བོད་ཡིག

e-texts based on the ACIP/ALL Input

sbyin pa'i rabs rdzogs so//[ ]@/ /byang chub sems dpa'i spyod pa la 'jug pa'i smon lam bzhugs/ @#/ /dkon mchog gsum la phyag 'tshal lo/ /de ltar 'di dag kun byas te/ /dge ba bdag gis bsags pa gang / /des ni sems can thams cad kyi/ /sdug bsngal thams cad bsal bar shog /'gro ba nad pa ji srid du/ /nad sos gyur gyi bar du ni/ /sman dang sman pa nyid dag dang / /de yi nad g.yog byed par shog /zas dang skom gyi char phab ste/ /bkres dang skom pa'i sdug bsngal bsal/ /mu ge'i bskal ba bar ma'i tshe/ /bdag ni zas dang skom du gyur/ /sems can phongs shing dbul ba la/ /bdag ni mi zad gter gyur te/ /yo byad mkho dgu sna tshogs su/ /mdun na nye bar gnas gyur cig /bdag la dmigs nas nam du yang 'ga' yang don med ma gyur cig / bdag la dmigs nas gang dag gi / khro 'am dad pa'i sems byung na/ /de nyid rtag tu de dag gi / don kun grub pa'i rgyur gyur cig /gang dag bdag la kha zer ram/ /gzhan dag gnod pa byed pa'am/ /de bzhin phyar ka gtong yang rung / /thams cad byang chub skal ldan gyur/ /bdag ni mgon med rnams kyi mgon/ /lam zhugs rnams kyi ded dpon dang / /rgal 'dod rnams kyi gru dang ni/ /gzings dang zam pa nyid du gyur/ /gling don gnyer la gling dang ni/ /gnas mal 'dod la gnas mal dang / /bdag ni lus can bran 'dod la/ /kun gyi bran du gyur par shog /yid bzhin nor bu bum pa bzang / /rig sngags grub dang sman chen dang / /dpag bsam gyi ni shing dag dang / /lus can rnams kyi 'dod 'jor gyur/ /sa sogs 'byung ba chen po dang / / nam mkha' bzhin du rtag par yang / /sems can dpag tu med pa yi/ /rnam mang nyer 'tsho'i gzhir yang shog /de bzhin nam mkha'i mthas gtugs pa'i/ /sems can khams la rnam kun tu/ /thams cad mya ngan 'das bar du/ /bdag ni nyer 'tsho'i gzhir yang shog / bdag gis byang chub spyod pa la/ /'jug pa rnam par brtsams pa yi/ /dge ba gang des 'gro ba kun/ /byang chub spyod la 'jug par shog /phyogs rnams kun na lus dang sems/ /sdug bsngal nad pa ji snyed pa/ /de dag bdag gi bsod nams kyis/ /bde dga' rgya mtsho thob par shog /de dag sangs rgyas bde thob kyi/ /bar du bde las nyams ma gyur/ /'gro bas bla na med pa yi/ /bde ba rgyun mi 'chad thob shog /'jig rten khams na dmyal ba dag /gang dag ji snyed yod pa rnams/ /de dag tu ni lus can rnams/ /bde chen bde bas dga' bar shog /grang bas nyam thag dro thob shog /byang chub sems dpa' sprin chen las/ /byung ba'i chu bo mtha' yas kyis/ /tsha bas nyam thag bsil bar shog /ral gri lo ma'i nags tshal yang / /de la dga' tshal sdug dgur shog / shal ma li yi sdong po yang / /dpag bsam shing du 'khrung bar shog /thing ril dur pa dag dang ngang pa dang / /bzhad sogs skad snyan 'byin pas mdzes gyur cing / /pad ma dri bsung che ldan mtsho dag gis/ /dmyal ba'i sa phyogs dag ni nyams dgar shog / sol phung de yang rin chen phung por gyur/ /sa bsregs shel gyi sa gzhi bstar bar shog /bsdus 'joms ri bo rnams kyang mchod pa yi/ /gzhal med khang gyur bde gshegs gang bar shog /mdag ma rdo bsregs mtshon gyi char pa dang / /deng nas bzung ste me tog char par gyur/ /phan tshun mtshon gyis 'debs pa de yang ni/ /deng nas rtse phyir me tog 'phel bar shog /chu bo rab med me dong 'dra nang bying ba dag /sha kun zhig gyur rus gong me tog kun da'i mdog /bdag gi dge ba'i stobs kyis lha yi lus thob nas/ /lha mo rnams dang lhan cig dal gyis 'bab gnas shog /ci phyir 'di ni gshin rje'i mi dang khra dang bya rgod mi bzad rnams skrag byed/ /kun nas mun bsal bde dga' bskyed pa'i mthu bzang 'di ko su yi yin snyam ste/ /gyen du bltas na nam mkha'i dkyil na phyag na rdo rje 'bar ba bzhugs mthong nas/ /rab tu dga' ba'i shugs kyis sdig dang bral nas de dang lhan cig 'gro bar shog /me tog char pa spos chu dang 'dres bab pa yis/ /dmyal ba'i me mdag chil chil gsod par mthong gyur nas/ /glo bur bde bas tshim pa 'di ci bsam pa dang / /sems dmyal rnams kyis phyag na pad+ma mthong bar shog /grogs dag 'jigs pa bor la rings par tshur zhes/ gang gi mthu yis sdug bsngal thams cad bral zhing dga' ba'i shugs phyin la/ 'gro ba kun nas yongs skyob byang chub sems dang brtse ba skyes gyur pa/ gzhon nu zur phud can 'bar 'jigs pa med dpar byed pa ci zhig phyin/ khyod kyis lha brgya'i cod pan dag gi zhabs kyi pad+ma la mchod cing / thugs rjes rlan spyan dbul me tog du ma'i tshogs kyis char 'bab pa/ khang brtsegs yid 'ong lha mo stong phrag bstod dbyangs sgrogs ldan 'di ldos zhes/ 'jam dbyangs de 'dra mthong nas da ni sems dmyal ca co 'don par shog /de ltar bdag gi dge rtsas kun tu bzang la sogs/ /byang chub sems dpa' sgrib pa med sprin bde ba dang / /bsil zhing dri zhim ngad ldang char pa 'bebs mthong nas/ /sems can dmyal ba de dag mngon par dga' gyur cig /dud 'gro rnams ni gcig la gcig /za ba'i 'jigs dang bral bar shog /sgra mi snyan pa'i mi bzhin du/ / yi dgas rnams ni bde bar gyur/ /'phags pa spyan ras gzigs dbang gi / phyag nas 'bab pa'i 'o rgyun gyis/ /yi dgas rnams ni tshim byas shing / /khrus byas rtag tu bsil bar shog /long ba rnams kyis gzugs mthong shog /'on pas rtag tu sgra thos shog / lha mo sgyu 'phrul bzhin du ni/ /sbrum ma gnod med btsa' bar shog /gcer bu rnams kyis gos dag dang / /bkres pa rnams kyis zas dang ni/ /skom pa rnams kyis chu dag dang / /btung ba zhim po thob par shog /bkren pa rnams kyis nor thob shog / mya ngan nyam thag dga' thob shog /yi chad rnams kyang yid sos shing / /brtan pa phun sum tshogs par shog /sems can nad pa ji snyed pa/ /myur du nad las thar bar shog /'gro ba'i nad ni ma lus pa/ /rtag tu 'byung ba med par shog / skrag pa rnams ni 'jigs med shog /bcings pa rnams ni grol bar gyur/ /mthu med rnams ni mthu ldan zhing / /phan tshun sems ni mnyen gyur cig /'gron pa dag ni thams cad la/ /phyogs rnams thams cad bde bar shog /gang gi don du 'gro byed pa/ / de 'bad mi dgos grub gyur cig /gru dang gru chen zhugs pa rnams/ /yid la bsam pa grub gyur te/ /chu yi ngogs su bde phyin nas/ /gnyen dang lhan cig dga' bar shog /mya ngan lam gol 'khyams pa rnams/ /'gron pa dag dang phrad gyur nas/ /chom rkun stag sogs 'jigs med par/ /mi ngal bde blag 'gro bar shog /dgon sogs lam med nyam nga bar/ /byis pa rgan po mgon med pa/ /gnyid log myos shing rab myos rnams/ /lha dag srung bar byed par shog /mi ngal kun las thar pa dang / / dad dang shes rab brtser ldan zhing / /zas dang spyod pa phun tshogs nas/ /rtag tu tshe rabs dran gyur cig /thams cad nam mkha'i mdzod bzhin du/ /longs spyod zad par med par shog /rtsod pa med cing 'tshe med par/ /rang dbang du ni spyod par shog /sems can gzi brjid chung ngu gang / /de dag gzi brjid chen por shog /dka' thub can gang gzugs ngan pa/ /gzugs bzang phun sum tshogs gyur cig /'jig rten bud med ji snyed pa/ /de dag skyes pa nyid gyur cig /ma rabs rnams ni mtho thob cing / /nga rgyal dag kyang bcom par shog / bdag gi bsod nams 'di yis ni/ /sems can thams cad ma lus pa/ /sdig pa thams cad spangs nas ni/ /rtag tu dge ba byed par shog /byang chub sems dang mi 'bral zhing / /byang chub spyod la gzhol ba dang / /sangs rgyas rnams kyi sa yongs bzung zhing / /bdud kyi las kyang spong bar shog /sems can de dag thams cad ni/ /tshe yang dpag med ring bar shog /rtag tu bde bar 'tsho 'gyur zhing / /'chi ba'i sgra yang grag ma gyur/ /dpag bsam shing gi skyed mos tshal/ /sangs rgyas dang ni sangs rgyas sras/ /chos snyan sgrogs pas gang pa yis/ /phyogs rnams thams cad dga' bar shog /thams cad du yang sa gzhi dag /gseg ma la sogs med pa dang / /lag mthil ltar mnyam bai DUR+Ya'i/ /rang bzhin 'jam por gnas par gyur/ /'khor gyi dkyil 'khor yod dgur yang / /byang chub sems dpa' mang po dag /rang gi legs pas sa stengs dag /brgyan par mdzad pas bzhugs gyur cig /lus can kun gyi bya dang ni/ /shing dang 'od ser thams cad dang / /nam mkha' las kyang chos kyi sgra/ /rgyun mi 'chad par thos par shog /de dag rtag tu sangs rgyas dang / /sangs rgyas sras dang phrad gyur cig /mchod pa'i sprin ni mtha' yas pas/ /'gro ba'i bla ma mchod par shog /lha yang dus su char 'bebs shing / /lo tog phun sum tshogs par shog / rgyal po chos bzhin byed gyur cig /'jig rten dag kyang dar bar shog /sman rnams mthu dang ldan pa dang / /gsang sngags bzlas brjod grub par shog /mkha' 'gro srin po la sogs pa/ /snying rje'i sems dang ldan gyur cig /sems can 'ga' yang sdug ma gyur/ /'jigs dang brnyas pa mi 'byung zhing / /'ga' yang yid mi bde ma gyur/ /gtsug lag khang rnams klog pa dang / /kha ton gyis brgyan legs gnas shog /rtag tu dge 'dun mthun pa dang / /dge 'dun don yang 'grub par shog /bslab pa 'dod pa'i dge slong dag / dben pa dag kyang thob par shog /g.yeng ba thams cad spangs nas ni/ /sems ni las rung bsgom gyur cig /dge slong ma rnams rnyed ldan zhing / /'thab dang rtsod pa spong bar shog /de bzhin rab tu byung ba kun/ /tshul khrims nyams pa med gyur cing / /tshul khrims 'chal bas yid byung nas/ /rtag tu sdig pa zad byed shog /bde 'gro dag kyang thob gyur nas/ /der yang brtul zhugs mi nyams shog /mkhas pa rnams ni bkur ba dang / /bsod nams dag kyang rnyed par shog /rgyud ni yongs su dag pa dang / /phyogs rnams kun du grags par shog /ngan song sdug bsngal mi myong zhing / /dka' bas spyad pa med par yang / /lha bas lhag pa'i lus kyis ni/ /de dag sangs rgyas myur 'grub shog /sems can kun gyis lan mang du/ /sangs rgyas thams cad mchod byed cing / /sangs rgyas bde ba bsam yas kyis/ /rtag tu bde dang ldan gyur cig /byang chub sems dpa' rnams kyis ni/ /'gro don thugs la dgongs 'grub shog /mgon po yis ni gang dgongs pa/ /sems can rnams la de 'byor shog /de bzhin rang sangs rgyas rnams dang / /nyan thos rnams kyang bde gyur cig / bdag kyang 'jam dbyangs bka' drin gyis/ /sa rab dga' ba thob par du/ /rtag tu tshe rabs dran pa dang / /rab tu byung ba thob par shog /bdag ni kha zas [(]gyi [,]kyi [)]nas kyang / /nyams dang ldan zhing 'tsho bar shog /tshe rabs kun du dben gnas par/ /phun sum ldan pa thob par shog /gang tshe blta bar 'dod pa dang / /cung zad 'dri bar 'dod na yang / /mgon po 'jam dbyangs de nyid ni/ /gegs med par yang mthong bar shog /phyogs bcu nam mkha'i mthas gtugs pa'i/ /sems can kun don bsgrub pa'i phyir/ /ji ltar 'jam dbyangs spyod mdzad pa/ /bdag gi spyod pa'ang de 'drar shog /ji srid nam mkha' gnas pa dang / /'gro ba ji srid gnas gyur pa/ /de srid bdag ni gnas gyur nas/ /'gro ba'i sdug bsngal sel bar shog /'gro ba'i sdug bsngal gang ci 'ang rung / /de kun bdag la smin gyur cig /byang chub sems dpa'i dge 'dun gyis/ /'gro ba bde la spyod par shog /'gro ba'i sdug bsngal sman gcig pu/ /bde ba thams cad 'byung ba'i gnas/ /bstan pa rnyed dang bkur sti dang / /bcas te yun ring gnas gyur cig / slob dpon chen po zhi ba lhas mdzad pa/ /byang chub sems dpa'i spyod pa la 'jug pa las byung ba'i smon lam rdzogs so// @##/ /rgya gar skad du/ badzra pra Ni d+hA naM/ bod skad du/ rdo rje'i smon lam/ dpal rdo rje sems dpa' la phyag 'tshal lo/

CLOSE WINDOW