བོད་ཡིག

e-texts based on the ACIP/ALL Input

ban+de ye shes sdes bsgyur cing zhus te gtan la babs//[ ]@##/ /rgya gar skad du/ /bya shasudzartu bin+du po sha nA ma/ bod skad du/ lugs kyi bstan bcos skye bo gso ba'i thigs pa zhes bya ba/ 'phags pa 'jam dpal gzhon nur gyur pa la phyag 'tshal lo/ /dpal gyi 'byung gnas 'jam dpal kun gyi dpal/ /mtha' dag byams pas khyab pas 'jam pa'i dang / /'jam dang dpal du grags pas thugs rje'i mgon/ /'jam dpal kun gyi mgon la phyag 'tshal te/ /blo dman skye bo mun nag lta bu la/ /snyan ngag sgron me rab tu gsal bya'i phyir/ /bdag lta dman bas snyan ngag sgron med kyang / /blun po gso phyir chu thigs tsam zhig brjod/ /gzhan gyi skyon rnams brjod mi bya/ /gzhan gyi skyon rnams ci brjod pa/ /de bzhin bdag la'ang yod pa ste/ /dper na wa dang bud med bzhin/ /bdag nyid la ni bstod mi bya/ / bdag nyid la ni gang bstod pa/ /de ni blo chung shes rab zhan/ /dper na ka lan da ka 'dra/ /grogs ngan bsten par mi bya ste/ /grogs po ngan pa sus bsten pa/ /ma gu ta ni bsten pa yis/ /shig rnams phung bar gyur la ltos/ /ngan pa rnams la gros mi gdab/ /ngan pa rnams la gros btab na/ /legs par smras kyang nyes par 'gro/ /spre'us ka lan da ka yi/ /tshang bshig ba yi tshul la ltos/ /spyod pa rnams la bag yod bya/ /bag med rgyun du spang bar bya/ /glang chen myos pa lta bu ni/ /nam yang bya ba ma yin no/ /tshig rnams brjod 'dod rtag tu ni/ / ji ltar brtags shing de ltar smra/ /gang zhig ma brtags par smra ba/ /dper na smyon pa'i bsnyon tshig bzhin/ /dgos pa med pa'i brdzun tshig ni/ /nam yang brjod par mi bya'o/ /bdag mi phan par gzhan gnod pa/ /dper na ne tso'i brdzun tshig bzhin/ /brdzun gyi tshig rnams brjod mi bya/ / brdzun gyi tshig rnams brjod byas na/ /myur bar gzhan gyis shes 'gyur te/ /dper na byi la'i brdzun tshig bzhin/ /tshul 'chos spyod par bya ba yis/ /tshul 'chos spyod pa gang byed pa/ /de ni btsun par mi 'gyur te/ /bram ze na ya'i rgyal mo bzhin/ /mdza' bshes ngan pa'i che ba'i mnyan/ / mdza' bshes ngan pa'i tshig nyan pa/ /'dod don med par bslus par 'gyur/ /dper na rus sbal spre'u bzhin/ /g.yon can dag 'jam tshig mi mnyan/ /de yi tshig rnams nyan byed pa/ /dper na dbang po'i rgyal mtshan gyis/ /lha min la sogs bslus la ltos/ /gnod sems can gyi tshig mi mnyan/ /de yi tshig rnams nyan byed pa/ /bdag la phan pa mi 'byung ste/ /wa ni sreg pas phung ba bzhin/ /sdig pa'i grogs po yid mthun zhing / /dga' bas sna tshogs tshig brjod kyang / /sdig can de ni bdud yin te/ /dper na gling gi srin mo bzhin/ /phyug po kla klo la yang yod/ /dpa' bo dud 'gro la yang yod/ /don dang mthun pa'i gtam smra ba/ /'jig rten 'di na shin tu dkon/ /de phyir yon tan dag la ni/ /srog dang bsdos te 'bad par bya/ /gang zhig yon tan mi slob pa/ /de ni blun po phyugs lta bu/ /yon tan med pa'i kha nyed ni/ /sa yi dug dag dang mtshungs/ /yon tan rab kyis brgyan pa yi/ /kha ni pad mo yid 'ong ldan/ /gzhon pa'i dus su rig pa bslab/ /zho 'dod pa ni dgun nas gso/ /drod gsher ldan dus sa bon gdab/ /'di gsum 'phral du smin pa'i rgyu/ /yon tan dag la 'bad bya yi/ /'gying tshul dgos pa ci zhig yod/ /'o ma med par gyur pa'i ba/ /dril bu btags kyang nyor mi 'dod/ /bdag la phun sum tshogs bcas kyang / /gzhan la brnyas par mi bya ste/ /zhun mar lta bu'i sems kyis su/ /yon tan mtha' dag khong du sba/ /shes rab ldan pa lus chung yang / /dor thabs can gyis brnyas mi bya/ /dper na blo gsal ri bong gis/ /seng ge srog dang phrul ba bzhin/ /kun la mthon dman med pa yis/ /nyi ma lta bu'i phan byas na/ /kun gyi lan rnams ldon 'gyur te/ /byi bas glang chen bslang ba bzhin/ / sems can kun la phan sems bskyed/ /res 'ga' rtswa bzhin zhum par bya/ /res 'ga' me bzhin 'bar bar gyis/ /res 'ga' gangs ri lta bur bya/ /res 'ga' dmag la bab pa bzhin/ /gzhan gyi yul na gnas pa dang / /gzhan gyi 'tsho bas 'tsho ba'i tshe/ /ji lta bur ni brnyas gyur kyang / /kha rog 'dug pas bde ba 'thob/ /skye bo ngan pa yun ring bsten byas shing / /bza' btung zhim pa mang po bsten byas kyang / /des ni nges par grogs po spong 'gyur te/ /dper na khron bar lhung ba'i mi bzhin no/ /mi gang blo ni rnam par 'gyur byed pa/ /de yi mdza' bshes rtag par mi 'gyur te/ /rab tu nyon mongs mi de ci 'dra na/ /shing shun tshon gyis ras dkar bcos pa bzhin/ /gal te blo ldan mkhas pa dgra bo dag /rab tu mi dga' bar ni byed 'dod na/ /tshig rtsub mi smra rab tu dag 'jam gyis/ /des ni de la gnod pa chen por 'gyur/ /rgya mtsho dang ni ri rab gling la sogs/ /'jig rten sa rnams bdag gi khur min gyi/ /'jig rten byas pa mi gzi gang yin pa/ /de ni bdag gi khur chen dag tu 'byung / /mi gang sems ni mi rgod cing / /byas pa gzo dang byas pa chor/ /byas pa chud gson mi byed pa/ /de ni mkhas pas rab tu bsngags/ /chos bde byams pa bde ba ste/ /'jug ngogs bde ba'i chu klung bzhin/ /grogs la 'khu ba med pa dang / /nga snyems nga rgyal zad pa bde/ /khengs dang zol byed nga rgyal che/ /sdig pa'i grogs po bsten pa dang / /stobs ldan rnams la rgol byed pa/ /de dag yid ni bde mi 'gyur/ /de phyir khengs par mi bya ste/ /khro ba rnam par spang bar bya/ /khengs dang khro ba 'ongs gyur na/ /de dag rnams kyi grags pa 'jig /gang zhig rgan po byis pa nad pa dang / /nyam chung thabs stor de bzhin dman pa dang / / rgyal pos spangs dang skyabs med pa dag la/ /snying rje med ba de dag mir mi rung / /rang gi yul 'khor gnas spangs te/ /gzhan gyi ljongs su phyin pa na/ /tshig ngan so sor ldog pa la/ /bzod pa chen po bskyed par bya/ /dka' thub tshul ni bzod pa yin/ /gtso bo'i tshul ni dka' spyod yin/ /shar ba'i tshul ni dka' zlog yin/ /bud med tshul ni dka' thub yin/ /de ltar ma yin rang bzhin ngan pa'i mi/ /byams la lan med gzhan bgyis phan byas brjed/ /spang bas gnod pa ji snyed byas gyur kyang / /brnyas thabs byas pa de yang chu bzhin 'thung / /tshe dang longs spyod gnyen bshes kun dar dkon/ /de dag rgud pa shin tu rnyed par sla/ /de phyir sems ni dmas par gyur pa'i tshe/ /khwa bzhin mi smra kha rog 'dug par bya/ /gal te nor med bdag gi phyogs nyung la/ /mdza' bshes phyogs kyi stobs kyang chung gyur cing / /dgra bo'i phyogs kyi stobs tshul ldan pa'i tshe/ /tshig ngan mi smra kha rog 'dug par bya/ /ya rabs tshul med khengs pas shin tu nga rgyal che/ /g.yo sgyu dad med khwa bzhin shin tu mu cor smra/ /gzu lums phrag dog brkam dang khrel med ngo tsha bral/ /me de bur gyur kyang ni gzhan bzhin spang bar bya/ /de lta bu yi dman zhing ngan pa de/ /mthon po'i sar me drod zhing der me bzhag /sa der bzhag kyang dregs dang khengs mi thub/ /dper na pags pa sngon po'i wa bzhin no/ /skyo bo rmongs pa 'ga' zhig ni/ /log pa'i chos la rab zhen pas/ /'dod pa'i don des bslus 'gyur te/ /rus sbal so yis bya ba slus bzhin/ /rab tu mi gzo'i skye bo rnams/ /sdug bsngal 'byung ba'i rgyu dag la/ /dang blangs don du gnyer byed pa/ /gcan gzan gal sgor bcug pa bzhin/ /dregs pa log pa 'ga' zhig ni/ /rang gi skyon rnams ma bsams par/ /yon tan phra mos rab mgu ba/ /khron pa'i sbal pa ji bzhin no/ /rmongs ba long ba 'ga' zhig ni/ /chos kyi de nyid ma rtogs par/ /log pa'i chos kyis rab mgu ba/ /blun po nor bu len pa bzhin/ /shin tu blun po la la dag /'chi ba'i rnam pa rab brjed nas/ bya ba mang po rtsom byed de/ /bdud kyis bslus par rig par bya/ /'gro ba bzang po bzang mo la/ /gang zhig rab tu chags byed pa/ /srog chags me la mchong ba bzhin/ /'dod bas phung bar 'gyur ba yin/ /rta dang ma he glang po sogs/ /'ga' zhig de la chags byed pa/ /'dod pa can gyi skyes bu yis/ /rmi lam nor rnyed bslus pa bzhin/ /sdig pa'i las la rab dga' zhing / /dge ba dran par mi byed la/ /'jig rten dag la rab tu chags/ /dug dang 'dra ba'i skyes bu des/ /'dir yang sdug bsngal chen po can/ /phyi ma mnar med rab tu 'jigs/ /bar do'i srid par las rnams dran/ /gsal ba'i me long rab 'jigs pas/ /las kyi dge sdig rnam par 'phye/ /rang 'dod gnas su gnas dbang med/ /mi 'dod pa ru rnam par 'khrid/ /las kyi rgyu 'bras mi slu ba/ /kho bos mthong gi rnam pa'am/ /gzhan yang rab tu grangs mang ltos/ /de phyir dam pa'i skye bo rnams/ /rgyun du 'chi ba dran par bya/ /rang gis ci byas las rnams bgrang / /yud tsam pa yi tshe 'di la/ /thang cig 'dug pa'i blo can de/ /de ni shin tu 'khrul pa ste/ /mkha' 'gro ma yi rdzu 'phrul bzhin/ /de phyir rtag pa'i sems mi bskyed/ /ngan song gsum po dran par bya/ /srog gcod la sogs lus kyi ni/ /nyes pa rnam par bsdam par bya/ /brdzun sogs ngag gi nyes pa dang / /ma lus pa ni bsdam par bya/ /de bzhin yid kyi nyes pa yang / /ma lus rab tu bsdam par bya/ /de ni skyes bu dam pa'i tshul/ /rab tu tsha zhing grang ba yi/ /dmyal ba nyi ma gcig bzhin dran/ /bkres skom dag gis rid pa yi/ /yi dgas dag kyang dran par bya/ /rmongs pa'i sdug bsngal rab mang ba'i/ /byol song blta zhing dran par bya/ /de rgyu rnam spang bde rgyu spyad/ /thob dka' 'dzam gling mi yi lus/ /de thob dus su ngan song rgyu/ /rab tu bsgrims te gcad par bya/ /'dir bdag mi yi lus thob nas/ /phyi mar smon lam 'debs byed pa/ /de ni blun po le lo can/ /ngan song gnas su rab 'gyod de/ /gro bzhin skyes kyis rdo 'jog gi /yi dgas mthong ba ji bzhin no/ /'di yi tshe ni ma nges pas/ /di ring sang ngam zla ba'am/ /lo yi rnam pas 'chi 'gyur te/ /de phyir dge la brtson par bya/ /dam pa'i chos la rab 'jug na/ /rigs dang bran mo lta bu dang / /'khor los sgyur ba'i rgyal po yang / /bran mo btsun par thub pas gsungs/ /dam pa'i chos la mi 'jug cing / /'jig rten khrel la mi srung ba/ /shin tu smad cing bshud 'gyur te/ /bi ra li ba'i dka' thub bzhin/ /ri brag 'dom gang sogs yod zabs/ /de la'ang rab tu srung byed na/ /shin tu gting med gyur pa yi/ /g.yang sar ltung ba cis mi srung / /yungs 'bru tsam gyi rma khung yang / /shin tu bsgrims te 'chos byed na/ /'tsho med tshal par gas pa yi/ /rma de ci phyir 'chos mi byed/ /nyin par 'ga' zung tsam du yang / /zas skom gyis dbul mi bzod na/ /bar gyi bskal pa la sogs su/ /zas skom mi brgyod ci phyir bzod/ /rang lus dag la tsher ma yi/ /rtse mo'ang bzod par mi 'gyur na/ /gzhan gyi lus la mtshon dag gis/ /srog dang 'bral ba mi phyir bzod/ /rma 'bu dug srin shing srin dang / /sa bon myu gu sdong skyes ma/ /de bzhin ngan pa'i mi rnams ni/ /rang rten kho na phung ba bsgrub/ /phyi ma shes pa mdzangs pa'i tshul/ /nyon mongs dgra thub dpa' bo'i tshul/ /chags pa med pa chos byed tshul/ /mkhas pa'i tshul ni rtogs pa yin/ /rtogs ba'i tshul ni byed pa yin/ /skyo ba med pa sbyin pa'i tshul/ /tshul khrims tshul ni ma dpyas pa/ /bzod pa'i tshul ni chos nyid shes/ /brtson 'grus tshul ni 'che ba dran/ /bsam gtan tshul ni g.yeng med yin/ /rnam par 'byed shes shes rab tshal/ /sangs rgyas 'dod pa dad pa'i tshul/ /rtog pa chung ba rnal 'byor tshul/ /zang zing gnyen bral sgom mkhan tshul/ /phan sems che ba sprin pa'i tshul/ /drang po'i tshul ni mi slu ba/ /bag yod nyam nga med pa ni/ /de ni rgyal po'i tshul du bshad/ /de lta'i tshul dang ma ldan la/ /dman zhing smad pa'i tshul byed pa/ /las kyi rgyu 'bras mi slu'i tshul/ /'og gi tshul ni 'di yin no/ /yon tan ldan la ser snas bcings/ /bslangs na khro ba dang bcas pa/ /sdug bsngal chen pos non 'gyur te/ /shu ma ra yi mi sdug bzhin/ /mnyam sogs dag la phrag ma dog / 'dir yang sdug bsngal che 'gyur la/ /phyi mar rnam smin che 'gyur te/ /dper na gzhon nu wa dang 'dra/ /dregs med shin tu dul bar bya/ /kun la gsod por smra bar bya/ /khro med nga rgyal spang bar bya/ /kun la 'dzum zhing drang por smra/ /don med ca co smra mi bya/ /'du ba mang po'i sar mi 'gro/ /chang sogs myos pa btung mi bya/ /ci 'dod sbyin pa gtang bar bya/ /bshes med me la byams par bya/ /dge ba'i chos la brtson par bya/ /khrims sogs blangs la bsrung bar bya/ /de ltar byas nas mang po'i mi/ /ngang gis bde ba thob par byed/ /da ni shin tu ngan pa'i mis/ /rgyal ba'i bstan pa nub tu nye/ /da ni ma bsngags ngan spyod dang / /log par lta ba ngan pa'i mi/ /rmongs pa dag gis bcom ldan gyi/ /bstan pa'i ljon shing bcad kyis med/ /da ni snying rje med pa yis/ /chos lugs bor zhing rang bzo byed/ /brkam chags pha rol mi mthong bas/ /bstan pa'i rgyal mtshan bsnyal gyis med/ /da ni gdul dka' ngo tsha med/ /sdig la dga' zhing tshul 'chos byed/ /sdig can rnams kyis thub pa yi/ /bstan pa'i zam pa bcag gis med/ /da ni mgo bregs nyams mi len/ /spyod 'chal smad pa lus la 'chos/ /ngan g.yo can gyis thub pa yis/ /bstan pa'i tshong dus bcom gyis med/ /da ni khro dang nga rgyal dang / /rgyags chos byed cing rnyed la zhen/ /sdig pa sna tshogs byed pa'i mis/ /chos kyi gru bo bcag gis med/ /da ni thub pa'i bstan pa yang / /cung zad tsam zhig lus par zad/ /thub pa'i bstan pa gang chen mtsho/ /ring por mi thogs skam par 'gyur/ /seng ge'i sgra yi bstan pa ni/ /dus kyi 'khor los rab bcom nas/ /myur ba nyid du 'jig par 'gyur/ /gang dag 'di 'dra'i dus bab che/ /bde 'dod rnams kyis phan pa'i don/ /de ni legs par brtag pa'i rigs/ /dus kyi 'khor lo ngan byed pa/ /ma rabs shes rab 'chal ba dang / /tshul can dag dang sten mi shes/ /nyes pa bsten zhing tshul khrims spang / /dben pas 'jigs shing 'du 'dzin 'dod/ /mi mkhas bslab nyes slob dpon nor/ /gdug rtsub nga rgyal brnyas nga che/ /ngan pa'i mi la yid rton pas/ /sangs rgyal bstan pa ma rung byas/ /zhi zhing bde ba'i dus ni zad/ /gdug rtsub mi bzad dus ni byung / /shes rab can gyi mi rnams dang / /dbang gyur skye bo rnams ni zad/ /de lta'i dus rnams byung ba'i tshe/ /rang gi yul 'khor gnas spangs te/ / gzhan gyi ljongs su phyin nas su/ /der yang nags 'dab dben pa ru/ /smra ba bsnyungs te gnas par bya/ /dkar po'i chos rnams yid la mi 'jog skye bo rnams la ni/ /mi chos phul du byung ba yid la 'jog pa nyid la ni/ /cung zhig dge bar 'gyur snyam nas ni 'di rnams bris pa yin/ /dge bas blun po ma lus grol zhing yun du gnas par shog / lugs kyi bstan bcos skye po gso ba'i thigs pa zhes bya ba/ /slob dpon klu sgrub kyi zhal snga nas mdzad pa rdzogs so// //rgya gar gyi mkhan po shI lan+d+ra bo ng+hi dang / zhu chen gyi lo tswa ba ban de ye shes sdes bsgyur ba'o// //

CLOSE WINDOW