བོད་ཡིག

e-texts based on the ACIP/ALL Input

/[ ]@##/ /rgya gar skad du/ sarba tan+t+ra hr-i da ya ut+ta ra ha ya gr-I ba sA d+ha naM/ bod skad du/ rgyud thams cad kyi snying po phyi ma'i rta mgrin gyi sgrub thabs/ dpal rta mgrin la phyag 'tshal lo/ /de nas rta mgrin gyi sgrub thabs yang dag par rab tu bshad par bya'o/ /dang por re zhig sngags pas yid dang mthun pa'i gnas su bdud rtsi lngas byugs te/ ji ltar rnyed pa'i stan la nye bar 'dug nas rang gi snying ga nas hUM yig gi 'od zer gyis yang dag par bskul nas bla ma dang / sangs rgyas dang byang chub sems dpa' rnams nye bar spyad pa thams cad kyis yang dag par mchod cing phyag 'tshal ba dang / sdig pa bshags pa la sogs pa byas nas/ yang dag par brjod par bya ste/ oM swa b+hA ba shud+d+haHsarba d+harmAHswa b+hA ba shud+d+hou0f85haM/ oM shU n+ya tA dz+nyA na badzra swa b+hA ba At+ma kou0f85haM/ sngags 'dis rang bzhin stong par bsgom par bya'o/ /phyi nas nam mkha'i dkyil 'khor gyi dbus su pad+ma 'dab ma bzhi pa'i ze'u 'bru'i steng du zla ba'i dkyil 'khor gyi gdan la bdud rtsi dang bcas pa'i thod pa bsam par bya'o/ /de la hUM yig yongs su gyur pa las sangs rgyas kyi thugs drag po rnam par bsam par bya ste/ zhal bzhi pa/ zhabs bzhi pa/ g.yas bskum pa dag dang / g.yon brkyang ba dag go/ /phyag brgyad pa/ dpa' bo chen po lha mo bzhis yongs su bskor ba'o/ /bdag nyid gang zhig grub 'dod pas/ /khyab bdag chen po rta mgrin ni/ /sku mdog dmar po mche ba rno/ /spyan ni gsum pa dmar po dang / /nag po dkar po rtsa ba dang / /g.yas dang g.yon pa'i zhal nyid do/ /steng zhal rta yi rnam pa la/ /pA la sha yi kha dog bzhin/ /thod pa khrag gis gang ba dang / /sha chen chang nyid dag kyang ngo / /rta yi zhal sogs dbu la ni/ /dbang bskur rab tu sbyin par bya/ / rgyan rnams thams cad yongs rdzogs shing / /thod pa'i phreng bas rnam par brgyan/ /lcags kyu mda' dang thod pa dang / /rdo rje rnams ni phyag g.yas na/ /zhags pa gzhu dang kha T+wAM ga/ /dril bu rnams ni phyag g.yon na/ /b+ha ga'i dbus su sgrub pa pos/ /'di lta bu nyid 'dir bsgom bya/ /bdud rtsi lnga yis yang dag mchod/ /mchod pa'i bdag nyid bsgom par bya/ /shar du lha mo bri bar bya/ /rta yi rdo rje 'jigs chen mo/ /hrIHyig las ni yang dag byung / /zhal gcig pa la phyag ni bzhi/ /g.yon na gzhu dang thod pa la/ /bdud rtsi dang bcas g.yas pa ni/ /mda' nyid dang ni keng rus te/ /sna tshogs gzugs can 'bar ba ste/ /lho ru phyag rgya bri bya ba/ /zhal gcig phyag ni bzhi pa ste/ /haM yig las ni yang dag bskyed/ /phyag g.yon kha T+wAM ga dang ni/ /khrag gis gang ba'i thod pa bsnams/ /g.yas na zhags pa chen po dang / /keng rus brtul zhugs bsnams pa'o/ /thod pa'i gdan gyi dbus gnas pa'i/ /sku mdog nag mo 'bar ba che/ /phag mo zhes pa bri bar bya/ /nub tu ce spyang rdo rje ma/ /thod pa'i gdan la yang dag bzhugs/ /hrIHyig las byung lha mo ni/ /sku mdog ser mo zhal gcig ma/ /phyag bzhi g.yon gyi thod pa na/ /dri chen gyis gang rgyal mtshan zhags/ /g.yas kyis Da ma ru dang ni/ /keng rus brtul zhugs bsnams pa'o/ /byang du phyag rgya bri bar bya/ /sku mdog dkar mo rdo rje'i lag /'dab ma bzhi la bri bar bya/ /cha bsags rta mgrin mchod par bya/ /dri chen dri chu dang bcas pas/ /lha mo thams cad g.yas brkyang gi/ /zhabs gnas 'bar ba'i phreng ba 'khrigs/ /thod pa'i phreng bas rnam par brgyan/ /spyan gsum mche ba rno zhing 'jigs/ /bdag nyid dngos grub 'dod gang gis/ /sngags kyi rgyal po dran par bya/ /de la sngags ni 'di'o/ /oM ha ya grI ba hrIHa haM a haM/ AM AM/ hUM hUM swA hA/ sngags 'di bsam gtan byas nas ni/ /rtag tu bzlas shing dran par bya/ /'bum phrag gnyis dang bye ba dang / /stong phrag gcig gis nad med 'gyur/ /sngon du nges par bsags pa yi/ /sdig pa'ang cung zad med par 'gyur/ /rnal 'byor dbang phyug dus kun du/ /srung bar byed cing bgegs med 'gyur/ /de yi sems kyis rta yi zhal/ /lha mo sa khams brtan par bsgom/ /byams pa 'phrog pa'i sems kyis ni/ /me long lta bu'i ye shes sbyor/ /lha mo ce spyang gdong de yis/ / chu yi khams kyi dbang bskur nas/ /snying rjer gyur pa'i sems kyis ni/ /mnyam pa nyid kyi ye shes gzugs/ /phag mo zhal gyi sbyor ba yis/ /me yis mi shes bsregs gyur nas/ /dga' bas rnam par dgyes pa yis/ /so sor rtog pa'i ye shes so/ /lha mo glang po gdong de yis/ /rlung zhes mngon par brjod par bya/ /btang snyoms dran pa'i sems kyis ni/ /bya ba grub pa'i sbyor ba las/ /sems ni dkar po'i gzugs kyis ni/ /sna tshogs gzugs su mngon par brjod/ /snying rjes brlan pa'i chos rnams ni/ /nag po'i sgra yi sgra nyid la/ /dkar po sdig pa 'joms pa ste/ /ser po dri ma med pa'i cha/ /dmar po byed pa'i chos rnams kyi/ /chags pa'i sems kyis de bzhin gshegs/ /zhabs bzhi rnam par dag pa ni/ /de yi rdzu 'phrul rkang pa bzhi/ /rnam pa bzhi po 'di yis ni/ /zhal nyid kyang ni 'dir gsungs so/ /sems kyi rang bzhin nam mkha' mtshungs/ /chos dbyings rnam par dag pa las/ /lam ni rnam par dag pa yis/ /gsang ba thob par mngon par brjod/ /gang tshe rgyu yi de nyid mthong / /'bras de nyid kyis rgyas btab bo/ /sangs rgyas bcom ldan 'das nyid kyi/ /thar pa spyan gyis gzigs pa nyid/ /shes rab med cing sems med pa'i/ /dud 'gro'i gdong can rnams kyis mthong / /bla ma dam pa'i gsung las ni/ /lha yi rnal 'byor gyis sbyangs pa/ /rgyud thams cad kyi snying po phyi ma'i rta mgrin gyi sgrub thabs rdzogs so// // paN+Di ta pra b+hA ka ras mdzad pa'o/ /[ ]@##/ /rgya gar skad du/ trai lo kya bi dza ya sA d+ha naM/ bod skad du/ 'jig rten gsum las rnam par rgyal ba'i sgrub thabs/ /dpal ldan rje btsun 'jig rten gsum las rnam par rgyal ba la phyag 'tshal lo/ /'dir dang po ma skyes pa rnams la sngon du gsungs pa'i cho gas nyi ma la hUM yig nag po las skyes pa'i rje btsun 'jig rten gsum las rnam par rgyal ba sku mdog mthing nag zhal bzhi ba/

CLOSE WINDOW