བོད་ཡིག

e-texts based on the ACIP/ALL Input

/rdo rje 'dzin pa'i sa dge thob par shog /slob dpon srid gsum rnam par dag pa'i rdo rjes mdzad pa'i las dang po'i tshogs sog bya ba'i rim pa mdor bsdus pa rdzogs so/ /[ ]@##/ /rgya gar skad du/ bod+hi pa dA ti nA ma/ bod skad du/ /byang chub kyi gzhung lam zhes bya ba/ sangs rgyas 'od dpag tu med pa la phyag 'tshal lo/ /thub pa che la phyag 'tshal nas/ /them skas lta bu'i lam gang yin/ /dbang po'i las chog rgyas pa las/ /snying po mdo ru bsdus te brjod/ /'dir nges par sangs rgyas byon pa dang / de'i chos thos pa dang / dad pa dang ldan pa dang / dmyal ba dang yi dags dang dud 'gro dang / kla klo dang lha tshe ring por skye ba dang / sangs rgyas kyi gsung mi thos pa dang / log par lta ba dang / dbang po ma tshang ba'i mtshan nyid can mi khom pa'i gnas brgyad las thar pa'i mi'i dngos po thob pa yang shin tu rnyed par dka' ste/ de thob par shes nas myur du sdig pa las byung ba'i ngan 'gro'i sdug bsngal bsal zhing dge ba las byung ba'i bde 'gro'i dge ba mtha' dag dang / bde gshegs dang rgyal sras kyi phun sum tshogs pa rang dang gzhan gyis thob par bya ba'i phyir shin tu dad pa dang snying brtse ba'i rang bzhin gyis bdag gis yang dag par bsdus pa'i sdom pa gzung / cho gas dge bsnyen gyi sdom pa thob cing byang chub tu sems bskyed nas mchod rten bya ba la sogs pa dang po'i las rnams dang / sbyin pa la sogs pa pha rol tu phyin pa drug gi bdag nyid la cho ga bzhin du goms par bya'o/ /de nas sngar nyid kyi bla na med pa'i 'bras bu 'thob bo/ /de la oM na mo b+ha ga ba te bai ro tsa na prab+ha rA dzA ya/ ta thA ga tA ya/ ar+ha te samya k+saM bud+d+hA ya/ tad+ya thA/ oM sU k+Sha me sU k+Sha me/ sa me sa me ye/ /shAn+te dAn+te a sa mA ro pe a na laM be/ ta ra laM ba/ ya sho ba ti/ ma hA te dze ni ra ku le nirba Ne sarba bud+d+ha a d+hiSh+ShA na/ a d+hiSh+tha te swA hA/ gzungs 'dis sa'i gong bu'am bye ma'i gong bu la lan nyi shu rtsa gcig bzlas te mchod rten bya'o/ /de la rdul phra rab ji snyed yod pa de snyed kyi mchod rten bye ba rnams byas par 'gyur ro/ /rdul phra rab rnams kyi grangs dang mnyam pa'i bsod nams 'thob par 'gyur ro/ /sa'i dbang phyug tu yang 'gyur ro/ /myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /de skad du bcom ldan 'das de bzhin gshegs pa rnam par snang mdzad 'od kyi rgyal pos gsungs te/ phan yon chen po dang ldan pa'i gzungs so/ /ye d+harmA he tu pra b+ha bA he tun+te ShAn+ta thA ga to h+ya ba data/ te ShA stsa yo ni rod+ha e baM bA dI ma hA shra ma NaH/ zhes bya ba'i tshigs su bcad pas rab tu gnas pa byas nas/ oM na mo b+ha ga ba te puSh+pa ke tu rA dzA ya/ ta thA ga tA ya/ ar+ha te samya k+saM pud+d+hA ya/ tad+ya thA/ oM puSh+pe puSh+pe ma hA puSh+pe puSh+pe/ su puSh+po da b+ha be puSh+pa saM b+ha be puSh+pa a ba ki r+N-i swA hA/ /zhes pa'i gzungs 'dis lan bdun bsngags pa'i me tog dbul lo/ /me tog snyed de bye ba snyed kyi me tog phul bar 'gyur ro zhes so/ / de nas oM na mo b+ha ga ba te rat+na ke tu rA dzA ya/ ta thA ga tA ya/ ar+ha te samya kaMs bud+d+hA ya/ tad+ya thA/ oM rat+ne rat+ne ma hA rat+ne rat+na bi dza ye swA hA/ zhes bya ba 'dis mchod rten la phyag bya'o/ /mchod rten gcig la phyag byas pas mchod rten bye ba la phyag byas par 'gyur ro/ /mchod rten la phyag bya ba'i cho ga'o/ /de nas na maHsa man+ha bud+d+ha nAM/ oM badzra A yu She swA hA/ zhes pa 'jim pa blang ba'i sngags so/ /oM badzrod b+ha bA ya swA hA/ zhes pa 'bi 'bi bya ba'i sngags so/ /oM a ra dze bi ra dze swA hA/ zhes pa 'bru mar byug pa'i sngags so/ /oM d+harma d+hA tu gar+b+he swA hA/ zhes skol phor du gzhug pa'i sngags so/ /oM badzra mung+ka ra A ko Ta ya hUM phaT swA hA/ zhes pa brdung ba'i sngags so/ /oM d+harmA ba te swA hA/ skol phor nas dbyung ba'i sngags so/ /oM su pra tiSh+Tha badzre swA hA/ zhes pa bzhugs su gsol ba'i sngags so/ /oM sarba ta thA ga ta ma Ni shata dI pa te dz+wA la dz+wA la d+harma d+hA tu gar+b+he swA hA/ zhes pa rab tu gnas pa'i sngags so/ /oM swa b+hA ba bi shud+d+he A ha ra A gats+tsha A gats+tsha d+harma d+hA tu gar+b+he swA hA/ zhes pa gshegs su gsol ba'i sngags so/ /oM A kA sha d+hA tu gar+b+he swA hA/ zhes pa bzod par gsol ba'i sngags so/ /'di ni sAts+tsha gdab pa'i cho ga'o/ /de'i rjes su na maHsa man+ta bud+d+ha na'aM a pra ti ha ta shA sa nA nAM/ oM ki Ni ki Ni ta thA ga ta ud+b+ha ba/ shAn+te ba ra de ut+ta ma ut+ta ma/ ta thA ga ta/ ud+b+ha ba hUM phaT swA hA/ 'di bzung bas 'phags pa sdong po bkod pa'i mdog zung bar 'gyur ro/ /bcom ldan 'das ma 'phags ma shes rab kyi pha rol tu phyin ma la phyag 'tshal lo/ /tad+ya thA/ oM mu ni d+harme saM gra ha d+harme bi muk+ti d+ha rmes dA a mu gra ha d+ha rme bai shra ba Na pa ri brti ta d+harme sarba kA ra ya pa ri pra paN d+harme/ sa ma tA pa ri brti ta d+harme swA hA/ oM pradz+nyA shru ti smra ti bi dza ya d+hI d+hA ra Ni ye swA hA/ 'di bzung pas shes rab kyi pha rol tu phyin pa stong phrag brgya pa gzung bar 'gyur ro/ /na maHsa man+ta bud+d+ha nAM a pra ti ha ta shA sa nA nAM/ oM d+hu na hUM hUM phaT phaT swA hA/ 'di bzung bas 'phags pa ting nge 'dzin gyi rgyal po'i mdo gzung bar 'gyur ro/ /na maHsa man+ta bud+d+hA nAM a pra ti ha ta shA sa nA nAM/ oM ma Ni d+ha ri badzri Ni ma hA pra ti sa re hUM hUM phaT phaT swA hA/ 'di bzung bas so sor 'brang ma chen mo gzung bar 'gyur ro/ /gzungs 'di dag dang tshigs su bcad pa la sogs pa bklags te phyag byas te de nas mchod rten la sogs pa mi 'jig pa'i sa phyogs su bzhugs par bya'o/ /'di'i phan yon yang bcom ldan 'das kyis mchod rten nam gzugs brnyan rnams la rdul phra rab ji snyed yod pa de snyed du nges par sa steng dang lha'i rgyal po byed par 'gyur ro/ /gzugs dang gzugs med pa'i ting nge 'dzin phun sum tshogs pa mtha' dag dang bde ba thams cad myong nas mthar skye ba dang rga ba'i rgud pa spangs te byang chub kyi go 'phang thob par 'gyur ro/ /gsal rgyal gyis zhus pa las kyang / thub pa'i dbang po'i mchod rten byas pa yis/ /mya ngan rnams la lus kun rgyas shing brtan/ /gtso bor 'gyur zhing rin chen mdzod mang dang / /sa steng dgra yi tshogs las rgyal bar 'gyur/ /zhes so/ /de'i rjes su lag par bsgoms pa'i zla ba'i dkyil 'khor gyi gdan la bzhugs pa'i b+h+rUM la sogs pa'i sa bon lnga las byung ba'i rtag pa la sogs pa zhu ba dang lhan cig 'dres pa'i chu mdun du dzaM las byung ba'i dzam+b+ha la ser po dung dang pad+ma'i khar gter gyi ming can gyi gter bdag zhabs gnyis kyis mnan te bzhugs pa rdo rje nyi ma'i cod pan dang ut+pa la'i phreng ba can phyag gnyis na ne'u le dang bI dza pU ra bsnams pa bsams te/ oM dzam+b+ha la dza len+d+rA ya swA hA/ zhes pas brgya rtsa brgyad de'i spyi bor mdzub mo brkyang pas sbyin par bya'o/ /dzam+b+ha la la tshu sbyin pa'i cho ga'o/ /oM dza la mi daM sarba pre te b+h+yaHswA hA/ zhes pas yi dags thams cad la byams pas dmigs te chu sbyin no/ /de nas na maHsu rU pA ya ta thA ga tA ya/ ar+ha te samya k+saM bud+d+ha ya/ tad+ya thA/ oM su rU su rU/ pra su rU pra su rU/ ta ra ta ra/ b+ha ra b+ha ra/ saM b+ha ra saM b+ha ra/ sma ra sma ra/ san+tar pa ya san+tar pa ya/ sarba pre ta nAM swA hA/ gzungs 'dis chu dang bcas pa'i zas la lan bdun yongs su bzlas te lag pa g.yon pas se gol gyi sgra lan gsum du byas nas yi dags thams cad la dben pa'i sa phyogs su sbyin par bya zhing 'di skad kyang brjod par bya ste/ skabs tshol ba dang glags lta ba rnams dengs shig /'jig rten gyi khams thams cad na gnas pa'i yi dags rnams la bza' ba bdag gis sbyin par bgyi'o zhes bya ba'o/ /zas ma zos pa'i sngon rol nyid du sbyin par bya'o/ /de ltar na yi dags thams cad la 'bras bre bo che re'i bza' ba so sor byin par 'gyur ro/ /de ltar byas na skye ba nas skye bar yang nyam chung bar mi 'gyur ro/ /dbul por mi 'gyur ro/ /stobs che ba dang mdzes pa dang mthong na dga' ba dang / phyug cing longs spyod che bar 'gyur ro/ /tshe ring zhing nad med pa dang / myur du bla na med pa yang dag par rdzogs pa'i byang chub tu mngon par 'tshang rgya bar 'gyur ro/ /shi 'phos nas kyang bde ba can gyi 'jig rten gyi khams su skye bar 'gyur ro/ /gzugs legs zhes bya ba'i gzungs so/ /na maHsa man+ta bud+d+hA nAM sarba ta thA ga ta a ba lo ki ni saM b+ha ra saM b+ha ra hUM phaT swA hA/ sngags 'di lan bdun brjod cing lag pa g.yas pa brkyang ba'i sor mo lnga po las rnam par byung ba'i bdud rtsi lnga'i rgyun gyis sgo'i rtsar gzhag pa'i chu dang bcas pa'i gtor ma'i bza' ba mngon par gang bas 'bru nyag ma re la yul ma ga d+ha'i bre bo che khal lnga tsam gyi bza' bar bltas la yi dags mtha' dag tshim par byed pa ni se gol lan gsum brdabs nas byang chub sems dpas gtor ma sbyin no/ /yi dags la chu sbyin pa la sogs pa'i cho ga'o/ /de'i rjes su shar gyi lus 'phags dang / 'dzam bu'i gling dang / ba lang spyod dang / sgra mi snyan te gling bzhi'i rnam par dag pa zla kham dang / gru gsum dang / zlum po dang / gru bzhi dang / gzhan yang mngon par 'dod pa'i maN+Dal gyi cho ga bzhin sangs rgyas la sogs pa rab tu mchod par bya'o/ /de la 'di ni cho ga ste/ rkang pa bkru ba byas nas/ oM AHbadzra snA ni hUM zhes pas khrus bya ste/ oM hrIHswA hA/ zhes pas lag pa bkru ba dang kha bshal ba byas nas/ oM AHhUM zhes pa'i sngags kyis gnas dang bdag dang rnal 'byor srung ba'i cho ga bya ste/ oM hUM zhes pas stan byin gyis brlabs nas/ oM AHbadzra b+hU mi hUM zhes pas sa gzung bar bya ste/ oM sarba bi g+h+nAM u ts+tsha rA ya hUM swA hA/ zhes pas mngon par bsngags pa'i srog chags med pa'i lci ba dang tsan+dan la sogs pas gtsang ba'i sa phyogs su maN+Dal byug pa la sogs pa bya ste/ oM AHbadzra re khe hUM zhes pa'i sngags kyis lag pa g.yon pas me tog gcig bzung ste lag pa g.yas pa'i rgyab kyi steng du bzhag nas maN+Dal du dor ro/ /oM su re khe sarba ta thA ga ta a d+hiSh+Tha n+tU swA hA/ zhes brjod de lag pa bkru'o/ /oM ma Ni d+ha ri badzri NI ma hA pra ti sa re rak+Sha maM hUM hUM phaT phaT swA hA/ zhes pa'i sngags kyis rang gi spyi bor me tog bzhag nas bdag nyid bsrung bar bya'o/ /maN+Dal byas pas kyang pha rol tu phyin pa drug yongs su rdzogs shing gser gyi mdog dang ldan pa la sogs pa'i yon tan 'thob sta de ltar yang maN+Dal gyi phan yon gyi mdo las/ chu bcas lci ba sbyin pa ste/ /yang dag byug pa tshul khrims yin/ /grog sbur phra sel bzod pa ste/ /brtson 'grus bya ba byed la brtson/ /bsam gtan der sems rtse gcig byed/ /ri mo legs 'bar shes rab ste/ /pha rol phyin drug 'di rnams nyid/ /thub pa'i maN+Dal byas pas 'thob/ /bde gshegs pho brang dam pa 'dir/ /lus kyi las rnams byas pas ni/ /gser gyi kha dog dang ldan zhing / /nad kun las ni grol ba dang / /zla ba ltar gsal yid 'ong ba'i/ /lha mi khyad par 'phags pa dang / /nor dang gser ni phun tshogs pa'i/ /rgyal po'i rigs su skye bar 'gyur/ /zhes pas maN+Dal de nyid mngon par byugs te maN+Dal la nyi ma dang zla ba'i dkyil 'khor la sogs pa dmigs nas/ oM tsan+d+ra arka bi la le swA hA/ zhes pa'i sngags kyis byin gyis brlabs la dkyil 'khor der sna tshogs pad+ma'i lte ba hUM las skyes pa'i mi bskyod pa sngon po sa la reg pa'i phyag rgya'o/ /shar la sogs pa'i 'dab ma rnams la/ oM traM hrI khaM las skyes pa'i rnam par snang mdzad dang / rin chen 'byung ldan dang / 'od dpag med dang / don yod grub pa rnams dkar po dang ser po dang dmar po dang ljang gu dang / byang chub mchog dang mchog sbyin dang bsam gtan dang mi 'jigs pa'i phyag rgya can rnams so/ /lda ka yang chos gos gsum dang gtsug tor dang bcas pa rnams so/ /me la sogs pa'i mtshams su lAM mAM pAM tAM rnams yongs su gyur pa las spyan ma dang mA ma kI dang gos dkar mo dang sgrol ma rnams dkar ba dang sngo ba dang dmar ba dang ljang ba dang / 'khor lo dang rdo rje dang chu skyes dmar po dang ut+pa la sngon po 'dzin pa rnams so/ /'di rnams las rnam par snang mdzad zla ba la gnas pa gzhan rnams nyi ma la gnas pa'o/ /lha'i 'khor lo 'di dag bltas te/ oM A gats+tsha A gats+tsha b+ha ga wAn a k+Sho b+h+ya badzra a/ zhes pas rnam par snang mdzad la sogs pa'i lha rnams so so'i ming gzhug pa sngon du 'gro bas spyan drang ngo / /oM na mo a k+Sho b+h+yA ya hUM/ oM AHbadzra puSh+pe hUM swA hA/ so sor lan gsum gsum dbul lo/ /oM na mo bai ro tsa nA ya oM/ oM AHbadzra puSh+pe hUM swA hA/ oM na mo rat+na saM b+ha pA ya t+t+waM/ oM AHbadzra puSh+pe hUM swA hA/ oM na mo a mi ta pra b+hA bA ya hrIH/ oM AHbadzra puSh+pe hUM swA hA/ oM na mo a mo g+ha sid+d+ha ye khaM/ oM AHbadzra puSh+pe hUM swA hA/ oM na mo lo tsa na laM/ oM badzra puSh+pe hUM swA hA/ oM na mo mA ma kI maM/ oM badzra puSh+pe hUM swA hA/ oM na maHpaN+Da ra yi baM/ oM badzra puSh+pe hUM swA hA/ oM na ma stA ra yai tAM/ oM badzra puSh+pe hUM swA hA/ slar yang mi bskyod pa la me tog mang po khyad par du dbul lo/ /rim pa 'di nyid kyis/ oM AHbadzra puSh+pe hUM swA hA/ oM AHbadzra d+hU p+pe hUM swA hA/ oM AHbadzra dI p+pe hUM swA hA/ oM AHbadzra gan+d+he hUM swA hA/ oM AHbadzra ni bi t+ye hUM swA hA/ zhes nye bar spyod pa lnga yang dag par dbul lo/ /oM sarba ta thA ga ta pU dza me g+ha pra sa ra sa mu dra sba ra Na hi maM ga ga na khaM hUM zhes pas mchod pa rnams byin gyis brlab bo/ /nus pa med na yid las byung ba'i mchod pa chen po rnams bya ste/ 'di lta ste/ gos dang rgyal mtshan dang nor bu dang mu tig gi do shal la sogs pa rgyan gyi bye brag rnams dang / pad+ma dang ut+pal la sogs pa me tog gi bye brag rnams dang / sku chings dang chos gos dang lhung bzed dang bsil byed la sogs pa yo byad kyi bye brag rnams dang / gling bzhi dang nye ba'i gling rnams rin po che sna bdun la sogs pas bkang nas dbul lo/ /de nas mchod pa mngon par 'phrul par byed pa'i rig pa'i rgyal mo 'di lan brgyad brjod par bya'o/ /na maHsarba bud+d+ha bo d+hi sa twA nAM sarba thA ut+ga te sba ra Na hi maM ga ga na khaM sa man+ta swA hA/ de nas sangs rgyas dang byang chub sems dpa' rnams kyi mdun du mchod pa'i sprin rnams ji ltar bsams pa bzhin bden par gnas par 'gyur ro/ /sku khrus kyi mchod pa yang / oM AHsarba ta thA ga ta a b+hi She ka ta sa ma ya shri ye hUM swA hA/ zhes pas sku khrus byas la sngar bzhin mchod pa la sogs pa bya'o/ /bdag che ge mo zhes bgyi ba chos kyi dbyings su gtogs pa'i sangs rgyas dang byang chub sems dpa' 'khor dang bcas pa rnams la bdag nyid dbul bar bgyi'o/ /rnam pa thams cad dang dus thams cad du thugs rje chen po dang ldan pa khyed rnams kyis bdag la byin gyis brlab tu gsol/ yongs su bskyab tu gsol/ dngos grub dang mchog bdag la rab tu stsol cig ces pas bdag nyid dbul ba dang / de nas/ sangs rgyas gtso la phyag 'tshal lo/ /skyob pa'i chos la phyag 'tshal lo/ /dge 'dun che la phyag 'tshal lo/ /gsum rnams la yang rtag phyag 'tshal/ /dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /sangs rgyas chos dang tshogs mchog la/ /byang chub bar du skyabs su mchi/ /rang gzhan don ni rab bsgrub phyir/ /byang chub kyi ni sems 'di bgyi/ /byang chub mchog gi sems ni bskyed bgyi zhing / /sems can thams cad bdag gis mgron du bgyi/ /byang chub mchog gi spyod pa yid 'ong spyad/ /'gro la phan phyir sangs rgyas 'grub par shog /ces gsum la skyabs su 'gro ba'i tshigs bcad bklag par bya'o/ /de nas bstod pa bya ste/ gang zhig thog ma dbus mtha' med zhi sangs rgyas nyid rang rnams/ /sangs rgyas nas ni ma lus rtogs phyir 'jigs med rtag pa'i lam ston pa/ /mkhyen brtse'i ral gri rdo rje mchog bsnams sdug bsngal myu gu gcod mdzad cing / /sna tshogs lta thabs kyis bskor the tshom rtsig pa 'jig mdzad de la 'dud/ /ces pa la sogs pas so/ /de nas sangs rgyas dang byang chub sems dpa' rnams la bden par bstod pa nye bar 'byung bar byed pa'i rig pa'i rgyal mo 'di lan brgyad brjod par bya'o/ /na maHsarba bud+d+ha bo d+hi sa twA nAM sarba tra saM ku su mi ta a b+hi dz+nyA rA si ni na mo stu te swA hA/ zhes pa'o/ /bdag skye ba nas skye bar sangs rgyas la gus pa dang / rang bzhin gyis g.yo med pa dang / sems can thams cad la byams pa dang / gtong ba la goms pa dang / 'bras bu la phyir phyogs pa'i byang chub kyi sems thob par gyur cig / shes rab rno ba dang rigs bzang por skye ba dang / gzugs mdzes pa dang / bde gshegs kyi snyan dngags rgya chen po la mkhas par gyur cig /tshe ring zhing ris su skye ba dang / skyes bu blo gros sgrim zhing mkhas pa dang / dbang po ma nyams pa bde zhing snying rje dang bcas pa dang / rab tu dang zhing snyan dngags mkhas pa dang / pha ma byas pa shes shing gus pa nyid dang / rtag tu skye ba dran zhing tshul khrims dang ldan pa dang / chos kyi bdag nyid dang / nor dang ldan pa dang / rab tu sbyin pa la nges par dga' ba dang / dge ba'i bshes gnyen dang ldan pa dang / spro zhing stobs dang ldan pa dang / yid du 'ong zhing mang po dga' ba dang / nad thams cad spangs shing sems can la brtse ba can thos pa 'dzin cing bsam pa dag pa dang / gtsang sbra dang ldan pa dang / ji srid 'jig rten la phan pa 'byung ba'i phyir bcom ldan 'das kyi byang chub kyi go 'phang ma thob kyi bar de srid du bdag yon tan 'di rnams kun gyis brgyan par gyur cig ces smon lam btab ste/ phan yon chen po dang ldan pa de bzhin gshegs pa thams cad kyi snying po sangs rgyas thams cad kyis byin gyis brlabs pa'i yi ge brgya pa sngags kyi rgyal po 'di bzla bar bya'o/ /na ma s+t+rai ya d+hI kA nAM/ ta thA ga tA nAM/ sarba tra a pra ti ha tA bA ba ti d+harma ta ba linAM/ oM aM aM sa ma sa ma sa man+ta to a na n+tA bA pa ti shA sa ni ha ra ha ra/ sma ra sma ra Ni/ bi ga ta rA ga /bud+d+ha d+harma te/ sa ra sa ra/ sa ma ba lA/ ha sa ha sa/ tra ya tra ya/ ga ga na ma hA ba ra lak+Sha Ne dz+wA la dz+wA la na sA ga re swA hA zhes pa'o/ /de nas/ phyogs rnams kun na lus dang sems/ /sdug bsngal nad pa ji snyed pa/ /de dag bdag gi bsod nams kyis/ /bde dga' rgya mtsho thob par shog /lha yang dus su char 'bebs shing / /lo tog phun sum tshogs par shog /rgyal po chos bzhin byed gyur cig /'jig rten dag kyang dar bar shog /ngan song sdug bsngal ma myong zhing / /dka' ba spyad pa med par yang / /lha bas lhag pa'i lus kyis ni/ /de dag sangs rgyas myur grub shog/ /ces pa la sogs pa bklags nas/ ji ltar de bzhin gshegs pa dgra bcom pa yang dag par rdzogs pa'i sangs rgyas de dag gis sangs rgyas kyi ye shes dang sangs rgyas kyi spyan gyis mkhyen cing gzigs pa'i dge ba'i rtsa ba dang / de rigs gang yin pa dang sde gang dang ci 'dra ba dang rang bzhin gang dang mtshan nyid gang dang / chos nyid gang gis gnas pa de bzhin du dge ba'i rtsa ba de la rjes su yi rang ngo / /ji ltar yang de bzhin gshegs pa dgra bcom pa yang dag par rdzogs pa'i sangs rgyas de dag gis sangs rgyas kyi mngon par shes pas yongs su bsngos pa de bzhin du dge ba'i rtsa ba de dag bdag gis kyang bla na med pa yang dag par rdzogs pa'i byang chub tu yongs su bsngo bar bgyi'o zhes brjod do/ /rjes su yi rang ba dang bsngo ba'i rjes la/ o sarba ta thA ga ta su la li ta na mi te nA ma mi b+ha ga bAn taM a k+Sho b+h+ya nA thaM dzaHhUM baM hoHpra tIts+tsha ku su mAny+dza li nA tha ho zhes brjod de 'dud par bya'o/ /de nas/ khyed kyis sems can don kun mdzad/ /rjes mthun dngos grub stsal nas kyang / /slar yang 'byon par bya ba'i phyir/ /sangs rgyas yul du gshegs su gsol/ /oM muHswA hA zhes pas gshegs su gsol bar bya'o/ /de nas maN+Dal gyi ri mo dbyi bar bya'o/ /mchod pa'i phan yon yang bcom ldan 'das kyis dad pa'i stobs bskyed pa la 'jug pa'i phyag rgya'i mdo las gsungs te/ 'jam dpal rigs kyi bu'am rigs kyi bu mo gang la la zhig gis 'jig rten gyi khams thams cad kyi rdul dang mnyam pa'i rang sangs rgyas rnams la nyin dang nyin la ro brgya pa'i kha zas dang lha rdzas kyi na bza' rnams byin zhing / de bzhin du gang+gA'i klung bcu'i bye ma snyed kyi bskal par byin pa dang / 'jam dpal rigs kyi bu'am rigs kyi bu mo gzhan zhig gis ri mo mkhan gyis bris pa'i sangs rgyas sam glegs bam du byas pa mthong nas 'di nyid de bas bsod nams ches grangs med pa bskyed na slar yang gang zhig thal mo sbyor ba'am me tog gam spos sam/ mar me dbul bar byed na/ 'di nyid de bas de bsod nams mchog tu grangs med pa bskyed pa lta ci smos zhes so/ /dpal gsang ba 'dus pa las kyang / sangs rgyas rnams la rtag tu ni/ /'dod yon lnga dang nyer spyod lngas/ /cho ga bzhin du mchod byed na/ /myur du sangs rgyas nyid 'thob 'gyur/ /zhes so/ /gzhan nas kyang / gang zhig bzhugs la mchod pa dang / / gang zhig mya ngan 'das pa la/ /mnyam pa'i sems kyis rab dad na/ /bsod nams khyad par med pa yin/ /zhes so/ /dge ba'i las byed pa 'di ni gnyen po kun du spyod pa'o/ /dge ba'i las rnams byed pa ni don la mngon par sbyor ba'i ngo bo'o/ /yang na sngar bzhin byas pa'i maN+Dal gyi dbus su rang 'dod pa'i lha 'jig rten dbang phyug la sogs pa de dang de'i rang gi sa bon las byung ba stong pa nyid dang snying rje dbyer med pa byang chub kyi sems su ro gcig pa sangs rgyas dang byang chub sems dpa' thams cad kyi ngo bo nyid du mos te/ sngar bzhin spyan drangs nas de'i cod pan la 'od dpag med la sogs pa rigs kyi gtso bo bskyed nas man ngag ji lta ba bzhin du lha thams cad gnas ji lta bar dmigs te/ sngar bzhin mchod pa dang bstod pa dang sngags kyis mnyes par bya ba la sogs pa rnams bya'o/ /mthar na maHsarba bud+d+ha bo d+hi satwa b+h+yaH/ sarba bita pu ra pu ra sU ra sU ra/ A brtA yA brtA ya swA hA/ zhes brjod pas de bzhin gshegs pa rnams la mchod pa dang nye gnas dang zhabs la spyi bos phyag byas par 'gyur ro zhes so/ /de bzhin gshegs pa dang byang chub sems dpa' la sogs pa'i mchod pa'i cho ga'o/ /dam pa'i chos bklag pa la sogs pa'i don du sngags pas rkang pa la sogs pa bkru ba dang / kha bshal ba la sogs pa byas nas bde ba'i stan la gnas te/ oM badzra satwa sarba bi g+ha na ud sa ra hUM phaT ces pa'i sngags kyis sa gzhi byin gyis brlabs te dri bzang po la sogs pas maN+Dal zlum po byas nas/ oM badzra re khe hUM zhes pa 'dis byin gyis brlabs te maN+Dal du me tog cig bzhag nas lag pa bkru'o/ /de nas maN+Dal de'i dbus su ri rab gru bzhi pa la rtse mo brgyad kyis nye bar mdzes pa/ shar dang lho dang nub dang byang gi ngos rnams ni be+e DUr+ya dang shel dang pad+ma rA ga dang gser gyi bdag nyid de rin po che bzhi'i rang bzhin no/ /de'i mdun du zla ba phyed pa'i rnam pa shar gyi lus 'phags dang / g.yas su gru gsum pa'i 'dzam bu'i gling dang / rgyab tu yongs su zlum po'i ba lang spyod dang / g.yon du gru bzhi pa'i sgra mi snyan no/ /shar du lus 'phags la sogs pa dang nye bar lus dang lus 'phags dang / g.yo ldan dang lam mchog 'gro dang / rnga yang dang rnga yab gzhan dang / sgra mi snyan dang sgra mi snyan gyi zla zhes pa nye ba'i gling rnams te so sor pad+ma rA ga dang in+d+ra nI la dang bai DUr+ya dang margata dang rdo rje dang mu tig dang byi ru la sogs pas yongs su bkang ba'o/ /shar la sogs pa'i phyogs su glang po dang skyes pa dang rta dang btsun mo rnams so/ /me la sogs pa'i mtshams su ral gri dang 'khor lo dang nor bu dang gter chen po rnams bsams te sngar phul ba'i me tog bsal la/ oM badzra puSh+pe hUM zhes pa 'dis bsngags te ri rab dang gling dang nye ba'i gling dang glang po la sogs pa rin po che dang gter chen po rnams su me tog dbul lo/ /oM badzra d+hU p+pe hUM zhes pa la sogs pa'i sngags kyis bdug spos la sogs pa ji ltar 'byor pa rnams kyang ngo / /de nas mchod pa thams cad cho ga bzhin de bzhin gshegs pa thams cad kyi chos kyi sku'i bdag nyid dam pa'i chos kyi glegs bam yang maN+Dal gyi dbus su bzhugs te ji lta ba bzhin bklag go/ /lha'i steng du ni ma yin no/ /de nas yang mchod pa'i cho ga ni bla ma dang sangs rgyas dang byang chub sems dpa' thams cad dang gcig nyid du'am/ rang 'dod pa'i lha stong nyid snying rje dbyer med pa'i byang chub kyi sems su ro gcig la de bzhin gshegs pa thams cad kyi ngo bor mos te/ rin po che sna tshogs kyis spras pa'i seng ge'i gdan dang pad+ma la rdo rje sems dpa'i rol pas bzhugs par bsams te/ mchod pa dbul zhing bstod pa bklag pa la sogs pa bya'o/ /oM AHshrI man badzra gu ru tsa ra Na ka ma lA ya samyag dz+nyA na a ba b+hA sa ka rA ya na maHhUM/ gang gi sku drin 'od kyis gsal byas bdag nyid kyi/ /de nyid rin chen 'od kyi tshogs kyis mun bcom ste/ /mthong ba skyon med bdag rnams rol pas lhag lta ba/ /bla ma nyi ma de la gus pas phyag 'di 'tshal/ /zhes pa la sogs pa sa ra ha'i zhabs kyis mdzad pas bla ma la phyag bya'o/ /sngar bzhin dge ba'i rtsa ba yongs su bsngo ste/ oM khyed kyis sems can don kun mdzad/ /rjes mthun dngos grub stsal nas kyang / /slar yang 'byon par bya ba'i phyir/ /sangs rgyas yul du gshegs su gsol/ /muHzhes pas gshegs su gsol lo/ /'di ni dam pa'i chos dang lha dang bla ma'i mchod pa'i cho ga'o/ /gzhan du ni maN+Dal zlum po'i dbus su ri rab la sogs pa dang rang gi sa bon las bskyed nas mchod pa'i sngags kyang so sor gsungs pa de dag gis me tog la sogs pa dbul te/ de la oM hUM ma hA me ra be na maH/ de'i steng du oM haM suk+Sha ma me ra be na maH/ zhes pa dbus su'o/ /de'i rjes la oM aM pU ra ba bi de hA ya na maH/ oM raM dzaM bu dwI pA ya na maH/ oM laM a pa ra go dA nI ya na maH/ oM baM ut+ta ra ku ra/ ben maH/ oM ya u pa dwI pA ya na maH/ oM ra u pa dwI pA ya na maH/ oM la u pa dwI pA ya na maH/ oM wa u pa dwI pA ya na maH/ oM ya ga dza rat+nA ya na maH/ oM raHpu ru Sha rat+na ya na maH/ oM la a shwa rat+na ya na maH/ oM wa s+t+rI rat+nA ya na ma/ oM yaHkhaD+ga rat+nA ya na maH/ oM rany+tsa rat+nA ya na maH/ oM la ma hA ma Ni rat+na ya na maH/ oM wa ma hA ni d+hi b+h+yon maH/ zhes pa'o/ /gzhan thams cad sngar bzhin no/ /'di dag thams cad med kyang phyi rol gyi dngos por rab tu dang ba'i dngos po rang gi kun rtog gis dpag bsam shing las byung ba dbul te 'bras bu shin tu che ba nyid du 'gyur ro/ /rdzas kyi dngos po dngos su yod pa la yang sems g.yeng ba dang zhen pa dag gis 'bul ba ni 'bras bu cung zad med ces lung las te/ byang chub spyod 'jug las kyang / bzlas brjod dang ni dka' thub kun/ /yun ring dus su spyad byas kyang / /sems g.yeng zhen pas byas pa ni/ /thams cad rig pas don med gsungs/ /zhes so/ /de bzhin du dge 'dun gyi ston mo dang gtsug lag khang gi mchod yon sbyin pa dang / chos kyi mchod yon sbyin pa la yang dge 'dun la sogs pa ri rab kyi steng du gtso bor byas te bzhugs nas mchod par bya'i/ gang gang gang tshe 'tsho bya ba/ /dag pa'i 'tsho ba des bsgrub ste/ /bkres skom nad ni zhi ba'i phyir/ /zas skom sman dang 'dra bar bsam/ /de yang drag shul can gyis zhus pa las/ khyim bdag 'di la byang chub sems dpa' khyim pa chos dang mthun pas longs spyod de tshol zhing chos ma yin pas mi tshol na yang dag pa'i 'tsho bar 'gyur te log pa'i 'tsho bar mi 'gyur ro zhes so/ /de nas ji ltar rnyed pa'i zas la gtor ma dang lha bshos dang 'phrog ma dang phud kyi chang bu dang lhag ma ste lnga po 'bras bu chen por longs spyod pa'i phyir rtag tu sbyin no/ /de nas oM AHhUM lan gsum brjod nas/ oM a kA ro mu khaM sarba d+harmA NAM/ Ad+yA nut+pan+na twAta oM AHhUM phaT swA hA zhes pas 'byung po thams cad pa'i gtor ma sbyin no/ /oM AHbadzra nai bi t+ye hUM zhes pas lha bshos so/ /oM hA ri te ma hA badzra ya k+Shi ni ha ra ha ra sarba pA pa ni k+Shi swA hA zhes pas 'phrog ma la zan gyi chang bu gnyis sbyin no/ /oM a gra piN+Ta a si b+h+yaHswA hA zhes pas phud kyi chang bu'o/ /na maHsarba bud+d+ha bo d+hi satwA nAM/ oM pa liM ta de te dzo ba li ni swA hA zhes pa dang / oM AHhUM zhes pas bza' ba la lan brgyad mngon par bsngags te/ dang por mthe bong dang ming med kyis reg nas bza' ste dug la sogs pa'i nyes pa zhi bar byed do/ /kha bkang sgra dang bcas pa dang kha gdangs pa dang ha cang myur ba dang bul bas mi bza' ste phan pa dang ran pas so/ /oM uts+tshiSh+Ta piN+Ta a shi b+h+yaHswA hA zhes pa 'dis lhag ma'i chang bu sbyin no/ /zas lhag ma ched du ma byas pa kho nar sbyin zhing kha bkru ba la sogs pa byas nas byang chub sems dpa' khyim gyi nang na gnas pa'am khyim gyi gnas las nges par byung ba'i rab tu byung bas 'jig rten gyi khams mtha' dag na gnas pa'i skye bo rnams kyi dge ba spel ba'i phyir/ rgyal po sbyin bdag nyid dang ni/ /gang yang sems can tshogs gzhan rnams/ /tshe dang nad med phun sum tshogs/ /rtag tu bde dang ldan gyur cig /sbyin pas 'byung po dbang du 'gyur/ /sbyin pas dgra rnams med par 'gyur/ /pha rol gnyen yang sbyin pa nyid/ /de phyir sbyin pa gtso bor brjod/ /sbyin pa 'jig rten rgyan yin te/ /sbyin pas ngan 'gro zlog par byed/ /sbyin pa mtho ris skas yin te/ /sbyin pa zhi byed dge ba'o/ /byang chub sems dpa'i longs spyod rnams/ /mi zad nam mkha' lta bu gang / /longs spyod de ni thob bya'i phyir/ /sbyin pa de ni yang dag spel/ /zhes pa la sogs pa sbyin pa'i tshigs su bcad pa rnams brjod par bya'o/ /gzhan du mu stegs rnams la gus pa la sogs pa mi bya ste de yang skyabs gsum bdun cu pa las gsungs pa/ dge bsnyen du ni dam bcas nas/ /skyabs gsum po ni bsrung bar bya/ /mu stegs gzhan la gus pa dang / /phyag dang mchod pa rnams mi bya/ /zhes so/ /brgyad stong pa las kyang lha gzhan rnams la me tog dang bdug spos dang mar me rnams sbyin par mi bya ri mor mi bya zhes so/ /de nas na maHsa man+ta bra b+ha rA dzA ya ta thA ga tA ya/ ar+ha te samyak+saM bud+d+hA ya/ na mo many+dzu shrI ku mA ra b+hU tA ya bo d+hi sa twA ya/ ma hA sa twA ya/ ma hA kA ru Ni kA ya/ tar+ya thA/ oM ni rA lam+b+he ni rA b+hA se/ dza ye dza ya la b+d+he ma hA ma te dak+She dak+Shi NAM pa ri sho d+hA ya swA hA/ gang gzungs 'di lan gcig rjod par byed pa de ri rab tsam gyi bsod nams yang yongs su sbyong bar 'gyur ro zhes pa bsod nams yongs su sbyong ba'i gzungs brjod par bya'o/ /mtshan mo'i dang po mi nyal bar dam pa'i chos kyi kha ton dang bzlas pa la sogs pa byas nas nyal ba na mal du yan lag thams cad btud pas sangs rgyas dang byang chub sems dpa' thams cad la phyag bya zhing gsol ba yang btab nas nyal te/ sangs rgyas dang byang chub sems dpa' thams cad kyis bdag la byin kyis brlab tu gsol/ bla na med pa'i dngos grub dang mchog bdag la stsol cig /nye bar 'tshe ba thams cad kyang med par mdzad du gsol zhes pa dang / rang gi 'dod lha'i rnal 'byor dang ldan pas/ na mo b+ha ga ba te Ar+ya pradz+nyA pA ra mi ta ye/ sarba ta thA ga tA pa ri mi tA pU ri ta ye/ tad+ya thA/ oM sid+d+hi sid+d+hi/ bud+d+ha bud+d+ha/ bo d+ha ya bo d+ha ya/ tsa la tsa la/ tiSh+Tha tiSh+Tha/ hi kaM pa kaM pa/ bA ra bA ra/ gats+tsha gats+tsha/ A gats+tsha A gats+tsha b+ha ga ba ti mA bi la m+ba swA hA/ gzungs 'dis lag pa g.yas pa la lan nyi shu rtsa gcig yongs su bzlas te/ de'i steng du mgo gzhag ste seng ge'i nyal stabs kyis nyal lo/ /mtshan mo tha ma nas de bzhin du yid ma yengs pa dang rgyun chad pa med par yi dam mtha' dag bya'o/ /de ltar nyin re zhing byas na rigs kyi bu'am rigs kyi bu mo myur du byang chub tu 'gyur ro/ /de yang gsungs pa/ sbyin dang tshul khrims bzod brtson 'grus/ /bsam gtan la sogs rtag brten bya/ /dus ni yun mi ring ba yis/ /byang chub mchog ni thob par 'gyur/ /zhes so/ /gzhung bsdus pa yi bsod nams las kyis ni/ /bdag cag byang chub gzhung lam 'di brten nas/ /spro bas sna tshogs spyod pa spyad nas ni/ /skye bos bla med go 'phang thob par shog /byang chub gzhung lam zhes bgyi ba slob dpon mkhas pa chen po 'jigs med 'byung gnas sbas pas mdzad pa rdzogs so// //ji ltar mthong ba bzhin bsdus pa ste gzhung gi tshad ni sh+lo ka sum brgya nyi shu rtsa lnga'o/ /dang po'i las kyi bya ba ma brten par/ /nges par byang chub mchog thob mi nus kyang / /rtsod dus skye bo stong pa nyid smra zhing / /gzhung lam dang po'i las kyi bya ba rnams/ /mi shes mi nus mi byed pa rnams mthong / /spyod 'dod mi shes 'gro la phan 'dod nas/ /thub pa'i dge slong chag ston lo tsA bas/ / byang chub gzhung lam 'di ni 'bad pas bsgyur/ /nyes kun bzod gsol dge bas bdag gzhan rnams/ /sgrib bral tshogs gnyis rdzogs pa'i sangs rgyas shog /kha che'i mkhan po chen po chos kyi rje shAkya shrI b+ha dra las mnyan nas bod yul dbus kyi sde snod 'dzin pa chag lo tsA ba dge slong dgra bcom gyis bsgyur ba'o/ /[ ]@##/ /rgya gar skad du/ maN+Dal bi d+hiH/ bod skad du/ maN+Dal gyi cho ga/ /thugs rje chen po rnam par skyob la phyag 'tshal lo/ /dkyil 'khor bzang pos nyid dang / /rin chen rang bzhin ngos mnyam la/ /dri zhim pa yi byug pas byug /

CLOSE WINDOW