བོད་ཡིག

e-texts based on the ACIP/ALL Input

/[ ]@##/ /grub thob brgyad cu rtsa bzhi'i gsol 'debs bzhugs so/ /@##/ /dkon mchog gsum la phyag 'tshal lo/ /bla ma sangs rgyas bla ma chos/ /de bzhin bla ma dge 'dun te/ /bla ma dpal ldan rdo rje 'chang / /bla ma rnams la phyag 'tshal lo/ / gsol ba 'debs so/ /thugs rjes dgongs la byin gyis brlab tu gsol/ /dge slong lus la dngos grub brnyes/ /nags kyi lha mos bdud rtsi phul/ /klu sgrub snying po zhes bya ba'i/ /bla ma de la phyag 'tshal lo/ /bla ma la gus dngos grub brnyes/ /pad+ma las 'khrungs lus mchog 'dzin/ / Ar+ya de ba zhes bya ba'i/ /bla ma de la phyag 'tshal lo/ /yig mkhan rigs la skal bar ldan/ /nya lto za zhing dngos grub brnyes/ /lU yi pa zhes bya ba yi/ /bla ma de la phyag 'tshal lo/ /khyim pa'i lus la thar bu'i rigs/ /shing thog za zhing lam mchog brnyes/ /pad+ma badzra zhes bya ba'i/ / bla ma de la phyag 'tshal lo/ /bram ze'i rigs la gar mkhan lus/ /dpal gyi ri la dngos grub brnyes/ /sa ra ha zhes bya ba yi/ /bla ma de la phyag 'tshal lo/ /zla ba'i rigs la dngos grub brnyes/ /pad+ma ni dang lhan cig bzhugs/ /mtsho skyes rdo rje zhes bya ba'i/ /bla ma de la phyag 'tshal lo/ /gding ba bting nas gang+gA brgal/ /stag la zhon nas dngos grub brnyes/ /DoM bi he ru ka zhes bya'i/ /bla ma de la phyag 'tshal lo/ /chu bo chen po gyen la bzlog /'chang la nyi ma gtel bar btsud/ /bi rU pa zhes bya ba yi/ /bla ma de la phyag 'tshal lo/ /na len+d+ra thugs dam gzigs/ /bstan bcos rtsom zhing mkha' la gshegs/ /bu su ku ra zhes bya ba'i/ /bla ma de la phyag 'tshal lo/ /bu smad bcas shing dngos grub brnyes/ /b+haM ga la ru lung bstan thob/ /rdo rje dril bu zhes bya ba'i/ /bla ma de la phyag 'tshal lo/ /dka' thub mdzad cing dngos grub brnyes/ /ral gri khyer nas mkha' la gshegs/ /na len+d+ra pa zhes bya ba'i/ /bla ma de la phyag 'tshal lo/ /dge slong lus la gdol pa'i rigs/ /phyag rgya ma dang dngos grub brnyes/ /ku ku ri pa zhes bya ba'i/ /bla ma de la phyag 'tshal lo/ /dge slong lus la ye shes spyan/ /shing kun gnas su gsang 'dus gzigs/ /sangs rgyas ye shes zhes bya ba'i/ /bla ma de la phyag 'tshal lo/ /dka' thub dor nas spyod pa mdzad/ /lta stangs mdzad cing dngos grub brnyes/ /nag po rdo rje zhes bya ba'i/ /bla ma de la phyag 'tshal lo/ /rgyal rigs u rgyan gnas na bzhugs/ /lcam dang lhan cig dngos grub brnyes/ /in+d+ra b+hU ti zhes bya ba'i/ /bla ma de la phyag 'tshal lo/ /bram ze rang gi bu mo bsten/ /rdo rje bsnun zhing sa 'og bgrod/ /nA ro pa zhes bya ba yi/ /bla ma de la phyag 'tshal lo/ /tha ru'i rigs la shing mkhan lus/ /phyag rgya ma dang dngos grub brnyes/ /tog tse pa zhes bya ba yi/ /bla ma de la phyag 'tshal lo/ /bram ze dman pa'i spyod pa mdzad/ /thags kyis 'tsho zhing dngos grub brnyes/ /tan+t+ra la zhes bya ba yi/ /bla ma de la phyag 'tshal lo/ /dge slong spros med spyod pa mdzad/ /'jag spyil nang du dngos grub brnyes/ /la ba pa zhes bya ba yi/ /bla ma de la phyag 'tshal lo/ /mu stegs rtsod pa las rgyal zhing / /rgya mtsho'i gling la sgrol mas skyabs/ /tsan+d+ra go mi zhes bya ba'i/ /bla ma de la phyag 'tshal lo/ /rgyal rigs dman pa'i spyod pa mdzad/ /'bras so 'dru zhing dngos grub brnyes/ /shAn+ti pa zhes bya ba yi/ /bla ma de la phyag 'tshal lo/ /rig pa'i gnas lnga mkhyen pas brgyan/ /bdag gzhan gnyis su med par mdzad/ /mar me mdzad ces bya ba yi/ /bla ma de la phyag 'tshal lo/ /til brdung mchog gi dngos grub brnyes/ /b+haM ga la ru sangs rgyas mjal/ /te lo pa zhes bya ba yi/ /bla ma de la phyag 'tshal lo/ /bla ma'i bka' bcag spyod pa mdzad/ /srid pa bar dor rdzogs sangs rgyas/ /nag po spyod pa zhes bya ba'i/ /bla ma de la phyag 'tshal lo/ /bram ze sangs rgyas dngos dang mjal/ /dge bsnyen lus la dngos grub brnyes/ /phag tshang pa zhes bya ba yi/ /bla ma de la phyag 'tshal lo/ /nyi shu rtsa bzhi'i gnas mchog btsal/ /ta lar gshegs nas ba liM sgrogs/ /bzang po pa zhes bya ba yi/ /bla ma de la phyag 'tshal lo/ /gar mkhan dpal gyi ri la bzhugs/ /lcam sring gnyis kyis dngos grub brnyes/ /sha ba ri pa zhes bya ba'i/ /bla ma de la phyag 'tshal lo/ /rgyal rigs tha mal spyod pa mdzad/ /smad 'tshong ma dang dngos grub brnyes/ /da ri ka pa zhes bya ba'i/ /bla ma de la phyag 'tshal lo/ /ba lang skyong zhing dngos grub brnyes/ /lus mchog dpal gyi ri la bzhugs/ /nA ga bo d+hi zhes bya ba'i/ /bla ma de la phyag 'tshal lo/ /sna tshogs lus la dngos grub brnyes/ /dur khrod gnas su rgyan drug gsol/ /mar me lha zhes bya ba yi/ /bla ma de la phyag 'tshal lo/ /'bras bu spyod cing dngos grub brnyes/ /mda' 'tshong lnga brgya mkha' la gshegs/ /da ki pa zhes bya ba yi/ /bla ma de la phyag 'tshal lo/ /gzhan gyi rtsod pa las rgyal zhing / /b+haM ga la ru dngos grub brnyes/ /dzai ta ri zhes bya ba yi/ /bla ma de la phyag 'tshal lo/ /smon lam dbang gis thugs dam gzigs/ /yid ches mchog gi dngos grub brnyes/ /sa ra ka pa zhes bya ba'i/ /bla ma de la phyag 'tshal lo/ /rgyal rigs spyod pa mthar phyin nas/ /'dul 'dzin gsang sngags dngos grub brnyes/ /shAn+ti pa zhes bya ba yi/ /bla ma de la phyag 'tshal lo/ /gdol pa'i rigs la thags mkhan lus/ /phyag rgya ma dang dngos grub brnyes/ /tha ga pa zhes bya ba yi/ /bla ma de la phyag 'tshal lo/ /rdo rje phag mos byin gyis brlabs/ rgyud sde bzhi yi dgongs pa mkhas/ /dzA lan+d+ha ra zhes bya ba'i/ /bla ma de la phyag 'tshal lo/ /sgra tshad lung rigs bstan bcos mkhas/ /rig 'dzin tshe yi dngos grub brnyes/ /ka ma la zhes bya ba yi/ /bla ma de la phyag 'tshal lo/ /thabs dang shes rab pha rol phyin/ /sde snod dgongs pa thugs la shar/ /gser gling pa zhes bya ba yi/ /bla ma de la phyag 'tshal lo/ /gdol pa'i rigs la mar nag mkhan/ /phyag rgya ma dang dngos grub brnyes/ /bir ya pa zhes bya ba yi/ / bla ma de la phyag 'tshal lo/ /bram ze'i rigs la snyan dngags mkhan/ /bu smad bcas shing mkha' la gshegs/ /kong+ka na zhes bya ba yi/ /bla ma de la phyag 'tshal lo/ /rgyal rigs lkugs pa'i spyod pa mdzad/ /gsang spyod mchog gi dngos grub brnyes/ /pa ka pa lA zhes bya ba'i/ /bla ma de la phyag 'tshal lo/ /bram ze'i rigs la zangs mgar lus/ /rdzu 'phrul rkang mgyogs dngos grub brnyes/ /taM pa ka zhes bya ba yi/ /bla ma de la phyag 'tshal lo/ /rgyal rigs pi wang gling bu 'khrol/ /thugs dam zhal gzigs mkha' la gshegs/ /b+hi na sa zhes bya ba yi/ /bla ma de la phyag 'tshal lo/ /bram ze'i rigs la dman pa'i lus/ /smad 'tshong ma dang dngos grub brnyes/ /su ta lo ki zhes bya ba'i/ /bla ma de la phyag 'tshal lo/ /mu stegs rigs la sgra tshad mkhan/ /phyir rgol tshar bcad mkha' la gshegs/ /d+har+m+ma kI rti zhes bya ba'i/ /bla ma de la phyag 'tshal lo/ /lham mkhan rigs la skal bar ldan/ /dur khrod gnas su dngos grub brnyes/ /ku mA ra zhes bya ba yi/ /bla ma de la phyag 'tshal lo/ /dge tshul lus kyis mdze mo khur/ /gang+gAr bzhugs nas mkha' la gshegs/ /tshem bu pa zhes bya ba yi/ /bla ma de la phyag 'tshal lo/ /rams mkhan rigs la dge bsnyen lus/ /tshangs spyod u rgyan gnas na bzhugs/ /nI la pa zhes bya ba yi/ /bla ma de la phyag 'tshal lo/ /dge slong lus kyis phyag rgya bsten/ /lho nub srin po'i kha gnon mdzad/ / pad+ma kA ra zhes bya ba'i/ /bla ma de la phyag 'tshal lo/ /shan pa'i rigs la skal bar ldan/ /seng ge zhon nas spyod pa mdzad/ /sid+ha pa zhes bya ba yi/ /bla ma de la phyag 'tshal lo/ /nya pa'i rigs la dge bsnyen lus/ /rgya mtsho'i gling du dngos grub brnyes/ /mi na ra pa zhes bya ba'i/ /bla ma de la phyag 'tshal lo/ /rgyal rigs rig pa'i gnas lnga mkhas/ /nam mkha'i lha dang the tshom sel/ /sprin gyi shugs can zhes bya ba'i/ /bla ma de la phyag 'tshal lo/ /tha ru'i rigs la mnyen pa'i lus/ /sdug bsngal rgya mtsho kun las brgal/ /ka ru pa ka zhes bya ba'i/ /bla ma de la phyag 'tshal lo/ /rgyud sde bzhi yi sgra don mkhas/ /dbang bzhi rdzogs nas mkha' la gshegs/ /da si ri pa zhes bya ba'i/ /bla ma de la phyag 'tshal lo/ /bram ze'i rigs la spyod pa byed/ /rtog med sems la rang dbang thob/ /a nan+ta zhes bya ba yi/ /bla ma de la phyag 'tshal lo/ / spyan ras gzigs kyis byin gyis brlabs/ /bum pa thogs nas dri ma 'khrud/ /seng ge pa zhes bya ba yi/ /bla ma de la phyag 'tshal lo/ /bram ze'i rigs la rnal 'byor lus/ /ldom bu mdzad cing dngos grub brnyes/ /zla ba bzang po zhes bya ba'i/ /bla ma de la phyag 'tshal lo/ / sgrol ma dkar mos byin gyis brlabs/ /rnal 'byor rgyud la 'grel pa mdzad/ /kun dga' snying po zhes bya ba'i/ /bla ma de la phyag 'tshal lo/ /'jam dpal sku yi sprul par 'khrungs/ /klu sgrub dgongs pa thugs la chud/ /zla ba grags pa zhes bya ba'i/ /bla ma de la phyag 'tshal lo/ /mi g.yo zhal gzigs spyod pa mdzad/ /gcer bu brtul zhugs dur khrod gnas/ /smad dkris pa zhes bya ba yi/ /bla ma de la phyag 'tshal lo/ /rgyal po dman pa'i spyod pa mdzad/ /rigs ngan ma dang dngos grub brnyes/ /kar+Na pa zhes bya ba yi/ /bla ma de la phyag 'tshal lo/ /thugs rje sgrol mas byin gyis brlabs/ /gnod byed 'jigs pa brgyad las thar/ /a wa d+hU tI zhes bya ba'i/ /bla ma de la phyag 'tshal lo/ /rtsa rlung thabs kyi lam la mkhas/ /'byung ba rlung la rang dbang thob/ /tsar+ya pa zhes bya ba yi/ /bla ma de la phyag 'tshal lo/ /shing thun rigs la dngos grub brnyes/ /theg chen klu sgrub rjes su 'brangs/ /shAkya bshes gnyen zhes bya ba'i/ /bla ma de la phyag 'tshal lo/ /nya pa'i rigs la rtsa rlung mkhan/ /bde la lam slong gcer bu mdzad/ /tsaN+Da lI zhes bya ba yi/ /bla ma de la phyag 'tshal lo/ / rang byung rten la bskor ba mdzad/ /thugs dam zhal gzigs mkha' la gshegs/ /glu dbyangs mkhan zhes bya ba yi/ /bla ma de la phyag 'tshal lo/ /bram ze'i rigs la dge slong lus/ /sbyangs pa bcu gnyis spyod pa mdzad/ /b+ha ga la na zhes bya ba'i/ /bla ma de la phyag 'tshal lo/ /ri khrod mai tri'i brgyud pa 'dzin/ /phyag rgya chen po thugs la shar/ /sgra mkhan zhabs zhes bya ba yi/ /bla ma de la phyag 'tshal lo/ /dur khrod la sogs mtha' ru bzhugs/ /skal ldan 'dul zhing tshogs 'khor mdzad/ /kon+taM li zhes bya ba yi/ /bla ma de la phyag 'tshal lo/ / rta mgrin zhal gzigs gdug pa 'dul/ /'dod yon spyod cing mkha' la gshegs/ /tsa pa ri zhes bya ba yi/ /bla ma de la phyag 'tshal lo/ /rgyal rigs dman pa'i spyod pa mdzad/ /dur khrod rgyu zhing sha chen gsol/ /si ya li zhes bya ba yi/ /bla ma de la phyag 'tshal lo/ /sgrol mas zhal gzigs lung yang bstan/ /gtsug lag khang du dngos grub brnyes/ /nyi ma sbas pa zhes bya ba'i/ /bla ma de la phyag 'tshal lo/ /rgyal rigs nyi ma'i zer la gshegs/ /ri lu mig sman sa 'og spyod/ /ngag gi dbang phyug ces bya ba'i/ /bla ma de la phyag 'tshal lo/ /dman pa'i rigs la dge slong lus/ /gdan gcig mdzad cing dngos grub brnyes/ /hi la pa zhes bya ba yi/ /bla ma de la phyag 'tshal lo/ /glang chen zhon nas dur khrod rgyu/ /rgyal po btul nas mkha' la gshegs/ /ka la ka zhes bya ba yi/ /bla ma de la phyag 'tshal lo/ /bde mchog zhal gzigs spyod pa mdzad/ /dug sbrul chen po dbu la bcings/ /ku b+hu tsa zhes bya ba yi/ /bla ma de la phyag 'tshal lo/ /rgya mtsho'i gling du dka' thub mdzad/ /o D+yan gnas su dbang bzhi rdzogs/ /seng ge pa zhes bya ba yi/ /bla ma de la phyag 'tshal lo/ /nags tshal nang du dka' thub mdzad/ /byams pa'i zhal gzigs bstan bcos brtsams/ /thogs pa med pa zhes bya ba'i/ /bla ma de la phyag 'tshal lo/ /dpal gyi ri la bskor ba mdzad/ /o D+yan gnas su dka' thub byas/ /na ta pa zhes bya ba yi/ /bla ma de la phyag 'tshal lo/ /o ta pa yi gtsug lag tu/ /dgyes pa rdo rjes byin gyis brlabs/ /gling bu mkhan zhes bya ba yi/ /bla ma de la phyag 'tshal lo/ /b+haM ga la ru dka' thub mdzad/ /rdo rje gdan du thugs dam gzigs/ /sa ra ha zhes bya ba yi/ /bla ma de la phyag 'tshal lo/ /oD+yan gnas kyi dur khrod du/ /mkha' 'gro ma yis byin gyis brlabs/ /sa ra su ka zhes bya ba'i/ /bla ma de la phyag 'tshal lo/ /b+haM ga la yi byang shar du/ /gshin rje dmar pos byin gyis brlabs/ /ka la laM ge zhes bya ba'i/ /bla ma de la phyag 'tshal lo/ /seng ldeng nags la dka' thub mdzad/ /kharba pa Ni thugs dam gzigs/ /b+ha ya ni zhes bya ba yi/ /bla ma de la phyag 'tshal lo/ /ma ga d+ha ru rgyal po btul/ /dur khrod gnas su rol pa mdzad/ /me tog pa zhes bya ba yi/ /bla ma de la phyag 'tshal lo/ /gzhan yang gsang sngags lam brten pa'i/ / mkha' spyod gshegs pa thams cad dang / /dngos grub thob pa thams cad la/ /bdag ni gus pas phyag 'tshal lo/ /phyag 'tshal gsol ba 'debs pa na/ /thugs rjes dgongs la byin gyis rlobs/ /de ltar gsang sngags spyod mdzad pa/ /grub thob brgyad cu rtsa bzhi la/ /bdag nyid gus pas gsol 'debs na/ /thugs rjes byin gyis brlab tu gsol/ /sku yi byin gyis brlab tu gsol/ /lus la bde chen spar du gsol/ /gsung gi byin gyis brlab tu gsol/ /ngag la nus par byin gyis rlobs/ /thugs kyi byin rlabs ye shes phob/ /sems la 'od gsal bskyed du gsol/ /sku gsung thugs kyis byin gyis rlobs/ /byin rlabs chu rgyun ma gcod cig /chos sku gcig tu ma gyur bar/ /thugs rje'i lcags kyus ma btang zhig /khyed la bdag gis gsol btab pa/ /de las byung ba'i bsod nams kyis/ /'gro drug sems can don mdzad nas/ /phyag rgya chen po'i don rtogs shog /grub thob brgyad cu rtsa bzhi'i gsol 'debs bla ma rdo rje gdan pas mdzad pa rdzogs so// //paN+Di ta bai ro tsa na dang lo tsA ba shrI chos kyi grags pas bsgyur cing zhus te gtan la phab ba'o// //

CLOSE WINDOW