བོད་ཡིག

e-texts based on the ACIP/ALL Input

@##/ /rgya gar skad du/ tri sam+ba ra pra b+hA mA lA nA ma/ bod skad du/ sdom gsum 'od kyi phreng ba zhes bya ba/ bla ma dang 'jam pa'i dbyangs la phyag 'tshal lo/ /rnam dag zab yangs shes bya'i rgya mtsho las/ /bstan pa'i gru dang bdag blo'i ded dpon gyis/ /mkhyen pa'i dar 'phyar brtse ba'i rlung bskyod nas/ /sdom gsum yid bzhin nor bu kho bos blang / /ding sang bstan pa'i gsham 'di ru/ /sdom pa gsum gyi rnam gzhag la/ /mkhas pa'i rgyu skar 'ba' zhig gis/ /phyogs re'i cha tsam rtogs 'gyur mod/ /so sor thar dang byang chub sems/ / rig 'dzin sngags kyi sdom pa la/ /'thob tshul gnas tshul gtong ba'i tshul/ /gnyis ldan gsum ldan 'thad pa'i gzhung / /nyes pa phan yon rim pa dag/ /bdag blo nyi ma'i 'od zer gyis/ /phyogs las rgyal bar byas te dgod/ /gling gsum skyes pa bud med kyis/ /rang nyid 'khor ba bsgral don du/ /mkhan slob cho ga tshad ldan las/ /ji srid 'tsho yi bar dag tu/ /gnod pa bzhi dang bcas pa las/ /gtso cher lus ngag sdom pa de/ /nyan thos bye brag smra ba'i sdom/ /gang zag glang bu 'dra ba la/ /sdom pa khal dang 'dra ba zhig /thob pa'i thag pas sbrel bas na/ /so sor thar pa'i gnas tshul yin/ /bslab pa phul dang shi 'phos dang / /mtshan gnyis dag ni byung ba dang / /rtsa ba chad dang mtshan 'das las/ /so sor thar pa'i 'dul ba gtang / /gsungs so pham pa spyad pas kyang / /so sor thar pa'i tshul yin no/ /lha mi la sogs gang rung gis/ /'gro ba ma lus bskyab pa'i phyir/ /slob dpon cho ga tshad ldan las/ /ji srid byang chub snying po'i bar/ /smon dang 'jug pa'i bdag nyid can/ /lus ngag yid gsum rang don dang / /gzhan don thabs ma yin las sdom/ /kun rdzob byang chub sems kyi'o/ /de nyid snang la rang bzhin med/ /'jigs sogs bzhin du goms pa las/ /yul dang yul can gnyis las grol/ /don dam byang chub sems yin no/ /sems dang sems byung sems bskyed gnyis/ /rang don gza' dang bral bas na/ /nyi ma dang ni 'od zer bzhin/ /de dag gnas pa'i tshul yin no/ /rang don blangs dang nag po yi/ /chos bzhi la sogs zhugs pa dang / /'bras bu dag ni thob pa na/ /tsha grang grub bzhin sems bskyed gtong / /rigs bzhi la sogs bsod nams ldan/ /rang gzhan dgos 'dod phun tshogs don/ /bla ma cho ga tshad ldan las/ /nam mkha' ji srid gnas bar du/ /lhan skyes ye shes brda don sprod/ /rnam rtog dri ma kun las sdom/ /rig 'dzin sngags kyi sdom pa'o/ /sku gsung thugs kyi rgyal mtshan la/ /rim gnyis yid bzhin nor gyis spras/ /'dod yon lnga yis kun nas mchod/ /dgos 'dod kun gyi 'byung gnas sa/ /rig 'dzin sdom pa'i gnas tshul yin/ /dgos 'dod med do skyon rnams 'byung / /dpag bsam shing bu 'gyel ba ltar/ /rtsa ba'i ltung ba byung ba na/ /rig pa 'dzin pa'i sdom pa gtong / /rgyud ni sum brgya pa las ni/ /'khor bzhi po la rjes su gnang / /rang gi bslab pa dang yang ldan/ /dge slong rdo rje 'dzin pa bya/ /gsungs so dus kyi 'khor lo las/ /rten ni gsum las dge slong mchog /'bring ni dge tshul yin par 'dod/ /khyim na gnas pa tha ma'o/ /gzhan yang rdo rje rtse mo las/ / gal te de ni rab byung na/ /sdom pa gsum dang yang dag ldan/ /so sor thar dang byang chub sems/ /rig 'dzin sngags kyi sdom pa'o/ /gzhung 'bum pa las 'di skad du/ /rdo yi rigs kyi bye brag bzhu/ /lcags dang zangs dang dngul du 'byung / /gser 'gyur rtsi yi dngos po yis/ /kun kyang gser du 'gyur ba bzhin/ /de bzhin sems kyi bye brag gis/ /rigs can gsum gyi sdom pa yang / /dkyil 'khor chen po 'dir zhugs na/ /rdo rje 'dzin pa zhes bya'o/ /gsungs pa'i don la 'ga' zhig ni/ /sdom gsum gnas gyur ngo bo gcig /gong ma'i rtsa ltung byung ba na/ /'og ma gtong zhes sgrogs pa yod/ /de la cung zhig brtag par bya/ /gsum ldan gsungs pa'i dgongs pa'i don/ /gcig ldan spong ba'i dgongs pa min/ /rigs pas kyang ni shin tu gnod/ /bud med la smod ltung ba yis/ /reg srung sdom pa gtong ngam ci/ /gal te gtong na ha cang thal/ /mkha' la sprin chen 'khrigs pa yis/ /sa yi lo tog skam zhes bsgre/ /gzhan yang sdom pa gtong thob rgyu/ /sangs rgyas gsung las gzhan pa yi/ /cho ga mkhan du byed rigs sam/ /gzhan yang 'gal ba ltag sprod la/ /gnas gyur brtsi ba'i rigs ma yin/ /rigs na nyi ma'i dkyil 'khor 'di/ /gang+gA'i chu las gyur zhes bsgre/ /des na rang gis brtags la blang / /sdom gsum ldan zhes gsungs pa de/ /shes rgyud gcig la brtsi na ni/ /gcig tu 'dod kyang gsum du 'gyur/ /ldan chos rdzas gzhan tha dad phyir/ /'on te snga phyi la brtsi na/ /gsum ldan zhes pa'i sgra don med/ /'on te sdom gsum rdzas gcig tu/ /shes rgyud gcig la ldan zhe na/ /gtong thob cho ga gcig tu 'gyur/ /des na so sor thar ldan pas/ /byang chub mchog gi sems blangs na/ /dang po de ni kun gzhi la/ /bag la nyal ba'i tshul du gnas/ /rig 'dzin sdom pa thob pa na/ /'og ma gnyis ka bag la nyal/ /dper na mkha' la skar ma shar/ /cung zad snang bar byas gyur mod/ /zla ba'i dkyil 'khor shar ba'i tshe/ /skar 'od nyams mod 'jig rten gsal/ /rta bdun tsha zer byung ba na/ /zla ba'i 'od nyams 'jig rten gsal/ /gal te rig pa 'dzin pa yis/ /gdul bya gang la gang don du/ /'og ma'i sdom pa blangs pa na/ /gong ma zil gyis mi non mod/ /sdom pa cho gas 'thob pa yin/ /mkha' la nyi ma gnas gyur mod/ /zla skar 'char ba bkag pa med/ / des thob tshul dang gtong ba'i tshul/ /rang rang cho ga bzhin du gnas/ /kun gzhi bag chags mang po can/ /yin yang shes rgyud tha dad med/ /'og ma'i ltung ba byung gyur mod/ /gong ma ji srid gnas kyi bar/ /rnam par smin pas gos pa med/ /dper na zla skar nub gyur mod/ /nyi ma mkha' la gnas kyi bar/ /cung zad 'grib par byas pa med/ /gong ma'i ltung ba byung ba na/ /'og ma ji ltar gnas gyur kyang / /cung zad phan gyi skyob mi nus/ /rta bdun tsha zer nub pa na/ /zla skar gnas kyang mun pa'i bag /gser 'gyur rtsi zhes gsungs pa'i don/ /zil gnon yon tan mchog la dgongs/ /zla skar gnyis kyi 'od zer yang / /nyi ma'i dkyil 'khor gnas kyi bar/ /nyi ma'i 'od ces kun gyis sgrogs/ /gzhan yang kha cig sdom pa gsum/ /sa chu gru 'dra gzhi rten du/ /'dod ces sgrogs pa 'khrul pa yin/ /de yi 'khrul gzhi kho bos bstan/ /mkhas pa chen po rta dbyangs dang / /slob dpon sgeg pa'i rdo rje sogs/ /sdom gsum de nyid rig pa yis/ /don de ldog pa du mas phye/ /khyab bya khyab byed gsungs pa la/ /rten dang brten par byed na 'khrul/ /byang sems sdom pa'i don gcig la/ / phan sgrub sgrub pa'i ldog pa dang / /gnod spong dgag pa gnyis 'dug mod/ /phan sgrub ngo bo gang yin la/ /gnod pa spong ba khyab pas na/ /khyab bya khyab byed rdzas gcig tu/ /ba lang rdzis kyang mi go'am/ /des na rig 'dzin gcig pu la/ /gsum ldan sbyor ba 'thad ma yin/ / gal te 'thad na 'og ma gnyis/ /cho ga mi dgos skye bar 'gyur/ /sdom gsum cho ga thun mong du/ /thub pa chen pos gsungs pa med/ /phrag dog nor 'dod gti mug can/ /rang bzo byed pa su yis khegs/ /mdo rgyud spungs kyang phyogs su 'phen/ /sgra tshad byung na gtam gzhan sgyur/ /bstan pa'i byi dor ji ltar bya/ /rig 'dzin sdom pa kho na bas/ /gsum ldan sngags pa'i dgongs pa ni/ /'bras bu'i sgo nas ma yin te/ /yin na kun mkhyen mchog dman 'gyur/ /des na lam dus gdul bya'i don/ /gcig dang gsum gyi khyad par dang / /sdom pa rdzas chos gzhan nyams mod/ /gzhan yod pa yi khyad par yin/ /sdom gsum gang yang mi ldan na/ /lha mi'i lus kyang rnyed par dka'/ /nyams na mthong chos rnam smin gyi/ /rim pa gnyis kyis bstan par bya/ /de las so thar nyams gyur na/ /rang gis rang bslus gnod pa nyung / /rgyal dang de sras thams cad kyis/ /cung zad khrel gyi shin tu min/ /pham pa lci yang bye brag gis/ /lo grangs ngan song gsum du gnas/ /byang sems nyams na 'gro ba kun/ /bslus pas gnod pa shin tu mang / /rgyal dang de sras thams cad dang / /'gro ba kun gyis shin tu khrel/ /pham pa lci yang bye brag gis/ /bskal pa'i grangs kyis dmyal bar gnas/ /rig 'dzin sdom pa nyams pas ni/ /yid du mi 'ong sna tshogs can/ /rgyal dang de sras kun brnyas pas/ /mi 'jig mnar med gnas dag tu/ /sdug bsngal chen po de yis myong / /rtsa ba kun nyams phyal ba dag / gso la nye bar mi brtson na/ /rdo rje dmyal bar de ltung ste/ /dmyal ba phal pa thams cad kyi/ /sdug bsngal gcig tu bsdoms pa bas/ /de yi 'bum gyi char mi phod/ /'jig rten 'jig na gzhan du 'pho/ /se gol gcig gis phyin par byed/ /sangs rgyas stong gi 'od zer dang / /byang chub sems dpa'i phrin las kun/ /rgyun du mdzad kyang phan mi 'gyur/ /bskal pa ther 'bum la sogs su/ /de ni thon par ma gsungs so/ /so sor thar pa'i phan yon ni/ /gnas skabs lha mi mthar thug gi /dgra bcom 'bras bu nges par 'thob/ /byang chub sems kyi phan yon ni/ /gnas skabs bde mang ring mo na/ /sangs rgyas nyid du nges par 'grub/ /rgyas par mdo sde blta bar byos/ /rig 'dzin sdom pa'i phan yon ni/ /gnas skabs kun mkhyen bde longs spyod/ /gal te bsgom pa dang bcas na/ /tshe 'di nyid la sangs rgyas 'gyur/ /ma bsgoms gyur kyang ltung med na/ /skye ba bcu drug nyid na'o/ /mkhyen brtse dung phyur ldan pa yi/ /phan chen blo yi rgya mtsho las/ /sdom gsum nor bu'i phreng ba blangs/ /bdag gzhan 'gro ba ma lus kyi/ /blo gros gtsug la legs gnas te/ /kun mkhyen dgos 'dod spyod par shog / rgya gar shar phyogs dzA ga ta la'i paN+Di ta chen po bi b+hU ti tsan+d+ras mdzad de rang 'gyur du mdzad pa rdzogs so/ /[ ]@##/ /rgya gar skad du/ badzra yA na mU lA pat+ti karma bi d+hiH/ bod skad du/ rdo rje theg pa rtsa ba'i ltung ba'i las kyi cho ga//

CLOSE WINDOW