བོད་ཡིག

e-texts based on the ACIP/ALL Input

/de la nye ba'i sngags ni oM ku ru kul+le hrIHA mu ka me ba shi ku ru swA hA zhes pa'o/ /ku ru kul+le'i sgrub thabs rdzogs so//[ ]@##/ /rgya gar skad du/ kalpok+ta ku ru kul+le sA d+ha naM/ bod skad du/ rtog pa las gsungs pa'i ku ru kul+le'i sgrub thabs/ 'phags ma ku ru kul+le la phyag 'tshal lo/ /dang por re zhig sngags pas yid dang mthun pa'i gnas 'ga' zhig tu stan bde ba la nye bar 'dug ste/ bcom ldan 'das ma'i ras bris la sogs pa bkram ste phyi'i mchod pas mchod nas rang gi snying gar dri ma med pa'i zla ba yongs su gang ba'i 'od la dbyangs yig dang po las byung ba'i sems kyi zla ba rnam par bsgoms nas/ de'i sa bon dgod par bya ste/ dro ba rnams kyi bzhi pa ni/ /me yi yi ge'i steng du gnas/ /I yig dang ni yang dag ldan/ /nam mkha' gnyis kyis rnam par brgyan/ /de yi sems kyi 'od zer gyis/ /'gro ba rnams ni dri med byas/ /lhan cig la sogs khams rnams sbyangs/ /ku ru kul+le'i ri bor song / /yang dag bskul ba de yis ni/ /sgrol ma 'gugs shing mdun du 'phro/ /de la sa bon mchod chen gyi/ /mkhas pas sprin tshogs spro bar bya/ / me tog bdug pa de bzhin du/ /mar me dri dang zhal zas tshogs/ /sgeg mo phreng ma glu ma gar/ /de bzhin rol mo sogs kyis mchod/ /dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /'di yi sngags ni rnam gsum brjod/ /de nas bzod par gsol bar bya/ /de la tshigs su bcad pa 'dis/ /gang yang bdag blo rmongs pa yis/ /nyes byas cung zad gang bgyis pa/ /lus can kun gyi skyabs yin phyir/ /lha mo khyod kyis bzod par mdzod/ /byams pa'i sems la gnas pa ni/ /slar yang de la nges par bcing / /snying rje'i sems ni yang dag bskyed/ /rab tu dga' ba'i sems 'bab bya/ /phyi nas btang snyoms bya ba ste/ /kun nas sems tsam rnam par bzhag /sems ni stong pa nyid bya ste/ /rang gzhan rnam par spang bar bya/ / stong nyid me yis bsregs byas nas/ /phung lnga slar yang srid mi 'byung / /oM shU n+ya tA dz+nyA na badzra swab+hA wa At+ma kou0f85haM/ skad cig stong nyid sbyar byas nas/ /sems nyid kyi ni ngal gso bya/ /sngon gyi dam bcas dran byas la/ /sa bon tsam zhig slar yang bsam/ /gcig pu yongs su myang 'das na/ /bdag gis sems can bslus 'gyur la/ /srid pa'i rgya mtsho gting med las/ /de la ji ltar bdag gis gdon/ /zhes pa'i 'dod pas snying rjer bya/ /sems nyid stong nyid spang byas la/ /kun gyi khams kyi rang bzhin du/ /sems bskyed pa yi sems kyis ni/ /sangs rgyas byin rlabs nam mkhar ni/ /sa bon ut+bal de gyur las/ /ut+pa la ni zla ba'i gzugs/ /a yig dbyangs las yang dag byung / /zla ba de las sngar sa bon/ /de las 'od zer byung gyur pa/ /de yi rnam par sbyangs gyur par/ / 'jig rten khams rnams ma lus bsam/ /kun nas sbyangs par rtogs de yi/ /'od kyis sangs rgyas bye ba rnams/ /zhugs gyur de las ut+pa la bsam/ /de yis sgrol mar gyur byas te/ /sku mdog dmar po phyag bzhi ma/ /pad+ma dmar po'i gdan la bzhugs/ /skal bzang gos zung dmar pos brgyan/ /rna rgyan dmar po dbu rgyan bcas/ /phyag g.yas mi 'jigs pa dang ni/ /gzhan yang mda' ni bsnams pa'o/ /g.yon na gzhu dang gnyis pa na/ /ut+pal dmar po bsnams pa ni/ /ku ru kul+le'i phug son pa/ /A ro li ka'i dbu rgyan can/ /sgra gcan steng du 'dod lha yi/ /chung mar bcas pa'i gdan la bzhugs/ /sgyu rtsal kun dang ldan pa yi/ /de la rdo rje'i skyil krung bcas/ /yang dag rgyan rnams kun ldan pa'i/ /bcom ldan 'das ma bsgom par bya/ /dam tshig sems dpa' rdzogs pa la/ /ye shes 'khor lo spyan drang bya/ /skad cig rnam pas yongs rdzogs pa'i/ /ye shes 'khor lo mdun bzhugs la/ /dzaHhUM baM hoHzhes bya 'dis/ /dgug gzhug bcing dang mnyes par bya/ /dam tshig phyag rgya rab sbyor bas/ /zhal gyi lam nas gzhug bya ste/ /lag gnyis thal mo rab sbyar te/ /gang tshe legs sbyar smad bya ste/ /'di dag rtse mor bya ba ste/ /dbus su ming med bya ba la/ /'khri shing gung mo 'khyud pa'o/ /mtheb chen gnyis po 'og tu son/ /dam tshig 'di ni bcing byas nas/ /'dis ni 'khor lo rab gzhug bya/ /de nas dbang bskur zhu bya ste/ /sangs rgyas zhes bya'i tshigs bcad brjod/ /byang chub rdo rjes sangs rgyas la/ /mchod chen ji ltar stsal ba ltar/ /bdag kyang bskyab pa'i don gyi phyir/ /nam mkha'i rdo rje deng bdag stsol/ /cher gyur de rnams kyis sbyin byed/ /rgyal srid dbang bskur ming las ni/ /me tog dbang dang rdo rjes gnang / /spyan ma la sogs lnga rnams kyis/ /dbang bskur ba ni rdo rje che/ /khams gsum kun gyis phyag byas pa/ /sangs rgyas kun gyi gsang gsum gyi/ /gnas las byung ba sbyin par byed/ /sangs rgyas dbang bskur sgrol ma yi/ /chos kyi gtsug gi nor bur gyur/ /'od zer dmar po rnams kyis ni/ /'gro ba gsum po snang byed cing / /rin chen dbang bskur thob gyur nas/ /dngos grub thams cad bsgrub par bya/ /de ring sngon gsungs cho ga yis/ /lo phyed brtan par zhugs pa yi/ /bsgom pa'i rim pa sngon 'gro bas/ /thun mtshams gsum du gtor ma dbul/ /sgrol ma'i snying po 'di yis ni/ /ting nge 'dzin gyi sngags bzlas bya/ /oM ku ru kul+le/ hrIHhUM swA hA/ de nas sngon bsnyen yi ge 'bum/ /bzlas nas las ni brtsam par bya/ /cha shas kyis ni shes rab 'phel/ /cha shas gzhan gyis dbang du byed/ /de bzhin cha shas gsum pa yis/ /mi yi dug ni 'gugs par byed/ /'jig rten gyis ni mchod byed 'gyur/ /bud med sgeg ma myos pas kyang / /goms sbyor lha yi bu mo mdzes/ /ji ltar 'dod bzhin sngags 'dzin spyod/ /hrIHyig myos byed 'dab ma la bkod bud med rnams kyi lce 'dzag byed/ /de dag nyid kyang blo yis skye bo'i snying gi dbus su 'ga' zhig tu/ /mche ba rnams kyi sngon bsgoms dug 'joms chos kyi yi ge rang nyid 'bab/ /sgrol ma'i snying po 'jig rten gsum las rnam rgyal shes bya brtse ba'i gnas/ /rang nyid sgrol ma las skyes pa'i/ /ku ru kul+ler bsgom par bya/ /bsgrub bya de yi kha nang son/ /'dod pas myos par bsam par bya/ /ye shes sems dpa'i chu skyes las/ /spyi bor bdud rtsi'i rgyun 'bab bsam/ /brtul zhugs can gyis thun gsum bsgoms/ / nyi ma bdun gyis ltung bar 'gyur/ /rim pa goms pas dngos grub phran/ /mkhas pa yis ni bsgrub par bya/ /'dir ni dpal dang bcas gyur pa'i/ /dngos grub chen po nyid kyang 'grub/ /rtog pa las gsungs pa'i ku ru kul+le'i sgrub thabs rdzogs so//[ ]@##/ /rgya gar skad du/ ku ru kul+le karma pra sa ra pra yo ga /

CLOSE WINDOW