བོད་ཡིག

e-texts based on the ACIP/ALL Input

@##/ /rgya gar skad du/ sU tra sa muts+tsha ya sany+tsa ya ar+thaH / bod skad du/ mdo kun las btus pa'i don bsdus pa/ sangs rgyas dang byang chub sems dpa' thams cad la phyag 'tshal lo/ /slob dpon nA gArdzu nas mdzad pa'i rin po che'i gtam brjod pa mdo kun las btus pa'i don ni/ man ngag gi mdo rnam pa bdun gyis sgrub pa'i thabs khyad par can rtogs par bya ste/ bsgom zhing nyams su blang ba ni/ 'di lta ste/ rten dal 'byor gyi mdo dang / gzhi dad pa'i mdo dang / rtsa ba byang chub kyi sems kyi mdo dang / rkyen bar chad sel ba'i mdo dang / sgrub pa nan tan snying por bya ba'i mdo dang / blo theg pa gcig tu sbyang ba'i mdo dang / lam che ba yon tan gyis bgrod pa'i mdo'o/ /de ci'i phyir zhe na/ srid pa mas chags pa thams cad ni rlung gi dkyil 'khor la brten nas mas chags pa bzhin du dkar po'i chos thams cad ni rten dal 'byor phun sum tshogs pa la brten nas 'byung bar 'gyur ro/ /dper na rtsi shing dang / me tog dang shing gel pa dang / sman la sogs pa thams cad ni sa gzhi la brten nas skye bar 'gyur ba de bzhin du/ yon tan gyi chos thams cad bsrung zhing 'phel bar byed pa'i gzhi dad pa la brten nas rgyas par 'gyur ro/ /dper na rtsa ba'am/ sa bon ma nor ba las sdong bu dang / yal ga dang lo ma dang / me tog dang / 'bras bu thams cad rim gyis rgyas shing smin par 'gyur ba de bzhin du thams cad mkhyen pa nyid du sems bskyed pa'i rtsa ba las thams cad mkhyen pa'i 'bras bu 'byung bar 'gyur gyi/ nyan thos pa dang / rang sangs rgyas pa dang / 'jig rten pa rnams kyi sems bskyed pa las ni rnam pa thams cad mkhyen par 'gyur ba ma yin no/ /de lta bas na pha rol tu phyin pa bcu dang / thun mong ma yin pa'i byang chub kyi phyogs kyi chos sum cu rtsa bdun dang / tshad med pa bzhi dang / dge sbyong gi 'bras bu bzhi dang / rtsa ba dang / bdag dang / bde ba dang / rtag pa'i pha rol tu phyin pa thob par 'dod pas thams cad mkhyen pa nyid sems bskyed pa'i rtsa ba brtan por gzung bar bya'o/ / dper na nas dang / gro dang sA lu la sogs pa'i sa bon legs par btab cing rtsa ba legs par btsugs kyang / sad dang ser ba dang btsa' la sogs pas/ bar ma skabs su bar chad byas nas/ 'bru'i tshogs smin par mi 'gyur zhing / kham gyi zas kyis 'tsho bar byed pa'i lus can rnams la yang phan 'dogs par mi byed do/ /de bzhin du dal 'byor thob cing dad pa la gnas pas byang chub sems kyi sa bon ma nor bar btab ste rtsa ba ma nor bar btsugs kyang / bar ma skabs su sems can blos spong ba dang / byang chub sems dpa' la rma 'byin pa dang / bdud kyi las sna tshogs pa dang / dam pa'i chos spong ba dang / mi dge ba bcu dang / spro ba med pa la sogs pa tshe 'di dang / ma 'ongs pa'i lus la gnod pa rnams kyis bar du gcad na/ bdag nyid kyang ci rigs par rten mchog las nyams nas mi khom pa'i gnas ltung ba dang / theg pa mchog las nyams nas nyi tshe ba'i theg par ltung ba dang / brtson 'grus mchog las nyams nas rnam pa thams cad mkhyen pa nyid las ring du 'gyur ba'o / /de'i phyir brgyud nas gzhan gyi don las kyang nyams par 'gyur te/ rang dang gzhan gyi don thams cad chud zos par 'gyur ro/ /dper na yid bzhin gyi nor bu rin po che btsa' rdzis legs par ma bskyangs na bag med pas brlag par 'gyur ba'i nyen mchis so/ /de bzhin du thob pa chud mi gsan pa dang / dad pa brtan po dang / rtsa ba mi 'gyur ba dang / gnod pa'i bar chad bsal ba la sgrub pa nan tan snying por ma byas na/ byang chub kyi sems kyi nor bu rin po che gtan rlag pa'i nyen mchis so/ /dper na lam kha brag phyin pa gang du 'gro ba'i phyogs la yid 'khrugs shing nem nur can du 'gyur ro/ /de bzhin du sems lta ba sna tshogs kyis gzengs par gyur na chos thams cad kyi de kho na nyid rtogs par mi 'gyur bas blo gros theg pa sna tshogs su 'gro ba'i nyen mchis so/ /phyi'i lo tog phun sum tshogs par 'dod pas/ do gcig so nam la nan tan byed pa de bzhin du sangs rgyas kyi che ba'i yon tan thams cad thob par 'dod pas kyang de thob par byed pa'i rgyu lam ma bgrod na las dang po pa'i sa las mi 'phags par mchi'o/ /de'i phyir na shing rta chen pos bsdus pa'i mdo ni mi mang zhing mi nyung bar de kho na'o/ /go rims kyang 'di ltar shes te/ dang po gsum ni rgyu bya ba byed pa'i rigs pa yin la bar ma gsum ni rkyen ltos pa'i rigs pa yin zhing tha ma ni 'bras bu chos nyid kyi rigs pa yin te/ dpe bdun ni 'thad pa sgrub pa'i rigs pa yin pa'i phyir ro/ /de la/ sangs rgyas 'byung ba rnyed par dka'/ /zhes bya ba la sogs pas rkyen gzhan gyi 'byor pa lnga mtshon la/ mir gyur pa rnyed par dka' zhes bya ba la sogs pas rgyu bdag nyid kyi 'byor ba lnga mtshon no/ /dal 'byor rnyed par dka' zhes bya bas rgyu rkyen tshogs pa'i dal 'byor bcu mtshon pa yin no/ /de bzhin gshegs pa'i bstan pa la dad pa rnyed par dka' zhes pas gzhi dad pa bstan/ byang chub kyi sems rnyed par dka' zhes bya ba la sogs pas yul sangs rgyas la dmigs pa'i sems bskyed pa bstan/ sems can thams cad la snying rje chen po skye bar dka' zhes bya ba la sogs pas sems can la dmigs pa'i sems bskyed pa bstan/ byang chub sems dpa' la rma 'byin pa zhes bya ba nas bar du gcod pa'i chos spong ba rnyed par dka' zhes bya ba'i bar gyis rkyen bar chad bsal ba'i mdo bstan/ khyim par gyur kyang chos rnams la nan tan gyis gces par bsgrub pa rnyed par dka' zhes bya ba la sogs pas ni sgrub pa nan tan snying por byed pa'i mdo bstan/ mya ngan las 'das pa la mos pa'i sems can rnyed par dka' zhes pa nas theg pa gcig la mos pa'i sems can rnyed dka' zhes bya ba'i bar gyis blo theg pa gcig la sbyang ba'i mdo bstan/ sangs rgyas dang byang chub sems dpa'i che ba nyid rgya chen po la 'jug pa'i sems can ni rnyed par dka'o zhes bya ba la sogs pa'i lam che ba'i yon tan gyis bgrod pa'i mdo bstan/ de ltar rigs pa bzhis mdor bstan/ lung gi mdo bdun gyis rgyas par bshad pa'i don de blo la go bar byas nas nyams su blangs pas na sems bskyed pa'i rigs bzhi skye ste/ dang po g.yo smon gyi tshul dang / 'jug cing bstan pa dang gnas pa dang mthar phyin pa'i rim pa'o/ /de yang dang po sa bon dang zla grangs dang / yon tan mthong thos dang / byin rlabs kyi srung ma rnams kyis rtswa me bzhin du skye bo de'i gzhi'i steng du snying rje dang ldan pa la goms pas zla ba yar ngo bzhin du 'phel ba'i tshe dbang dang yo byad la sogs pa 'jug cing bstan pa'i yan lag tu 'gyur ro/ /de nas gnas pa gsum gyi mthu rdzogs par byed pa kha cig 'phags pa rtogs pa chen po yongs su rgyas pa'i mdo las 'gyod tshangs kyis sdig pa sbyang ste / mchod bstod dang / skyabs su gsol ba dang / dbang gzugs pa dang / dngos po bshags pa dang / dam bca' zhing sdom pa gzung ba dang / khrus bya ba dang / tshangs pa thob pa dang / rjes su spro ba dang / gzengs bstod pa'i tshul gyis gdams pa dang / dmigs pa med cing theg pa gcig tu blo sbyang pa dang / dag pa'i mtshan ma mthong ba dang / ming gdags pa dang / lam rgyud la bskyed pa dang / 'bras bu thob pa'i bar du byed do/ /kha cig ni de bzhin gshegs pa'i yi ge brgya pa la sogs pa zlos shing sgra'i mtha' las grol ba'i ting nge 'dzin gyi bar du sbyor zhing khrims nyi shu rtsa lnga bsrungs pas 'bras bu 'thob par byed do/ /gang zhig sems dpa' gsum gyi mthu rdzogs pas na nyi ma grol ba ltar du mthar phyin pa'i sems su gyur pa'i tshe blo snying rje'i dbang du gyur pas sgyu ma'i dpe bdun po ltar dngos po thams cad la ma chags shing rlom pa med par gzhan gyi don la nyin mtshan du 'bad pa dang / thun mong gi yon tan byang chub kyi chos sum cu rtsa bdun dang / thun mong ma yin pa'i stobs bcu dang / mi 'jigs pa bzhi dang ma 'dres pa la sogs pa 'grub par byed do/ /slob dpon dI paM ka ra shrI dz+nyA na la bod kyi dge slong tshul khrims rgyal bas gser srang bcu bzhi'i sbrang bu me tog du phul nas bod du byon pa'i zhu ba phul ba las sgom sbyong ba rnams mthar phyin par bya ba'i don du bla ma zla ba bcu drug tu lam du ma chud do/ /de nas bod du byon khar slob ma sems sbyong ba rnams kyis zhal chems gzhag par zhus pas mdo'i don man ngag tu byas pa 'di zhal chems su gnang ngo / / de'i dus su rgya brtson seng ges bsgyur bar zhus pas gnang ste gtan la phab po//[# ]@##/ /rim gyis 'jug pa'i sgom don bzhugs// @##/ /'jam dpal gzhon nur gyur pa la phyag 'tshal lo/ /gang dag sgrib pa mtha' dag spang bar 'dod pa dang / thams cad mkhyen pa nyid myur du thob par 'dod pa des zhi gnas dang /

CLOSE WINDOW