བོད་ཡིག

e-texts based on the ACIP/ALL Input

slob dpon 'phags pa klu sgrub kyis mdzad pa'i smon lam zhes bya ba rdzogs so/ /[]@#/ /rgyal po la gtam bya ba rin po che'i phreng ba las byung ba'i smon lam tshigs su bcad pa nyi shu pa bzhugs so/ / @#/ /dkon mchog gsum la phyag 'tshal lo/ /de phyir sku gzugs mchod rten gyi/ /spyan snga'am yang na gzhan du'ang rung / /tshigs su bcad pa nyi shu 'di/ /nyin gcig bzhin yang dus gsum brjod/ /sangs rgyas dam chos dge 'dun dang / /byang chub sems dpa' rnams la yang / /rnam kun btud de skyabs mchis nas/ /mchod 'os rnams la phyag 'tshal lo/ /sdig pa'i las ni ldog bgyid cing / /bsod nams thams cad yongs su gzung / /lus can kun gyi bsod nams dag /kun la rjes su yi rang ngo / /bdag ni spyi btud thal sbyar te/ /chos kyi 'khor lo bskor slad dang / /'gro gnas bar du bzhugs slad du/ /rdzogs pa'i sangs rgyas rnams la gsol/ /de ltar bgyi ba'i bsod nams dang / /bdag gis bgyis dang ma bgyis gang / /des ni sems can thams cad kyang / bla med byang chub sems ldan shog /sems can thams cad dri med dbang / /yongs rdzogs mi khom kun 'das shing / /spyod pa rang dbang yod pa dang / /tshor ba bzang dang ldan par shog /lus can dag ni thams cad kyang / /lag na rin chen nyid ldan zhing / /yo byad thams cad mtha' yas pa/ /'khor ba srid du mi zad shog /bud med thams cad dus kun tu/ /skyes mchog nyid du gyur par shog /lus can thams cad rig pa dang / /rkang par ldan pa nyid du shog /lus can kha dog ldan pa dang / /gzugs bzang gzi brjid che ba dang / /blta na sdug cing nad med dang / /stobs can tshe dang ldan par shog /thams cad thabs la mkhas gyur te/ /sdug bsngal kun las thar ba dang / /dkon mchog gsum la gzhol bar bya/ /sangs rgyas chos nor che ldan shog /byams dang snying rje dga' ba dang / /nyon mongs btang snyoms gnas pa dang / /sbyin dang tshul khrims bzod brtson 'grus/ /bsam gtan shes rab kyis brgyan cing / /tshogs rnams thams cad yongs rdzogs te/ /mtshan dang dpe byad gsal ba dang / /bsam gyis mi khyab sa bcu dag /rgyun mi 'chad par bgrod par shog / bdag kyang yon tan de dag dang / /gzhan kun gyis kyang brgyan ldan te/ /nyes pa kun las grol ba dang / /sems can kun mchog byams pa dang / /sems can kun yid re ba yi/ /dge ba thams cad rdzogs bgyid cing / /rtag tu lus can thams cad kyi/ /sdug bsngal bsal bar bgyid bar shog /'jig rten kun na skye bo gang / /su dag 'jigs pas skyo ba ste/ /bdag gi ming tsam thos pas kyang / /shin tu 'jigs pa med par shog /bdag ni mthong dang dran pa dang / /mi gtsang thos pa'i skye bo kun/ /rab dang 'khrug med rnal ma dang / /rdzogs pa'i byang chub nges pa dang / /tshe rabs kun du rjes 'brang ba'i/ /mngon shes lnga po thob par shog /sems can kun la rnam kun du/ /rtag tu phan bde bgyid par shog /'jig rten kun na skye bo gang / sdig pa byed par 'dod gyur pa/ /de dag thams cad gnod med par/ /rtag tu cig car zlog gyur cig /sa dang chu dang me dang rlung / /sman dang dgon pa'i shing bzhin du/ /rtag tu sems can thams cad kyis/ /rang dgar dgag med spyod par shog / sems can rnams la srog bzhin phangs/ /bdag la de dag ches phangs shog /bdag la de dag sdig smin cing / /bdag dge ma lus der smin shog /ji srid sems can 'ga' zhig kyang / /gang du ma grol de srid du/ /de phyir bla na med pa yi/ /byang chub thob kyang gnas gyur cig / de skad brjod pa'i bsod nams gang / /gal te de ni gzugs can gyur/ /gang ga'i bye ma snyed kyis ni/ /'jig rten khams su shong mi 'gyur/ /slob dpon 'phags pa klu sgrub kyis mdzad pa/ /rgyal po la gtam bya ba rin po che'i phreng ba las byung ba'i smon lam gyi tshigs su bcad pa nyi shu pa rdzogs so/ /[ ]@##/ /rgya gar skad du/ ku la pra Ni d+hA nA ma/ /bod skad du/ /rigs kyi smon lam zhes bya ba/ /'phags ma sgrol ma la phyag 'tshal lo/ /bdag ni 'chi ba'i dus kyi tshe/ /dbang po gsal bar 'chi ba dang /

CLOSE WINDOW