བོད་ཡིག

e-texts based on the ACIP/ALL Input

@#/ /rgya gar skad du/ piN+Da ni brta na nirde sha kA rI kA/ bod skad du/ ldog pa bsdus pa bstan pa'i tshig le'ur byas pa/ 'jam pa'i dpal mgon de la phyag 'tshal te/ /sgra dang bstan bcos mkhas pa'i mthar gyur pa/ /pA Ni ni dang pa bya tsan+d+ra dang / /rat+na ma ti gad ba zla ba dang / /ni man sa ka la sogs mkhan po yis/ /dgag pa'i bye brag rgya cher bshad pa las/ /dman pa'i don du nyung zad bstan par 'dod/ /mkhan pos bstan pa'i mdo dag las/ /dgag pa'i bye brag mang bshad kyang / /kun nas bsdu ba bshad pa dag /rnam grangs mdo ru bsdu ba dang / /bsdu ba'i bye brag ltos pa dang / /rab tu gsal bar brjod pa bzhi/ /'di dag tsam du shes par bya/ /med dang gzhan dang 'dra ba dang / /dman dang zhum dang zhan pa dang / /phra dang nyung dang myur ba dang / /chung dang lhag ma med pa dang / /'ga' las mtha' dag ma yin dang / /mi mthun gnyen po bral ba yis/ /rnam grangs bco lngar bshad pa yin/ /de las cung zad bsdu ba ni/ /brgyad nas gnyis kyi bar du ste/ /zhum dang zhan pa dman par te/ /phra ba la sogs drug gcig tu/ /sbyar bas dgag pa'i rnam grangs brgyad/ /mi mthun gnyen por sbyar bas bdun/ /dman dang chung ba zhum pa ru/ /dgag pa'i rnam grangs rnam pa drug /don gyis go bar byed pa dang / /tshig gcig rnam par sgrub pa dang / /de ldan rang tshig mi ston pa/ /de las gzhan pa gzhan yin no/ /kun du brtag pa 'gog pa dang / /rang gi gzhi las zhum pa dang / /gzhan dang 'gal ba rnam pa bzhi/ /med pa dang ni gzhan pa dang / /gnyen po'i don la 'jug pa gsum/ /dgag pa'i rnam grangs ji snyed pa/ /med dang ma yin gnyis su 'du/ /bstan bya don yod don med dang / /'jug tshul dngos dang brgyud pa dang / /kun du brtags pa bzlog pa dang / /chos kyi de nyid bstan pa dang / /gzhan gyi 'dod pa bsal ba dang / /rang gi 'dod pa'ang sgrub pa dang / /'byung ba'i dus kyi khyad par gyis/ /bsdus pa'i bye brag shes par bya/ /don dang 'jug tshul dgos pa dang / /'jug dus dbang ste go rims bzhin/ / med pa'i bstan bya don med de/ /ma yin pa ni don yod pa'o/ /de bzhin med pa dngos su 'jug/ /ma yin pa ni brgyud pas so/ /kun rtog zlog pa med pa ste/ /de nyid ston pa ma yin pa'o/ /gzhan gyi 'dod pa sel ba ni/ /med par dgag pa'i dgos pa ste/ /rang 'dod sgrub pa ma yin pa'o/ /ma rtogs log rtogs the tshom dag /sel 'dod dus na med pa 'byung / /don nyid khong du chud 'dod na/ /ma yin dgag pa 'byung bar 'gyur/ /dgag pa'i sgra dang dgag bya yis/ /bstan par bya ba don du 'dod/ /tshul ni 'di ru thabs su 'dod/ /don des ji ltar ston byed pa'i/ /thabs kyi 'bras bu dgos pa'o/ /'byung dus rnam pa bzhir bshad pa/ /smra bar byed pa gang zhig gis/ /yid la byed pa gang ldan pa/ /'dod ldan 'byung ba'i dus su 'dod/ /bye brag rtsa ba 'di yin te/ /med pa yod pa mi sgrub ste/ /ma yin pa ni yin pa sgrub/ /rgyu la 'bras bu de bzhin dang / /tha dad dngos dang brtags pa tsam/ /snga na med dang zhig pa dang / /phan tshun gcig la gcig med dang / /shin tu med par gyur pa dag /med par dgag pa'i gzhir gyur pa/ /gal te yod pa'i dngos 'dod na/ /med par dgag par mi 'gyur ro/ /de phyir yod pa mi sgrub ste/ /med pa'i yod pa'ang mi sgrub po/ /de yis bstan bya don med dang / /sgra nyid dngos su 'jug pa dang / /dgos pa brtags pa sel ba dang / /de bzhin gzhan gyi 'dod pa dang / /'byung ba'i dus ni gsum du brjod/ /gzhan dang gnyen po la sogs pa'i/ /ma yin dgag pa tha snyad dag / gang zhig yin pa bzlog pa yis/ /yin pa'i dngos po gzhan du tshol/ /ma yin tsam du mi sgrub ste/ /de phyir ma yin dgag pa ni/ /yin pa'i dngos po sgrub pa'o/ /de yis bstan bya don yod dang / /brgyud pa'i tshul gyis 'jug pa dang / /chos kyi de nyid ston pa dang / /rang gi 'dod pa sgrub ba dang / /'byung dus gcig tu brjod pa yin/ /yid la byed pa'i khyad par dag /smra ba gang gi blo la gnas/ /de ni bye brag gnyis kyi rgyu/ /yid la byed pa'i bye brag ni/ /'byung ba'i dus kyis shes par bya/ /de ni yul gyis phye ba ste/ /dgos pa brjod pa ji lta ba'o/ /'dod pa'i yul zhes bya ba ste/ /rgyu yi bye brag brjod pa'o/ /ma yin dgag pa'i bye brag ni/ /lhan cig rgyun la gnod byed dang / /de bzhin mi byed dbye ba yis/ /gnyen po dang ni gzhan du brjod/ /don de nyid las gzhan pa la'ang / /dgag bya dag las gzhan nyid dang / /dgag bya nyid las mi gzhan pas/ /'gal dang gzhan dang zhum pa'o/ /bstan par bya ba gzhan nyid dang / /dgag par bya ba 'dra ba dang / /de bzhin yon tan nyid dang ni/ /kun du rnam par spros ba dang / /lus su byed pa'i bdag nyid dang / /rgyun gyi dngos po rags pa dang / /'dod pa'i rnam grangs du ma dang / /de bzhin yun gyi chu srid dang / /dngos kyi rang bzhin che ba dang / /bsams pa'i don las log pa dang / /kun du khyab par gyur pa dang / /lhan cig gnas pa ma yin dang / /de la nus pa 'phrog byed dang / / med pas mtshon pa'i yod pa yis/ /ji ltar bstan pa'i don bzhin du/ /bsdu ba'i bye brag de bzhin no/ /dgag pa yul dang gnas skabs dang / /dus la ltos par shes par byed/ /de dag gsum mam gnyis gnyis sam/ /re re'i dbang la'ang ltos pa yin/ /spyi dang khyad par dbye ba na/ /yul dang dus la yod pa yin/ /gnas skabs la yang cha yod do/ /dngos po rnams kyi mtshan nyid dag /phan tshun gcig la gcig med pa/ /yul gyi khyad par la ltos pa'o/ /rgyu dang 'bras bu'i ngo bo dag /snga nas med dang zhig nas med/ /dus kyi khyad par la ltos pa'o/ /ri bong rwa dang mo gsham bu/ /shin tu med par gyur pa ni/ /yul dus spyi la ltos pa'o/ /yul dang dus kyi dbang gis ni/ /med pa rnam pa bzhir 'dod do/ /gnas skabs dag gi dbye ba yis/ /med dang ma yin gnyen po'i don/ /mi mthun chung sogs bral ba dang / /mi 'dra ba dang gzhan pa'o/ /'di ni sngon nam da ltar dag /bum pa med ces brjod pa gang / /med pa tsam zhig 'dod pa'am/ /gal te yod pa 'dod kyang rung / /de ni gsum la ltos pa'o/ /gangs sam mi la sogs pa la/ /sngon nam da lta phyis kyang rung / /'di la myu gu mi skye zhes/ /dgag pa yang ni de bzhin no/ /so ga shing 'bras mi smin ces/ /dgag pa dus dang gnas skabs la'o/ /'di na da lta 'di med ces/ /dgag pa yul dang dus la'o/ /rta la ba lang med ces pa/ /yul dang skabs la ltos pa yin/ /gangs la myu gu skye med ces/ / dgag pa yul la ltos pa'o/ /lhas byin shi nas med ces pa/ /dgag pa dus la ltos pa'o/ /re re 'am gnyis ltos ston pa/ /khyad par mi 'dzin dbang du'o/ /skabs ni kun tu'ang khyad par te/ /skabs tsam spyi yi cha yin no/ /dgos pa 'grub pa'i dbang du ni/ / gsum nyid la ni ltos pa yin/ /yul ni dgag bya gzhi yin te/ /dus gsum da lta'i dbang gis yin/ /gnas skabs go bar bya ba'i dbang / /dgag pa go bar byed pa yi/ /yul ni med pa gzhi yin te/ /snga nas med dang zhig nas med/ /gcig la gcig med shin tu med/ /go byed skabs ni gnyis yin te/ /che long dang ni rgyas par ro/ /zhig nas med dang shin tu med/ /med par dgag pa zhes 'dod do/ /lhag ma ma yin dgag par ni/ /che long dbang gis 'dod pa ste/ /yul na med dang yod pa yi/ /dbang tsam dag tu 'dod pa'o/ /med pa bzhi nyid mi shes pa'am/ /gal te yod sogs 'dod pa la/ /med pa tsam zhig sgrub pa na/ /med par dgag pa bzhir 'dod do/ /gal te ri bong rwa med pas/ /dngos med de nyid sgrub byed na/ /ma yin dgag par 'dod pa ste/ /tshig gcig rnam par sgrub pa'o/ /rgyu la 'bras bu med ces dang / /'bras bu la yang rgyu med ces/ /rgyu 'bras dngos po sgrub byed na/ /de yang de bzhin shes par bya/ /rta la ba lang med pa zhes/ /rta nyid sgrub par byed pa ni/ /ma yin dgag pa zhes 'dod do/ /gang zhig bkag par gyur pa yis/ /gzhan du 'gal bar 'gyur ba dang / / gang zhig nges par sgrub byed pa/ /dgag pa don gyis go ba'o/ /ming gzhan dgag pas bstan pa'i dngos/ /'gal dang nges pa med pa ni/ /rang gi tshig gis mi ston pa'o/ /gang zhig sgrub pa de lta bus/ /dngos dang dngos po med pa yi/ /de kho na nyid sgrub byed pa/ /ma yin dgag pa zhes 'dod do/ /med pa dag ni de las gzhan/ /mtshan nyid dbang gis dbye ba ni/ /ma yin dgag pa'i dbye ba ste/ /med pa dag ni mtshan nyid gcig /mtshan bzhi'i dbang gis bzhi yin no/ /ma yin dgag pa'i mtshan nyid ni/ /byed pa'i dbang gis bzhi yin te/ /don gyis go bar byed pa dang / /tshig gcig sgrub par byed pa dang / /de dang ldan pa'i dgag pa dang / /rang gi tshig gis mi ston pa'o/ /bya ba'i dbang gis bdun yin te/ /med pa nyid ni ma gtogs pa'o/ /mi mthun gnyen por bsdu ba yis/ /drug gam 'gal dang gzhan pa yi/ /gnyis su brjod par rig par bya/ /dgag pa'i yul yang rnam gsum ste/ /gzhi yi yul dang bya ba'i yul/ /dgos pa'i yul du 'dod pa yin/ /dgag pa'i gzhi dang dgag bya dang / /dgag pa'i dgos ched gsum gyis so/ /sgra ni bye brag med pa ste/ /dgos pa'i dbang gis shes par bya/ /gang phyir gang yang ldog byed pas/ /dgag pa zhes ni brjod pa yin/ /dgag pa'i yul dang dgos pa dang / /sgra dang dus dang gnas skabs dang / /dgag bya ltos pa nges tshig gis/ /rab tu gsal bar brjod pa yin/ /mdor ni yul dang ltos pa dang / /sgra dang nges pa'i tshig gis so/ /dngos su brjod pa'i dgos pa ni/ /dgag par bya dang byed pa dang / /yul dang dus kyi khyad par dag /gcig gam gnyis sam yang na ni/ /spyi la ltos na med kyang rung / /gnyis sam gsum mam bzhi yin no/ /dgag bya dngos po ma yin pa'i/ / las la sogs pa dgag pa dang / /dgag bya bya ba nyid yin na/ /bya ba gang gi yin de yi/ /gzhi de gzhi yi yul yin no/ /med dang de yi tha snyad kyi/ /yul ni bye brag so so ste/ /med pa'i yul ni gcig yin te/ /gang la yod pa de yin no/ /tha snyad yul gyi bye brag dag /brjod pa'i yul ni gsum yin te/ /gzhi sogs bstan pa nyid yin no/ /shes pa'i yul ni drug yin te/ /med pa rang gi ngo bo dang / /de yi gzhi dang dgag bya dang / /dgos ched sgra dang 'jug pa ni/ /shes pa'i yul dang 'dod pa yin/ /'jug pa'i yul ni gnyis yin te/ /don la 'jug dang ldog pa'o/ /sgra dang shes pa lus rnams kyi/ /byed pa 'jug pa zhes 'dod do/ /kha cig tu ni lus la'ang 'jug /de yang shes pa dang bcas pa'o/ /rang gi ngo bo'i dbye ba ni/ /rang bzhin ji ltar med pa dang / /ji ltar go bar byed pa dang / /ji ltar go bar bya ba yis/ /dgag pa'i dbye ba bstan pa yin/ /rang bzhin ji ltar med pa ni/ /med pa rnam pa bzhi yin te/ /ngo bo nyid kyis bzhag pa yin/ /ji ltar go bar byed pa ni/ /don gyis go ba la sogs pa'i/ /dgag pa rnam pa lnga yin te/ /sgra dang skabs kyis bzhag pa yin/ /ji ltar go bar bya ba ni/ /med dang ma yin dbye ba yin/ /dgag pa brgyad sogs dbye ba ste/ /go bar bya ba'i dngos pos gzhag /ngo bo nyid kyi bye brag ni/ /med pa'i dngos po med pa ste/ /yul dang dus la rten pa yi/ /bye brag gi ni bzhi zhes bya/ /go bar bya ba'i dngos po ni/ /med dam gal te yod kyang rung / /skyes bu'i 'dod pa'i dbang byas pa'i/ /dngos po nyid kyi stobs yin no/ /dgos pa dgag bya bzlog pa ste/ /byed dang byed po'i 'dod pa'o/ /phyogs 'ga' dgag pa'am gzhan sogs pas/ /'dod pa brgyud pa yin yang ngo / /sgra ni byed pa'i bdag nyid de/ /dus ni rgyun ces bya ba'o/ /dgos pa'i dus la skabs shes bya/ /bzlog par bya ba dgag bya'o/ /gang gi dbang gis gzhag pa ni/ /dgag bya'i ltos pa zhes bya'o/ /nges tshig ldog pa nyid yin no/ /snga na med pa'i bye brag ni/ /rgyun 'dra ba dang rang bzhin dang / /skabs dang rten la med pa'o/ /rgyun zhig pa dang rang bzhin dang / /skabs dang rten las bral ba yis/ /zhig nas med pa bzhi yin no/ /phan tshun gcig la gcig med pa/ /mtshan nyid dbye ba yod mod kyi/ /rang bzhin nyid du bsdu bya ste/ /ji ltar gser gyi gdub rgyan dag/ /rigs dang bzo dang bong tshod dang / /kha dog dbyibs rnams mtshungs mod kyi/ /gcig gi rang bzhin gcig ma yin/ /yin na cig car gzung bar 'gyur/ /shin tu med pa'i bye brag ni/ /rgyu dang rang bzhin gnyis su shes/ /sems can skye ba la sogs pa/ /rgyun dmigs pa yi rang bzhin ni/ /rgyun 'dra snga na med pa'o/ /sa bon sa dang 'o ma la/ /myu gu bum pa mar rnams ni/ /rang bzhin snga na med pa'o/ /ji ltar gser las rgyan sogs ni/ /gnas skabs snga na med pa'o/ /sa phyogs 'di na ba lang dag /sngon chad med pa rten la'o/ /ljon pa 'am skyes bu la sogs pa/ /tshig gam shi bar gyur pa dag / rgyun zhig gyur te med pa'o/ /myu gu bum pa mar rnams la/ /sa bon sa dang 'o ma ni/ /rang bzhin zhig nas med pa'o/ /ji ltar gser gyi gdub rgyan las/ /rna cha dag ni skabs zhig pa/ /sa phyogs 'di nas bum pa dag /gzhan du 'phos te med pa ni/ /rten las bral te med pa'o/ /ri bong rnga mo bong bu la/ /rwa dang rwa yi rgyu med ces/ /rang bzhin dgag dang rgyu dgag pa'o/ /dgag pa dus la ltos pa ni/ /dngos pos dus la ltos pa ste/ /smra ba po yi dus la ni/ /nam yang khong du chud pa 'dzin/ /spyi tsam khong du chud bya dang / /khyad par khong du chud bya dag/ /smra ba'i bsam pa'ang gnyis su'o/ /ngo bo ston pa ji snyed pa/ /de dag dgag pa'ang de snyed kyi/ /'on kyang mdo ru bsdu ba ni/ /de dag tsam du shes par bya/ /ldog pa bsdus pa bstan pa'i tshig le 'ur byas pa rdzogs so// //

CLOSE WINDOW