བོད་ཡིག

e-texts based on the ACIP/ALL Input

@##/ /rgya gar skad du/ tsit+ta pa rIk+Sha/ bod skad du/ sems brtag pa/ thams cad mkhyen pa la phyag 'tshal lo/ /sems brtag brjod phyir gus phyag 'tshal/ /nyon mongs las dang sdug bsngal dang / /dad sogs dge dang bde ba dang / /thar pa 'dod pa thams cad dang / /sems las byung ba yin par gsungs/ /sems ma bsgoms pas thog med nas/ /'khor bar rtag tu 'khyams par gyur/ /de spang bde dang thar pa ni/ /don du gnyer bas sems la brtag /chags sdang rmongs dang rnam rtog dang / /nga rgyal cha mnyam can gyis ni/ /thams cad bsdus pa yin par 'dod/ /srog gcod la sogs mi dge las/ /skye ba la sogs sdug bsngal lo/ /mi sdug byams pa rten 'brel dang / /dbugs bgrang khams dbye gang 'dod kyi/ /dmigs pas nyon mongs can gyi sems/ /rim pa bzhin du spong bar 'gyur/ /gang gis gang la ji lta bur/ /sgom pa gzhan las bstan pa yin/ /de med phyir ni de mi 'byung / /de yang med par 'gyur ba yin/ /mi rtag pa yi lcag gis ni/ /dad pa'i rtsa la sems gnas bya/ /ngo tsha khrel yod grogs kyis ni/ /'phen pa brtson 'grus yin par 'dod/ /bsrung ba bag yod bsgom bya ste/ /gnas pa ting nge 'dzin gyis ni/ /ngo bo ma chags la sogs kyis/ /bsgoms pa byams pa snying rje yi/ /rtsa ba can gyi byang chub sems/ /bdag gzhan mnyam nyid brje ba yin/ /sems dpag med pa bsgom par bya/ /de las bsod nams dpag med 'byung / /'khor ba'i bde ba dpag tu med/ /mi dge ba ni thag ring ste/ /thar pa'ang gam na 'dug pa yin/ /sems ni rang bzhin 'od gsal 'dod/ /'od gsal stong pa nyid yin no/ /rtag tu de ni bsgom par bya/ /sgrib pa bag chags bcas pa spong / /ye shes tshogs ni dpag tu med/ /gal te 'od gsal ma yin 'dod/ /dngos por lta bar 'gyur bas na/ /bdag dang bdag 'dzin la sogs pas/ /'khor bar 'khyam pa nyid du 'gyur/ /rten gyi sgo nas yang mi 'grub/ /snang du rung las ma dmigs dang / /rdul phran dpyad pa'i rigs pa yis/ /rten gyis rab tu mi 'grub bo/ /'das dang ma 'ongs med phyir dang / /da ltar skad cig mi gnas phyir/ /dus gsum 'gag pa'i rigs pa yis/ /dpyad na de yang mi 'grub po/ /dkar dmar sogs su ma grub phyir/ /rang gi ngo bo'ang 'grub mi 'gyur/ /rgyu las kyang ni mi 'grub ste/ /yul las skye na gnyis su 'gyur/ /snga ma las skyes dang po ni/ /snga ma rgyu med can du 'gyur/ /rgyu med phyir na skye ba med/ /nam mkha' la sogs ji bzhin no/ /sgrub byed med phyir mi 'grub ste/ /gzhan gyis 'grub na sems tsam nyams/ /'dod na 'ang rnam bcas rnam med kyis/ /'grub pa rab tu bkag pa yin/ /gnyis med phyir na de mi 'grub/ /mdzub mo'i rtse mo ji bzhin no/ /phyi rol 'gog pa'i rigs pa yis/ /sems la'ang ci yi phyir mi gnod/ /mdo las kyang ni gsal por gsungs/ /de phyir de ni stong nyid grub/ /de nyid gnyis kyi tshul gyis ni/ /sems ni legs par bsgom par bya/ /sems dul ba ni legs pa ste/ /bslab pa thams cad srung bar 'gyur/ /sems dul bas ni bde ba 'dren/ /sangs rgyas zhing ni rnam dag 'gyur/ /'di las byung ste skye bo rnams/ /'di don myur du rtogs gyur cig /sems brtag pa slob dpon tshul khrims 'phags pas mdzad pa rdzogs so// //paN+Di ta ka na ka dang / lo tsA ba chos 'bar gyis zhus te gtan la phab pa//[ ]@##/ /rgya gar skad du/ sarba yA na A lo ka bi she Sha b+hA Sh+yaM nA ma/

CLOSE WINDOW