བོད་ཡིག

e-texts based on the ACIP/ALL Input

@#/ /rgya gar skad du/ hri shar Na sap+ta ti/ bod skad du/ gsum la skyabs su 'gro ba bdun cu pa/ 'phags pa 'jam dpal gzhon nur gyur pa la phyag 'tshal lo/ /dge bsnyen gsum la skyabs 'gro ba/ /de ni sdom brgyad rtsa ba yin/ /sangs rgyas de'i chos dge 'dun ni/ /thar pa 'dod pa rnams kyi skyabs/ /dus gsum lam las nges grol zhing / /shes bya la ni blo rnam rgyas/ /rmongs pa'i zum pa bcom pas na/ /sangs rgyas pad ma ltar rnam rgyas/ /thog mtha' med pa'i srid pa ru/ /ma rig gnyid kyis log pa yi/ /'gro la gang gang snang de de/ /brdzun te rmi lam lta bur 'dod/ /ma rig gnyid ni rgyun chad cing / /yang dag ye shes nges 'byung bas/ /gang zhig rnams da de sangs rgyas/ /skyes bu gnyid sangs ji bzhin no/ /yang dag de nyid ston mdzad cing / /mi mkhas sems can rtogs mdzad pas/ /des kyang sangs rgyas sangs rgyas dang / /de yang sangs rgyas dang mtshungs 'dod/ /ye shes bla na med pa yis/ /yang na de nyid thugs chud pa'am/ /zhi ba nyid kyis rtogs sangs rgyas/ /de bas sangs rgyas sangs rgyas 'dod/ /sangs rgyas kyi ni gzugs kyi sku/ /mtshan dang dpe byad dag gis 'bar/ /'gro ba rang gi mos pa yi/ /dbang gis sna tshogs skur 'dzin gang / /bsod nams tshogs ni tshad med las/ /'khrungs pa de ni rgyal ba'i sras/ /sa bcu la ni gnas rnams kyis/ /mthong bar gyur pa sku de yis/ /chos kyi rdzogs longs spyod 'di ni/ /rgyal sras rnams ni spyod pa yin/ / rgyal ba sku de la bzhugs nas/ /bla med byang chub thugs su chud/ /ye shes spros pa med pa gang / /shes bya skye med pa las byung / /sangs rgyas rnams kyi chos sku de/ /ye shes tshogs las byung ba yin / /sangs rgyas rnams kyi ma 'dres chos/ /stobs dang ldan pa bco brgyad dang / / sangs rgyas rnams kyi stobs sogs kyis/ /ye shes de ni yang dag brgyan/ /ngo bo nyid ni rgyu rkyen las/ /'byung bar 'gyur ba rigs min te/ /rgyu dang rkyen las byung ba ni/ /rang bzhin bcos ma yin par 'gyur/ /ngo bo nyid ni bcos ma ru/ /ji ltar yang ni 'gyur ba yin/ /bcos ma ma yin ngo bo ni/ /gzhan la ltos pa yod ma yin/ /chos rnams nyid kyi ngo bo ni/ /thams cad yod pa ma yin te/ /de phyir skad cig gcig gis ni/ /bde gshegs thams cad mkhyen par 'dod/ /ma rig nyon mongs can byas rtog/ /rang gi ngo bo sgro btags 'dod/ /byis pa rnams kyi 'khor ba'i rgyu/ /de rtogs gyur pa log shes yin/ /ma rig nyon mongs med yod pas/ /rnam pa kun mkhyen spangs pa nyid/ /slob ma rang sangs rgyas dag gis/ /byang chub ngo bo med pa yin/ /rgyal bas dngos po de rnams ni/ /gzugs brnyan dang yang 'dra mkhyen pas/ /gnyis med ye shes ma rig zad/ /shes bya skye med pas rab phye/ /de bas de ni cung zad kyang / /mi mkhyen ci yang ston mi mdzad/ /sangs rgyas nam mkha' ji bzhin du/ /de ltar chos nyid la rab bzhugs/ /yid bzhin nor bu ci yang ni/ /mi 'byed rtogs pa med na yang / /'gro ba'i bsam pa ji bzhin du/ /tshim par byed pa yin par bshad/ /rdzogs sangs thugs kyi rin chen ni/ /rang gi mos bzhin dgongs mdzad pas/ /'gro ba'i bya ba de dang ni/ /de bzhin mdzad par go ba yin/ /de yi phyir na 'phags pa rnams/ / bsam mi khyab pa'i rkyen las 'khrungs/ /yid bzhin nor bu'i bya ba ni/ /mthong la 'thad pa yod ma yin/ /chos rnams dngos med nyid la ni/ /blo gnas sangs rgyas yin par bshad/ /'og min gzhal yas khang du ni/ /yang dag mngon sum yin par 'dod/ /sangs rgyas rtogs pa mnga' ba yi / /gzugs kyi skur ni yang dag byung / /sprul pa'i skus ni sa steng du'ang / /yang dag byang chub ston par mdzad/ /thub dbang rnams kyi sku gsum ste/ /chos dang longs spyod rdzogs sprul pa/ /mdor bsdus nas ni bshad pa 'di/ /gus pas blo la bzhag par gyis / / sngon med pa las slar byung zhing / /byung nas kyang ni yang dag med/ /rang gi ngo bo 'dzin pas chos/ /don dam par ni mi brjod do/ /gang zhig rmi lam sgyu ma dang / /chu zla lta bur slu byed pa/ /skyes sogs dang ldan de spang bya'i/ /chos spang bar ni rigs ma yin/ /dus gsum du yang dngos gcig phyir/ /ngo bo nyid kyis rtag tu 'byung / /rga shi dag las grol ba nyid/ /chos rnams kyi ni chos zhes bshad/ /zad dang chags bral mya ngan 'das/ /'gog dang stong pa nyid zhi ba/ /de bzhin nyid kyang chos rnams kyis/ /rang gi ngo bo de nyid bshad/ /lam gang mya ngan 'das 'gro ba/ /thub pa rnams kyis yang dag gsungs/ /de yi rgyud las skyes gyur pas/ /des ni mngon sum dag tu gzigs/ /'phags pa'i bden pa rnam pa bzhi/ /rtogs te shes nas dad gyur pas/ /skyes bu gang zag zung brgyad po/ /mi phyed dge 'dun zhes bshad do/ /nyon mongs gzhom phyir slob pas na/ /gang zag bdun ni slob pa yin/ /nyes pa ma lus zad pa'i phyir/ /brgyad pa mi slob par bshad do/ /de rnams 'bras bur gnas pa bzhi/ /bzhi ni zhugs pa po yin la/ /ston pa'i slob ma'i tshogs 'di ni/ /grol dang grol ba'i lam la gnas/ /sangs rgyas chos dang dge 'dun ni/ /bdud rnams bye ba brgya yis kyang / /gang phyir dbye bar mi nus pa/ /de phyir dge 'dun zhes bshad do/ /thub dbang gi ni sku gsum dang / /mya ngan 'das dang gang zag brgyad/ /sdom brtson bcas la mos pa yis/ /gang zhig gsum la skyabs 'gro ba/ / dge bsnyen du ni dam bcas pas/ /skyabs ni gsum po bsrung bar bya/ /mu stegs kun la gus pa yis/ /mchod dang phyag 'tshal mi bya'o/ /rten gyi dam pa blangs nas ni/ /slar yang dman la brten gyur na/ /nyes byas phyogs la gnas pa'i phyir/ /de ni dam pa'i bzhad gad 'gyur/ /gang zhig 'phags lam ma skyes pa'i/ /byis rmongs so so'i skye bo dag/ /de ni slob dang mi slob pa/ /min zhes bstan bcos las bshad do/ /ji ltar 'khor lo la sogs pa/ /nyer bzung 'khor lor btags pa ni/ /yang dag gzhan du rnam dpyad pas/ /rnam pa kun du mi dmigs so/ /de bzhin phung po nas brtsams te/ /sems can du ni btags pa yang / /yang dag gzhan du dpyad byas pas/ /ci nas kyang ni dmigs mi 'gyur/ /de 'dir thar pa'i cha nas ni/ /brtsams te rtag tu dge ba la/ /nyan thos 'di phyir 'bad na ni/ /rim gyis nyan thos nyid du 'gyur/ /gang zhig rang byung ye shes 'dod/ /rang rgyal byang chub don gnyer bas/ /rtsol ba de yang rang rgyal gyis/ /byang chub kho na des 'thob bo/ /rang don la gzhol 'di dag ni/ /snying rje chen po dang bral bas/ /rang rgyal rgyal ba'i gsung las skyes/ /theg pa chen por mi bsngags so/ /rgyal ba'i yon tan mtha' yas pa/ /theg pa che las gsungs pa dang / /byang chub sems dpa'i mthu thos nas/ /des ni snod nyid 'gyur ba yin/ /de ni theg pa chen po'i shing / /ma lus rang gi las kyis bsregs/ /byang chub sems dpa'i nang du ni/ / skyes bu dbul po lta bur gnas/ /'di dag srid pas skrag pa yi/ /yid kyis byang chub gnyis thob pa/ /tshe zad par ni dgar 'gyur zhing / /mya ngan 'das thob 'du shes can/ /de la mya ngan 'das yod min/ /'on kyang srid gsum skye ba ni/ /de dag la yang med mod kyi/ /zag pa med pa'i dbyings na 'khod/ /mi shes nyon mongs min spong phyir/ /phyis ni sangs rgyas kyis bskul bas/ /byang chub kyi ni tshogs bsags nas/ /de yang 'jig rten 'dren par 'gyur/ /'khor los sgyur ba rgyal po yi/ /mtshan gyis yang dag brgyan pa la/ /blo dang ldan yang blon po yis/ /rgyal po lta bur mtho bar mthong / /nyan thos rang sangs rgyas dag gis/ /rdzogs sangs rgyas kyi rigs byung ba'i/ /byang chub sems dpa' blo ldan yang / /thub pa'i dbang po lta bur mthong / /byang chub sems ni legs bskyed pa'i/ /sdom brtson mchil lham khur ba la / /byang chub sems sogs la gus pas/ /dgra bcom pa yis bzlog par bshad/ /shar ri'i lung las dgra bcom pas/ /byang chub sems dpa' phyag byas nyid/ /'di dag dkon mchog gsum gzhan min/ /sangs rgyas khongs su gtogs par 'dod/ /ji ltar dgra bcom zad ye shes/ /sa bdun sngon du 'gro ba can/ /de bzhin rdzogs sangs rgyas ye shes/ /sa bcu sngon du 'gro ba yin/ /'di ni gcig pu mi 'gro yi / /sa bcu po ni sbyong byed de/ /gang phyir pha rol phyin pa bcus/ /sa de rnams la rdzogs par byed/ /'bras bur gnas dang zhugs pa ni/ /'phags pa'i lam gyis rab phye ba'i/ /slob pa rnams kyi sa bdun ni/ /mngon pa'i chos las ji skad bshad/ /de bzhin sde snod rgyas pa las/ /sa bcu'i bsngags pa brjod pa yin/ /thams cad 'phags lam bdag nyid can/ /de las 'phags min ji ltar 'gyur/ /nyan thos rnams kyi dbang mdzad nas/ /sde snod gsum du 'dod pa yin/ /byang chub sems dpa'i gnas skabs kyi/ /nges pa der ni yod ma yin/ /'phags pa nub kyi rir bshad dang / /shar gyi ri pa'i nyan thos kyis/ /byang chub sems dpa'i dbang byas pa/ /sde snod bdun du bshad pa yin/ /byang chub sems dpa'i sde snod dang / /de bzhin rig 'dzin zhes bya dang / /mdo sde chos mngon 'dul ba dang / /rgyas dang de bzhin skyes pa'i rabs/ /de ltar sde snod bdun po ni/ /lung ni gnyis las bstan pa yin/ /gang la de ni tshad min gyur / /des ni dgra bcom spangs pa nyid/ /shes bya mtha' yas dbang gis na/ /'khor ba na ni skad cig yod/ /gal te re re'i dbye bas ring / /de bzhin 'di yang srid mtshungs 'gyur/ /bya ba rgya chen byed pa'i phyir/ /srid pa ring snyam mi sems so/ /bsod nams ye shes stobs kyis ni/ /lus sems sdug bsngal gyis mi non/ /de bas rnam pa thams cad du/ / byang chub sems dpa' smad mi bya/ /khams gsum par gtogs nyon mongs zad/ /byang chub kyi ni snod gyur nyid/ /phung po khams dang skye mched rnams/ /gzugs brnyan mtshungs par mthong bas na/ /nyan thos rang sangs rgyas dag ni/ /stong ni gnyis dang gsum po mthong / /rnam pa kun mkhyen ye shes ni/ /rdzogs sangs rgyas kyi yin par bshad/ /rgyal bas lam gyi rnam pa shes/ /byang chub sems dpa' yin par gsungs/ /rab tu dga' ba thob pa na/ /kun sbyor gsum po legs zad pas/ /byang chub sems dpa' 'phags 'gyur zhing / /rdzogs sangs rigs las byung ba yin/ /sa ni gong ma gong ma la/ /byang chub sems dpa'i yon tan dang / /nyes zad gang yin sa bcu pa'i/ /mdo nyid las ni shes par bya/ /yon tan dam pa re re zhing / /mtha' yas de ni mkha' dang mnyam/ /byang chub la sems rtag phyag 'tshal/ / blo ldan byang chub la skyabs mchi/ /theg chen tshul la brten nas ni/ /skyabs gsum rnam par phye ba las/ /bsod nams gang des 'jig rten rnams/ /dkon mchog gsum la mchog gzhol shog /gsum la skyabs su 'gro ba bdun cu pa/ slob dpon zla ba grags pa'i zhal snga nas mdzad pa rdzogs so/ / //rgya gar gyi mkhan po paN+Di ta chen po dI paM ka ra shrI dz+nyA na dang / sgra bsgyur gyi lo tsA ba dge slong rin chen bzang pos bsgyur cing zhus te gtan la phab pa//[ ]@##/ /rgya gar skad du/ Sha DaM a ga sha ra NaM/ bod skad du/

CLOSE WINDOW