བོད་ཡིག

e-texts based on the ACIP/ALL Input

@/ /gsung rab rin po che'i gtam rgyud dang shAkya'i rabs rgyud bzhugs/ @#/ /dkon mchog gi za ma tog las/ sems can 'khor ba las 'byung bar rtsol ba la bdud bar chad byed kyi mi rtsol ba la ni mi byed do zhes 'byung / sangs rgyas kyi yul bsam gyis mi khyab pa bstan pa'i mdo las/ 'phags pa 'jam dpal gyis chos zab mo bshad pa dang / rab 'byor gyis khyod las dang po rjes su mi bsrung ba'i chos ston to zhes bya ba dang / 'jam dpal gyis nad gso ba'i phyir/ sman pas sman rtsa ba byin pa 'phral du bde bar bya ba'i phyir ma yin no zhes bya ba dang / bcom ldan 'das kyis ma 'ongs pa na chos zab mo 'di la su dad pa nyan thos kyi theg pa can zhig na ni byams pa'i 'dus pa gsum gyi khongs su gtogs par 'gyur ro/ /byang chub sems dpa'i theg pa can zhig na ni bzod pa gang yang rung ba thob par 'gyur zhes gsungs/ dad pa'i stobs bskyed pa'i mdo las/ ye shes mtha' yas pa ni phyogs bcu'i 'jig rten rab 'byams thams cad du 'jig rten dang 'jig rten las 'das pa'i las dang bzo gnas la ye shes lhun gyis grub pa'o/ /blo gros mi zad pas bstan pa las/ byang chub sems dpa'i tshul khrims mi zad pa ni rgyun mi zad pa'i phyir blta bar bya'o/ /de ci'i phyir zhe na/ so so'i skye bo rnams kyi tshul khrims ni skye ba'i gnas rnams kyi zad par 'gyur ro/ /phyi rol gyi brda mngon par shes pa rnams kyis mngon par 'gyur ro/ /mi rnams kyi ni dge ba bcu'i las kyi lam zad pas so/ /'dod pa'i khams kyi lha'i bu rnams kyi ni bsod nams zad pas so/ /gzugs kyi khams kyi ni tshad med pa dang bsam gtan zad pas so/ /gzugs med pa'i lha rnams kyi tshul khrims ni ji lta bur snyoms par zhugs pa skyes pa zad nas zad par 'gyur ro/ /slob pa dang mi slob pa dang nyan thos thams cad kyi ni mya ngan las 'das pa'i mthar ro/ /rang sangs rgyas kyi ni snying rje chen po dang bral bas so/ /gzhan yang theg pa gnyis te/ lha'i theg pa dang mi'i theg pa'o/ /de la sems can thams cad la dmigs pa'i byams pa ni/ sems dang po bskyed pa'i byang chub sems dpa' rnams kyi'o/ /chos la dmigs pa ni/ spyod pa la zhugs pa'i byang chub sems dpa' rnams kyi'o/ /dmigs pa med pa'i byams pa ni mi skye ba'i chos la bzod pa thob pa rnams kyi'o/ /'khor los sgyur ba'i rgyal po rin po che sna bdun gyi sngon du 'gro ba ltar dbugs dbyung ba dang / rngub pa ni skyes bu'i srog gi dbang po'i sngon du 'gro ba'o/ /byang chub sems dpa'i lha'i mig rnam par dag pa ni phyogs bcu mtha' yas pa na/ sems can gzugs med pa ma gtogs pa thams cad kyi 'chi 'pho dang / skye ba dang las dang 'bras bu dang po'i rim pa shes pa'o/ /sbyin pa ni chos dang zang zing ngo / /snyan par smra ba ni tshig 'jam pa'o/ /don spyod pa ni gzhan dag gi bsam pa bzhin rdzogs par byed pa'o/ /don mthun pa ni bdag yon tan du 'du shes pa'i theg pa de nyid la gzhan dgod pa'o/ /mdor na chos kyi phung po brgyad khri bzhi stong bstan pa ni tshig 'bru zhes bya'o/ /sems can thams cad kyi skad dang yi ge dang tshig 'brus brjod du med pa'i don ni ston to/ /skye ba dang 'gog pa la gnas pa ni rnam par shes pa'o/ /mi skye ba dang mi 'gog pa la gnas pa ni ye shes so/ /nges pa dang drang ba ni don dam pa dang kun rdzob bstan pa'o/ /gang zag ni skye bo'i gang zag gi sangs rgyas kyi bar brdas bstan te/ de dag la mngon par zhen pa ni ston pa ma yin no/ /chos nyid ni mnyam mo/ /'dod chags la spyod pa nyi khri chig stong de bzhin du zhe sdang dang gti mug dang cha mnyam la spyod pa ste/ spyir brgyad khri bzhi stong ngo / /sbyin pa bzhin ye shes kyi tshogs su 'gyur te/ chos smra ba rnams la smyu gu dang / gro ga la sogs pa sbyin pa dang / stan sbyin pa dang / rnyed pa dang / bkur sti dang / snyan pa sbyin pa dang / legs par gsungs so zhes bya ba sbyin pa'o/ /yang bzod pa bzhi ni ye shes kyi tshogs su 'gyur te/ chos tshol ba la brtson pas ngan du smra ba bzod pa dang / mkhan po dang slob dpon dang mthun par 'jug pa'i bzod pa dang / rnam par thar pa'i sgo gsum la bzod pa'o/ /mi rtag pa'i don gang zhe na/ med pa'i don dang / mi chags pa'i don to/ /dkon mchog 'byung gnas las/ bram ze'i rig byed las mtshan sum cu rtsa gnyis dang ldan pa ni 'gro ba gnyis te/ 'khor los sgyur ba dang / sangs rgyas so/ /sman ser 'di yis mig bskus na/ gzugs ci mthong ba thams cad gser gyi kha dog tu mthong bar 'gyur/ sangs rgyas bye ba khrag khrig 'bum phrag dpag tu med pa gang dag yongs su mya ngan las 'das pa yang / 'jam dpal gzhon nur gyur pa 'dis byang chub tu btsud do/ /za ma tog bkod pa las/ spyan ras gzigs dbang phyug gis lha ma yin gyi dbang po gtor ma lung bstan/ spyan ras gzigs dbang phyug gi spobs pa lta bu de bzhin gshegs pa la yang mi mnga' zhes 'byung / ri'i rgyal po de dag la rang sangs rgyas de dag gnas te/ mdo dang dbyangs kyis bsnyad pa la sogs pa rnam pa du ma dag phan tshun smra'o/ /dge 'dun gyi las spyod pa'i mi 'os pa las spyod pa las sdig che ba 'byung / 'jam dpal rnam par rol pa las/ gang du sems dang yid dang rnam par rig pa 'jug na/ tha na mya ngan las 'das par sems pa yang rung ste/ de thams cad nyon mongs pa'o/ /kha dog dang gzugs kyi rtags dang spyod lam gyi dbyibs ni byang chub sems dpa'i rab tu 'byung ba ma yin gyis sems can gzhan dang gang zag gzhan dag la byams pa dang / snying rje'i sems bskyed pa ni byang chub sems dpa'i rab tu 'byung ba yin no/ /rnam par 'phrul pa'i rgyal pos zhus pa las/ chos nyid la brten na mdo sde thams cad nges pa'i don yin no/ /'jig rten la brten na thams cad drang ba'i don yin no/ /byang chub sems dpa'i las ni gnyis so/ /sems can yongs su smin par bya ba dang / dam pa'i chos yongs su bzung ba'o/ /byang chub sems dpa'i sa brgyad pa la gnas shing sa dgu par 'phar ba la byang chub sems dpa'i stobs bcu dang mi 'jigs pa bzhi dang ma 'dres pa bco brgyad yod/ chos de dag kyang mdo 'di nyid las 'byung / ma 'dres pa'i nang nas byang chub sems dpa' la sems can gdug pa rnams kyis gnod pa byas kyang mi brdzi la/ gnod pa byas pa'i gzhi des sems can de yang ngan 'gror mi 'gro ste/ byang chub sems dpa'i tshul khrims dag pa'i smon lam gyi dbang gi phyir ro/ /'phags pa 'jam dpal gyi sangs rgyas kyi zhing gi yon tan bkod pa las/ rab tu byung ba'i yon tan bcu yod de/ 'dod pa la mi chags pa dang / dgon pa la dga' ba dang / sangs rgyas kyi spyod yul 'thob pa dang / chung ma la sogs pa la sred par mi 'gyur ba dang / ngan 'gror 'gro ba'i chos spong ba dang / bde 'gro'i chos la brten pa dang / sngon gyi dge ba'i rtsa ba las yongs su mi nyams pa dang / dge ba'i rtsa ba phun sum tshogs pa 'thob pa dang / lha rnams dga' ba dang / mi ma yin pa rnams bsrung bar 'gyur ba'o/ /sangs rgyas bdun gyi smon lam las/ sems can gyi rnam par shes pa gshin rje'i mis drangs te/ gshin rje'i mdun du khrid cing mi de dang lhan cig skyes pa'i lha phyi bzhin 'brang bas sems can des legs nyes ci byas pa thams cad legs par yi ger bris te/ gshin rje la phul ba dang / gshin rjes dris shing brtags nas/ de la ji ltar byas pa de bzhin du bsgo'o/ /mi shi ma thag tu sangs rgyas sman gyi bla bai DUr+ya'i 'od mchod na/ des zhag bdun nam nyi shu rtsa gcig gam/ sum cu rtsa lnga'am/ bzhi bcu rtsa dgu na dran te/ de phyin chad sdig pa mi byed do/ /'phags pa 'jam dpal gyi sangs rgyas kyi zhing gi yon tan bkod pa las/ byang chub sems dpa' khyim pa gang gA'i klung gi bye ma snyed kyis de bzhin gshegs pa dge slong gi dge 'dun gyi 'khor dang bcas pa la/ bskal pa gang gA'i klung gi bye ma snyed du bde bar sbyar ba thams cad kyis bsti stang byas pa bas/ byang chub sems dpa' rab tu byung ba rab tu dben pa 'dod cing dgon pa'i logs su phyogs te/ gom pa bdun bor na ches bsod nams che zhing / sangs rgyas su yang nye bar 'gyur ro/ /byang chub kyi phyogs ni bag yod pa la gnas so/ /byang chub ni nan tan la gnas so/ /sangs rgyas kyi zhing smon lam gyis grub po/ /gang gis sangs rgyas bye ba khrag khrig phrag 'bum gyi mtshan brjod pa bas ni/ 'phags pa 'jam dpal gyi mtshan brjod pa bsod nams ches che na/ de bzhin gshegs pa kun du gzigs pa'i mtshan brjod pa lta smos kyang ci dgos/ 'phags pa 'jam dpal la byang chub sems dpa' zhig gis khyod nam 'tshang rgya zhes dris pa dang / nam yang 'tshang mi rgya ba'i dper/ zla ba ni nyin mor 'gyur ba dang / nyin mo ni mtshan mor 'gyur ba dang / dgra bcom pa zag pa zad pa mngon par rdzogs par 'tshang rgya ba na ba dag 'tshang rgya'o zhes bshad do/ /de bzhin gshegs pa mi 'khrugs pa'i bkod pa las/ bar gyi bskal pa nyi shu la bskal pa gcig go/ /de'i bskal pa bcu la bskal pa chen po gcig go/ /byang chub sems dpa'i theg pa pa'i gang zag khyim nas byung ba zhig gis mdo sde 'di gzung ba dang / bklag pa la sogs par mi rnyed la de la gal te la la zhig gis khyod khyim gyi gnas btsun mo'i 'khor gyi nang du 'dug phod na mdo sde 'di sbyin no zhes zer la/ gal te mdo sde rnyed pa lta na khyim gyi gnas btsun mo'i 'khor gyi nang na gnas kyang ltung ba med do/ /mi 'khrugs pa'i sangs rgyas kyi zhing de na tshe gcig gis dgra bcom par 'gyur te/ lan cig phyir 'ong ba dang / phyir mi 'ong ba zhes bya ba'i 'bras bu ming tsam ste/ sems can gyi ris der skye ba med do/ /de bzhin gshegs pa'i bsam gyis mi khyab pa bstan pa las/ 'di lta ste/ las bsam gyis mi khyab pa dang / klu bsam gyis mi khyab pa dang / bsam gtan pa bsam gyis mi khyab pa dang / sangs rgyas bsam gyis mi khyab pa'i/ /rang gi lus kyang ras bcos bus dkris nas/ 'bru mar gyis bskus nas mar me 'bud do/ /bcom ldan 'das shAkya thub pa 'di de'i tshe lha'i dbang po brgya byin mig bzangs zhes bya bar gyur to/ /chos bzhi dang ldan na rgyal po la chos kyi rgyal po zhes bya ste/ byang chub kyi sems mi gtong ba dang / gzhan dag kyang byang chub la bkod pa dang / dge ba'i rtsa ba thams cad byang chub tu bsngo ba dang / sangs rgyas kyi che ba mthong ngam thos na de la mos pa ma gtogs pa lha la sogs pa dang / nyan thos la sogs pa'i phun sum tshogs pa gang la yang ma mos pa'o/ /byams pa seng ge tog me tog pad+ma me tog skar ma rgyal spyad legs lag bzangs 'od skar ma la dga' ba/ mngon 'phags shes pa yon tan gyi mchog mnga' ba nor dpal ye shes 'byung gnas/ rin po che 'byung gnas kun du snang ba/ yon tan mtha' yas grags pa mos pa/ de bzhin gshegs pa mos pa'i sku tshe dang nyan thos ni bskal pa bzang po'i sangs rgyas dgu brgya dgu bcu rtsa dgu kun bsdoms pa dang mnyam mo/ /de snyed kyi mdzad pa kun sangs rgyas mos pa gcig pus mdzad do/ /tshangs pa gtsug phud byang chub kyi rim gro ba'i lta gzi brjid kyi stobs zhes bya ba rtag tu de bzhin gshegs pa'i zham ring na 'brang ste/ de bzhin gshegs pa'i zhal zas snod du zed/ gzugs med pa'i lha'i tshe bskal pa brgyad khri bzhi stong / sems can gang dag dgon pa'i gnas la chags pa de dag la byang chub sems dpa'i sems dben par bya ba'i gtam bya'o/ / lag na rdo rjes smras pa/ zhi ba'i blo gros de bzhin gshegs pas yi ge gcig kyang ma brjod do zhes kho bos sngar ma bshad dam/ de lta mod kyi sngon gyi smon lam gyi dbang gis de bzhin gshegs pas gsungs/ sems can rnams kyis dmigs so/ /chos kyi mdo bzhi rnam par gzhag ste/ dge sbyong dang / bram ze rtag par smra ba rnams dang / lha tshe ring po rtag par 'du shes pa rnams kyi gzhom pa'i phyir/ 'du byed thams cad mi rtag go zhes bya ba dang / lha dang mi bde bar 'du shes pa rnams kyi gzhom pa'i phyir 'du byed thams cad sdug bsngal lo zhes bya ba dang / mu stegs can bdag tu smra ba rnams kyi gzhom pa'i phyir chos thams cad bdag med pa zhes bya ba dang / rnam par rtog pa la spyod pa mngon pa'i nga rgyal can rnams kyi gzhom pa'i phyir/ mya ngan las 'das pa ni zhi ba zhes bya'o/ /rmi lam bstan pa las/ sa dgu pa dang bcu pa las rmi lam log par mthong ba med do/ /phung po gsum pa las kyi sgrib pa sbyang ba'i phyir bklag pa dang / byang chub sems dpa' gang gi rmi lam na de bzhin gshegs pa'i chos gos gsum char rnyed na de ni sa brgyad par blta'o/ /me tog gi tshogs las/ byang phyogs na yul gan d+ha ra zhes bya ba na lo 'bum du mnar med pa'i sems can dmyal ba 'dzin par 'gyur ba yod do/ /kha che'i yul nas khri phrag lnga/ byang phyogs nas bye ba phrag brgyad dang lnga 'bum/ shar phyogs nas brgya stong phrag mang po/ /lho phyogs su nyis 'bum/ nub phyogs nas 'bum/ rigs kyi bu gang de bzhin gshegs pa 'od dpag med kyi mtshan thos pa'i dge ba'i rtsa ba de la ma dad cing / yid ma ches nas/ de lta bur ga la 'gyur zhes tshig tu smras na/ lo stong phrag drug cur sems can dmyal ba chen po 'o dod 'bod pa zhes bya bar 'tsho bar 'gyur ro/ /phyogs gang na bstan pa rab tu 'bar bar gyur pa de na/ dam pa'i chos spang ba'i skyes bu blun po shin tu mang bar gyur to/ /mi lus thob par dka' ste/ rus sbal dang gnya' shing gi dpes bstan pa 'byung / 'phags pa byams pa seng ge'i sgra chen po las/ 'bras bu ma thob par tha na dad pas byin pa chu snod gang tsam yang blang bar mi bya'o/ /nyan thos kyi theg pa pa rab tu byung ba sdig pa can gyi 'dod pa bzhi ste/ ma 'ongs pa'i sangs rgyas mthong bar 'dod pa/ 'khor los sgyur ba'i rgyal srid 'dod pa/ rgyal rigs 'dod pa/ bram ze'i rigs 'dod pa'o/ /gling bzhi pa'i sems can thams cad la bskal pa bas lhag par yo byad kun byin pa bas/ yang dag par zhugs pa tshul khrims yongs su dag pa 'tsho ba dag pa zhig gis sbyin pa po gang gis dad pas byin pa tha na chu snod gang tsam blangs na de bsod nams che'o/ /rab tu byung ba nyon mongs pa cha phra ba 'di dag dang ldan na/ mda' 'phangs pa bzhin dmyal bar 'gro ste/ gzhan gyi rnyed pa la phrag dog dang / sdom pa dang ldan pa'i mdo sde thos na tshul khrims la smod pa dang / de bzhin gshegs pa'i bkas bslabs pa las 'gal na nga rgyal gyis mi 'chags pa dang / shes bzhin du yon bdag dad pas byin pa la spyod pa'o/ /rab tu byung ba rgyags pa 'di bzhi dang ldan na dmyal bar 'gro ste/ bzhi ni mang du thos pas rgyags nas bag med pa dang / rnyed pa dang / bkur stis rgyags pa dang / mdza' ba shes dang / slong mo ster ba'i khyim gyis rgyags pa dang / sbyangs ba'i yon tan gyis rgyags nas bdag bstod/ gzhan la smod pa'o/ /chos bzhi dang ldan na byang chub sems dpar khas 'ches te/ rnyed pa 'dod pa dang / bkur sti 'dod pa dang / g.yo byed pa dang / yang ba'i 'tsho bas 'tsho bar byed pa'o/ /dus lnga brgya tha ma la byang chub sems dpar khas 'ches pa'i khyi'i chos kun tu spyod pa dag 'byung / dge slong khyim pa rnams su 'gro bar 'dod pas ni chos kyi skyes ma gtogs par skyes gzhan bskur bar mi bya/ khyim du song nas chos ma gtogs 'du 'dzi'i gtam mi bya/ ngas ni sngon byas pa'i las zad par bya ba'i phyir/ phung po gsum pa'i chos kyi rnam grangs gsungs/ byang chub sems dpa' ltar bcos pa kha cig sdig pa byas pa bshags pas 'byung ba'i sems kyis phyin chad sdom par mi byed/ nyin gcig la lan brgya bar du 'byung ba'i phyir spong ba ni bla'i/ tshul khrims ma dag pas dad pas byin pa la yongs su spyod pa ni de lta ma yin no/ /gal te khyed nyan thos gcig gi sems dag rnam par grol bar ma gyur du zin na ni 'khor los sgyur ba'i rgyal srid gang gA'i klung gi bye ma snyed byed du bcug nas/ bla na med pa yang dag par rdzogs pa'i byang chub tu mngon par rdzogs par 'tshang rgya bar yang 'gyur ro/ /khyim pas kyang phyir mi 'ong ba'i 'bras bu thob par 'gyur/ tshong dpon bzang skyong gis zhus pa las/ tshong dpon zla ba 'byor pa de la ni lha'i dbang po brgya byin gyi bde ba'i yo byad kyis kyang ci tsam du yang mi phod do/ /dper na dgra bcom pa 'gog pa'i snyoms par zhugs pa'i rnam par shes pa'i khams de 'gog pa las 'das nas yongs su phyin pa de bzhin du/ rnam par shes pa'i khams 'di yang skye ba po shi ba'i lus yongs su btang zhing khams rnams bor nas/ nang gi gzugs dang phyi rol gyi gzugs yod de/ nang gi gzugs ni zin pa'i mig gang yin pa ni phyi rol gyi gzugs so/ /mig gi rnam par shes pa gang yin pa ni gzugs so/ /nang gi mig shes pa dang ldan pas rmi lam na gzugs mthong gi sha'i mig gis ni ma yin no/ /phyir mi ldog pa'i 'khor lo las 'di gnyis lo khrir dge ba'i rtsa ba yang dag par bsgrubs pa bas/ gang zhig der snga dro gcig gi de ni de bas ches bsod nams mang du yang dag par smra ba'o/ /dkon mchog sprin las/ byang chub sems dpa' rnams kyi spobs pa ni don dang bral ba ma yin no/ /de ci'i phyir zhe na/ chos nyid thob pa'i phyir te/ rigs kyi bu chos nyid ma thob pa rnams kyi ni don dang 'bral bar 'gyur gyi/ chos nyid thob pa rnams kyis ni ma yin no/ /byang chub sems dpa' rnams kyi spobs pa ni tshig 'bru dang bral ba ma yin no/ /de ci'i phyir zhe na/ bstan bcos thams cad la 'jigs pa med pa'i phyir te/ rigs kyi bu bstan bcos kyi phyogs 'ga' shes pa rnams kyis ni tshig 'bru dang bral bar 'gyur gyi bstan bcos thams cad med par 'gyur ba ni ma yin no/ /byang chub sems dpa' rnams ni gang na gnas pas sangs rgyas skyes bu du ma 'bras bu med par 'gyur ba dang / sems can gyi don 'grib par 'gyur ba/ lha tshe ring po'i nang du mi skye'o/ /byang chub sems dpa' rnams ni 'dod pa'i khams nyid du gang sems can gdul bar bya ba dang / sangs rgyas skyes pa mnyes par byar yod par skye'o/ /de ci'i phyir zhe na/ de ni thabs mkhas pa'i phyir ro/ /rigs kyi bu 'di ni byang chub sems dpa' rnams kyi'o/ /'dul ba'o/ /tshangs pa khyad par sems kyis zhus pa las/ sangs rgyas kyi zhing 'di na 'ga' zhig bskal pa brgya stong du tshangs par spyod pa la gnas pa bas/ mi mjed kyi 'jig rten gyi khams na gang snga dro'i dus gcig zhe sdang med par gnas pa bsod nams shin tu che'o/ /chos bzhi dang ldan na byang chub sems dpa' bsam gtan la gnas nas/ 'dod pa'i khams su skye ste/ bzhi gang zhe na/ sems las su rung ba dang / dge ba'i rtsa ba stobs skyed pa dang / sems can yongs su mi gtong ba dang / thabs dang shes rab bsgom pa'o/ /gang rnams dngos po 'jig pa las 'gags pa de 'phags pa'i bden pa'o/ /smra bar gyur pa de dag ni lam log par zhugs pa ste/ nga yang de dag gi ston pa ma yin/ de dag yang nga'i nyan thos ma yin no/ /gal te sems can thams cad kyang / /theg pa dam pa 'dod 'gyur na/ /thams cad kyi yang go skabs yod/ /theg pa'i khyad par dag la ltos/ /dngos po ni mig gi rang bzhin gyis dben te/ gang chos thams cad mi sgom pa 'di ni lam sgom pa'o/ /bskal pas bsreg pa na chu bran dang / rdzing bu dang mtsho la sogs pa sngar skam la phyis rgya mtsho chen po skam pa ltar dam pa'i chos nub pa'i tshe/ nyi tshe ba'i spyod pa la zhugs pa'i sems can rnams kyi chos sngar nub par 'gyur la/ phyis skyes bu dam pa blo gros rgya mtsho lta bu sangs rgyas kyi theg pa yang dag par 'dzin pa de dag gi lag nas dam pa'i chos nub par 'gyur ro/ /ji ltar rgya mtsho las byung ba/ /rin po ches ni rin chen sdud/ /ces bya bar bsngags pa/ bsreg pa'i bskal pa byung yang mi 'tshig ste/ /de yang 'jig rten 'jig tshe gzhan du 'gro/ /de bzhin dri ma med pa'i chos 'jig tshe/ /brtson 'grus mchog ldan de dag 'bad cing 'dzin/ /snod min 'jig rten chos min 'dod rig nas/ /khams pa rgyal ba gzhan gyi drung du 'gro/ /chos rnams 'byung ba med pa bstan pa las/ /lan cig kho nas rgyal bar 'gyur ba min/ /rigs pa'i rim dang bya ba'i rim gyis 'thob/ /bskal pa khrag khrig bye ba grangs med du/ /go cha bgos pas 'thob kyi gzhan du min/ /rigs kyi bu bdag bsrung bar 'dod pa des gzhan su'i spyod pa la yang brtag par mi bya ste/ 'di ni 'di 'dra'o/ /'di ni 'di 'dra'o zhes dpya bar mi bya'o/ /chos 'di thos shing mir 'gyur ba'i/ /'dod pa'i yon tan lnga chags khyim pa'ang bla'i/ /bstan pa 'di la rab tu byung gyur zhing / /dmigs lta sbyangs pa'i yon tan rlom pa min/ /'phags pa nam mkha' mdzod kyi zhus pa las/ /dge ba'i rtsa ba ni sems dang po bskyed pa ste/ sangs rgyas kyi chos kun gyi rtsa ba'o/ / bsod nams ni sems bskyed ma thag tu sems can dang theg pa dman pa'i bsod nams zil gyis gnon pa'o/ /ye shes ni dge ba'i rtsa ba de dag bla na med par bsngo ba'o/ /shes rab kyi ye shes kyis ni sems can thams cad kyi nyon mongs pa thams cad yongs su 'dor/ thabs kyi ye shes kyis ni sems can thams cad mi gtong ba ste/ tshig nam mkha' dang mtshungs pa'i phyir gshe yang slar mi gshe/ lus nam mkha' dang mtshungs pa'i phyir brdeg kyang slar mi brdeg /sems nam mkha' dang mtshungs pas spyo yang slar mi spyo/ /bsam pa nam mkha' dang mtshungs pas khros kyang slar mi khro/ /dge ba'i rtsa ba ni dge ba'i bshes gnyen rab tu rnyed pa'o/ /bsod nams ni dge ba'i bshes gnyen yongs su mi gtong ba'o/ /ye shes ni dge ba'i bshes gnyen la kun dri bya'o/ /thos pa ni shes rab chen po'i rgyu ste/ sems kyi rang bzhin 'od gsal bas/ 'khor los sgyur ba'i rgyal po bsod nams kyis brgyan pa de la btsun mo yang brgyad khri bzhi stong bu yang brgyad khri bzhi stong yod do/ /dge ba'i rtsa ba ni sdig pa so sor 'chags pa'o/ /bsod nams ni dge ba'i rtsa ba thams cad la rjes su yi rang bar bya'o/ /ye shes ni sangs rgyas thams cad la gsol ba 'debs pa'o/ /shes rab gang ngoms de dag shin tu ngoms/ byang chub kyi sems ni chos gnyis kyis bsdus na phyir mi ldog par gnas so/ /gnyis gang zhe na/ bsam pa dang lhag pa'i bsam pa'o/ /de la bsam pa ni g.yo med pa dang sgyu med pas bsdus so/ /lhag pa'i bsam pa ni de la chags pa dang khyad par du 'gro bas bsdus so/ /sems kyi dmigs pa ni bdud kyi yul te/ klu'i rgyal po rgya mtshos zhus pa las/ chos bzhi dang ldan na mi khom pa spong bar 'gyur te/ dkon mchog gi bsngags pa brjod pa dang / chos 'dod pa rnams g.yengs par mi byed pa dang / bdag gi 'gyod pa mi skye ba dang / gzhan gyi 'gyod pa sel ba'o/ /chos gnyis dang ldan pas mi dge ba'i chos rnams bsal nas mi dge ba'i chos 'gog par 'gyur te/ gnyis ni phung po gsum gyi bsngo ba dang ldan pa dang / bag yod par gnas pa'o/ /yang gnyis te/ dge ba'i rang bzhin du gyur pa dang / rnam par smin pa la mi re ba'o/ /chos brgyad dang ldan na rab tu byung ba'i yon tan yongs su rdzogs par 'gyur te/ gang zhe na/ 'phags pa'i rigs kyis chog par 'dzin pa dang / sbyangs pa'i yon tan dang yo byad bsdus pa mang du thos pa/ sems nges par sems la dga' ba/ byang chub pa'i bsam pa la ma rmongs pa dran pa mnyam par gzhag pas gnas pa/ ting nge 'dzin dang shes rab bsgom pa la brtson pa/ brtsams pa thams cad bsrung ba snying por byed pa/ 'khor gyi nang du 'ong ba la zab mo'i chos kyi gtam gyi bar bgyid de gtam sna tshogs gleng ba gang yin pa de ni dam pa'i chos mi nub par bya ba'i phyir brtson pa yin no/ /de ci'i phyir zhe na/ 'dzam bu'i gling 'dir ji srid zab mo'i chos grags pa de srid du chos nub par mi 'gyur ro/ /sangs rgyas kyi zhing 'di'i gling bzhi pa'i 'jig rten gyi khams bye ba phrag brgya pa dang ji tsam gyi gling bzhi par gyur pa la de lta bu'i bye ba phrag brgya/ de na mi rnams par mdor 'chi ba med/ legs par gsungs pa'i chos 'dul ba la rab tu byung nas tshul khrims yongs su rdzogs par ma byas te/ cho ga nyams pa dang / 'tsho ba nyams pa dang / tshul khrims nyams pa ni yongs su rdzogs par byas la/ de dag gi lta ba drang por 'gyur te/ des na sems can dmyal ba rnams su mi skye'i/ klu'i skye gnas su skye bar 'gyur/ byad bzhin bzang po la phrag dog mi byed pa de ni lus chen por 'gyur/ bya'i rgyal po nam mkha' lding bzhis/ khye'u bzhi pa'i ting nge 'dzin las/ dbu ni shar phyogs/ zhal ni byang phyogs/ rgyab ni lho phyogs su bstan la glo g.yas pas phab/ drang srong rgyas pas zhus pa las/ nor gang gi yin pa de ni sbyin bdag yin no/ /byed du bcug pas byin pa ni/ sbyin pa po yin gyi sbyin bdag ma yin no/ /gang rang gi dngos po bdag nyid kyis sbyin pa de ni sbyin pa po yang yin la/ sbyin bdag kyang yin no/ /dug dang mtshon cha dang srog chags bsad de sha dang / bag med pa rnams la chang sbyin pa dang / 'di dag ni bdag gi rim gro dang mchod par 'gyur ro snyam nas sems can bsdu ba dang / 'thob pa'i phyir bsdu bar sbyin pa ni sbyin pa yongs su ma dag pa'o/ /rtsed mo la sogs pa bya ba'i phyir rol mo mkhan la sbyin pa byin pa ni yongs su ma dag pa'o/ /sangs rgyas dang dge 'dun dang chos smra ba dang nad pa dang pha ma la sbyin pa byin pa ni sbyin pa bla na med pa'o/ /de bzhin gshegs pa bzhugs pa dang / yongs su mya ngan las 'das pa la mchod pa byed pa ni rnam par smin pa mtshungs so/ /dge ba byas pa ma'i mngal du skyes pa na zhag bdun gyi bar du/ bdag de nas shi 'phos te 'dir skyes te las 'di lta bu zhig gis gyur to zhes bya bar dran no/ /mi dge ba byed pa yang de dang 'dra'o/ /lha phreng ba thogs pa dag gnyis kyis gnyis sprod kyi khu ba ni mi 'byung / bu mngal na zhag bdun gnas nas dku g.yas nas 'byung ngo / /rgyal chen bzhi'i ris kyi lha bar dor 'chi ba'i dus mi byed/ sum cu rtsa gsum pa'i lha ag tshom dang spu thung ba/ cho 'phrul chen po bstan pa las/ mngon par rtogs pa gcig tu 'dus pa la/ bden pa bzhir yongs su brjod/ byang chub kyi gnas kyi rjes su 'jug pas/ byang chub sems dpa' zhes bya'o/ /rtsom pa chen po nyams 'og tu chud par byed pa dang / ye shes chen po yongs su rdzogs par byed pas/ sems dpa' chen po zhes bya'o/ /sangs rgyas kyis yongs su gzung ba'i tshig gis sems can thams cad kyi nyes par smra ba zil gyis non par byed pa de lta bu ni chos smra ba yin no/ /sems can thams cad la 'dun cing mi dge ba mi byed pa ni nga rgyal med pa'o/ /bdag tshul khrims la gnas la/ sems can thams cad kyi 'gyod pa dang / kun nas sdang ba bsal ba'i phyir chos ston pa ni 'dul ba smra ba'o/ /byang chub sems dpa'i sde snod las/ bdag dang sems can dang gang zag la sogs pa ni yang dag pa ma yin pa'o/ /byis pa thos pa dang mi ldan pas/ bdag la sogs pa yongs su rtogs pa ni yang dag pa ma yin pa kun rtog pa'o/ /nga ni tshul khrims ldan zhes bdag ma bsnyems/ 'di ni tshul khrims ngan zhes gzhan ma brnyas/ tshul khrims tsam gyis gzhan la gang brnyas pa/ /bsnyems phyir de ni tshul khrims 'chal zhes bya/ de bzhin gshegs pa'i ye shes chags pa med pa ni 'jig rten gyi khams gang gA'i klung gi bye ma snyed kyi shing la sogs pa thams cad gcig tu spungs te/ bsregs la rgya mtsho chen por sbyangs nas/ de las rdul blangs na 'di ni 'di'o zhes bya bar yang mkhyen la chags pa yang mi mnga'o/ /rgyun du zhugs pa srid pa brgyad pa mngon par sgrub pa ni gnas ma yin no/ /tshe de nyid kyis yongs su mya ngan las 'das pa ni gnas yin no/ /de bzhin gshegs pa'i sku la chos gos sor bzhi tsam gyis mi reg mod kyi/ rnam par 'thor rlung gis kyang bskyod par mi nus so/ /byang chub sems dpa' sems dang po bskyed pa rnams kyi byams pa ni sems can la dmigs pa'o/ /spyod pa la zhugs pa rnams kyi ni chos la dmigs pa'o/ /bzod pa thob pa rnams kyi ni dmigs pa med pa'o/ /byang chub sems dpa' mkhas pa ni sbyin pa nyung ngu yang mang por byed do/ /ye shes kyi stobs kyis lhag par byed do/ /shes rab kyis rgyas par byed do/ /bsngo bas dpag tu med par byed do/ /gang zag sbyor ba dman pa la mos pa rgya che ba yang yod/ mos pa dman pa la sbyor ba rgya che ba yang yod/ bud med ni nyes pa mang ba sgyu mkhas pa sems yang ba/ sems 'gyur ba sems mi brtan pa/ sems rab tu g.yo zhing mi brtan pa spre'u'i sems spre'u dang mtshungs pa sgyu ma ston pa la mkhas pa ste/ de'i phyir bud med ces bya'o/ /byang chub sems dpa' mkhas pa ni ldog pa bzhi bskyed de/ 'dod pa dang / srid pa dang / byas pa mi gzo ba dang / 'du byed du gtogs pa'i sdug bsngal las bzlog pa'o/ /theg pa chen po la zhugs pa'i rigs kyi bus/ bud med kha dog rgyas pa mthong na 'du shes bzhi bskyed par bya ste/ nyams par 'du shes pa dang / g.yang sar 'du shes pa dang / phyi sa khung du 'du shes pa dang / rnag tu 'du shes bskyed do/ /gal te de ltar brtags kyang 'dod chags skye ba lta na/ 'du shes gsum bskyed par bya ste/ ma 'dra ba la ma'i 'du shes dang / sring mo 'dra ba la sring mo'i 'du shes dang / bu mo 'dra ba la bu mo'i 'du shes bskyed do/ /shA ri'i bu de bzhin gshegs pa'i bstan pa'i bar du gcod pa dang / 'jig par byed pa ni dge slong sdig can las gzhan gang yang med do/ /byang chub sems dpa' khyim pa chos lnga dang ldan na sangs rgyas 'byung ba mnyes par mi byed/ dge ba'i bshes gnyen la mi brten/ dal ba 'byor ba mi rnyed/ dge ba'i chos bsgrubs pa chud gzon/ sdom pa la gnas pa'i byang chub sems dpa'i rjes su mi slob 'tshang mi rgya'o/ /lnga ni rgyal pos bkrab par 'gyur/ skye bo mang pos skrag par 'gyur la/ skye bo mang pos bdag cag gi 'di bgyir gsol zhes don bcol ba las bya bar khas 'ches nas mi byed pa dang / dge slong dang dge slong ma dang dge bsnyen dang / dge bsnyen ma grong ngam/ ljongs sam yul lam pho brang 'khor du gnas par gyur pa la/ de dag gis tshul khrims nyams par byed pa dang / pha ma dang bu pho dang bu mo dang sring mo dang mdza' bo dang / nye du dang sems can gzhan yang rung ste/ chos byed pa'i bar chad byed pa dang / de bzhin gshegs pa'i bstan pa zab mo thos na ma dad cing / kha zer la gzhan yang de las 'dun pa bzlog pa dang / blon po'am 'khor gzhan stobs chen po la brten cing / dbang phyug bsnyems pas skye bo mang po la gshe brgyad/ 'phyas 'dogs 'thing slad byed do/ /rab tu byung ba yang chos lnga dang ldan na da ltar 'gyur te/ lnga ni 'chal pa'i tshul khrims spyod pa dang / dam pa'i chos la smod pa dang / rnyed pa dang bkur sti dang / tshigs su bcad pa la chags pa dang / bdag tu lta ba'i thibs po dang / gzhan gyi khyim la phrag dog dang ser sna byed pa'o/ /ye shes kyi tshogs ni sbyin pa bzhi ste/ chos smra ba la rim gro dang / smyu gu dang / snag tsha dang / glegs bam sbyin pa dang / stan sna tshogs sbyin pa dang / bkur sti dang tshigs su bcad pa thams cad sbyin pa dang / g.yo med par legs so zhes bya ba sbyin pa'o/ / de ltar gyi sangs rgyas mngon sum du bzhugs pa ting nge 'dzin las/ bu dang bu mo la dgrar 'du shes pa/ chung ma la sring mor 'du shes pa dang / 'di ltar ma gus pas na dam pa'i chos nub par 'gyur ro/ /gang zhig ting nge 'dzin 'di ni gzung 'dod pas/ ngo mi rtag pa thams cad spang bar bya/ nga yongs su mya ngan las 'das nas lo bzhi stong du ting nge 'dzin 'dzam bu'i gling na spyod par 'gyur te/ lo brgya pa tha ma phyi ma'i tshe/ phyi ma'i dus lnga brgya pa tha mar gyur pa/ dngos po'i 'du shes can gyis sangs rgyas mthong bar mi 'gyur/ chos kyi 'du shes can gyis mthong bar mi 'gyur/ rnam par smin pa'i re bas gtong ba phun sum tshogs par mi 'gyur/ bsgom pa la mngon par dga' bas tshul khrims rnam par dag par mi 'gyur/ chos la ser sna byed pas mang du thos par mi 'gyur/ gang zag la brten pas yongs su mya ngan las 'da' bar mi 'gyur/ bre mo'i gtam la dga' bas bden pa mthong bar mi 'gyur/ gnas la dga' bas 'bras bu thob par mi 'gyur/ rjes su chags pas skyon mthong bar mi 'gyur/ gnod sems la dga' bas nges par mi 'gyur/ sdang zhing zhe 'gras pas phan yon mthong bar mi 'gyur ro/ / bka' mi bcag pa dang / mdza' rtag pa dang / mi rtag pa spangs pa dang / nyes par lta ba med pas slob dpon gyi phyi bzhin 'brang bar bya'o/ /bsod nams kyi stobs kyi rtog pa brjod pa las/ gang dag shin tu gtang dka' ba/ /nyung du'ang mang po gtong byed na/ /shi yang de ni shi ma yin/ /rgyags zad pa yi mgron po bzhin/ /bsod nams min pas phan pa'i sman/ /shin tu gnod pa dag tu 'gyur/ /mthu rtsal nyams la dregs pa yi/ /bag med chang gis rtag myos shing / /gang dag bsod nams mi byed pa/ /de dag shi ba snying nas shi/ / sor mo'i phreng bas/ 'jam dpal skyes bu chos 'dod pa la la zhig bdag nyid dus gnyis su za ba las/ la la zhig gis bstan te/ zas lan gcig par gyur na/ srin bu'i rigs brgyad cu gsod par 'gyur ro/ /ji ste de ltar gyur na de dag la srog gcod pa dag par mi 'gyur ro/ /dam pa'i chos nub par 'gyur ba'i dus na dge slong gi gzhi las gzhan du 'gyur/ sems can thams cad la de bzhin gshegs pa'i snying po ma byas pa rtag par g.yung drung mtshan dang dpe byad bzang pos brgyan pa yod de/ dper na chu dang 'o mar 'dres pa mi dmigs pa de bzhin du/ sangs rgyas kyi dbyibs kyang nyon mongs pas g.yogs mod kyi/ de gnyis 'dres par 'gyur ba'i gnas med do/ /nyon mongs pa med pa nas/ nyi zla sprin las grol ba bzhin snang ngo / /sngon phyugs su gyur pa'i sems can ma rgal ba la da dung so sgra khrig khrig zer ba gang / de bzhin gshegs pa'i snying po la yid mi ches so/ /de bzhin du sngon las ngan pa byed byed pa ril yid mi ches te/ de dag la skyon ril 'byung ngo zhes 'byung ngo / /bsod nams can de dag ni dad par 'gyur te/ de dag ni skye ba thams cad du legs dgu 'grub par 'byung / kha che'i yul gyi dge slong rnams sgrub pa'i don mi shes nas/ theg pa chen po thams cad la smad pa 'byung ste/ nga la skur pa 'debs pa de la ci ltar bya zhes/ nga yang ngo tsha ba skye'o/ /ma 'ongs pa na sems can gang dag bud+ha'i sku pha ma phrad pa las skyes pa/ rus pa dang / rgyus pa dang / rkang dang khrag can mi'i lus so zhes zer ba de dag 'jig rten na mi sdug pa'i skyon can zha bo gzhogs nyams pa kham nam pa yan lag ma tshang ba dang / ngan song gi sdug bsngal gyi skal ba can du 'gyur ro/ /dper na sog bur gyi phung po'i nang du me bcug na/ sog ma'i phung po'i dbus tshig la mtha' 'khor mi tshig pa de bzhin du/ 'jam dpal dang po nga skyes pa'i yul na nan tan lhur len pa zhig ste tshig pa las/ lho phyogs kyi rgyud du lhag ma lus te/ mtha' 'khor na gnas pa'i byang chub sems dpa' skyes pa der/ rdzogs pa'i sangs rgyas snang bar grags pa yin no/ /gang gcig tu stong bar smra ba dang / bdag tu lta ba de gnyis ni/ dam pa'i chos 'jig pa dang / khas 'bub pa'o/ /dbu ma'i lam zhes bya ba ni theg pa chen po'i tshig bla dgas so/ /dbu ma'i lam mi shes pas sems can rnams dbu ma'i lam gzhan du rtog go/ /sor mo'i phreng ba'i ma yang sprul pa yin par 'byung / sor mo'i phreng ba dang 'jam dpal gnyis sangs rgyas yin par bshad/ 'phags pa chos yang dag par sdud pa las/ byang chub sems dpa' ni yal bar 'dor ba bcu dang lhan cig mi 'grogs te/ bcu ni dam pa'i chos yongs su 'dzin pa dang / dam pa'i chos nyan pa dang / sems can yongs su smin par bya ba dang / dam pa'i chos sbyin pa dang / bla ma thams cad la rim gro bya ba dang / bdud kyi las dang / sems can dkrugs pa dang / dam pa'i chos rab tu rnam par 'jig pa dang / pha rol tu phyin pa dang / phung po gsum po'i yongs su bsngo ba dang lhan cig mi 'grogs so/ /'dzam bu chu bo'i gser las grub pa/ mgar bas ma brdungs/ sbyin pa ni zas la sogs pa sbyin pa'o/ /sbyin pa chen po ni bu dang chung ma dang rgyal srid la sogs pa gtong ba'o/ /shin tu sbyin pa ni mgo dang lag pa la sogs pa gtong ba'o/ /bcom ldan 'das byang chub sems dpa' ni mya ngan las 'das pa las rnam par grol zhing / 'khor ba las ni ma lags so/ /de ci'i slad du zhe na/ byang chub sems dpa' mya ngan las 'das ba la 'jigs par bgyi'i/ /'khor ba la ni ma lags so/ /byang chub sems dpas chos shin tu mang po bslab par mi bgyi'o/ /bcom ldan 'das byang chub sems dpas chos gcig tu bzung zhing rab tu rtogs par bgyis na/ sangs rgyas kyi chos thams cad lag mthil du mchis pa lags so/ /chos gcig po gang zhe na/ 'di lta ste/ snying rje chen po'o/ /bzhi pa bsgrub pa las/ thams cad mkhyen pa nyid dang / sems can 'grol ba dang / dkon mchog gsum gyi gdung mi 'chad par bya ba dang / sangs rgyas kyi zhing gi yon tan bkod pa yongs su bzung ba la dmigs nas/ de bzhin gshegs pa'i mchod pa bya'o/ /bzhi po 'di dag ni lhag pa'i sems bskyed pa ste/ bzhi ni sems can bsdu ba dang / smin par bya ba dang / dge ba'i rtsa ba bsags pa dang / chos rtogs par bya ba'i phyir sems bskyed pa'o/ /sems bskyed pa brag ca lta bu bzhi ni slong ba la khong khro ba med pa dang / log par zhugs pa la snying rje ba dang / shes rab las ma nyams pa dang / rtsol ba nyams 'og tu chud pa'i sems so/ /sems bskyed pa mngon par 'phags pa bzhi ni tshul khrims dang / thos pa dang / byams pa dang / snying rje mngon par 'phags pa'o/ /sems bskyed pa rdo rje lta bu bzhi ni/ bsam pa dang / mdza' ba dang / nan tan dang / theg pa chen po las mi phyed pa'o/ /sems bskyed pa rnyed dka' ba bzhi ni/ nyon mongs pa dang / rnyed pa dang / bkur sti dang / tshigs su bcad pa dang / theg pa dman pa dang / skye bo mi bgrungs pa dang ma 'dres pa'o/ /sems bskyed pa bla na med pa bzhi ni phangs pa thams cad gtong ba dang / btang nas mi 'gyod pa dang / rnam par smin pa la mi re ba dang / byang chub tu bsngo ba'i sems bya'o/ /spyi bor phyin pa'i chos bzhi ni/ shes rab kyi pha rol du phyin pa dang / thabs la mkhas pa dang / dam pa'i chos 'dzin pa dang / sems can smin par byed pa'o/ /chos gya nom pa dang / dam pa'i mchog bzhi ni sems can la khong khro ba med pa dang / gang dag 'gal bar byed pa dag nyid la rab tu thar bar bya bar sems bskyed pa dang / yul rgya chen po 'byor kyang de la bag yod pa dang / dbul bas phongs kyang chos spyod pa'o/ /dge ba'i chos bzhi ni/ dge ba thams cad la sbyor ba dang / ma bslabs pa la mi brnyes pa dang / ma gsol bar sems can gyi bshes gnyen byed pa dang / yon tan bsgrubs pa la lan re ba med pa'o/ /tshangs pas byin gyis zhus pa las/ chos bzhi dang ldan na byang chub sems dpa' dmu rgod yin te/ gang zhe na/ khwa ltar skru zhing mu cor smra ba la gzhan gyi yid dang mi sbyor ba yin/ bdag bstod cing gzhan smod pa yin/ tshe 'di ched cher 'dzin pa yin/ mthun pa 'byed pa yin no/ /gang zag phrag dog can dang / mi brtson pa dang / smra ba la dga' ba dang / bre mo'i gtam byed pa dang / tshul bzhin ma yin pa dang / sbyor ba dang bral ba rnams gang na ba de na sangs rgyas dang byang chub sems dpa' mi gnas so/ /bzhi po 'di dag ni bstan pa 'di la rab tu byung ba'i g.yang sa yin te/ gang zhe na/ 'di sangs rgyas la ma gus pa dang / chos spong ba dang / chos smra ba la sdang ba dang / mngon par brtson pa med pa dad pas byin pa len to/ /mya ngan med kyis byin pa lung bstan pa las/ byang chub sems dpa' la ni khyim pa'am/ rab tu byung ba zhes gzung bar mi bya'o/ /ci'i phyir zhe na/ de dag ni bsam pa dang / shes rab dang / ye shes kyis phye ba yin pa'i phyir ro/ /spobs pa'i blo gros kyis zhus pa las/ chos lnga dang ldan na/ skye ba thams cad du dkon mchog gsum dang phrad pa 'thob/ chos kyang thos ji ltar 'dod pa bzhin phun sum tshogs pa yang 'thob par 'gyur te lnga ni/ bdag nyid dkon mchog gsum la skyabs su song nas/ gzhan yang de la 'dzud pa dang / de bzhin gshegs pa'i sku gzugs rgyas par byed du 'jug pa dang / mkhan po dang slob dpon la gus pa dang bcas shing mthun par 'dzin pa dang / sems can thams cad la bu gcig pa bzhin sems pa dang / mdo sde zab mo kha don byed pa la sogs pas bar chad med par bsgrub pa'o/ /'phags pa las kyi sgrib pa rnam par dag pa las/ byang chub sems dpa' 'dod pa'i yon tan lnga po dag la mngon par dga' zhing mi gtong mi spong la/ sangs rgyas kyi chos kyang 'dod pa'i ngo bo nyid du mthong ba des ni las kyi sgrib pa dag 'thob par 'gyur ro/ /kun nas sgo'i le'u las/ bskal pa bye ba bsam yas su/ /nga yi chos ni gnas gyur la/ /nyin gcig bzhin du nyin re la/ /stong gsum sems can ji snyed pa/ /thams cad mya ngan 'das byas shing / / thams cad de ltar byas kyang ni/ /sems can khams la zad pa med/ /nges pa dang ma nges par 'gro ba'i ting nge 'dzin 'jug pa las/ gang zhig gis sdang ba'i sems kyis/ nyan thos dang rang sangs rgyas dpag tu med pa'i tshul khrims la sogs pa'i phung po lnga med par byas la/ gzhan zhig gis sdang ba'i sems kyis theg pa chen po la mos pa'i byang chub sems dpa'i tshul khrims tha na bslab pa gcig tsam yang med par byas na/ de bas sdig pa ches grangs med pa bskyed do/ /'ga' zhig gis phyogs bcu'i 'jig rten gyi sems can thams cad btson rar bcug pa bas/ 'ga' zhig gis sdang ba'i sems kyis byang chub sems dpa' la khros te/ 'di dang ma phrad par gyur cig ces 'dug na snga ma bas ches sdig che'o/ /'ga' zhig gis phyogs bcu'i sems can thams cad kyi mig phyung ba bas/ 'ga' zhig gis byang chub sems dpa' la khros te bltas na sdig pa ches che'o/ /'ga' zhig gis phyogs bcu'i 'jig rten thams cad kyi rang sangs rgyas pa rnams rang sangs rgyas las nyams par byas la/ 'ga' zhig gis byang chub sems dpa' gcig byang chub sems dpa' las nyams par byas na ches sdig che'o/ /shes rab kyi pha rol tu phyin pa 'bum pa las/ pha rol tu phyin pa drug la 'jig rten pa yang yod/ 'jig rten las 'das pa yang yod de/ dmigs pa can thams cad ni 'jig rten pa yin te/ 'jig rten las mi g.yo mi 'phags pas so zhes 'byung / dmigs pa med pa ni 'jig rten las 'das pa zhes 'byung / de gnyis ka yang pha rol tu phyin pa zhes ni bya bar 'byung / bu mo blo gros bzang mos zhus pa las/ chos bzhi ni mdzes par 'gyur ro/ /dgra la yang mi khro pa dang / byams pa la gnas pa dang / chos 'dod pa dang / de bzhin gshegs pa'i sku gzugs byed du 'jug pa'o/ /bzhi dang ldan na nor mang bar 'gyur te dus su sbyin pa dang / 'gyod pa med par sbyin pa dang / yid du 'ong ba sbyin pa dang / rnam par smin pa la mi re bar sbyin pa'o/ /bzhi dang ldan na 'gran zla med par 'gyur te/ g.yo med par dge ba 'i bshes gnyen la brten pa dang / dge ba'i rtsa ba la ser sna mi byed pa dang / gzhan gyi rnyed pa la dga' ba dang / byang chub sems dpa'i bya ba dang gnas pa thams cad la mi khro ba'o/ / bzhi dang ldan na 'chi ba'i dus kyi tshe sangs rgyas mdun na bzhugs shing / chos thos la sdug bsngal med par 'gyur te/ gzhan gyi bsam pa rdzogs par byed pa dang / mos pa mang ba dang / byang chub sems dpa' sbyin pa bkod pa sna tshogs sgrub pa dang / dkon mchog gsum mchod par brtson pa'o/ /dpal spong gi mdo las/ 'di ni chos 'dus pa la 'phel ba ste/ nyes pas nyes pa can du mthong na 'chags shing mthol te phyin chad kyang sdom pa'o/ /shes rab kyi pha rol tu phyin pa lnga brgya pa las/ rab 'byor gang yang bcom ldan 'das kyis/ gzugs rang bzhin med pa dang / skye ba med pa dang / gdod ma nas zhi ba dang / rang bzhin gyis yongs su mya ngan las 'das par bstan pa gang yin pa de thams cad ni ldem por dgongs pa ma yin pa ste/ sgra ji bzhin pa nyid du shes par bya'o zhes smras na/ de ni phyi rol pas kyang phyis so so skye bo'i phyogs la gnas pa ste/ log par smra ba'o/ /gang la la zhig gis gzugs la yang yang dag pa ma yin pa kun rtog pa tsam du yang dag par mi mthong ba de dag gzugs la gzugs su dmigs pa'o/ /chos thams cad kyi yon tan bkod pa'i rgyal po las/ chos bzhi dang ldan pas dgon par gnas par bya ste/ khyim na gnas pa spong ba dang / mi dge ba'i bshes gnyen spong ba dang / khyim pa spong ba dang / bdog pa thams cad gtong ba'o/ /chos gnyis kyis dmyal bar ltung ste/ 'dod chags dang zhe sdang ngo / /chos bzhis mtho ris su 'gro ste/ sems can la sems snyoms pa dang / bsam pa dag pa dang bdog pa thams cad gtong ba dang / tshangs par spyod pa la gnas pa'o/ /des bas zhus pa las/ chos bzhi dang ldan na de bzhin gshegs pa mthong ba don yod pa yin te/ bzhi ni yid ches pa dang / dad pa dang / phangs par 'dzin pa dang / gus pa'o/ /byang chub sems dpas ni gang la bdag nyid kyang 'dod pa spong bar gyur pa las/ gzhan yang 'dod pa'i sems bskyed par mi 'gyur ba de lta bu'i gos bcang bar bya'o/ /sangs rgyas kyi stobs bskyed pa'i cho 'phrul rnam par bstan pa las/ de dag ni de bzhin gshegs pas mchod pa'i phyir tha na bzhad gad dam/ ku re'am byis pa'i kyal kas rtsed mo byas kyang 'jim pas mchod rten byed na/ de dag thams cad kyang sdug bsngal mthar byas nas 'tshang rgya bar 'gyur ro/ /rdo rje snying po'i gzungs las/ gang dag chos thams cad la dngos po med par lta ba de ni skye bar yang mi 'gyur/ 'gag par yang mi 'gyur te/ chos thams cad nam mkha'i ngos lta bur mthong / sangs rgyas kyi chos rnams kyang mi dmigs mi 'dor ro/ /byang chub sems dpa'i spyod pa nges par bshad pa'i rin chen byin gyis zhus pa las/ byang chub sems dpa'i yon yongs su sbyong ba ni lnga ste/ lnga gang zhe na/ lus mi dmigs pa dang / sbyin pa la ma zhen pa dang / rnam par smin pa la mi smod pa dang / len pa la rnam par smin pa la mi re ba'o/ /byang chub sems dpas chos bzhi rtag tu mngon du bya ste/ bzhi ni stong pa nyid kyi ting nge 'dzin dang / sangs rgyas rjes su dran pa dang / snying rje chen po dang / bdag nyid kyi las kyi rnam par smin pa'o/ /glang po'i rtsal las/ thams cad mkhyen pa bla med pa/ /mi gang zhig gis sangs rgyas shing / /gang gA'i bye ma'i grangs snyed dag /me tog rnams kyis bkang byas te/ /'jig rten mgon la phul ba bas/ /gang gis 'dir ni thal sbyar nas/ /byang chub tu ni sems btud na/ /'di ni bsod nams ches mang ste/ /de la tshad ni yod ma yin/ /de 'dra'i mchod pa gang yang med/ /de 'dra yi dam la yang med/ /sangs rgyas ye shes thob 'dod pas/ /chos rnams gang yang mi gzung zhing / /chos rnams gang yang mi 'dor ro/ /klu'i rgyal pos zhus pa las/ zhi gnas kyis brgyan na nyon mongs pa thams cad 'joms par 'gyur ro/ /lhag mthong gis brgyan na yang dag pa ji lta ba bzhin shes par 'gyur ro/ /sgyu ma lta bu'i ting nge 'dzin las/ sems can kun la phan pa'i phyir/ /byang chub tu ni sems bskyed na/ /mtshan mchog sum cu gnyis ldan pa'i/ /sangs rgyas dag la mchod par 'gyur/ /bad sa'i rgyal po 'char byed kyis zhus pa las/ sbrang bus rma zhig mthong nas rgyug pa ci 'dra dang / /phag ni ngan skyugs mthong nas rgyug pa ci 'dra dang / /khyi ni sha yi don du shan par 'gro ba ltar/ /de bzhin mi mkhas bud med dag la dga' bar byed/ /rab tu me 'bar thu lum bzung ba de bla la/ /de bzhin lcags kyi thu lum 'bar ba za bla zhing / /me dong 'jigs su rung ba rnams la reg pa bla'i/ /lag pa gnyis kyis nam yang bud med reg mi bya/ /bud med kyi dbang du song nas 'dod pa rnams la brten cing / pha ma la brnyas pa dang / ngan 'gror 'gro bar 'jug pa de ni skyes pa'i skyes bu'i skyon gnyis yin no/ /mi yi gtso bor gyur cing lha yi lhar gyur pa/ /thub pa chen po 'di 'dra'i gsung ni thos gyur na/ /rgas shing dbang po shin tu nyam chung gyur pa yi/ /pha ma sbyin gnas dam pa su zhig gso mi byed/ /mi rnams gang dag mi mkhas pas/ /rnga mo bong bu'i chos spyod cing / /bud med mthong na rab snyegs pa/ /ngan skyugs gnas la phag rnams bzhin/ /mi gtsang bum pa khra bo zhig /kha dog ldan par mthong mod kyi/ /nang na ha la ha la'i dug /drag po chen po yod pa ltar/ /de ni bud med brgyan pa dag /gang dang gang na snang ba dang / /gcin dang phyi sas gang ba yi/ /rkyal pa rlung gis bus pa bzhin/ /sangs rgyas rnams kyis bud med dag /phyi sa bzhin du dman par bsgrags/ /ji ltar phag ni yud tsam zhig /sngangs zhing skrag pa byung gyur kyang / /des ni phyi sa mthong ba na/ /chags pa skyed par byed pa ltar/ /rmongs pa rnams kyis chos thos nas/ /dge bar gsungs zhes rjod byed kyang / /de'i sems bud med phyi bzhin song / /byi ba la ni byi la bzhin/ /rnam par dag pa bsdus pa las/ /dge slong chos de 'chi ba'i dus byas nas/ 'di ltar dam pa'i chos spangs pas bskal pa bcur sems can dmyal bar skyes so/ /bskal pa bzang po 'di la de bzhin gshegs pa gang dag 'byung ba'i tha ma'i tshe/ khyod mi skye ba'i chos la bzod pa thob par 'gyur ro/ /bsam gtan bzhi thos der phan chad bskal pa grangs med pa gsum gyis bla na med pa yang dag par 'tshang rgya'o/ /mi blun po dag 'di skad du 'di lta ste/ dmigs pa'i tshul gcig pus byang chub thob po zhes zer te/ de dag ni spyod pa yongs su ma dag pa yin no/ /brtson pa la bdud glags tshol gyi mi brtson pa la bdud kyis ci zhig bya bar 'gyur/ byang chub sems dpa'i so sor thar pa las/ byang chub sems dpa' rnams la g.yo dang / ser sna dang phrag dog dang / /phra ma dag gis mngon par rdzogs par 'tshang rgya mi nus so snyam pa'i zhen pa'i sems med do/ /byang chub sems dpa' rnams la dus ma yin pa dang / ma ldong ba dang / ra ro ba dang / dug dang / brdeg pa dang / mtshon dang / 'gyed pa dang / rang gi lag nas ma yin pa 'dod pa'i reg pa'i sbyin pa med do/ /blo gros mi zad pas zhus pa las/ chos thams cad kyi rjes su song ba'i sems ni byang chub kyi sems shes pa'o/ /sum cu rtsa gsum pa'i le'u las/ lha'i bu khams gsum pa ni sems tsam du zad la sems de yang sgyu ma lta bu ste/ sems kyi chos nyid kyis yongs su btsal kyang mi rnyed do/ /sems gang gis yongs su btsal ba'i sems de yang mi rnyed do/ /sems can mi dmigs pas chos thams cad mi dmigs so/ /byang chub sems dpa' thabs la mkhas pa ni ji tsam du bdag sdug bsngal ba dang yid mi bde ba de tsam du gzhan gyi sdug bsngal zhi bar bya ba'i phyir brtson no/ /chos bzhi dang ldan na chos zab mo rnams la yang spyod la/ yang dag pa'i mtha' yang mngon sum du mi byed do/ /bzhi ni dam bcas pa la brtan pas snying po la gnas pa dang / zhum pa med pa'i brtson 'grus dang / snying rje chen po dang / thabs la mkhas pa'o/ /gling chen po bzhi pa 'di 'ba' zhig tu nga mngon par rdzogs par sangs rgyas kyi/ gling gzhan du ma yin no snyam na maung gal gyi bu khyod de ltar mi blta'o/ /ci'i phyir zhe na/ gling chen po bzhi pa thams cad du/ ngas sems can rnams kyi mos pa ji lta ba bzhin chos ston to/ /kha cig tu ni mngon par rdzogs par sangs rgyas/ kha cig tu ni yum gyi lhums na gnas pa/ kha cig tu ni dga' ldan gyi gnas na bzhugs pa/ kha cig tu ni yongs su mya ngan las 'das pa ngas yang dag pa ji lta ba bzhin du rab tu shes so/ / de ltar 'di na rgyun du zhugs pa zhes bya ba la sogs pa/ dge sbyong gi tshul gyi 'bras bu bzhi rnam par gzhag pa lta bu de ni med kyi de dag thams cad stan gcig la 'dug nas/ mngon par shes pa 'ga' zhig gis mngon sum du byed cing / rnam par thar pa brgyad rjes su 'thob pa dang / ye shes chen po thob nas nam mkha' la 'phags nas/ rang gi lus mes sreg par byed cing yongs su mya ngan las 'da'o/ /maung gal gyi bu chos bzhi dang ldan pa'i byang chub sems dpa' ni re zhig skye gnas lnga len par 'gyur te/ bzhi ni byang chub sems dpa'i ming gis rnyed par 'tsho bar byed la/ byang chub sems dpa'i bslab pa la mi slob pa dang / chos spong ba la btang snyoms su byed cing mi bzlog pa dang / gzhan dag gi rnyed pa'i bar chad byed cing bsngags pa ma yin pa brjod pa dang / lus dang ngag dang yid kyi las ma bsrungs pa'o/ /sdom pa gsum bstan pa las/ gang gi sems la rjes su 'gyod pa yod pa de dag mtshams med pa dang mi dge ba bcu mi byed/ mir ro ba'i lag pa nas 'dzin pa'am rtsod par mi byed/ byams pa'i sems la zhugs pas gnas nyi shu yongs su spong ngo / /bud med nyi shu ma tshang ba la chos mi 'chad/ dge slong mas dris pa'i lan mi gdab/ bud med kyi yi ge mi bri/ gnyan 'dab kyis mgron du bos par mi 'gro/ /dge slong mas bskugs pa la slar bskugs par mi bya/ /dge slong mas byin pa'i chos gos mi bgo/ /yugs sa mos bos na/ dge 'dun med par khas mi blang / dge slong mas bos na lag bsnol mgo smad de phyogs de nas byol bar bya/ chos ston pa'i gnas su dge slong ma 'ongs na snyim pas gdong bkab ste 'dug par bya/ chos gnyis kun du bstan par bya ste/ gang zhe na/ chos thams cad la dngos po med pa'i chos nyid yongs su btsal bar bya ba dang / yongs su btsal ba'i sems kyang bskyed par mi bya'o/ /ji ltar btsal zhe na/ ji ltar yongs su btsal ba de gnyis mi dmigs pa ltar ro/ /mi dmigs pas mi dmigs pa'i sems kyang bskyed par mi bya ste/ de ni log par lta ba yin pas khams gsum pa'i sems so/ /mis zhag drug gi bar du zan ma zos pa ni bla'i/ bstan pa 'di la rab tu byung nas bdag dang sems can nas/ mya ngan las 'das par blta ba'i bar du lta bas dad pas byin pa spyod pa ni de lta ma yin no/ /ma 'ongs pa'i dus na dge slong brkam chag can phra ma can brlang pa/ rtsub pa khro gnyer can chos gsum po la gnas te/ sman dpyad dang / nyo tshong dang / bud med dang 'dra ba dag 'byung ngo / /dper na khyi khro ba'i snar mkhris pas btab na phyir khro'o/ /de bzhin du ma 'ongs pa'i dus na skyes bu dam pa ma yin pa khyi dang wa dang 'dra ba dag 'byung ste/ de dag gis de bzhin gshegs pa'i gsung rab zab pa dang sdom pa thob nas phyir zhing khro'o/ /chos bzhi dang ldan pa'i sems can rnams gsung rab ji lta bu thos kyang skyo ba mi skye ste/ bzhi ni bag med pa dang / rnam par smin pa la yid mi ches pa dang / dmyal ba chen po la yid mi ches pa dang / bdag 'chi ba la yid mi ches pa'o/ /gzhan yang bzhis skyo bar mi 'gyur te/ bzhi ni/ /'byung ba gzhon te bar chad med pa dang / mthu stobs dang ldan pa dang / 'dod pa'i yon tan la chags pa dang / rnal 'byor ma myong zhing gdung ba'i stobs can du gyur pa'o/ /dge sbyong dang bram zer byed pa'i chos ni gcig ste/ chos thams cad la sems mi gnas pa'o/ /sems rtse gcig pa zhes bya ba ni yongs su btsal na chos gcig kyang mi dmigs pa'o/ /dge slong ma'i shes rab ni sor gnyis pa yin/ ma 'ongs pa na phan tshun stong pa stong pa zhes brjod pas yongs su rtogs so yongs su rtogs so zhes tshig tu smra ba 'byung ngo / / de'i tshe yang dag pa ji lta ba bzhin rtogs shing mi 'gal bar sbyong ba dang ldan par 'gyur ba'i dge slong ni dge slong nyis stong gi dge 'dun gyi nang na gcig kyang dkon par 'gyur ro/ /bskal pa 'di ni 'das 'og tu/ /bskal pa drug cu tham par ni/ /sangs rgyas 'byung bar mi 'gyur na/ /dga' ba 'di ni ga la 'byung / /byang chub sems dpa' khyim pas chos gsum mi bya ste/ gzhan gyi sbyin pa la ma bos sam thabs med par mar gyi nying khu yang sbyin par mi bya ba dang / rab tu byung ba'i bar chad mi bya zhing bskul ba dang / mchod rten gyi las kyi blar bskos na de la brten te yo byad du mi spyad pa'o/ /yang gsum mi bya ste/ skyes pa btsong ba dang / bud med 'tshong ba dang / sman ma yin pa sbyin pa'o/ /yang gsum mi bya ste/ smad 'tshong ma'i thad du 'gro ba dang / smra sems tha dad par spyod pa'i skyes pa dang bud med bsten pa dang / ba glang gsod pa'i gnas su 'gro ba'o/ /zung gi mdo las/ de nas bram ze dang gzhan mu stegs can spyod pa dang / kun du rgyu dang / gcer bu pa dang / rgyal po dang / bdud sdig can 'khor dang bcas pa thams cad lhags nas/ g.yo bya ba'i phyir bcom ldan 'das la 'di skad ces gsol to/ /bcom ldan 'das bdag cag 'dir/ de bzhin gshegs pa'i gan du mchis te/ chos kyi rnam grangs 'di thos nas/ bdag cag sangs rgyas kyi bde ba 'di lta bu thob par gyur cig /'jig rten du de bzhin gshegs pa dgra bcom pa yang dag par rdzogs pa'i sangs rgyas 'di lta bu thob par gyur cig / bcom ldan 'das kyis bka' stsal pa/ bzhin bzangs dag de de bzhin te/ ji ltar khyed de bzhin gshegs pa'i gan du lhags nas/ khyed kyis zung gi mdo'i chos kyi rnam grangs 'di thos nas/ bla na med pa'i byang chub tu sems bskyed do/ /des na khyed thams cad ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /bcom ldan 'das kyis tshig 'di gsungs ma thag tu/ de nas gzhan mu stegs can de dag thams cad mi skye ba'i chos la bzod pa thob par gyur te/ thams cad kyang sa bcu la gnas pa'i byang chub sems dpar gyur nas/ de dag steng gi bar snang la 'phags te/ pha rol tu phyin pa lnga pa las/ byang chub sems dpa' la sbyin pa sbyin pa na/ bdag gi sbyin pa 'di thams cad mkhyen pa ma gtogs par/ gzhan du smin par ma gyur cig ces de ltar bsngo na/ pha rol tu phyin pa'i grangs su 'gro'o/ /byang chub sems dpa' la thog ma med pa'i 'khor ba na thams cad mkhyen par yongs su ma bsngos pa'i sbyin pa btang ba yang / thabs mkhas pas thams cad mkhyen pa nyid la byed cing bsngo na pha rol tu phyin pa'i grangs su 'gro'o/ /byang chub sems dpas thog ma kho nar sbyor ba'i pha rol tu phyin pa la bslab par bya'o/ /nyams pa phyir bslang bar nus sam/ smras pa/ ji ste yang dag pa'i mtha' mngon sum du ma byas la/ ji ste bden pa ma mthong na'o/ /gal te byang chub sems dpa' gang gA'i klung gi bye ma snyed kyi bskal par khyim par gnas te 'dod pa'i yon tan rnams la brten cing longs spyod la/ nyan thos sam rang sangs rgyas su sems mi bskyed na/ de tsam gyis ni byang chub sems dpa' tshul khrims 'chal pa zhes mi bya ste/ 'di ltar lhag pa'i sems ma dkrugs pa'i phyir ro/ /byang chub sems dpa' 'gog pa'i snyoms par 'jug pa la dbang thob mod kyi/ mnyam par gzhog par ni mi byed do/ /'du shes dang tshor ba bar gzhag na ni/ dgra bcom pa'i 'bras bu mngon sum du byed par blta ste/ yab dang sras mjal ba las/ bcom ldan 'das kyis gsung gcig brjod pa las/ skye bo bsam pa ji bzhin so sor 'chal/ bskal pa grangs med pa gzhal du med pa'i sngon rol na/ de bzhin gshegs pa dbang po'i tog ces bya ba 'jig rten du byung ste/ chos kun yid la byar med pa/ /'di yang gzungs kyi sgo yin te/ /bde bar gshegs pas gzungs su bstan/ /stobs bcu rgyal ba ma dris par/ /sras mchog byang chub lung mi ston/ /de bzhin gshegs pas kun rdzob dang don dam pa gnyis thugs su chud de zhes bya ba yang 'dir zad do/ /de yang bcom ldan 'das kyis stong pa nyid rab tu gzigs/ rab tu mkhyen/ legs par mngon du mdzad pas/ de'i phyir thams cad mkhyen pa zhes bya'o/ /'dod chags gnyen por zhi gnas bka' stsal pa/ zhe sdang gnyen por byams pa gsungs/ /gti mug gnyen por lhag mthong ni/ /thub pa mchog gis sems can rnams la bstan/ /de bzhin gshegs pa ni ma skyes te/ chos thams cad kyang ma skyes pa'o/ /de bas na chos thams cad ni de bzhin gshegs pa'o/ /dmyal ba nas tshe 'phos pa'i rtags skad che ba yin/ skad lhang lhang po yin/ sems can kun la yid mi rton pa yin no/ /dud 'gro'i skye gnas nas shi 'phos pa'i rtags ni gnyid che le lo che mang du za ba yin/ mi gsal bar smra ba yin/ kun du bskums te nyal ba yin/ gzhan du smra zhing gzhan du skye zhing g.yo byed pa yin/ bab chol du spyod pa yin no/ /gshin rje'i 'jig rten nas shi 'phos pa'i rtags ni skra ser rtag tu bkres skom ser sna dang 'dod zhen che ba/ dngos po kun la rku ba'i sems yod la/ gzhan gyi rnyed pa la phrag dog che ba yin no/ /lha ma yin las shi 'phos pa ni/ khengs pa/ 'thab krol can/ khon du 'dzin pa/ nga rgyal can/ lus che ba/ mche ba snang ba/ dbyen la dga' ba/ kun la brnyas par byed pa yin no/ /mi las shi 'phos pa ni/ 'phags pa la brten pa/ 'phags pa la smon pa/ khrel dang ngo tsha shes pa/ mdza' bo la gdung ba/ gtong phod pa/ skad thams cad 'dzin pa'i mthu yod pa yin no/ /lha las tshe 'phos pa ni mdzes pa gtsang sbra che ba/ rol mo'i sgra la dga' ba/ byams pa che ba'i ngang tshul can/ 'jam par smra ba/ smra mkhas pa/ phan par bya ba la mkhas pa yin no/ /gang rnam par shes pa tha ma 'gag pa de ni 'chi ba zhes bya/ gang rnam par shes pa dang po 'byung ba de ni skye ba zhes bya'o/ /rgyal po nga las nu byung ba'i tshe 'dzam gling gi grong khyer thams cad bya gag gi 'phur stabs kyis chod pa tsam du nye'o/ /bsod nams thams cad sdud pa'i ting nge 'dzin las/ bsod nams su bya ba thams cad ni/ byang chub tu sems bskyed pa de'i khongs su 'dus shing rjes su zhugs pa'o/ /de bzhin gshegs pa rnams kyis/ byang chub sems dpa' gang la 'dug pa'i 'jig rten gyi khams de rdo rje'i rang bzhin du byin gyis ma brlabs na/ skyes ma thag tu gom pa bdun 'dor ba'i tshe/ thur du dpag tshad drug khri brgyad stong zhom par 'gyur te/ /'og nas chu shing rta'i gnya' shing tsam gyi rgyun dag 'byung bar 'gyur ro/ /de bzhin gshegs pa'i yab yum las skyes pa'i stobs kyang / mi bcu'i stobs nas/ ba glang dang / lha dang / byang chub sems dpa' la sogs pa bcu bcur bsgres pa/ drug cu la thug pa bas kyang che ste/ tha ma ni byang chub sems dpa' skye ba gcig gis thogs pa yin par 'byung / byang chub sems dpa'i tshul khrims kyi tshogs ni/ bslab pa 'dral ba las snying rje ba dang / bslab pa dang ldan pa rnams la gus pa drag pa'o/ /chos bzhi dang ldan na sbyin pa zad par 'gyur te/ ma bsngos pa dang / thabs mi mkhas pa dang / dma' bar skye ba sgrub pa dang / sdig pa'i grogs po la brten pa'o/ /bzlog pa ni mi zad pa'o/ /byang chub sems dpa' slong mo ba 'ongs na/ gtong mi phod pa de lta bu'i g.yog 'khor dang / nor dang rgyal srid gzung bar mi bya'o/ /chos thams cad ni rnam par thar pa'i sgo kun nas ston pa'i phyir kun nas sgo'o/ /byang chub sems dpa'i chos 'dod pa rnams ni/ ri dang / ri sul dang / shing dag gi nang du chos kyi gter bcug pa yod de gzungs dang / chos kyi sgo mtha' yas pa glegs bam du byas pa dag kyang lag tu 'ong bar 'gyur ro/ /chos bzhi dang ldan na byang chub kyi sems brjed par 'gyur te/ lhag pa'i nga rgyal dang / chos la ma gus pa dang / dge ba'i bshes gnyen la khyad du gsod pa dang / log pa'i tshig smra ba'o/ /chos bzhi dang ldan na byang chub kyi sems brjed par 'gyur te/ theg pa dman pa'i rnal 'byor pa dang 'dris par byed pa dang / theg pa dman pa la mos pa dang / byang chub sems dpa' la skur pa dang / chos la slob dpon gyis dpe mkhyud byed pa'o/ /thos pas chos rnams shes par 'gyur/ /thos pas sdig pa byed mi 'gyur/ /thos pas gnod pa spong bar 'gyur/ /thos pas mya ngan 'das pa 'thob/ /byang chub sems dpa' ni srog gi phyir yang sdig pa mi byed do/ /lus brtas pa'i phyir yang bas 'tsho bar mi byed do/ /srog gi phyir yang gzhan la slong khro mi byed do/ /longs spyod kyi phyir mi dge ba'i mngon par 'du mi byed do/ /yang bzhis brjed par 'gyur te/ sgyu byed pa dang / sems can la g.yos ston pa dang / dge ba'i bshes gnyen la lce gnyis byed pa dang / rnyed pa dang bkur sti la chags pa'o/ /spyod pa brgyad khri bzhi stong ni 'dod chags zhe sdang gti mug cha mnyam pa la spyod pa nyi khri chig stong ngo / /gal te byang chub sems dpa' lta ba 'ga' zhig la mngon par zhen te/ tha na sangs rgyas kyi chos dang / mya ngan las 'das pa'i lta ba la mngon par zhen na/ de yang de bzhin gshegs pa'i sku slu ba yin no/ /byang chub sems dpas ni dug gsum la yang spyad par bya zhing / de dag dang yang 'bral bar bya'o/ /sems can thams cad la sems snyoms pa dang / 'gro ba lngar srid pa len pa ni byams pa'o/ /sems can thams cad sdug bsngal las dgrol ba dang / 'khor ba'i lam las dgrol lo snyam pa ni snying rje ba'o/ /lha'i bu rab rtsal sems kyis zhus pa las/ byang chub sems dpa' rnams gtan gdul ba nyid du yang shes par byed cing / ltung ba dang nyon mongs pa dang bral la/ ltung ba dang nyon mongs pa gdul ba'i phyir chos ston par yang byed cing / de ltar nyon mongs pa rnams rtogs par byed la/ byang chub kyang tshol bar byed na/ de tsam gyis na 'dul ba 'dzin pa yin no/ /'jam dpal gyis smras pa/ lha'i bu rnam grangs med pas sems can thams cad sangs rgyas su 'gyur gyi/ rnam grangs kyis ni ma yin no/ /lha'i bu stong pa nyid gang yin pa de nyid byang chub yin pas na/ bcom ldan 'das kyis kyang stong pa nyid rjes su rtogs pa kho na byang chub yin no zhes gsungs so/ /shes pas 'phags pa dang mnyam la thabs kyis 'phags pa ma yin par gnas na/ byang chub sems dpa' dgra bcom pa yin no/ /sgrogs pa yang gzhan gyi dring mi 'jog la/ thos pas kyang mi rlom pa ni/ byang chub sems dpa' nyan thos yin no/ /byang chub sems dpa'i spyod pa bstan pa las/ 'jam dpal gyis smras pa 'di la/ las dang po pa'i byang chub sems dpa' ji ltar gdams ngag bstan par bya/ ji ltar rjes su bstan par bya/ rin chen byin gyis smras pa/ 'di skad ces smra bar bya ste/ 'dod chags ma spongs shig /zhe sdang ma gzhil cig /gti mug ma bsal cig / rang gi lus las gyen du ma bskyod cig /mi dge ba spyod cig /lta ba tshar ma bcad cig /kun du mi sbyor ba ma ston cig /phung po rnams zung shig /khams rnams ril por gyis shig /skye mched rnams la spyod cig /mi dge ba la rtogs shig /dge ba spongs shig / chos ma sems shig /dge 'dun la mchod pa ma byed cig ces bstan par bya'o/ /bud med 'gyur ba las/ bcom ldan 'das la tshe dang ldan pa rab 'byor gyis 'di skad ces gsol to/ /mdang sum bdag gi rmi lam na/ nyan thos dang rang sangs rgyas dang / byang chub sems dpa' dang / drang srong rnams kyis gzhan gyi sems shes pa ni/ de bzhin gshegs pa'i mthu yin te/ dper na nyi ma la sogs pa'i rkyen gyis mig can rnams kyis gzugs mthong ba bzhin no/ /me 'bar ba ni zhi bar bgyis 'tshal gyi/ me mi 'bar ba ni mi 'tshal lo/ / de bzhin du/ skye bo la bzod pa gsol 'tshal gyi 'phags pa la ni ma yin no/ /ci thams cad mkhyen pa'i ming de yang kun brtags pa yin nam/ de de bzhin te sangs rgyas kyi zhing gzhan dag na ming tha dad pa yod pa'i phyir ro/ /gal te bdag sems par ma gyur na ni/ bdag gis kyang bla na med pa yang dag par rdzogs pa'i byang chub sems bskyed pa zhig mod/ ma thos pa ni gling byang chub 'dod pas nyan thos kyi theg pa ni de lta ma yin no/ /bud med 'dod pa'i yon tan lnga dang ldan pa/ thams cad mkhyen pa nyid kyi sems dang ma bral ba ni chos 'phags kyis dgra bcom pa rnam par thar pa brgyad la bsam gtan pa bden pa la gnas pa ni de lta ma yin no/ /dar ma 'di las mi dge ba bcu/ byang chub sems dpa' spyod pa dge ba sbyor bar 'byung ste/ don du na byang chub kyi phyir rang dang gzhan gyi srog bor bas srog gcod pa'o/ /byang chub rang rig par blangs pas ma byin par blangs pa'o/ /'dod pa 'di dag log pa yin par shes pa ni 'dod pa la log par spyod pa'o/ /sgra ji snyed pa brdzun pas na brdzun du smra ba'o/ /theg pa dman pa la mos pa theg pa de las phye nas mchog la 'god pa dang / mu stegs can rnams phra mas phye nas yang dag pa'i lam la bkod pas phra ma'o/ /rgol ba tshar bcad pas tshig rtsub pa'o/ /bye ba 'dum par byed pas na kyal pa'o/ /sems can kun bde ba la bkod par 'dod pas brnab sems so/ /chos 'jig pa'i tshe stobs chen pos chos la 'dzud pa ni gnod sems so/ /log par lta ba rnams yang dag pa la 'dzud par byed pas na log par lta ba zhes bya'o/ /khyim bdag drag shul can gyis zhus pa las/ byang chub sems dpa' khyim pa chos bzhi dang ldan na/ sangs rgyas la skyabs su song ba yin te/ byang chub kyi sems mi 'dor ba dang / dam bcas pa mi 'jig pa dang / snying rje chen po mi gtong ba dang / theg pa gzhan la mi dmigs pa'o/ /bzhi dang ldan na chos la skyabs su song ba yin te/ chos smra ba la gus par byas te/ chos nyan pa dang / thos pa la tshul bzhin du rtogs pa dang / gzhan la ston pa dang / chos kyi sbyin pa las byung ba'i dge ba'i rtsa ba byang chub chen por bsngo ba'o/ /bzhi dang ldan na dge 'dun la skyabs su song ba yin te/ nyan thos kyi theg pa pa rnams thams cad mkhyen pa'i sems la 'dzud pa dang / zang zing gis sdud pa de dag chos kyis bsdu ba la sbyor ba dang / byang chub sems dpa'i phyir mi ldog pa'i dge 'dun la rton gyi nyan thos kyi dge 'dun la ma yin pa dang / nyan thos kyi rnam par grol ba la mos pa ma yin pa'o/ /'di dag la gang 'dod pa sbyin te/ chang yang byin nas de'i 'og tu 'khrul pa med pa'i spyod pa dang / shes bzhin yang dag par 'dzin du gzhug go snyam na/ byang chub sems dpa' khyim pas gzhan la chang byin yang / de bzhin gshegs pas nyes par brjod pa ma yin te/ bsam pa thams cad rdzogs par byed pa ni sbyin pa'i pha rol tu phyin pa yongs su sbyong ba yin pa'i phyir ro/ /byang chub sems dpa' khyim pas chung ma la 'du shes gsum bskyed par bya ste/ dga' zhing brtse ba'i grogs yin gyi/ 'jig rten pha rol gyi grogs ma yin pa dang / bza' btung gi grogs yin gyi rnam par smin pa'i grogs ma yin pa dang / bde ba'i grogs yin gyi/ sdug bsngal gyi grogs ma yin pa'o/ /phung po gsum pa'i chos kyi rnam grangs kha don bya'o/ /de nas bcom ldan 'das kyis byang chub sems dpa' byams pa dang / spyod pa rnam par dag pa la 'di skad ces bka' stsal to/ /khyed gnyis kyis khyim bdag 'di rnams rab me tog puN+Da rI ka zhes 'gro ste/ sdug bsngal myong nas/ tshe 'di nyid la mya ngan las 'das pa 'byung / 'phags pa dkon mchog tal la las/ byang chub sems dpa' rnam par gzhag pa ni bcu po 'di dag ste/ sems dang po bskyed pa dang / las dang po pa dang / rnal 'byor spyod pa dang / skye bar skyes pa dang / sbyor ba phun sum tshogs pa dang / bsam pa phun sum tshogs pa dang / phyir mi ldog pa dang / gzhon nur gyur pa dang / rgyal tshab dang / dbang bskur ba thob pa'o/ /chos 'di dag spong bar 'gyur ba'i sems can de dag ni phal cher rab tu 'byung ba dag 'byung ste/ slob dang mi slob lus la mnyam gzhag cing / /rkyen gyi sangs rgyas lus ni rnam par snang / /rkyen gyi sangs rgyas lus la mnyam gzhag cing / /sangs rgyas sku mchog rab las rnam par snang / /theg pa chen po man ngag las/ chos smra ba ni sha za ba ma yin no/ /ma 'dres pa bco brgyad zhi ba rab tu byung ngo / /theg pa chen po'i bar du gcod pa'i chos sum cu rtsa gnyis la thos pa don du mi gnyer ba dang / dpyad pa med pa dang / slob dpon gyis dpe mkhyud byed pa dang / chos smra ba yongs su bzung bas dam pa'i chos yongs su gzung ba yin no/ /dam pa'i chos yongs su bzung bas/ sems can thams cad yongs su gzung ba yin no/ /chos thams cad 'byung ba med pa bstan pa las/ su zhig tshul khrims med pa de la ni/ /tshul khrims med de de mthong na/ /tshul khrims 'chal dang tshul khrims mtshan nyid gcig /de ltar shes na de ni mgon por 'gyur/ /phan tshun khro bar byed dang ldan gyur cing / /tshad med tshe yi zhing du smon par byed/ /gang gA'i klung gi bye ma ji snyed par/ /brdeg cing spyod sar 'thob pa'i gnas yod kyi/ /bzod pa dam pa yongs su ma bsgoms par/ /rgyal ba de dag zhing du de mi 'gro/ /zhing rnams zhing ming gang gis shes gyur cig /zhing rnams thams cad nam mkha'i rang bzhin shes/ / zhing gi yon tan rlom sems gang med pa/ /skyes bu khyu mchog zhing du de 'gro'o/ /'phags pa 'od dpag med kyi bkod pa las/ de bzhin gshegs pa de spyi ni sku tshe bskal pa dpag tu med pas tshe dpag med ces kyang bya/ mngon par sangs rgyas nas ni bskal pa bcu lon/ Ar+ya pa lo dang mthu chen thob kyang 'jig rten gyi khams 'di nas shi 'phos nas der skyes/ da dung yang 'di nas byang chub sems dpa' bye ba khrag khrig phrag bdun cu rtsa gnyis der skyes par 'gyur/ bud+d+ha 'od dpag med sngon dge slong chos kyi 'byung gnas su gyur pa na/ zhing yongs su dag pa'i smon lam btab pa 'byung / dper na/ rgya mtsho chen po zabs su dpag tshad brgyad khri bzhi stong yod pa/ 'od dpag med kyi mtshan thos nas dad pa ni skyes la/ de bzhin gshegs pa'i ye shes dang bkod pa rgya chen po la the tshom yod bzhin pa ni der pad+mo'i mngal na gnas par skye ste/ lo lnga brgya'i bar du bud+d+ha mi mthong / chos mi thos so/ /the tshom med pa ni pad+mo las skyil mo krung bcas te skye'o/ /byang chub kyi snying po rgyan gyi mdo las/ mchod ston la bod pa la tshul shing brim pa 'byung / 'phags pa dge ba'i rtsa ba yongs su 'dzin pa las/ bcom ldan 'das 'phags pa 'od srungs la stan phyed bstab bo/ /bdag ni chog shes 'dod chung dang / /rab tu dben par gnas pa dang / /chos gos ngan pa 'chang snyam rlom/ /'od srungs de ni mu stegs can rnams so/ /bslab pa kun las btus pa'i tshigs bcad las/ / bzod bya thos pa btsal bar bya/ /de nas dgon par 'gro bar bya/ /dkon mchog ta la las 'byung ba/ /gang dag bsrungs pas sangs rgyas mchod byed pa/ /de dag sangs rgyas rjes su dran mi byed/ /gang dag sangs rgyas rjes dran mi byed pa/ /de dag rtag tu sangs rgyas bsam yas mthong / /gang dag sangs rgyas bsam yas rtag mthong ba/ /de la nam yang sangs rgyas mi bzhugs min/ /gang dag nam yang sangs rgyas mi bzhugs min/ /de la bar skabs chos las nyams mi 'gyur/ /dam pa'i chos dran pa nye bar gzhag pa las/ cung zad cig bsam pa las ma byin na yi dgas su skye/ dam bcas pa las ma byin na sems can dmyal bar 'gro/ /byang chub sems dpa'i so sor thar pa las/ gang byin pa de ni sangs rgyas rnams kyis bsngags pa'o/ /gang bzhag pa de ni byis pa rnams kyis bsngags pa'o/ /sred med kyi bus zhus pa las/ dngos po gang la gtong ba'i blo mi skye ba dang / sems mi 'jug pa'i dngos po de srel bar mi bya'o/ /yongs su 'dzin pa gang la de spang ba'i sems mi skye ba'i yongs su 'dzin pa de gzung bar mi bya'o/ /drag shul can gyis zhus pa las/ byang chub sems dpa' lung 'bogs pa dang / kha don du gnyer bas sbyin pa dang / tshul khrims dang / bzod pa dang / brtson 'grus dang / bsam gtan dang ldan pa'am/ byang chub sems dpa'i lam gyi tshogs sogs pa dang ldan pa'i tshig bzhi pa'i tshigs su bcad pa su las mnyan nam lung mnos sam/ bslabs pa'i slob dpon de la/ ming dang tshig dang yi ge ji snyed pa las tshigs su bcad pa de bstan pa de snyed kyis bskal par gal te slob dpon de la g.yo med pa'i rnyed pa dang / bkur sti thams cad kyis mchod pa byas kyang / drin mi 'tshobs na/ chos ma yin pa'i gus pas lta smos kyang ci dgos/ dam pa'i chos pad+ma dkar po las/ cho ga spyod yul bsrung bya zhing / /'du 'dzi med la gtsang mar bya/ /rgyal po dag dang rgyal bu dang / /'dris byed rtag tu spang bar bya/ /rgyal po'i zham 'bring gang yin dang / /gdol pa dag dang rigs ngan dang / /mu stegs can ni de dag dang / /rnam pa kun du 'dris pa spang / /dge slong 'dul dang lung gnas pa/ /dgra bcom snyam du snyems byed cing / / nga rgyal can rnams bsten mi bya/ /dgod cing smra ba'i spyod yul can/ /dge slong ma rnams rtag tu spang / /mi brtan par ni mngon pa yis/ /dge bsnyen rnams kyang spang bar bya/ /dge 'dun bsrungs kyi rtog pa las byung / dge tshul dgra bcom pa gcig cig la dam bzhag pa'i res bab nas/ nam mkha'i snying po las/ rgyal po bzhi la mchod rten dang / dge 'dun dang / phyogs bzhi'i dge 'dun gyi 'phrog pa dang / chos spong zhing 'gog pa dang / rab tu byung ba gang yang rung ste/ de la brdeg 'tshog gam bsad bcings la sogs pa dang / chos gos 'phrog cing khyim na gnas su 'jug pa dang / mtshams med pa gang yang rung ba zhig byed pa dang / 'jig rten pha rol la g.yem ste/ mi dge ba bcu yang blangs shing gzhan yang len du 'jug pa'o/ /sa'i snying po las/ ngan phyir rab tu byung ba tshul khrims dang ldan pa'am/ 'chal ba yang rung ste/ 'khor los sgyur ba'i rgyal po yang chos dang mthun pas kyang chad pas gcod du mi gnang na/ chos ma yin pas lta smos ci dgos/ lhag pa'i bsam pas bskul ba las/ byams pa gang dag la brtson pa med pa dang / bsam gtan dang / spong ba dang / kha ton bya ba dang mang du thos pa tshol ba med pa de dag ni/ de bzhin gshegs pa'i bstan pa la rab tu byung ba ma yin no/ /de ci'i phyir zhe na/ de bzhin gshegs pa'i bstan pa ni/ bsam gtan la sogs pas rab tu phye ba yin gyi/ 'di ltar zhal ta byed pa dang / las kyi mthas rab tu phye ba ni ma yin no/ /byams pa zhal ta byed pa la brtson pa'i byang chub sems dpas rin po che sna bdun gyi mchod rten rnams kyis stong gsum gyi stong chen po bkang yang / des nga mnyes pa dang / rim gro dang / bsti stang byas par mi 'gyur ro/ /dam pa'i chos dran pa nye bar gzhag pa las/ lkog tu lhag mar bya ba te lhag ma mi za bdag la byin na yi dgas su skye'o/ /'jam dpal rnam par rol pa'i mdo las/ khong khrob khong khro ba zhes bya ba ni/ bskal pa brgyar bsags pa'i dge ba'i rtsa ba 'joms pas de'i phyir khong khro ba zhes bya'o/ /blo gros mi zad pa las/ dge ba'i rtsa ba byang chub tu yongs su bsngos ba ni byang chub kyi snying po la 'dug gi bar du bar ma dor zad par mi 'gyur ro/ /btsun pa sha ra dwa ti'i bu 'di lta ste dper na/ chu'i thigs pa rgya mtsho chen por ltung ba ni/ bskal pa'i mthar thug gi bar du bar ma dor zad pa med do/ /nye ba 'khor gyis zhus pa las/ nye ba 'khor gal te theg pa chen po la zhugs pa'i byang chub sems dpa' la/ 'dod chags dang ldan pa'i ltung ba gang gA'i klung gi bye ma snyed byung ba dang / gang zhe sdang dang ldan pa'i ltung ba gcig 'byung ba/ byang chub sems dpa'i theg pa brtsan par bya na/ de gnyis las gang zhe sdang dang ldan pa ni shin tu lci'o/ /de ci'i phyir zhe na/ zhe sdang ni sems can yongs su gtong bar 'gyur/ 'dod chags ni sems can sdud par 'gyur ba'i phyir ro/ /nye ba 'khor de la nyon mongs pa gang sems can sdud par 'gyur ba de la ni/ byang chub sems dpa' mdzes pa yang med/ 'jigs pa yang med do/ /nye ba 'khor de lta bas na khyod la 'dod chags dang ldan pa'i ltung ba thams cad ni ltung ba ma yin par ngas bshad do/ /nye ba 'khor de la gang thabs la mi mkhas pa'i byang chub sems dpa' de dag ni/ 'dod chags dang ldan pas 'jigs kyi/ zhe sdang dang ldan pas ma yin no/ /thabs mkhas pa de dag ni zhe sdang dang ldan pas 'jigs kyi/ 'dod chags dang ldan pas ma yin no/ /de bzhin gshegs pa'i mdzod kyi mdo las/ chos 'dod pa rnams rnam par g.yeng bar byed pa 'di ni/ tshig kyal pa'i nang na ma rungs pa'o/ /zla ba sgron ma'i mdo las/ chos kyi rnam grangs ji snyed mang por chub byas kyang / /thos pas rgyags te tshul khrims srung bar mi byed na/ /'di ni thos pas yongs su bskyab par mi nus te/ /tshul khrims 'chal ba des na ngan song 'gro bar 'gyur/ /'phags pa blo gros mi zad pa'i mdo las/ de la sems can la dmigs pa'i byams pa ni gang thog mar snying du sdug pa'i sems can la phan pa dang / bde ba nye bar sgrub pa'i bsam pa goms par byed cing / de dang mthun pa'i byams pa nye bar sgrub po/ /de'i 'og tu 'dres pa rnams la'o/ /de'i 'og tu nye 'khor ba rnams la'o/ /de'i 'og tu rang gi grong na gnas pa rnams la'o/ /de'i 'og tu gzhan gyi grong nas phyogs gcig gi bar la mos par byas shing khyab par byas nas rdzogs par byas te gnas so/ /phyogs bcur yang de bzhin no/ /dpal byin gyis zhus pa las/ dper na byis pa sol ba thogs nas su/ /'di ni dkar por bya zhes bdar byed kyang / /dkar po'i dngos por mi 'gyur zad par 'gyur/ /byis blo phyin ci log gi nga rgyal can/ /de ltar mi gang gtsang sbra'i blo gros ldan/ /nga yis lus 'di gtsang mar bya zhes te/ /bskus phyis 'dab stegs brgyar ni khrus kyang byas/ /'chi bdag dbang gis zad 'gyur gtsang mi 'gyur/ /drag shul can gyis zhus pa las/ chang yang sbyin par 'byung / mtshon cha la sogs pa yang shugs su 'gyur ba lta brtags te byin na ltung ba 'di nyid kyis mngon no/ /gtsug na rin po che las/ rnam pa thams cad kyi mchog dang ldan pa'i stong pa nyid gang zhe na/ sbyin pa ma tshang ba med pa nas/ zhi gnas lhag mthong ma tshang ba med pa'i bar dang / sems can yongs su smin par bya ba la rtag tu 'bad pa ste/ 'di ni rnam pa thams cad kyi mchog dang ldan pa'i stong pa nyid do zhes bya ba nas/ rigs kyi bu 'di ni byang chub sems dpa'i bsam gtan gyi pha rol tu phyin pa'i spyod pa yongs su dag pa'o zhes bya ba'i bar du 'byung ngo / /'phags pa shes rab kyi pha rol tu phyin pa las/ byang chub sems dpa' rnams ni snying rje med par ci yang mi spyod do/ /bslab pa kun las btus pa las byung ba/ de la phung po gsum ni sdig pa bshags pa dang / bsod nams kyi rjes su yi rang ba dang / rang sangs rgyas sa la bskul ba zhes bya ste/ bsod nams kyi phung po yin pa'i phyir ro/ /lang kar gshegs pa las/ blo gros chen po de la 'dod chen po rnams kyi thar par mi 'dod pa ji ltar 'byung zhe na/ 'di lta ste/ dge ba'i rtsa ba thams cad spangs pa dang / thog ma med pa'i dus kyi sems can thams cad kyi phyir smin pa'o/ /de la dge ba'i rtsa ba thams cad spangs pa gang zhe na/ 'di ltar byang chub sems dpa'i sde snod la 'di dag ni thar pa dang mthun pa'i mdo dang 'dul ba ma yin no zhes smra bas spong zhing skur ba yin te/ dge ba'i rtsa ba thams cad spangs pas mya ngan las mi 'da'o/ /blo gros chen po gnyis su ni/ byang chub sems dpa' sems dpa' chen po 'di ltar sems can thams cad yongs su mya ngan las ma 'das kyi bar du/ bdag kyang mya ngan las mi 'da'o zhes srid par smon lam dang thabs yongs su btang bas/ de'i phyir mya ngan las mi 'da'o/ /blo gros chen po de ni yongs su mya ngan las mi 'da' ba rnams kyi rang gi mtshan nyid de/ des 'dod pa can rnams kyi tshul rab tu 'thob par 'gyur ro/ /blo gros chen pos yang gsol pa/ bcom ldan 'das 'di la gtan du mya ngan las mi 'da' ba gang lags/ bcom ldan 'das kyis bka' stsal pa/ blo gros chen po de la byang chub sems dpa' 'dod chen po ni chos thams cad thog ma nas mya ngan las 'das par shes nas/ gtan du mya ngan las mi 'da'i dge ba'i rtsa ba thams cad spong ba'i 'dod chen po ni ma yin no/ /blo gros chen po dge ba'i rtsa ba thams cad spong ba'i 'dod chen po yang / de bzhin gshegs pa'i byin gyi rlabs kyis brgya la gal te na dge ba'i rtsa ba yongs su sbyor bar 'gyur ro/ /de ci'i phyir zhe na/ blo gros chen po 'di ltar de bzhin gshegs pa rnams kyis ni sems can thams cad yongs su ma btang ngo / /blo gros chen po de ltar de'i phyir byang chub sems dpa'i 'dod chen po rnams ni yongs su mya ngan las mi 'da'o/ /blo gros chen po'i tshig ni rnam par rtog pa dang tha dad pa yang ma yin gcig pa yang ma yin no/ /de ci'i phyir zhe na/ 'di lta ste/ de'i rgyu las 'byung ba'i mtshan nyid kyi phyir tshig gi rnam par rtog pa 'byung ngo / /blo gros chen po de ltar tshig 'di rnam par rtog pa dang / tha dad pa zhig yin na ni/ rnam par rtog pa'i rgyu las byung ba ma yin pas 'gyur ro/ /de ste gcig pa zhig yin na ni tshig de don gsal bar yang byed par yang mi 'gyur ba zhig na de ni byed do/ /de lta bas na tha dad pa yang ma yin/ gcig pa yang ma yin no/ /rnam rig 'di ni ming tsam ste/ /mtshan nyid kyis ni yod ma yin/ /blo gros chen po sangs rgyas kyi zhing la la ni mig mi 'dzums pas/ la la ni smin ma bskyod pa la sogs pas chos ston to/ /blo gros chen po nor ba de yang phyin ci log dang / phyin ci log ma yin par rnam par brtags pas/ 'di lta ste 'phags pa'i rigs sam/ byis pa so so'i rigs dang rigs gnyis 'thob par byed pa yin no/ /blo gros chen po 'phags pa'i rigs kyang 'di lta ste/ nyan thos dang / rang sangs rgyas dang / sangs rgyas su dbye bas rnam pa gsum du dbye bar 'gyur ro/ /de la blo gros chen po ji ltar na byis pa rnams kyis nor ba la rnam par brtags pas/ nyan thos kyi theg pa'i rigs bskyed ce na/ 'di lta ste/ blo gros chen po rang dang spyi'i mtshan nyid la mngon par zhen pas/ mngon par zhen pa nyan thos kyi theg pa'i rigs su 'gyur te/ de ltar na blo gros chen po nor ba de nyan thos kyi theg pa'i rigs 'thob par byed pa yin no/ /de la blo gros chen po ji ltar na nor pa de nyid la rnam par brtags pas/ rang sangs rgyas kyi theg pa'i rigs 'thob par byed pa yin zhe na/ blo gros chen po 'di lta ste/ /nor ba de nyid kyis rang dang spyi'i mtshan nyid la mngon par zhen pa dang / 'du 'dzi med pa'i phyir rang sangs rgyas kyi theg pa'i rigs 'thob par byed pa yin no/ /blo gros chen po de la ji ltar na/ mkhas pa rnams kyis nor ba de nyid la rnam par brtags pas/ sangs rgyas kyi theg pa'i rigs 'thob par byed pa yin zhe na/ 'di lta ste/ blo gros chen po rang gi sems snang ba tsam khong du chud pa'i phyir phyi rol la dngos po dang dngos po med par rnam par mi rtog pas rnam par brtags na sangs rgyas kyi theg pa'i rigs 'thob par byed pa yin no/ /de lta bas na blo gros chen po 'di ni rigs te rigs kyi don to/ /blo gros chen po byis pa rnams kyis nor ba la dngos po sna tshogs kyi rang bzhin du 'di ni de bzhin te/ gzhan du ma yin no zhes rnam par brtags na/ 'khor ba'i theg pa'i rigs 'thob par byed do/ /blo gros chen po mya ngan las 'das pa ni rnam pa bzhi ste/ dngos po'i rang bzhin med pa'i mya ngan las 'das pa dang / mtshan nyid sna tshogs kyi dngos po med pa'i mya ngan las 'das pa dang / rang gi mtshan nyid kyi dngos po med par rtog pa'i mya ngan las 'das pa dang / phung po rnams kyi rang dang spyi'i mtshan nyid kyi rgyun chad pa'i mya ngan las 'das pa'o/ /de dag ni blo gros chen po mu stegs can rnams kyi mya ngan las 'das pa yin te/ nga'i gsung rab ma yin no/ /blo gros chen po nga'i gsung rab la ni rnam par rtog pa dang bcas pa dang / bcas pa'i yid kyi rnam par shes pa bzlog pa ni mya ngan las 'das pa'o zhes bya'o/ /kun brtags pa yi rang bzhin yod/ /gzhan gyi dbang ni med pa ste/ /nor ba dag gis brtags pa snang / /gzhan gyi dbang la mi rtog go/ /kun rdzob dang ni don dam ste/ /rgyu las skyes pa gsum du med/ / brtags pa dag ni kun rdzob bshad/ /de bshad 'phags pa'i spyod yul lo/ /blo gros chen po ye shes ni rnam pa gsum ste/ 'jig rten pa dang / 'jig rten las 'das pa dang / 'jig rten las 'das pa'i mchog go/ /de la skyes nas 'jig pa ni rnam par shes pa'o/ / ma skyes mi 'jig pa ni ye shes so/ /gzhan yang blo gros chen po gsum 'dus pa'i bya ba skye ba dang ldan pa'i mtshan nyid ni rnam par shes pa'o/ /mi ldan pa'i ngo bo nyid ni ye shes so/ /blo gros chen po khyad par 'dod pa'i byang chub sems dpas de bzhin gshegs pa'i snying po kun gzhi rnam par shes pa zhes bsgrags pa rnam par sbyar bar bya'o/ /de la ming dang mtshan ma ni yongs su kun brtags pa'i rang bzhin du shes par bya'o/ /gang yang blo gros chen po de la gnas shing bzhugs pa'i rnam par rtog pa sems dang sems las byung ba zhes pa bsgrags pa nyi ma dang 'od zer lhan cig pa bzhin du dus gcig tu byung ba sna tshogs kyi mtshan nyid rang gi rnam par rtog pa khong du chud par byed pa'i rang bzhin ni gzhan gyi dbang zhes bya'o/ /blo gros chen po yang dag pa'i ye shes dang / de bzhin nyid ni mi 'jigs pa'i phyir yongs su grub par shes par bya'o/ /blo gros chen po gzhan yang gser dang rdo rje dang / rgyal po'i rin sred dang / thob pa dang khyad par dag ni mi 'jigs pa yin te/ blo gros chen po gal te mngon par rtogs pa thob pa yin na ni/ 'phags pa rnams 'phags pa ma yin par 'gyur te/ 'phags pa rnams ni 'phags pa ma yin par mi 'gyur ro/ /blo gros chen po gser dang rdo rje ni rnam par gzhag kyang de bzhin du 'dug ste/ mi 'bri mi skye na byas pa ldem po ngag tu bshad pa la/ mi mkhas pa dag gis phyi nang gi chos thams cad skad cig pa'i don ji ltar brtags/ sems ni kun gzhi rnam shes te/ /ngar sems nyid ni yid yin no/ /gang gis yul rnams 'dzin pa ni/ /de ni rnam par shes zhes bya/ /sems ni rtag tu lung ma bstan/ /yid ni gnyi gar gyur pa ste/ /rnam par shes pa 'byung ba yang de ni dge dang mi dge ba'o/ /lnga po snang la rtog par byed/ /chos lnga dag dang rang bzhin rnams/ /de ni sangs rgyas spyod yul yin/ /yod pa'i zla grangs med pa ste/ /med pa'ang yod pa'i zla grangs so/ /kun du brtags dang gzhan gyi dbang / /phan tshun mtshan nyid tha mi dad/ /gzugs kyi mi rtag nyid bzhin te/ /gcig la gcig kyang skyed byed pa'o/ /brtags pa shul du mthong gyur na/ /gzhan gyi dbang ni mi skye'o/ /gzhan gyi dbang ni rab mthong na/ /brtags pa de bzhin nyid du 'gyur/ /ji ltar 'phags pa rnam bsgom ltar/ / dngos po'i dngos nyid med mod kyi/ /ji ltar byis pas brtags pa ltar/ /dngos po dag ni yod pa'o/ /sems ni snang dang rnam bral ba/ /rang bzhin gnyis kyang spangs pa ste/ /gnas rnams rab tu gyur pa ni/ /skye ba med par ngas bshad do/ /nam yang stong bas stong pa nyid/ /skye ba med pa'i stong pa'o/ /ji srid sems ni 'jug pa'i bar/ /de srid 'jig rten rgyang pan yin/ /'jig rten rang gi sems mthong na/ /rnam par rtog pa mi 'jig go/ /nga dang de bzhin gshegs rnams kyis/ /stong phrag gsum gyi mdo rnams kyis/ /mya ngan 'das pa shin tu bshad/ /'dod pa'i khams dang gzugs med du/ /sangs rgyas rnam par 'tshang mi rgya/ /gzugs kyi khams kyi 'og min du/ /'dod chags bral khyod 'tshang rgya'o/ /reg pa dang ni gzir ba yis/ /lha dang sems can dmyal ba'i lus/ /bar ma do yi srid med de/ /rnam par shes pas bskyed pa yin/ /mngal sgong drod gsher la sogs pa'i/ /srid pa bar ma 'byung ba dag /sems can mang po sna tshogs bzhin/ /dam tshig gsum gyi rgyal po las/ /thang las skyes pa'i rin po che'i ri rnams dang / chu las skyes pa'i rin po che'i ri rnams dang / /thang las skyes pa'i rin po che la sogs pa phyogs bcu na rnam par gnas pa nga yir bya ba med par yongs su gzung ba med pa rnams la 'bul lo/ /don dam pa'i chos kyi rnam par rgyal ba las 'byung ba/ kha cig ni mngal na gnas pa nyid kyi tshe srin bu rnams kyis zos so/ /drang srong chen po yang 'di lta ste/ bskal pas bsregs pa 'di ni de bzhin gshegs pa rnams kyi thabs mkhas pa ste/ drang srong chen po 'di lta ste dper na/ gser la gnod pa bya ba'i phyir mer bcug pa ma yin gyi/ gser ma dul ba 'di ji ltar dul bar 'gyur snyam nas de'i phyir mer 'jug go/ /drang srong chen po de bzhin du de bzhin gshegs pa rnams kyang rgyu med par bsreg pa'i bskal pa mi 'byin te/ 'dir sems can gang la yang gnod par mi 'gyur ro/ /bskal pas bsregs pa'i 'jigs pa las bdag nyid bsregs pa mthong nas dga' ba dang / mchog tu dga' ba skyes nas 'di skad ces bdag kyang 'di ltar gyur ces smon lam 'debs so/ /sems can gnas gang du 'du bar gyur pa bdag la bka' stsol cig /bcom ldan 'das kyis bka' stsal pa/ drang srong chen po theg pa chen po gcig gis 'byung ba las sems can 'du bar 'gyur ro/ /byang chub kyi snying po la sems can 'du bar 'gyur ro/ /phung po ma lus pa'i dbyings su sems can rnams 'du bar 'gyur ro/ /drang srong chen po yang 'di lta ste dper na/ chu klung tha dad pa dang / klung phran dang chen po dag rgya mtsho chen por bab nas ro gcig tu gyur to/ /de bzhin du sems can gyi khams ji snyed pa'i/ dri ma med par grags pas bstan pa las/ thabs kyis ma zin pa'i shes rab ni bcings pa'o/ /thabs kyis zin pa'i shes rab ni grol ba'o/ /shes rab kyis ma zin pa'i thabs ni bcings pa'o/ /shes rab kyis zin pa'i thabs ni grol ba'o/ /de la thabs kyis ma zin pa shes rab bcings pa gang zhe na/ 'di lta ste/ stong pa nyid dang / mtshan ma med pa dang / smon pa med pa la nges par sems shing / mtshan dang dpe byad bzang po dang / sangs rgyas kyi zhing gi rgyan dang / sems can yongs su smin par bya ba la mi sems pa ni thabs kyis ma zin pa'i shes rab ste bcings pa'o/ /de la thabs kyis zin pa'i shes rab dgrol ba gang zhe na/ mtshan la sogs pa la nges par sems shing / stong pa mtshan ma med pa dang / smon pa med pa la 'dris par bya ba 'di ni thabs kyis zin pa'i shes rab ste grol ba'o/ /de la shes rab kyis ma zin pa'i thabs bcings pa gang zhe na/ 'di lta ste/ lta ba thams cad dang / nyon mongs pa kun nas ldang ba dang / bag la nyal ba dang / rjes su chags pa dang / khong khro ba la gnas pa'i dge ba'i rtsa ba rtsom pa thams cad byang chub tu mi bsngo ba ni/ shes rab kyis ma zin pa'i thabs te bcings pa'o/ /de la shes rab kyis zin pa'i thabs grol ba gang zhe na/ 'di lta ste/ lta ba thams cad nyon mongs pa la sogs pa spangs pa'i dge ba'i rtsa ba rtsom pa thams cad byang chub tu yongs su bsngos la/ des kyang bsnyems pa med pa de ni shes rab kyis zin pa'i thabs te grol ba'o/ /kun dga' bo gang na byang chub sems dpa' sangs rgyas kyi mdzad pa byed pa'i sangs rgyas kyi zhing rnams kyang yod do/ /gang na 'od dang gang na byang chub kyi shing dang / gang na de bzhin gshegs pa'i mtshan dang / gang na chos dang / gang na zhal zas la sogs pa'i sangs rgyas kyis mdzad pa'i sangs rgyas kyi zhing yod do/ /'phags pa rin po che'i mtha' las/ des ji skad bstan pa la gal te mtshungs pa med pa byed pa de ltar mos te/ mtshams med pa yang de lta bu'i dbyings yin par shes na/ de kun nas nyon mongs pa can du mi 'gyur ro/ /de ci'i phyir zhe na/ 'jam dpal mtshams med pa ni chos kyi dbyings su mtshungs par mnyam pa'i phyir te/ 'di ltar mtshams med pa'i dbyings dang chos kyi dbyings ni gnyis su med cing gnyis su byar med do/ /lhag pa'i bsam pa bskul ba byas la/ byams pa byang chub sems dpa'i theg pa pa'i gang zag chos bzhi dang ldan na/ lnga brgya tha ma la dam pa'i chos rnam par 'jig pa'i tshe/ ma snad cing ma smas la bde bar yongs su thar bar 'gyur ro/ /bzhi gang zhe na/ bdag gis 'khrul pa la so sor rtogs dang / byang chub sems dpa'i theg pa pa'i gang zag gzhan gyi nyes pa mi gleng ba dang / mdza' bshes kyi khyim dang / slong mo ster ba'i khyim la mi lta ba dang / yid du mi 'ong ba'i tshig spong ba'o/ /yang bzhi ste/ thos pa nyung ngu'i sems can yongs su spong ba dang / 'khor mi bsdu ba dang bas mtha'i gnas mal la brten pa dang / bdag dul ba dang / zhi ba dang / zhi gnas kyi sbyor ba la brtson pa'o/ /byams pa nga ni tshul 'chos pa la dgon pa na gnas pa zhes mi smra'o/ /nga ni bsod nams chung ngu la 'dod pa chung ba zhes mi smra'o/ /nga ni kha zas bzang po 'dod pa la bsod snyoms pa zhes mi smra'o/ /nga ni gos sdu gu 'dod pa la phyag dar khrod pa zhes mi smra'o/ /nga ni khyim pa dang rab tu byung ba 'dres pa la ma 'dzings pa zhes mi smra'o/ /nga ni g.yo sgyu can la sangs rgyas 'byung ba dang phrad pa zhes mi smra'o/ /nga ni gzhan gyi 'khrul pa tshol ba la rnal 'byor la brtson pa zhes mi smra'o/ / nga ni khong khro ba mang ba tshul khrims kyi phung po yongs su dag pa zhes mi smra'o/ /nga ni nga rgyal can la mang du thos pa zhes mi smra'o/ /nga ni phyogs 'dzin pa la 'dul ba 'dzin pa zhes mi smra'o/ /nga ni rgod pa la chos smra ba zhes mi smra'o/ /nga ni khyim pa dang 'dres pa la zhal ta byed pa yongs su dag pa zhes mi smra'o/ /nga ni yon gnas dam pa la zang zing med pa yongs su gtong ba zhes mi smra'o/ /nga ni lan du phan 'dogs su re ba la bsdu ba'i dngos po zhes mi smra'o/ /nga ni rnyed pa dang bkur sti la chags pa la lhag pa'i bsam pa yongs sa dag pa zhes mi smra'o/ /nga ni ma dang pha mang ba la rab tu byung ba zhes mi smra'o/ /nga ni pha rol la shes par byed pa la bslab pa 'dod pa zhes mi smra'o/ /nga ni ma gus pa la chos sbyin pa zhes mi smra'o/ /nga ni 'jig rten pa'i gsang tshig la brtson pa la chos la dga' ba zhes mi smra'o/ /nga ni stong pa nyid la mi brtson pa la nges par byung ba zhes mi smra'o/ /nga ni dmigs pa can la mngon par rtogs pa zhes mi smra'o/ /nga ni mthu med pa la bzod pa yongs su rdzogs pa zhes mi smra'o/ /nga ni ma bcos pa la bzod pa'i stobs kyi go cha can zhes mi smra'o/ /nga ni rang bzhin gyis 'dod chags chung ba la tshangs par spyod pa dga' ba la gnas pa zhes mi smra'o/ /nga ni sbyor ba la mi gnas pa la ji skad smras pa de bzhin byed pa zhes mi smra'o/ /nga ni thabs dang ldan par gyur pa la g.yo sgyu can zhes mi smra'o/ /nga ni sems zhum pa la nga rgyal med pa zhes mi smra'o/ /lag bzangs kyis zhus pa las/ lag bzangs byang chub sems dpa' ni slong ba rnams kyis bslongs pa na yan lag dang nying lag bcad nas slong ba rnams la mi sbyin no/ /de ci'i phyir zhe na/ de dag nyid kyis sems can dmyal ba chen por 'gyur ba dang / mi dge ba'i las chen po rgya che ba yongs su myong ba'i phyir ro/ /lag bzangs byang chub sems dpa' sems dpa' chen po ni slong bas bdog pa thams cad blangs na/ pha ma la gnod pa byas shing spangs te/ /nod pa byas shing bu dang chung ma dang / bran pho dang bran mo dang zho shas 'tsho ba dang / las byed pa dag la gnod pa byas shing spangs te/ sdug bsngal bar byas nas slong ba rnams la sbyin par mi byed do/ /de ci'i phyir zhe na/ sems can thams cad la mtshungs par snying brtse ba'i phyir ro/ /bu mo zla mchog gis zhus pa las/ bla na med pa yang dag par rdzogs pa'i byang chub ni skye ba dang 'gag pa dang / chad pa dang / rtag pa dang / don gcig pa dang / don tha dad pa dang / 'ong ba dang 'gro ba ma mchis pa'o/ /las rnam par 'byed pa las/ mdog mi sdug par 'gyur ba'i las bcu ste/ da bzhin gshegs pa'i mchod rten gyi mar me'i 'od kyi bar du gcod pa dang / gang zag mdog mi sdug pa rnams la dbang za ba/ rigs dma' bar 'gyur ba'i chos bcu ste/ rigs dma' bar skye ba rnams la dbang za ba/ shes rab 'chal bar gyur pa'i chos smra ba rnams legs so zhes bya ba sbyin pa/ yi dgas su gyur pa'i chos bcu ste/ bkres shing skom bzhin du 'chi ba'i dus byed pa dang / dngos po la chags bzhin du 'chi ba'i dus byed pa/ de la nges par skye bar 'gyur ba'i las gang zhe na/ dge ba'i las byas nas 'dis bdag 'di lta bu zhig tu skye bar gyur cig ces yongs su bsngo ba dang mtshams med pa lnga rnams so/ /de la las gang dang ldan na/ gang zag sems can dmyal ba rnams su skyes ma thag tu 'chi 'pho ba'i las gang zhe na/ dper na rgyal po ma skyes dgras pha bsad pa lta bu ste/ de skad du/ shin tu mi bzad las rnams byas pa na/ /bdag la smod dang rab tu bshags pa dang / /sdom pa byed pas de dag bsrabs 'gyur gyi/ /shin tu rtsa nas phyin ces mi smra'o/ /zhes gsungs so/ /gang sngar bde bar 'gyur la phyis sdug bsngal bar 'gyur ba'i las gang zhe na/ 'di la gang zag 'ga' zhig sbyin pa byin pa na/ yid rab tu dga' zhing dga' ba dang / yid bde ba skyes la byin nas ni 'gyod pa yin te/ gang zag de gang gi tshe mi rnams kyi nang du skyes pa na/ sngar phyug pa dang blon po dang nye du mang ba la sogs par 'gyur la/ phyis nyams par 'gyur ro/ /de la gang zag gang tshe zad par gyur pa las ma zad pa gang zhe na/ gang zag gang sems can dmyal ba nas shi 'phos nas/ sems can dmyal bar skye ba dang / las zad la tshe ma zad pa gang zhe na/ sngar bde bar gyur la phyis sdug bsngal bar 'gyur ba dang / chang 'thung ba la nyes dmigs sum cu rtsa drug ste/ tshe 'di la nor zad pa dang / nad kyi gzhir 'gyur ba dang / 'thab pa dang / mtshang 'dru ba dang / rtsod pa 'phel ba dang / sba ba'i gnas ston pa dang / mi snyan pa bskyed pa dang / shes rab nyams par byed pa dang / ma thob pa'i longs spyod mi ma thong ba dang / thob pa las nyams pa dang / gsang ba brjod pa dang / las su bya ba nyams pa dang / mya ngan gyi rtsa bar 'gyur ba dang / nyam chung bar 'gyur ba dang / dge sbyong dang bram zer mi 'dzin pa dang / rigs kyi gtso bo la rim gror mi byed pa dang / pha mar mi 'dzin pa dang / dkon mchog gsum la mi gus pa dang / sdig pa'i grogs pos zin pa dang / dge ba'i bshes gnyen gyis spangs pa dang / 'dzin pa med pa dang / dbang po ma bsdams pa dang / bud med la bag med pa dang / skye bo'i yid du mi 'ong ba dang / nye du btsun pas smad pa dang / chos ma yin pa 'dzin pa dang / chos spong ba dang / mkhas pa rnams la yid mi brtan pa dang / bag bya ba la g.yel ba dang / mya ngan las 'das pa las ring ba dang / myos par 'gyur ba la sogs pa dang / shi nas ngan song ngan 'gro sems can dmyal bar skye'o/ /de bzhin gshegs pa'i yon tan dang ye shes bsam gyis mi khyab pa'i yul la 'jug pa bstan pa las/ 'jam dpal 'khor 'di nyid kyi nang nas lha dang mi la las ni/ bcom ldan 'das shAkya thub pa mngon par rdzogs par sangs rgyas nas/ brjod du med pa'i bar gyi bskal ba ji snyed lon par shes/ la las ni mya ngan las 'das nas brjod du med pa'i bar gyi bskal ba lon par shes so/ /'jam dpal gang gis de bzhin gshegs pa mthong ba dang / mthong na sa ri mor bris pa'am/ 'jim pa las byas pa'ang rung ste/ gnod pa'i sems sam dang ba'i sems kyis mthong na/ de dag gi dge ba'i rtsa ba des mig rnam par dag par 'gyur ro/ /'jam dpal zla ba'i dkyil 'khor ni nyi ma'i dbang gis 'bri ba dang / skye ba dang nub par 'gyur ba snang mod kyi/ zla ba'i dkyil 'khor la skye ba dang 'bri ba dang / nub par 'gyur ba med de sems can rnams ni dge ba'i rtsa ba las rnam par smin pas yud tsam la sogs pa dang / lo bgrang ba'i grangs gzhag pa'i phyir/ de bzhin gshegs pa'i byin gyi rlabs kyis de lta bu'i bya ba rnams 'byung ste/ 'jam dpal dge ba'i bshes gnyen gyis yongs su zin pa'i byang chub sems dpa' ni grangs med dpag tu med pa'i bskal ba bye ba khrag khrig brgya stong du sems can dmyal ba dang / byol song dang / yi dgas dang / gshin rje'i 'jig rten du gnas par 'gyur ba'i las rnams tshe 'di la rnam par smin te/ klad pa tsha ba'am/ rims sam/ rtsib logs na ba'am/ rgyal po'i srid 'khrugs pa'am/ lho bal gyis dkrugs pa'am/ mu ge'i 'khrug pa'am/ gzhan dang gzhan gyi 'khrug pas lus kyi gnod pa'am/ ngag gi gnod pa'am/ yid kyi gnod pas tshe gcig la byang bar 'gyur ro/ /spyos pa'am/ tha na rmi lam gyis kyang 'byang bar 'gyur ro/ /'jam dpal de bzhin gshegs pa dgra bcom pa yang dag par rdzogs pa'i sangs rgyas rnams ni yang dag pa ther zug g.yung drung ngo / /'jam dpal khros pa'i sems sam/ dang ba'i sems kyis de bzhin gshegs pa'i sku ri mor bris pa'am/ 'jim pa las byas pa gang gis mthong ba tha na byol song gi skye gnas su song yang rung ste/ de dag gi nyon mongs pa thams cad med par 'gyur/ lha mo dpal phreng gis zhus pa las/ bcom ldan 'das de bzhin gshegs pa'i snying po ni rtag pa dang / brtan pa dang / ther zug lags so/ /bcom ldan 'das de bzhin gshegs pa'i snying po ni thog ma dang tha ma ma mchis pa'i mthar mchis pa mi skye ba dang / mi 'gag pa'i chos can no/ /'dul ba rnam par gtan la dbab pa nye ba 'khor gyis zhus pa las/ byang chub sems dpa' sems dpa' chen po khyim pa khyim na gnas pas ni sbyin pa gnyis la gnas par bya ste/ chos sbyin pa dang / zang zing sbyin pa'o/ /rab tu byung bas ni sbyin pa bzhi la gnas par bya ste/ smyu gu dang snag tsha dang glegs bam dang chos sbyin pa'o/ /bcom ldan 'das kyis bka' stsal ba/ shA ri'i bu byang chub sems dpa' rnams kyi kha na ma tho ba chen po dang bcas pa'i nyes pa ni gnyis te/ zhe sdang dang ldan pa dang / gti mug dang ldan pa'o/ /de la 'dod chags ni kha na ma tho ba dang bcas ba chung ma 'bral ba bul ba yin no/ /zhe sdang ni kha na ma tho ba dang bcas pa che la 'bral ba myur ba yin no/ /gti mug ni kha na ma tho ba dang bcas pa che la 'bral ba bul ba yin no/ /'dod chags ni nying mtshams sbyor ba'i sa bon yin no/ /zhe sdang ni ngan song du 'gro ba'i rgyur gyur pa yin no/ /gti mug ni sems can dmyal ba chen po brgyad du ltung ba'i rgyur gyur ba yin no/ /nye ba 'khor de la nyan thos kyi theg pa pa'i tshul khrims yongs su dag pa gang yin pa de ni theg pa chen po la yang dag par zhugs pa'i byang chub sems dpa' tshul khrims yongs su ma dag pa nyid dang shin tu 'chal pa'i tshul khrims nyid yin la/ theg pa chen po la yang dag par zhugs pa yang nyan thos kyi yongs su ma dag pa dang shin tu 'chal ba yin no/ /de ci'i phyir zhe na/ nyan thos kyi gnas skad cig tsam yang sred pa len par mi byed la/ de ni nyan thos kyi tshul khrims yongs su ma dag pa yin no/ /de nyid theg pa chen po'i 'chal ba'i tshul khrims yin no/ /byang chub sems dpa' ni bskal ba grangs med par srid par skye bas yongs su mi skyo ba yin te/ de nyid nyan thos kyi 'chal pa'i tshul khrims yin no/ /'phags pa kun rdzob dang don dam pa'i bden pa bstan pa las/ rdo chag pa'i 'phro mi 'byor pa lta bu ni nyan thos kyi 'dul ba'o/ /gser dang dngul chag pa'i 'phro 'byor pa lta bu ni byang chub sems dpa'i 'dul ba'o/ /gsang chen thabs la mkhas pa las/ byang chub sems dpa' thabs la mkhas pas sems can de dag gi sdug bsngal gyi tshor ba de dag thams cad bsdus nas 'chags par byed cing / sems kyi sdug bsngal gyi tshor ba gang dag yin pa de dag thams cad bdag gi lus la bab par gyur cing / sems can de dag bde bar gyur cig ces go gyon par yang byed do/ /byang chub sems dpa' sems dpa' chen po thabs la mkhas pa ni gal te brgya lam na nyes pa 'byung na yang 'di ltar so sor slob te/ gal te khams dang skye mched dang phung po 'di dag nyid kyis mya ngan las 'da' bar 'gyur na ni/ de lta bas na bdag gis yongs su gdul bar bya dgos par 'gyur ba las bdag gis 'di ltar go bgo bar bya ste/ bdag sems can rnams yongs su smin par bya ba'i phyir phyi ma'i mtha'i bar du 'khor bar bya ba la bdag gis sems zhum par mi bya zhing / ji lta ji ltar 'khor ba na 'khor bar gyur pa de lta de ltar sems can yongs su smin par bya ba dang / nyes pa 'di yang chos bzhin phyir bya zhing / phyin chad kyang nyes pa mi 'byung bar bya ba dang / sems can thams cad kyang nyes pa las 'byung ba'i chos bstan par bya'o zhes go cha gyon par byed do/ /rigs kyi bu yongs su brtag pa nye bar bzung na/ byang chub sems dpa' rab tu byung ba la gal te rtsa ba'i nyes pa bzhi po thams cad byung bar gyur na yang thabs la mkhas pa des sel bar byed na/ rigs kyi bu sems can gzhan pa la nyes pa med ces smra'o/ /rigs kyi bu ngas snying rje chen po dang ldan pa'i sems bskyed pa des cung zad cig 'dod pa dang ldan par byas pas kyang bskal pa khrir 'khor ba bsnyil cing spangs par gyur to/ /rigs kyi bu sems can gzhan dag gi sems can dmyal bar 'gyur ba'i las gang yin pa de yang byang chub sems dpa' thabs la mkhas pa tshangs pa'i 'jig rten du skye bar 'gyur ba ltos/ kun dga' bo 'dod chags bskyed pa gang gis ni/ sems can gzhan dag sems dmyal 'gro 'gyur ba/ /de yis dpa' rnams mtho ris 'gro 'gyur zhing / /skyes par 'gyur ba'i yon tan de 'dra ltos/ /rigs kyi bu mi skye ba'i chos la bzod pa thob pa'i byang chub sems dpa' ni 'dod na/ zhag bdun gyis kyang byang chub mngon par rdzogs par 'tshang rgya bar 'gyur ro/ /byang chub sems dpa' ni dga' ldan gyi gnas nas mi g.yo bzhin du sprul pas 'pho ba dang / skye ba la sogs pa kun du ston to/ /bcom ldan 'das byang chub sems dpa' ye shes dam pas 'di skad ces gsol to/ /btsun pa bcom ldan 'das kyis de skad du byang chub sems dpa' ni tshig gang gis bdag dang gzhan lag dung bar 'gyur ba de lta bu'i tshig mi smra'o zhes bka' stsal lags na/ bcom ldan 'das 'o na ci'i slad du byang chub sems dpa' skye ba gcig gis thogs pa bram ze'i khye'u 'od zer phreng zhes bgyi bar gyur pa na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi gsung rab la 'di skad ces dge sbyong mgo reg mthong bas kho bo la ci zhig bya/ byang chub sems ni mchog tu rnyed par dka' ba yin pas/ dge sbyong mgo reg la byang chub ga la yod ces gsungs na/ bcom ldan 'das kyis de skad gsungs pa/ de ci las dgongs te gsungs lags/ de skad ces gsol ba dang / bcom ldan 'das kyis byang chub sems dpa' sems dpa' chen po ye shes dam pa la 'di skad ces bka' stsal to/ /rigs kyi bu de bzhin gshegs pa dang byang chub sems dpa' rnams kyi spyod pa'i tshad rab tu rnam par dbye ba khyod la ci bya thong shig / de ci'i phyir zhe na/ rigs kyi bu byang chub sems dpa' sems dpa' chen po rnams ni thabs la mkhas pa bsam gyis mi khyab pa dang ldan pas/ skyes bu dam pa de dag ni ji lta ji ltar sems can yongs su smin par 'gyur ba de lta de ltar gnas par byed pa'i phyir ro/ /rigs kyi bu gzhan yang gang gi phyir byang chub sems dpa' lo drug tu dka' ba spyad pa yang nyon cig /'di ltar byang chub sems dpa' thabs la mkhas pas sems can rnams mi dge ba'i las kyi bya ba dag la nges par skyo bar bya ba'i phyir te/ 'di ltar byang chub sems dpa' yang dag par rdzogs pa'i sangs rgyas 'od srungs kyi gsung rab la tshig 'di skad ces dge sbyong mgo reg mthong bas kho bo la ci zhig bya ba la sogs pa smras pa de yang byang chub sems dpa' thabs la mkhas pa de dang / ldem po ngag yin par blta bar bya ste/ las kyi sgrib pa de'i rgyus byang chub sems dpa' lo drug tu dka' ba spyod do/ /rigs kyi bu byang chub sems dpa' de dag yongs su smin par byas shing / las kyi rnam par smin pa bstan pa gang yin pa'i las kyi rnam par smin pa des kyang ngas lo drug tu dka' ba'i spyod pa spyad par gyur pas sems can mi shes pa spyod pa gzhan dag gis ni dge sbyong ngam/ bram ze'i tshul khrims dang ldan pa la lkog nas tshig rtsub po brjod na/ de dag la yun ring por gnod par bstan pa'i phyir/ de bzhin gshegs pas las de kun du ston par zad kyi/ byang chub sems dpa' la ni las kyi sgrib pa cung zad kyang med do/ /gzhan yang sems can gang dag tshul khrims dang ldan pa la tshig rtsub mo smras nas/ bdag cag la ni thar ba'i skal ba med do snyam du sems shing phyin chad rtsol bar mi byed pa de dag gi 'gyod pa bsal ba'i phyir yang las de kun du bstan te/ gal te rmi lam na de bzhin gshegs pa la skur pa btab par gyur na yang de nyid kyis sad pa'i tshe na dri mar yang 'gyur ro/ /de bzhin gshegs pa la ni skyes bu chen po'i mtshan ro bro ba'i mchog dang ldan pas zhal zas mi bsod pa gsol kyang mod la lha'i kha zas las yang dag par 'das pa'i ror 'gyur ro/ /srid pa 'pho ba las/ rgyal po chen po de la chos gang yang 'jig rten 'di nas 'jig rten pha rol du 'pho ba yang med la/ 'chi 'pho dang skye bar mngon pa yang yod do/ /de la gang rnam par shes pa thams cad 'gag pa de ni 'chi 'pho zhes bya la/ gang dang po 'byung ba ni skye ba zhes bya'o/ /mig gis gzugs rnams mi mthong zhing / /yid kyis chos rnams mi rig pa/ /de ni bden pa mchog yin te/ /de la 'jig rten mi dpogs so/ /'di dag thams cad ming tsam ste/ /'du shes tsam du gnas pa yin/ /brjod pa la ni gzhan gyur pas/ /brjod par bya ba yod ma yin/ /ming ni gang dang gang gis su/ /chos rnams gang dang gang brjod pa/ /de la 'jig rten mi dpogs so/ /'di dag thams cad ming tsam ste/ /de la de ni yod ma yin/ /'di ni chos rnams chos nyid do/ /ming gis ming ni stong pa ste/ /ming ni ming gis yod ma yin/ /phag mo'i rtogs pa brjod pa las/ /lha'i bu 'chi 'pho ba'i snga ltas rnam pa lnga 'byung bar 'gyur te/ gang zhe na/ gos sngan chad ma rnyings pa rnyings par 'gyur ba dang / me tog gi phreng ba sngon chad ma rnyings pa rnyings par 'gyur ba dang / mchan khung gnyis na rngul 'byung ba dang / lus las dri nga ba 'byung ba dang / rang gi gnas la mi dga' ba'o/ /sangs rgyas mi spang ba las/ 'jig rten gyi khams smig rgyu can du bud+d+ha rnam par gzigs pa'i nga ro 'byung ba'i tshe/ rigs kyi bu bcu zhig gis gtsug lag khang lnga brgya lnga brgya byed du bcug la/ gtsug lag khang re re na yang ban de stong stong gi 'tsho ba sbyor ba las/ de'i tshe chos smra ba spobs pa brtsegs pa zhes bya ba la tshul khrims 'chal pa gleng gleng ba las/ las de'i rnam par smin pa las lo dgu khrir sems can dmyal bar skyes so/ /tshe rabs lnga brgyar ni mi rnams kyi nang du za ma dang / kla klo dang log par lta ba'i khyim du skyes so/ /lo drug brgyar ni dmus long dang / lce med par gyur to/ /tshe rabs bdun brgyar ni rab tu byung nas/ ji srid 'tsho ba'i mthar thug gi bar du gzungs ma thos par 'chi ba'i dus byas te/ las kyi sgrib pa de nyid kyis rigs kyi bu de dag bsgribs so/ /rigs kyi bu de lta bas na khyod mos par bya/ khong du chud par bya'o/ /chos kyi rnam grangs 'di thos nas chos smra ba la mngon sum du mthong yang 'chal ba'i tshul khrims kyis brjod par mi byan/ thos pas lta ci smos/ /rigs kyi bu gang zhig sems can thams cad kyi mig 'byin par byed pa bas ni/ gang zhig chos smra pa la gshe ba'i bsam pas lta bar byed na/ de ni de bas ches kha na ma tho ba'i las che ba yin no/ /gang zhig sems can thams cad 'ching bar byed pa bas/ gang zhig chos smra ba mthong na rgyab kyis phyogs te 'dug par byed na/ 'di la snga mas brgya dang / stong dang / 'bum dang / grangs dang / dpag pa'i bar du yang mi bzod do/ /de ci'i phyir zhe na/ gang chos smra ba la skur pa 'debs pa des ni sangs rgyas la skur ba btab pa'i phyir ro/ /sangs rgyas la bsnyen bkur byed par 'dod pas chos smra ba la bsnyen bkur bya'o/ /rigs kyi bu de lta bas na byang chub sems dpa' rnams kyi gnas pas gnas kyang rung ste/ byang chub sems dpas srog gi phyir yang 'khrul pa blta bar mi bya'o/ /de ci'i phyir zhe na/ rigs kyi bu chos bzhi po 'di dag ni byang chub sems dpa' rnams kyis byang chub yongs su sbyong bar byed pa'i phyir ro/ /bzhi gang zhe na/ stong pa nyid sgom pa dang / sems can thams cad la zhe 'gras pa med pa'i sems dang / byang chub sems dpa' la rtag tu phan pa nye bar sgrub pa dang / zang zing med pa'i sems kyis chos sbyin pa'o/ /s+yad ya the dan/ ad tshe ad tshab Di/ an bi le/ a sheSho/ a tri te/ a na yu d+hi/ a phe a bi dza ri da/ b+ha ba rud tra/ aM ga ma/ yut+ta na da nya ba/ pra k+Shi be/ Ni ba De/ a gra he/ hu hu me/ tsa pa le/ sa De sa me/ sa ma de yo Di/ na yo ba ri sho d+hi/ zhag bdun du gzungs sngags 'di dag bzlas na/ zhag bdun du sangs rgyas rjes su dran pa bsgom par bya'o/ /lhag pa'i bsam pa bstan pa'i le'u las sangs rgyas bcom ldan 'das rnams kyi chos nyid rtogs par dka'o/ /de ci'i phyir zhe na/ kun dga' bo nyon mongs pa thams cad las kyang sems sbyang dgos la/ chos gang las kyang bskyod par mi bya 'phags par yang mi bya ba'i phyir ro/ /chos kyi tshul las rigs kyi bu dag 'jigs par gyis shig /mngon par dga' ba med par gyis shig /snying brtse ba med par gyis shig /snying rje ba med par gyis shig /rigs kyi bu dag 'dum bar gyis shig /rtag tu byed par gyis shig / brtag par gyis shig /blo rgod par gyis shig /rigs kyi bu dag rjes su chags par yang gyis shig /rtag tu zhe 'gras par gyis shig /yun ring por blta bar yang gyis shig /byas pa mi gzo bar yang gyis shig /rigs kyi bu dag bdud kyi las rnams ni 'bar bar gyis shig / sangs rgyas kyi chos rnams ni zhi bar gyis shig /gang dag nyan thos kyis smad par bya ba de dag khyed kyis ma smad cig /gang nyan thos kyis mngon par dga' bar bya ba la khyed dga' bar ma byed cig /gtsug na rin po ches zhus pa las/ byang chub sems dpa' rnams kyi spyod pa yongs su dag pa ni bzhi ste/ gang zhe na pha rol tu phyin pa'i spyod pa yongs su dag pa dang / byang chub kyi phyogs kyi chos yongs su dag pa dang / mngon par shes pa sgrub pa'i spyod pa yongs su dag pa dang / sems can yongs su smin par bya ba'i spyod pa yongs su dag pa'o/ /byang chub sems dpa'i tshul khrims yongs su dag pa ni lnga ste/ gang zhe na/ bdag mi ston pa dang / gzhan mi ston pa dang / ma bslabs pa la mi snyan pa dang / nyan thos kyi sems la mi reg pa dang / rang sangs rgyas kyi sa la mi 'dod pa'o/ /dpal dbyig gis zhus pa las/ gal te bslab pa'i gzhi lnga la slob par mi nus na yang / des bzhi'am/ gsum mam/ gnyis sam/ de'i nang na gcig tsam la yang blangs nas bslab par bya'o/ /gal te bslab pa'i gzhi gcig tsam la yang slob par mi nus na/ des sdig pa'i las gang spyod pa de la ma zhen pa dang / drag pa ma yin pa dang / mi dga' bzhin par bya'o/ /bshung ba dang smad par bya'o/ /dge ba la ni de las bzlog ste bya'o/ /gser gyi bye ma lta bu las byung ba/ gnas brtan shA ri'i bu tshig gcig tsam smra ba'i yun ji tsam pa de'i bar skabs su/ rang sangs rgyas kyi chos bstan pa rnam grangs med pa ston to/ /rang sangs rgyas kyi tshig gcig smra ba'i yun ji tsam pa de'i bar skabs su/ byang chub sems dpa' chos bstan pa rnam grangs med dpag tu med brjod du med pa ston cing / don kyang brda sprod par byed do/ /lha'i bu blo gros rab tu brtan gyis zhus pa las/ btsun pa shA ri'i bu rigs kyi bu'am rigs kyi bu mo bdag tu lta ba la brten pa'am/ sems can du lta ba la brten pa'am/ srog tu lta ba la brten pa gang gis de bzhin gshegs pa dgra bcom pa yang dag par rdzogs pa'i sangs rgyas dge slong gi dge 'dun dang bcas pa/ gang gA'i klung gi bye ma snyed cig la/ ji srid 'tsho'i bar du bde ba'i yo byad thams cad kyis bsnyen bkur byas la/ gang gis chos zab mo shes par dka' ba 'jig rten thams cad dang mi mthun pa 'di lta bu thos shing / chos stong pa dang / mtshan ma med pa dang / smon pa med pa dang / zhi ba dang dben pa dang / skye ba med pa dang / sems can dang / srog dang / gang zag med pa mi rtag pa dang / sdug bsngal ba dang / bdag med pa 'di lta bu thos nas spangs te/ sems can dmyal ba rnams su lhung bar gyur pa/ btsun pa shA ri'i bu rigs kyi bu'am rigs kyi bu mo chos zab mo 'di thos nas spangs te/ sems can dmyal ba rnams su ltung ba de/ ches myur bar de dag nas ldang zhing rnam par thar bar 'gyur gyi/ rigs kyi bu'am rigs kyi bu mo bdag tu lta ba la brten pa chos 'di ma thos par de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed la bsnyen bkur byas pa de ni de lta ma yin no/ /shA ri'i bu gzhan yang rigs kyi bu'am rigs kyi bu mo gang dag rna blags te/ chos zab mo 'di mnyan nas ma rtogs shing spangs te/ sems can dmyal bar 'gro ba de dag ni ches myur bar rnam par thar par 'gyur gyi/ dmigs pa can the tshom du gyur pa gzhan dag ni de lta bu ma yin no/ /bden pa gnyis bstan pa las/ bcom ldan 'das kyis bka' stsal pa/ 'jam dpal 'di lta ste dper na/ skyes bu bkris shing ltogs pas nyam chung ba brnag pa bla'i/ mi shes par kha zas dug can zos pa de ni de lta ma yin no/ /de bzhin du byang chub sems dpa' dmigs pa can ma yin par ser sna can dang / tshul khrims 'chal pa dang / gnod sems dang / le lo can dang / brjed ngas pa dang / shes rab med pa bla'i/ nyan thos dang rang sangs rgyas dmigs pa can gyi sems kyi sbyor ba dang / tshul khrims dang / bzod pa dang / brtson 'grus dang / bsam gtan dang / shes rab kyis sbyor ba ni de lta ma yin no/ /bcom ldan 'das kyis bka' stsal pa/ lha'i bu 'di lta ste dper na/ gang mi dbul po'i kha zas de ni 'khor los sgyur ba'i rgyal po'i dug yin no/ /de bzhin du nyan thos dang / rang sangs rgyas dmigs pa can rnams kyi tshul khrims dang brtson 'grus kyi bar de dag ni/ byang chub sems dpa'i 'chal pa'i tshul khrims nas le lo'i bar du 'gyur ro/ /lha'i bus 'jam dpal gzhon nur gyur pa la 'di skad ces smras so/ /ci 'jam dpal khyod byang chub sems dpa'i 'dul ba la bslabs sam/ 'on te nyan thos kyi 'dul ba la bslabs/ 'jam dpal gyis smras pa/ lha'i bu 'di ji snyam du sems/ rgya mtsho chen por mi lom pa'i chu gang yang yod dam/ lha'i bus smras pa/ chos thams cad shin tu mi 'byung bar mnyam pa nyid ces bya ba gang gi tshig bla dgas yin/ 'jam dpal gyis smras pa/ lha'i bu de ni don dam pa sna tshogs med pa'i tshig bla dgas so/ /smras pa/ chos thams cad shin tu mi 'byung bar mnyam pa la/ ci'i phyir sna tshogs su snang / lha'i bu chos thams cad shin tu mi 'byung bar mnyam pa la/ don dam par rdzas dang / dngos po dang / ngo bor yongs su rdzogs pas de dag don dam par sna tshogs su spyod do/ /de dag don dam par sna tshogs su spyod pa la/ dmigs pa'i lta ba mang du 'gyur ro/ /de dmigs pa'i lta ba mang pos 'gro ba rnam pa tha dad pa rnams su dbang med par 'khyam mo/ /gang lha'i bu chos thams cad shin tu mi 'byung bar mnyam pa la/ don dam par ngo bo dang / rdzas dang dngos por yongs su mi rtogs na de dag don dam par sna tshogs su mi spyod do/ /de dag don dam par sna tshogs su mi spyod na/ don dam par shin tu dngos po med par 'gro ba'i tshul gyis don dam par chos thams cad shin tu ma skyes pa'i mnyam pa nyid dang / mnyam par khong du chud par 'gyur ro/ /kun rdzob tu ni rtog pa ni nyon mongs pa rnams kyi sgo'o/ /mi rtag pa ni nyon mongs pa med pa'i sgo'o/ /byang chub kyi sems ni sangs rgyas kyi chos thams cad kyi sgo'o/ /shes rab kyi pha rol tu phyin pa ni mya ngan las 'das pa'i sgo'o/ /kun rdzob tu sha'i mig gis sems can dang sangs rgyas kyi zhing mthong / lha'i mig gis sems can gyi 'chi 'pho dang skye ba mthong / shes rab kyi mig gis sems can gyi sems kyi spyod pa dang / g.yo ba shes/ chos kyi mig gis chos thams cad yang dag pa ji lta ba bzhin mthong / sangs rgyas kyi spyan gyis sangs rgyas kyi mdzad pa thams cad mdzad kyang / don dam par ci yang mi shes mi byed do/ /rnam par gtan la dbab pa'i rgyal po'i mdo las 'byung ba/ kun dga' bo 'di lta ste dper na/ u dum bA ra'i me tog ni sangs rgyas skye ba dang dus gcig tu 'byung ste/ kha dog dang ldan zhing gsal te/ bzang la dris ni dpag tshad gcig /khor yug tu khyab par byed do/ /me tog des ni rab rib med par byed/ /dran pa yongs su sbyong bar byed/ /nad kyang rab tu zhi bar byed do/ /'khor los sgyur ba'i rgyal po la yang de mi 'byung na/ tshul khrims 'chal pa la smos kyang ci dgos/ me tog de lta bu de gang du skye zhe na/ rtogs pa brjod pa las 'byung ba mtsho chen po ma dros pa'i byang phyogs na ri rab rtse lnga ba zhes bya ba de'i pha rol na u dum pa'i tshal yod de/ nam bcom ldan 'das dga' ldan nas babs te lhums su zhugs pa de'i tshe/ tshal de'i kha 'bu bar 'gyur ro/ /bltams pa'i tshe kha 'bye bar 'gyur ro/ /mngon par sangs rgyas pa'i tshe me tog rgyas par 'gyur ro/ /tshe'i 'du byed bor ba'i tshe rnyings par 'gyur ro/ /mya ngan las 'da' ba'i tshe me tog dang / lo ma la sogs pa lhags par 'gyur ro/ me tog de'i tshad ni shing rta'i 'phang lo tsam mo/ /nam sangs rgyas rgyal rigs su skyes pa de'i tshe/ me tog dkar po rab tu byung / nam bram ze'i rigs su skyes pa de'i tshe ser por 'gyur ro/ /bskal pa bzang po'i mdo las/ bskal pa bzang po 'di'i 'og tu sangs rgyas med pa'i bskal pa drug cu 'byung ngo / /de'i 'og tu bskal ba snyan pa chen po la sangs rgyas khri 'byung ngo / /de'i 'og tu bskal pa khrir sangs rgyas mi 'byung ngo / /de'i 'og tu bskal ba skar ma lta bu la/ sangs rgyas brgyad khri 'byung ngo / /de'i 'og tu bskal pa sum brgyar sangs rgyas mi 'byung ngo / /de'i 'og tu bskal pa yon tan bkod pa la sangs rgyas brgyad khri bzhi stong 'byung ngo / /yang dag par ldan pa'i lung las/ mi'i lus thob par dka' ba gnya' shing dang rus sbal gyi dpe 'byung ngo / /'od srungs kyi le'u las/ 'od srungs dper na zla ba tshes pa la phyag bya ba de ltar zla ba nya ba la ma yin no/ /de bzhin du gang dag nga la rab tu dang ba de dag gis byang chub sems dpa' la phyag bya'i de bzhin gshegs pa rnams la ni ma yin no/ /de ci'i phyir zhe na/ byang chub sems dpa' las ni de bzhin gshegs pa skye'o/ /de bzhin gshegs pa las ni nyan thos dang rang sangs rgyas thams cad skye'o/ /chos yang dag par sdud pa las/ byang chub tu yongs su bsngos pa'i dge ba'i rtsa ba rgya mtshor chu thigs ltung ba bskal pa ma byung gi bar du mi 'byung ba'i dper bstan pa 'byung / dad pa'i stobs bskyed pa la 'jug pa'i phyag rgya las/ 'jam dpal la la zhig gis 'jig rten gyi khams thams cad kyi rdul phra rab kyi rdul snyed kyi sems can rnams kyi dge ba'i rtsa ba'i bar chad byas pa bas ni/ gzhan zhig gis dge bsnyen/ ston pa gzhan la mi rtog pa'i dge ba bcu'i las kyi lam dang ldan pa gcig gi dge ba'i rtsa ba gcig gi bar chad byas na/ des sdig pa grangs med par bskyed do/ /dge bsnyen de snyed kyi dge ba'i bar chad byas pas/ dge slong gcig gi bar chad byas na de bas sdig pa grangs med par skyed do/ /dam pa'i chos dran pa nye bar gzhag pa'i mdo las/ rigs kyi bu mo chos bcu po 'di dag ni/ bsam gtan dang / kha don gyi bar du gcod pa yin te/ bcu ni/ 'du 'dzi'i gtam nyan pa dang / ri mo 'dri ba dang / stan dang / gos sbyor ba dang / gza'i tshogs dang / rgyu skar sems pa dang / zas rnyed pa bdag gir byed pa dang / sha za mo lha'i rnam par bsgyur ba sems pa dang / rgyal po la brten pa dang / mkhas pa rnams la mi 'dri ba dang / de ba la mgron du 'bod pa dang / 'dre zhing gnas pa'o/ /ma 'dres pa'i mdo las 'byung ba/ thams cad mkhyen pa'i sems bskyed pa'i bar du gcod pa ni gnyis te/ g.yo dang sgyu med pa'o/ /de'i gzhi yang drang po dang g.yo med pa'o/ /don dam pa'i mchod pa la yang rtag tu brtson par bya ste/ byams pa seng ge'i sgra las/ sangs rgyas su 'du shes pa dang / sangs rgyas mthong ba yang med na/ sangs rgyas mchod par 'gyur ba lta ci smos/ de yang sangs rgyas mchod pa gang zhe na/ gang 'du shes kyi mtshan ma mi bskyed pa'o/ /de bzhin gshegs pa skye ba 'byung ba'i mdo las/ kye rgyal ba'i sras de bzhin gshegs pa 'byung ba zhes bya ba 'di ni/ sems can yongs su tshim par bya ba'i tshig go/ /yongs su mya ngan las 'das pa zhes bya ba ni/ sems can skyo ba bskyed pa'i tshig go/ /de bzhin gshegs pa rnams ni skye ba med do/ /yongs su mya ngan las mi 'da'o/ /de ci'i phyir zhe na/ de bzhin gshegs pa ni chos kyi dbyings la bzhugs pa'i phyir te/ sems can gyi bsam pa yongs su bskang bar bya ba'i phyir/ mya ngan las 'das pa ltar snang ngo / /sangs rgyas mya ngan las 'das pa ni rang gi de ltar mthong ste/ snod chag pa'i chu lta bu dang / 'byung ba yang snod bzang po chu dang ba bzhin no zhes bya ba yang 'byung ngo / /'phags pa nA gardzu nas bka' stsal pa/ theg pa gcig la mos pa'i sems can de dag ni shin tu rnyed par dka' ste/ theg pa gcig tu zad par ni mdo sde du ma las gsungs pa'i phyir ro/ /'phags pa bden pa'i le'u las/ 'jam dpal de bzhin gshegs pas la la la ni nyan thos kyi theg pa/ la la la ni rang sangs rgyas kyi theg pa/ la la la ni theg pa chen po bshad par gyur na/ de ni de bzhin gshegs pa'i sems yongs su ma dag par 'gyur te/ ngas chos la dpe mkhyud byas par yang 'gyur ro/ /'jam dpal ngas sems can rnams la chos gang dang gang bstan pa de dag thams cad ni 'di lta ste/ thams cad mkhyen pa'i ye shes 'thob par bya ba'i phyir/ byang chub la gzhol ba/ theg pa chen po la bab pa/ thams cad mkhyen pa nyid sgrub pa/ yul gcig tu yang dag par phyin par byed pa ste/ de bas na nga la theg pa rnam par dgod pa med do/ /theg pa rnam par dgod pa zhes bya ba ni/ de bzhin gshegs pas sa rnam par dgod pa mdzad pa de ni gang zag rnam par dgod tshogs su chung ngu dang tshad med pa rnam par dgod pa mdzad pa ste/ chos kyi dbyings tha dad pa med pa'i phyir/ 'di la theg pa tha dad pa med de/ 'di ni kun rdzob tu 'jig pa bstan pa'i sgo tsam du brjod pa'o/ /shes rab kyi pha rol tu phyin pa las/ lha'i bu gang bla na med pa yang dag par rdzogs pa'i byang chub tu sems ma bskyed pa de dag gis/ bla na med pa'i byang chub tu sems bskyed par bya'o/ /gang dag yang dag pa nyid du nges par zhugs pa de dag ni/ byang chub tu sems bskyed pa'i mthu med do/ /de ci'i phyir zhe na/ de dag gis 'khor ba'i rgyun gyi mtshams bcad pa'i phyir ro/ /de dag gal te bla na med pa'i byang chub tu sems bskyed na ni/ nga yang rjes su yi rang zhing / de dag gi dge ba'i rtsa ba la bar chad mi byed do/ /khyad par du 'phags pa bas kyang shin tu 'phags pa'i chos la lhag par dmigs pa bya'o/ /gzungs kyi dbang phyug rgyal pos zhus pa dang / 'dus pa chen po dang / phyir mi ldog pa'i 'khor lo dang / dpal gyi phreng ba seng ge'i sgra dang / lang kar gshegs pa las/ theg pa gsum gcig tu 'du bar 'byung / dpal gyi phreng ba'i seng ge'i sgra las/ dam pa'i chos zhes bya ba ni theg pa chen po'i tshig bla dgas so/ / de ci'i phyir zhe na/ nyan thos dang rang sangs rgyas dang / 'jig rten las 'das pa'i dge ba'i rtsa ba thams cad kyang / theg pa chen pos rab tu phye ba'i phyir ro/ /zla ba'i snying po'i mdo las/ don dam pa'i bden pa ni bla na med pa yang dag par rdzogs pa'i byang chub ste/ nyan thos dang rang sangs rgyas thams cad dang thun mong ma yin no/ /de bas na kun rdzob kyi bden pa gang gis kyang / bla na med pa yang dag par rdzogs pa'i byang chub tu dge ba'i rtsa ba'i tshogs kyi mchog sgrub mi nus so/ /zla ba'i snying po dper na me stag gang gis kyang rgya mtsho chen po skems par mi nus so/ /de bzhin du kun rdzob kyi bden pa gang gis kyang / rang gi nyon mongs pa'i rgya mtsho skems par yang mi nus na/ sems can gzhan gyi lta smos kyang ci dgos/ /byang chub sems dpa'i sde snod las/ 'phags pa yang dag pa'i lta ba 'byung ba ni rgyu gnyis te/ gzhan gyi sgo dang bdag nyid kyis tshul bzhin yid la byed pa'o/ /'jam dpal rnam par sprul pa'i le'u las/ lha'i bu yi ge rnams kyi ye shes de bstan pa de ni de bzhin gshegs pa rnams kyi thabs yin te/ ye shes de ni yi ge med pa'o/ /dper na me ma gtsubs pa las me mi 'byung gi/ gtsubs pa las me 'byung ba de bzhin du/ de bzhin gshegs pas thog ma kho nar sangs rgyas kyi ye shes rgya cher yang dag par bstan na/ sems can gang gis kyang kun shes par mi 'gyur bas/ de bzhin gshegs pas gtsub shing gi gtam gyis/ ye shes de bstan te ye shes ni yi ge med pa'o/ /smras pa/ 'jam dpal gtsub shing gi gtam gang yin/ 'jam dpal gyis smras pa/ lha'i bu sdom pa dang / yo byad bsnyungs pa dang / pha rol tu phyin pa dang / byang chub kyi phyogs kyi chos la 'jug pa'i gtam yin no/ /'phags pa nA gardzu nas bshad pa thabs la mkhas pa dang bral bar chos nyid zab mo la sbyor bar mi bya ste/ de bzhin gshegs pa'i yon tan dang ye shes bsam gyis mi khyab pa'i yul la 'jug par bstan pa las/ 'jam dpal la la dag gis mngon par sangs rgyas nas lo bcu lon pa dang / la la dag gis yongs su mya ngan las 'das nas lo bcu lon pa dang / la la dag gis ni byang chub kyi snying por byon pa dang / la la dag gis bcom ldan 'das shAkya thub pa'i bstan pa nub par shes so/ /de bzhin du rnam pa sna tshogs su shes so/ /mya ngan las 'das pa chen po las/ stong gsum gyi stong chen po'i 'jig rten gyi khams na 'khod pa'i sems can thams cad kyang gcig la gcig pu gcig pa bzhin byams par byed do/ /'dod chen po rnams ni ma gtogs so/ /de bzhin gshegs pa 'dus byas so zhes zer ba de dag ni brdzun du smra ba ste/ rang gi khyim dang 'dra bar sems can dmyal bar 'gro bar 'gyur ro/ /dam pa'i chos sun phyung yang rung / 'dod chen po yang rung ste gsad du mi rung ngo / /rgyu sogs pa'i srog gcod pa ni byed mi phod do/ /zhing ngam khyim gyi nang du dug shing ngam/ snye long skyes na rtsa nas gdon dgos pa ltar/ tshul khrims 'chal pa dang / dam pa'i chos sun 'byin pa rnams ni bran bzhin tshar gcad par ngas gnang ngo / /de bzhin gshegs pa ni rtag pa dang brtan pa yin par khong du chud bar gyis shig /'jig rten 'di ni sprul pa'i lus ma yin te/ de de bzhin gshegs pa dug sman la brten pa'i sku yongs su 'dod par mdzad do snyam du shes par gyis shig / tshul khrims 'chal pa gang dag yin pa de dag ni khyim bdag mgo reg ces bya'o/ /dge bsnyen gyi bslab pa'i gzhi lnga gzung bar mi bya ste/ mtshon cha thogs nas dge slong bsrung bar bya'o/ /de bzhin gshegs pa mya ngan las 'das nas dus ngan pa'i tshe mu ge'i nyes pas phal cher rab tu byung zhing mgo reg tu gyur te/ de dag gis dge slong tshul khrims dang / yon tan dang ldan pa dag skrod par 'gyur/ gsod par 'gyur/ dge 'dun rnam pa gsum ste/ tshul khrims 'chal pa dang / byis pa dang / rang bzhin gyi dge 'dun no/ /bud+d+ha dpyid zla tha chungs nya'i nang bar du mya ngan las 'das te/ da phyin chad nga'i nyan thos rnams sha za bar mi gnang ngo / /sha za na ni byams pa chen po chad par 'gyur ro zhes ngas bstan to/ /rigs kyi bu yang rung ba ma yin pa'i 'bras 'tshed pa dang / sha dang nya sha len pa dang / snabs su sbyor ba dang / 'bru mar gyi snod dang / gdugs dang / lha byed pa dang / rgyal po la brten pa dang / mo yig 'chad ba dang / sman dpyad la brtson pa dang / bran dang gser la sogs pa len pa dang / ri mo dang / gzugs byed pa dang / skye shing 'dzugs pa dang / gsang sngags dang / sman dang / byis pa'i rtsed mo dang / gar thabs kyi yan lag dang / 'gros 'chos pa dang / sgeg pa'i yan lag la brtson pa dag 'byung bar 'gyur te/ de dag spangs pa la dge slong zhes zer ro/ /'dzam bu'i gling la lar ni bud med kyi gzugs kyis 'tshang rgya bar ston/ 'dzam bu'i gling la lar ni bdag nyid khams bzhi po rnams su sgyur bar byed cing / sems can rnams kyi nad bsal bar bdag nyid sman dang shing thams cad du sgyur bar byed do/ /de bzhin gshegs pa ni gsor mi rung ba'i nad 'dod chen po ma gtogs par nad thams cad gso bar mdzad do/ /gang mya ngan las 'da' ba de dag gso ba yin no/ /de bzhin gshegs pa ni sha'i sku yin te/ bud shing zad pa'i me bzhin du yongs su mya ngan las 'das so zhes bya ba 'di ni/ nyan thos kyi theg pa yin te tshad ma ma yin no/ /dge slong rnams kyis ni thog mar dge sbyong gi chos kyis grog spur rnams la yang snying rje bya'o/ /dge sbyong gi chos kyis chang gi ro bro ba'i btung ba yang dag par spang bar bya'o/ /rmi lam du yang brdzun du smra ba dang / bud med dang phrad pa'i sems bskyed par mi bya'o/ /sangs rgyas kyi gsung ni dbu ma'i lam yin par shes par gyis shig /sangs rgyas kyis na rtag pa dang chad pa gnyis ka'i mtha' spangs pa/ dbu ma'i lam du gsungs so/ /rigs kyi bu bsod nams thams cad bsdus pa'i mdo dang / shes rab kyi pha rol tu phyin pa'i mdo chen po las/ gnyis su med pa la 'jug pa'i snang ba dang / de nyid bdag yod pa dang / bdag med pa gnyis su med par ngas bstan pa de rjes su dran par gyis shig /de bzhin gshegs pa'i snying po thog mnas bcos ma ma yin la/ nyon mongs pa ni glo bur ba yin te/ sangs rgyas su 'gyur bar 'dod pas/ nyon mongs pa rnams gzhom par bya'o/ /sa bcu thob par byang chub sems dpa' rnams kyis kyang legs par brtags nas/ rang gi lus la de bzhin gshegs pa'i snying po byas pa ma yin par yod par 'ol byir mthong bar zad do/ /nyan thos dang rang sangs rgyas thams cad kyis kyang / mya ngan las 'das pa chen po'i mdo'i tshul gyis bdag gi lus la de bzhin gshegs pa'i snying po yod par yid ches par bya ste/ legs par smras pa chos dang 'tsham pa ni 'jig rten pa yin yang / 'jig rten las 'das pa yin par rig par bya'o/ /bstan bcos sam/ rigs sngags sam/ gsang sngags gang ci yang rung ba thams cad ni rdzogs pa'i sangs rgyas kyis bshad pa yin par shes par gyis shig /bcom ldan 'das kyis yi ge phyi mo ji ltar bka' stsal lags/ bka' stsal pa yi ge'i phyi mo dang chos thams cad ni sprul pa ste/ de yang dam pa'i chos kyi tshul gyis yi ge phyi mo bslabs na/ chos dang chos ma yin pa bye brag phyed par 'gyur ba'i phyir ngas sprul pa yin gyi/ chos ma yin pa'i phyir ni ma yin no/ /'phags pa gang dag yin zhe na/ 'phags pa ni byung ba gang / chags pa med pa dang / rung bas chog par 'dzin pa dang / sems can srid pa'i mtsho las sgrol ba ni 'phags pa zhes bya'o/ /rigs kyi bu'am rigs kyi bu mo la zhugs pa ni 'phags pa ste/ dge slong tshul khrims dang ldan pa yang 'phags pa zhes bya'o/ /de bzhin gshegs pa'i sku la ni/ bsags pa'i khams kyi bag kyang ma mchis/ rigs kyi bu nga 'das nas lo bzhi stong gi bar du 'dzam bu'i gling du spyod par 'gyur te/ de'i rjes la sa'i 'og tu nub par 'gyur ro/ /nga'i chos kyi mjug lo brgyad cu lus par 'gyur te/ chos nub tu cha ba na yongs su mya ngan las 'das pa chen po'i mdo sde chen po 'dzam bu'i gling du 'byung bar 'gyur te/ lo bzhi bcu'i bar du chos kyi char phab nas nub par 'gyur ro/ /rgan nam yang na gzhon yang rung / /gang las chos ni rtogs 'gyur ba/ /dbang chen lha yi bya ba bzhin/ /de la bkur sti phyag kyang bya/ /zhes bya ba ni ma 'ongs pa'i dus kyi byang chub sems dpa' rnams kyi phyir ngas bstan pa yin gyi/ nyan thos rnams kyi phyir ni ma yin no/ /kha cig ni zla ba phyed yin par 'dzin te/ zla ba ni phyed du 'gyur zhing lhag pa yang med de/ zla ba ni ri rab kyi rkyen gyis de ltar snang bar zad do/ /rigs kyi bu gzhan yang dper na zla ba dang lha ma yin gyi dbang po sgra gcan phrad pa'i tshe/ 'jig rten rnams kyis zla ba gzas zin to snyam du 'dzin te/ sgra gcan ni zla ba la 'dzin par yang mi byed la/ des ni de la gza' bar yang mi nus te/ sgra gcan gyi lag pas zla ba bsgribs nas 'od mi snang bar byed par zad de/ zla ba la rma yang med/ nyon mongs pa yang med do/ /mi rnams kyis ni zla ba sdug bsngal zhing 'dug par 'dzin to/ /zla ba ni rang bzhin kho nar 'dug bzhin du/ bdag nyid sgra gcan dang lhan cig 'dug ste/ 'di ni 'jig rten gyi chos nyid do/ /de bzhin gshegs pa ni 'jig rten gsum du yang dag par snang ste/ 'di ni sangs rgyas rnams kyi chos nyid do/ /rigs kyi bu dper na zla ba yar gyi ngo yang ma yin/ mar gyi ngo yang ma yin pa gnam stong gnyis par nyi ma dang zla ba med pa'i skabs su/ gza' mjug rings shar nas kun gyis ma tshor bar skad cig kho na la mi snang bar 'gyur ro/ /de bzhin du rang sangs rgyas rnams kyang sangs rgyas mi bzhugs pa'i tshe byung nas/ sems can mang po dam pa'i chos la bkod nas mi snang bar 'gyur ro/ /'dod chen po rnams la yang de bzhin gshegs pa'i snying po yod mod kyi/ 'on kyang g.yang sa shin tu lkugs par 'dug go/ /dper na dar gyi srin bu rang nyid kyis kun nas dkris nas/ sgom btod pas phyir 'byung mi nus pa de bzhin du de bzhin gshegs pa'i snying po yang de'i las kyi nyes pas 'dod chen po'i khong nas 'byung bar mi nus so/ /rigs kyi bu gzhan yang bud med ji ltar mi bzod pa nyon cig / bud med ni gal te skyes pa gang gA'i klung gi bye ma snyed dam/ gtam snyed dam/ dkrigs snyed dang lhan cig 'dod pa zhen par spyod kyang / sbrang bu'i gcin gyis rgya mtsho brlan cing ngoms par mi 'gyur ba de bzhin du/ bud med rnams ngoms par mi 'gyur ro/ /mdo chen po 'di yang lho phyogs su song nas/ yongs su mya ngan las 'das pa chen po'i dgongs pa'i tshig gi char 'bebs so/ /de nas lho phyogs kyi byang chub sems dpa' sems dpa' chen po rnams kyis dam pa'i chos 'jig par shes nas dgun gyi dus dang nye bar gyur pa'i sprin bzhin du kha che'i yul du song nas/ sa la nub par gyur te/ theg pa chen po'i mdo sde shin tu rgyas pa bdud rtsi'i mchog gi dam pa'i chos thams cad nub par 'gyur ro/ /gsol pa/ 'dod chen po ji lta bu lags/ bka' stsal pa/ dge slong ngam/ dge slong ma'am/ dge bsnyen nam/ dge bsnyen ma yang rung ste/ tshig ngan pas mdo sde spangs nas/ phyis bzod pa gsol bar yang mi byed pa gang yin pa de lta bu ni/ 'dod chen po'i lam du zhugs pa yin no/ /pham pa bzhi dang / mtshams med pa lnga byed pa de dag bdag cag 'jigs pa'i lam du zhugs pa yin no snyam du shes kyang / 'jigs par mi lta la/ dam pa'i chos 'byung ngo snyam du mi sems shing de nyid kyi bsngags pa ma yin par yang rjod par byed pa de dag kyang der zhugs pa yin no/ /dkon mchog gsum med do zhes zer ba de dag kyang der zhugs pa yin no/ /mchog tu tshul khrims 'chal pa la byin pa ni 'bras bu cung zad kyang med do/ /'bras bu chen po 'chags shing bzod pa gsol ba'i sems bskyed pa ni mi srid do/ /chad pa dag gis thams cad skrag /kun la srog ni phangs pa yin/ /bdag gi nyams las dpag bya zhing / /brdeg par mi bya gsad mi bya/ /gser 'od dam pa las/ sgrib pa thams cad dang bral zhing / /dge ba'i chos thams cad rdzogs pa'i phyir/ de kho na nyid dang yang dag pa'i ye shes ni chos kyi sku'o/ /kun gzhi rnam par shes pa gnas gyur ba ni chos kyi sku'o/ /nyon mongs pa can gyi yid gyur pa ni longs spyod rdzogs pa'i sku'o/ /'jug pa'i rnam par shes pa gyur pa ni sprul pa'i sku'o/ /dung phreng gi mdo las/ de bzhin gshegs pa'i snying po gsal bar ma gyur pa'i tshe ni kun gzhi zhes bya'o/ /gsal bar gyur pa'i tshe ni chos kyi sku zhes bya'o/ /stug po bkod pa las/ sems ni rnam pa gnyis dngos su/ /gzung dang 'dzin par snang ba ste/ /bum pa snam bu la sogs pa'i/ /lus ni gang yang yod ma yin/ /gser mdog gi sngon gyi sbyor ba las/ gang rang sangs rgyas kyi lus kyis chos ston pa ni chos nyid yin te/ tshig gis ni ma yin no/ /bcom ldan 'das rang sangs rgyas/ stug po bkod pa las/ 'di ltar snang ba ci yang rung / /mtshan ma gzugs su snang ba las/ /bag chags yod par kun gzhi ste/ /sa rnams kun na gzugs ltar gnas/ /ji ltar 'o ma gyur pa dang / /yon tan zho dang dar bar snang / /de bzhin kun gzhi rnam shes kyang / /rnam par gyur na gzugs ltar snang / /gzugs kyi yon tan ldan pa'i gzugs/ /kun gzhi gzugs ltar gnas pa ste/ /ji ltar byis pas brtags pa bzhin/ /gzugs ni gud na yod ma yin/ /sa la gzugs rnams yod pa dang / /lha yul gnas pa'i khyim rnams kyang / /rnam pa sna tshogs gang snang ba/ /de ni kun gzhir gyur pa yin/ /kun gzhi kun du lag pa ste/ /kun tu kha mig mgo yang yin/ /rim ma ma yang na cig car du/ /sa rnams log par rab tu gnas/ /ri rab tsam du gyur pa yi/ /bdag tu lta ba mi gnod kyi/ /stong nyid lta la gnod pa ni/ /nga rgyal mi bden brtags pa'o/ /rnal 'byor spyod pas stong pa nyid/ /gnas ma yin par spyad mi bya/ /gnas min gal te spyad gyur na/ /bdud rtsi dug tu 'gyur ba bzhin/ /lta ba ji snyed gang yang rung / /lus can rnams la yod pa yin/ /lta ba rnam par spang ba'i phyir/ / stong pa nyid kyi tshul bstan to/ /stong pa nyid kyi lta thos nas/ /la la'i lta ba mang zhig ni/ /gsor mi rung ba'i lta can te/ /sman pas btang ba'i nad bzhin te/ /ji ltar bsreg bya tshig pa'i me/ /bsreg bya med pas mi gnas so/ /de bzhin bsreg bya lta tshig na/ /stong nyid me yang 'gag par 'gyur/ /lta ba 'gags pa'i dus su yang / /yang dag ye shes me 'byung ste/ /nyon mongs bsregs nas rnam par mdzes //sems ni rnam pa gnyis dngos su/ /gzung dang 'dzin par snang ba ste/ /bum pa snam bu la sogs pa'i/ /yul ni gang yang yod ma yin/ /rnam par shes pa'i spyod yul gang / /'di ltar snang ba ci yang rung / /rnam par shes par gyur pa ste/ /bum pa la sogs ma yin no/ /'di ltar nor ba snang ba gang / /bum pa la sogs ci yang rung / /de ni kun gzhi gyur pa ste/ /snang ba nor ba'i mtshan nyid do/ /'phags pa dpal sbas zhes bya ba'i mdo las/ bram ze de ni lus thams cad nas me byung ste/ tshig nas tshig go zhes smras te/ sems can dmyal ba chen por ltung ngo / /de la bram ze'i khye'u chos 'dod kyis 'di skad ces smras so/ /slob dpon ma bsnyengs shig /bdag gis khyod bskyab par bgyi'o/ /de nas bram ze'i khye'u chos 'dod kyis/ bdag sems can rnams kyi don du byang chub la spyod pa'i bden pa dang / bden pa'i tshig des 'di'i sems can dmyal ba zhi bar gyur cig ces byas pa dang / de ma thag tu bram ze de sems can dmyal ba nas thar to/ /spobs pa'i rgyan bkod pa las/ de bzhin du gzugs nas byang chub kyi phyogs sum cu rtsa bdun gyi bar du/ sangs rgyas kyi zhing gzhan na ming sna tshogs su bya ba dpag tu med de rnam grangs 'di ni/ ming thams cad ni yang dag pa ma yin pa kun du rtog pa yin par rig par bya'o/ /tshe dang ldan pa rab 'byor gyis smras pa/ gal te bdag sems rnam par grol bar ma gyur na/ bdag kyang bla na med pa yang dag par rdzogs pa'i byang chub tu sems bskyed par 'gyur na da ci byar yang med do/ /bkres pa ni nyes pa med kyi/ dug dang 'dres pa'i zas zos pa ni de lta ma yin no/ /de bzhin du byang chub sems dpas nyan thos kyi theg pa ni mthos kyang bla'o/ /byang chub sems dpa'i rgyan ni rgyan te/ byang chub kyi sems mi brjed pa'i rgyan dang / snying rje chen po'i bsam pa la gnas pa'i rgyan dang / sems can kun la sems thogs pa med pa'i rgyan dang / chos nyan pa tshol bas chog mi shes pa'i rgyan dang / ji ltar thos pa'i chos rnams chub par byas nas/ tshul bzhin so sor rtog cing dpyod pa'i rgyan dang / sems can yongs su smin par byed kyang / chos thams cad la mi dmigs pa'i rgyan dang / /chos zab mo la rnam par sems shing rten cing 'brel par 'byung ba dang / sems can gyi dbang po mchog dang mchog ma yin pa shes pa'i rgyan dang / sangs rgyas kyi byin gyi rlabs la thabs la mkhas pas rgyan no/ /sangs rgyas phal po che las/ sangs rgyas spyod yul ting nge 'dzin las skyes/ /de nas sangs rgyas kyi byin gyi rlabs kyis/ 'jig rten gyi khams me tog gi rgyan gyis brgyan pa'i gzhi dang / snying po rgya mtsho thams cad rab tu g.yos so/ /yang dag sangs rgyas chos kyi sku/ /rnam dag nam mkha' 'dra ba ste/ /gzugs kyi sku yang rab brtan cing / /chos nyid 'di la shin tu 'jug /skad cig sems kyis dus gsum 'byung ba yi/ /zhing 'byung tshul dang 'jug pa kun kyang ston/ /sangs rgyas rnams kyis dus gsum zhing bstan pa/ /rnam par snang mdzad rgya mtsho zhing mi zad/ /zhing rnams ring dang thung dang gling gi gzugs dang rnam pa sna tshogs te/ /chos dbyings mnyam zhing rnam par 'byam klas mig yor sgyu ma dang yang 'dra/ /mig 'phrul rnam phye rnam dag dri med sems kyis shin tu bskyed pa ste/ /nam mkha'i dbyings rnams sna tshogs rgyan gyi snying po gnas 'gyur 'di la snang / /rin chen 'od 'phro 'byung ba'i zhing / /'od 'phro'i sprin gyis mngon khebs shing / /rin chen thams cad sna tshogs ldan/ /thams cad las kyi sprul pa yin/ /rgya mtsho sems las byung ba yi/ /zhing rnams mod pa'i yid la gnas/ /ye nas mi gnas smig rgyu bzhin/ /yongs su rtogs par yang dag bskyed/ /bsam gtan tshul dang rnam thar sa sbyang zhing / /zhing rnams rgya mtsho sna tshogs yangs pa 'byung / /yid bzhin rin chen rgyal po rnams/ /kha dog kun du snang ba ltar/ /sems can bsam pa rnam dag pas/ /de bzhin zhing rnams rab tu snang / /klu yi rgyal po'i sprin gyi gnas/ /nam mkha'i dbyings la ston pa ltar/ /de bzhin sangs rgyas smon lam gyis/ /zhing gi rnams ni 'byung ba yin/ /sems can lus kyi rnam pa dag /ji ltar sems kyis brtag pa ltar/ /de bzhin zhing gi rnam pa yang / /thams cad las kyis rnam par bris/ /ji ltar gzhan dang gzhan gzugs su/ /sems can rnams kyi bsam pa bzhin/ /mgon po rnams ni snang ba ltar/ /de bzhin zhing rnams snang ba'o/ /sgyu ma'i mkhan po sngags dag gis/ /sgo rnams sna tshogs ston pa ltar/ /de bzhin sems can las rnams kyis/ /bsam gyis mi khyab cing 'byung ngo / /ji ltar ri mo gzugs kyi rnams/ /ri mo'i las kyis bris pa ltar/ /de bzhin zhing rnams 'di dag kun/ /sems kyis ri mor bris pa yin/ /gling byang chub kyi rgyal mtshan de na grong rdal mdzod mtha' yas pa zhes bya ba khang pa brtsegs pa'i dbyings su 'dug pa/ grong rdal 'jig rten gyi khams rgya mtsho bcu'i rdul shin tu phra rab snyed kyi 'khor dang ldan pa yod de/ grong rdal mdzod mtha' yas pa zhes bya ba de ni/ de bzhin gshegs pa'i dgongs pa'i phyir/ rgya mtsho 'jig rten gyi khams rgya mtsho bcu'i rdul shin tu phra rab snyed phun sum tshogs pa dang ldan pa'o/ / de bzhin gshegs pa'i dgongs pa'i phyir yang re re zhing yang ting nge 'dzin gyi 'obs rgya mtsho 'jig rten gyi khams rgya mtsho bcu'i rdul shin tu phra rab snyed kyis yongs su bskor ba'o/ /ting nge 'dzin gyi 'obs rgya mtsho de dag re re zhing yang / /de bzhin gshegs pa zhi gnas kyi chu rgya mtsho 'jig rten gyi khams rgya mtsho bcu'i rdul shin tu phra rab snyed kyis yongs su dag pa'o/ /de bzhin gshegs pa'i zhi gnas kyi chu rgya mtsho de dag re re zhing yang / de bzhin gshegs pa'i ye shes dang / yon tan gyi me tog ut+pa la dang / pad+mo dang / ku mu da dang / puN+Da rI ka 'jig rten gyi khams rgya mtsho bcu'i rdul shin tu phra rab snyed kyis yongs su gang ba'o/ /grong rdal mdzod mtha' yas pa de ni/ sems rin po che shin tu rnam par dag pa'i pha gu/ rgya mtsho 'jig rten gyi khams rgya mtsho bcu'i rdul phra rab snyed la sogs pa yin no/ /de nyid na'ang shAkya thub pa zhes bya bar rab tu shes so/ /rnam par snang mdzad ces bya bar rab tu shes so/ /sems can de dag thams cad kyang / /phung po lnga las shin tu brjod/ /de rnams las kyi phung chen yin/ /las kyi rtsa ba sems yin te/ /sems ni sgyu ma bzhin du bshad/ /sgyu mar gyur pa 'gro ba 'di'o/ /sems ni ri mo mkhan dang 'dra/ /sems ni phung po byed pa ste/ /'jig rten khams ni ji snyed pa'i/ /'jig rten 'di dag sems kyis bris/ /gang zhig dus gsum thams cad kyi/ /rgyal ba thams cad shes 'dod na/ /sangs rgyas thams cad sems kyi dngos/ /chos kyi dngos su blta bar gyis/ /'dus byas kyi chos rnams gang zhe na/ 'di lta ste/ 'dod pa'i khams dang / gzugs kyi khams dang / gzugs med pa'i khams dang / sems can gyi khams rnams te/ 'di dag ni 'dus byas kyi chos so/ /'dus ma byas kyi chos rnams gang zhe na/ nam mkha' dang mya ngan las 'das pa dang / so sor brtags te 'gog pa dang / so sor ma brtags par 'gog pa dang / rten cing 'brel bar 'byung ba dang / chos kyi gnas nyid de/ 'di dag ni 'dus ma byas kyi chos so/ /las sna tshogs kyis mngon par 'dus byas pa/ nam mkha'i khams dang 'jig rten gyi khams thams cad kyis yongs su bsdus pa/ 'jig rten gyi khams phyogs gzhan dang gzhan gyi rjes su song bar rab tu gnas pa/ sangs rgyas kyi zhing thams cad du ye shes kyi ri bo shin tu 'phags shing rnam par dag pa'i rin po che'i ri bo grangs med pa kun du gsal bar gyur cig / ye shes kyi phung pos grub pa'i rin po che'i 'od kyi phung po grangs med pa kun nas gnas par gyur cig /ye shes kyi mar mes yongs su grub pa'i rin po che'i mar me grangs med pa kun nas gnas par gyur cig /ye shes kyi snang ba kun du gtong ba'i rin po che'i lo ma dang ldan pa grangs med pa kun nas gnas par gyur cig / gzhung de ltar rin po che ji lta ba bzhin du yongs su bsngo ba yang khong du chud par bya ste/ ye shes kyis spos chags pa med pa'i mthar thug pa'i spos kyis/ yid kyi las rgya chen po yongs su dag pa tshad med pa kun nas gnas par gyur cig / de bzhin du me tog thams cad kyi me tog gi rgyan bsam gyis mi khyab pa kun du gnas par gyur cig ces bya ba nas/ ye shes kyi me tog chags par gyur cig ces bya ba nas/ ye shes kyi me tog chags pa med pa'i mthar thug pa zhes bya ba dang / ye shes kyi phreng ba dang / byug pa dang / ye shes kyi phye ma dang / bdug pa dang / ye shes kyi gos dang / chos gos kyi rgyan dang / ye shes kyi gdugs kyi rgyan dang / ye shes kyi rgyal mtshan dang / ba dan dang / ye shes kyi lhab lhub dang / ye shes kyi nor bu rin po che rnam par dag pa brjod du med pa/ kun du gnas par gyur cig ces de ltar byang chub sems dpa' sems dpa' chen po chos sbyin pa la sogs pas dge ba'i rtsa ba de dag dge ba'i rtsa ba thams cad kyis bsgrubs pa'i sangs rgyas kyi zhing yongs su bsngos na/ lha ma yin gyi dbang po sgra gcan zhes bya ba yongs su bsngo'o/ /de'i rang bzhin gyi lus ni dpag tshad bdun brgya'o/ /sprul pa'i lus ni dpag tshad stong phrag drug cu rtsa brgyad do/ /'di lta ste/ nam mkha' ni skye ba med cing 'gag pa med kyang 'jig rten thams cad kyi skye ba dang / / 'gag pa 'dzin to/ /sangs rgyas bcom ldan 'das rnams ni/ sku'i skye mched kyis phrin las gang sgrub pa de/ thugs kyi skye mched kyis yongs su grub par mdzad do/ /byang chub sems dpa' kun du bzang pos smras pa/ kye rgyal ba'i sras dag byang chub sems dpa' sa gzhan la zhe sdang bskyed pa tsam du kha na ma tho ba'i chos ni 'ga' tsam yang bdag gis ma mthong ngo / /de ci'i phyir zhe na/ gzhan la khong khro bskyed pa'i byang chub sems dpa' ni/ sgrib pa'i chos brgya stong phrag bcu po 'di dag yongs su 'dzin par 'gyur te/ gang zhe na byang chub sems dpa' mi mthong ba dang / chos mi thos pa dang / ngan song du gnas pa dang / theg pa dman pa dang 'dre ba dang / sdig pa'i grogs po 'dzin pa dang / bdud kyi yul bsten pa dang / sangs rgyas kyi bstan pa las ring ba dang / theg pa dman pa la mos pa dang / theg pa chen po la yid mi ches pa dang / de bzhin gshegs pa'i chos spong ba dang / byang chub sems dpa' dang 'grogs pa'i las drungs 'byin pa dang / shes rab kyi pha rol tu phyin pa dang mi mthun pa'i phyogs dang / gleng gzhi sgug pa dang / de bzhin gshegs pa'i rigs dang / ring bar 'dzin par 'gyur ba la sogs pa ste/ sgrib pa'i chos kyi sgo brgya stong phrag bcu 'dzin par 'gyur ro/ /'jig rten gyi khams 'jig pa'i tshe/ thog mar sgra chen po 'di lta bu 'byung ste/ kye ma grogs po dag bsam gtan dang po ni 'dod pa dang / gnod sems med pas shin tu bde ba ste/ 'dod pa'i khams las yang dag par 'da' ba'i rgyur 'gyur ro/ /sgra de thos nas sems can dag bsam gtan dang po bsgrubs nas 'dod pa'i khams nas tshangs pa'i 'jig rten du skye'o/ /de bzhin du bsam gtan bzhi ba'i bar gyi sgra bsgrags nas/ de bzhin du bsgrubs te skye/ klu'i rgyal po ma dros pa'i gnas nas chu klung chen po bzhi 'bab ste/ 'di ltar chu klung chen po gang gA ni glang po che'i kha nas 'bab bo/ /si ta ni seng ge'i kha nas 'bab po/ /sin d+hu ni glang gi kha nas 'bab po/ /pak+Shu ni rta'i kha nas 'bab po/ /gang gA ni mdun nas dngul gyi bye ma 'dren cing 'bab po/ /si ta ni rdo rje'i bye ma'o/ /sin d+hu ni gser gyi bye ma'o/ /pak+Shu ni bai DUr+ya sngon po'i bye ma 'dren cing 'bab po/ /de dag 'bab pa'i tshe re res kyang mtsho chen po lan bdun du g.yas phyogs su bskor te phyogs bzhir 'bab cing rgya mtsho la zhen par 'dod do/ /lan bdun bskor ba'i bar gyi gling de dag kyang / me tog ut+pa la dang / pad+mo dang / ku mu da dang / puN+Da rI ka lha rdzas kyi rin po che'i rang bzhin las grub pa'i 'dab ma sna tshogs dang ldan zhing snying po sna tshogs can gyis brgyan pa/ mtsho de'i dkyil 'khor ni dpag tshad lnga bcu yod de/ zabs su yang dpag tshad lnga bcu'o/ /de'i ngogs ni rin po che sna tshogs brtsigs pa pha gu ltar 'dug pas kun nas 'khor ba'o/ /ji ltar mtsho chen po ma dros pa/ rin po che'i zhing gis 'khor ba de bzhin du/ byang chub sems dpa' yang mngon par 'tshang rgya ba ston pa na/ sangs rgyas kyi zhing gis kun nas 'khor zhing brgyan pa yin/ chu klung chen po bzhi char yang kha'i sgo dpag tshad tsam nas 'bab po/ /byang chub sems dpa' chen po de bzhin gshegs pa'i rigs su byung ba'i dpal gyis byang chub sems dpa' chen po kun du bzang po la smras pa/ kye rgyal ba'i sras/ de bzhin gshegs pa rnams kyi sku bltar yod ji ltar khong du chud par bya/ smras pa/ kye rgyal ba'i sras sku bltar yod pa ni/ dper na nyi ma'i dkyil 'khor de nyid 'dzam bu'i gling du 'char ba'i tshe/ thog mar ri rab ri'i rgyal po la snang ngo / /de'i 'og tu ri bo che gzhan la snang ngo / /de'i 'og tu ri nag po la'o/ /de'i 'og tu sa phyogs mthon po rnams la'o/ /de'i 'og tu sa phyogs dma' ba rnams su snang bar byed de/ 'on kyang nyi ma'i dkyil 'khor la 'di ni thog mar snang bar bya'o snyam pa la sogs pa'i rtog pa med do/ /kye rgyal ba'i sras de bzhin du de bzhin gshegs pa rnams kyi sku ye shes kyi sku nyi ma'i dkyil 'khor yang / chos kyi dbyings mtha' dang dbung med pa'i ris su 'char bar 'gyur ba'i tshe/ thog mar lhag pa'i ri'i rgyal po lta bu dang ldan pa'i skyes bu dam pa rnams la chos kyi snang ba chen po yang dag par ston pa'i tshul du 'char bar 'gyur ro/ /de'i 'og tu nyan thos dang / rang sangs rgyas [(]gyi [,]kyi [)] theg pa la zhugs pa rnams la'o/ /de'i 'og tu dge ba'i rtsa ba nges pa dang ldan pa'i sems can rnams la snod ji lta ba bzhin du'o/ /de'i 'og tu log par nges pa'i sems can yan chad sems can thams cad la yang 'char bar 'gyur ro/ /de ltar 'char yang de bzhin gshegs pa'i ye shes kyi sku nyi ma'i 'od zer de dag ni/ sems can 'di rnams la bdag cag gis thog mar theg pa chen po snang bar byas te/ de'i 'og tu 'di dag snang bar bya'o snyam du rtog pa mi mnga' ste/ de ni de bzhin gshegs pa'i ye shes kyi sku nyi ma'i dkyil 'khor la rnam par rtog pa mi mnga' ba'i phyir ro/ /yang dper na nyi ma'i dkyil 'khor la rtog pa med cing / 'od zer mnyam pa nyid du 'char yang / ri chen po rnams la rnam pa tha dad pa nyid du snang bar 'gyur ro/ /de bzhin du de bzhin gshegs pa'i ye shes kyi sku nyi ma'i dkyil 'khor rnam par rtog pa mi mnga' zhing / 'od zer mnyam pa nyid du 'char yang / sems can rnams kyi dge ba'i rtsa ba rnam pa tha dad pa dang / bsam pa'i rnam pa tha dad pas/ de bzhin gshegs pa'i 'od zer tha dad pa yang snang zhing yod de/ kye rgyal ba'i sras dper na nyi ma'i dkyil 'khor de nyid shar kyang / dmus long rnams la snang bar mi 'gyur te/ de mig dang mi ldan pa'i phyir ro/ /de mig lam du mi snang du zin kyang / dmus long rnams la kha zas 'ju ba dang / lus kyi grang ba bsal ba dang / lus kyi nad mkhris pa la sogs pa sel bas mi phan pa ma yin te phan 'dogs so/ / de bzhin du de bzhin gshegs pa'i ye shes kyi sku nyi ma'i dkyil 'khor yang sems can lhag pa'i bsam pa'i mig mdongs pa/ lta ba log pa/ sbyor ba log pa/ 'tsho ba log pa/ dmus long lta bur gyur pa'i mig lam du snang bar mi 'gyur te/ de ni dad pa'i mig dang mi ldan pa'i phyir ro/ / mig lam du mi snang yang / de bzhin gshegs pa'i mthus/ de dag gi lus la mi bde ba rtse zhil bar 'gyur ba dang / ma 'ongs pa'i nyon mongs pa'i rgyu'i lhag ma sel ba'i sgor phan mi 'dogs ba ma yin te phan 'dogs so/ /smras pa/ de bzhin gshegs pa rnams kyi gsung brjod pa ji ltar de bzhin gshegs pa'i ye shes kyi sku nyi ma'i dkyil 'khor rnam par rtog pa mi mnga' zhing 'od zer mnyam pa nyid du 'char yang / sems can rnams kyi dge ba'i rtsa ba rnam pa tha dad pa dang / bsam pa'i rnam pa tha dad pas de bzhin gshegs pa'i 'od zer tha dad pa yang snang zhing yod do/ /kye rgyal ba'i sras dper na/ nyi ma'i dkyil 'khor de nyid shar kyang / dmus long rnams la snang bar mi 'gyur te/ de ni mig dang mi ldan pa'i phyir ro/ /mig lam du mi snang du zin kyang / dmus long rnams la kha zas 'ju ba dang / lus kyi grang ba bsal ba dang / lus kyi nad mkhris pa la sogs pa sel bas mi phan pa ma yin te/ phan 'dogs so/ /de bzhin gshegs pa de bzhin yang dag pa ji lta ba bzhin du yang mi shes la/ de bzhin gshegs pa'i ye shes kyang khong na yod pa ngo mtshar ches/ bdag gis ci nas kyang sems can 'di dag rang rang gi 'du shes kyi 'dun pa chen po/ 'phags pa'i lam gyis 'grol te/ de bzhin gshegs pa'i ye shes khong du chud par 'phags pa'i lam bstan par mdzad do zhe na/ 'du shes kyi rnam pa thams cad yongs su sel bar mdzad do/ /de ltar 'du shes yongs su sel ba'i phyir ro/ /ye shes tshad med pas 'gro ba thams cad yongs su 'tsho'o/ /kye rgyal ba'i sras nam mkha' ni skye ba med pas/ 'jig rten gyi khams 'jig kyang rung / 'du yang rung ste/ de bzhin du mi zad mi 'phel bar gnas so/ /smras pa/ de bzhin gshegs pa rnams kyi yongs su mya ngan las 'das pa ji lta bu smras pa/ kye rgyal ba'i sras de bzhin gshegs pa rnams ni byang chub sems dpa' la yongs su mya ngan las 'das pa shin tu mthar thug par mi brjod mi ston to/ /chu snod gcig cig gam de nas logs shig tu phyung ngam/ stong par gzhag par gyur la/ nyi ma'i gzugs brnyan yang snang bar mi 'gyur na/ nyi ma'i dkyil 'khor gyis nyes sam/ smras pa ma yin no/ /smras pa de bzhin du sems can snod chag pa lta bu la sogs pa la/ de bzhin gshegs pa mya ngan las 'das par snang ngo / /nyi ma'i dkyil 'khor chos dbyings tshad dang mnyam pa ni/ snod du gzugs brnyan snang ste chag la snang ba min/ de ltar mi mchog dbang po kun du snang / /sems can dad med rnams kyis mya ngan 'das par shes/ /kye rgyal ba'i sras chos kyi rnam grangs 'di lta bu ni/ de bzhin gshegs pa'i rigs ston pa shin tu nges pa/ de bzhin gshegs pa'i spyod yul gyi rjes su bsngo ba/ shin tu mthar thug pa'i mur phyin pa'o/ /kye rgyal ba'i sras bcu po 'di dag ni byang chub sems dpa' rnams kyi bag chags te/ 'di lta ste/ byang chub sems dpa'i bag chags dang / dge ba'i rtsa ba'i bag chags dang / sems yongs su smin pa'i bag chags dang / sangs rgyas la lta ba'i bag chags dang / 'jig rten gyi khams yongs su dag par skye ba'i bag chags dang / dge ba'i bag chags dang / smon lam gyi bag chags dang / pha rol tu phyin pa'i bag chags dang / chos mnyam pa nyid nges par rtogs pa'i bag chags dang / spyod pa tha dad pa'i bag chags dang / bag chags de dag la gnas shing / nyon mongs pa ma lus par spangs nas/ de bzhin gshegs pa'i ye shes chen pos/ bag chags thugs su chud pa/ bla na med pa 'thob par 'gyur ro/ /kye rgyal ba'i sras bcu po 'di dag ni byang chub sems dpa'i chos las 'gol ba'i lam ste/ bcu gang zhe na/ dge ba'i ba shes gnyen la brnyas pa dang / 'khor bas 'jigs pa dang / byang chub sems dpa'i spyod pas skyo ba dang / 'jig rten gyi khams na gnas pas skyo ba dang / mnyam par gzhag pa la gnas su byed pa dang / dge ba'i rtsa bal zhen pa dang / dam pa'i chos spang ba dang / byang chub sems dpa'i spyod pa las dpags pas 'byed pa byed pa dang / nyan thos dang rang sangs rgyas su 'dod pa dang / byang chub sems dpa' la khro zhing zhe sdang bas te/ de dag ni yongs su spang bar bya'o/ /kye rgyal ba'i sras bcu po 'di dag ni byang chub sems dpa'i bdud kyi las te/ 'di lta ste/ sems 'khrugs pa la brnyas pa dang / shes rab 'chal ba la smod pa dang / chos kyi dpe mkhyud dang / chos kyi snod la khyad du gsod pa dang / zang zing dang 'brel par chos ston pa dang / snod ma yin pa la chos rgya chen po ston pa dang / dge ba'i bshes gnyen yongs su spong ba dang / nyan thos dang rang sangs rgyas kyi theg pa 'dod pa dang / byang chub sems dpa' la zhe sdang zhing mi snyan par brjod pa dang / bdag bstod cing gzhan smod pa dang / zab mo'i gtam 'chab cing spong ba dang / yi ge sna tshogs rang bzor byas pa'i rang bzo la dga' ba dang / grol ba dang dbugs phyin pa la bsnyen cing bkur sti byed kyi ma grol cing dbugs ma phyin pa la mi byed pa'o/ /nyan thos chen po de dag dze ta'i tshal de nyid na 'khod kyang / sangs rgyas kyi zhing dag pa dang / byang chub sems dpa' kun nas 'dus pa rnams mthong bar ma gyur to/ /'di lta ste/ dge slong la la zhig skye bo mang po'i tshogs kyi dbus su sas khyab pa'i ting nge 'dzin la snyoms par zhugs sam/ chu'am me'am rlung ngam sngon po la sogs pas khyab pa'i ting nge 'dzin la zhugs na/ 'gro ba mang po de dag gis chu'i phung po la sogs pa mi mthong ste/ ting nge 'dzin de la snyoms par zhugs shing rnam par dpyod pa rnams ni ma gtogs so/ /de bzhin du sangs rgyas kyi ting nge 'dzin gyi yul rnam par 'phrul pa bsam gyis mi khyab pa de dag yongs su bstan pa mdzad na/ nyan thos de dag gis ma mthong zhing shes par ma gyur to/ /byang chub sems dpa' de bzhin gshegs pa'i lam la zhugs pa de dag gis ni mthong ngo / /khong du chud do/ /dper na dge slong 'gog pa'i snyoms par zhugs pa/ dbang po drug gis 'jig rten gyi tha snyad thams cad gnas de na yod kyang / snyoms par zhugs pa de nyid kyi byin gyi rlabs dang / mthu des mi shes mi mthong ngo / /de bzhin du nyan thos chen po de dag dze ta'i tshal de na rnam par dpyod la/ de dag la dbang po drug yod de/ de bzhin gshegs pa'i ting nge 'dzin dang / rnam par 'phrul pa dang khyu mchog gi mthu 'byung ba dang / cho 'phrul da dag mthong bar ma gyur shes par ma gyur to/ /thams cad bdog bzhin du/ lto yi nad kyis shi ba bzhin/ /chos ma bsgoms pa de bzhin no/ /sgra gdags ji snyed yod pa dang / /sems can kun gyi sgra skad du/ /sgra la mkhyen pa thugs chud kyang / /rnam par rtog pa gang yang med/ /gang dag sangs rgyas rtog med kyang / /rgyal ba rnam par rtog par snang / /ji ltar sa bon rnam dag pa/ /zhing bzang la ni skye 'gyur zhing / /de bzhin sems bsam rnam dag la/ /sangs rgyas chos ni skye bar 'gyur/ /sangs rgyas rtog par mi mdzad do/ /ston la rtog pa mi mnga' yang / /'jig rten khams ni tshad med par/ /thub pas rnam par rtog pa bstan/ /sku gnyis de dag bsam mi khyab/ /'jig rten khams su snang gyur kyang / / sku la gnyis su gyur pa med/ /ji ltar zla ba shar gyur pa/ /tshad med pa yi gzugs brnyan rnams/ /chu yi snod du snang gyur kyang / /zla ba gnyis su gyur pa med/ /sangs rgyas bcom ldan 'das rnams ni spyan gyi skye mched kyis sangs rgyas kyi phrin las gang mdzad pa de snyan gyi skye mched kyis yongs su grub par mdzad do zhes bya ba nas dbang po thams cad sbyar ba 'byung / sangs rgyas mya ngan las 'das pa'i tshe/ 'jig rten thams cad ni sems can rnams ngu zhing smre sngags 'don pa zhes bya ba la sogs pa de dag gis bsod nams 'thob par bya ba'i phyir thabs mdzad pa 'byung / kye rgyal ba'i sras dag byang chub sems dpa'i theg pa la zhugs pa rnams la ni/ phan tshun du ngan sems kyi sems bskyed pa lta bur kha na ma tho ba'i che ba ngas 'ga' tsam ma mthong ngo / /sems kyi rnam pa 'jig rten kun/ 'jig rten rnam pa sems can kun gyi sems yin te/ rnam pa gnyis kyi grangs su zhugs/ de bzhin gshegs pa sku yongs su 'byed pa mi mdzad/ sku tha dad par mdzad pa yang mi mnga' bar 'jig rten gyi khams thams cad du gtogs pa'i sems can rnams kyi bsam pa dang mos pa ji lta ba bzhin sku yongs su ston te/ de bzhin gshegs pa'i sku la rnam par rtog pa dang / spros pa mi mnga'o/ /de bzhin gshegs pa ni dbyings kyi ser sna mi mnga' ste/ sems can dbang po yongs su ma smin pa rnams la/ de bzhin gshegs pa'i dbyings grag par mi 'gyur ro/ /'khor gyi dkyil 'khor du tshogs pa'i sems can thams cad kyang 'di snyam du [(]sams [,]bsam [)]te/ bdag kho na'i don du de bzhin gshegs pa chos ston to snyam mo/ /de bzhin gshegs pa ni gsung sgrogs pa yang med/ phyir sdud pa yang med de/ de bzhin gshegs pa'i gsung gi phrin las de dag kyang yod cing snang ngo / /dper na rgya mtsho chen po la chu'i phung po tshad med pa gang ji snyed yod pa de dag thams cad klu'i sems kyi khyad par las byung ngo / /de bzhin du thams cad mkhyen pa nyid kyi rgya mtsho la/ chos kyi rgyun tshad med pa gang ji snyed pa de thams cad sngon gyi dgongs pa'i smon lam gyi khyad par las byung ba'o/ /rgya mtsho chen po la gling bzhi pa'i sems can gyi lus kyi gzugs brnyan lta bur snang ste/ de'i phyir rgya mtsho chen po zhes bya'o/ /bcu po 'di dag ni bdud kyi rlabs te/ bcu ni sems zhum pa dang / bsam pa 'khrugs pa dang / rgya chung ngus mgu ba dang / gcig las mi bzod pa dang / smon lam la lhung bar mi dmigs pa dang / nyon mongs pa rnam par bzlog pa dang / zhi ba dang / dad pa dang / 'khor ba'i rgyun gcod pa dang / spyod pa las phyir ldog pa dang / sems can yongs su smin par mi byed pa dang / chos la the tshom za ba'o/ /byang chub sems dpa'i spyod yul gyi thabs kyi yul la rnam par 'phrul pa bstan pa las/ chos bcu gnyis dang ldan na bla na med pa'i byang chub kyi sems skye bar 'gyur te gang zhe na/ rang bzhin gyis rgya chen po la mos pa dang / snying rje dang ldan pa dang / bcos ma ma yin pa dang / sangs rgyas la bsnyen bkur byas pa dang / las gsum dag pa dang / sdig pa'i grogs spangs pa dang / ji skad smras pa bzhin byed pa dang / bged pa'i ngang tshul can dang / de bzhin gshegs pas byin gyis brlabs pa dang / bdog pa kun la mi lta ba dang / dge ba'i bshes gnyen la brten pa dang / yi dam la brten pa'o/ /yon tan gyi chos bcu gnyis mthong bas sbyin par gnas par bya ste/ gang zhe na/ byang chub kyi sems kyi lam ston pa dang / longs spyod sgrub pa dang / 'dod pa'i rigs su skye ba dang / ser sna tshar gcod pa dang / gtong ba'i rgyun 'phel bar 'gyur ba dang / yi dgas kyi sgo gcod pa dang / thun mong gi longs spyod las snying po len pa dang / yo byad rdzogs par 'gyur ba dang / bdog pa la goms par 'gyur ba dang / 'dzin pa'i sems med par 'gyur ba dang / de bzhin gshegs pa'i bka' dang mthun pa dang / sbyin pa'i pha rol tu phyin pa rdzogs par 'gyur ro/ /bcu gnyis mthong bas tshul khrims bsrung ste/ byin gyi rlabs phun sum tshogs par 'gyur ba dang / byang chub kyi lam la 'jug pa dang / bdag gi 'ching ba lhod par 'gyur ba dang / bdag ngan 'gro las thar ba dang / ngan 'gro'i lam spong ba dang / las gsum kha nam tho ba med pa dang / mkhas pas mi smad pa dang / bag yod pa la brten pa dang / sems can la mi 'jigs pa sbyin pa dang / sgo gsum gyi sdom pa 'thob pa dang / sangs rgyas kyi chos bsgrub pa dang / tshul khrims kyi pha rol tu phyin pa rdzogs pa'o/ /bzod pa'i bcu gnyis ni/ 'du byed skad cig pa yin par bzod pa dang / bdag mi dmigs par bzod pa dang / bdag dang gzhan bsrungs ba dang / 'khrug pa'i gtam med par bya ba dang / bag la nyal ba dang / kun nas dkris pa bsal ba dang / rjes su chags pa dang khong khro ba bsal ba dang / mtshan dang dpe byad bsgrubs pa dang / tshangs pa'i 'jig rten du skye ba dang / gzhan gyi gnod pa las 'da' ba dang / zad pa dang mi skye ba shes pa 'thob pa dang / bdud kyi yul las 'da' ba dang / de bzhin gshegs pa mthong ba'o/ /brtson 'grus kyi ni chos thams cad rdzogs par byang chub pa dang / de bzhin gshegs pa'i drung du phyin pa dang / de bzhin gshegs pa la mchod pa byed pa dang / de bzhin gshegs pa mnyes par 'gyur ba dang / sems can smin par byed pa dang / gdul bya sangs rgyas kyi chos la 'god pa dang / sems can gyi mi shes pa sel ba dang / gdul bya la ye shes sgrub pa dang / zhing sbyang ba dang / mu thug pa med par sems can gyi don byed pa dang / skad cig gcig gis zhing thams cad du 'gro ba dang mngon par 'tshang rgya ba'o/ /bsam gtan gyi ni mi 'khrug cing zhi ba dang / yul la mi rgyug pa dang / sems gnas pa dang / khams gsum las 'da' ba dang / 'jig rten pa'i snyoms par 'jug pa zil gyis mnan pa dang / de la ma chags par 'gyur ba dang / bsam gtan zlog pa dang / dngos po'i 'du shes dang 'bral ba dang / tshad yod pa'i ting nge 'dzin la smon pa dang / shin tu zhi ba dang / cang shes pa dang / dbang po bsdams pa'o/ /shes rab kyi ni gti mug sel ba dang / nyon mongs pa sel ba dang / mi shes pa med pa dang / ma rig pa drungs 'byin pa dang / sred pa 'joms pa dang / shes rab rdo rje lta bu dang / shes rab nyi ma lta bu dang / shes rab me lta bu dang / shes rab nor bu lta bu dang / mtshan ma med pa dang / smon pa med pa dang / stong pa nyid do/ /sems can thams cad 'khor los sgyur ba'i bsod nams dang ldan pa'i bsod nams brgya 'gyur gyis sangs rgyas kyi ba spu'i khung bu gcig 'grub/ ba spu'i bsod nams thams cad brgyar 'gyur bas/ dpe byad gcig /de nas mtshan/ de nas gtsug tor/ de nas chos kyi g.yung drung ste/ des ni sems can thams cad kyis zhus na yang gsung gcig gis lan thebs so/ /nga mya ngan las 'das nas rgyal po ma skyes dgras sku gdung brgyad cha blangs nas rin po che'i za ma tog tu bcug nas/ grong khyer gyi phyi rol du rgyal po mya ngan med 'byung ba la bsdad par sa brkos nas 'jog par 'gyur ro/ /rgyal po mya ngan med ni nga mya ngan las 'das nas lo brgya nas 'byung ngo / /de nas nga'i ring bsrel byung nas zhag bdun mchod de mchod rten brgyad khri bzhi stong byed par 'gyur ro/ /gang chos kyi rnam grangs 'di nyan pa dang / grog pa la sogs pa de ni nga yang skyed mos tshal 'di ni chos kyi rnam pa 'di ston pa dang / 'khor 'dus pa 'di yang mthong bar shes par bya'o/ /'jig rten dang mthun par 'jug pa las/ de dag sna tshogs sku med kyang / /sems can mos pa ji bzhin du/ /sku lus sprul pa mdzad pa nas/ /'di ni 'jig rten mthun 'jug yin/ /bdud ni bye ba phrag brgya yis/ /dge 'dun dbye bar mi nus kyang / /dge 'dun dbyen ni ston mdzad pa/ /'di ni 'jig rten mthun 'jug yin/ /srid pa 'pho ba las/ rnam par shes pa tha ma 'gag pa de ni 'chi 'pho zhes bya'o/ /rnam par shes pa dang po 'byung ba de ni skye ba zhes bya'o/ /mig gis gzugs rnams mi mthong zhing / /yid kyis chos rnams mi rig pa/ /de ni bden pa mchog yin te/ /de la 'jig rten mi dgos so/ /byams pa 'jug pa las/ nor kun du bsrung la bgo bsha' mi byed pa ni byang chub sems dpa'i nyes pa'o/ /byang chub sems dpa'i de bzhin gshegs pa'i bslab pa ji ltar bcas pa la bslabs su zin kyang / de nyan thos kyi sems sam/ rang sangs rgyas kyi sems sam/ dmigs par lta ba dang / lhan cig rten par byed na byang chub sems dpa'i tshul khrims las nyams par 'gyur ro/ /stong pa nyid mi bzod pa ni byang chub sems dpa'i nyes pa'o/ /'di la ni yon dbul lo/ /'di la ni mi dbul lo snyam pa ni byang chub sems dpa'i nyes pa'o/ /'di la ni chos bshad do/ /'di ni tshul khrims 'chal pa'o/ /'di ni mi 'chal pa'o zhes phye nas 'chal pa la brnyas par byed na byang chub sems dpa'i nyes pa'o/ /bag yod pa gang zhe na/ bslab pa mi gtong ba dang / dam bcas pa mi nyams pa dang / sems can kun la byams pa dang / sems can mi gtong ba dang / byang chub la 'dun pa brtan pa dang / brtson pa mi gtong ba dang / dge ba'i bshes gnyen la brten cing bsnyen bkur byed pa dang / chos la gus pa dang / thos pa mang pos chog mi shes pa dang / gzhan la chos bgo bsha' byed pa dang / zang zing med par chos ston pa dang / sbyangs pa'i yon tan dang / yo byad bsnyungs pa rnams mi gtong ba dang / chog shes pa dang / nga rgyal bcom pa dang / rna blags te chos nyan pa dang / bla ma la gus pa dang / bzod pa la gnas pa dang / gnod sems kyi tha ba spangs pa dang / chos zab mo la mos pa dang / dmigs par lta ba spangs pa dang / nang du yang dag 'jog la 'dun pa drag pa dang / bre mo'i gtam sdang ba dang / lus dang sems dben par gnas pa dang / dgon pa la gnas pa dang / sems mnyen pa dang / tshul khrims mchog tu mi 'dzin pa dang / bdag la mi bstod pa dang / gzhan la mi smod pa dang / dge sbyong gi tshul la dga' ba dang / gsang por smra ba dang / bzhin khro gnyer med pa'o/ /yang nyan thos kyi sems dang / dmigs pa can gyi sems tha na rmi lam du yang yid la mi byed pa ni bag yod pa'o/ /de bzhin gshegs pa'i snying rje chen po bstan pa las/ de bzhin gshegs pa'i lha'i spyan gyis sems can gyi 'chi 'pho dang skye ba gzigs so/ /dmigs pa tshad med pa las yang dag pa ji lta ba bzhin so sor rtogs pas/ kun nas nyon mongs pa la dmigs pa rnam par byang ba la/ rnam par 'jog pa yang yod/ lhag pa'i nga rgyal gyis 'dzin pas rnam par byang ba la kun nas nyon mongs pa la dmigs par rnam par 'jog pa yod de/ de la snrel zhi'i rnam grangs kyis de bzhin gshegs pa'i ye shes 'jug go/ /kun nas nyon mongs pa'i rgyu ni tshul bzhin ma yin pa yid la byed pa'o/ /rkyen ni ma rig pa'o/ /ma rig pa ni rgyu'o/ /'du byed ni rkyen no/ /de bzhin du bsgre/ rnam par dag par 'gyur ba'i rgyu dang rkyen ni gnyis te gzhan la rjes su mthun pa'i sgra dang / rang gi tshul bzhin yid la byed pa'o/ /yang gnyis te/ zhi gnas la rtse gcig pa dang / lhag mthong la mkhas pa'o/ /kun du 'gro ba la mkhyen pa ni lus kyi las sbyor la ngag gi ma yin pa yang mkhyen to/ /de bzhin du bsgre/ yang 'dod chags kyi lam sdug pa rnams las skye ba yang yod/ rjes su chags pa las skye ba yang yod/ bdag chags pa las skye ba yang yod do/ / zhe sdang khong khro ba las skye ba'i rgyu yang yod/ bsam pa yongs su ma rdzogs pa las skye ba yang yod/ bag chags las skye ba yang yod do/ /gti mug ma rig pa'i rgyu las skye ba yang yod/ /'jig tshogs la lta ba'i rgyu las skye ba yang yod/ the tshom gyi rgyu las skye ba yang yod do/ /gang zag bsam pa dman pa la sbyor ba rgya che ba yang yod/ de bzhin du bsgre/ sems can gang dag snod min pa/ /de la sangs rgyas btang snyoms mdzad/ /gang gi dus na 'grol 'gyur ba/ /de yi dus la rab tu gzhes/ /'chags pa'i tshul khrims kyis lha dang mir skye ba dang / gnod sems kyis mdzes pa dang / le los mngon par rtogs pa dang / g.yeng bas nges par 'gyur ba dang / dmigs pa can gyis rjes su mthun pa'i bzod pa 'thob pa dang / bud med kyi lus mdzes par 'khor los sgyur ba dang / brgya byin dang / tshangs pa dang / sangs rgyas su 'jig rten du 'byung ba dang / byang gi sgra mi snyan pa log par ltung ba dang / de bzhin gshegs pa'i byin gyi rlabs ma rtogs par de bzhin gshegs pa'i thugs kyi rgyu ba shes pa dang / de bzhin gshegs pa la mnyam par bzhag pa ni gnas med do/ /skyes bu kha dog lnga can du/ /nam mkha' gzugs su byed kyang srid/ /sangs rgyas gnas min bshad pa 'di/ /gnas su 'gyur ba mi srid do/ /nang ni zhi ba'o/ /phyi ni nye bar zhi ba'o/ /zag pa bzhi ni 'dod pa dang / srid pa dang / ma rig pa dang lta ba'o/ /nye bar len pa bzhi ni/ 'dod pa dang / lta ba dang / bdag tu lta ba smra ba dang / tshul khrims dang brtul zhugs mchog tu 'dzin pa'o/ /sngon dri mchog gi bskal pa la/ 'jig rten gyi khams dri ldan du/ de bzhin gshegs pa tsan dan khyim 'jig rten du byung ba de mya ngan las 'da' khar gang zhig gdul bar bya zhes 'jig rten la gzigs pa dang / srid pa'i rtse mo na sems can dge ba'i rtsa ba bskyed pa rgya chen po la mos pa sangs rgyas kyis gdul bya gcig cig 'dul ba de la/ bskal pa stong phrag brgyad cu rtsa bzhir gnas nas mir skye ste/ de nas shi 'phos te mir skyes nas 'dod pa la ma brtses pa theg pa chen po thos pa lta na/ byang chub chen po las phyir mi ldog par 'gyur ba gzigs so/ /de nas sangs rgyas de thugs rje dang thabs la mkhas pas/ dge slong dag la deng yongs su mya ngan las 'da'o zhes mya ngan las 'das pa chen po bstan te/ sku gdung gis kyang rgyas par gyur to/ /dam pa'i chos kyang lo brgyad khri bzhi stong du gnas so/ /bcom ldan 'das de ting nge 'dzin gyi mthus bskal pa brgyad cu rtsa bzhir sku mi snang bar gyur to/ /de nas sems can mir skyes te lo brgyad lon pa dang / sangs rgyas kyi kha dog dang gzugs kyis der gshegs nas/ khye'u de la chos bshad cing lung bstan te/ de'i tshe khye'u de ma gtogs pa mir gyur pa gang gis kyang de bzhin gshegs pa de ma mthong ngo / /de nas yang mya ngan las 'das pa bstan te/ sku gdung ni lha rnams kyis mchod do/ /nyi zla gcig gis mun pa thams cad sel ba ltar dge ba'i rtsa ba lhag mthong dang ldan pa gcig gis mi shes pa'i mun pa thams cad sel ba ste/ byang chub sems dpa'i rgyan ni bzhi ste/ tshul khrims dang / ting nge 'dzin dang / shes rab dang / gzungs so/ /tshul khrims ni sems can thams cad la gnod pa mi byed pa'o/ /ting nge 'dzin ni byams pa'o/ /shes rab ni the tshom med pa'o/ /gzungs ni dri ba brjod du med pa'o/ /sa gzhi bai DUr+ya dkar po'i dbyings su 'dug pa/ sangs rgyas rtag tu mnyam par gzhag / de yi ting 'dzin nyams pa med/ /chos rnams kun dang mnyam par ldan/ /sa chu me la ma yin te/ /rlung dang 'dod khams gzugs med la/ /rgyal ba gnas te bsam gtan min/ /lhag pa'i tshul khrims ni thams cad mkhyen pa'i sems mi mthong ba dang / mngon par 'du byed pa thams cad rnam par spong ba'o/ /lhag pa'i sems ni ting nge 'dzin la rab tu gnas nas shes rab 'thob bo/ /lhag pa'i shes rab ni shes rab kyi pha rol tu phyin pa la gnas nas so so yang dag par rig pa 'thob po/ ma thos pa'i chos nyan pa ni shes rab kyi rtsa ba'o/ /thos pa'i chos gzhan la ston pa ni shes rab kyi las so/ /'di la bud+d+ha'i chos dang yig 'bru bshad pa ril 'byung / bdud rtsi brjod pa las/ byang chub sems dpa' chos lnga dang ldan na bdud kyis mi brdzi ba dang / tshe ring ba dang / myur du sangs rgyas su 'grub ste/ lnga ni rtag tu sems can la chos sbyin pa dang / sems can la mi 'jigs pa sbyin pa dang / tshad med pa bzhi sgom pa dang / mchod rten rnying pa 'chos pa dang / sems can kun byang chub kyi sems la mos par byed pa'o/ /'jam dpal gyis zhus pa las/ rgyu gnyis kyis de bzhin gshegs pa'i gzugs kyi sku khyad par du 'phags pa yin te/ de bzhin gshegs pa'i smon lam gyi dbang dang / gdul ba'i sems can gyi dge ba yongs su smin pa'i dbang gis te/ sku ji ltar gsung dang / mtshan dang chos ston pa la sogs pa yang de dang 'dra ste/ sems can rnams kyis de ltar shes so/ /dkyil 'khor brgyad pa las/ des ni lci ba sar bsres ba'i/ /dkyil 'khor gru bzhi lham par bya/ /sems can kun dang thun mong du/ /'das pa'i sangs rgyas gang yin dang / /gang dag ma 'ongs da ltar byung / /byang chub sems dpa' nyan thos dang / rang sangs rgyas gang dag yod pa/ /de dag rnams la yongs su bsngo/ /de nas dkyil 'khor 'khor yug tu/ /'khor gyi dkyil 'khor rnams bya ste/ /'jig rten dbang phyug byams pa dang / /thub pa skyes mchog nam mkha' dang / /kun du bzang po blo ldan dang / /gsang ba yi ni bdag po dang / /'jam dpal gzhon nur gyur pa dang / /sgrib pa thams cad rnam sel dang / /de bzhin sa yi snying po ste/ /de dag gi ched du dkyil 'khor brgyad bya'o/ /'di byas na yon tan bzhi 'thob ste/ tshe rabs thams cad du chos dang ldan pa'i sems dang mi 'bral ba dang / 'khor mang po dang / yo byad phun sum tshogs pa dang / lus sra zhing brtan pa'o/ /chos kyi phung po las/ za ma'am ma ning gis bud med sdu gu mthong nas 'dod chags skyes pas/ phal cher nad kyis btab cing 'byin pa rengs par 'gyur te/ de dag gi lus khu chu rgyas pas de ltar 'gyur ro/ /za ma dang ma ning las mtho ris su 'gro ba ni nyung ste/ phal cher dmyal bar 'gro'o/ /'khor bzhi po gang dag 'dod chags dang mi gtsang ba'i nyes dmigs mi shes pa de dag ni chags pas gdungs pas mdog ngan cing mi sdug go/ /shes pa ni de las bzlog pa'o/ /skyes pa lta bu ma yin pa srin bu'i rigs lnga bud med la yod de/ de dag ni bud med kyi gci ba'i lam na gnas te/ re re la yang srin bu brgyad cu brgyad cu yod la/ mchu rno zhing mchu kha gnyis yod pas rtag tu bud med kyi lus la za'o/ /des na de dag gang yin spyod pa ste/ 'dod pas ngoms mi myong ngo / /'chal ba'i tshul khrims kyi nyes pa ni bcu ste/ 'chi ba'i tshe gdung ba dang / 'gyod par 'gyur ba dang / mnar med par 'gro bas 'jigs pa dang / /khrims la skur pa 'debs pa dang / sangs rgyas kyis spangs pa dang / nyan thos kyis spangs pa dang / 'chi ba'i tshe 'jigs pa dang bcas pa dang / ngan 'gror 'gro ba dang / mi lus 'thob par dka' ba dang / lha rnams kyis spangs pa'o/ /bud med kyi sna'i nang na srin bu'i tshogs kha rdzogs zhes bya ba dag yod de/ de dag bud med kyi kha spu la za bas bud med kyi kha spu mi skye'o/ /bud med la srin bu'i tshogs a ba ro phen zhes bya ba yod pas/ bud med kyi kha la za ste/ des na mgul ba dma' ba yin no/ /bud med kyi khar bcug pa yang dang por de dag gis zos nas nyal nyil nu ma'i drung du 'dor te/ des na nu ma 'phyang ba yin no/ /bud med sbrum na srin bu de dag kyang sbrum ste/ des na nu zho mang ba yin no/ /bud med 'dod chags mi bzod pas na bslab pa'i gzhi lhag ma bca' bar mdzad do/ /yi ge med pa'i za ma tog las/ byang chub sems dpas rtag tu nan tan du bsrung bar bya ba'i chos gcig ste gang zhe na/ gang bdag mi 'dod pa de gzhan la mi bya'o/ /gang zhig chos kyi rnam grangs 'di nyan pa de/ 'chi ba'i dus kyi tshe nga nyid byang chub sems dpa' 'di dag nyid dang thabs cig bya rgod phung po'i ri la gnas par mthong bar 'gyur ro/ /byang chub kyi phyogs bstan pa las/ sus 'du byed thams cad mi skye bar mthong bas sdug bsngal shes so/ /chos thams cad 'byung ba med par mthong bas kun 'byung spangs so/ /chos thams cad shin tu mya ngan las 'das par mthong bas 'gog pa mngon sum du byas so/ /chos thams cad dngos po med par mthong bas lam bsgoms so/ /'phags pa bcom ldan 'das kyi ye shes rgyas pa'i mdo rin po che mthar phyin pa las/ bud med kyi lus de nyid kyis brgya byin dang tshangs pa dang / 'khor los sgyur ba dang / de bzhin gshegs par 'gyur ba dang / 'jig rten gyi khams gcig tu de bzhin gshegs pa gnyis 'byung ba gnas ma yin no/ /cha bzhi dang / drug pa dang / cha brgyad pa dang / cha bcu drug pa dang / zur gsum pa dang / mo'i sgra dang / mo'i dbyangs dang / mo'i spa ba dang / mo'i tshul dang / kun du spyod pa ni mo'i dbang po zhes bya ste/ pho'i yang de dang 'dra'o/ / byang gi sgra mi snyan rnams kyi tshe'i tshad ni lo stong thub ste/ dus ma yin par 'chi ba yang yod do/ /'dod pa'i khams kyi lha drug dang / gzugs kyi khams kyi gnas bcu bdun dang / gzugs med pa bzhi la yang dus ma yin par 'chi ba yod par 'byung / dmyal ba'i ris la yang bar mdor 'chi ba yod par 'byung ngo / /'chi ba na skye ba'i mtshan ma lam rgyud lnga gang gi mtshan ma mthong ba der skye ba 'byung / zan la bod pa la tshul shing brim pa 'byung / maud gal gyi bus shA ri'i bu'i snam sbyar myur bar byas nas/ bcom ldan 'das kyi thad du 'gro bar bya ba'i phyir sor mo lngas khab lngas drubs pa byung / byang chub sems dpa' yongs su 'dri ba'i rang bzhin can ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /nga rgyal bskyed pas brnyas pa thob 'gyur la/ /nga rgyal spangs pa bkur sti 'thob par 'gyur/ /bla na med pa'i byang chub mngon par rdzogs par 'tshang rgya bar 'dod pas/ nga rgyal spang bar bya/ sems can thams cad la yon gnas kyi sems nye bar gzhag par bya/ byang chub kyi sems mi gtong bar bya/ dge ba'i bshes gnyen mgu bar bya/ /chos btsal ba la chog mi shes par bya/ mang du thos pa la brtson par bya/ bstan bcos shin tu brtags pa dag kyang btsal bar bya/ so so'i grub pa'i mtha' rtogs pa la yang bslab par bya/ don dang ldan pa'i bstan bcos btsal bar bya zhing don med pa'i bstan bcos 'di lta ste/ 'jig rten rgyang phan pa dang / byad stems kyi dang / gzhon nu rtse ba'i bstan bcos dang / rgyan po'i bstan bcos dang / nyo tshong gi dang / 'khrig pa'i bar dang / rig byed kyi bstan bcos la sogs pa gang rnam par thar pa dang mi mthun pa thams cad ni spang bar bya'o/ /byang chub sems dpas nyan thos dang rang sangs rgyas kyi theg pa pa la bstan par mi bya'o/ /de ci'i phyir zhe na/ tshul khrims 'chal pa dang / log par lta ba ni byang chub sems dpa'i mi dge ba'i bshes gnyen ma yin gyi nyan thos dang / rang sangs rgyas kyi theg pa pa ni yin no/ /tshul khrims 'chal pa dang / log par lta bas byang chub sems dpa'i tshul khrims gzhag par mi nus kyi/ nyan thos dang rang sangs rgyas kyi theg pa pas ni byang chub sems dpa' zag pa med pa'i ye shes la 'jug par nus so/ /sngon 'dzam bu'i gling 'di dag gi tshad khri phrag bzhi par gyur te/ byang chub sems dpa' bstan bcos thams cad la mkhas par bya'o/ /de ci'i phyir zhe na/ thams cad mkhyen pa nyid kyis rtsom pa ni 'di lta ste/ bstan bcos la mkhas pa yin no/ /chags pas ni 'gro ba lngar 'grub bo/ /zhe sdang gis ni gsum du'o/ /gti mug gis ni lngar ro/ /de ci'i phyir zhe na/ zhe sdang ni ngan song 'ba' zhig gi sa ste/ las las nyon mongs pa rjes su dpag ste/ nyon mongs pa 'das pa las 'di mngon par 'dus byas nyon mongs pa las sems rjes su dpag ste/ nyon mongs pa rab tu spyod pa las chags pa'am/ sdang ba'am rmongs pa'i sems rjes su dpag go/ /sems las gang zag 'byung bar rjes su dpag ste/ de bzhin gshegs pas sems can de dag gi 'gro ba 'dod pas mdzad do/ /gang zag 'dis las 'di mngon par 'dus byas pas sems can dpa' bar 'gro'o/ /sngon bud+d+ha 'jig rten gsum gyi bla mas bcom ldan 'das shAkya thub pa bram ze zla ba'i smin ma zhes bya bar gyur pa la/ ma 'ongs pa ni bskal pa bye ba drug cu na bud+d+ha 'jig rten gsal mdzes zhes bya bar 'gyur te/ sku tshe ni lo bye ba brgyad cur 'gyur bar lung bstan/ sngon bud+d+ha grags ma smin pa'i spyan snga na/ bcom ldan 'das shAkya thub pa/ byang chub sems dpa'i spyod pa bla ma zhes bya bar gyur pa na/ yi dam 'di ltar bcas te ji srid du bdag gis sangs rgyas kyi zhing der sems can rnams mngon par shes pa myur ba/ bde ba'i lam gyis mya ngan las ma 'das pa dang / ngan song gsum du skye ba dang / sdug bsngal gyi sgra yod pa dang / sems can thams cad srid pa tham par ma gyur pa de srid du bdag mngon par 'tshang mi rgya'o/ /byang chub sems dpa' gang zag dang grong dang / yul gyi tha snyad dang / 'jig rten gyi shes pa thams cad bslab par bya'o/ /bud+d+ha shAkya thub pa sngon ston pa spyan bzangs zhes bya bar gyur pa na 'dod pa'i khams kyi skyon gyis gnod pa khams gnyis kyang de dang 'dra bas sems can rnams la skyabs med de/ bdag gis ni 'du byed thams cad la gnas par mi bya ste/ gnas pa med na g.yo bar mi 'gyur ro snyam mo/ /de chos thams cad la mi gnas pa'i bsam gtan du gyur nas/ sems can la snying rje ba'i sems thob ste/ chos de bstan pas sems can bye ba khrag khrig mi gnas pa'i mya ngan las 'das so/ /brtson 'grus brtsams pa'i byang chub sems dpa' ni bdud lnga las rgyal bar nus so/ /lnga gang zhe na/ nyon mongs pa dang / las dang / phung po dang / 'chi bdag dang / lha'i bu'i bdud do/ /sems kyi dbang gis chos thams cad skye ste/ sems kyi dbang gis chos thams cad 'gag ste/ ji lta ji ltar sems kyi rtog pa de lta de ltar chos thams cad kyi gzugs brnyan ston par byed do/ /tshe'i tshad kyi mdo las/ byang gi sgra mi snyan gyi mi rnams kyi tshe'i tshad ni lo stong ste/ bar ma dor 'chi ba ni med do/ /sgyu ma mkhan bzang po lung bstan pa las/ byang chub kyi snying por 'gro bar 'gyur ba'i lam ni bzhi ste/ thams cad mkhyen pa'i sems yongs su mi gtong ba dang / dge ba'i rtsa ba thams cad tshol ba la ngoms mi shes pa dang / dam pa'i chos sgrub pa'i phyir brtson pa'o/ /bzhi po 'di dag ni nyan thos dang / rang sangs rgyas kyis mi dpogs pa yin te/ bsam gtan zlog pa dang / sems kyi rnam par 'byed pa dang / sems can la snying rje che ba dang / spobs pa dang skad sna tshogs pa'o/ /phan yon bzhi mthong na/ thos pa tshol bar byed de/ rang dang gzhan gyi shes par sbyor ba dang / phyogs bzhi nas lhags pa'i the tshom gcod pa dang / dam pa'i chos 'dzin pa dang / sangs rgyas kyi bsngags pa mi zad pa'o/ /thos nas chos bye brag tu 'byed shes pa dang / thos nas bya ba mi byed pa dang / thos nas gzhan la ston pa dang / thos nas byang chub la gtong bar byed pa'o/ /bzhi po 'di dag ni chos smra ba'i tshig gzung bar 'os par 'gyur te/ 'dod pa chung ba dang / chog shes pa dang / ngang tshul bzang zhing mnyen pa dang / rang gi chos sgrub pa'o/ /chos bzhi dang ldan na sangs rgyas dang phrad par 'gyur te/ dran pa rtse gcig pa dang / sangs rgyas kyi bsngags pa yang dang yang du brjod pa dang / tshul khrims dag pa dang / lhag pa'i bsam pas smon lam 'debs pa'o/ /chos bzhis spobs pa dag 'thob ste/ chos smra ba gzhan gyis bshad pa dang 'gal bar mi byed pa dang / chos smra ba la gus pa dang / zhes dang bcas par chos nyan pa dang / thos pas khengs pa med pa dang / thos pa nyung ngu la brnyas par mi byed pa'o/ /chos bzhi dang ldan na smon lam 'grub ste/ tshul khrims dang / bslab pa dag pa dang / las kyi sgrib pa rnam par sbyong ba dang / g.yo sgyu med pa dang / dge ba'i rtsa ba bskyed pa la sems pa'o/ /'dul ba gzhi las/ blta bas mi ngoms pa lnga ste/ rgya mtsho dang / ba glang cang shes dang / ri rab dang / 'khor los sgyur ba'i rgyal po dang / sangs rgyas so/ /klu ni gnas skabs lnga rang bzhin du gnas te/ skye ba dang / 'chi ba dang / za ba dang / gnyid log pa dang / nyal po byed pa'o/ /bud med rang bzhin gyis mkhas pa kha cig ni skyes pa gang bdag la chags pa dang / dus dang zla mtshan 'ong ba dang / bu chags pa dang / gag las mngal du zhugs pa dang / bu pho mo shes te/ pho ni g.yas par ro/ /mo ni g.yon par ro/ /rang bzhin gyi ma ning ni/ thog ma nas bud med kyang ma yin pa'o/ /zla ba phyed pa ni bud med/ phyed ni skyes par 'gyur ba'o/ /chags pa'i ma ning ni/ gang la pha rol la chags nas dbang po 'byung bar 'gyur ba'o/ /phrag dog pa'i ma ning ni/ pha rol log par sgrub pa mthong nas dbang po 'gyur ba'o/ /nyams pa'i ma ning ni/ nad kyis dbang po nyams pa'am/ mtshon gyis bcad pa'o/ /sor mo'i phreng ba las/ nyan thos kyi theg pa las/ yid ches bstan pa gang yin pa yang de bzhin gshegs pa'i snying po'o zhes bya ba'i don de yid rang bzhin gyis dag pa zhes bya ba gang yin pa de ni de bzhin gshegs pa'i snying po'o/ /de ni chos thams cad kyi gtso bo ste/ chos thams cad kyi go de bzhin gshegs pa'i snying po'i rang bzhin no/ /'di lta ste/ rgyal po gzhan gyis khrims byas pa thos nas bdag nyid kyang skye dgu skyong ba de bzhin du/ kha che yul gyi 'khor dang / yul b+ha ru ka tsa pa rnams kyang ngo tsha dang / nga rgyal bskyed nas theg pa chen pos 'jigs shing skrag pas gsang ste ston par 'gyur gyi de bzhin gshegs pa'i snying po ston par mi 'gyur ro/ /sngon bskal pa dpag tu m ed pa'i sngon rol du bud+d+ha ko san ta bzang po mnyan yod kyi drung du byung ba na dam pa'i chos nub kar dge slong sangs rgyas blo gros dgon pa na gnas pa la gcig gis gcig la gos bzang po zhig byin pa nub gcig nas gcig gis gos phrog ste gcer bur phyung nas shing la btags so/ /de nas bram ze me tog thu ba zhig gis mthong nas/ kye ma dge sbyong ngur smrig gis ni thar par mi 'gyur ba lta zhig snyam nas/ gcer bur byung la dka' thub byas na ngur ba lta zhes gcer bur byung nas rgyu ste/ de nas gcer bur byung ngo / /de nas dge slong de bcings pa khrol nas lus sa ser zhig gis byugs te 'gro ba dang / chur zhugs te klad pa'i rma bkrus nas rtswa 'jam pos klad pa bkab pa dang / rang gi lus rma yod pa skra 'jam pos g.yogs pa dang / ba lang gi lci ba ba sogs te me lde ba dang / rma la phog snyam byed pa/ bram ze zhig dang shing thun zhig dang / nyam thag pa gzhan dag cig gis mthong nas/ snga ma bzhin bsams te ya mtshan can kun du rgyu dang / dka' thub can rtswa gos gyon pa dang / phyugs bdag dang ba lang gi lci ba'i ri lu can dang / mya ngan du 'gro ba byung / de nas mgo byung ste/ ya mtshan can dgu bcu rtsa drug po thams cad kyang dge slong de'i spyod lam las 'phros te byung ngo / /'phags pa bde byed kyis zhus pa las/ rigs kyi bu gang su yang rung ba dag de ltar chos thams cad sprul pa lta bur mi 'dod mi dad la slar zlog pa dang / gshe ba de ni dge sbyong ma yin pa zhes bya/ mu stegs can zhes bya/ dmigs can zhes bya/ dkrugs ma ba zhes bya/ ngan g.yo can zhes bya/ 'chal pa zhes bya'o/ /skye bo rmongs pa khros pas zil non pa/ /'jig rten mkhas pa'i/ bstan las de ring ste/ de ni log lta rnams kyi nang 'dzin yin/ /de lta bas na mkhas mis 'khrug mi bya/ /'phags pa 'jam dpal gyis zhus pa las/ 'jam dpal rgyu gnyis kyis de bzhin gshegs pa'i gzugs kyi sku khyad du 'phags pa yin no/ /rgyu gnyis gang zhe na/ 'di lta ste/ de bzhin gshegs pa'i sngon gyi smon lam gyi dbang dang / gdul bya'i sems can rnams kyi dge ba yongs su smin pa'i dbang gis te/ 'jam dpal rgyu de gnyis kyis/ de bzhin gshegs pa'i gzugs kyi sku khyad par du 'phags pa yin no/ /sku ji lta bar gsung dang / mtshan dang chos ston pa la sogs pa yang de 'dra ste/ sems can rnams kyis de ltar shes so/ /'phags pa chos kyi phung po las/ bcu po 'di dag ni tshul khrims 'chal pa'i nyes dmigs yin te/ 'chi ba'i tshe gdung bar 'gyur ba dang / 'gyod par 'gyur ba dang / mnar med par 'gro bas 'jigs pa dang / tshul khrims can la skur pa 'debs pa dang / sangs rgyas kyis spangs pa dang / nyan thos kyis spangs pa dang / lhas spangs pa dang / 'chi ba'i tshe 'jigs pa dang / ngan 'gror 'gro ba dang / mi lus 'thob par dka' ba'o/ / 'phags pa rin po che'i mtha' las/ chos kyi dbyings la 'di dag ni skye bo'i chos so/ /'di dag ni 'phags pa'i chos so zhes gdags par mi nus so/ /chos kyi dbyings la 'di ni 'di na 'dug go/ /che ge mo zhig na 'dug go zhes gdags par mi nus so/ /de ci'i phyir zhe na/ chos kyi dbyings ni bstan du med pa/ gdags su med pa/ gdags pa las yang dag par 'das pa yin no/ /bcom ldan 'das sman gyi bla bai DUr+ya'i 'od kyi sngon gyi smon lam rgyas pa las/ dus ma yin par 'chi ba dgu yod do/ /gang zhe na/ nad pa sman dang rim gro dang mi ldan pa'am/ sman ma yin pa byed pa dang / rgyal po'i chad pa dang / ha cang bag med pas mi ma yin pas mdangs phrogs pa dang / me dang / chu dang / seng ge stag wa sbrul la sogs pa dang g.yang du lhung ba dang / dug byad ro langs kyi sbyor ba dang / bkres skom ste/ 'di dag ni mdor bsdus pa'o/ /gzhan yang grangs med dpag tu med do/ 'phags pa spyan ras gzigs zhes bya ba'i mdo las/ ji ltar de bzhin gshegs pa sangs rgyas kyi chos thams cad kyis mtha' yas pa de bzhin du/ de bzhin gshegs pa la yon phul pa yang tshad med mtha' yas so/ /phyi ma'i tshe dus lnga brgya tha ma la su zhig de bzhin gshegs pa'i ring bsrel yungs 'bru tsam la mchod pa dang / bsti stang byed pa des phan yon lnga gzung bar 'gyur te/ dran pa dang ldan pa dang / rtogs pa dang ldan pa dang / ngo tsha shes shing khrel yod pa dang / myur du sangs rgyas mthong ba dang / mthong nas dad pa skye ba'o/ /de chos bzhi dang yang ldan par 'gyur te/ bzhi gang zhe na/ de bzhin gshegs pa'i bstan pa 'dzin pa dang / de yang ji skad bstan pa bzhin sgrub pa dang / bsgrubs nas sangs rgyas dang nye bar 'gyur ba dang / myur du sangs rgyas kyi zhing yongs su dag par skye bar 'gyur ba dag go/ /d+harma 'di las mchod rten la rgyan phul pa yan chad so so'i yon tan zhib tu 'byung ngo / /'phags pa gser gyi bye ma lta bu las/ bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das 'jig rten gyi khams gang du sangs rgyas mi 'byung ba dang / byang chub sems dpa' rnams kyang byang chub kyi spyad pa mi spyod pa'i 'jig rten gyi khams ji snyed mchis/ bka' stsal pa/ sangs rgyas 'byung ba dang / byang chub sems dpa'i spyad pa spyod pa ni dper na rgya mtsho chen po'i bye ma dang / gang gA'i bye ma'i nang na gser gyi bye ma dkon pa dang 'dra ste/ ji ltar rgya mtsho'i bye ma dang / gang gA'i bye ma las la la zhig gis bye ma 'bru gcig blangs pa bzhin du nyung ngo / /'phags pa chos kyi phyag rgya zhes bya ba'i mdo las/ bcom ldan 'das la tshe dang ldan ba shar dwa ti'i bus 'di skad ces gsol to/ /bcom ldan 'das ji tsam gyis na legs par gsungs pa'i chos 'dul pa la rab tu byung ba zhes bgyi/ bka' stsal pa/ sha ra dwa ti'i bu 'jig rten pa'i chos las kyang ma 'das la/ zag pa med pa'i chos rnams kyang ma thob na/ de tsam gyis rab tu byung ba dang / 'jig rten las 'das pa'i bsnyen par rdzogs pa yin no/ /'phags pa bzhi pa sgrub pa las/ bzhi po 'di dag ni byang chub sems dpa' dka' ba byed pa ste/ gang zhe na/ sems can mthu chung ba la bzod pa byed pa dang / dbul ba la bdog pa thams cad gtong ba dang / yan lag gi mchog mgo slong ba la khro ba med pa'i steng du bshes gnyen du 'du shes pa dang / skye ba la mi rtog pas bsams bzhin du skye bar byed pa'o/ /byang chub sems dpa'i chos zung du 'brel ba bzhi ste/ gang zhe na/ bsam pa dang sbyor ba zung du 'brel pa dang / gtong ba dang bsngo ba zung du 'brel pa dang / byams pa dang snying rje zung du 'brel pa dang / thabs dang shes rab zung du 'brel pa'o/ /'phags pa blo gros mi zad pas/ pha rol tu phyin pa'i don gang zhe na/ spyod pa'i khyad par rdzogs pa'i don ni pha rol tu phyin pa'i don to/ /ye shes zab mo rdzogs pa'i don dang / 'dus byas dang / 'dus ma byas lam chags pa'i don dang / 'khor ba'i nyes pa ji lta ba bzhin rtogs pa'i don dang / skye bo mi mkhas pa rnams rtogs par byed pa'i don dang / sems can gyi khams shes pa'i don dang / phyir mi ldog pa'i sa 'thob pa'i don dang / sangs rgyas kyi zhing sbyong ba'i don dang / yon tan thams cad kyi pha rol tu phyin pa'i don to/ /'phags pa sgo mtha' yas ba sgrub pa las/ rgyal bas bsngags pa'i dgon par gnas par gyis/ /de la gnas pas gzhan la brnyas mi bya/ /zab mo'i bzod la 'dun pa bskyed nas su/ bag yod mgo la 'bar bzhin gnas par gyis/ /'di ltar tshul 'chos byed kyi gzhi yin pa/ /shes khe rnyed pa rnams la gnas ma byed/ /bya dang 'dra bar ngan ngon tsam gyis chog bya ste/ /mir gyur pa yi 'bras bu yod par gyis/ /'phags pa byang chub sems dpa'i spyod pa bstan pa las/ bcom ldan 'das la 'jam dpal gyis gsol pa/ bcom ldan 'das dge slong de dag gis chos 'di thos nas gnod par gyur pa la gzigs/ bka' stsal pa/ de skad ma zer cig / gal te 'di ma thos na bskal ba'i bar du bzang 'gror yang mi skye na/ sangs rgyas mnyes par byed pa lta ci smos/ chos kyi rnam grangs de dag the tshom dang bcas par thos pas da gzod kho na dmyal ba nas thar nas dga' ldan du skyes so/ /'phags pa dpal dbyig gis zhus pa las/ byang chub sems dpa' las dang po pas pha ma la gnod pa byed pa dang / bu dang / chung ma dang / bran pho dang / bran mo dang / las byed pa dang / zho shas 'tsho ba dang / mdza' bo dang / blon po dang / nye du dang rgan rabs la gnod pa byed par ji ltar mos pa dang / ci nus par dus dus su sbyin pa sbyin par bya'o/ /'phags pa bgres mos zhus pa las/ chos thams cad kyang ngo bo nyid kyis stong pa'i phyir te/ 'on kyang chos rnams 'dogs so/ /mkhas pa rnams ni de la mngon par mi zhen te/ mngon par zhen pa med pas mi rtsod do/ /rtsod pa med pa ni dge slong gi chos kyi mchog go/ /kun dga' bos gsol pa/ 'di ci'i slad du 'di ltar dbul bar gyur lags/ bka' stsal pa/ kun dga' bo nga byang chub sems dpa'i spyad pa spyod pa na/ 'di nga'i mar gyur te/ de bzhin gshegs pa 'khor ba 'jig gi bstan pa la rab tu 'byung du ma btang bas/ nga za gcig zan bcad par gyur te/ de nas 'dod pas btang ngo / /de'i rnam par smin pas 'di ltar gyur to/ /'phags pa rnam par mi rtog pa la 'jog pa las/ dam chos 'di la rgyal ba'i sras/ /rnam par mi rtog bsams gyur nas/ /rnam rtog bgrod dka' rnam 'das te/ /rim gyis mi rtog thob par 'gyur/ /'phags pa 'jig rten dang mthun par 'dug pa las/ sangs rgyas ye shes dpag yas te/ /chos kyi dbyings las 'byung yin yang / /sangs rgyas zhing ni ston mdzad pa/ /'di ni 'jig rten mthun 'jug yin/ /zhigs pa med cing skye med la/ /chos kyi dbyings dang mnyam gyur kyang / /bsreg pa'i bskal pa ston mdzad pa/ /'di ni 'jig rten mthun 'jug yin/ /'phags pa chos dang don rnam par 'byed pa las/ bud med gang la la zhig gis chos kyi rnam grangs 'di 'chang ngam klog na/ de bud med kyi lus brjes nas/ 'jig rten gyi khams bde ba can du skye bar 'gyur te/ de nyid de'i bud med kyi lus kyi tha ma yin no/ /'chi ba'i dus kyi tshe yang de bzhin gshegs pa 'od dpag med mthong bar 'gyur ro/ /'phags pa srid pa 'pho ba las/ bcom ldan 'das ji ltar na las bgyis shing ba sogs pa 'gags nas yun ring du lags pa 'gum pa'i dus kyi tshe nye bar gnas shing yid la mngon du 'gyur lags/ 'du byed thams cad stod pa la ji ltar las rnams 'chab mi 'tshal bar gda'/ de skad ces gsol pa dang / bcom ldan 'das kyis yul ma ga d+hA'i rgyal po bzo sbyangs gzugs can snying po la 'di skad ces bka' stsal to/ /rgyal po chen po 'di lta ste/ dper na mi zhig nyal nyal ba'i rmi lam na/ yul gyi bud med bzang mo dang lhan cig tu yongs su spyod pa rmis la/ de nyal ba las sad nas yul gyi bud med bzang mo de dran no/ /rgyal po chen po 'di ji snyam du sems/ rmi lam gyi yul gyi bud med bzang mo de yod dam/ gsol pa/ bcom ldan 'das de ni ma mchis lags so/ /bcom ldan 'das kyis bka' stsal pa/ rgyal po chen po 'di ji snyam du sems/ 'o na gang rmi lam gyi bud med bzang mo la mngon par zhen pa'i mi de ci mkhas pa'i rang bzhin can yin nam/ gsol pa/ bcom ldan 'das de ni ma lags te/ de ci'i slad du zhe na/ bcom ldan 'das rmi lam gyi yul gyi bud med bzang mo yang shin tu ma mchis shing mi dmigs lags na/ de dang yongs su spyod pa lta ga la mchis te/ 'di ltar mi de ni phongs shing du ba pa'i skal ba can du 'gyur lags so/ / bcom ldan 'das kyis bka' stsal pa/ rgyal po chen po de bzhin du byis pa so so'i skye bo thos pa dang mi ldan pa yang mig gis gzugs rnams mthong na/ yid bde bar 'gyur pa'i gzugs rnams la mngon par zhen te/ mngon par zhen par gyur nas rjes su chags par 'gyur ro/ /rjes su chags nas kun du chags par 'gyur ro/ /kun du chags nas 'dod chags las byung ba dang / zhe sdang las byung ba dang / gti mug las byung ba'i las lus dang ngag dang / yid kyis mngon par 'du byed de/ las de mngon par 'dus byas par gyur nas 'gag go/ /'gag pa na shar phyogs su brten te gnas pa ma yin/ lho phyogs su ma yin/ nub phyogs su ma yin/ byang phyogs su ma yin/ steng du ma yin/ 'og tu ma yin/ phyogs mtshams rnams su brten te gnas pa ma yin no/ /dus gzhan zhig na 'chi ba'i dus dang / tshod nye bar gnas pa'i tshe dang skal ba 'dra ba'i las zad nas rnam par shes pa tha ma 'gag pa'i tshe/ 'di lta ste dper na/ nyal nyal ba las sad pa'i mi'i yul gyi bud med bzang mo lta bur las de nyid la mngon du 'gyur ro/ /rgyal po chen po de ltar rnam par shes pa tha ma 'gag cing skye ba'i char gtogs pa'i rnam par shes pa dang po yang na ni lha'i nang du/ yang na ni mi'i nang du/ yang na ni lha ma yin gyi nang du/ yang na ni sems can dmyal ba rnams su/ yang na ni dud 'gro rnams su/ yang na ni yi dgas rnams su 'byung bar 'gyur ro/ /rgyal po chen po rnam par shes pa dang po de 'gags ma thag tu/ gang la rnam par smin pa myong bar 'gyur ba/ mngon pa de dang skal pa 'dra ba'i sems kyi rgyud 'byung ngo / /rgyal po chen po de la chos gang yang 'jig rten 'di nas pha rol tu phyin pa yang med la/ 'chi 'pho dang skye bar mngon pa yang yod de/ rgyal po chen po de la rnam par shes pa gang tha ma 'gags pa de ni 'chi 'pho zhes bya/ gang rnam par shes pa dang po 'byung ba da ni skye ba zhes bya'o/ /rgyal po chen po rnam par shes pa tha ma 'gag pa'i tshe yang gang du yang mi 'gro'o/ /rnam par shes pa dang po skye ba'i tshe yang gang nas kyang mi 'ong ngo / /de ci'i phyir zhe na/ ngo bo nyid dang bral ba'i phyir ro/ /rgyal po chen po de la rnam par shes pa tha ma ni tha mas stong / 'chi 'pho ni 'chi 'phos stong / las ni las kyis stong / rnam par shes pa dang po ni dang pos stong / skye ba ni skye bas stong la/ las rnams chud mi za bar mngon pa yang yod do/ /rgyal po chen po rnam par shes pa dang po skye ba'i char gtogs pa 'gags ma thag tu bar ma chad par gang la rnam par smin pa myong bar 'gyur ba mngon par sems kyi rgyud 'byung ngo / /'phags pa rmad du byung ba'i chos kyi rnam grangs las/ kun dga' bo stong gsum gyi stong chen po'i 'jig rten gyi khams yod de/ de rigs kyi bu'am rigs kyi bu mo gang la la zhig gis rin po che sna bdun gyi rang bzhin du byas te/ rgyun du zhugs pa nas rang sangs rgyas dang / phyogs bzhi'i dge 'dun la phul ba bas/ gang gis de bzhin gshegs pa mya ngan las 'das pa'i mchod rten brtsegs pa las skyu ru ra'i 'bras bu tsam byas la/ khab tsam gyi srog shing btsugs te/ rgya shug gi lo ma tsam gyi gdugs gsol nas nas 'bru tsam gyi sku gzugs byas la/ yungs 'bru tsam gyi ring bsrel bcug na de ni de bas ches bsod nams che'o zhes nga smra'o/ /'phags pa bram ze mo dpal gyis zhus pa las/ dpal ldan ma ma rig pa ni yang dag pa ma yin pa'i rnam par 'byung gi yang dag pa'i rnam pa ni ma yin no/ /ma rig pa ni phyin ci log rnam par 'byung gi phyin ci log pa'i rnam par smin pa ni mi 'byung ngo / /shes rab kyi pha rol tu phyin pa lnga bcu pa las/ bka' stsal pa/ rab 'byor nyan thos dang rang sangs rgyas kyi sa la slob par 'dod pas/ shes rab kyi pha rol tu phyin pa 'di mnyan par bya/ gzung bar bya/ bcang bar bya/ bklag par bya/ kun chub par bya'o/ /de ci'i phyir zhe na/ pha rol tu phyin pa dang / byang chub kyi phyogs thams cad der 'dus pas so/ /shes rab kyi pha rol tu phyin pa kau shi ka las/ bka' stsal ba/ kau shi ka shes rab kyi pha rol tu phyin pa'i don ni 'di yin te/ shes rab kyi pha rol tu phyin pa ni gnyis su blta bar mi bya/ gnyis ma yin par yang ma yin/ mtshan mar ma yin mtshan ma med par yang ma yin/ blang bar ma yin/ dor bar ma yin/ bsnan par ma yin/ bsnan pa med par ma yin/ kun nas nyon mongs par ma yin/ kun nas nyon mongs pa med par yang ma yin pa nas yang dag pa'i mtha' yang ma yin/ yang dag pa'i mtha' ma yin pa yang ma yin no/ /skar ma rab rib mar me dang / /sgyu ma zil pa chu bur dang / /mi lam glog dang sprin lta bur/ / 'dus byas thams cad de ltar blta/ na mo b+ha ga wa te pra dz+nyA pa ra mi ta ye/ oM d+hI shI shru ti smr-i ti gti bi dza ye swA hA/ 'gag pa med pa skye med pa/ /rtag pa med cing chad med la/ /tha dad don min don gcig min/ /'ong ba med cing 'gro med la/ /spros pa zhi bas zhi ba yin/ /rten cing 'brel 'byung sus bstan pa/ /rdzogs pa'i sangs rgyas gang yin pa/ /smra mchog de la phyag 'tshal lo/ /'phags pa chos bzhi pa bstan pa las/ chos bzhin dang ldan na/ sdig pa byas shing bsags pa zil gyis non par 'gyur te/ rnam par sun 'byin pa ni mi dge ba spyod pa na de la 'gyod pa mang ba 'o/ /gnyen po spyod pa ni mi dge ba byas nas dge ba la brtson pa'o/ /sor chud par byed pa'i stobs ni sdom pa blangs nas phyin chad mi byed pa'o/ /rten gyi stobs ni dkon mchog gsum la skyabs su 'gro ba dang / byang chub kyi sems mi gtong ba'o/ /'phags pa rten cing 'brel par 'byung ba las/ chos gang rgyus byung de dag gi/ /rgyu dang de 'gog gang yin pa'ang / /de bzhin gshegs pas bka' stsal to/ /de skad gsung ba dge sbyong che/ /la las mi yod pa'i sa phyogs su mchod rten byas te snying po 'di bcug na shi 'phos nas tshangs pa'i 'jig rten du skye'o/ /de nas shi 'phos nas gnas gtsang mar skye'o/ /'phags pa chos bzhi po las/ byang chub sems dpa' chos bzhi srog gi phyir yang nam 'tsho'i bar du mi gtong ba la/ byang chub kyi sems dang / dge ba'i bshes gnyen dang / bzod pa dang / nges pa dang / dgon par gnas pa'o/ /'phags pa byams pa la bka' stsal pa/ byams pa stong gsum gyi stong chen po'i gang gA'i bye ma snyed rin po che sna bdun gyis bkang ste/ de bzhin gshegs pa la phul ba bas/ gang gis snying rje bas tshigs su bcad pa gcig gzhan gyi rgyud la bzhag na/ bsod nams 'di la snga mas char yang mi phod do/ /'phags pa klu'i rgyal po rgya mtshos zhus pa las/ mdo 'di bklags na chos kyi phung po brgyad khri bzhi stong bklags par 'gyur/ /'phags pa chos bzhi pa'i mdo las/ dge slong gis ji srid 'tsho'i bar du yid brtan par mi bya ba bzhi la/ bud med dang / rgyal po'i pho brang 'khor dang / bdag gi gzugs bzang ba dang / dbang phyug pa yo byad 'byor pa'o/ /'phags pa rgyal ba'i blo gros las/ bsod nams 'dod pas de bzhin gshegs pa mchod par bya'o/ /shes rab 'dod pas mnyan pa la brtson par bya'o/ /longs spyod 'dod pas gtong ba spel bar bya'o/ /gzugs bzang bar 'dod pas/ bzod pa bsgom par bya'o/ /spobs pa 'dod pas bla ma la gus par bya'o/ /gzungs 'dod pas mngon pa'i nga rgyal med par bya'o/ /bde ba 'dod pas sdig pa spang bar bya'o/ /sems can la bde bar bya bar 'dod pas/ byang chub tu sems bskyed par bya'o/ /skad snyan par 'dod pas bden pa smra bar bya'o/ /yon tan 'dod pas dge ba'i bshes gnyen la bsten par bya'o/ /zhi gnas 'dod pas 'du 'dzi med par bya'o/ /lhag mthong mthong bar 'dod pas chos la stong par brtag par bya'o/ /tshangs pa'i 'jig rten 'dod pas tshad med pa bsgom par bya'o/ /lha dang mi'i phun sum tshogs par 'dod pas dge ba bcu bya'o/ / mya ngan las 'da' bar 'dod pas/ thos pa la brtson par bya'o/ /yon tan thams cad 'dod pas dkon mchog gsum la mchod par bya'o/ /'phags pa sbyin pa'i phan yon bstan pa las/ ser sna spang ba'i phyir dad pas sbyin no/ /dus su sbyin no/ /de bzhin gshegs pas gnang ba'i rung ba dngos po gsum yongs su dag par sbyin no/ /sems kyi 'khrug pa'i skyon thams cad yongs su spang ba'i phyir bsti stong byas te sbyin no/ /snying po med pa'i lus las snying po blang pa'i phyir rang gi lag nas sbyin no/ /d+harma 'di las sbyin pa re re'i rnam par smin pa nges pa rgyas pa 'byung / 'phags pa mi rtag pa nyid kyi mdo las/ nad med mi rtag lang tsho rtag ma yin/ /'byor ba mi rtag srog kyang rtag ma yin/ /skye bo mi rtag nyid kyis nyen gyur na/ /'dod pas yon tan dga' ba ji ltar skye/ /'phags pa kun du rgyu sen rings kyis zhus pa las/ bcom ldan 'das la kun du rgyu sen rings kyis gsol pa/ bdag ji srid 'tsho'i bar du sangs rgyas dang chos dang dge 'dun la skyabs su mchi'o/ /ji srid 'tsho'i bar du yan lag brgyad pa'i bsnyen te gnas pa la nye bar gnas par bya'o/ /srog chags thams cad gsod dang gzhan nor rku dang mi tshangs spyod pa dang / /gang gi dbye ba brdzun dang myos skyed btung dang dus min za ba dang / /phreng ba kha dog glu gar rtse 'jo mal stan mthon po rnams/ /deng nas bdag gis spangs te yon tan brgyad kyis dgra bcom tshul du bgyi/ /de bzhin du lan gnyis lan gsum du'o/ /bdag gis gso sbyong gi tshul khrims kyi sdom pa yang dag par 'dzin pa 'di sems kyi rgyan dang / sems kyi yo byad dang / byang chub kyi tshogs su 'gyur ba dang / don gyi dam pa thams cad mkhyen pa'i ye shes dang / mya ngan las 'das pa'i bde ba bla na med pa la gnas par gyur cig / bka' stsal pa/ bram ze chen po khyod de ltar byed pa legs so legs so/ /'phags pa seng ges zhus pa las/ skye ba kun du byang chub sems/ /rmi lam na yang sems de ni/ /'dor mi 'gyur na ma nyal tshe/ /smos ci 'tshal bar gang gis 'gyur/ /grong dang grong khyer rnams su yang / /gang du gnas pa'i yul rnams su/ /byang chub la ni yang dag 'dzud/ /des na sems 'dor mi 'gyur ro/ /'dir ni snying po lnga byin zhing / / skrag la mi 'jigs byin na ni/ /gang dang gang du skyes par yang / /des ni stobs ni cher 'gyur te/ /rtag tu mthu yis 'phags pa dang / /bdud rnams bye bas mi tshugs so/ /'phags pa 'jam dpal gyis bstan pa las/ 'jam dpal ci la dmigs nas de bzhin gshegs pa la mchod pa bgyi/ lha'i bu dmigs pa bzhi ste gang zhe na/ byang chub kyi sems dang / sems can thams cad thar bar bya ba dang / dkon mchog gi gdung rgyud mi gcad pa dang / sangs rgyas kyi zhing yongs su dag par bya ba la dmigs nas so/ / 'phags pa rdo rje snying po'i gzungs las/ bka' stsal pa/ 'jam dpal 'di ji snyam du sems/ sems can dmyal ba rang gi rtog pa las byung ngam/ 'on te ngo bo nyid las byung / 'jam dpal gyis gsol pa/ bcom ldan 'das byis pa so so'i skye bo rang gi rtog pas sems can dmyal ba dang / dud 'gro dang gshin rje'i 'jig rten du rig ste/ de dag ma mchis pa la sgro btags pa'i slad du ngan song gsum du gnod pa tshor zhing sdug bsngal myong lags so/ /bcom ldan 'das bdag gis sems can dmyal ba ji ltar mi mthong ba de bzhin du sems can dmyal ba pa rnams mi mthong ste/ sems can dmyal ba'i sdug bsngal yang ma mchis so/ /bcom ldan 'das 'di lta ste dper bgyi na mi la la zhig gnyid log pa'i rmi lam na bdag sems can dmyal bar ltung ba snyam du rig nas de de na lcags kyi bum pa rab tu khros pa shin tu 'bar bar bdag nyid bcug par yang 'du shes par 'gyur ro/ /des de na sdug bsngal gyi tshor ba drag cing mi bzad la brnag par dka' zhing yid du mi 'ong ba myong bar 'gyur/ des de na yid kyi gdung ba myong bar 'gyur/ des de na skrag par 'gyur/ dngang bar 'gyur/ kun du dngang bar 'gyur ro zhes pa nas de 'di ltar bdag ni gnyid kyis log par gyur te yang dag pa ma yin pa 'di bdag gis kun du brtags so snyam du dran pa skye bar 'gyur zhing / slar yang yid bde ba thob par 'gyur lags so zhes gsungs so/ /'phags pa snang ba bsam gyis mi khyab pa bstan pa las/ chos bzhi dang ldan na myur du bzod pa 'thob cing bla na med pa'i byang chub mngon par 'tshang rgya ste/ bzhi ni sangs rgyas la chos nyid du mthong gi/ gzugs su ma yin pa dang / chos la 'dod chags dang bral bar mthong gi/ yi ge dang nges pa'i tshig tu ma yin pa dang / dge 'dun la 'dus byas su mthong gi/ tshogs su ma yin pa dang / shes rab kyi mig yongs su dag par 'gyur ba'o/ /'phags pa sangs rgyas bcu pa las/ gang gis mtshan bzung na myur du 'tshang rgya ba'i sangs rgyas bcu la/ shar phyogs na 'jig rten gyi khams yon tan thams cad rnam par dag pa na sangs rgyas yon tan bskal pa dpag tu med pa las 'das pa dang / lho phyogs na 'jig rten gyi khams yon tan rin chen bkod pa na sangs rgyas yon tan bkod pa'i dpal gzi brjid kyi phung po'i bskal pa dang / nub phyogs na 'jig rten sbyor bas mun pa thams cad bral ba na sangs rgyas chos thams cad la spobs pa bkod pa'i dpal dang / byang phyogs na 'jig rten mun pa dang rdul dang bral ba na spobs pa dpag tu med pa yang dag par spyod pa dang / shar lho na 'jig rten yun ring por bde ba bkod pa na sprin gyi 'brug sgra sgra dbyangs bstod pa dang / lho nub na 'jig rten yon tan dpag tu med pa bkod pa na sangs rgyas nyi ma'i 'od dam pa dpal gyi gzi brjid 'byung ba dang / nub byang na 'jig rten ngan song spangs pa na sangs rgyas rnam pa mang po'i gzi brjid kyi rgyal po dpal 'byung ba dang / byang shar na 'jig rten mya ngan gyi gnod pa thams cad dang bral ba na sangs rgyas bskal pa bye ba grangs med par kun du 'byung ba dang / steng na 'jig rten gzi brjid dpag tu med pa bkod pa na/ sangs rgyas dge ba gser gyi nam mkha' nges par sgrogs pa dpal gyi gzi brjid 'byung ba dang / 'og na 'jig rten rdul thams cad 'dus pa na sangs rgyas chos thams cad kyi tshul rnam par 'phrul pa'i gzi brjid 'byung ba'o/ /dam pa'i chos dran pa nye bar gzhag pa las/ dper na chu bo'i rgyun bar chad med par rtag tu 'bab pa bzhin du skyes bu de dag gnyid log gam/ myos sam rab tu myos pa'i 'jug pa na yang de bzhin no/ /de ltar na rnam par rig byed ma yin pa'i gzugs bstan du med pa thogs pa med par 'dod do/ / gzugs de ji lta bu yin zhe na/ las kyi ngo bor yod pa nyid yin no/ /dus gsum gyi sangs rgyas thams cad kyi gsung rab yang dag pa'i lam ston pa ni 'di lta ste/ 'dod chags la mi sdug pa'o/ /zhe sdang la byams pa'o/ /gti mug la rten cing 'brel bar 'byung ba'o/ /'di ltar sa chen po'i chos bcu ni tshor ba dang / 'du shes dang / sems pa dang / reg pa dang / yid la byed pa dang / 'dun pa dang / mos pa dang / dran pa dang / ting nge 'dzin dang / shes rab ste/ dmigs pa gcig la mtshan nyid gzhan dang gzhan du 'dod pa de dang 'dra'o/ /mchod rten nam dge 'dun gyi gtsug lag khang gi skyong nul nyi ma'am/ char pas zad pa slar 'chos na lha phyi bang gsum pa lus dkar gyi nang du skye/ de nas shi 'phos na yang de dang rgyu mthun dkar sham pad+ma'i rtsa lag lta bu'i mdog stong phyogs dang rgya yul la sogs par skye bar 'gyur/ rgyal chen bzhi rnams ni ri rab kyi ngos la 'khor ro/ /gzhal med khang dang ldan pa de dag la mu stegs can rnams gza' dang skar ma dang / rgyu skar yin par sems te/ de rnams kyi rags pa bgrangs na bye ba phrag drug yod do/ / ri rab kyi ngos gang la nyi ma 'khor ba'i ngos de dang de'i mi'i gnas gang du ri rab kyi grib ma 'bab pa de ltar mtshan mor 'gyur ro/ /byang phyogs na rlung 'khor lo'i gzugs zhes bya ba yod do/ /byang phyogs kyi skar ma de dag 'char du yang mi ster/ nub tu yang mi ster na mu stegs can de dag gis de mthong nas drang srong bdun gyis 'jig rten 'dzin to/ /brgya byin gyi khang pa brtsegs ma la brgya byin snga rabs shi ste na rag la sogs par song ba'i ming gi dkar chag bris ba ni legs 'byor pa dang / kun dga' dang mi 'chi zhes bya ba la sogs sum cu ste/ de mthong nas brgya byin skyo ba skye'o/ /dkon mchog sprin las/ ji ltar na byang chub sems dpa' byams pa sgom pa mang ba yin zhe na/ rigs kyi bu 'di la byang chub sems dpa' gcig pur dben par 'dug ste/ nang du yang dag par bzhag nas rab tu dben pa la mngon du phyogs te/ shin tu skyo ba'i sems kyis lus drang po dang / lus bags kyis klod pas skyil mo krung bcas nas dran pa mngon du gzhag ste/ phyi rol du ma byung ba'i sems kyis 'di snyam du sems so/ /sems can gang dag khro ba gnod sems mang ba mi dge ba'i las byed pa rnams dang / gang dag bdag la rgol ba dang / dgra bo gcugs med par shar gnyer ba rnams byung ngam 'byung ngam 'byung bar 'gyur ba yang rung ste/ bdag gis de dag thams cad kyi khro ba dang / gnod sems rab tu zhi bar bya ste/ byang chub kyi snying po la bkod par bya'o snyam mo/ /de yang gang tsam gyis ma yin gyi bsam pa thag pas sems te/ de ltar na byang chub sems dpa' byams pa bsgom pa mang ba yin no/ /bcom ldan 'das bskal ba grangs med pa gsum gyis de bzhin gshegs pa rnams yang dag par 'grub pa ma lags sam/ bcom ldan 'das kyis bka' stsal pa/ ma yin no/ /de ci'i phyir zhe na/ de bzhin gshegs pa'i yul bsgrub par bya ba bsam gyis mi khyab ste/ de bskal pa grangs med pa gsum gyis yang dag par sgrub par mi nus kyis/ nam byang chub sems dpas chos mnyam pa nyid du zhugs par gyur pa de'i tshe nas brtsams te bskal pa bgrang bar bya'o/ /thog ma'i sems nas brtsams te ni ma yin no/ /theg pa chen po chos mngon pa'i mdo las 'byung ba byang chub sems dpa'i chos bzhi dang ldan na/ rnam par rig pa thams cad kyi don med par khong du chud par 'gyur te/ rnam par shes pa mi mthun pa'i rgyu mtshan nyid shes pa ni/ 'di lta ste/ yi dgas dang / dud 'gro dang / mi dang lha rnams kyi dngos po gcig la rnam par rig pa tha dad par mthong ba lta bu dang / dmigs pa med pa'i rnam par rig pa dmigs pa ni/ 'di lta ste/ 'das pa dang / ma 'ongs pa dang / rmi lam dang / gzugs brnyan dmigs pa lta bu dang / phrad pa med par phyin ci log med par 'gyur ba shes pas ni bden pa'i don la dmigs pa'i rnam par shes pa 'bad pa med par bden par shes pa'i phyir phyin ci log med par 'gyur ba dang / shes pa rnam pa gsum pa rjes su mthun pa'i shes pas ni 'di ltar byang chub sems dpa' dang / bsam gtan pa sems la dbang thob pa rnams mos pa'i dbang gis de ltar don de dag snang ba dang / zhi gnas thob pa'i rnal 'byor pa chos la lhag mthong la brtson pa rnams la yid la byed pa tsam du don snang ba dang / rnam par mi rtog pa'i ye shes thob ste/ de la gnas pa rnams la don thams cad mi snang ngo / /dgongs pa nges par 'grel pa las/ 'jam dpal 'di ni de bzhin gshegs pa'i bya ba sgrub pa nges pa'i don du bstan pa zhes bya bar zung shig /bcom ldan 'das rnam par lta ba'i ting nge 'dzin gyi spyod yul gyi gzugs brnyan gang lags pa de/ sems las tha dad pa zhes bgyi'am tha dad pa ma lags zhes bgyi byams pa tha dad pa ma yin zhes bya'o/ /ci'i phyir tha dad pa ma yin zhe na/ gzugs brnyan de rnam par rig pa tsam du zad pa'i phyir te/ byams pa rnam par shes pa ni dmigs pa rnam par rig pa tsam gyis phye ba ma yin no zhes ngas bshad do/ /bcom ldan 'das ting nge 'dzin gyi spyod yul gzugs brnyan de sems las tha dad pa ma lags na sems de nyid kyis sems de nyid la ji ltar rtog par bgyid/ bka' stsal pa/ byams pa chos gang la yang rtog par mi byed mod kyi/ 'on kyang de ltar skyes pa'i sems de ni de ltar snang ngo / /byams pa 'di lta ste/ me long gi dkyil 'khor shin tu dag pa la gzugs kyis rkyen byas te gzugs nyid mthong yang gzugs brnyan mthong ngo snyam du sems te/ de la ni gzugs de dang gzugs brnyan snang ba de don tha dad par snang ngo / /de bzhin du de ltar skyes pa'i sems de yang ting nge 'dzin gyi gzugs brnyan zhes bya ba dang don tha dad par snang ngo / /bcom ldan 'das sems can rnams kyi gzugs brnyan rang bzhin du gnas pa gzugs la sogs pa gang lags pa de yang / sems dang tha dad pa ma lags pa zhes bgyi'am/ byams pa tha dad pa ni ma yin te/ byis pa phyin ci log gi blo can rnams kyis gzugs brnyan de dag la rnam par rig pa tsam de yang dag pa ji lta ba bzhin mi shes pas phyin ci log tu sems so/ /shes rab kyi pha rol tu phyin pa khri brgyad stong pa las/ bka' stsal pa/ byams pa 'du byed kyi mtshan ma'i dngos po la 'di ltar gzugs zhes bya ba nas/ sangs rgyas kyi chos rnams zhes bya ba'i bar du ming du glo bur du btags pa de rnam par rtog pa tsam du ma zad dam/ gsol pa/ rnam par rtog pa tsam nyid do/ /yi ge med pa'i za ma tog rnam par snang mdzad kyi snying po las/ rigs kyi bu gang byang chub sems dpa'i rtag tu bsrung bar bya ba'i chos ni gcig ste gang zhe na/ gang bdag mi 'dod pa de gzhan la mi bya'o/ /chos gcig pu de bsrungs na byang chub sems dpa'i bslab pa'i gzhi thams cad bsrungs par 'gyur ro/ /de ci'i phyir zhe na/ rigs kyi bu gang bdag gi srog phangs par 'dzin pa des srog mi gcod do/ /gang bdag gis nor phangs pa de ma byin par mi len te/ gang bdag gi chung ma phangs par 'dzin pa de gzhan gyi chung ma'i gan du mi 'gro ba'o/ / rigs kyi bu de la sogs pa gang la la zhig 'di snyam du de bzhin gshegs pa'i bka' bzhin du bya'o snyam du sems pa des chos gcig pu 'di bsrung bar bya'o zhes bshad do/ /de ci'i phyir zhe na/ rigs kyi bu gang la la bla na med pa yang dag par rdzogs pa'i byang chub don du gnyer ba de thams cad ni rang gi bde ba'i rgyur don du gnyer gyi/ su yang bdag sdug bsngal bar mi 'dod/ 'gro ba rnams ni bde ba 'dod/ /ces bya ba'i tha tshig ste/ gang khyed cag mi 'dod pa de gzhan dag lam byed cig ces nga smra'o/ /rigs kyi bu 'di ni byang chub sems dpa' gang rtag tu bsrung bar bya ba'i chos gcig go/ /gang mdo 'di nyan pa de 'chi ba'i dus kyi tshe yang byang chub sems dpa' 'di dag nyid dang / thabs cig tu ri'i rgyal po bya rgod kyi phung po la gnas pa mthong bar 'gyur ro/ /rigs kyi bu gang de bzhin gshegs pas mngon par rdzogs par sangs rgyas pa'i chos gcig pu de gang zhes zer ba ni chos gcig pu de gang yang med do/ /gang la chos gang yang rtog pa med pa de de bzhin gshegs pas mngon par rdzogs par sangs rgyas pa'o/ /rigs kyi bu yang de bzhin gshegs pas chos thams cad ma skyes par thugs su chud do/ /shes rab kyi pha rol tu phyin pa khri pa las/ de la rnam par thar pa'i sgo stong pa nyid gang zhe na/ 'di lta ste/ chos thams cad rang gi mtshan nyid kyis stong par so sor rtog pa'i sems gnas pa rnam par thar pa'i sgo stong pa nyid de/ de ni rnam par thar pa'i sgo stong pa zhes bya'o/ /de la rnam par thar pa'i sgo mtshan ma med pa gang zhe na/ 'di lta ste/ chos thams cad rang gi mtshan nyid kyis mtshan ma med par so sor rtog pa'i sems gnas pa rnam par thar pa'i sgo mtshan ma med pa ste/ de ni rnam par thar pa'i sgo mtshan ma med pa zhes bya'o/ /de la rnam par thar pa'i sgo smon pa med pa gang zhe na/ 'di lta ste/ chos thams cad mngon par 'du byed pa med par so sor rtog pa'i sems gnas pa'o/ /de la mi shes pa kun shes par byed pa'i dbang po gang zhan/ gang zag slob pa mngon par rtogs par ma gyur pa rnams kyi dad pa'i dbang po dang / brtson 'grus dang / dran pa dang / ting nge 'dzin dang / shes rab kyi dbang po gang yin pa'o/ /kun shes pa'i dbang po gang zhe na/ gang zag slob pa mngon par rtogs par ma gyur pa rnams kyi gang yin pa'o/ / kun shes pa dang ldan pa'i dbang po gang zhe na/ gang zag mi slob pa 'di lta ste/ dgra bcom pa rnams dang / rang sangs rgyas rnams dang / byang chub sems dpa' sa bcu la gnas pa dang / de bzhin gshegs pa rnams kyi dad pa'i dbang po la sogs pa gang yin pa'o/ / de la rtog pa med la dpyod pa tsam gyi ting nge 'dzin gang zhe na/ bsam gtan dang po dang / bsam gtan gnyis pa'i bar gang yin pa'o/ /de dag ni zad par gyi skye mched bcu zhes bya ste/ thams cad sa'i khams su mos par byed de/ thams cad kyang sa'i khams kho nar khams gcig tu 'gyur ro/ /thams cad chud nas rnam par shes pa'i khams kyi bar du mos par byed de/ rnam par shes pa kho nar khams gcig pa'i bar du 'gyur ro/ /de la thams cad shes pa nyid gang zhe na/ nyan thos dang rang sangs rgyas rnams skye mched bcu gnyis po dag la gang zag la bdag med par phyogs gcig shes pa gang yin pa ste/ de ni thams cad shes pa zhes bya'o/ /de la lam gyi rnam pa shes pa gang zhe na/ byang chub sems dpa' theg pa gsum gyi lam shes kyang / nyan thos dang / rang sangs rgyas kyi theg pas dag par mi sems kyi/ byang chub sems dpa'i lam gyis nges par 'byung ba gang yin pa'o/ /de la n+ya gro d+ha ltar chu zheng gab pa nyid ni 'di yin te/ chur ji srid pa zheng yang de srid la zheng du ji srid par chur yang de srid yin no/ /ro bro ba'i mchog ni/ de'i mgur drang por mid pa drang zhing ma yo la thogs pa med par mid du rung bar 'gyur pa yin no/ /bka' stsal pa/ shar dwa ti'i bu 'di ji snyam du sems/ ci phung po lnga po 'di dag shes rab kyi pha rol tu phyin pa la bslabs nas/ rnam pa thams cad mkhyen pa nyid du nges par 'byung snyam mam/ gsol pa/ btsun pa bcom ldan 'das de lta ma lags so/ /de ci'i slad du zhe na/ btsun pa bcom ldan 'das 'di ltar gzugs ni sgyu ma lta bu lags shing / de bzhin du tshor ba dang / 'du shes dang / 'du byed rnams dang / rnam par shes pa ni sgyu ma lta bu lags la/ rnam par shes pa gang lags pa de ni dbang po drug po lags la/ dbang po drug gang lags pa de ni nye bar len pa'i phung po lnga rnams lags pa'i slad du'o/ /'jig tshogs la lta ba dang / the tshom dang / tshul khrims dang / brtul zhugs mchog tu 'dzin pa ste/ / kun du sbyor ba gsum po de dag spangs pas rgyun du zhugs pa zhes bya'o/ /des bsgom pa'i lam thob nas 'dod pa la 'dod chags dang / gnod sems gnyis srab mor byed par 'gyur te/ de ni lan cig phyir 'ong ba yin no/ /des bsgom pa'i lam bsgoms pa de nyid kyis 'dod pa la 'dod chags dang / gnod sems gnyis ma lus par spong bar 'gyur ro/ /de de gnyis spangs pas phyir mi 'ong ba yin no/ /des bsgom pa'i lam cher bsgoms pa de nyid kyis gong ma'i cha dang mthun pa lnga po 'di lta ste/ gzugs kyi 'dod chags dang / gzugs med pa'i 'dod chags dang / ma rig pa dang / nga rgyal dang / rgod pa spangs pas dgra bcom par 'gyur ro/ /'di lta ste/ 'du byed thams cad ni rten cing 'brel bar 'byung ba'o zhes rang sangs rgyas kyi lam bsgom par bya'o/ /gang dag yang dag pa'i skyon med pa la zhugs pa de dag ni/ bla na med pa yang dag par rdzogs pa'i byang chub tu sems bskyed par mi nus so/ /de ci'i phyir zhe na/ de dag gis 'khor ba'i sa mtshams bcad pa'i phyir ro/ /tshe zad pa dang / nyon mongs pa mgo mnyam du zad pa'i gang zag ces bya bar mi bya'o/ /bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gang gis na byang chub sems dpa' de shes rab kyi pha rol tu phyin pa spong zhing de bzhin du rgyang ring du byed pa'i rnam grangs yod do/ /rab 'byor gal te byang chub sems dpa' chen po byams pa shes rab kyi pha rol tu phyin pa la spyod pa na/ 'di snyam du/ kye ma shes rab kyi pha rol tu phyin pa 'di ni gsob bo/ /gsog go/ /snying po med pa'o/ /kye ma shes rab kyi pha rol tu phyin pa 'di ni ya ma brla'o snyam du sems na/ 'di ni shes rab kyi pha rol tu phyin pa spong zhing rgyang ring du byed pa yin no/ /rab 'byor byang chub sems dpa' sems dpa' chen po byams pa bla na med pa yang dag par rdzogs pa'i byang chub tu mngon par rdzogs par sangs rgyas nas/ sa phyogs 'di nyid du shes rab kyi pha rol tu phyin pa 'di ston par 'gyur ro/ /bskal pa bzang po 'di de bzhin gshegs pa thams cad kyang byang phyogs 'di nyid du 'byung bar 'gyur zhing / shes rab kyi pha rol tu phyin pa ston par 'gyur ro/ /rab 'byor 'di lta ste 'jig tshogs la lta ba'i nang na lta bar gyur pa drug cu rtsa gnyis 'dus pa de bzhin du/ rab 'byor shes rab kyi pha rol tu phyin pa zab mo 'dir pha rol tu phyin pa thams cad 'dus so/ /kun 'byung ba'i chos gang ci yang rung ba de thams cad 'gog pa'i chos can du shes pa ni rang byang chub yin no/ /sku dang dbu las skyes pa'i dbu skra dang spu rnams ni kha gyen du bltas shing mthon mthing la kun nas lcang lor 'khyil ba 'jam zhing snum la g.yas su 'khyil pa mdzes par skyes pa yin no/ /gal te de bzhin gshegs pas byin gyis brlab pa ma mdzad du zin na zla ba dang / nyi ma 'di gnyis kyang 'jig rten na yod par mi 'gyur/ zla ba gcig dang / zla phyed dang / dus dang lo khyud kor rnams kyang 'jig rten na snang bar mi 'gyur ro/ /chos 'di dag thams cad ni rten cing 'brel bar 'byung ba phyin ci log bzhi las skyes pa dang / las kyi rnam par smin pa las yongs su zin pa yin na/ 'di la khyed dngos po med pa'i chos rnams la dngos por 'du shes pa'i rgyu gzhan gang yin zhes ston par byed/ byang chub sems dpas dud 'gro'i skye gnas su skyes pa'i srog chags mthong na/ 'di snyam du bdag gi sbyin gnas ni yang dag par rdzogs pa'i byang chub yin gyi/ dud 'gro'i skye gnas ma yin no snyam du sems pa'i sems bskyed na byang chub sems dpa'i chos ma yin no/ /de ci'i phyir zhe na/ rang gi sems yongs su dag na byang chub sems dpa'i sbyin gnas yongs su dag pa'i phyir te/ byang chub sems dpa' sems dpa' chen pos ni bdag gis sems can dbul po 'di dag sbyin pas bsdus nas/ gzhan gyi rdzas la rku bar mi 'gyur ro zhes bya ba la sogs par sems bskyed par bya'o/ /gzugs kyang chos kyi dbyings ma yin la/ gzugs las gud na yang chos kyi dbyings med do/ /'di ltar byang chub sems dpas stong pa nyid dang / mtshan ma med pa dang / smon pa med pa la ma gtogs par gzhan la bslab par mi bya ba'i phyir ro/ /de ci'i phyir zhe na/ rab 'byor rnam par thar pa'i sgo gsum po 'dir dge ba'i chos thams cad 'dus pa'i phyir ro/ /bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad mtshan ma ma mchis pa lags te/ mtshan ma ni btags pa tsam kun du rtog pa las 'byung ba lags na/ byang chub sems dpa' ji ltar dge ba'i chos rnams kyis khyad par du 'phags par 'gyur lags/ btsun pa bcom ldan 'das ci dang po sems bskyed pa'i byang chub sems dpa' sems dpa' chen po nges pa zhes bgyi'am/ 'on te srid pa tha ma pa lags/ bcom ldan 'das kyis bka' stsal pa/ rab 'byor dang po sems bskyed pa'i byang chub sems dpa' sems dpa' chen po yang nges pa yin no/ /phyir mi ldog pa dang / srid pa tha ma pa yang nges pa yin no/ /yang dag pa nyid du nges pa'i sar ni sems can dmyal ba rnams su mi skye'o/ /'phags pa chos thams cad shin tu rgyas par bsdu ba las/ 'jam dpal dam pa'i chos spong ba las kyi sgrib pa ni phra ba'o/ /'jam dpal gang la la de bzhin gshegs pa'i bka' la la la ni bzang bar 'du shes/ la la ni ngan par 'du shes pa de ni dam pa'i chos spong ba'o/ /gang chos spangs pa des de bzhin gshegs pa la skur ba yin no/ /gnas 'jog las/ bka' stsal pa/ gnas 'jog yan lag brgyad dang ldan pa'i bsnyen gnas la gnas par 'dod pas/ nang par langs nas dge slong ngam/ bram ze'am/ gzhan gang yang rung pa zhig gi drung du song ste/ bla gos phrag pa gcig tu byas la/ pus mo g.yas pa'i lha nga sa la btsugs te/ thal mo sbyar nas 'di skad ces brjod par bya'o/ /bdag ming che ge mo zhes bgyi ba 'di dus 'di nas bzung ste/ gang do nub kyi mtshan mo 'di dang / sang nyi ma shar gyi bar du srog gcod pa spangs shing srog gcod pa las slar ldog ste/ dbyug pa spangs shing mtshon cha spangs te/ ngo tsha dang ldan zhing snying rje dang ldan par bgyis la/ sems can dang srog chags 'byung po thams cad las chung ngu na srog chags phra mo grog sbur yan chad kyi srog gcod pa spangs te/ srog gcod pa las slar ldog par bgyi'o/ /ji ltar 'phags pa dgra bcom pa dag ji srid 'tsho'i bar du srog gcod pa spangs te/ srog gcod pa las slar ldog nas dbyug pa spangs shing mtshon cha spangs te/ sems can srog chags 'byung po thams cad las chung ngu na srog chags phra mo grog sbur yan chad kyi srog gcod pa spangs te/ srog gcod pa las slar ldog pa de bzhin du bdag che ge mo yang dus 'di nas bzung ste/ do nub kyi mtshan mo 'di dang / sang nyi ma ma shar gyi bar du srog gcod pa spangs shing srog gcod pa las slar ldog ste/ dbyug pa spangs shing mtshon cha spangs te/ ngo tsha dang ldan zhing snying rje dang ldan par bgyis la/ sems can dang / srog chags 'byung po thams cad las chung ngu na srog chags phra mo grog sbur yan chad kyi srog gcod pa yang spangs te/ srog gcod pa las slar ldog par bgyi'o/ /yan lag dang po 'dis bdag 'phags pa dgra bcom pa de dag gi bslab pa la rjes su slob po/ /rjes su sgrub po/ /rjes su bgyid do/ /ji ltar srog gcod pa las slar ldog pa de bzhin du ma byin par len pa dang / mi tshangs par spyod pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas dang / glu gar dang rol mo'i sgra dang / phreng ba dang / spos nyug pa dang / rgyan dang / kha dog 'chang ba dang / khri stan mthon po dang / khri stan chen po dang / dus ma yin pa'i zas spangs te/ dus ma yin pa'i kha zas las slar ldog par bgyi'o/ /ji ltar 'phags pa dgra bcom pa de dag ji srid 'tsho'i bar du dus ma yin pa'i kha zas spangs te/ dus ma yin pa'i kha zas las slar ldog pa de bzhin du/ bdag che ge mo yang dus 'di nas bzung ste/ gang do nub kyi mtshan mo 'di dang sang nyi ma shar gyi bar du dus ma yin pa'i kha zas spangs te/ dus ma yin pa'i kha zas las slar ldog par bgyi'o/ /yan lag brgyad pa 'dis bdag 'phags pa dgra bcom pa de dag gi bslab pa la rjes su slob bo/ /rjes su sgrub po/ /rjes su bgyid do/ /de ltar lan gnyis lan gsum du'o/ /'di lta ste/ yul chen po bcu drug la/ ang ga dang / ma ga d+hA dang / ka shi dang / bri dzi dang / mal la dang / pun tra dang / srag pa dang / ka ma dang / a ban ti dang / ku ru dang / pad tsa la dang / bad sa dang / dpa' sde dang / ya ba na dang / kam po rnams so/ /shes rab 'bum pa las/ ma rig pa nyid rnam pa thams cad mkhyen pa ste/ rnam pa thams cad mkhyen pa yang ma rig pa'o/ /lha'i bu dag bdag zab pa'i phyir/ chos 'di zab po/ /sems can dang / srog dang / 'gro ba dang / gso ba dang skyes bu la sogs pa zab pa'i phyir chos 'di zab po/ /gzugs zab pa'i phyir chos 'di zab po/ /de bzhin du tshor ba la sogs pa zab pa'i phyir chos 'di zab po/ /rab 'byor gyis smras pa/ tshe dang ldan pa sha ra dwa ti'i bu sems can gang phyin ci log las byung ba'i las lus dang ngag dang yid kyis mngon par 'du byed pa de dag 'di lta bu'i skye mched mngon par bsgrubs te/ las kyi rnam par smin pa phung po'i gzhi can rnam par rtog pa las byung ba yongs su bzung zhing sems can dmyal ba dang byol song gi skye gnas dang / gshin rje'i 'jig rten dang lha dang mi'i 'gro ba mngon par grub po/ /'das pa'i dus na de bzhin gshegs pa dgra bcom pa yang dag par rdzogs pa'i sangs rgyas gang ji snyed cig byung ba de dag thams cad kyang rnam par rtog pa mi mnga' zhing rnam par rtog pa spangs par gyur to/ /ma 'ongs pa dang / da ltar byung ba yang de bzhin no/ /dga' bo de bas na shes rab kyi pha rol tu phyin pa 'di khyod la gtad de/ dga' bo gal te khyod kyis ngas gang chos ji snyed bshad pa las/ shes rab kyi pha rol tu phyin pa ma gtogs pa ngas chos bstan pa de dag thams cad bzung ste/ kun chub par byas nas de'i 'og tu chud gsan te bor yang de tsam gyis dga' bo khyod la ngas skyon du mi gzung ngo / /dga' bo khyod kyis gal te shes rab kyi pha rol tu phyin pa zab mo 'di bzung ste/ kun chub par byas nas/ de'i 'og tu chud gsan tam/ bor bar gyur na ni des ni dga' bo khyod la ngas skyon du gzung ngo / /bdag stong pa nyid du rig par bya'o/ /sems can dang / srog dang / skyes bu dang / gang zag dang / shed can dang / shed bdag dang / byed pa po la sogs pa stong pa nyid yin par rig par bya'o/ /bcom ldan 'das kyis 'di ni kun du sbyor ba gsum spangs pas/ rgyun du zhugs pa'i 'bras bu'o/ /'dod pa'i 'dod chags dang / gnod sems bsrabs pas lan cig phyir 'ong ba'i 'bras bu'o/ /'og ma'i cha can gyi kun du sbyor ba lnga spangs pas phyir mi 'ong ba'i 'bras bu'o/ /bla ma'i cha can gyi kun du sbyor ba lnga spangs pas dgra bcom pa nyid do/ /gang ci yang rung ste/ kun 'byung ba'i chos de dag thams cad 'gog pa'i chos can du shes pas rang byang chub po/ /bag chags kyis mtshams sbyor ba'i nyon mongs pa thams cad spangs pas yang dag par rdzogs pa'i byang chub po zhes gsungs/ byis pa so so'i skye bo rnams gang la chags par gyur pa'i 'dus byas thams cad ni ming tsam ste/ de dag la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas ming thams cad ni yongs su rtog pa las byung ba yin gyi/ yongs su brtags pa dngos po med pa'i ngo bo nyid stong pa nyid la khyed chags par ma byed cig/ chos thams cad stong pa la mkhas pa ni chags par mi byed do zhes 'doms par byed do/ /bcom ldan 'das kyis bka' stsal pa sha ra dwa ti'i bu ci gzugs kyi dngos po gang la byis pa so so'i skye bo rnams mngon par zhen par gyur pa de lta bu yod dam/ yod par gyur tam/ yod par 'gyur ram/ gsol pa/ phyin ci log ma gtogs par de ni ma lags so/ /byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ lha'i mig mngon par sgrub ste/ lha'i mig des chos thams cad stong pa nyid du mthong ste/ des chos de dag la gnas shing lam mngon par sgrub po/ /sha ra dwa ti'i bu nyan thos dang / rang sangs rgyas thams cad bdag cag gis pha rol tu phyin pa drug la spyad de sems can yongs su smin par byas/ sangs rgyas kyi zhing yongs su dag par byas te/ de bzhin gshegs pa'i stobs bcu dang / mi 'jigs pa dang / so so yang dag par rig pa dang / byams pa dang / snying rje chen po dang / sangs rgyas kyi chos ma 'dres pa yongs su rdzogs par byas te/ sems can tshad med pa yongs su mya ngan las 'da'o snyam du sems sam/ gsol pa/ de ltar sems pa ma mchis so/ /bka' stsal pa/ byang chub sems dpa' ni de ltar sems so/ /bcom ldan 'das kyis bka' stsal pa/ rab 'byor rmi lam dang / sgyu ma dang / sgra brnyan dang / mig yor dang / chu zla dang / smig rgyu dang / sprul pa lta bu'i phung po lnga po de dag shes rab kyi pha rol tu phyin pa la bslabs shing / rnam pa thams cad mkhyen pa nyid du 'byung bar 'gyur ram/ gsol pa/ bcom ldan 'das de ni mi 'gyur ro/ /de ci'i slad du zhe na/ bcom ldan 'das de 'di ltar rmi lam nas sprul pa'i bar dngos po ma mchis pa'i rang bzhin te/ dngos po ma mchis pa'i rang bzhin de ni dmigs sum mchis so/ /bcom ldan 'das kyis bka' stsal pa/ rab 'byor de ni 'di ltar gzugs ni rmi lam lta bu/ tshor ba ni rmi lam lta bu/ 'du shes ni rmi lam lta bu/ 'du byed ni rmi lam lta bu/ rnam par shes pa ni rmi lam lta bu ste/ rnam par shes pa gang yin pa de ni dbang pho drug go/ /de ni phung po lnga'o/ /de dag ni nang stong pa nyid kyi phyir mi dmigs pa nas dngos po med pa'i ngo bo nyid kyi phyir mi dmigs so/ /rab 'byor gzugs nas rnam par shes pa'i bar ni sgyu ma dang / sgra brnyan dang / mig yor dang chu zla dang / smig rgyu dang / sprul pa lta bu ste/ rnam par shes pa gang yin pa de ni dbang po drug go/ /de ni phung po lnga'o/ /de dag ni nang stong pa nyid nas dngos po med pa'i ngo bo nyid kyi phyir mi dmigs so/ /gsol pa/ bcom ldan 'das de ltar lags na/ byang chub sems dpa' sems dpa' chen po thag pa la gsar du zhugs pas 'di thos nas 'jigs shing sdang ba dang / skrag par mi 'gyur lags/ bka' stsal pa/ rab 'byor gal te theg pa la gsar du zhugs pa yin la/ thabs kyang mi mkhas pa zhig ste/ mi dge ba'i bshes gnyen gyi lag tu 'ongs na de ltar 'gyur ro/ /gsol pa/ byang chub sems dpa' sems dpa' chen pos bstan pa 'di thos nas mi 'jigs mi sdang la skrag par mi 'gyur ba'i shes rab kyi pha rol tu phyin pa spyad pa'i thabs la mkhas pa de gang lags/ bka' stsal pa/ rab 'byor byang chub sems dpa' shes rab kyi pha rol tu phyin pa la spyod pa'i tshe/ rnam pa thams cad mkhyen pa nyid dang ldan pa'i sems kyis gzugs mi rtag ces bya bar rtogs te de mi dmigs so/ /tshor ba nas rnam par shes pa'i bar mi rtag ces bya bar rtogs te de mi dmigs so/ /rab 'byor de ni shes rab kyi pha rol tu phyin pa la spyod pa'i thabs mkhas pa'o/ /gzugs nas rnam par shes pa'i bar sdug bsngal ba dang / bdag med pa dang / zhi ba dang / stong pa dang / mtshan ma med pa zhes bya ba la sogs te mi dmigs so/ /rab 'byor de ni shes rab kyi pha rol tu phyin pa la spyod pa'i thabs mkhas pa'o/ /gsol pa/ bcom ldan 'das 'dus byas kyi chos gang lags/ bka' stsal pa/ rab 'byor 'dus byas kyi chos zhes bya ba ni 'dod pa'i khams dang / gzugs kyi khams dang / gzugs med pa'i khams dang / gzhan yang de ma yin pa de 'dus byas kyi khams su gtogs pa'i chos rnams dang / dran pa nye bar gzhag pa nas sangs rgyas kyi chos ma 'dres pa bco brgyad kyi bar te/ de dag gis 'dus byas kyi chos shes pas chos zhes bya'o/ /gsol pa/ 'dus ma byas kyi chos gang lags/ bka' stsal pa/ rab 'byor 'dus ma byas kyi chos zhes bya ba'i gzhi gang la skye ba med cing 'jig pa med pa dang / gnas pa las gzhan du 'gyur ba med pa ste/ 'dod chags zad pa/ zhe sdang zad pa/ gti mug zad pa/ de bzhin nyid ma nor ba/ de bzhin nyid gzhan ma yin pa/ de bzhin nyid chos kyi dbyings chos skyon med pa nyid bsam gyis mi khyab pa'i dbyings yang dag pa'i mtha' ste/ de dag ni 'dus ma byas kyi chos zhes bya'o/ /de la byang chub sems dpa'i zang zing med par chos sbyin pa rnam par 'byed pa gang zhe na/ chos ston pa'i tshe chos kyi sbyin pa des chung ngu na byang chub tu yang re ba med pa ste/ 'di ni zang zing med par chos sbyin pa'o/ /de la byang chub sems dpa' sems dpa' chen po'i sangs rgyas kyi zhing yongs su dag par bya ba'i dge ba'i rtsa ba bskyed cing yongs su bsngo ba gang zhe na/ dge ba'i rtsa ba gang gis sangs rgyas kyi zhing yongs su dag par byed cing / bdag dang gzhan gyi sems kyis zhing yongs su sbyong ba'i tshe/ dge ba'i rtsa ba de dag yongs su bsngo ba ste/ 'di ni byang chub sems dpa'i sangs rgyas kyi zhing yongs su dag par bya ba'i dge ba'i rtsa ba bskyed cing yongs su bsngo ba'o/ /de la byang chub sems dpa' sems dpa' chen po'i dge slong ma dang bsten pa yongs su spangs pa gang zhe na/ dge slong ma dang se gol gtogs pa tsam du lhan cig mi gnas shing / de'i rgyus yongs su skom pa'i sems mi skyed/ de'i rgyus gos thob par mi byed pa 'di ni dge slong ma dang bsten pa yongs su spong ba'o/ /shes par bya ba lnga gang zhe na/ 'das pa dang ma 'ongs pa dang da ltar byung ba dang / brjod du med pa dang 'dus ma byas so/ /byang chub sems dpa'i lta ba rnam par bzlog pa gang zhe na/ nyan thos kyi sa dang / rang sangs rgyas kyis rnam par spong ba'o/ /de la byang chub sems dpa' sems dpa' chen po'i sangs rgyas kyi zhing de dag ji ltar mthong ba bzhin du yongs su grub pa gang zhe na/ stong gsum gyi stong chen po'i 'jig rten gyi khams kyi dbang phyug 'khor los sgyur ba'i sa la gnas te/ stong gsum gyi stong chen po'i 'jig rten gyi khams yongs su mthong zhing des rlom sems su mi byed do/ /de la byang chub sems dpa' sems dpa' chen po'i sangs rgyas kyi zhing yongs su sbyang ba gang zhe na/ mi dmigs pa'i tshul gyis sems can thams cad kyi sems su sbyong ba'o/ /de la byang chub sems dpa' sems dpa' chen po'i yon tan thams cad phun sum tshogs par yongs su rdzogs pa gang zhe na/ sems can yongs su smin par bya ba rnam par dag pa dang / sangs rgyas kyi zhing rnam par dag pa'o/ /de la byang chub sems dpa' sa bcu ba la gnas pa de bzhin gshegs pa nyid ces bya ba gang zhe na/ byang chub sems dpa' sems dpa' chen po gang gis pha rol tu phyin pa thams cad dang / stobs bcu nas sangs rgyas kyi chos ma 'dres pa bco brgyad kyi bar dang / rnam pa thams cad mkhyen pa nyid kyi ye shes dang / bag chags kyis mtshams sbyor ba'i nyon mongs pa thams cad spangs pa dang / snying rje chen po dang / sangs rgyas kyi chos thams cad kyang yongs su rdzogs par gyur pa dag ste/ rab 'byor de ltar na byang chub sems dpa' sems dpa' sa bcu ba la gnas pa ni de bzhin gshegs pa nyid ces bya'o/ /chos gang yang mi dmigs mod kyi theg pa gsum du rnam par bkod pa ni yod do/ /shes rab kyi pha rol tu phyin pa 'di las theg pa gsum rgya cher bstan te/ gsum gang zhe na/ 'di ltar nyan thos kyi theg pa dang / rang sangs rgyas kyi theg pa dang yang dag par rdzogs pa'i sangs rgyas kyi theg pa bshad do/ /ngas 'di nas sangs rgyas kyi spyan sgrib pa med pas/ shar phyogs kyi 'jig rten gyi khams gang gA'i klung gi bye ma snyed dag na sems can tshad med grangs med pa/ bla na med pa'i byang chub la spyod kyang shes rab kyi pha rol tu phyin pa la thabs mkhas pa dang mi ldan pas de las gcig gam gnyis shig phyir mi ldog pa'i sa la gnas par 'gyur gyi phal cher nyan thos kyi sa'am/ rang sangs rgyas kyi sa la gnas par 'gyur bar mthong ngo / /de ci'i phyir zhe na/ kau shi ka bla na med pa'i byang chub ni le lo can brtson 'grus med pa bsam pa zhan pa/ mos pa dma' ba/ shes rab 'chal pa rnams kyis bsgrub dka'o/ /lho phyogs la sogs pa bcur yang de dang 'dra bar gzigs so/ /rab 'byor skyes bu glen pas shes rab kyi pha rol tu phyin pa 'di la skyon gdags par sems shing / phyir spong bar sems pa de dag kyang chos 'dul ba 'di nyid la rab tu 'byung bar 'gyur ro/ / rab 'byor dper na khyi la la zhig jo bo'i zan nar ma bor te las mi las zan btsal bar sems pa dang 'dra bar ma 'ongs pa'i dus na byang chub sems dpa'i theg pa pa'i rigs kyi bu dang / rigs kyi bu mos shes rab kyi pha rol tu phyin pa zab mo sangs rgyas kyi chos thams cad kyi rtsa bar gyur pa 'di bor te yal ga dang lo ma dang 'dab ma lta bu'i mdo sde nyan thos dang / rang sangs rgyas dang ldan pa dag la brten par sems pa 'byung ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang ma 'ongs pa'i dus na byang chub sems dpa'i theg pa pa khe dang bkur sti'i phyir nyan thos dang / rang sangs rgyas dang ldan pa'i mdo sde kun chub par bya ba'i sems pa 'byung ste/ de yang bdud kyi las so/ / de bzhin du glang po che rnyed la rjes btsal bar sems pa dang / rgya mtsho chen po lta bar 'dod pa la ba glang gi rjes btsal bar sems la/ de mthong nas 'di dang rgya mtsho mnyam mam mi mnyam snyam na mkhas pa yin nam/ rab 'byor gyis gsol pa ma lags so/ / nyan thos dang rang sangs rgyas dang ldan pa'i yid la byed pa yang bdud kyi las su 'byung / de bzhin du rnam par rgyal byed kyi khang pa brtsig par 'dod la tshad nyi zla'i gzhal med khang las len pa dang / 'khor los sgyur ba'i rgyal po mthong bar 'dod la/ khams kyi rgyal phran mthong nas snyom pa dang zas ro brgya dang ldan pa spangs nas drug cu pa tshol ba dang / nor bu rin thang med pa rnyed nas mching bu dang bsgrun par sems pa de dag mi mkhas pa bzhin du/ shes rab kyi pha rol tu phyin pa spangs shing theg pa dman pa dang ldan pa'i 'dod pa yang bdud kyi las su 'byung / rnam pa thams cad mkhyen pa'i sems kyis yongs su ma bzung na byang chub sems dpa'i theg pa pa de dag bar ma dor nye zhor 'gyur bar shes par bya'o/ /rab 'byor de dag nye zhor 'byung ba gang zhe na/ 'di lta ste/ nyan thos kyi sa'am/ rang sangs rgyas kyi sa'o/ /bka' stsal pa/ rab 'byor de bzhin gshegs pa rnams ni byang chub sems dpa' sems dpa' chen po rnams kyi dge ba'i bshes gnyen du rig par bya'o/ /byang chub sems dpa' sems dpa' chen po rnams ni dge ba'i bshes gnyen no/ /nyan thos gang pha rol tu phyin pa drug brjod cing ston pa dang 'chad cing 'grel pa dang / rnam par 'byed cing gsal bar byed pa dang / yang dag par ston pa de dag kyang byang chub sems dpa' sems dpa' chen po rnams kyi dge ba'i bshes gnyen du rig par bya'o/ / gsol pa/ bcom ldan 'das shes rab kyi pha rol tu phyin pa'i mtshan nyid ji lta bu lags/ rab 'byor nam mkha' ltar chags pa med pa'i mtshan nyid shes rab kyi pha rol tu phyin pa'o/ /shes rab kyi pha rol tu phyin pa ni mtshan nyid med pa ste/ shes rab kyi pha rol tu phyin pa la mtshan nyid gang yang med do/ /gsol pa/ mtshan nyid gang gis shes rab kyi pha rol tu phyin pa mchis pa'i mtshan nyid des chos thams cad mchis par 'gyur ba'i rnam grangs de lta bu mchis sam/ bka' stsal pa/ rab 'byor de de bzhin no/ /de de bzhin te/ mtshan nyid gang gis shes rab kyi pha rol tu phyin pa yod pa'i mtshan nyid de nyid kyis chos thams cad yod do/ de ci'i phyir zhe na/ rab 'byor chos thams cad ni rang bzhin gyis dben pa ste/ chos thams cad ni chos thams cad kyis dben pa'o/ /chos thams cad ni chos thams cad kyis stong pa'o/ /rab 'byor rnam grangs des ni 'di ltar stong pa nyid kyi mtshan nyid dang / dben pa'i mtshan nyid gang gis shes rab kyi pha rol tu phyin pa yod pa'i mtshan nyid des chos thams cad yod do/ /bka' stsal pa/ dga' bo shes rab kyi pha rol tu phyin pa 'di las gang la nyan thos kyi theg pa pa dang / rang sangs rgyas kyi theg pa pa dang / byang chub sems dpa'i theg pa pas bslab par bya ba dang / gang la ji ltar bstan pa bzhin du bslabs pas rang rang gis la gnas par 'gyur ba'i chos thams cad rgya cher bstan te/ dga' bo shes rab kyi pha rol tu phyin pa zab mo 'di ni yi ge thams cad la 'jug pa'o/ /bka' stsal pa/ rab 'byor bag chags kyis mtshams sbyor ba ni nyon mongs pa yang ma yin mod kyi/ nyan thos dang rang sangs rgyas rnams la 'dod chags dang / zhe sdang dang / gti mug gi lus kyi rnam pa dang / ngag gi rnam pa yod do/ /de dag gi bag chags kyi mtshams sbyor ba de ni byis pa so so'i skye bo kun dang thun mong du yang gnod par 'gyur ba ni ma yin te/ de bzhin gshegs pa la ni de rnam pa thams cad du mi mnga' zhing mi dmigs so/ /gsol ba/ ci'i slad du shes rab kyi pha rol tu phyin pa zhes bgyi/ bka' stsal pa/ rab 'byor shes rab kyi pha rol tu phyin pa 'di ni chos thams cad kyi pha rol tu phyin pa dam pa thob pa yin te/ de'i phyir shes rab kyi pha rol tu phyin pa zhes bya'o/ /chos 'di dag thams cad ni rten cing 'brel bar 'byung ba phyin ci log las skyes pa las kyi rnam par smin pas bzung ba yin na/ khyed rnams ci'i phyir chos thams cad dngos po med pa la dngos po'i 'du shes su byed ces te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas sems can ser sna can dag ser sna las rnam par bzlog nas sbyin pa'i pha rol tu phyin pa la sbyor te/ sbyin pa yongs su gtong ba de yang longs spyod chen po'i rgyur 'gyur ro/ /stong pa nyid kyi ting nge 'dzin ni stong pa'i rnam pa dang / dben pa'i rnam par sems rtse gcig pa'o/ /mtshan ma med pa ni zhi ba'i rnam pa dang mtshan ma med pa'i rnam par sems rtse gcig pa'o/ /smon pa med pa ni mi rtag pa'i rnam pa dang / sdug bsngal gyi rnam par sems rtse gcig pa'o/ /ji ltar na rten cing 'brel bar 'byung ba shes pa yin zhe na/ rten cing 'brel bar 'byung ba skye ba med pa dang / 'gag pa med pa dang / chad pa med pa dang / rtag pa med pa dang / don gcig pa ma yin pa dang / don tha dad pa ma yin pa dang / 'ong ba med pa dang / 'gro ba med pa dang / spros pa dang bral zhing zhi bar shes pa de ltar shes pa yin no/ /rab 'byor 'di ji snyam du sems/ dgra bcom pa'i rmi lam gyi blo 'dzin pa'am mi 'dzin ba gang la yang spyod dam/ gsol pa/ dgra bcom pa la yod yang nyal ba ma mchis na/ de ni rmi lam gyi blo 'dzin pa'am mi 'dzin pa la spyod par 'gyur ba lta ga la mchis/ bka' stsal pa/ rab 'byor chos thams cad ni sprul pa ste/ la la ni nyan thos kyis sprul pa'o/ /la la ni rang sangs rgyas kyis sprul pa'o/ /la la ni byang chub sems dpas sprul pa'o/ /la la ni de bzhin gshegs pas sprul pa'o/ /la la ni nyon mongs pas sprul pa'o/ /la la ni las kyis sprul pa'o/ /skyes bu glen pa de dag rnam pa bzhis shes rab kyi pha rol tu phyin pa phyir spong bar 'gyur ro/ /gsol pa/ bzhi gang lags/ bka' stsal pa/ skyes bu glen pa gang shes rab kyi pha rol tu phyin pa zab mo 'di spong ba de dag ni bdud kyis byin gyis brlabs pa yin te/ rab 'byor rgyu dang po des na shes rab kyi pha rol tu phyin pa zab mo 'di la phyir spong bar 'gyur ro/ /chos zab mo rnams la yid ches pa dang / dad cing mos pa med pa yin te/ rgyu gnyis pa des na shes rab kyi pha rol tu phyin pa zab mo 'di la phyir spong bar 'gyur ro/ /rab 'byor skyes bu glen pa de dag ni sdig pa'i grogs po'i lag tu song ba yin te/ brtson 'grus med cing phung po lnga la mngon par zhen pas/ rgyu gsum pa des na shes rab kyi pha rol tu phyin pa zab mo 'di phyir spong bar 'gyur ro/ /zhe sdang gi spyod pa can yin te/ bdag bstod cing gzhan smod par gyur pas rgyu bzhi pa des na/ shes rab kyi pha rol tu phyin pa zab mo 'di la phyir spong bar 'gyur zhes 'byung / shes rab kyi pha rol tu phyin pa bdun brgya pa las bka' stsal pa/ 'jam dpal bkod pa gcig pa'i ting nge 'dzin la 'jug par 'dod pa'i rigs kyi bu'am rigs kyi bu mos dben par gnas bca' bar bya ste/ 'du 'dzi med pa la dga' bar bya'o/ /mtshan ma thams cad yid la mi bya bar skyil mo krung bcas te 'dug la/ der mi dmigs pa'i tshul gyis de bzhin gshegs pa gcig yid la bya'o/ /de bzhin gshegs pa gang yid la byed pa de'i mtshan nas kyang smos te/ mtshan de yang thos te dmigs nas/ de bzhin gshegs pa de ga la bar bzhugs pa'i phyogs de mngon du byas nas 'dug par bya'o/ /de bzhin gshegs pa de nyid yid la byas na dus gsum gyi de bzhin gshegs pa thams cad yid la byas par 'gyur ro/ /de ci'i phyir zhe na/ de bzhin gshegs pa nyid de ni gcig go/ /de bzhin gshegs pa gcig gi sangs rgyas kyi yon tan dpag tu med pa dang / spobs pa dpag tu med pa de bzhin du bkod pa gcig pa'i ting nge 'dzin thob nas/ mi skye ba gcig las chos kyi rnam grangs kyi bye brag dpag tu med pa gang de la 'byung bar rig par bya'o/ /gang yang ma 'ongs pa'i dus na shes rab kyi pha rol tu phyin pa zab mo ma skyes pa ma byung ba nas dngos po med pa'i bar 'di thos nas yid dga' zhing rangs par 'gyur ba de dag ni nga'i 'khor 'di nyid na 'dug pa yin par 'od srungs khyod kyis rtogs par gyis shig / 'jam dpal gyis gsol pa/ bcom ldan 'das gang ci la yang mi gnas pa de nyid shes rab kyi pha rol tu phyin pa bsgom pa'o/ /gzhan yang bcom ldan 'das gang chos ci la yang mi sems shing rnam par mi sems pa de ni shes rab kyi pha rol tu phyin pa bsgom par blta'o/ /shes rab kyi pha rol tu phyin pa rab kyi rtsal gyis rnam par gnon pas zhus pa las bka' stsal pa/ rab kyi rtsal gyis rnam par gnon pa chos thams cad ni phyin ci log las byung bas smig rgyu dang 'dra'o/ /rab kyi rtsal gyis rnam par gnon pa 'du ba zhes bya ba ni rtag pa'o/ /'bral ba zhes bya ba ni chad pa'o/ /rab kyi rtsal gyis rnam par gnon pa chos thams cad ni phyin ci log las byung ba ste/ phyin ci log de la yang 'du ba dang / 'bral ba gang yang med do/ /de ci'i phyir zhe na/ rab kyi rtsal gyis rnam par gnon pa phyin ci log gi dngos po dmigs su med de/ de'i 'byung ba yang mi dmigs so/ /rab kyi rtsal gyis rnam par gnon pa/ phyin ci log ni med pa/ yang dag pa ma yin par brdzun pa slu ba gsog gi chos can te/ de la chos gang yang mi dmigs pas de ni phyin ci log ces bya'o/ / phyin ci log ces bya ba 'di ni sems can rnams la slu ba'o/ /'di ni sems can rnams kyi yang dag pa ma yin pa la yongs su rtog pa'o/ /shA ri'i bu chos 'di dag ni byis pa so so'i skye bos ji ltar mngon par chags par bya ba de lta bu'i rnam par rtog pa yod pa ma yin no/ /gsol pa/ bcom ldan 'das chos 'di dag rnam pa gang gis mchis pa lags/ bcom ldan 'das kyis bka' stsal pa/ ji ltar med pa de ltar yod de/ de ltar yod pa ma yin pas/ de'i phyir med ces bya'o/ /gsol pa/ ci'i slad du ma mchis pa ma lags pa la mchis zhes bgyi/ bka' stsal pa/ gzugs stong pa bco brgyad kyi phyir yod pa ma yin pa zhes bya'o/ /de bzhin du bsgre'o/ /de nas gnas brtan rab 'byor 'di snyam du gyur te/ 'di ltar lha rnams kyis mngon par gtor ba'i me tog 'di rnams ni bdag gis sngon chad lha'i gnas thams cad na yang yod par ma mthong ste/ me tog 'di dag ni sprul pa'o/ /'di ltar lha'i bu rnams kyis mngon par gtor ba'i me tog 'di rnams ni ldum bu las skyes pa ma yin/ chu las skyes pa ma yin/ thang las skyes pa ma yin no/ /'di ltar me tog 'di dag ni yid las byung ba ste/ me tog 'di dag ni ldum bu las byung ba ma yin no snyam mo/ /kau shi kas gsol pa/ bcom ldan 'das gnyis po 'di dag ni chos nyid de gang lags she na/ 'dus byas kyi chos thams cad kyi chos nyid dang / 'dus ma byas kyi chos rnams kyi chos nyid do/ /de la 'dus byas kyi chos rnams kyi chos nyid gang lags she na/ nang stong pa nyid kyi ye shes nas 'jig rten pa'i chos rnams kyi ye shes dang / 'jig rten las 'das pa'i chos rnams kyi ye shes kyi bar lags so/ / de la 'dus ma byas kyi chos rnams kyi chos nyid gang lags she na/ de ni gang la skye bam mchis pa dang / 'gag pa dang / gnas pa dang / gnas pa las gzhan du 'gyur ba dang / kun nas nyon mongs pa dang / rnam par byang ba dang / 'phel ba dang / 'grib pa ma mchis pa ste/ de ni chos thams cad kyi ngo bo nyid do/ /byang chub sems dpa'i theg pa la zhugs pa'i rigs kyi bu'am rigs kyi bu mo'i rmi lam na byang chub kyi snying po la 'dug gi bar du/ shes rab kyi pha rol tu phyin pa bsgom pa dang / bsam gtan la snyoms par 'jug pa dang / brtson 'grus rtsom pa dang / bzod pa sgrub pa dang / tshul khrims srung ba dang / sbyin pa sbyin pa'i rigs kyi bu'am/ rigs kyi bu mo de yang bla na med pa yang dag par rdzogs pa'i byang chub la bsnyen par rig par bgyi na/ bcom ldan 'das byang chub sems dpa' sems dpa' chen po gang dngos su shes rab kyi pha rol tu phyin pa bsgom pa la sogs pa bsnyen pa lta smos kyang ci 'tshal/ stug po bkod pa las/ lus can rnams kyi lus kyi yul/ /stug na gnas la stug na med/ /zhing de dri med bsod nams te/ /stug po snying po shin tu mdzes/ /de bzhin thar pa thar shes la/ /zhing gi nang na zhing gi mchog /sangs rgyas rnams kyi zhing rab ste/ /stug po de ni yul du brtag /mnga' rnams bcu po de dag dang / /stobs dang mngon mkhyen ting nge 'dzin/ /yid kyi rgyu las byung ba'i skus/ /sangs rgyas de ni rnam par mdzes/ /stug po thar mchog ye shes te/ /chos kyi dbyings dang rdzu 'phrul yang / /stug ste rnal 'byor can gyi gnas/ /mun pa'i rgya las rab 'das nas/ /stug po'i zhing ni rnam par mdzes/ /phyogs 'di bka' las grub pa ste/ /rgyu can rnams kyi spyod yul min/ /rdul phran rnam par gzhig pa dang / /rdul gyi dngos po mi gnas te/ /rang bzhin kun gyi mchog yin pas/ /rdul phran mchog ces de phyir brjod/ /dbang gi yon tan brgyad po rnams/ /phra sogs che ba'i yon tan dang / /'thob dang 'dod 'byor bsgrags pa dang / /bdag po dbang dang ldan pa dang / / ji ltar 'dod par rung ba rnams/ /thob nas stug po'i dbus yul na/ /rnam par gnas shing rab tu rtse/ /de ltar kun gzhi rnam shes kyang / /rtag tu bag chags ldan gyur pa/ /rnam par shes pa rnam bdun po/ /'grogs kyang 'dre ba med pa ste/ /lha dang lha min 'bar ba dang / /lam rgyud kun kyang de yi dbang / /sangs rgyas kun gyi zhing mdzes pa'ang / /de nyid rgyur ni gyur ba ste/ /tshe dang drod dang rnam shes 'dis/ /gang tshe lus 'di bor gyur pa/ /de tshe lus 'di bor ba ste/ /shes bzhin tshor ba med pa'o/ /de ni kun gzhi rnam shes te/ / yid ni dro bar rab tu brtags/ /yid kyi rnam shes de na ste/ /lhag ma dbang po lngar yang gnas/ /yid ches lung dang mi ldan par/ /chos rnams ston par byed pa ni/ /mtshan nyid rnam par rtog pa yis/ /bdag kyang chud gzon gzhan chud gzon/ /'jig rten rdul phran bsags pa min/ /phyogs dang gnas su mi 'gro'o/ /de dag sor gnyis sor gsum du/ /ci yang rtsom par mi byed do/ /lha yul gnas nas gnas pa la/ /sna tshogs sar yang de bzhin rtogs/ /phung po gang zag bdag med par/ /rab tu rnam phye mthong gyur cing / /chos kyi dngos po yong ma shig /nyan thos de dag mngon rtogs 'gyur/ /ting nge 'dzin gyi rgyal po las/ /sangs rgyas rjes su dran pa/ 'di ltar bcom ldan 'das de ni zhes bya ba la sogs pa 'byung / ston pa bde bar gshegs pas bshad pa ltar/ /nges don mdo sde dag ni bye brag shes/ /gang las sems can gang zag skyes bu bstan/ /chos de thams cad drang ba'i don du shes/ /'jig rten dag na ting 'dzin sgom byed kyang / /de ni bdag tu 'du shes 'jig mi byed/ /de yi nyon mongs phyir yang rab tu 'byung / /lhag spyod kyis ni ting 'dzin 'dir bsgom bzhin/ / mkhas pa byis pa dag dang rtsod mi byed/ /byis pa dag ni ri mor byas nas spong / /zhe sdang sems kyis bdag gi drung 'ong zhes/ /byis pa chos la sten par yongs mi byed/ /byis pa dag gi rang bzhin rgyud rig nas/ /mkhas pa byis pa dag dang mi 'grogs te/ /ji srid du ni byis pa legs bsnyen kyang / /de dag phyir yang dgra dang 'dra bar 'gyur/ /byis pa dang ni byis pa mthun 'byor ba/ /ji ltar mi gtsang ba dang mi gtsang bzhin/ /mkhas pa dang ni mkhas pa'i skye bo dang / /mthun zhing 'byor pa mar dang snying khu bzhin/ /byis pa la ni gang phan snying brtse ba/ /de la gnod pa byung ba byis pa dga'/ /de lta'i nyes phyir byis pa rnams spangs te/ /ri dgas bzhin du gcig pu dgon par gnas/ /mkhas pa 'di 'dra'i nyes pa rig nas ni/ /shes rab dman bsten bdag gi mtho ris nyams/ /byang chub 'thob par ga la 'gyur snyam ste/ / byis pa rnams dang nam yang yangs mi bsten/ /bla med mi 'jigs sbyin pa khyod la phyag 'tshal lo/ /gzhan phan sems can gnyen brtse khyod la phyag 'tshal lo/ /stobs bcu bden pa'i rtsal mnga' khyod la phyag 'tshal lo/ /bde gshegs mi mnyam mnyam pa khyod la phyag 'tshal lo/ /mgon po shin tu thugs rje can la phyag 'tshal lo/ /dpa' bo dgra bzhi rnam par btul la phyag 'tshal lo/ /rtsod pa dam pa'i don rnams mkhyen la phyag 'tshal lo/ /chos kyi sku mchog mnga' pa'i lha la phyag 'tshal lo/ /snying rje byams 'od rgyal ba'i nyi ma mun sel ba/ / shes rab shin tu yangs pa nam mkha'i dkyil du shar/ /don dam shin tu zab pa'i chos rnams ston mdzad pa/ /lha khyod la ni rtag tu bdag kyang skyabs su mchi/ /'gro ba 'di dag thams cad sangs rgyas 'gyur/ /'di na snod min sems can 'ga' yang med/ /bde gshegs yon tan de dag dpag med de/ /mi mchog yon tan rab kyi pha rol phyin/ /yon tan khyad par kun gyi pha rol son/ /sangs rgyas bsod nams zhing la mgos phyag 'tshal/ /zla 'od gzhon nur gyur pas/ bcom ldan 'das 'khor dang bcas pa bzhugs par rig nas/ mchod yon chen po rim gyis gsol te/ zhal zas gsol zhing bdar to/ /'di ltar byang chub sems dpa' dag /bag chags rab tu spangs gyur pa/ /de dag gzugs kyis mi 'phrogs te/ /sangs rgyas rigs la de dag gnas/ /bka' stsal pa/ zla 'od gzhon nur gyur pa 'di nyid kyis/ / sngon yang rgyal po'i khab kyi grong khyer 'dir/ /sangs rgyas dag kyang bye ba phrag stong mthong / /sku ni byang chub mtshan nyid de/ /sangs rgyas zhing yang de 'dra zhing / /stobs dang rnam thar bsam gtan yang / /de dag thams cad mtshan nyid gcig /de ltar sangs rgyas 'byung 'gyur te/ /'jig rten mgon po de 'dra bas/ /sus kyang sha yi mig gis ni/ /nam yang mthong bar mi nus so/ /dpa' bo chen po chos kyi sku/ /sku ni chos las byung ba ste/ /gzugs kyi sku ni nam du yang / /sangs rgyas gdags par nus ma yin/ /sangs rgyas kyi ni sku mthong nas/ /'dren pa mthong zhes smra mod kyi/ /nga ni gzugs kyi sku lus su/ /sus kyang blta bar mi nus so/ /gang gis 'khrul pa ci mthong yang / /de dag gi ni nyes mi brjod/ /ci 'dra ba yi las byas pa/ /'bras bu de 'dra 'thob par 'gyur/ /dgon pa la gnas pa lhur len pa'i phan yon ni bcu ste/ bya ba nyung bar gnas pa dang / 'du ba ring ba bas kyang ring du spong ba dang / de la rtsod pa med par 'gyur ba dang / gnod pa med par gnas pa dang / zag pa 'phel bar mi byed pa dang / rtsod pa'i gzhir mi byed pa dang / shin tu zhi bar spyod pa dang / shin tu bsdams par gnas pa dang / sems thar pa dang mthun pa'i rgyun du 'gyur ba dang / myur du rnam par grol ba mngon du byed pa'o/ /lha'i 'khor los sgyur ba'i rgyal srid kyi bde ba spangs te rab tu 'byung ngo zhes gzhon nu khyod kyis de ltar bslab par bya'o/ /rab tu byung nas kyang sbyangs pa'i yon tan yo byad bsnyungs pa la gnas shing / bden par gnas pa dang / bzod pa dang des pa phun sum tshogs par bya'o/ /sngon sangs rgyas gzi brjid tshogs rgyal gyis chos bshad nas/ rgyal po brtan byin rab tu byung ngo / /de nas 'dzam bu'i gling gi mi rim gyis rab tu byung ba dang / sangs rgyas kyi mthus 'bras ma rmos ma btab par 'khrung ba dang / chos gos kyang rang byung / g.yog kyang lha rnams kyis byas so/ /'jig rten khams ni stong dag tu/ /ngas ni mdo sde gang bshad pa/ /tshig 'bru tha dad don gcig ste/ /thams cad brjod par nus ma yin/ /tshig gcig rnam par bsgoms na ni/ /de dag thams cad bsgom par 'gyur/ /sangs rgyas ji snyed thams cad kyis/ /chos rnams mang po rab bshad pa/ /chos rnams thams cad stong pa nyid/ / chos kyi rang bzhin shes pas na/ /de phyir sangs rgyas zhes bya ste/ /sems can bsam gyis mi khyab cing / /dpag tu med pa byang chub 'dul/ /chos rnams mig yor lta bu yang / /gang gis ngo bo nyid shes pa/ /de dag gzugs kyi lus su ni/ /sangs rgyas sku la mi lta'o/ /chos 'di lus gzugs med pa ste/ /'di la lus gzugs gang yang med/ /chos 'ga' lus gzugs med pa ni/ /de ni sangs rgyas sku lus so/ /gang dag chos kyi skur lta ba/ /de dag gis ni 'dren pa mthong / /rdzogs pa'i sangs rgyas chos kyi sku/ /de ni rdzogs pa'i sangs rgyas mthong / /'khor ba dag ni 'phel byed cing / /so so'i skye bo de dag 'khor/ /so so tha dad 'gro bas na/ /so so'i skye bor brjod pa yin/ /'du shes 'di ni spang snyam du/ /gang gi 'du shes 'byung ba ni/ /'du shes spros la spyod pa ste/ /'du shes las ni de mi thar/ /su yis 'du shes 'di dag 'byung / /su yis 'du shes 'di bskyed byas/ /sus ni 'du shes reg par byas/ /sus ni 'du shes 'gag par 'gyur/ /gang gi 'du shes 'byung ba ni/ /sangs rgyas kyis kyang chos ma brnyes/ /'dir ni don de bsam par gyis/ /de bas 'du shes med par 'gyur/ / bsam pa'i sa la gnas nas ni/ /mthar gyis rnam par bsam bya ste/ /bsam pa thams cad rnam spangs na/ /de nas bsam du med par 'gyur/ /'di ni dkar chos rnam smin te/ /'du byed med pas mthong bar 'gyur/ /sems can kun gyis rnam bsam pa/ /skad cig gcig la rab tu shes/ /sangs rgyas zhing 'di thams cad kyang / /rin chen shing gis legs brgyan te/ /yan lag brgyad ldan chus gang la/ /rdzing bu dag ni rnam par sprul/ /rdzing bu'i 'gram na gnas pa rnams/ /de dag de las chu 'thungs nas/ /thams cad sred pa bsal nas ni/ /'jig rten gyi yang mchod rten 'byung / /de bzhin du pad+ma la sogs pa sprul nas/ de'i dri tshor ba dang de las sgra grag pa mnyan pas kyang dug gsum spong ba la sogs pa'i yon tan 'byung ngo / /byang chub sems dpa' bde byin gyis de bzhin gshegs pa dbyangs byin la mchod par lag pa g.yas pa ras bcos bus dkris te/ mar me btang nas ting nge 'dzin rgyal po'i mdo yang skad che zhing 'jam pas bsgrags pa dang / sa yang g.yos/ lha rnams kyang dad pa skyes nas mchod pa byed do/ /de nas lha phal mo ches byang chub tu sems bskyed pa la sogs pa sems can gyi don mang du byas par 'byung / chos dang zang zing sbyin pa ni bsngo ba bzhin byas te/ thabs mkhas pa gang gis de bzhin gshegs pa rnams mngon par sangs rgyas pa'i thabs de thob pa dang / bla na med pa'i byang chub myur du thob pa ston par 'gyur ba'i dge ba'i bshes gnyen dang phrad pa dang / longs spyod gang gis sems can thams cad 'tsho bar 'gyur ba'i longs spyod de dag dang phrad pa dang / bdag gi lus gang gis sems can thams cad la chos dang zang zing gis phan 'dogs pa 'thob par 'gyur ba'i lus 'dzin par bsngo ba'o/ /gcig la gcig kyang gnod sems byas nas ni/ /de la tshul khrims thos pas skyob mi nus/ /bsam gtan mi skyob dgon gnas skyob mi nus/ /sbyin pas mi skyob sangs rgyas mchod pas min/ /skyes bu chu mchog gis ni dam pa'i chos/ /'jig par 'gyur tshe gang dag btang snyoms sgom/ /de yis rgyal ba bkur sti byas ma yin/ /'dren pa dag la ri mor des ma byas/ /rgyal po dpa' bas byin gyis dge slong me tog zla mdzes bsad/ /nyan thos sar ni nam yang ma slob cig /de yi spyod la'ang dga' bar ma byed cig /sangs rgyas yon tan dag las sems ma btang / /myur du sangs rgyas rgyal po'i dbang por 'gyur/ /mi gtsang bas ni rtag tu 'dod chags tshar gcad do/ /byams pa yis kyang zhe sdang khor mor ma lus bcom/ /shes rab kyis ni gti mug nyon mongs dra ba bsal/ /ting 'dzin thob pa 'jig rten kun na rab tu mdzes/ /rdzu 'phrul gang zhe na/ gang 'grub pa dang smon pa dang 'byor pa yongs su rdzogs pa 'di ni rdzu 'phrul zhes bya ba'o/ /de la thos pa yongs su tshol ba gang zhe na/ nyan thos kyi sde snod dang rang sangs rgyas kyi sde snod dang / byang chub sems dpa'i sde snod kun 'dzin cing sgom pa'o/ /sbyangs pa mthong ba gang zhe na/ yi dam la brten pa'o/ /khrel yod pa gang zhe na/ mur cor mi smra ba'o/ /skyes bu dam pa dang bsten pa gang zhe na/ sangs rgyas dang / byang chub sems dpa' dang / nyan thos dang / rang sangs rgyas la brten pa'o/ /skyes bu dam pa ma yin pa rnam par spong ba gang zhe na/ dmigs pa can dang / le lo can rnams spong ba'o/ /rnyed pa med kyang sems mi 'gong ba gang zhe na/ bdag gis byas pa la so sor rtog pa'o/ /khyim pa dang mi bsten pa gang zhe na/ zang zing ci yang rnam par spong ba'o/ /rab tu byung ba la brten pa gang zhe na/ mi rigs pa spong ba dang / rigs pa tshol ba'o/ /de la rnal 'byor spyod pa'i sa gang zhe na/ byang chub kyi phyogs kyi chos sum cu rtsa bdun sgom pa'o/ /sangs rgyas chos ni rgya che ste/ /tshul yang rgya chen bstan pa yin/ /chos rnams rgya cher bstan pas na/ /yon tan rgya cher thob par 'gyur/ /ji ltar nam mkha' rgya che ba/ /chos kyi mtshan nyid de bzhin te/ /rin chen 'od zer rgya che gang / /de phyir shin tu rgyas shes bya/ /sems can spyod pa rgya che ste/ de dag bstan pa'am rgya che'o/ /lung gi don yang rgya che bas/ /de phyir shin tu rgyas shes bya/ /klu'i rgyal po rgya mtshos zhus pa las/ sum cu rtsa gsum pa'i lha'i rgyal po brgya byin/ 'thab bral gyi rab 'thab bral/ dga' ldan gyi yongs su dga' ldan/ 'phrul dga'i rab 'phrul dga'/ gzhan 'phrul dbang byed kyi dbang byed/ bdud kyi ris kyi lha'i rgyal po ded dpon/ tshangs pa'i mdun na 'don ni mdun gyi rab tshangs pa/ tshangs ris kyi mi mjed kyi bdag po/ 'od gsal gyi 'od gsal/ dge rgyas kyi dge rgyas/ 'bras bu che ba'i 'bras bu che/ gnas gtsang ma'i dbang phyug chen po/ /'og min gyi dri med/ sangs rgyas kyi chos mnyan 'dod kyi/ nyan thos dang rang sangs rgyas kyi chos 'dod pa ma yin na/ chos 'dod pa yin no/ /byang chub kyi sems kyi gtam la dga'i/ theg pa dman pa'i gtam la ma yin no/ /chos kyi kun dga' la dga' bas gnas pa yin no/ /byang chub sems dpa'i don gyi dbang lnga mthong ba'i phyir thos pa tshol bas chog mi shes te/ lnga ni thos pa las shes rab 'byung ba dang / 'gyod pa dang the tshom med par 'gyur ba dang / kun nas nyon mongs pa dang / rnam par byang ba rtogs par 'gyur ba dang / sems can gyi nyon mongs pa spong ba dang / mi 'jigs pas sems can gyi the tshom gcod pa'o/ /yang gnyis kyi phyir te/ yang dag pa'i lta ba bskyed pa dang / chags pa med pa'i gzungs 'thob pa'o/ /byang chub sems dpa' phan yon lnga mthong nas rab tu 'byung ba la mos par 'gyur te/ lnga ni bdag gis las byas pa chud mi za ba dang / bdag gis las byas pa bag chags kyis bsgos pa dang / yongs su 'dzin pa thams cad las sems gtang ba dang / sangs rgyas kyis mi smad pa dang / bdag grol nas gzhan grol bar bya ba'i phyir chos ston par 'gyur ba'o/ /byang chub sems dpa' mi phyed pa'i dad pa rab tu thob nas phyin ci log las byung bar mthong ba dang / chos thams cad rmi lam lta bur rab tu shes na chos zab mo'i tshul la gnas pa yin no/ /chos gnyis dang ldan na/ byang chub sems dpa' chad par lta bar ltung bar mi 'gyur te/ las kyi bya ba la 'jug pa shes pa dang / sangs rgyas kyi chos thams cad rnam par sgrub shes pa'o/ /gnyis dang ldan na rtag pa'i lta bar mi ltung ste/ mi rtag pa'i chos la 'jug pa dang / skyes nas zhig cing zhu ste mi gnas par rnam par dbye ba shes pa'o/ /byang chub sems dpa' shes rab kyi gnas la gnas pa'i bsam gtan gang zhe na/ lus dang sems kyi bsam gtan gyi yan lag dang / bsam pa dang sbyor ba de dag sgrub par mi byed pa dang / ci nas de bzhin nyid dang / yang dag pa'i mtha' dang / chos kyi dbyings kyis snyoms par 'jug pa de lta bus snyoms par 'jug ste/ de ni dmigs pa can gyis snyoms par 'jug pa thams cad zil gyis gnon to/ /de'i dge ba'i rtsa ba dang / bsam gtan de dag kyang shes rab kyi shas che ba dang / lta ba'i nyon mongs pa dang bral ba yin no/ /byang chub tu bsngos pa dang / sems can smin par byed pa yang grub pa yin te/ de bas na de bzhin gshegs pa ni snyoms par 'jug pa gcig gis mya ngan las 'da' ba'i bar du thug par mdzad do/ / byang chub sems dpa' 'khor gyi nang du 'ongs te 'dug la/ chos zab mo'i gtam gyi bar chad byed de gtam sna tshogs gleng ba gang yin pa de dam pa'i chos nub par bya ba'i phyir brtson pa yin no/ /gzhan yang mi chos 'dod de nyan pa ni nyung gi ma yin pa'i chos nyan pa ni mang ste/ chos smra ba btang ste/ gtam sna tshogs gleng na der zab mo'i chos la mos pa'i lha rnams ma rangs te/ 'di skad du 'jig rten pa'i gtam gleng zhing 'dug ste/ kye re ngan 'di ni sangs rgyas kyi chos mi grag go zhes tshig ngan bton nas 'khor de nas 'dong ngo / /rgyal po ma skyes dgras gsol ba/ bcom ldan 'das byang chub sems dpa' rnams kyis ni sangs rgyas kyi zhing yongs su sbyang bar bgyi'o/ /bka' stsal pa/ de bzhin te chos thams cad ni yid la byed pa las 'byung ste/ chos thams cad byed pa med pa'i phyir/ de dag ni ji ltar 'dod pa bzhin rnam par grub po/ /rgyal po ma skyes dgras gsol pa/ bcom ldan 'das rgya mtsho chen por gshegs na chab kyi tshogs mchis pa de gang du mchis lags/ bka' stsal pa/ gang gi tshe dge slong me'i khams kyi ting nge 'dzin la snyoms par zhugs pa de'i tshe/ stong gsum gyi stong chen po'i mes yongs su gang bar mthong na der chu'i phung po de gang du song / gsol pa/ de ni ting nge 'dzin la dbang thob pa'i sems de ltar las su rung ba las gyur lags so/ /bka' stsal pa/ khyod nyan thos kyi sems las su rung ba las/ de ltar gyur par 'dod na de bzhin gshegs pa chos thams cad la mnga' ba de ltar mi 'dod dam/ nga de bzhin gshegs pa'i tshe chu na gnas pa'i sems can rnams ni bdag nyid chu na gnas so snyam du sems so/ /skam na gnas pa rnams kyis ni rgya mtsho chen po skam par mthong ngo / /lha rnams sdug bsngal 'chi 'pho'i chos gcig pa/ /mi rnams kyis ni sdug bsngal tshol khro lags/ /dmyal ba dag gi sdug bsngal gnod ba lags/ /gcig la gcig 'tshal dud 'gro rnams kyi lags/ /yi dgas sdug bsngal 'di ni bkres dang skom/ /sangs rgyas 'gro ba las/ de nas rgyal po gsal rgyal spyan sngar 'dug cing rin po che'i gos lag na thogs pa dang gyon pa phud de/ bcom ldan 'das la phul nas 'di skad ces gsol to/ /bcom ldan 'das bdag gi gos rin po che 'di ni sngon gyi las kyi rnam par smin pa las grub pa lags na bzhes su gsol/ bka' stsal ba/ rgyal po chen po chos bzhi po 'di dag la brtson par bya ste/ rgyal po rgyal rigs spyi bo nas dbang bskur bas dge sbyong dang bram ze tshul khrims dang ldan pa'i thad du 'gro zhing dri bar bya ba dang / de bzhin gshegs pa'i bstan pa bsrung ba'i phyir sgrub pa dang / zab mo las mos pa btsal ba'i phyir spro bar bya ba dang / log par lta ba dang bral bas yang dag pa nyid du nges par bya ba'i phyir spro bar bya'o/ /dge ba'i rtsa ba yongs su 'dzin pa las/ rigs kyi bu mdor na sangs rgyas kyi chos thams cad ni chos yongs su tshol ba la rag las pa yin no/ /byang chub sems dpa' zhes bya ba ni sangs rgyas dang nye ba'i sems pa yin pa des na byang chub sems dpa' zhes bya'o/ /byang chub ces bya ba ni stong pa nyid gang yin pa de ni byang chub po/ /stong pa nyid ces bya ba cis stong zhe na/ chos thams cad kyis stong ngo / /byang chub sems dpa'i lhag pa'i bsam pa ni gnas gsum du rig par bya ste/ lhag pa'i bsam pa dang po ni dngos po thams cad yongs su mthong ba'i las can no/ /gnyis pa ni chos yongs su tshol ba dang / len pa dang 'dzin par byed la bdag tu zhen pa med pa nyid do/ / gsum pa ni chos zab mo mi spong ba dang / sangs rgyas kyi byang chub la 'jug cing sgyid lug pa med pa'o/ /bzhi po 'di dag ni bde ba'i rgyu yin te/ bzhi ni de bzhin gshegs pa mthong ba dang / dal ba phun sum tshogs pa yin/ de bzhin gshegs pa'i chos 'dul ba la dad pa rnyed pa yin/ lta ba drang po phun sum tshogs pa yin/ khyim bdag rnam par rgyal bsrung ba/ chung ma gzugs ldan ma/ shAkya'i bu gnag sbyin no/ /chos bzhi dang ldan na tshe brjes na yang dran pa brjed par mi 'gyur te/ bzhi ni chos tshol ba dang / sbyin pas chog mi shes pa yin/ sems can gzhan bla na med pa'i byang chub 'dzin du 'jug cing / de bzhin gshegs pa'i yon tan sgrogs pa yin/ chos zab mo la bzod pa yin/ de bzhin gshegs pa mnyes par bya ba'i phyir yang mi g.yeng zhing / chos yid la bya ba'i phyir dran pa dang shes bzhin can yin la/ chos zab mo la bzod cing 'chi ba'i 'du byed pa yin no/ /chos bzhi ni theg pa chen po la zhugs pa'i mchog sgrub pa yin te/ bzhi ni sangs rgyas kyi byang chub rnam par 'jig cing dam pa'i chos nub par 'gyur ba na dam pa'i chos tshol ba la brtson pa yin/ de bzhin gshegs pa'i mchod rten rnam par 'jig na phyis 'tshes shing lus dang srog la bab kyang chos mi gtong ba yin/ sems can sdug bsngal ba mthong na/ snying rje bskyed pa yin/ snying rje thob nas/ brtson 'grus rtsom zhing / nam zhig bdag sangs rgyas nas/ sems can de dag gi sdug bsngal gzhil ba'i phyir/ chos bstan par bya snyam pa yin no/ /byang chub sems dpa' chos kyis sems can la phan 'dogs pa ni zag pa med pa'i bde ba sgrub pa yin la/ sems can gyi gos la sogs pas lan glan pa ni zag pa dang bcas pa yin na/ ji ltar des de la lan lon par 'gyur/ sha ra dwa ti'i bus gsol pa/ bdag cag gis ni deng slan chad la lar chos bstan na ches thog mar byang chub sems dpa'i theg pa las brtsams nas bstan par bgyi zhing / nyan thos kyi theg pa ni slar gyis bstan par bgyi'o/ /de ci'i slad du zhe na/ sems can 'ga' zhig byang chub chen po la bzhag na bdag gis de bzhin gshegs pa la byas pa gzo ba lags so/ /bka' stsal pa/ shA ri'i bu khyod de ltar go gyon pa legs so/ /de ci'i phyir zhe na/ theg pa de lta bu de la 'phya ba dang / bsting bar byed pa dang / mdo sde de lta bu spong bar byed pa 'byung ba'i phyir ro/ /chos bzhi dang ldan na/ bdag nyid kyis bdag dbugs phyung zhing bde bar gnas pa yin no/ /bzhi ni theg pa chen po la zhugs nas longs spyod kyi bdog pa thams cad gtong ba yin/ tshul khrims kyi phung po la gnas pa yin/ chos zab mo'i ye shes 'phags shing lus dang srog gi phyir yang chos mi gtong ba yin/ dge slong dam pa'i chos smra ba dam pa'i chos 'dzin pa la bde ba'i yo byad thams cad kyis stobs pa yin no/ /chos bzhi dang ldan na byang chub chen po las nyams par mi 'gyur la/ tshe brjes nas kyang 'khor los sgyur bar 'gyur zhing / dge ba'i rtsa ba yang ji ltar smos pas 'jug par 'gyur/ 'khor los sgyur ba thob nas rab tu 'byung bar yang 'gyur zhing / tshangs pa'i gnas pa bzhi yang 'thob bar 'gyur/ de nas shi 'phos nas kyang tshangs pa'i 'jig rten du skye bar 'gyur ro/ /bzhi ni de bzhin gshegs pa'i mchod rten zhig pa mthong nas bcos pa'i phyir spro zhing tha na 'jim pa'i gong bu gcig tsam yang rtsig par byed pa yin/ mchod rten brtsigs pas skye bo mang po 'du ba'i sa lam gyi bzhi mdo lta bu mchod rten dang khang pa brtsegs pa 'am/ rdo rings sam de bzhin gshegs pa'i yon tan rjes su dran pa gang yang rung ba byed pa 'di lta ste/ mngon par 'byung ba nas mya ngan las 'das pa'i bar gyis mchod rten brtsigs pa yin/ de bzhin gshegs pa'i nyan thos kyi dge 'dun bye zhing 'thab pa dang / rtsod pa byung ba mthong nas mi 'byed pa dang mthun par bsdum pa'i phyir brtson pa yin/ bstan pa'i chos rab tu 'jig pa ni tha na tshigs su bcad pa gcig tsam yang bsrung ba dang / mi nyams par bya ba'i phyir brtson ba yin no/ /chos bzhi dang ldan na tshe brjes nas dge slong tshur shog ces byas pa'i rab tu 'byung ba 'thob ste/ bzhi ni bdag nyid rab tu 'byung ba la dga' zhing gzhan yang rab tu 'byung ba 'dzin du 'jug la/ rnam pa thams cad du rab tu 'byung ba la rton par byed de/ rab tu byung nas chos dang ldan pa'i gtam gyis yang dag par dga' bar byed cing 'dzin du 'jug pa yin no/ /chos btsal ba'i phyir bdag nyid kyang brtson zhing gzhan yang brtson par 'jug pa yin/ bdag nyid bzod pa dang nges pa dang ldan zhing gzhan yang de la 'god/ bdag nyid yo byad bsnyungs shing shes pa phun sum tshogs la gzhan yang de dag la 'god pa yin/ bdag nyid thabs la mkhas shing smon lam gyi stobs can yin la/ gzhan yang de la 'god pa yin no/ /chos bzhi dang ldan na/ byang chub chen po las mi nyams pa yin te/ bzhi ni lhag pa'i sems kyis byang chub tu sems bskyed pa de bzhin gshegs pa'i bstan pa la dga' ba yin/ chos nyan pas ngoms mi shes pa yin/ mi slu bas bden par smra ba yin no/ /gang dag dge slong bsten byed pa/ /de dag mang du thos par 'gyur/ /chos kyi rgyal pos bkur ba yin/ /de dag 'di ni nga rjes 'brang / /ji ltar na byang chub sems dpa' chos las nyams pa yin zhe na/ chos stong pa nyid bstan kyang zang zing sngon du btang ste ston par byed pa yin/ chos de dag ston kyang de de bzhin du zhugs pa ma yin te/ de ltar na chos las nyams pa yin no/ /yab dang sras mjal ba las/ de bzhin gshegs pa'i yon tan gzugs can zhig yin na ni/ sems bskyed pa re re'i bsod nams dang yon tan gyi tshogs kyang / de bzhin gshegs pa gang gA'i klung gi bye ma snyed kyi bskal pa de snyed du brjod par mi nus so/ /de ci'i phyir zhe na/ de bzhin gshegs pa byang chub sems dpa'i spyad pa spyod pa na sems bskyed pa yang rung sems can ji snyed pa thams cad la phan ba dang / bde ba'i don du ma skyes pa gcig kyang med do/ /sems can gyi khams tshad med pa dang zad mi shes pa bsod nams kyang de snyed du 'gyur ro/ /sems de ltar bskyed pas sems can thams cad kyis mchod pas kyang lan mi lon to/ /'jig rten pa'i mchod pa ni zang zing yin la/ sems bskyed pa ni sems can 'khor ba la gzhol ba rnams mya ngan las 'das par gzhol bar byed pas zang zing med pa'i phyir ro/ /bcom ldan 'das shAkya thub pa 'di nyid sngon bgrang du med pa'i sngon rol na/ de bzhin gshegs pa dbang po'i tog ces bya bar gyur to/ /chos rnams gang yang rang bzhin nyid kyis med/ rnam par rtog pa chos 'byung kun kyang stong / /rtog pa med pas mtshan ma med par 'gyur/ /de nyid byang chub gzhan du mkhas mi smra/ /sangs rgyas brda tsam nyid lags te/ /de bzhin stobs dang ye shes dang / /mi 'jigs bzhi yang de bzhin du/ /kun rdzob ces ni thub pas gsungs/ /dkon mchog sprin las/ de de ltar sems mi mkhas pas/ chos 'di dag ni sgyu ma lta bu'o/ /chos 'di dag ni rmi lam lta bu'o/ /chos 'di dag ni dge ba'o/ /chos 'di dag ni mi dge ba'o/ /chos 'di dag ni 'byung ba'o/ /chos 'di dag ni mi 'byung ba'o zhes chos rnams la yongs su rtog ste/ de 'di snyam du chos 'di dag thams cad ni sems la gnas pa/ sems las byung ba/ sems rkyen du 'gro ba ste/ sems shin tu bcil/ shin tu btul/ shin tu khong du chud par byas nas/ chos de dag thams cad kyang shin tu bcil ba dang / shin tu btul ba dang / shin tu khong du chud par 'gyur te/ des chos rnams de ltar mthong bas/ rgyu de dang rkyen des sems zhi bar bya ba'i phyir nan tan byed de de sems nyid la mi gtod do/ /ji ltar na byang chub sems dpa' yongs su bsngo ba'i thabs mkhas pa yin zhe na/ gang 'di me tog gi rnam pa'am/ 'bras bu'i rnam pa nga yir bya ba med pa yongs su bzung ba med pa de rnams nyin lan gsum mtshan lan gsum sangs rgyas dang byang chub sems dpa' rnams la 'bul lo/ /dge ba'i rtsa ba de yang bla na med pa yang dag par rdzogs pa'i byang chub tu yongs su bsngo'o/ /de bzhin du me tog gi shing la sogs pa yang bsngo'o/ /mdo sde dag mchod pa'i rnam pa rgya chen po dag nyan cing bsam pa thag pa nas yongs su bsngo'o/ /ji ltar na byang chub sems dpa' gnas nas gnas su slong ba'i thabs la mkhas pa yin zhe na sems can gang dag bla na med pa'i byang chub mngon par rdzogs par 'tshang rgya bar nus shing lcogs pa zhig la de yang nyan thos dang / rang sangs rgyas kyi theg pa thog mar rtsol zhing 'bad de/ brtson 'grus brtsam pa mthong na/ de gnas de nas bslangs te de na 'khor dbye ba yang byas nas theg pa chen po la 'jog ste/ de ltar na gnas nas gnas su slong ba'i thabs la mkhas pa yin no/ /byang chub sems dpa' snod du ma gyur pa'i sems can rnams la chos mi ston to/ / zhe 'gras pa rnams la ma yin/ klan ka tshol ba dang / mu stegs can dang / ri mo med pa dang / ma dad pa mang ba dang / g.yo dang sgyus glags pa dang / 'tsho ba'i bsam pa can dang / rnyed pa dang / bkur sti dang / phrag dog dang / ser snas glags ba dang / glen pa rmongs pa lug ltar lkugs pa rnams la ma yin/ ci'i phyir zhe na/ chos la ser sna yang med sems can gyi don la rgyab kyis phyogs pa yang ma yin mod kyi/ sems can 'di dag ni de bzhin gshegs pa'i chos 'dul ba'i snod du ma gyur to zhes btang snyoms su 'jug go/ /sems can ci 'dra ba la sangs rgyas dang byang chub sems dpas chos ston zhe na/ sems can dang ba can dang / dge ba'i rtsa ba smin pa dang / snod du gyur ba dang / g.yo med pa dang / spyod lam mi 'chos pa dang / rnyed pa dang / bkur sti la ma chags pa dang / tshul bzang po dang / legs par ston nus pa dang / dbang po rno ba dang / ji skad bshad pa bzhin byed pa rnams la ston to/ /byang chub sems dpa' ni theg pa chen po yongs su 'dzin pa dang / de yongs su 'dzin pa rnams la chos mtshungs pa'i 'du shes kyis zhe sa dang / ri mo dang bcas pa dang / theg pa chen po la gzhol/ 'bab/ bab pa yin te/ des na byang chub kyi sems ma snad pa yin no/ /skyon yang gang zhe na/ rnyed pa dang / bkur sti 'dod pa dang / rigs dang rus dang / lta ba la chags pa dang / sdig pa chung ngus/ 'jigs par mi lta ba dang / shi bas mi skrag pa dang / mi bsam pa sems pa dang / lam ma yin ba la lam du 'du shes pa dang / 'phral gyi bya ba la chags pa dang / theg pa chen po dang / de ston pa'i gang zag gi mi bsngags pa brjod pa dang / nyan thos kyi theg pa dang / de ston pa'i gang zag gi bsngags pa brjod pa dang / rtsod pa lhur len ba dang / brlang ba dang / rtsub ba dang / spyi brtol che ba dang / gtugs pa dang / dag mi snyan pa dang / mur cor smra ba dang / mi gtsigs par smra ba dang / ngag tu smra ba ste/ de de ltar skyon la mkhas pas spros pa thams cad dang bral bar bya ba'i phyir/ stong pa nyid bsgoms pa la rnal 'byor du byed do/ /'di ni byang chub sems dpa' rnams kyi 'dul ba'o/ /lang kar gshegs pa las/ lang ka'i bdag po/ sa bon gcig las byung yang / myu gu dang / ljang bu dang / sog ma dang / tshigs dang / yal ga dang / me tog dang / 'bras bu dang / gra ma'i bye brag yod pa de bzhin du phyi nang gi chos skye ba'i chos ma rig ba las rab tu byung ba phung po dang / khams dang skye mched la sogs pa thams cad dang khams gsum du skyes pa'i chos thams cad la bde ba'i dbyings dang / brjod pa dang 'gro ba'i khyad par dag snang ste/ mtshan nyid gcig pa'i rnam par shes pa yul na mngon par 'dzin par rab tu 'jug pa'i khyad par rab dang 'bring dang / tha ma'i khyad par dang / rnam par byang ba dang / dge ba dang mi dge bar yang snang ngo / /lang ka'i bdag po de dag gi tha dad pa'i khyad par du yang ma zad de/ rnal 'byor ba rnal 'byor bsgom pa rnams kyi lam la yang so so rang gis rig pa'i mtshan nyid snang na/ so so'i rnam par rtog pa las byung ba'i chos dang / chos med pa'i khyad par lta ci ste med de yod do/ /blo gros chen po 'jim pa'i gong bu rdul phra rab las tha dad pa zhig yin na ni/ de dag las brtsams pa ma yin par 'gyur ba zhig na brtsams pas tha dad pa ma yin no/ /tha mi dad pa ni khyad med par 'gyur ro/ /de bzhin du 'jig pa'i rnam par shes pa rnams kun gzhi'i rnam par shes pa'i rigs kyi mtshan nyid dang tha dad na ni de las 'byung bar mi 'gyur ro/ /tha mi dad na ni 'jig pa'i rnam par shes pa 'gags na kun gzhi yang 'gag par 'gyur na/ rang gi rigs kyi mtshan nyid ni 'gag par mi 'gyur te/ de'i phyir rnam par shes pa rnams kyi rang gi rigs kyi mtshan nyid mi 'gag gi las kyi mtshan nyid 'gag go/ /rang gi rigs kyi mtshan nyid 'gags na kun gzhi rnam par shes pa yang 'gag par 'gyur te/ blo gros chen po kun gzhi rnam par shes pa 'gags na ni smra ba 'di yang mu stegs byed pa'i chad par smra ba dang khyad par 'gyur ro/ /mu stegs byed rnams kyi smra ba ni 'di lta ste/ yul 'dzin pa rgyun chad pas rnam par shes pa rgyun chad par 'gyur te/ rnam par shes pa'i rgyun chad pas thog ma med pa'i dus kyi rgyun yang chad par 'gyur ro/ /mu stegs byed pa rnams ni rgyu las rgyun 'byung bar smra ba'i rgyu ma gtogs par mig gi rnam par shes pa gzugs dang snang ba 'dus pa las 'byung bar mi smra ste/ rgyu ni gtso bo dang / skyes bu dang / dbang phyug dang / dus dang / rdul phra mor smra ba'o/ /blo gros chen po snying rje chen po dang thabs la mkhas pa lhun gyis grub par 'gyur ba'i sbyor ba dang / sems can gyi khams thams cad sgyu ma dang / gzugs brnyan dang / mnyam pa nyid dang / rkyen gyis ma brtsams pa dang / nang dang phyi'i las rnam pa dben pa dang / phyi rol sems su lta bas mtshan ma med pa'i gnas dang ldan pa rnams/ rim gyis sa'i rim pa ting nge 'dzin gyi spyod yul la rjes su 'jug pa dang / khams gsum pa dag gi sems sgyu mar shin tu mos pas rab tu sgom pa ni sgyu ma lta bu'i ting nge 'dzin 'thob par 'gyur ro/ /bdag gi sems snang ba tsam la 'jug pas/ shes rab kyi pha rol tu phyin pa gnas pa rjes su 'thob pa skye ba bya ba dang ldan pa med pa'i byang chub sems dpa' rnams kyi ting nge 'dzin rdo rje'i gzugs lta bu/ de bzhin gshegs pa'i sku'i rjes su song song ba/ de nyid kyi sprul pa dang ldan pa/ stobs dang mngon par shes pa dang / snying rje dang thabs kyis brgyan pa/ sangs rgyas kyi zhing mu stegs kyi gnas thams cad du nye bar song ba sems dang yid dang rnam par shes pa dang bral ba/ rim gyis gnas 'phos pa de bzhin gshegs pa'i sku rab tu 'thob par 'gyur ro/ /ji ltar sgyu ma sna tshogs dag /snang yang yod pa ma yin te/ /de bzhin gshegs pa sna tshogs kyang / /bshad pa rnam par 'khrul pa yin/ /gzhan la gang zhig bstan pa de/ /gzhan la bshad par mi rung ste/ /ji ltar nad pa so so la/ /sman pa sman rnams btang ba ltar/ /de bzhin sangs rgyas sems can la/ /sems tsam du yang rab tu gsungs/ /mgon po rnams ni gang gsungs pa'i/ /so so rang rig spyod yul ni/ rtog ge can gyi spyod yul min/ /nyan thos rnams kyi 'ang de bzhin min/ /blo gros chen po gnas yang byang chub sems dpa' rang gi sems snang ba'i gzung ba dang / 'dzin pa rnam par rtog pa'i spyod yul yongs su shes par 'dod pas 'du ba dang / 'du 'dzi dang / gnyid dang sgrib pa med par bya'o/ /srod dang tho rangs dang nam gyi gung thun la mi nyal ba'i sbyor ba la brtson par bya'o/ /mu stegs can ngan pa'i gtsug lag dang / gtam dang / nyan thos dang / rang sangs rgyas kyi theg pa'i mtshan nyid dang bral bar bya zhing byang chub sems dpa' sems dpa' chen pos rang gi sems snang ba la rnam par rtog pa'i mtshan nyid khong du chud par rtogs par bya'o/ /sna tshogs snang ba yod ma yin/ /snang ba las ni sems 'byung ste/ /lus dang longs spyod gnas lta bur/ /kun gzhi mi la snang ba yin/ /blo gros chen pos rang sems snang ba'i rgyur rnam par dag par bya ba'i phyir yang gsol ba btab pa/ bcom ldan 'das rang gi sems snang ba'i rgyu cig car ram rim gyis 'jug pas sam/ ji ltar rnam par dag par 'gyur/ /bka' stsal pa/ rim gyis te cig car ma yin pa'i dpe a mra'i 'bras bu smin pa dang / rdza mkhan snod byed pa dang / sa las rtsi shing skye ba dang / rol mo la mkhas pa rim gyis 'byung ba gsungs/ me long du gzugs brnyan snang ba rtog pa med pa cig car 'byung ba'i dpes/ de bzhin gshegs pa yang sems can gyi rang gi sems snang ba'i rgyud rnam par mi rtog cing snang ba med pa'i spyod yul cig car rnam par spyod do zhes bstan/ blo gros chen po yang nyan thos kyi dngos po rnam par rtog pa'i rang bzhin la mngon par zhen pa gang zhe na/ 'di lta ste/ sngon po dang / ser po dang / dro ba dang / gsher ba dang / g.yo ba dang / sra ba'i 'byung ba chen po rnams byed pa med par 'byung ba rang dang spyi'i mtshan nyid dang / rigs pa dang / lung gi tshad ma dang / shin tu 'grel pa rnams mthong nas/ de'i rang bzhin la mngon par zhen pa'i rnam par rtog pa 'byung ngo / /blo gros chen po 'di ni byang chub sems dpas khong du chud nas bzlog par bya'o/ /de nas yang bcom ldan 'das la blo gros chen pos gsol ba/ ji ltar bdag dang byang chub sems dpa' gzhan sgro 'dogs pa dang / skur pa'i lta ba ngan pa spangs pa'i blo can rnams bla na med pa'i byang chub tu 'tshang rgya zhing / sangs rgyas nas kyang rtag pa dang sgro 'dogs pa dang chad pa dang / skur pa 'debs pa'i lta ba rnam par spangs te/ khyod kyis sangs rgyas kyi tshul la mi skur par 'gyur ba sgro 'dogs pa dang / skur pa'i mtshan nyid bdag la bshad du gsol/ bka' stsal pa/ sgro 'dogs pa dang skur pa dag /sems tsam po la yod pa min/ /lus dang longs spyod gnas lta bus/ /sems ni su dag mi shes pa/ /sgro 'dogs pa dang skur ba la/ /mi mkhas de dag rab tu spyod/ /rang bzhin med pa ni rang bzhin thar pa med pa la dgongs te/ dngos po thams cad rang bzhin med pa zhes bya'o/ /blo gros chen po thams cad kyi rten nas rgyu dang 'brel par 'byung ba'i mtshan nyid ni rnam pa gnyis te/ 'di ltar phyi'i dang nang gi gi'o/ /de ltar phyi'i rten cing 'brel par 'byung ba ni 'jim pa'i gong bu dang / lag zungs dang / 'khor lo dang / srad bu dang / chu dang / mi'i nan tan la sogs pa'i rkyen gyis rdza ma 'byung ba dang / de bzhin du thags las snam bu dang / rtsi skyong las re lde dang / sa bon las myu gu dang / srub ma la sogs pa mi'i nan tan dang / zho las mar 'byung ba 'di ni phyi'i rten cing 'brel par 'byung ba snga ma las phyi ma 'byung ba'o/ /nang gi ni 'di lta ste/ ma rig pa dang / srid pa dang / las dang / chos 'di dag la sogs pa ni rten cing 'brel par 'byung ba'i ming 'thob po/ /blo gros chen po 'di dag las skyes pa'i phung po dang / khams dang skye mched ces bya ba'i chos de dag kyang rten cing 'brel par 'byung ba zhes bya ba'i ming 'thob ste/ de dag ni khyad par med pa las byis pa rnams kyis brtags pa'o/ /blo gros chen pos gsol pa/ bcom ldan 'das kyis rten cing 'brel bar 'byung ba bshad pas/ rgyu rnam par brjod pa nyid bgyis kyi/ rang gi tshul gyis slar gzhil ba'i tshul ma gsungs na/ bcom ldan 'das mu stegs byed rnams kyang gang las dngos po rnams 'byung ba 'di lta ste/ gtso bo dang dbang po dang / skyes bu dang dus dang / rdul phra mo 'jug pas/ rgyu las byung bar brjod de/ bcom ldan 'das kyis ni rnam grangs gzhan gyis dngos po rnams skye bar bka' stsal mod kyi/ grub pa'i mtha' la bye brag tu dbye ba ni ma mchis so/ /bcom ldan 'das mu stegs can rnams kyang ma mchis pa dang / ma mchis pa las skye bar brjod/ bcom ldan 'das kyis kyang ma mchis pa las rkyen rnams kyis 'byung ba dang / byung nas kyang 'jig par gsungs te/ gang yang bcom ldan 'das kyis ma rig pa'i rkyen gyis rga shi'i bar gsungs pa 'di yang rgyu med par smra ba rnams brjod pa gsungs kyi rgyur smra ba ni ma lags so/ /'di yod na 'di yod do zhes bgyi ba 'di ni cig car gnas pa rnams la rung gi/ rim gyis 'byung ba la ltos bar gnas pa rnams la ma yin te/ mu stegs kyi brjod pa nyid bzang gi khyod kyi bzang po ma lags so/ /ci'i slad du zhe na/ mu stegs kyi rten cing 'brel par 'byung ba ma lags pa'i rgyus 'bras bu mngon par sgrub po/ /bcom ldan 'das khyod kyis rgyu yang 'bras bu la ltos/ 'bras bu yang rgyu la ltos pas/ rgyu rkyen yang 'dre ste/ de bzhin phan tshun thug pa ma mchis par yang 'gyur ro/ /'di yod na 'di yod do zhes brjod pa ni 'jig rten rgyu ma mchis par 'gyur ro/ /bka' stsal pa/ blo gros chen po gzung ba dang / 'dzin pa med pa dang / rang gi sems snang ba tsam du khong du chud pa'i phyir 'di yod do zhes brjod kyang rgyu dang byed par smra ba dang / rgyu rkyen 'dres par yang mi 'gyur ro/ /gang gzung ba dang / 'dzin pa la mngon par zhen cing / phyi rol gyi rang gi yul gyi dngos po med par rang gi sems snang ba tsam du khong du chud pa de dag la ni 'di lta bu nyes par 'gyur gyi/ nga'i rten cing 'brel par 'byung ba brjod pa la nyes par mi 'gyur ro/ /blo gros chen po sgyu ma ni skyes bu gzhan gyi rig sngags kyi mthus 'byung ste/ rang gi rnam par rtog pa'i gnas ngan len gyi bag chags kyi mthu las ni ma yin no/ /byis pa so so'i skye bo lta ba ngan pa'i mtshan nyid du ltung ba'i bsam pa can/ rang gi sems snang ba tsam du ma rtogs pa rgyu dang rkyen gyi byed pa las skye ba'i mtshan nyid du mngon par chags pa rnams la phan pa'i phyir chos thams cad sgyu ma dang / rmi lam gyi rang bzhin gyi mtshan nyid du bstan to/ /blo gros chen po chos thams cad ni ngo bo nyid med pa ste/ ci'i phyir zhe na/ blo gros chen po 'di ltar rang gi blos rnam par dpyad na/ rang dang spyi'i mtshan nyid kyi dngos po mi rigs pas na/ de'i phyir chos thams cad ngo bo nyid med ces bya'o/ /srog dang lus gzhan dang gzhan ma yin pa la sogs pa dris na 'jog pa ni mu stegs can sems tsam mi shes pa yin gyi/ sangs rgyas kyi ma yin gyi bud+d+ha'i ni gzhag par lung bstan pa ye shes med de snod la ltos nas re zhig lung mi bstan par bya bar 'gyur/ log pa la bden par chags pas ni phung po lnga 'dus pa dang / 'byung ba las gyur pa rnams skye'o/ /blo gros chen po rnam par shes pa yang gnas kyi yul sna tshogs la mngon par chags shing 'dod pa'i rgyus 'gro ba gzhan du mtshams sbyor bar 'byung ngo / /sa'i 'byung ba las gyur pa rnams la ni rgyu 'byung ba chen po rnams yod mod kyi/ 'byung ba chen po rnams la ni med do/ /de ci'i phyir zhe na/ blo gros chen po dngos po dang / rtags dang / mtshan nyid dang / dbyings dang / bya ba'i bdag nyid dang / sbyor ba med pas 'byung ba rnams mi skye'o/ /dngos po la sogs pa'i bya ba 'dus pa las skye bar 'gyur gyi/ rtags dang mi ldan pa las ma yin no/ /de lta bas na blo gros chen po 'byung ba dang / 'byung ba las gyur pa'i mtshan nyid ni/ mu stegs byed rnams kyis rnam par brtags pa yin te/ ngas ni ma yin no/ /brtags pa sna tshogs snang ba ni/ /gzhan gyi dbang zhes brjod pa ste/ /rnam pa gzhan du brtags na ni/ /mu stegs smra la gnas par 'gyur/ /rtog pa rtogs zhes bya ba ste/ /mthong ba'i phyir ni rgyu las byung / /rnam rtog gnyis las grol ba ni/ /de nyid yongs su grub pa yin/ / blo gros chen po nyan thos dang / rang sangs rgyas thams cad ni shes bya'i sgrib ba dang / las kyi bag chags ma spangs pa'i phyir chos la bdag med pa ma rtogs shing bsam gyis mi khyab par 'gyur ba'i 'chi 'pho ba ma thob pas nyan thos rnams la theg pa gsum du bstan te gcig tu ma bstan to/ /blo gros chen po de dag nam nyes pa'i bag chags thams cad spangs shing chos la bdag med pa rtogs pa de ni/ de dag bag chags kyi nyes pa dang / ting nge 'dzin gyis myos par gyur nas/ zag pa med pa'i dbyings nas slar sad de 'jig rten gyi dang / 'jig rten las 'das pa zag pa med pa'i dbyings su gtogs pa'i tshogs rnams yongs su bskang nas/ chos kyi sku bsam gyis mi khyab pa la dbang byed pa rab tu 'thob par 'gyur ro/ /theg pa rnam par gzhag med kyang / /sems can rnams ni drang ba'i phyir/ /theg pa tha dad ngas bshad do/ /theg pa gcig tu ngas bshad do/ /sems kyi gnas shin tu gyur te/ sgyu ma lta bu'i ting nge 'dzin gyi sgo gzhan dag rab tu thob pa dang / mtshan dang / dbang dang / mngon par shes pa du ma'i me tog rgyas shing yid kyi mgyogs pa dang mtshungs pa sgyu ma dang / rmi lam gzugs brnyan lta bu 'byung ba las gyur pa ma yin pa la 'byung ba dang / 'byung ba las gyur pa 'dra ba gzugs thams cad kyi yan lag sna tshogs 'dus pa sangs rgyas kyi zhing thams cad du 'khor gyi dkyil 'khor du rjes su song ba'i lus de ni chos kyi ngo bo nyid rtogs pa yin gyis lus zhes bya'o/ /lta ba thams cad rnam bzlog cing / /rtog dang brtags pa spangs pa ste/ /dmigs med skye ba med pa na/ /sems tsam du yang ngas bshad do/ /dngos min dngos po med min pa/ /dngos dang dngos med rnam par spangs/ /de bzhin sems las grol ba ni/ /sems tsam du yang ngas bshad do/ /de bzhin nyid dang stong pa'i mtha'/ /mya ngan 'das dang chos kyi dbyings/ /sna tshogs yid kyi lus rnams ni/ /sems tsam du yang ngas bshad do/ /rnam rtog bag chags 'brel ba yin/ / sna tshogs sems las byung ba ste/ /mi rnams la ni phyi rol snang / /'jig rten pa yi sems tsam mo/ /phyi rol snang ba yongs med de/ /sems ni sna tshogs rnams su snang / /lus dang longs spyod gnas 'dra ba/ /sems tsam du nangs bshad do/ /bud+d+ha'i drung du bram ze 'jig rten rgyang pan pa zhig gis thams cad byas pa'am ma byas pa'am/ rtag pa'am mi rtag pa'am/ gcig pa'am tha dad pa'am zhes bya ba la sogs pa mang po zhig zhus pa las/ bud+d+has lan du de skad ces zer ba thams cad ni 'jig rten rgyang pan pa yin te/ kye bram ze 'jig rten rgyang pan pa 'di ni khyod kyi ste de'i ma yin no/ /bram ze nga ni thog ma med pa'i dus nas spros pa rnam par rtog pa'i bag chags gnas ngan len gyi rgyu las srid pa gsum skyes par ston te/ bram ze de yang rang gi sems snang ba tsam khong du ma chud pas rnam par rtog pa 'byung gi / phyi rol gyi dngos po dmigs pa las ni ma yin no/ /'di lta ste/ mu stegs byed rnams kyi bdag dang / dbang po dang / don gsum phrad pa lta bu nga'i ma yin no/ /kye bram ze nga ni rgyur smra ba yang ma yin/ rgyu med par smra ba yang ma yin te/ gzhan du na rnam par rtog pa nyid gzung ba dang 'dzin pa'i dngos po rab tu bshig ste/ rten cing 'brel par 'byung bar ston to/ /khyod lta bu dang bdag tu 'dzin par ltung ba'i rgyud can gzhan dag gis mi rig go/ / gzhan yang blo gros chen po bram ze 'jig rten rgyang pan pas nga la 'di skad ces zer ro/ /kye gau ta ma srid pa gsum po 'di mi shes pa dang / sred pa dang / las kyi rgyu las byung ngam/ de ste rgyu las ma byung / bram ze 'di gnyis ka yang 'jig rten rgyang pan pa'o/ /kye gau ta ma dngos po thams cad rang dang spyi'i mtshan nyid ltung ba'am/ kye bram ze de yang 'jig rten rgyang phan pa nyid yin te/ bram ze ji tsam du yid las rnam par g.yos pa dang / phyi rol gyi don la mngon par chags shing rnam par rtog pa de tsam du 'jig rten rgyang pan no/ /me long la ni ji ltar gzugs/ /snang yang yod pa ma yin ltar/ /bag chags dag ni me long la/ /byis pas sems ni rnam gnyis mthong / /sems kyi snang ba ma shes pas/ /rnam par rtog pa rnam gnyis skye/ /sems kyi snang ba yongs shes nas/ /rnam par rtog pa mi 'byung ngo / /sems ni sna tshogs 'gyur ba ste/ /mtshan dang mtshan gyi gzhi yang spangs/ /ji ltar byis pas brtags pa bzhin/ /snang ba'i rnam pa snang ba med/ /srid gsum rnam par rtog tsam pas/ /phyi rol gyi ni don med do/ /rnam rtog sna tshogs snang ba ni/ / byis pa dag gis mi rtogs so/ /ji srid du yang dam bca' ba //de srid thams cad 'dres ba can/ /rang sems tsam du blta bya ste/ /rtsod pa btsal bar mi bya'o/ /blo gros chen po gal te kun gzhi rnam par shes pa zhes bsgrags pa de bzhin gshegs pa'i snying po med du zin na/ de bzhin gshegs pa'i snying po kun gzhi rnam par shes pa zhes bsgrags pa med pas 'jug pa'ang med/ ldog pa'ang med par 'gyur na/ blo gros chen po byas pa dang / 'phags pa rnams la 'jug pa dang / ldog pa yang yod de rnal 'byor can brtson pa mi 'dod pa rnams bdag gi so so rang gis rig pa tshe 'di'i bde bar spyod pas gnas so/ /dro dang gsher dang sra g.yo bar/ /chos rnams byis pas rnam par brtags/ /yang dag ma yin sgro 'dogs te/ /mtshan nyid med cing mtshan gzhi med/ /rgyun rnams kyi ni lus 'di la/ /'di ni rdzas brgyad gzugs yin te/ /lus kyi dbyibs dang dbang por ni/ /byis pa nor ba rnam rtog go/ /lus dang longs spyod gnas dag ni/ /gzung ba'i rnam par rig gsum ste/ /yid dang yid kyi rnam rig dang / /rnam par rtog ni 'dzin pa gsum/ / rang gi sems la mngon chags pas/ /sems ni shin tu 'byung bar 'gyur/ /phyi rol snang ba yongs med de/ /de yi phyir na sems tsam mo/ /dbang po rnams ni sgyu ma bzhin/ /yul rnams kyang ni rmi lam 'dra/ /byed dang las dang bya ba nyid/ /rnam pa kun du g.yo ba min/ /kun rdzob tu ni thams cad yod/ /dam pa'i don du yod pa min/ /gang 'di sna tshogs snang ba ni/ /gnas ngan len gyis bsgos pa'i sems/ gzugs su snang ba 'dzin pa ste/ /phyi rol dag na sems 'khrul pa/ /snang ba ri bong rwa bzhin te/ /mi rnams kyi ni rnam rtog yod/ /smig rgyu la ni ri dgas bzhin/ /gang rnams rtogs pa de dag nor/ /rnam rtog mngon par chags pa yis/ /rnam par rtog pa shin tu 'byung / /phyi rol brtags pa'i rang bzhin te/ /gzhan dbang rang gi gzhi las skyes/ /bdag la skyes pa'i 'khrul ma mthong / /de yi sems rnams rab tu 'jig /de yi rgyu can de la dmigs/ /yid mi 'jug pa'i gnas yin te/ /sems kyi rgyu yang 'byin par byed/ /rnam par shes kyang de la gnas/ /dngos po mtshan nyid ldan pa ni/ /phyi rol ji srid rnam rtog cing / /rang gi nor ba ma mthong na/ /de srid du ni sems rgyas byed/ /bag chags dag las sems mi byed/ /sems dang bag chags gcig ma yin/ /sems ni tha dad ma yin mtshan/ /bag chags rnams kyis yongs su dkris/ /yid kyi shes las byung ba yi/ /bag chags dri ma bzhin du ltos/ /sems ni ras yug dkar po 'dra/ /bag chags rnams kyis mi mdzes so/ /mya ngan las 'das pa'i skabs nas gsol pa/ bcom ldan 'das kyis rnam par shes pa brgyad du gzhag gam/ gzhog go/ /bzhag na ji ltar yid kyi rnam par shes pa log la ma bzhag lags/ bka' stsal pa/ de'i rgyu dang dmigs pa'i phyir rnam par shes pa 'dus pa rnams 'byung bar 'gyur te/ /blo gros chen po yid kyi rnam par shes pa yul bye brag 'byed pa la mngon par chags shing 'byung bas/ bag chags kyi kun gzhi rnam par shes pa shin tu rgyas par byed do/ /yid dang lhan cig tu bdag dang bdag gir 'dzin pa la mngon par chags pas/ rang sems pa lta bu rjes su 'jug ste/ kun gzhi rnam par shes pa rgyur gyur cing / de la dmigs pa lus tha dad pa ma yin pa'i mtshan nyid do/ /rang gi sems snang ba'i yul la mngon par chags pas/ gcig gi rgyur gcig gyur pa'i sems 'das pa 'byung ste/ blo gros chen po rgya mtsho chen po ltar rang gi sems snang ba'i yul gyi rlung gis bskyod pas 'jug cing ldog go/ /de lta bas na yid kyi rnam par shes pa bzlog pas bdun po rnams kyang ldog par 'gyur ro/ /kun gzhi la ni rten bcas nas/ /yid kyang shin tu 'jug par 'gyur/ /sems dang yid la rten bcas nas/ /rnam par shes pa 'jug par 'gyur/ /dkar po la ni dri ma snang / /dri ma la ni sems mi snang / nam mkha' la ni sprin bzhin du/ /de bzhin sems kyang mi snang ngo / /thams cad 'byung 'gyur gzugs med de/ /'byung las ma gyur gzugs yod do/ /dri za'i grong khyer rmi lam dang / /sgyu ma smig rgyu 'byung 'gyur min/ /ji ltar gser ni dag pa dang / /chu yang rnyog pa dwangs pa dang / /nam mkha' la ni sprin med ltar/ /rnam rtog dag pa de bzhin no/ /dbus ma 'jigs pa dang sems tsam/ /dbu ma yin pa rgyun chags 'byung / /yon tan rdul phran rdzas 'dus par/ /byis pa rnams ni gzugs la rtog / rdul phran re rer yod pa min/ /de yi phyir yang don med do/ /rang gi sems ni snang ba'i dbyibs/ /mi rnams la ni phyi rol snang / /phyi rol snang ba yod min te/ /de yi phyir yang don med do/ /skra shad 'dzings dang sgyu ma dang / /rmi lam dri za'i grong khyer dang / /mgal me smig rgyu sna tshogs dag / med kyang mi la rab tu snang / /sems dang rnam rtog rnam rig dang / /yid dang rnam shes nyid kyang ste/ /kun gzhi srid gsum g.yo ba rnams/ /de dag sems kyi rnam grangs yin/ /gang dag 'jungs pa'i nyan thos dang / /mu stegs can gyis byas pa ni/ / gang phyir rtog ges bshad pas na/ /de dag don la 'khrul pa'o/ /chos yang dag par sdud pa las/ /chos kyi tshul la 'jug pa bcus byang chub sems dpa' rnams mi 'grogs pa khong du chud par bya ste/ bcu gang zhe na/ 'di lta ste/ dman pa la sems pa dang / dman pa la smon pa'i sems can dman pa rnams dang lhan cig mi 'grogs pa dang / sems can mi brtson pa mi 'grus pa le lo can brtson 'grus med pa rnams dang lhan cig mi 'grogs pa dang / nga rgyal bdun dang nga rgyal gyis khengs pa'i sems can rnams dang lhan cig mi 'grogs pa dang / ser sna dang / 'chal pa'i tshul khrims dang / gnod sems dang / le lo dang / rnam par g.yeng ba dang / 'chal pa'i shes rab kyi rang bzhin can gyi sems can rnams dang lhan cig mi 'grogs pa dang / 'dod pa la 'dun pa dang / gnod sems dang / rnam par 'tshe ba'i rnam par rtog pa rnams dang lhan cig mi 'grogs pa dang / rtog pa dang / rnam par rtog pa dang / kun du rtog pa thams cad dang lhan cig mi 'grogs pa dang / sgrib pa dang / chod pa dang / kun nas dkris pa thams cad dang lhan cig mi 'grogs pa dang / nyan thos dang rang sangs rgyas kyi yid la byed pa thams cad dang lhan cig mi 'grogs pa dang / rnyed pa dang bkur sti dang / tshigs su bcad pa la mngon par dga' ba'i yid la byed pa thams cad dang lhan cig mi 'grogs pa dang / ngar 'dzin pa dang / nga yir 'dzin pa rnams dang lhan cig mi 'grogs pa dang / 'ja' la kha dog skya bo dang / sngon po dang / dmar po rnams ni rim bzhin sa chu me'i dbang po/ /gzhu'i dbyibs ni rlung gi dbang po zhes 'byung / rnal 'byor spyod pa'i dge slong dge ba med pa'i tshogs rnam par dag pa/ dbang rab tu thob pas zad par nam mkhar bsams tsam gyis de bzhin du 'gyur te/ sra ba dang / gsher ba dang / tsha ba dang / g.yo ba rnams dang / sngon po dang / ser po dang / dmar po dang / dkar po rnams kyi sgrib pa med par 'gyur yang / sems kyi sgrib pa med pa nam mkha'i sgrib pa med par 'pho ba yang ma yin/ bsams pa tsam gyis sgrib pa med pa dang mi ldan par srab la sogs pa med par 'gyur ba ma yin no/ /de bzhin du rkyen las byung ba'i las dge ba dang / mi dge ba thams cad kyi rnam par smin pa'i dbang nyid khong du chud par bya'o/ /byang chub sems dpa'i rnam par thar ba brgyad la/ gzugs can gzugs rnams la lta ba'i rten cing 'brel bar 'byung ba dang / stong pa dang g.yo ba med par lta ste/ des 'grol bas rnam par thar pa zhes bya'o/ /nang gzugs med par 'du shes pas/ phyi'i gzugs rnams la lta ba ni stong pa nyid dang / rten cing 'brel bar 'byung ba dang / g.yo ba med par lta bas so/ /sdug par mos pa ni stong pa'o/ /mi sdug pa ni lta bar gyur pa'o/ /sdug par mos pas so/ / gzugs kyi 'du shes las 'das nas/ nam mkha' mtha' yas so snyam pa ni stong pa ste rnam shes mtha' yas so snyam pa ni rnam par shes pa thog ma med pa can du bshad la/ gang thog ma med ba de ni stong pa yin te/ de ltar mthong bas so/ /ci yang med do snyam pa ni ci yang zhes bya ba ni dus gsum ste/ de dag med pas mthong ngo / /'du shes med 'du shes med min rdzogs par bya ste/ gnas pa ni 'du shes med ces bya ba ni stong pa'o/ /'du shes med min skye mched ces bya ba ni/ rten cing 'brel par 'byung ba ste/ de ltar mthong bas so/ /'du shes dang tshor ba 'gog pa ni de 'di snyam du 'du shes ni smig rgyu lta bu'o/ /tshor ba ni chu'i chu bur lta bu ste/ 'du shes nyid tshor ba/ tshor ba nyid 'du shes pas/ 'di la shes pa po med/ tshor ba po med nas/ de ltar mthong bas so/ /'du shes dang tshor ba 'gog pa ni byang chub sems dpa'i zad par gyi skye mched bcu la/ zad par sa nas rnam par shes pa'i bar du mos na yang de kho na bzhin du 'gyur te/ zad par gyi skye mched ces bya'o/ /re re la yang skye mched thams cad du 'gyur bas de'i phyir zad par skye mched ces bya'o/ /byang chub sems dpa'i dbang bcu la/ mi 'chi ba thob pas tshe la dbang ba'o/ /sems tsam du yongs su shes pa'i phyir sems la dbang ba'o/ /lag na rin po che dang / nam mkha'i mdzod rab tu brnyes pa'i phyir yo byad do/ /bag chags dang bcas pa'i las kyi lam bcad pas las so/ /ting nge 'dzin bzlog pa'i bsam gtan rnyed pas skye ba'o/ /lhun gyis grub par bya ba la 'jug pa thob pas rdzu 'phrul lo/ /zad par gyi skye mched thob pas mos pa'o/ /bsams pa tsam gyis don 'thob pas smon lam mo/ /ye shes sngon du 'gro ba'i lus dang ngag dang yid kyi las thob pas ye shes so/ /de bzhin nyid dang chos kyi dbyings dang / yang dag pa'i mtha' mnyam pa'i ye shes dri ma med pa'i phyir chos so/ /dbang bcu po dag mi mthun pa gang gi gnyen po yin pa dang / de dag gi rgyu yang d+harma 'di las bshad/ byang chub sems dpa' ni gang so sor thar ba'i sdom pas bsdams pa yang lags la/ so sor thar pa tsam gyis dag par yang mi sems te/ byang chub sems dpa'i sdom pa la rton pa lags so/ /d+harma 'di las sangs rgyas bcu 'byung / cho 'phrul chen po bstan pa las/ 'jam dpal ji ltar byang chub sems dpa' lus yongs su dag pa yin/ smras pa/ lha'i bu gang gi tshe yid las byung ba'i lus kyis sems can thams cad kyi lus dang mthun par ston pa yin/ ji ltar ngag yongs su dag pa yin/ sems can thams cad kyi sgra yongs su rdzogs pas 'bras bu yod pas chos ston pa yin/ ji ltar na sems yongs su dag pa yin/ sems gcig gis sems can thams cad kyi sems yongs su shes pa yin no/ /bud+d+ha'i spyan snga na 'phags pa 'jam dpal dang / lha'i bu ded dpon chos gleng ba las/ ded dpon gyis chos zab mo mang du smras pa dang / shA ri'i bus bud+d+ha la ded dpon 'di dge ba'i rtsa ba can no zhes gsol pa dang / sngon yang dge ba spel ba yin pa las gleng ba bskal ba grangs med pa'i sngon rol na 'jig rten gyi khams bde bar bud+d+ha ri rab lta bur 'byung ba de'i tshe/ 'khor los sgyur ba'i rgyal po dge bas bkod pa byung / de la bud+d+has chos bshad nas bu dang bcas pas chos dang mthun pa'i bzod pa thob/ de nas 'khor de ni chos smra ba'i dge slong chos kyi rgyal mtshan zhes bya ba zhig yod pas rgyal po la chos zab mo bshad pa dang rgyal po rangs nas gos dang / rgyan ci yod pa de la yon du byin no/ / de nas dge slong des gos la sogs pa ni mchod pa chen po ma yin gyi/ rab tu byung zhing chos spyod mchod pa'i bar/ /gang dag stong chen sems can de dag kun/ /byang chub phyir ni rab tu zhugs gyur cing / /ma zhum sems kyis bskal pa rdzogs par ni/ /bu dang chung ma sbyin pa byas pa las/ /gang gis byang chub phyir ni sems bskyed nas/ /de bzhin gshegs pa'i rjes su bslab ched du/ /rab 'byor sems kyis gom pa gcig bor ba/ /de ni de bas bsod nams khyad par 'phags/ /gang dag sngon chad byung ba'i sangs rgyas dang / /gang dag ma byon byung dang bzhugs pa rnams/ /de dag skyon mang khyim ni ma spangs par/ /bla med byang chub zhi ba thob pa med/ /rab byung de bzhin gshegs pa thams cad kyis/ /rab tu ston cing bsngags la bkur ba ste/ /gang zhig sangs rgyas kun la mchod 'dod pa/ /rgyal ba'i bstan la rab byung gzung bar gyis/ /gang zhig khyim gnas rin chen khyim brgyan pa'i/ /gang gA'i bye snyed sangs rgyas zhing byin dang / /gang zhig rab byung nyid dang mtshan gcig tu/ /mi rtag sdug bsngal bdag med sems byed na/ /gang zhig rab byung bag yod gyur ba yi/ /byang chub sems dpa' byang chub nye ba dang / /bdud kyi dkyil 'khor shin tu bcom byas shing / /dge ba'i phyogs kyang mi 'grib 'phel ba yin/ /rab byung de ni lam ngan spangs pa dang / /lam gyi rjes mthun 'phags pa'i skye bos bstod/ /de ni dge ba cung zad ma yin zhing / /de ni yongs su 'dzin pa spangs ba yin/ /khyim las grol ba nyon mongs mi 'phel zhing / /nyon mongs rnam grol bdud kyi 'ching ba med/ /rnam grol sems ni byang chub spyad pa spyod/ /spyod pa dag pas byang chub rnyed mi dka'/ /de nas rgyal po de rab tu byung bar 'dod nas/ bud+d+ha la gsol te gnad nas bu stong la smras pa/ khyed las rgyal srid 'dzin cing sems can chos bzhin skyong bar spro ba su yod/ /de dag thams cad kyis bdag kyang rab tu 'byung gis mi 'dor bar gsol zhes smras so/ /rgyal pos smras pa/ 'di rab tu byung na gling bzhi ba'i 'gro ba chud zos su 'ong gis/ khyod pas gang snying rje brtan pa des rgyal srid zung la 'gro ba chos la tshud cig/ de nas rgyal bu snying rje can sems kyis khas blangs nas/ gzhan ril rab tu byung ngo / /de'i tshe rgyal po'i ded dpon chos smra ba'i dge slong de 'jam dpal lo/ /rgyal bu rgyal srid 'dzin pa ni bcom ldan 'das shAkya thub pa'o/ /rgyal bu gzhan ni bskal ba bzang po'i sangs rgyas gzhan no/ /ye shes snang ba'i rgyan las/ dper na sa chen po 'di bai DUr+ya'i rang bzhin du gyur te/ sum cu rtsa gsum pa'i gnas brgya byin longs spyod dang bcas par snang la de ni lha rnams kyis 'dzam bu'i gling gi mi rnams la/ kye lha'i dbang po la ltos khyed kyang bsod nams kyis las 'di 'dra bar 'gyur bar gyis shig ces smras pa dang / de dag bsod nams dag byed smon lam yang 'debs so/ /de na brgya byin la sogs pa med kyang sa gzhi dag pas de ltar snang ba de bzhin du bsgom pa la shin tu goms shing sems dag pa'i phyir sems can gyis de bzhin gshegs pa'i sku mthong bar 'gyur zhing / de bzhin gshegs pa'i byin gyi rlabs kyis sku mthong ste/ de yang ma skyes ma 'gags snang ba yang ma yin mi snang ba yang ma yin mod kyi/ de bzhin gshegs pa'i sku'i gzugs brnyan la dmigs nas/ bsod nams byed cing yongs su bsngo'o/ /brgya byin gyi gzugs brnyan mi g.yo mi sems mi rtog pa de bzhin gshegs pa yang mi skye mi rtog mod kyi gzugs brnyan dang 'dra bar 'jig rten ni snang ste/ sems can rnams kyi mthong ba'i rims tha dad pas che ba'i rim pa tha dad par ston to/ /yongs su smin pa dang dad pa'i stobs bskyed pas chos thos bar 'gyur zhing bsam pa ji lta ba bzhin theg pa gsum du yang shes rab rnam par grol bar yang 'gyur ro/ /las dang po pa'i byang chub sems dpa' dang / gzhan yang byis pa so so'i skye bo mya ngan las 'da' bas 'dul ba rnams kyi sngon gyi rnam par smin pas/ gzugs brnyan ltar mi snang bar gyur pa dang / de bzhin gshegs pa mya ngan las 'das zhes de snyam du sems so/ /nyi ma'i dkyil 'khor sa'i mthon dman rim par 'char ba bzhin du/ de bzhin gshegs pa'i ye shes kyi nyi ma'i dkyil 'khor yang byang chub sems dpa' nas tha na log par zhugs pa yan chad la rim gyis 'char ro/ /mdor na mi dge ba yid la byed pa thams cad ni kun nas nyon mongs pa'i rgyu'o/ /dge ba yid la byed pa thams cad ni rnam par byang ba'i rgyu'o/ /bka' stsal pa/ de bzhin gshegs pas rtsa ba med cing rten med pa'i byang chub brnyes so/ /'jam dpal gyis gsol ba/ rtsa ba dang rten gang lags/ rtsa ba ni 'jig tshogs so/ /rten ni yang dag pa ma yin pa kun brtags so/ /gang brjod du med pa'i don de rten cing 'brel par 'byung ba'i don to/ /gang rten cing 'brel par 'byung ba'i don de chos kyi don to/ /gang chos kyi don de sangs rgyas kyi don to/ /de'i phyir gang gis rten cing 'brel par 'byung ba mthong ba des chos mthong ngo / /gang gis chos mthong ba des sangs rgyas mthong ste/ ji ltar btsal na ci yang mi mthong ba de ltar mthong ngo / /'jam dpal ci yang zhes bya ba gang zhe na/ 'di lta ste/ sems dang dmigs pa'o/ /de nas sems dang dmigs pa mi mthong ba de na yang dag pa mthong ba'o/ /de ltar na chos de dag de bzhin gshegs pas mnyam pa nyid kyis mnyam par mngon par rdzogs par sangs rgyas so/ /de bzhin gshegs pa dge chos zag med kyis/ /gzugs brnyan lta bu yin te 'di la ni/ /de bzhin gshegs med de bzhin nyid kyang med/ /'jig rten dag na gzugs brnyan snang bar zad/ /chos yang dag par bsdus pa las/ byang chub sems dpa' mthar gyis gnas pa'i snyoms par 'jug pa dgu la/ 'dod pa dag las dben pa sdig pa mi dge ba'i chos las dben pa/ rtog pa dang bcas dpyod pa dang bcas dben pa las skyes pa'i dga' ba dang bde ba can bsam gtan dang po rdzogs par byas te gnas so/ /de la 'dod pa rnams ni bsam gtan dang po'i mi mthun pa'i phyogs te/ gang sred pa de dag las dben pa'o/ /sdig pa mi dge ba'i chos rnams ni chags pa dang / zhe sdang dang gti mug ste/ gzhi de las mi dge ba bcu 'byung ngo / /'di ni sdig pa mi dge ba'i chos rnams zhes bya ste/ de dag la dben pa ni bsam gtan dang po'o/ /rtog pa dang lhan cig pa ni rtog pa dang bcas pa ste/ rtog pa de dag gang zhe na/ gang dag bsam gtan dang po dang mthun pa'i rtog pa ste/ de cho ga bzhin du rtog cing de dag kyang dul bas na/ de dag ni rtog pa zhes bya ste/ shes pa dang khong du chud pa dang / dpyod pa dang rab tu rtog pa dang / ting nge 'dzin du byed pa ni rtog pa'o/ /dpyod pa gang zhe na/ bsam gtan dang po dang mthun pa'i rtog pa de dag nyid la dpyod pa dang / rnam par dpyod pa dang / nye bar dpyod pa dang / kun du longs spyod pa dang / ting nge 'dzin du byed pa dang / sems rjes su 'gro ba ni dpyod pa zhes bya ste/ de dag dang lhan cig pa ni rtog pa dang bcas/ dpyod pa dang bcas pa bsam gtan dang po'o/ /dga' ba dang bde ba dben pa las skyes pas de'i phyir dben pa las skyes pa'i dga' ba dang bde ba zhes bya'o/ /rdzogs par byas te gnas zhes bya ba la/ rdzogs par byas zhes bya ba ni/ sdom pa dang / sdom par byed pa dang / sbed pa dang / sbed par byed pa dang / ro myang ba dang mngon par dga' ba ste/ bsam gtan de la gnas pa'i byang chub sems dpa' ni mi skye ba'i chos la bzod pa khong du chud par bya ba'i 'dun pa dang / 'dod pa 'thob ste/ 'dun pa dang 'dod pa des bsam gtan dang po la snying po 'du shes pa ma yin no/ /de bsam gtan gnyis pa rtsom te/ de bsam gtan dang po'i rtog pa dang / dpyod pa de dag zhi bar byed/ de dag las sems rab tu zhi bar byed cing / bsam gtan gnyis pa yongs su 'grub pa'i rgyu tshol te/ de rtog pa dang dpyod pa dang bral nas/ nang yongs su dang ste/ sems kyi rgyud gcig tu gyur pas/ rtog pa dang dpyod pa med par dga' ba dang ldan pa/ bsam gtan gnyis pa rdzogs par byas te gnas so/ /de la nang yongs su dang ba ni de'i bsam gtan gnyis pa'i mi mthun pa'i phyogs kyi chos gang yin pa de dag nye bar zhi ba dang ldan pa yin te/ de'i phyir nang yongs su dang ba zhes bya'o/ /rgyud gcig tu gyur zhes bya ba ni bsam gtan dang po'i rtog pa dang dpyod pa de dag thams cad rab tu zhi nas/ rgya mtsho'i chu ltar ro gcig tu 'gyur bar 'thob pa'o/ /'di lta ste dper na rgya mtsho chen por chu 'bab pa rnams lan tshwar ro gcig par 'gyur ba de bzhin du/ byang chub sems dpa' bsam gtan gnyis pa la snyoms par zhugs pa'i bsam gtan dang po'i rtog pa dang dpyod pa de dag thams cad zhi nas ro gcig tu gyur te/ de ni ting nge 'dzin zhes bya'o/ /ting nge 'dzin de las sangs rgyas dang / chos dang / dge 'dun la dga' ba skyes te/ de dkon mchog la dga' bas dge ba'i chos rnams rdzogs par 'gyur ro/ /de las mi skye ba'i chos la bzod pa thob pa'i 'dun pa shin tu 'bar ba dang / shin tu 'od gsal ba dang / shin tu 'od ba 'thob po/ / de 'dus pa des bsam gtan gnyis pa la mi chags te/ bsam gtan gsum pa kun du tshol lo/ /de 'di snyam du sems te dga' ba ni bsam gtan gsum pa'i sgrib pa yin no snyam nas/ de dga' ba de las 'dod chags dang btang snyoms dran pa yongs su dag pa/ 'phags pa rnams kyis gang dag dga' ba med pa bde ba la gnas pa zhes brjod pa/ bsam gtan gsum pa rdzogs par byas te gnas so/ /ting nge 'dzin las skyes pa'i dga' ba la 'dod chags dang bral bar thob pa de gang de dga' ba med pa'i gtan du bde ba ma yin gyi zad pa dang 'jig pa'i chos can te/ de mi rtag cing mi brtan la ther zug ma yin zhing de yid brtan du mi rung ngo snyam pa'i sems de lta bu 'thob po/ /de ltar shes nas mi skye ba'i chos la bzod par rab tu 'thob pa'i 'dun pa drag po chen po 'thob po/ /'dun pa drag po des bde ba dang sdug bsngal la mngon par chags pa mi skye'o/ /de bde ba yang spangs te snga nas sdug bsngal yang spangs shing / yid bde ba dang / yid mi bde ba yang nub pas/ bde ba yang ma yin/ /sdug bsngal ba yang ma yin pa/ btang snyoms dang dran pa yongs su dag pa bsam gtan bzhi pa rdzogs par byas te gnas so/ /de bsam gtan bzhi ba la snyoms par zhugs pas gnyen po'i sems so/ /yid du 'ong ba'i sems so/ /las su rung ba'i sems so/ /'od gsal ba'i sems so/ / dran pa'i sems so/ /bde ba de sems can thams cad kyis mngon par smon te/ de sems can thams cad la phan pa dang bde ba la mngon du phyogs pas mi skye ba'i chos la bzod pa snang ba skye'o/ /de snang ba skyes pa des bsam gtan bzhi pa sdug bsngal ba yang ma yin/ bde pa yang ma yin pa mang ba de la dga' bar mi 'gyur ro/ /gang btang snyoms dang dran pa yongs su dag pa'i bde ba las yang chags par mi byed do/ /de la mi chags pas de nam mkha' nyid du snang bar 'gyur ro/ /de thams cad kyi gzugs kyi 'du shes rnams las yang dag par 'das te thogs pa'i 'du shes rnams nub par gyur cing / sna tshogs kyi 'du shes yid la mi byed pas/ nam mkha' mtha' yas so snyam nas/ nam mkha' mtha' yas skye mched rdzogs par byas te gnas so/ /de 'di snyam du sems te/ mdor na 'di la gzugs ni rnam pa gnyis te/ 'byung ba dang / 'byung ba las gyur pa'o/ /'byung ba'i gzugs ni 'byung ba chen po bzhi'o/ /'byung ba las gyur pa ni kha dog dri ro reg pa ste/ de ltar gzugs rnam pa brgyad do/ /gzugs de dag gis 'du shes rnams las yang dag par 'das nas/ thogs pa'i 'du shes mi 'byung ste nub par 'gyur ro/ /gang na gzugs su 'du shes pa de na thogs pa'i 'du shes pa ste/ de bas na gzugs kyi 'du shes rnams las yang dag par 'das nas thogs pa'i 'du shes rnams nub par 'gyur ro/ /thogs pa'i 'du shes rnams nub na/ sna tshogs kyi 'du shes rnams yid la mi byed pas nam mkha' mtha' yas so snyam du 'jug go/ /de nas nam mkha' mtha' yas so snyam nas/ nam mkha' mtha' yas skye mched rdzogs par byas te gnas so/ /de la byang chub sems dpa' nam mkha' mtha' yas skye mched la snyoms par zhugs pa 'di snyam du sems te/ nam mkha' ni mtha' med pas so/ /gang la mtha' med pa de'i thog ma yod par ga la 'gyur dbus yod par ga la 'gyur te/ de ltar chos thams cad ni thog ma dang tha ma dang / dbus med do snyam mo/ /de ltar snyoms par zhugs pa'i byang chub sems dpa' sems can rnams la ni snying rje chen po bskyed/ chos rnams la ni nam mkha' dang mtshungs pa nyid kyi shes pa 'jug ste/ de ni de'i mi skye ba'i chos la bzod pa'i brtson pa'o/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas/ rnam shes mtha' yas skye mched rdzogs par byas te gnas so/ /de 'di snyam du sems te/ nam mkhar 'du shes pa ni rnam par shes par 'gyur ba'o snyam nas/ 'di snyam du 'di thams cad ni rnam par shes pa tsam ste/ rnam shes mtha' yas de yang yod pa yang ma yin/ med pa yang ma yin no snyam du sems so/ /de de ltar snyoms par zhugs pas mi skye ba'i chos la bzod pa yin te/ yongs su grub pa ni ma yin no/ /de rnam pa thams cad du rnam shes mtha' yas skye mched las yang dag par 'das te/ ci yang med do snyam nas ci yang med pa'i skye mched rdzogs par byas te gnas so/ /ci yang med ces bya ba la/ ci yang zhes bya ba ni 'dod chags zhe sdang gti mug dang / rtog pa dang rnam par rtog pa dang / yongs su rtog pa dang / 'dus byas kyi chos thams cad dang / yang dag pa ma yin pa kun du rtog pa las byung ba rnams ni ci yang zhes bya'o/ /ci yang med pa ni ji skad du brjod pa de dag las chung ngur 'gyur/ phra bar gyur pa ni ci yang med pa zhes bya'o/ /de la gnas pa'i byang chub sems dpa'i mi skye ba'i chos la bzod pa shin tu 'bar ba shin tu 'od gsal ba yin no/ /de rgyu de dang rkyen de dang gzhi de dang de thob pa de'i phyir/ ci yang med pa'i skye mched la mi chags te gong du tshol lo/ /de gong du tshol ba ni 'di snyam du sems te/ 'di ni gang du 'du shes rnams kyi phra ba la ci yang med par yongs su brtags te/ de ni 'du shes med 'du shes med min ma yin no snyam mo/ /de la 'du shes med pa ni stong pa'i phyir ro/ /'du shes med pa yang ma yin pa de rten cing 'brel par 'byung ba'i phyir ro/ /de 'du shes med 'du shes med min skye mched mngon du gyur te/ de rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched rdzogs par byas te gnas so/ /de de la gnas nas 'di snyam du sems te/ gang 'du shes med 'du shes med min de la dga' ba ci zhig yod snyam nas/ blo de las gong du bskyed do/ /blo de las gong du bskyed nas/ skye ba med pa dang / 'gag pa med pa'i chos mngon du gyur to/ /de chos thams cad ma skyes pa dang / ma 'gags par mthong ngo / /de chos thams cad rang bzhin gyis 'gags par mthong nas yang mi 'jig mi rtag go/ /de'i phyir mi skye ba'i chos la bzod pa yongs su dag pa yin no/ /de de las gong du lhun gyis grub pa rgyun mi 'chad par 'jug ste/ 'di dag ni byang chub sems dpa'i mthar gyis gnas pa'i snyoms par 'jug pa dgu'o/ /dri ma med par grags pas bstan pa las/ li ts+tsha bI gzhon nu dkon mchog 'byung gnas kyis/ bud+d+ha la sangs rgyas kyi zhing yongs su dag pa zhus pa dang / pha rol tu phyin pa dang / dge ba bcu dang / byang chub kyi sems la sogs pa sangs rgyas kyi zhing yin par bshad pa'i rjes la/ rigs kyi bu de lta bas na sangs rgyas kyi zhing yongs su sbyong bar 'dod na byang chub sems dpas rang gi sems yongs su sbyang bar bya'o/ /de ci'i phyir zhe na/ ji tsam du byang chub sems dpa' sems yongs su dag pa de tsam du sangs rgyas kyi zhing yongs su dag par 'ong ngo / /de nas sangs rgyas kyi mthus tshe dang ldan pa shA ri'i bus 'di snyam du sems so/ /ji ltar rang gi sems can thams cad yongs su dag pa ltar sangs rgyas kyi zhing yongs su dag par 'gyur ro zhe na/ bcom ldan 'das shAkya thub pa byang chub sems dpa'i spyad pa spyod pa'i tshe/ sems yongs su dag gam/ ci nas sangs rgyas kyi zhing 'di lta bur yongs su ma dag par snang / de nas bcom ldan 'das kyi shA ri'i bu'i bsam pa mkhyen nas bka' stsal pa/ shA ri'i bu ji snyam du sems/ nyi ma dang zla ba dag ci na dmus long gis ma mthong ba/ dmus long gis nongs kyi nyi zlas ma nongs so/ /shA ri'i bu de bzhin du sems can bsod nams med cing ma rig pa'i mig gis nyes kyi sangs rgyas kyi zhing gi yon tan gyi rgyan mang po sems can gang gis kyang mi mthong ba ni de bzhin gshegs pas ma nyes so/ /shA ri'i bu de bzhin gshegs pa'i sangs rgyas kyi zhing ni yongs su dag na khyod kyis ma mthong ngo / /de nas tshangs pa ral pa can gyis shA ri'i bu la smras pa/ sangs rgyas kyi zhing ma dag go zhes ma zer cig /sangs rgyas kyi zhing ni yongs su dag pa'o/ /shA ri'i bu dper na gzhan 'phrul dbang byed kyi lha'i gnas brgyan pa bzhin du/ bcom ldan 'das shAkya thub pa'i sangs rgyas kyi zhing 'di yang yon tan gyis brgyan par bdag cag gis mthong ngo / / de nas shA ri'i bus tshangs pa ral pa can la 'di skad ces smras so/ /tshangs pa kho bos ni sa chen po 'di mthon dman dang / tsher ma dang / gad pa dang / rong dang / ri rtse dang / ngam grog dang / mi gtsang ba dang / bong bas rab tu gang bar mthong ngo / /tshangs pas smras pa/ btsun pa shA ri'i bu sems yongs su ma dag cing mthon dman du rtog pa dang / sangs rgyas kyi ye shes la bsam pa yongs su ma dag pas na sangs rgyas kyi zhing de lta bur mthong / shA ri'i bu sems can de dag thams cad kyi sems kyi bsams pa yongs su dag cing sangs rgyas kyi ye shes la bsam pa yongs su dag pa de dag gis ni sangs rgyas kyi zhing 'di yongs su dag par mthong ngo / /de nas sangs rgyas kyi 'khor de rnams 'di lta bu ji zhig yin snyam du sems pa mkhyen nas sa chen po 'di la zhabs kyi mthe bos rig par mdzad pa dang / de'i tshe stong gsum gyi stong chen po'i 'jig rten gyi khams 'di rin po che du ma dang / yon tan gyi tshogs kyis brgyan par snang ste/ dper na de bzhin gshegs pa rin chen rgyan gyi zhing ltar snang ngo / /'khor thams cad kyang bdag kyang rin po che'i pad mo la 'khod par shes so/ /de nas shA ri'i bu la bka' stsal pa/ mthong ngam/ gsol pa/ sngon ma mthong ba 'di lta bu mthong ngo / /bka' stsal pa/ nga'i sangs rgyas kyi zhing rtag tu yang 'di bzhin dag ste/ sems can ngan pa smin par bya bar gnod pa dang nyes pa mang por ston to/ /dper na lha'i bu rnams snod gcig nas za ba za mod kyi/ bsod nams ji lta ba bzhin myong ngo / /de bzhin du sangs rgyas kyi zhing gcig tu skyes kyang sems can gyi bsam pa ji ltar dag pa bzhin sangs rgyas kyi zhing gi yon tan gyi bsngags pa yang de bzhin mthong ngo / /de nas sangs rgyas kyi zhing de ltar snang ba'i tshe/ srog chags brgyad khri bzhi stong bla na med pa'i byang chub tu sems bskyed do/ /snang ba bsam du med pa las/ rgyal po sde rab tu 'pham byed kyis sangs rgyas la zhus pa dang / bka' stsal pa/ bskal pa dgu bcu rtsa gcig gi sngon logs su sangs rgyas rnam par gzigs byung ba'i tshe/ de'i gsung rab la byang chub sems dpa' bzang ba'i lha dang sa zhes bya ba gnyis shig byung ba las/ bzang ba'i lha ni 'dod pa chung bya ba nyung bsam gtan dang mngon par shes pa bya ba la phyir mi ldog pa zhig go/ /sa ni de tsam gyi chos chen po dang ldan pa ma yin te/ bzang bas lha'i g.yog byed pa na/ de ha cang grong dang yul dang / rgyal po'i pho brang 'khor du 'gro zhing der phyin nas kyang bya ba mang ba dang / bzang ba'i lha khyod ha cang bya ba mang ches so/ /spyad pas spang ba la cung zad sgrims shig ces byas te yang bskul yang bskul ba dang / khros tshig mi dga' nas/ tshig rtsub mos nal bu sbyar ma'i bu khyod kyi pha ma yang byi bo byed na/ khyod la tshul khrims dang / shes rab ga la yod ces smra zhing slar yang mi 'chags bag la nyal ston to/ /bzang ba'i lhas kyang de snod ma yin pa tsam du rig nas bcos te btang ba dang / de tshig pa za nas phrad dgu la bzang ba'i lha la kha phyar btang ngo / /de shi nas bskal pa drug cur nal bur skyes shing skyes ma thag tu srang gi rdog lam du bor nas wa khyi la sogs pas za ba dang / 'gro ba mang pos nal bu sbyar ma'i bu zhes kha phya bar gyur to/ /byang chub kyi sems kyis bzung bas sems can dmyal bar ma skyes so/ /bzang ba'i lha ni de bzhin gshegs pa mi sgul ba'i sangs rgyas kyi zhing na tshangs bar spyad pa spyod de/ byang chub sems dpa' dpal 'byung zhes bya'o/ /snang ba bsam du med pas kyang sngon sangs rgyas bye ba phrag dgu bcu rtsa bzhi'i drung du tshangs bar spyad cing mnyes par byas pas/ de lta bu'i bdag nyid chen por gyur to/ /de bas na srog dang yang bsngos te/ sdig pa'i lus dang ngag dang yid kyi las bsdam mo/ /dge ba'i bshes gnyen la brtan par bya ste/ de las yon tan gyi tshogs thams cad 'grub par 'gyur ro/ /de'i tshe bud+d+ha dze tan bzhugs/ bud+d+ha bsod snyoms la gshegs pa'i tshe/ khye'u yang dze ta'i tshong 'dus kyi srang gi khang stong zhig na gzhag pa gzigs so/ / khye'u yang bskal pa grangs med pa brgya na snang ba bsam du med pa'i bud+d+har 'gyur bar lung bstan to/ /rin po che'i phung po las/ dge sbyong gi dri ma ni sum cu rtsa gnyis te/ gang zhe na/ 'dod pa'i lha rnam par rtog pa dang / gnod sems dang / 'tshe ba dang / bdag bstod pa dang / pha rol la brnyas pa dang / ya nga ba'i rnyed pa tshol ba dang dri ma ni rnyed pas rnyed pa 'dod pa dang / dad pas byin pa chung gzon pa dang / ltung pa 'chab ba dang / khyim pa la brten pa dang / rab tu byung ba dang brten pa dang / 'du 'dzi la dga' ba dang / rnyed pa yongs su ma rdzogs par rtog pa dang / pha rol gyi rnyed pa la 'dod pa dang / bdag gi rnyed pas chog mi shes pa dang / pha rol bsod nams rnyed pa la phrag dog dang / ser sna byed pa dang / pha rol gyi 'khrul pa tshol ba dang / bdag gi 'khrul pa la so sor thar pa dang / 'dul bas ma bsdams pa dang / bya rog ltar mur cor smra ba dang / ma gus pa dang / rgod pa dang / g.yeng ba dang / lta ba kun nas ldang ba dang / rkyen dang 'du ba tshogs te byung ba dang / 'gal ba dang mthar lta ba la chags pa dang / 'khor ba la mngon par dga' ba dang / mya ngan las 'das pa la mngon par mi dga' ba dang / 'jig rten gyi 'du mched pa'i gsang sngags 'dzin pa dang / sgrib pas kun du bskor ba dang / las kyi rnam par smin pa 'gal ba dang / rnam par thar pa'i sgo gsum gyis skrag pa dang / sangs rgyas kyi chos zab mo spong ba dang / chos dang 'gal ba gnas pa dang / dkon mchog gsum la ma gus pa'o/ /'od srungs sdig pa'i dge slong mang pos nga'i bstan pa 'di nub par byed do/ /'od srungs mur 'dug dgu bcu rtsa lnga dang / pha rol rgol ba thams cad kyis ni nga'i bstan pa nub par byed mi nus so/ /gzhan du na nga'i bstan pa 'di nyid las skyes bu gti mug pa 'byung ste/ des nga'i bstan pa 'di nub par byed do/ /'di lta ste/ 'od srungs ri dgas kyi rgyal po seng ge 'chi ba'i dus byas nas kyang / ri dgas dang bya gag gis kyang de'i sha za bar mi nus kyi/ 'di ltar seng ge'i ro de nyid las srin bu byung ste/ gang ri dgas kyi rgyal po seng ge'i sha la za ba dang 'dra'o/ /'od srungs chos bzhi dang ldan pa ni sdig pa'i dge slong du rig par bya ste/ bzhi gang zhe na/ khengs pa/ ca co can/ bya rgod lta bu/ 'chal ba'i tshig yin no/ /yang bzhi ste/ 'phyar ba/ 'gying ba/ rnyed pa 'dod pa/ chos ma yin pa 'dod pa'o/ /'od srungs dge slong gnyis kyis zhal te bya bar ngas rjes su gnang ste/ gnyis gang zhe na/ yongs su dag pa'i dge slong 'jig rten pha rol gyi kha na ma tho bas 'jigs par lta ba las kyi rnam par smin pa'i rjes su 'brang bas ngo tsha zhing 'gyod pa dang ldan zhing / dgra bcom par gyur pa'o/ /dkon mchog gi za ma tog las/ klu'i rgyal po mthu dang ldan pa sa sems pa'i dbang gis sprin gyi phung po gcig las tsha ba'i bdag nyid glog gi phreng ba yang gtong ngo / /skyed par byed pa'i bdag nyid rgyu'i rgyun kyang gtong ngo / /kun dga' bo phyi ma'i dus lnga brgya'i tha ma la dam pa'i chos 'jig pa'i tshe/ nga'i bstan pa la dge slong dag phal cher sham thabs dang bla gos legs par ma bgos pa btul te byon pa lhung bzed chag pa/ shes bzhin med pa/ spyod lam mi sdug pa/ lag na 'khar ba thogs pa/ sna leb dang zhar ba dang / theng po dang / zha bo dang / lus kyi sha tshugs ma legs pa nad sna tshogs kyis btab ba 'byung bar 'gyur ro/ /ci'i phyir zhe na/ de'i tshe dge slong dag phal cher bsnyen bkur dang rnyed pa dang / bkur sti 'dod pa bya ba sna tshogs kyis 'brel ba/ 'dul ba por so sor thar pa dral ba yin/ tshe 'dir lhur len pa tshe phyi ma la mi lta bar 'gyur te/ de dag chos kyi phyir ma yin gyi/ bsnyen bkur gyi phyir zhar ba dang / sha tshugs ma legs pa'i bar rab tu 'byin pa bsnyen par rdzogs par byed par 'gyur ro/ /de'i de lta bus nga'i bstan pa bltar mi rung ba dang / mnyan du mi rung bar 'gyur ro/ /lha rnams ni yid mi dga' bar 'gyur ro/ /bdud rnams ni dga' ba dang btang snyoms su 'gyur ro/ /chos gnyis kyis ni bla na med pa'i byang chub mngon par rdzogs par 'tshang rgya bar 'gyur te/ brtson 'grus dang bag yod pa'o/ /mdor na byang chub sems dpa'i thabs mkhas pa'i las ji snyed pa de dag thams cad ni brtson 'grus so/ /shes rab kyi las yod pa thams cad ni bag yod pa ste/ de bas na thabs dang shes rab dang ldan pa la bla na med pa'i byang chub las ldog pa med do/ /rnam par 'phrul pa'i rgyal pos zhus pa las/ des pa'i don gyi mdo gang zhe na/ brjod du med pa'i phyir mdo sde thams cad ni nges pa'i don te/ de ltar na nges pa'i don gyi mdo sde la rton pa yin no/ /nges pa'i don gyi mdo sde 'di dag la gang dag mi rton pa de dag ni drang ba zhes bya ste/ ci'i phyir drang ba zhe bya na/ 'di ltar nges pa'i don dang 'gal ba'i chos la gnas pa yin te/ de dag ni drang dgos pa yin no/ /gang gis drang zhe na/ sgras drang ngo / /nges pa'i don gyi mdo sde dag la rton pa ni sgras drang ba yin no/ /ci'i phyir zhe na/ de dag gis don dam pa brjod du med pa rtogs shing / de dag gis dus gsum gyi chos thams cad la lhag chad med par shes pa'i phyir te/ rnam par 'phrul pa'i rgyal po don gyi rnam pa 'di la de ltar chos nyid 'di la rton na mdo sde thams cad nges pa'i don du 'gyur ro/ /de ltar mi rton na mdo sde thams cad drang ba'i don du 'gyur ro/ /de bzhin gshegs pa lha'i rgyal po'i sangs rgyas kyi zhing na mi rnams kyi bza' ba dang btung ba rnams kyang yid la bsams pa tsam gyis 'byung ngo / / drag shul can gyis zhus pa las/ byang chub sems dpa' khyim pas slong mo pa mthong na 'du shes gsum bskyed par bya ste/ dge ba'i bshes gnyen de tshe brjes nas longs spyod du 'gyur ba dang / byang chub kyi lam nye bar bsten pa'o/ /yang gsum ste/ dug gsum dang bral bar ro/ /ci'i phyir zhe na/ dngos po gtong ba dang / snying rje ba dang / sbyin pa bla na med pa'i byang chub tu bsngo bas so/ /khyim na gnas pa ni gdung ba dang / bcings pa dang don chung ba dang ngan song gi them skas dang dam pa'i chos rgud pa dang / zang zing dang bcas pa dang sdug bsngal gyi gzhi'o/ /rab tu byung ba ni de dag las bzlog pa'o/ /byang chub sems dpa' khyim pas ni dge sbyong gi spyod pa la mkhas par bya'o/ /dge sbyong gi mi 'dum pa rnams kyi sdum bya'o/ dam pa'i chos 'jig pa na srog dang bsdos te bsrung bar bya'o/ /dge slong na ba mthong na rang gi sha khrag gis kyang gso bar bya'o/ /tshul khrims yongs su dag pa bzhi ni 'phags pa'i rigs bzhi la gnas pa dang / sbyangs pa'i yon tan dang yo byad bsnyungs pa la mngon par dga' ba dang / khyim pa dang rab tu byung ba dang mi 'dre ba dang / tshul 'chos pa med par dgon par gnas pa'o/ /byams pa seng ges smras pa/ bzhi ni dge sbyong chom rkun pa ste/ dge slong gi rtags kha dog dang dbyibs la gang gnas shing sdig pa'i chos spyod pa dang / tshul khrims 'chal ba dang dben par song ba ste/ mi dge ba rnam par rtog pa dang 'bras bu ma thob par rnyed pa dang bkur sti'i phyir 'bras bu thob par khas 'che ba dang bdag bstod cing gzhan smod pa'o/ /dper na dug gso ba'i sngags dang sman la mkhas pa gnyis shig yod pa de las gcig gis mi mang po mang bar bya ba'i phyir dug zos nas lan cig thabs des gsos so/ / yang de ltar bya zhes dug zos pa las bcos ma khom par shi ba dang / cig shos na re kho bo ni mi dag mi mang yang bla'i dug kyang mi za sman yang mi gtang ngo zhes zer te/ bde blag tu 'dug nas tshe'i mthar phyin pa dang 'dra bar phyi ma'i dus na rab tu byung ba kha cig ni nyes pa byas pa las spyod zhes zer ba dang / kha cig snga nas sdom pa gnyis 'byung ba yang de dang 'dra'o/ /byang chub sems dpa' bzhi po 'di la dpag tshad brgyar 'byol bar bya ste/ bzhin rnyed pa dang / bkur sti dang / tshigs su bcad pa dang / sdig pa'i grogs po dang 'du 'dzi las 'byol bar bya/ gnas gang na byang chub sems dpa'i theg pa zhig gnas la/ de la zhe sdang gi sems 'ga' tsam skye bar 'gyur ba lta na yang dpag tshad brgyar 'byol bar bya'o/ /byams pa byang chub sems dpas stong gsum gyi sems can thams cad spyos sam brgyad dam mtshon gyis btab pas ni byang chub sems dpa' gzhan zhig la zhe sdang 'ga' bskyed pa de nyams par 'gyur te gal te zhe sdang bskyed na sems ji snyed kyi bskal bar go bgos so/ /dper na lcags ni lcags kyis chod kyi bong ba'am shing ngam rtswas gcod mi nus pa ltar/ byang chub sems dpa' dge ba'i rtsa ba yang zla la zhe sdang bskyed pa ma yin pa gzhan gyis zad par mi 'gyur ro/ /de bas na sems dang po bskyed pa la yang ston pa'i 'du shes bskyed par bya'o/ /gang zhig khyim na gnas nas ni/ /stong gsum thams cad rin chen gyis/ /rab tu bkang ste 'jig rten gyi/ /mgon la yon du 'bul byed na/ /mkhas pa gang zhig yid 'byung zhing / /nyes pa shes nas khyim spangs te/ /sangs rgyas rjes su slob byed la/ /rab tu 'byung ba tshol byed cing / /rab tu 'byung ba btsal nas kyang / /g.yel ba med par 'dod rnams dang / /khyim gyi gnas la mi lta bar/ / gom pa bdun ni 'dor byed na/ /bsod nams phung po de la ni/ /snga mas rin gyi char mi phod/ /de bzhin gshegs pa tog sna tshogs kyi tshe 'khor los sgyur ba mu khyud kyis sna drangs nas/ gling bzhi pa'i mi ril rab tu 'byung ba dang / ma rmos ma btab pa'i 'bras dang dpag bsam gyi shing yang byung / g.yog kyang lhas byas so/ /chos kyi dbyings kyi rang bzhin dbyer med pa bstan pa las/ 'jig rten gyi khams dga' ba bkod pa na/ mi rnams kyi bza' ba dang btung ba yid la bsams pa tsam gyis 'byor par 'gyur/ sangs rgyas rnams ni/ chos kyi dbyings kyi rang bzhin dbyer med pa nyid kyis chos ston par mdzad kyi/ skye ba med pa 'gag pa med pa nas/ mya ngan las 'da' bar bya ba'i phyir chos ston par ni mi mdzad de/ bcom ldan 'das rnams ni de ltar chos ston par mdzad do/ /mar me dbul ba las de bzhin gshegs pa la mchod pa'i bsam pas mar me tha na glog gi rgyun tsam mam/ tha na them skas kyi gzhi gcig tsam yang snang bar byed na/ de'i rnam par smin pa nyan thos dang rang sangs rgyas rnams kyis bsam par mi nus so/ /de bzhin gshegs pa'i mchod rten la mar me phul na 'chi ba'i tshe snang ba bzhi 'thob ste/ gang zhe na mdun na nyi ma'i dkyil 'khor 'char ba dang / zla ba 'char ba dang / lha'i 'khor gnas pa dang / de bzhin gshegs pa mthong ba'o/ /mchog tu rnyed par dkon pa ni lnga ste/ mir skye ba dang de bzhin gshegs pa'i bstan pa la rab tu 'byung ba dang / de la mngon par dga' ba dang / tshul khrims yongs su rdzogs pa dang / zag pa zad pa'o/ /pha rol tu phyin pa lnga las/ byang chub sems dpa' nam yang 'gog pa'i snyom par 'jug pa la mi 'jug ste/ 'jug par de bzhin gshegs pas kyang ma gnang ngo / /byang chub sems dpa' 'gog pa la snyoms par 'jug pa'i dus dang skabs de ni phyir 'ong bar 'gyur te/ gang gi tshe byang chub kyi snying po la 'dun par 'gyur ba de ni de'i dus dang skabs yin no/ /'du shes dang tshor ba thams cad las bzla ba'i phyir de la snyoms par zhugs te/ bla na med pa yang dag par rdzogs par sangs rgyas nas chos kyi 'khor lo rnam pa bcu gnyis pa skor bar byed do/ /mthar gyis gnas pa'i snyoms par 'jug pa brgyad la ni/ snyoms par yang 'jug pa 'byung sems can gang dag dgra bcom pa'i 'bras bu mngon du bya bar 'dod pa'i phyir/ bskal pa gang gA'i bye ma snyed du sems can rnams sam/ nyan thos sam rang sangs rgyas rnams la sbyin pa byin la/ sbyin pa de la byang chub sems dpa' bsams te/ rjes su yi rangs nas dge ba'i rtsa ba theg pa la gsar du zhugs pa'i byang chub sems dpa' phyir mi ldog pa dang / phyir mi ldog pa rnams myur du thams cad mkhyen pa nyid thob par bsngo na/ de la bsod nams snga mas dpe dang char yang mi phod do/ /mi zhig chom rkun gyis ya nga ba las/ phyis de 'ongs pa ni bla'i bcom ste myur du 'ongs pa ni de lta ma yin no/ /de bzhin du ring mo zhig ste mngon par rdzogs par 'tshang rgya ba ni bla'i/ nyan thos kyi sa'am rang sangs rgyas kyi sar ltung ba ni de lta ma yin no/ /gang pos gsol pa/ mi shes pa ni rten cing 'brel bar 'byung ba lags te/ sus kyang ma bskyed lags so/ /rgyu tshogs shing 'dus pa las 'byung la rgyu ma mchis par gyur pas ni 'gag par 'gyur ro/ /chos rnams ni rang gi ngang gis 'gags pas na sus kyang 'gag pa ma mchis so/ /dngos po 'di dag sgyu ma lta bur mi shes pas de dag las shas cher zhen par gyur te/ yongs su mi gtong ba'i blor 'gyur/ yongs su mi gtong bas ser sna 'dzin to/ /ser sna des kyang ngan song rnams su skye bar 'gyur la/ dngos po de dang 'brel par 'gyur ro/ /bcom ldan 'das kyis byang chub sems dpa' bsam gtan bzhi la snyoms par 'jug tu ni gnad la gnas par ni ma gnang ngo / /de ci'i phyir zhe na/ lha tshe ring po rnams su skye bar dogs pas te/ 'dod par skyes na myur du thams cad mkhyen par rdzogs par 'gyur ro/ /chos thams cad kyi yon tan bkod pa'i rgyal po las/ bka' stsal pa/ rgyal ba can zhes bya ba'i gzungs yod de/ de ni byang chub sems dpar gyur pa na de bzhin gshegs pa rgyal ba'i dbyangs las blangs te thob pa'i mod la yang sa bcu thob par gyur la/ srog chags stong phrag du mas kyang chos la bzod pa thob par 'gyur to/ /de nas byang chub sems dpa' de dag gis 'di skad ces gsol to/ /bcom ldan 'das gzungs mthu chen po bstan par gsol/ de nas bcom ldan 'das kyis gzungs 'di bka' stsal pa/ tad+ya thA/ dza ya dza ya/ dza ya ba ha/ kha ba ha/ hu lu hu lu/ pad+ma b+he/ a ba ma ba me/ sa rA sa rA Ne/ d+hi ri d+hi ri/ d+hi ri d+hi ri/ de ba tA a nu pA la Na/ yut+tot+tA ra Ni/ pa ra tsa kra ni bar Ni/ pu ra ya b+ha ga bA na/ sarba A sha na/ ma ma sarba karma k+Sha pa ya/ bud+d+ha a ti sha ne Na swAhA/ rigs kyi bu 'di ni rgyal ba can zhes bya ba'i gzungs yin te/ sdig pa thams cad zad par byed pa nor dang 'bru rnam par 'phel bar byed pa/ pha rol gyi dmag tshogs zlog par byed pa/ mu ge'i gnod pa rab tu zhi bar byed pa tshe nur bar byed pa ste/ 'di ni de bzhin gshegs pa rnams kyi yab yum dang 'dra ba'i chos kyi rnam grangs yin no/ /de nas byang chub sems dpa' lag na rdo rjes gzungs sngags kyi tshig 'di dag smras so/ /na maH sarba ta thA ga tA nAM/ na mo a mi ta b+hA ya ta thA ga tA ya/ na maHsarba bo d+hi satwA nAn/ na maHsarba ma harte ke b+h+yaH/ tad+ya thA/ hu hu he he/ ma ti ma ti/ ma hA badzra ma ti/ dr-i D+ha pa ra badzra ma ti/ ta thA ga ta/ a nu pa ri ba le Ti/ sa ra sa ra a yo khi/ b+h+r-i ku Ti/ b+h+r-i ku Ti mu khi/ kri pi kri pa lu ke /sa t+ya pA tsa na/ ma nu sma ra b+ha ga bAn/ badzra pA Ni sarba karma/ A pa ra Ni k+Sha ba ya/ sarba ar+tha ma pa ri pU rA ya/ de hi me ba ram/ bud+d+ha sa t+yen/ bo d+hi satwa sa t+ye na swA hA/ gang la la bdag mthong bar 'tshal ba dang / stobs kyis 'khor los sgyur bar 'gyur ba dang / ting nge 'dzin thob pa dang / thos pa 'dzin par 'gyur ba dang / khams rnam par smin par 'gyur ba dang / lus mi snang bar 'gyur ba dang / nam mkha' la mchi bar 'tshal ba des ni/ zla ba yar gyi ngo tshes brgyad la/ nyin mtshan du smyung ba bgyis la/ gzugs bgyid du stsal te/ rdo rje 'chang gi gzugs 'od ma mda' rgyu'i mdog can dang / rgyan thams cad kyis brgyan pa/ zhi ba'i tshul can sku gdung dang ldan par bgyi'o/ /dbus su ni de bzhin gshegs pa shAkya thub pa bzhugs par bgyi'o/ /g.yas logs su ni 'phags pa spyan ras gzigs dbang phyug lag ba bzhi pa/ rgyan thams cad kyis brgyan pa/ sku gdung dang bcas pa gzhag go/ /g.yas g.yon dag tu ni rgyal po chen po bzhi mchod pa bgyid pa gzhag go/ /sgrub pa po'i rigs kyi bu des kyang gtsang sbra bgyi ba dang / dus gsum du khrus bgyi ba dang / dus lnga'i bar du zas su nas kyi 'o thug 'tshal zhing / dus gsum bzlas brjod bgyi'o/ /bdug pa ni a ka ru dang / tsan+dan dang / pog dang gu gul dbul lo/ /lan sum 'bum gyi bar du bzlas brjod bgyis te/ de ni 'di ltar gzugs brnyan bgyi ba lags so/ /sku gdung dang ldan pa'i mchod rten nam/ dgon pa'i gnas su spos dang / bdug pa dang / me tog sna tshogs dang / ba dan sna tshogs kyis kyang mchod par bgyi'o/ /dkar bag gi lha bshos kyang dbul bar bgyi'o/ /chos kyi rnam pa 'di yang yi ger 'drir stsal zhing gos dang rgyan dang lhab lhub dang / gdugs dang bzhon pa rnam pa sna tshogs kyis mchod par bgyi'o/ /de nas zla ba nya ba tshes bco lnga'i bar du sems can thams cad la snying rje'i sems dang ldan pa dang / dus gsum du khrus bgyi ba dang / dus gsum du gos brje bar bgyi ste/ dkyil 'khor gru bzhi pa ba lang gi lci bas bskus la me tog sna tshogs kyis khebs par bgyis te/ bum pa gang ba bcu drug dang / mar me bcu drug kyang gzhag par bgyi'o/ /gdugs dang rgyal mtshan dang ba dan sna tshogs kyis kyang sa phyogs de brgyan par bgyi'o/ /ro sna tshogs sbyar ba'i lha bshos rgya chen po phab la spos chab kyis phyogs der chag chag btab nas/ nam sku gzugs dang sa gzhi 'gul ba dang / bdag nyid kyang dga' bar gyur pa'i bar du bzlas brjod bgyi'o/ /de nas nges 'di ni gcig tu nges par 'grub par 'gyur ro snyam du shes par bgyi'o/ /de nas de'i 'og tu bdag gi rmi lam du bstan par bgyi zhing 'bel ba'i gtam bgyi'o/ /bsam pa thams cad kyang rdzogs par bgyi'o/ /bu gcig pa bzhin du yongs su bskyang bar bgyi'o/ /dam pa ci 'tshal ba yang stsal bar bgyi ste/ chos kyi rnam grangs 'di la ma dad cing spang bar bgyid pa ni ma gtogs so/ /de nas bcom ldan 'das la byang chub sems dpa' lag na rdo rjes 'di skad ces gsol to/ /bcom ldan 'das spyan ras gzigs dbang phyug spyan ras gzigs dbang phyug ces bgyi ba/ ci'i slad du de skad ces bgyi lags/ bka' stsal pa/ gang gi phyir 'di ltar 'jig rten thams cad lta bar byed/ rtog par byed/ tshim par byed/ yongs su skyong bar byed/ yang dag par dbugs 'byin par byed cing / snying rje'i sems dang / bde ba'i sems dang / byams pa'i sems dang / snying brtse ba'i sems dang ldan la/ bsam pa thams cad yongs su rdzogs par byed pas na/ de'i phyir spyan ras gzigs dbang phyug ces bya'o/ /nam mkha' mdzod las/ byang chub sems dpa' bsod nams kyis brgyan pas gsol pa/ bcom ldan 'das rigs kyi bu'am rigs kyi bu mo gang 'di lta bu'i mdo sde zab mo de bzhin gshegs pas gsungs pa nges pa'i don blta dka' ba/ sangs rgyas thams cad kyis bstan cing bsngags pa 'di kun chub pa dang gzhan dag la yang rgya cher ston pa de dag bsod nams ci tsam zhig skyed par 'gyur/ de nas sangs rgyas kyis/ bsod nams dpag tu med par gsungs/ /rnam par rig pa'i mtshan nyid pas/ /chos thams cad ni dngos po med pa'o/ /rgyal ba chos kyi skus ni rab phyed sku mnyam yang / /gzugs mdzes ldan zhing gzugs bzang sku yang ston par mdzad/ /sems can rnams la phan pa'i thugs rje rab bskyed nas/ /bsod nams brgya yi mtshan gyi sku yi mchog kyang ston/ /chos 'di thams cad rgyu dang rkyen las skyes pa ste/ / byed med ngo bo nyid med kun du rtog las skyes/ /bde bar gshegs pa de 'dra'i chos kyi tshul rnams mkhyen nas su/ /byang chub mi 'gyur zhi ba bla na med pa brnyes/ /de la rigs kyi bu ji ltar na byang chub sems dpa' rten cing 'brel par 'byung ba'i ye shes la mkhas shing / mthar lta ba thams cad dang bral ba yin zhe na/ rigs kyi bu byang chub sems dpa' 'di snyam du sems te/ gang rten cing 'brel par 'byung ba de ci yang ma yin te/ gang rkyen la brten pa de dngos po med pa'o/ /gang rkyen la brten pa de yongs su ma grub pa'o/ /gang rkyen la brten pa de/ bdag med/ sems can med/ srog med/ gso ba med/ skyes bu med/ gang zag med/ shed las skyes pa med/ shed bu med do/ /gang rkyen la brten pa de la yang dag par na gang yang skyes pa med do/ /chos gang rkyen la brten pa de la spros pa med pa ste/ de'i phyir spros pa med pa ma spros pa ni/ skye ba ni yang chos nyid skye/ 'gag pa ni yang chos nyid 'gag /ces bya ste/ de la bdag gam/ sems can nam/ shed bu'i bar gang yang med do/ /chos gang rkyen las byung ba de dag la bdag po med pa'i phyir skye ba gang yang med de/ de'i phyir chos thams cad ni rtswa dang shing dang rtsig pa dang / rmi lam dang mig yor lta bu zhes bya'o/ /ji ltar phyi rol gyi dngos po rnams skye ba la yang bskyed pa med/ 'gag pa la yang 'gog par byed pa med pa de bzhin du/ rkyen rnams yod na skye ba dang / ma tshang na 'gag par 'gyur ba ma gtogs par nang gi chos rnams kyang skye ba la bskyed pa med/ 'gag pa la 'gog par byed pa med de/ /de ltar ye shes la rab tu sbyor ba ni mthar lta ba thams cad rab tu spong ngo / /de la mthar lta ba gang zhe na/ mtha' zhes bya ba ni rtag pa dang chad pa ste/ gang de la skye bar yang mi byed/ 'jig par yang mi byed do/ /gang skye ba med cing 'jig pa med pa de ni/ rtag pa dang chad pa med pa'o/ /de bas na dag pa ste/ mthar lta ba thams cad rnam par dag pa yin no/ /de ltar na rten cing 'brel par 'byung ba dang / 'jug pa'i ye shes la mkhas shing / mthar lta ba thams cad dang 'brel ba yin no/ /theg pa chung ngu 'dod pa ni bdud kyi las so/ /byang chub mchog gi sems ni bskyed par bgyi/ /sems can thams cad bdag gis rab tu gnyer/ /byang chub spyod mchog yin par spyod par bgyi/ /'gro ba bla med sangs rgyas 'gyur bar bgyi/ /dper na nam mkha' la gnyen po med pa de bzhin du/ chos thams cad la yang gnyen po med do/ /gang dag gnyen pos mya ngan las 'das pa tshol ba de dag ni/ skye ba dang 'jig par lta ba yin te/ chos 'di dag ni bskyed par bya zhes skye ba dang 'jig pa la spyod pas/ de dag mya ngan las 'das pa'i mnyam pa nyid mi shes so/ /de bas na bcom ldan 'das kyis kyang 'di skad ces shes par gyis shig /ma rtsod cig /rtsod pa med pa ni dge sbyong gi yon tan gyi mchog rnams yongs su rdzogs par gyis shig ces gsungs so/ /dmigs pa dag la rab gnas pa/ /bdud kyi pho nya bdud kyi phyogs/ /dam pa'i chos la skur 'debs pa'i/ /dge slong dag ni 'byung bar 'gyur/ /ngang tshul ngan pa sdig chos can/ /khyim pa dang ni rten cing gnas/ /bkur sti dag dang rnyed la brkam/ /tshul 'di tshol bar mi byed do/ /'jig rten rgyang pan rnams dang 'dre/ /bdag la rab tu stod byed cing / /rab tu nges pa rnams la smod/ /mi mkhas nga rgyal can dag 'byung / /dgon pa'i gnas ri spangs nas su/ /rtag tu 'du 'dzi rnams la dga'/ /'jig rten pa yi gsang tshig brtson/ /'jig tshogs la ni rab tu gnas/ /mi mkhas de dag dge 'dun la/ /zhal ta byed la rab tu brtson/ /mdo sde rnams kyang phan tshun du/ /mthun par dpyod par mi byed de/ /rang rang gis ni smra rnams la/ /de dag rtag tu mos par byed/ /dmigs pa yis ni rab tu 'gying / /lta ba tha dad kun du gnas/ /stong pa nyid kyi chos thos nas/ /de dag g.yang sa bzhin du sems/ /'di 'dra ba yi dus 'di na/ /don bcas yi ge ldan pa yin/ /legs par gsungs pa'i chos rnams ni/ /rab tu rnam par 'jig par 'gyur/ /chos rnams la ni gnas pa las/ /ded la 'dra ba'i chos rnams ni/ /ji lta bur na yod med ces/ /gshed ma dag kyang 'gyed par 'gyur/ bdag cag ming gi dge sbyong ste/ /dge sbyong yon tan med do zhes/ /yang dag bskul ba thob pa dang / /mdo sde 'di la smon par 'gyur/ /rna ba dang ni sna chad rnams/ /me long bltas kyang mi sdug ces/ /yang dag bskul ba thos pa dang / /de dag dam chos smon par 'gyur/ /dge sbyong gang dag dam pa'i chos/ /rab tu 'dzin pa 'byung 'gyur te/ /de dag gzhan du tshul 'chos kyang / /gang yang chos 'di mi nyan to/ /rgyal po rnams kyang slu bar bgyi/ /skye bo phal chen 'byed 'gyur yang / /sangs rgyas kyi ni byin rlabs kyis/ /sems can de dag chos nyan 'gyur/ /dus de tshe na bdag cag rnams/ /sems can rnams la phan slad du/ /lus dang srog kyang rab btang ste/ / dam pa'i chos ni gzung bar bgyi/ /byang chub sems dpa'i las ni bzhi ste/ bdud dang nyon mongs pa thams cad tshar gcod pa dang / pha rol rgol ba thams cad chos dang mthun par zil gyis mnan pa dang / sems can yongs su smin par bya ba dang / dam pa'i chos yongs su bzung ba'o/ /las bzhi po de dag kyang las gcig gis yongs su bsdus te/ gang gis she na/ 'di lta ste/ dam pa'i chos yongs su 'dzin pa'o/ /byang chub sems dpa' nam mkha' mdzod kyi byin gyi rlabs kyis nam mkha' las chos zab mo ston pa'i tshigs su bcad pa mang po zhig grag pa dang / byang chub sems dpa' ngo mtshar dang ldan pas nam mkha' mdzod la smras pa/ sgra 'di dag ga las byung snyam bdag ngo mtshar du gyur to/ /nam mkha' mdzod kyis smras pa/ rigs kyi bu ji snyam du sems/ brag ca'i sgra ga las byung / smras pa/ pha rol gyi sgra go bar byed pa las byung ngo / /smras pa/ brag ca las lus sam sems sam/ gzugs sam kha dog dang / dbyibs gang yang yod dam/ smras pa/ med pa de bzhin te/ brag ca ma grub kyang go bar byed pa de bzhin du nam mkha' ma grub ste/ sgra dang skad go bar byed par 'gyur ro/ /smras pa/ sgra 'di go bar byed pa su/ gang nas dbyangs 'di byung / smras pa/ ye shes kyi go bar byed pa bsam gyis mi khyab ste/ ngas yid kyi sems pas bsams na/ bde bar snang ba 'di las byung yang sems der 'gro ba yang med/ de 'di ltar 'ong ba yang med mod kyi/ sgra'i sgra brnyan yang 'byung ngo / /rigs kyi bu rten cing 'brel par 'byung ba ji tsam du zab pa ltos/ gang rgyu las 'bras bu 'byung yang / rgyu 'bras bu gru par mi 'pho la/ rgyu med pa las kyang 'bras bu 'byung ba ma yin no/ /'di lta ste/ rgyu rkyen las 'bras bu 'grub pa'i chos 'di gnyis ka yang g.yo ba med cing byed pa med do/ /gang de lta bu'i 'du ba shes pa de dag ni 'bral ba ste/ ci'i phyir zhe na/ bcom ldan 'das kyis kyang gang kun nas nyon mongs pa shes pa de nyid de'i rnam par byang ba zhes gsungs so/ /gtsug na rin po ches zhus pa las/ byang chub sems dpa'i tshul khrims kyi pha rol tu phyin pa'i spyod pa yongs su dag pa brgyad de gang zhe na/ zang zing med pa'i sems kyis tshul mi 'chos pa dang / yongs su 'dzin pa thams cad 'dor bas kha gsag med pa dang / rang bzhin gyis chog shes pas gzhogs slong mi byed pa dang / sbyangs pa'i yon tan dang yo byad bsnyungs pas 'phags pa'i rigs yang dag par 'dzin pa yongs su rdzogs pa dang / dgon pa la gnas pa rjes su mi gtong bas lus la mi lta ba dang / dam pa'i chos yongs su 'dzin pas srog la mi lta ba dang / 'du 'dzi spong bas gcig pur dga' ba dang / khams gsum thams cad kyis 'jigs pas chos kyi dpa' ba mos pa'o/ /shes rab kyi pha rol tu phyin pa zhes bya ba ni/ pha rol tu 'gro bar gsungs te/ de'i phyir pha rol tu phyin pa zhes bya'o/ /mtshan ma thams cad dang / dmigs pa thams cad dang / sems can gyi sems kyi spyod pa thams cad kyi pha rol tu song bas de'i phyir pha rol tu phyin pa zhes bya'o/ /de'i shes rab yongs su dag pa gnyis te/ gang zhe na/ chags pa med pa'i mtshan nyid yongs su dag pa dang / thogs pa med pa'i mtshan nyid yongs su dag pa'o/ /bka' stsal pa/ rig sa kyi bu mngon par shes pa rnams zhes bya ba ni/ zag pa med pa'i ye shes kyi tshig bla dgas so/ /byang chub sems dpa' ni mngon par shes pa lnga po 'di dag gis/ rnam par rol cing zag pa med pa'i ye shes la yang rab tu gnas so/ /byang chub sems dpa'i chos bzhi dang ldan na/ sems can yongs su smin par byed nus te/ bzhi ni mi skyo ba dang / bdag bde ba la mi chags pa dang / dus dang dus ma yin par bskul ba dang / bsam pa yongs su shes pa'o/ /yang bzhi ste/ bka' blo bde ba dang / snyan par smra ba dang / ngang tshul mnyen pa dang / bzhin 'dzum zhing khro gnyer med pa'o/ /byang chub sems dpa' lus dran pa nye bar gzhag pa bzhi ni/ rnam pa gnyis dang ldan pa'i dran pa nye bar gzhag pa'o/ /gnyis ni mi sdug pa dang / sdug par so sor rtog pa'o/ /de la mi sdug pa ni kye ma lus 'di mi gtsang bas gang ba/ yun thung ba/ byis pa 'drid pa'o snyam mo/ /sdug pa ni lus 'dis de bzhin gshegs pa'i sku/ chos kyi sku/ bsod nams kyi sku/ ye shes kyi sku/ rdo rje'i sku/ mi shigs pa'i sku/ zag pa med pa'i sku gzugs mthong na/ sems can thams cad tshim par 'gyur ba thob par bya'o snyam mo/ /yang rnam pa gnyis te/ mi rtag pa dang / rtag pa'i rnam par ro/ /de la mi rtag pa'i rnam par ni/ kye ma lus 'di mi rtag pa/ 'jig pa'i chos can yin pas/ lus kyi phyir ya nga bas mi 'tshe'o/ /rtag pa ni lus kyi rjes su lta zhing gnas pa'i dge ba'i rtsa ba thams cad/ dkon mchog gsum gyi gdud mi 'chad pa dang / sems can thams cad yongs su bskyab pa'i phyir/ bla na med pa'i byang chub tu yongs su bsngo ba'o/ /dran pa nye bar gzhag pa bzhi la gnas pas/ phyin ci log bzhi spong ste/ lus kyi gtsang ba spong / tshor bas bde ba/ sems kyis rtag pa/ chos kyis bdag tu phyin ci log pa spong ba'o/ / gser 'od dam pa las/ sku la rus pa khrag med na/ /ring bsrel yod par ga la 'gyur/ /sems can rnams la phan pa'i phyir/ /thabs kyi ring bsrel gzhag pa mdzad/ /skabs gzhan dag tu mya ngan las 'das pa dang / ring bsrel 'jig rten du bzhag pa zhes bya ba ni/ de bzhin gshegs pa'i thabs mkhas pa ste/ sems can rnams kyis mchod pa dang / rim gro byed pa de dag kyang de bzhin gshegs pa'i thugs rje dang dge ba'i rtsa ba'i mthu yin par blta bar bya'o/ /de la gang zhig mchod pa dang rim gro byed pa de ni ma 'ongs pa'i dus na/ mi khom pa brgyad yongs su spangs te/ de bzhin gshegs pa rnams dang phrad cing dge ba'i bshes gnyen dang ldan pa dang / byang chub kyi sems mi stor ba dang / bsod nams dpag tu med pa 'phel ba dang / 'khor ba las myur du 'da' zhing 'khor ba'i 'ching bas glags par mi 'gyur ba'i spyod pa dam pa 'di yin pas khyed kyis nan tan du sgrub cing g.yel ba med par bya'o/ /de kho na nyid dang / yang dag pa'i ye shes nyid tsam du gnas pa de ni/ chos kyi sku zhes bya'o/ /sku snga ma gnyis ni btags pa tsam mo/ /chos kyi sku ni yang dag pa ste/ sku de nyid kyi gzhi byed do/ /ci'i phyir zhe na/ chos kyi de bzhin nyid dang / rnam par rtog pa'i ye shes las gud na/ sangs rgyas kyi chos gang yang med pa'i phyir ro/ /rigs kyi bu dper na rnam par rtog pa'i sems la brten nas/ nyon mongs pa dang las dang 'bras bu rnam pa mang po ston pa bzhin du/ chos kyi chos nyid dang / de bzhin nyid kyi ye shes la brten nas/ theg pa gsum gyi chos rnams sna tshogs ston to/ /dper na nyi ma dang zla ba la yang rtog pa med/ chu dang me long la yang rtog pa med/ snang ba la yang rtog pa med mod kyi/ gsum 'dus pa las gzugs brnyan 'byung ngo / /de bzhin du de bzhin nyid dang / de bzhin nyid kyi ye shes la yang rnam par rtog pa med mod kyi/ smon lam gyi dbang gis sems can skal ba can dag la longs spyod rdzogs pa dang / sprul pa'i sku yang nyi zla'i gzugs brnyan bzhin du rgyu dang rkyen 'dus pa las byung ngo / /rigs kyi bu gzhan yang dper na tshad med grangs med pa'i chu dang me long dag ni snang ba la brten nas stong pa'i gzugs brnyan mtshan nyid tha dad pa dag snang ngo / /stong pa zhes bya ba ni mtshan nyid med pa'o/ /de bzhin du longs spyod rdzogs pa dang sprul pa'i skus ni 'khor rnams la chos kyi sku'i gzugs brnyan ston par smon lam gyi dbang gis sku de gnyis snang ste/ mtshan ma sna tshogs su snang yang chos kyi sku'i gnas pa ni mtshan nyid tha dad pa med do/ /rigs kyi bu sku de nyid la gnas te/ sangs rgyas bcom ldan 'das rnams phung po'i lhag ma dang bcas pa'i mya ngan las 'das pa zhes gsungs so/ /chos kyi sku la gnas te/ phung po lhag ma med pa'i mya ngan las 'das pa zhes gsungs so/ /sku 'di gsum la brten nas/ sangs rgyas rnams mi gnas pa'i mya ngan las 'das pa zhes bshad do/ /rigs kyi bu sangs rgyas kyi sprul pa'i sku ni so so'i skye bo'i yid dang mthun par rnam pa mang pos mtshan ma sna tshogs ston pa'i phyir mang po zhes bya'o/ /longs spyod rdzogs pa'i sku ni 'khor rnams kyi bsam pa gcig pas mtshan nyid gcig pa'i phyir gcig ces bya'o/ /chos kyi sku ni mtshan ma sna tshogs las yang dag par 'das pa mtshan mar gzung ba'i spyod yul ma yin pa ste/ de bas na gcig pa yang ma yin/ tha dad pa yang ma yin pa zhes bya'o/ /rigs kyi bu sprul pa'i sku ni longs spyod rdzogs pa'i sku la brten te snang ngo / /longs spyod rdzogs pa'i sku ni chos kyi sku la brten te snang ngo / /chos kyi sku yang dag pa ste ci la yang mi gnas so/ /rigs kyi bu sku de gsum ni rtag par bshad pa'i rnam grangs kyang yod/ mi rtag par bshad pa'i rnam grangs kyang yod do/ /stobs dang mi 'jigs pa dang so so yang dag par rig pa la sogs pa ma 'dres pa'i chos brgyad cu/ gser dang chu dang nam mkha' dag dri ma dang rnyog pa dang sprin dang bral na gser la sogs pa med pa yin pa bzhin du/ chos kyi sku nyon mongs pa thams cad zad pa'i phyir/ rnam par dag pa zhes bya ba'i sku nyid med par gyur pa ni ma yin no/ /rnam par rtog pa yod par snang yang ngo bo nyid la ni rnam par rtog pa yang med do/ /gsum du bgrang ba yod mod kyi/ dngos po gsum du yang med de 'phel ba dang 'grib pa med pa de ni rmi lam dang sgyu ma dang smig rgyu lta bu ste/ gzung ba yang med 'dzin pa yang med do/ /shA ri'i bu sbyin pa rnams kyi nang na chos kyi sbyin pa mchog ces ngas bshad do/ /lus ni g.yo ba med cing byed pa med/ /snying po med cing rkyen las byung ba ste/ /yang dag ma yin yongs su rtog las byung / /grong stong las kyi 'khrul 'khor 'dra bar gnas/ /chos rnams 'di dag thams cad stong pa ste/ /ma rig pa yi rkyen las byung ba yin/ /'byung ba chen po 'di dag ches 'byung min/ /ma byung ba las byung zhing mi 'byung ste/ /gang gi phyir ni 'byung ba mi 'byung ba/ /de phyir 'byung ba che zhes ngas brjod do/ /yod pa min zhing nam yang yod min la/ /ma rig pa yi rkyen las byung ba yin/ /ma rig 'di ni yod pa ma yin te/ /de bas ngas ni ma rig 'di bshad do/ /rdo rje ri rab chen po'i rtse mo'i khang ba brtsegs pa'i gzungs las/ yongs su brtags pa yin pa'i phyir brtags pa yang stong pa'o/ /rten cing 'brel par 'byung ba'i phyir/ gzhan gyi dbang nyid kyang stong pa'o/ /rgyu dang rkyen las byung ba'i phyir/ rten cing 'brel par 'byung ba yang stong pa'o/ /glo bur du rgyu dang rkyen gyis bskyed pa'i phyir/ 'byung ba'i bdag nyid kyis stong ngo / /de la rten cing 'brel par 'byung ba ni/ rang gi mtshan nyid kyis stong ngo / /rang gi mtshan nyid kyis stong pa gang yin pa de mtshan nyid med pa'o/ /sku gsum rnam par gzhag pa zhes bya ba de ni tshogs gnyis kyis sprul pa'i mtshan nyid do/ /de bzhin gshegs pa skye ba 'byung ba las/ byang chub sems dpa' skye ba gcig gis thogs pa ye shes kyi rang bzhin gyi lus gcig cing tha mi dad pas gzugs kyi lus mtha' yas pa'i sgo kun du ston pa sha stag 'di lta ste/ byang chub sems dpa' kun du bzang po la sogs pa sangs rgyas kyi zhing phrag bcu'i rdul phra rab snyed dang thabs cig tu bzhugs so/ /lha'i rgyal po dbang sgyur gyi lha'i bu mo bzang mo'i dbugs gcig gis lha rdzas kyi rol mo'i sgra yan lag brgya phrag stong dang ldan pa'i nga ro 'byung ste/ sgra de byung ba ni sgra rnam pa tha dad pa brgya phrag stong gi dbyangs su grag go/ /de bzhin du de bzhin gshegs pa'i gsung gcig 'byung yang sems can gyi bsam pa bzhin tshad med pa'i sgra rnam par grag go/ /dper na 'og gi chu'i phung po nye bar bzung ba yan chad 'du shes med 'du shes med min skye mched kyi srid pa'i rtse mo'i bar gyi stong gsum gyi stong chen po thams cad nam mkha' la gnas te/ gzugs med pa la spyod pa'i sems can gyi gnas dang / 'dod pa na spyod pa'i sems can gyi gnas ji snyed pa de dag thams cad nam mkha' la gnas shing / nam mkha'i dbyings las byung ba'o/ /dper na ri mo'i gzhi chen po stong gsum gyi stong chen po'i 'jig rten gyi khams tsam zhig yod par gyur la/ gzhi de la stong gsum gyi stong chen po ril gyis rdzogs par bris te/ 'dod pa na spyod pa'i lha'i gzhal med khang gi tshad dang / gzugs na spyod pa'i lha'i gzhal med khang dang / gzugs med pa na spyod pa'i lha'i gzhal med khang gi tshad la sogs pa de'i tshad du bris la/ ri mo'i gzhi de rdul phra rab gcig gi nang du chud par byas pa sems can gang gis kyang mthong ba'am/ shes par ma gyur la 'phrul gyi mig can 'ga' zhig gis mthong nas/ rdul de phye ste sems can la bstan te phan btags pa zhig yod na/ de dang 'dra bar de bzhin gshegs pa'i ye shes sems can thams cad nye bar 'tsho ba yang sems can thams cad kyi sems la ril gyis chud par gnas pa byis pas mi shes pas mi shes pa rnams la de bzhin gshegs pas byis pa'i 'du shes kyi mdud pa bkrol nas/ ye shes khong du chud cing mnyam pa nyid rtogs par byed pa yang de dang 'dra ste/ dpe 'dis de bzhin gshegs pa'i ye shes 'byung ba shes par bya'o/ /dam pa'i chos pad+ma dkar po las/ byams ma'i bu gang po ma 'ongs pa'i dus na/ 'jig rten gyi khams mi mjed 'di nyid du mngon par 'tshang rgya ste/ de'i tshe sangs rgyas kyi zhing 'di nang na song med/ bud med kyang med do/ /sems can de dag thams cad rdzus te skye bar tshangs par spyod pa yid las byung ba'i lus 'od rang la yod pa/ rdzu 'phrul can nam mkha' la 'gro ba lus gser gyi mdog can skyes bu chen po'i mtshan sum cu rtsa gnyis kyis brgyan par 'gyur ba'o/ /skyes bu dam pa bcu drug la/ bzang skyong / dkon mchog 'byung gnas/ ded dpon bzang po/ /mis byin/ phug sbas/ chus byin/ dbang pos byin/ bla ma'i blo gros/ khyad par blo gros/ 'phel ba'i blo gros/ mthong ba don yod/ shin tu yang dag zhugs/ rab kyi rtsal gyis rnam par gnon pa/ dpe med blo gros/ nyi ma'i snying po/ sa 'dzin/ phyogs bcu'i de bzhin gshegs pa rnams bdag gi zham ring ba dang lhan cig tu bdag dang gcig gam bdag dang gnyis mi mjed kyi 'jig rten gyi khams 'dir gshegs so/ /de'i tshe thams cad dang ldan pa'i 'jig rten gyi khams mi mjed 'di rin po che'i shing ljon pas rab tu brgyan par gyur to/ /bai DUr+ya'i gzhi la rin po che sna bdun dang gser gyi dra bas bres/ dril bu g.yer ka'i dra bas brgyan pa/ me tog sna tshogs bkram pa/ gser gyi skud pas mig mangs ris su bres par gyur te/ grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor yang med par gyur/ ri nag po yang med par gyur/ btang bzung dang / btang bzung chen po dang / khor yug dang / khor yug chen po dang / ri rab kyang med par gyur/ ri rab chen po dang / ri gzhan yang med par gyur/ rgya mtsho yang med par gyur/ 'bab chu dang / 'bab chu chen po yang med par yongs su gnas par gyur to/ /lha dang mi dang lha ma yin gyi tshogs kyang med par gyur/ sems can dmyal ba dang dud 'gro'i skye gnas dang / gshin rje'i 'jig rten yang med par gyur to/ /'di ltar de'i tshe 'jig rten gyi khams mi mjed 'khor 'gro ba drug tu skyes pa'i sems can de dag thams cad 'jig rten gyi khams gzhan dag tu bkod par gyur te/ gang dag 'khor der 'dus pa de dag ma gtogs so/ /'du shes phyin ci log las byung bar de ltar 'jam dpal byang chub sems dpa' sems dpa' chen po rtag tu chos thams cad la lta zhing gnas pa 'dis gnas na/ byang chub sems dpa' chen po spyod yul la gnas pa yin no/ /gang zhig mdo 'di 'chad 'dod chos smra bas/ /g.yo dang nga rgyal de bzhin 'phya ba dag /ma lus par ni yongs su spang bar bya/ /de bzhin mkhas pas phrag dog gzhan mi bya/ / nam du su la 'ang mi snyan brjod mi bya/ /lta bas rtsod pa nam yang mi bya'o/ /bla med ye shes thob par mi 'gyur zhes/ /the tshom gnas ni nams kyang mi bya'o/ /'jam dpal 'di ni de bzhin gshegs pa rnams kyi chos bstan pa'i mchog ste/ chos kyi rnam grangs kyi mtha'o/ /chos kyi rnam grangs thams cad kyi nang na chos kyi rnam grangs 'di zab ste/ 'jig rten thams cad dang mi mthun pa'o/ /'jig rten gyi khams gzhan nas lhags pa'i byang chub sems dpa' mang po zhig gis chos kyi rnam grangs 'di de bzhin gshegs pa mya ngan las 'das pa dang mi mjed 'dir bstan pa la sogs par bgyi bar 'tshal na/ bcom ldan 'das kyis gdams su gsol zhes bya ba dang / bka' stsal pa/ khyod kyis bya ci dgos/ 'jig rten gyi khams 'di nyid na ngas smin par byas pa'i byang chub sems dpa' stong phrag gang gA'i klung drug cu'i bye ma snyed yod de de dag ston pa la sogs pa byed par 'gyur ro/ /de skad gsungs ma thag tu byang chub sems dpa' mang po zhig sa rum nas 'thon te/ de bzhin gshegs pa rin chen mang dang / shAkya thub pa dang phyogs bcu nas gshegs pa rnams la phyag 'tshal to/ /de'i tshe byang chub sems dpa' sems dpa' chen po de dag sa rum nas 'thon nas bar gyi bskal pa lnga bcu rdzogs par 'das kyi bar du de bzhin gshegs pa rnams la phyag 'tshal zhing byang chub sems dpa'i bstod pa rnam pa du mas bstod do/ /bar gyi bskal pa lnga bcu po de dag la bcom ldan 'das shAkya thub pa de cang mi gsung bar gyur to/ /'khor bzhi po de dag kyang bar gyi bskal pa lnga bcu po de dag la cang mi smra bar 'khod par gyur to/ /de nas bcom ldan 'das kyis rdzu 'phrul mngon par 'du bya ba 'di lta bu mngon par 'du mdzad do/ /rdzu 'phrul ji lta bu mngon par 'du bya ba mngon par mdzad pas 'khor bzhi po de dag gis phyi dro gcig kho na snyam du shes so/ /rtag tu nga byin rlabs de 'dra ste/ /bskal pa bsam yas bye ba stong du ni/ /bya rgod phung po 'di las mi 'pho yang / /gud na 'ang bye ba snyed kyi mal cha yod/ /gang tshe 'jig rten khams 'di sems can gyi/ /bskal pas bsreg par mthong zhing rtog pa ni/ /de tshe nga yi sangs rgyas zhing 'di ni/ /lha dang mi yis yongs su gang bar 'gyur/ /de dag rtse zhing dga' ba sna tshogs ldan/ /skyed mos khang bzangs gzhal med che ba yod/ /rin chen ri bo rnams dang de bzhin du/ /me tog 'bras ldan shing ljon rnams kyis brgyan/ /steng nas lha rnams rnga chen rab tu brdung / / man+dA ra yi char kyang rab tu 'bebs/ /mkhas pa gzhan gang byang chub 'dir zhugs dang / /nga dang nyan thos rnams las mngon par 'thob/ /nga yi zhing 'di de ltar rtag gnas kyang / /gzhan dag 'di la bskal pas bsreg par rtog /mya ngan brgya yis gang zhing gtses pa dang / /'jig rten khams ni shin tu 'jigs par mthong / /lo mang bye bar de bzhin gshegs rnams dang / /chos dang nga yi dge 'dun tshogs rnams kyi/ /ming ni nams kyang thos par mi 'gyur te/ /sdig pa'i las kyi 'bras bu de 'dra'o/ /nam zhig sems can 'jam zhing mnyen pa rnams/ /mi yi 'jig rten 'dir ni skyes gyur te/ /dge ba'i las kyis de ltar skyes ma thag /da ni chos rnams rab tu 'chad par mthong / /de bzhin gshegs pa sku tshe dpag tu med/ /mya ngan las 'da' bar bstan pa thams cad yin par bshad pa'i rjes la bka' stsal pa/ ma pham pa gang gi tshe rigs kyi bu'am/ rigs kyi bu mo de bzhin gshegs pa'i tshe'i tshad bstan pa'i chos kyi rnam grangs 'di thos nas lhag pa'i bsam pas mos par byed pa de'i tshe/ de'i lhag pa'i bsam pa'i mtshan nyid 'di yin par rig par bya ste/ 'di lta ste/ bya rgod kyi phung po'i ri la 'dug ste/ byang chub sems dpa'i tshogs kyis yongs su bskor ba dang / byang chub sems dpa'i tshogs kyis mdun gyis blta ba dang / nyan thos kyi dge 'dun gyi dbus na 'dug cing chos ston par mthong ba dang / nga'i sangs rgyas kyi zhing mi mjed kyi 'jig rten gyi khams 'di gzhi bai DUr+ya las grub cing mnyam par gnas la/ gser skud mig mangs ris su bres shing rin po che'i shing ljon pa rnams kyis rnam par bkra bar mthong ba dang / 'di ni yongs su spyad pa'i khang pa brtsegs pa dag na/ byang chub sems dpa' dag gnas par mthong ba ste/ ma pham pa 'di ni lhag pa'i bsam pas mos pa'i rigs kyi bu'am rigs kyi bu mo'i lhag pa'i bsam pa'i mtshan nyid rig par bya'o/ /rigs kyi bu dag mdor na sangs rgyas kyi chos thams cad dang / sangs rgyas kyi khyu mchog tu gyur pa thams cad dang / sangs rgyas kyi chos zab mo'i gnas thams cad ngas chos kyi rnam grangs 'di las bshad do/ /rigs kyi bu'am rigs kyi bu mo bla na med pa yang dag par rdzogs pa'i byang chub 'di 'dod pas/ de bzhin gshegs pa'i mchod rten dag la rkang pa'i mthe bong 'bar bar bya'o/ /lag pa'i sor mo'am/ rkang pa'i sor mo gcig gam/ yan lag gcig gam/ lag pa 'bar bar bya'o/ /byang chub sems dpa'i theg pa la zhugs pa'i rigs kyi bu'am rigs kyi bu mo 'di ni bsod nams 'du byed pa ches mang du bskyed kyi/ rgyal srid dang / bu dang / chung ma dang / stong gsum gyi 'jig rten gyi khams yongs su gtang ba ni de lta ma yin no/ /de bzhin gshegs pas bshad pa'i mdo sde thams cad kyi nang na dam pa'i chos pad+ma dkar po'i chos kyi rnam grangs 'di mchog tu gyur pa yin no/ /byang chub sems dpa' kun du bzang pos gsol pa/ su chos kyi rnam grangs 'di spyod pa de bsrung ba'i phyir/ bdag glang po che dkar po mche ba drug pa 'tshal te der mchi'o/ /de'i tshe na bcom ldan 'das 'khor bzhi po rnams kyis yongs su bskor cing mdun gyis bltas te/ bsti stang du byas btsun par byas te/ nges par bstan pa chen po zhes bya ba'i chos kyi rnam grangs mdo sde shin tu rgyas pa chen po byang chub sems dpa' la gdams pa sangs rgyas thams cad kyis yongs su gzung bar bshad do/ /nam mkha'i spyan las/ bcom ldan 'das kyis bka' stsal pa/ rgyal po chen po ma 'ongs pa'i dus na/ gang de bzhin gshegs pas nyan thos rnams la bslab pa'i khrims su bca' ba 'cha' bar 'gyur ba'i rkyen de lta bu dag 'byung bar 'gyur te/ gang zag gnod mi bkur ba rnams tshar gcad pa'i phyir dang / ngo tsha shes pa rnams bde ba la reg par gnas par bya ba'i phyir dang / tshe 'di'i zag pa rnams spang ba'i phyir dang / tshe phyi ma'i zag pa rnams bsdams pa'i phyir dang / nga'i bstan pa yun ring du gnas par bya ba'i phyir gang zag lam gol bar zhugs pa kha cig la ni lus dub pa spyad pa'i chad pa bca'o/ /kha cig la ni yid du mi 'ong ba dang 'phrad pa'i chad pa'o/ /kha cig la ni mtshams kyi phyi rol du dbyung zhing tha dad du gnas par bya ba'i chad pa'o/ /kha cig la ni dge slong gi tha mar gzhag pa'i chad pa'o/ /kha cig la ni sangs rgyas kyi bstan pa thams cad la bsnyil zhing smad par 'os pa'i chad pa bcad de/ rgyal rigs da ltar byung pa khyed dang ma 'ongs pa thams cad kyi lag tu nyan thos kyi bslab pa khrims su bca' ba gtod do/ /de ci'i phyir zhe na/ gang da ltar dang ma 'ongs pa'i dus na nga'i bstan pa la/ gang zag lam gol ba/ gdul dka' ba/ ngo tsha dang / khrel spangs pa/ spyod pa ma dag pa 'byung bar 'gyur la/ gang dag nye du'i stobs sam/ nor gyi stobs sam/ khyim pa'i dpung ngam/ mang du thos pa'i stobs sam/ kha stobs kyis bslab pa dag la skyon yod par spyod cing / khyim na gnas pa'i rtags dang / khyim gyi longs spyod dag la snang la yongs su gzung ba bsdus pa de dag dge slong don nyung ngu rnams kyis myur du dge 'dun gyi nang nas bskrad pa dang / bslab pa ji ltar bcad pa bzhin chad pas gcad par mi nus pas/ de dag bslab pa'i khrims su bca' ba bzhin bya bar rgyal rigs kyi lag tu gtad de/ rgyal rigs de dag gang zag de lta bu rnams la ji ltar khrims bcas pa bzhin chad pas gcod par 'gyur ro/ /rgyal rigs gang dag da ltar dang ma 'ongs pa'i dus lnga brgya tha ma'i bar du de lta bu'i brtson pa dang / pha rol gnon pas nga'i bstan pa bsrung zhing yongs su skyong ba dang / chos kyi tshul 'bar bar byed pa dang / dkon mchog gsum gyi gdung rgyun mi 'chad par byed pa de dag ni sangs rgyas kyi bstan pa bsrung ba yin te/ lha rnams kyang bsrung zhing yongs su skyong bar 'gyur ro/ /rgyal rigs de dag ni rgyal srid kyang yun ring du byed du 'jug go/ /bsod nams kyang shin tu 'phel bar 'gyur ro/ /de nas bskal pa brgyar byang chub kyi spyad pa spyod par 'gyur ro/ /rgyal rigs gang dag da ltar dang ma 'ongs pa'i dus na nga'i bstan pa yal bar 'dor zhing 'dug pa'i rgyal rigs de dag ni lha thams cad kyis bor ba yin/ nyan thos dang rang rgyal ba thams cad kyis kyang yongs su gtang ba yin te/ rgyal rigs de ni 'jig rten pha rol tu phyin pa lha dang mir skye ba yang med do/ / gang nga'i bstan pa yal bar 'dor ba de ni dkon mchog gsum gyi gdung gcod par zhugs pa yin/ chos kyi sgron ma gsad par zhugs pa yin/ chos kyi chu bskam par zhugs pa yin/ sems can thams cad kyi chos kyi mig 'byin par zhugs pa yin no/ /rgyal po chen po de ji snyam du sems/ gang zag gang zhig sems can thams cad kyi mig 'byin par byed na/ gang zag de bsod nams ma yin pa ji tsam zhig dang ldan par 'gyur/ rgyal po gzugs can snying pos mchi ma blags te 'di skad ces gsol to/ /gang zag de ni bsod nams ma lags pa zla ma mchis pa grangs ma mchis pa/ tshad ma mchis pa 'phel bar 'gyur ba lags so/ /bcom ldan 'das kyis bka' stsal pa/ rgyal po chen po de bas rgyal rigs gang dag da lta dang ma 'ongs pa'i dus na/ nga'i b stan pa de bzhin gshegs pa thams cad kyis byin gyis brlabs pa 'bar gyi bar du gang zag chos kyis gnas pa rnams mi srun zhing lam gol ba la gnas pa'i gang zag rnams chos bzhin mi slob pa de dag la bsod nams ma yin pa ches mang du 'phel bar 'gyur te/ rgyal rigs des snga ma bskal ba brgyar sbyin pa byin/ tshul khrims bsrungs pa nas shes rab bsgoms pa'i bar du gyur la/ theg pa gsum las theg pa gang yang rung ba zhig gis zhugs par gyur na/ yang dam pa'i chos yal bar 'dor ba'i rgyus de'i dge ba'i rtsa ba sngon bsags pa de dag thams cad yongs su zad cing gtugs par 'gyur ro/ /de'i yul du chos gsum du yang 'byung bar 'gyur te/ lo nyes dang / 'thab mo dang / nad 'byung bar 'gyur ro/ /lhas kyang yal bar 'dor zhing btang bar 'gyur ro/ /de'i yul du bka' mi brtsan zhing g.yo dang slu ba dang / brdzun sna tshogs kyang 'byung bar 'gyur ro/ /gzhan gyi dmag gis kyang de'i nor gyi phung po phrogs par 'gyur ro/ /yang na mes tshig par 'gyur ro/ / yang na chus khyer bar 'gyur ro/ /rgyal rigs de ring por mi thogs par nad tshab po ches thebs nas/ sdug pa yid du 'ong ba dang bral bar 'gyur ro/ /shi nas kyang dmyal ba dag tu skye bar 'gyur ro/ /brgya la res 'ga' zhig ring mo zhig na/ legs par spyad pas mi nyid thob na myur du mig med pa dang / longs spyod dang / nye bar spyod pa thams cad dang bral bar 'gyur ro/ /nyam nga bar gnas shing yun ring du 'tsho bar 'gyur ro/ /shi nas yang dmyal ba dag gi nang du skye bar 'gyur ro/ /de gnas ma yin pa yongs su brtags pas sangs rgyas 'byung ba'i tshe yang mi lus mi 'thob po/ /rgyal rigs ji ltar bram ze dang / rje'u rigs dag kyang de bzhin te/ grong khyer gyi gtso bo'am/ yul gyi gtso bo'am/ ri khrod kyi gtso bo'am/ ljongs kyi gtso bo yang rung / gang zhig bag med pa'i rgyu'am/ nor gyi phyir nga'i bstan pa la chos kyis gnas pa'i gang zag rnams ci nus kyis mi slu zhing lam gol ba la gnas pa'i gang zag rnams chos bzhin dang 'dul ba bzhin tshar mi gcod pa de thams cad las kyi sgrib pa de lta bu dang ldan par 'gyur ro/ / rgyal po gzugs can snying pos gsol pa/ bcom ldan 'das da ltar dang ma mchis pa'i dus na/ rgyal rigs rnams kyis mi nyid 'thob pa ni dka' lags te/ gang dag myos shing bag ma mchis par mang du gnas la/ dam pa'i chos yun ring du gnas pa dang / dkon mchog gsum gyi gdung rgyun mi 'chad par bgyi ba'i slad du chos la gnas pa tshul khrims dang ldan pa/ yon tan gyis phyug pa rnams mchod gnas su mi bgyid pa dang / lam gol ba la gnas pa ngo tsha dang khrel bor ba rnams chos dang mthun pa'i chad pas mi 'gums pa de dag ni phung bar 'gyur lags so/ /lha'i bu skya rengs ni smon lam gyi dbang gis rgyal chen bzhi'i ris kyi lha'i nang du skyes te/ de nyi ma'i mdun dpag tshad khris bcad nas 'gro'o/ /de'i gzhal med khang ni dpag tshad nyi shu pa'o/ /de nyin mtshan gcig la gling bzhi dang bar gyi gling brgyad khri dang / klu'i gling drug khri dang / lha ma yin gyi gling bzhi khri dang / nam mkha' lding gi gling brgya dang / mi'am ci'i gling lnga stong nyis brgya dang / lto 'phye chen po'i gling bzhi stong drug brgya dang / grul bum gyi gling brgyad brgya dang / yi dgas kyi gling brgyad khri bzhi stong dang / sha za dang / srul po dang / lus srul po'i gling sum stong dag tu gling re re zhing yang srog chags bye ba khrag khrig phrag brgya stong mang po dag yongs su smin par byed do/ / 'dzam bu'i gling 'di'i nang shar phyogs kyi cha rgya mtsho chen po ni bai DUr+ya 'ba' zhig gi ri ar+Na pa zhes bya ba yod de/ de ni chu'i nang nas dpag tshad nyi shu gyen du 'phags so/ /ri de la ri phug shin tu bkra ba zhes bya ba sngon gyi byang chub sems dpa' rnams gnas nas gnas/ 'phang dang rgyar dpag tshad re re ba zhig yod de/ phug de na dzan dur gnas so/ /de ni nyan thos dang thun mong gi byams pa legs par sbyang bar byas pa yin no/ /ri phug gnyis pa a ma ra zhes bya ba 'phang dang rgyar dpag tshad gcig yod de/ phug de na rta'i gnas so/ /ri phug gsum pa rab tu gnas pa zhes bya ba 'phang dang rgyar dpag tshad re re ba zhig yod de/ phug de na phyugs gnas so/ /ri de la shing gi lha rgyal ba'i blo gros zhes bya ba dang / srin mo chen mo mgrin bzangs ma zhes bya ba gnas te/ gnyis ka yang 'khor lnga stong lnga stong dang bcas par dud 'gro'i skye gnas su gtogs pa de gsum gyi sbyin bdag byed cing nyin mtshan rtag tu bkur sti bya bar brtson no/ /'dzam bu'i gling 'di na lho phyogs kyi cha rgya mtsho na shel 'ba' zhig gi ri skye bo'i dpal zhes bya ba yod do/ / de ni chu'i nang nas dpag tshad nyi shu gyen du 'phags so/ /ri de la ri phug mdog bzangs zhes bya ba rgya dang 'phang du dpag tshad re re la spre'u gnas/ ri phug gnyis pa spra ba'i han bzang po zhes bya ba rgya dang 'phang du dpag tshad re re ba la khyim bya gnas/ ri phug gsum pa d+harma pa ha zhes bya brgya dang 'phang du dpag tshad re re ba la khyi gnas/ ri de la sbyin gnas srin mo snang ba dang / nye snang ba zhes bya ba 'khor lnga stong dang gnas te sbyin bdag byed/ 'dzam bu'i gling gi nub phyogs rgya mtsho'i nang na gser 'ba' zhig gi ri byang chub kyi zla ba zhes bya ba yod de/ de nas dpag tshad nyi shu nas gyen du 'phags so/ /ri de la ri phug mi lan tra zhes bya ba la 'phang dang rgyar dpag tshad re re ba la phag gnas so/ /phug gnyis pa dri dpal zhes bya ba 'phang dang rgyar dpag tshad re re ba la byi ba gnas/ phug gsum pa ud+ma shrI zhes bya ba 'phang dang rgyar dpag tshad re re ba la glang gnas/ ri de la srin mo chen mo legs srung zhes bya ba dang / be'u su rA k+Sha zhes bya ba 'khor snga ma snyed dang / ri de rlung lha g.yog pa zhes bya ba 'khor snga ma snyed dang bcas pa snga ma bzhin sbyin bdag byed/ 'dzam bu'i gling gi nang byang phyogs kyi cha rgya mtsho na 'dzam bu chu bo 'ba' zhig gi ri tog dpal gyi mtshan nyid ces bya ba yod de/ de ni dpag tshad nyi shu chu nas gyen du 'phags so/ /ri de la ri phug a ru na gen go la zhes bya ba tshad snga ma tsam la seng ge gnas/ phug gnyis pa laM ka ra zhes bya ba tshad snga ma tsam la ri bong gnas/ phug gsum pa dga' bar 'byung zhes bya ba tshad snga ma tsam la sbrul gnas/ ri de la srin mo dung can ma zhes bya ba dang / sha ta drang srung zhes bya ba 'khor snga ma snyed dang / chu lha 'bebs byed ces bya ba 'khor snga ma snyed dang / gnas snga ma bzhin yon bdag byed do/ /dud 'gro'i skye gnas su song ba bcu gnyis po de dag ni bsod nams che bskal ba che ba yin no/ /smon lam gyi dbang gis nyin mtshan re re zhing sems can rnams yongs su smin par byed do/ /byi ba dang / ga ba dang / stag dang / ri bong dang / glang po dang / dzan du dang / rta dang / pa shu dang / spre'u dang / khyim bya dang / khyi dang / phag ste/ de dag ni lha dang mi'i mchod pa yon tan thob pa yin no/ /skad cig ma dang po la ma'i mngal du sa bon gyi rnam par shes ba nur nur por gnas par 'gyur te/ dper na yungs kar gyi 'bru'i tshad tsam gyi chung ngu'o/ /zhag bdun pa drug pa la/ nur nur por gyur nas/ mer mer por 'gyur te/ dper na rgya shug gi sa bon tsam du chung ba'i zhag bdun pa las mer mer por gyur nas nar nar bor 'gyur te star ga tsam mo/ /zhag bdun pa brgyad pa la nar nar por gyur nas/ gor gor por 'gyur te bil ba'i 'bras bu tsam mo/ /de nas zhag bdun thal nas zhag bdun pa bcu gsum gyi bar du mgo'i mtshan ma dang / lag pa dang brla dang gnas kyi mtshan ma dag dod par 'gyur ro/ /zhag bdun pa nyi shu pa la pho dang mo'i mtshan ma dod par 'gyur ro/ /zhag bdun pa nyi shu rtsa gcig pa la rus pa rdzogs par 'gyur ro/ /zhag bdun pa sum cu pa la yan lag thams cad dang / khrag dang / pags pa dang / ba spu'i bu ga kun rdzogs par 'gyur ro/ /de nas ma'i lto na khrag dang dri mi zhim pa'i nang na gnas so/ /gang ma'i lto na gnas pa na tshe rabs snga ma dran nas mchog tu skyo bar 'gyur te/ bdag ma'i lto 'di nas nam 'byung zhig gu/ phyis ma'i mngal du skye bar mi 'gyur ba de lta bu'i dge ba dag la brtson 'grus dang / pha rol gnon pa brtan por bya'o snyam pa las bcas pa dang / ma'i lus kyis gzir ba dang / sa'i reg pa dang / lag pa'i reg pa dang / dri ma bkru ba'i sdug bsngal lus dang sems la mchog tu gnas pa dag gis tshe rabs snga ma ril brjed do/ /de'i tshe lha'i dbang po nas/ sha za'i dbang po'i bar nam mkha' la rgyu ba dang / sa la rgyu ba thams cad kyis mgrin gcig tu gsol pa/ bcom ldan 'das de ltar 'tshal lo/ /bde bar gshegs pa de ltar 'tshal te/ ma mchis pa'i dus na ji srid du de bzhin gshegs pas byin gyis brlabs pa'i chos kyi tshul 'bar shing ji srid du bcom ldan 'das kyis nyan thos rnams rnam pa thams cad du yongs su 'dzin pa ma mchis pas chos la mngon par dga' ba de srid du/ bdag cag gis rang gi sug las btang ste/ de bzhin gshegs pas gsungs pa'i chos 'dul ba bsrung bar 'tshal lo/ /chos kyis gnas pa'i gang zag tshul khrims kyis phyug pa yon tan phun sum tshogs pa dag dang / de dag gi 'khor dang yongs su bzung ba thams cad kyang yongs su bsrung zhing bskyang bar 'tshal lo/ /de ci'i slad du zhe na/ bcom ldan 'das ji srid du/ bcom ldan 'das kyi nyan thos rnams rnam pa thams cad du yongs su 'dzin pa ma mchis par chos la gnas shing chos dang mthun pa'i chos sgrub pa de sring sa'i mdangs dang / sems can gyi mdangs dang / chos kyi mdangs nub par mi 'gyur bar gnas lags so/ /de srid du lha dang / klu da nga / gnod sbyin rnams mi'i 'jig rten 'dir mngon par dga' lags so/ /de srid du sems can rnams shi 'phos nas/ lha dang mi rnams kyi nang du dbang che bar grags pa dag tu skye bar 'gyur lags so/ /de srid du lha rnams kyi nang na sems can dbang che bar grags pa dag gis gang bar 'gyur lags so/ /de srid du byang chub sems dpa' chos kyis gnas pa rnams gnas lags so/ /de srid du bdag cag gi stobs dang brtson pa 'di ltar chos ma lags pa'i phyogs tshar dgum par pha rol gnon par 'gyur lags so/ /de srid du sems can de bzhin gshegs pa'i bstan pa la dad par bgyi bar rngo thogs lags so/ /btsun pa bcom ldan 'das ma 'ongs pa'i dus na/ bcom ldan 'das kyi nyan thos yongs su 'dzin pa dang bcas pa/ rnal 'byor yid la byed pa'i chos kyis gnas pa'i dgon pa dang / nags mtha' dang / bas mtha'i gnas mal bor ba/ phrag dog can la sogs pa/ mang pos gnas pa/ bslab pa dang ngo tsha dang khrel bor ba/ khyim pa dang 'dre ba/ rnyed pa dang bkur sti la dga' ba dag 'byung bar 'gyur lags te/ de dag khyim pa'i dpung dang nor gyi phung po'i stobs kyis phan tshun snyems shing 'thab mo la dga' bas khyim pa rnams kyi mdun du yang rtsod cing tshig rtsub mo dang / brdzun dag mi srung lags so/ /de'i tshe khyim pa rgyal rigs dang bram ze nas ljongs dang / yul na gnas pa'i bar rnams bcom ldan 'das kyi bstan pa la che thong du ma dad par 'gyur zhing / gang dag bde bar gshegs pa'i bstan pa la dad pa skyes pa de dag kyang rgyun chad par 'gyur lags so/ /dkar po'i phyogs zad pa'i dus de lta bu nye bar gnas pan/ byang chub sems dpa' sems dpa' chen po rnams kyang thugs dgyes shing / 'jig rten gyi khams gzhan dag tu gshegs so/ /lha dang gnod sbyin chos kyis gnas pa dbang che bar grags pa rnams kyang btang snyoms su gnas pa'am/ de nas 'ong bar 'gyur lags te/ de'i tshe ni bdag cag gis sdig pa can gyi gnod sbyin dang / lus srul po nas sdig pa can gyi mi rnams kyi bar bzlog pa'i rdo yang mi thogs la/ de'i tshe bdag cag gis dkar po'i phyogs zad pa dang / 'jigs pa sna tshogs kyang bzlog pa'i rngo mi thogs lags so/ /dgongs pa nges par 'grel pa las/ sems can rnams ni gzhan gyi dbang du yongs su grub pa'i ngo bo nyid la kun brtags pa'i ngo bo nyid du sgro btags nas/ gzhan gyi dbang dang yongs su grub pa'i ngo bo nyid la kun brtags pa'i ngo bo nyid rjes su tha snyad 'dogs te/ ji lta ji ltar rjes su tha snyad btags pas sems yongs su sgom zhing tha snyad btags pa'i rjes su 'brel pa'am/ tha snyad btags pa'i bag la nyal gyis gzhan gyi dbang dang yongs su grub pa'i ngo bo nyid la kun brtags pa'i ngo bo nyid kyi mtshan nyid du mngon par zhen to/ /ji lta ji ltar mngon par zhen pa de lta de lta bur gzhan gyi ngo bo nyid la kun brtags pa'i ngo bo nyid du mngon par zhen pa'i rgyu de dang rkyen des phyi ma la gzhan gyi dbang gis ngo bo nyid rab tu bskyed do/ /gzhi des na nyon mongs pa rnam pa gsum gyis kun nas nyon mongs shing / 'gro ba ris ldar 'khor zhing kun du rgyu ste 'khor ba las mi 'da'o/ /gal te mig gi rnam par shes pa gcig lan cig 'byung bar gyur na rnam par rtog pa'i yid kyi rnam par shes pa mig gi rnam par shes pa dang spyod yul mthun pa gcig kyang lan cig 'byung ngo / /gal te lan gcig gnyis dang gsum dang bzhi dang / lan cig rnam par shes pa'i tshogs lnga rnams 'byung bar gyur na yang de la rnam par rtog pa'i yid kyi rnam par shes pa/ rnam par shes pa'i tshogs lnga dang spyod yul mthun pa gcig kyang lan cig 'byung ngo / /byams pa gzhan gyi dbang gi mtshan nyid dang / yongs su grub pa'i mtshan nyid la rnam pa thams cad du kun nas nyon mongs pa dang / rnam par byang ba'i kun brtags pa'i mtshan nyid dang / shin tu bral ba de la de yang mi dmigs pa 'di ni/ theg pa chen po la stong pa nyid kyi mtshan nyid rdzogs pa zhes bya'o/ /nyi ma'i snying po las/ 'dzam bu'i gling 'di na mchod rten drang srong thub pa'i gnas kun rten 'di ni sngon gyi sangs rgyas dang / byang chub sems dpa' dang / rang rgyal ba dang / nyan thos mang po gnas shing / ma 'ongs pa'i dus na yang gnas par 'gyur ba ste/ rjes su bstan pa chen po yun ring du gnas par mdzad pa'i phyir drang srong thub pa'i gnas kun rten 'di sngon gyi yang dag par rdzogs pa'i sangs rgyas rnams kyis chu lha'i lag tu yongs su gtad pa mdzad do/ /ngas kyang de nyid kyi lag tu yongs su gtad de/ 'di yang spro bar 'gyur zhing gang zag chos kyis gnas pa rnal 'byor yid la mngon par brtson pa dag yongs su smin par 'gyur ro/ /gang dag gang zag chos kyis gnas pa rnams la bsnyen bkur la mngon par brtson pa'i sbyin pa po dang / sbyin bdag de dag kyang yongs su bsrung bar 'gyur ro/ /klu'i rgyal po chu lhas gsol ba de lta lags so/ /ba long spyod kyi gling na rdul gyi ri la drang srong thub pa'i gnas bkra ba klu'i rgyal po rin po che'i 'phel bal chad khyir gtad/ lus 'phags kyi gling na ni ba lang gi na'i ri la drang srong 'byung ba klu'i rgyal po zla srung la gtad/ sgra mi snyan gyi gling na rgyal dga'i ri la spos brtsegs klu'i rgyal po lus 'bigs pa'i khab la gtad/ ba lang spyod kyi gling na 'od zer 'byung ba klu'i rgyal po ba lang mgo la gtad/ shar phyogs gling na pad+ma shing n+ya gro d+ha lta bu klu'i rgyal po dbyibs stong la gtad/ sgra mi snyan gyi gling na spos brtsegs 'od zer klu'i rgyal po gnas na rgyu la gtad/ rgya mtsho chen po'i nang na nor bu'i snying po'i 'od 'phro ba klu'i rgyal po rgya mtsho la gtad/ ri rab kyi rtse mo na sum cu rtsa gsum pa'i gnas na me tog rab tu rgyas pa'i snying po klu'i rgyal po sa srung gi bu la gtad/ 'dzam bu'i gling na dga' 'phel zhes bya ba na gnas brtan gyi phug klu'i rgyal po che sbyang la gtad/ yangs pa can na shin tu brtan klu'i rgyal po nor rgyas kyi bu la gtad/ ser skya'i gnas na gser sgron dri zhim klu'i rgyal po ma dros pa la gtad/ yul ma ga d+hA na rgyal chen klu'i rgyal po ri bos byin la gtad/ bcom brlag na sdug pa'i sprin klu'i rgyal po ce spyang rgyu ba la gtad/ yul 'khor ko sa la na rgyal ba dag pa klu'i rgyal po srin bu la gtad/ phug gi pha rol na btang bzung bden pa'i dri klu'i rgyal po btang bzung la gtad/ yul 'khor sa 'dzin na mthong ba'i lam rgyags klu'i rgyal po e la'i 'dab las gtad/ kha che'i yul na gur gum gyi rtse mo klu'i rgyal po hu lu hu lu la gtad/ yul chu len na 'od zer bye ba'i snying po klu'i rgyal po 'phyang ba la gtad/ rgya yul na sred med kyi bu'i 'od kyi rgyal po rgya mtshos byin la gtad/ kha sha'i yul na sa'i nu ma'i gnas ri glang ru'i drung chu bo go ma ti'i ngogs na/ go ma sA la gan d+ha ni klu'i rgyal po khyim bdag gis byin la gtad/ de gal te phyogs thams cad du lta bar byed na thams cad du nam mkha' thams cad la de bzhin gshegs pa mthong bar 'gyur ro/ /chung ngur lta bar byed na de bzhin gshegs pa chung ngu nyid du mthong ngo / /tshad med par lta bar byed na tshad med par mthong ngo / /de 'di snyam du sems te/ de bzhin gshegs pa 'di ga las gshegs snyam mo/ /de 'di snyam du sems te/ de bzhin gshegs pa ni ga las kyang ma gshegs so/ /gang du yang mi bzhud do/ /de gang du yang de bzhin gshegs pa bzhud pa mi dmigs byon pa mi dmigs so/ /yang de 'di snyam du sems te/ lus kyi rgyu khams gsum pa 'di ni sems tsam pas sus ji ltar rnam par brtags pa de bzhin du mthong ngo / /bdag gis rang gi sems kyis sangs rgyas su byed do/ /bdag gi sems kyis sangs rgyas mthong ngo / /bdag gi sems nyid sangs rgyas so/ /bdag gi sems nyid lus so/ /sems nyid kyang nam mkha'o/ /bdag gi sems kyi rnam par rtog pas sangs rgyas mthong ngo / /sems kyis sems mi mthong ngo / /sems su 'du shes pa rnams ni shes pa med pa'o/ /sems su 'du shes pa rnams ni ldan pa'o/ /ldog pa ni snying po med pa'o/ /chos de dag ni shes pa med pa'i phyir yang dag par ma byung ba'o/ /sus sngon byang chub tu sems bskyed cing shes rab gang gis stong pa rtogs pa de yang rang bzhin gyis stong pa'o snyam nas/ dmigs pa yid la byed pa des da ltar gyi sangs rgyas mngon sum du bzhugs pa'i ting nge 'dzin 'thob bo/ /'on kyang yang nyan thos kyi theg pa yin te/ de ltar mtshan ma med pa'i gzugs thams cad rnam par bsgoms pas nges par 'byed pa yongs su dag pa yin/ 'dod chags dang bral ba yongs su dag pa yin/ ma rig pa yongs su dag pa yin no/ /mdo sde rab tu rnam par 'byed pa las/ shA ri'i bu skyes bu dam pa ma yin pa'i 'tsho ba'i lam dang bying ba 'thab mo 'dzin pas bdag dang gzhan yang phung bar byed pa de lta bus 'dzam bu'i gling 'di gang bar 'gyur ro/ /gzhan yang shA ri'i bu bcom ldan 'das 'od srungs kyis kyang de bzhin gshegs pa shAkya thub pa'i gsung rab ni rnyed pa dang bkur stis myur du nub par 'gyur zhes bya ba 'di lung bstan te/ shA ri'i bu rnyed pa dang bkur stis ni chos 'dul ba 'di myur du nub par 'gyur ro/ /shA ri'i bu dge slong chos yongs su ma dag pa ston pa ni de bzhin gshegs pas dgongs te gsungs pa mi shes par gzhan dag las chos ston par byed do/ /de de bzhin gshegs pas sems can med pa dang / srog med pa dang / gso ba med pa dang / gang zag med pa'i chos bstan pa de dag la bdag go zhe'am/ sems can no zhe'am/ gso ba'o zhe'am/ gang zag go zhes chos ston par byed do/ /des ni nga la yang skur pa btab pa yin/ chos kyang spangs pa yin/ dge 'dun la yang mi snyan par brjod pa yin te/ de'i rnam par smin pa gang yin pa de ni/ de bzhin gshegs pa ma gtogs pa lha'i dbang po dang bcas pa'i 'jig rten gyis shes par nus pa ma yin no/ /shA ri'i bu khyod mos par bya/ khong du chud par bya/ chos yongs su ma dag par ston pa'i dge slong de/ mi dge ba'i brtson pa ji tsam dang ldan pa de'i bya'o/ /shA ri'i bu de ji snyam du sems/ 'dzam bu'i gling gi sems can mang ngam/ gsol pa/ bcom ldan 'das mang lags so/ /bka' stsal pa/ shA ri'i bu 'ga' zhig gis 'dzam bu'i gling gi sems can rnams bsad na de gzhi des mi dge ba'i rtsa ba mang po mngon par 'dus byas par mi 'gyur ram/ gsol pa mang lags so/ /bde bar gshegs pa mang lags so/ /bka' stsal pa/ gang zhig sangs rgyas kyi byang chub mi shes par gzhan dag la chos yongs su ma dag par ston pa de ni de bas kyang chos mi dge ba mang du mngon par 'dus byas par 'gyur ro/ /de ci'i phyir zhe na/ gang zhig sangs rgyas kyi byang chub spong ba des ni 'das pa dang ma 'ongs pa dang / da ltar byung ba'i sangs rgyas bcom ldan 'das la skur pa btab pa yin no/ /de ci'i phyir zhe na/ sngon dang ma 'ongs pa dang / da ltar byung ba dang / phyogs bcu'i de bzhin gshegs pa thams cad kyang don dam pa stong pa nyid kho na ston cing bdag med pa dang / sems can med pa dang / srog med pa dang / gso ba med pa dang / gang zag med pa'i chos ston to/ /shA ri'i bu sangs rgyas bcom ldan 'das rnams kyis don dam pa stong pa nyid kyi chos bstan pa 'di ni yang dag phul yin te/ 'di lta ste/ sangs rgyas kyi chos rnams ni rang gi ngang gis 'jig pa ngo bo nyid med pa dmigs pa med pa stong pa nyid do/ / sngon de bzhin gshegs pa bkod pa chen po byung ste/ de yongs su mya ngan las 'das nas sku gdung ni rgyas par byas te/ dper na ma 'ongs pa'i dus na nga ji lta ba bzhin no/ /dam pa'i chos ni lo lnga brgyar gnas par gyur te/ dper na ma 'ongs pa'i dus na nga'i ji lta ba bzhin no/ /shA ri'i bu de bzhin gshegs pa bzhugs pa na ni sangs rgyas dkon mchog gcig /chos dkon mchog gcig /dge 'dun dkon mchog gcig go/ /yongs su mya ngan las 'das nas ni bstan pa rnam pa lngar 'gyur ro/ / shA ri'i bu gang yang bstan pa 'di la bdud sdig can dge slong gi gzugs su sprul nas/ log par 'dzin pa rnam pa du mar rab tu ston cing skye bo mang po de la 'god pa'i dus de dang de yod do/ /de la 'di lta bu'i log par 'dzin pa yang dag par rab tu ston to/ /'di lta ste/ yid kyi gzhi dang lnga cha mthun pa'i gzhi dang skad cig ma dang cha mthun pa'i gzhi dang / thams cad yod par smra ba'i gzhi dang / gang zag gi gzhi dang / dmigs pa'i gzhi'o/ /shA ri'i bu sangs rgyas dang / nyan thos rnams kyis rab tu ma bstan pa log par 'dzin pa de lta bu rab tu ston par 'gyur ro/ /bka' stsal pa/ shA ri'i bu nga ni sbrul ro myags pa'am/ khyi ro myags pa'am/ mi ro myags pas gang ba'i sa phyogs spyod lam gang yang rung bas gnas par spro'i/ shA ri'i bu dge slong tshul khrims 'chal pa/ cho ga nyams pa/ 'tsho ba nyams pa/ lta ba nyams pa ni mtshan gcig gam/ nyin gcig gam/ skad cig gam/ tha na se gol gtogs pa tsam yang gnas par mi spro'o/ /shA ri'i bu blun po de dag gis de bzhin gshegs pas gsungs pa'i mdo sde 'di lta bu thos nas skrag par 'gyur/ kun du skrag par 'gyur/ kun du dngang bar 'gyur/ g.yang sa'i 'du shes su 'gyur/ g.yangs sa chen po'i 'du shes su 'gyur ro/ /de ci'i phyir zhe na/ mdo sde 'di las tshul khrims 'chal pa'i skyon ma lus par bshad pas so/ /shA ri'i bu rgyu gang dang rkyen gang gis tshul khrims 'chal pa zhes bya zhe na/ 'chal pa'i tshul khrims spyod pas na/ tshul khrims 'chal pa zhes bya'o/ /tshig ngag gi spyod pa dang / dus gsum gyi spyod pa dang / las kyi mtha' mang po'i spyod pa dang / smra ba mang po'i spyod pa dang / gnyid la dga' ba dang / 'du 'dzi la dga' ba dang / spros pa la dga' ba dang / rigs pa ma yin pa'i gtam ma yin pa zer ba dang / bdag tu 'dzin pa dang / sems can dang / srog dang / gang zag tu 'dzin pa dang / pha dang / ma dang / dge slong dang / bram zer mi 'dzin pa dang / sman dpyad kyi tha snyad byed pa dang / khyim sun 'byin pa dang / pho nyar 'gro ba dang / khyim gyi las kyi mtha' la dga' ba dang / khyim pa dang 'dre ba dang / khyim pa'i g.yog byed pa dang / lo ma dang / me tog dang / 'bras bu 'joms pa dang / lo nyi shur ma lon pa bsnyen par rdzogs par byed pa dang / yan lag ma tshang ba bsnyen par rdzogs par byed pa dang / 'bru rjen len pa dang / sha rjen len pa dang / gser dngul len pa dang / brdzun du smra ba dang / spyod lam lhod pa dang / sran chung ba dang / byas pa mi gzo ba dang / dad pa chung ba dang / rmugs pa dang / gnyid mang ba dang / 'gyod pa mang ba dang / khro ba dang / g.yo sgyu mang ba dang / phrag dog che ba dang / ngo tsha ba dang / khrel med pa dang / rgyags pa dang / dregs pa dang / khengs pa dang / 'gying ba dang / kha zas rgyags pa dang / sems mi zhum pas rgyags pa dang / nga rgyal bdun dang / ngan g.yo dang / kha gsag dang / gzhogs slong dang / thob kyis 'jal ba dang / rnyed pas rnyed par byed pa dang / dkon mchog gsum la dad pa mi mnga' ba dang / las kyi rnam par smin pa la yid mi ches pa dang / tshe 'di ched cher 'dzin pa dang / tshe phyi ma la ched cher mi 'dzin pa dang / the tshom dang yid gnyis mang bas na/ tshul khrims 'chal ba zhes bya ste/ shA ri'i bu lus dang / ngag dang / yid kyi las mi gtsang ba dang / 'tsho ba mi gtsang ba dang ldan pa de dag ni phyis dang 'dra 'o/ /de dag ni lus zhig ste/ shi nas sems can dmyal ba dag tu skye bar 'gyur ro/ /de dag ni sangs rgyas dang / sangs rgyas kyi nyan thos dang / dge ba don du gnyer ba rnams kyis spang bar bya ste/ dper na mi gtsang ba'i snod kyi nang du tsan+dan dmar po bcug na/ de yang mi gtsang bar 'gyur ba bzhin no/ /'bum pa las/ shA ri'i bu 'di ltar yang byang chub sems dpa' sems dpa' chen po pha rol tu phyin pa drug la spyod pa dang po sems bskyed pa nyid kyis byang chub sems dpa'i skyon med pa la zhugs nas phyir mi ldog pa'i sa thob pa yang yod do/ /shA ri'i bu 'di ltar yang byang chub sems dpa' sems dpa' chen po dang po sems bskyed pa nyid kyis/ bla na med pa yang dag par rdzogs pa'i byang chub mngon par 'tshang rgya zhing mngon par sangs rgyas nas/ chos kyi 'khor lo bskor te/ sems can grangs med tshad med pa'i don byas nas/ phung po ma lus pa'i mya ngan las 'das pa'i dbyings su mya ngan las 'das zhing / de dag yongs su mya ngan las 'das nas kyang / dam pa'i chos bskal pa'am/ bskal pa las lhag par gnas pa dag kyang yod do/ /'bum pa'i TI ka las/ bcu gnyis pa ni yon tan de dag nyid dang ldan zhing sangs rgyas kyi zhing gi stobs bskyed pa dang / bdag nyid yon tan rnams kyis sems kyi rgyud yongs su dag par byas shing / rtsol ba chung ngus sa dang po thob par byas nas 'phral kho nar chen po 'bad mi dgos par sangs rgyas nas chos kyi 'khor lo bskor te/ dus ji srid kyi bar du bstan pa gnas par byed do/ /shan+ta de bas bshad pa/ gal te gnyen por byar yod na/ /de la ci phyir yid mi bde/ /ci ste gnyen por byar med na'ang / /de la ci phyir yid mi bde/ /yid mi bde dang khros rgyal ba/ /gnyen po la ni rmongs par 'gyur/ / zhum pa'i phyir ni spro ba med/ /rgud pa chen pos zin par 'gyur/ /de sems pas na yud la'ang / /tshe ni thung bar 'gyur ba yin/ /de lta bas na don med pa/ /gnod pa bzhin du goms par spang / /yid mi bde ba spang ba ji ltar 'thob ce na/ yang ba dang / shin tu mnyen pa'i sems bor ba ste/ drag shul can gyis zhus pa las/ shing bal gyi 'dab ma lta bu'i sems bor ba zhes gsungs pa dang / sdong po bkod pa las/ nyon mongs pa thams cad gzhom pa'i phyir thub par dka' ba'i sems bskyed par bya'o zhes gsungs pa lta bu'o/ /goms na dka' bar 'gyur ba cung zad kyang med de/ dper na nyon mongs pa'i dbang gis sems can thams cad sdug bsngal ba la bde bar 'du shes pa bzhin du sdug bsngal 'byung ba thams cad la bde bar 'du shes nye bar gzhag pa goms par bde ba'i 'du shes nyid du gnas so/ /des na chos thams cad la bde bar 'gro ba zhes bya ba'i ting nge 'dzin 'thob ste/ sems can dmyal ba'i sdug bsngal gyis bab kyang bde ba'i 'du shes nye bar gnas par 'gyur te/ yab dang sras mjal ba'i mdo las byung ba bzhin no/ /dga' bo rab tu byung ba'i mdo las/ bskal pa bye ba stong dang ni/ /brgya dang khrag khrig dag tu yang / /sangs rgyas sgra yang mi thos na/ /sangs rgyas mthong ba gal zhig /u dum bA ra'i me tog ni/ /shing las shin tu rnyed dka' ltar/ / de bzhin sangs rgyas rnyed dka' ste/ /khyod kyis de ni rnyed gyur na/ /dga' bo khyod kyis rab tu 'byung / /dal ba shin tu rnyed dka' rnyed/ /dga' bo ston par mthong gyur ba/ /nga la mi mnyes ma byed cig /gnya' shing bug can de yang / rlung gis bskyod nas phyogs phyogs su rgyug par byed pa na/ dga' bo brgya la rkyen zhig gis rus sbal zhar ba de'i mgrin pa gnya' shing gi bu ga der 'jug par 'gyur gyi dga' bo mi nyid thob pa ni ma yin no/ /dal ba phun sum tshogs pa yang de bzhin no/ /phyogs bcu'i mun pa rnam par sel ba las/ nub byang gi mtshams na bud+d+ha yid gnyis kun 'joms rnam par gnon pa zhes bya ba bzhugs te/ de byang chub kyi shing drung du bzhugs pa stong gsum gyi bdud kyi ris kyi lha ji snyed pa thams cad bla na med pa'i byang chub las phyir mi ldog par mdzad de/ skyes bu'i rtsal de lta bu byung ba yin no/ /bya ba kun la nyin mtshan du/ /sangs rgyas de ni dran bya zhing / /byang chub sems kyang ma btang dang / /khyod la 'jigs pa 'byung mi 'gyur/ /byams pa seng ge'i sgra chen po las/ dge sbyong chom rkun bzhi la/ dge slong dge sbyong gi kha dog dang / rtags dang dbyibs la gnas shing tshul khrims 'chal cing sdig pa'i chos dang ldan pa dang / dben gnas su song ba ste/ mi dge ba'i rnam par rtog pa dag la gnas pa dang 'bras bu ma thob pa bzhin rnyed pa la sogs pa la chags pas 'bras bu thob par las 'chi ba dang /bdag bstod cing gzhan smod pa'o/ /bka' stsal pa/ 'od srungs de bzhin gshegs pa ring por mi thogs par yongs su mya ngan las 'da' bar 'gyur ro/ /gsol pa/ dam pa'i chos yongs su bsrung ba'i slad du bskal pa bas lhag par bzhugs su gsol/ /bka' stsal pa/ gal te sangs rgyas stong snyed kyis cho 'phrul dang bcas pa'i chos ston du zin kyang / skyes bu dam pa ma yin pa de dag sdig pa 'dzin pa de dag las phyir gzung ba'am bzlog par mi spyod do/ /bka' stsal pa/ byams pa phyi ma'i dus lnga brgya tha ma la/ byang chub sems dpar khas 'che ba khyi'i chos kun du spyod pa 'byung ste/ des sngon phyin pa'i khyim der dge slong gzhan 'ong bar mthong na/ khro bas lta ba dang nyes pa 'di yod do zhes bya ba la sogs pa rjod par byed de/ de dag ni skyugs pa'i rgyur gyur pa ring du mi gnas pa smad par bya ba'i zas kham 'ga'i phyir bsod nams ma yin pa mang du skyed do/ /de dag yi dgas kyi chos kun du spyod de/ snog pa dang / sems dman pa dang ldan pa yin te/ ming gis byang chub sems dpar khas 'che zhing / bdag nyid sdig pa can gyi bsam pa dang ldan bzhin du/ sangs rgyas dang byang chub sems dpa'i bsngags pa brjod nas/ zas dang skom sgrub par byed do/ /byams pa dper na/ seng ge'i sgra sgrogs shing wa'i las byed pa ltar de dag bsdu ba'i dngos po bzhi'i bsngags pa brjod cing / sems can 'ga' la yang sbyin pa la sogs pa mi spyod pas/ tshig tsam du 'gyur gyi yon tan yang dag pa blang ba dang 'brel pa'i spyod pas brtson pa ni ma yin no/ /de dag ni ji ltar gzhan dag gis ma rnyed pas yi rang ba de ltar bdag nyid kyis rnyed pas ni de lta ma yin no/ /ji ltar gzhan gyi rnyed pas yid mi bde bar 'gyur ba ltar bdag nyid kyis bde ba'i yo byad thams cad la mi lta bar gzhan la sbyin dgos na/ de dag ji tsam du phyin ci log tu 'gyur pa ltos/ dge slong khyim rnams su 'gro bas chos kyi skyes ma gtogs pa zang zing gi yo byad 'du 'dzi'i gtam mi bya ste/ de dag ni phan 'dogs pa ma yin no/ /de las dgongs nas/ gang zhig gang gA'i bye snyed kyi/ /'jig rten khams mchog rin chen gang byas te/ /dga' mchog sems kyis rgyal la phul ba dang / /gang gis sems can gcig la tshigs bcad byin/ /rin chen sbyin pa shin tu rgya chen des/ /tshigs bcad sbyin pa snying rjes bsgrubs de la/ /char yang mi phod grangs su'ang ma yin na/ /gnyis sam gsum la bsam du ga la yod/ /ces bstan to/ /byang chub sems dpa'i theg pa pa rnams ni las yongs su bsal ba byas pas na/ mi dge ba'i las chung ngus ngan song du skye bar mi 'gyur mod kyi/ bdag grol bas gzhan grol bar 'dod pas 'dzem dogs dang ldan pa dang / myur du bsal zhing 'jig rten pha rol la 'jigs par blta bar bya'o/ /'di la bdag dang sems can dang / /srog dang gang zag ma mchis par/ /bzod pa bla med gang lags pa/ /sbyin pa de ni sbyin chen lags/ /zhi ba'i tshul las mi g.yo ba'i/ /tshul khrims yongs su sbyang bar bya/ / gang zhig zhi tshul mdzes rtogs pa/ /de ni tshul khrims mchog yin gsungs/ /brtson 'grus brtan pa'ang brtson par byos/ /'dus byas kun kyang spang bar gyis/ /dben par lta ba gang yin pa/ /de ni sangs rgyas brtson 'grus gsungs/ /dngos po'i dngos po med pas na/ /dngos po thams cad bsreg par bya/ /nyon mongs med pa gang yin pa/ /de ni rtogs med bsam gtan yin/ /tshu rol ma yin pha rol min/ /dbus su'ang gnas par mi bya ste/ /dus gsum mnyam lta gang yin pa/ /de ni shes rab dam pa yin/ /gnas brtan 'od srungs chen pos ni/ /tshu rol ma yin pha rol min/ /dbus su'ang gnas par mi bya ste/ /dus gsum mnyam lta gang yin pa/ /de ni shes rab dam pa yin/ /gnas brtan 'od srungs chen pos gsol pa/ skye bo mang po la sman par bgyi ba'i slad du/ byang chub sems dpa' lhag pa'i bsam pa nyam chung ba/ tshul 'chos pa lags par 'tshal bar 'gyur ba'i gnas de bshad du gsol/ bka' stsal pa/ phyi ma'i dus lnga brgya tha ma la byang chub sems dpa' sdig pa'i grogs kyis zin cing lhag pa'i bsam pa nyam chung ba de dag ni/ de bzhin gshegs pa'i sku gdung rnams la me tog nas/ mar me'i bar gyi mchod pa'i las la brtson par 'gyur ro/ /'od srungs ngas ni shes pa dang mi ldan pa rnams kyis dge ba'i rtsa ba yang dag par sgrub pa'i mchod pa bshad pa yin na/ mi blun po de dag ni de las brtson par gyur te/ ngas lha dang bcas pa'i 'jig rten gyi mdun du khyed cag ni bdag nyid dul ba dang / zhi bar sbyor ba'i rjes su brtson pas gnas par gyis shig /bram ze dang khyim bdag dad pa dang ldan pa dag yod na/ nga'i sku gdung rnams la mchod pa byed par 'gyur ro zhes de skad gsungs na/ mi blun po de dag rnal 'byor dang / spong ba dang / lung nod pa dang / kha ton spangs nas sku gdung gi mchod pa la brten nas 'tsho bar byed pa la ltos/ gang gis chu'i phung po nas tshangs pa'i 'jig rten gyi bar 'bru mar gyis bkang ste/ snying po ri rab tsam gyi mar me btsugs te/ de bzhin gshegs pa la mchod pa bas/ byang chub sems dpa' lhag pa'i bsam pa can tshul khrims la gnas pa cig gis mkhan po 'am/ slob dpon las tshig bzhi pa'i tshigs su bcad pa gcig lung nod de/ kha don byed cing gom pa bdun bor ba gang yin pa de ches bsod nams mang du bskyed do/ /sangs rgyas su 'du shes pa la sangs rgyas mthong ba yang med na mchod pa'i las lta ci smos te de ni gnas med do/ /gang 'du shes dang mtshan mar mi byed pa de ni de bzhin gshegs pa mchod pa yin no/ /grogs po dag de bzhin gshegs pa'i sku ni mi skye ba yin pas mchod par sla ba ma yin no/ /'od srungs dus phyi ma lnga brgya tha ma la/ byang chub sems dpa'i theg pa pa thabs la mi mkhas pa brkam pa 'dod pas zil gyis non pa dag 'byung bar 'gyur te/ de dag ras bcos bu'am rtsig ngos la bris pa'am/ de bzhin gshegs pa'i sku gzugs gzhan dag la mchod pa byas pas/ dngos grub dang rdzu 'phrul 'thob par sems shing sems su yang 'gyur te/ dge ba'i rtsa ba cung zad tsam po des bdag bstod gzhan la smod par byed cing / gzhi des 'tsho bar yang sems so/ /de'i tshe de bzhin gshegs pa'i sku gzugs byed pa dang / mchod pa la ma gtogs pa lung nod pa dang / kha ton dang / bsam gtan gces su mi byed do/ /de dag de'i tshe khyim pa dang rab tu byung ba dag gis mchod pa dang / ri mor bya bar shes nas/ bsod snyoms dang / sman dang / yo byad kyi bar dag kyang rnyed par 'gyur ro/ /ngas ni byang chub sems dpa'i theg pa pa rnams kyi las su 'di lta ste/ tshul khrims la gnas te mang du thos pa btsal bar bya'o zhes bstan na de dag de'i tshe na/ tshul khrims 'chal par gnas shing chos tshol ba spangs te/ mchod rten dag la mchod pa'i las bya bar brtson zhing gzhi des 'tsho bar 'gyur bar sems pa la ltos/ mya ngan las 'das pa chen po las/ gzhan yang de'i rgyal po ma skyes dgra ma gtogs pa/ yangs pa can gyi rgyal po zla ba dri ma med pa'i snying po grong khyer gyi nang na gnas pa dang / phyi rol na gnas pa'i g.yog 'khor dang bcas pa la sogs pa 'dzam bu'i gling thams cad kyi grong khyer dang / ri khrod kyi grong dang / yul po che dang / kha lungs kyi rgyal po gang gA'i klung drug gi bye ma snyed dang lhan cig lhags so/ /gzhan yang de'i tshe rgyal po ma skyes dgra'i btsun mo ma gtogs pa yangs pa can gyi rgyal po'i btsun mo 'jig rten gsum na mdzes ma la sogs pa 'dzam bu'i gling gi rgyal po dang / tshong dpon dang / khyim bdag gi chung ma gang gA'i klung gi bye ma snyed dang lhan cig lhags so/ /de la bdag ces bya ba ni sangs rgyas zhes bya ba'i don to/ / rtag ces bya ba ni chos kyi sku zhes bya ba'i don to/ /bde zhes bya ba ni mya ngan las 'das pa'i don to/ /sug ces bya ba ni chos kyi tshig bla dgas so/ /'di ltar rtag pa thams cad kyi nang na ni nam mkha' mchog tu rtag pa yin la/ de bzhin gshegs pa yang nam mkha' bzhin du rtag go/ /ngas ni bskal pa grangs med pa nas kyang dgra bcom pa'i mthar gtugs zin mod kyi/ byang chub kyi shing drung du rtswa bting ba la 'dug pa dang / bdud btul bar bstan pa la 'di ni 'jig rten nges par bsgral bar bya ba'i phyir bdud pham par byas te sangs rgyas so zhes bya bar sems can rnams kyis shes so/ /ngas ni bskal pa grangs med pa nas bdud pham par byas te bdud rtsi rtogs so/ /bla ma bla ma zhes bya ba ni ji ltar phyogs thams cad kyi nang na byang phyogs mchog yin pa de bzhin du/ thar pa yang de dang 'dra ste/ thar pa gang yin pa de ni de bzhin gshegs pa'o/ /bla na med pa bla na med pa zhes bya ba ni ji ltar yul thams cad kyi nang na byang phyogs pa la yul bla na med pa zhes bya ba de bzhin du thar pa yang de dang 'dra ste/ de ni de bzhin gshegs pa'o/ /chu klung zhes bya ba ni rgya mtsho la bya ste/ chu klung thams cad kyi nang na rgya mtsho 'ba' zhig chu klung yin pas/ rgya mtsho ni chu klung zhes bya ba'i grangs su gtogs pa'o/ /sems can yon tan dpag tu med pa dang ldan pa de dag ni theg pa chen po thos nas dad par 'gyur te/ dam pa'i chos 'dod pa'i rigs kyi bu de dag gis ni sdig pa'i las grangs med par byas pa rnams klad pa na ba dang / rims kyis gdungs pa dang / zug rngu dang / skur pa tsam gyis 'byang bar 'gyur ro/ /bcom ldan 'das kyis 'bras bu rnam bzhi lta bu'i mdo las gsungs pa'i tshul khrims dang ldan pa dang / tshul khrims 'chal pa de ji ltar rtogs par bgyi lags/ chos nyid ni de bzhin gshegs pa rtag pa brtan pa ther zug ces bya'o/ /gal te gang zag tshul khrims 'chal pa zang zing la brkam pa rnams de bzhin gshegs pa mi rtag go zhes zer na/ gang zag de dag ni tshad ma yin no zhes bya ba'i don to/ /nges pa'i don gyi mdo sde ni theg pa chen po pa rnams yin no/ /nyan thos kyi theg pa pa rnams ni drang po'i don gyi rnam grangs su gtogs so/ /ye shes zhes bya ba ni de bzhin gshegs pa'i tshul bla dgas te/ chos kyi sku ni tshad ma yin no/ /de bzhin gshegs pa sha'i sku'o zhes bya ba ni/ rnam par shes pa brtags pa las brten te/ rnam par shes pa ni tshad ma ma yin no/ /don zhes bya ba ni de bzhin gshegs pa rtag ces bya ba ni chos rtag pa'i don to/ /chos rtag ces bya ba ni dge 'dun rtag ces bya ba'i don to/ /yi ge zhes bya ba ni rang bzo'i yi ge dang tshig sna tshogs sangs rgyas kyis gsungs pa ma yin pa rnams so/ /bdag ces bya ba ni de bzhin gshegs pa'i snying po'i don to/ /sangs rgyas kyi bstan pa shin tu rgyas pa'i mchog tu cha phra ste bdud rtsi'i mchog kyang yin no/ /dug gi mchog kyang yin no/ /sangs rgyas nyid chos kyang yin dge 'dun kyang yin te/ de bzhin gshegs pa nyid gzhi gsum pa yin no/ /nyan thos kyi theg pa las ni byis pa rnams kyis 'jig rten pa'i lta ba bsal ba'i phyir gzhi gsum pa gzhag go/ /bag yod pa ni 'chi ba med pa'i gnas so/ /bag med pa ni 'chi ba'i gnas so/ /'jig rten pa rnams ni bag med pa dang ldan pa yin te shi ba dang 'dra'o/ / 'jig rten las 'das pa ni rga ba dang 'chi ba med do/ /bag yod pa rnams ni mya ngan las 'das pa mchog tu bde ba 'thob pa'o/ /de bzhin gshegs pa'i sku dang dgongs pa'i tshig ni shes par dka' ste/ dper na rgyal po la las blon po la sin+d+ha pa 'on cig ces byas na/ zas za ba'i dus su ni lan tshwa khyer te 'ong / /zos zin pa'i tshe ni skom nod/ /skyed mos tshal du 'gro ba'i tshe ni rta/ g.yul ngor 'gro ba'i tshe ni ral gri khyer te 'ong ste/ rgyal po'i dgongs pa'i tshig rnams shes par byed de/ de bzhin du theg pa chen po 'di la yang / mi rtag pa rnam pa bzhi yod par theg pa chen po'i blon po rnams kyis shes par bya ste/ gang gi tshe de bzhin gshegs pa 'jig rten du byung nas yongs su mya ngan las 'das pa ston pa de'i tshe ni mi rtag pa'i 'du shes bsgom mo/ /chos nub pa dang zhi bar 'gyur ro/ / zhes ston pa de'i tshe ni sdug bsngal bsgom par bya'o/ /nam nga'i lus nad mtha' yas pas gzir to/ /dge 'dun 'jig par 'gyur ro zhes ston pa de'i tshe bdag med pa bsgom mo/ /nam de bzhin gshegs pa'i thar pa mtshan ma med pa dang ci yang med pa'o zhes ston pa de'i tshe ni stong pa bsgom par bya'o/ /gang gi phyir sdug bsngal ci yang med pa dang / mi rtag pa dang mi brtan pa dang ther zug ma yin pa dang / zhi ba ma yin pa med pas na de bzhin gshegs pa ni bde ba dang / rtag pa dang / brtan pa dang / ther zug dang zhib ste/ nam de bzhin gshegs pas sems can thams cad la de bzhin gshegs pa'i snying po yod do zhes bshad pa de'i tshe ni yang dag par rtag pa bsgom par bya'o/ /de ltar bsgoms pa ni nga'i nyan thos yin/ dgongs pa'i tshig la mkhas pa yin no/ /mdo 'di ni skyes pa'i rang bzhin de bzhin gshegs pa'i snying po ston pa ste/ skyes pa'i rang bzhin ni mi zhes bya'o/ /de bzhin gshegs pa'i rang bzhin ni skyes pa'o/ /rigs kyi bu gzhan yang pham pa byed byad pas ji ltar bya ba nyon cig /pham pa byed byed pas ni chos kyi de kho na nyid de bzhin gshegs pa'i snying po khong du chud par byas nas/ dam pa'i chos 'byung bar bya'o snyam du bsams na/ de la byin pa yang ches khyad par can du 'gyur ro/ /dam pa'i chos 'byin pa'i 'bras bu ni de ltar che'o/ /drag shul can gyis zhus pa las/ khyim zhes bya ba ni dge ba'i rtsa ba 'joms pa dang / dge ba'i sdong po sgyel bar byed pas khyim zhes bya'o/ /khyim na gnas pa zhes bya ba ni nyon mongs pa'i rtsa ba la rnam par rtog pa sngon goms pa'i dge ba'i rtsa ba nyams par byed pas khyim na gnas pa zhes bya'o/ / khyim na gnas pa ni rgya mtsho la chu bran ltar dgang dka' ba'o/ /me la shing ltar chog mi shes pa'o/ /rlung dmar ltar thug pa med par rtog pa'o/ /kha zas [(]bzad [,]bzang [)]po dang dug ltar 'dres pa'o/ /phan tshun gyi rkyen gyis 'thab pa'o/ /las kyi mthar thug pa med pa'o/ /ngan 'gror 'gro bar 'gyur pa'o/ /dngos po tshol zhing srung bas sdug bsngal myur du phan tshun 'gyes pas mthar rgud cing 'gyur ba'o/ /slong ba mthong na dge ba'i bshes gnyen dang / longs spyod kyi rgyus dang byang chub ston pa yin par 'du shes pa bskyed do/ /byang chub sems dpa'i khyim pas chung ma la/ rgya dang khog tshe dang rnyir 'du shes pa'o/ /yang gsum ste/ khri mon dang 'ching ba dang gsod pa'o/ /gang zag gis gang zag la tshod gzung bar mi bya ste/ bzung na nyams par 'gyur ro/ /dgon pa la gnas pa ni chos kun 'dzin pa'o/ /'phags pas bkur ba'o/ /byang chub kyi sems mi brjed pa'o/ /dgon pa la gnas pa ni tshegs chung ngus pha rol tu phyin pa drug yongs su rdzogs par 'gyur ro/ /ji ltar zhe na/ lus dang srog la mi lta pas sbyin pa dang / sbyangs pa'i yon tan gyis tshul khrims dang / gnod sems med pas byams shing thams cad mkhyen pa nyid la bzod pas bzod pa dang / mi skye ba'i chos la bzod pa thob pa las phyir mi ldog pa las brtson 'grus dang / sems can yal bar mi 'dor zhing dge ba'i rtsa ba sdud pas bsam gtan dang / de bzhin nyid kyis mi rtogs pas shes rab po/ /byang chub sems dpa' rab tu byung ba chos bzhi dang ldan na dgon par gnas pa gnang ste gang zhe na/ mang du thos pa yin te/ thos pa 'dzin pa chos gtan la dbab pa la mkhas pa/ tshul bzhin yid la byed pa la brtson zhing chos sgrub pa dang / nyon mongs pa shas chen po zhi bar bya ba dang / mngon par shes pa lnga thob pa yin te lha dang klu la sogs pa smin par bya ba'i ched dang / dge ba'i rtsa ba brtan nas phyis grong la sogs par chos bstan par bya'o snyam pa de bzhi dang ldan par bya'o/ /mi rtag pa nyid kyi mdo las/ nad med mi rtag lang tsho rtag ma yin/ /'byor pa mi rtag srog kyang rtag ma yin/ /skye bo mi rtag nyid kyis nyan gyur pa/ /'dod pa'i yon tan dga' ba ji ltar skye/ /za ma tog bkod pa las/ yul 'khor mo 'jig gi grong khyer chen po na bshad pa dang gci ba'i gnas de na srin bu'i rigs brgya stong du ma gnas pa/ spyan ras gzigs dbang phyug bung ba'i gzugs su sprul nas/ sangs rgyas la phyag 'tshal lo zhes byas pa dang / de dag sangs rgyas la phyag 'tshal lo zhes bya ba rjes su dran nas/ 'jig tshogs la lta ba'i ri'i rtse mo nyi shu byung ba ye shes kyi rdo rjes bcom nas/ de dag thams cad byang chub sems dpa' kha na spos kyi dri zhes bya bar gyur te/ 'jig rten gyi khams bde ba can du skyes so/ /oM ma Ni pad+me hUM/ na maH sap+tA nAM/ sa myak+saM bud+d+ha ko TI nAM/ tad+ya thA/ tsa le tsu le tsun+de swAhA/ gang gtsug lag khang la khyim gyi 'du shes 'dzin pa de dag ni bu dang bu mo dag gis yongs su bskor bar 'gyur ro/ /de dag dge 'dun gyi khri dang / khri'u dang / tshang thur dang / sngas dang / mal stan dag la spyod par ma 'os pa las spyod par byed/ dge 'dun gyi nye bar spyod pa la bshang ba dang gci bar byed do/ /mchil ma dag kyang 'dor zhing las kyi rnam par smin pa mi shes so/ /dge 'dun gyi nye bar spyod pa la mchil ma 'dor ba de dag ni/ lo bcu gnyis su sA la'i tshal du kha khab mig tsam gyi srog chags su skye'o/ /dge 'dun gyi so shing la spyod par mi 'os pa las spyod pa ni rus sbal dang chu srin dang nya'i nang du skye'o/ /dge 'dun gyi til dang 'bras la sogs pa mi 'os par spyad na yi dgas su skye'o/ /dge 'dun gyi zas kyis khyi gso bar byed pa de dag ni rigs dman pa dang / dbang po nyams pa dang sgur po dang sprang por skye'o/ /dge 'dun gyis la mi 'os par spyad na/ bskal pa bcu gnyis su dmyal ba 'o dod 'bod par skye'o/ /dge 'dun gyi ni me'i 'obs lta bu'o/ /dug lta bu'o/ /rdo rje lta bu 'o/ /khur lta bu'o/ /dug la ni gnyen po bya nus kyi dge 'dun gyi la ni gnyen po bya mi nus so/ /rmi lam bstan pa las/ bka' stsal pa/ rnam pa dang / mtshan ma dang / rtags gang gis byang chub sems dpa'i theg pa pa yin par ngas khyod la bshad do/ /mtshan ma brgya rtsa brgyad kyis byang chub sems dpa'i theg pa pa yin par shes par bya ste/ rmi lam na de bzhin gshegs pa mthong ba dang / sku gdung rnyed pa dang / /de bzhin gshegs pa'i mchod rten la mchod pa dang / chos thos pa dang / dge slong la chos smra ba dang / de bzhin gshegs pa'i gdugs mthong ba dang / bdag gcer bur 'dug pa dang / sngon ma mthong ba'i yul du phyin pa dang / chu'i nang na 'dug par shes pa dang / sprin las char 'bab par shes pa dang / sa g.yos pa dang / bdag bsad pa las shor ba dang / bdag nam mkha' las 'gro ba dang / glegs bam rnyed pa dang / chos smra ba dge slong che ge mo zhes bya ba'i ming thos pa dang / rin po che thu ba dang / nyi ma dang zla ba gzas zin pa dang / gtsug lag khang na 'dug par shes pa dang / sprin las 'brug grag pa dang / glog 'byung ba dang / go mtshon rnyed par mthong ba la sogs pa'o/ /byang chub sems dpa' gang gi rmi lam na de bzhin gshegs pa cang mi gsung ba mthong na/ des ni chos la sgrib par 'gyur ba'i las bsags pa yin pas/ des chos nyan pa yang dag par 'dzin du gzhug cing kha don la brtson pa'i gang zag rnams la yang bsnyen bkur sgrub po/ /des ni sgrib pa de dag par 'gyur te/ gang zag de ni sa dang po bdun pa dag las byung bar blta'o/ /de'i tshe sa dang po la gnas pa zhig na ni des sbyang ba'i phyir/ lo bdun du phung po gsum pa'i chos kyi rnam grangs nyin lan gsum mtshan lan gsum gdon par bya'o/ /sa gnyis pas ni lo drug /sa gsum pas ni lo lnga/ sa bzhi pas ni lo bzhi/ sa lnga pas ni lo gsum/ sa drug pas ni lo gnyis/ sa bdun pas ni lo gcig gdon par bya'o/ /gal te de bzhin gshegs pa'i sku gzugs 'jim pa las byas pa mthong na/ byang chub sems dpa' da ni sa dang po par blta'o/ /sa bdun po dag la mthong ba gang yin pa de sa bdun gyi las kyang rig par bya'o/ /sa dgu pa dang bcu pa dag la ni rmi lam log par mthong ba med do/ /de bzhin gshegs pa rnams kyis yongs su bskor bar mthong nas bcu par blta ste/ bdud kyi las ni ma gtogs so/ /nam mkha'i khams dang de bzhin sems can khams/ /sangs rgyas byang chub de bzhin byang chub sems/ /chos bzhi gang yin de dag dpag med do/ /de dag 'jig rten kun gyis rtogs mi nus/ /mdog ngan glen nam yang na rnyed med dam/ /brnyas shing dman par bya ba yin na yang / /mi yi khams dang spyod pa shes dka' bas/ /de la gya tshom dag tu skyon mi gdags/ /dgra bcom kun gyis rang sems mi shes na/ /sems can spyod pa shes pa smos ci dgos/ /ma skyes dgra yis pha ni bsad gyur cing / /de bzhin gshegs pa bkrongs par sbyor byas kyang / /de sems gcig gis ngan 'gro rnams grol na/ /gang zag dag pa gang yin smos ci dgos/ /gser ni mi gtsang nang du bcug gyur kyang / /'bar ba'i rang bzhin nam yang mi 'bri ltar/ /nges pa gang zhig 'jig rten chos spyod kyang / /nam yang bsam pa'i rang bzhin de mi spong / /gang dag byang chub sems ni mi brjed pa/ /de dag rnyed par ba rnyed legs 'tsho ba/ /nor 'dod pa dag rgya mtsho chen po ltar/ /de bzhin de dag rnyed pa phun sum tshogs/ /dgon par dga' zhing rtag tu dbang bsdams la/ /brtson 'grus brtsams zhing nye du thag bsrings la/ /byams la gnas shing don dam mkhas gyur ba/ /des ni de 'dra'i byang chub thob par 'gyur/ /rin po che'i mtha' las/ 'jam dpal sangs rgyas nyid ces bya ba de ni chos kyi dbyings kyi tshig bla dgas so/ /stobs dang mi 'jigs pa nas ma 'dres pa la thug pa de dag kyang chos kyi dbyings khong du chud par bya'o/ /chos kyi dbyings la ni so so'i skye bo nas/ sangs rgyas kyi chos kyi bar dag tha dad par rjes su mi mthong ngo / /chu bo gang gA la sogs pa rgya mtshor bab pa 'di'o zhes tha dad par gdags par mi nus pa ltar chos kyi dbyings la so so'i skye bo'i chos la sogs pa tha dad par gdags par mi nus so/ /'phags pa sgra chen po las/ gling bzhi pa gser la sogs pas gang bar byas pa'am/ rnam par rgyal byed kyi khang pa lta bus stong gsum gyi stong chen po bkang ste/ phyogs bzhi'i dge 'dun la phul ba bas/ gang gis de bzhin gshegs pa'i sku gdung yungs 'bru tsam mchod rten gyi bum pa skyu ru ra tsam gyi nang du bcug ste/ srog shing khab tsam btsugs nas rgya shug gi lo ma tsam gyi gdugs 'dogs par byed dam/ de bzhin gshegs pa'i sku gzugs mtshon gang ba byed na ches bsod nams che'o/ /ma skyes dgras pha rgyun du zhugs pa bsad nas/ de bzhin gshegs pa'i sku gdung brgyad cha la mchod pa dang ri mor bya ba'i las byas pas/ sems can dmyal bar lan cig song nas/ dge ba'i rtsa ba de nyid kyis bskal pa nyi shur log par ltung bar mi 'gyur zhing rab tu byung nas/ rang rgyal ba mngon du byed par 'gyur te/ rnam par rgyal ba'i sde zhes bya bar 'gyur ro/ /byams pa 'jug pa las bka' stsal pa/ rigs kyi bu byang chub sems dpa' byams pa yang dag par zhugs te/ bskal pa brgyad khri bzhi stong lon nas/ de'i 'og tu gdod ngas bla na med pa'i byang chub tu sems bskyed do/ /byams pas ni de bzhin gshegs pa gser bzangs zhes bya ba'i spyan sngar 'khor los sgyur ba'i rgyal po gser mdog ces bya bar gyur bas byang chub tu sems bskyed de/ bka' stsal pa/ byang chub sems dpa' de bzhin gshegs pa'i bslab pa gzhan las 'gal bar byas sam/ ngas ltung bar 'gyur ba'i chos bzhi gang dag gsungs pa de dag gi nyes pa de dag byas sam/ mi dge ba'i las kyi lam bcu blangs te 'dug gam/ mtshams med pa lnga byas su zin kyang de byang chub kyi sems ma spangs ma btang ste/ byang chub kyi sems dang ma bral ba la dmigs pa can gyi sems dang mngon par zhen pa'i sems kyang mi bskyed na/ byang chub sems dpa' de ni tshul khrims dang ldan pa kho na yin no/ /de ci'i phyir zhe na/ de dag ni byang chub sems dpa'i byang chub la bar du gcod par byed pa ma yin pa'i phyir te/ sdig pa'i las byas srid par skyes kyang ji tsam du srid par skyes pa de tsam du pha rol tu phyin pa yongs su rdzogs par byed do/ /byang chub sems kyi rnam smin bstan pa yi/ /bsod nams de la gal te gzugs yod na/ /zhing rnams gang ba'i bye snyed gang byas kyang / /de dag bkang bas cha tsam zad pa med/ /rgya mtsho dang ni chu yi thigs pa bzhin/ /sangs rgyas zhing 'dir sems can ji snyed pa/ /bskal pa re re la ni sangs rgyas gyur/ /bskal pa mang por las gzhan mi byed par/ /bsod nams bshad kyang mtha' ni thug med pa/ /de dag byang chub sems kyi rnam smin bstan/ /gang gis stong gsum rin chen bkang byas la/ /stobs bcu mnga' ba rnams la dbul byed pa/ /de bas byang chub tu ni smon byed pa/ /bsod nams shin tu mang po 'phel bar 'gyur/ /gal te sems can mtha' dag sangs rgyas te/ /spobs pa mtha' yas ldan pa nyid 'gyur la/ /ji ltar sngon gyi 'khor ba'i bskal pa'i bar/ /sems can gcig pus mchod pa byas pa dang / /mkhas pa'i mi ni gang yang rung ba yis/ /byang chub mchog tu sems ni bskyed nas kyang / /me tog gcig pu phul ba'i bsod nams 'di/ /de bas khyad par 'phags par 'gyur ba yin/ /gal te sems can thams cad dgra bcom gyur/ /ye shes dbang thob gyur pa de dag la/ /bsod nams 'dod pa'i gang zag la la zhig / bskal pa bye ba khrag khrig bar mchod byed/ /gang gis snying rje bskyed nas byang chub tu/ /rgya chen sems ni skyed par byed gyur te/ /sems kyi gtso bo bskyed pa byas nas kyang / /gom pa bdun ni bor ba'i bsod nams 'di/ /de bas khyad par 'phags par 'gyur ba yin/ /gsol pa/ bcom ldan 'das ci'i slad du byang chub sems dpa' byams pa la byams pa zhes bgyi/ ming 'di ga las rnyed lags/ bka' stsal pa/ de bzhin gshegs pa rin chen gdugs byung ba'i tshe/ dge slong blo gros brtan po zhes bya bas sems can bye ba khrag khrig 'bum phrag sum cu rtsa drug la ci nas byams pa bsgrub par 'gyur ba de lta bu'i chos ston cing / dge slong de gang gi tshe grong du 'gro ba de'i tshe/ byams pa'i ting nge 'dzin du zhugs te 'gro'o/ /grong la sogs pa'i them pa la rkang pa bzhag ma thag tu sems can byams pa la gnas pa de dag thams cad byams pa'i ting nge 'dzin la zhugs par gyur te/ de ni lha rnams kyis a la la sems dpa' chen po 'di ni byams par 'gyur ro zhes bsgrags nas/ ming de la de bzhin gshegs pa de yang yi rang bas ni byams pa zhes bya'o/ /gang gA'i mchog la bka' stsal pa/ gang gA'i mchog dper na bdag ces 'dogs kyang bdag gang yang mi dmigs pa de bzhin du ngas gzugs nas mya ngan las 'das pa'i bar brtags kyang don dam pa na de dag thams cad med cing mi dmigs so/ /tshangs pa'i dpal lung bstan pa las ni/ de ltar sangs rgyas bsam mi khyab/ /sangs rgyas chos kyang de bzhin te/ /bsam mi khyab la dad pa yin/ /rnam par smin pa'ang de bzhin no/ /las kyi sgrib pa rnam par dag pa las/ bka' stsal pa/ 'jam dpal sgrib pa zhes bya ba 'dod chags ni sgrib pa'o/ /zhe sdang dang gti mug ni sgrib pa'o/ /sbyin pa ni sgrib pa'o/ /tshul khrims dang / bzod pa dang / brtson 'grus dang / bsam gtan dang / shes rab ni sgrib pa'o/ /sangs rgyas su 'du shes pa ni sgrib pa'o/ /chos dang dge 'dun dang / stong pa nyid dang / mtshan ma med pa dang smon pa med par 'du shes pa ni sgrib pa'o/ /gsol pa/ ji ltar sbyin pa nas shes rab kyi bar sgrib pa lags/ bka' stsal pa/ chos thams cad la sgrib pa med mod kyi/ byis pa so so'i skye bo rnams rang gi rtog pas/ sbyin pa la sogs pa yang sgrib par byed do/ /de ci'i phyir zhe na/ byis pa rnams kyis sbyin pa byed pa na sems can ser sna can rnams la ma dad do/ / ma dad pa des khong khro ba dang / tha ba'i nyes pa bskyed de/ nyes pa des sems can dmyal bar ltung bar 'gyur ro/ /de bzhin du tshul khrims srung ba/ tshul khrims 'chal pa la smad par byed de/ smad pas skye bo mang po dag bsngags pa ma yin pa thob pas/ de dag la ma dad pa des ngan 'gror 'gro bar 'gyur ro/ /bzod pa bsgom pa ni 'di dag gnod sems kyi gzhi dang ldan zhes bya ba dang / brtson 'grus brtsam pa ni 'di dag le lo can des dad pas sbyin pa chu ra'i chu yang spyad par mi 'os so snyam pa dang / bsam gtan la mnyam par 'jog na 'di dag ni sems g.yengs pa'o snyom pas brnyas par byed de/ de dag ji tsam du brnyas pa'i sems bskyed pa de tsam du 'khor ba yongs su 'dzin par 'gyur ro/ /phyis de dag gis gong du byang chub tu spyod pa na mang du thos kyang chos thams cad yi ge med pa la rnam par shes pa yod par brtags te/ shes rab tu dmigs nas/ pha rol du son par byed pa de dag ni mi shes pa zhes nga smra'o/ /gal te theg pa chen po la zhugs na yang / bdag cag ni 'jig rten na gtso bo snyam nas/ nyan thos kyi theg pa pa la smon cing bsam pa ngan pa dang nyes par brjod pa des na ngan 'gror 'gro ba 'thob par 'gyur ro/ /'jam dpal sgyu ma lta bu'i sems la gnas pa la ni chos gang yang sgrib pa med do/ /'jam dpal gyis gsol pa/ nyon mongs pa spong ba'i slad du sangs rgyas kyi chos rnams la dmigs pa de ni phongs par 'gyur ba lags so/ /bka' stsal pa/ byang chub sems dpa'i nyon mongs pa thams cad la sangs rgyas kyi chos rnams su mos pa des ni las kyi sgrib pa 'thob par 'gyur ro/ /khye'u bzhi pa'i ting nge 'dzin las/ gang gis de 'drar rang bzhin stong shes nas/ /dngos po kun la mi gnas sgom byed pa/ /de ni nyon mongs dra ba kun spangs shing / /srid pa'i 'dod chags bcom pa'i sangs rgyas 'gyur/ /gang gis stong pa stong shes shing / /stong pa la yang mi sems la/ /gang dag stong nyid mi 'thob bo/ /de dag stong nyid shes pa yin/ /'khor lo bcu pa las bka' stsal pa/ 'di lta ste/ 'ga' zhig gis byams pa'am 'jam dpal lam/ kun du spyan ras gzigs sam/ kun du bzang po la sogs pa byang chub sems dpa' chen po gang gA'i klung gi bye ma snyed la bskal pa brgya'i bar du sems rtse gcig tu skyabs su song nas/ de dag gi mtshan nas brjod cing dmigs pas mchod cing smon lam btab pa bas/ 'ga' zhig gis skad cig yud tsam byang chub sems dpa' sa'i snying po la de ltar byas na/ myur du re ba thams cad 'grub par 'gyur ro/ /skyes bu yang dag pa yi snying po ni/ /yon tan mang po phun sum tshogs par ldan/ /dge sbyong cha lugs 'dzin cing ston byed pa/ /ston pa chen po la ni phyag 'tshal lhags/ /de bzhin gshegs pa ni snod du gyur pa'i sems can lha dang mi'i theg pa la rgyab kyis phyogs shing ngan song du gzhol bar mi mdzad do/ /bka' stsal pa/ rnal 'byor pas mi'i chos 'di bcu byas na/ 'dod pa'i khams kyi dge ba'i rtsa ba tsam yang mi 'grub na/ gong ma lta ci smos/ sngar grub pa yang nyams shing ston par 'gyur ro/ /bcu gang zhe na/ 'tsho ba'i yo byad kyis dpa' yang thang ba dang tshul khrims nyams pa dang / log pa la zhen cing 'jig rten gyi ltas la chags pa dang / 'phags pa la mi gzhol zhing sems rgod pa dang / phra ma dang dbyen byed pa dang 'phags pa la smod cing dbang za ba dang / log par lta bas rgyu 'bras la skur pa 'debs pa'o/ /yang rnal 'byor pa chos 'di bcu dang ldan na ting nge 'dzin mi 'grub cing grub na yang nyams par 'gyur ro/ /bcu gang zhe na/ las su bya ba'i dngos po la dga' zhing chags pa dang / bre mo'i gtam la dga' ba dang / gnyid la dga' ba dang / gang zag tshol ba la dga' ba dang / gzugs la dga' ba dang / sgra la dga' ba dang / dri la dga' ba dang / ro la dga' ba dang / reg la dga' ba dang / rtog pa dang dpyod pa la dga' ba'o/ /u tra ka dang / ar ka dang / de sha ku pa li ka dang / lha sbyin la sogs pa dang 'dra bar bsam gtan las nyams nas mtshams med pa'i sems can dmyal bar ltung bar 'gyur ro/ /u pA lis gsol pa/ tshul khrims kyi rtsa ba bzhi srungs/ kun la sems mnyam par bzhag ste/ mi brnyas mi smad glo bur du nyes pa mi gleng ngo zhes gsungs na/ tshul khrims 'chal pa dag la dge 'dun gyis ji lta bu'i thabs bgyi/ bka' stsal pa/ ngas ni mu stegs can dang / khyim pas dge slong gi nyes pa gleng du gnang ba'i skabs ni med do/ /dge 'dun gyis kyang ma rtogs pa dang / chos bzhin ma yin par gleng du ma gnang na bskrad pa lta ci smos/ ma rtogs pa dang chos bzhin ma yin par gleng na/ kha na ma tho ba chen po'i sdig pa 'thob po/ /u pA li ma rtogs pa dang / chos bzhin ma yin pa 'di bcus gleng na sdig pa chen po 'thob ste/ gang zhe na/ dge 'dun ma dad pa rgyal po'i spyan sngar gleng ba dang ma dad par kun du rgyu'i nang dang / ma dad par blon po'i mdun dang / tshong dpon dang / khyim bdag dang / bud med mang po dang ma rung bar byed pa mang po dang / dge slong dang / dge slong ma'i mdun dang / sha khon yod pa'i mdun dang / khro bo zhe 'gras pa'i mdun du'o/ /de ltar dge slong de chos kyi snod ma yin te/ 'phags pa'i chos nyams pas yongs su dag pa'i dge 'dun sme bar byed cing / dge sbyong gi las thams cad mi rung bar byed pa yin te/ phyogs bzhi'i dge 'dun gyi longs spyod la spyod du mi gnang mod kyi/ 'on kyang yid mthun pa'i dge 'dun la bsnyen par rdzogs te/ sdom pa thob pa ma btang bas khyim pa skye bo thams cad pas mchog go/ /rtsa ba'i sdig nyams kyang de lta bu yin na bcas pa'i sdig phra mo gzhan nyams pa lta ci smos te/ de bas na/ rgyal po dang / blon po dang / khyim pa rnams kyis brnyas pa'am/ chad pas gcad du mi gnang ngo / /ma 'ongs pa'i dus na/ rgyal rigs khyim bdag gdol pas bstan pa la skyabs su song zhing rab tu byung ba chos kyi snod du gyur kyang rung ba rnams la 'tshe bar byed de gshe ba nas srog dang bral ba'i bar du byed de de dag ni mtshams med pa'i sems can dmyal ba chen por ltung ngo / /mar 'tshir gnas sdig bcu po dag /smad 'tshong gnas sdig gcig dang mnyam/ /smad 'tshong gnas sdig bcu po dag /chang 'tshong gnas sdig gcig dang mnyam/ /chang 'tshong gnas sdig bcu po dag /shan pa'i gnas sdig gcig dang mnyam/ /shan pa'i gnas sdig bcu gnas pas/ /rgyal po gdol can sdig gcig mnyam/ /theg pa gsum gyi dam pa'i chos la thams cad kyis dad cing bkur sti bya'i de la 'phya zhing skur pa 'debs pa dang / bar chad dang gegs mi bya ste/ theg pa gsum gyi dam pa'i chos las tshigs su bcad pa gcig tsam med par byas na gdon mi za bar mtshams med pa'i sems can dmyal bar ltung bar 'gyur ro/ /theg pa gsum las gcig la 'phya zhing skur na de dag lhan cig mi gnas/ chung ngu na skad cig tsam yang bsnyen bkur dang / chos mnyan par mi bya'o/ /de lta bu la 'dri zhing mnyan par byas na/ de'i rgyu dang rkyen gyis mtshams med pa'i sems can dmyal bar ltung bar 'gyur ro/ /de ci'i phyir zhe na/ byang chub sems dpa'i spyad pa spyod pa na/ theg pa gsum char gyi tshigs su bcad pa 'ga'i phyir yang gleng ba las thos na/ bla na med pa'i byang chub thob par gyur to/ /byams pa la gnas te zhe sdang dang / khong khro ba spong ba dang / snying rje la gnas te sems can nyam thag pa sgrol ba dang / dga' ba la gnas te ngag gi las mi dge ba bzhi spong ba dang / btang snyoms la gnas te 'dod chags dang / ser sna dang / phrag dog thams cad spong ngo / /theg pa gnyis kyi chos la dad nas/ theg pa chen po la ni dad par mi 'gyur/ theg pa chen po chos la dad pa theg pa'i tshig tu smra bas don du mi 'gyur/ nang ni yang dag chad par lta zhing / theg pa chen po can zhes khas 'che/ mi dge gsum gyi las mi srung ba/ nga yi dam chos ma rung 'jig byed/ gang zag de ni 'chi 'phos gyur nas/ sems can dmyal ba'i mtshams med ltung nges/ lus rul pa la dri zhim pos byugs kyang zhim por mi 'gyur ro/ /de bzhin du sems can theg pa gnyis kyi chos la brtson par ma dad pa mi dge ba bcu ma spangs pas theg pa chen po'i chos zab mo rtogs par mi nus te/ rgyu med par smra ba la theg pa chen po bstan kyang bdag dang gzhan la phan pa'i don du mi 'gyur ro/ /rten cing 'brel pa nyid stong pa yin/ rten cing 'brel par 'byung ba'i chos las gzhan pa stong pa ma yin no/ /tshul khrims nyams par dga' la sdig pa can/ /theg pa chen po'i yon tan mchog thob nas/ /khe dang grags phyir theg chen khas 'che ba/ /bong bu seng ge'i pags pa gyon pa bzhin/ /deng 'dir 'khor rnams kun la bka' stsal pa/ /gang zhig myur du byang chub mchog 'dir ni/ /dge bcu'i las kyi lam la nan tan byos/ /nga yi chos la mi smad shin tu bsrung / /ngas sngon mdo sde gzhan dag las gsungs pa/ /byang chub chen po 'dod pa theg chen spyad/ /nyan thos rang rgyal theg pa spongs shig pa/ /de ni rnam dag 'khor la bstan pa'i chos/ /la la nyan thos theg pa'i chos dang ldan/ /la la bden par dga' zhing rang byang chub/ /la la ye shes mchog la dga' 'os pa/ /de bas mos pa bzhin du theg gsum shod/ /sbyangs pa'i yon tan tsam gyis grol 'dod pa/ /theg chen bshad pa thos na ngan song ltung / /bskal pa bzang po'i sangs rgyas stong gi tha ma snang mdzad ces bya/ gal te dge bcu'i las yang dag par ma bsgrubs par mngon par 'tshang rgya ba'am/ dge ba bcu'i las 'ga' tsam yang mi srung bar ni theg pa chen po yang dag par spyod pa'o zhes sam/ bla na med pa'i byang chub sgrub pa'o zhes zer na brdzun du smra ba ste/ phyogs bcu'i sangs rgyas kyi spyan sngar 'jig rten slu ba ngo tsha med par stong par smra zhing chad par lta ba yin pas tshe 'phos nas ngan song du skye bar 'gyur ro/ /de ci'i phyir zhe na/ dge ba bcu'i las ni theg pa chen po'i rtsa ba yin te/ byang chub kyi rgyud dang mya ngan las 'das pa'i them skas lta bu yin no/ /dper na spos bsregs na/ spos nyid tshig ste med par song yang dri bsung gis gzhan la bro bar byed do/ /de bzhin du tshul khrims nyams pa'i dge slong yang bsod nams kyi zhing gshin pa ma yin te/ nyin mtshan du dad pas byin pas bsregs te ngan song du 'gro mod kyi sems can dpag tu med pa'i phan pa dang / bde ba'i don du 'gyur te mtho ris dang mya ngan las 'das pa'i bsung bro bar byed do/ /de ltar dge slong de chos kyi snod ma yin mod kyi skra dang kha spu bregs te gos ngur smrig gyon pas cha lugs dang / spyod lam 'phags pa rnams dang mthun te de mthong ba tsam gyis sems can tshad med pa dge ba'i rtsa ba rnam pa sna tshogs 'phel zhing skye bar 'gyur ro/ /de bas na rgyal po la sogs pas gang yang chad pas gcod pa mi dbang ngo / /rgyal po la gdams pa las/ nor ni btang gis lus ni bsrung bar bya/ /yan lag btang gis srog ni bsrung bar bya/ /nor dang yan lag rnams dang de bzhin srog /thams cad btang gis 'dir ni chos srung ngo / /chos spyod pa ni chos kun srung bar byed/ /dper na dbyar dus gtugs ches srung ba bzhin/ /chos spyod pa yi phan yon 'di yin te/ /chos spyod pa ni ngan 'gror mi 'gro'o/ /chos ma yin pa spyod cing bag med pa/ /'di nas shi 'phos ngan 'gro mi bzad 'gro/ /gang du gnas na shi bas mi tshugs pa/ /sa phyogs de ni yod pa ma yin te/ / bar snang ma yin rgya mtsho'i nang ma yin/ /ri yi phug tu zhugs kyang mi phan no/ /mya ngan las 'das pa thob phyin chad 'chi bar mi 'gyur ro/ /dge ba'i rtsa ba yongs su 'dzin pa las/ yi ge ma mchis zhes bgyi ba ni brjod du ma mchis pa lags la/ yi ge ni brjod pa kho na lags so/ /bka' stsal pa/ ma pham pa 'di lta ste/ dper na mar med pas mar gyi snying khu'i rgyun chad par 'gyur ba de bzhin du/ byang chub kyi sems bskyed pa med par de bzhin gshegs pa mngon par 'grub par mi 'gyur ro/ /ji tsam du spros pa de ni byang chub yin no/ /de ci'i phyir zhe na/ byang chub ni spros pa med pa'i phyir te/ 'di ni tshul yin no/ /gang na ji tsam du spros pa de tsam du byang chub po/ /de ci'i phyir zhe na/ spros pa thams cad ni dben pa'i phyir te/ byang chub de yang dben pa yin no/ /mtha' gnyis zil gyis mnan nas su/ /khams rnams dbu mas spyod par byed/ /de'i phyir bzod pa bstan par bya/ /ngo bo nyid kyis chos stong pa/ /de ni byang chub lam yin te/ /ngas kyang de ni bstan pa yin/ /yang dag pa'i lta ba zhes bya ba ni gang lta ba med pa'o/ /lta ba thams cad ni log par lta ba'o/ /gang zhig gis stong gsum gyi stong chen po'i 'jig rten gyi khams dgra bcom pas gang ba srog dang phral ba de bas ni/ 'ga' zhig gis byang chub sems dpa' byang chub kyi sems las mos pa bzlog na/ bsod nams ma yin pa'i phung po ches che bar nga smra'o/ /shA ri'i bu mdor na byang chub tu sems bskyed pa la bar chad bya ba'i phyir sems 'jug pa de la mya ngan las 'das par 'gro ba med cing dal ba phun sum tshogs pa med do/ /chos bzhi dang ldan pa ni dge ba'i bshes gnyen du rig par bya ste/ gang zhe na/ tshar gcod pa'i tshig dang ldan pa yin/ chos zab mo dang ldan pa yin/ chos zab mo la sbyor bar byed pa yin/ dus dus su gdams ngag gi tshig dang ldan pa yin/ dus dus su yal bar 'jog pa yin no/ /mngon par shes pa myur ba nyid du bya ba'i phyir de bzhin gshegs pa'i mchod rten mchod pa dang / phyir bcos pa dang / byi dor bya ba lhur blang bar bya ste/ gang zhig byi dor byed pa de ni gzugs kyi smon lam gyi mchog dang / dal ba phun sum tshogs pa dang / yang dag par blang ba brtan pa dang / de bzhin gshegs pa'i lta ba'i smon lam gyi mchog 'thob po/ /'jam dpal rnam par 'phrul pa'i le'u las/ rnal 'byor pa rnam par grol bar 'dod cing 'khor bas skrag pa rnams la brten cing bsnyen bkur byed pa ni bdud kyi las so/ /stong pa nyid la rtog cing sems can yal bar 'dor ba ni bdud kyi las so/ / 'dus ma byas pa la rtog cing 'dus byas kyi dge ba'i rtsa bas skyo ba yang bdud kyi las so/ /nyon mongs pa ma lus pa zad par tshol zhing 'khor ba'i rgyun gyis nyon mongs pa rnams la smod pa yang bdud kyi las so/ /nam dge slong 'jig tshogs la lta ba ngo bo nyid kyi bgrod pa gcig pa'i las su bsgoms te/ gnyis su med par 'jig tshogs la lta ba'i ngo bo nyid gang yin pa de bgrod pa gcig pa'i las kyi ngo bo nyid du mnyam par shes shing ma rig pa dang srid pa dang sred pa las byung ba yang tshol lam rig pa dang / sred pa dang / srid pa las byung ba la so sor rtog pas nam rig pa dang / srid pa dang sred pa'i ngo bo nyid kyang rig pa dang rnam par grol bar shes na lhag pa'i nga rgyal med pa yin no/ /chos bzhis rdzu 'phrul 'thob ste/ lus yang ba dang / sems yang pa dang / chos thams cad la mngon par zhen pa med pa dang / khams bzhi nam mkha'i khams dang mnyam pa nyid du byin gyis rlob pa'o/ /chos bzhis rdzus te skye bar 'gyur te/ de bzhin gshegs pa'i sku gzugs pad ma'i steng na bzhugs pa byed du 'jug cing / pad ma la sogs pas lag pa bkang ste/ sku gzugs dang mchod rten la 'thor ba dang / phan pa'i dngos po mang zhing dga' bar byed pa'i ngang tshul dang / gzhan gyi skyon mi 'dzin pa dang / dge ba'i rtsa ba thams cad sems can gyi don du sangs rgyas su bsngo ba'o/ /chos bzhis shes rab chen por 'gyur te/ chos la ser sna mi byed pa dang / mi mthun par 'jug pas 'gyod pa sel ba dang / gsol ba 'debs pa la yang dag pa ji lta ba bzhin gdams ngag ston pa dang / stong pa nyid bsgom pa la mang du gnas pa'o/ /chos bzhis sangs rgyas dang 'phrad pa 'thob ste/ srog gi phyir yang dam pa'i chos mi spong ba dang / srog gi phyir yang sdig pa'i grogs po mi bsten pa dang / srog gi phyir yang chos smra ba la skur pa mi 'debs pa dang / sangs rgyas rjes su dran pa'i ting nge 'dzin bsgom pa'o/ / chos bzhis skyes bu chen po'i mtshan sum cu rtsa gnyis 'thob ste/ de bzhin gshegs pa'i mchod rten la rin po che spar gyis 'thor ba dang / 'bru mar gyi dri zhim pos de bzhin gshegs pa'i mchod rten la 'khru ba dang / mchod rten la spos dang me tog dang sil snyan la sogs pas mchod pa dang / yid du 'ong ba'i g.yog 'khor gyis mkhan po dang / slob dpon la bsnyen bkur byas pas rim gro byed pa'o/ /chos bzhis dpe byad bzang po brgyad cu 'thob ste/ stan rgyu sna tshogs kyi stan 'dul ba dang / gzhan la bsti stang byed pas mi skyo ba dang / chos smra ba la 'thab mo mi rgol ba dang / sems can rnams byang chub la yang dag par 'dzin du 'jug pa'o/ /chos bzhis sangs rgyas kyi zhing gar sems bskyed pa der skye ste/ gzhan dag gis shes pa'i khe dang rnyed pa la phrag dog mi byed pa dang / lhag pa'i bsam pas pha rol tu phyin pa drug yongs su dag pa tshol ba dang / byang chub sems dpa' thams cad la ston pa'i 'du shes skyed pa dang / shes kyi khe'i phyir tshul 'chos pa med do/ /kun rdzob dang don dam pa'i bden pa bstan pa las/ sha'i mig gis sems can thams cad dang sangs rgyas kyi zhing mthong ngo / /lha'i mig gis sems can gyi 'chi 'pho dang skye ba mthong ngo / /shes rab kyi mig gis sems can gyi sems kyi spyod pa dang g.yo ba shes so/ /chos kyi mig gis sems can yang dag pa ji lta ba bzhin mthong ngo / /sangs rgyas kyi spyan gyis sangs rgyas kyi mdzad pa thams cad byed do/ /mi dge ba'i grogs po dang brten pa ni mi dge ba thams cad kyi sgo'o/ /dge ba'i bshes gnyen dang brten pa ni dge ba'i rtsa ba thams cad kyi sgo'o/ /byang chub kyi sems ni sangs rgyas kyi chos thams cad kyi sgo'o/ /de bzhin gshegs pa'i ye shes kyi phyag rgya'i ting nge 'dzin las/ bka' stsal pa/ byams pa byang chub sems dpa' bye ba brgya phrag sum cu po 'di dag gi nang nas brgyad stong ni dam pa'i chos 'dzin cing yongs su 'dzin par gnas par 'gyur ro/ /byang chub sems dpa' lhag ma ni dmu rgod dmigs par 'dzin pa la mngon par zhen pa dam pa'i chos 'dzin pa ma yin par 'gyur te/ de dag phyi ma'i dus lnga brgya tham pa'i tshe/ nga'i byang chub bskal pa grangs med pa du mar bsgrubs pa 'di spong bar 'gyur/ 'gal bar byed par 'gyur/ mi ston pa 'dzin par 'gyur ro/ /de ci'i phyir zhe na/ byams pa rnam pa bdun gyis byang chub tu sems bskyed do/ /bdun gang zhe na/ sangs rgyas bcom ldan 'das rnams kyis/ byang chub sems dpa' byang chub tu sems bskyed pa dang / dam pa'i chos rnam par 'jig pa'i dus na/ dam pa'i chos yongs su 'dzin pa'i phyir/ byang chub sems dpa' byang chub tu sems bskyed pa dang / sdug bsngal sna tshogs kyis yongs su gzir ba'i sems can gyi khams mthong nas snying rje chen po skyes te/ byang chub sems dpa' byang chub tu sems bskyed pa dang / bsti stang du byas te sbyin pa bzang po yid du 'ong ba byin nas/ byang chub sems dpa' bdag nyid byang chub tu sems bskyed pa dang / gzhan byang chub tu sems bskyed pa mthong nas/ byang chub sems dpa' byang chub tu sems bskyed pa dang / de bzhin gshegs pa'i sku'i mtshan nyid dang dpe byad bzang po'i rgyan sna tshogs kyi yon tan bsngags pa rdzogs pa thos nas/ byang chub sems dpa' byang chub tu sems bskyed pa gong ma gsum ni/ sangs rgyas kyi byang chub srung ba yin te/ myur du bla na med pa'i byang chub las phyir mi ldog par 'gyur ro/ /lhag ma bzhi ni byang chub sems dpa' dmu rgod dam pa'i chos 'dzin pa ma yin par 'gyur ro/ /byang chub sems dpa' chos lnga dang ldan na phyir mi ldog pa'i chos su rig par bya ste/ lnga ni sems can thams cad la sems snyoms pa dang / pha rol gyi rnyed pa dang bkur sti la phrag dog med pa dang / srog gi phyir yang dam pa'i chos 'dzin pa'i dge slong gi bsngags pa ma yin pa brjod pa dang / shes kyi khe dang rnyed pa dang / bkur sti dang grags pa la mi chags pa dang / chos zab mo la mos pa'o/ /chos lnga dang ldan na byang chub sems dpa' dmu rgod yin te/ lnga ni gzi brjid chung zhing bka' blo mi bde ba yin/ dman pa la mos shing thams cad la dman pa'i chos ston pa yin/ shes kyi khe dang rnyed pa dang bkur sti la chags nas slong mo ster ba'i khyim la ser sna byed pa yin/ g.yo sgyu dang ldan pa yin/ stong pa nyid la ngag gi las lhur len pas mi 'dra ba yin no/ /byams pa phyi ma'i tshe phyi ma'i dus na byang chub sems dpa' sgyid lug par mi 'gyur zhing / yang dag par blangs pa ston la bsam ba thag pa nas byang chub la zhugs pa'i byang chub sems dpa' de dag ni sangs rgyas grangs med pa mang po la bsnyen bkur byas pa yin no/ /de dag gis ngan song du 'gyur ba'i las gang mngon par 'dus byas pa de yang mdog ngan par 'gyur ba tsam gyis byang bar 'gyur/ nad mang ba tsam dang / dman pa'i rigs su skyes pa dang / dbul po dang mtha' 'khob pa dang / log par lta ba'i rigs su skyes pa dang / sems can la mya ngan mang ba dang / dge ba'i bshes gnyen mi mthong ba dang / rgyun du chos mnyan pa mi 'thob pa dang / bsam gtan la sems g.yeng ba dang / tha na rmi lam na sdig pa mthong ba rmis pas kyang las kyi sgrib pa 'byang bar 'gyur ro/ /gang zhig stong sems de ni rigs min te/ /ji ltar de yis skye med brtags phyir ro/ /rnam rtog thams cad bdud kyi zhugs pa ste/ /'gyur med chos kyi phyag rgya zhes bya'o/ /skye ba med pa bden pa gcig yin na/ /de la kha cig bden pa bzhi zhes zer/ /byang chub snying por 'dug nas bden cig kyang / /grub par ma mthong zhi lta ga la zhig / sgyu ma lta bu'i ting nge 'dzin las/ de bzhin gshegs pa 'od dpag med mya ngan las 'das nas/ bskal pa bye ba khrag khrig brgya stong phrag brgyad cu rtsa bzhi'i bar du dam pa'i chos gnas par 'gyur ro/ /dam pa'i chos nub ma thag pa'i mtshan mo skya rengs 'char ba'i dus kyi tshe/ spyan ras gzigs dbang phyug mngon par 'tshang rgya ste/ 'od zer kun nas 'phags pa dpal brtsegs rgyal po zhes bya bar 'gyur ro/ /'jig rten gyi khams de ni rin chen kun nas bsags pa zhes bya bar 'gyur ro/ /de'i 'og tu byang chub sems dpa' mthu chen thob der 'tshang rgya ste/ yon tan shin tu gnas pa nor bu brtsegs pa'i rgyal po zhes bya bar 'gyur ro/ /chos kyi rnam grangs 'di bud med sus thos ma thag tu bud med kyi dngos po las thar bar 'gyur te/ rgyu gnyis po ser sna dang phrag dog ni ma gtogs so/ /rab tu zhi ba rnam par nges pa'i cho 'phrul gyi ting nge 'dzin las/ byang chub sems dpa' gang gis snying rje dang ldan pa'i sems bskyed na dge ba'i rtsa ba des gal te sangs rgyas ma byung bar 'dzam bu'i gling du skyes na yang skyes bu dam par 'gyur/ /lha rnams kyis yongs su gzung bar 'gyur te/ nam bag med par gyur pa de'i tshe/ yang gnas gtsang ma'i ris kyi lha'i bu rnams kyis bskul bar 'gyur/ de ni dran pa chud mi za bar 'gyur ro/ /rnam par dag pa'i chos lnga yang yongs su 'dzin te/ tshul khrims rnam par dag pa dang / lus rnam par dag pa dang / mtshan phun sum tshogs pa rnam par dag pa dang dge ba'i rtsa ba sbyangs pa rnam par dag pa dang / dkon mchog gsum la brten pa dang / byang chub sems dpa' dang / byang chub kyi sems la brten pa rnam par dag pa yongs su 'dzin to/ /bka' stsal pa/ gang gis 'dzam bu'i gling pa'i sems can thams cad srog gcod de bdog pa thams cad phrog pa las/ gang gis byang chub sems dpa'i dge ba'i rtsa ba tha na byol song la zan kham gcig byin pa'i bar chad byas na ches sdig grangs med par che'o/ /gang chos thams cad mi mthong ba ni de bzhin gshegs pa mthong ba'o/ /byang chub tu ni sems bskyed na/ /bskal pa bye ba rnams su yang / /nam du'ang long theng mi 'gyur te/ ston pa bla na med par 'gyur/ /bka' stsal pa/ 'jam dpal ngas ni ji ltar byang chub sems dpa' la khong khro ba'i sems cig bskyed pa las/ kha na ma tho ba che ba'i chos de lta bu gcig kyang ma mthong ngo / /'jam dpal byang chub sems dpas byang chub sems dpa' la khro ba'am/ brnyas pa'i sems bskyed pa snyed pa skal bar sems can dmyal ba rnams su gnas par go cha bgo bar bya'o/ /'jam dpal byang chub sems dpa' la skur ba btab pa ma gtogs par byang chub sems dpa' las gzhan gang gis kyang log pa'i ltung bar byed mi nus so/ /rin chen zla bas zhus pa las/ rgyal po gzugs can snying po'i bu rin chen zla bas gsol pa/ gang gis phyogs bcu'i sangs rgyas bcu'i mtshan bzung na bla na med pa'i byang chub las phyir mi ldog bar 'gyur ba de lta bu bcom ldan 'das kyis bshad du gsol zhes sogs kyi lan du bka' stsal pa/ shar na 'jig rten gyi khams lag mthil ltar mnyam pa na sangs rgyas mya ngan med pa bzhugs/ lho na 'jig rten gyi khams dga' ba na sangs rgyas tsan+dan dpal bzhugs/ nub na 'jig rten gyi khams bzang po na sangs rgyas snang ba mtha' yas bzhugs/ byang na 'jig rten gyi khams 'khrugs med na sangs rgyas tog gi dpal bzhugs/ shar lho na 'jig rten gyi khams zla ba snang ba na sangs rgyas mya ngan med pa'i dpal bzhugs/ lho nub na 'jig rten gyi khams tog dang ldan pa na sangs rgyas rin po che'i mchod sdong bzhugs/ nub byang na 'jig rten gyi khams sgra ldan na sangs rgyas me tog dpal bzhugs/ byang shar na 'jig rten gyi khams bde ldan na sangs rgyas mngon par shes pa chung ngu dang chen pos rnam par rol pa bzhugs so/ /'og na 'jig rten gyi khams yangs pa dang ldan pa na sangs rgyas snang ba'i dpal bzhugs/ steng na 'jig rten gyi khams zla ba can na sangs rgyas nor dpal bzhugs so/ /dkon mchog ta la la'i gzungs las/ dad pa med pa'i mi dag la/ / dkar po'i chos rnams mi skye ste/ /sa bon me yis tshig pa las/ /myu gu sngon po ji bzhin no/ /sdong po bkod pa las/ byang chub kyi sems ni sangs rgyas kyi chos thams cad kyi sa bon lta bu'o/ /dri ma med par grags pas bstan pa las/ 'jig tshogs la lta ba ri rab dang mnyam pa bskyed kyang / byang chub kyi sems skye zhing de las sangs rgyas kyi chos rnams skye'o/ /dkon mchog za ma tog las/ byang chub sems dpa' ma rig pa'i sbubs kyi nang na 'dug pa bdag tu lta ba ma brtol zhing khams gsum las ma byung yang sangs rgyas kyi sgra nyid du rnam par thar pa'i sgo gsum gyi sgra 'byin to/ /dpa' bar 'gro ba'i mdo las g.yo byas te byang chub kyi sems bskyed pa la yang sangs rgyas kyi rgyur gsungs na/ dge ba sna 'ga' byas te sems bskyed pa lta smos kyang ci dgos/ bskal pa bzang po'i mdo las de bzhin gshegs pa skar ma'i rgyal po ba lang rdzir gyur pas so rtsi'i 'dab ma phul te/ dang po byang chub tu sems bskyed do/ /de bzhin gshegs pa grags pa thag par gyur pas ras kyi kha tshar phul 'od 'phro can grong gi sprang por gyur pas rtsa'i me sgron phul/ gdul dka' shing thun du gyur pas so shing phul te/ dang po byang chub tu sems bskyed do/ /spyod pa dang mi yang byang chub kyi sems ni bde ba mtha' yas pa bskyed pa yin te/ ci mngon zhe na/ byams pa'i rnam par thar ba las/ rigs kyi bu dper na rdo rje rin po che ni chag kyang gser rgyan thams cad zil gyis gnon cing / rdo rje rin po che'i ming yang mi 'dor la dbul ba thams cad kyang rnam par bzlog go/ /de bzhin du thams cad mkhyen par sems bskyed pa'i rdo rje rin po che nan tan dang bral yang nyan thos dang rang sangs rgyas kyi yon tan thams cad zil gyis gnon cing / byang chub sems dpa'i ming yang mi 'dor la/ 'khor ba'i dbul ba thams cad rnam par bzlog go/ /sdong po bkod pa'i mdo las/ 'phags pa dpal 'byung gis bstan pa lta bu ste/ rigs kyi bu dge ba'i bshes gnyen gyis yang dag par zin pa'i byang chub sems dpa' rnams ngan 'gror mi ltung ngo / /byang chub sems dpa'i bslab pa dang 'gal bar mi byed do/ /spyod pa thams cad brjed ngas pa med par spyod pa yin no/ /las dang nyon mongs pas thub par dka' ba yin no/ /dge ba'i bshes gnyen ni bag med pa'i gnas nas zlog pa'o/ /'khor ba'i grong nas 'dor ba'o/ /rigs kyi bu de lta bas na yid la bya ba rgyun ma chad pas dge ba'i bshes gnyen rnams kyi drung du 'gro bar bya'o/ /khur thams cad kyis mi skyo bas sa lta bu'i sems dang / mi phyed pas rdo rje lta bu dang / las thams cad nyams su len pas bran lta bu dang / brgyal bcom pas phyag dar ba lta bu dang / mi khro bas khyi lta bu dang / dge ba'i bshes gnyen gyi ngor lta bas bu mdzangs pa lta bu'i sems kyis dge ba'i bshes gnyen la bsnyen bkur bya'o/ /rigs kyi bu khyod kyis bdag la ni nad pa'i 'du shes/ dge ba'i bshes gnyen la ni sman pa/ rjes su bstan pa la ni sman/ nan tan la ni nad 'tsho ba'i 'du shes bskyed par bya'o/ /seng ges zhus pa las/ skye ba kun du byang chub sems/ /rmi lam na yang sems de ni/ /'dor mi 'gyur na ma nyal tshe/ /smos ci 'tshal bar gang gis 'gyur/ /bka' stsal pa/ grong dang grong khyer rnams su'am/ /gang du gnas pa'i yul rnams su/ /byang chub la ni yang dag 'dzud/ /des na sems 'dor mi 'gyur ro/ /rin po che'i phung po las/ mchod rten la gos phul ba gang yin pa de ni mchod rten de nyid du rlung dang nyi ma dang char bas dengs kyang bla'i/ mchod rten la phul ba'i gos zong gser du bsgyur du mi rung ste/ mchod rten la ni mchod rten gyi zong cis kyang brel phongs pa med pa'o/ /dpa' bar 'gro ba'i ting nge 'dzin las gang zag gis gang zag la drod bzung na smas par 'gyur bar shes par gyis shig /chos thams cad shin tu rgyas pa'i bsdus pa'i mdo las/ gang chos smra ba la mi gus pa de sangs rgyas mthong bar mi 'dod pa yin no/ /gang chos smra ba la mi snyan par brjod pa de sangs rgyas yongs su gtong ba yin no/ /byams pa byang chub sems dpa' rnams kyi byang chub kyi phyir pha rol tu phyin pa drug yang dag par bsgrubs pa gang yin pa de la gti mug can de dag 'di skad du/ shes rab kyi pha rol tu phyin pa drug yang dag par bsgrubs pa byang chub sems dpa' bslab par bya ba'i pha rol tu phyin pa lhag ma rnams kyis ci zhig bya zhes zer zhing de dag pha rol tu phyin pa gzhan la sun 'byin par sems na 'di snyam du sems/ nga ka shi ka'i rgyal por gyur pas phug ron gyi phyir khra la sha byin pa de shes rab 'chal ba can yin nam/ gsol ba/ de ni ma lags so/ /ngas byang chub kyi spyad pa spyod pa na pha rol tu phyin pa drug dang ldan pa'i dge ba'i rtsa ba bsgrubs pa de dag gis gnon par gyur tam/ de ni ma lags so/ /mi gti mug can de dag 'di skad du byang chub ni stong pa nyid kyi tshul gcig pa yin no zhes zer na/ de dag spyod pa yongs su dag pa ma yin no/ /dkon mchog brtsegs pa'i mdo las/ chos bzhis byang chub sems dpa'i dge ba'i rtsa ba skyes pa rnams zad par 'gyur te/ nga rgyal gyis 'jig rten rgyang pan pa'i gsang tshig tshol ba dang / thos pa dang / bkur sti la chags pas khyim pas lta ba dang / byang chub sems dpa' la khro zhing skur pa 'debs pa dang / ma zin cing ma thos pa'i mdo sde spong ba'o/ /thams cad yod par smra ba'i lung las/ bka' stsal pa/ dge slong 'dis mchod rten la phyag byas te sems dang ba la ltos/ btsun pa de lta lags so/ /dge slong 'dis sa ji tsam non pa'i 'od dpag tshad brgyad khri bzhi stong na bye ma ji snyed yod pa de snyed du 'khor los sgyur ba'i rgyal srid stong 'gyur du spyod par 'gyur ro/ /tshe dang ldan pa nye ba 'khor gyis gsol pa/ dge ba'i rtsa ba de lta bur che ba gang du yongs su bas par 'gyur/ bka' stsal pa/ tshangs pa mtshungs par spyod pas/ tshangs pa mtshungs par spyod pa la rma phyung ba dang / rmas pa byas pa de lta bu ni ngas ma mthong ste/ dge ba'i rtsa ba chen po 'di dag der yongs su zad par 'gyur ro/ /de bas na 'gal ba la yang sems kyis gnod par mi byan/ sems dang bcas pa'i lus ci smos/ sman gyi bla bai DUr+ya 'od kyi mdo las/ gang dag byang chub sems dpa'i bslab pa'i gnas bzhi brgya 'dzin pa dang / dge slong gi sdom pa bslab pa'i gnas nyis brgya lnga bcu dang / dge slong ma'i lnga brgya 'dzin pa las nyams te/ ngan 'gros 'jigs na sman gyi bla la mchod pa sna tshogs byas na ngan song las thar ro/ /'phags pa byams pa'i rnam par thar pa las/ dper na mar me gcig khyim mam khang bur bcug ma thag tu lo stong du bsags pa'i mun pa yang sel ba de bzhin du/ thams cad mkhyen pa'i sems gcig bskyed ma thag tu bskal ba brjod du med par bsags pa'i las dang nyon mongs pa sel to/ /zla ba sgron ma'i mdo las/ sems can don brtson byang chub sems dang ni/ /tshul bzhin yid kyis dben sems gang yin dang / /rtag tu bag yod 'chi med rgyu yin te/ /yongs su 'dzin med bde ba kun gyi rgyu/ / 'od srungs kyi le'u las/ chos bzhis byang chub sems dpa' shes rab yongs su nyams par 'gyur te bzhi ni chos dang chos smra ba la mi gus pa yin/ chos la ser sna byed cing slob dpon gyis dpe mkhyud byed pa yin/ chos 'dod pa'i gang zag la chos kyi bar chad byed de 'dun pa bzlog cing chos mi ston pa yin/ nga rgyal gyis bdag bstod gzhan la smod pa yin/ chos bzhis byang chub kyi sems brjed par 'gyur te/ bzhi ni/ slob dpon dang / bla ma dang / sbyin gnas la slu ba dang / gzhan 'gyod pa med pa la nye bar sgrub pa dang / theg pa chen po la zhugs pa'i gang zag la bsngags pa ma yin pa smra ba dang / g.yo dang sgyus gzhan la spyod kyi lhag pa'i bsam pas ma yin no/ /chos bzhis byang chub kyi snying po'i bar du byang chub kyi sems brjed par mi 'gyur zhing skyes ma thag tu mngon du 'gyur te/ bzhi ni/ srog gi phyir yang tha na bzhad gad du yang brdzun mi byed pa dang / g.yo sgyu med par sems can thams cad la lhag pa'i bsam pas gnas pa dang / byang chub sems dpa' thams cad la ston par 'du shes shing de dag gi bsngags pa phyogs bzhir sgrogs pa dang / nyi tshe ba'i theg pa mi 'dod pa'i phyir sems can smin par byed pa de dag bla na med pa'i byang chub 'dzin du 'jug go/ /bzhi po 'di ni byang chub sems dpa'i yang dag pa'i yon tan no/ /gang zhe na/ chos rnams stong pa nyid du rtag mod kyang / /las kyi rnam par smin la'ang yid ches so/ /bdag med bzod pas mnyam pa nyid gnas kyang / /sems can rnams la snying rje chen po bskyed/ /de yi bsam pa rtag tu mya ngan 'das la gnas/ /de yi sbyor ba 'khor bar gnas pa yin/ /yongs smin bya phyir sbyin pa sbyin byed kyang / /las kyi rnam par smin la re ba med/ /sngags dang sman gyis zin pa'i dug gis ni 'chi bar byed mi nus so/ /de bzhin du thabs dang shes rab kyis zin pa'i byang chub sems dpa'i nyon mongs pa'i dug gis kyang log par ltung bar byed mi nus so/ /dper na grong khyer rnams kyi mi gtsang lud/ / de ni bu ram shing gi zhing la phan/ /de bzhin byang chub sems dpa'i nyon mongs lung / /de ni rgyal ba'i chos la phan pa byed/ /lta bar gyur pa thams cad las byung ba'i stong pa yin no/ /'od srungs stong pa nyid kho nar lta ba de ni gsor mi rung ba'o zhes ngas bshad do/ /byang chub sems dpa' sems dang po bskyed pa ma rig pa'i sgo nga'i sbubs na 'dug pa/ ma rig pa'i mun pa dang ling tog gis mig khebs pa dang yang 'di lta ste/ dge ba'i rtsa ba yongs su bsngo ba'i sgra skad kyis nyan thos dang / rang sangs rgyas thams cad zil gyis gnon to/ / log par zhugs pa'i 'du shes pa las 'byung ba ma gtogs pas sangs rgyas thams cad kyis kyang ma gzigs pa gang yin ba de ni rgyu ba 'dri ba lta zhe na/ 'od srungs sems ni sgyu ma dang mtshungs so/ /ngan song bzhi gang zhe na/ sems can dmyal ba dang / dud 'gro'i skye gnas dang / gshin rje'i 'jig rten dang lha ma yin no/ /rtsod pa med pa'i lhur len pa ni dge sbyong gi chos so/ /gang zhig de bzhin gshegs pa'i chos smra ba la rim gro byed pa des 'chi ba'i dus kyi tshe/ de bzhin gshegs pa mthong zhing lus kyi dge ba bcu ni tshor bas kun du ma zin par 'chi ba'i dus mi byed pa dang / mig 'khrul bar mi 'gyur ba dang / lag pa g.yob par mi byed pa dang / rkang pa 'phra bar mi byed pa dang / gcin mi gtor ba dang / phyi sa mi 'byung ba dang / de'i snying gar rdul mi 'byung ba dang / khu tshur mi 'chang ba dang / nam mkha' la mi snyegs pa dang / ji ltar 'dug pa de bzhin du tshe'i 'du byed 'dor bar 'gyur/ las kyi sgrib pa rgyun gcod pa las/ sbyin pa rnams kyi nang na ni 'di lta ste/ chos kyi sbyin pa mchog ces ngas bshad do/ /rin po che bdun ni/ gser dang / dngul dang / mu tig dang / bai DUr+ya dang / shel dang / sbug dang / mu tig dmar po'o/ /rnam par 'thag pa thams cad bsdus pa las/ gang zag sems dang po bskyed pa'i byang chub sems dpa' khong khro ba'i sems bskyed pa dag gis ni sangs rgyas yongs su gtang ba yin te/ ji snyed kyi khong khro ba'i sems bskyed pa de/ de snyed kyi bskal bar sems can dmyal bar go bgo dgos so/ /byang chub sems dpa' rnams la gnod sems bskyed pas/ byang chub sems dpa' ngan song du 'gro bar log par ltung bar 'gyur ba'i chos de lta bu gzhan ni ngas ma mthong ngo / /ma pham pa byang chub sems dpa' rnams kyi pha rol tu phyin pa drug sgrub pa 'di ni byang chub kyi phyir yin na/ de la mi blun po dag 'di skad ces shes rab kyi pha rol tu phyin pa kho nas byang chub sems dpa' bslab par bya'o zhes zer zhing pha rol tu phyin pa lhag ma rnams sun 'byin to/ /'di ji snyam du sems/ ka shi'i rgyal po gang yin pa des mgo byin pa de 'chal ba'i shes rab can yin nam/ gsol pa ma lags so/ /de bzhin gshegs pa'i bka' la la ni bzang bar 'du shes/ la la ni ngan par 'du shes na chos spong ba'o/ /'di ni byang chub sems dpa'i ched du/ 'di ni nyan thos kyi/ 'di ni rang sangs rgyas kyi ched du gsungs pa'o zhes zer na chos spong ba'o/ /nga ni nyan thos dang byang chub sems dpa'i rnams kyi spobs pa thams cad de bzhin gshegs pa'i mthu las byung bar smon lam btab pa yin na/ mi blun po de dag ngan song du 'gro bar bdud kyis byin gyis brlabs pa'i phyir de la skyon 'dogs par sems so/ /de bzhin gshegs pas gnang ba'i chos smra ba la skyon 'dogs par sems so/ /chos kyi rnam grangs 'di ma bzung ma bklags par smra na chos kyis phongs par 'gyur ba las/ ma smras par thar pa shin tu dka'o/ /chos bzhi dang ldan na ma smras par 'gyur te/ sems can la khong khro ba med pa dang / chos smra ba rnams dang 'gal bar mi byed pa dang / pha rol mi spong ba dang / de bzhin gshegs pas gsungs pa thams cad la gus pa'o/ /sprin chen po las/ bram ze chen po byang chub sems dpa' sems dpa' chen po ser po chen po byang chub sems dpa'i 'khor gyis bskor ba la bzod par gsol cig / gang la la lha sbyin gyi yon tan mi shes pa de dag ni sangs rgyas byung ba'i phyed thob pa tsam du zad pa yin par rig par bya'o/ /bram ze chen po lhas byin gyi yon tan gyi che ba la ltos/ de bzhin gshegs pa'i yul dang 'dra bar skyes bu chen po yin par blta ste/ 'dul ba'i dbang gis de bzhin gshegs pa gang dang gang na snang ba der/ skyes bu chen po 'di yang phyi bzhin 'brang zhing snang ngo / /byang chub sems dpa'i drug sde rnams kyis bskor ba la rjes su yi rang bar gyis shig /byang chub sems dpa' rnams ni rtag tu de mngon par shes pa rnams kyis sems can dmyal ba na rtse bar byed de 'di ni byang chub sems dpa'i yul yin no/ /lha sbyin ni sems can dmyal bar 'gro ba yang ma yin no/ /lha mo slob dpon lung ston pa bram ze kauN+Da n+yi 'das pa'i 'og tu lo brgya nyi shu lon pa na mau rgya'i rigs zhes bya ba byed kyi 'khor los sgyur ba'i rigs su skye bar 'gyur te/ skyes nas yang phyed kyis 'khor los sgyur ba'i rgyal por 'gyur ro/ /gsol pa/ de'i ming ji skad ces bgyi/ lha mo dge bsnyen gyi rgyal po mya ngan med ces bya bar 'gyur ro/ /sangs rgyas mya ngan yongs mi 'da'/ /chos kyang nub par mi 'gyur te/ /sems can rnams ni smin mdzad phyir/ /yongs su mya ngan 'da' ba ston/ /sprin chen po 'di yang lo bzhi bcu'i bar du 'dzam bu'i gling na spyod par 'gyur te/ rgyas par yang 'gyur ro/ /dam pa'i chos yongs su nyams pa'i dus na/ 'od srungs chen po dang 'dra ba'i dge slong du 'dzam bu'i gling du skye bar 'gyur te/ bslab pa'i gzhi bcas pa'i bsngags pa brjod par 'gyur ro/ /lha'i bu mang po dag gis gsol pa/ yun ji srid cig na 'od srungs chen po dang 'dra ba'i dge slong 'byung bar 'gyur ro/ /gang du ni skye/ de'i ming ni ji skad ces bgyi bar gzung bar 'tshal/ bka' stsal pa/ nga 'das pa'i 'og tu lo brgya phrag mang po 'das pa na/ lho phyogs kyi rgyud du mkhar gyi rgyal po bde spyod ces bya ba 'byung bar 'gyur te/ de'i tshe lo brgyad cu na/ dam pa'i chos nub par 'gyur ba'i lhag ma tsam lus pa'i dus la bab pa de'i tshe nga'i nyan thos 'byung bar 'gyur te/ chos kyang 'dzin par 'gyur/ theg pa chen po yang gzhan la rgyas par 'chad par 'gyur ro/ /gang gi phyir dge slong des ni de bzhin gshegs pa klu rigs sgron ma'i thad du shAkya thub pa'i bstan pa bzung ba'i phyir smon lam btab ste/ brtson 'grus chen po'i gru de ni de ltar lits+tsha bI 'jig rten thams cad kyi mthong na dga' ba 'di yin no/ /'di ni de bzhin gshegs pa dang mi mthun pa'i dge slong du 'gyur bar rig par bya'o/ /gzhan yang / nga'i nyan thos de bzhin gshegs pa dang mi mthun pa'i dge slong chos kyi sgra chen po lan gsum mngon par bsgrags nas 'chi ba'i dus byed par 'gyur ba'i che ba nyid la ltos/ /de'i tshe nga'i dam pa'i chos kyi tshogs nub par 'gyur ro/ /de ni 'di nas 'chi 'phos nas sangs rgyas su 'gyur te/ bskal pa bzang po 'di 'das nas/ bskal pa drug cu rtsa gnyis su sangs rgyas mi 'byung ste/ rang sangs rgyas bye ba phrag drug 'bum 'byung ngo / /bskal pa de dag 'das nas sangs rgyas bdun 'byung bar 'gyur ro/ /bdun po yongs su mya ngan las 'das pa'i tshe/ 'jig rten gyi khams 'di mngon par dang bzhes bya bar 'gyur te/ der 'di de bzhin gshegs pa ye shes 'byung gnas 'od ces bya bar 'gyur ro/ /byang chub sems dpa' chen po gang dag de kho na dang / rtag pa dang / bdag dang / sems can du 'du shes pa yang dag par mthong ba ni/ shin tu yang dag pa'i lta ba can zhes nga smra'o/ /gsol ba/ ci las dgongs te 'jig rten pa'i 'du shes brdzun pa rnams rdzogs par bshad cing / de skad bka' stsal pa de kho na dang rtag pa dang bdag dang sems can du 'du shes pa zhes bya ba ni thar pa'i tshig bla dgas so/ /de bzhin gshegs pa rtag pa dang ther zug dang brtan pa zhes bya ba dam pa'i chos nub par mi 'gyur ba'i tshig bla dgas so/ /sems can bsod nams chung ngu dag ni thar pa la zad pa'i 'du shes bskyed cing / de bzhin gshegs pa bzhugs bzhin yongs su mya ngan las 'das par sems te/ de bzhin gshegs pa rnams kyi shin tu lhag pa yang dag par mthong bar 'dod pas ni/ ting nge 'dzin 'di la gnas pa'i byang chub sems dpa' la rtag pa dang bdag dang sems can du 'du shes bskyed par bya zhing thar pa'i 'du shes bskyed par bya'o/ /'di ni ma 'ongs pa'i sems can bye ba snyed dag lung ston par sprin chen po'i mdo tsheg bar brgyad par sbyar ba'i le'u 'bum pa las lung bstan pa'i rgyud yin no/ /sgo mtha' yas pa rnam par sbyong ba las chos kyi rnam grangs gang zhe na/ mi shes pa las 'dus byas kyi chos thams cad 'byung bar rtogs pa dang / ye shes mthong ba las 'dus ma byas kyi chos thams cad 'byung bar rtogs nas/ spros pa med pa'i ye shes kyis 'dus byas dang 'dus ma byas pa'i chos rnams la yang dag par 'jug par bya zhing yongs su sbyang bar bya'o/ /gang dag de bzhin gshegs pa la chos nyid du rtogs na yang de dag gis de bzhin gshegs pa mthong ba rnam par dag pa ma yin no/ /de ci'i phyir zhe na/ de bzhin gshegs pa ni chos kyang ma yin/ chos ma yin pa yang ma yin no/ /chos thams cad ni sems tsam ste sems dang mtshungs par ldan pa ma yin no/ /ngas sems can chos zab mo la spyod pa ma byas pa rnams rmongs par gyur na mi rung zhes de bzhin gshegs pa rmongs phan chad yod pa med do zhes rnam grangs kyis bstan par bya ba yin zhes gsungs so/ /chos gang zhig skye ba yang med/ 'gag pa yang med pa de ni shi phan chad pa'am med pa zhes bya bar mi 'gyur ro/ /de bzhin gshegs pa yang skye ba yang med 'gag pa yang med do/ /chos thams cad ni nam mkha' lta bu'o zhes bya ba ji ltar chos thams cad nam mkha' lta bu yin zhe na/ ji ltar nam mkha' gang du yang ma gtogs pa de ltar chos thams cad kyang gang du ma gtogs pa'o/ /de bzhin gshegs pa ni thams cad mkhyen pa'i ye shes rnam par mi rtog pa ma chags ma thogs pas/ sems can thams cad kyi spyod pa rnam pa du ma ma lus pa yang dag pa ji lta ba bzhin rab tu mkhyen to/ /lus ngan po yi bu thu bo/ / gnod sbyin yang dag shes zhes bya/ /rtsod med khro ba med gnas te/ /pha dang bcas te rtag tu ni/ /chos 'di dag la dga' ba gang / /de la srung ba byed par 'gyur/ /lha'i bu rab rtsal sems kyis zhus pa las/ byang chub sems dpa' chos bzhi dang ldan na shes rab kyi mun pa dang bral ba yin te/ bzhi ni thos pas ngoms pa med cing / tshul bzhin la rab tu sbyor ba dang / zang zing med pa'i sems kyis chos ston pa dang / chos kyi dbyings dbyer med par shes par bya ba'i phyir nyon mongs pa thams cad sgyu ma lta bur rtogs pa dang / tshul gcig la 'jug pas tshul thams cad kyi 'jug pa la 'jug go/ /chos bzhi dang ldan na 'jig rten gyi tshul la rtog pa rnams yin te/ bzhi ni bre mo gtam byed pa rnams la chos ston pa dang / skye bo phal po che 'dus pa 'chib rjes su dran pa dang / gtong ba chen po la rjes su yi rang zhing byang chub tu bsngo ba dang / 'du 'dzi thams cad las dben par gzhol ba'o/ /chos bzhi dang ldan na sangs rgyas kyis gsungs ba bzhin smra ba yin te/ bzhi ni byang chub kyi sems mi gtong ba dang / thos ba dam pa snying por byed pa dang / ji skad smras pa de bzhin du byed pa dang / rang bzhin gyis bdag med pa la 'jug pa'o/ /chos bzhi dang ldan na las kyi bya ba thams cad kyi rgyu la mkhas pa yin te/ bzhi ni longs spyod chen po'i rgyu sbyin pa mi spong ba dang / mtho ris kyi rgyu tshul khrims mi spong ba dang shes rab chen po'i rgyu thos pa mi spong ba dang / bral ba'i rgyu sgom pa mi spong ba'o/ /gang gi tshe byang chub sems dpa' chos thams cad rang bzhin gyis mnyam par gzhag pa nyid yin par yang shes par byed la sems rnam par g.yeng ba rnams la snying rje chen po bskyed de/ phyi ma'i mtha'i mur thug gi bar du spyod par byed kyang bsam gtan la gnas pa las g.yo bar ma gyur na/ de tsam gyis na byang chub sems dpa' bsam gtan pa yin no/ /byang chub sems dpa' yul thams cad sangs rgyas kyi yul yin par lta zhing / sangs rgyas kyi yul yang med par lta na/ de tsam gyis na byang chub sems dpa' dbang po bsrungs pa yin no/ /byang chub sems dpa' sangs rgyas kyis gsungs pa thams cad nyan par byed cing thos pa'i don yang rtogs par byed la/ ji ltar thos pa yang 'dzin cing ji ltar gzung ba yang gzhan la ston par byed na mang du thos pa yin no/ /'jam dpal gyis smras pa/ byang chub sems dpa'i 'jigs pa ni 'dus byas las kyang 'byung la 'dus ma byas las kyang 'byung ste/ 'dus byas las ni nyon mongs pa'i 'jigs pa 'byung la/ 'dus ma byas las ni nyon mongs pa med pa'i 'jigs pa 'byung ngo / /'jam dpal nyon mongs pa med pas 'jigs pa ci yod/ lha'i sku khams gsum na ni nyon mongs pa'i 'jigs pa yod la/ byang chub sems dpa' der nyon mongs par mi byed na nyan thos su 'gyur ro/ /byang chub sems dpa' yongs su mi gtong bas/ sbyin pa'i pha rol tu phyin pa sgrub par byed pa dang / tshul khrims las yang dag par 'da' bas tshul khrims dang / gnod sems kyis bzod pa dang / le los brtson 'grus dang / brjed ngas pas bsam gtan dang / bems po dang sems dang po lug ltar lkugs pas shes rab kyi pha rol tu phyin pa sgrub par byed pa na de tsam gyis na lam la gnas pa yin no/ /'jam dpal ci las bsams te de skad smra/ lha'i bu bzhi po 'di dag ni byang chub sems dpa' rnams kyis yongs su mi gtong ba yin te/ sems can dang chos dang / byang chub kyi chos dge ba'i chos te bzhi po de dag yongs su mi gtong bas sbyin pa'i pha rol tu phyin pa sgrub par byed do/ /tshul khrims las yang dag par 'da' ba ni/ tshul khrims las yang dag par 'das pa yin te/ ting nge 'dzin dang de las 'das pas shes rab dang / de las 'das pas rnam par grol ba ste/ de lta bus tshul khrims sgrub pa yin no/ /gnod sems la zhugs pa ni nyan thos dang / rang sangs rgyas kyi theg pa la ldan zhing theg pa chen po la zhugs pa ste/ theg pa chen po la zhugs pa ni bzod pa'i pha rol tu phyin pa'o/ /le lo'i lus dang ngag dang sems kyis rtul par mi byed pa ste/ chos la ltar brtson pa ni brtson 'grus so/ /rmi lam na yang nyan thos dang / rang sangs rgyas kyis dran pa med pas/ brjed ngas pa ste/ sa de lta bur ma ltung ba nyid theg pa chen po la mnyam par gzhag pa yin pas bsam gtan no/ /chos thams cad bems po ste/ rtsa ba la sogs pa dang gnas lugs ji lta ba de bzhin du shes pa ni shes rab bo/ /gang tshe sems ni chags med pa/ /bla med byang chub sems yin te/ / sems kyi rang bzhin mngon sum pa/ /de ni shes rab mtshan nyid do/ /sems bskyed pa ni thams cad na/ /byang chub tu ni yongs bsngo zhing / /byang chub sems las rab brtag pa/ /de ni thabs kyi mtshan nyid do/ /thabs dang mi ldan shes rab kyis/ /ma byung 'byung bar 'gyur ba med/ /shes rab med pa'i thabs kyis ni/ /mkhas pa rab tu zhi mi 'gyur/ /nad bzhi brgya rtsa bzhi 'di lta ste/ rlung las gyur pa brgya rtsa gcig dang / mkhris pa las gyur pa brgya rtsa gcig dang / bad kan las gyur pa brgya rtsa gcig dang / 'dus pa las gyur pa brgya rtsa gcig go/ /las rnam pa gsum ste/ tshe dang 'brel pa dang / srid pa bar ma dang 'brel pa dang / tshe gzhan dang 'brel pa'o/ /skyes pa gang zhig skyes pa la 'jug par byed na/ de lus dang bral nas sems can dmyal ba nyam nga bar skye bar 'gyur ro/ /lug mo'am bong mo la 'jug par byed na sems can dmyal ba a tsa zer du skye bar 'gyur ro/ /sring mo'am gzhan yang 'os ma yin pa la 'jug na sems can dmyal ba kyi hud zer du skye bar 'gyur ro/ /dge slong ma tshul khrims ral zhing spyod pa ngan pa la 'jug na sems can dmyal ba 'chi ba'i rgyun med lta bur skye bar 'gyur ro/ /gnyis rtsod pa na rgyal po'i blon po'am gzhan yid ches pa'i gnas su bya bas nor blangs pas mdza' bshes sam/ 'dod chags la sogs pa'i dbang gis zhal che yon por bcad na/ sems can dmyal ba lce bcu gcig par skye bar 'gyur ro/ /sdug bsngal ba dang / nad bu can dang ltogs pa dang mgon med pa dang / bkren pa dag la nor rdzas sbyin par khas blangs pa las ma byin zhing bza' ba dang btung ba khas blangs pa las ma byin na/ sems can dmyal ba kun dga' la re ba med par skye bar 'gyur ro/ /don med chos la dga' ba ni/ /bud med g.yo dang phrag dog mang / /'jig rten gnyis ni rnam 'jig pa/ /skyes pa rnams kyi mdun na gnas/ /de'i tshig shin tu mi brtan te/ /rtag tu 'dod chags skye la mkhas/ /de yi snying ni gzhan sems la/ /gzhan gyi tshul gyis spro bar byed/ /dang po mnyen zhing srun byed la/ / phyi nas sems ni rdo rje 'dra/ /sems ni yang zhing phan pa med/ /bkur sti dag ni dran med byed/ /legs pa brgya ni chud gsan la/ /ma legs gcig pu dran par byed/ /sdig pa'i sa gzhi bud med yin/ /snying ni glog gi ngo bo bzhin/ /skyes pa chags pa'i sems yod na/ /'jigs pa'i rgyu ni bud med yin/ /'jig rten 'di dang pha rol du/ /'jigs byed nang na bud med 'jigs/ /gal te bde ba'i mchog 'dod na/ /de ltar bud med rnam par spongs/ /bud med rtag tu spangs pa ni/ /'jig rten 'di dang pha rol bde/ /gang zhig dbul ba spong 'dod cing / /gang zhig bdag ni 'byor 'dod dang / /gang zhig mya ngan 'das 'gro 'dod/ /mi des bud med spong bar byed/ /ji ltar bram ze smra ba las/ /bud med gzhon nu 'dod langs la/ /bag mar ma blangs na mi srog gcad pa dang 'dra bar 'gyur zer zhes pa lta bu'o/ /mtshams med pa lnga char byas na lus dpag tshad lnga par gyur ba nas/ gcig byas na gcig gi bar du 'gyur ro/ /mnar med pa de dag kha cig ni 'chi ba'i dus kyi tshe rang gi lus nyid las mnar med pa'i me 'byung bar 'gyur/ kha cig ni 'chi ba'i dus byas nas srid pa par mar skyes la/ de'i 'og tu sems can dmyal ba mnar med par 'gyur ro/ /bslab pa'i gzhi gcig gam gnyis sam gsum mam/ bzhi'am lnga'am gzhan blangs pa dang / bu sring ngam bu sring dang 'dra ba'am/ grogs kyi chung ma 'os pa ma yin pa dag la slu bar byed na/ sems can dmyal ba a la la zhes zer bar skye bar 'gyur ro/ /yi dgas kyi rigs ni mdor bsdus na sum cu rtsa drug yod do/ /'di lta ste/ lto gug dang / kha khab mig ltar phra ba dang / bshang ba zab dang / dri zab dang / spos zab dang / chu 'thung ba dang / mchil ma za ba dang / phreng ba za ba dang / sha za ba dang / khrag zab dang / dud pa za ba dang / drag shul spyod pa dang / glags lta ba dang mthu bo che dang / mi la glags lta ba dang mtshan mo lus 'bar ba dang / 'dod pa'i gzugs can dang / gshin rje'i dbyug pa dang / tshangs pa'i srin po dang / mi gtsang ba za ba dang / bdud kyi sde dang / yul dgon du chu dkon pa srog chags dang 'brel cing spyod pa 'tsho ba de la ltos pa de bcad na sems can dmyal bar bya dza ba b+ha sgra 'byin du skye'o/ /klan ka btsal ba'i phyir mkhas pa las chos mnyan nas/ chos 'dul ba de la mi 'jug mi snyan pas sun 'byin na sems can dmyal ba mes sreg tu skye'o/ /gnod sems snying la yod pa ni/ /kun gyis bsrung bar mi nus te/ /bshes grogs gnyen gyi mis ma yin/ /chos dang don gyi tshogs kyis min/ /'khrugs med mi zad nor yin te/ /skye bo kun gyi rje bor che/ /bden pa mtho ris skas yin te/ /de nyid mya ngan 'das pa'i sgo/ /mos pa'i rdzu 'phrul dang ldan pa ni ji ltar mos pa de ltar 'gro ba yin te/ gal te sa'i khams su mos na nam mkha' yang sa'i khams su mthong nas 'gro bar 'gyur ro/ /rin chung dus nyos nas chen por 'tshe ba dang phrag dog dang / ser snas nyams pa ni yi dgas tshangs pa'i srin por skye ste/ mi bram ze'i gzugs kyis rgyu ba yin no/ /yun rings ngan 'gror bcom pa yi/ /dge ba'i bag chags dga' byed de/ /me tog nyams kyang til dag la/ /bag chags snang pa ji bzhin no/ /de dag gis las ngan pa byas pa des rgya mtsho yang thams cad du skams shing ri dang nags tshal dang rgya mtshor bcas pa de yang 'bar bar mthong ngo / /'phags pa klu'i rgyal po rgya mtshos zhus pa'i mdo las/ 'khor los sgyur ba'i rgyal po lhas btsas gnyid kyis log pa'i rmi lam du tshigs su bcad pa gnyis thos nas/ de'i mtshan mo 'das nas g.yog 'khor dang bcas te/ bcom ldan 'das kyi spyan sngar dong ste lhags nas bcom ldan 'das de'i spyan sngar byang chub tu sems bskyed de tshigs su bcad pa 'di dag smras so/ /gzugs la brkam dang sgra la brten pa dang / /dri dang ro dang reg la gnas pa dang / /'dod la brkam dang bde la dga' ba yis/ /byang chub mchog 'di rtogs par mi nus so/ /yang de nyid las byung ba/ byang chub sems ni bdag gi rmi lam thos/ /chos rnams bdag ni byang chub mchog la zhugs/ /de bzhin gshegs pa gsang ba bstan pa las byung ba'i/ zhi ba'i blo gros gzhan yang de bzhin gshegs pa'i gsung ni/ phyogs bcu'i 'jig rten gyi khams thams cad rgyas par 'gengs shing / sems can thams cad kyi bsam pa yang dag par tshim par mdzad kyang / zhi ba'i blo gros de bzhin gshegs pa ni 'di snyam du/ mdo'i sde la sogs pa gsal bar 'chad cing ston kyang / 'di ltar yang dag par bsgrags par mdzad do snyam du mi dgongs so/ /de lta mod kyi de bzhin gshegs pa'i 'khor 'dus pa dge slong la sogs pa de dag gi dbang po'i rim pa dang / de dag ci 'dra ba'i chos kyi sbyin pa thos pas dgongs par 'gyur ba de 'dra ba'i chos kyi sbyin pa thob pa de/ de bzhin gshegs pa'i zhal gyi sgo nas 'byung bar shes kyang / chos bstan pa de ni phan tshun nges pa'i tshig tha dad pa la/ gnod pa med par thams cad kyang rang rang gi chos rnam par rig par kun du shes te/ zhi ba'i blo gros 'di ni de bzhin gshegs pa'i gsung gi gsang ba'o/ /yang de nyid las/ de bzhin gshegs pa ni shin tu mnyam par bzhag pa ste/ yi ge'i rnam par rtog pa thams cad kyi thams cad du rnam par rig par mi mdzad kyang / sems can yi ger lhur len pa rnams 'di snyam du sems te/ de bzhin gshegs pa ni bdag cag la chos ston to/ /bdag cag ni de bzhin gshegs pa'i chos bstan pa kun shes so snyam mo/ /zhi ba'i blo gros de bzhin gshegs pa'i tshems dang / sgros dang / zhal gyi rkan dang / ljags dang / zhal gyi sgo nas sgra 'byung ba yang med la/ 'byung ba yang grag go/ /zhi ba'i blo gros gzhan yang de bzhin gshegs pa'i sku ni phung bos rab tu phye ba ma yin/ khams kyis rab tu phye ba ma yin/ skye mched kyis rab tu phye ba ma yin/ las las byung ba ma yin/ nyon mongs pa las byung ba ma yin/ pha ma las byung ba ma yin/ 'byung ba chen po'i nur nur po las byung ba ma yin/ sha dang khrag gi pags pas g.yogs pa ma yin/ rus pa dang chu ba'i 'og ris 'brel ba ma yin/ dbugs phyi nang du rgyu ba ma yin/ srog dang 'brel ba ma yin te/ zhi ba'i blo gros de bzhin gshegs pa'i sku ni sku med pa ste/ chos kyi sku dang gzugs dang mtshan ma med pa'i sku dang / spros pa med cing rgyu ba med pa'i rgyu yin yang / gzugs dang mtshan ma gtso bor byed pa'i sems can sku bstan pas 'dul ba'i sems can rnams kyi mig la snang bar 'gyur ro/ /gzugs las dben pa chos kyi mtshan nyid gtso bor byed pa'i sems can rnams la ni lha'i mig gis kyang thams cad du bltar snang bar mi 'gyur ro/ /'dul ba gzhi las/ bud+d+ha 'od srungs kyi ring la rgyal po kr-i kri byung ste/ bud+d+has kyang der smon lam btab nas dga' ldan du skyes so/ /kr-i kI'i rgyud kyis grong khyer po ta lar rgyal po'i rabs brgya rtsa gcig byas so/ /de dag gi tha mar rgyal po kar+Na zhes bya ba ste/ de las bu gau tam dang / b+ha rad+h+wa dza zhes bya ba gnyis yod pa las/ b+har d+h+wa dza ni rgyal po byed do/ /gau ta ma ni pha ma la gsol nas/ drang srong nag sbyin las rab tu byung ste/ drang srong gi gnas dgon pa ma bcas te/ grong po ta la dang nye ba zhig na spyil bu na 'dug pa las/ bzang mo gzugs kyis 'tsho ba mi g.yon chen/ mri na pa zhes bya ba dang mthun te nyal bar byas pa las gzhan zhig dang khri ba'i gtam thos nas/ bzang mo mri na pa bsad pa dang / bzang mo'i g.yog gis khus btab ste/ mi kun gyis bsnyags pa dang / mri na las ral gri khrag can drang srong gau ta ma'i spyil po'i sgor bzhag nas bros so/ /mi kun gyis ral gri mthong ba dang / rab tu byung ba mi gsod ces de khrid ba dang / rgyal po b+ha ra d+h+wa dzas ma brtags par gsal shing la btsugs so/ /de nas drang srong nag pos de mthong nas dris te gtam byas nas/ gau ta mas bdag gar skye zhes byas pa dang / de na re bram ze dag na re rigs rgyud med pa la 'gro ba med do zhe na/ bu lta yod dam med des smras pa med do/ /de nas drang srong gis byin gyis brlabs te/ char pa dang rlung bsil ba dag gis lus la phog par byas nas sngon gyi 'dod pa la spyod pa dran par gyis shig ces pa dang / khu ba dang khrag 'dres pa'i thigs pa gnyis zags pa las sgo nga gnyis byung ste/ nyi mas smin par rgyas pa dang / de brdol nas bu gnyis byung ste bu ram gyi tshal gyir ba zhig tu dong ngo / /pha ni shi'o/ /de nas drang srong gis de gnyis blangs nas gsos ta/ nyi mas smin par byas pa dang / bu ram gyi tshal na gnas pa dang / gau ta ma'i bu la ming gsum du grags par btags so/ /de nas b+ha ra d+h+wa dza rabs chad de/ shi nas blon pos pho bo gau ta ma rab tu byung ba rgyal por gzhug go zhes nas drang srong nag po la rmas ba las bsad par gyur to/ /bu gnyis de ni 'dug pa las phu bo rgyal por bcug pa las rabs chad do/ /nu bo bcug ste bu ram shing pa zhes bya bar grags so/ /de'i 'phel rgyud las grong khyer po ta la'i rgyal po brgya rtsa gcig go/ /de dag gi tha ma bu ram shing pa rgyal po 'phags skyes po'o/ /de la bu bzhi ste/ ta la la gar ni dang / ka ra kar ni dang / ha sti ni yangs pa dang / nu bo ro ka'o/ /de nas 'phags skyes po'i chung ma shi bas rgyal po gzhan zhig gi bu mo blangs pa las/ rgyal po des rang gi tsha bo zhig yod na/ rgyal tshab tu gzhug par dam bcas nas byin no/ /phyis bu zhig byung ba dang / rgyal tshab tu ma bcug pa dang / rgyal po de yang dag gam zhes bsdigs so/ /de nas 'phags skyes po bred nas/ ji ltar bya zhes pa dang blon pos bu gzhan skrod la de chug ces so/ /de nas rgyal po dang blon pos thabs byas nas bu kun bskrad pa dang / de dag la kun dga' bas/ sring mo yan chad zhag bdun gyi bar du grong ta la la'i sgo nas 'drul ma chad par dod pa dang / phyis sgo bcad de lhag ma ma ba kye'o/ /de dag gangs ri dang nye ba chu bo b+ha go ra thi'i drung na drang srong ser skya'i gnas kyi nye 'khor du dong nas spyil po byas te ri dgas bshor zhing 'khod do/ /de nas 'dod chags kyis gdungs nas kun ser po bseng bseng bor song nas/ drang srong gis khyod rgyal rigs rgyal thabs las nyams pas g.yas khyim gyi sring mo 'tsho zhing chos so/ /de nas mi 'phel nas kun chos drang srong la mnos nas/ gser gyi ril ba'i chus sa khor bris te/ grong khyer brtsigs nas der bzhag go/ /grong khyer gyi bzhi drang srong ser skyas bres pas/ ser skya'i grong khyer ro/ /de nas 'phags skyes kyis de dag gis nus phong bar thos nas shAkyar btags so/ /de nas 'phags skyes po shi nas rgyal tshab dang bu bskrad pa yan chad/ ri'i rgyal por mthar gyis bcug pa las gzhan ni kun rabs chad do/ /nu pur ko la bu la ka zhes bya ba zhig yod pa'i 'phel rgyud kyis/ ser skya'i grong khyer gyi rgyal po stong lnga bcu rtsa lngar byas so/ /de dag gi tha ma gzhu brten la bu gnyis te/ seng ge man kal dang / seng ge'i sgra'o/ /seng ge'i man kal la bu bzhi ste/ zas gtsang ma dang / zas dkar po dang / dro no da na dang / bdud rtsi zas so/ /bu mo ni gtsang ma dang / dkar mo dang / bre mo dang / bdud rtsi ma'o/ /zas gtsang ma la bu gnyis te/ don grub dang dga' bo'o/ /zas dkar po la bu gnyis te/ tshe dang ldan pa ti sh+ya dang / byi ka'o/ /dro no dan la bu gnyis te/ tshe dang ldan pa ming chen dang ma 'gags pa'o/ /bdud rtsi zas la bu gnyis te/ tshe dang ldan pa kun dga' bo dang lhas byin no/ /gtsang ma'i bu ni rab tu tshor ba'o/ / dkar mo'i bu ni pa tra ma li'o/ /dro no'i bu ni ta li'o/ /bdud rtsi ma'i bu ni she ba la'o/ /bud+d+he'i sras ni rAhu la'o/ /bud+d+ha'i yum sgyu 'phrul chen mo'o/ /yum yar mo sgyu ma ste/ gnyi ga rgyal po gnyi tshad kyi bu mo'o/ /yum ni gcen no/ /byang chub sems dpa' dga' ldan gyi gnas nas gshegs pa chos nyid kyis gzigs pa lnga la gzigs te/ rigs dang yul dang rus dang dus dang bud med do/ /rigs ni rgyal rigs dang bram ze gang la btsan par 'dzin pa la gzigs te/ der skye ba ma blangs na 'jig rten la phan pa dang / sems can gyi don du mi 'gyur te/ gzhan yang de dang 'dra'o/ /yul ni gang na bu ram shing dang ba lang dang ma he dang slong mo ba mang ba 'gro ba yang rabs mang zhing mtha' 'khob kyi skye bo med pa'o/ /dus ni skye bo'i tshe lo brgyad khri las yar 'das na yang skyo ba chung zhing blun/ /brgya las mar 'gribs na yang snyigs ma lnga shas che/ rus dang bud med ni shAkya dang sgyu ma chen po lta bu go rims bzhin mang pos bkur ba tshun tshan che ba dang / bdun rgyud tshun tshan la skyon med cing mdzangs dge la/ byang chub sems dpa' yang mngal na zla ba bcur 'dzin nus pa'o/ /ston pa drug 'od srungs rdzogs byed la sogs pa rjes su ston pa drug bram ze ku ta til do la sogs pa drug ma rig pa'i bu u tra ka la sogs pa/ bud+d+ha lhums su zhugs tshun chad don kun grub pa'i phyir don kun grub/ shAkya'i spyi lha sbyin shAkya spel ba la phyag 'tshal du khrid pa las/ des phyi rol du bsu ste/ phyag byas pas lha'i yang lha/ lha la phyag 'tshal du chas pa'i tshe/ grong khyer de na gnas pa'i shAkya mthong zur can mi srun pa kun thub pa bzhin 'khod pas na shAkya thub pa'o/ / bdun mtho ba phyag gnyis dpung mgo gnyis lhag pa'o/ /rin po che bdun las 'khor la ni gser las byas pa lte ba zlum po rtsibs stong pa'o/ /nor bu ni be+e DUr+ya dgos 'dod 'byung ba'o/ /ba lang ni thal kar ro/ /rta ni mgrin sngon no/ /bud med ni reg na bde ba'o/ /blon po ni gser la sogs pa nor 'bul ba'o/ /dmag dpon ni/ dmag thabs la mkhas pa'o/ /chos nyid kyis byang chub sems dpa' bltams nas/ /zhag bdun na yum dus las 'das so/ /byang chub sems dpa' lo nyi shu rtsa dgu na khab nas byung ste/ lo drug dka' ba spyad nas bdud rtsi chud par 'gyur bar drang srong mi dkar bas tshor/ drang srong mi dkar ba ri gis skin ngi la gnas te/ shi khar slob ma la/ bdud rtsi tshol du btang nas phyung ba ka t+ya ya chen po yin/ ji ltar lam brgyags nyung ba dag/ /lam zhugs sdug bsngal 'gro ba ltar/ /de bzhin las bzang ma byas pa'o/ /sems can dag ni ngan 'gror 'gro/ /ji ltar lam brgyags gang bdog pa/ /lam zhugs bde bar 'gro ba ltar/ /de bzhin las bzang byas pa yi/ /sems can dag ni bde 'gror 'gro/ /rgyu lngas srog gcod pa byas kyang kha na ma tho bas gos par mi 'gyur te/ 'di lta ste/ lam du 'gro bar zhugs pa'i mi shes pas srog chags phra mo dang / grog sbur la sogs pa srog dang bral bar byed pa dang / gzhan la mtshon chas gzas pa las bsam pa dang mi ldan par gzhan la phog ste/ de srog dang bral ba dang / nad pa la sman pas phan par 'dod pas nyes par ma mthong ste/ sman byin pa las des shi ba dang / de bzhin du mas bu 'dul bar bya ba'i phyir brdeg pa las de srog dang bral ba dang / me sbar ba'i nang du srog chags mi 'dod bzhin lhung ba ste/ rgyu rnam pa de lngas srog bcad bar gyur kyang / kha na ma tho bas gos par mi 'gyur ro/ /ma byin par len pa'i sdom ba ma blangs par ma byin par len pa 'di ni rnam par smin pa chung ba yin no/ /glang po che bdun legs par gnas pa ni rkang lag bzhi dang mjug ma legs pa dang / rlig pa mdoms kyi nang na 'dug pa dang / sna legs par gnas pa'o/ /ral gri nye ba'i rin po che ni/ yul 'khor gzhan du ral gri rang song ste mi 'debs par mthong ba tsam gyis thams cad rgyal po'i bka' nyan pa'o/ /pags pa ni rgya mtsho'i klu'i pags pa yin te/ zheng dpag tshad lnga chur dpag tshad bcu ste/ klu rnams kyis rgyal po la 'bul/ grang na dro bar byed/ dro na bsil bar byed/ bud med mi sdug pa mthong bar mi byed do/ /mal cha ni mdor na der nyal na sems las su rung bar 'gyur ro/ /tshal ni rgyal po der zhugs pa na lha'i bya ba la sogs pa 'du ba'o/ khyim ni grang dro ran thun tshod gang la dge ba bya ba de'i dus su sad par 'gyur ro/ /gos ni me la sogs pas mi rdzi du ba med pa'o/ /lham ni chu la yang mi 'bying dal gyis 'gro na yang dpag tshad brgyar phyin pa'o/ /gnyen pa dag la dga' med cing / /mkhas pa dag la lta 'dod la/ /khyim gyi skyon las nges 'byung ba/ /de lta bu ni dge slong yin/ /glu dang ga ra la mi lta zhing / /nyes tshogs rnams la chags med pa/ /gang dag dur khong dga' byed pa/ /de lta bu ni dge slong yin/ /de la mi dge ba'i las kyis ni sems can dmyal ba rnams su'o/ /dge bas ni lha rnams su'o/ /'dren mas ni mi rnams su skye'o/ /rgyal po'i chad pas nyan pa dang / bla ma dang pha ma dang / 'phags pa'i nad pa ltogs pa dag gi don du ma byin par len pa na 'bras bu chung ba yin/ dkon mchog gsum las ma byin par blangs pa de dag las kyang / sangs rgyas dang chos kyi ni ris mthun par slar phul na dag par 'gyur la/ dge 'dun gyis brkus pa ni tshor ba ma myong ba dag par 'gyur ba med do/ /ma byin par len pa'i sdom pa ma blangs pas ma byin par blangs pa 'di ni rnam par smin pa chung ba yin no/ /de yi las ni rnam gsum gyis/ /gnas skabs dag tu 'tsho byed cing / /rnam par smin pa bzhi bcu tham/ /drag po dag tu g.yos par 'gyur/ /don med gzhi ni chang yin no/ /sems can dmyal ba'i bzhad gad pa/ /dbang po thams cad rnam nyams shing / /don med pa yi rgyur gyur to/ /tshig la shin tu dga' ba dang / /chags pa dang ni 'jig pa dang / /ngag gi skyon dang rlom pa dang / /tshig rtsub bzhi ni de bzhin no/ /chang gis kun du g.yengs pa'i yid/ /bya dang mi bya mi shes pa/ /mi de phyugs dang mtshungs pa yin/ /de lta bas na chang spongs shig /chang gis g.yengs pa'i mi dag ni/ /gson yang shi ba dag dang mtshungs/ /gang zhig rtag tu gson 'dod pas/ /rtag par chang ni rnam par spongs/ /chang ni nyes pa kun gyi gzhi/ /rtag par don kun med par byed/ /ngan song kun gyi them skas te/ /mun nag gnas ni chen po yin/ /chang gis sems can dmyal bar 'gro/ /de bzhin yi dgas 'jig rten dang / /chang gis skyon gyis bslus pa yin/ /mi dag dud 'gro rnams su 'gro/ /dug gi nang na dug ni chang / /de bzhin dmyal ba'i nang na dmyal/ /nad kyi nang na nad mchog ni/ /chos zhes mkhas pa rnams kyis bshad/ /blo dang dbang po nyams byed cing / /rin chen chos ni zad byed la/ /tshangs par spyod pa 'jig byed pa/ /mi zad chang ni skye gnas gcig /rgyal po dang ni bstan bcos mkhas/ /chang gis sdong par byed 'gyur na/ /tha mal mi dag chang 'thung ba/ bslus par 'gyur ba ci zhig smos/ /chang la brten pa'i mi dag ni/ /chos rnams kun gyi sta re yin/ ngo tsha med par byed pa'i mchog /spong ba dag tu nye bar bstan/ /chang gis phrogs par gyur pa'i sems/ /bya ba dang ni mi bya ba/ /mi shes rnam par mi shes shing / /thams cad mi yis mi shes so/ /gang zhig chang la brten byed pa/ /skye bo res 'ga' dga' byed cing / /res 'ga' yongs su gdung byed la/ /res 'ga' sdig pa byed la yin/ /blo ni shin tu rmongs bskyed cing / /'jig rten gnyis ni rnam 'jig byed/ /thar ba'i chos la me lta bur/ /srog byed kho na chang yin no/ /mi gang dag ni chang spong ba/ /chos kyi ngang tshul mnyam par gzhag /gang na 'chi ba med pa yin/ / gnas mchog dag tu de 'gro'o/ /chang 'thung pa yis bslus pa dag /de ni byed pa dman pa yin/ /mi bzod sems can dmyal bar ltung / /don med ci zhig yongs su gdung / /'thung ba'i tshe na chang zhim ste/ /rnam smin tshe na mchog tu tsha/ /kim pa ka nang kim pa ka /chang zhes mkhas pa rnams kyis bshad/ /bdag la 'di yis mi gnod ces/ /blo ldan chang la yid ma rton/ /myangs na bsil yang rnam smin tsha/ /chang ni dmyal bar 'gro bar byed/ /sdig pa'i chos rnams byed pa la/ /sems g.yeng ba dag dga' bar byed/ /phyi nas rnam smin tsha ba ru/ /blo ngan yongs su gdung bar 'gyur/ /'dod pa rnams la blo mi gtad/ /'dod pa mchog tu slu ba yin/ /'khor ba'i 'ching ba drag po ste/ /sems can dmyal ba kun gyi rgyu/ /gang zhig 'dod pa rnams la dga'/ /de yi sdug bsngal mtha' med do/ /'dod pa'i sprul gyis zin pa la/ /bde ba nams kyang ga la yod/ /khyed cag 'dod pa mi bzad cing / /drag po sems can dmyal bar 'ongs/ /gnod pa shin tu mi bzad la/ /don med ci zhig yongs su gdung / /gang tshe 'dod pas bslus pa yi/ /khyed cag gis ni sdig byas pa/ /de tshe ci phyir khro mi byed/ /de ring ci zhig yongs su gdung / / byas pa bsags pa brtan pa yi/ /las dag gi ni 'bras bu snang / /sdig pa'i tshor ba mi bzad pas/ /de lta bas na sdig mi bya/ /sdig pa sdig pa'i rnam smin ni/ /rtag tu ngan song rnams su smin/ /sdig mi byed la sdig med do/ /de lta bas na sdig pa spongs/ /sdig pa yongs su spangs pa la/ /sdig pa'i rnam smin med pa yin/ /sdig pa rang gis byas pa gnod/ /gzhan gyis spyod par mi 'gyur ro/ /'phags pa yongs su mya ngan las 'das pa chen po'i mdo las/ de bzhin gshegs pa'i ring bsrel gso ba dang / mchod rten rtsig par 'byung ba dang / bcom ldan 'das kyis dga' bo dang 'khor mang po rnams la bka' stsal pa/ nga mya ngan las 'das nas gnas kyi steng ngam/ mi'i 'jig rten na sems can gyis nga'i sku gdung lag tu thob ste/ mya ngan dang dga' ba dang bcas pa bas bsti stong du phyag 'tshal te/ dad pa'i sems kyis mchod pa byas na bsod nams tshad med dpag tu med pa 'thob par 'gyur ro/ /dga' bo gang gis de bzhin gshegs pa'i sku gdung mthong na des ni sangs rgyas mthong ngo / /sangs rgyas mthong ba des ni chos mthong ngo / /chos mthong ba des ni dge 'dun mthong ngo / /dge 'dun mthong ba des ni mya ngan las 'das pa mthong ngo / /dga' bo de bas na dkon mchog gsum ni rtag pa brten pa mi 'gyur mi 'pho ba ste/ sems can thams cad kyi mgon dang skyabs kyi gnas su 'gyur bar rig par bya'o/ /dga' bos bcom ldan 'das la gsol pa/ bcom ldan 'das yongs su mya ngan las 'das nas bdag cag gis cho ga gang dang sbyar te/ de bzhin gshegs pa'i sku zhugs la bzhen na/ sku gdung thob cing dad pas mchod par 'gyur/ /bcom ldan 'das kyis dga' bo la bka' stsal pa/ nga mya ngan las 'das nas khyed kyis 'khor los sgyur ba'i rgyal po'i thabs su sreg shig dga' bos yang gsol ba/ 'khor los sgyur ba'i rgyal po'i sreg ba'i cho ga ji lta bu lags/ bcom ldan 'das kyis dga' bo la bka' stsal pa/ 'khor los sgyur ba'i rgyal po ni shi nas zhag bdun gyi bar du 'jog ste/ gdod lcags kyi sgrom gyi nang du 'dzud do/ /sgrom du bcug nas/ 'bru mar bsung can gyis sgrom gyi nang bkang nas/ kha legs par bcad de yang zhag bdun du 'jog go/ /de nas sgrom nas phyung ste spos chus bkru'o/ /spos chus bkrus nas bdug spos kyis mchod cing gtams la/ shing bal gyis lus kun dkri'o/ /shing bal gyis dkris pa'i steng du ras dkar po bzang po yug stong gis mthar chags su dkri'o/ /de ltar dkris nas sgrom gyi nang 'bru mar bsung can gyis bkang ste/ rgyal po'i rus bu phyir sgrom du bcug la sgrom gyi kha legs par bcad do/ /shing bsung can gyi rin po che sna bdun gyi shing rta'i steng du drangs te/ shing rta'i ngos bzhi yang rgyan 'phyang zhing rin po che sna tshogs kyis kyang shing rta bkra'o/ /grangs med pa'i me tog dang / ba dan dang / rin po che sna bdun gyi gdugs dang / rgyal mtshan dang spos bzang po sna tshogs dang lha'i rol mos bskor cing mchod pa bya'o/ /de nas shing bsung can phyin ri mo dang ldan pa dang / mar bsung can gyis 'khor los sgyur ba'i rgyal po'i rus bu bsreg go/ /de ltar bsregs nas ring bsrel bsdus te/ grong khyer chen po'i bzhi mdor rin po che sna bdun gyi mchod rten sgo bzhi dod par byas te/ ring bsrel de'i nang du bzhag la/ 'jig rten du bcas pa thams cad kyis rjes su yi rang bas bltar gzhug go/ /dga' bo 'khor los sgyur ba'i rgyal po bsod nams cung zad cig gis rgyal po'i thabs thob kyang srid pa las rnam par ma grol 'dod pa lnga dang bsten te/ btsun mo dang pho brang gi slas su bcas/ ngan par lta ba dang / gdug pa gsum du bcas/ nyon mongs pa dang / kun nas nyon mongs pa ba spu'i nyag ma tsam yang ma spangs pa/ shi nas 'jig rten du bcas pas de lta bu'i cho ga byed cing mchod rten brtsigs nas/ thams cad rjes su yi rang zhing lta na/ dga' bo de bzhin gshegs pa la ci smos te/ bskal pa tshad med mtha' yas dpag tu med grangs med pa nas/ btsun mo dang pho brang gi slas dang 'dod pa lnga yongs su spangs te/ 'jig rten gyi chos la ba mo'am ser ba lta bur rtogs nas brtson dka' ba brgal te/ shin tu spyod dka' ba spyad nas byang chub sems dpa' thams cad kyis 'jig rten las 'da' ba'i spyod dka' ba spyad de/ phyogs bcu na dus gsum du rnam par bzhugs pa'i sangs rgyas thams cad kyi mdzad pa yongs su dag pa'i tshul khrims dang ting nge 'dzin dang shes rab dang rnam par grol ba dang rnam par grol ba'i ye shes ston pa dang / pha rol tu phyin pa drug ma bsgrubs pa gang yang med la/ gzhan yang de bzhin gshegs pa'i stobs bcu dang / snying rje chen po dang mi 'jigs pa bzhi dang / rnam par thar pa'i sgo gsum dang / stong pa bco brgyad dang / mngon par shes pa drug dang / spyan lnga dang byang chub kyi phyogs sum cu rtsa bdun dang / ma 'dres pa'i chos bco brgyad dang / mtshan sum cu rtsa gnyis dang / dpe byad bzang po brgyad cu dang / sangs rgyas thams cad kyi sku tshe dang sangs rgyas kyi zhing thams cad yongs su sbyang ba dang / sems can thams cad yongs su smin par bya ba dang / spyod dka' ba thams cad dang / dge ba bsdu ba'i tshul khrims dang / sems can gyi don bya ba'i tshul khrims dang / sdom pa'i khrims dang / yon tan thams cad dang / ye shes thams cad dang / rgyan thams cad dang / smon lam chen po thams cad dang / thabs la mkhas pa thams cad dang / de la sogs te bsam gyis mi khyab pa'i bsod nams dang / ye shes thams cad yongs su rdzogs par lhun gyis grub ste/ mi dge ba thams cad yongs su bcad/ nyon mongs pa thams cad kyang yongs su bcad/ nyon mongs pa'i bag chags thams cad kyang yongs su bcad de/ bden pa bzhi dang rten cing 'brel te 'byung ba bcu gnyis shin tu rtogs nas/ byang chub kyi shing drung du bdud rnam bzhi btul te/ thams cad mkhyen pa'i ye shes su gyur nas/ de lta bu'i dam pa'i chos thams cad nan tan byas pas/ sangs rgyas thams cad kyi gsung mthun par legs so legs so zhes bka' stsal pas/ mthun par chos nyid kyi ye shes kyi chu chos kyi sku'i spyi bor dbang bskur te/ gdong bla na med pa yang dag par rdzogs pa'i byang chub tu mngon par rdzogs par sangs rgyas so zhes bsgrags so/ /de bas ni da ltar lha dang mi rnams kyi ston pa ste/ phyogs bcur rnam par sangs rgyas pa mthar phyin pa/ bcom ldan 'das zhes bya ba ste lha dang mi'i nang na dpe zla med pa sems can thams cad la sgra gcan 'dzin dang 'dra bar gzigs pas/ de bzhin gshegs pa yang dag par rdzogs pa/ mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo sgyur ba/ lha dang mi'i ston pa sangs rgyas bcom ldan 'das zhes bya ste/ 'jig rten la thugs brtse ba'i mdzad pa kun mdzad nas/ sems can gyi phyir mya ngan las 'das na/ 'jig rten gyi chos bzhin du 'khor los sgyur ba'i rgyal po ltar sems can thams cad kyis mchod pa byed par 'gyur bar bya'o/ /dga' bo nga mya ngan las 'das na/ 'khor los sgyur ba'i rgyal po ltar zhag bdun gyi bar du zhog la/ gdod lcags kyi sgrom bur chug cig /lcags kyi sgrom bur bcug nas mar bsung can gyis khong la/ kha legs par chod cig /sgrom yang rin po che sna bdun gyis rab tu spras zhing brgyan la/ sgrom 'khor bar rin po che'i rgyal mtshan dang / spos dang me tog gis mchod pa gyis shig / de lta bur zhag bdun du mchod nas/ sgrom nas phyung la spos chus legs par khrus shig /de ltar spos chus de bzhin gshegs pa sku legs par bkrus nas shing bal gyis sku legs par dkri zhing / de'i steng du rin thang med pa'i ras dkar po yug stong gis dkri zhing / de ltar dkris nas phyis lcags kyi sgrom du chug la/ mar bsung can gyis bkang ste/ kha legs par chod cig /de nas gor shi sha tsan+dan dang / a ka ru dang / shing bsung can thams cad dang bcas sku rin po che sna bdun gyi shing rta'i steng du bzhag ste/ rin po che thams cad kyis brgyan te sreg pa'i gnas su drangs shig /rin po che'i rgyal mtshan grangs med pa dang / rin po che'i gdugs grangs med pa dang / rin po che'i gos grangs med pa dang / grangs med pa'i rol mo dang / grangs med pa'i me tog dang / spos kyis nam mkha' yang gang tsam du mchod pa gyis la dugs shig /lha dang mi dang 'khor thams cad kyis ni spos kyi shing tsan+dan dang / a ka ru dang / mar bsung can gyis bsregs la dus shig /de ltar bsregs nas lha dang mi dang 'khor rnam bzhis ring bsrel bsdus la/ rin po che sna bdun gyi bum par bcug ste/ grong khyer chen po'i lam gyi bzhi mdor rin po che sna bdun gyis mchod rten byas la ring bsrel la mchod na sems can dag bsod nams chen po thob cing / srid pa gsum gyi sdug bsngal spangs nas mya ngan las 'das pa'i bde ba thob par 'gyur ro/ /dga' bo 'khor rnam pa bzhi pos/ sangs rgyas kyi sku gdung gi rin po che sna bdun gyis mchod rten byas nas/ gzhan yang mchod rten gsum bya'o/ /gang zhe na 'di lta ste/ rang sangs rgyas kyi mchod rten dang / dgra bcom pa'i mchod rten dang / 'khor los sgyur ba'i rgyal po'i mchod rten te/ 'jig rten du bcas pas skyabs su 'gro ba'i gnas shes par bya ba'i phyir ro/ /dga' bos gsol pa/ bcom ldan 'das de bzhin gshegs pa 'jig rten du gshegs pa na sems can la thugs brtse ba'i slad du/ stobs bcu dang / thugs rje chen po dang / mi bsnyengs pa bcu dang / rten cing 'brel te 'byung ba bcu gnyis dang bden pa bzhi dang rnam par thar pa'i sgo gsum dang / tshangs pa'i dbyangs rnam pa brgyad kyis khams gsum du bsgrags pa dang / kha dog rnam pa lnga dang ldan pa'i byams pa'i 'od kyis lam rgyud drug snang ba mdzad nas sems can gyi bsam pa bzhin dul la ni 'bras bu bzhi dang / theg pa gnyis la spyod par gyur/ la la ni zag pa med pa'i 'dus ma byas pa'i rang sangs rgyas kyi byang chub thob par gyur/ la la ni 'gog pa mi skye ba'i byang chub kyi sa non par gyur/ la la ni tshad med pa'i gzungs rnams thob par gyur/ la la ni spyan lnga dang mngon par shes pa drug thob par gyur/ la la ni ngan song gsum las thar bar gyur/ la la ni mi khom pa brgyad dang bral bar gyur/ la la ni lha dang mi'i 'jig rten gsum gyi sdug bsngal dang bral bar gyur to/ /de bzhin gshegs pa'i byams pa'i shugs rnam par dag pa dang / de bzhin gshegs pa'i rnam par grol ba'i chos kyi gzhung bsam gyis mi khyab pas mya ngan las 'da' ba'i bar du/ 'jig rten du bcas pa lha dang mi dang 'khor rnam bzhis rin po che sna bdun gyis mchod rten byas te ring bsrel la mchod na bsod nams chen po thob cing so so'i skye bo dag khams gsum gyi sdug bsngal las thar cing yang dag pa'i rnam par grol ba la 'jug par 'gyur te/ de bas na sangs rgyas mya ngan las 'das na/ 'jig rten du bcas pa lha dang mi dang 'khor thams cad kyis sangs rgyas mdzad pa'i drin chen po dang byams pa tshad ma mchis pa rjes su gzung ba'i slad du rin po che sna bdun gyis mchod rten bgyid cing / ring bsrel la mchod pa bgyid pa ni 'os na/ bcom ldan 'das mchod rten rnam pa gsum po bgyis pas sems can rnams la sman pa ci mchis na/ mchod rten bgyid cing mchod pa bgyid/ / bcom ldan 'das kyis dga' bo la bka' stsal pa/ rang sangs rgyas ni rten cing 'brel te 'byung ba'i chos shin tu zab mo rtogs nas/ srid pa thams cad las rnam par grol te/ nyes pa'i skyon thams cad dang bral nas/ lha dang mi'i bsod nams kyi zhing du gyur te/ /de bas na mchod rten byas te/ mchod na bsod nams thob par 'gyur ro/ /de bzhin gshegs pa'i 'og tu 'gro ba mang po 'bras bu mchog thob par byed pa'i phyir ro/ /dga' bo dgra bcom pa ni skye bo'i phyogs zad de srid pa phyi ma mi len la tshangs par spyod pa yongs su rdzogs pa 'jig rten gyi bsod nams kyi zhing du gyur te/ de bas na mchod rten byas te mchod na bsod nams thob pa ni rang sangs rgyas kyi 'og tu de mang ste/ des kyang 'gro ba rnam par grol bar byed do/ /dga' bo 'khor los sgyur ba'i rgyal po yang khams gsum gyi nyon mongs pa las rnam par ma grol mod kyi/ bsod nams kyi shugs kyis gling bzhi la dbang ste dge ba bcu'i las kyis sems can ji srid byed pas sems can de dag gis bkur sti'i gnas yin te/ de bas na 'khor rnam bzhis mchod rten byas te mchod na bsod nams tshad med pa thob par 'gyur ro/ /dga' bos yang gsol pa/ bcom ldan 'das sangs rgyas mya ngan las 'das nas/ bdag cag 'khor rnam bzhis gang du de bzhin gshegs pa'i sku zhugs la bzhen na/ de bzhin gshegs pa'i ring bsrel thob par 'gyur ba bcom ldan 'das kyis bstan du gsol/ bcom ldan 'das kyis dga' bo la bka' stsal pa/ sangs rgyas mya ngan las 'das nas/ 'khor rnam bzhis gal te rtswa mchog gi grong khyer gyi nang du nga bsregs na/ grong khyer de'i mi dag rgyal po'i las kyi chad pa dang / rtsod pa tshad med pa 'byung ste/ thams cad kyis bsod nams mnyam par mi 'thob bo/ /dga' bo gal te 'khor rnam bzhis grong khyer gyi phyi rol na bsregs na/ 'jig rten dag bsod nams mnyam par 'thob po/ /dga' bos gsol pa/ bcom ldan 'das sangs rgyas mya ngan las 'das nas zhugs la bzhen pa'i 'og tu 'khor rnam bzhis ring bsrel bsdus te/ rin po che'i bum par stsal nas/ rin po che sna bdun gyi mchod rten gang du brtsigs na thams cad dad pa'i sems skye zhing mchod par 'gyur ba bcom ldan 'das kyis bstan du gsol/ bcom ldan 'das kyis dga' bo la bka' stsal pa/ sangs rgyas mya ngan las 'das te/ bsregs nas 'khor rnam bzhis ring bsrel bsdus te/ rin po che sna bdun gyi bum par chug la rtswa mchog gi grong khyer gyi nang lam gyi bzhi mdor rin po che sna bdun gyis mchod rten bang rim gsum dang ldan pa 'phang lo dang bcas pa rin po che thams cad kyis brgyan cing spras pa/ 'jig rten pa thams cad kyis mchog tu bya ba'i ba dan gyis shin tu brgyan pa/ ngos bzhi'i pu shu yang rin po che sna bdun las byas pa thams cad du rgyan gyis rab tu spras pa/ mchod rten de'i rim pa gcig ni yang ngos bzhir sgo re rer btod pa/ skar khung thad kar 'bar ba'i nang du rin po che'i bum pa bcug ste/ 'khor rnam bzhis mchod par bya'o/ /dga' bo rang sangs rgyas kyi mchod rten ni rim pa bcu gcig dang ldan pa/ rin po che sna tshogs kyis spras par bya'o/ /dga' bo dgra bcom pa'i mchod rten ni rim pa bzhi dang ldan pa ste/ de yang rin po che sna tshogs kyis spras pa'o/ /dga' bo 'khor los sgyur ba'i rgyal po'i mchod rten yang rin po che sna bdun las byas te/ rim pa dang bcas pa ni ma yin no/ /de ci'i phyir zhe na/ khams gsum gyi srid pa'i sdug bsngal las ma grol ba'i phyir ro/ /de'i tshe ma 'gags pas bcom ldan 'das la 'di skad ces gsol to/ /sangs rgyas mya ngan las 'das te zhugs la bzhin na/ lha dang mi dang 'khor rnam bzhis de bzhin gshegs pa'i ring bsrel ji ltar bgos na thams cad kyis mchod par 'gyur/ de'i tshe bcom ldan 'das kyis ma 'gags pa la 'di skad ces bka' stsal to/ /mya ngan las 'das nas lha dang mi la sogs pas sangs rgyas kyi ring bsrel bsdus te/ shin tu mnyam par sems kyis khams gsum dang rgyud drug pa thams cad la yang bgos te/ mchod pa byed par 'gyur bar bya'o/ /de'i tshe brgya byin lha'i dbang phyug gis/ bcom ldan 'das la 'di skad ces gsol to/ /bcom ldan 'das bdag ni de bzhin gshegs pa las de bzhin gshegs pa'i ring bsrel gyi phyed gsol to/ /bcom ldan 'das kyis brgya byin lha'i dbang po la 'di skad ces bka' stsal to/ /de bzhin gshegs pa ni sems can thams cad la sras sgra gcan 'dzin dang 'dra bar gzigs te/ de bas na khyed ring bsrel gyi phyed 'dod do zhes ma zer cig / de ci'i phyir zhe na/ sems can thams cad la phan pa'i don snyoms par mdzad pa'i phyir ro/ /bcom ldan 'das kyis brgya byin lha'i dbang phyug la bka' stsal ba/ ngas khyod la 'gram pa g.yas pa'i tshems mche ba gcig sbyin gyis/ khyod kyis lha'i 'jig rten du mchod rten byos la mchod cig dang / khyod kyis bsod nams zad mi shes pa thob par 'gyur ro/ /de'i tshe na lha dang mi thams cad cho nges 'debs shing ngus so/ /de nas bcom ldan 'das kyis 'khor bzhi po la bka' stsal pa/ sangs rgyas mya ngan las 'das pa la lha dang mi la sogs pa khyed mya ngan ma byed cig / de ci'i phyir zhe na/ sangs rgyas mya ngan las 'das kyang ring bsrel dag mchod du yod la/ gzhan yang bla na med pa'i sangs rgyas dkon mchog mdo sde dang 'dul ba dang / chos mngon pa yod do/ /de bas dkon mchog gsum dang bden pa bzhi rtag tu 'jig rten na yod do/ /sems can dag dad pas mchod pa'i gnas yod pa yin no/ /de ci'i phyir zhe na/ ring bsrel la mchod pa sangs rgyas dkon mchog yin no/ /sangs rgyas mthong ba des ni chos kyi sku mthong ngo / /chos mthong ba des ni 'phags pa mthong ngo / / 'phags pa mthong ba des ni bden pa bzhi mthong ngo / /bden pa bzhi mthong ba des ni mya ngan las 'da' ba mthong ngo / /de bas na dkon mchog gsum ni rtag pa/ gnas pa mi 'gyur ba mi 'pho ba ste/ 'jig rten gyi gnas dang rten du 'gyur bar rig par bya'o/ /bcom ldan 'das kyis 'khor mang po rnams la bka' stsal pa/ khyed sdug bsngal gyis gdungs par gyur pa'i mya ngan chen po ma byed cig /nga ni mya ngan las 'da' bar gshegs su nges tshul khrims sam/ gnas sam/ rtag pa'am/ mi rtag pa'am/ dkon mchog gsum mam/ bden pa bzhi'am/ pha rol tu phyin pa drug gam/ rten cing 'brel te 'byung ba bcu gnyis las the tshom du gyur pa yod na myur du dris shig /'dri ba 'di ni tha mar 'dri ba ste/ /sangs rgyas mya ngan las 'das nas 'gyod pa med par bya'o zhes lan gsum gyi bar du bka' stsal to/ /de'i tshe 'khor rnam bzhi la sogs pa mya ngan gyis yid gdungs te/ skad brnangs nas yi chad pa tsam du yid la gcags te mya ngan gyis brgyal lo/ /sangs rgyas kyi byin gyi rlabs kyis mchi ma phyis nas cang mi smra ste zhu ba yang med do/ /de ci'i phyir zhe na/ 'khor bzhi po 'di dag thams cad ni tshul khrims dang / gnas dang / dkon mchog gsum dang / bden pa bzhi mngon sum du rtogs te/ the tshom med par gyur to/ /de'i tshe bcom ldan 'das kyis 'khor rnam bzhi po la the tshom med par thugs kyis mkhyen nas/ legs so legs so shin tu legs so/ /'khor bzhi po khyed dkon mchog gsum dang / bden pa bzhi shin tu rtogs te/ the tshom med pa ni ji ltar chu dang bas dri ma bkrus pa dang 'dra ste/ khyed kyang brtson 'grus gyis shig dang / myur du 'byung ba'i lam thob par 'gyur gyis brgyas pa tsam du mya ngan ma byed cig / de'i tshe bcom ldan 'das kyis seng ge'i khri la bzhugs bzhin du gser lta bu'i phyag gis na bza' sbyar ma bzhag nas gser btso ma'i kha dog lta bu seng ge'i mthong ka dpal be'u phyung ste/ 'khor mang po rnams la bstan nas/ lha dang mi dang 'khor mang po rnams la nga'i sku kha dog gser btso ma lta bul ltos shig ces bka' stsal to/ /de'i tshe 'khor rnam bzhi dang thams cad kyis de bzhin gshegs pa'i sku gser btso ma'i kha dog lta bu la mig mi 'dzums par bltas pas rab tu bde ba ni ji ltar dge slong dag sdom pa gsum la rig pa dang 'dra bar gyur to/ /de'i tshe bcom ldan 'das gser btso ma'i kha dog lta bu'i sku 'khor mang po la bstan nas mya ngan las 'das pa chen po'i 'od zer tshad med dpag tu med pa khrag khrig brgya stong snyed bkye nas/ phyogs bcu'i 'jig rten gyi khams thams cad snang bar byas nas/ nyi zla'i 'od kyang zil gyis gnon to/ /de ltar 'od bkye nas 'khor mang po rnams la 'di skad ces bka' stsal to/ /de bzhin gshegs pa ni khyod kyi phyir bskal pa grangs med pa'i bar du shin tu spyod dka' ba spyad de/ lus kyi yan lag dang / rkang pa yang gtubs nas shin tu spyod dka' ba thams cad spyad de/ snying rje chen po'i smon lam gyi dbang gis rnyog pa lnga'i 'jig rten gyi khams 'dir bla na med pa yang dag par rdzogs pa'i byang chub tu mngon par sangs rgyas te/ rdo rje lta bur mi 'jig pa gser btso ma'i kha dog gi sku mtshan sum cu rtsa gnyis dang / dpe byad bzang po brgyad cu dang ldan pa tshad med pa'i 'od zer gyis thams cad du snang bar byas pa thob ste/ 'od zer gyis reg gam/ sku mthong ba tsam gyis kyang ma grol ba med do/ /bcom ldan 'das kyis yang 'khor mang po rnams la 'di skad ces bka' stsal to/ /sangs rgyas 'jig rten du gshegs pa shin tu dka' ba ni me tog u dum bA ra dang 'dra ste/ shin tu mthong bar dka'o/ /khyod kyis nang gi tha mar nga'i sku mthong ba 'di la don med par mi bya'o/ /sngon gyi smon lam gyi mthus rnyed pa'i 'jig rten gyi khams 'dir gshegs te/ de ni gdul bya'i don mdzad nas nga mya ngan las 'dar nye'o/ /khyed la sogs pa sems rtse gcig tu nga'i sku gser btso ma'i kha dog lta bu la shin tu ltos shig /khyed kyang yongs su dag pa'i las la nan tan byas na/ / 'bras bu 'di thob par 'gyur ro/ /de'i tshe bcom ldan 'das de bzhin du yang dang yang lan gsum gyi bar du bka' stsal nas/ gser btso ma lta bu'i sku 'khor mang po rnams la mngon du bstan to/ /de nas rin po che sna bdun gyi gser gyi khri las bzhengs te steng gi nam mkha' la shing ta la bdun srid du 'phags nas yang 'di skad ces bka' stsal to/ /nga yongs su mya ngan las 'dar nye ya si/ khyed la sogs ba 'khor mang po rnams bsam pa shin tu dag pas/ nga'i sku kha dog gser btso ma lta bu la ltos shig ces lan bdun gyi bar du bka' stsal to/ /de nas nam mkha' las babs te/ seng ge'i khri la bzhugs nas/ yang 'khor mang po rnams la nga yongs su mya ngan las 'dar nye yis khyed la sogs pa bsam pa shin tu dag pas nga'i sku gser btso ma'i kha dog lta bu la ltos shig ces bka' stsal to/ /de nas yang bcom ldan 'das seng ge'i khri la bzhengs nas nam mkha' la shing ta la gcig srid du 'phags nas/ 'khor mang po rnams la 'di skad ces bka' stsal to/ /nga yongs su mya ngan las 'dar nye'i khyed la sogs pa bsam pa dag pas nga'i sku gser btso ma'i kha dog lta bu la ltos shig /de bzhin du shing ta la bdun srid du 'phags nas lan bdun gyi bar du nga yongs su mya ngan las 'dar nye'i/ /khyed la sogs pa 'khor mang po rnams nga'i sku gser btso ma'i kha dog lta bu la ltos shig ces bka' stsal to/ /dkon mchog gi za ma tog las/ gang dag sems bshus ngo tsha med cing khrel med dang / /gang dag 'di 'dra'i yon tan med cing bden tshig med/ /de dag sgren mo bas kyang sgren mor 'jig rten rgyu/ /srog chags shi ba rjes blang ste/ /'tsho ba ngan pa de lta min/ /g.yul ngor shi ba legs pa ste/ /pham nas gson pa de lta min/ /snga ma'i dpung las mi rgyal te/ /dpa' bo'i dpung las rgyal bar 'gyur/ /zhes 'byung / 'phags pa shes rab kyi pha rol tu phyin pa khri brgyad stong ba las bka' stsal pa/ rab 'byor gal te sems can rnams dngos po yin te/ dngos po med pa ma yin na ni/ gang dag gi ched de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo bskor ba'i sems can de dag phung po'i lhag ma med pa'i mya ngan las 'das pa'i dbyings su yongs su mya ngan las 'da' bar mi 'gyur ba zhig na/ rab 'byor gang gi phyir sems can rnams dngos po med cing dngos po yod pa ma yin pas de'i phyir gang dag gi ched du de bzhin gshegs pas chos kyi 'khor lo bskor ba'i sems can de dag phung po lhag ma med pa'i mya ngan las 'da' ba'i dbyings su yongs su mya ngan las 'da'o/ /yongs su mya ngan las 'das so/ /yongs su mya ngan las 'da' bar 'gyur ro zhes 'byung ba dang / yang rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi skyes bu chen po'i mtshan sum cu rtsa gnyis dngos po yin te/ dngos po med pa ma yin na ni/ de bzhin gshegs pa dgra bcom pa yang dag par rdzogs pa'i sangs rgyas kyi 'od dang / sku mdog dang gzi brjid dang / dpal gyis lha dang / mi dang / lha ma yin du bcas pa'i 'jig rten zil gyis mnan te/ mdzes shing lham me/ lhan ne/ lhang nger mi 'gyur ba zhig na/ rab 'byor gang gi phyir de bzhin gshegs pa dgra bcom pa yang dag par rdzogs pa'i sangs rgyas kyi skyes bu chen po'i mtshan sum cu rtsa gnyis dngos po med cing dngos po yod pa ma yin pas/ de'i phyir de bzhin gshegs pa dgra bcom pa yang dag par rdzogs pa'i sangs rgyas kyi 'od dang sku mdog dang gzi brjid dang dpal gyis lha dang mi dang / lha ma yin du bcas pa'i 'jig rten zil gyis mnan te/ mdzes shing lha ma me/ lhan ne/ lhang nge zhes 'byung ba dang / yang rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo dngos po yin te/ dngos po med pa ma yin na ni/ de bzhin gshegs pa dgra bcom pa yang dag par rdzogs pa'i sangs rgyas kyis/ dge slong ngam/ bram ze'am/ lha'am/ bdud dam/ tshangs pa'am/ sus kyang 'jig rten du chos dang mthun par bskor bar mi nus pa'i chos kyi 'khor lo bskor bar mi 'gyur ba zhig na/ rab 'byor gang gi phyir de bzhin gshegs pa dgra bcom pa yang dag par rdzogs pa'i sangs rgyas kyis chos kyi 'khor lo dngos po med cing / dngos po yod pa ma yin pas/ de'i phyir de bzhin gshegs pa dgra bcom pa yang dag par rdzogs pa'i sangs rgyas dge slong ngam/ bram ze'am/ lha'am/ bdud dam/ tshangs pa'am/ /sus kyang 'jig rten du chos dang mthun par bskor bar mi nus pa'i chos kyi 'khor lo bskor ro zhes 'byung ba dang / yang rab 'byor gal te byang chub sems dpa' sems dpa' chen po'i rdo rje lta bu'i ye shes dngos po yin te/ dngos po med pa ma yin na ni/ theg pa chen po 'di byang chub sems dpa' sems dpa' chen pos bag chags dang / mtshams sbyor ba dang / nyon mongs pa thams cad dngos po med par rtogs nas/ rnam pa thams cad mkhyen pa nyid kyi ye shes rnam pa thams cad kyi mchog dang ldan pa thob nas/ lha dang / mi dang / lha ma yin du bcas pa'i 'jig rten zil gyis mnan te/ nges par 'byung bar mi 'gyur ba zhig na/ rab 'byor gang gi phyir byang chub sems dpa' sems dpa' chen po'i rdo rje lta bu'i ye shes dngos po med cing / dngos po yod pa ma yin pas/ de'i phyir byang chub sems dpa' sems dpa' chen pos bag chags dang / mtshams sbyor ba dang / nyon mongs pa thams cad dngos po med par rtogs nas/ rnam pa thams cad mkhyen pa nyid kyi ye shes rnam pa thams cad kyi mchog dang ldan pa 'thob ste/ lha dang mi dang lha ma yin du bcas pa'i 'jig rten zil gyis mnan nas/ nges par 'byung bar 'gyur ro zhes 'byung / rab 'byor gyis smras pa/ tshe dang ldan pa sha ra dwa ti'i bu shes rab kyi pha rol du phyin pa 'di bshad pa na/ gal te byang chub sems dpa' sems dpa' chen po nem nur med cing / rmongs pa med par gyur na/ byang chub sems dpa' sems dpa' chen po de ni 'di lta bu ste/ sems can thams cad bskyab pa dang / sems can thams cad yongs su mi gtong ba'i phyir/ 'di ltar gnas pa 'dis gnas pa yin par rig par bya ste/ de yang mi gnas ba'i tshul gyis gnas shing / byang chub sems dpa' sems dpa' chen po de ni 'di lta ste/ snying rje chen po yid la byed pa de dang ma bral bar rig par bya'o/ /shA ri'i bus smras pa/ tshe dang ldan pa rab 'byor 'di lta ste/ snying rje chen po yid la byed pa de yid la byed pa de dang ma bral bar gnas pa ste/ byang chub sems dpa' sems dpa' chen po yin par 'dod na/ tshe dang ldan pa rab 'byor de ltar na sems can thams cad kyang byang chub sems dpa' yin par 'gyur ro/ /de ci'i phyir zhe na/ tshe dang ldan pa rab 'byor 'di ltar sems can thams cad ni yid la byed pa dang ma bral ba'i phyir ro/ /rab 'byor gyis smras pa/ tshe dang ldan pa shA ri'i bu legs so legs so/ /tshe dang ldan pa shA ri'i bus yang dag pa'i tshig brjod nas/ don de nyid yongs su bzung ba ni tshe dang ldan pa shA ri'i bu'i dmigs su phebs so/ /de ci'i phyir zhe na/ tshe dang ldan pa shA ri'i bu sems can med pa'i phyir/ yid la byed pa med par rig par bya'o/ /sems can stong pa nyid kyi phyir/ yid la byed pa stong pa nyid du rig par bya'o/ /sems can dben pa'i phyir/ yid la byed pa dben par rig par bya'o/ /sems can ngo bo nyid med pa'i phyir/ yid la byed pa ngo bo nyid med par rig par bya zhing / sems can mngon par rdzogs bar 'tshang rgya ba med pa'i phyir/ yid la byed pa mngon par rdzogs par 'tshang rgya ba med par rig par bya ba'i phyir ro zhes 'byung / 'phags pa sangs rgyas phal po che sdong po brgyan pa las/ byang chub sems dpa' spyan ras gzigs dbang phyug gi yon tan 'byung ba/ song shig nor bzangs dpal gyi chu rgyal dpung shig na/ /mkhas pa rnams kyi ri rgyal gru 'dzin mdzes pa yod/ /rin chen rgyus byas shing dang nags tshal me tog mang / /bza' shing ra ba'i rdzing dang chu bran 'bab par ldan/ /dri mchog de la brten nas spyan ras gzigs kyi dbang / /'gro ba rnams la phan pa'i don du rnam par spyod/ /de gan song dang nor bzangs khyod la mgon po yi/ /yon tan rgya chen tshul 'jug bstod par byed/ /g.yas phyogs bskor ba byas te gus par skur ston nas/ /nor bzangs shin tu dul ba lho phyogs rgyud du song / /spyan ras gzigs dbang drang srong snying rje rnam spyod pa/ /rin chen ri yi sul na gnas par des kyang mthong / /rin chen sna tshogs rdo rje'i ri yi sman ljongs na/ /pad+ma'i snying po seng ge'i khri la brten pa 'dug /lha dang lha min klu dang srin po mi'am ci/ /rgyal ba'i sras kyis bskor zhing de la chos kyang ston/ /mthong nas nor bzangs dga' ba tshad med skyes par 'gyur/ /bsnyen te yon tan rgya mtsho'i zhabs la phyag 'tshal nas/ /ci nas bzang po'i spyod pa bdag gis thob 'gyur bar/ / 'phags pa thugs rje bskyed de gdams shing bslab par gsol/ /bsod nams brgya pas brgyan pa dri med phyag brkyang ste/ /'od sprin dra brgya chen bzang po rab 'thon nas/ /nor bzang spyi bor bzhag ste sems can rnam dag pa/ /spyan ras gzigs kyi dbang phyug mkhas pas tshig 'di smras/ /sangs rgyas sras po nga ni rnam thar gcig sgo shes/ /ye shes snying po rgyal ba kun gyi thugs rjes sdug /'gro ba thams cad bskyab cing yongs su bsdu phyir 'byung / /kun du bdag nyid rang la byams pa bzhin du rgyu/ /'gro ba mang po thams cad sdug bsngal kun las skyob/ /gang rnams dam du bcings shing dgra lag phyin pa dang / /lus la gzir cing de bzhin btson rar btsud pa yang / /nga yi ming thos bcings shing bzung ba'ang thar bar 'gyur/ /rgyal po dag la nyes pa'i g.yor byas bsad spangs pa/ /de tshe de dag nga yi ming yang dran gyur na/ /mda' 'phangs de yi lus la phog par mi 'gyur ro/ /mtshon rnos btab kyang de dag mi 'jug rgal bar 'gyur/ /dbang po'i 'khor du phyin dang gang rnams rtsod 'gyur pa/ /dgra rnams kun las rgyal 'gyur grags pa thob par 'gyur/ /grags dang grogs dang rigs dang nor rnams 'phel bar 'gyur/ /gang gis nga yi ming ni rjes su dran byas pa/ /de dag rkun pos 'jigs dogs dgras 'jigs nam phyin te/ /seng ge dom gzig gcan gzan g.yag rgod sbrul gang yang / /dgra rnams kun las rgyal zhing 'jigs pa med par 'gyur/ /gang rnams la las nga yi ming zhig dran byas na/ /sdang ba'i sems rgyun sa chen ltongs su thar gyur tam/ /sol dag lci me rab tu 'bar gyur kyang / /gang ba chu yi gter du 'byung bar 'gyur/ /nga yi ming ni skad 'ga' yud tsam rjes dran na/ /rgya mtsho'i chur bor de ni nang du 'chi mi 'gyur/ /chu bos mi khyer me yi dbus su 'tshig mi 'gyur/ / don med kun du mi 'gyur don rnams grub par 'gyur/ /shing sgrog dbyig bcings lcags sgrog de bzhin ltung rnams dang / /brnyas shing khyad bsad de bzhin bred cing bslus pa dang / /spyos shing bsdigs te gshe dang sma phab rnam pa las/ /nga yi ming tsam dran par byas na thar pa thob/ /gang rnams shar gnyer sna tshogs glags lta ji snyed dang / /gang rnams rtag tu zhe sdang mi snyan brjod pa rnams/ /nga yi ming thos dran byas snyan par brjod par 'gyur/ /mthong ba tsam gyi mod la byams pa'i sems kyang bskyed/ /nga yi ming tsam la la gang gis dran byas na/ /gnod pa'i don du ro langs sngags dang byed pa yi/ /dgra rnams rtag tu de yis zil gyis gnon par 'gyur/ /ma lus dug gis de yi lus la mi tshugs so/ /la la gang gis nga yi ming tsam dran byas na/ /klu dbang sprin tshogs mkha' lding sha za thams cad dang / /grul bum srin po 'tshe byed gtum pa'i sems ldan dang / /mdangs 'phrog 'jigs byed rmi lam 'ong bzhi bar 'gyur/ /nga yi ming ni skad cig yud tsam dran byas kyang / /pha dang ma dang gnyen bshes mdza' ba kun dang yang / /'bral bar mi 'gyur sdang dang 'grogs par de bzhin min/ /nor zad mi 'gyur phongs pa'i dngos su mi 'gyur ro/ /nga yi ming ni rjes su la las dran byed na/ /'di nas shi 'phos mnar med sems dmyal mi 'gro ste/ /byol song skye gnas yi dgas mi khom gnas su min/ /sems can dag pa lha dang mi yi gnas su skye/ /nga yi ming ni la la dag gis dran byas na/ / dmus long zhar ba 'on pa zha bor mi 'gyur te/ /theng po long bar mi 'gyur gsal smra blta sdug 'gyur/ /bskal ba bye ba mang por dbang po kun ldan 'gyur/ /la la gang gis nga'i rjes dran na/ /sems can dag pa 'di nas shi 'phos phyogs bcu yi/ /'jig rten khams su sangs rgyas mngon sum skye bar 'gyur/ /sangs rgyas mthong 'gyur de dag chos kyang thos par 'gyur/ /'di dang de bzhin gzhan dag thabs mang ji snyed kyis/ /'gro ba sems can nges 'dul gzhan dang zad nus kyis/ /sangs rgyas sras po ngas ni rnam thar gcig bsgoms te/ /yon tan can gyi yon tan thams cad ngas mi shes/ /'phags pa spyan ras gzigs dbang phyug gi yon tan/ 'phags pa mdo sde sna tshogs kyi mdo btus/ gsung rab rin po che'i gtam rgyud/ 'dus pa shAkya'i rabs rgyud/ mkhan po dpal brtsegs kyis mdzad pa rdzogs s+ho// //

CLOSE WINDOW