བོད་ཡིག

e-texts based on the ACIP/ALL Input

/grub pa kun mkhan chos rgyal gyi/ /gsung gi 'od zer snang ba rten/ /mkhas chen b+ho ba pa N+Di ta/ /dam chos 'dzin dag gsung brten nas/ /yar klungs grags ba rgyal mtshan gyis/ /gung thang rgyal sar legs par bsgyur//[ ]@##/ /rgya gar skad du/ pra ti bi m+ba lak+Sha NaM nA ma/ bod skad du/ sku zugs kyi tshad kyi mtshan nyid ces bya ba/ thams cad mkhyen pa la phyag 'tshal lo/ /a te'i ri la sangs rgyas pa'i/ /sngon gyi rgyud dang bstan bcos su/ /sku gzugs tshad kyi mtshan nyid rnams/ /thub pa rnams kyis sngon gsungs gang / /go rims ji bzhin lhan cig tu/ /de 'dir yang dag bsdu ba'i phyir/ /thams cad mkhyen la phyag 'tshal nas/ /lha sku'i mtshan nyid brjod par bya/ /sor mo bcu gnyis lag mthil dang / /gdong dang mtho yang de bzhin du/ /don gcig ming du'ang 'di zhes bya/ /kA lam sor gnyis go la kAM/ /lag pa'i pad+ma'i bzhi cha la/ / sor mo'i tshad du shes par bya/ /de nas sor mo brgyad cha yis/ /nas su mkhas pas reg par bya/ /sku yi yan lag nying lag gi/ /chag tshad don nges gsungs pas na/ /rnam pa 'di yis de bzhin du/ /mkhas pas chag tshad gzhal bar bya/ /gang zhig cung zad lus srid kyi/ /cha dgu yi ni cha gcig dang / /mtho gang gdong du byas nas ni/ /de bzhin du ni rgyar yang ste/ /ba yig rnam pa a 'bras dang / /mkha' 'gro'i sgo nga til 'bras bzhin/ /de nas dbyibs kyi mtshan nyid ni/ /rnam pa bzhi zhes gsungs pa la/ /sor mo gcig gis dman pa ni/ /ba yig rnam pa'i tshad yin no/ /gang zhig sor mo gnyis dman pa/ /a 'bras lta bu'i zhes bya'i gdong / /gang zhig phyed bcas sor gcig dman/ /mkha' 'gro'i sgo nga 'dra bar brjod/ /gang zhig sor mo gsum spangs pa/ /til gyi 'bras bu 'dra bar brjod/ /gdong ni bzhi po rnams la yang / /rnam par spang bya 'gram pa la/ /til 'bras dbyibs kyi nges pa ni/ /lha mo rnams kyi bzhin la 'dod/ /bstan bcos mi mthun bzhin byas nas/ /sbyin bdag rnam par nyams par 'gyur/ /bstan bcos mthun pa bzhin mdzad na/ /phun chogs dang ldan mnyen dang bcas/ /gtsug tor cha la sor bzhi ste/ /gdugs kyi rnam pa 'dra bar bya/ /sor mo phyed dang sor mo bzhi/ /dpral ba ru ni yongs su grags/ /dbral ba'i phyed kyi nges pa ni/ /sor mo bcu dang ldan par bya/ /sor gnyis mig bar de bzhin du/ /sna gong phyed bcas sor mo dang / /sor gnyis logs dang steng du ste/ /sna yi rgyud la nas gsum mo/ /sna rdog zlum po sor mo ste/ /rgyud kyi rtsa ba nas gnyis so/ /rna ba snyan gyi bu ga ni/ /nas gsum yin te shin tu mdzes/ /dung bzhin 'di ni 'khyil pa ste/ /mkhas pa yis ni chad ldan bya/ /'di tshad yang dag rig pa yis/ /lce yi khyim du rab gsungs pa/ /til gyi ma tog sna ma dang / /ne tso khra yi gdong pa bzhin/ /sor gcig dang ni nas gnyis te/ /de yi 'og gi cha ru gsungs/ /ma mchu la ni nas drug ste/ /ya mchu la ni nas bzhir bya/ /pad sgros steng du gnas pa ni/ /sor mo yi ni sum char bya/ /zhal gyi ma mchu mtshungs pa la/ /rgya ru sor mo gnyis su bya/ /gyes mtshams nas drug dbus su ni/ /sna tshogs re khA bri bar bya/ /zhal gyi grwa yang sor mo phyed/ /cung zad tsam zhig dma' bar byed/ /kos ko'i zhing du sor gnyis te/ /srid kyi tshad du nas bcu'o/ /sor phyed smin ma'i dbus su ste/ /sor mo lnga ni ring du bya/ /nas phyed smin ma'i re khA'i tshad/ /ma nyes gzhu yi dbyibs 'dra'o/ /sor gnyis nas gnyis spyan la ste/ /rgya yi sum cha spyan gyi ni/ /sum cha nag por yang dag gsungs/ /de yi sum cha spyan 'bras yin/ /nas phyed rdzi ma'i chad du gnas/ /ku mud u t+pal 'dab 'dra dang / /pad+ma'i 'dab 'dra nya lto 'dra/ /mig mthar sor bzhi shes par bya/ /myos 'bab la ni sor mo gcig /snyan gyi zheng du sor mo gnyis/ /srid du sor mo bzhi yin no/ /snyan gyi rgyab kyi 'gyur ba nas/ /sor mo gnyis su yongs su grags/ /mdun khyud yang dag sor mo phyed/ /de phyed stang gi sbur po bya/ sor mo yi ni bzhi cha yis/ /snyan shal gyi ni zhing yin no/ /snyan gyi gsang gnas nas gnyis te/ /ji ltar mdzes pa mu khyud nang / /snyan gyi mu khyud rtsa ba nas/ /gri gug dbyibs su rab tu grags/ /snyan gnyis dag gi dbus kyi ni/ /dbu la sor mo bco brgyad do/ /yang na mtho do nyid du gsungs/ /sor bcu gnyis bcug gcig the tshom med/ /smin mtshams spyan dbus dag la ni/ /sor mo gnyis su yongs su grags/ /snyan gyi rtsa dang kos ko'i bar/ / sor mo rnams ni brgyad du 'gyur/ /de bzhin kos ko dbral ba dang / /spyan dag kyang ni mtshungs par bya/ /zhal gyi gru sogs mig 'bres dag /thig ni mnyam pos gzhal bar bya/ /smin ma'i re khA snyan rtse'i thig /thig gis mnyam du tshad par bya/ /snyan gyi mdun khyung spyan dbus kyang / /de bzhin du ni mnyam par gzhal/ /lkog ma'i steng ni sor mo bzhi/ /mgul pa'i srid kyang de bzhin no/ /phrag rtsa dang ni snyan rtsi'i bar/ /ji srid sor mo drug yin no/ /kos ko'i sha ni zlum po ste/ /ji ltar mdzes par byas nas ni/ /de yi tshad du 'phyang ba'o/ /kos ko'i khung dang snyan khung gi/ /dbus kyi khung ni thung zhing dma'/ /cod pan dang ni ral pa bcings/ /'khyil pa skra yi lhag ma dang / /gtsug phud dang ni rtse mo gsum/ /dbu rgyan dang ni thor tshugs bcings/ /de rnams sor mo brgyad du ring / /de bas lhag par mi bya'o/ /dge dang mi dge 'chad 'gyur ba'i/ /zhal gyi rnam pa cung zad ni/ /'dzum zhing mnyen par byas nas ni/ /mtshan nyid dang ni ldan par bya/ /bska dang tsha ba dang ni dro/ /de bzhin du ni skyur dang kha/ /gdong gi dbyibs ni rig byas nas/ /ring du yongs su srang bar bya/ /de nas gzhan yang bshad bya ba/ /lus kyi tshad kyi mtshan nyid ni/ /mgrin pa'i mtshams nas lte ba'i bar/ /gnyis kyi gdong pa gnyis su bya/ /lte ba mdoms kyi sba ba dang / /rtsa nas 'phred la logs dag dang / /phang tshos dag dang de bzhin du/ /mgrin mtshams nu ma'i dbus dag du/ /nu ma'i mthar yang de bzhin du/ mgrin logs dpung ba'i rtse mo nas/ /mtho re'i tshad du rab tu gsungs/ /lte ba nu ma'i bar cha ni/ /sor mo rnams ni bcu bzhi ste/ /thig ni mnyam du gdab par bya/ /de bzhin mgrin mtshams brang gi gzhol/ /lus kyi rked pa'i rgya la ni/ /mtho ni gsum gyi tshad du gsungs/ /rgyab la sor mo drug dag bya/ /de bzhin brang gi nu ma'i mthar/ /nu ma'i dkyil 'khor logs su ni/ /sor mo gnyis kyi tshad kyis so/ /nu ma'i rtse mo nas gnyis zlum/ /nas gsum lte ba'i dkyil 'khor la/ /lte ba'i zabs ni mdzes byas la/ /g.yas su 'khyil bas mtshan pa'o/ /sor gnyis gsang ba'i gnas la ste/ /sor gnyis gsum ni lag pa'i sreng / /de yi srid du gung mo'o/ / mtho bong la ni sor bzhi bya/ /de dang mtshungs pa mthe'u chung / /gung mo'i srid las sen gang dman/ /mdzub mo ru ni shes par bya/ /mthe bo che yi rgya ru ni/ /zhing la nas rdog dgu yin te/ /phyed dang bcas pa'i gnas brgyad kyis/ /gung mo'i zheng ni mdzes par bya/ /gnyis po nas rdog brgyad du rig/ / mthe'u chung ni nas bdun shes/ /mtheb chung rtsa nas mkhrig ma la/ /sor mo rnams ni lnga ru 'dod/ /lag mthil dbus kyi zhing la yang / /de yi tshad kyis shes par bya/ /mthe bo'i tshigs nas mkhrig ma'i bar/ /ji srid song mo bzhi yin no/ /mtho bo'i rtsa nas mdzub mo'i bar/ /ji srid sor mo gnyis su 'gyur/ /sor mo rnams ni tshigs pa gsum/ /mthe bong la ni tshigs gnyis 'gyur/ /sor mo so so rnams kyi ni/ /tshigs pa rnams ni mnyam du brjod/ /rtse mo zlum zhing phra bar rig /tshigs su rnams ni bde bar sbyar/ /so la sor phyed rtse mo ste/ /'phred la tshigs phyed de bzhin du/ /sen mo'i rtsa ba zla phyed kyi/ /rnam pa cad du mkhas pas bya/ phyag gi mthil ni gang bar bya/ /dge ba'i re khAs nye bar mdzes/ /phyag gi re khA 'chad 'gyur ba/ /lha rnams kyi ni dge ba'i mtshan/ /dung dang pad+ma rgyal mtshan dang / /'khor lo rdo rje shag ti dang / /'khyil ba bum pa zla ba gdugs/ / de bzhin dpa' be'u lcags kyu gdugs/ /rtse gsum nas ni phreng ba dang / /nor gsum gyi ni de nyid bya/ /lte ba gsang ba'i dbus dag ni/ /brla yi rtsa ba mtshungs par bya/ /brla ni mtho dor ring ba nyid/ /rje ngar rings su gdong gnyis bya/ /pus mo la ni sor gnyis gnyis/ /long bu song gnyis gcig tu shes/ /rting ba sor gnyis gnyis su shes/ /bim pa'i 'bras bu smin pa bzhin/ /zhabs kyi phyed du sor mo bdun/ /srid kyi chad du sor mo bcu/ /zhabs kyi bzhi char gyur ba yis/ /mtheb chen gyi ni srid du brjod/ /de dang rtse mo mtshungs par shes/ /gung mo nas phyed kyis dman la/ /ming med sen mo phyed gyis so/ /mtheb chung tshigs pas dman pa'o/ /mthe bo che yi zhing du ni/ /nas ni bcu ru shes par bya/ mtheb chen sor mo'i rtse mo yi/ /bar la nas ni gsum du 'gyur/ rtse mo'i zhed la nas dgu ste/ phyed bcas nas brgyad gur mo'i/ /ming med zhing du nas brgyab dang / mtheb chung nas ni bdun rnams su/ /tshad kyi mtshan nyid du ni gsungs/ a 'bras nu'i dbyibs 'dra bar/ /mtho bo cha ni rtag tu bya/ /zhabs kyi bol gong rus sbal gyi/ /rgyab kyi rnam pa mtshungs par bya/ /zhabs kyi sor mo'i dbyibs rnams ni/ /chu skyes pad+ma 'dra bar grags/ /zhabs kyi mthil dag mnyam par bya/ /son mo'i dbyibs ni nya phyis bzhin// //de nas gzhan yang bshad bya ba/ /yongs su zlum po'i mtshan nyid ni/ /sor mo sum cu rtsa gnyis kyis/ /dbu ni yongs su zlum par shes/ /sor mo bco lnga sum 'gyur gyis/ /dbu ni yongs su zlum par bya/ /zhes pa'ang 'byung ngo / /mtshan 'og dag gi dbus kyi rgyar/ /'dir ni sor mo nyi shu ste/ /sor gnyis bcu dgu rnams kyi ni/ /blo ldan rnams kyis zlum por bya/ /lag pa'i rtsa bar bar dang rtse/ /sor mo brgyad drug bzhi yin te/ /rang gi rgya yi tshad kyi ni/ /sum 'gyur gyi ni zlum por bya/ /lto ba rang dbu sa rgyal ni/ /sor mo bco lngar shes par bya/ /'og tu sor mo bcu drug ste/ /sor mo bco brgyad rked pa la/ /sor gnyis drug ni brla yi rtsar/ /byin pa'i dbus su sor mo drug/ /byin pa'i mtha' mar sor gnyis gnyis/ /phyed bcas rgya ru rab tu sbyar/ /de rnams kun kyang de bzhin du/ /zlum po sum 'gyur nyid du bya/ /de bzhin sor mo kun kyang ni/ /zlum po nyid du rig par bya/ /dbu yi rgyab phyogs ltag pa ni/ /sor gnyis phyi ru phyed par grags/ /rgyab kyi rgyud ni mnyam par bya/ /phang tshos mnyam par 'phyangs pa la/ /brla dang rkang pa byin pa yang / /sor mnyam bar ni 'phyad bar bya/ /rgyab kyi mtshan nyid reg bya ba / /de ni bsdus pa'i don gyis bstan/ /mu tig gser gyi do shal sogs/ /rna rgyan dpung rgyan lag gdub dang / /gos dang na bza'i bkod pa yis/ /sku yi gnas la brgyan par bya/ /sku gzugs lhag dang bcas pa yi/ /yon tan skyon rnams brjod bya ste/ /ring zhing yangs dang ldan gyur na/ /gnas rnams legs par bstan pa ster/ /dbu ni gdugs kyi dbyibs lta bus/ /nor bu 'bru ni legs 'phel ster/ /dpral ba smin ma'i dbyibs legs pas/ /rtag tu dpal ni ster bar 'gyur/ /pad sgros ne tsho'i 'dra ba yis/ /skyes dgu bad bcas rgyal bar 'gyur/ /sku ni mgrin pa dung 'dra na/ /dngos grub thams cad rtag tu byed/ sku ni seng ge'i dbyibs 'dra bas/ /lo legs dang ni snyobs 'phel 'gyur/ /phyag ni glang chen lag 'dra bas/ /'dod pa'i don kun sgrub par byed/ /phyal legs 'thu rnams phun tshogs shing / /rtag tu lo legs rnams su byed/ /brla yi tsha ni legs par 'phel/ /byin pa'i dbyibs legs grong rnams 'phal/ /sku yi khabs ni legs gyur pas/ /tshul khrims rig pa rab tu 'grub/ /de rnams sku yi bsngags brjod nas/ /dman pas yul phyogs nor rnams 'joms/ /zheng dang srid du dman pa yis/ /mu ge dang ni yul 'joms 'gyur/ /lus dman gyur pas sgur po dang / /shangs dman bas ni khro ba dang / /g.yon mig phyugs rnams zad byed cing / /snying mig nor ni 'dzad bar byed/ /mig chung mig ni zlum po dang / /de bzhin du ni mig yon dang / /mig dman ba dang 'og mig rnams/ /ring du rnam par rig par bya/ /sku yi phyal ni dman gyur na/ /'bru rnams rtag tu nyams par byed/ /skra yi brla ni dman gyur na/ /ma la gnas brtan ltung bar 'gyur/ /shangs dang spyan dang phyag sor gsum/ /thung ba rnams ni nyes pa che/ /mgrin pa kos ko rje dar gsum/ /ring ba rnams ni nyes pa che/ /dbu dang snyan dang shangs dang gsum/ /phra ba rnams ni nyes ba che/ /de phyir skyon yon shes byas nas/ /sku gzugs rnams par spros par bya/ /sring du mtho dgu'i chad kyis ni/ yongs su zlum po mnyam du bya/ /A tre ya'i theg le zhes pa las mtho dgu pa'i mtshan nyid do// //yang na zheng la phyed bcas brgyad/ /lha rnams dang ni mi rnams kyi/ /mi rnams la ni mtho brgyad dang / /mi mo brgyad dang bdun yang yin/ /dge ba drug bdun mtho yis ni/ /yongs su zlum dang bangs su mtho/ /rnams kyi mtshan nyid rtags rnams ni/ /ji skad gsungs bzhin dgod par bya/ /lha mo rnams kyi mtshan nyid kyi/ /srid du gdong brgyad mkhas pas bya/ /gdong la sor drug gnyis su bya/ /lus la sor mo bcu gcig gis/ / 'phred la mgrin nas nu ma dang / de bzhin gnyis po nu rtse'i bar/ /thams cad gdong gi nang nas ni/ /lus ni rnam par brjod par bya/ /chu so'i dbus ni sor lnga dang / /sor mo bcu ru shes par bya/ /rked pa sor mo nyi shur bya/ /brla ni sor mo bcu gcig dang / /phus mo sor gsum de bzhin du/ /rje ngar sor mo bco brgyad ro/ /long bu la ni sor gnyis bya/ /lha mo rnams kyi mtshan nyid dge/ /rong mo sum cu rtsa gsum gyis/ /dbu ni yongs su zlum por bya/ /phyag gi rtsa ba sor lnga yi/ /sum 'gyur gyi ni zlum por bya/ /sor mo gsum gyis mkhrig ma'i mtshams/ /de bzhin du ni zlum por bya/ /brla yi dbus su sor gnyis drug / sum 'gyur gyis ni zlum por 'gyur/ /byin pa'i dbus su sor mo lnga/ /sum 'gyur gyis ni zlum por 'gyur/ /thams cad du ni sum 'gyur te/ /sor mo rnams kyang de bzhin no/ /mig gi mtha' dang mig dang ni/ /nu ma de bzhin rked pa rnams/ /cung zad cha ni lhag tu bya/ /skye bo blta na sdug par 'gyur/ /A tre ya li thig le las/ /mtho brgyad kyi ni mtshan nyid do// //de nas gzhan yang bshad bya ba/ /byis pa rnams kyi mtshan nyid ni/ /yon tan drug gi byis gzugs dang / /dmag dpon yang ni yon tan drug /log 'dren gnod sbyin rnams kyi ni/ /gzugs brnyan tshad kyi mtshan nyid do/ / mgo yi steng du sor gnyis shes/ /gdong ni sor gnyis drug tu 'gyur/ /mgrin pa la ni sor gnyis bya/ /lus la sor mo nyi shur 'gyur/ /sor gsum cha yi lte ba dang / /zabs su'ang de bzhin sor gsum mo/ /brla ni sor gnyis mdun du bya/ /pus mo se bzhin sor gnyis so/ /rje ngar sor mo drug tu bya/ /long bu sor mo gcig tu shes/ rting ba la ni sor mo gsum/ /ji ltar sngon ma'i rim pa yis/ /rkang pa'i srid du sor gnyis lnga/ /mthe bong la ni sor gnyis te/ /mthe bong rtse mo mnyam par bya/ /nas kyis dman pa gung mo ste/ /sen mos dman pa ming med do/ /mtheb chung nas kyis dman pa'o/ / sor mo brgyad kyis mgrin mtshams nas/ /dpung cha de bzhin sor mo dgu/ /lag ngar sor gnyis lnga yin te/ /lag pa'i srid du sor gnyis gnyis/ /sor mos dman pa mdzub mo ste/ /ming med gung mo'i sen phyed kyi/ /cha yis dman par bya ba ste/ /ming med la ni nas kyis dman/ /mtheb chen mtheb chung srid du'o/ /A tre la'i thig le zhes pa las mtho bdun gyi mtshan nyid do// //den pa gzhan yang bshad bya ba/ /mtho drug pa yi mtshan nyid ni/ /sor gcig mgo bo'i steng du ste/ /yon tan gsum mgur zlum por bya/ /sor gnyis drug ni gdong dbus la/ /rna ba sna rtse de bzhin du/ /sor gnyis gsum ni mgrin dbus la/ /lto dbus sor mo bcu drug go/ /lus la sor gnyis drug tu 'gyur/ /rkad ba sor gnyis bdun yin no/ /brla dbus sor gnyis bzhi yin te/ /pus mo sor bzhi nas drug go/ /byin pa'i dbus la sor mo lnga/ /long bu de bzhin sor mo gsum/ /sor mo lnga yis rkang pa yi/ / zhing gi tshad du yongs su grags/ /nas dgu yis ni mtheb chen te/ /de bzhin bar ni nas gsum mo/ /nas brgyad kyis ni rtse mo bya/ /nas bdun gyis ni gung mo bya/ /nas rdog drug gis ming med la/ /mtheb chung la ni nas rdog lnga/ /de bzhin du ni mkhas ba yis/ / rkang pa'i sor mo mdzes pa dang / /sor mo de bzhin rting ba'i rgya/ /ji skad gsungs pa bzhin du bya/ /A hre ya'i theg le zhes pa las mtho drug gi mtshan nyid do// //de nas gzhan yang bshad bya ba/ /mtho bcu pa yi mtshan nyid ni/ /tshangs ba lha mo tsar tsi ka /drong srong bram ze srin mo rnams/ gang zhig lha dang sangs rgyas rnams/ /blo dang ldan pas sku gzugs bya/ /mkhas pas brtsam bya 'di rnams kyi/ /gzhan rnams kyis kyang de bzhin bya/ /gtsug tor la ni sor bzhir 'gyur/ /bzhin la de bzhin sor gnyis drug /mgrin pa sor mo bzhi ru bya/ /lus la sor mo sum cu drug / de bzhin dbyi la sor mo bzhi/ /brla la sor mo sum bcu drug /pus mo sor mo lnga ru shes/ /rje ngar sor mo sum bcu drug /long phu sor mo gnyis su shes/ /sor mo lnga yis shin tu mdzes/ /'og gi cha la rab tu bya/ /sor gnyis dku yis de bzhin du/ /dpung ba'i cha la rab tu bya/ /mgrin mtshams brang zhol rtse de bzhin/ /sor gnyis bcu ru shes par bya/ /dbung pa la ni sor gnyis gsum/ /de bzhin lag dang sor mo brgyad/ /lag pa'i yal ga blang ba ni/ /sor mo bdun du shes par bya/ /ji ltar mdzes par bya ba ni/ /sha yi 'khyil bag rnams su shes/ A tre ya'i thig le zhes pa las mtho bcu'i mtshan nyid do// //yang dag thub pa rnam par ni/ /thung ngu'i tshad du gsungs pa yi/ /sku gzugs chen po'i bkod pa ste/ /rab tu bshad bya da ni nyon/ /khru ni bco lnga lhag pa yang / /sku gzugs chung dur shes par bya/ /bar ma nyis 'gyur dag tu shes/ /chen po rnams ni sum 'gyur ro/ /gal te bdag nyid dag 'dod ni/ /de las gzhan bas mi bya ste/ /sku ni tshar ba mi ster dang / /yang na nor rnams zang bar byed/ /sku ni chag pas rigs nyams shing / /gas pas phyogs rnams 'khrug par byed/ /sku'am gal te ling ga dang / /lha mo ma mo'i tshogs de bzhin/ /go cha'i las ni blta byas nas/ /myur du de rnams gshegs par bya/ /me tog mchod yon de bzhin du/ /spos dang zhal zas gtor ma dang / /gos la sogs pa dngul bya zhing / /de bzhin sbyin sreg las byas nas/ /dge dang zhi ba'i chu bo la/ /lha yi sngags ni bzlas byas nas/ /skra dang thag pa mun dza dang / /zar ma du ka la de bzhin/ /cho ga bzhin du ba bltas nas ni/ /thag pa yis ni bcing bar gsungs/ /khyu mchog steng du bcings nas ni/ /lha rnams rnyid pa sbyan drang sal/ /gos kyi rang bzhin sku gzugs ni/ /chu bo chen po'i 'gram dag dang / /de bzhin gtsang po 'dus rnams la/ /de ru de bzhin 'phang par bya/ /gser dang dngul dang de bzhin du/ /zangs dang rag na rang bzhin yang / /gal te bdag nyid dpal 'dod na/ /kun kyang me la gzhu bar bya/ /shing gi rang bzhin las gyur sku/ /de bzhin gos kyis yongs dril nas/ /snum dang sbrang gis brlan byas la/ /sgron me yis ni spar bar bya/ /sa rdo rang bzhin las byang sku/ /ri bo'i phyogs gyur gang zhig tu/ /sa ni mig gang tsam brkos nas/ /sku gzugs sbas te dgang bar bya/ /sku gzugs rnying pa gshegs bya ba/ /bdag nyid chen po rnams kyis bya/ /dus ni bye ba stong rnams su/ /lha yi 'jig rten rnams kyis mchod/ /A tre ya'i thig le zhes pa las rnying pa gshegs su gsol ba'i mtshan zhig tu/ /drang srong chen po A tre'i bus mdzad pa'i sku gzugs kyi mtshan nyid rdzogs so// //mkhas pa d+harma d+ha ra dang / sgra bsgyur grags pa rgyal mtshan gyis/ /sku gzugs chag tshad mchan nyid kyi/ /sgra don legs pa'i bsgyur ba yin//[ ]@/ /grub thob brgyad bcu'i mngon par rtogs pa bzhugs/ @##/ /thams cad mkhyen pa la phyag 'tshal lo/ /lU yi pa du ba'i mdog can/ skye pa dang lhan cig pa'o/ /ling pa ba mdog ser po bud med dang lhan cig pa'o/

CLOSE WINDOW