བོད་ཡིག

e-texts based on the ACIP/ALL Input

/[ ]@#/ /rgya gar skad du/ sarba b+hA Sha pra war+t+ta na byA ka ra Na shAs+t+ra s+ya br-it+ti/ bod skad du/ smra ba kun la 'jug pa'i sgra'i bstan bcos kyi 'grel pa/ thams cad mkhyen pa la phyag 'tshal lo/ /'dir bstan bcos byed pas/ kun mkhyen la ni phyag 'tshal nas/ /gsal byed sbyor ba bsnyad par bya/ /zhes bya bas ston pa la phyag 'tshal ba sngon du 'gro ba'i sgo nas bstan bcos bshad par dam bca' ba dang / zin pa dang ni ma zin dang / / gnyis ka dag las byung ba'i sgra/ /sems can ston dang mi ston dag /lung du ston dang mi ston pa'o/ /zhes bya bas bstan bcos kyi brjod par bya ba mdor bstan te/ de la sgra thams cad ni rnam pa gsum ste/ zin pa'i 'byung ba chen po'i rgyu las byung ba'i sgra dang / de bzhin du ma zin pa dang / gnyis ka las byung ba dag ste/ de dag kyang kha cig sems can du ston pa dang / kha cig ni mi ston pa'o/ /ston pa rnams la yang tshig tu lhung ba dang ma lhung ba'i sgo nas lung du ston pa dang mi ston pa zhes bya ba gnyis su 'gyur te/ snga ma ni lung du ston pa dang phyi ma ni mi ston pa 'ba' zhig go/ /'di gnyis sbyor ba bzhi dang dgos 'brel bzhi'i sgo nas rang gi don ston par mtshungs kyang don ji lta ba dang / ji snyed pa ston par nus pa dang mi nus pa'i sgo nas phye ba yin no/ /de la sbyor ba bzhi gang zhe na/ gang zhig gang gis dus la ni/ / gang bsgrub phyir na sgra grags pa/ /zhes bya ba smos te/ dang po don tsam gyi tshig gang zhig khyad par gyi dus la de nyid ston pa'i phyir ston par nus pa'i sgra grags so zhes bya bar sbyar bar bya'o/ /sbyor ba 'di la dgos 'brel med na don med cing nus pa med par 'gyur bas/ de yis de dag ston pa'i phyir/ /de yi brjod bya rjod byed dang / /'brel dang dgos pa bsnyad par bya/ /zhes smos te/ de dag gang yin pa dang ji ltar bstan pa'i phyir/ mi mthun mi shes rigs sel ba'i/ /thog mar brjod pa'i sgra gang zhig/ /bsdus dang byed ldan dus la ni/ /bstan bya yongs su ston pa'i phyir/ /de dag nyid mthun sgra brjod pa/ /brjod bya rjod byed dag tu 'dod/ /mtshon par byed dang mtshon bya la/ /'brel dang dgos pa shes par bya/ /zhes smos te/ thog mar brjod pa'i sgra rigs mi mthun pa sel bar byed pa skyes bu zhes bya ba lta bu'am/ rigs mi shes pa sel bar byed pa chos rnams zhes bya ba gang zhig go/ /gang zhig ni don tsam ste/ sbyor ba dang po dang 'brel to/ /bsdus pa'i dus dang byed pa'i tshig dang ldan pa'i dus ni sbyor ba gnyis pa ste khyad par gyi tshig go/ /bya ba yongs su ston pa ni sbyor ba gsum pa'o/ /mthun pa'i sgra ni sbyor ba bzhi pa ste/ de la sbyor ba gsum ni bstan par bya ba yin pas sgra'i brjod bya'o/ /de dang mthun pa'i sgra ni ston par byed pa yin pas sgra'i rjod byed do/ /rjod byed ni don go ba dang 'brel pas 'brel pa'o/ /sgra thams cad la 'di rnams tshang ba'i phyir/ rigs sel ba dang dus sel dang / /ched dang ming du gdags dang bzhi/ /mi ldan sgra ni yod ma yin/ /zhes gsungs pa yin no/ /de la lung du mi ston pa'i phyogs kyi sgra'i sbyor ba bstan pa'i phyir/ 'dzam bu'i 'bras bu smin pa ni/ /dri ma med pa'i chu la lhung / /nya yis bza' ba'i ched du ni/ /'gu lu 'gu lu zhes su smra/ /zhes smos te/ tshig 'di bzhi sbyor ba bzhi dang rim pa bzhin sbyar bar bya'o/ /sbyor ba ji lta ba bzhin du dgos 'brel yang de bzhin no/ /'di ltar 'bras bu de'i 'dug gnas ni chu'o/ /'byung khungs ni 'dzam bu'i shing ngo / /byed pa ni nya'o/ /las ni rang nyid do/ /de'i tshe na 'gu lu zhes bya ba'i sgra grag pa ni mthun pa'i sgra ste/ 'gu lu zhes bya ba'i sgra bshad na don 'di rnams dang mthun par sngon gyi slob dpon rnams kyis bshad do/ /skad kyi khams mi shes pa rnams kyis ni sbyor ba bzhi'i spyi tsam la 'jug par nus kyi thams cad la ni ma yin te/ 'on kyang khyad par gyi sngon du 'gro ba can yin pas shes par bya ba nyid do/ /de bzhin du me sgra dang chu sgra dang byol song gi ngag gi sgra la sogs pa ste lung du mi ston pa'i phyogs thams cad la sbyar bar bya'o/ /de ltar lung du mi ston pa cung zad tsam sbyar nas lung du ston pa'i phyogs la sbyar bar gsungs pa/ tshogs pas bskyed pa'i chos rnams ni/ /byas pas 'jig pa'i dus dag la/ /gang zhig de shes 'dod pa'i phyir/ /mi rtag ces ni brjod pa yin/ /zhes smos te/ 'di yang sbyor ba dang dgos 'brel ni snga ma bzhin du'o/ /'dug gnas ni rnam par rtog pa'o/ /'byung khungs ni byas pa'o/ /byed pa ni rkyen no/ /las ni rang nyid do/ /ched ni de shes pa'o/ /de'i tshe na mi rtag go zhes bya ba'i mthun pa'i sgra grag go zhes shes par bya'o/ /de ni 'di ltar 'gyur te/ rnam par rtog pa la rtog pa yod kyi mi rtog pa la med pa dang / byas na mi rtag gi ma byas na rtag pa dang / 'phangs pa'i rkyen dang 'phral gyi rkyen gyis 'jig gi gzhan du ma yin pa mthong nas sdug bsngal ba dang bdag med pa la sogs pa ste lung du ston pa'i phyogs thams cad la sbyar bar bya ste/ dper na gzhon nu gcig shes na gzhon nu thams cad kyi rigs dang / rgan po'i rigs kyang shes par nus pa lta bu'o/ /de ltar bsdus te bstan nas/ de nyid rgyas par bstan par bya ste/ de la dang po rigs mthun pa sel ba bstan pa'i phyir/ rigs sel ji ltar yin zhe na/ 'khor dang mya ngan 'das pa 'am/ /lung du mi ston dngos gang zhig / bstan pas don gzhan gcod pa'o/ /zhes gsungs te/ dngos po gang yang rung ste dang por don tsam smos pa rnams khyad par mi 'dor la/ rigs mi mthun pa ni sel lo/ /'di ltar skyes bu zhes smos na lhas byin dang sred med dang dbang phyug la sogs pa ni mi 'dor la/ bud med dang rta dang glang po la sogs te skyes bu ma yin pa'i rigs ni sel lo/ /the tshom sel ba gsungs pa/ spyi la 'jug pa bstan pa na/ /mi shes pa ni sel bar byed/ /ces smos te/ rigs sel ba'i tshig dang sbyar bar bya'o/ /de ni 'di lta ste/ chos rnams zhes smos na kha cig ni gzhi'i chos/ kha cig ni lam gyi chos/ kha cig ni 'bras bu'i chos/ kha cig ni don dam pa'i chos/ kha cig ni bshad pa'i chos te/ chos ma yin pa med kyang skye bo kha cig ni kun du gti mug ste ma shes/ kha cig ni ma yin par 'dor/ kha cig ni the tshom can te/ de dag sel ba ni rigs sel ba'o/ /rigs bsal ba de ni de'i spyi'i mtshan nyid de/ de'i phyir/ rigs kyi 'dom pa bsal byas nas/ /spyi yi mtshan nyid brjod par bya/ /zhes smos te/ 'dom pa ma bsal bar spyi'i mtshan nyid 'dri ba ni slar dri bar bya ba yin la/ ston pa ni dor bar bya ba nyid yin pas so/ /rigs kyi 'dom pa sel ba zhes bya ba sbyor ba dang po rdzogs so// //de ltar rigs kyi 'dom pa bsal nas dus kyi 'dom pa ma bsal na khyad par mi shes pa'i phyir/ dus kyi 'dom pa sel ba ni/ /rang gi mtshan nyid ston pa yin/ /zhes gsungs pa yin no/ /da ni dus sel ba gnyis gsungs pa de rgyas par bstan pa'i phyir/ dang po bsdus pa'i dus kyi nges tshig /gnyis dang rnams grangs sogs rnams kyi/ /gang du byed tshig mi gnas pa/ /de ni mdo ru bsdus pa ste/ /zhes gsungs te/ mdo tsam gyi tshig dang bye brag rnam par 'byed pa'i tshig gi bar na byed pa'i tshig mi gnas na bsdus pa zhes bya ba'i ming du 'gyur ro/ /de yang dus yod pa dang gang gang ba yin pa bstan pa'i phyir/ mdor bsdus de yang bcu bzhir 'dod/ /tshig gnyis dang ni rnam grangs dang / /tshig don gzhan dang byed tshig drug /khyad par dang ni 'bru mang po/ /bye brag gzhi bsdu gcig tu bsdu/ /zlas dbye ba gnyis de'i skyes bu/ /zad par mi 'gyur las 'dzin yin/ /zhes smos te/ de la ming gnyis kyis byed pa gcig sdud pa ste/ de yang mya ngan las 'das pa'i rnam par thar pa ni rnam thar zhes pa lta bu'o/ /mang po'i bar gyi byed pa phyis pa ni rnam grangs kyis mdor bsdus pa ste/ de yang drang srong mnyan pa dang yod pas dang po bzung ba'i yul ni mnyan yod ces pa lta bu'o/ /tshig gang rang gi don mi ston par don 'pho ba na tshig don gzhan gyis mdor bsdus pa ste/ de yang nor lha'i bu la 'khor lo yod pas 'khor lo can zhes 'bod pa lta bu'o/ /las dang / byed pa dang / sbyin pa dang / bslang ba dang / sgrub pa dang / gzhi rnams ni byed pa'i tshig drug ste/ de dag bsdus pa ni byed tshig drug gi mdor bsdus pa ste/ de yang chos la spyod pa ni chos spyod ces bya ba nas/ chos la brten pa ni chos brten zhes bya ba'i bar lta bur rig par bya'o/ /ngo bo nyid kyi tshig dang khyad par gyi tshig gi bar na gnas gzhan spong ba'i tshig phyi nas mu gsum dang gnyis gcod bar byed pa ni khyad par gyis mdor bsdus pa ste/ sangs rgyas bcom ldan 'das dang / lha dbang phyug dang / 'byung ba sa kha dog dkar zhes pa lta bu ste/ ji ltar gcod pa'i rim pa bzhin no/ /'di dag ni mdor bsdus ba lnga zhes slob dpon kha cig 'chad do/ /spyir ni mdor bsdus pa 'di dag kyang don gyi dbang re res bkod kyi thams cad kyi thams cad du tha dad pa ni ma yin te/ 'bru mang po pa dang / tshig don gzhan lta bu dang / de'i skyes bu dang / byed pa drug lta bu ni phyogs gcig mi 'dra ba'i dbang yin no/ /bye brag dang khyad par ni sgra mi 'dra ba'i dbang yin no/ /rjes su zlos pa'i zlas dbye ba lta bu ni don mi 'dra ba'i dbang yin no/ /gzhi mthun pa dang de'i skyes bu lta bu ni thams cad mi 'dra ba'i dbang yin no/ /de yang gang la 'bru mang po yod pa de ni 'bru mang po pa ste/ 'di ltar ba khra mo can zhes bya ba la sogs pa lta bu'o/ /gang la rang gi bye brag bsdus pa de ni bye brag bsdus pa ste/ de yang ut+pal sngon po lta bu'o/ /gang dus sam dngos po gzhan sdud pa de ni gzhi bsdu ba ste/ de yang lha la sogs pa rnams zhes pa lta bu'o/ /gang tshogs pa gtso bor sgrub cing gzhi mthun par sdud pa ni gzhi gcig tu bsdu pa ste/ de yang 'di ni a ru ra smin pa dag ces pa lta bu'o/ /gang gcig bstan na gcig shes pa de ni zlas dbye ba ste/ de yang mthun pa shes pa dang mi mthun pa shes pa gnyis te/ 'di ltar lam 'khyog pa ngal ba'i rgyur bstan na lam mi bde ba 'ang ngal ba'i rgyur shes pa dang / lam drang ba bde ba sems pa'i rgyur yang shes pa lta bu'o/ /ba ni rtogs pa'i phyir thams cad du yang gnyis par 'gyur ba yin mod kyi/ 'dir ni rnam grangs dang bsdus pa'i gnyis dang ldan pa'i tshig de ni ba gnyis pa zhes bya'o/ /de'i skyes bu ni twa ta hwoM tau ma pu ru She na tad pu ru Sha ste dngos po gzhan dang gzhan du sbyar ba de'i skyes bu'o/ /gang mtha' mi 'jed pa'i tshig ni zad par mi 'gyur ba'o/ /gang gzhi gcig gis gzhi nyid dang byed pa gzhan gyis las su gyur pa yang sgrub pa de ni las 'dzin pa yin no/ /de rnams ni dus gnyis bkod pa las bsdus pa'i dus yin no/ /da ni byed pa'i tshig dang ldan pa'i dus bshad pa'i phyir/ byed pa'i dus ni de nyid la/ /the tshom gcod byed 'dus byas yin/ /zhes smos te/ bsdus pa de dag nyid legs par sbyar ba'i phyir 'dus byas yin no/ /de yang gang yin pa bstan pa'i phyir/ de yang las dang byed pa dang / /ched dang 'byung khungs 'brel ba dang / /gzhi dang zhes bya ba la sogs pa smos te/ de yang las zhes bya ba ni gang dag tshogs pa 'dus pa'i dus na gang gis mngon par 'du byed pa dang / gang la mngon par 'du bya ba'i gzhi dang / gang zhig mngon par 'du bya ba rnams ni las yin te/ gang g.yo ba'am/ rtsol ba'am/ snga ma'i gnas las gyur par byas pa'i phyir de yang mtshan nyid dang rnam par gzhag pa'i tshe na ni byed pa la yod pa'i g.yo ba'am rtsol ba las su gzung ngo / /byed pa dang rnam par gzhag pa'i tshe na ni bya ba'i gzhi la yod pa'i snga ma'i gnas las gyur pa las su gzung ngo / /bya ba dang rnam par gzhag pa'i tshe na ni bya ba'i gzhi dang bya ba nyid gnyis ka bya bar gzung ste/ las ni byed pa la yod pa'i g.yo rtsal du gzung ngo / /'dir ni rnam par dbye ba ston pa'i don yin pas byed pa dang rnam par gzhag pa'i las nyid gzung bar bya'o/ /de yang 'bras bu'am/ don dang dgos ched lta bu dang / gnas sam ldan par byed pa dang phrad pa rnams ni bzhi pa'am/ bdun pa'i don yin pas de ni 'dir 'gog go/ /spyi'i dbye ba ni byed pa'i don gyis shes par bya'o/ /byed pa ni byed pa po dang bcas pa ste/ de yang rab tu skyed par byed pa dang / rnam par 'jog par byed pa dang / shes bya shes par byed pa rnams so/ /de dag kyang gcig dang du ma'i sgo nas mu bzhi ste/ dmigs pa dang de ma thag pa dang bdag po du mas bya ba rnams shes gcig skyed pa dang / 'byung ba bzhi dang dus kyi khams lta bu du mas bya ba 'bras bu gcig skyed pa lta bu ni du mas gcig la byed pa yin no/ /dmigs pas 'dra ba skyed pa dang / de ma thag pas shes pa'i rigs su skyed pa dang / bdag pos yul 'dzin pa'i ngo bor skyed pa lta bu dang / 'byung ba dag rten pa dang / sdud pa dang / smin pa dang / ma rul pa dang / rim gyis 'phel ba dang / cha mnyam par skyed pa lta bu ni du ma du ma la byed pa lta bu yin no/ /kun gzhi lta bu rnam par shes pa kun skyed pa dang / ma rig pa lta bu las dang sdug bsngal kun skyed pa dang / sa bon lta bu ga lo ma la sogs pa skyed pa lta bu ni gcig du ma la byed pa lta bu'o/ ma rig pas 'du byed dang / de bzhin du rga ba'i bar lta bu dang / sa bon gyis myu gu dang / de bzhin du 'bras bu'i bar du dang / de dag re re'i dbang du brjod pa thams cad ni gcig gcig la byed pa'o/ /rnam par 'jog byed ni lhas byin dang lag chu'i tshogs lta bu du mas shing lta bu bya ba gcig la byed pa dang / lhas byin gyis bskul ba'i bya ba byed pa dang / lag chas gcod pa dang 'dreg pa'i bya ba byed pa lta bu du mas du ma la byed pa dang / sta re gcig gis bya ba rtsi shing lta bu du ma la byed pa dang / sta re lta bu gcig bya ba gcig la gcod pa lta bu/ gcig gcig la byed pa'o/ /shes bya shes par byed pa ni mtshan rtags sam/ gtan tshigs sam/ brjod pa dag las don shes par byed pa ste/ de yang sgra du mas don du ma shes par byed pa dang / skad kyi dbyings lta bu sgra gcig gis don du ma shes par byed pa dang / gtan tshigs rjod 'jog lta bu sgra du mas don gcig shes par byed pa dang / ngo bo nyid ston pa lta bu sgra gcig gis don gcig ston pa lta bu yin te/ de bzhin du rtags kyis shes pa dag la yang sbyar ro/ /sbyin pa ni gang gi ched dang don dang dgos pa dang 'bras bu lta bu la'am/ gang la mchod sbyin dang phyag 'tshal ba'i sa ste/ 'di ltar las dang byed pa'i 'bras bu ni bya ba ste/ bya ba'i don ni 'dir yang dag par sbyin pa'o/ /de'i dbye ba ni las dang byed pas sbyar bar bya'o/ /'byung khungs sam rgyu'i don ni gang la gang yod pa las de de las bral ba dang skyes pa dang dgar zhing khyad par du byas na don der 'gyur te/ bdun pa'i don la rag las pas de'i don la shes par bya'o/ /drug pa ni bdag po'i tshig gis lhag ma'i tshig ston par byed pas sgra dang the tshom gyi 'dom pa sel bar byed de/ mu bzhi pa rnams ni gsum sel to/ /gsum pa rnams ni gnyis sel to/ / gnyis pa rnams ni gcig sel to/ /de'i phyir 'di ni nges par 'dzin pa yin no/ /bdag po gang gi don du bstan zhes 'dri ba'i tshe ni lhag ma gang gi bar bstan pa'i dbang du byas zhes bya bar 'gyur ro/ /lhag ma gang gi yin zhes 'dri ba'i tshe na ni bdag gi yin zhes bya bar 'gyur te/ las nas brten gnas kyi bar du kun la drug pa'i sgras 'dom pa sel bar byed do/ /brgyud pa'i dus su snga ma 'og 'dril te sel to/ /brten gnas gzhi ni bzhi ste/ ngo bo nyid brten pa'i gnas bzhi dang / las brten pa'i gnas bzhi dang / mthu la brten pa'i gnas bzhi dang / ldan pa brten pa'i gnas gzhi dang bzhi'o/ /ngo bo nyid brten pa'i gnas gzhi la bzhi ste/ thams cad la thams cad kyis khyab pa'i til 'bru la til mar gyis khyab pa lta bu khyab mtshungs pa dang / phyogs kyis phyogs la khyab pa me dang du ba lta bu khyab mi mtshungs pa dang / phyogs kyis thams cad la khyab pa shing gis tsan dan gyi shing la khyab pa lta bu khyab byed rgya che ba dang thams cad kyis phyogs la khyab pa nam mkha' la 'od kyis khyab pa lta bu khyab pa rgya che ba'o/ /las brten pa'i gnas gzhi la yang bzhi ste/ yongs su rdzogs par 'gyur ba'i las brten pa me dang chu la sreg pa dang spangs par byed ces pa lta bu dang / yongs su nyams par 'gyur ba'i las brten pa me dang chu dang dgra la sreg pa dang sdug bsngal ba dang 'jig par byed ces pa lta bu dang / gnyis kar 'gyur ba'i las brten pa gtar sreg la brten pas sdug bsngal gyis phan par 'gyur ba lta bu dang / gnyis ka ma yin pa'i las brten pa gang du yang mi 'gyur ba ste rlung las ljon shing rnams g.yo ba nas bya rnams skad 'byin par byed pa zhes pa lta bu'o/ /mthu la brten pa'i gnas gzhi la yang bzhi ste/ ngo bo tha dad pa'i mthu la brten pa rgyal po la brten pa rgyal po'i mi zhes pa lta bu dang / dus tha dad pa'i mthu la brten ba sa bon la brten pa myu gu zhes pa lta bu dang / tha mi dad pa'i mthu la brten pa de bzhin gshegs pa ni so so rang rig pa'i ye shes la gnas zhes pa lta bu dang / gnyis ka ma yin pa'i mthu la brten pa kun gzhi la bag chags gnas zhes pa lta bu'o/ /ldan pa brten pa'i gnas gzhi la yang bzhi ste/ mthun pa'i phyogs ldan pa lhas byin la nor zas dang dpung yod ces pa lta bu dang / mi mthun pa'i phyogs ldan pa lhas byin la dgra yod ces pa lta bu dang / gnyis ka ldan pa lhas byin la rta ngan pa yod ces ba lta bu dang / gnyis ka ma yin pa ldan pa lhas byin la rdzas dgos pa med pa yod do zhes pa lta bu'o/ /de dag bod pa dang don tsam bsdus pa dang bcas pa ni gnas brgyad de/ rjod par byed pa'i byed tshig dag kyang der 'du ste/ kha cig ni don gyi ngo bos so/ /kha cig ni brgyud pas so/ /don de dag kun kyang tshig rnam par sbyar ba dang / mjug sdud pa'i tshig dag gis skabs kyi khyad par gsal bar bstan par bya ba'i phyir gzhan yang / zla bsdu lhag ma bcas pa dang / /dgag sgrub brnan dang bdag po dang / /zhes bya ba la sogs pa rgya cher smos so/ /de la zla bsdu zhes bya ba ni zla sdud pa'i tshig ste/ gang zhig dam bcas pa'i don spyi dang khyad par dag gis bstan par bya ba rdzogs so zhes bya bas bstan du rung ba dag go/ /tshig lhag ma can ni lhag bcas te/ lhag ma ni don gyi kha skong ba'o/ /de gang la yod pa de ni lhag ma dang bcas pa ste/ 'di ltar dper na lhas byin shing gcod de zhes bya ba gzhan 'dren pa lta bu dag go/ /dgag pa zhes bya ba ni 'gog par byed pa ste/ ji ltar zhe na med pa dang / ma yin par ro/ /'di'i khyad par ci zhe na/ dgag par bya bas bye brag tu 'gyur gyi/ 'gegs par byed pas ni ma yin te/ mi nus pa'i phyir ro/ /dgag par bya ba nyid med pa yang gnyis ka la brjod du rung ste/ gzhi'i bye brag bsnan par byas ba dngos po med pa zhig 'gegs par byed bas ston pa ni med par dgag pa zhes bya'o/ /dngos po yod pa zhig 'gegs par byed pa'i tshig gis ston na ni ma yin par dgag pa zhes bya'o/ /de yang med pa rnam pa bzhir bstan pa dag las gtan med pa dang zhig nas med pa ston pa ni med pa'o/ /snga na med pa dang gcig la gcig med pa dag ni rang gi rten mi 'dor bas ma yin pa yin no/ /ma yin pa de dag kyang bye brag gis na gnyen po dang mi mthun pa dang chung ba dang / mi 'dra ba dang dman pa rnams su 'gyur te 'gegs pa'i tshig gis de lta bu dag yin par ston to/ /de'i phyir dgag pa dang bcas pas bstan par bya bas bye brag phye zhes bya ba'i tha tshig go/ /ci'i phyir dgag pa zhes bya zhe na/ 'di dag dang ldan pa gang dag ldog par mi 'gyur ba med pa'i phyir ro/ /sgrub pa zhes bya ba ni sgrub par byed pa'o/ /don gang zhig bsgrub par bya ba 'di dag yod na ldog par mi 'gyur ro/ /ldog pa dang mi ldog pa'i bye brag ci zhe na/ gang zhig yod pa yod do/ /med pa med do/ /med pa yang yod do zhes brjod na med pa'i tshig gis rang dang gnyis ka ldog par byed do/ /yod pa'i tshig gis ni rang dang gzhan gnyis ka sgrub par byed de/ de'i phyir de dag dgag pa dang sgrub par ming 'dogs par byed do/ /brnan pa ni ngo bo nyid dang rnam grangs so/ /de la ngo bo nyid brnan pas ni gzhan gyis gzhan ston pa la sogs pa sel bar byed do/ /rnam grangs gzhan brnan pas ni de lta bu dge kyang yin pa la sogs bar 'gyur ro/ /brnan pa'i sgra dgar bar 'gyur ba dag kyang yod de/ 'di ltar de la 'di ni zhes pa lta bu'o/ /de gang las she na/ kha cig ni dgod pa las so/ /kha cig ni zla las so/ /bdag po la sogs pa ni bdag po ste/ bdag po'i don ni gang la de yod pa'i ming ni der brtags pa ste/ 'bru mang po pa dang / ba gnyis pa dang / de la phan pa'i rkyen can la sogs bar ston pa dag lta bu don 'pho ba rnams so/ /gzhan yang / rgyan dang kha skong dus la 'jug /ces bya ba la tshig gi rgyan gyi gsum ste/ mthun pa dang mi mthun pa dang kha skong ba'o/ /de la mthun pa'i rgyan ni don mthun par ston pa'o/ /mi mthun pa'i rgyan ni mi mthun yang bsgrub bya grub par ston pa ste khas len pa'i rgol ba la sogs pa'o/ /kha skong ba ni gnyis te/ rtsa ba skong ba dang tshig kha skong ba'o/ /de la rtsa ba skong ba ni yi ge tshang bar byed pa rnams so/ /tshig kha skong ba ni tshig dang tshig gi lhag ma dag go/ /dus la 'jug pa ni sgra gang zhig gis 'das pa dang da ltar byung ba dang ma 'ongs pa ston par nus pa dag go/ /'byed sdud gzhan gcod gnyis pa dang / zhes bya ba la/ 'byed pa dang sdud pa la sogs pa ston pa ste/ 'byed cing sdud pa dang sdud cing 'byed pa dag go/ /de dag ni ngo bo tha dad pa yang skabs kyi bya ba sdud pa dang ldan no/ /'di ni dad dang yang gi sbyor ba can te/ kha cig ni rgyu'i don dang dus kyi bye brag dang gzhi'i don dang smra ba 'debs pa dang rtsa ba bskang ba rnams su yang byed do/ /gang 'di yod na khyad par tha mi dad pa med do/ /sdud pa dag gis ni bshad par byas pa dang 'gyur ba dang gzhan don yin pa ni skabs kyi mthus yin gyi sgras ni ma yin no/ /gzhan gcod pa zhes bya ba ni gzhan 'gegs pa ste/ 'di ni dgag pa dang sgrub pa dag dang phyogs re re mthun pa yin te/ 'di ni gang zhig gi rjes su brjod na de'i ma rigs spyi tsam du bsdus pa'am/ rigs gcig pa'i khyad par dag snga ma las gzhan pa 'gegs par byed de/ de yang khyad par gyi gzhi la de brjod de/ khyad par brjod na khyad par gyi gzhi'i rigs su bsdus pa gzhan la khyad par de med par ston te/ de ni gzhan mi ldan par nges bar gzung ba zhes bya ba'i gzhan gcod pa yin no/ /gang dag gzhi dang khyad par ngo bo gcig tu mi 'du ba dag kyang yod pa dang ldan pa'i sgo nas gzhi dang / khyad par du gzhi la ldan par sgrub pa ste/ de brjod na ni 'brel pa nges par 'dzin cing ma 'brel pa rnam par gcod par byed de/ de dag ni dper na sngon po kho na ut+pal yod ces brjod na khyad bar gzhan gcod do/ /sngon po ut+pal kho na la yod ces brjod na gzhi gzhan gcod do/ /sngon po ut+pa la yod pa kho na zhes brjod na sngon po ut+pal la yod pa nges par bstan pas med pa dang ma 'brel pa gcod de/ de bzhin du tha dad pa dag la yang brjod do/ /de la snga ma gnyis la ni skabs kyis ma nges par 'gyur ba yang yod do/ /ma 'brel pa gcod pa ni khyad par dang gzhi nyid la 'gal ba med na brnan pa'i tshig gis ma nges par ston pa'i nus pa med do/ /spyir brnan pa'i rigs su gtogs pa rnams tshig snga ma'i khyad par gcad pa dang / ngo bo gcod pa dang tha mi dad par sbyor ba dag skabs kyi stobs kyis shes par bya'o/ /sgra las ni nus pa med do/ /gzhan yang brnan pa'i sgra tshig gi phrad du mi slu ba dag la 'jug pa yang yod do/ /skabs kyi mthus yin te/ bstan par bya ba gang zhig kho na dang nyid kyi tshig gis bstan na don de bden par shes so/ /de ni tshig gi phrad du 'gog go/ /gnyis pa zhes bya ba ni tshig zur gnyis pa'o/ /de ni 'di ltar byed pa dang las gnyis kar 'gyur du rung blta bu dang / yin pa dang yod pa gnyis kar 'gyur du rung ba lta bu ste/ 'di ltar gnyis kho na ni ma yin te gzhan dang gnyis zhes bya'o/ /gcig gi tshig dang gnyis kyi tshig /mang po'i tshig dang rtags can dang / /zhes bya ba la/ gcig tu ston pa'i tshig ni gcig gi tshig ste/ de bzhin du gzhan la yang sbyar ro/ /de ni 'di ltar shing / shing dag /shing rnams zhes bya ba ste grangs ston pa zhes bya ba'i tshig go/ /rtags can ni rtags yod pa'i tshig ste/ pho dang mo dang ma ning gi rtags gang zhig dang ldan na don gang rgya che ba dang / bya ba byed pa dang / sdud pa la sogs pa byed pa dang mi byed ba dag gi sgra mtshon par byed pa dag go/ /de dag dang bcas pa dang 'dren pa dang snang ba dang ldan pas so/ /mtha' yi tshig dang dbus kyi tshig /ces bya ba ni gang zhig la gang zhig yod na mtha' 'dren pa dang dbus 'dren nus pa'i tha tshig ni mtha' dang dbus kyi tshig ste/ 'di ltar gzugs la sogs pa zhes bya ba dang / gzugs nas rnam par shes pa zhes pa lta bu'o/ /nye dang ring la snyeg pa dang / mngon du ba dang lkog tu gyur/ /rab tu lkog la snyeg pa dang / zhes bya ba ni sgra gang zhig don gang nye ba dang / mngon du gyur pa la snyeg par byed pa dang gang zhig ring ba dang / lkog dang shin tu lkog tu gyur pa la snyeg par byed pa zhes sbyar ba'o/ /de la don nye ba ni yul thag nye ba ste/ gang zhig la ltos nas 'di thag nye ba'o/ /yul gang shes pa'i mngon sum du gyur pa ni mngon du'o/ /don 'dir gyur pa ni bshad pa'am/ 'chad pa'am gzhan yang rung ste 'di'o zhes bya bar brjod do/ /ring ba ni yul thag ring ba ste/ gang zhig la ltos nas de thag ring ba zhes brjod pa'o/ /lkog tu gyur pa ni mngon du byar mi nus pa'o/ /rab tu lkog tu gyur pa ni lo rgyus ma yin pas shes par mi nus pa ste/ de dag lkog tu gyur pas de zhes bya ba brjod do/ /de yang ngo bo nyid du dus dang tha snyad kyi dbye bas 'dren pa mi 'dra bar 'gyur te/ ngo bo nyid ston ba'i tshe na ni thag ring ba yul gang bdag dang ma 'brel pa dang / bdag gang zhig gis bzhag na de dang 'brel pa gzhan dang / mi brjod par mi nus pa dang ngo bo nyid bden pa dag la yang 'jug par byed de/ 'di ltar 'brel pa'am ma 'brel pa dag 'brel pa ni skyes bu gzhan dang skyes bu gzhan no/ /de'i skyes bu bya bas brjod pa lta bu'o/ /ming brjod par mi nus pa ni gsang bar 'os pa mi ston par 'doms pa ni de ma ston cig ces brjod pa lta bu'o/ /ngo bo nyid bden pa la 'jug pa ni 'di nyid bden pa yin pa la de kho na zhes bya bas brjod pa ste/ de dag ni tshig gi phrad du 'dod do/ /de ltar na dngos po bden pa dang gsang ba dang bdag gi ba dang pha rol po la 'jug par byed pa na de zhes bya ba 'di dag dus gsum char mi sel to/ / gal te bstan par bya ba dus nyid yin te/ dus can la ni da ltar sel to/ /dus can yin na bdag nyid sel te/ dus dang dngos po la 'jug pa'i stobs kyis phye ba ni tshig gi phrad du 'gog pa'i phyir dus sel bar mi 'gyur ro/ /'dir ni gang tha snyad kyi dbang du brjod pa 'das pa dang / rnam grangs gzhan la brjod pa yang rung ste/ gang zhig gi skabs su bstan par bya ba'i don yod pa dang tshig lhag ma dang bcas par 'gyur pa gzung ngo / /de la 'das pa ni sngar brjod pa ste/ de yang 'das ma thag pa dang / lan grangs gzhan la brjod pa yang rung ste/ gang zhig gi skabs su bstan par bya ba'i don gang zhig yin pa ni de zhes bya bas ston par rig par bya'o/ /'dri dang lan gyi tshig dang ni/ /bdag dang gzhan dang sbyor ba'i tshig /ces bya ba la/ 'dri ba'i tshig ni gang dang / ji ltar dang / gang zhe na/ gang gi phyir zhe na/ gang gi zhes pa la sogs pa ste/ dri bar byas nas gang zhig gi tshig rnam par sbyar zhing mjug sdud pa'i lan du 'gyur ro/ /bdag gi tshig ni yin byed kyi mtha' can dang byed pa'i rkyen la sogs pa dag gi ngo bor ston pas brjod pa'o/ /gzhan gyi tshig ni don gzhan dang 'bru mang po la sogs pa tshig rang gi don mi ston pa rnams kyis brjod pa'o/ /sbyor ba'i tshig ni tshig rnam par sbyar ba thams cad de/ 'di ltar ming gang la yin pas sbyar ba dang / yod pas sbyar ba dang / de la phan pas sbyar ba dang / byed pas sbyar ba dang / las kyis sbyar ba dang / 'dra bas sbyar ba dang / ngo bos sbyar ba dang / dngos po'i rkyen gyis sbyar ba lta bus ming de rnam par sbyar te/ de la ji ltar zhe na/ 'di ltar yin pas sbyar ba ni yin par sbyar ba ste/ de bzhin du gzhan la yang brjod par bya'o/ / de la yin par sbyar ba ni dper na skyes bu 'di'i ming lhas byin zhes bya'o zhes pa lta bu'o/ /yod par sbyar ba ni dper na skyes bu 'di la brtul ba yod pas 'di'i ming brtul ba zhes bya'o zhes pa lta bu'o/ /de la phan par sbyar ba ni dper na skyes bu 'di don grub pa la phan pa'i mthu nye bar sgrub pa yin pas 'di'i ming don grub ces bya'o zhes pa lta bu'o/ /byed par sbyar ba ni dper na skyes bu 'di mi rnams dga' bar byed ba yin pas 'di'i ming dga' bo zhes bya'o/ /zhes pa lta bu'o/ /las su sbyar ba ni dper na skyes bu 'di la mi rnams kyis nye bar bsngags pa yin pas 'di'i ming nye bar bsngags pa zhes bya'o zhes pa lta bu'o/ /'dra bar sbyar ba ni dper na skyes bu 'di lha dang 'dra ba yin pas 'di'i ming lha zhes bya'o zhes pa lta bu'o/ /ngo bor sbyar ba ni skyes bu 'di skyes bu yin pas 'di'i ming skyes bu zhes pa lta bu'o/ /dngos po'i rkyen du sbyar ba ni skyes bu'i dngos po 'di skyes bu nyid yin pas 'di'i ming skyes bu nyid do/ /de ltar tshig rnam par sbyar ba de rnams kyi nang du ni sngar bstan pa kun kyang 'du bas ming gang yang de dag tu rnam par sbyar zhing gang zhig tu mjug bsdu bar bya'o/ /de rnams kyang kha cig ni de dag tu ston pa'i rkyen gyi yi ge dang ldan no/ /kha cig ni skabs kyi stobs kyis so/ /de ltar na sum cu rtsa lnga ste/ rgyas pa dang bsdus pa dag ni ma nges pa dang / gang yang sgra dag ni 'di tsam kho na zhes nges par gzung ba ni med de/ gzungs dang spobs pa mi zad pa dang / so so'i skye bo'i yul ma yin pa'i phyir ro/ /de'i phyir 'dir bstan pa sum cu rtsa lnga'o zhes so/ /de dag ni byed pa'i tshig dang ldan pas bye brag tu ston pas dus byed pa dang ldan pa yin no/ /mdor na skabs kyi mthu dang ldan pa dag ni bsdus nas rtogs par 'gyur ro/ /byed pa'i tshig dang ldan pa dag gis ni mi ldan pa dag kyang rtogs par 'gyur ro/ /dus kyis 'dom pa sel ba de dag kyang gzhan gcod pa'i tshig dang ldan na khyad par gyi sgrar 'gyur te/ rang dang nyid lta bu ni mthun pa'i thun mong mi srid pa'i phyir/ de dang ldan na rang 'ba' zhig gam khyad par du 'gyur ro/ /de mi ldan pa dag ni thun mong dag kyang srid pa'i phyir khyad par nyid du ston pa'i nus pa med do/ /dus kyi 'dom pa sel ba zhes bya ba sbyor ba gnyis pa rdzogs so// //da ni bsal ba de dag gi dgos ched bstan pa'i phyir/ rigs dang dus bsal byas nas ni/ /bstan bya gang zhig ston pa de/ /de ni ched du 'dod pa yin/ /zhes smos te/ de la sgra de dag rang gi tshig gi don ji lta bu ston pa dag gis gzhan bsal te/ don de dag nyid bstan pa ni ched yin te/ de ni sgra sbyar ba'i dgos pa yin no/ / de'i dbye ba ni dus sel ba'i sgra yin par shes par bya'o/ /ched du bya ba'i sbyor ba zhes bya ba gsum pa rdzogs so// //sbyor ba bzhi pa bstan pa'i phyir/ ji snyed don gyi sbyor ba ni/ /gang la 'jug pa bstan pa ni/ /gang gis ston pa'i yi ge de/ /de ni ming du btags pa yin/ /zhes gsungs te/ ming du btags pa ni sngon gyi slob dpon gyis de ltar ston pa'i sbyor ba de'i ming ni de skad ces bya'o/ /ming ji snyed yin pa ni sngar bstan pa'i ming dag yin no/ /ming du btags pa'i sbyor ba zhes bya ba bzhi ba rdzogs so// // gang zhig rnam smin rnam bral rnam pa'i shes pas mi reg cing / /brjod min brjod dang ldan min brjod pas reg min kyang / brda ru btags pas brjod pa gsal te de nyis rnam pa brjod gyur nas/ /rnam pa'i shes pas rnam bral khong du chud la phan pa 'di gzigs te/ /thub dbang sras dang bcas pas skye bo mthun par btags pa bstan par mdzad/ /gdags pas brgyud phyir tha snyad gzugs kyis bstan de ston pa dag/ /skye bo grags so shin tu 'khrul pas khrid pa rnams/ /don la rnam pas 'dzin cing rnam pa brjod 'dzin pa/ /brjod pa ming du btags 'dzin tha snyad de la gzugs su rtog /tha snyad 'jug pa tsam yang med pa dag /byis pa kun dang thun mong 'di byas pas/ /de dag sgra dang don la mkhas gyur te/ /rnam bral brjod med don la 'jug gyur cig/ /smra ba thams cad la 'jug pa zhes bya ba'i sgra'i bstan bcos kyi 'grel pa sbyor ba bzhi dang ldan pa slob dpon chen po su b+hA Sha kI rtis ngo bo gcig tu brjod pa'i gzhung du mdzad pa rdzogs so/ /[ ]@##/ /rgya gar skad du/ pra yo ga mu kha/

CLOSE WINDOW