བོད་ཡིག

e-texts based on the ACIP/ALL Input

@##/ /rgya gar skad du/ tat+t+wa saM gra ha kA ri kA/ bod skad du/ de kho na nyid bsdus pa'i tshig le'ur byas pa/ 'phags pa 'jam dpal gzhon nur gyur pa la phyag 'tshal lo/ / rang bzhin dbang ldan gnyis ka dang / /bdag sogs byed dang bral g.yo ba/ /las dang de 'bras 'brel pa dag /rnam par gzhag la sogs pa'i rten/ /yon tan rdzas dang bya ba dang / /rigs dang 'du sogs khyad par gyis/ /stong dang sgro btags rnam can ni/ /sgra dang shes pa'i spyod yul can/ /mtshan nyid gsal dang ldan pa yi/ /tshad ma gnyis kyis gtan la dbab/ /cha shas shin tu phra bas kyang / /'dres pa gzhan gyi bdag nyid min/ /mi 'pho thog mtha' med pa can/ /gzugs brnyan la sogs dag dang 'dra/ /spros pa kun gyi tshogs dang bral/ /gzhan gyis rtogs pa ma yin dang / /rang dbang thob la mi brten pa/ /'gro la phan pa mdzad bzhed pas / /bskal pa grangs med mi nyung bas/ /thugs rje chen po'i bdag gyur pa/ /rten cing 'brel par 'byung ba ni/ /gang gis gsungs pa smra ba'i mchog / kun mkhyen de la phyag 'tshal nas/ /de nyid rnams ni bsdu bar bya/ /nus pa ma lus dang ldan pa'i/ /gtso bo nyid ni 'ba' zhig las/ /'bras bu'i khyad par rab skye ste/ / de dngos can nyid yang dag par/ /gal te rgyu yi bdag nyid la/ /nus pa 'bras bu don yod min/ /de ni bya bar mi nus te/ /ngo bo med phyir mkha' pad bzhin/ /med par mtshungs na ci yi phyir/ /sA lu'i sa bon la sogs pa'i/ /bye brag phyir na nges pa yi/ /nyer len len byed gzhan ma yin/ /skye ba'i chos can thams cad kyang / /dngos po kun la skye 'gyur te/ /'di kun la ni de bdag nyid/ /khyad par khyad par med phyir ro/ /'di yi nus pa nges pa'i phyir/ /de lta min zhes lan mi rung / /gang phyir nus pa'i rgyu dag gis/ /nus par 'os pa'i 'bras nyid byed/ /khyad par byar med gang yin pa/ /dngos po med dang 'gyur ba med/ /gyur na bdag nyid nyams gyur phyir/ /de dag gis de ji ltar byed/ /de ltar 'bras nyid mi rung phyir/ /ci zhig byed pas rgyu ru 'gyur/ /de phyir sa bon la sogs pa/ /rgyu yi dngos por yang mi 'gyur/ /gsal ba 'di ni bde sogs kyi/ /rdzas 'gro'i bar ni gsal bar snang / /rab tu gdung dang btang snyoms sogs/ /'bras bu 'di la dmigs phyir ro/ /de phyir de bdag can las byung / /de rigs rjes 'gro mthong phyir te/ /bum sogs bye brag bzhin gtso bo/ /de yang yin zhes ser skya smra/ /'di la blo bzang rnams 'chad pa/ /yod pa la yang klan ka mtshungs/ /de la khyed kyi lan gang yin/ /blo bzang rnams kyi 'ang de dang 'dra/ /gal te zho sogs 'o ma sogs/ /bdag nyid la ni rnam kun yod/ /rgyu la sogs dang 'dra bdag nyid/ /yod pa de dag ci zhig skye/ /'bras bu de rgyus bskyed bya min/ /yod phyir rgyu dang rig pa bzhin/ /de phyir mngon 'dod rgyu min te/ /bsgrub bya med phyir bdag mchog bzhin/ /gal te gsal sogs mtshan nyid can/ /khyad par gyur pa 'ga' zhig la/ /'di ni rgyu rnams kyis byed na/ /tha snyad du ni 'gyur ba min/ /gal te snga na de yod na/ /de ltar ci yang lan ma thebs/ /'on te de med de dag las/ /med par ji ltar skye bar 'gyur/ /de phyir bsgrub bya med pas na/ /nyer len yongs su 'dzin pa med/ /nges pa las kyang skye ba med/ /nus pa med cing bya ba'ang med/ /bdag nyid thams cad rdzogs pa'i phyir/ /'di ni 'bras bu ci yang med/ /de phyir rgyu yi tha snyad kyang / /'thad pa nyid ni ma yin no/ /sgrub byed zhugs pa thams cad ni/ /phyin ci log ni bzlog pa dang / /nges pa skyed byed de lta bur/ /'di ni rigs pas 'thad ma yin/ /the tshom dang ni phyin ci log /rtag tu gnas phyir bzlog tu med/ /nges pa skye ba'ang yod ma yin/ /de nyid phyir na kun don med/ /yang na nges pa med pa ni/ /sgrub byed las ni skye 'gyur na/ /yang dag ma yin skye zhe na/ /de nyid kyis na 'di dag kun/ /'khrul pa can gyur ma yin nam/ /gal te mi gsal de dag las/ /gsal rten zhe na de gsal gang / /ngo bo khyad par skye min te/ /dbyer med phyir dang ma 'brel phyir/ /yul de rigs ba 'ang ma yin la/ /dmigs pa'i sgrib pa zad pa'ang min/ /rtag pa'i phyir dang dmigs pa ni/ /gnyis pa yang ni mi srid phyir/ /yon tan gsum ldan dbyer med kyang / /thams cad kun gyi byed po min/ /gang 'dra med pa'ang de dang 'dra/ /thams cad byed po kun min na/ /ltos sam ma grub pa yi phyir/ /khyod ni nus pa nges pa med/ /yod na de yi nges pa ni/ /ltos bcas rigs pa ma yin nam/ /de min de dag ma skyes na/ /de lta'i sgra ni med du zad/ /khyad par kun gyis dben pa yi/ /dngos po'i ngo bo nyams pa med/ /ming ni dngos po'i ngo bo min/ /gang phyir brjod dang rnam rtog ni/ /rnam pa sna tshogs dbyer med la/ /ji ltar goms pa bzhin du 'jug /skye ba'i dngos po'i dngos de ni/ /med dang de bzhin yod pa dang / /'brel pa med de rnam rtog blos/ /med dang sprel ba kho nar zad/ /gal te dngos po'i ngo bo 'di / /gcig gi rjes la mthong ba dang / /sngar med zhes pa de sa bon/ /sngar yod pa la 'di med do/ /'o ma sogs la zho la sogs/ /nus pa'i ngo bo 'dod pa gang / /de la nus gang gal te zho/ /'o ma bzhin du snang bar 'gyur/ /gal te gzhan yin gzhan yod na/ /ji ltar dngos kun gzhan zhes bya/ /snying stobs yod pa sdug bsngal dang / /gti mug yod pa ma yin no/ /gsal ba snying stobs sogs rjes 'gro/ /nges la ji ltar yang ma grub/ /bde sogs nang gi yin pa'i phyir/ /de ni rang rig gsal phyir ro/ /sgra sogs gcig pu kho na yang / /gom dang rig pa'i bye brag las/ /chags pa la sogs nges pa ni/ /skye ba dag tu gsal bar snang / /dngos gcig rjes su 'brangs nas ni/ /rig pa sna tshogs thal bar 'gyur/ / gal te ma mthong sogs dbang gis/ /dngos po'i rjes su 'brang mi 'gyur/ /dngos po ngo bo rnam gsum pa/ /de yi rig pa rnam gcig can/ /de dang mi mthun de dag ni/ /de la yang dag ji ltar rigs/ /skyes bu gcig la rnal 'byor pa'i/ /bde dang skyo dang btang snyoms skye'i/ /pha rol rnams kyi skyes bu ni/ /de yi ngo bor 'dod ma yin/ /gsal ba yon tan gsum can du/ /grub kyang gtso bo rab ma grub/ /de rgyu gcig dang rtag nyid min/ /de ni rigs gcig dang ldan min/ /gsal ba thams cad lcags kyi ni/ /thur ma dang 'dra rim pa dang / /'brel pa'i lus can dag tu snang / /rtog dang 'dres pa'i bdag nyid can/ /de bzhin 'jim pa'i 'gyur la sogs/ /khyad par rigs gcig ldan min dang / /rgyu gcig min par yang 'grub ste/ /'jim gong la sogs tha dad phyir/ /skyes bu rnams la sems yod sogs/ /rjes 'gro na yang rgyu gcig ni/ /sngon 'gror mi 'dod dngos min zhes/ /gal te dngos su min zhe na/ /'di la ni yang cis mi mtshungs/ /de phyir gtso bo'i rgyu med na/ /rgyu dang 'bras bu la sogs pa/ /sna tshogs thams cad nus pa yi/ /khyad par las ni rung bar 'gyur/ /de kho na nyid bsdus pa'i rab tu byed pa las rang bzhin brtag pa ste dang po'o/ / //gzhan dag skye ldan kun gyi ni/ /rgyu ni dbang phyug yin zhes zer/ /shes pa med pa'i bdag nyid ni/ /rang gi 'bras bu rtsom mi byed/ /rab rtsom byed pa'i yan lag gi/ /dbyibs kyi khyad par dang ldan gang / /de ni blo ldan rgyus bskyed bya/ /bum pa sogs bzhin dbang po ni/ /gnyis kyis bzung dang bzung ba min/ /rtsod pa'i gzhi dang 'di 'dra bar/ /des na blo ldan sngon 'gro bar/ /chos mi mthun ba rdul du 'dod/ /de bzhin lus sogs pa yi rgyu/ /shes pa yod pas byin brlabs te/ /gzugs sogs ldan phyir rgyu spun sogs/ /rang gi 'bras bu byed mthong bzhin/ /chos dang chos min rdul phran kun / /sems dang ldan pas byin brlabs te/ /rang gi 'bras bu byed sdod de/ /'jug phyir tshig pa rgyu spun bzhin/ /skyes bu skye ba'i dang po yi / /tha snyad gzhan gyis bstan las 'byung / /rab sad rnams kyi nges pa'i phyir/ /byis pa yi ni tha snyad bzhin/ /'byung ba che sogs gsal ba ni/ /sems dang ldan pas byin brlabs na/ /'jig rten kun gyi bde ba dang / /sdug bsngal rgyu mtshan nyid du 'gyur/ /shes pa med nyid 'bras nyid dang / /'jigs nyid la sogs rgyu yi phyir/ /ste'u sogs bzhin de yi phyir/ /de ni yod par gsal bar shes/ / kun gyi byed po nyid grub pa / /de ni sgrib med kun shes nyid/ /grub ste 'di ltar byed pos ni/ /'bras bu'i ngo bo sogs rig byed/ /rtsod pa'i rten gyi dngos po ni/ /'ga' la mngon sum du ni gsal/ /dngos po yod sogs gtan tshigs phyir/ /bde sogs ngo bo bye brag gi/ /sgrub pa dang po de la ni/ /gtan tshigs ma grub gang gi phyir/ /bkod pa sbyor ba zhes bya dang / /de bzhin yan lag can ma grub/ /bltar rung nyid du khas blangs pa/ /gnyis ka mi dmigs pa yi phyir/ /de yi phyir ni dpe 'di yang / /sgrub pa dang ldan ma yin no/ /mig dang reg pa'i rnam shes ni/ /tha dad snang ba nye bar skye/ /de dag dmigs pa gcig nyid med/ /dri la sogs pa'i sa bon bzhin / /de dag gis ni mthu byung ba / /rtog dang 'brel pa'i bdag nyid can/ /nying mtshams sbyor ba'i shes pa yis / /bsdus la zhen par byed pa yin/ /de phyir chu dang me sogs 'di/ /dbang po gnyis kyis gzung bya med/ /ji skad bshad pa'i chos can ni/ /ma grub phyir na gzhi ma grub/ /lha khang la sogs la bkod pa/ /khyad par can nyid ci 'dra ba/ /byed pa po ni mi dmigs na/ /gang mthong ba ni blo ldan rtogs/ /lus dang ri sogs chos can la/ / gal te de 'dra nyid snang na/ /sgrub pa 'di las ji lta bur/ /'dod pa grub pa de rigs so/ /rjes su 'gro dang ldog pa yis/ /gang gi 'bras bur gang nges pa/ /de mthong ba na de nges pa/ /zhes byar rigs pas gnas pa yin/ /dbyibs kyi khyad par de lta bu/ /lus dang shing la sogs ba'i dbyibs/ /khyad par 'di dag la med de/ /de 'dra ba ni rab brjod pa'i/ /sgra tsam 'ba' zhig kho na yis/ /ldog na the tshom za bar ni/ /sgrub par 'grub ste grog mkhar dag /rdza mkhan gyis ni byas pa bzhin/ /chos kyi khyad par rnam rtog phyir/ /'di ni ltag chod ma yin nam/ /'bras bu la sogs spyi nyid ni/ /sgrub pa yin pa'i bstan ce na/ /de dngos po min las log pa'i/ /'bras bu tsam zhig mi rtag nyid/ /sgrub par byed de bdag phyir ro/ /sgrub byed de la de tshul med/ /me la 'khrul pa med par ni/ /du ba'i bdag nyid skya bo mthong / /skya bor brjod pa tsam nyid kyis/ / kha ba las kyang de rtogs med/ /spyir 'brel pa la gang gi tshe/ /khyad par dag la brten pa yi/ /klan ka de la tshol byed na/ /ltag chod yin par yang dag brjod/ /gal te tshul 'dir mi brten par/ /gzhan du go sgra'i brjod pa tsam/ /nyid kyis rdo rje la sogs la/ /rwa can nyid ni 'grub par 'gyur/ /gal te 'di la 'brel pa ni/ /tshad ma yis ni sgrub byed na/ /de phyir rig pas grub 'di la / /rtsod pa 'ga' yang yod ma yin/ /'on kyang rtag gcig kun shes pa'i/ /blo rtag pa yi rten yin par/ /'grub par mi 'gyur khyab med phyir/ /bsgrub bya med pa nyid phyir ro/ /'di ltar khang skya them skas dang / /khang bzangs tshong dus la sogs pa/ /rnam shes du ma mi rtag pas/ /sngon du 'gro ba can du nges/ /de nyid phyir na 'dod pa la/ /gnod par byed par yang 'dod de / /rnam shes du ma mi rtag pa/ /sngon 'gro can nyid sgrub phyir ro/ /rgyu ni blo dang ldan tsam la/ /khyod kyis 'brel pa brjod pas na/ /gnyis pa la ni kho bo yis/ /rnam pa gsal ba brjod pa yin/ /rtag rnams rim dang rim min pa/ /'gal phyir bya ba byed ma yin/ /yul rnams rim can nyid kyi phyir/ /de shes rnams la'ang rim pa yod/ /shes bya rim can dang 'brel phyir/ /dbang phyug shes pa rim pas 'byung / /lha sbyin sogs kyi rnam par shes/ /'bar sogs spyod yul can bzhin no/ /kho bos bum pa la sogs pa/ /rdul phran tshogs can yin par 'dod/ /de yi byed po rdza mkhan sogs/ /rdul phran kho na'i byed por 'dod/ / de phyir chos mi mthun pa'i dpe/ /rdul phran rab tu bstan 'di las/ /bsgrub bya nyid du mngon 'dod pa'i/ /chos 'di log pa ma yin no/ /gal te spyir na blo ldan zhig /sngon du 'gro ba can 'dod na/ /de la rtsod pa yong med do/ /ngo bo sna tshogs las skyes pa/ /rtag blo gcig can sngon 'gro bar/ /bsgrub na bsgrub byas stong pa nyid/ /mang po rnams kyis khang skya sogs/ /byas par mthong phyir 'khrul pa yin/ /skyon 'di nyid ni ci rigs par/ /gtan tshigs lhag ma dag la yang / /sbyar bar bya ste gzhan yang ni/ /cung zad tsam zhig rab bstan te/ /skad cig 'jig phyir rdul phran sogs/ /gdod nas 'jug par ma grub po/ /de yang rim dang ldan 'jug phyir/ /de nyid kyis na 'khrul ba'ang yin/ /kho bo 'jig tshe skyes bu rnams/ /rnam shes dran pa 'jig mi 'dod/ /'od gsal lha sogs skye phyir dang / /de nyid nas ni 'dir skye phyir/ /kha med lung 'bogs byed pa bo/ /gal te dang bas rtogs 'gyur gyi / /lus 'bras nyid phyir kha med de/ /chos dang chos min med phyir ro/ /sgrub byed kun la khyab pa ni/ /rjes su dpag dang 'gal ba'ang yin/ /'gal ba'i chos kyi gtan tshigs ni/ /khyab par rung ba ma yin no/ /skye ba med phyir dbang phyug ni/ /skye ba can gyi rgyu ma yin/ /nam mkha' yi ni pad+ma bzhin/ /gzhan du thams cad cig car 'byung / /gang dag rim gyis 'byung ba yang / /de dag dbang phyug rgyu can min/ /ji skad bshad pa'i sgrub pa las/ /blun po yid ches bskyed pa bzhin/ /de dag kyang de las byung na/ /sgrub pa brjod pa don med do/ /rtag phyir gso byed min pa la/ /de ni lhan cig byed ma yin/ /gang dag yod na 'byung mthong la/ /med na nam yang ma yin pa/ /de yi rgyu gzhan nyid rtog na/ /khyed la ji ltar thug med min/ /byed pa po nyid bkag pa'i phyir/ /kun shes nyid kyang gsal bar ni/ /rtogs bya de yi stobs nyid kyis/ /kun shes nyid du 'thad phyir ro/ /ji skad bshad pa'i nyes pa yis / /sgrub rnams sun phyung ma gyur kyang / /'on kyang 'khrul pa mthong ba'i phyir/ /byed pa po gcig ma grub na/ /thams cad shes nyid ci la brten/ / de sgrub phyir ni sgrub smras pa/ /rgyal dpog pa rnams la mdzes so/ /de kho na nyid bsdus pa'i rab tu byed pa las dbang phyug brtag pa ste gnyis pa'o// //de ltar rang bzhin dbang phyug dag /so sor rgyu nyid bkag pa'i phyir/ /gnyis ka lhan cig pa 'di yang / /skye ba can gyi byed po min/ /de dag lhan cig byed nyid du/ /brtags pa gang yin pa de yang / /khyad par skyed par byed phyir ram/ /don gcig byed pa'i phyir yin grang / /rtog pa dang po rigs min te/ /de dag 'gyur ba med phyir ro/ /gnyis pa'ang ma yin 'bras bu rnams/ /cig car thal bar 'gyur phyir ro/ /ci ste gtso bo'i ngo bo ni/ /tshul gsum nyid du rnam par gnas/ /de la dbang phyug 'di rdul dang / /ldan na 'byin pa'i rgyu yin no/ /snying stobs shas cher 'jug pa la/ /gang tshe rten par byed pa na/ /de tshe 'jig rten thams cad kyi/ /gnas pa'i rgyu mtshan nyid du 'gyur/ /gang tshe mun pa'i nus pa ni/ /shas chen po dang sbyor ba na/ /de tshe 'di ni 'gro ba kun/ /'jigs par byed pa yin zhes grag /de ltar rdul dang snying stobs sogs/ /dngos rnams 'di yi lhan cig byed/ /rim pa kho nar 'byung 'gyur te/ /de phyir 'bras bu rim med yin/ /'dir brjod bya ste 'di dag ni/ /gcig byed tshe na srid dam gcig /sgrub pa'i mthu ste yod dam med/ /gal te yod na 'byin tshe gzhan/ /gnyis pa yang ni yod par 'gyur/ /de bzhin gzhan zhig yod na yang / /gnyis pa gzhan du thal bar 'gyur/ /de yi ngo bo gzhan gyis ni/ /gzhan gyi byed bo ma yin pas/ /'di yi rang bzhin 'di nyid ni/ /de yi bye brag ga la yod/ /de yi nus ba dang bral na/ /gzhan tshe de yi skyed pa por/ /mi 'gyur nus pas stong pa'i phyir/ /nam mkha' yi ni me tog bzhin/ /nus pa shas chen ngo bo yang / /gal te de tsam kyi rgyu na/ /rgyu yi ngo bo rtag nyi'i phyir/ /dus kun du ni de yod 'gyur/ /gzhan dag gis gzhan mi 'dod pa/ /de phyir gzhan las kyang de min/ /res 'ga' 'byung ba nyid kyi phyir/ /de ni rang dbang can yang yin/ /rang las byung na rgyu nyid min/ /rang la byed pa 'gal phyir ro/ / dngos po rnams ni ltos pa yis/ /res 'ga' ba nyid srid pa yin/ /'di ltar rang gi bdag nyid la/ /rang dngos bya ba 'jug mi 'dod/ /bdag nyid grub par gyur pa yang / /gnas skabs 'di la grub phyir ro/ /bdag gi de nyid ma grub pa/ /'ga' la byed pa 'gal nyid med / / nus pa kun dang bral ba'i phyir/ /nam mkha'i pad+ma la sogs bzhin/ /de kho na nyid bsdus pa'i rab tu byed pa las gnyis ka brtag pa ste gsum pa'o// //rang bzhin smra ba rnams kyis ni/ /dngos po rnams kyi skye ba 'di/ /rgyu kun la ni ltos med smra/ /de dag rang yang rgyur mi smra/ /pad+ma'i ge sar la sogs pa'i/ /sna tshogs gang gis byed 'gyur ba'am/ /rma bya'i mdongs la sogs pa yis/ /sna tshogs pa ni gang gis sprul/ /dper na tsher ma la sogs pa'i/ /rno sogs rgyu med can nyid de/ /res 'ga' 'byung phyir de bzhin du/ /sdug bsngal la sogs rgyu med nyid/ /rjes su 'gro ldog ldan pa yi/ /mtsho skyes ge sar la sogs pa/ /gnas skabs khyad par ldan pa yi/ /sa bon 'dam dang chu sogs can/ /mngon sum mi dmigs pa dag gi /rgyu ni nges pa nyid yin na/ /gang tshe 'di dag gi rgyun ni/ /gzhan gang yin zhes 'dri bar byed/ /yul dang dus kyi nges pa dag /ji ltar dngos po rnams la yod/ /gal te 'di yi de rgyu min/ /de dag kun du kun 'byung tshe/ /gang du gang tshe 'ga' zhig la/ /de las gzhan pa spangs nas ni/ /nges pa nyid du 'byung 'gyur ba/ /de dag de la ltos pa yin/ /de ltos de ltar 'byung ba yin/ /ltos pa 'bras bu nyid du brjod/ /mngon sum gyis kyang de ltar 'byung / /des na 'di la rgyu dag 'grub/ /yang na de la zhes byar sbyar/ /de phyir rang bzhin smra ba 'di/ /mngon sum gyis ni rab gnod 'gyur/ /mngon sum dang ni mi dmigs pas/ /rgyu yi ngo bo nges phyir ro/ /rgyu yod par ni sgrub don du / /tshad ma yod nyid ma gyur mod/ /de lta na yang tshad med pas/ /don med nyid du nges pa min / /gang phyir don ni yod pa yi/ /tshad ma khyab byed dang rgyu min/ /tha dad par ni yod phyir dang / /'khrul phyir de las byung phyir ro/ /dngos gang de lta'i rnam pa min/ /de nyid dang ni ldog pa las/ /gzhan ldog par ni nges pa ru/ /mi rtogs 'brel ba med phyir ro/ /kun gyis ma mthong the tshom dang / /rang gis ma mthong 'khrul pa ste/ /'bigs byed ri phug dur pa sogs/ /ma mthong bar yang yod phyir ro/ /gal te rgyu med can nyid du/ /bsgrub phyir gtan tshigs mi sbyor na/ /tshad ma med par mi 'grub ste/ /de yi phyir na phyogs mi 'grub/ /gal te de grub phyir gtan tshigs/ /rab tu sbyor ba de lta na'ang / /grub pa de rgyus bskyed nyid phyir/ /khyed kyi phyogs kyi 'grub mi 'gyur/ /de ltar shes byed gtan tshigs dang / /de gsal byed pa'i yang de ni/ /grub pa'i rgyu mtshan nyid gyur pa/ /bsgrub bya'i shes byed yin par bshad/ /de phyir byed po 'di nyid ni/ /shes par byed pa'i rgyur 'dod do/ /bsgrub bya'i skyed byed ma yin phyir/ /byed pa por ni mi brjod do/ /de phyir dngos po gzhan dag kyang / /rgyu bcas nges las skyed phyir ro/ /khyed kyi bsgrub bya'i don yul can/ /shes pa bzhin du sgrub 'byung phyir/ /de kho na nyid bsdus pa'i rab tu byed pa las 'gro ba rang bzhin du smra ba brtag pa ste bzhi pa'o// //skye 'jig med par yang dag ldan/ /sgra yi rang bzhin tshangs pa mchog /gang de yongs su gyur pa ni/ /dngos po'i grong nyid rab shes bya/ /de ltar gang dag brjod pa la'ang / /de la brjod bya ba 'di ni/ /rang gi sgra yi ngo bo ni/ /btang nas sngo sogs nyid thob bam/ /de lta min na gang gi tshe/ /dang po'i phyogs rten de yi tshe/ /yi ge nyid dang bral 'gyur te/ /sngar yod dag ni 'jig phyir ro/ /ji ltar de ma thag pa'i phyogs/ /de la snga sogs myong ba'i tshe/ /'on pa la yang gsal por ni/ /sgra yi bdag nyid myong bar 'gyur/ /gang gis gtso bor 'jug pa yis/ /thams cad sgra yi ngo bor gnas/ /sgra yi ngo bo ma btang na/ /yongs su 'gyur bar brjod phyir ro/ /sngon po la sogs gcig nyid du/ /phal pa min par rnam gnas na/ /de rig pa yi dus su ni/ /ji ltar 'di rig yod ma yin/ /'di reg med na sngo sogs kyang / /rab tu myong bar mi 'gyur te/ / gcig bdag nyid phyir tha dad chos/ /shin tu tha dad thal bar 'gyur/ /'gal ba'i chos dang 'brel pa yi/ /dngos rnams tha dad mtshan nyid yin/ /gzhan du gsal ba'i tha dad la'ang / /rtog pa 'di ni med par 'gyur/ /gal te dngos po so so yang / /sgra gcig bdag nyid dbyer med 'dod/ /thams cad yul gcig nyid dang ni/ /rnam pa gcig tu rig par 'gyur/ /'di gsal so so tha dad na/ /tshangs pa du mar thal 'gyur te/ /tha dad du ma dngos po'i bdag /ngo bo nyid phyir gsal byed bzhin/ /sgra yi rang bzhin rtag nyid na / /dngos rnams kyang ni rtag nyid de/ /de dag cig car grub pa'i phyir/ /yongs su grub na mi rigs so/ /ngo bo gcig ni mi gsal zhing / /ngo bo gzhan ni 'byung 'gyur na/ /'ji sogs bzhin du 'grub 'gyur ba/ /rim med la ni yongs gyur med/ /gzhan yang 'bras bu'i ngo bor ni/ /'gro ba'i sgra tshangs rang bzhin na/ /de lta na yang 'gyur med phyir/ /de las rim par 'byung ba med/ /rang bzhin gcig po de nyid las/ /gzhan gzhan ngo bor 'byung min na/ /don gyi ngo bor yongs gyur par/ /de la ji ltar brjod par bya/ /de yi ngo bo min las ldog /'ji ba'i ngo bo nyid dmigs phyir/ /kham bum la sogs khyad par la/ /'ji ba'i bdag nyid gcig tu rtog /sngo dang ser sogs khyad par la/ /sgra bdag min las ldog pa ni/ /de nyid la ni mi dmigs te/ /de phyir rtog pa'ang sa bon med/ /ci ste tshangs pa'i de nyid 'di/ /rtag tu cha med nyid gnas pa/ /ma rig gis bslad 'jig rten gyis / /sna tshogs nyid du mngon par sems/ /de la'ang ma rig pas 'khrul ba'i/ /skye bo rnams kyis gzugs rtogs 'gyur/ /gang zhig sngo sogs rnam pa ru/ /blang dang dor ba'i rgyu mtshan ni/ /de yi ngo bo las ldog pa'i/ /tshangs pa'i ngo bor shes pa med/ /ji ltar sdang ba'i sems rnams kyis/ /yod pa nyid du shes mi 'gyur/ /de ni mngon sum gyis 'grub min/ /cha med snang ba med phyir ro/ /rtag las skye ba rigs min pas/ /de las 'bras bu'i rtags kyang med/ /chos can yod nyid ma grub phyir/ /rang bzhin sgrub byed ma yin no/ /de dag las ni ma rtogs pa'i/ /yod par sgrub pa'i rtags med do/ /shes bya yi ni go rims las/ /shes kun go rims can du grub/ /gzhan du cig car nyid du ni/ /de 'bras rnam shes thal bar 'gyur/ /'di ni shes pa tsam la yang / /nus pa'i dngos med de las gzhan/ /yin na 'di na mo gsham gyi/ /bu dang mtshungs par thal bar 'gyur/ /rnam dag ye shes rgyu can gyi/ /rnal 'byor pas kyang tshangs pa'i dngos/ /de mi shes te de yi phyir/ /shes la bya ba 'brel med phyir/ /gtso bo yongs su 'gyur ba dang / /tshangs pa'i lta ba mtshungs pa'ang min/ /tshangs pa'i mthong ba gtso bo yi/ /yongs su 'gyur ba dang yang mtshungs/ /de yi sun 'byin rjes 'brangs nas/ /'di la sun 'byin rtogs par bya/ /de kho na nyid bsdus pa'i rab tu byed pa las sgra'i tshangs pa brtag pa ste lnga pa'o// //nyes par bshad pa'i grub mtha' yi/ /rjes 'jug blo can gzhan dag ni/ /dbang phyug chos mtshungs skyes bus ni/ /'jig rten rgyur ni rtogs par byed/ /dngos po ma lus 'jig na yang / /shes pa nus ldan 'jig pa med/ /brgya rnams kyis ba bzhin du/ /de ni skye ldan rgyu ru grag /dbang phyug bzhin du 'di la yang / / sun 'byin thams cad brjod par bya / /'di yi bya ba 'di 'dra 'di/ /ci yi phyir na byed pa yin/ /gal te gzhan gyis rab sbyar phyir/ /'di ni rang dbang nyid 'gyur min/ /'on te brtse bas byed 'gyur na/ /'gro ba gcig tu bde bar 'gyur/ /nad dang dbul dang mya ngan sogs/ /sdug bsngal du mas gzir ba yi/ /skye ba 'byin par byed pa de'i/ /rjes su brtse ba ji ltar shes/ /'byin pa'i snga na snying rje'i yul/ /med na rjes brtse 'thad ma yin/ /gang dang 'brel par gyur pa las/ /'di ni 'byin pa por rtog byed/ /rtag tu bde dang ldan rnams kyi / /'jig pa 'di yis byed mi 'gyur/ / de yis ma mthong la ltos na/ /rang dbang nyid ni nyams par 'gyur/ /ma mthong sdug bsngal gyis rgyu la/ /ci phyir de ni ltos par byed/ /'di ni brtse dang ldan yin na/ /de la btang snyoms bya bar rigs/ /gal te de 'jug rtsed mo'i don/ /rtsed mo la ni gtso bo min/ /rtsed mo'i thabs ni sna tshogs pa / /ltos pa'i phyir na gzhon nu bzhin/ /rtsed mo bsgrub bya'i dga' gang dang / /de yi sgrub byed gang yin des / /gal te de byed nus ldan na/ /de kun cig car byed par 'gyur/ /dang por de nus ldan min na/ /rim gzhan du yang nus med 'gyur/ /dngos po dbye ba med pa la/ / nus dang mi nus mi rigs so/ /'on te rang bzhin nyid las 'di/ /'jug pa la sogs la brjod de/ /dper na me sogs rang bzhin gyis/ /sreg pa la sogs las la bzhin/ /gal te de ltar yin de las/ /dngos po ma lus cig car 'byung / /de dag skyed pa'i nus pa dang / /ldan pa'i rgyu ni nye phyir ro/ /me la sogs pa'i dngos rnams la/ /nges pa nyid kyi nus pa dag /dus kun du ni 'byung min te/ /rang gi rgyu stobs las byung phyir/ /gzhan du gal te ngag gi 'am/ /nges 'di khas mi len na ni/ /'bras bu thams cad cig car ni/ /yang dag 'byung ba nyid du 'gyur/ /ba rgya ba lang rang bzhin gyi/ /snal ma'i rgyur ni mi 'dod de/ /gang phyir srog chags za 'dod las/ /kha chu yi ni dra ba byed/ /gal te ci zhig ltar 'jug na/ /'di yi 'byung ldan ci 'dra zhig /gang gi phyir na nya ba yang / /ma dpyad las la 'jug mi 'gyur/ / dpa' bo'i bu dang bdag skyes sogs / /rnam pa de dag nyid kyis ni/ /byed pa por yongs brtags pa yang / /yongs su'ang de dag sun phyung 'gyur/ /de kho na nyid bsdus pa'i rab tu byed pa las skyes bu brtag pa ste drug pa'o// //gzhan dag kyang ni 'dir bdag nyid/ /'dod la sogs pa'i rten gyur pa/ /de bzhin rtag dang kun 'jug can/ /rang nyid sems med ngo bor 'dod/ /dge dang mi dge'i las rnams kyi/ /byed pa po dang de 'bras kyi/ /za ba po yin sems 'brel phyir/ /sems yin rang bzhin ngo bos min/ /shes dang rtsom sogs dang 'brel ba/ / de la byed pa po nyid brjod/ /bde dang sdug bsngal sogs rig pa'i/ /'du ba las ni za ba po/ /de yi ris mthun khyad par dang / /blo rnams dang ni tshor ba ni/ /sngar med rnams dang 'brel pa yis/ /de la skye bar mngon par brjod/ /sngar blangs pa dang bral ba ni/ /'chi ba yin te 'tsho ba yang / / chos dang chos min 'dus byas pa'i/ /lus babs yid dang 'brel pa'o / /lus dang mig sogs gnod pa'i phyir/ /'di la 'tshe bar rnam par brtag /'di ltar skyes bu rtag pa la'ang / /tha snyad 'di ni dri med 'dod/ /nga shes bya ba'i nus pa dang / /lus la sogs ni tha dad pa'i/ /rig par byed pas rig yin te/ /shes phyir de las gzhan pa bzhin/ /'dod pa la sogs thams cad kyang / /de dag 'ga' zhig la brten nyid/ /dngos nyid yin pas 'bras nyid phyir/ /gzugs bzhin nyid kyi skyes bu de/ /dngos nyid smos pa'i phyir na 'di/ /'jig la 'khrul ldan ma yin te/ /'jig pa rgyu can nyid na yang / /gang phyir dngos nyid ma yin no/ /gzugs sogs shes pa thams cad kyang / /gcig dang du ma'i mtshan nyid can/ /nga shes bya ba'i shes pa dang / /de dag mtshams ni sbyor nyid phyir/ /gar mkhan smin khyugs g.yo ba la/ /mang po dag gis shes pa bzhin/ /rnam pa gzhan du mtshams sbyor ba/ /rgyu med par ni skye mi 'gyur/ /bdag ces bya ba'i tshig 'di ni/ /blo dang dbang sogs tshogs pa las/ /tha dad par ni rjod byed yin / /rab grags mi las tha dad na/ /gang phyir tshig gcig nyid 'dod phyir/ /gang yang de ltar nges gyur pa/ /ji skad bshad pa'i chos dang ni/ /dar 'brel bum pa'i sgra bzhin no/ /gson pa yi ni lus 'di ni/ /srog sogs dang yang bral 'gyur te/ /bdag nyid phyir na bum pa bzhin/ /de phyir 'di la bdag med med/ /rnam shes phyi ma thams cad ni/ /skyes ma thag pa'i thog ma yi/ /shes pa'i rig byed kyis rig ste/ /shes phyir de yi rang so bzhin/ /thag ring yul na gnas gyur pa'i/ /bdag dang ldan pa nyid yin te/ /lus can sogs phyir bdag lus bzhin / /de ltar bdag ni yod dang rtag /khyab byed dag tu nges yin na/ /chos rnams thams cad bdag med pa/ /zhes byar gnas pa ma yin no/ /de lta bu 'dir re zhig ni/ /sgrub byed dang po grub pa sgrub/ /gang phyir khyod kyi shes pa ni/ /kun mkhyen sogs kyi shes byar 'dod/ /gsal byed la ni ltos med par/ /rang rig ngo bor skye 'gyur ba/ /de ltar gzhan gyi rnam shes kyang / / dpe ni bsgrub byas stong pa yin/ /de yi rnam par nyer bsgyur ba'i/ /gzhan gyis rab tu shes par 'gyur/ /de dpe nyid du brjod na yang / /gzhan gyi sgo nas the tshom 'gyur/ /gal te 'dod pa la sogs kyi/ /'ga' zhig rten du rab bsgrub na/ /gal te de la rgyu tsam nyid/ /rten du yongs su rtog na ni/ /'dod pa sgrub yin gal te yang / /de bzhin rten du khyod 'dod na/ /de tshe 'ang rgyu bas stong pa yi / /rten du rtog pa don med yin/ /rgya shug 'bras bu sogs kyi gzhi/ /mkhar gzhong la sogs bcad pa yin / /ltung ba'i bgegs dag byed phyir ram/ / khyad par dag ni skyed phyir ro/ /'jig pa dngos po med pa yang / /'bras bu nyid du rigs ldan min/ /de phyir gzhan gyi gtan tshigs 'dir/ /khyad par smras pa'i don med do/ /ma rig pa yis bslad pa las/ /nga yis zhes dang mtshams sbyar 'di/ /dngos po skad cig ma dag la 'ang / /byed po gcig tu zhen par 'jug /log pa'i rnam par rtog 'di las/ /de nyid gnas pa'i rigs ma yin/ /nus lhag khyad par las dad kyang / /gcig gi rgyu mtshan byed par 'gyur/ /gzugs dang sgra sogs sems dag ni/ /rjes 'khor gcig gi 'bras nyid na/ /snga phyi dag ni 'gal 'gyur te/ /nus pa'i rgyu ni nye phyir ro/ /rnam shes de ma thag gcig las/ /rnam shes drug po 'byung ba ni/ /gsal bar cig car rig 'gyur te/ /de phyir 'dod pa'i sgrub byed yin/ /rim pa can la rgyu gcig nyid/ /med ces de ma thag tu bstan/ /de phyir 'di yi khyab pa la/ /rjes dpag gis gnon gsal por mthong / /gar mkhan smin khyugs g.yo ba ni/ /don dam par ni gcig nyid min/ /rdul phran du ma'i tshogs nyid phyir/ /de la gcig tu rtogs pa'i phyir/ /'bras bu gcig la nye sbyor phyir/ / sgra gcig gi ni spyod yul yin/ /bsgrub bya'ang rnam pa de lta bur/ /gal te 'dod na grub pa sgrub/ /blo dang sems la sogs pa'i sgra/ /kho bo cag gi rnam grangs dag /tshig gcig yin yang tha dad pa'i/ /rjod par byed pa nyid ma yin/ /de phyir gtan tshigs ma nges pa'o/ / de yi khyad par smras min nam/ /de nyid ma grub par smras na/ /sems rnams grangs su gnas shes bya/ /nga rgyal gyi ni rten nyid kyis/ /sems la bdag ces brjod pa ni/ /kun rdzob tu yin don dam par/ /'di yi yul ni yod ma yin/ /mkha' dkyil pad+ma sogs pad+ma/ /byed pa po la sogs pa'i tshig / gcig gi rnam par sbyor byed na/ /des ni 'khrul pa dag kyang mthong / /brda tsam las ni byung ba yi/ /tshig dag gang du 'ang 'brel pa med/ /bdag la sogs pa'i tshig dag la'ang / /rang bzhin gyis don gsal byed med/ /gang tshe bdag dang lhan cig tu/ / srog sogs 'brel pa 'grub 'gyur ba/ /de tshe thal ba 'di rigs kyi/ /rnam pa gzhan du mi rigs so/ /mo gsham bu yis stong nyid ni/ /gson lus srog sogs dang bral bar / /thal bar mi 'gyur de bzhin du/ /khyod kyi thal 'gyur 'di nyid yin/ /re zhig 'di la de bdag med/ / de dag tha dad khas len phyir/ /rgyu dang 'bras bu nyid kyang min/ /cig car thal bar 'gyur phyir ro/ /de yi phyir na nyid ldog pa/ /de dang 'brel pa med pa yi/ /dbugs kyi 'byung rngub sogs 'di dag /ci phyir lus las ldog par 'gyur/ /de ltar sgrub byed thams cad kyis/ /bdag yod ma grub pa yi phyir/ /rtag dang khyab pa nyid dag gi/ /dpe ni bsgrub byas stong bar bstan/ /gzhan dag gis bdag mngon sum gyis/ /grub pa nyid du yongs su brtags/ /gang phyir 'ong zhes rang rig ste/ /yul ni bdag yin par 'dod do/ /de ni mi rigs nga zhes la/ /de yi ngo bor mi snang phyir / /gang phyir de la rtag pa dang / /khyab sogs snang ba shes pa med/ /'di ni kha dog dkar sogs su/ /snang ba gsal bar rig 'gyur na/ /de yi rang bzhin bdag mi 'dod/ /de phyir de yi yul can 'di / /gal te skyes bu yang dag par/ /mngon sum gyis ni shes gyur na/ /de bas ci phyir rtsod pa 'di/ /de yod sogs la 'jug par 'gyur/ /'di ltar nges par bya ba 'di/ /nges pa'i bdag nyid du 'jug cing / /nges pa dang ni sgro 'dogs blo/ /gnod bya gnod byed nyid du gnas/ /de phyir 'dod sogs thams cad ni/ /bdag dang 'du ba ma yin nyid/ / rim gyis skye ba nyid kyi phyir/ /sa bon myu gu'i lcug sogs bzhin/ /yang ni nang gi bdag nyid kun/ /bdag med nyid kyis lus can te / /dngos dang yid sogs gtan tshigs phyir/ /dper na phyi rol bum sogs bzhin/ /bdag bcas nyid na de rgyu bcas / /rtag pa nyid du thal bar 'gyur/ /rtag rnams kyang don byed nus min/ /de phyir yod nyid la sogs srid/ /bum sogs la mtshungs bdag med pa/ /gzhan dag gis ni gson lus la/ /bkag pa gang yin de yang ni / /kho bo cag gis 'dir bsgrub bya/ /de ltar bdag ni ma grub na'ang / /de la rnam gzhag byas pa gang / /de kun gnas med nyid yin te/ /mo gsham la ni rnam gzhag yin / /de kho na nyid bsdus pa'i rab tu byed pa las rigs pa can dang bye brag bas kun tu brtags pa'i skyes bu brtag pa ste bdun pa'o// //gzhan dag bdag ni ldog pa dang / /rjes 'gro bdag nyid can gyi ni/ /sems pa'i ngo bo nyid du 'dod/ /sems pa'i blo yi mtshan nyid can/ /dper na sbrul 'khyil gnas skabs na/ /ldog cing de ma thag tu ni/ /drang po'i gnas skabs byung na yang / /sbrul nyid du ni rjes 'jug 'gyur/ /de bzhin bdag ni rtag tu ni/ / sems pa'i rang bzhin can yin yang / /ngo bo ma lus ldog pa dang / /kun gyi rjes su 'jug pa'ang min/ /'on kyang 'di yi bde sdug sogs/ /mtshan nyid gnas skabs ldog 'gyur zhing / /de dag ldog cing skye 'gyur yang / /sems nyid rjes su 'jug par 'gyur/ /gtan du 'jig na byas chud zos/ /ma byas phrad pa dag du 'gyur/ /dngos gcig can la'ang sdug bsngal dang / /bde sogs longs spyod med par 'gyur/ /byed po nyid dang za bo dag /skyes bu'i gnas la de mi brten/ /de phyir skal ldan nyid kyi phyir/ /byed po nyid kyis de 'bras thob/ /rnam pa de lta'i skyes bu 'di/ / ngo shes pa ni yod pa'i phyir/ /rtogs par 'gyur te 'di nyid kyis/ /bdag med pa la rab tu gnod/ /bdag rigs byed do zhes bdag blos/ /shes pa po ni rtogs byad na/ /gal te de ni 'ga' yin nam/ /gcig tu 'jig pa'i shes pa yin/ /gcig tu mi rtag nyid du 'gyur/ /gal te de yul bdag yin na/ /de tshe ma lus 'tsham par 'gyur/ /skad cig ma yi shes phyogs la/ /thams cad shin tu 'brel par dka'/ /'di ltar sngon ni nga nyid kyis/ /shes gyur dad ltar du yang ni / /nga nyid rig par byed ces pa'i/ /blo gang skye bar 'gyur ba ste/ /'on te de yi yul shes pa'i/ /skad cig ma ni gang yin brtag /'das pa 'am ni da ltar ci/ /gnyis ka 'am ni 'on te rgyun/ /de la dang po'i shes pa'i yul/ /shes par gyur zhes bya bar rigs/ /shes par byed ces de mi rigs/ /gang phyir da ltar de rig med/ /da ltar ba ni yul nyid na/ /rigs pa 'thad par byed do zhes/ /shes gyur zhes bya brdzun yin te/ /de nyid phyir na de yi ni/ /gnyis ka bzung brtag de mi bya / /gang phyir gnyis ka shes gyur dang / /da ltar gnyis ka shes byed min/ /rgyun yang de mtshungs bya min te/ /gnyis ka yang ni med phyir ro/ /'di ni shes par gyur min zhing / /da ltar kyang min dngos med phyir/ /de phyir bshad pa las gzhan pa'i/ /spyod yul gang la nga 'di snyam/ /'jug phyir rtag pa'i dngos ldan phyir/ /bdag 'di 'grub par 'gyur ba yin/ /nga zhes pas bzung 'das pa yi/ /shes byed da ltar yang 'jug ste/ /nga yis shes pas rtogs bya'i phyir/ /da ltar rig par byed po bzhin/ /shes byed de yang khar rtsang yod/ /shes byed phyir dang de nyid phyir/ /khar rtsang shes pa po bzhin no/ /shes pa de dag bsgrub bya nyid/ /rgyud gcig dang 'brel shes pa po'i/ /nga shes shes pa nyid kyi phyir/ /khar rtsang de ring yod pa kun/ /don mtshungs can yin blo gcig bzhin/ /de lta bu 'dir dpyad bya ste/ /gal te sems ni rtag gcig pur/ /'dod pa de ltar yin blo yang / /de yi rang bzhin nyid thob 'gyur/ /blo dag dang ni skyes bu ni/ /nged kyi sems kyi rang bzhin phyir/ /rtag nyid dang ni gcig nyid 'dod/ / gal te tha dad yul rten can/ /dper na me ni rang bzhin gyis/ /rtag tu sreg par byed las can/ /bsreg bya 'i don nye gyur pa sreg /gzhan du min gzhan gyi tshe na'ang / /dper na gsal ba'i me long dang / /ji ltar shing gi rdo dang ni/ /gang zhig kho na nyer gyur pa/ /de yi rnam der thob byed/ /de bzhin rtag pa'i sems nyid kyi/ /skyes bu lus la gnas pa rnams/ /dbang pos blangs pa'i gzugs la sogs/ /'dzin byed 'di ni kho bo'i blo/ /nye phyir nye bar 'thob byed pa'i/ /byed pa 'jig phyir blo 'jig can/ /ji ltar bsreg bya nye med phyir/ /me ni rtag tu sreg byed min/ /de la rtogs pa'i blo bdag nyid/ /blo ni ngo shes par byed de/ /bum pa glang po la sogs blo/ /de tha dad phyir 'jig rten 'dod/ /tha dad don rjes 'brang rnams kyis/ /blo de nyid ces brjod mi bya/ /don tha dad la mi rten na/ /ngo shes med pa ma yin no/ /'o na glang po sogs stong pa'i/ / sa la sgro 'dogs byed pa yi/ /shes pa gang dag rab 'jug pa/ /der ni tha dad ci la brten/ /gal te yul gzhan sogs yod pa'i/ /gsal ba rnams ni rgyu mtshan yin/ /gang phyir yul dus gzhan gyi bdag/ /thams cad du ni dmigs pa yin/ /'o na yul de dang 'brel ba/ /de ltar de dag la med nyid/ /de phyir der yang rang bzhin des/ /ci phyir de ltar snang bar byed/ /khyod kyi gzhung gis blo rnams ni/ /blo min phyi rol du rjod byed/ /brjod par 'dod pa'i yul der yang / /glang po rta sogs gnas pa med/ /gal te don kun rig pa yin / / ngo bor blo ni rtag gnas na/ /thams cad tshe na kun rig par / /des na ci phyir rig ma yin/ /sgra yi khyad par can blo gang / /de nyid ro gzugs sogs yul can/ /'dir yin phyir ro gal te min/ /tha dad rang gi tshig gis bstan/ /bsreg bya'i dngos po ma lus pa/ /me yang rtag tu sreg byed pa'i/ /bdag nyid can min gzhan du na/ /ma lus thal bar byed par 'gyur/ /bsreg bya'i don nyid nye ba na/ /de ni de sreg bdag nyid rigs/ /de lta na ni don rnams kun/ /cig car nyid sreg thal mi 'gyur/ /ut+pal sngo sogs 'brel pa las/ /me long dang ni shel la sogs/ /de gzugs brnyan du 'khrul ba skyed pa'i/ /rgyu yin skad cig gis 'jig can/ /gzhan du khyad par bcas pa dang / /cig shos gnas skabs gcig nyid phyir/ /rtag tu de yi rnam pa'am/ /de dang bral bar snang bar 'gyur/ /brtan nyid phyir dang gting med phyir/ / lus can lhan cig mi gnas phyir/ /me long dbus kyi gzugs brnyan ni/ /nam yang 'dzin par byed ma yin/ /logs gnyis gnas pa dag gis kyang / /shel rdo bzhin du dkar po ru/ /mthong 'gyur 'di yi phyir 'dis kyang / /gzugs brnyan thob par 'gyur ba min/ /gal te de yi gzugs brnyan thob/ /de la don dam par yod na/ /khyad par so sos shel sogs ni/ /tha dad par ni thal bar 'gyur/ /de phyir sna tshogs bsam mi khyab/ /nus can de dag la 'di 'khrul/ /blo la 'khrul pa'i dngos po yang / /mi rigs tha dad bral phyir ro/ /ma rtogs ngo bo las ldog pa/ /blo kun dag la mtshungs pa yin/ /sgro 'dogs pa yi gcig shes nyid/ /sna tshogs nyid la'ang 'jug par 'gyur/ /gnas skabs rnams kyi tha dad kyis / /tha dad pas stong des gnas pas / /brtan pa'i rang bzhin can bdag la/ /gang gzhan gyis ni kun brtags 'di / /kho bo'i skyes bus sdug bsngal sogs/ /gnas skabs thob par byed na yang / /shel dang rdzas yod nyid sogs kyis/ /ngo bo 'dod par mi byed nyid/ /gnas skabs gzhan ni skye 'gyur tshe/ /snga ma shin tu 'jig mi 'gyur/ /phyi ma'i rjes mthun don du na/ /spyi bdag nyid la thim par 'gyur/ /rang gi ngo bos gnas skabs dag /phan tshun du ni 'gal ba nyid / /spyi yi bdag ni thams cad du/ /'gal med par ni shes par bya/ /de la gal te skyes bu las/ /gnas skabs gcig tu tha dad min/ /de dag skye 'jig yod pa na/ /'di la'ang de dag de bzhin 'gyur/ /'gal ba'i chos dang 'brel 'gyur na/ /gcig tu tha dad nyid 'gyur te/ /ji ltar khyed kyis skyes bu rnams/ /rang bdag so sor nges pa bzhin/ /gal te khyed kyi gnas skabs rnams/ /rang gi ngo bos skyes bu la/ /zhi thim 'gyur sogs 'byung ba'i tshe/ /sdug bsngal sogs de'ang myong bar 'gyur/ /gzhan gyi ngo bo 'pho 'gyur na / /gzhan 'pho bar yang mi 'dod cing / /de yi bdag nyid 'pho 'gyur na'ang / /de phyir bdag ni skye ldan 'gyur/ /gal te byed po za bo dag /gnas skabs la brten ma yin na/ /de phyir skabs ldan de nyid 'gyur / / byed po sogs nyid yod mi 'gyur/ /de phyir rtag sgras brjod bya nyid/ /bdag la bzlog par bya ba min / /rang gi ngo bo'i 'gyur ldan phyir/ /de ni chad par 'gyur ba yin/ /sbrul yang skad cig 'jig nyid phyir/ /'khyog pa la sogs thob 'gyur gyi/ /rten dngos yin na skyes bu bzhin/ / gnas skabs gzhan dang 'brel pa med/ /nga'o snyam pa'i shes pa 'di/ /dmigs pa med pa nyid du ni/ /thog med sems can du blta ba'i/ /sa bon stobs las 'gar nyid 'jug /gang phyir 'du byed 'ga' zhig nyid/ /de yi rang gi ngo bor zhen/ /bdag po nyid ni thob byed de / /de phyir kun du 'jug mi 'gyur/ /gzhan du khyed kyi skyes bu la'ang / /brgal zhing brtag pa mtshungs pa yin/ /de phyir tha dad nus yod pas/ /thams cad rtsod pa med par 'gyur/ /rtag pa dmigs pa'i phyogs la ni / /de bas nga'o snyam pa kun/ /cig car nyid du skye 'gyur te/ /nus rgyu rnam par gnas phyir ro/ /mi rtag dmigs pa nyid la yang / /gsal bar snang 'gyur de yi phyir/ /gzhan dag dmigs don yod pa ru/ /brgal zhing brtag pa don med do/ /shes pa po la ngo shes ni/ /bag chags kyis ni byed rigs kyi/ /de ma yin la de shes pa'i/ /shes min 'di ni 'khrul rgyu min/ /de phyir nga snyam shes 'khrul pa/ /mi 'dod gnod med phyir zhe na/ /ma yin bshad ma thag pa yi/ /rigs pas de la gnod mthong phyir/ /dbang phyug sogs la dad rnams kyi/ /de rgyu sogs su 'khrul pa ni/ /bag chags tsam gyi ngo bo las/ /ji ltar sna tshogs skye bar 'gyur/ /de ltar gang tshe nga'o snyam/ /dmigs med nyid du gnas pa yin/ /de phyir nga shes kyis bzung ba'i/ /shes byed 'ga' yang yod ma yin/ /de phyir tshad ma thams cad la/ /dpe ni 'ga' yang yod ma yin/ /gtan tshigs rnams kyang gzhi ma grub/ /bstan pa rnams la ci rigs sbyar/ /de kho na nyid bsdus pa'i rab tu byed pa las dpyod pa bas brtags pa'i bdag brtag pa ste brgyad pa'o// //gzhan ni shes pa'i blo yi ni/ /rang dngos khyad par yin par sems/ /de dag sems la bdag nyid kyi/ / rang gi ngo bor rtogs par byed/ /gtso bos bstabs pa'i 'bras bu la/ /de ni longs spyod 'ba' zhig byed/ /de la byed pa nyid yod min/ /rang bzhin kho na der 'dod do/ /de la'ang gal te sems gcig 'dod/ /gzugs dang sgra sogs sems dag gi/ /rang bzhin tha dad dang ldan par/ /shin tu gsal bar ji ltar rigs/ /sems ni rang bzhin gcig pa can/ /dus kun du ni gnas pa la/ /rnam pa sna tshogs don rnams kyi/ /longs spyod por ni ji ltar 'thad/ /lta 'dod la sogs tha dad rnams/ /de yi longs spyod rgyu mtshan du/ /'byung min de ltar 'byung yin na/ /skyes bu skye ba dang ldan 'gyur/ /gang phyir sems las tha dad pa'i/ /lta 'dod la sogs de mi 'gyur/ /de la skye dang 'jig thob na/ /skyes bu la yang 'di bzlog ka /gal te dge dang mi dge ba'i/ /las ni bdag gis byas nyid min/ /de phyir 'di yi longs spyod kyi/ /tha dad pa ni gang las skye/ /gal te 'dod dang rjes mthun pa / /rang bzhin gyis rab ster byed de/ /de dag gi ni 'brel pa 'di/ /zha bo long ba bzhin du gnas/ /gal te de ltar 'dod pa la/ /sred pa yod kyang ci yi phyir/ /'grub par mi byed rang bzhin ni/ /gzhan la cung zad ltos mi 'gyur/ / don las longs spyod dus su yang / /gal te 'di la 'gyur med na/ /'di ni za po nyid min zhing / /rang bzhin yang ni phan byed min/ /rnam par 'gyur ba yod gyur na/ /rtag pa nyid ni nyams par 'gyur / /rnam 'gyur rnam pa gzhan nyid na/ /gnas skabs na yang de ji ltar/ /yul gyi rnam pa can blo ni/ /thog mar rab tu 'jug byed cing / /de yis nges par byas pa'i don/ /skyes bu yis ni rtogs par 'gyur/ /de ltar 'di yi za po nyid/ /gzugs brnyan skye ba'i sgo can te/ /skyes bu 'di yi rang ngo bo/ /nam yang 'dor med min snyam na/ /brjod par bya ste gzugs brnyan ni/ /de yi bdag nyid du skye 'gyur/ /skye ldan du nyid du 'gyur zhing / /tha dad yin na za bo med/ /sems nyid bdag nyid can gtso bo/ /sna tshogs sgrub pa'i khyad par la/ /lta 'dod sogs kyi rjes mthun par/ /ji ltar yang dag 'byung bar 'gyur/ /gtso bos tshad ma la sogs pa/ /byed pa shes pa rnam shes dang / /bza' bar mi shes zhes bya bar/ /'di las mi rigs gzhan ci yod/ /gtso bor blo dang ldan nyid phyir/ /'di la kun 'gal med ce na/ /'o na blo ldan nyid yin na/ /skyes bu bzhin du sems nyid thob/ /blo dang rnam zhen pa dang ni/ /de bzhin rig dang rig byed dang / /sems dang nyams myong zhes bya ba/ /thams cad sems kyi rjod byed yin/ /skye ldan 'jig pa'i rtag dag gi / /sgra dri ro sogs bzhin du ni/ /blo ni sems pa med pa yi/ /bdag nyid can du 'dod ce na/ /sgrub byed rang rgyud nyid 'dod na/ /gtan tshigs 'di dag gnyis ka la/ /ma grub thal 'gyur brjod 'dod na/ /bzlog pa la ni gnod pa med/ /sems pa nyid la'ang bdag gi sgrar/ /zhen na'ang nga la gnod pa med/ /gal te rtag nyid bsgrub dka' ste/ /mig sogs 'bras bcas nyid phyir ro/ /gal te sems pa nyid rtag na/ /mig dang don sogs 'bras med 'gyur/ /gal te me ni rtag gyur na/ /bud shing don med 'gyur ba yin/ /mal cha dang ni stan bzhin du/ /'dus pa'i gtan tshigs de nyid kyis/ /mig la sogs pa rnams la ni/ /gzhan don nyid gang rab bstan nas/ /gal te khyad par byar rung gi/ /de nyid de dag la bsgrub na/ /'dod sgrub gang phyir de dag ni/ /'jig pa'i shes la phan byed 'dod/ /'gyur med phan la phan byed nyid/ /sgrub na dpe ni bsgrub bya yi / /stong pa yin te de dag kyang / /g.yo ba nyid la phan byed rigs/ /gal te phyir ni gzhan don du/ /de dag la ni rab bsgrub pa / /de lta na yang sgrub don med/ /sems la phan byed sgrub phyir ro/ /phan byed du ma smos pa'i phyir/ /chogs pa nyid 'dir brjod pa yin/ /bya ba yi ni yul nyid na/ /gzhan gyi don ni sgrub byed min/ /de kho na nyid bsdus pa'i rab tu byed pa las ser skya pas kun du brtags pa'i bdag brtag pa ste dgu pa'o/ / //rgyal dpog pa bzhin rgyal ba pa/ /rdzas dang rnam grangs ngo bo yis / /ldog dang rjes 'gro bdag nyid can/ /skyes bu shes pa'i mtshan nyid smra/ /de la'ang rdzas ni rnam grangs dang / /gal te 'brel du gyur med na/ /de la khyad par med pa'i phyir/ /de ni 'gyur ba can mi 'gyur/ /yul dang dus dang rang bzhin dag /tha dad med phyir gcig tu brjod/ /grangs dang mtshan nyid ming dang don/ /tha dad phyir na tha dad brjod / /gzugs sogs rnams dang bum ba zhes/ /grangs dang ming gi rnam dbye dang / /'bras bu dang ni rjes 'jug ldog /mtshan nyid dang ni don rnams dbye/ /rdzas dang rnam grangs dag gi yin/ /de ltar gcig tu khyad med can/ /rdzas min rnam grangs tha dad kyis/ /bdag nyid khyad par 'gyur zhe na/ /nges par khyad par ldan pa yi/ /rang bzhin dbyer med gcig nyid de/ /de lta yin na tha dad nyid/ /ji ltar yang ni bsgrub dka' ste/ / rnam grangs sogs kyi dngos dag bzhin/ /de ltar rdzas dang rnam grangs dang / /dngos kun gcig nyid du gnas na/ /rdzas ni ldog dang ldan gyur te/ /rnam grangs dag gi rang dngos bzhin/ /gal te rnam grangs de kun yang / /rdzas bzhin rjes 'gro'i bdag nyid ni/ /thob 'gyur de dag rdzas dang ni/ /bdag nyid gcig tu gnas phyir ro/ /de yi phyir na rnam grangs las/ /tha dad med phyir bdag sogs rdzas/ /gnas pa cung zad yod min te/ /rnam grangs rang gi ngo bo bzhin/ /skye dang 'jig par gnas pa yi/ /rnam grangs rnams kyang cung zad med/ /rdzas las tha dad med pa'i phyir/ /rdzas de nges pa'i bdag nyid bzhin/ /de phyir rjes 'gro med gcig pa'am/ /thams cad rtag pa nyid 'dod kyis/ /gcig bdag nyid las ldog pa dang / /rjes 'gro 'di dag med pa nyid/ /dmigs su rung ba'i rang bzhin can/ /rnam grangs la rjes 'gro bdag nyid/ /rdzas ni so sor snang ba mos / /de phyir mkha' pad bzhin du med/ /sna tshogs don byed rung ba dang / /mtshungs sogs shes pa'i rgyu 'gyur dag /de lta'i rnam pa'i don gyis brda/ /sgra dang shes pa'i spyod yul dag /skye dang 'jig pa'i chos can gyi/ /rnam grangs kho na 'ba' zhig dag / yang dag yod 'gyur de yi phyir/ /bdag med gsal snang dri ma med/ /'on te rdzas dang rnam grangs kyi/ /ngo bo yang dag 'dre bar gnas/ /dngos nyid can de dbyer med pa/ /'dod de mi yi seng ge bzhin/ /dngos nyid can zhes bstan pa 'di/ /sna tshogs don gyi rgyu mtshan can/ / yin te dngos po'i sgra yang ni/ /rang bzhin rjod par byed phyir ro/ /mi yi seng ge'ang gcig pu ni/ /gnyis bdag can du 'thad min te/ /gang phyir rdul phran du ma yi / /'dus bdag can de de ltar shes/ /de kho na nyid bsdus pa'i rab tu byed pa las nam mkha'i gos can gyis kun tu brtags pa'i bdag brtag pa ste bcu pa'o/ / //sa dang me chu la sogs par/ /de shes rtag pa'i 'jug pa 'di/ /de bdag can nyid bdag yin zhes/ /gzhan dag kyang ni rjod par byed/ /gzung ba'i mtshan nyid dang ldan pa'i/ /'di ni cung zad yod min te/ /de phyir 'di dag thams cad ni/ /rnam shes 'gyur bar yang dag gnas/ /de dag gi ni lta ba dang / /de gzhung rtag nyid brjod pa'i phyir/ /nyes pa chung ldan rtag brjod phyir/ /de dag nyes pa chung ldan te/ /gzugs sgra la sogs shes pa rnams/ /tha dad nyer mtshon gsal ba yin/ /shes pa'i bdag nyid gcig nyid ni/ /gzugs dang sgra dang ro sogs rnams/ /cig car rtog par thal bar 'gyur/ /rtag la'ang gnas skabs gzhan med do/ /gzugs sogs rnams kyi rig pa las/ /tha dad shes pa dmigs pa med/ /de ni skad cig tha dad na/ /tha mi dad du gnas pa ci/ /phyin ci log dang ma log pa'i/ /shes pa tha dad yod min na/ /skyes bu shes nyid bdag nyid la / /de phyir 'ching grol ji ltar yin/ /rnal 'byor goms pas rnal 'byor pa/ /ci zhig bzlog cing ci zhig sgrub/ /gang phyir de bdag phyin ci log /spang bar nus pa ma yin no/ /de bdag nyid du rtag gnas phyir/ /de nyid shes pa'ang bskyed bya min/ /de phyir khyed kyi rnal 'byor ni/ /goms pa 'di kun 'bras med 'gyur/ /de kho na nyid bsdus pa'i rab tu byed pa las u pa ni sha kas brtags pa'i bdag brtag pa ste bcu gcig pa'o// //bde gshegs par sems 'ga' zhig kyang / /gang zag tha snyad sgo nas ni/ /de nyid gzhan yin sogs bral ba/ /bdag tu rab tu rjod par byed/ /mu stegs lta bar thal 'gyur phyir/ /gang zag phung po las gzhan min/ /du ma sogs 'gyur phyir de nyid/ /ma yin de phyir brjod med legs/ /de dag la smra gang zag ni/ /don dam par med de nyid dang / /gzhan nyid sogs par brjod med phyir/ /nam mkha'i pad+ma la sogs bzhin/ /dngos po dngos po las gzhan nam/ /gzhan min par yang mi 'da' nyid/ /de phyir brjod du med pa gang / /dngos po med par rtogs pa la/ /tha dad tha dad med rnams rtogs/ /dngos la brten pa yin pa'i phyir/ /de nyid gzhan sogs brjod med pa/ /rang bzhin med rnams la rigs kyi/ /dngos po la ni yod min zhes/ /de lta bu yis bkag pa gang / /de ni dngos po gzhan bzhin du/ /de las gzhan du gsal bar brjod/ /de nyid min pa bkag pas kyang / /de nyid du ni rjod par byed/ /de phyir dngos de dngos po ni/ /de nyid gzhan 'ga' mi byed na/ /gang zag phung po las gzhan min / /zhes pas 'di ni gzhan min brjod/ /phung po gang zag min zhes pas/ /de ni gzhan 'di yin par gsal/ /'gal ba'i chos dang 'brel pa ni/ /dngos po tha dad par brjod do/ /phung po gang zag dag la yang / /de bzhin ci phyir tha dad med/ /'di ltar tshor ba la sogs las/ /gang zag brjod du med par brjod/ /de las gzugs dang 'du shes sogs/ /de nyid gzhan nyid du brjod bya/ /gzugs la sogs pa'i phung po dag / mi rtag nyid du brjod byar 'dod/ /de ltar gang zag min phyir yang /de las gzhan du gsal nyid yin/ /don byed par ni nus pa yang / /yod pa nyid kyi mtshan nyid de/ /skad cig ma nyid la nges yin/ /de ldan brjod med dngos nyid yin/ /lung dang 'gal ba dag la ni/ /bdag nyid chen pos brtson par byas/ /med pa pa ni dgag pa'i phyir/ /brtse ldan gsung ni sna tshogs yin/ /tshogs pa la sogs thugs kyis ni/ /khur khyer la sogs ston mdzad pa/ /khyad par sgo nas bkag pa ni/ /lta ba de yod rnams la mdzes/ /de kho na nyid bsdus pa'i rab tu byed pa las gnas ma'i bus brtags pa'i bdag brtag pa ste bcu gnyis pa'o/ / //yang na gang phyir skad cig ma/ /'jig pa rab tu grub nyid kyis / /rang bzhin la sogs sun phyung bas/ /gnas med nyid la 'bad 'di byed/ /bshad dang 'chad par 'gyur ba yi / /rigs sogs khyad par med pa ni/ /dgag pa'i don du de yi phyir/ /skad cig 'jig pa gsal bsgrub bya/ /byas dang ma byas nyid sgo nas/ /'ga' zhig phung po gnyis su 'dod/ /skad cig skad cig ma yin pas/ /gzhan gyis dngos rnams la 'dod 'di/ /de la byas pa'i dngos po gang / /de kun skad cig mar 'jig can/ /thams cad dag ni 'jig pa la/ /ltos med nyid du gnas phyir ro/ /gang zhig dngos gang yin pa la/ /rgyu gzhan la ltos med nyid de/ /de ltar rang rgyud las skye phyir/ /de ni de las nges zhes bya/ /dper na rang 'bras skye ba la/ /gegs byed med pa'i tshogs pa bzhin/ /skye ba can ni thams cad kyang / /'jig pa la ni ltos pa med/ /gal te 'di ltos med yin na'ang / /yul dang dus gzhan la 'gyur na/ /de dag la ni ltos nyid phyir/ /ltos med thal ba nyid 'gyur na/ /skye ba can kun 'jig pa la/ /thams cad du ni ltos pa med/ /'jig pa'i rgyu rnams rnam kun du/ /da la cung zad byed med phyir/ /'di ltar 'jig par byed pa'i rgyu/ /dngos la tha dad med pa yi/ /'jig pa'i byed por mi rigs te / /dngos po rang rgyu las skye phyir/ 'di la sgrib sogs kyang mi rig /'jig pa zhes bya'i dngos po yi/ /dngos po'i 'jig byed ces bya brdzun/ /gzhan nyid la sogs rnam rtog dag /don de la yang 'jug phyir ro/ /dngos po'i ngo bo med bdag nyid/ /'jig pa zhes bya'i med gzhan can/ /'jig byed ce na de la yang / / byed pa rig pa ldan ma yin/ /med pa yang ni 'bras nyid na/ /myu gu sogs bzhin dngos nyid du/ /thal 'gyur bskyed bya'i ngo bo ni/ /rgyu yi nus pas skyed phyir ro/ /de ltar dngos med sgrub sgo nas/ /byas yin ma yin dgag rten phyir/ /gang yin de la tha dad sogs/ /slar yang rnam rtog 'jug par 'gyur/ /'on te bya ba bkag pa 'di/ /dngos nyid byed pa ma yin nyid/ /de lta na yang rgyu med grub/ /byed po min na rgyu nyams phyir/ /'o na dngos po yod dus su/ /'jig pa 'di yod ma yin nyid/ /sngon min yun ring phyis kyang min/ /dngos po'i de ma thag tu 'di/ / de lta na yang dus nges phyir/ /'di ni rgyu ldan regs pa yin/ /ltos med pa la res 'ga' dang / /'brel pa sun ni phyung ba yin/ /dngos po'i de ma thag tu ni/ /'byung ba'i phyir dang ma byung las/ /'byung phyir 'di ni rgyu ldan rigs/ /dper na skad cig gzhan bzhin 'dod/ /mo gsham gyi ni bu bzhin du/ /rgyu med phyir 'di cung zad med/ /yang na mkha' bzhin rtag gyur te/ /gang phyir rnam pa gzhan med do/ /med pa yin na 'jig med phyir/ /dngos po thams cad rtag par 'gyur/ /'dus byas thams cad 'jig pa yi/ /shes pa'ang rgyu mtshan med pa can/ /rtag pa nyid na'ang 'jig pa med/ /lhan cig gnas 'gyur 'gal med phyir/ /skye ba med la'ang 'jig bshad pa/ /rigs pa'i rjes 'brangs nyid ma yin/ /de lta bu la gzhan dag gis/ /ji lta bu zhig 'jig par rtog /skad cig mar gnas chos rnams kyi/ /dngos nyid min nam 'on te na/ / dngos po'i ngo bo ldog gyur pa / /zhig myong can la de ltar brjod/ /de 'dir 'jig pa'i rang bzhin gang / /chos rnams skad cig mar gnas pa'i/ /dngos med de ltar brjod dam ci/ /gzhan la brgal zhing brtag pa mtshungs/ /'on te dngos po'i rang ngo bo/ /ldog pa 'jig pa'i ming yin na/ /snga ma la ni rtag byed pa / /'gal ba cung zad med pa nyid/ /skad cig mar gnas dngos gang la/ /'jig pa zhes ni rjod byed na/ /de ni rgyu dang rnam par 'dod/ /gzhan dngos med phyir rgyu med can/ /dngos po'i de ma thag 'byung nyid/ /de 'dra de la yod min te/ /g.yo ba dngos po'i rang ngo bo/ /dngos dang lhan cig skye phyir ro/ /de phyir 'jig pa yod pa'i phyir/ /'dus byas thams cad rtag pa min/ /'jig pa zhes pa'i blo dag kyang / /rgyu mtshan med par thal mi 'gyur/ /zhig pa nyid ni bdag med phyir/ /de ma thag 'byung yod pa min/ /ma byung byung ba ldan pa yang / /nam mkha'i pad+ma la sogs bzhin/ /zhig 'gyur zhes bya de ltar 'dir/ /dngos por ma gyur zhes bya yi/ /don 'di rtogs par byed yin gyi/ /bsgrub pa 'ga' yang mi 'dod do/ /mi 'ga' zhig la bong bu zhes/ /de ltar ming tsam byas pa na/ /bong bu'i chos rnams thams cad ni/ /'di las thob 'gyur ma yin no/ /zhig pa zhes bya'i dngos po ni/ /dngos po bcom pa zhes bya ba/ /sgrub pa na yang dngos 'di la/ /cung zad kyang ni skye med phyir/ /'di ni ji ltar ldog par 'gyur/ /'jig pa dngos po zhig bdag nyid/ /ji ltar dngos po'i ngo bo dang / / bral phyir med pa nyid 'dod kyi/ /dngos po ngo bo min phyir min/ /'di la ldog pa'i dngos nyid kyang / /sgrub pa'i sgo nas rjod mi byed/ /dngos po yi ni rjes 'jug pa/ /skad cig las phyis 'gegs par byed/ /de phyir 'di yi rnam gzhag gi/ /ngo bo sgrub pa cung zad med/ /de phyir 'di la rtag pa yi/ /rnam rtog byed pa gnas med do/ /nam mkha' la sogs dngos gang dang / /ma byas par ni yang dag 'dod/ /dngos po 'jug pa yod min te/ /de dag yod nus bral phyir ro/ /skad cig skad cig min sogs rtog /de tshe de la gnas med do/ /gang gis dngos nyid skad cig ma'am/ /gal te rnam pa gzhan du 'gyur/ /skad cig gnas pa'i rang bzhin gang / /dngos po skad cig ma ru brjod/ /brten pa'i ngo bor gnas pa yi/ /dngos nyid skad cig pa ma yin/ /skyes ma thag tu mi gnas pa'i/ /dngos po'i ngo bo gang yin pa / / skad cig tu brjod de gang la/ /yod pa skad cig mar 'dod do/ /don la tha dad med na yang / /de 'di la 'di zhes gnod med/ /'dod pas sbyar ba'i brda tsam gyi/ /dngos po rjod par byed pa yin/ /byung ma thag tu mi gnas pa'i/ /dngos la de ltar brjod 'dod pa/ /de la sgra ni rkyen bcas pa 'am/ /rkyan med rab tu sbyor bar 'gyur/ /gal te nam mkha' dus la sogs/ /de dag yod 'gyur de ltar na/ /de dag kyang ni byas bzhin du/ /skad cig 'jig 'di las mi 'da'/ /'di ltar gang zag yod ces pas/ /de kun skad cig 'jig can de/ /dper na 'dus byas dngos po dag / de ltar de ma thag grub bzhin/ /nam mkha' dus dang dbang phyug sogs/ /'di yang khyod kyi yod par 'dod/ /de dag skad cig ma nyid dang / /bral na med par thal bar 'gyur/ /gang phyir brtan pa'i dngos po rnams/ /rim gyis sam ni cig car du'ang / /don gyi bya ba byed min pa/ /de phyir de dag med par 'dod/ /rgyu ni nye ba med pa'i phyir/ /'bras bu rnams ni sdod par byed / /nus pa'i rgyu ni yod gyur na/ /de dag sdod par gang gis byas/ /'on te'ang rtag la rim can gyi/ /lhan cig byed rnams yod gyur na/ /'di ni gang dag la ni ltos/ /'bras bu'i tshogs rim rten par byed/ /'di legs 'on kyang de la ni/ /lhan cig byed de rnams yod pa/ /rung ba'i ngo bo'i rgyu nyid phyir/ /don gcig byed pas yin nam ci/ /rung ba'i ngo bo'i rgyu nyid na/ /dngos de dag gi byas 'gyur na/ /de yang bya bar mi nus phyir/ /de rang bzhin du rtag gnas pa/ /'di yi rang bzhin byas na yang / /'di yi rtag pa nyams par 'gyur/ /de las khyad par tha dad ni / /'di ni byed por ji ltar 'gyur/ /de yod na ni 'bras bu dag /skyed pa'i phyir dang de med na/ /mi skyed phyir te de ltar na/ /de nyid rgyu nyid rnam par gnas/ /'on te de dang 'brel pa'i phyir/ /de la'ang rgyu nyid yod pa na/ /de dag las 'brel gang yin 'dod/ /tha dad phyir na de bdag min/ /de ni de las 'byung ba'ang min/ /cig car bar du thal phyir ro/ /de las kyang ni 'bras bu rnams/ /cig car nyid du skyed par 'gyur/ /de la'ang gzhan la ltos pa na / / thug pa med par thal bar 'gyur/ /de las 'bras bu dus gcig na'ang / /'brel pa med phyir brtag mi bya/ /gal te 'brel pa 'du ba yin/ /de la'ang 'dir ni dpyad bya ste/ /de ni de la 'gyur ba'am/ /de lta ma yin zhes bya ba/ /'du ba can du 'dod dam ci/ /gal te rtog pa dang po 'dzin/ /de las byung ba de nyid thob/ /de yang de ma thag gsal zin/ /gal te na ni de la 'di/ /phan mi byed par 'dod gyur na/ /dngos gzhan kun kyang de bzhin du/ /'du ba can 'gyur khyad par med/ /tha dad tha dad med rnam rtog /so so dag tu bkag pa'i phyir/ /ngo bo gnyis can khyad par ni/ /dngos po de la bsal ba yin/ /gang zag la sogs rtags rnams su/ /phung po gnyis ni bstan pa'i phyir/ /ngo bo gnyis can khyad par med/ /gnyis med bdag nyid can yang med/ /'on te lhan cig byed pa yi/ /rkyen las 'jug pa mi ltos pa / /de lta na yang de bral 'di/ /byed pa ma yin mtha' rgyu bzhin/ /de yi bdag gi rang bzhin 'di/ /de dag nyid ni nye ba na/ /byed po nyid yin de phyir de/ /yod na'ang kun tshe 'bras bu min/ /de lta yin na 'on kyang ni/ /tshogs pa na de rang bzhin 'dod/ /gang de mtshogs na 'dod na/ /der 'brel rang bzhin yod na ni/ /de dag kyang ni 'di gnas phyir/ /bral ba'i ngo bo'i gzhan yin na/ /gcig pa nyid ni nyams par 'gyur/ /de phyir de ltar ltos pas kyang / /'bras bu rnams ni rim skye'am min/ /cig car mi 'dod nyid dang ni/ /de 'bras rim gyis mthong phyir ro/ /gal te 'bras bu ma lus rnams/ /cig car byas nas nus pa yi/ /bdag nyid don de ldog 'gyur na/ /'di ni skad cig 'jig can grub/ /de dngos can ni rjes 'jug na/ /slar yang 'bras bu skye bar 'gyur/ /cung zad mi byed ngo bo ni/ /ji ltar yang ni nyid du 'dod/ /nus pa kun gyis stong nyid phyir/ /rgyu skar lam gyi pad+ma bzhin/ /skad cig yin par thams cad med/ /gang phyir nus pa dngos mtshan nyid/ /nus pa'i mtshan nyid dngos nyid 'di/ /ci ste khas len mi byed na/ /gal te de ltar gzhan dag gis/ /dngos po'i mtshan nyid gzhan ston gyis / /gal te dngos po'i mtshan nyid ni/ /yod nyid dang 'brel 'dod de min/ /'du sogs ma grub phyir dang ni/ /ji ltar gzhan ni gzhan mtshan nyid/ /don byed don du gnyer byed pa/ /g.yeng ba med pa'i blo can gyi/ /don la dpyod sogs bya ba kun / /rigs kyi smyon pa nyid kyis min/ /myos par gyur pas kyang ma yin/ /de la gang dag 'ga' zhig la / /la lar dus 'gar ji ltar yang / /nye bar mkho gyur de nyid la/ /yod nyid rnam gzhag rig pa yin/ /de yi dngos can don nyid la/ /skad cig ma nyid rab sgrub byed/ /thams cad sdud phyir khyad par ni/ /de nyid la ni brjod par bya/ /mo gsham gyi ni bu lta bu'i / /nus pa ma lus stong pa gang / /thams cad mkhyen pa'i thugs kyi yang / /nam yang rgyu nyid ma yin pa/ /de la mkhas pas yod nyid kyi / /rnam gzhag 'di ni yod mi bya/ /rgyu med phyir ro 'bras bu dang / /ngo bo 'bras sogs ma mthong phyir/ /de la skad cig ma nyid du/ /bsgrubs pas don ni cung zad med/ /de la brgal zhing brtag pa yang / /byed pa'ang 'bras bu med pa yin / /'on te nam mkha'i pad+ma sogs/ /rang gis shes pa'i rgyur gyur phyir/ /don gyi bya ba byed nus kyang / /de dag dngos por yod ma yin/ /nam mkha'i chu skyes pad sogs la/ /der rtogs bag chags tsam las ni/ /'byung ba dmigs pa med nyid ni/ /shes pa 'di ni rab tu byed/ /med pa rgyu nyid yin na ni/ /rgyun mi 'chad par 'byung bar 'gyur/ /rtag tu khyad par med nyid phyir/ /dngos med ltos pa ci yang med/ /skad cig pa yi dngos rnams kyang / /ji ltar don byed pa nyid yod/ /thog ma'i lhan cig byed rnams ni/ /phan tshun khyad par byed min te/ /skyes na bdag kun grub phyir dang / /ma skyes rang bzhin med phyir ro/ /khyad par med las khyad par ni/ /'byung na 'bras bu cis mi 'byung / /gzhan la khyad par can de min/ /brgal zhing brtag pa mtshungs phyir ro/ /khyed la lhan cig byed pa'i tshogs/ /thug pa med par yang 'gyur ro/ /de ltar gang phyir de dag ni/ /rim dang cig car don bya med/ /mi 'gyur de phyir de dag ni/ /skad cig ma nyid rten don med/ / de ltar lhan cig byed byas pas / /gang tshe la lar khyad med na/ /de tshe de phyir dus kun du/ /rgyun yang khyad par med pa nyid/ /de tshe de phyir rgyun la yang / /gal te 'jig pa rgyu med ni/ /'di ni thog ma nyid du 'gyur/ /gal te thog ma 'di med na/ /mtha' yang de ni ji ltar 'gyur/ /gal te dngos po 'jig pa la/ /rang gi rgyu las rgyu gzhan ni/ /mi 'dod na ni de dag la/ /'ga' zhig tu ni ji ltar lags/ /smras pa thog ma'i gnas skabs rnams/ /phan tshun phan pa byed nyid na/ /de dag don cig byed nyid kyis/ /lhan cig byed rnams su 'gyur te/ /phan tshun phan byed min na yang / /'di dag khyad par yod gang phyir/ /rang gi nyer len stobs las byung / /skye byed tshogs pa'i tha dad yin/ /de las brtsams nas gang skyes pa'i/ /khyad par de dag des byas pa'o / /de la dgongs pa de dag ni/ /dngos de'i rang bzhin can yin phyir/ /dngos rnams skad cig so sor ni/ /nus pa nges pa bsam mi khyab/ /'byung ba brtag par bya min te/ /me la sreg par byed nyid bzhin/ /rgyun chad ngo bo gang yin pa'i/ /'jig pa rgyu dang ldan pa min/ /de ni mthar yang 'byung yod min/ /de ltar skye ba bkag pa yin/ /gyo mo la sogs mi 'dra ba'i/ /skye ba rgyu dang bcas pa ste / /de yang thog mar skyes min nyid/ /de tshe rgyu ni med phyir ro/ /dngos po skad cig ma rnams ni/ /rnam gnyis kha cig 'grib pa'i rgyu/ /grang ba sogs kyis me sogs bzhin/ /gzhan dag de lta min pa yi/ /thog mar smras pa rgyu 'bras bu/ /yin na'ang de nyid ma mthong ba'i/ / 'jig rten pa yis 'gal ba ni/ /rnam pa du mar mngon par zhen/ /dngos po rnams la gnod bya dang / /gnod byed dngos po don dam par/ /yod min de nyid phyir na yang / /'gal ba rtogs pa zhes bshad do/ /'o na dbang po bya ba ni/ /yod na mi g.yo gnod med can/ /de nyid 'di yin zhes bya ba'i/ /ngo shes pa ni nye bar skye/ /de phyir skad cig gis 'jig par / /bsgrub phyir bkod pa'i gtan tshigs ni/ /kun la mngon sum gyis gnod 'di/ /bzlog dka' bar ni thal bar 'gyur/ /ngo shes par ni gyur na ni/ /mngon sum yin par mi 'thad de/ / gang phyir de ni rnam rtog bcas/ /dngos po'i ngo bo bstan bya min/ /ngo shes pa ni 'khrul pa ste/ /mngon sum mtshan nyid de las gzhan/ /tha dad min pa'i zhen pa yis/ /tha dad dngos la'ang 'jug phyir ro/ /mngon sum de las gzhan pa yin/ /gal te 'di ni sngar rtogs pa'i/ /rnam pa'i spyod yul can 'gyur na/ /'di ni sngar nyid skye 'gyur te/ /de don can phyir sngon blo bzhin/ /de ltar ma yin des na 'di/ /don de 'dzin byed 'dod min te/ /de shes dus su mi skye phyir/ /yul gzhan gyi ni blo bzhin no/ /tha dad min pa'i zhen pa yis/ /tha dad dngos la 'ang 'jug phyir ro/ /sgong gi 'khrul pa'i shes pa bzhin/ /'di ni 'khrul par gnas pa yin/ /bya ba bsgrub pa'i don la yang / /'jug pa'i phyir dran sogs bzhin te/ /byed pa'i don ni rnam nyams phyir/ /'di ni tshad mar rigs ma yin/ /da ltar dus su yod pa nyid/ /snga ma'i blo yis shes pa nyid/ / de phyir dran pa la med gang / /khyad par 'di la yod min te/ /gang phyir sngar ni shes tsam la/ /de yin zhes byas dran pa skye/ /de nyid 'di zhes bya ba yi / /ngo shes par ni khyad par can/ /the tshom phyin ci log gang dang / /de dag spangs nas ngo shes pa/ /tshad ma nyid ni thob par byed/ / shes par gyur la med phyir ro/ /cig shos kyis ni rtogs don yod / /mngon sum gyis ni bcad pa la/ /cig shos skye ba srid pa min/ /tshad ma gtso bo brtan pa yis / /nges par bzung ba'i don nyid la/ /cig shos stobs chung dag gis phyir / /bzlog par su zhig zhen par byed/ /'o na da lta yod de nyid/ /gang tshe khyod kyis tha dad 'dod/ /de tshe sngar yod dngos po las / /tha dad khyod nyid kyis bstan to/ /yod pa gzhan nyid ma yin na'ang / /ji ltar sngar blos shes pa min / /de shes min na dngos po nyid/ /ma dmigs par ni thal bar 'gyur/ /rjes dpag la sogs kyi spyod yul/ /mngon sum gyis ni gnod pa na/ /rjes dpag la sogs tshad ma med / /gnod phyir rab rib can sogs bzhin/ /don la mi slu ba nyid du/ /mtshungs na 'di cis gtso bo yin/ /de yod min na rjes dpag sogs/ /tshad mar 'gyur pa ma yin nyid/ /'o na gtan tshigs thams cad kyi/ /thams cad nye bsus khyab pa la/ /rjes su dpag pa 'dis gnod cing / /dam bca'i don la gnod pa yang / /brjod 'dod nyi zla sogs pa yi/ /yul can shes pa gang yin gzhan/ /de dus dang 'brel nyi sogs kyi/ /yul can du ni 'jug byed de/ /sa las byung yul can min pa/ /de shes nyid du brjod pa'i phyir/ /dper na dang po'i shes pa ni/ /rang dus nyi sogs yul can bzhin/ /gzugs nyid sogs pa rten kun dang / /de dag gi ni rten gang dang / /de rnams gang la yang dag rten / /'ga' zhig de yi yul gang yin/ /'ga' zhig de ltar skye 'gyur ba/ /de dag skyes ma thag tu ni/ /'jig la rten pa nyid min te/ /gzhal bya nyid dang brjod bya nyid/ /gtan tshigs phyir ni mkha' pad bzhin/ /rnam par rtsod pa'i yul gyur pa'i/ /shes pa rim gyis 'byung gang dag /de rnams thams cad yul gcig can/ /yin no zhes ni brjod bya ste/ /gnod med rten gcig can nyid na / /brjod pa mthun par sbyor ba'i phyir/ /dper na da lta'i skad cig ma / /gcig la du ma'i blo rnams bzhin/ /re zhig gtan tshigs dang po la/ /dper na bsgrub byas stong pa ste/ /yul nyid rgyud nyid yin pa'i phyir/ /shes pa'i rang gi dus can min/ / gang tshe nyi ma sogs pa'i sgra / /'dod pa tsam gyis 'byung dag rnams/ /mar me sogs la sbyar bya ba/ /de shel dag gis 'khrul pa nyid/ /rigs sogs rang bzhin med pa'i phyir / /skad cig gis 'dod can 'dod min/ /de med par ni bsgrub pa'i phyir/ /sgrub byed bstan pa don med yin/ / sgra mtshungs pa yis brjod bya nyid/ /mar me la sogs shes pa la'ang / /'jug pa de phyir de yis ni/ /gtan tshigs 'di ni 'khrul bar 'gyur/ /de dag la ni gzhi mthun nyid/ /gnod 'gyur du ni rtog ce na/ /brjod par 'dod pa'ang gnod pa 'di/ /gsal bar ci yi phyir ma mthong / /rtsod pa'i gnas su gyur pa yi/ /blo rnams don zhig yul can min/ /rim gyis 'byung ba nyid kyi phyir/ /glog dang mar me sogs blo bzhin/ /don gcig las byung shes rnams la/ /rim gyis 'byung ba 'gal ba yin/ /gzhan gyis tha dad bya min pa/ / de la ltos pa 'gal phyir ro/ /gtan tshigs de rnams thams cad la/ /ldog pa the tshom za nyid de/ /mi mthun phyogs la zhugs pa la/ /gnod byed bstan pa med phyir ro/ /de kho na nyid bsdus pa'i rab tu byed ba las brtan pa'i dngos po brtag pa ste bcu gsum pa'o// // dngos po thams cad skad cig ma'i/ /mi rtag nyid dang 'brel de'i phyir/ /las dang de yi 'brel pa dang / /rgyu dang 'bras sogs ji ltar 'grub / /dge rnams dag la skad cig gang / /byed po nyid du brtag byed pa/ /'di ni 'bras bu byung dus su/ / rjes su 'jug pa nyid ma yin/ /'bras bu 'byung tshe skad cig gang / /longs spyod por ni brjod bya ba/ /de ni las byas nyid min te/ /de ni sngar mi srid phyir ro/ /las dang de yi 'bras bu dag /byed po gcig gis ma bzung phyir/ /byas pa chud zos ma phrad gang / /thal bar 'gyur ba shin tu 'gal/ /bdag med sgra yi phyogs la yang / /bdag med phyir ni 'bras med pa'am/ /bdag las gzhan gyir bya bar ni/ /sngar nyid du ni rtogs byed pa/ /de phyir rtog ldan 'brel 'dod pa/ /dge ba dang ni mi dge ba'i/ /bya ba rtsom la mi 'jug nyid/ /'bras bu ring du gnas pa yin/ /dngos po 'bras bu byed nus pa/ /ma 'ongs ma yin 'das pa'ang min / /da ltar ba yang de snyed kyi/ /dus su gnas pa ma yin no/ /dngos po bdag nyid ma thob pa/ /gzhan gyi yan lag phyir nus min/ /'gags pa ma yin de yi ni/ /'bras bu med nus gnas pa'ang min/ /skad cig snga ma gzhan zhig pa'ang / /rjes 'gro med par rten byed na/ /phyis byung skye bar 'thad min te/ /rgyu mtshan med pa nyid phyir ro/ /'jig dang skye ba dus mtshungs na'ang / /rgyu 'bras dag ni yod pa min/ /phan tshun ltos pa med phyir te/ /de yi bya ba ma bzung phyir/ /bum pa'i gzugs ni zhig pa na/ /dri la sogs pa'ang skyes pa ni/ /ji ltar da 'bras mi 'dod ltar/ /gzugs gzhan rnams kyang de bzhin te/ /de phyir 'bras bu 'byung ba las / /sngon du gang gi bya ba mthong / /de nyid de yi rgyu yin gyi/ /de ma thag pa tsam ni min/ /gal te 'di ni mdor bsdus na/ /rgyu zhig pa las 'bras 'byung na/ /zhig pa brjod du med pa'i phyir/ /'di ni rgyu med nyid du 'gyur/ /ma zhig pa las de 'byung na/ /skad cig du mar gnas pa'i phyir/ /de tshe dngos rnams skad cig nyid/ /ji ltar nyams par 'gyur ba min/ /skad cig gnas pa'i ngang tshul can/ /bum sogs mig gis mthong min te/ /gang phyir zhig pa rtogs pa yin/ /yun ring 'das pa'i dngos po bzhin/ /dngos rnams rang bzhin mi dmigs phyir/ /rgyu dang 'bras bu'i dngos por yang / /mngon sum dang ni mi dmigs pas/ /mgu bar 'gyur ba ma yin no/ /'di mthong ba las 'di mthong la/ /'di yang mthong na ma mthong bar/ /rim ldan 'gyur ba'i mtshams sbyor ba/ /byed por rnam par gnas pa gang / /skad cig gis 'jig dngos rnams la/ /ngo shes pa yang 'brel par dka'/ / skyes bu gzhan gyis mthong ba'i don/ /gzhan gyis ngo shes 'gyur ba min/ /sgra la sogs pa tha dad la/ /shes pa po zhig yod pa'i phyir/ /'dra ba las ni ngo shes 'gyur/ /gnyis tha dad na rgyu med can/ /gal te mtshams sbyor byed pa'i rgyu/ /don zhig yod pa ma yin na/ /gzugs mthong ba na ro sogs la/ /mngon 'dod sogs de ji ltar 'gyur/ /srid pa'i btson rar chags sogs kyis/ /'ching bas bcings pa'i skad cig gzhan/ /ma bcings gzhan ni grol 'gyur ba/ /zhes bya 'di yang rtogs ma yin/ /bcings pa grol ba nam yang ni/ /mi srid gcig tu 'jug phyir ro/ /de phyir thar pa don gnyer rnams/ /ngal ba don ni med par 'gyur/ /'ching ba sogs kyis bcings gyur pa/ /grol ba thob par byed pa mthong / /ma bcings grol ba thob byed pa/ /zhes bya 'di 'dra mthong bas gnod/ /bcings dang grol ba 'di dag ni/ /gzhi gcig de bzhin gnas pa'i phyir/ /'jig rten pa yi de dag bzhin/ /de bzhin thams cad mdzes par gnas/ /rnam pa da dag nyid kyis ni/ /dngos rnams skad cig gis 'jig la/ /gzhi gcig pa ni med pa'i phyir/ /dran pa la sogs mi srid do/ /'di la mngon par brjod par bya / /bdag med rnams la rgyu 'bras nyid/ /gnas pa yin na 'di dag kun/ /gnod pa med par grub pa nyid/ /ji ltar myu gu la sogs la/ /rjes 'gro can gyi bdag med la/ /sa bon sogs kyi nus nges pa/ /de bzhin nang gi bdag nyid gnas / /dngos su 'am ni brgyud pa yis/ /'ga' la kha cig nus bcas yin/ /de phyir las 'bras sogs rnams kyi/ /'brel pa nyid ni 'thad ma yin/ /byed po nyid sogs rnam gzhag ste/ /rgyu gcig nyid du brjod 'dod pas/ /rtog pas sgro btags nyid 'dod kyi/ /yang dag gnas pa'i yang dag min/ /rjes 'gro med na rgyu 'bras nyid/ /khyad par can de mi 'thad de/ /rgyud gzhan las ni byung rnams dang / /gang zhig rgyu 'bras mi 'thad bzhin/ /'o na sa bon myu gu sogs/ /rgyu 'bras nges pa nyid mthong ste/ /de la rjes 'gro'i bdag nyid can/ /cha shas phra mo yod ma yin/ /sa bon myu gu sogs pa la/ /zhing sogs khyad par med yin na/ /tha dad mi rigs gcig bdag phyir/ /tha dad rjes 'gro med pa grub/ /de phyir las 'bras sogs rnams gyi / /yod dang med pa sgrub don du/ /rgyu 'bras grub dang ma grub phyir/ /gzhan gyis rab tu 'bad par bya/ /de la brjod bya skad cig ma/ /gnyis pa la ni 'bras skye zhing / /dang por rgyu ni skyes gyur pa/ /de ni de tshe zhig pa'ang min/ /de ni skad cig pa nyid phyir/ /'bras bu'i skad cig dus gnas phyir/ /gnas na'ang don med gang gi phyir/ /de la 'bras bu de 'grub yin/ /slar skyes slar yang de yis ni/ /bskyed par nus min skye ba ni/ /ma byung ba las byung dngos phyir/ /gzhan du na ni gnas pa min/ /de phyir ma zhig pa yi rgyu/ /skad cig dang por byung ba las/ /de yis skad cig ma nyid phyir/ /cig car thal ba yod ma yin/ /skad cig gsum la sogs pa la/ /dper na rnam par smin pa'i rgyu/ /zhig las 'bras bu brjod pa bzhin / /gal te dang por de 'byung na/ /cig car du yang thal 'gyur te/ /lhan cig 'byung rgyu bzhin de yang / /rigs pas 'thad min gang gi phyir/ /med pas sngar ni nus med phyir/ /nus pa'i tshe na 'bras 'byung phyir/ /rgyu 'bras dag ni cig car nyid/ /'gal bar gsal ba nyid yin te/ /skam pas bzung ba bzhin du ni/ /rgyu 'dis rang gi 'bras bu 'dis/ /bzung nas skyed par byed pa min/ /gang phyir cig car ba ru 'gyur/ /'dod ldan bud med la bzhin du/ /'bras bu rang bzhin la brtan par/ /'khyud nas skye ba ma yin na/ /gang gis de dag ci dgar 'gyur/ /cig car ba nyid 'gal ba yin/ /gang phyir rgyu de rang nyid kyis / /'bras bu sos bsdoms bzhin bzung ba/ /skyes pa yin na cig car bar/ /'gyur na de ni de ltar min / /'bras bu'ang rang bzhin de la ni/ /'dod ldan sdug bsngal 'khyud bzhin pas/ /skye ba yin na cig car bar / /'gyur na de yang de ltar min/ /rang gi rgyu las 'byung ba ni/ /skad cig dang por gang byung ba/ /skad cig gnyis par nye ba yi/ /de ma thag tu gang byung min / /bya ba med pa'i dngos la yang / /de ni de yi skyed byed yin/ /'dod pa tsam las byung ba yi/ /brda ni rjes su sgrub byed yin/ /skye ba las ni dus gzhan pa'i/ /bya bas 'dir ni ci zhig dgos/ /gang phyir yod las 'bras byung bas / /yod pa nyid ni de'i bya'o/ /de ma thag par gang nges pa/ /de nyid ltos pa yin zhes brjod/ /rtag tu 'bras bu 'byung ba dang / /ldan pa'i rgyu yi bya ba'o/ /de yod pa na 'byung ba tsam/ /bya ba zhes kyang kun tu brtags / /de dang ldan pas rgyu nyid de/ /de phyir de ldan de nyid mchog /gang phyir sa bon myu gu sogs/ / yod na yod par mthong nyid kyi / /bya ba dngos po yod pa las/ /cung zad kyang ni mthong ma yin/ /nus pa ma mthong bzhin du yang / /rgyu nyid du ni rtog byed na/ /'di dang bye brag ci yod na/ /gzhan yang ci phyir rgyur mi 'dod/ /ji ltar gzhan ni med na yang / /bya ba 'bras bu rgyur 'dod bzhin/ / gzhan yang ci phyir rgyu ma yin/ /yang na dngos bcas mthong bar ni/ /'dod na'ang 'di ni kho bo cag /mthong bar 'dod yin rgyu med na/ /de la dngos po yod pa yang / /ci yi phyir na khas len byed/ /ji ltar skye ba can blo nyid/ /tshad ma nyid du nges smra ba/ /de bzhin dngos po thams cad la/ / de rgyu nyid du cis mi 'dod/ /ji ltar blo ni skad cig la/ /de bzhin skye ba can gzhan yang / /bsgrubs pa de phyir 'gro ba 'di/ /de bzhin kho na bya bral ba'o/ /rgyun gyis 'jug pa'i dri la sogs/ /phan tshun rgyur 'dod kho na ste/ /de rgyu nyid du thal 'gyur te/ /'di la gnod pa can min no/ /gang yang rung ba'i rgyu rnams kyi/ /gzhan gyi de ma thag 'byung ba'ang / /de bzhin nges pa la 'dod pas/ /brtan par 'dod la skyon 'di yang / /gang zhig gang la bya ba dang / /bcas te de yi rgyur 'dod na'ang / /gang la yang dag nges gang yin/ /de rgyu yin par 'dod pa ni / /mngon sum dang ni mi dmigs pas/ /yod na yod par grub 'di dag /gal te rnam bcas rnam shes kyis / /dngos rnams rig par khyod 'dod dam/ /'on te rnam med pas dngos rnams/ /rnam par rig par khyed 'dod pa/ /skad cig gis 'jig phyogs la'ang de/ /mtshungs par nye bar mtshon par bya/ /snga ma'i rang gi rgyu rnams dang / /gzugs sogs rig pa'i rang bzhin gyi/ /rnam par shes pa thams cad nyid/ /dus mnyam nyid du skye ba yin/ /gal te rnam shes rnam pa dang / /bcas na sems ni sna tshogs 'gyur/ /rnam pas mtshan ma nyid min na'ang / /nye ba na gnas rgyu med pa'o/ /zhe na de'i lan 'dir cung zad/ /khyed kyis kyang ni smra bar gyis / /'di la khyed cag lan gang yin/ /de ni kho bo cag gir 'gyur/ /gal te rgyu ni 'bras bu dag /skyed par mi 'dod de lta na/ /byas 'jig 'gyur na 'di min te/ /rgyun gyis rgyu nyid 'gyur ba yin/ / gal te rgyu ni med par yang / /la lar 'bras bu 'byung 'gyur na/ /ma byas pa thob par 'gyur na/ /de min nus pa des phyir ro/ /skad cig gis 'jig rnam rtog gis/ /byas pa 'jig tshogs phas rgol ba/ /des ni mi 'dod pa nyid du/ /gyur pa cung zad yod ma yin/ /mi 'jigs yod par lta ba rnams/ /rgyun la gcig par mngon sems pas/ /skad cig gis phye'i rnam rtog gis/ /ji ltar yang ni 'jug mi 'gyur/ /skad cig re re rnam 'jig pa'i/ /de kho na nyid rnam rtog shing / /rgyu yi nges par rig nas ni/ /dge ba'i las ni rtsom par 'gyur/ /'bras bu 'bras bu can nyid dag / nges pa'i khyad par can nyid kyi/ /sems gang yin pa'i dran pa sogs/ /kun la'ang gnod pa med pa yin/ /de la rgyu 'bras 'gyur ba yi/ /ma rig la sogs pas bcings 'dod/ /de dang bral zhing dri med pa'i/ /blo nyid thar pa yin par 'dod/ /thams cad skad cig pa nyid kyi/ /bcings dang grol ba rab grags pa/ /gzhi gcig pa nyid yin par ni/ /'jig rten pa la'ang grub pa min/ /bdag la bye brag thams cad du/ /med phyir byed po zab pa po/ /bcings sogs 'di 'dra la gnod kyi/ /gzhan du mi rtag pa nyid do/ /de kho na nyid bsdus pa'i rab tu byed pa las las dang 'bras bu'i 'brel pa brtag pa ste bcu bzhi pa'o/ / //rdzas la sogs pa'i don drug ni/ /dam pa'i don du yod pa'i phyir/ /rig sogs dngos med nyid du ni/ /sngar bstan rigs pa ma yin zhes/ /rkang mig pa dang gzegs zan pa/ /lung tsam pa ni smra byed pa'i/ /rdzas la sogs pa dgag pa 'di/ /mdor bsdus pa ni brjod par bya/ /sa la sogs pas phye ba yi/ /rdzas dgu tha dad par 'dod pa'i/ /sa la sogs pa grangs bzhi ni/ /rtag dang mi rtag gis rnam gnyis/ /re zhig sa sogs bdag nyid kyis/ /gang 'dod pa yi rdul phran rnams/ /de rnams rtag pa'o de la sogs/ /rtsol ba gang yin de 'jig 'dod/ /de la rdul phran rnams rtag pa/ /yin par rig pa ma yin te/ /dngos po ma lus pa yi yul/ /skad cig gis 'jig bsgrub phyir ro/ /rtag tu gong bu ma lus pa/ /cig car skye ba kho nar 'gyur/ /de rnams phrad pa la sogs pa/ /ltos min bye brag med phyir ro/ /rdul phran skyed pa por 'dod pa/ /yod pa chos su rtogs min te/ /don yod la dmigs tshad ma yi / /yul 'gyur ma yin zhe na ni/ /gang gis thags mkhan sogs mthong bas/ /rdul phran rgyu ni mi 'grub min/ /gang phyir snam bu sogs thams cad/ /rdul phran bdag nyid kho na'o/ /yod 'dzin tshad ma med tsam gyis/ /med pa grub pa ma yin te/ /gang phyir tshad ma log pa ni/ /don med yin pa'i nges pa med/ /de rnams rtsom pa'i cha shas can/ /yon tan cha shas thams cad ldan/ /mthong ba min pa nyid kyis na/ /des na tshad ma can grub min/ /shel gong nye bar bsgyur ba yi/ /bsgyur ba snang ba ma yin nam/ /chu skyar sogs pa'ang de gzugs su/ /'dzin pa nyid du'ang mthong min nam/ /ral ga'i nang gi skyes bu la/ /de yi gzugs sogs mi shes kyang / /skyes bur shes pa mthong ba dang / /gos dmar blo yang yod ma yin/ /gzugs sogs ut+pal la sogs las/ /gcig tu tha dad pa yin te/ /des na de ni nag pa'i las/ /rta bzhin rnam par gcod phyir ro/ /sa la sogs dang gzugs dri sogs/ /shin tu tha dad 'gyur ba ste/ /gcig dang snga ma'i tshig dbye bas/ /zla ba skar ma'i tha dad bzhin/ /byed pa nus sogs tha dad par/ /snal ma snam bu tha dad bzhin/ /'gal ba'i chos dag sbyor bas na/ /ka ba bum pa'i dngos bzhin no/ /gong bu'i don yod ma yin na/ /shing sogs mthong ba nyid mi 'gyur/ /de yi ngo bo las gzhan pa/ /gzhan gyi bdag nyid mthong min te/ /gzhan gyi rnam pa rig pa'i blo/ /mi rigs shin tu thal 'gyur phyir/ /de bzhin dkar po la sogs par/ / rig pa yis kyang srid par 'gyur/ /de phyir dung la ser sogs kyi/ /blo bzhin blo 'di 'khrul pa yin/ /ral ga nang chud skyes pa yi/ /shes pa de rjes dpag pa ste/ /de yi gtan tshigs su gyur la/ /ral ga nyid ni mthong phyir ro/ /ska dang gur kum sogs rnam pas/ /gos kyi gzugs ni gzhan thob cing / / gos rnams skad cig pa nyid pas/ /snga ma'i gzugs ni zhig pa yin/ /slar yang chu sogs ltos bcas las/ /gzugs de nyid las dkar po yi/ /gzugs gzhan du yang 'byung bar 'gyur/ /lcags sogs sngon po sogs bzhin du/ /gnas skabs de nyid kyi gzugs la/ /rang dngos rjes su 'jug phyir ro/ /drug pa'i tshig la sogs dbye ba/ /'dod pa tsam gyis 'byung ba ste/ /de phyir dngos rnams de nyid kyi/ /ngo bor rnam gnas rig ma yin/ /'di ltar drug po las gzhan pa'i/ /yod nyid tha dad nyid mi 'dod/ /de rnams sde tshan gcig nyid do / gzhan yang khas blangs pa min no/ /yod pa shes pa'i tshad ma yin / /yul du de nyid 'dod pas na/ /drug po'i yod nyid yin zhe na/ /khyed la drug las gzhan thal 'gyur/ /de drug chos can du brjod de/ /chos ni de dag las gzhan par/ /'dod pa nyid yin zhe na yang / /de dang de yi 'brel 'dod gang / /rdzas sogs nges phyir phrad pa yang / /mi rigs gzhan yang 'du ba yang / /'brel pa gzhan ni khyod 'dod min/ /'brel pa mi 'thad de rnams kyi / /chos su ji ltar 'gyur ba yin/ /de las byung tsam gyis she na/ /gzhan yang de dang 'dra gyur la/ /de yang yod pa nyid yin na/ /tha dad pa can gyis dbye ba/ /thob 'gyur de la'ang gzhan yin pas/ /mtha' med par ni thal bar 'gyur/ /chos gzhan la ni 'jug pa yis/ /der ni chos can nyid thob na/ / de nyid kyi phyir rdzas sogs nyid/ /chos can nyid du 'dod mi 'gyur/ /gal te snga rol snal ma las/ /snam bu tha dad sgrub byed na/ /sgrub par byed pa don med nyid/ /de bzhin bzlog par dka' ba yin/ /snal ma de rnams gnas skabs kyi/ /bye brag gzhan ni thob pa na/ /khyad par can don byed nus pa/ /snga ma las gzhan mtshan nyid kyi/ /bya ba gcig nyid la mkho la/ /so sor shes pa po bstan na/ /mangs dang nus med 'bras med pa'i/ /skyon rnams bsal bar 'dod pa yi/ /tha snyad 'dogs pa po rnams kyis/ /gang dag ma lus pa rnams la/ /tha snyad nyung ba'i bsam pa yi / /tshig gcig gis ni brjod pa yin/ /byed po nus pa tha dad la/ /yongs su gyur sogs chos ldan phyir/ /de rnams dus gcig nyid du ni/ /snam bu nyid du 'grub pa min / /rdul phran rnams ni phan tshun du/ /bstangs pas skye ba nyid yin na/ /de rnams dbang po'i spyod yul nyid/ /min pas dbang po las 'das min/ /rdul phran sngo sogs rnam pa'i dngos/ /ngo bo nyid yin brtags pa min/ /sngon po sogs su snang ba yang / /mig sogs shes pas rig pa yin/ /gal te 'ang de rnams shar nyid dang / / gzhan nyid du 'byed mtshan nyid min/ /de lta'ang sbyar ba'i btung ba bzhin/ /gnas la mngon sum gyis gnod min/ /dngos po 'di rnams thams cad nyid/ /kun las log pa'i rang bzhin du/ /mthong ba yin yang rang bzhin du/ /rnam pa thams cad nges pa min/ /brtags min dbang rten rtogs bya ba yang / /cha shas don med rang mtshan nyid/ /gang las tha dad nges pa la/ /rgyu yod na ni de 'byung 'gyur/ /ji ltar mar me 'bar ba'i rgyun/ /'dra bar 'byung la gcig par 'khrul / /de bzhin phra ba du ma rnams/ /rgyun mi 'chad rnams blos gcig rtogs/ /dbye ba mi rtogs de rnams la/ /mngon sum du 'dod min zhe na/ /mar me sogs de ji ltar mthong / /de bzhin cha shas can cis 'dod/ /'di rnams rdul du ma nges na/ /sngon po la sogs rnam pa'o zhes/ /de lta bur yang rtogs bya bar/ /'di ni ji ltar 'gyur ba yin/ /gang phyir de la'ang rgyu med de/ /shes pa de ni yul med min/ /gong bu yul gcig ma yin te/ /gcig dang gong bu nyid 'gal phyir/ /gong bu gcig dngos nyid yin na/ /sbrang ma'i rkang pa g.yogs tsam gyis/ /de dag thams cad g.yogs par ni/ /'gyur te dbye ba med phyir ro/ /cha gcig tu ni dmar ba yang / / thams cad la 'gyur dmar po bzhin/ /'gal ba'i chos dag sbyor ba yang / /sna tshogs nyid du thal bar 'gyur/ /gcig gi dngos nyid ma yin na/ /thams cad sgra 'dir ci zhig bya/ /de yang du ma'i yul yin na/ /yan lag can ni du ma yin/ /gos dang lus dang ri sogs gang / /'jig rten la grub ma yin nam/ /de nyid yan lag can nyid du/ /khyed cag gis ni smras pa yin/ /gos dmar kun du thams cad dang / /lhag med de bzhin ma lus pa/ /de la thams cad rab sbyor ba/ /'dod pa tsam gyis 'byung ba yin/ /de 'dra mngon par 'dod pa ni/ / kho bo cag kyang smra ba ste/ /gos kun dmar bor 'gyur sogs par / /smra la bar du gcod pa med/ /brtags nas de brjod yin zhe na/ /tshig gzhan du ni thal 'gyur zhing / /gtso bo phal par 'dod dag gi /tha dad blo yang yod ma yin/ /sbyor ba kun la khyab byed pa/ /'jug pa nyid ni ma yin phyir/ /thams cad dmar por thal ba min/ /thams cad g.yogs par 'dod pa'ang min/ /rdzas ni cha shas med min nam/ /ci phyir ma khyab par rnam gnas/ /rang dngos de ltar gnas na ni/ /de nyid kyi phyir tha dad grub/ /yul mang la gnas pa des na/ /gnas gcig byed pa nyid ma yin/ /de phyir snam bu la sogs pa/ /du ma'i ngo bo nyid du grub/ /de nyid don ni mi shes pa'i/ /'jig rten gong bu gcig snyam sems/ /rnam rtog de la ltos nas ni/ /phra rab rdul zhes 'dir brjod pa'am/ /rgyu mtshan rnam rtog min par yang / /brda yi rjes 'gro ldan pa yi/ /dbul la'ang phyug po zhes brjod yin/ /'di ni de 'dra'i ming du gnas/ /snal ma dang ni lag pa sogs/ /cha shas can gcig rjes 'jug min/ /dper na du ma nyid grub pa'i/ /re lde snam bu rtsig sogs bzhin/ /gal te'ang mngon par 'dod pa'i rdzas/ /gcig phyir yan lag du ma la/ /rten min rdul bzhin 'jug par ni/ /mi rigs gnod can tshad ma'o/ /gcig 'jug gnas de'ang cha shas kyi/ /rten gzhan la ni 'jug pa ni / /dngos de nyid kyis sam gzhan gyis/ /rnam pa gzhan yod min pas so/ /de la 'di ni de nyid kyis/ / gzhan la 'jug par brtag min te/ /de dbang byas pa nyid kyis ni/ /gzhan du der 'jug yod ma yin/ /dper na khu 'jo ba'i ma ma/ /gzhan gyi dbang bya'i rten 'gyur min / /de bzhin gcig gis dbang byas pa'i/ /rdzas ni gzhan gyi rten byed min/ /gang phyir de 'brel rang bzhin no/ /de min yul la'ang 'jug pas na/ /de ni yul gcig nyid thob bam/ /gcig bdag nyid 'gyur dbyer med phyir/ /gzhan nyid bdag nyid kyis 'jug na/ /rang bzhin tha dad pa yi dngos/ /tha dad bdag nyid nyid yin pas/ /gcig ni du mar gnas 'grub min/ / de de rnams la 'du ba yi/ /bdag nyid kyis 'jug yin zhe na/ /skyo ba nyid kyis 'di 'gro ba / /de yang rnam par dpyad bya yin/ /gzhan yang bdag nyid thams cad kyis/ /'jug na du ma nyid thob 'gyur/ /phyogs gcig gis na tha med 'gyur/ /de gcig min pa'am gang du min/ / rang rgyud pa'ang thal 'gyur ba'i/ /bsgrub pas gang zhig 'jug pa na/ /de ni rang nyid kyis mthong ba/ /yin na 'brel par 'gyur ba yin/ /ma lus pas sam phyogs gcig gis/ /'jug pa gang du'ang ma shes nyid/ /gang gi yod pa min phyir rdzas/ /med pa'ang gzhan du 'gyur ba'o/ /de ni la lar mthong ba na/ /rdzas la sogs pa gsal ba bzhin/ /de bzhin der ni ma mthong na/ /tha dad par rgol mi rigs so/ /de dag tsam gyis 'jug pa nyid/ /med par brjod 'gyur zhe na'ang de/ /mi rigs 'di na 'di zhes pa'i/ /blo yis mngon sum gyis grub pa'i/ /de ni mngon sum 'dod min na/ /gnod pa can 'ga' brjod pa'i rigs/ /gzhan du gzugs sogs shes pa yang / /mngon sum min pa nyid du 'gyur/ /'di la 'jug pa de med par/ /dbyer med tshul gyis sngar bstan zin/ /'di la zhes pa'i shes pa med/ /de yi ngo bo mi snang phyir/ /ma lus pa dang phyogs gcig pa'i/ /sgra dang don 'di bshad mdzad pa'i/ /cha shas med 'di'i 'jug pa ci/ /de ni de las gzhan du'am/ /ji ltar snod la sogs bzhag pa'i/ /dpal 'bras la sogs ji bzhin pa'am/ /stan ni du ma la 'jug pa'i/ /nag pa sogs mthong lta bu yin/ /bum pa mar me la sogs bzhin/ /'jig pa la sogs gtan tshigs kyis/ /sgra rnams 'ga' zhig la brten yin/ /de ni nam mkhar 'gyur ba yin/ /nyi sogs bya ba'i rdzas rnams las/ /tha dad pa yi rgyu mtshan ni/ /gzhan na gzhan min sogs shes pa/ /ji ltar bum sogs shes bzhin no/ /skra dkar gnyer ma lus rtsub sogs/ /gyur la sogs pa'i shes phyir 'dir/ /gang las mtshan nyid mi 'dra rgyu/ /de ni dus zhes bya bar 'dod/ /shar dang gzhan sogs blo rnams las/ /phyogs nyid rjes su dpog pa yin/ /shes pa rim gyis skye ba las/ /yid kyang rjes su dpag par 'dod/ /gzugs la sogs pa'i shes pa ni/ /rim gyis skye phyir gzugs sogs las/ /gzhan pa'i rgyu la ltos pa ste/ /dpar na shing rta sogs bzhin no/ /zin sogs 'byung ba chen po rnams/ / rgyu nyid yin par khas len na/ /sgra rnams de rnams la brten par/ /'grub phyir snga ma sgrub byed min/ /kha cig rtag par khyab byad pa/ /'du ba nyid du 'grub min te/ /'di rnams rjes 'gro ma tshang phyir/ /de bzhin rim min sogs thob 'gyur/ /gzhan dang gzhan min sogs shes pa'i/ /rgyu ni brda yi bye brag las/ /byung ba'i yid la byed pa dag /yin phyir dus dang phyogs de dag /cha shas med gcig dngos yin phyir/ /gzhan dang gzhan sogs srid pa min/ /de dang 'brel ba can dbye bas/ /zhe na de dag 'bras med 'gyur/ /mig la sogs pa la gzhan pa/ /drug po de ma thag 'byung ba'i/ /shes pa gang yin de yid du/ /kho bo cag kyang 'dod pa yin/ /yin nyid rtag na shes pa rnams/ /cig car ba nyid thob par 'gyur/ /des 'dir sngar smras gtan tshigs su/ /'dod pa rnam par nyams byas 'gyur/ /sangs rgyas pa dang phyi rol pas/ /brtan pa'i yid 'grub mi 'grub pa/ /gzhan gyis mdor smra A bcas dang / /gzhan du yang ni bzlas nas so/ /de kho na nyid bsdus pa'i rab tu byed pa las rdzas kyi tshig gi don brtag pa ste bco lnga pa'o// // rdzas rnams bkag pa de las ni/ /de bzhin rten par 'dod pa yi/ /yon tan la sogs kun la nyid/ /med par 'gyur ba kho na'o/ /'brel pa can rnams bkag pa na/ /'du ba'ang gang la gang zhig yin/ /de lta na yang bye brag tu/ /dgag pa 'di ni brjod par bya/ /sngon po la sogs rags pa'i rdzas/ /gal te gcig pa nyid 'dod na/ /bu ga'i snang bas de gsal bzhin/ /gsal ba ci phyir snang ba min/ /yangs pa'i phyogs na gnas pa yi/ /sngon po la sogs mthong ba yang / /gsal 'gyur min pa de yi tshe/ /de las de de tha dad 'gyur/ /de min gzhan la blo log cing / /glang po sogs las tha dad pa'i/ /grangs ni snang bar khyed 'dod de/ /shes las snang ba yod nyid min/ /'dod pas rab tu sbyar ba yi / /brda ni yid byed rjes 'gro ba/ /bum sogs gcig sogs rnam shes 'di/ /shes pa sogs bzhin 'jug pa ste/ /de rnams rdzas nyid min pa'i phyir/ /rnam 'byed rdzas ni gang zhig yid/ /ma 'khrul pa yi de nyid kyis/ /shes de brjod par rigs min nyid/ /de ni rdzas dang 'brel pa las/ /gcig nyid yin dang don gcig la/ /'du phyir yon tan la sogs la/ /rnam shes gcig tu 'dod ce na/ /de ltar gcig pa'i shes pa nyid/ /yin yang gnyis sogs blo gang yin/ /tshig gi don drug sogs gang la/ /de rnams la ltos rgyu gang yin/ /don gcig la ni 'du sogs kyi/ /shes pa 'di ni med par 'gyur/ /des na 'di ni 'khrul 'gyur te/ /mi la me yi blo bzhin no/ /glang po la sogs shes de las/ /gzhan pa las byung dmag gi blo/ /mtshan nyid mi 'dra las sgrub pa/ /snam bu sngo sogs blo bzhin no/ /'dod pas sbyar ba'i brda dang ni/ /yid la byed sogs thabs yin na/ /blo de 'dod yin de nyid kyis / /blo la sogs pa'ang grangs su 'gyur/ /gal te blo la ltos pa las/ /grangs 'grub par ni smra ba yang / /brda la 'jug pa tsam gyis ni/ /blo de ci yi phyir mi 'dod/ /che dang ring sogs dbye ba yis / /bong tshod gang zhig rjod byed pa'i/ /don de'ang de bzhin min dngos kyi/ /dbye ba nyid las cis mi 'dod/ /khang bzangs phreng ni ring po dang / /chen por ji ltar snang ba yin/ /de la 'di 'dra'i bong tshod kyi/ /ngo bor rtog pa ma yin no/ /don gcig la ni 'du ba yis/ /de ltar bstan pa yin zhe na/ /gang phyir phan tshun tha dad pa/ /so so bar brjod de'i yan lag / dang bral gzhan las gzhan de bzhin/ /gang dang phrad dang dbye ba yang / /gzhan la rdzas su nges pa dag /phrad sogs blo dag gi ni rgyud/ /brtag pa de dag don med nyid/ /phrad pa yod pa ma yin na/ /sa bon chu dang zhing la sogs/ /rtag tu 'bras bu 'byin par ni/ / thal 'gyur bye brag med phyir ro/ /zhing dang sa bon chu sogs rnams/ /ltos dang bcas par shes byas te/ /rang 'bras rtag tu mi 'byin phyir/ /'byin pa 'khor lo'i chu bzhin no/ /de rnams gang la ltos gyur pa'i/ /dngos po phrad pa yin par 'gyur/ /de ni bye brag dngos gyur phyir/ / tha dad nyid ces shes bya ste/ /phrad par 'dod pa gang dag dang / /phrad la longs spyod pa zhes brjod/ /de las gzhan pa yongs spangs nas/ /de nyid longs spyod pa 'di'o/ /dngos 'di bar chad med pa'am/ /'di ni bar chad dang bcas zhes/ /'di 'dra'i blo yi dbye ba dag /'di dag med gang las 'dir rig / gang 'dir bar chad bcas blo la/ /bar chad med pa'i blo nges dang / /bar chad med la'ang gang gzhan pa/ /'di gnyis log pa'i shes pa ste/ /log pa'i shes pa thams cad nyid / /don gyi gtso bo'i rjes 'jug la/ /gtso bor 'dir ni brjod bya ba/ /brjod pas de dag kyang 'grub 'gyur/ /gdub 'khor can zhes blo 'di yang / /rgyu gang gis skye mi la ni/ /gdub 'khor yod pa'i phyir zhe na/ /de ni rtag tu thal bar 'gyur/ /gzhan du mthong ba yod pa la/ /gzhan du dgag pa nyid rigs kyi/ /phrad pa gang du'ang ma mthong ba/ / de go ji ltar dgag tu rung / /nag pa gdub 'khor med de bzhin/ /de phyir dngos rnams yod nyid yin/ /dgag dang sgrub sogs gang yin pa'i/ /rnam par dbye ba'i gnas yin zhes/ /smra la skad cig pa nyid kyis/ /chu sogs bye brag med pa ste/ /bar chad med pa sogs yod kyang / /gnas skabs gzhan la ltos bcas yin/ /gal te rgyu la sogs de rnams/ /phrad pa tsam la ltos bcas na/ /phrad pa thag nyid 'bras 'byung 'gyur/ /de min mthar yang 'byung mi 'gyur/ /bar chad med par 'byung ba las/ /gnas skabs bye brag thob pa la'ang / gang dag 'di longs spyod mthong ba'ang / /dngos de dag kyang de bzhin 'grub/ /bar du chod kyang gzhan nyid bar/ /skye ba'i rgyu las bar chad dang / /bcas dang bar chad med shes pa/ /log pa'i shes pa thams cad kyang / /chos mthun la ltos min par yang / /'khrul rgyu nang la yod 'ga' zhig / gzhan du 'gyur ba'i sems la ni/ /zla ba gnyis sogs blo bzhin no/ /bar chad med sogs las byung ba/ /gtso bo 'dir ni yod na yang / /gnas skabs bye brag las skyes pa/ /gdub 'khor can zhes pa blo 'di/ /nag pa dang ni gdub 'khor bzhin/ /phrad pa dang ni 'dra ba yi/ /gnas skabs khyad par can las so/ /de 'drar mthong bzhin gzhan du min/ /phrad pa nyid du mthong min las/ /nag pa gdub 'khor med sogs pa'i/ /pha rol po yi 'dod pa las/ /phrad pa'i dngos po'i blo skye min/ /phrad pa'i blo ni gang yin las/ /khang bzangs sogs la phrad blo 'byung / /yang na dngos po du ma nyid/ /yod la snal ma mang po la/ /sogs pa'i yul can blo bzhin du/ /tha dad par ni skye bar 'gyur/ /bya ba yang ni ci rigs par/ /tshad ma gnyis kyi brjod bya ste/ /gcig ni du ma la 'jug pa'ang / /mi rigs gnod pa can yin no/ /pha rol pha rol min brjod sogs/ /rtog pa'i rgyu mtshan gang yin pa/ /pha rol nyid dang pha rol min/ /nyid yin phyogs dus de rgyu min/ /dper na sngon po sogs dngos rnams/ /rim gyis 'byung dang gnas pa las/ /gzhan ma'i rgyu mtshan gyis dben pa'ang / /da ltar bstan cing gzhan de bzhin/ /grangs dang phrad pa la sogs kun/ /rdzas las tha dad min pa min/ /de ni rnam dpyod byed nyid kyis/ /dbyig pa sogs bzhin 'dod ce na/ /de rnams kun rdzob tu yod par/ /smra bas 'dod pa sgrub byed yin/ /gang phyir kun rdzob tu yod par/ /de nyid gzhan nyid kyis brjod min/ /'on te brjod bya nyid min pa'i/ /tshogs la sogs pa 'gog byed pa/ /gang phyir nges pa'i chos nyid de/ /gzugs sgra dri ro sogs bzhin du / /de ni de kho na nyid du/ /dngos med nam mkha'i pad+ma bzhin/ /chos nges pa nyid mi 'grub ste/ /de rnams rtog pas sgro btags pa'o/ /gang phyir nam mkha'i pad sogs kyis/ /de skad smras nyid ma nges pa'o/ /tha dad min dang tha dad pa'ang / /dngos po nyid la rnam par gnas/ /grangs sogs rdzas las tha dad pa/ /de ltar bsgrub bya yin zhe na/ /gzhi nyid ma grub pa yi phyir/ /grangs sogs rnams ni mi 'grub po/ /bsdus pa sogs las tha dad pa'i/ /rdzas nyid de ltar brjod bya ba/ /rang dngos nyid las tha dad pa/ /rnam par nyams par sgrub par 'gyur/ /byas pa'i shugs ni rnam gsum du/ /bstan te shugs su brjod pa dang / goms pa brjod dang gnas 'jig pa/ /'di dag ma lus mi 'thad de/ /dngos rnams skad cig pa yin phyir/ /byas pa gang yang yod min na / /byas pa'i shugs kyi bka' can la / /gang gi rgyu ni rgyur 'gyur yin/ /goms pa brjod par byas pa'i shugs/ /sems kyi bag chags bdag nyid rigs/ /bdag gi yon tan nyid de ni/ /mi rigs de ni gsal phyir ro/ /gnas su 'jog byed dngos nyid du/ /mi rigs skad cig gis 'jig phyir/ /gnas don 'byung ba nyid gyur las/ /de yi ngo bo nyid du gnas/ /rang gi rgyu nyid las byung ba/ /skad cig gcig ni gnas pa rnams/ /snga ma snga ma'i nus mthu las/ /rgyun gyis rjes su 'jug pa yin/ /de ni gzhan du 'byung min pa/ /de phyir 'di yi 'jog byed gang / /'di yi mthong ba'i rgyu nyid min/ /gzhan yang byas pa'i shugs su 'gyur/ /gos sogs skye ba 'di nyid la/ /'jog byed yon tan du 'dod na/ /de bzhin byas shugs yon tan yang / /thams cad du yang yod mi 'gyur/ /yid dang bdag tu sbyor ba dag /gong du rgyas par bkag pa'i phyir/ /ma mthong ba la pha rol pos/ /smras pa mtshan nyid ldan mi rigs/ /de kho na nyid bsdus pa'i rab tu byed pa las yon tan gyi tshig gi don brtag pa ste bcu drug pa'o/ / //dngos rnams skad cig gcig gi la/ /rdeg pa la sogs las yod min/ /skye ba'i yul du zhen pa nyid/ /de las gzhan thob yod ma yin/ /skye ba'i las ni gzhan pa'i dus/ /las kyi dus shes pha rol smra/ /shin tu myur bar zhig 'dod pa/ /mar me la sogs dngos la yang / /rgyab ma mdun pa'i yul dag las/ /phral dang phrad pa'i 'byung dag la/ /'gro ba can nam gzhan kun yang / /las kyi gzhir ni rab brtags las/ /gar skyes nam du'ang skad cig kyang / /gnas min g.yo ba'i bdag nyid do/ /de ni rdul phran tsam gyis kyang / /yul du 'pho ba yod ma yin/ /rtag pa'i dngos po thams cad ni/ /'gro la sogs par shin tu yang / /bsgrub dka' gnas skabs thams cad du/ /'di la bye brag med nyid do/ /gal te 'gro bo sogs dngos de'i/ /dngos yin rtag tu 'gro sogs 'gyur/ /skad cig gcig kyang mi g.yo bar/ /gcig tu gnas pa ma yin no/ /gang du 'gro sogs med pa yang / /'dis ni rtag tu thob 'gyur na/ /snga ma'i ngo bo mi 'dor phyir/ /'gro sogs rtsom pa'i dus bzhin no/ /'on te 'gro min sogs dngos po'i/ /dngos yin rtag tu 'gro mi 'gyur/ /skad cig gcig kyang 'gul bar ni/ /'gyur ba nyid ni ma yin no/ /gang phyir 'gro sogs yin na yang / /mi g.yo'i bdag nyid phyir yin te/ /snga ma'i ngo bo mi 'dor phyir/ /g.yo min ngo bo'i dus bzhin no/ /gal te 'gro min dus gcig tshe'ang / /gzhan du yang ni 'gyur yin na/ /phan tshun 'gal ba'i bdag nyid dang / /'dres pas tha dad nyid du 'gyur/ /de dag shin tu tha dad pa'i/ /bdag nyid du ni nges pa ste/ /'gal ba'i chos dag 'dre ba'i phyir/ /g.yo dang mi g.yo'i dngos bzhin no/ /mthong ba nyid du mngon 'dod pa'i/ /las ni dngos po las gzhan min/ /'di ni mthong ba nyid kyang min/ /rigs pa'i rjes 'brangs yod ma yin/ /mi brtan nyid dang brtan nyid dang / /de lta'i 'gro sogs rnams yod min/ /thob dang gzhan pa'i yul dag las/ /byed dang phrad pa'i rigs ma yin/ /rgyun mi 'chad par skye ba yin/ /'dra ba dang gzhan dngos rnams kyi/ /yul gzhan nye bar thob pa la/ /'gro bar 'khrul yin sgron ma yin/ /de kho na nyid bsdus pa'i rab tu byed pa las las kyi tshig gi don brtag pa ste bcu bdun pa'o/ / //rdzas la sogs pa bkag pa ni/ /rigs rnams kyang ni gsal ba yin/ /de dag thams cad tshig gi don/ /gsum la gnas par kun du brtags/ /de la rigs 'di rnam gnyis su/ /pha rol pos ni khas blangs pa/ /ma lus pa la rjes 'jug pas / /yod par brjod pa spyi nyid dang / /bye brag yod par mngon brjod pa'i/ /rdzas la sogs pa'i spyi nyid de/ /rang gnas rnams su rjes 'jug pa'i/ /sems kyi rgyur gyur dngos las so/ /rigs mi mthun pa thams cad dang / /rang gi gnas kyi bye brag las/ /log pa'i blo yi rgyu nyid de/ /de rnams de ltar gnas pa nyid/ /bye brag nyid ni kha cig gi /log pa nyid kyi rgyu rnams te/ /rtag pa'i rdzas su gang gnas rnams/ /bye brag ces ni brjod pa yin/ /gang gi stobs kyis rdul phran las/ /sogs las rnal 'byor pa'i blo 'byung / /'di ni de dang mtshan nyid ni/ /mi 'dra bar ni so sor gnas/ /yod nyid ba lang nyid sogs rigs/ /mngon sum gyis kyang rab grub ste/ /dbang po'i bya ba yod pa la/ /yod sogs shes pa 'byung phyir ro/ /rjes su dpag pa'i stobs kyis kyang / /'di dag yod par shes bya ste/ /shes pa'i bye brag gang zhig gis/ /rgyu mtshan gzhan las byung ba'o/ /ba lang glang po sogs rnams la/ /glang sogs sgra dang shes bye brag /brda dang dbyibs dang ril po sogs/ /tha dad don gyi rgyu mtshan no/ /ba lang la sogs yul nyid la'ang / /de yi sgra blo yod pa las/ /gzhan phyir dper na de nyid la'ang / /lcags kyu be'u bcas blo sgra bzhin/ /ri bong rwa sogs rnam shes kyis/ /bye brag la ni rnam 'phrul phyir/ /de yi ngo bo brjod rnams kyang / /chos mi mthun par lta bar byed/ /ba lang sogs rjes 'jug shes pa'ang / /ril po las gzhan par skye ste/ /bye brag ldan phyir sngon po las/ /sogs pa'i shes pa lta bu'o/ /ba lang nyid ni ba lang las/ /don gzhan tha dad blo yul phyir/ /de bzhin gzugs dang reg sogs bzhin/ /brjod pa nag pa'i rta bzhin no/ /de kun snying po med pa ste/ /gzhung lugs tsam du smra ba rnams/ /'di las shes byed tshad ma ni/ /cung zad tsam yang ma mthong ngo / /dbang po'i bya ba yod pa yi/ /rjes byung yod sogs shes pa ni/ /'grub pa min te de rnams ni/ /brdal 'jug pa nyid phyir ro/ /dper na sna tshogs pa yi nad / /bsal na skyu ru ra shing sogs/ /re re 'am ni sbyar ba'ang rung / /nus pa sna tshogs nyid du'ang rigs/ /de rnams la ni spyi zhes pa'i/ /nus ldan cung zad yod ma yin/ /yun ring myur ba'i dbye ba yis/ /nad rnams zhi bar thar phyir ro/ /zhing sogs dbye bas 'ga' zhig la'ang / / gcig gi ngo bo la rtag pa'i/ /khyad par can spyi yod spyi yi/ /skyu ru ra'i shing sogs de yod/ /de ltar shin tu tha dad kyang / /kha cig nus pa nges pa yis/ /mtshungs par bsre ba la sogs pa'i/ /rgyu nyid thob kyi gzhan du min/ /bya ba tsam la mkho ba yi/ /brjod par 'dod pa'i sgra de yang / /brda ru byas pa de la'am/ /yang na ci 'dod gzhan yang ngo / /dag la dang bzho sogs ngo bo yi/ /bya ba'i dbye ba la mkho ba/ /ba lang sogs sgra'i brda ru ni/ /tha snyad 'dogs pa po rnams byed/ /de brda yin par byed pa la/ /yod pa la sogs pa 'di ni/ /skye bar yang ni shes bya yi/ /dbang po'i bya ba'i rjes thogs min/ /rtog med rnam pa'i shes pa nyid/ /dang po nyid du skye 'gyur zhing / /de nas brda rnams yid byed la/ /de las de dran de rnams las/ /gzhan du son ba'i sems la ni/ /dang po'i gtan tshigs kyang 'bras med/ /phyogs de phyi rol la min te/ /bsgrub byas stong par ston pa yin/ /dngos su de yi rgyu min te/ /phyi yi lcags kyu be'u sogs bzhin/ /rang gi mtshan nyid 'di la ni/ /brjod dang rnam rtog 'jug yod min/ /gang gis rang gi mtshan nyid ni/ /ngag kun spyod yul las 'das dngos/ /nang tsam la ni brten nas 'di/ /kun rdzob nyid du dmigs byed de/ /lcags kyu la sogs phyi dngos por/ /nges pas 'jug par 'gyur ba yin/ /las dang yon tan tha snyad dag /med pa rgyur ni gang smras pa/ /med pa'i shes pas bye brag ni/ /de yang mi rigs nus pa yis / /rgyu nyid las ni dngos po nyid/ /gzhan yang yod sogs bye brag dag /med las med pa'i shes pa thob/ /ril las tha dad blo yin pas/ /shes pa de dag rnams dang ni/ /mtshan nyid mi 'dra ba mi 'grub/ /des ni gtan tshigs mi 'grub 'gyur/ /gang phyir rjes 'jug ldan shes pas/ /sgra dang gsal bar snang bcas la/ /mdog dbyibs yi ge'i rnam pa yis/ /stong pa rigs yin zhes smras byed/ /spyi yang sngon po la sogs pa'i/ /dngos nyid yin na yon tan dang / /'di la dbye ba ci zhig yod/ /sngon po sogs la gcig nyid ni/ /rjes 'jug par yang snang ba yin/ /snang bzhin yin yang 'di yi ni/ /dbye ba shes 'gyur min zhe na/ /de yi stobs kyis de dag ni/ /sgra blo ji bzhin gsal 'jug 'gyur/ /spyi yi shes pa pha rol po/ /nges pa'i bdag nyid nges 'dod pa/ /nges pa med par mi rigs te/ /mi 'dzin pa nyid thob par 'gyur/ /rgyu mtshan gzhan nyid las 'grub kyang / /rjes 'jug gcig pu mi brten las/ /tha dad spyi ni mi 'grub ste/ /rim gyis 'byung ba nyid phyir ro/ /tshig gi don sgra drug po yis/ /bdag nyid rgyu gzhan la ltos pa/ /gang yang yod pa sogs rjes 'jug /yod pa shes pa'i shes pa'o/ /chos can rgyu mtshan yin zhe na/ /de la'ang yod pa'i blo yod pas/ /chos gzhan de yi rgyu nyid de/ /thug med chos can nyid kyang thob / /de phyir 'di rnams kyis gtan tshigs/ / 'di ni 'khrul par mthong ba ste/ /nye bar sbyor ba thams cad la/ /khyab par 'di ni sgrub pa min/ /de yi 'og tu nyer bstan pa/ /'di nyid kyis ni gsal ba yin/ /thun mong du sgrub de la ni/ /'dod pa 'grub pa sogs par mtshungs/ /'tshed pa po la sogs pa yang / /rjes 'jug can gcig min na yang / /shes pa bye brag can skye zhing / /med la med pa'i blo yang ngo / /'dod pas sbyar ba'i ngo bo dang / /zhig dang ma skyes pa rnams la/ /ji skad bstan pa de kun gyis/ /gtan tshigs ma nges pa nyid do/ /'tshed pa po sogs blo rnams kyis/ /rgyu mtshan cung zad yod ma yin/ /las yod ce na de bzhin du/ /gsal ba so sos phye min nam/ /phye la rjes 'jug can gyi blo/ /rjes 'jug yod par rigs ma yin/ /de phyir gcig tu 'dod pa'i phyir/ /gsal ba kun rjes 'jug ldan 'gyur/ /rjes 'jug gis phongs las la ni/ /gal te rgyur rtog de ltar na/ /gsal ba rnams ni de nyid la/ /ci phyir rgyu nyid du ni 'dod/ /las rnams dang ni bral ba der/ /'tshed po sogs blo med gyur te/ /rigs bzhi las ni dus kun du/ /gnas par pha rol po 'dod min/ /'das dang ma 'ongs las ni de'i/ /rgyu mtshan can du byas she na/ /'tshed pa po sogs blo sgra yi/ /rgyu de ma yin med pas so/ /gal te las nyid kyi rigs dang / /'brel pa'i las dang sbyor ba'i blo/ /de ni zhig pa'i las la yang / /nges pa'i rgyu ni mtshon phyir ro/ /'das pa'i las ni de yi tshe/ /mtshon du zin yang yod pa dang / /gzung bya min te rigs kyi ni/ /rang rten ldog pa nges pas so/ /dbyig pa gdub 'khor sogs rigs rnams/ /lan cig dmigs la de dang ni/ /bral yang dbyig pa la sogs blo/ /de rnams la ni 'jug pa min/ /'on te'ang 'tshed pa po la sogs/ / rigs gzhan du ni smra byed na/ /skyes ma thag la'ang de sbyor bas/ /'tshed pa po sogs blo ru 'gyur/ /de tshe yod sogs blo bzhin du/ /'du ba can rnams med ce na/ /phyis kyang de la de bzhin du/ /'gyur te bye brag med phyir ro/ /de dang 'brel ba'i rang bzhin no/ /yon tan ldan min de dag la/ /'du ba 'di ni de ltar na/ /phyis de'i bdag nyid ji ltar 'gyur/ /gal te gsal ba mi rtag pas/ /khyad par can gyur de lta na'ang / /rigs kyi yon tan mi ldan pa'i/ /ngo bo nam yang 'dod mi 'gyur/ /'tshed pa la sogs bya ba las / /gtso bo sgrub par 'dod pa yis / /'tshed pa po sogs zhes pa de'i/ /gtso bo'i 'tshed po gzhan yod min/ /gtso bo zhes bya 'di ci zhig /rjes 'jug min phyir nus pa min/ /rdzas dang las dang yon tan sogs/ /bdag nyid nyid du de rtag min/ /de dang rigs mi 'dra ba las/ /log pa'i ngo bor nges pa tsam/ /brda yi bye brag la ltos pa/ /me la sogs pa'i blo yin no/ /brda nyid ji lta ba nyid de/ /de phyir gcig nyid rjes 'jug pa/ /med kyang sgra dang blo nyid kyi/ /dbye ba yis ni 'jug pa yin/ /de lta na yang med rnams la/ /med pa'i blo dang sgra dag kyang / /rjes 'jug 'gal min de dag gi / don med brda rjes 'jug phyir ro/ /bum pa snga na med 'di'o zhes/ /de phyir dngos po'i bye brag can/ /nyid kyi mig blor shes bya ste/ /bye brag la brten spyi dbang gis/ /de ni kun du rjes 'jug nyid/ /ce na de lta min mtshan nyid/ /min 'dra de min la brten phyir/ /bum pa zhes bya la sogs blo/ /de rnams rjes 'jug par rigs kyi/ /med pa'o med pa'o snyam blo 'di/ /mtshan nyid mi 'dra'i phyir yin no/ /yod pa'i dbang gis ba lang dang / /rta yi blo byar 'dod min gyi/ /thams cad spyi ni yin bsgrub phyir/ /gcig nyid gzhan du brtag pa'o/ /gang rnams dmag sogs blo rnams kyi/ /rgyur ni grags la sogs 'dod pa'i/ /rjes mthun par 'dod min zhe na/ /gal te de ltar yin na ni/ /'dod pas sbyar ba'i brda dbye ba/ /yid la byed pas rjes 'jug pa'i/ /blo dbye ba ni cis mi 'dod/ /bye brag shes na brdar byed pa'i/ /'dod pa de las byung ba yin/ /de byas pa las de thos pa'ang / /yid byed de las de blo 'di/ /rjes su 'gro ldog dag gis ni/ /de nyid kyi ni blo 'di yi/ /rgyu yi nges pa'i nges pa grub/ /gzhan 'dod thug pa med par 'gyur/ /rjes su mthun pa dang 'dra bar / /'gyur na don gzhan du rtog na/ / mtshan nyid mi 'dra can blo rnams/ /'di nyid la brten pa ni mchog /'di la nus pa nges par ni/ /ldog pa rjes su 'gro ldog gi /nus pa shes pa rnams la ni/ /rtog na de yang mchog yin no/ /spyi rnams la yang rjes 'gro bar/ /byed pa dag ni yod min te/ /rtag rnams rtag tu yod ba'i phyir/ /ldog pa nyid ni mi srid do/ /rdzas sogs min pa'i blo rnams ni/ /yon tan nyid sogs rigs pa min/ /du ma rnams ni 'du ba yang / /grangs la sogs pa'ang yod 'gyur te/ /de rnams la yang spyi bzhin du/ /spyi zhes bya ba'i blo ru 'gyur/ /bum pa nyid sogs pa'i spyi yang / /bum sogs nyid la 'jug gyur gyi/ /med rnams la 'di 'jug min phyir/ /de rnams blo ni ji lta bur / /rten gzhan la brten phyir gzhan du/ /blo dang sgra dang rigs min te/ /glang po sogs bzhin rta sogs la'o/ /'dir ni don gcig la brten min/ /dro dang grang dang lci ba yang / /don gcig la brten blor 'gyur gyi/ /'di la 'di yang don med nyid/ /med pa gang du'ang gnas pa min/ /bye brag bye brag can nyid kyi/ /'brel pa 'di la yod ce na/ /'di la 'brel pa gzhan yod par/ /rtog par byed pa ma yin nam/ /de dag sbyor ba la brten nas/ / bye brag bye brag can rtog na/ /de med rgyu mtshan med pa nyid/ /de ni grub pa ma yin no/ /bum pa'i snga na med pa zhes/ /bya ba la sogs tshig 'di yang / /rtog pa can gyis sprul pa ste/ /brtags pa'i dpa' bo nyid sogs bzhin/ /bye brag bye brag can nyid 'di/ / gang yin dngos po la brten te/ /'brel pa gzhan zhig yod par ni/ /de la nges par brtag par bya/ /de la med pa med pa zhes/ /'dir ni shes pa tsam brjod pa/ /bye brag la gnas spyi yin te/ /rang gi rten rnams la gnas pa'o/ /de rnams rjes 'jug 'dod min gyi/ /gal te gzhan yod 'dod min na/ /tshig gi don las tha dad pas/ /med pa'i blo ni skye ba yin/ /'dod pas sbyar ba'i gzugs sogs pa'i/ /don la rigs ni yod min te/ /gsal ba med pa nyid kyi phyir/ /de ni 'khrul pa nyid du bstan/ /'das pa dang ni ma byung ba'i/ /rtag pa'i spyi yi yul can gyis / /shes yod ce na 'di ni byin/ /'ba' zhig mi 'dzin ma yin nam/ /'ba' zhig dmigs pa yin na ni/ /gsal ba rnams kyir 'dir mi 'gyur/ /spyi yi gsal byed de min te/ /gangs can 'bigs byed nyid bzhin no/ /'di ni de rnams bskyed pa la/ /gzhan dbang yin pas 'brel pa med/ /rtag phyir gcig pu 'dzin pa'i phyir/ /shes pa gzhan dbang nyid kyang min/ /rang rten dbang por sbyor ba las / /sogs la ltos pa med phyir ro/ /yod pa rtag tu dmigs nyid dam/ /yang na nam yang ma yin te/ /rang gi bdag nyid shes bskyed par/ / rung ba'am yang na mi rung nyid/ /gal te lan cig de lta'i dngos/ /yin na rtag tu de nyid 'gyur/ /de ni rung ba'am mi rung ba'i/ /ngo bor rang bzhin gyis gang gnas/ /de rnams rtag phyir g.yo min te/ /'jug par 'gyur ba gang zhig yin/ /ba lang nyid ni ba lang las/ /don gzhan tha dang blo yul phyir/ /de ni gzugs dang reg sogs bzhin/ /brjod pa nag pa'i rta bzhin no/ /zhes 'dir 'khrul pa smra ba ste/ /'tshed pa po nyid sogs de bzhin/ /'di yi tshul gyis gzhan la yang / /dman pa'i gtan tshigs sun kun ston / /gzhan yang spyi ni du ma la/ /'jug pa nyid du gang smras pa/ /de la 'jug par 'dod 'di ci/ /gnas pa'am 'on te gsal ba nyid/ /re zhig rang dngos mi nyams pa/ /'di gnas pa yi dngos yin na/ /rten ni de byed nus min na/ /gang gis 'jog pa po nyid 'gyur/ /de ni ba d+hi rang sogs bzhin/ /'gro ba'i bgegs kyang yod min te/ /bya ba med pa nyid kyis na/ /de phyir gzhir ni brtag pa min/ /de ni 'du bar gnas she na/ /de ltar rnam par dpyad min te/ /des na tha dad mi grub rnams/ /rten dang rten can bdag nyid 'dod/ /'bras sogs rnams kyi 'gro ba la/ /gegs byed pas ni gzhir gyur na/ / 'gro ba smin pa'i spyi rnams la/ /rang gi shes pa skyed rung nyid/ /yin na gsal ba'i rgyu ci yin/ /gal te nus med 'di nus dang / /ldan par gsal byed kyis byed na/ /'byung ba mi brtan 'gyur nyid de/ /mar me gsal bya bum sogs bzhin/ /bum sogs rigs kyi bye brag kyang / / rang gnas rnams nyid la yin na/ /thams cad la gnas rten du yang / /'gyur te dam pa'i rigs bzhin no/ /de la yul gzhan nyid du yang / /dngos po 'byung ba de la ni/ /de rnams ji ltar mthong ba 'am/ /gnas pa'i rten yin mi shes so/ /de dang lhan cig skye ba min/ /de rnams rtag phyir de la sngar/ /gnas min khyab pa min pas so/ /gzhan nas 'ongs min byas med phyir/ /rang gnas dbang por sbyor la sogs/ /de ni gcig pa 'dzin pa na / /thams cad du yang dmigs 'gyur te/ /de yi rang dngos mi 'dor phyir/ /rtogs las tha dad min zhe na/ /de yang 'dzin par byed 'gyur ba'am/ /de bzhin de nyid mi 'dzin par/ /'gyur ba'am tha dad nyid du 'gyur/ /pha rol pos btags rigs dag la/ /shing sogs shes pa 'di mi 'byung / /rim nyid dang rjes 'jug sogs phyir/ /dper na 'tshed po sogs blo bzhin/ /rtag pa skyed pa po min pa/ / gnod pa can du shes bya zhing / /gong du phrad pa sun dbyung bar/ /brtan pa'ang gnod pa can yin no/ /de ltar rigs 'di tha dad pa/ /gcig tu gsal ba byas pa yin/ /rgyal dpog sogs pas smras pa yang / /yod smra rtag par brtags par 'gyur / /gang yang bye brag ces bya ba/ / mthar dbyung bar brtags de dag ni/ /rtag pa'i rdzas ni bsal ba yi / /de yang mi srid mtshan nyid yin/ /rdul phran mkha' dang phyogs sogs rnams/ /gal te ma 'dres par gnas na/ /de phyir rang gi ngo bos te/ /mtshan nyid mi 'dra nye bar mtshon/ / gal te'ang de rnams bdag nyid gzhan/ /'dres par gyur pa yin na yang / /gzhan yod na yang mi 'dra ba'i/ /mtshan nyid ma 'khrul mtshon min na/ /ji ltar bye brag 'di rnams kyi/ /mtshan nyid mi 'dra mtshon pa yin/ /rang nyid kho na yin zhe na/ /rdul phran sogs la ci mi 'dod/ / ji ltar khyi sha la sogs pa/ /rang nyid kho nas mi gtsang gnas/ /de dang 'brel pas gzhan rnams kyang / /de bzhin gal te 'dir 'dod na/ /ji ltar mar me bum sogs 'di/ /gsal byed yin bzhin 'di yang ni / /de gsal byed pa'i bdag nyid du/ /nges par gnas bzhin 'di de bzhin/ /mi gtsang dngos 'di kun rdzob pa/ /yin gyi de nyid don min na/ /de nyid kyang ni gzhan du'ang ste/ /'di ni ji ltar 'gyur ba yin/ /'on te 'gyur ba nyid yin yang / /rang gi sha sogs dbang gis 'di/ /rtag pa skye ba med pa'i phyir/ /mi gtsang dngos po 'thob pa min/ /sgron ma la sogs pa yi mthus/ /skad cig pa yi don bum pa/ /rgyan la sogs pa'i shes pa rnams/ /skyed byed dngos po thob 'gyur gyi/ /rtsod pa'i gnas gyur bye brag gi /stobs kyis mtshan nyid mi 'dra'i blo/ /de rnams dag ni 'byung min te/ /rim gyis 'byung phyir bde sogs bzhin/ /de kho na nyid bsdus pa'i rab tu byed pa las spyi dang bye brag gi tshig gi don brtag pa ste bco brgyad pa'o// //snal ma 'di rnams la snam bu/ /smyig tshal 'di rnams la re lde/ /zhes sogs 'di yi blo 'byung bas/ /'du ba rtogs par bya ba yin/ / de med blo 'di'i rgyu mtshan du/ /'gyur ba yang ni ci zhig yin/ /rgyu mtshan gzhan ni med pa na/ /bye brag blo ni mthong ma yin/ / bye brag 'di yi blo las kyang / /sbyor ba bzhin du tha dad min/ /'byung ba bzhin du thams cad la/ /'di ni gcig pa nyid ces bya/ /rtag pa de nyid 'byung ba bzhin/ /rgyu mtshan mi dmigs pa yang ni/ /'di la rgyu ni cung zad kyang / /tshad mas nye bar dmigs pa min/ /de ltar de yi shes pa yang / /rang gi grub mtha'i rjes 'brangs nas/ /pha rol po rnams 'jug byed kyi/ /'jig rten pa la'ang de ma mthong / /rten dang brten par gyur ba dag/ /sna tshogs pa nyid mtshan nyid 'gyur/ /kuN+Di sogs gnas dpal 'bras bzhin/ 'di la 'di zhes pa blo yi/ /de bzhin gang gi de rnams la/ /'di la de yi blo 'byung ba/ /snal ma snam bu sogs rnams la/ /sna tshogs nyid mtshon yod ma yin/ /dngos po rnams la rang 'dod kyi/ /sbyor bas 'di 'o zhes rtogs pa/ /'di ni rgyu la mngon sbyor ba/ /pha rol po smra de mi 'thad/ /shing las yal ga 'gro min la/ /brag ces 'jig rten pa blo 'byung / /mi 'gror brjod las lhag yan lag /bar mtshams med par mthong ba'i phyir/ /de dag la yang 'di yi blo/ /'jig rten dang 'gal smras pa yin/ /bum pa'i gzugs dang sgra la sogs/ /de yi bdag nyid du shes bya/ /gzugs dang bum sogs gnas skabs kun/ /sgra yi brjod pa nyid yin te/ /de yi bye brag brjod pa'i phyir/ /de rnams de bzhin 'jug pa yin/ /de la brten pa'i blo 'di rnams/ /de rnams rnam pas 'jug pa ste/ /'du bas ma yin tha dad pa/ /kun kyang mthong ba min phyir ro/ /gal te dngos po thams cad la/ /dngos po gcig gyur yod gyur na/ /'jim gong sogs la'ang snam bu la/ /sogs pa'i shes pa'ang thal bar 'gyur/ /glang po sogs la 'ang ba lang nyid/ /la sogs yod par thal 'gyur te/ /des na ba lang sogs gzugs nyid/ /'di 'gyur ba lang khra bo bzhin/ /snal ma rnams la snam bu des/ /yod par 'du ba las shes na/ /'jim gong rnams la de bzhin du/ /de yod ces par cis mi shes/ / 'jim gong la de brten pa min/ /zhe na 'du bas snal ma yang / /brten par 'dod pa ma yin nam/ /'jim gong la de ci phyir min/ /'du bas snal ma la snam bu/ /zhes byar sgrub par byed na de/ /'jim gong rnams la bum pa yi/ /blo de rgyu mtshan med par 'gyur/ /de ltar glang po sogs gang la/ /'du bas glang po nyid sogs yin/ /de nyid rang gnas la rigs kyi/ /dbye bas ba lang nyid sogs 'gyur/ /de ni gcig nyid du yod kyi/ /rten dang brten par dbye ba yis/ /rdzas rnams la ni de rigs nyid/ /las rnams la yang las nyid de/ /'du las byung 'di las zhes pa'i/ /shes pa rjes 'gror bstan pa'i phyir/ /thams cad la yang 'du ba nyid / /gcig pu kho na yin zhes bya/ /rdzas nyid la sogs rgyu mtshan rnams/ /tha dad par ni bstan pa'i phyir/ /rdzas sogs rigs kyi blo rnams kyi/ /nges pa nyid du nges pa yin/ /rten dang brten pa'i nges pa yis/ /dper na snod dang zho dag kyang / /'brel pa gcig tu'ang snang ba yin/ /de bzhin 'di la'ang nges par 'dod/ /'du ba gcig pu yin na yang / /gsal bya gsal byed nus pa yang / /dbye bas rdzas sogs rigs rnams la/ /de ni 'gal ba min zhe na/ /gcig nyid rten dang brten par ni/ /nges par bsgrub dka' ma yin nam/ /'du ba las ni rdzas nyid du/ /rdzas rnams kho na 'dod pa yi / /'du ba de ni yon tan la/ /sogs la'ang yod par ji ltar 'gyur/ /yon tan rdzas sogs de dag gi/ /'brel pa 'di ni gcig nyid dam/ / gzhan du 'di ni yon tan dang / /rigs sogs tha dad nyid du 'gyur/ /gsal ba so so'i sbyor dbye bas/ /sbyor ba ji bzhin tha dad 'gyur/ /rdzas nyid la sogs rgyu rnams dang / /tha dad par ni mi rigs te/ /rgyu mtshan yod na blo yin la/ /de phyir de yi nges pa'ang min/ /der brten pa nyid sogs pa nyid/ /'du ba las yin de nyid la / /nges pa can du rigs ma yin/ /gsal bya gsal byed nus pa yi/ /dbye ba'i 'du ba las yin pa'ang / /gzhan min pa de rtag pa rnams/ /skyed par byed pa rigs pa min/ /mar me la sogs yod pa las/ /skyes pa'i bum sogs 'di rnams kyis / / shes pa ji ltar skyed rung ba/ /de bzhin rigs la sogs pa min/ /kuN+Di dang zho phrad pa yi/ /gcig tu gong du bsal ba yin/ /de yi phyir yang nges pa 'di/ /mi rigs shin tu thal 'gyur phyir/ /'di ni rtag pa nyid yin na/ /bum sogs kun kyang rtag 'gyur te/ /'du ba'i dbang gis de rnams kyi / /rang rten la rtag gnas phyir ro/ /rang gi rtsom byed bye ba'am/ /yang na de zhig pa las sam/ /phrad pa sogs las bya ba yang / /de rnams zhig pa yin zhe na/ /de lta min te de rnams kyang / /rang rten la rtag 'dur 'dod ba'am/ /de rnams rnam par 'jig 'gyur na/ / 'di la nges par 'jig par 'gyur/ /'brel pa can ni 'jug min na/ /'brel pa yod par bsgrub par 'dogs/ /phrad pa med na'ang sbyor ba ni/ /rnam par gnas pa ma yin te/ /dper na sbyor ba yod gyur na/ /phrad pa rnam par gnas pa bzhin/ /de bzhin 'du ba yod pa na/ /'du ba can rnams gnas pa yin/ /'brel pa can gcig zhig na yang / /'brel pa can gzhan yod pa las/ /'du ba rnam par gnas yin gyi/ /sbyor min tha dad phyir zhe na/ /gal te de ltar bum pa sogs/ /'du ba can rnams zhig na yang / /de rnams gnas pa'i bdag nyid gang / / de ni rtog pa de dang ni/ /de phyir 'brel pa can gzhan la/ /brten pas rnam par gnas pa 'am/ /'on te phrad pa'am bye ba ni/ /'du ba bzhin du gzhan nyid yin/ /de la brten pa'i mtshan nyid kyi/ /'du ba kun du gnas yin na/ /snga ma bzhin du bum pa sogs/ /de rnams gnas pa nyid thob 'gyur/ /de rnams de ltar gnas pa min / /de rnams brten pa'i bdag nyid kyi/ /'du ba ji ltar gnas par 'gyur/ /ming tsam yin na'ang de bzhin no/ /de phyir snang la yod na 'ang / /de rnams gyen la gnas min te/ /phyis bzhin 'di ni de rnams la/ /de bzhin dngos su gnas ma yin/ /'on te gzhan nyid phrad pa'am/ /bye ba du ma bzhin yin na/ /'brel pa can gzhan yod pa la/ /'du ba rnam par gnas 'gyur na/ /de ltar phrad pa la sogs bzhin/ /'di ni mi 'gyur ma yin nam/ /de la sogs pa 'di yod pa/ /du ma'ang 'brel pa med pa yin/ /de kho na nyid bsdus pa'i rab tu byed pa las 'du ba'i tshig gi don brtag pa ste bcu dgu pa'o// //gal te dam pa'i don du na/ /bye brag cung zad yod min na/ /dbyibs bcas dkar g.yo yod bdag nyid/ /ba lang 'di la sogs blos sgra/ /'di dag rgyu med 'dod min na/ /'di dag yod pa'i yul gang yin/ /kun la bye brag med par ni/ /de dag 'jug mi srid phyir ro/ /smras pa blo sgra 'di dag la/ /yul ni gang yang yod min te/ /nang tsam la ni nges gnas pa'i/ /sa bon 'di rnams rgyu mtshan yin/ /sgra rnams gang dang gang dag gis/ /yul du gang dang gang brjod pa/ /de de kun du sbyor ba ni/ /dngos su med de chos nyid yin/ /gang phyir rang gi mtshan nyid dang / /rigs dang de 'brel rigs ldan dang / /blo yi rnam pa'i sgra don du/ /de kho na nyid du mi 'thad/ /de la re zhig sgra rnams kyi / / rang gi mtshan nyid rjod byed min/ /brda dang tha snyad thob pa yi/ /dus su khyab dang bral phyir ro/ /yul dus bya ba nus pa dang / /snang ba la sogs dbye ba las/ /gcig la gcig dngos de rnams kyi/ /gsal ba'i bdag nyid rjes 'jug min/ /de phyir brda la mthong ba'i don/ /tha snyad la ni mthong ba yin/ /brda yi dus su ma bzung ba/ /rtogs pa ma yin sgra gzhan bzhin/ /gangs can la sogs gang yin pa/ /yul dus tshogs kyis mi dbye bar/ /'dod pa rdul phran dbye ba yis/ /skad cig pa nyid du bsgrubs zin/ /rang gi mtshan nyid 'di dag kun/ /brdar bya bar ni nus min te/ /skye med dngos su brdar bya ba/ /mi rigs rta yi rwa bzhin no/ /skyes pa'i dus su bzung ba yang / /gang tshe tshig de rjes dran nas/ /bya byed de la brda med de/ /'das nas yun ring lon phyir ro/ /gang yang skyes pa'i skad cig de'i/ /stobs kyis yin na phyi ma'i tshe/ / de la brda 'jug yod ma yin/ /'dra ba nyid kyang brtags pa yin/ /dro ba la sogs par snang blo / /de la dbang po'i shes pa ni/ /rnam par gsal bar rig pa bzhin/ /dro ba sogs las byung rnams kyi/ /don gang yin pa des bskyed blo'i/ /don de snang ba min pa'i phyir/ /sgra de'i yul du mi rigs te/ /gzugs kyi sgra yi ro bzhin no/ /rnam pa de dag nyid kyis ni/ /gsal ba dang ni rnam pa dag /gang gis rang gi mtshan nyid du/ /pha rol pos btags dag kyang gsal / /rdzas la sogs dang phrad pa dag /dgag pa gong du bstan pa'i phyir/ /de dag sgra yi don nyid du/ /de nyid don du gnas mi rigs/ /rigs dang de bzhin 'brel pa dag /gong du rgyas par bkag pa'i phyir/ /de 'og sgra don rnam gsum po/ /gzhan yang brtag par bya ba min/ /de la gsal ba rnam pa dang / /rigs kyi sgra don gang smras pa/ /gang de kun kyang dngos med par/ /mtshungs phyir de rnams yod ma yin/ /blo ru gnas pa'i blo'i rnam pa/ /don dang blo gzhan la 'jug min/ /mngon 'dod don yang byed min te/ /de nyid don du brjod bya min/ /gzhan dag sgra yi don gzhan du/ /don yod can sogs par smra ba/ /de rnams kyang ni gsal ba nyid/ /yin yang de lta'ang brjod bya ste/ /sgra rnams gzhan bcad don yod can/ /zhes byar brjod bya'i mtshan nyid do/ /ba lang sogs la'ang sngar ma mthong / /lha dang mtho ris la mtshungs zer/ /sdud dang rnam grangs pa med pa'i/ /bsdus pa'ang brjod par bya ba 'am/ /yod pa min pa dang 'dra ba'ang / /sgra yi don du 'ga' 'dod pa'am/ /yod min bye brag yod gang dag /sgra yi rgyu mtshan yin pa'am/ /brjod pa nyid las 'ongs pa'i sgra/ /brjod bya nyid ni thob pa ni/ /de 'di'i zhes byar mngon 'brel phyir/ /gang tshe sgra la don gyis ni/ /gcig gi ngo bor byas gyur te/ /mngon par brjod pa sgra ru 'dod/ /gang yang rung don blo yi yul/ /phyi yi dngos po'i rgyu mtshan gyis/ /phyi yi dngos po zhes 'dzin te/ /sgra yi don du kha cig 'dod/ /dper na byis pa rnams dang ni/ /dud 'gro rnams kyang goms pa las/ /so sor snang ba rgyu yin te/ /de la don yod ces brjod 'di/ /rang gi mtshan nyid 'dod dam ci/ /'on te rigs dang 'brel dang ldan/ /blo nyid kyi ni gzugs brnyan na/ /don gcig la yang sngar bstan pa'i/ /skyon de rnams dang ldan pa yi/ /rtogs par bya ba'i dbye ba yis/ /tha snyad du ni rnam rtog byed/ /ba lang nyid sgra'i dbye bas don/ /yod tsam rtogs de yin zhe na/ /rwa dang dbyibs dang sngo la sogs/ /bye brag mi rtogs de 'dod na/ /de dang ldan 'dod bye brag rnams/ /brjod par gyur pa yin na ni/ /der 'byung skyon dag yod min nam/ /yod don can gzhan mthong min no/ /bsdus par brjod pa yin na yang / /dka' thub bya ba rigs sogs rnams/ /ma lus mngon par brjod pa'i phyir/ /rigs kyi dbye bar gsal brjod yin/ /nges par ma bzung gzugs rnams kyi/ /rdzas sogs rnams su gang 'dod dang / /gang zhig 'brel pa yod pa yi/ /spyi dang slar yang gsal ba yin/ /bye brag rigs sogs ngo bo yi/ /sgra yi don ni mi 'thad phyir/ /don dang gcig par bya ba yi/ /ngo bo'i sgra 'di mi rigs te/ /blo gnas brjod pa 'di nyid ni/ /phyi rol dag las tha dad phyir/ /de phyir blo la phyogs gzhan las/ /'di la bye brag ci zhig yod/ /blo yi rnam pa'i sgra don yang / /gong du gsal ba nyid kyis na/ /shes la tha dad min pa yi/ /khyab byed nyid ni med pas so/ /so sor snang ba'i sgra don yang / /gal te phyi don yul yin na/ /gang phyir gcig bdag min phyi yi/ /ji ltar sna tshogs so sor snang / /'on te bag chags tsam dngos phyir/ /de ni yul med yin na yang / /phyi don rnams la shes pa yang / /ji ltar 'jug par 'gyur ba yin/ /gal te phyi don du nges pas/ /rang dngos la de rnams su 'dod/ /de ltar 'khrul pas 'jug pa'i phyir/ /sgra don de kho na nyid min/ /thams cad nyid la thal 'gyur phyir/ /sa bon med pa'ang mi rigs so/ /'di rnams phan tshun tha dad pa/ /sa bon zhe na phyogs bdag nyid/ /gal te'ang 'di rnams thams cad nyid/ /skad cig pa na rjes 'gro med/ /gzhan na shes pa rim gyis min/ /'di nyid kyis ni brjod 'dod pa'ang / /sgra las rtogs pa bsal ba ste/ /'di ltar sgra med med 'di la/ /gang zhig brjod 'di gang zhig thob/ /phyi yi don la sgra 'jug pa/ /ji ltar sgra min pas brjod 'gyur/ /ming sogs de rnams kyis brjod yin/ / brjod 'dod rjes dpog rnam dang / /'dres pa phyi yi dngos por ni/ /zhen pas 'di la 'jug ce na/ /de nyid kho bo 'dod pa'ang yin / /gzhan sel ba ni byed pa'i sgra/ /khyed kyi phyogs brjod ma yin nam/ /dgag pa tsam yin snang 'di la/ /go bar byed pa ma yin gyi / /'on kyang ba lang ba men pa / /glang po shing sogs sgrub pa yang / /yang dag ngo bor nges pa yis/ /sgra can blo ni 'jug pa yin/ /gal te ba lang zhes bya'i sgra/ /gzhan gsal don ni byed pa ste/ /ba lang gsal ba'i sgra phyi ma/ /skyed byed sgra ni btsal dgos so/ /shes pa sgra 'bras ma yin nam/ /gcig la 'bras bu gnyis nyid de/ /dgag dang sgrub pa'i shes pa dag /ji ltar gcig gi 'bras bu yin/ /ba lang sgra ni thos pa na/ /sngon du ba lang min zhes 'gyur/ /gang gis ba lang min dgag phyir/ /ba lang zhes bya'i sgra la 'jug /ba lang min las ldog pa'i spyi/ /gang phyir brjod byar yongs brtags pas/ /de yis ba lang nyid dngos nyid/ /gzhan sel sgra yis gsal bar bstan/ /gang gis med pa thams cad ni/ /gzhan pa'i dngos po bdag nyid gnas/ /de las rta sogs las ldog pa'i/ /bdag nyid med pa gang yin pa/ /re zhig thun mong min bye brag /rtog min yin phyir mi 'dod na/ /khra bo sogs la'ang spyi min par/ /thal bar 'gyur phyir de bzhin no/ /de phyir dngos kun gang yin pa/ /so sor yongs su rdzogs pa ni/ /ba lang blo de'i rgyur 'gyur te/ /ba lang nyid las gzhan yod min/ /dgag pa tsam gyi ngo bo yang / /sgra yi don du rtog byed na/ /stong nyid gzhan gyi rnam pa can/ /med pa'i sgra yi brjod byar 'gyur/ /de la'ang rta sogs blo rnams kyi/ /bdag nyid cha shas 'dzin par 'gyur/ /der ni gzhan sel brjod bya nyid/ /brdzun pa nyid du khas len pa'o/ ngo bo spyi ru 'gyur yin na/ /sgra don dag la mi ltos par/ /sel bar brtag pa brdzun pa min / /blo de'ang dngos po'i ngo bo ste/ /sgra'i don rnams la skye bas na/ /brjod bya dngos po nyid du brtag /blo ni sel ba min pa can/ /yod pa min pa phyi don la/ / so sor snang ba'i tshig don bzhin/ /de bzhin tshig don yang 'gyur na/ /ci phyir sel bar rtog par byed/ /blo gzhan pa la rnam gcod pas/ /blor rtogs pa ni ma yin te/ /rang gi ngo bor grub tsam las/ /gzhan pa'i cha ni 'dzin de min/ /gal te gzhan sel brjod bya na/ / tha dad spyi yi tshig rnams kyang / /thams cad rnam grangs pa ru gyur / /'dres dang gcig nyid sna tshogs nyid/ /rnam rtog dang bral bdag nyid can/ /dngos po min phyir sel rnams kyi/ /dbye ba yod na min pa nyid/ /gal te dbye ba med pa'i phyir/ / thun mong min dngos cha shas bzhin/ /dngos min sna tshogs min nyid phyir/ /rnam grangs pa las thar pa yin/ /gsal bar bya ba'i bye brag gis/ /gal te tha dad par 'dod na/ /'di ni rang las bye brag min/ /gzhan las kyang ni brtags pa yin/ /'dres can rten tha dad pa yi/ /ngo bos phyi rol gnas pa yi/ /gsal bya gang yin de 'byed pa/ /de ni cher yang rtog pa yin/ /de bzhin rten ni tha dad pas/ /'di yang tha dad rigs ma yin/ /'brel pa can ni tha dad pas/ /dngos po tha dad 'dod ma yin/ /'on kyang dngos dang ma 'dres pa/ /gang yin gzhan las ldog pa min / /bye brag cha ni ma thob par/ /ci yi phyir na nges pa min/ /'dra ba nyid du ma grub pa/ /sel ba'i lus kyi bdag nyid du/ /shes par lus kyang nus min te/ /ba lang sogs su dbyer med phyir/ /rta sogs gsal bya med par yang / /chos gcig rjes 'jug dang bral ba / /nges par bya bar mi nus pa/ /des na sel ba mi grub po/ /rjes su 'jug pa dang bral na/ /sgra dang rtags dag 'jug ma yin/ /de dag med na sel ba'ang min/ /thun mong min pa'ang rjes 'jug min/ /sel ba yang ni ma grub na/ /lhan cig spyod pa gang na gsungs/ /de la ma mthong ba de dag /tshad ma nyid du 'gyur ma yin/ /ma mthong ba tsam gyis de dag /rtogs par byed par 'gyur ba min/ /thams cad nyid la ma mthong phyir/ /rtogs byar bye brag 'gyur ma yin/ /'on te 'dra ba nyid med kyang / /sel bar rtog pa yin na ni/ /'di ni ba lang rta dag la/ /sel bar ci phyir rtog mi byed/ /khra bo las ni gzhan nyid du/ /ser skya dang ni rta dag mtshungs/ /spyi ni gzhan min 'dod ce na/ /ba min gang la sel ba 'jug /ba min sel ba'ang dbang po yis/ /dang por nges pa ma yin na/ /gzhan la sgra ni 'jug min na/ /ci zhig mthong nas de sbyor byed/ /sngar bstan pa yi rnam pa yis/ /'di la rjes dpag kyang yod min/ /'di dang de ni 'brel pa dag /nyams myong bar yang rigs pa dag /ba lang min sgra brjod bya ba/ /nyid du ji ltar go bar bya/ /gang la ba lang sgras 'brel ba/ /nyams myong tshe na mthong ba min/ /ba lang ril po gcig nyid las/ /gang gzhan yin pa de thams cad/ /de bzhin gsal ba zhes byar brjod/ /spyi yi brjod byar mi 'gyur ro/ /grub kyang gsal bya blang min pa/ /ba lang dgag bdag nyid kyang de/ /dgag pa'i tshig gis gang 'gegs pa'i/ /ba lang de nyid 'dir smra dgos/ /ba lang min las log bdag de/ /zhe na gcig la gcig brten 'gyur/ /ba lang grub pas sel 'dod yin/ /zhe na sel bar rtog pa brdzun/ /ba lang ma grub ba lang min/ /de med ba lang ga la yod/ /rten dang brten par gnas la sogs/ /'brel ba'ang med pa dag la min/ /thun mong min pa dngos po ni/ /sel ba yis ni go bya min/ /dngos po dang ni dngos med la/ /'brel pa ji ltar brtag bya yin/ /rang gi ngo bo med tsam gyis/ /cung zad bye brag byed 'gyur min/ /rang blo gang gis bye brag tu/ /gsal bar bya ste bye brag ste/ /rta sogs sgra rnams las byung ba'i/ /sel ba rtog byed ma yin no/ /'dir ni bye brag tu bya'i blo/ /bye brag ma gtogs la mi 'dod/ /gzhan gyi dngos las gzhan 'dra ba/ /byed min shes pa'i bye brag gi /gzhan 'dra ba yi shes pa de/ /ji ltar bye brag tu brjod pa/ /'on te bye brag tu bya ba'ang / /gzhan la bye brag tu rtog na/ /de lta yin na gang cung zad/ /thams cad bye brag tu thal 'gyur/ /med pa go bya'i ngo bo yis/ /dngos su bye brag bya ba med/ /de phyir sel bas bye brag tu/ /byas dngos khyed la brjod bya min/ /gal te sel ba ma gtogs par/ /sgra dang rtags dag 'jug rigs na/ /de bzhin shes pa po'i blo yang / /dngos po la ni dmigs par 'gyur/ /thun mong ma yin dngos po la/ /blo ni rnam gnas ma yin te/ /rnam rtog med pa nyid kyi phyir / /de ni go byar rigs ma yin/ /sgra yi go bya'ang bye brag tu/ / bya ba yin zhes bsgrub par dka'/ /des ni sgra dang blo dag ni / /yul ni spyi yin par 'dod bya/ /gang tshe bsal ba rnams sgra yis/ /brjod bya min phyir bsal bya min/ /de tshe spyi ni gsal bya de/ /de na dngos nyid sel ba yang / /med pa rnams ni bsal bya min/ /med pa dor las med yin na/ /sel ba gzhan las sel ba ni/ /bsal phyir spyi ni dngos po yin/ /gal te med pa gang yin pa/ /med pa de dang mi 'dra na/ /dngos po nyid 'gyur min zhe na/ /ba lang ba lang min thal 'gyur/ /gal te 'ang sgra gzhan rnams la yang / /dngos su gsal bya nyid 'gyur na/ /yod sgra med par brjod pa las/ /tha dad bsal byar 'dod pa min/ /de la med pa dngos nyid du/ /'gyur phyir ngal ba chen por 'gyur/ /de ma grub na yod mi 'grub/ /grub na'ang rab tu 'grub par 'gyur/ bag chags dbye bas phye ba yis/ / yod pa'i dngos dang sel rnams su/ /rtog pa'i rigs pa ma yin te/ /dngos med nyid la bag chags med/ /khyed kyi sgra yi dbye ba yang / /de yi rgyu mtshan ma mthong ste/ /thun mong min sgra rjod byed nyid/ /ma yin sngar ma mthong phyir ro/ /de la sgra gzhan sel ba la/ /spyir ni kun du rtog byed na/ /de bzhin dngos med ngo bo'i phyir/ /sgra yi dbye ba brtag pa min/ /tshig rnams ji lta de bzhin du/ /brjod bya rjod byed dag kyang ngo / /gsal bya'i dbye ba tha dad pa/ /yod par ston pa 'ang ma yin zhing / /sel ba go bya go byed du/ /khyed kyi phyogs la mi 'gyur te/ /dngos po min phyir nam mkha' yi/ /me tog ri bong rwa bzhin no/ /gal te char dang sprin med par/ /mthong bas ma nges par smra na/ /kho bo'i phyogs la dngos yod nyid/ /khyed phyogs gal te'ang ga la yod/ /'ga' zhig sgra yi don sgrub pa'i/ /ngo bor khas len mi byed pa/ /de la ldog pa'ang grub min te/ /de ni de sngon 'gro phyir ro/ /gal te yang ni sel ba tsam/ /brjod bya nyid du khas len ni / /smra ba rnams la ut+pal sngo/ /sogs sgras sogs pa'i don du 'gyur/ /bye brag byed dang bye brag dag /gzhi mthun pa dag mi 'grub ste/ /sngon po nyid min zhig pa na/ /ut+pal min pa zhig pa min/ /cig shos kyang min de yi phyir/ /brjod bya la ni ltos min pa'i/ /sgra dag bye brag bya ba dang / /bye brag byed par 'gyur ba'ang min/ /sel ba dag ni gzhi mthun las/ /ma yin tha dad yin phyir ro/ /don de las 'dod min zhe na/ /brten pa de dag ji lta bur/ /thun mong min pa'i dngos po ni/ /go bya min gzhan khyed la med/ /go bya min pa'i don gcig nyid/ /gang du sgra dag sbyor bar byed/ /'on te'ang gzhan sel ldan dngos po/ /brjod bya yin par smra ba na/ /de la'ang gzhan dbang yin pa'i phyir/ /sgra yis khyab pa rnyed par dka'/ /rtags dang grangs sogs 'brel pa ni/ /sel ba la ni yod ma yin/ /gsal ba'ang brdar bya ma yin phyir/ /de'i sgo nas kyang de yod min/ /ak+Sha ta yang gzhan las ni/ /log par kun tu shes pa med/ /ma yin par ni dgag bya ba'i/ /ngo bo de la yod ma yin/ / min pa min zhes smra ba yang / /dgag pa yang ni 'gegs pa ste/ /'tshod byed ces pa mi dgag pa'ang / /rang dngos nyid kyis gnas pa yin/ /bsgrub bya nyid du shes pa dang / /de bzhin byung gyur sogs mthong ba'ang / /sel ba grub 'dir yin pa'i phyir/ /rgyu mtshan med par thal bar 'gyur/ /sgrub pa la sogs don sogs kyang / /gzhan sel ba la mthong min pa/ /dgag pa la yang dgag yod na/ /sel ba ci 'drar 'gyur ba yin/ /dang la sogs pa'ang dgag pa dang / /sbyor ba med phyir sel ba yin / /ngag don las gzhan sel ba yang / /smra bar nus pa ma yin no/ /gzhan sel min ba sgra la sogs/ /brjod byar mthong ba ma yin no/ /gzhal bya shes bya sogs las ni/ /bsal bya nyid ni gang la yin/ /bsal bar bya 'di brtag 'di yang / /dngos po nyid brtag yin na bzang / /shes pa'i rnam pa bkag pas kyang / / nang gi don ni brjod bya min/ /sel ba'ang min phyir de rnams la/ /sel ba yang mi grub pa min/ /de ltar sgra rnams la sogs ni/ /bsal bya la ni mthong min no/ /thams cad sgra ni don gang gis/ /rnam par gcad byar rtog par byed/ /thams cad min par cung zad kyang / / med pas gang zhig bsal byar 'gyur/ /gcig sogs thams cad min zhe na/ /rang don sel bar thal bar 'gyur/ /cha shas rnams ni bkag phyir yang / /logs su cha shas can min 'dod/ /de bzhin bsdus pa'i sgra de rnams/ /bsdus pa can ni rnam bsal bas/ /gzhan rnams kun kyang mi 'dod pas/ /don med pa can thob par 'gyur/ /gnyis sogs sgra 'dir 'dod na yang / /yang dag bsdus pa'i spyod yul can/ /gcig la sogs pa bkag pa na/ /de lta'i rnam pa der mi 'gyur/ /ba lang min min sel ba gang / / ba lang sgra yi don du brjod/ /de ci yod pa'am yang na med/ /yod na'ang ba'am ba yin min / /ba lang zhe na ming rtsod min / /don du bsgrub pa'i mtshan nyid yin/ /go bya'i brjod bya'i a go nyid/ /yin na sgra'i don shin tu mtshan / /med la 'di yang mi rigs te/ /don la sbyor ba sogs med phyir / /ba lang sgra las su zhig kyang / /med par go ba ma yin no/ /ba lang sgra don ba min pa/ /min na ci phyir sel bar 'dod/ /gang gis ba lang ba min pa/ /bzhed cing gang gis gsal byar byed/ /ba lang sgra ni ba min pa'i/ /gang 'di'i sel don du smra na/ /de ci ba lang las gzhan pa'am/ /gzhan pa min par khas len byed/ /tha dad na'ang 'dir rten par ni/ /'gyur ba'am yang na mi rten 'gyur/ /rten pa yin na yon tan nyid/ /thob kyi rdzas kyi tshig yin no/ /de phyir ba lang zhes bya'i sgras/ /yon tan tsam zhig rjod byed pas/ /ba lang 'gro dang 'dug ces pa'i/ /gzhi mthun pa nyid du mi 'gyur/ /gang gis ba min dgag 'di la/ /ba lang zhes bya'i sgra rjod byed/ /'on te 'di ni tha dad par/ /min las gzhan sel bar khyed 'dod/ /de phyir 'dis ni ba lang nyid/ /thob phyir lhag pa ci zhig smras/ / dngos po re re'i sel ba 'di/ /gcig pa'am yang na du mar 'gyur/ /gcig pa ba lang mang yod na/ /'di ni ba lang nyid du 'gyur/ /du ma nyid na'ang gong bu bzhin/ /mtha' yas par ni thal bar 'gyur/ /des na bye brag bzhin du 'di/ /brjod bya nyid du rigs pa min/ /gzhan sel ba'am brjod bya'am ci/ /brjod bya min par 'dod pa yin/ /brjod bya'ang bsgrub pa'i ngo bos sam/ /yang na gzhan ni 'gegs pa yin/ /sgrub pa'i bdag nyid brjod bya na/ /gcig tu lta ba btang ba yin/ /thams cad du yang gzhan sel 'di/ /sgra yi don ces smra ba na/ /gzhan sel min pa 'jig pa yis/ /gal te gzhan sel brjod bya na/ /de la de bzhin du 'dod pas/ /thug pa med par khyed la 'gyur/ /'on te gzhan sel ba 'di nyid/ /brjod bya min par khyed 'dod na/ /des na khyed kyi gzhan sel byed/ /sgra yi tshig la gnod byed yin/ /gzhan yang gcig nyid rtag pa nyid/ /so so la ni 'du ba nyid/ /dngos med par brjod sel rnams la/ /smra ba snal med snam bu bzhin/ /de phyir sgra gang kho na la/ /dgag sbyor de la gzhan las ni/ /ldog pa'i cha ni 'ba' zhig 'gyur/ /rang nyid gzhan du go byed yin/ /gzhan sel yongs su ma shes phyir/ / de dag de lta'i lta ngan 'chang / /ngan pa'i bdag nyid rang nyid 'joms/ /gzhan rnams kyang ni 'jigs par byed/ /'di ltar sel ba rnam gnyis te/ /ma yin dgag dang med pa'o/ /ma yin dgag pa'ang rnam gnyis te/ /blo dang don gyi dbye bas so/ /gcig tu sre bar byed pa yin / / gtan tshigs sngar smras gang yin rnams/ /'jigs med la sogs don mtshungs pa/ /rang bzhin gyis gzhan las tha dad/ /der rten shes pa'i snang ba gang / /don gyi gzugs brnyan rtog pa can/ /don gyi bdag nyid min pa la/ /don zhes bya bar nges pa yin/ /snang ba gzhan las tha dad phyir/ /gzhan las log pa'i dngos po ni/ /thob pa'i rgyu las ma 'dres pa/ /dngos po'i sgo nas 'ongs pa ste/ /rigs mi mthun pa las ldog pa/ /de 'bras gang yin rang mtshan nyid/ /de la de yi bdag nyid du/ /nges phyir 'di ni 'khrul pa yin / /de la 'di ni gzhan sel zhes / /ming du bstan pa rgyur bcas pa'o/ /gzhan dang ma 'dres par yod pas/ /rang gi mtshan nyid kyang de'i rgyu/ /ba lang 'di la ba min med/ /med par dgag pa nyid yin zhes/ /gzhan sel ba 'di rab gsal ba/ /kho nar shes par bya ba yin/ /de la 'di ni dang po yin/ /sel bar sgra las rtogs pa ste/ /sgra las yang dag byung ba'i blo/ /phyi yi don du zhen pa'o/ /de yi ngo bo gzugs brnyan gyi/ /sgo ni sgra las skyes pa ste/ /brjod bya rjod byed dngos 'di ni/ /rgyu 'bras bdag nyid can grub pa'o/ /dngos kyi rnam pa gcig nyid la/ /de ltar rab tu bsgrubs pa yi/ /shugs kyis med par dgag pa yang / /rab tu rtogs par 'gyur ba yin / /de yi bdag nyid gzhan bdag nyid/ /min zhing 'brel yod dngos rnams ni/ /ldog pa'i dngos po rtogs pa yang / /don gyis go 'gyur de yi phyir/ /de nyid kyis na sgra 'di yang / /rang gi don du brtags pa yin/ /sgra 'di rnams kyis dngos su min/ /sel ba rnam pa gnyis brtan na/ /don gzhan rnam par gcod par ni/ /byed pa sgrar ni brjod pa yin/ /rang don mngon par rjod byed pa/ /zhes bya de ni 'gal ba yin/ /phyi yi don du zhen pa yis/ /'jug pa gang las rnam rtog gi / gzugs brnyan 'di ni skyed byed pa/ /de yis brjod ces bstan pa yin/ /rang gi mtshan nyid kyi bdag nyid/ /dbyer med pa la 'di reg min/ /de tsam cha la sogs pa las/ /gzhan ni brjod par bya ba min/ /gzugs brnyan de ni rtogs pa yi/ /shugs kyis gzhan dang ma 'dres pa/ / 'di ni rtogs 'gyur gang gi phyir/ /'di gzhan bdag ni min phyir ro/ /nyin mo'i bza' ba'i tshig sogs bzhin/ /'di yi 'bras bu'ang gnyis yin te/ /dngos su ba dang shugs kyis te/ /gang phyir rjes 'gro ldog par ldan/ /de phyir sgra ni dngos po rnams/ /rang don rjod par byed pa dang / /gzhan las kyang ni ldog pa yang / /gnyis ka gtso bor byed ma yin/ /so sor snang ba'ang de 'dra ba/ /spyi de ba lang nyid du 'dod/ /ba lang khra bo sogs kun la/ /mtshungs pa nyid du nges phyir ro/ /dngos po'i snyam pa'i zhen pa las/ /de la dngos po zhes kyang brjod/ /shes pa de ni glo bur du/ /rang sa bon las 'khrul pa skye/ /de yi rnam pa de nyid kyi/ /sgra yi don khas len par brjod/ /spyi yi dngos po ngo bor yang / /de ltar 'khrul pas nges pa yin/ /spyi yi dngos po dngos nyid du/ /dam pa'i don du rigs ma yin/ /blo las tha dad min ngo bo/ /ji ltar don gzhan las 'ongs yin/ /gal te'ang tha dad min pa 'di/ /blo yi rnam pa'i ngo bo yin/ /de ltar phyi yi dngos nyid du/ /'khrul pas de ni nges ba yin/ /de ni don min mi ltos nyid/ /de ni brgyud pas 'ongs pa yin/ /des na bdag nyid dngos po nyid/ /yod nyid min par bstan pa yin/ /gzugs brnyan bdag nyid can sel ba/ /tshig las kyang ni skyes pa ste/ /so sor snang brjod glo bur bzhin/ /kho bo cag la tshig don 'di/ /rang gi ngo bor grub tsam las/ /gzhan gyi cha ni de 'dzin yin/ /blo gzhan rnam par gcod byed pa/ /des na blo ni shes byas te/ /ji ltar yod pa min pa nyid/ /dam pa'i don du tha dad min/ /tha dad min pa'ang de bzhin zhes/ /gang gis rnam grangs nyid du 'gyur/ /tha dad min pa'ang gcig dngos nyid/ /dngos med la de ga la yod/ /don gcig nyid du rjod byed pas/ /rnam grangs pa ni thob par 'gyur/ /med pa'i ngo bo'ang gcig nyid du/ /rtog pas sprul ba ji bzhin du/ /tha dad pa'ang de bzhin no/ /de las rnam grangs ga la yin/ /rjod byed la ni dngos su ba'i/ /rnam grangs gnyis min pa'ang med/ /brjod bya'ang de rnams la med par/ /rnam pa du mar bstan pa yin/ /'on kyang du ma'ang bya ba gcig / gal te byed par mthong ba na/ /de la chos gcig tu sgro btags/ /sna gcig kyang ni 'jug pa yin/ /dper na mig sogs 'ga' zhig tu/ /gzugs kyi rnam shes gcig 'bras byed/ /gcig pa'i dngos nyid med na yang / /'ga' dag tsha sogs sgra gcig byed/ / bum sogs chu sogs 'dzin la sogs/ /bya ba gang yin byed pa na/ /yul de'i shes pa gang yin pa/ /gal te'ang tha dad ba de gnyis/ /gcig tu sre bar byed pa yi/ /chu nyid yin phyir gcig ces brjod/ /shes pa bzhin du'ang de yi rgyu/ /yin phyir don la dbye ba med/ /de la spyi yi tshig gis ni/ /bum pa la sogs brjod pa'i sgra/ /rigs mi 'dra ba rnams gcod pa/ /gzugs brnyan gcig gi rgyu rnams so/ /de bzhin gcig nyid don du ma'i/ /byed phyir du ma zhes brjod de/ /de 'bras min pa las ldog pas/ /mang po nyid du yongs brtag pa'o/ /dper na thogs pa dang bcas gzugs/ /bstan du yod pa yin na yang / /dper na sgra ni brtsal ma thag /'byung ba'i shes dang mnyan bya yin/ /de rgyu min pa'i dbye ba yis/ /kha cig la sgra 'jug pa yin/ /dper na brtsal las 'byung sgra dang / /dper na sbrang ma'i sbrang rtsi yang / / de 'bras rgyu dang bral ba las/ /kha cig la 'dir sgra zhes brjod/ /mnyan bya min dper gzugs bzhin dang / /ma brtsal bar 'byung glog bzhin no/ /de lta bu sogs dbye ba yis/ /tha dad don gyi rgyu mtshan ni/ /ldog pa rnams las brtag bya ste/ /de bzhin de la brten pa'i sgra/ /de bzhin brda nyid de yi phyir/ /ma 'dres don du brjod bya yin/ /sgra rnams tha dad par 'jug la/ /nga la rnam grangs 'gyur ma yin/ /mang dang nyung ba'i yul rnams kyi / /brda de yi ni rjes 'brangs nas/ /spyi dang bye brag gis brjod bya/ /de rnams la yang 'gal ba med/ /don de rnams kyi ldog pa rnams/ /rnam rtog bzo yis sprul pa ste / /rten dang bsal bya'i dbye ba yis/ /phye ba don dam par yod min/ /phyi yi dngos nyid de rnams ni/ /brtags pa yin gyi dngos su min/ /dbye dang dbye min dngos po la/ /de kho na nyid kyis gnas min/ /rang sa bon gyi du ma las/ /bral ba'i dngos po'i brda rnams kyis/ /nus pa'i rnam rtog gis dbye ba/ /de yi ngo bor nges pa yin/ /rang gi mtshan nyid bdag nyid don/ /gcig gi bdag nyid du min zhing / /dum bur byed pa'ang ma yin gyi/ /'di ni rnam rtog 'khrul pa'o/ /chos gcig rjes 'gro med par yang / /bsal bya dang ni sel ba'i yul/ /mtshan nyid mi 'drar rtogs min pa/ /dbye ba med par bsre bas so/ /gcig tu bsre ba shes pa ni/ /rang bzhin gyis kyang tha dad pa'ang / /kha cig la ni sbyor ba yin/ /gzhan pa min zhes bsgrubs pa yin/ /de min ngo bo las bzlog pa'i/ /dngos po tsam gyi rang mtshan nyid/ /gang yin des ni byas pa yi/ /rjes su 'gro ba 'gal ba med/ /gang na 'du ba min pa las/ /ldog pa'i rang gi mtshan nyid yod/ /de na me med las ldog pa/ /rang gi mtshan nyid yod pa'o/ /dper na tshang bang bzhin 'di la/ /du ba min las log yod pa/ /de phyir me min las ldog pa/ /'di ni yod par rang mtshan nyid/ /mi yi rwa sogs med pa las/ /ldog pa gang yin rang mtshan nyid/ /de kun bstan pa las kyang ldog /blo dang mar me lta bu'o/ /de bzhin sgra sogs rang mtshan nyid/ /med pa'i ngo bo 'di yang min/ /de ltar dbye bas ma bstan pa/ /de ltar rjes 'gror 'gyur gnyis yin/ /dbye ba brjod 'dod min pa yang / /de nyid ces ni yongs su bsgrags/ /spyi yi mtshan nyid nyid kyi ni/ /gzhan min min 'dod phyir yang ngo / /khra mo'i bu las tha dad par/ /ser skya'i bu dang rtar mtshungs na/ /myur 'gro yongs su dor nas ni/ /ba lang nyid la ci phyir 'jug /de gsal byed par nus bdag nyid/ /gal te de nyid yin 'dod na/ /bse bar mtshungs pa yin na yang / /nus pa de ni rta yi min/ /de lta bu yi bsres pa yang / /dngos po gang la yod gyur pa / /de la ba lang rigs med kyang / /ba lang min pa sel ba 'jug /ba lang min las ldog dngos gang / /de ni dbang pos nges par byed/ /gzugs brnyan du ni nges pa ste/ /rang rig pas ni rtogs pa'ang yin/ /'di mthong bas ni 'jig rten pa/ /de la sgra ni sbyor bar byed/ /'brel pa nyams su myong bar la'ang / /des na 'di gsal byed par rigs/ /de lta bu yi bsre ba yang / /dngos po gang la med gyur pas/ /ba lang man sgra brjod bya nyid/ /de ni gsal bar rtogs byed yin/ /so so'i bsre ba shes pa yi / /ba lang ba lang min pa'ang 'grub/ /gcig pur grub pa'i sgra nyid ni/ / ji ltar 'dod bzhin de sbyor byed/ /dngos po'i dbye ba rig pa ni/ /gzhan 'dzin pa la ltos min par/ /de phyir gcig la gcig bstan pa'i/ /skyon ni 'di la gnas med do/ /phyi yi de nyid ma shes pa'ang / /rang bzhin nyid la rmongs phyir 'di/ /rang rnam pa la phyi'i ngo bor/ /sgra dang blo ni nges par byed/ /sgras ni de tsam du byed kyi/ /don la sgra ni reg pa'ang min/ /bye brag can gyi don ni 'ga'/ /sel bas brjod par bya ba min/ /don gzhan las ni ldog pa la/ /bye brag can ni yin zhes kyang / /mtshan nyid mdzad pas gang gsungs pa/ /de la brjod 'dod don 'di yin/ / gzhan la gzhan pa'i dngos gang yin/ /rgyu yis sam ni byed pa yis/ /bye brag can de tha dad pas/ /rigs dang ma 'dres par 'dres par/ /shing sogs sgra des brjod pa yis/ /shes pa de ni skyes pa las/ /rigs la sogs pa de 'gog byed/ /gang zhig blo la rnam gnas pa/ /de rnams 'dir brjod skyed byed phyir/ /ldog pa yi ni bye brag can/ /de rnams 'das ma thag bstan pa'o/ /don gzhan las ni ldog pa yis/ /dngos po de yi cha 'ga' ni/ /rtog pa yin zhes gang gsungs pa/ /de ni gzugs brnyan nyid yin te/ /don gzhan las ni ldog pa yi/ /dngos po mthong ba la brten nas/ /'ongs pa de la sgro btags nas/ /de yi cha zhes bstan pa yin/ /rgyu yi don dang byed pa'i don/ /des na sngar bzhin bdag nyid kyang / /gal te dngos rigs mi 'dra las/ /ldog dang de dang de bzhin du/ /ba lang min las ldog gzhan nyid/ /de yang bdag nyid la yod de'o/ /ldog par brjod pa'ang med pa nyid/ /'ba' zhig las ni ldog min te/ /de ni bye brag dngos las kyang / /yin phyir dngos po'i blo mi nyams/ /dbye bar bye brag byed 'di yang / /rnam par rtog pas sprul pa ste/ /de phyir chos 'di nyer 'dzin pas/ /bye brag ldan zhing gzhag pa yin/ /des na de ni dbyig sogs bzhin/ /bye brag byed par skye ba ste/ /so sor snang ba'i sgra yi don/ /de nyid sems pa pos bstan no / /mthong dang rnam rtog dbye mi shes/ /'jig rten phyi'o snyam du sems/ /de phyir 'di ni zhen pa las/ gsal ba rnams ni brjod byar byed/ /de nyid don du sgra rnams kyi / /brjod bya min par bsgrubs zin to/ /'dis sgra'i brjod bya yin pa'i phyir/ /gsal ba rnams kyang bsal bya nyid/ /spyi ni sel ba ma yin te/ /sel ba nyid kyang dngos po min/ /med la med nyid bsal kyang zhes/ /de ltar byed min 'di dngos phyir/ /dngos ni de bdag min pa'i phyir/ /de ni bsal bya nyid 'dod gang / /gang zhig de yi bdag nyid min/ /de ni de yi bsal byar brjod/ /yod pa med pa'i dngos yin pas/ /de yi sel dngos yod ma yin/ /rang bzhin dbang phyug sogs rnams kyi/ /dngos rnams bskyed bya min smra ba/ / rang bzhin dbang phyug sogs bskyed byar/ /dngos po grub pa ma yin no/ /de phyir med pa'ang dngos po nyid/ /min phyir ngal ba gal yin/ /de grub na yang yod pa yod/ /des kyang med pa grub pa yin/ /ba lang min las ldog pa yi / /ba lang mtshan nyid mi 'drar 'dod/ /de phyir dngos nyid ba lang 'di/ /nga la ba min thal 'gyur min/ /dngos med yul la'ang sems tsam gyis/ /sprul pa'i rnam rtog sna tshogs pa'i/ /dbye bas sbyar ba rnams la bzhin/ /bag chags yod pa nyid yin no/ /des na'ang bag chags dbye ba yis/ /phye ba'am yod pa'i dngos nyid du'ang / /rtog par byed cing sel ba rnams/ /rtogs pas sbyar ba rnams bzhin no/ /don gzhan sel ba'i brjod bya 'di/ /ji 'dra ba ni bstan zin cing / /sgra gzhan gyi ni sel ba yang / /de 'dra nyid du rtog bya min/ /dngos po nyid du nges pa'i phyir/ /sel ba dag ni dngos nyid min/ /kun rdzob lam du rab 'grub phyir/ /de nyid don du 'dod bsgrub yin/ /dam pa'i don du brjod bya dang / /rjod byed cung zad kyang yod min/ /skad cig gis 'jig dngos rnams la/ /khyab par byed pa sbyor ba min/ /de la go bya go byed nyid/ /de nyid don la brten nas ni/ /sel ba dag gi dngos nyid min/ /kun rdzob pa ni 'gegs she na/ / de lta na yang 'khrul pa nyid/ /bzlog par dka' ba thal bar 'gyur/ /rtogs pas sbyar ba'i don dang ni/ /de rjod byed pa'i sgra dag kyang / /de rnams la spyi brjod bya dang / /de yi rjod byed yod ma yin/ /sgra yi rang gi mtshan nyid ni/ /skad cig gis 'jig rjod byed min/ /de phyir de gnyis gzugs brnyan rdzogs/ /kun rdzob par ni 'dod par bya/ /gsal bar dga' ba gnas pa yin/ /bsgrub pa'i ngo bo sgra yi don/ /gang gis khas len par mi byed/ /gang tshe sgra las shes pa ni/ /skyes pa'i don du zhen pa ste/ /sgra rnams rang brjod byed pa yi / /shugs kyis gzhan las ldog pa yin/ /de sngon 'gro ba can gyi ni/ /ldog pa 'di yang rigs pa yin/ /sgrub pa yod min gang gsungs pa/ /spyi la sogs pa med phyir te/ /sgra rnams dang ni rnam rtog rnams/ /dngos su yul med nyid phyir ro/ /ut+pal sngon po sogs sgra las/ /gcig nyid kun du snang ba ste/ / sngo min ut+pal min sogs las/ /ldog pa yi ni gzugs brnyan no/ /gzhan sel ba dang ldan dngos po / /brjod byar kho bo cag 'dod de/ /gzhan las ldog pa'i dngos po las/ /gzhan pa'i ldog pa'i nga la med/ /de phyir rigs la sogs bzhin pa'i/ / gzhan dbang skyon dang 'brel pa med/ /blo gros bzang pos gsungs pa ni/ /sgra don log pa min pas ni/ /bye brag byed dang bye brag tu/ /bya ba bzhin mthun pa nyid de/ /de phyir sel ba sgra yi don/ /rnam par gnas pa 'gal ba med/ /sngon po'i sgra sogs 'ba' zhig kyang / /gzugs brnyan bye brag can yin te/ /khu byug ut+pal bung ba sogs/ /yid gnyis bcas bzhin 'jug pa ste/ /pi ka stang zil sogs sel bas/ /bye brag can gyi yul la yang / /de ni ut+pal yi sgras / /rnam par gzhag par nges pa dang / /gnas gzhi mthun pa la sogs pa/ /de ltar 'dir ni bsgrubs pas na/ /rnam gzhag de kun pha rol po'i/ /phyogs la bsgrub par dka' ba yin/ /'di ltar sgra gcig gis rang gis / /mtshan nyid thams cad du bstan la/ /de skad bstan pa de la yang / /ci phyir bye brag gzhan blo med/ /gang gi don du phyi ma'i sgra/ /sbyor byed dngos po de la ni/ /thams cad du brjod min zhe na/ /de ni du mar thal bar 'gyur/ /sngon po'i rigs sam yon tan nam/ /sngon po'i sgra yis rtogs she na/ /gzhan la ut+pa la yi rigs/ /ut+pal sgra yis nges pa yin/ /de ltar de dag dbye ba yis/ /ba kul ut+pal sgra bzhin du/ /gzhi mthun pa la sogs pa rnams/ /shin tu 'thad pa ma yin no/ /yon tan de rigs dang 'brel pa'i/ /rdzas ni sngon po'i sgra rtogs pa/ /yin no zhe na de lta na/ /ut+pa la'i sgra don med 'gyur/ /de dag gang kho na dang 'brel/ /de nyid ut+pal rigs ldan na/ /sngon po'i sgra nyid kyis de bstan/ /ut+pa la'i sgra don med 'gyur/ /yon tan de'i rigs 'brel las gzhan/ /ut+pal rigs ldan yin zhe na/ /ut+pal dang sngon po'i sgra/ /gnas gzhi tha dad par 'gyur ro/ /'on te ut+pal nyid dang / /'brel pa'i ngo bo nyid dang ni/ /yon tan de'i rigs dang 'brel rdzas/ /sngon po'i sgra yis mi ston na'o/ /ut+pal dang 'brel ngo bo nyid/ /de bdag min par 'gyur na yang / /gang zhig ut+pal nyid 'brel ba/ /de gnyis dang 'brel kho na ste/ /sngon po'i sgra yis de brjod pa'i/ /sgra yi shes pa'i yul du ni/ /bdag nyid kun de cha shas min/ /ut+pal sgra de don med yin/ / cha shas las ni grol ba la/ /zad dang cha shas rnam rtog med/ /ngag don yongs su ma shes phyir/ /'dir ni 'di dag brjod 'dod yin/ /dang po'i sgra nyid kho na yis/ /de ni thams cad du gsal byas/ /bdag nyid ci yang ma dor bar/ /ji 'dra de 'drar de bstan te/ /rnam grangs de dag nyid kyis ni/ /de la sgra gzhan dag gis yang / /brjod pa 'bras bu yod min la/ /brjod na 'bras bu nyid du nges/ /kho bo cag ni sgra rnams kyis/ /phyi'i don rtogs byar mi 'dod de/ /sgra dang rnam shes dag gi yang / /yul ni phyi yi don min no/ /gang phyir de dag thams cad kyi/ /bdag nyid yul byed las gzhan pa'i/ /sgra dang shes pa gzhan der ni/ /rnam grangs pa nyid thob par 'gyur/ /sgra las rnam rtog gzugs brnyan nyid/ /rim gyis skyed par byed pa yin/ /gcig nyid de ltar snang ba la/ /phyi yi nyid du'ang 'khrul phyir ro/ /gzugs brnyan la ni brten nas su/ /gzhi mthun pa nyid sogs yin gyi/ /dam pa'i don du sgra 'di ni/ /yul dang bral bar 'dod pa yin/ /rtags dang grangs sogs sbyor ba 'di/ /gsal ba rnams la'ang yod ma yin/ /'dod pas sbyar ba'i brda dag gis/ /sprul pa yin gyi dngos la min/ /mo dang pho dang ma ning gi /rtags gsum dngos po la yod min/ /de la sems de thams cad kyi/ /sna tshogs par snang nyid du 'gyur/ /brjod 'dod rjes 'jug nyid de rnams/ /de yi dbang gis gcig dngos ni/ /gcig dngos nyid du'ang dngos su min/ /gal te gnas pa dang skye dang / /'jig la brten nas rtags rnams ni/ / gnas pa yin na rtags gsum nyid/ /dbyer med par ni thal 'gyur zhing / /yod pa min la'ang med pa dang / /rang bzhin med dang gsob nyid ces/ /gang smra de la gnas pa sogs/ /'brel par ci phyir rtog par byed/ /dngos 'di rnams kyi skye ba ni/ /rab tu 'byung yin 'jig pa ni/ / nyams pa nyid de gnas pa ni/ /rang dngos grub par brjod bya ste / /de la skye ba 'jig min pa/ /de la ci yi byed par brjod/ /gnas la 'dres pa yod min na/ /de la skye bar ji ltar brjod/ /'jigs la gnyis yod brjod min na/ /'jigs pa'i dngos dang nyams pa dang / /zhig pa'i ngo bo zhes bya ba/ /de la ji ltar ston par byed/ /gnas dang gnas la rang bzhin du'ang / /rgyu gang gis na smra bar byed/ /'on te 'di rnams dbyer med dngos/ /kho na yin na rtags gcig 'gyur/ /gal te de rnams ba lang nyid/ /sogs bzhin ma gtogs sogs 'dod na/ /spyi bsal bas ni de 'dra ba/ /de rnams bsal ba kho na yin/ /rigs dang yod dang phyi zhes pa'ang / /de rnams la de ci phyir sbyor/ /spyi rnams la yang gzhan pa yi / /spyi ni rigs pa ma yin no/ /med dang rang bzhin med pa dang / /gsob ces bya sogs ji ltar yin/ / des na de rnams rtags gnas pa'i/ /gnas pa'i brdar ni byas pa yin/ /grangs la sogs pa'i brda can nyid/ /brjod par 'dod pa brtags pa yin/ /tha dad tha dad min dben yang / /btsun mo'i rnams dang nags tshogs bzhin/ /bsal ba dag ni rigs dag la/ /btsun mo la sogs sbyor zhe na/ /gsal ba'i cha shas rnams la yang / /grangs blangs nas ni 'jug pa yin/ /gsal ba mang po'i grangs nyid kyis/ /bye brag byas la nags sgras brjod/ /yang na rigs la gsal ba ni/ /mang po yod la brten nas so/ /rnam pa des ni thams cad kyi/ /gcig gi tshig nyams 'gyur min nam/ /gzhan la brjod 'dod min zhe na/ /'di la de nyid rgyu mtshan yin/ /rigs la'ang grags yod ma yin la/ /yod na'ang ji ltar bye brag las/ /gal te 'brel pa dang 'brel pa'am/ /yang na dngos su 'brel pa zhes/ /gal te de ltar smra ba na/ /rtsa thung gcig kyang nags 'gyur te/ /mang po la ni smras pa yis/ /'brel pa 'di la'ang yod phyir ro/ /gsal ba du ma la brten gang / /de nyid gcig la'ang gnas pa yin/ /de yi rgyu mtshan mtshungs pa'i phyir/ /de la'ang nags kyi blo 'byung 'gyur/ /gang gi phyir na de lta bu'i/ /rjes su 'gro dang ldog pa dag / brjod 'dod de las 'di nges kyi/ /don las min te de 'khrul phyir/ /las dang dus sogs dang 'brel pa'am/ /gong du gsal ba kho na ste/ /de phyir de ni brda can yin/ /gsal ba 'byung ba ma yin no/ /gsal ba'i ngo bor zhen pa yis/ /gal te sel bar smra byed na/ /de phyir rtags sogs dang 'brel pa'i/ /gsal ba'i sgo nas 'di yod de/ /mngon 'dod pa la blo 'jug phyir/ /sgra sbyor bar ni byed pa yin/ /de yi shugs kyis mngon 'dod pa/ /min las ldog nyid grub pa yin/ /thams cad nyid kyang 'dod min te/ /sgra yi don ni nges med 'gyur/ /de phyir 'tshed pa sogs sgra rnams/ /mchog tu gsal bar ldog pa yin/ /'di ltar 'tshed sogs brjod pa rnams/ /byed pa med par 'dug pa min/ /za ba'am gsal bar byed ces pa'am/ /gzhan las ldog pa go ba ste/ /ma yin par dgag bdag nyid kyi/ /gsal byar gang dang gang 'dod des/ /'tshed byed ces pa mi dgag pa'ang / /rang dngos nyid kyis gnas pa yin/ /de lta bu yi ngag de dag /phan tshun gnod pa byed pa yin/ /'di ni gzhan gyi dngos dgag pas/ /rang gi ngo bos gnas pa yin/ /de las gzhan du nges bzung ba / /smras la don ni med par 'gyur/ /nam mkha'i ut+pal sogs rnams kyi/ /grub pa gang na'ang yod min na/ /dngos med par brjod sel ba nyid/ /grub pa nyid ni ji lta bu/ /dngos bcas 'di nyid dngos po zhes/ /nges par snang ba yin zhe na/ /de las cir 'gyur dngos po dang / /'di ni chos mtshungs par rtogs 'gyur/ /de phyir bsgrub pa nyid shes dang / /de bzhin byung gyur sogs ngo bo/ /dngos po rnams su chos mtshungs phyir/ /de ni rgyu mtshan du thal 'gyur/ /sgrub pa la sogs don sogs kyang / /yod min min sogs dgag byed pa'o/ /sgra yi shugs kyis mngon 'dod pa'i/ /min pa gang de nyid min nam/ /dgag pa la yang dgag ldan pa'i/ /sel ba de 'dra 'gyur ba yin/ /ci 'dra yang dag rtogs pa la/ /dgag pa bzhi pa yod pa yin/ /don gang yin pa 'ba' zhig la/ /dgag pa nyid sbyor sgrub pa yin/ /dgag pa gsum pas de dang ni/ /bral ba ston par byed pa yin/ /de yang dgag phyir phyi ma ni / /phyi mas gang yin sbyar bya ste/ /de la brjod 'dod pa des ni / /rtogs byed gzhan ni sel ba yin/ /'di ni mi 'tshed mi smra na/ /'tshed byed nyid du go bar byed/ /gsum pas byed pa med sogs par/ /sbyor ba go bar byed pa yin/ /bzhi pas de ni dben pa yi/ /'tshed byed de ni nges byed de/ /des na 'dir ni sgrub pa yi/ /tshig gis sel bar mtshungs pa yin/ /bsdu ba la sogs don gang yin/ /'ga' la dro sogs sgrar 'dod na/ /de las gzhan pa'i rnam grangs pa/ /de yis sel bar 'gyur ba yin/ /gzhan sel ba yi dag don yang / /rtogs bla nyid de 'di ltar 'di/ /dngos po nyid dang lhan cig pa'i/ /ngag don 'ga' zhig brjod bya ste/ /de rnams rang rigs mi 'dra gang / /de rnams bsal byar shin tu gsal/ /de rnams nyid kyi ngag don yang / / de rnams la gzhan la 'di med/ /nag pa ba lang khyer shog sogs/ /ngag gi don ni rtogs pa yis/ /byed pa po gzhan la sogs rnams/ /don gyis sel bar go bar byed/ /gzhan sel min pa'i sgra sogs kyis/ /sgrub pa nges pa ma yin te/ /pha rol mngon 'dod rigs la sogs/ /gong du gsal ba yin phyir ro/ /'on kyang sgra ni gang zhig las/ /sgrub pa'i rnam rtog nges skyes la/ /phyis ni sel ba'i sgra don gyi/ /dgag pa'i blo ni skye bar 'gyur/ /de 'dra de ni dngos po dang / /'brel pa 'jig pa mi slu ste/ /sgra dang shes pa thams cad ni/ /yang dag don la nges pa min/ /gzhal bya shes pa'i sgra la sogs/ /gsal bya ci phyir med pa yin/ /'di 'ba' zhig gi skabs min par/ /rtogs dang ldan rnams sbyor byed min/ /'on te ma nges phyin ci log /yod pa srid pa 'ga' zhig la/ /kha cig la ni de bzlog cing / /the tshom phyin ci log med pa'i/ /shes pa bskyed par bya ba'i phyir/ /blo gros ldan rnams de sbyor byed/ /de nyid kyis na de rnams kyis/ /sbyar bas 'bras bcas nyams myong byed/ /de la bems po'i blo can rnams/ /gang yin yid gnyis gnas su 'dod/ /des na de nyid dor bya ste/ /gzhan du smras pa don med yin/ /'di la yid gnyis cung zad kyang / /med na ci phyir 'dri bar byed/ /de min 'du byed sgrar brjod nyid/ /tha mal gnas blos ji ltar 'gyur/ /gzugs dang mig la sogs pa yi/ /shes pa'i shes byar gang bstan pa/ /des ni kha cig gis sgro btags / /gang yin de ni dgag pa yin/ /sngo sogs gzugs rnams mig 'di la/ /brten pa kho nar rig min gyi/ /'on kyang rna ba la brten pa/ /rtag pa gcig bu'i sems kyang ngo / /chos rnams skad cig sogs ngo bor/ /shes bya'am ci zhes rnam 'phrul dang / /chos de thams cad mkhyen pa yi/ /shes pa'i shes pa min nam ci/ /med pa shes pa skyed byed min/ /med pa'ang shes bya yin nam ci/ /de la sogs pa 'khrul par 'gyur/ /shes bya de yi tshig brjod bya/ /de la de 'dra'i shes bya nyid/ /skad cig la sogs sgrub phyir yod/ /'di yis shes bya'i dngos po yang / /yang dag rig par 'jog phyir ro/ /de lta'i ngag gzhan rnams nyid la/ /gzhal bya shes bya'i tshig sogs kyis / /rtogs pa yi ni rgyu mtshan nyid/ /dus gzhan du yang mthong ba yin/ /'ba' zhig dag gi dmigs pa la/ /rtog pa'i ngo bo gang skyes pa/ / de ni ngag gi rjes 'jug pas/ /bye brag don la 'khrul pa yin/ /bum sogs la yang sgra rnams las/ /de lta'i rnam pa de yod na/ /de phyir bum sogs sgra rnams dang / /shes bya'i sgra sogs mtshungs par 'gyur/ /gsal bar bya bar brtag 'di yang / /dngos po nyid rtog ces smras pa / /nges pa yi ni gzhan 'dor phyir/ /de nyid nyams par 'gyur ba yin/ /brjod 'dod gang yin de nyid la/ /dngos po nyid du rtogs 'dod na/ /de phyir brjod 'dod mi 'dor 'gyur/ /kun ni brjod 'dod ma yin no/ /rang nyid rig phyir shes pa yin/ /rnam par dgag par nus ma yin/ /dmigs pa med kyang sgro 'dogs pa'i/ /rnam pa du mar rig pa yin/ /shes pa'i bdag nyid rtog 'ga' yang / /so so'i yul la nges pa yi / /rang bzhin gang yin de nyid kyang / /khyed kyis nges par khas blangs dgos/ /kho bo cag smra'i rnam pa dang / /gzugs brnyan dang de'i snang ba dang / /gsal dang so sor snang ba yang / /rnam pa'i ming gi bye brag yin/ /nges gzung la sogs sgra rnams la/ /nges min la sogs bsal bya ba/ /rnam pa gzhan gyi mtshan nyid ni/ /shin tu gsal bar yod pa yi / /thams cad kyi ni sgra la yang / / tha snyad bzung ba yod pa ste/ /don de bsal ba 'di la ni/ /gzhan sel ba brjod 'dod pa yin/ /thams cad chos rnams bdag med dang / /thams cad min rnams 'gro ba dag /ma lus par go byed de la/ /cha shas cung zad bsal bya yin/ /phyi yi bum sogs las 'ba' zhig /kho na bdag med 'dod pa dang / /kha cig 'gro ba nyid du ni/ /'khrul pas de ni bzlog pa'i phyir/ /cha shas thams cad 'gag pa ni/ /der ni brjod 'dod nyid min te/ /de phyir rang don sel bar ni/ /thal bar mi shes pas smras yin/ /sel ba dngos su yod med min/ /rten pa ma yin mi rten min/ /gcig min du ma ma yin te/ /de la ji ltar nges pa bzhin/ /de kho na nyid du mi 'dod/ /med pa de med pa yang min/ /dngos po nyid du zhen phyir ro/ /tha dad tha dad min sogs kun/ /dngos po la yod la brten pa/ /sgra don dngos po med pa ste/ /de phyir de dag gzhi med yin/ /sgra ni dngos su don gzhan las/ /ldog par byed pa ma yin te/ /rang don rjod par byed pa yi/ /shugs kyis de nyid go ba yin/ /de bdag ma yin gzhan bdag min/ /zhes ni rgyas par bstan pa yin/ /gzhan po'i phyogs kyis ma shes pa/ /de phyir de ltar smra ba yin/ /gang gis ba lang ma yin par/ /zhen cing gang gis bsal byar byed/ /de ltar sgra yis gtso bor ni/ /de ni bsal bya ma yin te/ /ji lta bu yi sgra yi ni/ /brjod bya nyid yin 'dri bar byed/ /sel ba de yis yin nam ci/ /'on te bum pa sogs kyi yin/ /sgra don sel ba yin nam ci/ /sgrub pa yin zhes nges rtog la/ /sel ba yin zhes brjod pa yin/ /gang yin de nyid rtogs par byed/ /sgra don gzugs brnyan yin par ni/ /dngos su byed pa'i blo yin la/ /rigs sogs sgrub pa nyams par ni/ /shugs kyis khong du chud pa yin/ /bum pa shing sogs sgra rnams kyang / / brjod pa yis ni gzugs brnyan nyid/ /bskyed pa'i phyir na dngos su ste/ /shugs kyis gzhan ni 'dor ba yin/ /de phyir bsgrub pa las 'byung skyon / /mtha' med thal 'gyur 'di la min/ /brjod bya min phyogs kho bo cag /khas mi len phyir skyon 'di med/ /gcig nyid rtags nyid sogs rtag pa/ /yin gyi de kho na nyid min/ /'di la bzhad gad byed pa ni/ /mkhas pa chen por mtshon byed yin/ /nges par bzung ba'i shugs kyis ni/ /gzhan sel bar yang go ba yin/ /gzhan du rang bdag nyid rtogs par/ /gang la nges bzung don med yin/ /de ltar gang yang phyi ma'i yang / /gzhan las ldog pa yod min te/ /des na mo gsham bu sogs gang / /gang la sel ba rjod par byed/ /med pa rnams ni dngos med phyir/ /sgra rnams rigs sogs rjod byed par/ /dogs par mi byed de rnams ni/ /cha med mtshon byed grub phyir ro/ / don gyis stong sogs rtog pa las/ /sad pa'i bag chags tsam gyis sprul/ /gzugs brnyan gang tshe snang ba ni / /sgra de rnams kyis ston pa yin/ /sgra de rnams ni de tsam du/ /dngos su gsal byed gang the tshom / /brda la ltos pa dang bcas phyir/ /brtags pa'i don rjod byed bzhin no/ /sgra de rnams ni pha rol pos/ /khas blangs bye brag sogs bsgrubs par / /ston par byed pa ma yin te/ /de phyir de bzhin zhes rtog min/ /bye brag la sogs 'di la brda/ /med dang 'bras med nyid du'ang sngar/ /sgrub pa'i phyir na gtan tshigs te/ /ldog la the tshom za ba min/ / 'on te sel ba'i phyogs la yang / /brda ni ji ltar yod ma yin/ /de yi 'bras bcas ji lta bur/ /smra ba po dang nyan pa po/ /gnyis la phan tshun shes pa de/ /rigs pas grub pa ma yin zhing / /brda yi dus su gang mthong des/ /tha snyad dus su mthong phyir ro/ /rang rang gi ni snang ba ni/ /rig pa la yang 'jug pa ste/ /gang phyir 'di ni phyi don du/ /zhen pa gnyis ka'ang mtshungs pa yin/ /dper na rab rib kyis nyams pa'i/ /mig can zla ba gnyis zhes smra/ /rang dang mtshungs pa'ang de bzhin du/ /sgra kun las byung tha snyad 'dod/ /'di la de yi khyab byed du/ /'dod pa zhen pa pa yin te/ /rgyu yis sprul pa shes pa ni/ /de rnams 'khrul pa'i snang ba yin/ /de kho na nyid bsdus pa'i rab tu byed pa las sgra'i don brtag pa ste nyi shu pa'o// //mngon sum dang ni rjes dpag la/ /bye brag can du sgrub pa'i phyir/ /pha rol pos smras de mi 'grub/ /de ni mtshan nyid 'di dag ldan/ /mngon sum rtog pa dang bral zhing / /ma 'khrul pa'o rtog pa ni/ /brjod pa dang ldan shes pa ste/ /tha snyad rgyu sogs bdag nyid ni/ /ma yin sgra don 'drer rung ba/ /shing zhes bya sogs tshul gyis ni/ /gang zhig sgra dang ma 'dres kyang / /de ni brjod pa nyid du 'gyur/ /'das dus srid par ming don la/ /goms pa'i bag chags rjes 'jug phyir/ /skyes ma thag pa gang 'brel pas/ /'di ltar bya zhes sgrin por 'gyur/ /sems kyis dpyod sogs dus su yang / /de ni rnam par gsal bar rtogs/ /sgra yis rjes rtogs de nyid la/ /bsnyon par nus pa ma yin no/ /de yang nges pa med pa yi/ /des kyang mngon par zhen pa las/ /'khrul pa'i sgra dang don du gnas/ /de dang 'dra yang mi srid do/ /rigs la sogs dang 'byor 'os la/ /rtog pa yang na gzhan gyis shes/ /rigs la sogs pa de gsal phyir/ /mi snang bas ni mi 'thad do/ /rigs la sogs rnams mi snang bas/ /de dang 'brel pa mi snang phyir/ /chu dang 'o ma sogs 'dra na/ /don la sbyor ba ji ltar 'grub/ /blang dang dor ba'i yul dag ni/ /bstan pa'i phyir na gnyis gsungs te/ /bdag dang gzhan la 'di 'grub pa'i/ /rtog pa rnam gnyis gsungs pa yin/ /ming la sogs dang sbyor byed 'di'i/ /rang gi rgyu mtshan de ma thag /gang gis 'phags par gnas gyur pa/ /des na gnas skabs min brjod min/ /ming dang rigs sogs rnams kyi 'am/ / yang na 'di la de sbyor bas/ /brjod pa dang ldan shes pa de/ /rtog par brjod ces gsungs pa yin/ /yang na brjod pa 'ba' zhig nyid/ /bstan pas rang gi 'dod pa grub/ /thams cad du yang ming dang don/ /sbyor bas sbyor ba zhes gsungs so/ /des ni byed pa'i byed tshig nyid/ / 'bras bu dang bcas shes par bya/ /ming dang rigs la sogs rnams kyi / /de yi shes bya'i don du gnas/ /'dod rgyal sgra yi brjod bya ba'i/ /'di yi ma khyab par shes bya/ /so so'i sgrar ni rab tu 'grub / /'o na brjod bya gzhan gsal phyir/ /rigs sgra 'ba' zhig yin pa 'am/ / brjod 'dod gzhan dbang gyur pa'i phyir/ /'dod rgyal sgra nyid ma yin nam/ /'jig rten rjes 'brang 'di yod par/ /rigs pa mkhyen pas gsungs pa yin/ /'di nyid tsam gyi sgra yis ni/ /'dir ni tha snyad lam du zhugs/ /rigs sogs de yang 'jig rten bzhin/ /'dir ni tha snyad yod ma yin/ /de dag 'di las rtogs bya'i phyir/ /gzhan du 'di skad gsungs pa yin/ /gang zhig rtogs pa la brten nas/ /gang dag rigs sogs sbyor bas kyang / /des kyang brjod pa dang ldan pa'i/ /rtog pa nges par khas blangs 'gyur/ /gzhan du dngos po gnyis dag gi / sbyor ba yod par mi 'gyur te/ /rang dbang du ni yongs gcod pas/ /rtog pa nyid du brtags pa min/ /de ltar na yang sna tshogs pa/ /'di kun tha snyad med par 'gyur/ /rigs sogs tshul la brten nas ni/ /'di ni tha snyad nyid du 'dod/ /rigs la sogs dang sbyor ba'i sgra/ /sbyor ba la ni ma 'khrul pa'o/ /de skad bstan pa'i tshig de rnams/ /'bras bu dang bcas tshig tu 'gyur/ /de phyir rgol ba pa rnams kyis/ /grub mtha' yang dag gnas kun gyis/ /rtsod pa med par rtogs 'di'o/ /kho bos dpyad de bsgrubs pa yin/ /ming dang rigs sogs brjod pa yis/ /kun du brtags pa de dag kun/ /de ni de bzhin bdag gzhan gyis/ /'di ni 'di ltar khas blangs pa'o/ /de rnams dang ni bdag nyid kyi/ /khyad par 'di nyid kyi tsam zhes/ /des gsungs gzhan du 'di la sogs/ /tshig ni de brjod gsungs pa yin/ / de bzhin rigs pa'i sgo yi gzhung / /lam 'di nyid kyis bshad bya ste/ /shes pa zhes byar 'brel pa'i phyir/ /der ni rtogs pa zhes kyang gsungs/ /yang na gzhan sel byas pa'i sgra/ /ldog pas tha dad byas pa yin/ /'dir ni rigs la sogs pa rnams/ /rnam par bcad pa 'di mdzad do/ /de lta'i shes pa'i ngo bo nyid/ /'di la gang tshe rtogs par 'dod / /de yi bdag nyid dgag pa yi / /mngon sum nyid du nye bar brjod/ /de tshe shing la sogs pa'i sgras/ /brjod bya shing sogs sgra de yis/ /rtog pa dang bral la gnod min/ / gzhan du gzugs sgra la sogs pa/ /rtog pa dang bcas nyid du 'gyur/ /gal te mngon sum zhes bya'i sgra/ /mngon sum rtog pa dang bral bar/ /shin tu gsal bar shes bya ste/ /sems ni gzhan du kun zhen kyang / /dbang rten sngon por rtogs phyir ro/ /rnam par rtog pa 'di nyid ni/ /don de rtogs par byed pa yin/ /'das pa la sogs ming btang nas/ /de yi ming gis sbyor byed 'thob/ /de tshe ming dang don 'dres pas/ /rnam rtog la yod gzhan du min/ /snang ba so sor ma dmigs pas/ /cig car gnyis snang bar mi 'dod/ /rtog bcas yid kyi rnam shes dang / /lhan cig 'byung bar shes byas te/ /de phyir dbang po'i shes pa 'di/ /rtog pa med par gsal ba yin/ /rnam rtog rim gyis skye ba nyid/ /yin yang mgal me'i 'khor lo bzhin/ /myur bar 'jug la cig car bar/ /mngon par sems pa yin zhe na/ /ma yin de tshe mngon gyur pa'i/ /dngos po min dang rjes 'brel par/ /ldan pa'i rnam rtog snang ba zhes/ /'di ni cung zad bstan pa med/ /'khrul pa'i mngon pa'i nga rgyal de'ang / /don gyi shes pa de nyid dang / /rgyun mi 'chad par lhan cig pa / /de yi phyir na gsal ba yin/ /gar mkhan la lta'i gnas skabs sogs/ /ma lus par ni cig car mthong / /mang po rnams kyis bar bcad kyang / /myur du 'jug pas de 'khrul pa'i/ /lcug ma'i sgra la sogs rnams kyis/ /blo ni shin tu myur 'byung ba'i/ /'di la'ang cig car 'byung ba yi/ / nga rgyal ci phyir 'byung mi 'gyur/ / yid kyi rtog pa 'ba' zhig la'ang / /rim du nges par bas byed min/ /blo rnams kun kyang myur 'byung zhing / /rim du gnas pa min par mtshungs/ /de phyir yul rnams thams cad la/ /rim gyis 'dzin par mi 'gyur gyi/ /sgra la sogs pa'i blo bzhin du/ /cig car 'dzin par snang bar 'gyur/ /mgal me la yang 'khrul pa yis/ /cig car 'khor lor snang bar 'byung / /gsal bar so sor snang ba'i phyir/ /mthong bas mtshams sbyor ma yin no/ /'di ltar mtshams rnams sbyor ba ni/ /dran par byed pas sbyor yin gyi / /mthong bas min te 'das pa yi / /yul dang 'dzin pa min phyir ro/ /'di yi yul du gang gyur pa/ /de ni zhig par gsal ma yin/ /de phyir 'khor lor snang ba 'di/ /gsal ba min par 'gyur ba'i phyir/ /gzhan yang dngos po gang zhig gis/ /gang gi ngo bor gzhag pa'i rgyu/ /med phyir de ni de nyid du/ / blo ldan rnams kyis gzhag mi bya/ /dung dkar po la ba lang gi/ /rang bzhin lkog shal med sogs bzhin/ /bye brag can dang bye brag gi /don mdzad pa yang med pa yin/ /'di la rtog pa dang bcas pa'i/ /dngos por gzhag pa'i rgyu mtshan med/ /ba khra bo sogs mi mthun phyogs/ / gzhan du ha cang thal chos 'gyur/ /rigs la sogs pa bkag pa yis/ /gtan tshigs ma grub pa nyid yin/ /dbye bas yongs su ma bcad phyir/ /de bzhin bye brag rnams kyang med/ /sgra yi rang gi mtshan nyid gang / /ming dang rjod byed min pa nyid/ /brjod bya rang gi mtshan nyid dang / / rjod byed nyid kyang sun bton te/ /de phyir brjod bya rjod byed du/ /'dod pa de ni sgro btags yin/ /sgro btags dang bral don nyid du/ /mngon sum nyid ni shes par bya/ /rang gi mtshan nyid yod gyur la/ /mod la de ni med gyur na/ /de yang ldog par 'gyur ba ni/ /dngos po bar bcad sogs phyir ro/ /sngon po la sogs bdag nyid la/ /brda sbyor mi nus gzhan rten min/ /des na de dag rang rig ni/ /brjod dang rjes 'brel can ma yin/ /de ni gzung bya'i bye brag las/ /ming sogs sbyor ba ma yin yang / /'on kyang gtan tshigs ma grub pa/ /gang gis rjes su 'jug pa min/ /gal te don gzhan rnam bcad pa'i/ /tshul gyis 'dzin pa ma yin na/ /don tsam 'dzin par 'gyur ba 'am/ /'dzin par mi 'gyur bum pa bzhin/ /gal te bum gzhan rnam bcad pa'i/ /tshul gyis 'dzin pa ma yin na/ /bum pa tsam zhig 'dzin 'gyur ram/ /'dzin par mi 'gyur bum nyid bzhin/ /gzung bya gzhan ni rnam bcad pa'i/ /tshul gyis 'dzin pa yin snyam na / /shing ngo zhes bya sogs blo bzhin/ /rtog dang bcas pa'i rnam shes 'gyur/ /spyi dang 'brel pa ma yin na/ /bye brag gang na yang yod min te/ /'dzin tshe de la ma reg pas/ /dngos po med phyir gzung bya min/ /de phyir nam mkha'i me tog bzhin/ /dngos med 'di na'ang gzung ba min/ /bye brag dag dang ma 'brel pa'i/ /bye brag can ni mi srid pas/ /bye brag can gyi yul gyi blo/ /rtogs pa min zhes gya tshom smra/ /mthun dngos mi mthun dngos dag las / /ldog pa'i don ni 'dzin par 'dod/ /bye brag can gyi yul gyi blo/ /bye brag dag dang 'brel min na/ /tha dad de yang bye brag can/ /zhes brjod bye brag 'brel pas min/ /tha dad ces bya'ang de sgra dang / /'brel pa med par shes bya ste/ /rang bzhin las gzhan dngos dag ni/ /ma lus pa las ldog pa can/ /bzung bar gyur pa de nyid la/ /de lta'i rnam rtog skye bar 'gyur/ /bye brag tu ni ma bzung la/ /spyi zhes pha rol po 'dod pa/ /rtog pa dang bcas shes pa la/ /'dzin na der yang de dang mtshungs/ /bye brag dag las bye brag can/ / de la spyi ru shes bya na/ /de ni 'dzin pa yin pa'i phyir/ /rtog dang bcas pa'i rnam shes 'gyur/ /bye brag med pa 'dzin snyam na/ /ldog pa las ni spyi zhes brjod/ /des ni spyi ni bye brag las/ /bye brag can nyid du mi 'thad/ /mthun dang mi mthun ngo bo yis/ /'di dag shes bya yin 'dod la/ /spyi dang bye brag tu gnas par/ /bdag nyid kyis ni rab tu brtags / /gal te mthun dang mi mthun pa'i/ /dngos ni tha dad par 'dod na/ /bye brag dag las bye brag can/ /nyid ni spyi dang 'dra bar 'gyur/ /'on te 'di ni mi 'byed na/ /'di ltar ma 'dres par gnas na/ / phan tshun spangs te gnas pa yis/ /'gro ba gzhan ni yod ma yin/ /bye brag bdag nyid las ldog par/ /dbye bas mtshan nyid gzhan yod min/ /de yi ngo bo ma bzung na/ /de la 'dzin par ji ltar brjod/ /de yi dngos la reg na'ang 'di/ /tha dad gzhan las ldog pa yi/ /'dzin pa zhes bya'i rnam shes 'di/ /'di la rtogs dang bcas par 'gyur/ /spyi ni dngos po med pas na/ /gang gis bye brag can rtogs 'gyur/ /de phyir khyod la de yang ni/ /rtogs bcas shes pa'i gzung byar 'gyur/ /ming gis bye brag can yin na/ /de ci de yi bdag nyid dam/ / gal te min na'ang bye brag can/ /de phyir 'di la cis mi 'dod/ /de yi bdag nyid min pa 'di/ /dngos po'i bye brag can yang yin/ /dngos med spyi de khyod la ni/ /ji ltar bye brag can nyid min/ /de phyir rang gi mtshan nyid la/ /shes pa cung zad skye bar 'gyur/ /ldog pa'i dngos po'i yul can ni/ /de kun rtag med yin par 'gyur/ /dmigs pa tsam gyis shes pa ni / /rtog pa med pa yod pa yin/ /byis pa lkugs sogs mtshungs shes pa/ /bye brag ma yin spyi yang min/ /dag pa'i dngos la dmigs dus su/ /skye bar nyams su myong bar 'gyur/ / de dag gi ni gzhir gyur pa'i/ /gsal ba nyid ni rtog par 'gyur/ /de las gzhan du'ang rigs la sogs/ /dngos po'i chos ni ji lta bar/ /nges par byed pa'i blo gang yin/ /de yang mngon sum nyid du 'dod/ /yang dang yang du rnam rtog pa'ang / /ji srid 'dzin par gyur pa rnams/ /de dang 'brel pa'i rjes 'brangs nas/ /thams cad mngon sum nyid du 'dod/ /snang ba las ni khyim phugs su/ /zhugs pa'i mod la don mthong min/ /byas kyang dbang pos mi rtogs sam/ /ji ltar snang ba'i mod nyid la/ /dang por rang gi ngo bor shes/ /phyi nas rigs la sogs chos kyis/ /de la nges par rtogs par byed/ /gal te dmigs nas mig btsums te/ /'ga' zhig rnam par rtog 'byung ba/ /'brel pa'i rjes 'brangs de min pas/ /de ni mngon sum nyid du 'dod/ /zer ba mi rigs gal te yang / /shes pa rang gi mtshan nyid la/ /zhugs pa rigs sogs par 'dzin kyang / /brjod pa de ni zhugs pa la/ /de lta'ang rang gi mtshan nyid 'di/ /brjod bya min par gong du bsgrubs/ /de la dmigs pa'i shes pa yang / /rtog pa med pa nyid du nges/ /rigs tsam 'dzin par 'gyur na yang / /bye brag gcig tu tha dad pa/ /nyid du pha rol po de yang / /'dod pa yin par ji skad smras/ /gang tshe bye brag can dag las / /bye brag gcig tu tha dad pa/ /rang dang rjes mthun rang bzhin blo/ /bye brag can las ji ltar skye / /rang dang spyi yi bdag nyid can/ /shes pa gcig gis rigs mi 'thad/ /rtogs bcas gzhan du gyur nas ni/ /snga ma rigs ni gzhan du 'gyur/ /gal te rigs sogs rtogs pa can/ /gcig tu tha dad ma yin na/ /bcad pa'i don la 'dzin pa'i phyir/ /phyi ma dran pa'i blo dang mtshungs/ /spyi yi dngos po du ma yis/ / mi gsal ba ni rtogs she na/ /de dang mtshungs min nges pa la/ /phyi ma phyi ma nges pa yin/ /sgro 'dogs rnam par gcod pa yi/ /ji ltar yul la rjes dpag la/ /de bzhin nges pa pa yis kyang / /yul la sgro 'dogs rnams gcod yin/ /sgro 'dogs rnam par bcad pa yi/ / yul can nyid kyis tshad ma yin/ /rjes su dpag pa tshad ma yin/ /yid la dran pa mngon sum gyi/ /rjes sogs sgro 'dogs sel bas yin/ /rtags las byung ba'i shes pa ni/ /tshad mar 'dod de khyed la med/ /de nyid dang ni gzhan bdag nyid/ /rigs la sogs pa yod min na/ /rtog pa dang bcas shes pa gang / /mngon sum nyid du 'gyur ba min/ /rjes 'gro med pa'i tha dad las/ /tha dad par ni snang ba min/ /de nyid dang ni gzhan pa dag /phan tshun spangs te gnas pa yang / /rtog pa med pa'i shes pa yang / /rtogs bcas shes pa'i nus par ldan/ /tha snyad ma lus yan lag ni / /de yi sgo nas 'byung ba yin/ /rtog med rtog bcas skyed nus min/ /yul tha dad phyir rtog med phyir/ /gzugs sogs rnam par shes pa bzhin/ /mig sogs rnam shes bzhin zhe na/ / de dag dang yang rtog bcas dag /'dir ni lhan cig 'gal ba min/ /don de nyid la nges 'byed phyir/ /yul ni tha dad pa yang min/ /dngos su na ni dmigs med la/ /rtog pa yang dag 'jug pa yin/ /de la yul nyid yod min na/ /gang gis tha dad yod pa yin / /gzugs sgra la sogs blo rnams kyi/ /rgyu ni gzhan dang gzhan yod pas/ /de phyir gong du smras pa'i dpe/ /bsgrub byas stong pas 'di mi 'grub/ /me dang du ba sogs blo rnams/ /'bras bu rgyu yi ngo bo yis/ /'khrul pa kho na yin pas yang / /'di la gsal bar mtshon par bya/ /ma 'khrul pa zhes smos pas ni/ / skra shad 'dzings sogs shes pa rnams/ /'khrul phyir tshad mar mi 'dod de/ /de rnams bsal phyir 'di byas so/ /kha cig yid kyi 'dod pa yang / /de min dbang po yod na ni/ /yod la dbang po med min yang / /nyams par gyur pa 'gyur ba yis/ /bsgyur ba yang ni dmigs pa yin/ /sbrul la sogs pa 'khrul pa bzhin/ /yid kyi 'khrul pa ldog 'gyur zhing / /gsal bar mi snang par yang 'gyur/ /de yod pa las yod pa ni/ /dngos su ma grub 'khrul pa yin/ /dran pa'i blo ni rjes 'jug pas/ /yid ni brgyud pa ma yin te/ /de yi 'gyur bas bsgyur ba nyid/ /'di la'ang brgyud pas skye bar ni/ /mda' yi shugs sogs las dag la / /'jig rten na yang gsal bar snang / /yid kyis 'khrul pa thams cad ni/ /rnam par dpyad pas ldog 'gyur na/ /dngos po spyi yi blo rnams kyi / /'di la 'khrul pa nyid yin no/ /dngos po'i rang gi mtshan nyid la/ /ngo bo nyid kyis de 'jug min/ /de bzhin de yi ldog pa yang / /zla ba gnyis la sogs dang mtshungs/ /yod pa ldog pa ma yin te/ /spyi yi blo dang mtshungs she na/ /dbang phyug la sogs 'khrul pa rnams/ /de yi gzhung la zhe na rnams kyis/ /rigs pa bye ba snyed thos kyang / /yod 'dod mi ldog slar la yang / /de dag rigs pa ma yin zhes/ /skye ba de dag rang nyid smra/ /de yod pa las yod pa nyid/ /dngos su ma grub ces pa de/ /mi 'grub ma 'khrul rnams blo la/ /brgyud pa grub pa ma yin te/ /de ni shin tu med ces bya/ /sems ni gzhan du zhe na gyur kyang / /zla ba gnyis sogs snang ba yin/ /rgyun mi 'chad pa med pa'i phyir/ /brgyud pa las skye ma yin no/ /dngos po ma grub blo rnams ni/ /so sor sdud pa yod pa'i phyir/ /ldog bar gyur pa yod pa nyid/ /rang 'dod dbang phyug gzhung yang ldog / dung la ser sogs blo rnams kyang / /don byed sogs la mi slu bas/ /gzhan dag tshad ma yin par 'dod/ /de yang don byed nus min te/ /gzhan du ha cang thal 'gyur phyir/ /skra shad 'dzings sogs par mi mthong / /slu ba'i shes pa'ang mthong bar 'gyur/ /de phyir de yang tshad ma nyid/ /yin par bzlog par dka' bar 'gyur/ /kha dog las ni tha dad pa'i/ /dbyibs ni 'thad pa ma yin no/ /kha dog du ni snang ba can/ /mi slu bar ni mthong ba yin/ /rnam pa la ni ma ltos par/ /gal te tshad mar rtog byed na/ /don byed pa la mi slu bas/ /de yi ngo bo don la nges/ /de skad ces sogs smra ba kun/ /ji ltar 'gal bar 'gyur ma yin/ /bag chags smin pa'i rgyus bslang ba/ /de phyir mi slu ma yin no/ /yid dang dbang po'i shes pa ni/ /rtog pa med par sgrub pa la/ /bde sogs rigs pa gang yin pa/ /rtog pa med par sgrub byed yin/ /gzhan rig byed pa'ang ma yin pa/ /rang rig ji ltar yin par dpyod/ /don gcig la rten rnam shes ni/ /de dag rig par 'gyur zhe na/ /spyi yi dngos po la dmigs pa/ /rgyun mi 'chad par 'jug pa na/ /de tshe rgyun mi 'chad par yang / /bde sogs ci phyir rig pa yin/ /gal te yid kyis de rig pa/ /nyid du 'dod na'ang de min te/ /rim gyis skye bar byed smra bas/ /dus der de ni yod ma yin/ /cig car skye bar mi 'dod kyi/ /gnas pa de lta min zhe na/ /skad cig gis 'jig par bsgrubs pas/ /de la gnas pa zhes bya med/ / myur bar 'jug pa cig car bar/ /'khrul pa zhe na de la'ang bsal/ /dran pa'i shes pa'i spyod yul ni/ /gsal bar snang bar mi 'gyur ro/ /bde dang bde min sogs ngo bo/ /de la'ang gal te 'khrul par ni/ /rtog na bde sogs de tsam du/ /yod pa'i mtshan nyid can du 'gyur/ gang tshe rnal 'byor pas gzhan gyi/ /bde la sogs pa rig pa na/ /des kyang de bzhin mngon sum du/ /nyams su myong bar mtshungs par 'gyur/ /rang nyid kyis kyang sdug bsngal la'ang / /yod nyid nyams myong khyed mi 'dod/ /'on kyang gzhan gyi rgyud de yi/ /yul la shes pa de yang yod/ /gzhan gyis sdug bsngal rjes dpog pa'ang / /de ni mtshungs te 'on kyang de/ /gzhan gyi sdug bsngal sogs yul zhes / /smra ba spyod yul ma yin no/ /bde dang sdug bsngal la sogs pa/ /bde ba nyid ces go 'gyur gyi/ /shes pa nyid ces go mi 'gyur/ / de ni shas min bum sogs bzhin/ /gal te 'di brda gzhan yin na/ /shes pa zhes bya'i blo de yang / /sems la yod phyir de yi min/ /khyed la de yang shes mi 'gyur/ /gsal bar snang ba dngos yin phyir/ /de ni de ltar 'gyur ba min/ /bde dang sdug bsngal bar mtshungs par/ / 'di dag thams cad cis ma gyur/ /yang dag don bsgom las byung ba/ /rtog dang 'khrul pa rnam spangs pa / /bshad pa rnal 'byor pas shes pa/ /dri med bsgrub par nus pa yi/ /yul rtogs pa'am rang rig pa/ /'di ni tshad ma'i 'bras bur 'dod/ /tshad ma nyid ni 'dra ba'am/ /reg tu rung ba nyid kyang ngo / /seng ldeng bcad par gyur pa yis / /pa la sha ni mi 'chad ltar/ /'jig rten na yang sta re dang / /gcad bya gcig 'dod min zhe na/ /de min rnam bzhag la brten nas/ /bsgrub bya sgrub byed yang dag gnas/ /rnam pa med pa'i shes pa la/ /rnam gzhag de ni mi rigs so/ /de phyir tha dad par rtog na/ /gzhu la sogs bzhin yod pa yin/ /bskyed bya skyed byed nyid kyi ni/ /rnam par gzhag pa 'di mi 'dod/ /shing sogs sta gris bcad pa na/ /phye ba'i mtshams su zhugs pa la/ /chad pa zhes ni brjod pa yin/ /des na de nyid gcig nyid ldog / rnam par bzhag par gyur pa nyid/ /bskyod bya skye byed nyid du ni/ /gzhan du yang ni rnam brtags kyang / /rnam bzhag de ni 'gal ba min/ /byed pa zhugs pa'i de ma thag /chad pa 'bras bu nyid min par/ /shes pa tshad ma ma yin te/ /'bras bu gzhan du 'dod pa yin/ /rang rig 'bras bu nyid ce na/ /de ni bkag phyir mi rigs te/ /yul gyi rnam pa tshad ma ni/ /don ni tha dad 'gyur zhe na/ /thams cad ma rig par 'gyur bas/ /dgag par nus pa ma yin no/ /tha dad don yang 'dir yod min/ /rang rig pa yang don rig 'dod/ / rang las tha dad bya ba byed/ /byed pa yin phyir tshad ma ste/ /ste'u la sogs bzhin zhe na/ /'bras bu med pa'ang 'bras gzhan phyir/ /smras pa'i rigs pas ste'u sogs la/ /'bras bu gzhan yang yod ma yin/ /byed pa po nyid kho bo la/ /ma grub brtags pas skyed byed yin/ /'jog pa po nyid brtags pa yin/ /'gal ba ci yang yod min pas/ /des na gtan tshigs ma nges pa'o/ /'gal bar bstan pa ma yin phyir/ /rnam pa gzung ba dang mthun min/ /de phyir rigs gzhan nyid yin pas/ /gzugs dang ro sogs bzhin shes pa/ /de nyid rigs pa min zhe na/ /gzung bar 'dzin pa rnams spangs shing / /'di yang gzhan par rnams bsal bar/ /thams cad rigs pa'i rjes 'brangs nas/ /kho bo cag kyang smra ba yin/ /bdag nyid thams cad kyi 'dra na/ /shes pa shes med nyid du 'gyur/ /cha 'gas 'dra ba yin na ni/ /kun kyang thams cad rig byed 'gyur/ /'on kyang phyi yi don yod par/ /smra la 'dra ba yod par ni/ /nges pa kho nar khas len par/ /bya phyir de ni bstan pa yin/ /shes pa rnams bcas phyogs la yang / /sems ni gzung ba las gzhan yang / /de yi gzugs brnyan ngo bo yis/ /phal pa yang ni rig tu rung / /de yang rnam pa yod min pas/ /phyi rol rig pa'i snod ma yin/ /de kho na nyid bsdus pa'i rab tu byed pa las mngon sum gyi mtshan nyid brtag pa ste nyi shu rtsa gcig pa'o// //rang dang gzhan don dbye ba yis/ /rjes dpag rnam pa gnyis su 'dod/ /rang don tshul gsum pa'i rtags las/ /dpag bya'i don ni shes pa yis/ /tshul gsum pa yi rtags brjod pa/ /gzhan gyi don du'ang bstan pa yin/ /tshul re'am gnyis gnyis don ldan pa/ /de phyir rtags ltar snang bar 'dod/ /gzhan du mi 'thad pa nyid ni/ /gtan tshigs gsha' mar ma mthong min/ /yan lag gsum yang yod min pa/ /de phyir mtshan nyid gsum dman pa'i/ /gzhan du mi 'thad pa nyid ni/ /gang 'di gtan tshigs yin par 'dod/ /'di ni mtshan nyid gcig pa'i don/ /mtshan nyid bzhi pa'ang ma yin no/ /dper na bu gsum yod pa la'ang / /de yi bu gcig gces pa'i phyir/ /bu gcig pa zhes 'jig rten smra/ /de bzhin 'dir yang blta bar bya/ /med na mi 'byung 'brel ba'i phyir/ /nam yang tshul gsum la yod min/ /gzhan du mi srid pa yi char/ /gcig ni gtan tshigs la yod dmigs/ /gzhan du mi 'thad pa nyid ni/ /gang yin de nyid gtan tshigs te/ /dpe gnyis yod dam med kyang rung / /de yi rgyu nyid ma yin no/ /gang na gzhan du mi 'thad yod/ /der ni gsum gyis ci zhig bya/ /sngo bsangs yin te pha de'i bu/ /yin phyir cig shos snang ba bzhin/ /'dir ni tshul gsum pa yin yang / /nges pa'i phyir ni 'jug pa min/ /de yi dpe gnyis ma gtogs pa/ /mtshan nyid gcig gi gtan tshigs so/ /dngos po'am dngos med yod bdag nyid/ /ji ltar yang ni dmigs phyir ro/ /zla ba nyid ces brjod pa'i phyir/ /ri bong gis mtshan zla min min/ /'di ni mtshan nyid gnyis pa'o/ /gtan tshigs gzhan yang brjod bya ste/ /mchu sbrang babs pa'i reg pa las/ /byung ba dmigs par 'gyur ba ni/ /mchu sbrang bcas pas tshor ba 'di/ /byas pa yin zhes nges par shes/ /gzugs 'dzin pa yi bya ba la/ / mig ni nus dang shin tu ldan/ /de la bya ba byed phyir dang / /de ni mthong ba'i phyir yang ngo / /gzhan yang bdag dang bum pa sogs/ /ji ltar yang ni med bdag nyid/ /ji ltar yang ni ma dmigs phyir/ /bong bu dang 'brel rwa bzhin no/ /ri bong rwa la sogs pa yang / /ji ltar yang ni yod bdag nyid/ /ji ltar yang ni dmigs phyir te/ /dper na bdag dang bu sogs bzhin/ /khyed kyi pha yang khyim 'di na/ /yod do zhes ni shes bya ste/ /khyed kyi pha yi skad nyid ni/ /khyim 'di na ni grag phyir ro/ /sgra dang mar me sogs dngos la/ /gzhan du mi 'thad pa nyid do/ /phyogs kyi chos dngos med na yang / /rtogs par byed pa nyid du'ang mthong / /des na mtshan nyid gcig pa yi/ /gtan tshigs rtogs byed gtso bo yin/ /don med phyogs chos sogs gzhan gyi/ /brtag pas khyed la ci zhig bya/ /mtshan nyid 'di ldan gtan tshigs de/ /de ci spyi yis rtogs bya'am/ /shes par 'dod pa'i bye brag gi / chos gzhan yin nam 'on te dpe/ /der ni spyi yis rtogs she na/ /bsgrub par bya ba'i chos can la/ /gtan tshigs yod par bstan pa na/ /brjod 'dod 'grub pa min pa ste / /dper na mig gis gzung bya ni/ /mi rtag pa la 'khrul pa nyid/ / spyi yis go bar byed de yang / /sgra yang de ni sgrub byed min/ /de la chos can yod gyur par/ /shes bya zhe na de lta na/ /tshul gsum po ni khyed cag gi /gzhung lugs la yang 'byung bar 'gyur/ /gzhan du mi 'thad pa nyid ni/ /log dang rjes 'gro dag tu rtogs/ /de ni chos can la yod phyir/ /phyogs kyi chos la brten pa yi/ /gzung bya'i chos la de yi chos/ /khyab pa'i gtan tshigs 'di ltar na'o/ /'di 'dra'i mdor bsdus mtshan nyid ni/ /slob dpon gyis kyang rgyas par bstan/ /'on te gtan tshigs mtshan nyid 'di/ /chos can nyid la shes bya na/ / gang gis tshad mar de grub kyang / /de las bsgrub bya'ang nges par grub/ /bsgrub bya rtogs par ma gyur na/ /gtan tshigs la yang nges pa med/ /gzhan las bsgrub bya grub na ni/ /des na gtan tshigs las nges pas/ /phan tshun rten pa'i skyon yang ste/ /gnyis las cig shos ma grub pas/ /gzhan pa'ang nges pa ma yin no/ /dpe yi yin na de grub kyang / /bsgrub bya'i chos can blor mi 'gyur/ /de yis thams cad bsdus pa la/ /khyab par nges pa ma yin no/ /gang yang ji ltar yang dmigs phyir/ /zhes bya'i gtan tshigs 'dir smras pa/ /phyi la yul nyid med pa ste/ /the tshom can phyir 'bras bu med/ /dngos po'i de yi bdag nyid nyid/ /thams cad la ni rnam nges nyid/ /ji ltar yang ni bsgrub byar de/ /gang gis 'di skad rjod par byed/ /'gyur ba'i bdag nyid sogs dbye bas/ /dngos kun gcig par smra ba yang / /ci nas kyang ni yod pa yi/ /bdag nyid nyid du ston par byed/ /gang zhig dngos por gnas pa kun/ /rang bzhin med nyid la brten pa/ /de yang de kho na nyid du/ /zhes sogs bye brag la brtan pa'o/ /gzhan du yang ni ji ltar yang / /dmigs pa nyid ni mi 'grub bo/ /tha snyad nyid du bsgrub bya la/ / dpe ni grub par gyur pa min/ /zla ba nyid ces brjod pa na/ /mthun pa'i phyogs la'ang rjes 'jug ste/ /la lar mi 'am gzhan yang ste/ /ga pur dngul skya sogs pa la'o/ /zla ba nyid sgrub gtan tshigs la/ /thun mong min pa nyid gsungs pa/ /grags pa las ni tha dad pa/ /dngos po'i ngo bo la brten pa'o/ /mchu sbrang bcas pas byas pa nyid/ /khyad par mthong ba ma yin te/ /mchu sbrang bcas pa'i reg pa las/ /byung ba dmigs par gyur pa yang / /de yi bcas pa zhes bya ba/ /gtan tshigs khyad par nges pa dgos/ /gzhan du 'khrul pa nyid yin pa/ /bzlog par dka' bar thal bar 'gyur/ /'bras bu nyid kyi tha snyad ni/ /brjod pa yin pas bsgrub bya na/ /gal te gong du grub pa'i dpes/ /bsgrub pa yin na tshul gsum 'gyur/ /chos can mig gi ngo bo la/ /yod pa re zhig des mig nyid/ /ma grub sogs par thal 'gyur bas/ / de ni bsgrub par mi rigs so/ /'on kyang gzugs ni yod gyur kyang / /mig gi rnam shes mi 'byung ba/ /de nyid tsam gyis nam du yang / /de rnams rtogs byed ma yin gyi/ /rang gi rgyu yis nges pa las/ /skye ba myu gu sogs pa'ang yod/ /de ni dpe yang de bzhin du/ /mtshan nyid gsum par shin tu gsal/ /bum pa la sogs ji ltar yang / /med pa'i bdag nyid du bsgrub pa/ /rang bzhin gtan tshigs 'bras med pa'am/ /shin tu ma grub par yang mthong / /'di la'ang chos mi mthun pa'i dpe/ /gsal bar yod pa min na ni/ /de rnams nyid kyi ngo bo ni/ /mi mthun phyogs nyid du 'gyur ro/ /me bdag nyid la ji ltar yang / /med pa'i bdag nyid du bsgrub pa'ang / /'dod pa grub pa'am ma grub pa'i/ /de bzhin mi mthun phyogs su'ang 'gyur/ /pha yi skad thos gang yin pa'ang / /khyim na pha yod par grub la/ /pha dang 'brel pa nyid yin na/ /gtan tshigs mtshan nyid gsum par gsal/ /la lar pha dang 'brel pa'i skad/ /sngar ni nye bar dmigs pa ni/ /sngan chad nyams su ma myong na/ /gtan tshigs ma grub par bzlog dka'/ /gang du sngan chad dmigs pa'am/ /gang du de na dmigs pa la/ /rjes su 'gro dang ldog pa dag / der ni rnams pa gsal bar mthong / /shes pa'i byed pa'i sgra yi don/ /ji ltar yang ni phyi rol min/ /gzhan yod ma yin dngos min phyir/ /brjod par 'dod pa 'di nyid ni/ /go byed yin par de bsgrub na/ /mtshan nyid gsum par shin tu gsal/ / brjod 'dod mngon du ma gyur pa/ /yin na sgra ni sbyor mi byed/ /mar me nyid ni sngo sogs la/ /rtags nyid las ni shes byed min/ /shes pa skyed par rung ba ni/ /byung ba yin phyir de skad brjod/ /shes byed rtags kyi dngos yin na/ /phyogs kyi chos la sogs pa soms/ /gzhan du mi sogs de lta bur/ /ci yi phyir na rtsod mi byed/ /gzhan du mi 'thad pa nyid du/ /mig gis bzung ba cis mi bsgrub/ /phyogs kyi chos dang bral bas na/ /de phyir mtshan nyid gcig pa dman/ /tshul gcig pa gang smras pa ni/ /tshul gnyis pa nyid mtshon par byed/ /tshul gnyis pa rnams smras pa yis/ /phyogs kyi chos las tshul gsum pa'o/ /gzhan du mi 'thad pa nyid kyis/ /'phangs phyir zhe na de min te/ /gzhan du'ang sgra la sogs pa la/ /mig gis gzung bya 'di nyid 'dod/ /de'i bu yin phyir sogs gtan tshigs/ /mi mthun phyogs dang 'gal min phyir/ /ldog pa the tshom za ba des / /tshul gsum po ni yod ma yin/ /de ni bu yi bu yin yang / /las dang kha zas sogs rnams kyi/ /rgyu yi dbye bas thams cad du'ang / /dngos po gzhan du 'gyur ba yin/ /'di ni 'bras bu'am rang bzhin nam/ /snang ba mi dmigs nyid kyang min/ /de las tha dad pa min na/ /'khrul pa med pa nyid du 'gyur/ /gal te ma 'khrul pa nyid ni/ /gzhan pa rnams la'ang mthong ba ste/ /dper na ku mu da la sogs/ /kha bye rgya mtsho 'phel ba la/ /zla ba 'char ba rtags yin zhing / /gdung byed yod par mthong ba las/ /cha gzhan dag na grib ma ni/ /yod par rab tu shes pa yin/ /mun par mgal dum tshig mthong bas/ /ring nas du ba dpogs par byed/ /smin drug shar ba las kyang na/ /snar ma nye ba yin par rtog /'di la gtan tshigs chos de ni/ /de lta bur ni rtogs pa yin/ /gang las byung ba de rnams dang / / dus gcig pa gzhan de kun rtogs/ /de lta bu yi dbye ba 'di/ /'bras bu las ni rgyu grub pa'o/ /'brel pa nyid ni mi 'thad na/ /thams cad kun kyang rtogs byed 'gyur/ /smin drug 'char ba'i rgyur gyur pa/ /rlung gi khyad par gang yin pa'i/ /tshogs pa yin pa de dag ni/ /snar ma nye ba'i rgyu yin no/ /rgyu yi chos ni shes pa las/ /de phyir de ni shes par 'dod/ /rang dbang du ni de shes pa/ /'di gzhan su yang yod ma yin/ /gzugs brnyan du brjod rtags las ni/ /rjes su dpag pa 'jug pa yin/ /gang zhig lus kyi yul ldan min/ /gzhan las 'bras bu'i rtags skye min/ /dngos med gzugs brnyan dang lhan cig /gnyis ni gcig na yod min na/ /dam pa'i don du de nyid ni/ /ji ltar de 'brel ldan zhe na/ /gzhan du lus dang gzugs brnyan dag /dngos por yod pa ma yin no/ /der snang ba yi rnam shes ni/ / gang gis dngos po med par 'gyur/ /de nyid 'dir ni rtags nyid de/ /de nyid 'bras bu yin par 'dod/ /de lta'i bdag po'i rkyen lus gang / /dmigs pa med la 'jug pa yin/ /gzhan don la ni dam bcas sogs/ /tshogs gzhan dag kyang brjod pa ni/ /sgrub pa'i yan lag gyur min phyir/ /dam bcas pa ni mkho ba min/ /'brel pa med pa'i phyir dngos su / /don dang ldan par rtogs byed min/ /mtshon par byed nus ma yin phyir/ /brgyud pas kyang ni rigs ma yin/ /bsgrub bya sgrub byed chos dag gi /yul la gtso bo ma yin phyir/ /de ni dpe yi tshig bzhin du/ /gal te sgrub byed yan lag tu/ /'dod na khas len sogs tshig gis/ /gzhan du 'khrul pa ma yin no/ /yul ni nye bar ston byed na/ /'dir yang 'di ni 'bras bu med/ /phyogs la sbyor med ji ltar na/ /mthun pa'i phyogs su gzhag ce na/ / tshul gsum po ni med na yang / /phyogs 'dren pa yi rgyu mtshan yin/ /phyogs la sogs pa brtags pa ste/ /phyogs brjod pa ni yod ma yin/ /bstan bcos kyi ni rab dbye bas/ /de ltar tha snyad 'dogs pa yin/ /yang na de yang gnas skabs kyi/ /don la brten nas 'gal ba med/ /gzhan yang sgrub par byed pa na/ /tshig gi cha yis smra mi bya/ /shes par 'dod pa'i bye brag la/ /brten nas phyogs kyi chos nyid de/ /de ni mthun phyogs dang 'dra phyir/ /mi mthun phyogs la'ang de med pas/ /dam bcas brjod pa ma yin zhing / / rgyu ni brjod pa ma yin pas/ /nye bar sbyar bar brjod par bya/ /yod par grub pa ma yin te/ /sngon du dngos po tsam brjod cing / /phyi nas khyab pa bstan par bya/ /rjod 'dod don ni grub pas na/ /'dra ba la ni 'bras bu med/ /tshul gsum pa yi rtags bstan pa'i/ /shugs nyid kyis ni grub pas na/ /phyin ci log ni dgos med pas/ /mjug sdud bzhi don med pa'o/ /'brel med nyid kyi tshig gis ni/ /don gcig par ni rtog byed par/ /'brel ba de grub bya ba'i phyir/ /mjug sdud logs su brjod bya min/ /rjes su dpag pa rnam gnyis pa / /kha cig gzhan du smra bar byed/ /khyad par du ni mthong ba dang / /spyir mthong ba yi dbye bas so/ /'brel pa mngon sum mthong ba ni/ /gang dag yin nyid khyad par te/ /ba lang lci bas de yi phyogs/ /khyad par la sogs blor byas pa'o/ /phyogs de na yod de nyid ni/ /sngon nas dus gzhan tshe na yang / /de sngon yang dang yang shes pas/ /me gang yin pa der shes 'gyur/ /yod la the tshom zab la/ /yod par rtogs phyir tshad ma ste/ /de yang khyad par mthong ba zhes/ /ri bo 'bigs byed la gnas smra/ /me dang du ba gzhan nyid de/ /spyi nyid kyi ni glo bur 'dod/ / spyir mthong ba la gcig tu ni/ /'di'o zhes sogs smra ba ni/ /de 'dir skad cig gis 'jig pas/ /khyab pa nyid du bstan pa'i phyir/ /de nyid kyis na sngar bstan nyid/ /rjes su dpag par 'gyur ma yin/ /gal te rgyun lag gcig nyid du/ /btags par 'dod pa yin zhe na/ / de ni gang na 'ang yod min te/ /dngos po nyid kyi dngos min phyir/ /yul med tshad ma ma yin par/ /khyed cag rjes su sems pa yin/ /rnam par brtags pa'i don nyid 'di/ /yul med par ni gsal bar 'gyur/ /gsal ba'i ngo bo zhig na yang / /de dag rigs nyid du gnas na/ /gal te skad cig gis 'jig pa/ /min na de yang rtag nyid 'byung / /'brel pa mngon sum mthong bar 'gyur/ /gang yin pa nyid khyad par zhes/ /nges pa 'di yang khyed cag ni/ /rgyu gang gis ni smra bar byed/ /lan cig rjes dpag gis mthong ba/ /de nyid la ni rjes dpog pa/ /gang phyir snga ma shes las khyod/ /med pas tshad mar mi 'dod do/ /rtogs pa'i don la rtogs byed phyir/ /gal te 'di ni dran pa bzhin/ /tshad ma yin na snga mas kyang / /de dang mtshungs par cis ma mthong / /bar du the tshom skyes pas ni/ /bzlog phyir de ni lhag ba yin/ /zhe na de dag 'dir yang ni/ /ci zhig gis ni mtshungs ma yin/ /de phyir ci 'di yod dam med/ /ces byas the tshom bzlog byas pas/ /the tshom med pa nyid ni zhes/ /spyi ni de ltar mthong ba yin/ /kha cig rjes su dpag pa ni/ /tshad ma ma yin zhes bya ba/ /brjod 'dod tshig gis rig byed par/ /'dod pa'i log par lta ba'o/ /rang don rjes dpag mi rigs te/ /tshul gsum pa'i rtags sngon 'gro'i phyir/ /'dod pa la gnod skyed byed pa/ /log pa'i shes pa bzhin smra grag /rjes su dpag pa'ang dngos por med/ /rjes su dpog pa'i rgyu yang med/ /tshul gnyis pa yi rtags bzhin du/ /tshul gsum med pas rjes dpag med/ /rjes su dpag pa dang 'gal ba'i/ /'gal ba rnams ni bsgrub pa na/ /'on kyang 'gal ba mi 'khrul bas/ /thams cad la ni 'byung ba yin/ /yul dang dus dang gnas skabs kyi/ /dbye bas nus pa tha dad pa'i/ /dngos po rnams kyi rjes dpag gis/ /'grub pa shin tu rnyed par dka'/ /dngos po rnams ni de dang ni/ /don byed par ni nus pa la/ /khyad par can gyi rjes 'brel pas/ /de yi nus pa'i bar du gcod/ /rjes dpag la ni mkhas rnams kyis / /'bad pas rjes dang gdon la yang / /shin tu 'bad pa gzhan dag gis/ /gzhan du yang ni sgrub par byed/ /gzhan don rjes dpag smra ba po/ /la ltos pas ni tshad ma min/ /rjes su brjod phyir des na 'di/ /rang nyid kyis don rtogs ma yin/ /thos pa po la ltos pa'i phyir/ /de na rang don nyid du 'thad/ /thos dang mthong 'di rigs pa la/ /gang gtso 'di yi khyad par ci/ /gzhan don rjes su dpag pa nyid/ /tshig de thos pa ma ltos min/ /nyan pa'i rgyud kyi rnam shes kyi/ /rgyu nyid yin phyir shes byed phyir/ /dbang po ji lta ba bzhin no/ /dngos su dpag bya gsal byed min/ /de phyir 'di med mi 'byung ba'o/ /'brel pa can gyi shes pa bzhin/ /'on te gzhan don nyid gzhan las/ /log pa la brten phyir zhe na/ /rang don la yang de yod phyir/ /gzhan gyi don du thal bar 'gyur/ /tshul gsum par brtags sngon 'gro nyid/ /nges par mi slu'i mtshan nyid can/ /mtshan nyid de ldan tshad ma nyid/ /de phyir de ni ci phyir bdag /phyogs snga ma la ltos nas ni/ /'dod pa la gnod skyed byed pa/ /log pa'i shes pa dang mtshungs pa'i/ /shes par smras kyang dngos po min/ /mi slu bar ni nges pa yi / /dngos po la yod shes pa de/ /smra ba po 'dod gzhan min pa/ /de phyir de nyid tshad mar 'dod/ /de phyir gtan tshigs 'gal ba nyid/ /dpe la'ang bsgrub bya nyid med pa'i/ /rnam pa de dag nyid kyis ni/ /gtan tshigs gnyis pa ma grub pa'o/ /gang de de yi bdag nyid dang / /de las byung ba'i 'brel par nges/ /de bzhin sgrub ba sgrub byed pa/ /yin par rigs pa gsungs pa bstan/ /'di ltar sgrub pa'i rjes dpag la/ /'gal ba la sogs yod ma yin/ /rang bzhin gtan tshigs dag med par/ /de ni gang na'ang srid ma yin/ /phan tshun 'gal ba'i chos dag kyang / /dngos po gcig pa mi rigs te/ /de ni 'gal ba mi 'khrul pa/ /can du gyur pa ma yin no/ /mtshan nyid la ni goms rnams kyi/ /rtags ni yang dag rnams nges pa'i/ /rjes su dpag pa la 'jug gi/ /gzhan ni rjes dpag yin par brjod/ /yul dang dus dang gnas skabs kyis/ /dbye ba pa tha dad pa la/ /dngos po rnams ni rjes dpag gis/ /de sgrub shin tu rnyed dka' min/ /rjes dpag la ni mkhas rnams kyis/ /'bad pas rjes su dpag don la/ /shin tu 'bad pa gzhan gyis kyang / /gzhan du bsgrub par nus ma yin/ /rang bzhin dag ni 'bras bu dag / rang bzhin dang ni rgyu min las/ /rang bzhin dang ni 'bras yod min/ /tha dad pa dang rgyu min 'gyur/ /de dag med pa'i rjes dpag med/ /tshul gsum pa yi rtags kyi tshig /nus pa'i mtshon byed nyid yin pas/ /gzhan don rjes dpag gang yin nyid/ / nyan pa la ltos nas de gsungs/ /rjes dpag nyid la brten nas ni/ /brdar btags can nyid pa la pa'o/ /nus pa mtshon byed nyid yin pa / /des na ha cang thal 'gyur min/ /rjes dpag tshad ma ma yin zhes/ /khyed kyis smras pa 'bras med de/ /tshig gang gis kyang brjod 'dod pa/ /ston par nus pa ma yin no/ /'jig rten pa yi rtags 'dod kyi/ /gzhan ni brtag brtags nus min zhe na/ /'jig rten 'bras stsogs gtan tshigs la/ /stsogs pas rtogs pa ma yin pa/ /gzhan gyis de nyid bstan par ni/ /rigs pa gsung pas kyang spyod min/ /'jig rten pa de khas blangs pa/ /khyed la 'dor bar 'gyur ram ci/ /tshad ma min pa de yin no/ /gzhan gyis ci zhig rtogs par byed/ /tshad ma min la'ang 'dir byas pa/ /ci 'dra ba las yid ches 'gyur/ /rjes dpag tshad ma ma yin te/ /smra ba po yi tshig nyid ni/ /ston byed bdag nyid ma yin pa/ /des ni de bzhin 'gyur zhe na/ /mi shes don ston ma yin phyir/ /de ni tshad ma mi 'dod pa/ /de min nus pa mtshon byed pas/ /khyed kyi dang ni mtshungs ma yin/ /de kho na nyid bsdus pa'i rab tu byed pa las rjes su dpag pa brtag pa ste nyi shu rtsa gnyis pa'o// // sgra las byung dang nyer 'jal sogs/ /tshad ma gzhan yod ma yin nam / /tshad ma gnyis po kho na yi/ /mtshan nyid ci phyir ston par byed/ /smras pa gnyis po las gzhan pa'i/ /tshad ma 'thad pa ma yin te/ /tshad ma'i mtshan nyid mi ldan pa'am/ /ldan na'ang 'di yi khong gtogs phyir/ /gzhan ni sgra las byung ba yi/ /shes pas don rtogs sgra las byung / /de yang byed pas ma byas pa'am/ /yang na yid ches tshig yin zer/ /'di ni lkog tu gyur pa yi/ /yul can yin phyir mngon sum min/ /rjes dpag tu yang mi 'thad de/ /de yi mtshan nyid bral phyir ro/ /chos kyi bye brag ldan chos can/ /de ni rtags can du rab nges/ /ji srid de yul ma gyur pa/ /de srid rjes su dpag pa min/ /'di la chos can du rtog gang / /de nyid dpag bya yin na ni/ /de nyid nges par ma gyur pas / /de yi chos ni nges mi 'gyur/ / gal te snga rol phyogs chos nyid/ /des na de yi 'og rol tu/ /phyogs chos sogs kyi shes bya gang / /gang gis rjes dpag nyid du 'gyur/ /gzhal bya'i don la nges rtogs pa'o/ /rjes su 'gro ba sgra la med/ /yod pa yis ni thams cad kyi/ /rjes su 'jug pa rtogs par bya / / gang na du ba yod de na/ /me med rjes 'gro med par gsal/ /de bzhin gang na sgra yod pa/ /de na yod par nges min te/ /de ltar sa phyogs de na med/ /de yi dus na'ang med shes bya/ /rtag cing khyab phyir yod ce na/ /sgra rnams thams cad der mtshungs pa/ /des na kun du mthong ba'i phyir/ /ldog pa'ang grub par mi 'gyur te/ /sgra rnams kun gyi ma lus pa'i/ /don rnams brtags par thal bar 'gyur/ /de phyir sgra las byung ba la/ /de 'dra'i yul ni med pa'i phyir/ /tshul gsum po nyid dang bral bas/ /rjes dpag ma yin mngon sum bzhin/ /me la sbyin sreg stsogs tshig gis/ /mi g.yo'i shes pa skye ba las/ /de ni tshad ma nyid yin pa'ang / /'di ni bzlog par nus pa min/ /de la byed pos ma byas pa'o/ /tshig dang don dag kyang med pa/ /de phyir mi srid par bstan pa/ /sgra las byung ba'i mtshan nyid gcig /nus dang nus min ngo bo yis/ / thams cad du yang rjes 'jug phyir/ /rtag tu rnam shes de 'byung ba'am/ /nam yang 'byung bar mi 'gyur ro / /de ltar brdzun pa nyid kyi rgyu/ /zhe sdang gti mug sogs nyes pa/ /de bzhin bden pa nyid kyi rgyu/ /shes rab snying rje sogs shes bya/ /de yi rten nyid med pa la/ /de dag kyang ni srid pa min/ /de phyir don med nyid 'gyur ba'am/ /sgra ni skyes bu rten 'thob pa/ /don rtogs she'am min na ste/ /'di ni bstan pa'i las yin no/ /dngos su don mthong bar 'dod pa/ /skyes bu'i rang 'dod kyis yin gyi/ /yang dag don gsal nus pa ni/ /rang bzhin nyid kyis yod ce na/ /rang bzhin tha dad pa de can/ /brdar shes pa nyid ma yin yang / /de las don rtogs 'gyur ba yin/ /rang bzhin gyis gsal mar me ni/ /brda la ltos pa ma yin no/ /brda nyid gzhan du 'gyur ba na/ /don kyang gzhan 'gyur sgra las min/ /brda yod gyur kyang sgron mas ni/ / dri ro la sogs gsal byed min/ /rnam par rig par bya ba ni/ /de yi nus pas nus min pa/ /de las mi g.yo gang ma 'gyur / /de yang brda can la rigs te/ /skyes bu'i tshig dang dbyer med do/ /rigs pa shes pas de dag gi/ /dbye ba gang yang rtogs mi 'gyur/ /rig byed 'don pa rigs pa'o/ /lam las mi g.yo 'di mi rtogs/ /yid ches pa nyid mi 'dod pas/ /sgra las byung ba gnyis pa yang / / mi bzod 'dod na de nyid do/ /zhes bya'i rnam par nges pa med/ /gang gi tshig las mi slu bar/ /lan grangs du mar mthong ba yi/ /yid ches gyur pa de yi tshig / lkog rtogs phyir ni gzung zhe na/ /snga rol dag tu mi slu ba'ang / /dus nyid tshe na yid ches min/ /dus gcig nyid ni mi slu ste/ /thams cad du ni nges pa min/ /tshig dang phyi ma'i dngos dag las/ /'brel pa yang ni ci yod na/ /gang gis de rtogs gyur pa las/ /'di ni tshad ma nyid du 'gyur/ /dbang po tha dad sogs 'dzin pas/ /'khrul phyir bdag nyid gcig min zhing / /de las 'byung min ma 'khrul ba/ /gzhan ni yod pa ma yin no/ /ma lus pa yi tshig dag las/ /rjes su bsam pa rjes dpag ste/ /mngon sum mi dmigs pa dag las/ / de'i rgyu de yang nges pa yin/ /'khrul pa'am bsam pa gzhan pa la/ /tshig gzhan par ni mthong ba ste/ /de phyir bsam pa ji lta bar/ /de ni 'jug pa ma yin no/ /'khrul dang ma 'khrul sbyor ba rnams/ /mtshan nyid khyad par can du gsal/ /mkhas dang skabs la sogs pa yi/ / des byas tshig gis nus pa'o/ /mtshan nyid khyad par can gyur pa'i/ /rgyu las de yi bye brag ste/ /gang zhig shes pa ma yin pa'i/ /nges pa 'di yin rtags kyi min/ /yod gnyis ldan pa'i du ba'i dngos/ /dus gcig tshe na gzhan gyur pas/ /nges pa'i dus su'ang du ba ni/ / me yi rtags su mi 'gyur ro/ /bsam pa de rnams gcig pu ni/ /rjes dpog yin par 'gal ba med/ /nges par yod pa nyid kyi phyir/ /srog chags bcas sogs bsgrub pa yi/ /bsam ba rtogs par bya ba la/ /tshul gsum po nyid rnams gsal nyid/ /me ni chos can bsgrub bya ni/ /'bras bu tshig gang las rtogs te/ /me 'di shing gi bsam pa dang / /ldan pa yin par shes byas te/ /shing gi sgra las rab sbyor phyir/ /dper na sngon dus bdag bzhin no/ /de phyir phyi las pha rol po/ /tshul gsum sogs gsal sgra rnams la/ /de la kho bo 'ang tshad ma nyid/ /yin pa nyid du'ang 'dod ma yin/ /gang du de rnams mngon 'dod de/ /tshul gsum pa nyid yin par gsal/ /gang phyir bsam pa bsgrub pa las/ /mtshan nyid khyad par can du bstan/ /de lta yin na sgra nyid ni/ /tshul gsum po nyid dang ldan pas/ /de 'dra'i yul na yod pa'i phyir/ /du ba sogs bzhin rjes dpag yin/ /sgra las byung ba rnam par dpyad pa'o/ / gang gis ba men ci 'dra zhes/ /grong pa dag gis dris pa na/ /ba lang ci 'dra de 'dra zhes/ /'brog pas smras pa lta bu'o/ /nye bar 'jal bar grags ldan pa/ /de la slar yang ri khrod pas/ /byas pa'i lung las de nyid kyis/ /nang du 'dus par gzhan smras pa/ /ba lang mthong nas 'brog gnas pa'i/ /ba men gang tshe mthong ba na/ /mgrin pa zlum pa'i rnam pa la/ /yan lag pa la char 'dra bar snang / /de tshe ba min du shes pa/ /gzugs tsam khong du chud pa ni/ /mngon sum nyid yin gang yang gzhan/ /bye brag gis ni rtogs bya ste/ /ba lang dang 'dra'i gzugs can 'di/ /de phyir 'di 'dra 'di phyugs zhes/ /dbang po'i byed pa yod pa las / /skyes phyir mngon sum nyid du 'dod/ /der ni gal te ba lang nyid/ /dran pa'i shes pa skyes pa de/ /ba men nye ba na gnas phyir/ /dbang po'i yul du 'gyur ba yin/ /spyi bzhin du ni 'dra ba nyid/ /re re la yang tshang ba yin / /ma mthong na yang 'dra ba yin / /de phyir de ni dmigs pa ste/ /'dra bar 'ang dngos po yin pa la/ /gnod par nus pa ma yin no/ /de ni rigs pa gzhan na yang / /yan lag mang pos 'dra bas 'brel/ /gnas skabs de nyid tshe na yang / /des na de yi phyugs nyid du/ /mtshungs pa'i rnam shes gang skyes pa/ /de yi dpe ni ba lang gzugs/ /de phyir bye brag can nyid du/ /'dra bas gang zhig dran pa de/ /'dra ba nyid la de brten nas/ /nye bar 'jal bas gzhal byar 'gyur/ /mngon sum gyis ni rtogs pa dang / /'dra ba'i ba lang dran pa na/ /nye bar 'jal ba'i tshad ma las/ /khyad par can gzhan grub pa ste/ /ji ltar sa phyogs mngon sum gyur/ /me nyid kyang ni dran bzhin pa'i/ /khyad par can gyi yul nyid kyis/ /rjes dpag tshad ma ma yin min/ /rnam shes de ni mngon sum nyid/ /yin par rigs pa ma yin te/ /don dang dbang por mngon 'brel pa'i/ /bya ba de tshe med phyir ro/ /tshul gsum po nyid mi 'thad pas/ /rjes dpag nyid ni de la med/ /'dir ni phyogs chos la sogs pa/ /med par ji ltar brtag par bya/ /gzhal bya yi ni 'dra ba nyid/ /chos kyi snga rol gzung ba min/ /ba men gzung bar gyur pa ni/ /ba lang rjes dpog ma yin te/ /dam bca'i don dang yul gcig phyir/ /ba lang la yod rtags nyid min/ /'brel pa med phyir ba men yang / /ba lang la rtags rigs pa min/ /shes pa de ni ma rtogs pa'i/ /don gsal byed phyir tshad ma ste/ /ba men mthong ba'i snga rol tu/ /de 'dra ma bzung phyir na'o/ /gzhal bya dngos po med pas na/ /'di ni tshad mar mngon 'dod min/ /yan lag mang po thun mong bas/ /'brel pa'i 'dra ba yod ce na/ /spyi rnams bsal bas de dag la/ /mang dang de 'brel ga la yod/ /de nyid sgrub par byed pa yi/ /tshad ma yang ni yod pa ste/ /spyi yang dngos po nyid yin zhing / /mngon sum gyis ni gzung bya yang / /dngos med las gzhan gzhal bya yi/ /thun mong min pa'i dngos po bzhin / /dngos po med pa'i phyogs bzhag nas/ /spyi yi don ni rab brjod pa/ /grub min dang po'i bsgrub bya yang / /dam bca'i don du yul gcig nyid/ /der ni 'di ltar rig 'gyur te/ /ba lang gzugs kyi yan lag dang / /ba min yan lag kha cig ni/ /mtshungs pa'i rgyu las shes pa yin/ /der ni ba men mthong ba na / /snga na chad lan cig min par yang / /ba lang gzugs kyi yan lag dag /mthong phyir 'di yi dran pa byung / /de nyid phyir rta la sogs pa/ /de dag 'dra la ba men ni/ / mthong ba'i tshe na ba lang blo/ /ci phyir mi 'jug khyad par ci/ /gzhan du sngar shes don gsal phyir/ /'di ni tshad ma ma yin min/ /tshad ma gzhan ni med pa na/ /gang las de ltar 'gyur ba yin/ /'dra ba'i dngos de'ang ba lang gi /spyi bzhin yod pa yin na ni/ /yongs su 'brel bar ma mthong yang / /mdun na 'dug pa mthong ba nyid/ /de lta'ang dran pa'i ngo bo nyid/ /ji ltar gsal bar bya ba min/ /ba lang ngo bor 'dra ba de/ /yod pa tsam du shes pa ni/ /ba men dang yang 'dra'o zhes/ /de ltar rnam par nges pa min/ /nye bar 'jal ba'ang de lta bur/ /nges par dran la mtshan nyid gzhan/ /gal te ming ni 'di nyid kyis/ /de yi sngon du bzung ba min/ /gang 'di'i bdag nyid sngon brjod pa/ /rang gi ngo bo bzung ba yang / /dngos po yi ming dngos min te / /gang phyir de min 'dzin pa na/ /rang gi de nyid yongs shes kyang / /yongs su shes pa nyid mi 'gyur/ /de tsam gyi ni cha yis ni/ /tshad ma nyid du rnam 'jog la/ /tshad ma rnams ni 'di tsam zhig /bya min gzhan las thal 'gyur phyir/ /shing gi phreng sogs mthong ba na/ /rtsa 'thung gcig nyid mthong la min/ /gnyis pa'i yal ga can shes pas/ /dang po'i yal ga can nges pa/ /tshad ma gzhan du 'gyur ba yin/ /'dra ba ltos la mi sogs phyir/ /nye bar 'jal ba rnams la yang / /gzung bar 'dzin pa nyid du mtshungs/ /ba men nye bar dmigs pa na/ /rta la sogs pa de dang ni/ /mi 'dra'i shes pa 'byung 'gyur gang / /de ni gzhan pa'i tshad ma ni/ /dngos po la yang dmigs pa'i phyir/ /dngos po med pa'i khong gtogs min/ /phan tshun med pa nyid du ni/ /'dra ba nyid kyi blo la'ang mtshungs/ /'dra ba nyid kyis dben par ni/ /ji ltar de la shes pa bzhin/ /yan lag thams cad mtshungs pa dang / /bral ba yin par shes par bya/ /yan lag du ma thun mong bas/ /'brel par rang gi shes pa ni/ /yan lag thams cad thun mong du/ /'brel pa de nyid thal bar 'gyur/ /shin tu brtan pa'i ngag thos nas/ /'dra ba'i don du dmigs pa na/ /ming dang 'brel pa rnam rtog pas/ /nye bar 'jal bar kha dog 'dod/ /der ni shin tu bstan pa'i ngag /mnyan pa la ni skyes pa nyid/ /gal te nye bar 'jal ba na/ /mkho ba mtshungs don 'dzin pa na/ /khyad par can gyi yul nyid kyis/ /'brel ba rtogs par 'gyur ba yin/ /gang phyir lung las 'brel ba de/ /spyi yi yul ni rig pa ste/ /khyad par can gyi yul ni der/ /nyer 'jal brtan nas rnam rtog 'gyur/ /gal te 'di la ming dang ni/ /'brel pa rtogs par gyur pa na/ /de las gzhan pa'i don rtogs par/ /mi rigs shin tu thal 'gyur phyir/ /sna tshogs lag rgyan can 'ga' yi/ /ming ni bzung bar gyur pa na/ /phyi ma'i dus su sgra de las/ /mdzes pa'i cod pan can rtogs 'gyur/ /de phyir snga ma de nyid 'di'i/ /phyi yi rnam rtog gzugs brnyan 'di/ /blo ni spyi yi ming can no/ /ba men nye bar dmigs na yang / /de nyid la yang 'di ltar 'gyur/ /mthong dang rtog pa'i rnam dbye ba/ /mi shes phyi'o snyam du sems/ /de ltar yang ni shes byas te/ /sgra dang rnam par rtog pa'i yul/ /rang gi mtshan nyid yin pa ni/ /rgyas par bsal ba nyid yin no/ /de ni de rnams yul yin du/ /zin kyang nyer 'jal rjes dpag nyid/ /tshul gsum po yi rtags nyid las/ /skyes pa 'di ltar shes bya ste / /gang zhig ba lang 'dra bar ni/ /thos pa'i yul gyi ba min te/ /brda 'dzin pa yi gnas skabs kyi/ /ba men blo gnas lta bu'o/ /gal te blo la gnas pa yang / /dus der yod pa ma yin na/ /'di ni ba lang dang 'dra zhes/ /brda yi ci las 'brel pa yin/ /'brel pa can las tha dad pa'i/ / 'brel pa gzhan yod min par bsgrubs/ /sngon du brda la rna ba yi/ /rnam shes kyis ni sgra bzung la/ /mig gi mdun na gnas pa yi/ /ba min bzung bar gyur pa na/ /mngar ba dang ni dri zhim sogs/ /so sor bzung ba kun sbyor ba/ /rnam shes so so ba dag ni/ /sbyar 'di tshad mar rigs pa min/ /ming dang sbyor ba yang dag rigs/ /dran pa nyid ni bsal ba min/ /thabs mtha' yas pa las byung ba'ang / /ming 'brel yang dag rigs pa rnams/ /chos mthun nyid la mi ltos kyang / /mi bdag nyid las 'byung 'gyur te/ /nyi ma'i 'od zer gyis gdungs pa/ /rnam par [(]sal [,]sel [)]ba'i gdugs dkar can/ /de rnams nang na mi bdag ces/ /smras pa'i nyer bstan bye brag gis/ /dus phyis de ni mthong ba na/ /mi de 'di'o snyam blo de/ /khyed la tshad ma gzhan thos 'gyur/ /chos mthun la sogs ltos med phyir/ /rjes dpag stobs kyis tshad ma gzhan/ /yod pa nyid du gzhan sgrub byed/ /mngon sum rjes dpag las gzhan pa/ /gnyis bcas tshad ma gzhan yin te/ /tshad ma yin phyir rjes dpag bzhin/ /rjes su dpag pa'ang de de bzhin/ /gtan tshigs la gnod ma bstan phyir/ /de rnams 'brel pa med pa yin/ /de ltar de bzhin yin na ni/ /tshad ma bzhi po'ang khyed kyis bsal/ /khyed kyis der smras lan gang yin/ /de nyid 'dir ni lan du 'gyur/ /nye bar 'jal ba rnam par dpyad pa'o// //tshad ma drug tu shes byas te/ /gang du don gzhan du 'gyur yin/ /ma mthong ba la rtog pa gzhan/ /de ni don gyis go bar bstan/ /de la bsreg par mngon sum rig /me la bsreg pa'i nus yod dang / /nyi ma 'gro bar rjes dpag las/ /de yi nus pa la sbyor bas/ /dngos po rnams kyi nus pa ni/ /'bras las don gyi gos sgyur byed/ /'brel pa bzung ba med par ni/ /sngar med de yang rtogs par byed/ /'di rnams sngar 'bras 'brel pa'ang min/ /da ltar gzhan 'dzin pa yang min/ /gang las phyogs chos rjes 'gror 'gyur/ /rna ba la sogs nus phyogs la'ang / /gtan tshigs ji snyed rab sbyor ba/ /de kun chos can ma grub pas/ /gzhi ma grub par thal bar 'gyur/ /lha sbyin tshon po nyin par ni/ /mi za zhes sogs tshig thos pa/ /mtshan mo za bar shes pa ni/ /thos las don gyis go bar bshad/ /mtshan mo la sogs tshig rnams don/ /nyin mo'i tshig gis rtogs pa min/ /nyin mo la sogs tshig gi don/ /zab mo'i bza' la 'dre ba min/ /gang gis tshig de de sgrub par/ /byed par 'gyur gyi gzhan pa min/ /don gzhan la ni 'jug phyir yang / /gnyis pa'i don la rtogs pa min / /de yi phyir ni tshig gzhan gyis/ /blo la brten par 'di zhes bya/ /des na go byed min par yang / /tshig gang yin de shes bya ste/ /mngon sum tshogs par gang 'gyur ba'i/ /tshad mar de ni brjod bya na/ /tshig tu ma smras pa nyid ni/ /re zhig mngon sum par mi 'dod/ /'di ni de dang lhan cig par/ /nam yang ma mthong rjes dpag min/ /gal te 'brel pa ma mthong yang / / rtags nyid du ni 'dod pa na/ /de ni brjod pa tsam gyis kyang / /tshig rnams thams cad rtogs par 'gyur/ /'brel pa med par gzhan dag la/ /de la bye brag med pa yin/ /ba men gyis mtshon pa lang gang / /shes pas gzung ba nus pa nyid/ /nye bar 'jal stobs las byung ba'i/ / nus pa nyid kyis rtogs par byed/ /brjod pa smra po'i nus pa las/ /gzhan du 'grub par mi 'gyur te/ /don gyis go bar rtogs par 'gyur/ /de las gzhan pa 'gro ba min/ /slar yang don gyis go ba gzhan/ /nyid kyis sgra ni rtag nyid nges/ /gang phyir rtag pa min na brda/ /tha snyad la ni rjes 'jug min/ /tshad mas nges pa'i dngos med pas/ /nag pa'i khyim na med pa yi/ /bye brag las ni phyi rol na/ /yod par 'grub ces gang smras pa / /dngos med de las byung ba gzhan/ /don gyis go ba zhes bshad do/ /phyogs chos la sogs yan lag ni/ /min phyir rjes dpag las gzhan 'di/ /phyi yul bye brag can don nam/ /de yi bye brag can gyi yul/ /gzhal bya yin na gang khyim na/ /med 'di ji ltar phyogs chos yin/ /srog bcas khyim na med pa ni/ /phyogs kyi chos su 'dir rtogs na/ /rgyab na de yod par rig pa'i/ /blo ni skye ba ma yin no/ /yod pa nyid dang bral ba yi / /gang zhig khyim na med pa tsam/ /shi ba la yang de mthong phyir/ /phyi rol gnas par sgrub byed min/ /de la nus bcas dang bral ba'i/ /nus pa gang na srid min pa/ /nus bcas mngon sum nyid yin na/ /don gyis go bas rtogs bya gang / /sreg pa la sogs rgyu gang yin/ /mi la sogs pa ma nor bar/ /the tshom med par mthong ba ni/ /de la bum pa gzhan cir 'gyur/ /tha dad yin na 'bras bu la/ /de ni dgos pa yin pa'i phyir/ /dngos po byed pa min nyid 'gyur/ /dgos pa yin na tha dad 'gyur/ /don byed nus pa'i ngo bo ni/ /nus pa rang gi mtshan nyid de/ /de 'dra'i bdag nyid du snang ba/ /mngon sum gyis ni nges pa yin/ /mtshan nyid gzhan du grub pa nyid/ /tshad ma cung zad kyang yod min/ /des rtogs na yang don med de/ /ngo bos de 'bras grub phyir ro/ /nus pa'i mtshan nyid gzhan bral bas/ /don gyis go ba rtogs she na/ /ma yin gzhan du 'brel 'byung phyir/ /dngos po las de 'byung ba yin/ /chu la sogs pa las ldog pa/ /sreg pa la sogs nus bcas med/ /mngon sum gyur bzhin de las gzhan/ /nus pa dgos pa ci zhig yod/ /nus de gcig tu tha dad min/ /gnyis ka'i bdag nyid can zhe na/ /ma yin 'gal phyir gzhan min na/ /gang phyir de yang mngon sum gyur/ /mngon sum nyid gnas 'di rnams ni / /rjes su dpag bya nyid bsal ba/ /nyams min gang gis 'di la ni/ /yul na rjes dpag tu mi 'dod/ /snang ba la sogs dngos po gang / /mngon sum gyi ni yul min pa/ /de rnams nus pa'i mtshan nyid du/ /yod nyid rtags kyis rtogs par byed/ /rgyu mtshan la ni ltos bcas pa'i/ /sgra la sogs pa rigs pa po/ /rgyu gzhan dag ni yod gyur kyang / /mi 'byung myu gu la sogs bzhin/ /nyi ma nye bar len pa yi / /yul las yul gzhan dag tu yang / /rgyun mi 'chad 'gro yul gzhan thob/ /'bar ba sogs bzhin shes par bya/ /brtan bdag nyid du dbyer med phyir/ /gzhan par 'di ni mi rigs te/ /de ni yul gzhan phyin pa las/ /gzhan pa'i nus pa bsal ba yin/ /tsho la nyin mo mi za ba'ang / /don de la ni nges pa min/ /zhe sdang gti mug sogs 'brel mi/ /gzhan du yang ni smra bar byed/ /don du gtogs la mi ltos pa/ /'dis ni gal te tshig gzhan yang / /don dang bcas pa 'dren byed na/ / tshig gzhan dag kyang 'dren par 'gyur/ /ji ltar nye bar 'gro ba yi/ /ngo bor der ni rtogs pa yi/ /tshad ma gzhan nyid gang yin des/ /don rtogs 'gyur ba brjod 'dod na/ /mtshan mo'i bza' ba dang 'brel ba/ /brjod 'dod mir ni shes par bya/ /nyin mo'i bza' ba dang bral ba/ /tsho phyir de la gzhan bzhin no/ /za ba yin dang tsho ba nyid/ /rjes su 'gro dang ldog pa yi / /'brel pa nges pa de yi ni/ /dngos po las ni dngos po rtogs/ /'brel pa thams cad kyis stong pa'i/ /tshig las ji ltar rtogs 'gyur te/ /gcig las gzhan kun rtogs min gyi/ /gzhan du yang ni 'gyur ba yin/ /de phyir 'brel pa med pa dang / /yod kyang nges par ma bzung ba/ /tshig 'di rtogs bzhin pa na'ang / /tshad ma can du 'gyur ma yin/ /'brel pa tshad ma nyid gnas pa/ /gal te rgyal po'i bka' yin nam/ /mngon sum 'brel pa med bzhin du/ /ji ltar tshad ma nyid du 'gyur/ /'brel pas rtogs byed nyid yin na/ /ci phyir gzhan yang rtogs byed min/ /'brel pas stong pa nyid du ni/ /bye brag ci yang med par 'dod/ /mngon sum la yang 'brel pa nyid/ /tshad ma nyid du rnam par gnas/ /mi slu ba ni tshad ma nyid/ /don de las ni bdag nyid thob/ /de rgyu min pa'am rgyu min pa/ /de yang nges par mi slu bar/ /rigs pa min te ma lus pa/ /mi slu bar 'gyur gzhan du min/ /gnyis pa'i tshig ni snang ba yi/ /bsam pa'i rjes su dpog pa ste/ /rjes su 'gro ba'i tshig 'di las/ /ldog par go bar 'dod pa yin/ /nye bar 'jal ba tshad ma nyid/ /yin pa rgyas par bsal bas na/ /des bskyed don gyis go ba yis / /tshad ma nyid kyang bsal ba yin/ /ba lang nye bar dmigs pa nyid / /nye bar 'jal ba'i tshad mar 'dod/ /de yod pa la dmigs pa yang / /rang nyid nyes pa skyed byed pa/ /'dod phyir don gang rtogs pa la/ /ltos pa'i nus pa gang zhig yin/ /gzhan min pa nyid ma yin yang / /lag pa bskyod sogs las bzhin du/ /sgra rnams kyis ni don rtogs par/ /'gal bar 'gyur ba ma yin no/ /ji ltar 'dra ba'i chos dag ni/ /bsres pa rgyur gyur pa yi phyir/ /de phyir sgra rnams go byed pa/ /nyid du 'gal ba ma yin no/ /mngon sum rdzas la brten par ni/ /mthong ba'i bya ba gang yin pa/ /de rnams yi ge ji bzhin du/ /sngar mthong ngo shes rtag par 'dod/ /gsal bar byed pa med phyir yang / /'di ni yod kyang mi dmigs nyid/ /khyed kyi skyed byed gang yin yid / /de nyid kho bo gsal byed yin/ /de min nus pa thogs med pa/ /yin na shes pa de rtag 'byung / /de dang ldan pa ma yin na/ /de ni nam yang 'byung mi 'gyur/ /de phyir de rnams gsal byed pa'i/ /rgyus bskyed pa nyid mi rigs so/ /sngar mthong ngo shes pa rtag nyid/ /gong du bsal ba nyid yin no/ /nag pa khyim na med pa las/ /phyi rol yod pa mi rigs te/ /gang phyir shi bar dogs pa las/ /gzhan du na ni 'thad pa yin/ / gson la khyim na med pa ni/ /phyi rol yod par rab bsgrubs pa'i/ /don gyis go ba 'dir smra ba/ /de min der yang ma nges phyir/ /tshu rol mthong bas nag pa ni/ /khyim du ma mthong tshad ma min/ /de ni srog bcas dang 'brel pa/ /ji ltar rjes su 'jug pa yin/ /ji sta skad la sogs pa ste/ /srog dang bcas par nges yin na/ / khyim na med pas med par yang / /nges 'di tshad ma nyid yin na/ /de lta'ang khyim na med pa nyid/ /bltar rung ma mthong bar nges pa'ang / /de phyir der ni phyi rol na/ /yod par brtags nyid las nges yin/ /khyim du gang zhig ma phrad pa/ /'di ni phyi rol na yod nges/ /khyim gyi dang ra khyim sgo nas/ /yod pa mthong ba'i mi bzhin no/ /'dir ni khyim gyi khong gtogs pa/ /mi mthun phyogs na'ang yod pa'i phyir/ /de phyir don gyis go ba 'di/ /rjes dpag las ni mi phyed do/ /don gyis go ba rnam par dpyad pa'o/ / //dngos po gang zhig ngo bo la/ /tshad ma lnga po ma bskyed pa'i/ /dngos yod rtogs phyir de la ni/ /dngos po med pa'i tshad ma nyid/ /mngon sum la sogs mi bskyed pa'am / /dngos po med pa'i tshad mar 'dod/ /bdag nyid yongs su ma gyur pa'am / /dngos gzhan rnam par rig pa'am/ /tshad ma med pa'i dngos po rnams/ /dngos po med par rtog par byed/ /snga na med pa la sogs pa/ /'di ni rnam pa bzhi ru dbye/ /zho sogs 'o ma la med gang / /de ni snga na med par brjod/ /zho la 'o ma med pa nyid/ /zhig nas med pa'i mtshan nyid do/ /rta sogs ba lang la med gang / /gcig la cig med par brjod de/ /de las gzhan dngos med cing de'i/ /bdag nyid gzhan la med pas so/ /mgo yi cha ni dma' mo la/ /'brel dang sra sogs ngo bo yi/ /ri bong rwa dag med gyur pa/ /'di ni shin tu med par 'dod/ /gal te snga ma med pa sogs/ /dbye bas dngos med yod min na/ /rgyu la sogs pa rnams dbye ba'i/ /tha snyad 'di yang med par 'gyur/ /de dngos min na dbyer med pa/ /des na 'di ni dngos po nyid/ /'bras bu la sogs dngos med gang / /rgyu sogs dngos med yin bdag 'dod/ /gang 'di rjes 'jug mi 'jug gi /blo yi bzung ba gang de'i phyir/ /ba lang sogs bzhin dngos po nyid/ /gzhal bya'i phyir yang shes par bya/ /dngos med sgra yi brjod bya nyid/ /yin phyir mngon sum sogs las gzhan/ / gzhal bya dngos po med pa bzhin/ /tshad ma rnams kyang dngos med pa'o/ / dngos po med pa'ang tshad ma yin/ /rang dang rjes mthun dpag bya ste/ /gzhal bya yin phyir dngos po bzhin/ /de phyir dngos bdag nyid las gzhan/ /de 'dir rtag pa'i bdag nyid kyi/ /yongs su gyur pa bsal bas na/ /de las bzlog pa'i dngos yod pa/ /res 'ga' ba ni mi rigs so/ /gal te de yongs dor tsam gyis / bdag nyid du ni 'di sems na/ /rtag tu dngos po med nyid du/ /'di ni rgyun mi 'chad ces bya/ /yongs su ma gyur 'di yod na'ang / /de lta na yang 'khrul pa nyid/ / gnyid dang brgyal sogs gnas skabs su/ /don yod na yang don 'byung phyir/ /gal te rkyen gzhan yod pa la/ /des dben pa yi gzhan mthong phyir/ /bum pa shes pa la sogs pa'i/ /ngo bos de ni yin 'dod na/ /gnyis pa'i phyogs su bstan pa yin/ /'di la bye brag ci yod na/ /gang 'di khyod kyi rnam grangs kyis/ /phyogs gnyis dag tu bshad pa yin/ /dngos gzhan sgrub pa'i shes pa la/ /'jug pa thams cad med pa nyid/ /dngos med gnyis pa la brten nas/ /ma mthong ba yang go bar 'gyur/ /rgyu gzhan nye bar gyur pa na/ rung bar mtshungs pa'i ngo bo de/ /des dben gzhan ni ma shes pa/ /de ni med ces bya zhe na/ /blta nus dngos po snang ba ni/ /med nyid mngon sum nyid kyis te/ /de ltar yang dag bstan pa ni/ /'khrul pa can gzhan rnams kyi min/ /gang blo mngon sum mi 'dod pa/ /dngos gzhan rnam par rig pa ni/ /skye bar ji ltar shes par byed/ /gal te don gyis go ba las/ /yin na de yang shes bdag nyid/ /yin pas de yang ga la go /don gyis go ba gzhan dgos na/ /thug pa med par thal bar 'gyur/ /dngos med tshad ma dngos yin na/ /gzhal bya dngos med kyang de bzhin/ /dngos med mngon sum nang 'dus pa/ /de bzhin khyod la ji ltar min/ /'bras bu la sogs dngos med pa/ /gang yin rgyu sogs dngos med pa'o/ /der yang gzhan gyis dben bdag nyid/ /mngon sum gyis ni rtogs par byed/ /rang dngos gzhan gyis dngos bdag ni/ / rtag tu yod dang med bdag nyid/ /dngos po'i ngo bo cung zad ni / /res 'ga' 'ga' zhig gis rtogs 'gyur/ /mngon sum la sogs 'jug pas kyang / /gang tshe dngos po'i cha 'dzin pa/ /bya ba de ni mi skyed pa/ /dngos po med pa'i cha 'dzin 'dod/ /dngos po rnams kyi rang dngos nyid/ / gzhan las log pa ma yin nam/ /des ni de bdag nyid yod pa'i/ /bdag nyid 'dis ni mngon sum mo/ /yod pa don byed nus pa ste/ /gzhan ni med par bstan pa yin/ /de dag gcig tu nyams gyur par/ /rigs pa ma yin 'gal phyir ro/ /gal te rang sgrub par nus pa/ / gzhan sgrub mi nus ma yin nam/ /de nyid kyi phyir gnyis dngos nyid/ /dngos po gcig la yod ma yin/ /gal te nus med gzhan nyid las/ /gzhan du'ang 'dod pa de lta na/ /dngos po gnyis ni 'thob 'gyur na / /gcig ni gnyis kyi dngos nyid min/ /dngos po med pa'ang dngos po nyid/ /yin par gong du khas blangs pa/ /de nyid slar yang ngo bo nyid/ /med ces ci phyir smra bar byed/ /ngo bo med phyir shes pa yi / /ngo bo nyams pas tshad ma nyid/ /mi rigs de ni gzhal bya nyid/ /yang dag rig pa'i rang bzhin no/ /de rgyu yin phyir tshad ma ste/ /mig sogs bzhin zhes bya zhe na/ /ngo bo med pa rgyu nyid do / /'gyur ba nam yang mi srid do/ /shes pa'i ngo bos shes pa na / /de dngos med par ji ltar shes/ /de yi yul dngos tshad ma nyid/ /las yin thug med ma yin nam/ /dngos po dngos med las tshad ma/ /tshad ma dngos med las dngos po/ /gal te med pa go byed nyid/ /yin na phan tshun gnas par 'gyur/ /de yi gcig mthong gang yin pa/ /de ni gzhan mthong yin par brjod/ /rang gi ngo bos bems po nyid/ /min phyir de yang rang dbang 'grub/ /blo ni blo gzhan las grub pa/ /blo gzhan gyis ni rtags las te/ /yang na gzhan du mi 'thad pa'am/ /thams cad du yang mi 'byung ba'o/ /brgal zhing brtag pa gsum po 'di/ /re re zhing yang yod srid na/ /thug pa med pa du ma yi/ /khyod kyi 'di la khyab par 'gyur/ /rung ba'i ngo bor mtshungs pa'i phyir/ /gcig nyid nye bar dmigs pa las/ /rung ba nyid gzhan med par ni/ /nges par yang dag rtogs par byed/ /mkha' la zla ba med shes par/ /gcig po gang las rig pa yin/ /sgra kun gyis ni dben par yang / /gang du ji ltar nges par byed/ /snang ba dang ni mun pa yi / /phung po dag las sgrub pa po/ /de nyid shes mkha'o snyam sems te/ /gang phyir gnas med ba ltar yang med/ /sgra kun gyis ni dben par yang / /'bras bu ma mthong ba las shes/ /de ltar shes pa gzhan dag gi /nyams su myong las de yang 'grub/ /'di yi dngos med tshad ma ni/ /dngos po'i dngos po de gnas pa/ /dngos med sgra yis brjod bya nyid/ /nang du 'dus byas gnod pa med/ /dngos po med pa'i tshad ma ni/ /rang dang rjes mthun pas dpog na/ /de 'dir 'grub pa las bsgrub nyid/ /de 'drar rjes mthun yod phyir ro/ /dngos po med pa rnam par dpyad pa'o// // de yod par der 'di 'byung la/ /med par yang ni mi 'byung ba/ /de phyir de las 'byung ba de/ /'di ni rigs pa zhes brjod de/ /'di yod pas ni 'di 'byung gi /'di med par ni 'di mi 'byung / /'di ni tshad ma gzhan nyid ces/ /thub pa tsa ra ka smra ste/ /gang phyir 'di dpe ma dmigs phyir/ /'di ni rjes dpag ma yin no/ /dmigs pa gang gis don gang zhig /rtogs pa de dngos med pa las/ /med pa nyid du rtogs pa ste/ /mi dmigs pa zhes bya bar 'dod/ /dpe la ltos pa med pa'i phyir/ /'di yang tshad ma gzhan yin no/ / dpe yang med pa nyid du ni/ /'di nyid kyis ni rab tu grub/ /rgyu 'bras nyid dang dngos med dang / /rtogs pa dang ni 'brel med kyi/ /sgrub dang bsgrub bya gang yin pa/ /de dang 'di la 'di dbyer med/ /de yod 'byung ba ma gtogs par/ /rgyu dang 'bras bu nyid gzhan med/ /snang ba mi dmigs ma gtogs par/ /med pa gzhan nyid rtogs pa min/ /dngos po de yi tha snyad du/ /rung ba nyid du rab sgrub byed/ /brda yis dngos su rtogs pa yis/ /don yod nges par mthong ba'o/ /tshogs par rnam par gnas pa yi/ /rgyu ni tshogs pa can nyid de/ / stong yod 'bras bu'i rtags las ni/ /brgya sogs yod pa'i shes pa skye/ /zhes grags pa dang de bzhin du/ /mthangs kyis tshor ba la sogs pa/ /'di 'dra'i 'khrul bcas du ma dag /tshad mar mi sbyar thal 'gyur phyir/ /gal te 'di ni gnas min pa/ /nyid la nyam thag las byed na'ang / /mngon sum dang ni lkog gyur te/ /don ni rnam pa gnyis su gnas/ /gnyis ka gnyis ka min bdag nyid/ /don gzhan rigs pa min pa nyid/ /gcig la bya dang bya min par/ /shes na gcig nyid nyams pa yin/ /dngos su rnam shes skyed byed la / /mngon sum don du brjod par bya/ /ji skad bstan pa las bzlog pa/ /lkog tu gyur ces bya bar brjod/ /re zhig sgra 'byung nyer 'jal sogs/ /'di ni dang po'i don yul min/ /mngon sum khong gtogs thob pa'am/ /'bras med nyid de dran pa bzhin/ /lkog tu gyur pa'i yul de yang / /de rnams yul du ji ltar 'gyur/ /gal te dngos gyur lkog gyur 'di/ /min te mngon sum dngos po bzhin/ /gzhan la rnam par brten na yang / /'di ni de rtogs ji ltar yin/ /gzhan dang 'brel pa'am ma 'brel pa'am/ /tha dad snang ba'am de bzhin min/ /ma 'brel pa las de 'byung na/ /nges pa med par thal bar 'gyur/ /gal te tha dad snang 'gyur na/ /khyab pa 'brel par mi 'gyur ro/ /gang zhig lkog tu gyur pa'i don/ /'brel pa'i don la brten pa dang / /tha dad de gzhan mi brten te/ /rjes dpag yin par bsal zhes bya/ /de kho na nyid bsdus pa'i rab tu byed pa las tshad ma gzhan brtag pa ste nyi shu rtsa gsum pa'o// //gal te nor bu gzi lta bur / /dngos po du ma'i bdag nyid can/ /rang bzhin de ltar yin pa 'am/ /yod la sogs pa 'gal ci yod/ /dngos po dngos gzhan mtshungs pa yin/ /nam mkha' me tog khyad par med/ /gal te mtshungs min nyid bral na/ /de dag thams cad grub pa min/ /gang phyir thams cad mtshungs min phyir/ /mngon par 'dod pa'i dngos po la/ /dngos po gzhan du nges pa ni/ /dngos po nyid ni med par 'gyur/ / dngos po las ni ldog pa na/ /med pa nyid ni spangs nas ni/ /gzhan du 'gro yod ci zhig mtshon/ /rgyu skar lam gyi mtsho skyes phyir/ /de phyir dngos der 'dod pa ni / /nam mkha'i me tog dang mtshungs min/ /nam mkha'i me tog mtshungs min par/ /'dod na de phyir dngos de ni/ /de dang mtshungs pa'i dngos po nyid/ /spyi zhes bya bar 'dod par gyis/ /rnam pa gzhan du blo de ni/ /gtor zas so brtag la 'jug ming / /dngos po rnams su nges nas so/ /'jug pa de ni gang gis byas/ /gal te 'dra bas nges 'di ni/ /de nyid spyir ni bdag can 'dod/ /rang bzhin rjes 'gro nus pa ni/ /de nyid kyis ni bshad pa yin/ /de phyir shin tu tha dad blo/ /'ba' zhig nyid du grub pa min/ /gang phyir dngos pos ngo bo kun/ /phan tshun du ni tha dad min/ /dngos po'i mthar ni byas pa las/ /gal te 'dra min dang bral ba'i/ /dngos po de ni tha dad min/ /de dbye med phyir de bdag bzhin/ /de las tha dad rang ngo bo/ /mi 'dra bar ni mngon par brjod/ /'dra ba min yang tha dad min/ /de ni phan tshun 'gal ba yin/ /de phyir don rnams tha dad nyid/ /ji ltar yang ni 'dod pa na/ /mi 'dra bar ni 'dod par gyis/ /de nas khyad par bdag nyid kyang / /de nyid kyis na dngos gcig dang / /rnam pa du mar 'dod pa yin/ /de dag rjes 'jug ldog pa yin/ /blo yi gzung bya nyid du gnas/ /thog mar gang dag rjes 'jug phyir/ /spyi zhes bya bar grags pa yin/ /de las gzhan ni log pa'i phyir/ /khyad par yang ni brjod pa yin/ /spyi dang khyad par dag gi ni/ /phan tshun rang bzhin nyid la ni/ /'dre bar gyur pas de nyid du/ /rnam pa gnyis 'di rigs ma yin/ /phan tshun rang bzhin med pa nyid/ /sna tshogs nyid du rjes su 'jug /de lta bu yi ngo bo yang / /rnam pa gnyis ni rigs ma yin/ /gal te gcig dngos 'di yod na'ang / /chos kyi dbye ba rab grub phyir/ /gal te tha dad gnas 'gal min/ /dper na byed pa'i nus pa bzhin/ /mthong ba la yang rigs min med/ /gang phyir spyi dang khyad par la/ /gcig pu nyid dang tha dad dang / /'jig rten tha snyad rjes 'jug mthong / /gcig pu ngo bo nyid yod na/ /tha dad chos grub ma yin nas / /gang phyir ma brtags dbye ba ni/ /sna tshogs nyid du mngon par brjod/ /nus pa sna tshogs bdag nyid ni/ /brjod par 'dod pa tsam gyis sprul/ /dngos po gcig pu'i bdag nyid ni/ /de la tha dad rigs pa min/ /gang de nyid dngos ces brjod pa/ /de nyid gcig ces bshad pa yin/ /de dngos mi 'gyur slar yang de/ /sna tshogs bdag nyid ces bya'o/ /de dngos dang ni de dngos min/ /phan tshun du ni 'gal ba'i phyir/ /dngos po gcig pu nyid du ni/ /ji ltar yang ni rigs ma yin/ /sgrub pa dang ni dgag pa ni/ /phan tshun du ni 'gal ba yin/ /gang gis ma 'khrul sems kyis ni/ /gcig tu bya ba nus pa yin/ /rigs mthun pa dang rigs mi mthun/ /du ma las ldog dngos po la/ /de dang de las ldog pa na/ /chos kyi tha dad rab tu brtags/ /de phyir gcig la'ang du ma yin / /ngo bo nyid brtags rigs pa min/ /dngos po gcig la rnam pa gnyis/ /yang dag par ni yod ma yin/ /gang yang mi yi seng ge sogs/ /rnam pa gnyis su nyer bshad de / /de dag la yang rnam pa gnyis/ /yang dag par ni yod ma yin/ /de ni rdul phran du ma'i tshogs/ /ngo bo gzugs gcig ldan ma yin/ /sna tshogs gang yang de gcig min/ /sna tshogs rigs kyi rin chen bzhin/ /gcig nyid na ni rnam gnyis pas/ /sna tshogs rnam par snang mi 'gyur/ /sbrang ma'i rkang pa tsam gyis kyang / /bsgribs te ma bsgribs pa la ni/ /mi yi seng ge'i cha rjes 'brang / /ngo shes pa yi rgyu dag ni/ /de yang rdul phran rang bzhin te/ /khyad par can gyi rkyen 'byung bzhin/ /de nyid kyis ni rnam pa yis/ /sna tshogs rin chen la sogs bshad/ /du ma'i bdag nyid sna tshogs te/ /gcig pu nyid dang 'gal ba yin/ /don byed par ni nus pa nyid/ /dngos po nyid du bas par brjod/ /gal te rjes 'gro nyid de ni/ /thams cad kun gyi bya byed 'gyur/ /dngos po gcig pu nyid dang ni/ /skyed par nus pa dang sbyor ba/ / de yang gzhan yang khyad med yod/ /ji lta bur ni skyed byed min/ /sngo sogs kho na dngos po nyid/ /gal te rjes 'gror 'dod na ni/ /dkar po ser po la sogs kyang / /sngon po'i 'bras bu skyed byed 'gyur/ /gnyis pa'i bdag nyid dang bral ba/ /gcig pu nyid ni de las skyes/ / de phyir khyed kyis sna tshogs kun/ /gcig la du ma'i rnam pa med/ /gzegs zan 'dod pa'i yod pa bzhin/ /gal te de nyid dngos nyid min/ /gcig ni du ma'i ngo bo nyid/ /de ltar 'gyur min tha dad phyir/ /'gal ba'i chos dang 'dre ba yang / /dngos po'i tha dad mtshan nyid de/ / sngon po ser po'i tha dad ni / /'dod pa ji ltar yang mi 'gyur/ /rjes 'gro rnam pa gzhan dngos phyir/ /de yang spyi dang khyad par la/ /de dag gsal por tha dad du/ /yod pa de ni ji ltar med/ /ji bzhin kha dog khra bo la/ /ji ltar 'dod pa'i kha dog 'dzin/ /sna tshogs nyid phyir dngos de bzhin/ /tha dad tha mi dad par nges/ /gang tshe dngos po khra bo ni/ /cig car du ni rtog par byed/ /de tshe gzhan dang gzhan min sogs/ /dbye ba thams cad rab thim nyid/ /dngos po du ma'i ngo bo la/ /brjod par 'dod pa ngo bor 'dod/ /rim dang cig car 'jug pa yis/ /tshig rnams rnam pa gzhan yod min/ /de ma thag tu 'gag pa'i phyir/ /gcig ni sna tshogs nyid ma yin/ /du ma'i ngo bo sna tshogs te/ /gcig nyid lhan cig gnas pa min/ /ji srid rnam pa de dag ni/ /dngos po de la yang dag yod/ /de srid kho nar skyed pa ste/ / de srid dngos por gcig nyid ni/ /dngos po gcig las gzhan nyid du/ /de yi bdag nyid dang bral 'gyur/ /nam mkha'i me tog dang 'dra min/ /de yang don byed nus pa min/ /gcig pu'i nus pa'i rang bzhin te/ /dngos po gzhan la 'jug ma yin/ /'bras bu dmigs par snang ba yi/ / tha dad la sogs bshad pa'i phyir/ /dngos de'i bdag nyid min pa yang / /de dang ma 'dres pas ni rigs/ /dngos med nyid ni khyad med min/ /dngos po'i mtshan nyid yod pa'i phyir/ /de yang don byed nus pa ru/ /de ltar dngos po zhes su brtag /nus pa med pa la ldog pa/ /'dra ba nyid du brtags pa yin/ /des ni shin tu tha dad pa/ /mtshungs pa nyid du yod par brtags/ /dang po dngos gzhan dang mtshungs pa/ /nam mkha'i me tog de khyad yod/ /mthun dang gzhan dang dngos po las/ /gang gi bdag nyid dngos de ni/ /gal te ldog na mthun pa'i rigs/ /de nyid kyis mtshungs ma yin nam/ /de tshe mthun pa'i rigs rnams kyis/ /mtshungs pa nyid du shes par 'gyur/ /de yi bdag nyid khyad med phyir/ /de bzhin du yang de shes min/ /gang phyir rigs mthun pa yi ming / /gang gis 'di ni 'gyur ba yin/ /de dang mthun pa'i bdag nyid kyang / /de dang rang bzhin tha dad 'gyur/ /rang bzhin de nyid kyis ni de/ /mthun pa zhes byar rtogs pa yin/ /gcig tu rtogs pa'i shes pa la/ /rgyu nyid gzhan ni tha dad phyir/ /gang phyir gcig pu rtogs pa la/ /rgyu ni 'ga' zhig kho na ste/ /nus pa rang bzhin nges tha dad/ /dbang po bdud rtsi la sogs bzhin/ /gal te sngo sogs las min ni/ /ldog pa'i ngo bo'i rten nyid 'dod/ /sngon po la sogs shes pa ni/ /de ni ji ltar skyed yin nam/ /sngo sogs shes skyed sngon po las/ /ji ltar tha dad ldan pa yi / /rna bas de ni mi skyed de/ /de bzhin mig kyang 'dod par gyis/ / skyed byed las ni ldog pa yi / /gang gzhan skyed byed dngos por 'gyur/ /de phyir dngos po rnams la ni/ /rjes 'gro yang ni nges pa yin/ /rnam pa gzhan du khyad med phyir/ /rna ba la sogs tha dad kyang / /de yi skyed byed cis mi 'dod/ /mig gzugs la sogs khyad par bzhin/ /skyed byed la sogs las ldog pa/ /mig sogs pa ni grub pa min/ /gang phyir khyad med de dag ni/ /bdag nyid kyang ni skyed byed 'dod/ /dngos po rnams kyi rang bzhin las/ /ldog pa nyid ni dmigs mi 'gyur/ /rang bzhin las ni ldog pa na/ /rang bzhin med par thal bar 'gyur/ /skyed byed gzhan las de dag ni/ /ldog pa nyid du brjod pa na/ /des bskyed ngo bo nyid ma yin/ /de yang kho bo cag nyid 'dod/ /de yi skyed byed de yang ni/ /rang bzhin nyid du brjod pa yin/ /de kun de las nges par ni/ /rang gi rgyu las yang dag 'byung / /gcig pu'i bdag nyid rjes 'gro'i phyir/ / gal te de dag skyed byed yin/ /bdag nyid gcig la'ang de yod yin/ /lhan cig byed pa gzhan ci zhig /khyad par gzhan ni med pa'i phyir/ /gal te gcig pu skyed byed phyir/ /de tha dad phyir nus min nam/ /tha mi dad yin ma tshang ci/ /ji ltar rjes 'gro khyad med kyang / /thams cad thams cad byed pa min/ /sna tshogs nyid la khyad med kyang / /de lta nyid du nges par 'gyur/ /tha dad 'ga' zhig kyang skyed byed/ /rang bzhin gyis ni nges par 'gyur/ /rjes 'gro nyid ni gcig cig la/ /skyed byed skyed byed min ci zhig /gal te der yang khyad yod na/ /yod chu de ci dngos de nyid/ /de tha dad phyir mi skyed pa/ /rjes 'gro las gzhan ma yin nam/ /de nyid yang dag pa yi don/ /gang zhes don byed nus pa yin/ /de la rjes 'gro can ma yin/ /rjes 'gro gang des 'bras skyed min/ /bdag nyid gang zhig mngon 'dod pas/ /skyes bu de ni rab 'jug 'gyur/ / de la gnas pa nyid spyod pas/ /tha dad tha mi dad mi rtogs/ /gzhan du bdag nyid tha dad la/ /log pa nyid du mtshungs nyid du/ /yod nyid dngos po'i rjes 'gro na/ /rab 'jug la sogs thal bar 'gyur/ /bram ze gcer bu ser skya bas/ /rtogs pas dpyad pa nyid du ni/ /sna tshogs su ni brjod pa na/ /ci zhes phul du byung ba smras/ /gser gyi phor bu chag pa yis/ /gang tshe gser gyi gdu bur byas/ /de tshe snga 'dod mya ngan skyed / /phyi ma 'dod pas dga' ba'ang skyed / /gser 'dod pa ni btang snyoms so/ /de phyir mngon sum bdag nyid can/ / skye dang 'jig dang gnas med na/ /blo gros gsum du 'gyur ma yin/ /'jig pa med na mya ngan med/ /skye ba med na rga ba med/ /gnas pa med na btang snyoms med/ /des ni spyi ni rtag pa nyid/ /de ltar de yang rigs pa min/ /rten ni mi mtshungs nyid kyi phyir/ /gang phyir skye dang gnas dang 'jig / don gcig la ni brten pa min/ /phan tshun 'gal ba rnams la ni/ /dus ni mtshungs pa thob par 'gyur/ /'di ni skad cig 'jig pa nyid/ /yod na thams cad 'khrul ma yin/ /gser phor gyi ni dngos po yang / /gser gyi bdag nyid rang bzhin las/ / rjes 'gro med par 'jig pa yis/ /'ga' zhig la ni mya ngan skyed/ /rnam kun sngon ni med ngo bo'i/ /de yi bdag nyid gdu bu ni/ /'byung ba na ni dga' ba bskyed/ /gang na yang ni brtan pa med/ /gser gyi bdag nyid dngos po dag /gang tshe mthong ba blo gros rmongs/ /'dra ba gzhan ni 'byung ba na/ /de tshe brtan pa nyid du sems/ /gser ni brtan pa'i ngo bo nyid/ /de yi ngo bo gdu bu yang / /snga phyi la sogs gnas skabs la/ /mthong 'gyur gzhan gyi du ma nyid/ /de kho na nyid bsdus pa'i tshig le'ur byas pa las 'gyur bar smra ba brtag pa ste nyi shu rtsa bzhi pa'o/ / //gser gyi rjes 'gro mtshungs pa yi / /dus gnyis rjes 'gro ma yin no/ /gnas skabs tha dad ldan dngos po/ /'ga' zhig sangs rgyas pa yang 'dod/ /gnas skabs tha dad yod na yang / /ji ltar kha dog ma spangs gser/ /dus gsum du ni de bzhin dngos/ /'di ni rdzas ma spangs pa min/ /'das dang ma 'ongs pa'i shes pa/ /gzhan du yul med par ni 'gyur/ /gnyis la brten pa'i rnam shes ni/ /skyob pas ji ltar gsungs pa yin/ /'das pa'i las kyang yod min na/ /ji ltar 'bras bu ster bar 'dod/ /'das dang ma 'ongs shes dbye ba/ /rnal 'byor pa la ji ltar 'grub/ /de phyir 'das dang ma 'ongs pa'i/ /yul ni rdzas su med pa min/ /dus kyis bsdus pa'i gzugs la sogs/ /dngos po la sogs da ltar bzhin/ /gang las dus tha dad rjes 'gro/ /de ltar 'di ni bsam mi bya/ /gang phyir byed pas rnam phye ba/ /'dir ni dus rnams rtag par 'gyur/ /byed pa la ni gang gnas pa/ /de ni de lta ba ru brjod/ /byed pa zhig la 'das pa ste/ /de ma thob pa ma 'ongs pa/ /byed pa 'bras bu 'dren pa ste/ /chos rnams kyi ni skyed byed min/ /'das pa 'dren pa yod min te/ /de la byed pa yod ma yin/ /de dag chos la byed pa 'di/ /gzhan nyid dam ni de nyid du/ /khas long gang phyir gzhan 'gro ba'i/ /dngos po nyid du yod ma yin/ /gzhan nyid du ni gnas pa na/ /snga phyi la yang rang bzhin med/ /rgyu nyid 'dus byas nyid sogs bzhin/ /byed pa yang ni rtogs par gyis/ /rang bzhin rtag tu gnas pa'i phyir/ /gzhan du rtag pa nyid du 'gyur/ /gang phyir gzugs las tha dad pa'i/ /rtag pa'i mtshan nyid yod pa min/ /rim dang rim min 'gal ba'i phyir/ /rtag pa yi ni rgyu nyid ni/ /sngar sun phyung ste 'dus byas ni/ /rtag pa la ni gsal brten min/ /phung po la sogs tha dad pa'i/ /byed pa ru ni rjod byed pa/ /rang gi grub mtha' dang 'gal ba/ /bzlog par dka' bar thal bar 'gyur/ /gzhan nyid min yang byed pa ni/ /chos dang tha mi dad pa'i phyir/ /chos kyi rang gi ngo bo bzhin/ /dus kun tu ni thal bar 'gyur/ /des na dus kyi rnam dbye 'di/ /de yi dbang gis rtag mi 'gyur/ /de yi rnam par dbye ba yin/ /zhig dang thob dang ma thob med/ /byed dang tha mi dad pa'i phyir/ /chos ni byed pa bzhin du 'gyur/ /sngon dang phyi ma rnam gcod cing / /dbus tsam du ni yod pa can/ /rgyun du byed pa yod pa min/ /chos ni rtag tu'ang yod par brjod/ /chos las gzhan ni byed pa min/ /lha yi spyod pa bsal ba yin/ /byed pa gzhan ni ltos bcas na/ /gal te der yang dus gnas pa/ /mtshungs par rjes su rtsod pa ni/ /kun du 'gro ba ma yin nam/ /rang gi ngo bo tha mi dad/ /gal te khyad par mthong na yang / /thogs dang bcas pa nyid bzhin du/ /de ni rang bzhin la phan min/ /dngos po rjes su 'gro ba las / /thogs dang bcas pa nyid sogs ni/ /'ga' zhig res 'ga' bar 'dod min/ /dngos po nyid du brjod phyir ro/ /gzhan gyi bye brag 'gugs pa min/ /dngos po nyid du de ltar brjod/ /gzugs kyis de zhes sgra yis ni/ /'on kyang sems kyi bag chags so/ /byed pa rgyun la sogs pa bzhin/ /de nyid gzhan nyid rnam pa yis/ /'on te brjod du med par brjod/ /byed pa rgyun la sogs pa bzhin/ /de ltar kun rdzob ma yin nam/ /des na rtag pa nyid kyis ni/ /rgyu bzhin du ni 'bras bu la'ang / /de ni gang du'ang dgos pa min/ /gang phyir dngos nyid don byed nus/ /de dang 'di ni nye ba ste/ /ngo bo nyid du yod ma yin/ /de yis byas pa'i dus gsum gyi/ /rnam gzhag de nyid du mi 'thad/ /byed pa zhes bya'i 'bras 'gugs pa'i/ /nus gsang sgra yi spyod yul min/ /nus pa kho na'i dngos nyid phyir/ /tha snyad du de ji ltar yod/ /gang 'di dngos po snang ba ni/ /btso dang sreg sogs 'bras bur byed/ /'das dang ma 'ongs par gnas pa/ /de nyid khas len byed dam ci/ /gal te nyid ces bya ba de / /de nyid gcig pu'i bdag nyid yod/ /byed dang byed pa'i ngo bo ni/ /zhig pa zhes bya ji ltar yin/ /dngos po gcig pu 'di nyid la/ /khyad par med na phan tshun du/ /'gal ba'i rnam pa de dag tu/ /ji lta bur na rig pa yin/ /gnas skabs gcig ni yongs btang nas/ /gnas skabs gzhan ni yongs 'dzin phyir/ /de ni khyad med ma yin te/ /khyad par med ces btags pa yin / /dngos po gnas skabs tha dad cing / /ma yin byed po mi 'thob phyir/ /de dag nyid ni yod pa'i phyir/ /'bras bu yod par dmigs par 'gyur/ /dus rnams su ni dngos de dag /tha mi dad pa ji ltar 'gyur/ /ma byung ba ni byung ba dag /'jig 'gyur de bdag nyid ci ltar/ gnas skabs su yang dbus ma la/ /rang bzhin gyis ni byed po nyid/ /de phyir de nyid rang ngo bo/ /de nyid gnas skabs gzhan dag la'ang / /de yi byed pa zhig pa dang / /de yi de dag ji ltar 'dod/ /gzhan gyi ngo bos byed pa na/ /byed pa nyid ni thob pa'ang med/ /'das dang ma 'ongs par gnas pa'i/ /me sogs gal te gzhan yin na/ /de phyir 'dres sogs skyon de ni/ /phyogs 'di la ni gzhi med pa/ /da ltar ma byung de nyid ni/ /'bras bu skyer rung 'byung ba ni/ /'byung ba de ni gnas pa min/ /'di rjes 'gro med bdag nyid grub/ /gang phyir don byed nus pa ni/ /de nyid yang dag dngos po ste/ /de dag la ni de yang med/ /gang yod de las 'bras mi 'byung / /ma byung ba ni byung ba'i phyir/ /'das pa yang ni dngos po 'di/ /gzhan bzhin da ltar ba bsal thob/ /res 'ga' la ni nyid kyis kyang / /rgyu med gzhan la mi ltos phyir/ /rtag tu yod pa'ang med par 'gyur/ /rgyu ni nges par yod pa can/ /don ni da ltar rab tu brjod/ /so sor brtags pa'i 'gog pa las/ /mtshan nyid mi 'dod gzhan dag 'dod/ /gzugs la sogs pa'i 'dus byas nyid/ /skye dang gnas sogs 'brel pa'i phyir/ /de la skye ba'i khyad par gang / /bskyed pas skyed byed brjod pa yin/ / 'di zhes bya ba yod pa'i dngos/ /ma skyes de nyid gzhan nyid yin/ /de las gzhan min khyad par ni/ /re zhig byed par nus ma yin/ /yid phyir sngar yang grub pa'i phyir/ /grub pa yis ni dus phyis bzhin/ /'di ni khyad par gzhan nyid min/ /tha dad phyir dang ma 'brel phyir/ /de ni snga ma med pa'i phyir/ /yod pa'i 'bras bur thal bar 'gyur/ /rnam pa gzhan dang gnas dang 'jig /gzhan nyid de nyid brtags pa dang / /rgas sogs yul gyi skyon rnams ni/ /de dag kho nar yongs su sbyar/ /nus pa nges pa'i bdag nyid kyis/ /'di dag rang gi 'bras bu sogs/ /rigs la sogs pa'ang de'i ngo bor/ /snga phyi la yang yod pa min/ /nus pa'i ngo bo yod pa'i phyir/ /rang dang mthun pa'i bya ba ni/ /de tshe ci phyir rtsod pa min/ /de rtsom dpag med dus ni thob/ /'on kyang 'das dang ma 'ongs dngos/ /skad cig ma min pa ni/ /de dag slar yang thog ma nas/ /des ni dpag med dus thob 'gyur/ /de skyes pa yi skad cig gang / /des ni de lta ba ru brjod/ /skyes nas 'jig pa gang yin pa/ /de ni 'das pa 'byung ma 'ongs/ /'on te de dag skad cig min/ /khyed kyi grub mtha' dang 'gal 'gyur/ /'dus byas thams cad skad cig mar/ /grub mtha' las ni rab tu bshad/ /rig pas gnas kyang yod na ni/ /nges par skad cig mar 'jig yin/ /da ltar ba bzhin 'dir yang ni/ /'brel pa sngar ni bsgrubs pa yin/ /'di dag 'dis ni ma 'ongs pa/ /don byed nus pa yin nam min/ /don byed nus pa yod pa na / /da ltar ba ni de gzhan bzhin/ /da ltar ba ni ma yin na/ /nus pa thams cad dang bral phyir/ /nam mkha'i pad+ma la sogs bzhin/ /'jig dang mi skyed thal bar 'gyur/ /brgal zhing brtag pa mtshungs par byas/ /ma nges par ni brtag pa las/ /de dag kyang ni rgyu mtshan min/ /don byed nus par nges pa ni/ /dngos po rnams kyi rkyen las so/ /rgyu med nyid kyis mtshungs pa ni/ /thams cad thams cad la dngos yin/ /nges par don byed nus pa yi/ /skye ba rkyen gyis nges par 'byung / /da ltar ba yi dngos po yi/ /mtshan nyid yod pas gzhan yod min/ /'das dang ma 'ongs pa dag la/ /de nyid khyed la ma nyams yod/ /de phyir da lta ba nyid ni/ /de dag las ni cis mi 'byung / /des na mtho ris thar pa yi/ /'brel pa'i brtson pa 'di don med/ /'bad pas 'bras bu bsgrubs pa ni/ /de ni cung zad dmigs su med/ /'on te don byed nus pa yang / /med par de dag la khas len/ /de ltar yin na de yi phyir/ /gtan tshigs rnams ni dngos med chos/ /ma grub phyir na grub rten min/ /da ltar nyid ni grub pas na/ /'gal yin chos can la gnod phyir/ /byung nas gzugs ni gang song ba/ /der ni 'das pa rab tu bshad/ /rkyen dang ldan pa yod pas na/ /gang byung de ni ma 'ongs pa/ /yod pa da ltar ba nyid du/ /'gyur ba zhes byar bsgrubs pa yin/ /gang phyir yod pa mtshan nyid ni/ /da lta ba yi mtshan nyid yin/ / 'das la sogs pa gzugs sogs nyid/ /de bzhin 'byung ba'i khongs chud de/ /sgro btags gnas skabs 'di la ni/ /bshad pa yin te yang dag min/ /gnyis la brten pa'i shes pa ni/ /gang gsungs de nyid gzigs pa yi / /yul dang bcas pas sems dgongs nas/ /de ni brtan par bzhed pa yin/ /rtag pa'i dbang phyug sogs kyi blo/ /gang phyir dmigs pa med pa yin/ /sgra dang ming la sogs pa'i chos/ /de yi rnam pa dang bral phyir/ /rtog pa'i rjes 'gro tsam gyis ni/ /rnam shes zhes byar bshad pa yin/ /de 'dir bems po ngo bo nyid/ /rab gsal nas ni yongs brtags yin/ /'das pa rnam smin rgyu 'bras ni/ /ster ba khas len ma yin te/ /de yi bag chags ldan shes pa'i/ /rgyu las 'bras bu 'dod pa yin/ /de nyid kyang ni bag chags kyi/ /sems kyi rgyu la brten nas ni/ /las de yod ces nyer btags te/ /brten pas dngos po mi 'jigs bzhin/ /chad pa'i lta ba spangs bya'i phyir/ /de ltar bstan bcos las bshad yin/ /rnam pa gzhan du stong nyid mdor/ /gsungs pa de ni ji ltar 'dod/ /dngos sam brgyud pa'i sgo nas ni/ /rgyu 'am 'bras bu nyid gyur pa/ / da lta ba yi ngo bo gang / /de ni rnal 'byor ba dag shes/ /rnam rtog rjes 'gro'i bdag nyid kyi/ /dad pa 'jig rten pa'i ye shes/ /de nyid du ni yul med kyang / /slar yang rjes su shes pa yin/ /des na rgyu dang 'bras bu ni/ /'das dang ma 'ongs pa yi rgyun/ /de la rten nas rab 'jug 'gyur/ /'das dang ma 'ongs bstan pa'o/ /rtog pa'i dra ba ma lus pa/ /spangs pa'i ye shes rgyun ldan pa'i/ /de bzhin gshegs pa'i bstan pa ni/ /lhun gyis grub par 'jug pa yin/ /de kho na nyid bsdus pa'i rab tu byed pa las dus gsum brtag pa ste nyi shu rtsa lnga pa'o// // gal te dngos po'i rjes 'gro ba/ /'dir ni cung zad yod ma yin/ /de tshe 'jig rten pha rol pa/ /med phyir 'jig rten pha rol med/ /lus dang blo dang dbang po sogs/ /so sor skad cig 'jig pa'i phyir/ /'jig rten pha rol pa rigs min/ /gzhan ni khas len ma byas pas/ /de yi 'byung ba'i khyad par las/ /de ltar de dag las shes nyid/ /ji ltar rgyu dang nus sogs bzhin/ /skye ba'i gsal bar byed pa'o/ /de yang sa la sogs pa yi/ /khyad par rnams la 'jug pa ste/ /lus dang dbang po sogs kyi ming / /gzhan ni de nyid du yod min/ /rtsod pa'i gzhir gyur sems dag ni/ /tha dad lus la gnas pa'i phyir/ /rgyu 'bras nyid ni yod pa min/ /ba lang rta yi shes pa bzhin/ /brjod par 'dod pa'i shes pa yis/ /blo rnams skyed par 'dod pa min/ /shes pa nyid phyir rgyud gzhan dang / /'brel pa'i blo rnams lta bu'o/ /chags pa dang bcas 'chi ka'i sems/ /sems gzhan dang ni 'brel byed min/ /'chi ba'i sems kyi ngo bo'i phyir/ /nyon mongs bral ba de ji bzhin/ /de phyir srog rtsol sogs byin rlabs/ /lus nyid las ni shes pa ni/ /skye bar 'gyur ba rigs so zhes/ /zla ba can dang rta mchog zer/ /nur nur po sogs shes yod la/ /rigs pa med par smra ba yin/ /dbang po dag ni ma skyes phyir/ /de la rtogs bya'i don ni med/ /don rtogs pa las gzhan nyid du/ /ngo bo'i shes pa rigs pa min/ /de tshe nus pa'i ngo bo yis/ /blo zhes bya ba'ang yod pa min/ /nus pa rnams ni rten med par/ /gnas par 'thad pa ma yin te/ /shes pa'i rten gyi bdag nyid ni/ /yod na lus nyid de yi rten / /mthar ni lus ni ldog pa na/ /shes pa'i 'jug pa ci la brten/ /de yi de ma thag byung ba'i/ /gal te lus gzhan la brten na/ / lus gzhan mthong ba med pas ni / /de ni yod par ji ltar shes/ /glang po rta sogs sems bzhin du/ /tha dad lus la 'jug pas na/ /shes pa de ni rgyun gcig pu/ /'brel pa ru ni ji ltar 'gyur/ /de phyir shes pa'i rten gcig ni/ /thog mtha' med pa'i skyes bu 'ga'/ / 'khor ba par ni 'dod par gyis/ /yang na med pa nyid khas long / /de la 'jig rten pha rol ni/ /nye bar len dang blang bya ru/ /'gyur ba'i shes rgyun la sogs las/ /'ga' zhig gzhan ni yod ma yin/ /de yi thog mtha' med pa yi/ /sngon dang phyi ma da ltar gyi/ /'ga' zhig nges pa'i bar mtshams kyi/ /gnas skabs nyid du yongs su bshad/ /mthong ba'i bde ba tsam zhen pas/ /ji ltar de tsam brtag pa yin/ /'jig rten pha rol yul gzhan sogs/ /de ltar de ni kho bo smra/ /gal te de dang tha dad pa'i/ /'jig rten pha rol bkag yin na/ /de tshe bsgrub pa don med de/ /de med nyid la rtsod med phyir/ /rgyun ni dngos med ma yin phyir/ /gnas skabs gzhan ni yod pa min/ /de la gnas pa'i 'jig rten ni/ /pha rol ji ltar de nyid kyis/ /de ltar ma yin rgyun gyi sgras/ /skad cig rgyun can de dag ni/ /zor yang phyir na nags tshogs bzhin/ /ma lus pas ni rab bstan te/ /gcig pu nyid du brtags pa ni/ /de nyid gzhan nyid sogs brjod med/ /nam mkha'i me tog phreng ba bzhin/ /rang bzhin med pa nyid du 'dod/ /de yang thog mtha' med pa ni/ /ji ltar yang dag bsgrub par 'gyur/ /gal te thog mar 'dod pa'i sems/ /de ni rgyu med 'gyur ba'am/ /yang na brtag pa'i rgyu las byung / /de yang rang bzhin nyid kyis rtag/ /'byung ba tsam las byung ba'am/ /yang na gzhan shes tsam las byung / /ma la sogs pa thog ma'i sems/ /de la rgyu med res 'ga' bar/ rigs min gzhan du de yi ni/ /yod nyid rtag tu snang bar 'gyur/ /rtag pa'i yid dus phyogs dang ni/ /dbang phyug bdag sogs kyis byas min/ /de nyid kyis na rtag yod min / /thal 'gyur phyir ro de med phyir/ /rnam shes gcig pu rtag pa yi/ /rang bzhin zhes smra gzu lums yin/ /gzugs dang sgra sogs kyi sems dag /gsal bar tha dad snang ba'i phyir/ /sa dang chu dang me sogs pa'i/ /'byung ba las ni skyes pa dang / /gsal ba min pa'i sems rnams ni/ /cig car 'byung bar thal bar 'gyur/ /'byung ba bzhi po de yang ni/ /gzhan gyis bstan pa'i ngo bor 'dod/ /lhan cig byed pa'i ltos la yang / /'on te 'di nyid skad cig mar/ /gzhan dag gis kyang brjod na ni/ /de ltar yin na de dag gi /ji ltar grub mtha' la mi gtod / /de ni nges par gnod gyur kyang / /rigs pa yin zhes khas len byed/ /sngar bshad rigs pas skad cig mar/ /thams cad nyid du rigs pa yin/ /rang gi phyogs la ltos med cing / /gal te rigs pa'i rjes chags na/ /'byung ba nyid ni yod min pa'i/ /rigs pa'i mchog 'di 'dod par gyis/ /de dag yan lag can dngos med/ / rdul phran dngos nyid kyang rigs min/ /rdul phran rnams ni med pa'i phyir/ /de ltar de ni 'chad par 'gyur/ /bag chags yongs su smin pas na/ /phyi rol med pa'i ngo bo ni/ /rnam shes la ni so sor snang / /rmi lam sogs mtshungs gzhan du min/ /rnam shes nyid kyi snang ba la/ /brten nas rab tu brtags pa yin/ /gal te 'byung ba bzhi po ni/ /rmi lam sgyu ma dang 'dra ste/ /de tshe de las gzhan med phyir/ /rgyu nyid du ni mi 'thad do/ /sngar gyur 'byung ba nges gnas pa/ /shes pas gzhan ni skyed byed yin/ /gal te rgyud gzhan gyi rnam shes/ /de yi rgyur ni 'dod pa na/ /de ci nye bar len yin nam/ /yang na lhan cig byed pa'am/ /gal te nye bar len 'dod na/ /bu tsha'i shes pa'i rgyun la ni/ /pha ma 'dus sogs 'dus byas la / /khyad par rjes 'gror 'gyur ba yin/ /gang phyir nyer len nyer blang ba'i/ / chos 'di nyid ni rnam gnas pa/ /rjes su 'gro dang ldog pas na/ /rang gi rgyu las nges pa yin/ /rang gi nyer len stobs byung na/ /rgyud gzhan pa yi rnam shes ni/ /lhan cig byed nyid du brtag la/ /gang yang 'gal ba slar yang med/ /de phyir thog ma'i rnam shes ni/ /rang gi nyer len stobs las byung / /rnam shes nyid sogs gtan tshigs kyis/ /da ltar ma yin rnam shes bzhin/ /rgyu gzhan pa ni spangs pa'i phyir/ /rgyu nyid med par gnas pa la/ /rnam pa gzhan du nges pa'i chos/ /'di ni de yi thal 'gyur min/ /shi ka'i skad cig rnam shes ni/ /rang gi nyer blang skyed nus te/ /chags pas byas pa'i 'brel pa nyid/ /sngon gyi rnam par shes pa bzhin/ /gang gi ngo bos rnam shes ni/ /skyed par byed pa yod nges yin/ /snga phyir de ni ma nyams su/ /zin kyang ci phyir rgyu ma yin/ /pha rol phyogs kyi rnam shes ni/ /lus skyes kho na yin pas na/ /bsgrub par bya ba'i chos ldan pa/ /dpe ni de dag ji ltar 'grub/ /lus ni rnam shes rgyu nyid du/ /sngar ni bkag byas ma yin nam/ /sems rnams cig car thob phyir dang / /tha dad pa la med pa'i phyir/ /'dod na sdug pa yid byed sogs/ /dran dang chags sogs rnam shes ni/ /'byung ba nyid du rnam par nges/ /de ni dgag par mi nus so/ /goms pa'i khyad par sngar yod pa/ /'phel dang 'grib pa dag las ni/ /blo rnams 'grib dang phul du byung / /blo la snang bar gyur pa yin/ /don gzhan la chags mi mthun sems/ /don gzhan 'dzin pa med phyir ro/ /shes pa shes pa'i rgyu nyid la/ /rtsod pa nyid du 'gyur ba min/ /de nyid phyir lus tha dad la/ /brten pa nyid du 'grub mi 'gyur/ /sems ni ltung ba'i chos can min/ /lus can rnams la ji ltar rten/ /'bab pa la ni gegs byed phyir/ /chu la sogs pa'i rten du 'gyur/ /'gro ba med pa'i sems rnams la/ /rten dag gis ni ci zhig dgos/ /gal te dag gis bdag nyid gnas / /brten par 'dir ni rtog na sems/ /lus ni bdag nyid mi rigs phyir/ /khyed kyi de yang 'thad par min/ /ji ltar de yi bdag nyid lus/ /gzhan dag gis ni gsal bar rtogs/ /de ltar 'dod chags zhe sdang las/ /sogs pa'i sems kyang cis mi rtogs/ /sems ni bdag nyid kyis rig ste/ /lus ni gzhan dag gis kyang rig /'di ltar gang dag de tha dad/ /rgyu gser dang ni zlos gar bzhin/ /gnyis su med pa'i phyogs la ni/ /gtan tshigs 'di ni 'khrul ma yin/ /rang rang gi ni snang ba ni/ /rig phyir rab rib la sogs bzhin/ /sems ni skyes ma thag 'jig pa/ /bar chad med par mtshon gyur te/ /lus ni de yi dngos yin na/ / skad cig nyid du cis mi 'dod/ /de la brten nas 'byung ba dang / /de ni ma 'khrul pa yi phyir/ /gal te de la brtan 'dod na/ /de ltar na yang 'khrul nyid yin/ /sngar gnas pa yi shes pa yang / /skad cig so sor 'jig lus la/ /bstan nas rgyun mi 'chad par ni/ /nying mtshams sbyor ba kho nar byed/ /gal te rgyun gcig ngo bo yis/ /der ni tha dad nyid min na/ /gzhan du yang ni rgyun gcig tu/ /yod nyid tha dad mi 'gyur mod/ /zag pa zad pa'i rnam shes ni/ /nying mtshams sbyor med ci la shes/ /gal te gzhan grub mtha' yis ni/ /cha yin tshad mar ma bzung phyir/ /'dir ni blo bzangs 'gal gang dag /rgyal ba mi gnas mya ngan 'das/ /theg pa gnyis ni de'i theg par/ /'dus par yang ni rab tu bshad/ /phyir rgol 'dod pa'i grub mtha' la/ /khyod ni rten yang bsgrub bya yi/ /ches dang ldan pa'i dpe 'di ni/ /de dag la ni grub pa min/ /gnod pa can yang ma brjod phyir/ /ldog pa la yang the tshom za/ /rigs mi mthun la yod dogs phyir/ /nur nur sogs la rnam shes ni/ /yod ces bya ba gzu lums min/ /dbang po ma skyes pa nyid la/ /der mi shes pa ci phyir med/ /rnam shes kun ni dbang po dang / /don gyis stobs las byung zhes pa/ /de ni mi rigs gang phyir de/ /gzhan du rmi lam sogs su'ang rig /don rtogs pa las gzhan dngos kyang / /'di la nges par byas pa yin/ /des na rgyal ba la sogs la/ / 'di ni yod par 'thad pa yin/ /de tshe nus pa'i ngo bo yis/ /blo ni gnas par 'gyur ba min/ /de tshe rang don kho na yis/ /blo rnams yod par 'dod pa yin/ /gnyid dang brgyal sogs gnas skabs su/ /sems med khyed kyis ci la nges/ /gal te rigs pa med pa'i phyir/ /de yang gang las rtogs pa yin/ /gal te khyod ni de dag la/ /'di ltar nges par 'jug 'gyur te/ /sems ni rig pa min zhes min/ /de ltar yin na sems ldan grub / /gal te brgya la rnam shes de/ /gnas skabs de dag la yod na/ /sad pa la sogs dran pa ni/ /de yi rnam pa ci mi 'gyur/ /de ni grub pa'i rgyu min no/ /shin tu gsal sogs med pa'i phyir/ /dran pa rab tu mi 'byung ste/ /skyes ma thag sogs sems bzhin no/ /gal te de ltar yid 'di la/ /yod nyid de dag la ci nges/ /sngar bstan gtan tshigs nyid kyis ni/ /nges par 'gyur bar go bar gyis/ /gnyid dang brgyal sogs gnas skabs la/ /gal te sems med par 'dod na/ /'chir 'gyur de ni yang skyes na/ /'chi ba med pa kho nar 'gyur/ /mig la sogs la ltos med phyir/ /rang dga' yid kyi blo yin te/ / rang gi nyer len stobs nyid kyis/ /rmi lam sogs ltar 'byung bar 'gyur/ /'di ltar rnam par rtog rnams ni/ /dbang po dang don ltos pa min/ /de yi bya ba med na yang / /nam mkha'i ut+pal yod phyir/ /de dag yod phyir sngo sogs pa'i/ /rnam par rtog pa gang byung gyur/ / de ni don med snang ba dang / /mtshungs pa kho nar nges par 'gyur/ /rnam par rtog pa rnams la ni/ /sgra don so sor snang bas na/ /dngos po'i ngo bor mi snang ste/ /de ltar thams cad rgyas bstan zin/ /gsang nang la sogs gnas skabs su/ /lus ni rnam par 'gyur na yang / / yid kyi blo ni mi 'gyur te/ /de phyir de la 'di brten min/ /rab rib la sogs phra mo yis/ /mig ni rnam par 'gyur ba na/ /mig la sogs la brten pa'i blo/ /rnam par 'gyur ba nyid du skyes/ /de phyir lus ni 'jig na yang / /yid kyi blo ni 'dir brten min/ /rang gi nye bar len stobs kyis/ /'byung 'gyur 'gal ba med pa can/ /gang phyir yid blo 'ba' zhig kyang / /'gal ba med pa de ltar yin/ /de phyir lus gzhan yod grub phyir/ /kho bo cag gis 'bad mi dgos/ /de ni dgag par nus min te/ /ma mthong na yang the tshom phyir/ /mig mi gsal bas du ba ni/ /phra sogs mi mthong bzhin de 'gyur/ /tha dad lus la brten na yang / /de yi khyad par rjes byed phyir/ /rgyun gcig tu ni 'brel pa yin/ /shes pa snga ma'i rgyun bzhin no/ /skyes ma thag pa dag la yang / /'on kyang nu ma 'thungs sogs la/ /mngon par 'dod pa 'byung ba dang / /nye bar gnod las skyo bar 'gyur/ /du dang nu ma 'thungs sogs pa'i/ /'bras bus de ni rtogs par 'gyur/ /de yang thams cad rtogs bdag nyid/ /de dang ming ni rjes 'brel can/ /ming gi ngo bo goms pa ni/ /skye ba 'di la yod pa min/ / de dag la gzhan srid med na/ /de ni chad par thal bar 'gyur/ /des na mi nyams myong goms pas/ /de ni bag chags stobs las byung / /de dag rnam rtog dngos nyid kyis/ /da ltar ba yi rnam rtog bzhin/ /gang phyir mi nyams myong goms pa'o/ /bag chags yongs su smin pa las/ /rtog skyes de dag la 'jug phyir/ /de phyir srid gzhan rab tu grub/ /ming ni goms pa'i stobs nyid de/ /gal te de dag la de 'byung / /des na ci phyir ngag gsal dang / /dran pa'ang smra mkhas bzhin ma byung / /gsal ba nye bar nyams pa dang / /yongs smin 'khrug pa nyid kyis na/ /de dag la 'di mi 'byung ste/ /'dus pa'i nad kyi gnas skabs bzhin/ /bdag nyid chen po gang dag la/ /cung zad kyang ni nyams pa med/ /de dag gi gang gsal thos shing / /dran pa gsal po de yang yod/ /'dod chags zhe sdang sogs 'di dag /gsal bar goms pa'i sbyor las byung / /rjes 'gro dang ni ldog pa las/ /byung 'gyur yongs su nges pa yin/ /gang dag thog mar byung gyur na/ /de dag 'dir goms dang bral yin/ /gal te srid pa gzhan med na/ /de dag skye ba'i rgyu ni gang / /nye bar gnas pa dmigs pa las/ /de dag skye 'gyur mi 'thad de/ /so sor rtog pa yod pa na/ /de yod na yang de mi 'byung / /so sor rtog pa ldog pa na/ /de dag stobs 'phel snang ba'i phyir/ /phyin ci log tu nges 'phel bas/ /zhig dang ma skyes pa yi yul/ /gtsang dang bdag dang brtan sogs su/ /nyer brtag bud med sogs bdag la/ /'dod chags la sogs 'byung 'gyur te/ /yul yang de yi ngo bo min/ /de phyir rigs mthun goms nus las/ /dmigs pa med pa nyid du ni/ /tshe 'di'i 'dod chags sogs 'byung ste/ /chags sogs nyid phyir phyi ma bzhin/ /so sor rtog pa dang bral zhing / /yul ni nye bar gnas pa na/ /tshul bzhin ma yin yid byed pa'i/ /dbang gyur stobs ni ji lta bar/ /bde dang sdug bsngal sogs 'byung ste/ /de la rigs dang mthun pa yi/ /bag chags yongs su smin gyur pa/ /chags sdang la sogs nyon mongs 'byung / /des na dngos su yul rnams ni/ /chags sdang la sogs rgyu ma yin/ /kun la de yi shes pa bzhin/ /de la nyon mongs cig car 'gyur/ /gzhan spyod pa la dmigs pa'am/ /gzhan gyis smras pa'i stobs kyis ni/ /de dag la ni chags skye min/ /'khrul pa ru ni dmigs pa'i phyir/ /spyod pa ma mthong ma thos pas/ /phag dang ri dwags la sogs ni/ /rigs mtshungs 'gro ba la sbyor ba/ /bya ba sna tshogs grub par 'gyur/ /shes rab tshul khrims bzod sogs ni/ /'khor bar mi 'jug pa yi chos/ /rang bzhin gyis 'byung mi 'gyur te/ /de nyid kyis na smyon sogs bzhin/ /bad kan la sogs nus pa yis/ /de dag kyang ni 'byung ba min/ /snga ma bzhin du 'khrul pa ni/ /thams cad du ni dmigs pa'i phyir/ /de phyir thog mar byung de dag /gang zhig goms pa sngon song bar / /de nyid srid pa gzhan grub pas/ /des na med nyid log pa nyid/ /'dir ni goms pa sngon song nas / /sgrub par byed na mthong 'dod gnod/ /srid pa gzhan ni sngon song nyid/ /sgrub byas stong pa'i dpe yin te/ /khyad par med pas bsgrub byas na/ /gtan tshigs 'di ni 'gal ba nyid/ /de bzhin srid la gzhan goms pa'i/ /rgyud nyid yongs su gyur pa'i phyir/ /spyi tsam nyid kyis bsgrub bya ni/ /gtan tshigs kyang ni 'gal ba min/ /gang phyir des na 'gal med pas/ /gang gis de ni ldog par 'gyur/ /de kho na nyid bsdus pa'i tshig le'ur byas pa las 'jig rten rgyang pan pa'i brtag pa ste nyi shu rtsa drug pa'o// //gal te shes pa las gzhan par/ /'byung ba bzhi po yod pa min/ /gsal bar snang bar gyur pa yi/ /rnam bcad 'di ni ci zhig yin/ /'di ltar snang ba de nyid kyang / /med pa nyid du khas len na/ /sems ni yod pa nyid du yang / /khyod la tshad ma ci zhig yod/ /phyi rol don du snang ba 'di'i/ /bdag nyid ji ltar snang ba yin/ /'on te rdul phran rang bzhin nam/ /yang na yan lag can mtshan nyid/ /re zhig phra rab rnams kyis ni/ /rnam pa so sor rig pa min/ /phra rab cha med du ma dang / /lus can shes la mi snang phyir/ /cha shas dbye ba dang bral bar/ / rdul phran rnams ni snang bar 'gyur/ /rang gi rnam pa mi snang phyir/ /gzhan du de dang mngon sum min/ /lhan cig tu ni skyes pa yang / /de dag rang bzhin du ni snang / /gnas skabs de dag la 'di nyid/ /cha med ngo bo nyid mi spong / /gal te 'grib pa'i mthar thug pa'i/ /rang bzhin de ltar yod na ni/ /tshor ba la sogs lta bur ni/ /de dag lus med cis mi 'gyur/ /skad cig mtshungs pa gzhan skye'i phyir/ /rtag pa nyid du 'khrul pa gzhan / /gal te rigs mthun par med par/ /'dzin na rigs pa 'khrul pa yin/ /mngon sum rang gi bya ba yi/ /stobs nyid kyis ni shes pa bsre/ /gal te skyed byed ma yin par/ /de ci mngon sum spyod yul yin/ /dngos po rnams ni skad cig mar / /rjes su dpag pas nges pa yin/ /ser po dkar po la sogs ni/ /rdul phran yin par ci las shes/ /phyi rol mig gis gzung bya ni/ /rags phyir ril sogs bzhin du/ /phra sogs sngon song de la yang / /rjes dpag 'di nyid yod ce na/ /rags pa nyid ni dngos chos su/ /chos can gnyis la grub pa min/ /rags pa yan lag can ni med/ /rdul phran yang ni de lta min/ /'on te yul ni rgya che bar/ /gnas pa'i gzugs ni de bzhin 'byung / /de lta yin na 'khrul shes la/ /snang ba'i gzugs kyis the tshom za/ /gal te de brdzun de ltar min/ /bye brag rab tu bsgrub par gyis/ /de dang 'di dang khyad par ci/ /gal te don byed mi slu ba/ /don byed snang ba'i rnam shes ni/ /mi slu bar ni brjod pa yin/ /rgyu yi nus pa nges pa yi / /gzhan du thams cad 'byung bar 'gyur/ /gang tshe mtshungs dngos gzung bya zhing / /mtshungs min nyid ni gzung bya min/ /rdul phran ngo bo gnyis nyid phyir/ /de tshe ci phyir mi 'thad pa/ /gang tshe spyi dang khyad par gyi/ /bdag nyid dngos po thams cad kyis / /mtshungs dang mi mtshungs dngos nyid kyis/ /rdul phran ngo bo gnyis su brjod/ /de la mtshungs pa'i ngo bo gang / /de ni mig gi shes pa'i yul/ /des na rnam gcig shes pa ni/ /rdul phran rnams la 'thad pa nyid/ /mtshungs pa min pa'i ngo bo gang / /de ni rnal 'byor mngon sum yul/ /de ltar blo dman 'ga' zhig ni/ /'khrul pa ru ni brtags pa yin/ /dngos po gcig la ngo bo gnyis/ /ji ltar shes bya rigs pa yis/ /de dag dngos nyid thob pa'am/ /phan tshun ngo bo med pa'i phyir/ /phan tshun bdag nyid yin na yang / /ngo bo gnyis te 'gal bar 'gyur/ /khyad par yang ni mig sogs pa'i/ /dbang po rnams kyis dmigs pa yin/ /phan tshun 'gal ba'i bdag nyid kyi / /ngo bo ji ltar gcig tu 'gyur/ /rig phyir dngos po gcig pu la/ /'gal ba dag ni mi srid min/ /gcig ni rnam pa gcig 'gyur bar / / de shes dbang phyug bka' ni min/ /gang zhig ji ltar dmigs 'gyur bar/ /de ni de ltar khas blangs gis/ /de min med kyang rig pa'i phyir/ /dung la ser sogs ngo bo bzhin/ /'gal ba'i ngo bo dang 'dres las/ /tha dad mtshan nyid gzhan ni med/ /tshad mas grub par ma gyur kyang / /rdul phran rnams la the tshom za/ /'di dag la ni med pa yi / /rtog ldan nges pa ji ltar skye/ /yang dag 'byar dang bskor ba'am/ /bar med rnam par gnas kyang rung / /dbus nas rdul phran rdul gcig la/ /bltas pa'i rang bzhin gang yin pa/ /rdul phran gzhan la ltas pa yang / /de nyid gal te yin rtog na/ /de lta yin na sa 'dzin sogs/ /rgyas par 'gyur ba rigs pa min/ /rdul phran gzhan la lta ba'i dngos/ /gal te gzhan du 'dod na ni/ /rdul phran gcig pu cha shas ni/ /med pa ru ni ji ltar 'gyur/ /cha shas dbye ba med pa gang / /rdul phran du ni ji ltar 'gyur/ / rdul phran du ni gzhan dag 'dod/ /de nyid la ni rnam dpyad byas/ /de phyir thug med srid pa min/ /gang tshe de dag dngos rnams kyi/ /rdul phran nyid du khas len byed/ /de tshe de dag dam bca' ni/ /gdon mi za bar nyams par 'gyur/ / gtan tshigs gzhi ma grub pa min/ /gzhan gyi khas len sbyor sogs pa'i/ /stobs kyis gcig nyid sel ba yin/ /de ltar phyogs rnams thams cad la/ /bdag nyid gcig pu de mi rigs/ /gcig ni ma grub pa yi phyir/ /du ma'i rang bzhin yang mi srid/ /de phyir rdul phran nges par ni/ /med par nges par skye rung yin/ /gcig dang du ma'i rang bzhin gyis/ /stong phyir nam mkha'i pad+ma bzhin/ /rdul phran mi rigs pa yi phyir/ /yan lag can yang yod pa min/ /gang phyir de ni rdul phran gyis/ /rtsom par gzhan dag gis khas blangs / /snang ba med dang snang dang bcas/ /gzhan gyi snang ba kho na yi/ /rnam par shes pas phyi rol don/ /rnam pa gang gis kyang mi shes/ /rnam shes bems po'i rang bzhin las/ /bzlog par rab tu skye ba ste/ /bems min rang bzhin gang yin pa/ /de 'di'i bdag nyid shes pa yin/ /gcig pa cha med rang bzhin las/ /gsum gyi rang bzhin mi 'thad phyir/ /'di yi rang gis rig pa ni/ /bya dang byed pa'i ngo bor smin / /de phyir 'di ni shes pa yi / /rang bzhin yin pas bdag shes rung / /don gyi ngo bo gzhan pa ni/ /de yis ji ltar shes par 'gyur/ / de yi rang bzhin gzhan la med/ /gang gis de shes gzhan yang shes/ /dngos po rnams ni don dam par/ /tha dad nyid du gnas phyir ro/ /shes pa'i ngo bor skyes pas na/ /shes pa shes par rigs pa yin/ /don ni shes dngos ma skyes pas/ /des ni ji ltar shes par 'gyur/ / shes pa rnams bcas phyogs la ni/ /dngos su de nyid tha dad kyang / /de dang gzugs brnyan 'dra bas na/ /gdags pa tsam gyis tshor bar rung / /don gyis rnam par bsgyur ldan pa'i/ /rnam shes su zhig mi 'dod pa/ /de la phyi rol rig pa yi/ /rnam pa 'di yang yod ma yin/ / brgya la glang po shing la sogs/ /ji ltar ral gri'i me sogs kyis/ /de yi ngo bo ma yin yang / /bcad sreg sogs byed 'di de bzhin/ /gang phyir de dang 'di mtshungs min/ /de dag 'dir bskyed pa yi rgyu/ /yin pas de lta'i ngo bor grub/ /shes pa de 'drar skyed byed min/ /gang tshe gzung bya'i yongs gcod ni/ /shes pa'i ngo bor srid pa yin/ /de yi yongs gcod ngo bo nyid/ /shes pa la ni 'thad pa yin/ /gzhan du na ni yongs gcod pa'i/ /ngo bor shes pa zhes bya bar/ /gsal bar brjod bya nyid yin no/ /'di ltar don rigs ma bstan to/ /yongs gcod de ni gang gis shes/ /brgal zhing brtag pa'i gzhi ma yin/ /de yi bdag nyid yongs gcod de/ /bde sogs bde ba nyid sogs bzhin/ /rang gi ngo bor rig pa'i phyir/ /shes byed gzhan la ltos pa min/ /'di la ma rtogs pa yod min/ /rang rig pa yi don 'di yin/ / gal te don rtogs bya ba byed/ /shes pa nyid du mi rtogs pas/ /des na gsal byed nyid yin pas/ /rtogs phyir gzhan la ltos pa yin/ /de don bdag nyid nyams myong na/ /de 'dra'ang gsal ba nyid du yod/ /'di la bdag nyid nyams myong med/ /de phyir bdag nyid gsal byed min/ /mig sogs rnams ni gzugs sogs la/ /gsal bar byed pa nyid yin pas/ /ji ltar rnam bzhag snang gyur pa/ /de ltar 'dir yang 'gyur ba yin/ /phyi rol don la gsal byed yin/ /nus pa med phyir bdag gsal min/ / dngos po rnams kyi nus pa ni/ /brgal zhing brtag pa ma yin no/ /don la rnam par rig pa ni/ /shes nyid brjod pa ma yin nam/ /de ni de bdag nyid 'gyur na/ /bya ba gzhan ni ci zhig 'gyur/ /don gyi nyams myong ngo bo ni/ /gal te de yang shes bdag nyid/ /de tshe don nyams myong bdag nyid/ /shes la rigs so de yod min/ /khas len don yod spangs par ni/ /thal 'gyur phyir te rang nyid las/ /nyams myong bdag nyid skye na yang / /don rig rab tu grub pa min/ /ji ltar rnam bcas shes pa yi/ /phyogs la don gyi gzugs brnyan ni/ /pha rol po la der nye ba'i/ /rgyu mtshan yod pa ma yin no/ / rang bzhin bems po'i dngos nyid phyir/ /gal te 'di bdag nyams myong min/ /shes pa rig pa med pa na/ /de tshe don gyi nyams myong 'jig /don gyi nyams myong zhes bya bar/ /shes pa kho nar brjod pa yin/ /de ni ma grub dngos nyid ni / /de ni rab grub gzhan cir 'gyur/ /shes pa gzhan gyis nyams myong na/ /don de rang gis myong ma grub/ /grub pa ma grub pa yi phyir/ /gang gi tshe na grub par 'gyur/ /gal te de yi shes skye na/ /rang bdag rig par ma gyur par/ /gzhan gyis rig pa grub smra na/ /de ltar de ni legs smras yin/ / de la nyams myong ma grub na/ /snga ma la yang ma grub nyid/ /de la gzhan rig skye ba na/ /thug pa med par thal bar 'gyur/ /spyod yul gzhan la 'pho ba na/ /de ltar 'gyur min de yang snang / /spyod yul gzhan du 'pho ba na/ /tha ma gang yin de rang ngam/ /gzhan las grub pa ma yin te/ /de ma grub pas kun grub min/ /des na 'gro ba ma lus pa/ /dmus long nyid du thal bar 'gyur / /tha ma rang gis grub pa na / /gzhan dag la yang de nges yod/ /shes phyir gzhan du khyed cag la/ /de dag shes med bum sogs bzhin/ /mig ni gzugs la rnam shes ni/ /skye byed phyir ni gsal byed min/ /de ni rig phyir ma yin te/ /des na shes dang 'di cis mtshungs/ /gang zhig rig pa nyid 'gyur na/ /gang zhig rig par nges pa yin/ /de las de ni tha dad min/ /de las de yang dbyer med 'gyur/ /ji ltar sngon po blo bdag nyid/ / ji ltar zla ba gnyis pa yang / /sngon po'i rnam pa shes pa 'di/ /sngon po'i blos kyang rig pa yin/ /gal te tha mi dad yin na/ /shes pa'i bdag nyid gzhan bdag min/ /shes bya sngon po'i blo rig ni/ /des sngo rnam pa ji ltar rig /rig pa 'di dag thams cad ni/ /don gzhan spyod yul can ma yin/ /rig pa'i rang bzhin nyid kyis rig /rang gi bdag nyid rig pa bzhin/ /gtso bor don ni 'dzin byed min/ /rang gi rang bzhin la gnas phyir/ /don gyi rnam pas bsgyur ldan dang / /bral zhing brtags pas don 'dzin min/ /dag pa'i shel dang 'dra ba ni/ /don gyi rnam pa dang bral ba/ /shes pa gang su 'ga' zhig 'dod/ /de dag la ni sgrub pa yin/ /'dra ba dang bcas rnam shes ni/ /phyi rol don rigs 'gyur zad mod/ /de yang thams cad du med phyir/ /don rigs gnas pa rigs pa min/ /shel las tha mi dad pa'i phyir/ /rnam pa du ma nyid mi 'gyur/ /des na de yi stobs kyis ni/ /don rigs gnas pa yod pa min/ /rnam pa dang tha dad pa'i phyir/ /shes pa'ang gcig nyid du mi 'gyur/ /gzhan du 'di las gcig nyid du/ /ji ltar yongs su brtags par 'gyur/ /kun nas bdag nyid dang mtshungs na/ /shes pa mi shes sogs nyid 'gyur/ /cha 'ga' zhig ni mtshungs pa na/ /thams cad thams cad rig par 'gyur/ /gzhan gyi rnam pa'i shes pa yang / /gal te don rig yin pa na/ /kun kyang kun gyis shes par 'gyur/ /nges par byed pa'i rgyu yang med/ /ji ltar khyed cag gis shes pa/ /de nyid kyis na rnam med ni/ /yang dag ma yin rnam par rig /gal te yang dag don de bzhin/ /sems dang sems las byung ba yi/ /rang bzhin thun mong ma yin 'di/ /des na gzhan dag gtso bor ni/ /rig pa de ni gang gis min/ /tshogs pa gcig la rag las nyid/ /rgyu dang 'bras bu nyid sogs sam/ /yang dag brten nas zhes bya bar/ /yang dag rig par nyer brtags 'gyur/ /gzugs med pa yi dngos po ni/ /tshogs pa gcig la rag las min/ /'di yi rig pa phal pa yang / /shin tu med pa kho na'ang min/ /'on kyang yang dag min rnam pa/ /'khrul pas reg ces bya bar brjod/ /de nyid kyis rig ma yin te/ /des na yul med pa de yin/ /gal te der yang rnam shes ni/ /'khrul pas de ltar snang 'gyur na/ /rig par byed par brjod pas na/ /de ni yul med gsal bar 'gyur/ /rnam pa dang bcas rnam med pa/ /de ni gzhan med rigs ma yin/ /des na sangs rgyas rnam shes la/ /kho bo cag ni rtag 'jug byed/ /de dang 'dra ba nyid 'byung bas/ /gzhan gyi 'dod chags sogs rig nas/ /sgrib pa yod pa 'thob 'gyur te/ /dmigs pa can gyi gzhung lugs la/ /dpag bsam shing dang 'dra bar ni/ /kun rtog rlung gis mi bskyod kyang / /thub pas 'jig rten thams cad kyi/ /don gyi phun sum tshogs pa mdzad/ /rgyal ba thams cad mkhyen pa ni/ /des na gzigs pa med par bstan/ /lhun gyis grub pa thams cad kyi/ /ma lus kun mkhyen don bsgrub phyir/ / dkar sogs ngo bo blo min na/ /de ni re zhig ji ltar 'gyur/ /blo ni dkar sogs dngos nyid na/ /phyi don tshad ma gang gis grub/ /sngo sogs so sor snang ba ni/ /mi slu nyid kyis shes pa yi/ /rnam pa nyid kyi rigs mthun las/ /skye bar bsgrub na shes pa bzhin/ /phyi rol don ni thob byed dam/ /gal te de yi nus pa ni/ /mi slu ba nyid du 'dod na/ /phyi don smyon la de grub min/ /gal te don byed par snang ba'i/ /shes pa la ni rgyu nyid du/ /mi slu ba nyid du 'dod na/ /de ltar mig med la de srid/ /ji ltar phyi rol chu sogs la/ /nus pa nyid du nges 'dod na/ /shes bdag nyid la yang de bzhin/ /des na ldog nyid the tshom za/ /rjes su dpag la snang ba yis/ /gsal bar ma nges thun mong 'di/ /me sogs gsal ba'i gzugs dang ni/ /'di ni mtshungs pa ma yin no/ /gal te yul gyi rnam bcad snang / /nang gi nyams myong las tha dad/ /gzhal bya nyid sogs gtan tshigs kyis/ /rgyu gzhan la gnas sems gzhan no/ /'dir yang 'khrul pa nyid yin te/ /sems de rang gi ngo bo dang / /de bzhin mig nad las byung ba'i/ /zla ba gnyis la sogs kyis 'khrul/ /gal te phyi don rnam gzhan du/ /'di ni rig pa yin brjod na/ /snang bar 'gyur ba'i rnam pa ni/ /de ni don de bdag nyid min/ /de ni de ltar snang 'gyur bas/ /rnam par shes pas rtog mi 'gyur/ /gal te snang 'gyur mi rigs na/ /de rig rnam pa gzhan yang rig /de ni phan tshun 'gal nyid na/ /ji ltar 'thad pa zhes byar 'gyur/ /de nyid kyi phyir sems rnams la/ /rang rig nyid ni bsgrub dka' nyid / /bdag nyid 'gyur ba'i snang ba ni/ /de tshe rig par snang ba'i phyir/ /de phyir don nyid rtogs byed dang / /yod pa rnam gzhan rtog pas na/ /blo 'di nyid ni 'khrul pa yin/ /des na bdag nyid rig pa yin/ /'on te 'dzin pa'i ngo bo gang / /de ni de gzung las tha dad/ /de rig na de mi rig phyir/ /ji ltar ro sogs 'dzin pa ltar/ /gzung ba'ang de 'dzin pas de bzhin/ /gang gis de ni rtogs pa na/ /nges par rtogs par mi 'gyur te/ /ro 'dzin pa la sogs pa bzhin/ /tha dad ro sogs bzhin du bsgrub/ /yang na dngos gcig mi shes phyir/ /rgyud gzhan la gnas blo bzhin no/ /shes pa rang cha 'dzin byed min/ /shes las skyes 'gyur rang nus bzhin/ /bzung ba la dgag pa de bzhin/ /gang gis bag chags gnyis bral yin/ /nag pa'i shes pas de byung ba'i/ /shes pa'i gzung bya rtogs byed min/ /shes pa nyid phyir ji bzhin du/ /de ni gzhan pa'i lus byung ba/ /so so ma yin rig phyir dang / /de nyid sngar ni bstan pa'i phyir/ /ngo bo gcig pu mi shes pa'i/ / bar du gtan tshigs ma grub nyid/ /de ni phyi rol phyogs dang 'brel/ /zhes bya 'dis ni bzung ba yin / /rnam pa gzhan dag rig 'gyur te/ /'dzin par nyams myong med par brjod/ /de tshe bdag gi don cir yang / /'dzin pas byas pa dran pa med/ /gzung ba'i ngo bo dang bral ba/ / 'dzin pa skyes par dran par 'gyur/ /de phyir tha mi dad yin na/ /gzung ba la yang dran par 'gyur/ /'dzin pa dran pa yod pa na/ /der ni de nyid 'dzin par 'gyur/ /rjes su 'gro dang ldog pa yi/ /de ltar de dag tha dad grub/ /de ltar gtan tshigs de dag ni/ / bsgrub bya'i chos can la ni grub/ /dmigs pa rab tu ma grub na/ /don mthong rab tu mi 'grub bo/ /de phyir 'dzin pa rig med par/ /gzung ba rig par 'gyur ba min/ /mig nad can gyis mthong ba yi / /ser sogs de bzhin gsal por snang / /'dzin pa'i cha la reg bya min/ /de bzhin du ni gzhan yang ni/ /khyad par mtshon pa med pa yi/ /gzung ba'i ngo bo la de'ang dran/ /thams cad las ldog ngo bo la/ /de myong goms sogs med pa'i phyir/ /gzhan du cir yang de lta bu/ /'dzin ces dran par mi 'gyur ro/ /dag cing shel dang 'dra bar ni/ /dran pa yod pa'ang ma yin no/ /dung la ser sogs rnam shes kyis/ /gtan tshigs phyi ma gnyis po yang / /gsal por ma nges nyid yin te/ /sgrub pa gzhan la 'ang phyogs 'dis yin/ /des na rtsod pa'i gzhir gyur yin/ /shes pa nyid phyir gnyis su med/ /rig bya rig par byed po dag /bral zhing gzugs brnyan lta bu yi / /gzugs brnyan la yang shes pa ni/ /dmigs pa dang ldan 'dod min nam/ /mig gi snang ba ldog pa na/ /rang gdong de bzhin mthong phyir ro/ /mngon par phyogs de snang phyir dang / /tshad yul bye brag sogs mthong phyir/ /rang gi gdong sogs de bzhin du / /mi mthong dngos po gzhan bzhin no/ /rnam shes nyid dang gsal ba nyid/ /de yang phyi rol la brten min/ /rnam med la sogs mi rung bas/ /des na 'di yi khyab pa des/ /de ma thag pa'i shes nus la/ /bzung ba'i cha ni yul dngos gnas/ /de nyid min par kho bo 'dod/ /des na de ni ma bsgrubs so/ /rnam rig tsam nyid bsgrub pa ni/ /blo ldan rnams kyis dri med mdzad/ /kho bo cag gis de phyogs ni/ /don dam nges par bskyed par byas/ /de kho na nyid bsdus pa'i tshig le'ur byas pa las phyi rol gyi don brtag pa ste nyi shu rtsa bdun pa'o// //yang 'dir gzhan dag mi shes pa'i/ /dri mas gos pa'i blo can rnams/ /sems tsam tshul 'di mi rigs te/ /thos pas gnod pa'i phyir zhes smras / /de ni kun la tshad ma ru/ /skyes bus ma byas par ni gnas/ /gang phyir skyes bus byas tshig gis/ /log pa nyid du rtog par 'gyur/ /nyes pa yod dam med par ni/ /skyes bu'i ngag la the tshom za/ /byed po med phyir thos po la/ /skyon yod the tshom yod pas min/ /byed po re zhig ma mthong na/ /gang tshe yod ces 'dod pa yin/ /sngon ma mthong dang 'brel pa ni/ /mi shes rgyu yis da ltar smod/ /rjes su dpag pa dang bral yang / /de ni yod par brtags pa yin/ /byas dang ma byas pa'i lung ni/ /kho bo cag la de grub min/ / rang nyid tshad ma yin pa'i phyir/ /byas pas 'di ni rtogs byed min/ /drang srong yid sogs tshig kyang ni/ /de nyid kyis ni bden par 'gyur/ /ma 'brel zhe sdang dang bcas pa/ /bden par smra bar ji ltar 'gyur/ /de phyir byed po sgrub pa'i lung / /gzhan byas bdag cag la grub min/ / gal te rig byed byed po dang / /'dra ba dang ltar cung zad snang / /de phyir nye bar 'jal ba des/ /byed po la yang nyer 'jal 'gyur/ /gal te byed po med cung zad/ /gzhal byas grub par mi 'gyur na/ /des na nges bar byed po ni/ /don gyis go ba'i gzhal byar 'gyur/ /de med kyang ni rig byed la/ /mi 'thad cung zad gang yang med/ /de yod na ni tshad ma sogs/ /mang po grub par mi 'gyur ro/ /der ni lnga por ma nges phyir/ /dngos med nyid kyis rtogs par 'gyur/ /des na de yod rnyed dka' ste/ /dngos med tshad mas gnod pa'i phyir/ /tshad ma ma yin nyid ldog phyir/ /rig byed skyes bus ma byas nyid/ /gang 'dod de yang dngos min pas/ /sgrub pa rnams kyi bsgrub bya min/ /rtog ge rnams kyis gang smras zhes/ /skyes bus byas pa nyid sgrub pa/ /de ni spang bar byas pa min/ /rig byed skyes bus ma byas grub/ /dngos po'i ngo bor phyogs gang dag / gtso bo dang ni rdul phran bzhin/ /de dag gang rung ma grub na/ /cig shos rang nyid kyis mi grub / /gtso bo yi ni rgyu nyid kyi / /sgrub pa yang ni spang byas kyang / /gtan tshigs gzhan ma rnams kyis ni/ /rdul phran kyis byas 'gro bsgrub bya/ / dngos po'i phyogs ni bsgrub don du/ /sgrub pa gang zhig brjod pa min / /de ni gzhan dag spang byas na/ /med pa rang nyid kyis ni grub/ /snga phyi yi ni mtha' dag la/ /gzhan gyis sgrub pa gang brjod yin/ /de ni spang bar byas nas ni/ /rig byed smra ba'i bya ba rdzogs/ /rtag nyid dngos po'i ngo bo gang / /de ni ma bsgrubs na yang ni/ /snga ma'i phyogs gnyis sun bton te/ /rang nyid kyis te grub par 'gyur/ /thog ma'i rig byed kyis mtha' gang / /skyes bus byas pa'i mtshan nyid can/ /phyi mtha' 'jig pa'i ngo bo yang / /de dag med pa rtag pa nyid/ /thog mar rig byed gang byas min/ /phyis kyang 'jig par mi 'gyur ba/ /de nyid de yi rtag pa nyid/ /gal te shes bya der yang 'dod/ /ma byas nyid dang 'jig med kyis/ /rtag pa nyid du 'dod pa yin/ /de dag dngos med bdag nyid kyis/ /rang gi sgrub pa la ltos min/ /rig byed ngag don log pa nyid/ /rjes su dpag pas gang brjod pa/ /de yi rig byed sgrub shes pa'i/ /stobs kyi phyogs ni ldog par 'gyur/ /de ni mngon sum mtshungs nyid phyir/ /rig byed las byung stobs chen can/ /des na rjes su dpag pas ni/ /ji ltar yang ni gnod nus min/ /mngon sum phyogs la dgos pas na/ /gang phyir bstan bcos nyid gnas yin/ /de ni shin tu stobs ldan phyir/ /rjes su dpag pa la gnod byed/ /dpe la ltos pa med phyir dang / /skyon med phyir na zor yang min/ /lung ni tshad ma nyid yin la/ /de dang rjes dpag 'dra ba min/ /des na lung dang rjes dpag pas/ /don gang la ni the tshom 'gyur/ /de la stobs chen lung gis ni/ /de nyid kyis ni nges par byos/ /rig byed kyis don rtogs byed kyang / /bdag la tshad ma min de ltar/ /bden smras zhe sdang tsam gyis ni/ /brjod par nus pa ma yin no/ /mi 'dod pa dang zhe sdang gis/ /tshad ma min pa nyid mi 'gyur/ /dga' ba dang ni 'dod pa yis/ /tshad mar brtags par mi 'gyur ro/ /zhe sdang can yang rig byed la/ /tshad ma yin pa nyid kyi rgyu/ /cung zad smra bar mi byed de/ /gang gis de dag bden smras 'gyur/ /'dzin dang 'dod dang 'chad pa yis/ /las la rtag tu mngon sbyor bar / /log pa nyid rgyu mi shes na/ /ring na gnas pas ji ltar shes/ /gang phyir des ni nges sbyor ba/ /de dang 'brel pa'i dgos pa can/ /der gnas yon tan skyon rnams ni/ /de dag shes pa'i dbang du byas/ /tshangs la gang dag sdang ba ni/ / sdig can rig byed las ring gnas/ /rig byed skyon dang yon tan tshig /ngo tsha med par ji ltar brjod/ /gzhan yang rna skyes ngo shes pas/ /sgra yang rtag pa nyid dang ni/ /khyab pa nyid dang 'grub pas na/ /bzlog la nges par su zhig byed/ /des na dus ni thams cad dang / /yul kun du ni gcig nyid gang / /ngo shes pa yi mngon sum gyis/ /rang grub 'di la gnod phan yin/ /'bar sogs skad cig nyid yin yang / /ngo shes she na de min te/ /kho bo'i spyi ni rtag nyid pas/ /'di yi ngo shes pa 'di yin/ /khyad par 'ga' zhig gis ni cha/ /gang la blo ni tha dad 'gyur/ / de la ngo shes cha yin te/ /tha dad blo yis nges par 'gyur/ /yul dang dus sogs tha dad pa'i/ /ba lang sgra gsal blo rnams ni/ /thams cad mtshungs pa'i yul can nam/ /sna tshogs don gyi yul can min/ /ba lang zhes bya las skyes phyir/ /da ltar skyes pa'i blo bzhin no/ / snga de'i ba lang sgra blo yis/ /ba lang sgra ni rab brtan yin/ /ba lang sgra yi yul nyid kyis/ /ji ltar phyi de skyes pa bzhin/ /'di yang de ni shes yin te/ /gtan tshigs de phyir snga blo bzhin/ /gnyis ka yang ni yul gcig yin/ /ji ltar blo ni gcig bzhin blo/ /yul dang dus sogs tha dad pa/ /ba lang nyid blo ma lus pas/ /ba lang sgra gcig skyed 'gyur te/ /ba lang blo phyir blo gcig bzhin/ /snga de'i ba lang sgra brjod pa/ /phyi de yang ni yod pa yin/ /ba lang sgra yis shes rtogs phyir/ /phyi de brjod pa'i sgra bzhin no/ /phyi de ba lang sgra thos pa/ /bdag gis sgra de snga de'ang thos/ / sngar bstan gtan tshigs nyid kyis ni/ /phyi de brjod pa'i sgra bzhin no/ /sgra yang brjod par bya ba gang / /de bstan yun ni ring por phan/ /'brel ba nyams myong la ltos pas/ /shes bya la shes 'jug phyir ro/ /de 'dra gang yin brtan par mthong / /du ba'i spyi yi cha bzhin no/ /'brel pa'i shes pa la ltos pa/ /mi brtan pa ni rtogs byed min/ /de tshe rgyu mtshan nyid yin phyir/ /mar me glog gi gsal ba bzhin/ /sgra yi mi rtag nyid phyogs las/ /rjes su dpag pas gtan grub pas/ /de kun gyis ni 'gal bar 'gyur/ /bum sogs gcig nyid thob gyur na / /rigs rten 'dod pas grub pa sgrub/ /gsal ba rnams la gcig nyid du/ /phyogs 'di yis ni byed pa na/ /de tshe mthong ba dang 'gal nyid/ /tshad ma kun gyis brjod par bya/ /bcos ma'i 'brel pa nyid yin na/ /de yi sbyor ba med pa'i phyir/ /gsal ba de gcig la gnas pas/ /'brel pa thams cad khyab 'gyur min/ /sa las byung dang yod rdzas sogs/ /mjug ma nyid sogs 'jol ba'i phyir/ /sbyor ba mang du byed pas na/ /ba lang nyid nges 'gyur ba min/ /de phyir sgra ni bcos ma min/ /res 'ga' yang ni 'jig mi 'gyur/ /rtag pa dang ni rten 'brel phyir/ /nam mkha' rdul phran lta bu'o/ / spyi rnams du ma mngon phyogs pa'i/ /yul can lan cig thos pas na/ /rang don brjod nyid dmigs dgar bas/ /sgra yis rtogs par mi 'gyur ro/ /mang du thos pas de nyid ni/ /srog chags nyid la sogs pa dang / /gar sogs 'gro ba la sogs dag / lkog shal mjug ma nyid sogs kyang / /khra bo sogs dang khu yu sogs/ /gsal ba'ang rang gi rgyu spangs nas/ /dmigs dgar ba la nyid brjod nyid/ /yun ring nas ni rtogs par 'gyur/ /dus de tsam du bstan pa 'di/ /phyogs ni su zhig rjod par byed/ / slar yang rgyu mtshan 'di yis ni/ /'di la 'dzin pa mi srid nyid/ /ji ltar bum sogs rnyings pa'am / /mtshon sogs kyis ni bcag pa yis/ /'jig par 'gyur ba rtogs pa yin/ /de bzhin sgra las rgyu yod min/ /yul dang dus dang sbyor byed rnams/ /tha dad pas kyang dbye ldan min/ /ga sogs yi ge gang gis ni/ /de la ngo shes gsal bar yod/ /myur ba la sogs dbye bas kyang / /ga gsal gzhan las rnam bcad par/ /ga yi gsal gzhan gsal po ru/ /rdzogs par 'gyur ba rtogs pa yin/ /shin tu dmigs bkar yi ge ga / ga nyid rten ni yod pa min/ /ga gzhan blo yis ma rtogs phyir/ /gzhan gyis brtags pa'i gnyid bzhin/ /yi ge nyid sbyor 'di bsgrub bya/ /yi ge kha sogs nyid bzhin no/ /ldog pa yang ni ma mthong phyir/ /'dir ni mthong ba ldog byed min/ /yi ge'i bdag nyid gnyis grub ni/ /rtag pa nyid sogs rtogs pa la/ /ji ltar 'dod yin de bzhin du/ /grub pa nyid las khas blang gis/ /des na yi ge gcig nyid du/ /blo ni gcig nyid skye bar 'gyur/ /gsal bar byed pa'i dbye ba yis/ /khyad par gyi blo yod par 'gyur/ / gang la rna ba'i yul gnyis la/ /de la blo gnyis skye min nam/ /khyed la dbang po las 'das phyir/ /ji ltar sgra yis khyad par blo/ /sgra tsam legs byas rna ba yis/ /gang tshe sgra ni rtogs par 'gyur/ /de dang nyer bsres de yis ni/ /rtogs pa yin zhes 'ga' zhig zer/ /yang na de dag 'dzin pa min/ /de yi dbang gis sgra blo skye/ /legs par byas pa'i rjes byed phyir/ /de yang chen po nyid sogs rtogs/ /mngar ba kha ba'i ngo bo dang / /de bzhin dkar po'ang ser po ru/ /mkhris pa'i gnad kyis sems 'khrul pas/ /de ltar yul ni 'dzin par byed/ / de bzhin shugs kyis rgyug pa dang / /gru la zhugs nas 'gro ba yis/ /'khrul pas ri la sogs par ni/ /de dag 'gro bar snang ba 'gyur/ /sbal pa'i zhag gis mig byugs pas/ /'o ma'ang sbrul gyi ngo bor snang / /gsal ba nyung dang mang nyid kyis/ /de brten spyi yang che chung 'dzin/ /de dag rnams ni ji bzhin du/ /rgyu mtshan 'dzin pa med na yang / /gsal byed la gnas ma rtogs nas/ /de ltar gsal bya la 'khrul 'gyur/ /thung sogs dbye ba rang bzhin gyis/ /rtag par smra ba la 'gal yin/ /gang zhig rtag tu yod pa yin/ /rang nyid kyis de tshad gcig cis/ /de phyir de yi brjod pa yi/ /tshad kyi dus ni rtogs par gyis/ /tshad gnyis sam ni tshad gsum mam/ /rang nyid kyis ni tshad gcig min/ /sgra tsam rnams kyis gsal ba ni/ /sgra la mi 'thad pa yin nam/ /sgra ni legs par byas pas sam/ /dang po 'am ni gnyis der 'gyur/ /de la gal te sgra legs byas/ /thams cad kyis ni rtogs par 'gyur/ /cha shas med pa'i khyab pa la/ /phyogs gcig legs par byar mi 'dod/ /brten pa yi ni dbye bas kyang / /legs par bya ba nges mi 'gyur/ /gang phyir sgra ni rten med pa/ / nam mkha'i bdag nyid la sogs bzhin/ /'on te nam mkha' rten yin te / /de yang cha med dngos yod pas/ /ma lus sgra ni rtogs pa'i phyir/ /phyogs gcig legs sbyar mi 'gyur te/ /phyogs gcig legs par byas pa na/ /ji srid nam mkha' la gnas pa/ /ma lus ngo bo nyid kyis ni/ /lus pa med par rtogs nus min/ /mkha' nyid rnam par 'dod phyogs la/ /khyab pa nyid phyir mtshungs thob 'gyur/ /ring du gnas kyang sgra rnams kyi / /shes pa 'byung bar thal bar 'gyur/ /srog chags kun gyi rna ba ni/ /gcig nyid du ni de ltar 'gyur/ /des na gcig gis thos dus su/ /de dag thams cad kyis thos 'gyur/ /de yang cha shas med nyid phyir/ /chos dang chos min legs byas pa/ /gnas skabs gnyis ni grub pa'i phyir/ /rna ba nam mkha'i phyogs 'gyur min/ /lan cig rna ba legs byas pas/ /sgra ni thams cad rtogs par 'gyur/ /bum pa'i phyir ni mig phye bas/ /snam bu mi mthong bar mi 'gyur/ /yul yang legs par byas pas na/ /de nyid kho nar thal bar 'gyur/ /yul mtshungs par ni gnas pa na/ /legs par byas la khyad med phyir/ / brtan pa'i rlung ni yongs spangs pas/ /'di la legs byas 'gyur ba min/ /sgrib pa rnams ni yongs spangs nas/ /de yi phyogs gzhan dmigs par 'dod/ /sgra ni gcig nyid yin pa na/ /legs byas ma byas mi 'grub po/ /gnas skabs gcig ni khas len na/ /kun gyis rtogs 'gyur yang na min/ /gnyis ka legs par byas pa na / /so sor bstan skyon kun 'byung 'gyur/ /des na sgra la gsal byed ni/ /ji ltar yang ni mi 'thad do/ /bshad pa byed pa po yis ni / /rna ba legs byas phyir lan brjod/ /de dbye thos pa'i dbye ba la'ang / / thos pa po la'ang gnas pa yin/ /ji ltar mig la phan btags pas/ /bum sogs rnams la mar me sogs/ /gsal 'dod rna ba legs byas phyir/ /sgra tsam de ltar byung ba yin/ /legs byas rnam pa gang gis ni/ /'dir ni brgal zhing brtags pa med/ /skye ba la yang mtshungs nyid pas/ /der yang nus pa dbang 'das phyir/ /nus pa 'bras bus gtan rjes dpog /gang gis de ni brgal zhing brtag /de yod de 'byung tsam gyis ni/ /tshad mas de ni rtogs par 'gyur/ /des na dbang 'das nus pa yin/ /de dag dbang 'das nus pa ni/ /dbang po la ni skyed byed pas/ /mngon gsal rgyu ru kho bo 'dod/ /gang dag ma phrad par skye ba / /sgra 'di rna bas 'dzin par byed/ /ring dang bar du chod sogs la/ /de dag la phra mtshungs nyid yin/ /de la ring dang nyer gnas pa'i/ /bzung dang ma bzung mtshungs par 'gyur/ / rim gyis kyang ni mi 'gyur te/ /myur dang dal sogs kyang mi 'byung / /de phyir gtsang sbra can mthong ba'ang / /blta ba yang ni blta bar gyis/ /'bad rtsol gyis ni bskul ba'i rlung / /lte ba las byung rgyu zhing 'gro/ /rkan la sogs par ldan pa dang / /rnam par dbye ba rjes su byed/ /shugs nyid ldan phyir de yang ni/ /ji srid shugs yod bar du gnas/ /de yi rang gi yan lag ni/ /brtan pa'i rlung dang lhan cig tu/ /'gro zhing ldan dang rnam dbye ba/ /nges pa skyed par 'gyur ba yin/ /rna ba'i nam mkhar phyin 'gyur na/ /rna ba'i nus pa skyed byed yin/ /de yod pas na sgra rtogs phyir/ /legs byas ma mthong na yang legs/ /skye ba'i nus pa bzhin de yang / /bdag la ci yang lhag pa med/ /sgra yi bye brag gzung ba'i phyir/ /de'i khyad par yang de bzhin 'gyur/ /rtsig pa la sogs rlung gi ni/ /gegs su rab tu 'thad pa yin/ /de ni drag por 'jug pa yin / /rna ba'i phyogs kyis gegs byed rigs/ /de ni rim pas 'jug nyid phyir/ /'jig pa dang ni shugs bcas yod/ /legs byas rim pas gsal po nyid/ /mi gsal sogs pa'i rgyu mtshan rigs/ /kho bos nges par rna ba ni/ /nam mkha' khas len mi byed do/ /nam mkhar cha shas med min te/ /rgyal ba grangs can gyis bkag phyir/ /de na nam mkha'i phyogs gcig gam/ /yang na dngos po gzhan du 'gyur/ /so so'i mi la gnas rna ba/ /'bras bu'i don gos kho bos rtogs/ /gal te khyab pa gcig nyid ni/ /de lta na yang rten gang la/ / sgra tsam gyis legs byas de yod/ /des ni sgra rnams rtogs par byed/ /'on kyang dbang po legs bya ba/ /de yang rten gyi phyogs kyis 'byung / /des na rna ba legs byas na/ /rna bas sgra ni thos 'gyur min/ /sgra tsam rna phyogs ma phyin pas/ /rna ba'i dbang po legs byas min/ / des na rten gyi dbye ba yis/ /legs par byed pa nges par gnas/ /'o na rten ni gcig la ni/ /dbang po legs par bya ba thob/ /lus kun la ni rtogs byed pa/ /dbang po gcig tu sgra la 'gyur/ /skyes bu'i lus kyi phyogs rnams la/ /rnam par shes pas skyed 'dod yin/ / des na gtso bo tha dad pas/ /rna ba'i legs byas tha dad 'gyur/ /bdag ni phyogs rnams dang bral yang / /ma lus par ni rtogs byed pa/ /lus nyid la gnas 'dzin pas na/ /kho bos de smras 'gal ba med/ /de nyid kyi na rgyu yis ni/ /'on pa nyid sogs gnas pa yin/ /chos dang chos min dbang byas pa/ /de nyid gzhan longs spyad bya yin/ /ji ltar dbang dang bral ba rna/ /yul der gnas par gyur na yang / /longs spyod mi rnyed de bzhin du/ /gzhan gyis thos kyang 'on pas min/ /rna ba sgra dang rten dag ni/ /rang nyid kyis ni yan lag bral/ /phyogs gcig la ni gnas pa min/ /de lta na yang de skyon med/ /gsal bar byed pa'i rlung rnams la/ /tha dad yan lag phyogs nyid dang / /rigs kyi tha dad pa yod pas/ /de nyid kyis ni legs par gnas/ /gzhan gyi don du rlung bskul bas/ /ji ltar khyed la gzhan byed min/ /de bzhin yid bzhin legs byas pa'i/ /nus pa gzhan ni legs byed min/ /rkan sogs sbyor ba gzhan dag gis/ /ji ltar yi ge gzhan byed min/ /de nyid sgra tsam gzhan bskul bas/ /sgra tsam gzhan ni byed pa min / /de phyir skye dang gsal dag ni/ /'bad rtsol brjod par 'dod pa la/ /kun la nus pa'i bye brag ni/ /'bras bu'i don gos mtshungs par nges/ /yang na rig byed rjes 'brangs pas/ /phyogs ni rna ba nyid nges bya/ /nam mkha'i bdag nyid rna ba ru/ /brjod par rig byed gang na'ang med/ /phyogs ni rna ba yin no zhes/ /de ni rab tu thim skabs brjod/ /de yang rang bzhin 'gro nyid kyi/ /tshig gis mig la sogs pa bzhin/ /ji ltar 'di mig gzi brjid kyi/ /rang bzhin du nges nyi ma la/ /'gro bar 'gyur zhes brjod pa yin/ /de bzhin rna ba phyogs bdag nyid/ /phyogs ni kun 'gro gcig pu nyid/ /nam mkha' ji srid du gnas pa/ /rna ba'i bu gas yongs bcad pa/ /rna ba yin no mkha' phyogs bzhin/ /nam mkha' cha nyid brtags pa la/ /ji srid cung zad rigs pa yin/ /phyogs kyi cha la'ang de mtshungs te/ /lung gis khyab par 'gyur ba yin/ / des na bsod nams bsod nams min/ /dbang byas rna bug gis yongs bcad/ /phyogs rdzas cha yi rna gang yin/ /de ni legs par bya bar 'gyur/ /yul yang legs par byed pa na/ /des na gcig la legs byas yin/ /mi yi nus pa tha dad phyir/ /thams cad kyis ni rtogs 'gyur min/ /ji ltar skye bar gyur pa 'di/ /phyogs dang yul la sogs pa yi/ /dbye bas kun la yod na yang / /thams cad kyis ni rtogs bya min/ /de bzhin gang dang nyer gnas pa/ /sgra tsam gyis ni legs byas gang / /de dag nyid kyis sgra thos 'gyur/ /ring na gnas par cis mi 'gyur/ /sgra yi skye ba bkag pa'i phyir/ /gzhan du mi 'thad pa yin na/ /sgra tsam rnams kyi khyad par las/ /legs par bya ba nges skyed 'gyur/ /'dir ni de yod de 'byung nyid/ /nus pa yod nyid rtogs byed pa/ /rna ba'i nus pa bzhin du 'dod/ /de ru blo ni yang dag bsdus/ /gnyis ka legs par byas phyogs las / /nyes pa gnyis char brdzun pa yin/ /gang gis gang rung ma tshang na/ /thams cad kyis kun rtogs mi 'gyur/ /ji ltar nyid gcig chu sogs la/ /dbyer med de yang du ma yi/ /bdag nyid du ni snang bar 'gyur/ /sgra yang de bzhin shes par bya/ /gsal byed sgra tsam grags pa las/ /de yi yul ni nges gzung 'gyur/ /bar mtshams med pa'i nam mkha' las/ /khyab nus sgra tsam la ni med/ /des na ma bcad pa'i ngo bos/ /de ni thams cad du rtogs min/ /sgra tsam yul gyi tha snyad nyid/ /thos pa der ni rjes su byed/ /bar mtshams ma khyab pa nyid kyis/ /rnam gcod kyang ni nges par 'gyur/ /de dag nyung la yul gcig pas/ /sgra yang ma khyab pa ru nges/ /'gro dang shugs nyid bcas pa yis/ /de dag gang dang gang las 'byung / /nyan po de dang de las ni/ /sgra ni 'byung ba bzhin du sems/ /gzugs brnyan re re tha dad pa/ /so so'i snod du cig car du/ /snang ba rgyu mtshan gang gis ni/ /'dzin par 'gyur zhes brjod pa na/ /'dir smras gang tshe re zhig ni / /chu la yid 'ong g.yo ba yi/ /mig gi snang ba gang byung ba/ /de ni ldog par gyur pa na/ /nyi ma rnam pa du ma ni/ /ci ste snod du tha dad gzugs/ /rang gnas la gnas 'dzin gyur na/ /de tshe du ma ga las byung / /sor mos cung zad mnan mig gis/ /ji ltar gcig ni du ma ru/ /snang 'gyur mi 'jug tha dad pa/ /kho bos sgra yang de bzhin no/ /gzhan dag 'di la rgol ba na/ /gzugs brnyan 'char bar 'dod pa can/ /gal te de nyid rtogs gyur na/ /ci phyir steng du snang mi 'gyur/ /khron pa la sogs gting du ni/ /gzugs brnyan med na ji ltar snang / /shar bltas me long la bltas na/ /nub tu bltas par ji ltar 'gyur/ /chu la nyi ma snang ba ni / /mig gcig steng dang 'og gi ni/ /phyogs gnyis su ni rtags 'jug 'gyur/ /rten ni yon por gnas nyid phyir/ /de la steng phyogs gsal ba yi/ /bdag gis nyi ma mthong bar 'gyur/ /brgyud nas bkod par gyur pas na/ /'og na gnas pa mthong bar 'gyur/ /de ni gcig nyid phyir steng na/ /gnas pa 'og tu snang bar 'gyur/ /des na 'og ni kho na ru/ /bar mtshams bcad par nyi ma snang / /de bzhin shar du song 'jug pas/ /nub phyogs song 'jug la bkod pa/ /gdod mthong ba na 'khrul pa yis/ /nub phyogs lta bar rtogs pa yin/ /du ma'i yul rnams la gnas pa/ /gzugs brnyan yod pa yin na yang / /mtshungs pa'i blos ni rtogs nyid phyir/ /du ma nyid du yod pa min/ /yul gyi dbye bas tha dad nyid/ /de ni rjes su dpag las byung / / de 'di yin zhes shes pa ni/ /mngon sum yin nges gnod par 'gyur/ /ji ltar rim gyis skyes bu ni/ /tha dad yul du 'gro ba yang / /lha sbyin tha dad mi 'gyur te/ /de ltar sgra yang tha dad min/ /gcig pu nyid du rtogs 'gyur bas/ /ji ltar yang yang mthong 'gyur ba/ /de ni dus dbyes phye mi 'gyur/ /de bzhin sgra yang yul gyis min/ /gal te rim gyis 'gal med na/ /khyab pa nyid du'ang lta bar gyis/ /mthong ba grub phyir chos gang yin/ /rnam pa kun gyis de khas long / /ji ltar khung yang bskos pas/ /shin tu ma byas pa yin yang / / nam mkha'i la ni che blo nyid/ /dog pa la ni blo chung 'gyur/ /des 'dir gzhan gyi khyad par gyis/ /sgra 'jug de ltar blo 'khrul yin/ /sgra la gnas pa'i rags nyid dang / /phra ba nyid ni mtshon 'gyur min/ /blo yi gsal dang mi gsal nyid/ /che chung nyid du brtags pa yin/ / bum sogs la yang brtag par ni/ /'od chen pos ni gsal byas nas/ /de yang gsal po kho nar 'gyur/ /'od chung gsal byas min gsal 'gyur/ /de bzhin ring sogs thams cad ni/ /sgra la chos rnams gnas yin zhes/ /don dang 'brel par ma mthong na/ /sgra ni rjod par byed 'gyur min/ /de lta yin na sngar med pa'i/ /kun gyis rang don rtogs par 'gyur/ /mi rtag yin na 'di la ni/ /'brel pa mthong bar 'thad pa min/ /gal te 'brel shes grub pa na/ /nges par dus gzhan la gnas min/ /gzhan la 'brel par rtogs pa na/ / gzhan la rjod par byed 'gyur min/ /ba lang sgra la 'brel shes na/ /rta yi sgra ni rjod byed min/ /'on te gzhan yang rang bzhin gyis/ /cung zad kho na rtogs byed na/ /de la rgyu mtshan med pas na/ /de gang yin zhes nges mi 'gyur/ /gang phyir nyan pa po rnams la/ /de lta bu yi tha snyad kyi/ /shes pa zhes byar 'thad par 'gyur/ /de ltar brjod pa po rigs min/ /mi shes pa yis thog mar ni/ /sgra ni gang zhig brjod par 'dod/ /gal te shes par gyur na ko/ /nges par de sngar shes pa min/ /mngon sum yan lag nyid kyi phyir/ /'od ni sngar yang gsal bar byed/ /'dra ba nyid ni ma rtogs phyir/ /de yi sgro nas rjod byed min/ /gang gcig dang ni 'dra ba yis/ /gzhan ni rjod par byed par brtags / /'brel pa nyid du ma mthong na/ /gang tshe thams cad mtshungs nyid yin/ /gal te sngar mthong don ldan na/ /de ni de tsam ga las khom/ /lan 'gar dmigs par ma grub na/ /don dang ldan par rtogs mi 'gyur/ /sgra gzhan rtogs par ma byas la/ /dus der de ni don med min / /sgra gzhan thos la de nyid ni/ /don dang ldan 'gyur ngo mtshar che/ /re zhig sgra ni ma brjod na/ /'brel pa byar ni mi 'dod do/ /brjod ma thag tu 'jig pa la/ /'brel pa yis ni dgos pa med/ /des na 'brel med 'jig nyid kyis/ /snga ma re zhig don med yin/ /phyi ma 'brel par ma byas par/ /don dang ldan par ji ltar shes/ /sgra brjod dang ni 'brel byed dang / / 'jig rten tha snyad bya ba rnams/ /rim pa'i rang bzhin nyid yin pas/ /su zhig la la cig car byed/ /yul dus sogs tha dad skyes bus/ /sgra gzhan sngar ni ma thos pas/ /sgra gcig la yang bcos ma yin / /'brel pa grub pa ma yin no/ /'di la 'brel pa brjod na yang / / sun dbyung de nyid kho nar 'jug /zhig dang med dang da ltar la/ /brjod pa srid pa ma yin na/ /smra pos don ldan sgra gang zhig /nyan pa po las rjod par byed/ /de ni brjod par nus pa min/ /brjod pa de ni don ldan min/ /'dra ba nyid ni rjod byed na/ /nyan pa po la de ru ni/ /don ldan 'dra ba'i sgra 'thad min/ /don dang ldan par 'dzin med phyir/ /rang nyid kyis de don ldan min/ /smra po nyan pa'i dus su yang / /de nyid du ni thal bar 'gyur/ /de phyir sgra don mi 'brel ba/ /rtag pa nyid du khas len gyis/ /brda las byung bar rigs min te/ /rnam pa kun gyis de med phyir/ /brjod bya rjod byed phan tshun du/ /bdag nyid kyis ni nus yod min/ /gal te mig gis brda bzhin du/ /brda yis skyes bu rtogs 'gyur na/ /mi re re la brda re'am/ /yang na bzlas nas brjod pa yin/ /'gro ba yi ni thog ma ru/ /'ga' yis cig car byas yin grang / /re re 'brel pa tha dad dam/ /yang na gcig pu kho nar 'gyur/ /gcig nyid yin na byas mi 'gyur/ /tha dad yin na blo tha dad/ /smra nyan blo ni tha dad phyir / /tha snyad 'grub par mi 'gyur ro/ /smra po'i blo la 'brel pa gzhan/ /de bzhin gzhan ni nyan pa la / /nyan pa po la 'brel byed na/ /rjod pa po yis gang rtogs 'gyur/ /de yis sngar ni mthong ba gang / /de ni nyan pa la mid min/ /gsar du gang zhig byed pa na/ /de yang ston byed mthong ba min / /bum sogs la mtshungs nyid ce na/ /de min phyir ni rab grub phyir/ /gal te nus pa rtogs pas ni/ /gsal bar byed par mi nus so/ /gang zhig byed pa de la yang / /nus pa 'bras bu la yod yin/ /de lta bu yang rnam pa yis/ /chu mchu la sogs nus grub yin/ /de la thog ma nyid yod min/ /khyed la 'brel pa thog mar bcas/ /gal te de la yang spyi ni/ / rtag par khas len byed pa na/ /de lta na yang bdag 'dod grub/ /rnam pa gnyis ni mi srid do/ /nus pa nyid ni 'brel pa ste/ /de la dbye ba snang mi 'gyur/ /de yang 'bras bus rjes dpag yin/ /de yi dbye ba rjes byed 'gyur/ /gzhan du mi 'thad pa yis ni/ /nus pa yod par brtags pa yin/ /gcig gis don ni grub pa na/ /mang por brtags pa 'dod pa min/ /'brel pa brjod pa'i dus su yang / /ba lang sgra sogs brjod pa na/ /'ga' zhig 'brel pa'i blo yis ni/ /don rtogs de bzhin gzhan gyis min/ /de la 'brel pa med pas na/ /kun gyis don ni nges mi 'gyur/ /gal te yod na kun gyis rtogs/ /de min 'ga' sogs ma bzung phyir/ /shes byed nyid kyis 'brel pa na/ /rang bdag nyid ces rtogs pa yin/ /des na 'di ni yod na yang / /ma bzung bar ni gsal byed min/ /la lar don ni yod na yang / /ma bzung ba ni mthong ba yin/ /shin tu med pa yang yod nyid du/ /'ga' zhig la yang mi 'thad do/ /dngos po gcig la yod med dag /'gal ba gnyis ni mi 'gyur ro/ /shes dang mi shes nyid dag la'ang / /'gal nyid mtshungs pa ma yin nam/ /shes pa skyes bu'i rten yin pas/ /de dbyes de dbye 'gal ba min/ /skyes bu gzhan la gnas pa ni/ /shes pa de yis gnod 'gyur min/ /long dang ma long nyer gnas pa'i/ /dkar po long bas mi mthong ste/ /cig shos kyis ni mthong bar 'gyur/ /de dag la de yod med min/ /mi yi nus dang mi nus pa'i/ /dbye bas der ni 'gal bar 'gyur/ /'brel pa ma rtogs las rgyu gzhan/ /'dir shes pa la yod pa min/ /de bzhin dbang po dang mtshungs pa/ /tha snyad la ni dmigs pa ni/ /gang dag la yod de dag des/ /don rtogs gzhan min long ba bzhin/ /mi shes pa ni thams cad la/ /snga ma snga ma'i grags pa yis/ /'brel pa grub ces de bzhin du/ /'brel pa thog ma med pa yin/ /zlos nas brjod par 'jug pa ni/ /mi rigs tha snyad yod phyir ro/ /'byin pa'i dang por byar med de/ /de 'dra'i dus ni 'dod pa min / /'gro ba thams cad res 'gal yang / /mi 'dra bar ni 'dod pa min/ /rab tu thim pa chen po zhes/ /don dam par ni rtogs 'gyur min/ /mtshan mo rab thim zhes bya yin/ /las kun thim pa nyid kyi phyir/ /nyin mo 'byin pa zhes bya ste/ /las rnams kun ni 'jug pa yin/ /yang na yul zhig rigs rgyud ni/ /chad pa'i ngo bor rab thim yin/ /thams cad chad pa'i bdag nyid kyi/ /thim pa'i tshad ma bdag med de / /dran pa ma nyams pa 'ga' zhig /'byin dang bsdu ba'i byed po ni / /dbang phyug la sogs brtan rigs min/ /yang na 'brel pa rtogs par byed/ / go rims mi rtag pa nyid kyis/ /rjod byed mi rtag 'gyur min nam/ /tshig ni rjod byed 'dod pa ste/ /rim pa la ni rag las blo/ /kun 'gro nyid phyir khyed la ni/ /rang nyid kyis yin rim ldan min/ /mi rtag sgra tsam gyis 'bras phyir/ /des na rim pa 'jig pa yin/ /de yi brjod 'dod dbang gis ni/ /skyes bu la de rag las 'gyur/ /des na yi ge rtag pa nyid/ /khyed la 'bras bu med par 'gyur/ /rim pa med pa'i yi ge ni/ /ston par byed par shes 'gyur min/ /khyed la rim pa tshig nyid de/ /de phyir de ltar thal bar 'gyur/ /gang dag rim pa dang bral tshig / yi ge dang bral tshig yin te/ /de dag la ni sgra rtag nyid/ /rtogs pa de ni don dang ldan/ /re zhig go rims nyid tshig tu/ /bdag cag la ni thal 'gyur min/ /gang gis dngos po gzhan rten pa/ /de ni gsal byed mthong 'gyur min/ /de dag la ni chos tsam 'di/ /dngos po gzhan du mi 'dod do/ /des ni 'di ltar rtogs pa na/ /yi ge rnams ni go byed 'gyur/ /rim pa 'bras bu nyid min te/ /sngar grub yongs su 'dzin pa'i phyir/ /smra po 'ga' zhig rang dbang gis/ /rim pa shes par 'gyur min te/ /ji ltar gzhan dag gis brjod pa/ /de ltar 'dir ni brjod par 'dod/ /gzhan yang de ltar nges na yang / /'brel pa bzhin 'di thog ma med/ /des na brtser gnas brten min yang / /tha snyad du ni de rten yin/ /skyes bu rnams kyi rang dbang nyid/ /kho bos 'bad pas bkag pa yin/ /'o na yi ge rnams kyis ni/ /brtser gnas brtan min de ltar grub/ /yi ge rtag pa yod min na/ /tha snyad las ni rim par byung / /rdul phran rtag par yod na ni/ /ji ltar bum sogs gsal bkod yin/ /de med rtsa ba med pa yi / /bkod pa'i nges par bzung ba yin/ / gzhan gyis brjod pas dgag gis brjod/ /brjod 'dod de 'dra nges par 'gyur/ /de lta na yang brtan nyid 'gyur/ /chad ma gzhan gyi khyed la med/ /ji ltar rigs kyi bum sogs kyi/ /tha snyad nye bar mtshon pa yin/ /de bzhin go rims la sogs pa'i/ /tha snyad rigs kyi sgo nas grub/ /re zhig rkan la sogs pa'i rigs/ /skyes bu thams cad la gnas 'gyur/ /smra po de dag rnams kyis ni/ /sgra tsam mtshon nas skul bar byed/ /ji srid yig yod sgra tsam gyis/ /rigs tha dad pa sgra la ni/ /mngon par gsal ba'i rgyur 'jug pa'am/ /yang na gsal ba de ldan yin/ /de la rkan sogs ldan pa dang / /rnam dbye'i rim pa sngon 'gro can/ /sgra tsam rnams la go rims 'gyur/ /rigs kyi gnyis ka'i rtags nyid kyang / /ji ltar bskor ba sogs rnams kyis / /dbye rigs sogs kyis mtshon byas pa/ /rim pa'i rjes dran 'gyur de ltar/ /rkan sogs sgra tsam yig rten yin/ /phra ba nyid phyir gsal rnams la/ /rigs kyis chos ni nges bzung yin/ /de yi dbang gis yig rnams la/ /khyab nyid yin yang rim pas 'dzin/ /de ltar sgra tsam gyis yon tan/ /thams cad rtag nyid du gnas pa/ /yi ge'i rjes su byed pas na/ /don gyis dbye ba rtogs par 'gyur/ /yi ge rnams kyi go rims dang / /thung dang ring dang ches ring dang / /sgra tsam khyad par can dus kyi/ /rnam dbyer de dag shes par 'gyur/ /dus ni ci yin khyab cing rtag /rab tu dbye ba'ang rtogs par 'gyur/ /dngos po kun la yi ge bzhin/ /la las 'ga' zhig gis gsal byas/ /yi ge rnams la gsal 'gyur na/ /de ni don rtogs yan lag 'gyur/ /gzhan du yang ni yod pa'i phyir/ /de yi rang bzhin rtag nyid yin/ /de phyir 'ga' zhig 'jig de 'dra/ /tshig gi chos ni yod pa min / /des na yi ge rtag smra la/ /tshig rtag nyid du grub pa yin/ /gzhan gyi chos kyang yan lag nyid/ /rta yi shugs sogs bzhin du brjod/ /sgra kun rtag pa nyid la ni/ /don gyis go ba tshad ma yin/ /sgra ni mi rtag nyid sgrub na/ /rang gi tshig la sogs dang 'gal/ /bsgrub par bya ba'i don rtogs phyir/ /dam bca' thams cad brjod pa yin/ /mi rtag na de rang gi don/ /smra nus min zhes dpyad zin to / /des na don rtogs pas grub phyir/ /rtag nyid ces byas gnod par 'gyur/ /don gyis rjod byed nus par ni/ /khas blangs byas nas bsgrub pa na/ /sngar ni khas blangs byas pas kyang / /gzhan gyis 'jig nyid la gnod 'gyur/ /bstan bcos so so la brten pa'i/ /don rtogs med pa rnams kyis ni/ /'jig pa nyid du smra kun la/ /lung gis kyang ni gnod par 'gyur/ /sngar bshad pa yi phyogs kyis ni/ /'jig rten kun la grags pas brjod / /sngar bshad gtan tshigs kho na yis/ /rjes dpag dang yang 'gal bar 'gyur/ /rna ba las skyes ngo shes pas/ /sgra ni rtag par nges byas phyir/ /mngon sum gyis kyang 'gal ba nyid/ /snga ma kho nar bstan zin to/ /'jig pa nyid du bsgrub pa yis/ /sgra de gang yin zhes brjod dgos/ /yon tan gsum mam de gang zag /ngo bo'am yang na mkha'i yon tan/ /'on te yig gzhan sgra bdag nyid/ /yang na brjod min rlung ngo bo/ /tshig ngag bdag nyid gsal ba'am/ /yang na 'dra nyid gzhan sel yin/ /de rnams mi rtag nyid yod mod/ /kho bo'i de rtag nyid mi 'dod/ /ma grub khyad par nyid dang ni/ /gzhi ma grub pa'i gtan tshigs 'gyur/ /'on te bdag 'dod phyogs khyod 'dod/ /rang nyid kyis ni de gnyis 'gyur/ /'on te sgra tsam mi rtag brjod/ /de yin sgra yin khyed cag la/ /mi rtag yin pas kun gyis ni/ /de yang rtag par 'dod dang 'gal/ /gal te shin tu 'jig nyid du/ /mi rtag nyid du brjod pa ni/ /de yis khyad par ma grub pa'i/ /phyogs 'gyur kho bo la ni yin/ /gal te ci zhig ltar 'dod pas/ /rtag pa nyid ni brjod pa na/ /mngon par mi gsal gnas skabs las/ /de ni mngon gsal bdag nyid 'dod/ /dbang po 'ba' zhig gis bzung nyid/ /gtan tshigs su ni 'dir rtog na/ /bsgrub par byas pa'i rigs kyis ni/ /da ltar 'khrul par rtogs par 'gyur/ /phyogs kyi chos nyid ma grub na/ /ji ltar phyir rgol ba la ni/ /gtan tshigs brjod par mi 'thad de/ /de bzhin rjes 'gro ldog pa yang / /gal te der bsgrub smra ba la/ /rigs grub ma gyur de lta na'ang / /ji srid de ni brtsal ma byas/ /de srid gtan tshigs nyid 'gyur min/ /dbang po las byung nyid sogs la'ang / /dngos po ji ltar yin dpyad bya/ /bsal las gzhan pa'am gzhan nyid min/ /tha dad tha mi dad gsal dpyad/ de la thun mong ming ma grub/ /mthun phyogs bsgrub par bya dang bral/ /smra ba po la ltos nas ni/ / rnam par brtags pa'i rjes 'brangs brjod/ /brtsal ma thag byung shes pa ni/ /byas dang mi rtag sgrub pa gang / /skad cig ma ni ldog pa yis/ /so sor brtags dang ma brtags pa'i/ /'gog dang nam mkha' dang gsum pos/ /de ni ma nges pa nyid yin/ /blo ni sngon song 'jig pa la/ /so sor brtags pa'i 'gog pa'i blo/ /blo ni sngon du ma song ba'i/ /'gog pa so sor ma brtags yin/ /'jig nyid phyir na de dag gnyis/ /ma byas par yang mthong ba yin/ /rang bzhin gyis grub 'jigs pa yis/ /rgyu med ces ni de dag smra/ /me dang 'brel pas shing las ni/ /sol ba'i rgyun ni 'byung bar 'gyur/ /rang bzhin las 'byung 'jig pa ni/ /skyes ma thag pa tsam du gnas/ /phra zhing 'dra ba'i rgyun 'jug phyir/ /nye bar mtshon par mi 'gyur ro/ /gang tshe mi mthun pa yi rgyus / /'dra ba'i rgyun la bsnun pa na/ /mi mthun pa yi 'bras bu yis/ /de tshe rags par mngon gsal 'gyur/ /des na rgyu las mi mthun rgyun/ /gang phyir skye bar 'gyur ba yin/ /de nyid kyis ni ma byas na'ang / /'jig pa nges par gsal bar 'gyur/ /de ni tho bas bsnun sogs pa'i/ /brtsal ma thag tu 'byung ba yin/ /gang phyir ma byas par ni snang / /des na gtan tshigs 'khrul pa yin/ /nam mkha' yang ni rtag yin na/ /gang tshe sa dang chus gang ba/ /sa brkos chu ni 'chu sogs kyis/ /de bsal nas ni gsal bar 'gyur/ /de tshe brtsal ma thag byung zhes/ /de la yang ni snang bar 'gyur/ /de phyir der shes gang brjod pa/ /gtan tshigs ma nges pa nyid yin/ /'dir mthun phyogs kyang brtags bya ste/ /thos pa'i don ni bsgrub bya med/ /gsal ba'i mtshan nyid phyogs yin yang / /rigs dang gzhan nyid gzhan min dpyad/ /gzhan yin chos can bdag ma grub/ /de nyid chos can gzhan ma grub/ /khyad par med na mi rtag dang / /rtag dngos de dag la mi 'grub/ /'di la rigs zhes kha cig brtag /cig shos 'jag pa ru ni 'dod/ 'dres pa'i ngo bo gcig yin zhes/ /dngos po sngar ni bstan zin to/ / de ltar mi rtag la dpyad bya/ /'jigs pa bdag cag bsgrub byas stong / /gzhan yin khyed cag bsgrub byas stong / /de ni sun dbyung tshig gi phyogs/ /gal te tshig dang don 'brel na/ /rtag pa nyid du bsgrub byas kyang / /ngag gi don la rig byed ni/ /tshad ma nyid du grub mi 'gyur/ /skyes bu rnams la brda yis ni/ /yon tan 'phel la sogs pa bzhin/ /rgyu med kyang ni mchod sbyin pas/ /med pa'i don ni yongs brtags yin/ /gzhan yang tshogs pa can phyir te/ /skyes bu las byung gtam bzhin no/ /'dir ni yid ches skyes bu med/ /des na rig byed tshad ma min / /'brel pa byar mi 'dod pa yis/ /rigs las ngag kyang rtag par brjod/ /gang gis mthong don tha snyad phyir/ /brda las byung ba'i shes pa ni/ /'phel sogs las ni srid pa yin/ /rig byed la ni mi 'thad do/ /mtho ris mchod sbyin sogs 'brel ba/ /dbang po las 'das su yis mthong / /de yang don byed ma yin te/ /de yi don shes 'byung ba'i phyir/ /tshogs pa can gyi sgrub pa la / /'di 'dra'i mi mthun bsgrub brjod bya/ /rig byed 'don pa thams cad ni/ /bla ma'i 'don pa sngon song yin/ /rig byed 'don pa brjod nyid phyir/ /de ltar 'don pa ji bzhin no/ /b+ha ra ta yang de ltar 'gyur/ /byed por dran pas gnod par 'gyur/ /rig byed po ni dran med de/ /gang de don gzhan brjod rgyu mtshan/ /'das dang ma 'ongs dus dag ni/ /rig byed byed po dang bral ba/ /dus nyid phyir na 'di ltar de/ /de ltar snang ba'i dus bzhin no/ /rig byed la ni tshangs la sogs/ /byed po min par rtogs par gyis/ /skyes bu nyid sogs gtan tshigs kyis/ /dper na tha mal mi bzhin no/ /des na rig byed kyi ni tshig /brdzun min par ni shes par gyis/ /rang don smra po ma ltos phyir/ /tshig don la ni tshig blo bzhin/ /de byas shes pa yang dag yin/ /rtag pa'i ngag las byung nyid phyir/ /de yang dag gis blo bzhin rtag /rtag pa nyid du gyur pas so/ /bskul ba las ni byung ba'i blo/ /tshad ma yin te skyon bral ba'i/ /rgyu rnams kyis ni bskyed byas phyir/ /rtag yid ches sogs dbang blo bzhin/ /de bzhin yid mi ches smras pa'i/ /ngag gis skyes phyir yul dus sogs/ /dbye sogs la ni gnod med phyir/ /yid ches dag byung shes pa bzhin/ /rig byed tshad mar gnas pas na/ /slob dpon slob ma'i brgyud pa yi/ /thog ma med nas brtags pa yang / / skyon med nyid du 'gyur ba yin/ /des na 'jig rten kun mig gcig /rig byed 'dra ba snang ba la/ /gzhan dag 'ug pa bzhin du ni/ /ma mthong chos min las skyes lo/ /gnyis skyes las ni de kun ni/ /log pa nga rgyal gyis spros yin/ /'dir ni srin bu'i yig 'drar yang / / de dag legs bshad cung zad med/ /byed po med pa yin na yang / /de ni bden don 'gro ba yin/ /de rgyu yon tan bral ba'i phyir/ /skyon med pa yis brdzun don bzhin/ /skyes bu yis ni byas pa la/ /yon tan yod ces dogs par 'gyur/ rig byed byed po med pa'i phyir/ /bdag la yon tan yod dogs med/ /des na bden dang log don nyid/ /rgyu rnams mi la rten pa'i phyir/ /shes rab snying brtse med la sogs/ /med phyir de gnyis yod pa min / /des na don med 'thob 'gyur te/ /khur ba drug sogs ngag bzhin no/ /gal te bya ba byed dang ldan/ /don rnams rtogs par 'gyur zhe na/ /de ni rang bzhin gyis don dang / /ldan pa min yang khyed la ni/ /rtogs pa der 'gyur skyes bu yi / /bshad pas lha mi'i bshad sogs bzhin/ /skyon med na yang bden pa'i don/ /grub min gzhan yang yod pa'i phyir/ /gang phyir don med ces bya ba/ /phung po gzhan yang yod pa min/ /'on te rig byed rang nyid kyis/ /mi rnams la ltos med pa can/ /bden don rnam shes skyed nus yin/ /des na 'di yi bden don 'dod/ /de ltar na ni bar med par/ /shes pa de ni brtag 'byung 'gyur/ /rgyu ni rtag tu gnas nyid phyir/ /dper na mngon 'dod skad cig la/ /yang na rnam shes gcig pu la/ /de skyes ma lus 'byung bar 'gyur/ /rgyu ni nus pa can yod phyir/ /rig byed 'di ni mi rtag 'gyur/ /nus pa slar yang blo 'byung 'gyur/ /'on te lhan cig byed pa ni/ /bshad sogs la ni ltos pa na/ /de dag la ni rim yod pas/ /rnam shes de yang rim ldan 'dod/ /de lta min zhes nus de la/ /ltos pa ci 'dra ba 'byung 'gyur/ /gal te de ldan de nus na/ /khyed la rtag ste 'di gang gis/ /gal te sngar ni nus med pa'ang / / des dag gis ni nus ldan byas/ /khyed la skyes bus byas thal 'gyur/ /shes pa'i yan lag skyes rten phyir/ /ji srid skyes bu rnams kyis te/ /mar me 'gyur bas gsal byas min/ /de srid rig byed du gnas pas/ /khyed la shes pa skyed byed min/ /gang phyir shes pa de yi rgyu/ /skyes bu'i shes pa las 'byung 'gyur/ /des na skyes bus ma byas nyid/ /yang dag don shes rgyun mi rtag /skyes bus ma byas pa nyid de/ /rig byed la yod kyang don med/ /'di yi 'dod pa'i 'bras bu gang / /de shes skyes bu la brten 'byung / /gal te rtag tu nus na 'dir/ /ci ste gzhan la ltos pa yin/ /des na khyed la nus rgyu gcig /yod kyang shes pa nyid 'byung 'gyur/ /'dir ni rang dgar skyes bu rnams/ /rig byed ji gar 'chad byed na/ /de dag rnams ni dgag pa ru/ /su zhig gis ni nus pa yin/ /des na gti mug nga rgyal sogs/ /skyon gyis 'di dag bslad pa yin/ /thos pa phyin ci log bshad pa/ /byed ces dgos par 'gyur ba yin/ /de dag dbang po las 'das pa/ /mthong ba'i mi gcig kyang 'dod min/ /bskul ba ma ltos mtho ris dang / /mchod sbyin sogs 'brel shes nyid med/ /gang phyir dbang po las 'das don/ /khyed kyis dngos su mthong 'dod min/ /rtag pa'i tshig gis gang mthong ba/ /de ni mthong bar 'gyur ba yin/ /gang gis rig byed mi la ni/ /ma ltos rang nyid don brjod min/ /long ba 'khar ba thogs pa ltar/ /skyes bu'i bshad pa la ltos yin/ /de ni de yis drangs gyur na/ /lam log par ni ltung bar 'gyur/ /des na rig byed snang bzhin du/ /mig gcig 'gyur ba 'thad pa min/ /rang dgar shes pa skyed na yang / /tshad ma nyid du gsal ba ru/ /'di nyid la ni mi srid de/ /skyes bu la ni ltos phyir ro/ /ji bzhin don rtogs rgyu nyid de / /tshad ma nyid du brtags pa yin/ /skyes bu'i bshad pa la ltos pas/ /'di la tshad mas brtags legs min/ /rig byed tshad mar mi gnas pas/ /slob dpon slob ma'i brgyud pa 'di/ /thog ma med par brtag bya ba'ang / /skyon med nyid du rigs pa min/ /gang phyir de na gcig kyang ni/ /dbang po las 'das mthong 'dod min/ /de phyir thog ma med pa yi/ /dmus long brgyud pa bstan pa yin/ /long bas long ba khrid pa na/ /yang dag lam ni nges rtogs min/ /de lta min pas 'di la ni/ /thog med brtags pa 'bras med yin/ /yid dang rgyas pa la sogs kyang / /gzhan las rig byed de nyid shes/ /de dag gis don 'di bkod min/ /zhes pa 'di la tshad ma'ang med/ /bden don rtag pa'i 'brel can gyis/ /tshad ma nyid ni yin yang bla/ /dbang po las 'das sbyor ba de/ / 'dir ni 'ga' yis nges pa min/ /gang phyir don de dbang 'das pa/ /der gnas sbyor de'ang dbang po 'das/ /khyed la mi kun de dag gis/ /rang gis dbang po 'das mi mthong / /thos pa de yi bdag gi ni/ /don 'brel 'di yin zhes brjod min/ /skyes bus brtags pas don 'brel nyid/ / skyes bus byas pas tha dad min/ /de phyir ji ltar mis byas pa/ /phyin ci log pa nyid du dogs/ /mi rnams kyis ni nyer btags la'ang / /de bzhin dgos der cis mi 'gyur/ /rig byed tshad mar gnas na yang / /slob dpon slob ma'i brgyud pa ni/ /thog ma med par brtags pa de/ /dmus long brgyud pa 'dra bar 'gyur/ /me la sbyin sreg sogs tshig gis/ /the tshom sogs med mtho ris la/ /mngon sum gyi ni blo bzhin du/ /mi g.yo blo skyes ma yin nam/ /rig byed kyis de byed pa na/ /ji ltar tshad ma nyid dmigs yin/ /gang phyir tshig des don de ni/ /'ga' zhig the tshom za rtogs yin/ /phyin ci log gang gzhan bzhin du/ /the tshom skyes phyir de bzhin min/ /rtogs pa dang ldan 'ga' zhig gis/ /de la bye brag mthong ba med/ /dbang po las 'das don la ni/ /yod med nges pa rigs pa min/ /gal te rig byed dag nges na/ /gzhan las gzhan 'dra ci ste min/ /dad pas dbang med blo can ni/ /gtsang sbra can rnams mi g.yo ba'i/ /blo nyid skye bar 'gyur ba yin/ /gzhan la gzhan dag la de mtshungs/ /'di ltar bde gshegs pa sogs la/ /mchod sbyin srog bcad dang ldan pas/ /ngan song sdug bsngal 'byung 'gyur pa'i/ /blo ni mi g.yo skye bar 'gyur/ /blo 'di la ni 'ba' zhig kyang / /gnod pa da ltar snang 'gyur min/ /gal te la lar res 'ga' dogs/ /rig byed ngag la'ang de dang mtshungs/ /gal te mi 'dod rag las pa/ /brda ni mi rtogs reg [(]byid [,]byed [)]'dis/ /rang gi don ni gsal byed ni / /de tshe tshad ma nyid rigs yin/ /de tshe gti mug nga rgyal sogs/ /skyon gyis bslad pa'i blo rnams kyis/ /gzhan du bshad par byas na yang / /rang gi don ni 'dor mi byed/ /gang phyir de yi yul can nyid/ / blo ni myur du skyed par byed/ /skyes bu rnams kyis 'dod pa yi/ /'di ni don gzhan gsal byed min/ /mi 'dod la ni ltos pa na/ /skyes bus byas dang bye brag med/ /de la rag las gsal ba yin/ /de yang phyin ci log par 'byung / /gzhan yang skyes bus ma byas la/ / ji ltar rang bzhin gyis bden don/ /'dod yin de bzhin brdzun nyid ni/ /ci ste dogs par byed pa min/ /bdag nyid kyis bden don rtogs pa'i/ /rgyu nyid yin pas 'di bden na/ /de ltar bdag nyid kyis log par/ /rtogs pa'i rgyur yang dogs par 'gyur/ /gzhan yang rig byed tshad ma ni/ /gang tshe khyed la gal che na/ /de tshe skyon med byed po sogs/ /nges par bsgrub la 'bad par gyis/ /skyon med pa yi byed pa pos/ /'di byas skyon med gsal byas kyis/ /gsal bar byas na 'jig rten 'dir/ /yang dag don shes sgrub byed yin/ /shes rab snying rje sogs ldan pa'i/ /skyes bus byas pa'i tshig dam pa/ /de ltar legs par nges byas na/ /ji bzhin don shes rgyu ru 'gyur/ /mis ni ma byas pa tsam gyis/ /ji bzhin don shes rgyu min te/ /nags kyi me la sogs pa ni/ /log pa'i shes pa'i rgyur yang mthong / /me yi snang ba yod pa na/ /mtsho skyes sngon po'ang dmar snang 'gyur/ /gal te me sogs byas nyid kyis/ /de yi rgyu ru 'thad 'gyur na/ /don rnams kyis ni byas nyid kyis/ /log pa'i shes pa'i rgyu mtshan nam/ /de ltar du ba me la ni/ /ji bzhin gsal bar byed 'gyur min/ /de ltar rig byed ma byas pa/ /de kho na nyid shes pa yi/ /rgyu mtshan gnas pa ma yin pas/ /de phyir 'di brtags don med yin/ /des na skyes bus ma byas nyid/ /gsal dang rtag nyid gyis grub pa/ /sgra don 'brel pa brtag pa yang / /don med nyid du brjod pa yin/ /de ni yod pa na yang 'di/ /ji bzhin shes don rgyu nyid du/ /mi 'dod par ni 'das ma thag /rgyas pa ru ni bshad zin to/ /des na de nyid rab spong la/ /kho bo la ni cher mos med/ /gnas skabs nye bar mkho min la/ /su zhig gegs ni byed pa yin/ /thos pa de la ji bzhin don/ /shes pa'i rgyu nyid 'thad pa yin/ /skyes bus ma byas yin na yang / /de ni ma grub ces bsgrubs zin/ /phra ba'i blo yi mig can gyi / /blo rnams lam gang la dpyod pa'i/ /de yis bdag gis brlabs nas ni/ /'dir ni cung zad bsdus nas brjod/ /tshad ma rnams ni log na yang / /gzhal bya ldog par mi 'gyur ro/ /gang phyir khyab dang byed rgyu nyid/ /de dag la ni der yod min/ /des na thos pa'i byed po ni/ /tshad ma lnga pos ma rtogs kyang / /byed po mi shes rab sogs bzhin/ /dngos med nyid kyis rtogs mi 'gyur/ /'on te don bcas nyid kyis sam/ /rnam par dbye don nyid kyis kyang / /de rnams kyi ni byed po dpog /ci ste thos pa'ang de bzhin min/ /sems can kun gyis ma rtogs nyid/ /the tshom za min de res 'ga'/ /su zhig tshad ma 'ga' yis kyang / /rtog pa yin yang the tshom 'gyur/ /srid gsum nang na gnas pa yi/ /srog chags thams cad gsal po ru/ /rnam pa kun gyis yongs shes gang / /des ni nges par byed 'di nus/ /rang nyid kyis ni ma rtogs nyid/ /'khrul pa yin zhes 'di lta bur/ /skyes bu gzhan gyis kun rtog gang / /de med par ni nges pa yin/ /rig byed la gdon par byed na/ /byed po yin zhes mngon sum rtog /de dag gsal byed rigs yin te/ /rtag la gsal ba mi srid phyir/ /dmigs par gyur pa'i rang ngo bo/ /de yi bya bas yang dag byung / /de dag sngar yang yod pa na/ /dmigs pa yod par thal bar 'gyur/ /rig byed de yi 'bras bu ni/ /tha snyad sogs su rung bar nges/ /de yi bya bas 'di yod phyir/ /sa bon las ni myug sogs bzhin/ /gsal byed yi ge'i dngos yod phyir/ /zlos gar gyi ni gtam sogs bzhin/ /skyes bus byas nyid rig byed la/ /rjes su dpag pas kyang rtogs 'gyur/ /gzhan du rim dngos nyid min te/ /rtag nyid phyir dang khyab byed phyir/ /gsal bas byas pa'i rim yod min/ /rtag las gsal ba mi 'thad phyir/ /lung dang nye bar 'jal ba dag /don gyis go la tshad nyid de/ /dgag par byas yin de na yang / /'di dag nyer dgod rigs pa min/ /tshad ma nyid min ldog pa'i phyir/ /rigs byed skyes bus ma byas nyid/ /gang 'dod de yang dngos nyid phyir/ /sgrub pa rnams kyis bsgrub bya min/ /de dag gis thos rang dbang yin/ /skyes bu'i bya ba mi ltos phyir/ /de yang dngos po la yod chos/ /yang na dngos bdag nyid de bzhin/ /dngos po'i phyogs ni grub don du/ /sgrub pa gang yang brjod pa yin/ /khyed la de ni gsal byas kyang / /rang nyid dngos med grub 'gyur min/ /de yod sgrub pa gsal byas nas/ /de yod nges par mi 'gyur ro/ /de yod pa ni ldog pa ni / /de tsam gyis ni nges yod min/ /tshad ma rnams ni log na yang / /don med par ni mi 'grub bo/ /des na gnyis ka la phyogs ni/ /mi 'grub pa de tsam du 'gyur/ /lus can min phyir sgra rtag min/ /bde sogs rnams kyis 'khrul phyir ro/ /de ltar brjod kyang ji bzhin sgra/ /'jig nyid rab tu mi 'grub bo/ /des na snga phyi mtha' dag la/ /gzhan gyis sgrub pa gang brjod yin/ /de ni gsal bar byas na yang / /rig byed smra de'i don rtogs min/ /ma byas dang ni mi 'jigs pas/ /gal te rtag nyid 'dod pa na/ /bkag pa tsam gyi dngos dag gis / /nus med la yang de mtshungs yin/ /des na nam mkha'i me tog bzhin/ /des na ji ltar mkha'i pad ma/ /rtag pa nyid ni dngos min te/ /de bzhin rig byed la yang ni/ /des na tshad ma nyid grub min/ /byas pa nyid dang 'jig nyid ni/ / dgag par yang ni mi grub bo/ /sgrub par byed pa sun phyung bas/ /des na rtag nyid smra mi 'grub/ /gal te ma yin dgag bdag nyid/ /de dag gis ni rtag nyid 'dod/ /de dag dngos po'i bdag nyid kyis/ /rang gis grub pa la ltos yin/ /phyogs snga ma gnyis sun phyung bas/ / dngos po'i ngo bor rtag nyid gang / /de ni bsgrub par ma byas na/ /bdag nyid kyis te bsgrub 'gyur min/ /tshul gsum ngo bo nges pa ni/ /sgrub pa gang zhig rab gsal byas/ /khyod kyi phas kyang nam du yang / /de ni dgag par mi nus so/ /rig byed las ni skyes bu ni/ /mi 'jig par ni gang bshad pa/ /de la rjes su dpag pas gnod/ /gsal bar bdag med bstan zin to/ /der ni rigs sogs gzhan smras pa'ang / /tshad mar gnod byar bsgrub byas zin/ /rjes su dpag pas de yang ni/ /'brel pa nges can sngar bshad zin/ /dngos po'i rjes 'brel pa'i de la/ /sgra tsam snying po med pas sam/ /yang na de las byung blo yis/ /rmongs pa su zhig gnod snyam sems/ /skyes bu'i ngag las shes pa yang / /dbang po las 'das 'jug pa yin/ /de yang mngon sum dang mtshungs nyid/ /ci phyir khyed cag mngon 'dod min/ /'brel ba ma mthong ba yi phyir/ /dpe la ma ltos skyon med pa'ang / /de la yang yod kho na yin/ /skyes bu la brtan phyir 'di la/ /gnod pa yod par dogs she na/ /de ltar rig byed dag la yang / /dogs pa de yang ldog mi 'gyur/ /de ni log rtog rgyu nyid kyi/ /rang bzhin du ni 'gyur ba yin/ /mi byas sgra yi don rtogs kyang / /de ni bdag la tshad ma min/ /zhes bya de ltar zhe sdang gis/ /mkhas pas byed pa nus ma yin/ /des na dbang 'das las sgra kun/ /stobs dang stobs min mtshungs yin na/ /gcig nyid la ni rjes chags 'di/ /rgyu mtshan gang gis sbyor bar byed/ /'das ma thag brjod rigs pa ni/ /rig byed tshad ma min pa'i rgyu/ /shes rab can rnams kyis gsungs pas/ /des na de dag bden smrar 'gyur/ /log par rjes chags las skyes pa'i/ /rig byed bsam pas rmongs byas pas/ /rig byed log pa nyid kyi rgyu/ /mi shes cung zad ngo mtshar med/ /sog po par sig sogs rnams la/ /ma ni bag mar legs sogs pa'i/ /de spyod rtag tu lhur len pa/ /de'i skyon cung zad mthong ba med/ /ngo shes mngon sum yin par ni/ /sngar ni bkag pa kho na yin/ /'khrul pa'i phyir dang rtogs bcas phyir/ /de yis rtag nyid nges 'gyur min/ /de ni ne tso'i smra ba yin/ /ri skegs tshig tu 'di snang phyir/ /sgra yi shes pa mang du ni/ /ldog par 'gyur ba'i ngo bo yin/ /de ni gsal byed dbye zhe na/ /gsal ba spong ba 'chad par 'gyur/ /rig pa 'di nyid kyis khyed la/ /thams cad 'dir ni gcig nyid 'gyur/ /des na khyed la gsal byed dang / /gsal bar bya ba cung zad med/ /rnam dbye dang bral cig la ni/ /dbye bar brtags pa 'gal ba yin/ /sgra 'di dag ni skyes bus byas/ /'di dag skyes bus ma byas zhes/ /de yi rnam par gzhag pa yang / /ngo shes rjes 'brang byed grub min/ /gsal byed rim pa gnas pa'i phyir/ /'ga' zhig rim pa nyid du gnas/ /rim pa nges par sbyor ba can/ /de dag skyes bus ma byas 'dod/ /rkan sogs gsal byed rim pa ni/ /skyes bus byas chos 'di min nam/ /de ni 'dod la rag las phyir/ /phyin ci log tu rtogs par 'gyur/ /me nyid la sogs spyi nyid ni/ /rgyas pa ru ni gsal byas zin/ /des na der ni ngo shes pa'i/ /spyi nyid rtag par kho bos 'dod/ /skad cig re rer 'jigs 'gyur bas/ /yi ge rnams la khyad med phyir/ /ngo shes spyi yis gang nyid ni/ /de bzhin du ni yin zad mod/ /myur dang dal sogs cha gang la/ /tha dad blo ni 'byung bar 'gyur/ /de la ngo shes pa'i shes pa/ /tha dad blos ni nges byas min/ /sgra gcig nyid ni grub don du/ /gtan tshigs rnams ni smras pa la/ /mi mthun phyogs la 'gal med phyir/ /so sor 'brel grub mi 'gyur ro/ /du ma'i spyi yi cha yang ni/ /bdag la brtan par grub pa min/ /de min ngo bo las ldog pa/ /dngos po tsam ni bsgrubs pa yin/ /gang sogs gcig nyid thob gyur na/ / rigs rten 'dod pas grub pa sgrub/ /de min ngo bo yongs ldog pas/ /dbyer med nyid du brtags pa yin/ /gsal ba gcig tu nyid 'gyur na/ /tshad ma kun gyis gnod par 'gyur/ /dbang po las byung sogs rnams kyis/ /so sor sbyor yig dbye nges phyir/ /yid 'ong yid mi 'ong sogs kyi/ /dbye gang mngon sum gyis rtogs 'gyur/ /blo rnams rim par 'byung ba'i phyir/ /tha dad 'grub 'gyur myur sogs bzhin/ /yul dang dus sogs tha dad pa'i/ /ba lang sgra gsal blo rnams kyi/ /don gcig pa min tha dad par/ /snang phyir gzugs ro sogs blo bzhin/ /drug snang la sogs dbye snang bar/ /mngon sum gyis ni nges par 'gyur/ /gsal byed kyi chos 'di min te/ /zhes bya deng ni brjod par 'gyur/ /snga de phyi re'i zhag la ni/ /ba lang sgra zhes kun 'di dag /don gcig pa min rim 'byung phyir/ /sgra dang dri sogs pa'i blo bzhin/ /de lta min na blo kun ni/ /dmigs pa gcig tu 'gyur ba yin/ /nus ldan rgyu ni nyer gnas phyir/ /rim gyis 'byung ba'ang 'gal ba yin/ /dngos po rnams ni tha dad kyang / /rang bzhin nyid kyis gcig rtogs pa'i/ /nus pa nges par yod min te/ /sngar ni rab tu bstan zin to / /gcig tu rtogs pa de las ni/ /sgra ni gcig tu nges byed pa/ /'jig rten pas ni sgra gcig la/ /sbyor ba mang po snyam du sems/ /gsal ba du ma la gnas phyir/ /'brel pa 'thad par 'gyur ba yin/ /de phyir gsal ba rnams la ni/ /'jig rten thams cad pa nyid 'gyur/ /sgra don lhan cig don dam par/ /'brel pa yod min de las ni/ /ma skyes phyir dang tha dad phyir/ /des na 'khrul pas nye bar brtags/ /khyab min srid phyir sgra don gyi/ /gnas pa kun ni bslad pa yin/ / 'di ltar de ni rgyas pa ru/ /sngar ni bstan par byas zin to/ /ba lang nyid ni rtag pa dang / /'brel par brtags pa'ang spangs pa yin/ /rdul phran mkha' sogs kyang spangs nas / /des na gtan tshigs kyi dpe min/ /ngo bo gcig nyid 'khrul pa yi / /shes pa rnams kyis nges byas phyir/ /dmigs bkar ba lang nyid brjod nyid/ /yun ring nas ni rtogs par 'gyur/ /yang dag skad cig ma nyid phyir/ /de tsam dus 'di brten min yang / /shes bya de yi brten pa ni/ /phyis ni ji ltar yang 'dod yin/ /bum sogs la yang cung zad ni/ / 'jig pa'i rgyu ni yod pa min/ /zhes bya 'di la bstan zin to/ /de ci sgra la 'byung 'gyur yin/ /ngo shes pa ni bslad pa ru/ /sngar ni rab tu bstan zin pas/ /yul dus sbyor ba po rnams kyi/ /dbye bas yi ge'ang dbye bar 'gyur/ /drug ldan drang srong sa 'dzin dang / /lnga pa la sogs rab dbye bas/ /ga yi gsal ba gzhan gsal bar/ /mngon sum gyis ni rtogs par 'gyur/ /gsal bar byed pa'i dbye ba yis/ /dbye ba'i gnas pa 'di rigs min/ /rtag pa la ni gsal yod min/ /zhes bya 'og nas 'chad par 'gyur/ /ga las tha dad pa yi spyi/ /yang dag par ga nyid 'dod min/ /de yi phyir ni sbyor ba la/ /grub pa la sgrub bzlog par dka'/ /gzhan sel bdag nyid can la yang / /ga nyid la ni rten yod min/ /rnam pa 'di nyid kyis zhe na/ /de min rten mi 'grub thob 'gyur/ /yi ge ga min las ldog pas/ /ga yig rnam pa nyid du 'gyur/ /chos can gang la chos yin no/ /yang dag par ni rjes dpag kun/ /gnyis ka la grub la ltos yin/ /dpe sogs rang nyid la ltos pa/ /des dpe'i chos can ma grub 'gyur/ /khyed kyi 'bad pa 'di kun gyis / /ga yig gcig nyid bsgrub don du/ /de la khyed la mngon sum gyis/ /gnod pa bzlog par dka' ba'ang smras/ /snga de phyi de la sogs pa'i/ /yi ge ga zhes 'di dag ni/ /rim gyis 'byung bas don gcig min/ /gzugs dang ro sogs blo bzhin no/ /des na yi ge gcig brtan par/ /gnas pa gnyis ka la mi 'grub/ /de'i phyir nyer btags nyid 'di la/ /rtag pa nyid ni brtags pa yin/ /sgra ni dmigs pa'i dus su ni/ /rna ba legs par byas pa dang / /sna bug mtha' la gnas gyur pa'i/ /rlung rnams rtogs par 'gyur ba min/ /sgra tsam legs byas rna ba yis/ /gang tshe sgra ni rtogs par 'gyur/ /de dang nyer bsres de yis ni/ /rtogs la mngon sum gyis gnod 'gyur/ /mngar ba la sogs la 'jug pa/ /kha dang ser po'i ngo bo yis/ /ji ltar shes pa yul med pa/ /de bzhin sgra yang shes par 'gyur/ /myur dang dal sogs ngo bo yis/ /gzhan pa'i sgra ni snang mi 'gyur/ /de min ngo bo de dngos nyid/ /shes phyir ji ltar yul med min/ /de ltar min na don de nyid/ /rtogs par byed pa de 'gal 'dod/ /rnam pa gzhan ni rig pa na/ /don de nyid ni ji ltar rig /rnam pa med pa'i shes pa la/ /khyed la phyi'i don rnams de nges/ /de yi bdag nyid phyi rol min/ /de bzhin du de ji bzhin rig /shes pa rnam bcas phyogs la yang / /phyi rol rnam pa rjes mthun par/ /shes pa la ni snang gyur pas/ /don rtogs zhes ni brjod pa yin/ / 'dir ni phyi rol rjes mthun par/ /shes pa 'jug par mi 'gyur te/ /des na yul med pa yi sems/ /thams cad 'khrul pa yin zhes gdags/ /rtag pa la ni khyad par du/ /gsal byed yod pa rig pa min/ /de yi legs byas rjes mthun pas/ /des sgra la blo tha dad min/ /bum pa la sogs gzung don du/ /ji ltar mig la mar me yi / /nus pa skyed byed de bzhin du/ /sgra dmigs phyir ni sgra tsam gyis/ /rna ba la ni nus pa bskyed/ /sgra ni rtag tu dmigs rung bar/ /rang bzhin gyis ni gnas she na / /rna ba legs par ma byas kyang / /de ni ci yi phyir mi dmigs/ /de phyir legs byas rna ba ni/ /yod pa'i dus bzhin de yang ni/ /rung ba'i rgyu ni yod pas na/ /dmigs pa kho na yod par 'gyur/ /gal te de dmigs rung min na/ /phyogs kyang de ni ji ltar 'gyur/ /'gyur na rung ba nyid ldan pa'i/ / sgra gzhan skye bar 'gyur ba yin/ /yang na phyis kyang shes pa ni/ /de yi stobs las byung ba min/ /legs byas rna ba la sogs las/ /de ni skye bar brjod pa yin/ /de ltar sgra ni shes bya ru/ /mi 'gyur nye bar mkho min phyir/ /ro sogs las ni de la ni/ /khyad par cung zad kyang yod min/ /legs byas rna ba la sogs las/ /sgra la ltos med de dag gis/ /shes pa 'di ni sgra rtogs pa'i/ /rang bzhin zhes bya bskyed pa yin/ /don shes shes bya'i ngo bo 'di/ /de lta na yang sgra 'jug 'gyur/ /khyed la de yi rnam shes kyang / /zhes bya rjes su 'jug par 'gyur/ /de lta min na rnam shes ni/ /rjes 'jug ma yin de shes bya/ /sgra de rjes su 'jug 'gyur zhes/ /khyed la de ltar 'gal bar 'gyur/ /shes dang shes bya'i rang bzhin ni/ /de dag lu gu rgyud bzhin 'brel/ /gcig yod pa na gnyis pa'i ni/ /thob 'gyur ma 'khrul pa yi phyir/ /legs byas rna bas bskyed pa yi/ /shes dang 'brel nyid yin na ni/ /rna ba legs par ma byas kyang / /gsal bar shes pa 'phel bar 'gyur/ /gal te de yi shes bya yi/ /bdag nyid sgra ni min zhe na/ /de lta na ni rna ba'i shes/ /de rtog rang bzhin 'gyur min te/ / de dag nyid min ro sogs bzhin/ /shes pa la ni sgra dang ni/ /'brel pa gang yod gang gis na/ /de ni sgra blo'i ngo bor 'dod/ /de dag nyid ni dbye ldan min/ /de ni de las byung min te/ /sgra ni skyed byed nyid min phyir/ /de las byung ba'i nges pa'i phyir/ /de ni gtan du 'byung bar 'gyur/ /de lta na de'i yul can shes/ /rtag tu 'byung ba'am yang na min/ /de ltar nges par gnas pas na/ /rna ba legs byas rtags don med/ /res 'ga' legs par byas pa ni/ /yod pa nyid na res 'ga' yang / /shes pa 'byung 'gyur zhes bya ba/ /legs byas brtags pa mdzes pa yin/ /legs byas nus pa'i mtshan nyid can/ /shes 'bras nges par byas she na/ /shes pa de yang rtag yod pa'am/ /yang na rtag tu med par 'gyur/ /rnam par shes pa res 'ga' ba / /de yi legs byas ji ltar ston/ /rna ba legs par byas phyir lan/ /de phyir de ni legs smras min/ /gal te tha mi dad pa yi / /nus pa rna ba la byed na/ /de tshe nam mkha' phyogs la ni/ /rtag nyid nyams 'gyur bskyed pa'i phyir/ /dngos dang tha mi dad nyid phyir/ /legs par byas pa'ang rtag nyid yin/ /dngos po bzhin du de yis ni / /de bskyed rnam shes rtag tu na/ /tha dad na ni de'i zhe na/ /'brel pa 'thad par mi 'gyur ro/ /nus pa las zhes 'byung ba'i phyir/ /rna ba'i shes pa nyid kyang med/ /tha dad tha mi dad grol ba'i/ /phyogs ni spangs par byas zin to/ /des na rna ba legs byas phyir/ /lan ni blo dman brjod pa yin/ /de nyid kyis ni yul dang ni/ /gnyis ka legs par byas pa bkag /de phyir rtag la gsal ba ni/ /thams cad du yang rten med yin/ /des na gsal ba la brten nas/ /ring thung rim pa sogs rnams ni/ /'ga' zhig gang dag snang gyur pa/ / de dag kun kyang rten med 'gyur/ /ma phrad tsam du mtshungs na yang / /thams cad gzung nyid mi 'gyur te/ /nus pa nges par gnas pa'i phyir/ /khab len gyis ni lcags la bzhin/ /gal te khab len 'od phrad pas/ /de yang drangs par gyur ce na/ / 'o na 'od 'di ma mthong bas/ /ji ltar yod par rtogs par 'gyur/ /ci phyir 'od de shing sogs dang / /phrad kyang 'dren par byed pa min/ /de nus nges nyid phyir zhe na/ /ma phrad pa la'ang de mtshungs yin/ /sbyor ba'i de ma thag tu ni/ /ring dang bar mar nyer gnas pas/ /rim pa med pas rtogs par 'gyur/ /thams cad la der shes skyed phyir/ /ring dang nye sogs dbye ba yis/ /gzugs ni gsal dang mi gsal bar/ /ji ltar snang 'gyur de bzhin du/ /sgra yang myur dang dal sogs 'gyur/ /tha dad snang ba'i blo rnams ni/ /dmigs pa gcig par ji ltar 'gyur/ /zhe na phyi rol don smra la/ /gzugs blo la de brgal brtag mtshungs/ /phrad nas 'dzin pa'i phyogs la yang / /rna ba'i nang du sgra'i sgra bzhin/ /'brug sgra la sogs shes pa ni/ /tha dad par ni 'gyur ba min/ /des na skyed byed phyir shes pa/ /tha dad min te yid bzhin no/ /gzhan du res byas la sogs bzhin/ /rna dang ma phrad byed 'gyur min/ /yid kyang phrad par byed pa yin/ /gang brjod skad cig tsam gyis ni/ /shin tu ring ba'i don la ni/ /de dag gi sems 'jug mi 'thad/ /phyi rol dbang po nyid phyir sogs/ / phrad nas 'dzin byed nyid sgrub gang / /bsgrub bya'i chos mi mthun pa la/ /'gal ba med phyir de 'khrul yin/ /ldan pa dang ni rnam dbye ba/ /tha dad pa can sngar spangs zin/ /de nyid kyis ni khyad med phyir/ /'di la rtogs pa mi 'thad do/ /de phyir shugs med pas de ni/ /ji srid shugs ni gnas pa min/ /rna ba'i nam mkhar phyin pa yis/ /de ni rna nus byed ce na/ /ci phyir lcag gis bsnun pa bzhin/ /sgra rigs pa na de shes min/ /gang tshe sgra'i shes pas de yi/ /rig pa so sor bkag ce na/ /lcag gis bsnun dang rlung gzhan bar/ /de tshe rigs pas brjod rigs min/ /rim gyis 'byung yang mgyogs pa na/ /cig car du ni 'khrul zhe na/ /cung zad min rnam pa kun du'ang / /rlung 'di ma dmigs pa yi phyir/ /'on kyang dbang po las 'das rlung / /gzegs zan sogs bzhin khyed cag kyang / /brjod na bshad pa las de yis/ / reg bya thob 'gyur ci phyir byas/ /yang na rlung ni dbang 'das bla/ /de dang de sbyor thob 'gyur la/ /dro dang gang dang gnyis ka yis/ /reg bya rig 'gyur gzhan gyi bzhin/ /'on kyang rna mchog la de dang / /mi ldan pas na rtogs mi 'dod/ /rna ba'i nam mkhar ma phyin ces/ / de ni ji ltar rtogs par 'gyur/ /de phyir gtsang sbra can mthong ba'i/ /brtags pa rgyu mtshan med yin te/ /mkhas pa rnams ni tshim byed min/ /nam mkha' cha med rna gang brjod/ /de la skyon ni sngar bstan gang / /de dag cha med phyogs rna bar/ /'dod pa nyid la'ang mtshungs rtogs bya/ /nam mkha' gcig pu khyab phyogs la'ang / /legs byas la brten dang gzhan gyi/ /rnam par dbye ba 'thad pa min/ /gang phyir nam mkha' de gcig yin/ /mkha' gcig bdag nyid rna ba ni/ /rna mchog legs par ma byas med/ /de phyir rten gyi dbye ba yis/ / legs par byas pa nges mi gnas/ /de bas na rten gcig la ni/ /dbang po legs par byas thob na/ /dbang po gcig pur smra ba la/ /lus can kun gyis rtogs byed 'gyur/ /skyes bu lus kyi phyogs rnams la/ /rnam par shes pa skyed 'dod kyi/ /'on kyang khyed la mkha' gcig phyir/ /gtso bo tha dad par 'gyur min/ /de phyir bdag phyogs dang bral yang / /ma lus par ni rtogs byed pa/ /lus nyid la gnas 'dzin pas na/ /de ltar smras kyang 'gal ba yin/ /de gnyis na ni rgyu yis ni/ /'on pa nyid sogs lta bur rtogs/ /gzugs ni me long la mngon lta/ /gzugs brnyan de ltar ma yin no/ /chu sogs nang du zhugs pa 'di/ /gzugs ni ring du gnas pa yin/ /rten gyi rjes su byed pa yis/ /gzugs brnyan che chung dbye ba dang / /ldan gyi gzugs ni ma yin te/ /des na gtan tshigs ma grub min/ / mi mthun par ni snang ba yang / /don shes par ni 'gyur ba na / /gzugs dang sgra sogs sems thams cad/ /don kun gyi ni yul can 'gyur/ /sor mos cung zad mnan mig la/ /gcig kyang du mar snang ba gang / /de yang de ltar 'khrul pa ste/ /yul med nyid du 'dod pa yin/ /'dir ni gzugs brnyan 'byung ba ni/ /sngar ni gsal bar byas nyid yin/ /gcig la lhan cig gnyis mi rung / /lus can thogs pa dang bcas phyir/ /yul rnams du ma la gnas par/ /gzugs brnyan yod pa yin na yang / / che chung sogs rigs dbye ba yis/ /gcig nyid yod pa ma yin no/ /skyes bu rnams la nges pa yang / /gang la 'di ltar 'jug par 'gyur/ /bdag gi steng na nyi gnas zhes/ /de ni nges par 'khrul pa yin/ /gang phyir srog chags thams cad ni/ /cig car du ni nyi gcig nyid/ /mthong bar 'gyur ba yin pas de/ /gnyis pa nam yang ma yin no/ /des na nyi ma'i dkyil 'khor ni/ /gnyis pa nam yang yod ma yin/ /snang ba mi dmigs pa yi phyir/ /des na nyi ma gcig tu nges/ /de ltar sgra ni gcig nyid du/ /ji ltar yang ni nges pa min/ / rim gyis sam ni cig car yang / /de ni du ma nyid mtshon phyir/ /gang tshe rjod par byed mang po/ /ga sogs yi ge cig car du/ /sbyor bar byed pa de yi tshe/ /dbye bar gsal bar dmigs par 'gyur/ /rim gyis kyang ni sbyor ba la/ /dbye ba mngon sum 'ba' zhig gis/ / rtogs 'gyur ma yin 'on kyang ni/ /rtags las kyang blo'i rim snang phyir/ /sgra tsam gsal byed rag las pa/ /'di yi dmigs bar zad 'gyur mod/ /'on kyang ji ltar dngos gnas pa/ /'di ni 'dzin par 'gyur ba yin/ /de lta min na de 'dzin 'di/ /de dngos mi snang la nges 'gyur/ /nam mkha'i cha ni ma lus pa/ /sgras ni khyab cing gsal 'gyur min/ /des na sgra tsam yul tha dad/ /thos pa de cis rjes su byed/ /rang bdag nyid ni gsal ba ru/ /gsal bar 'gyur te bum sogs bzhin/ /'di dag khyed gzhung khas blangs na/ /rgyu mtshan med par brjod pa yin/ /gsal ba med phyir gsal byed rnams/ /nus pa med phyir bsgrubs zin to/ /de 'di yin zhes bshad pa ni/ /mngon sum yin par bsal zin to/ /de'i phyir yul dbyes tha dad nyid/ /shes bya de ni gnod med yin/ /'ga' zhig yul ni tha dad par/ /rim gyis 'gro bar byed pa ste/ /skad cig 'jig phyir tha dad 'gyur/ /de min 'gro ba dang ldan min/ /snga ma'i yul dang ma bral ba'i/ /rang bzhin rjes su 'jug pa'i phyir/ /brtan pas de ni yul gzhan du/ /phyin pas rig pa ma yin no/ /nam mkha' la ni mngon gsal na / /rigs min nus pa med phyir dang / /dbang 'das phyir ro sa khung la/ /snang ba de ni de ltar snang / /gzhan yang sgra ni nam mkha' la'ang / /mngon par gsal ba tha dad min/ /blo ni gsal yin de yang ni/ /rtag 'byung rgyur ni nyer gnas phyir/ /gang tshe sgra la gsal byed pa/ /ji ltar yang ni rigs pa min/ /de tshe gzhan gyi khyad par can/ /sgra blo la ni 'khrul pa med/ /de phyir ri sogs thams cad ni/ /sgra chos min zhes gnas par 'gyur/ /gang phyir sgra tsam gsal byed nyid/ /yod na der 'gyur de yang bstsal/ / shin tu tha dad can de dag /mtshungs par gcig tu rtogs pa la/ /nus pa can yin sgra dang de'i/ /don ces mang du sngar dpyad zin/ /des na don dang 'brel mthong bas/ /kun rdzob tu ni sgra rjod byed/ /'gyur zhing yang dag pa ru ni/ /rjod byed de min zhes bsgrubs zin/ /sgra las byung ba'i shes de dag / log par snang bar 'gyur ba yin/ /rigs dang rang gi mtshan nyid sogs/ /brjod bya rjod byed mi gnas phyir/ /des 'khrul tha snyad 'don pa po/ /yang dag par ni ba lang sgra/ /tha dad yin yang mtshungs blo can/ /gcig nyid yin pa snyam du zin/ / des na mang du ma 'brel bar/ /rjod par byed pa bram ze yis / /sgra yi khyad par mdun byas pas/ /gang smras de kun gzhi med yin/ /'di ltar lag brda la sogs pa/ /gcig nyid min te myur bul sogs/ /dbye bas tha dad blo yod phyir/ /de yi gsal ba'ang bstsal byas zin/ /de la spyi gcig rjes 'gro ba/ /nye bar mtshon par mi 'gyur ro/ /brda ni dgag pa la sogs pa'i/ /shes pa'i yan lag tu de 'gyur/ /sgra rnams dngos su phyi rol gyi/ /don rtogs min te 'brel med phyir/ /des na brjod par 'dod pa ni/ /'di dag gis ni bstan par gsungs/ /de yi 'bras bu nyid du ni/ /'di dag mngon sum mi dmigs pas/ /des pa yin phyir des na 'dir/ /rgyu 'bras nyid du gsal bar 'gyur/ /brda yi rgyu dang 'bras ngo bo/ /gang gis nges par byas pa ni/ /de yis brjod 'dod sgra dag gis/ /rtogs par 'gyur te lag bskyod bzhin/ /brjod 'dod la gnas don dang ni/ /sgra rnams la ni rgyu 'bras kyi/ /bdag nyid can gyi 'brel pa de/ /brda yod na ni skye bar 'gyur/ /de rnams kyis ni 'brel pa ni/ /des na brda las byung zhes brjod/ / de yis gsal bar byed pa 'di/ /brda yis brjod ces dngos su min/ /rgyu dang 'bras bur 'gyur ba yi / /dngos po las ni de gzhan min/ /de dag nyid ni de ltar bshad/ /rgyu 'bras nyid kyi 'brel pa yin/ /de dag kyang ni re re yis / /bdag cag nyid du rmongs pas rtogs/ /des na brda yi tha dad kyi / /dus kyi khyad par 'dod pa yin/ /yang dag par ni gcig pu nyid/ /'brel pa 'dir ni yod rigs min/ /tha dad don rnams ma 'dres phyir/ /'brel med tha mi dad la yang / /gzhan gyi gzhung lugs ma shes pas/ /mi re re la brda re 'am/ /yang na bzlas nas brjod pa yin/ /zhes bya la sogs gzhan gyis smras/ /mis byas nyid phyir de dag la/ /brda 'brel yang dag par yod min/ /de ni de yis gsal byas phyir/ /zhes bya 'brel pa nyid du 'gyur/ /'dir ni bzlas nas brjod pa ste/ / gzhan gyis so sor rtogs pa min / /dbang phyug la sogs bkag nyid phyir/ /'byin pa'i thog mar des byas min/ /re re la ni 'brel pa gang / /de ni tha dad skad cig gis / /'jig phyir mtshungs pa'i rtogs pa ni/ /tha dad pa la'ang 'gal ba min/ /de yi yul can blo rnams ni/ /rim gyis kyang ni skye 'gyur ba/ /de la'ang rim pa gsal bar smras/ /gzhan du de dag rim med 'gyur/ /mang po rnams la cig car du/ /brda byed par ni yod pa na/ /brda ni tha dad par 'dod min/ /sngo sogs skad cig ma bzhin no/ /smra ba po yi blo mi gnas/ /de nyid gzhan longs spyad bya yin / /khyad par med phyir mi 'thad do/ /snga ma'i dngos ni ma spangs shing / /khyad par ma byung ba yod na'ang / /khyed kyi gzhan gyi rna ba ni/ /longs mi spyod par ji ltar 'gyur/ /rtag nyid phyir dang ltos med phyir/ /chos dang chos min dbang byas pa/ /gtan du nam mkha' rna ba ni / /thams cad longs spyod min par thal/ /nam mkha' la ni nam du yang / /chos min chos kyis phan mi 'dogs/ /rtag pa nyid phyir bya ba min/ /'di la dbang byas 'di ci zhig /sngags dang sman sogs nus pa yin/ /yang longs spyad byar ji ltar 'gyur/ /rtag pa nyid phyir de dag las/ /de ni khyad par thob 'gyur min/ /gal te rten min rtag yin na / /skad cig mi rtag yin zhe na/ /de tshe bdag la bogs med pas/ /'on pa la sogs mi 'thad do/ /de la bogs ni yod blo ste/ /nam mkha' la ni de yod min/ /rten dang 'brel pa yod min te/ /rtag nyid yin pas ltos med phyir/ /des na de yi sgo nas kyang / /'dir ni 'on pa sogs mi 'thad/ /nam mkha' cha shas med yin la / /rtag pa nyid kyis 'di mtshungs yin/ /yul der gnas par 'gyur yang ni/ /gal te de yang skad cig ma/ /nyid min na ni dbang las ni/ /bton par rigs pa ma yin no/ /de la phyis kyang phul byung ni/ /ci zhig skye bar 'gyur ba yin/ /gang gis dbang las bton pa ni/ /des slar longs spyod thob 'gyur min/ /gang tshe rna ba dang sgra ni/ /legs byas de ltar 'thad min te/ /tha dad tha mi dad rtogs pas/ /legs par bya ba mi 'thad phyir/ /legs par byas pa tha dad na/ /rna ba sgra legs byas mi 'gyur/ /de dag dang ni legs byas la/ /'brel pa cung zad kyang yod min/ /tha dad pa la 'brel pa ni/ /rgyu 'bras nyid du 'gyur ba yin/ /de yod na ni 'di rtag tu/ /'byung 'gyur rgyu rtag gnas pa'i phyir/ /tha mi dad pa'i phyogs la yang / /de 'drar 'di yang rtag par 'gyur/ /de yang bya bar 'dod pa min/ /de las shes pa rtag thal 'gyur/ /de phyir rlung la sogs pa la/ /nus pa nges pa 'thad min te/ /bya ba yi ni yul med pas/ /nus pa dang ni mi ldan phyir/ /des na mngon gsal sbyor med pas/ /bzung ba skyed par mi 'khrul pa/ /sgra yi shes pa 'di 'bras 'gyur/ /bum sogs gsal ba'i blo bzhin no/ /de phyir rtsol dang brjod 'dod pas/ /skyed dang mngon par gsal ba ni/ /nus pa'i bye brag thams cad du/ /'bras bu'i don gyis mtshungs nges 'gyur/ /nam mkha'i cha nyid sun dbyung bar/ /rig pa 'ga' zhig ji snyed pa/ /phyogs cha la yang ma lus par/ /de ni mkhas pas shes par bya/ /yul yang legs par byed pa na/ /de yis gcig la legs byas min/ /spangs nyid phyir dang nus nges phyir/ /des na yul legs byas pa min/ /shes pa skyed rung nyid min na/ /kun gyis sgra 'di thams cad du/ /nam yang rtogs par mi 'gyur te/ /de shes pa la mi mkho'i phyir/ /shes pa skyed par nus yin na/ /shes rgyu nyid du gnas pa'i phyir/ /kun gyis sgra 'di yul kun dang / /dus kun du ni rtogs par 'gyur/ /de ni nus sam mi nus pa/ /rang bzhin gyis gcig bdag nyid gnas/ /'gal ba 'am ni lhan cig byed/ /su zhig gis don 'jig byed nus/ /'ga' zhig la ni shes skyed par/ /rung ba nyid du 'di 'gyur te/ /de phyir skyed par 'gyur ba na/ /'di ni kun gyis rtogs 'gyur min/ /'on kyang ngag la nyer gnas pa/ /sgra tsam gyis gang legs byas 'gyur/ /de rnams nyid kyis sgra thos la/ /ring na gnas pas ji ltar min/ /nye bar gnas pa'ang legs byas ni/ /rgyu ru yongs su brtag pa yin/ /ring du gnas na'ang de dag la/ /legs par byas la'ang mtshungs pa yin/ /gal te sgra tsam rnams la ni/ /khyad par legs byas skyes rtogs na/ /de tshe sgra ni skyed pa ru/ /sus kyang spong bar byed nus min/ /sgra las khyad par can legs byas/ /de tha mi dad can yin te/ /sgra shes bya nyid mi 'gyur phyir/ /des na sgra yang skye bar 'gyur/ /lan cig sgra ni legs byas nas / /bdag ni de ni nam du yang / /spong bar byed min mi rtag par/ /thal 'gyur phyir te rtag dmigs 'gyur/ /gnyis ka legs byas phyogs la yang / /nyes pa gnyis tshig bden pa yin/ /gang phyir gang rung ma tshang med/ /snga ma'i rang bzhin rjes 'jug phyir/ /'di ltar sngar ni gsal byed kyis/ /rna ba'i yi ge legs byas gang / /de dag 'jig min 'pho thob phyir/ /des na kun gyis kun thos 'gyur/ /skyes bu 'ga' la thos rung bar/ /rna ba yig legs byas she na/ /de tshe yig gzhan rtogs pa pos/ /rna ba las byung shes 'gyur min/ /de rig mi yi rnam shes ni/ /rung bar legs par byas she na/ /de dag nyid kyi rjes 'jug na/ /de dag kyang ni thos par 'gyur/ /ldog na khyed la yig rna ba/ /'di dag gzhan thob cis mi 'gyur/ /des na de dag rnams la ni/ /rtag pa nyid 'dod rgyu mtshan med/ /gang phyir gzugs brnyan blo kun ni/ /dmigs pa med par gnas pas na/ /chu la sogs par nyi ma 'od/ /gcig ni du mar snang ba min/ /ci phyir khyed kyi phyogs la yang / /blo rnams rnam pa med par gnas/ /phyi rol don ni rnam pa dang / /ldan pa zhes ni khas blangs yin/ /gzugs brnyan de yang chu yi ni/ /nang du snang bar 'gyur ba yin/ /nam mkha'i dkyil na snang ba yi/ /nyi ma de ltar gnas min na/ /de ni ci phyir de ltar snang / /'khrul pas she na de nyid kyis / /de ni gsal bar dmigs med de/ /de yi ngo bo'i don med phyir/ /de nyid gzhan du rtog ce na/ /'di ni legs par smras pa yin/ /'on kyang de nyid gzhan yin na/ /des na kun gyis kun rig 'gyur/ /gal te ji ltar gnas snang na/ /de ni rtogs par 'gyur ba yin/ /rnam pa gzhan du dmigs pa na/ /de ni mthong bar ji ltar 'gyur/ /gang phyir rnam bcas shes la yang / /de shes don dang mthun pa yi/ /rnam pa yod par snang ba dang / /shes pa de ni 'dzin par rigs/ /brgyud nas bkod par gyur pas na/ /'og na gnas pa rtogs su chud/ /gcig nyid yin pas steng gnas pa/ /ci ste 'og na gnas snyam sems/ /gal te ji ltar nyi ma gnas/ /de ltar de ni snang 'gyur na/ / de rtogs par ni brtag bya yin/ /gzhan du min zhes bstan zin to/ /shar du song 'jug pa yis ni/ /nub phyogs song 'jug la bkod pas/ /gdong mthong ba na 'khrul pa yin/ /nub phyogs lta bar rtogs pa min / /gzugs brnyan yul can rnam par shes/ / de ni rang bzhin dmigs min te/ /de dang mi mthun snang ba'i phyir/ /ro dang sgra sogs sems bzhin no/ /gang phyir me long chung ngu la/ /gdong ni chung ngur snang bar 'gyur/ /shing sogs thur du bltas nas ni/ /chu gang zhugs pa 'brel gzhan min/ /nyan pa po yang gzhan ma yin/ /ngo bo gcig tu nges pa ni/ /gnyis ka la yang rjes 'jug phyir/ /smra ba po yi sngar med pa'i/ /'brel pa nyan pos ji ltar rtogs/ /de yis sngon du gang dmigs pa/ /de nyid de yis byas pa yin/ /gang phyir rnam pa gcig rtogs pa'i/ /blo ni de la 'jug pa min/ /de phyir sgra sogs tha dad kyang / /gcig pu nyid du de nges yin/ /bum pa sogs kyi spyi yang ni/ /sngar nyid gsal bar byas zin to/ /'byung po'i mgul chings lta bu ni/ /spyi 'ga' zhig ni snang mi 'gyur/ /'di la spyi yis chu 'dzin sogs/ /nus pa grub pa ma yin no/ /gal te spyi dang dbyer med na/ /de dag kyang ni rtag nyid 'gyur/ /tha dad 'brel med skyon yin te/ /de las byung na mi rtag 'gyur/ /de phyir spyi las chu 'dzin sogs/ /nus pa yod par rigs pa min/ /bum sogs la nus tha dad na'ang / /nyes pa 'di dag nyes par 'gyur/ /chu 'dzin la sogs de'i 'bras bu/ /rtag pa kho nar thal bar 'gyur/ /nus pa nyid ni 'brel yin pas/ /'di tha dad mi 'dod ce na/ /nus las dbye ba med pa'i phyir/ /sgra dang don dag gcig nyid 'gyur/ /tha dad na yang de la ni/ /de dag dang 'brel 'ga' yang med/ /de las byung na de nyid min/ /dngos las gzhan du 'gro sa med/ /gang phyir 'brel pa ci 'dra ba/ /de 'dra yod par gsal byas pas/ /de phyir 'brel pa brjod dus su/ /ba lang sogs sgra brjod pa na/ /'ga' zhig gis ni 'brel pa'i blo / /don rtogs gzhan gyis de bzhin min/ /dngos kyi 'brel pa yod pa na/ /kun gyi don ni rtogs par 'gyur/ /rtag pa'i nus pa kho na yi/ /'brel pa ru ni khyed kyis 'dod/ /de yang tshad med la nges par/ /don rtogs skyed dam yang na ni / /nges par tshad med pa skyed na/ /ci phyir kun gyis don ma rtogs/ /tshad bcas skyed na'ang rgyu mtshan ci/ /ngo bo nyid kyis de lta bur/ /rang bzhin zhe na brda bzung ba'i/ /sngon du'am de ni brjod na yang / /rtogs pa po ni gcig nyid la/ /ci phyir rnam shes 'jug pa min/ /de shes skyed pa'i nges pa can/ /de ni nus pa gnas phyir ro/ /'on te nus pa rtogs byas nyid/ /de la skyed par nges brtags na/ /rtogs par byas dang ma byas dang / /tha dad ce na rtag nyid nyams/ /gcig nyid na ni rgyu mtshan cis/ /rnam par dbye ba 'di brjod yin/ /gzhan yang thabs gang zhig gis ni/ /nus pa shes par 'dod pa yin/ /don gyis go bas shes she na/ /gang phyir rigs pa 'di ltar gnas/ /mngon sum gyi ni sgra dang ni/ /rgan rabs brjod bya mthong ba yin/ /nyan pa po la rtogs pa nyid/ /bya bas rjes su dpag nas shes/ /de la brtan pa'i nus pa ni/ /gzhan du mi 'thad pa yis rtogs/ /don gyis go bas rtogs 'gyur te/ /tshad ma gsum can 'brel pa'o/ /gzhan du 'thad pa kho na'i phyir/ /nus pa rtogs par mi nus te/ /gang phyir brda las byung sgra yis/ /don rtogs 'khrul pa med pa yin/ /nus pa rtag nyid phyogs la ni/ /brda sogs cung zad la ltos med/ /des na sgra don gyis rtogs pa/ /rtag tu 'byung bar 'gyur ba yin/ /brda ni gzhan ma'i ngo bo yis/ /ka li ma ri sogs sgra bzhin/ /sgra la nges pa'i nus yod phyir/ /don gzhan rtogs par mi 'gyur te/ /gal te sna tshogs don gsal phyir/ /nus pa gcig tu 'dod pa na/ /tha dad ce na sgra gcig gis/ /cig car sna tshogs don rig 'gyur/ /don ni gsal bar byed nus pa/ /rtag pa kho nar gnas pa'i phyir/ /de rgyu don la rtogs pa yang / /thams cad la ni gtan du 'gyur/ / de la brda la ltos pa can/ /nus par brtags pa yin zhe na/ /de ni phan 'dogs la ltos min/ /mi g.yo bas de phan gdags med/ /don ni gsal bar byed pa'i rgyu/ /brda ni mi la brten pa'i phyir/ /mis ma byas pa'i nus pa yang / /log pa nyid ni srid pa yin/ / sna tshogs don ni gsal byed pa'i/ /nus pa sgra gcig la yod na/ /me la sbyin sreg la sogs don/ /thams cad kun la nyer mkho min/ /de 'dod phyin ci log don ni/ /gsal bar byed pa'ang srid pa'i phyir/ /des na sgra don 'brel brtag par/ /brtags pa don med can yin no/ /brda yang ltos par byed pa na/ /brtags par nus pa'i mtshan nyid can/ /rgyu mtshan med pa'i 'brel pa 'di/ /ci phyir yongs su gso ba yin/ /grub pa nyer gzhag pa la ni/ /brda ni ma rtogs par bya gzhan/ /don rtogs pa ru byed pa ni/ /de la cung zad kyang snang min/ /'di ltar brda ni med pa na/ /tha snyad 'di ni mthong ma yin/ /de las 'brel pa grub ce na/ /brgyud pa 'di ni don med 'gyur/ /skyes bu 'dod tsam las byung ba'i/ /brda ni 'ba' zhig las kyang ni/ /tha snyad kyang ni rigs yin te/ /des na 'brel pa mi 'grub po/ / gzhan du yang ni 'thad par ni/ /tha snyad la ni dogs par 'gyur/ /dbang po las 'das 'brel pa ni/ /mi rnams kyis ni rtogs ma yin/ /thams cad kyis ni mi shes pas/ /snga ma snga ma ma grags phyir/ /'brel pa ma grub ces bya bas/ /de ltar de cis yongs su brtags/ /des na ba lang rta sogs kyis/ /sgra ni rtag pa'i 'brel ldan min/ /brda la ltos bcas nyid kyi phyir/ /ga bi la sogs sgra bzhin no/ /rung ba'i ba lang sgra yod na/ /de nus min skyes kyis btsud byas/ /ga bi sogs las ba lang blo/ /rtsa ba'i sgra rjes 'brangs she na/ /de min nya pa sogs rnams kyis/ /legs par sbyar ba mi rtogs phyir/ /rtsa ba sgra yis rjes 'brangs pa'i / /ji ltar dor gyi blo 'byung 'gyur/ /de ltar sgra don gyis 'brel pa/ /rtag par khas blangs par ma byas/ /de ni brda las byung rigs yin/ rnam pa kun du de srid phyir/ /yang na yul zhig rigs rgyud ni/ /chad pa'i ngo bo thim pa yin/ /sangs rgyas pas 'dod 'dod med gang / /tshangs la sogs la'ang yod par dogs/ /de yod na ni rig byed la/ /'jig rtsa'i blo ni srid pa yin/ /log pa'i gti mug rgyags sogs pas / /phyin ci log rtog gzhan yang srid/ /de dang 'dra bar 'gyur ba yin / /rig byed gzhan nyid du ni 'gyur/ /ji srid gnod pa can ma bstan/ /de srid de ni dogs par 'gyur/ /gzhan du byed pa'i 'dod yod kyang / /sgra ni 'jug par mi 'gyur na/ /de bzhin gal te mi rnams la/ /gzhan du byed 'dod mi skye na/ /de tshe rig byed 'di gzhung dang / /don ni gzhan bdag nyid mi rtogs/ /gzhan du byed pa'i don 'jug na/ /dogs pa ldog par mi 'gyur ro/ /skyes bu thams cad dag gis ni/ /sngar grub rim pa bzung ba yin/ /tshig ngag yi ge'i rim pa yis/ /rang dbang gis kyang byed par 'gyur/ /gzhan du khyed la rig byed bzhin/ /gzhung 'ga' byas par mi 'gyur ro/ /des na de bzhin don med pa'i/ /gzhung tsam la yang byas med 'gyur / /ji ltar gzhan dag gis brjod pa/ / des na de ni brjod 'dod ces/ /des ni nges pa ma yin te/ /des na 'brel bzhin thog med yin/ /gzhan gyis brjod pa bdag gis brjod/ /brjod par 'dod pa de 'drar 'gyur/ /mtshungs pa'i rtogs pa'i 'khrul pa yis/ /las kyi bye brag ji bzhin no/ /dbyangs la sogs pa mi mthun phyir/ /gzhan gyis brjod pa brjod bya min/ /yi ge'i bdag nyid du snang phyir/ /gsal byar byed pa'i chos 'di min/ /des na mi re yig tha dad/ /snang ba yin te bum sogs bzhin/ /de phyir tha dad gsal bas na/ /de yi mtshan ma ci ste dgag /rigs kyis bum pa la sogs la/ /tha snyad nye bar mtshon pa ni/ /de med pas na sngar bkag yin/ /gsal ba dang de mi ldan phyir/ /de phyir rkan la sogs pa'i rigs/ /skyes bu thams cad la gnas min/ /des na smra po de rnams kyis/ /sgra tsam nyer mtshon bskul ba min/ /de phyir ji srid yig yod pa/ /sgra tsam gyi rigs tha dad ni/ /sgra sngon gsal ba'i rgyur 'jug pa'am/ /yang na gsal ba de ldan min/ /des na rkan sogs ldan pa dang / /rnam dbye'i rim pa sngon 'gro can/ /khyed la sgra tsam go rims dang / /rigs kyis gnyis ka'i rtag nyid med/ /ji ltar skor ba sogs rnams kyi/ /cha rigs sogs kyis mtshon byas min/ /rim pa'i rjes 'jug 'gyur de ltar/ /rkan sogs sgra tsam yig rten min/ /phra ba nyid phyir gsal rnams la/ /rigs kyi chos ni nges bzung dang / /yang de'i dbang gis don rnams la/ /khyab nyid yin yang rim mi 'dzin / /des na sgra tsam gyi yon tan/ /thams cad rtag nyid du gnas pa/ /yi ge'i rjes su byed pa na/ /don gyis dbye ba rtogs ma yin/ /gzhan yang ji srid yig yod pa/ /sgra tsam rigs tha dad sgra la/ /mngon par gsal ba'i rgyur 'jug pa'am/ /yang na gsal ba de ldan na/ /des na gsal byed yod pa'i phyir/ /sgra ni rtag tu dmigs par 'gyur/ /des na khyod la gsal rim gyis/ /bdag nyid yi ge'i rim rigs min/ /gsal ba dang 'brel ngo bo ru/ /rigs rnams gnas par gyur pa na/ / gsal ba rnams la'ang rtag pa nyid/ /bzlog par dka' bar thal bar 'gyur/ /rigs dang 'brel pa'i ngo bo ru/ /gsal ba rnams kyang gnas yin na/ /rigs la'ang mi rtag nyid du ni/ /khyed mi 'dod kyang thal bar 'gyur/ /mngon par gsal bar mi 'thad par/ /sngar ni bstan par byas zin pas/ /de ltar rtogs par byed pa ni/ /khyed kyi yi ge'i rtogs byed min/ /dus gcig khyab cing rtag pa yang / /sngar ni bkag pa kho na yin/ /dngos po kun la yi ge bzhin/ /'ga' zhig gis gsal byas ma yin/ /yi ge rnams ni gsal byas na/ /'di ni rtogs pa'i yan lag min/ /gzhan las khyad par med phyir dang / /gzhan du med phyir de rtag min/ /des na yi ge'i go rims dang / /thung dang ring dang ches ring dang / /de dag dus kyi rnam dbye bas/ /sgra tsam khyad par can dus kyi/ /rnam dbye de dag rigs ma yin/ /de phyir khyed la rtag pa yi/ /de 'dra'i tshig gi chos yod min/ /des na yi ge mi rtag par/ /smra la tshig ni mi rtag grub/ /gal te gsal byed rkyen rnams kyis/ /'dir ni gsal bar rigs 'gyur na/ /gzhan gyi chos kyang yan lag nyid/ /rta yi shugs sogs bzhin du 'gyur/ /sgra kun rtag pa nyid la ni/ /don gyis go ba sun phyung zin/ /mi rtag kyang ni don rtogs pa'i/ /rgyu nyid du ni bsgrub par byas/ /gang zhig gang gis brjod 'dod las/ /'byung bar brjod 'dod gzhan pa las/ /yi ge skye bar 'gyur ba ni/ /de yi rjes thogs la de thos/ /snga ma'i yi ge rtogs byung ba'i/ /yang dag rig pa myur thos min/ /myur du thos pa ma yin pa/ /de ni de dran la ltos nas/ /phyi nas rang nyid dran par byed/ /de dag skye dang 'dzin pa yi/ /shes pa dag la brten nas ni/ /skyes bus byas pa'i yig go rims/ /'di ni skyed dang rgyu nyid yin/ /de phyir tshig rnams so so la/ /yig rnams tha dad ces ni gsal/ /'dul bsnyon lcug ma shing ta la/ /zhes sogs rim pa'i bye brag phyir/ /de dag de 'dra'i rim pa yis/ /don tha dad pa ston byed yin/ /de nyid phyir na gsal ba yi/ /de ni don rtogs ched du ni/ /sgra pa rnams kyis yongs su brtags/ /yi ge kho nas rtogs nus pas/ /der ni brtags pa don med yin/ /snang ba ma mthong ba yi phyir/ /'di ni med par nges par 'gyur/ /'di ni mi snang ba yin na/ /rtags bzhin shes par byed par 'gyur/ /yod pa tsam gyis de shes la/ /rgyu yi ngo bor gnas pa'i phyir/ /de ni shes byed 'dod ce na/ /mi bzhin rtag tu shes byed 'gyur/ /de bzhin brda ni ma gtogs dang / /yi ge rnams ni ma thos kyang / /de las byung ba'i don shes ni/ /'byung 'gyur nus rgyu nyer gnas phyir/ /'di ltar 'di ni rtag yod pa/ /'di la ltos pa cung zad med/ / sgra tsam brda yig rnams kyis kyang / /de gsal ma yin ma mthong phyir/ /shes pa gsal ba yin zhes bshad/ /de yi shes pa rig ma yin/ /des na gsal bar byed 'di la/ /brtag pa nyid kyang don med 'gyur/ /sgra tsam gyis ni legs byas can/ / yongs su smin pa skyed pa na/ /mtha' ma'i sgra dang lhan cig tu/ /sgra ni blo la snang bar 'gyur/ /de ltar de yang de yis 'dir/ /rgyu mtshan med par brtags pa yin/ /de la yang ni sgra gzhan la/ /snang bar 'gyur bar mtshon ma yin/ /gang dag gis kyang gsal ba la/ /rim gyis 'byung ba sgra tsam gyis/ /skye ba nyid dang gsal ba nyid/ /sems pa de dag la rim 'gal/ /cha shas med la rim gyis ni/ /skye ba dang gsal 'thad pa yin/ /ngo bo gcig las phyi med phyir / /de dag rtag tu 'gyur ba yin/ /cha shas bcas pa nyid yin pas/ /ji ltar yig res don ston min/ /gsal cha'ang cis na de ltar min/ /ma mthong gsal cha ci phyir brtags/ /gal te sgra gcig gis lhan cig /skyed dang gsal bar byas she na/ /shin tu gsal grub pa yi phyir/ /yi ge gzhan ni sbyor ba yin/ /gang phyir 'dogs dka' 'di yi ni/ / rang bzhin de ni de ltar byas/ /mtshungs pa'i dus ldan yig gzhan gyis/ /slar yang mngon par gsal bar byed/ /de nyid dam ni gzhan gcig gis/ /ci phyir bzlas nas yang dang yang / /gsal ba bzlog par mi byed de/ /de la khyed med phyir min nam/ /yul dang dbang po legs byas pa'i/ /ngo bo gsal ba 'di la yang / /yi ge bzhin du dgag bya ste/ /de snang sems ni yod na yang / /de yi phyir na mngon sum gyi/ /rim gyis rtogs la phyi nas gang / /ma lus yi ge rnam shes pa/ /de yi don shes rgyu can yin/ /tha ma'i yi ge rnams rtogs nas / /legs byas thams cad kyis byas pas/ /yi ge rnams la cig car du/ /dran pa thams cad skye bar 'gyur/ /rim gyis shes pa yod na yang / /smra ba po ni thams cad kyis/ /don rnams thams cad dag la ni/ /de ni yid bsdus shes par 'dod/ /rim par snang ba de nyid ni / /khas len byed pa min zhe na/ /brgya la sogs pa'i ngo bo ni/ /de bsdus shes pa skye mi 'gyur/ /gal te des na yig rim pa/ /rna ba yid kyi sngar shes pa/ /skye 'gyur yang na phyi nas ni/ /cig car dran shes 'byung bar 'gyur/ /des na yi ge der gnas min/ /ring na gnas pa rtogs pa'i phyir/ /des na sgra las don gyi blo/ /'jig rten pa rnams kyis mchod 'gyur/ /rnam pa dang bcas shes pa ni/ /thams cad de ni rigs pa yin/ /de lta min na 'jig 'gyur ba/ /dran pa la ni ji ltar snang / /'on te yi ge mi snang ba'i/ /gsal ba can sngar rtogs 'gyur ba/ / gnas pa kho na dran zhe na/ /de min gsal snang thal 'gyur phyir/ /gnas pa sngar ni bsal zin te/ /de ni gnas na'ang yi ge yi/ /nyams myong shes pa'i dus nyid du/ /dran pa skyes gyur rgyu gcig phyir/ /ba lang zhes bya'i blo gcig nyid/ /kho bo cag gis bkag byas min/ /de 'dzin don gcig nyid dag gis/ /sgra la blo gcig 'gyur ba yin/ /ba lang sgra la de yod kyang / /myur phyir bar mtshams chung ba'i phyir/ /lha sbyin la sogs sgra la ni/ /dbye ba gsal bar rtogs par 'gyur/ /yi ge las byung don blo de/ /de shes pa yi rjes las skyes/ /de 'dra de ni de las byung / /du ba sogs las me blo bzhin/ /yig las tha dad sgra snang ba/ /shes pa rjes thogs 'byung ba can/ /don gyi blo ni rig pa min/ /des na sgra bzhin rjod byed med/ /'bras bu'i tha snyad kyi yan lag /rjes su 'gro dang ldog pa dag /thams cad du ni nges byas pa/ /des na khyab pa 'dir nges yin/ /yi ge mi rtag nyid la ni/ /rjod byed nyid du bsgrubs zin to/ /rtag pa'i sgrub pa ngo shes dang / /rjes dpag dag kyang bsal zin to/ /mi shes pas rang tshig sogs dang / /'gal bar rtsod par byas pa yin/ /gang phyir rtag pa'i phyogs la ni/ /khyed la de kun 'grub par 'gyur/ /rtag pa'i ngag ni yod pa na/ /gsal byed rigs min dpyad zin te/ /go rims la sogs mi ldan dang / /rtag tu ma dmigs pa yi phyir/ /chos can tha dad ma brtags par/ /gzhi ma grub par gang brjod de/ /rjes dpag mtshan nyid mi shes phyir/ /gang phyir snang 'gyur chos can yin/ /nya ba la sogs rnams la yang / /ma dpyad rab tu grub don gang / /shes pa la ni gang snang ba/ /de tsam chos can nyid du bshad/ /de nyid la ni rtsod pa 'di/ /smra po rnams la 'jug pa yin/ /'dod pas bkod pa'i bye brag la/ /rtsod pa su la'ang yod ma yin/ /des na khyad par med bstan pa/ /khyad par du ni rnam rtog pa/ /rjes su dpag pa thams cad kyi / /'jug pa kho na la gnod 'gyur/ /bskul ba'i las ni skyes pa'i blo/ /tshad ma yin te skyon bral ba'i/ /rgyu rnams kyis ni skyed nyid phyir/ /zhes bya sogs kyang rnam dpyad bya/ /dag cing rtag pa'i don 'brel pa'i/ /bskul ba'i las ni skyes pa'i blo/ /phyogs yin zhe na gzhan brten nas/ /gzhi ma grub par thal bar 'gyur/ /de yi gnas skabs rtag pa nyid/ /de las gzhan pa mi rtag yin/ /de yi gnas skabs nyid log na/ /ci zhig gnas par 'dod pa yin/ /dbang po 'ba' zhig gis bzung nyid/ /gtan tshigs su ni 'dir rtog na/ /sngar gnod byas pa'i rigs kyis ni/ /'khrul par rtog pa ma yin no/ /rang gi snang ba'i dbang shes la/ /rgyu yin dbang pos bzung bar 'dod/ / rtag pa rgyu nyid ma yin par/ /der ni rab tu bsgrubs zin to/ /de 'dra'i don la rgyu nyid ni/ /thams cad la yang grub pa yin/ /de lta min na du sogs la'ang / /kun la rnam par brtag 'di mtshungs/ /kho bo cag la kun rdzob pa'i/ /so sor brtags 'gog la sogs pa/ / brtsal ma thag 'byung shes 'bras bu/ /rtsom byed nyid du'ang grub pa min/ /'gog pa dag ni 'jig bdag nyid/ /'dod min gang phyir zag bcas pas/ /so sor brtags pas 'gog pa gang / /bral ba 'ang so so so so yin/ /skye ba gtan du gegs byed pa/ /'gog gzhan so sor brtags min pas/ /de phyir grub mtha' mi shes pa/ /log pa'i nga rgyal gyis ni bslad / /rang bzhin med phyir 'gog dang mkhas/ /brtsal ma thag las byung ba min/ /gyo mo snang ba'i tshogs sogs ni/ /de ltar shes pa'i rgyu mtshan yin/ /don gcig rang gi rang bzhin la/ /ngo bo gnyis nyid gsal bar byas/ /de phyir rigs zhes bya ba'i sgra/ /rtag pa bum 'di la grub min/ /de yi gnas skabs nyid spong tsam/ /mi rtag bsgrub bya nyid du ni/ /'dod pa yin te mar me sogs/ /de la dpe ni gsal ba ni/ /'bar sogs skad cig re rer yang / /'jig nyid ma grub ma yin nam/ /der ni cha shas phra mo ni/ /yul gzhan du ni song ba yin/ /sdong bu phyogs la mang du ni/ /'bar ba bsdus nas gnas pa yin/ /de la ji srid gyen song ba/ /de srid 'bar ba zhes rtogs yin/ /de yang 'das nas gang song ba/ /de ni 'od kyi bdag nyid yin/ /de rjes la ni gang song ba/ /de ni phra phyir nges bzung min/ /yan lag phyi mas lam bkag pas/ /nang ma 'gro bar mi 'gyur ro/ /ji ltar phyi mas go phye ba/ /nang ma de lta de ltar 'gro/ /des na 'gro ba yin yang nges/ /rtswa sogs sreg par mi byed do/ /zhe na de ni brtags pa tsam/ /tshad ma ma smras pa yi phyir/ /gzhan yang nus ma nyams de dag /rtswa dang ras bal sogs phrad na/ /sreg par byed par thal 'gyur 'di/ /snga ma bzhin du ldog mi 'gyur/ /gzhan du nus dang mi nus pa'i/ /gang tshe rang bzhin dbye yod na/ /de tshe rtag dngos de dag la/ /de ni ji ltar yod par 'gyur/ /'brel pa la yang rtag pa nyid/ /sngar ni bkag pa byas pa yin/ /des ni 'brel byar mi 'dod pa'i/ /rigs pas ngag rtag rigs ma yin/ /ji lta bu yi ngag la ni/ /rtag pa nyid du khas blangs byas/ /yi ge tsam gyis bdag nyid dam/ /yig rim yang na tha dad yin/ /rim med yi ge rnams la ni/ /brjod pa nyid med de yis ni/ /de dag de 'dra'i ngag ma yin/ /de dag la ni rim pa'ang med/ /khyab pa'i phyir dang rtag nyid phyir/ /de dag la ni yul dus rim/ /me tog 'bras bu sogs dbye bzhin/ /yig bris bzhin du 'thad ma yin/ /de dag rang bzhin rim yod pa/ /mtsho ro zhes bya nyid srid na/ /phyi nas ro mtsho sogs mi 'gyur/ /brtan pa'i rim pa dang 'gal phyir/ /gang phyir yi ge rnam rtag par/ /brjod par byas pa de yi phyir/ /rim gzhan gnas pa'i ro mtsho sogs/ /rim pa gzhan la skye mi 'gyur/ /de ltar min khyod kyis smras pa'i/ /ngo shes pa ni rtag pa dang / /gcig nyid sgrub par byed pa po/ /'khrul ba can du 'gyur ba yin/ /tha dad pa la'ang 'jug pa'i phyir/ / gsal ba'i rim pa'ang ngag min te/ /rtag pa'i bkag pa bsal byas phyir / /ngag ni 'thad pa ma yin pas/ /de phyir rtag pa nyid mi rigs/ /ji ltar 'phel ba la sogs sgra/ /'dod pas bkod pa'i don can rnams/ /mtho ris mchod sbyin la sogs sgra/ /de bzhin du yang bsrings pa yin/ /rang nyid kyis byas gtam ngo bo'i/ /zlos gar gtam rgyud la sogs pa/ /rtag pa'i sgra dang don 'brel pa/ /brjod 'dod yang dag par yod min/ /de la'ang nus rtag nyid yod de/ /nges sbyor mi rtag nyid yin pas/ /der gnas mi rtag nyid kyi phyir/ /nus la 'khrul 'jug 'gyur zhe na/ /de la sun dbyung phyi rol don/ /med pa nyid ni ma yin nam/ /don gang la ni nus par brtags/ /rnam rtog gzugs brnyan la zhe na/ /de bzhin rig byed la yang mtshungs/ /dbang po las 'das don 'brel pa'i/ /nus pa su zhig gis rtogs 'gyur/ /de phyir rig byed la nges sbyor/ /mi la rag las pa'ang rigs min/ /rgan po la yang de rtogs min/ /de dag mi shes rang bzhin gnas/ /skyes bu la brten bshad pa las/ /rtogs pa de ni srid pa yin/ /byas pa'i lung la brgal brtags pa/ /'di ni mtshungs pa ma yin nam/ / der min de ni dad pas sam/ /don la the tshom za bas 'jug /mngon sum dang ni rjes dpag pas/ /yul ni rnam par brtags yod pas/ /rig byed sgra ni de lta min/ /gang phyir de ni rang las shes/ /byas pa'i don can gtam gyi chos/ /ma mthong ngo bo thos las mtshungs/ / de ltar rig byed ma 'brel pa/ /gzhan dag gis 'dir smras pa yin/ /sgra don thog med spang byas nas/ /'brel pa thob med rgyu mtshan nyid/ /gzhan yod ma yin des na 'di/ /rig byed la ni 'brel sogs med/ /thabs dang bral ba nyid kyis na / /'brel pa byar med rjes su dpag / bshad pa byar med rjes dpag ni/ /mthong ba nyid kyis 'gal bar 'gyur/ /rgan po rnams kyi rtogs pa ni/ /yang dang yang du snang 'gyur ba/ /thabs yin zhes par rtogs brten nas/ /de nyams pa ni mi 'grub ci/ /gal te rig byed don la nges/ /rgan po rnams las mi slu bar/ /grub par gyur na de dag kun/ /de ltar 'gyur gyi gzhan du nyams/ /thams cad bsdus pa'i khyab pa ni/ /grub phyir 'dus pa can nyid kyi/ /rtags la mi mthun sgrub pa ni/ /cung zad srid pa ma yin no/ /don bcas rnam dbye'i don can gyi/ /khyad par rim pa dang ldan pa/ /tshig dang ngag gi tshogs zhes bya/ /yi ge kho na de ltar bshad/ /don bcas rnam dbye'i don can gyi/ /khyad par rim dang ldan nyid ni/ /skyes bus ma byas la bkag zin/ /des na khyab pa gnod med yin/ /rig byed 'don pa brjod nyid la/ /de ltar khyab pa nges pa med/ /des na sgrub pa 'di la ni/ /ldog la the tshom bsal bar yod/ /de ltar rim pa byed pa yi/ /mi ni nus med nges byas na/ /'dir ni khyab pa 'di 'grub ste/ /de ni nges par mi nus so/ /ma lus mi yi chos rnams ni/ /mngon sum du ni byas yin na/ /nges pa kho na skye ba yin/ /'di ni thams cad khyed la dad/ /rig byed skyes bus byas nyid du/ /yod par gsal ba srid pa yin/ /'dod pas log par g.yem pa dang / /srog chags 'tshe dang brdzun bshad pa/ /brjod dka' nyid dang thung brjod nyid/ /'brel med nyid dang mi snyan sogs/ /rig byed chos rnams tshad smra pa'i/ /tshig la yang ni yod par snang / /dug sel nus pa la sogs pa / /bden pa cung zad gang snang ba/ /de ni mkha' lding bya sogs snang / /gzhan yang rnam pa 'di yis ni/ /skyes bus byas pa cung zad med/ /gang phyir bde gshegs kyis gsungs pa'i/ /gsung la'ang de ltar rjes dpag nus/ /de yis mngon gsal byas dngos phyir/ /des byas pa zhes brjod par bya/ /byed pa dran pa de la yang / /de ni don brjod rgyu mtshan nyid/ /de ltar gzhan mi 'dod ce na/ /rigs pa mtshungs phyir ces mi 'dod/ /de ltar gzhan mi 'dod par zad/ /rigs pas de bzhin dogs pa yin/ /thams cad du ni skyes bu rnams/ /phal cher brdzun ni smra ba yin/ /ji ltar da ltar yid mi ches/ /de bzhin 'das pa'i don bstan la/ /de ltar de yi khyed smras pa'i/ /rigs par gzhung lugs 'ga' la yang / /byed po cung zad grub min te/ /rang nyid byas par brjod na yang / /des na skyes bus ma byas la/ /bden par re ba 'di dor cig /gang phyir rig byed don 'gal ba'i/ /don ni de dag las bstan yin/ /gzhan yang thog med grub na yang / /des kyang mis ma byas mi 'grub/ /de las ma byas par 'grub na/ /lung gzhan rnams kyang ma byas 'gyur/ /'di ltar par sig la sogs pa'i/ /tha snyad rnams ni gzhan brten pa'i/ /chad par smra ba'i grub mtha' yang / /gzhan gyis 'dus byas pa las byung / /de 'dra'i ma byas nyid grub kyang / /yod la nan tan ci zhig yod/ /khyed kyi 'bad pa ma lus ni/ /yang dag don grub rgyur bcas yin/ /dus nyid skyes bu nyid sogs la/ /sngar bzhin ldog la the tshom za/ /skyes bu rnams la byed pa yi/ /nus pa med par ma bsgrubs phyir/ /gsal ba bkag par byas nyid phyir/ /smra po byed por shes par gyis/ /de phyir sbyor ba gnyis po yang / / dpe ni bsgrub byas stong par smras/ /mis bstan pa la ltos phyir dang / /byas pa nyid du bsgrub byas phyir/ /rang don smra po ma ltos nyid/ /chos can dpe dag la ni med/ /ngag la rtag nyid spangs pas na/ /chos can dang ni dpe dag la'ang / /rtag pa'i ngag las byung nyid ni/ / gsal bar ma grub par rtogs min/ /'di ltar bskul ba skyes bu yis/ /ma byas nyid du ma nges pas/ /gtan tshigs phyi ma rnams la yang / /the tshom za bar grub skyon 'gyur/ /skad cig mas 'jig gsal bsgrubs pas/ /re zhig thos pa brtag pa yis/ /rang gi ngo bo la gnod par/ /des na blo ni gang las 'gyur/ /thos pa las kyang skyes bu ni/ /'jig par mi 'gyur zhes bshad pa/ /sngar ni de la gnod bstan pas/ /de ni ma grub par gsal yin/ /lag mthil skyu ru ra bzhin du/ /yul dang dus dang skyes bu bzhin/ /gang gis mngon sum du ni gyur/ /des der gnod med 'di nges 'gyur/ /mi yis mi shes don ngo bo/ /des na mun pa'i dngos gnas pa'i/ /rig byed la ni dman rnams chags/ /rang gi dpyod la par sig bzhin/ /de yi don ni mi shes pa'ang / /sdig pa'i rgyu mthun dang ldan phyir/ /srog chags 'tshe sogs sdig pa la/ /de bzhin 'di dag 'jug par 'gyur/ /de phyir chos la brten nas ni/ /bskul ba tshad ma nyid ma grub/ /sgra de dag la bdag gzhan gyis/ /de don nges par rtogs mi 'gyur/ /ye shes snang bas nang gi ni/ /mun pa'i tshogs ni 'joms byed la/ / thos don rnam dben ston byed pa/ /tshad mas grub pa 'dod par gyis/ /de kho na nyid bsdus pa'i tshig le'ur byas pa las thos pa brtag pa ste nyi shu rtsa brgyad pa'o/ /rig byed skyes bus byas nyid du/ /de ltar bsgrub par byas pas na/ /'bad mi dgos par de dag la/ /rang las tshad ma nyid kyang btsal / /rang las tshad ma thams cad kyi/ /tshad ma nyid ni gzung bar gyis/ /de lta bu'i ngag de la ni/ /khyed kyi don ni ji ltar 'dod/ /de dag la ni rang bzhin gyis/ /gzhal bya rtogs sogs nus gnas yin/ /rang la med pa'i nus pa ni/ /gzhan gyis byed par nus ma yin/ /ltos pa med nyid gcig kho na/ /tshad ma nyid kyi rgyu mtshan nyid / /ltos pa dang bcas nyid rten na/ /de ni 'jig pa kho nar 'gyur/ /rigs pa smra ba su zhig ni/ /rtsa ba la gnod phyogs nges med/ /gang gis ngag gi rang tshig gis / /de grub thabs kyang 'jig par byed/ /ltos pa dang bcas tshad nyid ni/ /la lar yang ni gzhan byas min/ /gtan tshigs thug pa med pa yis/ /bsgrub bya su zhig sgrub par byed/ /de lta'i don ni 'dod ce na/ /dngos po thams cad dag la ni/ /nus pa tha mi dad pa can/ /sngar bsgrubs byas zin ma yin nam/ /gang phyir 'dod 'bras nus pa can/ /rang bzhin nus pa med ces brjod/ /de dag dngos bdag nyid min na/ /dngos de byed pa por mi 'gyur/ /rang rgyu'i stobs las byung ba can/ /de yang mi rtag de 'dra ba'i/ /nus pa tshad ma dag la ni/ /rang bzhin gyis ni yod pa ru/ / khyed cag ji ltar 'dod pa yin/ /nus pa rang bzhin can yin na/ /rtag pa 'am ni rgyu med 'gyur/ /de bdag nyid phyir tshad ma yang / /rtag pa nyid dang rgyu med yin/ /rgyu med gzhan la mi ltos phyir/ /rtag tu yod pa'am med par 'gyur/ /des na der rag las 'bras bu/ /res 'ga' ba ni rigs pa min/ /tshad ma rnams kyi rang bzhin dang / /'bras bu nyid ni res 'ga' bar/ /snang rung des na nus pa yis/ /rang bzhin can khyed la mi rigs/ /tshad ma rnams kyi rang dngos ni/ /gsal byed kyis gsal snang bas na / /skyon gzhan la ni ltos nas ni/ /de 'bras rtsom par byed ce na/ /rtag dngos la ni gsal ba dang / /rgyu gzhan la ni ltos pa spangs/ /de phyir de yi ngo bo dang / /'bras bu rtag tu dmigs par 'gyur/ /dngos la nus pa tha dad dang / /gnyis bdag nyid na'ang de lta na'ang / /rtag pa'i nus dang 'brel pa can/ /de shes rtag tu 'byung bar 'gyur/ /de lta min na rtag mi 'gyur/ /dngos gcig rjes 'gro med pa'i phyir/ /gang phyir de shes dang nus pa/ /res 'ga' 'brel zhing gzhan du min/ /rang gi rgyu las skye 'gyur ba/ /tshad ma rnams kyi nus pa ni/ /rang gi rgyu las skyes 'gyur te/ /phyis rkyen gzhan byas min zhe na/ /'dir ni bdag cag la rtsol med/ /gang phyir rang rgyud las skyes pa'i/ /cha shas med pa'i dngos po yi/ /nus pa phyi nas su zhig rtogs / /gzhan gyis phyis kyi dus su ni/ /ngo bo gang zhig byas pa ni/ /de ni dngos gzhan nyid yin pas/ /de ni bdag nyid du brjod min/ /gang phyir 'gal ba'i chos 'dre ba/ /dngos po'i tha dad nyid du bshad/ /de grub na de mi 'grub phyir/ /nus pa la yang de yod yin/ /dngos kun skad cig 'jig pa ru/ /bsgrub par byas pa de dag gis / /nus pa 'ga' zhig rkyen gzhan gyis/ /skyed par byed par mi nus so/ /gang phyir de dag gis gnas pa/ /dus gzhan du ni yod min te/ /gang gi dus na rkyen gzhan gyis/ /'bras bu 'ga' zhig la nus thob/ /'di ni blo bzangs sangs rgyas pa/ /de dag ji ltar brjod pa yin/ /shes pa 'ga' la nus gnas kyang / /de ni rang las rtogs nus min/ /ji ltar gnas pa'i shes bya yi/ /dngos po rtogs dang thob nus nyid/ /nyams myong bdag nyid gcig pu yis/ /su zhig nges par byed par nus/ /gang phyir tshad ma ma yin yang / /skra shad la sogs shes pa ni/ /rnam pa gsal ba snang ba yi / /nyams myong bdag nyid de yod yin / /des na nges par bya nyid phyir/ /don byed shes pa'am gzhan ltos min/ /de byed phyir ni ma yin te/ /dug la sogs pa la bzhin no/ /ji ltar dug dang myos 'gyur sogs/ /de las mtshungs gzhan snang phyir dang / /rjes thogs la ni 'bras med phyir/ /de'i bdag nyid nges gzhan ltos yin/ /brgyal dang dub dang 'chol sogs pa'i/ /de yi 'bras bu nges bskyed na/ /de'i bdag nyid du rtogs 'gyur te/ /da ltar shes la de nus des/ /gzhan yang tshad ma'i nus mtshan nyid/ / rtsod pa med pa nyid du 'dod/ /tshad ma gzhan gyis nges byas zhes/ /de ltar khyed kyis smras pa yin/ /dngos po rnams kyi nus pa rnams/ /'bras bu'i don gyis sgrub par byed/ /des na don gyis go bas grub/ /gzhan las mi 'grub ji ltar yin/ /rang gi rgyu las tshad nyid ni/ /cha shas med par grub yin na/ /de ltar yin dang rtsod med de/ /des bskyed gzhan la ltos pa'i phyir/ /rang gi ngo bo grub don du/ /tshad ma gzhan la ltos pa min/ /de yi ngo bo nges don du/ /rtogs po de la ltos pa yin/ /gzhan yang tshad ma nyid min yang / / de ltar rang nyid las thal 'gyur/ /rang las tshad ma min med na/ /gzhan las kyang ni srid ma yin/ /ltos pa med pa gcig kho na/ /tshad min nyid kyi rgyu mtshan yin/ /de lta bu sogs 'dir yang ni/ /ma lus brjod par nus ma yin/ /slu bar byed pa'i nus pa ni/ /ji ltar gzhan las nges pa yi/ /de ltar mi slu'i nus pa nyid/ /des na rnam kun gyi gnyis mtshungs/ /bzlog pa de las tshad nyid la/ /phul du byung ba ci zhig snang / /gang gis rang las de nyid dang / /gzhan las tshad ma min pa 'dod/ /'on te rang las tshad ma kun/ /tshad ma nyid du brjod pa'i phyir/ /skyes nas rang gi 'bras bu la/ /rang nyid kyis ni 'jug 'gyur min/ /bdag nyid thob phyir dngos po rnams/ /rgyu la ltos phyir byed pa ni/ /bdag nyid thob nas rang 'bras la/ /rang nyid kyis ni 'jug par 'gyur/ /des na skye tsam shes pa la/ / rang gi rgyu la ltos yod phyir/ /de dag rang gi yon tan la/ /nges pa bskyed phyir ltos pa min/ /gang phyir skyed la rang dbang can/ /tshad ma nyid dang don nges la/ /rang gi rgyu la ma ltos par/ /de dag 'gyur bum la sogs bzhin/ /'jim gong 'khor lo dbyug sogs la/ /bum pa skyed phyir ltos pa yin/ /'di yi chu 'chu ba la ni/ /de dag la ni ltos pa med/ /de ltar rang las tshad ma nyid/ /tha mar gdon mi za de yin/ /gzhan la rag las tshad nyid ni/ /thug pa med par thal bar 'gyur/ /rtsa ba yi ni tshad ma nyid/ /tshad ma gzhan gyis grub byas na/ /de dang der ni der 'dod pas/ /mthar thug gnas rnyed mi 'gyur ro/ /ji ltar dang po'i shes pa de/ /don byed mi slu'i shes la ltos/ /de ltar mi slu'i shes pa yang / /mi slu gzhan la ltos pa yin/ /gal te 'ga' zhig rang nyid las/ /tshad ma nyid du 'dod pa na/ /dang po de ltar 'gyur ba la/ /rgyu mtshan gang gis sdang bar byed/ /gal te de ltar yon tan la/ /rag las mngon sum tshad ma nyid/ /tshad ma med na yon tan yang / /nam yang yod pa ma yin no/ /des na yon tan yongs gcod phyir/ /tshad ma gzhan ni 'dod pa na/ /de la'ang gzhan gyis yongs bcad pa'i/ /yon tan rag las tshad ma nyid/ /dang po'i bzhin no des na yang / /sngar bzhin thug pa med par 'gyur/ /da dang de de ltar 'dod na/ /mthar thug rnyed par mi 'gyur ro/ /'o na te yon tan gyis shes pa/ /yon 'dzin rag las tshad ma nyid/ /mi 'dod dang po'i don shes kyang / /yon tan tshad ma la mi ltos/ /des na ring du dpyad byas kyang / /'gal ba rang la tshad nyid ni/ /gdon mi za bar khas len na/ /de bas thog mar gnas pa mchog /don byed pa dang yon tan shes/ /gang gis khyad par can du 'dod/ /gang gi stobs kyis dang po ni/ /de dag la ni rag las 'gyur/ /de phyir rag las tshad ma nyid/ /kun la spyir bstan pa can gnas/ /gnod dang rgyu skyon bcas nyid kyis/ /shes pa dag gis de bsal yin/ /de ni gzhan la rag las kyang / /thug pa med par mi 'gyur ro/ /de yi tshad ma la rag las/ /de yang rang la gnas pa yin/ /gang phyir tshad ma tshad gzhan gyis/ /ji ltar sgrub par mi byed pa/ /de ltar tshad min nyid kyis ni/ /tshad min gzhan las grub pa min/ /rigs mthun la rten nyid kyis ni/ /gnas pa 'thad pa ma yin te/ /rigs mi mthun ni rgyu gzhan phyir/ /rtsa ba brtan par gnas pa yin/ /re zhig gnod pa'i shes pa ni/ /don gzhan nyid du nges gzung yin/ /de ni ltos med tshad nyid phyir/ /snga ma shes pas sel bar byed/ /de la yang ni gnod pa brtsal / /slar yang ltos par 'gyur ba yin/ / la lar snga mar dogs skye na/ /de yang 'bad pa nyung dus ldog /gal te 'di la gnod pa gzhan/ /tshol bas skye bar 'gyur ba na/ /des na dbus mar gnod gyur pas / /snga ma kho na tshad ma yin/ /'on te rjes mthun 'bad pa yis/ /yang dag tshol bar byed pa na/ /rtsa ba med phyir gnod can la / /gnod pa'i shes pas gnod mi 'gyur/ /des na dmigs gsal med pa'i phyir/ /stobs bcas de yi dang po ni/ /gnod 'gyur de yis de nyid kyi/ /tshad ma nyid ni bsal ba yin/ /de ltar rtog ldan shes pa ni/ / gsum po spong bar mi byed do/ /des kyang gnod pa ma skyes na/ /gnod pa slar yang dogs mi bya/ /gang zhig rmongs pas ma skyes pa'ang / /gnod pa can du nye bar rtog /the tshom bdag nyid can de ni/ /tha snyad thams cad nyams par 'gyur/ /'di ltar nor lha'i bu yis ni/ / the tshom bdag nyid la smad yin/ /kun ta'i bu skyes the tshom can/ /'jig rten 'di dang phyi ma med/ /la lar gang du ji snyed pa'i/ /mig gsal rnams ni srid pa yin/ /de bdag nyid la de snyed ni/ /brtsal yang ma skyes pas der med/ /'jal byed don du gnyer rnams kyis/ /slar yang dngos po de dag ni/ /res 'ga' 'di ltar srid pa yang / /nye bar brtags shing gnas mi bya/ /gang la yul dus mi'i gnas skabs/ /dbye ba tha dad kyis grub gang / /gnod can don du gnyer ba ni/ /de dag la ni ltos pa yin/ / yul thag ring na gnas pa'i phyir/ /yang dag par ni ma mthong bas/ /la lar gzhan du dogs 'gyur ba/ /der ni nye bar phyin pa tsam/ /gnod pa'i mtha' ste dus dang ni/ /mi dang gnas skabs gzhan dag la/ /de la ltos pa yod min te/ /smig rgyu la sogs blo bzhin no/ / de ltar dmag dang bcas dus su/ /ba lang rta sogs the tshom mam/ /'khrul pa gang yin de'i nges pa/ /gsal bar gyur pa mtha' can yin/ /de bzhin zla gnyis phyogs la 'khrul/ /rig byed yi ge dbyangs sogs la'ang / /skyes bu gzhan la dris pa na/ /rnam pa gzhan du nges 'dzin skye/ /chags dang zhe sdang rgyags dang bsnyo / /bkres skom sogs kyis dbang nyams pas/ /shes bya'i don la log shes skye/ /de med yang dag shes pa skye/ /bu lon la sogs tha snyad la'ang / /gnyis ka rtsod par byed pa na/ /gcig ni bu lon chags pa'i tshig / sngar gyi bu lon ded tshig gnyis/ /thug pa med pa'i 'jigs pa yis/ /ngag lhag chad rgyar 'bri mi byed/ /des na gtso bo'i thad du ni/ /'dun sa ba sogs kyis nges brjod/ /de ltar shes pa gsum kho na/ /thams cad kyi ni dbang byas 'dod/ /de 'dod phyir ni lha rnams la'ang / /bden pa gnyis gsum yod par brjod/ /des na rang la tshad nyid na/ /gnyis ka la yang thug med med/ /tshad ma nyid dang tshad min nyid/ /des na ji ltar rigs par gnas/ /rtag pa'am yid ches pas smras pa/ /dag gang nges par bzung ba yin/ /smra ba bo dang nyan pa yis/ /de ni cung zad skyon bcas su/ /mi byed de la rig pa yis/ /bla ma gang dag yin pa 'am/ /rtag tu gnod par byed pa pos/ /de 'drar skyo bar nus pa'am / /'jig med de ni 'dzin par byed/ /des na yon tan gyis bkag pa'i/ /skyon gyis ngag sun 'byin mi byed/ /yang na byed po med phyir te/ /skyon ni rten med mi 'gyur ro/ /der yid ches smras la skyon med/ /yon tan bdag nyid gnyis su snang / /yon tan gyis kyang tshad ma nyid/ /ji ltar grub min de ltar bstan/ /des na yon tan ldan pa'i phyir/ /des bstsal smra po la skyon med/ /skyon med pas ni nyer mtshon pas/ /dag ni rang las tshad ma yin/ /yid ches dag las skyon med par/ /yon tan dag gis rtogs she na/ /yon tan ldan nyid rjes 'gro la/ /de nyid thug pa med par 'gyur/ /de ni skyon med shes 'gyur bas/ /yon tan gyi shes de yi tshe/ /ltos par byed pa ma yin te/ /de la yon tan phan 'dogs min/ /yod pa tsam gyis de kun gyi/ /skyon rnams ldog par byed nus yin/ /de dag yod na mi'i skyon gyi / /yul can shes pa skye mi 'gyur/ /mi shes nyid phyir skyon rnams kyis/ /tshad ma nyid ni bsal ba yin/ /ma bsal bas ni grub pa yin/ /des na 'di yang rang la gnas/ /nyes pa yod dam med pa ni/ /skyes bu'i ngag la the tshom za/ /byed po med phyir thos pa la/ /skyon yod the tshom bdag la med/ /rig byed la yang tshad ma nyid/ /ma ltos nyid phyir gang brjod pa/ /yid ches ma smras pa la yang / /de ni rang las shin tu grub/ /rig byed don la tshad gzhan gyis/ /dus kun du ni ma 'brel gang / /de nyid kyis ni tshad ma nyid/ /gzhan du rjes su zlos nyid yin/ /gzhan la yang ni tshad nyid la/ /'brel pa rgyu nyid ma yin te/ /don mtshungs rnams la rtogs pa yis/ /mtshungs pa'i don gcig la rtogs pas/ /gcig nyid tshad ma nyid du 'gyur/ /gang la yang ni yongs gcod pa/ /tshad ma phyi mas slar yang 'gyur/ /der yang nges par snga ma yis/ /don de gsal bar nges bzung min/ /lan cig skyes nas 'jig pa ni/ /don la tshad min nyid 'gyur min/ /mig la sogs dang 'brel med pa/ /rna blo'ang tshad mar 'gyur ba min/ /'di la rna ba'i shes gzhan dang / /'brel phyir tshad nyid 'gyur zhe na/ /rig byed la yang de skyed pa'i/ /rnam shes gzhan dang 'brel pa grub/ /sgrub pa gzhan las skyes pa ni/ /blo ni gnyis la'ang yang yod min/ /des na rgyu gzhan gyis byas pa'i/ /shes pa mi slu 'dod min te/ /ji ltar dbang po gcig dag las/ /rnam shes gzhan gyis 'brel pa ni/ /mngon sum gyi rgyur brtags pa yin/ /de bzhin rig byed la brtag gis/ /ngag ni gcig pu kho na yis/ /yul dang dus dang mi sogs la/ /don gyi mi slu rnyed pa ni/ /rgyu gzhan brtsal bar mi bya'o/ /de phyir brtan par gang skyes pa'i/ /rnam par shes pa yul gzhan sogs/ / rnam shes rnams kyi slu med can/ /de ni tshad mar the tshom med/ /sgra rnams la ni tshad ma nyid/ /rjes su dpag pas bsgrub mi bya/ /mngon sum la yang nges bsgrub byas/ /tshad mar mi 'gyur khyad med phyir/ /tshad ma rnams kyis tshad ma nyid/ /gzhan ma gang gis bsgrub par byas/ / de yang gzhan gyis bsgrubs pa'i phyir/ /thug pa med par thal bar 'gyur/ /'on te sgrub par byed pa la/ /gzhan gyis ma bsgrubs tshad 'dod na/ /des na bsgrub bya la yang de / /ma bsgrubs pa yang de bzhin 'gyur/ /mngon sum la sogs tshad ma ru/ /de ltar gzung byas ma yin nam/ /de ltar gzung bar ma byas pas/ /tha snyad rigs pa ma yin no/ /nges par 'dzin pa'i sngon rol du/ /tshad mar rang nyid ni gnas na/ /de ni ltos med rang gi don/ /'jal bar byed de rang gis des/ /ji ltar rtogs par ma byas nyid/ /mig sogs dbang po rnams kyis ni/ /yul kun 'dzin par byed pa yin/ /de bzhin tshad ma rnams kyis kyang / /des na tshad ma nyid de la/ /rigs par 'gyur nyid mkho ba min/ /blo ni ma rtogs 'di las kyang / /yul gyi nyams myong dmigs par 'gyur/ /rang gi don la tshad min pa/ /tshad ma bzhin du rang las grub/ /de yi log nyid tshad ma gzhan/ /med na gzung bar mi 'gyur ro/ /gang phyir don ni log nyid du/ /snga ma 'dzin min de nyid bzhin/ /de yang don gzhan ngo bo blo/ /yang na rgyu ni skyon bcas pa/ /de tsam gyis kyang log nyid ni/ /'dzin 'gyur gzhan rgyu can ma yin/ /skye ba'i gnas skabs kho na la/ /'di ni tshad ma nyid du nges/ /des na gang du'ang log nyid ni/ /gzhan dag gis ni rtogs 'gyur na/ /de'ang de gnyis brjod bya ste/ /chos mthun tsam gyis brjod mi bya/ /tshad ma ma yin chos mthun tsam/ /gang cung zad tsam la brten nas/ /mi mkhas pa yis tshad ma kun/ /log pa nyid du sgrub par byed/ /de dag bdag nyid la gnod phyir/ /de 'dra'i sgrub pa rtogs par byed/ /gzhan la yang ni de 'dra yis/ /gzugs brnyan skye bar 'gyur ba yin/ /de yis bkag par byas pa'i phyir/ /log pa nyid du bsgrubs pas na/ /bskul la gnod pa byed mi nus/ /rang nyid tshad ma yin phyir ro/ /'di la brjod par bya ba min / /gang dag skyes nas gnas 'dod pas/ /de dag re zhig gnas skabs de'i/ /rgyu mtshan dang bcas yin du chug /bdag nyid thob phyir bum sogs ni/ /rgyu la ltos par byed pa yin/ /bdag nyid thob nas rang 'bras la/ /rang nyid kyis ni 'jug par 'gyur/ /skyes ma thag tu mi gnas pa/ /shes pa gang zhig khyed kyang 'dod/ /bdag nyid thob nas phyis med la/ /de la bya ba ci 'dra yod/ /gang phyir rgyu rnams kyi bya ba/ /skye ba las ni gzhan du mthong / /tshad ma la yang de bzhin du/ /mi 'gyur phyir na skye bar brjod/ /skad cig kyang ni de gnas min/ /tshad ma'i bdag nyid kyang skye min/ /gang gis don bzung rjes la ni/ /bya ba byed 'gyur dbang sogs bzhin/ /'on te skad cig min shes la/ /yang na brtag par khas len na / /khas blangs pa dang 'di 'gal phyir/ /'di ltar rigs pas kyang gnod yin/ /gang phyir dngos kun khyab pa ni/ /skad cig 'jig par bsgrubs pa yin/ /rtag pa bskyed bya ma yin pas/ /rgyu la ltos pa gang zhig yin/ /des na brjod par nus yin te/ /phyi nas tshad ma rang 'bras la/ /rang nyid kyis 'jug ma yin te/ /dngos med phyir na mkha' pad bzhin/ /skad cig ma yin shes pa de/ /yin chug rang gi tshad ma nyid/ /nges phyir rang nyid 'jug ce na/ /the tshom la sogs ci phyir 'gyur/ /gang phyir tshad ma nyid nges pa/ /de tsam las ni byung ba yin/ /de ni skyes par gyur pa na/ /the tshom phyin log rten med 'gyur/ /nges pa dang ni sgro 'dogs yid/ /gnod bya gnod byed ngo bo'i phyir/ /'di ni sgro 'dogs dben pa la/ /'jug ces bya bar shes par bya/ /des kyang bskul pa las byung blo/ /tshad ma nyid sgrub don du ni/ /skyon bral rgyu las byung ba'i phyir/ /rigs pa de ni don med 'gyur/ /rang las tshad ma nyid grub kyang / /de ni gnod pa sel ba can/ /gal te 'dod na de la ni/ /ma yin the tshom mi srid phyir/ /ji srid nges pa ma skyes pa/ /de srid kho na the tshom yod/ /de la nges pa skyes gyur na/ /tshad ma min blo ga las 'gyur/ /gang gis de ni ldog don du/ /'bad pa don dang bcas par 'gyur/ /mtho yor de bdag nyid nges pas/ /gzhan nyid snyam du sems pa med/ /gang phyir dngos po gang la ni/ /ngo bo gang las nges skyes na/ /de las bzlog pa'i dgos pa ni/ /rang nyid kyis ni ldog par 'gyur/ /ji ltar du sogs rtags dag gi /me sogs yod par nges pa na/ /de med the tshom rnams gcod pa/ /de nyid kyis ni 'thad ma yin/ /tshad ma ma yin rnam gcod kyang / /rang nyid kyis ni 'dod par gyis/ /de phyir tshad ma ma yin nyid/ /ldog phyir sgrub pa rigs ma yin/ /gal te der ni tshad min gnyis/ /dogs pa 'jug par 'gyur ba na/ /'khrul pas de yi yul byas pas/ /tshad ma nyid du nges mi 'gyur/ /gang zhig phyin ci log the tshom/ /shes pa rnams kyis yul du byas/ /mtho yor bzhin du de la ni/ /de tshe de dngos nges pa med/ /ji ltar gtor zan du ba dang / /rgyu las byung skyon sogs shes pas/ /yul dang me dang tshad min sogs/ /gzhan las nges par 'gyur ba yin/ /gang gis phyin ci log the tshom/ /yul nyid du rtogs de bzhin no/ /tshad ma nyid la de la ni/ /gzhan la nges par rtogs par gyis/ /khyed cag gi phyogs 'di yin te/ /gang dag la ni dgag thos pa/ /de nyid la ni rnams gcod du/ /gzhan du rang gi bdag nyid rtogs/ /bskul ba las byung ba yi blo/ /tshad ma yin zhes de la yang / /dgag pa'i sbyor ba yod min te/ /des na tshad min ldog mi 'gyur/ /gzhan yang gal te tshad kun la/ /tshad ma nyid ni nges gyur na/ /de nyid kyis na smra po la/ /de tshe 'dod pa tha dad cing / /gang zhig 'ga' zhig rang nyid kyis/ /nges par gsal bar smras pa yin/ /cung zad rang las cung zad gzhan/ /gzhan dag gis nges med par 'dod/ /gang gis 'khrul pa las byung rtsod/ /de yang nges pas gnod par 'gyur/ /des na de nyid nges byas la/ /rtsod pa po rnams rtsod mi bya/ /tshad ma rnams la rang las ni/ /tshad ma nyid du nges pas na/ /slu ba'i don ni cung zad med/ /nges par byas pas 'jug phyir ro/ /tshad ma min la tshad nyid kyi / /blo yis 'jug na slu bar 'gyur/ /rang las tshad ma nyid rtog pas/ /phyin ci log pa cung zad med/ /tshad ma ma yin las 'jug na/ /slu bar thob 'gyur ma yin nam/ /nges pa de las gzhan na ni/ /gnod pa shes pa las 'dod yin/ /tshad ma nyid kyis 'jug pas na/ /slu ba thob par mi 'gyur ro/ /kho bo cag gis 'di nyid las/ /rang la de bdag nyid nges brjod/ /de min dgongs pa ma shes phyir/ /'dir ni 'di brjod 'dod ma yin/ /tshad ma thams cad rag las yin/ /tshad ma yin na nges yin na/ /gang las rang gi tshad nyid kyis / /nges pa med par 'gyur ba na/ /shugs kyis nges par de la ni/ /tshad ma nyid nges par rtogs 'gyur/ /don gzhan rgyu skyon bcas pa yi/ /shes pa la ni ma ltos phyir/ /de yi tshad min nyid nges phyir/ /tshad ma la ni tshad ma nyid/ / phyin ci log par rigs pa min/ /slu ba de las 'ga' zhig kyang / /'jug par mi 'gyur de rtogs phyir/ /skye ba las ni gzhan pa yi/ /bya ba la ni dus med yin/ /bum sogs skad cig min nyid phyir/ /des na dpe ni ma grub bo/ /de dag rnams ni dus phyi mar/ /rdza mkhan sogs la ma ltos pas/ /rang gi nyer len sogs ltos phyir/ /rang las 'jug pa yod pa min/ /gzhan las tshad ma gnas pa na/ /thug pa med par mi 'gyur te/ /gang phyir don med shes pa ni/ /rang las tshad ma nyid du nges/ /snga ma'i shes la 'di la ni/ /phul du byung ba ci zhig yod/ /gang gis sngar shes bzhin de yang / /gzhan las khas mi len ce na/ /smra ba'i dngos po'i mi slu bas/ /tshad ma nyid du brjod pa yin/ /de yang don byed par snang ba'i/ /shes las gzhan mtshan nyid can min/ /don byed par yang snang ba yi/ /shes pa gsal ba rigs pa yin/ /de tsam las ni byung ba yi/ /bsre ba'i shes pas nges par 'gyur/ /des na de yi tshad ma nyid/ /rang las nges par byas pa'i phyir/ /phyis kyi don byed thob pa yi/ /shes pa la ni ltos pa min/ /'bras bu snang ba'i shes pa ni/ /tshad ma'i ngo bo nges byas pa/ /rgyu 'dis dang po'i shes pa yang / /tshad ma nyid du nges pa yin/ /dang po'i dngos med yul can na/ /dngos po mi slu'i mtshan nyid can/ /gnyis pa 'jug par mi 'gyur te/ /de yi rgyu ni mi srid phyir/ /a sho ka yi me tog tshogs/ /me yi ngo bor nges byas kyang / /sreg dang btso bar snang ba can/ /shes pa nam yang skye mi 'gyur/ /skyes na me la rigs mthun par/ /de ni thal bar mi 'gyur te/ /me ni bya ba btso sreg gi /rgyu tsam mtshan nyid can yin phyir/ /des na don byed snang ba yi/ /shes pa ji srid mi skye bar/ /de srid 'khrul pa'i rgyu yis ni/ /dang po tshad min dogs pa skye/ /rjes thogs 'bras bu ma mthong dang / /'dra ba nyid ni dmigs pa ni/ /blo yi mi gsal nyid la sogs/ /'dir ni 'khrul pa'i rgyu yin no/ /'bras bu snang ba'i shes pa ni/ /skyes par gyur na de yod min/ /dngos su dngos po dang 'brel pa'i/ /'bras bu so sor rig pa'i phyir/ /'khrul med yul ni rtogs pa'i phyir/ /mi mthun par ni rtogs par 'gyur/ /de yi 'bras bu ma myong yang / /dang po'i shes la goms can 'jug /mi mthun 'jug pa med na yang / /rigs mi mthun dogs rtogs pa yis/ / 'bras bu snang ba'i shes pa ni/ /med na tshad ma nges mi 'gyur/ /de la tshad ma nyid yod kyang / /nges par byed par nus pa min/ /phyis don byed shes 'ga' zhig gis/ /de ni rtogs par 'gyur ba yin/ /des na dang po'i shes pa ni/ /de ni mi slu ba la ltos/ /mi slu ba yang mi slu ba/ /de bzhin btsal bar mi bya ste/ /'khrul pa'i rgyu ni med pa'i phyir/ /rang las de ni tshad ma yin/ /dang po'i rang las tshad dngos la/ /zhe sdang 'khrul pa srid pa'i phyir/ /rnam par shes pa de la ni/ /tshad nyid nges byas ma yin nam/ /'dod pa'i don ni ma rtogs phyir/ / de las rtog ldan ji ltar 'jug /smras pa rtog pa dang ldan de/ /the tshom las ni 'jug pa yin/ /de lta yin yang de la ni/ /rtog ldan ngo bo nyams mi 'gyur/ /gang gis tshad ma la the tshom/ /yod kyang the tshom gyis 'jug na/ /de yang tshad ma nyid nges pa'i/ /thabs nyid du ni nges pa ni/ /the tshom gyis ni 'jug pa na / /gal te bdag gis don thob 'gyur/ /de lta yin na shes de yi / /tshad ma nyid du nges par 'gyur/ /gzhan du min te 'di ltar yang / /'di ni rtsod pa rigs bcas min/ /ci phyir thabs la 'jug ce na/ /gang phyir gzhan du nges pa med/ /thabs med na ni 'ga' zhig gis/ /thabs las byung ba rtogs mi 'gyur/ /de ltar the tshom gyis 'jug kyang / /rtog pa dang mi nyid min/ /don byed snang ba'i shes pa ni/ /rmi lam na yang yod min nam/ /de ni tshad ma nyid min te/ /de rgyu dang po cis tshad min/ /de min 'khrul bcas gnas skabs kun/ /de ni phyi rol rgyu mtshan yin/ /phyi rol dngos po'i mi slu ba/ /gnas skabs de dag la yod min/ /rang rigs ngo bo sems dang ni/ /sems byung mi mthun mtshan nyid yod/ /de yis gnas skabs gnyis bye brag /gsal bar rtogs par 'gyur ba yin/ /brgya la de yis tshad ma nyid/ /gzhan nas nges par byed yin na/ /gzhal bya nyid thal 'gyur zhe na/ /de ni 'gal med ma yin nam/ /de ni gzung bya'i dngos ltos nas/ /tshad ma nyid du de ni brjod/ /gzhan las de ni rtogs pa'i phyir/ /gzhal bya nyid du rnam par gnas/ /ltos pa dbye bas de ltar yin/ /rgyu dang 'bras bu nyid sogs yin/ /tshad ma nyid dang gzhal bya nyid/ /rnam par gzhag pa 'gal ba min/ /de ltar don byed shes pa las/ /tshad ma nyid du nges pas na/ /thug med ma yin gzhan la ni/ /'dod pa ldog phyir zhes byar gnas/ /rnam par shes pa skyed pa na'ang / /ji srid rgyu yi dag pa nyid/ /tshad ma gzhan gyis ma rtogs na/ /de srid don ni nges gzung min/ /'dir yang blo bzangs smra ba ste/ /thug med ma yin gang gis na/ /ltos med mi slu'i shes pa las/ /dag pa de ni rtogs par 'gyur/ / 'bras bu mi slu ba mthong bas/ /yul ni nye bar gnas nges na/ /rgyu rnams kyis ni dag pa nyid/ /'bad mi dgos par rtogs par 'gyur/ /bskal pa yi ni yul la yang / /de la byung blo tshad ma yin/ /des skyed nyid phyir dper na ni/ /nyer gnas spyod yul can de bzhin/ /ji ltar mdun gnas dung la ni/ /dkar po bsgrub pa'i byed thob nas/ /mig ser gyis btab dbang po las/ /byung ba'i rnam shes min par rtogs/ /de la rgyu yi dag pa ni/ /rtogs par 'gyur na de'i dus su/ /gser las byas pa'i dung la ni/ /ser po'i rnam pa'i blo 'byung gang / / rnam par dag pa'i rgyus bskyed phyir/ /de ni tshad ma nyid du nges/ /don gyi byed pa rdzogs gyur pa'i / /dung la dkar po'i blo bzhin no/ /bkres sogs kyis ni nyen sogs pa'i/ /tshig gis 'dir ni smras min na/ /des na bshad pa byed pa po/ /rmongs pas thug med 'dir rtsod byas/ / skyon byas rgyu yis bskyed byas pa'i/ /dogs pas dang po tshad nyid du/ /rtogs par mi 'gyur de bzhin pa'i/ /shes pa khyad par can du 'dod/ /de ltar don byed shes pa yis/ /rgyu yi dag pa nges byas nas/ /don byed ma byas pa'i yul la/ /'jug pa'i skyon mi brjod rigs yin/ /gal te rang las tshad ma nyid/ /kun la spyir bstan can du gnas/ /gnod dang rgyu skyon bcas nyid kyi / /shes pa dag gis de bsal yin/ /gnod dang rgyu skyon bcas pa yi/ /shes pa med phyir tshad ma nyid/ /thob 'gyur de ni gzhan las ni/ /tshad ma nyid nges de ltar 'gyur/ /'di ltar de med pa 'di ni/ /khyed phyogs dngos med ces bya ba'i/ /tshad ma gzhan yin bdag gzhung la/ /mi dmigs zhes bya'i rjes dpag yin/ /rigs pa 'di nyid kho na yin/ /tshad min pa yang rang las yin/ /gang phyir der yang 'di 'dra ba'i/ /rigs pa 'di ni brjod par nus/ /de phyir rang las tshad min nyid/ /kun la spyir bstan can du gnas/ /gnod dang rgyu skyon bcas nyid kyi/ /shes pa med phyir de bstsal yin/ /de ltar rtogs pa'i bdag nyid kyi/ /blo ni tshad ma nyid thob 'gyur/ /ji ltar don shes rgyu las byung / /yon tan shes pa dag gis sel/ /tshad min gzhan la rag las na/ /thug pa med pa kho nar 'gyur/ /de ni tshad ma la rag las/ /de yang rang las gnas pa min/ /'di ltar gnod pa med pa'i phyir/ /tshad ma nyid du khyed kyis smras/ /de bzhin dngos med la yang ni/ /dngos med ces bya tshad gzhan 'dod/ /de yang gnod pa med pa'i phyir/ /tshad ma nyid du 'dod pa yin/ /de dang de de ltar 'dod na/ /des na mthar thug rnyed mi 'gyur/ /des na gnod can shes pa la/ /ltos med tshad ma nyid mi 'grub/ /de phyir snga ma'i shes pa ni/ /'di yis bsal bar mi 'gyur ro/ /'on te gnod med ma ltos par/ /gang zhig tshad ma nyid 'dod na/ /dang po de ltar 'gyur ba la/ /rgyu mtshan gang gis sdang ba yin/ /ma ltos tshad ma nyid yin phyir/ /gnod pa can gyi shes pa 'di/ /gal te gnod can shes pa 'dis/ /snga ma'i shes pa sel byed na/ /de las gang gis dogs par 'gyur/ /ltos med tshad ma nyid yin te/ /'di ni gnod pa can dogs 'gyur/ /gang phyir de 'gal nges byas na/ /dogs pa skye bar mi 'gyur ro/ /rang las tshad ma nyid phyogs la'ang / /rang nyid kyis ni nges pa skye/ /gnod pa yod par sgrub pa yis / /'bad pa ci phyir byed pa yin/ /'di ltar rang nyid gang la yang / /tshad ma nyid du nges pa mad/ /'bad pa med par shugs kyis ni/ /de la gnod pa med pa yin/ /des na rtogs byed shes pa gsum/ /ci phyir 'di ni brjod pa yin/ /de las de ni nges byas pas/ /gcig gi yang ni go skabs med/ /gal te ma dmigs pa la yang / /the tshom gyis ni dogs skye na/ /gang phyir gnod pa med pa dang / /med na mi 'byung mi dmigs yin/ /de ltar yin na shes gsum la/ /ci phyir khyod ni mgu bar byed/ /gnod pa ma mthong na yang ni/ /'dir ni snga ma bzhin gnod dogs/ /ji srid 'bras bu'i mi slu med/ / de srid gnod pa'i dogs pa ni/ /gang phyir ldog par mi 'gyur te/ /de phyir shes gsum nges don med/ /des na gnod ma skyes pas kyang / /slar yang gnod par dogs pa yin/ /gang phyir dngos po'i de nyid ni/ /nam yang tshig dor gyis gnas min/ /ji srid 'tsho yi bar du ni/ /dung la ser por snang shes pa/ /gnod pa'i shes pa dang bral zhing / /ji srid 'tsho yi bar du skyes/ /gang phyir tshad mar skye mi 'gyur/ /rnam par dag pa'i rgyu med phyir/ /yang na rgyu mtshan gzhan gyis ni/ /gnod pa can du mi skye ste/ /des na dogs pa ldog mi 'gyur/ /des na rgyu mtshan dang bcas pa/ /dogs pa 'di yin rmongs pas min/ /dag pa mi slu mthong bas na/ /blo bzang dogs pa med par 'gyur/ /de ni tha snyad thams cad la/ /the tshom bdag nyid skye mi 'gyur/ /ngag dang mi slu ba mthong bas/ /de blo the tshom med pa yin/ /'dir yang rmongs pa 'ga' zhig gang / /slar yang dogs par byed pa na/ /de la brten nas khyab 'jug gis/ /the tshom bdag nyid la smang byas/ /yul dus mi yi gnas skabs kyi/ /dbye ba la ni ltos nas su/ /tshad ma nyid nges rtogs na yang / /gsal bar gzhan las tshad nyid nges/ /'di ltar yul dang dus sogs la'ang / /tshad ma gzhan las gnod pa ni/ /med par nges phyir snga ma yi/ /shes la tshad ma nyid ni nges/ /bu lo na la sogs tha snyad ni/ /ngag gsum sbyor ldan gang de ni/ /de 'dra'i tshig dor bdag nyid can/ /tshad ma'i skabs su brjod bya min/ /gang phyir bu lon de dang chags/ / de ni gsal por dran dran nas/ /dngos po de la shin tu ni/ /dpyad par bya ba 'dod pa min/ /dngos po'i gnas pa'i tshad ma ni/ /gzhag bya tshig dor gyis ma yin/ /des na skabs dang mi mthun pa'i/ /tha snyad 'di ni dper byas yin/ /lha rnams kyi yang bden pa gsum/ /nges par byed pa'i rgyu ma yin/ /dang pos nges pa med pas na/ /gzhan las kyang ni de 'gyur min/ /gang phyir de nyid kho na yi/ /phyi ma'i tshig gnyis kyang yin te/ /des na dang pos nges med na/ /de las gzhan na khyad ci yod/ /de phyir sngar bshad rigs pa yis/ /khyed kyi phyogs la thug med 'gyur/ /tshad ma dang ni tshad min nyid/ /des na ji ltar rigs par gnas/ /kho bo cag gis rtogs pa'i ngag /sngar ni rgyas par gsal bar byas/ /khyed kyis 'dod pas yid ches pa'i/ /gang zag ma lus skyon bral med/ /sgrib pa'i phung po ma spangs pa/ /ji ltar yid ches gang zag 'gyur/ /gang phyir de la skyon yod phyir/ /rnam pa gzhan du tshig srid yin/ /yid ches skyes kyang de yi ni/ /yon tan tshogs de sus rtogs nus/ /gang la yid ches pas smras pa'i/ /ngag ni nges par bzung ba yin/ /de yi yon tan phun tshogs ni/ /gang gis dbang 'das mthong bas mthong / /de la yang ni yid ches pas/ /smras pa'i tshig gis dogs pa med/ /de ni gang la'ang mi ltos par/ /rang nyid kyis ni don rtogs 'gyur/ /gzhan ni yid ches phyir mi shes / /de las don rtogs ma yin no/ /rang las tshad ma nyid smra bas/ /rang nyid kyis ni nges skye'i phyir/ /'jigs pa srid pa mi rung bas/ /ci phyir skyon ni sel bar byed/ /yon tan gyis bstsal skyon rnams kyis/ /ngag sun 'byin byed ma yin bden/ /'on kyang yon tan ma nges par/ /de nges byed nus ma yin no/ /ngag la ma byas pa nyid ni/ /sngar nyid bkag par byas zin te/ /des na byed po med na skyon/ /de dag rten med mi 'gyur min/ /yon tan rnams kyi tshad ma nyid/ /ji ltar rigs pa de ltar bshad/ /yon tan rnams ni ma shes par/ /skyon med par ni mtshon mi 'gyur/ /skyon med par mtshon dag de ni/ /rang las tshad ma nyid rigs min/ /yongs su ma shes pa yi phyir/ /skyon med nye bar mtshon ma yin/ /gang phyir dbyug pa ma shes par/ /skyes bu dbyug pa can mtshon min/ /des mtshon rang las tshad ma ni/ /zhes bya de ni phan tshun 'gal/ /dngos med tshad mas skyon med ni/ /tshad ma nyid nges bdag nyid can/ /ngag gi mtshan nyid rigs yin te/ /des na gzhan las tshad mar gnas/ /de dag yod na mi'i skyon gyi/ /yul can shes skye mi 'gyur min/ /yon tan rnams ni ma shes par/ /skyon med nges par ji ltar 'dod/ /zhe sdang gti mug brtse med skyon/ /brtse dang shes rab sogs kyis gnod/ /brtse sogs nges par ma byas par/ /de dag med par ji ltar 'dod/ /yon tan shes 'gyur nyid kyis ni/ /de tshe bya bcas 'jug min na/ /skyon med la ni yod pa tsam/ /phan 'dogs byed par shes par bya/ /gal te de ltar the tshom dang / /de bzhin phyin log blo med 'gyur/ /yid ches 'dod pa yod pa na/ /skyon rnams yod dam med par 'gyur/ /des na 'dir ni 'ga' zhig la/ /the tshom phyin ci log yod na/ /ji srid yon tan tshogs rten shes/ /de ni rtogs par ma byas dang / /'on te skyon med ma shes na/ /ji ltar rang las tshad nyid med/ /de bzhin smra po de la ni/ /log pa'i blo ni skye mi 'gyur/ /skyon med par ni ma shes phyir/ /tshad ma gnyis po med pa ru/ /ji ltar rtogs par 'gyur ba yin/ /gang gis tshad ma nyid nges 'gyur/ /'on te tshad min gnyis med par/ /ma rtogs na yang rang nyid kyis/ /tshad ma nyid ni rtogs pas na/ /sngar bzhin log pa'i blo mi 'byung / /de'i tshig tshad ma yin nam ci/ /yang na tshad ma min te yin/ /tshad ma nyid du nges pa'i phyir/ /kun la tshad ma nyid du 'gyur/ /skyon med dang ni tshad min med/ /yon tan yong dang gsum la na'ang / / des na nges par rtogs pa ni/ /gdon mi za bar khas blang dgos/ /de yang tshad ma yin nam min/ /de ltar de yang brtag par bya/ /ji bzhin don ni nges pa yis / /yan lag tshad min ji ltar 'gyur/ /tshad ma yin na gzhan las ni/ /de yis tshad ma nyid nges thob/ /rtog pa de yi tshad ma nyid/ /ji ltar rtogs par 'gyur ba yin/ /gnod shes med pa'i phyir zhe na/ /de yang tshad ma yin nam ci/ /'on te min zhes slar yang 'dir/ /skyon ni thams cad kyang 'jug 'gyur/ /tshad ma yin na gzhan las ni/ /de ni tshad ma nyid du 'gyur/ /ji bzhin don shes rgyu nyid du/ /tshad ma yin pa gang las 'gyur/ /'di la yang ni tshad ma nyid/ /gang gis rtogs zhes dpyad par bya/ /gnod can shes med phyir zhe na/ /des na thug pa med thal 'gyur/ /de phyir yon tan gyis skyon rnams/ /med par nges te med pas na/ /tshad min gnyis ni med pa yis/ /des na spyir bstan ma bsal yin/ /thams cad la ni de bzhin du/ /tshad ma nyid du nges she na/ /'dir yang sngar bstan skyon tshogs dang / /thug pa med par thal bar 'gyur/ /skyon med tshad min med pa nyid/ /skyon med tshad min med nyid ces/ /de ni dgag pa 'ba' zhig gi / ngo bo gal te rtogs byed na/ /de ni 'grub par mi 'gyur te/ /dngos med phyir ro dmigs pa yis/ /de grub rigs min dngos med phyir/ /thug pa med pa'i skyon yod pas/ /ma dmigs pas kyang de rig min/ /skyon dang tshad min gnyis med par/ /ma dmigs pa yis rtogs byed na/ / ma dmigs pa la med pa nyid/ /gzhan gyis rtogs pas thug med 'gyur/ /de yang ma yin dgag bdag nyid/ /de yis bden pa gzhan mthong phyir/ /skyon med yongs su shes pa ni/ /yon tan shes pa'i bdag nyid 'gyur/ /tshad min gnyis po med pa yi/ /shes pa de 'dra dben pa ni/ /brjod 'dod tshad ma'i shes pa yi/ /rang bzhin du yang thal bar 'gyur/ /yang na rang gi rgyud kyis ni/ /tshad min gnyis med shes grub na/ /khyed la lhag pa'i tshad nyid kyis/ /nges pa gang las gyur pa yin/ /gzhan du mi 'thad pas she na/ /don gyis go bar 'gyur min nam/ /rjes su dpag pa'am gzhan las kyang / /des na gzhan las nges par 'gyur/ /khyed la rigs pa 'di nyid kyis/ /tshad ma ma yin pa yang ni/ /rang las thal bar 'gyur ba ru/ /gang yang rung ba bsal brjod nus/ /des na skyon phyis yon tan ni/ /med pa 'gyur te de med pas/ /tshad ma ma yin dngos nyid ni/ /des na spyir bstan bsal ba min/ /gang phyir spyir bstan ngo bo 'di/ /brjod par 'dod pa tsam gyis sbrul/ /tshad ma bzhin du tshad min la'ang / /gsal bar brjod par nus pa yin/ /gang phyir rtog pa'i bdag nyid kyis/ /blo ni tshad ma nyid thob 'gyur/ /ji ltar don shes rgyu las byung / /yon tan shes pa dag gis bsal/ /mi shes nyid phyir yon tan gyis/ /tshad min nyid ni bstsal ba min/ /ma bstsal bar ni grub min te/ /de ni rang las gnas pa yin/ /nyes pa yod dam med par ni/ /skyes bu'i ngag la the tshom za/ /byed po grub phyir rig byed la'ang / /bdag la skyon gyi dogs med min/ /des na ma ltos nyid kyi phyir/ /rig byed tshad mar gang brjod pa/ /de grub min te gang gis ni/ /de yang byed pa ma ltos yin/ /gal te the tshom skye ba'i phyir/ /mi slu ba yi shes pa'am/ /rgyu yi dag pa ma nges na/ /de tshe rig byed tshad ma min/ /gzhan las yang ni tshad nyid la/ /de ltar gyur pa 'brel pa nyid/ /gang phyir rgyu ru brtags pa des/ /de rgyu mtshon du nges pa skye/ /de yi tshad nyid yod pa ni/ /de yis nges par byas pa yin/ /snga na med pa'i tshad ma nyid/ /de la 'di yis bskyed byas min/ /lan cig skyes nas 'jig pa yi/ /don ni tshad ma nyid du 'gyur/ /nges ma byas kyang de yod nyid/ /sngar bshad rim pas nges par 'gyur/ / gal te rgyu yi dag pa nyid/ /shes na de la nges par 'gyur/ /yang na btso sreg la sogs pa'i/ /mtshan nyid don byed thob pa yis/ /gal te 'bras 'byung la ma ltos/ /goms bcas 'jug pa yod na nges/ /thabs thams cad dang bral ba na/ /tshad ma nyid ni nges 'gyur min/ /des na tshad ma nyid de ni/ /yod kyang nges par ma byas na/ /med pa dang ni 'dra ba yin/ /yod ces bya bar brjod mi bya/ /rna ba'i blo la'ang gsal ba ru/ /mig sogs blo dang 'brel pa yod/ /gang phyir tshogs gcig rag las nas/ /gzugs dang sgra sogs zhugs par 'gyur/ /phan tshun tha mi dad rgyun gyis/ /gcig la gcig ni rgyu ru 'gyur/ /de lta yin na de dag las/ /des na 'brel pa gsal bar yod/ /de yi sgo nas de blo yang / /du bas bud shing 'gyur ba bzhin/ /de'i phyir blo ni tshad mar 'gyur/ /de las gzhan blo dang 'brel phyir/ /'di ni bsgrub gzhan las skyes pa'i/ /blo ni nges par byas pa yin/ /des na rgyu gzhan gyis byas pa'i/ /shes pa'i mi slu 'dod pa yin/ /de ltar dbang po du ma la/ /rag las shes pa dang 'brel pa/ /mngon sum gyi rgyur brtags pa yin/ /rig byed la de mi snang ngo / /'di ltar chu la dang po'i shes/ /mig las byung ba skye bar 'gyur/ /'thung dang reg sogs snang ba can/ /lce dang lung rten shes pa bzhin/ /ngag ni gcig pu kho na yis/ /yul dang dus dang mig sogs la/ /don gyi mi slu rnyed min te/ /kun la the tshom 'byung ba'i phyir/ /nges pa'i yan lag dang bral ba/ /sgra rnams dgod pa tsam du ni/ /me'i sbyin sreg gis mtho ris 'gyur/ /de ltar mtshungs par thos pa yin/ /bram ze rnams la mtho ris sogs/ /'dod pa tha dad du ni snang / /de phyir 'dir ni mi rnams la/ /don gyi mi slu 'thob pa yin/ /bskul ba las byung shes pa la/ /brtan pa nyid ni sngar bsal zin/ /de 'dzin gzhan dang mtshungs pa'i phyir/ /de ni dngos la the tshom za/ /thams cad ma mthong bram ze yis/ /bskul ba las ni 'byung ba'i blo/ /kun la mi slu can yin par/ /de ni gang las nges par byas/ /mngon sum tshad ma nyid du yang / /rjes su dpag pas nges par bshad/ /dag pa'i rgyu yis bskyed pa'i phyir/ /de ni tshad yin de gzhan min / /thams cad la ni de nyid 'di/ /tshad ma gzhan gyis bsgrub bya min/ /de phyir don byed shes pa la/ /'khrul pa med par sgrub zin to/ /bdag nyid 'bras brtags ming can ni/ /ma 'khrul par ni nges pa yi / / rjes su dpag pa skyes pas kyang / /'khrul pa cung zad yod pa min/ /la lar sna tshogs 'khrul pa yi/ /rgyu mtshan stobs kyis 'byung ba can/ /'khrul pa gzhan gyis spong 'gyur te/ /gang phyir de la nges pa med/ /mi gsal gsal ba nyid yin pas/ /gsal ba don grub mi 'gyur te/ /gzhan gyi mngon sum bzhin des na/ /shes pa rig par 'dod par gyis/ /rang nyid bems po'i dngos yin phyir/ /mig sogs dbang po rnams kyis ni/ /yul rnams 'dzin pa ma yin te/ /de dag shes pa'i rgyu nyid yin/ /des na tshad ma nyid 'di la/ /rig par byed par nyer mkho yin/ /gang phyir rig par ma byas 'dis/ /yul gyi rnam pa nyams myong min/ /rang rig pas ni gzung byas kyang / /'di ni 'di ltar 'gyur ba yin/ /'khrul pa'i rgyu ni yod pa'i phyir/ /de dngos nyid kyang nges med 'gyur/ /de tshe don gyi de dngos kyang / /'di nyid kyis ni nges 'gyur min/ /'dra ba nyid sogs dmigs pa yis/ /de las gzhan sgro btags srid phyir/ /goms pa las byung shes pa ni/ /ji ltar rang las tshad mar rtogs/ /de bzhin log shes 'ga' zhig ni/ /rang las tshad min nyid du gnas/ /gnod dang rgyu skyon bcas shes pa'am / /thug pa med par bshad pa yin/ /des na the tshom gyis log nyid/ /'dzin par nus pa ma yin no/ /skye ba'i gnas skabs kho na ni/ /'di ni tshad ma nyid du nges/ /'di ni tshad ma nyid du ni/ /rang rig pa yis nges min te/ /mi 'dod pa dang rtog med phyir/ / shes pa gzhan gyis kyang min te/ /dus der nye bar mi gnas phyir/ /de yang mi gsal dngos phyir ram/ /thug med thal bar 'gyur phyir yang / /rig byed la yang gnod can gyi/ /tshad ma rjes dpag med nyid bstan/ /der bshad bdag sogs gsal byas bas/ /des na tshad mar mi 'thad do/ /skyes bus byas nyid grub zin pas/ /rgyu mtshan skyon dang bcas par dogs / /me bzhin rang las nus pa ni/ /log pa'i shes pa la yod 'gyur/ /de ni bskul byung shes pa yi / /rgyu mtshan skyon dang bcas par dogs/ /skyon mthong ba la skyon dogs pa/ /bye brag yod par mi 'gyur ro/ /de phyir rig byed la yang ni/ /rang las tshad ma nyid rigs min/ /des na nges par skyon med pas/ /byas dang bshad pa nyid 'dod kyi / /ji lta ji ltar smra ba po/ /gang phyir chags sdang la sogs ldan/ /de lta de ltar rang 'don pa/ /shin tu srung byed ma yin nam/ / gang las gang zhig stobs chung ba/ /gang las 'dod pa sngar bslabs yin/ /su yis dbyangs ni nyams byas te/ /mtshams min mtshams bcad gang gis byas/ /de ltar gang zhig brtson 'grus ldan/ /skyon ni tshol bar byed pa yin/ /de ni mdzes bcas rig byed ni/ /skyon med ji ltar 'dod mi byed/ /gzhan gyis rig byed nyams byas nas/ /blo gtsang rig byed 'don skyes bus/ /yal bar dor nas gnas byed cing / /de dag gnod par mi byed na/ /de tshe dus mang btang snyoms kyis/ /rig byed nyams par gyur nas ni/ /gzugs brnyan dang ni 'dra gyur nas/ / rig byed gzhan nyid du ni 'gyur/ /'dod chags zhe sdang rnams bral bas/ /rig byed nyams pas sel byed pa/ /rtag tu rig byed bsrungs ba yis/ /rang gi ngo bor 'dor mi byed/ /'gro ba thams cad nang du yang / /'di 'dra ma yin par 'dod min/ /don dam rab thim chen po ni/ / shes par 'gyur ba min zhe na/ /de ltar de min gang gi phyir/ /de ltas 'don pa mtshungs nyid 'gyur/ /dbang po las 'das mthong med na/ /de don de nyid kyis rtogs med/ /skyes bu thams cad dag dang ni/ /de bzhin yul dus ma lus pa/ /lag mthil skyu ru ra bzhin gsal/ /nang gi sems la dngos su snang / /de ni 'dod pa'ang mtshungs nyid du/ /rtogs par nus te gzhan du na/ /yul dus mi yi gnas skabs kyi/ /dbye bas phyin log blo cis 'gyur/ /rtag tu 'gro ba 'di 'dra yin/ /'di yang khyed la tshad ma med/ /ma mthong tsam gyis 'jig pa yang / /byed pa nyid du rigs pa min / /rang las tshad ma nyid phyogs la/ /rig byed rang gi don la ni/ /rang las nges par byed des na/ /rang dngos la rmongs sogs mi srid/ /de ni mi shes dang the tshom/ /phyin ci log med go 'phang gnas/ /gnyis skyes phru gu 'ga' zhig kyang / /bshad pa la ltos mi 'gyur ro/ /de bzhin mi shes rtsa ba ni/ /'di la 'jig pa mi srid do/ /rdo rje bas lhag rtag pa la/ /'jig pa ci 'dra ba zhig yod/ /mngon gsal gzhan nyid yin zhe na/ /de ni rtag pa spangs min nam/ /de phyir 'di la bsrung ba ni/ / bram ze rnams ni don med byed / /des na dbang 'das don mthong ba/ /nang gi mun pa'i tshogs 'joms pa/ /rig byed don gyis dbye shes dang / /byed pa po yang khas blang gyis / /de kho na nyid bsdus pa'i tshig le'ur byas pa las/ rang las tshad ma brtag pa ste nyi shu rtsa dgu pa'o// // de ltar tshad ma thams cad ni/ /rang las tshad ma nyid mi gnas/ /dbang po las 'das don rig pa'i/ /skyes bu grub phyir 'bad mi dgos/ /gang phyir skyes bu las kyang ni/ /rig byed tshad ma nyid du gnas/ /de ni dbang 'das shes nyid ni/ /de las de ni tshad nyid gyur / /gzhan du mi shes the tshom dag / phyin ci log dang rjes 'brel can/ /skyes bu byed po yin na 'di/ /gzhan bzhin tshad mar mi 'gyur ro/ /mtho ris mchod sbyin sogs 'brel ba/ /shes nas gang gis de bshad yin/ /gsal bar dbang 'das shes pa can/ /gzhan gyis de yang khas blang dgos/ /'dir ni chos shes nyid dgag pa/ /'ba' zhig nye bar mkho ba yin/ /gzhan ni thams cad shes na yang / /skyes bu gang gis gnod par 'gyur/ /thams cad kyis sgra thams cad du/ /gnas skabs la ltos 'dod pa yin/ /des na skabs kyis thams cad mkhyen/ /med na kho bo ci zhig nyams/ /don la mi srid pa'i 'bras bu/ /cung zad sgra la'ang brtags pa yin/ /der gang thams cad sgrar rtog na/ /ming tsam kun mkhyen de yin bla/ /'on te skabs kyi cung zad ni/ /til mar chu dang mar sogs gang / /thams cad des ni kun mkhyen na/ /de ltar yin chug dgag mi bya/ /yang na dngos med dngos rang bzhin/ /'gro kun brjod par byas pa gang / /de mdor bsdus pas kun mkhyen pa'i/ /skyes bu su zhig gis ni bkag /de ltar shes bya gzhal bya nyid/ /mdor bsdus nas kyang thams cad nyid/ /brten nas gal te kun mkhyen na / /de spong su zhig nus pa yin/ /ji snyed dngos po gang dag gis/ /thams cad nyid du nges bzung yin/ /de shes pas kyang kun mkhyen na/ /de gzhung shes kun kun mkhyen 'gyur/ /de bzhin tshad ma drug gis gang / /gzhal bya drug ni rtogs par byed/ /de yang mdor bsdus par kun mkhyen/ /'ga' ni su zhig 'dod pa min/ /khyad par gyis ni don thams cad/ /yongs su mngon sum gyis mthong ba/ /gang zhig rtogs par byed pa de/ /rtog de don med log pa yin/ /lus ni gcig pu kho na yin / /rdul phran ji snyed yod rnams sam/ /skra dang ba spu gang dag yod/ /de dag shes par sus nus 'os/ /ma lus yan lag dang gsal ba'i/ /rgyas par shes pa sgrub byed na/ /bya rog so ni rtog pa bzhin/ /byas kyang don med pa ru 'gyur/ /ji ltar mig gis dngos po ni/ /kun gyis rtogs pa 'bras med yin/ /thams cad mngon sum gyis mthong nyid/ /dam bca' de bzhin 'bras med 'gyur/ /rang chos chos min tsam shes pa/ /sgrub dang dgag byed yod pa na/ /des bstan lung ni blang bya dang / /dor bya nyid ni rab bsgrub phyir/ /de la 'gro kun pra ba yi/ /dbye ba mkhyen pa nyid sgrub na/ /gzhung rtsod dag la rtsod pa yin/ /gnas min 'jig rten nyon mongs 'gyur/ /'jal bar byed po kun 'brel pa'i/ /mngon sum sogs ni dgag byas phyir/ /sdig pa dang ni bsod nams dag /lung nyid 'ba' zhig gis rtogs 'gyur/ /dpyod pa pa rnams kyi phyogs ni/ /de tsam nyid kyis grub na'ang slar/ /kun mkhyen spong ba'i 'bad pa gang / /de ni shi ba gsod par zad/ /rtsa ba med pa nyid kyi phyir/ /chos nyid shes pa nyams 'gyur na/ /kun mkhyen skyes bur gang smras pa/ /de ni phub ma rdung byed 'dra/ /dngos su mngon sum gyis mthong phyir/ /gang la mi gtsang khu ba sogs/ /rang rig par ni thal bar 'gyur/ /de ni su zhig sgrub par byed/ /sangs rgyas pa sogs dag gi ni/ /rig byed nye rig byed yan lag /nying lag sogs don rtogs snang min/ /de la kun mkhyen ji ltar yod/ / gal te rang gzhung ma bstan kyang / /rang nyid kyis don shes 'dod na/ /rang gis snyan ngag rtsom pa yin/ /snyan ngag mkhas kun kun mkhyen 'gyur/ /'gal ba'i don ni ston byed can/ /kun mkhyen mang po yod pa na/ /kun gyi rgyu mtshan mtshungs pa yis/ /gcig pur su zhig nges par 'gyur/ /gal te bde gshegs kun mkhyen na/ /ser skya min zhes tshad ma ci/ /'on te gnyis ka'ang kun mkhyen na/ /de gzhung mi mthun ji ltar 'gyur/ /rgyal ba sangs rgyas sogs sems can/ /bden par smra ba thams cad kyi/ /rtsi sogs phyogs re shes pa la/ / khyad par nges par gzung du med/ /rang phyogs dga' ba tsam gyis ni/ /gtan tshigs gang gis gcig la ni/ /kun mkhyen nyid ni sgrub byed pa/ /de ni gzhan la'ang yod pa min / /rgyal ba kun mkhyen bsgrub pa la/ /shAkya'i slob ma khros nas ni/ /sun dbyung gang dag bstan pa ste/ /de dag rgyal ba pa yis sbyor / /de la de rnams kyis sgrub dang / /sun dbyung tha dad mi gnas pa/ /gzugs brnyan 'byung bas zin pa yis/ /ji ltar nges par byed par 'gyur/ /de ltar kun mkhyen 'dra ba dag /phan tshun 'joms par byed pa na/ /kun mkhyen kun gyi cung zad lhag / rig byed smra ba pos 'joms byed/ /ji ltar ne'u le'i so rtse yis/ /reg pa'i sman ni 'ga' zhig gang / /rtsed mo'i phyir ni sbyar byas kyang / /sbrul gdug thams cad sel bar byed/ /de bzhin rig byed smra ba'i khar/ /rig byed 'jig rten rigs pa 'ga' / / gnas pas ngag kyang shAkya yi/ /slob sogs sbrul gdug shes pa sel/ /gang la shes bya gzhal bya nyid/ /dngos nyid yod nyid sogs mtshan can/ /gtan tshigs 'joms byed nus yod na/ /de ni su zhig sgrub par byed/ /tshad ma gcig gis kun mkhyen ni/ /gang gis yod par brtags pa ni/ /de ni nges par mig gis ni/ /ro sogs thams cad rtogs par 'gyur/ /ji lta'i rigs can tshad ma yin / /ji ltar rigs pa'i don snang ba/ /da ltar 'jig rten na ni mthong / /de bzhin dus gzhan na yang 'gyur/ /shes rab yid gzhungs stobs rnams kyis/ /cung zad cung zad khyad par gyis/ /phul byung can mi gang dag mthong / /de dag dbang 'das mthong bas min/ /skyes bu shes rab can yang ni/ /phra pa'i don mthong nus yin yang / /rang rig mthun pa ma spangs pas/ /skyes bu gzhan las phul byung 'gyur/ /rna bas rtogs bya'i sgra rnams la/ /ring dang phra sogs dmigs pa yis/ /skyes bu phul byung mthong ba yin/ /gzugs sogs dmigs pa ma yin no/ /phul byung mig ni thob pas kyang / /ring la gnas par gyur pa yi/ /phra ba'i gzugs sogs gsal bar byed/ /sgra rtogs thos par mi 'gyur ro/ /de ltar bstan bcos spyod pa la/ /phul byung chen po snang bar 'gyur/ /bstan bcos gzhan gyi shes pa ni/ /de tsam gyis ni dmigs mi 'gyur/ /byA ka ra Na'i sgra shes pas / /legs sbyar ma sbyar sgra dag la/ /blo ni phul du byung gyur kyang / /rgyu skar tshes grangs gza' shes min/ /skar dpyad shes pa nyi zla yi/ /gza' 'dzin sogs la mkhas gyur kyang / /b+ha wa de sogs sgra rnams kyi / /legs par sbyar nyid shes 'gyur min/ /rig byed de ltar byung brjod sogs/ /shes pa phul byung ldan na yang / /mtho ris lha mo sngar med na/ /dngos su byed par nus pa min/ /khru bcu'i bar du nam mkha' la/ /gang zhig mchongs nas 'gro byed gang / /de ni brgyar ni goms byas kyang / /dpag tshad tsam mchongs 'gro nus med/ /de'i phyir phul du byung shes pa/ /shin tu goms par gyur pas kyang / /cung zad kho na lhag pa ru/ /shes nus dbang 'das shes pa min/ /khang dmig gcig la gnas pa yi/ /mngon sum gang zhig 'jug par 'gyur/ /de nyid du ni de mthong nus/ /khang dmig gzhan la ma yin no/ /don ni gang zhig thag ring gnas/ /yun ring rgya mtsho rnams dang ni/ /gling dang 'jig rten bar bcad gang / / 'dir gnas de dag su yis mthong / /na la'i rgyal dang dus 'dab rgyal/ /rta mchog cho lo'i dor shes sngon/ /shing rta zhon nas 'gro ba na/ /dus kyi 'dab mas tshig 'di smras/ /kun gyis thams cad mi shes te/ /skyes bu gcig 'ga' zhig kyang ni/ /mthar thug shes pa yod pa min/ /ma 'ongs pa la mngon sum gyis/ /nus pa cung zad kyang ma mthong / /rtags sogs rnams ni med pas ni/ /rjes dpag la sogs skyes mi 'gyur/ /de phyir dbang 'das don rnams la/ /dngos su lta ba po yod min/ /gang zhig rtag pa'i tshig gis ni/ /mthong bar byed pa des mthong 'gyur/ /de ltar mi bzod gang zhig ni/ /skyes bus byas pa'i gzhung gzhan las/ /dbang 'das don gyi shes pa ni/ /sangs rgyas sogs la mnga' snyam na/ /de yang de nyid dang mtshungs phyir/ /de'i ngag tshad ma ma yin zhing / /skyes bu la yang brjod bya ste/ /sngar bshad gtan tshigs rnams kyis so/ /byed po bcos ma'i ngag la ni/ /khyed kyis thog med nyid gang brjod/ /tshad min gnyis kyi rten gyur pas/ /de ni tshad nyid sgrub byed min/ /gzhan ltos nyid kyis zas gtsang gi /sras kyi ngag rnams tshad ma min/ /rang nyid kyis chos ma mthong bas/ /zas gtsang sras min yang de bzhin/ /de 'dra'i gang zag rnams la ni/ /thog ma med nyid rtog na yang / /tshad min go 'phang gnas nyid phyir/ /de las khyad par can mi 'gyur/ /des na dpyod pa pa 'drar 'gyur/ /sangs rgyas sogs la thog med pa'i/ /spyi gang rjod par byed pa na/ /de ni khyad par mi shas phyir/ /de dag la mtshungs 'gyur ba min/ /de ltar yin na thog med can/ /tshad nyid dang ni tshad min 'gyur/ /tshad ma dang ni de'i snang ba/ /yon tan skyon gang thog ma med/ /thog ma med pa nyid tsam gyis/ /de kun mtshungs par mi 'gyur ro/ /ji ltar thog mtha' med pa'i gser/ /tha snyad yan lag gnas pa yin/ /de bzhin sgyu ma'i gser yin yang / /khyed la de dag cis mtshungs min/ /sangs rgyas sogs la kun mkhyen dang / /rig byed la brtag nyid yod gang / /gang dag gis ni mtshungs brjod pa/ /da ni de dag la khyad brjod/ /mig sogs rnams kyis kun mkhyen ni/ /da ltar re shig mthong mi 'gyur/ /phyogs gcig rtags te yod mthong min/ /gang gis na ni rjes su dpog /lung gis sgrub pa 'ga' zhig kyang / /rtag pa'i kun mkhyen rtogs byed min/ /bcos ma yin zhing brdzun pa yis/ /de ni ji ltar rtogs par 'gyur/ /'on te de yi tshig nyid kyis/ /gzhan gyis kun mkhyen rtogs 'gyur na/ /de dag phan tshun rten yin pas/ /ji ltar grub par rigs pa yin/ /kun mkhyen gyis bstan nyid kyis ngag /bden yin de yis bde yod nyid/ /grub pa'i rtsa ba gzhan med pas/ /de gnyis ji ltar grub par 'gyur/ /kun mkhyen ma yin pas bstan pa'i/ /rtsa ba dang bral tshig gis ni/ /kun mkhyen rtogs par byed pa na/ /rang gi tshig gis cis byed min/ /kun mkhyen gcig ni bsgrub pa'i phyir/ /kun mkhyen mang po brtags dngos po/ /gang zhig gcig ni kun mkhyen min/ /de ni kun mkhyen brtags pa yin/ /de tshe rtogs byed rnams kyis kyang / /de shes shes bya shes stong pas/ /kun mkhyen 'di yis zhes de ltar/ /shes par nus pa ma yin no/ /gang gis thams cad mkhyen pa ni/ /rtogs par ma gyur pa de la/ /de'i ngag tshad ma nyid ma yin/ /rtsa ba mi shes gzhan dag bzhin/ /slob ma kun gyis kyang rtogs pa'i/ /don rnams mi slur byed na yang / /thams cad mkhyen par mi 'gyur ro/ /'jig rten gzhan shes don stong phyir/ /skyes bu kun shes shes bya la/ /mi slu srid pa ma yin te/ /dus gsum 'jig rten gsum gnas pa'i/ /mi rnams dang ni phrad pa med/ /cung zad shes pa pos kyang ni/ /mi 'ga' zhig ni 'khrul byed min / /gang gis mos par 'khrul gyis ni/ /kun mkhyen yin par 'dzin par byed/ /zos dang bsam pa tshang ba dang / / yod pa'i rdzas ni shes nus pa'i/ /chos sogs shes dang bral ba can/ /'ga' zhig gzhan gyis shes rnams kyis/ /de ltar sgyu ma mig 'phrul sogs/ /mkhas 'ga' zhig gis rmongs pa ni/ /'khrul pa skyed par nus yin te/ /gang gis de dag kun mkhyen snang / /de ltar byung brjod gna'i rabs las/ /gang yang tshangs sogs kun mkhyen yin/ /gang la shes pa thogs med dang / /chags bral yin par ston pa yin/ /sngags kyi gab pa'i tshig bzhin du/ /de yang phal pa nyid du brjod/ /yang na skabs kyi chos sogs pa'i/ /shes pa thogs pa med par brjod/ /chos nor 'dod dang thar pa las/ /skabs la bab pa'i bzhi po la'ang / /de yi shes pa thogs med gang / /de ni don kun yul can min/ /gang phyir thogs pa med tsam gyis/ /don kun spyod yul brjod mi 'gyur/ /rang don la thogs med pas kyang / /de ni thogs med 'gyur ba yin/ /ji srid chos sogs spyod yul can/ /de yang 'bras bcas shes pa yin/ /shing la sogs pa thams cad ni/ /shes kyang cung zad dgos pa med/ /ji snyed thabs dang bcas shes pa/ /gal te de ni thogs med na/ /de yis 'di la thogs med pa'i/ /shes pa'i tha snyad rnyed 'gyur ba'i/ /bdag kho na yi rnam shes ni/ /bsam gtan goms pas 'jug pa gang / /da nyid la thogs med yin na/ /de yi shes pa thogs med brjod/ /ye shes chags bral dbang phyug ni/ /mi zad bcu dang ldan pa can/ /bde byed ces ni gang grags pa/ / de yang bdag bsam pa yis shes/ /rnam par dag pa'i mtha' mthong gang / /de nyid shes pa de yin no/ /de yi rgyu mtshan ma dag pas/ /gang byung de ni mi shes brjod/ /'on kyang rig lus nyid kyi phyir/ /tshangs pa khyab 'jug dbang phyug rnams/ /kun shes ngo bor rig byed las/ /kun mkhyen mi nus ga la yod/ /gang na gnas pa'i lha mchog gsum/ /gang na mi ni sangs rgyas sogs/ /gang gis mtshungs pa de dag kyang / /kun mkhyen zhes bya rmongs pas mthong / /rig byed rtag pa'i lung las ni/ /tshangs pa la sogs gsum bstan yin/ /de rtag nyid phyir rig byed kyi/ /rtag pa nyid ni nyams mi 'gyur/ /de dag rtag pa'i yon tan dang / /rtag tu las dang ldan pa can/ /rtag pa'i rig byed brjod bya nyid/ /srid phyir de dag 'gal ba yin/ /mi rtag pa yi sangs rgyas sogs/ /rtag pa'i lung las rtogs mi 'gyur/ /lung ni rtag nyid du 'dod na/ /kun mkhyen brtags pa don med yin/ /de la kun mkhyen shes byed pas/ /rig byed pas rtogs de mchog yin/ /rig byed kyis rtogs kun mkhyen gyis/ /bar chod chos ni rtogs pa bas/ /bar du ma bsgribs chos sogs kyi / /shes pa kho na khyad bcas kyi / /de ltar lung gis rtogs bya nyid/ /kun mkhyen la ni yod pa min/ /gal te kun mkhyen 'dra gang zhig /da ltar snang bar 'gyur ba na/ /de tshe nye bar 'jal stobs kyis/ /kun mkhyen yod par rtogs par 'gyur/ /mi rnams kun mkhyen mi mthong nas/ /de ltar kun mkhyen yod ma gyur / /de dang 'dra ba'i nyer 'jal bas/ /lhag ma kun mkhyen min par nges/ /chos dang chos min sogs yul can/ /sangs rgyas la sogs kyis bstan pa/ /gal te kun mkhyen med pa na/ /gzhan du mi 'thad par 'gyur ro/ /kun mkhyen ston par byed pa can/ mngon sum sogs ni bkag na yang / /don gyis go bas kun mkhyen ni/ /'di ltar rtogs par 'gyur ba yin/ /yang na spyir mthong ba can gyi / /'dir ni sgrub pa 'jug ba ru/ /kun mkhyen la ni brjod pa ru / /gzhan du shes sngon song mthong phyir/ /nyer bstan 'ga' zhig gang yin te/ /brjod pa shes pa sngon song nyid / /a ru ra sogs nus rnams kyi / /nyer bstan de lta'i rnams can bzhin/ /chos dang chos min nyer bstan 'di/ /des byas bstan pa yang yin te/ /de yi shes pa sngon song nyid/ /de phyir de la rjes dpog 'gyur/ /gzhan du yang ni 'bad nyid phyir/ /chos kyi go bas rtogs mi nus/ /de nyid phyir na rjes dpag kyang / /de ni legs par gnas pa yin / /rig byed rtogs shing thos phyir dang / /rmongs nas rmi lam sogs mthong phyir/ /gang phyir yid sogs kyis bstan pa/ /gzhan du 'thad par 'gyur ba yin/ /rig byed mi shes gang zhig ni/ /de dag rig byed las byung min/ /des na rmongs ba 'ba' zhig gis/ /de dag gis ni bstan par byas/ /yang na slob ma rmongs don du/ /de la mi brten pa'i rmongs pas/ /ngan par ston par byed rnams kyi/ /nyer bsten 'jig rten na 'jug 'gyur/ /gal te de ni rig byed kyi/ /rtsa can yin na yid sogs bzhin/ /rig byed smra po kho na la/ /de dag de ltar ston par 'gyur/ /gang phyir dmangs rigs rmongs pa la/ /de rnams kyis ni nyer bstan byas/ /des na skyon brjod kun rdzob par/ /sgyu las bzhin du de shes byas/ /gsum rig yid la sogs rnams gang / /tshad ma nyid du grub par nges/ /gsum rig pas bsten bstan bcos can/ /de dag rig byed byung tshig ltar/ /rig byed ngag rnams ma mthong ba'am/ /tshad ma rnams la ma brten cing / /de bzhin bstan bcos rtsom pa'am/ /ston par 'thad ba ma yin no/ / mi sdug zhig cig kun mkhyen srid/ /yang na la lar kun mkhyen nyid/ /yod kyang sgrub gang rab sbyar byas/ /de ni dam bca' ma tshang nyid/ /sgrub par 'dod pa'i don gang yin/ /de ni 'di yis mngon brjod min/ /gang brjod de ni grub na yang / /dgos pa cung zad yod ma yin/ / gang gi lung ni bden nyid du/ /grub phyir kun mkhyen nyid brjod yin/ /de ni thams cad mkhyen pa yi/ /spyi sgrub tsam gyis mi rnyed do/ /ji srid sangs rgyas kun mkhyen min/ /de srid de tshig log pa yin/ /gang yang rung ba kun mkhyen nyid/ /grub kyang de bden gang la 'gyur/ /gang phyir kun mkhyen gzhan grub na/ /gzhan gyis tshig ni bden nyid med/ /gzhi mthun pa yis de dag ni/ /yan lag yan lag can nyid 'gyur/ /'jig rten na ni thams cad gang / /de 'ga' zhig gi mngon sum yin/ /gzhal bya shes bya dngos nyid phyir/ /zho yi gzugs dang ro sogs bzhin/ /shes byed 'dir ni ma bstan pas/ /phyogs ni ma tshang nyid du 'gyur/ /gang zhig kun mkhyen 'dod pa yin/ /'di ltar de ni bstan byas min/ /gal te sangs rgyas las gzhan pa/ /'ga' zhig kun mkhyen nyid 'gyur na/ /sangs rgyas kyi gsung tshad ma ru/ /de yi shes pas ci zhig dgos/ /sa bcu la bzhugs pa yang ni/ /'dod chags sogs kun zad pa na/ /dag cing shel dang mtshungs pa yi/ /ye shes kyis kun mkhyen pa yin/ /bsam gtan la bzhugs don kun gyi/ /yul can sems brtse gcig 'dzin pas/ /de bzhin don rnams kyis khyab par/ /nye bar bstan par nus ma yin/ /gang tshe spyi brjod byed po bzhin/ /su zhig cung zad ston byed na/ /phyogs gcig shes pas de smras yin/ /kun mkhyen gyis gsung mi 'gyur ro/ /de ni bsam gtan la bzhugs na/ / yid bzhin rin chen bzhin bzhugs pas/ /rtsig sogs las kyang bstan ba rnams/ /ji ltar bsams bzhin 'byung bar 'gyur/ /mi rnams shes par 'dod don kun/ /de rnams kyis ni shes par 'gyur/ /ji ltar rigs pa phan pa rnams/ /de dag myur bar thob par 'gyur/ / de lta bu sogs brjod pa ni / /dad dang ldan la mdzes pa yin/ /kho bo rig pa don gnyer gang / /dad pa'i rjes su 'brang ba min/ /rtsig sogs las byung tshig rnams ni/ /yid ches pas bstan mi 'gyur ro/ /de dag su yis smras byas pas/ /de dag la yid ches mi 'gyur/ /sangs rgyas kyis gsungs yin nam ci/ /bram ze slu bar byed pa yis/ /ring na gnas pas sgra brnyan bzhin/ /rtsed mo byed par smras sam ci/ /yang na gnod byed sha za sogs/ /ma mthong bas ni smras sam ci/ /des na shes rab nga rgyal can/ /de la yid ches mi bya'o/ /'di ltar skyes bu'i kun mkhyen nyid/ /rang dbang nyid kyis gzhi med yin/ /slar yang 'di ltar dpyad bya ste/ /kun mkhyen ji ltar 'dod pa yin/ /rim gyis sam ni cig car ram/ /dngos kun rang bzhin gcig gis sam/ /gtso bo ci zhig nam nus las/ /byung dang 'byung dang da ltar gyi/ /dngos po mtha' yas re re nas/ /rim gyis lo ni brgya yis kyang / /su zhig gis ni shes par nus/ /cig car gtsang dang mi gtsang sogs/ /rang bzhin rnams ni 'gal ba can/ /blo gcig gis rtogs ma mthong ste/ /tha dang blo rnams la lar bcas/ / rnam dbye ma byas pa'i ngo bos/ /dngos po kun ni gang gis rtogs/ /dngos po kun gyi rang mtshan nyid/ /de yis rtogs par mi 'gyur ro/ /spyi yi ngo bo rtogs byed po/ /kun mkhyen yin pa des ci dgos/ /rnam pa gzhan ni rtogs pa yis/ /dngos po rtogs par mi 'gyur te/ /rnam pa gcig bcas rnam shes de/ /yang dag ma yin log ma yin/ /yang dag yin na mthong gnod 'di/ /thams cad gnyis med thal bar 'gyur/ /des kyang kun mkhyen slob ma dang / /chos dang chos min des bstan par/ /mi mthun tha dad dngos nyid kyi/ /rang bzhin nges bzung ma byas phyir/ /gcig rtogs log nyid yin pa na/ /kun mkhyen 'khrul pa thob par 'gyur/ /de tshe de yi tshig dad pa/ /rigs min nyon sogs dag bzhin no/ /gal te 'jig rten las 'das pa/ /ting 'dzin las byung ye shes kyis / /rgyu bcas las bcas 'bras gang mkhyen/ /de ni thams cad mkhyen 'dod na/ /mngon sum rjes dpag sgra las byung / /don gyis go dang dngos med pa'i/ /tshad ma 'di ni sgrub byed na/ /med pas de 'dra yod ma yin/ /rim gyis sam ni cig car gyis/ /ji ltar 'bras med rjes dpag yin/ /nus pa yang ni yod min te/ /yang na thams cad nus ldan nyid/ /kun gyis thams cad rtog pa na/ /zhing zhes nus dang ldan pa rnams/ /thabs dang bral ba nyid kyi phyir/ /de dag gis ni kun shes min/ /thun mong ma yin thabs rnyed pa/ /skyes kun ma lus mtshan nyid can/ / de la kun mkhyen gcig 'ga' zhig /zhes bya de ni tshad med can/ /gang tshe 'di ltar kun mkhyen ni/ /'ga' zhig 'thad pa ma yin te/ /de tshe chos rtogs pa yi rgyu/ /skyes bus byas pa'i tshig ma yin/ /de ltar thos pa la sogs pa'i/ / dpyod ba pa rnams rang rang gis/ /thos pa 'dod pas 'di ltar gnas/ /rig byed rnams la rgyas pa ru/ /skyes bus byas pa bsgrubs zin to/ /de phyir dbang 'das don rnams ni/ /dngos su gzigs pa kho na yin/ /rtag pa'i tshig ni 'ga' zhig gis/ /mthong min mi srid pa yi phyir/ /rtag pa'i tshig gi nus pa ni/ /rang dang gzhan las kyang med de/ /rang gi don shes skyed pa la/ /rim dang cig car 'gal phyir ro/ /de phyir mtho ris mchod sbyin sogs/ /rang nyid kyis shes nas bsal byas/ /khyed la rig byed byed po yang / /de 'dra dbang 'das don mthong yod/ /skyes bu'i don gyis gtso mkhyen ba'am/ /chos thams thams cad mkhyen pa nyid/ /de ni khas len ma yin na/ /gzhan du rig byed tshad mi 'gyur/ /des na don gyis grub pa yi / /khyod kyis chos mkhyen khas blangs pas/ / khyed kyis rgyas par byas pa yi/ /dgag pa de la gnod par 'gyur/ /gzhan yang skra dang ba spu gang / /de dag shes pa sus nus 'os/ /de ni rgyu med kho na ru/ /rgyal po'i bkag dang 'dra bar smras/ /gang phyir 'ga' yi mi g.yo ba'i/ /dri med ye shes mar me yis / /dngos po ma lus gsal byed pa/ /de la gnod can smras ma yin/ /mi snang ba tsam gyis kyang ni/ /de med par ni 'byung min te/ /dngos po rnams kyi dmigs pa ni/ /rgyu dang khyab byed med pa na/ /rgyu ldan khyab par bya ba dag /'dir ni ldog par rigs pa yin/ /de las byung de bdag nyid phyir/ /me dang shing ni med pa na / /du ba a mra la sogs bzhin/ /de lta min na rgyu med dang / /tha dad nyid du thal bar 'gyur/ /gal te don rnams ma lus la/ /rang gi dmigs pa'i rgyu dang ni/ /khyab byed nyid du khyod kyis ni/ /tshad ma 'ga' las nges byas na/ /de yi tshe khyed 'bad med par/ /don kun shes par grub pa yin/ /des na khyed rang kun mkhyen pas/ /bdag nyid rang la ci phyir sdang / /de nyid kyi phyir khyed la ni/ /kun mkhyen 'di ni snang mi 'gyur/ /des snang gyur na khyod rang ni/ /'bad pa med par kun mkhyen 'gyur/ /gal te khyod la'ang don kun gyi/ /yul can shes pa yod pa na/ /de tshe don kun yul can gyi/ /shes pa khyed la snang bar 'gyur/ /gang khyod don kun yul shes med/ /de la de ni ji ltar snang / /des rgyu khyab byed bdag nyid kyi/ /rang bzhin mi snang ngo bo'i phyir/ /khyed kyis ma mthong khyad par 'di/ /kun mkhyen pa ni mi grub po/ /mi mthong rnam gsum can 'di yang / /sna tshogs ngo bor 'jug 'gyur te/ /de dang de 'gal la sogs pa/ /mi rtogs rtogs dbye'i sbyor sgo nas/ /kun mkhyen med par bsgrubs pa la/ /rtsa ba'i dbye bas ngo bo can/ /mi dmigs 'di ni nus bral bar / / bsgrubs na gzhan dga' 'bad byed sel/ /rgyu dang 'bras nyid khyab bya dang / /khyab byed nyid dang 'gal ba nyid/ /snang nyid yin na grub 'gyur te/ /gang yang bdag nyid khyab pa can/ /khyed la kun mkhyen mi snang bas/ /des na mi dmigs de dag rnams/ /de spong bar ni byed nus min/ / dgag pa'i yan lag gzhan yang med/ /gal te ma mthong tsam gyis ni/ /kun mkhyen 'gog par byed yin na/ /de tshe khyed kyis mar me bskor/ /byas la sogs kyang bkag par 'gyur/ /bu zhes bya ba'i 'bras mthong phyir/ /de rgyu yod par rtogs she na/ /de med kyang ni 'bras bu de/ /'ga' zhig la snang ma yin nam/ /gal te gzhan gyis dmigs pas na/ /de ni med par rtogs pa min/ /khyed la gzhan gyi dmigs de ni/ /yul can ji ltar grub min nam/ /nyer bstan phyir na de bzhin du/ /'di la kun mkhyen la cis med/ /rang gis smras pa 'di yang ni/ /'dir ni ci yi phyir ma mthong / /skyes bu rnams kyang rtag tu ni/ /phal cher brdzun ni smra ba yin/ /ji ltar da ltar yid ches med/ /de ltar 'das don smras la'ang yin/ /nyer bstan pa'am 'dir tshad ma/ /nyid min yin mod de lta na'ang / /khyed kyis kun mkhyen ma dmigs zhes/ /nges pa 'di ni gang las skyes/ /sems can bdag nyid ma mthong na/ /de lta bu yi nges 'byung 'gyur/ /de dag mthong na khyod dang ni/ /kun mkhyen 'gyur bar bstan zin to/ /de lta min na the tshom ni/ /dmigs pa la yang yod bzhin rigs/ /'ga' zhig kun mkhyen yin pas na/ /rang bdag nyid kyis bdag nyid ni/ /rig par 'gyur gyi dogs yin te/ /de ni bdag gsal mthong ba yin/ /de yang de ltar dogs pa na/ /kun gyis ma mthong nges pa med/ /'di ltar thams cad sgra yis ni / /srog chags thams cad 'dod pa yin/ /de yang kun la phyi nang med/ /des na ma mthong nges pa med/ /de gcig yongs su spong bas na/ /'dir ni 'brel pa 'ga' zhig yod/ /gzhan gyis yongs su mi shes phyir/ /rang gi chags sogs ldog mi 'gyur/ /tshu rol mthong ba 'ga' zhig kyang / /rjes su dpag pas rtogs par 'gyur/ /res 'ga' kho na 'ga' zhig gi /blo rnams la lar khyad bcas yin/ /'di ltar rig byed la sogs la/ /skad cig nyid sogs sgrub pa ni/ /sngar ni gsal bar bstan zin kyang / /rmongs pa rnams kyis nyer mtshon min/ /de ltar dgos pa 'di la ni/ /tshad ma med pa'ang des mi 'gyur/ /gang la gnyis skyes dgos med par/ /kun mkhyen med nyid du rtogs yin/ /rjes su dpag pa med na yang / /de yis kun mkhyen med des min / /du sogs 'bras bu mi rtsol ba'i/ /me sogs yod nyid la bzhin no/ /res 'ga' dmigs pa'i don la ni/ /the tshom rigs pa ma yin nam/ /mtho yor bzhin du 'di ltar ni/ /de ni gnyis ka'i char brten yin/ /gang phyir res 'ga' mtho yor min/ /mthong na de la brten pa yi/ /the tshom der ni rigs pa yin/ /kun mkhyen de ltar mthong ma yin/ /rnam pa 'di nyid kho na yis/ /ma yi me skor la sogs pa/ /the tshom med pas med pa ru/ /blo ldan khyed la thal min nam/ /dngos po rnams ni yod med du/ /tshad ma nges par ldog pa'i phyir/ /kho bos tshad ma med na yang / /'dir ni the tshom yod par smras/ /mig sogs rnams ni nyams pa ni/ /dngos yod kyang ni tshad mi 'jug /de rnams ma nyams pa nyid kyang / /dngos po med phyir bum sogs bzhin/ /des na mi dmigs 'ba' zhig ni/ /rnam pa gnyis su snang ba'i phyir/ /des na tshad ma med na yang / /kun mkhyen the tshom 'gyur ba'i mchog /de ni yod kyang gzhan rtog bzhin/ /rmongs pas dngos su mthong ma yin/ /lcags gong dang ni mdag ma yi/ /me bzhin 'bras bu mi skyed do/ /gzhan rtog las byung chags pa bzhin/ /de yi 'bras bu la ltos min/ /'bras bu snang yang de dang ni/ /'di la rjes 'gro rtogs pa min/ /gang phyir rmongs pa'i blo mthong la/ /rtag tu mkhyen kun snang mi 'gyur/ /de'i phyir rjes su dpag pa des/ /med par 'grub par mi 'gyur ro/ /tshad ma'i dngos po'i rgyu dang ni/ /khyab byed nyid ni min par bshad/ /de log na ni de yod par/ /mthong yin des na the tshom bshad/ /de phyir kun mkhyen yod pa ru / /gnod pa can gyi tshad ma ni/ /cung zad yod min 'di'i sgrub byed/ /rgyas par mngon par 'chad par 'gyur/ /ma lus don ni yongs shes pas/ /sgrub pa 'bras bu med yin yang / /blo bzangs bde gshegs pa rnams ni/ /sems 'dis 'bad par byed pa yin/ /mtho ris thar pa thob byed pa'i/ /rgyu ni dngos su khyed 'ba' zhig /yod par rtogs te 'on kyang ni/ /thams cad mkhyen pa rtogs par 'gyur/ /des kyang gnod pa med pas na/ /sgrub pa gsal bar yod pa ni/ /ci phyir thams cad mkhyen pa la/ /rmongs pa'i blo can log rtogs byed/ /'di la sgrub byed med na yang / /gnod byed nges par ma byas par/ /the tshom 'gyur te de dag la/ /des 'di'i rgyu mtshan ga las byung / /bskul ba kho nas byung ba sogs/ /rtogs par nus te gzhan gyis min/ /gzhan ni med par nges pa na/ /de ltar nges 'di rigs pa yin/ /skyes bu'i don kun mkhyen pa yi/ /don kun mkhyen pa rab bsgrub phyir/ /tshad ma de la sngar bstan zin/ /phyi nas gzhan ni 'chad par 'gyur/ /des na 'gro kun phra ba yi / /dbye ba mkhyen pa nyid sgrub na/ /gzhung rtsod dag la brtson pa yis / /gnas min 'jig rten nyon mongs min/ /'jal bar byed pa kun 'brel ba'i/ /mngon sum sogs ni ma bkag phyir/ /sdig pa dang ni bsod nams dag /lung tsam 'ba' zhig gis rtogs min/ /dpyod pa pa rnams kyi phyogs ni/ /de tsam gyis mi grub kyang bla/ /kun mkhyen spong ba'i 'bad pa gang / /de ni gzhan dag rmongs pas byas/ /rtsa ba ma chad ba nyid phyir/ /chos nyid mkhyen pa nyams pa min/ /kun mkhyen skyes bur gang gis smras/ /de dag gis blo'i khyad par bstan/ /lce yi dbang po dang 'brel pa'i/ / chang sogs mi gtsang ro sogs rnams/ /gal te de dag de bstar na/ /de lta na de smad par 'gyur/ /yang dag don bsgoms las byung ba/ /yid kyi rnam par shes pa yis/ /smad par gyur kyang kun rdzob tu/ /ma phrad nyid dang rig par 'gyur/ /gang phyir skyob pa yi ni gsung / /rig byed sogs kyis bstan pa'i don/ /ston par byed phyir snang min te/ /des na de nyid kun mkhyen du/ /srid yin mu stegs ma lus dang / /thun mong ma yin gnas pa na/ /tshad mas gnod pa'i bdag sogs ni/ /rig byed brdzun par bstan pa yin/ /gzhan gyis shes min zhi ba'i sgo/ / lta ba ngan pa 'jig byed pa/ /gdul bya rnams la phan pa'i phyir/ /bdag med de yis gsal bar gsungs/ /'khor ba pas ni ma goms pa/ /shes na phung khrol kun ldog med/ /de goms pa dang ldan rnams la/ /yon tan rin chen 'byung gnas mchog /de 'dra mchog gyur de nyid ni/ /gal te snyan ngag mkhan shes na/ /skyes bu'i don gyi gtso shes pas/ /su zhig kun mkhyen du 'dod min/ /bstod ris la sogs rnams la ni/ /bdag med ye shes de 'dra ba/ /yod min mu stegs thams cad ni/ /bdag tu lta ba la 'jug phyir/ /'gyur smra skad cig nyid min sogs/ /mngon sum sogs kyis gnod pa can/ /rig bral mang du de dag gis/ /smras yin de dag kun mkhyen nyid / /khu ba tshwa sogs mngon sum gyis/ /don sgrub pa la'ang 'khrul pa gang / /de dag la ni dbang 'das pa'i/ /rigs pa gsal ba ji ltar srid/ /de ltar yin na kun mkhyen nyid/ /ma yin nyid du gsal bar rtogs/ /log pa'i shes pa dang 'brel phyir/ /phyin ci log don gsal byed phyir/ /rtogs pa po gzhan mtho yor la/ /mi zhes bya bar 'khrul pa bzhin/ /rtag pa thams cad rnams kyis ni/ /gtan tshigs grub pa nyid shes bya/ /dngos kun rnams kyi de nyid ni/ /yang dag mkhyen pas kun mkhyen yin/ /des na ldog na the tshom can/ /gtan tshigs nyid du brjod mi bya/ /gal te de dag 'gyur smra sogs/ /tshig ni dgos pa'i don yin na/ /dngos po rnams kyi de nyid kyi/ /ngo bo de dag ji ltar 'dod/ /gal te bdag med skad cig sogs/ /de lta na de kun mkhyen 'gyur/ /dngos po ma lus pa de nyid/ /ngo bo dngos su mthong ba'i phyir/ /de dag ma lus pa rnams ni/ /'dod pa gcig la gnas pa'i phyir/ /phan tshun 'gal ba'i don rnams ni/ /nges pa'i don du smra ba min/ /bstan par bya ba'i ngo bo can/ / dngos po kun la gnas pa ni/ /de nyid dngos su ma khyed pas na/ /bde bar gshegs rnams kun mkhyen yin/ /de dag de lta'i rnams can gyis / /ye shes bde gshegs nyid 'gyur yod/ /sngags dngos ye shes ldan pa'i phyir/ /de yi mtshan nyid de tsam yin/ /des na spyis kyang kun mkhyen ni/ /srid par sgrub par byas pa na/ /de mtshan nyid med mi 'byung phyir/ /bde bar gshegs pa nyid la gnas/ /gang zhig 'gro kun ji bzhin du/ /bdag med sogs dngos rigs pa yis/ /khyad par ma bstan pa na yang / /su zhig kun mkhyen srid pa yin/ /bdag med mngon sum du byas na/ /skyon 'di gnas pa rnyed mi 'gyur/ /de dang 'gal ba nyid kyi phyir/ /mar mes mun pa lta bu'o/ /dngos su byas pa'i khyad bcas phyir/ /bag chags dang bcas skyon med 'gyur / /des na thams cad mkhyen nyid grub/ /sgrib pa thams cad las grol phyir/ /de yang bde bar gshegs la grub/ /thog mar bdag med nyid gsungs phyir/ /de phyir mu stegs thams cad kyi/ /de bzhin gshegs pa lta na bzhugs/ /tshad ma yis ni mi slu ba'i/ /de nyid mthong ldan de dang ni/ /'gal ba'i don ni ston byed pa/ /gzhan dag dang ni rgyu mtshungs min/ /gang dag tshad ma'i spyod yul la'ang / /tshad ma'i gnod dkrugs tshig brjod na/ /de dag dbang po las 'das pa'i/ /shes pa'i nus ldan ring bar 'gyur/ /'brel pa dang ni rjes mthun thabs/ /skyes bu'i don ni rjod byed ngag /mthong ldan tshad ma gnyis kyis ni/ / cung zad kyang ni gnod pa med/ /sreg dang bcad dang bdar ba yis / /dri ma med pa'i gser bzhin du/ /rtogs par byed na gang zhig ni/ /'gyur bar 'jug pa ma yin no/ /sno dang nam lus mun pa ni/ /spangs pas rjes mthun 'byung ba can/ /sdig can rnams kyis ma rnyed pa/ /de bzhin gshegs gsungs rin chen yin/ /des na bde bar gshegs pa nyid/ /blo gros rgyas pas kun mkhyen bshad/ /skyes bu don gtso mkhyen pas na/ /de nyid sman pa mchog tu gsungs/ /des na bde gshegs kun mkhyen yin/ /ser skya min zhes tshad ma ni/ /'das ma thag tu gsal bar bshad/ /de ni rmongs pas mtshan byas min/ /mu stegs ngan khyu mchog sogs pas/ /'dod lha 'jig par mdzad pa ni/ /ji skad bshad pa'i khyad par gyis/ /khyad par bcas kyang nges par 'gyur/ /yi ge phyi mo rig tsam gyis/ /zos pa la sogs bde ba dang / /bstan bcos kun don de nyid mkhyen/ /mtshungs snyam rmongs pa su zhig sems/ /des na gtan tshigs gyis kyang ni/ /gcig la kun mkhyen nyid grub na / /de yi gtan tshigs dngos med phyir/ /de ni gzhan la yod ma yin/ /des na rgyal ba kun mkhyen du/ /bsgrub la shAkya'i slob ma ni/ /khros min sun dbyung gang bstan de/ /phyogs gos sbyor nus can gyis min/ /bde bar gshegs pa'i grub mtha' la/ /gal te 'brel grub tshad ma yis/ /de nyid gang zhig bstan byas pa/ /de bzhin gzhan 'dod la grub min/ /des na de rnams kyis grub dang / /sun dbyung tha dad gnas pa can/ /gzugs brnyan 'byung bas ma bzung bas/ /nges par byed par nus pa yin/ /rnam pa thams cad mkhyen nyid dang / /lhan cig shes bya nyid sogs dag /dngos su'am brgyud pas 'gal ba ni/ /cung zad tsam yang yod ma yin/ /shes bya min nyid sogs ldan par/ /shes bya nyid sogs gnas pa yin/ /kun mkhyen ma yin las ldog pa/ /de yang gnas par 'dod pa yin/ /kun mkhyen nyid de rgyu chang bar/ /sngar 'jug 'gyur ba la lar ni/ /ma mthong ba ni gang gis ni / /yong sogs srid na phyis ldog 'gyur/ / rang bzhin rang rig med pas na/ /de ni skye bar mi 'gyur te/ /sngar 'jug yod na 'di ltar ni/ /kun mkhyen 'di nyid grub par 'gyur/ /'gal ba bsgrub par ma byas par/ /gzhan ni ldog par rigs ma yin/ /de lta min na gzugs yod pas/ /ro yang med par rtogs par 'gyur/ / des 'dir sogs pa'i sgras bsdus pa/ /phan tshun 'gal ba nyid kyi phyir/ /smras pa nyid la'ang ldog pa ni/ /nges pa yin snyam 'ga' sems na/ /rnam rtog yod pas smra ba yod/ /rtog med las ni kun mkhyen yin/ /brjod rtog bcas kyi shes dang bcas/ /dngos po rtogs par mi 'gyur ro/ /'dir yang yang dag kun mkhyen la'ang / /smra ba nyid ni rtog pa yi/ /rjes su byed pa yin snyam sems/ /de dag gis ni smras yod na/ /skyob pa kun mkhyen 'dod min te/ /rtog bcas shes pa 'jug phyir ro/ /rtog med skad cig de la ni/ /smra ba nyid ni ma grub bo/ /de lta yin na'ang de la ni/ /kun mkhyen min nyid 'thad smras min/ /thams cad mkhyen pa la ltos phyir/ /de ni mi slu ba ru 'gyur/ /gang zhig dro ba nyams myong nas/ /phyis ni smra bar byed pa bzhin/ /de phyir de don nyams myong las/ /byung phyir dngos la mi slu yin/ / dngos po ma lus rnam shes pa'i/ /nus pa spong bar byed na yang / /khyed la ldog pa the tshom nyid/ /gnas skabs de bzhin thal bar 'gyur/ /smra bar 'jug pa'i nus pa ni/ /gtan tshigs nyid du 'dod na yang / /ldog la the tshom za ba yi/ /skyon nyid rjes su 'jug par 'gyur/ /'khor lo bskor ba'i sbyor ba bzhin/ /rtog pa med kyang skyob pa ni/ /tshogs kyi shugs kyis nus pa yis/ /bstan pa gzhan dag 'jug par 'gyur/ /da ltar blo bzang gang dag smras/ /de dag la yang grub 'gyur min/ /'jig rten pa ni zhen pa can/ /smra nyid gang zhig 'dod pa yin/ / de la de 'dra'i gtan tshigs te/ /ldog la the tshom za ba yin/ /rigs pa dang bral gzhung gis ni/ /ji ltar 'dir ni ma grub 'gyur/ /smras pa gal te smra nyid ni/ /rang rgyud kyis sgrub 'dod pa na/ /de tshe rten ni grub pa min/ /yang na the tshom za ma grub/ /don 'dir the tshom za ba'i phyir/ /the tshom ma grub pa nyid gnas/ /de phyir thal bar bsgrub pa ni/ /khyod kyis de 'dra ba brjod dgos/ /de la yang ni lung tsam gyis/ /grub pa'i chos ni gsal byed yin/ /yod par sgrub pa'i don du ni/ /shes byed gzhan ni tshol ba min/ /gang la de ltar gzhal bya dang / /dngos po yod sogs mtshan nyid can/ /gtan tshigs 'joms pa'i nus med pas/ /de ni su zhig sgrub mi byed/ /de bzhin rig byed smra ba'i khar/ /rig byed 'jig rten rigs pa 'ga'/ /gnas pas shAkya'i slob ma yi/ /mi zad sbrul dug shes mi sel/ /nus chung bram ze rmongs pa 'dir/ /mthong ba'i dug gis zin pas na/ /dbugs 'byin par yang mi nus na/ /smra bar byed par ji ltar nus/ /rig byed smra ba'i khar gnas pa'i/ /rigs pa bzang yang ngan pa nyid/ /smad pa'i rten la gnas pa'i phyir/ /mgul rgyan rkang pa la btags bzhin/ /de yis me la ma 'khrul nyid/ /du ba la yang brjod pa ru/ /nus pa min te gang gi phyir/ /de gzhung du ba gzhan du gnas/ /dngos gcig ngo bo nyid kyi phyir/ /chu la yang ni 'jug par 'gyur/ /de la yang ni me yod na/ /log pa ci yang brten pa yin/ / yang de yi dngos 'bras bu yi/ /rnam rig der cis dmigs 'gyur min/ /mi mthun mtshan nyid dngos yin pa'am/ /dngos dbye de nyid can yin chug /kun mkhyen la ni ma lus pa'i/ /dngos po dang 'brel de nyid kyi/ /goms pa'i stobs las byung ba can/ /yid ches tshad ma gcig tu btags/ /mig sogs rnam par shes pa min/ /des na nges par mig gis ni/ /ro sogs thams cad rtogs par 'gyur/ /ci phyir de ltar brjod pa yin/ /gzugs sogs nyams myong bdag nyid can/ /yid kyi shes pa'ang grub pa yin/ /gzhan la yang ni rtsod med de/ /dngos po nyid ni gsal ba ru/ / gang phyir de yi dngos nyid la/ /gzugs sgra sogs pa'i spyod yul can/ /dran pa gsal bar brjod pa yin/ /rmi lam ngan yang yid shes na/ /de kun nyams myong bdag nyid can/ /des na thams cad mkhyen pa la/ /nges byed don can yin rtog na/ /gang gi phyir na mig gis ni/ / ro sogs rtogs par 'gyur ba yin/ /mig las byung nyid de rtog na/ /skyon ni 'di ltar 'gyur ba yin/ /yid las byung ba'i sems kyis ni/ /de ni ro sogs mkhyen pa yin/ /gang la yang ni phul byung mthong / /de yang rang don ma spangs phyir/ /ring dang phra sogs mthong ba yin/ / gzugs la rna ba 'jug pa min/ /des na de lta bu sogs tshig /gzhan gyis rigs pa dang bral smras/ /gang phyir drang don ma spangs pas/ /yid la phul byung 'dod pa yin/ /ji ltar rigs can tshad ma yis/ /ji ltar rigs pa'i don snang bar/ /da ltar 'jig rten na ni mthong / de bzhin dus gzhan dag la'ang yin/ /rnam par dag pa'i shes kun nam/ /don kun spyod yul can yin te/ /'bras bu 'ga' zhig rgyu yis ni/ /byas pa'i phul byung cung zad srid/ /mya ngam na ni skyu ru'i shing / /'bras bu chung dang bcas mthong bas/ /de dag thams cad de nyid kyi/ / de dngos gzhan du yang 'dug min/ /sbrul rnams mig gis nyan pa yin/ /de yang de ltar grags pa yin/ /des na sems can las nus rnams/ /sna tshogs don bcas srid pa yin/ /gang las dus gsum gnas pa yi/ /dngos po thams cad de bzhin du/ /nus pa ngas pa can du snang / /des ni de ltar brjod na mdzes/ /ji lta'i rigs can tshad ma yis/ /ji ltar rigs pa'i don snang yang / /de ltar 'jig rten na ni mthong / /de bzhin dus gzhan na yang 'gyur/ /khyod ni skye bo tsam yin pas/ /nus kun nges par ma byas phyir/ /'jig rten rnams kyis nus pa ni/ /da ltar dus na'ang shes nus min/ /nus pa ma lus thams cad ni/ /shes na khyod rang kun mkhyen 'gyur/ /rnam pa gzhan du yod dogs pas/ /rjes su dpag pas kyang grub min/ /dbang 'das don shes dang ldan pas/ /skyes bu rnams la shes rab sogs/ /yon tan ldan nyid dmigs 'gyur te/ /rigs la sogs pa'i nus yod phyir/ /lta ba can sogs zhes bya ba'i/ /rigs pa yod pa legs bsgoms gang / /tshe 'di nyid la gzhan gyis sems/ /yongs su shes par byed pa dang / /tshe 'di la ni ma mthong dang / /rjes su dpag pa ma thos pa/ /byung dang 'byung 'gyur da ltar ba/ /de kun shes 'gyur smra byed yin/ /sna tshogs sngags dang klu dbang po/ /srin po gnod sbyin la sogs mthus/ /'dir ni skyes bu la babs na/ /mi slu ba can gsal bar smra/ /'khrul pa'i yul mthong med pa na/ /de lta na yang 'dir gnod can/ /tshad ma cung zad yod pa min/ /tshad ma cung zad med pa yis/ /de ni med par 'grub mi 'gyur/ /sngar bshad pa yi rim pa yis/ /rig byed byed pa po bsgrubs pas/ /khyed kyis dbang 'das mthong ba yis/ /gdon mi za bar khas blang dgos/ /des na shes rab can skyes bus/ /don phra rnams mthong nus pa yin/ /rang gi rigs can spangs nas kyang / /mi gzhan zil gyis gnon pa yin/ /ji ltar 'gro dang sbyor sogs pa'i/ /khyad par gyis ni sna tshogs pa'i/ /nus pa rang yul khyad can 'gyur/ /de bzhin yid kyang 'gyur ba yin/ /'di ltar bya rgod rnams kyis ni/ /gzugs ni shin tu ring nas mthong / /grub pa'i mig sman sogs rnams kyis/ /de bzhin bsgribs pa'i gter sogs kyang / /de ltar 'gro ba'i khyad par gyis/ /lta la sogs pa rnams kyis ni / /phra dang bsgribs sogs mthong yin te/ /rang gi rig pa rjes mthun phyir/ /rnal 'byor goms pa'i khyad par gyis/ /rnal 'byor rnams kyi yod shes ni/ /de ltar phul byung dngos 'gyur bas/ /'dir ni gnod pa can yod min/ /gal te 'gro dang sbyor sogs ni/ /med pas shes la khyad spong na/ /de tshe khyed kyis de rigs yin/ /rgyu med pas ni 'bras med phyir/ /ji ltar bstan bcos gzhan shes pas/ /de tsam gyis ni shes 'gyur min/ /de'i rgyu phyi ma phyi ma ni/ /med pas phul byung yang de bzhin/ /phyogs gcig rnam par shes pas na/ /kun mkhyen yod par smra ba yin/ /gang gis rigs byed sogs shes par/ / mtho ris sogs ni mngon sum 'gyur/ /'on kyang shes rab brtse sogs ni/ /goms pas 'phel bar mthong ba'i phyir/ /de ni 'phel bar 'gyur bas na/ /phul byung gzhan yang rtogs par 'gyur/ /yid kyi yon tan nyid kyis ni/ /de dag rab kyi mthar thug yin/ /mi smod bzhin de yang goms pas/ /ma lus don rtogs phyir mthar thug /chos kun rtogs pa'i ngo bo ni/ /shes rab mtshan nyid kyis ni gnas/ /gcig ni yongs su ma shes na/ /de nyid rdzogs par mi 'gyur ro/ /gang dag rigs mthun snga ma yi/ /sa bon las ni 'byung 'gyur ba/ /'dus byas 'phel ba'i bye brag gis/ /de dag 'phel ba'i chos ldan par/ /srid pa yin te 'bru sogs bzhin/ /brtse ba dang ni blo dag kyang / /ji skad bshad pa'i chos ldan yin/ /'phel bas kun mkhyen nyid du 'gyur/ /gang dag gnyen po nyer gnas na/ /'grib pa'i chos dang gang ldan pa/ /de dag shin tu 'grib pa srid/ /gser gyi dri ma la sogs bzhin/ /de ltar nyon mongs pa dang ni/ /shes bya'i sgrib sogs 'di dag ni/ /ji skad bshad pa'i chos ldan yin/ /de med dri med blo 'byung 'gyur/ /yang na ji skad bshad chos ldan/ /de dag shin tu rtsa 'byin la/ / dri ma med pa'i nus yod pa'i/ /de bzhin gnyen po srid pa yin/ /de nyid lta ba'i gegs nyid phyir/ /la lar shin tu 'grib pa can/ /phyi rol nyid kyis mun pa bzhin/ /nang gi yang ni rtogs par 'gyur/ /de ni 'grib par 'gyur ba dang / /thogs med ye shes chen po ni/ /shes bya thams cad kyi tshogs la/ /rang dbang gis ni 'jug par 'gyur/ /gang dag brtan pa'i rten gnas pa/ /ci zhig gis ni khyad par byas/ /gnod can med na de dngos ni/ /thob phyir slar 'bad ltos pa min/ /de dag 'dus byas 'phel ba yi / /dbye bas gsal ba'i rab kyi mthar/ / 'jug par 'gyur ba srid pa yin/ /gser gyi rnam par dag pa yin / /blo dang brtse ba la sogs pa/ /'di dag ji skad bshad chos ldan/ /de dag rab kyi mthar phyin pa/ /'od gsal kun mkhyen nyid 'byung 'gyur/ /mchongs dang chu yi dro ba yis/ /'dir ni 'khrul pa nyid yod min/ /mchongs pa mchongs pa'i rgyus byung min/ /stobs dang 'bad pa las mchongs 'byung / /yang na mchongs pa la yang ni/ /rang rgyud ting 'dzin las byung ba'i/ /khyad par gyis ni rab kyi mthar/ /phyin pa nyid du 'dod pa yin/ /yid mgyogs rdzu 'phrul zhes bya ba/ /mchog gyur de ltar grags pa yin/ /gang zhig dgos pa tsam gyis ni/ /gtso bo ring du gshegs par mdzad/ /ma mthong ba tsam gyis kyang ni/ /de med par ni grub pa min/ /'dir ni gzhan gyis gnod pa can/ /cung zad smra bar nus ma yin/ /dang ba'i rgyal po'i phrug gu ni/ /tshang nas byung bar mi nus kyi/ /goms pa yi ni khyad par gyis/ /rgya mtsho yi ni pha mthar phyin/ /rten gyi khyad par goms pa yis/ /dbye bas 'di ni ji bzhin 'gro/ /de lta de lta bu las ni/ /ci phyir lhag pa can srid min/ /byang chub sems dpa'i gnas skabs na/ /de 'dra'i 'gro ba thob pa min/ /ting nge 'dzin ni khyad par can/ /thob na thub pas spyod pa can/ /khru bcu'i bar du nam mkha' la/ /gang zhig mchongs nas 'gro ba yin/ /de la rgyu las de 'dra yi/ /ring du 'gro ba'i nus pa'ang yod/ /chu ni dro bar byed pa na/ /chu ni zad par 'gyur ba yin/ /des na mi brtan rten can de/ /gang zhig gang du khyad can 'gyur/ /yid las byung yon tan rnams la/ /sems ni rgyu ni rten yin te/ /de ni rten 'brel pas 'jug pa/ /nam yang ldog par mi 'gyur ro/ /ji srid ji srid yon tan goms/ /mngon du phyogs nas gnas pa yin/ /de srid shin tu 'od gsal ba/ /de ni shin tu gnas pa nyid/ /gang phyir dri ma glo bur 'dod/ /de nyid mthong ba'i bdag nyid can/ /'od gsal ba yi sems 'di ni/ /rang bzhin nyid kyis gnas pa yin/ /gal te sems ni gzhan gyis ni/ /rtog pa'i bdag nyid nges srid na/ /de tshe dmigs pa ma grub phyir/ /don la 'jug pa mi srid do/ /de phyir gsal bar byed pa'i phyir/ /rang rig bdag nyid sems la yod/ /sgro btags med pa'i ngo bo can/ /rang rig pa 'di gnas pa yin/ /des na lam bdag nyid 'gyur na/ /'dod chags gti mug gi skyon gyis/ /sems ni zil gyis gnon pa min/ /de ni sngar yang stobs chung yin/ /skyon kun 'jig rten byed pa can/ /lam gyi bdag nyid du 'gyur na/ /'bad pa med na spong mi 'gyur/ /yon tan mthong bas 'bad pa med/ /des na dri med mi g.yo ba'i/ /yon tan tshogs kyis brgyan pa can/ /skyon gyi rlung gis bskyod bdag min/ /rgyal ba kun mkhyen rtogs par 'gyur/ /gzhan yang gang dang gang bsgoms pa/ /bsgoms pa yongs su rdzogs pa na/ /de dang de dag gsal snang 'gyur/ /'dod pa la sogs pa'i yul bzhin/ /chos rnams kun yang dus ring du/ /rnam pa du mas bsgom bya min/ /bdag nyid chen pos stong pa dang / /bdag med sogs te dngos nyid can/ /stong dang bdag med sogs ngo bo/ /yang dag nyid du bsgrubs zin to/ /des na yang dag don bsgoms las / /byung phyir yid de tshad ma yin/ /gsal bar snang phyir mngon sum dang / / dngos dang 'brel phyir tshad ma yin/ /mig sogs rten las byung ba yi / /sngo sogs so sor snang ba bzhin/ /des na rnam shes gcig la ni/ /chos rnams dag ni thams cad kyang / /cig car gsal bar snang srid pas/ /de lta bu ni rtogs par gyis/ /'di ltar bsgom bzhin pa nyid phyir/ /bud med bu dang chom rkun bzhin/ /'dod pa tsam gyis mngon phyogs pas/ /bsgom pa rnyed par dka' ba yin/ /sgom pa'i rab mtho blo gcig la/ /chom rkun gsal bar snang ba yin/ /dngos po yod sogs gtan tshigs phyir/ /bud med la sogs lta bu'o/ /gang la 'di ltar dngos nyid dang / /yod dang skye sogs mtshan nyid can/ /nges byed gtan tshigs nus can yod/ /de ni su zhig sgrub byed min/ /shes bya ma lus pa yi tshogs/ /shes pa'i skad cig gcig khyab mdzad / /lha dang lha min gtsug nor bur/ /gyur pa'i kun mkhyen 'di grub 'gyur/ /tshig ma ltos par 'ga' zhig gis/ /chos sogs de dag ltos yin te/ /bden bdag nyid kyis stong nyid phyir/ /gser la sogs pa rnam dag bzhin/ /rig byed skyes bus byas nyid du/ /grub phyir grub pa la sgrub min/ /mi shes pa yi stes dbang gis/ /bden pa'i nyer bstan yod ma yin/ /phyag rgya dkyil 'khor sngags rnams kyis / /sha za mkha' 'gro las thar dang / /dug la sogs pa sel ba yi/ /nus pa dbang 'das gang yin pa/ /thub dang mkha' lding sogs dbang gis/ /thos dang rjes dpag ma yin pa'i/ /dri med dngos su mi mkhyen na/ /de dag ji ltar gsungs pa yin/ /rjes su dpag pas kyang mkhyen min/ /der ni sngar ma mthong ba'i phyir/ /de dang rtags kyi 'brel pa yi/ /mthong ba mi 'thad par 'gyur ro/ /gzhan la gsan nas gsungs min te/ /brgal zhing brtag pa mtshungs pa'i phyir/ /stes dbang mi slu'i ngo bo ni/ /de 'dra gsungs pa ma yin no/ /de ltar chos bstan 'di lhur mdzad/ /rgyu mtshan gzhan du brtags pa min/ /gang phyir don gzhan 'jug byed la/ /stes dbang de dogs skye bar 'gyur/ /skom pas gdungs pa'i bsam pa can/ /'bab chur nye bar 'gro ba na/ /ji ltar byi ru rnyed pa ltar/ /der ni stes dbang yod par rigs/ /g.yeng ba'i sems ldan rmongs rnams kyis/ /res 'ga' ba yi rim can 'di/ /khyad par 'bras bu sgrub byed pa/ /de smra nus pa ma yin no/ /ma thos rjes dpag ma byas pa'i/ /bden pa'i don ni lhur smra gang / /de ni sngon shul phyis de'i dngos/ /shes shing de 'dra ston byed yin/ /gzhan gyis mngon sum gyis mthong ba'i/ /chu sogs ston par byed pa bzhin/ /ma thos rjes dpag ma byas pa'i/ /dbyen don dbang po las 'das pa'o / /gzhan gyis mi rtogs nus can yang / /des pa yi ni phyag rgya dang / /dkyil 'khor rtog sogs mtshan nyid can/ /de lhur len thub mchog gis gsungs/ /de phyir phul byung shes pa ni/ /thabs kyi stobs las byung rnams kyis/ /gang zhig dbang 'das thams cad nyid/ /des ni lhag par shes byed nus/ /khang khyim gcig la gnas pa yi/ /mngon sum gang zhig zhugs par gyur/ /de nyid du ni de mthong nus/ /khang khyim gzhan la ma yin no/ /sems can thams cad la gnas pa'i/ /nus pa'i nyams myong yod pa na/ /khyed kyis de ltar nges nyid rigs/ / gzhan du rgyu mtshan ci zhig yod/ /skyes bu nyid sogs gtan tshigs kyis/ /nus pa med par nges byed na/ /bdag nyid dpe ru byas pa yis / /ha cang thal bar 'gyur ba yin/ /de ltar khyed kyis rmongs pa nyid/ /nges par byas pas mkhas pa kun/ /khyod nyid dpe ru byas pa yis / / rmongs pa'i blo can thal bar 'gyur/ /skyes bu gcig 'ga' zhig kyang ni/ /mthar thug shes pa yod pa min / /de ltar 'di yang dag tsam ni/ /rgyu mtshan med par smras pa yin/ /yang na rang mtshungs sems can rnams/ /rnam dag blo ni mi rmongs pa'i/ /dbang du byas nas de ltar ngag / rgyal ba'i dus 'dab kyis ni smras/ /thams cad mkhyen pa srid pa yi/ /tshad ma rgyas par bstan pa yin/ /gzhan gyis de la gnod pa can/ /smra ba sngar yang smras zin to/ /de yi srid pa bsgrub pa ni/ /gzhan ni smra bar ma byas na / /gnod pa can btsal ba tsam gyis/ / de ni srid par rtogs par 'gyur/ /'di ltar gnod pa can mthong na/ /sgrub byed rab gsal ma byas kyang / /the tshom skye bar 'gyur ba des/ /de ni srid par 'gyur ba na/ /rig byed kho na rang dbang gis/ /chos ni mtshon zhes nges pa 'di/ /khyed kyis nges par grub 'gyur min/ /rnal 'byor pa rnams ma 'ongs pa'i/ /shes bya la ni mngon sum gyis/ /nus pa ji ltar yod de ni/ /dus gsum brtag pa las bshad zin/ /yang na rnal 'byor nus byung ba'i/ /'das dang ma 'ongs ltar gsal ba/ /rtags dang lung la ma ltos pa'i/ /yid ni rnal 'byor pa la yod/ /rang bdag snang ba rigs pa'i phyir/ /de ni rang mtshan spyod yul can/ /gsal bar snang ba mi slu'i phyir/ /de yang mngon sum 'dod pa yin/ /de phyir dbang 'das don rnams ni/ /dngos su mthong ba nyid yod yin / /rtag pa'i tshig ni med pa'i phyir/ /des ni cung zad mthong ba min/ /blo bzangs rnams kyis thub pa yis/ /dbang 'das don gyi rnam shes ni/ /sngar bshad rjes su dpag pas bshad/ /byas pa'i lung gzhan las ma yin/ /tshad ma nyid ni grub don du/ /byas pa gang dang byed po la/ /thog ma med nyid smras pa min/ /gang phyir de tshad min la'ang 'jug / 'di ltar med pa la sogs dang / /de bzhin de tshig rnams dang ni/ /rig byed dang ni smra po rnams/ /thog med yin yang tshad ma min/ /tshad ma nyid ni grub don du/ /ma byas ngag dang smra po la/ /thog ma med nyid gang smras de/ /kho bo la bzhin bkag par 'gyur/ /smra po byed po dang mtshungs te/ /de la ltos nas rig byed rnams/ /tshad ma nyid 'gyur des byas pa'i/ /byas pas don shes skyed pa'i phyir/ /des na rig byed ngag rnams ni/ /gzhan dbang nyid kyis tshad ma min/ /rang gis chos ni ma mthong phyir/ /smra po rnams la de yod min/ /de phyir de 'dra'i smra po la/ /thog ma med nyid brtags pa na / /tshad min go 'phang gnas nyid phyir/ /med pa sogs las khyad par med/ /des na khyad par ma rtogs phyir/ /thams cad 'dir ni mtshungs par 'gyur/ / tshad ma dang ni tshad ma min/ /de lta yin pas thog med min/ / yang na thub dang de'i gsung la/ /khyad par 'di ni yod pa yin/ /gnyis med chos ni gzigs pa dang / /brtse ba'i ngo bos gsungs pa yin/ /gang la mngon mtho'i 'grub pa dang / /nges par legs par 'grub par 'gyur / /mkhas rnams kun gyis de 'dra ste / /chos zhes bya bar bshad pa yin/ /des gsungs sngags dang rnal 'byor sogs/ /dam tshig cho ga bzhin byas pas/ /shes rab nad med sbyor sogs ni/ /mthong ba'i chos la'ang skye bar 'gyur/ /ma lus chos bdag nyid mthong ba/ /de yis rab gsal mdzad pa yis/ /'jig tshogs lta las byung ba yin / /nyon mongs tshogs 'di la med 'gyur/ /bdag dang bdag gir 'dzin lta can/ /yod pa'i stobs la 'jug par 'gyur/ /bdag dang bdag 'dzin nga rgyal gyis/ /nyon mongs ma lus 'byung bar 'gyur/ /yod par lta ba'i gnyen po ni/ /bdag med nges par mthong ba yin/ /goms pas bdag nyid 'gyur ba na/ /de yod pas ni de yang ldog /nyon mongs phung po de'i rtsa can/ /rgyu med pas na med par 'gyur/ /de med pas na de rgyu ni/ /khyed la slar yang skye mi 'gyur/ /de las shin tu rnam grol ba/ /thar pa zhes ni bshad pa yin/ /des na bdag med lta ba ni/ /gnyis pa med pa'i zhi sgo yin/ /mu stegs thams cad rnams kyang ni/ /nga rgyal nges par log pa yis/ /thar par 'dod de bdag yod pas/ /nga rgyal ldog par mi 'gyur te/ /nus pa can rgyu yod pa dang / /yul ni sun dbyung ma byas phyir/ /de sun dbyung ba dngos med kyi/ /gzhan du phyin ci log thal 'gyur/ /gal te bdag ni yod pa na / /bdag med ces de ltar rigs min/ /de nyid rigs par nges par ni/ /mya ngan 'das 'gyur khyed kyi brdzun/ /de phyir mu stegs gzhan dag la/ /mi dge bcu ni spangs pa yis/ /gal te mngon mtho'i phyogs tsam ni/ /shin tu che chung thob yod na'ang / / thar pa'i 'bras bu thob pa ni / /cung zad yod pa ma yin te/ /yod par lta ba la 'jug pas/ /nyon mongs rtsa nas ma byung phyir/ /skyob pas slar yang dge ba yi/ /las lam bcu po gang gsungs pa/ /yang dag lta dang yongs ldan pas / /de dag shin tu stobs ldan 'gyur/ /yod pa'i lta bas sgrib pa can/ /phyin ci log dang rjes 'brel phyir/ /dag min des na de dag las/ /dag pa'i 'bras bu skye mi 'gyur/ /de nas thub pa'i mchog gis ni/ /rang nyid kyis chos ma gzigs pas/ /chos kyi de nyid gsungs yin zhes/ /smyon pa min pa su zhig smra/ / skyob pa la ni kun mkhyen dang / /rig byed la ni rtag nyid gang / /mkhas pa min pa mtshungs par smra / /rtag pa nyid ni mi srid phyir/ /de yi gnod pa can smras yin/ /rim dang cig car 'gal ba'i phyir/ /rnam shes la sogs de'i 'bras bu/ /cir yang 'thad pa ma yin no/ /da ltar dus su ci khyod la/ /thams cad mkhyen pa mi snang la/ /'on te kun la mi snang zhes/ /rgyas par sun phyung sngar bstan zin/ /khyod kyis ma dmigs 'ba' zhig tsam/ /'khrul pa dang ni ldan pa yi / /gzhan kun gyi ni ma dmigs pa/ /the tshom za bas sgrub byed min/ /dgag par bya ba nus bzhin du/ /sngar yang med brtags nus she na/ /rigs min 'das pa'i dus na yang / /de yi dgag par rigs min phyir/ /gal te 'das dus gang yin pa/ /de ni kun mkhyen gyis stong yin/ /dus nyid yin pa'i phyir dper na/ /de ltar dus rtogs bzhin zhe na/ /ldog la the tshom za ba'i phyir/ /sgrub pa de ni rigs ldan min/ /da ltar ba yi dus 'di ni/ /de yis stong pa zhes byas min/ /rgyu yi tshogs pa med pa'i phyir/ /'das pa da ltar dus su med/ /'das dus dga' byed la sogs bzhin/ /gang gis mi srid par 'gyur yin/ /shes rab la sogs chos can du/ /byas nas rtags ni bshad pa yin/ /rtags ni mi snang ma grub yin/ /des na kun mkhyen med mi 'grub/ /kho bo cag gis kun mkhyen ni/ /lung gis grub par zhugs pa min/ /sngar bshad rtags ni yod pas na/ /lung gis grub par su zhig brjod/ /'on kyang rig byed tshad ma ru/ /gal te khyed cag mngon 'dod na/ /de cis bcom ldan 'das la ni/ /rmongs pa kun mkhyen khas len min/ /mtshan can zhes bya'i 'phros gzhan las/ /bram ze mkhas pa rnams kyis ni/ /thub pa rnams kyi mchog gyur pa/ /bcom ldan kun mkhyen gsal bar 'dod/ /gang zhig glang chen thal kar ni/ /mche ba drug pa'i bdag nyid can/ /rmi ltas bstan nas nyid bltam 'gyur/ /byang chub sems dpa'i yon tan mtsho/ /'chi med go 'phang brnyes pa dag / thugs rje'i bdag nyid grags pas khyab/ /de ni kun mkhyen gyur pa dang / /'jig rten kun gyi yab tu gyur/ /'on te 'phros pa'i khyad par 'di/ /rig byed khong gtogs mi 'dod na/ /des 'dir sdang ba spangs nas ni/ /khyed la rgyu mtshan nges 'gyur min/ /dbyangs la sogs pa'i cho ga dag / thos la yod par rab grags pa/ /de la'ang de dag bya bar nus/ /mi yi 'dod tsam gyis 'byung phyir/ /de ltar lhur len rtag pa yi/ /lung rnyed nus min ma yin nam/ /gal te rtag na gab tshig nyid/ /de lhur len na mi rtag 'gyur/ /lung ni rtag nyid du grub na/ /de brtags pa ni don med yin/ /gang phyir mi rnams de las ni/ /chos ni rtogs par byed nyid 'gyur/ /'di ni rab tu grub na yang / /rig byed rtag pa nyid yod min/ /gang gis btsal ma thag 'byung shes/ /rim gyis shes sogs de 'bras yin/ /'on kyang rab grub de la ni/ /tshad ma nyid khas len yod na/ /rig byed nyid phyir 'phros bzhin yang / /khyed la tshad ma nyid du 'gyur/ /yang na rig byed min nyid du/ /khyed kyi rig pas shes par gyis/ /gzhan du thos pas ma smras nyid/ /khyed la the tshom za bar 'gyur/ /rig byed rtag pa nyid dang de/ / lhur len yin bla de la ni/ /de lhur len pa mi rtag 'gyur/ /gang phyir 'jig don dang 'brel phyir/ /gal te de ltar dgang lugs dang / /'bru dang gser ral can sogs rnams/ /rtag bdag nyid yod de yis ni/ /mi rtag ngo bo ji ltar brjod/ /de la rig rtag yod ce na/ /de yang bsal byas ma yin nam/ /de tsam tshig gis brjod pas na/ /dgang lugs sogs la blo 'byung min/ /de yang brjod la tshig la ni/ /rtag pa nyid ces nyams mi 'gyur/ /yang na kun mkhyen la rigs bla/ /des na de lhur len pas rtag /rig byed ngag rnams rang dbang phyir/ /rig byed las don nges min te/ /rmongs sogs dbang byas bdag nyid dang / /gzhan las kyang don nges skye min/ /des na mtho ris 'dod me la/ /sbyin sreg bya zhes thos pa la/ /rgyal ba kun mkhyen zhes bya'i don/ /'di min zhes 'dir tshad ma ci/ /mtho ris dang ni thar pa'i lam/ /gsal bar nye bar bstan pa'i phyir/ /gtso bo'i don ni yongs mkhyen phyir/ /kun mkhyen zhes byar rtogs par 'gyur/ /rgya mtsho bye ma'i grangs snyed kyi/ /rnam shes gang la nye bar mkho/ /des na gzhan gyi don shes mkhyen/ /kho bo cag la ci zhig dgos/ /sngags kyis gab pa'i tshig bzhin du/ /de yang phal pa nyid du brjod/ /ces bya 'di ltar nges pa 'di/ /kun mkhyen nges par gsal nas 'grub/ /sngar bshad gnod pa rigs min par/ /rgyas par bsgrub par byas pas na/ /phal chen nges la the tshom za/ / gtso bo'i don ni yang srid phyir/ /gal te 'di ni chos sogs kyi/ /spyod yul can shes thogs med nyid/ /'bras bu dang bcas gsal brjod na/ /de tshe sangs rgyas 'gro las rgyal/ /gang phyir mngon mtho thar pa dang / /rgyu bcas la yang shes pa ni/ /thogs med de dag la sgrub na/ /des na ma 'dres shes gsal yin/ /bdag kho na yi rnam shes ni/ /bsam gtan goms pas 'jug pa gang / /de la yang ni thogs med nyid/ /de dag la sngar bsgrubs zin to/ /glo bur dri ma spangs pa can/ /sems tsam rang rig pa'i ngo bo/ /rnam par dag pa'i bdag mthong gang / /de nyid kho na de shes yin/ /rig bya rig byed rnam pa med/ /blo ni sngar nyid rab bsgrub byas/ /bslad pa nyid kyis stong pa can/ /sangs rgyas rnams kyis de gsal mdzad/ /des na blo gros chen po dag /'khor ba mi mthun shes bcas 'grub/ /gang gi dbang gis bstan pa rnams/ /'byung zhing da ltar yang snang 'gyur/ /rang bzhin gyis 'od gsal ba'i sems/ /gnyis ka'i rnam pas rnyog med pa/ /rnam gnyis rmongs med bdag nyid can/ /su zhig rnam gzhan du blo byed/ /bdag med rnam gnyis rtog pa na/ /bud med sogs kun rtog 'byung na/ /'dod chags zhe sdang rmongs sogs dang / /'bad pa med pas 'jig par 'gyur/ / de nyid gsungs pas gsungs pa gang / /'di de mchog gyur de nyid ni/ /phun sum tshogs kun go 'phang ste/ /ki sha pa sogs spyod yul min/ /gzhan dag gis ni bdag brten zhing / /dag pa'i shel 'drar shes de dag /de yang phyin ci log yin te/ /rtag pa'i bdag nyid bkag phyir ro/ /bdag tu 'dzin pa'i rnam shes ni/ /bdag las gal te skye 'gyur na/ /des na kun bdag nyid rnam shes/ /cig car skye bar thal bar 'gyur/ /'on te de la mi skye ba'am/ /yang na rtag par khas len na/ /de tshe de yul can mi 'gyur/ /skyes bu gzhan gyi sems bzhin no/ /bzung ba'i mtshan nyid 'gal ba ru/ /rgyas par bsgrub par bya ba'i phyir/ /gang zhig rtag pa'i bdag mthong ba/ /de nyid de yi shes pa min/ /'on te bdag shes ngo bo ru/ /khas len byed kyang snang ba dang / /blta ba du ma nyid med pas/ /de lta na yang de nyid med/ /gal te rang gsal dngos po nyid/ /de yi shes pa 'dod pa na/ /de tshe rang rig thob pa dang / /blo yang mngon sum du 'gyur ro/ /rig byed dang ni tshangs pa sogs/ /'brel pa cung zad yod pa min/ /tha dad phyir dang rtag nyid kyis/ /ltos med phyir de las gzhan bzhin/ /des na rig byed lus nyid ni/ /tshangs la sogs pa rig pa min/ /rig byed kun shes ngo bo ru/ /rigs min don nges med pa'i phyir/ / rang dbang nyid kyis kyang sangs rgyas/ /kun mkhyen bsgrub par byas pa yin/ /rig byed lus can nyid yin phyir/ /tshangs pa sogs bzhin brtags byas min/ /'gro lnga'i bdag nyid 'khor ba las/ /phyi rol gyur pas mir mi gtogs/ /kho bo sangs rgyas rnams la ni/ /de ltar sprul par 'dod pa min / /'og min gnas ni mchog gyur pa / /gtsang ma'i gnas kyi steng gnas par/ /yang dag sangs rgyas der sangs rgyas/ /sprul pa po ni 'dir sangs rgyas/ /khyed kyis rang dga' nyid kyis ni/ /mi nyid du ni ji ltar nges/ /gzhan gyi lung gi sgo nas min/ /de ni de ltar gnas pas so/ /kho bos de dag dang 'gran par/ /kun mkhyen de na 'dod pa min/ /bden pa rnams ni nam mkha' yi/ /me tog dang 'drar su zhig rtog /nus pa thams cad dang bral bas/ /rtag pa dngos med bsgrubs zin to/ /des na gzhan gyis 'dod pa yis/ /chung ma gsum can sogs yod min/ /gzhan yang de dag log shes yin/ /bdag la sogs pa mthong ba'i phyir/ /sangs rgyas log shes mi mnga' bar/ /rgyas par sngar ni bsgrubs zin to/ /des kyang de dang 'gran pa min/ /shin tu ches khyad yod pa'i phyir/ /rab rib can dang lhan cig tu/ /nad med mig can su zhig 'gran/ / yon tan las dang dbang phyug sogs/ /rig byed rnams kyi rtag pa nyid/ /spangs pas kho bo'i rtag pa yin / /lung de yang ni 'dod ma yin/ /nye bar 'jal bas kun mkhyen ni/ /yod par grub par 'dod ma yin/ /de tshad nyid min smras pa'i phyir/ /de las yod pa mi grub po/ /yod pa rab tu grub pa na/ /des ni 'dra ba nyid rtogs 'gyur/ /kun mkhyen yod par bsgrub pa yi/ /sgrub pa rnal ma 'di yin no/ /des na nyer 'jal rab grub pa'i/ /dgag pa de ni 'bras med yin/ /gal te khyod kyis mi kun ni/ /kun la ma yin par mthong na/ /des na khyod rang kun mkhyen 'gyur/ /ring dang bar chod mthong phyir dang / /rgyud gzhan dang 'brel shes pa ni/ /nus pa 'ga' ni mthong ba'i phyir/ /mdun gnas pa yi skyes bu yang / /kun mkhyen ma yin zhes de ltar/ /nges pa khyed la ji ltar yod/ /yod na dbang 'das rig par 'gyur/ /bdag nyid kun mkhyen ma mthong bas/ /ma lus kun mkhyen min des na/ /ha cang thal 'gyur phyir rmongs sogs/ /thams cad la yang nges par 'gyur/ /gal te gnod pa mthong ba'i phyir/ /chos kun min 'dod min zhe na/ /smras pa la yang gnod dgos la/ /gnod mthong las tha dad 'gyur min/ /rgyal bas mtho ris thar lam gyi/ /kha na ma tho med pa'i gsung / /bsgrubs pa de ni rmongs pa yis/ /byams snyam rmongs las gzhan du sems/ /mthong chos mngon mtho sna tshogs de / /de bzhin skyon rnams zhi ba'i mchog /de las thob par 'gyur ba na/ /des na gzhan dag rmongs par byed/ / sangs rgyas rnams kyis nyer bstan 'di/ /rig byed rtsa ba can ma yin/ /rnyog pa med pa de gsungs yin/ /thos pa rnyog pa dang bcas smras/ /de dag de ltar nyer bstan pa/ /de 'dra rang don bsgrub phyir min/ /de dag gi rtsom ma lus pa/ /de 'dra gzhan gyi don du yin/ /de phyir 'gro la phan byed pa/ /dbang thob snying rje'i bdag nyid can/ /rgyu mtshan med pa'i gnyen yin pas/ /kun la go 'phang de nyid gsungs/ /brkam chags 'jigs dang zhe sdang dang / /ser sna sogs kyis dbang byas pa / /brtse med bdag nyid de dag la/ /nyer bstan phyogs gcig pa ru 'gyur/ / thugs rje gzhan dbang gyur pa na/ /de nyid gsal bar gzigs pa can/ /dmigs bsal kun la dogs med pas/ /thams cad du ni ston par mdzad/ /ji lta ji ltar rmongs sogs kyi/ /skyon gyis skye bo skyon bcas 'gyur/ /de lta de ltar mgon rnams kyi/ /thugs brtse de dag la ni 'jug / me bskor byas na khyim sogs 'gro/ /'brel ba de dag gis bzhed min/ /phan pa gdags par bya ba ste/ /des na 'di ltar legs smras yin/ /rigs dang dul dang phun tshogs pa'i/ /bram ze ba lang glang po che/ /khyi dang khyi 'tshed pa dag ni/ /mkhas pa rnams ni mnyam par blta / /lan brgyar rigs ni bkag byas pas/ /rigs kyis rgyags pa ci phyir byed/ /de las gzhan las khyad med pas/ /gal te de brten dbang 'gyur sogs/ /yon tan gzhir gyur sdig pa ni/ /ma lus par zad nas 'dir ni/ /khyad par med par de ldan pas/ /kun kyang gnyis skyes su 'gyur na/ /de tshe khyad par can grub 'gyur/ /gnyis skyes rngon pa byed bzhin du/ /gzhan du khyad par can nyid med/ /skyes nas cho ga tshogs gang dag /grub pa'i bya ba de kun rdzob/ /gang phyir de dag bcos ma la'ang / /yod pas de las gzhan pa'ang bzhin/ /dus ni ring po 'das pa dang / /bud med sems kyang g.yo ba yi / /bram ze nyid ni yod na yang / /nges par bya bar nus ma yin/ /dbang 'das dngos don shes pa ni/ /'ga' zhig khyod la yod pa min/ /des na rnam par dag pa'i rigs/ /rig byed pas kyang smras mi byed/ /de phyir yid sogs rnams kyis kyang / /de dag bram ze ma gtogs pas/ /bram ze rnams la nye bar bstan / /byas min de nges med pa'i phyir/ /yid la sogs pa rnams kyis ni/ /rang la rtogs pa'i nus med pa'am / /yang na rig byed rigs bral yin/ /rig byed gdon rmongs bram ze ni/ /dpyod byed nus pa ma yin zhes/ /gang las nges par byas pa yin/ /des na de yis bram ze la/ /rig byed la sogs nyer bstan byas/ /gna' rabs dang ni yid kyis ni / /rig byed yan lag bcas gso dpyad/ /dka' yis grub pa bzhi po la/ /gtan tshigs kyis gzhig mi bya'o/ /des na gang gang rmongs rnams la/ /de nyid kyis 'di 'jig skur snyam/ /gang tsam gyis ni gzhan du yang / /bka' yis grub nyid cis mi 'gyur/ /bdag nyid chen po gang dag gis/ /gang gsungs rigs ldan don nyid dang / /bdag la de don nus pa ni/ /gsal bar nges par mdzad pa yin/ / mu stegs ngan glang ches smyos pa'i/ /dregs pa nyams par mdzad pa can/ /skrag pa ma lus mi mnga' ba/ /'di ltar de dag seng sgra sgrogs/ /dge slong dag gam mkhas rnams kyis/ /bsregs bcad brdar ba'i gser bzhin du/ /yongs su brtags la nga yi bka'/ /blang bar bya yi gus phyir min/ /gang dag sdig pa spangs byas pas/ /don dam pa yi bram ze ni/ /dri med bdag med goms byed pa'i/ /de dag thub pa'i bstan pa yod/ /des na bstan pa 'di nyid la/ /dge slong rnam bzhi yongs grags yin/ /gzhan gyis bstan pa dge sbyong dang / /de bzhin bram ze rnams kyis stong / /mi su zhig gcig kun mkhyen srid/ /ces bya sogs la bsgrubs pa ni/ /dam bca' ma tshang ba'i skyon gyis/ /skyon dang bcas par mi 'gyur te/ /ma lus don ni yongs shes pas/ /bsgrub pa 'bras med yin na yang / /blo bzang bde gshegs pa rnams ni/ /'bad pa byed ces sngar bsgrubs zin/ /phyogs gcig shes pas de smras yin/ /kun mkhyen gyis gsungs mi 'gyur zhes/ /'dir yang thams cad kyis shes pa/ /rjes 'gro'i phyir yang sngar bstan zin/ /ji ltar cung zad mthong ba yi/ /dri sogs don rnams nyams myong nas/ /de dag sems la sgro btags pas/ /nyams myong la brten phyis rjod byed/ /de yi tshig de dngos po de'i/ /shes pa las byung min pa min/ /kun mkhyen gsung yang de ltar yin/ /rgyu yi dbye bas tha dad 'gyur/ /dngos po ma lus rnam shes ni / /'di'i rgyu nyid du 'gyur ba yin/ /cung zad tsam don rnam shes ni/ /de yi rgyu mtshan gnas par 'gyur/ /rnam par rtog pa mi srid pas/ /de yi brjod 'dod ci 'dra yin/ /sgrib pa thams cad spangs pa'i phyir/ /rnam rtog 'di la 'jug min na/ /de min nyon mongs bcas kun rtog / de la mi mnga' sgrib zad phyir/ /'gro la phan pa rjes mthun pa/ /dge bcas su zhig spong bar byed/ /des kyang rnam rtog de nyid ni/ /don dang ldan par nges mi 'gyur/ /sgyu ma byed pa bzhin du ni/ /de yis dmigs med de rig yin/ /ji ltar sgyu ma mkhan 'ga' zhig / spyod yul sprul par byas na yang / /sems kyis yul med can rigs te/ /des na 'khrul pa skye mi 'gyur/ /de lta bu sogs brjod pa ni/ /dad dang ldan la mdzes ma yin/ /skabs bab rjes mthun don nyid du/ /de ni bram zes smras pa min/ /de bzhin don rnams kyis khyab par/ /nye bar bstan par nus ma yin/ /de ltar de yi skabs bab 'dir/ /'dir yang blo bzang gis gsungs yin/ /gal te de la nyer bstan pa'i/ /nus med na de de ltar 'gyur/ /des na lung du mi 'gyur zhes/ /khyed cag gis ni brjod dgos so/ / 'dir yang smras de de ltar 'gyur/ /de gsung khyod kyis mthong ngam ci/ /gal te thal bar bsgrubs pa yis/ /'dod pa ma yin par brjod na/ /gal te sgra nyid mi 'dod pas/ /lung khas blangs par mi 'gyur ro/ /de gsung lung ni 'dod pa na/ /de la smra nyid 'dod par gyis/ / gal te de 'dra'i rigs pa ni/ /rigs par smra rnams la grub na/ /de tshe thal bar bsgrubs pas chos/ /dang ba tsam du gzhan gyis 'dod/ /rigs par rab sgrub nyid yin na/ /rang rgyud pa yi sgrub par 'gyur/ /de gsung ba yi lung de ni/ /'di ltar gzhan gyis 'dod pa yin/ / tshig gi shugs kyis de las ni/ /skyes bu yid bzhin nor bu ltar/ /rtsig sogs las kyang chos kyi sgra/ /ji ltar 'dod bzhin 'byung bar 'gyur/ /bdag por 'gyur ba tsam rtogs pas/ /ston par byed pa de brjod yin/ /rnam rtog rjes 'gro can smra nyid/ /de phyir thal 'gyur ma shes pas/ /de la thal bar mi 'gyur ro/ /kho bo rigs pa don gnyer gang / /dad pa'i rjes su 'brang ba min/ /zhes bya de ltar smras pa yin/ /rtsig pa la sogs las byung ba/ /yid ches min gsung ji ltar yin/ /gang phyir der bdag nyer gnas pas/ / de rnams 'jug par 'gyur ba yin/ /dag 'khyal dang ni 'tshe sogs pa'i/ /smad pa'i don dang rnam par bral/ /rtsed mo'i tshul dang sha za sogs/ /de rnams ji ltar smras pa yin/ /ngag 'khyal dang ni rnams 'tshe sogs/ /smad pa'i don gyi nyer bstan pa/ /rtsed mo'i tshul dang sha za sogs/ /byis pa ngag 'khyal 'tshe sogs pa/ /smad pa'i don dang bcas pa yi/ /nyer bstan de dag yod pa min/ /tshad ma gnyis kyis mi slu 'dod/ /de'i yul ma lus gang la ni/ /tshad ma gnyis kyis gnod pa can/ /cung zad mthong bar mi 'gyur zhing / /gang zhig shin tu lkog gyur la'ang / /snga phyi yis ni gnod can min/ /skyes bu thams cad snying rje sogs/ /yon tan skye la 'jug byed las / /rnam pa thams cad mchog ldan pa'i/ /dam pa'i tshul khrims ston byed la/ /'di dang phyi mar skal ldan la/ /mngon mthong sna tshogs sgrub byed cing / /bag la nyal kun tshogs kyi ni/ /gnyen po'i phyogs ni ston pa can/ /mya ngan 'das pa grong khyer gyi/ /de yi sgo 'phar 'byed pa po/ /gal te de ltar rtsed mo 'am/ /srin po'i tshig tu 'gyur yin na/ /de mtshan nyid kun yod pa'i phyir/ /de nyid sangs rgyas yin zad mod/ /gang phyir ming gzhan brtags pa yis / /dngos po'i ngo bo ldog 'gyur min/ /khyad par can la dman pa'i ming / /byed na khyed rang smad byar 'gyur/ /'dod pa log par g.yem pa dang / /srog chags 'tshe sogs mtshan nyid can/ /goms dang de yi bya ba ni/ /tshig gang zhig gis gsal bar byas/ /de nyid spyang po sha za sogs/ /smras pa zhes ni dogs par 'gyur/ /de'i spyod mngon par chags rnams la/ /de 'dra'i tshig ni srid pa yin/ /'gal bcas gtsang mi gtsang sogs kyi/ /rang bzhin rnams ni cig car du/ /blo gcig gis ni rtogs par mthong / /de dag blo dang 'gal ba min / /phan tshun spangs te gnas pa yi/ /mtshan nyid can nam yang na ni/ /gcig la lhan cig mi gnas pa'i/ /'gal ba de dag la yod min/ /shes pa gcig la snang ba nyid/ /de dag la ni 'gal ba min/ /gtsang dang mi gtsang la sogs dang / /sbrul dang rma bya la sogs ni/ /mig la cig car snang ba'i phyir/ /bde dang sdug bsngal sogs dbye bas/ /rgyu med nye bar gnas med pas/ /de shes bya ste 'gal bas min/ /sngo dang ser dang dkar sogs bzhin/ /yul dang rang bzhin dbye ba yis/ /dngos po'i dbye bas 'gal ba can/ /gang phyir cig car du snang 'gyur/ /shes bya'i dkyil 'khor ma lus pa/ /shes pa skad cig gcig khyab can/ /gang phyir kun mkhyen bsgrub bya ba/ /de ni rim pa la brten phyir/ /gang dang gang dag rtogs bzhed pa/ /de dang de ring nges sbyor las/ /de la nus pa de ltar mnga'/ /gang phyir sgrib spangs can de yin/ /zag pa zad pa sogs rnams kyi / /ye shes dbang gyur rnyed pa des/ /rim gyis sam ni cig car du/ /rang gi bzhed pas mkhyen par gyur/ / shes pa'i skad cig bcu drug gis/ /bden pa bzhi yi rang bzhin can/ /shes bya kun ni rim gyis mkhyen/ /yang na kho bo la kun mkhyen/ /de la de 'dra'i ye shes ni/ /rim gyis gtso bo las byung 'gyur / /thad cig tsam yang sdod min na/ /lo brgya smos kyang ci dgos kye/ /rnam dbye ma byas pa'i ngo bos/ /dngos po kun ni gang gis rtogs/ /dngos po kun gyi rang bzhin nyid/ /des ni mkhyen par 'gyur ba yin/ /bdag bcas skad cig min sogs las/ /gang zhig log par rang mtshan nyid/ /rtag tu nyer rtogs rgyu mtshan phyir/ /de 'dir spyi zhes brjod pa yin/ /de 'dzin byed pa'i rnam shes ni/ /bsgom pa'i stobs las byung ba gang / /rnal 'byor dbang phyug la mngon gsal/ /de ni rang mtshan spyod yul can/ /de nyid gzhan nyid sogs brjod med/ /gzhan dag gis kyang brtags pa yi/ /spyi de rnal 'byor ye shes des/ /'dzin par mdzad pa ma yin no/ /rnal 'byor dbang phyug gi yid ni/ /de ni rtog bral ma 'khrul yin/ /de 'dzin na ni rtog bcas dang / /'khrul pa dang bcas thal bar 'gyur/ /gang gis brjod du med pa'i spyi/ /rnam rtog bdag nyid can du bshad/ /rtag pa'i rjes 'gro'i rang bzhin spyi/ /dngos po med par bstan zin to/ /ting nge 'dzin las byung ba yi/ /ye shes 'jig rten las 'das pa / /rgyu bcas 'bras bu las mkhyen pa/ /de ni bdag gis kun mkhyen 'dod/ /de ni yod pa nyid du ni/ /rjes su dpag pas sngar bsgrubs zin/ /des na de ni yod sgrub pa'i/ /tshad ma yod pas de yang yod/ /rim gyis sam ni cig car gyis/ /shes pa'i 'bras bu bsgrubs pa yin / /de la yang ni nus yod de/ /gang tshe nyer bstan mdzad pa yin/ /chos la bdag med legs bsgoms pas/ /gang gis bstan pa dri med 'di/ /bstan bcos kun gyis bsgrubs byas pas/ /tshad ma kun gyis gnod pa min/ /'khor ba mi mthun shes pa can/ /khyab 'jug sogs kyi spyod yul man/ /mkhas pa rnams kyis gang zhig ni/ /dad pas spyi bos len par byed/ /nyon mongs ma lus dgra bo yi/ /tshogs ni 'jig par byed pa can/ /mngon par mtho ba sna tshogs kyi/ /rdzogs rgyu mya ngan 'das thob rgyu/ /thun mong min pa'i thabs rnyed pa/ /skyes bu ma lus dang mi mthun/ /gcig pu de nyid kun mkhyen mgon/ /de ni tshad ma dang ldan yin/ /gang tshe 'di ltar kun mkhyen ni/ /chos la sogs pa rtogs pa'i rgyu/ /'ga' zhig 'thad par 'gyur ba na/ /de tshe skyes bus byas tshig grub/ /rnam pa med sogs dpyad pa ni/ /kun mkhyen la ni nyer mkho min/ /ji ltar khyed kyi shes pa ni/ /don 'ga' la 'jug de bzhin gzhan/ /de kho na nyid bsdus pa'i tshig le'ur byas pa las gzhan gyi dbang po las 'das pa'i don mthong ba can gyi skyes bu brtag pa ste sum cu pa'o/ / //slob dpon zhi ba 'tsho'i zhal snga nas kyis mdzad pa de kho na nyid bsdus pa'i tshig le'ur byas pa rdzogs so// //gu ge yul gyi dben sa ri bo dge gnas phun tshogs gling du/ rgya gar gyi mkhan po dpal gu NA ka ra shrI b+ha dra'i zhal snga nas dang / sgra bsgyur gyi lo tsA ba chen po dpal lha btsan po shAkya'i dge slong lha bla ma zhi ba 'od kyi zhal snga nas kyis bsgyur cing zhus te gtan la phab pa/ grangs can gcer bu bye brag pa dang rgyang pan rig pa can dang sangs rgyas de dag gi phyogs ni/ /chu klung pa dang tsa ra ka dang dus smra spyod pa brda sprod zhi ba tshangs dang sna tshogs tshal/ /sgra yi tshangs pa rig byed mtha' dang bye brag smra dang mdo sde sems tsam dbu ma de dag gi /bye brag lung bcas shes pa'i spyod yul gang yin 'di ni rtogs nas 'gro la phan phyir bdag gis bsgyur// //

CLOSE WINDOW