa mthong zhing srog gi dbang po med par ni ma yin no/ /de'i phyir ris mthun par gnas pa la dbang byed pa'i phyir na srog gi dbang po kho na dbang po nyid yin gyi zas rnams ni ma yin no/ /ris mthun par 'brel pa la ni srog gi dbang po dbang byed pa ma yin te/ de dang lhan cig skyes pa'i phyir ris mthun par 'brel ba la ni las dang yid dag dbang byed do/ /slob dpon 'dus bzang na re 'di yang rnam grangs snga ma dang khyad par med na rtsom pa don med par 'gyur te/ de yang don nges par ma gzung ba'i phyir ro zhes so/ /tshor ba rnams ni kun nas nyon mongs par bya ba la dbang byed de zhes bya ba la/ gal te 'di yang bye brag tu smra ba dang mtshungs pa de lta na yang / brtsams pa ni bde ba la sogs pa ni rnam par byang ba la yang dbang byed do zhes pa bsal ba'i phyir ro/ /lhag par dbang byed pa nyid ni dbang byed pa yin gyi rgyu tsam ni ma yin la/ tshor ba rnams kyang kun nas nyon mongs pa la lhag par dbang byed kyi rnam par byang ba la ni ma yin pas de dag ni kun nas nyon mongs pa kho na la dbang byed do/ /de nyid bstan par bya ba'i phyir/ 'di ltar mdo las/ tshor ba bde ba las ni 'dod chags rgyas par 'gyur/ /zhes bya ba la sogs pa smos te/ dmigs pas rgyas pa ni 'khrul pa'i phyir mtshungs par ldan pa'i sgo nas so/ /de ltar rtogs par bya ba yin mod kyi btang snyoms ni thams cad dang mtshungs par ldan pa de lta na yang sngar bshad pa nges par gzung ba'i phyir skyon med do/ /dad la sogs pa lnga po dag ni zhes bya ba la/ 'dis rnam par byang bar byed pas na rnam par byang ba ste lam mo/ /'di ltar de dag gis zhes bya ba rgya cher 'byung ba la/ gang gi phyir de dag gis te/ dran pa nye bar gzhag pa dang dro bar gyur pa'i gnas skabs dag gis lam skye ba'i gegs su gyur pa'i nyon mongs pa rnams kyang rnam par gnon la/ skal ba mnyam pa'i rgyu med par de'i stobs kyis lam bskyed pa'i phyir ches mchog gi gnas skabs dag gis ni lam yang 'dren par byed de/ /de dag kho na rnam par byang ba la dbang byed kyi/ rnam par byang ba'i bdag nyid yin pa'i phyir kun shes par byed pa'i dbang la sogs pa dag gis ni ma yin no zhes nges par bya ba'i phyir yang smos so/ /de bzhin zhes bya ba'i sgra ni ji ltar mig la sogs pa nas dad pa la sogs pa'i mthar thug pa rnams so sor dbang po yin pa de bzhin du kun shes par byed pa zhes bya ba dang / kun shes pa zhes bya ba dang kun shes ldan pa zhes bya ba yang so sor dbang po yin no zhes bstan par bya ba'i phyir ro/ / gal te dbang byed pa tha dad pa nyid kyis so sor dbang po nyid du shes pa ma yin nam zhe na/ rdzas tha mi dad pas the tshom za ba bsal bar bya ba'i phyir de bzhin zhes bya ba'i sgra rab tu sbyar ro/ /slob dpon 'dus bzang na re/ mthong ba'i sa la sogs pa'i dbye bas phye ba rnams phan tshun bsdus pa las dgos par 'gyur bas so zhes so/ /bar chad med pa dang rnam par grol ba'i lam gyi dbye bas phye ba rnams phan tshun bsdus pa'i phyir dgos pa'i skabs yod pas/ gang yang dgu po rnams gzhan ma yin pa nyid la dbang byed pa'i dbye bas 'di dbang po gcig nyid du 'gyur ba mthong ba ma yin no/ /pho dang mo'i dbang po dag phan tshun bsdus pa'i phyir zhes bya ba 'di yang mi rigs te/ dgu po las gzhan ma yin pa'i phyir dang / dbang byed pa'i dbye bas gcig nyid du bstan pa las dgos pa'i gnas nyid kyi phyir dang / de rnam par gcad pa'i phyir de bzhin gyi sgra rab tu sbyar ro/ /dbang byed pa'i dbye bas kyang gcig nyid du khas blangs pas/ de'i phyir 'di ni mngon par zhen pas rnam par glal ba'o/ /gang yang kho bo cag gis smras pa de bzhin gyi sgra ni rang bzhin tha dad pa gsum bstan pa'i phyir zhes bya ba ste/ mthong bsgom mi slob lam la dgu/ /gsum yin zhes gsungs pa'i phyir ro/ /rang bzhin tha dad pa nyid ma grub pa la don du ma don med pa can te/ de la de bzhin gyi sgra mi rtsom par de bzhin gyi sgra nyid kyis bstan pa'i phyir ro/ /yang na so sor dbang po zhes bya ba la/ kun shes pa'i dbang po la sogs pa'i tshogs pa'i bdag nyid bzlog ste/ mthong ba dang sgom pa dang mi slob pa'i lam rnams la tha dad pa la sogs pa'i dbang po rnams so sor kun shes par byad pa dang / kun shes pa dang kun shes pa dang ldan pa'i dbang po zhes bya bar rnam par gzhag par bya ste/ de'i tshogs pa mig gi dbang po'i rdul phra rab lta bu ni ma yin no/ /de la kun shes par byed pa'i dbang po ni kun shes pa'i dbang po thob par bya ba la dbang byed do zhes bya ba ni sgom pa'i lam ni mthong ba'i lam sngon du 'gro ba can yin pa'i phyir ro/ /kun shes pa'i dbang po ni kun shes pa dang ldan pa'i dbang po thob par bya ba la byed de/ mi slob pa'i lam ni sgom pa'i lam sngon du 'gro ba can yin pa'i phyir la/ de dag kyang mthong ba dang sgom pa'i lam la rnam par gzhag pa'i phyir ro/ /kun shes pa dang ldan pa'i dbang po ni yongs su mya ngan las 'da' bar bya ba la dbang byed de lam gzhan med pa'i phyir ro/ /mya ngan las 'das pa ni 'dir phung po lhag ma med pa'o/ /de nyid kyi phyir sems rnam par ma grol ba la mya ngan las 'da' ba med pa'i phyir ro zhes gsungs te/ sems rnam par grol ba ni zad pa shes pa yin la/ de dang de'i 'og rol gyi zag pa med pa'i lam thams cad ni kun shes pa dang ldan pa'i dbang po yin te/ de'i phyir kun shes pa dang ldan pa'i dbang po ni yongs su mya ngan las 'das pa la dbang byed do/ /snga rol tu ni ma yin te 'dus byas kho na 'dus byas kyi bdag po'i 'bras bu'o zhes 'byung ba'i phyir ro/ /gzhan dag kun shes pa dang ldan pa'i dbang po ni yongs su mya ngan las 'das pa la dbang byed do zhes zer ba ni/ yongs su mya ngan las 'das pa thob pa'i dbang du byas pas skyon med do/ /sogs pa'i sgra ni rnam grangs gzhan bstan par bya ba'i phyir te zhes rgya cher 'byung ba la/ dbang po dang po gnyis ni mthong ba dang sgom pas bsdus pas go rims bzhin du mthong ba dang sgom pas spang bar bya ba'i nyon mongs pa spong ba la dbang byed pa nyid do/ /slob dpon 'dus bzang na re/ dbang po nyid ni sbyor ba dang mthong ba dang / rnam par grol ba dang khyad par gyi lam rnams te de la dbang po nyid med pas gsum pa la yang kun shes pa'i dbang po nyid du thal bar 'gyur ro zhes zer te/ de dag kyang de dang rigs mthun pa'i phyir dbang po nyid du 'gal ba med de/ mi skye ba'i chos can gyi dbang po bzhin no/ /gal te zin pa'i bya ba kho na dbang por 'dod na/ de lta na phyis 'tsho ba'i phyogs rnams dbang po ma yin par 'gyur te/ ris mthun pa dang 'brel pa thun mong pa med pa'i phyir ro/ /de'i phyir ming 'jug pa la rgyur brjod do/ /ming 'jug pa ni kA ra NA kA ra Na rgyu dang byed pa dang gnod pa rnams la 'jug bA ye [(]ya gA+e ya ngan song la'o/ [) ]la yang rjes su 'jug ste/ ba lang gi ming rjes su 'jug pa bzhin no/ /de la rgyu srid pa ma yin yang gzhan du 'jug ste/ de la de ltar grags pa'i phyir na skyon med do/ /rnam par grol bas dga' ba dang bde ba so sor yang dag par myang ba'i phyir ro zhes bya ba la/ rnam par grol ba ni nyon mongs pa spangs pa'o/ /dga' ba ni yid bde ba'o/ /bde ba ni shin tu sbyangs pa'i bde ba'o/ /rnam par grol bas dga' ba dang bde ba yang dag par myang ba ni/ rnam par grol ba'i dga' ba dang bde ba yang dag par myang ba'o/ /slob dpon 'dus bzang na re/ 'di rnam grangs gzhan du mi rigs zhes zer ro/ /zag pa med pa'i shes rab kyis mngon par ma gtogs pa bden pa mngon par rtogs pa'i snga rol tu yang dbang byed do/ /bden pa'i mngon par rtogs pas nyon mongs pa'i skyon las nges par 'byin pa dang / skyon gnyis pa mngon par bcom pas mthong ba'i chos la bde bar gnas pa dang / gsum pa'i zhes bya ba ni de la yang the tshom gyis mngon par rtogs pa'i shes pas mngon par ma rtogs pa las rnam par grol ba'i lam rnams dbang po ma yin pa nyid du thal bar 'gyur ro/ / lam rjes su shes pa dang lam rjes su ma shes pa'i bzod pa mngon par ma rtogs pa'i phyir ro/ /mngon par rtogs pa las lam rjes su shes pa yang kun shes pa'i dbang po nyid du thal bar 'gyur ro/ /gang bshad pa ma nges pa'i phyir mthong ba mngon par rtogs pa nges pa ni shes pa dang mngon par rtogs pa yin pa'i phyir/ mngon par ma rtogs pa kho na der brjod pa de lta na yang bzod pa rnams dbang po ma yin par gyur pa nyid dam/ shes pa dang bzod pa rnams ma nges pa'i bdag nyid kyi phyir/ ma nges pa'i bdag nyid kyis mngon par ma rtogs pa'i phyir lam rjes su shes pa'i skad cig ma dang po kun shes pa'i dbang po nyid du thal bar 'gyur te/ bden pa mngon par ma rtogs pa mngon par rtogs pa'i phyir ro/ /ma rig pa la sogs pas kha bskang dgos te ci zhe na/ bya dgos so zhes bya ba ni tshig gi lhag ma'o/ /mtshan nyid kyis brjod pa thob pa la tshig tu ma brjod pa ni kha bskang ba'o/ /sogs pa smos pas ni 'du byed dang rnam par shes pa la sogs pa rten cing 'brel par 'byung ba'i yan lag rnams yongs su gzung ngo / /de nyid kyi phyir ma rig pa la sogs pa dag kyang zhes bya ba la sogs pa gsungs so/ /'dir yang sogs pa smos pas rnam par shes pa la sogs pa rnams yongs su gzung ngo / /kun tu dga' ba'i bde ba ni bde ba dang dga' ba'i khyad par ro/ /kha bskang bar mi bya ste bcom ldan 'das kyis don gang zhig shes par bya ba'i phyir dbang po ni nyi shu rtsa gnyis dag go zhes mdo las bstan pa de la/ ma rig pa la sogs pa dgos pa med pa'i phyir ro/ /don de yang gang zhig yin zhe na/ de'i phyir sems kyi rten dang de'i bye brag ces bya ba rgya cher gsungs so/ /bdag tu gyur pa'i sems kyi rten ni de'i rten no/ /bye brag ni pho'o mo'o zhes bya ba'o/ / gnas ni rgyun rjes su 'jug pa'o/ /kun nas nyon mongs pa ni bdag tu gyur pa'i sems kho na'i'o/ /rnam par byang ba'i tshogs ni rnam par byang ba'i 'o/ /skye mched drug po de ni sems can gyi rdzas kyi gzhi yin no zhes bya ba ni dang po dang gtso bo'o/ / sems kyi rdzas ni gcig tu sems can gyi grangs su bgrang ba'i phyir ro/ /de dag gi rten gzugs la sogs pa dag dang / de dag gi rnam par shes pa dag ni sems can gyi rdzas yin gyi gzhi ni ma yin te de'i dbang gis byung ba'i phyir ro/ /yang na lhag par chags pa'i gnas yin pa'i phyir te/ de la rab tu chags par 'gyur ba'i phyir ro zhes byas nas kha na ma tho ba med pa yang yod do/ /gzhan dag bdag gi rgyud ma yin pa de ni dbang po ma yin pas de'i phyir gzhi'o zhes zer ro/ /rnam par byang ba'i tshogs ni rnam par byang ba'i tshogs te rnam par byang ba'i 'khor du gyur pa'i phyir ro/ /gzhan dag dbang po'i rnam par gzhag pa rnam pa gzhan du 'chad pa ni/ yang na 'jug pa'i rten dang ni/ /zhes bya ba rgya cher 'byung ba'o/ /'khor ba'i 'jug pa dang ldog pa dag ni gtso bo yin la/ de dag gi rten dang skye ba dang gnas pa dang nye bar spyod pas gang dag dbang byed pa de dag dbang po nyid du rnam par gzhag go/ /'jug pa ni 'byung ba ste 'khor ba zhes bya ba'i don to/ /sems can gyi rdzas skye mched drug ni 'khor bar byed pas na 'jug pa'i rten yin te/ de'i bdag nyid yin pa'i phyir ro/ /de'i phyir dbang po drug po dag ni 'gro ba dag tu skye ba rgyun chags pa'i mtshan nyid can 'jug pa'i rten ni rgyur gyur pa yin la 'jug pa ni 'bras bur gyur pa yin no/ /yang na rang gi rgyud kyi dngos po yin pa'i phyir skye mched drug ni rten yin la/ de rgyur byas pa btags pa 'jug pa skyed pa'i las ni de la phyogs pas 'jug pa'i rten no zhes gzhan dag go/ /de las skyes pa'i phyir zhes bya ba la/ de'i rkyen gyi skye bas 'dir skye ba'i rgyu pho dang mo'i dbang po dag la skye ba zhes bstan to/ /de dag ni khu ba dang khrag 'jug pa'i dus na lus dang yid kyi dbang po gnyis kyis ni dngos kyi rgyu yin la/ mig la sogs pa'i dbang po bzhi po dag gis ni brgyud nas yin te mthar gyis zhes 'byung ba'i phyir ro/ /tshul 'di ni mi dang dud 'gro dang yi dwags kyi 'gro ba dag la yin gyi/ gzhan la mngal skyes pa dang sgong skyes kyi sems can med pa'i phyir ma yin no/ /srog gi dbang pos ni gnas par byed de/ skye mched drug gi rgyun mi gcad pa'i phyir ro/ /tshor ba rnams kyis ni nye bar spyod par byed de 'jug pa'i rten la phan pa dang gnod pa byed par zhugs pa'i phyir ro/ /de ltar na bcu bzhi po 'di dag ni 'jug pa la gtso bor byed par zhugs pa'i phyir dbang po nyid do/ /rnam pa de nyid kyis zhes bya ba ni rten la sogs pa'i rnam pas zhes bya ba'i don to/ /gzhan dag ni ldog pa yin te zhes bya ba rgya cher 'byung ba la ldog pa ni mi 'jug pa ste de yang skye mched drug gtan 'gags pa'o/ /de thob pa'i rten ni dang po la sogs pa rnams yin te/ dge ba'i rtsa ba thams cad skye ba la de gtso bo yin pa'i phyir ro/ /skye ba ni kun shes par byed pa'i dbang po yin te/ nangs kyi dang por yang dag par nges pa'i phung po la gnas pa'i phyir ro/ /gnas pa'i kun shes pa'i dbang po yin te rgyun dang ldan par 'jug pa'i phyir ro/ /kun shes pa dang ldan pa'i dbang pos nye bar spyod par byed do/ /mthong ba'i chos la bde bar gnas pas rab tu phye ba'i phyir ro/ /yang na ldog pa rnam pa gnyis te nyon mongs pa ldog pa dang skye ba ldog pa ste/ 'dir ni nyon mongs pa ldog pa la dgongs te lhag ma snga ma bzhin no/ /yang na 'dis 'khor ba ldog par byed pa ste/ ldog pa'i rten zag pa med pa'i chos rnams so/ /de'i phyir dad pa la sogs pa ni ldog pa'i rten no/ /lam gyi tshogs su gyur pa'i phyir kun shes par byed pa'i dbang po ni skye ba ste/ zag pa med pa'i lam gyi dang po yin pa'i phyir ro/ /de bzhin du kun shes par byed pa'i dbang po skyed pa gnas pa ni kun shes pa'i dbang po yin te rgyun dang ldan pa'i phyir ro/ /de ltar na kun shes pa'i dbang po ni ldog pa gnas par byed pa yin no/ /nye bar spyod pa ni kun shes pa'i dbang pos byed de/ rnam par grol ba'i dga' ba dang bde ba yang dag par myong ba'i phyir ro/ /sems rnam par ma grol ba la mya ngan las 'das pa med pa'i phyir kun shes ldan pa'i dbang po yang ldog par byed pa nyid la 'gal ba med do/ /de nyid kyi phyir bcom ldan 'das kyis dbang po de snyed cig gsungs te/ de snyed cig kho nas brjod par 'dod pa'i don yongs su rdzogs pa'i phyir ro/ /de'i phyir ma rig pa la sogs pa dbang po nyid du kha bskang bar mi bya ste/ mdo gnyis las bshad pa'i dbang po'i don mi srid pa'i phyir ro/ / de nyid kyi phyir de dag gi go rims kyang de yin te/ sems kyi rten yin pa'i phyir sngar mig la sogs pa rnams bshad do/ /de'i phyir bye brag gi rgyu yin pa'i phyir de'i mjug thogs su pho dang mo'i dbang po'o zhes bya ba rgya cher brjod par bya'o/ /yang na ldog pa ni 'jug pa sngon du 'gro ba can yin pas skye mched drug 'jug pa'i rten nyid du sngar bshad de/ de bzhin du gzhan la yang rgya cher brjod par bya'o/ /ngag ni dbang po ma yin pa nyid de/ tshig tu brjod pa'i yul la dbang byed pas dbang po nyid de/ de dang ldan pas ngag la dbang po'i sgra 'jug pas so zhe na 'di skad bshad par 'gyur te/ ngag ni brjod pa la dbang byed pa ma yin no/ /tshig tu smra ba la zhes sbyar te/ de nyid slob pa'i rgyu'i khyad par la ltos pa'i phyir ro/ /'di ltar legs par sbyar ba dang tha mal pa'i yul gyi bye brag gis slob pa la bltos nas tshig tha dad pa yin no/ /gang zhig gang la dbang byed pa de dang de ni logs su slob pa la bltos pa ma yin te mig gi rnam par shes pa la sogs pa bzhin no/ /re zhig de dag dbang po nyid ci zhig yin gal te gang las tshig 'byung ba yin na/ de lta na ni rtog pa dang dpyod pa la sogs pa dag dang / de dag kun nas slong ba'i rlung rnams kyang de'i dbang po nyid du thal bar 'gyur ro/ /gal te yang mgrin pa dang dkan dang mchu la sogs pa rnams la brten nas 'byung mod kyi/ de lta na yang rtog pa la sogs pa dag de kun nas slong bar byed pa'i phyir gtso bo yin no/ /lag pa dang rkang pa yang len pa dang 'gro ba las gzhan ma yin pa'i phyir te zhes bya ba la/ lag pa de nyid gzhan dang gzhan du 'byung ba la len pa zhes bya ba la/ rkang pa de nyid gzhan dang gzhan du 'byung ba la 'gro ba zhes bya ste/ de la ni skad cig ma ma yin pa'i phyir yul gzhan du phyin pa med cing bya ba don gzhan du gyur pa yang med do/ /de'i phyir len pa dang 'gro ba lag pa dang rkang pa las gzhan ma yin no/ /de'i phyir de la dbang byed pa ma yin te/ rang nyid la dbang byed par ni mi rung ngo / /sbrul la sogs pa rnams la zhes bya ba la/ sbrul la sogs pa rnams la lag pa dang rkang pa'i dbang po yod pa ma yin mod kyi/ de lta na yang khas len pa dang brang gis 'gro ba yin te/ de bzhin du nya la sogs pa rnams la yang brjod par bya'o/ /rkub kyang rtug par bya ba la dbang po nyid ma yin te zhes bya ba ni/ mi gtsang ba 'dor ba la'o/ /de ni rlung gis kyang bro bar byed pa'i phyir ro/ /zhes bya ba ni mi gtsang ba bro bar byed pa'i phyir ro/ /kha cig kha nas kyang bshang ba 'dor ba mthong ba'i phyir/ de lta na dbang po'i rnam par gzhag pa 'tshol bar 'gyur to/ /khas len pa dang bshang ba 'dor ba'i phyir dang / lag pa gnyis kyis len pa dang 'gro ba'i phyir ro/ /de bzhin du rkang pa gnyis kyis kyang ngo / /kun tu dga' ba ni nyon mongs pa can gyi bde ba'o/ /de nyid kyi phyir bde ba de ni pho dang mo'i dbang pos byas pa'i phyir ro zhes bya ba smos so/ /gal te de nyid 'doms yin no zhe na/ de lta na 'o na ni 'doms kyi dbang po lus kyi dbang po las gzhan ma yin te/ pho dang mo'i dbang po dag ni lus kyi dbang po'i phyogs gcig yin pa'i phyir ro/ /bya ba don gzhan gnyis med pa'i phyir ma rig pa la sogs pa bzhin du ngag la sogs pa dbang po ma yin no/ /de'i phyir kha bskang bar mi bya'o/ / de lta ma yin na lkog ma la sogs pa rnams kyang grangs bzhin du dmigs pa la sogs pa la dbang byed pa'i phyir dbang por thal bar gyur te nges pa'i rgyu med pa'i phyir ro/ /sa bon dang myu gu la sogs pa rgyur gyur pa thams cad kyang rang gi bya ba myu gu dang 'dab ma dang sbal mig 'chos pa'i mtshan nyid la dbang byed pa'i phyir dbang por thal bar 'gyur ro/ /yang ci dbang po nyi shu rtsa gnyis po 'di dag rjes su'am 'on te btags par 'dod ce na/ dbang byed par bshad pas rdzas su nges so/ /gzhan dag na re rdzas su bcu gcig ste/ mo dang pho'i dbang po dag lus kyi dbang po'i nang du 'dus pa'i phyir dang / dad pa la sogs pa rnams dang yid dang bde ba dang yid bde ba dang btang snyoms rnams kun shes pa'i dbang po gsum du 'dus pa'i phyir te/ de ldog pa rnams dad pa la sogs pa rnams dang yid la sogs pa rnams su gyur pa'i phyir ro zhes zer ro/ /gzhan dag na re nyi shu'o zhes zer ro/ /dbang po'i don dang de rnam par gzhag pa'i rgyu bshad zin to/ /de dag gis rang gi ngo bo brjod par bya ste/ de la mig la sogs pa pho'i dbang po la thug pa rnams ni bstan zin to zhes bya ba ni/ de dag rnams kyi rnam shes rten/ /mig la sogs gzugs dang ba rnams/ /zhes bya ba dang / lus las pho dang mo dbang dag /ces bya ba las so/ /bde ba la sogs pa dang / kun shes par byed pa'i dbang po la sogs pa ni bshad par bya ste zhes bya ba la/ gal te bde ba la sogs pa rnams kyang sems las byung ba yin pa'i phyir dad pa la sogs pa bzhin du sems las byung ba dag gi nang nas bshad par bya ba ma yin nam zhe na ma yin te/ sems las byung ba dag tu ni/ /tshor dang sems pa 'du shes dang / /zhes spyi'i dbang du byas kyi/ de'i phyir 'di nyid du de dag gi khyad par gyi mtshan nyid bstan pa'i skabs su bab pas dbang po'i skabs 'di nyid du ston par byed do/ /gal te yid kyi mtshan nyid ni bshad zin la dad pa la sogs pa rnams ni sems las byung ba rnams kyi nang nas 'chad par 'gyur zhing / bde ba dang yid bde ba dang btang snyoms rnams 'di nyid nas 'chad na/ gang zhig 'di bshad par bya ba'i brjod pa kun shes ldan par byed pa'i dbang po la sogs pa gsum po gzhan gang zhig yod ce na de ni de dag las gzhan med do/ /'o na ci zhe na/ 'di dag gnas skabs gang zhig gi khyad par du 'phags pa na/ kun shes par byed pa zhes bya ba'i dbang po la sogs pa'i ming 'thob pa'i gnas skabs de bstan par bya dgos pas na/ kun shes par byed pa la sogs pa'i dbang po bshad par bya ste de brjod par bya'o zhes de skad du bstan pa yin no/ /lus tshor sim pa ma yin pa dag sdug bsngal dbang po zhes bya ba la/ lus kyi tshor ba sim pa yang yod pas sim pa ma yin pa zhes bya ba khyad par du byas so/ /sems kyi sim pa ma yin pa yang yod pas lus kyi zhes bya ba smos so/ /sim pa ma yin pa zhes brjod pa'i don ma rtogs pa'i phyir rnam grangs gzhan gyis de'i don ston par byed pa ni/ sim pa ma yin pa zhes bya ba ni gnod par byed pa ste/ sdug bsngal zhes bya ba'i tha tshig go/ /'di skad bstan par 'gyur te/ rnam par shes pa lnga dang lhan cig skyes pa'i gnod par nyams su myong ba ni sdug bsngal gyi dbang po zhes bya'o/ /sim pa ni bde ba'i dbang po ste lus kyi zhes bya bar skabs dang sbyar ro/ /'dir yang khyad par dang khyad par can gyi dngos po ni snga ma bzhin no/ /'di skad bstan par 'gyur te/ rnam par shes pa lnga dang lhan cig skyes pa dang / rnam par shes pa gsum dang lhan cig skyes pa'i nyams su myong ba phan 'dogs pa ni bde ba'i dbang po'o/ /bsam gtan gsum pa na yang bde ba'i dbang po yod par 'dod na/ de ni lus kyi yin par 'dod pa yang ma yin no zhe na de'i phyir/ bsam gtan gsum pa na/ sems kyi de ni bde dbang po/ /zhes bya ba smos te/ sems kyi zhes bya ba 'dis ni lus kyi rnam par gcod par byed do/ /de ni zhes bya ba 'dis ni sim pa ma yin pa rnam par gcod de/ de nyid kyi phyir/ de ni zhes bya ba smos te/ sems kyi tshor ba sim pa ni bde ba'i dbang po yin no/ /yang ci'i phyir 'dod pa'i khams dang bsam gtan dang por lus kyi sim pa bde ba'i dbang por rnam par bzhag la/ bsam gtan gsum par ni sems kyi yin zhe na/ de'i phyir lus tshor ba ni med do zhes bya ba smos so/ /ci'i phyir med ce na/ de'i phyir de na rnam par shes pa'i tshogs lnga med pa'i phyir zhes bya ba smos so/ /gzhan na de ni yid bde yin/ /zhes bya ba la/ yid kyis sim par myang ba 'jug pa'i dbye ba'i rnam pas 'gyur ro/ /lus kyi yang dbye ba 'jug pa'i phyir bde ba kho na'o/ /de'i phyir sems kyi tshor ba sim pa ni bsam gtan gsum pa las gzhan na yid bde ba'i dbang po yin no/ /gzhan na zhes smos pas bsam gtan gsum pa'i gong du yang der thal bar 'gyur ba bzlog pa'i phyir/ 'dod pa'i khams dang bsam gtan dang po dang gnyis pa na ni zhes bya ba smos te/ de ni de dag kho nar srid pa'i phyir ro/ /yang ci'i phyir bsam gtan dang po dang gnyis pa bzhin du bsam gtan gsum par yang de yid bde ba'i dbang por ma bshad ce na/ de'i phyir bsam gtan gsum pa na ni zhes bya ba rgya cher 'byung ngo / /yid bde ba ni dga' ba ste sems las byung ba sim pa tsam mo/ /dga' ba'i 'dod chags dang bral bas kyang bsam gtan gsum pa 'thob ste/ mdo las dga' ba'i 'dod chags dang bral bas btang snyoms la gnas pa/ dran pa dang ldan pa/ bde ba la gnas pa zhes gsungs so/ /de'i phyir bsam gtan gsum pa na bde ba'i dbang po kho nar brjod kyi/ yid bde ba'i dbang por ni ma yin no/ /yang yid 'di gnyis phan 'dogs pa nyams su myong bar mtshungs na khyad par ci zhig yod ce na yod de/ sems kyi bde ba'i dbang po ni brtan par 'jug pa yin la/ yid bde'i dbang po ni mi bstan par 'jug pa yin te/ sems pa yang yod par byed pa'i phyir ro/ /A nu gra ho pi dUrba s+ya nA ti ba la [(]phan 'dogs pa yang snga ma'i ha cang stobs ldan ma yin pa'i phyir lan ji ltar 'gyur nyid [)]bAr+Ya that+ta ra s+yA ta [(]rgya dpe gcig na tra [)] a pA yAp+tadA gi s+thA na mi t+ye tsak+Sha te/ [ (]dkyung chags pa'i theg pa gnas zhes smra'o/ /[)]dga' ba'i rnam pas mi 'jug pa'i dbang du byas nas bsam gtan gsum pa na bde ba'i dbang ste yid kyi rnam par dpyod pa rten gyi dbye bas ldan na ni ma yin/ zhes bshad pa rgol ba'i gzhi'o zhe na/ 'di la skyon med de/ yid bde ni 'jug pa mi brtan pa yin la sems kyi bde ba'i dbang po ni 'jug pa brtan pa nyid do/ /gnas skabs gzhan la ming gzhan mthong ste mar sar dang mar bzhin no/ /lus kyis sim pa ma yin par myong ba ni sdug bsngal yin la/ sems kyi ni yang mi dang ba zhes bya'o/ /lus dang sems kyi sim pa dang sim pa ma yin pa'i dbye bas tshor ba gsum po rnam par bzhag pa byas zin to/ /da ni btang snyoms kyi dbang po brjod par bya ste/ de'i phyir btang snyoms ni bar ma'o zhes bya ba rgyas par gsungs te/ sim pa ni bde ba'i sim pa ma yin pa ni sdug bsngal lo zhes bya ba ni bshad ma thag pa yin la/ 'dir ni bar ma'o zhes bshad pa de'i phyir sim pa yang ma yin pa yang ma yin pa zhes bya ba smos so/ /de lta na yang mi shes pa de'i phyir gsung rab las grags pa'i rnam grangs gzhan gyis ston par byed pa ni sdug bsngal yang ma yin bde ba yang ma yin pa'i tshor ba ni zhes bya ba la sogs pa'o/ /bde ba dang sdug bsngal ltar lus dang sems la brten pa'i phyir dang / de dang 'dra bar phye nas bstan pa'i phyir the tshom za ba na 'dri ba ni/ ci lus kyi'am sems kyi zhes bya ba ste btang snyoms kyi dbang po zhes bya bar skabs dang sbyar ro/ /de'i phyir smras pa gnyi ga'i yin no zhes bya ste lus dang sems kyi zhes bya ba'i don to/ /btang snyoms kyi dbang po'i skabs su yang ci'i phyir zhes rgya cher 'byung ste/ bde ba dang sdug bsngal dag rten tha dad pas dbang po tha dad pa yin la/ 'dir yang rten tha dad pa la gus pa med par byas te/ bsdus shing bsgoms nas dbang po gcig tu byas pa 'di la rgyu ci zhig yod/ de bzhin gshegs pa rnams la ni thams cad la thogs pa med pa'i ye shes mnga' ba'i phyir dang / thams cad la dgongs pa nye bar gnas pa'i rgyu med par chos ston pa mi mnga'o zhe na/ de'i phyir mi rtog phyir zhes bya ba smos so/ /bsdus nas dbang po gcig tu byas pa la rgyu smos pa ni/ sems kyi bde ba dang sdug bsngal ba ni phal cher rnam par rtog pa las zhes rgya cher 'byung ba'o/ /phal cher smos pa ni dga' ba'i bde ba ting nge 'dzin las skyes pa dang / rtog pa las mi skye ba dang rnam par smin pa las skyes pa yul gyi stobs kyis skye ba dang / yid bde ba rnam par smin pa las skyes pa mnyam par gzhag pa la yang yid mi bde ba med do/ / 'di dag spang bar bya ba'i phyir ro zhes bya ba 'di ston te/ lus kyi bde ba dang sdug bsngal rnam par rtog pa las mi skye ba de nyid la rgyu smras pa ni/ yul gyi dbang gis ni zhes bya ba la sogs pa ste/ yul nye ba las ni de rtag tu skye zhing / yul 'dus pa la rnam par rtog pa'i nus pa yod pa ma yin no/ /mdza' ba dang mi mdza' ba'i rnam par rtog pa spangs pa'i dgra bcom pa rnams la yang yul yid du 'ong ba dang mi 'ong ba'i dbang gis nges par skye ba'i phyir ro/ /de'i phyir de dag ces bya ba la/ lus kyi dang sems kyi bde ba dang sdug bsngal dag bde ba'i dbang po/ /sdug bsngal gyi dbang po/ /yid bde'i dbang po/ /yid mi bde ba'i dbang po zhes dbang po nyid kyis tha dad do/ /btang snyoms ni lus kyi'am sems kyi'am rnam par smin pa las skyes pa'am/ rgyu mthun pa las byung ba yin yang rung ste/ rnam par mi rtog pa kho nar rang gi ngang gis mngon par 'du bya ba med par skye ste/ de'i phyir dbang po gcig tu byas so/ /lus kyi bde ba yang gzhan du phan 'dogs pa zhes rgya cher 'byung ba la/ lus kyi bde ba dang sdug bsngal ni nyi tshe ba bzhugs pas lus dang / sems dag la phan 'dogs pa dang gnod pa byed pa yin la lus kyi bde ba dang sdug bsngal ni drag pa dang mgyogs par byed pa dang rgyun chags pa yang yin gyi sems kyi ni de lta ma yin te/ yid la smon pa yongs su rdzogs pa dang sdug pa'i rnam par rtog pa'i rgyu can gyis dus cung zad phan 'dogs pa'am gnod pa byed pa yod do/ /btang snyoms la ni lus kyi btang snyoms ni gzhan du phan 'dogs la/ sems kyi yang gzhan du phan 'dogs so zhes bya ba'i khyad par 'di med de/ de bas na btang snyoms la bye brag med pas lus kyi dang sems kyi dbang po tha dad pa med do/ /gzhan dag na re gang du rnam par shes pa dang / lus tha dad pa der yid kyi bde ba dang sdug bsngal ni brtan pa dang bral ba yin la/ lus nyid kyi bde ba yang ma yin sdug bsngal yang ma yin pa dang khyad par med pas de ni brtan pa kho na yin pas dbang po gcig go zhes so/ /gzhan dag ni gzhan du lus kyi bde ba mdza' bshes rnams la 'jug la/ gzhan du sems kyi sdug bsngal yang dgra bo rnams la ste/ de bzhin du bde ba yang ma yin sdug bsngal yang ma yin pa ni bar ma rnams la'o/ de'i phyir bar ma'i phyogs la btang snyoms ni khyad par med pa'i phyir dbang po tha dad par ma bstan to zhes sems so/ /zag pa med pa rnams kyi skabs su bab la/ de dag la ni logs su bstan par bya ba cung zad kyang med mod kyi/ 'on kyang mthong sgom mi slob lam la dgu/ /gsum yin zhes lam gsum du dbang po dgu la kun shes par byed pa'i dbang po la sogs par brjod do/ /kun shes par byed pa'i dbang po la sogs pa rnams bum pa bzhin du btags pa'i yod pa nyid du 'gyur ba ma yin nam zhe na mi 'gyur te/ dbang byed pa'i don ni dbang po'i don yin la/ tshogs pa dag kyang re re zhing dbang byed pa'o/ /mthong ba'i lam la sogs pa dang po na yod pa'i rnam par shes pa gang yin pa de ni yid kyi dbang po'o/ /bde ba la sogs pa tshor ba'i dbang po gsum ni ci rigs par te/ mthong ba dang sgom pa'i lam dag nas drug pa dang sa dgu pa yin pa'i phyir ro/ /dge la thams cad dag tu lnga/ /zhes bya ba dang po la sogs pa dag ni thams cad na yod kyi/ bde ba dang yid bde ba dang / btang snyoms rnams ni de ltar cig car srid pa ma yin no/ /yang ci'i phyir 'di dag la gnas skabs gsum du kun shes par byed pa'i dbang po la sogs pa nyid ces bya zhe na/ mthong ba'i lam la ni bden pa bzhi mi shes pa kun shes so snyam du zhugs pa kun shes par byed pa'i dbang po yin no/ /sgom pa'i lam la ni sngon ma mthong ba kun shes par byed pa ni med kyi zhes bya ba ni kun shes pa'i dbang po nyid kyis shes pa'i bden pa bzhi rnams so/ /de'i phyir sgom pa'i lam la sngon med pa kun shes par bya ba med de/ de'i phyir bden pa bzhi'i bden pa rtogs pa gang yin pa de nyid dbang ba'o/ /de nyid kun shes par byed pa'o zhes bya ba 'byung ste/ sgom pa'i lam ni mthong ba'i lam gyis mngon par rtogs zin pa'i bden pa bzhi'i yul can yin pa'i phyir ro/ /gal te mthong ba'i lam nyid kyis bden pa bzhi kun shes par byas na yang ci'i phyir bsgom pa'i lam gyis rtogs par byed ce na/ phra rgyas lhag ma spang bar bya ba'i phyir ro/ /'di ltar mthong ba'i lam gyis ni mthong bas spang bar bya ba'i phra rgyas spang bar bya ba'i phyir kun shes par byed pa yin la/ sgom pa'i lam gyis ni bsgom pas spang bar bya ba'i nyon mongs pa spang bar bya ba'i phyir kun shes pa yin no/ /kun shes so snyam pa dang ldan par rtogs pa ni kun shes ldan pa ste/ zad pa dang mi skye ba shes pa'i skad cig go/ /de 'di la yod pas zhes rgya cher 'byung ste/ de ltar gyur pa ni kun shes ldan pa'am kun shes bsrung ba'i dbang po'o/ /kun shes bsrung ba'i ngang tshul 'di la yod pas na ldan pa ste/ rtogs pa'i don to/ /kun shes pa'i dbang po dang 'di la khyad par ci zhig yod/ des kyang kun shes pa nyid yin no zhe na de'i phyir zad pa dang mi skye ba shes pa'i ye shes thob pa'i phyir zhes bya ba rgya cher 'byung ngo / /de lta bu'i dbang po ni zhes bya ba ni kun shes pa rtogs pa dang bsrung ba'i ngang tshul can gyi zhes bya ba'i tha tshig go/ /slob dpon 'dus bzang na re de ltar dbang po rnams ming gi sgo nas nyi shu rtsa gnyis dang rdzas su ni bcu bdun du 'gyur te/ mo dang pho'i dbang po dag lus kyi dbang po'i phyogs gcig yin pa'i phyir dang / zag pa med pa med pa rnams kyang dgu po rnams las gzhan ma yin pa'i phyir ro zhes zer ro/ /mthong bsgom mi slob lam la dgu/ /gsum yin zhes pa yang srid pa'i dbang du byas nas bshad pa ste rnam pa las ni ma yin no/ /rnam pa las ni shes rab kyi rang bzhin gsum gong nas gong du mya ngan las 'das pa thob pas/ dbang byed pas 'di dag a sa ma d+hA nA da pra bar+ya twats+tshA [(]mnyam dang 'khyog pa ma yin pa'i phyir dang /[)] dgongs pa can zhes pa'i tshig gis 'phangs pa'o/ /shes rab kyi ldog pa las 'di dag dbang po bcu dgur 'gyur ro/ /de'i phyir ji ltar lus kyi dbang po kho na'i dang ba'i khyad par la dbang byed pa'i dbye ba las mo dang pho'i dbang po zhes bya bar 'gyur zhing / de bzhin du dbang po dgu po rnams gnas skabs gsum nyid du 'gyur ba las shes rab kyi 'jug pa gsum du brjod par bya'o/ /bsam gtan dang gzugs med pa bzhin snga ma snga ma la rag las pas phyi ma phyi ma thob pas na phyi ma phyi ma mya ngan las 'das pa thob pa la dbang byed pa 'di dag gi rang bzhin no/ /gang du ji ltar spros pa de ltar srid pa ma yin pas de spros pa ma yin zhes bya ste/ 'di dag ji ltar rnam par gzhag pa de ltar srid pa ma yin pa de'i phyir 'di spros pa ma yin pa dang dgongs pa can ma yin no/ /sarbA bA chos rnam par gzhag pa dgongs pa can du 'gyur ro/ /gang 'dir rang gi ngo bo ston pa'i dbang du byas nas lus tshor sim pa ma yin gang / sdug bsngal dbang po zhes bya ba la sogs pas de dag gi rang gi ngo bo bstan cing 'chad par 'gyur ba'i srog gi dbang po la sogs pa rnams rang gi ngo bo bstan zin par byas te/ rang gi ngo bo bstan nas zhes bya ba 'di mngon par brjod do/ /rnam pa'i bye brag brjod par bya ste zhes bya ba ni zag pa dang bcas pa dang / zag pa med pa la sogs pa ste/ chos mngon pa'i bstan bcos bstan pa gang yin pa 'di yang chos rab tu rnam par dbye ba'i don du yin pa'i phyir ro/ /gsum ni dri ma med ces bya ba la/ gsum ni dri ma med pa kho na'o zhes nges par gzung bar bya ste/ dgu rnam gnyis zhes 'byung ba'i phyir dang / zag pa med pa'i lam gsum gyis bsdus pa'i phyir 'di dag zag pa dang bcas pa ni med do/ /gzugs can srog dang sdug bsngal dag / zag dang bcas pa kho na'o/ /zhes nges par gzung ste/ dgu rnam gnyis zhes 'byung ba'i phyir dang / lam gyi bden pa dang 'dus ma byas kyis ma bsdus pa'i phyir ro/ /gzugs kyi phung pos bsdus pa'i phyir ro zhes bya ba ni gzugs can rnams brjod pa 'jug pa'i rgyu mtshan bstan pa'i phyir smos so/ /dgu rnam gnyis zhes bya ba ni/ /lam dang lam ma yin pas bsdus pa'i phyir ro/ /gal te mtha' gcig tu zag pa dang bcas pa dang zag pa med pa nges par gzung ba'i phyir dgu rnam gnyis zhes bya ba smos kyang / gnyis nyid du rtogs par 'gyur ba ma yin nam zhe na/ 'di ni bzhi kho na ma yin gyi dgu char yang rnam pa gnyis yin no zhes dad pa la sogs pa mtha' gcig tu zag pa med pa nyid yin pa dgag par bya ba'i phyir yin par 'gyur ro/ /kha cig na re/ dad pa la sogs pa rnams zag pa med pa kho na yin gyi/ zag pa dang bcas pa ni med do zhes zer ro/ /don de la khungs smras pa ni bcom ldan 'das kyis zhes bya ba la sogs pa rgyas par 'byung ba'o/ /rnam pa thams cad du zhes bya ba ni/ chung ngu dang 'bring dang chen po'i rnam par ro/ /thams cad ces bya ba ni lnga char zhes bya ba'i don to/ /'di ltar zag pa dang bcas pa'i chos rnams ni zag pa med pa ltar so so skye bo rnams la med pa ma yin la/ dad pa la sogs pa rnams ni so so'i skye bo rnams la yod pa ma yin te dgag pa mdzad pa'i phyir ro/ /de'i phyir zag pa med pa kho na yin no zhes bya bar shes so zhe na/ 'di dad pa la sogs pa rnams zag pa med pa yin pa'i shes byed du mi rung ste/ ci'i phyir zhe na/ zag pa med pa'i dbang du mdzad nas gsungs pa'i phyir ro/ /gal te khyad par med par dad pa la sogs pa dbang po rnams kyi dbang du mdzad par gyur na ni khungs su 'gyur ba zhig na/ 'di ni zag pa med pa rnams kho na'i dbang du mdzad pa yin te/ de'i phyir 'di khungs su mi rung ngo / 'di ji ltar shes she na/ de'i phyir 'di ltar 'phags pa'i gang zag rnam par gzhag pa'i dbang du mdzad nas zhes bya ba rgya cher gsungs so/ /'di ltar zhes bya ba ni gang gi phyir gyi don no/ /mdo las dge slong dag dbang po lnga po 'di dag tsam ste/ lnga gang zhe na dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /dge slong dag dbang po lnga po 'di dag rab yin pa'i phyir dang rno ba yin pa'i phyir dang yongs su rdzogs pa yin pa'i phyir dgra bcom pa gnyi ga'i cha las rnam par grol ba yin no/ /de las ches rtul ba ni dgra bcom pa shes rab kyis rnam par grol ba yin no/ /de bas ches rtul ba dag gis ni rnam par grol ba dus dang sbyor ba yin no/ /de bas ches rtul ba dag gis ni mthong bas thob pa'o/ /de bas ches rtul ba dag gis ni dad pas mos pa'o/ /de bas ches rtul ba dag gis ni chos kyi rjes su 'brang ba'o/ /de bas ches rtul ba ni dad pa'i rjes su 'brang ba yin no zhes bya ba nas/ dge slong dag 'di ltar dbang po'i pha rol tu phyin pa la brten nas stobs kyi pha rol tu phyin pa gdags so/ /stobs kyi pha rol tu phyin pa la brten nas gang zag gi pha rol tu phyin pa gdags so/ /gang la dbang po lnga po 'di dag thams cad du med par ni phyi rol so so skye bo'i phyogs la gnas par smra'o zhes bya ba'i bar du gsungs so/ /de'i phyir de ltar na 'phags pa'i gang zag rnam par gzhag par mdzad nas/ gang la dbang po lnga po 'di dag ces bya bar gsungs te/ gang dag 'dir dbang du mdzad pa ma yin no zhes bya bar rtogs so/ /de lta ma yin na gang la dbang po lnga 'di dag ces mi gsung bar 'gyur ba zhig go/ /de'i phyir der dad pa la sogs pa'i dbang po thams cad kyi dbang du mdzad pa ma yin no zhes bya bar rtogs so/ /de'i phyir phyi rol so so'i skye bo'i phyogs la gnas pa zag pa dang bcas pa dag dang ldan pa mi 'gal lo/ /yang na so so skye bo rnam pa gnyis te/ /nang pa dang phyi rol pa'o/ /dge ba'i rtsa ba kun tu ma chad pa ni nang pa zhes bya ste/ bden pa mngon par rtogs par rung ba'i phyir dang / de'i tshogs sog par rung ba'i phyir ro/ /dge ba'i rtsa ba kun tu chad pa ni phyi rol pa ste bzlog pa'i phyir ro/ /de lta ma yin na ni phyi rol gsungs pa la don mi gsal bar 'gyur ro/ /dge ba'i rtsa ba kun tu chad pa dang / kun tu ma chad pa gnyis char 'phags pa'i chos ma thob par mtshungs pa'i sgo nas so so skye bo'i phyogs la gnas pas nang pa las khyad par du bya ba'i phyir phyi rol zhes gsungs so/ /rnam pa thams cad du zhes bya ba ni zag pa dang bcas pa dang zag pa med pa'i rnam par ro/ /thams cad ces bya ba ni rnam pa chung ngu'i chung ngu yang med pa'o/ /nang na thams cad kyi thams cad du zhes bya ba ni gang zhig 'jig rten pa'i rgyu la yang ma yin zhes dgongs pa'o/ /phyi rol zhes bya ba ni shAkya'i sras ma yin pa'i so so'i skye bo'i phyogs la gnas pa zhes bya ba ste/ 'phags pa'i chos kyi mi mthun pa'i phyogs la gnas pa'o/ /de lta ma yin na gang la dbang po lnga po 'di dag med pa de ni so so'i skye bo'i phyogs la gnas par nga smra'o zhes gsung bar mi 'gyur ro/ /dang po la rnam grangs ni/ nang ni bden pa mthong ba'o/ /phyi rol ni bden pa ma mthong ba ste/ 'phags pa la bden pa bzhi'i chos rnams ma thob pa'i phyir so so skye bo'i phyogs la gnas pa'o/ /dad pa la sogs pa zag pa dang bcas pa nyid du rab tu sgrub pa la khungs gzhan smos pa ni/ mdo las kyang zhes bya ba rgya cher 'byung ste/ mdo 'di yang zag pa med pa rnams kyi dbang du mdzad nas gsungs so zhe na/ de'i phyir chos kyi 'khor lo ma bskor ba kho na'i tshe zhes bya ba drangs te/ chos kyi 'khor lo ma bskor bar ni 'jig rten na sems can rnams la dad pa la sogs pa zag pa med pa rnams yod pa nyid mi 'thad de sangs rgyas 'byung ba dang chos kyi 'khor lo bskor ba don med par thal bar 'gyur ba'i phyir ro/ /de'i phyir chos kyi 'khor lo bskor ba'i gong rol na sems can rnams kyi dad pa la sogs pa dag zag pa dang bcas pa kho na'o zhes bya bar shes so/ /gal te dbang po rnon po la sogs pa bstan pa ni yid kyi dbang po'i dbang du mdzad pa yin no zhe na ma yin te/ dad pa la sogs pa phun sum tshogs pa skal ba dang ldan pa nyid yin pa'i phyir ro/ /'di ltar mdo las ni/ sems can dbang po rnon po dag kyang mchis/ /zhes bya ba nas/ ji srid bcom ldan 'das kyi chos kun shes par 'gyur/ /zhes bya ba'i bar gsungs pas/ dad pa la sogs pa phun sum tshogs pas skal ba dang ldan pa yin gyi/ yid kyi dbang po phun sum tshogs pa ni ma yin no/ /shes rab rnams kyang yin na ni dge ba'i rtsa ba chad pa rnams skal ba dang mi ldan pa'i phyir ro/ /yang ngas ji skad du zhes rgya cher 'byung ste/ 'di ni dad pa la sogs pa dag zag pa dang bcas pa nyid du rab tu sgrub pa la lung gzhan yin no zhes ston to/ /ci ste yang mdo 'di nyid zag pa med pa'i dbang du mdzad nas gsungs pa yin no snyam na de'i phyir zag pa med pa rnams la ni zhes bya ba smos so/ /gal te yang lam las yang skye ba dang 'gag pa yod pas kun 'byung ba dang mi snang ba gnyis srid mod kyi/ ro myang ba dang nyes dmigs dang nges par 'byung ba ni mi srid pas lam la yang yongs su brtags pa rnam pa 'di mi rigs so/ /de'i phyir dad pa la sogs pa'i dbang po rnams zag pa dang bcas pa dang zag pa med pa yin no/ /zag pa med pa rnams kho na ji lta bar gnyi gar smra ba rnams la bzod pa'i gnas skabs su bzhag go zhes pa'i tshig gis 'phangs pa de ltar mi brjod de/ sngar dbang po ma yin par yod pa'i dad pa la sogs pa rnams bzod pa'i gnas skabs su dbang po zhes brjod do/ /gang gi phyir 'di ni mtshungs so/ /'o na ci zhe na dbang thob pa'i phyir te/ bzod pa rnams su dbang po rnams mthu can du gyur pas so/ /re zhig gcig tu zhes bya ba ni bye brag med ces bya ba'i don to/ /srog ni rnam smin zhes bya ba la srog gi dbang po ni rnam par smin pa kho na yin no zhes nges par gzung ste/ bcu gnyis gnyis zhes 'byung ba'i phyir ro/ /srog gi dbang po gang yin pa de gang gi rnam par smin pa yin zhe na zhes bya ba ni tshe rabs gzhan gyi las yin nam 'on te da ltar byung ba'i tshe rabs kyi yin zhes bya ba'o/ /bstan bcos las zhes bya ba ni/ de skye ba da ltar ba'i las kyi 'bras bu yin no zhes lung gis ston par byed pa'o/ /dgra bcom pa zhes bya ba ni phyir mi 'ong ba ma yin pa'o/ /rdzu 'phrul dang ldan pa zhes bya ba ni mngon par shes pa thob pa'o/ /sems la dbang thob pa zhes bya ba ni dus dang mi sbyor bar rnam par grol ba'o/ /gang zag la zhes bya ba ni gang du mthong ba'i chos la myang bar 'gyur ba ste/ de bsams te de cher bsams shing sems la bzhag ste 'dun pa bskyed nas so/ /ji ltar zhe na bdag gi longs spyod kyi rnam par smin pa gang yin pa de tshe'i rnam par smin par gyur cig snyam du'o/ /de'i longs spyod kyi rnam par smin pa gang yin pa zhes bya ba la sogs pa la/ smon lam de'i shugs dang rab kyi mtha' pa'i mjug thogs su brjod pa'i rnam par rig byed kyi shugs kyis dge 'dun nam gang zag la 'bul ba'i sems pa'i mtshan nyid can gyi las kyis longs spyod kyi rnam par smin pa gang yin pa tshe'i rnam par smin par sgrub par byed do/ /de'i phyir de yang dge 'dun nam gang zag la 'bul ba'i sems pa'i 'bras bu yin pa'i phyir rnam par smin pa kho na'o/ /rnam par smin pa na ci lhag ma rnam par smin par byed do zhes bya ba 'byung ngo / /dus ma yin par 'chi bas tshe'i rnam par smin pa yongs su rdzogs shing rnam par smin pa'i las gang yin pa de'i rnam par smin pa lhag ma ste rab kyi mtha' pa'i bsam gtan bzhi pa bsgom pa'i stobs kyis drangs nas so sor myong bar byed do/ /de'i phyir gzhan dag ni rnam pa 'dis kyang srog gi rnam par smin pa kho na yin par 'gyur te/ snyoms par 'jug pa'i mthus skye ba gzhan snga ma la myong bar 'gyur bar nges pa'i las kyis 'phangs pa'i tshe dag drangs nas 'dir so sor myong bar byed do zhes zer ro/ /tshe'i 'du byed dag ji ltar gtong zhe na zhes bya ba rgya cher 'byung ste/ de'i de lta bur 'gyur ro zhes bya ba la tshe'i rnam par smin pa longs spyod kyi rnam par smin par 'gyur ro/ /lus de nyid la zhes bya ba ni 'dod pa na spyod pa la'o/ /tshe dang mthun pa zhes bya ba ni sngon gyi las kyi rnam par smin pa srog gnas pa dang mthun pa dag go/ /rnam pa 'dis kyang srog ni rnam par smin pa kho na yin no/ /srog yongs su rdzogs par nges pa dus la bltos pa'i rnam pa yin yang mi skye ba'i rkyen rjes su 'jug go zhes bya ba mi rung ste/ rnam pa de lta bu 'byung ba chen po'i rkyen med pa'i phyir nges par dus la bltos zhes bya'o/ /las rnams ni ma yin te/ de'i phyir rjes su 'jug pa'i rkyen yod na rjes su 'jug go/ /de bzhin du ro dang bcud len la sogs pa'i nus pa mi 'dra ba yin no/ /'gal ba dag ces bya ba ni 'byung ba chen po dag ste tshe dang mthun pa zhes bya bar sbyar ro/ /kha cig na re/ de dag gzugs na spyod pa dag ni ma yin te/ de dag dang 'gal ba nyid ni srid pa'i phyir ro zhes zer ro/ /longs spyod kyi rnam par smin pa longs spyod kyi 'phen pa zhig pa'i byed pa can gang yin pa rab kyi mtha' pa'i mjug thogs su brjod pa'i rnam par rig byed kyi stobs kyis slar yang tshe 'phen par nus pa ma yin la/ tshe'i rnam par smin pa tshe'i 'phen pa zhig pas kyang longs spyod 'phen par 'dod pa mi rig par mthong nas slob dpon gyis 'di lta bu yin te zhes bya ba rgya cher gsungs te/ bsam gtan pa rnams kyi bsam gtan gyi yul ni bsam gyis mi khyab po zhes 'byung ba'i phyir ro/ /ting nge 'dzin gyi mthu kho nas de ltar mthong ngo zhes bya bar shes so/ /gang gis zhes bya ba ting nge 'dzin gyi mthu kho na dang sbyar ro/ /tshe rabs gzhan snga ma la byas pa'i las las skyes pa ni sngon gyi las las skyes pa'o/ /gnas pa ni dbang po'i 'byung ba chen po rnams kyi rgyun no/ /gnas pa'i dus ni gnas pa'i dus so/ /de'i 'phen pa ni gnas pa'i dus la bltos pa zhes bya ba'i don to/ / 'di'i 'phen pa yang ci zhe na/ yang srid du mtshams sbyor ba'i skad cig ste/ gang gi rgyun du de srid du 'jug par 'gyur zhing sngon gyi las dag gis de lta bu'i rang bzhin gyi nus pa bzhag pa de ni 'phen pa'i shugs zhes bya'o/ /nying mtshams sbyor ba yang rnam pa gsum ste/ skad cig ma dang gnas skabs dang ris mthun pa'i mtshan nyid rnams so/ /de la skad cig ma'i nying mtshams sbyor ba ni skad cig ma nas skad cig ma gzhan du skye ba'o/ /gnas skabs kyi nying mtshams sbyor ba ni lus kyi mer mer po dang nur nur po la sogs pa'o/ /ris mthun pa'i nying mtshams sbyor ba ni ris mthun par gzhan ris mthun pa gzhan du skyed pa'o/ /dbang po'i 'byung ba chen po rnams kyi zhes bya ba la/ dbang po rnams dang 'byung ba chen po rnams kyi gnas pa'i dus kyi 'phen pa sngon gyi las las skyes pa ni ting nge 'dzin gyi mthus zlog par byed la/ dbang po'i 'byung ba chen po rnams kyi gnas pa'i dus kyi 'phen pa sngon med pa ni ting nge 'dzin gyi mthus 'phen par byed de/ de lta bas na ting nge 'dzin gyi mthus 'phangs pa'i srog gi dbang po gang yin pa de ni rnam par smin pa ma yin la/ de las gzhan pa ni rnam par smin pa yin te/ ting nge 'dzin las skyes pa las gzhan pa sngon gyi las las skyes pa gang yin pa'o zhes bya ba'i don to/ /slob dpon 'dus bzang na re 'di yang mi rigs te/ gang gi phyir rtog par byed pa ni rgyas pa las byung ba la sogs pa las ches gzhan par brtag par bya'o zhes zer ro/ /de la re zhig rgyas pa las byung ba ni ma yin te/ de'i rnam par smin pa srung bar byed pa'i phyir ram rnam par smin pa gnas par byed pa'i phyir ro/ /rnam par smin pa chad pa'i rgyud rnams la rgyas pa las byung ba mi rigs te/ ha cang thal ba'i phyir dang rgyu mthun las byung ba'i mig la sogs pa rnams rgyu mthun pa las byung ba ma yin pa'i phyir ro/ /dge ba'am lung du ma bstan pa rgyu mthun par mi 'thad de/ khams 'tshol ba'i nyes par 'gyur ba'i phyir dang rnam par smin pa las skyes pa ma yin pa rnam par smin pa'i rgyur mi 'thad pa'i phyir ro/ /de bzhin kho nar yang dam bcas pa de las don 'di tshig gis brjod par bya ba de ltar brjod par 'gyur ro/ /'di ni ming ngo zhes bya ste/ rgyas pa las byung ba de ting nge 'dzin gyi rgyu mtshan nyid kyi phyir rgyas pa las byung ba ma yin pa rnam par smin pa las skyes pa la rag las te 'jug par 'dod de/ gzhan du na bcud len la sogs pa'i nus pa las byung ba skye bar 'gyur te mngal dang byis pa dang gzhon nu dang lang tsho la sogs pa'i gnas skabs rnams su dbang po 'phel ba mthong ba'i phyir ro/ /rnam par smin pa dang rgyas pa las byung ba zhes bya bar shes so/ /de lta ma yin na rang gi rten bcu gcig 'phel ba nyid rnam par smin par 'gyur gyi gnas mtha' dag la khyab par byed pa po nyid ma yin no/ /zas la sogs pa la bltos pa yang ma yin te rnam par smin pa'i las de nyid kyis 'jug par 'gyur ro/ /gang gi phyir rnam par smin pa kho nar 'gyur gyi rgyas pa las byung ba ma yin pa de'i phyir/ rnam par smin pa las skyes pa dang rgyas pa las byung ba dag phan tshun bltos pa yod par mi 'gyur bas 'di la skyon med do/ /btsun pa go cha mtha' yas na re/ khyad par ston pa de dag bzhi ga yang skyon dang bcas pa yin no zhes zer ro/ /ji ltar zhe na/ dang po ltar na ni tshe'i rnam par smin pa'i las mthong ba'i chos kyi 'bras bu can 'gyur na/ tshe'i rnam par smin pa'i las ni mthong ba'i chos la myong bar 'gyur bar yang mi rigs te/ las 'bras bu nye ba 'bras bu ring ba ma yin pa yang yod ces bya ba rgya cher 'byung ngo / /gnyis pa ltar na las rnams nges pa med par thal bar 'gyur te gal te rnam par smin pa lhag ma smin par byed par 'gyur na ni las gsum po mthong ba'i chos dang lan grangs gzhan dang skyes nas myong bar 'gyur ba rnams nges pa med par 'gyur ro/ /ji ltar zhe na/ 'dir skyes nas myong bar 'gyur ba'i las kyi rnam par smin par 'gyur la/ las de nyid kyi rnam par smin pa lhag ma ni lan grangs gzhan la yin no/ /mthong ba'i chos la myong bar 'gyur ba mi mthong ba ni mthong ba'i chos la rnam par smin par 'gyur la/ de nyid kyi skye ba gsum pa ma yin na las de nyid mthong ba'i chos la myong bar 'gyur bar yang 'gyur zhing / de nyid skyes nas dang lan grangs gzhan la myong bar 'gyur bar 'gyur na/ 'di ni 'dod pa yang ma yin no/ /gsum pa ltar na ni gzugs na spyod pa'i 'byung ba chen po rnams la 'gal ba nyid mi srid pa'i phyir phan 'dogs par byed par gyur pa de dag tshe rgyun gcod par byed par ji ltar 'gyur te gnod par byed pa ma yin pa'i mtshan nyid can yin pa'i phyir ro/ /bzhi pa ltar na sngon gyi las kyi rnam par smin pa zad pa'i phyir dang / sngon med pa skyes pa'i phyir 'chi 'phos pa dang skyes par 'gyur te/ de'i phyir tshe rabs gzhan bzhin du so sor thar pa'i sdom pa btang bar 'gyur te/ bslab pa phul dang shi 'phos dang / /zhes 'byung ba'i phyir ro/ /mA trA d+ya b+hi ga mai tsa nA ti gu ruH[ (]mA tri ma/ A di/ la sogs/ a b+hi ga me/ mngon par 'gro ba/ lci yang gi don rags pa/ a ti gu ruHha cang lci ba/[) ]las kyis 'brel bar 'gyur zhes bya ba 'dir 'chi 'pho ba'am skye bar mi rung ste/ sngar gyi ris mthun pa rjes su 'jug pa'i phyir dang sngar gyi ris mthun pa ma yin pa nye bar len pa med pas de'i phyir ji skad bshad pa'i skyon du thal bar 'gyur ba med do/ / de nyid kyis rang gi lugs smras pa ni/ tshe ma nges pa 'phen pa yin te/ 'di na ma nges tha mar ni/ /lo bcu dang po dpag tu med/ /ces 'byung ba'i phyir dus ma nges pa zhes bya ba'i tha tshig go/ /'dir ma nges pa'i tshig ni ji ltar gzhan du thams cad kyi tshe dus ma nges pa de bzhin du 'dir med do zhes bstan pa'i phyir ro/ /de la nges pa med pa'i phyir ro/ /thams cad du bskal pa'i mtha' la bltos nas/ tha mar ni/ lo bcu dang po dpag tu med/ /ces bya ba'i khyad par bstan pa dgos pa med do/ /gang bshad pa skye bar nges par khas blangs nas bcom ldan 'das kyis deng sang mi rnams ni tshe lo brgya pa'o zhes gsungs she na/ de las gong du gnas pa'i cha rkyen 'byung ba chen po med pa'i phyir ro/ /deng sang tshe skye ba na lo brgyar skye'o zhes bya ba'i don ci zhe na/ thams cad du lo brgya las gong du gnas pa'i cha rkyen du gyur pa'i 'byung ba med do/ /gal te sngon gyi srid pa yang srid pa 'di nyid kyis 'phen par byed pa nyid du mi 'gyur ro zhe na/ de ltar 'dod na bsod nams zad pa las 'chi bar 'gyur gyi tshe zad pa las ma yin pa yang yod do zhes bya ba la sogs pa mu bzhi la gnod par 'gyur ro/ /gang yang 'dir lan brjod pa/ 'byung ba chen po rnams ni rnam pa gnyis te/ rab tu grags pa srog gnas pa'i cha rkyen du gyur pa dang rab tu ma grags pa srog gnas pa'i cha rkyen du gyur pa ting nge 'dzin gyi khyad par gyis bsgrubs pa rnams so/ /rab tu grags pa srog gnas pa'i rgyur gyur pa zas la sogs pa'i 'byung ba chen po ste/ de ma tshang ba dang zhig pa dang bsod nams zad pa las 'chi bar gsungs pas skyon med do zhes bya ba 'dir yang phyogs snga ma'i lan du sbyar ro/ /dri ba las dri ba gzhan 'byung ste zhes bya ba ni/ 'o na dge slong dgra bcom pa'i tshe'i 'du byed dag 'jog par byed pa'i zhes bya ba'i dri ba de las dri ba gzhan 'di 'byung ngo / /ci'i phyir tshe'i 'du byed dag byin gyis rlob par byed ce na zhes bya ba las/ sangs rgyas bcom ldan 'das rnams ni gzhan la phan pa'i don du'o/ /gzhan ni bstan pa gnas par bya ba'i don du yang ngo / /gal te bstan pa gnas pa yang gzhan la phan pa'i don kho na ma yin nam zhe na/ 'di la khyad par yod de bstan pa gnas par gyur kyang gzhan la phan pa 'ga' zhig la gzhan gyis nus pa mthong ngo / /de nyid kyi phyir de las gzhan nus pa yang ma mthong ba yin no zhes bya ba smos so/ /gzhan la phan pa chung ba dang zhes bya ba ni/ chos gos dang bsod snyoms la sogs pa bslang ba nye bar longs spyod pas byas pa'o/ /nad la sogs pa lta bu zhes bya ba ni nad dang 'bras dang zug rngu la sogs pa lta bu ste sdug bsngal du ma dang ldan pa'i phyir ro/ /tshe zad par gyur zhes bya ba ni phung po lhag ma med pa'i mya ngan las 'das pa'i dbyings su 'jug pa'i dus su'o/ /mi'i nang dag tu zhes bya ste mi'i nang kho na re sangs rgyas 'byung ba dang bstan pa gnas pa'i phyir ro/ /gling gsum po dag tu zhes bya ba ni mi'i nang thams cad du ni ma yin no zhes ston par byed pa ste/ bstan pa med pa'i phyir byang gi sgra mi snyan du ni ma yin no/ /pho mo dag ces bya ba ni za ma la sogs pa dag la mngon par rtogs pa med pa'i phyir ro/ / gnyi ga smos pa ni dgra bcom pa dus dang mi sbyor rnam par grol ba'i yin gyi/ phyir mi 'ong ba dang rnam par grol ba dus dang sbyor ba'i ni ma yin no zhes bstan par bya ba'i phyir ro/ /de ni rab kyi mtha' pa'i bsam gtan thob pas ting nge 'dzin la dbang zhing nyon mongs pa med pas nyon mongs pa dag gis kyang rgyud ma brtan pa yin te/ khams gsum gyi 'dod chags dang bral ba'i phyir ro/ /phyir mi 'ong ba la ni ting nge 'dzin la dbang ba nyid yod mod kyi/ nyon mongs pa dag gis rgyud nye bar ma brtan pa ni ma yin te nyon mongs pa dang bcas pa'i phyir ro/ /rnam par grol ba dus dang sbyor ba ni nyon mongs pa dag gis rgyud nye bar ma brtan pa yin mod kyi ting nge 'dzin la dbang ba nyid ma yin te gcig ni nyon mongs pas bcings la/ gnyis pa la ni ting nge 'dzin gyi khyad par med do/ /de bzhin du dus dang sbyor bar rnam par grol ba smos pa ni tha dad do/ /kha cig na re ting nge 'dzin la dbang ba nyid shes par bya ba'i phyir dus dang mi sbyor bar rnam par grol ba smos so zhes zer ro/ /de ltar yang rab kyi mtha' pa'i bsam gtan thob pas tha dad do/ /de'i phyir nyon mongs pas rgyud nye bar ma brtan pa ni dus dang mi sbyor bar rnam par grol ba dang yongs su mi nyams pa'i chos can yin pa'i phyir ro/ / de lta yin pas dgra bcom pa smos pa don med pa can du bstan pa'i phyir ro/ /srog gtang ba dang byin gyis rlob pa'i zhar la 'di dpyad par bya ste/ mdo las bcom ldan 'das kyis srog gi 'du byed dag byin gyis brlabs nas zhes bya ba rgya cher 'byung ngo / /ming tha dad pas don tha dad par dgos te 'dri ba ni/ de dag la khyad par ci zhig yod ces bya ba'o/ /srog gi 'du byed dag byin gyis brlabs nas zhes 'byung ba'i phyir srog gi 'du byed dag ni da ltar byung ba'i las kyi 'bras bu yin par rtogs so/ /tshe'i 'du byed btang ngo zhes bya ba ni sngar blangs pa btang ba yin te/ sngon gyi las kyi 'bras bu ni tshe'i 'du byed do zhes bya bar shes so/ /skad cig ma gcig gtong ba'am byin gyis rlob pa la ni dgos pa yod pa ma yin te/ des gzhan la phan pa dang bstan pa gnas pa'i mtshan nyid can gyi don thob par mi byed pa'i phyir dang / tshe skad cig ma gcig gtong ba'am byin gyis rlob pa la ni dgos pa yod pa ma yin te/ des gzhan la phan pa dang bstan pa gnas pa'i mtshan nyid can gyi don thob par mi byed pa'i phyir dang / tshe skad cig ma gcig lus pa la gtong ba dang byin gyis rlob pa'i sems kun tu sbyong ba mi rigs pa'i phyir ro/ /dus gzhan gyi bar du 'dug pa'i zhes bya ba la/ 'dis ni tshe skad cig ma nyid du ston par byed do/ /gnas pa'i ngang tshul ni 'dug pa'o/ /'du byed mang po rnams la zhes bya ba rgya cher 'byung ba la/ 'dis ci rigs par gzugs la sogs pa lnga dang tshor ba la sogs pa phung po bzhi la ldan pa ma yin pa'i 'du byed kyi mtshan nyid can srog gi dbang po 'gog par byed de/ de nyid kyi phyir tshe'i rdzas gcig pu ni med do zhes bya ba smos so/ /de lta ma yin na zhes bya ba ni/ gal te tshe'i dbang po rdzas yod par gyur na ni zhes bya ba'i don to/ /'o na ci zhe na/ srog dag byin gyis brlabs nas tshe dag gtang ngo zhes gsungs par 'gyur ro/ /khyad par gyi don du srog gi ming can gyi 'du byed byin gyis brlabs te/ de las gzhan pa'i tshe'i 'du byed btang nas so zhes gzhan dag zer ro/ /gzhan dag na re btags par yod pa'i tshe'o zhes 'di shes par bya ba'i phyir 'du byed kyi tshe tshig dang mang po'i tshig go zhes zer ro/ /ci'i phyir zla ba gsum kho na byin gyis brlabs kyi lhag pa dang chad pa ma yin zhe na/ de'i phyir gdul ba'i don med pa'i phyir zhes bya ba smos so/ /dus de tsam gyis kun tu rgyu rab bzang gi rgyud yongs su smin pa'i phyir zla ba gsum las lhag par byin gyis brlabs pa la dgos pa med do/ /gang yang rdzu 'phrul gyi rkang pa zhes rgya cher 'byung ba la/ de lta ma yin na tshig tsam du 'gyur bas so/ /phung po dang 'chi bdag gi bdud dag ces bya ba la/ phung po'i bdud las rgyal bar bya ba'i phyir ni btang la/ btang na 'grongs par 'gyur bas de nas 'chi bdag gi bdud las rgyal bar bya ba'i phyir byin gyis brlabs so/ /byang chub kyi shing drung du ni zhes rgya cher 'byung ste/ ji skad du/ khyod kyis byang chub brnyes nas ni/ /'dod pa'i khams kyi dbang phyug btul/ /byang chub bar chad med lam du/ /khams gsum dbang phyug las rgyal lo/ /zhes gsungs pa lta bu'o/ /nyon mongs pa dang lha'i bu dag ni phung po dang 'chi bdag gi bdud las 'da' bar bya ba la bar du gcod pa'i phyir bdud nyid yin no/ /de ltar bcom ldan 'das ni bdud bzhi las rnam par rgyal ba yin no zhes bya bar 'thad pa yin no/ /bcu gnyis gnyis zhes bya ba ni rnam par smin pa yang yin la/ rnam par smin pa ma yin pa'o/ /dbang po nyi shu rtsa gcig po rnams la khyad par med pa'i phyir de dag mi shes pas 'dri ba ni/ bcu gnyis gang zhe na zhes bya ba'o/ /de'i phyir/ tha ma brgyad dang yid mi bde/ /ma gtogs pa ste zhes bya ba smos so/ /tha ma brgyad ni gcig tu dge ba yin la/ rnam par smin pa ni lung du ma bstan pa yin no/ /yid mi bde ba yang dge ba'am mi dge ba yin gyi lung du ma bstan pa ni med de/ de'i phyir tha ma brgyad dang yid mi bde ba ma gtogs pa'o/ /srog gi dbang po las gzhan pa rnams zhes bya ba ni bde blag tu khong du chud par bya ba'i phyir ro/ /srog gi dbang po las gzhan pa rnams zhes bya ba ni yid mi bde ba las gzhan tshor ba bzhi dang yid dang mig la sogs pa bdun no/ /de la mig la sogs pa zhes bya ba rgya cher 'byung ba la/ mig la sogs pa rnams la rnam par smin pa las skyes pa dang / rgyas pa las byung ba ma gtogs pa'i bye brag gzhan med pa de'i phyir lhag ma rnams ni rnam par smin pa yin no zhes bya ba smos so/ /dge ba dang nyon mongs pa can rnams dang zhes bya ba ni rnam par smin pa lung du ma bstan pa yin pa'i phyir ro/ /spyod lam pa dang bzo'i gnas pa dang sprul pa rnams ni zhes bya ba ni lung ma bstan pa yin yang 'bad pas bsgrub par bya ba yin pa'i phyir rnam par smin pa ma yin no/ /ci rigs par zhes bya ba 'di dag ni spyod lam pa la sogs pa mngon par 'du bya bar zhugs pa'i phyir rtog pa dang bcas pa yin pas yid kyi rnam par shes pa kho na yin no/ /de la 'dod pa'i khams na ni gsum char yang yod do/ /gzugs kyi khams na ni bzo'i gnas ma gtogs pa dag go/ /gzugs med pa'i khams na ni spyod lam la sogs pa med pa'i phyir gsum ga yang med do/ /de la 'dod pa na spyod pa'i spyod lam pa dang bzo'i gnas la ni yid dang / yid bde ba dang / btang snyoms kyi dbang po dag go/ /bde ba dang sdug bsngal gnyis ka ni med do/ de dag ni 'dod pa'i khams na rnam par shes pa'i tshogs lnga pa yin pa'i phyir dang / yid mi bde ba yang ma yin te/ dge ba dang mi dge ba yin pa'i phyir ro/ /gzugs na spyod pa'i spyod lam pa la ni yid dang bde ba dang btang snyoms kyi dbang rnams so/ /de la ni bsam gtan gsum pa'i yid kyi sa pa'i bde ba yod pa yin no/ /sdug bsngal ni gzugs kyi khams na nam yang yod pa ma yin no/ /sprul pa ni sa lnga char la yang yid dang btang snyoms kyi dbang po gnyis so/ /bde ba dang yid bde ba'i dbang po gnyis ni med do/ /sbyor ba'i khyad par gyis bsgrub par bya ba yin pa'i phyir ro/ /btsun pa go cha mtha' yas na re/ spyod lam pa dang bzo'i gnas dang sprul pa'i sems rnams rtag tu btang snyoms kyi dbang po kho na dang mtshungs par ldan pa de'i phyir ci rigs pa sems dang sems las byung ba rnams dang lhan cig dbang byed do/ /'di rnams kho na der sems rnams dang yid kyi dbang por rig par bya ste de lta bu ni ci rigs pa'i don to zhes zer ro/ /lhag ma rnams zhes bya ba ni gang dag rnam par smin pa'i rgyu las bzlog pa de dag ni yid la sogs pa ste rnam par smin pa'o/ /lhag ma rnams ni rnam par smin pa ma yin zhes bya ba la dad pa la sogs pa brgyad dang yid mi bde ba'o/ /yang ji ltar de rnams rnam par smin pa ma yin par grub ce na/ gcig tu rnam par smin pa nyid dang rnam par smin pa ma yin pa bstan pa las so/ /de ltar na srog gi dbang po rnam par smin pa kho na'o/ /dgu ni rnam par smin pa ma yin pa kho na'o/ /bcu gnyis ni rnam pa gnyis so/ /mdo 'di ji ltar drang zhe na zhes bya ba la/ gal te yid bde ba dang btang snyoms myong bar 'gyur ba'i las ltar yid mi bde ba myong bar 'gyur ba yid mi bde ba'i rnam par smin pa'i las can du mi 'dod pa de'i phyir mdo dang 'gal lo zhes ston to/ /bde bar myong bar 'gyur ba'i reg pa ltar mtshungs par ldan pa myong bar 'gyur ba'i dbang du mdzad nas gsungs pa yin gyi rnam par smin pa myong bar 'gyur ba'i dbang du mdzad nas ni ma yin pas mdo dang 'gal ba med do/ /las 'di la yid mi bde ba med par 'gyur ba'am yid mi bde ba ste/ mtshungs par ldan pa myong bar 'gyur ba zhes bya ba'i tha tshig go/ /myong 'gyur rnam pa lnga zhes bya/ /zhes phyi nas 'chad par 'gyur ro/ /'o na ni yid bde ba dang btang snyoms myong bar 'gyur ba'i las dag kyang zhes bya ba la sogs pa la/ yid mi bde ba myong bar 'gyur ba'i las bzhin du yid bde ba dang btang snyoms myong bar 'gyur ba'i las dag kyang mtshungs par ldan pa myong bar 'gyur ba kho na'i dbang du mdzad nas ston par thal bar 'gyur ro/ /yid bde ba dang btang snyoms dag dang mtshungs par ldan pa'i las yid bde ba dang btang snyoms myong bar 'gyur ba'i las yin pas/ de ltar na yid bde ba dang btang snyoms gnyis kyang yid mi bde ba dang 'dra bar rnam par smin pa ma yin par 'gyur te/ dge ba dang mi dge ba'i las dag dang mtshungs par ldan pa'i phyir ro/ / ji ltar dga' ba de ltar yin la rag ste/ zhes bya ba ni gnyi ga ltar yang 'gal ba med pa'i phyir ro/ /yid bde ba dang btang snyoms myong bar 'gyur ba'i las zhes bya ba ni yid bde ba dang btang snyoms rnam par smin pa can dang / yid bde ba dang btang snyoms dang mtshungs par ldan pa zhes bya ba ni gnyi ga ltar yang 'gal ba med do/ /de'i phyir ji ltar dga' ba de ltar yin la rag go/ /go skabs med pas de ni de ltar shes so zhes bya ba la/ go skabs med pa ni mi srid pa'o/ /gal te yid mi bde ba ltar yid bde ba dang btang snyoms dag la rnam par smin pa'i go skabs med par gyur na ni de'i phyir yid bde ba dang btang snyoms dag kyang yid mi bde ba dang 'dra bar mtshungs par ldan pa myong bar 'gyur ba'i dbang du mdzad nas bstan gyi/ rnam par smin pa myong bar 'gyur ba'i dbang du mdzad nas ma yin pa de ltar shes par 'gyur ro/ /yang na 'di ni don gzhan yin te/ go skabs med pas na yid mi bde ba myong bar 'gyur ba de las de ni mtshungs par ldan pa myong bar 'gyur ba'i dbang du mdzad nas gsungs so zhes bya bar shes par 'gyur ba/ yid mi bde ba la ni yid bde ba dang btang snyoms ltar rnam par smin pa srid pa yod pa ma yin no/ /gang gi phyir yid mi bde ba myong bar 'gyur ba'i las kyang yid bde ba dang btang snyoms myong bar 'gyur ba'i las ltar rnam par smin pa myong bar 'gyur ba'i dbang du mdzad nas gsungs so zhes bya bar rtogs so/ /tshig tsam gyis dad par mi 'gyur ba de'i phyir rnam par smin pa'i go skabs bzlog pa'i rgyu bris pa ni/ 'di la rigs pa ci zhig yod ces bya ba la sogs pa'o/ /rgyu smras pa ni/ yid mi bde ba ni zhes rgya cher 'byung ste/ yid mi bde ba ni yid du mi 'ong ba'i bsam pa la sogs pa kun tu rtog pa'i khyad par dag gis skyed par byed cing zhi bar byed pa yin gyi/ rnam par smin pa ni de ltar ma yin no/ /mig la sogs pa rnam par smin pa ni rnam par rtog pa la mi ltos pas las kyi 'phen pa'i dbang gis 'jug pa dang ldog pa nyid yin no/ /de ltar na yid bde ba yang de dang 'dra zhes bya ba 'dis 'khrul par ston te/ yid bde ba yang yid du 'ong ba'i bsam pa la sogs pa'i rnam par rtog pa dag gis skyed par byed cing zhi bar byed pa yin mod kyi/ 'on kyang rnam par smin par 'dod pas 'di ni rigs pa ma yin no/ /yid mi bde ba rnam par smin pa ma yin pa nyid du sgrub pa la rigs pa nus pa dang ldan pa gzhan smra ba ni/ 'o na gal te yid mi bde ba zhes bya ba rgya cher 'byung ba'o/ /de'i phyir zhes bya ba ste/ mtshams med pa'i rgyu can gyis yid mi bde ba skye bas las de rnam par smin par 'gyur ro/ /de ltar na mthong ba'i chos la myong bar 'gyur ba yin gyi skyes nas myong bar 'gyur ba yang ma yin zhing dmyal ba myong bar 'gyur ba yang ma yin no/ /yid bde ba yang de dang 'dra ste zhes bya ba la/ skyes nas myong bar 'gyur ba'i las dge ba mthong ba'i chos la myong bar 'gyur ba nyid yin na mi rung bas yid mi bde bzhin du yid bde ba yang rnam par smin pa khas blang bar mi bya'o/ /yid bde ba bzhin du yid mi bde ba yang de'i rgyu mtshan las las kyi rnam par smin pa'o zhes khas blang bar mi bya'o zhes de ltar 'khrul pa smras pa dang / yang yid mi bde ba rnam par smin pa ma yin pa nyid la rgyu gzhan smras pa ni/ 'o na 'dod chags dang bral ba la zhes rgya cher 'byung ba'o/ /'dod chags dang bral ba rnams la ni sdug bsngal gyi dbang po ltar yid mi bde ba rjes su 'jug pa ma yin te/ ston pa mya ngan las 'das kyang bdag la mya ngan la sogs pa mi 'byung ngo zhes mdo las bkag pa'i phyir ro/ /rnam par smin pa ni de lta ma yin no zhes bya ba la/ mig la sogs pa rnam par smin pa ni 'dod chags dang bral ba rnams la ldog pa ma yin no/ /dgos pa med pa'i phyir na dge ba mngon du byed pa yang ma yin te/ de ni yid bde ba dang 'dra bar phan 'dogs par byed pas yin no/ /de dag gi yid bde ba zhes rgyas par 'byung ba la/ 'dod chags dang bral ba rnams la yid bde ba dge ba snyoms par 'jug pas bsdus pa dang / bsam pa'i rgyu can yod mod kyi/ /dge ba rnam par smin pa ni ma yin no/ /de'i phyir de dag gi yid bde ba lung du ma bstan pa rnam par smin pa ji lta bu yin pa brjod par bya ste/ kun tu 'byung ba ni gcad du med do/ /ci 'dra yang rung ste zhes bya ba rgya cher 'byung ste/ yid bde ba ni kun tu 'byung ba srid pas rnam par smin pa'i go skabs yod de/ de ni gang gi tshe res 'ga' phyi rol gyi rgyu mtshan med pa ni kun tu rtog pa med par skye ste/ lung du ma bstan pa rnam par smin pa ni de lta bu yin no/ / yid mi bde ba ni thams cad du yang kun tu mi 'byung bas zhes bya ba 'byung ba la/ dge ba dang lung du ma bstan pa yin na/ dge ba gang dag las yin/ lung las kyang ste/ gang la brten nas yid bde ba rnam par smin pa so sor yang dag pa myong bar byed ces gsungs kyi/ de ltar nag po'i phyogs la ni yid mi bde ba/ ba tsa na mi [(]gcig ces bya ba/[) ]t+ya ba bi d+d+haM [(]'dir a sa b+hi d+d+haM mi shes pa dang ma bcos pa dang ma dag pa gsum la 'jug pas gang dang 'brel brtag par bya'o/ /[)]de rnam par smin pa'i las las/ yid mi bde ba kun tu rtog pa'i khyad par gyis bskyed do/ /sprul pa'i tshe bzhin du gzhan gyis bskyed pa yang rnam par smin par 'gyur bar tshig gis 'phangs pa la nyes pa ci zhe na/ bye brag tu smra ba rnams ni sprul pa'i tshe mi 'dod de/ sprul pa'i tshe'i rlung sems can du bgrang ba nyid kyi phyir dang chos kyi skye mched kyi sprul pa med pa'i phyir ro/ /ci ste rten kho na sprul par gsungs pa de lta na yang de las gzhan skyed pa ma yin te/ rab kyi mtha' pa'i bsam gtan dang snyoms par 'jug pa las longs pa'i mjug thogs su brjod pa'i rnam rig byed kyi dbang byed pas longs spyod kyi 'bras bu'i las de'i rnam par smin pa'i rgyu'i ngo bor gyur pa'i phyir ro/ /mtha' gcig tu de'i sgrub byed rnam par smin pa ma yin pa nyid khong khro bzhin du 'dod chags dang bral ba rnams la med pa gang yin pa de rnam par smin pa ma yin no/ /gang yang 'dod chags dang bral ba rnams la de'i rnam par smin pa med pa ma yin te/ dper na tshe lta bu'o/ /ji skad du/ 'di'i rgyud la gang cung zad rnam par smin pa de ni yid mi bde ba'i sems pa ma yin no zhes te/ 'dod chags dang bral ba'i mngon par 'dod pa ji lta ba las so/ /rgyud la rnam par smin par byed pa'i 'dod chags dang bral ba'i rgyud la rnam par smin pa ma yin no zhes nye bar bstan par bya'o/ /de la brgyad pa srog gi dbang po dang ldan pa rnams ni zhes rgya cher 'byung ba la/ mig la sogs pa pho'i dbang po'i mthar thug pa rnams ni brgyad pa srog gi dbang po dang zhes bya ste/ mig la sogs pa rnams brgyad pa srog gi dbang po dang ldan pa'o/ /bde 'gro ni lha dang mi'o/ /ngan 'gro ni ngan song gsum mo/ /yid kyi dbang po'i ni gnyis kar zhes bya ba la/ gnyis ka zhes bya ba ni bde 'gro dang ngan 'gro dag tu'o/ /gnyis ka'i zhes bya ba ni dge ba dang mi dge ba ste/ gang gi tshe yid kyi dbang po rnam par smin pa las skyes pa sdug bsngal dang mtshungs par ldan par gyur pa de'i tshe ni/ bde 'gro'am ngan 'gro na nyes par spyad pa'i rnam par smin pa'o/ /gang gi tshe rnam par smin pa las skyes pa bde ba dang / yid bde ba dang btang snyoms dang mtshungs par ldan par gyur pa de'i tshe ni dge ba'i yin no/ /bde ba dang yid bde ba dang btang snyoms kyi dbang po rnams ni dge ba'i rnam par smin pa yin no zhes bya ba ni dmyal ba dag ma gtogs pa'i bde 'gro'am ngan 'gro na'o/ /sdug bsngal gyi dbang po'i mi dge ba ni zhes bya ba ni bde 'gro dang ngan 'gro dag tu'o/ / brgyad pa srog gi dbang po dang ldan pa rnams ni bde 'gro na ni dge ba'i las kyi rnam par smin pa yin la zhes bshad na/ mtshan gnyis pa'i dbang po gnyis bde 'gro na dge ba'i rnam par smin pa ji ltar yin zhe na/ de'i phyir bde 'gro na zhes bya ba rgyas par smos so/ /bde 'gro ste mi dag gi nang nas mi dge ba'i las kyis dbang po gnyis po de rjes su mi 'tsham pa'i gnas su rnyed pa yin te/ de ni sems dang ldan pa ma yin pa'i 'du byed do/ /dbang po ni lus kyi dbang po'i phyogs gcig yin pa'i phyir dge ba kho na'i yin te/ lus kyi dbang po bzhin du bde 'gro na gcig tu dge ba kho na'i rnam par smin pa yin no/ /de nyid kyi phyir dbang po ni ma yin te/ dge bas 'phangs pa yin pa'i phyir ro zhes bya ba smos so/ /dbang po ni rnam par smin pa dang bcas zhes bya ba la sogs pa la/ rnam par smin pa dang lhan cig pa ni rnam par smin pa dang bcas pa dag ste/ gang dag la rnam par smin pa'i 'bras bu yod pa zhes bya ba'i don to/ /gang 'di yid mi bde ba rnam par smin pa ma yin no zhes bshad ma thag pa de ni rnam par smin pa dang bcas pa de gcig pu ni rnam par smin pa dang bcas pa kho na yin te/ lung du ma bstan pa dang zag pa med pa rnams kho na rnam par smin pa'i rgyu ma yin pa'i phyir dang de ni gnyis ka las log pa'i phyir ro/ /ni zhes bya ba'i sgra ni kho na zhes bya ba'i don dang zhes bya ba ni nges par gzung ba'i don dang zhes bya ba'i tha tshig go/ /rim pa bzhin du sbyar ba zhes bya ba ni/ de gcig pu rnam par smin bcas ni zhes mthar rig par bya ste zhes bya ba'i don to/ /rim pa bzhin du sbyar na ni ji skad bshad pa'i nges par gzung bar rigs te/ de lta ma yin na de kho na rnam par smin pa dang bcas so/ /zhes bya bar nges par gzung bar shes par 'gyur ro/ /de lta na gzhan dag rnam par smin pa med par thal bar 'gyur bas bcu rnam gnyis zhes brjod par mi bya'o/ /de ltar 'o na tshig 'di las de gcig pu rnam par smin pa dang bcas pa zhes bya ba 'dir ji skad bshad pa'i nges par gzung bar rtogs par bya'o/ /kin+tu shab+de na kra ma b+ha da sdu [(]'on te sgra'i rim pa tha dad pas ni [)]lung du ma bstan pa zag pa med pa nyid kyi byasta s+ya [(]gsal ba tha dag/[)]rnam par smin pa ma yin pa nyid kyi rgyu bstan pa'i phyir ro/ /ji ltar mtha' gcig tu rnam par smin pa dang bcas pa nyid mtha' dag gi rgyu ma yin pa nyid ces bya'o/ / yid mi bde ba rnam par smin pa dang bcas pa kho na yin no zhes bya ba gang yin pa 'di la rgyu ci zhig yod ce na/ de'i phyir de ni lung du ma bstan pa yang med la zhes bya ba rgya cher 'byung ste/ /sa bon rul ba bzhin lung du ma bstan pa ni rnam par smin pa med pa yin la/ zag pa med pa yang sa bon grung po rlan gyis ma brlan pa ltar sra bas ma brlan pa'i phyir rnam par smin pa med pa yin zhing / yid mi bde ba ni dge ba zag pa dang bcas pa yin pa'i phyir dang mi dge ba yin pa'i phyir rnam par smin pa dang bcas pa yin no/ /mnyam par gzhag pa ma yin pa'i phyir zhes bya ba ni/ zag pa med pa nyid kyis med pa la rgyu smras pa ste/ mnyam par ma bzhag pa'i zag pa med pa 'dus byas ni yod pa ma yin no/ /bcu rnam gnyis zhes bya ba la bcu kho na rnam pa gnyis yin no zhes nges par gzung bas gzhan rnam pa gcig go zhes bya ba grub par 'gyur ro/ / gzhan ni rnam par smin pa med pa yin no zhes bya bar grub po/ /gzhan gang zhe na dbang po bcu gcig go/ /de la mig la sogs pa dang / brgyad pa srog dang ldan pa rnams ni lung du ma bstan pa'i phyir dang / kun shes par byed pa'i dbang po la sogs pa gsum ni zag pa med pa'i phyir rnam par smin pa med pa'o/ /dge ba brgyad ces bya ba ma chags pa la sogs pa dang mtshungs par ldan pa'i phyir dge ba kho na yin no zhes bya bar nges par bzung ste/ de las gzhan pa rnams kyang dge ba yin pa'i phyir ro/ /yid mi bde ba rnam gnyis zhes bya ba la/ yid mi bde ba ni rnam par smin pa dang bcas pa'i phyir rnam pa gnyis kho na'o/ /yid dang tshor gzhan ni rnam gsum zhes bya ba la/ tshor gzhan zhes smos pa ni yid mi bde ba las gzhan pa'i tshor ba gzung ngo / /dbang po lnga po 'di dag dge ba'i rtsa ba dang mtshungs par ldan pa ni dge ba'o/ /mi dge ba dang mtshungs par ldan pa ni mi dge ba'o/ /de dag las gzhan pa rnam par smin pa las/ skyes pa dang / spyod lam dang / bzo'i gnas pa dang / sprul pa pa dag ni lung du ma bstan pa rnams so/ /gzhan ni rnam pa gcig ces bya bar nges par gzung ngo / /nges par ma bzung na ni cir 'gyur zhe na ci rnam pa gcig yin nam rnam pa gnyis yin snyam du the tshom za bar 'gyur ro/ /de lta na yang the tshom za ba kho na'o ci zhe na/ dge ba'am mi dge ba'am/ lung du ma bstan pa'o/ /lung du ma bstan brgyad dag nyid/ /gzugs sgra ma gtogs zhes bya ba dang / srog ni rnam smin zhes bya ba dang / rnam smin lung du ma bstan pa zhes bya ba 'byung ba'i phyir the tshom za bar mi 'gyur ro/ /dri med ma gtogs 'dod par gtogs/ /zhes bya ba la/ dbang po thams cad 'dod par gtogs so zhes bya ba 'di ni spyir btang ba yin la/ dri med ma gtogs zhes bya ba ni 'di'i dmigs kyis bsal ba'o/ /de ltar na dri ma med pa kho na ma gtogs pa'i lhag ma ni 'dod par gtogs pa'o zhes bya bar grub pa yin no/ /dri ma med pa'i dbang po ma gtogs pa'i rgyu smras pa ni/ de ni ldan pa ma yin pa kho na yin no zhes bya ba'o/ /kyang gi sgra ni dri med kyang / /zhes rjes su drang ba'i don te ma gtogs zhes bya bar sbyar ro/ /sdug bsngal dag ces bya ba ni sdug bsngal dang yid mi bde ba dag ste/ gnyi ga yang rjes su mi mthun pa'i phyir sgra gcig gis brjod do/ /gzugs kyi khams na ni pho dang mo dang yid mi bde ba'i dbang po dag dang / sngar smras pa'i zag pa med pa gsum ma gtogs pa dbang po lhag ma'o/ /mi mdzes par byed pa'i phyir zhes bya ba ni/ 'doms kyi sba ba sbubs su nub pa rnams kyi ci'i phyir mi mdzes te/ de'i phyir nub pa kho na legs so zhes slob dpon 'dus bzang zer ro/ /'dir pho'i rgyu mtshan can du mthong nas dri ba ni pho'i dbang po med na de ni ltar na de dag pho zhes bya'o/ /tshul bzhin ma yin par dris pa'i phyir dri ba ni ga las dbyung zhes bya ba'o/ /de na pho'i ngo bo pho'i dbang po las gzhan pa 'dod pa'i khams na yod pa gang yin pa de ni yod do/ /de ni nga ro dang g.yo ba dang dbyibs kyis bsdus pa yin te/ de yang 'dod pa'i khams na pho'i dbang po dang lhan cig rgyu bar mthong gi mo'i dbang po dang lhan cig rgyu bar ni ma yin no/ /gzhan dag na re 'dod chags dang bral bas nges par 'byung ba'i skyes bu'i byed pa yod pa'i phyir ro zhes zer te/ 'di mo'i dbang po la yang mtshungs so/ /sdug bsngal gyi dbang po med do zhes rgya cher 'byung ba la/ sdug bsngal gyi dbang po ni brdeg pa las skyes pa'am rnam par smin pa las skyes pa yin na/ de na lus dang ba'i phyir brdeg pa las skyes pa med la/ mi dge ba med pa'i phyir rnam par smin pa las skyes pa yang med do/ /yid mi bde ba'i dbang po med do zhes bya ba la sogs pa la/ de yang rgyus skyed pa dang rkyen gyis skyed pa zhig tu 'gyur grang / de na rgyus bskyed pa med de/ rgyud zhi gnas kyis brlan pa'i phyir ro zhes bya ste/ zhi gnas kyi ting nge 'dzin gyis khong khro ba dang bral ba'i phyir/ de dag gi rgyud la rtsub pa nyid med de/ de'i phyir de'i rgyu can gyi yid mi bde ba'i dbang po yang med do/ /rgyud la yod pa'i rtsub pa ni khong khro ba'o/ /de'i phyir 'dis ni de na rang gi sems rtsub pas bskyed pa'i yid mi bde ba med do zhes bya bar shes par byas par 'gyur ro/ /kun nas mnar sems kyi gzhi med pa'i phyir zhes bya bas ni de na rkyen gyis bskyed pa med do zhes bya bar shes par byed do/ /kun nas mnar sems ni rab tu 'khrugs pa'o/ /de'i gzhi ni yul la'o/ / de'i phyir 'dis ni yul gyis bskyed pa'i yid mi bde ba med do zhes bya bar shes te/ de na mnar sems kyi gzhi dgu med pa'i phyir ro/ /de dag kyang bdag la gnod par byas so/ /byed do/ /byed par 'gyur ro zhes bya ba ni mnar sems kyi gzhi gsum mo/ /bdag gis mdza' bo la gnod pa byas/ byed do/ /byed par 'gyur ro zhes bya ba 'di ni gzhan gsum mo/ /bdag gis dgra la phan par byas so/ /byed do/ /byed par 'gyur ro zhes bya ba 'di ni gzhan gsum mo/ /gzhan dag ni nyon mongs pa can ma yin pa'o zhes zer ro/ /gzhan dag ni mi shes pas bsgrub pa'i phyir de dag kyang 'dod chags dang bral ba la ye shes dang ldan pa ma yin pas der yid mi bde ba ma yin no zhes zer ro/ /gzugs med gtogs zhes rgya cher 'byung ba la/ 'ang gi sgra ni pho dang mo'i dbang po dag dang sdug bsngal dag dang / dri ma med pa zhes bya ba dang sbrel te/ skabs su bab pa'i phyir na ma gtogs pa zhes bya bar sbyar ro/ /bde ba zhes bya ba ni bde ba dang yid bde ba dag ste/ phan 'dogs par byed pa nyid du mtshungs pas gnyi ga yang sgra gcig gis brjod do/ /gzugs can smos pas ni mig la sogs pa dbang po lnga po rnams bsdus so/ /gal te gzugs can smos pas pho dang mo'i dbang po gnyis kyang gzung ba ma yin nam zhe na/ gal te gzugs can smos pa nyid kyis mig la sogs pa bzhin pho dang mo'i dbang po gnyis kyang bkag na ni/ de lta yin dang / sdug bsngal la sogs pa rnams bsal bar bya ba'i phyir slar yang 'bad pas gzhan bdag gir bye dgos so/ /de'i phyir 'dir dbang po gzugs can dngos su dgag pa nyid du brjod par 'dod do/ /lhag ma rnams ni skabs dang mthun par sbyar ba kho nas bkag pa nyid do/ /yid dang tshor ba gsum rnam gsum zhes bya ba la/ bde ba dang / yid mi bde ba dang / btang snyoms ni yid kyi rnam par shes pa'i tshogs pa yin pa'i phyir dang / zag pa dang bcas pa dang zag pa med pa yin pa'i phyir gsum nyid do/ /bde ba ni bsam gtan gsum pa'i sa pa'i sems kyi yin la/ 'dod pa'i khams dang / bsam gtan dang po na ni lus kyi kho na yin no/ /de la lus kyi bde ba dang / btang snyoms kyi dbang po dag dang / rnam par shes pa lnga'i bdag nyid kyi yid ni bsgom pas spang bar bya ba kho na'o/ /sems kyi bde ba dang / btang snyoms dang / yid bde ba dang / yid kyi rnam par shes pa'i bdag nyid can gyi yid mthong bas spang bar bya ba'i nyon mongs pa dang / mtshungs par ldan pa de dag ni mthong bas spang bar bya ba yin no/ /lhag ma nyon mongs pa can dang / lung du ma bstan pa dag dang / dge ba zag pa dang bcas pa rnams ni bsgom pas spang bar bya ba yin no/ /zag pa med pa rnams ni spang bar bya ba ma yin pa yin no/ /gnyis kyis spang bya yid mi bde/ /zhes bya ba la/ yid mi bde ba dang ldan pas ni yid mi bde ba'o/ /de'i dngos po ni yid mi bde ba nyid do/ yid mi bde ces bya ba'i don to/ /mnyam par gzhag pa med pa'i phyir zag pa med pa med do/ /mthong bas spang bar bya ba'i nyon mongs pa dang mtshungs par ldan pa ni mthong bas spang bar bya ba'o/ / lhag ma dge ba dang nyon mongs pa can ni bsgom pas spang bar bya'o/ /mig la sogs pa bdun dang / srog dang sdug bsngal gyi dbang po na ci rigs par gzugs can yin pa'i phyir dang / nyon mongs pa can ma yin pa'i phyir dang / drug pa las skyes pa ma yin pa'i phyir bsgom pas spang bar bya ba kho na yin gyi/ mthong bas spang bar bya ba ni ma yin te/ ji skad du/ nyon mongs can min mthong spang min/ /gzugs min drug pa min skyes min/ /zhes bshad pa bzhin no/ /gcig tu zag pa dang bcas pa'i phyir spang bar bya ba ma yin pa ni ma yin no/ /lnga po ni spang bar bya ba min yang zhes bya ba la/ yang gi sgra ni yod pa'i phyir dang skabs su bab pa'i phyir dang / bsgom pas spang bar bya ba dag kyang ma yin zhes bya bar shes so/ /zag pa med pa'i phyir spang bar bya ba ma yin pa dag yin la/ dge ba zag pa dang bcas pa'i phyir bsgom pas spang bar bya ba yin no/ /gsum min zhes bya ba la kun shes par byed pa'i dbang po la sogs pa gang du yang ni spang bya ma yin pa nyid de/ zag pa med pa rnams ni nyes pa med pa'i phyir ro/ /gal te gzings lta bu'i chos kyi rnam grangs las lam yang spang bar bya ba nyid du gsungs pa ma yin nam zhe na/ gsungs mod kyi/ mthong ba dang bsgom pa dag gis ni spang bar bya ba ma yin te/ phung po lhag ma med pa'i mya ngan las 'das pa'i dbyings su 'jug pa'i tshe gtong bas spang ba zhes bya ba yin no/ /khams gang du dang po nyid du zhes bya ba rgyas par 'byung ba la/ rnam par smin pa zhes bya ba kho na dang por rnyed pa dris pa la dgos pa ci yod ce na/ nyon mongs pa ma yin pa'i sems kyi nying mtshams sbyor ba gsal bar bya'o/ /'dod par dang por rnam smin gnyis/ /zhes bya ba la/ dang por zhes bya ba ci'i don du yin zhe na/ mig dang / rna ba dang / sna dang / lce'i dbang po rnam par smin pas bsdus pa rnams phyis rim gyis rnyed pa'i phyir ro/ /mig la sogs pa rnams kyi sa bon de'i tshe kho na rnyed par 'thad do/ /ji ltar lus kyi dbang po de'i tshe rang gi rnam par shes pa bskyed pa'i rgyur gyur pa de ltar mig la sogs pa ni ma yin no/ /de nyid kyi phyir gnyis zhes brjod par gang yin pa de dag ni dmus long la sogs pa la yang sbyar ro/ /slob dpon 'dus bzang na re/ da ni de ltar mi brjod de/ /nying mtshams sbyor ba la rnam par shes pa lnga srid pa'i phyir ro zhes zer ro/ /rdzus te skye bas min zhes bya ba la/ rdzus te skye ba rnams ni dbang po tshang bar skye ba'i phyir ci phyir yid dang btang snyoms kyi dbang po dag ma yin zhe na rnam par smin pa'i dbang du byas pa'i phyir ro/ /skye ba'i srid pa nyon mongs can/ /zhes bya ba'i ngag des gdon mi za bar nyon mongs pa can du 'gyur la/ rnam par smin pa ni lung du ma bstan pa yin no/ /dad pa la sogs pa rnams kyang de'i tshe rnyed mod kyi/ de dge ba yin pa'i phyir rnam par smin pa ni ma yin no/ /nur nur po la sogs pa'i gzugs dbang po ma yin pa'i rnam par smin pa las skyes pa rnams kyang de'i tshe rnyed mod kyi/ de dag 'di ni ma smos te dbang po'i skabs su bab pa yin pa'i phyir ro/ /yang rdzus te skye ba dag gis du zhig 'thob ce na/ 'dod pa dag tu dang por zhes sbyar ro/ /gal te mtshan med pa zhig yin na ste zhes bya ba ni pho dang mo'i dbang po med pa'i phyir ro/ /pho dang mo nyid du mngon par gsal bar byed pa yin pa'i phyir pho'i dbang po dang mo'i dbang po la mtshan zhes brjod do/ /rdzus te skye ba mtshan med pa rnams da lta med pas 'dir bskal pa dang po ba lta bu'o zhes bya ba smos so/ /mtshan gcig pa zhig yin na ste/ /zhes bya ba ni pho dang mo'i dbang po gang yang rung ba zhig med pa'i phyir ro/ /mi rnams kyi nang na da lta rdzus te skye ba med pas 'di ltar lha la sogs pa na'o zhes bya ba smos so/ /'di ni skye gnas khyad par du 'phags pa yin no zhes bya bar mthong ste/ 'dri ba ni/ ci rdzus te skye ba yang mtshan gnyis pa zhes bya ba rgyas par 'byung ba'o/ /'dod pa'i sgra ni yul dag gam yul gyi 'dod chags la 'jug gi khams la ni ma yin no zhe na/ de'i phyir 'dod pa gtso bo yin pa'i phyir zhes bya ba rgyas par smos te 'dod pa ni gzugs la sogs pa yul rnams yin la/ de gtso bor gyur pa ni 'dod pa'i khams yin te de'i phyir 'dod pa'i khams zhes bstan to/ /'dod pa dang gzugs kyi khams gnyi ga gzugs yod pa nyid du mtshungs bzhin du gzugs kyi khams kho na gzugs zhes bya ba'i sgras ci'i phyir brjod ce na/ de'i phyir gzugs gtso bo yin pa'i phyir zhes bya ba rgyas par smos te/ gzugs de ni dad pa yin pa'i phyir dang 'od can yin pa'i phyir gtso bo yin no/ /mdo las kyang zhes bya ba 'dis ni mdo las gzugs gtso bo yin pa'i phyir gzugs kyi sgras gzugs kyi khams gsungs so zhes ston to/ /gong mar gcig ces bya ba la gzugs med pa'i khams ni gzugs kyi khams pas gong ma yin no/ /yul ni mi gnas pas gzugs med pa'i khams gzugs kyi khams pas gong mar ci ltar brjod ce na/ de'i phyir snyoms par 'jug pas ring ba'i phyir dang zhes bya ba rgya cher smos te/ gang gi phyir gzugs su snyoms par 'jug pa ni snga la gzugs med par snyoms par 'jug pa ni 'phyi ba yin no/ /de ltar snga phyi nyid kyis yin gyi 'dod pa dang gzugs kyi khams ltar yul na gnas pa nyid kyis ni ma yin no/ /gang gi phyir gzugs med pa'i khams ni gzugs kyi khams pas skye bas ches mchog yin pa'i yang phyir ro/ /der ni bskal pa stong phrag mang por ches rab tu zhi ba rnam par smin par 'gyur te de'i phyir yang gong ma yin no/ /srog gi dbang po gcig pu kho na dang por rnam par smin pa zhes bya bar skabs dang sbyar ro/ /de na gzugs med pa'i phyir mig la sogs pa rnams ma yin la/ dge ba dang nyon mongs pa can yin pa'i phyir gzhan rnams kyang ma yin no/ /slob dpon 'dus bzang na re/ srog gi dbang po rdzas su yod pa nyid kyis shes par byed pa ni 'di kho na yin te/ de med na gang rnyed pas gzugs med pa dag tu skyes pa zhes bya/ dge ba nyon mongs pa can ni de skye ba'i las kyi 'bras bu ma yin la/ skye ba med par yang de mngon du gyur pa srid pa'i phyir rnam par smin pa'i sems kyis mtshams sbyor ba yang mi rigs la/ nyon mongs pa can gyi sems kyis skye bar nying mtshams sbyor bar khas blangs pa'i phyir na rnam par smin pa dang 'brel ba med par skye ba yang ma rigs pa de'i phyir gdon mi za bar skye ba'i rtags su gyur pa chos gzhan zhig khas blang bar bya dgos so zhes zer ro/ /gzugs med dag tu 'chi ba ni/ /zhes bya ba rgyas par 'byung ba ni srog dang yid dang / btang snyoms rnams phan tshun mi gtong ba'i phyir te/ btang snyoms dang ni sogs dang ni/ /yid dang ldan la nges gsum ldan/ /zhes 'chad par 'gyur ro/ /nyon mongs pa can dang lung du ma bstan pa'i sems kyis 'chi ba la dad pa la sogs pa med pas gzugs med pa'i khams su 'chi ba na gdon mi za ba'i gsum po de dag 'gag go/ /gnyis kyang zhes bya ba'i tshig phrad dag gis gnyis ka don gcig ste/ snga mas ni tshor ba nges par 'dzin to/ /'og mas ni gzugs can 'gag pa 'gog ste/ kha cig na re de na gzugs yod do zhes zer ro/ /mi ldan pa'i 'du byed kyi dngos po la rnam par smin pa'i rgyud gang yin pa rnam par gcad pas gzugs med pa rnams nas 'chi 'pho ba zhes bya ste/ rnam par smin pa las skyes pa ma yin pa'i phung po bzhi dge ba nyon mongs pa can mngon du gyur na 'chi 'phos par thal ba med do/ /yongs su zad par thal bar 'gyur ba'i phyir de'i sa pa'i rnam par smin pa nyon mongs pa can gyis dge ba'i sems so/ /de la las gang / de'i rnam par smin pa gang zhe na/ so sor myong ba dang mngon du ma gyur par so sor myong ba skyed pa'o/ /gal te rnam par smin pas bsgos pa mi 'thad pa'i skyon med do zhe na/ las kyis bsgos pa bzhin yongs su zad pa la yang rnam par smin pa de bsgos pa mi 'thad pa nyid kyis 'chi 'pho bar 'gyur ro/ /gal te rnam par smin pa yongs su ma zad pas bsgos pa yod do zhe na/ las su yang ma gyur pa de'i phyir 'bras bu ma yin pa'i phyir rnam par smin pas bsgos pa'o/ /rnam par smin pa las skyes pa ni rjes su mi 'jug go/ /'bras bu tshad med pa ni las kyis bsgos pa'i rgyu mthun pa'i 'bras bur 'gyur ro/ /tshad yod pa'i phyir las rnams ni ma yin te/ zad pa yod pas na las kyi bag chags bzlog pa ma yin no/ /ji ltar rnam par smin pa zad pa las de ma thob par las zad pa las rnams ma yin no/ /de bzhin du rnam par smin pa zad pa la rnam par smin pas bsgos pa'i phyir bzlog pa ni las zad pa la las rnams ma yin no zhes so/ /rnam par smin pas bsgos pa rjes su 'jug pa ni rnam par smin pa myong bar mi rigs so/ /de'i bdag nyid ma yin pa'i phyir rnam par smin pa'i bag chags rjes su 'jug pa nyid rnam par smin pa myong ba ma yin no/ /de'i 'bras bu myong ba ni rnam par smin pa myong ba'o/ /de'i phyir gzugs med pa rnams su rdzas gzhan med kyang rnam par smin pa'i bag chags rjes su 'jug pa mngon du gyur kyang 'chi 'pho bar mi 'gyur la/ de las bzlog pa ni 'chi 'pho bar 'gyur ro/ /gzugs na brgyad dag 'gag go/ /de nyid la rgyu smras pa ni/ /rdzus te skye ba thams cad ni/ /zhes bya ba rgyas par 'byung ba ste/ rdzus te skye ba rnams la mer mer po la sogs pa rnams med pa'i phyir dang / rim gyis 'chi ba med pa'i phyir dbang po tshang ba rnams skye zhing 'chi ba yin no/ /'dod par bcu'am dgu'am brgyad/ /ces bya ba la/ mtshan gnyis pa dbang po tshang ba zhig yin na ni bcu 'gag go/ /mtshan gcig pa zhig yin na ni/ /zhes bya ba ni pho dang mo'i dbang po dag las gang yang rung ba zhig dang ldan pa'o/ /mtshan med pa ni de gnyis ka dang bral ba'o/ /cig car 'chi ba la ni/ 'dod par bcu'am dgu/ brgyad ces bya ba tshul de lta bu yin no/ /rim gyis 'chi ba dag la zhes bya ba 'di ga las she na/ rim gyis 'chi ba dag la bzhi zhes mjug thogs su 'chad pa las so/ /mig la sogs pa rnams sngar 'gags zin pa'i phyir dang / lus dang / srog dang / yid kyi dbang po dang / btang snyoms rnams phan tshun mi 'dor bas so sor 'gag pa ma yin pa de'i phyir rim gyis 'chi ba dag la bzhi 'gag go/ /tshul de lta bu yin par zhes bya ba rgyas par 'byung ba la/ 'chi ba'i srid pa'i sems ni gsum ste/ nyon mongs pa can dang / lung du ma bstan pa dang dge ba'o/ /de la nyon mongs pa can dang / lung du ma bstan pa'i sems kyis 'chi ba la ni ji skad bshad pa'i dbang po 'gag par rig par bya ste dbang po gzhan med pa'i phyir ro/ /dge la thams cad dag tu lnga/ /zhes bya ba la/ thams cad dag tu zhes bya ba ni khams gsum char gyi 'chi ba la yang zhes bya ba'i don to/ /dge ba la ni gdon mi za bar dad pa la sogs pa lnga po 'gag ste/ dang po la sogs pa rnams ni dge ba'i sems la nges par yod pa'i phyir ro/ /'ang zhes bya ba'i sgra ni ji skad bshad pa'ang 'gag go zhes shes par byed do/ /rgyas par brtsi bar bya'o zhes bya ba ni 'dod pa'i khams na cig car 'chi ba la bco lnga'am/ bcu bzhi'am/ bcu gsum yin la/ rim gyis 'chi ba dag la dgu zhes bya ba'o/ /dbang po'i skabs su zhes bya ba rgyas par 'byung ba la/ chos rab tu rnam par dbye bar bya ba'i phyir bstan bcos brtsams pas/ de'i phyir dbang po'i skabs su dbang po'i chos thams cad dpyad par bya'o/ /dge sbyong tshul gyis 'bras bu rgya cher 'byung ste/ dbang po ma yin pa dag gis kyang dge sbyong gi 'bras bu rnams 'thob mod kyi/ dbang po rnams kyi skabs su bab pa de'i phyir de rnams kho na dpyad par bya'o/ /'bras bu tha ma gnyis dgus 'thob/ /ces bya ba dgu kho nas zhes nges par gzung ngo / /bstan bcos las ni gang zag 'bras bu thams cad thob pa'i dbang du mdzad nas 'don to/ /mtha' na yod pa'i phyir rgyun tu zhugs pa'i 'bras bu dang / dgra bcom pa dag gi mtha' ma'o/ /de gnyis kyi bar yin pa'i phyir lan cig phyir 'ong ba dang / phyir mi 'ong ba dag ni bar ma'o/ /de la rgyun tu zhugs pa'i 'bras bu ni zhes bya rgyas par 'byung ste/ rgyun tu zhugs pa'i 'bras bu ni mthong ba dang bsgom pa'i lam gyi 'bras bu yin pa'i phyir dad pa la sogs pa dang / kun shes pa dang ldan pa'i dbang po ma gtogs pa dag dang zhes bya ba smos so/ /de la dge ba yin pa'i phyir dad pa la sogs pa rnams yod do/ /lam la rjes su shes pa'i bzod pa mthong ba'i lam yin pa'i phyir de na kun shes par byed pa'i dbang po yod do/ /lam la rjes su shes pa ni bsgom pa'i lam yin pas de na kun shes pa'i dbang po yod do/ /rgyun tu zhugs pa'i 'bras bu'i lam ni mi lcogs pa med pas bsdus pa'i phyir dang / de na tshor ba btang snyoms kho na yod pas btang snyoms kyi dbang po yang yod do/ /de na yod pa'i rnam par shes pa gang yin pa de ni yid kyi dbang po'o/ /lam la rjes su shes pa'i bzod pa ni bar chad med pa'i lam la'o/ /rjes su shes pa ni rnam par grol ba'i lam la'o/ /gnyis pas kyang zhes bya ba ni bar chad med pa'i lam dang / rnam par grol ba'i lam gnyis kas so/ /de 'thob ste zhes bya ba ni rgyun tu zhugs pa'i 'bras bu'o/ /ji ltar zhe na/ bral ba'i thob pa'i zhes bya ba rgyas par 'byung ba la/ bar chad med pa'i lam ni 'dren par byed pa yin pa'i phyir te/ bral ba'i thob pa skye ba'i gegs su gyur pa'i nyon mongs pa'i thob pa gcod pa'i phyir ro/ /de nyid kyi phyir bral ba'i thob pa ni bar chad med pa'i lam rnams kyi rgyu mthun pa dang skyes bu byed pa'i 'bras bu yin no/ /rnam par grol ba'i lam dang lhan cig tu bral ba'i thob pa skye ba'i phyir rnam par grol ba'i lam ni bral ba'i thob pa'i rten nyid yin no/ /de ltar na bral ba ni rnam par grol ba'i lam gyi 'bras bu ma yin cing / de thob pa'i yang ma yin na/ ji ltar kun shes pa'i dbang pos rgyun tu zhugs pa'i 'bras bu thob po zhes brjod ce na/ bar chad med pa'i lam rnams ni rnam par grol ba'i lam gyi 'khor yin pa'i phyir ro/ /rgyal po'i 'khor gyis byas pa rgyal po la nye bar 'dogs pa bzhin te/ de bzhin du bar chad med pa'i lam gyis byas pa rnam par grol ba'i lam rnams la nye bar 'dogs pa yin no zhes kha cig zer ro/ /nub phyogs pa rnams na re/ rnam par grol ba'i lam dang lhan cig bral ba'i thos pa mngon du byas pa'i phyir ro zhes zer ro/ /slob dpon 'dus bzang na re/ bral ba ni de'i 'bras bu nyid du thal bar 'gyur ba'i phyir 'di yod pa ma yin no zhes zer ro/ /de nyid la smras pa/ 'dod pa'i skal ba mnyam pa'i rgyu'i nges pas dge sbyong tshul gyis 'bras bu la sogs pa rnam par grol ba'i lam rnams kyi 'bras bur mi rung ngo / /mtshungs par ldan pa'i lhan cig 'byung ba'i nges pas ni ma yin pas skyon med do/ /phan tshun gegs bskyed pa rnams ni dge sbyong tshul gyi bdag nyid phan tshun skyes bu byed pa'i 'bras bu nyid yin pa cis zlog par byed do/ /gal te sbyor ba dang bar chad med pa dang khyad par gyi lam rnams kyang der thal bar 'gyur ro zhe na/ de ltar byas na skyon med do/ skal ba mnyam pa'i rgyu'i nges pas rgyun tu zhugs pa'i 'bras bu kun shes pa'i dbang pos 'thob po/ /de dbang po 'pho ba'i dus su zhes bya ba srid par mngon par brjod pa'i phyir dgra bcom pa nyid bzhin skyon med do/ /'dir skal ba mnyam pa'i rgyu'i dbang du byas nas bar chad med pa'i lam rnams dge sbyor tshul gyi 'bras bu zhes bya ba'i lhan cig 'byung ba dang mtshungs par ldan pa'i rgyu ni ma yin no/ /rgyun tu zhugs pa'i 'bras bu brgyad rnams kyi sa 'thob po zhes kyang brjod par bya ste/ dbang po 'pho bas thob pa gang yin pa de yang brgyad rnams nyid kyis 'thob po/ /dper na dbang po bcu gcig gis srid kyang dgus dgra bcom pa thob par bshad pa bzhin no/ /dgra bcom pa nyid ni dad pa la sogs pa kun shes par byed pa'i dbang po ma gtogs pa dang zhes bya ba la/ re zhig dad pa la sogs pa dag ni dge ba'i sems las byung ngo / /dgra bcom pa nyid ni bsgom pa'i lam gyi 'bras bu yin pa'i phyir na bar chad med pa'i lam ni kun shes pa'i dbang po ste de yang rdo rje lta bu'i ting nge 'dzin to/ /rnam par grol ba'i lam ni kun shes pa dang ldan pa'i dbang po ste de yang zad pa shes pa'i tshe na'o/ /bar chad med pa dang rnam par grol ba'i lam dag ni bral ba'i thob pa 'dren par byed pa dang brten pa yin pa'i phyir ro/ /kun shes par byed pa'i dbang po ni ma gtogs te/ mthong ba'i lam gyi bdag nyid yin pa'i phyir ro/ /yid kyi dbang po dang zhes bya ba la/ yid kyi dbang po ni rdo rje lta bu dang / zad pa shes pa na yod pa'i rnam par shes pa gang yin pa'o/ /bde ba dang / yid bde ba dang / btang snyoms kyi dbang po rnams las gang yang rang ba zhig dang zhes bya ba la/ dgra bcom pa nyid kyi rten ni dgu ste/ bsam gtan bzhi pa dang / mi lcogs pa med pa dang / khyad par can dang / gzugs med pa gsum dag go/ /mdo las dge slong dag bsam gtan dang po la brten nas zad par smra'o zhes bya ba nas/ ci yang med pa'i skye mched la brten nas zhes bya ba'i bar gsungs so/ /de la bsam gtan gsum pa la brten nas thob na ni bde ba'i dbang po'o/ /bsam gtan dang po dang gnyis pa la brten nas thob na ni yid bde ba'i dbang po'o/ /mi lcogs pa med pa dang / bsam gtan khyad par can dang / bsam gtan bzhi pa dang / gzugs med pa gsum la brten nas thob na ni btang snyoms kyi dbang po'o/ /de ltar rten gyi bye brag gis bde ba dang / yid bde ba dang / btang snyoms rnams las gang yang rung ba zhig gis dgra bcom pa nyid 'thob po/ /gnyis ni bdun dang brgyad dang dgus/ /zhes bya ba la 'thob po zhes bya ba ni spyir btang ba yin no/ /re zhig gal te lan cig phyir 'ong ba'i 'bras bu mthar gyis thob na/ 'jig rten pa'am 'jig rten las 'das pa'i lam thob la/ phyis 'dod chags dang bral ba'am/ mthong ba'i lam gyis so/ /de la rgyun tu zhugs pa'i 'bras bu gang yin pa mthar gyis thob nas lan cig phyir 'ong ba'i 'bras bu 'thob po/ /phyis 'dod chags dang bral ba'o/ /gang zhig 'jig rten pa'i lam gyis 'dod par gtogs pa rnam pa drug spangs pa de ni mthar gyis pa'o/ /'jig rten pa'i lam dag gis 'thob na ni/ dbang po bdun dag gis 'thob po/ /ji ltar byas nas she na/ lam mi lcogs pa med pa'i sa pa yin pa'i phyir na btang snyoms kyi dbang po dang / de dang mtshungs par ldan pa'i sems kho nas thob po/ /yid kyi dbang po dang dad pa la sogs pa lnga ni zag pa dang bcas pa yin pa'i phyir/ kun shes pa'i dbang po la sogs pa'i lam gsum na med de de'i phyir dbang po bdun kho nas 'thob po/ /ci ste 'jig rten las 'das pa'i lam gyis 'thob na ni zhes rgya cher 'byung ba la/ mthar gyis pa de nyid gang gi tshe zag pa med pa'i lam gyi lan cig phyir 'ong ba'i 'bras bu 'thob na ni/ de'i tshe dbang po brgyad dag gis 'thob ste/ snga ma bdun la kun shes pa'i dbang po bsnan pas brgyad yin no/ /gnyis ka yang bsgom pa'i lam yin pa'i phyir na de'i bar chad med pa dang / rnam par grol ba'i lam dag la kun shes pa'i dbang po kho na yin no/ /ci ste phal cher las 'dod chags dang bral ba zhig gis zhes bya ba la/ de'i rgyun tu zhugs pa'i 'bras bu mthong ba'i lam gyis 'thob pa lta bu ste/ de bzhin kho nar dbang po dgu rnams kyis 'thob po/ /gal te phyir mi 'ong ba'i 'bras bu mthar gyis 'thob la zhes bya ba la/ lan cig phyir 'ong ba'i 'bras bu mthar gyis 'thob pa de yang 'jig rten pa'i lam dang 'jig rten las 'das pa'i lam gyis 'thob na kun shes pa'i dbang po brgyad par 'gyur ro/ /de'i phyir 'jig rten pa'i zhes smos te/ gang gi tshe lan cig phyir 'ong ba'i 'bras bu zhes bya ba ste/ lnga rnams kyis de bzhin te/ btang snyoms dang yid kyi dbang pos so/ /ji ltar lan cig phyir 'ong ba zag pa med pa'i lam gyis 'thob na/ kun shes pa'i dbang po brgyad par 'gyur ba yang de dang 'dra'o/ /'phags pa'i lam gyis phyir mi 'ong ba'i 'bras bu mthar gyis 'thob na kun shes pa'i dbang po brgyad par 'gyur ro/ /ci ste 'dod chags dang bral ba zhig gis zhes bya ba la de ni 'dod pa'i 'dod chags bral zhing / ci yang med pa'i skye mched kyi bar la 'dod chags dang bral ba so so'i skye bor gyur pas mthong ba'i lam bskyed pa zhig ste/ de ni de'i tshe bden pa mngon par rtogs pa'i mthar 'dod par gtogs pa'i nyon mongs pa rnam pa dgu po spangs pa'i phyir phyir mi 'ong ba kho na yin no/ /rgyun tu zhugs pa'i 'bras bu ji ltar bzhin no zhes bya ba la/ bar chad med pa'i lam la kun shes par byed pa'i dbang po dang / rnam par grol ba'i lam la kun shes pa'i dbang po dang / dad pa la sogs pa rnams dang / yid de de kho na dang 'dra'o/ /'di ni khyad par yin te/ zhes bya ba rgyas par 'byung ba la/ mi lcogs pa med pa med pas thob par bya ba yin pa'i phyir na/ rgyun tu zhugs pa dang lan cig phyir 'ong ba'i 'bras bu dag ni rtag tu btang snyoms kyi dbang po kho na yin gyi/ phyir mi 'ong ba'i 'bras bu la ni rten gyi bye brag las bde ba dang / yid bde ba dang / btang snyoms kyi dbang po las gang yang rung ba zhig ste/ bsam gtan gsum pa la brten nas thob pa na ni bde ba'i dbang po'o/ /bsam gtan dang po dang gnyis pa la brten nas bden pa dag mthong na ni yid bde ba'i dbang po'o/ /mi lcogs pa med pa dang / bsam gtan khyad par can dang / bsam gtan bzhi pa la brten nas 'thob na ni/ btang snyoms kyi dbang po'o/ /gang gi tshe 'di mthar gyis pa zhig yin la zhes bya ba rgyas par 'byung ba la/ dbang po rnon po kho na rnam par grol ba'i lam dgu pa la nyer bsdogs nas bsam gtan la 'jug par nus kyi dbang po rtul po ni ma yin no/ /tshor ba spo bar dga' ba'i phyir dang / dbang po rno yang des pa med pa'i phyir/ gang gi tshe 'di mthar gyis pa zhig yin la zhes bya ba la sogs pa smos te/ de la rnam par grol ba'i lam dgu pa la bsam gtan gyi dngos gzhi'i sa pa'i yid da de ba'i dbang po lhag pa yin no/ /bar chad med pa'i lam ni rtag tu btang snyoms kyi dbang po kho na ste zhes bya ba la/ gal te bsam gtan la 'jug pa'am/ mi 'jug kyang ngo / /de ni gnyis kas kyang 'thob po/ /zhes bya ba ni btang snyoms dang / yid bde ba'i dbang po gnyis kas te go rims bzhin du de dag bar chad med pa dang / rnam par grol ba'i lam yin pa'i phyir bral ba'i thob pa 'dren par byed pa dang rten yin pa'i phyir ro/ / 'on te 'jig rten las 'das pas zhes bya ba la/ gal te 'jig rten las 'das pa'i lam gyi phyir mi 'ong ba'i 'bras bu thob cing / dbang po rnon po yin pa'i phyir rnam par grol ba'i lam dgu pa la bsam gtan la 'jug na ni/ de la sngar smos pa bdun dang / bsam gtan gyi dngos gzhi'i sa pa'i yid bde ba'i dbang po brgyad pa dang / kun shes pa'i dbang po dgu pa yin no/ /dad pa la sogs pa mngon du gyur pa nyid kyis bshad pa'i phyir ro/ /kun shes pa'i dbang po gsum ming tsam mo zhes pa'i tshig gis 'phangs pa/ gnas skabs gzhan du ming gzhan gyis bstan pa'i phyir nad pa la sogs pa gzhan rnams nyid gnyi ga ji lta bar brtsi ste/ ches gzhan nyid bgrang ba dang gzhan nyid bgrang ba ma yin no/ /gang gi phyir gnas skabs gzhan du btags pa kun shes pa'i dbang po yin pas/ dad pa la ni btags pa'i mtshan nyid yod de tshogs pa la kun shes par byed pa'i dbang po la sogs pa btags so/ /tshogs pa can dang tshogs pa'i bdag nyid ni du ma la don mtshungs par dbang byed pa'i rten gyi dbye ba la sogs pa las ma yin no/ /'bras bu tha ma gnyis dgus 'thob/ /ces bya ba 'di la 'gal ba bstan pa'i phyir/ 'o na chos mngon pa las zhes bya ba smos te ye shes la 'jug pa las so/ /tshor ba gsum char mngon du gyur pa ma yin te/ de'i phyir de ni dgu kho nas 'thob po/ /de'i phyir 'gal ba med do/ /bstan bcos ni dgongs pa can yin pa'i phyir ro/ /'dir dgongs pa gang yin zhe na/ de'i phyir bcu gcig dag gis dgra bcom nyid ces bya ba la sogs pa smos so/ /bde bas thob pa las yongs su nyams shing yang yid bde bas 'thob la/ de las kyang yongs su nyams te/ slar btang snyoms kyis 'thob kyi/ sa tha dad pa yin pa'i phyir dang / phan tshun rnam pa 'gal ba'i phyir dang / rdzas mnyam nyid mtshungs par ldan pa'i phyir/ bde ba la sogs pa rnams dus gcig tu srid pa yod pa ni ma yin no/ /'di phyir mi 'ong ba la yang zhes bya ba rgyas par 'byung ste/ phyir mi 'ong ba'i 'bras bu yang dgra bcom pa nyid ltar bde ba dang / yid bde ba dang btang snyoms rnams kyis 'thob ste/ de'i phyir de yongs su nyams nas dbang po bcu gcig dag gis thob par 'gyur ro snyam du sems na/ 'di ni yongs su nyams phan chad/ /ces bya ba rgyas par 'byung ste/ phyir mi 'ong ba'i 'bras bu las yongs su nyams pa gang yin pa de ni 'dod pa'i khams las 'dod chags dang bral ba las kyang yongs su nyams par 'gyur te/ de'i phyir de la phyis bde ba'i dbang pos 'thob pa mi srid de/ bde ba'i dbang po ni bsam gtan gsum pa'i sa pa yin pa'i phyir dang / yid bde ba'i dbang po ni yod pa srid par bshad pas rnam par grol ba'i lam la bsam gtan gyi dngos gzhis 'jug pa'i phyir ro/ /de nyid kyi phyir 'di ni nyams phan chad bde ba'i dbang pos 'thob pa med do zhes bya ba smos so/ /gal te dbang po shin tu rtul po ni dbang po 'pho bar dka' ba'i phyir bsam gtan gyi dngos gzhi la 'jug pa yod pa de lta na yang mthar gyis pas yid bde ba'i dbang pos 'thob pa yod srid kyis de bas ni ma yin no zhes de ltar bshad do/ /ci ste 'jig rten pa'i 'dod chags dang bral ba bde ba'i dbang po 'thob pa nas yongs su nyams te/ yang yid bde ba dang btang snyoms dag gis 'thob par 'gyur ro snyam na/ de'i phyir 'dod chags dang bral ba sngon du 'gro ba la ni zhes bya ba smos so/ /yongs su nyams pa med pa'i rgyu ni de'i 'dod chags dang bral ba na zhes bya ba la sogs pa ste/ 'dod pa'i 'dod chags dang bral ba ni 'jig rten pa dang 'jig rten las 'das pa'i lam gnyis kyis brtan par byas pas/ de'i phyir de las nyams pa med do/ /dbang po'i skabs su dbang po'i chos thams cad dpyad par bya ba yin pas dbang po du zhig dang ldan zhes bya ba la sogs pa 'di yang dpyad par bya'o/ /'di dag ni phan tshun med na mi ldan pa yin no/ /ci'i phyir zhe na/ sa dang sems can gyi rten thams cad la khyab par byed pa yin pa'i phyir ro/ / 'di ltar dad pa la sogs pa rnams ni sa thams cad la khyab par byed pa yin yang sems can gyi lus thams cad la khyab par byed pa ma yin la/ dad pa la sogs pa gzhan pa rnams ni gnyi ga la khyab par byed pa ma yin pas de'i phyir lhag ma rnams dang ni ma nges te/ btang snyoms la sogs pa gsum las gzhan pa gang yin pa de ni ldan pa yang yod/ mi ldan pa yang yod do/ /gzugs med par skyes pa dag dang mi ldan te/ gzugs kyi 'dod chags dang bral ba rnams der skyes pa'i phyir gzugs mi srid do/ /de nyid du skyes pa ma yin yang ma thob pa dang / nyams pa dag kyang mig la sogs pa rnams dang ldan pa ma yin te/ nur nur po la sogs pa'i gnas skabs su ma skyes pa dag dang / dmus long la sogs pa rnams la phyis kyang mi ldan no/ /nyams pa ni skyes nas gnod pa byas pa'am/ nad kyis chud zos pa dag go/ /lus kyang dbang po las logs su smos pa ni 'dod pa dang gzugs su skyes pa'i sems can la khyab par byed pa'i phyir ro/ /de nyid kyi phyir gzugs med par skyes pa zhes bya ba la sogs pa smos so/ /bsam gtan bzhi pa dang gzugs med par skyes pa'i so so skye bo zhes bya ba la/ bsam gtan gsum pa'i gong na bde ba'i dbang po med pa'i phyir dang / sa 'phos pas bsam gtan gsum par gtogs pa'i bde ba'i dbang po yongs su btang ba'i phyir/ bsam gtan gsum pa las gong du skyes pa'i so so skye bo ni bde ba'i dbang po dang mi ldan no/ /'phags pa ni skyes kyang sngar bskyed pa'i bsam gtan gsum pas bsdus pa'i bde ba'i dbang po dang ldan pa nyid do/ /de ni zag pa med pa rnams spang bar bya ba ma yin pa'i phyir spangs pa med la/ mi ldan pa yin pa'i phyir sa 'phos pas gtod pa'ang ma yin te/ de'i phyir 'phags pa las khyad par du bya ba'i phyir so so skye bo zhes smos so/ / gsum pa thob pa'i phyir bsam gtan gnyis par skyes pa yang bde ba'i dbang po ldan no zhes shes par bya ba ma yin nam zhe na brjod par mi bya ste/ bsam gtan gsum pa'i sa pa'i nyon mongs pa dang ldan pa'i phyir ro/ /yid bde ba'i dbang po dang ni zhes rgya cher 'byung ba la/ 'phags pa ni bsam gtan gnyis pa'i gong du skyes kyang zag pa med pa'i bde ba de'i dbang po dang ldan pa so so'i skye bo kho na dang zhes khyad par du byas so/ /sdug bsngal gyi dbang pos zhes bya ba la/ sdug bsngal gyi dbang po ni 'dod par gtogs pa kho na yin pas de dang gzugs dang gzugs med par skyes pa mi ldan no/ /yid mi bde ba dang 'dod pa'i 'dod chags dang bral ba mi ldan pa ni rgyud zhi gnas kyis brlan pa'i phyir ro/ /kun nas mnar sems kyi gzhi ni bye brag med par yid mi bde ba dang mi ldan pa med do/ /kun shes par byed pa'i dbang po dang ni zhes bya ba la/ zag pa med pa'i phyir so so skye bo dang mi ldan no/ /mthong ba'i lam btang ba'i phyir 'bras bu la gnas pa dang mi ldan no/ /kun shes pa'i dbang po dang ni zhes bya ba la/ zag pa med pa'i bsgom pa'i lam gyi bdag nyid yin pa'i phyir/ so so'i skye bo dang / mthong ba dang / mi slob pa'i lam la gnas pa rnams mi ldan no/ /kun shes pa dang ldan pa'i dbang po dang ni zhes bya ba la mi slob pa'i lam gyi bdag nyid yin pa'i phyir so so'i skye bo dang / slob pa dag mi ldan no/ /ma bkag pa'i gnas skabs dag tu ni zhes bya ba rgyas par 'byung ste/ mig la sogs pa bzhi dang gzugs kyi khams su skyes pa dang ldan no/ /'dod pa'i khams na thob pa dang ma nyams pa yang mig la sogs pa dag dang ldan no/ /lus kyi dbang po dang ni 'dod pa dang / /gzugs kyi khams su skyes pa dag dang ldan no/ /pho dang mo'i dbang po dang ni 'dod pa'i khams kho nar thob pa dang ma nyams pa ldan no/ / bde ba'i dbang po ni bsam gtan bzhi pa'i 'og tu skyes pa dang / bsam gtan bzhi pa la sogs par skyes pa'i 'phags pa ldan no/ /sdug bsngal gyi dbang po dang ni 'dod pa'i khams su skyes pa ldan no/ /yid mi bde ba'i dbang po ni 'dod pa'i 'dod chags dang ma bral ba ldan no/ / dad pa la sogs pa dag dang ni dge ba'i rtsa ba kun tu ma chad pa ldan no/ /kun shes par byed pa'i dbang po dang ni mthong ba'i lam la gnas pa ldan no/ /kun shes pa'i dbang po ni bsgom pa'i lam la gnas pa ldan no/ /kun shes pa dang ldan pa'i dbang po ni mi slob pa'i lam la gnas pa dag ldan no/ /de ltar na ma bkag pa'i gnas skabs de dag tu ni ji ltar bshad pa dang ldan par rig par bya'o/ /bde lus ldan la bzhi dag dang / /zhes bya ba la/ bde ba'i dbang po la btang snyoms dang / srog dang yid dag gis khyab pa'i phyir ro/ /gang zhig bde ba'i dbang po dang ldan pa de ni gdon mi za bar dbang po bzhi dang ldan no zhes bya ba rgya cher 'byung ste/ de bzhin du lus kyi dbang po dang ldan pa yang brjod par bya'o/ /ldan pa ni ma nges so/ /de la re zhig gzugs med par skyes pa'i 'phags pa ni bde ba'i dbang po dang ldan no/ /mig dang rna ba dang sna dang lce rnams dang ma yin la/ 'dod pa'i khams su gang gis ma thob par rnam par nyams pa dag de bzhin no/ /lus kyi dbang po dang ni ma yin no/ /pho dang mo'i dbang po dang ni gzugs med par skyes pa'i 'phags pa dang / de las gzhan pa 'dod pa'i khams su yang gang gis ma thob pa dang / rnam par nyams pa dag de bzhin du mi ldan par brjod par bya'o/ /yid bde'i dbang po dang ni bsam gtan gsum par skyes pa'i so so skye bo mi ldan no/ /sdug bsngal gyi dbang po dang ni bsam gtan gsum du skyes pa'i 'phags pa dang bsam gtan gsum pa las gong du skyes pa rnams mi ldan no/ /yid mi bde ba dang ni 'dod pa la 'dod chags dang bral ba rnams mi ldan no/ /dad pa la sogs pa rnams dang ni dge ba'i rtsa ba kun tu chad pa rnams mi ldan no/ /kun shes par byed pa'i dbang po dang ni 'bras bu la gnas pa rnams dang 'dod pa'i khams dang / bsam gtan gsum du skyes pa'i so so skye bo rnams mi ldan no/ /kun shes pa'i dbang po dang yang snga ma bzhin du so so skye bo rnams dang 'phags pa yang mthong ba dang mi slob pa'i lam la gnas pa rnams mi ldan no/ /kun shes pa dang ldan pa'i dbang po dang ni so so skye bo dang slob pa rnams mi ldan no/ /ma bkag pa'i gnas skabs rnams su ji skad bshad pa ldan par rig par bya'o/ /gang zhig lus kyi dbang dang ldan pa de ni nges par dbang po bzhi dang ldan no/ /lhag ma ni ldan pa yang yod/ mi ldan pa yang yod do/ /de la mig dang rna ba dang sna dang lce rnams dang ni 'dod pa'i khams su gang gis ma thob pa nyams pa rnams mi ldan no/ /bud med skyes pa'i dbang po dag dang ni gzugs kyi khams su skyes pa dang / 'dod pa'i khams su yang gang gis ma thob pa dang rnam par nyams pa mi ldan no/ /bde ba'i dbang po dang ni bsam gtan bzhi par skyes pa'i so so skye bo mi ldan no/ /sdug bsngal gyi dbang po dang ni gzugs kyi khams su skyes pa mi ldan no/ /yid mi bde'i dbang po dang ni 'dod pa'i khams las 'dod chags las bral ba mi ldan no/ /dad pa la sogs pa rnams dang dge ba'i rtsa ba kun tu chad pa mi ldan no/ /kun shes par byed pa'i dbang po dang ni 'dod pa'i khams su skyes pa'i so so skye bo dang 'bras bu la gnas pa rnams mi ldan no/ /kun shes par byed pa'i dbang po dang ni 'dod pa'i khams su skyes pa'i so so skye bo dang / 'bras bu la gnas pa rnams mi ldan no/ /kun shes pa'i dbang po dang ni khams gnyis su skyes pa'i so so skye bo dang mthong ba dang mi slob pa'i lam la gnas pa'i 'phags pa rnams ji ltar srid pa bzhin mi ldan no/ /kun shes pa dang ldan pa'i dbang po dang ni so so skye bo dang slob pa rnams mi ldan no/ /ma bkag pa'i gnas skabs rnams su ni ji skad bshad pa ldan par rig par bya'o/ /mig sogs ldan la lnga dang ldan/ /zhes bya ba la/ mig dang rna ba dang sna dang lce nas ni re re zhing btang snyoms la sogs pa bzhis khyab pa'i phyir na/ gang zhig mig la sogs pa gang yang rung ba zhig dang ldan pa ni gdon mi za bar dbang po lnga dang ldan no/ /de la mig gi dbang po dang ldan pa ni gdon mi za bar rna ba dang ldan pa ma yin te/ 'dod pa'i khams na de dag ma thob pa dang nyams pa srid pa'i phyir ro/ /mo dang pho'i dbang po dag dang ni gzugs kyi khams su skyes pa dang / 'dod pa'i khams su yang ma thob pa dang nyams pa 'ga' zhig mi ldan no/ /bde ba la sogs pa dang mi ldan pa yang lus kyi dbang po bzhin du rgya cher brjod par bya'o/ /rna ba dang sna dang lce'i dbang po dang ldan pa yang de dang 'dra bar rig par bya'o zhes bya ba la/ mig la sogs pa 'di dag ni lus kyi dbang po med par mi 'byung ste de la rag las te 'jug pa'i phyir ro/ /phan tshun ni ma yin te/ phan tshun bltos pa med par 'jug pa'i phyir dang sa lnga pa yin pa'i phyir ro/ /mig gi dbang po bzhin du rna ba la sogs pa dbang po gzhan la yang 'khrul pa rgyas par brjod par bya'o/ /yid bde ldan yang ste/ mig la sogs pa'i dbang po dang ldan pa ltar gdon mi za bar btang snyoms dang srog dang yid dang / bde ba dang / yid bde ba ste dbang po lnga dang ldan no/ /lhag ma rnams dang ni ldan pa yang yod mi ldan pa yang yod do/ /de la gzugs med pa'i khams su skyes pa'i 'phags pa ni/ yid bde ba dang ldan gyi mig la sogs pa dang ni ma yin no/ /'dod pa'i khams su skyes pa yang gang gis ma thob pa dang nyams pa ni mi ldan no/ /bsam gtan dang po dang gnyis pa dang gsum pa dang / bzhi par skyes pa'i 'phags pa rnams pho dang mo'i dbang po dang mi ldan la/ 'dod pa'i khams su skyes pa rnams kyi yang gang zhig lus kyi dbang po ma thob pa dang nyams pa dag mi ldan no/ /sdug bsngal gyi dbang po dang gzugs dang gzugs med par skyes pa'i 'phags pa dang / bsam gtan dang po dang gnyis par skyes pa'i so so skye bo dag mi ldan no/ /yid mi bde ba dang 'dod pa la 'dod chags dang bral ba rnams mi ldan no/ /dad pa la sogs pa dang kun shes par byed pa'i dbang po la sogs pa yang snga ma bzhin du brjod par bya'o/ /ma bkag pa'i gnas skabs rnams su ni ji skad bshad pa ldan par rig par bya'o/ /bsam gtan gnyis par skyes pa bsam gtan gsum pa ma thob pa la lus kyi bde ba med cing sems kyi bde ba med de/ de'i phyir yid bde ba dang ldan pa ni mig la sogs pa ltar bde ba'i dbang po dang yang gdon mi za bar ldan pa ma yin no snyam du bsams te 'dri ba ni/ bsam gtan gnyis par skyes pa zhes rgya cher 'byung ba'o/ /bsam gtan gsum pa'i sa pa'i nyon mongs pa can dang ldan no zhes bya ba la/ sa 'og ma pa'i mi srid pa'i phyir dang / bsam gtan gsum pa'i sa pa'i dge ba dang lung du ma bstan pa mi srid pa'i phyir te/ de gnyis kyi phyir nyon mongs pa can dang ldan no zhes smos so/ /de mi srid pa de de'i thob pa skye ba btang snyoms can nyid kyi phyir ro/ /ji ltar sa gzhan dang ldan zhes brjod par bya'o/ /gal te sa 'og ma'i nyon mongs pa can nyid kyi phyir ro zhe na/ mi mtshungs pa'i phyir nyon mongs pa can gyis ci zhig bya/ gzugs med pa rnams las shin tu 'das pa'i 'phags pa ni ji ltar na bde ba dang yid bde ba dag dang ldan zhes bya ba rgol ba'i gzhi'o/ /gal te sa gong ma'i nyon mongs pa sa 'og mar skyes pa dang mi ldan na/ 'o na spangs pa las 'dod pa la sogs par skyes pa bsam gtan la sogs pa la chags pa dang bral bar yongs su rtogs pa ci zhe na/ spangs pas 'dod chags dang bral ba de'i phyir gdon mi za bar sa gong ma'i nyon mongs pa dang ldan par khas blang bar bya'o/ /gzhan du na de ni spangs pa med pa'i phyir sa gong ma la chags pa dang bral ba nyid du mi 'gyur ro/ /nyon mongs pa med pa ni nyon mongs pa can bzhin du ldan par mi rigs so/ /sbyor ba la rag las pa'i phyir dge ba dang ma yin te/ sbyor ba la de mi 'thad pa'i phyir ro/ /skye bas thob pa dang yang ma yin te lhan cig skyes pas thob pa'i phyir ro/ /lung du ma bstan pa dang ma yin te/ mtha' las yang dag par 'das pa'i phyir ro/ /gzugs med par skyes pa'i 'phags pa'i lam btang ba'i rgyu med pa'i phyir bde ba dang yid bde ba dag dang de'i rten las 'das pas mngon du ni mi byed de/ sar gtogs pa ni sa gtong ba mi rigs so/ /sdug bsngal ldan ni gdon mi za bar ldan no zhes snyegs te/ de'i phyir sdug bsngal gyi dbang po dang ldan pa zhes bya ba la sogs pa smos so/ /lhag ma ni ldan pa yang yod mi ldan pa yang yod do/ de la sdug bsngal gyi dbang po dang ldan pa ni mig la sogs pa dang ni ma thob pa dang nyams pa dag mi ldan no/ /de bzhin du pho dang mo'i dbang po dag kyang ngo / /yid mi bde ba dang 'dod chags dang bral ba mi ldan no/ /dad pa la sogs pa dang dge ba'i rtsa ba chad pa mi ldan no/ /kun shes par byed pa'i dbang po dang ni 'dod pa'i khams su so so skye bo dang 'bras bu la gnas pa rnams mi ldan no/ /de bzhin du kun shes pa'i dbang po dang kun shes ldan pa'i dbang po yang brjod par bya'o/ /ma bkag pa'i gnas skabs rnams su ji skad bshad pa ldan par rig par bya'o/ /mo yi dbang sogs ldan brgyad dang / /gdon mi za bar ldan no zhes bya bar sbyar te/ bshad ma thag pa'i bdun po de dag dang ldan no/ /lhag ma rnams dang ni ldan pa yang yod mi ldan pa yang yod do/ /de la mig la sogs pa rnams dang ni ma thob pa dang nyams pa dag mi ldan no/ /de bzhin du pho'i dbang po dang yid mi bde ba dang 'dod chags dang bral ba mi ldan pa la sogs pa lhag ma snga ma bzhin no/ /ma bkag pa'i gnas skabs rnams su ji skad bshad pa ldan par rig par bya'o/ /gang zhig pho'i dbang po'am/ yid mi bde ba'i dbang po dang ldan pa de ni gdon mi za bar dbang po brgyad dang ldan pa yin te/ ji skad bshad pa bdun dang / brgyad pa pho'i dbang po'am yid mi bde ba'i dbang po dang ldan no/ /gang gi phyir gang zhig yid mi bde ba dang ldan pa de ni gdon mi za bar tshor ba lnga dang / lus dang / srog dang yid dang ldan te/ / lhag ma ni snga ma bzhin du brjod par bya'o/ /dad pa la sogs pa dang ldan pa ni zhes bya ba rgyas par 'byung ba la/ gang zhig dad pa'i dbang po dang ldan pa de ni gdon mi za bar dbang po brgyad dang ldan te/ dad pa la sogs pa rnams ni btang snyoms la sogs pa dag med par mi 'byung zhing / de bzhin du phan tshun med na mi 'byung ba'i phyir ro/ /de nyid kyi phyir dad pa dang / brtson 'grus dang / dran pa dang / ting nge 'dzin dang / shes rab kyi dbang po ste lnga po de dag dang / btang snyoms dang / srog dang / yid dag dang ldan no zhes bya ba smos so/ /de bzhin du re re brtson 'grus la sogs pa dag dang ldan pa yang brjod par bya'o/ /lhag ma rnams dang ni ldan pa yang yod mi ldan pa yang yod do/ /kun shes kun shes ldan pa yi/ /dbang po ldan pa bcu gcig ldan/ /zhes bya ba la/ dbang po ldan zhes bya ba'i sgra ni kun shes pa'i dbang po dang ldan pa dang / kun shes pa dang ldan pa la zhes re re dang sbrel bar bya'o/ /kun shes pa dang ldan pa'i dbang po kho na la kun shes pa zhes brjod de/ de ni sdug bsngal yongs su shes so/ /kun 'byung spangs so/ /'gog pa mngon du byas so/ /lam bsgoms so snyam du bden pa bzhi kun nas shes pa yin pas kun shes pa zhes bshad de/ de nyid kyi phyir/ kun shes pa la dbang byed pas na kun shes pa dang ldan pa'i dbang po'o/ /gang zhig kun shes pa'i dbang po dang ldan pa zhes bya ba rgya cher 'byung ste/ bsgom pa'i lam gyis bsdus pa'i phyir kun shes pa'i dbang po dang ni slob pa khams gsum du skyes pa yang ldan pa srid do/ /bcu gcig ma gtogs pa rnams dang ni ldan pa yang yod/ mi ldan pa yang yod do/ /de la mig la sogs pa rnams dang gzugs med pa'i khams su bsgom pa'i lam la gnas pa'i phyir mi 'ong ba mi ldan no/ /'dod pa'i khams su yang ma thob pa dang nyams pa mi ldan no/ /lus kyi dbang po dang gzugs med par skyes pa'i slob pa mi ldan no/ /mo dang pho'i dbang po dang ni gzugs med par skyes pa'i phyir mi 'ong ba dang 'dod pa'i khams su yang ma thob pa dang nyams pa dag bsgom pa'i lam la gnas pa rnams mi ldan no/ /sdug bsngal gyi dbang po ni gzugs dang gzugs med par skyes pa'i 'phags pa rnams mi ldan no/ /yid mi bde ba dang ni 'dod pa la 'dod chags dang bral ba rnams mi ldan no/ /kun shes par byed pa'i dbang po dang kun shes pa dang ldan pa'i dbang po dang yang mi ldan pa nyid do/ /de dag mthong ba dang mi slob pa'i lam nyid de bsgom pa'i lam gyi gnas skabs su yang de bzhin du kun shes pa dang ldan pa'i dbang po dang ldan pa rgyas par ji ltar srid pa bzhin brjod par bya ste/ ma bkag pa'i gnas skabs su ji skad bshad pa ldan par rig par bya'o/ /kun shes byed pa'i dbang ldan la/ /bcu gsum dag dang ldan pa yin/ /nges par zhes bya ba 'jug ste/ mthong ba'i lam ni 'dod pa'i khams kho nar yin te/ de'i phyir gdon mi za bar lus kyi dbang po dang ldan no/ /'dod chags dang bral ba nges pa la 'jug pa'i tshe yid mi bde ba mi srid do zhe na/ de'i phyir tshor ba bzhi dag dang zhes smos so/ /lhag ma rnams dang ni ldan pa yang yod mi ldan pa yang yod do/ /de la ma thob pa dang nyams pa ni mig la sogs pa dang mi ldan no/ /de bzhin du mo dang pho'i dbang po dag dang kun shes pa'i dbang po mthong ba'i lam la gnas pa dag mi ldan no/ /ma bkag pa'i gnas skabs rnams su ldan par rig par bya'o/ /de la thob pa dang ma nyams pa ni mig la sogs pa rnams dang ldan no/ /mo dang pho'i dbang po dag dang kun shes pa dang kun shes ldan pa'i dbang po dag mi ldan pa nyid do/ /de dag dang 'brel ba'i phyir mo dang pho'i dbang po dang las gang yang rung ba zhig brjod par bya'o zhes bya ba'i brgal ba'i tshig brjod par mi bya ste 'khrul ba'i phyir ro/ /res 'ga' rim gyis 'chi ba'i gnas skabs su pho dang mo'i dbang po 'gag kyang / de'i tshe skye ba skye zhing nges pa la 'jug par 'gyur te/ de nyid kyi phyir mo yin la mo'i dbang po dang mi ldan pa yod dam zhe na yod do zhes brjod par bya ste/ mo'i dbang po 'gag kyang de'i rigs mthun pa mi 'gag pa'i phyir ro/ pho'i dbang po la yang de dang 'dra bar brjod par bya'o/ /gnas skabs ma nges par dbang po ldan pa bshad zin to/ /da ni gang zag nges par brjod par bya ste/ yang na gang zhig gi nang na nyung ba dang ldan pa zhes bya ba rgyas par 'byung ba la/ 'dir ni nyung ba dag dang ldan pa 'gog pa yin gyi/ mang ba dag tu ldan pa ni ma yin no/ /dge ba'i rtsa ba kun tu chad pa ni dge ba'i chos thams cad dang mi ldan pa'i phyir dge med ces bya'o/ /dge ba'i rtsa ba kun tu chad pa la ni 'dod pa'i khams la 'dod chags dang bral ba srid pa yod pa ma yin te/ de'i phyir tshor ba lnga dag dang zhes bya ba smos so/ /'dod pa'i khams las gzhan na ni dge ba'i rtsa ba kun tu chad pa ma yin no/ /'dod pa'i khams na lus kyi dbang po 'khrul pa yang ma yin te/ de'i phyir lus dang zhes bya ba smos so/ /tshor bar byed pa ni myong ba ste/ tshor bar byed pa'i phyir ro zhes bya ba ni byed pa po ste/ dngos po'i byed pa po yang ston par byed do/ /dge ba med pa'i phyir dad pa la sogs pa rnams dang zag pa med pa dag dang ldan pa yang ma yin no/ /mig la sogs pa pho'i dbang po'i mthar thug pa ma thob pa dang nyams pa rnams dang yang ldan pa ma yin no/ /gzugs med byis pa'ang de bzhin te/ /zhes bya ba la de bzhin zhes bya ba'i sgra ni grangs tsam zhig dang sbyar gyi/ gang dag dang dge med ldan pa de dag kho na dang ldan pa ni ma yin no/ /de nyid kyi phyir/ btang snyoms srog yid dge rnams dang / /zhes bya ba smos so/ /byis pa zhes bya ba ni so so skye bo'i ming yin no zhes bya ba 'di ltar rtogs she na/ mdo las 'byung ba'i phyir te/ bcom ldan 'das kyis dge slong dag byis pa so so'i skye bo thos pa dang mi ldan pa rtag par lhung ba rnams ni bdag dang bdag gi zhes bya ba rgya cher gsungs te/ de ni bya ba dang bya ba ma yin pa mi shes pas byis pa dang 'dra bas byis pa yin no/ /kun shes par byed pa'i dbang po la sogs pa rnams kyang gzung bar thal bar 'gyur te/ de dag kyang dad pa la sogs pa ltar gcig tu dge ba yin no zhe na/ ma yin te/ brgyad kyi skabs yin pa'i phyir ro/ /dge med nang na nyung ldan pa/ /lus tshor srog yid brgyad dang ldan/ / zhes pa 'dir brgyad kyi dbang du byas pa yin te/ de dag 'dzin na bcu gcig tu 'gyur gyi brgyad ni ma yin no/ /byis pa'i skabs yin pa'i phyir ro zhes bya ba la/ byis pa zhes bya ba so so skye bo la bya ste/ so so skye bo nyid ni 'phags pa'i chos rnams ma thob pa'o zhes 'byung ba'i phyir ro/ /des na kun shes par byed pa'i dbang po la sogs pa 'dzin pa ma yin no/ /yang na gzugs med pa na kun shes par byed pa'i dbang po med pa'i phyir ro/ /yang gang zhig gi nang na dbang po mang po dag dang ldan pa zhes bya ba rgya cher 'byung ba la/ mtshan gnyis pa la ni zag pa med pa'i chos med pa'i phyir kun shes par byed pa'i dbang po la sogs pa dag dang mi ldan no/ /mtshan gnyis pa gdon mi za bar bcu dgu dang ldan pa yang ma yin te/ srid pa'i dbang du byas nas brjod pa yin no/ /dbang po tshang ba gang yin pa ni mig la sogs pa pho'i dbang po'i mthar thug pa thob pa dang nyams pa dag dang ldan no/ /mtshan gnyis pa nyid yin pa'i phyir dge ba'i rtsa ba kun tu chad pa med pa'i phyir dang 'dod pa la 'dod chags dang bral ba med pa'i phyir dad pa la sogs pa dag dang / tshor ba lnga dag dang / srog dang yid dang ldan no/ /'phags pa chags bcas te zhes bya ba la/ 'phags pa smos pa ni so so skye bo las khyad par du bya ba'i phyir te/ de ni zag pa med pa'i dbang po dang ldan pa yin no/ /chags bcas zhes bya ba ni chags pa dang bral ba las khyad par du byed pa ste de ni yid mi bde ba dang ldan no/ /mtshan gcig dri med gnyis ma gtogs/ /zhes bya ba la/ mtshan gcig ni pho'i dbang po'am mo'i dbang po'o/ /de ci'i phyir ma gtogs she na/ mtshan gnyis pa la 'phags pa'i lam mi skye ba'i phyir ro/ /gal te mthong ba'i lam la gnas pa yin na ni/ de'i phyir kun shes pa'i dbang po dang / kun shes pa dang ldan pa'i dbang po ma gtogs te/ de gnyis ni bsgom pa dang mi slob pa'i lam yin pa'i phyir ro/ /'on te bsgom pa'i lam la gnas pa yin na ni/ de'i phyir kun shes par byed pa'i dbang po dang kun shes pa dang ldan pa'i dbang po ma gtogs te/ de dag ni mthong ba dang mi slob pa'i lam yin pa'i phyir ro/ /dbang po rnams kyi rab tu dbye bas zhes bya ba rgyas par 'byung ngo / /ji ltar zhe na/ khams rab tu dbye ba'i zhar las 'ongs pa zhes bya ba 'byung ste/ khams bco brgyad po de dag las dbang po rnams ni du/ dbang po ma yin pa rnams ni du zhes pa de ltar khams rab tu dbye ba'i zhar las 'ongs pa rnams kyi rab tu dbye ba rgyas pa bshad zin te/ rang gi ngo bo dang rnam pa rab tu dbye ba brjod pa'i phyir ro/ /da ni 'di dpyad par bya ste/ ci 'dus byas kyi chos 'di dag ces bya ba rgya cher 'byung ngo / /dpyod pa 'di la dgos pa ci yod ce na/ chos rab tu rnam par dbye ba'i don du chos mngon pa bstan to/ /zhes dang po nyid kho nar bshad pa ma yin nam/ yang na rgyu dang rkyen rnams kyi 'bras bu gcig pa dgag pa'i phyir ro/ /zhes slob dpon 'dus bzang zer ro/ /kha cig ni 'di rgyu ma yin pa las skye bar sems so/ /'di rang las skye'o zhes so/ /kha cig ni rgyu gcig pa can yin no/ /kha cig ni rgyu mi mnyam pa can te rang bzhin la sogs par rtogs pa las so/ /kha cig sngar skyes pa tsam gyi rgyu can zhes te/ de'i phyir ji ltar 'di ltar phyin ci ma log par skye ba de bzhin kho nar gzhan du dpyad par bya'o/ /'di yang rgyu dang rkyen gyi skabs su rnam par dpyad do/ /'dir ni ma yin te/ dngos po rnams kyi nges par lhan cig skyes pa tsam bstan pa'i phyir ro/ /ji ltar mtshan nyid tha dad pa zhes bya ba ni/ gzugs ni gzugs su rung ba'i mtshan nyid can no/ /tshor ba ni myong ba'i mtshan nyid can no/ /zhes rang gi mtshan nyid tha dad pas so/ /'dus ma byas rnams kyang mtshan nyid tha dad mod kyi skye ba ni ma yin pas 'dir 'dus ma byas mi gzung ngo / /nges par lhan cig skye ba yang yod ces bya ba la kha cig lhan cig skye ba yod kyi nges par lhan cig skye ba ni ma yin te/ dper na mig la sogs pa'i rnam par shes pa rnams dang mig la sogs pa dag lta bu ste mig la sogs pa dag ni rten pa dang bcas pa dang de dang mtshungs pa nyid yin pa'i phyir ro/ /de'i phyir nges pa smos so/ /chos 'di dag thams cad ni zhes bya ba la/ rnam pa du ma yod kyang mdor bsdus pa brjod par 'dod na lngar 'gyur ro/ /ji ltar zhe na chos rnams ni rnam pa gnyis te/ gzugs can dang gzugs can ma yin pa'o/ / de la gzugs can ma yin pa rnams la rnam pa bzhir dbye ba byas te lngar 'gyur ro/ /yang ci'i phyir rnam pa lngar bstan ce na/ log par rtog pa dgag pa'i phyir te/ gzugs la sogs par rtogs pa de dgag par bya ba'i phyir 'byung ba dang / 'byung ba las gyur pa tha dad par bshad do/ / sems dang sems las byung ba don gzhan ma yin no snyam pa la/ sems dang sems byung des lhan cig /ces 'chad par 'gyur ro/ /thob pa la sogs pa rnams ni yod pa ma yin no snyam pa la/ mi ldan pa'i 'du byed rnams zhes 'chad par 'gyur ro/ /'dus ma byas rdzas ma yin no snyam pa la/ bral ba blo yis zad pa yin/ /zhes 'chad do/ /de ltar na bstan pa 'dis ni log par rtog pa de rnams bkag par 'gyur la/ rang gi grub mtha' yang gsal bar byas par 'gyur ro/ /de la 'dus ma byas la ni skye ba med pa nyid do zhes bya ba 'byung ste/ de la nges par lhan cig skye ba bsam pa'i skabs yod pa ma yin no/ /chos gzugs can rnams kyi zhes bya ba la/ chos gzugs can rnams ni rnam pa gnyis te/ dbang po med pa rdul phra rab ces bya ba dang / rdul phra rab ma yin pa zhes bya'o/ /rdul phra rab ces bya ba yang rnam pa gnyis te/ 'dod pa na spyod pa rnams dang / gzugs na spyod pa rnams so/ /'dod pa na spyod pa rnams kyang rnam pa gnyis te/ dbang po med pa rnams dang dbang po dang bcas pa rnams so/ /gzugs na spyod pa rnams kyang de dang 'dra bar rnam pa gnyis kho na'o/ /nges pa ni 'di yin te zhes bya ba ni 'chad par 'gyur ba thams cad 'phen pa'o/ /de la re zhig /'dod na dbang po med pa dang / /sgra med phra rab rdul rdzas brgyad/ /ces bya ba rgyas par 'byung ngo / /thams cad pas phra ba bsags pa'i gzugs ni rdul phra rab ces bya ste zhes bya ba la/ rdul phra rab ni rnam pa gnyis te/ rdzas kyi rdul phra rab dang / bsags pa'i rdul phra rab bo/ /de la rdzas kyi rdul phra rab ni thams cad pas phra ba thogs pa dang bcas pa'i gzugs kyi yan lag ste/ gang zhig gzugs gzhan nam/ blos kyang rab tu rnam par dbye bar mi nus pa'o/ /de nyid kyi phyir de la cha shas med pas de la gzugs kyi mtha' zhes bya ste/ skad cig ma phyed med pas skad cig ma dus kyi mtha' yin pa bzhin no/ /'dus pa'i rdul phra rab ni gang las ches phra ba'i 'dus pa gzhan med pa tshogs pa'i yan lag ste/ gzugs gzhan gyis gzhom par mi nus pa gang yin pa'o/ /gal te 'dus pa'i rdzas yin pa'i phyir skye ba mi rigs pa ma yin nam zhe na/ 'dus pa skye'o zhes de skad smra/ 'o na ci zhe na/ 'dod pa'i khams na dbang po dang sgra'i rdul phra rab ma gtogs pa rdzas brgyad phan tshun 'brel pa med pa skye'o/ /'di skad du rdzas brgyad skye'o/ /gang yang rung ba zhig ma tshang ba ni ma yin no zhes bstan par 'gyur ro/ /'di gzhan dag kyang gzugs la sogs pa'i rdul phra rab rdzas su mngon par 'dod pas rlom par byed do/ /de ni 'dod pa'i khams na sgra dang / dbang po dang bral ba'i rdzas brgyad ma 'brel bar skye ba yin no/ /'dod pa smos pa ni gzugs kyi khams bsal bar bya ba'i phyir te/ de na dri dang ro med pas rnam pa gzhan du nges par skye bar rnam par gzhag go/ /lus dbang ldan la zhes bya ba la/ rdul phra rab dang sbyar te 'khor ba can bzhin no/ /de ni rdzas dgu nges par lhan cig skye ste/ lus kyi dbang po ni mig la sogs pa ma gtogs par yod pa'i phyir ro/ /dbang po gzhan ldan rdzas bcu'o/ /zhes bya ba la/ 'dus pa gang la mig la sogs pa gzhan yod pa de ni rdzas bcu pa yin te/ mig la sogs pa rnams ni lus kyi dbang po med na mi 'byung ba'i phyir dang / phan tshun tha dad par 'jug pa'i phyir ro/ /rdul phra rab de dag sgra dang bcas pa zhig tu zhes bya ba rgyas par 'byung ste/ de la dbang po med pa ni dgu pa'o/ /lus kyi dbang po dang ldan pa ni rdzas bcu pa'o/ /dbang po gzhan dang ldan pa ni rdzas bcu gcig pa ste/ de dag ni res 'ga' sgra med par yang yin te/ sgra ni 'byung ba brdeg pa las skyes pa'i phyir na/ gzugs la sogs pa bzhin du rtag tu med pa'i phyir ro/ /de'i phyir na rdul phra rab de dag sgra dang bcas pa zhig tu skye na ni zhes bya ba smos so/ /de nyid kyi phyir dbang po dang tha mi dad pa'i sgra ma dmigs par dogs par byas pa de'i phyir/ dbang po dang tha mi dad pa'i sgra yang yod de zhes bya ba rgyas par smos te/ ji ltar na 'byung ba rnams tha mi dad pa las 'di na zhes bya ba dang / nges par lhan cig skye ba'i phyir na dbang po rnams ni tha mi dad pa ste/ 'o ma dang chu bzhin phan tshun rnam par dbye bar mi nus so zhes bya ba'i tha tshig go/ /de'i phyir ji ltar na tha dad pa med na/ 'dus pa kha cig kho na ni zhes bya ba rgyas par 'byung ste/ 'dus pa thams cad la thams cad mtshungs par yod pas thams cad kyi rang gi ngo bo dmigs par 'gyur gyi/ sra ba la sogs pa re rer dmigs par ni mi 'gyur ro snyam du sems na/ gang zhig gang na ches gsal ba'i/ /zhes bya ba smos so/ /ji ltar zhe na bshad pa/ mthu'i sgo nas shas che ba ste/ nus pa'i sgo nas shas che ba'i rdzas te/ tshad kyi sgo nas ni ma yin no zhes bya ba'i don to/ /de ni de na dmigs te zhes bya ba la/ 'byung ba 'dus pa sra ba ni sa'i 'byung ba mthu'i sgo nas shas che ste/ de'i phyir de kho na der dmigs kyi gzhan dag ni ma yin te bya ba shas che ba ma yin pa'i phyir ro/ /de bzhin du lhag ma rnams la yang brjod par bya'o/ /de nyid la dpe ni dper na khab dang sdong bu'i tshogs la reg pa lta bu dang zhes bya ba rgyas par 'byung ste/ dmigs pa'i rgyu ni yod pa tsam kho na ma yin no/ /'o na ci zhe na/ gsal ba nyid kyang yin te/ dper na khab dang sdong bu rnams dang / phye dang / lan tshwa dag tshad mnyam yang khab dang sdong bu'i tshogs la mthu'i sgo nas sra ba shas che ba'i phyir khab kyi reg bya kho na dmigs kyi sdong bu'i reg bya ni ma yin no/ /de bzhin du mthu dang ldan pa'i phyir lan tshwa'i ro kho na dmigs par 'gyur gyi phyi'i ro ni ma yin no/ /gang gi phyir zil gyis mnan pas ma dmigs pa ni ma yin te/ 'o na ci zhe na med pas kyang yin no zhes 'dri ba ni/ yang ji ltar de dag na zhes bya ba ste/ sra ba dang / gsher ba dang / dro ba la sogs pa'i 'dus pa dag las 'byung ba lhag ma gsum yod pa nyid du rtogs she na las kyi sgo nas te/ 'byung ba rnams kyi las so sor nges par 'dzin pa ste/ sdud pa dang / smin pa dang / 'phel ba'i bdag nyid can ni 'dzin pa la sogs las su grub ces bya bas gong kho nar bshad zin to/ /de'i phyir gang na gang gi las dmigs pa de na de yod pa nyid do zhes bya bar rtogs te/ 'dzin pa la sogs pa las ni byed pa po la mi ltos pa'am/ byed pa po gzhan dang ldan pa med pa'i phyir ro/ /de la rdo ba la sogs pa'i 'dus pa sra ba la ni/ sdud pa dang / mi 'byung ba dang / 'phel zhing lhung ba dag las chu dang / me dang rlung rnams yod pa nyid du rtogs la/ 'dus pa gsher ba la ni gru la sogs pa rnams 'dzin pa'i phyir dang / dro ba'i phyir dang / g.yo ba'i phyir lhag ma rnams yod pa nyid du rtogs so/ /mes 'dus pa dro ba la me lce rnams brtan pa dang / bsdus pa dang / g.yo ba las lhag ma rnams yod pa nyid du rtogs so/ /rlung gis 'dus pa g.yo ba la 'dzin pa dang / grang ba dang / dro ba dang / dmigs pa las lhag ma rnams yod pa nyid du rtogs so/ /rkyen dang phrad na zhes bya ba rgyas par 'byung ste/ me la sogs pa'i rkyen dang phrad na zangs la sogs pa rnams gsher bar dmigs pa'i phyir de la chu'i khams yod par khong du chud la/ grang ba la sogs pa'i rkyen dang phrad pas gsher ba la sra ba la sogs pa mthong ba'i phyir de la sa'i khams yod pa nyid du nges so/ /de bzhin du sra ba'i tshogs drug pa las dro ba dmigs pa'i phyir me yod pa nyid dang / mngon par brdegs pa las yin lag byer ba las rlung gi khams yod pa nyid du shes so/ /yod pa nyid ni rkyen gyi mthu'i sgo nas bya ba shas che ba nyid du byed kyi/ med pa skye ba ni ma yin te/ ha cang thal bar 'gyur ba'i phyir ro/ /gzhan dag na re/ chu dag la grang ba'i khyad par gyi sgo nas zhes bya ba ni slob dpon dpal len yin te/ me chung ches pa dang / ches chung ba dang / chung ba dang 'dres pa'i phyir chu dag la grang ba'i khyad par te/ grang ba dang / ches grang ba dang / grang ches pa zhes bya ba rung ste/ grang ba ni dro ba'i gnyen po yin pa'i phyir ro zhes zer ro/ /dngos po rnams mi mthun pa'i phyogs dang 'dres pa nyid las ches zhan pa dang / zhan ches pa la sogs par tha dad do zhes bya ba 'di ni gcig tu nges pa ma yin no zhes bstan pa'i phyir ro/ /ma 'dres kyang zhes bya ba rgyas par 'byung ste/ ji ltar sgra rdzas gzhan dang 'dres pa med cing rang gi rigs las ma 'das pa gsal ba dang / ches gsal ba dang / gsal ches pa yin pa dang / de bzhin du/ bde ba dang / sdug bsngal cig car srid pa med mod kyi/ 'on kyang rang gi rigs las ma 'das par tshor ba la khyad par mthong ba'i phyir na tshor ba bde ba/ tshor ba sdug bsngal dang 'dres pa la bltos pa med la/ sdug bsngal tshor ba dang 'dres pa la sogs pa la bltos pa med pa de bzhin du chu dag la yang rdzas gzhan dang 'dres pa med cing rang gi rigs las ma 'das par grang ba khyad par du 'gyur ro/ /gzhan dag na re de dag la de dag sa bon gyi sgo nas yod kyi zhes bya ba la sogs pa la/ sa bon gyi sgo nas zhes bya ba ni nus pa'i sgo nas so/ /de dag la zhes bya ba ni sra ba la sogs pa'i tshogs pa dag la'o/ /de dag ces bya ba ni sa la sogs pa dag go/ /rang gi ngo bor ni ma yin no zhes bya ba ni rdzas su ni ma yin te zhes bya ba'i don no/ /ci'i phyir rang gi ngo bo ma yin zhe na/ de'i phyir shing gi phung po 'di la khams rnam pa sna tshogs yod do zhes bya ba smos te/ sa bon rnams zhes bya bar rtogs kyi gser la sogs pa'i khams rnams rang gi ngo bos gnas pa ni ma yin te 'gal ba'i phyir ro/ /shing gi phung po'i cha shas chung yang bsam gtan pa du ma'i mos pa tha dad pa'i phyir ro/ /gal te rdul phra rab rdzas brgyad pa nges par lhan cig skye na/ rlung la kha dog ji ltar yod ces pa'am/ yang na gsher ba nyid la sogs pa rkyen yod na sra ba la sogs pa rnams la gsher ba nyid la sogs pa dmigs pa'i phyir sngar yang de yod pa nyid du smras na/ gang dang 'brel pa las rlung la kha dog dmigs par 'gyur ba'i rkyen ni 'ga' yang yod pa ma yin te/ de'i phyir rlung la kha dog ji ltar yod pa brjod par bya'o zhe na/ don 'di ni dad par bya ba yin gyi rjes su dpag par bya ba ni ma yin no zhes bya ba 'byung ste/ lkog tu gyur pa'i don la ni rnam pa gnyis kyis rtogs te/ rjes su dpag pa dang yid ches pa'i lung gis so/ /de'i phyir 'di ni bshad ma thag pa'i rjes su dpag pa mi srid kyi/ yid ches pa'i tshig tshad ma nyid du gyur pa kho na las rtogs par bya'o/ /don 'di ni mchog tu yid ches pa dag gis so zhes bya bar rtogs par bya'i/ don 'di rjes su dpag pas bsgrub par bya ba ni ma yin no/ /yang na dad par bya ba yin pa 'ba' zhig tu ma zad de/ /'o na ci zhe na/ rjes su dpag par bya ba yang yin no/ /'dres par dri 'dzin pa'i phyir ro zhes bya ba la/ dri dang ldan pa'i rdzas dang 'dres pas rlung gis dri khrid nas 'ong ba'i phyir dang / 'dzin pa'i phyir dang / dri 'ongs pa las kyang kha dog 'khrul pa med pa'i phyir ro/ /gzugs ni gzugs kyi khams la dri 'khrul gyi dri ni gzugs la ma yin te/ de'i phyir gang na dri yod pa de na gzugs yod do zhes bya ba rtogs par bya'o/ /rdzas drug dang / bdun dang / brgyad dang ldan pa zhes bya ba la/ gzugs kyi khams na ni dri dang ro gnyis med de/ de'i phyir dbang po dang / sgra dang bral ba ni rdzas drug dang ldan no/ /lus kyi dbang po dang ldan pa ni rdzas bdun dang ldan no/ /dbang po gzhan dang ldan pa ni rdzas brgyad pa yin no/ / de dag sgra dang bcas na ni rdzas bdun dang / brgyad dang / dgu dang ldan no/ /don gyis bshad zin pa dang 'dra ba nyid kyi phyir/ de bshad zin pa 'dra ba'i dngos po ni bshad zin pa 'dra ba nyid do/ /brjod pa don med par thal bar 'gyur ba'i phyir yang mi bshad do/ /yang ci 'dir zhes bya ba ni rdul phra rab rdzas brgyad dang ldan par ro/ /rdzas kho na rdzas su gzung zhes bya ba ni rdzas kyi sgras sa la sogs pa'i rang gi mtshan nyid kho na brjod kyi skye mched kyi rang gi mtshan nyid ma yin pa'o/ /'on te skye mched kyi zhes bya ba ni skye mched kyi mtshan nyid yin gyi rdzas kyi rang gi mtshan nyid ni ma yin no zhes bya ba'i don to/ /gal te rdzas kho na la rdzas su zhes bya ba la/ gal te rdzas kho na rdzas kyi sgras gzung gi skye mched kyi rang gi mtshan nyid ma yin na ni/ de lta yin na ha cang nyung bar smra ba yin te/ rdul phra rab de la brgyad dang dgu dang bcu las tha dad pa'i rdzas gzhan yang yod pa'i phyir te/ de yang rdul phra rab bsags pa yin pa'i phyir ro/ /bum pa dang snam bu la sogs pa'i kha dog gi gzugs la kha dog gi rdul phra rab bsags pas rdul phra rab de la kha dog nges par yod par 'gyur ro/ /de bzhin du bum pa dang snam bu la sogs pa la dbyibs kyi rdul phra rab kyang bsags pas na rdul phra rab de la dbyibs kyang nges par yod par 'gyur ro/ /lci ba nyid dang yang ba nyid dag dang / 'jam pa nyid dang / rtsub pa nyid dag las gang yang rung ba zhig kyang nges par yod do/ /'dus pa'i gzugs ni lci ba nyid dang bral ba'am/ 'jam pa nyid dang rtsub pa nyid dang bral ba 'ga' yang med do/ /grang ba dang bkres pa dang skom pa dag ni rdul phra rab thams cad la mi srid pas kha cig la ni zhes bya ba smos so/ /de bzhin du rdzas brgyad pa nyid dam/ rdzas bcu pa'am/ rdzas bcu gnyis pa nas rdzas bcu bzhi pa'am bco lnga pa'i bar du yang 'gyur ro/ /de bzhin du gzugs kyi khams su yang rdzas drug dang bdun dang brgyad dang dgu'i bar du srid par bya'o/ /rdzas nges pas nges par lhan cig skye bar brjod pa'i phyir skyon med do zhes slob dpon 'dus bzang zer ro/ / 'di snang ba la sogs pa rnams la dbyibs la sogs pa nges pa med pa 'di dpyad par bya ba las/ 'di gzhan du yang dpyad zin pas gtam rnam par 'phros pas chog go/ /'on te skye mched la zhes bya ba rgyas par 'byung ste/ gal te skye mched kyi rang gi mtshan nyid kyi dbang du byas nas rdzas su brjod kyi/ rdzas kyi rang gi mtshan nyid ma yin no/ /rdzas bzhi dang ldan pa zhes bya ba la/ rdzas brgyad kyi dbang du byas nas bshad do/ /ci'i phyir zhe na/ de'i phyir 'byung ba las gyur pa 'ba' zhig tu ma zad kyi 'byung ba ji snyed pa dag kyang reg bya'i skye mched yin no zhes bya ba smos so/ /rten du gyur pa gang yin pa'o zhes bya ba ni sa la sogs pa ste/ de ni rgyur byas pa'i gzugs kyi rten yin no/ /rten can du gyur pa gang yin pa'o zhes bya ba ni rgyur byas pa'i gzugs so/ /de ltar na dbyibs ni gzugs kyi skye mched kyi khongs su 'du la/ lci ba nyid la sogs pa rnams ni reg bya'i skye mched kyi khongs su 'du ba'i phyir ha cang nyung ba dang ha cang mang bar smras pa ma yin no/ /gal te rten du gyur pa rjes su bzung ba de lta na yang ma nges pa nyid las mi grol lo/ /ci'i phyir zhe na kha dog sogs pa rgyur byas pa'i gzugs rnams so sor 'byung ba bzhi tshan la brten pa'i phyir ro/ /'byung ba'i rdzas rnams ni mang po nyid yin la de dag kyang rgyur byas pa'i gzugs ltar gdon mi za bar phan tshun nges par lhan cig skye bar 'gyur ro/ /'di ni rigs la rdzas su bzung ste zhes bya ba ni sa la sogs pa'i rigs so/ /de nyid kyi rgyu bshad pa 'byung ba bzhi tshan dag kyang sa la sogs pa'i rigs las mi 'da' ba'i phyir ro/ /mig la sogs pa re re'i rten 'byung ba bzhi tshan gang dag yin pa de dag ni phan tshun 'byung ba bzhi tshan gyi rigs las mi 'da' ste/ de'i phyir 'byung ba chen po bzhi zhes 'byung ba'i bzhi tshan gcig nyid du bshad do/ /de ltar 'bad de zhes bya ba rgyas par 'byung ste/ 'dir cung zad cig ni rdzas kho na rdzas yin zhing / cung zad cig ni skye mched kyi rdzas yin zhing / slar yang rigs kyi rdzas yin no zhes de ltar bye brag tu bstan par bya ba'i phyir 'byung ba 'di la don ci yod/ bdun pa'i sgo nas zhes bya ba'i don to/ /mdor bsdus pa dang rgyas pa'i rdzas su byed pa'i phyir ro/ /don la brtag par bya'o zhes bya ba ni ci rdzas 'di dag nges par lhan cig skye ba yin nam ma yin zhes bya ba'i bar ro/ /slob dpon 'dus bzang na re/ skye mched nges pa la yang 'byung ba'i rigs ni 'byung bar brjod la/ de yang dmigs kyis bsal ba du ma'i nges pa'i don to zhes zer ro/ /gang zhig 'byung ba dang 'byung ba las gyur pa gzhan ma yin pa'i dmigs kyis bsal ba ste/ reg bya rgyur byas pa'i gzugs med pa dmigs kyis bsal ba 'dus pa thams cad la thams cad yod pa ma yin pa'i dmigs kyis bsal ba dang grangs nges pa'i dmigs kyis bsal ba so so skye bo'i rigs brjod pas ni sel ba yin no ras sto b+ha ba ti/ 'byung ba las gyur pa so sor nges pa'i 'bras bu nyid yin pa'i phyir 'byung ba'i rdzas mang po nyid du thal ba yod pa ma yin te rigs nges pa'i phyir ro/ /gal te 'di thams cad 'byung ba bzhi tshan la brten par 'gyur na cis gnod/ rigs tha dad pa dang 'gal ba'i 'byung ba rgyur byas pa'i gzugs bzhin zhes bya ba rgol ba'i gzhi'o zhe na bden te/ rgyu'i khyad par las 'bras bu'i khyad par dang 'gal ba rung ba ma yin te/ gcig dang du ma'i nus pa yod pa ma yin pa de'i phyir rgyur byas pa'i gzugs kyi dbye ba bzhin no/ /de'i nye bar len pa'i bye brag las zhes bya ba 'dir yang rigs la rjes su gzung zhes smos so/ / thogs pa dang bcas pa rgyur byas pa'i gzugs phan tshun lhan cig 'byung ba'i rgyu cir 'gyur zhe na/ sems kyi rjes su 'brang ba'i gzugs bzhin no/ /'bras bu du ma rnam par smin pa dang rgyu mthun pa dang lhan cig 'byung ba'i rgyur 'gyur ba ci zhig /ma nges par 'gyur ba ci zhig ce na/ gzugs can rnams kyi nges par lhan cig skye ba bshad zin to/ /'dod na dbang po med pa dang / /sgra med phra rab rdul rdzas brgyad/ /ces bya ba la sogs pa lhag ma rnams kyis brjod par bya'o zhes bya ba ni/ sems dang sems las byung ba dang ldan pa ma yin pa rnams kyi'o/ /sems dang sems 'byung nges lhan cig /ces bya ba la/ sems thams cad sems las byung ba thams cad dam/ sems las byung ba thams cad sems thams cad dang nges par lhan cig skye ba ni ma yin te/ 'o na ci zhe na/ sems dang sems las byung ba rnams phan tshun bral ba skye ba ma yin no zhes bya bar nges par gzung bar bya'o/ /de nyid kyi phyir 'di dag ni zhes bya ba rgyas par smos te/ phan tshun rag las te lus rnyed pa'i phyir phan tshun med na 'byung bar mi nus so/ /thams cad 'dus byas mtshan nyid dang / /zhes bya ba la/ gzugs dang sems dang sems las byung ba dang ldan pa'i 'du byed dag yin gyi 'dus ma byas ni ma yin te skye ba'i dbang du byas pa'i phyir ro/ /de nyid kyi phyir gang cung zad skye ba zhes smos so/ /thob pa'am zhes bya ba la/ thob pa ni rang gi rgyud du gtogs pa rnams kyi'o zhes bya ste/ sems can du ston pa kho na thob pa dang lhan cig gdon mi za bar skye'o/ /sems can du mi ston pa ni ma yin no/ /de nyid kyi phyir rnam par brtag pa'i don du 'am zhes bya ba'i sgra smos te/ cung zad cig ni thob pa dang lhan cig skye la/ cung zad cig mi skye'o zhes bstan par bya ba'i phyir ro/ /bshad ma thag pa'i 'dus byas rnam pa bzhi las gzugs ni phung po bstan par rnam par phye zin to/ /sems ni khams bstan par ro/ /sems las byung ba rnams dang ldan pa ma yin pa rnams rnam par dbye ba ma byas te/ de'i phyir sems las byung ba'i rnam par dbye ba bstan pa'i phyir/ sems byung rnam lnga ste zhes bya ba smos so/ /sa zhes bya ba ni go skabs kyi yul te zhes bya ba'o/ /go skabs zhes bya ba ni go'am skye ba'o/ /gang zhig gang gi go skabs kyi yul yin pa zhes bya ba la/ gang du gang gi go mi 'jug pa de ni go skabs kyi yul te/ de nyid la 'jig rten nas zhes bya'o/ /de la 'di dag la sa mang po yod pas na sa mang po pa rnams te/ gang dag rnam pa thams cad du sems thams cad dang lhan cig skye ba'o/ /de nyid kyi phyir sems ni sa chen po pa ma yin te/ sems gzhan dang lhan cig mi 'byung ba'i phyir ro/ /go skabs kyi yul ni go skabs kyi yul lo zhes bya ba ni dmigs pa dang rnam pas sems dang mngon par 'brel lo/ /rnam pa thams cad du nyon mongs pa'i sa chen po pa la sogs pa rnams la sdug bsngal 'brel lo zhes pa'i tshig gis 'phangs pas 'dir dogs pa skye'o/ /rten gyi yul nyid kyis 'chad par 'dod pa nyid kyi phyir 'di las sa gang yin pa de dag de'i rten nyid du brjod do/ /sa chen po pa ni rten nyid du yongs su bcad pas yul chen po zhes bya ste/ sems thams cad la 'byung ba de'i phyir 'di legs par 'brel lo/ /chos bcu po 'di dag ni zhes bya ba byas par 'byung ba la/ grag go zhes bya ba'i sgra ni yid la byed pa dang btang snyoms mi rtsol ba gnyis sems [(]gyi [,]kyi [)]skad cig gcig la 'gal bas mi 'dod par bstan par bya ba'i phyir ro/ / tshor ba myong ba zhes bya ba la/ sngar tshor ba'i rang gi ngo bo bshad nas da ni rab tu dbye ba tsam zhig ston pa ni myong ba rnams pa gsum ste/ dbang po rnam par gzhag par lus kyi dang sems kyi dbye ba rnam par bshad pa gang yin pa de ni myong ba rnam pa gsum pa las mi 'da'o zhes bstan pa'i phyir yang myong ba rnam pa gsum ste zhes bshad do/ /de la bde ba dang sdug bsngal ba dang bde ba yang ma yin sdug bsngal ba yang ma yin pa'i nyams su myong ba ni go rims bzhin du lus la phan 'dogs pa dang gnod pa dang snyoms par byed pa 'dod pa dang mi 'dod pa dang gnyis ka las bzlog pa'i reg pas bskyed pa yin par rig par bya'o/ /sems pa ni sems mngon par 'du byed pa'o zhes bya ba la/ sems pa ni yid g.yo ba dge ba dang mi dge ba dang lung du ma bstan pa dman pa dang bar ma dang gya nom pa sems g.yo ba dang rab tu g.yo ba ste/ gang zhig yod na khab long gi dbang gis lcags g.yo ba ltar sems dmigs pa la g.yo bar 'gyur ba ste/ skad cig gzhan du mi gnas shing / /byed med yid kyang gang gis na/ /byed dang bcas par snang gyur pa/ /sems pa de ni yid kyi las/ /zhes so/ /yul la mtshan mar 'dzin pa'o zhes bya ba la/ mtshan ma ni yul gyi bye brag ste/ skyes pa dang bud med la sogs pa'i dmigs pa rnam par 'jog pa'i rgyu zhes bya ba'i don to/ /mig gi rnam par shes pa la sogs pa dang mtshungs par ldan pa'i 'du byed ni mtshan mar 'dzin pa'i bdag nyid can te khyad par gyi mtshan nyid kyi phyir ro/ /de yang mtshan mar 'dzin pa'i don gyi mtshan nyid can yin gyi yongs su gcod par byed pa ni ma yin te zhan pa'i phyir ro/ /'dun pa ni byed 'dod pa'o zhes bya ba ni dmigs pa 'dzin par mngon par 'dod ces bya ba'i don to/ /sems dang sems las byung ba thams cad ni mngon par 'dod pa sngon du 'gro ba can te/ de nyid kyi phyir chos thams cad ni 'dun pa'i rtsa ba can du brjod do/ /gal te 'dun pa mngon par 'dod pa'i bdag nyid can yin na 'dun pa dang sred pa gnyis la khyad par ci yod ce na/ sred pa ni mngon par zhen pa'i mtshan nyid can yin la/ 'dun pa ni mngon par 'dod pa'i mtshan nyid can yin pas khyad par yod do/ /reg pa ni zhes bya ba rgyas par 'byung ba la/ dbang po dang yul dang rnam par shes pa rgyu dang 'bras bur gyur pa dag phan tshun reg pa dang 'dra ba gnas skabs de dang ldan pa dag las sems las byung ba'i chos gzhan du gyur pa tshor ba thams cad kyi rgyu reg pa zhes bya ba zhig skye ba de la reg pa zhes brjod do/ /shes rab ni chos rab tu rnam par 'byed pa'o zhes bya ba la/ rab tu rnam par 'byed par byed pas na rab tu rnam par 'byed pa ste/ gang gis yang dag pa dang log pa nyid dang rang dang spyi'i mtshan nyid 'dres pa'i chos rnams la rnam par 'byed par byed cing rtog pa ste 'di dag ni zag pa dang bcas pa rnams so/ /'di dag ni zag pa med pa rnams so/ /'di dag ni gzugs can rnams so/ /'di dag ni gzugs can ma yin pa rnams so zhes bya ba lta bu'o/ /dran pa ni dmigs pa mi brjed pa'o zhes bya ba ni/ rang gi dmigs pa 'dzin pa chud mi za ba'i rgyu can no zhes bya ba'i tha tshig go/ /ting nge 'dzin dang dran pa dag la khyad par ci yod ce na/ ting nge 'dzin ni sems las byung ba rnams dmigs pa la rtse gcig pa yin la/ dran pa ni dmigs pa las yongs su nyams kyang slar dmigs pa la sems 'gugs par byed pa'o/ /yid la byed pa ni sems kyi 'jug pa'o zhes bya ba ni/ dmigs pa la sems 'jug par byed pa'i las can mthun par sems pa sems las byung ba'i chos ni yid la byed pa ste/ gang zhig la 'jig rten pa rnams sems gtod pa zhes smra ba'o/ /yid la byed pas na yid la byed pa ste/ byed pa ni don du ma can yin pas sems mtshungs par ldan pa dang bcas pa dmigs pa la 'jug par byed do zhes bya ba'i don gang yin pa ste/ de ni lag pa'i ril ba b+h+riM gA ra ltar 'jug cing sems dmigs pa la 'jug par byed pa'o/ /mos pa ni 'dod pa'o zhes bya ba ni/ 'di ni 'di ltar yin na snyam pa ste 'dod pa'o zhes bya ba'i don to/ /gzhan dag na re nges par gyur pa mi 'dor ba'i las can yin pa'i phyir nges par 'dzin pa'o zhes zer ro/ /gzhan dag na re mos pa ni dmigs pa la 'jug pa la gegs med pa'i sems las byung ba ste/ lhag pa'i tshul khrims bzhin no zhes zer ro/ /ting nge 'dzin ni sems rtse gcig pa nyid do zhes bya ba la/ rtse ni dmigs pa dang yul zhes bya ba'i don to/ /gang yod na sems dang sems las byung ba rnams dmigs pa la rtse gcig tu 'jug pa'i chos de ni ting nge 'dzin zhes bya ste/ rnam par ma spros pa'i tshul gyis yul 'dzin pa la mi g.yeng ba'i rgyu zhes bya ba'i tha tshig go/ /slob dpon dpal len na re/ sa mang po pa rnams med kyi/ gal te brtag na ni gsum kho na zhig ste/ tshor ba dang 'du shes dang sems pa dag ni lhan cig skye'i zhes mdo las 'byung ba'i phyir ro zhes zer ro/ /de ni ma yin te/ reg pas mang po nyid yin pa dgag nus pa ma yin reg pa la der mngon par brjod pa'i phyir dang / gsum 'dus pa las reg pa zhes bya ba mig dang gzugs dang rnam par shes pa las tha dad pa'i reg pa ni med do/ /gang chos 'di gsum 'dus shing tshogs pa de reg pa zhes gsungs pa'i phyir ro/ /ci'i phyir zhe na/ rgyu la 'bras bu nye bar btags te gsungs pa'i phyir ro/ /reg pa'i rkyen nyid nye bar bstan pas skye mched drug gi rkyen nyid nye bar bstan te/ tshigs su bcad pa las kyang rkyen gnyis bshad do/ /'di dag phan tshun rten ma yin te/ gang gi phyir reg pa dang reg pa'i rkyen yang brtag par bya'o/ /mig dang gzugs kyi rkyen nyid mig gi rnam par shes pa ma yin la/ rkyen mig dang gzugs phan tshun rkyen ma yin no/ /'di dag reg pa'i rkyen du bshad pa der rtogs pa ni 'dod pa gzhan du 'gyur ba nyid de mig la sogs pa rnams las reg pa zhes bya ba rten dang dmigs pa'i ngo bo ste/ gang gi phyir de ni mig dang gzugs kyi rkyen no/ /'bras bu gcig dang bral ba'i rkyen gyi ngo bos rnam par shes pa'o/ /de'i phyir de nyid reg pa zhes brjod do/ /skye mched drug gi rkyen dang reg pa bshad zin to/ /dngos po'i rkyen gyis dngos po gzhan nye bar bstan te/ mdo las tshor ba'i rkyen gyis sred pa zhes so/ /de la dngos po gzhan kho na mig la sogs pa rnams dang reg gi tshor ba la sogs pa rnams mig la sogs pa rnams dang ni ma yin no/ /rang bzhin tha dad pa nges par gzung ba'i phyir dngos po gzhan dang reg go zhes sems na/ bya ba'i sgo nas ma yin te mig la sogs pa bzhin de yod pa nyid nges par gzung ba'i phyir gsung rab 'gar yang rab tu grags pa med do/ /bya ba bstan pa rnam par shes pa la sogs pa bzhin yin na/ 'di rnams reg pa'i rkyen ma yin te rnam par shes pa'i bya ba bstan cing / dngos po dang yul gyi 'bras bu dang rgyu'i dngos po skye ba rnams la reg pa bstan pa ma yin no/ /rten cing 'brel par 'byung ba zhes bya ba ni rigs tha dad pa rnams la rkyen no zhes rkyen du gyur pa bstan pas mthong ba'i phyir 'di las kyang 'dus pa ma yin na der reg pa sems las byung ba nyid du bstan pa'i phyir tshor ba la sogs pa bzhin du bcom ldan 'das kyis gsungs so/ /mig dang gzugs gnyis la brten nas skye ba'i sems las byung ba'i chos rnams rnam par shes pa reg pa dang lhan cig skye ba'i tshor ba dang 'du byed du rtogs pa'i rgyu can zhes bya'o/ /rnam par shes pa bzhin zas nyid du yang bstan pas kyang ngo / / gang yang zas la bsams te gsum 'dus pa las reg par mngon par 'dod na/ 'o na reg pa kho na 'dir reg pa zhes bya na/ 'di yang mi rigs te/ reg pa ni lus kyi rnam pa nyid du gtogs pa'i phyir zas ni gsum kho nar thal bar 'gyur ro/ /reg pa zas su bshad pa la yang spong ba dang yongs su shes pa dang tshor ba gsum spong bar 'gyur ro/ /srid pa'i rtse mo la 'dod chags dang bral bas ni ma lus pa spangs pa'i phyir reg bya ma yin pa chags pa dang bral bas reg pa'i rkyen gyis tshor ba bshad pa ni rten cing 'brel par 'byung ba'i rim pa'o/ / de spang ba nyid kyis tshor ba spangs par rigs so/ /reg bya spangs pa ma yin pa de'i phyir sems kyi dngos po thams cad dang lhan cig tu yod pa'i sems las byung ba'i chos gzhan reg pa zhes rab tu grub bo/ /de'i phyir sa mang po pa gsum kho na ma yin zhes bya'o/ /ci ste bzhi po rnams las gzhan pa'i sa mang po pa yod pa nyid du ji ltar rtogs she na de dang der gsungs pa nyid kyi phyir dang sems skye ba thams cad la yod pa nyid dang bya ba'i cha shas kyang mthong ba'i phyir ro/ /bcom ldan 'das kyis chos thams cad ni 'dun pa'i rtsa ba can yid la byed pa las byung ba reg pa'i kun 'byung ba can tshor ba la brten pa/ dran pa'i bdag po can ting nge 'dzin gtso bor gyur pa/ shes rab mchog tu gyur pa/ rnam par grol ba'i snying po can/ /mya ngan las 'das pa'i mthar thug pa'o/ /zhes gsungs pas 'dir ni 'du shes dang tshor ba ni ma bshad kyang grub pa'i phyir ma bshad do/ /dmigs pa la mtshan mar 'dzin pa ni 'du shes te/ sems stong pa nyid la 'jug pa la ni mtshan mar 'dzin pa yod pa ma yin te/ sems pa'i rjes su yid la byed pa kho na 'di nyid yin pas mdo las sa mang po nyid du rab tu bsgrubs pa mthong ngo / /de la 'dun pa ni sems kyi bya ba skye ba thams cad la gsungs pas 'jug pa thams cad kyi sa bon yin pa'i phyir mngon par 'dod pa'i 'dun pa ste gang gi phyir lhan cig skyes pa'i rkyen la brten nas yid kyi yul thams cad la 'jug par 'gyur bas na 'dun pa ni sa mang po pa ma yin no zhes slob dpon dpal len zer ro/ /'dun pa can du 'gyur ro zhes gsungs pa'i phyir rig par bya ba'i 'dun pa'i dbang du byas na skyon med do/ /gang gi phyir de la nges pa yod pa'i 'dod pa'i dngos po ni mngon par 'dod par gsungs pas 'dun pa can zhes bya ba de rtogs par bya ste/ rig par byas pa'i 'dun pa ni mngon par 'dzin pa nyid la gsungs pas 'dun pa nyid ni ma yin no/ /'jig rten na yang dad pa med pa'i bu ni bu ma yin zhes brjod pa bzhin no/ /ma rig pa dang the tshom dang lhan cig skyes pa'i sems pa med pa ni shes rab ces bya ste/ 'di sa mang po pa nyid ma yin no/ /gang gi phyir shes pa dang mi shes pa dag cig car skye ba med do/ /the tshom dang nges pa dag kyang ste log par mthong ba rab tu ma grub cing gti mug med par log par mthong ba skye ba med do/ /ci ste ma 'dres pa zhes bya ba grub ce na/ re zhig gti mug dang mtshungs par ldan pa'i shes rab las te/ de dang ma 'dres pa grub kyang gzhan par yod pa'i phyir/ de mngon par mi gsal ba dang the tshom can du rnam par bshad pa nyid do/ /bden pa ma yin pas der shes rab la rnam par 'byed pa gnyis su mi 'gyur te/ phyogs gnyi ga khyad par med par rtogs par bya'o/ /dran pa drug dang brjed ngas pa ni sa mang po pa ma yin no zhes gsungs pa'i phyir ro/ /dran pa ni phal cher 'das pa la rab tu sbyor bar mthong ste/ der yang dran pa'i shes pa nyid de bzhin kho nar 'jug pa med pa nyid ma yin par ma bshad pas mi 'thad do/ /sems dang sems las byung ba rnams kyi bye brag ni dka' bas zhes bya ba la/ brtson 'grus med pa dang / shes rab med pa dang / dad pa med pa dag gis rtogs par mi nus so/ /'di ltar phra ba zhig ste/ gang zhig rgyun rnams la yang bcad par dka' na skad cig ma dag la ste smos kyang ci dgos/ dad pa dang brtson 'grus dang shes rab can dag gis kha cig ni rang gi ngo bo'i sgo nas yongs su gcad par bya bar nus la/ kha cig ni bya ba'i sgo nas yongs su gcad par bya bar nus pas yongs su gcad par dka' na zhes bya ba smos so/ /sems pa dang yid la byed pa dag ni shin tu mtshan nyid tha dad do snyam du mthong bas re zhig sman la sogs pa gzugs can rnams la yang zhes bya ba smos te/ a ru ra la sogs pa rnams la'o/ /a ru ra ni lan tshwa'i ro ma dang / gtogs pa lhag ma ro lnga dag yod pa yin no/ /dbang pos gzung bar bya ba zhes pa ni lce'i dbang pos gzung bar bya ba'o/ /dang ba ni sems dang ba'o zhes bya ba la/ dang ba ni sems kyi rnyog pa dang 'gal ba ste/ de dang mtshungs par ldan na nyon mongs pa dang nye ba'i nyon mongs pa'i dri ma'i rnyog pa dang bral bar 'gyur ba'i phyir/ dad pa la brten nas sems dad par 'gyur bas sems dad pa'o zhes brjod do/ /dad pa ni sems las byung ba'i chos gzhan nor bu chu 'dang ba 'dra ba zhig go/ /gzugs dang ba yang yod pas de'i phyir sems dang ba'o zhes smos so/ /gzhan dag na re bden pa dang dkon mchog ces bya ba la sogs pa la/ bden pa rnams dang dkon mchog rnams dang / las rnams dang 'bras bu rnams la mngon par yid ches pa ste/ yid ches shing legs par 'dod pa dang mos pa gsos 'debs pa ni dad pa'o/ /bag yod pa ni zhes bya ba rgya cher 'byung ste/ gang yod na zhes brjod par bya'o/ /dge ba'i chos rnams bsgoms pa ni rnyed pa dang bstan pa la mngon par 'dod de de ni bag yod pa las 'gyur ro/ /de nyid kyi phyir de dag las gzhan pa zhes bya ba smos so/ /dge ba'i chos dag las gzhan pa'i bsgom pa ste/ yod pa ma yin no snyam du dgongs pa'o/ /de dag nyid la gces su 'dzin pa gang yin pa'o zhes bya ba la/ gces su 'dzin pa zhes bya ba 'di ci zhig / lhur len pa'o/ /lhur len pa 'di zhig na/ gang yod na dge ba'i phyogs lhur byed par 'gyur ba'o/ /sems kun tu bsrung ba'o zhes bya ba la/ bdag la phan pa gces su 'dzin pa'i lus dang ngag dang yid kun nas bsrung ba lhur len pa bag med pa dang 'gal ba'i chos ni bag yod pa'o/ /shin tu sbyangs pa ni sems las su rung ba nyid do zhes bya ba la/ las su rung ba nyid kyang gang zhe na/ yang dag par yid la byed pa la zhugs pa'i sems sim pa dang yod pa'i rgyu sems las byung ba'i chos gzhan gang yin pa ste/ de dang ldan pas sems dmigs pa la ma chags par 'jug pa de'i phyir sems las su rung ba nyid do zhes brjod do/ /mdo las gang zhig shin tu sbyangs pa yang dag par byang chub kyi yan lag tu 'gyur ba'i rnam grangs gang zhe na/ lus shin tu sbyangs pa yang yod do/ /sems shin tu sbyangs pa yod do/ /gang yang lus shin tu sbyangs pa/ shin tu sbyangs pa yang dag byang chub kyi yan lag de yang mngon par shes pa dang rdzogs par byang chub pa dang mya ngan las 'da' bar byed par 'gyur ro/ /gang yang sems shin tu sbyangs pa/ shin tu sbyangs pa yang dag byang chub kyi yan lag de yang mngon par rdzogs par byang chub pa dang mya ngan las 'da' bar byed par 'gyur ro zhes lus shin tu sbyangs pa yang gsungs pa yin nam/ 'dir sems las su rung ba kho na shin tu sbyangs par bshad pas shin tu sbyangs pa'i mtshan nyid ma khyab pa ma yin nam zhe na/ mdo las ma gsungs pa ni ma yin no/ /de ni lus kyi tshor ba ji lta ba de bzhin du zhes bya ba la/ sems kyi yin yang dbang po gzugs can la brten nas skye ba'i phyir/ mig la sogs pa'i rnam par shes pa dang mtshungs par ldan pa la lus kyi zhes bshad pa de bzhin du lus shin tu sbyangs pa yang rig par bya ste/ sems kyi yin yang dbang po gzugs can la brten pa'i phyir rnam par shes pa lnga dang mtshungs par ldan pa la lus kyi zhes bya'o/ /de yang mig la sogs pa'i rnam par shes pa dge ba rnams su rung ba nyid de/ shin tu sbyangs pa ni dge ba'i sa mang po yin pa'i phyir ro/ /des na lus dang sems shin tu sbyangs pa gnyis la ngo bo khyad par 'ga' yang yod pa ma yin pas mtshan nyid khyab pa yin gyi ma khyab pa ni ma yin no/ /de ji ltar na byang chub kyi yan lag tu zhes bya ba la/ mig la sogs pa'i rnam par shes pa rnams mnyam par ma bzhag pa'i sa pa yin pa'i phyir dang / byang chub kyi yan lag rnams zag pa med pa yin pa'i phyir mig la sogs pa'i rnam par shes pa dang mtshungs par ldan pa'i shin tu sbyangs pa ni byang chub kyi yan lag tu rung ba ma yin no zhe na/ 'o na mdo der ni lus las su rung ba 'byung ba'i khyad par dga' bas drangs pa kho na lus shin tu sbyangs pa yin par rig par bya ste/ mdo las lus shin tu sbyangs pa'i yid dga' bar 'gyur ro zhes 'byung ba'i phyir ro/ /kha cig na re lus mnyen pa nyid du zhes zer ro/ / de ji ltar na byang chub kyi yan lag ces bya zhe na zhes bya ba la/ byang chub kyi yan lag rnams ni yid kyi sa pa dang zag pa med pa dag yin la/ lus shin tu sbyangs pa ni sems las byung ba'i bdag nyid ma yin zhing / de byang chub kyi yan lag tu mi rung ngo zhe na/ byang chub kyi yan lag dang mthun pa'i phyir te zhes bya ste/ lus shin tu sbyangs pa de ni sems shin tu sbyangs pa byang chub kyi yan lag gi bdag nyid can dang rjes su mthun pas de la yang byang chub kyi yan lag ces brjod do/ /ji ltar mthun zhe na/ lus las su rung ba de ni zhes rgya cher 'byung ste/ de lta bu zhes bya ba ni de'i rang bzhin ma yin yang mthun pa'i phyir de dang 'dra bar nye bar 'dogs pa'o/ /dga' ba'i gnas lta bu'i chos rnams de'i rang bzhin ma yin yang dga' ba yang dag byang chub kyi yan lag dang rjes su mthun pas dga' ba yang dag byang chub kyi yan lag tu gsungs shing / khong khro ba'i rgyu mtshan kun nas mnar sems kyi gzhi dgu gnod sems dang rjes su mthun pa'i phyir gnod sems kyi sgrib par gsungs la/ gang gi tshe lam phung po gsum par mdzad pa de'i tshe yang dag pa'i rtog pa dang rtsol ba dag shes rab kyi phung por gsungs na/ rtog pa dang rtsol ba dag ni shes rab kyi rang bzhin ma yin te/ 'o na ci zhe na/ rtog pa ni brtson 'grus kyi rang bzhin yin la/ btang snyoms ni sems mnyam pa nyid ces bya ba bying ba dang rgod pa'i mi mthun pa'i phyogs te sems tshul bzhin du rgyu ba las ma 'das pa zhes bya ba'i don to/ /sems lhun gyis grub pa nyid do zhes 'byung ba'i phyir ro/ /gzhan dag na re yid la bya ba'i gegs yin no zhes zer ro/ /'di ni 'du byed btang snyoms par reg bya'o/ /tshor ba ni myong ba rnam gsum mo zhes bya ba de nyid las de smos pa'i phyir tshor ba btang snyoms ma yin la/ dge ba'i sems thams cad la 'byung ba'i phyir tshad med pa btang snyoms kyang ma yin no/ /da ni ji ltar na zhes rgya cher 'byung ba la/ sa mang po pa yin pa'i phyir dang / dge ba'i sa mang po pa yin pa'i phyir yid la byed pa dang btang snyoms dag sems gcig la 'byung ba de ni 'thad pa yang ma yin te phan tshun 'gal ba'i phyir ro/ /shes par dka' ba yang zhes rgya cher 'byung ste/ gang zhig reg pa ji lta ba de bzhin du sems kyi skad cig gcig la sems las byung ba'i chos gzhan dang mi 'gal ba de ni shes par dka' yang shes pa yin gyi/ gang zhig rtsol ba dang rtsol ba med pa phan tshun 'gal ba dag gcig la 'byung ba mi 'gal lo zhes bya ba 'di ni shin tu shes par dka' ste/ bde ba dang sdug bsngal 'gal ba dag ni sems gcig la 'byung bar ma mthong ngo / /rtsol ba yang gzhan du 'byung la zhes bya ba rgya cher 'byung ba la/ chos gzhan nyid du yin pa'i phyir rtsol ba nyid rtsol ba med pa ma yin la/ de gnyis dngos po gcig la 'jug pa yang ma yin te/ gang gi tshe gzugs la rtsol ba de'i tshe sgra la sogs pa dag la rtsol ba med pa yin pas 'di la 'gal ba zhig yod ce na/ 'o na ni da zhes bya ba la sogs pa la/ rtsol ba dang rtsol ba med pa gnyis yul tha dad pa'i phyir mtshungs par ldan pa thams cad dmigs pa gcig par mi 'gyur na/ mtshungs par ldan pa rnams dmigs pa tha dad pa nyid du 'dod pa yang yin te/ dmigs pa mtshungs pa nyid kyis mtshungs par khas blangs pa'i phyir ro/ /'di las 'di lta bu'i rigs zhes bya ba la/ dper na rtog pa dang dpyod pa gnyis bzhin du 'gal yang mi 'gal ba'i rigs te/ rtsing ba dang zhib pa dag phan tshun 'gal ba'i phyir ro/ /mi 'gal ba ni sems gcig la 'byung ba'i phyir ro/ /ngo tsha shes pa dang khrel yod pa dag ni 'og nas 'chad par 'gyur zhes bya ba ni/ ma gus ngo tsha med khrel med/ /ces bya ba der te/ ngo tsha med pa dang khrel med pa las bzlog pa ni ngo tsha shes pa dang khrel yod par rig par bya'o/ /gzhan dag na re rigs shing tshad mar gyur pa'i chos kyi dbang du byas nas skyes pa sred pa med pa'i rgyu mthun pa dang 'gal ba'i sems kyi dbang du gyur pa ni ngo tsha med pa yin la/ yon tan la ma goms sngon du 'gro ba can gyi gti mug med pa'i rgyu mthun pa dang / 'gal ba dman zhing smad pa'i chos ni khrel med pa'o zhes zer ro/ /gzhan dag na re ngan 'gro dang gzhan gyis smod pa'i 'jigs pa rgyu mtshan du mi byed pa ni ngo tsha med pa'o zhes zer ro/ /rtsa ba gnyis ni zhes rgya cher 'byung ste/ de la ma chags pa ni rnyed pa dang ma rnyed pa'i yul la lhag par zhen pa dang don du gnyer ba dang 'gal zhing mngon par ma zhen pa'o/ /zhe sdang med pa ni sems can rnams la gnod sems med cing rjes su brtse ba'i sa bon du gyur pa'o/ /dge ba'i rtsa ba rnams phan tshun med na mi 'byung ba'i phyir dge ba'i sems thams cad la mtshungs par 'byung yang gti mug med pa ma bstan pas dge ba'i sa mang po pa'i bshad pa ma tshang ba yin no snyam du dogs pa spang ba'i phyir/ gti mug med pa yang yod mod kyi zhes bya ba rgya cher smos so/ /'di skad bstan par 'gyur te/ gang dag dge ba'i sems gzhan la yang 'byung bas dge ba'i sa mang po pa yin te/ gti mug med pa ni shes rab kyi bdag nyid yin pa'i phyir sa mang po pa zhes bya'o/ /de nas sems gzhan la yang 'byung bas dge ba'i sa mang po pa ma yin te/ 'dun pa la sogs pa bzhin no/ /de'i phyir dge ba'i sa mang po pa'i bshad pa la ma tshang ba nyid med do/ /rnam par mi 'tshe ba ni rnam par mtho mi 'tsham pa'o zhes bya ba ni/ sems can gzhan la gnod par dga' ba dang dga' ba sems bzang po nyid ni rnam par mi 'tshe ba'o/ /brtson 'grus ni sems mngon par spro ba'o zhes bya ba ni/ yon tan dang skyon skyes zin pa kun tu bsrung ba dang spang ba dang ma skyes pa bskyed pa dang mi bskyed par bya ba'i phyir sems la le lo med pa ni mngon par spro ba ste/ gang yod na sems rigs par rtsom pa dang mchog tu 'gyur ba de ni brtson 'grus so/ /'dir dang gi sgra ni skyo ba dang rab tu dga' ba bsdu ba'i don to/ /de la skyo ba ni dge ba'i sems nye bar 'tshe ba du mas nye bar gtses pa'i chos de nyid nye bar mtshon pa chags bral dang rjes su mthun pa'i yid 'byung ba ste/ gang dang mtshungs par ldan na nges par 'byung ba yid la byed pa zhes bya'o/ / rab tu dga' ba ni dge ba'i sems nye bar 'tshe ba las nges par 'byin pa'i gnyen po 'tshol ba de rtogs pas yid yongs su tshim pa ste/ dga' ba dang ma bral ba rnams la yang mi lcogs pa med pa la sogs pa rnams la gang dang mtshungs par ldan pas rab tu dga' ba yid la byed pa zhes bya ba'o/ /de gnyis ni rnam pa 'gal ba'i phyir sems gcig la srid pa ma yin pas dge ba'i sa mang po pa nyid du mi 'thad pa'i phyir dang / rab tu byed pa dag las ma bshad pa'i phyir ro/ /gang gi phyir yid bde ba ni skyo ba'i rnam pas kyang 'jug pa yod la/ rab tu dga' ba la ni skyo ba'i rnam pa yod pa ma yin no/ /de nyid kyi phyir dang gi sgra gnyis 'byung ste/ tshogs pa gnyis la de dag dmigs pa'i phyir ro/ /'di dag la nyon mongs pa'i sa mang po yod pa zhes bya ba ni nyon mongs pa'i sgo nas de dag mtshungs par ldan pa'i sems kho na ston to/ /de nyid kyi phyir gang dag nyon mongs pa can gyi sems la rtag tu 'byung ba yin no zhes bya ba smos so/ /de la rmongs pa zhes bya ba ni ma rig pa'o/ /ma rig pa 'di gang zhig ce na mi shes pa'o/ /mi shes pa 'di gang zhe na mi gsal ba'o/ /mi gsal ba 'di yang ci zhig ce na/ gsal ba ni shes rab yin te/ de'i phyir shes bya dag la ji lta ba bzhin rtogs pa'i gegs su gyur pa'i mi gsal ba'i mtshan nyid can chos ni rmongs pa zhes bya'o/ /bag med pa ni dge ba'i chos rnams mi bsgom pa ste zhes bya ba la/ gang zhig yod na zhes bya bar khong du chud par bya'o/ /dge ba'i chos rnams mi bsgom pa ni ma rnyed pa rnams mngon du mi byed pa'o/ /bsgom pa'i mi mthun pa'i phyogs zhes bya ba ni bdag la phan pa gces su 'dzin pa yal bar 'dor zhes bya ba'i tha tshig go/ /le lo ni sems mngon par mi spro ba ste zhes bya ba ni dge ba'i las la ste de nyid kyi phyir brtson 'grus kyi mi mthun pa'i phyogs so zhes bya ba smos so/ /de ltar byas pa na mi dge ba'i las la sems mngon par spro ba de ni brtson 'grus ma yin no/ /de ni rigs pa'i rgyu mthun pa'i le lo ste/ de nyid kyi phyir brtson 'grus dman pa nyid ces bya'o/ /dman par zhugs pas na le lo ste/ de'i ngo bo ni le lo nyid do/ /ma dad pa ni sems ma dad pa ste zhes bya ba la/ log par lta ba'i rgyu mthun pa ste/ bden pa dang dkon mchog dang snyoms par 'jug pa rnams la brnyes pas nye bar gnas pa sbyin pa la sogs pa dang de'i 'bras bu la ni yid mi ches shing dad pa mngon par mi skyed pa ste ma dad pa'o/ /de nyid kyi phyir dad pa'i mi mthun phyogs zhes bya ba smos so/ /rmugs pa gang zhe na zhes rgya cher 'byung ba la/ tshig snga ma snga ma gnyis rnam par bshad pa yin par bsams te/ tshig phyi ma gnyis mngon par brjod do/ /'gal ba dang mi dga' bas bskyed pa'i sems lci ba ni rmugs pa nyid de/ gang gis bzung na blun pa nyid kyi tshul gyis sems las su mi rung ba nyid du 'gyur ba'o/ /de nyid kyi phyir 'di ni shin tu sbyangs pa'i mi mthun pa'i phyogs zhes bya ba'o/ /lus kyi tshor ba ji lta ba bzhin no zhes bya ba la/ dbang po gzugs can la brten nas skye ba'i phyir sems kyi yin bzhin du lus kyi zhes bya ba brjod pa de bzhin du/ rnam par shes pa'i tshogs lnga rmugs pa sems kyi kho na yin bzhin du/ dbang po gzugs can la brten pa'i phyir lus kyi zhes brjod do/ /gzhan dag na re 'byung ba chen po skyed par byed pa'i phyir sems kyi sngon du 'gro bas lus lci ba nyid kyang rmugs pa'i sgras brjod kyi/ rmugs pa de lus kyi rnam par shes pa'i yul ni ma yin pa'i phyir ro zhes zer ro/ /rmugs pa dang gnyid dag gi tha dad du byed pa ni/ sems las su mi rung bas rmugs pa dang / sems mngon par sdud pas gnyid do/ /rgod pa ni sems rnam par ma zhi ba ste zhes bya ba la/ 'dod pas bskyod pa'i rnam par rtog pa la sogs pa las skyes pa sems rnam par ma zhi ba ste/ gang dang ldan na lam gol bar zhugs par 'gyur ba de ni rgod pa'o/ /chos mngon pa las zhes bya ba rgya cher 'byung ba la/ brjed ngas pa dang / rnam par g.yeng ba dang / shes bzhin ma yin pa dang / tshul bzhin ma yin pa yid la byed pa dang / log par mos pa nyon mongs pa'i sa mang po pa nyid du brjod pa'i phyir dang / ma bstan pa'i rmugs pa nyon mongs pa'i sa mang po pa'i nang du brjod pa'i phyir/ chos mngon pa dang 'gal lo zhe na/ 'gyur ba shes pa zhes bya ba ni gzhung tshad mar byas te bcur 'gyur ro zhes bya ba shes kyi/ slob dpon gyi 'dod pa ste/ slob dpon gyi bzhed pa ni shes pa ma yin te/ brjed ngas pa la sogs pa de dag ni sa mang po pa yin pa'i phyir nyon mongs pa'i sa mang po pa yod kyang 'dir de dag gi nang du mi rigs te/ nyon mongs pa'i sa mang po pa rnams kho na 'chad par 'dod pa'i phyir ro/ /yang ci ltar de dag sa mang po pa yin zhe na/ de'i phyir dran pa nyon mongs pa can kho na zhes rgya cher smos so/ /sogs pa'i sgras ni shes rab nyon mongs pa can kho nas shes bzhin ma yin pa dang / yid la byed pa nyon mongs pa can kho na tshul bzhin ma yin pa yid la byed pa ma yin no/ /mos pa nyon mongs pa can kho na log par mos pa yin no/ /de nyid kyi phyir zhes bya ba ni gang gi phyir dran pa la sogs pa nyon mongs pa can dag kho na brjed ngas pa la sogs pa dag yin pa'i phyir ro/ /de ltar na mu bzhir 'gyur te/ dran pa la sogs pa rnam pa gnyis ka'i bdag nyid yin pa'i phyir ro/ /mu dang po ni sa mang po pa kho na ste tshor ba la sogs pa rnams so/ /gnyis pa ni nyon mongs pa'i sa mang po pa kho na ste/ ma dad pa la sogs pa rnams so/ /gsum pa ni sa mang po pa dag kyang yin la nyon mongs pa'i sa mang po pa dag kyang yin te/ dran pa la sogs pa lnga'o/ /bzhi pa ni sa mang po pa dag kyang ma yin la/ nyon mongs pa'i sa mang po pa dag kyang ma yin pa'o/ /rnam pa de dag ma gtogs pa zhes bya ba ni dge ba'i sa mang po pa rnams dang nyon mongs pa chung ngu'i sa pa rnams dang / gzhan ldan pa ma yin pa la sogs pa rnams so/ /de dag gi mu bzhi pa ni de ltar ma yin no zhes bya ba la/ ji ltar de ltar ma yin zhe na/ sngar ni le lo la sogs pa chos lnga mu gnyis pa yin par bshad la/ da lta ni rnam par g.yeng ba lhag par bsnan te drug tu 'gyur ro/ /sngar ni rnam par g.yeng ba dang bcas pa lnga mu gsum pa yin la/ da lta ni rnam par g.yeng ba bor ba bzhi yin no/ /sngar ni tshor ba la sogs pa chos bzhi mu dang po yin la/ da ni ting nge 'dzin lhag par bstan te lngar 'gyur ro/ /de las rmugs pa mi 'byung ste zhes bya ba gang smras pa de'i lan ni/ rmugs pa ni zhes bya ba la/ rmongs pa la sogs pa ltar nyon mongs pa thams cad dang mtshungs par ldan pa'i phyir nyon mongs pa'i sa mang po par 'dod pas/ de ltar de nyon mongs pa'i sa mang po pa'i mtshan nyid dang ldan yang nyon mongs pa'i sa mang po pa dag gi nang du ma bton pa su zhig gis nyes/ ci ngas nyes sam/ 'on te chos mngon pa gang dag mi 'don pas nyes zer na/ gdon par bya ba ni yin mod kyi zhes bya ba'o/ /ci'i phyir ma bton zhe na/ ting nge 'dzin dang mthun pa'i phyir ma bton no/ /ji ltar na de dang mthun pa nyid yin zhe na/ rmugs pa spyod pa ni ting nge 'dzin shin tu myur du zhes bya ba rgya cher 'byung ste/ rmugs pa ni rnam par g.yeng bar byed pa ma yin pa'i phyir/ de spyod pa ni ting nge 'dzin myur du skye bar byed kyi/ rgod pa spyod pa ni ma yin te/ rnam par g.yeng bar byed pa'i phyir ro/ /grag go zhes bya ba'i sgra ni mi srid pa'o/ /bying ba dang rgod pa gnyis ni ting nge 'dzin gyi gegs su gyur pa'i phyir gegs kho na yin pa ni mthun par rigs pa ma yin te ma rig pas nye bar bcom pa'i phyir ro/ /gzhan dag ni rmugs pa nyon mongs pa'i sa mang po pa'i nang du 'don to/ /gzhan dag ni rmugs pa nyid ma rig pa'i sgras brjod do zhes zer ro/ /ma rig pa ni mang po thams cad du song ba'i phyir nyon mongs pa'i sa mang po pa yin no/ /gang zhig rgod pa mi spyod la zhes bya ba la sogs pa la/ 'di skad bstan par 'gyur te/ gang zhig rmugs pa spyod pa de ni gdon mi za bar rgod pa spyod pa yin la/ gang zhig rgod pa spyod pa de yang gdon mi za bar rmugs pa spyod pa yin no/ /ci'i phyir zhe na/ de'i phyir 'di dag ni nam du yang lhan cig spyod pa 'dor bar mi 'gyur mod kyi zhes bya ba smos te/ nam du yang zhes bya ba ni gzhar yang ngo / /lhan cig spyod pa'i chos ni lhan cig spyod pa yin la/ de'i dngos po ni lhan cig spyod pa nyid do/ /'on kyang zhes bya ba 'byung ste/ gal te yang de lta yin mod kyi/ de lta na yang rmugs pa dang rgod pa gang zhig gang la mthu'i sgo nas shas che'i/ tshad kyi sgo nas ma yin pa de ni de spyod par shes par bya ste/ de'i phyir nyon mongs pa'i sa chen po pa na drug kho nar grub kyi bcur ni ma yin no/ /yang ci'i phyir gzhan dag kyang yod bzhin du 'di dag kho na nyon mongs pa'i sa mang por brjod ce na/ de dag kyang ni rtag tu nyon mongs pa can gyi sems la 'byung gi gzhan du ma yin pas nyon mongs pa'i sa chen po par brjod do/ /mi dge la ni khrel med dang / /ngo tsha med pa'o zhes bya ba la ni/ zhes bya ba'i sgra ni nges par gzung ba'i don to/ /'di dag la nyon mongs pa chung ngu'i sa yod pas zhes bya ba rgya cher 'byung ba la/ chung zhes bya ba ni nyung ngu ste/ de dag ni nyon mongs pa can gyi sems thams cad la dmigs la/ gang du dmigs pa der yang re re nas dmigs kyi tshogs par ni ma yin no/ /ma rig pa tsam dang zhes bya ba la/ tsam gyi sgra ni 'dod chags la sogs pa bsal bar bya ba'i phyir te/ khro ba la sogs pa rnams ni rang dbang ba yin pa'i phyir 'dod chags la sogs pa dang mtshungs par ldan pa ma yin no/ /bsgom pas spang bar bya ba dang zhes bya ba ni mthong bas spang bar bya ba ma yin pa ste/ khro ba la sogs pa rnams bsgom pas spang bar bya ba yin pa'i phyir ro/ /yid kyi sa pa kho na dang zhes bya ba ni mig la sogs pa'i rnam par shes pa dang mtshungs par ldan pa ma yin te/ khro ba la sogs pa rnams yid kyi sa pa yin pa'i phyir/ dang gi sgra ni bsdu ba'i don to/ /'di skad bstan par 'gyur te/ bsgom pas spang bar bya ba'i ma rig pa tsam dang lhan cig skyes pa'i yid kyi rnam par shes pa kho na dang mtshungs par ldan pa'i phyir nyon mongs pa chung ngu'i sa pa dag ces bya'o/ /'di dag ni nye ba'i nyon mongs pa dag gi nang nas zhes bya ba de la/ gnod sems dang rnam par 'tshe ba ma gtogs pa sems can rnams la dus ring du bde bar byed pa'o/ /khro ba ni kun nas mnar sems kyi dngos po mang du 'dzin par byed pa'o/ /khon du 'dzin pa ni sems gya gyu ba'o/ / g.yo ni gang gis yang dag par ji lta ba bzhin gsal bar mi byed pa ste/ rnam par g.yeng bas yongs su mi gsal bar sgrub pa'o/ /phrag dog ni pha rol dran pa na sems rtsub pa'o/ /'tsheg pa ni kha na ma tho ba dang bcas pa'i dngos po la dal du 'dzin pa ste/ gang gi rigs par gsol pa mi 'dzin pa'o/ /'chab pa ni kha na ma tho ba sbed pa'o/ /ser sna ni chos dang zang zing dang dge ba sbyin pa la sems mchog tu 'gal ba'o/ /sgyu ni gzhan bslu ba'o/ /rgyags pa ni rang gi chos la chags pa ste/ sred pa'i sems yongs su gtugs pa'o zhes 'chad par 'gyur ro/ /rnam par 'tshe ba ni gang gis mtshon cha dang tshig rtsub la sogs pa rnams kyis gzhan la rnam par mtho 'tsham pa ste 'tshe ba yang ngo / /yang gi sgra ni dbang po gzhan kun tu rtsom pa la sogs pa nye bar sdud pa'i don to/ /sems las byung ba rnam pa lnga po dag bshad zin to zhes bya ba la/ gang zhig dge ba dang mi dge ba dang lung du ma bstan pa sems thams cad la 'byung ba de ni sa mang po pa dang / dge ba kho na la 'byung ba de dge ba'i sa mang po pa dang / nyon mongs can kho na la 'byung ba de nyon mongs pa'i sa mang po dang / mi dge ba kho na la 'byung ba de mi dge ba'i sa mang po pa dang / gang zhig nyon mongs pa chung ngu'i sems la 'byung ba de nyon mongs pa chung ngu'i sa mang po pa zhes bya'o/ /de thams cad sems las byung ba'i rjes su yod par rtogs par bya'o/ /slob dpon 'dus bzang na re cig car don du ma'i rnam par rtogs so zhes zer ro/ /chos gzhan rjes su zhugs na rgyun rnams la yang rnam par 'gyur ba mthong ste/ 'bru mar bsnan pa dang dri ma dang chu dang rlung zhugs na/ mar me'i rgyun la cig car yongs su gsal ba dang / yongs su mi gsal ba dang / sgra dang / g.yo ba la sogs pa mthong ba'i phyir ro/ /sems las byung ba rnam pa lnga po de dag 'ba' zhig kho nar ma zad kyi/ 'o na ci zhe na/ ma nges pa gzhan dag kyang yod do/ /de dag gang zhe na/ de'i phyir rtog pa dang dpyod pa dang / 'gyod pa dang / gnyid la sogs pa zhes bya ba smos so/ /sogs pa zhes bya ba'i sgras ni 'dod chags dang khong khro dang nga rgyal dang the tshom dag gzung ngo / /'di dag ni gdon mi za bar nges par lhan cig 'byung ba ma yin no/ /da ni thams cad kyi sems gang la du zhig gdon mi za bar 'byung ba rnam par dbye bar bya'o/ /sems ni rnam pa lnga ste zhes bya ba la/ ji ltar zhe na dge ba ni rnam pa gcig kho na dang / mi dge ba rnam pa gnyis te/ gang la ma rig pa 'ba' zhig yod pa ma 'dres pa dang / 'dod chags la sogs pa nyon mongs pa gzhan dang mtshungs par ldan pa dang / lung du ma bstan pa dang rnam pa gnyis te bsgribs la lung du ma bstan pa 'jig tshogs la lta ba dang mthar 'dzin par lta ba dang mtshungs par ldan pa dang / ma bsgribs la lung du ma bstan pa rnam par smin pa las skyes pa dang / spyod lam pa dang / bzo'i gnas pa dang / sprul pa rnams so/ /de ltar nyi shu rtsa gnyis 'byung gi/ nyi shu rtsa gnyis kho na'o zhes nges par ni mi gzung ste/ la la dag tu 'gyod pa bsnan/ /zhes 'byung ba'i phyir ro/ /brtson 'grus dang btang snyoms dag cig car mi srid de/ 'jug pa 'gal ba'i phyir te 'gro ba dang sdod bzhin no/ /rtsol ba dang btang snyoms dag cig car ma yin te mdo las kyang 'di dag cig car 'byung ba bkag go/ /la la dag tu 'gyod pa bsnan/ /ma nges pa'i sa mang po pa'i chos ni gnyis te/ 'gyod pa dang gnyid do/ /gang gi phyir 'di gnyis ni rnam par shes pa'i tshogs drug pa ma yin la/ khams gsum pa yang ma yin zhing gcig tu nyon mongs pa can yang ma yin la/ de'i phyir de dag dge ba'i sems gang la 'gyod pa'i go skabs yod pa der de bsnan pas nyi shu rtsa gsum du 'gyur ro/ /ngan par byas pa'i ngo bo ni 'gyod pa'o zhes bya ba la/ byas pa nyid dang ni don 'brel gyi sems kyi chos ni ma yin no/ /de nyid kyi phyir 'dir ni zhes bya ba rgya cher 'byung ngo / /ci 'gyod pa'i dmigs pa thams cad nyid 'gyod pa yin nam 'on te ma yin zhe na/ yid la gcags pa'o zhes so/ /ji ltar na 'gyod pa la dmigs pa'i yid la gcags pa la 'gyod pa zhes bya ba ste de ni ngan par byas pa'i ngo bo ma yin no zhe na/ dmigs par byed pa la dmigs pa nye bar btags pa'i phyir ro/ /dper na stong pa nyid la dmigs pa zhes rgya cher 'byung ste/ stong pa nyid ni 'du byed rnams nang gi byed pa'i skyes bu dang bral ba yin la/ de la dmigs pa'i ting nge 'dzin la rnam par thar pa'i sgo stong pa nyid ces bya ste/ mi sdug pa ni rnam par bams pa dang rnam par bsngos pa la sogs pa'i dngos pos bsdus pa yin la/ de la dmigs pa'i ma chags pa la mi sdug pa zhes bya ba bzhin no/ /yang na gnas pa'i gnas kyis btags pas ngan par byas pa la dmigs pa'i yid la gcags pa la 'gyod pa zhes bya'o/ /gnas pa la gnas kyis btags pa gar mthong zhe na/ 'jig rten na yang zhes bya ba rgya cher smos te/ bstan bcos las yin pa 'ba' zhig tu ma zad kyi zhes bya bar dgongs pa'o/ /'gyod pa yang yid la gcags pa'i gnas su gyur pa yin te de la brten nas 'byung ba'i phyir ro/ /de'i phyir 'gyod pa zhes bya ba 'gyod pa gnas kyis gnas pa yid la gcags pa phyis gdung ba'i mtshan nyid can rton par byed do/ /yang na 'di ni 'bras bu la rgyu btags pa yin te zhes bya ba la/ rgyu ni 'gyod pa dang 'bras bu ni yid la gcags pa'o/ /rgyu la nye bar btags pa las 'gyod pa zhes bya ba ni ma yin no/ /de nyid la dpe ni dper na reg pa'i skye mched drug po 'di dag ni zhes bya ba rgya cher 'byung ba'o/ /mig la sogs pa rig pa'i skye mched rnams ni sngon gyi las ma yin te 'o na ci zhe na/ sngon gyi las kyi 'bras bu yin pa'i phyir sngon gyi las yin no zhes bshad do/ /kho na gang ma byas pa la dmigs pa zhes bya ba la ma byas pa'i ngo bo ni 'gyod pa yin na/ ma byas pa ni ngan par byas pa ma yin pas de'i ngo bo 'gyod par mi rung ste/ de la dmigs pa'i yid la gcags mi dgos pa'i gnas kyi rgyu la nye bar btags pa las 'gyod par bstan pa mi rung ngo zhes bya ba ni 'dri ba'i bsam pa'o/ /ma byas pa la yang byas pa zhes bya ba yod de zhes bya ba rgya cher 'byung ste/ de yang gang dge ba ma byas pa dang mi dge ba byas pa la yang brjod de/ de la yang byas pa zhes bya ba'i sgra'i brjod byar dmigs pa'i phyir/ ngan pa byas par brjod do/ /'gyod pa dge ba ni ngan par byas pa la dmigs pa ngan par byas pa la 'gyod pa'o/ /bzlog pa ni 'gyod pa mi dge ba yin te zhes bya ba ni/ gang zhig mi dge ba ma byas pa dang dge ba byas pa de la'o/ de gnyi ga yang zhes bya ba ni dge ba dang mi dge ba'o/ /'gyod pa'o/ /gnyi ga la brten pa yin no zhes bya ba ni ji skad bshad pa'i tshul du dge ba dang mi dge ba la brten pa'o/ /lta dang ldan pa zhes bya ba la/ dang zhes bya ba'i sgra ni nges par gzung ba'i don to/ /lta dang ldan pa nyi shu nyid 'gyod pa ma 'dres pa la yang go skabs yod do zhes mtshon par byed pa'o/ /'gyod pa dge ba nyid la ni phra rgyas gzhan dang mtshungs par ldan pa med pa ma yin no/ /'dod chags dang nga rgyal dag ni dga' ba'i rnam pas 'jug pa dag go zhes bya ba ni de dag ni gsal ba dang kha phyir phyogs pas 'jug pa'o/ /rags pa yang zhes bya ba ste/ de dag dang the tshom yang ste/ nges pa dang ma nges pa la 'gyod pa'o/ /de dang lta ba dang dga' ba'i rnam pas 'jug pa rno ba yang ngo zhes bya ba'i don to/ /'gyod pa ni de lta bu ma yin te/ de ni legs par spyad pa dang nyes par spyad pa'i gnas la 'jug go/ /lta ba rnams dang yang de lta bu ma yin te/ de rnams dang ma yin pa'o/ /zhan pa'i rnam pas 'jug pa ni log par lta ba dang mtshungs par ldan pa ma yin te/ de'i phyir rgyu gnyis kho na nges par gzung rigs pa las so/ /de nyid kyi phyir 'gyod pa mi dge ba gang yin pa de ni ma 'dres pa nyid kyis tshogs su nges so zhes slob dpon 'dus bzang zer ro/ /kun la mi 'gal bar grub pa'i phyir lta ba dang ldan pa la nyi shu rtsa gcig tu 'gyur te/ de'i phyir de nyid kho na nges par gzung rigs pa ma yin nam zhe na/ gang zhig gnyid dang mtshungs par ldan pa nyes par gzung ba na/ 'gyod pa dang mtshungs par ldan pa ma 'dres pa 'di nyid kyang nges par gzung ba mi 'gal te/ 'dod chags la sogs pa rnams kyang ma 'dres pa kho na dang mtshungs par ldan pa nyid do snyam du 'di ltar bsam pa'o/ /de'i phyir dang gi sgra ni 'dir kun sdud pa'i don nyid mtshon par byed do/ /shes rab kyi khyad par gzung ba ni lta ba ma yin pa'i shes rab gsal bar bya ba'i phyir ro/ /'jig tshogs dang mthar 'dzin par lta ba la thal bar mi 'gyur ro/ /mi dge ba'i rnam pa las nyon mongs bzhi dang zhes bya ba la sogs pa la/ nyi shu rtsa gcig 'byung ba kho na yin gyi/ nyi shu rtsa gcig kho na ni ma yin te/ gnyid ni kun la mi 'gal ba'i phyir ro/ /nyon mongs pa bzhi dang mtshungs par ldan pa dang khro ba la sogs pa dang mtshungs par ldan pa de la ni ma 'dres par bshad pa nyi shu dang / nyon mongs pa dang nye ba'i nyon mongs pa dang 'gyod pa la sogs pa ji skad bshad pa rnams las gang rung ba'o/ /bsgribs la bco brgyad ces bya ba la/ 'dod pa'i khams na 'jig tshogs la lta ba dang / mthar 'dzin par lta ba dang mtshungs par ldan pa'i sems te/ de la ni gdon mi za bar bco brgyad 'byung gi/ bco brgyad kho na'o zhes nges par ni mi gzung ste/ gnyid ni kun la mi 'gal ba'i phyir ro/ /lung ma bstan gzhan la bcu gnyis dag tu 'dod ces bya ba la/ 'dir yang gnyid mi 'gal ba'i phyir snga ma bzhin du nges par gzung ngo / /nyi 'og pa dag ni zhes rgya cher 'byung ba la/ gang dag yid mi bde ba yang yid bde ba dang 'dra bar lung du ma bstan par 'dod pa'o/ /de la lung du ma bstan pa yin pa'i phyir yid la gcags pa gang yin pa de 'gyod pa lung du ma bstan te/ ngas ma zhu bar ci'i phyir thos zhes bya ba'am rtsig pa de ci ste ma bral snyam du yid la gcags pa de ci ltar lung ma bstan du mi 'gyur snyam pa'o/ /kha che ba rnams na re 'gyod pa lung du ma bstan pa med do/ yid mi bde ba dang rjes su 'brel pa'i phyir dang / 'dod chags dang bral ba rnams la med pa'i phyir zhes zer ro/ /ma bsgribs la zhes gong du smos pa la/ rnam par smin pa las skyes pa dang / spyod lam pa dang bzo'i gnas pa dang / sprul pa'i sems kyi bdag nyid ni lung du ma bstan pa'o/ /bcu gsum 'byung bar 'gyur ro zhes bya ba ni sa mang po pa bcu dang rtog pa dang dpyod pa dang 'gyod pa lung du ma bstan pa de nyid do/ /gnyid ni kun la mi 'gal phyir/ /zhes bya ba rgya cher 'byung ste/ gnyid ni dge ba dang mi dge ba dang lung du ma bstan pa yin pa'i phyir sems thams cad dang mi 'gal te/ gnyid log pa la yang dge ba dang mi dge ba dang lung du ma bstan pa'i sems srid pa'i phyir ro/ /de'i phyir gnyid ni de dag dang mi 'gal lo/ /de'i phyir sems gang la gnyid yod pa de la de nyid bsnan no/ gang la nyi shu rtsa gnyis zhes bya ba 'byung ste/ gnyid ni kun la mi 'gal ba'i phyir ji skad bshad pa'i rjes su 'brangs te rgya cher brjod par bya'o/ /bzo'i gnas la sogs pa ni lung ma bstan du rigs pa nyid de/ sems mngon par spro ba ni brtson 'grus te nyon mongs pa can ma yin pa'i phyir le lo ma yin no/ /de la 'gyod gnyid mi dge rnams/ / bsam gtan dang po dag na med/ /ces bya ba la bsam gtan dang po na sems dang sems las byung ba'i nges pa ji skad bshad pa de las 'gyod pa la sogs pa rnams med de/ 'gyod pa ni yid mi bde ba dang mtshungs par ldan na de dag ni rgyud zhi gnas kyis brlan pa yin pas de na yid mi bde ba med do/ /gnyid ni sems mngon par sdud pa'i mtshan nyid can yin no/ /de dag ni sems sdud pa ni ting nge 'dzin kho na la nye bar gnas par 'gyur bas de na gnyid med do/ /gang yang cung zad mi dge ba/ /zhes bya ba rgyas par 'byung ngo / /g.yo dang / sgyu dang rgyags pa ma gtogs pa khro ba la sogs pa dang zhes bya ba ni/ khro ba dang / khon du 'dzin pa dang / phrag dog dang / 'tshig pa dang / 'chab pa dang / ser sna dang / rnam par 'tshe ba rnams thams cad du med do zhes bya ba skabs dang sbyar ro/ /gzhan thams cad ni de dang 'dra'o/ /ji ltar byas nas she na/ bsam gtan dang po'i sems ni rnam pa bzhi ste/ dge ba dang bsgribs la lung du ma bstan pa'o/ /de ni rnam pa gnyis te/ ma 'dres pa dang / nyon mongs pa gzhan dang mtshungs par ldan pa dang / ma bsgribs la lung du ma bstan pa'o/ /de la re zhig dge ba'i sems la ni sems las byung ba nyi shu rtsa gnyis 'byung ste/ sa mang po pa dang bcu dang / dge ba'i sa mang po pa bcu dang / rtog pa dang / dpyod pa'o/ /ma 'dres pa la ni bco brgyad de/ sa mang po pa bcu dang / nyon mongs pa'i sa mang po pa drug dang / rtog pa dang / dpyod pa'o/ /lta ba ldan pa la yang de bzhin no/ /de 'dod chags dang / nga rgyal dang / the tshom dang mtshungs par ldan pa la ni bcu dgu ste/ nyon mongs pa de dang ma 'dres par bshad pa bco brgyad do/ /g.yo dang / sgyu dang / rgyags pa dang mtshungs par ldan pa'i sems la yang bcu dgu kho na ste/ g.yo la sogs pa rnams rang dbang ma yin pa'i phyir ro/ /ma bsgribs la lung du ma bstan pa la yang ci rigs par rnam par smin pa las skyes pa la sogs pa rnams las gang yang rung ba zhig la bcu gnyis 'byung ste/ sa mang po pa bcu dang / rtog pa dang dpyod pa'o/ /rtog pa'ang bsam gtan khyad par can/ /zhes bya ba la/ 'di zhes bya ba'i sgras ni 'gyod pa dang / gnyid dang mi dge ba rnams kyang med do/ /lhag ma ni de dang 'dra'o zhes bya ba la/ dge ba'i sems la ni snga ma bzhin du rtogs pa ma gtogs sems las byung ba nyi shu rtsa gcig 'byung ste/ ma 'dres pa dang / lta ba dang mtshungs par ldan pa ni rtog pa nyid ma gtogs pa bcu bdun no/ /'dod chags la sogs pa dang mtshungs par ldan pa la bco brgyad 'byung ste/ sngar bshad pa bcu bdun dang / 'dod chags la sogs pa rnams las gang yang rung ba'o/ /ma bsgribs la lung du ma bstan pa la ni bcu gcig ste/ sa mang po pa bcu dang dpyod pa'o/ /de yi gong na dpyod pa yang / /zhes bya ba la/ yang gi sgras ni 'gyod pa dang gnyid dang mi dge ba yang med do/ /yang gi sgras ni g.yo dang sgyu yang med do/ /lhag ma ni de dang 'dra'o/ /ji ltar zhe na/ re zhig dge ba la ni rtog pa dang dpyod pa ma gtogs pa sems las byung ba nyi shu 'byung ngo / /ma 'dres pa'i bsgribs la lung du ma bstan pa dang / lta ba dang mtshungs par ldan pa la ni bcu drug go/ /'dod chags la sogs pa nyon mongs pa dang nye ba'i nyon mongs pa dang mtshungs par ldan pa la bcu bdun no/ /ma bsgribs la lung du ma bstan pa la ni sa mang po pa bcu kho na 'byung ngo / /tshangs pa'i bar du g.yo yod par 'gyur gyi zhes bya ba 'byung ste/ g.yo ni sgyu sngon du 'gro ba yin pa'i phyir sgyu yang gzung bar 'gyur ro/ /ji ltar na tshangs pa 'dod chags dang bral ba la g.yo yod ce na/ de'i phyir 'khor dang 'brel ba'i phyir ro zhes bya ba smos so/ /de nyid kyi phyir/ 'khor med pa'i phyir tshangs pa'i gong bsam gtan gnyis pa la sogs pa rnams na g.yo med do/ /'di ltar 'khor ni brgyad 'don te/ rgyal rigs kyi 'khor dang / tshangs pa'i 'khor dang / bram ze'i 'khor dang / khyim bdag gi 'khor dang / dge sbyong gi 'khor dang / rgyal chen bzhi'i 'khor dang / sum cu rtsa gsum pa'i 'khor dang / bdud kyi 'khor ro/ /tshangs pa'i 'jig rten gyi gong du ni 'khor ma bstan te/ des na de na 'khor dang 'brel ba med do/ /ji ltar de na 'khor dang 'brel pas g.yo yod par shes na/ de'i phyir de ni rang gi 'khor gyi nang du zhes bya ba rgya cher smos so/ /de ni rang gi 'khor la bag 'khums pa yongs su spang bar 'dod nas/ gzugs med pa'i khams su 'byung ba chen po dag dgag mod kyi/ de'i snyoms par 'jug pa ma thob pa'i phyir ma shes nas gtam rlung la bskur ro/ /tshangs pa'o zhes smras nas yang tshangs pa chen po'i zhes zer ba ni/ de las gzhan pa'i tshangs pa dag las mchog yin par shes par bya ba'i phyir ro/ /dbang phyug go/ /byed po'o zhes bya ba ni/ / phyi ma phyi mas bshad pa'o/ /sa gang sems gang la zhes bya ba 'byung ba la/ sa dag ni gsum ste/ rtog pa dang bcas shing dpyod pa dang bcas pa'i sa dang / rtog pa med la dpyod pa tsam gyi sa dang / rtog pa yang med dpyod pa yang med pa'i sa'o/ /sa gsum po 'di dag na sems gang la sems las byung ba ji snyed cig mtshungs par ldan pa de rgyas par bshad zin to/ /yang na mnyam par gzhag pa dang mnyam par gzhag pa ma yin pa'i sa'am/ bsam gtan khyad par can dang bcas pa sa bcu dang sbyar ro/ /da ni gzhung las sems las byung ba kha cig gi zhes rgya cher 'byung ba la/ rang gi ngo bo 'dra bas de dag gi bye brag bde blag tu khong du mi chud de/ de'i phyir de dag rab tu bstan par bya ba'i phyir gzhung las tha dad du bya ba bshad pa brjod par bya'o/ /gzhung las 'byung ba zhes bya ba ci'i phyir zhe na/ 'jig rten pa dang sangs rgyas pa kha cig gis gnyis ka yang 'dzom pa'i bdag nyid du khas blang ba'i phyir ro/ /tha dad du bya ba ci yod ces bya ba ni khyad par ci yod ces bya ba'o/ /ma gus ngo tsha med ces bya ba rgyas par 'byung ba la/ yon tan rnams zhes bya ba ni/ tshul khrims dang / ting nge 'dzin dang / shes rab rnams so/ /yon tan can rnams la zhes bya ba ni cho ga dang / spyod yul phun sum tshogs pa rnams pa ste/ mkhan po la sogs pa gang zag rnams la brnyas pa ni ma gus pa nyid do/ /'di la gus pa med pas na ma gus pa'o/ /de'i dngos po ni ma gus pa nyid de/ sems las byung ba'i chos so/ /bkur ba med pa nyid ces bya ba la/ slob ma la dbang bas ni bkur ba ste/ bla ma'am bla ma'i gnas dang 'dra ba'o/ /'di la bkur ba med pas na bkur ba med pa'o/ /de'i dngos po ni bkur ba med pa nyid do/ /'jigs pas dbang sgyur ba'i ngang tshul 'di la yod pas na 'jigs pas dbang sgyur ba'o/ /'jigs pas dbang sgyur ba med pa ni 'jigs pas dbang mi sgyur ba ste/ de'i dngos po ni 'jigs pas dbang mi sgyur ba nyid do/ /'jigs pa zhes bya ba ni sems las byung ba'i chos yid kyis byas te/ rtog pa med pa'i phyir rnam par shes pa'i tshogs lnga po dag la ni 'jigs pa med do/ /bla ma dag dang bla ma 'dra ba dag la gus pa dang bcas pa ni de dag la 'jigs par 'gyur gyi/ mi gus pa ni ma yin la/ 'jigs pa dang bcas pa yang dbang du 'gyur gyi/ mi 'jigs pa ni ma yin no/ /ji ltar na bla ma'am bla ma'i gnas lta bu dag la 'jigs pa yin zhe na/ de dag la brnyas pas chos ma yin par 'gyur ro snyam du dogs pa las so/ /'dir ma gus pa ni gus pa med pa tsam ma yin la/ gzhan gang ci yang rung ba yang ma yin te/ 'o na ci zhe na/ gus pa'i gegs su gyur pa'i chos so/ /'di skad bstan par 'gyur te/ ngo bo'i rnam pas gus pa'i gegs su gyur pa'i sems las byung ba'i chos gzhan zhig la brjod do/ /gzhan dag na re/ yon tan rnams dang yon tan ldan pa rnams la ma gus pa dang bkur ba med pa nyid do zhes zer ro/ /khrel med kha na ma tho 'jigs mi lta/ /zhes bya ba la/ kha na ma tho ba ni smra bar bya ba ma yin pa ste/ de nyid kyi phyir kha na ma tho ba zhes bya ba ni gang zhig dam pa rnams kyis smad pa ste zhes bya ba smos te/ slar gshe ba dang spangs pa'o/ /de'i smad pa dang 'bras bu rnam par smin pa yid du mi 'ong ba ste/ de la 'jigs par mi lta ba ni khrel med pa'o/ /a nAs+the t+yar+n+paH[(]gnas ma yin pa zhes bya ba'i don to/ /[)]'jigs pa zhes bya ba ni 'jig rten na skrag pa la grags so/ /de'i phyir 'dir 'jigs pa ni mi 'dod pa'i 'bras bu ste zhes bya ba smos te/ de ji ltar 'jigs pa yin zhe na/ de'i phyir 'di las 'jigs par 'gyur ba'i phyir ro zhes bya ba smos so/ /gal te kha na ma tho ba de'i 'bras bu mi 'jigs par lta ba yin na ni/ lta ba shes rab kyi rnam grangs yin pa'i phyir shes rab yin par shes par 'gyur ro/ /gal te mi 'dod pa'i 'bras bu 'jigs par mi lta ba yin na ni/ ma rig pa yin par shes par 'gyur te/ mi lta ba ni ma rig pa'i rnam grangs yin pa'i phyir ro/ /de gnyis kyi rgyu mtshan zhes bya ba la/ lta ba dang mi lta ba gnyis so/ /shes pa dang log pa'i shes pa dag kun tu spyod pa'i rgyur gyur pa'i chos nye ba'i nyon mongs pa zhes bya ba 'ga' zhig yod pa de ni khrel med pa ste/ kha na ma tho ba kun tu spyod pa dogs pa med ces bya ba'i don to/ /gzhan dag na re bdag la bltos nas zhes bya ba rgya cher 'byung ste/ bdag nyid nyes pa la 'jug par mi rigs pa nyid du mthong yang nyes pa dag la mi 'dzem pa ni ngo tsha med pa yin la/ 'di ni gzhan dag gis smad pa yin no zhes bya ba mthong bzhin du yang nyes pa dag la mi 'dzem pa ni khrel med pa'o zhes so/ /mi dge ba'i sa mang po pa yin pa'i phyir sems gcig la gnyi ga 'gal lo zhes bstan pa'i phyir/ de lta na yang bltos pa gnyis zhes bya ba rgya cher smos so/ /gzhan gyi bdag nyid dag ni cig car bltos par mi rigs te/ yul tha dad pa'i phyir ro/ /bdag dang gzhan la bltos pa cig car ro zhes ni mi zer ro zhes bya ba la sogs pa la/ rnam grangs kyi 'jug par 'dod pas de dag cig car 'jug par mi 'dod pas skyon med do/ /bdag nyid la bltos nas nyes pa de dag la mi 'dzem pa ngo tsha med pa dang / gzhan la bltos nas ni khrel med pa ste/ gang gi phyir rnam par smin pa'i 'bras bu la brten yang de rnam par dag par mi 'gyur ro/ /slob dpon 'dus bzang na re/ 'di mi 'dod pa'i 'bras bu mi brtsi bas de ltar bsam pa'o zhes zer ro/ /gzhan dag na re nyon mongs pa rnam par smad pa las khral [(]khrel [)]med pa'o zhes zer ro/ /gzhan dag ni gcig pu nyes par spyod pa la mi 'dzem pa ni ngo tsha med pa dang / tshogs kyi nang du zhugs pa las khrel med pa'o zhes so/ /kha cig ni mi dge ba'i rnam par smin pa'i rgyu kun tu spyod pa bltos pa med pa ni khrel med pa'o zhes so/ /thams cad kyang mi dge ba'i sems kun tu spyod pa rgyu dang 'bras bu la bltos pa med pa yin pas de'i phyir 'di dag sems gcig la yang 'gyur ro zhes so/ /re zhig rtog pa dang po ltar na zhes bya ba rgyas par 'byung ste/ 'dis gnon cing spyod par byed pas na gus pa'o/ /gus pa'i dngos po ni gus pa nyid de/ de ni yul dang / rgyu mtshan gyi gces spras te/ 'di ni yul gyi bdun pa'am/ rgyu mtshan gyi bdun pa yin pa'i phyir ro/ /gus pa dang lhan cig gus pa dang bcas pa ste nor dang bcas pa bzhin no/ /de'i dngos po ni gus pa dang bcas pa nyid de/ gang zhig yod na bla ma'i gnas rnams dang / yon tan rnams las 'da' bar mi nus pa sems las byung ba'i chos so/ /chos gang dang ldan pas bkur ba dang bcas par 'gyur ba de ni bkur ba dang bcas pa nyid do/ /gus pa dang bcas pa ni bla ma dang 'dra ba'i gnas dag la 'jigs par 'gyur gyi ma gus par ni ma yin la/ 'jigs pa dang bcas pa ni dbang sgyur gyi/ mi 'jigs pa ni ma yin no/ /de'i phyir gang dang ldan pas 'jigs pas dbang sgyur ba dang bcas par 'gyur ba de ni 'jigs pas dbang sgyur ba dang bcas pa nyid do/ /kha na ma tho ba dag la zhes bya ba ni gang dang 'brel pa las 'jigs pas dbang sgyur bar 'gyur ba'o/ /rtog pa gnyis pa ltar na zhes bya ba rgyas par 'byung ste/ bdag la bltos nas nyes pa dag la 'dzem pa ni ngo tsha shes pa yin la/ gzhan la bltos nas ni khrel yod pa'o/ /'dir yang bltos pa gnyis sems gcig la mi srid do zhes rgya cher snga ma bzhin du brjod par bya'o/ /gzhan dag ni bsam pa rnam par dag pa'i don nyid du mngon par 'dod pa'i las mchog la brten pa ni ngo tsha shes pa dang / gang zhig mngon par 'dod pa'i 'bras bu thob pa'i ched nyid ni khrel yod pa ste/ lhan cig mi 'gal ba'o/ /rgyu dang 'bras bu la ma rmongs pas dge ba'i sems kun tu spyod pa thams cad la sdug bsngal yongs su bsgom pa la sogs pa ste sems gcig la yang khrel yod pa 'byung ngo snyam du sems so/ /dga' dang zhes bya ba ni dga' ba nyon mongs pa can ma yin pa la bsams nas brjod pa yin te/ de nyid kyi phyir dga' ba rnam pa gnyis te/ nyon mongs pa can dang nyon mongs pa can ma yin pa'o zhes rgya cher smos so/ /nyon mongs pa can ma yin pa de ni dad pa ste zhes bya ba la dad pa yang rnam pa gnyis te/ mngon par yid ches pa'i mtshan nyid dang / 'dod pa'i mtshan nyid can no/ /mngon par yid ches pa ni 'ga' zhig la 'dod pa skye ste/ de'i phyir 'dir dga' ba dad pa phyi ma ma yin no/ /dga' ba nyon mongs pa can thams cad ni dad pa ma yin zhing / dad pa can thams cad kyang dga' ba ma yin te/ rgyu la 'bras bu nye bar btags pa'i phyir ro/ / dga' ba ni bden pa dang nye ba'i rgyur gyur pa'i phyir sngon du yang dga' bar 'gyur ro zhes gzhan dag go/ /de yang mu bzhi mi 'gal te/ don dam pa las kyang dga' ba'i phyir ro/ /sdug bsngal dang kun 'byung ba la dmigs pa'i dad pa kho na yin gyi dga' ba ma yin te/ mngon par 'dod pa ma yin pa la dmigs pa'i phyir ro/ /bu dang chung ma la sogs pa dag la dga' ba ni dad pa ma yin te/ nyon mongs pa can yin pa'i phyir dang / dad pa ni dge ba'i sa mang po pa yin pa'i phyir ro/ /gnyi ga yin pa ni dga' ba yang yin la dad pa yang yin pa ste/ 'gog pa dang lam la dmigs pa'i dad pa'o/ /gnyis ka ma yin pa zhes bya ba ni dad pa yang ma yin la/ dga' ba yang ma yin pa'o/ /rnam pa de dag ma gtogs pa zhes bya ba ni rnam pa de dag ste/ sdug bsngal dang kun 'byung ba dang 'gog pa dang lam la dmigs pa dad pa dang / bu la sogs pa la dmigs pa sred pa dag ma gtogs gang dag sems las byung ba gzhan rnams dang ldan pa ma yin pa la sogs pa'i chos rnams so/ /chos la sogs pa dang 'brel ba'i slob ma ni lhan cig gnas pa'o/ /rig pa la sogs pa blangs pa dang 'brel pa ni nye gnas so/ /rnam pa de dag ma gtogs zhes bya ba ni 'brel pa med pa dang / yon tan med pa dang / 'jig rten gzhan gang yin pa ste/ de la ni dga' ba yang ma yin la/ ma gus pa yang ma yin no/ /gzhan dag na yon tan yod do snyam pa ni dad pa yin la/ de'i sgo nas dga' ba skye ste/ de'i phyir dga' ba ni dad pa'i 'bras bu yin gyi dad pa ni ma yin no zhes zer ro/ /gzhan dag na re gus pa ni zhes bya ba rgya cher 'byung ba la/ gus pa'i 'bras bu 'dzem pa ni ngo tsha shes pa yin gyi gus pa nyid ni ma yin no zhes zer ro/ /'di dag la ngo tsha shes pa ni gus pa las skye la/ gus pa dang bcas pa'i sngon du 'dzem pa skye ba yod pa ma yin no/ /de gnyis 'dod pa dang gzugs dag na zhes bya ba nges par gzung ba'i don du brtsams pa ste/ de nyid kyi phyir gzugs med pa'i khams na ni dga' ba dang gus pa dag med do zhes bya ba smos so/ /de dag med pa'i rgyu ci zhig ce na/ dga' ba dang gus pa'i rten med pa dang de dag gi rgyu med pa'o/ /rten ni slob dpon dang slob ma la sogs pa'o/ / de la slob ma rnams ni slob dpon la dga' ba dang / gus pa yin la/ slob dpon rnams ni slob ma rnams la dga' ba kho na yin gyi gus pa ma yin no/ /rgyu ni lus dang ngag gi las dag pa dang 'dris pa yin no/ /de gnyi ga yang gzugs med pa dag na med do/ / de'i phyir dga' ba dang gus pa med do/ /dad pa dang ngo tsha shes pa zhes bya ba rgyas par 'byung ste/ dga' ba dang / gus pa gnyis ni dad pa dang ngo tsha shes pa'i rang bzhin yin la/ dad pa dang ngo tsha shes pa dag ni dge ba'i sa mang po pa yin pa'i phyir gzugs med par bkag pa 'gal lo zhe na dad pa ni rnam pa gnyis te zhes bya ba la sogs pa rgyas par 'byung ste/ der ni gang zag la dmigs pa dad pa ngo tsha shes pa dag bkag gi chos la dmigs pa dag ni ma yin pas 'gal ba med do/ /'di gang las she na/ skabs kyis te/ gang zag dag la dga' ba dang gus pa yin no zhes bya ba ni skabs yin no/ /de nyid kyi phyir 'dir ni dga' ba dang gus pa de dag la bsams pa yin no/ /zhes bya ba smos te/ gang dag gang zag dag la dmigs pa'i dad pa dang / ngo tsha shes pa dag la yin gyi/ chos la dmigs pa dag la ni ma yin no/ /rtog pa dang dpyod pa dag la zhes bya ba rgyas par 'byung ngo / /sems gcig la de gnyis ji ltar ldan zhe na zhes bya ba la/ de dag gi rang gi ngo bo ma bstan pas sems gzhan nyid ma yin la/ sems gcig la rtsing ba dang zhib pa nyid yod pa yang ma yin te phan tshun 'gal ba'i phyir ro zhe na/ kha cig na re zhes bya ba rgyas par 'byung ngo / /mar sar chu dag gi nang du bor ba zhes bya ba la sogs pa la/ bsgyur ba zhes bya ba'i tha tshig go/ /rtog pa dang / dpyod pa dang / rjes su 'brel ba'i phyir sems ha cang rtsing ba dang / ha cang zhib par mi 'gyur ro zhes bya ba ni dpe dang chos mtshungs pa'o/ /ha cang yang mi 'khyag ces bya ba ni ha cang 'thas par mi 'gyur ba'o/ /ha cang mi 'ju ba ni ha cang zhu bar mi 'gyur ba'o/ /de dag gi ngo bo nyid ni ma yin pa ste zhes bya ba la/ rtsing ba dang zhib pa nyid kyi rang gi ngo bo ni ma yin no/ /gal te rtog pa dang dpyod pa dag ni sems kyi rtsing ba dang zhib pa nyid do zhes bya ba 'di ni bya ba'i sgo nas bstan pa yin gyi/ rang gi ngo bo'i sgo nas ni ma yin zhes pa khas len te/ de'i phyir rgyu mtshan du gyur pa yin no zhes bya ba'i thal ba 'dir mi 'gyur ro/ /'di ltar mdo las rnam par shes pa gang ci yang rung ste/ rags pa'am/ phra ba'am zhes bya ba gsungs te/ de'i phyir chos gang yod na/ sems rtsing bar skye ba de ni rtog pa yin la/ gang yod na zhib par skye ba de ni dpyod pa'o/ /de lta na sa dang sems gcig la rtsing ba dang zhib pa gnyis mi 'thad de phan tshun 'gal ba'i phyir ro/ /slob dpon 'dus bzang na re/ sems gcig la dmigs shing rdzas mnyam yang mthu'i dus gzhan nyid yin pa'i phyir 'gal ba med de/ tshogs la rtog pa'i mthu bla lhag na ni dpyod pa nyams pa'i phyir sems rtsing bar 'gyur la/ dpyod pa'i mthu bla lhag na ni rtog pa'i mthu nyams pa'i phyir zhib par 'gyur te tshwa dang chu grang bzhin no/ /'dir gang zhig mthu shas che ba de ni tshwa dang mtshungs la/ gang zhig shas chung ba de ni chu dang mtshungs pas de las mi mthun pa med do/ /de ltar na rtog pa dang dpyod pa cig car ba yin la/ sems rtsing ba nyid ni zhig pa ma yin no zhes zer ro/ /rtsing ba dang zhib pa sa dang rnam pa'i bye brag gis zhes bya ba 'byung ste/ de la sa'i bye brag gis mngon par 'du bya ba che ba'i phyir bsam gtan dang po la bltos nas 'dod pa'i khams rags la/ 'du bya ba la chung ba'i phyir 'dod pa'i khams la bltos nas bsam gtan dang po phra zhing rab tu zhib pa yin no/ /yang de nyid bsam gtan gnyis pa la bltos nas rags la/ bsam gtan gnyis pa yang bsam gtan dang po la bltos nas phra ba yin te/ srid pa'i rtse mo'i bar du yang de dang 'dra bar brjod par bya'o/ /rnam pa'i bye brag gis ni sa gcig pa yang chung ngu dang / 'bring dang / chen po rnams las slar chung ngu la sogs par phye ba las/ de ltar srid pa'i rtse mo'i bar rtog pa dang / dpyod pa dag yod par 'gyur ro/ /sa'i bye brag gis ni 'dod pa'i khams na rtog pa kho na yod la/ srid pa'i rtse mo na dpyod pa kho na yod cing bar na gnyis ka yod par 'gyur ro/ /rnam pa'i bye brag gis ni sa thams cad na gnyis ka yod kyi/ 'dod pa'i khams dang bsam gtan dang po gnyis kho na na yod pa ni ma yin no/ /de bzhin du 'bras bu'i sgo nas rtog pa dang dpyod pa bstan pa la sems dang sems gzhan gyi rags pa dang phra ba dag la bltos pa'i rgyu nyid kyi phyir rtog pa dang dpyod par 'gyur ro/ /yang na srid pa'i rtse mo las rtog pa dang dpyod pa dag 'gyur ba ma yin gyi/ 'dod pa'i khams dang bsam gtan dang po dag kho na nyid do/ /gal te tshogs la rtog pa'i mthu bla lhag na rags pa nyid dang dpyod pa'i mthu bla lhag na phra ba nyid do/ /gang gi tshe rags pa'am phra bar gyur pa de'i tshe sa dang rnam pa'i khyad par la bltos pa ma yin te/ de nyid phra ba dang de nyid rags par 'gyur ro/ /slob dpon 'dus bzang ni slar yang sems rtsing ba dang zhib pa nyid ni sems kyi rtsing ba dang zhib pa nyid do zhes mi smra'o/ /'o na ji ltar zhe na/ sems rtsing ba ni sems la yod pa'i rtsing ba'o/ /de'i dngos po ni sems rtsing ba nyid do/ /sems zhib pa yang de dang 'dra'o zhes zer ro/ /rtsing ba dang zhib pa nyid ces bya ba la sogs pa la/ rtsing ba dang zhib pa nyid de rtog pa dang dpyod pa dag phan tshun sems las rang bzhin tha dad par yang rigs pa ma yin te rang gi ngo bo tha dad pa ma yin no zhes bya ba'i tha tshig sems de nyid gnas skabs 'ga' zhig la zhib pa yin la/ gnas skabs 'ga' zhig la rtsing ba yin gyi/ de la rtsing ba'am zhib pa'i chos gzhan ni med do snyam du bsams pa'o/ /yang na tshor ba dang 'du shes kyang rtog pa dang dpyod pa nyid du thal bar 'gyur te/ tshor ba ni rags pa yin la/ 'du shes ni phra ba yin pa'i phyir ro/ /phan tshun rags pa dang phra ba nyid kyis de dag rang bzhin tha dad par rigs so/ /rang bzhin tha dad par gyur pa la ni tha dad pa mthong na/ ji ltar tshor ba dang 'du shes dag la rtsing ba dang zhib pa nyid kyi sa ma yin te/ rang bzhin gcig la yang rtsing ba dang zhib pa mthong ba'i phyir ro/ /gzhan dag na re zhes bya ba la sogs pa 'byung ngo / /ngag mngon par 'du byed pa zhes bya ba la ngag gi kun slong du gyur pa'i shes rab la sogs pa ni ngag mngon par 'du byed pa'o/ /rtog pa dang dpyod pa dag ni ngag mngon par 'du byed pa yin pas 'dod do zhes bya ba ga las she na/ de'i phyir mdo las zhes bya ba rgya cher gsungs te/ brtags shing dpyad nas de bzhin kho nar tshig tu smra'o zhes bya ba'i don to/ /de la rtsing ba gang dag yin pa zhes bya ba ni ngag rtsing bar 'jug par byed do/ /zhib pa ni bzlog pa'o/ /brtag pa 'di ltar na ni rtog pa dang dpyod pa gnyis btags par yod pa dang rnam grangs kyis yod par khas blangs par 'gyur te/ sems dang sems las byung ba tshogs pa dag kun nas slong bar byed pa yin pa'i phyir dang ngag rtsing ba dang zhib pa dag kyang cig car mi 'byung ba'i phyir ro/ /gzhan du na de'i rang bzhin bstan par nus pa'i phyir ngag gi 'du byed kyi las kyis de'i rang bzhin gsal bar byas so/ /gal te sems gcig la zhes bya ba rgya cher 'byung ste/ sems gcig la de gnyis ji ltar ldan zhes gang smras pa de la khas blangs nas lan smras pa/ 'di la 'gal ba ci zhig yod ces bya ba ste/ gal te tshor ba dang 'du shes ltar sems gcig la rtog pa rtsing ba yang chos gzhan yin/ zhib pa dpyod pa yang gzhan yin pa zhes bya ba 'di la 'gal ba ci yod ces zer ro/ /gal te tshor ba dang 'du shes gzhan du rtog pa dang dpyod pa gnyis kyang rigs tha dad pa zhig yin na ni 'gal ba med par 'gyur ro/ /rigs tha dad pa yin na tshor ba rags pa yin zhing 'du shes phra ba yin pas de gnyis rtsing ba dang zhib pa yin yang sems gcig la mi 'gal na/ rtog pa dang dpyod pa dag la ni de ltar rigs tha dad pa med do/ /rtsing ba dang zhib pa nyid ma gtogs par de dag rang gi ngo bo nges par ma gzung ba'i phyir/ mtshan nyid nges par ma zin pa'i rigs gcig la chung ngu dang chen po nyid de/ rtsing ba dang zhib pa nyid cig car byung ba mi srid de sems kyi rdzas gcig la'o/ /gzhan dag na re sems gcig la yang rtsing ba dang zhib pa gsungs pa'i phyir rtsing ba dang zhib pa 'ba' zhig tu ma zad kyi tshor ba dang 'du shes ltar rigs tha dad pa yang yod de/ de'i phyir rtog pa dang dpyod pa gnyis cig car 'byung ba mi 'gal lo/ /'o na ni rtog pa dang dpyod pa dag gi rigs tha dad pa ste/ tshor ba dang 'du shes ltar phan tshun rang gi ngo bo khyad par du 'phags par nges par gzung ste/ brjod par bya dgos te/ ma brjod par ni rtogs par mi nus so/ /khyad par phra ba'i phyir de ni brjod par dka' ste/ de'i chung ngu dang chen po nyid kyis rags pa dang phra ba nyid ces bya ste de'i bya ba ma 'khrul pa'i phyir ro/ /slob dpon 'dus bzang na re chos kyi mtshan nyid rnam pa du mar bstan pa'i phyir rang bzhin dang mtshungs par ldan pa dang / rgyu dang 'bras bu dang nus pa dang / dmigs pa la sogs pa rnams kyi mtshan nyid ston par byed kyi/ gdon mi za bar rang bzhin kho na ni ma yin te/ sa'i khams ni sra ba nyid do/ /mi dge ba ni ngo tsha med pa dang khrel med pa dang mtshungs par ldan no/ /ting nge 'dzin sems rtse gcig pa nyid de gsum 'dus pa las reg pa'o/ /mig gi rnam par shes pa mig gi dbang po la brten to/ /chos shes pa gang zhe na/ 'dod pa dang mtshungs par ldan pa'o zhes bya ba de lta bu la sogs pa ste/ rigs pa 'dis de lta bu la sogs pa'i chos kyi mtshan nyid btsal bar bya ste/ chos kyi rang bzhin rnams ni mchog tu rtogs par dka'o zhes zer ro/ /gzhan dag na re de lta na ni gsal bar mi 'gyur te/ ci zhe na/ rigs tha dad pa'o/ /ci'i phyir zhe na/ rigs rnams re re zhing chung ngu dang chen po la sogs pa tha dad pas rtsing ba dang zhib pa nyid do zhes zer ro/ /de bzhin du shes pa lhag ma la yang brjod par bya'o/ /rtog pa dang dpyod pa dang 'dod pa na dpyod pa dag ni rags pa'o/ /bsam gtan dang po'i sa pa dag ni zhib pa'o/ /bsam gtan khyad par can gyi dpyod pa ni ches zhib pa'o/ /de la rigs tha dad du khas blangs pa ma yin te/ gang gi phyir rtog pa dang dpyod pa dag gcig tu ma yin zhes bya ba la sogs pa la/ rnam grangs kyis 'byung ba'i phyir sems kyi skad cig rtsing ba dang zhib pa nyid du thal bar mi 'gyur ro snyam du bsams pa'o/ /rnam grangs kyis 'jug pa gnyis ka la yang khyad par ni gtong bar byed pas rtog pa'o/ /gtong bar byed pas dpyod pa'o zhes kha cig go/ /dmigs pa rags pa'i rnam pa las rtog pa'o/ /yongs su dpyod pa'i rnam pas dpyod pa'o zhes gzhan dag go/ /shin tu ba'i rnam pas rtog pa dang yongs su dpyod pa'i rnam pas dpyod pa'o zhes gzhan dag go/ /'ga' zhig ni mngon par rtogs pa'i rnam pas rtog pa dang / rnam par dpyod pa'i rnam pas dpyod pa'o zhes so/ /gzhan dag ni 'byung ba'i rnam pas ni rtog pa'o/ /nges par rtog pa'i rnam pas dpyod pa'o zhes so/ /gal te rtog pa dang dpyod pa dag rnam grangs kyis 'jug na ci ltar da ni bsam gtan dang po la yan lag lnga ste/ rtog pa dang dpyod pa dang dga' ba dang bde ba dang ting nge 'dzin rnams so zhes bsam gtan dang po yan lag lngar bshad de/ yan lag bzhi zhes brjod par bya ste/ rtog pa dang dpyod pa dag las gang yang rung ba zhig med pa'i phyir ro snyam du bsams pa'o/ / sa las bsam gtan dang po de yan lag lnga par bshad de/ rtog pa dang dpyod pa dag 'chol ba srid pa'i dbang du byas nas gsungs so/ /rgyun las bsam gtan dang po yan lag lngar bshad kyi/ skad cig las ma yin te/ skad cig la ni rtog pa dang dpyod pa dag cig car 'byung bar mi 'gyur/ slob dpon 'dus bzang na re/ rtog pa dang dpyod pa dag ting nge 'dzin gyi bar du rnam par gzhag go zhes zer ro/ /bsam gtan khyad par can la 'jug pa'i gegs su gyur pa rtog pa ste/ de yang rags pa'o/ /bsam gtan gnyis pa la 'jug pa'i gegs su gyur pa ni dpyod pa ste de yang zhib pa'o/ /gang yang rung ba zhes bya ba ni de nyid dang de nyid ma yin pa'o/ /pha rol po las khyad par yongs su brtags nas sems khengs pa ni nga rgyal lo/ /bdag ni thos pa dang ldan no/ /nor dang ldan no/ /tshul khrims dang ldan no/ /blo dang ldan no snyam du rang gi chos kho na la chags pa sems la dge ba'i rtsa ba yongs su gtugs par byed pa'i chos skye ba gang yin pa de ni dregs pa skye ba zhes bya'o/ /yongs su gtugs pa ni/ dge ba'i bya ba thams cad la rang gi sems so sor thogs pa zhes bya ba'i don to/ /yang na 'dis yongs su gtugs par byed pas na yongs su gtugs pa ste/ sems las byung ba'i chos rang gi chos la chags pa las skyes pa ste/ 'dir rang gi chos la dmigs pa'i sems yongs su gtugs shing rnam par 'phro ba gang gis chos rnams dang sems kun tu 'gal bar byed pa ni yongs gtugs par gzung ngo / /gzhan dag na re dag pa'i phyogs thams cad la rnam par mi 'phro ba'i tshul gyi sems las byung ba nyon mongs pa de ni rgyags pa'o zhes zer ro/ /gzhan dag na re tshad las skye ba ji lta ba de bzhin du zhes rgya cher 'byung ba la/ kun tu dga' ba'i bye brag smos pa ni yid bde ba las khyad par du bya ba'i phyir ro/ /sems las byung ba rnams sems dang bcas te rnam pa re re nas bshad zin to zhes bya ba la/ re zhig sems ni rang gi mtshan nyid dang phung po dang khams dang skye mched dang / dge ba dang mi dge ba dang lung du ma bstan pa dang / khams kyi rab tu dbye bas rnam pa re re nas bshad zin to/ /sems las byung ba rnams kyang rang gi mtshan nyid dang phan tshun gyi khyad par dang grangs nges par gzung ba dang / 'dod pa'i khams dang bsam gtan dang po la sogs pa sa'i rab tu dbye bas rnam pa re re nas bshad de/ rang gi mtshan nyid kyis gang dag dang gang dag lhan cig 'byung ba'o/ /gsung rab las zhes bya ba rgya cher 'byung ste/ ming dang ming can gyi 'grel pa la byang ba'i slob ma ni gsung rab las bde blag tu tha snyad 'dogs pa'i phyir de dag gi ming 'di dag brjod do/ /sems dang yid dang rnam shes ni/ /don gcig ces bya ba la/ nges pa'i tshig gis byas pa'i khyad par 'ga' zhig ni yod do/ /dge ba dang mi dge ba'i las sog par byed pas sems te/ mngon par 'du byed ces bya ba'i don to/ /shes pas ni yid de ces bya ba ni rlom par byed pa'i don gyis te/ ngar 'dzin pa'i rten yin pa'i phyir ro/ /rnam par shes pas na zhes bya ba ni/ gzugs la sogs pa'i yul rtogs pas na'o/ /kha cig na re zhes bya ba la/ dge ba dang mi dge ba'i chos kyi bag chags gnas pa'i tshul gyis bsags pa'i phyir sems zhes bya'o/ /de nyid du gyur pa zhes bya ba la/ 'das ma thag pa'i rten du gyur pa yid do/ /da ltar ba la brten pa'i dngos po la bltos nas rnam par shes pa zhes bya'o/ /dbang po la brten pa'i phyir zhes bya ba ni mig la sogs pa skye mched drug la brten pa'i phyir ro/ /'di dag la dmigs pa yod pas na dmigs pa dang bcas pa dag ste yul 'dzin pa'i phyir ro/ /rnam pa re re nas bye brag tu gcod pa'i phyir ro zhes bya ba ni/ rnam pa re re nas 'dzin pa'i phyir ro/ /ji ltar zhe na/ rnam par shes pas ni sngon po la sogs pa'i rnam pa rnams bye brag tu gcod par byed la/ ji ltar dmigs pa de nyid kyi dngos po ni 'du shes kyis 'dzin par byed do/ /tshor bas myong / sems pas sems par byed do/ /gzhan dang lhan cig mnyam par ldan par gyur pa'i phyir mtshungs par ldan pa dag go zhes bya ba la/ rten mtshungs pa nyid ni mig la sogs pa'i dbang po'i skad cig gang dag rnam par shes pa'i rten yin pa de dag kho na dang mtshungs par ldan pa yin no/ /sems thams cad dmigs pa tha mi dad pa'i phyir na/ dmigs pa mtshungs pa nyid yin la/ thams cad rnam pa gcig tu 'byung ba'i phyir rnam pa mtshungs pa nyid do/ /rdzas mtshungs pa ni grangs mnyam pa'o/ / de nyid kyi phyir ji ltar zhes bya ba la sogs pa rgya cher 'byung ste/ rgyas pa dang rab tu dbye ba dang bcas pa zhes bya ba la rgyas pa nyid rab tu dbye ba yin pa ni rgyas pa dang rab tu dbye ba'o/ /rgyas pa dang rab tu dbye ba dang lhan cig pa ni rgyas pa dang rab tu dbye ba dang bcas pa'o/ / de la re zhig sems kyi rgyas pa dang rab tu dbye ba ni/ rnam shes so so rnam rig pa/ /yid kyi skye mched kyang de yin/ /zhes bya ba de lta bu la sogs pas so/ /sems las byung ba rnams kyi ni/ /tshor ba myong ba zhes bya ba nas brtsams te sems byung rnam lnga ste zhes bya ba'i bar gyis so/ /de ni sems las byung ba rnams kyi 'jug thogs su bstan pa ldan pa ma yin pa rnams bshad pa'i skabs su bab pas de'i mtshan nyid brjod par 'dod nas mi ldan pa'i 'du byed rnams zhes bya ba rgya cher smos so/ /yang gi sgra ni kun sdud pa la sogs pa nye bar bsdu ba'i don to/ /gnyis pa'i 'dod pa brtag pa'i don ni/ gal te gnas pa dang rnyed pa la sogs pa rnams thob pa las tha dad do zhes so/ /thob pa la sogs pa'i chos 'di dag ni sems dang bya ba mngon par mi 'brel ba'i sems dang mi ldan pa zhes brjod par bya ste/ sems las byung ba dag ltar sems dang lhan cig dmigs pa la mi 'jug ces bya ba'i don to/ /sems dang ldan pa ma yin zhes smos pa ni/ de sems dang rigs mthun par shes par bya ba'i phyir ro/ /de nyid kyi phyir gzugs ni sems dang rigs mthun pa'i phyir ldan pa ma yin pa'i ming mi 'thob ste/ gang kho na dang mtshungs par ldan pa srid pa de kho na dang mi ldan pa zhes bya'i gzugs la ni dogs pa mi skye'o/ /gzugs can nyid dang gzugs can nye ba dang yang ma yin no/ /sems las byung ba rnams kyang de dang rigs mthun pas dmigs pa med pa nges par gzung ba de bsal bya ba'i phyir yang ldan pa ma yin pa smos so/ /'dus ma byas kyang de dang rigs mthun pa dang / dmigs pa med pa yin pas de dag spang ba'i phyir 'du byed smos te/ de nyid kyi phyir 'du byed 'di dag ni sems dang mtshungs par ldan pa yang ma yin la/ gzugs kyi rang bzhin yang ma yin pas zhes bya ba smos so/ /'di skad bstan par 'gyur te/ sems dang mtshungs par mi ldan pa kho na la ldan pa ma yin pa zhes mi bya'o/ gang dag 'du byed yin bzhin du gzugs kyi rang bzhin yang ma yin la/ sems dang mtshungs par ldan pa yang ma yin pa de dag la ldan pa ma yin pa zhes bya'o/ /gzhan dag na re 'du byed smos pas 'dus ma byas rnam par gcod do/ /sems dang mi ldan pa smos pas mtshungs par ldan pa rnam par gcod do zhes zer ro/ /'dir sems smos pa ni gtso bo yin pa'i phyir yin gyi/ sems kho na dang mi ldan pa ni ma yin no/ /de lta ma yin na sems dang mtshungs par mi ldan pa'i phyir sems ldan pa ma yin pa nyid du thal bar 'gyur te/ rang gi ngo bo dang mtshungs par mi ldan pa'i phyir ro/ /de nyid kyi phyir gzugs kyi rang bzhin yang ma yin pa zhes smos so/ /de ltar na bstan pa 'di dag gi bshad pa bya dgos so zhe na/ de la re zhig ces bya ba smos te/ de la zhes bya ba ni dmigs kyis dgar ba'i don du ste de dag la'o/ /re zhig gi sgra ni rim pa'i don te/ cig car bstan par mi nus pa'i phyir ro/ /thob pa zhes bya ba ni bstan pa'i tshig go/ /rnyed pa dang ldan pa'o zhes bya ba ni bshad pa'i tshig go/ /thob pa dang ldan pa'i sgo don gcig par 'dod mod kyi/ 'on kyang rnyed pa dang ldan pa zhes bya ba 'di ni bye brag tu bstan pa yin no/ /sngar ma thob pa rnams kyi thob pa rnams gang yin pa de ni zhes bya ba khyad par du bstan te/ nangs kyi dang por thob pa skyes pa ni rnyed pa yin pa'i phyir ro/ /thob zin pa rnams kyi thob pa gang zhig skad cig gnyis pa la sogs pa dag na yod pa de ni ldan pa ste/ kun tu rjes su 'gro ba ni ldan pa yin pa'i phyir ro/ /de'i phyir de ltar na thob pa'i sgra ni rnyed pa dang ldan pa la 'jug go/ /de nyid kyi phyir thob pa ni rnam pa gnyis te zhes rgyas par smos so/ /ma thob pa ste sngar nam yang ma thob pa gang yin pa dang / rnam par nyams pa ste thob nas sa 'phos pa dang / yongs su nyams pa la sogs pa las btang ba la nangs kyi dang por thob pa ni rnyed pa'o/ /skad cig gnyis pa la sogs pa dag na ni thob nas ldan pa'o/ /bzlog pa ni ma thob pa zhes bya ba la sogs pa la/ sngar ma thob pa rnams ni ma rnyed pa'o/ /thob pa nyams pa rnams ni mi ldan pa'o/ /de ltar na thob pa las bzlog pa ni ma thob pa yin no/ /de nyid kyi phyir so so'i skye bo nyid ni 'phags pa'i chos rnams kyi ma rnyed pa zhes bya'i mi ldan pa ni ma yin no/ / thob pa dang ma thob pa 'di dag gang dag gi yin zhes bya ba ni 'dus byas sam/ 'dus ma byas sam/ sems can du ston pa'am/ sems can du ston pa ma yin pa'am/ rang gi rgyud du gtogs pa'am/ gzhan gyi rgyud du gtogs pa ma yin pa zhig gis yin zhes bye brag tu ma byas par 'dri ba'o/ /re zhig 'dus byas kyi dbang du byas nas brjod par bya ste/ thob dang ma thob pa rang rgyud du gtogs pa rnams kyis so/ /'di rang rgyud du gtogs pa rnams kyi zhes nges par gzung gi/ gzhan gyi rgyud du gtogs pa rnams kyi yang ma yin la/ rgyud du ma gtogs pa rnams kyi yang ma yin no/ /de la rang rnams kyi zhes bya ba de tsam zhig smras na gos la sogs pa sems can du ston pa ma yin pa rnams dang ldan par 'gyur la/ rgyud du gtogs pa rnams kyi zhes brjod na gzhan gyi rgyud du gtogs pa rnams dang yang ldan par 'gyur te/ des na gnyi gar thal bar 'gyur ba spang ba'i phyir rang zhes bya ba dang rgyud du gtogs pa zhes bya ba smos so/ /skra la sogs pa dbang po gzugs can dang 'brel ba sems can du ston pa dang yang ma yin te/ phan pa dang gnod par 'gyur ba'i rjes su byed pa'i phyir te/ 'di ltar skra la sogs pa rnams la kha dog la sogs pa'i rnam par 'gyur ba mthong ngo / /gzhan gyi phung po la sogs pa rnams dang ni 'ga' yang ldan pa med do/ /de dag ldan na/ so so skye bo dang 'phags pa slob pa dang 'dod chags dang bral ba dang dge ba'i rtsa ba kun tu chad pa la sogs pa 'chol bar 'gyur ro/ /sems can du mi bgrang ba gos dang rgyan la sogs pa dag dang ni 'ga' yang ldan pa med de/ de'i phyir rgyud du ma gtogs pa rnams la thob pa med do/ /de la gzugs kyi phung po dang 'du byed kyi phung po dang thob pa gcig go/ /de bzhin du tshor ba la sogs pa'i phung po dang 'du byed kyi phung po dag dang mig gi skye mched dang chos kyi skye mched dang mig gi khams dang chos kyi khams dag kyang ngo zhes rgya cher brjod par bya'o/ /de bzhin du zag pa dang bcas pa dang zag pa med pa dag dang 'dus byas dang 'dus ma byas dag kyang thob pa gcig go zhes rig par bya'o/ /'dus ma byas rnams kyi zhes bya ba rgya cher 'byung ste/ so sor brtags dang so sor brtags pa ma yin pas 'gog pa dag kyang thob pa dang ma thob par 'gyur ro zhes ston par byed do/ /'gog pa rnams ni zag pa dang bcas pa'am zag pa med pa'i 'dus byas rnams 'gog pa la yod de/ ji ltar srid pa bzhin shes rab sngon du 'gro ba'am shes rab sngon du mi 'gro yang rung thob pa dang ma thob pa dag ma thob pa dag go/ /de nyid kyi phyir ro/ /nam mkha' dang ni gnyis ka yang ma yin te/ nam mkha' la ni 'ga' yang 'brel ba med do/ /dgag par bya ba dang 'gog pa 'ga' yang med pa'i phyir ro/ /gang zag gang zhig 'gog pa gang zhig dang ldan zhe na/ de'i phyir so sor brtags pa ma yin pas 'gog pa dang ni zhes bya ba la sogs pa smos te/ 'di nyid bstan pa'i phyir de nyid kyi phyir zhes bya ba rgya cher smos so/ /zag pa med pa nyid kyang 'di las gzhan lta ba dang srid pa goms pa bdag gir byas pa'i phyir ro/ /grag go pa'i sgra ni ldan pa rdzas su yod pa nyid mi 'thad pa'i phyir dang / 'gog pa gnyis kyang rdzas su yod pa nyid du ma gyur pas ma rangs par bstan pa'i phyir ro/ /so sor brtags pas 'gog pa dang ni zhes bya ba rgya cher 'byung ba la/ 'ching ba mtha' dag dang ldan pa yang de yin la skad cig ma dang po la gnas pa yang yin pas zhes tshig rnam par sbyar ro/ /de dag spangs pa gang dag la yod pa de rnams ni 'ching ba mtha' dag dang ldan pa skad cig dang po la gnas pa ma gtogs pa'o/ /de dag rnams gang dag cig ce na/ de'i phyir 'phags pa thams cad ces bya ba smos te/ skad cig ma dang po ni sdug bsngal la chos shes pa'i bzod pa ste/ 'ching ba mtha' dag dang mi ldan pa skad cig ma dang po la gnas pa dag dang / skad cig ma gnyis dag ni so sor brtags pas 'gog pa dang ldan pas 'ching ba mtha' dag dang ldan pa dang / skad cig ma dang po la gnas pa zhes gnyis ka smos so/ /sngar nyon mongs pa ma spangs pa skad cig ma dang po gnas pa ste/ 'phags pa yang 'ching ba mtha' dag dang mi ldan pa nyid do/ /so sor brtags pas 'gog pa dang zhes bya ste de'i phyir ni ma gtogs pa yin no/ /de las gzhan pa 'phags pa nyon mongs pa mtha' dag dang mi ldan pa skad cig ma dang po la gnas pa dang skad cig ma gnyis pa la sogs pa la gnas pa thams cad ldan pa yin no/ /so so skye bo kha cig kyang ldan pa yin no zhes bya ba ni/ gang dag 'jig rten pa'i lam gyi bral ba'i thob pa rnyed pa'o/ /nam mkha' dang ni 'ga' yang ldan pa med de 'brel ba med pa'i phyir ro/ /gang la thob pa yod pa ma yin pa de la ni ma thob pa yang med de bral ba ni ldan pa sngon du 'gro ba can yin pa'i phyir ro zhes kha cig go/ /de lta na thob pa rnams kho na la ma thob pa yod par 'gyur gyi ma thob pa rnams la ni ma yin te/ de'i phyir grub pa'i mtha' tshad mar byas pa nyid las 'dod pa yin no/ /gzhan gyi rgyud du gtogs pa dang / / sems can ma yin pa nam mkha' dang 'ga' yang ldan pa yin zhes bya ba dam bca' ba tsam ni rgol ba'i gzhi'o/ /ldan pa zhes bya ba rgyud dang tha mi dad par mngon du gyur pa'i chos de'i rigs rgyu dang 'bras bus bsdus pa ste rgyud ma yin pa ni ma yin no/ /'di sems can ma yin pa la sogs pa dang grangs rnams dang shin tu 'brel ba med pa rnams la rigs pa ma yin zhing / 'gog pa dag kyang rang gi rgyud du gtogs pa'i chos rnams la de bzhin no/ /gang zhig dam bca' ba tsam ni ma yin te/ ldan pa med pa de la ma thob pa yang med par 'gyur te/ yongs su mya ngan las 'das pa'i sems bzhin no zhes bya ba rtsod pa'i gzhi'o zhe na/ mya ngan las 'das pa ni ma thob par ma 'dod de/ gal te ma thob par gyur na thob par yang 'gyur ro/ /ma thob pa mi ldan pa'i phyir thob pa med do zhes rgya cher 'byung ngo / /dbang po las 'das pa'i don rtog pa ni lung ngam rigs pa zhig las 'gyur ba zhig na/ de la thob pa zhes bya ba chos gzhan yod do zhes bya bar ci lung las rtogs sam 'on te rigs pa las yin/ dngos po gzhan du gyur pa la log par rtog pas sa bon gyi bdag nyid yod do zhes smras par 'gyur ro/ /lung las nges so zhes bstan pa'i phyir mdo las zhes smos so/ /mdo las te zhes rgyas par 'byung ba la/ mi slob pa'i chos bcu ni mi slob pa'i 'phags pa'i lam yan lag brgyad dang / yang dag pa'i rnam par grol ba dang yang dag pa'i ye shes so/ /bskyed pa ni mngon du phyogs pa'o/ /so sor thob pa ni thog mar thob pa'o/ /kun tu ldan pa ni phyi nas thob pa'o/ /yan lag lnga spang ba zhes bya ba la tha ma'i cha dang mthun pa'i kun tu spyod pa lnga dag spang bar 'gyur zhing yongs su shes par 'gyur ba ste/ 'di lta ste/ gzugs kyi 'dod chags dang / gzugs med pa'i 'dod chags dang / rgod pa dang / nga rgyal dang / gti mug go/ /kha cig ni lnga par mtshungs pas lnga zhes bya'o zhes zer ro/ /gzhan dag ni gong ma'i cha dang mthun pa rnams 'dir bzung ste/ snga ma nyid slob pa'i gnas skabs su spangs pa'i phyir ro zhes zer ro/ /thob pa ni gang zhig yod na mngon du ma gyur pa yang chud mi za bar 'dra bar 'gyur ba'i chos zhig go/ /'dir shes par byed pa ni so sor thob pa kun tu ldan pas na zhes bya ba 'di yin no/ /gal te mdo las so sor thob pa dang kun tu ldan pa 'byung ba'i phyir chos thob pa gzhan yin na/ 'o na ni des na sems can du mi ston pa dag dang zhes bya ba rgya cher 'byung ste/ sems can gzhan dag dang sems can du mi ston pa dag dang ldan par rtog pa ni rigs pa med pa dang lung med pa yin no snyam du sems te 'dri ba ni ci'i phyir zhes bya ba'o/ /slob dpon gyis mdo las zhes bya ba rgyas par smos te/ 'di las kyang ldan pa zhes 'byung ba'i phyir dngos po gzhan dang ldan par 'gyur te/ de'i phyir sems can du ston pa ma yin pa dag sems can gzhan dag dang ldan par thal bar 'gyur ro/ /rin po che sna bdun ni/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / blon po rin po che'o/ /de la nor bu rin po che dang / 'khor lo rin po che ni sems can du mi ston pa'o/ /lhag ma lnga po rnams ni sems can du ston pa'o/ /phan tshun bgrangs pa de nyid kyi phyir dbang nyid dga' dgur byed pa'i phyir ro zhes bya ba la tshig phyi ma ni snga ma'i rnam par bshad pa yin no/ /dga' dgur byed pa ni 'dod pa'i rjes su byed pa yin no/ /der ni dbang ba nyid ces bya ba rgya cher 'byung ba la/ mdo gnyis su ldan pa'i sgrar khyad par med kyang gcig tu ni ldan par dbang ba nyid yin la/ gzhan du ni chos gzhan yin no zhes bya ba 'di ga las te/ ci rigs pa las sam 'on te mdo gzhan las yin/ slob dpon 'dus bzang na re/ gcig tu ni ldan pa dbang ba nyid yin la gzhan du ni chos gzhan yin no zhes bya ba 'di 'thad pa las yin no/ /de lta bu kho na la dbang ba nyid 'thad de/ de'i bdag po'i 'bras bu yin pa'i phyir dang / rtag tu de dang nye ba'i phyir dang / dge ba mngon du ma gyur pa dang / 'das pa dang ma 'ongs pa'i mi dge ba dag la ni 'thob pa ma gtogs pa'i dbang ba nyid gzhan ci zhig brtag ces zer ro/ /gang yang 'das pa dang ma 'ongs pa dngos po med pa'i zhes bya ba ste/ 'ga' zhig skal ba bskyed pa'i zhes bya ste/ mi 'dod pa thal bar 'gyur ba ma yin no/ /srid pa tha ma pa'i so so skye bo'i 'og tu sems can du 'thob pa dang / 'chi ba'i mtha'i sems kyi gnas skabs kyi dgra bcom pa'i zag pa med pa'i chos skyed pa la skal ba med pas dgra bcom pa nyid du thal ba dang / 'jig rten pa'i bzod gci gnas skabs su mthong bas spang bar bya ba'i nyon mongs pa skyed pa'i skal ba med pa nyid kyis rgyun tu zhugs pa la sogs par thal bar 'gyur ro zhes bya ba ni bstan bcos mdzad pa'i dgongs pa yongs su ma shes pa'i phyir 'di dag sgro btags pa nyid du mtshon no/ /de la 'khor los sgyur ba'i mdo bzhin du cig shos la yang dbang ba nyid ldan pa zhes mi brjod do/ /'o na ci ji ltar 'khor los sgyur ba'i mdor dbang ba nyid ldan pa chos gzhan ma yin pa kho na cig shos la yang 'di'i sa bon 'dzin pa dang ma nyams pa dang yongs su rgyas pa dang dbang ba nyid kyi dus la ldan pa'i sgras brjod de chos gzhan ma yin no/ /de ltar rnam par gzhag pa na gang zhig dbang ba nyid dang skal ba skyed pa la sgro btags pa'i skyon brjod pa ni ma 'brel ba'o/ /de lta na yang mi rung ba ci zhig yod ces bya ba 'byung ste/ ji ltar 'khor los sgyur ba'i mdor chos gzhan dang mi ldan pa'i phyir dbang ba nyid du rtog la/ de bzhin du cig shos su chos gzhan no zhes yongs su btags pa las/ gang las der ni ldan pa chos gzhan du mi 'dod par gyur pa rigs pa'am bstan bcos dang 'gal ba ci zhig yod/ 'gal ba 'di yod de rdzas kyi chos mi srid pa'o/ /rdzas kyi chos ni rang gi ngo bos mngon sum gyi tshad ma'i yul nyid yin pa'am/ 'bras bu'i sgo nas rjes su dpag pa'i yul nyid yin no/ /thob pa ni rang gi ngo bos snang ba yang ma yin te mngon sum gyi tshad mas ma dmigs pa'i phyir ro/ /gzugs dang sgra la sogs pa ltar ram/ 'dod chags dang zhe sdang la sogs pa ltar zhes bya ba ni chos mi mthun pa'i dpe ste gzugs la sogs pa rnams ni mig la sogs pa'i rnam par shes pa dag gis rang gi ngo bos dmigs la/ de'i mjug thogs su ni yid kyi rnam par shes pas dmigs so/ /'dod chags dang zhe sdang la sogs pa rnams ni yid kyi rnam par shes pa kho nas dmigs so/ /mig dang rna ba la sogs pa ltar bya ba yang mi snang ba zhes bya ba la/ mig la sogs pa rnams ni dbang po las 'das pa'i phyir mngon sum gyis rang gi ngo bo ma dmigs kyang 'bras bu las de gzugs la sogs pa las tha dad par yod pa nyid du rjes su dpag pa yin no/ /'di ltar gzugs dang ldan pa dang / yid la byed pa la sogs yod kyang long ba dang 'on pa la sogs pa rnams la mig la sogs pa'i rnam par shes pa mi skye la/ long ba la sogs pa dang bral na phyis skye ba yin no/ /de'i phyir gang la gnod pa byas pa dang / gnod pa ma byas pa las mig la sogs pa'i rnam par shes pa ma skye ba dang / slar skye bar 'gyur ba gzugs la sogs pa ma gtogs pa'i rgyu gzhan zhig yod do zhes bya bar nges so/ /thob pa ni rang gi ngo bo ma dmigs pas mngon sum ma yin la/ 'bras bu ma dmigs pas rjes su dpag pas gzung bar bya ba yang ma yin no/ /de'i phyir rdzas kyi chos mi srid pas mi rung ngo / /chos mthun pa'i dpe ni dmag la sogs pa rnams so/ /skye ba'i rgyu zhes bya ba la/ dngos po skye ba thob pa'i 'bras bus yin te/ de'i phyir rang gi ngo bo ma dmigs pa rnams kyang mig la sogs pa ltar 'bras bu la nges pas rdzas kyi chos las 'das pa med do zhe na/ 'dus ma byas kyis ma yin par 'gyur ro zhes bya ba la/ skye ba'i 'bras bu can yin pa'i phyir ro/ /de rnams la thob pa yod do zhes bya bar dngos po rnams kyi thob pa skye ba'i sgo nas rtog na ni/ 'dus ma byas la skye ba med pa'i phyir nam mkha' ltar thob pa'i rjes su dpag pa med pas 'dus ma byas kyis ma yin par 'gyur ro/ /chos gang dag ma thob pa rnams dang zhes bya ba rgya cher 'byung ste/ de la ma thob pa rnams ni sbyor ba las byung ba rnams dang / 'jig rten pa'i 'dod chags dang bral ba rnams so/ /sa 'phos pas btang ba dag ni/ nyon mongs pa can ma ma yin pa rnams te/ de dag kyang dge ba dang ma bsgribs la lung du ma bstan pa rnams so/ /'dod chags dang bral bas btang ba ni nyon mongs pa can rnams te/ de dag kyang mi dge ba dang bsgribs pa rnams so/ /skye ba'i rgyu thob pa med pa'i phyir/ de dag ji ltar skye bar 'gyur te/ gang gi tshe sa gong ma nas 'chi 'phos nas sa 'og mar skye ba'am/ de las 'dod chags dang bral ba las yongs su nyams pa de'i tshe/ thob pa med pas sa 'og ma'i chos rnams skye bar mi 'gyur la/ thob pa lhan cig skye ba yin pa'i phyir ma bsgribs la lung du ma bstan pa rnams kyang skye bar mi 'gyur ro/ /de'i phyir thob pa med kyang skye ba mthong ba'i phyir 'bras bu ma yin no/ /de'i phyir 'bras bu med pa'i phyir thob pa rjes su dpag pas gzung bar bya ba ma yin pas rdzas kyi chos mi srid pa so na 'dug go/ /'on te lhan cig skyes pa'i thob pa'i rgyu can yin zhe na zhes bya ba la ma thob pa la sogs pa'i chos gang dag yin pa de dag la sngar skyes pa'i thob pa med mod kyi lhan cig skyes pa ni yod de/ de'i phyir de dag gi skye ba ni ma bsgribs la lung du ma bstan pa ltar lhan cig skyes pa'i thob pa'i rgyu can yin te/ de'i phyir de dag kyang skye ba mthong ba zhes bya ba ni mi rigs par smras pa yin no zhe na/ de'i tshe skye ba'am zhes bya ba 'byung ste/ gal te chos lhan cig skyes pa'i rgyu can yin na ni de'i tshe skye ba ci zhig byed par 'gyur ro/ /gang gi phyir skye ba'i 'bras bus thun mongs yin pa ni bskyed pa kho na yin no/ /gal te thob pa skyed par byed pa yin na ni de'i tshe skye ba ci zhig byed par 'gyur te/ gnas pa la sogs pa ltar de la byed pa gzhan med pa'i phyir ro/ /des na de yongs su brtags pa don med par 'gyur la/ yang na chos rnams lhan cig skyes pa'i thob pa'i rgyu can yin no zhes bya ba khas blangs par mi bya'o/ /ci ste skye ba don med par 'gyur du 'ong bas de'i tshe na thob pas skye ba skyed par byed la/ skye bas chos skyed par byed do zhes bya ba de ltar 'dod do snyam na/ de'i phyir skye ba'i skye ba zhes bya ba smos te/ 'dir yang skye ba bzhin du brjod par bya'o/ /yang na gal te thob pa'i chos skyed pa de ltar na skye ba'i thob pa yang skye bas skyed ces pa'i 'thad pa brjod par bya dgos te de ni skye bas ci zhig byed par 'gyur/ skye ba nyid la chos mi mthun pa mngon par skye bas skyed pa de nyid kyis thob pa de skye na/ de ni skye bas ci zhig byed skye ba'i skye ba yang zhes brjod par bya dgos so/ /'ching ba mtha' dag dang ldan pa zhes rgya cher 'byung ba la/ 'ching ba mtha' dag dang ldan pa zhes bya ba ni gang dag gis nyon mongs pa'i rnam pa gcig kyang ma spangs pa'o/ /gang gi phyir thob pa dang ldan pa'i khyad par thob pa la khyad par med pa de'i phyir 'ching ba mtha' dag dang ldan pa rnams kyis nyon mongs pa chung ngu dang 'bring dang chen po skye ba khyad par du mi 'gyur te/ de'i rgyur 'gyur ba'i thob pa la bye brag med pa'i phyir ro/ / gzhan dag na de ni rgyud gzhan la bltos na thob pa bye brag med pa'i phyir ro/ /'di ltar 'ching ba mtha' dag dang ldan pa thams cad kyi thob pa rnams mtshungs te/ nyon mongs pa chung ngu'i chung ngu rnams kyis thob pa chung ngu'i chung ngu yin pa nas chen po'i chen po rnams kyis thob pa chen po'i chen po'i bar yin pas/ thams cad kyis thob pa bye brag med kyang / lhas byin la sogs pa rnams kyi nyon mongs pa chung ngu dang / 'bring dang / chen po skye ba'i khyad par du ma la 'gyur te/ rgyu la bye brag med na 'bras bu'i bye brag mi rigs so zhes zer ro/ /'ching ba mtha' dag dang ldan pa smos pa ni 'ching ba dang bral ba rnams la chung ngu la sogs pa'i khyad par du nyon mongs pa skye ba'i go skabs yod par bstan pa'i phyir ro/ /ci ste thob pa la bye brag med kyang goms pa la sogs pa rgyu mtshan gzhan las nyon mongs pa skye ba khyad par du 'gyur bas nyes pa 'di med snyam na/ de'i phyir de las de dag gi bye brag tu 'gyur na ni zhes bya ba smos so/ /goms pa'am gzhan las chung ngu dang 'bring dang chen po'i bdag nyid can du 'gyur ba de kho na las de dag skye la rag ste/ rgyu gzhan gang zhig las nyon mongs pa'i khyad par yongs su brtags pa de kho nas nyon mongs pa rnams chung ngu dang 'bring dang chen po nyid du skye la rag mod/ thob pa don gzhan du gyur pa yongs su brtags pa ci dgos/ de skad dus su zer zhes bya ba rgyas par 'byung ste/ rnam par gzhag pa ni nges pa'i rgyu zhes bya ba'i don no/ /re zhig so so skye bo rnams ni 'jig rten pa'i yid dang ldan pa dang / 'phags pa rnams ni zag pa med pa'i lam mngon du gyur pa'i tshe 'jig rten las 'das par 'gyur bas de'i phyir 'jig rten pa'i yid dang ldan pa smos so/ /yid ni yid nyid do/ /lam mngon sum du gyur pa'i tshe ni thob pa med par 'phags pa dang so so skye bo'i rnam par gzhag par bya bar nus te/ lam nyid rnam par gzhag pa'i rgyu yin pa'i phyir ro/ /'jig rten pa'i yid dang ldan pa rnams la ni thob pa med par 'di dag ni 'phags pa rnams so/ /'di dag ni so so skye bo rnams so zhes bya bar rnam par gzhag par mi 'gyur na/ 'dod pa yang ma yin te/ de'i phyir zag pa med pa'i lam gyi thob pa yod pa dang / de med pa ni 'phags pa dang so so skye bo rnam par gzhag pa'i rgyu yin no zhes bya bar nges so/ /slob dpon 'dus bzang na re/ rdzas kyi chos mi srid pas mi rung ngo zhes bya ba ni yod pa ma yin te/ thob pa ni chos thob zin pa chud mi za ba'i rgyu yin pa'i phyir dang / thob pa 'di ni 'di'o zhes shes pa'i rtags mtshan yin pa'i phyir ro/ /ci 'o na 'di las gzhan ma yin pa dang 'bras bu yod pa zhes bya bar rnam par gzhag pa'i rgyu zhes bya bar ming gzhan gyis brjod ce na/ chud mi za ba'i rgyu zhes bya ba gzhan ma yin pa shes pa'i rtags mtshan du gyur pa yang mi rigs te/ thob pa mngon sum ma yin pa'i phyir ro/ /'on te sangs rgyas rnams kyis zhe na sangs rgyas rnams kyis yang ma yin te rjes su dpag pa can nyid du thal ba'i phyir ro/ /rang bzhin dang 'bras bu nges par gzung bas de yod pa nyid du 'thad pa yang ma yin no/ / gal te thob pa mi 'dod na 'o na 'phags pa dang so so'i skye bo rnam par gzhag pa dang / thob pa'i chos chud mi za ba dang / 'di ni 'di'o zhes bya bar shes pa yang ci zhig las yin zhe na/ de nyid kyi phyir de ni nyon mongs pa spangs pa dang ma spangs pa nyid kyi bye brag las 'gyur bar 'os so zhes smos te/ nyon mongs pa spangs pa dang ma spangs pa dag gi dngos po ni nyon mongs pa spangs pa dang ma spangs pa nyid de de nyid bye brag yin no/ /de la nyon mongs pa spangs pa nyid ni nyon mongs pa'i sa bon rtsa ba nas bton pa las nyon mongs pa rnams kyang mi skye ba'o/ /nyon mongs pa ma spangs pa nyid ni nyon mongs pa'i sa bon rtsa ba nas ma bton pa las nyon mongs pa yang skye ba srid pa'o/ /de ltar na 'jig rten pa'i yid dang ldan pa yin yang gang la sa bon med pas nyon mongs pa nam yang mi skye ba'i chos can yin pa de dag ni 'phags pa yin la/ gang dag la sa bon rgyun ma bcad pas kyang skye bar 'gyur ba de dag ni so so'i skye bo yin pas rnam par gzhag pa grub po/ /thob pa ni 'dir sa bon kho na'o/ /de'i phyir thob pa chud mi za ba yang sa bon nyid de de'i zhes bya ba shes pa'o/ /'di nyid du yang ji ltar 'gyur zhes bya ba la sogs pa la/ 'di ltar 'phags pa dang so so skye bo rnams las gang las 'di dag ni nyon mongs pa spangs pa'o/ /'di dag ni nyon mongs pa ma spangs pa'o zhes bya bar rtogs par 'gyur ba nyon mongs pa spangs pa dang ma spangs pa'i rtags mtshan cung zad kyang med de/ de'i phyir nyon mongs pa spangs pa dang ma spangs pa nyid du mi rtogs pa'i phyir/ 'di dag ni 'jig rten pa'i yid dang ldan pa'i 'phags pa'o/ /'di dag so so skye bo zhes bya ba'i rnam par gzhag pa med pa so na 'dug go/ /thob pa yod na ni 'di dag ni nyon mongs pa spangs pa'o/ /'di dag ni nyon mongs pa ma spangs pa'o zhes bya ba 'di 'grub par 'gyur ro/ /ji ltar zhe na/ de'i phyir/ de dang bral ba dang ma bral ba las zhes smos te/ gang dag gi rgyud la nyon mongs pa'i thob pa rnams dang mi ldan pa dang / rnam par chad pa de dag ni nyon mongs pa spangs pa'o/ /gang dag gi rgyud la ma bral ba dang rgyun ma chad pa de dag nyon mongs pa ma spangs pa'o/ /so so skye bo kha cig kyang 'phags pa dang nyon mongs pa'i thob pa chad par mtshungs pa ma yin nam/ de la ci ltar na lam gyis chad pas 'phags pa dang so so skye bor rnam par gzhag ce na/ zag pa dang bcas pa dang zag pa med pa'i lam gyis rnam par chad pa'i phyir ro/ de yang ji ltar shes par bya zhe na/ zag pa dang bcas pa dang zag pa med pa'i bral ba'i thob pa tha dad pa'i phyir ro/ /'di ni rten gyi bye brag las grub par 'gyur te zhes bya ni/ 'di dag ni nyon mongs pa spangs pa'o/ /'di dag ni nyon mongs pa ma spangs pa'o zhes bya ba'o/ /'dir rten ni phung po lnga'o/ /gzhan dag na re sems dang sems las byung ba'i bdag nyid do zhes zer ro/ /'phags pa dang so so skye bo dag dang / nyon mongs pa spangs pa dang ma spangs pa dag gi rten gyi bye brag bstan pa'i phyir/ 'phags pa rnams kyis gnas ni zhes rgya cher smos so/ /'phags pa'i lam ma skyes pa'i rten ni mthong ba dang bsgom pas spang bar bya ba'i nyon mongs pa'i sa bon dang / rjes su 'brel ba'i rten gzhan gyi rgyur 'gyur bas gnas skabs der ni so so skye bo zhes bya ste/ khams gsum pa'i nyon mongs pa ma lus pa'i sa bon dang rjes su 'brel pa'i skad cig gzhan skyed par byed pa yin pa'i phyir ro/ /nyon mongs pa'i gnyen po ni mthong ba'i lam mam bsgom pa'i lam mngon du gyur la/ de mngon du gyur na rten de dag gi spang bar bya ba'i nyon mongs pa'i sa bon dang rjes su 'brel ba'i skad cig ma gzhan gyi rgyu ma yin te de skye ba dang 'gal ba'i rkyen thob pa'i phyir ro/ /spang bar bya ba'i nyon mongs pa'i sa bon mi ldog pa'i bdag nyid kho na bar ma chad du de skye ba dang rjes su mthun pa'i rkyen thob pas rgyu'i ngo bo ste 'das pa yang ngo / /de'i phyir rten des mthong ba dang bsgom pas spang bar bya ba'i nyon mongs pa rnams kyang bskyed par mi nus te/ sa bon med pa'i phyir ro/ /sa bon med pa rnams ni skye bar mi rigs te ha cang thal ba'i phyir ro/ /de nyid kyi phyir nyon mongs pa'i sa bon rgyun chad pa las mthong ba dang bsgom pa'i lam gyi mthus ji ltar de dag gi spang bar bya ba'i nyon mongs pa rnams kyang 'byung bar mi 'gyur to/ /de ltar gyur pa yin te zhes bya ba smos te/ rten de la sa bon drungs phyung ba'i phyir ro/ /de'i phyir rten 'bru mes tshig pa bzhin du zhes bya ba la sogs pa smos te/ 'bru mes tshig pa las myu gu bskyed pa'i sa bon med pas rten de yang myu gu mi skyed pas sa bon du ma gyur pa de bzhin du rten lam gyi mes tshig cing nyon mongs pa rnams kyi sa bon du ma gyur pas na nyon mongs pa spangs pa zhes bya'o/ /de lta na 'o na 'jig rten pa'i 'dod chags dang bral bas nyon mongs pa spangs par mi 'gyur te/ 'jig rten pa'i lam gyis nyon mongs pa'i sa bon rgyun mi gcod pa'i phyir ro zhe na/ de'i phyir rten pa 'jig rten pa'i lam gyis nyon mongs pa rnams kyi sa bon gyi dngos po nyams par byas na nyon mongs pa spangs pa zhes bya'o/ /bzlog pa ni spangs pa ma yin pa zhes bya ba la/ 'phags pa dang 'phags pa ma yin pa'i lam dag gis rten ma tshig cing sa bon gyi dngos po nyams par ma byas na nyon mongs pa ma spangs pa zhes bya'o/ /rten la rtsa nas ma bton pa dang / nyams par ma byas pa'i sa bon yod pas gang ma spangs pa de dang ni ldan no/ /rten las sa bon rtsa nas bton pa'i phyir ram/ sa bon nyams par byas pa'i phyir gang spangs pa de dang ni mi ldan no/ /de ltar 'jig rten pa'i yid dang ldan pa nyid du khyad par med kyang rten la sa bon rtsa nas bton pa dang / rtsa nas ma bton pa'i phyir 'phags pa dang so so skye bor rnam par bzhag la/ sa bon nyams par byas pa dang ma byas pa'i phyir 'jig rten pa'i 'dod chags dang bral ba dang / 'dod chags dang bral ba ma yin pa zhes bya bar rnam par gzhag go zhes bya bar gdams te/ sa bon rgyun chad pa dang nyams par byas pa'i phyir dang rgyun ma chad pa dang nyams par ma byas pa'i phyir tha snyad gdags so zhes bya ba'i tha tshig go/ /ldan pa 'di ni gang zag la ste/ dge ba'i chos rnams dang mi dge ba'i chos rnams kyang zhes mdo las 'byung ba'i phyir ro/ /chos nyon mongs pa can rnams kyi ldan pa dang mi ldan pa'i tha snyad brjod pa'i mjug thogs su dge ba rnams kyis brjod par bya ba yin pas/ de'i phyir dge ba'i chos rnams kyang rnam pa gnyis te zhes bya ba rgyas par smos so/ /ma 'bad par skye ba rnams ni 'bad pa la mi bltos pa rnams te/ gang dag skyes pa tsam gyis thob pa'o/ /'bad de skye ba rnams ni gang dag skye ba la mi bltos par sbyor ba'i khyad par gyis 'thob pa'o/ /de nyid kyi phyir gang dag skye bas zhes bya ba rgyas par smos te/ gang dag skyes pa nyid kyis 'thob kyi 'bad rtsol gzhan la mi bltos pa de dag ni skye bas 'thob pa rnams so/ /'dir skye ba ni ci rigs par srid pa bar mar nying mtshams sbyor ba dang / skye ba'i srid par nying mtshams sbyor ba'o/ /gang dag sbyor ba'i khyad par la rag las te skye ba de dag ni sbyor ba las byung ba'o/ /de dag gis sa bon gyi dngos po nyams par ma byas pa'i phyir zhes bya ba la de dag gi sgra ni ma 'bad par skye ba dang sbyar ro/ /dge ba'i rtsa ba kun tu ma chad pa rnams la ni log par lta ba med pa'i phyir de dag gis sa bon gyi dngos po nyams par ma byas pas ma 'bad par skyes pa rnams dang ni dge ba'i rtsa ba kun tu ma chad par ldan no zhes bya'o/ /sa bon gyi dngos po de gang dag gis nyams par byed ce na/ de'i phyir de nyams pa yang zhes bya ba la sogs pa smos so/ /dge ba'i chos rnams kyi rtsa ba gtan du yang dag par bcom pa ma yin no zhes bya bar ji ltar rtogs she na/ yang dge ba'i rtsa ba nying mtshams sbyor ba'i phyir dang sa bon kun tu chad pa rnams yang 'byung ba'i phyir ro/ /mdo las kyang dge slong dag lhas byin gyis dge ba'i rtsa ba rnams nying mtshams sbyor ba nyid ces gsungs so/ /gang yang ji skad du dge slong dag gang ngas lhas byin gyi rgyud la dge ba'i chos skra'i rtse mo tsam yang ma gzigs te/ lhas byin de ngas dge ba'i rtsa ba kun tu chad pa sdig pa can du lung bstan to zhes gsungs so/ /de bzhin du gang zag de la dge ba'i chos rnams mi mngon par 'gyur ro/ /mi dge ba'i chos rnams skye bar 'gyur ro/ /de la dag pa'i rtsa ba kun tu chad pa rdul dang mnyam pa zhig yod de/ de'i de yang dus gzhan du thams cad kyi thams cad du 'chad par 'gyur ro zhes gsungs she na/ de ni rnam pa thams cad du mngon du mi rgyu ba'i dngos po med pa'i dbang du mdzad nas gsungs par rig par bya'o/ /gang dag 'bad de skye ba ni zhes bya ba rgyas par 'byung ste skye ba'i dbang nyid do/ /de yang ci zhig ce na/ de las skyes shing de'i rgyur gyur pa'i nus pa'i khyad par zhig ste de la thogs pa med pa'i phyir te/ gegs ma byas pa'i phyir de dag dang ldan no/ /de'i phyir 'dir sa bon kho na rtsa nas bton pa zhes bya ba rgyas par 'byung ste/ de la rtsa nas ma bton pa ni 'jig rten las 'das pa'i lam gyis nyon mongs pa can rnams kyi sa bon no/ /nyams par ma byas pa ni 'jig rten pa'i lam gyis de dag nyid kyi sa bon dang log par lta ba kun tu mi rgyu ba las dge ba skyes nas thob pa rnams kyi sa bon no/ /dbang ba'i dus na rgyas par gyur pa ni zhes bya ba ni 'bad de skye ba'i ste sa bon zhes bya ba'i skabs yin no/ /rgyas par gyur pa ni rigs par brtson pas yang dang yang du bskyed pa las so/ /thogs pa ni skyed par byed pa'i phyir mi brtson pa'am/ log par brtson pa la sogs pa la sa bon zhes bya ba ni ci zhig yin zhes bya ba ni de'i rang gi ngo bos nges par ma zin pa'i phyir 'dri ba'o/ /'bras bu bskyed par bya ba la zhes bya la sogs pa la/ 'bras bu ni dge ba dang / mi dge ba dang / lung du ma bstan pa'i chos rnams te/ de la bskyed par bya ba la nus pa'i ming dang gzugs gang yin pa de ni de dag gi sa bon no zhes bya'o/ /mngon sum mam brgyud pas zhes bya ba la/ mngon sum ni bar med pa'o/ /brgyud pa ni rgyun tu gtogs pa'i skad cig gzhan gyis bar chod pa'o/ /yongs su 'gyur ba gzhan las khyad par du gyur pa ni 'gyur ba'i bye brag go/ /de ni 'bras bu bskyed par byed pa'i nus pa zhig ste gang gi mjug thogs su 'bras bu skye ba'o/ /grangs can pa'i 'gyur ba las rnam par dbye bar bya ba'i phyir/ /'gyur ba zhes bya ba 'di ci yin zhes bya ba smos so/ /de nyid kyi phyir rgyud gzhan nyid du 'gyur ba'i zhes bya ba smos te/ rgyud tha dad pa'i rgyu las mi 'dra ba'i 'bras bu 'byung ba zhes bya ba'i don to/ /rgyud ces bya ba 'di yang ci zhig yin zhes bya ba ni dngos po rnams kyis rnam par gzhag pa ni gnyis te/ don dam pa dang / btags pa'o/ /de la gal te don dam pa rgyud du 'don na ni/ de lta na grangs can pa rnams dang khyad par med de/ de dag gi ltar na yang rnam par gnas pa'i rdzas kyi gzhan du 'gyur ba nyid 'gyur ba yin no/ /'on te btags par 'dod pa yin na ni/ ji ltar de bzhin gyur pa nyid yin no snyam du shes par 'dod pas 'dri ba'o/ /'du byed dus gsum rgyu dang 'bras bur gyur pa rnams so zhes gnyis ka smos pa ni lhan cig skyes pa rnams kyang rgyu dang 'bras bu'i dngos po yin pa'i phyir dang / rgyu dang 'bras bur ma gyur pa rnams kyang dus gsum pa yin pa'i phyir ro/ /de ltar na 'du byed rgyun ma chad par 'jug pa rnams rgyud yin no zhes bstan par 'gyur te/ rgyud kyi nye bar phan par gyur pa'i 'du byed rnams snga ma dang phyi mar mi 'dra bar skye ba ni rgyud gzhan du gyur pa nyid do zhes bya'o/ /gang la tshogs pa dang ldan pa zhes bya ba rgya cher 'byung ste/ gal te de la tshogs pa'i sa bon kho na rtsa nas ma bton pa dang / nyams par ma byas pa ni ldan pa'o zhes bya ba ni nam yang dran pa nye bar gzhag pa dag bsgom par mi nus par 'gyur zhing / de'i phyir a d+hi [(]lhag par gnas pa'o/ /[)]bA sa na ma Ni rA ka ra na me ba/[ (]nor bu'i 'byung gnas nyid do/ /[)]de la tshogs pa dang ldan no/ /de ltar sgras gsungs so zhes bya bar shes so/ /de ltar na zhes bya ba rgya cher 'byung ste/ gal te skye ba'i rgyu'am rnam par gzhag pa'i rgyu yang rung ste/ rnam pa thams cad de rnam pa kun tu btags pa'i chos te btags pa'i tha snyad kyis rnam par gzhag ces bya ba'i don to/ /sngar bshad pa'i rgyus rdzas kyi chos ni ma yin no/ /phyis ni dgag ste mi ldan pa zhes bya'o/ /gang sa bon dang ldan pa'i sgras brjod pa de dgag pa'o/ /slob dpon 'dus bzang na re/ ming dang gzugs mtha' dag ma yin zhing re re ma yin par rigs mthun pa'i sa bon gyi ngo bor mi rung ste/ ci'i phyir zhe na/ btags pa'i rdzas su yod pas de'i phyir sa bon du mi rigs so/ /gal te re re la yin na lung du ma bstan pa'i gzugs dge ba'i chos rnams kyi sa bon du ji ltar 'gyur/ rigs mthun pa'i ma yin yang dge ba'i mjug thogs su dge ba skyed pa'i sa bon med pa nyid du thal bar 'gyur ba'i phyir ro zhes zer ro/ /'di yang thams cad ma 'brel ba ste/ rgyu'i rkyen rnams ni 'bras bu mtha' dag bskyed pa la rgyu yin pas/ cis de dag btags par yod/ mig gi rnam par shes pa la sogs pa rnams kyang dbang po'i rdul phra rab mang po la brten pa yin pas/ cis de dag btags par yod/ lung du ma bstan pa yang dge ba dang mi dge ba rnams kyi sa bon nyid du mi 'dod pa nyid do/ /de ma yin na gzhan du lung ma bstan gyi rnam par shes pa las dge ba dang mi dge bar mi 'gyur ro zhe na rigs mthun pa nyid la yang nus pa'i sgo nas rgyu dang 'bras bu'i ngo bor rnam par gzhag gi/ dge ba la sogs pa'i ngo bos ni ma yin no/ /gal te yang ming dang gzugs thams cad phan tshun bltos pas sa bon du brjod na zhes pa cir 'gyur/ 'on kyang ming dang gzugs nyid ji ltar sred pa bzhin 'dus byas kyi chos rnams kyi sa bon gyi gzhan ni ma yin no/ /bstan bcos mdzad pa'i dgongs pa yongs su ma shes pa'i phyir 'di la ston gyi tshogs nye bar gnas so/ / bshad pa de lta mod kyi nus pa'i khyad par de las dge ba'am mi dge ba las spyi don gzhan ma yin pa zhes bya ba 'di yang mi rigs te/ dri ba mi 'thad pa'i phyir ro/ /gang bshad pa nyid kyi ming dang gzugs ni 'bras bu bskyed pa'i nus pa ste/ sa bon las nus pa gzhan ma yin no/ /ji skad bshad pa sems snga ma dang lhan cig skyes pa'i sems pa'i khyad par las nus pa'i khyad par gyi sems skye'o/ /de yang sa bon ni nus pa'i khyad par la mi brjod kyi/ rgyud yongs su 'gyur ba'i khyad par las 'bras bu bskyed par 'gyur ba'o/ /de la gzhan nus pa'i khyad par dang sems gzhan ni ma yin no/ /'o na ci zhe na/ sems pa dang lhan cig pa'i sems kyi skad cig go/ /sems pa'i khyad par gyi stobs bskyed pas khyad par du gyur pa ni 'bras bu bskyed pa'i nus pa ste sems gzhan gyi rgyur 'gyur ro/ /de ni thob pa'i khyad par gyi chos bstan pa'i phyir zhes grag ste zhes bya ba rgyas par 'byung ba la/ grag go zhes pa ni thob pa'i khyad par sems pa ni/ ri bong gi rwa'i rna ba la brtags pa bzhin te/ de'i rten med pa'i phyir ro zhes ma rangs par mtshon pa'i don no/ /thob pa'i rgyun la bltos te/ 'das pa la sogs pa rnams re re la yang thob pa gsum gsum mo/ /bshad pa 'di ni dmigs kyis bsal ba dang bcas pa zhig ste/ lung bstan min thob lhan cig skyes/ /zhes 'byung ba'i phyir ro/ /ji ltar zhe na 'das pa rnams kyi sngar skyes pa dang lhan cig skyes pa dang dus phyis skyes pa'i thob pa ste/ de yang skyes la 'gags pa ni 'das pa'o/ /skyes la ma 'gags pa ni da ltar ba'o/ /dus phyis skyes pa ni ma 'ongs pa'o/ /da ltar byung ba rnams kyi sngar skyes pa ni 'das pa'o/ /lhan cig skyes pa ni da ltar ba'o/ /dus phyis skyes pa ni ma 'ongs pa'o/ /ma 'ongs pa skyes pa rnams kyi yang skyes la 'gags pa ni 'das pa'o/ /skyes la ma 'gags pa ni da ltar byung ba'o/ /ma skyes pa ni ma 'ongs pa ste/ de ltar na sngar skyes pa dang lhan cig skyes pa dang dus phyis skyes pa zhes bya ba rnam pa gsum gsum mo zhes kha cig go/ /skye ba med pa'i chos rnams la de ltar rnam pa gsum du mi 'gyur ro/ /ci ste khams gong ma nas shi 'phos te skye ba na nyon mongs pa gang zhig mngon du gyur nas lhan cig skyes pa thob ce na/ dge ba gzhan dang nyon mongs pa can rang gi sa pa sngar ldang ngo / /gang gi tshe 'dod pa'i khams la 'dod chags dang bral ba bsam gtan dang por skye ba de'i tshe bsam gtan gyi yon tan las byung ba 'das pa dang ma 'ongs pa'i thob pa rnams skye'o/ /dge ba la sogs kyi zhes bya ba la sogs pa la/ de ni dge ba la sogs pa re re la yang dge ba la sogs pa yin par 'gyur na ni mi rung ba de'i phyir go rims bzhin du zhes bya ba smos so/ /yang ci'i phyir thob pa chos dang 'dra bar rnam par gzhag gi/ de lta ma yin par chos las bzlog ste ma yin zhe na/ 'dod chags dang bral ba mi dge ba'i chos rnams dang ldan pa dang / dge ba'i rtsa ba kun tu chad pa dge ba'i chos rnams dang ldan pa thal bar 'gyur te/ de ltar na 'o na thams cad du lung du ma bstan pa yin par 'gyur ro zhe na/ de ni de lta ma yin te/ /lung du ma bstan pa'i chos ltar gzhan dag tu yang 'dra ba nyid thal bar 'gyur ro/ /lung du ma bstan pa yin pa'i phyir chos nyon mongs pa can rnams kyi thob pa lam dang mi 'gal bar 'gyur ro/ /de'i phyir nyon mongs pa rnams kyi rang gi ngo bo spangs pa ma yin pas chos dang 'dra ba kho nar 'dod do/ /der gtogs rnams kyi rang khams pa/ /zhes bya ba la/ ldan pa ni ldan pa can la rag las pas khams gzhan pa rnams kyi thob pa ni khams gzhan pa ma yin no/ /de la re zhig 'dod pa'i khams su yang skyes pa'i 'dod pa na spyod pa rnams kyis ni 'dod pa rnams na spyod pa'o/ /gzugs dang gzugs med pa na spyod pa rnams kyis ni gzugs dang gzugs med pa na spyod pa'o/ /gzugs kyi khams su skyes pa'i gzugs na spyod pa rnams kyis ni gzugs na spyod pa yin la/ 'dod par gtogs pa sprul pa'i sems kyis ni 'dod pa na spyod pa'o/ /gzugs med pa na spyod pa nyon mongs pa can rnams kyis ni gzugs med pa na spyod pa'o/ /gzugs med pa'i khams su skyes pa'i gzugs med pa'i khams na spyod pa rnams kyis ni gzugs med pa'i khams pa kho na'o/ /ma gtogs rnams kyi rnam pa bzhi/ /zhes bya ba la zag pa med pa rnams ni 'dod pa dang gzugs dang / gzugs med pa'i sred pas bdag gir ma byas pa'i phyir ma gtogs pa rnams so/ /de la so sor brtags pa ma yin pa'i 'gog pa'i ni khams gsum pa'i yin no zhes bya ba la/ de ni khams gsum pa'i rkyen ma tshang bas thob par bya ba yin pa'i phyir dang / skye ba'i dbang gis khams gsum pa nyid yin gyi/ gang dag gi rkyen ma tshang bar 'gyur ba chos kyi dbang gis ni ma yin te/ gzhan du na lam gyi bden pas bsdus pa'i chos rnams kyis so sor brtags pas 'gog pa mi ldan par 'gyur ro/ /so sor brtags pas 'gog pa'i zhes bya ba la sogs pa la/ gzugs na spyod pa'i lam gyis thob pa'i ni gzugs na spyod pa yin la/ gzugs med pa na spyod pa'i lam gyis thob pa'i ni gzugs med pa na spyod pa ste/ 'di ni 'phags pa ma yin pa'i 'dod chags dang bral ba la nges pa'o/ /'jig rten pas ni 'phags pa 'dod chags dang bral ba'i zag pa dang bcas pa dang / zag pa med pa yang yin no/ /zag pa med pas thob pa'i ni zag pa med pa'o/ /'dod pa'i khams kyis ni gnyen po nyid kyi phyir 'dod pa na spyod pa'i bral ba'i thob pa med do/ /lam gyi bden pa'i ni zag pa med pa nyid de zhes bya ba la/ de ni lam gzhan du ma gtogs pa yin pa'i phyir na chos kyi dbang kho nas thob pa nges pa yin no/ /so sor brtags pa'i 'gog pa'i thob pa ra sa ti lam 'dus byas kyi mtshan nyid la ci ltar zag pa med pa zhes bya ba rgol ba'i gzhi'o/ /zag pa med pa'i lam 'dus byas zhes bya ba la/ grub pa'i mtha' las so sor brtags pa ma yin pa'i 'gog pa'i thob pa la lam gyi mtshan nyid kyi ngo bo med do/ /so sor brtags pa ma yin pa'i 'gog pa la yang ji ltar zag pa dang bcas pa dang zag pa med pa rnams kyis zag pa med pa rnams kyang zag pa med pa'i gzhi zhes bya ba rgol ba'i gzhi'o/ /zag pa med pa mngon du gyur pa'i thob pa so sor brtags pa ma yin pa'i 'gog pa'am/ zag pa med pa so sor brtags pa ma yin pa'i thob pa dag la zag pa med pa'i bya ba 'ga' yang yod pa ma yin no/ /rgyu'i ngo bor khas blangs pa'i tshul gyis so sor brtags pa'i 'gog pa'i thob pa ji lta ba bzhin no zhes bya ba 'di ni 'brel med do/ /slob pa'i gang zag gi ni zag pa med pa'i chos rnams so/ /mi slob pa'i ni mi slob pa rnams so/ /de la re zhig slob pa'i chos rnams kyi thob pa ni slob pa'i lam gyis bsdus pa'i phyir slob pa kho na yin no/ /de bzhin du mi slob pa'i rnams kyang rig par bya'o/ /zag pa dang bcas pa'i chos rnams dang / 'dus ma byas rnams ni slob pa dang mi slob pa'i lam gyis ma bsdus pa'i phyir slob pa yang ma yin mi slob pa yang ma yin pa rnams so/ /re zhig zag pa dang bcas pa rnams kyi thob pa ni slob pa dang mi slob pa mi srid pas slob pa yang ma yin mi slob pa yang ma yin no/ /'dus ma byas kyis ni 'ga' zhig slob pa yang ma yin mi slob pa yang ma yin la/ gang zhig gi ni rnam pa gsum yin pas de'i phyir so sor brtags pa ma yin pas zhes bya ba smos te/ slob pa yang ma yin mi slob pa yang ma yin no zhes bya bar sbyar ro/ /'phags pa ma yin pas thob pa zhes bya ba la sogs pa la 'phags pa ma yin pa'i lam gyi thob pa so sor brtags pas 'gog pa thob pa ni zag pa dang bcas pa'i lam gyis bsdus pa'i phyir slob pa yang ma yin mi slob pa yang ma yin no/ /dang gi sgra ni skabs su bab pa rjes su drang ba'i don no/ /slob pa'i lam gyis bsdus pa'i phyir slob pa'i lam gyis thob pa'i thob pa ni slob pa'o/ /de bzhin du mi slob pa yang rig par bya'o/ /bar chad med pa dang rnam par grol ba'i lam dag ni zad pa'i thob pa 'dren par byed pa dang / rten du gyur pa'i phyir zad pa shes pa la sogs pa la 'gog pa thob par byed pa'i nus pa yod pas/ de'i phyir mi slob pa'i lam gyis thob pa'i ni mi slob pa'o zhes bya ba smos so/ /mthong ba dang bsgom pas spang bar bya ba kho na yin no zhes bya ba 'byung ste/ mthong ba dang bsgom pas spang bar bya ba rnams kyis thob pa ni chos kyi dbang gis rnam par gzhag pa'i phyir ro/ /spang bar bya ba ma yin pa rnams kyi ni bye brag yod pas zhes bya ba rgyas par 'byung ste/ so sor brtags pa ma yin pas 'gog pa'i thob pa lung du ma bstan pa dang / 'jig rten pas so sor brtags pas 'gog pa'i dge ba zag pa dang bcas pa yin pas nyon mongs pa can ma yin pa'i phyir dang / zag pa dang bcas pa yin pa'i phyir bsgom pas spang bar bya ba ste/ de skad du yang / nyon mongs can min mthong spang min/ /zhes bshad do/ /de nyid ces bya ba la so sor brtags pas 'gog pa 'phags pa'i lam gyis thob pa'o/ /'phags pa rnams kyis 'jig rten pa'i lam gyis thob pa'i zag pa med pa gang yin pa de yang 'phags pa'i lam gyi stobs kyis 'thob ste de'i phyir zag med pa yin no/ /lam gyi bden pa'i yang zag pa med pa yin pa'i phyir spang bar bya ba ma yin no/ /lung bstan min thob lhan cig skye/ /zhes bya ba la/ dmigs kyis bsal ba 'di ni dmigs kyis bsal ba dang bcas pa zhig ste/ mngon shes sprul pa ma gtogs pa zhes 'byung ba'i phyir ro/ /stobs chung ba'i phyir zhes bya ba la stobs chung ba nyid ni rnam par smin pa yin pa'i phyir ro/ /zag pa med pa rnams la thal bar 'gyur ba yang ma yin te mngon par 'du bya ba chen pos bsgrub par bya ba yin pa'i phyir ro/ /de'i tshe mngon par 'du bya ba med pas bsgrub par bya ba ni stobs chung ba'o/ /mngon shes sprul pa ma gtogs pa lung du ma bstan pa rnams kyi thob pa lhan cig skye'o zhes bya bar sbyar ro/ /mngon par 'du byed pa ni rnam pa gnyis te/ lha'i mig dang rna ba ste/ /mig dang rna ba'i mngon shes ni/ /lung du ma bstan zhes 'byung ba'i phyir ro/ /sprul pa'i sems zhes bya ba ni/ /lung bstan min rnam bzhi zhes 'byung ba'i phyir ro/ /de dag ni sbyor ba'i khyad par gyis 'grub pa zhes bya ba 'dis ni mngon par 'du byed pa las 'byung ba'i phyir stobs dang ldan pa nyid zhes ston par byed do/ /bzo'i gnas pa zhes bya ba la sogs pa la/ 'dir 'du byed kyi khyad par la brten te 'du byed tsam la ni ma yin no/ /de nyid kyi phyir shin tu goms pa'i phyir zhes bya ba smos te 'dod par byed ces bya ba'o/ /spyod lam pa'i ni bcom ldan 'das dang / rta thul la sogs pa'i lta bu'o/ /bzo'i gnas pa ni las thams cad pa dang mi'am ci la sogs pa rnams kyi lta bu'o/ /de dag ni sbyor ba'i khyad par gyis 'grub pas stobs dang ldan pa'i phyir ro/ /gzhan dag ni stobs chung ba'i phyir te/ spyod lam pa rnams ni phung po bzhi rnams kyi don gyi skad cig yongs su chad pas 'thob po/ /de bzhin du bzo'i gnas pa rnams kyang ngo / /bsgribs pa'i gzugs kyis kyang zhes bya ba la sogs pa la/ gzugs smos pa ni gzugs ma yin pa rnam par gcad par bya ba'i phyir te/ de'i thob pa ni rnam pa gzhan du 'jog pa'i phyir ro/ /bsgribs pa ni bsam gtan dang po kho na'i lus dang ngag gi rnam par rig byed kyi gzugs nyon mongs pa can yin gyi/ gong ma'i ma yin zhing 'dod pa'i khams kyis ma yin te/ kun nas slong bar byed pa med pa'i phyir ro/ /bsgribs pa'i sems chen pos kun nas slong ba'i rnam par rig byed kyis kyang rnam par rig byed ma yin pa 'phen par mi nus pas stobs chung bar grub ste de'i phyir thob pa lhan cig skyes pa kho na'o/ /'dod pa na/ gzugs kyi sngar ni skye ba med/ /ces bya ba la 'dod pa'i khams kyi sdom pa la sogs pa'i gzugs dge ba dang / mi dge ba'i thob pa ni rnam pa thams cad du sngar skye ba med do/ /lhan cig skye ba dang dus phyis skye ba ni yod de zhes 'byung ste/ de la lhan cig skye ba ni lhan cig 'byung ba'o/ /phyis skye ba ni phyis 'das pa skye ba ste/ de ni 'das pa dang da ltar ba yang yin no/ /de la 'dod pa na zhes bya ba ni gzugs na spyod pa bsal ba'i phyir ro/ /gzugs smos pa ni gzugs can ma yin pa bsal bar bya ba'i phyir ro/ /rnam pa thams cad du zhes bya bas ni dge ba'i yang med la mi dge ba'i yang med do zhes bya bar rtogs par 'gyur te/ ma bsgribs la lung du ma bstan pa rnams gong du bkag pa'i phyir ro/ /'dod pa na spyod pa'i gzugs dge ba dang mi dge ba ni sbyor ba las byung ba yin gyi skyes nas thob ni ma yin no/ /mnyam par ma bzhag pa'i sa pa yin pa'i phyir ma 'ongs pa ma rnyed pa ni ma yin te de'i phyir de'i thob pa sngar skyes pa med do/ /thob pa bshad zin to/ /ci ma thob pa la yang thob pa bzhin du rnam par bye brag yod dam/ smras pa med do/ /'o na ci lta bu zhe na ma thob ma bsgribs lung ma bstan ma thob ma bsgribs la lung du ma bstan pa kho na yin no zhes bya bar ji ltar rtogs she na/ gal te chos dang 'dra ba yin na ni/ de ltar na dgra bcom pa rnams mi dge ba'i chos rnams dang / bsgribs la lung du ma bstan pa rnams dang ldan par 'gyur la/ dge ba'i rtsa ba kun tu chad pa rnams kyang dge ba rnams dang ldan par 'gyur zhing / so so'i skye bo rnams kyang 'phags pa'i chos rnams dang ldan par 'gyur ro/ /'on te chos las bzlog pa yin na/ de lta na yang dgra bcom pa rnams kyang chos nyon mongs pa can rnams dang ldan par 'gyur la/ dge ba'i rtsa ba kun tu chad pa rnams kyang dge ba dag dang ldan par 'gyur ro/ /de'i phyir ma thob pa ni ma bsgribs la lung du ma bstan pa kho na yin no/ /'das ma skyes kyi de rnams gsum/ /zhes bya ba ni rgyun la ltos nas so/ /da ltar byung ba'i ma thob pa dang da ltar byung ba ni med do zhes bya bas 'das pa dang ma 'ongs pa ni yod do zhes bya bar rtogs so/ /da ltar byung ba gdon mi za bar thob pa dang lhan cig 'byung bar 'gyur na/ thob pa dang ma thob pa dag ni cig car yod pa ma yin pas da ltar ba'i ma thob pa da ltar ma yin pa mi rigs so/ /'dod sogs gtogs dang zhes bya ba la sogs pa la/ 'dod pa la sogs par gtogs pa rnams ni 'dod sogs gtogs te 'dod pa dang mi ldan pa ma yin zhes bya ba'i don no/ /ma thob pa ni skye ba'i rten gyi dbang gis rnam par gzhag gi/ chos kyi dbang gis ni ma yin te/ chos dang 'gal ba'i phyir ro/ /de la 'dod pa'i khams su skyes pa'i 'dod pa dang / gzugs dang / gzugs med pa na spyod pa rnams kyi ma thob pa ni 'dod pa na spyod pa'o/ /ji ltar zhe na/ 'dod pa na spyod pa'i sbyor ba las byung ba rnams dang / dge ba'i rtsa ba kun tu chad pas skyes nas thob pa dang / gzugs dang gzugs med pa na spyod pa rnams las nyon mongs pa rnams dang ldan pa kho na yin mod kyi/ 'dod chags dang bral ba ma yin pa'i phyir nyon mongs pa can ma yin pa rnams dang / so so'i skye bo yin pa'i phyir zag pa med pa rnams kyi ma thob pa ni 'dod pa na spyod pa yin no/ /de bzhin du gzugs dang gzugs med pa'i khams su skyes pa'i 'dod pa dang / gzugs dang gzugs med pa na spyod pa'i chos rnams dang / zag pa med pa rnams kyi ma thob pa ni gzugs dang gzugs med pa na spyod pa yin no zhes rgyas par brjod par bya'o/ /ma thob pa chos kyi dbang gis rnam par mi bzhag go zhes bya ba 'dis shes par byed pa ni ma thob pa zag pa med pa ni 'ga' yang med do zhes bya ba 'di kho na yin no/ /ma thob pa zag pa med do zhes bya ba 'di gang las rtogs she na bstan bcos las so/ /'di ltar zhes bya ba ni rgyas par bstan bcos nye bar 'god pa'o/ /'dir bstan bcos ni ye shes la 'jug pa la mngon par 'dod de/ so so'i skye bo nyid ni zag pa med pa yin par mi 'os so zhes bya ba la/ ci'i phyir zhe na/ so so'i skye bo'i dngos po ni so so'i skye bo nyid yin na zag pa med pa'i chos rnams ni so so'i skye bo'i dngos por rung ba yang ma yin te/ 'phags pa rnams kyang so so'i skye bo nyid du thal bar 'gyur ba'i phyir ro/ /slob pa dang mi slob pa'i bye brag dang / gang zag gi bye brag dang / gnyen po'i bye brag gis 'phags pa'i chos rnams mang ba'i phyir dang 'phags pa'i chos rnams kyi ma rnyed pa'o zhes khyad par med par brjod pa'i phyir/ 'phags pa'i chos gang dag gis zhes dris pa dang / de'i phyir/ thams cad kyi yin te zhes bya ba smos te/ slob pa dang mi slob pa la sogs pa'i bye brag gis tha dad pa rnams kyi'o/ /'di gang las rtogs she na/ de'i phyir/ khyad par med par 'byung ba'i phyir ro zhes bya ba smos te/ bstan bcos las zhes bya bar sbyar ro/ /gal te thams cad kyis ma rnyed pa so so'i skye bo nyid yin na/ de lta na thams cad kyis rnyed pa las 'phags pa yin no zhes bya bar thal bar 'gyur la/ de lta na 'ga' la yang zag pa med pa'i chos ma lus pa rnyed pa med pas 'phags pa med par thal bar 'gyur ro zhe na de'i phyir/ de ni rnyed pa med pa gang yin pa de zhes bya ba smos so/ /so so'i skye bo nyid ni thams cad kyis ma rnyed pa la brjod kyi/ 'ga' zhig gis ma rnyed pa na ma yin la/ 'phags pas ni 'ga' zhig dag ma rnyed pa yin pas de 'phags pa ma yin pa nyid du thal bar mi 'gyur ro/ /de lta yin dang 'phags pa'i chos rnams kyi ma rnyed pa rnam pa gnyis bstan par 'gyur te/ ma rnyed pa sngon du 'gro ba can dang rnyed pa sngon du 'gro ba can yin pa'o/ /de la so so'i skye bo nyid ni ma rnyed pa sngon du 'gro ba can gang yin pa de yin gyi rnyed pa sngon du 'gro ba can ni ma yin no/ /da lta ma yin na zhes bya ba la/ gal te rnyed pa sngon du 'gro ba can so so'i skye bo nyid yin par gyur na'o/ /rang gi rigs can rnams kho na rnyed pa'i phyir sangs rgyas kyang zhes bya ba rgyas par 'byung ngo / /'o na ni kho na zhes bya ba'i sgra gdon dgos so zhes bya ba ni 'phags pa'i chos rnams ma rnyed pa kho na zhes bya bar nges te/ de lta na ni rnyed par gyur pa na rnyed pa gang yin pa de so so'i skye bo nyid ma yin no zhes bya bar bstan par 'gyur gyi/ gzhan du ni ma yin no/ /gdon mi dgos so/ /ci'i phyir zhe na/ der nges par gzung ba ma bton yang rtogs par 'gyur ba nyid do/ /ji ltar na ma smras par rtogs par 'gyur zhe na/ de'i phyir/ tshig gcig pu dag kyang zhes bya ba rgya cher smos so/ /chu 'thung ngo / /rlung za'o zhes bya ba 'dir kho na zhes bya ba'i sgra med pas tshig gnyis pa med mod kyi/ 'on kyang 'dir chu kho na 'thung ba'o/ /rlung kho na za'o zhes nges par gzung ba rtogs pa yin no/ /gal te chu yang 'thung zhing zas kyang za ba yin na ni chu 'thung ngo zhes bya ba'i ngag 'di la 'bras bu ci zhig de'i phyir chu 'thung ngo zhes bya ba nges par gzung ba khongs su bsdus pa'i phyir kho na'i sgras yang mi brjod de/ de b zhin du 'dir yang gal te 'phags pa'i chos rnams kyi rnyed pa dang ma rnyed pa so so'i skye bo nyid yin na so so'i skye bo nyid ni 'phags pa'i chos rnams kyis ma rnyed pa'o zhes bya ba'i ngag 'di la 'bras bu ci zhig yod de'i phyir 'di ni nges par gzung ba'i khongs su bsdus pa kho na yin no zhes bya bar shes so/ /de'i phyir kho na zhes bya ba'i sgra'i don khong du chud pa'i phyir 'dir kho na zhes bya ba'i sgra don med pa mi 'don no/ /de bzhin du rlung za'o zhes bya ba la yang brjod par bya'o/ /gzhan dag na re bstan pa'i nyes pa yongs su spang bar bya ba'i phyir/ sdug bsngal la chos shes pa'i bzod pa dang / de dag lhan cig 'byung ba rnams kyi'o zhes zer ro/ /so so'i skye bo nyid ni chos shes pa'i bzod pa'i ma rnyed pa yin gyi/ de las gzhan 'phags pa'i chos rnams kyi ma rnyed ni ma yin te/ de'i phyir sdug bsngal la chos shes pa la sogs pa rnams ma rnyed kyang / skad cig ma dang po la gnas pa so so'i skye bo nyid du thal bar mi 'gyur ro/ /de lta na 'o na 'bras bu thob pa'i dus na de btang ba'i phyir 'phags pa ma yin pa nyid du thal bar 'gyur ro zhe na/ de'i phyir de dag btang zhes bya ba rgyas par smos so/ /de nyid la rgyu bshad pa ni/ de dag gis ma rnyed pa gtan du bcom pa'i phyir ro zhes bya ba ste/ sdug bsngal la chos shes pa'i bzod pa thob pas sdug bsngal la chos shes pa'i bzod pa dang / de dang lhan cig 'byung ba rnams kyis ma rnyed pa so so'i skye bo nyid ces bya ba gtan du bcom pa'i phyir ro/ /'phags pa'i chos rnams kyi ma thob pa de ni de'i rgyud la nam yang 'byung bar mi 'gyur ro/ /'dir yang sngar bshad pa'i nyes par thal bar bya ba'i phyir/ 'o na ni de dag kyang zhes bya ba rgyas par smos te/ sdug bsngal la chos shes pa'i bzod pa dang / de dang lhan cig 'byung ba dag go/ /rigs gsum ni nyan thos dang / rang sangs rgyas dang / yang dag par rdzogs pa'i sangs rgyas kyi rigs yin pa'i phyir ro/ /nyan thos la sogs pa dag re res thams cad rnyed pa yang ma yin la/ rigs gsum po thams cad kyis ma rnyed pa yang nyan thos la sogs pa rnams la mtshungs te/ de'i phyir 'dri ba ni/ gang dag gi zhes bya ba ste/ de'i phyir bshad pa/ thams cad kyis ma rnyed pa las so so'i skye bo zhes bya'o/ /de lta na nyes pa de nyid du 'gyur ro zhes bya ba ni gal te thams cad kyis ma rnyed pa so so'i skye bo nyid yin na ni sangs rgyas kyang nyan thos dang / rang sangs rgyas kyi rigs can dge dang mi ldan pa'i phyir 'phags pa ma yin par 'gyur ro zhes sngar gang gsungs pa'o/ /lan yang de nyid yin no zhes bya ba'i ni de nyid rnyed pa med pa gang yin pa ste zhes bya ba nas/ 'o na ni kho na zhes bya ba'i sgra gdon dgos so/ /gdon mi dgos te/ tshig gcig pu dag kyang nges par 'dzin pa yin te zhes bya ba'o/ /'o na ni sngar bshad pa las khyad par med pa'i phyir 'bad pa don med par 'gyur te/ sngar bshad pa'i nyes pa yongs su spang ba'i sgo nas 'dir nye bar bkod na/ nyan thos la sogs pa rnams 'phags pa ma yin pa nyid kyi nyes pa ni 'di na yang so na 'dug pa nyid do/ /gal te 'dir yang ma rnyed pa med pa zhes bya ba'i lan de nyid 'dod na ni de ltar na sdug bsngal la chos shes pa'i bzod pa dang / de dang lhan cig 'byung ba rnams kyis yin gyi/ gzhan dag gi ma yin no zhes bya ba'i 'bad pa gang yin pa don med par 'gyur ro/ /'phags pa'i chos rnams ma skyes pa'i zhes bya ba rgyas par 'byung ngo / /rgyud la 'phags pa'i chos gang dag ma skyes pa so so'i skye bo nyid yin zhes bya ba 'dir yang snga ma bzhin du nyan thos la sogs pa rnams 'phags pa nyid ma yin pa'am 'bad pa don med par 'gyur ro zhe na/ 'di la 'bad pa don med pa yod pa ma yin te don gzhan dang ldan pa'i phyir ro/ /rgyud smos pas na so so'i skye bo nyid ni kun rdzob tu yod pa yin gyi/ chos gzhan ni ma yin no zhes bstan pa'i don du de skad smras kyi nyes pa snga ma spang bar bya ba'i phyir ni ma yin no/ /slob dpon 'dus bzang na re/ mig la sogs pa'i skad cig ma re re so so'i skye bo nyid kyi rgyud du gtogs te/ mdo byed pa'i ni ma yin no/ /skad cig ma re re rgyud du 'gyur bar 'os pa ma yin no/ /skad cig ma rdzas ma yin pa nyid du thal bar 'gyur ro/ /des na 'o na mig la sogs pa'i skad cig so so'i skye bo rgyud nyid yin no/ /skad cig ma gang nye bar bzung ste 'dogs par byed ce na/ de rnams las de nyid dang gzhan du brjod du med do zhes smra'o/ /'di mig la sogs pa'i skad cig la so so skye bo nyid du lhag par btags pas na/ des na mdo dang 'gal yang slar bshad pa brjod pa 'di ni dad pas rjes su 'brang ba'o/ /'jug pa ni yang dag pa nyid du nges pa la 'jug pa'o/ /so so skye bo'i sa ni 'dir so so skye bo'i gnas skabs la mngon par 'dod do/ /de yang gang gi gnas skabs su nyon mongs pa dang las dang nyon mongs 'jug par nges pa'o/ /de lta na brjod pa rnams kho na so so skye bo nyid du thal bar 'gyur te/ nyon mongs pa la sogs pa'i 'jug pa nges pas bzod pa thob pa'o/ /'di mdo sde pas khas len par byed de/ 'di gang na mi de yin pas dpyad par bya ba yang ma yin no/ /yang na so so'i skye bo nyid ni so so skye bo'i sa ste/ 'phags pa'i chos rgyud la ma skyes pa ste chos gzhan ni ma yin no/ / 'phags pa'i chos skyes pa ni slar so so skye bo nyid kyis nye bar len pa mngon du 'gyur ba med de so so skye bo'i sa 'phos pa zhes bya'o/ /de thob dang sa 'phos pas ni rnam nyams 'gyur zhes bya ba la/ de thob pa dang sa 'phos pa las rnam par nyams par 'gyur te/ sa 'phos pa ni khams dang sar skyes pas 'phos pa'o/ /de la ma thob pa chos gang gi yin pa de ni de thob pa las rnam par nyams par 'gyur te/ re zhig ji ltar so so skye bo nyid 'phags pa'i lam gyis ma rnyed pa yin pa ltar/ rnyed pas khams gsum pa yang rnam par nyams par 'gyur ro/ /sa 'phos pa las kyang yin no/ /ci zhe na/ so so skye bo nyid rnam par nyams par 'gyur te/ 'di ltar gang gi tshe 'dod pa'i khams las 'dod chags dang bral ba de'i tshe/ de'i 'dod par gtogs pa'i so so skye bo nyid de la dmigs pa'i 'dun pa'i 'dod chags spangs pa las spang bar 'gyur gyi/ rnam par nyams par 'gyur ba ni ma yin la/ gang gi tshe bsam gtan dang por skyes pas sa 'phos pa de'i tshe ni 'di'i de rnam par nyams par 'gyur gyi spangs pa ma yin te sngar spangs zin pa'i phyir ro/ /'phags par 'gyur ba yang ma yin te/ bsam gtan dang po'i sa pa'i so so skye bo nyid rnyed pa'i phyir ro/ /de bzhin du sa dang po'i khams gong ma bzhin du 'pho ba la yang rgyas par brjod par bya'o/ /gzhan dag gis yang de bzhin du sbyar bar bya'o zhes bya ba la/ ji ltar lam thob pas so so'i skye bo nyid rnam par nyams 'gyur ba de bzhin du gzhan dag gi thob pas kyang de dag gi thob pa rnam par nyams par 'gyur ro/ /ji ltar zhe na/ re zhig 'dod pa na spyod pa'i thob pa dang / bsam pa las byung ba rnams dang gzugs na spyod pa'i thob pa dang / bsgom pa las byung ba rnams dang / gzugs med pa na spyod pa'i bsgom pa las byung ba rnams kyis ma rnyed pa ni de dag thob pas rnam par nyams par 'gyur la/ khams gong ma pa'i phung po 'gro bas bsdus pa rnams kyis ma rnyed pa ni sa gong mar skye bas rnam par nyams par 'gyur ro/ /de bzhin du dge ba skyes nas thob pa rnams dang ci rigs par sdug bsngal la chos shes pa'i bzod pa nas dgra bcom pa nyid kyi bar gyi zag pa med pa rnams kyi ma rnyed pa ni de dag rnyed pas rnam par nyams par 'gyur ro/ /de bzhin du rnam par grol ba dus dang sbyor ba dang / dus dang mi sbyor bar rnam par grol ba'i dgra bcom pa nyid ma thob pa yang de thob pas rnam par nyams par 'gyur ro/ /rnam par nyams pa yang ma shes pas de'i phyir rnam par nyams par 'gyur zhes bya ba ni zhes bya ba smos so/ /thug pa med par thal bar dogs pas 'dri ba ni/ ci ma thob pa dang thob pa dag gi yang zhes bya ba la sogs pa'o/ /gnyi ga'i yang gnyi ga zhes bya ba la/ thob pa'i ma thob pa'i chos ni thob par 'dod pa'i nus pa ste de ma thob par 'gyur ba med do/ /ma thob pa'i ma thob pa'i chos ni de'i chos ma thob par mi rigs pas de ltar na nges par ma thob pa yang ma thob par 'gyur ba med do/ /de ltar na thob pa rnams thug pa med par thal bar 'gyur ba ma yin nam/ ji ltar zhe na/ thob pa la yang thob pa yod cing / de la gzhan yod la/ de la yang gzhan yod pas de ltar na thug pa med do/ /de bzhin du ma thob pa la yang brjod par bya'o/ /ma thob pa ni ma thob pa dang lhan cig skye ba med do/ /'o na ci/ thob pa kho na de dang lhan cig skye'o/ /thob pa'i thob pa yang ngo / /thob pa dang ma thob pa dag cig car mi srid do/ /dge ba yang rung nyon mongs pa can yang rung zhes bya bas ni ma bsgribs la lung du ma bstan pa ni ma yin no zhes ston par byed de/ de ni thob pa dang lhan cig skyes pa can yin pa'i phyir skad cig gnyis pa la thob pa med do/ /skad cig gnyis pa la thob pa gsum rnams so/ /skad cig ma gnyis pa la skad cig dang por skyes pa ches bdag nyid gtogs pa gsum dang ldan pas skad cig ma gnyis pa la thob pa gsum 'byung bar 'gyur la/ rjes kyi thob pa yang gsum mo/ /skad cig ma gsum pa la ni/ skad cig ma dang por skyes pa bdag nyid gtogs pa gsum gyis gsum dang / skad cig ma gnyis par skyes pa'i thob pa'i rdzas drug gis drug ste/ de ltar dgur 'gyur la/ yang de dag gis rjes kyi thob pa dgu ste/ de ltar na bco brgyad du 'gyur ro/ /skad cig ma gong nas gong du ste skad cig ma gong nas gong du spel ba'i skad cig ma gong nas gong du spel ba de yis bskyed na thal bar 'gyur ba'o/ /mtshungs par ldan pa dang lhan cig 'byung bar bcas pa zhes bya ba ni/ mtshungs par ldan pa ni sems dang sems las byung ba'o/ /lhan cig 'byung ba ni skye ba la sogs pa ste/ thog ma dang tha ma med pa'i 'khor bar gtogs pa'o/ /lus kyi skad cig ma re re la rdzas mtha' yas pa can te/ thob pa rnams mtha' yas pa'i phyir ro/ /thogs pa med pa ni chos kyi khams kyis bsdus pa'i phyir ro/ /de ltar ma yin na zhes bya ba ni gal te phan tshun sgrib par 'gyur na'o/ /skal mnyam sems can 'dra ba'o zhes bya ba ni skal ba mnyam pa ni skal ba 'dra ba ste/ spyod pa dang rang bzhin mtshungs zhes bya ba'i tha tshig go/ /de'i dngos po ni skal ba mnyam pa nyid de/ mdo las/ lha rnams ni lhar skal ba mnyam pa nyid dang / mi rnams ni mir skal ba mnyam pa nyid do zhes 'byung ba'i phyir ro/ /sems can smos pa ni skal ba mnyam pa nyid ni sems can du bgrangs pa kho na'i yin gyi sems can du mi bgrang ba rnams kyi ma yin no zhes bstan pa'i phyir ro/ / rdzas smos pa na btags par yod pa dgag par bya ba'i phyir ro/ /sems can rnams kyi 'dra ba zhes bya ba ni mtshungs pa nyid de/ de ni tha dad pa rnams la snang ba dang brjod pa tha dad pa'i rgyu yin no/ /de ni sems can re re la gzhan dang gzhan yin gyi/ spyi chen po ltar sems can thams cad la khyab pa gcig pu ni ma yin no/ /de yang tha dad pa ma yin pa dang / tha dad pa ste zhes bya ba la/ gang zhig thams cad la sems can re re yod pa de ni rdzas su tha dad kyang rigs su tha mi dad pa ma yin pa zhes bya'o/ /gang zhig thams cad la yod pa ma yin pa de ni tha dad pa'o/ /de nyid kyi phyir/ tha dad pa ma yin sems can thams cad ces bya ba rgyas par smos so/ /tha dad pa ni sems can de dag nyid ces bya ba la sogs pa 'byung ngo / /bye brag gis so sor nges pa'o zhes bya ba ni khams la sogs pa rnams re re dang sbyar bar bya ste/ gang las blo 'jug pa dang 'dogs par 'gyur ba 'dod pa'i khams su skye ba'o/ /gzugs dang gzugs med pa'i khams su skye ba'o zhes bya ba 'di yin no/ /sa'i bye brag gis so sor nges pa ni lho phyogs kyi rgyud pa dang / gau Da pa dang / shar gyi lus 'phags po dang / 'dzam bu'i gling dang / rgyal chen bzhi pa dang / bsam gtan dang po'i sa pa zhes bya ba de lta bu la sogs pa'o/ /'gro ba'i bye brag gis nges pa ni lha dang mi zhes bya ba la sogs pa'o/ /skye gnas bye brag gis ni mngal nas skyes pa dang / sgo nga las skyes pa la sogs pa'o/ /rigs kyi bye brag gis ni rgyal rigs dang / bram ze'i rigs la sogs pa'o/ /rtags kyi bye brag gis ni pho dang mo zhes bya ba la sogs pa'o/ /sdom pa'i bye brag gis ni dge bsnyen dang / dge slong zhes bya ba'o/ /lam gyi bye brag gis ni slob pa dang / mi slob pa zhes bya ba'o/ /sogs pa zhes bya ba'i sgras ni dge bsnyen ma dang / dge slong ma dang / slob pa yang ma yin mi slob pa yang ma yin pa la sogs pa yongs su gzung ngo / /chos kyi skal ba mnyam pa ni phung po dang / skye mched dang / khams kyi sgo nas so zhes bya ba la so sor nges pa'o zhes bya bar sbyar ro/ /phung po phung po zhes bya ba ni spyi'i sgo nas phung po'i skal ba mnyam pa'o/ /gzugs kyi phung po tshor ba'i phung po zhes bya ba ni bye brag gi sgo nas so/ /spyi dang bye brag gi sgo nas skye mched dang / khams kyi skal ba mnyam pa yang de bzhin du shes par bya'o/ /'bras bu las de rdzas su yod pa nyid du bstan pa'i phyir/ gal te skal ba mnyam pa zhes bya ba rgyas par 'byung ngo / /rdzas zhes bya ba ni rtogs pa bsam par bya ba'i phyir te/ btags pa la 'bras bu med pa'i phyir ro/ /khyad par med pa zhes bya ba'i 'dra ba yin gyi/ spyi bzhin gcig nyid ni ma yin no/ /phan tshun khyad par ni kha dog dang dbyibs dang nga ro dang spyod pa la sogs pa dang / khams dang sa dang 'gro ba dang skye gnas la sogs pa ste tha mi dad pa'i dngos po gzhan zhig med na khyad par des tha dad pa ste/ phan tshun mi 'dra ba'i sems can de dag thams cad la bye brag med par sems can sems can zhes bya ba'i blo 'jug pa dang 'dogs par yang 'gyur te/ 'dogs pa ni mngon par brjod pa'o/ /de'i phyir sems can phan tshun tha dad pa dag la blo dang sgra dang 'bras bu nyid las dge sbyong gi tshul bzhin du skal ba mnyam pa'i rdzas zhig yod do zhes bya bar nges so/ /de bzhin du phan tshun khyad par tha dad pa'i phung po dang skye mched dang khams rnams la yang gal te phung po'i skal ba mnyam pa'i rdzas khyad par med pa zhig med na phung po phung po zhes blo tha mi dad pa 'jug pa dang 'dogs par yang mi 'gyur ro/ /skye mched dang / khams dag la yang de bzhin du brjod par bya'o/ /'chi bar 'gyur zhing skye bar yang 'gyur la zhes bya ba rgya cher 'byung ste/ 'dir sems can skal ba mnyam pa ni mi la sogs pa la mngon par 'dod kyi sems can tsam la ni ma yin no/ /de lta ma yin na mu gsum pa 'gal bar 'gyur te/ gang gir yongs su mya ngan las 'das pa nyid na sems can gyi skal ba mnyam pa 'dor bar 'gyur gyi gzhan gyi tshe la yin no/ /gal te de nyid du skye ba na sems can gyi skal ba mnyam pa nyid 'dor bar yang mi 'gyur thob par yang mi 'gyur la/ 'o na ji ltar 'chi 'pho ba dang skye bar yang brjod ce na/ tshe zad pa'i phyir 'chi 'pho zhing / de nyid du skye ba'i phyir skye bas na 'di la skyon med do/ /slob dpon 'dus bzang na re/ skal ba mnyam pa zhes bya ba ni sems can 'gro ba gcig tu skyes pa rnams kyi lus dang dbang po dang dbyibs dang spyod pa dang zas la sogs pa'i rgyur gyur cing phan tshun dga' bar 'brel pa'i rgyu mtshan yin no/ /de lta na 'o na las rnams 'bras bu med pa nyid du thal bas rigs mthun pa'i tshogs kyi lus kyi dbang po la sogs pa skal ba mnyam pa'i rgyu nyid kyi phyir ro/ /de ni de lta ma yin te/ kha dog dang ba'i las rnam par smin pa'i 'byung ba rnams kyi rgyu'i dngos po las ris mthun pa'i rgyu can nyid kyis lus la sogs pa ni skal ba mnyam pa'o/ /'di yang ji ltar rtogs par bya zhe na rus mthun pa'i rgyu yang 'dir las kho na yang ma yin te 'di la yang dpe gcig ma yin te ris mthun pa'i rgyu ma yin pa nyid dang rgyur gyur pa nyid kyi las 'phen pa mtshungs pa'i 'bras bu rnams la yang skye ba dang spyod pa dang zas la sogs pa tha dad pa mthong bas de las kyi 'bras bu kho na'o zhes shes par bya ba min no/ /de lta na 'o na ris mthun pa'i 'bras bu yang der khas blang bar mi bya ste/ rus mthun pa de rnams la dbye ba med pa'i phyir ro/ /de'i phyir 'phen pa dang rdzogs par byed pa'i las 'dra ba dang sngon goms pa'i khyad par dang legs pa dang legs pa ma yin pa phrad pa las nyes pa'i gnas skabs kyi khyad par las ji ltar rigs par lus dang dbang po la sogs pa'i skal ba mnyam pa dang ris mthun pa'o zhes so/ /so so skye bo nyid las ni der so so skye bo zhes bya ba'i blo dang sgra dag tu 'gyur na de dag ni so so skye bo'i skal ba mnyam pa nyid kyi rgyu yin pas/ so so skye bo nyid kyis ci zhig bya ste/ dper na mi'i skal ba mnyam pa nyid ni mi nyid las gzhan ma yin par brtag pa bzhin no/ /slob dpon 'dus bzang na re so so skye bo nyid ni so so'i skal ba mnyam pa nyid de bya ba ni ma yin no/ /rgyu cis zhe na/ dgos pa tha dad pa las spyod pa dang / bsam pa 'dra ba'i rgyu can ni skal ba mnyam pa nyid do zhes so/ /'phags pa'i lam ldan pa la ni 'gal te/ so so skye bo'i rgyu mtshan so so skye bo nyid kyi nges pa 'phos pa'i phyir ro/ /so so skye bo nyid rnam par nyams pa thob pa ste/ spyod pa dang bsam pa la sogs pa rnams dang 'dod pa las skal ba mnyam pa nyid du 'thad pa skal ba mnyam pa'i rgyu mi skye ba'o/ /rgyu yod pa nyid la 'bras bu med pa ma yin zhing de las bzlog pas 'bras bu skyes pa mi rigs so/ /gang bshad pa so so skye bo nyid ni so so skye bo zhes pa'i rgyu mtshan skal ba mnyam pa nyid do zhes 'dod pa dang thob pa 'di ni mi rigs te ma 'brel ba'i phyir ro/ /'jig rten gyis zhes bya ba rgya cher 'byung ste/ gzugs can kho na snang bar 'gyur na/ skal ba mnyam pa nyid ni gzugs can ma yin pas dbang po ma nyams pa rnams kyis kyang 'di blta bar ma nus so/ /mi snang yang tshor ba la sogs pa ltar shes rab yongs su gcod do zhes bya ba 'di bsal bar bya ba'i phyir/ 'di ni shes rab kyis yongs su ma chod mod kyis zhes bya ba la sogs pa smos te/ yid rnam par shes pas yongs su chod zhes bya ba'i don to/ /de ltar na rus mthun pa mngon sum dang rjes rtogs pa'i yul ma yin pa nyid du yang bstan par 'gyur zhing sems can rnams kyi ris tha mi dad pa yang rtogs par 'gyur te/ sems can sems can zhes tha snyad rjes su 'jug pa mthong ba'i phyir ro/ blo tha dad pa'i rgyu ma bzung bar ni phan tshun tha dad pa'i sems can rnams la blo dang sgra tha mi dad pa 'jug pa mi rigs so/ /de'i phyir 'o na ris mthun pa rnams la blo tha dad pa med pas so/ /yod du chug na yang zhes bya ba ni/ khas blangs pa na yang ris mthun pa ma bzung ba'i phyir de sems can ma yin pa rnams la blo dang sgra tha mi dad par 'jug pa'i bya ba yod zhes ston par byed do/ /slob dpon 'dus bzang na re/ rigs tha mi dad par rtogs pas gzugs can gyi skal ba mnyam pa nyid dang de'i bya ba sgrub pa las byA br-i ya te/ rigs gzhan du gyur pa'i las la 'jug pa de 'bras bu sgrub pa bzhin no zhes zer ro/ /'di yod pa'i 'bras bu rab tu grub pa mu b+hA bra t+ya bas+thA naM/ bden pa tha dad pa'i sgrub pa yang 'bras bu kho na las yin gyi/ ris mthun pa las ma yin pa'i phyir de ltar thal bar 'gyur ba'o zhes zer ro/ /sems can ma yin pa skal ba mnyam pa nyid kyang ci'i phyir mi 'dod pa zhes bya ba rgya cher 'byung ba la/ gal te phan tshun tha dad pa'i sems can rnams la skal ba mnyam pa'i rgyu mtshan blo dang 'dogs pa tha mi dad pa nyid yin na sems can du bgrang ba ma yin pa sA li la sogs pa rnams la yang skal ba mnyam pa yod par khas blang dgos te/ de dag kyang zhes bya ba phan tshun khyad par du gyur pa de rnams la sA li'o snyam pa la sogs pa'i blo dang 'dogs pa tha mi dad par 'jug go/ /'on te bcom ldan 'das kyis ma gsungs pa'i phyir khas mi lan no snyam na/ 'o na sems can rnams la skal ba mnyam pa nyid kyi blo dang 'dogs pa tha mi dad pa yang bsams te brjod par bya'o/ /phan tshun tha dad pa rnams zhes bya ba la/ sems can rigs gcig pa rten gyi dbye bas phan tshun tha dad pa rnams la rigs kyi dbye ba dang rten gyi dbye bas kyang phan tshun tha dad par gdags par bya'o zhes bya ba ni blo'i yul ma yin pa'i phyir btags pa tsam nye bar bkod do/ /slob dpon 'dus bzang na re/ khyed cag gis kyang 'gro ba dag dang skye gnas khas blangs pas bde 'gro'i rtsa ba dang gang zag dag kyang ci ste khas mi len/ bcom ldan 'das kyis ma gsungs pa'i phyir ma yin na/ sems can ma yin pa skal ba mnyam pa yang khas mi len te/ bcom ldan 'das kyis ma gsungs pa'i phyir ro zhes zer ro/ /rtswa la sogs pa rnams ji ltar rdzas gzhan zhes bya ba 'di dpyad par nus te/ spyod pa dang bsam pa mtshungs pa la sogs pa mi 'thad pa'i phyir rtswa la sogs pa la skal ba mnyam pa mi bshad do/ /rtswa la sogs pa bskyed pa sems can la bltos pa nyid kyis sems can gyi skal ba mnyam pa kho na brjod do/ /sngon gyi las dang da ltar gyi rtsol bas grub pa 'di gnyis ka yang rtswa la sogs pa rnams la mi 'jug go/ /'di nyid rdzas su yod pa nyid kyi shes byed ni/ shing dang glegs bam dang ri mo dang sgyu ma la sogs pa la yang kha dog dang dbyibs thun mong du yod pa'o/ /'ga' zhig btags pa las te 'dra ba'i khyad par las der btags par mthong gi 'dra ba tsam las de rtogs pa ma yin no/ /'ga' zhig khyad par gyi chos mtha' dag yod pa gang la bltos nas 'ga' zhig kho nas de btags pas 'di thams cad bla na med pa ste rang gi las kyi khyad par la bltos pas so/ /'gro ba dang skye gnas dag kyang zhes bya ba ni rtswa la sogs pa rnams la spyod pa dang bsam pa la sogs pa med pas ris mthun pa mi 'dod de/ sems can la bltos pa'i skye ba nyid sngon gyi las dang da ltar byung ba'i 'bras bu'o zhes sngar bshad pa nyid do/ /'dir rgyu 'ga' zhig brjod kyi tshig tsam gyis sgrub par nus pa ma yin no/ /'dra ba'i khyad par la de nye bar btags zhes gang bshad pa/ de ltar 'dra ba dang mi 'dra ba don gzhan sA li la sogs pa rnams nyid la'o zhes so/ /de lta na ni bye brag pa rnams kyi gsal bar byas pa yin te zhes bya ba rgya cher 'byung ba la/ slob dpon 'dus bzang na re/ gal te de ltar gcig dang du ma'i skad cig ma la mi brten pa phan tshun tha dad pa ni nyes pa chung ngo zhes zer ro/ /bye brag pa rnams kyi spyi'i tshig gi don tha dad pa dag la rtogs pa tha mi dad pa'i rgyu mtshan gzhan la btags pas na bsal bar byas pa yin te zhes brjod do/ /rgyu mtshan gzhan pa de ni yod pa yang ma yin te/ 'dra ba rjes su gzung ba'i phyir dang 'dra bar rtogs pa la 'dra ba'i blo med pas cung zad kyang 'dra ba med de/ de ltar rnam pa de lta bu dang de yang de bzhin du gyur pa med do/ /gang dag mi la sogs par 'dogs pa'i rgyur gyur pa yin la sogs pa dbyibs log pa'i rnam pa'i dbye bas tha dad pa rnams ni skal ba mnyam pa nyid de sA li la sogs pa'i skal ba mnyam pa dang 'dra'o/ /'du shes med pa la 'du shes med par zhes bya ba ni 'gog pa dang 'du shes med pa'i snyoms par 'jug pa rnam par gcad par bya ba'i phyir ro/ /de nyid kyi phyir/ 'du shes med pa'i lha rnams kyi nang du zhes bya ba rgya cher smos so/ /sems dang sems las byung ba rnams 'gog pa zhes bya ba la/ gang las zhes bya ba ni tshig gi lhag ma'o/ /yang na rdzas 'dis sems dang sems las byung ba rnams 'gog pas na 'gog pa ste/ de nyid kyi phyir gang gis ma 'ongs pa'i dus kyi sems dang sems las byung ba rnams zhes bya ba rgyas par smos so/ /de yang gcig tu rnam smin gcig tu zhes smos pa ni rgyas pa las byung ba dang rgyu mthun pa las byung ba rnam par gcad par bya ba'i phyir ro/ /'du shes med pa pa dang / gzugs ni 'du shes med pa'i snyoms par 'jug pa'i rnam par smin par 'gyur ro/ /ris mthun pa ni 'phen par mi nus pa'i phyir ro/ /srog gi dbang po dang ris mthun pa ni sems dang bcas pa'i bsam gtan bzhi pa'i rnam par smin pa yin la/ sa de pa'i phung po lhag ma rnams gnyi ga'i yin no/ /bsam gtan khyad par can bzhin no zhes bya ba la/ dper na gang dag phyogs gcig tu gyur pa na tshangs pa chen po kha cig 'khod pa'i lha de dag ni tshangs pa'i mdun na 'don zhes bya ba de bzhin du/ 'dir yang 'bras bu che ba dag gi phyogs gcig na 'du shes med pa'i sems can rnams 'khod do/ /gnas de ni ches mchog tu gyur pa zhig go/ /de rnams las gang gi de ris mthun par 'phangs pa dang / sems gang gis mtshams sbyar ba dang / sems gang zhig gi mjug thogs su 'du shes med pa par 'jug pa/ las dang / skye ba dang / mtshungs pa de ma thag pa'i rkyen gyis zas dang ldan pa rnams te/ des na de dag ni reg pa la sogs pa dag gis zas dang bcas pa yin no/ /snyoms par zhugs pa rnams la ni sngar zas zos pa las reg pa la sogs pa dag gis zas kyi bya ba byed kyi dus da ltar nya [(]nye [)]bar ston pa las ni ma yin no/ /sems dang bcas pa rnams la ni gnyis ka ltar yang yin no/ /ci de dag nam yang 'du shes can du mi 'gyur ram zhes bya ba rgyas par 'byung ba la/ sems med pa'i gnas skabs phal che ba'i phyir/ 'du shes med pa'i sems can rnams zhes brjod de/ mdo las sems can de dag ni 'du shes skyes nas gnas de nas 'chi 'pho bar 'gyur ro zhes 'byung ba'i phyir ro/ /dus ring mo zhig tu zhes bya ba ni skad cig ma gcig tu ma yin no/ /skye ba'i dus dang 'chi 'pho ba'i dus na 'du shes can du 'gyur/ shi 'pho nas kyang 'dod pa'i khams kho nar skye bar 'gyur ro/ /sngon gyi snyoms par 'jug pa'i 'du byed yongs su zad pa'i phyir dang zhes bya ba la/ de'i snyoms par 'jug pa'i sems kyis 'phangs pa'i tshe yongs su zad pa'i phyir dang zhes bya ba la/ de'i snyoms par 'jug pa'i sems kyis 'phangs pa'i tshe yongs su zad pa'i phyir dang zhes bya ba'i don no/ /sngon med pa ma bsags pa'i phyir zhes bya ba 'byung ste/ sems dang sems las byung ba med par ni las dag nye bar sog pa ma yin te/ sems pa dang bsam pa'i las zhes 'byung ba'i phyir ro/ /'dod pa'i khams su skye bar 'gyur te zhes bya ba 'di la rgyu ci yod ce na/ de'i phyir/ gang zhig de skye bar 'gyur ba zhes bya ba rgyas par smos te/ byang gi sgra mi snyan pa rnams kyi lhar skye ba'i las de bzhin du 'du shes med pa'i sems can rnams kyi 'dod pa'i khams myong bar 'gyur ba'i las nges pa yin pa'i phyir ro/ /yang snyoms 'jug dag ces gang bshad pa zhes bya ba la/ gang las bshad ce na/ thob dang ma thob skal mnyam dang / /'du shes med pa'i snyoms 'jug dag /ces bstan pa'i mdo las so/ /'du shes med pa'i snyoms par 'jug pa ni 'du shes med pa'i rgyu yin par sngar bstan pas 'dri ba ni/ 'du shes med pa'i snyoms par 'jug pa 'di ci zhe na zhes bya ba'o/ /de bzhin du zhes bya ba'i sgra ni bltos pa dang bcas pa yin pa'i phyir bshad pa yin pa'i phyir bshad la/ ji ltar gang las sems dang sems las byung ba rnams 'gog pa de la 'du shes med pa pa zhes bshad pa/ de bzhin 'du shes med snyoms 'jug /'du shes med pa rnams kyi snyoms par 'jug pa ni 'du shes pa'i snyoms par 'jug pa ste/ gang dag der snyoms par 'jug pa'o/ /'du shes med pa can yin pas zhes bya ba ni snyoms par 'jug pa dang sbyar te/ 'di la 'du shes yod pa ma yin pas na 'du shes med pa'i snyoms par 'jug pa'o/ /yang dag pa dang te por snyoms par zhugs pas na 'du shes med pa'i snyoms par 'jug pa ste/ rigs yang dag par sgrub pa ni snyoms par 'jug pa'o/ /gzhan dag na re sems dang 'byung ba chen po mnyam pa nyid du bsgrub pas na snyoms par 'jug pa'o zhes zer ro/ /sems dang sems las byung ba thams cad 'gog pa la yang sa dz+nyA dwe Sha Na [(]'du shes ma stong pas/[) ]de bskyed pa'i phyir 'du shes can gyi snyoms par 'jug pa zhes bya'o/ /na hi nA+o rla be nA dre ShI tang+gar+pa de bas mA pit+ta pra be shAta [(]med min 'phags pa tshor ba stong pa ngas snyoms lnga snyoms pa 'jug pa la zhugs pas so/ /[)] de bzhin zhes bya ba'i sgras ni de tsam zhig mthun par 'dren to zhes bya ba ni de bzhin zhes bya ba'i sgras ni spyir ma zhig kho na mthun par 'dren gyi/ khyad par ni ma yin no zhes ston par byed pa'o/ /gnyi ga yang ma 'ongs pa'i sems dang sems las byung ba'i gegs kyi bdag nyid du mtshungs te/ de nyid kyi phyir de yang sems dang sems las byung ba rnams kyi 'gog pa yin no zhes bya ba smos so/ /bsam gtan tha mar zhes bya ba brjod par bya ste/ rgyu cis 'du shes med pa pa 'bras bu che ba rnams su rnam par smin pa zhes bshad/ 'bras bu che ba ni bsam gtan bzhi par 'chad par 'gyur ro/ /de rgyu cis gzhan gyis par 'gyur zhe na ma bshad pa'i phyir skyon med do/ /'du shes med pa'i snyoms par 'jug pa 'du shes med pa pa'i rgyur 'ga' zhig gis bshad pa de ni ma yin no/ /'di rnam par smin pa zhes mdo las bshad pa ma yin nam zhe na/ 'ga' zhig ni bstan bcos su yang ma yin te/ 'dir mdor byas pa nyid kyis de grub pa'o/ /bsam gtan bzhi pa smos pa ni de las gzhan pa'i bsam gtan dang gzugs med pa'i sa pa nyid bsal bar bya ba'i phyir ro/ /so so skye bo rnams ni tshor ba la chags pas bsam gtan dang gzugs med pa dag la snyoms par 'jug na/ de na ni tshor ba yod pa ma yin pas de'i phyir 'dri ba ni/ ci'i phyir/ 'di la snyoms par 'jug ce na zhes bya ba'o/ /'byung 'dod pas zhes bya ba la/ de dag ni snyoms par 'jug pa lam du 'du shes shing / 'du shes med pa la thar par 'du shes pa yin no/ /'di ni dge ba ste/ 'di ni rnam par smin pa'i rgyu nyid kyi phyir dge ba nyid du ma bshad kyang grub po/ /de'i rnam par smin pa ni 'du shes med pa'i sems can gyi nang du phung po lnga'o/ /nyon mongs pa can dang lung du ma bstan pa yang ma yin te/ 'di las bzlog pa nges par gzung ba de'i tshe brjod par bya'o/ /med par yang rtogs par bya ste zhes bya ba 'di so so'i skye bor bshad do/ /a ram+tha ta/[ (]brtsam pa'i phyir ro/ /[)]skyes nas myong 'gyur nyid ces bya ba la/ de thob pa yongs su nyams pa na bdag nyid thar pa las yongs su nyams par sems shing skyo ba drag po 'byung ste/ de'i phyir de bskyed pa kho na la gus pa'i phyir sangs rgyas rnams kyis 'dul bar bya ba yang ma yin te/ 'gog pa mngon sum du mthong bar rlom pa'i phyir ro/ /de'i phyir/ gang gis 'di bskyed nas yongs su nyams pa de yang zhes bya ba rgyas par 'byung ste/ grag go zhes bya ba'i sgra ni lugs gzhan bstan par bya ba'i phyir ro/ /gzhan dag na re/ skyes nas myong bar 'gyur ba dang myong bar nges pa'i yang yin no zhes zer ro/ /yongs su nyams sam yongs su ma nyams kyang rung ste gal te dge ba'i bshes gnyen dang phrad pa las skyon du lta bar 'gyur na ni de nas nges pa la 'jug par 'gyur la/ zhugs pa na yang bskyed par mi byed cing mngon du yang mi byed do/ /rgyu cis so so skye bo kun tu spyod pa las nyams nas snyoms par 'jug pa dang mi ldan zhe na/ de yang chos 'di dang chos gzhan ci yang rung ba so so skye bo'i kho na yin par 'dod kyi/ 'phags pa'i ma yin zhes bya ste/ 'phags pa rnams ni nges pa la zhugs pa nyid kyis ngan song gi 'gro ba rnams dang 'du shes med pa pa dang / tshangs pa chen por skye ba la sogs pa rnams kyi so sor brtags pa ma yin pa'i 'gog pa 'thob ste/ lta ba'i gnas yin pa'i phyir dang 'phags pa'i lam dang 'gal ba'i phyir ro/ /des na rnam par ltung ba'i gnas lta bur gzigs pas snyoms par mi 'jug go/ /nges par 'byung ba'i 'du shes can ni snyoms par 'jug go/ /'phags pa rnams ni srid pa la nges par 'byung ba 'du shes pa yang ma yin pas de la snyoms par mi 'jug go/ /'byung 'dod pas zhes mdor byas pa ni so so skye bo nyid kyi dbang du byas par 'grub po/ /slar yang brtsams pa'i dgongs pa mi shes so/ /re zhig gzhan dag gis kyang zhes rgya cher 'byung ste/ gang dag mngon du byed cing don du gnyer ba de dag dang / gang dag gis kyang mi thob na/ 'phags pa rnams kyis lta smos kyang ci dgos/ mngon par 'du bya ba chen pos bsgrub par bya ba yin pa'i phyir dang zhes bya ba ni/ 'bad pa chen pos bsgrub par bya ba min pa'i phyir dang zhes bya ba'i tha tshig go/ /de'i phyir 'dris kyang ma btsal bar mi thob po/ /'o na ci zhe na/ dus gcig 'thob 'di ni gnas skabs thams cad du so sor thar pa'i sdom pa bzhin sngon med pa thob pa'i phyir 'das pa'i mi 'thob po sems med pa'i phyir ma 'ongs pa yang mi 'thob ste/ de'i phyir je dang por da lta kho na 'thob po/ /skad cig gnyis pa la sogs pa dag tu 'das pa yang ldan la/ ma 'ongs pa ni da ltar ba dang yang ngo / /'das pa ni 'das pa kho na dang ngo / /ji srid mi gtong ba de srid du zhes bya ba ni/ yongs su ma nyams kyi bar du zhes bya ba'i don to/ /sems med pa'i phyir ma 'ongs pa mi 'thob ste lha'i mig dang rna ba bzhin no/ /sems dang mtshungs par ldan pa ni ma 'ongs pa thob par nus te/ gsal ba'i phyir bzod pa la sogs pa bzhin no/ /bems po yin pa'i phyir cig shos ni ma yin no/ /gang bshad pa/ gal te 'dir snyoms par 'jug pa ji ltar der skye ba na/ dang po dang tha ma dag tu sems dang bcas pa nyid kyis skye ba de'i phyir phung po lnga po'i rnam par smin pa'i ngo bo zhes bya ba ni rtsod pa'i tshig go/ /sems dang bcas pa'i gnas skabs la 'du shes med pa pa zhes mi brjod de de 'jug pa dang ldang ba'i sems kyi 'khor las phung po lnga pa ni rnam par smin pa dngos gzhi'o/ /yongs su rdzogs par byed pa nyid kyis 'du shes med pa pa'i gzugs kyang ris mthun pa la bltos pa'o/ /de bzhin zhes bya ba'i sgras zhes bya ba rgya cher 'byung ba la/ ji ltar gang las sems dang sems las byung ba rnams 'gog pa de 'du shes med pa'i snyoms 'jug pa yin par bshad pa de bzhin du de las ci yang med pa'i skye mched kyi 'dod chags dang bral ba'i sems dang sems las byung ba rnams 'gog pa de ni 'gog pa'i snyoms par 'jug pa'o zhes bya'o/ /zhi bar gnas pa'i 'du shes sngon du btang ba'i zhes bya ba la/ yid la byed pa sA la gnas pa 'di ni zhi'o snyam pa'i 'du shes sngon du btang ba yod pa ni zhes bya bar tshig rnam par sbyar ro/ /'du shes dang tshor ba kun tu 'byung bas yongs su skye ba ni 'gog pa'i snyoms par 'jug pa la de med pas zhi bar gnas pa'i 'du shes su 'gyur la/ de nas dra babs kyang phra ba srid pa'i rtse mo'i yid la byed pa'i mjug thogs su de la snyoms par 'jug go/ /de ltar na 'di ni zhi bar gnas pa'i 'du shes sngon du 'gro ba'i yid la byed pa yin no/ /gnas pa ni gnas pa ste sdod pa zhes bya ba'i tha tshig go/ /yang na 'dis gnas par byed pas na gnas pa'o/ /de la ni 'du shes med pa'i snyoms par 'jug pa la'o/ /nges par 'byung ba'i 'du shes sngon du btang bas zhes bya ba la/ nges par 'byung ba ni nges par 'byung ba ste/ mya ngan las 'das pa yin no/ /de ni 'bras bu la nges par 'byung ba'o snyam pa'i 'du shes ni nges par 'byung ba'i 'du shes so/ /yang na 'dis 'khor ba las nges par 'byin par byed pas na nges par 'byin pa ste lam mo/ / snyoms par 'jug pa de la lam du 'du shes pa ni nges par 'byung ba'i 'du shes te/ de yid la byed pa gang la sngon du 'gro ba yod pa de ni nges par 'byin pa'i 'du shes sngon du btang ba'o/ /'du shes med 'du shes med min skye mched du skye ba 'phen par byed pa'i las ni thams cad pas mchog yin pa'i phyir ram/ srid pa'i mthar thug pa yin pa'i phyir srid pa'i rtse mo zhes bya ste/ shing ljon pa'i rtse mo bzhin no/ /ci'i phyir srid pa'i rtse mo'i 'og gi sa dag tu 'gog pa la snyoms par mi 'jug ce na/ rgyab kyis phyogs pa dang / sems mthar thug par gcod pa dag gis so/ /rnam par thar pa de ni rgyu gnyis kyis rnam par gzhag ste/ rgyab kyis phyogs pa dang sems mthar thug par gcod pas so/ /sa 'og ma dag na ni dmigs pa dang bcas pa thams cad 'jug pa la rgyab kyis phyogs par mi 'gyur la/ mthar thug par gcod par yang mi 'gyur gyi/ sa de'i gong na sems yod pas bar du gcod par 'gyur ro/ /'di dge ba la sogs pa'i bye brag gis ni dge ba kho na yin te/ nyon mongs pa can la lung du ma bstan pa'i gnas ni 'phags pa rnams rnam par g.yeng ba la sogs pa rnams kyis zhi bar mi 'dzin to/ /ji ltar na lan grangs gzhan la myong bar 'gyur ba yin zhe na/ gang gi tshe 'di 'gog pa'i snyoms par 'jug pa bskyed nas gzugs med pa'i 'dod chags dang bral ba las yongs su nyams pas bsam gtan dag tu skyes te/ yang srid pa'i rtse mo thob nas/ der skye ba de'i tshe 'di 'gog pa'i snyoms par 'jug pa ni thob nas yongs su nyams pa yin yang / rnam par smin pa rdzogs par byed pa yin no/ /rnam par smin pa'i phyir ma nges pa yang yin te zhes bya ba la gal te lus kyis mngon sum du byed pa'am/ gnyi ga'i cha las rnam par grol ba zhig 'di nyid du yongs su mya ngan las 'da' bar byed na ni de'i rnam par ma smin pa kho nar 'gyur ro/ /rnam par smin pa ni srid pa'i rtse mo'i phung po bzhi yin te gzugs kyi phung po med pa'i phyir ro/ /'du shes med pa'i snyoms par 'jug pa ni so so skye bo kho na'i yin no zhes bshad na 'di ni gcig tu 'phags pa kho na'i yin no/ /ci'i phyir zhe na/ de'i phyir so so skye bo rnams kyis ni zhes bya ba rgyas par smos so/ /so so skye bo srid pa'i rtse mo thob pa rnams ni sems kyi rgyud la bdag tu mngon par rlom la/ sems de yang der rgyun chad pas bdag chad pas 'jigs pa'i phyir snyoms par mi 'jug go/ /'du shes med pa'i snyoms par 'jug pa la yang thal bar 'gyur ba mtshungs so zhe na/ de ni de ltar ma yin te/ de dag ni gzugs la bdag tu 'du shes kyi sems dang sems las byung ba dag la ni ma yin te/ de'i phyir gzugs yod pas de dag la bdag med par 'gyur ro snyam du skrag pa yod pa ma yin no/ /gal te srid pa'i rtse mor sems dang sems las byung ba rnams kyang kun tu chad na ni gzugs med pa'i phyir kho bo cag bdag nyid thams cad kun tu chad do snyam du skrag par 'gyur ro/ /'phags pa'i lam gyi stobs kyis bskyed pa'i phyir/ so so skye bo rnams ni 'gog pa'i snyoms par 'jug pa skyed par byed pa ma yin te zhes bya bar sbyar ro/ /ji ltar na 'phags pa'i lam gyi stobs kyis bskyed na mya ngan las 'das pa mthong na ni de la mos pa'i phyir ro/ /mya ngan las 'das pa mthong ba ni 'gog pa'i snyoms par 'jug pa de la sems dang sems las byung ba 'gog pa'i bdag nyid kyi sgo nas mos kyi/ mya ngan las 'das pa ma mthong ba ni ma yin no/ /so so skye bos ni shes rab kyis mya ngan las 'das pa 'du shes ldog pa'i mtshan nyid can la zhi bar yang ma mthong ste/ de'i phyir 'di ni sems dang sems las byung ba 'gog pa la mi mos la/ ma mos pas so so skye bo ni snyoms par mi 'jug go/ /slob dpon 'dus bzang na re/ de'i sa pa'i 'ching ba ma spangs pa'i phyir de bskyed par mi nus te/ mthong bas spang bar bya ba las ma 'das par ni srid pa'i rtse mor 'gog pa'i snyoms par 'jug pa de bskyed par mi nus la/ so so skye bo ni de las 'das pa yod pa yang ma yin no zhes zer ro/ /'di yang brtson 'grus kyis so zhes bshad pa na 'phags pa'i lam gyi stobs bskyed pas zhes 'byung ba'i phyir ro/ /'di ni sbyor bas thob par bya ba kho na yin pas zhes bya ba ni 'dod chags dang bral bas thob par bya ba ma yin te/ 'di lhan cig pa'i thob pa can 'di nyid yin par ston to/ /'das pa yang mi 'thob la zhes bya ba la/ gal te yongs su nyams te slar de nyid bskyed par byed pa de'i so so thar pa'i sdom pa bzhin du sngon med pa kho na sbyor bas 'thob [(]gyi[,]kyi[)]/ sngar nyams pa ni ma yin no/ /ma 'ongs pa yang mi 'thob ste zhes bya ba la/ sbyor bas 'thob pa yin yang ma 'ongs pa 'thob par mi 'gyur ro/ /ci'i phyir zhe na/ de'i phyir de ni sems kyi stobs kyis 'thob pa'i phyir ro zhes bya ba smos te/ de'i rigs can ma 'ongs pa gang cung zad cig 'thob pa de ni sems kyi stobs kyis yin te/ dper na sdug bsngal la chos shes pa'i bzod pa la sogs pa dag bzhin no/ /'gog pa'i snyoms par 'jug pa ni sbyor ba kho nas 'thob pa yang yin no zhes bshad la/ gzhan las ni/ dge ba'i mthar 'byon khyed kyi ni/ /sbyor ba las byung cung zad med/ /gang du bzhed par mkhyen pa nyid/ /bzhed pa tsam la rag las lags/ /zhes bshad pa de'i phyir 'dri ba ni/ ci bcom ldan 'das kyi yang sbyor ba las byung ba yin nam zhes bya ba'o/ /byang chub kyis thob ces bya ba la/ gang de yang zad pa dang mi skye ba'i byang chub yin mod kyi/ 'dir ni zad pa shes pa la mngon par 'dod do/ /de nyid kyi phyir/ zad mkhyen pa dang dus mnyam du/ / zhes bya ba rgyas par smos so/ /'di ltar/ de dag gi yon tan zhes bya ba la sogs pa nas/ de bas na de dag gi zhes bya ba'i bar rgyas par 'byung ste/ tsam zhes bya ba'i sgra ni 'bad rtsol rnam par gcad par bya ba'i phyir ro/ /gnyi ga'i cha las rnam par grol ba zhes bya ba la/ gnyi ga'i cha ni nyon mongs pa'i sgrib pa dang snyoms par 'jug pa'i sgrib pa'o/ /de la rdo rje lta bus ni nyon mongs pa'i sgrib pa las grol bar byed la/ zad pa shes pa'i dus na ni rnam par grol ba yin no/ /'gog pa'i snyoms par 'jug pa skyed par byed pas ni snyoms par 'jug pa'i sgrib pa las rnam par grol bar byed la/ bskyed zin pa'i tshe ni rnam par grol ba yin na/ bcom ldan 'das ni gang las zad pa mkhyen pa'i dus na gnyi ga'i cha las rnam par grol ba zhes bya/ 'gog pa'i snyoms par 'jug pa ma bskyed pa'i tshe/ ji ltar snyoms par 'jug pa'i sgrib pa las rnam par grol bar 'gyur zhe na/ de'i sgrib pa dang bral ba'i phyir dang / de mi ldan pa rnam par nyams pa'i phyir bcom ldan 'das kyi zad pa mkhyen pa'i dus na de bskyed zin pa bzhin du mnga' brnyes pa'i phyir te/ de mngon sum du bskyed par nus pa'i gegs dang bral ba'i phyir ro zhes bya ba'i don to/ /de'i phyir ma bskyed pa na yang gnyi ga'i cha las rnam par grol ba grub po/ /nub phyogs pa dag na re/ de ni dang po zhes bya ba rgyas par 'byung ste/ ci ltar zhe na/ byang chub sems dpa' ci yang med pa'i skye mched las 'dod chags dang bral ba yin yang / bsam gtan bzhi pa la brten te bden pa rnams mthong zhing phyir mi 'ong ba'i 'bras bu thob nas/ de las langs nas srid pa'i rtse mo la snyoms par 'jug la/ de nas 'gog pa'i snyoms par 'jug pa la 'jug go/ /'gog pa'i snyoms par 'jug pa las langs nas bsam gtan bzhi pa la brten te/ srid pa'i rtse mo'i nyon mongs pa bsgom pas spang bar bya ba spangs nas sangs rgyas bcom ldan 'das su 'gyur ro zhes bya ba gang yin pa 'di ni chos nyid yin no/ /de ltar na slob pa'i gnas skabs na skyed par byed pa yin no zhes zer ro/ /de'i phyir bar skabs 'dir zhes bya ba la/ skad cig ma sum cu rtsa bzhi'i bar skabs su'o/ /mi 'dra ba'i sems ni srid pa'i rtse mo'am/ bsam gtan bzhi pa las ldang ba'i sems kyang rung ste/ zag pa dang bcas pa'i phyir de srid pas 'gog pa'i snyoms par 'jug par mi rung ste/ de ni srid pa'i rtse mo bas phra ba'i mjug thogs su snyoms par 'jug pa'i phyir mi srid do zhes bya ba'i don to/ /cir 'gyur zhes bya ba ni bstan bcos dang 'gal ba'am/ rig pa dang 'gal ba zhig tu 'gyur zhes bya'o/ /bsam pa ldang ba can du 'gyur te zhes bya ba rgyas par 'byung ba la/ bsam pa ni dgongs pa'o/ /gang gi phyir bsam pa mi ldang ba can du 'gyur ba 'di la rgyu ci zhe na/ bye brag tu smra ba rnams na re/ bsod nams dang ye shes kyi tshogs legs par bsags pa'i phyir dang / thugs rje chen po mnga' phyir dang / /mi mthun pa'i phyogs zil gyis mnan pa'i phyir dang / brtson 'grus brtsam pa'i phyir dang / dam bca' ba brten pa'i phyir dge ba'i rtsa ba las dgongs pa gzhan mi mnga' ste/ byang chub sems dpa'i dge ba'i rtsa ba de dag ni/ gang dag mngon du mdzad pas stan gcig las ma bzhengs pa kho nar byang chub brnyes par byed pa 'di 'dra ba zhig go zhes zer ro/ /snga ma kho na yin no zhes brjod do zhes bya ba la/ 'di sangs rgyas bcom ldan 'das kyi zad pa mkhyen pa dang dus mnyam du brnyes so zhes de skad du zer ro/ /ci'i phyir zhe na/ zag pa zad pa ma thob kyi bar du re shig skyil mo krung mi bshig go snyam pa'i bsam pa 'dis zag pa med pa'i lam las mi ldang bar grub pa'i phyir ro/ /slob dpon 'dus bzang na re/ ji ltar byang chub sems dpa' 'khor ba thog ma dang mi ldan pa nas 'jig rten pa'i snyoms par 'jug pa'i khyad par gyis bslus pas/ zag pa zad pa'i bsam pas skyil mo krung bcas te/ srid pa'i rtse mo'i mthong bas spang bar bya ba sngon rtsa nas ma bton pa rtsa ba dang bcas te/ drungs phyungs nas nyon mongs pa'i dgra drungs phyungs pa'i lhag spang ba'i phyir yid gtad pa ni de'i gnyen po gtang nas 'bad pa thun mong pas thob par bya ba'i 'jig rten pa'i snyoms par 'jug pa thob par bya ba'i phyir gus par byed par 'gyur te/ de'i phyir bye brag tu smra ba rnams snga ma kho na yin no zhes brjod par byed pa 'di ni rig pa yin no zhes zer ro/ /snyoms par 'jug pa 'di gnyis kyis zhes bya ba rgyas par 'byung ba la/ 'du shes med pa'i snyoms par 'jug pa ni bsam gtan bzhi pa'i sa pa yin no/ /'gog pa'i snyoms par 'jug pa ni srid pa'i rtse mo'i sa pa yin no/ /'du shes med pa'i snyoms par 'jug pa la ni thar pa 'dod pa nyid kyis snyoms par 'jug go/ /'gog pa'i snyoms par 'jug pa la ni gnas don du'o/ /'du shes med pa'i snyoms par 'jug pa ni skyes nas myong bar 'gyur ba kho na'o/ /'gog pa'i snyoms par 'jug pa ni skyes nas myong bar 'gyur dang / lan grangs gzhan la myong ba dang ma nges pa yin no/ /'du shes med pa'i snyoms par 'jug pa ni so so skye bo'i rgyud la skye ba yin no/ /'gog pa'i snyoms par 'jug pa ni 'phags pa'i rgyud la skye ba yin no/ /'du shes med pa'i snyoms par 'jug pa ni sbyor ba las byung ba yin no/ /'gog pa'i snyoms par 'jug pa ni sbyor ba las byung ba dang / byang chub kyi sa thob pa yin no/ /gnyis ka 'dod dang gzugs rten can/ /zhes bya bas ni 'di gnyis kyi chos mthun pa ni 'di yin no zhes ston to/ /kha cig na re rgyu dang 'bras bu dag ha cang nye na mi rung bas gzugs kyi khams na ni bsam gtan gsum pa dag na 'du shes med par snyoms par 'jug gi/ bzhi pa na ni ma yin no zhes zer ro/ /gzhan dag na re skye ba ni de'i 'bras bu yin pa'i phyir 'du shes med pa'i sems can ma gtogs par bzhi par yang snyoms par 'jug go zhes zer ro/ /de dag gi ltar na chos mngon pa'i gzhung zhes bya ba ni chos mngon pa dang 'gal bar ston to/ /gzugs kyi srid pa yin la/ srid pa de rnam par 'drid pa can lnga ma yin pa yang yod dam zhe na/ mu bzhi ste/ de la gzugs kyi srid pa ma yin la rnam par 'drid pa can lnga ma yin pa ni gzugs na spyod pa'i sems can zhes bya'o/ /de na lha 'du shes med pa dag kyang yod pas de'i phyir lha 'du shes med pa zhes bya ba smos so/ /'du shes can sems 'dra ba la gnas pa dag kyang yod pas de'i phyir/ sems mi 'dra ba la gnas pa rnams dang zhes bya ba smos so/ /de la mi 'dra ba'i sems ni 'dod pa na spyod pa'i sprul pa'i sems dang / zag pa med pa dang / gzugs med par gtogs pa'o/ /rang gi sa pa'i phung po rnams kho na srid pa zhes bya ba yin pas gzhan gyi sa pa rnams kyi gzugs kyi srid par mi 'dod do/ /de dag ni gzugs kyi srid pa yin gyi/ rnam par 'drid pa can lnga ni ma yin no/ /'gog pa'i snyoms par 'jug pa dang / 'du shes med pa'i snyoms par 'jug pa rnams dang / 'du shes med pa pa la mngon du gyur na yang gzugs kyi srid pa yin la rnam par 'drid pa can lnga ma yin te/ sems dang sems las byung ba med pa'i phyir ro/ /'dir ni lha 'du shes med pa can zhes bya ba dang / 'du shes med pa'i snyoms par 'jug pa dang zhes bya ba 'di dang 'gal ba yin no/ /rnam par 'drid pa lnga zhes bya ba ni phung po lnga zhes bya ba'i don to/ /de bzhin gshegs pa 'od [(]srung [,]srungs [)]kyis gsungs pa las phung po la rnam par 'drid zhes ming btags pa yin no/ /rnam par 'drid pa can lnga yin la/ gzugs kyi srid pa ma yin pa yang yod do/ /'dod pa na spyod pa'i sems can rang gi sa pa'i sems la gnas pa rnams kyi srid pa gang yin pa'o/ / gzugs kyi srid pa yang yin la rnam par 'drid pa can lnga yod de/ gzugs na spyod pa'i sems 'dra ba la gnas pa rnams kyi'o/ /gzugs kyi srid pa yang ma yin la rnam par 'drid pa can lnga yang ma yin pa yod de/ gzugs med par skyes pa'i sems can rnams dang / 'dod pa'i khams su skyes pa sems mi 'dra ba la gnas pa rnams dang / 'gog pa'i snyoms par 'jug pa dang / 'du shes med pa'i snyoms par 'jug pa la snyoms par zhugs pa rnams kyi srid pa gang yin pa'o/ /'gog pa dang po mi nang du mi dag gi nang kho nar te/ ston pa po dang 'chad pa po dang sbyor ba'i stobs yod pa'i phyir ro/ /phyis ni sngar yongs su nyams pa dag gis gzugs kyi khams su bskyed kyi/ gzugs med pa'i khams su ni ma yin te rten med pa'i phyir ro/ /srog gi dbang po ni gzugs dang sems la brten nas 'byung na gzugs med pa'i khams su 'gog pa la snyoms par zhugs pa la de ni rgyun chad pa yin no/ /phung po rnams phan tshun stobs kyis gnas pa'i phyir phung po gcig pa'i lus kyang med do/ /sems dang sems las byung ba rnams tha mi dad par 'jug pa'i phyir phung po gsum pa yang mi rung ngo / /'du shes med pa'i snyoms par 'jug pa ni dang po gzugs kyi khams su yang skye ste/ 'khor ba thog ma med pa nas 'dris pa'i phyir ro/ /snyoms par 'jug pa 'di ni mya ngan las 'das pa dang 'gog pa'i phyir khyad par du 'phags pa zhig ste de'i phyir yongs su nyams pa mi srid de snyam du sems la byas nas/ ci 'di las kyang yongs su nyams pa yod dam zhes 'dri bar byed do/ /'chad byed kyi mdo ni gleng gzhi mnyan du yod pa na ste/ de nas tshe dang ldan pa shA ri'i bus dge slong rnams la smras pa/ tshe dang ldan pa dag 'di na zhes bya ba ni mi dag gi nang na'o/ /dge slong tshul khrims dang ldan pa zhes bya ba la sogs pas ni phung po gsum gyis bsdus pa'i lam gsungs so/ / mthong ba'i chos kho na zhes bya ba ni mthong ba'i skye ba kho na la'o/ /dang po nyid du zhes bya ba ni thog ma kho nar ro/ /kun shes pa ni dgra bcom pa nyid do/ /thob par mi byed pa ni rnyed par mi byed pa'o/ /lus zhig nas zhes bya ba ni ming dang gzugs kyi tshogs dag so sor gnas nas te shi nas zhes bya ba'i don to/ /kham gyi zas za ba zhes bya ba ni 'dod pa na spyod pa'i lha dag go/ /mdo der yang bcom ldan 'das kyis yid las byung ba'i lus can gyi lha ni gzugs na spyod pa yin par gsungs la zhes bya ba la/ der 'char byed kyi yid las byung ba gzugs med pa na spyod pa'i lus yin par sems la bsams te/ tshe dang ldan pa shA ri'i bu dge slong yid las byung ba'i lus gang yang rung ba zhig tu skyes pa zhig yang dang yang du 'du shes dang tshor ba 'gog pa la snyoms par 'jug pa pa dang ldan pa'i gnas de yod do zhes bya bar yang dag pa ji lta ba bzhin du 'du shes so zhes bya ba gang yin pa de ni gnas ma yin zhing skabs med de/ de ni gnas med do zhes 'phags pa shA ri'i bu phyir zlog par byed do/ /de ltar lan gsum du bkag pa dang / 'phags pa shA ri'i bu bcom ldan 'das kyi thad du dong ngo / /der yang des lan gsum kho nar bkag ste 'dir yang cang mi smra bar gyur to/ /der bcom ldan 'das kyis tshe dang ldan pa 'char byed la bka' stsal pa/ 'char byed khyed kyis yid las byung ba'i lha'i lus gang yang rung ba ji ltar shes gzugs med pa'i kho na yin par shes sam/ bcom ldan 'das de lta lags so/ /re zhig khyod kyi skyes bu rmongs pa long ba kho na yin bzhin du shA ri'i bu dge slong mig dang ldan pa dang lhan cig chos mngon pa dang 'dul ba'i gtam bya bar sems/ 'dir shA ri'i bu ni yid kyi rang bzhin gyi lus gzugs na spyod pa yin par 'dod de/ phyi rol gyi khu ba dang / khrag la sogs pa la ma brten par 'byung ba'i phyir ro/ /'char byed ni gzugs med pa na spyod pa yid las byung ba yin par 'dod de yid tsam las skyes pa'i phyir ro/ /de lta na 'char byed smad par mdzad pa'i phyir dang / shA ri'i bu'i phyogs yongs su gzung ba'i phyir snyoms par 'jug pa 'di gzugs med pa'i khams su mi skye bas yid las byung ba'i lus ni gzugs na spyod pa yin no zhes bshad par 'gyur ro/ /mdo las mthar gyis gnas pa'i snyoms par 'jug pa dgu zhes bya ba ni bsam gtan bzhi dang / gzugs med pa bzhi dang 'du shes dang tshor ba 'gog pa'o/ /gal te bsam gtan pa'i sa pa'i yin na ni/ de lta yin dang / bsam gtan bzhi pa'i mjug thogs su de la snyoms par 'jug pas dbus su 'don par 'gyur gyi tha mar ni ma yin no/ /de ltar na mthar gyis gnas pa'i snyoms par 'jug pa dgu zhes bya ba'i mdo dang 'gal bar 'gyur ro/ /thod rgal du snyoms par 'jug pa po dag ni gang dag dang po nas gnyis pa brgal te/ gsum pa la snyoms par 'jug go/ /gzhan la yang de bzhin du brjod par bya'o/ /mthar gyis gnas pa'i snyoms par 'jug pa dgu zhes bya ba 'di ni rtsom pa dang po pa la nges pa yin te/ 'dir ni bsam gtan dang po ma bskyed par ni bsam gtan gnyis pa la snyoms par 'jug par mi nus so/ /de bzhin du 'du shes med 'du shes med min skye mched ma bskyed par 'du shes dang tshor ba 'gog pa la snyoms par 'jug pa'i bar du mi nus so/ / dga' mgur dbang ba ni phul du byung bar dbang ba nyid do/ /rnam par brgal te yang snyoms par 'jug go zhes bya ba ni dang po nas gsum par ro/ /gsum pa nas nam mkha' mtha' yas skye mched du'o zhes bya ba la sogs pa'o/ /'gog pa'i snyoms par 'jug pa las srid pa'i rtse mor phung po bzhi pa rnam par smin pa'i ngo bo zhes bya ba rtsod pa'i tshig go/ /tshe la sogs pa rnams kyi rang bzhin sems dang lus la brten nas 'jug pa'i phyir srid pa'i rtse mor yang gzugs med pa'i phyir sems med pa'i gnas skabs med do/ /phung po gcig pa'i srid pa mi srid pa de'i phyir sems dang sems las byung ba med par mi 'os so/ /ci ltar 'du shes med pa'i snyoms par 'jug pa d+h+yA no t+yai/ srid pa'i rtse mor yang 'gog pa'i snyoms par 'jug pa/ ra saM ga t+ya na nu brta te/ 'du shes la sogs pa yang zhes bya ba rtsod pa'i tshig go/ /bsam gtan bzhi pa dang srid pa'i rtse mo'i sa pa nyid de'i sa pa'i rgyas par byas pa'i phyir ro/ /de'i mjug thogs su skyed par byed pa de yang mi rigs te/ bi tsA ri Ni ya mi te/ de mi rigs te de ma thag tu bskyed pa med pas de'i sa pa nyid kyi rgyur ha cang thal ba'i phyir ro/ /gang bshad pa/ gal te bsam gtan bzhi pa'i mjug thogs su sems med pa'i 'gog pa'i snyoms par 'jug par gyur na bsam gtan bzhi pa sngon du 'gro ba'i mthar gyis gnas pa'i snyoms par 'jug pa nyid do/ /mthar gyis bskyed pa'i dbang du byas nas 'dir 'gyur bas na/ de lta bu la gegs ci phyir mi 'ong bas bsam gtan bzhi pa'i snyoms par 'jug pa'i mjug thogs su 'gog pa'i snyoms par 'jug pa bskyed ces bya ba rtsod pa'i tshig go/ /gang gi tshe 'di sems gcod pa dang rjes su mthun pa mngon par 'du byed pa med par de'i rgyu ba ches phra bar lam mngon par sgrub par byed de/ de thob nas mthar gyis 'du shes med 'du shes med min skye mched kyi mtshan nyid sems gcod pa dran pas ci yang med pa'i skye mched kyi 'dod chags dang bral bas sgrub par byed pas 'gog pa'i snyoms par 'jug pa srid pa'i rtse mo nyid sgrub byed do/ /de 'dod chags dang bral bas snyoms par 'jug pa'am mthar gyis gnas pa'i snyoms par 'jug pa rnams zhes bya ba de'i gnas skabs mdo dang 'gal bar 'gyur ba de'i phyir 'du shes med pa'i snyoms par 'jug pa yang 'dir thal bar 'gyur ro zhes bya'o/ /de dge rgyas kyi 'dod chags dang bral ba gong ma'i 'dod chags bral ba ma yin zhes bya ba nges pa'o/ /de ltar snyoms par 'jug pa 'di gnyis ni zhes bya ba la sogs pa 'byung ste tshul ni ji skad bshad pa bzhin no/ /myong bar 'gyur ba nges pa dang gnyi ga yin pa'i phyir ro zhes bya ba la/ 'du shes med pa'i snyoms par 'jug pa ni myong bar 'gyur bar nges pa'o/ /'gog pa'i snyoms par 'jug pa ni gnyis ka yin te/ phyir mi 'ong ba ni myong bar 'gyur bar nges pa yin gyi dgra bcom pa'i ni ma yin te/ de ni de nyid la yongs su mya ngan las 'da' ba'i phyir ro/ /yang na skyes nas myong bar 'gyur ba dang / lan grangs gzhan la myong bar 'gyur ba las gnyis ka myong bar 'gyur ba yin no/ /dang po skyes pa las kyang zhes bya ba rgyas par 'byung ba la/ /'du shes med pa'i snyoms par 'jug pa ni kha cig dang po mi dag gi nang du skyes la/ kha cig gis ni lha dag gi nang du'o/ /'gog pa'i snyoms par 'jug pa ni dang po mi dag gi nang kho nar skye la/ yongs su nyams pas ni yang gzugs kyi khams su skye'o/ /yang ci'i phyir 'di dang po mi dag gi nang kho nar skye'i 'du shes med pa'i snyoms par 'jug pa bzhin gzugs kyi khams su ma yin zhe na/ mnyam p ar ma bzhag pa yin pa'i phyir 'dod pa'i khams kyi 'du shes dang tshor ba'i sgo nas rtog pa dang dpyod pa la sogs pa sems las byung ba rab tu rgyu bas yongs su skyo bas phyir mi 'ong ba rnams 'gog pa la zhi bar gnas pas bde bar gnas par bya'o snyam pas 'gog pa'i snyoms par 'jug pa rnyed par byed cing yang yang sgrub par byed do/ /phyir mi 'ong ba gzugs kyi khams su skyes pa ni gzugs kyi khams mnyam par gzhag pa yin pa'i phyir sems dang sems las byung ba 'byung bas de ltar gnod par mi byed pas der dang por 'gog pa'i ting nge 'dzin bskyed par mi byed do/ /bskyed zin pa yongs su nyams pa ni sngon goms pa'i dbang gis skyed par byed do/ /'du shes med pa'i snyoms par 'jug pa la thar pa'i lam du 'du shes pa skyed par byed pas na/ gzugs kyi khams su yang dang por de bskyed pa mi 'gal lo/ /sems dang sems las byung ba 'gog pa'i rang bzhin du mtshungs pas ming 'jug pa'i rgyu tha dad pa ma mthong ste/ 'dri ba ni/ yang ci'i phyir 'di dag ces bya ba rgyas par 'byung ste/ sgra 'jug pa'i rgyu mtshan khyad par med pa'i phyir 'gog pa'i snyoms par 'jug pa zhes gnyis ka yang ming khyad par med par 'gyur dgos so zhes bya ba'o/ /yang na sems dang sems las byung ba thams cad 'gog pa'i rang bzhin yin yang ci'i phyir/ 'du shes dang tshor ba 'gog pa dag gi bsnyad kyi sems dang sems las byung ba gzhan gyis ni ma yin no zhes bya'o/ /de dag dang mi mthun pas zhes pa ni 'du shes dang mi mthun pa dang / 'du shes dang tshor ba dang mi mthun pas so/ /snyoms par 'jug pa de dag la sbyor ba ni de dag la snyoms par 'jug par sbyor ba'o/ /de la 'du shes dang mi mthun pas 'du shes med pa'i snyoms par 'jug pa la sbyor te/ 'du shes ni nad yin no/ /'du shes ni 'bras yin no/ /'du shes ni zug rngu yin no zhes bya ba dang / 'di ni zhi ba'o 'di ni gya nom pa zhes bya ba rgyas par 'byung ba'o/ /'du shes dang tshor ba dang mi mthun pas ni 'gog pa'i snyoms par 'jug pa la sbyar te/ gcig ni lta ba'i kun nas nyon mongs pa'i gzhi yin la/ gnyis pa ni srid pa'i kun nas nyon mongs pa'i gzhi yin no/ /de'i phyir de dag dang mi mthun pa nyid yin no/ /gzhan gyi sems shes pa zhes bya ba bzhin no zhes bya ba la/ gzhan gyi sems shes par bya ba'i phyir de la rab tu sbyor bas na/ de la gzhan gyi sems shes pa zhes bya'i des tshor ba la sogs pa'i chos rnams ni shes pa ni ma yin te de bzhin du 'dir yang yin no/ /gzhan dag na re/ mtshungs par ldan pa'i chos rnams bskyed pa 'gog pas spangs pa thob pa'i phyir 'di dus mtshungs par 'jug pa can zhes bya ba ming dang 'dod pa sna tshogs kyi chos ston pa mi rigs te/ 'di rnam par shes pa'i tshogs las ma 'das par 'gyur ro zhes so/ /'ga' zhig 'du shes med pa'i snyoms par 'jug pa 'du shes tsam 'gog pa nyid du 'dod pa ji lta bar 'gog pa'i snyoms par 'jug pa 'du shes dang tshor ba 'gog pa ste de dag pa ri hA ra man+ta re Na mu khyai ba br-i h+yA de dag 'du shes kyi 'jug pas mang po pa'i dbye ba rnams su khas blangs pas 'du shes dang tshor ba dag mang po par nges par khas lan par byed de/ rtog pa dang dpyod pa dang gnyid bzhin no zhes zer ro/ /da ni ji ltar zhes bya ba rgya cher 'byung ste/ gang gi phyir myu gu la sogs pa rgyu dang ldan pa rnams ni de ltar zhig nas yun ring du lon pa'i sa bon las skye ba ma mthong ngo / /'das pa yang yod pa'i phyir zhes bya ba 'byung ste/ gal te yod na ji ltar 'das pa yin zhe na/ byed pa 'gags pa'i 'das pa zhes bya'i rang gi ngo bo yongs su gtang ba'i phyir ni ma yin no/ /de'i phyir 'gags ma thag pa ltar 'gags nas yun ring du lon pa yang bye brag tu smra ba rnams mtshungs pa de ma thag pa'i rkyen nyid du 'dod do/ /kun gzhi rnam par shes pa yod pa ma yin pa sems la bzhag nas bye brag tu smra ba smos so/ /a tra sU yar+thaM/ 'di gnyis ni phan tshun sa bon can yin no zhes bya ba ni sems la yang dbang po dang bcas pa'i yul gyi sa bon yod la/ lus la yang dbang po dang bcas pa'i sems kyi sa bon yod de/ de ltar na gnyis ka phan tshun gyi sa bon can yin no/ / sngon gyi slob dpon rnams ni sngon gyi mdo sde pa rnams so/ /gal te ris mthun pa'i rgyu la ma bltos par dbang po dang bcas pa'i lus las rnam par shes pa skye ba nyid yin na/ rten dang dmigs pa cig car gnas pa na yul thams cad la rnam par shes pa skye bar 'gyur ro/ /sems snga ma gang yin pa de la rag las pas sems phyi ma skye bas na gnyis pa la mtshungs pa de ma thag pa'i rkyen med pas rten dang dmigs pa yod kyang cig car mi skye bar thal bar 'gyur ro/ /gal te sems yod pa ma yin yang sems med pa'i dbang po dang bcas pa'i lus kyi sa bon las so zhe na 'di yang mi rigs te khyad par gyi rgyu med pa'i phyir ro/ /yongs su dri ba las zhes bya ba ni de nyid kyis byas pa'i bstan bcos de las so/ /skyon du 'gyur gyi zhes bya ba ni/ da ni ji ltar 'gags nas yun ring du lon pa'i sems las yang sems skye bar 'gyur zhes gang sngar brjod pa'o/ /'gags nas ring du lon pa smos pa ni de ma thag pa bsal bar bya ba'i phyir ro/ /de ma thag 'gags pa las kyang skye bar mi rung ngo / /'gags pa ni yod pa ma yin pa'i phyir 'gags nas yun ring du lon pa bzhin no/ /ci ste de ma thag pa 'gags/ /gal te 'gags nas yun ring lon yang de ma thag 'gags pa bzhin de nyid kyi phyir skye ba mi 'gal lo/ /de ma thag 'gags pa ni yod pa nyid du mi 'dod de/ de ma thag 'gags pa la brten nas 'jig pa'i gnas skabs kyi sems skye ba mi 'gal lo/ /de skyes pas de yang 'gag go zhes bya ste/ de la btsun pa dbyig bshes ni yid kyi rnam par shes pa'i sems dang bcas pa 'dod kyi kun gzhi rnam par shes pa'i sems dang bcas pa ni ma yin no/ /de ni mi 'thad de zhes bya ba 'byung ste/ 'gog pa'i snyoms par 'jug pa sems dang bcas pa yin no zhes gang smras pa de mi 'thad do/ /gsum 'dus pa las reg pa zhes bya ba ni dbang po dang yul dang rnam par shes pa rnams so/ /reg pa'i rkyen gyis tshor ba dang zhes bya ba rgyas par 'byung ba la/ gegs byed pa med pa'i rgyu yod na 'bras bu gdon mi za bar 'byung bas 'gog pa'i snyoms par 'jug pa'i rdzas 'di la 'du shes dang tshor ba dag kyang 'gog par mi 'gyur te reg pa bzhin no/ /'on te zhes bya ba rgyas par 'byung ba la/ reg pa'i rkyen gyis tshor ba dang / 'du shes dang / sems pa thams cad yin gyi/ reg pa thams cad ni tshor ba la sogs pa rnams kyi rkyen ma yin pas 'gog pa'i snyoms par 'jug par reg pa rkyen yod pas 'du shes dang tshor ba la sogs pa dag mi dgag par thal bar 'gyur ro/ /'du shes dang tshor ba la rgyab kyis phyogs pas gnas skabs de 'thob pas gnas skabs de na reg pa yod kyang / 'du shes dang tshor ba dag gi rkyen nyid bsgrub par mi nus so/ /de nyid la dpe ni tshor ba'i rkyen gyis sred pa zhes bya ba la sogs pa'o/ /tshor ba la sogs pa mi 'byung ngo zhes bya ba la sogs pas zhes bya ba'i sgras ni 'du shes dang sems pa yongs su gzung ngo / /khyad par du byas pa'i phyir ma yin te zhes bya ba la/ tshor ba bzhin du reg pa thams cad tshor ba'i rkyen ma yin no zhes bya ba de ni ma yin no/ /ci'i phyir zhe na/ mdo gzhan las tshor ba khyad par du byas pa'i phyir ro/ /ma rig pa'i 'dus te reg pa las skyes pa zhes bya ba rgyas par 'byung ba la/ ma rig pa dang 'brel ba'i reg pa ni ma rig pa'i 'dus te reg pa'o/ /ma rig pa'i 'dus te reg pa las byung ba ni ma rig pa'i 'dus te reg pa las skyes pa'o/ /de ltar sred pa skye ba la tshor ba ma rig pa'i 'dus te reg pa las skyes pa nyid kyi khyad par byas pa ma yin te/ de'i phyir ma rig pa med pa'i tshor ba ni sred pa'i rkyen yin no zhes bya bar sgrub par mi nus so/ /tshor ba skye ba la zhes bya ba la sogs pa la/ reg pa 'di 'dra ba ni tshor ba'i rkyen yin la/ 'di 'dra ba ni ma yin zhes bye brag tu ma byas te/ de'i phyir bye brag med par nye bar blangs pa'i phyir reg pa thams cad tshor ba'i rkyen yin pas dpe 'di mtshungs pa ma yin no/ /de lta bas na bye brag tu smra ba rnams ni zhes bya ba la sogs pa 'du shes dang tshor ba snyoms par 'jug pa'i rkyen gyi rnam pa ma yin te/ de dag gis reg pa bskyed cing rtog pa med pa'i bsam gtan bzhin no zhes bya ba rtsod pa'i tshig go/ /'di yang 'di nyid kyis so sor bshad de/ 'on kyang ji skad du/ tshor ba gang yin pa dang / sems gang yin pa dang / 'du shes gang yin pa dang / rnam par shes pa gang yin pa 'dres pa'i chos 'di dag gi ma 'dres pa zhes bya ba 'di 'gal te de ltar na rtog pa dang dpyod pa dang sems 'dres pa'i nges pa mdor byas pa ma yin no/ /ting nge 'dzin sems dang bcas pa dge ba ni sems dang sems las byung ba rtse gcig par bsgrub pa'i phyir snyoms par 'jug pa nyid du rung gi gzhan du ni ma yin no zhes bsams te 'dri ba ni/ ji ltar na sems med pa snyoms par 'jug pa yin zhes bya ba'o/ /'byung ba chen po mnyam pa nyid du bsgrub pa'i phyir ram zhes bya ba la/ 'byung ba chen po rnams kyi mnyam pa nyid ni sems dang sems las byung ba skye ba dang mi mthun par gnas pa ste bsgrub pa ni de ltar byed pa'o/ /snyoms par 'jug pa'i sbyor ba'i sems kho na 'byung ba chen po mnyam pa nyid du sgrub par byed de/ lus dang sems dag phan tshun mthun par byed pa'i phyir ro/ /gzhan dag na re 'byung ba chen po mnyam pa nyid ni gnod pa med pa'i chos can nyid yin te/ 'di ltar 'gag pa'i snyoms par 'jug pa ni gnod pa med pa'i chos can yin no/ /yang na sems kyi 'gog pa'i snyoms par 'jug pa de la snyoms par 'jug pa ni snyoms par 'jug pa yin te/ snyoms par 'jug pa dang sems gnyis lhan cig gnas par 'gal ba'i phyir ji ltar snyoms par 'jug ce na/ de'i phyir thob par 'gyur bas na zhes bya ba smos te/ 'di ltar snyoms par 'jug pa'i sbyor ba'i sems ni sems dang sems las byung ba 'byung ba dang 'gog pa'i snyoms par 'jug pa 'dren pa yin no/ /sems skye ba las gegs byed pa'i phyir zhes bya ba la/ gang gi phyir 'gog pa'i snyoms par 'jug pa ni chu 'bab pa la chu lon ltar dus gzhan gyi bar du sems skye ba la gegs byed pa zhig ste/ med pa ni sems bskyed pa'i gegs byed par ji ltar 'gyur/ 'jug bzhin pa'i sems mi 'jug pa ni rgyu bde ba'am/ de 'jug pa dang 'gal ba'i phyir rkyen nye ba las yin grang / de re zhig rgyu zad pa las ni ma yin te/ yang 'byung ba'i phyir ro/ /de'i phyir 'gal ba'i rkyen gzhan gyis byas pa yin no zhes bya bar rtogs la/ 'gal ba'i rkyen gang yin pa de yang 'gog pa'i snyoms par 'jug pa yin na/ ma yin te snyoms par 'jug pa'i sems kho nas de la gegs byed pa'i phyir ro zhes bya ba la 'gal ba'i rkyen gzhan gyis byas pa de'i tshe sems mi 'jug pa ni bden na 'gal ba'i rkyen de ni sems gzhan skye ba dang 'gal ba snyoms par 'jug pa'i sems kho na yin gyi gzhan ni ma yin no/ /'jug pa'i rgyu las sems 'jug pa rnam par chad par yang mi rigs la/ sems kyang 'jug pa'i rgyu yin te/ de phyir mar me la rlung ltar sems la yang mi 'jug pa'i rgyu gzhan kho na zhig khas blang bar bya'o zhe na/ de'i phyir de dang 'gal ba'i rten bskyed pa'i phyir zhes bya ba smos te/ sems skye ba dang 'gal ba'i rten bskyed pa'i phyir zhes bya ba'i don no/ /mar me sdong bu la rag las pa ltar sems 'jug pa ni rten la rag las te/ de'i phyir rten nyams pas sems mi 'jug par mi 'gal lo/ /rten nyams pa de ni snyoms par 'jug pa'i sems kyis byed de de'i phyir snyoms par 'jug pa'i sems kho na de la gegs byed pa'i phyir ro zhes de skad du bshad do/ /de la snyoms par 'jug pa zhes bya ba la/ sems mi 'jug pa de la snyoms par 'jug pa zhes gdags so/ /de gdags pa'i nye bar lan pa po gang zhig yin/ nye bar len pa med pa ni cung zad kyang btags pa yod pa ma yin no zhe na/ sems gang dag mi 'jug pa de dag de mi 'jug pa'i nye bar len pa yin no/ /gal te ma skyes pa'i phyir yod pa ma yin pa de dag ji ltar na btags pa'i nye bar len par rung zhe na/ ma 'ongs pa yin yang sems la gnas pa de dag ni mi 'jug pa'i nye bar len pa nyid du 'dod de/ dper na/ rdzogs sangs rgyas rnams ma byung zhing / /nyan thos rnams kyang zad pa na/ /rang sangs rgyas kyi ye shes ni/ /brten pa med pa rab tu 'byung / /zhes bya ba bzhin no/ /der ni sangs rgyas ma 'ongs pa blo la gnas pa rnams kho na mi 'byung ba yin te/ ma skyes pa'i sangs rgyas ni yod pa yang ma yin no/ /nyan thos rnams kyang zhig cing blo la gnas pa rnams kho na zad par brjod kyi da ltar ba rnams ni ma yin no/ /de'i phyir 'das pa dang ma 'ongs pa yod pa ma yin yang zhig pa dang ma skyes pa dag blo la gnas pa kho na btags pa'i nye bar len pa yin par mi 'gal lo/ /gal te snyoms par 'jug pa ma 'ongs pa'i sems mi 'jug pa tsam yin la/ de yang dngos po med pa yin pas 'dus ma byas su 'gyur ro zhe na/ de'i phyir mi 'jug pa tsam de yang zhes bya ba rgyas par smos so/ /'dir gang gi dbang du byas nas 'dus byas zhes brjod pa mi 'jug pa tsam zhes bya ba 'dus byas grub par 'gyur ba ni cung zad kyang med kyi 'on kyang snyoms par 'jug pa sngon dang phyis med pas mi 'jug pa tsam gyis snyoms par 'jug pa la 'dus byas su gdags so/ /yang na rten nyid ces bya ba rgyas par 'byung ba la sngar ni tha snyad kyi sgo nas sems mi 'jug pa tsam snyoms par mi 'jug pa nyid yin pa dang / 'dus byas nyid du bshad la da lta ni snyoms par 'jug pa'i dbang gis gnas skabs gzhan thob pa'i rten nyid snyoms par 'jug pa yin te/ de'i phyir don dam pa'i sgo nas 'dus byas kyi rdzas yod pa ma yin yang snyoms par 'jug pa zhes bshad par 'gyur ro/ /'du shes med pa pa yang de bzhin du zhes bya ba la/ ji ltar 'gog pa'i snyoms par 'jug pa btags pa tsam yin pa de bzhin du 'du shes med pa pa yang yin no/ /rnal 'byor pa la ni de'i smon lam gyis 'phen pa'i shugs las snyoms par 'jug pa 'phangs pa chad na yid dang chos dag la brten nas yid kyi rnam par shes pa skye la/ 'du shes med pa pa ni las kyi rnam par smin pa'i 'phen pa zad pas 'chi 'pho bar 'gyur ro/ /snyoms par 'jug pa dag bstan zin to/ /srog ni tshe yin/ 'di rnam grangs brjod pa yin gyi mtshan nyid ni ma yin te bstan bcos las bstan pa'i ngor byas pa'i phyir ro/ /de nyid kyi phyir chos mngon pa las 'di skad du zhes bya ba smos so/ /rnam grangs ni grub na mtshan nyid byed pa yin no/ /'di ni srog dang 'dra bar grub pas 'dis srog gi don nges par mi nus te de'i phyir tshe zhes bya ba'i chos 'di gang yin pa zhes bya ba rgyas par 'byung ngo / /drod dang ni rnam shes rten gang yin pa'o zhes bya ba de 'bras bu'i sgo nas 'chad pa'o/ /gnas pa'i rgyu zhes bya ba ni rten du gyur pa zhes bya ba 'di rnam par bshad pa'o/ /'di skad bstan par 'gyur te ji srid du tshe yod pa de srid du 'di gnyis rgyun chags su 'jug pa yin no/ /da ni tshe'i rten du gyur pa zhes bya ba 'byung ste gnas pa'i rgyu gang yin zhes bya ba'i don to/ /drod dang rnam par shes pa de dag nyid yin no zhes bya ba 'byung ste tshe ni de dag la rag las te gnas pa'i phyir ro/ /'o na ni zhes bya ba rgyas par 'byung ba la/ gang dag la phan tshun bltos te 'jug pa yod pa de dag ni phan tshun bltos te 'jug pa'o/ /de'i dngos po ni phan tshun bltos te 'jug pa nyid de phan tshun bltos te 'jug pa ni de'i phyir ro/ /de dag las ni drod dang rnam par shes pa dang tshe gsum las so/ /gang zhig sngar ldog par 'gyur te zhes bya ba rgyas par 'byung ste/ tshe ma ldog par gzhan dag ldog pa med la gzhan dag ldog pa med par yang tshe ldog pa med do/ /de bzhin du gzhan la yang brjod par bya ste/ de ltar na rtag tu ldog pa med par thal bar 'gyur ro/ /de'i phyir de dag phan tshun nyid du mi rung ngo / /'o na ni tshe'i rten du gyur pa ni las yin gyi/ drod dang rnam par shes pa dag ni ma yin no/ /de lta na las kyis 'phen pa zad pas ldog tshe la/ de log pas drod dang rnam par shes pa dag ldog pas rtag tu ldog pa med par thal bar mi 'gyur ro/ /ci ltar las tshe'i rten du gyur pa yin zhe na de'i phyir las kyis ji srid du 'phangs pa de srid du rjes su 'jug pa'i phyir ro zhes bya ba smos so/ /de rjes su 'jug pa ni las kyis 'phen pa'i rgyu can yin no/ /drod dang rnam par shes pa dag gi rten du gyur pa yang las kho na yin par ci'i phyir mi 'dod de srog gi dbang po dang cig car skye ba'i phyir dang 'jig pa'i phyir ro snyam du bsams pa yin no/ /ma shi'i bar du rnam par shes pa thams cad ces bya ba rgyas par 'byung ba la/ rnam par shes pa las kyis ji srid 'phangs pa de srid du rjes su 'jug pa'i srog ltar las kyi rten can du 'gyur na ma shi'i bar du rnam par shes pa dge ba dang nyon mongs pa can dang / spyod lam pa dang / bzo'i gnas pa dang / sprul pa pa thams cad srog bzhin du rnam par smin par 'gyur ro/ /'o na drod kyi zhes bya ba la sogs pa la/ srog gi dbang po dang lhan cig skye ba dang 'gag pa'i phyir dang / lung du ma bstan pa yin pa'i phyir rnam par smin pa'i ngo bor 'gal ba med pas/ drod kyi rten tu gyur pa ni las yin par 'gyur ro/ /de lta na ni zhes bya ba la sogs pa 'byung ngo / /drod med pa'i phyir zhes bya ba la drod ni me'i khams yin na/ 'byung ba dag ni gzugs med pa'i khams na yod pa ma yin no/ /drod med pa'i phyir gzugs med pa'i rnam par shes pa de'i rten ni las yin par 'gyur ro/ /gang la lar ni zhes bya ba rgyas par 'byung ba la/ dngos po rnams kyi rgyu dang 'bras bu'i dngos po'i rang bzhin gyi rgyu can yin pa'i phyir 'dod pa'i sgo nas 'brel ba ma yin te/ de'i phyir thams cad du thams cad kyi tshe rgyu dang 'bras bu'i dngos po 'khrul pa med do snyam du bsams pa yin no/ /bshad zin to zhes bya ba rgyas par 'byung ba la/ srog bzhin du rnam par shes pa las la brten pa nyid min na ni/ gzugs med pa dag na rnam par shes pa nyon mongs pa can dang / dge ba med par 'gyur ro/ /gzhan dag na re/ tshe ni gcig tu rnam par smin pa nyid yin pa'i phyir skye ba mtha' dag gi rjes su 'jug go/ /las ni rten no/ / drod gcig tu rnam par smin pa 'du shes sam ming saM dz+nyAM no naM [(]gnyi ga ltar yang ma yin [)]b+ha ya thA/ gang du yang skye ba mtha' dag gi rjes su 'jug pa ma yin no/ /der yang las las skyes pa kho na'o/ /de'i rten ni las so/ /las las skyes pa'i rnam par shes pa rgyun mi 'jug pa la las rnams nus pa ci yang yod pa ma yin no/ /de'i phyir de dag tshe'i rten zhes bshad do/ /rnam par smin pa las skyes pa zhes bya ba ni de'i ris mthun pa can rnam par shes pa'i rgyun chad nas slar skye ba la tshe kho na rten yin no/ /de lta bas na de gnyis kyi rten du gyur pa'i tshe na yod pa kho na'o/ /'jig rten dang bstan bcos dag dang 'gal ba'i phyir med do zhes ni mi smra mod kyi rdzas gzhan ni med do zhes smra'o/ /ci'i phyir zhe na/ rang gi ngo bo dang 'bras bu nges par ma zin pa'i phyir ro zhes sngar bshad pa'i gtan tshigs kho na'i rjes snyeg go/ /gal te rdzas gzhan ma yin na/ 'o na de ci yin zhe na/ de'i phyir khams gsum pa'i las kyis zhes bya ba rgyas par 'byung ba la/ ris mthun pa ni de lta bur gyur pa'i 'du byed ci rigs par skye mched drug gi bdag nyid can rten dang bcas pa de dag kho na yin la de gnas pa ni rgyun chags par rjes su 'jug pa'o/ /de'i dus ni ji srid kyi bar du de rjes su 'jug par 'gyur ba'o/ /de'i 'phen pa ni nying mtshams sbyor ba'i skad cig ma la ci rigs par skye ba ma ma'i las kyis rgyu'i dngos por gnas par byas pa'o/ /yang rgyu'i dngos po de ci zhig ce na nus pa ste 'di ltar nying mtshams sbyor ba'i skad cig ma ni las kyi stobs bskyed pa'i phyir ris mthun pa'i rgyun gyi mtshan nyid can gyi gnas pa'i dus nges pa yin te de nyid kyi phyir gnas pa'i dus kyis 'phen pa zhes bya ste/ dus de'i rgyun 'phen par byed pa'i phyir 'bru rnams kyi zhes bya ba rgyas par 'byung ba la/ dper na sa bon gyi myu gu la gang zhig smin pa'i dus kyi bar du brgyud nas 'bru'i rgyun gyis 'gyur la/ 'bru rnams kyi smin pa'i dus kyi 'phen pa nus pa'i khyad par gyi mtshan nyid can bskyed pa de dang 'dra'o/ /mda' 'phangs pa dag gis gnas pa'i dus kyi 'phen pa bzhin no zhes bya ba 'byung ste/ de la mda' 'phangs pa dag gis gnas pa ni yul gzhan du skye ba rgyun rjes su 'jug pa'o/ /de'i dus ni gang phyin chad de mi 'byung ba'i mu mtshams so/ /de'i 'phen pa ni rgyu'i dngos por rnam par gnas pa'o/ /mda'i skad cig dang po'i de yang rtsol bar gyur pa phul du byung bas bsgrub pa'i rlung gi khams kyis bskyed pa'i nus pa'i khyad par las so/ /gang zhig ces bya ba rgyas par 'byung ba la/ bye brag pa ni mda' 'phangs pa la rlung gi khams kyis bskyed pa'i nus pa'i khyad par las yul dag tu rgyun skye ba'i bdag nyid can mi 'dod pas 'du byed ces bya ba la sogs pa de ltar sems te/ bye brag pa'i ltar na 'gro ba'i phyir na thog mar mda' la las skye la/ de las ni 'gro ba'i rgyu 'du byed de 'du byed pas ni ma lhung gi bar du 'gro ba'o/ /mda'i 'gro ba ni yul gzhan du phyin pa yin gyi skye ba ni ma yin no/ /de'i zhes bya ba ni bye brag pa'i'o/ /de ni gcig pu yin pa'i phyir zhes bya ba ni 'du byed gcig pu yin pa'i phyir ro/ /gegs byed pa med pa'i phyir zhes bya ba la/ nam mkha' la ni reg pa dang ldan pa'i rdzas dang 'brel pa'i bdag nyid can gyi thogs pa 'ga' yang yod pa ma yin no/ /gegs chen po dang 'bring dang chung ngu byas na ni 'du byed bye brag med bzhin du phyin pa'i dus kyi bye brag tu gyur pa na gegs ni yod pa ma yin no/ /de'i phyir yul gzhan dag tu mgyogs pa dang ches dang shin tu ches mgyogs par phyin pa'i dus kyi bye brag yod pa'i phyir ma lhung bar dus 'gro ba 'du byed gcig pu'i rgyu can ma yin no/ /lhung ba yang mi 'thad do zhes bya ba ni 'du byed gcig pu yin pa'i phyir dang / gegs byed pa med pa'i phyir ro/ /gal te rlung gis de la gegs byed do zhes bya ba la/ rlung gis gegs byas pa'i 'du byed ni las chen po dang / 'bring dang / chung ngu'i rgyu yin la/ mthar ni 'du byed med pa'i phyir dang / lci ba nyid kyi phyir ltung ba yin no zhe'o/ /drung du ltung ba'am zhes bya ba la/ gzhu rgyud dang rnam par phye ma thag tu rlung dang ldan pa'i phyir ro/ / de ltar reg pa dang ldan pa'i rdzas dang ldan pa las med pa yin no zhes bya ba 'di ni bye brag pa rnams kyi mdo yin no/ /yang na gzhar yang zhes bya ba la ma ltung bar thal bar 'gyur ro zhes bya bar sbyar ro/ /ci'i phyir zhe na/ de'i phyir rlung la khyad par med pa'i phyir zhes bya ba smos te/ gang las phyis gegs byed kyi sngar ma yin par 'gyur ba phyis rlung la khyad par yod pa ni ma yin no/ /de las khyad par med pa'i phyir ni ldan pa la yang khyad par med do/ /gang zhig las bzhin du 'du byed kyang du ma snyam du sems pa de'i yang yul gzhan du mgyogs pa dang / ches shin tu mgyogs par phyin pa'i dus kyi bye brag mi 'thad do/ /'du byed las ni las brtsams par bya ba la bye brag yod pa ma yin la/ gang zhig 'du byed ches gsal bas bskyed pa'i las kyis cig car rdzas yul mang po gnod par byed pa yang yod pa ma yin te/ ris kyis rang gi rten du rdul phra rab tsam gyi phyogs dang ldan pa dang / rnam par byang ba'i rgyu can yin pa'i phyir ro/ /slob dpon 'dus bzang na re/ gzugs med pa'i khams su skyes pa rnams kyi nyon mongs pa dag dge ba dang zag pa med pa'i rnam par shes pa'i rgyun gyi rgyun rab tu gyur pa bskyed pa la las dang bya ba ci/ gang du las dang 'bras bu bskyed pa'i skad cig nas brtsams te/ ji srid 'chi ba'i bar du cung zad kyang ma chad par 'jug go/ /de la las rnams kyi dus yongs su gzung bas rgyun nges pa yang rigs so/ / a sa ti/[ (]yod pa ma yin/[) ]smesh+tsa ti [(]kang dang yang [)]las dang 'bras bu'i rgyun kiM ta dA bi d+h+waM [(]ci de'i tshe rnam pa/[)]las gang yin pa srog gi dbang po zhes brjod do/ /ci'i phyir dag so so'i las kyi dus yongs su 'dzin par byed/ yang ci'i phyir 'di'i rgyun nges pa las kyis byas zer ro/ /'di ni r e zhig mdo byed pa la skyon med pa sbyar te dge ba dang nyon mongs pa dang zag pa med pa'i rnam par shes pa'i rgyun gyi gnas skabs ni gzugs med pa'i khams su kun gzhi rnam par shes pa rnam par smin pa'i bdag nyid khas blangs pa'i phyir de nyid las dang 'bras bu skye ba'i skad cig nas brtsams te 'chi ba'i bar du ma chad pa 'jug go/ /de la las kyi dus yongs su gzung ba dang rgyun nges pa 'gal ba med do/ /gang yang dpe ston pa rnams ni kun gzhi rnam par shes pa mi 'dod pas/ de dag gzugs med par skye ba'i dge ba dang nyon mongs pa dang zag pa med pa'i rnam par shes pa rnams de'i rnam par smin pa'i rgyu'i ngo bor rjes su 'gro ba 'dra bar rnam par smin pa'i rnam par shes pa bzhin de dang ris mthun par rnam par gzhag pa'i phyogs bstan par byed do/ /ris mthun pa gnas pa'i dus kyi 'phen pa srog ces bshad pas sngon gyi srid pa'i rnam par shes pa der thal bar mi 'gyur ro/ /ris mthun pa'i nang du 'dus pa'i phyir zag pa med pa'i srid pa ni ma yin te/ srid pas bdag gir byas pa'i phyir ro/ /bye brag tu smra ba rnams ni 'di skad du tshe rdzas gzhan kho na gcig yod do zhes ni brjod do/ /srog gi dbang po de nyid lus kho na la brten nas 'jug pa ma yin te/ gzugs med pa rnams su yang yod pa'i phyir ro/ /sems kho na dang yang ma yin te sems med pa rnams la yang rjes su 'jug pa'i phyir ro/ /'o na de'i 'phen par byed pa'i las snga ma dang da ltar ba'i ris mthun pa dag kyang ci/ gal te ris mthun pa gnas pa'i dus 'phen pa'i las tshe yin na/ ci ltar bar mi chod ces bya ba rtsod pa'i tshig go/ /lo tog rnams smin pa'i dus kyi 'phen pa bzhin bar chad kyang stobs dang ldan pa'i phyir/ gang zhig yod pa ma yin pa de la yang re zhig 'phen pa rjes su 'jug go/ /de bzhin kho nar zhes bya ba ni gzhan du ma yin par nges pa'i don du brjod par bya'o/ /'on te gzhan du yang yin zhe na zhes bya ba la/ tshe yang rgyu mtshan gzhan gyis yin zhes bya ba'i don no/ /btags pa las zhes bya ba 'dis ni tshe yod kyang 'chi ba yod de zhes ston par byed do/ /dang po ni tshe'i rnam par smin pa can yin gyi longs spyod kyi rnam par smin pa can ma yin te las kyis 'phangs pa'i srog gi dbang po rgyun yongs su rdzogs pa'i phyir tshe'i rnam par smin pa can gyi las yongs su gtugs pa yin no/ /gnyis pa ni longs spyod kyi rnam par smin pa can no/ /las yongs su gtugs pa las so zhes bya bar sbyar te tshe'i rnam par smin pa can ni ma yin te gsum pa ni gnyis ka'o/ /tshe dang longs spyod rnam par smin pa can dag ste/ las yongs su zad pa las zhes bya bar sbyar ro/ /bzhi pa ni tshe dang longs spyod kyi rnam par smin pa can las dag ma zad kyang ya nga ba yongs su mi spong bas so/ /bag med pa spyod pas so zhes bya ba'i tha tshig go/ /mar me bzhin te/ ji ltar mar me ni res 'ga' snying po zad pa nyid las 'gags pa/ res 'ga' ni 'bru mar zad pa nyid las yin gyi snying po zad pa las ni ma yin no/ /res 'ga' ni gnyis ka zad pa las res 'ga' ni gnyis ka yod kyang rlung la sogs pas so/ /tshe btang ba las kyang brjod par bya'o/ /brjod par mi bya ste/ mu dang po'i khongs su 'du ba'i phyir ro/ /de'i tshe rnam par smin pa can gyi las gang yin pa de longs spyod kyi rnam par smin par 'gyur bas tshe zad pa kho nas 'chi ba yin no/ /tshe zad na zhes bya ba rgyas par 'byung ba la/ longs spyod zad na tshe zad pa yang ldog nas longs spyod zad pas 'chi bar bya ba la nus pa yod na tshe zad na bzlog par bya ba'i phyir longs spyod zad pa 'chi bar bya ba la nus pa de'i phyir/ gnyis ka zad pa las zhes bya ba'i mu gsum pa mi rigs te de'i phyir srid pa'i dbang du byas nas gnyis ka zad pa las 'chi bar bshad de/ tshe zad nas bsod nams zad pa las 'chi bar bya ba la nus pa yod pa ni ma yin no/ /de lta mod kyi de'i phyir gnyis ka zad pas 'chi ba yod pas gnyis ka zad pa'i phyir zhes bshad do/ /yang tshe zad nas bsod nams zad pa las 'chi bar bya ba la nus pa yod pa ni ma yin no/ /tshe zad pa las kyang 'chi ba la bsod nams zad pa'i bya ba de med de/ phan tshun med kyang 'chi ba'i phyir zhes bya ba rtsod pa'i gzhi'o/ /bsod nams zad pa las kyang 'chi ba bden te/ de med pas tshe gnas pa'i rgyu nye bar mkho ba med pas de ltar tshe'i gnas skabs med pa'i phyir ro/ /bsod nams zad pa kho na las 'chi ba ma yin te/ ji ltar tshe zad pa kho na las ma yin pa bzhin no/ /tshe zad pa la bsod nams zad pa las 'chi ba la nus pa yod pa ma yin no/ /yang bstan bcos gzhan gyi sgo nas dus ma yin par 'chi ba yod par bstan pa'i phyir ye shes la 'jug pa las zhes bya ba rgyas par smos so/ /bshad pa 'dis ji lta bus ma yin par 'chi ba bstan ces mi shes pas 'dri ba ni/ bshad pa 'di'i don gang yin zhes bya'o/ /gang la lus la gnod pas zhes bya ba la/ 'gog pa dang 'du shes med pa'i snyoms par 'jug pa la snyoms par zhugs pa ma gtogs pa'i 'dod pa na spyod pa rnams kyi lus la ni gnod par bya bar nus te/ de'i phyir de dag tshe la ni lus la gnod pa byas pas gnod pa yin te/ lus kyi rgyud la ma bltos pa'i tshe 'jug pa med pas lus kyi rgyud la rag las pa'i phyir ro/ /dang po yin no zhes bya ba la 'dod pa na spyod pa zhes bya ba nas brtsams te/ rgyud la rag las te 'jug pa zhes brjod par bya'o zhes bya ba'i bar 'di ni dang po'o/ /gzugs dang gzugs med pa na spyod pa rnams dang / 'dod pa'i khams su 'gog pa dang / 'du shes med pa'i snyoms par 'jug pa rnams la ni rten la ni gnod par byas pas tshe la gnod pa med de/ rang dang gzhan gyis gnod pa'i yul las 'das pa'i phyir ro/ /de'i phyir de ni ji ltar skyes bzhin gnas pas bar skabs su rgyun rnam par chad pa med do/ /gnyis pa yin no zhes bya ba la/ snyoms par zhugs pa rnams dang zhes bya ba nas brtsams nas brjod par bya'o zhes bya ba'i bar 'di ni gnyis pa'o/ /glo bur dang bcas pa ni dang po yin no/ /de glo bur dang bcas pa ni lus la gnod pa byas pa'i sgo nas te gegs dang bcas zhes bya ba'i don no/ /glo bur med pa ni gnyis pa yin no zhes bya ba la/ de'i rten la gnod pa med pa'i phyir 'di ni glo bur med cing gegs med pa yin no/ /de lta bas na dus ma yin par 'chi ba ni yod do zhes bya ba ni gang gi phyir tshe rgyud la rag las pa dang / glo bur dang bcas pa bshad pa'i phyir ro/ /mdo las zhes bya ba rgyas par 'byung ba la/ chos mngon pa las bshad pa 'ba' zhig tu ma zad do/ /'o na ci zhe na/ mdo las kyang dus ma yin par 'chi ba gsungs so/ /bdag rgyur gyur pa'i 'chi ba ni bdag nyid 'chi ba'o/ /gzhan rgyur gyur pa'i 'chi ba ni gzhan gyis gsod pa'o/ /mu bzhir zhes bya ba 'byung ste gang du bdag nyid 'chi la gzhan dag gis gsod pa ma yin pa dang / gang du gzhan dag gis gsod la bdag nyid 'chi ba ma yin pa dang / gang du gnyis ka yin pa dang / gang du gnyis ka ma yin pa bgrang ba'o/ /rab tu dga' ba dang yid rab tu 'khrugs pa dag gis zhes bya ba la/ lha rtsed mos myos pa rnams ni rab tu dga' ba ste/ de dag ni shin tu rtse ba dang / dga' ba la sogs pas lus dub pa dang / dran pa myos pa dag gis gnas de nas 'chi bar 'gyur ro/ /yid rab tu 'khrugs pa rnams ni yid rab tu 'khrugs pa ste/ de dag ni phan tshun mig gis mig la bltos pas yid 'khrugs par 'gyur zhing des na gnas de na 'chi bar 'gyur ro/ /sangs rgyas rnams kyi yang yin par brjod par bya ste zhes bya ba ni bdag nyid 'grongs par 'gyur gyi/ gzhan gyis 'grongs pa ni ma yin no zhes bya ba'o/ /de nyid la rgyu smras pa ni/ bdag nyid 'grongs pa'i phyir ro zhes bya ba ste/ sangs rgyas bcom ldan 'das rnams ni gnod pa mi mnga' ba'i chos can dang sku tshe gtong ba la mnga' brnyes pa yin no/ /gnyis pa'i ni gzhan gyis gsod pa kho nar 'gyur gyi bdag nyid 'chi mi 'gyur ba ste mngal na 'dug pa nur nur po dang / gor gor po dang / mkhrang 'gyur dang / rkang lag 'gyus pa'i gnas skabs na 'dug pa dang / sgo nga na 'dug pa rnams la bdag nyid 'chi ba med pa'i phyir ro/ /gnyis ka ni bdag nyid 'chi ba dang / gzhan gyis gsod pa yin no/ /'dod pa na spyod pa gzhan dag ces bya ba ni gang dag bshad par gyur pa las gzhan pa rnams so/ /phal cher zhes bya ba smos pa ni 'chad par 'gyur ba'i srid pa bar ma la sogs pa 'dod pa na spyod pa rnams yongs su spang bar bya ba'i phyir ro/ /bzhi pa ni gnyis ka ma yin zhes bya ba ste/ bdag nyid 'chi ba ma yin zhing gzhan gyis gsod pa ma yin pa'o/ /rgyal po'i drang srong dang / chos len dang / mchog can/ gang+gA lan la sogs pa rnams ni sngon gyi gtam rgyud rnams las khong du chud par bya'o/ /rgyal ba'i pho nya ni ji srid pho nya'i don ma byas pa de srid du bdag nyid 'chi ba ma yin zhing gzhan gyis gsod par mi 'gyur ro/ /rgyal bas bstan pa ni dus 'di srid gcig gi bar du 'tsho bar 'gyur ro zhes bya ba'i dus de srid du bdag nyid 'chi ba yang ma yin la/ gzhan gyis gsod par yang mi 'gyur ro/ /srid pa tha ma pa zhes pa ni gang gi skye ba de nyid la dgra bcom pa nyid 'thob par 'gyur ba ste/ de dag de ma thob par bdag nyid 'chi bar yang mi 'gyur la/ gzhan gyis gsod par yang mi 'gyur ro/ /de lhums na gnas pa zhes bya ba la/ ji srid byang chub sems dpa' lhums na gnas pa dang / 'khor los sgyur ba mngal na gnas pa de srid du yul bdag nyid 'chi bar mi 'gyur la/ gzhan gyis gsod par yang mi 'gyur ro/ /yang ci'i phyir mdo las btsun pa zhes bya ba rgyas par 'byung ngo / /'du shes med 'du shes med min skye mched las gzhan pa dag na ni nyon mongs pa gzhom par bya ba'i phyir bdag nyid 'chi ba ni rang gi sa pa'i 'phags pa'i lam la brjod do/ /gzhan gyis gsod pa ni nyon mongs pa gzhom pa kho na'i dbang du byas nas sa gong ma'i nyer bsdogs yin te/ des sa 'og ma dag las 'dod chags dang bral bar 'gyur ba'i phyir ro/ /des na gnyis ka med do zhes bya ba la/ 'du shes med 'du shes med min skye mched na ni rang gi sa pa'i 'phags pa'i lam yang med pa nyid la sa gong ma'i nyer bsdogs kyang med de/ de'i gong na sa gzhan med pa'i phyir ro/ /de lta na 'o na yang zhes bya ba rgyas par 'byung ba la/ de na yang mi lcogs pa med pa'i sa pa'i 'phags pa'i lam pa gzhan gyis gsod par 'gyur te/ 'di ltar zag pa med pa'i mi lcogs pa med pas thams cad la 'dod chags dang bral bar 'gyur ba dang / 'phags pa'i lam sa brgyad pos rang dang / gong ma'i sa la 'dod chags dang bral bar 'dod pa dang srid pa'i rtse mor skyes pa'i phyir mi 'ong ba rnams kyis ci yang med pa'i skye mched mngon du byas par gyur pa las zag pa zad pa yin no/ /bshad pa 'dir yang bdag nyid gzhan gyis gsod pa'i 'chi bar 'gyur ro zhes bya ba mi rung ste/ nyon mongs pa spangs pa ni 'chi ba'am mi 'chi ba'i rgyu mtshan can ma yin no/ /slob dpon 'dus bzang na re/ mchog la yang gzhan gyi sgra 'jug pas/ 'dir sa dang lam chos mchog tu gyur pas gzhan gyis gsod par mngon par 'dod kyi sa thams cad pa ni ma yin no/ /gang du dbang nyid med pa de gzhan zhes brjod de/ thams cad kyi rten dang sa la gnas pa ni dbang ba nyid yin pas 'di ni sa gzhan ma yin zhes bya'o/ /gal te mchog gi sa pa kho na'i lam gzhan gyis gsod pa yin no/ 'o na sa gzhan gnyi ga ma yin pa zhes bya ste gzhan pa de la 'di brjod par bya'o/ /gnyen po mtshungs pa'i ngo bo la ni sa gong ma pa kho na gzhan gyis gsod par brjod de sa 'og ma pa ni ma yin no/ /'di la rgyu ci/ de'i phyir 'di dang 'di ni gang cung zad kyang mdo'i don du mi rung ngo / /'o na ni mtha' smos pas de la sogs pa go'o zhes bya ba la/ de la mtha' ni 'du shes med 'du shes med min skye mched do/ /de la sogs pa ni de la sogs pa ste/ mnyam par gzhag pa nyid du mtshungs pa'i phyir bsam gtan dang po'i bar yin gyi 'dod pa'i khams ni ma yin te/ mnyam par ma bzhag pa'i phyir ro/ /snyoms par 'jug pa ni bsam gtan dang gzugs med pa gsum mo/ /de la sogs pa ni bsam gtan dang po'i snyoms par 'jug pa nas ci yang med pa'i skye mched dang 'du shes med 'du shes med min skye mched kyi snyoms par 'jug pa'i bar te de la sogs pa go ba'o/ /srid pa'i rtse mor skyes pa ltar de la sogs pa skyes pa rnams kyang bdag nyid 'chi bar mi 'gyur la/ gzhan gyis gsod par yang mi 'gyur ro/ /gzhan las kyang de lta bu'i mtshan nyid can gyi bstan pa yod do zhes bstan pa'i phyir la lar ni mtha' yang dang por zhes rgya cher 'byung ste/ 'dir dang po ni tshangs ris kyi lha dag yin la/ mtha' ni tshangs pa mdun na 'don dag dang / tshangs pa chen po dag ste bde ba skye ba dang pos bsdus pa'i phyir ro/ /la lar dang po yang mtha' go ste zhes rgya cher 'byung ba la/ 'dir mtha' ni 'od gsal ba rnams te de smos pas de'i dang po tshad med 'od pa rnams dang / 'od chung ba rnams rtogs par 'gyur te/ bde ba skye ba gnyis pas bsdus pa'i phyir ro/ /'di lta ste zhes bya ba'i sgra ni dpe brjod pa'i phyir/ 'di mtshan nyid kyi sgra ma yin no/ /lhag ma go zhes bya ba ni tshangs pa mdun na 'don dang tshangs chen go ba'o/ /tshad med 'od kyang go ba ci'i phyir zhe na/ dpe'i chos ni gang gcig yin kyang zhes rgya cher 'byung ste/ gcig dpe nyid du brjod na/ de'i rigs can gzhan yang yod na 'di lta ste zhes bya ba'i sgra de yang 'di na med do/ /'dir 'di lta ste/ 'du shes med 'du shes med min skye mched du nye bar 'gro ba rnams yin no zhes ma gsungs te/ de'i phyir 'di lta ste tshangs ris kyi lha dag lta bu'o 'di lta ste 'od gsal gyi lha dag lta bu ste zhes bya ba 'di ni nye bar sbyar du mi rung ngo / /gal te 'di lta ste zhes bya ba'i sgra 'di dper brjod pa yin na ni/ 'di lta ste mi rnams dang lha kha cig go zhes bya ba 'dir thob par mi 'gyur ro/ /ci'i phyir zhe na/ gang gi phyir 'di lta ste zhes bya ba'i sgra 'di mi rnams dang / kha cig dper gyur pa dag dang dpe las byung ba'i don 'ga' yang sbrel bar mi byed de/ lus tha dad cing 'du shes tha dad pa nyid ma lus pa dag bstan pa'i phyir ro/ /de lta bas na 'di ni nye bar bstan pa'i don zhes bya ba la/ lus tha dad cing 'du shes tha dad pa de dag 'di lta ste zhes bya ba'i sgra 'dis nye bar ston pa de bzhin du 'dir yang mtha' smos pas de la sogs pa go'o/ /dper na tshangs ris kyi lha lta bu ste zhes bya ba dang / 'od gsal gyi lha rnams lta bu ste zhes bya ba'i mdo'i 'di lta ste zhes bya ba'i sgra 'di yang nye bar bstan pa'i don kho na yin no zhes bya ba'i thal ba mthong ba yin no/ / kha cig tu srid pa'i rtse mo las gzhan pa'i bsam gtan dang gzugs med pa rnams sems so/ /rtseg mos myos pa dang yid 'khrugs pa'i sems can de dag ltar de dang 'dra ba'i nyon mongs pa'i shugs bskyed pas de rnams gnas de dag nas 'chi 'pho bas 'gyur te/ de'i phyir de dag ni bdag nyid gsod par 'gyur ro/ /srid pa'i rtse mo ni de ltar ma yin te de'i phyir der ni bdag nyid 'chi ba ma yin la gzhan gyis gsod pa yang ma yin no zhes bshad de srog bshad zin to/ /de'i mjug thogs su mtshan nyid rnams ston te/ srog dang mtshan nyid rnams dang ni zhes 'byung ba de'i phyir mtshan nyid rnams kho na bstan par bya ste/ mtshan nyid dag ni skye ba dang / /zhes rgya cher 'byung ngo / /'dus byas su mngon no zhes bya ba ni 'dus byas su mtshon par byed pa'o/ /'di skad bstan par 'gyur te/ 'di dag 'dus byas kyi ngo bor gsal bar byed pa yin pa'i phyir 'dus byas kyi mtshan nyid rnams so/ /bzlog pa ni gang la med pa'o/ /de la skye bas ni chos de skyed par byed do zhes bya ba la 'du byed thams cad nyid kyi skye ba'i skye bar brjod pa 'dir ni bye brag pa'i skye ba gegs med pa'i rgyus bskyed par mngon par 'dod do/ /des yongs su gzung ba'i dngos rnams skye bas na 'dir yongs su gzung ba'i dngos po skyed par byed do/ /'ga' zhig ni chos kyi dngos po'i rkyen gtso bo'o/ /gnas pas ni gnas par byed do zhes bya ba ni/ skyes la ma 'gags pa 'bras bu 'phen pa gegs med par gnas par byed pa'o/ /der yang ches nye ba'i rgyu gnas pa yin pas gnas par byed do zhes bya'o/ /rga bas ni rgas par byed do zhes bya ba ni stobs chung bar byed de/ 'jig pa la mngon du phyogs pa'i gnas skabs su byed ces bya ba'i tha tshig go/ /slob dpon 'dus bzang na re 'gro ba rnams kyi 'du byed kyi rgyud phyi ma phyi ma snga ma las rnam pa gzhan du byed pa'o zhes zer ro/ /da ltar yang skad cig ma dang po dga' ba med cing / snga ma'i chos dga' ba las phyi ma'i chos kyi bya ba skye ba la sogs pa lta bu ni mtshan nyid du mi rung ngo / /mi rtag pa nyid kyis ni 'jig par byed do zhes bya ba la/ 'du byed 'gog pa la lhan cig skye ba'i rgyu khyad par du 'phags pa ni mi rtag pa nyid do/ /mdo las gsum po 'di dag ni zhes bya ba la/ mdo las ni 'dus byas kyi mtshan nyid ni gsum gsungs so/ /gal te 'dus byas kyi mtshan nyid bzhi yin na ni der bzhi pa yang brjod par 'gyur na/ gsungs pa yang ma yin la/ mdo ni tshad ma yang yin te/ de'i phyir 'dus byas kyi mtshan nyid ni gsum kho na yin no/ /bzhi pa ma bstan pa mi srid do snyam ste 'dri ba ni der gang zhig ma gsungs zhes bya ba'o/ /gnas pa ni gzhan du 'gyur ba nyid kyi khyad par nyid du nye bar blangs pas 'dus byas kyi mtshan nyid du nye bar ma blangs so snyam du bsams pa'o/ /gnas pa dang gzhan du 'gyur ba ni gnas pa dang gzhan du 'gyur ba'o snyam du bsams nas 'o na ni zhes bya ba rgyas par smos so/ /'di ni rga ba'i rnam grangs yin te zhes bya ba la sogs pa la/ ji ltar dngos po 'byung bas skye ba'i rnam grangs 'byung ba yin pa dang / dngos po 'jig pas mi rtag pa nyid kyi 'jig pa yin pa de bzhin du dngos po gnas skabs gzhan du bsgrub pa'i phyir gnas pa gzhan du 'gyur ba nyid ni rga ba'i rnam grangs yin no/ /mdo las ni yid byung ba'i bya ba'i phyir chos gang dag ces bya ba rgyas par 'byung ste/ mdo las bsnyan pa ni dgongs can yin gyi mtshan nyid pa ma yin la/ chos mngon pa las byung ba ni mtshan nyid pa yin gyi dgongs pa can ma yin pas 'gal ba med do/ /yang dus 'pho bas zhes bya ba 'di ci zhig ce na/ ma 'ongs par gyur nas da lta bar 'gyur ba dang / da ltar bar gyur nas 'das par 'gyur ba gang yin pa'o/ /skye bas ni 'du byed rnams zhes bya ba rgyas par 'byung ba la/ skye ba la sogs rnams la dus spo bar bya ba la nus pa yod do zhes bya bar ji ltar rtogs she na/ de dag gi nus pa gang yin pa ni mngon sum nyid kyis rtogs te/ gal te de dag med na ji ltar 'das pa dang / ma 'ongs pa 'dus byas su rtogs/ 'dus ma byas kyang rang gi mtshan nyid la gnas pa yod pa'i phyir zhes bya ba la/ de'i phyir gnas pas 'dus byas su mi rtogs te 'khrul pa'i phyir ro/ /gnas pa ni 'dus byas dang 'dus ma byas kyi phyogs la brten pa'i phyir gdul bya rnams 'dus ma byas la yang 'dus ma byas ltar ram/ 'dus byas la yang 'dus ma byas ltar rtogs par 'gyur na mi rung bas the tshom mi za bar bya ba'i phyir de ma smos la/ gang dag 'dus byas mi 'khrul pa de dag ni mdo las 'dus byas kyi mtshan nyid du gsungs so/ /'di nyid chos mngon pa la yang thal bar 'gyur ba ma yin nam zhe na thal bar 'gyur ba med de/ 'dus ma byas rnams kyi rang bzhin tha dad du gnas par khas ma blangs pa'i phyir ro/ /'dus byas rnams kyang 'das pa la sogs pa'i dngos po'i rang bzhin gyis gnas phyir ro/ /gnas pa dang rgol ba bsdus te zhes rgya cher 'byung ngo / /'di ltar ma yin na ni gzhan du 'byung ba tsam zhig gsungs par 'gyur te/ 'dir gnas pa'i tshig gis dgos pa cung zad kyang mi rnyed pa'i phyir ro/ /de ltar bstan na 'dus byas kyis gnas pa gzhan du 'gyur ba nyid du mngon te/ 'dus ma byas kyi gnas pa la ni de med do/ /skye ba la sogs pa de dag kyang rtsa ba'i chos ltar yin pa'i phyir skye ba la sogs pa gzhan dag kyang yod par 'gyur ro zhe na/ de dag skye ba'i skye la sogs/ /zhes 'byung ba la kha cig nges par gzung bar bya ba'i phyir du de dag la de dag kho na yod kyi de dag la gzhan ni ma yin no zhes kyang gi sgra 'don par byed do/ /bcom ldan 'das kyis gang las mthun pa'i mtshan nyid rnams gsungs she na/ skye ba la sogs pa rnams 'dus byas yin pa'i phyir dang / skye ba'i skye ba la sogs pa rnams kyang skye ba la sogs pa'i bdag nyid yin pa'i phyir 'dus byas skye bar yang mngon zhes bya ba la sogs par mtshan nyid kyis mdo nyid las gsungs pa ma yin nam/ ji ltar 'dir mthun pa'i mtshan nyid rnams 'dir khong du chud par 'gyur/ thams cad la yang zhes bya ba ni 'gal ba'i phyir ro/ /'dus byas skye bar yang mngon la/ yang gi sgras ni gzhan gnyis la yang de dag 'dra'o/ /de lta ma yin na gsum ka la yang gi sgra gsungs pa la dgos pa cung zad kyang med do/ /re re la yang mtshan nyid bzhir 'gyur ba ma yin nam zhe na 'dus byas yin pa'i phyir rtsa ba'i chos bzhin no/ /de dag la yang skye ba la sogs pa gzhan yod par zhes bya ba ni de dag las gzhan pa'o/ yang na rtsa ba'i skye ba la sogs pa rnams la yang skye ba'i skye ba la sogs pa khas blangs par mi bya'o zhe na mi 'gyur te/ de chos brgyad dang gcig la 'jug ces bya ba rgyas par 'byung ngo / /'jug pa zhes bya ba'i sgra ni gnas pa dang byed pa yin pas 'dri ba ni 'jug pa zhes bya ba 'di ci zhe na zhes bya ba'o/ /phyi ma phyi ma bshad pa yin par bsams te smras pa ni byed pa ste skyes bu'i rtsal lo zhes bya ba'o/ /de la skye ba ni rang gi bdag nyid la byed pa 'gal ba'i phyir bdag nyid ma gtogs pa chos gzhan brgyad ma 'ongs pa'i dus spo ba la brjod do/ /gnas pa'i 'jug pa ni skye bas na da ltar ba nyid du drangs pa'i tshe bdag nyid ma gtogs pa lhag ma gnas par byed pa ste/ skye ba'i mtshan nyid med par ni de dag gnas par mi 'gyur ba'i phyir ro/ /rga ba'i 'jug pa ni de dag gnas par gyur pa'i tshe bdag nyid ma gtogs pa'i nus pa 'joms par byed pa ste/ de lta ma yin na de dag bya ba byed pa'i nus pa ma bcom pa'i phyir 'gag pa nyid du mi 'gyur ro/ /mi rtag pa nyid kyis 'jug pa ni nus pa nyams pa'i tshe bdag nyid ma gtogs la 'das pa'i dus su spo ba'o/ /skye ba'i skye ba la sogs pa ni chos gcig la zhes bya ba la skye ba'i skye ba kho na la 'jug gi gzhan la ni ma yin no/ /mi rtag pa nyid kyi mi rtag pa ni mi rtag pa nyid kho na la 'jug pa'i bar yang de dang 'dra'o/ /skye ba la sogs pa rnams dang skye ba'i skye ba la sogs pa rnams nus pa tha dad pas chos brgyad dang gcig la 'jug pa nyid de/ dper na tshor bas phan pa dang gnod pa las byung ba'i khyad par las yid kyi rnam par shes pa dang mig gi rnam par shes pa yul mang ba dang nyung ba nyid yin pa bzhin no/ /yang na 'bras bu tha dad pa las rigs tha dad pa yang mthong ngo / /de lta bas na thug pa med par zhes rgya cher 'byung ste/ 'dus byas kyi mtshan nyid dngos po ba ma yin pa'i phyir nam mkha' 'dral ba'am rnam par 'byed par byed ces pa'o/ /ji ltar rnam par 'byed pa ltar zhes bya ba la/ ji ltar rnam par 'byed par byed ce na/ skye bas ni bdag nyid ma gtogs pa chos gzhan brgyad skyed par byed la/ skye ba'i skye bas ni de kho na skyed par byed pa ste/ de bzhin du gzhan dag la yang brjod par bya'o/ /ci de dag rnam par phye ba las rdzas su yod dam zhe na smras pa ma yin no/ /'o na tshig 'di la nus pa ci yod ce na nus pa 'di yod de/ gzhan gyi bya ba dang byed pa'i dngos pos rdzas su yod pa dag tu rnam par phye na/ bya ba dang byed pa'i rnam par dbye ba tsam gyi sgo nas de dag rdzas su yod par 'gyur ba yang ma yin no/ /'o na ci zhe na/ mngon sum mam rjes dpag gam yid ches pa'i lung las yin no/ /de nyid kyi phyir tshad ma med pa'i phyir zhes 'chad de/ tshig tsam la dad par mi 'gyur bas de'i phyir rgyu dris pa ni/ ci'i phyir zhe na zhes bya ba'o/ /tshad ma min pa'i phyir te zhes bya ba rgyas par 'byung ba la/ ji ltar gzugs la sogs pa zhes bya ba ni chos mi mthun pa'i dpe yin no/ /de la re zhig gzugs yod pa nyid la ni tshad ma mngon sum yin no/ /mig yod pa nyid la ni mig gi rnam par shes pa rjes su dpag pa yin no/ /gnyis ka yod pa ni mig dang rnam par shes pa dag go/ /gzugs dang ba zhes bya ba ni lung ngo / /de bzhin du mig dang gzugs dag la yang rgya cher blta bar bya'o/ /de bzhin du sgra la sogs pa rnams la yang sbyar ro/ /yang na ji ltar gzugs la sogs pa rnams zhes bya ba la sogs pa la sogs pa smos pa ni tshor ba la sogs pa rnams gzung ngo / /de ma tshor ba yod pa nyid la ni de'i mjug thogs su 'byung ba de yongs su gcod par byed pa yid kyi rnam par shes pa ni mngon sum tshad ma yin no/ /lus la rnam par dpyad pas gzhan gyi rgyud la bde ba dang sdug bsngal myong bar rig pa ni rjes su dpag pa'o/ /mig dang gzugs la brten nas mig gi rnam par shes pa skye'o zhes bya ba ni lung ngo / /lhan cig skyes pa'i tshor ba zhes rgyas par 'byung ste/ de bzhin du mig gis gzugs rnams mthong nas yid bde bar gnas zhes rgya cher 'byung ngo / /de bzhin du 'du shes la sogs pa rnams la yang sbyar ro/ /skye ba la sogs pa dag ni mig la sogs pas gzung bar bya ba ma yin la/ de dag yod pa nyid la nus pa dang ldan pa'i rjes su dpag pa yang yod pa ma yin zhing rdzas su yod pa nyid la lung yang yod pa ma yin no/ /ci gang las btags par yod pa nyid du 'gyur ba de dag btags pa nyid du khas len pa'i tshad ma yod dam zhe na yod de/ chos gang dag rdzas su yod pa nyid la tshad ma dmigs shing yod do zhes bya bar kun tu tha snyad 'dogs pa de dag ni btags par yod pa yin te bum pa la sogs pa bzhin no zhes bya bar nges so/ /'o na gang mdo las zhes rgyas par 'byung ba la/ skye ba la sogs pa rnams la yang rgyun yod do zhes lung gis ston par byed do zhe na/ lung 'di yod mod kyi 'dus byas kyi skye ba la sogs pa dag rdzas su yod do zhes bya ba 'di'i don ni ma yin no/ /de nyid kyi phyir tshig shes pa ni lha rnams dga' ba yin gyi zhes bya ba la sogs pa'o/ /don las rton par gsungs so zhes bya ba ni don la rton par bya'i tshig la ni ma yin no zhes bya'o/ /'di'i don gang yin zhe na zhes bya ba ste/ gang 'di mdo las 'dus byas skye bar yang mngon no zhes bya ba la sogs pa'o/ /ma rig pas mdongs pa'i byis pa rnams zhes rgya cher 'byung ba la/ 'du byed rnams dang gzugs dang tshor ba la sogs pa rnams kyi rgyun skye ba gcig gam gnas skabs kyi khyad par dag ma rig pas blo'i mig nyams pa'i phyir rgyun yin no snyam du mi rtogs so/ /de'i phyir de la rtag pa dang gcig nyid du 'dzin pa mngon du 'gro ba can gyi bdag dang bdag gir mos pa yin la/ de las de la sred pa skye zhing de dang mi 'bral bar 'dod pas mngon par zhen te chags pa yin no zhes bya ba'i don no/ /de zhes bya ba ni bdag dang bdag gir mos pa ste/ bzlog par bya ba'i phyir zhes bya ba ni spang bar bya ba'i phyir ro/ /rten cing 'brel bar 'byung ba nyid 'chad pa yin te/ 'dus byas nyid bstan pas bdag dang bdag gir 'dzin pa ldog par 'gyur ro/ /'dus byas nyid de yang skye ba la sogs pa bstan pa med par shes par mi nus pa'o/ /de'i phyir/ gsum po 'di dag ni zhes bya ba rgyas par bshad do/ /yang ji ltar mtshan nyid 'di dag rgyun kho na la bshad kyi/ skad cig la ma yin par shes she na/ de nyid kyi phyir/ skad cig ma la ni skye ba'i skye ba la sogs pa mi mngon no zhes bya ba smos te/ skad cig ma nyid nges par ma zin pa'i phyir ro/ /bsdus par yang min te phan tshun 'gal ba'i phyir ro/ /skad cig ma la mi mngon pa dag ni de'i mtshan nyid yin par 'os pa yang ma yin te/ 'dis mtshon par byed pas na mtshan nyid yin na/ rang nyid ma shes pa ni gzhan mtshon par byed pa ma yin no/ /de nyid kyi phyir mdo las zhes bya ba rgyas par 'byung ba la/ gang gi phyir rgyun la sogs pa dag mngon gyi/ skad cig ma la ma yin pa de'i phyir mdo las/ 'dus byas skye bar yang mngon zhes bya ba rgyas par 'byung ngo / /gal te mdor skad cig la mngon par bzhed par gyur na ni de'i phyir skye ba yang 'dus byas kyi mtshan nyid yin/ 'jig pa dang gnas pa gzhan du 'gyur ba yang 'dus byas kyi mtshan nyid yin zhes de skad gsung bar 'gyur na gsungs pa yang ma yin te/ skad cig la mi mngon pa'i phyir ro/ /yang 'dus byas zhes smos pa ni zhes bya ba rgyas par 'byung ba la/ 'dus byas kyi mtshan nyid dag yin no zhes 'dus byas smos pa gnyis pa ni 'di dag ni 'dus byas kyi mtshan nyid yin no zhes bya bar shes par bya ba yin te/ 'dus byas nyid kyi mtshan nyid dag ni 'dus byas kyi mtshan nyid dag yin pa'i phyir ro/ /de lta ma yin na gsum po 'di dag ni 'dus byas kyi mtshan nyid dag yin no zhes bya ba 'di tsam zhig gsungs par 'gyur zhing / 'di dag ni chu dang chu skyar lta bu 'dus byas kyi yod pa nyid kyi mtshan nyid dag yin no snyam du dogs par 'gyur ro/ /'di ni chos mi mthun pa'i sgo nas dpe yin no/ /ji ltar chu skyar chu yod pa nyid kyi mtshan nyid yin gyi/ chu nyid kyis ma yin pa de bzhin du 'di dag kyang 'dus byas kyi yod pa nyid kyi mtshan nyid yin gyi/ 'dus byas nyid kyis ni ma yin no zhes bya bar shes par 'gyur la/ yang na bu mo'i mtshan nyid ni dge ba dang mi dge ba nyid yin gyi/ bu mo nyid kyis ma yin pa de bzhin du 'dir yang dge ba dang mi dge ba nyid kyi mtshan nyid yin gyi/ 'dus byas nyid kyis ni ma yin no snyam du shes par 'gyur ro/ /'dus byas zhes bya ba smos pa gnyis pas ni 'di dag 'dus byas nyid kyi mtshan nyid yin gyi/ yod pa nyid kyis ma yin zhing / dge ba dang mi dge ba nyid kyis ma yin no zhes bya bar shes par byas pa yin no/ /'dus byas nyid ni rgyu dang rkyen dag gis 'dus nas byas pa nyid do/ /yod pa ma yin pa'i phyir skye ba la sogs pa rnams skad cig ma ltar rgyun la yang rnam par gzhag pa dang / mngon par mi rung ngo zhe na/ skye ba la sogs pa med do zhes de skad du sus smras/ ji ltar rnam par 'byed pa de ltar med do zhes smras kyi/ bdag nyid thams cad kyis med pa ni min no/ /de ltar na gal te rgyun gyi skye ba gang yin/ 'jig pa ni gang yin/ gnas pa gzhan du 'gyur ba gang yin pa brjod par bya'o zhe na/ de'i phyir de la rgyun gyi dngos po ni skye ba yin no zhes bya ba rgyas par smos so/ /yang rgyun zhes bya ba ni gang yin zhe na/ rgyu dang 'bras bur gyur pa dus tha mi dad cing yul rnam par ma chad pa rnams gcig gi nyid du brjod cing 'dzin pa gang yin pa ste/ dper na nur nur po la sogs pa'i gnas skabs dag gis mi dang myu gu la sogs pa'i gnas skabs dag gis 'bru bzhin no/ /de ni btags pa'i nye bar len pa dag las gzhan pa ma yin zhing / gzhan ma yin pa yang ma yin te/ rdzas su yod pa nyid du thal ba'i phyir ro/ /med pa nyid kyang ma yin te/ bden pa gnyis khas blangs pa'i phyir ro/ /kun rdzob dang don dam pa'i bden pa yod pa nyid du ni 'dod pa yin no/ /gang yang phan tshun ltos pa'i rgyud kho na rgyud kyi sgras brjod par bya ba ma yin par sems na/ yul dbang po'i rdul phra rab rnams yul la dmigs pa'i sgras bstan te/ de dag gis de yang don dam pa nyid yin pa'i phyir kun rdzob kyi bden pa med par thal bar 'gyur ro/ /gal te de nyid ni ltos pa dang bcas pa'am ltos pa med par byas nas/ 'das pa dang ma 'ongs pa dag yod pa ma yin pa'i phyir da ltar ba yang rgyud gcig nyid du med do zhe na/ na h+ya b+ha ba e ko pa rgyud la btags pa'i rgyur 'gyur bas 'das pa dang / ma 'ongs pa dang da ltar byung ba'i gnas skabs rgyu dang 'bras bur gyur pa/ bar med par sems g.yeng bar byed pa'i rang bzhin yod pa ma yin no/ /de nye bar blangs nas rgyud du btags pa'i dngos po med pa ni gcig ma yin pas te/ de rnams kyang gcig nyid la brten nas mi dang 'bru zhes pa lta bu de dag 'das pa dang ma 'ongs par yod pa yang 'byung ba nyid sna tshogs pa'i gzugs nyid kyi rnam par shes pa'i bdag nyid gsal bar byed do/ /ming dang gzugs kyis zhes bya ba de'i phyir rgyud gcig tu btags pa rgyu mtshan yod pa ma yin pas/ rgyud kyi ngo bo ma yin no/ /de bzhin du kun rdzob dang don dam par yod pa las don gzhan ma yin pa dag bskyed de/ gang gi phyir phyi rol na yod pa ma yin pa rnam par shes pa'i bdag nyid kun tu g.yeng bar byed pa'i rang bzhin phyi rol lta bur rab tu ston to/ /de kun rdzob tu yod pa gang yin pa ni shin tu yod pa nyid kyi phyi rol tu yongs su grub pa rnam par shes pa'i bdag nyid du ston to/ /de don dam par yod pa ni ma yin pas/ de ltar yang gang gi tshe bum pa la sogs pa rang gi ngo bo tha dad med pa yang rnam par shes pa la snang ba tha dad pa'i phyir blo tha dad pa nyid skye ste/ dper na sngar bcom pa gcig la gcig shin tu med pa rnams lta bu'o/ /'o na ji ltar gzugs la sogs pa nye bar bzang nas bum par btags zhe na/ de yod par 'jug pa'i khyad par las bum pa'i blo skye ba ste de yang yod par zhugs pa las yin gyi gzugs la sogs pa'i bdag nyid can gzugs la sogs pa'i rdul phra rab rnams la ni ma yin te/ cha shas med pa'i phyir ro/ /nA pi sa mu de te b+h+yo nar+thA n+dA ran+na hi sa mu ti ta nA mAt+ma hA na mat+mA n+ta ra pra ti bat+te rbA b+ha ba te/[ (]ma yin yang tshogs pa rnams las don gzhan ma yin mod tshogs pa rnams kyi bdag nyid 'bras bu'i bdag nyid gzhan 'grub par 'gyur ro/ /[)]byastas [(]gsal ba [)]mu dI tA bA te e ba ta i ti kri tA/[ (]yang na de nyid kyi phyir de rnams so zhes byas nas/[) ]gzugs la sogs pa bum pa la sogs pa rnams dang gcig dang d u ma nyid du thal ba'i phyir der khas ma blangs pa'i phyir phyi rol gyi dngos po'i sgo nas yod pa bum pa'i gzugs la sogs pa rang bzhin tha dad pa'i gzugs med pa 'di'i rnam par rtog pa gsum pa med pa'i phyir ro/ /gnyi ga ji lta bar yang mi skye ste/ de'i phyir de ltar gnas pa'i gzugs la sogs pa'i mtshan ma dang de'i shes pa de'i rnam pa can gyi gzugs la dmigs pa med pa'i phyir dmigs pa'i dngos po gzhan ma yin te/ de med pa'i phyir ro/ /dper na 'khri shing 'khyil pa la sbrul du shes pa bzhin no/ /yang ci ltar gzugs la dmigs pa'i shes pa skye zhe na/ rmi lam dang rab rib can la sogs pa rnams kyi lta bu'o/ /yang ci ltar rang gi rnam par shes pa yongs su 'gyur ba'i don gyis gzhan dang lhan cig kun tu tha snyad byed ce na/ mig nad kyis mang du nyen pa dag thams cad du kha dog ser por tha snyad byed pa bzhin no/ /de bzhin du sgyu ma dang dri za'i grong khyer la sogs pa rnams dang rnam par shes pa skye ba rnam pa mtshungs pas ji ltar srid pa bzhin rgyun la yang brjod par bya ste spros pas chog go/ /dkyus ma nyid brjod par bya ste/ dang po ni skad cig ma thog ma ste de nas rgyun 'jug pa'i phyir ro/ /gang du skyes pa'o snyam du mngon par 'gyur ba de ni dang po ste/ skad cig ma snga ma zhig pa dang / skad cig ma phyi ma nying mtshams mi sbyor ba mi ldog pa ma yin te/ skad cig ma'i mthar 'jig ces pa'i don to/ /rgyun de nyid rjes su 'jug pa ni zhes bya ba la/ de rjes su 'jug pa gang yin zhe na/ rgyun zhes rjes su 'jug pa ni skad cig ma snga ma snga ma zhig pa'i tshe skad cig ma phyi ma phyi mas bdag nyid thob pa'o/ /de'i zhes bya ba ni gnas pa'i snga phyi ste/ rgyu dang 'bras bu'i bye brag mi 'dra ba nyid ni gnas pa gzhan du 'gyur ba yin no/ /rgyun gyi zhes bya ba ni thams cad la sbyar te skabs su bab pa yin pa'i phyir ro/ /yang na snga ma las phyi ma'i bye brag ste/ rgyu'i skad cig las 'bras bu'i bye brag ni zhes bya ba'i don no/ /de lta yin pas na zhes bya ba ni gang gi phyir rgyun nyid rjes su 'jug pa ni gnas pa yin pa'am/ skye ba la sogs pa dag rgyun gyi mtshan nyid bshad kyi skad cig ma'i ma yin pas so/ /rigs kyi bu dga' bo'i tshor ba ni rig bzhin du zhes bya ba rgyas par 'byung ba la/ rig bzhin pa'i skad cig ma ni dus phyis gnas mi srid de skad cig ma yin pa'i phyir ro/ /tshor ba'i rdzas gcig ni skye ba dang / gnas pa dang / 'jig pa'i dus dag tu sems gcig gis rig pa yang ma yin la skye ba la sogs pa rnams dus tha dad pa'i phyir du mas kyang ma yin te du ma mi srid pa'i phyir dang / rang gi bdag nyid la byed pa khas ma blangs pa'i phyir rang gi ngo bo rig pa yang yod pa ma yin no/ /mngon sum du byas par gyur pa la rig par khas len na yang dga' bo la gzhan dag pas ci zhig gsung bar 'gyur/ de'i phyir rgyun kho na'i dbang du mdzad nas bcom ldan 'das kyis rigs kyi bu dga' bo'i tshor ba ni rig bzhin du skye'o zhes rgyas par gsungs kyi skad cig la ni ma yin no/ /bshad ma thag pa'i don nyid tshigs su bcad pa gnyis kyis bstan par bya ba'i phyir/ rgyun gyi dang po skye ba yin/ /zhes bya ba smos te/ gnyis ga yang rgyun dang sbyar ro/ /gang zhig chad pa zhes bya ba 'dir yang snga ma bzhin no/ /gnas pa de zhes bya ba rgyun nyid gnas pa ste/ rnam pa gzhan du ni med ces bya ba la sogs pa 'dir yang gnyis ka la rgyun ces sbyar ro/ /skad cig ma'i chos la ni zhes bya ba rgya cher 'byung ba la/ skad cig ma'i chos ni gnas pa med dang 'jig par 'gyur te/ de'i phyir 'di'i gnas pa khas len pa yin no/ /chos de yang gnas pa med du zin yang 'jig par 'gyur ba nyid de/ skad cig ma yin pa kho nas gnas pa don med do/ /yongs su rtogs pa de'i phyir rgyun kho na gnas pa yin te/ gang gi phyir skad cig ma'i chos gnas par yongs su rtogs na don med do/ /de lta bas na zhes bya ba ste/ gnas pa ni rgyun kho na yin pa des na'o/ /de ltar bshad na chos mngon pa la gnas pa gang zhe na zhes rgya cher 'byung ste/ skyes pas skad cig ma la ni 'jig pa med de/ skad cig ma ma yin pa nyid du thal bar 'gyur ba'i phyir ro/ /de'i phyir 'du byed skyes pa rnams la mi 'jig pas rgyun chags par 'brel pa'i dbang du mdzad nas gsungs kyi skad cig ma ni ma yin no zhes bya bar rtogs so/ /gang yang ye shes la 'jug pa las zhes bya ba rgyas par 'byung ba la/ der ni gcig la zhes 'byung ba'i phyir/ sems kyi skad cig kho na bzhed do snyam du sems pa bsal bar bya ba'i phyir 'di nye bar bkod de/ der yang ris mthun pa'i sems la rigs kyi sems kyi skad cig ni ma yin no snyam du sems pa'o/ /ris mthun pa'i sems ni dang por nying mtshams sbyor ba'i skad cig ma nas/ 'chi ba'i mthar thug pa skye ba gcig gi bdag nyid can yin no/ /'di gang las she na/ gang gi phyir/ 'jig pa gang zhe na rnam par 'jig pa'o zhes lan brjod par bya ba la/ 'chi ba'o zhes bya ba smras pa des na/ ris mthun pa'i sems la dgongs pa yin no zhes bya bar rtogs so/ /gang gi phyir skad cig ma yin pa'i phyir/ skad cig ma gcig gnas pa dang / de bzhin du 'gyur ba'i rga ba yin par ma grub pa des na rga ba ni rnam pa gzhan nyid do zhes pa'i dbang du byas te/ 'jig pa'i rnam par 'gyur ba kho na gzhan no/ /gnas pa dang skye ba las gzhan du rga ba ni rnam par 'jig par yang 'gyur te/ sngon gyi gnas skabs las rnam par 'gyur ba med pa ni gzhan ma yin pas zhes sbyar ro/ /der ni gnas pa las gzhan du 'gyur ba rga ba'o zhes gsungs so/ /de'i phyir de'i rigs mthun pa'i sems la rung gi sems kyi skad cig la ni ma yin no/ /rgyun yang sems la snang ba'i phyir dang sems kyang gcig nyid kyi phyir zhes bya ba la sogs pa rnams kyi skad cig ma bzhin rgyun yang mi 'byung ba ma yin nam zhe na/ 'di ni de lta ma yin te/ 'jig rten na snang ba'i bdag nyid kyang rgyun yul gyi rang bzhin rnam par shes pa las phyi rol lta bur ston te/ rnam par shes pa'i ngo bos ma yin no/ /dper na rab rib can gyis rnam par shes pa la skra dang sbrang bu la sogs pa snang ba bzhin no/ /des na bdag dang bdag gir 'dzin pa'i chags pa med pa rnams la ni mi ldan te/ der 'dzin pa ldog pa'i phyir bcom ldan 'das kyis 'dus byas kyi mtshan nyid rnams gsungs so/ /de sngar nyid du bshad pa de'i phyir de'i rgyun ci skad bshad pa'i rnam pas skye ba la sogs par rtogs par bya ste/ rab rib can la skra la sogs pa dang / nam langs pa na 'khyog cing 'khyil ba la sbrul la sogs pa bzhin du'o/ /'dir mi rigs pa ci zhe na gang du sems can rnams nyon mongs skye ba dang sgro 'dogs pa las yin gyi/ don dam pa las ni ma yin no/ /de sun 'byin pa'i ched kho nar sangs rgyas bcom ldan 'das rnams chos ston par mdzad de/ 'di ltar/ bsags pa kun gyi mtha' 'dzad cing / /bslang ba'i mtha' ni 'gyel bar 'gyur/ /phrad pa'i mtha' ni 'bral ba ste/ /gson pa'i mtha' ni 'chi ba yin/ /zhes bya ba lta bu'o/ /skad cig ma re re la yang zhes rgya cher 'byung ba la/ skye ba ni sngar med pa las byung zhing bdag nyid du thob pa dang / rdzas gzhan yin par 'os pa yang ma yin te/ dngos po ma skyes pa nyid du thal ba'i phyir ro/ /de'i skye ba'i rgyu yin pa'i phyir skye ba nyid du brtag go zhe na/ rkyen thams cad skye ba nyid du thal bar 'gyur te/ de'i skye ba'i rgyu nyid du khyad par med pa'i phyir ro/ /de'i phyir/ skad cig re re la ma byung ba las byung ba ni skye ba yin gyi/ rdzas gzhan ma yin no/ /bdag nyid rnyed pa'i bdag nyid log pa ni 'jig pa yin gyi/ don gzhan du gyur pa yin te/ de ldog pa med par thal bar 'gyur ba'i phyir ro/ /de'i phyir byung nas med pa ni 'jig pa yin gyi rdzas gzhan ni med do/ /rgyu dang 'bras bu rjes su 'brel pa ni gnas pa yin gyi skyes pa mi 'jig pa ni ma yin te/ de'i rgyu skad cig ma ma yin pa nyid du thal bar 'gyur ba'i phyir ro/ /'di ltar smra ba pa dag da rung du yang mar med de nyid 'jug go zhes zer ba yin no/ /de'i phyir/ snga ma snga ma dang skad cig ma phyi ma phyi ma rjes su 'brel pa ni gnas pa yin gyi/ don gzhan du gyur pa ni med do/ /rgyu'i skad cig ma las 'bras bu'i skad cig ma bye brag tu gyur pa ni gnas pa gzhan du gyur pa yin gyi skad cig ma'i gnas skabs tha dad pa gzhan nyid du thal ba'i phyir ro/ /gnas pa de skad cig ma snga ma dang mi 'dra bas gnas pa las gzhan du 'gyur ba nyid yin gyi don gzhan du gyur pa ni ma yin no/ /de ltar yang 'du byed kyi rgyun la bdag tu mos pa rnams kyi bdag tu mos pa bzlog par bya ba'i phyir/ rgyun dang skad cig ma du ma'i dbye ba tha dad pas tha dad pa rnams la bzlog par bya ba ma yin par bzhed nas/ lus skyo ba yang mngon zhes bya ba la sogs pa'i don 'di brtsams pa de lta na yang gang gi tshe 'dra bar yang skyes so/ /de'i tshe mi 'dra ba nyid med pas gnas pa gzhan du 'gyur ba nyid med do snyam du bsams pa'o/ /de dag 'dra bar yang dmigs mod kyi rnam pa thams cad du khyad par med pa ma yin no/ /'dra bar dmigs kyang rnam pa thams cad du khyad par med pa yin no/ /zhes bya ba 'di ci ltar shes she na/ de'i phyir/ rdo rje la sogs pa 'phangs pa dang ma 'phangs pa dang / stobs chen po dang stobs chung ngus 'phangs pa zhes bya ba la sogs pa smos so/ /'phangs pa dang ma 'phangs pa ni 'phangs pa dang ma 'phangs pa dag go/ / stobs chen pos 'phangs pa dang stobs chung ngus 'phangs pa ni stobs chen po dang / stobs chung ngus 'phangs pa dag ste/ 'di ni 'phangs pa'i dbye ba rnam pa gnyis yin no/ /'phangs pa dang ma 'phangs pa dag dang stobs chen po dang stobs chung ngus 'phangs pa dag ni 'phangs pa dang ma 'phangs pa dang / stobs chen po dang stobs chung ngus 'phangs pa'o/ /rdo rje la sogs pa de ni 'phangs pa dang ma 'phangs pa dang / stobs chen po dang stobs chung ngus 'phangs pa ste/ dngos po gcig dang 'dra bar byas pa'i phyir ro/ /sogs pa zhes bya ba'i sgras ni lcags dang rdo rje la sogs pa bsdu'o/ /bul ba dang / myur ba dang / ches myur bar ltung ba'i dus kyi bye brag las zhes bya ba la/ stobs chung ngus 'phangs pa ni myur du ltung la/ stobs chen pos 'phangs pa ni ches myur bar ltung ngo / /dus de'i bye brag ni bul ba dang / myur ba dang / ches myur ba'i dus kyi bye brag ste/ bul ba dang / myur ba dang / ches myur ba'i dus kyi bye brag de las so/ /de'i byung ba rnams zhes bya ba ni rdo rje la sogs par 'byung ba rnams so/ /yongs su 'gyur ba'i bye brag 'grub pa'i phyir ro zhes bya ba la/ bul ba dang / myur ba dang / ches myur bar ltung ba'i dus kyi bye brag las rdo rje la sogs pa'i 'byung ba chen pos 'phangs pa de rnams yongs su 'gyur ba'i bye brag 'grub pa yin no/ /ji ltar zhe na/ ma 'phangs pa ltung ba na nam mkha' la skad cig ma rnams su yul tha dad pa'i skad cig ma gzhan dag gi rgyur 'gyur la/ ches nyung ba rnams yul tha mi dad pa'i skad cig ma gzhan skye ba'i rgyur 'gyur ro/ /stobs chung ngus 'phangs na ni ha cang mang ba yang ma yin ha cang nyung ba yang ma yin pa rnams rang gi yul gzhan du skad cig ma gzhan skye ba'i rgyu yin no/ /stobs dang ldan pas 'phangs na ni rang gi yul du ches nyung ba rnams yul gzhan du skad cig ma gzhan mang po dag skye ba'i rgyu yin no/ /gang dag gdon mi za ba rang gi yul dang yul gzhan du skad cig gzhan gyi rgyu yin pa de dag gi bye brag khas blang bar bya'o/ /lhag ma rnams la yang rang gi yul dang nye ba dang ring ba las bye brag shes par bya'o/ /rdo rje la sogs de dag la ji skad bshad pa'i yongs su 'gyur ba med par bul ba dang / myur ba dang / ches myur ba'i dus kyi bye brag mi rung ba de'i phyir 'du byed thams cad la skye ba bzhin du gzhan du 'gyur ba nyid mi 'gal lo/ /gal te 'du byed kyi khyad par ram/ lci ba nyid las bul ba dang / myur ba dang / ches myur ba'i ltung ba'i dus kyi bye brag tu 'gyur ro zhe na de ni mi rigs te/ 'du byed bkag zin pa'i phyir dang / lci ba nyid la khyad par med pa'i phyir ltung ba'i dus kyi bye brag mi 'thad do/ /gal te rdo rje la sogs pa dag la yang snga ma las skad cig ma phyi ma mi 'dra bar skye na/ khyad par de ci'i phyir mi 'dzin ce na/ de'i phyir 'du byed rnams ni bye brag gi khyad par tshar gcig med pas zhes bya ba rgyas par smos so/ /'du byed gang dag khyad par bye brag rags pa med cing phra ba yod pa de dag ni khyad par med pa kho nar 'dzin gyi/ khyad par du ni ma yin te/ /phra ba'i phyir ro/ /de'i phyir de dag 'dra ba zhig tu snang ba mtshe ma bzhin no/ /'o na ni sgra dang me lce'i skad cig ma tha ma zhes bya ba rgyas par 'byung ba la skad cig ma phyi na snga ma las bye brag tu gyur pa gnas pa las gzhan du gyur pa nyid yin na/ rgyun chad pa'i dus dang / yongs su mya ngan las 'da' ba'i dus na/ gang gi bye brag snga ma'i gnas pa gzhan du 'gyur ba nyid du rnam par gzhag pa sgra dang me lce'i skad cig ma dang / skye mched drug gi skad cig ma las skad cig ma gzhan mtshams sbyor ba ma yin te/ de ltar na sgra dang me lce'i skad cig ma tha ma dag dang / yongs su mya ngan las 'da' ba'i tshe skye mched drug gi skad cig ma la gnas pa gzhan du 'gyur ba nyid med pa'i phyir/ mtshan nyid rnam par gzhag pa 'du byed thams cad la ma khyab can du 'gyur ro/ /'dus byas kyi mtshan nyid ni zhes bya ba rgyas par 'byung ba la/ 'dus byas kyi mtshan nyid kyi mdo las gnas pa kho na mtshan nyid du ma brjod de/ 'o na ci zhe na gnas pa gzhan du 'gyur ba nyid kyang yin te/ gnas pa skad cig ma phyi ma rjes su 'brel pa'i mtshan nyid can gyi gzhan du 'gyur ba nyid kyang yin no/ /de'i phyir skad cig gang la gnas pa 'bras bu'i mtshan nyid gcig yid [(]yin [)]pa de la ni gnas pa de yod dang gdon mi za bar gnas pa gzhan du 'gyur ba mi 'dra ba nyid kyang yod kyi/ gang la gnas pa med pa de la gnas pa gzhan du 'gyur ba nyid kyang med de/ dper na sgra dang me lce'i skad cig ma tha ma dag dang / yongs su mya ngan las 'das pa'i tshe'i skye mched drug gi skad cig ma bzhin no/ /de ltar na gang la gnas pa med pa de'i mtshan nyid ni skye ba dang 'jig pa gnyis kho na yin no/ /zhes bstan par 'gyur ba rnam par gzhag pa nyams pa med do/ /gal te gnas bzhin pa la gzhan du 'gyur ba med na ni mtshan nyid rnam par gzhag pa ma khyab pa med pa can du 'gyur ba zhig go/ / sgra dang me lce'i skad cig ma tha ma rnams kyang gnas pa zhes bya ba rgyun gyi khongs su 'du ba'i phyir la/ de la gzhan dang gzhan du 'gyur ba yod pa'i phyir mtshan nyid gsum char yang srid do zhes bstan pa'i phyir yang mdor na bcom ldan 'das kyis ni zhes bya ba rgyas par smos so/ /'di dag thams cad kyi so so'i skye ba dang 'jig pa dag gi rgyun ni thams cad kyi gnas pa zhes bya ste/ de'i phyir de las rnam pa gzhan du 'di dag gi mtshan nyid ces bya ba grub pa yin no/ /rgyun gyi phyogs la yang ji skad bshad pa'i tshul bzhin mtshan nyid rnam par gzhag pa brjod par bya'o/ / da ni ji ltar na mtshan nyid kyi gzhi'i chos de nyid ces bya ba rgyas par 'byung ba la/ chos kho na ma byung ba las byung ba dang / byung nas yang mi 'byung ba dang / chos ma yin pa las don gzhan du gyur pa nyid yin na mtshan nyid kyi gzhi'i chos gang yin pa de nyid rang gi bdag nyid kyi yin no zhes khas blangs par 'gyur na/ de ni 'thad pa yang ma yin te/ gzhan gyis gzhan mtshon par byed pa'i phyir te/ me dang du ba bzhin na/ 'dus byas kyi bdag nyid du red la de nyid kho na yod pa nyid dang de nyid skye ba dang de nyid 'dus byas nyid do/ /de'i phyir dngos po rnams kyi mtshan nyid kyi gzhi'i chos gang yin pa de nyid de'i mtshan nyid du mi rung ngo zhe na/ re zhig ji ltar zhes bya ba rgyas par 'byung ste/ skyes bu chen po dang ba lang ni tshogs pa'i bdag nyid yin zhing / skyes bu chen po'i mtshan nyid rnams dang / lkog shal la sogs pa dag ni tshogs pa can gyi rang bzhin yin la/ bye brag pa rnams kyi ltar tshogs pa las gzhan cig kyang ma yin mod kyi/ 'on kyang gzhan nyid med kyang skyes bu chen po nyid dang / ba lang gi ba lang nyid mtshan nyid yin no/ /sa'i khams la sogs pa ni sa dang chu dang me dang rlung gi khams rnams so/ /de rnams kyi mtshan nyid sra ba la sogs pa ni sra ba dang gsher ba dang dro ba dang g.yo ba rnams nyid do/ /de rnams sa la sogs pa'i khams rnams las gzhan ma yin pa nyid sa'i khams la sogs pa'i mtshan nyid du 'gyur ro/ /gzhan yang ji ltar gyen du 'gro ba zhes bya ba la/ gyen du 'gro ba ni bar med par yul gong mar skye ba ste/ skye ba mngon du gzhan du gyur pa'o/ /lhag ma ni go bar zad do/ /'dir yang tshul de nyid yin no zhes bya ba ni me dang du ba'i tshul lo/ /'di ltar skye ba la sogs pa dag kyang 'dus byas las gzhan ma yin mod kyi/ 'on kyang 'dus byas nyid kyi mtshan nyid yin no zhes bya bar mi 'gal lo/ /'dus byas gzugs la sogs pa zhes bya ba rgyas par 'byung ba la/ ji srid snga na med pa mi shes pa zhes skabs dang sbyar te/ phyis med pa ni zhig nas med pa'o/ /rgyun gyi bye brag ni gzhan du 'gyur ba nyid do/ /de lta na 'dir mtshan nyid gsum dag bshad par 'gyur te/ 'dir gzugs la sogs pa ni chos can no/ /rgyu dang rkyen la rag las pa'i bdag nyid thob pa ni 'dus byas so/ /snga na med pa dang zhig nas med pa dang gzhan du gyur pa nyid dag ni mtshan nyid yin no/ /'dir de nyid kho na de'i mtshan nyid ma yin no/ /'o na ci ltar gal te snga nas med pa'i mtshan nyid skye bar brjod ce na/ skye bar yang mngon zhes bya ste/ snga nas med pa skye bar 'os pa ma yin pas so/ /'dir skye ba smos pa ni snga nas med pa nye bar mtshon pa'i don te/ skye ba ni bdag nyid du red pa'o/ /de yang snga nas med pa las ltos pa med de/ lA b+ho h+ya la b+ha swa b+ha ba [(]thob pa ma thob pa yin no/ /[)]ti la b+ha s+ye ti/[ (]thob pa'i zhes bya ba/[) ]gang gi phyir ma thob pa las thob pa'i thob pa zhes bya ba lta bu'o/ /yang na skye ba nyid ni mtshan nyid do/ /de ni gzugs la sogs pa rnams kyi spyi'i chos te/ gzugs la sogs pa rnams ni so sor mtshon pas 'dus byas nyid do/ /'dus byas nyid kyang rkyen rnams 'dus te byung ba las byas pa'i gzugs la sogs pa'o/ /yod pa smos pas de'i skye ba sngon du 'gro ba can gzung gi 'dus byas kyi yod pa ni ma yin no/ /mtshan nyid 'di rnams rang bzhin las yin zhing gzung ba rnams la yang gzugs la sogs pa rnams la ni re zhig ma yin no/ /de dag gzugs kyi rang bzhin ma yin pa'i phyir la/ gzugs la sogs pa'i rang bzhin ma yin na yang de dag rdzas su yod pa nyid du thal bar 'gyur ro/ /de dag las skye ba la sogs pa zhes bya ba la sogs pa la/ gzugs la sogs pa dag las gzhan rdzas nyid du yod pa yang ma yin te/ skye ba la sogs pa rnams btags par yod pa'i phyir te/ de skad du yang / rgyun gyi dang po skye ba yin/ /zhes rgyas par bshad do/ /cir 'gyur zhes bya ba ni lung ngam rigs pa dang 'gal snyam du bsams pa'o/ /de dag ni lhan cig 'byung ba'i phyir zhes bya ba la/ skye ba la sogs pa dag chos dang lhan cig 'byung ba nyid du khas blangs pa'i phyir bya ba yod par thal bar 'gyur ro/ /de'i phyir chos gcig tu zhes bya ba la/ chos dang por skye bar 'gyur zhing / de nas gnas pa dang / de nas rga ba dang / de nas 'jig pa ni ma yin te/ de'i phyir de ltar na dus gcig tu skye ba dang / gnas pa dang / zhig par 'gyur ro/ /de lta ma yin te/ bya ba'i dus tha dad pa'i phyir ro/ /lhan cig 'byung ba'i rgyu yin pa'i phyir dus gcig tu skye ba la sogs par 'gyur mod kyi/ 'on kyang de dag gi bya ba'i dus tha dad de/ gang gi phyir skye ba ma 'ongs pa'i chos ma 'ongs pa la bya ba byed do/ /'di ltar ma skyes pa bskyed do/ /zhes bya ba ni 'di nyid la rgyu smras pa'o/ /gang gi phyir skye ba'i bya ba ni skyed par byed pa yin gyi/ skyes zin pa la yang skyed par ni mi nus te/ de'i phyir skye ba ma 'ongs pa kho nas chos ma 'ongs pa skyed par byed do zhes bya bar mi 'gal lo/ /da ltar gyi gnas skabs su ni bya ba gzhan zhig par 'gyur ro/ /bskyed zin pa'i chos la ni zhes bya ba rgyas par 'byung ba la/ chos skyes pa ni gnas pa dang / rga ba dang / gzhig par nus kyi ma skyes pa ni ma yin te/ de'i phyir/ skyes zin pa'i chos la gnas pa la sogs pa da ltar ba bya ba byed do/ /de'i phyir/ gang gi tshe skye ba la sogs pa 'byung ngo / /re zhig 'dir ci zhes rgyas par 'byung ba la/ ma 'ongs pa ni rdzas su yod pa ma yin pa kho na ste/ de med na ji ltar skye ba ma 'ongs pa yod pa yin pas bskyed par bya ba bskyed par 'gyur snyam du bsams pa'o/ /ma 'ongs pa de rdzas su yod du chug yang skye ba bya ba med na zhes rgyas par 'byung ba la/ bya ba ma thob pa ni ma 'ongs pa yin par 'dod la/ bya ba byed bzhin pa ni da ltar ba'o/ /bya ba zhig pa 'das pa yin no zhes de ltar dus rnam par gnas pa yin/ skye ba bya ba byed na ji ltar ma 'ongs par 'grub par 'gyur te/ ma 'ongs pa'i dus ni skyes bu'i byed pa'i phyir mi 'grub pa nyid do snyam du bsams pa'o/ /gal te rdzas su yod pa bya ba byed bzhin pa ma 'ongs pa yin na ni ma 'ongs pa'i mtshan nyid kyang brjod par bya'o/ /byung ba yang bya ba zhig pa yin na zhes bya ba rgyas par 'byung ba la/ bya ba zhig pa ni 'das pa yin par 'dod na/ gal te da ltar ba'i gnas skabs su skye ba bya ba zhig pa yin na yang 'das pa yin par 'gyur gyi/ da ltar ba ni ma yin no/ / gnas pa la sogs pa yang cig car bya ba la 'jug pa yin na zhes bya ba rgyas par 'byung ba la/ skyes zin pa'i chos la da ltar gnas pa la sogs pa rnams bya ba byed par khas blangs pas de dag cig car bya ba la 'jug par khas blangs par 'gyur ro/ /de'i phyir skad cig ma gcig kho na la chos thams cad du 'gyur ro/ /'di gang gi tshe zhes rgyas par 'byung ba la/ gnas pa dang / rga ba dang / 'jig pa'i bya ba dag ni phan tshun 'gal ba'i phyir te/ chos gnas pa yang yin la 'jig pa yang yin no/ /zhes bya bar ni rnam par gzhag par mi rigs so/ /'di ci dus der zhes bya ba rgyas par 'byung ba la/ gnas pa la sogs pa rnams phan tshun 'gal ba'i phyir da ltar ba la yang bya ba byed do snyam du sems so/ /gang skye ba la sogs pa rnams kyang zhes bya ba la sogs pa la/ ji ltar skyes pa mi skye ba de bzhin du mi gnas pa mi rga la ma rgas pas mi 'jig pa de'i phyir/ gnas pa la sogs pa rnams kyang bya ba rim gyis byed do zhes zer ba de'i ltar na skad cig ma nyid la gnod par 'gyur ro/ /skad cig ma zhes bya ba ni dus thams cad pas chung ba yin na 'dir ni gnas pa dang / rga ba'i dus dag tu mi 'jig pa'i phyir skad cig ma gsum du gnas pas skad cig ma nyid la gnod par 'gyur ro/ /'on te 'di skad du zhes bya ba rgyas par 'byung ba la/ skad cig ma ni dus ji tsam gyis skye ba dang / gnas pa dang / rnam par 'gyur ba dang / 'jig pa rnams rdzogs par 'gyur ba'i dus de la brjod kyi/ skyes ma thag tu 'jig pa ni ma yin no zhe na/ de lta na yang de dag dang lhan cig 'byung ba las zhes bya ba rgyas par 'byung ba la/ lhan cig 'byung ba rnams ni rim gyis bya ba byed par mi rung ste/ sngon dang phyis khyad par med pa'i phyir dang / lhan cig byed pa'i rkyen khyad par med pa'i phyir ro/ /der yang sngar gnas pas bya ba byed kyi/ rga ba dang mi rtag pa nyid kyis ni ma yin no zhes bya ba 'di la rgyu ci zhig yod/ gnas pa stobs dang ldan pa'i phyir ro zhes bya ba ni rgyu smos pa ste/ de'i stobs dang ldan pa'i phyir rga ba dang mi rtag pa nyid dag gi bya ba la gegs byas nas rang gis bya ba byed do/ /phyis ci'i phyir stobs dang ldan pa nyid du gyur zhes bya ba la/ gang las 'di chos dang lhan cig tu mi rtag pa nyid kyis 'joms par 'gyur ba gnas pa phyis stobs chung ba'i rgyu ni yod pa ma yin no/ /de'i phyir gnas pa la sogs pa rnams kyi bya ba ni skyes ma thag tu lhan cig tu yod par 'gyur ba'am/ gal te stobs dang ldan pa'i bya ba sngar 'dod na mi rtag pa nyid kyi bya ba kho na yin par 'gyur ro/ /bya ba byas pas zhes bya ba rgyas par 'byung ba la/ 'dis phyis ni stobs dang mi ldan pa nyid kyi rgyu smras pa ste/ bya ba ma byas pa'i gnas pa ni rga ba dang mi rtag pa nyid dag pas stobs dang ldan pa'i yin gyi/ bya ba byas pas ni yang bya ba byed par mi nus te skye ba bzhin no/ /de'i phyir chos dang lhan cig tu mi rtag pa nyid kyi 'jig par 'gyur ro/ /skye bas ni mi nus par rigs te zhes bya ba 'dis ni dpe don dang mi mthun par ston par byed do/ /skye bas ni da ltar ba nyid du khyer te 'ongs nas yang bkur bar mi nus so/ /de'i phyir 'di bya ba byas zin pa yang bya ba byed pa la nus pa med par rigs so/ /gnas pa bya ba byas zin pa nyid yang bya ba mi bya ba la ni rgyu yod pa ma yin te/ gang gi phyir gnas pas ni gnas par bya ba yang gnas par bya bar nus pa'i phyir ro/ /yang na 'di la gegs byed pa yang gang zhig yin zhes bya ba la/ gal te bya ba byas zin pa yang bya ba byed pa de la gegs byed pa 'ga' zhig yod na ni bya ba mi byed par 'gyur ba zhig na/ gegs byed pa ni yod pa yang ma yin no/ /gegs byed pa yod do/ /rga ba dang mi rtag pa de dag kho na yin no/ /'di ltar stobs chung ba'i gegs byed pa ni stobs che ba yin no/ /gal te gnas pa bas stobs dang ldan pa zhig yin na ni sngon kho nas gnas pa rang gi bya ba mi byed par 'gyur te/ de dag gi gegs byas pa'i phyir ro/ /gnas pa sngon stobs dang ldan pa yin la/ phyis ni rga ba dang mi rtag pa dag go/ /'dis rga ba dang mi rtag pa dag gis gnas pa dang lhan cig byed pa la/ sngar gnas pa shin tu byed pa med par 'gyur ro/ /rang bzhin dang rgyu khyad par med kyang gnas pa sngon stobs dang ldan la/ phyis stobs dang mi ldan no zhes bya ba 'di yang dad par bya dka' ba zhig go/ /de ltar na rga ba dang mi rtag pa dag kyang sngar stobs dang mi ldan la phyis stobs dang ldan no zhes bya bar sgrub par mi nus so/ /gnas pa'i bya ba log na yang zhes bya ba rgyas par 'byung ba la/ gnas pa ni mi gnas pa dang 'gal ba'i sgo nas yin no/ /gnas pa'i bya ba zhig na yang rga ba dang mi rtag pa nyid dag kyang mi gnas la/ rga ba dang mi rtag pa nyid dag gang gi yin pa'i chos de yang mi gnas so/ /de dag ni gnas pas bya ba yongs su gzung bas gnas pa yin zhing de zhig pas de dag nges par mi gnas pa yin pas ji ltar bdag nyid mi gnas pa'i rga ba dang mi rtag pa dag gis bya ba byed nus par 'dod/ chos mi gnas pa ni 'gag pa nyid yin na de 'gags na ni gang zhig la bya ba byed par nus par 'dod/ yang na rga ba dang mi rtag pa nyid de dag gis ci zhig bya ba cung zad kyang med do snyam du dgongs pa yin no/ /ci'i phyir zhe na/ de'i phyir gnas pas yongs su gzung ba'i phyir zhes bya ba smos te/ gnas pas yongs su gzung ba'i phyir chos skyes pa tsam de ma zhig pa yin no/ /de gnas pas des yal bar btang na ni zhes bya ba la/ gnas par ma byas pa ni nges par rang gi de kho nas mi gnas pa yin no/ /de nyid 'di 'jig pa yin no zhes bya ba ni mi gnas pa gang yin pa'o/ /re zhig chos skyes pa gcig la zhes bya ba rgyas par 'byung ba la/ ji ltar skyes pa de bzhin kho nar 'jig ste/ 'jig pa dang gnas pa dang mi rtag pa zhes bya ba gcig dang dngos por yod pa ma yin no/ /skyes pa la mi 'jig pa med do zhes bya ba khas ma blangs par brjod par bya'o/ /gcig la rga ba ni zhes bya ba la sogs pa la/ rga ba zhes bya ba ni 'jig pa dang mthun pa skyes pa'i gnas skabs gzhan du 'gyur zhing rnam par 'gyur ba yin no/ /de nyid las de'i rnam pa gzhan du mi rung ba ma yin no/ /gal te 'di kho na yin na ji ltar gzhan du 'gyur ba yin la/ gzhan du 'gyur ba yin na ji ltar de kho na ltar yin te/ de kho na bzhin du/ gzhan du 'gyur ba zhes bya ba 'di ni 'gal lo/ /gcig kyang gzhan la bltos nas de ltar rnam pa gzhan du yang zhes bya ba la/ dper na nam mkha' dang 'dra bar rjes su 'jug pa'i las la de ltar rnam pa gzhan du yang zhes bstan te/ bdag nyid la bltos nas ni rnam pa gzhan du na zhes brjod par mi nus so/ /de la rnam pa gzhan dang gzhan nyid yod pa'i phyir ro/ /gang yang sde pa gzhan dag na re zhes bya ba rgyas par 'byung ba la/ 'jig pa'i rgyu dang phrad nas mi rtag pa nyid kyis 'jig pa'i phyir la/ gnas pa ni rgyu gzhan la mi ltos par gnas par byed pa la de'i phyir gnas pa dang mi rtag pa nyid kyi bya ba dus tha dad do zhes zer ro/ /'jig pa'i rgyu de nyid kyis 'jig na zhes bya ba la/ 'jig pa'i rgyu yod na 'jig pa'i phyir dang / de med na mi 'jig pa'i phyir la/ mi rtag pa nyid kyis ni de yod na ma yin pas mi rtag pa nyid don med par rtogs pa yin te/ 'jig pa'i rgyu ltar de la 'jig par bya ba la nus pa ma mthong ba'i phyir ro/ /de bzhin du lha dang 'khru ba dag la yang brjod par bya'o/ /sems dang sems las byung ba rnams zhes bya ba la/ sde pa gzhan de gzugs ci yang rung ba skad cig mar 'dod pas skad cig ma ma yin pa cung zad kyang med do/ /de bzhin du mi ldan pa'i 'du byed rnams dang sems dang sems las byung ba rnams yang mi rtag pa nyid 'jig pa'i rgyu la mi ltos par 'jig par 'dod do/ /de lta ma yin na de dag skad cig ma nyid yin pa la gnod par 'gyur ro/ /de bzhin du mi rtag pa nyid gnas pa bzhin skye ba gzhan nyid la rgyu gzhan la mi ltos pa'i phyir bya ba byed par 'gyur zhing / de'i phyir gnas pa dang mi rtag pa dag dus tha mi dad par bya ba byed pa thal bar 'gyur bas/ sems dang sems las byung ba rnams dus gcig tu gnas pa dang 'jig pa nyid du thal bar 'gyur ro/ /de lta bas na rgyun la 'dus byas kyi mtshan nyid 'di dag ces bya ba la sogs pa 'byung ngo / /de lta na mdo sde 'di zhes bya ba la/ gsum po 'di dag ni 'dus byas kyi mtshan nyid de zhes rgyas par gsungs pa legs par drangs par 'gyur ro/ /skye ba la sogs pa rnams rgyun la 'gal ba med pa'i phyir 'dus byas kyi mtshan nyid ni 'di dag rgyun la bshad pa de ltar ni legs par drangs par 'gyur zhing / skad cig gi dbang du byas nas bshad na ma yin te/ ji skad du bshad pa'i tshul dang 'gal ba'i phyir ro/ /gzhan yang gal te ma 'ongs pa'i skye ba zhes bya ba rgyas par 'byung ba ni thams cad skye ba dang ldan pa'i phyir dang / ma 'ongs pa skye ba bskyed par byed pa nyid du khas blangs pa'i phyir 'dri ba'o/ /rgyu dang rkyen dag med par ni zhes bya ba la/ rgyu dang rkyen la mi ltos par skye ba skyed par byed par mi 'dod la ma 'ongs pa la thams cad la yang rgyu dang rkyen gyi tshogs pa cig car yod pa ma yin zhing / gang yang rung ba zhig med par yang 'bras bu skye bar mi 'gyur bas/ ma 'ongs pa thams cad cig car skye ba ma yin no/ /skye ba ni gdon mi za bar rang gi sde dang rigs mthun pa'i rgyur sngar skyes pa dang / phyi rol gyi rkyen gyi tshogs la ltos pa yin te/ dper na myu gu'i skye ba sa bon dang / zhing la sogs pa rnams la ltos pa bzhin no/ /'o na ni tshogs pa zhes bya ba rgyas par 'byung ba la/ bskyed par bya ba 'di rgyu dang rkyen rnams kyi tshogs pa yod na ni 'byung la/ med na mi 'byung bas rgyu dang rkyen kho na'i mthu yin par nges par gzung gi skye ba ni ma yin te/ de yod kyang 'bras bu skye ba med pa'i phyir ro/ /slob dpon 'dus bzang na re/ de ni de ltar ma yin te/ skye ba thams cad kyi rgyu mtshungs pa'i phyir ro/ /gal te ma 'ongs pa'i chos kyi khyad par skye ba la/ de'i rgyu nye yang ci'i phyir ma 'ongs pa thams cad cig car mi skye/ 'di ni mtshungs so zhe na 'di kha cig tu mi mtshungs te rgyu'i nus pa mthong ba las 'bras bu med pa ni nus pa ma goms pa las so/ /dper na 'byung ba rnams las rgyur byas pa'i gzugs skye ba la sngon gyi las la rag las pa'i nus pa rnams mthong bas mig skyed pa la ma goms pa bzhin no/ /'di la btsun pa chos dga' na re/ dper na mig ni snang ba la sogs pa'i rkyen med par mig gi rnam par shes pa skyed par mi byed mod kyi/ de'i phyir de skye ba'i rgyu ma yin pa yang ma yin pa de bzhin du/ skye ba yang rgyu dang rkyen dag med par chos skyed par mi byed mod kyi/ de'i phyir de skye ba'i rgyu ma yin pa yang ma yin no zhes zer te/ 'di la smras pa 'di ni mi 'dra'o/ /snang ba la sogs pa yod du zin kyang long ba ma yin pa dag gi mig ni mig gi rnam par shes pa skye ba dang mi skye ba snang ba'i phyir mig gi nus pa ni mthong gi skye ba ni de lta ma yin no/ /chos kyi rang bzhin phra mo rnams la yang chos kyi rang bzhin las skye ba gcad pa'i phyir/ de ltar sems las byung ba phra mo reg pa la sogs pa nges par gzung yang / rang bzhin las chos kyi byed pa yod do zhes nges par gzung gi /skye ba las reg pa bzhin byed pa yod pa ni ma yin no/ /gang yang chos skyed pa'i byed pa gsungs pa de yang rgyu dang rkyen dag kho na la rung gi skye ba las ma yin te skye ba dgag par bya'o/ /rang gi ngo bo'i sgo nas ma rtogs pa ni ma yin no zhes bya ba 'di ni lan ma yin no/ /chos kyi rang bzhin phra mo dag yod bzhin du zhes bya ba la/ da ni bya ba gzhan bstan pa'i phyir skye ba zhig med na zhes bya ba la sogs pa smras so/ /rang gi mtshan nyid la ltos pa'i phyir gzugs la sogs pa rnams la gzugs la sogs pa rkyen te/ de'i rang gi mtshan nyid ltar gzugs la sogs pa rnams la so sor nges so/ /skye ba la sogs pa'i rkyen ni gzugs la sogs pa rnams la mtshungs pa'i phyir/ gzugs la sogs pa'i rgyu ma yin no/ /rgyu yin par 'os pa ma yin te/ de'i phyir rgyu gang yin pa de rnams rkyen te gzugs la sogs pa rnams la rab tu 'jug go/ /gzugs skyes so/ /tshor ba skyes so zhes de dag la gzugs la sogs pa rnams yod do zhes bya bar rtogs par bya'o/ /drug pa'i tshig tu yang mi 'gyur te zhes bya ba la/ gzugs kyi skye ba zhes bya ba'i drug pa 'di ni 'brel pa'i rgyu mtshan can yin la/ 'brel pa yang lhas byin gyi zhang po zhes bya ba ltar gzhan du yin gyi de nyid dang de'i ma yin pas gzugs kyi zhes bya bas ma yin no/ /de'i phyir nges par skye ba la sogs pa'i chos don gzhan du gyur pa khas blang bar bya'o/ /de lta ma yin na drug pa'i tshig tu mi 'gyur zhes bya ba'o/ /de bzhin du mi rtag pa nyid kyi bar du zhes bya ba la/ gnas pa la sogs pa dag med na/ gnas so rgas so zhig go zhes bya ba dang / gzugs kyi gnas pa dang mi rtag pa nyid ces bya ba'i bar gyi drug pa'i tshig tu yang mi 'gyur ro/ /'o na ni des na zhes bya ba la/ gal te skyes so gnas so zhes bya ba la sogs pa'i yid ches pa rab tu bsgrub par bya ba'i phyir dang / drug pa'i tshig gi phyir skye ba la sogs pa don gzhan du gyur pa dag 'dod na/ 'o na ni des na bdag med pa'i blo dang / gzugs kyi bdag med pa nyid ces drug pa'i tshig 'grub par bya ba'i phyir bdag med pa nyid gcig kyang 'dod par bya ste/ bdag med pa'i blo dang skye ba la sogs pa'i blo yang gzugs dang / tshor ba la sogs pa'i rang gi ngo bo'i rgyu can ni ma yin te thams cad mtshungs par 'byung ba'i phyir ro/ /de bzhin du bstan du yod pa dang / thogs dang bcas pa dag la yang brjod par bya'o/ /mu stegs byed kyi yongs su brtag pa zhes pa ni bye brag pas yongs su brtags pa'o/ /yod pa la sogs pa zhes bya ba la/ sogs pa zhes bya ba'i sgra ni rdzas nyid dang gzugs nyid dang bum pa la sogs pa dang sbrel lo/ /gzugs gcig /gzugs gnyis/ gzugs mang po snyam pa'i shes pa 'grub par bya ba'i phyir gcig la sogs pa'i grangs khas blang bar bya dgos so/ /gzugs chung ngo / /gzugs che'o snyam pa'i shes pa 'grub par bya ba'i phyir chung ngu dang / tshad chen po yang khas blang bar bya'o/ /de bzhin du tha dag pa dang ldan pa dang / rnam par dbye ba dang / gzhan dang gzhan ma yin pa'i shes pa rab tu bsgrub par bya ba'i phyir tha dad pa nyid dang ldan pa dang / rnam par dbye ba dang / gzhan nyid dang / gzhan nyid ma yin pa dag kyang khas blang bar bya dgos so/ /yod pa la sogs pa'i blo 'grub par bya ba'i phyir zhes bya ba'i sogs pa'i sgras ni rdzas dang / bum pa dang / sgra la sogs pa'i blo bsdu ste/ de dag bsgrub par bya ba'i phyir yod pa dang / rdzas dang / bum pa nyid dang / gzugs la sogs pa la spyi dang bye brag dag kyang khas blang bar bya'o/ /gzugs kyi ldan pa zhes bya ba la/ 'dir ldan pa zhes bya ba ni dper brjod pa ste/ gzugs kyi rnam par dbye ba gzugs gcig nyid ces bya ba la sogs pa gzhan la yang brjod par bya'o/ /gzugs kyi rang bzhin zhes bya ba'i drug la 'di yang ji ltar brtag /gang gi phyir rang bzhin gzugs las gzhan yod pa ni ma yin no/ /de'i phyir gdon mi za bar 'di ltar brtag par bya ste/ tshor ba la sogs pa dag la yang yod pa'i phyir/ rang bzhin ni rnam pa mang du yod pa de bye brag tu bya ba'i phyir gzugs kyi rang bzhin zhes drug par mdzad de/ ci nas kyang gzugs gzugs zhes bya ba kho na rang bzhin du shes par bya'i gzhan ni shes par mi 'gyur bar bya ba yin no/ /de lta bas na skye ba zhes bya ba 'di ni ma byung ba las byung bar shes par bya ba'i don du/ skye ba la ltos pa med pa rtag pa tsam mdzad pa yin te/ dper na grangs la sogs pa dag med kyang zla bo med par shes par bya ba'i phyir gcig ces gtags pa tsam dang / chung ngu shes par bya ba'i phyir chung ngu dang / yul 'dab chags par skye bar shes par bya ba'i phyir ldan pa zhes bya ba dang / yul tha dad par skyes pa shes par bya ba'i phyir rnam par dbye ba zhes bya ba de lta bu la sogs pa byed pa bzhin no/ /rnam pa mang du yod pa zhes bya ba rnam pa mang po yod pa ste/ gzugs dang / tshor ba la sogs pa rnam pa tha dad pa'i phyir ro/ /skye ba zhes bya ba ha cang thal ba yin yang / bye brag tu bya ba'i phyir gzugs kyi skye ba zhes drug par mdzad pa yin te/ dper na ha cang thal ba yin yang / rang bzhin gzhan rnam par gcad par bya ba'i phyir gzugs kyi rang bzhin zhes drug pa byed pa bzhin no/ /'di nyid shes par bya ba'i phyir/ ci nas kyang gzugs shes bya ba kho na skye bar shes par bya'i zhes rgyas par smos so/ /dper na tsan dan gyi zhes bya ba la sogs pa la/ dri la sogs pa dag las tsan dan gzhan med mod kyi/ dri la sogs pa tsan dan gyi bdag nyid ma yin pa dag kyang gur kum la sogs pa dag la yod pa'i phyir/ de rnam par gcad par bya ba'i phyir/ tsan dan gyi zhes drug pa byed pa yin no/ /mchi gu'i lus zhes bya ba la/ gzugs la sogs pa'i tshogs pa'i bdag nyid can mchi gu'i lus las lus gzhan med mod kyi/ stag la sogs pa'i lus las khyad par du bya ba'i phyir mchi gu'i lus zhes drug pa byed pa yin no/ /de bzhin du gnas pa la sogs pa yang ci rigs par rig par bya'o zhes bya ba/ gnas pa zhes bya ba ni rgyun gyi ming ste/ de yang rnam pa mang du yod pas de bye brag tu bya ba'i phyir lus kyi gnas pa zhes drug par mdzad de/ de ltar lus kho na'i rgyun shes par bya'i gzhan gyi ma yin zhes bya'o/ /rgas pa zhes bya ba yang rgyun snga phyi'i khyad par la brjod la snga phyi'i khyad par rgyun de yang rnam pa du ma yod pa zhes gong ma bzhin du rgya cher brjod par bya'o/ /'jig pa zhes bya ba yang rgyun chad pa la brjod de/ 'dir yang rgya cher snga ma bzhin du brjod par bya'o/ /slob dpon 'dus bzang na re/ gcig la sogs pa'i blo dag kyang thams cad du gzhan nyid du mi 'dod de/ skye ba la sogs pa'i blo bzhin rigs mthun pa gzhan 'gog pa'i phyir ro/ /gcig ces bya ba gzhan las 'gyur zhing / thung ngu dang ring po dag kyang phan tshun bltos pa'o/ /rdul phra rab yod pa la gnas pa'i bltos par bya ba rdzas gzhan bltos she na de bzhin du ldan pa dang rnam par dbye ba zhes bya ba'o/ /ma byung ba'i rgyu'i chos yod pa las yod pa nyid dang de bzhin du thams cad gzhan la bltos par bstan pa yin no/ /chos mngon pa pa rnams ni 'du byed gang yin pa de dag la de las gzhan pa'i skye ba yod par nam yang mi smra ste/ rtag tu zhes bya ba bltos pa med pa'o/ /de nyid bdag med pa la sogs pa la yang brjod par bya'o/ /de bzhin du 'dir yang ma skyes pa la bltos nas skyes pa dang / mi gnas pa la bltos nas gnas pa dang ma rgas pa la bltos nas rgas pa dang ma zhig pa la bltos nas zhig pa zhes bya ste/ don gzhan du gyur pa'i skye ba la sogs pa yongs su brtags pa ci zhig yod/ skye ba la mi bltos par 'du byed rnams yod pa nyid du mi rung ste/ 'di ni bshad ma thag pa nyid do/ /gal te skye ba med par skye na zhes bya ba rgyas par 'byung ba la/ 'di skad smras par 'gyur te/ skye ba ni 'du byed rnams kyi skye ba'i rgyu lhan cig skyes pa yin la/ rgyu dang rkyen lhag ma rnams ni de'i lhan cig byed pa yin te/ de'i phyir gang la skye ba de la de skyed par byed pa'i phyir rgyu dang rkyen gzhan dag kyang byed par nus na/ 'dus ma byas la ni skye ba med pa ste/ de'i phyir de la de las gzhan rkyen rnams kyi byed pa rdugs pas byed pa skye ba yin no/ /skyes pa zhes bya ba ni ma byung ba las byung ba la brjod na/ ma byung ba yang 'dus byas kho na la rigs te/ skye ba'i snga rol na med pa'i phyir ro/ /'dus ma byas ni rtag tu yod pa yin te/ des na de ma byung ba las byung ba ma yin pas mi skye ba yin te skye ba med pa ni ma yin no/ /yang ji ltar chos nyid kyi zhes bya ba chos nyid ni chos rnams kyi rang bzhin dang ngo bo'o/ /'dus byas kho na skye ba dang ldan par 'dod kyi/ 'dus ma byas ni ma yin pa gang yin pa 'di la chos nyid las ma gtogs pa'i rgyu cung zad kyang yod pa ma yin no/ /de ltar skye ba med kyang chos nyid kyis thams cad mi skye'o/ /zhes bya bar 'dod par bya'o/ /yang ji ltar skye ba dang ldan par mtshungs pa las zhes bya ba ni gzugs dang tshor ba la sogs pa rnams so/ /de las gzhan pa'i rkyen rnams kyis zhes bya ba la/ de dag las gzhan pa'i rkyen rnams ni gzugs skyed pa'i rkyen dag las gzhan pa ste/ tshor ba la sogs pa skyed pa'i rkyen rnams so/ /de dag las gzhan pa zhes bya ba rgyas par 'byung ba la/ tshor ba la sogs pa de dag las gzhan pa'o/ /de yang gang zhig ce na gzugs te tshor ba la sogs pa'i rkyen rnams kyis de dag las gzhan pa de skyed par nus pa ma yin pa bzhin du skye ba med kyang / gzugs dang tshor ba la sogs pa'i rkyen thams cad kyis kyang nam mkha' sogs pa 'dus ma byas skyed par mi nus par mi 'gyur ro/ /sngar ni rang bzhin nges pa'i sgo nas bshad pa yin la/ da ltar ni nus pa nges pa'i sgo nas yin no/ /rdzas kyi ngo bos kyang bkag go/ /bye brag smra ba rnams na re/ rdzas kyi ngo bos skye ba la sogs pa rnams grub pa nyid do zhes zer ro/ /de'i phyir zhe na/ sun 'byin pa yod ces bya ba la sogs pa rgya cher brjod par bya ste/ gang gi phyir sun 'byin pa la bltos nas grub pa'i mtha' 'dor ba ma yin te/ de bas na khyad par yid ches pa skye ba'i phyir du skyon rnams la yang lan gdab par bya ste/ lan bsams pa la 'bad par bya zhes pa'i don to/ /grub pa'i mtha'i rjes su 'brang bar yang bya'o zhes te skyon med pa'am skyon dang bcas pa'o/ / mtshan nyid rnams bshad zin to// //ming gi tshogs la sogs pa ni ming dang tshig dang yi ge'i tshogs rnams te ming gi tshogs ni ming gi tshogs so/ /tshig gi tshogs ni ngag gi tshogs so/ /yi ge'i tshogs ni yi ge'i tshogs so/ /de la ming byed pa ni ming ste zhes bya ba la/ ming du byed pa ni 'du shes su byed pa ste/ gang gis 'dir 'du shes par byas te sems las byung ba'i chos de dang de la gzhol bar byed pas na ming ngo / /yang na ji lta ji ltar brjod pa de la gzhol bar byed pas don ji ltar gnas pa de dang de dag dang don gyi khyad par dag la sems dang sems las byung ba'i rgyud gzhol bar byed pas na ming ngo / /gzhan dag na re don la mngon par 'jug pa'i yi ge'i gnas skabs ni ming ngo zhes zer te/ de ltar na yi ge rnams dang ming tha dad med par 'gyur ro/ /gzhan dag ni ming dang mtshan zhes bya ba rnam grangs te de ni don du 'du shes te/ der byed pa'i don rnams la bye brag tu bshad pa dang don de gsal bar byed pa yin gyi yod pa tsam gyis ni ma yin no/ /yang na bya ba dang byed pa don gzhan la ma yin no/ /de yang mang du rnam par rtog pa zhes bya ste/ ji ltar ming gis mtshan nyid kho na byed par shes pa de ltar bstan to/ /'o na de ltar ming zhes bya ba kho na smos pas chog mod byed pa smos pas ci bya zhe na/ byed pa ma smos na sems las byung ba la ming du go bar 'gyur ro/ /byed pa kho na smos na yang mi ldan pa nyid go bar 'gyur ro/ /de'i blo ni sngar gyi don la bya ba byed pas so/ /'dis go bar byed cing the tshom med par byed pas na tshig ste/ de yang ngag kho nas de la the tshom med par byed pa'i phyir ro/ /de nyid kyi phyir ngag ni tshig ste zhes smos so/ /'chad par 'dod pa'i bye brag las tshig gi don nges par bya ba'i phyir/ ji tsam gyis don yongs su rdzogs pa ste zhes bya ba smos so/ /ming gi don bzhin tshig dang tshig gi don nges pa med do/ /de la rang gi mtshan nyid gsal bar byed pas na ming ste/ gzugs dang sgra zhes bya ba lta bu'o/ /bya ba dang yon tan dang dus dang 'brel pa'i khyad par ston par byed pa ni tshig ste/ su pa dang ting gi mtha' can no/ /de la bya ba dang 'brel pa'i khyad par ston par byed pa ni/ 'tshed do/ /'don to/ /'gro'o zhes bya ba lta bu'o/ /yon tan dang 'brel pa'i khyad par ston par byed pa ni dkar po'o nag po'o zhes bya ba lta bu'o/ /dus dang 'brel pa'i khyad par ston par byed pa ni/ 'tshed do/ /'tshed par 'gyur ro/ /btsos so zhes bya ba lta bu ste/ ji tsam gyis don yongs su rdzogs pa ste zhes 'byung ba'i phyir ro/ /gzhan dag na re mngon par brjod pa gcig kho na tshig go zhes zer ro/ /kye ma 'du byed rnams mi rtag /ces mdor bstan pa gang gis bya ba dang yon tan dang dus dang 'brel pa'i khyad par so sor rtogs par bstan to/ /yi ge ni yi ge ste zhes bya ste/ 'dir ram 'dis ming dang tshig gsal bar byed pas na yi ge'o/ /rnam grangs kyis na mi 'gyur ba'i phyir yi ge'o/ /dran pa nye bar gnas pa dang ldan pa la mi 'gyur ba rnams so/ /[(]gang gi nus pa the tsom med par bsgrubs pa/[) ]ye na shasno t+ya saM dig+d+ha mA dA d+hA yi tu [(]gzhan pa [)]ma n+ya smai bA ni be da yi tuM [(]rig par byed pa [)]der de dag gis yi ge ga la sogs pa'i ming skyed par byed phyir yi ge rnams kyang yig 'bru'i yan lag gi ming dag ma yin nam/ de'i phyir yi ge ni ming las tha dad par brjod par mi bya'o zhe na/ yig 'bru'i yan lag rnams go bar bya ba'i phyir ni zhes bya ba rgya cher 'byung ba la/ ji ltar brjod bya go bar bya ba'i phyir ming byas pa de bzhin du yi ge rnams go bar bya ba'i phyir yig 'bru'i yan lag rnams byas pa yin no/ /lhag ma go bar zad do/ /de la ming gi tshogs ni zhes bya ba rgya cher 'byung ba la/ sngar dpe ni gzugs dang sgra zhes bya ba la sogs pa lta bu'o zhes gang bshad pa de ni ming gi ngo bo bstan par bya ba'i phyir yin la/ 'dir dper na gzugs sgra dri ro reg bya dag ces bya ba ste/ de lta bu la sogs pa'o zhes gang bshad pa de ni ming gi tshogs bstan par bya ba'i don du'o/ /de bzhin du sngar ni tshig gi ngo bo bstan pa'i phyir bshad la/ 'dir ni tshig gi tshogs bstan pa'i phyir dper na 'du byed thams cad ni zhes bya ba de lta bu la sogs pa'o/ /de bzhin du yi ge rnams la yang brjod par bya'o zhes slob dpon 'dus bzang zer ro/ /slob dpon ni rdzas su yod pa'i mtshan nyid du brjod par 'dod pa med de/ 'dus pa la dri ba byas pa'i phyir ro/ /de'i phyir ming gi tshogs ni ming gi lus te ming gi rdzas zhes bya ba'i don to/ /gang gi phyir mtshan nyid bsam pa la 'dus pas dgos pa med pa ci zhe na/ bstan bcos las bshad pa/ ming gi tshogs gang zhe na/ ming gang yin pa zhes rgya cher 'byung ste/ gal te tshogs kyi sgra ni lus brjod pa nyid de sa ti kA ya [(]sogs pa'i tshogs [)]gra lci ba pa ma nar+tha kaM/[ (]don ma yin pa can/[) ]ming dang ming kho na las de'i rang bzhin rjod par byed pa'i phyir ro/ /de bzhin du bum pa la sogs pa la yang brjod par bya'o/ /bstan bcos su ming gi tshogs gang zhe na zhes dris te/ ji skad du ming gang yin pa dang zhes bya ba ni de las don gzhan du gyur pa'i ming gi tshogs dgag pa'i don to/ /ji ltar bstan bcos su dri ba bya ba de ltar slob dpon gyi 'di la 'gal ba ci zhig yod/ de nyid kyi phyir slob dpon gyis sngar ni de'i ngo bo bstan la/ phyis ni tshogs pa dang tshogs pa can gyi tshogs don gzhan ma yin pa'o/ /de dag kyang ngag gi rang bzhin yin pa'i phyir/ zhes bya ba rgyas par 'byung ba la/ brjod par 'dod pa sngon du 'gro ba mgrin pa dang / dkan dang / mchu dang / so dang lce phrad pa las yi ge a la sogs pa'i ngo bor gyur pa'i sgra la ngag ces bya la/ ngag las tha dad par ming gi tshogs la sogs pa dag rang gi ngo bo'am/ 'bras bu'i sgo nas 'dzin pa yang ma yin no/ /de'i phyir de dag ngag gi rang bzhin kho na yin la/ ngag gi rang bzhin yin pa'i phyir sgra'i bdag nyid yin pas gzugs kyi rang bzhin du 'gyur te/ sgra ni gzugs kyi phung pos bsdus pa'i phyir ro/ /des na ci'i phyir sems dang ldan pa ma yin pa rnams zhes bya ste/ de dag rna ba'i dbang pos gzung bar 'dod bzhin du yang zhes bya bar bsams pa'o/ /de dag ni ngag gi rang bzhin ma yin te zhes bya ba ni sgra'i bdag nyid ma yin pa'o/ /de nyid la rgyu smras pa ni ngag ni sgra yin na zhes bya ba rgyas par 'byung ba'o/ /tsam zhes bya ba'i sgra ni ming dang tshig rnam par gcad par bya ba'i phyir ro/ /sgra ni rgyud nas ming dang tshig gsal bar byed pa yin pa'i phyir don rtogs pa'i rgyu yin gyi/ ming dang tshig la bltos pa med par dngos su ni ma yin te/ de'i phyir gang gis don rtogs par byed pa ming gi tshogs la sogs pa dag las tha dad par yod do/ /de'i phyir ngag gis don rjod par byed pa ma yin te/ 'o na ci zhe na/ ngag ni ming gsal bar byed pa'am/ ming skyed par byed pa'i phyir ming la 'jug la/ ming gi don rjod par byed de/ de go bar byed pa'i phyir ro/ /'dis ni ming 'di don dag la dngos su 'jug gi / tshig ni ma yin no zhes ston par byed do/ /sgra tsam kho na ni ngag ma yin gyi/ 'o na ci zhe na/ sgra'i khyad par ro/ yang de ci 'dra ba zhig ce na/ de'i phyir bshad pa/ yi ge ka la sogs pa'i bdag nyid sgra gang gis don go bar 'gyur ba'i sgra de dag yin no/ /ming la sogs pa'i tshogs bkag pas 'dri ba ni/ sgra gang gis don go bar 'gyur zhe na zhes bya ba la sogs pa'o/ /gang zhig smra ba po rnams kyis don dag la mtshams bcad pa ste zhes bya ba la/ yi ge a la sogs pa 'di snyed cig gi rim pa 'dis don 'di rjod par byed pa ste/ gang zhig de ltar don gang dag la mtshams bcad pa des don rtogs par byed kyi thams cad kyis ni ma yin no/ /'dis ni brda la bltos nas sgra don go bar byed kyi thams cad kyis kyang ma yin la/ yod pa tsam gyis kyang ma yin no zhes ston par byed do/ /dper na gauHzhes bya ba la sogs pa la yi ge ga dang / yi ge au dang / tsheg drag gi bdag nyid can gyi sgra ni go rims 'dis don dgu dag la mtshams bcad pa de las de dag rtogs par 'gyur ro/ /gang yang ming gi don rjod par byed do snyam du sems pa zhes bya ba rgyas par 'byung ba la/ ji ltar don go ba can yin zhe na/ don 'di'i ming ni 'di yin no/ / rgyas par byas pa las te/ don go ba can ma yin pas rtogs na ni brda byang ba med par yang go bar 'gyur ba zhig na 'gyur ba yod pa ma yin no/ /de ni don go ba can gyi sgra tsam kho nas 'grub la zhes bya ba la/ don rjod par byed pa de ni ming dang bral zhing don go ba can gyi sgras 'grub po/ / 'brel pa la byang bas don go ba 'di la yod pa ni sgra don go ba can te/ don 'di'i ming 'di yin no zhes brdar btags pas 'brel pa la byang ba'i phyir ro/ /ji ltar na gang ming la 'jug pa 'di yang zhes bya ba la sogs pa rgyas par 'byung ba la/ ngag ni sgra'i bdag nyid yin na/ de gal te rang gi bye brag ming skyed par byed pa 'am gsal bar byed pa zhig yin grang / de lta yin na 'dir bye brag khas ma blangs pa'i phyir sgra thams cad kyis kyang ming skyed pa'am gsal bar byed par 'gyur ro/ /'on te ming phan tshun khyad par du 'gyur ba kho na'i sgra ngag tu 'dod do zhe na/ 'on te sgra'i khyad par de lta bu zhig ces bya ba rgya cher 'byung ngo / /don brjod pa ni don gyi yul can gyi shes pa skyed pa yin na/ de ni sgra'i khyad par don dag la mtshams bcad pa kho nas byed par 'gyur bas 'dir de la tha dad par ming btags pas ci dgos/ sgra'i khyad par gyis ming gi khyad par gsal bar byed pa yang ma yin te nges pa'i rgyu med pa'i phyir ro/ /sgra thams cad kyis ming thams cad gsal bar byed pa'am gsal bar mi byed pa nyid du khas blang bar bya'o/ /gal te brda la byang ba nges pa'i rgyu yin no zhe na/ de lta na don yod pa nyid kyis gsal bar byed de/ brda la byang ba la bltos pa'i phyir zhes ci ste mi 'dod/ des na ming dang ngag tha dad par nye bar dmigs so/ /de la brda la byang ba yod pa ma yin pa mi rigs te/ shes pa dang tha dad pa med pas gzugs brnyan bzhin du shes bya'i rgyu mtshan gyi ming nges par gzung ste/ de'i phyir shes pa kho na shes bya'i gzugs brnyan gyi bdag nyid can gyi sgra skyed pa ma yin pas don gsal bar mi byed par 'dod pa ci zhig yin zhes bya'o/ /yang sgra rnams ni tshogs pa med pa zhes bya ba la sogs pa la/ ngag ni rim gyis yi ge dag la gnas pa'i phyir yi ge rnams kyang skad cig ma yin pa'i phyir yi ge a la sogs pa'i sgra rnams cig car yod pa ma yin la/ cha med pa'i phyir chos gcig cha shas kyis skye ba yang ma yin no/ /skyed par byed pa na zhes bya ba la sogs pa la yi ge du ma can gyi ming ni sgra du ma la bltos nas yongs su gcad par bya ba yin pas de skyed par byed pa na ji ltar ngag gis skyed par byed de/ ci 'das pa'am/ ma 'ongs pa'am/ da ltar byung ba zhig gis yin/ 'di ltar sgra rnams la ni cig car ba nyid yod pa ma yin te/ rim gyis 'jug pa'i phyir dang / skad cig ma yin pa'i phyir ro/ /de'i phyir re zhig ji ltar 'das pa la bltos pa'i zhes bya ba rgyas par smras so/ /so sor thar pa'i sdom pa len pa'i tshe lus dang ngag gi rnam par rig byed rnams tshogs pa med mod kyi/ 'on kyang 'das pa'i lus ngag gi rnam par rig byed kyi skad cig la bltos pa'i rnam par rig byed kyi skad cig ma tha ma de bzhin du lan gnyis lan gsum du srog gcod pa spong bar bgyid do zhes bya ba'i sgra gang yin pas so sor thar pa'i sdom pas bsdus pa'i rnam par rig byed ma yin pa skyed par byed pa de bzhin du 'das pa'i sgra la bltos pa'i ngag gi sgra tha mas ming skyed par byed de/ de'i phyir gcig cha shas kyis skye bar thal bar mi 'gyur ro/ /slob dpon 'dus bzang na re/ mngon par 'dod pa'i ming la yid bzhag nas 'di dang 'di brjod par bya'o snyam du dus phyi ma'i brjod pa 'jug par 'gyur bas de ltar brjod de/ ngag ni ming la 'jug go zhes zer ro/ /de'i phyir don ji snyed dag la mtshams bcad pa'i sgra mtha' dag bye brag med par yid la bzung ste/ phyis rim gyis rjod par byed la/ rtogs pa po yang rim gyis brjod pa kho na mnyan nas phyis thams cad bye brag med par yid la byed do/ /de'i phyir yid kyi yul gcig pur tha dad med par byas te sgra'i gzugs las brda byang ba la bltos nas don rtogs par byed do/ /des na sgra'i gzugs mtha' dag las tha dad pa'i ming yod pa de ltar yang ma yin no/ /'dir ni rnam par dpyad pas brjod par bya ba mang po 'byung ste/ de ltar thal bar mi 'gyur bas gang 'dir mngon par brjod pa'i sgra dang ming la sogs pa rnams don gzhan nyid du rab tu bsgrub pa'i phyir mang du bshad pa de yang 'das pa dang 'brel pas rnam par dpyad do/ /de lta na 'o na ni sgra tha ma kho nas zhes bya ba rgyas par 'byung ba la/ yi ge du ma can gyi ming la/ gang zhig yi ge tha ma gcig gis bsdus pa'i sgra thog ma des kyang don de go bar 'gyur te/ sgra phyi ma kho nas ming skyed par byed pa'i phyir ro/ /gal te dmigs pa'i sgra 'das pa la bltos pa'i sgra tha mas ming skyed par byed pas nyes pa 'di med do zhe na/ de lta na 'o na rnam par rig byed dpe ma yin te/ rnam par rig byed kyi skad cig ma tha ma ni rnam par rig byed kyi skad cig sngar skyes pa dmigs shing 'gags pa dag la bltos nas rnam par rig byed ma yin pa skyed par mi byed kyi/ 'o na ci zhe na/ de yod pa tsam nyid la bltos nas rnam par rig byed ma yin pa'i rgyur 'gyur ba yin no/ /de lta ma yin na g.yengs pa dang sems med pa la rnam par rig byed ma yin pa med par 'gyur ro/ /de'i phyir sgra tha ma ni rnam par rig byed kho na ltar ming skyed par byed kyi/ sngar gyi sgra dmigs pa la bltos pa ni ma yin no/ /'on te 'di snyam du zhes bya ba la sogs pa la de ltar na smras ma thag pa'i skyon med de/ sgra re re la yi ge skye ba'i phyir dang / yi ge dag gis kyang ming skyed par byed pa'i phyir ro/ /'di la yang skyon de nyid yod do zhes bya ba ni sgra rnams ming skyed pa la bstan pa gang yin pa'o/ /ci ltar zhe na/ yi ge rnams ni tshogs pa med pa'i phyir dang / sgra ltar rim gyis 'jug pa'i phyir dang / skad cig ma nyid yin pa'i phyir yi ge rnams la yang cig car ba nyid med do/ /der ming yi ge du mas bskyed par bya ba cha med pa gcig la rim gyis cha shas kyis skyed par yang rigs pa ma yin no/ /ci ste 'das pa'i yi ge la bltos pa'i yi ge phyi ma kho nas ming skyed par byed do snyam na/ de lta na 'o na ni gang gis yi ge tha ma skyed par byed pa'i sgra thos pa des kyang don de go bar 'gyur te/ yi ge tha ma kho nas ming bskyed pa'i phyir dang / ming gis kyang don rjod par byed pa'i phyir ro/ /ngag ming gsal bar byed pa yin na yang zhes bya ba la sogs pa la/ gang zhig ce na/ ming skyed par byed pa nyid la bstan pa kho na'o/ /yang sgra rnams tshogs pa med la/ chos gcig la cha shas kyis gsal ba yang rigs pa ma yin no/ /zhes bya ba thams cad rgyas par brjod par bya'o/ /gong du ni ngag las tha dad pa'i yi ge khas blangs nas yi ge ming gis skyed pa nyid yin pa bkag pa yin la/ da ni ngag las tha dad pa'i yi ge yod pa ma yin pa de nyid kyi phyir yi ge yang ngag ces bya ba rgyas par smos so/ ngag las tha dad pa'i yi ge ni yod pa ma yin te/ de'i phyir yod pa ma yin pa'i yi ge ji ltar ngag gis skyed pa'am gsal bar byed pa 'di ji ltar zhes she na/ de'i phyir shes rab dang ldan pa zhes bya ba la sogs pa smos so/ /shes rab 'chal ba ni shes rab nyams pa'i phyir la/ shes rab ldan pa yang g.yeng ba yod pa'i phyir yongs su bcad par mi nus pas shes rab dang ldan pa yid bstad pas kyang zhes gnyis ka brjod do/ /mtshan nyid kyi sgo nas zhes bya ba ni rang gi ngo bo'i sgo nas so/ de'i phyir ngag las tha dad pa'i yi ge med pas ngag ni ming ltar yi ge skyed par byed pa yin par yang mi rung la/ gsal bar byed pa yin par yang mi rung ngo / /gzhan yang ngag ni sgra tsam yin pa'i phyir sgra tsam thams cad yi ges skyed pa'am gsal bar byed par 'gyur ro/ /zhes thams cad 'dir yang rgyas par brjod par bya'o/ /gang zhig sgra tsam ming yin na de la yang ming gi yi ge du ma rnams kyi sgra cig car don go bar byed pa med de/ brdar byas pa'i sgra brjod pa la bstad pa rnams kyis kyang sgra dmigs kyi don nges par 'dzin pa ma yin no/ /yang de rnams nyid nges par gzung bas 'dir nye bar dmigs pa yang ma yin gyi de'i don nges par gzung ba dang de nam zhig rna bas thos pas kyang nye bar dmigs so/ /de gzhan du gtogs pa las sgra dang tha dad pa de nyid don rnams dang mtshungs par ldan par 'gyur bas na/ slob dpon 'dus bzang gis/ mngon par 'dod pa'i ming la yid bzhag nas 'di dang 'di brjod par bya'o snyam du dus phyi ma'i brjod pa 'jug par 'gyur bas de ltar brjod de/ ngag ni ming la 'jug go zhes bshad do/ /gang yang sgra snga ma phyi ma'i tshogs thams cad bsdoms nas bskyed pas na/ de ltar yi ge so so rna ba'i rnam par shes pas dmigs pa rnams phyis rna ba'i rnam par shes pa'i stobs kyis rang bzhin mtha' dag dran pa'i yul du gyur pa na brda la byang bas don go ba yin gyi/ yi ge de rnams yod pa tsam gyis ni ma yin no/ /'brel pa la byang ba'i dus nyid du yang mtha' dag dran pa'i yul du byas te brda la byang bar byas pas 'brel pa dang mthun par sgra'i don rtogs kyi/ gzhan du ni ma yin te 'brel pa don med par thal ba'i phyir ro/ /gang bshad pa mngon par 'dod pa'i ming la yid bzhag nas zhes bya ba la sogs pa de yang gnod pa can te/ sgra mtha' dag yid la bzhag nas phyis rim gyis brjod pa'i phyir ro/ /'on te ming don dang lhan cig skyes pa yin te zhes bya ba la sogs pa rgya cher 'byung ba la/ de la ngag gi bya ba med pa'i phyir skyon med do snyam du bsams pa'o/ /de ltar yang ming mngon par gsal ba nyid las mngon par mi gsal ba'i bya ba yod pa gzung ba'i phyir ro/ /gzhan du na ngag ming la 'jug ces pa 'gal te mngon par mi gsal ba ni tshig tu mi 'thad do zhes rgya cher bshad do/ /de lta na don 'das pa dang ma 'ongs pa'i zhes bya ba rgyas par 'byung ba la/ ji ltar 'das pa dang ma 'ongs pa'i skye ba dang / gnas pa dang / rga ba dang / mi rtag pa nyid dang / skye ba'i skye ba la sogs pa rnams da ltar ba ma yin pa de bzhin du ming yang da ltar ba yin par mi 'gyur ro/ /de'i phyir 'das pa dang ma 'ongs pa'i tha snyad kun tu 'chad par 'gyur ro/ /'di ltar 'das pa dang ma 'ongs pa'i ming gis ni don brjod par mi nus te ngag bzhin no/ /'das pa dang ma 'ongs pa'i ngag gis ni ming gsal bar bya bar mi nus te/ go rims bzhin 'gags zin pa'i phyir dang ma skyes pa'i phyir ro/ /pha rnams kyi bu dag gis zhes bya ba la/ gcig gis ming ni skye ba la sogs pa bzhin du gcig kho na lhan cig skye'i/ rnam par gzhag pa med pa'i phyir du ma ni ma yin pas/ 'dir ming gang gis de dang lhan cig skyes par brjod par bya/ chos 'dus ma byas kyi zhes bya ba la/ ming ni mi skye ba'i chos can kho nar 'gyur te/ 'dus ma byas rnams mi skye ba'i phyir ro/ /tshigs bcad ming la brten pa ste/ zhes bya ba la/ 'dir ldan pa ma yin pa'i ming yod de zhes bya ba'i khungs ni 'di yin te/ de med na tshigs su bcad pa med par thal ba'i phyir ro/ /rten med par ni brten pa yod par bya bar mi nus so/ /tshigs su bcad pa ming la brten pa bden mod kyi/ de dang mi ldan pa ma yin pa ni zhal gyis ma bzhes te/ 'o na ci zhe na/ don rnams la mtshams byas pa'i sgra ni ming yin la/ ming rnams bkod pa'i khyad par yang tshigs su bcad pa yin pas/ ming rjod par byed pa ji ltar bkod pa rnams kyis tshigs su bcad pa zhes bya ba thob pa'i bkod pa de tshigs su bcad pa yin gyi thams cad ni ma yin no zhes shes par bya ba'i phyir bkod pa'i khyad par zhes bya ba smos so/ /'das pa dang ma 'ongs pa'i sgra rnams med pa'i phyir thams cad la brten pa'i dngos por mi rigs pas de nyid kyi phyir/ bkod pa'i khyad par yang rdzas gzhan du mi 'thad do zhes smos so/ /ji ltar zhe na phreng ba bzhin no/ /ji ltar phreng ba ni shing ljon pa dang / 'dab chags dang / grog ma la sogs pa rnams phan tshun nye ba na gnas pa las ma gtogs pa'i rdzas gzhan du mi 'thad de/ dpung pa bzhin du de ma gzung na de'i blo med pa'i phyir ro/ /de lta na yang dpe ni mtshungs te/ shing ljon pa la sogs pa da ltar ba rnams kho na'i bkod pa'i khyad par las phreng du snyed pa'i phyir ro zhe na/ de'i phyir sems kyi rim pa lta bu'o zhes smos te/ ji ltar sems dang sems las byung ba dus snga phyir byung ba rnams la bar med par 'gag pa dang / skye ba las ma gtogs pa'i rim pa gzhan yod pa ma yin pa de bzhin du sgra snga phyir byung ba rnams la yang bar mtshams med par 'gag pa dang / skye ba las ma gtogs pa'i bkod pa'i khyad par mi dmigs so/ /de'i phyir 'das pa dang ma 'ongs pa'i sgra rnams kyang sems ltar bkod pa'i khyad par gyi rten gyi ngo bor mi 'gal lo/ /yi ge tsam zhig zhes bya ba la/ nyes pa chung ba'i phyir ro snyam du bsams pa yin gyi/ nges par ma zin pa'i phyir ngag las khyad par 'phags pa'i yi ge yod pa ni ma yin no/ /de dag tu rtogs pa don med pa yin na zhes bya ba la/ yi ge dag las ming dang tshig tha dad par yongs su rtogs pa don med do/ /slob dpon 'dus bzang na re/ yi ge rnams cig car 'dzin pa med pa'i phyir dang skad cig ma nyid yin pa'i phyir dang tshogs pa mi 'thad pa'i phyir yi ge rnams tshogs pa ming gi tshogs la sogs pa ma yin no zhes zer ro/ /yi ge rnams ni rim gyis so so so sor dmigs pa de'i stobs kyis mtha' dag ma 'dres pa'i rim pas gcig tu dran pa'i shes pas shes pa'i yul gyi ngo bor bzhag pa tshogs su bstan par byas pas na 'di la skyon med do/ /khyed kyang yi ge'i tshogs 'dod pa nyid de/ 'di ltar bshad pa/ shing zhes bya ba 'byung ba dang 'byung ba las gyur pa'i tshogs pa la brten nas grib mar 'gyur te/ 'di nyer len med pa ma yin zhing tha dad par mi 'gyur ro/ /yi ge de'i tshogs pa mngon par mtshon pa ni re zhig ming dang tshig gi tshogs su 'gyur te/ don gzhan nyid ma yin par brjod pa ma yin no/ /de'i phyir bcom ldan 'das kyis kyang yi ge tshogs pa med pa'i phyir yi ge'i tshogs pa mngon par mtshon pa dag ming dang tshig gi tshogs dag tu 'gyur zhes gsungs so/ /mtshungs pa'i phyir gcig tu brjod par mi bya ste/ thams cad btags pa kho nar yod pa dang rdzas nyid du rnam par gzhag par yang ci ltar nus/ yi ge gcig pa'i ming yang yod do/ /nye bar lan pa'i rdzas gcig ni btags par yod pa dang yod pa'i khyad par yang ma yin no/ /rdzas gcig nyid tshogs pa'i rgyun gyis nye bar len pa yin te/ 'di gnas skabs kyi khyad par la yod pa ma yin no/ /de la ci ltar yi ge las don gzhan du gyur pa'i ming rtogs par byed/ gang bshad pa mtshungs par ldan pa nyid kyi phyir tha dad pa ma yin pa bi b+hA bya ste rtsig pa dang nyi ma'i gzugs bzhin zhes bya ste/ rtsig pa dang nyi ma'i gzugs dag ni so so so sor dmigs te/ 'di yang sngon po dang ser po dang dmar po dang rtsig pa'i gzugs la nyi ma tha dad du nye bar dmigs te de nyid kyi phyir kha dog tha dad pa'o zhes bya ba ste spros pas chog go/ /gzhan yang chos thams cad rtog ge'i spyod yul ma yin pas zhes bya ba la/ de ltar yid ches pa'i lung gi tshad ma las grub pa yin te/ chos kha cig de bzhin gshegs pa'i ye shes kyi spyod yul kho na yin pa yang yod do/ /rnam pa'i bye brag bshad pa brjod par 'dod pas dri ba byed pa ni/ yang ci ming gi tshogs la sogs pa 'di dag gang dang ldan pa'am zhes bya ba rgya cher 'byung ba'o/ /gang dang ldan zhes bya ba ni khams gang dang ldan zhes bya ba'o/ /'dod pa dang gzugs su gtogs pa kho na yin gyi/ gzugs med par gtogs pa ni ma yin te/ de na ngag med pa'i phyir ro/ /gzhan dag na re gzugs med par gtogs pa yang yod mod kyi de dag ni brjod par bya ba ma yin no zhes zer ro zhes bya ba la/ gzhan gyi sa pa'i ngag gis sa gzhan gyi ming gi tshogs la sogs pa dag brjod pa ni ma yin la gzugs med pa dag na ngag med pas brjod par bya ba ma yin no/ /gzugs kyi khams su yang bsam gtan dang po dang gnyis pa la sogs pa rnams su'o zhes kha cig zer ro/ /gnyis pa la sogs pa rnams su yod kyang brjod par bya ba ni ma yin no zhes gzhan dag go/ /sa gang yin pa de'i sa pa'i ngag dang ming ngo zhes bya ste/ 'dod pa na spyod pa ni 'dod pa na spyod pa'i ngag dang brjod pa ste/ rang gi sa pa'i ngag dang ming dang gang zag dang don du 'gyur gyi/ khams gsum pa'i ldan pa ma yin no/ /de bzhin du bsam gtan dang po'i sa pa'i ngag dang brjod pa ni bsam gtan dang po'i sa pa'i ngag dang ming dang don no/ /snga ma kho na ltar bsam gtan dang por skyes pa la yang sbyar te/ gang zag sa gang gi yin pa de'i sa pa'i ming ngo zhes gzhan dag zer ro/ /de dag rang gi sa'i ming dang gang zag dang ngag tu 'gyur ro/ /rang gi sar 'gyur ba ni gzhan gyi sa ma yin pa'i don to/ /snga ma kho na ltar ming gi tshogs la sogs pa rnams gzugs med pa'i khams su brjod par bya ba ma yin te/ der skyes pa rnams la ngag med pa'i phyir ro/ /de dag ni sems can du bgrang ba yin te/ 'gog pa gnyis ma gtogs pa'i sems can du bgrang ba ma yin pa dang ldan pa med pa'i phyir ro/ /gang rjod par byed pa de dag dang ldan gyi zhes bya ba la/ gang brjod par bya ba de dag dang ldan par 'gyur ro snyam pa'i dogs pa 'di gang las she na/ ming 'di ni don gyi yin no zhes tha snyad 'dogs pa las so/ /ji ltar ming gi dbang po lta ba po kho na yin gyi/ blta bar bya ba ma yin pa de bzhin du 'dir yang gang gi tshe ming rjod par byed pa de'i tshe gang dag dang ldan pa de dag kho nas brjod par bya'o/ /skal ba mnyam pa'i rgyus bskyed pa'i phyir/ rgyu mthun pa las byung ba kho na yin gyi/ rgyas pa las byung ba ma yin te rdul phra rab bsags pa ma yin pa'i phyir ro/ /rnam par smin pa las skyes pa yang ma yin te/ 'dod dgur 'byung ba'i phyir ro/ /bcom ldan 'das kyis ni las kyi bdag po'i 'bras bu yin pa'i phyir ming yang las las skyes par smra'o zhes gsungs so/ /ma bsgribs la lung du ma bstan pa dag kyang yin te/ de nyid kyi phyir dge ba'i rtsa ba kun tu chad pa chos dge ba rnams brjod pa na dge ba rnams dang mi ldan la/ de dag gi ming dang ni ldan pa yin no/ /de bzhin du 'dod chags dang bral ba chos mi dge ba dag brjod pa na zhes bya ba brjod par bya'o/ /de bzhin du skal mnyam zhes bya ba la/ skal mnyam sems can 'dra ba'o/ /zhes 'byung ba'i phyir na sems can du ston pa kho na'o/ /dge ba'i rtsa ba kun tu chad pa rnams dang / 'dod chags dang bral ba rnams kyang de dang ldan pa'i phyir na lung du ma bstan pa'o/ /de ni rgyu mthun pa 'ba' zhig ma yin gyi rnam par smin pa'ang yin no/ /de la rnam par smin pa las skyes pa ni dper na dmyal ba la sogs pa rnams dmyal ba la sogs pa dag dang skal ba mnyam pa lta bu ste/ lha rnams dang skal ba mnyam par skye'o zhes 'byung ba'i phyir ro/ /rgyu mthun pa las byung ba ni khams dang gling dang mdog dang rigs dang rus dang dge sbyong dang bram ze dang bslab pa la sogs pa skal ba mnyam pa'o/ /rnam par smin pa las skyes pa chos kyi skal ba mnyam pa ni rnam par smin pa las skyes pa'o/ /rgyu mthun pa las byung ba'i chos kyi skal ba mnyam pa ni rgyu mthun pa las byung ba'o/ /gzhan dag na re/ sngon gyi las kyis bsgrubs pa rnam par smin pa las skyes pa da ltar ba'i sbyor bas grub pa ni rgyu mthun pa las byung ba'o zhes zer ro/ /khams kyi dbye bas ni ming gi tshogs la sogs pa bltar 'dod pa dang / gzugs su gtogs pa 'ba' zhig tu ma zad kyi/ khams gsum pa ste/ sems can 'dra ba'o zhes 'byung ba'i phyir dang / sems can rnams kyang khams gsum pa yin pa'i phyir ro/ /thob rnam gnyis zhes bya ba ni/ rnam par smin pa las skyes pa rnams kyis ni rnam par smin pa las skyes pa dag go/ /lhag ma rnams kyis ni rgyu mthun pa las byung ba'o/ /rgyas pa las byung ba ni ma yin te/ gzugs can ma yin pa'i phyir ro/ /mtshan nyid rnams kyang rnam par smin pa las skyes pa rnams kyis ni rnam par smin pa las skyes pa dag go/ /lhag ma rnams kyis ni rgyu mthun pa las byung ba dag go/ /rgyas pa las byung ba dag ni med de/ gzugs can ma yin pa rnams la bsags pa med pa'i phyir ro/ /sems med pa'i snyoms par 'jug pa gnyis ni 'gog pa'i snyoms par 'jug pa dang 'du shes med pa'i snyoms par 'jug pa ste/ snyoms par 'jug pa dang bsam gtan gyis bsdus pa'i phyir rnam par smin pa ma yin no/ /rnam par smin pa ni skye ba'i bsam gtan gyis bsdus pa kho na yin no/ / rgyas pa las byung ba dag kyang ma yin te gzugs can ma yin pa'i phyir ro/ /mi ldan pa ni ma thob pa ste/ rnam par smin pa'i mi ldan pa ni rnam par smin pa yin par mi rung ste/ de'i phyir 'di dag gsum ka yang rgyu mthun pa las byung ba yin no/ /'di dag gi brjod par bya ba lhag ma zhes bya ba ni thob pa dang / mtshan nyid dang / snyoms par 'jug pa dang mi ldan pa dag gi'o/ /lhag ma de yang gang zhig ce na/ thob pa rnams dang snyoms par 'jug pa dag dang mi ldan pa'i sems can du ston pa nyid dang / mtshan nyid rnams kyi sems can du ston pa dang / sems can du ston pa ma yin pa dang / thob pa rnams dang / mtshan nyid rnams kyi khams gsum pa nyid dang / mi ldan pa nyid dang / dge ba dang / mi dge ba dang / lung du ma bstan pa nyid dang / mi ldan pa'i khams gsum pa nyid dang / snyoms par 'jug pa dag gi dge ba nyid dang / gzugs su gtogs pa nyid do/ /gzhan du sems can du bgrang ba ma yin pa dang ldan pa med pa'i phyir dang ldan pa zhes 'byung ba 'gal ba med do/ /sems can du ston pa nyid bshad zin to// //ji ltar dge ba dang / mi dge ba dang / lung du ma bstan pa nyid bshad ce na/ dge la sogs kyis dge la sogs/ /zhes bshad pa'i phyir ro/ /ji ltar khams gsum pa nyid dang mi ldan pa nyid bshad ce na/ der gtogs rnams kyi rang khams pa/ /ma gtogs rnams kyi rnam pa bzhi/ /zhes bshad pa'i phyir ro/ /thams cad 'dus byas mtshan nyid dang / /zhes 'byung ba'i phyir/ mtshan nyid rnams kyis sems can dang sems can ma yin par ston pa dang khams gsum pa dang mi ldan pa bshad do/ /sems kyi rjes 'jug dus dang ni/ /'bras sogs dge la sogs pas so/ /zhes bya ba ni dge ba dang / mi dge ba dang / lung du ma bstan pa nyid do/ /'du shes med pa'i snyoms 'jug /bsam gtan tha mar zhes bya ba dang / dge ba'o zhes 'byung ba'i phyir gzugs kyi khams dang ldan pa dang dge ba bshad do/ /de nyid kyi phyir/ sems can du ston pa yang yin te/ skyes nas myong 'gyur nyid ces bshad pa'i phyir ro/ /'gog pa'i snyoms par 'jug pa yang srid rtse skye zhes bya ba dang / dge ba'o zhes bya ba 'byung ba'i phyir gzugs med par gtogs pa dang dge ba yin par bshad do/ /de nyid kyi phyir sems can du ston pa yang yin te/ 'dus byas yin pa'i phyir ro/ /mi ldan pa khams gsum pa kho na ste/ 'dod sogs gtogs dang dri med kyi'ang / /zhes bshad pa'i phyir ro/ /ma thob pa ni sems can du ston pa yin te/ rang rgyud du gtogs pa rnams kyi'o zhes bshad pa'i phyir ro/ /ma bsgribs la lung du ma bstan pa yang yin te/ ma thob ma bsgribs lung ma bstan/ /zhes bshad pa'i phyir ro/ /'du shes med pa pa ni gzugs su gtogs pa dang / sems can du ston pa dang / lung du ma bstan pa dang / rnam par smin pa bshad de/ rnam smin de 'bras che zhes 'byung ba'i phyir ro/ /srog ni khams gsum pa ste/ srog gi dbang po gang zhe na/ khams gsum pa'i tshe yin no zhes 'byung ba'i phyir ro/ /rnam par smin pa las skyes pa dang / sems can du ston pa dang / lung du ma bstan pa yang ma yin te/ srog ni rnam smin zhes bshad pa'i phyir ro/ /ldan pa ma yin pa rnams bshad zin to zhes bya ba la/ mtshan nyid dang / rab tu dbye ba dang / rnam par dpyad pa'i sgo nas te/ ldan pa ma yin pa rnams bshad zin to// //rgyu dang / rkyen dang sbrel bar bya ba'i phyir/ rgyu dang rkyen dag med par ni/ /zhes bya ba la sogs pa smos so/ /gang bshad pa/ rgyu rnams ni gang / rkyen rnams ni gang zhe na zhes bye brag tu 'dri ba/ rgyu rnams las rkyen rnams la khyad par ci yod ce na/ kha cig na re ci yang med de/ 'di skad du/ bcom ldan 'das kyis yang dag pa'i lta ba skyed pa la gnyis dang / rkyen gnyis te/ gzhan gyi sgra dang nang gi tshul bzhin yid la byed pa'o zhes gsungs so/ /de'i phyir rgyu dang rkyen dag dang / byed rgyu dang rgyu mtshan zhes bya ba ni rnam grangs dag go zhes zer ro/ /gal te khyad par med na ci'i phyir bye brag tu bstan ce na/ gdul bya la bltos nas te khams dang skye mched bzhin no/ /'di ltar rkyen khyad par med par bsten la/ rgyu ni khyad par du bstan to/ /byed rgyu lhan cig 'byung ba dang / / zhes rgya cher 'byung ba la/ dang zhes bya ba dang nyid ces bya ba'i tshig phrad gnyis ni go rims bzhin du kun sdud pa dang nges par gzung ba ste/ byed rgyu dang lhan cig 'byung ba gnyis kho na 'dus byas thams cad la khyab pa nyid du nges par 'dzin par byed do/ /gang dag bstan bcos 'dir tha snyad du byed pa drug po 'di rnams rgyu yin no/ /'thob par byed pas na rgyu ste/ dngos pos skye ba thob par byed du 'jug ces bya ba'i don no/ /byed pa nyid rgyu yin pa ni rgyu'o/ /lhan cig 'byung ba yang de yin la/ rgyu yang yin pas sam/ lhan cig 'byung ba rnams kyi rgyu ni lhan cig 'byung ba'i rgyu'o/ /skal ba mnyam pa'i rgyu ni skal ba mnyam pa'i rgyu'o/ /mtshungs par ldan pa rnams kyi rgyu ni mtshungs par ldan pa'i rgyu'o/ /kun tu 'gro ba yang de yin la/ rgyu yang yin pas na kun tu 'gro ba'i rgyu'o/ /rnam par smin pa'i rgyu ni rnam par smin pa'i rgyu'o/ /yang ci ltar bcom ldan 'das kyis ma bstan pa'i rgyu rnams kyis bstan bcos su tha snyad byed ce na/ bye brag tu smra ba rnams na re/ de ni de lta ma yin te/ bcom ldan 'das kyis ma bstan pa ni 'ga' yang chos mngon par spros pa yod pa ma yin no/ /gal te yang nub pa'i phyir rang gi ngo bos dmigs pa med mod kyi/ 'on kyang gdul bya'i dbang gis la las rnam pa gzhan gyi sgo nas nye bar lan pa'i sa bon tsam mthong bas yod pa nyid du dmigs nas chos mngon par gsal bar mdzad pa yin no/ /'di ltar mdo sde de dang der rgyu 'di rnams sbyor bar snang ste/ dper na mig dang gzugs la sogs pa la brten nas mig gi rnam par shes pa skye'o zhes bya ba ni byed rgyu'o/ /'di ni skyed par byed pa dang gegs mi byed pa'i ngo bor rnam par gzhag go/ /lam gyi yan lag gsum po 'di dag ni yang dag pa'i lta ba'i rjes su 'brang ba yin te/ lhan cig skyes pa'i tshor ba dang 'du shes dang sems pa'o zhes bya ba ni lhan cig 'byung ba'i rgyu ste/ 'di ni phan tshun rjes su 'brang ba dang bya ba gcig pa'i don gyis rnam par gzhag go/ /skyes bu gang zag 'di ni chos dge ba rnams dang yang ldan la/ mi dge ba rnams dang yang ldan zhes bya ba nas 'di la dge ba'i rtsa ba kun tu ma chad pa gang las 'di'i dge ba'i rtsa ba gzhan skye bar 'gyur ba chung ngu dang lhan cig par gyur pa yod na de lta na skyes bu gang zag 'di phyis rnam par dag pa'i chos can du 'gyur ro zhes 'byung ba 'di ni skal ba mnyam pa'i rgyu yin te/ 'di ni 'das pa dang da ltar byung ba'i chos rnams kyi 'bras bu 'dra bar 'grub pa'i don gyis rnam par gzhag go/ / 'di brjod par bya ste/ rtogs nas shes pa dang mtshungs par ldan pa 'di ni mthong ba'i gzhi can gyi dad pa'o zhes bya ba 'di mtshungs par ldan pa'i rgyu yin te/ 'di ni dmigs pa gcig pa'i don gyis rnam par gzhag go/ /lta bar gyur pa gang cung zad cig 'byung ba de thams cad ni 'jig tshogs la lta ba'i rtsa ba can no/ /gang dag lta ba thams cad bzod pa nyid 'di ni lta ba ste/ kun nas chags pa dang kun nas sdang ba dang kun nas rmongs pas so zhes bya ba 'di ni kun tu 'gro ba'i rgyu'o/ /'di yang skal ba mnyam pa dang skal ba mi mnyam pa'i nyon mongs pa can gyi chos kyi rgyun skyed par byed pa'i don gyis rnam par gzhag go/ /e kA nai kA pi ka s+ya sarba tra ga he toH pany+tsa nai kA yi kaM pha la mur+b+ha ba ti/ 'di na las dge ba dang mi dge ba zag pa dang bcas pa dang bsgom pa las byung ba'i rnam par smin pa der skyes pa rnams kyis so sor yang dag par myong bar 'gyur ro/ /ched du bsams pa'i las byas shing bsags pa'i rnam par smin pa so so yang dag par myong bar 'gyur ro zhes bya ba ni rnam par smin pa'i rgyu yin te/ 'di ni 'bras bu mi 'dra ba'i 'phen pa nyid kyis rnam par gzhag go/ /de ltar na rgyu de dag ston pa sangs rgyas kyis nye bar bstan mod kyi/ /mdo sde pa rnams kyis ni rab tu spang bas ma mthong ngo / /rgyu rnams ni drug go zhes grangs drug tu yongs su chad pa'i mdo ni/ gcig las 'phros pa'i lung du nyams mod kyi/ de gnas brtan kA t+yA ya nA'i bu la lhas nye bar gtad pa yin no/ / mdo sde pa rnams shes byed 'di dag la brten nas dmigs pa dang bdag po'i rkyen gyi dbang byas te byed pa'i rgyu gsungs so/ /de lta ma yin na mig gi rnam par shes pa skyed par byed pa'i chos thams cad sgrib pa med pa'i ngo bos don gyi gnas gnyis kho na mngon par brjod pa mi rung bar mtshungs so zhes zer ro/ /lam gyi yan lag gsum po 'di dag ni zhes bya ba 'dir yon tan gtso bor gyur pas phan tshun yongs su btang bar rtogs par bya ste/ rgyu dang 'bras bur gyur pa ni ma yin no/ /dge ba'i rtsa ba chung ngu dang lhan cig tu gyur pa yod na zhes bya ba 'dir yang sa bon gyi gnas skabs brjod pa ste/ rang bzhin gyi gnas skabs 'das pa dag yod pa ma yin pa'i phyir ro/ /rtogs nas shes pa dang mtshungs par ldan pa zhes bya ba 'dir yang mtshungs par ldan pa tsam rtogs par bya'i/ rgyu dang 'bras bur gyur pa ni ma yin no/ /de bzhin du gzhan la yang ji ltar brten pa brjod par bya ste/ 'dir ni gzhung mangs pa'i 'jigs pas rnam par dpyad pa ma byas so/ /rang las gzhan pa byed rgyu'i rgyu/ /zhes bya ba la bdag nyid la byed pa mi srid pa'i phyir/ rang las gzhan pa zhes bya ba smos so/ /gzhan dag na re rang gi ngo bo'i byed pa'i rgyu mi srid pa'i phyir zhes zer ro/ /sgrib pa med pa'i don gyis na byed pa'i rgyu'o/ /dngos po yang rang bzhin gyis rtag tu mi bsgribs pas so/ /gzhan dag na re rang gi ngo bo rang gi ngo bo'i byad [(]byed [)]rgyur gyur ni ma rig pa la sogs pa rnams skad cig ma nyid kyi phyir 'di yod pas 'di 'byung / 'di skyes pa'i phyir 'di skye zhes gsungs pas de rten cing 'brel par 'byung ba'i chos nyid dang 'gal lo zhes zer ro/ /byed rgyu'i rgyu zhes bya ba ni/ gzugs kyi skye mched kyi lhan cig 'byung ba'i rgyu la sogs pa'i khyad par rnams kyis khyad par du byas pa med pa'o/ /chos thams cad ces bya ba ni 'dus byas dang 'dus ma byas rnams so/ /mya ngan las 'das pa ni 'jug pa dang 'gal ba'i phyir la/ lam ni nyon mongs pa skye ba dang 'gal ba'i phyir ji ltar chos thams cad byed rgyu nyid yin zhe na/ skye ba la gegs mi byed pa'i ngo bor gnas pa'i phyir ro/ /'bras bu mi skye ba ni rnam pa gnyis te/ rgyu med pa'i phyir dang / gegs byed pa yod pa'i phyir ro/ /bzlog ste rgyu yod pa'i phyir dang / gegs byed pa med pa'i phyir ni skye ba yin pas gegs mi byed pa'i ngo bor gnas pa las rang las gzhan pa byed rgyu'i rgyu yin par grub po/ /rgyu dang rkyen rnams tshogs na skad cig mas bar chod pa med pas 'byung ba'i chos la ni skye bzhin pa zhes brjod do/ /zag pa gang dag mi shes pa/ /zhes rgyas par 'byung ba la/ mi shes pa ni zag pa skye ba gtso ba'i rgyu yin te/ de'i phyir zag pa gang dag mi shes pa de la skye ba de dag ni shes pa de la mi skye ste/ shes pas de dag gi rgyu mi shes pa spang ba'i phyir ro/ /nyi ma'i 'od kyis kyang skar ma zil gyis gnon pa de'i phyir mig gi yul du 'gyur ba ma yin te/ de'i phyir 'di las mthong ba mi 'byung ba yin na ji ltar rang las gzhan pa byed rgyu'i rgyu yin zhe na/ bshad pa skye bzhin pa ma yin pa la gegs mi byed pa'i ngo bor gnas pa'i phyir byed rgyu zhes mi bya ste/ 'o na ci zhe na/ skye bzhin pa la zhes bya ba rgyas par 'byung ngo / /rgyu dang rkyen rnams tshogs na bar med par 'byung ba'i chos ni skye bzhin pa zhes bya ste/ skye bzhin pa skye ba'i bya ba la bltos te de bskyed pa la chos thams cad gegs mi byed pa'i ngo bos gnas pa yin no/ /de nyid kyi phyir ma 'ongs pa nyid du mtshungs bzhin du da ltar ba'i ngo bor bya ba la gegs byed pa med pa'i phyir gnas skabs de la skye bzhin pa zhes bya'o/ /da ltar ba'i dngos po la gegs yod pa ni skye bzhin pa zhes mi bya'o/ /gegs byed nus rnams ni zhes bya ba ni dper na zag pa skye ba la shes pa dang / skar ma rnams mthong ba bskyed pa la nyi ma'i 'od lta bu'o/ /dper na chos thams cad skye ba la mya ngan las 'das pa dang zhes rgyas par 'byung ste/ mya ngan las 'das pa dang mi skye ba'i chos can rnams la ni 'du byed skye ba'i gegs byed par nus pa med de dngos po med pa'i phyir ro/ /dmyal ba la sogs pa dag ces bya ba ni dmyal ba dang yi dgas dang dud 'gro rnams so/ /sogs pa smos pa ni mi la sogs pas res 'ga' gegs byed nus par yang 'gyur ba'o/ /mya ngan las 'das pa la sogs pa de dag med kyang yod pa ji lta ba de kho na bzhin du gegs byed mi nus par 'gyur ro/ /yod dam med kyang rung ste/ gegs byed par nus pa gegs mi byed pa dang / byed par mi nus pa mi byed pa'i ngo bor khyad par 'ga' yang med de/ gnyis ka yang de la byed pa mtshungs pa'i phyir ro/ /gzhan dag na re chos thams cad phan tshun gegs byed pa'i nus pa yod pa nyid do zhes zer ro/ /gang du gcig yod pa der gnyis pa'i skabs med pa nyid do/ /gal te gzhan du yang srid na der yang phan tshun go skabs su mi 'gyur ro/ /de ltar chos thams cad phan tshun nges par bzung bas byed rgyu'i dngos por grub pa yin no/ /gzugs med pa rnams la yang dus dang rten la sogs pa nges par shab+dA n+dA nu pra da na yo ge na bA/ 'dir spyir bstan pa yin gyi zhes bya ba la/ gang zhig byed rgyu'i gtso bo dang / gang zhig byed rgyu'i gtso bo ma yin pa thams cad kyi dbang du byas nas/ rang las gzhan pa byed rgyu'i rgyu zhes bya ba bshad pa'o/ /byed rgyu'i gtso bo gang yin pa de ni zhes bya ba rgyas par 'byung ste/ de nyid kyi phyir byed rgyu'i rgyu zhes bya'o/ /byed rgyu nyid la brten nas rgyu yin te/ skyed par byed pa'i ngo bos byed pa dang ldan pa'i phyir yin gyi/ gegs mi byed pa'i ngo bo tsam du gnas pa'i phyir ni ma yin no/ /dper na mig gi rnam par shes pa las/ mig dang gzugs dag dang zhes bya ba la/ de la mig ni nges pa'i rgyu'o/ /gzugs ni rten gyi rgyu'o/ /mig gi rnam par shes pa la sogs pas rjes su gcod do/ /rgyu ni sa bon gyi chos kyi tshul gyis mtshungs par ldan pas rjes su 'dzin pa'i rgyu'o/ /lhan cig 'byung ba ni grogs kyi rgyu'o/ /rna ba la sogs pa'i yang rten dang gnas kyi rgyu zhes bya ba de lta bu la sogs pa'o/ /slob dpon gyis ni rten dang gnas kyi rgyu tsam gsungs la/ mdo las phyogs tsam gsungs pa'i phyir ro/ /lus la zas dang zhes bya ba la yang ci zhe na/ bskyed par bya ba la nus pa yod de zhes bya bar sbyar te/ zas kun 'byung ba las ro la sogs pa'i yongs su 'gyur ba las zas kun 'byung ngo zhes 'byung ba'i phyir ro/ /sa bon la sogs pa las myu gu la sogs pa bzhin no zhes bya ba la/ sa bon dang myu gu dang lo ma dang tshigs 'chas pa la sogs pa ni myu gu dang lo ma dang tshigs 'chas pa la sogs pa'o/ /yang na sogs pa'i sgras gzugs kyi khams la sogs pa gsung ngo / /yang mig la sogs pa rnams mig gi rnam par shes pa la sogs pa rnams la sgrib pa med par gyur pas byed rgyu'i ngo bor brjod pa ci zhe na gnyis ga'i byed pa nyid kyis te/ lhan cig 'byung ba'i rgyu la sogs pa bzhin no/ /gal te sgrib pa med pa'i ngo bos ma yin na 'o na byed rgyu'i gtso bo de skyed pa la nus pa can gang yin pa brjod dgos so/ /ci ste byed pa po'i ngo bos she na/ 'o na 'di brjod par mi bya ste/ gegs med pa'i ngo bos gnas pa'i phyir ro/ /de'i mig la sogs pa rnams rnam par shes pa skyed pa po nyid yin te/ bdun pa'i rgyu gzhan brjod par bya'o/ /lhan cig 'byung ba'i rgyu la sogs pa rnams kyang byed pa'i rgyu nyid du thal bar 'gyur ro zhe na/ de la 'di ni klan kar mi rung ste zhes bya ba rgya cher 'byung ste/ 'gal ba'i rkyen yod pa nyid kyis chos rnams la skye ba dang de med pa'i phyir cig car skye bar kun brtags pa yang ma yin no/ / 'o na rgyu gnyis kyis chos rnams mi skye ste rgyu ma tshang ba'i phyir dang 'gal ba'i chos yod pa'i phyir zhes bya ba ci zhe na/ de la ma nges pa ni rang gi rgyu'i rkyen gyis chos gzhan du 'jug pa tsam yin la 'gal ba'i phyir bdag po'i rkyen no/ /gang dag skyed par byed pa'i rgyu rnams la yang gegs byed pa yod pa ma yin pa ni rgyu'i ngo bos skye'o/ /chos thams cad sgrib pa med pa'i ngo bos gegs byed pa med pa ni rgyu rnams su 'dod do/ /byed pa po'i ngo bos ni ma yin pa ste/ de'i phyir 'di klan ka ma yin no/ /gzhan dag na re gegs mi byed pa'i ngo bo nyid du gnas pa 'ba' zhig tu ma zad kyi/ thams cad skye ba la byed rgyu thams cad nus pa yod do zhes zer ro/ /dge ba dang mi dge ba zhes bya ba la/ yang dag pa'i lta ba dang mtshungs par ldan pa ni dge ba'o/ /log pa'i lta ba la sogs pa dang mtshungs par ldan pa ni mi dge ba'o/ /de bzhin du gzhan la yang rtogs par bya ste zhes bya ba la/ thal ba'i sman dang tsher ma la sogs pa dang phrad pa yang tshor ba med pa'i rgyu yin te/ de ni bde ba'i dngos kyi rgyu yin la/ sdug bsngal gyi ni brgyud pa'i sgo nas rgyu yin no/ /de bzhin du chos 'das pa rnams ma 'ongs pa dang da ltar byung ba'i rnams kyi byed rgyu ste/ de yang 'das pa rnams kyi 'bras bu ni ma 'ongs pa dang da ltar byung ba rnams la sgrib pa med pa'i ngo bos byed rgyu yin no/ /da ltar byung ba rnams 'das pa rnams kyi byed rgyu ste/ de rnams ma 'ongs pa'i 'bras bu nyid ni ma yin no/ /'dus byas dang 'dus ma byas rnams kyis gnyi ga ste 'dus ma byas rnams kyi des gnyi ga nyid 'dus byas dang 'dus ma byas rnams te/ de ni 'dus byas rnams kyi byed pa'i rgyu'o/ /'dus byas rnams de'i 'bras bu ni ma yin no/ /de nyid kyi phyir brjod par bya ste/ byed rgyur gyur pa las de'i 'bras bu ma yin te/ chos thams cad byed rgyu yin la/ de'i 'bras bu ni 'dus byas kho na'o/ /de bzhin du dmyal ba la sogs pa rnams kyang gzugs med pa'i phung po skyed pa la nus pa yod do/ /'di ltar kye ma dmyal ba dang yi dgas la sogs pa 'di rnams ni mchog tu sdug bsngal ba'o snyam nas dmyal ba la sogs pa la dmigs pa'i yid kyis rnam par shes pa dge ba skye la/ de las rim gyis tshul khrims la gnas pa dang / bsgom pa la rab tu sbyor bas gzugs med pa'i snyoms par 'jug pa skye bar 'gyur ba'i phyir ro/ /byed pa'i rgyu bshad zin to// //lhan cig 'byung gang phan tshun 'bras/ rgyu zhes bya bar sbyar ro/ /'di la kha cig ni lhan cig 'byung ba'i rgyu ni ches phan tshun 'bras bur gyur pa dag kho na yin no zhes nges par 'dzin par byed do/ /de ltar na phan tshun 'bras bu ma yin pa rnams lhan cig 'byung ba'i rgyu yin pa bsam par 'gyur te/ de'i phyir chos mthun pa'i mtshan nyid rnams kyi lhan cig 'byung bar mi 'gyur ro/ /de'i phyir phan tshun 'bras bu yin par gyur na lhan cig 'byung ba nyid yin gyi gzhan ni ma yin no zhes nges par gzung bar bya'o/ /de lta yin dang lhan cig 'byung ba thams cad lhan cig 'byung ba'i rgyu nyid du nye bar gzung bar 'gyur ro/ /de nyid kyi phyir gang dag phan tshun gyi 'bras bu yin pa zhes bshad de/ phan tshun gyi rgyu yin pa'i phyir/ 'bras bu dang lhan cig 'byung bas na lhan cig 'byung ba'i rgyu'o/ /lhan cig 'byung ba yang 'di yin la rgyu yang yin pas na lhan cig 'byung ba'i rgyu'o/ /yang na lhan cig 'byung ba rnams kyi rgyu yin pas na lhan cig 'byung ba'i rgyu'o/ /de nyid kyi phyir de dag ni phan tshun lhan cig 'byung ba'i rgyu'o zhes bya ba smos so/ /'di dpe med par rtogs par mi nus pas 'dri bar byed pa ni/ dper na ci lta bu zhes bya'o/ /'dir rgol ba'i tshig ni/ 'dri ba'i don ni yod pa ma yin te/ thams cad dper brjod pa'i phyir ro zhe na/ 'dir thams cad dper brjod pa ma yin gyi/ 'on kyang gang zhig bzhin no zhes bya bas nye bar ston pa dper ma brjod pa yang yod do/ de yang gang zhe na/ sems kyi rjes su 'jug pa phan tshun dang / mtshan nyid rnams phan tshun no/ /'byung ba chen po bzhi dag ni/ /zhes bya ba la/ rdzas lhag ma yod kyang gsum gcig gis yin te/ rang gi ngo bo la mi ltos pa'i phyir dang / rdzas skal ba mnyam pa la mi ltos pa ma yin no/ /gzhan rnams re re gsum la ltos shing / bzhi 'dus pa rnams rgyur byas pa'i gzugs kyi rjes su 'jug nus pa'i phyir/ rang gi mtshan nyid lhag ma nyid ma gtogs pa gzhan rdzas lhag ma nyid yod pas na 'di dpyad par bya'o/ /de ltar 'dus byas thams cad ces gang bshad pa ha cang thal ba dang / ci rigs par zhes bya ba smos so/ /'di skad bstan par 'gyur te/ thams cad lhan cig 'byung ba'i rgyu yin gyi thams cad kyis ni ma yin te/ 'o na ci zhe na/ phan tshun 'bras bu nyid yin pa na sems kyi rjes su 'brang ba dag kyang phan tshun mtshan nyid can rnams kyang ngo zhes brjod par bya'o/ /'di yang rtsod pa'i tshig gi lan nyid kyis bshad do/ /phan tshun 'bras bu nyid med bzhin du chos ni zhes bya ba rgyas par 'byung ba la/ chos ni gtso bo yin pa'i phyir mthun pa'i mtshan nyid rnams kyi yin gyi/ de dag ni de'i ma yin te ring ba'i phyir ro/ /kha bskang bar bya'o zhes bya ba ni nye bar kha bskang bar bya'o zhes bya ba'o/ /ci'i phyir de ltar mtshan nyid ma khyab pa byas she na/ lhan cig 'byung ba'i rgyu ni 'dus byas kyi chos 'bras bu gcig pa rnams kyi'o zhes bstan bcos las de skad 'don pa'i phyir ro/ /bstan bcos las sems kyi rjes su 'jug pa'i gzugs sems kyi lhan cig 'byung ba'i rgyur ma bshad do/ /'di la slob dpon 'dus bzang gis lan smras pa/ mtshan nyid b+hAM byaM tU na tA yAM tsa ye [(]rang bzhin ni dman pa ma yin pa'i tshogs [)]sems thams cad dang lhan cig skye bar nges par gyur pa rnams sems la bltos pas 'jug ste/ de dag nyid sems dang phan tshun lhan cig yin pas lhan cig 'byung ba'i rgyur bshad do/ /sems dang lhan cig skye bar ma nges pa 'ga' zhig ni mang ba dang nyung bar dmigs so/ /lus dang ngag gi las ni sems thams cad dang lhan cig par mi 'gyur te/ mnyam par ma bzhag pa la de dag med pa'i phyir ro/ /skye ba la sogs pa 'di dag thams cad ni sems la ltos nas 'jug pas phan tshun bltos pa ma yin te/ d+harmA mu khai nai pi hi dzA tiHs+thi t+yA dI nA mu pa ku ru te/[ (]gang gi phyir skye ba dang gnas pa la sogs pa rnams ni chos gtso bor gyur pa nyid kyis nye bar byed do/ /[)]skye ba'i gnas pa la sogs pa dang zhes bya ba ni/ de dag phan tshun lhan cig 'byung ba'i rgyur ma bshad pa'o/ /lus dang ngag gi las sems dang bcas pa'i rjes su 'jug pa rnams sems la rag las pa nyid rnam par rig byed ma yin pa la rag las pa nyid ces rnam par bshad pa ci ltar yin zhe na/ de ltar mtshan nyid bshad pa la don ma tshang ba nyid bstan bcos kyi skyon du thal bar 'gyur ro/ /gnas brtan gyis kyang gal te skye ba las gcig pa la sogs pa smos pa nyid kyis dus gcig gtogs pa nyid kyang chud pa nyid ma yin nam/ dus gcig tu gtogs pa nyid kyis so/ /zhes yang ci'i phyir smos she na/ 'das pa dang ma 'ongs pa nyid kyis zhes bya ste/ 'das pa dang ma 'ongs pa'i dus dag dang ma bral bar shes par bya ba'i phyir ram/ mi skye ba'i chos can shes par bya ba'i phyir ro/ /de lta na 'o na dus gcig tu gtogs pa nyid yin la rag mod ce na/ de lta na yang dus gcig pa kho na rtogs par 'gyur ro/ /'bras bu smos pas ni skyes bu byed pa dang / bral ba'i 'bras bur bsdu'o/ /gal te rgyu mthun pa dang / rnam par smin pa'i 'bras bu gnyis kyang 'bras bu'i rang bzhin nyid ma yin nam/ de dag logs su ci'i phyir smos she na/ skyes bu byed pa'i 'bras bu ni rnam pa bzhi ste/ lhan cig dang / mjug thogs dang / dus gzhan du skye ba dang mi skye ba'o/ /de la 'dir rgyu lhan cig tu ma gyur pa'i 'bras bu bstan pas tshogs pa rnams dang lhan cig skyes pa skyes bu byed pa'i 'bras bu yin pa bsal lo/ /rang gi ngo bo rang gi ngo bo'i 'bras bu ma yin pas phan tshun 'bras bu yin pa'i phyir ro/ /tshogs pa lhan cig skye ba ma yin zhing skyes bu byed pa'i 'bras bu yang gcig ma yin pas/ de'i phyir 'di nyid gsungs so zhes slob dpon 'dus bzang zer ro/ /gcig nyid dang tha dad pas kyang mngon par brjod pa rtogs par bya ste lhan cig pas ma yin no/ /skyes bu byed pa'i 'bras bu dang / 'di dag 'bras bu gcig pa nyid yod pa ma yin no/ /rang gi ngo bo'i 'bras bu ma yin pa de'i phyir 'dir 'bras bu smos pas skyes bu byed pa'i 'bras bu nyid gzung ngo / /bral ba'i 'bras bu yang de'i khyad par nyid kyi phyir/ gang zhig 'di dag thams cad kyi dus gzhan dang mjug thogs su gzung ngo / /de nyid kyi phyir 'dir bdag po'i 'bras bu mi gzung ba de ni chos thams cad kyi 'bras bu yin gyi de dag gi rjes su 'jug pa kho na'i ma yin pas so/ /gzhan dag na re 'di dag 'bras bu'i nye ba'i mtshan nyid rnams ma yin pas bdag po'i 'bras bu yang 'dis 'bras bu'i sgras gzung ngo zhes zer ro/ /sems dang sems las byung ba rnams kyis thun mong ba'i mtshan nyid du ma gyur pa nyid ces so/ /gcig ces bya ba'i sgra snga ma ni lhan cig pa'i don du bsdu bar bya ste/ skye ba dang gnas pa dang 'gag pa gcig pa nyid dang zhes bya ba de'i sgra gang yin pa de ni snga ma'o/ /gcig ces bya ba'i sgra phyi ma ni thun mong ba'i don du rig par bya'o/ /de lta na rgyu bcus zhes bya ba la/ dus las bzhi dang / 'bras bu las gsum dang / dge ba la sogs pa gsum gyis so/ /'dir ni mnyam pa'i rnam pa ci rigs par yongs su bgrang gi / thams cad la thams cad ni ma yin no/ /de la dge ba la sogs pa rnams ni phan tshun du bdag nyid kyi rang gi ngo bo med pa'i phyir ro/ /de bzhin du bar chad med pa'i lam gyis bsdus pa zag pa med pa rnams la ni rnam par smin pa'i 'bras bu med la/ gzhan rnams la ni bral ba'i 'bras bu yod do/ /dge ba zag pa dang bcas pa bar chad med pa'i lam gyis bsdus pa rnams la ni 'bras bu thams cad yod do/ /gzhan rnams la ni dge ba dang mi dge ba dang bral ba'i 'bras bu ma gtogs pa'o/ /lung du ma bstan pa rnams la ni rnam par smin pa dang bral ba'i 'bras bu ma gtogs pa'o/ /de ltar na kha cig ni rgyu lnga yis dang / kha cig ni brgyad kyis sems kyi rjes su 'jug pa yin no/ /sems nang na nyung ba ni bsam gtan gnyis pa la sogs pa dag dang gzugs med pa rnams su gal te ma bsgribs la lung du ma bstan pa ni 'khor nyung ba'i phyir nyung ba zhes bya'o/ /rang gi mthun pa'i mtshan nyid rnams ma gtogs pa rnams so zhes bya ba la/ de dag ci'i phyir sems kyi lhan cig 'byung ba'i rgyu ma yin zhe na/ de'i mtshan nyid rnams kho na la byed pa dang ldan pa'i phyir ro/ /gzhan dag na re bcu bzhi yin te/ mthun pa'i mtshan nyid bzhin dus mang po pa'i mtshan nyid rnams kyang sems la byed pa dang mi ldan pa'i phyir lhan cig 'byung ba'i rgyu nyid ma yin no zhes zer ro/ /de lta na rab tu byed pa'i gzhung zhes bya ba la/ gal te sa mang po dag gi mtshan nyid rnams sems kyi lhan cig 'byung ba'i rgyu ma yin na'o/ /sdug bsngal gyi bden pa la 'jig tshogs la lta ba'i rgyu can yin la zhes bya ba rgyas par 'byung ngo / /sdug bsngal gyi bden pa la 'jig tshogs la lta ba'i rgyu can yin la/ 'jig tshogs la lta ba'i rgyu ma yin pa yang yod do/ /'jig tshogs la lta ba'i rgyu yin la/ 'jig tshogs la lta ba'i rgyu can ma yin pa yang yod do/ /'jig tshogs la lta ba'i rgyu can yang yin la/ 'jig tshogs la lta ba'i rgyu yang ma yin pa yod dam zhe na/ de la bden pa bzhi mthong ba dang / bsgom pas spang bar bya ba'i phra rgyas rnams dang / de dag dang mtshungs par ldan pa tshor ba la sogs pa thams cad la sdug bsngal gyi bden pa zhes bya ste de dag la 'di bsam par bya'o/ /de la 'jig tshogs la lta ba'i rgyu can yin la/ 'jig tshogs la lta ba'i rgyu ma yin pa ni sdug bsngal mthong bas spang bar bya ba'i phra rgyas 'das pa dang / da ltar byung ba rnams dang / de dag dang mtshungs par ldan pa'i sdug bsngal gyi bden pa ma gtogs pa dang / kun 'byung ba mthong bas spang bar bya ba'i phra rgyas kun tu 'gro ba 'das pa dang / da ltar byung ba rnams dang / de dag dang lhan cig 'byung ba'i sdug bsngal gyi bden pa ma gtogs pa dang / 'jig tshogs la lta ba ma 'ongs pa dang / de dang mtshungs par ldan pa'i sdug bsngal gyi bden pa ma gtogs pa dang / 'jig tshogs la lta ba dang / de dang mtshungs par ldan pa'i chos rnams kyi skye ba dang / rga ba dang / gnas pa dang / mi rtag pa dag ma gtogs pa de dag las gzhan pa'i sdug bsngal gyi bden pa nyon mongs pa can gang yin pa'o/ /de ni sdug bsngal mthong bas spang bar bya ba'i phra rgyas ma 'ongs pa rnams dang / de dag dang mtshungs par ldan pa tshor ba la sogs pa rnams dang / kun 'byung ba mthong bas spang bar bya ba kun tu 'gro ba ma yin pa dus gsum pa rnams dang / kun tu 'gro ba ma 'ongs pa rnams dang / de dag dang mtshungs par ldan pa tshor ba la sogs pa rnams dang / 'gog pa dang lam mthong ba dang bsgom pas spang bar bya ba dus gsum pa rnams dang / de dag dang mtshungs par ldan pa'i tshor ba la sogs pa rnams te/ de dag ni 'jig tshogs la lta ba'i rgyu can yin la/ 'jig tshogs la lta ba'i rgyu ma yin pa'o/ /de ltar sngar skyes pa'i 'jig tshogs la lta ba ni 'di dag gi kun tu 'gro ba'i rgyus rgyu yin gyi/ de dag ni 'jig tshogs la lta ba'i rgyu ma yin te/ ci'i phyir zhe na/ kun tu 'gro ba'i rgyu ma yin pa'i phyir ro/ /skyes pa'i rgyu mthun pa'i 'bras bu sngar skyes pa ni kun tu 'gro ba'i rgyu'i rgyu'o/ /mu gnyis pa na med do/ / 'jig tshogs la lta ba'i rgyu can yang yin la/ 'jig tshogs la lta ba'i rgyu yang yin pa gang zhe na/ de'i phyir ma gtogs pa gang yin pa'o zhes bya ba smos so/ /ma gtogs pa yang 'jig tshogs la lta ba dang mtshungs par ldan pa'i chos rnams kyi skye ba la sogs pa dag ste/ de dag sngar skyes pa ni 'jig tshogs la lta ba'i kun tu 'gro ba'i rgyus skyed pa yin la/ da ltar byung ba ni lhan cig 'byung ba'i rgyus bskyed pa yin no/ /de dag gis kyang lhan cig 'byung ba'i rgyus 'jig tshogs la lta ba da ltar byung ba bskyed pa yin no/ /de'i phyir lhan cig 'byung ba'i rgyu ni chos lnga bcu rtsa bzhi ste/ zhes bya ba gnas pa yin no/ /'jig tshogs la lta ba'i rgyu can ma yin la/ 'jig tshogs la lta ba'i rgyu yang ma yin pa ni sdug bsngal gyi bden pa nyon mongs pa can ma yin pa ste/ de ni kun tu 'gro ba'i rgyu'am skal ba mnyam pa'i rgyu'am/ lhan cig 'byung ba'i rgyus 'jig tshogs la lta ba'i rgyu ma yin la/ 'jig tshogs la lta ba yang de'i ma yin no/ /ma gtogs pa gang yin pa'o zhes bya ba 'dir kho bo cag gis ni skye ba la sogs pa kho na bshad de/ de dag gi don du 'dir nye bar bkod pa'i phyir ro/ /ma gtogs pa gzhan gang yin pa de yang 'jig tshogs la lta ba'i rgyu can yin la/ 'jig tshogs la lta ba'i rgyu yang yin par brjod par bya'o/ /kha che ba rnams na re zhes bya ba la sogs pa rgya cher 'byung ba la/ 'o na ji ltar 'don zhe na 'jig tshogs la lta ba'i skye ba dang / rga ba dang / gnas pa dang / mi rtag pa dag ma gtogs pa zhes de skad du 'don te/ 'di ltar 'di dag gi skye ba la sogs pa'i stobs kyis ni sems mi skyed de rang gi mthun pa'i mtshan nyid bzhin no/ /de'i phyir de dang mtshungs par ldan pa'i chos rnams kyi zhes de skad du mi 'don to/ /kha che ba rnams na re zhes bya ba smos pa ni de dag gis kyang de skad du 'don par bya ba'am zhes bya ba 'di la rgyu cung zad kyang yod pa ma yin no zhes shes par bya ba'i phyir ro/ /gzhan dag na re tshogs 'di dag thams cad phan tshun lhan cig 'byung ba'i rgyu'o zhes zer ro/ /chos gzhan du gnas pa'i phyir 'di dag thams cad mi 'thad par spang nyid du bshad do/ /cig car skyes pa rnams la yang rab tu 'jug pa nyid sems kyi rjes su 'jug pa nyid do/ /gzugs dang sems dang ldan pa ma yin pa'i 'du byed dang sems las byung ba rnams rab tu 'jug pa dang rjes su 'jug pa yang yin te/ sems kyi rjes su 'jug pa'i phyir dang / sems dang mtshungs par ldan pa'i 'du byed rab tu 'jug pa nyid kyi phyir ro/ /gnyi ga ma gtogs pa ni rnam pa de dag ma gtogs pa ste/ chos kyi mthun pa'i mtshan nyid rnams so/ /de dag phan tshun dang zhes bya ba rgya cher 'byung ba la/ gang las chos phan tshun lhan cig 'byung ba'i rgyu yin zhe na/ de'i stobs kyis ma bskyed pa'i phyir dang / de dag kyang 'bras bu du ma nyid yin pa'i phyir chos ches mang ba de dag de'i tshogs kyi 'bras bu ma yin no/ /de nyid kyi phyir de rnams sems kyi rjes su 'jug pa zhes mi bya'o/ /'o na ci ltar de dag sems kyi lhan cig 'byung ba'i rgyu yin zhe na/ sems skye ba la sogs pa rnams la de rab tu 'jug pa'i phyir ro/ /'byung ba rnams kyi 'byung ba'i skye ba la sogs pa rnams kyang phan tshun 'bras bu mi skyed pas 'di la skyon med do/ /phan tshun lhan cig 'byung ba'i rgyu ni ma yin te chos gcig la 'jug pa'i phyir ro/ /sems kyi rjes su 'jug pa ni sems las byung ba rnams dang bsam gtan dang zag pa med pa'i sdom pa dag ste/ de dag gi mtshan nyid dang skye ba nyid la sogs pa rnams kyi mtshan nyid gang dag yin pa dang / skye ba'i skye ba la sogs pa rnams dang mthun pa'i mtshan nyid de rnams ni bya ba bskal pa'i phyir sems kyi lhan cig 'byung ba'i rgyu ma yin la/ phan tshun du yang ma yin te/ chos gcig la 'jug pa'i phyir ro/ /rgyur byas pa'i gzugs thogs pa dang bcas pa phan tshun dang zhes bya ba la/ rdul phra rab rdzas brgyad pa la sogs pa dag gi rgyur byas pa'i gzugs dang / chos gzhan pa yod pa ma yin yang gzugs kyi khams la sogs pa bzhin du dri dang ro dag med pa'i phyir ro/ /thogs pa med pa cung zad dang / /zhes bya ba ni so sor thar pa'i sdom pa ste/ rgyur byas pa'i gzugs thogs pa med pa bsam gtan dang / zag pa med pa'i sdom pas bsdus pa rnam pa bdun ni phan tshun lhan cig 'byung ba'i rgyus rgyu yin te sems kyi rjes su 'jug pa'i phyir ro/ /thams cad 'byung ba dag dang zhes bya ba la/ thogs pa dang bcas pa'am thogs pa med kyang rung lhan cig 'byung ba yin gyi/ lhan cig 'byung ba'i rgyus rgyu ni ma yin no/ /'byung ba rnams dang 'byung ba las gyur pa gnyis ka yang lhan cig 'byung gi /lhan cig 'byung ba'i rgyus rgyu ni ma yin te/ thob pa dang ldan pa'i 'bras bu du ma nyid kyi phyir ro/ /'bras bu dang rnam par smin pa dang rgyu mthun pa du ma yin pa'i phyir ro zhes bya bas ni lhan cig 'byung ba'i rgyu dang chos mi mthun pa'am/ sems kyi rjes su 'jug pa dang chos mi mthun pa ston pa'o/ /'di ltar thob pa rnams kyis ni skyes bu byed pa'i 'bras bu kho na yin la/ sems kyis ni bral ba'i 'bras bu yang yin no/ /thob pa rnams kyi rgyu mthun pa'i 'bras bu ni thob pa rnams kho na yin la sems kyis ni sems so/ /sems gzhan gyi rnam par smin pa ni gzhan yin te/ thob pa rnams 'phen par byed pa dang yongs su rdzogs par byed pa yin pa'i phyir ro/ /de dag ni sems dang lhan cig spyod pa'i ngang tshul can yang ma yin te zhes bya ba ni/ lhan cig skyes pa rnams kyang de'i ngang tshul can ma yin par ston par byed pa'o/ /'byung ba rnams ci ltar na phan tshun lhan cig 'byung ba'i rgyus rgyu yin zhe na/ lhan cig tu skye ba dang gnas pa dang 'gag pa nyid kyis so/ /'bras bu gcig ni n+da ta yA tsa/ 'di ltar 'byung ba chen po bzhi po rnams rgyur byas pas rgyur byas pa'i gzugs gcig tu 'gyur te/ sngar skyes pa'i 'byung ba chen po rnams dang / phyis skyes pa'i 'byung ba chen po rnams skal ba mnyam pa'i rgyus rgyu yin no/ /rgyu mthun pa'i 'bras bus kyang skal ba mnyam pa'i rgyu'o/ /'bras bu dang bcas pa rgyur byas pa'i gzugs ni 'byung ba chen po rnams so/ /de'i phyir lhan cig 'byung ba'i rgyus rgyu ma yin te/ rnam par smin pa dang rgyu mthun pa'i 'bras bu du ma nyid yin pa'i phyir ro/ /dge ba dang mi dge ba'i rgyu mthun pa dang rnam par smin pa'i 'bras bu yang 'byung ba rnams rgyur byas pa'i gzugs skyes bu byed pa'i 'bras bu ni ma yin la/ rgyur byas pa'i gzugs kyi rang gi rang bzhin kho na skyes bu byed pa'i 'bras bu ni ma yin no/ /'byung ba chen po rnams rgyur byas pa'i gzugs 'ga' zhig ni lhan cig 'byung ba'i rgyu nyid du sems te/ skyed pa po la sogs pa yod pa'i phyir ro/ /de dag thams cad kyang rung mod kyi zhes bya ba ni/ re zhig lhan cig 'byung ba'i rgyus rgyu yin pa de ni lhan cig 'byung ba yin no zhes bya ba rgyas par gang smras pa'o/ /sa bon la sogs pa rnams zhes bya ba la/ sa bon dang / myu gu dang / 'o ma dang / sbubs 'phyis pa dang / sdong bu la sogs pa rnams sam/ yang na sa bon dang / 'o ma dang / brdabs pa la sogs pa rnams la'o/ /de la sa bon ni snga la/ myu gu ni 'phyi zhing 'o ma ni snga la zho ni 'phyi'o/ /brdabs pa ni snga la sgra ni 'phyi'o/ /tshul 'di mi snang bas zhes bya ba ni rgyu dang 'bras bu dag lhan cig 'byung ba dang / phan tshun rgyu dang 'bras bu'i dngos po'o/ /ji ltar lhan cig 'byung ba'i zhes bya ba rgyas par 'byung ba la/ skyes pa dang ma skyes pa'i gnas skabs su ngag lhan cig 'byung ba rnams rgyu dang dngos por 'byung ba mi rigs te/ bdag nyid der grub pa'i phyir dang yod pa ma yin pa'i phyir ro/ /de'i phyir de brjod par bya'o zhes bya ba smos so/ /lhan cig 'byung ba la yang rgyu dang 'bras bu'i dngos po mthong ba yin no zhes bstan pa'i phyir dper na zhes bya ba rgyas par smos so/ / 'od mar me'i rgyu can yin no zhes bya ba 'di ji ltar rtogs par bya zhe na/ 'di ni mar me'i 'phel ba dang 'grib pa dang 'gro ba dang gnas pa'i rjes su byed pa'i phyir la/ 'od don du gnyer ba rnams mar me nye bar len pa'i phyir dang / de la sdang ba rnams mar me gsod par 'jug pa'i phyir ro/ / re zhig ci mar me 'od kyi rgyu yin nam zhes bya ba rgyas par 'byung ba la 'di skad du/ gnyi ga las grub pa ni shes par byed pa yin na 'dis ni lhan cig 'byung ba rnams rgyu dang / rgyu dang ldan pa'i dngos por shes par nus pa ma yin te dpyad pa'i phyir ro zhes ston par byed do/ /tshogs pa sngar byung ba ni 'bru mar dang sdong bu dang / me la sogs pa phrad pa'o/ /de la ji ltar 'od dang bcas pa'i skad cig ma dang po'i rgyu 'bru mar dang / sdong bu dang me yin pa de bzhin du 'od dang bcas pa'i mar me'i skad cig ma gnyis pa la sogs pa rnams kyi rgyu yang 'bru mar dang sdong bu dang / me dang phrad pa kho na yin gyi 'od kyi rgyu mar me ni ma yin no/ /de bzhin du tshogs pa sngar byung ba kho na grib ma dang bcas pa'i myu gu'i rgyu yin gyi/ grib ma'i myu gu ni ma yin no/ /de la grib ma dang bcas pa'i myu gu dang po'i rgyu zhing dang sa bon la sogs pa'i tshogs gang yin pa de bzhin du gnyis pa la sogs pa rnams kyi yang yin par brjod par bya'o/ /gal te de ltar lhan cig 'byung ba rnams rgyu dang / rgyu dang ldan pa'i dngos po ma yin na/ 'o na ni zhes bya ba rgyas par 'byung ngo / /de dag dang ldan pa de'i phyir zhes bya ba la/ yod pa dang med pa de dag 'bras bu gang yod pa de ni de dag dang ldan pa yin no/ /de dag dang ldan pa'i dngos po ni de dag dang ldan pa nyid do/ /re zhig mig dang / gzugs dang / mig gi rnam par shes pa dang / mar me dang / myu gu dang / grib ma bzhin lhan cig 'byung ba rnams rgyu dang 'bras bu'i dngos por mi rung na phan tshun ni go ci ltar rung ste yod pa ma yin no snyam du bsams pa'o/ /de'i phyir sems kyi rjes su 'jug pa rnams ni sems kyi lhan cig 'byung ba'i rgyu yin la/ mtshan nyid rnams kyang mtshan gzhi'i yin no zhes bya bar mi rung ngo / /de nyid kyi phyir ro zhes bya ba la/ phan tshun dag yod pa dang med pa yod pa dang med pa'i phyir ro zhes bya ba'i don no/ /de lta na 'o na ni zhes bya ba la sogs pa la/ rgyur byas pa'i gzugs dang / dri dang / ro dang / reg bya'i ni phan tshun med na mi 'byung bas med na mi 'byung ba yin te/ de ni phan tshun dag yod pa dang / med na de dang ldan pa'i phyir phan tshun rgyu dang 'bras bu'i dngos por thal bar 'gyur ro/ /'byung ba rnams dang rgyur byas pa'i gzugs kyang phan tshun rgyu dang 'bras bu'i dngos por thal bar 'gyur te/ phan tshun dag yod pa'am/ med na yod pa dang med pa nyid kyi phyir ro/ /sems kyi mthun pa'i mtshan nyid la sogs pa rnams kyang zhes bya ba rgyas par 'byung ba la/ phan tshun thal bar 'gyur ro zhes bya bar sbyar te/ sems kyi mthun pa'i mtshan nyid la sogs pa rnams med par ni sems la sogs pa rnams 'byung ba med do/ /sogs pa zhes bya ba'i sgras ni sems kyi rjes su 'jug pa'i mthun pa'i mtshan nyid rnams dang / thob pa lhan cig skyes pa rnams bsdu'o/ /sems la sogs pa dang zhes bya ba 'dir yang sogs pa'i sgra'i rjes su 'jug pa rnams thob pa dang ldan pa gzung ngo / /'dir de'i mtshan nyid la 'khrul pa med pa'i phyir rgyu dang 'bras bu dag snga phyir 'byung ba dag kho na la rigs kyi/ 'khrul pa'i phyir lhan cig 'byung ba dag la ni ma yin no zhes bstan par 'gyur ro/ /'o na ni dbyu gu gsum zhes bya ba la sogs pa la/ ji ltar dbyu gu gsum phan tshun stobs kyis gnas pa de bzhin du lhan cig 'byung ba gang dag phan tshun stobs kyis gnas pa de dag phan tshun 'bras bu yin pa'i phyir/ lhan cig 'byung ba'i rgyu yin no/ /rgyur byas pa'i gzugs ni phan tshun stobs dang 'byung ba'i stobs kyis gnas pa ma yin te/ 'o na ci zhe na/ rang gi mtshan nyid kyi stobs kyis yin no/ /de bzhin du gzhan la yang brjod par bya'o/ /re zhig ci 'di dag ces bya ba rgyas par 'byung ba la/ dbyu gu gsum ni skad cig ma yin pa'i phyir gnas pa ma yin te/ 'o na ci zhe na/ ji srid de ltar skyes pa dang / 'gal ba'i rkyen med kyi bar du de ltar gnas pa'i skad cig ma snga ma snga ma'i rgyu can skad cig ma phyi ma phyi ma'i mngon par tshogs te gnas pa skye ba yin no/ /phan tshun gyi stobs kho nas de na gnas pa ni ma yin te/ 'o na ci zhe na/ de la gzhan yang zhes bya ba rgyas par 'byung ngo / /de lta na dpe don dang mi mtshungs so/ /de dag la yang zhes bya ba 'dis ni mtshungs par ston par byed de/ sogs pa smos pas ni skal ba mnyam pa dang kun tu 'gro ba dang rnam par smin pa dang byed rgyu'i rgyu la sogs pa gzung gi mtshungs par ldan pa'i rgyu ni ma yin no/ /lhan cig 'byung ba'i rgyu ni bye brag tu byas pa las phan tshun gnas skabs kyi rgyu lhan cig 'byung ba'i rgyur mi 'dod do/ /'o na ci zhe na/ gang zhig 'bras bu gcig pa'am/ phan tshun gyi 'bras bu can no/ /gang zhig gang gi stobs kyis bskyed pa de dang de ni lhan cig 'byung ba'i rgyu zhes bstan te/ lhan cig 'byung ba'i rgyu bshad zin to// //skal mnyam rgyu ni 'dra ba'o/ /zhes bya ba la/ skal ba mnyam pa'i rgyu ni 'dra ba kho na yin te/ kun tu 'gro ba'i rgyu yang 'dra ba yin pa'i phyir ro/ /skal ba mnyam pa'i 'bras bu nye ba dang ring ba bskyed pa dang gsos 'debs par byed pa'i phyir na skal ba mnyam pa'i rgyu yin la/ 'dra ba'i chos de dag kyang phan tshun chos 'dra ba rnams kyi yin te/ dag pa'i gzugs ni lnga po dag kho na'i yin pa nas dge ba'i rnam par shes pa ni lnga po dag gi bar du yin no/ /nyon mongs pa can ni phan tshun du nyon mongs pa can rnams kyi yin la/ lung du ma bstan pa ni phan tshun du lung du ma bstan pa rnams kyi yin no zhes bya bar sbyar ro/ /gzhan dag na ri lung du ma bstan pa'i gzugs ni zhes bya ba rgyas par 'byung ba la/ dmigs pa dang bcas pa'i phyir tshor ba la sogs pa rnams ni gsal ba yin gyi gzugs ni ma yin la/ mi gsal ba ni gsal ba'i 'bras bur mi rung ngo / /dman pa'i rgyu mngon par 'du byed pa can gyi 'bras bu yin pa bkag gi /gsal ba mi gsal ba yin pa ni ma bkag ste/ de lta ma yin na rnam par shes pa'i yang gsum po yin par mi 'gyur te/ dngos po tsam la lta ba nyid kyis so/ /gzhan dag na re cig shos gsal ba'i phyir ro zhes zer ro/ /gzugs lung du ma bstan pa ni dge ba dang mi dge ba'i lus dang ngag gi rnam par rig byed dang rig byed ma yin pa ma gtogs pa lhag ma thams cad do/ / nur nur po ni nur nur po la sogs pa gnas skabs bcu po dag gi yin no zhes bya ba rgyas par 'byung ba la/ nur nur po dang / mer mer po dang / gor gor po dang / mkhrang 'gyur dang / rkang lag 'gyus pa'i gnas skabs rnams ni mngal gyi gnas skabs lnga'o/ /byis pa dang / gzhon nu dang / lang tsho dang / bar ma dang / rgan po'i gnas skabs rnams ni btsas pa'i gnas skabs lnga'o/ /de la nur nur po'i gnas skabs 'phel ba yin pa'i phyir sngar skyes pa phyis skye ba'i gnas skabs kyi skal ba mnyam pa'i rgyu yin pas gnas skabs bcu char dag gi yang rgyu yin no/ /de bzhin du mer mer po la sogs pa rnams kyang / mer mer po la sogs pa dag gi yin no zhes thams cad la brjod par bya'o/ /re re phri nas zhes bya ba la/ 'dir skal ba mnyam pa'i rgyu'i 'bras bu ni snga ma'am/ lhan cig pa yin pa rnam par gzhag par bya ba ma yin pas re re phri nas zhes bya bar bshad do/ / gnas skabs snga ma dgu rnams ni phyi ma'i rkyen du 'gyur te/ bcu pa rgan pa'i gnas skabs kyi bar du rkyen te rgyu nyid ma yin no/ /gal te de lta yin na 'bras bu dang bcas pa nyid du thal bar 'gyur ro zhe na/ de'i phyir ris mthun gcig la zhes bya ba smos te/ skye ba gcig la zhes bya ba'i tha tshig go/ /rnam pa mthun pa gzhan du ni zhes bya ba la/ dper na sngar skyes pa'i mi'i ris mthun pas bsdus pa'i gnas skabs bcu po dag ni phyis skyes pa'i mi'i ris mthun pas bsdus pa'i gnas skabs bcu char gyi yang skal ba mnyam pa'i rgyu yin te 'dra ba'i yin pa'i phyir dang / sngar skyes pa yin pa'i phyir te/ nur nur po'i gzugs ni rgyu nyid dang tha ma rgan po'i gzugs ni 'bras bu nyid do/ /phyi'i dag la yang zhes bya ba la nas dang sA lu la sogs pa dag la yang tshul 'di nyid kyis ci rigs par brjod par bya'o/ /mdo sde pa kha cig na re gzugs la skal ba mnyam pa'i rgyu med kyi de ni rkyen la rag las te skye ba yin te/ khron pa'i gting nas drangs pa'i sa las myu gu skye ba'i phyir ro/ /'di ltar de la de'i sa bon yod pa ni ma yin no zhes zer ba de dag gi dbang du byas nas gang dag gzugs kyi zhes bya ba rgyas par smos so/ /rgyu dang bdag po zhes bya ba ni rgyu'i rkyen dang bdag po'i rkyen no zhes bya ba'i don gang yin pa'o/ /de la skyes zin pa'i phyir dang ma bsgribs la lung du ma bstan pa'i gzugs yin pa'i phyir/ 'das pa'i 'byung ba chen po rnams ni ma 'ongs pa'i 'byung ba chen po rnams kyi lhan cig 'byung ba dang / rnam par smin pa dang kun tu 'gro ba dang mtshungs par ldan pa'i rgyu ma yin te/ 'o na ci zhe na/ 'dra ba'i phyir dang sngar skyes pa'i phyir skal ba mnyam pa'i rgyu yin zhing rkyen rnams las bdag po'i rkyen yin par rtogs par bya ba yin pas 'gal ba med de/ 'dir nye ba ni bdag po'i rkyen dang rgyur bshad do/ / ring ba'i rkyen zhes bya ba rigs pa dang 'gal bas 'di gzhung gi tshul du mi gzung ngo / /na d+hA tu yug+ti b+hIr+ya te khron pa'i gting nas bton pa'i sa la yang myu gu skyes pa'i snga rol na sa bon yod kyang rkyen dang bral ba'i phyir myu gu mi skye'o/ /de lta ma yin te skal ba mnyam pa'i rgyu med na ni thams cad de las skye ba'o/ /yang na cung zad kyang mi skye ste/ nges pa'i rgyu med pa'i phyir ro/ /'dra ba nyid nges par ma dpyad pa'i phyir thams cad thams cad kyi skal ba mnyam pa'i rgyu yin na de lta na sa dgu pa rnams dang / ris lnga pa rnams phan tshun skal ba mnyam pa'i rgyur thal bar 'gyur na rigs pa ma yin pas 'dra ba nyid nges par dpyad par bya ba'i phyir 'dri ba ni/ ci 'dra ba thams cad ces bya ba rgyas par 'byung ba'o/ /de lta na yang phyis skye ba yang sngar skyes pa'i skal ba mnyam pa'i rgyu yin zhing / lhan cig skyes pa yang lhan cig skyes pa yin la/ ma skyes pa yang skyes pa yin par 'gyur ro zhe na/ de'i phyir de dag kyang thams cad ni ma yin no/ /'o na ci zhe na/ sngar skyes rnams zhes bya ba smos so/ /sngar skyes pa nyid kyis 'das pa dang da ltar byung ba gzung ngo / /de ltar na skal ba mnyam pa'i rgyu'i mtshan nyid yongs su rdzogs pa yin no/ /de lta ma yin par sngar skyes pa dang phyis skyes pa rnams so zhes brjod na 'bras bu ma skyes pa skal ba mnyam pa'i rgyur ma bshad par 'gyur la/ 'das pa dang ma 'ongs pa dang da ltar byung ba rnams zhes brjod na/ 'bras bu 'das pa ma bshad par 'gyur ba'i phyir ro/ /de ltar bshad na 'das pa rnams ni 'das pa dang / ma 'ongs pa dang / da ltar byung ba rnams kyi skal ba mnyam pa'i rgyu yin la/ da ltar byung ba ni ma 'ongs pa rnams kyi yin gyi/ ma 'ongs pa rnams ni skal ba mnyam pa'i rgyu ma yin pa kho na'o zhes bya ba bstan par 'gyur ro/ / 'di gang las zhes bya ni ci lung ngam 'on te rigs pa las yin zhes bya'o/ /ma 'ongs pa ni skal ba mnyam pa'i rgyu ma yin no snyam du bsams pa'o/ /bstan bcos las te zhes bya bas ni lung ston par byed de/ skal ba mnyam pa'i rgyu gang zhe na dge ba'i rtsa ba sngar byung ba rnams ni zhes bya ba rgya cher 'byung ba la/ a yi ma tI ta war+NA sA nA d+hA b+he de na gran+thaH[ (]'dis 'das pa nus pas bsgribs pas lam tha dad pa brgyud/[) ]de ltar na 'das pa rnams ni 'das pa dang da ltar byung ba rnams kyi yin no zhes bya ba ni dus kyi dbye bas so/ /de dag dang mtshungs par ldan pa'i chos rnams kyi zhes bya ba ni tshor ba la sogs pa rnams kyi'o/ / de'i phyir skal ba mnyam pa'i rgyu ma 'ongs pa med do zhes bshad do/ /ji ltar 'das pa dang da ltar byung ba rnams she na/ ma 'ongs pa rnams skal ba mnyam pa'i rgyu nyid du ma bshad pa'i phyir ro/ /gal te bstan bcos tshad mar byed na gang skal ba mnyam pa'i rgyu dus gsum pa nyid du ston pa 'di yang bstan bcos yin no/ /smras pa nam yang ma yin no zhes bya ba la/ skabs su bab pa'i phyir rgyu ma yin no zhes sbyar te/ dus gsum kar yang rgyu yin no zhes bya ba'i tha tshig go/ /'dis ni skal ba mnyam pa'i rgyu ma 'ongs pa yod do zhes ston par byed do/ /des ni nyes pa med do zhes bya ba ni nam yang ma yin no zhes bstan bcos las 'byung ba'i phyir skal ba mnyam pa'i rgyu ma 'ongs pa bzhin du yang bkag pas bstan bcos dang 'gal ba'i nyes pa gang yin pa ste/ phal che ba'i tshul la brten nas lhan cig 'byung ba'i rgyu la sogs pa la dgongs te gsungs pa'i phyir ro/ /'di ltar de dag gi snga phyi'i rim pa med pa'i phyir dang / rgyu dang 'bras bu dag mi 'dra ba'i phyir ma 'ongs pa yang yin par 'dod do/ /gang zhig chos ma 'ongs pa de yang zhes bya ba rgyas par 'byung ba la/ skye ba la mngon du phyogs pa ni gegs thams cad log pa yin pa'i phyir skal ba mnyam pa'i rgyu nyid du nges te/ snga phyi'i rim pa gnas pa de'i phyir ma 'ongs pa'i gnas skabs tha ma la dgongs nas/ nam yang rgyu ma yin pa ma yin zhes gsungs pas ma 'ongs pa yang skal ba mnyam pa'i rgyu yin pa'i phyir bstan bcos la 'gal ba med do/ /de'i de ni lan du mi rung ste zhes bya ba rgyas par 'byung ba la/ tha ma'i gnas la dgongs pa yin zhe na ni snga na med pa'i phyir skye bzhin pa'i gnas skabs ni ma byung ba las byung ba yin pa de'i phyir nam yang rgyu ma yin no/ /zhes bya ba 'di 'gal te/ gnas skabs thams cad kyi rgyu'i dngos po gsal bar byas pa'i phyir ro/ /gzhan dag na re tha ma'i gnas skabs kyang ma byung ba las da ltar byung ba'i dus nyid du 'gyur te/ tshogs pa ni gnas skabs kyi 'bras bu'o zhes zer ro/ /ma 'ongs pa ni snga phyi'i rim pa ma nges pas skye ba la mngon du phyogs pa'i gnas skabs kyang phyis dngos po la mngon par 'jug go/ /dus nges pas ni 'das pa snga ba dang / ma 'ongs pas 'phyi ba dang da ltar ba snga phyi med pa ma yin no/ /de la yang skye ba dang skye ba zhes bya ba ma 'ongs pa dang phyis byas pa yin pas/ de'i tshe de 'bras bu la nye ba yin no/ /mtshungs pa de ma thag pa zhes bya ba ni mtshungs pa de ma thag pa'i rkyen zhes bya ba'i don to/ /rtog pa 'di zhes bya ba ni skal ba mnyam pa'i rgyu la byas pa gang yin pa ste/ chos ma skyes pa'i tshe'i gnas skabs na gegs thams cad bsal ba yin pa'i phyir mtshungs pa de ma thag pa'i dngos por nges pas nam yang mtshungs pa de ma thag pa ma yin pa ma yin no zhes bya ba yin bzhin du ci'i phyir 'di skad du gal te zhes bya ba rgya cher smras so/ /gnas brtan 'dus bzang ni 'di la skyon med do zhes zer ro/ /go skabs bzhin pas rab tu phye bas mtshungs pa de ma thag pa'i rkyen no/ /skye ba'i go skabs 'byin pa yin gyi skyes pa ni ma yin la/ sa bon gyi chos kyi tshul gyi rgyu las skye ba 'byin pa nyid sa bon gyi chos su gnas pa yin no/ /de ltar mtshungs pa de ma thag pa'i rkyen dang rgyu med par mtshungs pas da ltar ba rnams 'bras bu lnga 'dzin par byed do/ / zhes gsungs pa'i phyir ro/ /da ltar ba nyid 'gag pa la mngon du phyogs pa'i phyir 'gag bzhin pa zhes bya ste/ de ltar rgyu dang rkyen dag khyad par med do/ /rgyu'i dngos po med par sa bon gyi chos dag yod pa ma yin pas gang du skye ba nyid rgyur kun tu gnas so/ /de lta ma yin na mi skye ba'i chos can ma gtogs pa ma 'ongs pa thams cad skal ba mnyam pa'i rgyur 'gyur ro/ /sngon nyid du skye ba'i gnas skabs rnams skal ba mnyam pa'i rgyur ma nges pa'i phyir ro/ /der ji lta ba bzhin du 'dir yang brjod par bya ba la zhes bya ba rgyas par 'byung ba la/ ji ltar de nam yang rgyu ma yin pa ma yin no zhes bya ba yin pa de bzhin du 'dir yang nam yang mtshungs pa de ma thag pa ma yin pa ma yin no zhes brjod par bya ba yin la/ ji ltar 'dir gal te chos ma skyes pa yin na'o zhes bya ba yin pa de bzhin du der yang gal te chos ma skyes par 'gyur na'o zhes bya ba yin no/ /de ltar na 'dir bstan bcos byed pa mi mkhas pa zhes bya ba la/ gang gi phyir nam yang ma yin no zhes smras pas tha ma'i gnas skabs kyi dbang du byas nas go skabs ma phye ba yin pas gal te chos de la skyes par gyur na mtshungs pa de ma thag pa ma yin no zhes bya bas tha ma'i gnas skabs kyi dbang du byas nas brjod par bya ste/ nam yang ma yin pa ma yin no zhes bya'o/ /de lta bas na snga ma zhes bya ba la sogs pa la lhan cig 'byung ba dang mtshungs par ldan pa dang rnam par smin pa'i rgyu'i dbang du byas nas zhes bya'o/ /ma gtogs pa gang yin pa de ni 'jig tshogs la lta ba'i rgyu las byung ba yang yin la/ 'jig tshogs la lta ba'i rgyu yang yin no zhes bya ba la/ 'di ni 'dir ma 'ongs pa la skal ba mnyam pa'i rgyu yod do zhes bya ba'i khungs yin no/ /'jig tshogs la lta ba ma 'ongs pa dang / de dang mtshungs par ldan pa'i sdug bsngal gyi bden pa ma gtogs pa zhes 'byung ba'i phyir/ 'jig tshogs la lta ba ma 'ongs par bzhag pa yin no/ /gang las 'jig tshogs la lta ba 'jig tshogs la lta ba'i lhan cig 'byung ba'i rgyu'am/ mtshungs par ldan pa'i rgyu nyid du rnam par 'jog par 'gyur ba/ tshogs pa de la 'jig tshogs la lta ba gzhan yod pa ma yin te/ ma bsgribs la lung du ma bstan pa yin pa'i phyir rnam par smin pa'i rgyu ni mi srid la/ de'i phyir 'dir skal ba mnyam pa'i rgyu kho na bzhed pas lhan cig 'byung ba dang mtshungs par ldan pa dang rnam par smin pa'i rgyu la dgongs pa ma yin no/ /des na lan snga ma kho na legs pa yin no zhes brjod par mi bya'o zhe na/ 'di skad du 'jig tshogs la lta ba ma 'ongs pa dang mtshungs par ldan pa'i zhes bya ba rgyas par 'byung ba la/ de skad du 'don pa'i khyad par gyis ni skal ba mnyam pa'i rgyu spangs par 'gyur la/ lhan cig 'byung ba dang mtshungs par ldan pa'i rgyu rnyed par 'gyur ro/ /don gyis ni de ltar go bar bya'o zhes bya ba la/ gal te rab tu grags pa'i phyir 'don pa gzhan du bya ba ma yin no snyam pa'i sems ni/ ma 'ongs pa'i dus na snga phyi rim pa med pa'i phyir ma skyes pa la skal ba mnyam pa'i rgyu nyid dang kun tu 'gro ba'i rgyu nyid mi srid do zhes don gyis na de ltar khong du chud par bya'o/ /bzhi tshan du nges pa yin te zhes bya ba la/ chos gang zhig chos gang gi rgyu yin pa nam yang rgyu ma yin pa ma yin te/ dus gsum dag tu yang rgyu nyid de 'bras bu dang rten dang dmigs par yang brjod par bya'o/ /de'i phyir rgyu rnams ni 'bras bu la sogs pa ltar gnas skabs thams cad du nges pa kho na yin pas skal ba mnyam pa'i rgyu ma 'ongs pa yod do/ /'dir rgyu ni mtshungs par ldan pa'i rgyu dang zhes bya ba rgyas par 'byung ba la/ 'dir thams cad ces bya ba'i sgra ni chos 'dus byas sam/ sems dang sems las byung ba yongs su gzung ngo / /thams cad la rnam par smin pa'i 'bras bu yod pa yang ma yin te/ de'i phyir rnam par smin pa'i rgyu ma yin la/ bye brag med par 'jug pa'i phyir byed rgyu yang ma yin no/ /ma 'ongs pa'i dus na snga phyi'i rim pa med pa'i phyir skal ba mnyam pa dang / kun tu 'gro ba'i rgyu yang ma yin no/ /chos thams cad la yod pa'i phyir skyes bu byed pa dang / bdag po'i 'bras bu dag kho na yongs su gzung gi gzhan dag ni ma yin te/ chos thams cad la med pa'i phyir ro/ /skal ba mnyam pa'i rgyu ma 'ongs pa yin par khas mi len pa la yang nyes pa de yin no zhes bstan pa'i phyir de lta na zhes bya ba rgyas par smos so/ /skal ba mnyam pa'i rgyu da ltar ba kho na yin gyi/ ma 'ongs pa ma yin na de lta na skal ba mnyam pa'i rgyu ma yin pa las yin par gyur to zhes bya bar 'gyur ro/ /de'i phyir dus thams cad kyi tshe yod pa nyid du dam bca' ba dang 'gal lo/ /gnas skabs la ni 'dod pa kho na yin gyi zhes bya ba rgyas par 'byung ba la/ 'dis ni rdzas thams cad kyi tshe yod pa nyid du dam 'cha'i gnas skabs rnams ni ma yin pas 'gal ba med par ston to/ /chos ni tshogs pa'i dbang gis gnas skabs gzhan du 'gyur gyi/ med pa ni chos gzhan du 'gyur bar mi 'thad do/ /de'i phyir tshogs pa ni gnas skabs kyi 'bras bu can kho na yin gyi/ rdzas kyi 'bras bu can ma yin pas nyes pa 'di med do/ /gal te rnam par smin pa'i rgyu bzhin du zhes bya ba rgyas par 'byung ngo / /cir 'gyur zhes bya ba la skyon cir 'gyur zhe na/ gal te rnam par smin pa'i rgyu bzhin du ma 'ongs pa yin par 'gyur na ni/ bstan bcos las de yang smos par 'gyur na/ smos pa ni yod pa yang ma yin no/ /de las ni dge ba'i rtsa ba ma 'ongs pa rnams ni dge ba'i rtsa ba ma 'ongs pa rnams kyi skal ba mnyam pa'i rgyu yin no zhes gsungs te/ de'i phyir skal ba mnyam pa'i rgyu ma 'ongs par rtogs na bstan bcos dang 'gal bar 'gyur ro/ /'bras bu 'byin pa dang zhes bya ba rgyas par 'byung ste/ 'dis ni bstan bcos dang 'gal ba spong ngo / /'bras bu 'byin par nus pa ni 'das pa yin la/ 'bras bu 'dzin par nus pa ni da ltar ba yin zhing / 'ga' zhig 'byin pa yang yin na ma 'ongs pa de ltar 'bras bu 'byin pa dang / 'dzin par byed nus pa ma yin pas bstan bcos las ma smos kyi/ med pa'i phyir ni ma yin no/ /de'i phyir bstan bcos dang 'gal ba med do/ /de ni ma yin te zhes bya ba la/ ma 'ongs pa 'bras bu 'byin pa dang 'dzin par mi nus pa'i phyir ma smos pa ni ma yin te/ 'o na ci zhe na med pa kho na'i phyir ro/ /'di ji ltar shes she na/ de'i phyir skal ba mnyam pa'i rgyu ni zhes bya ba rgyas par smos so/ /rgyu mthun pa ni rgyu dang 'bras bu 'dra ba yin la/ skal ba mnyam pa'i rgyu yang / rgyu mthun skal mnyam kun 'gro ba'i zhes 'byung ba des 'bras bu dang bcas pa yin na de ni ma 'ongs pa la rigs pa ma yin te snga phyi med pa'i phyir ro/ /phan tshun rgyu dang 'bras bu'i dngos por thal ba'i phyir phan tshun 'bras bu nyid rung ba ma yin no/ /ci'i phyir 'di ltar skye ba ma 'ongs pa'i rgyu mthun par 'gyur ba mi rung zhe na/ ji ltar 'das pa da ltar byung ba'i rgyu mthun pa'i 'bras bu ma yin pa bzhin dang rgyu dang 'bras bu dag snga ma dang phyi ma'i dngos po nyid kyi phyir ma yin no/ /rgyu bas 'bras bu snga na rgyu don med par thal ba'i phyir dang rgyu dang 'bras bu dag mtshan nyid tha dad pa'i phyir ro/ /rnam par smin pa'i rgyu'i mtshan nyid de'i 'bras bu las tha dad de/ rnam smin rgyu ni mi dge dang / dge ba zag bcas rnams kho na/ /zhes 'byung ngo / /rnam par smin pa'i 'bras bu yang rang gi rgyu las mtshan nyid tha dad de/ rnam smin lung du ma bstan zhes so/ /de'i phyir 'dir snga phyi med cing phan tshun 'bras bu med do/ /mtshungs par ldan pa dang skal ba mnyam pa'i rgyu dag ni 'dir rgyu dang 'bras bu dag rang bzhin tha dad pas tha dad pa ma yin no/ /'o na ci zhe na dus snga phyir 'byung ba nyid kyi phyir ro/ /de'i phyir snga phyi med na skal ba mnyam pa'i rgyu kho na phan tshun 'bras bu nyid du 'gyur gyi/ rnam par smin pa'i rgyu ni ma yin no/ /gnas skabs las rnam par gnas pa zhes bya ba la/ snga ma dang phyi ma'i rim pa rgyu dang 'bras bu nges pa'i phyir skal ba mnyam pa'i rgyu ni 'das pa dang / da ltar ba'i gnas skabs kho na yin gyi ma 'ongs pa'i gnas skabs ni ma yin no/ /rnam smin rgyu ni mi dge dang / dge ba zag bcas rnams kho na zhes mtshan nyid las rnam par gnas pa yin la/ mtshan nyid kyang dus gsum du 'khrul ba med pas ma 'ongs pa yang mi bzlog go/ /sa dgu'i lam ni phan tshun du/ /mnyam dang khyad par can gyi yin/ /zhes rgya cher 'byung ste/ sa dgu la brten nas rtogs pa'i phyir sa dgu'i zhes brjod do/ /zag pa dang bcas pa'i lam de ni sas bsdus pas lam yang sa tha dad par mtshungs bzhin du sa dgu'i lam kho na phan tshun skal ba mnyam pa'i rgyu yin gyi/ zag pa dang bcas pa ni ma yin no zhes bya ba 'di la rgyu ci yod ce na/ de'i phyir rgyu smras pa ni 'di ni sa de dag tu glo bur du 'ongs pa yin la zhes bya ba rgyas par 'byung ste/ zag pa dang bcas pa ltar 'dod pa dang gzugs dang gzugs med pas ma bsdus pas sa dag glo bur du 'ongs pa yin la/ sa dgu pa la brten nas 'thob pa'i phyir sa dgu pa zhes bya'o/ /yang ji ltar sa de dag tu gtogs pa ma yin par shes she na/ de'i phyir sa de pa'i srid pa bdag gis bdag gir ma byas pa'i phyir zhes bya ba smos te/ sred pas bdag gir byas pas yongs su bcad pas khams dang sa rnams yongs su gcod pa yin la bdag gir byas pa yang dmigs pa dang mtshungs par ldan pa'i sgo nas rgyas pa yin na/ zag pa med pa'i chos ni 'dod pa dang gzugs dang gzugs med pa'i sred pas bdag gir byas pa ma yin te de'i gnyen po yin pa'i phyir ro/ / 'o na ci ltar lam don du gnyer bar byed ce na/ de ni chos la 'dun pa dge ba zhig yin te/ 'dod chags min te spang bya'i phyir/ /zhes 'byung ba'i phyir ro/ /de ltar lam glo bur ba yin pa'i phyir ris mthun pa gzhan gyi sa pa'i skal ba mnyam pa'i rgyu yin pas thams cad kyi rgyu nyid du thal ba yin kyang / mnyam dang khyad par can gyi yin/ /zhes bya ba smos te/ gong dang 'og dang rang gi sa pa mnyam pa dang khyad par can gnyis kyi yin gyi/ chung ngu'i ni ma yin no/ /'di lta ste/ sdug bsngal la chos shes pa'i bzod pa ni zhes bya ba la sogs pa la/ sdug bsngal la chos shes pa'i bzod pa ni lan cig kho na skye'i yang dang yang du ni ma yin no zhe na/ de'i phyir de nyid ma 'ongs pa dang zhes bya ba smos te/ de lta yang dbang po rtul po'i lam gyis bsdus pa ni dbang po rtul po dang / rnon po'i lam gyis bsdus pa ni dbang po rnon po'i lam gyis bsdus pa kho na'i yin no/ /gang las rgyu ma tshang ba las 'bras bur mi 'gyur ba ji srid mi skye ba shes pa'i bar du'o/ /sdug bsngal la chos shes pa'i bzod pa'i mjug thogs kyi sdug bsngal la rjes su shes pa ni ma 'ongs pa'i yang skal ba mnyam pa'i rgyu yin no/ /de la dbang po rtul pos bsdus pa rnams ni phyi ma ma yin pa dbang po rtul pos bsdus pa kho na'i 'o/ /ma 'ongs pa'i ni rnam pa gnyis te dbang po rnon pos bsdus pa nyid dang mjug thogs kyi ma 'ongs pa yang dbang po rnon pos bsdus pa kho na'i yin no/ /de bzhin du sdug bsngal la rjes su shes pa'i bzod pa dang shes pa dang kun 'byung ba dang 'gog pa dang lam rnams la bzod pa dang shes pa rnams so/ /bsgom pa'i lam la yang bar chad med pa dang rnam par grol ba'i lam rgya cher brjod par bya'o/ /mi slob pa'i lam la ni zad pa shes pa dang / zad pa dang mi skye ba shes pa dag go/ /mi skye ba shes pa ni mi skye ba shes pa kho na'i yin gyi gzhan gyi ma yin no/ /de nyid la rgyu smras pa ni khyad par can gzhan med pa'i phyir ro zhes bya ba ste/ sdug bsngal la chos shes pa'i bzod pa ni sdug bsngal la chos shes pa'i bzod pa dang mnyam mo/ /dbang po 'ga' zhig las khyad par du 'phags so/ /sdug bsngal la chos shes pa la sogs pa bzhin mi skye ba shes pa'o/ /rgyus byas pa las byung ba'i sgo nas ni dbang po 'ga' zhig las kyang khyad par du 'phags so/ /mi skye ba shes pa las gzhan pa'i shes pa rgyus rgyas pa las byung ba'i sgo nas khyad par du 'phags pa med do/ /gang zhig de'i rgyu nyid yongs su mi rtogs she na/ mi skye ba shes pa las mi skye ba shes par gyur pa ni rab tu gyur pa'i phyir dang / rgyus rgyas pa las byung ba'i sgo nas dang dbang po'i sgo nas kyang khyad par du 'phags so/ /de bzhin du sdug bsngal la chos shes pa ma 'ongs pa ni sdug bsngal la chos shes pa khyad par can gyi yin pa nas mi skye ba shes pa'i bar gyis yin no/ /sdug bsngal la chos shes pa'i bzod pa'i ni ma yin no/ /rgyu las sngar ram 'bras bu dman pa ni mi rung ngo / /de bzhin du gzhan la yang rgya cher brjod par bya'o/ /mthong ba'i lam las bsgom pa dang mi slob pa'i lam dag dang / bsgom pa'i lam las kyang mi slob pa'i lam ni rgyus rgyas pa'i phyir khyad par du 'phags so/ /mthong ba'i lam ni mnyam pa'i ste/ de'i phyir mthong ba'i lam mo/ /mnyam dang khyad par can gyi rgyu ni bzhi pa rnams kyang ste/ bsgom pa'i lam gyis mnyam dang khyad par can gnyis nyid do/ /mthong ba'i lam gyis ni ma yin te dman pa'i phyir ro/ /mi slob pa'i lam ni mnyam pa'i phyir mi slob pa'i lam kho na'i yin gyi/ mthong ba dang bsgom pa'i lam dag gi ma yin te dman pa'i phyir ro/ /de ltar thun mong gi dbang du byas nas mthong ba'i lam la sogs pa bshad de/ skad cig tha dad pas dbang po tha dad pa yan lag tu byas te/ dbang po re re ba dang rgyu'i sgo nas kyang khyad par du 'gyur ba nyid ma dpyad de/ /de nyid kyi phyir de la yang dbang po rtul po'i lam ni zhes bya ba rgyas par 'byung ngo / /'di ni mdor bsdus na dbang po'i sgo nas khyad par du gyur pa na rgyus rgyas pa'am mnyam pa'i rgyur 'gyur ro/ /dbang po'i sgo nas dman pa dang rgyus rgyas pa'i ma yin no/ /dbang po'i sgo nas dman pa'i rgyu ma yin no/ /dbang po'i sgo nas dman pa dang khyad par can gyi yang rgyu ma yin te/ dbang po las dman pa'i zhes sngar bshad pa nyid do/ /sa 'og ma dman pa'i phyir 'dri ba ni/ yang ji ltar sa gong ma pa zhes rgya cher 'byung ba'o/ /de la dad pas rjes su 'brang ba'i sa gong ma pa'i lam ni sa 'og ma pa'i dad pas rjes su 'brang ba'i lam dang mnyam ste/ gnyi ga yang dbang po rtul po yin pa'i phyir ro/ /chos kyi rjes su 'brang ba'i lam ni khyad par can te dbang po rnon po yin pa'i phyir ro/ /de bzhin du sa gong ma pa'i chos kyi rjes su 'brang ba'i lam dang ni/ /chos kyi rjes su 'brang ba sa 'og ma pa mnyam pa yin te/ gnyi ga yang dbang po rnon po yin pa'i phyir ro/ /de bzhin du dbang po'i sgo nas sa gong ma pa'i dad pa dang chos kyi rjes su 'brang ba'i lam ni/ sa 'og ma pa'i dad pas mos pa dang / mthong bas thob pa dang / dus dang sbyor ba dang / dus dang mi sbyor bar rnam par grol ba'i lam rnams dang mnyam pa dang khyad par can yin pa yang brjod par bya'o/ / de bzhin du sa gong ma pa'i bsgom pa dang mi slob pa'i lam dbang po rtul po dang rnon pos bsdus pa dag ni sa 'og ma pa'i mthong ba dang bsgom pa dang mi slob pa'i lam dbang po rtul po dang rnon po'i dbye bas tha dad pa rnams dang dbang po'i sgo nas mnyam pa dang khyad par can yin pa yang brjod par bya'o/ / de bzhin du rgyus rgyas pa'i sgo nas kyang yin te/ sa 'og ma pa'i bsgom pa dang mi slob pa'i lam dag ni sa gong ma'i mthong ba'i lam las rgyus rgyas pa'i sgo nas khyad par can yin no/ /de bzhin du sa gong ma pa'i bsgom pa'i lam las sa 'og ma pa'i mi slob pa'i lam khyad par can yin no/ /chung ngu'i chung ngu la sogs pa zhes bya ba la chung ngu'i chung ngu las chung ngu'i 'bring rgyus rgyas pa'i sgo nas khyad par can yin la chung ngu dang ni mnyam mo/ /de bzhin du chung ngu'i 'bring las chung ngu'i chen po khyad par can yin pa nas chen po'i 'bring las chen po'i chen po'i bar du yin no/ /chen po'i chen po las khyad par du gyur pa ni med do/ / sa gong ma ni sa 'og ma dang dbang po mtshungs kyang rgyus rgyas pa'i sgo nas khyad par can yin no/ /dad pas rjes su 'brang ba'i lam ni drug rnams kyi skal ba mnyam pa'i rgyu yin no zhes smras na/ dad pas rjes su 'brang ba dang / chos kyis rjes su 'brang ba'i lam dag ni rgyun gcig la skye ba mi srid do zhes bya ba'i phyogs snga ma khong na yod pa bsal bar bya ba'i phyir rgyud gcig la zhes bya ba la sogs pa smos te/ dad pas rjes su 'brang ba'i lam byung ba ni dad pas mos pa'i lam mam dus kyis rnam par grol ba'i lam mo/ /ma skyes pa ni chos kyi rjes su 'brang ba'i lam ste/ mthong bas thob pa'am dus dang mi sbyor bar rnam par grol ba'i lam gyi yang rgyu'o/ /gang zhig dbang po 'phos pa ni dbang po rnon pos bsdus pa'i lam mngon du gyur pa'o/ /dad pas rjes su 'brang ba'i lam sngar skyes pa de ni/ 'bras bu'i ngo bos zin pa nyid kyis mi skye ba'i chos can gyi yang rgyu'i ngo bor 'gyur mod kyi/ de mi skye ba ni rkyen ma tshang ba las yin no/ /yang gzhan dag ni mi lcogs pa med pa 'ba' zhig thob pa la rag las pa ni mi lcogs pa med pa la brten no/ /sa thams cad pa ni ji ltar srid pa bzhin skal ba mnyam pa'i rgyu'o/ / bsam gtan gyi dngos gzhi thob pa la rag las pa ni de la brten pa kho na yin la mi lcogs pa med pa thob pa rag las pa 'ba' zhig ni ma gtogs so/ /de bzhin du bsam gtan gnyis pa la sogs pa thob pa la rag las pa la sogs pa yang ngo / /sa 'og ma thob pa la rag las pa rnams kyi rgyu ma yin no/ /de bzhin du bsam gtan dang po'i sa pa'i lam la yod pa ni bsam gtan dang po la rag las pa yod pa nas ci yang med pa'i skye mched la rag las pa'i bar ro/ /bsam gtan gnyis pa ni rang gi gong ma'i sa la rag las pa yod la sa 'og ma la rag las pa ni med do/ /de bzhin du bsam gtan gsum pa'i sa pa la yang brjod par bya'o/ /de la bsam gtan dang po la rag las pa ni rang gi sa pa thams cad dang sa gong ma'i yang skal ba mnyam pa'i rgyu'o/ /de'i ni bsam gtan dang po thob pa'i'o/ /de bzhin du bsam gtan gnyis pa la rag las pa ni bsam gtan dang po la rag las pa ma gtogs pa lhag ma'i skal ba mnyam pa'i rgyu'o/ /de'i ni bsam gtan dang po dang gnyis pa la rag las pa kho na'i ste gzhan ma yin no/ /de bzhin du thams cad la rgya cher brjod par bya'o zhes bshad do/ /gzhan dag bsgom pa'i lam ni mthong ba'i lam gyi skal ba mnyam pa'i rgyu ma yin gyi mi slob pa'i lam dang sgom pa'i lam gyi yin no zhes sems so/ /'di ltar dbang po rtul po'i rigs can gyis bsgom pa'i lam ma 'ongs pa mi skye ba'i chos can rang rgyud pa ni dbang po rnon po'i rigs can gyi mthong ba'i lam gyi skal ba mnyam pa'i rgyur 'gal ba med do/ /mi slob pa'i lam skye ba'i chos can yang bsgom pa'i lam gyi skal ba mnyam pa'i rgyu ste/ dbang po yongs su nyams pa rnon por byed pa srid pa'i phyir ro/ /de lta na 'o na nyan thos la sogs pa'i lam rnams kyang phan tshun rgyu nyid du thal bar 'gyur ro zhe na de ni de lta ma yin te gang gi phyir dbang po rtul po dbang po rnon por 'gyur ba yod kyang / nyan thos kyi rgyud la rang sangs rgyas kyi lam ni mi srid pa nyid do/ /de lta na 'o na dad pas rjes su 'brang ba'i rgyud la chos kyi rjes su 'brang ba'i lam srid pa'i phyir bsgom pa'i lam ma yin zhing mthong ba'i lam gyi rgyu ma yin no zhe na sbyor byung zhes bya ba ste/ sbyor ba las byung ba smos pa ni skyes nas thob pa 'gag par bya ba'i phyir ro/ /sbyor ba las byung ba ni sbyor ba las skyes pa'o/ /thos pa las byung ba ni gang dag sangs rgyas kyi gsung rab thos pa las skyes pa yin no/ /bsam pa las byung ba ni bsam pa las byung ba nyid de dman pa'i ma yin no/ /rgyu las 'bras bu dman pa mi rigs so/ /'dod pa'i khams na mnyam par ma bzhag pa yin pa'i phyir bsgom pa las byung ba med do/ /bsam pa las byung ba med pa'i phyir ro zhes bya ba la/ /gzugs na spyod pa rnams ni rgyud zhi gnas kyis brlan pa'i phyir gang gi tshe sems par rtsom pa de'i tshe de dag ting nge 'dzin la nye bar gnas par 'gyur ro/ /gzhan dag na re/ ma yin te gzugs kyi khams na bsam pa las byung ba yod pa'i bsam pa las byung ba yang bsgom pa las byung ba rnams so zhes zer ro/ /de ni thabs kyis yongs su zin pa'i bsam pa las byung ba ste/ dge ba'i rtsa ba rnams kyis rab tu zhi ba nyid kyi phyir bsgom pa las byung ba rnams dang 'dra bas bsgom pa las byung ba zhes bya'o/ /de dag gi bsgom pa las byung ba rnams bsam pa las byung ba'i rgyu'o/ /gzhan dag na re zad pa shes pa thob pa 'dod pa na spyod pa rnams ni dgra bcom pa rnams kyis bsgom pa'i 'bras bu yin pa'i phyir bsgom pa las byung ba dang mtshungs so zhes zer ro/ /de dag gi bsam pa las byung ba de rnams ni don dam pa'i sgo nas bsgom pa las byung ba'i rgyu'o/ /bsam pa las byung ba rnams kho na bsgom pa las byung ba ma yin te/ bsgom pa las byung ba ni de dag gis btags pa yin la bsam pa las byung ba ni ma yin pas bsgom pa las byung ba rnams kyi rgyu'o/ /thos pa dang bsam pa dang bsgom pa las byung ba de dag kyang chung ngu'i chung ngu la sogs pa'i dbye bas so sor rnam pa dgu'o/ /chung ngu'i chung ngu ni rnam pa dgu po thams cad kyi yin la/ chung ngu'i 'bring po dag ni brgyad kyi yin te/ rnam pa snga ma chung ngu'i chung ngu ma gtogs pa'i'o/ /lugs ni de lta'o zhes bya ba ni/ ji ltar chung ngu dang 'bring snga ma bri zhing phyi ma de dag gi rgyu yin pa de bzhin du/ chung ngu'i chen po la sogs pa snga ma bri zhing phyi ma de dag gi rgyu yin pa nas chen po'i chen po'i bar du de dag kho na'i yin no/ /skye bas thob pa ni skyes nas thob pa ste/ de 'di la yod pas na skyes nas thob pa can no/ /skal ba mnyam pa'i rgyu yin te chung ngu'i chung ngu dag gi yin pa nas chen po'i chen po dag tu chung ngu'i chung ngu dag gi bar yin no/ /ci ltar yang khyad par can dman pa'i rgyur 'gyur zhe na/ skal ba mnyam pa'i rgyu mngon par 'du byed pa can gyi 'bras bu ni dman pa yin par mi 'dod kyi/ rgyab kyis phyogs pa srid pa'i phyir phan tshun thams cad kyi ma yin no/ /kha cig na re phan tshun gyi rgyu zhes zer ro/ /gzhan dag na re thams cad sems gcig gis dmigs so zhes zer ro/ /rnam par smin pa kun tu spyod pa rnam pa dgu ni rnam pa 'di dgu nyid du mngon no/ /nyon mongs pa can rnams kyang tshul 'di nyid kyis te rnam pa dgu po thams cad phan tshun skal ba mnyam pa'i rgyu'o/ /nyon mongs pa rnams la ni gnyen po rnam pa dgu nyid kyis kyang rnam pa dgur mngon no/ /bzhi pa gsum dang gnyis dang / gcig gi zhes bya ba la/ rnam par smin pa las skyes pa ni bzhi rnams kyi skal ba mnyam pa'i rgyu yin no/ /spyod lam pa ni gsum gyi yin gyi/ rnam par smin pa las skyes pa rnams kyis ni ma yin te/ de dag ni mngon par 'du byed pa ma yin pa nyid kyis dman pa'i phyir ro/ /bzo'i gnas pa ni gnyis dag gis yin te/ bzo'i gnas pa dang sprul pa pa dag gi'o/ /sprul pa ni sprul pa pa rnams kho na'i yin gyi/ cig shos kyi ma yin te dman pa'i phyir ro/ /gzhan dag na re rgyu gzhan dag ni phan tshun 'ching bas bcings pa'i phyir ro zhes zer ro/ /e tats+tshan war+N+ya te ma b+hUta [(]'di yang ma yin brjod ma gyur/[) ]bsam gtan dang po'i sa pa rnams dang dro ba la sogs pa phan tshun rgyu can nyid du thal bar 'gyur zhes zer ro/ /sprul pa'i sems bsam gtan bzhi'i 'bras bu 'dod pa na spyod pa yang yin zhes bya ba la/ de yang rim pa bzhin du bzhi dang gsum dang gnyis dang gcig dag gi skal ba mnyam pa'i rgyu yin no/ /ji ltar zhe na/ de'i phyir de la bsam gtan gong ma'i 'bras bu ni zhes bya ba rgyas par smos so/ /de nyid la rgyu smras pa ni 'bad pa 'bras bu med par 'gyur du 'ong ba'i phyir zhes bya ba rgyas par 'byung ba'o/ /mngon par 'du byed pas bskyed pa ni mngon par 'du byed pa can te/ de dag rnam pa bzhi char yang mngon par 'du byed pa can yin no/ /bsam gtan gong ma'i 'bras bu ni bsam gtan 'og ma'i 'bras bu bas ches khyad par du 'phags pa yin pas de de dag gi skal ba mnyam pa'i rgyu yin gyi/ lhag ma rnams ni de'i yin te dman pa'i phyir dang sngar skyes pa'i phyir ro/ /de nyid la dpe ni sA lu dang nas la sogs pa lta bu'o zhes bya ba'o/ /de dag gi 'bras bu ni mnyam pa'am lhag pa yin te/ sA lu'i sa bon gcig las 'bras bu gcig gam du ma 'byung gi dman pa ni ma yin no/ /de nyid kyi phyir zhes bya ba ni/ gang gi phyir skal ba mnyam pa'i rgyu mngon par 'du byed pa can gyi 'bras bu dman pa ma yin pa'i phyir ro/ /zag pa med pa skyes pa zhes bya ba rgyas par 'byung ba la/ sdug bsngal la chos shes pa ni skyes kyang sdug bsngal la chos shes pa'i bzod pa rang gi rigs can ma 'ongs pa rnams kyi rgyu ma yin te dman pa'i phyir ro/ /sdug bsngal la chos shes pa ni sdug bsngal la chos shes pa'i bzod pa rnams las khyad par can nyid yin te/ nyon mongs pa'i bral ba'i thob pa dang lhan cig skyes pa'i phyir ro/ /de bzhin du ji srid rdo rje lta bu'i gzhi'i bar du rang gi rigs can kho na'i yin gyi thams cad kyi rgyu ma yin no/ /gang gi phyir 'dra ba'am 'bras bu lhag par gyur pas rang gi rigs can kho na'i yin gyi dman pa'i rgyur mi 'gyur na 'o na ci gzhan gyi rigs can gyi yang dman pa ni dman pa dang lhag pa nyid dbang po'i sgo dang rgyu'i sgo nas 'dod de/ de rgyu 'ba' zhig gi sgo nas ma yin pa nyid do/ /rgyud gcig la nges pa zhes bya ba rgyas par 'byung ba la/ sdug bsngal la chos shes pa'i bzod pa ma 'ongs pa dag ni sdug bsngal la chos shes pa ma skyes pa'i sngar sdug bsngal la chos shes pa'i bzod pa'i dus kho nar thob pas sdug bsngal la chos shes pa'i sngon du thob pa yin no/ /sdug bsngal la chos shes pa de dag thob nas gzod skye bas de dag thob pa bas phyis skyes pa yin no/ /sdug bsngal la chos shes pa'i bzod pa sngar skyes pa gang yin pa de ni de'i skal ba mnyam pa'i rgyur 'gyur ba kho na yin te/ de nyid kyi phyir sngar thob pa zhes smos kyi sngar skyes pa zhes ni ma yin no/ /de nyid la rgyu bshad pa ni 'di 'bras bu snga ba dang zhes bya ba rgyas par 'byung ba ste/ gal te 'bras bu ches snga bar gyur na ni rgyu don med par 'gyur la/ skal ba mnyam pa'i rgyu ma 'ongs pa na yang snga phyi med pa'i phyir rgyu dang 'bras bu dag 'chol bar 'gyur ro zhes sngar bshad zin to/ /zag pa med pa'i chos sngar skyes pa zhes bya ba rgyas par 'byung ba la/ 'dis ni 'bras bu sngar skyes pa nyid dang / skal ba mnyam pa'i rgyu ma 'ongs pa nyid yod pa ma yin no snyam ste dris pa'o/ /'di lta ste/ 'bras bu gong ma las yongs su nyams zhes bya ba la/ 'bras bu gong ma ni dgra bcom pa nyid dam/ phyir mi 'ong ba'i 'bras bu'am lan cig phyir 'ong ba'i 'bras bu'o/ /'bras bu 'og ma mngon du byed pa'i tshe zhes bya ba la 'og ma ni phyir mi 'ong ba'i 'bras bu'am/ lan cig gcig phyir 'ong ba'i 'bras bu'am/ rgyun tu zhugs pa'i 'bras bu'o/ /de la 'bras bu gong ma las yongs su nyams pa 'bras bu 'og ma mngon du byed pa'i tshe 'bras bu 'og ma'i lam sngar skyes pa yin yang 'bras bu 'og mas bsdus pa'i lam phyis skyes pa'i skal ba mnyam pa'i rgyu ma yin pa lta bu ste/ de ni dman pa'i phyir ro/ /slob dpon 'dus bzang na re/ 'di la yongs su nyams srid pa yod de/ dbang po bkag pa'i phyir dang zag pa med pa'i chos mngon sum du byas pa'i phyir ro zhes zer ro/ /bye brag tu byas pa ste brjod par bya'o zhes bya ba ni dbang po'i sgo nas khyad par du gyur kyang 'bras bu phyi ma'i lam dman pa nyid do/ /gzhan du na 'bras bu snga phyi'i lam rnams spang bya khyad par med par 'gyur ro/ /de'i phyir 'bras bu phyi ma'i lam ni dbang po'i sgo nas khyad par du gyur kyang 'bras bu phyi ma'i lam gyi skal ba mnyam pa'i rgyu ma yin no/ /sdug bsngal la chos shes pa'i thob pa zhes bya ba rgyas par 'byung ba la de thob pa'i sdug bsngal la chos shes pa dang lhan cig skyes pa ste/ de ni sdug bsngal la chos shes pa'i bzod pa'i thob pa/ sdug bsngal la rjes su shes pa'i bzod pa la sogs pa dang / lhan cig skyes pa thams cad kyi rgyu ma yin pa lta bu ste de dag ni phyis skyes mod kyi/ sdug bsngal la chos shes pa'i thob pa bas dman pa kho na yin no/ /de bzhin du skad cig ma gong ma gong ma dang lhan cig skyes pa dag la yang brjod par bya'o/ /de bzhin du 'phags pa'i lam thams cad la rig par bya'o/ /'dir yang 'di skad bstan par 'gyur te/ sdug bsngal la chos shes pa'i bzod pa thob pa rnams chos mang po yin mod kyi/ skal ba mnyam pa ni rgyus rgyas pa las byung ba'i phyir rgyus ches cher rgyas pa de lta na yang dman pa nyid kho na'o/ /de lta na 'o na rgyus rgyas pa'i sgo nas khyad par can nyid du brjod par mi bya'o zhe na/ rgyus ches cher rgyas pa nyid ni khyad par du 'phags pa nyid de/ kA shA di ti/ thob pa rnams ni chos kyi dbang gis bzhag go/ /chos shes pa'i bzod pa yang skal ba mnyam pa'i rgyu med par skye bas sdug bsngal la chos shes pa dman pa ma yin pa nyid de/ de'i thob pa sdug bsngal la chos shes pa'i thob pa las dman pas sdug bsngal la chos shes pa'i bzod pa thob pa'i skal ba mnyam pa'i rgyu ma yin no/ /sdug bsngal la chos shes pa'i bzod pa ma 'ongs pa yang sdug bsngal la chos shes pa ma 'ongs pa las dman pa ma yin no/ /de lta na ma 'ongs pa'i sdug bsngal la chos shes pa'i bzod pa rnams sdug bsngal la chos shes pa'i bzod pa kho na'i skal ba mnyam pa'i rgyu'o/ /sdug bsngal la chos shes pa'i ni sdug bsngal la chos shes pa'i bzod pa dang / sdug bsngal la chos shes pa yang ma yin no/ /skal ba mnyam pa'i rgyu 'di ni 'bras bu a na ba si ta 'byin par nus te/ rnam par smin pa'i rgyu ltar 'bras bu 'byin pa so sor bstan pa ma yin no/ /skal ba mnyam pa'i rgyu 'bras bu la nye bar mi sbyor ba na dgra bcom pa rnams yongs su mya ngan las 'da'o/ /skal ba mnyam pa'i rgyu yod pas nges par de 'bras bu skyed pa ma yin te/ skal ba mnyam pa'i rgyu 'ga' zhig yod kyang gegs kyis dus gzhan nam 'bras bu gtan mi skye ba yang yod do/ /skal ba mnyam pa'i rgyu bshad zin to// //mtshungs ldan rgyu ni sems dag dang / /sems byung zhes bya ba la/ ni zhes bya ba'i sgra ni mtshungs par ldan pa'i rgyu ni sems dang sems las byung ba kho na'o zhes nges par gzung ba ste/ rnam pa gzhan du nges par gzung ba ni sems dang sems las byung ba rnams la lhan cig 'byung ba'i rgyu la sogs pa bkag pa mi 'dod par thal bar 'gyur ro/ /de lta na ni dus dang rgyu tha dad pa las skyes pa rnams zhes bya ba rgyas par 'byung ngo / /'o na ni dmigs pa gcig pa dag yin no zhes bya ba la/ de lta na dus dang rgyud tha dad pa la skyes pa rnams rnam pa tha dad pa dang dmigs pa tha dad pa'i phyir mtshungs par ldan pa'i rgyu nyid du thal bar 'gyur ba ldog pa yin no/ /de lta na yang de nyid du thal bar 'gyur ro zhes bya ba ni rgyu dang dus tha dad pa las skyes pa rnams zhes bya ba la sogs pa gang sngar smras pa'o/ /'di ltar dus dang rgyu tha dad pa las skyes pa ni rnam pa dang dmigs pa gcig pa dang / dmigs pa dang rnam pa tha dad pa dag go/ /de la rnam pa dang dmigs pa gcig pa dag ces bya ba smos pas ni rnam pa dang dmigs pa tha dad pa bkag go/ /cig shos ni ma bkag pas thal ba de nyid du 'gyur ro/ / 'o na ni dus gcig pa dag yin no zhes bya ba 'byung ngo / /de lta na yang rgyud tha dad pa las skyes shing dus tha mi dad pa rnams la yang thal bar 'gyur te/ mang po rnams zla ba tshes pa la sogs pa la lta ba dag gi lta bu rgyud tha dad pa las skyes pa/ dus gcig cing rnam pa dang dmigs pa gcig pa dag la yang thal bar 'gyur ro/ /gang gi phyir khyad par de dag gis ni gzhan du thal bar 'gyur ba de lta bas na rten mtshungs can rnams so/ /rgyud tha dad pa rnams kyang rigs kyi sgo nas rten mig la sogs pa mtshungs pa can yin pas de las khyad du bya ba'i phyir mtshungs pa zhes bya ba ni tha mi dad pa ste zhes bya ba smos te/ 'dis ni skad cig ma'i dbang du byas nas mtshungs pa nyid du 'dod kyi/ rigs kyi dbang du byas nas ni ma yin no zhes ston te/ de nyid kyi phyir 'di lta ste zhes bya ba rgyas par 'byung ngo / /slob dpon 'dus bzang na re/ rten mtshungs pa zhes bya ba la 'di skad cig gcig gis rten mtshungs pa dang / yang rnam pa gcig gis rten mtshungs pa zhes bya ba 'di ci ltar shes par bya/ gal te de rnams rnam par bshad do zhe na/ sngar mdo nyid du/ mtshungs ldan rgyu ni sems dag dang / sems byung zhes mtshungs ldan gsungs pa'i phyir 'di nyid du thal bar 'gyur ba med do/ / dus dang rgyud tha dad du skyes pa rnams la mtshungs par ldan pa yod pa ma yin no zhe na/ rten mtshungs pa zhes bya ba gang dag gi rten kho na mtshungs shing tha dad pa yang ma yin pa de dag rten mtshungs rnams so/ /rnam pa smos ni rdzas kyi sgo nas tha dad pa yang ste/ 'di rnams kyi rten yin pas rnam pa yongs su mi gzung ngo / /mtshungs ldan rgyu ni sems dge dang / /sems byung zhes bya ba'i mtshan nyid de yang khyad par can med par khyad par bzhag par mi nus pas rten mtshungs zhes brjod do/ /rigs mtshungs pa ni rdzas mnyam par 'dzin pa so sor 'jog pa ste/ sems dang sems las byung ba mtshungs par ldan pa'i rgyu ste/ 'dir yang khyad par ni rten mtshungs pa nyid kyis rtogs par bya'i rnam pa gzhan du ma yin no zhes zer ro/ /yang mtshungs par ldan pa dang / lhan cig 'byung ba'i rgyu la tha dad du bya ba ci yod ces khong na yod pa'i dri ba gtan la dbab par bya ba'i phyir/ mtshungs par ldan pa'i rgyu gang yin pa de ni lhan cig 'byung ba'i rgyu yang yin no zhes bya ba smos so/ /lhan cig 'byung ba'i rgyu ni/ mtshungs par ldan pa'i rgyu ma yin pa yod de/ sems kyi rjes su 'jug pa'i gzugs dang / skye ba la sogs pa dag dang 'byung ba chen po rnams so/ / mtshungs par ldan pa'i rgyu gang yin pa kho na lhan cig 'byung ba'i rgyu yin no/ /de la rdzas khyad par med pas 'dri ba ni yang don gang gis zhes bya ba la sogs pa'o/ /phan tshun 'bras bu'i don gyis na zhes bya ba rgyas par 'byung ba la/ ji ltar 'gron po rnams phan tshun gyi stobs kyis lhan cig lam du 'gro ba de bzhin du/ sems dang sems las byung ba rnams kyang phan tshun gyi stobs kyis skye ba'i phyir phan tshun 'bras bu nyid du 'dod la/ phan tshun 'bras bu nyid kyis kyang lhan cig 'byung ba'i rgyur 'dod do/ /mtshungs pa lngas zhes bya ba ni rten dang / dmigs dang / rnam pa dang / dus dang / rdzas mtshungs pa'i rnam pa dag gis so/ /mtshungs par ldan pa'i don gyis zhes bya ba ni mtshungs par 'jug pa'i don gyis te/ ji ltar 'gron po phan tshun gyi stobs kyis lam du 'gro ba de dag zas dang / btung ba dang / khrus dang / mal dang / stan la sogs pa yongs su longs spyod pa'i bya ba la 'dra bar spyod pa de bzhin du sems dang sems las byung ba rnams kyang ma 'ongs pa'i dus nas da lta ba'i dus su 'ong ba gcig med na yang thams cad mtshungs par mi ldan pas 'di ni de dag gi rgyu'i dngos po yin te de yod na yod pa'i phyir ro/ /gzhan dag na re/ dngos po mi ldan pa med pa'i phyir mtshungs par ldan pa'i 'bras bu gcig pa'i don gyis lhan cig 'byung ba'i rgyu dang phan tshun 'bras bu bskyed pas rab tu phye ba'am/ lhan cig 'byung ba'i rgyu dang dmigs pa gcig par sbyor bas rab tu phye ba ni mtshungs par ldan pa'i rgyu'o zhes zer ro/ /mtshungs par ldan pa'i rgyu bshad zin to/ / //kun 'gro zhes bya nyon mongs can/ /rnams kyi zhes bya ba la/ nyon mongs pa smos pa ni skal ba mnyam pa'i rgyu las khyad par du bya ba'i phyir te/ de ni nyon mongs pa can rnams dang nyon mongs pa can ma yin pa rnams kyi yin gyi 'di ni nyon mongs pa can kho na'i yin no/ /de lta yin na gzhan gyi sa pa dang / ma 'ongs pa dang / phyis skyes pa dang / lhan cig skyes pa yang kun tu 'gro ba'i rgyur thal bar 'gyur ro/ /nyon mongs pa can rnams kyi zhes khyad par gyi tshig med pa de'i phyir/ rang sa kun 'gro snga zhes bya ba smos so/ /'dir skal ba mnyam pa'i rgyu bzhin du rang gi ris smos pa ni ma byas te/ 'di ltar 'di ni nyon mongs pa can gyi thun mong ba'i rgyu yin pa nyid kyis skal ba mnyam pa'i rgyu las khyad par du gyur pa'i phyir ro/ /de dag kyang 'og nas zhes bya ba rgyas par 'byung ba la/ de dag kyang / sdug bsngal rgyu mthong spang bya ba/ lta dang de bzhin the tshom med/ /gang de lhan cig ma 'dres pa'i/ /ma rig gang yin kun tu 'gro/ /zhes bya ba ste/ dngos po ris lnga po thams cad kyang dmigs par 'gyur ba'am/ nyon mongs pa'i tshogs thams cad kyi rgyu'i dngos por 'gyur bas na kun tu 'gro ba rnams so/ /de nyid kyi phyir 'di ni nyon mongs pa can gyi chos kyi thun mong gi rgyu nyid yin pas skal ba mnyam pa'i rgyu las logs shig tu rnam par gzhag go/ /ris gzhan dag gi yang zhes bya ba 'dis ni 'di nyon mongs pa can gyi chos kyi thun mong gi rgyu nyid du rtogs par byed do/ /de la kun 'byung dang / 'gog pa dang / lam mthong ba dang / bsgom pas spang bar bya ba rnams ni kun tu 'gro ba'i rgyu sdug bsngal mthong bas spang bar bya ba ris mthun gzhan yin la/ de bzhin du gang dag kun 'byung mthong bas spang bar bya ba las gzhan pa de dag kyang ris gzhan yin no/ /de'i phyir ris gzhan pa de dag gi yang rgyu yin pa'i phyir te/ yang zhes bya ba'i sgras ni rang gi ris pa rnams kyi yang yin no zhes bya bar rtogs so/ /kun tu 'gro ba'i rgyu sngar skyes pa ni ris lnga char gyi nyon mongs pa can ma skyes pa yang rgyu mthun pa'i 'bras bu nyid du yongs su 'dzin te/ de'i phyir de dag gi mthun ni zhes bya ba rgyas par 'byung ngo / /de lta bas na bcom ldan 'das kyis kyang nyon mongs pa thams cad ni 'jig tshogs la lta ba'i rtsa ba can no/ /'jig tshogs la lta ba las skyes pa'o/ /'jig tshogs la lta ba'i kun 'byung ba can no zhes gsungs so/ /gzhan dag na re/ lhan cig 'byung ba'i rgyu'i phyogs gcig dang mtshungs par ldan pa dang skal ba mnyam pa'i rgyu'i phyogs gcig ni kun tu 'gro ba'i rgyu'o zhes zer ro/ /de dag gis ni 'di skad bshad par 'gyur te/ kun tu 'gro ba'i rgyu gang yin pa de skal ba mnyam pa'i rgyu yang yin no zhes bya ba'o/ /de ni de ltar ma yin te/ he tu saM b+he da pra saM gA dA saM b+hin+na pra kA rA sh+tsa he ta baH/ sa t+ya pi dra bya saM b+he de/[ (]rgyu 'chol ba thal ba'i phyir ma 'dres rnam pa rnams kyang rgyu rnams yod kyang rdzas 'chol ba la/[) ]'di ltar rang gi rigs kyi sred pa dang 'jig tshogs la lta ba dag phan tshun rab tu 'jug par byed pa nyid yin kyang skal ba mnyam pa dang kun tu 'gro ba'i rgyu dag la bye brag yod do/ /sred pa mtha' dag migs pa'i yul yin pa'i phyir At+mA b+hi ni be shaH[ (]bdag mngon par zhugs/ [) ]sred pa rab tu 'jig cing the tshom du byed cing srid pa nyid 'jig tshogs la lta ba mtha' dag gi dmigs pa'i yul yin pas brtan por byed pa la bdag tu lta ba dang the tshom du byed do/ /des na kun tu 'gro ba rnams ni nyon mongs pa thams cad kyi dmigs pa'i yul yin pa'i phyir dang / nyon mongs pa rnams kyi rgyu ba shin tu spangs par gtod pa'i phyir ro/ /'phags pa rnams kyi kun tu 'gro ba'i rgyu spang ba'i phyir la/ spang ba yang rgyu'i dngos por mi srid do snyam du 'dri ba ni/ ci 'phags pa'i gang zag gi zhes bya ba rgyas par smos so/ /'phags pa'i gang zag ni rgyun tu zhugs pa dang / lan cig phyir 'ong ba dang / phyir mi 'ong ba rnams la mngon par 'dod do/ /de dag la nyon mongs pa kun tu spyod pa srid pa'i phyir ro/ /kha che ba rnams na re/ nyon mongs pa can thams cad kyi zhes bya ba rgyas par 'byung ste/ de dag ni spangs zin pa'i 'phags pa'i gnas skabs ni rgyu'i dngos por 'gyur ba mi rung ste/ 'o na ci zhe na/ de dag ni so so skye bo'i gnas skabs kho nar rgyu'i dngos por rnam par gnas pa yin te/ gang zhig gang gi rgyu yin pa de ni nam yang de'i rgyu ma yin pa ma yin no zhes bya bas de dag ni spangs kyang / de dag ni nyon mongs pa can gyi chos rnams kyi rgyu nyid du bsnyad do/ /'dir kun tu 'gro ba'i rgyu nyon mongs pa can gyi chos kyi thun mong gi rgyu nyid yin pa'i khungs ni 'di yin te/ 'dir 'phags pa'am/ so so skye bo'i nyon mongs pa can zhes bya bar khyad par du ma byas pa de'i phyir na 'phags pa'i yang yin no zhes bya bar rtogs so/ /mthong bas spang bar bya ba'i rgyu las byung ba zhes khyad par med pa yin yang kun tu 'gro ba rnams kho na gzung ngo / /de bzhin du rnam par smin pa yang khyad par med par brjod du zin kyang mi dge ba rnams kho na'i yin gyi lung du ma bstan pa rnams kyi ni ma yin no/ /lung du ma bstan pa'i rgyu las byung ba'i chos rnams zhes bya ba rgyas par 'byung ba la/ 'dir yang mi dge ba rnams so zhes bya ba 'di khungs yin no/ /lung du ma bstan pa ni 'jig tshogs la lta ba dang mthar 'dzin par lta ba gnyis te/ de dag kyang khyad par med par mi dge ba'i chos rnams kyi rgyu'i dngos por bstan pas 'phags pa'i mi dge ba'i chos rnams kyang 'jig tshogs la lta ba dang mthar 'dzin par lta ba'i rgyu las byung ba yin no zhes bya bar nges pa yin no/ /gzhan lung ma bstan ma yin pa'i chos rnams ni byed rgyu ma gtogs par rgyu gzhan gyis dge ba'i chos rnams kyi rgyu nyid byed de byed rgyu nyid kyang lung ma bstan gyi chos rnams nA ne b+h+yo bA nyi sha yaHlung du ma bstan pa'i chos 'dus byas rnams zhes bya ba la/ 'dus byas smos pa ni nam mkha' dang so sor brtags pa ma yin pas 'gog pa rnam par gcad par bya ba'i phyir ro/ /lung du ma bstan pa rnams dang lung du ma bstan pa rnams kyi lhan cig 'byung ba dang mtshungs par ldan pa dang skal ba mnyam pa dang kun tu 'gro ba'i rgyu rnams kyi ji ltar srid pa'i rgyur 'gyur ro/ /kun tu 'gro ba'i rgyu ni ma yin no/ /sdug bsngal gyi bden pa 'jig tshogs la lta ba'i rgyu can yin la/ 'jig tshogs la lta ba'i rgyu ma yin pa yang yod de zhes bya ba nas rgyas par 'jig tshogs la lta ba dang zhes bya ba la sogs pa 'byung ba la/ 'dir rgyas par zhes bya ba smos pa ni sdug bsngal gyi bden pa 'jig tshogs la lta ba'i rgyu can yin la/ 'jig tshogs la lta ba'i rgyu ma yin pa yang yod do/ /'jig tshogs la lta ba'i rgyu yin la/ 'jig tshogs la lta ba'i rgyu can ma yin pa yang yod/ 'jig tshogs la lta ba'i rgyu can ma yin la/ 'jig tshogs la lta ba'i rgyu yang yin pa yod do/ /'jig tshogs la lta ba'i rgyu can ma yin la/ 'jig tshogs la lta ba'i rgyu yang ma yin pa yod dam zhe na/ de la mu dang po ni sdug bsngal mthong bas spang bar bya ba'i phra rgyas 'das pa dang da ltar byung ba rnams dang / de dag dang mtshungs par ldan pa'i sdug bsngal gyi bden pa ma gtogs pa dang / kun 'byung ba mthong bas spang bar bya ba'i phra rgyas kun tu 'gro ba 'das pa dang / da ltar byung ba rnams dang / de dag dang mtshungs par ldan pa'i sdug bsngal gyi bden pa ma gtogs pa dang / 'jig tshogs la lta ba ma 'ongs pa dang / de dag dang mtshungs par ldan pa'i sdug bsngal gyi bden pa ma gtogs pa dang / 'jig tshogs la lta ba de dang mtshungs par ldan pa'i chos skye ba dang rga ba dang gnas pa dang mi rtag pa dang zhes bya ba'i gzhung 'di 'phen pa yin no/ /ma gtogs pa dag las gzhan pa de dag gang zhe na/ kun 'byung mthong bas spang bar bya ba ma 'ongs pa mtshungs par ldan pa dang bcas pa rnams dang / sdug bsngal mthong bas spang bar bya ba ma 'ongs pa rnams dang / kun 'byung mthong bas spang bar bya ba kun tu 'gro ba ma 'ongs pa rnams dang / 'gog pa dang lam mthong ba dang / bsgom pas spang bar bya ba thams cad kho na ste/ de ni sdug bsngal gyi bden pa 'jig tshogs la lta ba'i rgyu can yin la/ 'jig tshogs la lta ba'i rgyu ma yin na'o/ /de la 'dir gsum pa'i khungs 'phags pa'i gang zag gi yang nyon mongs pa can gyi chos kun tu 'gro ba'i rgyu can no zhes bsgom pas spang bar bya ba rnams khyad par du ma byas te/ 'jig tshogs la lta ba'i rgyu can nyid du bstan pa'i phyir ro/ /gal te 'phags pa'i gang zag gi nyon mongs pa can gyi chos rnams kyi kun tu 'gro ba'i rgyu can yin na/ 'o na btags pa'i bshad pa 'di ji ltar drang zhes bya ba ni bstan bcos dang 'gal bar ston to/ /gal te 'phags pa'i nyon mongs pa can gyi chos rnams kyang kun tu 'gro ba'i rgyu las byung ba yin na'o/ /'dri ba'i bsam pa ni mi dge ba ni mi dge ba'i rgyu las byung ba kho na'o zhes nges par gzung ba'i phyir na/ lung du ma bstan pa'i rgyu can ni ma yin no snyam pa'o/ /yod de 'phags pa'i gang zag 'dod pa'i 'dod chags dang bral ba las zhes bya ba la sogs pa la sems pa de'i rgyu ni mi dge ba 'ba' zhig tu ma zad kyi/ 'jig tshogs la lta ba dang mthar 'dzin pa'i lta ba'i bdag nyid can lung du ma bstan pa yang yin no/ /de ni mi dge ba dang lung du ma bstan pa'i rgyu can nyid kyang yin mod kyang / de ni rgyu ma spangs pa la dgongs nas gsungs pa yin no/ /de'i rgyu lung du ma bstan pa yang spang ba yin no/ /mthong bas spang bar bya ba yongs su gtugs te spang ba'i phyir la/ mthong ba'i lam las yongs su nyams pa yang med pa'i phyir ro/ /de ni tshul bzhin ma yin pa yid la byed pa las skye ba yin te/ de'i phyir mi dge ba 'dod chags la sogs pa'i bsgom pas spang bar bya ba ma spangs pa la dgongs nas gsungs pa yin no/ /de ji ltar ma spangs she na/ de spangs pa las yongs su nyams pa'i phyir te/ lhan cig 'byung ba dang / mtshungs par ldan pa'i rgyus bsdus pa'i rgyu mi dge ba la dgongs nas de skad du gsungs pas bstan bcos dang 'gal ba med do/ /kun tu 'gro ba'i rgyu bshad zin to// //rnam smin rgyu ni mi dge dang / /zhes bya ba rgyas par 'byung ba la/ rnam par smin pa'i rgyu ni de dag kho na yin no zhes bya bar nges par gzung ste/ de dag rnam par smin pa'i rgyu kho na'o zhes bya bar ni ma yin no/ /zag pa dang bcas pa smos pa ni zag pa med pa bsal bar bya ba'i phyir ro/ /mi dge ba ni zag pa dang bcas pa kho na yin pas de las khyad par du ma byas so/ /yang 'dir rgyu'i don ci zhe na/ ji ltar las nye bar son pas sems can rnams las kyi rnam par 'byed de/ sems can dman pa rnams la dman pa dang bzang po rnams la gya nom pa'o zhes pa lta bu'o/ /dang gi sgra ni rgyu tha dad kyang 'bras bu tha mi dad par shes par byed pa'i phyir ro/ /nges par gzung ba ni thal bar gyur pa las rnam par smin pa'i rgyu bzlog par bya ba'i phyir ro/ /kha cig ni thams cad rnam par smin pa zhes sems te/ snang ba rgya chen po can rnam par smin pa zhes gsungs pa'i phyir/ sred pa'i rnam par smin pa tshor ba'o zhe na/ tshig de de bzhin gshegs pa'i gsung ma yin te/ gang rnam par smin par 'gyur ba de thams cad kyi rgyu rnam par smin pa'i rgyu zhes bya bar 'gyur ro/ /sA mA sta d+ya te e te/ au ba mya tA min no/ /rnam par smin pa'i sgra zhes bya ba gang las kyang 'di nyid rnam par smin pa'i rgyu gzhan ma yin zhes bya/ de nyid kyi phyir rnam par smin pa'i chos yin pa'i phyir zhes te/ rnam par smin pa'i skabs yin pa'i phyir zhes bya ba'i don to/ /gzhan dag rnam par smin pa'i chos can 'di ma yin par bstan pa'i phyir dri ba ni/ ci'i phyir lung du ma bstan pa'i zhes bya ba rgyas par 'byung ba'o/ /ji ltar sa bon rul ba dag ni mngon par brlan yang stobs chung ba'i phyir myu gu'i rgyu ma yin pa de bzhin du lung du ma bstan pa yang zag pa dang bcas pa'i phyir/ sred pas mngon par brlan yang stobs chung ba'i phyir rnam par smin pa'i rgyu ma yin no/ /yang ji ltar sa bon grung po chu dag gis mngon par ma brlan pa myu gu'i rgyu ma yin pa de bzhin du zag pa med pa rnams kyang dge ba yin pa'i phyir/ grung yang sred pas mngon par ma brlan pa'i phyir rnam par smin pa'i rgyu ma yin no/ /gcig ni rang gi nus pa dang bral ba'i phyir rnam par smin pa'i rgyu ma yin la/ cig shos ni lhan cig skyes pa'i rkyen ma tshang ba'i phyir rnam par smin pa'i rgyu ma yin no/ /ldan pa ma yin pa rnams zhes bya ba rgyas par 'byung ba la/ rnam par smin pa ni 'dod pa'i khams la sogs pa'i chos can yin pa'i phyir/ gdon mi za bar 'dod pa'i khams la sogs pa dang ldan par 'gyur na/ ldan pa ma yin pa ni rnam par smin pa dang ldan pa'i rgyur mi rung ste/ nges pa'i rgyu med pa'i phyir ro/ /lhag ma rnams zhes bya ba ni mi dge ba dang dge ba zag pa dang bcas pa dag go/ /rnam pa gnyis ka yin pa'i phyir zhes bya ba la/ dge ba dang mi dge ba nyid kyis grung po yin pa'i phyir/ rang gi nus pa dang ldan la/ sred pas mngon par brlan pa'i phyir lhan cig byed pa'i rkyen dang ldan pa yin no/ /gnyis ka ltar yang rung ngo zhes sngar bshad zin to zhes bya ba la/ rnam par smin pa'i rgyu ni rnam par smin pa'o zhes tshig bsdu na ni/ rgyu'i sgra mi mngon par byas pas mig rnam par smin pa las skyes pa yin no zhes bya ba dang mi 'gal lo/ /yang na rnam par smin pa nyid rgyu yin pas rnam par smin pa'i rgyu yin no zhes tshig bsdu na yang 'bras bu'i dus su phyin pa'i las la rnam par smin par 'gyur bas na/ rnam par smin pa zhes bya ste/ de lta na las kyi rnam par smin pa zhes bya ba dang mi 'gal lo/ /'bras bu ni rnam par smin pa yin pas rnam par smin pa zhes bya'i/ rnam par smin par 'gyur bas ni ma yin no/ /mi 'dra bar smin pa ni zhes bya ba la rnam par smin pa'i 'bras bu ni rgyu dang mi 'dra ba'i 'bras bu yin no zhes bya ba'i tha tshig go/ /'di ltar rgyu ni mi dge ba dang dge ba zag pa dang bcas pa dag yin la 'bras bu ni lung du ma bstan pa yin pas rgyu dang mi 'dra ba yin no/ /lhan cig 'byung ba dang mtshungs par ldan pa dang skal ba mnyam pa dang kun tu 'gro ba'i rgyu rnams la mi 'dra bar rnam par smin pa med do/ /byed pa'i rgyu la ni 'dra ba dang mi 'dra ba gnyi ga ci rigs pa'o/ /rnam par smin pa'i rgyu bshad pa'i sgo nas 'dod pa'i khams na rnam par smin pa'i rgyu phung po gcig la zhes bya ba rgyas par 'byung ba 'di yang bstan par bya'o/ /thob pa rnams dang de dag gi skye ba la sogs pa rnams ni 'du byed kyi phung pos bsdus pa'i phyir na phung po gcig go/ /thob pa rnams kyi 'bras bu gang yin pa de nyid de dag gi skye ba la sogs pa rnams kyi yang yin pas 'bras bu gcig go/ /thob pa rnams ni thob pa dang ldan pa dang 'bras bu tha dad kyi/ mtshan nyid rnams ni ma yin te/ mtshan gzhi dang / gnyis lhan cig 'byung ba'i rgyu yin pa'i phyir ro/ /phung po gnyis la zhes bya ba la/ lus dang ngag gi las dge ba dang mi dge ba ni gzugs kyi phung po yin no/ /de dag gi skye ba la sogs pa rnams ni 'du byed kyi phung po yin no/ /lhan cig 'byung ba'i rgyu yin pa'i phyir lus dang ngag gi las dang / de dag gi skye ba la sogs pa rnams kyi rnam par smin pa'i 'bras bu ni gcig kho na yin te/ 'bras bu tha dad ni lhan cig 'byung ba'i rgyu nyid du 'gal ba'i phyir ro/ /phung po gsum pa ni khams gsum ka na yang med de/ sems dang sems las byung ba rnams gdon mi za bar 'bras bu gcig pa yin pa'i phyir ro/ /phung po bzhi la zhes bya ba la/ sems dang sems las byung ba dge ba dang mi dge ba dag ni ci rigs par phung po bzhis bsdus pa yin la/ de dag gi skye ba la sogs pa rnams ni 'du byed kyi phung pos bsdus pa yin no/ /'dod pa'i khams na mnyam par gzhag pa'i sems med pas rjes su 'jug pa'i sems gzugs mi srid pa'i phyir phung po lnga po ni yod pa ma yin no/ /phung po bzhi po bzhi char gyi yang rnam par smin pa'i 'bras bu ni gcig kho na'i yin gyi tha dad pa ni ma yin no/ /lhan cig 'byung ba'i rgyu ma yin pa'i phyir ro/ /gzhan dag na re rnam par rig byed dang rnam par rig byed ma yin pa dag gi de'i skad cig dang de'i kun slong gi sems dang sems las byung ba rnams 'bras bu gcig go zhes zer ro/ /'dod pa'i khams na phung po lnga yang yod pa de'i lhan cig 'byung ba'i rgyu ma yin pa med pa'i phyir gzhan nyid do/ /gang gi phyir lus dang ngag gi las rnam par smin pa las gzhan pa dang / de'i kun nas slong ba'i sems dang sems las byung ba rnams skad cig ma re re ba dag kho na'o/ /re zhig rnam par rig byed dang rnam par rig byed ma yin pa dag 'bras bu tha dad de/ rnam par rig byed kyi ni rdul phra rab rnams so/ /rnam par rig byed ma yin pa'i srog chags gsod pa la sogs pa'i rdzas rnams so/ /sems dang sems las byung ba rnams kyi ni sngar bshad pa nyid do/ /'dod pa'i khams rnam par smin pa'i rgyu phung po lnga pa med do/ /gzugs kyi khams na zhes bya ba rgyas par 'byung ba la/ thob pa skye ba la sogs pa dang bcas pa dang 'du shes med pa'i snyoms par 'jug pa skye ba la sogs pa dang bcas pa ste/ thob pa dang 'du shes med pa'i snyoms par 'jug pa gnyis dang / de dag gi skye ba la sogs pa rnams ni 'du byed kyi phung pos bsdus pa'i phyir phung po gcig yin la/ mtshan nyid dang mtshan gzhi gnyis 'bras bu tha mi dad pa yin pa'i phyir 'bras bu gcig pa yin no/ /phung po gnyis pa ni zhes bya ba la/ bsam gtan dang po kho na'i rnam par rig byed dge ba yin gyi/ bsam gtan gnyis pa la sogs pa dag gi ni ma yin te/ de'i sa pa'i rtog pa dang dpyod pa med pa'i phyir la/ sa 'og ma pa'i ma bsgribs la lung du ma bstan pa rnams kho na der mngon du byed pa'i phyir rnam par smin pa med do/ /rnam par rig byed ni gzugs kyi phung po'o/ /de'i phyir skye ba la sogs pa dag ni 'du byed kyi phung po'o/ /mnyam par ma bzhag pa zhes bya ba la/ de la rjes su 'jug pa'i phung po bzhi pa'o/ /mnyam par gzhag pa zhes bya ba la/ de la rjes su 'jug pa'i gzugs yod pa'i phyir phung po lnga pa'o/ /gzugs med pa'i khams na zhes bya ba rgyas par 'byung ba la/ de na gzugs thams cad med pas phung po gcig pa 'am bzhi pa yin gyi phung po gnyis pa ni ma yin no/ /rnam par smin pa'i rgyu de ni rnam pa dgu yin te/ khams gsum na rim bzhin du rnam pa gsum dang / bzhi dang / gnyis yin pa'i phyir ro/ /gang gi rnam par smin pa'i chos kyi skye mched gcig kho na zhes bya ba rgyas par 'byung ba la/ kha cig na re ris mthun pa dang srog gi dbang po ni 'phen par byed pa'i phyir las kyi 'bras bu kho na yin la/ gzhan dag na re gdon mi za bar 'phen par byed pa'i yin pa kho nar ma zad kyi/ rdzogs par byed pa'i yang yin te/ de bas na srog gi dbang po gang gi rnam par smin pa yin pa de'i ni ris mthun pa dang / de'i skye ba la sogs pa yang yin pas de'i rnam par smin pa ni chos kyi skye mched kho na yin no zhes zer ro/ /gzhan dag na re gzugs med pa'i khams su skyes pa dge ba dang nyon mongs pa can gyi sems kun tu spyod pa'i gnas su gyur pa'i srog gi dbang po mngon par 'dod de/ 'dod pa dang gzugs kyi khams dag na ni gnas skabs thams cad du skye mched gzhan dang gzhan yang yod do zhes zer ro/ /gang gi yid kyi skye mched yin pa de'i ni gnyis te zhes bya ba 'byung ste/ de la rnam par shes pa ni yid kyi skye mched do/ /tshor ba la sogs pa dang / de dag gi skye ba la sogs pa rnams chos kyi skye mched do/ /gang gi reg bya'i skye mched yin pa yang de dang 'dra'o zhes bya ba la/ reg bya'i skye mched dang / chos kyi skye mched do/ /de'i skye ba la sogs pa rnams chos kyi skye mched kyis bsdus pa'i phyir ro/ /'dir reg bya'i skye mched ni sems can du bgrang ba la rig par bya'o/ /gang gi phyir lus kyi skye mched yin pa de'i gsum ste/ lus kyi skye mched ni 'byung ba las gyur pa yin la/ de yang 'byung ba la bltos pa'i phyir lus kyi skye mched ni reg bya'i skye mched 'byung ba'i bdag nyid can la mi ltos pa mi srid do/ /de'i skye ba la sogs pa rnams ni chos kyi skye mched do/ /gzhan dag na re gzugs kyi skye mched kyang yin no zhes zer ro/ /gzhan dag na re lus kyi skye mched ni de la mi 'khrul ba'i phyir dang 'byung ba ba ni tshan la brten pa'i phyir ma yin no zhes zer ro/ /gang gi gzugs dang dri dang ro'i skye mched dag yin pa yang de dang 'dra'o zhes zer ro/ gzugs la sogs pa rnams las ni gang rung ba zhig go/ /de dag gi rten 'byung ba chen po dag ni reg bya'i skye mched do/ /de dag gi skye ba la sogs pa dag ni chos kyi skye mched do/ /mig ni lus la mi 'khrul ba'i phyir dang / skye ba la sogs pa mtshan nyid la mi 'khrul ba'i phyir na/ gang gi rnam par smin pa mig gi skye mched yin pa'i phyir de'i skye mched bzhi yin no/ /gzhan dag ni gzugs kyi skye mched kyang ngo zhes zer ro/ /gzhan dag ni skye mched gcig bzhin du mi 'khrul ba'i phyir dang 'byung ba bzhi tshan gzhan la brten pa'i gzugs kyi skye mched ma yin no zhes zer ro/ /de lta na lus kyi skye mched la yang thal bar 'gyur ro zhe na/ de ni ma yin te mig gi skye mched ni lus kyi skye mched la rag las te 'jug pa'i phyir ro/ /gang gi rna ba dang sna dang lce'i skye mched dag yin pa yang de 'dra'o zhes bya ba la/ de dag gi tshul yang mig gi dbang po dang 'dra ste/ de dag kyang 'byung ba chen po la brten pa'i phyir dang / skye ba la sogs pa dang ldan pa'i phyir dang / lus kyi skye mched la rag las te 'jug pa'i phyir ro/ /skye mched bcu gcig ni rnam par smin pa yin la/ sgra ni ma gtogs te de rnam par smin pa ma yin pa'i phyir ro/ /yang las 'ga' zhig gi rnam par smin pa skye mched gcig rnam par smin par 'gyur la/ 'ga' zhig gis bcu gcig rnam par smin par 'gyur ba gang yin pa la rgyu ci yod ce na/ de'i phyir las kyi 'bras bu sna tshogs pa dang sna tshogs pa ma yin pa'i phyir zhes bya ba smos te/ phyi'i sa bon ltar nang gi las kyi sa bon yang blta bar bya'o/ /'di ltar pad+ma'i sa bon rnams rtsa ba dang / myu gu dang lo ma dang sdong bu dang ge sar dang ze'u 'bru dang lte ba sna tshogs yin pa de bzhin du nas dang gro la sogs pa dag ni ma yin no/ /las dus gcig pa'i zhes bya ba rgyas par 'byung ba la/ las 'das pa'i rnam par smin pa 'das pa dang ma 'ongs pa dang da ltar byung ba yin no/ /las dus gnyis pa'i zhes bya ba la/ 'das pa dang da ltar ba'i ma 'ongs pa ma yin no/ /de nyid la rgyu smras pa ni/ rgyu bas 'bras bu ha cang nyung bar 'gyur bar 'ong ba'i phyir ro zhes bya ba'o/ /bzlog pa ni ma yin no zhes bya ba la/ las skad cig ma du ma'i rnam par smin pa'i skad cig gcig ni ma yin te/ rgyu bas 'bras bu ha cang nyung bar 'gyur du 'ong ba'i phyir ro/ /rnam par smin pa ni las dang lhan cig tu rnam par smin pa ma yin te/ lhan cig skyes pa la ni lhan cig 'byung ba dang mtshungs par ldan pa'i rgyu gnyis byed pa dang ldan pa'i phyir ro/ /rnam par smin pa'i rgyu ni mi 'dra bar smin pa la bltos te/ rnam par gzhag na/ dge ba dang mi dge ba'i tshogs pas bsdus pa ni mi 'dra bar smin pa yod pa yang ma yin no/ /mig la sogs pa ni sngon gyi las kyi rnam par smin pa yin pa'i phyir lung du ma bstan pa ste/ sems kyang de'i rjes su 'jug go/ /mjug thogs su yang ma yin te zhes bya ba la/ rnam par smin pa rnam par smin pa ma yin te zhes bya bar skabs dang sbyar ro/ /ci'i phyir zhe na/ mtshungs pa de ma thag pa'i rkyen gyis drangs pa'i phyir ro/ /gang gi phyir rnam par smin pa'i rgyu'i mjug thogs kyi skad cig ma ni mtshungs pa de ma thag pa'i rkyen nyid kyis drangs pa yin gyi/ rnam par smin pa'i rgyu nyid kyis ni ma yin te/ de mjug thogs su dge ba dang mi dge ba skye ba'i phyir ro/ /rnam par smin pa'i rgyu las zhes bya ba la/ gang gi phyir rnam par smin pa ni de lhan cig tu smin pa ma yin zhing / mjug thogs su yang ma yin te/ rgyud yongs su 'gyur ba'i khyad par las skyes pa'i phyir dang / rnam par smin pa dag dus yongs su chad pa yin pa'i phyir ro/ /de nyid kyi phyir rnam par smin pa'i 'bras bu ste/ gzhan dag ni rgyud yongs su 'gyur ba'i khyad par las skyes pa med pa'i phyir dang 'khor ba ji srid pa'i 'bras bu ma yin pa'i phyir rnam par smin par thal ba med do/ /'di dag gi dus nges pa don gyis ni bshad mod kyi zhes bya ba la/ lhan cig 'byung gang phan tshun 'bras zhes bye brag med par brjod pas de ni dus gsum pa yin no zhes bya bar don gyis bshad do/ /sngar skyes rnams zhes brjod pas skal ba mnyam pa'i rgyu 'das pa dang da ltar byung ba yin no zhes bya bar bshad do/ /sems dang sems byung rten mtshungs rnams zhes bye brag med par brjod pa dus gsum pa yin no zhes bshad do/ /kun 'gro lnga zhes brjod pas 'das pa dang da ltar byung ba yin no zhes bya bar bshad do/ /mi dge ba dang dge ba zag bcas rnams kho na zhes bye brag med par brjod pas de ni dus gsum pa ma yin no zhes bya bar don gyis bshad pa yin no/ /rang las gzhan pa byed rgyu'i rgyu zhes bye brag med par brjod pas byed rgyu dus gsum pa dang / dus las rnam par grol ba yin par don gyis bshad do/ /'dir gtan tshigs ni bshad zin to zhes bya ba la/ gang zhig ce na/ rgyu mthun pa'i 'bras bus 'bras bu dang bcas pa'i phyir la/ de la ma 'ongs pa med do/ /rgyu dang 'bras bu dag phan tshun bltos te 'jug pa'i phyir 'dri ba ni/ rgyu de dag gang gi yin pa'i zhes bya ba rgyas par 'byung ngo / / 'dus byas bral bcas 'bras bu yin zhes bya ba la/ nam mkha' dang / so sor brtags pa ma yin pas 'gog pa ma gtogs pa/ 'dus byas dang 'dus ma byas gzhan thams cad ni 'bras bu yin no zhes bstan par 'gyur ro/ /nam mkha' bya ba ma yin pa'i phyir dang / 'thob pa ma yin pa'i phyir 'bras bu ma yin la/ rkyen ma tshang bas thob par bya ba yin pa'i phyir so sor brtags pa ma yin pas 'gog pa yang 'bras bu ma yin te/ so sor brtags pas 'gog pa ltar lam gyis thob pa ma yin te de bsgrub par bya ba'i phyir bstan bcos smos pa ni bstan bcos las 'bras bu'i chos rnams gang zhe na zhes bya ba rgyas par 'byung ba'o/ /de lta na 'o na ni zhes bya ba la sogs pa rgyas par 'byung ba la/ 'bras bu med pa'i rgyu 'am/ rgyu med pa'i 'bras bu med de/ rgyu dang 'bras bu dag ni phan tshun bltos pa'i phyir ro/ /de'i phyir 'dus ma byas rgyu yin pa'i phyir de gang gi rgyu yin pa'i 'bras bur yang 'gyur la/ 'bras bu yin pa'i phyir de gang gi 'bras bu yin pa'i rgyur yang 'gyur ro/ /mi 'gyur te 'di ltar 'dus byas kho na la zhes bya ba rgyas par 'byung ngo / /rgyu dang 'bras bu'i dngos por mtshungs bzhin du 'dus byas kho na la rgyu dang 'bras bu dag yod kyi/ 'dus ma byas la ni ma yin no zhes bya ba de la rgyu ci yod ce na/ de la rag las pa'i rgyu mi srid pa'i phyir zhes rgyas par 'byung bas rgyu gsungs te/ 'byung ba dang 'gal ba'i phyir rgyu rnam pa drug mi srid de/ 'di la rgyu rnam pa drug med la/ 'di la 'bras bu yang med de/ 'dus ma byas yin pa'i phyir dang / 'byung bar 'gal ba'i phyir ro/ /'di la rgyu dang 'bras bu'i mtshan nyid mi rig pa rgyas par brjod par bya ste/ de la byed rgyu'i rgyu yang mi srid de/ de ni skye bzhin pa la gegs mi byed pa'i ngo bor bzhag na 'dus ma byas la ni skye ba yod pa ma yin no/ /skye ba dang ldan pa phan tshun rgyu dang 'bras bu'i dngos po yin pa'i phyir lhan cig 'byung ba'i rgyu yang mi srid do/ /'dus ma byas ni skye ba dang mi ldan pa'i phyir sngar skyes pa med pas skal ba mnyam pa'i rgyu yang mi srid do/ /sems dang sems las byung ba'i rang bzhin ma yin pa'i phyir mtshungs par ldan pa'i rgyu yang med do/ /sdug bsngal la sogs pa mthong bas spang bar bya ba ma yin pa'i phyir kun tu 'gro ba'i rgyu yang med do/ /'di la rnam par smin pa'i rgyu yang mi srid de/ ldan pa ma yin pa'i phyir dang rtag pa'i phyir ro/ /gzhan yang rnam par smin pa ni lung du ma bstan pa yin la/ bral ba ni dge ba yin pas 'di la rnam par smin pa'i rgyu med do/ /de ltar na rgyu rnam pa drug mi srid pa'i phyir 'dus ma byas 'bras bu ma yin no/ /'bras bu rnam pa lnga mi srid pa'i phyir yang 'dus ma byas la 'bras bu med do zhes ston to/ /'di ltar 'dus ma byas la bdag po'i 'bras bu ni mi srid de/ bdag po'i 'bras bu ni/ sngon byung ma yin 'dus byas ni/ /'dus byas kho na'i bdag po'i 'bras/ /zhes lhan cig 'byung ba dang phyis 'byung bar 'dod na/ de ni skye ba dang ldan pa yang ma yin no/ /rgyu mthun pa'i 'bras bu yang mi srid de/ rgyu mthun rgyu dang 'dra ba'o/ / zhes bya ba yin na/ 'dus ma byas ni skye ba dang ldan pa yang ma yin no/ /de nyid kyi phyir skyes bu byed pa'i 'bras bu'ang mi srid do/ /'dus ma byas ni skye ba dang mi ldan pa'i phyir skyes bu'i rtsal med pa'i phyir ro/ /'di rnam par smin pa'i 'bras bur yang mi rung ste/ rnam par smin pa'i 'bras bu ni mi dge ba dang / dge ba zag pa dang bcas pas bskyed par bya ba yin pa'i phyir ro/ /lam gyi rang bzhin ma yin pa'i phyir na 'di la bral ba'i 'bras bu yang mi srid de/ de ni bar chad med pa'i lam rnams kyi 'bras bu yin no/ /gzhan yang dus las grol ba la 'bras bu 'dzin pa dang 'byin pa'i mthu med pa'i phyir yang 'bras bu med de/ ji skad du/ lnga ni da ltar 'bras bu 'dzin/ /zhes rgyas par gsungs pa lta bu'o/ /yang na rgyu rnam pa lnga dang chos mi mthun pas 'dus ma byas la rgyu rnam pa lnga mi srid pas so/ /ci'i phyir lam zhes bya ba rgyas par 'byung ste/ de ni dngos po 'byung ba la byed pa dang bral ba kho na yin par 'dod do snyam pa na 'dri ba'i bsam pa'o/ /'di ltar de ni skye ba la gegs mi byed pa'i ngo bor zhes bya ba la/ gang zhig skye bzhin pa gang zhig la gegs mi byed pa'i ngo bor gnas pa de ni de'i byed rgyu'i rgyu yin na/ 'dus ma byas ni skye ba dang ldan pa ma yin te/ de'i phyir lam 'di'i byed rgyu'i rgyu ma yin no/ /'dus byas bral bcas 'bras bu yin/ /zhes bya ba 'dir bral ba 'bras bu'i ngo bor grags pas de'i phyir de ni de gang gi'am zhes bya ba smras te/ gal te lam 'di'i byed rgyu'i rgyur mi 'dod na'o/ /yang na de'i rgyur mi 'dod na ji ltar de 'bras bu yin zhe na/ de gang gi 'bras bu yin zhes gang smras pa de'i lan ni lam gyi 'bras bu yin te zhes bya ba'o/ /yang ji ltar na 'bras bu yin zhes bya ba de'i lan ni de'i stobs kyis thob pa'i phyir ro zhes bya ba ste/ gang gi phyir/ 'dus ma byas lam gyi stobs kyis 'thob pa de'i phyir 'dus ma byas lam gyi 'bras bu yin te/ de ltar na lam byed rgyu'i rgyu nyid ma yin no/ /'o na ni de lam gyi stobs kyis skye ba'i phyir lam de 'thob pa de kho na la nus pa'i phyir thob pa kho na lam gyi 'bras bu yin gyi/ bral ba ni lam gyi 'bras bu ma yin te de la nus pa med pa'i phyir ro/ /thob pa yang 'dod pa ma yin nam zhe na/ skyes bu byed pa'i 'bras bu dang bdag po'i 'bras bu de bskyed pa dang bral bas bral ba'i 'bras bu nyid 'dir mi 'dod kyang gdags par bya'o/ /yang na lam mya ngan las 'das pa la byed pa med pa'i phyir dang bdag nyid thams cad kyis 'bras bu ma yin pa nyid dgag pa'i phyir thob pa kho na 'bras bur brjod do/ /yang thob pa 'bras bu nyid du byed pa'i phyir ma yin gyi mya ngan las 'das pa la yang nus pa yod do zhes bstan pa'i phyir thob pa la yang nus pa gzhan la zhes bya ba rgyas par smos te/ thob pa la ni byed pa po nyid kyis nus pa yin te/ skal ba mnyam pa'i rgyu kha cig dang lhan cig 'byung ba'i rgyu'o/ /bral ba la ni thob par byed pa nyid kyis nus pa yin te lam med par ni bral ba mi 'thob po/ /de lta bas na re zhig ces bya ba rgyas par 'byung ba la/ rgyu rnams ni dngos po 'byung ba'i rgyu mtshan yin pa'i phyir lam ni ji ltar yang bral ba'i rgyu ma yin gyi bral ba ni de'i 'bras bu yin no/ /yang mya ngan las 'das pa rgyu med pa 'bras bur ji ltar 'gyur zhe na/ 'jig rten na mngon par 'dod pa'i don nus pas thob pa dag la 'bras bu zhes grags la/ mr-it+yu [(]'chi ba'ang ming ngam zhes bya ba gzhan/[)]sh+ya nA ma pa raHpu ru ShaHs+yan+nAr+thaH[(]skyes bu/[)] tasmAn+na sarbA b+himataHpuruShAr+tho/ /[(]'gyur/ don ma yin/ de'i phyir ma yin/ thams cad mngon par 'dod/ skyes bu'i don/[) ]mya ngan las 'das pa de yang 'phags pa'i lam gyi nus pas 'thob pas de'i 'bras bu zhes bya ba la rgyu med pa nyid ni de thob par bya ba 'phags pa'i lam rgyu drug po nyid ma yin pa'i phyir ro/ /mya ngan las 'das pa kho na yid la bzhag nas lam bsgom pa la 'jug gi / de'i thob pa yid la bzhag nas ni ma yin te/ de nyid kyi phyir de nyid gtsor lam gyi 'bras bu yin gyi de'i thob pa ni ma yin te/ lam ni de 'thob par bya ba'i phyir zhugs pa ma yin pa'i phyir ro/ /de nyid kyi phyir bcom ldan 'das kyis spangs pa kho na dge sbyong gi 'bras bur gsungs kyi lam ni ma yin no/ /yang bdag po'i 'bras bu yang med na go zhes bya ba rgyas par 'byung ba la/ 'di skad bstan par 'gyur te/ byed rgyu'i rgyu yin pa'i phyir 'di la bdag po'i 'bras bu khas blang bar bya ste/ de khas mi lan na byed rgyu'i rgyu nyid du khas blangs pa dang 'gal lo/ /'gal ba med de skye ba la gegs mi byed pa'i ngo bos byed rgyu'i rgyu yin pa'i phyir la/ 'das pa dang da ltar byung ba la 'bras bu 'byin pa dang 'dzin pa nges pa'i phyir/ ma 'ongs pa ltar dus dang bral ba la de'i nus pa med pas 'di la 'bras bu mi 'dod do/ /'di la 'bras bu yod pa ni ma yin te zhes bya ba rgyas par 'byung ba la/ lnga po de ltar 'bras bu 'dzin/ /gnyis ni 'byin par byed pa yin/ /zhes dus kyis bsdus pa don la 'bras bu 'dzin pa dang 'byin pa bshad na/ 'dus ma byas la ni da ltar byung ba nyid med pa'i phyir/ 'bras bu 'dzin pa mi srid la/ 'das pa da ltar byung ba nyid med pa'i phyir 'bras bu 'byin pa mi srid do/ /de'i phyir 'di la dngos kyi rtogs pas rgyu dang 'bras bu dag med kyi/ 'on kyang btags pa'i rtogs pas rgyu nyid dang 'bras bu nyid du bsnyad do/ /rgyu ma yin no zhes ni rnam grangs kyis gsungs so zhes bya ba la/ don gyis gsungs kyi sgras ni ma yin no zhes bya ba'i don to/ /ji ltar zhe na/ rgyu gang dag yin pa dang rkyen gang dag yin pa zhes 'dir gzugs la sogs pa rnams kyi rgyu dang rkyen ma lus par smos pa'i phyir dang / de dag kyang khyad par med pa'i mi rtag pa nyid du bsgrub pa'i phyir rgyu rtag pa med do zhes gsungs par 'gyur ro/ /de lta na 'o na ni zhes zer ba ni chos mngon pa pa ste/ byed rgyu'i rgyur mi 'gyur ba 'ba' zhig tu ma zad kyi/ rnam par shes pa'i dmigs pa'i rkyen du'ang mi 'gyur te/ rgyu dang rkyen rnams bye brag med par mi rtag pa nyid du bsgrub pa'i phyir ro zhes zer ro/ /mdo sde pa na re skyed pa'i zhes bkar ba'i phyir 'gyur te/ gang dag rnam par shes pa'i dmigs pa tsam yin la/ skyed par byed pa ma yin pa de dag rtag pa nyid ni mi dgag go zhes zer ro/ /gzhan dag na re dmigs pa'i rkyen rnam par shes pa'i skyed par byed pa ma yin pa nyid 'gag pa la byed pa'i rgyu da ltar ba ma yin te rnam par shes pa smos pa'i phyir ro zhes zer ro/ /bye brag tu smra ba rnams na re rgyu rnams kyang de kho na ltar yin te/ byed rgyu'i rgyu rnams thams cad ni skyed par byed pa ma yin no zhes sngar bstan zin to zhes zer ro/ /rkyen ni bzhi po zhes bya ba'i mdo sde las dmigs pa'i rkyen yin par gsungs kyi/ ma bsgribs pa'i rgyu yin par ni mdo las kyang ma gsungs so/ /yang na mdo las 'dus ma byas dmigs pa'i rkyen yin par gsungs kyi/ ma bsgribs pa'i rgyu yin par ni ma gsungs so zhes bya ste/ de'i phyir mdo las 'dus ma byas rgyu'i dngos por mi 'grub po/ /mdo rnams kyang phal cher nub na zhes bya ba la/ rtsa ba'i bsdu ba nyams pa sems la bzhag nas de skad du smras pa yin no/ /mdo nub kyang bkag pa'i phyir mdo gzhan las ma gsungs par shes la ma bkag kyang mdo ma lus par rjes su 'jug pa'i phyir ma gsungs so zhes bya bar rtogs par nus kyi gzhan du ni ma yin te/ de lta bas na ma bkag pa'i phyir dang rtsa ba'i bsdu ba nyams pa'i phyir ma gsungs so zhes nges par gzung bar mi nus so/ /gzhan dag na re skyed par byed pa'i zhes 'byung ba'i phyir 'di las bcom ldan 'das kyis 'dus ma byas rgyu nyid dang rkyen nyid du mtshon pa yin te/ de lta ma yin na 'di skad du gzugs kyi rgyu gang dag yin pa dang / rkyen gang dag yin pa de dag kyang mi rtag pa yin na zhes gsungs par 'gyur ba zhig go/ /de'i phyir 'dus ma byas rgyur gyur pa yod cing rkyen du gyur pa yod kyi/ 'ga' zhig skyed par byed pa ni ma yin no/ /rgyu ni rnam pa gnyis te/ skyed par byed pa dang / 'gal bar mi byed pa'o zhes 'di ni byed rgyu'i rgyu bsal bar bshad zin to/ /yang bral ba zhes bya ba 'di ci zhes bya ba rgyas par 'byung ba la/ rab tu grags pa'i don gyis ma grags pa'i don nges par byed pa yin na/ 'dir gnyis ka yang don ma grags pa yin pas phan tshun brten par 'gyur te rta dang bres bzhin no/ /mdo sde pa rnams na re so sor brtags pas 'gog pa 'ba' zhig tu ma zad kyi/ 'dus ma byas thams cad rdzas su med do zhes zer ro/ /gzugs dang tshor ba la sogs pa bzhin du zhes bya ba la/ ji ltar gzugs ni tshor ba la sogs pa dag las dngos po gzhan yin zhing / tshor ba la sogs pa dag kyang gzugs las gzhan yin pa de bzhin du 'dus ma byas ni 'dus byas sam phan tshun las dngos po gzhan ma yin te de'i phyir rdzas su med do/ /'o na ci zhe na reg bya med pa tsam ni nam mkha' yin te zhes bya ba la/ tsam zhes bya ba'i sgra ni dngos po gzhan dang gzhan dgag par bya ba'i phyir te reg bya snga na med pa'am zhig nas med pa la nam mkha' zhes bya bar gdags so/ /'di ltar mun pa'i nang dag na zhes bya bas ni de gzhung 'dzugs par byed do/ /ma rnyed na zhes bya ba la ma phrad na'o zhes 'dzer to/ /slob dpon 'dus bzang ni gtan tshigs ma bstan par 'dus ma byas rdzas su med do zhes sgrub par mi nus so zhes zer ro/ /phra rgyas dang skye ba skyes pa rnams 'gags nas rkyen gzhan ma tshang bas kyang mi skye bas de'i phyir so sor brtags pa'i stobs kyis zhes bya ba smos te/ phra rgyas dang skye ba gzhan mi skye ba'i so sor brtags pas 'gog pa zhes bya'o/ /de'i phyir de lta na phung po lhag ma dang bcas pa dang / phung po lhag ma med pa'i mya ngan las 'das pa'i dbyings ni so sor brtags pa'i 'gog pa yin no zhes bya bar bstan par 'gyur te/ 'di ltar bden pa gnyis 'gags pa ni so sor brtags pa'i 'gog pa yin no/ /de la phra rgyas ni kun 'byung gi bden pa yin la skye ba sdug bsngal gyi bden pa'o/ /'dir nyon mongs pa 'dod chags la sogs pa'i sa bon phra rgyas da ltar ba de 'gags nas so sor brtags pa'i stobs kyis nyon mongs pa skye ba dang 'gal ba'i rten thob pas nyon mongs pa phra rgyas 'dod chags la sogs pa ma 'ongs pa mi skye ba ni sa bon med pa'i phyir nyon mongs pa 'gog pa yin no/ /de bzhin du skye ba da ltar ba 'gags pa dang so sor brtags pa'i stobs nyid kyis yang srid pa'i skye bar mtshams mi sbyor zhing mi skye ba ni skye ba 'gog pa yin no/ /dper na zhes bya ba rgyas par 'byung ba la so sor brtags pa med pa kho nar rkyen zas la sogs pa ma tshang bas bar ma dor 'chi ba'i ris mthun pa lhag ma mi skye ba ni so sor brtags pa ma yin pas 'gog pa yin no/ /sde pa gzhan dag na re zhes bya ba la/ nyon mongs pa'i bag chags dang rjes su 'brel ba'i rten skye ba dang 'gal ba'i phyir nyon mongs pa skye ba dang 'gal ba'i phyir bskyed pa dang rjes su mthun pas na phra rgyas rnams mi skye ba la shes rab kyi nus pa yod de de'i phyir de ni so sor brtags pas 'gog pa yin no/ /sdug bsngal mi skye ba gang yin pa de la ni shes rab kyi byed pa med pa'i phyir so sor brtags pas 'gog pa ma yin te/ de ni sdug bsngal skye ba'i rgyu nyon mongs pa ma tshang bas thob pas 'dir so sor brtags pas 'gog pa ma yin no zhes zer ro/ /de yang so sor brtags pa med par zhes bya ba la sdug bsngal mi skye ba de yang ste/ rgyu ma tshang ba ni so sor brtags pa sngon du 'gro ba yin pa'i phyir so sor brtags pa med par mi 'grub pas so sor brtags pas 'gog pa kho na yin no/ /rang gi ngang gis 'gag pa'i phyir zhes bya ba ni shes rab med par 'gag pa'i phyir zhes bya ba'i don to/ /de lta na ni so sor brtags pas 'gog pa ni mi rtag pas 'gog pa kho na yin no zhes smra bar 'gyur ro/ /gegs ma byas pa rnams skye ba la zhes bya ba la/ gang dag la skye ba la gegs ma byas pa yod pas na skye ba la gegs ma byas pa ste/ de dag skye ba la gegs byed pa'i dngos po gang yin pa de ni so sor brtags pas nus pa yin no/ /gang gi phyir rgyu dang rkyen la bltos te res 'ga' skye bar 'gyur ba las shes rab kyis skyes pas de dag skye ba la gegs byed pa'i dngos po yin gyi/ shes rab kyis mi skye ba snga nas yod pa ma yin pa skyed pa ni ma yin no/ /de'i phyir so sor brtags pas 'gog pa mi rtag pa nyid med la/ de la shes rab kyis nus pa med pa yang ma yin no/ /gal te mi skye ba kho na mya ngan las 'das pa yin gyi/ chos mngon pa ba rnams kyi ltar rdzas gzhan zhig ma yin na/ de lta na 'o na 'das pa dang da ltar byung ba'i sdug bsngal dag skyes zin pa nyid kyis mi skye ba med pa'i phyir mdo'i tshig 'di ji ltar drang / mya ngan las 'das pa rdzas su gyur par khas ma blangs par 'di drang bar mi nus so snyam du bsams pa'o/ /dbang po lnga ni dad pa la sogs pa dag go/ /de la dmigs pa'i nyon mongs pa spangs pa zhes bya ba la/ sdug bsngal la ni rang gi ngo bos spangs pa yod pa ma yin zhes ston par byed do/ /'dun pa dang 'dod chags zhes bya ba la/ 'dun pa ni 'dod pa'o/ /'dod chags ni mngon par zhen pa'o/ /de ltar de la dmigs pa'i nyon mongs pa spangs pas sdug bsngal spangs pa yin yang mya ngan las 'das pa rdzas su yod par btags pa med bzhin du dus gsum pa'i sdug bsngal spangs par rung ngo / /ji ltar zhe na so sor brtags pa'i stobs kyis 'das pa dang / ma 'ongs pa dang / da ltar byung ba'i sdug bsngal la dmigs pa'i nyon mongs pa phra rgyas gtan mi skye ba'i phyir ro/ /der yang zhes bya ba'i ni 'don pa'i bye brag la'o/ /tshul ni 'di kho na yin no zhes bya ba ni de la dmigs pa'i nyon mongs pa spangs pa kho nas de spangs pa yin te/ so sor brtags pa'i stobs kyis 'das pa dang ma 'ongs pa dang / da ltar byung ba nyon mongs pa la dmigs pa'i phra rgyas gtan mi skye ba'i phyir ro/ /yang na dgos pa ni zhes bya ba ni 'don pa'i bye brag nyid la slar yang dgongs pa 'chad pa'o/ /skye ba snga ma la 'byung ba ni tshe rabs snga ma'o/ / skye ba 'di la byung ba ni tshe 'di la'o/ /ji ltar bshad na 'das pa dang / da ltar byung ba'i nyon mongs pa skad cig ma yin pa bsal bar 'gyur ro/ /'di nyid la shes byed ni/ ji ltar sred pa rnam par spyod pa dag la zhes bya ba smos so/ /sred pa rnam par spyod pa dag ni the tshom za bar 'gyur ba dag ste/ g.yo bar gyur pa dag ces bya ba'i don to/ /'das pa dang ma 'ongs pa'i dus kyi skad cig ma gcig gi dbang du mdzad nas yin par ni mi rung zhes 'das pa dang / da ltar ba'i tshe rabs kyi dbang du mdzad nas gsungs so zhes bya bar shes te/ de bzhin du 'dir yang tshe rabs snga ma pa dang / tshe 'di pa'i nyon mongs pa'i rgyun mtha' dag dang sbyar gyi/ /skad cig ma gcig dang ni ma yin no/ /sred pa rnam par spyad pa bco brgyad po de dag ni dge slong dag nga'o snyam pa yod na nga 'di lta bu'o snyam pa 'byung bar 'gyur zhing / nga 'di 'dra'o snyam pa dang / nga de lta ma yin no snyam pa dang / nga bzang ngo snyam pa dang / nga ngan no snyam pa 'byung bar 'gyur ro/ /de la 'byung bar 'gyur ro snyam par 'byung bar 'gyur zhing / de la 'byung bar mi 'gyur ro snyam pa dang / 'di lta bur 'byung bar 'gyur ro snyam pa dang / 'di 'dra bar 'byung bar 'gyur ro snyam pa dang / de lta ma yin par 'byung bar 'gyur ro/ /de la gyur cig snyam par 'byung bar 'gyur zhing / de la 'di lta bur gyur cig snyam pa dang / 'di 'dra bar gyur cig snyam pa dang / de lta ma yin par gyur cig snyam pa dang / 'gyur kyang ci ma rung snyam pa dang / 'di lta bur gyur kyang ci ma rung snyam pa dang / de 'dra bar gyur kyang ci ma rung snyam pa dang / de lta ma yin par gyur kyang ci ma rung snyam pa 'byung bar 'gyur ro zhes bya ba ste/ de dag gi khyad par ni 'og tu bshad par bya'o/ /nyon mongs pa gnyis po des kyang zhes bya ba ni tshe rabs snga ma pa dang tshe 'di pa pas so/ /rgyud 'di la zhes bya ba da ltar byung ba la'o/ /sa bon gyi dngos po ni nus pa'o/ /'di ltar nyon mongs pa gnyis po des kyang rgyud nyon mongs pa ma 'ongs pa bskyed par nus par byas pa des 'di la sa bon gyi dngos po gzhag la zhes bya ste/ sa bon gyi dngos po de spangs pas tshe rabs snga ma pa dang / tshe 'di pa'i nyon mongs pa gnyis po de yang spangs pa yin no/ /ji srid du des bzhag pa'i sa bon gnas pa de srid du ni nyon mongs pa 'gags kyang spangs pa ma yin la/ des bzhag pa'i sa bon gyi dngos po spangs na ni de yang spangs par rnam par gzhag go/ /dper na rnam par smin pa zad pas zhes bya ba la/ las sngar 'gags kyang ji srid du des bzhag pa'i rnam par smin pa'i 'bras bu ma zad pa de srid du zad do zhes mi bya ba la/ de zad na ni las de zad par 'gyur ba lta bu'o/ /des bzhag pa'i sa bon med pas ma 'ongs pa'i sdug bsngal lam nyon mongs pa ji ltar spangs she na/ de'i phyir ma 'ongs pa'i ji ltar sdug bsngal lam nyon mongs pa ni zhes bya ba rgyas par smos so/ /sa bon skye ba mi srid cing / sa bon med pa'i phyir gtan mi skye ba la/ sa bon med pa yang so sor brtags pa'i stobs kho nas yin te/ de ltar na dus gsum gyi sdug bsngal lam nyon mongs pa spangs par bzhag go/ /'gog pa la mngon du phyogs pa'i da ltar ba ste de ma thag tu 'jig pa'i phyir ro/ /slob dpon 'dus bzang na re so sor brtags pa'i 'gog pa dang so sor brtags pa ma yin pa'i 'gog pa dag khyad par med par thal ba'i phyir/ 'di ni yod pa ma yin te/ so sor brtags pa'i stobs kyis rkyen ma tshang ba'i phyir dang / a kr-i tot+bat+ti pra ti ban+d+ha nA mut+pat+ti pra ti ban+d+ha da nut+pA daH[ (]ma byas pa skye ba gegs/ skye ba'i gegs/ mi skye ba/[) ]so sor brtags pa'i 'gog pa zhes brjod do/ /yang na sa bon ma tshang ba'i phyir so sor brtags pa'i 'gog pa dang rkyen ma tshang ba'i phyir so sor brtags pa ma yin pa'i 'gog pa zhes bya ba'i khyad par yod do/ /so sor brtags pa'i stobs kyis rkyen ni ma tshang bas sam skye ba med pa la ni khyad par phra mo yang yod pa ma yin no/ /de ni da ltar ma yin te/ rang bzhin tha dad pa med kyang bum pa dang snam bu la sogs pa bzhin tha dad pa'i tha snyad ma 'chol bar gnas pa'o/ /bum pa dang snam bu ni nam yang bum pa dang snam bu ma yin par mi 'gyur ba de bzhin du 'dir yang rkyen ma tshang bas mi skye ba ni nam yang so sor brtags pas 'gog pa zhes mi bya'o/ /so sor brtags pa'i stobs kyis mi skye bas so sor brtags pas 'gog pa zhes bya ste/ gang yang dus gsum pa'i sdug bsngal 'gog pas rab tu phye ba ni so sor brtags pas 'gog pa zhes bshad do/ /'du byed ma 'ongs pa mi skye bas rab tu phye ba ni so sor brtags pa ma yin pa'i 'gog pa zhes bya ste/ chos mngon pa las ma 'chol bar rnam par gzhag go/ /'di la yang lan ni bshad zin pa nyid do/ /'gags zin pa dang 'gag pa la mngon du phyogs pa ni 'bad pa don dang bcas par mi 'gyur ro snyam pa'o/ /sdug bsngal gyi rang bzhin spangs par mi 'dod na 'o na ci de la dmigs pa'i nyon mongs pa spangs she na/ de yang ma 'ongs pa ni de la dmigs pa'i nyon mongs pa skye ba'i gegs su gyur pa las 'dod de/ nyon mongs pa mi skye ba ni so sor brtags pa'i so sor brtags pa ma yin pa'i 'gog pa las rnam pa gzhan du ma yin no/ /de la dmigs par byas pa'i thob pa yongs su rtogs pa las kyang mi rigs te bkag pa'i phyir ro/ /gang bshad pa/ nyon mongs pa spangs pa'i dus su 'das pa dang da ltar byung ba'i sdug bsngal la dmigs pa'i nyon mongs pa gang yin pa med de spangs pa'i phyir 'das pa dang da ltar byung ba'i sdug bsngal spangs pa zhes bya'o/ /de bzhin du da ltar byung ba smos pa ci zhe na/ nyon mongs pa spong ba zhes bya'o/ /'o na 'das pa dang ma 'ongs pas de la bzhag pa'i sa bon spangs pa ci zhe na/ sa bon spangs pa ni lam gyi stobs kyis gnas gyur pa'o/ /gang yang ma 'ongs pa nam mkha'i me tog dang mtshungs pa'i phyir de la dmigs pa'i 'jug pa med pa nyid du bshad do/ /de la gzhan 'das pa dang ma 'ongs pa sdug bsngal la dmigs pa gang zhe na/ nyon mongs pa spangs pa gang yin pa las sdug bsngal spangs par brjod kyi/ ma 'ongs pa la dmigs pa nyid ni ma yin zhes bya'o/ /'o na ci sa bon yod pas de la dmigs pa skye zhe na/ ji srid 'di skye ba srid pa de srid 'di ma spangs la/ de ma spangs pa'i phyir de la dmigs kyang spangs par mi brjod do/ /gang gi tshe 'di gnas gyur pas/ sa bon spangs par gyur pa de'i tshe gtan mi skye ba'i phyir spangs pa zhes bya'o/ /de spangs pa'i phyir de la dmigs kyang sdug bsngal spangs pa zhes brjod do/ / gang bshad pa ma 'ongs pa nyid med pa'i phyir de ji ltar mi skye bar rung zhe na/ dngos po snga ma can gyi phyir med pa zhes bya'o/ /de ni de lta ma yin te/ gang yod pa ni rgyu las 'gyur bas/ de sems la bzhag nas ma 'ongs pa mi skye bar brjod do/ /dngos po snga ma can gyi phyir med pa zhes bya ba 'di nges pa yang ma yin te/ de lta na zhig pa ni gcig la gcig med pa kho nar 'gyur ro/ /gtan med pa dang snga na med pa dag ma yin pa de'i phyir 'di la nges pa med do/ /'di nges par khas blang bar bya na ma skyes pa nyid mi skye ba yin gyi skye ba ni ma yin pas ma 'ongs pa yod pa nyid la yang skye ba dang 'jig pa'i dngos po yin pa las dus su gtogs par thal bar 'gyur ro/ /gang yang dmigs pa tha dad pa'i dbang po lnga rnams spang ba'i phyir 'jug pa zhes bshad pa rab tu zhen pas ma brjod pa'i phyir sdug bsngal spong ba don du gnyer ba'i gdul bya rnams la de ltar gsungs te/ 'dir nyon mongs pa spong ba dgag pa bya ba ni ma yin no/ /dper na thogs pa la sogs pa'i yul rnams kyang ste/ gzugs la sogs pa'i yul 'ching ba la chags pa dang bral ba'i phyir dang yang yang kun tu rgyu ba'i 'dun pa'i 'dod chags spangs pas gzugs la sogs pa spangs pa zhes bshad pa ni/ de spong ba la gus par sbyar ba'i phyir yin gyi/ 'di gzhan rnams spang ba la gzugs la sogs pa ma spangs pa zhes bya ba ni ma yin no zhes rtogs par bya'o/ /'gog pa de rnams kyi mchog tu bshad do zhes bya ste/ rtag pa'i phyir 'dus byas dag pas mchog yin la/ dge ba 'dus ma byas dag pas mchog yin par bshad/ de ltar na mya ngan las 'das pa 'dus byas dang 'dus ma byas kyi chos kyi mchog kyang yin la dngos po med pa yang yin no zhes bya ba ni mdo dang 'gal lo/ /'di ltar dngos po med pa ni mtshan nyid med pas chos nyid ma yin la/ brjod du med pa ni brjod du med pa dag pas mchog nyid kyang ma yin te khyad par med pa'i phyir ro/ /de'i phyir gang zhig rang gi mtshan nyid 'dzin pas chos zhes bya zhing / chos gzhan dag pas khyad par du 'phags pa gang yin pa de ni don gzhan du gyur pa cung zad cig yin no/ /'dus ma byas ni med pa kho na'o zhes kyang mi smra ste des na mdo dang 'gal ba med do/ /gal te yod la rdzas su yod pa ma yin pa des na/ de ji lta bu zhig yin par brjod par bya'o/ /de ni kho bo cag gis ji skad du bshad pa de lta bu yin no zhes bya ba la/ reg bya med pa tsam ni nam mkha' yin la/ phra rgyas dang skye ba skyes pa 'gags nas so sor brtags pa'i stobs kyis gzhan mi skye ba ni so sor brtags pas 'gog pa yin zhing / so sor brtags pas med pa kho nar rkyen ma tshang ba mi skye ba ni so sor brtags pa ma yin pas 'gog pa ste zhes bya ba lta bu'o/ /ji ltar yod pa ma yin pa'i bdag nyid la yod ces bya zhe na/ dper na sgra la snga na med pa yang yod/ phyis med pa yang yod ces bya mod kyi/ 'on kyang dngos po med pa yod do zhes bya ba'i sgra sbyar bas yod par mi 'grub ste/ yod do zhes bya ba'i sgra ni tshig phrad yin pa'i phyir ro/ /'dus ma byas kyang de bzhin du blta bar bya'o zhes bya ba ni/ yod do zhes kyang bya ba la yod pa yang ma yin pa zhes bya ba'o/ /ji ltar med pa rnams kyi mchog med pa yin par 'os zhes gang smras pa de'i lan ni med pa yang kha cig ces bya ba rgyas par 'byung ba'o/ /de ci 'dra ba zhig ce na/ gang gnod pa thams cad dang gtan bral ba de ni zhes bya ba smos te nad med pa bzhin no/ /ci'i phyir 'di bsngags pa thob pa 'os she na/ gdul bya rnams de la 'dun par bya ba'i phyir te/ gdul bya bdag la chags pa dang ldan pa rnams de la skrag par 'gyur ro/ / nam mkha' ni thams cad med pa ma yin te/ reg bya med pa tsam gyi mtshan nyid can yin pa'i phyir ro/ /so sor brtags pas ma yin pa'i 'gog pa ni gtan bral ba yin mod kyi/ gnod pa thams cad dang ni ma yin te skye ba dang mi ldan pa rnams kho na'o/ /de rnyed pa'i phyir ro/ /de ltar na gzhan dag pas de mchog yin pas bsngags pa thob par 'os so/ /rang gi mtshan nyid med kyang 'das pa dang ma 'ongs pa ltar chos kyi tha snyad kyang ci'i phyir mi 'dod/ 'di la bshad zin to/ /ji skad bshad ce na/ gdul ba rnams de la 'dun par bya ba'i phyir zhes bya bar te/ brjod du med pa nyid yin yang snga na med pa la sogs pa ltar de dag phan tshun khyad par du 'gyur ro/ /mi 'grub ste snga na med pa dang brjod du med pa zhes bya ba la/ zhig nas med pa dang gtan med pa dang gcig la gcig med pa rnams las gang yang rung bar 'gyur ro/ /de bzhin du cig shos la yang brjod par bya'o/ /slob dpon 'dus bzang na re rdzas dang btags par yod pa las gzhan pa'i yod pa'i rnam pa ma bshad pa'i phyir de ltar smras na mya ngan las 'das pa yod pa ma yin par khas blangs par 'gyur ro/ /gang yang yod pa'i sgra ni snga na med pa dang phyis med pa la yang yod pas dpyad de/ re zhig 'di ci zhe na gtan med pa nyid ni rnam pa gzhan dgag pa shes par byed pa'i don to/ /yod pa ni bcas pa'i sgra ste/ snga ma dang phyi mar yang rnam pa kha cig dgag pa las 'di dang 'di med do zhes sbyar ba de la cig shos la cig shos med pa ni dngos po nyid do/ /gtan med pa ni dngos po'i tha snyad do/ /ci ltar mi 'gal bar 'gyur zhe na/ de yod pa gang la sdug bsngal gyi dngos po dgag pa med de/ 'di dang 'di med do zhes dpe bstan par mi nus so/ /kun rdzob kyi tha snyad kyi sgra tsam ni gnyi ga la ji lta bar rung ste/ 'dus ma byas la btags par yod pa mi 'gal lo/ /gal te btags pa nye bar len pa med pa'i phyir 'gal lo zhe na/ 'di la ji skad bshad pa'i btags pa nye bar len pa yod de/ dper na nags tshal gyi shing dang / dmag gi glang po dang rta la sogs pa lta bu'o/ /gang bshad pa'i sgra snga ma dang phyi ma khas blangs pa la dpe ma grub po zhe na de yang mi rigs te/ ci'i phyir zhe na/ gal te da ltar ba bzhin snga ma dang phyi ma las gzugs kyang yod na de ltar yod pa de'i rang bzhin ni rtag pa'i phyir ci las snga ma dang phyi ma zhes shes par mi byed/ gal te byed pa las so zhe na/ byed pa de yang rdzas sam btags pa ci zhig tu brjod par byed/ gal te rdzas kyi sgo nas de ltar yod na snga ma dang phyi mar yang byed pa med par khas blang ba'i phyir rdzas kyi sgo nas dus thams cad du yod par khyas blangs pa la gnod do/ /rdzas su yod par mtshungs pa la yang gzugs la sogs pa la dus thams cad du yod la byed pa ni ma yin no zhes bya ba ni rang gi rnam par rtog pa 'ba' zhig go/ /ci ste btags pa tsam du yod na de ltar na nyung ngur yod pa zhes brjod de/ da ltar ba yang don dam pa'i sgo nas yod pa'i phyir ro/ /da ni dus thams cad du yod na snga ma dang phyi ma zhes bya ba'i rnam par gzhag pa ci ltar 'grub ce na/ 'on kyang byed pa med pa dang don gzhan med pas btags par yod pa de lta na yang yod pa las gzhan ma yin pa'i phyir dngos po'i rang bzhin gyi byed pa yang rtag pa'i byed pa bzhin nam/ dngos po yang mi rtag pa zhes bya bar thal bar 'gyur ro/ /de ltar na gnyi ga ltar yang snga ma dang phyi ma zhes bya ba'i tha snyad med pa'i phyir dus gsum med do/ /gang bshad pa yod pa ni zhes bya ba de lta bu la sogs pa de yang mi rigs te ci'i phyir zhe na/ gal te da ltar ba nyid snga ma dang phyi mar yang yod pa ni kho na'i sgra yis 'grub bo/ /de ltar yod pa da ltar ba nyid ltar sgra yang dgag par 'gyur ro/ /da ltar ba nyid yin pa'i phyir gzhan ma yin par byas pa de lta na yang 'das pa'i sgra gzhan la da lta ba yang gzhan la ma 'ongs pa yang gzhan no zhes bya bar thal bar 'gyur ro/ /gzhan ma yin pa la ni kho na'i sgra 'das pa ma yin ma 'ongs pa ma yin da ltar 'byung ba ma yin par 'gyur te/ gcig la ma skyes pa dang skyes pa 'jig pa nyid dang ma skyes pa mi 'jig pa nyid kyang mi rung ngo / /'dir gzhan dang gzhan med pa mi rung bas de nyid der bkag pa'i phyir/ de ltar de'i rang bzhin med pa nyid du shes par bya'o/ / 'gog pa 'phags pa'i bden pa yin par mi 'gyur te zhes bya ba la/ gang zhig ci yang ma yin pa de ni ji ltar de'i bden pa'am brdzun pa zhes bya/ re zhig 'gog pa'i bden pa'i don 'di gang yin/ ci rdzas kyi don yin nam 'on te phyin ci log pa'i don yin/ gal te rdzas kyi don yin na ni/ de lta na kun rdzob kyi bden pa med par thal bar 'gyur te/ de'i phyir phyin ci ma log pa'i don khas blang bar bya dgos la/ de lta na sdug bsngal ltar sdug bsngal 'gog pa yang bden pa nyid du mi 'gal lo/ /de nyid bstan pa'i phyir 'phags pa rnams zhes bya ba rgyas par smos te/ ji ltar 'phags pa rnams kyis sdug bsngal la sdug bsngal nyid du gzigs kyi/ bde ba zhes bya ba ma yin pas sdug bsngal 'phags pa'i bden par brjod pa de bzhin du sdug bsngal 'gog pa yang 'phags pa rnams kyis sdug bsngal med pa'i mtshan nyid kho nar gzigs pa la sdug bsngal 'gog pa 'phags pa'i bden pa zhes brjod do/ /ji ltar med pa ni ci yang ma yin pa'i phyir gsum pa nyid du 'gyur zhe na/ gnyis pa'i 'og tu mthong ba dang bstan pas na gsum pa yin te/ bden pa mngon par rtogs pa'i tshe gnyis pa kun 'byung gi bden pa'i 'og tu rang gi shes rab kyis mthong ba dang / ston pa'i tshe gzhan gnyis kyi 'og tu bstan pas gsum pa zhes bya'o/ /yul med par shes pa med do/ /de spyod pa rnams la rtogs par byed ces bya ba ni cher 'gal ba ste/ med pa zhes bya ba shes pa de ci la dmigs pa'o/ /gal te dngos po med na med ces bya bas dngos po kho na bkag pa yin no zhe na/ dngos po bkag pa mi rigs so/ /'on te dngos po med pa ci ltar zhe na dngos po med pa la dmigs pa'i shes pa med do/ /de bzhin du gtso bo dang skyes bu dang dbang phyug la sogs pa la dmigs pa'i shes pa rnams la yang brjod par bya'o/ /cir 'gyur zhes bya ba ni skyon cir 'gyur zhes bya'o/ /ci zhig tu yang 'gyur zhes bya ba ni yon tan ci zhig tu 'gyur zhes bya ba'o/ /bye brag tu smra ba'i phyogs bskyang bar 'gyur ro zhes bya ba ni yon tan 'dir 'gyur ro zhes bya ba'o/ /yang dag pa ma yin pa kun brtags par 'gyur zhes bya ba ni skyon cir 'gyur zhes smras pa de'i lan te/ yang dag pa ma yin pa kun brtags pa'i skyon du 'gyur ro/ /ci'i phyir zhe na zhes bya ba ni tshig tsam gyis 'di sgrub par mi nus so zhes rgyu dris pa'o/ /gzugs dang tshor ba la sogs pa bzhin du zhes bya ba rgyas par 'byung ba la/ gang zhig dngos po yin pa de ni gzugs dang tshor ba la sogs pa bzhin du rang gi ngo bos mngon sum gyis dmigs pa yin la/ yang na mig la sogs pa ltar 'bras bu'i sgo nas rjes su dpag pas dmigs pa yin na/ 'di la gnyis ga yang med pas 'dus ma byas dngos po ma yin no zhes bya ba gzung ste 'di ni lan gcig ma yin par bshad zin to/ /dngos po che ge mo zhig gi zhes bya ba ni 'dod chags la sogs pa'i dngos po'i'o/ /rgyu dang 'bras bu la sogs pa'i dngos po mi srid pa'i phyir ro zhes bya ba la sogs pa zhes bya ba'i sgras ni nor dang / bdag po dang / yan lag dang / yan lag can dang / yon tan dang yon tan can gyi 'brel pa rnams la sogs pa rnams gzung ste/ 'gog pa ni dngos po'i 'bras bu ma yin zhing rgyu ma yin la/ nor dang bdag po yang ma yin no/ /de bzhin du gzhan la yang brjod par bya'o/ /bkag pa tsam du ni nga'o zhes bya ba ni/ chos dang chos can gyi 'brel pa'i dbang du byas nas bshad pa ste sgra dang mi rtag pa nyid bzhin no/ /de ni de'i gnas skabs yin gyi gzhan gyi ni ma yin no/ /dngos po gzhan nyid yin na yang nyon mongs pa gang gi zhes bya ba rgyas par 'byung ba la/ 'dir sems gnyis la 'gog pa gnyis blta bar bya ste/ bar chad med pa'i lam dang / lhan cig tu nyon mongs pa'i thob pa 'gal la/ rnam par grol ba'i lam dang lhan cig tu so sor brtags pa'i 'gog pa 'thob po/ /nyon mongs pa'i thob pa ma 'gags par ni bral ba'i thob pa mi 'thob ste/ de ltar na nyon mongs pa gang gi thob pa 'gags nas 'gog pa gang thob pa de ni de'i yin no zhes tha snyad 'dogs so/ /'di la yang rgyu dang 'bras bu la sogs pa'i 'brel ba med pa'i phyir 'dri ba ni/ 'o na de 'thob par nges pa'i rgyu gang zhig yin zhes bya ba'o/ /nyon mongs pa 'di'i thob pa chad pas 'gog pa 'di kho na 'thob kyi gzhan ni ma yin no zhes bya ba 'di la nges pa'i rgyu 'ga' yang med de/ sngar bshad pa'i 'brel pa rnams mi srid pa'i phyir ro/ /yang na 'di ni 'dod chags kyi bral ba'i thob pa yin gyi/ gzhan gyi bral ba'i ni ma yin no/ /zhes nges pa'i rgyu med de 'dod chags kyi thob pa chad pa rgyu ma yin pa'i phyir dang lam la khyad par med pa'i phyir ro/ /che ge mo zhig gis med pa'o zhes dgag pa tsam du ni rung ngo zhes gang smras pa de la lung dang 'gal ba bstan pa'i phyir/ mdo las mthong ba'i chos la mya ngan las 'das pa thob pa'i zhes bya ba la sogs pa smos te/ da ltar ba'i skye ba la mya ngan las 'das pa thob pa ni phung po lhag ma dang bcas pa'i dbyings kyi gnas skabs na yin te/ des na med pa ni brjod du med pa yin pa'i phyir na ji ltar 'thob par 'gyur/ de'i phyir mdo las thob par gsungs pa'i phyir mya ngan las 'das pa yod pa kho na yin par brjod do/ /med pa yin yang thob pa mi 'gal lo zhes bstan pa'i phyir gnyen po thob pas zhes bya ba rgyas par smos so/ /nyon mongs pa dang yang srid pa ni nyon mongs pa dang yang srid pa dag ste/ de dag gi skye ba ni nyon mongs pa yang srid pa'i skye ba'o/ /nyon mongs pa dang yang srid pa'i nyon mongs pa yang srid de dag tu skye ba shin tu 'gal ba'i rten te de 'thob pa'i phyir slar yang nyon mongs pa skye ba'am skyed pa ma yin pas mya ngan las 'das pa thob pa zhes bya'o/ /gnyen po ni bar chad med pa'i lam mo/ /de thob pa ni mngon du byed pa'o/ /'di ltar de ni des spang bar bya ba'i nyon mongs pa'i sa bon dang rjes su 'brel ba'i rten skye ba dang 'gal bas/ de'i mjug thogs su nyon mongs pa'i sa bon rtogs pa'i rten skye bar 'gyur te lam gyis de bsgyur ba'i phyir ro/ /de ltar na gnyen pos nyon mongs pa skye ba dang shin tu 'gal ba'i rten 'thob bo/ /nyon mongs pa ma lus pa skye ba dang 'gal ba'i rten thob na yang skye ba mi 'byung ste/ de ltar na de skye ba 'byung ba dang 'gal bar yang 'gyur ro/ /'di ltar nyon mongs pa'i sa bon mi 'gal na ni nyon mongs pa skye ba dang shin tu 'gal ba'i rten mi 'thob la/ gnyen po ma skyes na ni nyon mongs pa'i sa bon mi 'gag go/ /lung las kyang zhes bya ba rgyas par 'byung la/ 'dir dper brjod pa ni 'byung ba med pa zhes bya ba 'di lta ste mi skye ba'i rnam grangs yin pa'i phyir ro/ / slob dpon gyis 'byung ba 'gag pa tsam gyi dbang du byas nas 'byung ba med pa zhes khungs su bshad pa/ de'i phyir 'di yin na zhes bya ba rgyas par smras te/ 'di ni mi 'byung bas khyad par du gyur pa'i dngos po nyid bstan gyi 'byung ba bkag pa tsam ni ma yin pas 'di na mya ngan las 'das pa mi skye ba tsam du shes par bya ba la khungs ma yin no zhe na/ bdun pa 'di ni nus pa med par blta'o zhes bya ba rgyas par 'byung ste/ mngon par 'dod pa'i don bsgrub par bya ba la zhes bya bar sbyar ro/ /'dir yin na 'byung bar 'gyur ro zhes bya ba ji skad du bshad pa yin zhes bya ba 'byung ste/ rten gyi don mi srid pas na gzhan du nye bar bkod do/ /gang kho nas zhes bya ba ni lam gyis so/ /de thob par bya ba ni mya ngan las 'das pa thob par ro/ /de nyid yod dam zhes bya ba ni mngon du gyur pa na'o/ /thob na zhes bya ba ni rnyed na ste lam dang sbyar ro/ /sdug bsngal mi 'byung bar 'dod par gyis shig ces bya ba ni gzhan mya ngan las 'das pa don med par brtags pa ci zhig bya zhes bya'o/ /nges par spangs pa ni nges par bor ba ste/ 'dir zhes pa phung po thams cad spangs pa ni spangs pa zhes bya bar 'gal ba med do/ /de la yang bdun pa 'di ni nus pa med par blta'o zhes bya ba thams cad rgya cher brjod par bya'o/ /de'i sems kyis rnam par thal zhes bya ba phung po lhag ma med pa'i phyir mya ngan las 'das pa'i gnas skabs na'o/ /slob dpon 'dus bzang na re/ chos mngon pa ba rnams ni sdug bsngal 'gog pa rnam pa gnyis su 'chad de/ sdug bsngal las don gzhan ma yin pa dang sdug bsngal las don gzhan pa'o/ /de nyid ni bcom ldan 'das kyis gdul bya'i bsam pa'i bye brag gis rnam pa gnyis su nye bar bstan to/ /'ga' zhig don gzhan ma yin pa ni ji ltar yod pa las ma skyes pa dang yod pa las nges par 'byung ba zhes bya ba la sogs pa smos pa lta bu'o/ /de'i phyir lung dang 'gal ba med de/ mya ngan las 'das pa mi rtag par bstan pa de yang dngos po nyid do zhes bya ba de la 'gal ba ci zhig /mya ngan las 'das pa bstan pa yang yod pa don gzhan du gyur pa/ 'du byed thams cad mi rtag pa'i bdag nyid kyi phyir de la dgongs pas skyon med do/ /sdug bsngal las don gzhan ma yin pa 'gog pa zhes bya ba chos mngon pa ba rnams kyi khas blangs 'gal ba ste/ sdug bsngal las don gzhan ma yin pa sdug bsngal nyid sdug bsngal 'gog par mi rung ngo / /gang yang 'di ni don gzhan gyi 'gog pa rtogs par bya ba'i phyir lung du gsungs te/ de yang yod pa'i sgra ni snga na med pa dang zhig nas med pa la yang yod do zhes bya ba 'dis slar yang bshad do/ /mya ngan las 'das pa mi rtag par bstan pa de yang dngos po zhes bya ba 'dis ni sarba/[ (]thams cad/[) ]ma/[ (]mchog[) ]/li kr-i/[ (]byas/[)] tan+na hi/ [ (]ma yin/[) ]dngos po'i ngo bo mi rtag pa nyid ni mar me lta bu ste res 'ga' med pas na bcom ldan 'das kyis mar me bzhin mya ngan las 'das pa yang rtogs zhes sems kyi rnam par thar pa gang yin pa rtag pa nyid kho nar bstan par 'gyur ro/ /gzhan du bris pa gang yin pa de nyid rnam par bshad pa 'di las bkag par rtogs par bya ste/ gzhung mangs pa'i 'jigs pas dngos su ma bkag go/ /slob dpon 'dus bzang na re/ mdo byed pa so sor brtags pa ma yin pas 'gog pa'i mtshan nyid gsungs te/ so sor brtags pa dang bral ba kho nar rkyen ma tshang bas mi skye ba so sor brtags pa ma yin pas 'gog pa zhes bya'o/ /rkyen ma tshang ba zhes bya ba 'di ci zhe na/ rkyen rnams ma tshogs pa dang nye bar ma gyur pa zhes gang bshad pa yin no/ /gang med pa ni dngos po skye ba'i gegs nus pa ma yin pas de'i rkyen ma tshang ba tsam so sor brtags pa ma yin pas 'gog pa ma yin no/ /rkyen ma tshang ba las chos kha cig dmigs te gang nus pa las skye ba'i chos can yang mi skye ba yin no/ /de lta ma yin na rkyen ma tshang ba tsam las mi skye bar khas len par byed na/ yang de'i rigs can gyi rkyen dang nye ba las chos de skye bar thal bar 'gyur ro/ /so sor brtags pa'i 'gog pa rkyen ma tshang ba ma yin no/ /'o na rkyen ma tshang ba las dngos po rnams mi skye ba ci zhe na/ gang gi phyir rkyen la ni skye ba de med pa'i phyir de nyid kho na ma yin te/ chos gzhan gyi dngos po mi skye ba bya ba ma mthong ba de'i phyir skye ba'i gegs kyi phyir rgyu med pa'i chos gzhan kun tu rtogs pas brtags nas chos gzhan skyed pa'i gegs nus pas rtag tu skye ba la gegs su thal bar 'gyur ro/ /'o na ci de'i thob pa la rkyen ma tshang ba zhes bya ba ci yang yod pa ma yin na gang de'i thob pa rtag pa nyid du rtog par mi byed ce na/ gang gi phyir rkyen ma tshang ba kho na ma yin te de'i thob pa'i rgyu 'dod do/ /gang la rkyen ma tshang ba rnams kho na la sems gnas pa so sor thob pas de nyid de'i rgyu'o/ /de lta na 'o na rkyen ma tshang ba nyid las dngos po rnams mi skye bar 'gyur ro/ / bcom ldan 'das kyis so sor brtags pa ma yin pa'i 'gog pa'i thob pa yongs su brtags pas gsungs pa yang ci zhe na/ 'di la yod pa ma yin pa 'dir mi 'gyur zhes bya ste/ rgyu la yod pa ma yin pa 'bras bur mi 'gyur zhes bya ba'i don to/ /gal te yang so sor brtags pa ma yin pa'i 'gog pa las ma byung ba'i dngos po rnams nyid brjod par bya na/ 'di la yod pa'am thob pa 'dir mi 'gyur zhes so/ /gang bshad pa/ slar yang de'i rigs can gyi rkyen nye ba las chos de skye bar thal bar 'gyur ro/ /de yang mi rigs te de'i rigs can kho na'i 'bras bur 'gyur gyi/ gang gi rkyen ma tshang ba de nyid kyis ni ma yin te de ni de'i rkyen gyi rigs can yin no/ /rkyen rnams kyis rkyen gzhan dang gzhan skyed par 'gyur ba ma yin nam zhe na/ de ni ma yin te/ rkyen rnams ni slar yang 'bras bu dang bcas pa yod pa gang las slar yang skye ba de'i rkyen du 'gyur ba de'i phyir rkyen ma tshang ba las ma 'ongs pa na gtan mi skye ba so sor brtags pa ma yin pa'i 'gog pa zhes gnas so/ /gang yang gzhan las mang du bshad pa de yang rnam par bshad pa 'dis bkag par blta ste dngos su dgag pa ma byas so/ /chos mngon pa las kyang zhes bya ba rgyas par 'byung ngo / /bye brag tu smra ba rnams na re 'di'i don ni 'di ma yin no zhes bya ba ni/ dngos po med pa ni lus med pa dang rang gi ngo bo med pa ma yin pa'o/ /ci'i phyir zhe na dngos po'i sgra'i don du ma brjod pa yin pa'i phyir ro/ /gal te 'di don ma yin pa'i phyir ro/ /'o na gang yin zhe na dngos po ni rnam pa lnga'o/ /rang bzhin gyi dngos po ni zhes bya ba ni rang bzhin nyid dngos po'o/ /dngos po ji lta ba bzhin du zhes bya ba ni dmigs pa ji lta ba bzhin du zhes bya ba'i don to/ /dmigs pa nyid dngos po yin pa ni dmigs pa'i dngos po'o/ /ldan pa'i dngos po zhes bya ba la/ ldan pa'i dngos po ni ldan pa'i dngos po'o/ /rgyu'i dngos po ni zhes bya ba ni rgyu nyid dngos po yin pa ni rgyu'i dngos po'o/ /yongs su gzung ba'i dngos po zhes bya ba la/ yongs su gzung ba'am yongs su 'dzin pa'i dngos po ni yongs su gzung ba'i dngos po ste/ yongs su 'dzin pa ni 'dir bdag gir byed pa'o/ /de'i phyir 'dir rgyu dngos po'i sgrar gsungs kyi rang gi ngo bo ni ma yin no zhes ston te/ gang gi phyir chos mngon pa las 'dus ma byas rnams rgyu med pa nyid du grub kyi rang gi ngo bo med pa ni ma yin no zhes ston to/ /yang 'bras bu 'di dag las zhes bya ba rgyas par 'byung ba la/ 'chad par 'gyur ba'i mtshan nyid can rnam par smin pa dang / bdag po dang / rgyu mthun pa dang / skyes bu byed pa dang / bral ba'i 'bras bu zhes bya ba lnga po gang dag yin pa de dag las 'bras bu gang zhig rgyu drug po de las rgyu gang gi zhe na/ de la re zhig bral ba'i 'bras bu ni rgyu gang gi yang ma yin no zhes bshad zin to/ /rnam smin 'bras bu tha ma'i yin/ /zhes bya ba la rnam par smin pa las rnam par smin pa'i rgyu mthun pa ste/ rnam par smin pa las rnam par smin pa ni ma yin te/ dge ba dang mi dge ba nyid rnam par smin pa dang bcas pas so/ /'dir rnam par smin pa'i 'bras bu ni rnam par smin pa'i rgyu kho na'i yin no zhes nges par gzung gi /rnam par smin pa ni 'bras bu kho na zhes bya bar ni ma yin te bdag po'i 'bras bu ma bkag pa'i phyir ro/ /bdag po'i 'bras bu dang po'i yin zhes bya ba la/ 'di bdag po'i yin pa ni bdag po'i'o/ /'dir nges par gzung ba gnyis ka yang nges par gzung bar bya ste/ 'di ltar byed rgyu'i rgyu 'ga' zhig la skyes bu byed pa'i 'bras bu yang yod la/ gzhan dag la yang bdag po'i 'bras bu yod pa ma yin no/ /de lta na ni 'o na bdag po'i 'bras bu dang po'i yin zhes bya ba'i ngag 'bras bu med par thal bar 'gyur ro zhe na/ skyes bu byed pa'i 'bras bu ni bdag po'i 'bras bu ltar thams cad kyi ma yin no zhes shes par bya ba'i don du yin pa'i phyir 'bras bu med pa ma yin na/ /de nyid dbang byed pa yin no zhes bya ba ni mi sgrib pa'i ngo bor gnas pa gang yin pa kho na'o/ /byed rgyu'i rgyu las skyes pa'i dngos po yang yod de zhes bya ba ni skyed par byed pa'i dngos po yang ngo / /'dis ni 'dus ma byas ma gtogs pa byed rgyu byed pa po dang btang snyoms pa dang rnam pa gnyis ka la yang bdag po'i 'bras bu yod do zhes bya bar shes par bya bar 'gyur te/ de skad du/ sngon byung ma yin 'dus byas ni/ /'dus byas kho na'i bdag po'i 'bras/ /zhes 'chad do/ /'di lta ste/ rnam par shes pa'i tshogs lnga po dag la zhes bya ba la/ mig la sogs pa'i skye mched bcu ni mig la sogs pa'i rnam par shes pa rnams kyi byed rgyu'i rgyu las gzhan ma yin pa'i phyir rnam par smin pa dang bcas pa'i rgyu srid do/ /yid dang chos kyang yid kyi rnam par shes pa'i skal ba mnyam pa dang kun tu 'gro ba dang mtshungs par ldan pa'i rgyu dag kyang yin te de gzung ba ni ma yin no/ /snod kyi 'jig rten la zhes bya ba la/ snod kyi 'jig rten ni lung du ma bstan pa dang / 'dod dgur mi 'jug pa dang / dge ba dang mi dge ba'i las kyis skyed pa yin yang rnam par smin pa'i 'bras bu ma yin te/ rnam par smin pa ni thun mong ma yin pa'i phyir la/ /sems can brjod ces mtshan nyid byas pa'i phyir ro/ /de las gzhan pa'i rgyu mi srid pa las ni byed rgyu'i rgyu kho na yin no/ /de lta bu la sogs pa sbyar bar bya ste/ dge ba'i chos rnams kyi rnam par smin pa yid du 'ong ba dang mi dge ba rnams ni bzlog pa'o zhes bya ba de lta bu la sogs pa'o/ /skal mnyam kun tu 'gro ba yi/ /zhes bya ba la rgyu mthun pa'i 'bras bu ni rgyu dang 'dra ba yin te/ de'i phyir rgyu mthun pa'i 'bras bu ni skal ba mnyam pa dang kun 'gro bdag kho na'i yin no zhes bya bar nges par gzung gi rgyu mthun pa kho na ni ma yin te/ skyes bu byed pa dang bdag po'i 'bras bu yang de dag gi yin pa'i phyir ro/ /skyes bu pa ni gnyis kyi yin/ /zhes bya ba la skyes bu byed pa'i 'bras bu kho na gnyis kyi yin te/ 'di ltar lhan cig 'byung ba dang mtshungs par ldan pa'i rgyu dag ni lhan cig 'byung ba'i 'bras bu kho na la byed pa dang ldan pa'i phyir ro/ /bdag po'i 'bras bu yang de dag gi der 'gyur mod kyi/ de ni byed pa po'i ma yin pa'i yang 'dir brjod par mi 'dod do/ /tshig le'ur byas pas sbyar ba'i phyir skyes bu pa zhes bya ba'i sgra bye brag tu bshad pa'i phyir skyes bu'i ngo bo las mi gzhan pa'i phyir zhes bya ba rgyas par smos so/ /skyes bu'i byed pa ni bya ba dang las dang bya rgyu dang g.yo ba zhes bya ba las don gzhan ma yin la/ bya ba yang bya ba dang ldan pa dag las gzhan ma yin pas skyes bu nyid skyes bu'i byed pa yin par bshad cing / de'i 'bras bu ni skyes bu par bshad do/ /nang gi byed pa'i skyes bu med pas skyes bu byed pa zhes bya ba 'di ci zhig ce na/ chos gang gi byed pa gang yin pa de ni de'i skyes bu byed pa'o/ /gal te de lta na chos kyi byed pa zhes brjod par bya'i skyes bu byed pa zhes ji ltar brjod ce na/ 'jig rten na grags pa'i skyes bu'i byed pa la skyes bu byed pa zhes grags pas de'i phyir 'dir yang skyes bu'i byed pa ni skyes bu'i byed pa dang 'dra bas skyes bu'i byed pa'o/ /phyi rol tu yongs su brtags pa'i skyes bu dper byas nas skyes bu byed pa zhes bya ste/ dper na bya rog gi rkang pa dang 'dra ba la bya rog rkang dang / glang po che myos pa dang 'dra ba la glang po che myos pa zhes bya ba lta bu'o/ /slob dpon 'dus bzang na re/ skyes bu'i byed pa ni nus pa pa'i chos te/ byed pa gang yin pa'i skyes bu'i byed par sems so zhes zer ro/ /des ni skyes bu byed pa ni 'bras bu 'phen pa'o zhes bshad pa yin no/ /de ltar na bar ma chad du skye ba dang dus gzhan du skye ba la yang skyes bu byed pa rung la/ lhan cig skye ba la ni ma yin no/ /lhan cig skye ba la thams cad gcig pa'i skyes bu byed pa'i 'bras bu yod pa ma yin te/ rang bzhin gyi 'bras bus rang bzhin mi skyed pa'i phyir dang ma spangs pa rnams 'bras bu 'phen na 'bras bu du mar thal ba'i phyir ro/ /nus pa'i chos ni rgyu'i dngos po'o/ / rgyu'i dngos po'i gnas skabs kho nas 'bras bu 'phen no zhes bya ba 'dis khyad par mtshon par byed pa ma yin no/ /de'i phyir gnyi ga la yang thal bar 'gyur ba mtshungs so/ /ci gzhan dag la yang zhes bya ba rgyas par 'byung ste/ skal ba mnyam pa dang / kun 'gro ba dang / rnam par smin pa dang / byed rgyu'i rnams la yang yod dam/ 'on te lhan cig 'byung ba dang mtshungs par ldan pa gnyis kho na'i yin zhe na/ gzhan dag la yang zhes bya ba rgyas par 'byung ba la/ skal ba mnyam pa'i rgyu la sogs pa dag la yang ste/ skal ba mnyam pa dang / kun tu 'gro ba'i rgyu dag la yang de ma thag tu 'byung ba'i skyes bu byed pa'i 'bras bu yod kyi rgyu mthun pa'i 'bras bu ni ma yin no/ /ci'i phyir skyes bu byed pa'i 'bras bu lhan cig 'byung ba dang mtshungs par ldan pa'i rgyu dag kho na'i yin par brjod ce na/ lhan cig dang de ma thag tu 'byung ba de ni de gnyis kho na'i yin gyi snga ma dag gi ni ma yin te/ 'bras bu gang yin pa rgyu dang 'dra ba dag tu rnam par gzhag go/ /rgyu mthun pa dang skal ba mnyam pa dang kun tu 'gro ba'i rgyu dag gis ni 'dra ba dang / lhan cig skyes pa ni cig shos skyes bu byed pa'i 'bras bu dag gi yin pas de ltar bshad do/ /skal ba mnyam pa'i rgyu thams cad la yang de ma thag tu 'byung ba'i skyes bu byed pa'i 'bras bu yod pa ma yin te/ dgra bcom pa'i 'chi ka ma mi 'thad pa'i phyir ro/ /lhan cig 'byung ba dang mtshungs par ldan pa'i rgyu dag la ni gdon mi za'o/ /byed rgyu'i rgyu yang kha cig la skyes bu byed pa'i 'bras bu yod kyi thams cad la ni ma yin no/ /rnam par smin pa'i rgyu ma gtogs pa zhes bya ba 'byung ngo / /ci'i phyir zhe na/ skyes bu byed pa'i 'bras bu ni lhan cig 'byung ba'am de ma thag tu 'byung ba yin na/ rnam par smin pa ni de lta ma yin no/ /de ni rgyud la bltos pa kho na yin gyi/ de ma thag pa'am dus gcig pa ma yin no/ /gzhan dag na re/ de la yang zhes bya ba rgyas par 'byung ba la/ 'di ltar zhing la sogs pa'i bya ba mtshungs shing 'byor par mtshungs pa la kha cig la 'bru la sogs pa 'byor par gyur la kha cig gis ni ma yin pa lta bu'o/ /gang zhig rnam par smin pa'i rgyu las skyes bu byed pa'i 'bras bu mi 'dod pa de dag gi ltar na de sngon gyi las kyi 'phen pa las ma yin zhes dper brjod do/ /de'i phyir lhan cig 'byung ba dang de ma thag tu 'byung ba 'ba' zhig tu ma zad kyi/ skyes bu byed pa'i 'bras bu'i skal ba yang yod pa yin no/ /de la dper brjod pa 'di la rnam par dpyad pa med do/ /skal ba mnyam pa dang kun tu 'gro ba'i rgyu rnams kyis de ma thag tu skye ba skyes bu byed pa'i 'bras bur gsungs so/ /de nyid gcig pu skyes bu byed pa'i 'bras bu ma yin gyi rgyu mthun pa'i 'bras bu dang bdag po'i 'bras bur yang rung ngo / /ji ltar de rgyu mthun pa'i 'bras bu med pa de ltar skyes bu byed pa'i 'bras bu'am bdag po'i 'bras bu ste/ de bzhin du cig shos la yang brjod par bya'o/ /rgyu dang 'dra ba'i phyir rgyu mthun pa'i 'bras bu dang de'i stobs kyis bskyed pa'i phyir skyes bu byed pa'i 'bras bu dang de bskyed pa la gegs med pa'i ngo bor gnas pas bdag po'i 'bras bu zhes bya ste 'chol ba med do/ /rgyu dang 'bras bu'i nges pa bshad zin to// //da ni 'bras bu rnams kyi mtshan nyid brjod par bya ba yin pas/ de'i phyir rnam par smin pa'i 'bras bu zhes bya ba 'di ci yin zhes bya ba la sogs pa smos so/ /rnam smin lung du ma bstan chos/ /zhes bya ba la/ rnam par smin pa ni lung du ma bstan pa kho na yin zhing / sems can du brjod pa kho na yin no zhes nges par gzung gi /rnam par smin pa kho na sems can du brjod pa ni ma yin no/ /de nyid kyi phyir rgyu mthun pa las byung ba dang / rgyas pa las byung ba bsal bar bya ba'i phyir lung bstan phyis 'byung zhes bya ba smos te/ lung bstan pa'i phyi nas 'byung bas na lung bstan phyis 'byung ba'o/ /ma bsgribs la lung du ma bstan pa smos pa ni 'jig tshogs la lta ba dang / mthar 'dzin par lta ba bsal bar bya ba'i phyir ro/ /lta ba de gnyis ni sems can du ston pa dang / lung bstan phyis 'byung ma yin mod kyi/ ma bsgribs la lung du ma bstan pa ni ma yin la rnam par smin pa ma yin no/ /de lta na ni 'o na dbang po'i 'byung ba chen po rgyas pa bsam gtan gyi khyad par la snyoms par zhugs pa'i rgyu can yang lung du bstan pa'i phyis 'byung ba yin pa'i phyir dang / ma bsgribs la lung du ma bstan pa'i phyir dang / sems can du brjod pa'i phyir rnam par smin par 'gyur la/ de lta na rgyas pa las byung ba dang / rnam par smin pa'i rnam par gzhag pa 'dres par 'gyur ro zhe na 'dres pa med de/ rnam par smin pa'i rgyu dang 'bras bu dag ni sa tha dad pa nyid dam dus gcig pa ma yin na/ dbang po'i 'byung ba chen po rgyas pa dang / bsam gtan gyi khyad par la snyoms par zhugs pa dag ni dus gcig pa dang sa tha dad pa nyid yin pas dbang po'i 'byung ba chen po rgyas pa las rnam par smin pa nyid du thal bar 'gyur ba med mod/ de nyid kyi phyir gang zhig de las dus phyi ma las 'byung zhing zhes bya ba smos te/ de dang lhan cig tu ni ma yin no/ /de lta na 'o na sprul pa'i sems la yang thal bar 'gyur te/ de yang snyoms par 'jug pa'i sems dge ba las 'byung zhing / ma bsgribs la lung du ma bstan pa dang sems can du brjod pa yang yin no zhe na/ de'i phyir de ma thag tu ma yin pa zhes bya ba smos so/ /de ma thag pa ni mtshungs pa de ma thag pa'i stobs kyis drangs pa'i phyir la/ sprul pa'i sems kyang snyoms par 'jug pa'i sems kyis de ma thag tu 'byung na/ rnam par smin pa ni de lta bu yang ma yin no/ /ci'i phyir sems can du ston pa ma yin pa'i don zhes bya ba rgyas par 'byung ste/ las las skyes pa nyid du mtshungs bzhin du sems can du ston pa kho na rnam par smin pa yin la/ sems can du ston pa ma yin pa ni ma yin no zhes bya ba 'di la rgyu ci yod ce na/ de'i phyir thun mong ba ma yin pa'i phyir te zhes bya la sogs pa smos so/ /rnam par smin pa ni thun mong ma yin pa ste zhes bya ba 'byung ste/ rgyud gang la rnam par smin pa'i rgyu yod pa de kho na las 'byung ba'i phyir de dang 'dra bar gzhan gyis myong ba med pa'i phyir ro/ /gzhan gyis byas pa'i las kyi rnam par smin pa gzhan gyis myong ba ni ma yin te/ de lta na ni ma byas pa dang phrad pa dang byas pa chud zos par 'gyur ro/ /bdag po'i 'bras bu sems can du ston pa ma yin pa ci'i phyir myong zhe na thun mong gi las las byung ba'i phyir te/ de myangs na ma byas pa dang phrad pa dang byas pa chud zos pa med do/ /rgyu mthun rgyu dang 'dra ba'o/ /zhes bya ba la/ re zhig skal ba mnyam pa'i rgyu'i 'bras bu rgyu dang dge ba dang / mi dge ba dang / lung du ma bstan par 'dra ba ni ris dang rang gi sa 'dra ba bltos pa yin pa gzung la/ rang gi sa pa'i nyon mongs pa dang skal ba mnyam pa yang ngo / /lhan cig skyes pa yang skyes bu byed pa'i 'bras bu dang rgyu las ma yin nam zhe na/ gang gi phyir 'dra bar yod pa skyes bu byed pa'i 'bras bu ste/ rgyu gang yin pa dang mi 'dra ba ni cung zad kyang med do/ /rgyu mthun pa'i 'bras bu yang de bzhin te/ 'di la skyon med pas mi 'dra ba yod pa ma yin yang rgyu mthun pa ni rang gi ris kyi nyon mongs pa can 'jug pa mtshungs pas 'di la mi 'dra ba skyes bu byed pa'i 'bras bur brjod do zhes gzhan dag zer ro/ /rang gi rdzas 'dra ba yang med de lhan cig skyes pa skyes bu byed pa'i 'bras bu'o/ /de la tshor ba las tshor ba nyid 'bras bur rung ba yin te/ rang gi rdzas 'dra ba yang rgyu mthun pa'i 'bras bu zhes de nyid rgyu dang 'dra bar brjod do/ /'di ltar de ni sa dang nyon mongs pa can las 'bras bu dang 'dra ba yin te/ 'dod pa na spyod pa'i kun tu 'gro ba'i rgyu'i 'bras bu ni 'dod pa na spyod pa'i rgyu'i nyon mongs pa can kho na yin no/ /skal ba mnyam pa'i rgyu bzhin du rnam pa las kyang ni ma yin te/ rnam pa lnga char yang rgyu yin pa'i phyir ro/ /skal ba mnyam pa'i rgyu ni rnam pa las kyang 'bras bu dang 'dra ba yin no/ /de la kun tu 'gro ba'i rgyu gang zhig sa dang nyon mongs pa can las yin pa 'ba' zhig tu ma zad kyi/ rnam pa las kyang 'bras bu dang 'dra ba de ni skal ba mnyam pa'i rgyu yin par khas len pa nyid do/ /de nyid kyi phyir gang zhig gang gi skal ba mnyam pa'i rgyu yin pa de zhes bya ba rgyas par smos so/ /kun tu 'gro ba ma yin pa ni skal ba mnyam pa'i rgyu kho na'o/ /ris gzhan pa'i kun tu 'gro ba ni kun tu 'gro ba kho na'o/ /gnyis ka yin pa ni rang gi ris pa'i kun tu 'gro ba kho na'o/ /de ltar na mu gsum pa la bsams nas/ gang zhig rnam pa las kyang 'dra ba de ni skal ba mnyam pa'i rgyu yin par khas len pa nyid do zhes bshad do/ /bzhi pa ni rnam pa de dag ma gtogs pa'o zhes bya ba ni mu gsum du bshad pa'i chos rnams ma gtogs so zhes bya ba'i don te/ /gang gi tshe dge ba la sogs pa rnams kyang mjug thogs su mtshan nyid mi 'dra ba skye ba ni snga ma de'i skal ba mnyam pa'i rgyu'am kun tu 'gro ba'i rgyu ma yin no/ /bral ba blo yis zad pa'o/ /thob pa'o zhes bya ba ni tshig gi lhag ma'o/ /'gog pa smos pa ni ma thob pa tsam bral ba nyid yin pa dgag par bya ba'i don to/ /des na zhes bya ba ni gtan tshigs brjod pa ste/ gang gi phyir 'gog pa shes rab kyis thob par bya ba yin pa de'i phyir bral ba'i 'bras bu so sor brtags pas 'gog pa yin no zhes bshad par 'gyur ro/ /gang gi stobs kyis gang skye ba'i 'bras bu skyes bu byed las skyes zhes bya ba la rgyu gang gi stobs kyis 'bras bu gang zhig skye ba de ni de'i skyes bu byed pa'i 'bras bu yin no/ /dper na sa 'og ma'i zhes bya ba la sogs pa la/ 'dir rgyu dang 'bras bu dag sa tha dad pa'i phyir zag pa dang bcas pa dang / zag pa med pa yin pa'i phyir dang / dge ba dang lung du ma bstan pa yin pa'i phyir te/ skyes bu byed pa'i 'bras bu kho na yin gyi rgyu mthun pa'i 'bras bu ni ma yin te/ de'i rgyu dang 'dra ba dang rang gi sa pa yin par 'dod do/ /sogs pa zhes bya ba'i sgras ni gzhan yang bsdu ste/ dper na 'dod pa na spyod pa'i 'chi ba'i sems dge ba dang lung du ma bstan pa las gzugs na spyod pa'i srid pa bar ma do'i skad cig ma dang po lta bu'o/ /skyes bu byed pas thob pa'i 'bras bu ni skyes bu byed pa'i 'bras bu yin la/ so sor brtags pa'i 'gog pa yang so sor brtags pa'i stobs kyis thob pas de yang skyes bu byed pa'i 'bras bu kho na'o zhes bstan pa'i phyir/ so sor brtags pas 'gog pa ni zhes bya ba rgyas par 'byung ngo / /gzhan dag skyes bu byed pa'i 'bras bu rnam pa bzhir sems par byed de/ lhan cig pa dang bar ma chad pa dang / dus gzhan du skyes pa dang ma skyes pa rnams so/ /de la lhan cig skyes pa ni gang dag la cig car phan tshun gyi stobs kyis skyes pa lta bu'o/ /bar ma chad skyes pa ni dper na 'jig rten chos mchog pa rnams la sdug bsngal la chos shes pa'i bzod pa lta bu'o/ /dus gzhan du skyes pa ni/ dper na zhing pa rnams kyi zhing las lta bu'o/ /ma skyes pa ni mya ngan las 'das pa ste/ bar chad med pa'i lam de'i stobs kyis de'i thob pa skyes pa lta bu'o/ /ji ltar na 'dir gzung ba yin/ de ni skye ba ma yin no zhe na/ nga'i nor skyes so zhes thob pa la yang skyes pa'i sgra brjod pa mthong ste/ bdag gis nor thob po zhes bya ba'i tha tshig go/ /de la bar chad med pa'i lam gang dag gis nyon mongs pa spong bar byed pa de dag gis ni spangs pa de bral ba'i 'bras bu yin la/ skyes bu byed pa'i 'bras bu yang yin no/ /gang dag gis sngar spangs pa rnams kyi bral ba'i 'bras bu 'ba' zhig thob pa de dag gis ni skyes bu byed pa'i 'bras bu kho na yin te/ dper na nges pa la 'jug pa na sdug bsngal la chos shes pa'i bzod pas phra rgyas bcu po dag spangs pa/ 'dod pa la 'dod chags dang ma bral ba'i bral ba'i 'bras bu dang skyes bu byed pa'i 'bras bu yin la/ 'dod chags dang bral ba sngon du 'gro ba'i skyes bu byed pa'i 'bras bu kho na yin pa bzhin no/ /de bzhin du sdug bsngal la rjes su shes pa'i bzod pa la ni gdon mi za bar gnyis ka yin pa nas ji srid lam la rjes su shes pa'i bar te gzugs dang gzugs med pa na spyod pa'i phra rgyas bcu bzhi po dag spangs pa rnams la ni bral ba dang skyes bu byed pa'i 'bras bu'o/ /mthong bas spang bar bya ba rnams kyi ni khyad par du skyes bu byed pa'i 'bras bu kho na ste/ de'i stobs kyis thob pa gzhan thob pa'i phyir ro/ /de bzhin du bsgom pa'i lam la yang ji ltar rigs par brjod par bya'o/ /sngon byung ba ma yin pa'i 'dus byas kho na 'dus byas kho na'i bdag po'i 'bras bu yin gyi 'dus ma byas ma yin zhing 'dus ma byas kyi ni ma yin no zhes nges par gzung ste bdag po'i 'bras bu kho na ni ma yin no/ /sngon byung ba ma yin pa zhes bya ba ni sngon byung ba las gzhan sngon ma byung ba'o/ /de ni lhan cig byung ba dang phyis byung ba ste/ rgyu bas sngar skyes pa'i 'bras bu ni cung zad kyang med do/ /ci'i phyir zhe na 'bras bu skyes pa'i ma 'ongs pa med do/ /bya ba byas zin pas mi skye bar yang 'gyur ro/ /ma skyes par yang 'jig pa med pas skye 'jig dang bral ba'i phyir 'du byed mi rtag par thal bar 'gyur ro/ /gal te mi skye ba'i chos can bzhin no zhe na ma yin te de'i rigs can gyi skye ba dang 'jig pa mthong bas de ni mi rtag pa nyid du rtogs te thams cad las ches snga bar 'das pa'i byed rgyu las 'das pa dang da ltar ba dang ma 'ongs pa'i chos kyi bdag po'i 'bras bu dang da ltar ba'i ma 'ongs pa dang ma 'ongs pa'i ma 'ongs pa kho na'o/ /yang na thams cad las zhes bya ba bskyed pa la gegs med pa'i ngo bos gnas pa'o/ / skyes bu byed pa dang bdag po'i 'bras bu dag la tha dad du bya ba ci yod ce na zhes bya ba ni/ de nyid de'i skyes bu byed pa'i 'bras bu dang bdag po'i 'bras bu rnam par gzhag pa'i phyir 'dri ba'o/ /byed pa po dang za ba po'i dngos po las dper na zhing pa rnams kyi lo tog la sogs pa skyes bu byed pa'i 'bras bu yin pa lta bu'o/ /de'i stobs kyis bskyed pa'i phyir bdag po'i 'bras bu yang yin te/ de nye bar longs spyad pa'i za ba po'i ngo bo yin pa'i phyir ro/ /sngon byung ma yin 'dus byas ni/ /'dus byas kho na'i bdag po'i 'bras/ /zhes so/ /gang dag nye bar longs spyod pa tsam yin pa de dag gi ni bdag po'i 'bras bu kho na yin no/ /de bzhin du bzo la sogs pa la yang bzo bo rnams dang gzhan dag la yang sbyar ro/ /lnga po da ltar 'bras bu 'dzin zhes bya ba la/ da lta kho na nges par gzung gi lnga po kho na zhes bya ba ni ma yin te/ byed rgyu'i rgyu yang de dang 'dra mod kyi zhes 'byung ba'i phyir ro/ /'bras bu 'dzin pa zhes bya ba ni 'bras bu 'phen pa ste/ ma 'ongs pa na bskyed pa'i phyir ris mthun pa'i rdzas kyi sa bon gyi dngos por nye bar 'gro bas ris tha dad pa 'bras bu gcig pa dang skal ba mnyam pa 'bras bu du ma dang kha cig skal ba mnyam pa ma yin pa dag kyang ngo / /rang gi rgyud kyi spyi'i ni de nyid da ltar byung ba nyid da ltar byung ba nyid do/ /'di ni 'dus byas rnams kho na'i byed pa'o/ /byed rgyu'i rgyu yang de dang 'dra mod kyi zhes bya ba ni da ltar ba kho na 'bras bu 'dzin zhes bya ba smos te 'dus ma byas la 'bras bu med pa'i phyir ro/ /gnyis ni rab tu 'byin par byed ces bya ba la/ da ltar ba dag kho na zhes bya bar nges par gzung bar bya ste gnyis kho na zhes ni ma yin no/ /dus mnyam pa kho na yin no zhes bya ba la rgyu'i dngos po'i dus kho nar 'bras bu phyung ba'i phyir ro/ /da ltar gyi dang 'das pa zhes bya ba la/ skabs su bab pa'i phyir 'bras bu 'byin par byed do zhes bya bar sbyar ro/ /da ltar ba dag rgyu mthun pa'i 'bras bu 'byin pa mi srid do snyam du ste/ re zhig gang 'das pa dag ni zhes dri ba rgyas par 'byung ngo / /mjug thogs su bsgrub pa'i phyir zhes bya ba 'byung ste/ de la 'bras bu gang zhig skal ba mnyam pa dang kun tu 'gro ba'i rgyu dag gi yin par nges shing de dag gi mjug thogs su skye ba de ni de dag gis 'dzin pa dang 'byin pa yin la/ rgyu dag 'gags na ni gzung ba dang phyung zin pa yin na/ de nyid kyi tshe ni ma yin te/ 'o na ci zhe na phyis kyang phyung ba yin no/ /mi 'byin zhes bya ba'i don to/ /'on te 'gags pa dag las rgyu mthun pa'i 'bras bu skye na ni/ de lta na 'das pa dag gis 'bras bu phyung ba yin no/ /byed rgyu'i rgyu yang zhes brjod par bya ste/ cung zad cig ni byed rgyu da ltar byung ba'i yang bdag po'i 'bras bu yin te/ dper na mig gi rnam par shes pa lta bu'o/ /cung zad cig ni de ma thag tu yin te/ dper na 'jig rten pa'i chos kyi mchog rnams kyi sdug bsngal la chos shes pa'i bzod pa lta bu'o/ /cung zad cig ni dus gzhan gyi tshe yin te/ dper na thar pa'i cha dang mthun pa'i dge ba'i rtsa ba rnams kyi byang chub gsum lta bu'o zhe na/ 'di ma smos pa'i rgyu sngar bshad zin to/ /dge ba'i skal ba mnyam pa'i rgyu zhes 'byung ste/ mi ldan pa la mngon par 'dod pa yin no/ /dmigs pa dang bcas pa'i nges pas mtshungs par ldan pa smos pa'i phyir/ thams cad kyi tha mar 'dor ba'i zhes bya ba la/ dge ba'i rtsa ba chung ngu'i chung ngu rnams kyis thob pa thams cad kyi tha mar 'dor ba dag ste gzhan dag ni sngar dor zin pa'i phyir ro/ /de dag ni 'bras bu 'dzin pa kho na yin gyi 'byin pa ni ma yin te/ dge ba'i rtsa ba kun tu chad pa'i gnas skabs na dge ba mi skye ba'i phyir ro/ /gnyis pa ni dge ba'i rtsa ba dag gis nying mtshams sbyor bas zhes bya ba la/ 'byin pa 'ba' zhig yin gyi 'dzin pa ni ma yin te sngar bzung zin pa'i phyir ro/ /'di skad du de dag nyid ces bya ba la/ thams cad kyi dang por rnyed pa da ltar byung ba de ni nges par 'dzin kyang sa do Sha twAts+tshi k+Sha ya ti/ de nyid nying mtshams sbyar ba'i snga rol tu bzung zin pa'i phyir 'dzin pa ma yin no/ /chos rags pas da ltar byung ba'i 'bras bu lnga zhes gsungs pa'i phyir ro/ /des na ma 'khrugs pa'i don du slob par byed do zhes gzhan dag zer ro/ /'di skad bshad par 'gyur te/ snga na med pa rnyed na 'bras bu 'dzin pa dang / 'byin pa srid pa'i phyir de dag nyid ces brjod par bya'o/ /gnas skabs lhag ma rnams su'o zhes bya ba bshad ma thag pa'i gnas skabs gnyis po ma gtogs pa/ dge ba'i rtsa ba kun tu ma chad pa'i gnas skabs lhag ma rnams bzung ste/ bdag cag la sogs pa lta bu'i thob pa dag ni 'bras bu 'dzin pa dang 'byin pa yin no/ /bzhi pa ni rnam pa de dag ma gtogs pa'o zhes bya ba la/ dge ba'i rtsa ba kun tu chad pa'i gnas skabs ni sngar bzung zin pa'i phyir 'dzin pa ma yin la/ dge ba'i rtsa ba nying mtshams sbyor ba med pa'i phyir 'byin pa yang ma yin no/ /mi dge ba zhes bya ba la/ mi dge ba rnams kyi tha mar 'dor ba ste/ thob pa de dag ni rgyu mthun pa'i 'bras bu 'dzin pa kho na yin gyi/ 'byin pa ni ma yin te/ rgyu mthun pa'i 'bras bu de ma thag pa med pa'i phyir ro/ /thams cad kyi dang por thob pa'i mi dge ba'i skal ba mnyam pa'i rgyu de ni 'bras bu 'byin pa yin gyi 'dzin pa ni ma yin te/ sngar bzung zin pa'i phyir ro/ /'di skad du de dag nyid ces bya ba rgyas par 'byung ba la/ mi dge ba'i skal ba mnyam pa'i rgyu 'di ni 'byin pa yin gyi 'dzin pa ni ma yin te/ 'dod chags dang bral ba'i dus su gzung ba'i phyir ro/ /thob pa gang dag sngon med pa dang por rnyed pa de dag ni 'bras bu 'dzin pa dang 'byin pa yang ma yin no/ /'di la yang slob dpon 'dus bzang gi rnam par bshad pa ni sgro btags pa yin pas de dgag pa la 'bad pa mi bya'o/ /bzhi pa ni rnam pa de dag ma gtogs pa'o zhes bya ba la/ 'dod pa las 'dod chags dang bral ba'i gnas skabs ni sngar bzung zin pa'i phyir mi 'dzin la/ 'dod pa'i 'dod chags dang bral ba'i las nyams pa'i phyir 'byin pa yang ma yin no/ /bsgribs la lung du ma bstan pa'i yang de bzhin du zhes bya ba rgyas par 'byung ste/ dri ba la mu bzhi dgra bcom pa nyid thob pa dang / yongs su nyams pa las ci rigs su sbyar bar bya'o/ /bsgribs la lung du ma bstan pa'i skal ba mnyam pa'i rgyu yod pas 'dzin pa yin la mi 'byin zhes bya ba ste/ mu bzhi pa rgyas par brjod de/ mu dang po ni srid pa'i rtse mo'i 'dod chags dang bral ba thob pa ldan pas thams cad kyi tha mar 'dor ba'i thob pa gang dag yin pa'o/ /gnyis pa ni srid pa'i rtse mo'i 'dod chags dang bral ba las yongs su nyams pas thams cad kyi dang por thob pa gang yin pa'o/ /gsum pa ni srid pa'i rtse mo'i 'dod chags dang bral ba'i gnas skabs lhag ma rnams su'o/ /bzhi pa ni rnam pa de dag ma gtogs pa ste/ srid pa'i rtse mo'i 'dod chags dang bral ba las ma nyams pa'i zhes bya ba'i tha tshig go/ /bsgribs la lung du ma bstan pa smos pa ni bsgom pas spang bar bya ba'i nyon mongs pa gzugs dang gzugs med pa na spyod pa rnams dang sbyar bar bya'o/ /re zhig 'byin pa gang yin pa de ni 'dzin pa yang yin no zhes bya ba la/ skal ba mnyam pa'i rgyu ma bsgribs la lung du ma bstan pa ni yongs su mya ngan las ma 'das kyi bar du yod pa'i phyir ro/ /'dzin la mi 'byin pa yang yod de/ dgra bcom pa'i phung po tha ma rnams yin no zhes bya ba 'byung ste/ de'i tshe ni phung po thams cad las nges par 'byung ba'i phyir rgyu mthun pa'i 'bras bu med pas 'dzin pa kho na yin gyi 'byin pa ni ma yin no/ /dmigs pa dang bcas pa'i nges pas ni skad cig re re ste zhes bya ba la/ sngar ni dmigs pa med pa thob pa rnams dang / rgyun la skal ba mnyam pa'i rgyu nyid du bshad la/ de ni dmigs pa dang bcas pa'i sems dang sems las byung ba rnams dang skad cig re re la skal ba mnyam pa'i rgyu nyid du brjod do/ /dge ba'i sems kyi mjug thogs su zhes bya ba la/ dge ba'i sems skyes pas dge ba'i sems rgyu mthun pa'i 'bras bu nyid du gzung ba gang yin pa de'i mjug thogs su mi skye bas 'bras bu 'dzin pa kho na yin gyi 'byin pa ni ma yin no/ /gnyis pa ni bzlog pa'o zhes bya ba la gang gi tshe nyon mongs pa can dang lung du ma bstan pa'i mjug thogs su dge ba'i sems mngon du byed pa de'i tshe sngar 'gags pa'i dge ba'i sems de 'byin pa kho na yin gyi 'dzin pa ni ma yin te/ sngar bzung zin pa'i phyir ro/ /bzhi pa ni rnam pa de dag ma gtogs pa'o zhes bya ba la/ gang gi tshe nyon mongs pa can nam mi dge ba'i mjug thogs su nyon mongs pa can nam lung du ma bstan pa mngon du byed pa de'i tshe dge ba'i sems kyis des sngar bzung ba'i phyir 'bras bu mi 'dzin la/ rigs mi mthun pa'i sems kyis bar du chod pa'i phyir 'byin pa yang ma yin no/ /mi dge ba la sogs pa yang de bzhin du sbyar bar bya'o zhes bya ba la/ mu dang po ni gang gi tshe mi dge ba'i sems kyi mjug thogs su dge ba 'am lung du ma bstan pa'i mngon du byed pa'o/ /gnyis pa ni bzlog pa'o/ /gsum pa ni gang gi tshe mi dge ba'i sems kyi mjug thogs su mi dge ba kho na skye ba'o/ /bzhi pa ni gang gi tshe dge ba'am lung du ma bstan pa'i mjug thogs su dge ba 'am/ lung du ma bstan pa mngon du byed pa'o/ /bsgribs la lung du ma bstan pa dang ma bsgribs la lung du ma bstan pa'i skal ba mnyam pa'i rgyu yang de bzhin du sbyar bar bya'o/ /ma bsgribs pa'i skal ba mnyam pa'i rgyu ni sdug bsngal mthong bas spang bar bya ba'i mi dge ba yang yin te/ rgyu mthun pa'i 'bras bu ma bsgribs la lung du ma bstan pa 'ba' zhig ma yin no/ /gcig ni 'das pas 'byin par 'gyur zhes bya ba la/ gcig ni 'das pa kho nas zhes bya ba yin gyi/ gcig kho na 'das pa ni ma yin te/ de nyid kyi phyir rnam par smin pa'i rgyu ni 'das pa kho nas 'bras bu 'byin te zhes bya ba smos so/ /ci'i phyir zhe na/ 'di ltar lhan cig gam/ de ma thag tu rnam par smin pa ni med do zhes bya ba smos te/ rnam par smin pa'i rgyu ni rgyun la bltos pa yin no/ /'di la brten pas na rten no/ /rten gyi 'bras bu ni rten gyi 'bras bu ste/ gang zhig gang la brten pa de ni de'i 'bras bu yin no/ /sbyor ba'i 'bras bu ni sbyor ba'i 'bras bu ste/ mi sdug pa'i dran pa nye bar gzhag pa nas brtsams te mi skye ba shes pa'i bar lta bu'o/ /sbyor ba gzhan la yang de bzhin du sbyar bar bya ste/ mi sdug pa smos pa ni 'dir dpe'i don du yin no/ /tshogs pa'i 'bras bu ni tshogs pa'i 'bras bu'o/ /bsgom pa'i 'bras bu ni bsgom pa'i 'bras bu'o/ /de la kha cig na re ni rten gyi 'bras bu bdag po'i 'bras bu'i khongs su 'du'o zhes zer ro/ /gzhan dag na re/ thams cad kyang skyes bu byed pa dang bdag po'i 'bras bu dag gi khongs su 'du'o zhes zer ro/ /de la chos gang zhig ces bya ba rgyas par 'byung ba la/ chos mang po dag re re nas rgyas par bshad par mi nus pas thams cad phung po bzhir rnam par gzhag go/ /de nyid kyi phyir mdor bsdu na chos kyi rnam pa bzhi po 'di dag kho na yin te zhes smos so/ / nyon mongs pa can zhes bya bas ni 'dod chags la sogs pa mi dge ba dang bsgribs la lung du ma bstan pa dag dang de dag gi mtshungs par ldan pa dag gzung ngo / /rnam par smin pa las skyes pa rnams zhes bya ba ni rnam par smin pa'i 'bras bu'i bdag nyid rnams so/ /zag pa med pa dang po rnams ni sdug bsngal la chos shes pa'i bzod pa dang de dang mtshungs par ldan pa rnams so/ /rnam par smin pa ma gtogs pa'i lung du ma bstan pa rnams zhes bya ba la/ de dag ni spyod lam pa dang / bzo'i gnas pa dang sprul pa thams cad do/ /dge ba rnams so zhes bya ba ni zag pa dang bcas pa dang / zag pa med pa rnams so/ /ji skad du bshad pa/ ma gtogs pa lhag ma rnams las skye bas na lhag ma las skyes so/ /chos nyon mongs pa can rnams ni zhes bya ba rgyas par 'byung ba la/ rnam par smin pa ni chos nyon mongs pa can ma yin pa'i phyir nyon mongs pa can rnams bskyed pa las rnam par smin pa'i rgyu ma gtogs pa'o/ /de la sems las byung ba lhan cig skyes pa rnams dang sems ni sems dang sems las byung ba rnams kyi lhan cig 'byung ba dang mtshungs par ldan pa'i rgyu dag yin no/ /de bzhin du sems las byung ba dag la yang so sor brjod par bya'o/ /skal ba mnyam pa'i rgyu ni rang gi ris dang sa pa'i chos nyon mongs pa can sngar skyes pa rnams so/ /kun tu 'gro ba'i rgyu ni kun tu 'gro ba'i rang gi sar sngar skyes pa rnams so/ /byed rgyu'i rgyu ni ci rigs par rang ma gtogs pa yin no/ /kun tu 'gro ba'i rgyu ma gtogs pa zhes bya ba la/ kun tu 'gro ba'i rgyu ni nyon mongs pa can kho na'i yin gyi/ nyon mongs pa can ma yin pa rnams kyi ma yin la/ rnam par smin pa ni nyon mongs pa can ma yin pas kun tu 'gro ba'i rgyu de'i rgyu yin pa 'gog pa yin no/ /'dir yang lhan cig 'byung ba dang mtshungs par ldan pa'i rgyu dag ni snga ma bzhin no/ /skal ba mnyam pa'i rgyu ni lung du ma bstan pa sngar skyes pa rnams so/ /rnam par smin pa'i rgyu ni de dag gang dag gi rnam par smin pa'i 'bras bu yin pa mi dge ba dang / dge ba zag pa dang bcas pa rnams so/ /byed rgyu'i rgyu ni snga ma bzhin no/ /rnam par smin pa dang kun tu 'gro ba'i rgyu de dag ma gtogs pa zhes bya ba la/ rnam par smin pa ma yin pa'i phyir rnam par smin pa'i rgyu ma gtogs la/ nyon mongs can ma yin pa'i phyir kun tu 'gro ba'i rgyu ma gtogs so/ /lhan cig 'byung ba dang mtshungs par ldan pa'i rgyu dag ni lhan cig 'byung ba rnams kho na yin no/ /skal ba mnyam pa'i rgyu ni ci rigs par brjod par bya'o/ /byed rgyu'i rgyu ni snga ma bzhin no/ /rnam par smin pa dang kun tu 'gro ba'i rgyu de dag dang skal ba mnyam pa'i rgyu ma gtogs pa zhes bya ba la de dang 'dra ba sngar skyes pa med pa'i phyir dang dge ba yin pa'i phyir/ skal ba mnyam pa dang / kun tu 'gro ba dang rnam par smin pa'i rgyu ma gtogs so/ /'dir yang lhan cig 'byung ba dang mtshungs par ldan pa'i rgyu dag ni lhan cig 'byung ba rnams kho na yin no/ /byed rgyu'i rgyu ni snga ma bzhin no/ /'di la kha cig na re nyon mongs pa can bzhi kho na skye'o zhes brjod par bya ste/ ci'i phyir zhe na kun tu 'gro ba'i rgyu las skal ba mnyam pa'i rgyu de tha dad ma yin pa'i phyir ro zhes zer ro/ /de yang de lta ma yin te/ kun tu 'gro ba'i rgyu la a nu ts+ya mA ne t+ya nai ya yi kA nAM/ rgyu ma bshad par 'gyur ro/ /skal ba mnyam pa'i rgyu la/ a nu ts+ya mA ne kun tu 'gro ba rnams dang kun tu 'gro ba'i thob pa rnams kyang rgyu'i dngos por ma brjod par 'gyur ro/ /'dod chags kyi rgyu las 'dod chags skye ste/ thob pa'i rgyu'i dngos po las thob pa lta bu ste/ lnga rnams kho na las nyon mongs pa can rnams skye'o zhes bya ba ni rigs so/ /mtshungs par ldan pa'i rgyu smos pa'i phyir ro/ /sems dang sems las byung ba yin pa shes te/ de lta ma yin na de dag la mtshungs par ldan pa'i rgyu mi smos par 'gyur ro/ /mtshungs par ldan pa'i rgyu gcig pu ma gtogs pa zhes bya ba la/ sems dang sems las byung ba'i rang bzhin ma yin pa'i phyir de dag la mtshungs par ldan pa'i rgyu med do/ /nyon mongs pa can la sogs pa gzhan yang zhes bya ba ni nyon mongs pa can rnams dang rnam par smin pa las skyes pa rnams dang lhag ma rnams dang 'phags pa'i dngos po rnams so/ /de la nyon mongs pa can rnams zhes bya ba la nyon mongs pa can gyi gzugs dang nyon mongs pa can gyi sems dang ldan pa ma yin pa'i 'du byed rnams ni mtshungs par ldan pa dang rnam par smin pa'i rgyu ma gtogs pa bzhi las so/ /rnam par smin pa las skyes pa zhes bya ba la/ mtshungs par ldan pa dang kun tu 'gro ba'i rgyu ma gtogs pa bzhi las so zhes bya bar sbyar te/ de dag ni rnam par smin pa las skyes pa'i gzugs dang rnam par smin pa las skyes pa'i ldan pa ma yin pa rnams so/ /lhag ma rnams ni gsum las so zhes bya ba la lhag ma'i gzugs dang ldan pa ma yin pa rnams ni rnam par smin pa dang mtshungs par ldan pa dang / kun tu 'gro ba'i rgyu dag ma gtogs pa lhag ma lhan cig 'byung ba dang / skal ba mnyam pa dang / byed rgyu'i rgyu dang gsum las skye'o/ /zag pa med pa'i dang po ni gnyis las te zhes bya ba la/ zag pa med pa'i dang po gzugs dang ldan pa ma yin pa rnams ni byed rgyu'i rgyu dang lhan cig 'byung ba'i rgyu dag las so/ /rgyu gcig las byung ba'i chos ni med do zhes bya ba la/ lhan cig 'byung ba dang byed rgyu'i rgyu dag phan tshun mi 'khrul ba'i phyir la rgyu lhan cig byed pa'i rgyu la mi ltos pa'i phyir dus thams cad du skye bar thal ba'i phyir ro/ /'di la rgyu'i chos rnams la rgyu'i rang bzhin bsam pa du zhe na/ rgyu'i rang bzhin drug yod pa nas rgyu'i rang bzhin gcig gi bar du yod do/ de la rgyu drug gi rang bzhin ni/ dper na 'das pa dang da ltar byung ba'i mi dge ba rnams dang / sems dang sems las byung ba kun tu 'gro ba rnams so/ /rgyu lnga'i rang bzhin yod de 'das pa dang da ltar byung ba'i mi dge ba rnams dang sems dang sems las byung ba kun tu 'gro ba rnams dang / kun tu 'gro ba lung du ma bstan pa rnams dang / dge ba zag pa dang bcas pa rnams dang mi dge ba rnams dang / mi ldan pa kun tu 'gro ba rnams so/ /rgyu bzhi'i rang bzhin yod de 'das pa dang da ltar byung ba'i mi dge ba dang dge ba zag pa dang bcas pa rnams dang / mi ldan pa'i 'du byed rnams dang mi dge ba kun tu 'gro ba ma yin pa rnams dang / sems dang mi ldan pa kun tu 'gro ba lung du ma bstan pa rnams dang / zag pa med pa'i sems dang sems las byung ba rnams dang / ma 'ongs pa'i dge ba rnams dang dge ba zag pa dang bcas pa rnams so/ /rgyu gsum gyi rang bzhin yod de/ 'das pa dang da ltar byung ba lung du ma bstan pa'i rang bzhin dang / lung du ma bstan pa sems dang mi ldan pa rnams dang / kun tu 'gro ba ma yin pa zag pa med pa gzugs dang mi ldan pa rnams dang ma 'ongs pa'i mi dge ba dang dge ba zag pa dang bcas pa dang / gzugs dang / dge ba dang / mi dge ba dang mi ldan pa rnams dang / lung du ma bstan pa zag pa med pa rnams dang sems dang sems las byung ba rnams so/ /rgyu gnyis kyi rang bzhin yod de/ lung ma bstan ma 'ongs pa zag pa med pa dang gzugs dang / lung ma bstan zag pa med pa dang mi ldan pa rnams so/ /rgyu gcig gi rang bzhin yod de 'dus ma byas kyi chos rnams so/ /rgyu dang 'bras bu rgyas par bstan pa rdzogs so// //sngar rgyu dang rkyen dag med par ni/ skye bas bskyed bya skyed byed min/ / zhes bshad pa de la rgyu rnams ni grangs dang / rang gi ngo bo dang 'bras bu'i sgo nas bstan na/ da ni rkyen rnams grangs dang / rang gi ngo bo dang / byed pa'i sgo nas brjod par bya dgos so zhes 'dri ba ni rkyen rnams gang zhe na zhes bya'o/ /rkyen ni bzhi po dag tu gsungs/ /gang nas gsungs zhes bya ba ni mdo las sam/ 'on te chos mngon pa pa dag gis mngon pa las gsungs zhes bya ba'o/ /de'i phyir mdo las zhes bya ba smos so/ /'di skad bstan par 'gyur te/ bcom ldan 'das kho nas bstan gyi/ chos mngon pa pa dag gis ni ma yin no/ /rkyen du 'dra ba ni rkyen nyid do/ /'dir dngos po'i rkyen gyis bstan pa ni 'dra ba nye bar blangs pa'o/ /thams cad rang bzhin tha dad pa yin yang rkyen gyi dngos po las mi 'da' ste rkyen gyi rigs rnam pa bzhi brten to snyam du bsam pa'o/ /rgyu zhes bya ba rgyu lnga yin zhes bya ba la rgyu'i rkyen ni lnga kho na ste rgyu'i rkyen kho na lnga ni ma yin no/ /de dag kyang mi shes pas byed rgyu'i rgyu ma gtogs pa zhes bya ba smos so/ /byed rgyu'i rgyu rgyu'i rkyen ma yin no zhes bya ba 'di ji ltar shes par bya zhe na bstan bcos las rgyu'i rkyen gang zhe na/ 'dus byas kyi chos thams cad do zhes gsungs te/ chos 'dus byas smos pas rgyu'i rkyen ni lnga po dag yin no zhes bya bar rnam par gzhag go/ /sems dang sems byung skyes pa rnams/ /tha ma min mtshungs de ma thag /ces bya ba la/ sems dang sems las byung ba smos pas/ gzugs dang 'dus ma byas dang ldan pa ma yin pa bsal ba'i sgo nas sems dang sems las byung ba rnams kho na mtshungs pa de ma thag pa'i rkyen nyid ni ma yin gyi mtshungs pa de ma thag pa'i rkyen nyid ni ma yin no zhes shes par bya ba'i phyir ro/ /yang ci'i phyir 'dus ma byas rgyu'i rkyen yin zhe na mi sgrib pa tsam gyis gnas pa'i phyir ro/ /gang dag rgyu dang rkyen gyi rnam par rtog pa rnams rgyu lnga dang rkyen gsum gyis ma bsdus pa nyid a saM skr-i ta sta ta saM gra hAr+thaM/ [ (]'dus ma byas te bsdus pa'i don/[) ]byed rgyu dang bdag po'i rkyen rnam par gzhag go/ /dngos po rnam pa sna tshogs pa bzhin rnam par rtog pa rnam pa du ma nyid kyi phyir byed rgyu las zhes pa'o/ /sems dang sems byung skyes pa rnams/ tha ma min mtshungs de ma thag ces bya ba la/ sems dang sems las byung ba smos pas gzugs dang 'dus ma byas dang ldan pa med pa ma yin pa rnams bsal ba'i sgo nas sems dang sems las byung ba rnams kho na mtshungs pa de ma thag pa'i rkyen no zhes shes par bya ba'i phyir ro/ /sems dang sems las byung ba dag ni rnam pa gnyis te/ tha ma dang tha ma ma yin pa dag go/ /tha ma dag ni gang dag gi mjug thogs su sems dang sems las byung ba mi 'byung ste/ dper na dgra bcom pa yongs su mya ngan las 'da' ba'i dus kyi lta bu'o/ / tha ma ma yin pa dag ni gang dag gi mjug thogs su sems dang sems las byung ba 'byung ba'o/ /de'i phyir tha ma bsal ba'i sgo nas phyi ma dang bcas pa rnams mtshungs pa de ma thag pa'i rkyen nyid du shes par bya ba'i phyir tha ma ma yin pa smos so/ /skyes pa rnams zhes bya bas ni ma 'ongs pa bsal ba'i sgo nas 'das pa dang / da ltar byung ba yongs su 'dzin pa yin no/ /rkyen 'di ni mtshungs pa yang yin de ma thag pa yang yin pas zhes bya ba 'dis ni sems dang sems las byung ba rnams kho na mtshungs pa de ma thag pa'i don dang ldan pa nyid yin gyi/ gzhan dag ni ma yin pas sems dang sems las byung ba rnams la ni mtshungs pa de ma thag pa'i rkyen yin no zhes ston to/ /mtshungs pa zhes bya ba ni rgyud gcig la rdzas rigs mthun pa gnyis mtshungs par ldan pa'i phyir ro/ /de ma thag tu zhes bya ba rdzas rigs mthun pas bar du ma chod pa'i 'bras bu can yin pa'i phyir ro/ /gang dag bar med par 'brel par 'byung ba ni de ma thag pa zhes smra ba de dag gi ltar na snyoms par 'jug pa las ldang ba'i sems dang sems las byung ba rnams de ma thag pa zhes bya bar thal bar 'gyur ro/ /thams cad mtshungs pa'am cig car kho nar sems dang sems las byung ba'i tshogs sngon du 'gro ba nyid do/ /de gzhan dag gis bar ma chad pa'i rkyen yin pas mtshungs pa de ma thag pa'i rkyen no zhes gzhan dag zer ro/ /mi mnyam par 'byung ba'i zhes bya ba la/ mtshungs pa de ma thag pa'i don med pa'i phyir mtshungs pa de ma thag pa'i rkyen ma yin no/ /mtshungs pa de ma thag pa'i don med pa nyid bstan pa'i phyir/ 'di ltar 'dod pa na spyod pa'i zhes bya ba rgyas par smos so/ /'dod pa na spyod pa ni so so thar pa'i sdom pa rnam par rig byed ma yin pa'i gzugs so/ /gzugs na spyod pa ni bsam gtan gyi sdom pa'i gzugs so/ / zag pa med pa ni zag pa med pa'i sdom pa'i gzugs so/ /gang gi tshe sdom pa blangs pa bsam gtan nam lam la snyoms par mi 'jug pa de'i tshe ni 'dod pa na spyod pa'i rnam par rig byed ma yin pa'i gzugs las 'dod pa na spyod pa kho na 'byung ngo / /gang gi tshe bsam gtan la snyoms par 'jug pa de'i tshe na 'dod pa dang gzugs na spyod pa'i rnam par rig byed ma yin pa 'byung ngo / /gang gi tshe lam la snyoms par 'jug pa de'i tshe ni 'dod pa na spyod pa dang zag pa med pa 'byung bas gzugs mngon du 'gyur bas 'chol ba yin no/ /mtshungs pa de ma thag pa'i rkyen ni 'chol ba ma yin na zhes bya ba la/ 'dod pa na spyod pa'i sems dang sems las byung ba dag gi mjug thogs su ni nam yang 'dod par gtogs pa dang gzugs su gtogs pa mi 'byung ngo / /'dod pa na spyod pa dang zag pa med pa zhes bya ba la/ gang dag mtshungs pa de ma thag tu byung ba de dag ni mtshungs pa de ma thag pa'i rkyen zhes gzhan dag go/ /mtshungs pa zhes bya ba ni gang zhig ldan pa de ldan pa nyid de/ tshor ba la sogs pa dang yang dag par ldan pa ni yang dag par ldan pa'o/ /de ma thag pa zhes bya ba ni cig car sems la tshor ba la sogs pa'i rang bzhin ni ma yin gyi/ sems gcig la 'dod pa dang ldan pa dang mi ldan pa mngon du gyur pa'o zhe na/ 'di mtshungs pa de ma thag pa'i rkyen ma yin no/ /btsun pa dbyig bshes na re rgyas pa las byung ba zhes bya ba rgyas par 'byung ba la/ ji ltar zas dang bsam gtan la sogs pas rgyas par byas pa dang / rnam par smin pa las skyes pa ma 'gags pa kho nar de dang rigs mthun pa bsam gtan dang zas la sogs pas rgyas pa dang / rnam par smin pa las skyes pa'i gzugs gzhan skye ba de bzhin du/ dge ba dang mi dge ba dang lung du ma bstan pa'i sems ma 'gags pa kho nar dge ba dang mi dge ba dang lung du ma bstan pa'i sems ni mi 'byung ngo zhes zer ro/ /gzhan dag na re/ de ltar 'byung ba chen po bzhi las skyes pa rnams ni rigs gcig pa mang po nye bar blangs pa'i gzugs kyis rdul phra rab kyi rdzas rnams skye'i/ /sems dang sems las byung ba rnams ni ma yin pa nyid do zhes zer ro/ /btsun pa zhes bya ba ni mdo sde pa gnas brtan chos skyob po/ /ches mang ba dang / nyung ngu byung ba'i phyir te zhes bya ba rgyas par 'byung ba la/ 'di ltar chos gzugs can rnams ni rdzas nges pa med par 'byung bar 'gal ba med de/ la lar ni ches nyung ngu mang por 'gyur te/ dper na nur nur po la sogs pa dag las gzugs lta bu'o/ /la lar ni ches mang ba yang nyung ngur 'gyur te/ dper na stobs dang ldan pa'i lus las stobs chung ngu 'byung ba lta bu'o/ / de'i phyir 'di mtshungs pa de ma thag pa nyid kyi byed pa med do/ /sems las byung ba rnams la yang zhes bya ba rgyas par 'byung ba la/ 'di ltar 'dod par gtogs pa'i dge ba'i sems la sems las byung ba nyi shu rtsa gnyis 'byung la mi dge ba ma 'dres pa dang / lta ba dang ldan pa la nyi shu'o/ /bsgribs pa la ni bco brgyad do/ /ma bsgribs la lung du ma bstan pa la ni bcu gnyis so/ /rtog pa dang dpyod pa dang bcas pa'i ting nge 'dzin bsam gtan dang po'o/ /rtog pa med la dpyod pa tsam ni bsam gtan khyad par can no/ /rtog pa yang med la dpyod pa yang med pa ni bsam gtan gnyis pa nas srid pa'i rtse mo'i bar te/ sems dang ting nge 'dzin de dag phan tshun mtshungs pa de ma thag pa'i rkyen gyi ngo bor 'dod pa yin la/ sems las byung ba rnams kyang ches mang ba dang nyung ngu 'byung bas gzugs bzhin du mtshungs pa de ma thag pa'i dngos por 'gal lo/ /rigs gzhan la ni yod kyi zhes bya ba la rtog pa dang dpyod pa la sogs pa rigs gzhan du 'gyur ba rnams ni sems 'ga' zhig la 'byung ba dang mi 'byung bar 'gyur na/ 'dir ni gzugs bzhin du rang gi rigs la chos mang ba dang nyung ngu 'byung ba med do zhes brjod do/ /'di ltar tshor ba'i rdzas gcig gi mjug thogs su tshor ba'i rdzas gnyis sam tshor ba gnyis kyi mjug thogs su gcig 'byung bar mi 'gyur te/ de ltar na sems dang sems las byung ba rnams rdzas nges par 'byung bas 'dir gzugs dang 'dra bar thal bar 'gyur ba med do/ / yang ci rang gi rigs kho na'i zhes bya ba ni gang gi phyir mtshungs pa de ma thag pa'i rkyen mi mnyam pa mi 'dod pas 'dri ba'o/ /de ni ma yin te zhes bya ba rgyas par 'byung ba la 'dir ni gzhan gyi sems dang sems las byung ba rnams la yang gzugs ltar ches mang ba dang nyung ngu 'byung ba ma yin nam zhes gang smras pa de la bsal bar bya ba'i phyir tshor ba la sogs pa rdzas nyung ngu las zhes bya ba rgyas par byung ba de tsam zhig brjod kyi rang gi rigs kho na mtshungs pa de ma thag pa'i rkyen ma yin no zhes bstan pa'i phyir ni ma yin te/ de'i phyir tshogs pa mtha' dag kho na tshogs pa gzhan mtha' dag gi mtshungs pa de ma thag pa'i rkyen no/ /rgyud 'dra ba dag ni zhes bya ba rgyas par 'byung ba la/ 'di dag la rgyud 'dra bas tha snyad 'dogs pa yod pas na/ de dag ni rgyud 'dra ba dag go/ /gal te 'dra ba kho na mtshungs pa de ma thag pa'i rkyen yin na/ ji ltar nyon mongs pa can ma yin pa'i mjug thogs su nyon mongs pa can du 'byung zhe na/ gang gi tshe nyon mongs pa can ma yin pa'i mjug thogs su zhes bya ba rgyas par 'byung ste/ 'di ltar rigs gzhan gyis bar ma chod pa mtshungs pa de ma thag pa'i rkyen du mi 'dod kyi/ 'o na ci zhe na/ rang gi rigs kyis ma chod pa'o/ /dper na zhes bya ba ni de nyid la dpe rgyas par 'byung ngo / /de skad du ni mi brjod do zhes bya ba la bstan bcos dang 'gal ba'i phyir dang / rig pa dang 'gal ba'i phyir te/ sems kyi mtshungs pa de ma thag pa'i chos rnams gang zhe na/ sems gang gi mjug thogs su de las gzhan pa'i sems dang sems las byung ba dag ces rgyas par 'byung ngo / /zag pa med pa'i sems mi 'byung bar thal ba'i phyir na rig pa dang yang 'gal lo/ /sdug bsngal la chos shes pa'i bzod pa'i snga rol du byung ba'i chos zag pa med pa ni 'ga' yang med de sngar lam ma bskyed pa'i phyir ro/ /tshor ba la sogs pa rigs gzhan dang mtshungs pas mtshungs pa de ma thag pa'i rkyen nyid du 'dod pa ni zag pa dang bcas pa dang zag pa med pa dang mtshungs pas so/ /de'i phyir 'di bsam par bya ste/ khams gsum pa dang ldan pa ma yin pa rnams cig car mngon du 'gyur ba'i phyir ro zhes bya ba la/ 'dod pa'i khams la 'dod chags dang bral ba'i skad cig skad cig la 'dod pa na spyod pa'i chos kyi thob pa'i mjug thogs su 'dod pa dang gzugs med pa dang zag pa med pa'i thob pa rnams mngon du 'gyur te gzugs dang gzugs med pa na spyod pa'i nyon mongs pa rnams dang ldan pa'i phyir ro/ /de bzhin du 'dod pa'i khams las 'dod chags dang ma bral ba dang / gzugs dang gzugs med pa'i snyoms par 'jug pa thob pa'i 'phags pa la yang khams gsum pa'i nyon mongs pa dang / zag pa med pa'i chos kyi thob pa mngon du 'gyur ba yin no/ /de bzhin du khams gsum dang ldan pa dang ldan pa ma yin pa'i dge ba rnams dang / bsgribs la lung du ma bstan pa rnams kyi thob pa rnams kyang cig car mngon du 'gyur ba yin no/ /'dis ni skye ba la sogs pa rnams cig car mngon du 'gyur ba yang bshad pa yin no/ /de bzhin du dgra bcom pa thob pa dang yongs su nyams pa dag la yang ci rigs par brjod par bya'o/ /skyes pa rnams mtshungs pa de ma thag ces bshad pa 'dri ba ni/ ci'i phyir ma 'ongs pa zhes bya ba'o/ /ma 'ongs pa'i dus 'chol ba nyid du bstan pa'i phyir snga phyi med pa'i phyir ro zhes bya ba smos so/ /snga phyir 'byung ba dang 'brel ba'i phyir ma 'ongs pas da ltar ba snga ba dang / da ltar bas 'das pa snga bar 'dod par nus na ma 'ongs pa la ni de ltar snga phyi yod pa ma yin te dus snga phyi dang 'brel pa med pa'i phyir ro/ /de nyid gyi phyir da ltar ba da ltar ba'i mtshungs pa de ma thag pa zhes mi bya ste dus mtshungs pa'i phyir ro/ /'o na bcom ldan 'das kyis zhes bya ba rgyas par 'byung ste/ gal te ma 'ongs pa'i dus la snga phyi med na'o/ /'das pas da ltar la'am/ 'das pa dang da ltar ba dag la rjes su dpog pa ni 'das pa dang / da ltar gyi las rjes su dpag pa'o/ /rnam par smin pa ni 'di lta bu zhes bya ba ni rnam par smin pa'i 'bras bu'o/ /chos las skyes zhes bya ba ni rgyu mthun pa'i 'bras bu'o/ /de lta na bcom ldan 'das kyis zhes bya ba rgyas par 'byung ste/ gal te 'das pas da ltar ba la dpog go zhes bya bar 'dod na'o/ /gzhan dag na re bcom ldan 'das kyis ji ltar 'di la sngon gyi mtha' la mi ltos par de'i rigs can gyi las kyi 'bras bu ma 'ongs pa mngon sum gyis gzigs pa las ma 'ongs pa che ge mo zhig gi mjug thogs su 'di kho na 'byung bar 'gyur ro snyam du nges par 'byung bar 'gyur ba de ltar sems can gyi rgyud dag las 'das pa'i las dang 'bras bu 'brel ba rab tu mkhyen pa yin te/ de'i phyir nyes pa 'di med do zhes zer ro/ /'bras bu'i rtags su gyur pa zhes bya ba ni 'bras bu'i mtshan mar gyur pa dang rgyu mtshan du gyur pa ste rtags mtshan du gyur pa zhes bya ba'i don to/ /de ni de'i gzugs brnyan lta bu zhig ste/ de la gzigs nas bsam gtan dang mngon par mkhyen pa mngon du ma mdzad bzhin du ma 'ongs pa mkhyen pa yin gyi mngon sum du mdzad pas mngon sum du gzigs pa ni ma yin no zhes zer ro/ /gzhan dag na re de las gong du ma 'ongs pa'i 'bras bu'i rtags su gyur pa zhig mngon sum du gzigs so zhe na/ rtags su gyur pa cung zad kyang med par mngon sum du gzigs nas lung du ston par mdzad do/ /gal te de'i 'bras bu bcom ldan 'das kyis mngon sum du gzigs pa ci'i phyir mtshan ma la ltos par byed/ 'on te skye'o zhe na/ las yongs su ma bzung bas 'dir mtshan ma la ltos pa de lta na yang de'i 'bras bu 'phen pa'i rtags su gyur pa nyid las mi 'da'o/ /mngon sum du ma mdzad bzhin du yang zhes sngar yang bshad do/ /gang gi phyir rab tu grags pas sngon dang mtha' mi 'brang ngo / /mkhyen pa de ni du ba las me ltar rjes su dpag pa las byung ba yin te/ rgyu dang 'bras bu'i 'brel pa mngon sum nyid kyi phyir ni ma yin no/ /ji ltar ma 'ongs pa la mi bltos pa kho nar 'das pa mkhyen pa de bzhin du 'das pa la mi bltos par yang ma 'ongs pa mkhyen pa yin no/ /ma 'ongs pa'i go rims nges pa med na bcom ldan 'das kyis bzhed pa tsam gyis ma 'ongs pa che ge mo zhig gi mjug thogs su ma 'ongs pa 'di 'byung bar 'gyur ro zhes bya ba mkhyen na/ 'di ltar bcom ldan 'das thams cad mkhyen pa yin zhes te/ gzugs la sogs pa yul da ltar ba rnams mig gi rnam par shes pa dag gis nyams su ma bstar bar yid kyi rnam par shes pas mkhyen pa ni ma yin no zhe na/ 'di'i lan du sangs rgyas rnams kyis sangs rgyas kyi yul ni zhes bya ba la sogs pa smos so/ /ma 'ongs pa'i go rims nges par gnas pa med na zhes bya ba 'byung ste/ mtshungs pa de ma thag pa'i rkyen ni nges par gnas pa yin no/ /ci'i phyir chos kyi mchog gi mjug thogs su zhes bya ba rgyas par 'byung ba la/ skye ba nges pa'i rgyu ni mtshungs pa de ma thag pa'i rkyen yin na/ de ni ma 'ongs pa'i dus na med pas nges pa med par skye bar thal bar 'gyur ro/ /gang zhig gang la rag las te skye ba zhes bya ba rgyas par 'byung ba la/ sdug bsngal la chos shes pa'i bzod pa skye ba ni chos kyi mchog la rag las pa yin gyi gzhan la rag las pa'am bzlog pa ni ma yin no/ / de'i phyir chos kyi mchog gi mjug thogs su sdug bsngal la chos shes pa'i bzod pa kho na skye'i/ chos gzhan ni ma yin no/ /de bzhin du gzhan la yang brjod par bya'o/ /mtshungs pa de ma thag pa'i rkyen med na de la rag las pa gang gis byas she na nus pa tha dad pa'i phyir te/ de lta ma yin na mtshungs pa de ma thag pa'i rkyen med pa'i phyir sa bon la sogs pa rnams kyi go rims nges pa med par 'gyur na/ sa bon la sogs pa rnams la go rims nges pa mthong ba yang yin no/ /de'i phyir nus pa tha dad pa'i phyir gang zhig skye ba gang la rag las pa kho na de'i mjug thogs su skye'i gzhan ni ma yin no/ /mjug thogs kyi shes pa yod kyang rung ste/ rten gyi dngos por khyad par med pa'i phyir ro/ /dper na mig skyes pa na mig gi rnam par shes pa'i rten gyi dngos por gnas pa bzhin te/ gal te rgyu gzhan ma tshang bas mig gi rnam par shes pa mi skye na der mig gis ci nyes/ rgyu ma tshang ba ni dgra bcom pa la yang srid kyi las dang nyon mongs pa med pa'o/ /byed pas rab tu phye ba zhes bya ba ni 'bras bu bskyed pas rab tu phye ba ste/ yid ltar gnas pa tsam gyis rab tu phye ba ni ma yin no/ /de nyid bsgrub par bya ba'i phyir mtshungs pa de ma thag pa de skye ba la mngon du phyogs pa'i chos gang 'bras bur gzung ba de ni thams cad zhes rgyas par smos so/ /dgra bcom pa'i sems dang sems las byung ba tha ma dag gis ni 'bras bu gzung ba ma yin te/ de'i phyir de dag skyes bu'i byed pa med pa yin pa'i phyir mtshungs pa de ma thag pa'i rkyen ma yin no/ /gang dag la sems mtshungs pa de ma thag pa'i rkyen du yod pa de dag ni sems kyi mtshungs pa de ma thag pa can no/ /skad cig gzhan gyis bar ma chod pa'i phyir ni/ sems kyi de ma thag pa can no/ /sems med pa'i snyoms par 'jug pa las zhes bya ba ni 'gog pa dang 'du shes med pa'i snyoms par 'jug pa las so/ /ldang ba'i sems zhes bya ba la/ de'i mtshungs pa de ma thag pa'i rkyen snyoms par 'jug pa'i sems yin pas sems kyi mtshungs pa de ma thag pa can yin gyi/ sems kyi de ma thag pa can ni ma yin te/ snyoms par 'jug pa'i skad cig ma rnams kyis bar du gcad pa'i phyir ro/ /snyoms 'jug pa'i skad cig ma gnyis pa dag kyang snyoms par 'jug pa'i skad cig ma dang pos chod pa'i phyir sems kyi de ma thag pa can ma yin la/ sems kyi mtshungs pa de ma thag pa can ni yin te/ snyoms par 'jug pa'i sems kyi mtshungs pa de ma thag pa'i rkyen can yin pa'i phyir ro/ /snyoms par 'jug pa'i skad cig ma dang po zhes bya ba rgyas par 'byung ba la/ sems de ni skye ba la sogs pa dag gi mtshungs pa de ma thag pa'i rkyen ma yin pas de dag sems kyi mtshungs pa de ma thag pa can ma yin la/ sems kyi de ma thag pa can ni yin te/ skad cig ma gzhan gyis bar ma chod pa'i phyir ro/ /snyoms par 'jug pa'i skad cig ma dang po ste/ de ni sems kyi mtshungs pa de ma thag pa can yang yin la/ sems kyi de ma thag pa can yang yin no/ /sems dang bcas pa'i gnas skabs dag tu ni skad cig ma snga ma snga mas bar ma chod pa'i phyir sems kyi de ma thag pa can nyid do/ /sems kyi mtshungs pa de ma thag pa'i rkyen med pa'i phyir/ sems kyi ni de ma thag pa nyid do/ / gnyis pa la sogs pa zhes bya ba rgyas par 'byung ba la/ 'di dag gi skye ba la sogs pa dag ni/ sems kyi mtshungs pa de ma thag pa can gyi rang bzhin ma yin pa'i phyir/ sems kyi mtshungs pa de ma thag pa can yin la/ skad cig ma gzhan gyis chod pa'i phyir sems kyi de ma thag pa can ma yin no/ /gsum pa dang bzhi pa gang dag yin pa de dag ni dang po dang gnyis pa yin pa dag go/ /dang po dang gnyis pa gang dag yin pa de dag ni gsum pa dang bzhi pa dag yin par bshad do zhes bya ba la/ snyoms par 'jug pa'i skad cig ma dang po dang / sems dang bcas pa'i gnas skabs de ni der mu gsum pa yin la 'dir ni dang po ste/ mtshungs pa de ma thag pa'i rkyen gyis bskyed pa'i phyir sems kyi mtshungs pa na de ma thag pa can yin la snyoms par 'jug pa'i de ma thag pa can ni ma yin te/ de'i mtshungs pa de ma thag pa'i rkyen snyoms par 'jug pa'i skad cig las gzhan yin pa'i phyir ro/ /snyoms par 'jug pa'i skad cig ma gnyis pa la sogs pa dang / ldang ba'i sems kyi skye ba la sogs pa ni der mu bzhi pa yin la 'dir ni gnyis pa ste/ snyoms par 'jug pa dang chod pa med pa'i phyir/ snyoms par 'jug pa'i de ma thag pa can yin la/ sems kyi mtshungs pa de ma thag pa can ma yin no/ /snyoms par 'jug pa'i sems ni de dag gi mtshungs pa de ma thag pa'i rkyen ma yin te/ sems kyi mtshungs pa de ma thag pa can gyi rang bzhin ma yin pa'i phyir ro/ / sems med pa'i snyoms par 'jug pa las ldang ba'i sems dang / snyoms par 'jug pa'i skad cig ma gnyis pa la sogs pa dag ni der mu dang po yin la 'dir ni mu gsum pa ste/ sems kyi mtshungs pa de ma thag pa can dang / snyoms par 'jug pa de ma thag pa can yin no/ / snyoms par 'jug pa'i skad cig ma dang po dang / sems dang bcas pa'i gnas skabs kyi skye ba la sogs pa der mu gnyis pa yin te/ chos de dag ni sems kyi mtshungs pa de ma thag pa can gyi rang bzhin ma yin pa'i phyir dang / snyoms par 'jug pa'i skad cig ma snga ma med pa'i phyir sems kyi mtshungs pa de ma thag pa yang ma yin la/ snyoms par 'jug pa'i de ma thag pa can yang ma yin no/ /da ni ji ltar ldang ba'i sems yun ring mo zhig tu chod pa zhes bya ba rgyas par 'byung ste/ de'i phyir sems gzhan gyis ma chod pa'i phyir ro zhes bya ba smos so/ / sems kyi bar gcod par byed pa ni sems yin gyi ldan pa ma yin pa ni ma yin no zhes bshad par 'gyur ro/ /'dir ni mu gsum pa yin no/ /snyoms par 'jug pa'i skad cig ma dang po dang / sems dang bcas pa'i gnas skabs kyi skye ba la sogs pa ni der mu gcig pa yin la 'dir ni bzhi pa'o/ /sems gzhan gyis bar ma chod pa'i phyir ro zhes bya ba ni/ sems kyi bar du gcod par byed pa ni sems yin gyi ldan pa ma yin pa ni ma yin no zhes pa'o/ /de'i phyir ldang ba'i sems ni snyoms par 'jug pa'i sems kyi mtshungs pa de ma thag par brjod do/ /'dir ni snyoms par 'jug pa'i rgyun gyi ldang ba'i sems rnams kyang brjod par bya ste 'bras bu gcig pa'i phyir ro/ /rim pas skye ba la byas pa ci zhe na/ gang la gzhol ba'i snyoms par 'jug pa'i sems de sngar skye ste/ snyoms par 'jug pa'i sems la gzhol ba de yang de nyid kyi mtshungs pa de ma thag tu skye'o/ /snyoms par 'jug pa de yang snyoms par 'jug pa'i rgyun gyi rim pa nges pa ci zhig byas she na/ nges pa de la dgos pa med pa'i phyir cig car mi skye'o/ /snyoms par 'jug pa'i skad cig cig car skyes pa rnams gang gcig gis mi nus pas de la dgos pa yod pa ma yin no/ /de'i phyir sngon gyi 'du byed kyi dbang gis dus skal ba rnams su yang snyoms par 'jug pa'i rgyun skye'o/ /snyoms par 'jug pa'i skad cig ma de lta bu rnams kyang snga ma dang phyi ma'i nges pas rgyur brjod par bya'o/ /dmigs pa chos rnams thams cad do/ /zhes bya ba la/ sems dang sems las byung ba'i yul las gzhan pa'i chos ni 'ga' yang yod pa ma yin no/ /thams cad dmigs pa yin gyi thams cad ni thams cad kyi ma yin no zhes bstan pa'i phyir ci rigs par zhes bya ba smos so/ /de nyid bstan par bya ba'i phyir mig gi rnam par shes pa mtshungs par ldan pa dang bcas pa'i ni gzugs so zhes bya ba rgyas par smos so/ /de lta bu'i mtshan nyid yin pa'i phyir zhes bya ba ni de ni yul gyi mtshan nyid yin pa'i phyir zhes bya ba'i don to/ /skye mched dang rdzas dang / skad cig nges pas zhes bya ba 'byung ste/ de la skye mched nges pa ni mig gi rnam par shes pa mtshungs par ldan pa dang bcas pa'i dmigs pa ni gzugs kyi skye mched yin la/ gzhan ma yin pa'o/ /rdzas nges pa ni gzugs sngon po 'dzin par byed pa'i dmigs pa ni de kho na yin la/ ser po la sogs pa ma yin no/ /skad cig ma nges pa ni skad cig ma gang zhig gang gi dmigs pa yin pa de kho na de'i dmigs pa yin la/ gzhan ma yin pa'o/ /bdag nyid ji lta bar zhes bya ba la gang gi dmigs pa gang yin pa zhes bya ba'i tha tshig go/ /rna ba la sogs pa'i rnam par shes pa yang sgra la sogs pa dag la de dang 'dra bar sbyar ro/ /smras pa de bzhin te zhes bya ba 'di ni de ltar yin no zhes bya ba ste/ mig gi rnam par shes pa ni mig gi rten can kho na yin gyi gzhan gyi rten can ma yin no/ /'di'i rdzas su nges pa yang skye mched nges pa ltar khong du chud par bya'o/ /de bzhin du rna ba la sogs pa'i rnam par shes pa la yang brjod par bya'o/ /skyes pa rnams ni rten dang lhan cig nges pa dag yin te/ de skye ba rten med na mi 'byung ba'i phyir ro/ /'das pa rnams kyang rten dang lhan cig pa dag yin no zhes bya ba ni rten gang dag dang lhan cig skyes nas 'gags pa rnams te/ gzhan du 'das pa'i mig brten pa dang bcas par bzhag tu med do/ /slob dpon 'dus bzang na re/ dpe ston pa rnams kyi dmigs pa'i rkyen gang yin pa ni de'i dmigs pa ma yin la/ dmigs pa gang yin pa yang dmigs pa'i rkyen ma yin te/ gang gi phyir gzugs sngar skyes pa rnams mig gi rnam par shes pa skyed pa la rkyen no zhes zer ro/ /de yang gzugs yod pa'i dus su rnam par shes pa'i phyir de dmigs pa ma yin la/ ji ltar rnam par shes pa gang yin pa de gzugs rnams ma bsdus pas mig gi rnam par shes pa'i dmigs pa yod pa ma yin par thal bar 'gyur ro/ /ma yin te mig gi rnam par shes pa dang mnyam pa'i yul da ltar ba yul yin pa'i phyir da ltar ba med par mi rung ngo / /gang 'das pa dang ma 'ongs pa'i 'dus byas la dmigs pa de'i phyir rnam par shes pa de'i dmigs pa'i rkyen 'das pa med par khas blangs pa med pa'i phyir med pa ma yin te rkyen du 'gyur bar 'os so zhes zer ro/ /dpe ston pa rnams na re/ chos mngon pa pa rnams kyi dmigs pa ni dmigs pa'i rkyen ma yin te/ rnam par shes pa'i bdag nyid du yod pa nyid las tha dad pa ma yin pas bya ba gzhan gsum la byed pa med de da ltar ba'i dmigs pa la bya ba med do/ /gang 'di skye mched kyi rdzas kyi mtshan nyid nges pas dmigs pa nges par 'dod na der mi 'gyur te/ dmigs pa'i rgyu med pa'i phyir ro/ /dmigs pa'i rkyen ma yin pa'i tshe rnam par shes pa grub pa'i phyir dmigs pa'i rkyen da ltar bas bya ba cung zad kyang yod pa ma yin no/ /bya ba med na ji ltar rkyen du 'gyur zhes zer ro/ /yang 'di la sangs rgyas bcom ldan 'das rnams kyi de kho na nyid mkhyen pa ci zhe na/ rnam par dpyad pa 'di la ni brjod par bya ba mang du 'byung bas zhar las byung bas chog go/ /byed rgyu zhes bya ba bdag por bshad ces bya ba la/ 'dis ni bdag nyid ma gtogs pa'i chos thams cad ni bdag po'i rkyen yin no zhes bstan par 'gyur ro/ /rkyen 'di ni rgyu dang mtshungs pa de ma thag pa dang / dmigs pa'i rkyen dag pas lhag pa yin pas na bdag po'i rkyen no/ /'di ji ltar lhag ce na/ rang gi ngo bo ma gtogs pa'i chos thams cad bdag po'i rkyen yin pa de ltar rgyu dang mtshungs pa de ma thag pa dang dmigs pa'i rkyen dag ni ma yin no/ /chos thams cad yin la zhes bya ba la/ yid kyi rnam par shes pa'i dmigs pa ni chos thams cad yin no zhes bya ba 'byung ba las/ dmigs pa'i rkyen yang chos thams cad yin te/ de'i phyir gang gis 'di kho na lhag par brjod pa 'di la dmigs pa'i rkyen las phul du byung ba ci yod ce na/ phul du byung ba yod de/ sems dang sems las byung ba dag gi lhan cig 'byung ba'i chos rnams ni nam yang dmigs pa ma yin gyi/ bdag po'i rkyen ni yin pas chos thams cad bdag po'i rkyen bzhin du dmigs pa'i rkyen ma yin no/ /gzhan dag na re chos gang zhig chos gang gi dmigs pa dang dmigs par bya ba ma yin yang de de'i dmigs pa ste yul gyi ngo bos gnas pa'i phyir ro/ /de ltar na chos thams cad dmigs pa'i rkyen no zhes zer ro/ /de lta na bdag po mi rung bas de ni de lta ma yin te/ skye ba la gegs med pa'i ngo bos gnas pa yin pa'i phyir thams cad bdag po'i rkyen no/ /gzhan dag na re/ thams cad ni de lta ma yin te skye mched kyi dmigs pa rdzas so sor nges pa'i phyir ro/ /skye bzhin pa'i bdag po'i rkyen la/ gzhan gyi bdag po kho na yin gyi rkyen ma yin no/ /de bzhin du dmigs bzhin pa kho na dmigs pa'i rkyen yin la/ dmigs bzhin pa ma yin pa dmigs pa kho na yin te/ de bzhin du lhan cig 'byung ba dang mi dmigs pa las dmigs pa'i rkyen ma yin no/ /rkyen 'di ni lhag pa yin pas bdag po'i rkyen no/ /gzhan dag na re/ ji ltar rkyen gyi ngo bo rnam pa thams cad pa du mas de ltar gsum rnams la zhes bya bya ba de dag la rkyen gyi ngo bo lhag pas yin te rdzas kyi ma yin no zhes zer ro/ /lhag pa'i zhes bya ba la sogs pa la/ thams cad thams cad kyi dmigs pa ni ma yin gyi/ dmigs pa'i rkyen ni sems dang sems las byung ba thams cad kyi yin gyi rang gi ngo bo'i rang gi ngo bo lta bu'o zhes bya ba la/ rkyen gyi mtshan nyid ji skad bshad pa mi srid pa'i phyir ro/ /'dus ma byas kyi 'dus byas lta bu dang zhes bya ba la bskyed par bya ba ma yin pa'i phyir ro/ /de la rgyu dang bdag po'i rkyen dag ni rgyu bsdus par bshad zin pas/ mtshungs pa de ma thag pa dang dmigs pa'i rkyen dag brjod par bya'o/ /kha cig ni skal ba mnyam pa dang kun tu 'gro ba'i rgyu'i phyogs gcig mtshungs pa de ma thag pa'i rkyen no zhes zer ro/ /skyes pa'i gnas skabs kyi khyad par las 'di med pa ni 'bras bu tha dad pa'i phyir ro/ /gal te yang rgyu thams cad skyes bu byed pa'i 'bras bu dang thun mong ba de lta na yang de dag rgyu mthun pa'i 'bras bu kho na yin par mi brjod de/ dge ba dang mi dge ba dang zag pa dang bcas pa dang zag pa med pa dang khams la sogs pa tha dad pas 'dra ba dang mi 'dra ba'i mtshungs pa de ma thag pa'i rkyen ni skyes bu byed pa'i 'bras bu'o/ /skal ba mnyam pa dang kun tu 'gro ba'i rgyu dag ni skal ba mnyam pa kho na yin pas de la thun mong ba med do/ /de lta na 'o na skyes pa mtshungs par ldan pa'i rgyu dang lhan cig 'byung ba'i rgyu sems dang sems las byung ba'i rang bzhin mtshungs pa de ma thag pa'i rkyen skyes bu byed pa'i 'bras bu dang khyad par med pa'i phyir ro/ /de ni de lta ma yin te mtshungs par ldan pa dang / lhan cig 'byung ba'i rgyu dag dang mtshungs pa de ma thag pa'i rkyen ni skyes bu byed pa'i 'bras bu dang lhan cig skyes pa mtshan nyid mi mthun pa'i phyir ro/ /gang gi phyir skyes bu byed pa'i 'bras bu ni bya ba la ltos pa kho na yin pas de dag sems dang sems las byung ba rnams dang lhan cig mtshungs par ldan pa'i rgyu rnams dmigs so/ /mtshungs pa de ma thag par skyes pa 'bras bu la ltos pa ni/ mtshungs pa de ma thag pa'i rkyen ces bya ste/ ji ltar lhan cig skyes pa la 'bras bu'i khyad par 'ga' yang med pas gang dang mtshungs par ldan pa dang lhan cig 'byung ba'i rgyu dag rdzas saM b+he de s+ya saM b+he daH de bzhin du rgyu dag gi mtshungs pa de ma thag pa'i rkyen gyi yang zhes bya ba la/ ji ltar dmigs pa'i rkyen gyi rnam pa gang yin pa de byed rgyu'i rgyu zhes kha cig go/ /rdzas dang 'bras bu thun mong ba las 'bras bu thun mong ba med de/ dmigs pa'i rkyen ni skyes bu yin pa'i 'bras bu yin pa'i phyir ro/ /'ga' zhig tu byed rgyu'i rgyu yang skyes bu byed pa'i 'bras bur yod pa ma yin nam zhe na/ yod mod kyi de ni bdag po'i 'bras bu kho na ma yin pas ma gtogs pa ste skyes bu byed pa'i 'bras bu ni ma yin no/ /de'i phyir mtshungs pa de ma thag pa dang dmigs pa'i rkyen rgyur bsdus pa mthong ngo / /rgyu gnyis po dag 'gag pa la/ bya ba byed do zhes bya ba la/ 'gag pa kho na la bya ba byed do zhes bya ba nges par gzung ngo / /skye ba'i dbang du byas nas yin gyi/ 'gag pa'i dbang du byas nas ni ma yin te/ byed pa'i dus kho nar 'bras bu 'byung ba'i phyir ro/ /bya ba ni rnam pa gsum ste/ 'bras bu 'dzin pa dang / 'bras bu 'byin pa dang / yul nye bar longs spyod pa'o/ /de gnyis ni lhan cig 'byung ba'i 'bras bu la bya ba byed do zhes bya ba la/ ji ltar de gnyis de la bya ba byed ce na/ phan tshun 'bras bu 'dzin pa dang / 'byin par nus pa nyid kyis te/ phan tshun bral bas yul 'dzin par mi 'thad pa'i phyir ro/ /gsum po ni skye ba la'o zhes bya ba la/ skye ba kho na la'o zhes bya bar nges par gzung ngo / /gang gi phyir rnam par smin pa dang rgyu mthun pa'i 'bras bu dag 'phangs pa'i dbang gis skye ba de'i phyir skal ba mnyam pa'i rgyu la sogs pa 'di dag gis ni skye bzhin pa la bya ba byed do/ /re shig skal ba mnyam pa dang kun tu 'gro ba'i rgyu gnyis po ni mjug thogs su rgyu mthun pa'i 'bras bu yod pas 'bras bu skye bzhin pa la bya ba byed par 'gyur na rnam par smin pa'i rgyu las ni mjug thogs su rnam par smin pa'i 'bras bu med cing / 'das pa'i byed pa med pas skye bzhin pa la ji ltar bya ba byed par rung zhe na/ 'dir bya ba'i sgras ni nus pa brjod de/ rgyu bskal pa du mas chod par 'gags kyang de'i mthu kho nas thun mong gi rgyu nyid kyi phyir skye ba dang / 'jig pa'i byed pa med kyang 'bras bu 'byin par nus pa la bya ba'i sgras 'dogs so/ /mtshungs pa de ma thag pa'i rkyen ni skye ba la bya ba byed de drangs te skabs 'byed pa'i phyir ro/ /dmigs pa'i rkyen ni 'gag pa la bya ba byed de/ da ltar gyi sems dang / sems las byung ba rnams kyi yul da ltar ba 'dzin pa'i phyir ro/ /bdag po'i rkyen ni zhes bya ba la 'di'i bya ba ni mi sgrib pa'i ngo bo nyid du gnas pa yin te/ de ni skye ba dang / 'gag pa la khyad par med pas de ni gnas skabs thams cad du bya ba byed par brjod do/ /gal te mtshungs par ldan pa dang / lhan cig 'byung ba'i rgyu dag las dmigs pa'i rkyen skye ba bya ba'i dngos por rtogs na/ 'o na de dag gi rgyu dang rkyen ci yin pa brjod par bya dgos so zhe na/ rgyu las rgyu nyid dang / rkyen las rkyen nyid du byed pa ma yin no/ /gzhan du na ma 'ongs pa'i rgyu dang rkyen nyid 'dod par mi 'gyur ro/ /'o na dngos po skye ba'i rgyu rnams kyi dgos pa ji ltar zhe na/ rgyu med par dngos po skye bar mi 'gyur ro snyam du bsams pa'o/ /bzhi yis sems dang sems byung rnams/ /zhes bya ba la ni zhes bya ba'i sgra ni sems dang sems las byung ba rnams ni bzhi kho nas yin no zhes nges par gzung bar bya ba'i don to/ /gzhan dag na re ni/ ni zhes bya ba'i sgra ni rgyu bstan pa'i don du ste/ gang gi phyir sems dang sems las byung ba yin pa de'i phyir bzhi dag gis yin te/ dmigs pa'i rkyen ni gzhan la bya ba mi byed do zhes zer ro/ /de la 'di dag gi rgyu'i rkyen ni zhes bya ba rgyas par 'byung ste/ rgyu lnga po thams cad ni thams cad kyi rgyu'i rkyen ma yin te/ 'o na ci zhe na/ ci rigs pa yin no/ /gang zhig gang dag gi rgyu'i rkyen yin pa de ni sngar/ nyon mongs can dang rnam smin skye/ /lhag dang zhes bya ba rgyas par bshad zin to/ /snga ma zhes bya ba ni phyis skye ba bsal bar bya ba'i phyir ro/ /de lta na gzhan dag gis bar du chod pa yang yin par thal lo zhe na/ gzhan gyis bar du ma chod pa rnams so zhes bya ba smos te/ sems dang sems las byung ba dag gis shes par sbyar ro/ /de dag gi mtshungs pa de ma thag pa'i rkyen ni rang gi rigs lngar skyes pas skabs phye ba la rag las te/ skyes pa'i snga ma yin zhing de dag la gzhan dag gis bar du ma chod pa yin no/ /ci rigs par yul lnga po dag dang zhes bya ba la/ mig la sogs pa'i rnam par shes pa mtshungs par ldan pa dang bcas pa rnams kyi dmigs pa'i rkyen ni go rims bzhin du gzugs la sogs pa yul lnga po dag yin no/ /yid kyi rnam par shes pa mtshungs par ldan pa dang bcas pa'i ni chos thams cad do/ /bdag po'i rkyen ni byed rgyu'i rgyu kho na yin pas rang gi ngo bo ma gtogs pa'i thams cad do zhes bya ba smos so/ /lhan cig 'byung ba dang mtshungs par ldan pa'i rgyu dag gi dmigs pa'i rkyen ni skye bzhin pa la bya ba med pa'i phyir brjod par mi bya'o/ /rkyen bzhi rnams kyis skye bar byed de rgyu'i rkyen ni rgyu lnga po rnams kyi'o/ /de dang bral na de dag skye ba dang de dag skye ba'i bya ba dang skye bzhin pa yang yod pa ma yin te/ de'i rgyu can la de dmigs pa'i phyir ro/ /gang zhig gang gi dmigs pa'i rgyu yin pa de ni nam du yang de'i dmigs pa'i rgyu ma yin pa ma yin no/ /gsum gyis snyoms par 'jug pa gnyis zhes bya ba la/ gsum kho nas zhes bya bar nges par gzung ngo / /dmigs pa'i rkyen med pa la rgyu smras pa ni de dag ni dmigs par byed pa ma yin no zhes bya ba'o/ /rgyu'i rkyen ni rnam pa lnga bshad na 'di gnyis ni rnam par smin pa dang / kun 'gro ba dang mtshungs par ldan pa'i rgyu ni mi srid par bstan pa'i phyir/ de gnyis kyi rgyu'i rkyen ni rnam pa gnyis te zhes bya ba smos so/ /sa mtshungs pa'i zhes bya ba 'byung ste/ de la 'gog pa'i snyoms par 'jug pa'i sa dang mtshungs pa ni srid pa'i rtse mo'i dge ba'i phung po bzhi'o/ /'du shes med pa'i snyoms par 'jug pa'i ni bsam gtan bzhi pa'i dge ba'i phung po lnga'o/ /sems kyi mngon par 'du byed pa las skye ba'i phyir zhes bya ba la/ sems kyi mngon par 'du byed pa ni rtsol ba'o/ /gzhan dag na re/ gang gi phyir 'di ni sems kyi stobs kyis drangs te/ sems bzhin du sems 'gog pa la rag las te skye la/ gzugs bzhin du sems med pa dang lhan cig 'jug pa ma yin no/ /na tsA na yad+h+yA ma yin ku laH[(]'di dag /'khrug pa/[) ]saM mu khI b+hA wa prAp+ta dI ba nA [(]mngon du gyur/ thob pa bzhin/[) ]n+ya ba ri bA [(]gzhan ma yin/ 'khor/[) ]ro dzA t+yA di ba [(]skye ba sogs bzhin [)]dA diH[ (]dus dang po/[) ]sems skye ba la gegs byed pa'i phyir mtshungs pa de ma thag pa'i rkyen ni ma yin no zhes bya ba la/ 'di ltar rnal 'byor pa sems dang sems las byung ba rgyu ba la sdang ba rnams sems med pa'i snyoms par 'jug pa la snyoms par 'jug na/ gal te sems dang sems las byung ba 'dren par byed pa yin na ni/ rnal 'byor pa rnams de la 'dod pa skye bar mi 'gyur te/ sems dang sems las byung ba rgyu ba nges par 'byin pa yang yin la/ de 'dren par byed pa yang yin no zhes bya ba 'di ni 'gal ba yin no/ /'du shes med pa pa yang sems kyi mtshungs pa de ma thag pa can yin pa'i phyir/ gsum gyis yin par rigs pa ma yin nam zhe na/ 'dir brjod par bya ba yin mod kyi/ de sems kyi 'du byed las skyes pa ma yin pas/ de mtshungs pa de ma thag pa zhes mi brjod de/ 'di ni mdo phyi mar bsdu bar shes par bya'o/ /gzhan ni gnyis po dag las skye zhes bya ba la/ gnyis po dag kho na las skye'o zhes nges par gzung ba las dmigs par byed pa ma yin pa'i phyir dmigs pa'i rkyen las ma yin la/ sems dang sems las byung ba dang / sems med pa'i snyoms par 'jug pa dang mtshan nyid mi mthun pa'i phyir mtshungs pa de ma thag pa'i rkyen las ma yin no/ /de la rgyu'i rkyen ni kun tu 'gro ba dang / mtshungs par ldan pa'i rgyu ma gtogs pa gong du bshad pa'i rjes su 'brangs te ci rigs par brjod par bya'o/ /dngos po rnams ji skad bshad pa'i rgyu dang rkyen rnams kho na las skye'i zhes bya ba rgyas par 'byung ste/ 'di ltar rang gi lugs smras pa tsam gyis 'dod pa grub pa'am mi 'dod pa dgag par ni mi rung ste/ de'i phyir dngos po rnams ji skad bshad pa'i rgyu dang rkyen kho na las skye'i/ 'gro ba thams cad kyi rgyu gcig pu dbang phyug la sogs pa ni med do zhes bya ba 'di la gtan tshigs brjod par bya'o/ /'gro ba'i rgyu gang la dbang phyug dang skyes bu dang gtso bo rnams dang por yod pa de ni de zhes bya'o/ /sogs pa zhes bya ba'i sgras ni dus dang / ngo bo nyid dang / rdul phra rab la sogs pa dag gzung ngo / / gal te gtan tshigs kyis byas pa grub par sems na ni phyogs dang po dang 'gal bar ston to/ /dngos po rnams ji skad bshad pa'i rgyu dang rkyen rnams kho na las skye'i 'gro ba thams cad kyi rgyu gcig pu dbang phyug la sogs pa ni med do zhes bya bar grub par bya ba'i phyir dbang phyug la sogs pa las gzhan pa'i rgyu tshol ba'i phyir ro/ /de nyid kyi phyir zhes bya ba ni dbang phyug la sogs pa gzhan pa'i rgyu khas blangs pas so/ /gal te shes par byed pa yin pa'i phyir nyes pa med do zhe na/ gal te dbang phyug yin na shes byed ma yin la/ de lta na grub pa'i byed pa po ma yin pas nyes pa de nyid du 'gyur ro/ /dbang phyug sogs min rim sogs phyir/ /zhes bya ba la sogs pa zhes bya ba'i sgras ni yul dang dus dang dngos po nges pa rnams bsdu'o/ /dngos po skye ba'i rim pa ni rgyu yongs su 'gyur ba la bltos pa 'am/ lhan cig byed pa'i rkyen la bltos pa yin grang / de la rtag pa'i phyir dbang phyug la yongs su 'gyur ba med do/ /de'i phyir yongs su 'gyur ba la bltos te/ rim pa mi rung ste thams cad kyi dbang phyug kho na yin pas lhan cig byed pa'i rkyen med pa'i phyir/ lhan cig byed pa'i rgyu'i mtshan nyid can yang med pa nyid de des na 'gro ba thams cad cig car 'byung bar 'gyur te/ de dag gi rgyu la khyad par med pa'i phyir ro/ /phyi'i myu gu la sogs pa dang / nang gi nur nur po la sogs pa rnams rim gyis 'byung bar yang snang ngo / /gang zhig sngar lhan cig byed pa'i rgyu la mi bltos pa de phyis kyang de'i rgyu ma yin te khyad par med pa'i phyir de'i ngo bo bzhin no/ /dbang phyug la sogs pa 'gro ba'i rgyu ma yin te/ 'bras bu'i rim pa rgyu tshogs pa'i rim pa ste/ yod na yod pa'i phyir dang / de med na med pa'i phyir ro/ /de bzhin du yul dang dus dang rang bzhin so sor nges pa yin par yang mi 'gyur te/ de dag rgyu ma yin pa'i phyir de las gzhan pa'i yul la sogs pa bzhin no/ /de ni 'di ni da ltar skye bar gyur cig ces bya ba la/ dbang phyug rgyu nyid yin yang 'dod pa'i dbang gis dngos po rnams kyi rim pa la sogs pa mi 'gal lo zhe na/ 'o na 'dod pa tha dad pa'i phyir zhes bya ba 'byung ste/ 'dod pa rnams ni dbang phyug dang phan tshun las tha dad pa yin te/ de'i phyir de dag dngos po rnams rim gyis skye ba dang / yul dang dus dang / dngos po nges pa'i rgyu yin pas rgyu du mar grub po/ / de'i phyir phyogs dang po dang 'gal ba de nyid du 'gyur ro/ /'dod pa tha dad pa de yang zhes bya ba la/ 'dod pa rnams kyi rgyu yang dbang phyug kho na yin te/ de'i phyir dngos po'i khyad par lhag ma 'ba' zhig tu ma zad kyi 'dod pa tha dad pa yang cig car 'byung bar 'gyur ro/ /ci'i phyir zhe na/ 'dod pa'i rgyu dbang phyug de tha mi dad pa'i phyir ro/ /'dod pa rnams cig car 'byung na yang 'gro ba thams cad cig car 'byung bar 'gyur te thams cad kyi rgyu yin pa'i phyir ro/ /rgyu gzhan tha dad pa la bltos na ni zhes bya ba la/ 'dod pa de rnams so so so sor rgyu gzhan la bltos te dbang phyug las skye la/ rgyu gzhan pa de dag kyang dbang phyug ltar rtag pa ma yin pa de'i phyir de rnams rim gyis 'byung ba mi 'gal lo zhe na/ de lta na yang dbang phyug kho na rgyu ma yin pas slar yang phyogs dang po dang 'gal lo/ /de rnams kyang 'dun pa'i rgyu gzhan nyid de/ de dag gi yang de'i rgyu dbang phyug la tha dad med pa'i phyir cig car skye bar 'gyur ro/ /de'i phyir 'dod pa yin na 'gro ba rnams cig car skye bar 'gyur ro zhes so/ /de dag kyang rim gyis skye ba la nang dang phyi'i dngos po'am/ 'dod pa dang 'dra bar rgyu gzhan gyi bye brag la bltos par 'gyur la/ /de lta yin na yang thug pa med par thal bar 'gyur te/ 'dir 'dod pa'i rgyu dbang phyug las gzhan la khas blangs pas shAkya'i sras po'i lugs khas blangs par 'gyur ro zhes ston par byed do/ /gal te dbang phyug gi 'dod pa rnams cig car yin du zin kyang zhes bya ba rgyas par 'byung ste/ dbang phyug gi rgyu can nyid yin yang rim pa la sogs pa rnams mi 'gal lo snyam du bsams pa'o/ /'dod pa ji lta bar skye ba'i phyir ro zhes bya ba ni rim gyis skye ba la rgyu smras pa'o/ /'dod pa ji lta bar skye ba de ni yod pa ma yin te/ 'dod pa de dag la phyis khyad par med pa'i phyir ro/ / rgyu yod bzhin du lhan cig byed pa'i rgyu med pa 'am/ 'gal ba'i rgyu yod pa las 'bras bu mi skye bar 'gyur na 'dod pa rnams la ni lhan cig byed pa'i rgyu cig car yod pa/ thams cad kyi dbang phyug yin zhing thams cad la 'gal ba'i rgyu yang med do/ /'dod pa dag la bdag nyid kyi khyad par snga na med par 'ga' zhig yod pa yang ma yin te de rgyu gzhan la bltos pa'i phyir la rgyu gzhan yang med pa'i phyir ro/ /de'i phyir 'dod pa ji lta bar skye ba ma yin te/ 'o na ci zhe na thams cad cig car skye ba kho nar 'gyur ro/ /dbang phyug gis 'byin pa'i tshogs 'di snyed la dgos pa cung zad cig yod pa yang ma yin no/ /des na rtog pa 'di ni log pa yin no/ /gal te dga' ba yin no zhe na dga' ba nyid byed la rag mod/ yang na de la dbang phyug ma yin par 'gyur te de'i thabs med par mi byed pa'i phyir ro/ /gzhan yang de kho na dang 'dra'o zhes bya ba la/ ji ltar dga' ba la dbang phyug ma yin pa de bzhin du khams gsum la yang ma yin te/ thogs pa med pa'i mtshan nyid can gyi dbang phyug ma yin pa'i phyir ro/ /ji ltar thabs med par dga' ba skyed par mi nus pa de bzhin du thabs kyang thabs gzhan med par mi skyed pas thams cad la 'di'i dbang phyug rdugs par 'gyur ro/ /yang na thabs bzhin du dga' ba yang thabs la mi bltos pa kho nar byed par 'gyur ro/ /gnod pa mang po dang zhes bya ba 'byung ba ste/ gnod pa ni char dang / rlung dang gnam lcags dang / rims dang / 'khru nad la sogs pa nye bar 'tshe ba rnams so/ /de las brtsams zhes bya ba ni/ drang srong rgyas pas drag po brgya pa las smos pa'o/ /gang phyir ma lus bsreg pa dang / /zhes bya ba la/ gang phyir ma lus pa bsreg pa de'i phyir bsreg pa drag po zhes bya'o/ /de bzhin du gzhan la yang brjod par bya'o/ /skyes bu'i byed pa mngon sum du zhes bya ba ni myu gu la sogs pa dag la sa bon la sogs pa rnams kyi'o/ /rgyu rnams las gzhan gyi byed pa mi snang ba'i phyir ro zhes bya ba la/ 'di ltar mig dang / gzugs dang / snang ba dang / yid la byed pa rnams las mig gi rnam par shes pa skye ba la de rnams las gzhan pa'i byed pa mi snang ngo / /ji ltar mig la sogs pa yod na res 'ga' mig gi rnam par shes pa skye la/ res 'ga' mi skye ba de bzhin du/ gal te dbang phyug yod na yang yin na ni/ de lta na gzhan gyi byed pa rtogs par 'gyur ba zhig go/ /dbang phyug de lhan cig byed pa'i rgyu dang po rnams la yang zhes bya ba rgyas par 'byung ba la de dag ni rang gi mthus 'bras bu skyed par byed pas 'di dag la de dbang phyug nyid ma yin par 'gyur ro/ /de la dang po dbang phyug gi rgyu las byung ba yin no zhes bya ba la/ de ltar na skyes bu byed pa mngon sum la bsnyon pa ma byas pa dang rgyu las gzhan gyi byed pa mi snang bar 'gyur bas dbang phyug 'jig rten rnams kyi rgyu nyid yin yang 'gal ba med do/ /dang po byung ba de yang dbang phyug bzhin du thog ma med pa nyid du thal bar 'gyur te/ dbang phyug ni dang po 'byung bar bskyed par bya ba la rgyu gzhan la mi bltos pa'i phyir dang po byung ba yang rgyu de las byung ba ma yin no/ /de bzhin du gnod pa la yang ci rigs par brjod par bya'o zhes bya ba la/ gtso bo ni sems pa med pa yin pas 'dod pa'i rtogs pa ma gtogs pa gzhan thams cad brjod par bya'o/ /blo ma sbyangs pa ni bstan bcos gzhan la blo ma sbyangs pa'o/ /thams cad phyi las ni ma yin te/ skyes bu'i rtsal kho na las yin no zhes bstan pa'i phyir rang rang gi rnam par smin pa'i 'bras bu dang zhes bya ba rgyas par smos so/ /gzhan ni gnyis po dag las skye zhes bya ba der chos gzugs can rnams rgyu dang bdag po'i rkyen gnyis las skye'o zhes bshad pa/ de la gzugs ni 'byung ba dang 'byung ba las gyur pa yin pa'i phyir 'byung ba rnams dang 'byung ba las gyur pa'i rgyu'i rkyen ji ltar yin pa dang / 'byung ba las gyur pa 'byung ba las gyur pa dang / 'byung ba rnams kyi rgyu'i rkyen ji ltar yin pa 'di brjod par bya'o/ /rang gi ngo bo ma gtogs pa'i chos thams cad do zhes bdag po'i rkyen ni shes pa yin gyi/ rgyu'i rkyen ni rnam pa mang po'i phyir mi shes pa de'i phyir na/ de'i dbang du byas nas ji ltar na 'byung ba rnams zhes rgyas par bris so/ /skal ba mnyam pa dang lhan cig 'byung ba'i rgyu dag gis so zhes bya ba la/ 'byung ba sngar skyes pa rnams kyi skal ba mnyam pa'i rgyu'o/ /rang gi ngo bo tha dad kyang bya ba gcig la zhugs pa'i phan tshun mthun pa nyid skal ba mnyam pa nyid do/ /lhan cig 'byung ba'i rgyu ni lhan cig skyes pa rnams phan tshun te/ thams cad phan tshun med par mi skye ba'i phyir lhan cig 'byung ba'i rgyu nyid yin no/ /'byung ba'i rjes su mthun par byed pa'i phyir te zhes bya ba la/ 'byung ba rnam par 'gyur na 'byung ba las gyur pa rnam par 'gyur bas 'byung ba las gyur pa 'byung ba'i rjes su mthun par byed do/ /'byung ba dang 'byung ba las gyur pa dus mnyam du skyes pa dag las gang yang rung ba zhig ji ltar rjes su mthun par byed ce na/ myu gu dang grib ma bzhin nam/ mar me dang snang ba bzhin no/ /de ltar na de dag ni zhes bya ba rgyas par 'byung ba la/ 'byung ba dag las skyes pa'i phyir skye ba'i rgyu nyid do/ /rten du 'gyur ba'i phyir rten pa'i rgyu nyid do/ /rjes su mthun par byed pa'i phyir 'gyur ba'i rgyu nyid do/ /rgyun mi 'chad pa'i rgyu yin pa'i phyir gnas pa'i rgyu nyid do/ /'phel bar byed pa'i rgyu yin pa'i phyir 'phel ba'i rgyu nyid do/ /rnam pa lnga po de yang byed rgyu'i rgyu kho na yin te/ rgyu gzhan mi 'thad pa'i phyir ro/ /'byung ba rnams 'byung ba las gyur pa'i lhan cig 'byung ba'i rgyu ni ma yin no/ /'bras bu tha dad pa'i phyir ro/ /'byung ba'i rnam pa 'dra bas sems kyi nye ba'i mtshan nyid ltar ma yin no/ /gal te 'bras bu gcig pa nyid ma yin yang phan tshun 'bras bu nyid kyis lhan cig 'byung ba'i rgyu nyid do zhe na/ de ni de lta ma yin te/ gal te 'byung ba'i rnam pa la sogs pa rnams 'byung ba dang 'dra ba ma yin zhing / 'byung ba las gyur pa 'bras bu ma yin pa de lta na yang de dag gi yod pa ni de las tha dad pa'i 'bras bu gcig pa gzhan te/ 'byung ba las gyur pa dag gi 'bras bu gcig pa cung zad kyang yod pa ma yin no/ /'bras bu tha dad pa yin yang phan tshun 'bras bu yin pa'i phyir 'byung ba dang 'byung ba las gyur pa dag de lta ma yin no zhes bya ba 'di mi mtshungs so zhe na/ phan tshun 'bras bu yin pa de lta na yang sems kyi nye ba'i mtshan nyid ma yin pa rnams 'byung ba'i rgyu nyid du mi 'gal lo/ /nye ba'i mtshan nyid ma yin pa phan tshun 'bras bu dang lhan cig sems phan tshun 'bras bu yin pa'i phyir dang / nye ba'i mtshan nyid ma yin pa dang lhan cig 'bras bu gcig pa'i phyir ro/ /'byung ba dang 'byung ba las gyur pa dag gcig ni ma yin zhes bya ba ni/ 'byung ba rnams 'byung ba las gyur pa'i lhan cig 'byung ba'i rgyu ma yin pa'o/ /gzhan yang 'byung ba las gyur pa ni dge ba dang mi dge ba yin la/ 'byung ba rnams ni lung du ma bstan pa yin te/ lhan cig 'byung ba'i rgyu ni de lta bu mtshan nyid can ma yin no/ /lung du ma bstan pa yang med par thal bar 'gyur te/ dge ba dang mi dge ba dang rigs mi mtshungs pa'i phyir ro/ /ma 'ongs pa dang da ltar gyi 'byung ba las gyur pa ni 'das pa'i 'byung ba chen po rgyur byas nas yin par yang 'dod de/ de bzhin du kha cig 'byung ba rnams dang mi ldan yang 'byung ba las gyur pa dang ldan pa yin na lhan cig 'byung ba'i chos nyid ni de ltar ma yin pas 'byung ba rnams 'byung ba las gyur pa'i lhan cig 'byung ba'i rgyu ma yin no/ /mtshungs par ldan pa'i rgyu yang ma yin te/ sems dang sems las byung ba'i rang bzhin ma yin pa'i phyir ro/ /kun tu 'gro ba dang rnam par smin pa'i rgyu dag kyang ma yin te ma bsgribs la lung du ma bstan pa yin pa'i phyir ro/ /skal ba mnyam pa'i rgyu yang ma yin te/ lhan cig 'byung ba'i phyir la dus phyis skyes pa dang yang mi 'dra ba'i phyir ro/ /gal te lung du ma bstan pa dang skal ba mnyam pa yang rigs gzhan nyid kyi phyir tshor ba dang sems bzhin no zhe na/ rigs gzhan nyid kyang ma yin te 'bras bu gcig pa'i phyir ro/ /'byung gyur rnam gsum phan tshun du/ /zhes bya ba ni ci rigs par ro/ /lus dang ngag gi las sems kyi rjes su 'jug pa zhes bya ba ni bsam gtan dang zag pa med pa'i sdom pas bsdus pa srog gcod pa nas tshig bkyal pa spong ba'i bar 'chal pa'i tshul khrims rnam pa bdun spong ba ste/ spong ba bdun po 'di dag ni phan tshun lhan cig 'byung ba'i rgyu yin no/ /sngar byung ba thams cad skal ba mnyam pa'i rgyu yin no zhes bya ba la/ dge ba dge ba'i yin pa nas lung du ma bstan pa lung du ma bstan pa'i bar gyi yin no/ /rgyas par byas na nyi shu yin pas mdor bsdu na sems bcu gnyis so zhes bya ba smos so/ /gzhan du na zhes bya ba ni ma gtogs pa'o/ /dge ba ni ma chags pa la sogs pa dang mtshungs par ldan pa'o/ /bsgribs la lung du ma bstan pa ni 'jig tshogs la lta ba dang mthar 'dzin par lta ba dang mtshungs par ldan pa'o/ /mi dge ba ni nyon mongs pa dang nye bar nyon mongs pa lhag ma dang mtshungs par ldan pa'o/ /de dag las gzhan pa ma bsgribs la lung du ma bstan pa'o/ /gzugs kyi khams na mi dge ba med de/ de dag ni nyon mongs pa dang nye ba'i nyon mongs pa rnams la rnam par smin pa med pa'i phyir bsgribs pa kho na yin gyi mi dge ba ni ma yin te/ de'i phyir de dag dang mtshungs par ldan par sems thams cad bsgribs pa kho na yin no/ /slob pa'i zag pa med pa ni slob pa'i sems so/ /mi slob pa'i ni mi slob pa'i sems so/ /snyoms par 'jug pa'i tshe dge ba dang zhes bya ba 'byung ba la/ dge ba gang gi mjug thogs su dge ba gang dang gang sa gang gis bsdus pas 'byung zhe na/ 'dod pa na spyod pa'i dge ba sbyor ba las byung ba'i mjug thogs su sbyor ba las byung ba kho na yin gyi skyes nas thob pa ni ma yin te/ 'dir skyes pas mngon du byed par mi nus pa'i phyir ro/ /kha cig na re ni mi lcogs pa med pas bsdus pa kho na 'byung ngo zhes zer ro/ /gzhan dag na re bsam gtan dang po'i yang ngo zhes zer ro/ /gzhan dag na re ni bsam gtan khyad par can gyi yang ngo zhes zer ro/ /btsun pa dbyangs sgrog na re ni bsam gtan gnyis pa'i sa pa'i bar du yin no zhes zer ro/ gzhan dag na re ni mnyam par ma bzhag par thod rgal gyi snyoms par 'jug pa ltar sas bar du chod pa 'dren par mi nus so zhes zer ro/ /nying mtshams sbyor ba'i tshe bsgrib pa'o zhes bya ba la/ skye ba'i srid pa ni nyon mongs pa thams cad kyis nyon mongs pa yin pa'i phyir na skyes nas thob pa'i dge ba'i mjug thogs su bsgribs pa yin gyi/ /gzugs dang gzugs med pa na spyod pa'i bsgribs la lung du ma bstan pa dag mngon du 'gyur ba ni ma yin gyi rang gi sa pa'i sems la rag las pa'i phyir ro/ /gzugs med pa rnams ni 'dod pa'i khams nas zhes bya ba rgyas par 'byung ba ste/ de la rten ring ba nyid ni 'di yin te/ ji ltar gzugs su gtogs pa'i rten gyis 'dod pa na spyod pa'i sprul pa'i sems mngon du byed pa ltar/ gzugs med par gtogs pa'i rten gyis 'dod par gtogs pa'i chos mngon du mi byed pa'o/ /de la rnam pa ring bas ring ba nyid ni 'di yin te/ ji ltar 'dod pa na spyod pa'i rags pa la sogs pa'i rnam pa dag tu rnam par byed pa ltar gzugs med pa'i sems kyis 'dod pa'i khams rnam par mi byed pa'o/ /de nyid kyi phyir dmigs pa ring ba nyid kyis kyang ring ba yin no/ /gzugs med pa'i dge ba dngos gzhi zag pa dang bcas pa'i rten gyi spyod yul yin pas/ nam mkha' mtha' yas kyi skye mched kyi nyer bsdogs bsam gtan bzhi pa'i rgyu dang / 'di gzugs kyi khams su yang thal bar mi 'gyur ro/ /gzugs kyi khams ji lta ba bzhin du gzugs med pa dag 'dod pa'i khams kyi gnyen po yang ma yin te/ de ltar na gnyen po ring ba nyid kyis kyang ring ba yin no/ /slob dang mi slob pa'o zhes bya ba ni sbyor ba las byung ba'i dge ba'i mjug thogs su'o/ /nyon mongs pa can gyi snyoms par 'jug pas gzir ba ni skyabs tshol ba ste/ 'dod pa na spyod pa'i dge ba'i sems la brten pa'i phyir ro/ / gzugs dang gzugs med pa'i sems thams cad kyi zhes bya ba la/ sa gong ma'i sems rnam pa drug gis 'chi 'pho ba la 'dod pa'i khams su nying mtshams sbyor ba bzlog tu med do/ /zag pa med pa'i sems kyi mjug thogs su nyon mongs pa mngon du 'gyur ba ni yod pa ma yin no/ /de la sa bzhi ste/ sa 'og ma pa'i nyon mongs pa'i mjug thogs su sa gong ma pa'i mngon du byed pa med la/ zag pa med pa yang mngon du mi byed pa ma yin no/ /gzugs na spyod pa'i dge ba'i dge ba la zhes bya la/ sprul pa'i sems ni bsam gtan gyi 'bras bu ste/ de ni bsam gtan la ma zhugs par mngon du bya bar mi nus pa'i phyir ro/ /lung du ma bstan pa'i sems kyis 'chi ba'i tshe gzugs dang gzugs med pa'i khams dag tu nying mtshams sbyor ba bzlog tu med la/ gdon mi za bar bsam gtan gyi 'bras bu'i mjug thogs su yang bsam gtan la 'jug par bya dgos pas ma bsgribs la lung du ma bstan pa'i mjug thogs su gzugs na spyod pa'i dge ba dang nyon mongs pa can gnyis dang / gzugs med pa na spyod pa'i nyon mongs pa can kho na'o/ /gzugs na dge las bcu gcig go zhes bya ba la/ rang gi sa pa gsum dang / 'dod pa na spyod pa'i bzhi ste/ ldang ba'i tshe dge ba dang / nying mtshams sbyor ba'i tshe mi dge ba dang / bsgribs pa dang lung du ma bstan pa sprul pa'i sems dang / snyoms par 'jug pa'i tshe gzugs med pa na spyod pa'i dge ba dang / nying mtshams sbyor ba'i tshe bsgribs pa dang / snyoms par 'jug pa'i tshe slob pa dang mi slob pa'o/ /gzugs med pa na spyod pa'i ma bsgribs la lung du ma bstan pa ma gtogs so zhes bya ba la/ rnam par smin pa'i sems ni rang gi sa pa'i sems la rag las pa'i phyir de ma gtogs so/ /de ni dgu'i mjug thogs su zhes bya ba la/ rang gi sa pa gsum dang / 'dod pa na spyod pa gnyis te snyoms par 'jug pa'i tshe dge ba dang / sprul pa'i sems dang ldang ba'i tshe gzugs med pa na spyod pa'i dge ba dang / nyon mongs pa can gyi snyoms par 'jug pas gzir ba sa 'og ma pa la brten pa'i phyir nyon mongs pa can dang / ldang ba'i tshe slob pa dang mi slob pa las so/ /'dod pa na spyod pa'i nyon mongs pa can gnyis dang zhes bya ba rgyas par 'byung ba la/ nyon mongs pa can gyi sems ni bsam gtan dang snyoms par 'jug pa rnams kyi sbyor ba ma yin la/ dge ba'i sems kyi nying mtshams sbyor ba la yang yod pa ma yin no/ /de ltar na gsum po 'di dag ma gtogs pa'o/ /bsgribs pa brgyad las zhes bya ba la/ rang gi sa pa gsum dang / nying mtshams sbyor ba'i tshe 'dod pa na spyod pa'i dge ba dang ma bsgribs la lung du ma bstan pa dang / nying mtshams sbyor ba'i tshe gzugs med pa na spyod pa gsum las so/ /'dod pa na spyod pa'i nyon mongs pa can gnyis dang zhes bya ba la 'dod pa'i khams las 'dod chags dang ma bral ba la gzugs kyi khams su nying mtshams sbyor ba med la/ slob pa dang mi slob pa'i sems kyis 'chi 'pho yang yod pa ma yin pa de'i phyir bzhi po 'di dag ma gtogs so/ /de las drug rang gi sa pa gsum dang / nying mtshams sbyor ba'i tshe sa 'og ma pa'i nyon mongs pa can gnyis dang / nyon mongs pa can gyi snyoms par 'jug pas gzir ba'i tshe dge ba'o/ /gang gi tshe sbyor ba'i sems ni bsgribs la lung du ma bstan pa yod pa ma yin te/ de'i phyir de'i mjug thogs su slob pa dang mi slob pa dang / gzugs med pa'i dge ba mi 'byung ngo / /'og ma las 'dod chags dang ma bral ba la ni sa gong mar skye ba yod pa yang ma yin te/ de'i phyir de'i mjug thogs su gzugs med par gtogs pa'i nyon mongs pa can mi 'byung ngo / /sa gzhan gyis ma bsgribs la lung du ma bstan pa yang ma yin te/ de ni skye ba dang snyoms par 'jug pa na de'i mjug thogs su mi srid do/ /ma bsgribs pa ni gsum las so/ /zhes bya ba la/ de ni nying mtshams sbyor ba'i sems su mi rung zhing / 'dod pa'i khams kyi sbyor ba las byung ba ma yin la/ slob pa dang mi slob pa dang / gzugs med pa na spyod pa'i ldang ba'i sems kyang ma yin te/ de'i phyir rang gi sa pa gsum las yin no/ /de las drug ste zhes bya ba la/ nying mtshams sbyor ba'i tshe 'dod pa na spyod pa'i nyon mongs pa can dag dang gzugs med pa na spyod pa'o/ /sbyor ba las byung ba'i phyir slob pa dang mi slob pa gzugs med pa na spyod pa'i dge ba'i dag kyang de las mi 'byung la/ ma bsgribs la lung du ma bstan pas gzir bar mi byed pas 'dod pa na spyod pa'i dge ba yang de'i mjug thogs su mi 'byung ngo / /skye ba dang snyoms par 'jug pa ni sa gong ma dang 'og ma pa'i ma bsgribs la lung du ma bstan pa yang de'i mjug thogs su mi srid do/ /gzugs med pa'ang de'i tshul lo zhes bya ba la/ de'i skye ba dang snyoms par 'jug pa'i tshe sa 'og ma pa'i dge ba la sogs pa rnams las srid pa ma yin la/ slob pa dang mi slob pa dag gi mjug thogs su yang ma yin te/ de'i phyir rang gi sa pa gsum kho na las 'byung ngo / /sa 'og ma pa'i nyon mongs pa can rnams dang zhes bya ba la/ nying mtshams sbyor ba'i tshe 'dod pa dang gzugs kyi khams rnams so/ /gzugs med pa na spyod pa'i dge ba'i sems las ni sems dgu ste/ rang gi sa pa gsum dang / ldang ba'i tshe gzugs su gtogs pa'i dge ba dang / nying mtshams sbyor ba'i tshe 'og ma pa'i nyon mongs pa can rnams dang / snyoms par 'jug pa'i tshe slob pa dang mi slob pa'o/ /'dod pa na spyod pa'i dge ba dang / 'dod pa dang gzugs na spyod pa'i ma bsgribs la lung du ma bstan pa ma gtogs so zhes bya ba la/ 'dod pa'i khams la gzugs med pa'i khams bskal pa yin pas de'i sa pa'i dge ba'i ni gzugs med pa na spyod pa'i ldang ba'i sems kyang ma yin te/ des na de'i mjug thogs su mi rigs so/ /ji ltar 'dod par gtogs pa'i sprul pa'i sems gzugs na spyod pa'i sbyor bas thob par bya ba yin pa ltar/ 'dod pa dang gzugs na spyod pa'i ma bsgribs la lung du ma bstan pa gzugs med pa'i sbyor bas thob par bya ba ni ma yin te/ de'i phyir de yang ma gtogs pa'o/ /gzugs na spyod pa'i dge ba dang zhes bya ba ni snyoms par 'jug pa'i tshe na'o/ /slob pa dang mi slob pa dag las so zhes bya ba ni ldang ba'i tshe na'o/ /bsgribs pa las bdun zhes bya ba rgyas par 'byung ba la/ nyon mongs pa can gyi snyoms par 'jug pas gzir ba sa 'og ma la bstan pa'i phyir gzugs na spyod pa'i dge ba dang / nying mtshams sbyor ba'i tshe bsgribs pa dang / nying mtshams sbyor ba'i tshe 'dod pa na spyod pa'i nyon mongs pa can gnyis so/ /de de bzhin zhes bya ba rgyas par 'byung ngo / /'dod pa dang gzugs na spyod pa'i nyon mongs pa can rnams dang zhes bya ba la/ 'di ltar sa 'og ma la 'dod chags dang ma bral ba la gzugs med pa'i khams su nying mtshams sbyor ba med la/ des slob pa'am mi slob pa'i ting nge 'dzin las ldang ba yang ma yin pas de ni lnga las mi 'byung ngo / /de ni nying mtshams sbyor ba'i tshe na 'dod pa dang gzugs na spyod pa'i dge ba dang / ma bsgribs la lung du ma bstan pa dag las 'byung ngo / /khams gsum pa'i dge ba dang zhes bya ba ni 'dod pa dang gzugs dang gzugs med pa na spyod pa rnams so/ /dge ba smos pa ni gzhan bzlog par bya ba'i phyir ro/ /slob pa las so zhes bya ba ni rgyun tu gtogs pa'i phyir ro/ / slob pa ni nying mtshams sbyor ba'i sems ma yin la/ dge ba sbyor ba las byung ba yin pas gzhan gyi mjug thogs su ma byung ngo / /de las lnga zhes bya ba la/ ldang ba'i tshe khams gsum pa'i dge ba rnams dang / rgyun tu gtogs pa'i slob pa dang / rdo rje lta bu'i mjug thogs su mi slob pa'i shes pa'o/ /bshad ma thag pa'i lnga po de dag nyid las so zhes bya ba la snyoms par 'jug pa'i tshe ni khams gsum pa'i dge ba rnams so/ /rdo rje lta bu'i mjug thogs su ni slob pa las so/ /zad pa shes pa'i mjug thogs su ni mi skye ba shes pa'o/ /de las sems ni bzhi po dag go zhes bya ba la/ ldang ba'i tshe na khams gsum pa'i dge ba rnams dang / mi slob pa ste/ dper na zad pa shes pa las mi skye ba shes pa bzhin no/ /mi slob pa'i mjug thogs su slob pa ni nam yang mi 'byung ste/ nyon mongs pa can gyi sems kyis bar chod pa'i phyir te/ nyon mongs pa kun tu spyod pa med par ni yongs su nyams pa med do/ /skyes nas thob pa dang sbyor ba las byung ba'i dge ba'i zhes bya ba 'byung ste/ de la sbyor ba las byung ba ni gang sbyor bas 'thob pa ste/ de ni thos pa dang bsam pa dang bsgom pa las byung ba'o/ /de la mnyam par ma bzhag pa yin pa'i phyir 'dod pa'i khams na bsgom pa las byung ba med do/ /gzugs kyi khams na ni bsam pa las byung ba med de/ gzhan de dag ni rgyud zhi gnas kyis brlan pa'i phyir sems na ting nge 'dzin nyid nye bar gnas par 'gyur ro/ /gzugs med pa'i khams na ni bsgom pa las byung ba kho na ste gzhan med do/ /skyes nas thob pa'i dge ba ni sems sbyor ba med par skyes pa nyid kyis 'thob pa gang yin pa ste/ 'dod pa dang gzugs kyi khams dag tu srid pa bar mar nying mtshams sbyor ba'i skad cig ma'o/ /gzugs med pa'i khams su ni skye ba srid par gang gi thob pa dang po skye'o/ /rnam par smin pa las skyes pa dang / spyod lam pa dang / bzo'i gnas pa dang / sprul pa'i zhes bya ba la/ 'di ni rgyu dang las kyi dbye bas phye ba yin no/ /de la rnam par smin pa'i rgyu las skyes pa ni rnam par smin pa las skyes pa'o/ /spyod lam las byung ba ni spyod lam pa'o/ /de bzhin du bzo'i gnas pa dang / sprul pa las byung ba ni bzo'i gnas pa dang sprul pa pa ste rgyu mtshan gyis bdun par bshad pa'i phyir ro/ /yang na de dag la dmigs nas skye ba'i phyir de dag las byung ba'o/ /spyod lam pa dang / bzo'i gnas pa dang / sprul pa dang / gsum ni las kyi dbye bas phye la/ snga ma ni rgyu'i dbye bas phye ba yin no/ /gzugs na bzo ma gtogs pa'o zhes bya ba la/ gzugs kyi khams kyi gzhal med khang la sogs pa thams cad las las skyes pa dang / sprul pa pa yin gyi/ mkhan bzos byas pa ni cung zad kyang med do/ /gzugs can rnams la 'gro ba dang 'dug pa la sogs pa yod pa'i phyir spyod lam pa yod do/ /gzugs med pa'i khams na spyod lam pa dang / bzo'i gnas pa dang sprul pa pa rnams med pas ma bsgribs la lung du ma bstan pa'i dbye ba med do/ /spyod lam pa dang / bzo'i gnas pa dang / sprul pa rnams de na med pa'i phyir b+hA baH[(]dngos po [)]aM ga [(]yan lag [)]pa ri gri hI taHsa mAd+h+ya b+hA [(]yongs su bzung ba [)]ba nA [(]ting nge 'dzin med/ bsgom pa [)]mngon par shes pa'i 'bras bu zhes gzhan dag go/ /gzugs med pa'i khams na gzugs med pa'i phyir spyod lam pa la sogs pa yang med do/ /gzugs la dmigs pa ni de na med do zhes brjod par mi bya ste/ ci'i phyir zhe na/ de'i nam mkha'i nyer bsdogs la de yod pa nyid du thal bar 'gyur ro zhes slob dpon 'dus bzang zer ro/ /yang ci nam mkha' mtha' yas skye mched kyi nyer bsdogs la gzugs yod pa gang las der thal bar 'gyur bar brjod ce na/ de dag la mi srid pa'i phyir der thal ba med do/ /gang du lung du ma bstan pa'i srid pa de dag gzugs la dmigs pa'i phyir dgag pa bya'o/ /de'i phyir rgyu ma yin pa las nus pa med do/ / de dag gi dmigs pa ni gzugs dang dri dang ro dang reg bya rnams yin no/ /de la spyod lam pa la sogs pa rnams kyi dmigs pa ni go rims bzhin du rang gi lus dang mal stan la sogs pa'i gzugs la sogs pa dang / bzo'i gnas kyi gzugs la sogs pa dang / sprul pa'i gzugs la sogs pa rnams so/ /bzo'i gnas pa'i ni sgra yang yin no zhes bya ba la/ 'doms pa pos gang sprul pa de la yid kyi rnam par shes pas dmigs nas slob pa'i phyir ro/ /rnam par smin pa las skyes pa la nges pa ma smos pas gzugs la sogs pa rnams dang / gzhan yang dmigs pa yin no zhes nges par grub po/ /yid kyi rnam par shes pa dag kho na yin no zhes bya ba la/ rnam par rtog pa la sogs pa mngon par 'du byed par zhugs pa'i phyir ro/ /rnam par smin pa las skyes pa ni ma gtogs te/ de ni rnam par shes pa drug car yang yin no/ /rnam par shes pa'i tshogs lnga yin no zhes bya ba la/ de dag gi sbyor ba'i gnas skabs na 'byung ba'i phyir na sbyor ba'o/ /ji ltar zhe na/ mthong ba dang reg pa'i bar du gyur nas de dag skye ba'i phyir ro/ /rnam par smin pa las ni rang gi ngang gis 'jug pa'i phyir sbyor ba med do/ /sprul pa ni sbyor ba yod mod kyi rnam par shes pa'i tshogs lnga ni ma yin te de ni bsam gtan gyi mjug thogs su 'byung ba'i phyir ro/ /mngon par shes pa'i 'bras bu brjod par 'dod pa'i phyir 'dir yi dgas dang sha za la sogs pa la srid par thal bar mi 'gyur ro/ /spyod lam pa dang yid kyi rnam par shes pa mngon par bsgrubs shing bskyed pa yid kyi rnam par shes pa skye mched bcu gnyis la dmigs pa yod do zhes zer ro zhes bya ba ni rten gyi dngos po mtha' dag la dmigs pa'i phyir ro/ /de ltar na spyod lam pa la sogs pa las tha dad ma bsgribs la lung du ma bstan pa mig gi skye mched la dmigs nas chos kyi skye mched la dmigs pa'i bar gzhan yang yod do zhes shes par byas par 'gyur ro/ /gzhan dag na re nges par gzung ba med do zhes zer ro/ /mngon par shes pa'i 'bras bu ma gtogs pa zhes bya ba la/ de ni gzugs su gtogs pa'i sbyor ba las byung ba'i mjug thogs su 'byung gi 'dod pa na spyod pa'i mjug thogs su ni ma yin no/ /gzugs na spyod pa'i sbyor ba las byung ba la/ slob pa dang mi slob pa ni snyoms par 'jug pa'i tshe na'o/ /dge ba sbyor ba las byung ba la gnas pa la 'chi 'pho mi srid pa'i phyir de'i mjug thogs su khams gong ma'i bsgribs pa dag mi 'byung ngo / /rang gi dge ba dang mi dge nyon mongs pa can dag dang zhes bya ba la/ skyes nas thob pa dang sbyor ba las byung ba dang / bsgribs pa dang mi dge ba dang / ldang ba'i tshe gzugs na spyod pa'i sbyor ba las byung ba dang / slob pa dang mi slob pa dang nyon mongs pa can gyi snyoms par 'jug pas gzir ba sa 'og ma pa la brten pa'i phyir gzugs na spyod pa'i nyon mongs pa can gyi mjug thogs su 'byung ngo / /rang gi sa pa yin yang ma bsgribs la lung du ma bstan pa rnams las ni ma yin te/ stobs chung ba dang mngon par 'du byed pa med par 'jug pa'i phyir ro/ /gzugs dang gzugs med pa spyod pa'i nyon mongs pa can dag go zhes bya ba ni nying mtshams sbyor ba'i tshe ste/ skyes nas thob pa la gnas pa la 'chi 'pho ba dang gong mar mtshams sbyor ba srid pa'i phyir ro/ /de ni mngon par 'du byed pa med par 'jug pa'i phyir slob pa dang mi slob pa gnyis dang / gzugs na spyod pa'i sbyor ba las byung ba'i sbyor ba ma yin pas de las de rnams mi 'byung ngo / /snga ma bzhin du zhes bya ba ni mngon par shes pa'i 'bras bu ma gtogs pa'o/ /gzugs na spyod pa'i sbyor ba las byung ba dang / nyon mongs pa can dag dang zhes bya ba la sogs pa la/ mngon par 'du byed pa med par 'jug pa yin yang ldang ba'i sems su mi 'gal lo/ /sbyor ba las byung ba dang mngon par shes pa'i 'bras bu dag ma gtogs pa zhes bya ba ni de la gnas pa la 'chi ba med pa'i phyir ro/ /de bzhin du gzugs med pa na spyod pa rnams la yin par yang brjod par bya'o/ /gzugs na spyod pa bzhi dang zhes bya ba ni nying mtshams sbyor ba'i tshe'o/ /sbyor ba las byung ba dang mngon par shes pa'i 'bras bu ma gtogs pa zhes bya ba la sogs pa la/ stobs chung ba dang mngon par 'du byed pa med par 'jug pa'i phyir/ de dag gi mjug thogs su sbyor ba las byung ba mi 'byung la/ gzugs na spyod pa'i sbyor ba las byung ba la rag las pa'i phyir mngon par shes pa'i 'bras bu yang ma yin no/ /gzugs dang gzugs med pa na spyod pa'i nyon mongs pa can dag go zhes bya ba ni nying mtshams sbyor ba'i tshe kho nar ro/ /snga ma bzhin du rang gi mdun kho na las so zhes bya ba ni mngon par shes pa'i 'bras bu ma gtogs pa'o/ /bzo'i gnas pa'i mjug thogs su ni drug 'byung ste zhes bya ba la/ 'di ltar de la gnas pa la ni 'chi ba med de/ de lta ma yin na gzugs dang gzugs med pa na spyod pa'i nyon mongs pa can sus bzlog tu yod/ mngon par shes pa'i 'bras bu ma gtogs pa zhes bya ba ni de las gzugs na spyod pa'i sbyor ba las byung ba kho na 'byung ba'i phyir ro/ /mngon par shes pa'i 'bras bu rang nyid dang zhes bya ba ni rgyun gyi sgo nas so/ /gzugs na spyod pa'i sbyor ba las byung ba'o zhes bya ba la/ 'di ltar bsam gtan la ma zhugs par mngon par shes pa'i 'bras bu las ldang ba yod pa ma yin pas mngon par shes pa'i 'bras bu las gzugs na spyod pa'i sbyor ba las byung ba 'byung ngo / /de yang de gnyis kho na las so zhes bya ba ni sprul pa'i sems dang gzugs na spyod pa'i sbyor ba las byung ba las so/ /da ni gzugs na spyod pa drug gi zhes bya ba rgyas par 'byung ba la/ 'dod pa na spyod pa'i dge ba dag zhes bya ba ni ldang ba'i tshe na'o/ /mngon par shes pa'i 'bras bu zhes bya ba ni 'dod pa na spyod pa'i sprul pa'i sems so/ /gzugs med pa na spyod pa'i sbyor ba las byung ba dang / slob pa dang mi slob pa ni snyoms par 'jug pa'i tshe'o/ /da ni sems bcu'i mjug thogs su 'byung ste/ 'dod pa na spyod pa'i sbyor ba las byung ba'i las ni snyoms par 'jug pa'i tshe na'o/ /sprul pa'i mjug thogs su ni 'jug pa'i tshe ste/ bsam gtan la ma zhugs pa ni bsam gtan gyi 'bras bu la gnas pa las ldang ba yod pa ma yin no/ /spyod lam pa las rnam par smin pa las skyes pa dag gi mjug thogs su ni mi 'byung ste/ stobs chung ba dang mngon par 'du bya ba med par 'jug pa'i phyir ro/ /sprul pa'i sems ni mngon par 'du byed pa las byung ba yin zhing / bsam gtan la ma zhugs par de las ldang ba yod pa ma yin pas de'i mjug thogs su 'byung ba yin no/ /gzugs med pa na spyod pa'i sbyor ba las byung ba las ni ldang ba'i tshe na'o/ /nyon mongs pa can gyi ting nge 'dzin gyis gzir ba sa 'og ma la brten pa'i phyir na nyon mongs pa can gyi mjug thogs su 'byung ngo / /slob pa dang mi slob pa dag las ni ldang ba'i tshe kho na na'o/ /skyes nas thob pa'i mjug thogs su ni brgyad de/ 'dod pa na spyod pa'i nyon mongs pa can dag ni nying mtshams sbyor ba'i tshe na'o/ /mngon par shes pa'i 'bras bu ni ma gtogs te/ sbyor ba las byung ba la rag las te bdag nyid thob pa'i phyir ro/ /gzugs med pa na spyod pa'i nyon mongs pa can ni nying mtshams sbyor ba'i tshe'o/ /'dod pa na spyod pa'i dge ba dang nyon mongs pa can bzhi dang zhes bya ba la nyon mongs pa can dag ni nying mtshams sbyor ba'i tshe'o/ /nyon mongs pa can gyi ting nge 'dzin gyis gzir bas sa 'og ma la brten pa'i phyir na dge ba dag go/ /de ni sems bcu gcig gi mjug thogs su 'byung ste zhes bya ba la/ 'dod pa na spyod pa rnams las ni nying mtshams sbyor ba'i tshe na ste/ sbyor ba las byung ba las bzo'i gnas pa dang mngon par shes pa'i 'bras bu rnams las 'chi ba med la/ 'dod chags dang bral ba ma yin pa'i phyir nyon mongs pa can gyi mjug thogs su der mtshams sbyor ba med de/ de'i phyir gsum kho na las 'byung ngo / /sbyor ba las byung ba ma gtogs pa zhes bya ba ni de las 'chi ba mi srid pa'i phyir ro/ /gzugs med pa na spyod pa gsum las ni nying mtshams sbyor ba'i tshe kho nar ro/ /spyod lam pa'i mjug thogs su ni bdun te zhes bya ba la/ 'dod pa na spyod pa'i nyon mongs pa can dag ni nying mtshams sbyor ba'i tshe na'o/ /sbyor ba las byung ba dang mngon par shes pa'i 'bras bu ma gtogs pa zhes bya ba la/ spyod lam pa ni sbyor ba'i sems yin par mi rung ste/ stobs chung ba dang mngon par 'du byed pa med par 'jug pa'i phyir dang gzhan la sems pa'i phyir ro/ /gzugs med pa na spyod pa'i nyon mongs pa can ni nying mtshams sbyor ba'i tshe'o/ /de ni gzugs med pa na spyod pa bzhi'i brjod par bya ste zhes bya ba la/ gzugs na spyod pa'i sbyor ba las byung ba ni ldang ba'i tshe na'o/ /'dod pa na spyod pa'i ni ma yin te bskal pa'i phyir ro/ /slob pa dang mi slob pa ni ldang ba'i tshe na'o/ /gzugs na spyod pa'i sbyor ba las byung ba zhes bya ba ni snyoms par 'jug pa'i tshe'o/ /rnam par smin pa las skyes pa ma gtogs pa zhes bya ba la/ stobs chung ba'i phyir dang mngon par 'du bya ba med par 'jug pa'i phyir rnam par smin pa las skyes pa las mi 'byung ngo / /slob pa dang mi slob pa dag las so zhes bya ba ni ldang ba'i tshe'o/ /sa 'og ma pa'i nyon mongs pa can dag go zhes bya ba ni 'dod pa na spyod pa gnyis dang gzugs na spyod pa ste nying mtshams sbyor ba'i tshe'o/ /nyon mongs pa can gyi mjug thogs su ni brgyad de zhes bya ba la/ gzugs su gtogs pa'i dge ba ni nyon mongs pa can gyi ting nge 'dzin gyis gzir ba'i ni ldang ba'i tshe'o/ /'dod pa na spyod pa'i nyon mongs pa can ni nying mtshams sbyor ba'i tshe kho nar ro/ /'dod pa dang gzugs na spyod pa'i zhes bya ba rgyas par 'byung ba ni nying mtshams sbyor ba'i tshe kho nar ro/ /'og ma'i nyon mongs pa can gsum mo zhes bya ba ni nying mtshams sbyor ba'i tshe'o/ /slob pa'i mjug thogs su ni drug ste khams gsum pa'i sbyor ba las byung ba rnams dang / 'dod par gtogs pa'i skye gnas thob pa ni ldang ba'i tshe'o/ /slob pa ni rgyun la bltos nas so/ /mi slob pa ni rdo rje lta bu'i ting nge 'dzin gyi mjug thogs kyi zad pa shes pa lta bu'o/ /sbyor ba las byung ba gsum zhes bya ba ni khams gsum pa'o/ /slob pa las so zhes bya ba ni rgyun la bltos nas so/ /mi slob pa'i mjug thogs su ni lnga ste zhes bya ba la khams gsum pa'i sbyor ba las byung ba rnams dang / 'dod par gtogs pa'i skyes nas thob pa ni ldang ba'i tshe'o/ /mi slob pa ni rgyun la bltos pa'o/ /sbyor ba las byung ba gsum zhes bya ba ni khams gsum pa'o/ /slob pa las ni rdo rje lta bu'i ting nge 'dzin gyi mjug thogs su zad pa shes pa lta bu'o/ /mi slob pa ni zad pa shes pa'i mjug thogs su mi skye ba shes pa lta bu'o/ /gal te mi slob pa'i las slob pa mi 'byung na/ 'o na ji ltar na mi slob pa las yongs su nyams pa slob pa yin zhe na/ 'di ltar yongs su nyams pa mi slob pa'i ting nge 'dzin las yongs su nyams par mi 'gyur te/ ting nge 'dzin la gnas pa las yongs su nyams pa med pa'i phyir ro/ /de dag ni spyod lam dang bzo'i mngon par 'du bya ba la zhugs pa'i phyir dang / stobs chung ba'i phyir dang / mngon par 'du bya ba med par 'jug pa'i phyir zhes bya ba la/ spyod lam pa ni 'gro ba la sogs pa mngon par 'du bya ba la zhugs pa yin la/ bzo'i gnas pa ni 'di ni 'di ltar bya'o snyam du bzo mngon par 'du bya ba la zhugs te/ de'i phyir spyod lam dang bzo'i mngon par 'du bya ba lhur byed pa nyid kyis de dag la mngon par dga' ba'i phyir sbyor ba las byung ba 'dren par mi nus so/ /rnam par smin pa las skyes pa ni sngon gyi las kyis 'phangs pa'i phyir rtsol ba med par 'jug pas stobs chung ba dang mngon par 'du bya ba med par 'jug pa zhes bya ste/ des na sbyor ba las byung ba 'dren par mi nus so/ /spyod lam pa dang bzo'i gnas pa gnyis ni lung du ma bstan pa nyid du mtshungs kyang rnam par smin pa las skyes pa las stobs che ste mngon par 'du byed pa can yin pa'i phyir ro/ /sbyor ba las byung ba'i rjes su mthun pa ma yin no zhes bya ba ni de 'dren par mi nus so zhes bya ba'i tha tshig go/ /'byung ba'i sems ni mngon par 'du bya ba med par 'jug pas zhes bya ba la/ 'byung ba'i sems ni sbyor ba las byung ba'i sems rgyun chad pa'i sems te/ de ni mngon par 'du bya ba med par 'jug pa yin pa rgyun chad pa dang rjes su mthun pa yin pa'i phyir/ sbyor ba las byung ba'i mjug thogs su 'byung bar mi 'gal lo/ /de lta na 'o na nyon mongs pa can dag las kyang zhes bya ba rgyas par 'byung ba la/ gal te sbyor ba las byung ba'i rjes su mi mthun pa'i phyir spyod lam pa la sogs pa dag las mi 'byung na/ de lta na 'o na ni yul mngon par 'dod pa lhur len pa nyid kyis mi mthun pa'i phyir dang / stobs chung ba'i phyir nyon mongs pa can dag las kyang sbyor ba las byung ba 'byung bar mi 'gyur te/ nyon mongs pa can gyi chos ni dge ba'i chos kyi rjes su mthun par mi rung ngo / /'on kyang zhes bya ba ni de'i rjes su mi mthun pa yin mod kyi zhes bya ba'o/ /nyon mongs pa kun tu 'byung bas zhes bya ba rgyas par 'byung ba la/ nyon mongs pa kun tu 'byung bar yongs su shes pa nyid chos la nges par sems pa'i bzod pa la sogs pa'i rnam par shes pa yin la/ de yang sbyor ba las byung ba yin pas nyon mongs pa can gyi mjug thogs su 'byung bar rigs so/ /nyon mongs pa can ni stobs chung ba yang ma yin te/ thog ma med pa'i dus nas goms pa'i phyir ro/ /de'i phyir de nyon mongs pa can gyi mjug thogs su 'byung bar mi 'gal lo/ /mngon par 'du bya ba med par 'byung ba'i phyir zhes bya ba 'byung ngo / /ji ltar mngon par 'du bya ba med par 'byung zhe na/ sbyor ba la mi bltos pa'i phyir ro/ /'o na ji ltar de gsal ba nyid yin zhe na/ las su rung ba'i phyir te de ni dge ba'i rtsa ba thams cad kyi sa bon yin pa'i phyir ro/ /gsal ba'i phyir skyabs byed par nus pas gzugs na spyod pa'i nyon mongs pa can gyi mjug thogs su ni 'dod pa na spyod pa'i skyes nas thob pa 'byung ngo / /'di'i mjug thogs su ni 'di'o/ /'di ni 'di'i mjug thogs su'o/ /zhes sems rnams mjug thogs nyid du 'byung ba bshad la/ de dag kyang yid la byed pa'i dbang gis 'byung ba de'i phyir yid la byed pa ni gsum ste zhes yid la byed pa nye bar bkod do/ /rang gi mtshan nyid yid la byed pa ni gang gis dngos po rnams kyi rang gi mtshan nyid yid la byed pa ste/ gzugs ni gnod par byar rung ba'i mtshan nyid can tshor ba ni nyams su myong ba'i mtshan nyid can zhes bya ba nas rnam par shes pa ni rnam par rigs pa'i mtshan nyid can no snyam pa la sogs pa'i bar ro/ /spyi'i mtshan nyid yid la byed pa ni gang gis spyi'i mtshan nyid yid la byed pa ste/ de ni rnam pa bcu drug dang ldan no/ /mi rtag pa nyid la sogs pa rnams spyi'i mtshan nyid yin pa'i phyir de'i rnam pa ni spyi'i rnam pa ste/ rnam pa bcu drug po de dag dang ldan pa'i yid la byed pas rab tu phye ba'i phyir mos pa yid la byed pa ste/ de ni gang gis mi sdug pa dang tshad med pa la sogs pa dag la mos pa las byung ba'i dmigs pa yid la byed pa'o/ /zad par gyi skye mched la sogs pa dag la zhes bya ba'i sogs pa'i sgras ni rdzu 'phrul la sogs pa mngon par bsgrubs pa'i tshe yang bar mos pa yongs su bzung ngo / /sems mngon par 'du byed pa'i don gyis na yid la byed pa'o/ /de ltar na zhes bya ba ni gal te yid la byed pa rnam pa gsum gyi mjug thogs su 'phags pa'i lam mngon du byed na ste/ de'i phyir mi sdug pa dang lhan cig pa'i zhes bya ba rgyas par 'byung ste/ rgyun gyi bar dang bcas pa dang / bar med par 'dren pa'i phyir mi sdug pa dang lhan cig pa zhes bya'i sems gcig la ni ma yin te mi srid pa'i phyir ro/ /dran pa yang dag byang chub kyi yan lag ni 'phags pa'i lam yin la/ de yang mos pa yid la byed pa'i mjug thogs su 'byung zhing / rang gi mtshan nyid yid la byed pa'i mjug thogs su yang 'byung ngo zhes don gyis bshad pa yin no/ /de ltar na yid la byed pa gsum 'phags pa'i lam gyi sbyor ba yin no zhes bya bar shes par 'gyur ro/ /gzhan dag na re spyi yid la byed pa kho na'i mjug thogs su zhes bya ba rgyas par 'byung ste/ mi rtag pa la sogs pa mthong ba nyid na 'phags pa'i lam skye ba'i phyir dang gzhan gnyis po 'phags pa'i lam dang mi 'dra ba'i phyir ro/ /de las ni rnam pa gsum ste zhes bya ba la thams cad kyis ldang bar mi 'gal bas 'dir nges pa ma byas so/ /gal te mos pa yid la byed pa'i mjug thogs su 'phags pa'i lam la snyoms par mi 'jug na 'o na mi sdug pa dang lhan cig pa'i zhes rgya cher 'byung ba 'di ji ltar drang zhe na/ de'i phyir mi sdug pas sems btul nas zhes bya ba smos te/ de'i phyir de ltar na mi sdug pa ni spyi yid la byed pa'i sbyor ba yin pas brgyud pa las gsungs so zhes zer ro/ /gal te mi lcogs pa med pa la sogs pa sa gsum la brten nas zhes bya ba rgyas par 'byung ba la/ sa gsum ni mi lcogs pa med pa dang bsam gtan dang po dang bsam gtan khyad par can no/ /mthong ba'i lam sa gsum la brten pa'i mjug thogs su ni 'dod pa na spyod pa'i thos pa dang / bsam pa dang / skyes nas thob pa spyi yid la byed pa rnam pa bcu drug dang ldan pa mngon du byed par 'gyur te de ni nye ba yin pa'i phyir ro/ /gal te bsam gtan gnyis pa la sogs pa la brten nas zhes bya ba ni bsam gtan gnyis pa dang gsum pa dang bzhi pa la brten nas nges pa la 'jug na mthong ba'i lam gyi mjug thogs su 'dod pa na spyod pa'i spyi yid la byed pa mi lcogs pa med pa dang / bsam gtan dang po dang bsam gtan khyad par can gyis bar du chod pa'i phyir bskal pa go ji ltar mngon du byed par 'gyur zhes bya'o/ /gal te bsam gtan gnyis pa la sogs pa'i sa pa kho na mngon du byed par 'gyur bas nyes pa 'di med do zhe na de'i phyir nges par 'byed pa'i cha dang mthun pa ma gtogs par de dag gi sa pa yang ma thob po zhes bya ba smos te/ 'di ltar 'bras bu dang po'i skad cig ma 'di 'jig rten pa bsgom pas mi 'thob bo/ /yang gang zhig ma thob pa de gang zhe na/ nyams pa dang / gnas pa dang / khyad par gyi cha dang mthun pa dang rnam pa gsum mo/ /de lta na 'o na bsam gtan gnyis pa la sogs pa'i sa pa'i nges par 'byed pa'i cha dang mthun pa kho na mngon du byed par 'gyur ro/ /de'i phyir 'phags pa ni nges par 'byed pa'i cha dang mthun pa mngon du mdzad pa yang ma yin te zhes bya ba smos so/ /de nyid la rgyu smos pa ni 'bras bu thob zin pa zhes bya ba rgyas par 'byung ba ste/ sbyor ba'i dgos pa bsgrubs zin pa'i phyir la/ 'phags pa'i lam gyi sbyor ba yang nges par 'byed pa'i cha dang mthun pa rnams yin pas/ de'i phyir 'bras bu gnas pa nges par 'byed pa'i cha dang mthun pa mngon du byed pa mi rigs so/ /des ni de dang 'dra ba spyi yid la byed pa zhes bya ba la/ nges par 'byed pa'i cha dang mthun pa dang 'dra ba de mngon du byed par 'gyur ro/ /de nyid ston pa ni 'du byed thams cad mi rtag pa'o zhes bya ba la sogs pa'o/ /de skad du ni mi brjod do/ /zhes bya ba la/ sbyor ba'i sems la rag las pa rnams kyang 'bras bu'i gong du mngon du 'gyur ba mi rung ngo zhes gzhan dag zer ro/ /nges par 'byed pa'i cha dang mthun pa dag mngon du gyur na spyi yid la byed pa gzhan bsgom pa med pa ma yin te/ gang gi phyir nges par 'byed pa'i cha dang mthun pa mngon du gyur na rnam pa 'dra ba kho na sgom par byed la/ 'dra ba yang mthong ba'i lam kho na ma 'ongs pa nyid kyis bsgoms na 'di ni 'du byed kyi chos thams cad la dmigs pa'i phyir mi 'dra ba yin no/ /de'i phyir 'phags pa'i lam gyi mjug thogs su yid la byed pa rnam pa gsum mngon du byed pa yin no/ /de'i sa pa ni skal ba mnyam pa'i sa pa ste shin tu goms pa'i phyir dang dga' ba yin pa'i phyir ro/ /'dod pa na spyod pa yin no zhes bya ba ni skyes nas thob pa'i dge ba ste/ sbyor ba la bltos pa'i phyir ro/ /de ni 'dir mi 'dod de 'bad pas bsgrub pa nyid kyi phyir ro/ / gzhan dag na re 'ga' zhig thos pa dang bsam pa las byung ba yang yin no zhes zer ro/ /ci yang med pa'i skye mched la brten nas zhes bya ba la/ gal te srid pa'i rtse mor skyes pa yin na ni ci yang med pa'i skye mched kyi sa pa'i dge ba sbyor ba las byung ba mngon du byed de/ de yang chung ba'i phyir skyes nas thob pa ni ma yin no zhes gzhan dag zer ro/ /de bzhin du srid pa'i rtse mor yang skye ba'i snyoms par 'jug pa'i dbang gis de dag kho na an+yA sa mr-i ya tA b+h+yAM mngon du byed do/ /de las gzhan pa'i sa rnams su ni rang gi sa pa kho na ste/ sbyor ba gzhan gyis bsgrub par bya ba'i phyir sa gzhan ni ma yin no/ /de'i tshe de dag gi ting nge 'dzin kho na nye bar gnas pa yin no zhes bya ba smos te/ ting nge 'dzin shin tu goms pa'i phyir dang / bsam pa kha nang du bltas nas 'jug pa'i phyir de dag sems pa na ting nge 'dzin kho na nye bar gnas pa yin no/ /yid la byed pa lnga'i mjug thogs su zhes bya ba la/ 'dod pa na spyod pa'i thos pa las byung ba dang / bsam pa las byung ba dang / gzugs na spyod pa'i thos pa las byung ba dang / bsgom pa las byung ba dang / gzugs med pa na spyod pa'i bsgom pa las byung ba nyid kyi mjug thogs su yin gyi skyes nas thob pa dag gi mjug thogs su mngon du bya ba ni ma yin no/ /'di la rgyu ni sbyor ba la rag lus pa'i phyir ro zhes bya ba'o/ /bsam gtan dang po'i sa pa'i ni rnam par shes pa'i tshogs gsum rnams las so/ /sa gong ma rnams su skyes pa gal te de la chags pa dang ma bral na dge ba nyon mongs pa can dang lung du ma bstan pa yid la byed pa'i mjug thogs su mngon du byed do/ /'dod chags dang bral ba las gzhan du nyon mongs pa can las so/ /rnam par shes pa'i tshogs kyi mjug thogs su yid la byed pa la sogs pa de dag kho na'o/ /ci skad cig ma gcig la drug dang drug dang gnyis rnyed dam zhe na/ de ni de lta ma yin te/ re zhig 'dod pa na spyod pa'i nyon mongs pa can gyi sems mngon du gyur na khams su slar log pa dang / dge ba'i rtsa ba nying mtshams sbyor ba dang yongs su nyams pa rnams kyi tshe ci rigs par yongs su bgrang ste drug rnyed do/ /the tshom gyis dge ba'i rtsa ba nying mtshams sbyor ba dang zhes bya ba la the tshom ni nyon mongs pa can yin pas de dang mtshungs par ldan pa'i sems kyang nyon mongs pa can yin no/ /nyon mongs pa can yin na ji ltar dge ba'i rtsa ba dag mtshams sbyor zhe na rgyu dang 'bras bu la skur pa 'debs pa'i lta ba yongs su gtong ba las so/ /khams su slar ldog pa las zhes bya ba la gang gi tshe gzugs dang gzugs med pa'i khams nas shi 'phos te 'dod pa'i khams su skye ba de'i tshe/ 'dod pa na spyod pa'i dge ba skyes nas thob pa rnyed do/ /de ltar the tshom dang mtshungs par ldan pa dang / nying mtshams sbyor ba'i sems ni nyon mongs pa can yin pa'i phyir rnam pa gnyis las dge ba'i sems rnyed do/ /mi dge ba dang bsgribs la lung du ma bstan pa dag dang zhes bya ba rgyas par 'byung ba la/ gang gi tshe gzugs kyi khams sam gzugs med pa'i khams nas shi 'phos nas 'dod pa'i khams su skye ba de'i tshe nying mtshams sbyor ba'i sems mi dge ba'am/ bsgribs pa mngon du 'gyur na 'dod pa na spyod pa'i mi dge ba dang bsgribs pa'i sems rnyed do/ /gzugs na spyod pa nyon mongs pa can dang zhes bya ba la/ gang gi tshe gzugs med pa'i khams nas shi 'phos nas 'dod pa'i khams su skye ba de'i tshe gzugs na spyod pa'i nyon mongs pa can dang yang ldan pa rnyed do/ /sa 'og mar skyes pas gong ma pa'i nyon mongs pa dang ldan pas gzugs med pa na spyod pa'i nyon mongs pa can dang snga nas ldan pa'i phyir yang mi bgrang ngo / /yongs su nyams pa las zhes bya ba la/ 'dod pa'i khams kyi 'dod chags dang bral ba las yongs su nyams pa nas/ 'dod par gtogs pa'i mi dge ba dang bsgribs pa rnyed la/ 'dod par gtogs pa'i kun nas dkris pas gzugs kyi 'dod chags dang bral ba las yongs su nyams pa na gzugs su gtogs pa'i bsgribs pa yang rnyed de/ de ltar na yongs su nyams pa dang nying mtshams sbyor ba rnam pa gnyis las 'dod par gtogs pa'i mi dge ba dang / 'dod par gtogs pa dang / gzugs su gtogs pa'i bsgribs la lung du ma bstan pa rnyed do/ /yongs su nyams pa las gzugs med pa na spyod pa'i nyon mongs pa can slob pa'o zhes bya ba la/ 'di gnyis ni yongs su nyams pa kho na las rnyed kyi nying mtshams sbyor ba las ni ma yin no/ /gzugs med par gtogs pa'i kun nas dkris pa dgra bcom pa las yongs su nyams pa la gnyis rnyed do/ /slob pa la gzugs med pa na spyod pa'i bsgribs pa dang gzugs na spyod pa yongs su nyams pa la gsum rnyed do/ /gzugs na spyod pa'i nyon mongs pa can lhag pa 'dod pa na spyod pa yongs su nyams pa la 'dod par gtogs pa'i nyon mongs pa can gnyis lhag por bcug pas lnga rnyed do/ /de lta na 'di dag ni gang dag 'dod pa na spyod pa'i nyon mongs pa can gyi sems la rnyed pa drug yin te/ 'dod pa na spyod pa dge ba dang mi dge ba bsgribs la lung du ma bstan pa dang gsum dang / gzugs dang gzugs med par gtogs pa'i bsgribs pa dag dang slob pa'o/ /gzugs na spyod pa'i nyon mongs pa can la yang drug rnyed de zhes bya ba rgyas par 'byung ba la/ gzugs na spyod pa gsum ste/ skyes nas thob pa'i dge ba dang bsgribs la lung du ma bstan pa dang sprul pa'i sems so/ /'dod pa na spyod pa'i ni ma bsgribs la lung du ma bstan pa'i sprul pa'i sems nyid do/ /rnyed pa'i dus dag mang ba'i phyir dus gang gi tshe yin pa mi shes pas/ khams su slar log pa las zhes bya ba smos te/ gang gi tshe 'di gzugs med pa'i khams nas shi 'phos nas gzugs kyi khams su skye ba de'i tshe nying mtshams sbyor ba'i sems mngon du gyur pa na sems bzhi po 'di dag rnyed do/ /gzugs med pa na spyod pa'i nyon mongs pa can dang zhes bya ba la gang gi tshe gzugs na spyod pa'i kun nas dkris pas dgra bcom pa nyid las yongs su nyams pa de'i tshe gzugs med pa na spyod pa'i nyon mongs pa can dang slob pa rnyed do/ /gal te yang gnas skabs der gzugs na spyod pa'i nyon mongs pa can yang rnyed mod kyi de ni sngar bgrangs zin pa nyid kyi phyir yang mi bgrang ngo / /'di dag ni sems drug yin te gzugs na spyod pa gsum dang 'dod pa na spyod pa gcig dang gzugs med pa na spyod pa gcig dang slob pa'o/ /gzugs med pa na spyod pa'i nyon mongs pa can la ni gnyis rnyed do zhes bya ba la khams gsum pa la sogs pa dang bral ba kho na gzugs med pa na spyod pa'i nyon mongs pa can gyi sems dang mi ldan pas de nyid gzugs med par gtogs pa'i kun nas dkris pas dgra bcom pa nyid las yongs su nyams pa na slob pa dang / gzugs med pa na spyod pa'i bsgribs la lung du ma bstan pa rnyed do/ /'di gnyis ni yongs su nyams pa kho na las rnyed kyi khams su slar log pa las ni ma yin te de'i gong na khams gzhan med pa'i phyir ro/ /gzugs skyes dge la gsum dag go/ /zhes bya ba la/ snyoms par 'jug pa las zhes bya'o/ /gang gi tshe 'dis dang por bsam gtan gyi dngos gzhi thob pa de'i tshe gsum rnyed do/ /dge ba de nyid dang zhes bya ba ni gang rnyed pas gsum rnyed par brjod pa'o/ /'dod pa dang gzugs na spyod pa'i ma bsgribs la lung du ma bstan pa dag go zhes bya ba ni sprul pa dag go/ /slob pa la bzhi zhes bya ba la gang zhig mi lcogs pa med pa la brten nas 'phags pa'i lam gyis rnam par grol ba'i lam dgu pa la 'dod pa'i khams las 'dod chags dang bral zhing bsam gtan dang po'i sa pa'i sems rnyed pa de'i tshe des bsam gtan gyi dngos gzhi'i sa pa'i slob pa sngon ma byung ba khyad par du 'phags pa rnyed pas slob pa rnyed pa zhes brjod do/ /'dod pa dang gzugs na spyod pa'i ma bsgribs la lung du ma bstan pa dag ni/ sprul pa'i sems dag kho na'o/ /gzugs med pa'i dge ba'o zhes bya ba la/ sa drug gi 'phags pa'i lam gyis gzugs kyi khams las 'dod chags dang bral ba ni rnam par grol ba'i lam dgu pa gang yin pa der de pa'i ting nge 'dzin thob pa las gzugs med pa na spyod pa'i dge ba'i sems rnyed do/ / 'phags pa'i lam smos pa ni slob pa'i sems nye bar blang bar bya ba'i phyir ro/ /'dod pa'i khams las 'dod chags dang bral ba ni dro bar gyur pa'i gnas skabs kho nar gzugs na spyod pa'i dge ba rnyed pa nyid yin pas de sa pa la 'jug pa'i gnas skabs su mi bgrang ngo / /'dod pa dang gzugs kyi khams kyi 'dod chags dang bral bar byed pa na zhes bya ba la/ 'dod pa'i khams las 'dod chags dang bral bar byed pa na ni gsum mo/ /gzugs kyi khams las 'dod chags dang bral bar byed pa ni gzugs med par gtogs pa'i dge ba'o/ /lhag ma de zhes bya ba 'byung ngo / /gzhan dag na re/ gzugs skyes dge la gzhan dag go/ /zhes bya ba srid pa'i phyir brjod pa ste/ gzugs su gtogs pa'i dge ba 'ga' zhig nyid thob pa'o/ /de bzhin du slob pa la yang de srid pa'i phyir bzhi rnams so zhes brjod par bya'o zhe na brjod par mi bya ste/ slob pas ni sngar nyid du thob zin pa'i phyir ro/ /dge ba yang sngar nyid du thob zin pa ma yin nam zhe na/ thob zin pa ma yin te/ bsam gtan gyi dngos gzhi'i sa pa'i 'chad par 'dod pa'i phyir ro/ / slob pa la ni de ltar mi 'gyur ro/ /slob pa la bzhi rnams so zhes nges pa kho nar brjod par bya'o/ /'ga' zhig gis ni gzugs la 'dod chags dang ma bral ba kho nar gzugs med pa na spyod pa'i dge ba'i sems rnyed do/ /de dag thams cad kyang so sor brjod de slob pa 'ga' zhig gis rnyed pa de bzhin du gzugs na spyod pa'i dge ba yang de la srid pas lnga rnams so zhes brjod par bya'o zhe na brjod par mi bya ste sngar nyid du de thob zin pa'i phyir ro/ /slob pa yang sngar nyid du thob zin pa ma yin nam zhe na de'i lhag mar byas pa zhes 'byung ngo / /lhag ma yang gang zhig ce na/ khams gsum gyis ma bsgribs la lung du ma bstan pa dang / 'dod par gtogs pa dang / gzugs med par gtogs pa'i dge ba dang mi slob pa'o/ /de la 'dod par gtogs pa'i sems mngon du gyur na 'dod par gtogs pa'i dge ba kho na rnyed kyi/ gzhan mi rnyed pa'i bar du yang de dang 'dra'o/ /'di ltar nyon mongs pa can gyi sems ni yongs su nyams pa dang nying mtshams sbyor ba dag gi tshe rnyed na/ sems 'di dag ni yongs su nyams pa nying mtshams sbyor ba dag gi tshe mi srid do/ /rnam par smin pa las skyes pa'i thob pa yang sngon gyi las kyis 'phangs pas lhan cig skyes pa ste/ sems kyi mjug thogs su stobs kyis thob pa ma yin no/ /bzo'i gnas pa dang spyod lam pa'i thob pa yang kha cig lhan cig skyes pa'o/ /cung zad goms pa'i khyad par las thob zin rnyed pa ste/ de'i thob pa sems kyi mjug thogs la bltos pa ma yin no/ /de bzhin du gzhan dag la yang ji ltar rigs par brjod par bya'o/ /gzhan dag na re slob pa la yang bzhi rnyed pa zhes bya ba mi rung ste/ gang gi phyir khams gsum pa'i dge ba'i rnams dang zad par shes pa ma 'ongs pa rnams bsgom par bya ste/ sngar thob zin pa yod pa ma yin no/ /gang gi phyir ma 'ongs pa bsgom pa yod pas gang gi tshe gzugs na spyod pa la yang slob pa'i dge ba rnyed do zhe na/ de la de kho na nyid do zhes brjod par mi bya ste/ gzugs na spyod pa la yang slob pa la gsum dang bzhi srid pa kho na skye'o zhes 'di bsam par bya'o/ /khyad par med par zhes bya ba la/ khams kyi dbye bas nyon mongs pa can dbye ba khas ma blangs par nyon mongs pa can gyi sems la dgu rnyed do zhes zer ro/ /nying mtshams sbyor ba'i tshe 'dod pa na spyod pa bzhi po dge ba dang / mi dge ba dang / bsgribs la lung du ma bstan pa dang / ma bsgribs la lung du ma bstan pa dang / nying mtshams sbyor ba'i tshe gzugs na spyod pa gsum po dge ba dang / bsgribs la lung du ma bstan pa dang / ma bsgribs la lung du ma bstan pa kho na'o/ /khams kyi khyad par las sems rnam par gzhag gi sar slar log pa las brtsams pa ma yin no zhes grag go/ /de nyid kyi phyir gzugs med pa na spyod pa'i dge ba'i go skabs med de de'i sa pa'i nyon mongs pa can gyi sems bsgribs la lung du ma bstan pa'o zhes pa de ltar mi rung ste gzhan du na bcu po rnams zhes 'don to zhes zer ro/ / khams tha dad pas sems rnam par gzhag pa srid pas/ gang gi tshe gzugs med pa na spyod pa'i nyon mongs pa can gyi sems skye ba'i tshe rang gi khams pa'i dge ba nyon mongs pa can rnyed do/ /de smos pas cir 'gyur zhe na/ khams tha dad pa'i dbang du byas pas kyang zag pa med pa'i sems smos pa bzhin no/ /yongs su nyams pa las gzugs med pa na spyod pa'i nyon mongs pa can dang slob pa'o/ /dge ba'i sems las drug yin te/ /zhes bya ba 'dir yang khams gsum pa kho na shes par bya'o/ /de la dge ba'i sems la ni drug ste/ 'dod chags dang bral ba thob pa las 'dod pa dang gzugs na spyod pa'i sprul pa'i sems dag dang / de pa'i ting nge 'dzin thob pa las gzugs dang gzugs med pa na spyod pa'i dge ba dag dang / nges pa la 'jug pa'i tshe slob pa dang / dgra bcom pa nyid kyi 'bras bu thob pa'i tshe mi slob pa ste/ sems drug po 'di dag ni dge ba'i sems la rnyed do/ /dge ba'i sems la bdun pa rnyed/ /ces bya ba 'dir yang khams gsum pa yang srid do zhes bstan pa'i phyir ro/ /gzhan dag na re/ gang du cig car drug rnyed pa der slob dpon gyis smos pas 'di la skyon med do/ /ji ltar zad pa shes pa thob pa las khams gsum pa'i dge ba 'dod pa dang gzugs na spyod pa dang / lung du ma bstan pa dang / sprul pa'i sems dang zag pa med pa rnyed do/ /dge ba'i sems la gzhan yang 'ga' zhig rnyed pa srid do/ /ji ltar 'di nyid kyi mjug thogs ma yin par bshad pa de ni nges par mi gzung ngo / /bsdu ba'i tshigs su bcad pa zhes bya ba rgyas par 'byung ba la/ skye ba'i tshe ji ltar rnyed ce na/ dge ba dang nyon mongs pa can dang / ma bsgribs la lung du ma bstan pa rnams te/ khams su slar log pa las de dag rnyed do/ /snyoms par 'jug pa'i tshe ji ltar zhe na/ gzugs dang gzugs med pa na spyod pa'i dge ba dag ni de pa'i ting nge 'dzin thob pa las so/ /'dod chags dang bral ba'i tshe ji ltar zhe na/ slob pa la bzhi/ 'phags pa'i lam gyis 'dod pa dang gzugs kyi khams las 'dod chags dang bral bar byed na sprul pa'i sems la sogs pa rnams rnyed par bshad pa lta bu'o/ /yongs su nyams pa'i tshe/ ji ltar zhe na/ ji skad du/ gzugs med pa na spyod pa'i nyon mongs pa can dang slob pa'o zhes bshad pa lta bu'o/ /dge ba'i rtsa ba nying mtshams sbyor ba'i tshe/ ji ltar zhe na the tshom mam/ yang dag pa'i lta bas dge ba'i rtsa ba nying mtshams sbyor ba la dge ba lta bu'o/ /sems de ldan pa min las zhes bya ba ni/ ji skad du bshad pa'i sems rnams dang mi ldan pa las rnyed ces bya ba'i tha tshig go/ /slob dpon btsun pa gnas brtan blo gros brtan pas nye bar sbyar ba mdzod kyi bshad pa'i de kho na'i don rgya cher 'grel pa las mdzod kyi gnas gnyis pa'o/ / //'jig rten mgon po la phyag 'tshal lo/ /da ni 'dod pa dang gzugs dang gzugs med pa'i khams kyi nges pas sems la sogs pa zhes rgya cher 'byung ba la/ sogs pa zhes bya ba'i sgras khams dang dbang po la sogs pa bsdu ste/ de la sems rnams ni/ 'dod yid dge dang mi dge dang / /bsgribs pa dang ni zhes bya ba la sogs pas 'dod pa'i khams la sogs pa'i nges pas bstan to/ /khams rnams kyang 'dod khams gtogs pa thams cad do/ /gzugs kyi khams na bcu bzhi'o/ /zhes bya ba la sogs pa dang / de bzhin du dbang po rnams kyang / dri med ma gtogs 'dod par gtogs/ /pho mo'i dbang dang sdug bsngal dag /ma gtogs gzugs zhes bya bas rgyas par bshad la/ thal ma thag tu yang khams gsum pa'i nyon mongs pa can zhes bya ba la sogs pa bshad na/ 'dod pa dang gzugs dang gzugs med pa de dag gi mtshan nyid ma bstan pa yin pas 'dri ba ni/ de la 'dod pa dang gzugs dang gzugs med pa'i khams de dag gang yin pa brjod par bya ste/ zhes bya ba'o/ /rnam grangs med par 'khor dang bcas pa bar dang bcas pa'i snod ni 'gro ba bzhi po rnams kyi ste/ gcig las 'dod pa'i khams bcu gcig ste de yang lha'i ris drug go/ /de'i snod kyi 'jig rten ni 'dod pa'i khams dang tha mi dad pas gnas bcu ste/ gling dbye ba las zhes rgya cher 'byung ngo / /bsam gtan sa ni gsum pa yin/ /zhes bya ba rgya cher 'byung ba la/ re zhig bsam gtan gsum ni chung ngu dang 'bring dang chen po'i dbye bas re re zhing sa rnam pa gsum yin no/ /bzhi pa ni chung ngu dang 'bring dang chen por phye ba'i phyir dang / chen po de yang rnam pa lngar phye bas gnas gtsang skye ba lnga kho na zhes rnam pa lnga nyid kyi phyir sa brgyad nyid do/ /gzhan dag ni gnas bcu bdun no zhes zer ro/ /bsam gtan dang po sa gnyis dang bzhi pa na 'du shes med pa'i sems can lhag pas sa dgu ste/ de rnams gnas bco brgyad du brjod par bya'o/ /tshangs chen pa rnams ni tshangs pa 'dun na 'don dag pas tshe dang lus kyi tshad dang / rtog pa dang tshor ba la sogs pa tha dad pa'i phyir tha dad pa nyid do/ /'bras bu che rnams las 'du shes med pa pa'i sems can rnams so so skye bo'i skye ba mtha' gcig tu tha dad pa'i phyir gzhan gnas bco brgyad ma yin nam zhe na/ ma yin te/ de'i skye ba ni 'bras bu che ba ldan pa'i las kyi 'bras bu yin pa'i phyir ro/ /'o na 'dir yang tshangs pa mdun na 'don dang ldan pa'i las kyi 'bras bu nyid kyi phyir de'i skye ba la gzhan ma yin no zhe na/ chen po ni tshangs pa mdun na 'don dang ldan pa'i las tshangs chen gyi 'bras bu'o/ /de la 'ga' zhig de'i skye ba'i rgyur 'gyur ro zhes bya ba de dag dang tshe la sogs pa mtshungs pas yin na/ 'o na gal te tshe la sogs pa tha dad kyang de ltar rtog na 'od chung la sogs pa rnams la yang de ltar brtag nus pa nyid du ha cang thal bar 'gyur te/ lha'i ris de yang tshe la sogs pa tha dad kyang tshangs pa chen po dang gcig ma yin pa'i phyir ris gcig pa nyid mi rung ngo / /tshangs pa mdun na 'don rnams nyid de dag dang lhan cig sems can skal ba mnyam pa nyid do/ /de ltar 'di 'od chung la sogs pa rnams dang mtshungs pa ma yin no/ /btsun pa dpal len na re/ gzugs kyi khams na gnas bco brgyad do zhes zer ro/ /bsam gtan bsgom pa chung ngu dang / 'bring dang / chen po nyid kyi phyir bsam gtan dang po ni ris gsum nyid de/ tshangs chen nyid ni de dang lhan cig grong gi mtha' nas dgon pa bzhin du mchog tu gyur pas gnas so/ /'du shes med pa'i snyoms par 'jug pa pa dang bsam gtan bzhi pa'i gnas gzhan bzhi ste/ de ltar bco brgyad du 'gyur ro/ /bye brag tu smra ba rnams na re/ de yang de ltar ma yin te/ bsam gtan dang po'i gnas gzhan bzhir thal ba'i phyir ro/ /gang zhig bsam gtan bsgom pa chung ngu la sogs pa'i dbye bas tha dad pa'i phyir sa rnam pa gsum du yongs su brtag par bya'o/ /de las tshangs chen tshe la sogs pa ches phul du byung ba dang / rgya ches phul du byung bar rtogs par bya'o/ /de ltar bzhi pa ni tshangs chen du 'gyur ro/ /'bras bu che rnams las kyang 'du shes med pa'i sems can rnams tshe la sogs pa khyad par med pa'i phyir dang / de'i rgyu la khyad par med pas de dag gi bzhi pa ni bsam gtan bzhi pa las gzhan du mi rung ste/ tshe la sogs pa'i khyad par khas blangs pa nyid do/ /'og min pa rnams kyi tshe bskal pa stong phrag sum cu rtsa gnyis su thal bar 'gyur ro/ /'di mthar thug yin pa de'i phyir bsam gtan bsgom pa tha dad pas gnas tha dad pa ma yin no/ /kha che ba rnams na re/ 'di ltar tshangs chen gyi gnas ni ches mchog tu gyur pa'i gnas gnyis pa zhig ste gzugs kyi khams gnas bcu drug kho na'o zhes zer ro/ /de ltar na mdo dang mthun par 'gyur te/ rnam par shes pa'i gnas rnams kyi mthar thug pa smos pa'i phyir 'od gsal dang dge rgyas dag go/ /de las gzhan ni tshangs chen zhes bya ba de lta bu la sogs pa 'chad do/ /gzugs med khams na gnas med do/ / zhes bya ba la/ 'di la gnas yod pa ma yin pas na gnas med do/ /gzugs can ni 'das pa dang / ma 'ongs pa rnams yul na mi gnas pa yin gyi/ da ltar ba ni ma yin no/ /gzugs can ma yin pa rnam par rig byed ma yin pa dang bcas pa rnams ni thogs pa med pa'i phyir dus gsum gar yang yul na mi gnas pa yin la/ gzugs med pa rnams kyang gzugs med pa ma yin te/ de'i phyir yul na mi gnas so/ /de lta na 'o na rnam pa bzhi yin zhe na/ skye ba las ni rnam pa bzhi zhes bya ba smos so/ /de dag la yul gyis byas pa'i blo ni med de zhes bya ba ni/ yul na mi gnas pa'i phyir ro/ /ting nge 'dzin thob pa rnams zhes bya ba rgyas par 'byung ngo / /gal te de nyid du skye na ji ltar yul na mi gnas pa yin zhe na/ rten snga ma'i sgo nas de nyid du skye'o zhes bya bar gdags kyi yul de na gnas pa nyid kyis ni ma yin te/ gzugs kyi lus med pa'i phyir gzhan du ni ma yin no/ /snyam du bsams pa'o/ /'o na 'chi 'pho ba rnams kyi srid pa bar ma de nyid du ji ltar 'grub ce na/ yul de'i lus la chags pas 'jug pa rnyed pa las bag yangs su rgyas pas de nas 'chi 'pho ba rnams kyi srid pa bar ma yang de nyid du 'grub pas skye ba'i bye brag gis rnam pa bzhi nyid yin par rigs so/ /gal te bla 'og med na de dag gi go rims gang gis byas she na/ 'dod chags dang bral ba dang / snyoms par 'jug pas byas pa dang / tshe dang skye bas byas pa zhig ste/ de dag skye ba'i rgyu ni ji ltar 'bras bu mang ba'i phyir ro/ /ji ltar sems can gzugs can rnams zhes bya ba rgyas par 'byung bas/ 'dri ba'i bsam pa ni 'di na 'dod pa dang gzugs kyi khams dag gi sems dang sems las byung ba rnams ni bdag med na gzugs la brten te 'jug par brtag na/ gzugs med pa dag na ni gzugs med de/ des na de na rten med pa'i phyir sems dang sems las byung ba 'jug par mi 'gyur ro snyam pa'o/ /de'i phyir de'i rten khong du chud par bya ba'i phyir/ der ni ris dang srog la yang zhes bya ba la sogs pa smos so zhes bya ba'i sgra ni ldan pa ma yin pa'i 'du byed gzhan bsdu bar bya ba'i phyir te/ de dag kyang so so'i skye bo nyid dang / thob pa dang / skye ba la sogs pa'o/ /de dag gi rten nyid ni sems dang sems las byung ba'i 'jug pa'i rgyu mtshan gyi dngos por nye bar 'gro ba gang yin pa de yin te/ gang zhig yod pa dang med pa dag na gang zhig 'jug pa dang ldog pa de ni de'i rten zhes bya'o/ /gang zhig 'di'i mtshan nyid de'i rnam par 'gyur ba'i rjes su byed pa yang de'i gnas dang rten no/ /gzugs med pa rnams su ni lhan cig skyes pa'i phung po gsum rten yin no zhes kha cig zer ro/ /gal te de lta na ci'i phyir ris dang srog tu brjod ce na/ mi 'chol ba'i don du'o zer ro/ /sa mi 'dra ba'i sems mngon du gyur pa na yang de'i sa pa'i ris dang srog yod pa'i phyir de'i sa pa kho na dang 'brel pas mi 'chol bar 'gyur ro/ /gzhan du na rang gi sa pa'i sngon gyi las kyi 'bras bu dang 'brel pa med pa'i phyir sa gang gi phung po bzhi yin pa de kho na de'i sems can du 'gyur te/ 'di ni mi 'dod do/ /srog gi dbang po ni rnam par smin pa'i phyogs gcig yin pa'i phyir lhag ma rnam par smin pa dang rjes su 'brel pa'i rgyu ni shing gi rtsa ba bzhin no/ /de bzhin du srog sngon ma rnams ni yal ga la sogs pa gnas pa bzhin du blta'o/ /gzhan dag na re rlung med pa'i gnas su mar me'i rtse mo'i tshul ltar rnam par shes pa'i 'jug pa gnas pa nyid do zhes zer ro/ /chos mngon pa pa zhes smos pa ni ldan pa ma yin pa'i 'du byed rdzas su med pa'i phyir 'di bstan bcos las gsungs pa nyid do zhes shes par bya ba'i phyir ro/ /'o na ci'i phyir sems can gzugs can rnams kyi zhes bya ba rgyas par 'byung ba la/ yang ji ltar gzugs can dag na ris dang srog la brten nas 'jug pa ma yin pa zhes bya ba 'di shes par bya zhe na/ lus kyi dbang po med na de med pa'i phyir ro/ /gang zhig gang gi rten yin pa de ni nam yang de'i rten ma yin par rig pa yang ma yin te/ de'i phyir gzugs rnams kyi yang de gnyis kho na la brten nas 'jug par khas blang bar bya dgos so/ /stobs chung ba'i phyir ro/ /zhes bya ba la sems kyi rgyud zhes tshig lhag ma dang sbyar bar bya'o/ /de stobs chung ba nyid ni sems kyi rgyud gzugs kyi 'du shes dang ma bral ba'i phyir te/ stobs chung ba ni rten stobs dang ldan pa la ma ltos par 'byung bar mi nus so/ /de'i phyir de ni gzugs la brten nas 'jug go / des na ris dang srog kyang brten nas 'jug ste/ de nyid kyang stobs chung ba'i phyir ro/ /des na ci'i phyir stobs dang ldan pa nyid yin zhes bya ba ni gzugs med pa'i sems kyi rgyud de/ de'i phyir snyoms par 'jug pa'i khyad par las skyes pa'i phyir te zhes bya ba smos so/ /snyoms par 'jug pa de snyoms par 'jug pa gzhan las khyad par du 'phags pa bstan pa'i phyir snyoms par 'jug pa de ni gzugs dang bral ba'i phyir 'du shes can yin no zhes bya bar smos te/ gzugs kyi 'du shes dang bral zhes bya ba'i don to/ /de'i phyir de na gzugs la mi ltos par ris dang srog la brten nas 'jug ste/ dper na 'dod chags dang bral ba'i phyir gzugs kyi khams na kham gyi zas med par lus gnas la de'i 'dod chags ma bral ba'i phyir 'dod pa'i khams na ni ma yin pa bzhin no/ /'o na ni stobs dang ldan pas te snyoms par 'jug pa'i khyad par gyis bskyed pa de kho nas ris dang srog la bltos pa med par 'jug par 'gyur gyi rten gzhan gyis ci zhig bya/ ji ltar gzugs can rnams kyi zhes bya ba rgyas par 'byung ba la ji ltar gzugs rnams kyi ris mthun pa dang srog gi dbang po gzugs la brten nas yin pa de ltar gzugs can ma yin pa rnams kyi de dag ci la brten nas yin de gnyis nyid phan tshun du'o/ /zhes bya ba la/ ris mthun pa ni srog gi dbang po la brten nas 'jug la/ srog gi dbang po yang ris mthun pa la brten nas so/ /de gnyis zhes bya ba ni ris mthun pa dang srog gi dbang po gnyis so/ /stobs chung ba'i phyir ro zhes bya ba ni de dag gi rgyu gzugs kyi 'du shes dang ma bral ba'i phyir stobs chung ba nyid do/ /de na zhes bya ba ni gzugs med pa'i khams na'o/ / snyoms par 'jug pa'i khyad par las skyes pa'i phyir ro zhes bya ba ni de'i rgyu gzugs kyi 'du shes dang bral ba yin pa'i phyir ro zhes bya ba'i don to/ /de ni sems kyi rgyud la yang mtshungs so/ /de gang zhe na ting nge 'dzin gyi khyad par las skyes pa'i phyir stobs dang ldan pa nyid de/ de'i phyir rten med pa kho nar sems kyi rgyud 'jug par 'gyur ro/ /de yang phan tshun brten nas 'jug go zhes gzhan dag zer ro/ /yang na skad cig ma dang po la brten nas gnyis pa la 'jug pa la sogs pa'o/ /sems dang sems las byung ba dag la yang zhes bya ba la/ gal te mi brtan pa'am 'gog pa la brten par mi 'dod na/ 'o na ni de dang ris mthun pa dang srog gi dbang po gnyis phan tshun brten nas 'jug pa de bzhin du sems la brten nas sems las byung ba rnams sam sems las byung ba rnams la brten nas sems 'jug pa de las gzhan pa'i rten yongs su rtog pa dgos pa med do/ /gzhan yang sems kyi rgyun gang gis zhes bya ba rgyas par 'byung ba la/ sems kyi rgyun gyis 'phen pa'i rgyu ni las dang nyon mongs pa'i mtshan nyid do/ /sred pa dang zhes bya ba ni sred pa dang mi ldan zhing bral ba'o/ / gang zhe na gzugs la ste/ sems kyi rgyud de ni gzugs la mi ltos par 'jug go /rgyu de la rgyab kyis phyogs pa'i phyir ro zhes bya ba ni gzugs la rgyab kyis phyogs pa'i phyir ro/ /gzhan dag na re gzugs can rnams la sems dang sems las byung ba phra ba rnams la brten nas 'jug gi gzugs la brten nas 'jug pa ma yin pas gzugs med pa rnams su phra ba'i phyir phra ba kho na la ris mthun pa'i srog gi dbang po la brten nas 'jug go zhes zer ro/ /'di yang phra ba dang rags pa nyid du nges par gnas pa ma yin pa'i phyir/ bsam gtan dang po'i sa pa de dag kyang phra bas ris dang srog la brten nas 'jug par 'gyur ro/ /de lta ma yin na srid pa'i rtse mo kho na phra bas de dag kho na ris dang srog la brten nas 'jug par 'gyur gyi gzhan ni ma yin no/ /gzhan dag na re 'phen pa'i rgyu'i nus pa sems kyi rgyud la rgyu ba la dge ba dang nyon mongs can mi brten par 'jug par thal bar 'gyur ro zhes zer ro/ /yang ji ltar gzugs can rnams kyi 'phen pa'i rgyu'i nus pa las sems kyi rgyud dang gzugs lhan cig 'byung ba'i phyir gzugs la brten nas 'jug go / de bzhin du sems can gzugs can rnams 'phen pa'i rgyu'i nus pa las ris mthun pa dang lhan cig srog gi dbang po 'byung ba gzugs dang sems kyi rgyud la mi ltos pa ma yin pa de'i phyir/ ris mthun pa dang srog la brten nas 'jug par 'gyur ro/ /nges par gzugs can rnams bzhin du gzugs med pa rnams la yang sems kyi rgyud gnas pa khas blang bar bya'o/ /'dod pa dang ldan pa'i khams ni 'dod pa'i khams so zhes bya ba la/ gnas nyi shu ni yul gyi rnam pa gtso bo yin pa'i phyir 'dod pa'i sgras brjod do/ /de dang ldan pa ni de dang bral ba ma yin pa ste/ de'i khongs su 'du shes bya ba'i don to/ /gnas bcu bdun ni gzugs gtso bo yin pa'i phyir gzugs kyi sgras bsnyad de/ de dang ldan pa'i khams ni gzugs kyi khams so/ /rdo rje'i sor gdub lta bu ste/ rdo rje dang ldan pa'i gdu bu bzhin no/ / gzugs med pa'i khams na gnas med pa'i phyir gzugs med pa'i ngo bo ni gzugs med pa zhes smos te/ de yang thogs pa med pa nyid do/ /de dang ldan pas na thogs pa med pa'i bdag nyid ces bya ba'i don to/ gzugs dang gzugs med pa'i khams dag kyang de dang 'dra bar rig par bya'o zhes bya ba la/ gzugs kyi khams ni gang zhig gzugs rnams 'dzin pa'o/ /gzugs med pa'i khams ni gang zhig gzugs med pa rnams 'dzin pa'o/ /'dod pa rnams kyi khams ni zhes bya ba smos so/ /kham gyi zas dang 'khrig pa dang ldan pa'i zhes bya ba ni de'i rgyu mtshan can dang / de'i yul can zhes bya ba'i don to/ /ji skad bshad pa'i 'dod chags 'dod pa yin no zhes bya bar ji ltar shes par bya zhe na/ 'jig rten sna tshogs gang de 'dod pa min/ /zhes rgya cher 'byung ba'i lung las so/ /kun tu rtog pas bskyed pa'i 'dod chags ni kun rtog 'dod chags te/ de na tshul bzhin ma yin pa'i rtog pa sngon du 'gro ba can yin pa'i phyir ro/ /de'i phyir tshigs su bcad pa 'di las ni kun tu rtog pa'i 'dod chags kho na 'dod pa yin no zhes bya bar shes so/ /'phags pa shA ri'i bus zhes bya ba ni/ kun tu 'tsho byed kyis smras pa'i khas blangs pa la nyes pa brjod pa ste/ gang gi phyir 'dod chags kyi kun tu rtogs pas bcings pa'i dge slong yid kyis 'dod pa nye bar bsten pa khas lan no/ /mngon du gyur pa tsam zhig de dag gi nye bar longs spyod pa yin pa'i phyir ro/ /'di tsam gyis ni dge slong dge slong ma yin par 'gyur ba yang ma yin te/ 'o na ci zhe na/ pham par 'gyur ba'i ltung ba dang 'brel ba las yin la de yang lus kho na'i sgo nas yin no/ /gzugs rnams mthong nas yid dga'o zhes bya ba kho na dpe tsam yin gyi/ de bzhin du ji srid reg bya rnams reg nas yid dga'o zhes bya ba'i bar du rtogs par ni mi bya'o/ /mthong ba dang thos pa dang bsnams pa dang myangs pa dang reg pa rnams ni yul gyi 'dod pa rnams nye bar longs spyod pa yin pas/ khyod kyi ston pa 'dod chags dang bral ba yang gzugs dang por mthong ba nyid na 'dod pa nye bar spyad par 'gyur ro/ /kho bo cag gi ltar na dge slong 'dod chags dang ma bral bas 'dod chags ma spangs pa ni yid kyi sgo nas yin la lus dang ngag gi sgo nas ni ma yin no/ /gal te yul rnams la 'dod chags kho na nye bar longs spyod pa yin na nye bar longs spyod pa sngon du 'gro ba'i phyir 'di'i snga rol du tshor ba ni yul nye bar longs spyod pa ste 'dod chags tshor ba sngon du 'gro ba'o/ /'dod pa'i khams na ni snyoms par 'jug pa'i tshe gzugs dang gzugs med pa'i dang / zag pa med pa rnams kun tu sbyong la/ gzhan gyi tshe ni thob pa'o/ /gzugs kyi khams na ni 'dod par gtogs pa'i sprul pa'i sems/ gzugs med pa dang / zag pa med pa'i chos rnams kun tu spyod do/ /gzugs med pa'i khams na ni zag pa pa med pa kho na kun tu spyod do/ /de'i phyir dri ba ni yang ci gang dag la 'dod pa dang gzugs med pa'i 'dod chags dag rgyas par 'gyur ba'o zhes bya ba 'byung ste/ ci rigs par dmigs pa 'am mtshungs par ldan pa'i sgo nas so/ /da ni 'di rta dang bres lta bu yin te zhes bya ba la 'di rta brtod sa'i yin pa ni bres so/ /gnyis ka yang mi shes pa'i phyir bres dang 'dra ba ni bres lta bu ste/ de bzhin du 'dir yang 'dod chags dag gis khams rnams bsgrub cing khams rnams kyis kyang 'dod chags dag yin pas 'di gnyis ka yang mi 'grub bo zhe na gnas brtan de dag la 'dod chags dang ma bral ba'i 'dod chags gang yin pa de ni 'dod pa'i 'dod chags yin la/ de gang du rgyas par 'gyur ba'i chos de yang 'dod pa dang ldan pa yin no/ /de bzhin du zhes bya ba rgyas par 'byung ba la/ gong ma'i gnas dag bcu bdun ni zhes gzugs kyi khams su gnas brtan pa'i gnas de dag la 'og ma'i 'dod chags dang bral ba'i 'dod chags gang yin pa de ni gzugs kyi 'dod chags yin la/ de gang du rgyas par 'gyur ba'i chos de yang gzugs dang ldan pa yin no/ /de bzhin du gzugs med khams na gnas med do/ /skye ba las ni de rnam bzhi/ / zhes gzugs med pa'i khams su skye ba bstan pa de dag la 'dod chags dang ma bral ba'i 'dod chags gang yin pa de ni gzugs med pa'i 'dod chags yin la/ de gang du rgyas par 'gyur ba de yang gzugs med pa dang ldan pa yin no/ /bsam gtan dang gzugs med par skye ba dang snyoms par 'jug pa dag la 'dod chags pa ni gzugs dang gzugs med pa'i 'dod chags so/ /yang 'di dag gi khyad par ci zhe na/ kha cig na re/ sngar ni snod kyi 'dod chags bshad la da ni rgyu dang bcas pas sems can gyi 'dod chags zhes zer ro/ /gzhan dag 'di ni rung ngo zhes zer ro/ /de nyid bde blag tu khong du chud par bya ba'i phyir rnam grangs gzhan gyis bstan pa ni/ 'dod pa'i 'dod chags bzhin zhes so/ /sprul pa'i sems la ji ltar 'dod pa'i 'dod chags pa yin zhes bya ba ni 'dod pa na spyod pa'i sprul pa'i sems ni 'dod pa'i khams las 'dod chags dang bral ba rnams kho na'i bsam gtan gyi 'bras bu yin la/ 'dod pa las 'dod chags dang bral ba la 'dod pa'i 'dod chags 'byung ba yang ma yin zhing / 'dod pa'i 'dod chags rgyas par mi 'gyur ba ni 'dod par gtogs pa yin par 'os pa yang yin no zhes 'gal bar mthong ba can gyi dri ba'o/ /thos pa dang yongs su nyams nas de la chags pa'i phyir ro zhes bya ba la rnal 'byor pa rnams ni de ltar 'dod pa na spyod pa'i sprul pa'i sems kyis 'dod pa na spyod pa'i sprul pa sprul par byed do/ /zhes thos nas de la dmigs pa'i 'dod chags skye la/ 'dod pa'i 'dod chags dang bral ba las yongs su nyams te/ rjes su dran nas sprul pa'i sems la chags par byed do/ /yang na sprul pa'i dbang gis zhes bya ba rgyas par 'byung ba la/ 'dod pa na spyod pa'i sprul pa mthong nas a ma kye ma bdag la yang 'di 'dra ba'i sems yod par gyur cig snyam du sprul par byed pa'i sems la yang 'dod pa nyon mongs pa can 'byung ngo / /yang na dri dang ro sprul pa'i phyir na sprul pa'i sems de 'dod pa na spyod pa nyid yin no/ /de nyid la rgyu smras pa ni gzugs na spyod pas ni de gnyis sprul pa'i phyir ro zhes bya ba ste/ dri dang ro dag ni kham gyi zas nyid yin pa'i phyir 'dod par gtogs pa kho na'o/ /sa gzhan gyi bsam gtan gyi 'bras bu ni sa gzhan gyi sprul pa mi 'phrul la/ de dag kham gyi zas kyi 'dod chags dang bral ba'i phyir dri dang ro sprul par yang mi rigs so/ gal te sa dang khams skal ba mi mnyam pa la rgyas par mi 'gyur ba'i phyir rang gi khams pa'i phra rgyas thams cad kyi khams bstan par 'gal ba med bzhin du/ ci'i phyir 'dod chags kho nas bsnyad ce na/ phal cher rgyas par 'gyur ba'i phyir te/ 'di ltar sems can rnams ni yang dang yang du 'dod chags kho na la kun tu spyod pa yin no/ /gang 'dod pa'i khams gcig las 'dod chags dang bral ba de ni zhes bya ba rgyas par 'byung ste/ de lta ma yin na khams gsum dag mtha' yas pa'i phyir gcig tu grol ba gzhan du bcings pas thar ba med pa nyid du 'gyur ro/ /de kho na yod pa'i tshangs pa'i 'jig rten du zhes bya ba la sogs pa 'byung ste/ de lta ma yin na ston pa ltar thams cad kyi 'gro ba mtha' thug pa med par thal bar 'gyur ro/ / khams bshad zin to// //da ni 'gro ba rnams brjod par bya ste/ 'di dag kyang gang dang gang du na yin pa mi shes te de'i phyir khams gsum po bshad pa gang yin pa/ der ni dmyal sogs 'gro ba lnga/ /rang gis ming gis bstan zhes bya ba smos so/ /rten dang brten pa'i dngos po ni tha dad pa nyid du mthong ba'i phyir te/ de nyid kyi phyir gang gis na de dag khams dag tu zhes bya ba 'dir rgyas par bris so/ /khams rnams na 'gro ba 'ba' zhig yin par ma zad kyi 'o na ci zhe na/ 'gro ba ma gtogs pa yang yod do/ /de rnams ni dge ba dang nyon mongs pa can dang zhes bya ba rgyas par 'byung ste/ 'dir ni khams 'gro ba ma gtogs par yod par bstan pa'i phyir khams dag tu 'gro ba rnams zhes bshad do/ /nyon mongs can min lung bstan min/ /zhes bya ba la nyon mongs pa can ma yin pa smos pa ni nyon mongs pa can rnam par bya ba'i phyir ro/ /lung du ma bstan pa ma yin pa smos pa ni dge ba bsal bar bya ba'i phyir ro/ /sems can zhes bya ba ni snod kyi 'jig rten bsal bar bya ba'i phyir ro/ /'gro ba rnams ni ma bsgribs la lung du ma bstan pa kho na'o/ /zhes bya ba ni rnam par smin pa'i rang bzhin yin pa'i phyir ro/ /'di ni de dag sems can du ston pa nyid du bshad par 'gyur te/ sems can du ston pa la rnam par smin pa srid pa'i phyir ro/ /de lta ma yin na 'gro ba 'chol bar 'gyur ro zhes bya ba ni 'gro ba rnams 'dres pa'i ngo bo ste tha mi dad ces bya ba'i don to/ /gal te 'gro ba dag lung ma bstan pa nyid du mi 'dod na sems can rnams phal cher 'gro ba gzhan gyi dge ba dang nyon mongs pa can dag dang yang ldan no/ /lung du ma bstan pa dag dang ni ma yin te/ de dag gi thob pa lhan cig skye ba yin pa'i phyir ro/ /yang na 'gro ba thams cad 'grub par 'gyur ba'i las rnams mi la sogs pa'i 'gro ba'i rgyu yin la de rnams kyang 'gro ba gzhan dag der gtogs pa'i phyir te/ de lta na mi la sogs pa'i 'gro bar dmyal ba la sogs pa'i 'gro ba yod par thal bar 'gyur ro/ /'gro ba rnams ni sems can du ston pa ma yin pa med la srid pa bar ma'i rang bzhin yang ma yin no zhes bya ba 'di go ga las she na/ bstan bcos las so zhes bstan pa'i phyir/ btags pa las kyang zhes bya ba rgyas par smos so/ /skye gnas bzhis ni 'gro ba lnga bsdus kyi zhes 'byung ba las na/ skye gnas rnams sems can zhes pa kho na yin pa'i phyir/ 'gro ba rnams kyang sems can zhes bya ba kho na yin no/ /zhes shes par 'gyur ro/ /'gro ba rnams sems can zhes bya ba ma yin pa nyid yin na ni skye gnas dag tu 'du bar mi 'gyur te/ dper na 'gro ba rnams su skye gnas dag mi 'du ba bzhin no/ /'gro ba lngas ni skye gnas bzhi/ zhes bya ba la ci zhe na/ ma bsdus te skabs dang sbyar ro/ /gal te yang snod kyi rang bzhin 'gro ba rnams su gyur na/ 'gro bar byed pas na 'gro ba'o/ /lnga po yang mi la sogs pa'o/ /snod bskyed pa'i sgo nas 'gro bar byed pas 'gro ba yin na 'chol bar thal bar 'gyur ro/ /ci zhig ma bsdus she na/ srid pa bar ma'o zhes 'byung ba las na/ de brdzus te skye ba'i skye gnas kyis bsdus kyang / 'gro ba rnams su ma 'dus pa'i phyir 'gro ba srid pa bar ma ma yin no zhes bya bar shes par 'gyur ro/ /de lta ma yin na skye ba'i srid pa la sogs pa dang 'dra bar de yang 'gro bas bsdus par 'gyur ro/ /de'i phyir srid pa bar ma do 'gro ba'i rang bzhin ma yin no/ /yang 'gro ba srid pa bar ma ma yin no zhes bya ba la/ bstan bcos gnyis pa dper brjod pa ni chos kyi phung po las kyang zhes bya ba rgyas par 'byung ba ste/ 'di las ni bsgoms pa las byung ba ltar srid pa bar ma pa yang dmyal ba la sogs pa'i mig gi dbang po las tha dad par logs shig tu bstan te/ de'i phyir de yang bsgom pa las byung ba ltar dmyal ba la sogs pa'i 'gro bas bsdus pa ma yin pas srid pa bar ma 'gro ba'i rang bzhin yin no zhes bstan par 'gyur ro/ /gzhan du na ni dmyal ba la sogs pa'i mig gis srid pa bar ma pa yang bstan pas yang ci'i phyir brjod/ bstan bcos las srid pa bar ma 'gro ba rnams las logs shig tu mdzad pa 'ba' zhig tu ma zad de 'o na ci zhe na/ mdo las kyang srid pa bar ma 'gro ba rnams las logs shig mdzad do zhes bya ba rgyas par 'byung ba la/ srid pa bar ma 'gro ba'i rang bzhin ma yin pa dang / 'gro ba rnams lung du ma bstan pa nyid kyi khungs ni las kyi srid pa dang / srid pa bar ma'o zhes dmyal ba la sogs pa dag las logs shig tu smos pa 'di yin no/ /rgyu dang bcas pa dang 'gro ba dang bcas par bshad do zhes bya ba la 'gro ba rnams kyi rgyu ni las kyi srid pa yin la/ 'gro ba ni srid pa bar ma yin te/ 'dis 'gro bar byed pas na zhes byas pa'i phyir ro/ /de nyid kyi phyir zhes bya ba ni mdo'i phyir ro/ /de'i rgyu zhes bya ba ni 'gro ba'i rgyu las kyi srid pa ste/ 'gro ba dag las logs shin tu mdzad pa'i phyir 'gro ba rnams ma bsgrigs la lung du ma bstan pa nyid du grub pa yin no/ /lus dang ngag dang yid kyi skyon dang snyigs ma de dag gis zhes bya ba la lus kyi skyon dang ngag gi skyon dang yid kyi skyon no zhes bya ba rig par bya'o/ /chos de dag ma gtogs pa zhes bya ba la/ dmyal ba dag tu gzugs la sogs pa gang dag rnam par smin pa'i bdag nyid du grub pa de dag kho na dmyal ba yin gyi de dag las gzhan pa'i dmyal ba dge ba'am mi dge ba'i chos ni mi dmigs so/ /rnam par smin pa grub nas dmyal ba zhes bya ba'i grangs su 'gro'o zhes 'byung ba'i phyir 'gro ba rnams ma bsgribs la lung du ma bstan pa yin zhes bya ba 'di la khungs ni 'di yin te/ rnam par smin pa'i gnas skabs ni dge ba dang nyon mongs pa can ma yin no/ /srid pa bar ma'i rang bzhin dmyal ba la sogs pa rnams so zhes shes par byas par 'gyur ro/ /de nyid kyi phyir sems can zhes bya ba yang grub ste/ rnam par smin pa ni sems can du brjod pa yin pa'i phyir ro/ /dmyal ba'i 'gro ba ni 'di dper brjod pa tsam zhig tu zad do/ /'o na rab tu byed pa'i gzhung zhes bya ba la/ 'dir ci la lan gdab par bya/ 'gro ba rnams ma bsgribs la lung du ma bstan pa yin pa'i phyir bsgom pas spang bar bya ba nyid yin la bsgom pas spang bar bya ba la yang bsgom pas spang bar bya ba dang / phra rgyas kun tu 'gro ba rnams rgyas par 'gyur gyi gzhan dag ni ma yin te/ de'i phyir thams cad smos pa la lan gdab par bya dgos so/ /rnam pa lnga nyid yin na yang de dag dge ba dang nyon mongs pa can nyid du yang 'gyur ro/ /'gro ba rnams su nying mtshams sbyor ba'i sems rnam pa lnga yod de zhes bya ba ni sdug bsngal dang kun 'byung ba dang 'gog pa dang lam mthong bas spang bar bya ba dang / bsgom pas spang bar bya ba rnams so/ /'jug pa dang bcas pa'i 'gro ba rnams smos pas zhes bya ba la/ 'dir 'gro ba smos pas ni 'jug pa dang lhan cig pa'i 'gro ba gzung ste/ 'gro ba'i 'jug pa la 'gro ba nye bar btags pa'i phyir ro/ /'gro ba rnams kyi 'jug pa yang nying mtshams sbyor ba'i sems dag yin la/ nying mtshams sbyor ba'i sems kyi 'og rol gyi ma bsgribs la lung du ma bstan pa'i rgyud la 'gro ba zhes brjod do/ /de dag kyang rnam pa lnga yin pa de'i phyir 'gro ba dag la phra rgyas thams cad rgyas par 'gyur ro/ /zhes gsungs so/ /de nyid la dpe smos pa ni grong smos na grong gi nye 'khor yang smos pa bzhin no zhes bya ba'o/ /ji ltar grong smos na grong gi nye 'khor smos pa yin zhe na/ grong 'di na sA lu'i zhing yod do/ /'bru'i zhing yod do zhes smra ba'i phyir ro/ /dper na snyigs ma lnga po dag tu zhes bya ba rgyas par 'byung ste/ tshe dang skal ba dang nyon mongs pa dang lta ba dang sems can gyi snyigs ma dag tu'o/ /nyon mongs pa'i rang bzhin du khyad par med kyang nyon mongs pa dag las lta ba'i snyigs ma dag tha dad du bzhag pa ni khyim pa dang rab tu byung ba'i phyogs kyi dbang du mdzad pa'i phyir ro/ /'gro ba'i rgyu shes par bya ba'i phyir zhes bya ba la/ 'gro ba rnams kyi rgyu ni las kyi srid pa yin te/ de'i phyir de 'gro ba'i rang bzhin yin yang 'gro ba'i rgyu shes par bya ba'i phyir tha dad du smos so/ /'di ni srid pa bar ma la yang thal bar 'gyur ro zhes bya ba la tha dad par smos kyang 'gro ba yin par 'gyur na ni 'gro ba'i rang bzhin kho nas 'gro ba shes par bya ba'i phyir tha dad du bstan par 'gyur ro/ /srid pa bar ma yin pa kho na'i phyir zhes bya ba la gang nas 'chi 'pho ba dang gang du 'gro bar 'gyur ba de gnyis kyi bar du 'byung ba'i phyir srid pa bar ma 'gro ba ma yin no/ /srid pa bar ma ni 'gro ba'i bar ma do yin no/ /'gro ba'i bar ma do ni 'gro bar mi rung ngo / /slob dpon 'dus bzang na re/ srid pa bar ma ni bgrod par bya ba ma yin pas 'gro ba ma yin te/ 'chi 'pho ba'i yul nyid du skye ba'i phyir ro zhes zer ro/ /ma yin te/ gzugs med pa rnams kyang 'chi 'pho ba'i yul nyid du skye bas srid pa bar ma bzhin du 'gro ba ma yin par thal bar 'gyur ro/ /'gro ba'i rgyu nyid kyi phyir las kyi srid pa yang srid pa bar ma bzhin 'gro ba ma yin no/ /gal te 'gro ba rnams dge ba dang nyon mongs pa can yang yin na rnam par smin pa grub nas zhes bya ba 'di ji ltar drang zhe na rnam par smin pa grub nas dge ba dang nyon mongs pa can yang dmyal ba zhes bya ba'i grangs su 'gro bas 'gal ba med de/ 'di ltar gal te 'di rnam par smin pa kho na grub nas dmyal ba zhes bya ba'i grangs su 'gro'o/ /zhes de skad du gsungs na ni de'i phyir phung po gzhan bkag par rtogs par 'gyur ba zhig go /'o na tshe dang ldan pa de la zhes bya ba rgyas par 'byung ba la/ 'dir yang gang zag gi rdzas bkag pa yin gyi phung po gzhan ma bkag pas 'gal ba med do/ /gnas brtan 'dus bzang na re/ rnam par smin pa grub pas khyad par can gyi phung po gzung ba'i phyir phung po bsal lo zhes rtogs par bya'o/ /de lta ma yin na phung po khyad par du smos pa la dgos pa ci zhig / dgos pa yod de 'gro ba gzhan gyi rgyur gyur pa rnams la yang las dang nyon mongs pa rnams rnam par smin pa'i dbang gis de'i 'gro ba bsnyad par shes pa nyid yin te/ 'chol ba yongs su spangs pa'o/ /de dag kyang kha cig na re rnam par smin pa'i rang bzhin dag kho na yin no zhes zer ro/ /ci'i phyir na gang gi phyir rnam par smin pa'i phung po las gzhan du dmyal ba mi dmigs so zhes gsungs pa gang gi phyir rnam par smin pa grub nas dmyal ba zhes bya ba'i grangs su 'gro'o/ /zhes gsungs pa des na 'gro ba rnams rnam par smin pa'i rang bzhin kho na yin no zhes bya bar gtogs so/ /gzhan dag na re rgyas pa las byung ba'i rang bzhin dag kyang yin te/ 'di ltar mig la sogs pa dag ni rnam par smin pa las skyes pa yang yin zhing rgyas pa las byung ba yang yod la de dag kyang 'gro bas bsdus pa yin no zhes zer ro/ /lus dang 'du shes tha dad dang zhes rgyas par 'byung ba la/ mdor bsdu na rnam par shes pa gnas bdun gyi rang bzhin ni 'dod pa na spyod pa'i lha dang mi rnams dang / bsam gtan dang gzugs med pa'i snyoms par 'jug pa dang po zhes bya ba 'di yin la/ 'di dag gi de rgyas par ni brtsam par bya'o/ /sems can gzugs can zhes bya ba la sogs pa la/ gzugs can ni gzugs dang ldan pa dag go/ /bsam gtan dang po pa zhes bya ba la bsam gtan dang po na yod pa ni bsam gtan dang po pa ste tshangs ris la sogs pa rnams so/ /de dag kyang dang por 'byung ba rnams ni rnam par shes pa gnas pa gnyis par bzhag pas dang por 'byung ba ma gtogs pa zhes bya ba smos so/ /de dag gi lus tha dad pa'i phyir ram zhes bya ba rgyas par 'byung ba la tha dad pa ni kha dog dang rtags dang dbyibs mi mtshungs pa nyid do/ /thams cad ni 'di snyam du zhes bya ba la sogs pa 'byung ngo / /dbyibs kyi lus zhes bya ba la/ dbyibs kyi bdag nyid kyi lus ni dbyibs kyi lus te/ tshor ba la sogs pa'i lus bsal bar bya ba'i phyir ro/ /dbyibs ni dbyibs so/ /lus ni khog pa'o/ /de dag gis de ltar mthong zhes bya ba ni rnam pa gang gis zhes bya ba'i don to/ /ci 'od gsal na gnas pa'am/ bsam gtan dang por skyes pa'am/ 'on te bsam gtan dang po'i srid pa bar ma dor na gnas pa dag gam/ /ci bsam gtan gnyis pa'i snyoms par 'jug pa thob pa'am ci ma thob par zhes brjod par bya'o/ /da ni bsam gtan gnyis pa zhes bya ba rgyas par 'byung ba la/ nyan thos kyi bsam gtan gyi spyod yul nyid kyi phyir de dag bsam gtan dang po'i sa pa'i sngon gyi bag chags rjes su dran pa'i shes pas tshangs pa 'chi 'pho bar mthong bar nus pa med do/ /ci ste ji ltar mi 'gal ba de ltar yin la rag go snyam na de'i phyir 'on te thob na ni zhes bya ba rgyas par 'byung ngo / /gang zhig sa gang las 'dod chags dang bral ba de ni sa de la dmigs pa'i nyon mongs pa 'byung ba yod pa ma yin pas de dang tshangs pa chen po la dmigs pa'i tshul khrims dang brtul zhugs mchog tu 'dzin pa'i lta ba la mngon par zhen pa mi rigs so/ /de na yang gegs byed pa med pa'i phyir zhes bya ba la khu ba dang khrag la sogs pa phyi'i rgyu mtshan la bltos pa med pa'i phyir na rdzus te skye ba rnams la khu ba dang khrag med pas gegs byed pa yod pa ma yin no/ /yang ci'i phyir de dag 'di snyam du bdag cag ni 'dis sprul lo snyam du shes par 'gyur zhe na/ dbyibs kyi lus kyi khyad par rtogs pa'i phyir dang / sngar skyes pa mthong ba'i phyir ro/ /'o na tshangs pa chen po 'di snyam du 'di dag ni bdag gis sprul lo snyam du shes par ga las 'gyur zhe na/ de la sems skyes pa'i mjug thogs su de dag skyes pa'i phyir dang / las dang 'bras bu'i 'brel pa las kun tu rmongs pa'i phyir ro/ /yang na tshe dang kha dog dang lus kyi chu zheng lhag pa'i bdag gi dngos po mthong ba'i phyir ro/ /gal te bdag cag ni nges so snyam pa dang 'di dag bdag gi snyam du 'du shes tha dad pa'i phyir 'du shes gcig ma yin no snyam na rgyu'i 'du shes tha mi dad pa'i phyir 'du shes tha dad pa med do/ /gzhan dag na re sprul pa'i 'du shes gcig pa'i phyir zhes zer ro/ /de dag thams cad tshul khrims dang brtul zhugs mchog tu 'dzin pa'i lta ba la zhen pa'i phyir ro/ /gzhan dag na re/ 'od gsal na gnas pa dag kho nas bsam gtan dang po'i sa pa'i sprul pa sprul nas tshangs pa dang lhan cig bsdad la/ sprul pa'i gnas skabs dang yang bsam gtan dang por skyes pa dag ni de'i sa pa'i mngon par shes pa'i yul yin pas de dag gi sprul pa'i gnas skabs dran pa de dag 'di snyam du bdag cag ni zhes bya ba rgyas par shes par 'gyur ro zhes zer ro/ /gzhan dag ni bsam gtan gnyis pa la sogs par skyes pa rnams kyi mig gi rnam par shes pa ni tshangs pa'i 'jig rten pa kho na yin pas de dag nyams su myong ba rjes su dran pa mi srid pa ma yin te/ de'i phyir sngar mthong ba kho na rjes su dran pa yin no zhes zer ro/ /kha cig na re sems can 'di yang 'di snyam du smon la/ bdag cag kyang 'dir skyes so snyam du bsgom pa las byung ba'i sngon gyi gnas rjes su dran pa'i shes pa'am/ gzhan gyi sems shes pas 'dzin pa ni ma yin te/ 'o na ci zhe na/ skyes nas thob pa kho nas te snyam du shes pas 'gal ba med do zhes zer ro/ /gzhan dag na re rjes su dpag pa'i shes pas gzhan gyi bsam pa rnam pa dang bcas par rtogs pa gnod par byed pa ma yin no zhes zer ro/ /de lta ma yin na zhes rgya cher 'byung ba la 'od chung dang tshad med 'od dag kyang rnam par shes pa'i gnas pa gsum pa'i mtshan nyid thob pa rnams de gang gis rnam par shes pa'i gnas pa'i mtshan nyid yin par 'gyur te/ de'i phyir 'dir dper brjod pa'i tshul gyis 'od gsal ba rnams nye bar bkod pa'o/ /sems can lus gcig cing 'du shes tha dad pa dag kyang zhes bya ba 'di dge rgyas pa dag la yang thal bar 'gyur ba ma yin nam zhe na/ de dag kyang dngos gzhi'i sa la bde ba'i dbang pos yongs su skyo na zhes thams cad rgya cher brjod par bya'o/ /ma yin te zhes bya ba rgya cher 'byung skye/ de dag bsam gtan gsum pa'i bde ba des yongs su skyo ba med do/ /gzhan dag na re yid bde bas kyang yongs su skyo ba yod pa ma yin gyi/ gzhan du na rgod pa'i phyir zhes zer ro/ /gzhan dag na re/ de la gzhan gyis yongs su skyo ba cung zad kyang med pa rgod pa kho na skye bas yongs su skyo'o zhes zer ro/ /'ong ba med par 'du shes pa'i phyir dang zhes bya ba rgyas par 'byung ba la skyes nas yun ring du ma lon pa rnams ni 'ong bar 'du shes pa'i phyir ro/ /skyes nas yun ring du lon pa rnams ni med par 'du shes pa'i phyir ro/ /skrag pa dang mi skrag par 'du shes pa'i phyir zhes bya ba ni de dag nyid go rims bzhin no/ /gtan dag na re der 'jigs pa yang ba ma yin no zhes zer ro/ /skrag pa skyo ba'i bdag nyid du gyur pa nyid ni 'dir yod pa ma yin no/ /'o na ci zhe na/ skrag pa ni skyo ba'i rgyu 'chi bar dogs pa'i mtshan nyid can te/ bdag tu 'dzin pa ma spangs pa'i phyir de dag la de yod do/ /na bA r+ya ta i ti/ de nyid 'dir 'jigs par brjod de/ 'dir 'jigs pa ni skyo ba nyid do/ /'du shes gcig pa dag ces bya ba ni bde bar 'du shes pa dag ste/ de dag ni bde ba gya nom pa la gnas pas nyer bsdogs mngon du mi byed do/ /de la bsam gtan dang po na ni nyon mongs pa can gyi 'du shes su zhes bya ba la/ rgyu ma yin pa la rgyur mngon par zhen pas tshul khrims dang brtul zhugs mchog tu 'dzin pa dang mtshungs par ldan pa'i phyir na nyon mongs pa can no/ /gnyis pa ni dge ba'i zhes bya ba ni snyoms par 'jug pa'i dbang gis tshor ba'i khyad par mngon du byed pa'i phyir ro/ /gsum pa na ni rnam par smin pa las skyes pa'i zhes bya ba ni rnam par smin pa las skyes pa'i bde ba dang mtshungs par ldan pa'i phyir te/ gzhan du na sdug bsngal yang ma yin bde ba yang ma yin pa'i 'du shes kun 'byung ba'i phyir de yang 'du shes tha dad pa dag tu 'gyur ro/ /rnam par smin pa las skyes pa zhes bya ba bshad pa gzhan yang kun 'byung ba'am rnam par smin pa las skyes pa ni 'du shes gcig pa nyid du zhes bya'o/ /gzugs med pa gsum ni zhes bya ba ni nam mkha' mtha' yas dang / rnam shes mtha' yas dang ci yang med pa zhes bya'o/ /mdo las ji skad du 'byung ba la zhes bya ba la/ mdo las de rnam pa thams cad du gzugs kyi 'du shes las yang dag par 'das te zhes bya ba nas nam mkha' mtha' yas so snyam ste nam mkha' mtha' yas skye mched nye bar bsgrubs nas gnas so zhes bya ba'i bar du rgyas par 'byung ba yin no/ /gzugs med pa gsum gyi bdag nyid can dag tu ni phung po bzhi'o/ /lhag ma rnams su ni lnga'o/ /gang gi phyir rgyu rnam par shes pa gnas pa'i dngos po rnam par shes pa mngon par chags pa'o/ /dngos po bstan pa'i phyir rnam par shes pa'i gnas bstan pa sems can du ston pa kho na'i dngos po ni rnam par shes pa'i gnas rnams so zhes gzhan dag zer ro/ /de la 'di ltar lhag ma de 'joms byed ldan zhes 'byung ba la rnam par shes pa mngon par chags pa'i dngos po ni 'joms byed ma yin pa'o/ /rnam par shes pa ma yin pa ni 'joms byed do/ /de la ngan song dag tu ni 'joms par byed pa sdug bsngal gyi tshor ba yin te des rnam par shes pa la gnod pa'i phyir ro/ /gzhan dag na re gang du sred pas rnam par shes pa gzung ba de dag ni rnam par shes pa gnas pa yin no/ /ngan 'gro rnams dang gnas gtsang ma dag na ni las kyis gzung ba yin la/ 'du shes med pa'i sems can rnams dang / srid pa'i rtse mor ni lta bas gzung ba yin pas/ de dag rnam par shes pa gnas pa nyid ma yin no/ /ngan song dag na ni gnyis ka med do zhes bya ba la/ 'di na gnas pa rnams ni 'gro bar 'dod pa ma yin la/ de na gnas pa rnams ni bskyod par mi 'dod pa ma yin no/ /srid pa'i rtse mor ni rgyu ba mi gsal ba'i phyir zhes bya ba la/ sems dang sems las byung ba rnams rgyu gzhan pa'i phyir zhes bya ba'i don to/ /gzhan yang ngan song ba rnams dang 'du shes med pa'i sems can ma gtogs pa'o/ /bsam gtan bzhi par skyes pa rnams dang 'du shes med pa'i sems can gyis bsdus pa 'bras bu che rnams su'o/ /gal te yang 'di na gnas pa rnams 'gro bar 'dod pa yod mod kyi/ so so skye bo rnams ni 'du shes med pa par 'jug par 'dod pa yin la/ 'phags pa rnams ni sprin med dang bsod nams skyes dag tu yang ngo / /gnas gtsang ma rnams kyang gnas gtsang ma dang gzugs med par 'jug par 'dod la/ yongs su mya ngan las 'da' bar yang 'dod kyi/ de na gnas pa'i blo med de de'i phyir sems can gyi gnas ma yin no/ /'di dag tu sems can rnams rang dga' sa kun tu gnas te/ sems can du bgrang ba'i chos rnams kho na sems can gyi gnas zhes bya'o/ gang gi phyir lus la sred pas sems can rnams kyi gnas yin gyi/ gnas la dga' bas ni ma yin te/ gnas dag tu sems can 'chol ba'i phyir dang / lus kho na ma 'chol ba'i phyir sems can gyi gnas yin no/ /gnas med pa'i phyir srid pa bar ma yang sems can rnams mi gnas pas srid pa bar ma yang sems can gyi gnas ma yin no/ /bye brag tu smra ba rnams na re 'khor ba sna tshogs pa'i don gyis na rnam par shes pa gnas pa dag yin la/ gnas par 'dod pa dag gis mngon par dga' bar byas pa'i phyir sems can gyi gnas dag yin no zhes bya ba ni de dag rnam par bzhag pa'i khyad par yin no zhes zer ro/ /sa gzhan du ni ma yin no zhes bya ba las gzhan gyi phung po rnams ni mngon du gyur pa yin yang rnam par shes pa gnas pa'i bya ba mi byed de/ sred pa kun tu spyod pa'i dbang gis na de nyid rnam par shes pa rab tu gnas pa yin na/ de dag la sred pa kun tu spyod pa med pa'i phyir ro/ /rgyu gzhan pa dag dang / sems can du bgrang ba ma yin pa dag ni rang gi sa pa yin yang rnam par shes pa gnas pa ma yin no/ /gzhan dag na re/ de dag kyang rnam par shes pa gnas pa yin te/ de la yang rnam par shes pa nye bar brlan pa 'phel bar 'gyur ba yin no zhes zer ro/ /rnam par shes pa 'gro bar byed pa ni 'jug par byed ces bya ba'i don to/ /gzhan du mngon par dga' ba yongs su gzung bas 'jug pa gzhan yang brjod par bya'o zhes te/ mngon par dga' ba yongs su gzung ba yod pas gang zhig tshor ba la sogs pa dang 'dres pa'i rnam par shes pa'i 'jug pa tha dad med pa'i dus de 'dir 'jug par mngon par 'dod do/ /gru dang mnyen pa'i tshul gyis zhes bya ba ni dpe'o/ /gzhan du rnam par shes pa yang rnam par shes pa la gnas nas 'gro bar byed pa ma yin no/ /'o na mdo las zhes bya ba 'dis ni rnam par shes pa yang rnam par shes pa gnas pa yin par bshad do zhes ston to/ /dga' ba ni yid bde ba'o/ /rnam par shes pa gnas pa bdun phung po lnga'i rang bzhin dag yin no zhes bya ba de yang ji lta bu zhes bya ba 'dis ni yang mdo dang 'gal bar ston te/ 'di la rnam par shes pa gnas pa gang yin zhe na/ de dag dang ldan pa'i phung po lnga yang ma yin no zhes bshad na gal te gnas pa lnga po yongs su spangs nas gnas pa zhes bya ba ni de ji lta bu yin/ de lta na 'o na ni bye brag med par zhes bya ba ni mdo dang bstan bcos dag dang mi 'gal bar bstan pa'o/ /bye brag med par ni zhes bya ba ni khyad par med pa ste/ lnga char la yang zhes bya ba'i don gang yin pa'o/ /skye ba'i skye mched kyis bsdus pa'i phung po dag la zhes bya ba ni mi la sogs pa'i ris kyis bsdus pa dus gsum pa dag la'o/ /mngon par dga' ba dang bcas pa zhes bya ba la/ mngon par dga' ba ni yid bde ba dang nyon mongs pa can no/ /'dir gnas brtan 'dus bzang gis mang du bshad pa de yang mangs pa'i 'jigs pas rnam par ma dpyad do/ /bzhi pa ni rnam pa de dag ma gtogs pa'o zhes bya ba ni ngan song rnams dang / bsam gtan bzhi pa dang srid pa'i rtse mo'i rnam par shes pa gang yin pa dang / zag pa med pa'i phung po rnams so/ /'gro ba la sogs pa'i bye brag gis tha dad pa zhes bya ba la sogs pa zhes bya ba smos pas ni snod dang / srid pa bar ma dang sa bsdu'o/ khams dag sems can dang sems can du ston pa nyid yin pa'i phyir/ skye gnas de dag gang gi yin pa mi shes pas sems can zhes bya ba smos te/ skye gnas dag ni sems can du bgrang ba ma yin pa yod pa ma yin no/ /de dag kyang gang zhe na sgo nga las skyes sogs zhes bya ba smos te/ skye gnas zhes bya ba ni sems can rnams kyi rigs yin gyi skye sa ni ma yin no/ /sgo nga las skyes pa'i skye gnas ni sgo nga las skyes pa'i rigs zhes bya ba'i don to/ /rdzus te skyes pa'i skye gnas kyi bar du yang de dang 'dra'o/ /yang don gang gi rigs la skye gnas zhes brjod ce na/ de'i phyir 'dir sems can 'chol bar 'gyur zhing zhes bya ba smos so/ /'chol bar 'gyur zhes bya ba'i don gang yin zhe na/ 'dre bar 'gyur ba zhes bya ba'i don 'di yin no/ /'dre bar 'gyur ba yang skye ba thun mong ba'i phyir te/ skye ba chos mtshungs pa'i phyir zhes bya ba'i don to/ /sgo nga las skyes pa rigs su mi rung ste/ sgo nga las skyes pa la sogs pa rnams las gzhan nges par gzung ba'i phyir/ bram ze'i rigs bzhin no/ /'dir skye ba kho na ni ma yin na rigs dang khams dang 'gro ba rnams kyang skye gnas nyid du thal bar 'gyur ro/ /sems can las sems can mtha' dag kyang 'dres par 'gyur bas skye ba'i rgyu skye gnas yin no zhes slob dpon dpal len zer ro/ /de lta na sgo nga las skyes pa la sogs pa rnams kho na skye gnas nyid du thal bar 'gyur ro/ /mngal ni gang gis ma'i lto bar bu nye bar dkris pa'o/ /drod gsher ni 'dam rdzab la la sogs pa rnams su gsher ba nyid do/ /dbang po ma tshang ba ma yin pa zhes rgya cher 'byung ba la/ dbang po mtha' dag yongs su rdzogs pa ni yan lag thams cad dang ldan pa ste mgo dang lag pa la sogs pa'o/ /nying lag dang ldan pa ni mtheb sor la sogs pa dang ldan pa'o/ /sngar gyi rgyu la mi ltos pa cig car du skye ba rnams so zhes bya ba la sgo nga las skye ba la sogs pa ltar nur nur po la sogs pa'i rim gyis ni ma yin te/ 'o na ci zhe na dang po nyid nas dbang po ma tshang ba ma yin zhing dman pa ma yin pa la sogs pa'o/ /skye ba la ni 'byung ba la'o/ /skye ba dang brdzu ba dang / 'byung ba zhes bya ba ni don gcig ste/ de la mdzes par byed pa'i phyir rdzus te byung ba rnams so/ /'di dag gi rang bzhin yang rdzus te skye ba'i skye gnas ni phung po bzhi dang lnga'i rang bzhin yin/ de las gzhan rnams ni phung po lnga'i rang bzhin yin/ thams cad kyang rnam par smin pa dang rgyas pa'i rgyud kyi rang bzhin no/ /kha cig na re yi dgas rnams ni rdzus te skye ba kho na yin no zhes zer te/ de'i phyir yi dgas la mngal nas skye ba nyid bsgrub pa'i phyir tshe dang ldan pa maung+gal gyi bu chen po la zhes bya ba rgyas par 'byung ngo / /gzhan dag na re 'on kyang bdag ni tshim pa med ces 'byung ba'i phyir rdzus te skye ba nyid du grub par bya ba'i phyir yin par shin tu ches rtogs pa ma yin nam/ mngal nas skye ba dag gis ni ji ltar bgrangs par mi 'gyur/ mngal nas skyes pa nyid yin na ni nyin mo dang mtshan mor lnga lnga skye bar yang mi rigs so/ / zhe na/ bkres pa shin tu 'phel ba'i phyir tshim pa med do/ /de 'dra ba de ni sems can gyi rang bzhin yin pas nyin mtshan du lnga lnga skye bar mi 'gal la/ las kyi rnam par smin pa bsam gyis mi khyab pa'i phyir yang 'gal ba med do/ /skye gnas thams cad du skyes pa rnams la 'phags pa'i chos thob pa'i go skabs yod mod kyi/ 'phags pa'i chos thob zin pa rnams ni sgo nga las skyes pa dang drod gsher las skye ba'i gnas dag tu mi skye'o/ /rdzus te skye ba yin no zhes bya ba la de'i skye gnas pa rnams ni skye mched drug tshang ba kho na 'grub pa'i phyir skye gnas thams cad kyi nang na rdzus te skye ba kho na bzang ngo / /gal te thams cad kyi nang na rdzus te skye ba'i skye gnas kho na bzang na yang ci'i phyir srid pa tha ma pa'i byang chub sems dpa' mngal nas skye ba'i skye gnas len/ las dag gis len no zhe na/ de'i phyir skye ba la dbang thob pa yang zhes bya ba smos so/ /'khor los sgyur ba'i rigs su 'khrungs pa ni 'khor los sgyur ba'i rigs so/ /gzhan mu stegs can zhes bya ba ni gcer bu pa gnyen gyi bu la sogs pa dag go /sgyu mas 'jig rten za'o zhes bya ba ni nye bar bslu ba'o zhes bya ba'i don to/ /phyi'i sa bon med pa'i phyir zhes bya ba ni phyi'i khu ba dang khrag gi 'dam la sogs pa med pa'i phyir zhes bya ba'i don to/ /byin gyis brlabs las byung ba'i phyir zhes bya ba la/ byin gyis brlabs kyi dgos pa can nam/ byin gyis brlabs pa yod pa ni byin gyis brlabs las byung ba'o/ /byin gyis brlabs ni 'di ni 'di ltar gyur cig ces byin gyis rlob pa gang yin pa'o/ /lan de rigs pa ma yin no zhes bya ba la/ slob dpon 'dus bzang na re/ rigs pa nyid do zhes zer te/ gnas skabs su 'byung ba dus ches ring por 'jug pa'i phyir byin gyis brlabs pa rigs so/ /dri ba las dri ba gzhan 'byung ste zhes bya ba ni 'o na ci'i phyir srid pa tha ma pa'i byang chub sems dpa' zhes bya ba'i dri ba de las dri ba 'di byung ba'o/ /gal te rdzus te skye ba rnams kyi zhes bya ba rgyas par 'byung ba la/ lus zhig pa ni shi ba'i lus gnas pa med pa'o/ /sgo nga las skye ba la sogs pa las khyad du bya ba'i phyir rdzus te skye ba'i klu bza' ba'i phyir 'byin to zhes bya ba smos so/ /klu dang nam mkha' lding dag ni rnam pa bzhi yin te/ de dag gi mchog ni rdzus te skye ba'o/ /bar ma ni mngal nas skye ba'o/ /tha chad ni sgo nga las skyes pa'o/ /de la rdzus te skye ba'i mkha' lding gis ni drod gsher las skyes pa la sogs pa dag las snga ma snga ma zos nas/ klu thams cad bza' ba'i phyir 'byin to/ /shi ba des tshim par 'gyur ba ni ma yin no zhes bya ba la 'dis sngar ma shi bar zos pa gang yin pa de yang shi ba'i tshe mi snang bar 'gyur ro/ /des ni 'gro ba gnyis zhes bya ba ni lha'i 'gro ba dang / dmyal ba'i 'gro ba'o/ /gsum gyi phyogs zhes bya ba ni mi dang dud 'gro dang yi dgas rnams kyi phyogs so/ /gang las srid pa bar ma thams cad yin no zhes de skad du brjod pa/ srid pa bar ma zhes bya ba 'di ci zhe na/ zhes bya ba la 'di log par rtogs pa'i phyir dang / mtshan nyid ma bstan pa'i phyir the tshom za bas dris pa'o/ /'gro ba'i bar ma yin pa'i phyir ro zhes bya ba la 'gro ba snga ma dang phyi ma'i bar na yod pa'i phyir ro/ /zhes bya ba'i don to/ /ji ltar 'di skyes pa yang yin la/ byung ba yang ma yin zhe na/ zhes bya ba la 'di skad du 'di shi zhing mngon par grub pa yang yin la byung ba yang ma yin no zhes bya ba 'di ni dad pas rtogs par bya ba yin no zhes bstan par 'gyur ro/ /de ni nges par las kyi sgo nas mngon par grub par khas blangs par bya'i rang bzhin gyi sgo nas ma yin te rgyu med pa nyid du thal bar 'gyur ba'i phyir ro/ /de'i phyir gdon mi za bar skye ba khas blang bar bya ste/ las kyi rgyus bskyed pa'i phyir zhes 'byung ba'i phyir son pa ni 'byung ba zhes brjod do/ / 'di skad bstan par 'gyur te/ byung ba'i sgra ni son pa la 'jug go/ /srid pa bar ma ni bgrod pa'i yul du ma phyin pa'i phyir byung ba ma yin te/ 'o na ci zhe na 'byung bzhin pa yin no/ /son pa ni zhes bya ba 'dis ni byung ba'i sgra son pa la 'jug go zhes ston to/ /gzhan dag na re/ des bgrod par bya ba'i yul gang yin pa de dang / da rung du yang de mi ldan te/ yul de dang mi ldan zhes bya ba'i don to zhes zer ro/ /de'i phyir rnam par smin pa gzhan grub kyang byung ba zhes mi bya ste/ de nyid kyi phyir skye ba'i srid pa'i bar du 'byung ba'i phyir srid pa bar ma yin no zhes bstan to zhes bya'o/ /gang du rnam par smin pa 'phangs pa zhes bya ba la/ 'phen pa byed pa'i las kyis ni ris mthun pa mngon par 'grub pa yin la/ rdzogs par byed pa dag gis ni rdzogs par byed de/ gcig gis skye ba gcig 'phen te/ yongs rdzogs byed pa du ma yin zhes bya ba skye ba thams cad la las gnyis kyis bya ba byed do/ /gzhan dag na re 'chi ba'i srid pa chad pa kho na las zhes bya ba la sogs pa la 'chi ba'i srid pa'i mjug thogs kho nar yul gzhan du skye ba'i srid pa 'byung gi bar na gnas pa'i bdag nyid can rgyu mtshan gzhan sngon du 'gro ba ni ma yin no zhes bya ba'i don to/ /rigs pa dang lung las te zhes bya ba la rigs pa dang lung rkyang pa dag tshad ma ma yin pa'i phyir gnyi ga nye bar bkod do/ /'bru'i rgyun dang chos mthun phyir zhes bya ba rgyas par 'byung ba la gal te 'chi ba'i srid pa kho na las yul gzhan dag tu skye ba'i srid pa 'byung bar 'dod na ni/ de lta na skye ba'i srid pa mi srid pa nyid du thal bar 'gyur te/ rgyun gyis 'jug pa'i phyir ro/ /'di ltar rgyun gyis 'jug pa'i phyir dngos po rnams ni chad nas yul gzhan dag tu 'byung bar ma mthong ste/ dper na 'bru'i rgyun du gtogs pa'i 'bru'i 'bras bu rnams rgyun du 'brel pas rgyas pa bzhin no/ /'di dag la rgyun gyis 'jug pa'i ngang tshul yod pas na rgyun gyis 'jug pa'o/ /yul gzhan dag tu zhes bya ba smos pa'i phyir sems kyi rgyun gyis ma nges pa yang ma yin te/ 'gog pa dang 'du shes med pa'i snyoms par 'jug pa las ldang ba'i sems yod pa na dus gzhan du chad pa zhes bya ste/ de bzhin du gzugs med pa'i khams nas shi 'phos pa rnams la yang gzugs skye ba yul gzhan du chad pa ma yin no zhes brjod par bya'o/ /rgyu'i gzugs las 'bras bu'i gzugs chad nas 'byung ba yang mthong ste/ dper na gzugs las gzugs brnyan bzhin zhes bya ba ni rgyu 'khrul pa las byung zhes pa'o/ /gzugs brnyan ma grub phyir pa dang / zhes bya ba 'dis brjod par 'dod pa med pa'i phyir ma nges pa nyid do zhes ston par byed do/ /dmigs pa dang bcas pa'i chos rnams gang zhe na/ sems dang sems las byung ba rnams so/ /dmigs pa med pa'i chos rnams gang zhe na/ gzugs dang 'dus ma byas dang ldan pa ma yin pa rnams so zhes bstan bcos las 'byung bas na gzugs brnyan sems dang sems las byung ba'i dmigs pa yin pa'i phyir yod do zhe na/ 'di'i lan gyi phyir mi 'dra'i phyir na dpe ma yin zhes bya ba smos so/ /kha dog gi khyad par gzhan zhes bya ba la/ me long gi kha dog las gzhan pa ni kha dog gi khyad par gzhan no/ /tshig tsam gyis dad par mi 'gyur bas 'dri ba ni re zhig ji ltar ma grub ce na zhes bya'o/ /yul de nyid na zhes bya ba la zur na gnas pas me long gi yul de nyid na me long gi gzugs mthong gi gzugs brnyan ma yin la mdun na gnas pas gzugs brnyan mthong gi me long gi gzugs ma yin te/ de ltar bsdoms pas der gnyis ka snang ngo / /gzhan dag na re mdun du phyogs pas gnyis ka mthong ngo zhes zer ro/ /de'i phyir me long gcig na snang ba gnyis lhan cig tu mi srid pa'i phyir de na me long gi gzugs las gzugs brnyan yod pa ma yin no/ /rten gyi 'byung ba tha dad pa'i phyir zhes bya ba la de gnyis kyi rten gyi 'byung ba rnams ni tha dad pa yin la/ me long gi gzugs kyi rten gyi 'byung ba rnams kyis gzung ba'i yul de na gzugs brnyan gyi gzugs kyi rten gyi 'byung ba rnams kyi go yod pa yang ma yin te/ thogs pa dang bcas pa'i phyir ro/ /de'i phyir de na rgyur byas pa'i gzugs gnyis lhan cig 'byung ba ni med do/ /de bzhin du phyogs gzhan na gnas pa rnams kyis zhes bya ba rgyas par 'byung ba la/ phyogs tha dad pa na gnas pa'i skyes bu gcig gis rgyab kyi shing ljon pa la sogs pa'i gzugs ji ltar yin pa de bzhin du gzhan gyi yang de kho na ltar yin no/ /de la gcig gis ni rang gi mdun rol gyi yul na gnas pa'i shing ljon pa la sogs pa'i gzugs kyi gzugs brnyan dmigs kyi/ rgyab na gnas pa'i ma yin la/ cig shos kyis kyang mtshe'u'i chu'i yul de nyid du de kho na ltar dmigs so/ /gal te de na chu'i gzugs ltar gzugs brnyan gyi gzugs dag kyang yod na ni gzugs thun mong ba yin pas thams cad kyis chu'i gzugs ci'i phyir ma dmigs/ dmigs pa yang ma yin te/ de'i phyir 'di ni 'khrul pa tsam zhig yin gyi gzugs gzhan ni ma yin no/ /yang grib ma dang nyi ma gnyis kyang zhes bya ba la sogs pa 'byung ba la gang gi tshe me long grib ma na 'dug cing bsgribs pa ma yin pa'i tshe der nyi ma'i gzugs brnyan snang la/ nyi ma la 'dug pa la grib ma snang na/ nyi ma dang grib ma dag ni lhan cig gnas par 'gal ba'i phyir ro/ /der yang der skye bzhin pa der dmigs pa ma yin te me long la gzugs bzhin no/ /gal te cung zad kyang med na/ 'o na de ji ltar snang zhe na/ de'i phyir gang de ltar snang ba de ni tshogs pa de'i mthu de 'dra ba yin te zhes bya ba smos te/ mthu dang nus pa dang nus mthu zhes bya ba ni don gcig go/ /ji ltar zhe na chos rnams kyi mthu zhes bya ba rgyas par 'byung ste/ ji ltar mig ser gyis mig nyams par byas pas thams cad du ser por mthong la/ rab rib can gyis zla ba gnyis su mthong ba dang / ji ltar khab len kho nas lcags dag 'dren gyi gzhan gyis ma yin pa dang / zla ba shar na chu shel kho na las chu 'byung gi /sol ba la sogs pa dag las ma yin pa de bzhin du gzugs gzhan med kyang mig dang me long gi ngos dang de'i bzhin gyi gzugs la brten nas de'i gzugs brnyan gyi rnam pa can gyi mig gi rnam par shes pa 'byung ba yin no/ /'di la 'ga' zhig na re/ gcig na lhan cig gnyis med phyir zhes bya ba la/ khyed cag rnams nyid kyis lan du byas pa tshogs pa'i mthu las de dang 'dra bar snang ba gang yin pa ni yul tha dad pa dag tu yang me long la gzugs brnyan gyi gzugs dag tha mi dad pa'i yul du mthong bar 'gyur ro/ /phra ba dang dro ba dang bsil ba'i reg bya bzhin no/ /me long gi 'byung ba chen po rnams gzugs brnyan gyi 'byung ba chen po rnams las tha dad pa'i khyad par med de/ 'dus pa rnams bar dang bcas pa'i phyir ro/ /gzugs brnyan gyi 'byung ba chen po rnams phra ba'i phyir kho bo cag kyang gzugs gcig la gnyis su mthong ba dang lhan cig mthong ba yin no zhes mi smra'o/ /de la gzugs brnyan rnams ni 'og tu zhugs pa la 'byung ste/ gang gi phyir rang gi yul du gzugs dang gzugs brnyan dag mi snang la/ yul gzhan du gzugs brnyan rnams kyang snang ba mthong ste phra ba'i sar gtogs pa'i phyir ro/ /de'i phyir gang zhig dma' bar gyur pa la gzugs dang gzugs brnyan rnams kyang snang ngo / /gang bshad pa grib ma dang nyi ma dag kyang lhan cig 'byung ba ma mthong na zhes bya ba la/ de ma mthong ba bden no/ /yang grib ma na 'dug pa'i me long gi ngos la zhes bya ba la sogs pa la de mi rigs te/ ci'i phyir zhe na/ gang na grib ma yod pa de na nyi ma med de/ nyi ma'i gzugs brnyan gyis bar chod pa'i phyir ro/ /gang na nyi ma'i gzugs brnyan yod pa de na grib ma med de/ nyi ma'i gzugs brnyan gyis bar du chod pa'i phyir ro/ /'di yang gang gi phyir bshad ce na/ phyogs gzhan nyid du me long gi ngos la zhes rgya cher 'byung ste/ 'di la khyed cag kho nas lan du byas pa tshogs pa'i mthu kho na las de 'dra bar snang ngo zhes bya'o/ /gzhan dag na re nam mkha'i khams kyi gzugs brnyan gyi khyad par las yul tha dad pa'i gzugs brnyan yang smos so/ /gnyis ka las der gzugs brnyan skye ste/ nam mkha'i dbyings nas zla ba'i dkyil 'khor bzhin no zhes zer ro/ /chos mngon pa pa rnams ni/ gzugs brnyan zhes bya ba 'byung ba dang 'byung ba las gyur pa 'dus pa'i khyad par zhig yod pa nyid do zhes zer ro/ /gzugs brnyan gzhan bskyed pa'i rgyu yin pa'i phyir gzugs brnyan gyi rgyu bzhin no/ /gzhan yang rdzas kyi mtshan nyid du yod par rigs pa'i phyir rnam par shes pa'i yul du gyur pa'i mtshan nyid yod do zhes grag go / nam zhig nye bar dmigs pa na de las gzhan pa'i 'dus byas bzhin 'di yod pa nyid du grub ste/ rnam par mi rtog pa'i ye shes kyi yul yin pa'i phyir ro/ /gang gi phyir rnam par shes pa'i tshogs lnga'i yul du gyur pa de yod pas rab tu grub pas mig gi rnam par shes pa la yang 'di yul du 'gyur bas yod pa de gzugs gzhan la sgrib par byed pa'i phyir ro/ /gzugs gzhan ni gzugs brnyan la sgrib par byed de/ rang gi yul du gzhan bskyed pa'i gegs byed pa'i phyir ro/ /gal te gcig ma yin yang rang gi yul ma yin par mang po skye ba mthong bas bsgrib pa ma grub bo zhe na/ nyi ma'i bya ba'i gzugs bzhin yul tha dad pa rnams su 'di yul ma yin pa'i mngon pa'i nga rgyal gyis me long la yang de ltar ma dmigs so/ /me long gcig nyi che la gzugs brnyan gnyis skye ba med do/ /gzhan du na dngos po rnams mtshungs par skye ba'i phyir ro/ /gang gi phyir rten cing 'brel par 'byung ba rnam par shes pa rnams dang myu gu la sogs pa rnams yod pa nyid du grub pas 'di yang rten cing 'brel par 'byung ba nyid du blta'o/ /gzugs brnyan grub kyang srid pa bar ma la sogs pa rnams kyi gzugs chad nas skye ba la 'di dper nus pa ma yin te/ gzugs brnyan dang 'brel pa las skye ba khas blangs pa'i phyir ro/ /bar du mig dang snang ba dang / bzhin la sogs pa'i rgyu las bar chad med par gzugs brnyan skye bar 'gyur te/ dbu ba bzhin kha dog gi rten la gnas pa nyid du mthong ngo / /rtsig pa la sogs pa dang nye ba las zla ba'i 'od la sogs pa mthong ba bzhin no/ /yang gzugs dang 'brel pa nyid las gzugs brnyan skye'o zhes bya ba 'di ji ltar shes par bya zhe na bsgribs pa rnams la mi skye'o/ /gal te zla ba la sogs pa la gegs byed pa med na chu la sogs pa la gzugs brnyan skye bar 'gyur ro/ /bsgribs pa rnams la yang skye bar 'gyur ro/ /srid pa bar ma do med pa dang yul med par phung po 'gags pa yul gzhan du skye ba lta bu 'gro ba'i rnam pa blo hrA sa la sogs pa'i rjes su byed pa'i phyir ro/ /de'i phyir ma chad par gzugs brnyan skye'o zhes bya ba 'di srid pa bar ma'i dpe ma yin no/ /byA g+ha tA ya sam+bar+t+ta te zhes bya ba de lta bu la sogs pa mang du bshad de/ 'di yang gzhung mangs pa yongs su spang ba'i phyir rnam par mi dpyad do/ /'dir rnam par bshad pa ni gang dag la dogs pa yod pa rang nyid kyis khas blangs te so sor bsgrub par byas so/ /rgyun min phyir zhes bya ba rgyas par 'byung ba la gal te gzugs brnyan gzugs kyi rgyun gyi khongs su gtogs pa yin na ni me long gi rgyud dang ma 'brel par gzugs dang 'brel pa kho nar 'byung bar 'gyur te/ gzhan gyi rgyud du gtogs pa ni gzhan gyi rgyu dang 'brel te 'byung bar mi rigs so/ /lhan cig 'byung ba'i phyir yang gzugs brnyan gzugs kyi rgyun ma yin te/ gang zhig gang gi rgyun yin pa de ni lhan cig 'byung bar ma mthong ste/ dper na sa bon dang myu gu bzhin no/ /ji ltar 'chi ba'i srid pa'i rgyun skye ba'i srid pa lta bu ste de gnyis ni lhan cig 'byung ba ma yin no/ /rgyun la zhes bya ba rgyas par 'byung ba la/ rgyun gyis 'jug pa'i 'bru dper brjod pa la gzugs brnyan rgyun du gyur pa ma yin pas phyir bzlog pas dpe mi 'dra ba yin no/ /gzugs brnyan gyi gtso bo'i rgyu gang yin pa ni me long la sogs pa ste de'i rjes su byed pa'i phyir ro/ /'di ltar gal te ral gri bsags kar bsnyal te 'dug pa yin na ni gzugs brnyan yang bsags kar ring bar snang la/ gal te gyen la 'greng ste 'dug pa yin na ni gzugs brnyan yang de ltar snang ngo / /rgyu gnyis pa gtso bo ma yin pa khu chu dang khrag la sogs pa yod do zhe na de'i phyir gtso bo'i rgyu gang yang rung ba zhig dang zhes bya ba smos so/ ci ste yang khu chu dang khrag la sogs pa kho na gtso bo yin te/ de la brten nas skye ba'i srid pa 'grub pa'i phyir ro zhe na de'i phyir phyi'i khu chu dang khrag la sogs pa zhes bya ba la sogs pa smos so/ /gzhan dag na re/ mi 'dra'i phyir na dpe ma yin zhes bya ba rgyu'i rjes su byed pas gzugs brnyan 'jig par 'gyur gyi 'chi kha ma'i phung po 'gags pas skye ba'i char gtogs pa'i phung po med par 'gyur ba ma yin te/ de lta ma yin na sems can gyi rgyud rgyun chad par thal bar 'gyur ro/ /gzugs brnyan gzugs dang 'dra bar 'byung na/ skye ba'i srid pa ni de ltar 'chi ba'i srid pa las 'byung ba yang ma yin no/ /gzhan du na ba lang la sogs pa shi na ba lang la sogs pa dag kho nar skye bar thal bar 'gyur ro/ /rgyu la brten pa'i dbang gis gzugs brnyan 'byung ba rgyu me long gcig las kyang khyim la sogs pa'i gzugs brnyan du mi 'byung la/ phung po'i rgyun gcig las cig car phung po mang po'i rgyun mi 'byung bas dpe 'dra ba yod pa ma yin no zhes zer ro/ /mgur nas gsungs phyir zhes bya ba ni nyid kyi gsung gis gsungs pa'i phyir ro zhes bya ba'i don to/ /mdo 'di de dag mi 'don to zhes bya ba la sogs pa la srid pa bar ma la sogs skur pa 'debs pa'i sde pa gzhan dag gis sde pa gzhan la grags kyang / sdud pa'i bzhi po nyams pas lhag par sgro btags par dogs pas tshad mar mi byed de de dag gi lung gi khongs su ma 'dus pa'i phyir ro/ /gnas gsum zhes bya ba ni rgyu gsum mo/ /bu chad pa ni 'byung ba'o/ /ma rung zhing zhes bya ba ni bu 'dzin par nus pa'o/ /zla mtshan dang ldan pa zhes bya bas ni bu 'dzin par rung yang zla mtshan la ltos so zhes ston to/ /zla mtshan dang ldan yang gal te bu 'dzin pa'i nus pa nyams pa med pa yin na ste/ 'di ni gnas dang po'o/ /pha dang ma chags par gyur cing phrad pa dang zhes bya ba la/ chags par gyur la ma phrad pa dang / phrad par gyur la ma chags pa yang yod pas gnyis ka smos te 'di ni gnas gnyis pa'o/ /dri za nye bar gnas par gyur na'o zhes bya ba 'di ni gnas gsum pa'o/ /dri za nye bar gnas par gyur na'o/ /zhes bya ba 'di yang de dag mi 'don pa de dag gi lung dag las de skad du mi 'don pa'i phyir ro/ /'o na ji ltar de dag 'don zhe na/ phung po zhig pa nye bar gnas par gyur na'o zhes 'dod de/ 'dir phung po zhig pa ni 'chi ba'i srid pa'o/ /gal te de ltar na rta len gyi bu'i mdo zhes bya ba rgyas par 'byung ba la/ phung po zhig pa ni 'gro ba dang 'ong ba dang bram ze la sogs pa'i ngo bor mi 'thad do/ /kha cig na re bar ma do zhes bya ba'i lha dag cig yod do/ gang zhig de dag tu yongs su mya ngan las 'da' ba de ni bar ma dor yongs su mya ngan las 'da' ba'o/ /zhes zer ro/ /de lta na skyes pa zhes bya ba la sogs pa la yang zhes bya ba rgyas par 'byung ba ste/ de la gang zhig skyes pa'i lha dag tu yongs su mya ngan las 'da' ba de ni skyes nas yongs su mya ngan las 'da' bar 'gyur ro/ /mngon par 'du byed pa med par yongs su mya ngan las 'da' ba dang / mngon par 'du byed pa dang bcas par yongs su mya ngan las 'da' ba yang de dang 'dra bar brjod par bya'o/ /de lta ma yin te gal te skye ba la sogs pa'i lha dag khas mi len na ni bar ma dor yongs su mya ngan las 'da' bar mi 'grub bo/ /de yang bar ma do'i lha dag tu skyes te/ skyes nas yongs su mya ngan las 'da' ba dang mngon par 'du byed pa med par yongs su mya ngan las 'da' bar yang 'gyur ro/ /gzhan dag na re 'dod pa dang gzugs kyi khams dag gi bar du yongs su mya ngan las 'da' bas bar ma dor yongs su mya ngan las 'da' ba ste/ des na srid pa bar ma med par khams gnyis su ma skyes pa'i sems can med pas srid pa bar ma grub pa nyid do zhes zer ro/ /'gro mdo zhes bya ba ni mnyan du yod par te/ de nas bcom ldan 'das kyis dge slong rnams la bka' stsal pa/ dge slong dag ngas skyes bu dam pa'i 'gro ba bdun dang lan pa med pa'i yongs su mya ngan las 'da' ba bstan par bya yis zhes skyes bu dam pa'i 'gro ba'i mdo rgyas par gsungs so/ /mdo de las ni phyir mi 'ong ba lnga las bar ma dor yongs su mya ngan las 'da' ba/ zhogs ma la sogs pa dpe gsum gyi sgo nas rnam pa gsum du mdzad nas skyes bu dam pa'i 'gro ba bdun du gsungs so/ /dus dang yul gyi khyad par gyi bye brag gis zhes bya ba ni go rims bzhin du dus kyi khyad par gyi bye brag dang yul gyi khyad par gyi bye brag gis so/ /ji ltar zhe na mngon par grub pa bzhin du zhes bya ba ni dus so/ /gnam du yar ba bzhin du zhes bya ba dang / sa la ma lhung ba nyid du zhes bya ba ni yul lo/ /bar ma do zhes bya ba'i lha ni zhes bya ba rgyas par 'byung ste/ de dag tu skye bzhin pa gang yod pa ma yin pa ni bden pa nyid de/ yongs su mya ngan las 'das pa de'i dbang du byas nas dang po blta'o/ /de las gang dus phyi ma'i dbang du byas nas gnyis pa'o/ /de las kyang gang gzhan pa'i dbang du byas nas gsum pa'o/ /dus kyi bye brag gi khyad par shes par bya ba'i phyir 'di dper brjod pa yin no/ /yul gyi bye brag gi khyad par las kyang nus par rung ste/ kha cig skyes pa'i yul nyid du yongs su mya ngan las 'da' bar byed do/ /kha cig yul gzhan du song nas so/ /kha cig de nas kyang song nas so/ /de bzhin du skyes nas yongs su mya ngan las 'da' ba bar ma dor yongs su mya ngan las 'da' ba las phul du byung ba 'ga' yang yod pa ma yin pas/ de tha dad du bstan pa don med pa nyid do/ /tshe'i tshad kyi bar du'am zhes bya ba la tshe'i tshad kyi snga rol du ste tshe yongs su ma rdzogs pa kho nar zhes bya ba'i don to/ /lha dang nye ba'i bar du zhes bya ba la/ lha rnams kyi drung ni lha dang nye ba ste/ de'i bar ni lha dang nye ba'i bar ro/ /bshad pa 'di la lcags kyi tsha tsha la sogs pa'i dpe rnam pa gsum ji ltar rung zhe na/ de'i phyir khams kyi gnas skabs pa'am zhes bya ba rgyas par smras so/ /skyes pa tsam gyis nyon mongs pa'i sa bon gyi gnas skabs kho nar lam mngon du gyur pa las yongs su mya ngan las 'da' ba ste/ 'di ni dbang po rnon po yin no zhes grag go/ /'du shes kyi gnas skabs pa'am zhes bya ba ni yul gyi 'du shes kun tu spyod pa'i gnas skabs su'o/ /gzhan dag na re nyon mongs pa skyes pa yongs su gcod par byed pa gang yin pa de 'du shes kyi gnas skabs pa yin no zhes zer te/ 'di ni dbang po 'bring po'o/ /rnam par rtog pa'i gnas skabs pa zhes bya ba ni de'i sa pa'i nyon mongs pa'i rnam par rtog pa kun tu spyod pa'i gnas skabs su'o/ / gzhan dag na re rnam par rtog pa ni dpyad pa yin pa'i phyir shes rab kun tu spyod pa'i gnas skabs su yin no/ /'dir rnam par rtog pa ni sems rtsing ba la mi 'dod de/ de ni bsam gtan dang po'i sa pa yin pa'i phyir gnyis pa la sogs pa dag na bar du mya ngan las 'da' bar mi 'gyur ro/ /'di ni dbang po rtul po yin no/ /yang na dang po ni gzugs kyi khams su zhes bya ba la/ 'di la dpe ni dper na zhogs ma'i me chung ngu zhes bya ba la sogs pa'o/ /gnyis pa ni lha rnams kyi 'byor pa zhes bya ba la/ 'di la yang dpe ni dper na lcags kyi tsha tsha gnam du yar ba bzhin du zhes bya ba rgyas par 'byung ba'o/ /gsum pa ni lha rnams kyi chos yang dag par 'gro ba'i zhes bya ba la 'dir yang dpe ni dper na lcags kyi tsha tsha gnam du yar nas zhes bya ba la sogs pa ste/ des na dpe gsum gyi sgo nas rnam pa gsum yin te/ de lta na yang bar ma do dang skyes nas yongs su mya ngan las 'da' ba dag las khyad par mi mngon pas khyad par bstan pa'i phyir skyes nas yongs su mya ngan las 'da' ba ni zhes bya ba rgyas par smras so/ /tshe phal cher bcom nas zhes bya ba ni tshe phal cher phyid nas so/ /de dag thams cad kyang zhogs ma la sogs pa'i dpe dag dang mi 'byor ro/ /khams su gtogs pa dang po ni dpe dang po dang ma 'brel la/ 'du shes su gtogs pa dang / rnam par shes par gtogs pa yang gnyis pa dang gsum pa dag dang zhogs ma la sogs pa'i dpe dag dang ma 'brel lo/ /gang dag gzugs kyi khams su ris mthun pa yongs su bzung nas yongs su mya ngan 'da' ba de yang zhogs ma'i dpe dang ma 'brel lo/ /lha gang dag 'byor pa nyams su myang nas lha rnams dang chos yang dag par bgro bas rjes su zhugs te/ mya ngan las 'da' ba ste lcags kyi tsha tsha la sogs pa'i dpe dang 'brel pa med do/ /de nyid la rgyu smos pa ni yul du 'gro ba'i bye brag med pa'i phyir zhes bya ba 'byung ste/ yul du 'gro ba'i bye brag med pa'i phyir ro/ /de ji ltar med ce na/ yul de nyid du yongs su mya ngan las 'da' ba'i phyir ro/ /yang na yul gyi bye brag med pa'i phyir dang 'gro ba'i bye brag med pa'i phyir zhes re re la bye brag med pa'i sgra sbyar ro/ /bsam gtan dag gis bcu tshan bzhi ste zhes bya ba la bsam gtan re re las gang zag bcu bcu dbang du byas pa'i phyir ro/ /gzugs med dag gis bdun tshan gsum zhes bya ba la/ bar ma dor yongs su mya ngan las 'da' ba dang skye ba gnyis ma gtogs pa ste/ gzugs med pa'i srid pa bar ma mi srid do/ /'du shes kyis ni drug tshan du zhes bya ba la/ 'di la ni gong du 'pho ba yang med de/ sa gzhan med pa'i phyir ro/ /de'i phyir 'di dag thams cad rtog pa tsam du zad de/ yang gi sgra las gzugs brnyan 'ba' zhig tu ma zad do/ /gleng gzhi mnyan du yod pa na ste/ 'di na dge slong rnam pa gang dag dang rtags gang dag dang / mtshan ma gang dag gis 'dod pa dag las dben pa/ sdig to mi dge ba'i chos rnams las dben pa rtog pa dang bcas shing dpyod pa dang bcas pa dben pa las skyes pa'i dga' ba dang bde ba can bsam gtan dang po nye bar bsgrubs nas gnas so/ /de rnams de dag dang rtags de dag yid la mi byed kyi 'on kyang de gzugs kyi rnam pa'am/ tshor ba'i rnam pa'am/ 'du shes kyi rnam pa'am/ 'du byed kyi rnam pa'am/ rnam par shes pa'i rnam pa gang zhig de nye bar dmigs pa'i chos de dag nang du yid la byed/ 'bras dang zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yid la byed de chos de dag la yid byung zhing skrag ste phyir zlog par byed de chos de dag la skyo zhing skrag ste phyir bzlog nas 'di ni zhi ba'o/ /'di ni gya nom pa ste/ 'di lta ste/ phung po thams cad nges par spangs pa/ sred pa zad pa 'dod chags dang bral ba 'gog pa/ mya ngan las 'das pa'o zhes 'chi ba med pa'i dbyings la sems gtod par byed do/ /mdo de nyid gsungs nas khyad par ni 'di yin te/ de ltar shes shing de ltar mthong ba de 'dod pa'i zag pa las sems rnam par grol/ srid pa'i zag pa dang ma rig pa'i zag pa las sems rnam par grol/ grol nas kyang bdag rnam par grol lo/ /bdag gi skye ba zad do/ /tshangs par spyod pa spyad do/ /bya ba byas so/ /'di las srid pa gzhan mi shes so snyam du ye shes mthong ba 'byung ngo / /mdo de nyid gsungs nas khyad par ni 'di yin te/ de 'dir rnam par mi grol gyi chos la 'dun pa de nyid dang / chos la chags pa de nyid dang / chos la dga' ba de nyid dang / chos la mngon par dga' ba de nyid kyis bar ma dor rnam par grol bar 'gyur ro/ /mdo de nyid gsungs nas de bar ma dor yongs su mya ngan las 'da' bar mi 'gyur gyi/ 'on kyang skyes nas yongs su mya ngan las 'da' bar 'gyur ro/ /de skyes nas yongs su mya ngan las 'da' bar mi 'gyur gyi/ 'on kyang mngon par 'du byed pa dang bcas par yongs su mya ngan las 'da' bar 'gyur ro/ /de mngon par 'du byed pa dang bcas par yongs su mya ngan las 'da' bar mi 'gyur gyi/ 'on kyang mngon par 'du byed pa med par yongs su mya ngan las 'da' bar 'gyur ro/ /de mngon par 'du byed pa med pas yongs su mya ngan las 'da' bar mi 'gyur gyi/ 'on kyang gong du 'pho bar 'gyur/ de gong du 'pho bar mi 'gyur gyi/ 'on kyang chos la 'dun pa de nyid dang / chos la chags pa de nyid dang / chos la dga' ba de nyid dang / chos la mngon par dga' ba de nyid kyis tshangs chen gyi lha rnams dang skal ba mnyam par skye bar 'gyur ro/ /de tshangs chen gyi lha rnams dang skal ba mnyam par skye ba ma yin gyi/ chos la 'dun pa de nyid dang / chos la chags pa de nyid dang / chos la dga' ba de nyid dang / chos la mngon par dga' ba de nyid kyis tshangs pa'i mdun na 'don gyi lha rnams dang skal ba mnyam par skye bar 'gyur ro/ /de tshangs pa'i mdun na 'don gyi lha rnams su skye bar mi 'gyur gyi chos la 'dun pa de nyid dang / chos la chags pa de nyid dang / chos la dga' ba de nyid dang / chos la mngon par dga' ba de nyid kyis tshangs ris kyi lha rnams dang skal ba mnyam par skye bar 'gyur ro/ /de ltar na re zhig bsam gtan dang po la mdo bcu'o/ /'di na dge slong rnam pa gang dag dang rtags gang dag dang mtshan ma gang dag gis rtog pa dang dpyod pa dang bral zhing nang yongs su dang ste/ sems kyi rgyud gcig tu gyur pas rtog pa med pa dang / dpyod pa med pa ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te gnas pa zhes bya ste lhag ma snga ma bzhin no/ /skye ba la ni 'od gsal ba rnams dang skal ba mnyam par skye'o/ /de nas tshad med 'od pa rnams dang ngo / /de nas 'od chung rnams dang ngo / /de ltar na 'di dag ni bsam gtan gnyis pa'i mdo bcu'o/ /'di na dge slong rnam pa gang dag dang zhes bya ba thams cad brjod nas dga' ba'i 'dod chags dang bral bas btang snyoms la gnas shing dran pa dang shes bzhin can yin te/ bde ba lus kyis myong ba la 'phags pa rnams kyis gang de dran pa la gnas pa bde ba la gnas pa btang snyoms pa'o zhes brjod pa ste/ /bsam gtan gsum rdzogs par byas te gnas so/ /lhag ma snga ma bzhin no/ /skye ba la ni dge rgyas pa rnams dang skal ba mnyam par ro/ /de nas tshad med dge rnams dang / de nas dge chung rnams su ste/ de dag ni bsam gtan gsum pa'i mdo bcu'o/ /'di na dge slong rnam pa gang dag dang / zhes bya ba thams cad brjod nas bde ba yang spangs shing snga nas sdug bsngal yang spangs shing / yid bde ba dang yid mi bde ba yang nub pas bde ba yang ma yin sdug bsngal yang ma yin pa btang snyoms dang dran pa yongs su dag pas bsam gtan bzhi pa rdzogs par byas te gnas so/ /'dir yang lhag ma snga ma bzhin te/ skye ba la ni 'bras bu che ba rnams dang skal ba mnyam par skye'o/ /de nas bsod nams skyes rnams dang / de nas sprin med rnams dang ngo / /'di dag ni bsam gtan bzhi pa'i mdo bcu ste/ de dag ni bsam gtan dag gi bcu tshan bzhi rnams so/ /'di na dge slong rnam pa gang dag dang rtags gang dag dang mtshan ma gang dag gis rnam pa thams cad du gzugs kyi 'du shes las 'das te/ thogs pa'i 'du shes rnams nub par gyur cing sna tshogs kyi 'du shes yid la mi byed pas nam mkha' mtha' yas so snyam nas nam mkha' mtha' yas skye mched rdzogs par byas te gnas so/ /de rnam pa de dag dang rtags de dag dang mtshan ma de dag yid la mi byed kyi/ 'on kyang de na dmigs pa'i tshor ba'i rnam pa'am 'du shes kyi rnam pa'am/ 'du byed kyi rnam pa'am/ rnam par shes pa'i rnam pa'i chos de dag la nang du yid la byed cing zhes bya ba nas brtsams te/ phung po thams cad nges par spangs pa srid pa zad pa 'dod chags dang bral ba/ 'gog pa mya ngan las 'das pa'o zhes bya ba nam mkha' mtha' yas skye mched kyi bdun tshan gyi mdo dang po'o/ /mdo 'di nyid brjod nas gnyis pa la ni 'di khyad par ro/ /de nyid shes pa kho nas mthong ngo zhes bya ba nas brtsams te ji srid srid pa 'di las gzhan mi shes so zhes pa'i bar ro/ /gsum pa la ni 'di khyad par te/ de rnam par mi 'grol gyi zhes rgya cher bshad nas/ 'on kyang skyes nas yongs su mya ngan las 'da' bar 'gyur ro/ /bzhi pa ni mngon par 'du byed pa dang bcas pas yongs su mya ngan las 'da' bar 'gyur ro/ /lnga pa ni mngon par 'du byed med par yongs su mya ngan las 'da' bar 'gyur ro/ /drug pa ni gong du 'pho bar 'gyur ro/ /bdun pa ni de gong du 'pho bar mi 'gyur gyi 'on kyang chos la 'dun pa de nyid kyis bya ba la sogs pa nas ji srid nam mkha' mtha' yas skye mched du nye bar 'gro ba'i lha rnams dang skal ba mnyam par skye'i zhes pa'i bar ro/ /'di na rnam pa gang dag dang rtags gang dag dang zhes rgya cher sbyar te rnam pa thams cad du nam mkha' mtha' yas skye mched las yang dag par 'das nas rnam par shes pa mtha' yas so snyam nas rnam shes mtha' yas skye mched nye bar bsgrubs te gnas so/ /de bzhin du rnam shes mtha' yas skye mched las yang dag par 'das te/ cung zad med de snyam nas ci yang med pa'i skye mched rdzogs par byas te gnas so/ /'di dag kyang rnam shes dang ci yang med pa'i skye mched dag gi mdo bdun bdun rnams su ji skad bshad pa'i tshul gyis rig par bya'o/ /lhag ma rnams brjod de rnam pa thams cad du ci yang med pa'i skye mched las yang dag par 'das te 'du shes med 'du shes med min skye mched rdzogs par byas te gnas so zhes bya ba 'dir yang mdo drug go/ /gzugs med pa rnams su de dag skyo ba'i g.yo ba las dang / de srid pa las srid pa'i rtse mo las gong du 'gro ba la bdun tshan gsum mo/ /'du shes kyis ni drug tshan du bya'o/ /gal te tshe'i tshad kyi bar du yongs su mya ngan las 'da' bas bar ma dor yongs su mya ngan las 'da' ba yin na ni/ de lta na 'phags pa shA ri'i bu la sogs pa rnams kyang bar ma dor yongs su mya ngan las 'da' ba nyid du thal bar 'gyur ro/ /sems can rnams ni byang chub sems dpa' srid pa tha ma pa dang byang gi sgra mi snyan pa ma gtogs phal cher tshe yongs su ma zad par dus byed do/ /de nyid kyi phyir de dag la ni lung las kyang zhes bya ba smos te kyang zhes bya ba'i sgras ni rigs pa las kyang ngo / /rang gi lus kho nas zhes bya ba rgyas par 'byung ste/ gal te srid pa bar ma do yod na ni de rang gi lus kho nas mnar med par ltung ba mi rigs te/ de'i rang gi lus ni sngar gyi lus yin pa'i phyir ro/ /de lta ma yin na ni/ gang las de kho na rang gi lus kyis yin par 'gyur ba de la gzhan dag pas khyad ci yod ce na/ khyad par yod de/ de ni gson po kho nar dmyal ba'i me dag gis bskor ro zhes shes par bya ba'i phyir/ rang gi lus kho nas zhes gsungs te/ sngar gyi lus kho nas dmyal bar 'gro ba mi rigs so/ /las shin tu drag po rdzogs pa rnams ni zhes bya ba la sogs pa la 'jug pa rnyed pa'i phyir shin tu drag po rnams so/ /rnam par smin par nges pa'i phyir yongs su rdzogs pa rnams so/ /che ba'i phyir shin tu drag po rnams so/ /bsags pa'i phyir yongs su rdzogs pa rnams so/ /gson po kho nar dmyal ba'i me dag gis bskor ba de'i phyir 'di'i mthong ba'i chos la myong bar 'gyur ba'i las ni dang por smin pa yin no/ /'di da ni ji ltar drang zhes bya ba ni srid pa bar ma yod na snyam du bsams pa'o/ /'di de ma thag tu skye'o zhes bya ba ni lus kyis bar ma chod par dmyal bar skye'o/ /srid pa bar ma skye ba nyid yin par zhes bya ba rgyas par 'byung ba la/ ris mthun par nye bar 'gro ba ni skye ba yin la/ de la mngon du phyogs pa ni srid pa bar ma yin pas/ 'chi ba'i mjug thogs su srid pa bar ma kho nas dmyal ba dag tu skye ba yin gyi skyes pa ma yin no/ /gal te de ma thag tu dmyal ba dag tu skyes pa yin no zhes smras na ni srid pa bar ma med par 'gyur ba zhig go/ /bram ze na tshod khyer zin zhes bya ba la sogs pa 'byung ba la/ 'chi ba'i drung du 'di'i na tshod khyer zin pas na na tshod khyer zin pa'o/ /'di ni 'dir srid pa bar ma med pa'i khungs yin no/ /'di la khyod kyis thal ma thag tu srid pa bar ma yod par ji skad smras pa 'di ni dgongs pa yin gyi/ srid pa bar ma med do zhes kho bo cag gis 'dod pa 'di ni dgongs pa ma yin no/ /zhes bya ba 'di ga las she na/ slob dpon gyis brtag pa 'di khyod la yang mtshungs te/ zhes bya ba smos te/ dri ba 'dri zhes bya ba'i don to/ /'di la khyod kyis srid pa bar ma med do zhes de skad du smras pa 'di ni dgongs pa yin gyi kho bo cag gis srid pa bar ma yod do/ /zhes ji skad smras pa 'di ni dgongs pa ma yin no zhes bya ba 'di go ga las/ de lta bas na gnyis ka'i phyogs la yang zhes bya ba rgyas par 'byung ba la/ srid pa bar ma yod do srid pa bar ma med do zhes bya ba gnyis ka'i phyogs la yang khyod dang yang ji skad bshad pa'i mdo mi 'gal ba'i phyir ro/ /'di ni zhes bya ba rgyas par 'byung ba la/ shes par byed pa gzhan du shes par mi byed pa yin no zhes bya ba ni khungs kyi don shes par byed pa gang la gzhan du shes par byed pa med pa'o/ /'di skad bstan par 'gyur te/ tshigs su bcad pa'am mdo gang gi don rnam pa gzhan du bkri bar mi nus pa de ni khungs yin la/ gang gi don rnam pa gzhan du yang yin par mi 'gal ba des ni brjod mkhan nyid sel bar byed pa yin no/ /yang bye brag tu smra ba rnams kyi srid pa bar ma med do zhes bya ba gang yin pa 'di ni rgyu dang 'bras bu la kun tu rmongs pa sngon du 'gro ba'i log par lta ba'o/ /'di ni gang mdo de dang de las sems can rdzus te skye ba med do zhes gsungs pa bzhin no/ /yang 'gro ba gang du 'gro bar 'gyur ba'i zhes bya ba rgya cher 'byung ba la/ skye ba'i srid pa'i the tshom 'di yang gang las yin/ las kyi 'bras bu gcig dang du ma nyid las na mdo dang 'gal lo/ /gang la gang zag mngon par grub pa'i kun tu sbyor ba ma spangs pa dang skye ba'i kun tu sbyor ba spangs pa dang skye ba'i kun tu sbyor ba spangs pa yod ces rgyas par te/ nyon mongs pa'i kun slong du gyur pa'i las rnams nyon mongs pa bzhin te tha dad par 'gyur ro/ /las tha dad pa'i phyir 'di mi 'dod de/ sngon dus srid pa'i sha tshugs zhes shes par bya'o/ /yang 'di las gcig gi 'bras bu snga ma dang phyi ma de'i 'bras bu skyed pa'i nges pa ci zhig byas/ mthong ba'i chos kyi 'bras bu la sogs pa'i las bsdus pa'i phyir/ 'di myong bar nges pa nyid du thal bar 'gyur ro/ /nag po'i las byed pa'i mi la sogs pa rnams dbyibs tha dad pa la mi brten par mthong ngo / /de nas las kyi dbye ba las 'dir dpyad pa 'di 'byung ste/ ci dmyal ba la sogs par 'gro ba thams cad kyi srid pa bar ma'i sha tshugs gcig mngon par 'grub bam 'on te sha tshugs tha dad pa zhig 'byung zhes rnam par bcad pa ste/ de'i phyir de ni 'phen pa gcig pa'i phyir zhes bya ba rgyas par smos so/ /las ni rnam pa gnyis te/ 'phen par byed pa dang yongs su rdzogs par byed pa'o/ /de la de dag gi yongs su rdzogs par byed pa ni du ma yin gyi/ 'phen par byed pa ni gcig yin te de'i phyir de ni 'phen pa gcig pa'i phyir/ sngon dus srid 'byung sha tshugs can zhes bya ba smos so/ /'di la dus snga ma'i srid pa 'byung bar 'gyur ba'i sha tshugs lta bu yod pas na sngon dus srid 'byung sha tshugs can te/ rgya'i 'bur bzhin no/ /sngon gyi dus smos pa ni 'chi ba'i srid pa dang skye ba'i srid pa las kyang khyad par du bya ba'i phyir ro/ /mngal na gnas pa rnams kho na 'chi na 'gro ba lnga pa'i srid pa bar ma mngon par 'grub bo/ /lhag pa dag na 'phin pa zhes bya ba la/ lhag pa ni me ma mur la sogs pa rnams so/ /gzhan dag ni dmyal ba'i me ni nyes pa byas pa dag kho na las 'byung ba'i phyir skyon 'di med do/ /ma bsags shing las kyi 'bras bu ma thob pa dmyal ba'i mes mi tshig go/ /zhes bya ba ni nges pa yin no zhes zer ro/ /gang gi phyir gzhon nu thor bu lta bu mtshan dang dpe byad dang bcas pa ma'i mngal du 'jug pa'i phyir des dzam+bu'i gling bye ba phrag brgya snang bar mdzad de/ lhan cig skyes pa'i 'od yongs su rdzogs pa'i phyir ro/ /bye ba phrag brgya zhes bya ba ni stong gsum gyi stong chen po'i 'jig rten gyi khams so/ /gzhan dag na re sngon dus kyi tshe srid pa thams cad kyang gzhon nu thor bu'i dbyibs dang bong tshod de nyid do zhes zer ro/ /de ni mtshan ma tsam du zad de zhes bya ba 'byung ste/ mtshan mkhan rnams lung ston pa dang rjes su mthun par zad so/ /dud 'gro'i skye gnas bzlog nas yun ring du lon pa'i phyir zhes bya ba ni bskal pa brgya lus pa nas log pa yin [(]na[,]no[)]/ /dper na rgyal po kr-i kIs zhes bya ba la/ ji ltar rgyal po kr-i kIs 'byung bar 'gyur ba'i don gyi mtshan ma tsam du rmi lam bcu mthong ba lta bu'o/ /rgyal po kr-i kIs nub gcig la rmi lam bcu rmis par grag snya te/ 'di lta ste glang po che skar khung nas byung nas mjug ma la 'thogs pa dang / khron pa chu shin tu dngas shing zhim la ma rnyog cing ma g.yogs pa zhig ma 'thungs pa kho nar skams pa dang / tsan dan go shIR+Sha dang / e raN+Da'i bud shing brje ba dang / mu tig bre gang phye bre gang du 'tshong ba dang / skye bo'i tshogs chen pos spre'u dbang bskur ba dang / skyes bu mi gtsang bas gos pa zhig gzhan dag la yang bsgo ba dang / glang po che'i phru gus glang po che chen po zil gyis gnon pa dang / lha'i tshal nas me tog la sogs pa khyer ba dang / dga' ston chen po dor ba dang / skyes bu bco brgyad kyis ras yug gcig drangs kyang mi 'dral bar mthong la/ mthong nas kyang skrag ste/ yang dag par rdzogs pa'i sangs rgyas 'od srungs la gsol pa dang / bcom ldan 'das des dbugs 'byin par mdzad cing bka' stsal pa/ rgyal po chen po ma 'jigs shig 'di dag khyod kyi 'chi ltas ston par byed pa ni ma yin te/ 'o na ci zhe na/ ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba zhig 'byung ste/ de'i gsung rab nyams par 'gyur ba'i mtshan mar gyur pa zhig go/ /dper na ji ltar zhe na/ de'i nyan thos chen po longs spyod spangs shing rab tu byung nas slong mo gzar bu gang byin pa tsam gyis rnyed pa dang bkur sti la ltos pa skyed de/ glang po che skar khung la mjug ma 'thog pa ltar tshul ma yin pas nyon mongs par 'gyur zhing legs pa'i don la mi rtsol bar 'gyur/ khron pa chu ma 'thungs par skams pa ltar chos smra ba chos ston pa la 'ga' yang nyan par mi 'gyur/ go shIR+Sha dang 'dra ba'i gtsug lag dang dam pa ma yin pa'i bstan bcos dag brje bar 'gyur/ zang zing gi phyir mu tig bre gang lta bu'i chos ston par 'gyur/ spre'u lta bu'i tshul khrims 'chal pa mdun gyis bdar bar 'gyur/ tshul khrims 'chal pa la brtsad pa dang mi gtsang bas gos pa ltar bdag kho nar ma zad do/ /zhes dad pa dang ldan pa gzhan dag la yang bskur bar 'gyur/ glang po che'i phru gu 'dra ba'i gsar bus glang po che chen po dang 'dra ba'i rgan po rnams la spyo bar 'gyur/ dge 'dun nam mchod rten gyi me tog dang 'bras bu la sogs pa blangs te khyim pa dag la ster bar 'gyur/ dga' ston chen po dang 'dra ba'i so so thar pa'i mdo 'don pa la 'dus nas rtsod pa smra bar 'gyur/ bstan pa rnam pa bco brgyad du 'gyes par 'gyur/ de dag kyang ras yug lta bu'i rnam par grol ba'i ras yug 'dren cing / de gzhan nyid du yang mi 'gyur ro/ /srid pa bar ma ni lto ba rtol te 'jug pa ma yin gyi zhes bya ba la ci'i phyir zhe na/ las kyis lto bar 'dzin pa'i phyir skye gnas kyi sgo nas 'jug go/ /gzhan dag na re/ thogs pa med pa'i phyir gang 'dod pa nas 'jug go zhes zer ro/ /gzugs na spyod pa zhes bya ba rgyas par 'byung ngo / /'og min na lus kyi tshad dpag tshad khri drug stong pa rnams dzam+bu'i gling du mngon par 'grub pa'i go skabs yod par mi 'gyur ro zhe na nam mkha' yangs pa'i phyir dang / rten nor bu'i 'od la sogs pa'i snang ba dang 'dra bas 'gar yang thogs pa med pa'i phyir ro/ /byang chub sems dpa'i yang zhes bya ba la sogs pa la/ gzhan dag na re dge slong ma dkar mo kho na yin te/ dge 'dun la chos gos phul ba'i smon lam gyi dbang gis ji srid de'i gdung la bkur sti bya ba'i phyir mchod rten bzhengs pa yang gos kyis dkris pa'i bar du gyur to/ /byang chub sems dpa' ni dge ba'i rtsa ba brtsams pa thams cad byang chub kho nar bsngos pa'i phyir/ de'i srid pa bar ma gos dang bcas pa ma yin no zhes zer ro/ /bye brag tu smra ba rnams byang chub sems dpa'i yang gos dang bcas pa yin te/ ngo tsha shes pa dang khrel yod pa shas che ba'i phyir gzugs kyi khams kyi srid pa bar ma bzhin no zhes zer ro/ /yang srid pa snga ma zhes bya ba la sogs pa 'byung ngo / /srid pa zhes bya ba ni zag pa dang bcas pa'i dngos po thams cad yin pas/ srid pa zhes bya ba ni bye brag med par nye bar len pa'i phung po lnga dag go zhes bya ba smos te/ 'dir ni sems can zhes bya ba kho na gzung ngo / /de ni rnam pa bzhir dbye ste zhes bya ba la/ de ni gcig kho na yin mod kyi skye ba dang gnas skabs kyi bye brag gis rnam pa bzhir dbye'o/ /gal te sems can gzugs can dag gi nang du skye na zhes bya ba la gzugs can smos pa ni/ gzugs med pa rnams su srid pa bar ma med pa'i phyir ro/ /ni tsi ShAM b+hA bA naM srid pa bar ma nyid sngon zhes bya ba de nyid dus snga ma'i srid par 'gyur ro zhe na mi 'gyur te/ srid pa bar ma med par skye ba la sogs pa'i srid pa rnams de'i 'bras bu ma yin pa'i phyir ro/ /de'i phyir gang gi gnas skabs las srid pa bar ma rnams srid pa bar ma la sogs pa rnams su skye ba 'byung ba de 'dir dus snga ma'i srid pa ste/ gang gi phyir skye ba gzhan la bltos pa de 'di'i gnas skabs la ste skye ba du ma'i gnas skabs gsum la bltos pa ma yin no/ /srid pa bar ma de yang lung dang rigs pa'i yul yin pa 'ba' zhig tu ma zad de/ 'o na ci zhe na ris mthun lha mig dag pas mthong / ris mthun pas blta bar bya ba yin zhing / lha mig dag pas blta bar bya ba yin no/ /ris mthun pa'i srid pa bar ma dag gis mthong ngo zhes bya ba la dmyal ba'i srid pa bar ma ni dmyal ba'i srid pa bar ma kho nas mthong gi / gzhan gyi srid pa bar ma dag gis ni ma yin te gzhan dag la yang de dang 'dra bar brjod par bya'o/ /gang dag la lha'i mig rnam par dag pa mngon par shes pa las byung ba yod pa de dag gis kyang 'di mthong ngo / /lha'i mig shin tu rnam par dag pa ni skyon bcu gcig dang bral ba ste/ skyon de dag kyang the tshom dang yid la mi byed pa dang / lus kyi gnas ngan len dang / rmugs pa dang / gnyid dang / rgod pa dang / brtson 'grus brtsams drags pa dang / sems ya yo po dang / bag tsha ba dang / 'du shes sna tshogs pa dang / smra ba mangs pa dang / ha cang bsgom drags pa rnams so/ /gzugs rnams su mngon par shes pa las byung ba ni mngon par shes pa'i rang bzhin te/ bsgoms pa'i 'bras bu zhes bya ba'i don to/ /lha'i mig skyes nas thob pas ni mi mthong ste/ ci'i phyir zhe na/ lha'i mig shin tu rnam par dag pas mthong ngo zhes 'byung ba'i phyir ro/ /'dir gang lha'i mig skyes nas thob pas mi mthong ba'i rgyu ci zhe na/ shin tu dang ba'i phyir zhes bya ste/ skyes nas thob pa'i mig gi yul ma yin pa'i phyir zhes bya ba'i don to/ /gzhan dag na re lha'i srid pa bar ma pas thams cad mthong ngo / /zhes bya ba ni de'i mig ni 'gro ba dang 'dra bar khyad par du 'phags pa'i phyir te gzhan la yang de bzhin du brjod par bya'o/ /dbang po kun tshang zhes bya ba la/ sngon gyi dus kyi srid pa'i sha tshugs can yin yang / rnam par smin pa'i snying po dang po yin pa'i phyir dang / srid pa 'tshol ba yin pa'i phyir dbang po ma tshang ba med pa yin no/ /'gro ba gang dang / khams dang gnas gang du skye bar 'gyur ba ni de las rnam pa thams cad du zlog tu med do/ /mi'i srid pa bar ma med par gyur nas zhes bya ba rgyas par 'byung ste/ khams dang gnas dag la yang de dang 'dra bar rig par bya'o/ /nges pa 'dis zhes bya ba rgya cher 'byung ba la/ ci'i phyir 'gro ba'i srid pa bar ma las kyi 'phen par gcig kho na zhe na/ myong bar nges pa'i las kyis 'phangs pa de 'gro ba de dang phrad pa'i don du 'jug pa'i phyir ro/ /rgyun tu zhugs pa la sogs pa rnams gnas dang sa 'phos pa las bar ma dor 'chi ba gang yin pa ni bzlog par 'gyur ro zhes bya ba rtsod pa'i tshig go/ /'dod chags dang ma bral ba'i slob pa'i srid pa bar ma la ni sa 'pho ba med de lam las rgyal ba ma yin pa'i phyir dang / 'dod pa'i khams las ni mngon du ma gyur pa'i sgo nas sdug bsngal las 'das pa'i phyir ro/ /gang dag mngon du gyur par 'dod pa de dag kyang rigs nas rigs su skye ba dang / bar chad gcig pa dag sa 'pho bar mi 'dod do/ /lha dang mi'i rigs nas rigs su skye ba so sor nges pa dag kyang lha dang mi dag tu skye ba la zhugs pa'i las mngon du gyur pa'i phyir 'gro ba gzhan du skye ba ma yin te/ de'i phyir mi bzlog ces bshad do/ /'dod pa na spyod pa smod pa ni gzugs na spyod pa'i srid pa bar ma bsal bar bya ba'i phyir ro/ / de ni kham gyi zas kyi 'dod chags dang bral ba yin te/ de'i zas ni rnam par shes pa dang yid la sems pa dang / reg pa zhes bya ba dang rnam pa gsum mo/ /de nyid kyi phyir dri za zhes bya'o/ /gang gi phyir de ltar dri za yin pa de'i phyir dri za'o/ /'gro ba ma yin yang 'di dri za zhes bya bar 'gyur ro/ /gal te 'di 'gro ba'i don yin yang za ba'i don du 'gyur ba ci zhe na/ sgra'i byings rnams don du ma yin pa'i phyir zhes bya ste/ 'gro ba'i don can yang za ba'i don can du 'gyur bas skyon med de/ de lta na gan+d+ha dri dang arba za ba yin pas gan+d+hArba zhes par 'gyur ro zhe na/ de'i phyir thung ngu nyid ni karkan+d+hu dang sha kan+d+hu bzhin no zhes smos te/ dper na shakAn+d+hu zhes thob pa la sha kan+d+hu zhes par gyur pa bzhin no/ /dbang chung bar grags pa zhes bya ba ni mi rigs pa ste/ dman pa'i rigs can zhes bya ba'i don to/ /dbang chung ba ni dbang thang chung ba'o/ /dbang chung bar grags pa gang la yod pa de ni dbang chung bar grags pa yin no/ /dbang che ba ni dbang thang che ba ste/ dbang che ba zhes bya bar grags pa gang la yod pa de ni dbang che bar grags pa yin no/ /btsun pa na re nges pa med de zhes bya ba la btsun pa ni dpes ston pa'i sde pa chos skyob bo/ /ji skad du skye ba'i tshogs pa ma rnyed pa de srid kyi bar du gnas so zhes bya ba 'di la rgyu smras pa ni de'i tshe'i 'phen pa logs shig na med de zhes bya ba'o/ /yang de ji ltar shes par bya zhe na/ de'i phyir ris mthun pa gcig pa'i phyir ro zhes bya ba smos so/ /dus snga ma'i srid pa gang yin pa dang / srid pa bar ma gang yin pa de dag thob pa byed pa'i ris mthun pa de ni gcig pa nyid do/ /tshe'i las gang gis dus snga ma'i srid pa'i tshe 'phen pa de nyid kyis srid pa bar ma'i yang yin te/ srid pa tshol ba'i phyir ro/ / de lta ma yin na zhes bya ba la/ gal te ris mthun pa tha dad pa'am tshe'i las kyis tshe logs shig tu 'phen par 'gyur na ni de lta yin dang srid pa bar ma do'i tshe zad pas 'chi ba'i srid par yang 'gyur te/ dper na dus snga ma'i srid pa'i tshe zad pas 'chi ba'i srid par 'gyur ba bzhin no/ /de'i phyir nges pa med do/ /gal te sha'i phung po ri rab tsam du zhes bya ba ni slob dpon nyid 'dri bar mdzad pa'o/ /gzhan dag na re 'di la rgyu med pa dang rgyu dang bcas par smra ba'i tshig gis glags yod pa de'i phyir des smras so zhe'o/ /de dag dri de tshor zhing de dang lhan cig rgyu ba'i ro myong ba dran nas de dag la chags pa skyed par byed pa de'i phyir dri dang ro la mngon par chags pa zhes bya ba smos so/ /sad par byas nas srid pa des zhes bya ba ni dri dang ro'i sred pas rnam par smin pa la mngon par phyogs par byas te srid pa bar ma'i rgyun gyis srin bu'i nang dag tu skye bar 'gyur ro/ /de'i rkyen mang po zhes bya ba ni srin bu'i ngo bo'i rkyen mang ba'i tshe ste/ de 'chags par 'gyur te/ srin bu'i srid pa 'chags par 'gyur ba'o/ /'jug pa rnyed ces bya ba ni rnam par smin pa 'byin pa la mngon du phyogs par gyur ces bya ba'i don to/ /sems can rnams kyi las kyi rnam par smin pa bsam gyis mi khyab po zhes bya ba ni de nyid la yul dang dus su rkyen nges pa dang ma nges pa nyid kyi phyir ro/ /srid pa bar ma ni srid pa tshol ba yin pa'i phyir zhes bya ba ni de ni skye ba'i dgos pa can yin pa'i phyir srid pa don du gnyer bar byed do/ /de'i phyir/ tshogs shing dus la bab pa na/ 'bras bu nyid du smin par 'gyur zhes 'byung ba'i phyir ro/ /gzhan du ni ma yin te zhes bya ba de mang po ma yin pa'i dus so/ /gzhan du ni ma yin pa lta bu'o zhes bya ba ni tshe thung ba ma yin pa ste/ 'khor los sgyur ba 'byung ba ni/ stong phrag brgyad cu las mi 'phyi zhes 'byung ba'i phyir ro/ /de nyid kyi phyir na gang gi phyir 'khor los sgyur ba la sogs par 'gyur ba'i las dag yod du zin kyang / res 'ga' zhig kho na rnam par smin pa mngon par 'grub par bya ba la 'jug pa rnyed par 'gyur ba'i phyir ro/ /de nyid du zhes bya ba ni srid pa bar ma dor ro/ /srid pa tshol ba yin pa'i phyir zhes bya ba la de ni skye ba'i dgos pa can yin pa'i phyir srid pa don du gnyer bar byed do/ /yang las las skye ba dang las kyi 'bras bu de rkyen tshogs pa las ji ltar skye bar 'gyur/ tan+tar+ya katwAdz+dza n+ma naH[ (]de'i skye ba 'phags pa'i ma yin pa'i phyir ro/ /[)]srid pa bar ma la ni de ltar brgal bar bya ba ma yin te 'di ni las kyi nus pa bsam gyis mi khyab pa nyid do zhes bshad do/ /'on te ma nges na ni zhes bya ba rgyas par 'byung ba la/ gang zhig dus dang skye ba nges pas yul ma nges par 'phen pa de ni de las gzhan pa'i yul dang skye ba der skye'o/ / gzhan dag na re 'dra bar skye bar 'gyur te/ skye ba de dang yul der skye ba ma nges na ni de'i phyir de dang 'dra ba'i skye bar skye'o zhes zer ro/ /yang ci'i phyir 'di'i rigs nyid nges pa dang ma nges pa nyid du bshad pa la/ dus su yang rigs nges pa dang ma nges pa'i phyir ma yin te/ dus su yang gnyi ga rig par bya'o/ /ji ltar ba lang dag ni dbyar rnams su 'khrig pa mang la zhes bya ba la sogs pas nges pa dang ma nges pa ste/ ji ltar zhe na/ dus gzhan la ba lang rnams kyi nang du skye bar 'gyur ba gang yin pa de ni ba men rnams kyi nang du skye'o zhes bya ba la sogs pa 'byung ngo / /las kyi 'phen pa gcig pa'i phyir zhes bya ba la las gang gis ba lang la sogs pa'i ris mthun pa 'phen pa'i las de nyid kyis de'i srid pa bar ma 'phen pas ji ltar ris mthun pa gzhan gyi srid pa bar mas ris mthun pa gzhan skyed par nus te/ de ni brjod par bya ba ma yin no/ /gzhan dag na re ris mthun pa gzhan du skyes pa yang de'i ris mthun par gtogs pa'o/ /'o na srid pa bar ma dang tha mi dad pa'i ris mthun pa nyid ci zhe na/ ka l+mA Sha pA da la sogs pa bzhin zhes so/ /'di la brjod par bya ba med de/ 'dir ni ris mthun pa gang du skye ba de'i rigs mthun par gtogs pa nyid du 'gyur ro zhes gzhan gyis bsams pa'o/ /'di de 'dra ba zhes gsungs pa'i phyir ci las yin/ rnam pa gzhan du na khyad par las byung ba'i don can de dgag pa'i phyir de skad bshad do/ /srid pa bar ma ris gzhan ni ma yin no zhes rgyas par 'byung ste/ de'i phyir 'di la ni ma yin no/ /slob dpon 'dus bzang ni/ de'i las rigs gcig pa'i phyir ris tha dad pa 'phen pa gcig pa nyid gtod pa ma yin no zhes zer ro/ /de lta na yang srid pa bar ma'i las gang yin pa'i 'bras bu de nyid lhag ma'i skye ba yin no zhe na/ ci ltar las kyi 'phen pa gcig nyid 'dor bar byed/ ci ste de nyid de yi 'bras bu'o zhe na/ de lta na yang skye ba gcig 'phen pa las gcig yin pas 'gal te/ las gcig gis rigs mthun pa du ma 'phen pa nyid du khas blang ba'i phyir ro/ / gzhan dag na re ris gzhan gyis srid pa bar mas zhes bya ba la sogs pas mi bzlogs zhes bya ba 'di dang 'gal bar ston to zhes zer ro/ /gzhan dag ni 'gro ba gcig la dgongs te gsungs pa'i phyir skyon med do zhes zer te/ 'gro ba gcig tu ris mthun pa'i phyir gzhan nyid 'phen pa de la rigs gcig tu dgongs so zhes shes par bya'o/ /blo ni phyin ci log gyur pas/ zhes bya ba la sogs pa la 'dod chags dang zhe sdang dag gis te 'di ltar ma la 'khrig pa'i 'dod chags kun tu spyod pa'i phyir blo phyin ci log pa yin la/ pha la zhe sdang kun tu spyod pa'i phyir ro/ /yang na ni bzlog pa'o/ /pha ma zhes bya ba la/ pha dang ma ni pha ma ste/ pha ma de gnyis so/ /nyal po byed pa ni 'khrig pa'i chos lhag par spyod pa'o/ /pho'i 'dod chags ni pho'i 'o/ /mo'i yang de dang 'dra'o/ /de nyid kyi phyir/ bu ni lhag par ma'i phyogs 'dzin la/ bu mo ni pha'i 'o/ /gnas skabs der zhes bya ba la/ pho'i nyal po la ni pha'i gnas skabs su'o/ /mo'i nyal po la ni ma'i gnas skabs su'o/ /mi gtsang ba der zhes bya ba rgyas par 'byung ba la/ mi gtsang ba ni khu khrag go /mngal gyi gnas ni pho ba dang long ka dang gnyis kyi bar ro/ /khu chu dang khrag 'di ni bdag gi yin no snyam ste dga' ba skyes nas ma'i mngal du zhugs te khu chu dang khrag thigs pa gcig gnyis kyis nur nur por gnas te/ 'dab chags su gnas zhes bya ba'i don to/ /de nas 'dab chags su gnas pa de'i phung po 'khrang bar 'gyur ba zhes bya ba ni rags par 'gyur ba ste/ nur nur po'i lus yin pa'i phyir ro/ /srid pa bar ma pa'i shin tu dang ba dag ni 'gag par 'gyur te/ 'dir skye ba dang 'gag pa na sa bon dang myu gu dang 'dra bar blta bar bya'o/ /rgyab rol tu bltas te tsog tsog por zhes bya ba ni bdag nyid la pha'i spyod lam lhag par mos pa'i phyir ro/ /de bzhin du lto rol du kha blta'o zhes bya ba yang bdag nyid la ma'i gnas skabs su lhag par mos pa'i phyir te de lta skye ste g.yon phyogs kyi ngang tshul can yin pa'i phyir lto'i g.yon phyogs su bsnyes te gnas so/ /phyis lus skye zhing zhes bya ba ni rgyas pa dang 'phel zhing zhes bya ba'i don to/ /de dag kho na yin te zhes bya ba ni khu chu dang khrag gi 'byung ba dag kho na'o/ /ji ltar zhe na khu chu dang khrag dbang po med pa ni zhes bya ba rgyas par 'byung ngo / /sa bon dang myu gu 'gag pa dang skye ba'i tshul du zhes bya ba la/ skad cig ma gcig kho na las sa bon 'gag cing myu gu skye'o/ /nur nur po zhes bya ba gang yin pa na zhes bya ba ni khu chu dang khrag gi mjug thogs su dang por nur nur po yin no nur nur po las mer mer gyi zhes bya ba la sogs pa 'byung ba'i phyir ro/ / dur khrod bskyed do zhes bya ba la sogs pa la/ dur khrod ni dur khrod de/ yang dang yang du shi bas 'phel bar byas pa'o/ /srid pa bar ma'i gzugs kyi rgyun las skye ba'i char gtogs pa'i gzugs skye ba de ltar ni ma yin te/ sa bon dang myu gu'i tshul du blta bar bya'o/ /sems can du ston pa ma yin pa sems can du ston pa'i sa bon du 'gyur bar 'os pa ma yin te/ rgyud kyi dbye ba las cig car yang sems can dang sems can du ston pa ma yin pa'i gzugs 'gag go/ /sems can du ston pa dang sems can du ston pa ma yin pa las skyes pa yang ris tha dad pa ma yin pa'i sems can du ston pa las ma yin no/ /gzhan dag na re/ 'byung ba gzhan dag kho na yin te zhes bya ba la/ srid pa bar ma'i 'byung ba nur nur po'i 'byung ba dang 'brel pa dag ni nur nur po dang lhan cig 'gags la/ de dag kyang 'gag pa na lhan cig byed pa'i rkyen gzhan nur nur po la brten nas sngar gyi 'byung ba dang mtshan nyid mi mthun pa'i 'byung ba gzhan dbang po dang bcas pa dag gi rgyur 'gyur ro/ /dper na lo ma'i srin bu lta bu yin la zhes bya ba la/ lo ma'i 'byung ba dag la brten nas las rnams las byung ba dag skye ba de dag dbang po'i rten gyi ngo bor 'gyur gyi/ /lo ma'i 'byung ba chen po dag ni srin bu'i rten ma yin no/ /ga las she na/ lo ma dum bu re re nas ma dmigs pa'i phyir ro/ /de lta na 'o na pha dang ma'i mi gtsang ba nur nur po las byung ba zhes bya ba'i mdo dang 'gal lo zhe na/ de'i lan du mi gtsang ba la brten nas skye ba la dgongs te gsungs pa'i phyir zhes bya ba rgyas par smos te/ khu chu dang khrag la brten nas de dag gi dbang po'i 'byung ba chen po rnams skye'o zhes bya ba 'di la dgongs shing bsams nas pha dang ma'i mi gtsang ba nur nur po las 'byung ba zhes gsungs pa'i phyir mdo dang 'gal ba med de/ dper na lo ma la brten nas skyes pa'i srin bu ni mi'i srin bu yin pa de bzhin du pha dang ma'i mi gtsang ba la brten nas skyes pa'i nur nur po yang pha dang ma'i mi gtsang ba nur nur po yin no/ /re zhig 'dod pa'i khams su sgo nga la skye ba dang / mngal nas skye ba'i skye gnas su 'jug pa ni de lta bu'o/ /gzhan la zhes bya ba ni drod gsher las skye ba dang rdzus te skye ba'i skye gnas dag la'o/ /ci rigs par zhes bya ba ni dri dang gnas la mngon 'dod gzhan zhes bya ba ste/ 'gro ba'i yul du 'gro'o zhes bya bar sbyar ro/ /ji ltar na dmyal ba dag tu gnas 'dod ce na zhes bya ba ni dmyal ba dag 'jigs pa'i gnas yin pa'i phyir 'dri ba'o/ /gnas skabs gang gis zhes bya ba ni shan pa la sogs pa'am lings pa la sogs pa dag gi tshe ste/ ji skad du/ ji ltar 'gyur bas de myong las/ sngar byas pa ni rmi lam ltar/ /sems can de 'dra mthong gyur nas/ /dmyal bar rab tu rgyug par 'gyur zhes rnal 'byor spyod pa'i sngon gyi slob dpon dag gis bshad do/ /yang srid pa bar ma gang zhig skye ba'i yul du ji ltar 'gro zhe na/ de la lha'i srid pa bar ma ni zhes bya ba rgyas par 'byung ngo / /stan las ldang ba bzhin du zhes bya ba ni gnas gong mar skye ba'i phyir ro/ /mi dang dud 'gro dang yi dgas rnams kyi ni zhes bya ba la/ mi'i srid pa bar ma ni mi bzhin no/ /dud 'gro'i srid pa bar ma ni dud 'gro bzhin no/ /yi dgas kyi srid pa bar ma ni yi dgas bzhin te/ rgyab kyi 'gro bas yi dgas yin pa'i phyir ro/ /yang ci'i phyir gzugs med pa rnams su srid pa bar ma med ce na/ las de'i 'phen pa de'i nus pa las de'i nus pa mngon par 'grub pa'i kun tu sbyor ba spangs pa'i phyir ro/ /nyon mongs pas rgyas par byas pa'i las rnams 'bras bu 'phen nus pa las/ nyon mongs pa med par 'os pa ma yin te/ las yod kyang skye ba 'phen pa med pa'i phyir ro/ /rags pa dang phra ba'i sa la de'i ngo bo'i las dang 'bras bu ni lus kyis mngon sum du byed pa dang gnyis ka'i cha las rnam par grol ba'i sems pa can ma yin la 'jig rten pa'i bskal pa mi mnyam pa'i sems can yang ma yin no/ /srid pa bar ma'i dbang po 'chol ba med de/ mthong ba'i rgyu 'dod pa na spyod pa'i dngos po rnams kyi spang bya phra rgyas rnams spangs pa zhes bya ba de lta bu la sogs pa rnams so/ /ci srid pa bar ma thams cad blo phyin ci log tu gyur pas ma'i mngal du 'jug gam zhe na smras pa ma yin te/ 'on kyang mngal du 'jug pa ni bzhi zhes bya bar rgyas par 'byung ngo / /mngal du 'jug pa 'di bzhi zhes bya ba ni mngal du 'jug pa dang / gnas pa dang 'byung ba'i khyad par gzhan med do snyam du bsams pa'o/ /sems nyon mongs pa can yin yang 'du shes dang mos pa dag phyin ci ma log pa'i phyir shes bzhin du 'jug go zhes brjod do/ /bzlog ste bstan to zhes bya ba la mdo las ni thams cad shes bzhin par 'gyur ba gang yin pa 'di thog mar bstan la gsum ni ji skad bstan pa kho na bzhin no/ /rmongs pa dang ma rmongs pa'i bye brag 'di ni mngal nas skye ba'i skye gnas la yin te/ sgo nga las skyes pa ni rtag tu thams cad rmongs pa kho nar 'gyur ro/ /gang zhig skye bar 'gyur ba zhes bya ba ni sgra'i tshul gyis dus gsum la bsgrub pa'i phyir ro/ /yang na 'byung bar 'gyur ba'i ming gis zhes bya ba 'byung bar 'gyur ba'i ming gis kyang ston par byed pa'o/ /'dus byas mngon par 'du byed do zhes bya ba la bskyed pa'i gnas skabs su 'dus byas su 'gyur gyi bskyed bzhin pa'i gnas skabs su ni ma yin la/ gzhan dag na re rgyal po lnga len gyi bu lnga brgya sgo nga las skyes pa yin pa de dag gis kyang rang sangs rgyas kyi byang chub rtogs so zhes bya bar grags te/ de'i phyir sgo nga las skyes pa ni rtag tu thams cad rmongs pa kho nar 'gyur ro zhes bya ba 'di ma nges so zhe na rang sangs rgyas bse ru lta bu la dgongs nas gsungs pas nyes pa med do/ /yang ci'i phyir shes bzhin ma yin par 'jug pa shes bzhin du gnas pa dang 'byung ba dag tu mi 'gyur zhe na mi srid pa'i phyir te/ lus dang dbang po stobs dang ldan pa dang / tshang ba dang / ma nyams pa dang / gsal ba gang gis shes bzhin ma bzhag pa lus dang dbang po stobs dang mi ldan pa dang / nyams pa dang ma tshang ba dang / zhan pa de shes bzhin du gnas pa'am 'byung bar 'gyur ba ni srid pa ma yin no/ /shes bzhin du 'jug pa yod de rgyu'i shugs kyis 'phen pa'i dbang gis so/ /shes bzhin du gnas par yang 'gyur te/ gnyis ka rgyu'i dbang las so/ /'byung bar yang zhes bya ste 'di ni srid do/ /log pa'i 'du shes dang mos pa dag ces bya ba la/ 'du shes ni mtshan mar 'dzin pa'o/ /mos pa ni lhag par mos pa'o/ /yang ji ltar log pa dag tu 'gyur zhe na/ 'di snyam du rlung langs pa'am char 'bab pa'am zhes bya ba rgyas par 'byung ngo / /gal te rtse dgas 'gro ba'i yul du 'gro'o zhes sngar bstan zin pa ma yin nam rlung langs pa'am char 'bab pa'am zhes rgyas par yang ci'i phyir smos she na/ nges pa med par shes par bya ba'i phyir te/ 'dod chags dang zhe sdang gnyis kho nas blo phyin ci log tu gyur pas skye ba'i yul du 'gro ba ma yin gyi/ 'o na ci zhe na/ rnam pa gzhan du rtswa thibs po'am nags thibs por 'jug pa'am zhes rgyas par 'byung ba yang yin te/ de ltar bshad na/ skye ba'i srid pa nyon mongs can/ /rang gi sa pa'i nyon mongs kun/ /zhes bya ba 'di yang tshad mar 'gyur ro/ /bye brag tu smra ba rnams na re/ skyed mos tshal du 'jug go snyam pas kyang ngo / / skye ba'i yul du blo phyin ci log gis 'jug gi snyam pa ni nye ba'i gnas skabs su'o/ /'di ni ring ba'i gnas skabs yin te 'di dag gi khyad par ro zhes zer ro/ /'di yang ma yin te nye ba'i gnas skabs su mngon par 'dod pa der yang mngal gyi gnas mi gtsang ba dang sprad pa la dga' bas mngon par 'jug go zhes gsungs pa'i phyir ro/ /ci ltar na skye ba'i dus kyi nyon mongs pa can gyi sems shes bzhin du rung zhe na/ shes rab thams cad dge bar 'dod pa ma yin no/ /des na nyon mongs pa can gyi sems kyang shes bzhin du 'gal ba med de/ rnam pa gzhan du na nyon mongs pa can gyi sems kyis rdzun du smra bar mi 'gyur ro/ /yang na 'dir rgyun gyi dbang du byas kyi mtshams sbyor ba'i skad cig ni ma yin no/ /de la yang 'di phyir zhing nyon mongs pa'i sems kun tu spyod pas nyon mongs pa can zhes bya ba chung ba'i phyir grangs su nye bar mi 'gro'o/ /rta dkar po dang nas kyi phung po bzhin zhes bya ste/ 'di ni bdag gi pha'o 'di ni bdag gi ma'o snyam pa las gzhan du mi 'khrul ba'i phyir ram gus pa bskyed pa'i phyir shes bzhin zhes brjod do/ /ji lta ba bzhin du yang dag par rab tu shes pa'i phyir 'di nyid 'dir shes bzhin du mngon par 'dod do/ /yang 'dir zhes bya ba rgyas par 'byung ba la/ shes bzhin la sogs pa mngal du 'jug pa rnam pa bzhir ro/ /'dir yang 'byung bar 'gyur ba'i ming gis bstan to zhes bya ba ni de'i tshe de dag 'khor los sgyur ba la sogs pa ma yin pa'i phyir ro/ /yang ci'i phyir 'khor los sgyur ba la sogs pa de dag de ltar 'jug snyam na/ rnam grangs gnyis pa'i sgo nas de'i rgyu bstan pa'i phyir/ las sam ye shes sam gnyis ka zhes bya ba rgya cher smos so/ /rgya che'i phyir zhes bya ba ni rlabs che ba'i phyir zhes bya ba'i don to/ /thos pa mang ba dang / rab tu 'byed pa byas pa rnams ni zhes bya ba ni thos pa mang ba yang de dag yin la/ rab tu 'byed pa byas pa yang yin no/ /'di skad bstan par 'gyur te/ thos pa dang / bsam pa dang / bsgom pa'i shes pa rdzogs pa rnams zhes bya ba'i don to/ /gal te shes bzhin dang shes bzhin ma yin par mngal du 'jug pa zhes bya ba rnam pa gnyis kho na ma yin nam/ ji ltar rnam pa bzhir brjod de/ gnas pa dang 'byung ba ni mngal du 'jug pa ma yin pa'i phyir ro zhe na 'jug pa gtso bo yin pa'i phyir nyes pa med de/ 'di ltar 'ga' yang shes bzhin ma yin par zhugs nas shes bzhin du gnas pa'am 'byung ba ni med do/ /de'i phyir gang 'di mngal gyi gnas nas 'byung ba bdag nyid kyis rab tu shes pa de ni 'jug pa khyad par du yang shes te/ 'jug pa'i sgras gnas pa dang 'byung ba yang brjod do/ /de nyid kyi phyir gnas pa dang 'byung ba dag shes bzhin dang shes bzhin ma yin pa'i dbye bas drug nyid du yang thal bar mi 'gyur ro/ /'jug pa gtso bo yin pas rigs tha dad pa dang tha mi dad pa rnams la yang 'jug pa nyid nges pa'i phyir ci las zhes te/ re zhig mngal gyi dbang du byas pa rdzogs so// //de bzhin du rigs tha dad pa rnams dang 'di gnyis rigs tha mi dad pa rnams te/ gnyis zhes bya ba bzhi nyid du rung ngo / /gzhan dag na re/ byang chub sems dpa' kho na sems dpa' zhes so/ /tha ma la rigs mthun pa la ni gsum pa dang gnyis pa dang gnyis pa la'o/ /gang nas shi 'phos nas dga' ldan du skyes pa ni dang po dang gsum pa'o/ /gang nas shi 'phos nas 'od srungs kyi gsung rab la skyes pa'o/ /de las gang du tha ma zhes bya ba ni grangs med pa gsum las dang po dang gnyis pa dang gsum pa rnams la'o/ /de las gong du bzhi pa yin no/ /de ni 'dir phyi rol can rnams zhes bya ba 'byung ste/ bdag tu smra ba yongs su 'dzin pa'o/ /de med pa'i phyir bdag ni yod pa ma yin la/ gal te bdag med na 'di srid pa bar ma'i sgo nas 'jig rten 'di nas pha rol du 'pho zhes ci ste brjod/ 'di ma'i mngal du 'jug pa dang gnas pa dang 'byung ba zhes kyang ci ste brjod/ de'i phyir 'dir gang zhig 'pho ba dang nye bar 'pho ba zhes bya bar khas blang bar bya ba byed pa'i skyes bu 'ga' zhig yod pa yin no zhe na/ de dgag par bya ba'i phyir bdag med ces bya ba 'byung ngo / /gsung rab las kyang phung po tsam la bdag go zhes bsnyad pa yod la de dgag pa'i phyir dang po'i phyogs dang 'gal lo zhes 'dri ba ni bdag ji lta bu zhig ce na zhes bya ba ste/ ci phung po tsam gyi bdag nyid can zhig gam/ 'on te nang gi byed pa'i skyes bu zhig ces bya ba'o/ /de'i phyir gang phung po 'di dag 'dor zhing zhes bya ba rgyas par smos so/ /yang rgyu la dgag pa byed pa ci zhe na de med pa'i phyir ro/ /de gal te mi 'dor na gnas skabs su nye bar 'joms pas 'dor ba'i gnas skabs bskyed par byed do/ /nying mtshams mi sbyor ba'i gnas skabs su nye bar 'joms pas nying mtshams sbyor ba'i gnas skabs mi bskyed do/ /des na gzhan nyid 'dor bar byed pas nying mtshams sbyor ba zhes bya bar thal bar mi 'gyur ro/ /gnas skabs su 'gog pa skyed pa dag gis gnas skabs su 'gog pa mi bskyed pa yang mi rung ste/ gzhan ma yin pa nyid las gzhan nyid snga phyi med par khyad par med pa'i phyir ro/ /'di'i 'dor ba nyid nying mtshams sbyor ba'i byed pa po nyid du yang mi rung ngo / /phung po 'di dag 'dor zhing zhes bya ba ni da ltar ba dag go/ /gzhan dag tu nying mtshams sbyor zhes bya ba ni srid pa bar ma pa dag gam skye ba'i char gtogs pa dag go/ /bcom ldan 'das kyis 'di skad du zhes bya bas lung las kyang nang gi byed pa'i skyes bu med par bstan te/ rigs pa las de med par ni dbang phyug sogs min rim sogs phyir zhes bya ba der bshad zin to/ /byed pa po mi dmigs so zhes bya ba ni gzugs dang tshor ba la sogs pa ltar rang gi ngo bos sam/ mig la sogs pa ltar bya ba'i sgo nas te/ de'i phyir ri bong gi rwa dang 'dra bar med do zhes bya bar nges so/ /yang na byed pa po rtag pa'am/ mi rtag pa zhig phung po las tha dad pa mi dmigs so/ /'di ltar rtag pa snga phyir rnam par 'gyur bas stong pa ni las rnams kyi byed pa po dang 'bras bu rnams kyi za ba por mi rung ngo / /de'i phyir rtag pa'i byed pa po nyid mi 'thad de/ 'ga' yang gzugs can ma yin pa dang lus can ma yin pa dang / bde ba can ma yin pa dang sdug bsngal can ma yin pa dang 'du shes can ma yin pa dang sems pa med pa dang rnam par shes pa rnam par rtog pa med par yang thal bar 'gyur te/ de dag dang ma 'brel pa'i phyir dang rnam par 'gyur ba med pa'i phyir ro/ /de bzhin du 'khor ba dang mya ngan las 'das pa'i gnas skabs dag khyad par med pa'i phyir dang de'i rgyu'i 'jug pa don med pa'i phyir byed pa po med pa nyid do/ /mi rtag pa yang med de byas pa chud zos pa dang ma byas pa dang phrad pa'i nyes pa las so/ /gal te yang phyi rol pa rnams phung po las tha dad pa'i bdag tu rtog par byed pa de lta na yang / de sangs rgyas rnams kyi phung po tsam kho na'i yul la de ltar gsungs te/ 'di na dge sbyong dang bram ze kha cig nye bar len pa'i phung po lnga po rnams la bdag dang bdag gi zhes yang dag par rjes su lta zhing yang dag par rjes su mthong ste zhes 'byung ngo / /de dag ni rang bzhin nam 'bras bu la bdag tu bsnyad pa ste/ rang bzhin nam 'bras bu'i chos gang yin pa de la 'dir de dag gis bdag ces bya bar mthong ngo zhes bya bar nges so/ /gal te nang gi byed pa'i skyes bu dgag na/ 'o na bdag ji lta bu zhig mi dgag ce na phung po tsam nyid do/ /nyid kyi sgra ni nges par gzung ba'i don du ste/ gsung rab las phung po tsam nyid la tha dad du bdag ces nye bar btags so/ /ci'i phyir zhe na/ de kho na kun nas nyon mongs pa dang rnam par byang ba'i phyir ro/ /de lta na 'o na phung po dag ces bya ba rgyas par 'byung ste/ de lta yin na mthong ba dang 'gal zhing khas blangs pa dang 'gal lo zhe na de dag ni mi 'pho ste/ skad cig ma yin pa'i phyir ro/ /'o na ji ltar zhe na/ phung po tsam ni nyon mongs pa dang las kyis mngon par 'du byas zhes bya ba rgyas par 'byung ste/ nyon mongs pa rnams dang las rnams kyi rnam par smin pa dang rgyu dang mthun pa'i 'bras bu skyed pa'i nus pa gzhag pa'i phyir yongs su bsgos pa zhes bya ba'o/ /nyon mongs pa rnams dang las rnams zhes gnyi ga smos pa ni gang yang rung ba zhig gis yongs su bstos pas ma tshang na skye ba 'byung ba mi srid pa'i phyir ro/ / phung po tsam zhes tsam gyi sgra ni bdag dang bdag gi rdzas stong pa nyid du shes par bya ba'i phyir ro/ /srid pa bar ma zhes bya ba'i rgyun gyis zhes bya ba rgyas par 'byung ste/ rgyu dang 'bras bu bar mtshams med par 'brel ba ni 'gro ba dang skye ba dang rgyun te/ sngar gyi las dang nyon mongs pas 'phangs pa'i tshe nyams su myong nas/ de'i rnam par smin pa'i 'phen pa zad pas mthar 'chi ba'i mtha'i rnam par shes pa'i rten dang lhan cig 'gag cing srid pa bar ma pa'i rnam par shes pa'i rten skye ba'i rgyur 'gyur la/ srid pa bar ma dag kyang de kho na ltar rgyun chags su sngar gyi las dang nyon mongs pas 'phen pa'i dbang gis skye ba'i yul du phyin nas ma'i mngal du 'gag pa na skye ba'i phung po rnams bskyed par bya ba la rkyen du 'gyur te/ dper na mar me skad cig ma yin yang snga ma dang phyi mar rgyu dang 'bras bu 'brel pa bar med pas rang gi rgyun gyi yul gzhan du 'gro ba bzhin no/ /ji ltar 'phangs bzhin zhes bya ba rgyas par 'byung ba la/ rgyu tha dad pa las 'bras bu tha dad par 'gyur la/ sems can so so'i tshe'i las kyang tha dad de/ de tha dad pa las tshe'i 'phen pa yang tha dad de/ kha cig ni thung la/ gzhan gyi ni ring ngo / /de'i phyir gang zhig ji srid du 'phangs pa zhes bya ba rgyas par 'byung ngo / /mtshan ma rnams zhes bya ba ni de dag gis de dag mtshon par byed pas mig la sogs pa'i rten rnams so/ /las kyi rnam par smin pa las skyes pa zhes bya ba ni las kyi dbang gis skyes pa ste/ 'dir las kyi rnam par smin pa las skyes pa zhes bshad do/ /gal te na res 'ga' ma'i zas dang gnas pa'i bya ba mi mthun par spyod pa'am zhes bya ba la/ zas ni rno ba dang tsha ba zos pa dang / gnas pa'i bya ba mi mthun pa ni mchong ba dang rkyal lo/ /mngal kho nar 'chi ba ni 'jig par 'gyur ba'o/ /rkyag dong zhes bya ba rgyas par 'byung ba la/ dri nga ba dang / mun khung dang / btsog pa'i 'dam rdzab ni dri nga ba mun khung btsog pa'i 'dam rdzab ste/ lus kyi rma 'khyims pa chen po der zhes phyis 'chad pa'o/ /srin bu'i rigs shin tu mang po stong phrag ni srin bu'i rigs shin tu mang po stong phrag go/ /de dag gi gnas ni srin bu'i rigs shin tu mang po stong phrag gi gnas te de'o/ /khu chu dang khrag dang / chu ser dang / dri ma ni khu chu dang khrag dang chu ser dang dri ma ste/ khu chu dang khrag dang chu ser dang dri ma de dag gis kun nas khyad par du myags shing kun tu myags pa/ rnam par myags pa/ rul pa/ rnag pa 'dred pa'o/ /de skye ba'i rgyus dbang po rnams yongs su smin nas zhes bya ba rgyas par 'byung ba la/ 'phen pa'i rjes su 'gro bas zhes bya ba'i don to/ /yang nyon mongs pa can rnams kun tu spyod cing zhes bya ba rgyas par 'byung ba la/ nang dang phyi'i skye mched dang / tshul bzhin ma yin pa yid la byed pa de dag gis rkyen tshogs pa la bltos pa'i nyon mongs pa can rnams kun tu spyod cing / las sna tshogs rnams kyang sog par 'gyur ro/ / de nyon mongs pa dang las bsags pa de dag gis lus zhig nas yang snga ma bzhin du yang srid pa bar ma'i rgyun gyis las ji lta ba bzhin du 'jig rten pha rol tu 'gro bar 'gyur te/ de lta na/ srid pa'i 'khor lo thog ma med de rgyu med pa nyid du 'gyur ro zhes bya ba ni thog ma'i skye ba'o/ / de'i phyir dang po'i skye ba ltar thams cad rgyu med pa nyid du thal bar 'gyur ro/ /skye ba dang po kho na rgyu med pa yin gyi thams cad ni ma yin no zhes bya ba gang yin pa 'di la rgyu yod pa yang ma yin no/ /de'i phyir thams cad thams cad kyi tshe thams cad du skye bar thal bar 'gyur te skye ba'i rgyu nges pa med pa'i phyir ro/ /myu gu la sogs pa dag la sa bon la sogs pa rnams kyi nus pa mthong ba yang ma yin te de yod na yod pa'i phyir la de med na med pa'i phyir ro/ /yang 'di ji ltar rtogs par bya zhe na/ de'i phyir yul dang dus so sor nges pa las zhes bya ba smos so/ /yul so sor nges pa ni sa bon gyi yul kho nar myu gu skye'i gzhan du ma yin pa'o/ /dus nges pa ni sa bon bangs pa'i mjug thogs kho nar myu gu skye'i gzhan gyi tshe ma yin pa'o/ /yul dang dus so sor nges pa las tshos pa la sogs pa la me la sogs pa'i nus pa yang mthong bas zhes bya bar sbyar te/ 'di ltar tshos pa ni me dang 'brel ba'i yul kho nar skye'i gzhan du ni ma yin la me dang 'brel pa'i phyir mjug thogs kho nar 'byung gi thams cad kyi tshe ni ma yin no/ /yo pi ma n+ya te/ ni t+ya ka Da NA b+h+Yu pa ga mA dA di sa twe pi paM sA ra s+ya nA yaM do ShaH/ ta s+yA nu t+paM t+ti satwA du t+pit+ti ma ta sh+tsa pUrba kA ra NA sti twA b+h+Yu ba ga mA ta/[ (]gang dag sems par byed pa rtag pa'i byed pa khas blangs pa'i phyir dang por yod kyang 'di 'khor ba'i skyon ma yin no/ /de'i mi skyed pa yod pa las skyed pa de'i phyir sngon gyi rgyu yod pa nyid du khas blangs pa'i phyir/[) ]de nyid kyi phyir rgyu rtag pa yod pa smra ba ni sngar nyid du bsal zin to zhes bya ba smos te/ dbang phyug sogs min rim sogs phyir zhes bya ba der sa bon zad pas myu gu bzhin no zhes bya ba ni sa bon tshogs pa'am rul bar gyur pa'am phye mar gyur pa las myu gu skye ba med pa de bzhin du nyon mongs pa la sogs pa'i rkyen ma tshang ba las skye ba 'byung ba med do zhes bya ba'o/ /de ltar na skye ba gcig nas gcig tu brgyud pa'i tha ma ni mi 'gal te rgyu la rag las pa'i phyir ro/ / de ltar phung po'i rgyun skye ba'i gnas skabs gsum bstan pa zhes bya ba ni 'jig rten pha rol nas 'jig rten 'di dang yang 'jig rten pha rol zhes bya ba de lta bu'o/ /'di skad bstan par 'gyur te/ srid pa'i yan lag grangs du ma dbye ba tha dad pa rten cing 'brel par 'byung ba dang po la sogs pa bar med pa skye ba gsum dang 'brel pa'i gnas skabs ni sems can gyi rgyud du nye bar bstan te de rten cing 'brel par 'byung ba yan lag bcu gnyis cha gsum pa ste gzhan ni ma yin no/ /rten cing 'brel par 'byung ba yang 'dir sems can du ston pa la mngon par 'dod kyi sems can du ston pa ma yin pa ni ma yin te/ de 'jig rten pha rol nas 'pho bar mi 'thad pa'i phyir ro/ /rten cing 'brel par 'byung ba bstan pa ni rgyu mi mthun pa dang rgyu med pa dgag pa'i phyir yin la rten cing 'brel par 'byung ba'i don ni 'khor bar 'jug pa'i don yin no/ /yang ci'i phyir bstan bcos las sems can dang sems can du mi ston pa yang bstan la mdo las sems can du ston pa kho na bstan ce na/ de yang bcom ldan 'das kyis gdul ba dag la bstan par bya ba yin te/ sangs rgyas rnams 'byung ba ni de'i don kho nar yin pa'i phyir ro/ /des na don chen po yin pa'i phyir mdo las sems can du ston pa kho na bstan to/ /bstan bcos las ni chos nyid kyi rjes su 'brangs te/ sems can dang sems can du ston pa ma yin pa yang bstan to/ /yan lag bcu gnyis zhes bya ba rgyu bcu gnyis so/ /cha gsum zhes bya ba ni dum bur yongs su bcad pa gsum mo/ /lhag ma brgyad ni bar du'o zhes bya ba ni rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dag go/ /yang na ci thams cad kyi zhes bya ba ni khyad par med par mngal du 'jug pa tsam la brten pa rnams kyi 'am/ khams gsum pa'i sems can rnams kyi'o/ /skye ba 'di la zhes bya ba ni mngal du 'jug pa'i skye ba la'o/ /gang bar ma dor 'chi ba yang ma yin la zhes bya ba la gang zhig srid pa'i gnas skabs ma thob par 'chi ba de la ni bar ma dor 'chi ba zhes bya'o/ /gzugs dang gzugs med pa na spyod pa yang ma yin te zhes bya ba la/ de na nur nur po la sogs pa med pa'i phyir ro/ /gzugs na spyod pa la rnam par shes pa las tha dad pa'i ming dang gzugs dang skye mched drug mi srid do/ /gzugs med pa ni spyod pa'i phyir de dag med do/ /gzugs na spyod pa la ni rnam par shes pa dang skye mched drug gi gnas skabs las tha dad pa'i ming dang gzugs kyi gnas skabs med de/ 'di ltar/ ming dang gzugs ni de phan chad/ /skye mched drug dod tshun chad do/ /zhes 'chad par 'gyur ro/ /de'i phyir gzugs kyi khams na yan lag bcu gnyis med do/ /gzugs med pa na spyod pa la ni ming dang gzugs kyi gnas skabs dang skye mched drug gi gnas skabs yod pa ma yin te/ gzugs med pas de dag med de de'i phyir yan lag bcu yod do/ /'di ltar gleng gzhi chen po'i chos kyi rnam grangs las zhes bya ba rgyas par 'byung ba la/ kun dga' bo gal te rnam par shes pa ma'i mngal du zhugs par ma gyur na rnam par shes pa de 'phel ba dang / rgyas pa dang / yangs par 'gyur ram zhes 'byung ba'i phyir 'dod pa'i khams las ma gtogs par ma'i mngal du 'jug pa nyid mi srid do/ /de'i phyir gang zhig 'das pa'i ma rig pa dang 'du byed dag gis rgyas par byas te da ltar byung ba'i rnam par shes pa dang ming dang gzugs dang skye mched drug dang reg pa dang tshor ba rnams 'jug go/ / yang da ltar byung ba'i sred pa dang len pa dang srid pas rgyas par byas te/ ma 'ongs pa'i skye ba dang rga shi dag 'jug ste/ rgyun gyi dbang du byas par rig par bya'o/ /de ltar na gang zag thams cad kyi dbang du byas na srid pa'i yan lag gi rnam par gzhag pa 'khrugs par 'gyur ro/ /sngon dang phyi ma'i mtha' 'bras bu dang rgyu dang bcas pa dag smos pa'i phyir ro zhes bya ba la sngon gyi mtha' 'bras bu dang bcas pa dang / phyi ma'i mtha' rgyu dang bcas pa smos pa'i phyir/ rten cing 'brel bar 'byung ba yan lag bcu gnyis dang cha gsum pa de nyid sngon gyi mtha' pa dang phyi ma'i mtha' pa dang rnam pa gnyis su brjod do/ /de la sngon gyi mtha' pa ni ma rig pa dang 'du byed do/ /de'i 'bras bu ni rnam par shes pa dang ming dang / gzugs dang / skye mched drug dang / reg pa dang / tshor ba'i yan lag rnams te/ de ltar na yan lag bdun ni sngon gyi mtha' pa'o/ /phyi ma'i mtha' pa gang zhe na/ skye ba dang rga shi'o/ /de'i rgyu ni sred pa dang / len pa dang / srid pa'i yan lag rnams te/ de ltar na yan lag lnga ni phyi ma'i mtha' pa'o/ /yang ma rig pa la sogs pa 'di gang zhig ce na zhes bya ba ni ci ma rig pa ni mi shes pa zhig kho na'am/ 'on te nyon mongs pa can thams cad yin snyam nas 'dri ba ste/ de bzhin du gzhan la yang brjod par bya'o/ /de'i phyir/ ma rig nyon mongs sngon gnas skabs/ /zhes bya ba smos so/ /sngon zhes bya ba smos pa ni da ltar ba sred pa dang len pas bsdus pa'i phyir ro/ /yang ci'i phyir nyon mongs pa thams cad ma rig pa'i sgras brjod ce na/ yang srid 'phen pa'i 'du byed rnams kyi rgyu'i ngo bor nges pa'i phyir ro/ /gang gi phyir nyon mongs pas rab tu bsgyur ba'i las ni yang srid 'phen pa la nus pa dang ldan par 'gyur te/ nyon mongs pa med pa rnams la las yod kyang yang srid med pa'i phyir ro/ /thams cad yang srid can ma yin te 'du byed kyi 'jug pa la 'dod chags la sogs pa nyon mongs pa rnams thams cad kho na byed pa can ma yin no/ /ma rig pa ni gdon mi za ba ste/ de'i phyir de'i sgras nyon mongs pa thams cad brjod do/ /'di dag ga las she na/ ma rig pa gtso bo yin pa'i phyir dang de dang lhan cig spyod pa'i phyir ro/ /de nyid bstan pa'i phyir lhan cig spyod pa'i phyir dang zhes bya ba smos so/ /nyon mongs pa thams cad ni ma rig pa dang mtshungs par ldan gyi phan tshun ni ma yin te/ de'i phyir ma rig pa dang lhan cig spyod pa nyid do/ /de'i dbang gis zhes bya ba ni ma rig pa'i dbang gis so/ /de dag ni nyon mongs pa dag go/ /kun tu 'byung ba ni skye ba ste ma rmongs pa la nyon mongs pa gzhan skye ba ni yod pa ma yin no/ /de nyid la dper na rgyal po gshegs so zhes bya ba la sogs pa'o/ /zham 'bring ba ni rgyal po dang lhan cig spyod pa rnams te/ de'i dbang mi 'jug pa dang ldog pa'i phyir rgyal po gtso bo yin no/ /slob dpon 'dus bzang na re/ gal te ma rig pa dang lhan cig spyod pa nyon mongs pa thams cad de bzhin du yod pa de la nyon mongs pa gzhan nyid gtso bo yin pas ma rig pa gtso bo'i yang gtso bo la lhan cig ces bya ba mi 'thad do/ /ci ste nyon mongs pa thams cad dang lhan cig spyod pa'i rig pa nyid ma rig pa yin pa de lta na yang re zhig gi sgra thob ste/ 'dod chags la sogs pa dang lhan cig spyod pa'i phyir ro/ /phan tshun lhan cig spyod pa med kyang khyad par med pa ma yin no/ /gal te yang rab tu 'jug byed ma rig pa'i dbang du byas nas brjod na/ 'dod chags la sogs pa rnams so/ /kun tu spyod pa'i 'dod chags la sogs pa rnams ma rig pa rab tu 'jug byed nyid kyi phyir bi par+Ya yA pat+ti/ ci ste rab tu 'jug byed ma yin pa de lta na yang gzhan dang mtshungs par ldan pa'i phyir ro/ /dbang ma yin pas de gtso bor mi rung ngo / /gnyi ga ltar yang skyon med do/ /'dir ni ma rig pa dang lhan cig spyod pa'i phyir dang ma rig pa dang mtshungs par ldan pa'i phyir nyon mongs pa thams cad ma rig pa'i sgras smos pa la 'gal ba med do/ /yang gzhan gyi sgra nyon mongs pa'i sgras ma yin te phan tshun mtshungs par ldan pa'i phyir ro/ /'di la mi rung ba ci zhe na/ nyon mongs pa thams cad dang mtshungs par ldan pa'i phyir der ma rig pa gtso bor 'dod do/ /rang gi mtshan nyid gsal ba nyid de las gzhan pa'i nyon mongs pa dang mtshungs par ldan pa der yang ma rig pa gtso bo nyid do/ /rmongs pa nyid las 'dod chags la sogs pa skye'i ma rmongs pa las ma yin no/ /yang chags pa nyid las rmongs pa dang nyon mongs pa gzhan yang 'jug go/ /de'i phyir nyon mongs pa thams cad rgyu'i dbang nyid las nyon mongs pa dang kun tu spyod par gsungs so/ /'dod chags la sogs pa rnams ma rig pa'i rgyu can nyid yin yang skye ba snga ma'i nyon mongs pa nyid du gang bshad pa zhig pa'i 'bras bu 'phen pa nus pa 'byin pa nyid kyi phyir dang mi gsal bas ma rig pa dang 'dra ba'i phyir ma rig pa'i sgras brjod do/ /da ltar ba yang ma zhig pa rang gi nus pa'i shugs gsal bas ma rig pa'i sgras mi brjod do/ /de lta na 'o na da ltar ba'i tshe rabs la ma rig pas nye bar ma bcom pa'i rang gis nus pa'i shugs las ma rig pa'i sgras brjod par bya ba de kun tu rgyu ba'i phyir ro/ /saM be d+ya tAtwA pya dwid+yA bad+yA twan+nA ti brta te/[ (]kun tu rig pa'i phyir/[) ]de lta na 'o na myong ba nyid kyi phyir ma rig pa'i phyogs brten no zhes brjod par bya'o/ /zhig pa'i nus pa'i shugs nyid las ni ma yin te/ dus kyi rang bzhin dang rang gi mtshan nyid dang / rnam par 'gyur ba yod pa ma yin pas 'das pa'i 'dod chags la sogs pa myong ba'i ngo bo nyid ni ci ltar ma rig pa'i phyogs la brten par byed de/ de'i phyir mdo mdzad pas gsungs pa'i rgyu gnyis nyid do/ /'du byed dag ni sngon las kyi zhes bya ba 'byung ngo / /'dir ma rig pa dang 'du byed 'bras bu byung zin pa rnams kho na yan lag nyid du rnam par gzhag ste/ 'bras bu ma phyung ba rnams la ni sred pa dang / len pa dang / srid pa zhes bya'o/ /skye ba gzhan gyis chod pa rnams kyi yang 'das pa dang ma 'ongs pa'i las dang nyon mongs pa mang po myong ba de lta na yang de rnams yan lag nyid du rnam par ma bzhag ste de dang lhan cig rgyu dang 'bras bu'i 'brel pa yod pas bar ma chad pa kho nar der skye bas 'das pa dang ma 'ongs pa bzung bar rig par bya'o/ /bsod nams la sogs pa'i las kyi gnas skabs zhes bya ba ni bsod nams dang / bsod nams ma yin pa dang / mi g.yo ba'i las kyi gnas skabs so/ /rnam shes mtshams sbyor phung po yin/ /zhes bya ba la/ de'i tshe rnam par shes pa gtso bo yin pa'i phyir dang / lhag ma rnams rnam par shes pa dang lhan cig spyod pa'i phyir rnam par shes pa smos pas bsdus so/ /ma'i mngal du zhes bya ba ni skye ba'i srid par nying mtshams sbyor ba nyid na ste/ srid pa bar ma dor nying mtshams sbyor ba'i skad cig ma yin no zhes shes par bya ba'i phyir ro/ /de yang yid kyi rnam par shes pa kho na ste/ de'i tshe lnga po rnams la skye ba'i rkyen med pa'i phyir ro/ /'dir rnam par shes pa dang skye ba'i yan lag gnyis ni skad cig ma yin la/ gzhan dag ni rgyun chags pa yin pa'i phyir skad cig ma mang po dag yin no/ /ming dang gzugs ni de phan chad zhes bya ba la/ 'di ni gnas skabs la bzhag pa yin gyi chos nyid la bzhag pa ni ma yin te/ skye mched bzhi dod tshun chad do/ /zhes brjod par bya ba yin pa las zhes bya ba 'byung ste/ ci'i phyir de skad du brjod par bya ba yin zhe na lus dang yid kyi skye mched ni skye ba'i srid pa kho nar dod pa'i phyir ro/ /de'i tshe der rnam par 'jog pa'i phyir ro zhes bya ba la/ rnam par shes pa dang ming dang gzugs dag ni des rab tu ma phye ba'i phyir gnas skabs gang zhig skye mched kyi sa rab tu phye ba de kho na tshang na de'i ming gis bsnyad do/ /yang na de'i tshe der rnam par 'jog pa'i phyir ro/ /zhes bya ba ni mig la sogs pa'i skye mched kyi tshe rten dang brten pa yongs su tshang ba'i sgo nas yin la/ yid kyi skye mched dang lus kyi skye mched kyang yongs su tshang ba rnam par 'jog ste/ de'i phyir skye mched drug nyid du brjod kyi/ skye mched bzhir ni ma yin no/ /de ni gsum 'dus tshun chad do/ /zhes bya ba la/ ji srid du dbang po la sogs pa gsum ma 'dus pa de srid kyi gnas skabs chung ngu dang / 'bring dang chen po'i tshul gyis rdzogs par 'gyur ba de ni skye mched drug ces brjod do/ /de srid kyi gnas skabs de ni skye mched drug gtso bo yin no/ /gzhan dag na re/ de ni de ltar ma yin te gnas skabs kyi tha dad pas gzhan nyid yin pa'i phyir de'i yid ni gzhan nyid do/ /lus kyi skye mched de'i gnas skabs can sngar ma thob pa thob par byed do/ /gal te de'i ming dang gzugs kyi rkyen gang yin pa ni skye mched bzhi las mi skye ba ma yin zhes zer ro/ /gzhan dag na re rkang lag 'gyus pa'i gnas skabs kho nar bud med dang skyes pa'i dbang po dag thob pas rnam par shes pa dang lus kyi kun tu spyod pa thams cad srid pas lus dang yid kyi skye mched dag de'i tshe nyid mtha' dag thob pas kun tu spyod pa srid pas/ sngar skye mched drug skye ba'i phyir zhes bya ba nyid legs so/ /de ni gsum 'dus tshun chad do/ /zhes bya ba la/ ji srid du dbang po la sogs pa gsum ma 'dus pa de srid kyi gnas skabs su chung ngu dang 'bring dang chen po'i tshul gyis rdzogs par 'gyur ba de ni skye mched drug ces brjod do/ /yang 'di'i gnas skabs su rnam par shes pa nyid mi skye ba ci zhe na/ gang gi phyir 'dir gsum 'dus par gyur pa las/ yid kyi rnam par shes pa gnas skabs 'gar yang mi skye ba ma yin zhing / lus kyi rnam par shes pa ni ming dang gzugs kyi gnas skabs su yang 'dod do/ /rnam par shes pa'i tshegs lhag ma rnams kyang skye ba srid kyi thams cad kyi tshe ma yin pas skye mched drug gi gnas skabs gtso bo nyid do/ /'o na gal te ming dang gzugs kyi rkyen gyis skye mched drug yin na ming dang gzugs kyi mjug thogs kho nar mi 'gyur ba ci zhe na/ dper na rnam par shes pa'i mjug thogs su ming dang gzugs la bltos pa'i phyir chung ngu dang 'bring gis kyang gzugs kyi gnas skabs su skye mched drug skyes pa'i nus pa med pas rkyen du mi 'gyur ro/ /de'i phyir gnas skabs gang gis ming dang gzugs skye mched drug skyed pa la rkyen du gyur pa de la bltos nas skye mched drug skye ste/ sa bon yongs su gyur pa las myu gu skye ba bzhin nam/ mjug thogs su 'byung ba'i phyir sprin las char bzhin no/ /'o na ming dang gzugs kyi rkyen kyis skye mched drug la ci zhig ce na/ 'ga' zhig tu skye mched ci yang mi 'jug ste/ gang gi phyir 'di ni rkyen thams cad la yang mtshungs so/ /A k+Ship+ta s+yA bi pUrba ka karma bai kalbe nA nut+pat+tiH/ gang gi tshe sngon gyi las rnams kyi nges par byas pa de'i tshe ming dang gzugs kyi rkyen las skye ste de'i rgyud du gtogs pa'i phyir ro/ /gzugs la sogs pa rnams kyang ming gi rkyen no/ /de dag ni dang po'i rnam par shes pa ni She ka 'phen pa'i rkyen sngon du 'gro ba las kyi rnam par rtog pas mi skyed do/ /skad cig nyid la skye bas de dag ming dang gzugs kyi rkyen du mi brjod do/ /de dag kyang sems can du ston pa dang sems can du mi ston pa ste 'dir ni sems can du ston pa kho na'i dbang du byas so/ /reg pa bde sdug la sogs kyi/ /rgyu shes nus pa tshun chad do/ /zhes bya ba la/ reg pa ni skye mched drug gi 'og rol tu rnam par bzhag ste/ de'i tshe reg pa'i rten yongs su rtogs pa yin no/ /de'i phyir reg pa sngar yod pa ma yin no/ /tshor 'khrig tshun chad ces bya ba la/ tshor ba gsum gyi rgyu yongs su gcod par nus pa yin pas/ zas la sogs pa'i srid pa kun tu spyad kyang / ji srid 'khrig pa'i 'dod chags mi 'byung ba'i gnas skabs de ni tshor ba zhes mi bya'o/ /reg pa'i bya ba ma lus pa ni tshor ba la yod pa'i phyir snga rol du ni ma yin te tshor ba med pa'i phyir ro/ /longs spyod smos pas ni 'dod pa'i yon tan gzugs la sogs pa rnams gzung ngo / /de srid 'bras bu 'byung 'gyur ba'i zhes bya ba la/ de zhes bya bas ni yongs su rgyug pa bstan to/ /las gang la 'byung bar 'gyur ba'i srid pa 'bras bur yod pa ni de'i srid pa'o/ /tshor ba'i bar ni rga shi yin/ /zhes bya ba la/ yang der sred pa la sogs pa yod pa ma yin pa ci gang gi phyir yan lag nyid du rnam par ma bzhag ce na skye ba gsum pa yod pa ma yin no/ /de dag nyid 'dir rten cing 'brel par 'byung ba'i skabs su zhes bya ba'o/ /bzhi pa'i rgyu ni 'dir ma bstan to/ /de dag kyang gang skye ba'i rgyur gyur pa de so so'i yan lag gi rnam par gzhag go/ /nyid ces bya ba ni skad cig la srid pas skad cig ma ste rgyu dang 'bras bu lhan cig spyod ces pa'i don to/ /rgyun zhes bshad pa ni rgyun dang ldan pa ste/ rang gi don la 'phel ba bsgrub pa'i phyir rgyun chags pa'o/ /skye ba gsum gyi gnas skabs ni gnas skabs pa ste/ rgyun chags pa zhes brjod do/ /gal te gnas skabs pa nyid rgyun chags pa yin na ji ltar rnam pa bzhir brjod ce na/ rnam pa gzhan du rgyun chags pa dang / rnam pa gzhan du gnas skabs pa zhes bya bar 'gyur bas rnam pa bzhi ste/ de rgyu dang 'bras bu 'brel pa las gnas skabs par brjod la/ de yang skal ba mnyam pa dang skal ba mnyam pa ma yin pa'i yan lag dang 'brel pa las 'brel pa can du brjod do/ /gang gi tshe ma rig pa'i yan lag rgyun dang ldan pa las ma rig pa'i yan lag kho na 'byung ba de ni skal ba mnyam pa'i 'brel pa can no/ /gang gi tshe ma rig pa'i yan lag las 'du byed kyi yan lag 'byung ba de'i tshe skal ba mnyam pa ma yin pa'i 'brel pa can te/ 'dir ni skal ba mi mnyam pa'i 'brel pa can la mngon par 'dod do/ /gnas skabs la yod pa ni gnas skabs pa'o/ /rnam par shes pa dang lhan cig 'byung ba'i phung po bzhi zhes bya ba la sogs pa 'byung ste/ 'di la rnam par rig byed kyi gzugs dang rnam par rig byed ma yin pa'i gzugs kyang gzugs kyi phung po'o/ /ye na bra hA re Na dzI bi tAta bya ba ro pa yo ti/ gang du rnam par rig byed gang yin pa de skad cig pa'am rnam par rig byed ma yin pa 'di dngos gzhi ste las kyi lam zhes 'byung ba'i phyir ro/ /rnam par bshad pa 'dir ni srid pa dang khyad par med par 'gyur te/ de'i phyir nges par dbang po dang lhan cig skye ba kho na la ni gzugs su gzung ngo zhes bya bar rtogs so/ /ming dang gzugs rnam par gnas pa'i dbang po rnams ni zhes bya ba 'byung ngo / /ji ltar ming la dbang po rnams gnas she na/ de la rag las te 'jug pa'i phyir te/ 'di ltar ming gi dbang gis de'i rten 'byung ba chen po gnas shing de btang bas de mi gnas so/ /yang na dbang po rnams la brten nas ming 'byung ba'i phyir de rnams rten gyi ngo bos ming la rnam par gnas so/ /skye mched drug 'dus pa ni reg pa'o zhes bya ba la 'dir mig la sogs pa rnams rang gi yul la 'jug cing 'dus pa ni reg pa zhes bya ba ste/ cig car skye mched drug 'dus pa mi srid pas reg pa ni ji ltar srid pa'i sgo nas yin par rig par bya'o/ /de dang mtshungs par ldan pa ni zhes bya ba rgyas par 'byung ste/ chags pa de'am/ sred pa'am/ ma rig pa dang mtshungs par ldan pa'i ngo tsha med pa dang / khrel med pa la sogs pa kun nas dkris pa rnams ni len pa'o/ /de nas kun nas bslang ba'i zhes bya ba ni chags pas kun nas bslang ba ste de ni skabs su bab pa yin pa'i phyir ro/ /gzhan dag na re ni ma rig pa'i yin no zhes zer ro/ /gzhan dag ni sems pas so zhes zer ro/ /lus dang ngag gi las zhes bya ba ni rnam par rig byed dang / rnam par rig byed ma yin pa'o/ /skye ba ni reg pa'o/ /yongs su smin pa ni skad cig ma snga ma la ltos te gzhan du gyur pa nyid do/ /bye brag tu smra ba rnams ni skad cig gcig la yongs su smin pa 'dod de/ 'jig pa dang mthun pa'o/ /zhig pa ni shi ba'o zhes bya ba la/ 'jig pa ni 'jig pa la mngon du phyogs pa'o/ /kha cig na re srog gcod pa ni zhe sdang gis mthar phyin par byas pa yin la/ zhe sdang dang 'dod chags pa gnyis kyang skad cig gcig la sred pa yod pa ma yin te/ de'i phyir nor 'phrog pa'i zhes brjod par bya'o zhes zer ro/ /nges pa de ni sems gzhan med pa la de yongs su rdzogs pa ni yin par shes par bya'o/ /de ltar bshad na mi dge ba gzugs can thams cad la skad cig pa'i rten cing 'brel bar 'byung ba yan lag bcu gnyis rnyed par 'gyur ro/ /yang 'dir ci'i phyir dus kyi kun slong sems kho na yongs su gzung zhe na/ rgyu'i kun nas slong ba yang ma yin te 'khrul ba'i phyir ro/ /gdon mi za bar chags pa dang sdang ba dang / rmongs pa rnams la las rnams rab tu 'jug pa ma yin gyi sred pa kho na rjes su 'jug byed yin no/ /ji ltar rab tu byed pa dag las zhes bya ba la/ de las ji skad du rten cing 'brel par 'byung ba gang zhe na/ 'dus byas kyi chos thams cad do zhes bya ba ste/ de la 'dus byas kyi chos thams cad rnams skad cig re re la skye ba dang 'gag pa dang ldan pa'i phyir na/ skad cig pa'i rten cing 'brel par 'byung ba'o/ /'brel pa can ni rgyu dang 'bras bur gyur pa'i skad cig gnyis ka 'brel pa las yin no/ /tshe gsum bar chad med par 'brel pa las yin te/ 'das pa dang ma 'ongs pa dang da ltar byung ba'i tshe gsum dang 'brel pa'i phyir na/ de nyid gnas skabs pa dang / rgyun chags pa zhes bya'o/ /bar chad med pa smos pa ni tshe gsum 'grub par bya ba'i phyir ro/ /'dra ba dang mi 'dra ba'i 'bras bu rjes su 'brel pas 'brel pa can te/ ji skad du ma rig pa'i rgyu las kun tu 'dod chags pa'i phyir zhes rgyas par gsungs so/ /de bzhin du dge ba'i sems kyi mjug thogs su nyon mongs pa'am lung ma bstan gyi sems skye ba'am bzlog pas so/ /gzhan dag na re/ skad cig pa ni rgyu dang 'bras bu lhan cig spyod pa ste/ dper na mig dang gzugs la brten nas mig gi rnam par shes pa skye ba lta bu'o/ /rgyun chags pa ni rgyu dang 'bras bu zhes rgya cher 'byung ste chos kyi nus pa gsal byed de/ gzhan dag ni lnga pa zhes zer ro/ /DiSh+Ta he tu ra ti nir+b+r-it+te/[ (]mthong rgyu shin tu mya ngan las 'das/ /[)]las kyi rgyus bskyed pa'i phyir zhes bya ba da lta la sogs pa'o/ /'di ni gnas skabs par 'dod lo zhes bya ba la/ lo'i sgra ni 'di ni 'di ltar ma yin nam zhes mdo sde pa'i bsam pa gsal bar byed pa'o/ /gtso bo'i phyir na yan lag bsgrags zhes bya ba la/ snga ma'i phung po lnga po thams cad ci rigs par phyi ma thams cad kyi rkyen yin pa de'i phyir 'dir gtso bo yin pa'i phyir yan lag bsgrags par shes par bya'i 'di dag nyid rkyen dang rkyen can du gyur pa'i phyir ni ma yin no/ /rab tu byed pa dag las gzhan tu 'byung zhes bya ba ni mdo las gsungs pa'i yan lag bcu gnyis las gzhan du ste/ 'di ltar 'dus byas kyi chos thams cad do zhes 'byung bas yan lag bcu gnyis las tha dad pa rkyen dang rkyen can du ma nges par gyur pa rnams kyang gsungs so/ /mdo las ni bzlog pas so/ /dgongs pa las byung ba ni dgongs pa can yin la/ mtshan nyid la rnam par gnas pa ni mtshan nyid pa ste/ chos mngon pa las gsungs pa ni mtshan nyid dang 'brel pa'i phyir ro/ /de bzhin du zhes bya ba ni de lta ma yin dang zhes bya ba'i don to/ gnas skabs pa dang rgyun chags pa dang / sems can du ston pa ni mdo las gsungs pa dgongs pa can no/ /skad cig pa dang 'brel pa can dang sems can ma yin par ston pa zhes bya ba ni chos mngon pa las gsungs pa mtshan nyid pa'o/ /de nyid kyi phyir cha gsum pa yin no/ /zhes bya ba ni gang gi phyir sngon dang phyi ma'i mtha' dang / bar la rmongs pa bzlog pa'i phyir bstan pa'i phyir te/ cha ni cha shas so/ /ci bdag ci zhig tu ni byung bar gyur zhes bya ba ni lha'am 'on te mi zhig snyam pa'o/ /bdag ji ltar byung bar gyur zhes bya ba ni rnam pa gang gis tshul gang gis so/ /ci ma 'ongs pa'i dus na 'byung bar 'gyur ram zhes bya ba rgyas par 'byung ba ni ci ma 'ongs pa'i dus na 'byung bar 'gyur ram 'on te 'byung bar mi 'gyur/ ci zhig tu ni 'byung bar 'gyur ji ltar 'byung bar 'gyur zhes bya ba'o/ /'di ci zhig yin zhes bya ba ni lus kyi rdzas 'tshol ba'o/ /'di ji ltar yin zhes bya ba ni rnam pa gang gis tshul gang zhig tu yin zhes bya ba'o/ /lus kyi rjes nges par ma zin pa ni/ yod pa ni ci zhig yin zhes bya ba ste/ bdag cag da ltar yod pa ni ci zhig yin/ 'gyur ba ni ci zhig yin zhes de ltar mi nges pa'o/ /ma rig pa dang 'du byed rnams zhes bya ba la ci zhe na/ sngon gyi mtha' la rmongs pa bzlog par bya ba'i phyir ro/ /skye ba dang rga shi ni phyi ma'i mtha'i'o/ /rnam par shes pa nas srid pa'i bar ni bar la rmongs pa bzlog par bya ba'i phyir ro/ /'di ltar mdo nyid las zhes bya ba rgyas par 'byung ste/ gang gi phyir mdo de nyid las so/ /rten cing 'brel par 'byung ba ni 'di yod pas 'di 'byung / 'di skyes pas 'di skye zhes bya ba yan lag bcu gnyis kyi mtshan nyid can no/ /rten cing 'brel par 'byung ba'i chos rnams ni 'du byed la sogs pa dag go /yang dag pa'i shes rab kyis de ltar yang dag pa ji lta ba bzhin mthong zhes bya ba ni ma rig pa'i rkyen gyis 'du byed/ 'du byed kyi rkyen gyis rnam par shes pa zhes bya ba rgyas par 'byung ba'o/ /ma rig pa la sogs pa bcu gnyis ni phung po lnga'i gnas skabs so/ /sngon gyi mtha' la 'brang bar mi 'gyur ro zhes bya ba la sogs pa ni rgyu dang 'bras bur 'brel par khong du chud pa'i phyir dang / chos tsam du khong du chud pa'i phyir ro/ /sred pa dang len pa dang srid pa zhes bya ba rgyas par 'byung ba la/ sred pa la sogs pa 'di dag ni bar gyi srid pa yin yang phyi ma'i mtha' la rmongs pa bzlog par bya ba'i phyir yin te de'i rgyu yin pa'i phyir ro/ /bye brag tu smra ba rnams na re de dag gis ni rnam par shes pa la sogs pa/ tshor ba la thug pa rnams kyang de'i 'bras bu yin pa'i phyir sngon gyi mtha' la rmongs pa bzlog pa'i phyir yin pa'o/ /yang na ma rig pa dang 'du byed rnams kyang de'i rgyu yin pa'i phyir bar la rmongs pa bzlog par bya ba'i phyir yin no zhes khas blang bar bya dgos la/ de ltar na'ang 'das pa'am bar gyi cha yod pa ma yin pas mdo dang 'gal te/ de lta bas na snga ma nyid kha na ma tho ba med do/ /nyon mongs pa gsum mo zhes bya ba la/ ma rig pa ni da ltar gyi skye ba'i rgyu yin la/ sred pa dang len pa ni ma 'ongs pa'i skye ba'i rgyu yin no/ /las gnyis so zhes bya ba ni da ltar dang ma 'ongs pa'i skye ba'i rgyu 'du byed dang srid pa zhes bya'o/ /de yan lag bdun po zhes bya ba la/ da ltar ba'i skye ba la ni rnam par shes pa la sogs pa tshor ba'i mthar thug pa lnga'o/ /ma 'ongs pa'i skye ba dang rga shi gnyis so/ /yang ci'i phyir 'di dag gzhi zhes bya zhe na/ las dang nyon mongs pa'i rten yin pa'i phyir zhes bya ba 'byung ste/ las dang nyon mongs pa'i rgyu yin pa'i phyir ro zhes bya ba'i tha tshig go/ /de bzhin du 'bras bu yin zhes bya ba la/ yan lag bdun kho na 'bras bu yin te/ sngon gyi mtha' pa'i rnam par shes pa la sogs pa lnga dang / phyi ma'i mtha' pa'i skye ba dang rga shi'o/ /lhag ma lnga ni zhes bya ba la/ las dang nyon mongs pa'i rang bzhin nyid kyis rnam par smin pa 'phen pa'i phyir ro/ /gzhi rnam pa lnga zhes bya ba ni rnam par shes pa dang / ming dang gzugs dang skye mched drug dang / reg pa dang / tshor ba zhes bya ba de lta bu'o/ /nyon mongs pa rnam pa gnyis tha dad pa zhes bya ba ni sred pa dang / de'i rkyen gyis len pa ste/ de ltar na bar du rgyu dang 'bras bu nyid rgyas pa yin no/ /yang ji ltar sred pa 'di len pa yin bzhin du logs shig tu rnam par gzhag ce na/ bye brag tu smra ba rnams na re sred pa'i skad cig ma dang po ni sred pa'i sgras brjod la/ rgya che ba ni len pa'i sgras brjod de/ rgyun gyi sgo nas yul ches dam por 'dzin pa'i phyir ro/ /de ltar yod pas skad cig ma la sogs pa rnams yan lag gsum nyid du thal bar 'gyur ba ma yin nam zhe na/ gnyis su yang 'dod pas thal bar 'gyur ba 'di med do/ /yul so so'i skad cig las skad cig ma mang po nyid kyi phyir nying mtshams sbyor ba'i skad cig ma nyid ni rnam par shes pa'i skye ba yin pas de nyid skad cig ma gcig go/ /yang ci'i phyir sred pa kho na de ltar bstan gyi nyon mongs pa gzhan ma yin zhe na/ skad cig ma dang rgyun gyi dbye bas bstan te/ srid pa mngon par 'grub pa la sred pa kho na gtso bo'i rgyu nyid do/ /de la dang po dgu mthong ba las de'i gnyen po tshol ba la ka tha yan+ta ban+taHs+yu ri ti/ gzhan dag na re sred pa kho na bstan gyi nyon mongs pa gzhan dag ma yin pa ni yul rnams dang dang por phrad pa ni sred pa'i sgras bstan la/ rgyas par phrad pa la nye bar len pa'i sgras bstan to zhes zer ro/ /'di ltar bcom ldan 'das kyis srid pa'i rgyu can gyi las gsungs te/ nyon mongs pa thams cad las kyi rgyu yin pa de'i phyir 'dir srid pa'i sgras nyon mongs pa thams cad gzung ba de'i skyon bstan pa bskyed pa'i phyir de ltar shes so/ /'dir ni brgal ba'i lan du mi sbyor ro/ /tshe gsum gyi gnas skabs kyi yan lag tha dad pa rnams 'chad par 'gyur ba'i phyir ro/ /de lta ma yin na yan lag bcu gnyis phung po lnga'i gnas skabs kyis gnas skabs pa'i rten cing 'brel par 'byung ba zhes bya bar 'gal lo/ / ma 'ongs pa'i dus su zhes bya ba la sogs pa la skye ba dang de'i rkyen gyis rga shi ste/ de ltar na 'bras bu mdor bsdus pa yin no/ /nyon mongs pa sgo gcig tu bstan pa'i phyir zhes bya ba ni/ ma rig nyon mongs sngon gnas skabs/ /zhes 'byung bas/ ma rig pa'i sgo gcig pus nyon mongs pa thams cad bstan pa'i phyir te/ rgyu mdor bsdus pa yin no zhes bya bar bsnyegs so/ /yang ci'i phyir zhes bya ba yang skabs su bab pa yin pa'i phyir thams cad dang sbyar bar bya'o/ /las ni sngon gyi mtha' dang bar du yang mdor bsdus pa nyid du bstan pas rnam par ma dpyad do/ /yang don med pa'i 'bad pa ma byas so zhes bya ba la/ bar du rgyu rgyas par bstan pas sngon gyi mthar yang rgyu rgyas pa dang / 'bras bu rgyas par bstan pas phyi ma'i mthar yang 'bras bu rgyas par rtogs par nus pa nyid do/ /gang gi phyir skye ba thams cad bltos pa'i bye brag las sngon dang bar dang phyi ma yin te/ de'i phyir sngon dang phyi ma'i mtha' gnyis su 'bras bu rgyas par brjod pa don med par 'gyur bas/ yang brjod pa'i 'bad pa don med do/ /gal te rten cing 'brel par 'byung ba yan lag bcu gnyis kho na yin na zhes bya ba rgyas par smras pa la/ yan lag lnga ni rgyu yin la/ bdun 'bras bu yin pas de ltar yan lag bcu gnyis kho nar 'gyur te/ rgyu dang 'bras bu gzhan med pa'i phyir ro/ /de ltar na ma rig pa la rgyu med pa'i phyir 'khor ba thog ma dang ldan par thal bar 'gyur la/ rga shi la 'bras bu med pa'i phyir mtha' dang ldan par 'gyur te/ de'i phyir gnyen po med pa kho na srid pa med par thal bar 'gyur ro/ /ma rig pa dang rga shi gnyis kyi rgyu dang 'bras bu khas len na yang yan lag lhag pas bstan pa ma tshang ba nyid dang / rgyu dang 'bras bu dag thug pa med par thal lo zhe na/ nyon mongs pa las nyon mongs dang / /bya ba nyid do zhes bya ba rgyas par 'byung ngo / /gzhi 'am nyon mongs pa las zhes bya ba la tshe 'di'i srid pa dang len pa gang yin pa de ni 'das pa'i dus na ma rig pa yin par bshad de/ des na ma rig pa gzhi 'am nyon mongs pa las skye bar 'gyur ro zhes bya ba 'grub po/ /gzhi las kyang nyon mongs pa 'byung ngo / /zhes bya ba ni srid pa ste 'di ltar tshor ba'i rkyen gyis srid pa yin par bshad la/ rga shi yang tshor ba la thug pa yin te/ tshor ba'i bar ni rga shi yin/ /zhes bshad pa'i phyir ro/ /de ltar na zhes bya ba ni nyon mongs pa las nyon mongs dang / bya ba nyid do de las gzhi/ /de las gzhi dang nyon mongs skye/ /'di ni srid pa'i yan lag lugs/ /zhes ji skad bshad pa'i tshul gyis so/ /de lta ma yin na ste/ nyon mongs pa las nyon mongs dang / /zhes bya ba de lta bu la sogs pa ji skad bshad pa mi bzhed par gyur na ni gang gis na de ltar sdug bsngal gyi phung po chen po 'di zhes gsungs par 'gyur la/ 'di ni nus pa ci zhig yod par 'gyur/ /de'i phyir yan lag gzhan kha skong mi dgos la thug pa med par mi 'gyur zhing bstan pa ma tshang ba nyid ma yin no/ /gzhan dag na re mdo gzhan las zhes bya ba la sogs pa la/ mdo gzhan gang las she na/ rgyu dang bcas rkyen dang bcas gzhi dang bcas pa'i mdo las te/ dge slong dag ma rig pa yang rgyu dang bcas/ rkyen dang bcas/ gzhi dang bcas so/ /ma rig pa'i rgyu gang yin/ rkyen gang yin/ gzhi gang yin zhe na/ tshul bzhin ma yin pa yid la byed pa'o zhes brjod par bya'o zhes gsungs so/ /de lta na yang tshul bzhin ma yin pa yid la byed pa'i rkyen ma gsungs pa'i phyir 'khor ba thog ma dang tha ma dang ldan pa'am/ yan lag gzhan kha bskang bar bya dgos par 'gyur bas/ nyes pa de nyid du 'gyur ro zhe na de'i phyir tshul bzhin ma yin pa yid la byed pa yang ma rig pa'i rgyu las byung ba yin no zhes gsungs te/ de'i phyir 'di nyes pa med do/ /mdo las 'di ltar ming dang gzugs dang tshul bzhin ma yin pa yid la byed pa la brten nas gti mug las skyes pa zhes gsungs so/ /ci'i phyir de 'dir ma bshad cing yan lag gzhan du yang ji ltar mi 'gyur zhe na/ de'i phyir de ni 'dir yang len pa'i nang du 'du ba'i phyir bshad pa yin no zhes bya ba smras so/ /de zhes bya ba ni tshul bzhin ma yin pa yid la byed pa'o/ / 'dir yang zhes bya ba ni rten cing 'brel par 'byung ba'i mdor ro/ /len pa rnams nyon mongs pa thams cad kyi bdag nyid yin pa'i phyir la/ tshul bzhin ma yin pa yid la byed pa yang sems kyi gzo ba nyon mongs pa can yin pa'i phyir len pa'i nang du 'du ba yin no zhes bshad par 'gyur ro/ /de ltar na ma rig pa rgyu med pa can nyid ma yin zhing / yan lag gzhan kha bskang bar bya dgos pa yang ma yin la/ thug pa med pa thal bar yang mi 'gyur ro zhes zer ro/ /slob dpon gyis tshul bzhin ma yin pa yid la byed pa len pa'i nang du ji ltar 'dus zhes bya ba smos te/ nyon mongs pa'i bdag nyid ma yin pa bzhin du zhes bsams pa'o/ /len pa ni nyon mongs pa rnams kho na yin gyi chos gzhan dag ni ma yin te/ ji skad bshad nyid ma rig bcas/ /nyer len rnams te lta rnam gnyis/ /phye ba'i phyir ro/ /zhes 'byung ba'i phyir ro/ /gal te mtshungs par ldan pa las yin no zhe na ni zhes bya ba la/ nyon mongs pa'i bdag nyid yin pa'i phyir ni ma yin gyi/ 'o na ci zhe na len pa dang mtshungs par ldan pa'i phyir de'i nang du 'dus so/ /gzhan gyi bsam pa gsal bar byed pa ni/ sred pa dang ma rig pa dag gi nang du yang zhes bya ba ste/ rten cing 'brel par 'byung ba'i yan lag gi nang du'o/ /des na 'dus par thal bar 'gyur ro zhes bya ba la/ tshul bzhin ma yin pa yid la byed pa'o/ /ci'i phyir zhe na/ de ni len pa ltar sred pa dang ma rig pa gnyis dang yang mtshungs par ldan pa'i phyir te/ des na len pa'i nang du 'du ba 'ba' zhig tu ma zad kyi sred pa dang len pa'i nang du 'dus pa'i phyir na 'di ltar bshad par 'gyur ro zhes brjod par bya ste/ khyad par gyi rgyu med pa'i phyir ro/ /nang du 'dus pa yin du chug na yang zhes bya ba rgyas par 'byung ba la/ 'di skad bstan par 'gyur te/ mtshungs par ldan pa tsam gyis ni nang du 'du bar mi rtogs te 'khrul pa'i phyir ro/ /nang du 'dus pa yin du chug na yang ji ltar 'di las 'di zhes bya ba la/ mdo de las ni tshul bzhin ma yin pa yid la byed pa len pa'i nang du 'dus pa'i phyir len pa ma lus pa dang 'dra bar srid pa'i rgyu nyid du rtog par 'gyur gyi/ ma rig pa'i rgyu nyid du ni ma yin te/ gang las len pa'i nang du 'du bas tshul bzhin ma yin pa yid la byed par ma rig pa'i rkyen nyid du rtog par 'gyur ba mdo 'di las len pa ma rig pa'i rgyu nyid ni ma bstan to/ /gal te mdo las ma bstan yang nang du 'du ba kho nas rgyu dang 'bras bu'i dngos por shes par 'gyur ro zhe na 'o na ni srid pa dang ma rig pa dag kyang zhes bya ba rgyas par 'byung ste/ ma rig pa dang tshul bzhin ma yin pa yid la byed pa gnyis ltar ma bstan yang len pa'i nang du 'dus pa kho nas sred pa dang len pa dag dang / ma rig pa dang 'du byed dag rgyu dang 'bras bu'i dngos por shes par 'gyur te/ de'i phyir tshul bzhin ma yin pa yid la byed pa ltar srid pa dang ma rig pa gnyis kyang yan lag gzhan nyid du mi bya bar nus na/ byed pa yang yin te/ de'i phyir len pa'i nang du 'dus pa yan lag gzhan nyid du mi brjod pa'i rgyu ma yin no/ / gzhan dag na re zhes bya ba ni slob dpon dpal len no/ /mdo gzhan las zhes bya ba ni rgyu dang bcas rkyen dang bcas gzhi dang bcas pa'i mdo las so/ /de yang zhes bya ba ni tshul bzhin ma yin pa yid la byed pa'o/ /reg pa'i dus su bstan pa yin la/ mig gi rnam par shes pa skye ba'i dus gang yin pa de nyid reg pa'i dus so/ /gti mug gis skyed par byed pa can nam/ gti mug las skyes pa ni gti mug las skyes pa'o/ /nyon mongs pas brnyogs pa'i phyir na rnyog pa'o/ /ma rig pa'i 'dus te reg pa las byung ba'i zhes bya ba rgyas par 'byung ba la/ ma rig pa dang mtshungs par ldan pa'i reg pa las skyes pa ni ma rig pa'i 'dus te reg pa las byung ba'i tshor ba yin la/ de yang gdon mi za bar ma rig pa dang mtshungs par ldan pa yin te/ ma rig pa dang mtshungs par ldan pa ma yin pa'i tshor ba ni sred pa'i rkyen ma yin no/ /de lta bas na reg pa'i dus na yod pa'i tshul bzhin ma yin pa yid la byed pa ni zhes bya ba rgyas par 'byung ste/ ma rig pa rgyu med pa nyid kyang ma yin zhing / tshul bzhin ma yin pa yid la byed pa'i rgyu las byung ba'i phyir bcu gnyis las gzhan pa'i yan lag gzhan gyis kha bskang bar yang mi bya'o/ /tshul bzhin ma yin pa yid la byed pa reg pa'i nang du 'dus pa'i phyir na thug pa med par thal ba yang ma yin te/ ma rig pa dang tshul bzhin ma yin pa yid la byed pa gnyis phan tshun gyi rgyu las byung ba'i phyir ro/ /de nyid bstan pa'i phyir gti mug las skyes pa yid la byed pa zhes bya ba rgyas par 'byung ngo / /'o na ni de ni zhes bya ba ni ma rig pa'i tshul bzhin ma yin pa yid la byed pa las skyed pa nyid dang / tshul bzhin ma yin pa yid la byed pa gti mug las skyes pa nyid do/ /gzhan du gsungs pas zhes bya ba mdo gzhan du'o/ /'dir brjod par bya dgos so zhes bya ba ni rten cing 'brel par 'byung ba'i mdor ro/ /ma bshad pa de'i phyir dgongs pa 'dis ma rig pa'i rkyen ma brjod do zhes bya bar rtogs so/ /slob dpon dpal len gyis smras pa/ brjod par bya mi dgos so/ /ci'i phyir zhe na/ 'dir yang go ba zhes bya ba'i phyir ro/ /'dir yang go ba zhes bya ba ni mi srid do snyam nas 'dri ba ni/ ma brjod bzhin du ji ltar go/ /zhes bya ba'o/ /rig pa las so zhes bya ba la ma smras pa kho na go ba 'ba' zhig tu ma zad kyi/ gang zhig rig pa las go ba de yang go ba ma yin no snyam du bsams pa'o/ /rig pa gang gis zhes bya ba la/ 'dir ma rig pa dang tshul bzhin ma yin pa yid la byed pa gnyis phan tshun gyi rgyu las byung bar go bar 'gyur zhes bya bar sbyar ro/ /dgra bcom pa rnams kyi tshor ba ma rig pa med pa ni zhes bya ba 'byung ste/ dgra bcom pa rnams kyi tshor ba ma rig pa dang mtshungs par mi ldan pa ni sred pa'i rkyen ma yin te/ 'dis ni tshor ba'i dus na ma rig pa yod do zhes bstan to/ /phyin ci log med pa'i reg pa yang zhes bya ba ni nyon mongs pa can ma yin pa ste/ dgra bcom pa rnams kyi nyon mongs pa can gyi tshor ba'i rkyen ma yin no zhes skabs dang sbyar ro/ /de ltar na reg pa'i dus na nyon mongs pa can gyi tshor ba'i rkyen tshul bzhin ma yin pa yid la byed pa yod do/ /zhes bya bar shes par byas par 'gyur ro/ /'di la rten cing 'brel par 'byung ba'i mdor yang sred pa'i rkyen gyis tshor ba nyid du bshad/ de'i rkyen gyis kyang reg pa'o/ /ma rig pa med par tshor ba nyon mongs pa can med la/ tshul bzhin ma yin pa yid la byed pa med par phyin ci log gi reg pa med pa de'i phyir sngar bshad pa'i rig pas 'dir yang tshul bzhin ma yin pa yid la byed pa ni ma rig pa'i rkyen du 'gyur ro zhes bya bar grub po/ /ma rig pa med par phyin ci log gi yid la byed pa yod pa ma yin zhing yid la byed pa de yang gti mug las skyes pa nyid du grub po/ de lta na ni ha cang thal bar 'gyur te zhes bya ba rgyas par 'byung ba la/ mdo gzhan las ma rig pa'i 'dus te reg pa las byung ba'i tshor ba la brten nas sred pa skyes so zhes bstan la/ dgra bcom pa ma rig pa med pa'i tshor ba yang sred pa'i rkyen ma tshang zhing / phyin ci log med pa'i reg pa yang nyon mongs pa can gyi tshor ba'i rkyen ma yin no/ /yan lag gnyis po 'di yang reg pa dang tshor ba zhes bya ba 'dir nus pa mi byed do/ /ma brjod kyang gzhan du bstan pa'i phyir 'di go'o zhe na/ mdo gzhan las de bsod nams mngon par 'du byed na bsod nams su nye bar 'gro ba'i rnam par shes par 'gyur ro zhes rgyas par gsungs la/ dgra bcom pa ma rig pa med pa la ni bsod nams su nye bar 'gro ba'i rnam par shes pa yod pa yang ma yin te/ de ltar na 'dir yang ma rig pa'i rkyen can gyis 'du byed yod bzhin du rig pas 'dir 'du byed kyi yan lag tu brjod par mi bya'o/ /yang na ma rig pa ni dgra bcom pa ma rig pa med pa la 'du byed med pas 'du byed smos pa kho nas ma rig pa bshad do zhes bya ba ste/ yan lag thams cad la yang de bzhin du brjod par bya'o/ /de ltar na rga shi'i yan lag bstan pa tsam nyid du thal bar 'gyur ro/ /'di ni klan kar mi rung ba kho na yin la zhes bya ba ni mdo mdzad pa'i gzhung lugs so/ /ma tshang ba bstan pa yang ma yin no zhes bya ba la/ 'khor ba thog ma dang tha ma ldan pa nyid du mi 'dod kyang / 'dir nying mtshams sbyor ba gnyis brjod par 'dod pa'i phyir la/ de yang de tsam gyis bstan pa'i phyir snyam du bsams pa'o/ /bsam pa ma gtogs pas 'dri ba ni/ ci'i phyir zhe na zhes bya ba la/ 'dir ni 'jig rten pha rol nas zhes bya bas ni rgyas par bsam pa gsal bar byed pa'o/ /yang tshul gang gis she na/ 'di ni sngon dang phyi ma thal bar dag la zhes bya ba la sogs pas sngar bshad zin to/ /de la ma rig pa dang 'du byed dag gis ni rnam par shes pa la sogs pa tshor ba la thug pa 'jig rten 'di sbrel bar byed la/ sred pa dang len pa dang srid pa rnams kyis ni skye ba dang rga shi'i bdag nyid can 'jig rten pha rol sbrel bar byed do/ /ma rig pa'i rgyu dang rga shi'i 'bras bu ni 'jig rten 'di yang ma yin zhing ngo / /'jig rten pha rol la yang ma yin la de gnyis kyi rgyu yang ma yin pas 'dir ma gsungs so/ /skabs su ma bab par bstan pa'i skyon spang ba'i phyir ro/ /gnyis ka yang zhes bya ba ni rten cing 'brel par 'byung ba dang / rten cing 'brel par 'byung ba'i chos rnams so/ /'dus byas kyi chos thams cad ces bya ba ni dus gsum pa rnams so/ /da ni ji ltar ma 'ongs pa ma byung ba zhes bya ba la sogs pa 'byung ngo / /'das pa dang da ltar byung ba kho na rten cing 'brel par 'byung ba rnams su bstan bcos las bshad ces slob dpon 'dus bzang zer ro/ /bstan bcos las 'di skad du/ skyes pa'i chos rnams gang zhe na/ 'das pa dang da ltar byung ba'i chos rnams so/ /de dang brten pa dang brten pa ma yin pas ma skyes pa dang skyes pa dang skye ba'i rigs pa rim gyis 'gal ba'i phyir ro/ /ma 'ongs pa yang rten cing 'brel par 'byung ba zhes bya bar ni mi 'gal te de'i chos nyid kyi phyir ro/ /de ni de lta ma yin te/ rten cing 'brel par 'byung ba bzhin no/ /rten cing 'brel par 'byung ba rnams kyang chos thams cad de zhes khyad par med par gsungs pa'i phyir ro/ /gang yang 'dir lan du brjod pa phung po rnams kyis 'dus byas thams cad bsdus pa'i phyir dang de dag kyang 'das pa dang da ltar byung ba nyid yin pa'i phyir 'di la skyon med do zhes bya ba 'di yang phyed par dka' bas lan ma yin pa nyid de gzhan du na rnam par dpyad par bya dgos par 'gyur te spros pas chog go/ /re zhig ma 'ongs pa ma byas pa rnams zhes bya ba rgyas par 'byung ste/ rgyu dang rkyen rnams 'dus shing tshogs nas byas pas na 'dus byas yin la/ ma 'ongs pa ni byas pa ma yin mod kyi 'on kyang 'dus byas su brjod pa de bzhin du/ ma 'ongs pa ma byung ba rnams kyang rten cing 'brel par 'byung ba zhes bya'o/ /yang de dag ma byas na ji ltar 'dus byas zhes bya zhe na/ de'i phyir mngon par 'du byed pa'i zhes bya ba smos te/ 'di lta bu dang 'di lta bur gyur cig snyam du mngon par 'du byed pa'i ngo bo can 'bras bu mngon par sgrub par byed pa'i sems pas so/ /bsam pa'i phyir ro zhes bya ba ni lhar 'gyur bar bya'o/ /mir 'gyur bar bya'o snyam pa de lta bu la sogs pa'o/ /mngon par 'du byed pa pas zhes bya ba'i don du zhe na de'i byed pa nye bar bstan pa'i don to/ /de lta ma yin na slar brjod pa la sems pas bsam pa'i phyir dang / bka' las 'byung ba'i phyir ma 'ongs pa'i 'dus byas nyid mngon par mi gsal bar 'gyur ro/ /byed pa mngon par mi gsal ba'i phyir rnam par smin pa'i 'bras bu mngon par 'du byed pa rnams mngon par 'du mi byed do/ /de dag ma 'ongs pa'i rgyu mthun pa'i 'bras bu nyid kyi phyir dang bsam pa'i phyir 'dus ma byas nyid du thal bar 'gyur ro/ /thams cad 'tshogs bcas dang bcas pa'i lus 'dod pa'i yul rnams kyang de la bsams pa nyid du 'gyur te/ de'i phyir yul rnams kyang 'dus byas nyid du mi 'gal lo zhes zer ro/ /srid pa'i gzhi ma yin pa nyid kyis 'jug pa dang 'gal ba'i phyir 'dri ba ni/ zag pa med pa rnams ji ltar zhes bya ba ste/ rnam par smin pa ma yin pa'i phyir ro/ /thob par bya ba'i phyir zhes bya ba ni bdag gis zag pa med pa'i chos rnams thob par gyur cig snyam du'o/ /mya ngan las 'da' ba la yang thal bar 'gyur ro zhes bya ba ni 'dus byas nyid du zhes bya bar sbyar te/ de yang dge ba nyid kyis thob par bya ba'i phyir sems pas bsams pa yin no/ /de dang rigs mthun pa'i phyir zhes bya ba ni ma 'ongs pa rnams 'dus byas nyid dang rten cing 'brel par 'byung ba nyid kyi dbang du byas nas lan smras pa'o/ /'dus byas dang rigs mthun pa'i phyir dang rten cing 'brel par 'byung ba dang rigs mthun pa'i phyir ma byas pa dang ma byung ba rnams la yang 'dus byas dang rten cing 'brel par 'byung ba zhes de ltar mthun par bsgres pa yin no/ /'dir 'das pa dang da ltar byung ba dag la ni 'dus byas dang rten cing 'brel par 'byung ba'i zhes bya ba'i dngos kyi sgra yin la/ ma 'ongs pa la ni brtags pa yin no zhes shes par bya bar 'gyur ro/ /'di nyid la dpe ni dper na re zhig gzugs su mi rung yang zhes bya ba rgyas par 'byung ba ste/ gzugs su rung ba zhes bya ba'i sgras ni bya ba'i rgyu mtshan can 'di de dang rigs mthun pa'i phyir ma 'ongs pa'i gzugs rgyu mtshan med pa la yang mi 'gal ba de bzhin du 'dir yang mi 'gal lo zhes bya bar ston to/ /de la 'ga' zhig dpe dang dpe can mtshungs pa'i phyir 'di lan du mi rigs so snyam na ma yin te/ rten cing 'brel par 'byung ba de yang rab tu grags pas rab tu ma grags pa bsgrub pa'i phyir ro/ /ji ltar ma 'ongs pa gzugs can du ma gyur pa nyid rigs mthun pa'i phyir gzugs zhes brjod pa de bzhin du ma byas pa dang ma skyes pa rnams kyang ma 'ongs pa dang rigs mthun pa'i phyir 'dus byas dang rten cing 'brel par 'byung ba rnams su brjod de/ de ltar na 'dir rgol ba'i skabs med do/ /rgyu dang 'bras bu dag pha dang bu bzhin no zhes bya ba la ji ltar sa bon de nyid rgyu la bltos te/ 'bras bu yin zhing / 'bras bu la bltos na rgyu zhes bya bar brjod pa dang / de nyid bu la bltos nas pha yin la/ pha la bltos nas bur brjod pa de bzhin du yan lag de nyid 'bras bu la bltos nas rten cing 'brel par 'byung ba yin la/ rgyu la bltos nas rten cing 'brel par 'byung ba zhes bya ste/ de lta na rnam par gzhag pa 'jig pa med do/ /gnas brtan bsam rdzogs na re zhes bya ba rgyas par 'byung ste/ gnas brtan bsam rdzogs kyi bsam pa ni ji ltar rgyu las grub pa de ltar rten cing 'brel par 'byung ba rnams yin la/ ji ltar gzhan dag gi rgyur gyur pa de ltar rten cing 'brel par 'byung ba'o zhes bya ba 'di yin par snang ngo / /de ltar bshad na mu dang po ni chos ma 'ongs pa rnams te ma skyes pa'i phyir na rten cing 'brel par 'byung ba yin la/ gzhan dag gi rgyur gyur pa'i phyir na rten cing 'brel par 'byung ba'o/ /gnyis pa ni dgra bcom pa'i tha ma rnams te skyes pa'i phyir ro/ /'di ltar dgra bcom pa'i tha ma 'das pa'am/ da ltar ba dag las chos gzhan 'byung ba ni ma yin no/ /gsum pa ni de las gzhan pa zhes bya ba ni dgra bcom pa'i tha ma dag las gzhan pa'i chos 'das pa dang da ltar byung ba rnams te/ de dag ni skyes pa'i phyir dang gzhan dag gi rgyur gyur pa'i phyir gnyis ka ltar yin no/ /bzhi pa ni chos 'dus ma byas rnams so zhes bya ba la de dag ni ma skyes pa'i phyir dang rgyu ma yin pa'i phyir ro/ /gnyi ga ltar yang ma yin no zhes bya ba ni 'dus ma byas kyang rgyu med pa'i phyir rten cing 'brel par 'byung ba ni ma yin te/ de la rgyu'i mtshan nyid ma tshang ba'i phyir ro/ /yang rgyu'i mtshan nyid gang zhig ce na/ 'di yod na 'di 'byung / 'di skyes pas 'di skye/ 'di med na 'di mi 'byung / 'di 'gags pas 'di 'gag ces pa'o/ /de la 'dus ma byas yod na dngos po rnams 'byung mod kyi/ de ni skye ba ma yin la/ de med na de med pa dang / de 'gags pas 'gag pa yang mi 'thad de/ skye ba dang 'gag pa dang bral ba'i phyir ro/ /grag go zhes bya ba'i sgra ni mi srid do/ /de bzhin 'chad par ci ltar 'os zhes bya ba'o/ /de'i rang bzhin ni rtag pa'i phyir 'dus ma byas la dmigs pa'i ngo bo sgrib pa med pa'i ngo bos 'dus byas rnams kyi byed rgyu'i rgyu'o/ /'du byed kyi skye ba'i rgyun ni ma yin te rgyu'i mtshan nyid ma tshang ba'i phyir ro/ /zhes slob dpon 'dus bzang zer ro/ /de ltar na 'o na mi skye ba'i chos kyi byed rgyu la yang rgyu'i mtshan nyid med pa'i phyir 'dus ma byas bzhin rnam pa gnyis ka med par thal bar 'gyur ba'i phyir mu bzhi 'gal lo/ /gzhan dag na re/ ma rig pa rten cing 'brel par 'byung ba dang 'du byed rten cing 'brel par 'byung ba nas ji srid rga shi dang ma rig pa rten cing 'brel par 'byung ba'i bar nges par 'du byed kyi gnas skabs nying mtshams sbyor ba'i phyir rga shi rten cing 'brel par 'byung ba'i chos rnams so zhes zer ro/ /gzhan dag na re nges par rga shi'i gnas skabs nyon mongs pa'i gnas skabs skyed par byed pa ma yin la/ lhag ma rnams ni gnyis ka ltar yang ma yin no zhes zer ro/ /kha cig ni rten cing 'brel par 'byung ba yan lag dang po ni rgyu'i ngo bos 'chad par 'dod pa'i phyir la/ rten cing 'brel par 'byung ba gzhan lhag ma rnams ni gnyi ga ltar yang yin no snyam du sems so/ /rnam par bshad pa 'di rnams dang mdo ni 'gal bar mi gzung ste/ gang gi phyir mdo las rten cing 'brel par 'byung ba'i chos rnams gang zhe na ma rig pa nas rga shi'o zhes gsungs so/ /'di ci 'di dag gang zhig gang 'dod pa zhes bya ba ni rten cing 'brel bar 'byung ba gnas skabs pa yin pa dang / rten cing 'brel par 'byung ba yin la/ rten cing 'brel par 'byung ba'i chos ma yin pa yang yod de zhes bya ba la sogs pa'o/ /mdo las ni zhes bya ba la/ mdo las ni ma rig pa gang zhes dri ba byas nas phung po lnga'o zhes de skad du ma bstan to/ /'o na ci zhe na/ gzhan du'o/ / sngon gyi mtha' mi shes pa gang yin pa'o zhes bya ba rgyas par 'byung ngo / /nges pa'i don gang yin pa zhes bya ba la/ gang zhig gi don bcom ldan 'das nyid kyi rma ba mdzad nas rnam par phye ba de'i don ni de nyid yin gyi gzhan ma yin pas de ni yang drang ba'i don du mi 'gyur ro/ /slob dpon 'dus bzang na re/ lhag ma dang bcas par bstan par 'gyur te/ dper na las gsum po 'di rgyu dang kun 'byung ba dang zhes mdor bstan pas gsum po kho na bstan par byas te/ chags pa dang sdang ba dang rmongs pa rnams so/ /nga rgyal la sogs pa ni las kyi rgyu dang kun tu 'byung ba chags pa la sogs pa dang mtshungs par ldan pa ma yin pa'i phyir ma yin no/ /de bzhin du chos gnyis po 'di dag bsgom par bya ste zhes bya bar yang zhi gnas dang lhag mthong ste/ de bstan pa kun tu rtogs pa la sogs pa bsgom par bya ba ma yin no/ /de bzhin du 'dir yang gnas skabs gang yin pa de gtso bor bstan pas ji skad bshad pa kho na bstan te/ bya ba 'gal ba ci yang med do/ /ma rig pa ma gtogs pa gzhan 'du byed kyi rkyen du mi 'dod de/ 'o na ci zhe na/ mdo gzhan du ma rig pa la sogs pa rnams nyid du 'du byed la sogs pa'i rkyen du bzhed do zhes bya bar rtogs so/ /ji ltar gzhan las bshad pa'i mdo gnyis po de la yang las kyi rgyu dang kun 'byung ba gzhan du bsgom par bya ste/ gang kho na bstan pa de kho na bstan par 'dod kyi gzhan ma yin no zhes bya bar rtogs so/ /de bzhin du 'dir yang 'di shes byed ma yin te/ mdo gnyis ni bye brag tu smra ba'i don dang 'gal ba'i phyir ro/ /bstan pa'i sgo nas thams cad ces bya ba la/ bstan pa ni rnam par phye ba'o/ /gtso bo ji lta bar ston pa ste/ rnam par dbye bar yang mdzad pas bstan pa ni nges pa'i don du mi 'gyur ro/ /de nyid la dpe ni dper na glang po che'i rjes lta bu las zhes bya ba la sogs pa smos so/ /de dag la ni zhes bya ba rgyas par 'byung ste/ sgra la sogs pa de dag la ni sa'i khams 'ba' zhig tu ma zad kyi/ gzugs dang dri dang ro la sogs pa 'byung ba las gyur pa tha mi dad par 'jug pa gzhan dag kyang yod de/ de la 'jug pa shas che bas gtso bo yin pa'i phyir skra la sogs pa dag gis sa'i khams bstan to/ de bzhin du 'dir yang zhes bya ba rgyas par 'byung ste/ bcu gnyis dang ldan pa'i phung po lnga po'i gnas skabs dag tu yang gtso bo gang yin pa de bstan to/ /de ltar na gzugs dang tshor ba la sogs pa'i chos gzhan dag yod kyang / ma rig pa gtso bor gyur pa'i gnas skabs su ma rig pa bstan par 'gyur ro/ /de bzhin du 'du byed la sogs pa dag la yang brjod par bya'o/ /'di ni dpe ma yin te zhes bya ba la/ dpe ma yin pa ni dpe dang don mtshan nyid mi mthun pa'o/ /mtshan nyid mi mthun pa nyid bstan pa'i phyir de las ni zhes bya ba rgyas par smos te/ glang po che'i rjes lta bu'i mdo de las ni/ de la gzugs la sogs pa gzhan dag kyang yod pas gang gis na skra la sogs pa de dag ma rdzogs par bstan par 'gyur ba skra la sogs pa dag gang zhe na sa'i khams so zhes de skad ma brjod kyi/ 'on kyang de las sa'i khams gang zhe na/ skra dang spu zhes rgyas par skra la sogs pa dag kho nas sa'i khams bstan to/ /gal te sngon gyi mtha' la sogs pa dag la mi gtogs pa phung po lnga'i gnas skabs la bstan par nus pa dang / gal te phung po lnga'i gnas skabs la ma rig pa med mod kyang / gzugs la sogs pa dag ni yod do zhe na/ de'i phyir rigs tha dad pa ni zhes bya ba rgyas par smos so/ /gzugs dang tshor ba la sogs pa rnams ni ma rig pa nyid du mi rigs so/ /shes byed kyi dngos po rtog pas mdo mdzad pas rig pa ma brjod pas de nyid 'dir smos par shes par bya'o/ /skra la sogs pa chos du ma tshogs pa'i bdag nyid de rnams dang chos du ma tshogs pa'i bdag nyid rnams kyis sa la sogs pa'i khams nyid bstan pa gang yin pa de gtso bo yin pa'i phyir gzhan bsal nas de nyid bstan to/ /de bzhin du 'dir yang phung po lnga po rnams kyi gnas skabs gang du gang zhig gtso bor gyur pa de nyid bstan te/ de ltar na 'di la 'gal ba ci zhig yod/ yang de dag der gtso bo yin na gnas skabs phyi ma'i rgyu nyid ji ltar zhe na/ gal te de lta yang 'gal ba'i shes byed nye bar bkod pa don med do/ /'dir de dag gi gnas skabs la bsams nas gnas skabs gzhan la bstan te/ dper na skra la sogs pa rnams kyis sa'i khams bzhin no/ /gnas skabs de sngon gyi mtha' dang phyi ma'i mtha' la sogs pa rnams su yod kyang ma bstan no/ /ji ltar skra la sogs pa rnams kyis gzugs la sogs pa gzung ba lta bu ste/ rdzas dang btags par yod pa tha dad pa'i phyir ro/ /de bzhin du 'dir yang gnas skabs ma smos par gzugs dang tshor ba la sogs pa gzung ste/ rdzas dang btags par yod pa tha dad pa'i phyir ro/ /de'i phyir rnam par mi g.yeng ba tsam nyid brjod do/ /gang zhig 'dir mi rigs pa de yang don gyi sgo nas bkag go zhes bya ste dngos su bkag pa ma yin no/ /gang zhig yod dam med na zhes bya ba rgyas par 'byung ste/ ma rig pa nyid yod dam med na 'du byed rnams yod pa dang med par nges kyi phung po gzhan dag ni ma yin pas de nyid yan lag yin no/ /de bzhin du 'du byed la sogs pa dag la yang brjod par bya'o/ /'di ltar phung po lnga yod kyang ma rig pa dang bcas pa rnams kho na la 'du byed yod kyi ma rig pa med pa rnams la ni ma yin te/ dper na dgra bcom pa rnams la phung po lnga yod kyang / bsod nams dang bsod nams ma yin pa dang mi g.yo bar 'gro ba'i rnam par shes pa yod pa ma yin pa bzhin te/ nying mtshams sbyor ba'i rnam par shes pa med ces bya ba'i don to/ /skye bar nye bar 'gro bas na nye bar 'gro ba'o/ /bsod nams kyis ni bsod nams su nye bar 'gro ba'o/ /bsod nams ma yin pa nye bar 'gro ba dang / /mi g.yo bar 'gro ba yang de dang 'dra bar blta bar bya'o/ /sred pa la sogs pa yang zhes bya ba la/ /ma rig pa med pa rnams la phung po lnga yod kyang tshor ba nyon mongs pa can med pas sred pa med la/ de med pas len pa la sogs pa rnams kyang med do/ /mdo'i don ji skad bstan pa kho na yin no zhes bya ba la/ ma rig pa gang zhe na zhes bya ba nas brtsams te/ sngon gyi mtha' mi shes pa gang yin pa'o/ /zhes bya ba la sogs pa'o/ /ma rig pa la ltos nas phung po lnga po 'du byed rnams kyi rgyur 'dod de/ de na ma rig pa med pa rnams la yod pa'i phung po lnga las 'du byed du mi 'gyur ro/ /de ni de lta ma yin te ma rig pa ldan pa ni de skye ba la nus pa mthong ba'i phyir ro/ /de bzhin du gzhan la yang brjod par bya'o/ /mdo'i don ji skad bstan pa kho na yin no zhes bya ba la/ ma rig pa gang zhe na zhes bya ba nas brtsams te sngon gyi mtha' mi shes pa gang yin pa'o zhes bya ba la sogs pa ste/ ji skad bstan pa kho na mdo'i don no/ /'du byed gang zhe na zhes bya ba nas brtsams te ji skad bstan pa kho na mdo'i don te/ de bzhin du yan lag thams cad la yang brjod par bya'o/ /gang gi phyir ji skad bstan pa kho na mdo'i don yin pa de'i phyir phung po gzhan dag yod kyang 'du byed la sogs pa'i rkyen ma yin no/ /de la yang chos ma 'ongs pa rnams zhes bya ba rgyas par 'byung ste/ chos ma 'ongs pa rnams ni rten cing 'brel bar 'byung ba yin gyi/ rten cing 'brel par 'byung ba ni ma yin no zhes smras pa de lta na ni mdo dang 'gal lo/ /gzhan dag na re mdo dang 'gal ba med do zhes zer ro/ /'dus byas nyid du khas blangs pa'i phyir ro/ /de lta na 'o na 'das pa dang ma 'ongs pa dang da ltar byung ba nyid kyis rnam par gzhag pa med pa'i phyir yan lag rnams cha gsum du dgod pa rnam par nyams par 'gyur ro/ /'phags pas ston pa la sogs pa'i sde pa gzhan dag rten cing 'brel par 'byung ba 'dus ma byas so zhes zer ro/ /de dag de ltar rtogs pa ga las she na/ sangs rgyas kyis mdo las dge slong dag rten cing 'brel par 'byung ba ni bdag gis ma byas so/ /gzhan gyis kyang ma byas te 'on kyang de bzhin gshegs pa rnams byung yang rung / ma byung yang rung chos nyid 'di ni gnas pa kho na'o zhes rgyas par gsungs pa'i phyir ro/ /dngos po gzhan rtag pa cung zad cig yod do zhes bya ba ni ma rig pa la sogs pa rnams las so sor brtags pa ma yin pa'i 'gog pa ltar rtogs pa zhig yod do zhes bya ba'o/ /'byung ba ni 'dus byas kyi mtshan nyid yin pa'i phyir ro zhes bya ba ni gsum po 'di dag ni 'dus byas kyi mtshan nyid de 'dus byas skye bar yang mngon zhes rgyas par 'byung ba'o/ /dngos po gzhan rtag pa ni zhes bya ba la sogs pa la/ gang zhig gang med par mi 'byung ba de ni de'i mtshan nyid yin la 'byung ba ni rtag pa'i phyir dngos po med pa yang dngos po snga nas med pa dang zhig nas med pa'i gnas skabs na yod pa yin pa de dngos po'i mtshan nyid du mi rung ngo / /yang na nam mkha' la sogs pa bzhin du dus su ma gtogs pa'i phyir na dus su gtogs pa'i mtshan nyid du mi rigs so/ /yang na rnam pa gzhan du gnas pa lta bu ste/ 'dus byas kyi mtshan nyid kyi phyir skye ba ni 'dus ma byas nyid du mi rigs so/ /'byung ba zhes bya ba ni skye ba yin pa'i phyir zhes bya ba la/ de ni mdo sde pa'i tshul du ma byung ba las byung ba'i mtshan nyid can yin la/ de la ni ji ltar 'gro ba po dang 'bras chan dang tshos pa ltar ma rig pa la sogs pa rnams dang / byed pa po dang / bya ba'i mtshan nyid kyi 'brel pa yod pa yin no/ /de ltar na ma rig pa la sogs pa dag gi 'byung ba zhes 'brel par gyur na/ rten cing 'brel par 'byung ba rtag pa'i dbang du byas te/ 'di ni ma rig pa la sogs pa dang ci zhig 'brel zhes bya ba rgyas par brjod de/ bya ba dang byed pa'i mtshan nyid kyi 'brel pa med pa'i phyir ro/ /yang na 'byung ba zhes bya ba ni skye ba yin pa'i phyir/ gang las de dag gi rten cing 'brel par 'byung ba zhes bya bar brjod par 'gyur ba/ khyed cag gis yongs su brtags pa'i skye ba dus su ma gtogs pa 'di ma rig pa la sogs pa dus su gtogs pa dag dang ci zhig 'brel/ rtag pa zhes kyang bya la zhes bya ba rgyas par 'byung ba la/ rkyen dang phrad nas 'byung ba ni rten cing 'brel par 'byung ba'o zhes bya ba ni sgra bye brag tu bshad pa yin no/ /de'i phyir tshig gi don nus pa med par 'gyur te/ ji ltar na rkyen dang phrad de 'byung ba yang yin la rtag pa yang yin/ de nyid kyi phyir rtag pa zhes kyang bya la rten cing 'brel par 'byung ba zhes kyang bya zhes bya ba smos te 'di ni 'gal lo/ /gzhan yang ma rig pa la sogs pa dag las gzhan nam gzhan ma yin pa'am/ de dag la brten nas yin grang na rnam pa thams cad du mi rigs te/ rang gi ngo bo nges par ma zin pa'i phyir dang / du ma nyid du mi rtag pa nyid kyis nye bar mthong ba'i phyir ro/ /mdo'i don sgra ji bzhin du brtag na ni/ dge slong dag ngas lam rnying pa shul rnying pa/ gshegs shul rnying pa/ sngon gyi drang srong dag gis gshegs shing rjes su gshegs pa thugs su chud do zhes gsungs pa'i phyir lam yang 'dus ma byas nyid du thal bar 'gyur na/ yang dag pa'i lta ba la sogs pa lam rnams ni 'dus ma byas nyid du rigs pa yang ma yin la/ de dag las ma gtogs pa'i lam gzhan yang med do/ /rten cing 'brel pa ni phrad pa'i don to zhes bya ba la/ i Na 'gro ba la'o zhes bya ba'i sgra'i byings kyis nye bar bsgyur ba ni phrad pa zhes bya ba'i don can no/ /nye bar bsgyur ba'i dbang gis zhes bya ba la/ /i Na'i skad kyis byings 'gro ba'i don yin yang 'gro ba'i don khyad du bsad nas da ltar byung ba'i don yongs su gzung bas skad kyi byings kyi don yongs su bsgyur ba yin te/ de'i phrad nas zhes bya ba'i don gang yin pa de ni rten cing 'brel te zhes bya ba'i don yin no/ /re zhig 'di ni rten cing 'brel te zhes bya ba'i sgra'i don yin no/ /da ni 'byung ba'i don bye brag tu bshad pa'i phyir/ pa da ni yod pa'i don to zhes bya ba smos so/ /pa da yod pa la'o zhes bya ba pa da'i byings ni yod pa'i don yin no/ /sam dang uta gong na yod na zhes bya ba la/ sam gong na yod pa dang uta gong na yod pa'i pa da ni 'byung ba'i don te/ nye bar bsgyur ba'i dbang gis skad kyi byings kyi don yongs su bsgyur ba'i phyir ro/ /de ltar na 'byung ba ni rab tu skye ba'o zhes bya bar bstan par 'gyur ro/ /des na zhes bya ba ni de'i phyir zhes bya ba'i don to/ /ci zhe na/ rkyen dang phrad nas zhes bya ba rgyas par 'byung ngo / /gnas brtan 'dus bzang na re/ byings dang nye bar bsgyur ba dag yod pa'i don du yongs su rtogs pa las ni/ yod pa'i don gyis ci thob par byed ce na/ de ni nam yang yod pa ma yin zhing skye ba ma yin no/ /ma yin yang 'ga' zhig 'byung ba dag ni yod pa las ches gzhan pas don ma yin no/ /skye ba'i sgras ni sngar yod pa ma yin pa'i bdag nyid thob par brjod la/ yod pa'i sgras ni yod pa nyid tsam mo zhes zer ro/ /ci ltar khams dang nye bar bsgyur ba dag don khyad par med par 'gyur/ byed pa po gcig gis zhes bya ba la/ gcig smos pa ni dper na lhas byin khrus byas nas mchod sbyin za'o zhes bya ba lta bu byed pa po tha dad pa dag gi dus snga ma la k+t+wa'i rkyen gyis sgrub pa mi 'gyur ro zhes shes par bya ba'i phyir ro/ /dus snga ma la zhes bya ba la/ ci'i phyir zhe na/ dper na 'tshed do 'gro'o zhes bya ba lta bu dang / de bzhin du khrus byas te/ bza'o zhes bya ba ni 'dir zos te khrus bya'o zhes bya bar nam yang mi 'gyur ba ltar dus mtshungs pa'i bya ba dag dang phyi ma'i dus la k+t+wa'i rkyen gyis sgrub pa dgag par bya ba'i phyir yin na/ 'dir ni 'byung ba'i snga rol na 'byung ba po med pas phrad pa dang 'byung ba dag byed pa po mtshungs pa mi srid pas k+t+wa'i rkyen gyis sgrub pa mi 'thad do/ /de'i phyir rkyen dang phrad nas 'byung bas na rten cing 'brel par 'byung ba'o zhes bya ba'i tshig gi don 'di mi rigs so/ /de nyid bstan pa'i phyir sngar phrad nas zhes bya ba rgyas par smos te/ de ltar na re zhig byed pa po mtshungs pa nyid mi srid pas k+t+wa'i rkyen gyis sgrub pa mi 'thad do/ /da ni dus snga ma'i bya ba med pa'i phyir k+t+wa'i rkyen gyis sgrub pa mi srid par bstan pa'i phyir byed pa po med pa'i bya ba yang med do zhes bya ba smos te/ 'gro ba po med par ni 'gro ba'i bya ba ma mthong ngo / /'dir smras pa zhes bya ba ni slob dpon nyid brda sprod pa'i brgal ba la bsdu ba'i tshigs su bcad pa byed pa'o/ /gal te 'byung sngon phrad nas yin/ /zhes bya ba rgyas par 'byung ba la 'di skad bstan par 'gyur te/ gal te re zhig 'di 'byung ba'i snga rol tu rkyen dang phrad na ni ma skyes pa'i phyir phrad do zhes bya ba mi rigs te/ ma skyes pa 'don par byed pa'am 'gro bar byed pa med do/ /ci ste gang gi tshe 'byung ba de'i tshe kho nar rkyen dang phrad kyi sngar ni ma yin no zhe na/ de lta na yang 'dir te'i rkyen mi sgrub po/ ci'i phyir zhe na/ sngon gyi dus su byed pa'i phyir te/ byed pa po gcig gis bya ba gnyis las sngon gyi dus la te'i rkyen byed kyi dus mnyam pa la ni ma yin no/ /gal te da lta'i zhig yin na ni/ skye ba med par de da ltar ba nyid du rung ste/ de lta ma yin na/ ma 'ongs pa med par thal bar 'gyur ro/ /de'i phyir da ltar ba ni skyes pa'i sgo nas ma 'ongs pa las khyad par du 'phags la/ ma 'gags pa'i sgo nas 'das pa las so/ /de nyid kyi phyir gal te ma skyes na ji ltar da ltar yin zhes smos so/ /'on te skyes pa zhig ces bya ba rgyas par 'byung ste/ 'di ni skyes pas yod pa'i bdag nyid rnyed pa yin na/ 'di la gang rnyed par bya ba'i phyir yang skye bar 'gyur ba yod pa'i bdag nyid ma rnyed pa gzhan ni yod pa ma yin no/ /de'i phyir skyes pa la yang skye ba med do/ /gal te bdag nyid rnyed kyang yang skye na ni thug pa med par thal bar 'gyur ro/ /ci ste ma 'ongs pa zhig ces bya ba rgyas par 'byung ba la/ ma 'ongs pa ni bdag nyid rnyed pas brjod du med pa yin pa'i phyir/ gtan med pa dang 'dra bar med pa yin zhing / yod pa ma yin pa yang skye ba'i byed pa po nyid du mi rig la/ byed pa po med pa'i skye ba'i bya ba yang mi rigs so/ /skye ba la mngon du phyogs pa'i zhes bya ba ni skye bzhin pa'i thag ring ba'i gnas skabs gsal bar bya ba'i phyir ro/ /'di gang gi tshe skye bzhin pa yin zhe na/ skad cig gang du 'di'i rkyen tshogs pa dang / gegs med par 'gyur zhing de'i mjug thogs su skye bar 'gyur ba'o/ /gnas skabs de de kho na zhes bya ba rgyas par 'byung ba la/ ji ltar gnas skabs gang gi mjug thogs su 'di skye ba'i gnas skabs der 'di la skye bzhin pa zhes bya ba la/ /de bzhin du gnas skabs de nyid la rkyen dag gis rgyu mtshan du gyur pas phrad nas zhes brjod do/ /skye bzhin pa nyid kyang yod pa ma yin pa nyid kyi phyir ro/ /gang zhig sngar phrad nas dus phyis skye bar 'gyur ba/ skye ba'i snga rol na ni 'ga' yang yod pa ma yin no/ /'di ni brgal ba'i gnas skabs nyid ces bya ba ni/ de nyid gnas brtan gzhan gyis ma 'ongs pa skye ba khas blangs pa'o/ /gzhan las bshad pa 'di phrad pa las skye ba bzhin de'i gnas skabs nyid du 'gyur ro zhes bshad do/ /tha snyad rnams la klan ka med do zhes bya ba la/ don dam pa la ni bya ba med cing byed pa med do/ /rgyu yod pa tsam ni 'bras bu yod pa la rgyur 'gyur ba'i phyir ro/ /chos mngon pa pa'i phyogs la ji skad bshad pa'i 'di'i nyes pa mi srid de/ de dag gi yod pa ni sngar skyes pa dang ma skyes pa 'ga' zhig yod pa nyid kyis zhes so/ /gal te da ltar byung ba bzhin ma 'ongs pa yang rang gi mtshan nyid kyis yod na ci brjod par byed/ 'ga' zhig yod pa nyid kyis zhes bya ba rang gi mtshan nyid las gzhan yod pa nyid yod pa ma yin no/ /sgra pa'i zhes bya ba la/ sgra pa rnams kyi 'di ni sgra pa'i'o/ /ji ltar rnam par gzhag pa tha dad pa med kyang bya ba dang byed pa po bstan pa'i phyir ro/ /'di la skye'o zhes bya ba'i don las zhes bya ba la/ skye bo'i rang gi ngo bo las byung ba gzhan dmigs pa ni ma yin no/ /de lta bas na tha snyad dag la ste/ /'byung ngo / /skye'o/ brten nas so/ /zhes bya ba de lta bu dag la klan ka med do/ /'di ltar tha snyad dag la don dam pa mi btsal lo/ /'dir bshad pa zhes bya ba ni brgal ba'i len [(]lan [)]gyis bsdu ba'i tshigs su bcad pa'o/ /ji ltar med pa skye ba ltar zhes bya ba rgyas par 'byung ste/ ji ltar khyed cag gi ltar ma skyes pa'i phyir med pa skye ba de bzhin du med pa phrad par yang ci ste mi 'dod/ ci ste yod pa bdag nyid rnyed pa skye na/ de lta na yang skyes zin pa skye bas thug pa med par 'gyur ro/ /ci ste yang de nyid skye ba yin la/ skyes zin pa'i phyir de yang 'byung ba ma yin pas thug pa med pa med do snyam na/ de'i phyir 'on te snga na yod na'ang rung zhes bya ba smos te/ 'di ltar grangs can pa'i rjes su 'brangs te de nyid skye'i phyis ni ma yin no zhes bya ba de'i dbang du byas nas snga na yod na rung zhes smra'o/ /rung zhes bya ba'i sgra ni rnam par brtag pa'o/ /gal te khyed cag yod pa skye'o zhes bya ba'i phyogs la ni kho bo cag kyang yod pa skye'o/ / bye brag tu smra ba'i lugs la tha dad mi gnas pa'i phyir dang / mdo sde pa'i lugs la skye ba'i las kyi sa bon yod pa ma yin pa'i phyir de 'dir brjod pas ci/ de'i phyir sngar phrad nas phyis skye bar 'gyur ba gang yin pa de ni skye ba'i sngon rol na 'ga' yang med la zhes brjod par mi bya'o/ /yang na mtshams sbyor gyi 'don pas 'on te snga na yod min na'ang zhes bya ba 'byung ste/ ci ste thug pa med par 'gyur na mi rung bas/ yod pa ma yin pa nyid skye na ni de'i phyir byed pa po med pa'i bya ba yang khas blangs pas/ gnas skabs gang skye ba'i gnas skabs de nyid dang phrad nas zhes bya ba yin na zhes gang yin pa'i sngar gyi phyogs dang mi 'gal lo/ /de lta na dus dang bya ba dag mnyam pa'i phyir k+t+wa'i rkyen mi 'thad do zhes bya ba'i brgal ba yongs su spangs pa'i phyir tshigs su bcad pa gzhan lhan cig pa'ang k+t+wa'i rkyen yod de zhes bya ba rgyas par 'byung ngo / /mun pa ni sngar mar me dang phrad nas phyis med par 'gyur ba ma yin te/ mar me dang mun pa dag ni lhan cig mi gnas pa'i phyir ro/ /kha gdangs nas nyal ba'ang de bzhin te/ sngar kha gdangs shing bgrod par byed la/ phyis nyal ba ni ma yin no/ ci ste kha gdangs par byed la phyis nyal lo zhe na/ gal te de lta na btsums pa la yang ci'i phyir ma yin/ gang gi tshe sngar gdangs nas phyis btsums te gnyid log pa de'i tshe kha gdangs nas nyal zhes ci ste ma brjod/ de'i phyir nyal ba dang lhan cig tu 'jug pa'i kha gdangs pa mngon par 'dod pa shes par bya'o/ /dbyu gu khrol zer te ltung ngo zhes phyis kyi dus la yang k+t+wa'i rkyen dmigs so/ /cur khrol zer te phyis lhung ba ni ma yin te/ sgra ni mngon par brdabs pa'i rgyu las byung ba'i phyir ro/ /byed pa po tha dad pa la yang mthong ste/ ji skad du/ rgyal mtshan mthong bas shing rta dang mun pa zas kha dog bzang po 'bar ba bzhin dang dung gi sgra thos pa las g.yo ba dang rnga bo che brdungs pa las rjes su brtse ba bzhin no zhes pa lta bu'o/ /de'i phyir byed pa po mtshungs pa'i dus snga ma la zhes bya ba 'di mtha' gcig tu ma yin no/ /btsun pa pi lin+da'i bu na re/ med pa dang yod pa ma bzung bar sgra 'jug pa yod pa ma yin la/ yod pa tha snyad kyi yan lag gi phyir ro/ /des na ma 'ongs pa'i gnas skabs la yang 'di las gang du de yod de dper na myu gu skye ba dang shing rta skye ba bzhin no zhes zer te 'di ni klan ka ma yin pa nyid do/ /gzhan dag ni zhes bya ba ni slob dpon dpal lan no/ /rten cing 'brel pa ni bzlos pa'i don to zhes bya ba la/ bzlos pa ni khyab par 'dod pa ste/ sna tshogs la khyab par 'dod pa ni bzlos pa'i'o/ /rten brjod pa sna tshogs pa thams cad la bya ba dang yon tan dag gis cig car khyab par 'dod pa ni bzlos pa ste/ dper na 'dis grong re re la skud pa byin no zhes bya ba lta bu'am/ grong re re zhing nyams dga'o zhes bya ba lta bu'o/ /i ti ni 'gro bar rung ste zhes bya ba ni chas par ro/ /i ti ni 'gro ba yin no zhes bstan pa'i phyir mi sdod pa'o zhes bya ba smos te 'jig pa'o zhes bya ba'i don to/ /ud gong na yod pa'i pa da ni 'byung ba'i don to zhes bya ba la/ skad kyi byings 'gro ba'i don yin yang / nye bar bsgyur ba'i dbang gis 'byung ba'i don du yang 'gyur ro/ /tshogs pa de dang de na 'gro bar rung ba zhes bya bas ni rten cing 'brel pa bzlos pa'i don nyid du gsal bar byed pa'o/ /'dus nas skye ba ni zhes bya ba la/ gcig pu skye ba ni 'ga' yang med de lhan cig skye bar nges pa'i phyir ro/ /re zhig gzugs can ni 'dod na dbang po med pa dang / sgra med phra rab rdul rdzas brgyad/ /ces bya ba de lta bu la sogs pa'o/ / gzugs can ma yin pa ni/ sems dang sems byung nges lhan cig /thams cad 'dus byas mtshan nyid dang / /lhan cig skye'o zhes bya ba'o/ /rtogs pa 'di ni kho na la zhes bya ba la/ rten cing 'brel par bzlos pa'i don du mi 'gal ba'i phyir dang / 'dus nas skye ba mi 'gal ba'i phyir rten cing 'brel bar 'byung ba 'dir ni brtag par rung na/ 'di la ni rtogs pa 'di ji ltar btub ste/ mig dang gzugs la brten nas mig gi rnam par shes pa skye'o/ /zhes rten cing 'brel par bzlos pa mi srid pa'i phyir dang / 'dus te skye ba mi srid pa'i phyir ro/ / 'di la ni mig dang gzugs phrad nas zhes bya bar rtogs kyi bzlos pa'i don ni ma yin no/ /'gro bar rung ba rnams 'dus nas skye'o/ /zhes bya bar rtogs pa yang ma yin te/ 'o na ci zhe na/ mig gi rnam par shes pa kho na yin no/ /de'i phyir de'i gnas skabs kho na la rgol ba yin no/ /gzhan zhes bya ba skye ba'i snga rol tu yod pa nyid la rung ste/ gal te lhan cig k+t+wa'i rkyen ma grub pa de snga ma'i dus la grub pa'i phyir ro/ /nges par gzung ba'i don te zhes bya ba la/ gang yang rung ba zhig brjod na ni nges par ma gzung bar 'gyur la/ nges par ma gzung na yang 'du byed la sogs pa rnams/ ma rig pa la sogs pa dag las gzhan pa'i rkyen can nyid yin pa ma bkag par 'gyur te/ dper na mig yod na mig gi rnam par shes pa 'byung ngo / /zhes nges par ma gzung bas gzugs yod na 'byung ngo zhes bya bar rtogs pa bzhin no/ /de'i phyir nges par gzung ba'i don du/ gang yod na gang 'byung ba de nyid skyes pas de skye'i gzhan skyes pa ni ma yin la/ gang skyes pas gang skye ba de nyid yod na de 'byung gi gzhan yod na yang ni ma yin no zhes rnam grangs gnyis brjod do/ /mdo gzhan gyis rnam grangs gnyis nges par gzung ba'i don nyid du bstan pa'i phyir dper na gzhan las zhes bya ba smos so/ /ma rig pa yod na zhes bya ba rgyas par 'byung ste/ de ltar bshad na ma rig pa skyes pas 'du byed rnams skye'o/ /ma rig pa kho na yod na de dag 'byung gi gzhan yod na yang ma yin no/ /de bzhin du gzhan la yang brjod par bya'o/ /yang na yan lag 'di yod na 'di 'byung ngo zhes bya ba rgyas par 'byung ba la/ ma rig pa yod na 'du byed dag 'byung la/ 'du byed dag skyes pas yang rnam par shes pa skye'o/ /zhes de ltar yan lag bcu gnyis brgyud par bstan to/ /yang na sngon gyi mtha' yod na zhes bya ba rgyas par 'byung ba ste/ sngon gyi mtha' nas da ltar gyi mtha' 'byung ngo zhes bya ba 'di bstan pa'i phyir 'di yod na 'di 'byung zhes bya ba gsungs la/ da ltar gyi mtha' skyes pas phyi ma'i mtha' skye'o zhes bya ba 'di bstan pa'i phyir 'di skyes pas 'di skye'o zhes bya ba 'di gsungs so/ /yang na res 'ga' ni zhes bya ba 'byung ste/ de la re zhig dngos su bstan na gang gi tshe ma rig pa'i mjug thogs su 'du byed nyon mongs pa can skye ba na'o/ /brgyud pas ni gang gi tshe bsod nams dang mi g.yo ba skye ba na ste/ de la ni ma rig pa dngos su rgyu'i ngo bo ma yin no/ /gzhan dag na re las rang gi ngo bos gnas pa ni dngos su yin la/ bag chags kyi gnas ni brgyud pas yin no zhes zer ro/ /'di la ma rig pas 'du byed dag la ni dngos su nus la rnam par shes pa la sogs pa dag la ni brgyud pas so zhes rnam par 'chad pa ni bshad pa dang 'gal te/ 'du byed rnams kho na la gnyis ka bstan pa'i phyir ro/ /'di yod na 'di 'byung zhes bya ba 'dis ni rgyu med par smra ba bkag ste/ rgyu med na 'bras bu med pa'i phyir ro/ /'di skyes pas 'di skye zhes bya ba 'dis ni rgyu rtag pa bkag ste/ skyes pa kho na rgyu yin pa'i phyir ma skyes pa rgyu ma yin no zhes bshad par 'gyur te/ rtog pa 'di la ni yod na 'di 'byung zhes bya ba 'di don med do/ /ci'i phyir zhe na 'di skyes pas 'di skye zhes bya ba 'di kho nas smras pa gnyis ka bsal te/ rgyu mi rtag pa yongs su gzung ba'i phyir ro/ /sun 'byin pa 'di slar lan gdab pa'i phyir/ 'o na ni gang la la dag ces bya ba rgyas par smos so/ /'du byed la sogs pa rnams zhes bya ba la sogs pa zhes bya ba'i sgras ni rnam par shes pa dang ming dang gzugs la sogs pa rnams bsdu'o/ /rtog pa de bsal bar zhes bya ba ni dgag par ro/ /gang zhig skyes pas gang skye ba ni zhes bya ba ni ma rig pa skyes pas 'du byed rnams skye'o/ /de nyid yod pas 'di 'byung gi zhes bya ba ni ma rig pa nyid yod pas 'du byed rnams 'byung gi bdag la sogs pa rten du gyur pa gzhan yod na ni ma yin no/ /de'i phyir rnam grangs snga ma don med pa ma yin te/ de bzhin du gzhan la yang brjod par bya'o/ /ji srid bden pa 'ga' zhig nyid kyis zhes bya ba la sogs pa la/ rten cing 'brel par 'byung ba yan lag bcu gnyis la mya ngan la sogs pa yan lag tha dad pa ma yin no/ /'o na ci zhe na/ rga shi dang 'brel pas de nyid du 'dus so/ /'di ltar de dag sems can dang sems can ma yin par ston pa'i yul la yongs su 'gyur ba'i phyir dang / bdag nyid yongs su 'gyur ba'i phyir ro/ /'byung ngo zhes bya ba ni bya ba mtha' gcig tu nges pa'i phyir ro/ /gzhan dag na re 'di dag yan lag bcu gnyis kyi nang du 'dus pa ma yin pa nyid do zhes zer ro/ /ma spangs pa las ma spangs pa dang skye bar shes par bya ba'i phyir rnam grangs gnyis smos so zhes slob dpon snga ma dag zer ro/ /de nyid bstan pa'i phyir ma rig pa ma spangs na zhes rgyas par 'byung ngo / /lta ba ma spangs pa la yang 'jig pa'i sgra rab tu sbyar ro/ /kin+ta san+ta me bA haM kA me Shu kA mA ts+tshan+dan+na pra ti sam+be da yA myu dA san+ta ma ti/[ (]'on kyang yod pa nyid bdag 'dod pa rnams la 'dod pa'i 'dun pa so sor myang bar mi bya'o/ /[)] gnas pa dang skye ba zhes bya ba la sogs pa la slob dpon dpal len na re go rims bzhin du gnas pa yang dag par bstan pa'i phyir dang skye ba yang dag par bstan pa'i rnam grangs gnyis gsungs so zhes zer ro/ /de nyid bstan pa'i phyir rgyu'i rgyun ji srid pa de srid du zhes bya ba rgyas par 'byung ngo / /'byung ba'i dbang du mdzad pa yin na zhes bya ba la 'dir ni dge slong dag khyed la rten cing 'brel par 'byung ba bstan par bya'o zhes rgyas par rten cing 'brel par 'byung ba'i dbang du byas pa yin te der gnas pa'i dbang du mdzad pa'i phyir gnas pa'i tshig tu thal ba ci zhig yod/ gnas pa yang skye ba nyid do zhe na/ de ni de lta ma yin te 'jig pa bzhin du skye ba 'dus byas kyi mtshan nyid gzhan yin pa'i phyir ro/ /skye ba gnyis la yang rnam grangs gzhan gyi khyad par bshad do/ /ci ste dang por skyed pas skye ba dang rgyun bskyed pas gnas pa zhes bya ba'i khyad par yod pa rnam grangs kyis brjod pa de nyid kyi phyir rim pa tha dad pa zhes bya ba rgyas par 'byung la/ gnas pa ni skye ba sngon du 'gro ba can yin te/ de'i phyir sngar ni 'di skyes pas 'di skye zhes skye ba kho na brjod par bya ba la/ phyis ni 'di yod pas 'di 'byung zhes pas brjod par bya ba 'am/ go rims las brgal na yang dgos pa brjod par bya'o/ /yang smras pa zhes bya ba ni gnas brtan de nyid kyis so/ /gal te mdo'i don yin par 'gyur na ni zhes bya ba rgyas par 'byung ba la/ 'di yod pas zhes bya ba ni 'bras bu yod pas so/ /'di zhes bya ba ni rgyu ste/ the tshom med pa'i phyir mi 'byung ngo / /zhes bya ba de skad du bka' stsal par 'gyur te/ bcom ldan 'das the tshoms za gsung bar mi 'gyur ro/ /'bras bu yod na phyis rgyu 'jig par 'gyur ba ma yin te/ rgyu dang 'bras bu gnyis cig car du ma yin par khas blangs pa'i phyir ro/ /de lta na go rims legs pa yin no zhes bya ba la 'jig pa skye ba sngon du 'gro ba can yin pa'i phyir dang / de yang sngar bstan pa'i phyir ro/ /gzhan du na zhes bya ba ni gal te sngar 'jig pa bstan la phyis skye ba bstan na ste/ de'i phyir rten cing 'brel par 'byung ba gang zhe na zhes dri ba mdzad nas 'di lta ste/ 'di yod na 'di 'byung zhes bya bar gang las 'bras bu yod na rgyu 'jig par 'gyur ro zhes de skad 'chad par 'gyur ba 'jig pa'i tshig tu thal ba ci zhig yod/ byis pa ni rten cing 'brel par 'byung ba zhes bya ba rgyas par 'byung ba la/ byis pa zhes bya ba ni bden pa ma mthong ba'o/ /'du byed tsam zhes bya ba tsam gyi sgra ni 'di na 'du byed pa po yod pa ma yin no zhes bstan par bya ba'i phyir ro/ /mi shes pa zhes bya bas ni ma 'dres pa'i ma rig pa ston to/ /bdag tu lta ba dang nga'o snyam pa'i nga rgyal la mngon par zhen cing zhes bya ba ni bdag tu lta ba dang / nga'o snyam pa'i nga rgyal dag la rab tu gnas shing zhes bya ba'i don te/ 'dis ni bdag tu lta ba dang nga'o snyam pa'i nga rgyal dang mtshungs par ldan pa'i ma rig pa bstan to/ /lus la sogs pa dag gis las rnam pa gsum brtsam ste zhes bya ba 'byung ngo / /bdag nyid ces bya ba ni gang du 'di bdag go snyam du lta ba dang / gang gis rlom pa de'o/ /bde ba'i don tam/ sdug bsngal gyi don tam/ zhes bya ba la sogs pa la/ lus la sogs pa'i gsum dag gis zhes bya ste/ lus kyi rnam pa gsum dang / ngag dang yid kyi yang rnam pa gsum mo/ /tshe phyi ma la bde ba'i don du zhes bya ba ni 'jig rten gzhan du bde ba'i don du'o/ /bsod nams zhes bya ba ni 'dod pa na spyod pa ste/ 'di ltar 'jig rten pha rol tu bde ba 'dod pa rnams ni sbyin pa dang tshul khrims la sogs pa rnams la 'jug go/ de dag ni phal che ba'i sgo nas bstan pa ste/ lta ba log pas bslus pa 'ga' zhig ni phyi ma la bde ba'i don du bsod nams ma yin pa brtsam mo/ /bde ba dang bde ba yang ma yin sdug bsngal yang ma yin pa'i don du mi g.yo ba zhes bya ba ni/ gzugs dang gzugs med pa na spyod pa ste/ bsam gtan gsum pa'i bar du tshe phyi ma la bde ba'i don dang / de'i gong du bde ba yang ma yin/ sdug bsngal yang ma yin pa'i don du'o/ /tshe 'di la bde ba'i don du ni bsod nams ma yin pa brtsam ste zhes bya bar sbyar te/ lus kyi sgo nas srog gcod pa la sogs pa dang / ngag gis brdzun smra ba la sogs pa dang / yid kyis brnab sems la sogs pa dag go/ las kyi 'phen pa'i dbang gis zhes bya ba la/ ji skad bstan pa'i las dag gis 'phangs pa ni las kyi 'phen pa'o/ /de'i dbang gis na de'i rgyu mtshan gyis te/ rgyu des rnam par shes pa'i rgyun srid pa bar ma dang 'brel bas thag shin tu ring yang 'gro ba de dang der 'gro bar 'gyur ro/ /srid pa bar ma yang rnam par shes pa drug dang ldan pa'i phyir de ltar bshad na/ rnam par shes pa gang zhe na/ rnam par shes pa'i tshogs drug go zhes bshad pa de 'thad pa yin no zhes smos so/ / ji ltar zhe na/ gal te rnam par shes pa'i rgyun las kyis yongs su bsgos pa thams cad srid pa bar mar nying mtshams sbyor ba'i skad cig ma nas bzung ste/ skye ba'i skad cig gi bar du 'du byed kyi rkyen can rnam par shes pa'o zhes bya ba yin na ni/ de'i rnam par shes pa rnam par dbye ba bstan pa'i rnam par shes pa'i tshogs drug go zhes bya ba rig par 'gyur gyi gzhan du ni ma yin no/ /gal te nying mtshams sbyor ba'i rnam par shes pa kho na 'du byed kyi rkyen can zhes bya ba na ni de lta na rnam par shes pa'i tshogs drug go zhes rnam par shes pa rnam par dbye ba dang 'gal bar 'gyur te/ gnas skabs der yid kyi rnam par shes pa kho na tsam zhig tu 'gyur gyi/ yid kyi rnam par shes pa kho nas nying mtshams sbyor bas gzhan dag med par 'gyur ro/ /de'i phyir 'di skad du/ rnam par shes pa gang zhe na/ yid kyi rnam par shes pa'o zhes gsungs par 'gyur gyi/ rnam par shes pa'i tshogs drug go zhes bya ba ni ma yin no/ /de yang rnam par shes pa'i rgyun kho na de'i tshe 'du byed kyi rkyen gyis rnam par shes pa'i yan lag yin gyi/ gzugs la sogs pa'i phung po'i rgyun gang yin pa der gyur pa ni ma yin no/ /de lta ma yin na gnas skabs pa kho na bshad par 'gyur ro/ /bdag tu lta ba dang nga'o snyam pa'i nga rgyal dang mtshungs par ldan pa'i ma rig pa kho na 'du byed rnams kyi rgyu yin gyi/ bdag tu lta ba dang nga'o snyam pa'i nga rgyal dag ni ma yin no zhes bya ba ni rig par smra ba ma yin no/ /'dir lhan cig 'byung ba'i rgyu'i 'bras bu yin pa'i phyir bdag tu lta ba dang nga'o snyam pa'i nga rgyal ma rig pa dang lhan cig pa dag ni 'du byed rnams kyi rgyu yin no/ /de bzhin du gzugs la sogs pa 'byung bar 'gyur ro zhes kha cig de la rgol bar byed do/ /bdag tu lta ba dang nga'o snyam pa'i nga rgyal dag ma rig pa nyid kyi phyir ma rig pa'i stobs kyis 'du byed skye ba la rgyur 'gyur ba'i phyir ma rig pa nyid 'dir rkyen du brjod de chos gzhan ni ma yin no/ /gzugs la sogs pa rnams ni 'brel pa nyid de/ 'du byed bskyed pa la byed pa ci yang med do/ /ming dang gzugs phung po lnga po der skye bar 'gyur te/ 'dir ming dang gzugs ni ma shi bar du yan lag tu rig par bya'i/ ji ltar bye brag tu smra ba rnams kyi ltar/ ming dang gzugs ni de phan chad skye mched drug po tshun chad do zhes bya ba ni ma yin no/ /yang ming dang gzugs phung po lnga pa yin no zhes bya ba 'di ji ltar rtogs par bya zhe na/ de'i phyir rnam par 'byed pa las de skad bstan pa'i phyir ro zhes bya ba smos te/ ming dang gzugs rnam par 'byed pa'i mdo las/ ming gang zhe na gzugs can ma yin pa'i phung po bzhi ste/ tshor ba'i phung po nas rnam par shes pa'i phung po'i bar ro/ /gzugs gang yin pa ci yang rung ste/ 'byung ba chen po bzhi dang 'byung ba chen po bzhi dag rgyur byas pa de thams cad de/ gzugs dang sngar gyi ming 'di gnyis ni ming dang gzugs zhes bya ba'i grangs su 'gro'o zhes 'byung ngo / /ming dang gzugs yongs su smin pa zhes bya ba ni nur nur po dang / mer mer po dang / nar nar po dang / mkhrang 'gyur la sogs pa'i ngo bos dbang po bskyed par bya ba la ches dang / shin tu ches nye ba'i ngo bo'i rim pas so/ /'dod pa'i sred pa ni 'dod pa na spyod pa'i sred pa'o/ /bde ba dang bde ba yang ma yin sdug bsngal yang ma yin pa la ni gzugs kyi sred pa'o zhes bya ba la/ bsam gtan gsum na ni tshor ba bde ba la gzugs kyi sred pa gzugs na spyod pa'o/ /bsam gtan bzhi pa ni bde ba yang ma yin sdug bsngal yang ma yin pa la gzugs kyi sred pa'o/ /gzugs med pa'i khams na ni tshor ba gzhan med pas bde ba yang ma yin sdug bsngal yang ma yin pa la gzugs med pa'i srid pa ste/ thams cad la sdug bsngal gyis gzir ba zhes bya bar sbyar bar bya'o/ /'dod pa la sogs pa nye bar len to zhes bya ba la/ 'dod pa dang / lta ba dang / tshul khrims dang / brtul zhugs dang / bdag tu smra ba rnams nye bar len to/ /de la 'dod pa rnams ni 'dod pa'i yon tan lnga dag go zhes bya ba ni gzugs dang sgra dang dri dang reg bya rnams so/ /'dod par bya zhing don du nye bar bya bas na 'dod pa rnams te/ de nyid kun tu rtogs pa'i 'dod pas byang pas na yon tan te/ goms zhes bya ba'i don to/ /brtul zhugs ni khyi dang ba lang gi brtul zhugs la sogs pa zhes bya ba la sogs pa zhes bya ba'i sgras ni ri dgas kyi brtul zhugs la sogs pa dag bsdu'o/ /ji skad du gcer bu pa la sogs pa rnams ni zhes bya ba la/ 'di yang brtul zhugs yin no/ /bram ze'i brtul zhugs ni dbyu gu dang g.yang gzhi yang dag par len pa'o/ /phyugs bdag pa'i ni ril ba dang thal ba'o/ /kun tu rgyu'i ni dbyu gu gsum pa dang sbre'o yang dag par len pa'o/ /bdag tu smra ba ni lus la ste zhes bya ba ni gang gi phyir 'di la bdag ces brjod pa'i phyir te/ de la bdag tu smra ba yod pas na bdag tu smra ba'o zhes smos te/ bcom ldan 'das kyis dge slong ngam bram ze gang su yang rung ste/ bdag go zhes yang dag par rjes su lta bas yang dag par rjes su lta ba de thams cad ni nye bar len pa'i phung po lnga po 'di dag la zhes bya ba rgyas par ji skad du gsungs pa lta bu'o/ /gal te lus bdag yin na/ de lta na bdag nye bar len pa zhes bya ba brjod par bya'o zhe na/ de'i phyir bdag med pa'i phyir zhes bya ba la sogs pa smos te/ bdag yod na ni bdag nye bar len pa zhes brjod na de ni yod pa yang ma yin te/ de'i phyir de med par zhes bya ba'i phyir bdag tu smra ba nye bar len pa zhes bshad do/ /byis pa thos pa dang mi ldan pa so so'i skye bo zhes bya ba go rims bzhin du lhan cig skyes pa dang / lung dang rtogs pa las skyes pa'i shes rab rnams med pa'i phyir te/ gang zhig sngon goms pa'i bag chags las byung ba skye bas thob pa'i shes rab med pa de ni byis pa'o/ /gang zhig lung las byung ba med pa de ni thos pa dang mi ldan pa'o/ /gang zhig rtogs pa las byung ba bden pa mngon par rtogs pa las skyes pa med pa de ni so so skye bo'o/ /bdag tu lta ba dag la ste de la 'dod pa la sogs pa ma thob pa dag la ni 'dun pa ste don du gnyer ba'o/ /thob pa dag la ni 'dod chags te mngon par zhen pa'o/ /bdag tu smra ba rnams la ste de la 'dod pa la sogs pa ma thob pa dag la ni 'dun pa ste don du gnyer ba'o/ /thob pa dag la ni 'dod chags te mngon par zhen pa'o/ /yul ma thob pa rnams la ni 'dun pa ste/ don du gnyer ba'o/ /thob pa rnams la ni 'dod chags te/ 'dod pa la sogs pa de rnams la 'dun pa dang 'dod chags gang yin pa de nye bar len pa yin gyi/ ji skad bshad nyid ma rig bcas/ /nyer len bcas te lta rnam gnyis/ /phye ba'i phyir ro zhes bya ba ni nye bar len pa ma yin no snyam du bsams pa yin no/ /yang srid pa'i zhes bya ba ni yang srid pa'i 'bras bu can yin no/ /de ni 'dir srid pa yin no zhes bya ba ni/ 'di ni 'dir srid pa'o zhes bya ba'i tha tshig go/ /gzhan dag na re/ 'di 'dir srid pa'i tshig bla dgas sam mtshan nyid do zhes zer ro/ /rnam par shes pa 'jug pa'i tshul du zhes bya ba ni las kyi 'phen pa'i dbang gis rnam par shes pa'i rgyun srid pa bar ma dang 'brel ba'i phyir me 'bar ba 'gro ba'i tshul du 'gro ba de dang der 'gro bar 'gyur te zhes sngar ji skad bshad pa bzhin no/ /mdo de las ji skad bshad pa lta bu'o zhes bya ba ni/ rga ba gang zhe na spyi cer dang mgo skya dang gnyer ma mang ba dang rnyings pa dang rgur pa dang 'khyogs pa dang / go bA na sA gyol po dang dbugs kyi sgra ngar ngar po 'byung ba dang / lus mdun du dgu bas lus 'khar ba la brten pa dang lus sme ba nag pos khyab pa dang / d+ha nu d+h+wa man+da twaM nyams pa dang dbang po yongs su nyams pa dang yongs su smin pa dang yongs su bye ba dang 'du byed rnams rnyings par gyur pa dang 'khyogs par gyur pa gang yin pa 'di ni rga ba zhes bya 'o/ /'chi ba gang zhe na/ sems can gang yin pa de dang de dag sems can gyi ris de dang de nas 'chi zhing 'pho ba nyid de tshe dang drod nyams shing phung po rnams 'dor la srog gi dbang po 'gags pa 'chi ba'i dus byed pa gang yin pa 'di ni 'chi ba zhes bya ste/ 'chi ba 'di dang sngar gyi dga' ba 'di gnyis ni rga shi zhes bya ba'o/ /bye brag tu smra ba'i lugs ni sngar bshad pa gang yin pa de kho na yin no zhes bya ba ni bcu gnyis dang ldan pa'i phung po lnga pa'i gnas skabs kyi yan lag bcu gnyis dag yin no zhes bya ba'o/ /yi ge ma'i don du ma nyid yin par mthong ste/ 'dri ba ni ma rig pa'i don gang yin zhes bya'o/ /chos ma yin pa dang don ma yin pa dang zhes bya ba la/ sogs pa'i sgras ni ma rig pa dang tha snyad ma yin pa dang / mi ma yin pa la sogs pa rnams bsdu'o/ /chos la sogs pa'i mi mthun par zhes bya ba la/ chos dang don dang rig pa dang / tha snyad dang mi la sogs pa'i mi mthun pa'i phyogs su gyur pa yin gyi/ chos la sogs pa med pa tsam ma yin la/ chos la sogs pa dag las gzhan yang ma yin pa de bzhin du ma rig pa yang mi mthun pa'i phyogs su gyur pa'i chos yin gyi/ rig pa las gzhan pa ma yin zhing med pa tsam ma yin no/ /rkyen gyis dngos por bstan pa'i phyir ro zhes bya ba la/ ma rig pa'i rkyen gyis 'du byed rnams zhes 'du byed rnams kyi rkyen gyi dngos por bstan na/ med pa ni brjod du med pa'i phyir rkyen gyi dngos por rigs pa ma yin la/ mig la sogs pa dag kyang 'du byed kyi rkyen gyi dngos po ma yin te/ dgra bcom pa la yang 'du byed 'phel bar byed pa thal bar 'gyur ba'i phyir ro/ /kun sbyor sogs tshig phyir zhes bya ba la/ kun tu sbyor ba dag tu ni ma rig pa'i kun tu sbyor ba zhes bshad la/ zag pa dag tu ni ma rig pa'i zag pa 'ching ba dag tu ni gti mug gi 'ching ba phra rgyas dag tu ni ma rig pa'i phra rgyas/ chu bo dag tu ni ma rig pa'i chu bo/ /sbyor ba dag tu ni ma rig pa'i sbyor ba zhes bya na/ med pa tsam ni de ltar 'gyur bar mi 'os la/ mig la sogs pa dag kyang kun tu sbyor ba dang / 'ching ba la sogs pa dag tu mi 'gyur ro/ /ci'i phyir zhe na/ dgra bcom pa rnams kyang ma grol bar thal bar 'gyur ba'i phyir ro/ /de'i phyir ma rig pa'i mi mthun phyogs su gyur pa chos gzhan kho na ma rig pa yin no/ /de yang lta ba'i rang bzhin yin pas zhes bya ba la/ smad pa'i shes rab ni nyon mongs pa can yin gyi/ nyon mongs pa can ma yin pas dge ba dang lung du ma bstan pa ni ma yin la/ de yang 'jig tshogs la lta ba la sogs pa lta ba rnams pa lnga yin na/ lta ba ni ma rig par mi rung ste/ ma rig pa'i phra rgyas lta ba'i phra rgyas zhes 'dod chags la sogs pa bzhin du logs shig tu gsungs pa'i phyir ro/ /'o na ni gang nyon mongs pa can gyi shes rab lta ba ma yin pa de ma rig par 'gyur la/ de yang 'dod chags dang zhe sdang dang nga rgyal la sogs pa'i nyon mongs pa dang mtshungs par ldan pa yin no/ /lta ba de dang mtshungs ldan phyir zhes bya ba ni ma rig pa dang mtshungs par ldan pa'i phyir ro zhes bya ba'i don to/ /gti mug nyon mongs pa'i sa mang po par nges pas lta ba ma rig pa dang mtshungs par ldan la ngo bo nyid ni ngo bo nyid kyis bsdus pa yin gyi/ mtshungs par ldan pa ma yin no/ /gang zag gcig la sems gnyis yod pa ma yin no/ /dus mtshungs pa zhes chos mngon par bshad de/ ji ltar sems nyid sems las byung ba rnams dang rten dang dmigs pa dang rnam pa dang dus dang rdzas mtshungs par ldan pa'i phyir ro/ /des na shes rab kyi rdzas gnyis mtshungs par mi ldan pa'i phyir na ma rig pa shes rab nyid ma yin no zhes bya bar nges so/ /shes rab nye nyon mongs ston phyir zhes bya ba 'di las kyang zhes bya ba rgyas par 'byung ste/ ji ltar sems kyi nye ba'i nyon mongs pa sems las byung ba 'dod chags gzhan nyid yin par gsungs kyi/ sems ma yin pa de bzhin du/ shes rab kyi nye ba'i nyon mongs pa yang de dang mtshungs par ldan pas ma rig pa chos gzhan yin par rigs kyi/ shes rab kyi nye ba'i nyon mongs pa shes rab nyid ni ma yin te mtshungs par mi ldan pa'i phyir ro/ /de yang gdon mi za bar 'dod chags kyis kun nas dkris pa yin nam ci zhes bya ba ni 'dod chags dang mtshungs par ldan nam zhes bya ba'o/ /bag chags te zhes bya ba ni 'dod chags la sogs pa gnas ngan len gyi bag chags zhes bya ba'i don to/ /de bzhin du ma rig pas nye bar nyon mongs pa can du gyur pa'i zhes bya ba la/ 'dir ma rig pa'i sgras ni shes rab nyon mongs pa can kho na rig par bya ste/ gang gi phyir thal ma thag tu yang ci'i phyir shes rab nyon mongs pa can dang zhes rgyas par 'byung ba'i phyir ro/ /ma rig pas nye bar bcom pa yang de bzhin du rtogs par bya ste/ ma rig pa dang mtshungs par ldan pa las ni ma yin no/ /des na shes rab kyi rdzas gnyis cig car yod pa ma yin te/ dzA t+yan+ta ra me bA bi d+yA war+NA yaM t+ya nA ga mi ka pa ri kalpa s+ya/[ (]skye ba gzhan kho na/ ma rig pa/ bsngags par byed/ phyir mi 'ong ba/ yongs su brtag pa'i/[) ]gang yang zhes bya ba ni slob dpon dpal len te de ni nyon mongs pa thams cad ma rig pa yin no/ /snyam du sems so/ /ci'i phyir zhe na tshe dang ldan pa gsus po che des rab tu mi shes shing rab tu mi shes pa ni ma rig pa zhes bya ba'i mdo'i phyir ro/ /des zhes bya ba ni gang yod na rig pa med pa de ni ma rig pa ste/ rgyu med na ni 'ga' yang yod pa ma yin la/ nyon mongs pa thams cad yod na yang rig pa med pa yin no/ /kun tu sbyor ba la sogs pa'i nang du logs shig tu bshad par mi 'gyur zhing zhes bya ba ni nyon mongs pa thams cad ma rig pa yin pas te/ rjes su chags pa'i kun tu sbyor ba la sogs pa'i nang du ma rig pa'i kun tu sbyor ba logs shig tu bshad par mi 'gyur te/ kun tu sbyor ba lhag ma dang tha mi dad pa'i phyir ro/ /de bzhin du 'ching ba dag gi nang du gti mug gi 'ching ba zhes bya bar logs shig tu bshad par yang mi 'gyur te/ 'dod chags dang zhe sdang dang tha mi dad pa'i phyir ro/ /phra rgyas dag gi nang du ma rig pa'i phra rgyas zhes bya bar yang ma yin te/ phra rgyas lhag ma dang tha mi dad pa'i phyir ro/ /chu bo dag gi nang du ma rig pa'i chu bo dang / sbyor ba dag gi nang du ma rig pa'i sbyor ba zhes bya bar logs shig tu yang bshad par yang mi 'gyur te/ chu bo dang sbyor ba lhag ma dang tha mi dad pa'i phyir ro/ /nyon mongs pa thams cad kyi bdag nyid yin pa'i phyir dang / lta ba la sogs pa rnams la rang dang gzhan gyi bdag nyid dang mtshungs par ldan pa med pa'i phyir lta ba'am/ nyon mongs pa gzhan dang ste/ nyon mongs pa 'dod chags la sogs pa dang yang mtshungs par ldan par mi 'gyur te/ 'di ltar lta ba ni lta ba'am/ 'dod chags dang zhe sdang dang mtshungs par ldan par mi 'gyur ro/ /de bzhin du 'dod chags kyang 'dod chags sam nyon mongs pa gzhan dang mtshungs par ldan par mi 'gyur ro zhes thams cad la brjod par bya'o/ /sems kyang zhes bya ba rgyas par 'byung ste/ gal te nyon mongs pa thams cad kyi rang bzhin ma rig pa yin na/ 'dod chags kyang nyon mongs pa'i rang bzhin yin pas/ ma rig pa kho na yin pa'i phyir 'dod chags kyis nye bar nyon mongs pa can du gyur pa'i sems ni rnam par mi grol lo zhes bshad par mi 'gyur ro/ /'o na ji ltar bshad par bya zhe na/ ma rig pas nye bar nyon mongs pa can du gyur pa'i zhes bya bar ro/ /'on te bye brag tu bya ba'i phyir zhes bya ba la/ nyon mongs pa thams cad ma rig pa'i rang bzhin can yin pa'i phyir ma rig pa che ge mos nye bar nyon mongs pa can du gyur pa mi grol lo zhes bya bar rtogs par mi 'gyur ba de'i phyir ma rig pa bye brag tu bya ba'i phyir 'dod chags kyis nye bar nyon mongs pa can du gyur pa'i zhes bshad de/ dper na skye mched bcu gnyis po dag gzugs kyi rang bzhin du khyad par med kyang / bye brag tu bya ba'i phyir gzugs kyi skye mched dang sgra'i skye mched ces bshad pa bzhin no/ /shes rab la yang zhes bya ba rgyas par 'byung ste/ 'o na ni shes rab la yang zhe sdang gis nye bar nyon mongs pa can du gyur pa dang / nga rgyal gyis nye bar nyon mongs pa can du gyur pa dag las bye brag tu bya ba'i phyir ma rig pa'i bye brag bstan par bya ste/ de lta ma yin na ma rig pa gang gis nye bar nyon mongs par 'gyur ba mi rtogs par 'gyur ro/ /'on te nyon mongs pa thams cad kyis nye bar nyon mongs pa can du gyur pa'i shes rab ni rnam par mi 'dag ste/ de'i phyir 'dir bye brag nye bar mi len no zhe na ma yin te sems la yang mtshungs pa'i phyir ro/ /'di ltar 'dod chags kho nas yin pa 'ba' zhig tu ma zad kyi/ nyon mongs pa gzhan dag gis nye bar nyon mongs par gyur pa'i sems kyang rnam par mi grol bas 'di ni mtshungs so/ /mi gsal ba'o zhes bya ba la/ gsal ba ni rab tu shes pa yin la/ /mi gsal ba ni gsal ba ma yin pa'o/ /ma rig pa la ji lta ba de kho na bzhin du skyon du 'gyur ro zhes bya ba la/ gal te gang gsal ba ma yin pa yin na ni mig la sogs pa dag la yang thal bar 'gyur ro/ /'o na ni gsal ba med pa yin no/ /de lta na ni ci yang ma yin par 'gyur na/ de yang rig pa ma yin te/ rkyen gyi dngos por bstan pa de lta bu'i phyir la/ kun tu sbyor ba la sogs pa'i dngos por bstan pa'i phyir ro/ /ji ltar 'di ci zhig ces ma rig pa mi shes pa de bzhin mi gsal ba yang yin no zhes ston te/ ma grub pa ni ma grub pa shes par byed par nus pa yang ma yin no/ /chos rnams bstan pa de lta bu yang zhes bya ba rgyas par 'byung ste/ de lta bu ni rigs de lta bu dang zhes bya ba'i don to/ /chos rnams gtan gdon mi za bar rang bzhin gyis phye ba kho nar ma zad kyi/ las kyis rab tu phye ba yang yin pas/ 'dir rig pa'i mi mthun phyogs kyi las kyis ma rig pa bstan te/ 'di ltar ma rig pa la chags pa dang bral te rig pa skye'o zhes gsungs so/ /de'i phyir don 'ga' zhig rig pa'i mi mthun phyogs su gyur pa gang yin pa de yod pa ma yin no/ /de nyid la dpe bshad pa ni/ dper na zhes bya ba la sogs pa ste/ der ni las mig gi rnam par shes pa'i rten nyid kyis mig nges par byed kyi/ rang bzhin gyis ni ma yin no/ /gal te gzugs dang ba zhes rang bzhin gyis rab tu phye ba kho na la mig gi rnam par shes pa'i rten nyid du brjod pa ma yin nam zhe na/ gzugs dang ba de ni rang gi ngo bos nges par mi nus te/ de nyid kyi phyir mig gi rnam par shes pa'i rten gang yin pa'o zhes gsungs so/ /btsun pa chos skyob na re nga'o snyam du sems can la 'jug pa ni zhes bya ba la des 'gro ba thams cad du 'jug pas na 'jug pa ste 'gro zhes bya ba'i don yin la/ de'i dngos po ni 'jug pa nyid yin na/ 'di ni nges par ma byas pa zhig ste/ 'di ltar gnas brtan des kyang de'i brjod par bya ba ni dmigs ma phyed do/ /nga'o snyam du zhes bya bas ngar 'dzin pa yang yongs su bzung la/ 'di yang nga'o snyam pa'i nga rgyal gyi bya ba yin pas 'dri ba ni nga'o snyam pa'i nga rgyal las gzhan pa'i 'jug pa gang zhig ce na zhes bya ba'o/ /gang gi phyir nga'o snyam pa'i nga rgyal la mngon par zhen pa'i phra rgyas dag las logs shig tu 'jug pa gsungs pa de'i phyir nga'o snyam pa'i nga rgyal nyid 'jug pa ma yin par rtogs so/ /sred pa thams cad dang zhes bya ba la sogs pa 'byung bas 'dod chags la sogs pa'i rnam pa thams cad las logs shig tu gsungs pa'i phyir 'dod chags la sogs pa'i nyon mongs pa rnam pa gzhan ma yin la/ ma rig pa ni ma gsungs pa'i phyir 'jug pa'i sgras ni ma rig pa gsungs so zhes bya bar shes so/ /nga rgyal gzhan yang yod pa ma yin nam zhes bya ba ni mdo 'di las ni nga'o snyam pa'i nga rgyal kho na rang gi sgras gsungs kyi/ nga rgyal gzhan ma yin pas 'jug pa'i sgras nga'o snyam pa'i nga rgyal las gzhan pa'i nga rgyal bstan par 'gyur ro zhes bya ba'o/ /slob dpon 'dus bzang na re/ don de lta ma yin te/ nga'o snyam pa'i nga rgyal bstan pas nga rgyal lhag ma yang gzung ba yin te/ mang po'i tshig gis bstan pa'i phyir ro zhes zer ro/ /'dir nyon mongs pa gtso bo smos pas mtshon pa bzhin no/ /lta ba rnams las bdag dang bdag gi bdag tha dad du bstan te/ de dag ni lta ba thams cad kyi rtsa ba ma yin pa'i phyir gtso bo dag go/ /tha dad du bstan pa dag ni phra rgyas brjod pa'i phyir yang ngo / /khong khro ba dang the tshom gyi phra rgyas dag kyang gzung ngo / /da ni ma rig pa kho na 'dir gtso bo ste/ nyon mongs pa rnams las khyad par du'o/ /de tha dad du bstan pa med pa a na tA pra sa ga s+yA di ti/ de nyid 'dir 'jug pa nyid du ma brjod do/ /kun nas 'gro zhing thams cad du 'gro bas na 'jug pa ste/ 'gro bar byed ces bya ba'i don to/ /de'i dngos po ni 'jug pa nyid ces bya'o/ /'dir thams cad kyi zhes bya ba so so la mang po'i tshig 'gro ba ma yin te/ bdag dang bdag gi bdag re re la mang po'i tshig yod pa ma yin no/ /sred pa la sogs pa bzhin no/ /rnam pa med pa de'i phyir bdag dang bdag gi ba la sogs pa thams cad la mang po'i tshig sbyar ro/ /nga rgyal gyi sgra yis nga rgyal gyi khyad par re re gzung bar mi 'gyur la/ nga rgyal smos pa de la khyad par ma yin pa'i phyir ngar 'dzin pa smos par yang lta ba ma lus pa smos pa ma yin no/ /phra rgyas kyi sgra yis kyang khong khro dang the tshom dag kho na gzung ngo / /lta ba la sogs pa bzhin dngos su ma yin no/ /rgyu yod pa de'i phyir phra rgyas kyi sgra ni mngon par zhen pa bzhin du ngar 'dzin pa la sogs pa rnams la yang sbyar ro zhes shes so/ /de'i phyir 'dir ma rig pa kho na khyad par du ma byas te/ 'o na ci zhe na/ nyon mongs pa gzhan yang ngo / /de'i phyir 'dir 'jug pa'i sgra yis ci ma rig pa bshad dam 'on te nyon mongs pa gzhan zhes bya ba mi shes so/ /'dir yang rnam par dpyad pa zhes bya ba la/ ci nga rgyal gzhan nam ste ma rig pa yod pa las zhes rnam par dpyad na brjod par bya ba mang du 'byung bas rnam par dpyad pa'i zhar las byung ba yin pa'i phyir 'di ni gzhag go/ /gzugs ni rgya cher bshad pa yin no zhes bya ba la/ gzugs ni dbang po lnga dang don/ /lnga dang rnam rig byed min nyid/ /ces bya ba de lta bu la sogs pas rgyas par bshad zin to/ /ming dang gzugs can ming phung po zhes bya ba/ sgra 'jug pa'i rgyu mtshan 'dri ba ni ci'i phyir zhes bya ba ste/ gzugs can ma yin pa'i phung po bzhi la ming zhes brjod ces bya ba'o/ /sgra 'jug pa'i rgyu mtshan bstan pa'i phyir ming dang dbang po dang don gyi dbang gis zhes bya ba rgyas par smos so/ /ming dang dbang po dang don dang gsum gyi dbang gis gzugs la sogs pa'i don rnams la gzhol bas ming ste/ dmigs par 'dzin pa 'dud pa la brten nas brjod do zhes bya ba'i don to/ /de la ming gi dbang gis ni gzugs la sogs pa mngon sum dang mngon sum ma yin pa dag la'o/ /dbang po dang don gyi dbang gis ni mngon sum pa dag la gzhol lo/ /ming gang gis zhes bya ba ni gsung rab las phung po bzhi'i mtshan nyid dam 'bod ming gi mtshan nyid can la ming du grags pa de'i phyir the tshom za'o/ /'jig rten na grags pa gang yin pa ste zhes bya ba rgyas par 'byung ste/ 'dir 'bod ming gi mtshan nyid gzung ste/ phung po bzhi'i mtshan nyid can 'jig rten du ma grags pa'i phyir ro/ /de la ba lang dang rta zhes bya ba ni gong bu go bar byed pa yin no/ /gzugs dang ro zhes bya ba ni don gcig go bar byed pa yin te rdzas go bar byed pa'i phyir ro/ /de lta na ni 'o na dmigs pa med pa'i phyir ldan pa ma yin pa rnams la ming nyid mi srid do zhe na de ni de lta ma yin te/ gzugs can ma yin pa rnams kho na la dmigs pa la gzhol ba nyid mi srid pa'i phyir gzugs can ma yin pa rnams kho na ming yin no/ /de med pas ldan pa ma yin pa rnams la ming ma yin pa nyid kyang ma yin te gzugs bzhin no/ /dper na gzhig cing gzhom du rung bas gzugs yin zhing / thogs pa med pas 'das pa dang ma 'ongs pa dang rnam par rig byed ma yin pa dang / rdul phra rab rnams la gzugs su rung ba yod pa yang ma yin la/ de dag gzugs ma yin pa nyid kyis ma yin zhing 'di gzugs kho na la yod pas gzugs kyi nges tshig ma yin pa bzhin no/ /de yang zhes bya ba ni gang 'jig rten na grags pa ba lang dang rta zhes bya ba'o/ / ci'i phyir zhes bya ba ni rgyu gang gis ming nyid yin zhes bya ba'o/ /ming de dang de zhes bya ba la ldan pa ma yin pa'i 'du byed de ming nyid yin te phung po bzhir bshad de/ /gzhan dag na re 'dir lus bor nas zhes bya ba rgyas par 'byung ste/ ji skad du/ shi shing dus byas pa de'i lus rul pa de nye du rnams kyis mes bsreg pa'am/ chur bsgyur ba'am/ sa'i 'og tu 'jug par 'gyur zhing / rlung dang nyi ma dag gis skam pa dang / yongs su zad pa dang gtugs par 'gyur te/ sems zhes bya ba dang / yid ces bya ba dang / rnam par shes pa zhes bya ba dad pas yongs su bsgos pa dang / tshul khrims dang / thos pa dang / gtong ba dang / shes rab kyis yongs su bsgos pa gang yin pa de ni phyi ma la gong du 'gro ba dang / khyad par du 'gro ba dang / mtho ris su 'gro bar 'gyur ro zhes gsungs pa lta bu'o/ /rnam par shes pa gzhol ba ni mar me 'pho ba'i tshul du yin par rig par bya'o/ /skye mched drug bshad zin to/ /gang du bshad ce na/ de dag rnams kyi rnam shes rten/ mig la sogs gzugs zhes bya ba der mig la sogs pa'i skye mched lnga po rnams so/ /rnam shes so so rnam rig pa zhes bya ba der yid kyi skye mched do/ /reg drug ces bya bas rten gyi dbye bas reg pa'i dbye ba tsam zhig bshad la/ 'dus te byung ba yin zhes bya ba 'dir yang rgyu bshad kyi ngo bo ni ma yin te/ 'dus pa ni lan cig 'byung ba'o snyam du bsams nas smras pa ni/ re zhig lhan cig skye ba'i phyir zhes bya ba rgyas par 'byung ba'o/ /yid dang chos dang yid kyi rnam par shes pa rnams skye ba'i dus tha dad pa'i phyir lhan cig 'byung ba mi srid do snyam zhing yid kyi dbang po 'gags pa go zhes bya ba la sogs pa smras te/ drug po 'das ma thag pa yi/ /rnam shes gang yin de yid do zhes bya bas yid kyi rnam par shes pa ni 'das pa yin pa'i phyir 'gags pa'o/ /gzugs la sogs pa'i chos yid kyi rnam par shes pas dmigs par bya ba rnams ni 'byung bar 'gyur ba yin pa'i phyir ma 'ongs pa'o/ /sems dang sems las byung ba da ltar ba rnams kho nas dmigs pa dmigs pa'i phyir/ yid kyi rnam par shes pa ni da ltar gyi'o/ /ji ltar 'dus zhes bya ba ni 'du ba yod pa ma yin pa de nyid de/ dus tha dad par gtogs pa'i phyir ro snyam du bsams pa'o/ /rgyu dang 'bras bu'i dngos po gang yin pa zhes bya ba la yid kyi rnam par shes pa ni 'bras bu'i dngos po'o/ /yid kyi dbang po dang chos rnams ni rgyu'i dngos po'o/ /rig pa bskyed par bya ba la mthun pa yin pa'i phyir zhes bya ba ni reg pa bskyed par bya ba'i ched du phan tshun rjes su mthun pa ste/ reg pa bskyed pa la thams cad kyang rjes su mthun par 'gyur zhes bya ba'i don to/ /'bras bu gcig pa'i don no zhes bya ba ni yul dang dbang po rnam par shes pa rnams 'bras bu gcig nyid la 'du ba zhes brjod do/ /'di reg pa'i tshogs zhes bya ba la/ gal te yul dang dbang po dang / rnam par shes pa rnams 'dus pa tsam rig pa yin na ni de dag las don gzhan du gyur pa ma yin la/ de lta yin na yul dang dbang po dang rnam par shes pa drug tshan las logs shig tu gsung bar mi 'gyur te/ gang dag yang reg pa smos pas bstan par byas so zhes rtog pa de dag las tha dad pa'i dus yul dang dbang po dang rnam par shes pa dag yod pa ni ma yin no/ /de'i phyir sred pa la sogs pa bzhin du de dag las logs shig tu bstan pas de dag 'dus pa tsam ni reg pa ma yin no zhes bya bar shes so/ /yul dang dbang po dang / rnam par shes pa dag las logs shig tu bstan pas reg pa de dag las logs shig tu yod pa ni ma yin no/ /ci'i phyir ma yin zhe na/ tshor ba dang sred pa dag kyang chos kyi skye mched las zhes bya ba rgyas par smos so/ /gal te logs shig tu bstan pas sred pa la sogs pa ltar logs su yod na/ /de lta na chos kyi rnam grangs drug tshan drug pa 'di nyid las tshor ba dang sred pa dag chos kyi skye mched las logs shig tu bshad pas chos kyi skye mched las logs shig tu yod par thal bar 'gyur na/ de ni 'dod pa yang ma yin no/ /de'i phyir logs shig tu gsungs pa ni gzhan nyid kyi rgyu ma yin te 'khrul pa'i phyir ro/ /de dag las ma gtogs pa'i chos kyi skye mched kyang zhes bya ba la sogs pa la/ gang zhig tshor ba dang sred pa dang gnyis bsal nas chos kyi skye mched ces bstan pa/ tshor ba dang sred pa ma gtogs pa'i chos kyi skye mched 'dus ma byas dang / rnam par rig byed ma yin pa dang / 'du shes dang sems la sogs pa'i mtshan nyid can yang yod de/ de'i phyir gang zhig gang las logs shig tu bstan pa de ni de las tha dad pa kho na yin pas logs su bstan pa la 'khrul pa med pa nyid do/ /de lta bur ni 'dir zhes bya ba rgyas par 'byung ste/ de lta bur gang zhig mdo 'dir nang dang phyi'i skye mched smos pa dang / rnam par shes pa smos pas smos su rung ba/ reg pa zhes bya ba'i rgyu dang 'bras bur gyur pa yul dang dbang po dang rnam par shes pa gsum las gzhan gsum reg par ma gyur pa gang yin pa ni yod pa ma yin no/ /de'i phyir reg pa ni dbang po dang yul dang rnam par shes pa rnams las gzhan kho na yin te/ logs shig tu bstan pa'i phyir ro/ /ci ste de dang mtshungs pa'i yul dang dbang po dang rnam par shes pa phan tshun bltos pa med pa rnams kyi nang dang phyi'i skye mched dang rnam par shes pa drug po dag logs shig tu bstan la/ rten pa mtshungs pa phan tshun bltos pa rnams ni reg pa'i tshogs smos pas smos pa'i phyir na de don gzhan gyi dngos po ma yin yang / yul dang dbang po dang rnam par shes pa dag las logs shig tu bstan par mi 'gal lo snyam na gal te rnam par shes pa'i zhes bya ba rgyas par 'byung ngo / /don dang dbang po dag ni de dang mtshungs pa yin pas rnam par shes pa la mi ltos par 'gyur na/ rnam par shes pa ni don dang dbang po med pa ma yin te/ de dag gi rgyu can yin pa'i phyir ro/ /rgyu ni 'bras bu med par yang yod na 'bras bu ni rgyu med par ma yin te de la rag las te skye ba'i phyir ro/ /de'i phyir gang rnam par shes pa'i tshogs drug ces logs shig tu bstan par bya ba don dang dbang po ltar reg par ma gyur pa'i rnam par shes pa don dang dbang po la bltos pa med pa ni cung zad kyang med do/ /de lta bas na gsum bstan zin pas zhes bya bas ni yul dang dbang po dang rnam par shes pa dag go/ /reg pa smos pa ni don med do zhes bya ba la/ dbang po dang don dang rnam par shes pa de dag kho na reg pa yin la/ de dag kyang bstan pas yang reg pa'i tshogs drug ces bstan pa don med par 'gyur na/ 'dod pa yang ma yin te/ des na reg pa ni 'dus pa las gzhan kho na yin no zhes bya bar khas blang bar bya'o/ /gang dag rgyu dang 'bras bu'i dngos po yin pa zhes bya ba la/ ming dang gzugs sngar skyes pa dag dang / mig gi rnam par shes pa phyis skyes pa ni rgyu dang 'bras bu'i dngos po yin pas de dag kho na reg pa'i dngos por bzhag la/ mig la sogs pa gang dag rgyu dang 'bras bur gyur pa de dag ni nang dang phyi'i skye mched dang rnam par shes pa'i tshogs nyid du bstan te/ de dag kyang dbang po dang yul dang rnam par shes pa lhan cig skyes pa rnams dang / phan tshun chod pa snga phyir skyes pas so zer ro zhes bya ba ni slob dpon dpal len te/ 'di la yang lan ni gal te rnam par shes pa med pa'i dbang po dang don dag ces rgyas par 'byung ba de nyid yin no/ /de skad du mi 'don to zhes bya ba ni dang por mi byed kyi/ 'o na ci zhe na/ chos gsum po 'di dag 'brel pa dang / 'dus pa dang / tshogs pa las byung ba gang yin pa de ni reg pa'o zhes lnga par byed pa'o/ /yang na ni 'di rgyu la zhes bya ba la sogs pa la/ reg pa'i rgyu gsum 'dus pa ni reg par smra'o zhes bya ba'i don to/ /thogs pa dang bcas pa'i dbang po la brten pa'i phyir zhes bya ba la mig la sogs pa dag ni rang gi yul du gzugs can gzhan skye ba la gegs byed pas thogs pa dang bcas pa'o/ /gzhan dag na re thogs pa dang bcas pa'i dbang po la brten pa'i phyir dang / gcig tu thogs pa dang bcas pa'i chos kyi yul can yin pa'i phyir zhes zer ro/ /tshig bla dgas zhes bya ba ni ming yin no zhes bya ba ni lhas byin mchod sbyin zhes bya ba sems dang ldan pa ma yin pa'i 'du byed de/ de ni drug pa kho na'i yul yin gyi gzhan gyi ni ma yin no/ /de nyid rab tu bstan pa'i phyir de lhag par 'di'i dmigs pa yin pa'i zhes bya ba smos te/ grag ces bya ba'i sgra ni sgra las ma gtogs pa'i ming med par shes par bya ba'i phyir ro/ /mig gi rnam par shes pas ni sngon po rnam par shes kyi zhes bya ba ni brjod par bya ba'i rang gi ngo bo rnam par shes so/ /sngon po'o zhes bya bar ni rnam par mi shes so zhes bya ba ni ming gi sgo nas rnam par mi shes pa ste/ /mig gi rnam par shes pa ni rnam par rtog pa med pa yin pa'i phyir ro/ /yid kyi rnam par shes pas ni rang gi ngo bo dang ming gnyis ka'i sgo nas rnam par shes pa ste/ de'i ming dang ming can gyi 'brel pa 'dzin par nus pa'i phyir ro/ /gcig ni rten gyis rab tu phye ba yin no zhes bya ba ni thogs pa'i reg pa ste/ thogs pa dang bcas pa'i dbang po la brten pa'i phyir ro/ /gzhan dag na re rten dang dmigs pa rab tu phye ba yin no zhes zer ro/ /gnyis pa ni dmigs pas rab tu phye ba yin no zhes bya ba ni tshig bla dgas kyi reg pa ste/ lhag par tshig bla dgas kyi dmigs pa can yin pa'i phyir ro/ /tshig gi dbang du byas nas zhes bya ba la/ tshig gi sgo nas tshig nges par gzung ste/ rnam par rtog pas gzugs la sogs pa'i don rnams la yid kyi rnam par shes pa rab tu 'jug gi/ rnam par shes pa'i tshogs lnga po rnams ni ma yin te rnam par rtog pa med pa'i phyir ro/ /yang na tshig gi dbang du byas nas zhes bya ba ni nye bar bstan pas ming dang ming can gyi 'brel pa la byang ba nyid kyis rnam par shes pa'i sgo nas bum pa dang snam bu zhes bya bar rtogs pa yin no/ /des na yid kyi rnam par shes pa kho na tshig bla dgas so/ /gzhan dag na re kun nas slong ba'i tshig gi dbang du byas nas 'jug pas yid kyi rnam par shes pa kho na tshig bla dgas so zhes zer ro/ /gnyis pa ni mtshungs par ldan pas rab tu phye ba yin no zhes bya ba la tshig bla dgas ni yid yin la de dang mtshungs par ldan pa'i rig pa ni tshig bla dgas kyi rig pa'o/ /rig pa dang ma rig pa dag mtshungs par ldan pa ma yin pas de khyad par gyi khyad par du byas pa'o/ /tshor ba dang bde ba dang mthun pa'i phyir ro zhes bya ba ni tshor ba bde ba dang rjes su mthun pa'i phyir ro zhes bya ba dang / tshor ba bde ba skyed par byed pa yin pa'i phyir ro zhes bya ba'i don to/ gzhan dag la yang de dang 'dra bar brjod par bya'o/ /ji ltar de bya ba'am bya ba nus par bya bar 'gyur ba yin pa de bzhin du de myang bar bya ba'am/ myang bar nus pa'i phyir myang bar 'gyur ba'o/ /de dag ni reg pa bcu drug yin no zhes bya ba ni mig gi 'dus te reg pa la sogs pa drug dang / thogs pa dang tshig bla dgas kyi reg pa gnyis dang / rig pa dang ma rig pa dang gzhan gyi rig pa gsum dang / gnod sems dang rjes su chags pa'i reg pa gnyis dang / bde ba myong bar 'gyur ba la sogs pa gsum ste/ de ltar de dag thams cad ni bcu drug tu 'gyur ro/ /reg pa rnam par gtan la dbab pa dang / rab tu dbye ba dang bcas te bshad zin to/ /tshor ba brjod par bya ste zhes bya ba la/ tshor ba myong ba zhes sngar tshor ba bshad zin pa ma yin nam zhe na/ bshad pa bden mod kyi der ni rang gi ngo bo'i sgo nas yin gyi rab tu dbye bas ni ma yin la/ 'dir ni rab tu dbye ba'i sgo nas bstan pa brjod par 'dod pa'i phyir zlos pa'i skyon med de/ de nyid kyi phyir de las byung ba tshor ba drug ces smos so/ /de dag kyang mdor bsdu na tshor ba gnyis su 'gyur te/ lus kyi dang sems kyi'o/ /de nyid kyi phyir/ de dag las lnga ni lus kyi'o zhes bya ba smos so/ /sems kyi yin yang dbang po gzugs can la brten pa'i phyir lus kyi zhes bya ste/ rdul phra rab bsags pa yin pa'i phyir dang / lus la brten pa'i phyir na lus kyi sgra ni mig la sogs pa dag la 'jug go/ /sems tsam brten pa'i phyir zhes bya ba la tsam zhes bya ba smos pa ni de las lhag pa'i rten bcad par bya ba'i phyir ro/ /lus kyi yang sems la brten pa yin mod kyi/ sems tsam la brten pa ni ma yin te/ de'i rten ni mig la sogs pa rnams kyang yin pa'i phyir ro/ /yang ji ltar tshor ba reg pa'i 'og tu 'byung ba zhes bya ba rgyas par 'byung ba ni/ gnyis ka ltar yang 'gal bar mthong ba'i dri ba'o/ /bye brag tu smra ba smos pa ni kha cig na re skyed par byed pa'i chos las 'das pas ma 'ongs pa'i don du yin no zhes zer ro/ /phan tshun lhan cig 'byung ba'i rgyu yin pa'i phyir tshor ba ni reg pa dang dus mnyam pa yin te/ de las gzhan pa'i sems las byung ba bzhin no/ /ji ltar lhan cig 'byung ba gnyis skyed par byed pa dang bskyed par bya ba'i dngos por grub ces bya ba la/ skyed par byed pa'i dngos po ni skyed par byed pa nyid de/ 'bras bu bskyed par nus pa'o/ /bskyed par bya ba'i dngos po ni bskyed par bya ba nyid de/ bdag nyid du ma reg pa zhes bya ba'i don to/ /de lta yin dang skyed par byed pa dang bskyed par bya ba'i dngos po ni skyes pa dang ma skyes pa dag la grub kyi skyes zin pa dag kho na la ni ma yin no snyam du bsams pa'o/ /lhan cig 'byung ba gnyis la yang skyed par byed pa dang bskyed par bya ba'i dngos po mi 'gal bar mthong ste 'dri ba ni ji ltar mi 'grub ces bya ba'o/ /mthu med pa'i phyir te zhes bya ba la/ skyes zin pa bdag nyid thob pa ni yang bskyed par mi nus te/ de'i phyir de la bskyed pa'i mthu yod pa ma yin no/ /de nyid bstan pa'i phyir chos skyes zin pa la ni chos kyi nus pa med do zhes bya ba smos so/ /dam bcas pa dang / bye brag med pa yin no zhes bya ba ni don gang zhig dam bcas pas nye bar gzung ba de nyid gtan tshigs kyi tshig gis kyang gzung bas dam bcas pa dang bye brag med do/ /de nyid bstan pa'i phyir lhan cig 'byung ba gnyis zhes rgyas par smos te/ phan tshun bsgrub bya sgrub byed yin pa'i phyir dam bca' ba dang khyad par med de zhes bya ba'o/ / gal te dam bca' ba dang bye brag med pa'i phyir 'di sgrub par byed pa ma yin na/ 'o na ni phan tshun skyed par byed pa thal bar 'gyur ba'i phyir ro zhes bya ba yin te/ gang las 'dir gcig kho na skyed par byed pa yin gyi/ gzhan ni ma yin no zhes bya ba'i khyad par gyi rgyu ni 'ga' yang 'di la yod pa ma yin te/ de lta yin na reg pa dang tshor ba gnyis phan tshun skyed byed nyid du thal ba'i phyir rten cing 'brel par 'byung ba 'gal lo/ /de'i phyir lhan cig tu 'byung ba gnyis skyed par byed pa dang bskyed par bya ba'i dngos por mi rigs so/ /gnas skabs pa nyid kyi phyir rten cing 'brel par 'byung ba 'gal bar blta ba'i phyir/ 'dod pa'i phyir nyes pa med de zhes smos so/ /mdo las mi bzhed de zhes bya ba la/ reg pa dang tshor ba'i gnas skabs dag kho na phan tshun skyed par byed pa nyid du mdo las mi bzhed pa 'di 'ba' zhig ston par ma zad kyi/ 'o na ci zhe na/ mu khya yor pi reg pa dang tshor ba dag phan tshun 'bras bu nyid du yang mi bzhed pa ste/ mig gi 'dus te reg pa zhes rgya cher mdo las 'byung ngo / /slob dpon 'dus bzang na re/ reg pa rnam pa gnyis te/ btags par yod pa dang / rdzas su yod pa'o/ /de la btags par yod pa ni/ ji skad bshad pa ste/ gang 'di chos gsum rnams 'grogs pa dang 'dus pa dang tshogs pa las 'dus te reg pa'o/ /rdzas su yod pa ni rnam par shes pa'i tshogs lnga phyi rol dang bcas pa'i ming dang gzugs te/ 'di gnyis dang gnyis la nges par brten nas reg pa ming dang gzugs kyi rkyen te/ de bzhin du skye mched drug gi rkyen gyis reg pa zhes bya ba de lta bu la sogs pa'o/ /de la gang 'di btags par yod pa ni tshor ba dang bcas pa'i rkyen du mi 'dod do/ /tshor ba ni de'i rkyen nyid do/ /mig dang gzugs dang mig gi rnam par shes pa tshogs pa rnams tshor ba la brten nas skye ba med do/ /de lta mod kyi shes pa skye bas mig gi rnam par shes pa nyid mig gi 'dus te reg pa ma yin no/ /de la rnam par shes pa ni sems las byung ba'i rten yin pa'i phyir mig dang gzugs dag kyang tshor ba'i rgyu'i gtso bo ste/ tshor ba skye ba'i rgyu nyid kyis brjod do/ /btags par yod pa'i tshor ba ni mdo las phan tshun bskyed bya dang skyed byed kyi ngo bo bkag pa'i phyir mdo dang 'gal ba med do/ /rdzas su yod pa ni sems las byung ba'i reg pa yang dag par myong ba las tshor ba dang lhan cig phan tshun rkyen yin no/ /reg pa ni sems las byung ba ste de'i 'bras bur gyur pa las tshor ba dang lhan cig pa'i dngos por mi rigs te/ ci'i phyir zhe na/ skyed par byed pa'i chos las 'das pa'i phyir ro/ /skyed par byed pa dang bskyed par bya ba gnyis cig car ni mi 'grub ste/ sa bon dang myu gu bzhin no/ /snga phyi'i dngos po yin pa 'ba' zhig tu ma zad kyang gzugs la sogs pa 'byung ba las byung ba rnams kyis skyed par byed pa yin no/ /dgag pa ci zhig yod ces bya ba ni 'di la rig pa yod pa ma yin zhing / de ni de ltar ma yin no zhes bya ba'i lung yod mod/ 'o na ni myu gu dang grib ma dag dang / mar me dang 'od dag ji lta bar zhes bya ba la/ gal te skad cig ma dang po la grib ma med pa dang 'od med par 'gyur na ni de ltar lnga phyi'i dngos por rtogs par 'gyur na/ 'gyur ba yang ma yin te/ /de'i phyir myu gu dang mar me ni grib ma dang 'od lhan cig 'byung ba dag gi rgyu yin no zhes bya bar grub bo/ /'dir yang rgyu'i tshogs pa sngar byung ba kho nar mar me 'od dang bcas pa dang / myu gu grib ma dang bcas pa'i rgyur ci ste mi 'dod/ gzhan yang 'gro ba dang gnas pa dang / rnam par 'gyur ba'i rjes su byed pa'i phyir dang / yod pa dang med pa dag kyang de dag gi rgyu can yin pa'i phyir/ /myu gu dang mar me dang grib ma dang 'od gnyis kyis skyed par byed pa yin la/ 'od mar me'i yin pa'am/ grib ma myu gu'i yin no zhes bya bar ni bsgrub par nus pa ma yin no/ /reg pa dang tshor ba dag lhan cig 'byung bar des na ni/ gang gis na reg pa'i rkyen kho nas tshor ba yin gyi/ tshor ba'i rkyen gyis reg pa ni ma yin no zhes bya bar rtogs par 'gyur ba rgyu de 'dra ba yod pa ma yin te/ de'i phyir mi mthun pa nye bar bkod pa yin no/ /gzhan dag na re reg pa'i 'og tu tshor ba 'byung ste zhes zer ba ni slob dpon dpal len te/ de ltar na 'dus pa ni dbang po dang yul dang rnam par shes pa rnams rgyu dang 'bras bu'i dngos po yin gyi lhan cig 'byung ba ni ma yin te/ rgyu dang 'bras bu dag dus snga phyir 'byung ba'i phyir ro/ /rgyu dang 'bras bu cig car ma yin pa'i phyir dbang po dang don gnyis ni de dag gi 'bras bur gyur pa'i rnam par shes pa bas snga la/ de'i mjug thogs su skad cig ma gnyis pa la ni rnam par shes pa ste/ de dag gi 'bras bu yin pa'i phyir ro/ /gsum 'dus pa de ni zhes bya ba rgyas par 'byung ba ni der rgyu dang 'bras bu'i dngos po rdzogs pa'i phyir ro/ /skad cig ma gsum pa la zhes bya ba ni reg par gyur pa'i rnam par shes pa'i rkyen gyis yin pa'i phyir skad cig ma gsum pa la tshor ba'o/ /de lta na ni zhes bya ba la sogs pa la/ gal te skad cig ma gsum pa la tshor ba yin na/ de lta na ni reg pa'i dus tshor na tshor ba med pa'i phyir rnam par shes pa thams cad la tshor ba yod par mi 'gyur te/ reg par gyur pa'i rnam par shes pa la tshor ba med pa'i phyir ro/ /rnam par shes pa thams cad reg pa yin par mi 'gyur ro zhes bya ba ni tshor ba'i dus na reg pa med pa'i phyir te/ 'dus pa'i 'og rol tshor ba'i dus na rnam par shes pa gang zhig skye ba de reg pa ma yin pas rnam par shes pa thams cad reg pa ma yin par 'gyur na/ 'di ni 'dod pa yang ma yin te/ reg pa dang tshor ba dag ni sa mang po pa yin pas sems thams cad la 'byung ba'i phyir dang rnam par shes pa thams cad reg pa yin no zhes khas blangs pa'i phyir ro/ /reg pa phyi ma la yod pa'i tshor ba reg pa snga ma'i rgyu las byung ba yin par zhes bya ba rgyas par 'byung ba ni thams cad la tshor ba dang reg pa nyid du 'dod pa yin no/ /de ni lhan cig 'byung ba'i reg pa'i rkyen gyis yin pa nyid du mi 'dod do/ /'o na de ga las yin zhe na/ reg pa snga ma'i rgyu las byung ba yin te/ dbang po dang yul snga ma'i rgyu mtshan can gyi reg pa gang yin pa de las byung ba yin no/ /gang gi phyir de ltar na dbang po dang don las byung ba'i rnam par shes pa rig pa yin pas/ reg pa thams cad tshor ba dang bcas pa yin la shes pa thams cad kyang reg pa yin te/ des na 'gal ba med do/ dmigs pa tha dad pa dag las zhes bya ba ni gzugs dang sgra la dmigs pa dag las so/ /reg pa phyi ma la spyod pa'i tshor ba zhes bya ba ni sgra la dmigs pa'o/ /reg pa snga ma'i rgyu las byung ba yin no zhes bya ba ni gzugs la dmigs pa'i reg pa'i rgyu las byung ba'o/ /ji ltar na zhes bya ba ni khro ba bsal bar byed pa ste/ reg pa dang tshor ba dag dmigs pa tha dad pa dag nyid yin na ni/ phyis byung ba'i tshor ba bde ba'i sgo nas reg pa snga ma nam yang bde ba myong bar mi 'gyur la/ reg pa'i stobs kyis dmigs pa nyams su myong ba yang yin pa'i phyir reg pa dang dmigs pa tha dad par mi rung ste/ 'di ltar bde ba myong bar 'gyur ba'i reg pas sdug bsngal nyams su myong bar ji ltar byed/ yang na sems gang dang zhes bya ba'i sgra la dmigs pa dang / de las dmigs pa gzhan pa zhes bya ba ni gzugs la dmigs pa zhes bya ba'i don to/ /'di lta yin na nyes pa cir 'gyur zhe na/ lhan cig 'byung ba'i reg pa la sogs pa dang mtshungs par mi ldan pa'i nyes par 'gyur te/ dmigs pa tha dad pas mtshungs pa nyid lngas mtshungs par mi ldan pa'i phyir ro/ /sdug bsngal dang bde ba yang ma yin sdug bsngal yang ma yin pa la yang de dang 'dra bar brjod par bya'o/ /'o na de'i tshe zhes bya ba ni dmigs pa 'pho ba'i tshe ste mi 'pho na ni nyes pa med do/ / ji ltar zhe na gal te gzugs la dmigs pa'i mig gi rnam par shes pa'i mjug thogs su mig gi rnam par shes pa'am/ yid kyi rnam par shes pa gzugs la dmigs pa kho na 'byung na ni tshor ba dang bcas pa yin no/ /ci'i phyir zhe na/ sngar skyes pa mig gi rnam par shes pa yin pas rigs gcig pa yin pa'i phyir ro/ /de'i sngon rol gyi rnam par shes pa zhes bya ba la sogs pa la/ ci'i phyir de reg pa ma yin zhe na/ 'di la rgyu smos pa ni rkyen ma tshang ba'i phyir ro zhes bya ste/ 'di ltar mtshungs pa de ma thag pa'i rkyen thams cad kyis ni tshor ba'i rkyen gyis reg par gyur pa skyed par mi nus so/ /gzhan dag na re 'dir rkyen ma tshang ba ni dbang po 'pho ba dang / de las skyes pa'i yid la byed pa yin no zhes zer ro/ /de lta yin na nyes pa ci zhig yod ces bya ba ni yod pa ma yin pa'i phyir dmigs pa tha dad pa'i nyes pa med do snyam du bsams pa'o/ /sa mang po pa'i nges pa nyams pa yin no zhes bya ba ni sems thams cad la reg pa dang tshor ba dag med pa'i phyir te nyes pa 'dir 'gyur ro/ /sa ni gsum ste zhes bya ba la rtog pa dang bcas shing dpyod pa dang bcas pa'i sa ni 'dod pa'i khams dang bsam gtan dang po'o/ /rtog pa med par dpyod pa tsam ni bsam gtan khyad par can no/ /rtog pa yang med dpyod pa yang med pa ni bsam gtan gnyis pa nas/ srid pa'i rtse mo'i bar ro/ /dge ba'i sa ni chos dge ba rnams te/ mi dge ba dang / lung du ma bstan pa yang de dang 'dra'o/ /slob pa'i sa ni slob pa'i zag pa med pa'i chos dag go/ /mi slob pa ni mi slob pa'i zag pa med pa'i chos dag go/ /slob pa yang ma yin mi slob pa yang ma yin pa'i ni zag pa dang bcas pa'i chos dag go/ /'dus ma byas ni ma bshad de/ sa rnams 'dus byas yin pa'i phyir ro/ /'don pa'i zhar la zhes bya ba ni mdo 'don pa'i zhar la ste/ mdo las ni 'di skad du/ dge ba dang mi dge ba dang lung du ma bstan pa zhes 'don te/ a saM dzi ta/ lhag par sgro btags pa'o/ /da ni bye brag tu smra ba'i skye ba yod par byas nas sngon ni ma bton to zhes bya ba la/ rab tu byed pa'i rkang pa las/ sa mang po pa dang / dge ba'i sa mang po pa dang / nyon mongs pa'i sa mang po pa dang / nyon mongs pa chung ngu'i sa mang po pa ste/ rnam pa bzhi kho na 'don gyi mi dge ba'i sa mang po pa dag ni ma yin no/ /lhan cig skyes pa zhes gsungs kyi zhes bya ba rgyas par 'byung ste/ mdo de las ni tshor ba dang 'du shes dang / sems pa lhan cig skyes zhes gsungs kyi/ reg pa dang ni ma yin la/ de dag ni lhan cig skyes pa nyid du 'dod pa yang yin pas 'di la lan gdab tu ci zhig yod/ tshor ba la sogs pa rnams reg pa dang lhan cig par khas blangs kyang tshor ba dang reg pa dang dus mnyam du skye bar shes par mi 'gyur ro/ /de ci'i phyir zhe na/ lhan cig ces bya ba'i sgra 'di ni de ma thag pa la yang mthong ngo / /byams pa dang lhan cig par gyur pa zhes bya ba la/ byams pa dang dran pa yang dag pa byang chub kyi yan lag gnyis skad cig ma gcig la lhan cig 'byung bar shes par ni mi 'gyur te/ zag pa dang bcas pa dang zag pa med pa yin pa'i phyir ro/ /'o na ci zhe na/ byams pa'i mjug thogs su dran pa yang dag byang chub kyi yan lag sgom par byed do zhes bya bar rtogs par 'gyur te/ de bzhin du 'dir yang reg pa'i mjug thogs su tshor ba dang 'du shes dang sems pa skye'o zhes bya bar shes par 'gyur ro/ /de'i phyir 'di ni reg pa dang tshor ba lhan cig 'byung ba nyid kyi khungs su mi rung ngo / /chos de dag ni 'dres pa yin gyi zhes bya ba ni/ 'dres shing lhan cig 'byung ba la mtshungs par ldan zhes bya ba'i don to/ /ci re zhig 'di dag gi zhes bya ba rgyas par 'byung ste/ dmigs pa nges pa ni dmigs pa tha mi dad pa'o/ /skad cig ma nges pa ni skad cig ma gcig la 'byung ba ste/ ci dmigs pa gcig po de rim gyis tshor bas myong bar byed/ 'du shes kyis 'dus te shes par byed dam/ 'on te skad cig gang kho na la tshor bas tshor bar byed pa'i skad cig de kho na la sems pas sems par byed/ 'du shes kyis 'dus te shes par byed ces de ni mi shes te the tshom za ba'i phyir ro/ /de'i phyir 'di yang khungs su mi rung ngo / /tshe dang drod dag ces bya ba rgyas par 'byung ste/ mdo de nyid las/ tshe dang drod kyi chos de dag ni 'dres pa yin gyi ma 'dres pa ni ma yin no zhes lhan cig pa la 'dres pa zhes gsungs pa'i phyir tshor ba gang yin pa dang / sems pa gang yin pa zhes bya bar der yang skad cig ma nges pa yin par grub ste/ tshe dang drod dag ni dmigs pa med pa yin pa'i phyir ro/ /lhan cig pa ni lhan cig pa'i dngos po'o/ /de'i phyir de ltar na tshor ba ni reg pa dang dus mnyam pa'i yin no zhes rab tu bsgrubs pa yin no/ /de'i sngon rol gyi rnam par shes pa tshor ba dang bcas pa gang yin pa de ni reg pa ma yin te rkyen ma tshang ba'i phyir ro zhes gang smras pa de la yang lan bshad pa ni gang yang mdo las zhes bya ba rgyas par 'byung ste/ 'di ltar rnam par shes pa yin la dbang po dang yul dang rnam par shes pa rnams 'dus pa ni ma yin te/ rnam par shes pa ni dbang po dang yul med par med do/ /de'i phyir rnam par shes pa yin na gdon mi za bar dbang po dang yul dang rnam par shes pa rnams 'dus pa khas blang bar bya'o/ /ci ste 'dus par 'dod kyi reg pa ni ma yin no snyam na de'i phyir 'dus pa yin na reg pa ma yin zhes bya ba smos te khyod kyi reg pa ni 'dus pa tsam yin te des na rnam par shes pa snga ma reg pa ma yin no zhes bya ba 'di ni 'gal lo/ /de'i phyir mdo dang 'gal bar 'gyur du 'ong bas gdon mi za bar rnam par shes pa thams cad la reg pa dang / lhan cig skyes pa'i tshor ba 'dod par bya'o/ /yid kyi 'dus te reg pa las byung ba'i tshor ba ni zhes sems kyi tshor ba mdor bshad zin to/ /pu NaHsan+d+hi ka ra NaM tsA tre ti/[ (]'dir slar yang mtshams sbyor ba'i byed pas zhes bya ba ni/[) ]ma na u pa bi tsA ra i ti prAp+ta pu naHsan+d+hi ka ra NAn+ma no pa tsA rA i ti b+ha pa ti/ tad+ya thA sai Sha dA sha ra thI rA maHsai Sha rA dzA yuSh+thi ra i te/[ (]yid kyi nye bar spyod pas zhes thob pa la slar mtshams sbyor ba'i byed pa las yid nyer spyod zhes par gyur pa ste/ dper na de 'di shing rta bcu pa dga' byed kyi'o/ /de 'di rgyal po g.yul ngor brtan pa'i'o [(]zhe [,]zhes [)]bya ba bzhin no/ /[)] y id bde ba'i nye bar rgyu ba drug dang zhes bya ba ni mig gis gzugs rnams mthong nas yid bde ba'i gnas lta bu'i gzugs rnams la nye bar rgyu'o/ /de bzhin du yid kyis chos rnams shes nas yid bde ba'i gnas lta bu'i chos rnams la nye bar rgyu'o zhes bya ba'i bar te yid bde ba dang btang snyoms kyi gnas lta bu dag la yang de dang 'dra bar brjod par bya'o/ /de la yid bde ba dang yid mi bde ba dang btang snyoms kyi nye bar rgyu ba dag ni thams cad gcig tu bsdus nas bco brgyad du 'gyur ro/ /de dag ji ltar rnam par gzhag ces bya ba rgyas par 'byung ste yid bde ba dang yid mi bde ba dang btang snyoms rnams phan tshun ngo bo tha dad pa'i phyir yid bde ba dang yid mi bde ba dang btang snyoms kyi nye bar rgyu ba gsum kho nar 'gyur gyi bco brgyad ni ma yin no/ /mtshungs par ldan pa las ni yid kyi nye bar spyod pa gcig pu kho nar 'gyur te thams cad kyang yid dang mtshungs par ldan pa'i phyir ro/ /dmigs pa las ni drug tu 'gyur gyi bco brgyad ni ma yin no/ /ji ltar zhe na gzugs la dmigs pa'i yid bde ba dang yid mi bde ba dang btang snyoms rnams ni gzugs la nye bar rgyu ba nyid yid yin la de bzhin du chos la dmigs pa rnams ni chos la nye bar rgyu ba nyid kyi bar du yin pas drug tu 'gyur gyi bco brgyad ni ma yin no/ /gsum gar yang gzhag ste zhes bya ba ni ngo bo dang mtshungs par ldan pa dang dmigs pa las so/ /ji ltar zhe na/ yid bde ba la sogs pa rnams ngo bo tha dad par gyur cing / yid dang mtshungs par ldan la/ re re yang gzugs la sogs pa drug gi yul can yin pa'i phyir ro/ /de ltar na gsum kar las kyang rnam par bzhag pas bco brgyad du 'gyur ro/ /de lta ma yin na rang bzhin rnam par bzhag pa la yid bde ba dang yid mi bde ba dang btang snyoms kyi nye bar rgyu ba yod pa ma yin pas yid dang mtshungs par ldan pa'i dbang du byas par mi 'gyur ro/ /yid kyi nye bar rgyu ba zhes bya bar mi 'gyur te/ dmigs pa rnam par gzhag pa la yid bde ba la sogs pa yod pa ma yin pas rnam pa drug tha dad par mi 'gyur ro/ /de'i phyir yid kyi nye bar rgyu ba bco brgyad ces bya bar mi 'gyur ro/ /gzugs la sogs pa'i so sor nges pa la dmigs pa'i phyir ro zhes bya ba la gzugs la dmigs pa'i yid bde ba la sogs pa rnams kyi dmigs pa ni gzugs kho na yin gyi yul gzhan ni ma yin la/ reg bya la dmigs pa rnams kyi bar gyi yang de bzhin du yin te/ de'i phyir gzugs la sogs pa la nye bar rgyu ba bco lnga ni ma 'dres pa la dmigs pa yin no/ /chos la nye bar rgyu ba gsum ni rnam pa gnyis ka yin no zhes bya ba ni 'dres pa la dmigs pa yang yin la/ ma 'dres pa la dmigs pa yang yin te/ rnam pa 'chad pa la dmigs pa zhes bya ba'i don to/ /gal te gzugs la sogs pa dag gam mig la sogs pa dag gam/ gzugs la sogs pa phan tshun chos dang lhan cig dmigs na ni de lta na 'dres pa la dmigs pa'o/ /ci ste chos kyi skye mched kho na la dmigs kyi gzhan la ma yin na ni de lta na ma 'dres pa la dmigs pa'o/ /yid la brten nas zhes bya ba rgyas par 'byung ste/ brten nas zhes bya ba ni brten nas zhes bya ba'i don to/ /yul la nye bar rgyu ba'i phyir ro zhes bya ba ni yul dag la yang dang yang du dmigs zhes bya ba'i don to/ /yang dang yang du zhes bya ba ni nye ba'i don gyi sgra yin pa'i phyir ro/ /grag go zhes bya ba'i sgra ni gzhan gyi lugs gsal bar byed pa ste/ de lta na ni yid la brten nas yul rnams la nye bar rgyu ba'i phyir/ /yid dang mtshungs par ldan pa dang mtshungs par ldan pa ma yin pa dag kyang yid kyi nye bar rgyu bar 'gyur ro/ /yul dag la yid nye bar rgyu bar byed pa'i phyir zhes bya ba ni yang dang yang du rab tu 'jug par byed ces bya ba'i don to/ /yang dang yang du rnam par rgyu bas 'jug pa'i phyir zhes bya ba'i don to/ /'di yid kho na la brten pa ni ma yin te/ 'o na ci zhe na mig la sogs pa dag la yang yin no/ /nye bar rgyu bar byed pa yang ma yin pas zhes bya ba ni yang dag par rtogs par byed pa ma yin zhes bya ba'i don te/ rtogs pa med pa'i rnam par shes pa dang mtshungs pa ldan pa'i phyir la/ rnam grangs dang po'i dbang du byas pa dang gnyis pa'i dbang du byas nas brjod de/ yid ni yul rnams la rab tu 'jug byed ma yin no zhes bya ba'i don to/ /yid bde ba la sogs pa rnams ni rnam par rtog pa'i phyir de'i dbang gis yul dag la yang dang yang du 'jug pa'i phyir ro/ /bsam gtan gsum pa'i bde ba zhes bya ba rgyas par 'byung ste/ gal te yid tsam la brten pa'i tshor ba yid kyi nye bar rgyu ba yin na/ 'o na ni des na bsam gtan gsum pa'i btang snyoms kyis nye bar rgyu ba bzhin bde ba nye bar spyod par yang brjod par bya ste/ bsam gtan gsum pa'i bde ba yid kyi sa pa yin pa'i phyir ro zhe na/ de'i phyir dang po 'dod pa'i khams na zhes bya ba smos te dang po ni thog mar ro/ /grag go zhes bya ba'i sgra ni lan de la snying po med pa'i phyir te/ gang gi phyir 'dod pa'i khams ni yid kyi sa pa'i bde ba'i dbang po med pas ma bzhag pa de'i phyir/ khams gong ma na sems kyi bde ba'i dbang po yod kyang mi gzhag go zhes bya ba 'di la rgyu ci zhig yod/ yid kyi nye bar rgyu ba ni gdon mi za bar gnyen po dang bcas par 'gyur ro zhes bya ba 'di la yang rigs pa ci zhig ste/ de lta na btang snyoms kyang nye bar rgyu ba'i mtshan nyid du mi 'gyur te/ nye bar rgyu ba'i gnyen po nyid ma yin no/ /'o na ci zhe na/ nye bar rgyu bar byed pa nyid yin na/ gzhan dag na re bsam gtan gsum pa'i bde ba ni brtan pa yin la/ nye bar rgyu ba ni mi brtan pa yin no/ /de nyid kyi phyir yid kyi nye bar rgyu ba zhes bya ste/ de lta na bsam gtan bzhi pa'i nye bar rgyu ba ni btang snyoms su 'gyur ro/ /yid bde ba'i gnas lta bu zhes bya ba ni yid bde ba skyed par byed pa rnams so/ /de ni rnam par shes pa'i tshogs lngas mngon par bsgrubs pa nyid la dgongs te gsungs par zad kyi zhes bya ba ni de dag gis drangs shing de dag gis bskyed pa nyid sems la bsams nas gsungs par zad do zhes bya ba'i tha tshig go/ /dper na mi sdug pa lta bu zhes bya ba la/ mig gis gzugs dag mthong nas mi sdug pa'i rjes su lta zhing gnas so zhes gsungs pa de'i phyir mig gi rnam par shes pas mngon par bsgrubs pa yin te/ sngar rnam par bsngos pa la sogs pa mthong ba'i phyir ro/ /yid kyi sa pa yang yin te/ de'i mjug tu de 'byung ba'i phyir ro/ /gzhan yang mthong nas zhes bya ba rgyas par 'byung ste/ gal te 'di skad du mig gis yid bde ba'i gnas lta bu'i gzugs rnams nye bar rgyu'o zhes bya bar gsungs par gyur na ni klan kar rung ba zhig na/ 'on kyang mthong bas reg pa dang zhes bya ba'i bar du gsungs pa'i phyir 'di ni klan kar mi rung ngo / /ji ltar ma mthong bas na ma reg pa'i bar du nye bar rgyu zhe na/ gzhan las thos nas de'i brjod par bya ba yid kyis nye bar rgyu ba yin no/ /gzhan du na 'dod pa'i khams na zhes bya ba rgyas par 'byung ste/ 'dod par gtogs pa'i mig la sogs pa dag gis ni gzugs su gtogs pa'i gzugs dang sgra dang reg bya dag mi 'dzin no/ /gzugs kyi khams na 'dod pa'i khams la dmigs pa dag kyang zhes bya ba la gzugs kyi khams su skyes pa ni 'dod par gtogs pa'i dri dang ro dang reg bya dag snom pa 'am/ myong ba dang / reg par mi byed de/ kham gyi zas kyi 'dod chags dang bral ba'i phyir ro/ /gzugs dag la lta la sgra yang nyan te zas ma yin pa'i phyir ro/ /gal te ma mthong bar yang nye bar rgyu na/ 'o na mdo las mig gis gzugs dag mthong nas zhes ci'i phyir gsungs she na/ de'i phyir ji ltar ches gsal ba de ltar bshad ces pa smos te/ mig la sogs pas mngon par bsgrubs pas ches sla bar gcad du rung ba'i phyir ro/ /gang yang pi waM gi gzugs mthong nas de'i sgra la nye bar rgyu ba'am/ bud med kyi sgra thos nas de'i gzugs la nye bar rgyu ba de yang yid kyi nye bar rgyu ba kho na yin no/ /dbang po dang don rnam par chad pa'i sgo nas zhes bya ba ni mig gis gzugs dag mthong nas zhes bya ba dang / rna bas sgra rnams thos nas zhes bya ba de lta bu la sogs pa ste/ gzhan du ni mig gis gzugs dag mthong nas yid bde ba'i gnas lta bu'i sgra rnams la nye bar rgyu'i zhes 'chol bar gsungs par 'gyur ro/ /rgyud nges pas ni zhes bya ba ni sems can gyi rgyud do/ /gang zhig gcig gis yid bde ba'i gnas lta bu kho nar 'gyur ba mi srid pa de yod de/ dper na 'khor los sgyur ba'i bud med rin po che lta bu'o/ /dmigs pa ni ma min no zhes bya ba la/ ci'i phyir zhe na/ gzugs de nyid kha cig gi yid bde ba'i gnas lta bu yin la/ kha cig gi gzhan du yin pa'i phyir ro/ 'dod chags dang bral ba'i yang 'dres pa la dmigs pa ste/ btang snyoms kyi nye bar rgyu ba ni mtha' gcig tu zag pa dang bcas pa yin pa'i phyir ro/ /nye bar rgyu ba de rnams la goms pa'i phyir sbyor ba'i lam gyi ni yid bde ba'i nye bar rgyu bar 'gyur ro/ /bar chad med pa dang rnam par grol ba'i lam ni bsam gtan gyi dngos gzhis bsdus so/ /yang 'di dag las du zhig ni 'dod pa'i khams dang ldan pa yin/ de dag las kyang du zhig gi dmigs pa ni ci zhig yin zhes bya ba ni/ du zhig gi 'dod pa la dmigs pa yin/ du zhig ni gzugs la dmigs pa yin/ du zhig ni gzugs med pa la dmigs pa yin zhes bya ba'o/ /de bzhin du gzugs med pa dang ldan pa'i bar du brjod par bya'o zhes bya ba ni gzugs kyi khams dang ldan pa yin/ de dag la du zhig gi dmigs pa ni ci zhig yin/ du zhig ni gzugs med pa'i khams dang ldan pa yin/ de dag las du zhig gi dmigs pa ni ci zhig yin zhes bya ba'o/ /ji rnam par dpyad pa 'di la lus rnam par gzhag pa kho na zhig bya ste/ 'dod pa'i khams na ni yid bde ba la sogs pa gsum char dang / gzugs la sogs pa yul drug car yang yod do/ /bsam gtan dang po dang gnyis pa dag na ni yid bde ba dang btang snyoms so/ /de yan chad srid pa'i rtse mo'i bar na ni btang snyoms so/ /bsam gtan bzhi char na dri dang ro dag med do/ /gzugs med pa'i khams na ni gzugs la sogs pa lnga char yang med do/ /de la 'dod par gtogs pa dang gzugs su gtogs pa'i yid bde ba la sogs pa thams cad la ni ji ltar srid par khams gsum pa la dmigs pa'o/ /nam mkha' mtha' yas skye mched kyi nyer bsdogs ni btang snyoms te/ bsam gtan bzhi pa'i dmigs pa dang rang gi sa la dmigs pa'o/ /gzugs med pa'i dngos gzhi rnams su rang gi sa las sa gong ma la dmigs pa nyid de/ sa 'og ma la dmigs pa ma yin no/ /sa 'og ma la dmigs pa dang dge ba nyid dang nyon mongs can rang gi sa dang sa gong ma la dmigs pa ni gnyi ga ji lta ba bzhin no/ /gang dag gi de zhes bya ba ni/ slob dpon gang dag gis rnam par chad pa la dmigs pa zhes bya ba'o/ /so sor dmigs pa ni gzugs dang sgra dang ro dang reg bya dang chos kyi skye mched rnams te/ so sor rigs pa la sogs pa'i rnam pas dmigs pa'i phyir ro/ /bzlums te dmigs pa ni bsdams pa la dmigs pa'o/ /gzugs med pa'i khams la dmigs so zhes bya ba 'dir khams kyi sgras zag pa dang bcas pa gzung ngo / /'og nas shes par bya'o zhes bya ba ni/ gzugs med dngos gzhi'i dge ba yi/ /spyod yul zag bcas 'og ma min/ /zhes bya ba'o/ /gzhan dag na re/ zag pa med pa la dmigs pa'i yid kyi nye bar rgyu ba yang yod de/ de dag 'dir ma bstan to zhes zer ro/ /'gog pa dang lam la dmigs pa log par lta ba dang the tshom dang mtshungs par ldan pa dang dge ba'i chos la 'dun pa dang mtshungs par ldan pa/ e ma bdag gis mya ngan las 'das pa thob par gyur to snyam pa'o/ /de la 'dod par gtogs pa gsum mo/ /bsam gtan dang po dang gnyis pa'i sa pa gnyis so/ /bsam gtan gsum pa dang bzhi pa'i sa pa gcig go/ /gzugs med par gtogs pa gcig kho na mtshungs par ldan pa la dmigs pa'o zhes bshad do/ /gzugs na spyod pa'i dge ba'i sems ma thob pa zhes bya ba ni mi lcogs pa med pa'i 'o/ /bsam gtan dang po dang gnyis pa'i sa pa ni rang gi sa la dmigs pa'i nyon mongs pa brgyad kho na dang ldan te/ yid bde ba dang btang snyoms kyi nye bar rgyu ba gzugs dang sgra dang chos la dmigs pa rnams dang ngo / /'dir yang ji ltar srid pa bzhin brjod par bya'o/ /dri dang ro la dmigs pa ma gtogs pa zhes bya ba ni/ /gcig tu dge ba yin pa'i phyir de dag ma gtogs pa'o/ /sa 'og mar skyes pas sa gong ma'i sems ma thob pa'o/ /sa gong ma pa'i nyon mongs pa kho na dang ldan gyi dge ba dang ni ma yin zhes so/ /gzugs na spyod pa'i dge ba'i sems thob pa zhes bya ba ni mi lcogs pa med pa'i sa pa'i yin gyi dngos gzhi ni ma yin te 'dod chags dang ma bral ba'i phyir ro/ /'di ltar mi lcogs pa med pa thob nas gzod 'dod pa'i khams las 'dod chags dang bral bar 'gyur te/ 'dod pa spyod pa thams cad las 'dod chags dang ma bral ba'i phyir ro/ /'dod pa'i khams pa 'dod chags dang ma bral bas yid bde ba nye bar rgyu ba bsam gtan gyi dngos gzhi'i sa pa nyon mongs pa can bzhi kho na dang ldan gyi/ dge ba dang lung du ma bstan pa dag dang ni ma yin te sbyor ba dang skye ba la rag las pa'i phyir ro/ /dri dang ro la dmigs pa ma gtogs pa zhes bya ba la/ dri dang ro la nye bar rgyu ba dag gcig tu dge ba yin pa'i phyir ro/ /mi lcogs pa med pa'i sa la dmigs pa rnams kyis zhes bya ba ni 'dod pa'i khams la dmigs pa rnams kyi'o/ /mi lcogs pa med pa'i sa pa'i btang snyoms kyi nye bar rgyu ba drug dang ldan no zhes bya ba ni mi lcogs pa med pa'i sa pa'i sems thob pa'i phyir ro/ /bsam gtan gyi dngos gzhi'i sa pa bzhi dang mi lcogs pa med pa'i sa pa drug ste de ltar na bcur 'gyur ro/ /gal te bsam gtan gyi dngos gzhi'i sa pa'i btang snyoms kyi nye bar rgyu ba nyon mongs pa can bzhi dang / mi lcogs pa med pa'i sa pa sa gong 'og la dmigs pa dge ba bzhi dang yang ldan pa ma yin nam zhe na bden mod kyi de dag la logs su mi brtsi ste/ btang snyoms kyi bdag nyid yin pa'i phyir dang sa tha mi dad pa'i phyir ro/ /snga ma bzhin te zhes bya ba la bsam gtan dag tu dri dang ro ma gtogs pa bsam gtan gnyis pa'i sa pa ni brgyad dang ldan no/ /bsam gtan gsum pa dang bzhi pa'i sa pa ni bzhi dang ldan no/ /gzugs med pa na spyod pa ni nyon mongs pa can gcig kho na dang ldan no zhes bya bar thams cad la khong du chud par bya'o/ /srol 'dis zhes bya ba ni lugs sam tshul 'dis so/ /'di'i ni mdor bsdus pa'o/ /sa 'og mar skyes pa de yang sa gong ma pa'i nyon mongs pa dang ldan gyi/ dge ba dang lung du ma bstan pa dang ma yin te/ de'i sa thob pa dang skyed pa ni ma gtogs so/ /de'i sa thob pa las ni dge ba dang ldan par dmigs la/ skyed pa las ni lung du ma bstan pa dang yang ldan no/ /gang gi phyir sa las 'dod chags dang bral ba de sa'i nyon mongs pa smos pa'i phyir/ de'i sa pa'i nyon mongs pa can rnams dang mi ldan no/ /sa gong mar skyes pa ni sa 'og ma pa'i thams cad dang mi ldan te/ mya ngan las 'das pa'i sems dang lhan cig skyes pa'i btang snyoms nye bar rgyu ba ni ma gtogs so/ /'dod pa'i khams la dmigs pa la brten nas dngos gzhi'i bsam gtan rnams te/ drug tu 'gyur zhing ji ltar srid pa ltar bcu gnyis su yang ngo / /bsam gtan gnyis pa la sogs pa'i nyer bsdogs rnams ni sa 'og ma la dmigs pa rnams so zhe na ma yin te/ der dri dang ro la nye bar rgyu ba dag lam gyis spangs pa'i phyir ro/ /de la yid bde ba ni mtha' gcig tu dge ba ma yin zhing gzugs med pa'i dngos gzhi rnams sa 'og ma la dmigs pa ma yin no/ / mtshan nyid 'di rtogs nas rgya cher brjod par bya'o/ /de la 'dod pa'i khams su skyes pa'i gang zag gsum du byas nas ka tha ma lA ni sa gong ma pa'i sems thob pas 'dod chags dang bral ba dang zhes so/ /de la gang zag nyid dag tu bshad pa tsa lA b+hI lA b+hI tsA/ 'dod chags dang bral ba'o/ /gang zhig 'dod pa na spyod pa'i 'dod chags dang bral ba de yid mi bde ba'i nye bar rgyu ba nyon mongs pa can dang nyon mongs pa can ma yin pa dang mi ldan no/ /'dod chags dang bral ba la ni yid mi bde ba med pa'i phyir 'di ni yid bde ba dang btang snyoms kyi nye bar rgyu ba dge ba dang ldan no/ /bsam gtan dang po'i sa pa'i nyon mongs pa can ma yin pa bcu gnyis dang / 'dod pa'i khams la dmigs pa'i nyon mongs pa dang nyon mongs pa can ma yin pa brgyad dang ldan no/ /bsam gtan gnyis pa'i nyer bsdogs thob pa 'dod pa na spyod pa'i nyon mongs pa can ma yin pa bcu gnyis dang bsam gtan dang po'i sa pa'i nyon mongs pa can dang nyon mongs pa can ma yin pa bcu gnyis dang bsam gtan gnyis pa'i sa pa'i btang snyoms nye bar rgyu ba dge ba bzhi dang / yid bde ba nye bar rgyu ba bsam gtan gyi dngos gzhi'i sa pa nyon mongs pa can bzhi dang btang snyoms nye bar rgyu ba rnams ni logs su mi brtsi'o/ /slob dpon 'dus bzang na re/ btang snyoms kyi nye bar rgyu ba dge ba drug gnyis pa'i nyer bsdogs dang ldan no zhes zer ro/ /de lta bu la dpyad na gnyis pa'i nyer bsdogs 'dod pa la dmigs pa yod do/ /bsam gtan gsum pa dang bzhi pa'i sa pa'i btang snyoms nye bar rgyu ba nyon mongs pa can bzhi rnams dang ldan pa nyid med do/ /gzugs med pa na spyod pa'i yang btang snyoms nye bar rgyu ba nyon mongs pa can bzhi dang ldan pa nyid de/ bsam gtan dang po la chags pa dang bral ba bsam gtan gsum pa'i dge ba'i sems ma thob pa ni 'dod pa na spyod pa'i dge ba dang / lung du ma bstan pa bcu gnyis dang ldan no/ /bsam gtan dang po'i sa pa'i dge ba bcu gnyis dang bsam gtan gnyis pa'i sa pa'i dge ba bcu gnyis dang sa 'og ma pa la dmigs pa dang rang gi sa la dmigs pa brgyad dang dge ba dang nyon mongs can dang sa gong ma pa rnams ni snga ma bzhin te/ bsam gtan gnyis pa la 'dod chags dang bral ba'o/ /bsam gtan gsum pa'i sems thob pa 'dod pa dang / bsam gtan gsum pa'i sa pa rnams dang sngar gyi bsam gtan gsum pa nas srid pa'i rtse mo'i bar gyi dngos gzhi dang nyer bsdogs dag gi tshor ba la khyad par med do/ /'di ni bsam gtan gsum pa'i khyad par te/ nyer bsdogs las dge ba dang / dngos gzhi las nyon mongs can no/ /bsam gtan bzhi pa nas srid pa'i rtse mo'i bar gyi nyon mongs can kho na bsam gtan gnyis pa'i 'dod chags dang bral ba'o/ /bsam gtan bzhi pa'i sems ma thob pa 'dod p a dang bsam gtan dang po'i sa pa rnams dang snga ma bzhin bsam gtan gnyis pa'i sa pa bcu gnyis dang dge ba'i rtsa ba rnams nyid dang de 'dod chags dang bral ba'i phyir bsam gtan gsum pa'i sa pa'i btang snyoms kyi nye bar rgyu ba drug dang sa 'og ma la dmigs pa'i dge ba dang rang gi sa la dmigs pa bzhi dang dge ba dang nyon mongs pa can rnams dang / bsam gtan bzhi pa'i sa pa la sogs pa sa'i nyon mongs pa can rnams nyid bsam gtan bzhi par thob bo/ 'dod pa dang bsam gtan dang po dang gnyis pa dang gsum pa rnams dang snga ma bzhin ldan no/ /bsam gtan gsum pa'i sa pa'i nyer bsdogs las dge ba dang dngos gzhi las nyon mongs can nyid de srid pa'i rtse mo'i bar las bsam gtan gsum pa 'dod chags dang bral ba'o/ /nam mkha' mtha' yas skye mched kyi sa pa'i dge ba'i sems ma thob pa ni/ bsam gtan gsum pa las dge ba nyid dang bzhi pa las nyon mongs can nyid de lhag ma snga ma bzhin no/ /de las gong ma'i sa'i sems thob pa ni/ nam mkha' mtha' yas skye mched kyi nyer bsdogs las 'og ma la dmigs pa bzhi dge ba nyid dang dngos gzhi las nyon mongs can gcig nyid dang ma 'dres pa la dmigs pa'i phyogs dang 'dres pa la dmigs pa'i phyogs la ni nyer bsdogs las kyang dge ba gcig nyid dang ldan no/ /lhag ma snga ma bzhin no/ /bsam gtan bzhi pa'i 'dod chags dang bral ba'o/ /bsam gtan bzhi pa'i sa pa'i dge ba rnams dang dge ba nyid ldan gyi nyon mongs can ni ma yin no/ /nam mkha' mtha' yas skye mched kyi sa pa'i ni dge ba nyon mongs can dang ste lhag ma snga ma bzhin no/ /de bzhin du rnam shes mtha' yas skye mched kyi sa pa'i sems thob pa'o/ /nam mkha' mtha' yas skye mched kyi 'dod chags dang bral ba yang rnam shes mtha' yas skye mched las dge ba dang nyon mongs can dag dang ldan no/ /de bzhin du ci yang med pa'i skye mched nas srid pa'i rtse mo'i bar du rgya cher brjod par bya'o/ /bsam gtan du skyes pa smos pa ni gzud sa med par skyes pa bsal ba'i phyir ro/ /gzugs med par skyes pa ni rtag tu rang gi khams dang ldan pa nyid kyis khams 'og ma la dmigs pa'i phyir ro/ /de lta mod kyi des chos kyi skye mched la dmigs pa ma yin no/ /'di ltar gzugs la sogs pa'i spyi la dmigs pa'i phyir chos la nye bar rgyu ba nyid du rnam par gzhag go/ /de la bsam gtan dang por skyes pa bsam gtan gnyis pa'i sa pa'i dge ba'i sems ma thob pa 'am thob pa dang 'dod chags dang ma bral ba dang 'dod chags dang bral ba ste rnam pa gsum du gyur to/ /de la ma thob pa ni bsam gtan dang po'i sa pa'i nyon mongs pa can thams cad dang nyon mongs pa can ma yin pa dang / bsam gtan gnyis pa la sogs pa'i sa pa'i nyon mongs pa can nyid ma thob pa'o/ /'dod chags dang ma bral ma [(]ba [)]ni bsam gtan gnyis pa'i sa pa'i yid bde ba nye bar rgyu ba bzhi dang / nyon mongs pa can dang / btang snyoms nye bar rgyu ba bzhi dang dge ba nyon mongs pa can ma yin pa dang / nyer bsdogs las dge ba nyon mongs pa can dang / nyer bsdogs las dge ba'i rtsa ba nyon mongs pa can rnams dang ste lhag ma snga ma bzhin no/ /'dod chags dang bral ba ni bsam gtan dang po'i sa pa'i nyon mongs pa can ma gtogs pa rnams dang / bsam gtan gnyis pa'i sa pa'i dge ba nyon mongs can rnams dang ldan te lhag ma snga ma bzhin no/ /thams cad 'dod par gtogs pa'i sprul pa'i sems lhan cig skyes pa dang lung du ma bstan pa dang btang snyoms nye bar rgyu ba dang ldan no/ /bsam gtan gnyis par skyes pa ni/ 'dod par gtogs pa dang bsam gtan dang po'i sa pa'i sprul pa'i sems lhan cig skyes pa dang lung du ma bstan pa dang btang snyoms nye bar rgyu ba dang ldan gyi gzhan dang ma yin no/ /de bzhin du bsam gtan gtan bzhi pa'i bar du skyes pa rnams ni btang snyoms nye bar rgyu ba dang sa 'og ma'i sprul pa'i sems lhan cig skyes pa dang ldan gyi gzhan dang ni ma yin no/ /bsam gtan gnyis pa la sogs par skyes pa'i rjes su 'brangs te/ nye bar rgyu ba lhag ma dang ldan pa rgya cher brjod par bya'o/ /gzugs med pa'i khams su skyes pa ni rtag tu rang gi khams pa gcig nyid dang ste/ khams 'og ma la dmigs pa'i phyir ro/ /yid kyi nye bar rgyu ba'i don bye brag tu smra ba rnams kyi 'di lta bu yang yod mod kyi zhes bya ba ni/ de nyid nye bar bsags pa zag pa dang bcas pa nyid de yin gyi nye bar rgyu ba de las bzlog pa zag pa med pa'o/ /rtsom pa med par 'jug pa'i phyir dang mtshan ma med par gzhol ba'i phyir rtsol ba med pa'o/ /nye bar spyod pa 'ga' zhig zag pa med pa yin no/ /de dag kyang dge ba dang nyon mongs pa can zhes te/ nye bar spyod pa'i don bstan pa 'di ni bye brag tu smra ba rnams kyi yin no/ /gzhan na re zhes bya ba ni gzhan yang ma yin gyi bdag nyid kho na zhes bya ba'i don to/ /gang zhig gang las zhes bya ba rgyas par 'byung ba ni/ gang zhig gzugs la sogs pa de las 'dod chags dang ma bral ba ni gzugs la sogs pa'i dmigs pa de la nye bar rgyu bar rigs pa ma yin te de'i sa pa'i nyon mongs pa spangs pa'i phyir ro/ /ji ltar nye bar rgyu bar byed ce na/ de la rjes su chags par byed khong khro bar byed/ so sor ma brtags par btang snyoms su yang byed pa ste/ de'i phyir zag pa med pa rnams ma yin pa 'ba' zhig tu ma zad kyi/ ji skad du khyod kyis/ 'dod na thams cad rang dmigs can/ /spyod yul gzugs can bcu gnyis so/ /zhes bya ba la sogs pa smras pa'i zag pa dang bcas pa dag kyang thams cad ni ma yin no/ /'o na ci zhe na kun nas nyon mongs pa ste/ kun nas nyon mongs pa'i 'bras bu can rnams yin te/ kun nas nyon mongs pa rnams te/ kun nas nyon mongs pa dang mthun pa rnams zhes bya ba'i tha tshig go/ / yid bde ba la sogs pa dag ni rnam pa gnyis te/ yid yul rnams la rjes su chags pa dang khong khro ba la sogs pa'i rjes su mthun pa dang rjes su mi mthun pa'o/ /de la gang dag rjes su chags pa la sogs pa dang mthun pa de dag ni nye bar rgyu ba zhes brjod kyi gzhan ni ma yin te/ de nyid kyi phyir de dag gis yid yul rnams la nye bar rgyu bar byed do zhes bya ba rgyas par smos so/ /tshor ba'i dbang gis rjes su chags pa la sogs pa 'jug pa'i phyir de dag gis yul rnams la nye bar rgyu bar byed do zhes brjod do/ /so sor brtags pa'i btang snyoms ni dge ba yin pas/ de'i phyir so sor ma brtags par btang snyoms su byed pa ste zhes bya ba smos te/ btang snyoms su byed kyi gtod par mi byed do zhes bya ba'i don gang yin pa'o/ /gang gis gnyen por rtag tu gnas pa drug yin pa ste/ na h+ya kliSh+Ta s+ya zag pa dang bcas pa de la dmigs pa'i 'dun pa'i 'dod chags kyi sgo nas gnyen po ma gtogs pa gzhan gnyen po yod ces bya ba'o/ /rtag pa ni grub pa'i mtha' las rtag par 'byung ba'o/ /drug nyid ni rnam pa drug ste gzugs la sogs pa la ma dmigs pa'i phyir ro/ /dgra bcom pa la yang zhes rgyas par 'byung ba la/ chos la dmigs pa ni chos nyan pa la sogs pa sangs rgyas kyi yon tan la sogs pa la dmigs pa'o/ /de dgag pa yin par mngon zhes bya ba la/ mig gis gzugs rnams mthong nas yid bde bar mi 'gyur zhes rgya cher 'byung ste/ kun nas nyon mongs pa las byung ba nyid kyi nye bar rgyu ba zhes so/ /'di la slob dpon go cha mtha' yas na re/ gang bshad pa de mi rigs te/ ci'i phyir zhe na/ mdo las gzhan du bstan pa'i phyir te/ dge slong dag de la yid bde ba'i nye bar rgyu ba drug po gang yin pa de dag la brten cing gnas te yid mi bde ba'i nye bar rgyu ba drug po gang yin pa de dag spongs shig / dge slong dag de la btang snyoms kyi nye bar rgyu ba drug po gang yin pa de dag la brten cing gnas te/ yid bde ba'i nye bar rgyu ba drug po gang yin pa de dag spongs shig / dge slong dag de la btang snyoms pa ni gnyis te/ tha dad pa nyid la brten pa dang / gcig pa nyid la brten pa'o/ /dge slong dag de la gcig pa nyid la brten pa'i btang snyoms gang yin pa de la brten cing gnas te tha dad pa nyid la brten pa'i btang snyoms gang yin pa de yang spongs shig ces bshad de/ de lta bus na mdo 'di las yid bde ba la sogs pa'i nye bar rgyu ba ni kun nas nyon mongs pa kho na ma yin no zhes bya bar shes so zhes zer ro/ /'dis ni re zhig yid bde ba dang btang snyoms dag kun nas nyon mongs pa nyid yin pa bzlog pa ma yin te/ 'di ltar mdo las nga rgyal la brten nas nga rgyal spang bar bya'o zhes gsungs kyang / 'dis nga rgyal kun nas nyon mongs pa yin pa bzlog pa ma yin pa bzhin no/ /de'i phyir mdo las nyon mongs pa rnams kyang lci ba dang yang ba la dgongs nas spang ba dang brten par gsungs pas skyon med do/ /des na btang snyoms kyi nye bar rgyu ba gang yin pa de nyid btang snyoms kyi nye bar rgyu ba spang ba dang brten pa nyid du ston pa yin no/ /ston pa'i mtshan nyid sum cu rtsa drug ni/ 'di dag gis ston pa go bar byed ces bya ba'i tha tshig go/ /'di dag gis ston pa go bar byed pa ni ston pas gsungs so zhes bya bar dgongs pa'o/ /gzhan la de dag rnam par 'byed pa'i nus pa med pa'i phyir ro/ /zhen pa la brten pa dang nges par 'byung ba nyid la brten pa'i bye brag gis zhes bya ba la/ zhen pa ni brkam pa ste/ don du gnyer ba dang chags pa dang mngon par zhen pa dang / srid pa zhes bya ba ni rnam grangs dag go/ /nges par 'byung ba nyid ni 'dod chags dang bral ba'o/ /'khor ba'am kun nas nyon mongs pa 'am sdug bsngal las nges par 'byung ba ni nges par 'byung ba nyid do/ /de dag gis bye brag ston pas bka' stsal pa'i phyir ro zhes bya ba ni bstan pa'i phyir ro zhes bya ba'i bar du smras par 'gyur ro/ /'di skad du/ mdo las mig gis shes par bya ba'i gzugs dag la brten nas yid bde ba skye bar 'gyur zhing / de yang rnam pa gnyis su rig par bya ste/ zhen pa nyid la brten pa dang / nges par 'byung ba la brten pa'o zhes bya ba rgyas par 'byung ste/ sgra dang dri dang ro dang reg bya dang / chos dag la yang de bzhin du rig par bya la yid mi bde ba dang btang snyoms kyang de dang 'dra'o/ /de lta na tshor ba zhes bya ba srid pa'i yan lag 'di'i zhes bya ba ni ji skad bshad pa'i/ de las byung ba tshor ba drug /lnga ni lus kyi'o sems kyi gzhan/ /zhes bya ba rgya cher te ma bsgribs la lung du ma bstan pa'i tshor ba dge ba kun nas nyon mongs pa'i phyogs dang rjes su mthun pa dang / dge ba nyon mongs pa can gyi phyogs dag kho nar rtogs par bya ba yin pas de logs su ma bstan to/ /gal te 'dir yan lag cung zad bshad pa dang cung zad 'chad par 'gyur ba de lta bu yod pa go bar zad pa'i phyir ci'i don du mdo rtsom zhe na/ bshad pa dang 'chad par 'gyur ba gzhan zhes bya ste gzhan du ni phyi ma'i don du'o/ /gang 'dir bcom ldan 'das kyis 'grel pa bzhi rgyas par gsungs par shes par bya'o/ /'dir ni nyon mongs 'dod ces bya ba la sogs pa ni rten cing 'brel par 'byung ba yan lag bcu gnyis dang sbyar bar bya ba'i phyir mdo rtsom pa'o/ /nyon mongs pa dang las dang gzhi rnams so zhes bya bas ni so sor shes par byas pa ste/ nyon mongs gsum mo las gnyis so/ /gzhi bdun zhes bya ba de lta bu'o/ /nyon mongs pa dang las dang gzhi 'di dag gi so so'i byed pa phyi rol gyi dpe'i sgo nas bstan pa'i phyir/ 'dir ni nyon mongs sa bon bzhin/ /zhes bya ba rgyas par smos so/ /nyon mongs pa'i klu gnas pa'i skye ba'i chos kyang de dang 'dra'o zhes bya ba la/ nyon mongs pa yod na las rnams nye bar sog par 'gyur la/ de ni de las skye ba yin pas nyon mongs pa yod na 'ga' zhig gi yang skye ba'i mtsho skams par mi 'gyur ro/ /las rnams kyang rnam par smin pa bskyed par bya ba la de bzhin du rig par bya'o zhes bya ba ni nye ba'i rgyur te/ nyon mongs pa rnams ni ring ba yin no/ /thar pa ni mi 'gyur ro zhes bya ba ni dgra bcom pa la yang yang srid kyi nyon mongs med pa'i phyir ro/ /de dag ni bshad zin to zhes bya ba ji ltar zhe na/ 'dir gang 'chi dang skye ba yi/ /srid pa'i bar du 'byung ba'o/ /zhes bya bas srid pa bar ma dang / skye ba'i srid pa ni 'gro ba dag tu nying mtshams sbyor ba'i skad cig go zhes bya ba dang / de phan chad 'chi ba'i skad cig ma gtogs pa gzhan ni dus snga ma'i srid pa'o/ /gang gi 'og tu srid pa bar ma 'byung ba tha ma'i skad cig ma ni 'chi ba'i srid pa'o/ /skye ba'i srid pa nyon mongs can/ /zhes bya ba ni dge ba ma yin zhing ma bsgribs la lung du ma bstan pa ma yin pa ste de'i phyir gcig tu zhes bya ba smos te/ nyon mongs pa can kho na yin no zhes bstan par 'gyur ro/ /nyon mongs pa dmigs kyis ma phyed pas 'dra ba ni nyon mongs pa gang gis zhes bya ste/ de'i phyir nyon mongs kun zhes bya ba smos so/ /ci skye ba'i srid pa thams cad nyon mongs pa thams cad kyis nyon mongs pa can du 'gyur ram zhe na ma yin no/ /'o na ci zhe na/ rang gi sa pa'i nyon mongs pa rnams kyis nyon mongs pa kho na ste/ 'dod chags dang / khong khro ba dang / nga rgyal dang / gti mug dang / lta ba dang the tshom zhes bya ba dag gis so/ /kun nas dkris pa tshig rkya thub pa rnams kyis ni ma yin no zhes bya ba la/ 'dod chags la sogs pa'i nyon mongs pa dang mtshungs par ldan pas/ ngo tsha med pa dang / khrel med pa dang / rmugs pa dang / rgod pa dang / gnyid ces bya ba kun nas dkris pa rang dbang ma yin pa med pas de'i phyir tshig rkya thub pa rnams kyis zhes khyad par du byas so/ /ma rig pa las gzhan nyon mongs pa 'dod chags la sogs pa dang mtshungs par mi ldan pas na chig rkya thub pa dag ces bya ste/ phrag dog dang / ser sna dang / 'gyod pa dang / khro ba dang / 'tshig pa zhes bya ba dang lnga la chig rkya thub pa rnams zhes brjod do/ /nyon mongs pa rnams kyis nying mtshams sbyor ro zhes 'byung ba dang / rang dbang ba rnams ni 'dod chags la sogs pa'i nyon mongs pa rnams dang mtshungs par mi ldan pa'i phyir de dag gis nying mtshams sbyor ba dgag go/ /'dod chags la sogs pa nyon mongs pa dang mtshungs par ldan pas rang dbang ma yin pa rnams kyis ni nying mtshams sbyor ba mi dgag go/ /yang 'dir nyon mongs pa rnams kho na nying mtshams sbyor ba'i rgyu yin pa kun nas dkris pa rnams ma yin pa ci zhe na/ de ni gnas skabs su der 'bad pa med pas zhen pa'i phyir dang so sor brtags pa sngon du 'gro ba ma yin pa'i phyir dang / 'chab pa dang / 'gyod pa la sogs pa stobs chung ba'i phyir ro/ /kun nas bkris pa'i bag chags rnams 'bad pa med par kun dkris pa rnams la 'jug pa de mi srid do/ /nyon mongs pa rnams ni rang gi ngang gis 'jug pa'i phyir de'i gnas skabs su zhan yang kun tu spyod par byed do/ /de'i phyir nyon mongs pa rnams kho na nying mtshams sbyor ba'i 'ching bar 'dod kyi kun nas dkris pa rnams ni ma yin no/ /gal te gnas skabs de ni zhen pa ma yin nam/ ji ltar der log par lta ba la sogs pa dag kun tu 'byung zhe na de'i phyir/ gnas skabs de zhen pa yin mod kyi zhes bya ba rgyas par 'byung ste/ sems dang sems las byung ba rnams mi g.yeng ba'i phyir gnas skabs de ni zhan pa yin zhes bya'o/ /gzhan dag na re de ni tshor ba btang snyoms kho na yod pas de'i phyir zhan pa zhes brjod do zhes zer ro/ /gang zhig gis gang la yang dang yang du zhes bya ba ni rtag tu zhugs zhes bya ba'i don to/ /nye bar zhes bya ba ni 'chi ba dang nye ba ste spyad pa zhes bya ba dang sbyar ro/ /de'i tshe zhes bya ba ni skye ba'i srid pa'i gnas skabs na'o/ /nyon mongs pa de nyid la nye bar gnas zhes bya ba ni nyon mongs pa gang la yang dang yang du nye bar spyad pa'o/ /sngon 'phangs pa'i phyir ro zhes bya ba ni sngon goms pas de'i tshe yang rnam pa de lta bu'i nyon mongs pa kho na nye bar gnas pa'o/ /yang na sngon du yang yang nye bar spyod pa des de'i 'phen pa ste 'bras bu'i ngo bos 'phen pa gang yin pa zhes bya ba'i don to/ /gzhan dag na re lus la sred pa ni sems can rnams kyi nga'o snyam pa'i nga rgyal te/ d+hu bA naM gi Nau par+yA ye na tau ta s+yA pa s+thA yAM sUk+Sh+mau sa mu dA tsa ran+tau pan+ta tiM na bi dza hI taH/[ (]lus kyi nges pa'i rnam grangs kyis/ /de dag de yi gnas skabs su/ /phra bar rgyu ba nyid yin gyi/ /rgyud la spangs pa ni ma yin pas/[) ]de dag skye ba'i srid pa nyon mongs can du 'gyur ro zhes zer ro/ /de lta na 'o na 'phags pa rnams la de kun tu spyod pa srid pa'i phyir skye ba'i srid par mi 'gyur ro zhe na/ sred pa chad pa la rjes su thogs pa srid pa'i phyir 'di mtha' gcig tu ma yin no/ /srid pa bar mar nying mtshams sbyor ba yang de bzhin du zhes bya ba ni yang srid kyi mtshams sbyor du bshad pa ji lta ba bzhin no zhes bya ba'i don to/ /gzugs med gsum zhes bya ba la/ /gzugs med pa dang mtshungs par ldan pa'i las kyi srid pa bar ma'i 'bras bu yod pa ma yin no/ / ci'i phyir med ce na/ gzugs med pa'i khams na gnas gzhan du yongs su chad pa med de zhes bya ba rgyas par 'byung ngo / /de dag gi zas kyang mdo las bzhi kho nar bshad do/ /byis pa zhes bya ba ni 'o ma dang mar za ba'i bar ro/ /sogs pa'i sgras ni mngal na gnas pa bsdu ste 'di dag yongs su chad pa nyid kyis lhag ma rnams kyi ni reg pa nyid do zhes bya ba grub bo/ /yang ci 'di rnams thams cad khams thams cad na yod dam zhe na de'i phyir kham gyi zas ni 'dod pa kho na na yod pa yin te/ kham gyi zas kyi 'dod chags dang ma bral ba ni gzugs dang gzugs med par mi skye ba'i phyir ro/ /'dod chags dang bral ba ni ji srid de ma skyes pa de srid du zas kyis gnas pa nyid yin te/ de nyid kyi phyir der skye ba'i phyir ro zhes bya ba smos te/ der ni lus gnas pa phyi rol gyi rkyen la rag las pa ma yin no/ /de lta mod kyi gzugs kyi khams na yod pa'i 'byung ba phan 'dogs pa rnams ni kham gyi rnam pa'i 'dod pa'i yon tan ma yin te/ ji ltar gzugs kyi khams kyi gzugs dang sgra dang reg bya rnams yon tan yin yang 'dod pa'i yon tan ma yin pa bzhin no/ /'di la phan 'dogs pa'i reg bya'i khyad par yang de bzhin no/ /'di ltar dga' ba yang der zas zhes bshad de kham gyi rnam pas yongs su longs spyad pa srid pa'i phyir kham gyi zas su 'gyur ro zhe na/ 'dir zas zhes bya ba brjod pa zas bzhi'i bya ba ma yin te/ dga' ba za ba ni dus ring por gnas pa ste/ dga' ba za ba'i lha 'od gsal ba lta bu'o zhes bya ba bzhin no/ /'o na 'dod pa'i khams su yang gang kha'i sgo nas mid pa de nyid kham gyi zas yin gyi de dag gi de'i don du sgrub pa nyid ma yin no zhe na de mngon par brjod pa ma grub bo/ gzugs kyi khams su cung zad kyang mid pa med la kham gyi zas ni 'dod khams na zhes bshad pa de'i phyir 'di la klan ka med do/ /dri dang / ro dang / reg bya'i skye mched rnams ni 'dod pa'i khams na sna dang lces kham du bcad nas kham du bya ste mid pa'i phyir kham gyi zas zhes brjod na grib ma la sogs pa dag ni kham du byas nas mid do snyam du the tshom za bas 'dri ba ni grib ma dang nyi ma dang me dang / 'od dag la yod pa'i dri dang ro dang reg bya de dag ji ltar zas nyid yin zhes bya ba'o/ /'di ni phal che ba zhes bya ba rgyas par 'byung ba la 'dod pa na spyod pa'i dri dang ro dang reg bya de dag phal cher kham du bcad nas mid pa na gnas pa 'dren pa byed mod kyi kham gyi zas phra ba de dag kyang khrus dang lus mnye ba bzhin du de'i rigs can yin pa'i phyir zas nyid las mi 'da' bas 'gal ba med do/ /gzhan dag na re/ bskal pa dang po pa sa'i bcud la sogs pa bcad cing za ba'i phyir de yang kham nyid du brjod de gang gi phyir gcod pas na kham zhes bya'o zhes zer ro/ /gzhan dag na re pU rbAn+ta bi kalpe Sh+wa s+yai ba brad+hA n+yaM su ta rA ma shu tsen+d+ri ya ma hA b+hU tA nu gra hA ya pra br-it+ti ra taH/ prAd+hA n+ya da yan+ni rde sha i ti/[ (]sngon rmi mtha'i rtog pa rnams la 'di nyid ches gtso bor gyur pas mi gtsang ba dbang po'i 'byung ba chen po la phan 'dogs pa'i phyir 'jug go/ /de'i phyir gtso bo la sogs pa nges par bstan no zhes zer ro/ /[)]bkres pa dang skom pa dag kho na nye bar zhi bar bya ba'i phyir zas kyi bya ba byed pa ma yin nam/ ji ltar de las gzhan pa nyid brjod ce na dbang po'i 'byung ba chen po rnams rgyas par byas te/ d+h+yA yA ma bi shra ma bats+tso pa tsa yaM kr-i twa n+ye bA ro gA khye dzi g+hat+sa bi bA se tsa/ A hA ro nA n+ye A hA ro hi [(]bsam pa ngal ba min pa nye bar bsags pa byas nas bkres pa dang skom pa'i nad zas gzhan min zas ni/[) ]zhes rgyas par 'byung ste zas mid par byed pa na dbang po 'khogs pa rnams dang de'i rten 'byung ba chen po rnams la phan 'dogs shing rgyas par byed do/ /gzugs kyi skye mched ni mid pa'i tshe zhes bya ba ni mid pa'i dus na ste zas ni gang gi tshe khar bcug pa dang sos mnal ba dang mchil mas brlan pa mid pa las gyur pa de'i tshe sna dang lce dang lus kyi dbang po dag gam/ de dag gis dri la sogs pa rnams 'dzin pas de'i rten 'byung ba chen po rnams la phan 'dogs pa de bzhin du gzugs kyi skye mched ni mid pa'i tshe ma yin no/ /gzugs kyi skye mched ni rang gi dbang po ste mig gi dbang po gang yin pa'am/ de'i 'byung ba chen po ste dbang po'i rten 'byung ba chen po gang dag yin pa de la phan mi 'dogs na dbang po gzhan rna ba la sogs pa dag la phan 'dogs pa lta smos kyang ci dgos/ yul ma yin pa'i phyir zhes bya ba ni dbang po de dag gi yul gzugs la sogs pa yin pa'i phyir ro/ /gal te mid pa'i tshe gzugs kyi skye mched mig gis ma gzung bas mig gi dbang po la phan 'dogs na 'o na zas kyi tshe mthong ba na phan 'dogs par 'gyur ro zhe na de'i phyir gang gi tshe mthong ba na zhes bya ba rgyas par smos so/ /de la dmigs pa ni mthong bzhin pa'i gzugs la dmigs pa'o/ /yang de'i tshe yang de la dmigs pa bde ba myong bar 'gyur ba'i reg pa zas yin gyi gzugs ni ma yin no zhes bya ba 'di ji ltar rtogs she na/ de'i phyir grol ba'i phyir mi 'ong ba dang dgra bcom pa zhes bya ba rgyas par smos te/ phyir mi 'ong ba smos pa ni de dag kyang 'dod pa las 'dod chags dang bral ba'i phyir ro/ /mthong ba'i gzugs su zas kyi bya ba byed pa na ji ltar dri dang / ro dang / reg bya mid bzhin pa dag bzhin du phyir mi 'ong ba rnams dang dgra bcom pa la yang byed par 'gyur te/ 'di skad du kham gyi zas ni lag na yod pa 'am snod na yod pas zas kyi bya ba mi byed kyi/ 'on kyang gang gi tshe khar bcug pa dang / sos mnal ba dang / mchil mas brlan pa dang / mid pa dang / pho ba khengs par gyur pa zhes bya ba rgyas par srin bu'i rigs rnams la phan par gyur pa de'i tshe zas nyid kyi skye mched du 'gyur ro zhes gsungs pa'i phyir te/ zas kyi dngos po byed ces bya ba'i don to/ /de ni gong bu mtha' dag lag pa la sogs pa na yod pa na 'byung bar 'gyur ba'i ming gis kham gyi zas zhes bya ba'o/ /gang gi tshe zas kyi bya ba byed pa de'i tshe dri dang ro dang reg bya kho na zas kyi ming thob ste/ 'di de'i tshe yul du 'gyur bas so/ /ci ste gzugs kyang zhes smos te/ dri la sogs pa bzhin de ltar 'dod na mi ldan pa'i 'du byed kyi rang bzhin sgra yang zas su 'gyur te/ gzugs kyi skye mched kyi mthar lto bar gnas pas phan par byed pas so zhes so/ /'di ji ltar shes par bya zhe na/ dri la sogs pa bzhin so sor nus pa mthong ba'i phyir de'i tshe yang de'i yul rnam par shes pa mi 'thad pa'i phyir ro/ /dri tsam zas yin pa ni re zhig yod do zhes 'grub bo/ /gzhan dag na re gzugs ni zas ma yin te/ phrad nas 'dzin pa'i dbang po'i yul ma yin pa'i phyir sgra bzhin no zhes zer ro/ /slob dpon dpal len na re/ gang zhig 'dus pa 'di dag thams cad kyis za bar byed pas zas te tha dad med par bstan pa'i phyir ro/ /gang gi phyir 'di yongs su 'gyur ba las bcud dang khrag dang sha la sogs pa'i ngo bo bsgrub pa'i phyir rgyud nye bar rton par byed pa de'i phyir 'di thams cad zas so zhes zer ro/ /zag pa dang bcas pa kho na zas zhes bya ba la/ 'di nyid du zag pa dang bcas pa smos pa ni dri la sogs pa rnams la ma yin te/ de dag kho na mthar zag pa dang bcas pa yin pa'i phyir ro/ /srid pa gso bar byed pa'i don zas kyi don zhes bya ba la/ ji ltar na de dag srid pa gso bar byed ce na ma 'phangs pa 'phen pa'i phyir dang / 'phangs pa mngon par 'grub par byed pa'i phyir te/ srid pa rjes su mi srid pa'i rgyu nyid yin pa'i phyir ro zhes bya ba'i tha tshig go/ /reg pa dang sems pa dang / rnam par shes pa zag pa med pa de dag ni srid pa zad par bya ba'i phyir skyes pa dag yin te srid pa'i gnyen po yin pa'i phyir ro/ /gal te yang skyes zin pa'i srid pa rgyas par byed mod kyi srid pa gzhan skyed par byed pa ni ma yin te/ de nyid kyi phyir de dag zag pa dang bcas pa yin yang khams dang sa dang skal ba mi mnyam pa dag ni zas ma yin no/ /skal ba mi mnyam pa'i sa na ni rgyas pa'i rgyu nyid yin na yang phyi ma la srid pa de sbrel ba'i rgyu ma yin pa'i phyir zas ma yin no/ /zas bzhi po 'di dag ni zhes bya ba rgyas par 'byung ste/ de la gnas pa ni mi 'chad pa'o/ /'tsho ba ni rgyun chags su rjes su 'jug pa'o/ /yang na ni snga ma'i bshad pa phyi ma yin no/ /phan par byed pa ni yang srid pa mngon par 'grub par byed pa'o/ /zag pa med pa'i chos rnams ni de lta ma yin pas zhes bya ba ni rgyun mi 'chad par ram/ yang srid pa mngon par 'grub pa ma yin pa ste/ de'i phyir reg pa la sogs pa rnams ni zag pa dang bcas pa kho na zas yin gyi zag pa med pa ni ma yin no zhes bya bar mdo las khong du chud do/ /re zhig byung ba ni zhes bya ba la byung ba ni skyes pa dang mngon par grub pa zhes bya ba'i don to/ /yid las skyes pa'i phyir zhes bya ba ni yid tsam las skyes pa'i phyir te/ de ltar na yid kho na smos pa 'bras bu dang bcas par 'gyur gyi gzhan du ni ma yin no/ /'di nyid bstan pa'i phyir phyi'i khu chu dang khrag ces bya ba la sogs pa smos te/ /sogs pa zhes bya ba'i sgras ni gcin dang phyi sa dang 'dam rdzab dang me tog la sogs pa rnams bsdu'o/ /dri za ba'i phyir na zhes bya ba ni dri za ba dang dri zas su za ba'i phyir na zhes bya ba'i don te srid pa tshol ba'i ngang tshul can yin pa'i phyir zhes bya ba la/ ma skyes pas phal cher skye ba la gzhol ba ni srid pa tshol ba'i ngang tshul can no/ /skye ba la mngon du phyogs pa'i phyir zhes bya ba la/ de'i don du mngon par grub pa'i phyir dang / de ma thag tu skye ba'i phyir na skye ba la mngon du phyogs pa'o/ /gzhan dag na re/ 'chi ba'i mthar rten thams cad ma tshang ba med pa mngon par grub pa'i phyir ro zhes zer ro/ /gnod pa dang bcas pa'i lus mngon par grub nas zhes bya ba 'byung ste/ srid pa bar ma mngon par grub pa yin no zhes bya ba la/ rnam par bshad pa gnyis su yang de'i khungs ni sdug bsngal dang bcas pas gnod pa dang bcas pa'i 'jig rten du skye bar 'gyur ro zhes bya ba 'di yin te/ gang gi phyir sngar mngon par grub nas gnod pa dang bcas pa'i 'jig rten du skye ba'i phyir ro/ /mu bzhi gsungs pa'i phyir ci yin zhe na/ srid pa bar ma mngon par grub par brjod do zhes bya bar sbyar ro/ /mu dang po ni phyir mi 'ong ba khams gnyis las 'dod chags dang bral ba'o/ /gzhan dag na re so so skye bo yang ngo zhes zer ro/ /dge slong dag gang 'phags pa'i shes rab kyis spangs pa de ni spangs pa yin no zhes 'byung ba'i phyir ro/ /gzhan dag ni so so skye bo'i zhes so/ /gnyis pa ni bar ma dor yongs su mya ngan las 'da' ba'o/ /gsum pa ni dgra bcom pa'o/ /bzhi pa ni rgyun tu zhugs pa dang / lan cig phyir 'ong ba dang / phyir mi 'ong ba gzugs su nye bar 'gro ba dang / bdag cag la sogs pa rnams so/ /yang na byung ba ni dgra bcom pa'o zhes bya ba ni byung ba dang skyes zin pa nyid do zhes bya ba'i don to/ /srid pa tshol ba ni ma yin te/ khams gsum las 'dod chags dang bral ba'i phyir ro/ /srid pa tshol ba rnams ni sred pa dang bcas pa dag go zhes bya ba la/ de dag ni 'dod chags dang ma bral ba'i phyir srid pa tshol ba yin no/ /yang zas du zhig ni sems can 'byung ba rnams gnas par byed pa yin zhes bya ba ni sems can skyes pa rnams gnas pa'i rgyu yin zhes bya ba'i don to/ /du zhig ni srid pa tshol ba rnams la phan 'dogs par byed pa yin zhes bya ba ni yang srid pa tshol ba rnams kyi yang srid pa mngon par 'grub pa'i rgyu yin zhes bya ba'i tha tshig go/ /thams cad kyang gnyis ka yin no zhes bya ba'i zas bzhi car sems can byung ba rnams gnas par byed pa dang / srid pa tshol bar byed pa rnams la phan 'dogs par byed pa yin no zhes bya ba'o/ /gnas pa'i phyir zhes bya ba ni skye ba'i phyir zhes bya ba'i don to/ /yid la sems pa ni las kyi rang bzhin yin pa'i phyir la/ de dang mtshungs par ldan pa'i rig pa dang / rnam par shes pa ni de dang 'bras bu gcig pa'i phyir dang / dge ba dang mi dge ba yin pa'i phyir srid pa tshol ba rnams la phan 'dogs la rag na/ kham gyi zas las kyi bdag nyid ma yin zhing lung du ma bstan pa go ci ltar srid pa tshol bar byed pa rnams la phan 'dogs par brjod par bya zhe na/ de'i phyir kham gyi zas kyang zhes bya ba rgyas par smos so/ /don 'di shes par bya ba'i phyir/ bcom ldan 'das kyis zas bzhi ni zhes bya ba la sogs smos te/ nad dang 'bras dang / zung rngu dang rga shi rnams ni mdo 'di las yang byung ba'i nye bar len pa'i phung po lnga'i rnam grangs kyi tshig tu gsungs te/ zung rngu'i rtsa ba yin no zhes 'byung ba'i phyir ro/ /de yang 'byung ba'i rgyu ni zas bzhi ste/ rtsa ba dang rgyu dang byed rgyu zhes bya ba ni don gzhan ma yin no/ /de'i phyir de ltar na mdo las kham gyi zas kyang de la chags pa rnams kyi yang 'byung bar byed pa yin no zhes bya bar grub po/ 'di ltar kham gyi zas ni sred pa 'ga' zhig gi gegs dang / yang srid kyi las kyi 'phen par yang 'gyur ro/ /gzhan dag ni rga shi'i rkyen yin no zhes bya ba 'di kho na dper brjod pa yin te/ bdag 'di'i 'og rol du rga shi rnam par gzhag pa'i phyir ro snyam du sems so/ /'dir kham gyi zas ni sems can byung ba rnams gnas par byed pa yin no zhes bya bar mngon sum gyis mthong la/ de bzhin du bde ba myong bar 'gyur ba'i reg pa dang / de dang mtshungs par ldan pa'i rnam par shes pa yang sems can byung ba rnams la phan 'dogs par byed pa yin la rag na/ yid la sems pa ni ji ltar sems can byung ba rnams gnas par byed pa yin zhe na/ de'i phyir yid la sems pa yang zhes bya ba rgyas par smos so/ /drung du song zhes bya ba ni drung du rab tu son pa'o/ /'gro ba'i rnam grangs las kyang zhes bya ba ni chos mngon pa'i bstan bcos zhig las so/ /chos mngon pa'i bstan bcos ni drug ste/ ye shes la 'jug pa dang / rab tu byed pa'i rkang pa dang / rnam par shes pa'i tshogs dang / yang dag par bgro ba'i rnam grangs dang / gdags pa'i bstan bcos dang / chos kyi phung po'o/ /'di skad du sgo nga gang dag gis ma las brtsams nas dran pas mi brjed pa zhes bya ba 'byung ngo / /lus nur nur por gyur pa de dag la ma'i yul can gyi dran pa yod do zhes ji ltar brjod par bya/ de nyid kyi phyir na bgro ba'i rnam grangs las ma dag gis sgo nga las brtsams te zhes 'don te sgo nga dag la dran pa med pa'i phyir ro zhe na de'i phyir reg pa'i gnas skabs de dran pas zhes bya ba smos so/ /gal te zag pa dang bcas pa'i chos thams cad srid pa'i rjes su 'jug par gnas pa'i byed rgyu yin pa'i phyir srid pa rnams gso bar byed pa dag ma yin nam zhe na/ gtso bor bshad de zas bzhi zhes bya bar sbyar ro/ /rgyu gnyis dang rkyen gnyis kyis yang dag pa'i lta ba skyed par byed de/ zhes gtso bo'i sgo nas ston pa yang mthong ste/ tshul khrims rnam par dag pa la sogs pa dag kyang de skye ba'i rgyu ma yin pa ni ma yin no/ /bzhi po 'di dag nyid da ltar ba'i skye ba gso ba dang ma 'ongs pa'i skye ba 'phen pa dang 'grub pa dag la gtso bo yin te/ de nyid bstan pa'i phyir 'di la gnas dang ni/ brten pa rgyas pa'i don du gnyis zhes bya ba rgyas par smos so/ /gso bar bya ba dang bskyed par bya ba'i chos ni gnyis te gzugs dang ming ngo / /de la gzugs ni rten te dbang po dang bcas pa'i lus so/ /ming ni brten pa ste sems rang sems las byung ba'i chos rnams so/ /de la rten rgyas par byed pa na kham gyi zas te 'dod pa na spyod pa'i gzugs ni de la brten pa'i phyir ro/ /brten pa rgyas par byed pa ni reg pa ste/ sems dang sems las byung ba rnams ni des 'tsho ba'i phyir te/ de skad du yang tshor ba'i phung po dang 'du shes kyi phung po dang 'du byed kyi phung po gang ci yod pa de dag ni reg pa la brten nas yin no zhes 'byung ba'i phyir ro/ /yid la sems pas ni ming dang gzugs kyi bdag nyid kyi yang srid 'phen par byed de/ yid la sems pa ni yang srid pa 'phen pa'i las kyi rang bzhin yin pa'i phyir ro/ /ji ltar 'phen par byed ce na/ rgyu de skye ba dang mthun par gnas par byed pa'i phyir ro/ / las kyis yongs su bsgos pa'i rnam par shes pa'i sa bon las zhes bya ba la sogs pa la/ bsgos pa ni las kyis 'phangs pa'i yang srid pa bskyed pa'i nus pa ste/ 'di ltar srid pas ni las kyis yongs su bsgos pa'i rnam par shes pa'i sa bon brlan par byed la/ des ni ming dang gzugs gzhan mngon par 'grub par byed de/ brlan gyis rjes su zin pa'i sa bon gyis myu gu 'grub par byed pa bzhin no/ /de nyid kyi phyir las ni skye ba'i rgyu yin la/ sred pa ni mngon par 'grub pa'i rgyu yin no zhes bshad do/ /rim gyis 'jig pa ni mngon sum du rgyu dang 'bras bu bstan pa nyid kyis te/ ming dang gzugs thog ma med pa nyid du shes par bya ba'i phyir/ mtha' snga ma med pa de'i phyir 'dir yang grub pa kho na skye bar bstan to/ /snga ma gnyis ni kham dang reg pa dag go/ /phyi ma gnyis ni yid la sems pa dang rnam par shes pa'o/ /mu bzhi ni kham yin la/ zas ma yin pa dang / zas yin la kham ma yin pa dang / gnyis ka yin pa dang gnyis ka ma yin pa'o/ /mu gnyis pa ni kham las gzhan pa'i zas gsum rnams so/ /bzhi pa ni rnam pa de dag ma gtogs pa'o/ /zhes bya ba ni sgra dang tshor ba sdug bsngal dang ldan pa'i sems dang sems las byung ba thams cad de/ de bzhin du reg pa la sogs pa dag la yang ci rigs par mu bzhir bya'o zhes bya ba 'byung ste/ ji ltar zhe na/ gang la reg pa yin pa de thams cad zas kyang yin nam/ reg pa yin la zas ma yin pa yang yod/ zas yin la reg pa ma yin pa yang yod/ gnyis ka yin pa yang yod/ gnyis ka ma yin pa yang yod do/ /mu dang po ni reg pa gang la brten nas dbang po rnams nyams par 'gyur la 'byung ba chen po rnams kyang yongs su 'jig par 'gyur ba'o/ /gnyis pa ni reg pa las gzhan pa'i zas gsum dag go/ /gsum pa ni reg pa gang la brten nas dbang po rnams rgyas par 'gyur zhing 'byung ba chen po rnams kyang 'phel bar 'gyur ba'o/ /bzhi pa ni rnam pa de dag ma gtogs pa'o/ /de bzhin du yid la sems pa dang / rnam par shes pa la mu bzhi yang brjod par bya ste/ reg pa la sogs pa dbang po rgyas pa'i rgyu dang / 'byung ba chen po 'phel ba'i rgyu rnams khyad par med par zas nyid du bshad pa de'i phyir reg pa la sogs pa la brten nas zhes bya ba rgya cher dris te/ sogs pa zhes bya ba'i sgras ni rnam par shes pa dang sems pa gnyis bsdu'o/ /yod de gzhan gyi sa pa dang zag pa med pa rnams so zhes bya ba la/ 'di skad bstan par 'gyur te/ reg pa la sogs pa rang gi sa pa rnams kho na dbang po dang 'byung ba chen po rgyas par byed pa na zas yin gyi gzhan gyi sa pa rnams ni ma yin no/ /kham gang la brten nas dbang po nyams par 'gyur la zhes bya ba 'byung ba de'i phyir gang zhig zos nas gnod par byed pa de zas ma yin pa nyid du thal bas de'i phyir gang zhig zos na zhes bya ba rgya cher smos so/ /'di nyid la rgyu smras pa ni dang po phan 'dogs pa'i phyir zhes bya ba rgya cher 'byung ba'o/ /bye brag tu smra ba smos pa ni mu bzhi la gnod pa'i phyir ro/ /rgyas par 'gyur ba'i zas la dgongs te gsungs pa'i phyir 'gal ba med do zhes bya ba la/ rgyas par 'gyur ba'i zas la dgongs pas mu bzhi bshad pa dang mi 'gal lo/ / nyams par 'gyur ba'i zas ni dmyal ba dag tu zhes bya ba rgya cher 'byung ste/ bkres pa dang skom pa 'joms par nus pa nyid ni kham gyi zas kyi mtshan nyid yin la/ dmyal ba dag na yang lcags kyi tho lum 'bar ba dang / zangs zhun mas bkres pa dang skom pa dag 'joms par nus pa 'di zas nyid du mi 'gal lo/ /ji ltar 'joms she na/ 'joms so zhes ni mi smra'i 'on kyang 'joms par nus pa yin no/ /gal te 'joms par nus na ji ltar mi 'joms she na/ gang gis na 'joms par mi 'gyur ba me'i khams shas che ba'i phyir ram/ sems can rnams kyi skal ba mnyam pa de dang 'dra ba yin pas so/ /kham gyi zas kyi zhar la 'di yang dpyad par bya ste/ bcom ldan 'das kyis zhes bya ba rgya cher 'byung ngo / /dzam+bu'i gling na gnas pa zhes bya ba la/ bcom ldan 'das kyis gang la la dzam+bu'i tshal nas 'bab pa de thams cad ni rgya mtshor 'bab pa rgya mtshor bab pa'o zhes gsungs te/ de'i phyir dzam+bu'i gling nyid la dzam+bu'i tshal zhes bsnyad do/ /zas kyi skabs su bab pa'i phyir der skyes pa lto ba dang ldan pa dag go zhes bya bar shes kyi nur nur po la sogs pa dag ni ma yin no/ /gzhan dag na re skye bo chung ngu rnams ni ma yin no zhes so/ /de ni rigs pa ma yin te zhes bya ba ni rigs pa dang ma 'brel pa'o/ /ci'i phyir zhe na gcig ces gsungs pa'i phyir te/ gang gis dzam+bu'i tshal na 'dug pa'i so so'i skye bo gcig la zhes bya bar ro/ /'di la khyad par ci zhig yod ces bya ba la/ gal te 'dod chags dang bral ba nyung ngu la zas byin nas bsod nams mang por 'gyur na ni/ de lta na khyad par yod par 'gyur ro snyam du dgongs te/ mang po la zas byin na bsod nams mang por 'gyur ro zhes bya ba 'di la mtshar ba ci yod/ byang chub sems dpa' nye ba yin no zhes bya ba ni byang chub la nye ba zhes bya ba'i don to/ /'di ni ming yang don dang mthun pa ma yin zhes bya ba ni don dang rjes su 'brel pa ma yin pa'o/ /'o na 'ol phyir min par 'gyur ro zhe na/ de'i phyir mdo'am bstan bcos gang las kyang dzam+bu'i tshal du gtogs pa ni nges par 'byed pa'i cha dang mthun pa thob pa'o zhes 'ol phyir ma bshad pas zhes bya ba smos so/ /'di ni byang chub sems dpa' zhes bya ba rgyas par 'byung ste/ zhing dang grong gzigs su gshegs pas dzam+bu'i shing gi drung du bzhugs pa ni byang chub sems dpa' kho na yin par rigs so/ /de la byin na dgra bcom pa bye ba la byin pa bas bsod nams ches mang ba'i phyir ro zhes smras pa ma yin nam zhe na/ de'i phyir so so'i skye bo de ni 'dod pa'i 'dod chags dang bral ba dang 'brel bas zhes bya ba smos te/ mtshungs pa'i sgo nas so so'i skye bo 'dod chags dang bral ba dag las khyad par du 'phags par bstan pa'i phyir de skad ces gsungs so/ /'o na brgya smos pa ci'i phyir zhe na/ de'i phyir bshad pa gang gi phyir drang srong 'dod pa dag las 'dod chags dang bral ba brgya la zas byin pa bas zhes brgya smos ni dang po'i dbang du byas pa'i phyir ro/ /de lta bu de ni gdon mi za bar de lta yin par zhes bya ba la de ni rgyu 'di las kyang de ltar yin te/ gang byang chub sems dpa' dzam+bu'i tshal na bzhugs pa kho nas so so skye bo yin par dgongs kyi/ nges par 'byed pa'i cha dang mthun pa'i dge ba'i rtsa ba thob pa ni ma yin pa'o/ /'di ltar dzam+bu'i tshal na 'dug pa ma gtogs pa'i phyi rol pa rnams las zhes bya ba rgyas par 'byung ngo / /de lta ma yin na zhes bya ba la/ gal te nges par 'byed pa'i cha dang mthun pa thob pa yin na ni gang gis dzam+bu'i tshal na 'dug pa brgya la zas byin pa bas/ gang gis rgyun tu zhugs pa'i 'bras bu mngon du bya ba'i phyir zhugs pa gcig la byin na sbyin pa de bas sbyin pa 'di 'bras bu ches che'o zhes dzam+bu'i tshal na 'dug pa las rgyun tu zhugs pa'i 'bras bu la zhugs pa khyad par du 'phags pa mdzad par 'gyur ba zhig go/ /sems can rnams kyi rten cing 'brel par 'byung ba ji lta ba zhes bya ba ni de ni rten cing 'brel par 'byung ba'i yan lag bcu gnyis cha gsum mo zhes bya ba la sogs pas so/ /ji ltar gnas pa ni 'gro ba zas kyis gnas pa yin zhes bya bas bshad zin la/ 'chi 'pho yang tshe zad pas 'chi la bsod nams zad pas ma yin pa yang yod de zhes rgyas par bshad zin to/ /da ni sems gang la gnas te zhes bya ba 'byung ngo / /srid pa bar ma la sogs pa srid pa bzhi bshad pa gang yin pa de la/ 'chi ba'i srid pa dang skye ba'i srid pa gnyis kho na skad cig ma yin pa de'i phyir rnam par shes pa gang gi skad cig la gnas pa la/ 'chi 'pho ba dang skye bar 'gyur zhes bya ba 'di brjod par bya'o zhe na/ de'i phyir/ tshad dang mtshams sbyor 'dod chags bral/ /nyams dang 'chi 'pho skye ba rnams/ /zhes bya ba la sogs pa smos so/ /log par lta bas rtsa ba gcod ces 'byung ba'i phyir dge ba'i rtsa ba yang dag par 'chad par ni log par lta bas yin la/ log par lta ba yang yid kyi rnam par shes pa dang mtshungs par ldan pa kho na yin no/ /rtog pa'i bdag nyid yin pa'i phyir na dge ba'i rtsa ba nying mtshams sbyor ba ni the tshom dang yang dag pa'i lta bas yin te/ mtshams ni the tshom yod lta bas/ /zhes 'chad par 'gyur ro/ /the tshom ni yid mi bde ba dang mtshungs par ldan pa yin la/ yid mi bde ba yang yid kyi sa pa kho na yin no/ /rnam shes lnga dang mtshungs skyes blo/ /des rtog med phyir lta ma yin/ /zhes bya bas yang dag pa'i lta ba yang nges par rtog pa'i bdag nyid yin la/ de ni yid kyi sa pa kho na yin pas yid kyi rnam par shes pa kho nar dge ba'i rtsa ba nying mtshams sbyor ro/ /khams dang sa las 'dod chags dang bral ba ni sems mnyam par gzhag pa la yod pa yin la/ rnam par shes pa'i tshogs lnga ni kha phyir bltas pa'i phyir mnyam par ma bzhag pa yin pas/ de yang yid kyi rnam shes kho na ma yin no/ /nyams pa'i tshul bzhin ma yin pa yid la byed pa'i rgyu can yin pas yid kyi rnam shes kho na la yin gyi/ rnam par shes pa'i tshogs lnga la ni ma yin te/ de dag ni rnam par rtog pa med pa nyid yin pa'i phyir ro/ /'chi 'pho ba ni dbang po lnga'i rgyu ba bsdus shing rgyun 'chad pa dang / rjes su mthun pa'i rnam par shes pa la gnas pa yod pa min pas de yang yid kyi rnam par shes pa kho na la yin no/ / 'khrul pa'i skye ba smos pa ni/ skye ba yang yid kyi rnam par shes pa nyid do/ /yid kyi rnam par shes pa yang tshor ba gsum dang mtshungs par ldan pa'i phyir tshor ba gang la gnas pa la 'chi 'pho dang skye ba yod pa mi shes pas de'i phyir tshor ba la ni/ 'chi 'pho skye ba btang snyoms la/ zhes bya ba smos te tshor ba gzhan dag ni gsal ba yin te zhes bya ba ni/ yid bde ba'i mtshan nyid can te/ de dag ni kun btags pa na skye ba'i phyir phan 'dogs pa dang gnod pa byed pa nyid kyi phyir ro/ /gsal ba ni sdug bsngal ma yin pa'i don to/ / ji skad bshad pa las bzlog ste dpyod pa nye bar mtshon pa'i phyir ro/ /rnam par shes pa gsal ba ni 'chi ba dang skye bar rung ba ma yin te/ gnas skabs de dag gzhan pa nyid yin pas de nyid med pa'i phyir ro/ /bsam gtan gsum pa dag na sems can rnams la nyer bsdogs kho na las 'chi 'pho ba dang skye ba'i sems yod de/ dngos gzhi dag na ni bde ba yang ma yin sdug bsngal yang ma yin pa med pa'i phyir ro/ /khyad par med par brjod pas yid kyi rnam par shes pa thams cad du 'chi 'pho ba dang skye ba yin par 'gyur yang / yid kyi rnam par shes pa de la yang / rtse gcig sems med la de med/ /ces bya ba smos so/ /'dod pa'i khams su skye shing mnyam par gzhag pa'i sems la gnas pa la ni 'chi 'pho ba dang skye ba med do/ /ci'i phyir med ce na/ skal ba mi mnyam pa'i sa pa yin pa'i phyir te/ sa gzhan du skyes shing sa gzhan gyi sems la gnas pa ni 'chi 'pho ba'am sa gzhan du skye bar mi 'gyur ro/ /'o na gang gi tshe gzugs kyi khams nyid dam/ gzugs med pa'i khams nyid du 'chi ba dang / skye ba de'i tshe rang gi sa pa'i sems mnyam par gzhag pa yod do zhe na/ de'i phyir mngon par 'du byed pa las byung ba nyid yin pa'i phyir dang phan 'dogs par byed pa nyid yin pa'i phyir zhes bya ba smos te/ rang gi sa pa'i mnyam par gzhag pa'i sems kyis kyang 'chi 'pho ba dang skye bar mi 'gyur ro/ /sbyor ba las ltos pa'i phyir na mngon par 'du byed pa las byung ba'o/ /shin tu sbyangs pa dang ldan pa'i phyir na phan 'dogs par byed pa'o/ /mngon par 'du byed pa las byung ba'i sems ni gsal ba'i phyir chad pa dang rjes su mthun pa ma yin la/ 'chi ba'i sems ni gnod par byed pa yin zhing mnyam par gzhag pa ni phan 'dogs par byed pa yin te/ de'i phyir de las 'chi 'pho bar mi rung ngo / /gang gi phyir skye ba'i sems ni nyon mongs pa can yin la mnyam par gzhag pa ni dge ba yin pas des ni skye bar yang mi rigs so/ /gnas skabs de ni zhan pa yin la mnyam par gzhag pa ni mngon par 'du byed pa las byung ba yin pa'i phyir gsal ba yin pas gnas skabs de na de med pa'i phyir mnyam par gzhag pas skye ba ga la yod/ skal ba mi mnyam pa'i nyon mongs pa can yang phan 'dogs pa'i phyir med pa der gnas kyang 'chi 'pho'o/ /mngon par 'du byed pa las byung ba'i phyir skye ba med do/ /skal ba mi mnyam pa'i nyon mongs pa can ut+k+r-iSh+Ta sa pa de ji ltar rkyen gzhan gyi sa la skye bar byed/ sems med pa la yang med de zhes bya ba 'byung ste/ 'chi 'pho dang skye ba gnyis zhes bya bar sbyar ro/ /sems med pa ni 'du shes med pa dang / 'gog pa'i snyoms par 'jug pa la snyoms par zhugs pa dang / 'du shes med pa par nye bar gnas pa'o/ /gnod par byar mi nus pa ni dug dang mtshon dang rdo rje la sogs pa rnams kyis te/ de'i phyir sems med pa la 'chi 'pho ba med do zhes bya bar bstan to/ /gang gi tshe 'gog pa dang 'du shes med pa'i snyoms par 'jug pa la snyoms par zhugs pa'am/ 'du shes med pa dang ldan pa de sngon gyi las kyis 'phangs pa'i tshe zad pas lus yongs su 'gyur bar bcom pa de'i tshe zhes bya ba ni sngon gyi las kyis 'phangs pa'i ris mthun pa 'chad pa dang mthun par gnas pa'i tshe zhes bya ba'i don to/ /lus dang 'brel pa zhes bya ba ni lus la sa bon gyi ngo bor gnas zhes bya ba'i don no/ /gzhan dag na re lus la sred pa dang bcas pa nyid du 'brel lo zhe'o/ /gzhan ni mtshungs pa de ma thag pa'i rkyen mnyam par gzhag pa'i sems kyis ldang ba'i sems skye bar nges par byas pa'i phyir de'i tshe yang de la gdon mi za bar do'i lus dang 'brel ba'i sems mngon du 'gyur te/ mtshungs pa de ma thag pa'i rkyen gyis drangs pa'i chos skye ba ni sus kyang dgag par mi nus so/ /sems can de dag 'du shes bskyed nas gnas de nas 'chi 'pho bar 'gyur ro zhes bya ba'i lung gis kyang sems med pa la 'chi 'pho med do zhes shes par byed do/ /sems 'chad pa'i rgyu med pa'i phyir zhes bya ba la sems 'chad pa'i rgyu ni 'gog pa'i snyoms par 'jug pa la sogs pa dag yin no/ /de dag ni skye ba'i tshe 'byung ba med do/ /gzhan dag na re/ bsam gtan bzhi pa nas srid rtse'i mthar thug pa'i sems ni sems 'chad pa'i rgyu'o zhes zer ro/ /gnas skabs su srid pa med do zhes bya ba la/ skye ba yang gcig tu nyon mongs pa can ma yin no/ /sems med par yang nyon mongs pa 'byung ba med pas sems med pa la skye ba med do/ /kun dga' bo gal te rnam par shes pa ma'i mngal du mi 'jug na ni zhes rgyas par 'byung ngo / /'chi ba'i srid pa rnam pa gsum du bshad pa la ste/ gzhan rnam gsum zhes 'byung ba'i phyir ro/ /dgra bcom pa la ni nyon mongs pa can gyi sems yod pa ma yin te/ 'o na ci zhe na/ dge ba dang lung ma bstan pa'o/ /de la yang / mya ngan 'da' lung bstan min gnyis te 'dir ni lung du ma bstan pa gnyis kho na mya ngan las 'da'o zhes brjod kyi/ dgra bcom pa kho na ni ma yin no/ /nying mtshams sbyar ba med pa'i 'chi ba kho na la mya ngan las 'das pa zhes bya'o/ /gal te 'dod pa'i khams na rnam par smin pa btang snyoms yod na zhes bya ba ni 'og na yang bar ma yod do zhes kha cig zer te/ gang gi phyir/ bsam gtan khyad par rnam smin las/ /snga phyi med gsum smin 'dod phyir/ /zhes bya ba'i kha cig gi lugs yongs su bzung nas smras pa'o/ /kha cig ni bsam gtan gsum pa yan chad na las bde ba yang ma yin sdug bsngal yang ma yin pa myong bar 'gyur ba yod par 'dod de/ de dag gi ltar na ji ste med na ni spyod lam pa kho na la'o zhes bya ba smos so/ / gzhan la ma yin zhes bya ba ni dge ba la ma yin zhes bya ba'i don te nyon mongs pa can ni mi srid pa'i phyir ro/ /dge ba'i sems ni stobs dang ldan pa'i phyir sems 'chad pa'i rjes su mthun pa ma yin la/ nyam chung ba'i phyir lung du ma bstan pa ni sems 'chad pa'i rjes su mthun pa yin te/ 'dir sems 'chad pa ni sems nying mtshams sbyor ba med par 'gag pa'o/ /yid bde ba dang mtshungs par ldan pa rnam par smin pa las skyes pa'i yas kyi rjes su mya ngan las 'da' bar byed de/ da ni gsal ba'i phyir ro/ /de nyid kyi phyir 'dir nges par 'chi 'pho skye ba btang snyoms pa zhes 'byung ngo / /gzhan dag na re dge ba ni rnam par smin pa dang bcas pa yin pa'i phyir dang / dgra bcom pa rnams kyang ma 'ongs pa'i rnam par smin pa la rgyab kyis phyogs pa yin pa'i phyir dge ba'i sems la yongs su mya ngan las 'da' ba yod pa ma yin no zhe'o/ /'di rnam par smin pa las skyes pa nyid du yang thal bar 'gyur ba ma yin nam zhe na ma yin te/ de la ji ltar yang phyir phyogs pa med pa'i phyir ro/ /lus kyi phyogs gang du rnam par shes pa 'gag ce na zhes bya ba la/ rnam par shes pa bstan du med pa ni yul na gnas par mi rung la khyad par du yang yid kyi rnam par shes par mi rung mod kyi/ de ni 'dir lus kyi dbang po 'gag par nges pa'i sgo nas brjod do/ /mod la 'gag par 'gyur ro zhes bya ba ni lus kyi dbang po de la rag las te/ 'jug pa'i yid dang bcas pa mtha' dag skad cig tsam de nyid la 'gag par 'gyur ro zhes bya ba'i don to/ /grangs bzhin du zhes bya ba la/ ngan song du 'gro ba rnams kyi ni rkang pa dag tu'o/ /mi'i nang du 'gro ba rnams kyi ni lte bar ro/ /lha'i nang du 'gro ba rnams dang / dgra bcom pa rnams kyi ni snying gar ro/ / gzhan dag na re dgra bcom pa rnams kyi ni spyi bor te/ lus kyi dbang po der 'gag pa'i phyir de dang 'brel pa'i rnam par shes pa yang der 'gag go zhes zer ro/ /yid kyi rnam par shes pa ji ltar lus kyi dbang po dang 'brel nas 'jug ce na/ 'dod pa dang gzugs kyi khams dag na lus kyi dbang po med par mi 'byung ba'i phyir rkang pa la sogs pa dag tu 'gag go zhes bya ste/ rgyun gzhan gyi rgyu'i dngos por mi 'gyur ro zhes bya ba'i don to/ /phal cher zhes bya ba ni thams cad ma yin te dge ba byed cing gnad du snun par byed pa ma yin pa rnams cig car 'chi ba'i gnad gcod pa med par 'chi ba'i phyir ro/ /gang zhig de kho na nyid dang de kho na nyid ma yin par spyo ba'i tshig dag gis gzhan dag la gnad du snun par byed pa de ni gnad 'chad pa'i tshor ba dag gi reg par 'gyur gyi gzhan ni ma yin no zhes smra'o/ / gnad dag gang gis gcod cing gnad 'chad pa yang gang zhe na/ de'i phyir gnad gcod pa ni chu sogs kyis zhes bya ba smos so/ /de ni dngos po gzhan 'ga' yang yod pa ma yin te/ 'o na ci zhe na/ lus kyi phyogs 'ga' zhig ces bya ba rgya cher smos so/ /rlung la sogs pa de dag ni bzlog pa'i sgo nas chu la sogs pa gtso bo yin la/ mi mthun pa'i rkyen nye bas de dag re re'am mtha' dag 'khrugs shing shugs dang ldan pa'i ral gri rnon po ltar rna bas lus kyi phyogs de dang der tshor ba shin tu mi bzad pa skyed par byed de de ni gnad gcod pa zhes bya'o/ / de dag shing ltar gnyis su byas pas gcod pa ni ma yin gyi/ 'o na ci zhe na/ tshor ba mi bzad pa dag gis bcad pa lta bur gcod do/ /yang na bcad pa dang 'dra bar g.yo ba med pas zhes bya ba ni yan lag dang nying lag bcad pa bzhin du mi g.yo bas na bcad pa zhes bya'o/ / ci rigs par zhes bya ba la bad kan gyi gtso bo ni chu'o/ /mkhris pa'i gtso bo ni me'o/ /rlung gi gtso bo ni rlung ngo / /snod kyi 'jig rten 'jig pa dang chos mthun pas so zhes bya bas ni gnas dang 'dra bar gnas dang ldan pa rnams kyang ston par byed do/ /phyi rol gyi dngos po 'jig pa'i rgyu dang chos mthun pas nang dag kyang 'jig go zhes bya ba'i don to/ /'jig pa ni gsum ste/ mes 'jig pa dang / chus 'jig pa dang / rlung gis 'jig pa'o/ /lha dag gi nang na ni gnad 'chad pa med mod kyi zhes bya ba ni brdzus te skye ba nyid kyis cig car 'chi ba'o/ /de dag ni 'khrul pa can yin no zhes bya ba ni bzlog par nus pa'i phyir ro/ /'chi ltas lnga las ni mi 'da' ste zhes bya ba ni bzlog par mi nus pa'i phyir ro/ /'di dag ni thams cad la gdon mi za bar mi 'byung ba thams cad kyang mi 'byung mod kyi/ lha'i 'chi ltas bsdoms nas lnga zhes de ltar brjod do/ snga ltas de dag ni lha'i zhag lnga 'byung ngo / sems can gyi 'jig rten 'di de ltar skye ba ni ma rig pa la sogs pa'i rim gyis so/ /gnas pa zhes bya ba ni zas bzhis so/ 'chi 'pho ba zhes pa ni 'chi 'pho skye ba btang snyoms pa zhes bya ba la sogs pa'o/ /yang dag pa nyid du nges pa'i tshogs dang zhes bya ba rgyas par 'byung ngo / /yang dag pa nyid gang zhe na/ gang 'dod chags gtan nas spangs pa dang zhes bya ba rgyas par gsungs pa'i phyir ro/ /gtan nas spangs zhes bya ba ni thams cad du zhes bya ba'i don to/ /yang ci'i phyir 'di yang dag pa nyid yin zhe na/ de kho na nyid kyi don ma yin pa la 'jug pa'i chos zad pa'i phyir dang / rnal 'byor pa rnams kyis rtag pa nyid du bzhed pa'i phyir ro/ /log pa nyid ni ngan 'gro rnams te log pa nyid ni gang zhe na/ dmyal ba rnams dang dud 'gro dang yi dgas rnams te/ 'di dag ni log pa nyid du nges pa zhes bya'o zhes 'byung ba'i phyir ro/ /'di la nges pa ni slob pa dang mi slob pa rnams dang / mtshams med pa'i las dang ldan pa rnams so zhes 'don te/ go rims bzhin du bral ba dang dmyal ba'i 'bras bu nges pa'i phyir ro/ /de ltar na gang dag dang ldan pa de dag ni yang dag pa dang log pa nyid du nges pa zhes bya'o/ /de dag kyang gang zhe na/ 'phags dang mtshams med byed pa ni/ /zhes bya ba'o/ /sdig pa'i chos las ring du song bas na/ zhes bya ba rgyas par 'byung ngo / /ring du zhes bya ba ni rgyang ring du zhes bya ba'i don to/ /yang ji ltar ring du song zhe na/ de'i phyir gtan du bral ba'i thob pa rnyed pa'i phyir ro zhes bya ba smos so/ /bal la'i thob pa gtan du rnyed pa ni gang gi phyir yang de las yongs su mi nyams pa'o/ /yang na bral ba thob pa gtan du ba ste/ de ni mthong bas spang bar bya ba'i nyon mongs pa'i bral ba yin la/ de las yongs su nyams pa med pas ni gtan du'o/ /'bras bu dang po la zhugs pa ni 'bras bu thob pa ma yin te/ zhugs pa'i lam yongs su btang yang 'phags pa ma yin pa'i rgyun gyi dbang du byas nas gsungs pa'i phyir ro/ /bi hA ni sh+tsata tri Sh+ya te/ na ba ri hA NI ri ti/ 'di la skyon med de/ gzhan dag na re/ nyon mongs pa las nges par grol bar byed pa dang grol bar 'gyur ba nyid kyi phyir 'phags pa ste/ 'phags pa ni rang dbang du gyur pa la brjod do zhes zer ro/ /'di la mtshams yod pa ma yin pas na mtshams med pa'o/ /mtshams med pa'i dngos po ni mtshams med pa ste/ de dag de'i ngang tshul gyis byed pas na mtshams med pa'o/ /de dag ni log pa nyid du nges par yang 'gyur la zhes bya ba ni gal te thar pa'i cha dang mthun pa thob pa rnams mtshams med pa dag byed na'o/ /de dag gis ni bzod pa thob pa rnams ltar mtshams med pa mi byed pa'i nges pa thob pa ma yin no/ /ji ltar de ltar thogs na srid pa lan bdun pa la sogs pa zhes bya ba la/ sogs pa zhes bya ba'i sgras ni rigs nas rigs su skye ba dang bar chad gcig pa dang bar dor yongs su mya ngan las 'da' ba la sogs pa bsdu'o/ /rkyen la ltos nas zhes bya ba rgyas par 'byung ste/ yang dag pa nyid kyi rkyen gyis thob na ni yang dag pa nyid la brten to/ /'on te log pa nyid kyi rkyen gyis thob na ni log pa nyid la'o/ /de dag rkyen gnyis ga med na ni ma nges pa dag yin no/ /de la snod kyi 'jig rten gyi/ gnas par 'dod pa'i 'og dag ni/ /zhes bya ba rgyas par 'byung ngo / / gling bzhi bye ba phrag brgya cig car 'jig cing 'chags la/ snod kyi 'jig rten de'i gnas pa ni 'di ltar 'dod do/ /'di la bsam gtan bsgoms shing chos nyid kyis thob pa'i phyir bsam gtan gnyis pa la sogs pa la gnas pa'i sems can rnams yod pa na/ yun ring mo zhig 'das nas 'og tu nam mkha' la de dag gi las kyi dbang gis rlung 'jam po 'jam po dag ldang la/ rlung de dag kyang der ches te por son pa na rim gyis rlung gi dkyil 'khor du grub po/ las kyi rnam par smin pa ni thun mong ma yin pa'i phyir dang / bdag po'i 'bras bu ni sems can thams cad kyis nye bar longs spyad pa yin pa'i phyir sems can rnams kyi las kyi dbang gis zhes bya ba smos so/ /chu'i dkyil 'khor ni khor yug tu rlung gi dkyil 'khor dang 'dra'o/ /rdzong gi tshul du zhes bya ba ni kun nas ra ba bzhin du 'dug pa'i phyir ro/ /'o ma bskol ba spris ma chags pa zhes bya ba ni zhu ba dang 'thas pa'i ngo bor 'dug pa'i phyir ro/ /gang gi tshe chu de gser du gyur pa de'i tshe ni gang dag gi re re'i tshad thad kar 'bum phrag bcu gnyis dang zhes bya ba la sogs par bshad do/ /chu dang gser gyi dkyil 'khor bye ba phrag brgyar gnas so/ /des te khor yug gis khor yug tu bskor te de nyid kyi phyir khor yug ces bya'o/ /lcags kyi rang bzhin zhes bya ba ni lcags las byas pa'o/ /ngos bzhi dag tu grangs bzhin no/ /zhes bya ba ni byang gi sgra mi snyan gyi ngos ni gser gyi rang bzhin no/ /lus 'phags po'i ngos ni dngul gyi rang bzhin no/ /'dzam bu'i gling gi ngos ni bai DUr+ya'i rang bzhin no/ /nub kyi ba lang spyod kyi ngos ni shel gyi rang bzhin te/ de'i phyir de ltar na ri rab ni gru bzhi pa yin no zhes bstan par 'gyur ro/ /sa bon sna tshogs khong na yod pa zhes bya ba ni rgyu sna tshogs pa dang ldan pa yin gyi/ gong gi gser gyi sa bon khong na yod pa ji lta ba bzhin du ni ma yin te/ de'i phyir 'di gser dang dngul la sogs pa'i rdzas su tha dad do snyam du dgongs so/ /mthu rnam pa du ma'i bye brag dang ldan pa'i rlung dag gis zhes bya ba ni de skyed pa la nus pa rnam pa du ma tha dad pa dag gis zhes bya ba'i don to/ /mthu ni nus pa dang nus mthu zhes bya ba'i tha tshig go/ /rigs de dang de dag tu 'gyur ro zhes bya ba ni gser la sogs pa'i mtshan nyid can no/ /ma phrad par zhes bya bas ni rgyu dang 'bras bu gnyis ni tha dad pa'i phyir dang / 'du byed rnams skad cig ma yin pa'i phyir 'bras bu'i dus na rgyu yod pa ma yin no zhes bstan to/ /rkyen du 'gyur ba yin zhes bya ba ni rgyu 'gag bzhin pa ni yod pa tsam gyis 'bras bu skye bzhin pa'i rgyur 'gyur ro zhes bya ba'i don to/ /rdzas gnas pa la zhes bya ba la/ gzugs dang sgra dang dri dang ro dang reg bya'i bdag nyid can no/ /chos gzhan log na zhes bya ba ni 'o ma zhes bya ba'i chos gzhan log na'o/ /chos gzhan 'byung ba zhes bya ba ni zho zhes bya ba'i chos gzhan 'byung ba'o/ /gnas pa gang gi zhes bya ba la de las tha dad par 'o ma la sogs pa la dmigs pas 'o ma la sogs pa'i chos rnams kho na gzugs la sogs pa'i khyad par tshogs pa'i bdag nyid yin zhing / ro dang nus pa dang smin par byed pa dang mthu tha dad pas phan tshun tha dad pa yang yin te/ de'i phyir gang gi chos ldog cing chos gzhan pa'i chos can/ chos skye zhing 'jig kyang mi skye zhing mi 'jig pa yod pa ma yin no/ /gang zhig gnas pa'i chos gzhan ldog pa dang chos gzhan 'byung bar yang yongs su rtogs par byed/ yang gzhan du 'gyur ba tsam zhig 'gyur ba yin te gzugs la sogs pa'o/ /'o ma'i ngo bor gnas pa de dag nyid 'o ma'i ngo bo log pa na zho'i ngo bor gnas shing gzhan du gyur pa tsam 'gyur ba yin par brjod do zhe na de nyid 'di yin la zhes 'byung ste/ chos dang chos can gzhan ma yin pas 'o ma nyid zho yin no zhes bya ba'i don to/ /'di lta bu yang ma yin te zhes bya ba ni zho 'di 'o ma ma yin no zhes bya ba'o/ /tshig gi tshul 'di ni sngon ma byung ba yin no zhes bya ba ni ma 'brel ba rgyu med pa dag go zhes bya ba'i don to/ /gang zhig cig shos gang yin pa de las gzhan ma yin pa de ni phan tshun yang gzhan ma yin par 'gyur te/ de'i phyir 'o ma nyid yin pas 'di de lta bu yang na yin no zhes brjod par mi rigs so/ /gal te rdzas de de nyid yin no/ /de de kho nar 'gyur la/ de lta ma yin na gzhan kho na ma yin pas des na khyad par ma mthong ba'i phyir ro/ /gser la sogs pa zhes bya ba ni/ gser dang dngul dang baiDUr+ya dang shel la sogs pa rnams so/ /'jam pa dang zhes bya ba ni mchog tu phra ba rgyur byas pa'i gzugs dang ldan pa'i phyir ro/ /de'i ngos la sum 'gyur ro zhes bya ba ni gnya' shing 'dzin gyi ngos gcig gi dbang du byas nas so/ /rdo rje lta bu'i ting nge 'dzin de ni byang chub sems dpa'i sku ma gtogs pa'i lus gzhan dang / rdo rje gdan gyi sa phyogs ma gtogs pa'i sa phyogs gzhan gyis bzod par mi nus so/ /yul der chu rnam pa gnyis su gyur pas na gling ngo / /de'i bar gyi gling brgyad ni zhes bya ba la/ de dag thams cad ni las ngan pa'i dbang gis grub pa zhig ste/ de nyid kyi phyir de la gnas pa'i mi rnams ni lus chung ba yin no zhes brjod do/ /gcig na srin po dag gnas so zhes bya ba ni rnga yab bo/ /dzam+bu'i gling 'di'i byang phyogs na ri nag po shin tu rgyang ring bar gnas pa ma yin pa gsum yod do/ /de dag 'das nas yang gsum yod do zhes bya ba rgyas par 'byung ngo / /de'i dbang gis zhes bya ba ste dzam+bu de'i dbang du byas shing ched du byas nas dzam+bu'i gling zhes bya'o/ /yang na de'i 'bras bu'i dbang gis zhes bya ba ni dzam+bu'i shing tog gi dbang du byas nas so/ /dzam+bu'i 'di nyid kyi zhes bya ba la/ yang ci'i phyir dzam+bu'i gling 'di nyid kyi gzhan gyi ma yin zhe na/ dzam+bu gling kho nar las ngan pa kun tu spyod pa srid pa'i phyir dang / mtshon char 'gyur ba'i las yod pa'i phyir dang / dbang po rnon po yod pa'i phyir ro zhes zer ro/ /sdug bsngal bar chad med pa'i phyir zhes bya ba ni/ de na sdug bsngal rgyun chad pa yod pa ma yin te/ mnar med pa'i sgra ni bar med pa'i rnam grangs so/ /des na bde ba'i skabs med pas zhes bya ba ni bde ba gzhan med pa ste/ bde ba yang ma yin sdug bsngal yang yin pa ni bzlog par mi bya'o/ /lugs snga ma la ni bde ba yang ma yin sdug bsngal yang ma yin pa med pa yin no/ /de lta na ha cang thal bar 'gyur te/ gcig tu mi dge ba'i las kyi rnam par smin pa yin pa'i phyir dmyal ba gzhan dag na yang tshor ba bde ba med pa'i phyir mnar med pa nyid du thal bar 'gyur ro zhe na/ /de'i phyir gzhan dag na yang zhes bya ba rgyas par smos so/ /gzhan dag na re snang ba'i bu ga med pa zhe'o/ /snying stobs chung ngus gnas kyang lus che ba'i phyir phyi rol gyi bdag nyid rang dang gzhan gyi lus las byung ba'i me'i tshogs kyis phan tshun du nye bar 'joms pa'i phyir rab tu tsha ba'o/ /lus kyi rjes su song ba'i me dag gis mchog tu gdung ba'i phyir tsha ba'o/ /shin tu gzir ba'i cho nge 'don pa'i phyir ngu 'bod chen po'o/ /gzir ba'i sgra mang du 'don pa'i phyir ngu 'bod do/ /mnyam par bsdus te phan tshun 'joms pa'i phyir bsdus 'joms so/ /thig nag po btab nas gsheg pa'i phyir thig nag go/ /shi zhing shi ba rnams kun tu 'tsho ba'i phyir yang sos so/ /lhag bcu drug ces bya ba la rgyu rnam pa sna tshogs kyis rlag par byed pa'i phyir lhag pa'o/ /gzhan dag na re/ dmyal ba'i sdug bsngal las gong mar gyur pa dag gis 'joms pa'i phyir lhag pa'o zhes zer ro/ /rtsig pa bzhi zhes bya ba ni ra ba bzhi zhes bya ba'i tha tshig go/ /rnam phye zhes bya ba ni rnam par phye nas 'dug pa'o/ /ji ltar zhe na 'di ltar ris su chad pa yin zhes bya ba smos so/ /lcags kyi ra bas kun nas bskor/ /zhes bya ba ni lcags kyi ra bas yongs su bskor zhes bya ba'i tha tshig go/ / lcags dag gis ni gang ba yin/ zhes bya ba ni lcags kyis sgo bcad pa'o zhes bya ba'i don to/ /khyab par gnas zhes bya ba ni khebs pa'o/ /snga ma bzhin zhes bya ba ni rkang pa bteg na ni pags pa dang / sha dang khrag slar skye ba'o/ /thag mdung thogs pa zhes bya ba la sogs pa 'byung ste dgra sta thogs pa'o/ /gzhan dag ces bya ba ni gnas brtan yid 'ong ste/ de ni rtsa ba'i dmyal ba'i sdug bsngal bas 'di ches zhan pa'i phyir lhag pa zhes bya ba'i sgra bla lhag pa'i don la mi 'dod de/ 'o na ci zhe na/ bar mtshams med pa'i don dang 'joms pa'i don la yang 'dod do/ /dri ba las dri ba gzhan 'byung ste zhes bya ba ni/ dmyal ba phyogs ni gong rol na yod tshad ni ji tsam zhes bya ba'i dri ba 'di las lta ci dmyal ba'i srung ma de dag ces bya ba dri ba gzhan rgyas pas smos pa 'di 'byung ngo / /da ni ji ltar na de dag g.yo zhes bya ba ni shing la sogs pa sems med pa rnams mi g.yo ba'i phyir la de las bzlog ste/ sems dang bcas pa la g.yo ba mthong ba'i phyir 'dri ba ste/ de skad du/ rang lus blo sngon 'gro ba yi/ bya ba mthong nas gzhan la der/ /'dzin phyir blo yod gang na de/ /med der blo ni med par rtogs/ /zhes bshad do/ /chags pa'i rlung bzhin no zhes bya ba ni dper na chags pa'i rlung dag ni sems can rnams kyi las kyi dbang gis snod kyi 'jig rten 'grub pa dang rjes su mthun par g.yo ba bzhin no/ /de dag sems can du bgrang ba ni ma yin te/ dmyal ba'i snod kyi rgyu can gyi sdug bsngal nyams su mi myang ba'i phyir ro/ /'o na btsun pa chos ldan rab 'byor gyis zhes bya ba rgyas par 'byung ste/ de'i rgyu las dang nyon mongs pa bstan pa'i phyir sems can dag yin no zhes bya bar shes so/ /gshin rjes bsgo ba gang gis zhes bya ba rgyas par 'byung ngo / /gshin rje'i srin po gang dag lha'i pho nya lta bu mdo las bstan pa rnams ni gzhan nyid yin gyi/ dmyal ba'i srung ma ni ma yin pas 'gal ba med do/ /sdug cing sdug bsngal ba rnams la bsod nams ma yin pa mang bas mi srid par 'dri ba ni da ni las de dag gang du rnam par smin zhes bya ba'o/ /de dag kho nar de bas kyang kha na ma tho ba che ba'i las kyi rnam par smin pa'i go skabs yod par mthong nas gang dag tu zhes bya ba smos te dmyal ba de dag tu'o/ /mtshams med pa byed pa rnams zhes bya ba rgya cher 'byung ste/ mtshams med pa rnams las gzhan pa'i kha na ma tho ba chen po dang bcas pa'i las ni med do/ /me'i nang na gnas pa ji ltar mi 'tshig ce na zhes bya ba ni gal te de dag sems can yin na dmyal ba pa ltar mi 'tshig snyam du bsams pa'o/ /las dag gis mtshams gcad pa'i phyir ro zhes bya ba ni 'di dag bsreg par mi bya'o/ /zhes me ni gdon mi za bar las dag gis dmyal ba'i srung ma rnams las mtshams gcad pa'o/ /yang na 'byung ba'i khyad par grub pa zhes bya ba ni gang gis na me'i nang na gnas kyang mi 'tshig pa de dag gi lus kyi 'byung ba chen po'i khyad par ni las dag gis de 'dra bar bsgrubs so zhes bya ba'o/ /lus dang sgra 'gyur ba dang mthun pa dag yin zhes bya ba la/ lus 'gyur ba dang mthun pa ni chu bur can dang / chu bur rdol ba dang / ut+pal ltar gas pa dang / pad+ma ltar gas pa dang / pad+ma ltar cher gas pa dag yin la/ sgra 'gyur ba dang mthun pa ni so thams thams pa dang / a chu zer ba dang / kyi hud zer ba rnams so/ /thad ka na yod do zhes bya ba smos so/ /de nyid kyi phyir/ kha cig na re de dag na grang ba yod pa ni rgya mtsho chen po dang ches nye ba'i phyir ro zhes zer ro/ /gzhan dag na re las kyis byas pa kho na yin te/ de lta ma yin na nya rnams la yang grang bas ces gnod par 'gyur ro zhes zer ro/ /gzhan dag na re grang ba'i dmyal ba rnams kyi gnas ni/ khor yug gi ri gling bzhi yongs su bskor ba'i ngos na gcig tu mun nag tu gyur pa yin no zhes zer ro/ /dmyal ba thams cad steng nas steng du gnas so/ /sdug bsngal gyis gzir bas na ming mi gsal ba zur chags pa'i skad kyis smra'i/ /dzam+bu'i gling gi ngos gsum ni stong phrag gnyis pa yin pa'i phyir dang bzhi pa la dpag tshad phyed dang bzhi yin pa'i phyir 'og na dmyal ba rnams la go skabs med par mthong nas/ dzam+bu'i gling 'di tsam gyi zhes bya ba rgyas par smos so/ /re re la dmyal ba yin pas na nyi tshe ba'i dmyal ba rnams so/ /lha'i dpal lta bu yang nyams su myong ngo zhes bya ba ni gshin rje la sogs pa dag gis so/ /skar ma'i gzhal med khang zhes bya ba la/ gang zhig thams cad kyi nang na che ba de'i tshad ni dpag tshad bcu drug go/ /zla ba'i gzhal med khang ni chu shel zhes bya ba ni 'og chu shel gyi dkyil 'khor dang 'brel pa'o/ /shel ni rnam pa gnyis yin te/ me'i khams shas che ba dang / chu'i khams shas che ba'o/ /srog chags rnams kyi las dag gis zhes bya ba la sogs pa ni dkyil 'khor gnyis dang sbyar ro/ /de bzhin du gzhan dag la yang sbyar bar bya'o zhes bya ba ni gling dag la'o/ /ji ltar zhe na/ gang gi tshe shar gyi lus 'phags su nam phyed pa de'i tshe dzam+bu gling du nyi ma nub po/ nub kyi ba lang spyod na ni nyi ma phyed do/ /byang gi sgra mi snyan du ni nyi ma shar ro zhes bya ba rgya cher ro/ /'di ni mdor bsdus na/ gling gang du nyi ma dang zla ba dag gung du gyur pa de las phyis nub pa dang sngon du shar ba ste/ de'i phyir gsum pa la nyin dang / mtshan mo phyed dag go/ /de ltar byas na shar lus 'phags po'i gling du nyi ma phyed du gyur pa dang / nub ba lang spyod du zla ba yang dus der gyur pa na gling bzhi snang bar 'gyur ro/ /lho'i mtha'i gling dag tu yang blta bar bya'o/ /dzam+bu gling du nyi ma shar ba dang nub pa dang byang gi sgra mi snyan du zla ba shar ba dang nub pa dag go/ /shar gyi lus 'phags por zla ba dang nyi ma yang de bzhin du blta ste/ de bzhin du nub kyi ba lang spyod du yang zla ba nyid do zhes de ltar gzhan la yang sbyar bar bya'o/ /yang gang gi nyin mo dag ring ba dang thung bar 'gyur zhe na/ nyi ma'i 'gros kyi bye brag gis so/ /nyi ma dang ni nye ba las zhes bya ba rgya cher 'byung ste/ nyi ma'i 'od zer dag zla ba'i gzhal med khang la 'bab ste/ des na pha rol gyi ngos su rang gi gzhal med khang gi 'od la gnod pa byas pa'i grib ma mthong ba la sgrib par byas pa na/ zla ba'i dkyil 'khor ma rangs par snang ngo / /de lta bu de ni 'di ltar yin te/ gang gi phyir dkyil 'khor mtha' dag mi gsal bar yongs su bskor te snang ba'i phyir ro/ /de nyid kyi phyir nub kyi ri bo la nyi ma gnas shing / shar gyi ri bo la zla ba gnas pa na/ zla ba'i dkyil 'khor rangs par snang ste/ zla ba shin tu thag ring bar gnas pa'i phyir ro/ /de lta bu de ni rgyu ba'i tshul yin no zhes bya ba ni/ dper na me long gi dkyil 'khor khad kyis bsgyur ba na phyogs gang zhig mtho ba de ni dmigs la gang zhig dma' ba de ni mi dmigs pa bzhin no/ /kha cig na re/ nges pa med par thal bar 'gyur bas de ni de ltar ma yin te/ de'i phyir gdon mi za bar nges pa'i rgyu [(]batshad [,]btsal [)]bar bya'o zhes [(]mar [,]zer [)]ro/ /rgyal chen bzhi'i ris pa'i lha rnams so zhes bya ba la/ rgyal po chen po bzhi'i ris ni tshogs te glang po che'i tshogs bzhin no/ /de na yod pa ni rgyal chen bzhi'i ris dag go/ /ci de dag gis 'di dag kho na'am zhes bya ba ni nyi ma la sogs pa'i gzhal med khang dag kho na'am zhes bya ba'o/ /ri rab bang rim la sogs pa'o zhes bya ba la sogs pa zhes bya ba'i sgras ni mu khyud 'dzin la sogs pa bsdu'o/ /bzhi pa la ni rgyal po chen po bzhi dag nyid ces bya ba 'byung ste/ de la shar gyi phyogs na ni yul 'khor srung ngo / /lho phyogs na ni 'phags skyes po'o/ /nub phyogs na ni mig mi bzang ngo / /byang phyogs na ni rnam thos kyi bu'o/ /de'i phyir de na rgyal chen bzhi pa'i lha rnams bshad do zhes bya ba ni/ gang gi phyir bang rim bzhi pa la bdag nyid gnas pa'i phyir ro/ /de'i phyir 'di skad du tshigs su bcad pa las/ rgyal chen bzhi pa'i lha rnams zhes bshad de/ /rgyal po chen po bzhi dag yod pas na rgyal po chen po bzhi'o/ /bang rim ni nam mkha' la 'phags pa la brjod do/ /che ba yin zhes bya ba ni rab tu mang ba yin gyi phun sum tshogs pa che ba ni ma yin no/ /de dag la gnod sbyin lag na rdo rje gnas zhes bya ba ni bag med pa'i lha bsrung bar bya ba'i phyir ro/ /tshon sna brgya rtsa gcig gis bkra bar byas zhes bya ba ni tshon sna brgya rtsa gcig gis so/ /nems zhes byed pa dang sbar zhes byed ces bya ba ni/ nems zhes byed pa dang sbar zhes byed pa'i ngang tshul yin no zhes bya ba'i tha tshig go/ /rin po che dang gnas rnam pa du ma phun sum tshogs pa zhes bya ba la/ rin po che dar gnas rnam pa du ma de phun sum tshogs ya mne na ba ste chen po nyid do/ /ngo tsha bar byed ces bya ba ni ngo tsha bar byed ces bya ba'i tha tshig go/ /skyed mos tshal shing rta sna tshogs can zhes bya ba rgyas par 'byung ste/ de la shing rta sna tshogs can du ni lha rnams kyi dbang thang gi mthus shing rta sna tshogs 'byung bar 'gyur te/ rtsub 'gyur du ni g.yul sgrod par 'dod pa de dag la go mtshon 'byung bar 'gyur ro/ /'dres pa'i tshal du ni de dag nye bar phrad pa las dga' ba dang bde bar skye'o/ /dga' ba'i tshal du ni shin tu 'byor pa dang ldan par mthong ba na dga' bar 'gyur te/ skyed mos tshal de dag ni gru bzhi pa yin la/ de dag gi ngos re re la ni dpag tshad phyed dang sum brgya'o/ /'dab ma dang lo ma zhes bya ba la 'dab ma nyid lo ma yon pas na 'dab ma dang lo ma'o/ /de rdzi phyogs ma yin par 'gro ba ni ma yin no zhes bya ba ni gang du skyes pa nyid du 'jig pa'i phyir ro/ /ci me tog gi dri'i rgyun de zhes bya ba ni ji ltar me tog dang 'brel pa las til dag la dri gzhan 'byung ba de bzhin du me tog dang 'brel pa las de'i dri rlung gis bdas pa zhig 'byung ba zhig gam zhes bya ba yin no/ /me tog dri ni rdzi phyogs min mi 'gro/ /zhes bya ba rgyas par 'byung ste/ rtsa ba la yod pa ni rtsa ba ste/ pu shel tsi dang gla sgang la sogs pa'i dri'o/ /mkhas rnams dri ni zhes bya ba ni grags pa zhes bya ba'i don to/ /bya ba dang bya ba ma yin pa 'gro bar byed pa zhes bya ba ni lha ma yin phyir bzlog pa la sogs pa'i bya ba dang bya ba ma yin pa 'gro bar byed ces bya ba'i tha tshig go/ /gzhan yang lha rtsed mos dran pa brlag pa la sogs pa dag kyang yod pas de'i phyir mdor bsdu na zhes bya ba smos so/ /'thab bral nas 'og min du nye bar 'gro ba dang 'og min gyi mthar thug pa'i bar gyi lha rnams ni sprin gyi tshogs ltar gzhal med khang dag na gnas pa yin no/ /gzhan dag ni 'thab bral ba rnams sa dang 'brel lo zhes zer ro/ /'og min gyi mthar thug pa'i sems can de dag kho na'i snod mngon gyi/ gzhan dag gi ni ma yin te gzugs can ma yin pa'i phyir ro/ /lhag ma rnams [(]gyis [,]kyis [)]ni ma yin no zhes bya ba ni/ tshangs pa mdun na 'don la sogs pa rnams te/ de dag ni gnyen pos 'dod pa thams cad bzlog pa nyid kyi phyir ro/ /rgyal po chen po'i lha rnams ni de dag la spyod pas rgyal po chen po rnams so/ /sum cu rtsa gsum pa'i tshogs ni 'di dag yongs su 'gyur bas sum cu rtsa gsum pa'o/ /'thab pa la ni 'thab pa dang phyi phyir bral bas e ma'o bde'o zhes brjod pas 'thab bral lo/ /rang nyid yongs su gzung ba la dga' bas dga' ldan no/ /'dis yul sprul te 'dod pa la nye bar spyod pas 'phrul dga'o/ /gzhan gyis sprul pa la dbang bsgyur bas gzhan 'phrul dbang byed de/ /mi rnams ji lta ba bzhin zhes bya ba la/ de dag dang 'di'i khyad par ni mi rnams ni khu chu btang bas yongs su gdung ba dang bral ba de dag ni rlung btang bas de khu chu med pa'i phyir ro/ /de med pa yang de na gnas pa'i zas la rgyu mthun pa med pa'i phyir ro/ /ches gzhan par 'dod chags pa nyid kyis 'khyud pas der 'dod pa dang ldan pa rnams la 'khyud pa'i bde ba 'byung gi 'dod chags med na ni de dag la reg pa skyon can mi 'byung ste ma la 'khyud pa bzhin no/ /dga' ldan pa rnams ni zhes bya ba la sogs pa la/ gnyi ga ches gzhan du 'dod chags pas 'khor ba'i sgrub pa snga ma bzhin brjod par bya'o/ /nye bar mkho ba rnams ni der sprul par byed do/ /nges par gsum po kho na gnyis kyis kun tu 'dod chags pa mi 'thad par 'gyur ba ma yin no/ /ji tsim ji tsam du zhes bya ba ni gong nas gong du zhes bya ba'i don to/ /yul rnams shas che ba zhes bya ba ni ches cher bdo ba zhes bya ba'i don to/ /de dag yul shas che ba dang lus nyams pa med pa'i phyir de yongs su 'gyur bas yang dang yang 'dod pa brten par 'gyur ro/ /de lta ma yin na lha rnams nyid 'dod pa'i bde ba shin tu chung bar 'gyur ro/ /yang ji ltar rdzus te skye ba rnams la ni 'di bdag gi pa yin no/ /bu yin no snyam pa'i 'du shes 'byung zhe na/ de'i phyir lha 'am lha mo gang gi zhes bya ba rgyas par 'byung ngo / /grangs bzhin te zhes bya ba ni rgyal chen bzhi pa dag tu ni lo lnga lon pa lta bu'o zhes bya ba nas gzhan 'phrul dbang byed pa ni lo bcu lon pa lta bu'o zhes bya ba'i bar ro/ /de dag kyang lha'i ris bzhi rnams so zhes bya ba ni rgyal chen bzhi'i ris pa nas brtsams te dga' ldan pa'i bar ro/ /ji ltar byung ba rnams la longs spyod pa ni ji ltar byung ba la longs spyod pa ste/ 'di dag la yod pas na ji ltar byung ba la longs spyod pa'o/ /ji ltar 'dod pa bzhin bdag nyid sprul pa 'di dag la des longs spyod pas na de dag ni ji ltar 'dod pa bdag dang gzhan gyis sprul pa la longs spyod pa'o/ /ji ltar 'dod pa bzhin bdag dang gzhan gyis sprul pa ni ji ltar 'dod pa bzhin bdag dang gzhan gyis sprul pa yin la/ de yongs su longs spyod pa ni ji ltar 'dod pa bzhin bdag dang gzhan gyis sprul pa la yongs su longs spyod pa ste/ gang la de yod pa zhes thams cad la sbyar ro/ /'phrul dga' ba rnams la gzhan gyis sprul pa'i 'dod pa nye bar spyod pa mi 'byor te/ /de ltar na 'phrul dga' ba rnams dang gzhan 'phrul dbang byed pa rnams kyi khyad par bshad pa yin no/ /gzhan dag na re dang po ni yul ji ltar byung ba la yongs su longs spyod pa'i phyir ro/ /gnyis pa ni yul ji ltar 'dod pa bzhin bdag nyid kyi sprul pa yongs su longs spyod pa'i phyir ro/ /gsum pa ni yul byed pa med pa la yongs su longs spyod pa'i phyir ro/ /yang na go rims bzhin du yul dman pa dang / bar ma dang / gya nom pa la yongs su longs spyod pa'i phyir ro/ /nye bar gnas pa rnams ni gnod pa dang kha na ma tho ba dang bcas pa dang 'bad pa dang bcas par nye bar longs spyod do/ /sprul pa rnams ni kha na ma tho ba med pa dang 'bad pa dang bcas par ro/ /gzhan gyis sprul pa rnams ni kha na ma tho ba med pa dang 'bad pa med par nye bar longs spyod do/ /lha de dag ces bya ba la/ bsam gtan dang po'i sa pa dag ni dben pa las skyes pa'i dga' ba'i bde bas te 'dod pa las 'dod chags dang bral ba'i phyir ro/ /bsam gtan gnyis pa'i sa pa dag ni ting nge 'dzin las skyes pa'i dga' ba'i bde bas so/ /bsam gtan gsum pa'i sa pa dag ni dga' ba med pa'i bde bas te/ dga' ba las 'dod chags dang bral ba'i phyir ro/ /bde bas gnas pa na zhes bya ba rgyas par 'byung ngo / /gzhan dag na re bde ba de dag kyang tshor ba rnam par smin pa bde ba ma yin pas de dag nyid bde ba skye bar brjod do/ /sa 'og ma'i sdug bsngal yang tshor ba rnam par smin pa yin pas 'di bde ba bskyed pa ma yin no/ /gang yang 'di dag ni gsum du 'gyur te/ tat+sa maM gi nI/ dben pa las skyes pa dang ting nge 'dzin las skyes pa dang / dga' ba med pa'i bde bas gnas pa'i phyir rim pa bzhin gsum du 'gyur/ gzhan dag na re 'jig pa'i dbye bas so zhes zer ro/ /gzhan dag na re/ rtog pa dang dga' ba dang bde ba'i dbang du byas nas thos pas so zhes zer ro/ /bsam gtan khyad par can du skyes pa la ni zhes bya ba rgyas par 'byung ste/ de na ni bde ba yang ma yin sdug bsngal yang ma yin pa'i tshor ba yod pas bde ba skye ba nyid du mi rung ngo / /bye brag tu smra ba rnams na re/ 'di ni phal che bar bstan pa yin te/ dper na mngon par shes pa gang zhe na/ shes rab dge ba'o zhes bya ba bzhin no zhes zer ro/ / gang dag lha rnams kyi gnas nyi shu rtsa gnyis bshad pa zhes bya ba la/ 'dod pa na spyod pa rnams kyi gnas ni drug yin la/ gzugs na spyod pa rnams kyi ni bcu drug yin te/ tshangs pa chen po ni tshangs pa'i mdun na 'don dag gi khongs su 'du ba'i phyir ro/ /dpag tshad bzhi khri ni zhes bya ba ni de dag gis ni ri rab kyi phyed man chad du phyin to zhes 'byung ba'i phyir ro/ /bsags par gnas pa'i gzugs zhes bya ba la bsags pa la gnas pa ni bsags par gnas pa'o/ /yang na bsags shing gnas pas na bsags par gnas pa ste/ phan tshun 'brel ces bya ba'i tha tshig go/ /lhag ma rnams kyang de dang 'dra'o zhes bya ba rdzu 'phrul gyis sam gzhan la brten nas te/ rdzu 'phrul dang ldan pa'am/ de na gnas pa'i lhas khrid par gyur na 'thab bral ba rnams dga' ldan pa dag gi nang du 'gro bar 'gyur te/ de bzhin du dga' ldan pa rnams 'phrul dga' ba dag gi nang du 'gro'o zhes rgyas par thams cad du brjod par bya'o/ /gong du skyes pa 'ongs pa mthong ste/ 'dod pa na spyod pa'am sa mtshungs pa mthong ngo / /khams gong ma pa yang ma yin zhes bya ba ni 'dod pa na spyod pas gzugs kyi khams su skyes pa mi mthong ba'o/ /sa gong ma pa yang ma yin te zhes bya ba ni khams mtshungs kyang bsam gtan dang por skyes pas bsam gtan gnyis pa la sogs par skyes pa mi mthong ba'o/ /reg bya rog par mi 'gyur ba bzhin no zhes bya ba ni khams gong ma pa'am sa gong ma pa'o/ /ci'i phyir zhe na yul ma yin pa'i phyir te/ de bzhin du yul ma yin pa'i phyir gzugs kyang mi mthong ngo / /de'i 'dod pas 'di na 'khod pa bzhin du mthong bar 'gyur ro zhes bya ba la/ ji ltar 'dod pa na spyod pas 'dod pa na spyod pa mthong ba de bzhin du/ de'i 'dod pas gzugs na spyod pa dang / sa gong mar skyes pa 'ongs pa yang sa 'og pa'i lus su ma sprul par yang mthong bar 'gyur ro/ /gzhan dag na re de ni de ltar ma yin te/ gzugs dang khams dang sa rnams rgyu dang 'bras bu yongs su chad pa'i phyir ro/ /sa 'og ma las 'dod chags bral ba ni sa gong ma der skye ste/ de'i phyir sa gong ma'i gzugs ni sa 'og ma'i mig gi yul ma min te/ las kyi 'bras bu ches mchog yin pa'i phyir ro/ /de'i phyir de'i 'dod pas kyang mi mthong ngo / /sum cu rtsa gsum la sogs pa rnams kyi tshangs dang 'brel pa ni bshad na/ yang 'thab bral la sogs pa rnams kyi tshad ji tsam zhe na/ gzhan dag na re/ bzhi pa la tshad med do zhes zer ro/ /bsam gtan bzhi pa'i gzhal med khang ni skar ma ltar rnam par chad pa yin te/ mi rtag de'i gzhal med khang / /sems can bcas te 'byung 'jig phyir/ /zhes 'byung ngo / /de'i phyir de la tshad med la/ lhag ma rnams la tshad yod de/ gcig tu 'brel ba'i phyir ro/ /tshangs pa'i 'jig rten zhes bya ba smos pas bsam gtan gnyis pa la sogs pa rnams ni stong chung ngu'i 'jig rten gyi khams kyis bsdus pa yin no/ /de nyid kyi phyir/ de la spyi phud ces bya ste/ gtsug phud du gyur pa'i phyir dang spyi phud yin pa'i phyir ro/ /de ltar byas na de dag 'jig rten gyi khams kyis bsdus pa yod pa nyid do/ / ci'i phyir gang las/ de stong la ni stong gnyis pa/ /zhes rgya cher 'byung ste/ mnyam du 'jig cing 'byung ba yin zhes bya ba la 'dir sems can rnams mnyam por 'jig cing snod dag mnyam du 'byung ngo / /snod 'byung ba nas bzung ste/ 'chags pa'i bskal pa zhes bya ste/ gang phyis 'jig pa de ni sngar chags so zhes phyis bshad par bya'o/ /dzam+bu'i gling pa rnams zhes bya ba rgyas par 'byung ste/ dzam+bu'i gling pa rnams la dang po dang mtha'i bskal pa'i rim gyis 'phel ba dang 'grib pa mthong ba'i phyir ci ltar 'di zhes brjod/ khru gang yin pa de nyid kyang 'phel ba dang 'grib par 'gyur bas so/ /gal te de'i mtshan nyid rnam par gzhag na rdul phra rab la sogs pa rnams de lta bu ma yin no/ /byang chub sems dpa' skye ba gcig gis thogs pa ni gang zhig sangs rgyas nyid la skye ba gcig gis chod pa ste/ de dga' ldan na gnas shing sku tshe rangs par gson par 'gyur ro/ /srid pa tha ma pa zhes bya ba ni skye ba tha ma pa ste/ gang gis na skye ba de nyid la dgra bcom pa nyid mngon sum du byed par 'gyur ro/ /rgyal bas bstan pa ni gang zhig de'i tshe ni 'di tsam mo zhes rgyal bas lung bstan pa'o/ /rgyal ba'i pho nya ni pho nya'i bya ba byas ma zin pa'o/ /dad pa dang chos kyi rjes su 'brang ba ni mthong ba'i lam la gnas pa dbang po rnon po dang rtul po dag go/ /sogs pa zhes bya ba'i sgras ni/ 'gog pa dang / 'du shes med pa dang / byams pa'i ting nge 'dzin la snyoms par zhugs pa rnams bsdu'o/ /dpag tshad kyi tshad kyis gnas rnams dang lus rnams kyang bshad de/ stong phrag dag ni bcu drug dang / /brgyad dang bzhi dang gnyis 'phags so/ /zhes bya ba de lta bu la sogs pas ni dpag tshad kyi gnas rnams bshad do/ /'dod dang ldan pa'i lha yi lus/ /bzhi cha nas ni zhes bya ba la sogs pas ni lus rnams bshad do/ /lo'i tshad kyis tshe bshad pa ni sgra mi snyan na tshe stong ste/ gnyis na phyed phyed spangs pa'o/ /zhes bya ba'o/ /thams cad kyi rnam par gzhag pa yang ming gis yin pa ni/ de la lag na gzhong thogs dang / phreng thogs dang ni rtag myos dang / /zhes bya ba'o/ /gzugs 'grib pa'i zhes bya ba ni 'dus pa'i gzugs kyi yin gyi/ rdzas kyi rdul phra rab kyi gzugs kyi ni ma yin te/ cha shas med pas 'grib pa med pa'i phyir ro/ /mtha' ni gang zhig la dbye bar mi nus pa'o/ /de'i skad cig la sogs pa dus kyi mtha' ni gang na gzhan du dbye ba yod pa ma yin pa de ni rkyen rnams tshogs pa na dngos po rnams bdag nyid thob pa'i skad cig go/ /slob dpon 'dus bzang na re/ la b+ho h+ya lab+d+ha s+ya b+ha ba ti/ bdag gi dngos po rnams rtag par yod par brjod par mi bya ste/ rkyen rnams tshogs pa na ji tsam chos kyi bdag nyid thob pa'o/ /'o na ci yod pa kho na rkyen rnams tshogs pa la 'bras bu 'phen pa'i dus su 'ongs pa skyed ces brjod par byed ce na/ 'bras bu 'phangs pa ni skyes pa'o/ /'phangs nas yang mi 'phen pas de'i phyir ma bstan te/ rkyen rnams ni de la sngar yod pa ma yin pa'i bdag nyid kyi khyad par 'ga' yang byed pa med do/ /gang gi phyir sngar ma 'ongs pa dang 'bras bu 'phen par byed/ gang zhig sngar rgyu med pa de ni phyis kyang rgyu med pa nyid de/ de ni nam yang rkyen ma tshang ba thob pa rnams la dus thams cad du yod pa ma yin pa'i phyir dang / 'phen pa'i dngos po ni 'bras bu yod pa nyid kyi phyir zhes bya ba zhar las byung bas chog ste/ 'di nyid 'das pa dang ma 'ongs pa rnam par nges pa'i skabs su bab pas/ de nyid du rgya cher rnam par dpyad do/ /ming gi mtha' ni yi ge ste yi ge med pa'i ming med pa'i phyir ro/ /dgun rnams kyi zla ba bzhi zhes 'byung ste/ dgun smad kyang grang bar 'dra ba'i phyir dgun du bshad do/ /dpyid rnams kyi zla ba bzhi zhes bya ste/ dpyid kyang dro bar 'dra bar sos kar bshad do/ /dbyar zla ba bzhi zhes bya ste/ ston yang char 'bab par 'dra ba'i phyir dbyar du bshad do/ /zla ba phyed dang gnyis 'das nas/ /zhes bya ba ni 'di la phyed lhag pa yod pas na phyed dang gnyis so/ /mA se zhes thob pa la mA si zhes bya ba'i sgra sbyar ba ni mdo bcing ba'i snyan ngag gi dbang gis yin no/ /'das nas zhes bya ba ni thal nas so/ /de ltar spyad pas zla ba gnyis pa'i phyogs phyi ma la zhag mi thub 'dor bas lo la ni zhag mi thub drug tu 'gyur ro/ /'gro ba 'jig pa ni 'gro ba lnga car gzugs na spyod pa'i lha'i 'gro ba gcig tu 'jig pa'o/ /de'i mjug thogs su ni khams 'jig ste/ khams 'jig pa ni 'gro ba 'jig pa sngon du 'gro ba can yin pa'i phyir ro/ /de ltar na sems can zhig ma thag tu snod 'jig ste/ snod kyi 'jig rten ni sems can thams cad kyi las kyi dbang gis grub pa'i phyir sems can cig 'dug na yang snod 'jig par mi 'gyur ro/ /de las ni nges par 'byung ba zhes bya ba ni gang chags pa'i rgyun gnas pa de las nges par 'byung ba ste 'da' zhes bya ba'i don to/ /de la ni zhugs pa zhes brjod par bya'o zhes bya ba las/ de zhes bya ba ni 'jig pa la zhugs zhes bya ba ste/ gang zhig brtsams nas chags pa dang gnas pa las nges par 'byung ba nyid de/ 'jig pa rtsom pa'o/ /'jig rten gzhan dag tu 'phen zhes bya ba ni/ de'i gnas skabs su ni snod kyang 'jig par mi 'gyur ba'o/ /gang gi tshe dud 'gro dag na sems can gcig kyang ma lus par gyur pa zhes bya ba nas bzung ste/ 'jig rten gyi khams gzhan dag tu 'phen par 'gyur te zhes bya ba'i bar du thams cad brjod par bya'o/ /yi dgas rnams kyang de dang 'dra'o/ /mi dang lhan cig rgyu ba rnams zhes bya ba ni de dag ni mi rnams dang thun mong ba'i longs spyod du 'gyur ba'i las dag gis mngon par bsgrub pa'i phyir ro/ /lha dang lhan cig rgyu ba rnams la yang de bzhin du brjod par bya'o/ /chos nyid kyis thob pa zhes bya ba la chos nyid ni de'i tshe bsam gtan gyi sa bon dus thog ma med pa nas 'jug pa thob pa'o/ /gzhan dag na re chos nyid ni dge ba'i rtsa ba shas chen po yin te/ de'i tshe dge ba'i chos rnams 'jug pa thob par 'gyur ba'i phyir ro zhes zer ro/ /de na 'dod chags dang bral ba med pa'i phyir ro zhes bya ba ni 'dod chags dang bral ba med par tshangs pa'i 'jig rten du skye ba med do zhes ston pa'o/ /'di nyid nas kun nas zhes bya ba ni gling bzhi kun nas so/ /gzhan dag na re dzam+bu'i gling kun nas te/ las kyi lam shas che ba'i phyir ro zhes zer ro/ /de'i las kyi 'phen pa rnams zhes bya ba ni/ snod skyed par byed pa'i las rnams zad pa'o/ /bar du bsreg par 'gyur ro zhes bya ba ni tshig par 'gyur ro zhes bya ba'i tha tshig go/ /ris mi mthun pa'i skyon dag ces bya ba ni nye bar 'tshe ba me la sogs pa me 'dra ba dag go zhes bya ba'i don to/ /gal te de lta yin na ni 'o na ji ltar rab tu 'bar ba de nyid las zhes bya ba rgyas par smras te zhe na/ de'i phyir de dang 'brel pa las byung ba nyid kyi phyir zhes bya ba rgyas par smos te/ gzugs na spyod pa'i me lce de ni 'dod pa na spyod pa'i me lce dang 'brel te 'byung ba yin te/ de'i phyir rab tu 'bar ba de nyid las zhes de skad du bshad do/ de bzhin du 'jig pa gzhan la yang ci rigs par brjod par bya'o zhes bya ba ni chus 'jig pa dang / rlung gis 'jig pa dag la ste/ bsam gtan dang po dang gnyis pa'i sa pa kho na'i chu'i khams yin gyi/ bsam gtan dang po dang gnyis pa dag las sa gzhan pa ni ma yin no/ / thams cad skal ba mi mnyam pa'i ma yin pas de ltar na rlung yang bsam gtan dang po dang gnyis pa dang gsum pa'i sa pa kho na yin gyi sa gzhan pa thams cad ma yin pa nyid do/ /rnam pa gcig tu na de bzhin du 'jig pa gzhan dag la yang zhes bya ba ni ji ltar mes 'jig pa dag t u 'gro ba dang khams dang sems can dang snod 'jig pa bshad pa de bzhin du chu dang rlung gis 'jig pa dag la yang tshul de nyid kyi snod stong par rang gi sa pa'i chu'i khams kyis rim gyis snod kyi 'jig rten lan tshwa la bya ba bzhin du 'ju bar byed cing de nyid du mi snang bar byed do zhes bya ba dang / rang gi sa pa'i rlung gi khams kho nas rim gyis snod kyi 'jig rten 'thor bar byed cing rnam par 'jig par byed de de nyid kyis mi snang bar byed do zhes bya ba'i bar brjod par bya'o zhes bya ba'o/ /de las nges par byung ba zhes brjod par bya ba ni yongs su rdzogs zhes bya ba'i don to/ /de ni nye bar 'ongs par brjod par bya'o zhes bya ba ni 'jug ces bya ba'i tha tshig go/ /ji skad bshad pa'i rim pa dang tshul du zhes bya ba ni ji skad bshad pa'i rim pa dang ji skad bshad pa'i tshul zhes bya ba'i don to/ /de la ji skad bshad pa'i rim pa ni rlung gi dkyil 'khor dang / chu'i dkyil 'khor nas ri rab la sogs pa'i bar ro/ /ji skad bshad pa'i tshul ni tshul gang zhig gang la bshad pa srid dang / rgya dang / tshad dang / dbyibs kyi mtshan nyid do/ /de'i 'og tu na 'thab bral ba'i bar du'o zhes bya bas ni nam mkha' la gnas pa'i gzhal med khang rnams kyi sa mtshams ston to/ /de tsam gyis ni 'di lta ste/ snod chags pas 'jig rten zhes rgya cher 'byung ba la/ sems can gyi dbang gis 'jig pa dang chags pa dang gnas pa mngon no/ /de lta mod kyi gang gi tshe sems can gcig chags pa de'i tshe snod rnams chags pa'o/ /bral ba las 'dus pa ni chags pa'o/ /gang gi tshe yang 'od gsal ba rnams las sems can zhig 'dus nas chags te de'i tshe snod rnams chags te/ kha cig kun tu 'jug pa'o zhes zer ro/ /'dir snod rnams 'jug pa dang / ldog pa dag ni 'jig pa dang skye ba dag tu dgongs so zhes 'di bsam par bya'o/ /de nas sems can gang yang rung ba zhig ces bya ba la/ 'di ni tshangs pa chen po ste/ de'i phyir na tshangs pa chen po thams cad ni so so'i skye bo yin te/ 'phags pa la 'og tu 'gro ba mi srid pa'i phyir ro/ /de nyid kyi phyir gcig gis bar med par skye ba gnyis su tshangs pa chen po nyid byed pa ma yin no/ /gal te tshangs pa chen po nyid nangs kyi phyi nas 'chi 'pho'o zhes bshad la/ 'od gsal ba rnams kyi tshe yang bskal pa chen po brgyad yin zhing bar gyi bskal pa nyi shu na yang slar chags pas de'i phyir de 'od gsal ba'i sa pa'i tshe ma zad par de nas 'chi 'pho bar 'gyur zhe na/ de na bar chad du 'chi ba yod de/ bsod nams rlabs chen po las skyes pa dag ni tshe lo bskal pa chen po brgyad pa yin no/ /gang bar gyi bskal pa nyi shu zhes bya ba 'di ni ches nyung ba yin no/ /kha cig na re der skye ba de ni gzhan zhig kho na yin no zhes zer ro/ /gzhan dag na re las sna tshogs pas 'di la nges pa med do zhes zer ro/ /gang mjug tu 'jig pa de dag dang por chags zhes bya ba ni dper na mes 'jig pa dag ni tshangs pa'i gzhal med khang bzhin no/ /'di ni chos nyid yin no zhes bya ba ni dge ba'i las sngon bsags pa rnams kyi yongs su 'gyur ba'i khyad par yin no zhes bya ba'o/ /'jig rten chags pa na zhes bya ba ni gang gi tshe chags par rtsom pa na ste/ sems can dang snod rnams chags pa na bar gyi bskal pa nyi shur 'gyur ro/ /tshe dpag tu med pa nyid nas 'grib pa ni zhes bya ba ni dmyal ba'i srid pa nas brtsams nas so/ /ji ltar zhe na/ gang gi tshe tshe dpag tu med pa dag shi ste/ dmyal ba dag tu skye ba de nas bzung ste brtsi'o/ /de ltar na 'di ni chags nas gnas pa rnams kyi bar gyi bskal pa dang po yin no zhes bya ba 'di mi 'gal lo/ /de nas yar skye mar 'bri ba'i zhes bya ba ni bco brgyad po de dag re re yang yar skye ba dang mar 'bri ba'i rang bzhin no/ /yang ji ltar yar skye ba'i rang bzhin dang mar 'bri ba'i rang bzhin ni yar skye ba dang mar 'bri ba'i rang bzhin can gyi bskal pa rnams dang dus mnyam par 'gyur zhe na/ mgyogs pa dang mgyogs pa ma yin par 'gro ba'i khyad par las te/ 'di ltar dang po dang mtha'i bskal pa gnyis ni dal gyis 'gro la bar ma bco brgyad ni mgyogs par 'gro bas thams cad dus mnyam par 'gyur ro/ /chags pa rnams kho na la yar skye ba dang / mar 'bri ba mngon gyi gzhan gyi tshe ni ma yin no/ /de dag la bar gyi bskal pa rnam par gzhag ce na/ de'i phyir gal te yang de'i tshe yar zhes bya ba rgyas par smos so/ /bskal pa phung po lnga'i rang bzhin yin no zhes bya ba ni/ de dag nyid dus gtam gzhi dang / /zhes khams kyi mdzod nyid las bshad de dus mang po ni bskal pa yin no/ /sil bu zhes bya ba ni lung dag gi nang du ma 'dus pa'i phyir ro/ /gzhan dag la lta ba skyes te zhes bya ba ni 'dir lta bas zhes bya ba'i sgras snying rjes bshad kyi sred pa ni ma yin no/ /rigs gzhan kho na zhes bya ba ni skye mched drug gi khyad par ram dge ba'i rtsa ba dag go/ /dman pa de dang de'i thabs kyis zhes bya ba rgyas par 'byung ste/ 'dir ni so so'i skye bo dang 'phags pa nyan thos dang byang chub sems dpa' rnams kyi 'jug pa bshad do/ /de'i tshe snyigs ma lnga po 'di lta ste zhes bya ba ni shin tu lhag pa ni ches bla lhag pa'o/ /'dir tshe nyid tha chad yin zhing / ngan snyigs su gyur pa ni snyigs ma dag go/ /dus kyi snyigs ma la sogs pa yang de dang 'dra'o/ /go rims bzhin du zhes bya ba ni tshe'i snyigs mas ni srog rgud par byed de gnas pa'i dus thung ngu 'phen par byed pa'i phyir ro/ /dus kyi snyigs mas ni yo byad rgud par byed de/ 'bru la sogs pa rnams ro dang nus pa dang smin pa dang mthu chung bar 'gyur ba'i phyir dang / dus kyang de'i bdag nyid yin pa'i phyir ro/ /gnyis kyis ni dge ba'i phyogs rgud par byed do zhes bya ba ni nyon mongs pa dang lta ba'i snyigs ma dag gis so/ /ji ltar zhe na de'i phyir 'dod pa'i bsod nams dang bdag ngal ba zhes smos te/ 'dod pa'i bde ba nyid 'dod pa'i bsod nams te der chags pa'i phyir ro/ /yang na 'dod pa'i bsod nams ni 'dod pa'i sred pa ste/ des 'dod pa'i bde ba la chags par byed ces bya ba'i tha tshig go/ /bdag ngal ba ni bdag la nye bar gdung ba ste bdag gzir ba'o/ /de dag brtsam pa ni brten pa ste de dag goms par byed pa'o/ 'di skad bshad par 'gyur te/ go rims bzhin du 'dod pa'i bde ba dang / bdag la gdung ba brten pa'i dbang du byas pa ste/ ched du byas shing brtsams nas nyon mongs pa dang lta ba'i snyigs ma gnyis kyis dge ba'i phyogs rgud par byed do/ /yang na khyim pa dang rab tu byung ba'i phyogs kyi zhes bya ba yang go rims bzhin yin te/ de gnyis kyis ni dge ba'i phyogs rgud par byed de zhes bya ba dang sbyar ro/ /'di ltar khyim pa rnams ni 'dod pa gtso che ba yin la/ rab tu byung ba rnams ni lta ba gtso che ba yin no/ /gcig gis ni lus rgud par byed de zhes bya ba ni lnga pa sems can gyi snyigs ma'i bya ba bshad do/ /gzhan dag na re/ yar skye ba'i bskal pa la sangs rgyas rnams mi 'byung ste/ de'i tshe sems can rnams bde ba shas che bas skye bar dka' ba dang / legs par spyad pa spyod pas ngan song du gzhol bar mi 'gyur bas so zhes zer ro/ /ci'i phyir ches shin tu mar 'grib pa'i dus su mi 'byung zhe na/ de'i dus su sangs rgyas kyi mdzad pa mtha' dag mi spyod pa'i phyir te/ skal ba dang dbang dang tshe dang / spro ba dang ting nge 'dzin te lus 'tsho ba'i 'du byed du gyur pa lnga po la rag las pa'i gdul bya med pas dgos pa chung ba'i phyir mi 'byung ngo / /tai ra pi dr-iSh+TiH[ (]de rnams kyis kyang mthong bas/[) ]'dir dgos pa ci zhe na de la 'di skad brjod par bya ste/ snyigs ma lngas nye bar bcom pas de'i tshe gdul bya shin tu nyung ngu las mi gnas te des na mar 'bri ba'i brgya man chad du dgos pa med pa'i phyir mi 'byung ngo / /rang sangs rgyas rnams ni yar skye ba na yang 'byung ste bdag nyid kyi dbang du byas te zhugs pa'i phyir ro/ / nyan thos sngon du 'gro ba zhes bya ba ni gang dag sangs rgyas gzhan gyi tshe bden pa mthong ba rnams so/ /so so skye bo sngon du 'gro ba dag kyang zhes bya ba ni tshogs na spyod pa dag go/ /gang dag gzhan du nges par 'byed pa'i cha dang mthun pa rnams skyed pa zhes bya ba ni gang dag gis sngar sangs rgyas gzhan gyi tshe dro bar gyur pa la sogs pa nges par 'byed pa'i cha dang mthun pa rnam pa gsum bskyed pa'o/ /de'i spyod lam bstan pas zhes bya ba ni rang sangs rgyas kyi spyod lam skyil mo krung bca' ba la sogs pa bstan pas zhes bya ba'i don to/ /'phags pa dag gcig yin na ni zhes bya ba rgyas par 'byung ste/ 'phags pa rnams kyis tshul khrims dang brtul zhugs mchog tu 'dzin pa'i lta ba spang ba'i phyir ro/ /byang chub kyi tshogs dag la zhes bya ba ni tshul khrims dang / ting nge 'dzin dang / shes rab dag ste/ spyad pa ni sbyor ba byas pa'o/ /chos ston par spyod do zhes bya ba ni gal te so so yang dag par rig pa ma thob tu zin kyang snyam du bsams pa'o/ /bya ba nyung ba ni 'dod pa chung ba'o/ /rnam par g.yeng ba dang 'du 'dzis skrag pas 'khor yongs su gzung bar 'gyur ba spang bar bya ba'i phyir zhes bya ba la/ 'khor yongs su gzung bar gyur na ni rnam par g.yeng ba dang 'du 'dzi gnyis spang bar mi nus so/ /de dag rnam par g.yeng ba dang / 'du 'dzis skrag pa ni sngon goms pa'i dbang gis so/ /bse ru lta bu ni khyim pa dang rab tu byung ba rnams dang ma 'dres par gnas pa ste/ bse'i rwa ltar gnyis pa med pa'i phyir ro/ /de ni gling gcig gi bdag po yin no zhes bya ba ni dzam+bu'i gling gi bdag po'o/ /de ni gnyis kyi'o zhes bya ba ni dzam+bu'i gling dang shar gyi lus 'phags po gnyis kyi'o/ /de ni gsum gyi'o zhes bya ba ni byang gi sgra mi snyan ma gtogs pa'i'o/ /de ni gling bzhi la zhes bya ba ni byang gi sgra mi snyan gyi gling dang bcas pa la'o/ /'di ni gdags pa las bstan pa yin no zhes bya bas ni mdo las ma yin no zhes ston to/ /mdo dang 'gal ba spang ba'i phyir mdo las ni gtso bo smos pa'i phyir zhes bya ba rgyas par 'byung ngo / / snga phyi med par zhes bya ba ni snga ma dang phyi ma ste/ 'phyi ba ma yin gyi/ 'o na ci zhe na lhan cig ces bya ba'i don to/ /gnyis su 'gyur ba gcig skye'o/ /zhes brjod par 'gyur ro/ /sangs rgyas kyi mthu thogs pa yod par 'gyur du 'ong ngo zhes bya ba ni rgyu smras pa ste/ mthu la thogs pa yod na ni sangs rgyas rnams cig car 'byung ba 'bras bu dang bcas par 'gyur gyi gzhan du ni ma yin no/ /de ni gzhan gyis kyang mi spyod do zhes bya ba ni sangs rgyas rnams nus mthu mtshungs pa'i phyir ro/ /mnyam zhing mnyam pa zhes bya ba ni sems can thams cad dang mi mnyam pa dag dang mnyam pas mnyam zhing mnyam pa'o/ /gzhan dag na re/ shin tu mnyam pa ni mnyam zhing mnyam pa ste grang zhing grang ba bzhin no/ /nyon mongs pa'i sgrib pa dang bral bas mnyam pa yod mod kyi mnyam zhing mnyam pa ni ma yin te shes bya'i sgrib pa dang ma bral ba'i phyir ro/ / sde pa gzhan dag ni 'phags pa dge 'dun phal chen pa la sogs pa rnams so/ /'byung ba la gegs byed pa yang 'ga' yang med ces bya ba ni tshogs bsags pa rnams 'jig rten gyi khams gzhan dag tu 'byung ba la'o/ /'jig rten gyi khams dag kyang mtha' yas pas zhes bya bas ni der ni gzhan gyis kyang mi spyod do zhes gang smras pa de yongs su spangs pa yin te/ ji ltar sangs rgyas bcom ldan 'das rnams kyis rim gyis spyod/ rim gyis 'jug na ni 'dul ba'i dus las 'da' bar 'gyur ro/ /khams kyi rgyal phran ni rgyal phran dag go/ / phan tshun mtshon brtsams pa zhes bya ba ni gzas pa zhes bya ba'i don to/ /khyim bdag rin po che ni mdzod kyi spyan no/ /blon po rin po che ni dpung gi spyan no/ /de dang 'brel pa ni 'khor los sgyur ba dang 'brel ba ste/ las gang yin pa dang ngo / las de ni de dang 'brel par 'gyur ba'o/ /shin tu yul na gnas pa zhes bya ba ni/ sku'i yul gang dang gang zhig tu 'byung bar 'gyur ba de ni de kho nar gnas pa'i phyir ro/ /shin tu gsal ba ni shin tu 'bar ba'i phyir dang yid 'phrog pa'i phyir ro/ /shin tu rdzogs pa zhes bya ba ni gang zhig gi de snyed yod pa ste/ ma tshang ba mi mnga' ba'i phyir ro/ /'khor los sgyur ba'i zhar la 'di yang dpyad par bya ste/ yang ci bskal pa dang po pa'i mi rnams kyang zhes bya ba rgya cher 'byung ngo / /gzugs dang ldan pa ni kha dog dang dbyibs legs pa'o/ /yid tsam las skyes pa'i phyir yid las byung ba'o/ /lag pa dang rkang pa dang de dag gi sor mo la sogs pa dang ldan pa'i phyir yan lag dang nying lag thams cad dang ldan pa'o/ /dbang po lnga char tshogs pa'i phyir dbang po ma tshang ba med pa'o/ /zhar ba dang 'khrul pa la sogs pa med pa'i phyir/ dbang po ngan pa ma yin pa'o/ /yid du 'thad pa'i phyir dang nad dang bral ba'i phyir mdzes pa'o/ /rga ba med pa'i phyir kha dog la gnas pa'o/ /tshe ring ba ni gang gi phyir yun ring por gnas pa'i phyir ro/ /sbrang rtsi'i ro bro ba zhes bya ba ni/ 'di la sbrang rtsi lta bu'i ro bro ba yod pas sbrang rtsi'i ro bro ba'o/ /tshul bzhin ma yin pa yid la byed pa nyid chu srin gyi kha yin pa de'i kham du song ste/ de la rag las pas 'jug pa'i phyir dang / der 'bab pa'i phyir ro zhes bya ba'i don to/ /'dod pa nyid 'byung po'i gdon yin te/ yang dag pa ma yin pa'i bya ba'i rgyu yin pa'i phyir ro/ /des rlom pa ni dam pa ma yin pa'i bya ba la 'jug pa na de la rag las pa'i phyir ro/ /rgyal rigs kyi zhar la 'di yang dpyad par bya ste/ de la gang dag khyim dag nas yid phyir phyogs pa zhes bya ba rgyas par 'byung ngo / /rgyal rigs la sogs pa'i mi rnams ni nges pa'i tshig gi tshul gyis so/ /bskal pa mtshon dang nad dang mu ge dag gis tshar phyin cing yongs su rdzogs par 'gyur te bsdus pas ni ma yin no/ /chos ma yin pa la 'dod chags kyis chags pa zhes bya ba ni 'dod pas log par g.yem pa la lhag par zhen pa'o/ /ya nga ba la chags pas zil gyis non pa ni brnab sems can nam/ ma byin par len pa dag go/ /log pa'i chos kyis kun nas dkris pa zhes bya ba ni log pa'i chos kun tu ston par byed pa'o/ /nyes pa de dag nyid kyis zhes bya bas ni chos ma yin pa la 'dod chags la sogs pa dag gis so/ /yams kyi nad gtong bar byed ces bya ba ni mdangs 'phrog pa'am/ sman rnams ma rung bar byed pa'o/ /mu ge ni rnam pa gsum yin la/ slar re re la yang rnam pa gnyis gnyis yin pas rnam pa drug go/ /gling gnyis su zhes bya ba ni byang gi sgra mi snyan ma gtogs par ro/ /de dag dang mthun pa zhes bya ba ni mtshon dang nad dang mu ge dag dang ste/ mtshon dang mthun pa ni gnod sems so/ /nad dang mthun pa ni kha dog ngan pa dang nyam chung ba'o/ /mu ge dang mthun pa ni bkres pa dang skom pa'o/ / lhag par 'gyur ba yin no zhes bya ba ni ci rigs par thams cad dang sbyar bar bya'o/ /yar skye ba'i tshe ni mi tshe lo bcu pa rnams las bu tshe lo nyi shu pa dag skye la/ tshe lo nyi shu pa rnams las bu tshe lo bzhi bcu pa rnams skye'o zhes bya ba nas rgyas par tshe lo brgyad khri pa'i bar du yin no/ / de bzhin du 'jig pa gzhan dag la yang zhes bya ba ni mes 'jig pa bshad nas/ de bzhin du 'jig pa gzhan dag la yang zhes bya ba smos so/ /cha shas phra mo yang zhes bya ba ni rdul phra rab dag kyang mi lus par byed pa'o/ /'di la mu stegs byed kha cig ces bya ba ni gzegs zan la sogs pa dag go/ / rdul phra rab dag ni rtag pa zhes bya ba ni yod pa rgyu dang mi ldan pa'i phyir ram 'jig pa'i rgyu med pa'i phyir te/ de med na ni 'du ba can ma yin pa'i rgyu mi srid pa'i phyir ro/ /rtag pa'i phyir na de dag de'i tshe me la sogs pa dag gis mi 'jig pas de'i tshe bsdus so/ /de dag ci'i phyir de ltar 'dod ces bya ba ni rdul phra rab rnams ni rtag pa yin pas de'i tshe bsdus so zhes bya bar ro/ /gal te 'dir rgyu rtag pa dang rgyu med pa bzhin de rtag par bshad pa ma yin nam zhe na bshad pa bden mod/ de ni gzhan gyi phyir ma grub pa yin pas rgyu gzhan smra'o/ /rgyu med pa can du 'byung ba ni mi rung ngo zhes bya ba ni/ byed rgyu med pa can no/ /rags pa rnams zhes bya ba ni rlung dang chu dang sa'i dkyil 'khor dang / ri rab lhun po la sogs pa zhig pa rnams te/ sangs rgyas pa rnams kyi ltar na yang 'byung bar 'gyur na zhes bya bar bsams pa'o/ /sangs rgyas pa rnams kyis ni ma lus par 'jig par khas blangs pas rags pa rnams sa bon med pa can du 'byung bar khas blangs pa yin te 'du ba can gyi rgyu med pa'i phyir ro snyam du bsams pa'o/ /'di ni bum pa dang snam bu la sogs pa rags pa rnams rgyu med pa can du 'byung ba yang ma mthong bas/ sangs rgyas pa rnams kyis kyang rgyu med pa can du 'byung bar mi 'dod pa'am/ grub pa la bsgrub pa yin no zhes bya ba bstan pa'i phyir sems can rnams kyi zhes bya ba la sogs pa rgyas par smos so/ /mthu khyad par du 'phags pa'i rlung rgyur bshad de/ mthu rnam pa sna tshogs pa'i bye brag dang ldan pa'i rlung dag gis bshigs pa na zhes 'byung ba'i phyir ro/ /rlung de yang rags pa yin pa'i phyir rgyu med pa can du 'gyur bar mi rigs so zhe na/ de'i phyir yang na de'i rgyu ni 'jig pa'i rtse mo'i rlung yin par 'gyur ro zhes smos so/ /de la rgyu med pa can gyi dogs pa ni rigs te/ las las skyes pa'i zhes bshad pa'i phyir ro/ /de'i phyir 'di ni lugs gzhan la ltos nas smos so/ /'jig pa'i rtse mo ni bsam gtan gnyis pa la sogs pa bsam gtan gsum yin la/ de'i sa pa'i rlung ni skad cig dang por skyes pa'i rlung de'i rgyu yin par 'gyur ro/ / sa bon dag khyer te 'ong ngo zhes bya ba la sa bon ni rigs lnga ste/ rtsa ba'i sa bon dang / sa bon gyi sa bon dang / 'bras bu'i sa bon dang / sdong bu'i sa bon dang / mdo'i sa bon no/ /de ltar yin na yang zhes bya ba ni gal te yang sa bon dag khyer te 'ong mod kyi/ de lta na yang dngos po rnams rgyu med pa can du 'byung ba yin no/ /'di ltar de dag sa bon la sogs pa dag las zhes bya ba la sogs pa 'byung ste/ sogs pa zhes bya ba'i sgras ni myu gu dang lo ma la sogs pa bsdu'o/ /rang gi yan lag dag kho na las zhes bya bas ni/ myu gu ni rang gi yan lag dag kho na las skye la/ yan lag de dag kyang rang gi yan lag dag kho na las skye ste/ rdul phra rab dag las skye ba'i bar du yang de dang 'dra'o/ /de dag ni cha shas med pa'i phyir gang las kyang mi skye'o/ /gal te myu gu la sogs pa rnams sa bon la sogs pa dag las mi skye na/ da ni gang las de don du gnyer bas de dag nye bar len pa dang de yod pa dang med pa ni de rnams yod pa dang med par 'gyur ba myu gu la sogs pa dag la sa bon la sogs pa'i nus pa ci zhig yod/ 'dis ni mthong ba dang 'gal ba dang 'jig rten dang 'gal bar bstan to/ /de'i rdul phra rab rnams phrad pa la ma gtogs par cung zad kyang med do zhes bya ba ni myu gu la sogs pa'i rdul phra rab ma mthong bas bskul ba rnams sa bon gyi yul du nye bar 'dug ste/ de dag ni der phan tshun phrad nas 'bras bu myu gu la sogs pa rtsom mo/ /myu gu la sogs pa dag la sa bon la sogs pa'i nus pa ni de yin gyi myu gu la sogs pa dag la nus pa ni ma yin te/ des na de don du gnyer ba dag gis de dag nye bar len pas mthong ba dang 'gal ba med do/ /yang ci'i phyir de dag de ltar 'dod ce na zhes bya ba ni rgyu med par sa bon la sogs pa mthong ba'i rgyu yongs su spangs nas ma mthong ba rdul phra rab kyi bdag nyid can brtag par ni rigs pa ma yin no snyam du dgongs so/ /nges pa med par 'gyur ro zhes bya ba la/ gal te rigs mi mthun pa la rigs mi mthun pa skye na ni de lta na thams cad las thams cad skye bar 'gyur na de ni de ltar na mthong ba yang ma yin no/ /de'i phyir myu gu dang rigs mthun pa'i yan lag dag kho na las myu gu skye bar rigs te/ sa bon la sogs pa dag las ni ma yin te rigs mi mthun pa'i phyir ro/ /nus pa nges pa'i phyir de ltar mi 'gyur te zhes bya ba la/ ji ltar sa bon ni nus pa'i khyad par las myu gu'i rdul phra rab dag spro bar byed kyi/ rdul phra rab gzhan dag ma yin la/ de dag kyang gzhan ma yin pa de bzhin du/ sa bon dang myu gu dang lo ma la sogs pa rnams so sor nus pa tha dad pas myu gu la sogs pa 'bras bu so sor nges pa skyed par byed pa nyid yin pas nges pa med par thal ba med do/ / gdon mi za bar nus pa tha dad pa khas blang bar bya ste/ de lta ma yin na rdo la yang myu gu la sogs pa'i rdul phra rab rnams phrad par khas blang bar bya dgos la/ der phrad pa rnams kyi 'bras bu skye bar yang khas blang bar bya dgos so/ /dpe shin tu grags pa bstan pa'i phyir sgra dang tshos byed las skye ba 'byung ba bzhin no zhes bya ba smos so/ /sgra ni rigs mi mthun pa phrad pa dang bya ba la sogs pa dag las 'byung gi /dri la sogs pa rigs mi mthun pa gzhan las mi 'byung la/ tshos byed las skyes pa'i gzugs la sogs pa dag kyang tshos par bya ba dang 'tshed pa po rdzas rigs mi mthun pa las skye'i sgra dang bde ba la sogs pa mi mthun pa gzhan las kyang mi 'byung ba bzhin no/ /yon tan gyi chos ni sna tshogs yin gyi zhes bya ba ni de ni rigs mthun pa dag las kyang skye ba'i phyir ro/ /de la 'bras bu'i yon tan rgyu'i yon tan sngon du 'gro ba rnams ni rigs mthun pa dag las yin la/ sgra dang tshos byed las skyes pa dang bde ba la sogs pa dag ni rigs tha dad pa dag yin no/ /rdzas kyi chos ni de ltar ma yin te/ de ni rigs mthun pa dag kho na las 'byung ba'i phyir ro/ /yang 'di la rgyu ci zhig yod/ nus pa nges pa'o/ /yon tan rnams ji lta ba bzhin du rdzas rnams la rigs mi mthun pa brtsam pa'i nus pa yod pa ma yin no/ /rdzas rnams la rigs mi mthun pa'i yon tan gyi las rtsom pa'i nus pa yod pa ma yin nam zhe na/ yod pa bden mod kyi rdzas rnams la nus pa nges pa ni yon tan gyi las rnams nyid la ma mthong ba'i phyir ro/ /'di ltar rigs mthun pa dag kho na las zhes bya ba la sogs pa 'byung ngo / /skud pa gcig dang ldan na ras yug mi dmigs pa'i phyir te zhes bya ba la/ gal te skud pa dag las gzhan pa'i ras yug tu gyur pa gang zhig skud pa so so la 'du'o zhe na/ mig dang phrad pa dag las skud pa bzhin du ras yug kyang 'dzin par thal bar 'gyur ro/ /phrad pa'i khyad par las kyang skud pa bzhin du ras yug dmigs pa ma yin no/ /de'i phyir skud pa la sogs pa rnam pa de dang deng gnas pa dag kho na la ras yug la sogs pa'i ming de dang de 'thob ste/ dper na grog ma la sogs pa rnams kyi bkod pa'i khyad par la phreng ba la sogs par ming 'dogs kyi de dag las tha dad pa'i dngos po la ni ma yin pa bzhin no/ /yang med pas mi dmigs pa 'ba' zhig tu ma zad kyi/ 'o na ci zhe na mthong ba'i gegs byas pas kyang yin no snyam na/ de'i phyir de'i tshe ras yug yod na ni zhes bya ba rgyas par smos te/ dmigs pa'i gegs med bzhin du mi 'dzin pa'i zhes khyad par nye bar bzung ngo / /gang zhig skud pa thams cad la ras yug zad par yod pa yin gyi re re la ni ma yin no/ /de'i phyir skud pa gcig bzung bas ras yug 'dzin pa ma yin te skud pa bzhin de dang phrad pa med pa'i phyir ro snyam na/ de'i phyir zad par yod pa ma yin na ni zhes bya ba rgyas par 'byung ste/ gal te skud pa re re dag la ras yug zad par yod pa ma yin na/ de ltar re re la ras yug gi cha yod do zhes bya bar 'gyur te/ de'i phyir skud pa thams cad la ras yug yod pa ma yin te/ ras yug gi cha rnams ras yug ma yin pa'i phyir ro/ /'dus pa tsam ras yug yin par yang 'gyur gyi/ yan lag can gyi rdzas gcig ni ma yin te/ skud pa re re la 'du ba'i mang po dag ras yug nyid du khas blangs pa'i phyir ro/ /skud pa dag las gzhan pa ras yug gi cha yang gang zhig yod ces bya ba ni de dag las tha dad pa'i ras yug gi cha med pa'i phyir te/ rtsom par byed pa'i yan lag ma gtogs pa'i cha khas ma blangs pa'i phyir dang / rdzas gcig rtsom pa med pa'i phyir dang / skud pa bzung na de ma bzung ba'i phyir gang zhig skud pa dag la yod pa skud pa dag las gzhan pa'i ras yug gi cha yod pa ma yin no/ /ci ste yang ras yug dbang po dang phrad pa la ltos te/ ras yug dmigs pa'i rgyu yin no/ /skud pa gcig dang ldan pa'i tshe na ni rten du ma phrad pa med pas dmigs pa'i phyir ras yug skud pa la yod bzhin du ma dmigs pas khyad par ma grub bo snyam na/ de'i phyir rten du ma zhig dang ldan pa la ltos na ni zhes bya ba la sogs pa smos te/ kha tshar tsam mthong na rten du ma dang ldan pa yod mod kyi/ ras yug dmigs pa yang ma yin pas/ 'di ras yug dmigs pa'i rgyu ma yin te/ de yod kyang ras yug ma dmigs pa'i phyir ro/ /ci ste yang ras yug dmigs pa na rten ma lus par dmigs pa la ltos pa yin no snyam na/ de'i phyir yang na nam yang dmigs par mi 'gyur te zhes bya ba la sogs pa smos so/ /dbus dang pha rol gyi cha rnams dbang po dang ma bral ba'i phyir rten ma lus pa dang phrad pa med pas nam yang ras yug dmigs par mi 'gyur ro/ /gal te yang yan lag thams cad dang cig car phrad pa med mod kyi/ rim gyis na yod pas ras yug 'dzin par mi 'gal lo zhe na/ de'i phyir rim gyis yan lag rnams dang phrad na yang zhes bya ba rgyas par smos te/ mig dang reg pa dag rim gyis phrad na yang yan lag dag kho na dang phrad pa yin gyi/ nam yang yan lag can dang ma yin pas mig dang reg pas gzung bar bya bar mi 'gyur ro/ /gang gi phyir de ltar ci nas kyang mig dang reg pa dag gi yan lag can don gzhan du gyur pa 'dzin pa ma yin pa de lta bas na rim gyis yan lag can shes pa'i phyir zhes bya ba rgyas par 'byung ngo / /gang zhig dngos po phan tshun tha dad pa 'dzin pa la ltos te/ rim gyis 'dzin pa de ni de dag las don gzhan ma yin te/ dper na mgal me yul gzhan du bar chad med par myur du skye ba na rim gyis dmigs pas phyis 'khor lo 'o snyam du shes par 'gyur la/ de de las don gzhan ma yin pa bzhin no/ gzugs dang rigs dang bya ba tha dad pa'i skud pa dag la zhes bya ba rgyas par 'byung ste/ gzugs tha dad pa sngon po dang ser po la sogs pa'i gzugs rnams la'o/ /rigs tha dad pa ni srin dang ras bal dang / du kU la dang / kau she ya la sogs pa rnams la'o/ /bya ba tha dad pa ni cig car steng dang 'og dang thad kar 'gro ba ste skud pa dag la'o/ /ras yug gi gzugs la sogs pa med pa'i phyir zhes bya ba ni de'i tshe ras yug gzugs dang rigs dang bya ba gcig pa yin par mi rigs te/ skud pa rigs dang gzugs dang bya ba du ma dang ldan pa rnams de'i rgyu'i ngo bor khyad par med pa'i phyir ro/ /gzugs la sogs pa sna tshogs pa yin na ni zhes bya ba la/ gal te ras yug la yang rgyu dang 'dra bar gzugs dang rigs dang bya ba sna tshogs par 'dod na ni/ de ltar na rigs mi mthun pa rtsom par yang 'gyur te/ skud pa'i gzugs dang / rigs dang bya ba rnams re re zhing sna tshogs pa ma yin pa'i phyir ro/ /gang yang skud pa ris mi mthun rnams kyis ras yug rtsom pa nyid ma yin no/ / 'o na ci zhe na/ skud pa phrad pa'i gegs tsam nyid yin pas der rigs mi mthun rtsom par thal bar 'gyur ba med do snyam du sems na/ de ni de lta ma yin te der yang ras yug gi bya ba mthong ba'i phyir nges par ras yug khas blang bar bya dgos so/ /yang de ltar gnas pa rnams skud pa bzhin du bya ba nus pa nyid na/ de'i tshe phrad pa'i gegs de khyod nyid kyi de ltar gnas pa thams cad du ras yug gi sgras brjod par bya'o zhes ci ste mi 'dod/ /gzhan yang ras yug gang gi ngos gcig bkra la/ gnyis pa mi bkra ba yin na/ ngos cig shos mi bkra ba der ras yug mi mthong bar 'gyur te/ ci'i phyir zhe na/ gzugs bkra ba ma mthong ba'i phyir ro/ /ras yug gi gzugs ma mthong bar ni ras yug dmigs par mi rigs te gzugs ni rdzas dmigs pa'i rgyu yin pa'i phyir ro/ /de skad du chen po ni dmigs pa yin te/ rdzas du ma dang ldan pa'i phyir dang / gzugs yod pa'i phyir ro zhes smras so/ /khra bo'i ngo bor mthong bar 'gyur ro zhes bya ba ni gal te ngos gnyis par ras yug mthong na ni/ gdon mi za bar ras yug dmigs pa'i rgyu mtshan gzugs mthong ba yang yod par 'gyur ro zhes bya bar dgongs so/ /bya ba yang sna tshogs pa yin pas shin tu sna tshogs pa yin par 'gyur ro zhes bya bas ni rang gi bdag nyid du gyur pa'i yan lag can med do zhes ston to/ /dang po dang bar dang tha ma dag tu zhes bya ba la/ dang po dang bar dang tha ma dag tu 'od kyi tsha ba dang snang ba tha dad pa dag tu mthong ste/ de'i phyir 'od kyi yan lag can gyi tsha ba dang snang ba dag tha mi dad do/ /ci'i phyir zhe na/ gzugs dang reg pa dang po dang bar pa dang / tha mar rnam par gnas shing / shas che ba dang / 'bring dang / shas chung ba'i dbye bas tha dad pa dag gis cung zad kyang gzugs sam reg pa don gzhan du gyur cig rtsom par mi nus te/ de'i phyir 'od kyis gzugs dang reg pa tha mi dad do/ /rtsom na yang gcig yin pa'i phyir/ dang po dang / bar dang / tha ma dag tu gzugs dang reg pa tha mi dad par 'gyur na/ tha mi dad pa ni yod pa yang ma yin te/ de'i phyir 'od kyi rdzas ni yan lag dag las gzhan ma yin no zhes bya bar nges so/ /gal te yan lag dag las yan lag can gyi rdzas gzhan ma yin na/ de lta na rdul phra rab tsam zhig lus par 'gyur la/ de dag kyang mngon sum ma yin pas mig la sogs pa'i dbang po'i sgo nas 'dzin par mi 'gyur ro zhe na/ de'i phyir 'dus pa dag ni mngon sum nyid yin te zhes bya ba smos te/ gal te yang re re dag dbang po las 'das pa yin mod kyi/ 'dus pa dag ni mngon sum yin pas mig la sogs pa'i sgo nas 'dzin pa med pa ma yin no/ /de nyid gzhung gzugs pa'i phyir dper na de dag gi 'bras bu rtsom pa zhes bya ba smos te/ dper na re re la 'bras bu rtsom pa'i nus pa med kyang / 'dus pa dag 'bras bu rtsom par nus par 'dod pa de bzhin du 'dir yang yin no/ /mig la sogs pa zhes bya ba ni gzugs dang snang ba dang / yid la byed pa rnams 'dus pa dag kho na rnam par shes pa skyed par byed pa yin gyi/ re re ma yin pa de bzhin du rdul phra rab dag kyang yin no/ /skra gram pa'i tshogs dmigs pa lta bu ste zhes bya ba la/ gram pa smos pa ni 'du ba can gyi rgyu med pas rdzas gzhan du rtog pa dgag par bya ba'i phyir ro/ /rdzas gzhan med kyang rab rib can rnams la ni rdul phra rab ltar skra cig dang po las 'das pa yin mod kyi/ 'on kyang phan tshun ma 'dres pa'i skra'i tshogs dmigs pa yin no/ /yan lag dang yan lag can du smra ba bkag pa'i mjug thogs su yon tan dang yon tan du smra ba dgag pa'i phyir gzugs la sogs pa dag kho na la rdul phra rab kyi ming du 'dogs pa'i phyir zhes bya ba smos so/ /gzugs la sogs pa ni 'jig par grub ste/ de'i phyir de zhig na zhes bya ba rgyas par 'byung ngo / /rdzas dang yon tan gyi tshig gi don dag ni tha dad pa'i phyir rdul phra rab ni gzugs la sogs pa dag las gzhan nyid yin pas/ gzugs la sogs pa zhig na de 'jig pa ma yin no zhe'o/ /'di ltar sus kyang zhes bya ba la/ 'di ltar zhes bya ba ni gang gi phyir gyi don te/ 'di ltar sa ston pa na gzugs sam/ reg pa'am/ gzugs kyi dbyibs tsam zhig ston par byed do/ /chu la sogs pa dag la yang de dang 'dra'o/ /sa la sogs pa dag ni mig dang reg pa'i gzung bar bya bar dam 'cha' na mig dang reg pa dag gi yul ni gzugs dang reg pa'i ngo bo las tha dad pa gzhan med do/ /bal dang ras bal dang zhes bya ba rgyas par 'byung ste/ rdzas smra ba rnams kyi ltar na me dang 'brel pas gzugs la sogs pa tsam zhig ldog gi/ bal la sogs pa'i rdzas ni ma yin pas gal te gzugs la sogs pa dag las rdzas gzhan tshig pa dag la bal la sogs pa'i blor ci'i phyir mi 'gyur/ de'i phyir gzugs la sogs pa dag kho na la de'i blor mi 'gyur ro/ /gal te gzugs la sogs pa dag las rdzas gzhan med na tshos byed las skyes pa byung ba la sngar gyi gzugs la sogs pa zhig pa dang / bum par yongs su shes par ji ltar 'gyur zhe na/ de'i phyir tshos byed las skye 'byung ba la zhes bya ba rgyas par smos so/ /dbyibs 'dra ba'i phyir zhes bya ba ni sngar gyi gzugs dang rnam pa mtshungs pa'i phyir zhes bya ba'i don to/ /'di ltar gzugs la sogs pa'i dbyibs kyi khyad par la bum par shes kyi/ gzugs la sogs pa tsam la ni ma yin no/ /dper na p+lak+Sha la sogs pa'i dbyibs kyi khyad par tshad du shes kyi p+lak+Sha la sogs pa tsam la ma yin zhing / sngar gyi p+lak+Sha la sogs pa bcad pa slar skyes pa dag la yang ma yin la/ gzhan nyid yin yang grog ma rnams la dbyibs 'dra ba'i phyir phreng bar yongs su shes pa de bzhin du sngar gyi gzugs la sogs pa dag log kyang tshos byed las skye ba 'byung la/ dbyibs 'dra ba'i phyir bum par shes par mi 'gal lo/ /yang 'di ji ltar shes na/ rtags ma mthong bar yongs su mi shes pa'i phyir ro zhes bya ba 'byung ste/ gang gi phyir gyo ral dang mtho dman la sogs pa'i rtags ma mthong bar bum pa la sogs par yongs su shes par mi 'gyur ba de'i phyir ro/ /de yi skyon dang chos mthun phyir/ /zhes bya ba ni mi la sogs pa rnams ni bsam gtan dang po la sogs pa'i skyon dang chos mtshungs pa'i phyir ro zhes bya ba'i don to/ / de yang shin tu sbyangs pa dang ldan pas zhes bya ba la/ de yang zhes bya ba ni dga' ba dang sbyar ro/ /shin tu sbyangs pa dang ldan pa ni shin tu sbyangs pa dang ldan pa'o/ /dga' ba ni shin tu sbyangs pa dang ldan par byed de/ yid dga' ba'i lus shin tu sbyangs par 'gyur ro zhes 'byung ba'i phyir ro/ /lus mnyen par byed ces bya ba ni las su rung bar byed pa'o/ /de nyid kyi phyir zhes bya ba ni lus mnyen par byed pa'i phyir zhes bya ba'i tha tshig go/ /bzhi pa na med mi g.yo phyir/ /zhes bya ba ni mi mgul zhes bya ba'i don to/ /nang gi skyon dang bral ba'i phyir zhes bya ba la/ rtog dang dpyod dang dbugs dag dang / /bde ba la sogs bzhi yin no/ /zhes rtog pa dang dpyod pa la sogs pa rnams skyon du 'chad par 'gyur ro/ /de dag gis gzugs med pa dag tu 'jug par mi nus la zhes bya ba ni gnas gtsang ma rnams lhag mthong spyod pa yin pa'i phyir la/ de dag ni zhi gnas lhag pa yin pa'i phyir ro/ /gzhan du yang 'gro bar mi nus te zhes bya ba ni sa 'og mar te/ phyir mi 'ong ba rnams khyad par du 'gro ba yin pa'i phyir ro/ /ci'i phyir dus yun ring mo zhig na chus 'jig la/ de bas kyang ches ring ba na rlung gis 'jig ce na/ de'i phyir sems can de dag gi snyoms par 'jug pa'i khyad par las zhes bya ba rgyas par smos te/ snyoms par 'jug pa'i khyad par ni bsam gtan gnyis pa dang gsum pa'i khyad par ro/ /lus gnas pa'i khyad par zhes bya ba ni gson po'i rgyun gyi khyad par te/ dus de tsam gyis de dag gi tshe zad par 'gyur ro/ /'jig pa de dag ni drug cu rtsa bzhir 'gyur ro/ /'jig pa re re yang bskal pa chen po yin no/ /de nyid kyi phyir de ltar bshad na/ btags pa'i bshad pa zhes bya ba rgyas par smos so/ /slob dpon blo gros brtan pas nye bar bkod pa chos mngon pa'i bshad pa rgya cher 'grel pa don gyi de nyid ces bya ba las/ 'jig rten bstan pa zhes bya ba ste/ mdzod kyi gnas gsum pa rdzogs so// //mang+ga laM/ /

CLOSE WINDOW