བོད་ཡིག

e-texts based on the ACIP/ALL Input

@##/ /rgya gar skad du/ a ra pa tsa na sA d+ha naM/ bod skad du/ a ra pa tsa na'i sgrub thabs/ 'phags pa 'jam dpal gzhon nur gyur pa la phyag 'tshal lo/ /dang por sa phyogs gtsang ma yid du 'ong ba skye bos dben pa'i sa phyogs 'ga' zhig tu stan bde ba la nye bar 'dug ste/ sdug bsngal gsum gyis sdug bsngal ba'i sems can gyi khams mtha' yas pa la bltas te/ sems can gyi rang bzhin de rnams 'jam pa'i dbyangs kyi go 'phang thob cing de'i go 'phang dang de bzhin du khyad par med par rab tu dgod par bya'o zhes pa'i snying rje la nye bar gnas pas bla na med pa'i sems kyi khyad par cha bzhi dang bzhis nye bar mdzes pa zla ba dang rin po che las byas pa'i dri gtsang khang gi mthil la ba dan sna tshogs brkyang zhing 'phyang ba dang ldan pa/ spos kyi phye ma'i phur ma dris yongs su khyab pas gang ba/ 'dod pa'i dri bsung 'byung zhing sbrang ma dga' ba'i gshog pa bskyod pas me tog kha phye ba sprul pa'i rin po che sna tshogs las bsgrubs pa'i seng ge'i gdan la bzhugs pa'i bla ma dang / sangs rgyas dang / byang chub sems dpa' rnams yid kyis dmigs te nye bar spyad pa lnga dang / gar dang glu dang rol mo la sogs pa'i rang bzhin gyi mchod pas yang dag par mchod nas/ bdag ni dbul te ci yang ma mchis pas de'i phyir bdag gi lus dbul zhing sangs rgyas la skyabs su 'gro ba la sogs pa'i chog gis dkon mchog gsum la skyabs su 'gro ba dang ldan pas sdig pa bshags par bya'o/ /slar yang mi byed par sdom pa dang / bsod nams la rjes su yi rang bar byas nas skad cig gis thams cad stong par blta'o/ /de nas nges par de bzhin du de'i don blta zhing rang bzhin dag pa'i sngags lan gsum brjod par bya'o/ /de'i rjes su yang de bzhin du stong pa nyid kyi tshig gis sngags yang lan gsum brjod par bya'o/ /de nas skad cig gis 'jig rten gsum po 'od kyi rang bzhin gyis snang bar byas nas/ de'i rjes su rang gi snying ga'i mchog gi yi ge yongs su gyur pa las bdud rtsi 'od zer gyi gzugs dag cing gsal ba'i d+hIHyig yongs su gyur pa las ral gri sngon po rnon po gzung bar bya'o/ /de'i chang pa'i gnas su dang po'i yi ge las skyes pa'i yid kyi 'od zer gyi ral gri'i sa bon la blta'o/ /bdag nyid dang lhan cig kha dog lnga po yongs su gyur pa las phyag g.yon na po ti bsnams pa/ rin po che lnga'i rgyan gyis cod pan byas pa/ ral pa'i lcang lo lnga dang ldan pa/ ban+d+hu ka'i mdog lta bu'i na bza' zung dang ldan pa/ ji lta ji ltar rig pa'i gnas kyi tshul 'dzin pas mdzes shing sgeg pa/ rgyan gyis brgyan pa 'dzum la 'phro bas 'gram pa'i gnas la ston ka'i zla ba tshogs pa lta bu'o/ /gcig tu byas pa'i gnas la mun pa sangs pa lta bu'i tshogs su byas pa blta bar bya'o/ / de nas rang gi snying ga'i yi ge'i tshogs pa thams cad yongs su gyur pa las 'khor lo rtsibs brgyad pa 'khor bzhin pa sor gcig tsam gyis ma reg pa de las byung ba'i zla ba'i dkyil 'khor/ de la yang de las skyes pa'i ral gri'o/ /de nas brgyad po yang de bzhin nyid du gyur pa'i tshogs la rang gi lus 'od zer rab tu 'bar bzhin pa las rkyal pa bzhin du rgyun mi 'chad par phyogs kyi mthar thug pa 'od zer dkar pos snang bar mdzad nas/ sna tshogs pad+ma'i 'dab ma'i steng du zla ba dri ma med pa'i dkyil 'khor gyis spras shing brtan pa la rdo rje skyil krung gis bzhugs pa'i 'jam dpal du bdag nyid blta bar bya'o/ /de nas rang gi snying ga'i yi ge'i tshogs yongs su gyur pa las 'khor lo rtsibs brgyad pa 'khor bzhin pa sor gcig tsam gyis ma reg pa de las byung ba'i zla ba'i dkyil 'khor de la yang de las skyes pa'i ral gri'o/ /de'i chang pa la yang de bzhin nyid du gyur pa'i zla ba'o/ /de la yang de bzhin du srog chen po'i yi ge blta'o/ /ral gri la sogs pa yongs su gyur pa las dang por gsungs pa'i sku mdog dang mtshan ma la sogs pa dang ldan pa'i 'jam pa'i dbyangs bsgom par bya'o/ /de'i mdun dang rgyab tu rang gi sa bon las skyes pa'i ral gri bskyed nas zla ba'i dkyil 'khor la bdag nyid kyi rgyus nyi ma'i 'od dang / zla ba'i 'od gtso bo bzhin du bsam par bya'o/ /'dis cho ga bzhin du stod g.yogs dang smad g.yogs dang bcas pa bdag nyid ji lta ba'i rgyan gyis brgyan pa'i skra can ma dang / nye ba'i skra can ma dag g.yas dang g.yon dag tu bsgom par bya'o/ /lnga po rnams kyi 'khor lo rtsibs brgyad pa lha rnams kyi rnam pa de bzhin du rang gi snying gar zla ba la rang rang gi sa bon las na bun byed pa dkar po ral pa dang ldan par blta'o/ /de nas gtso bo'i yi ge'i mthar gnas pa'i sa bon gyi 'od zer gyi sbubs las rtse mo 'khyog po spyi bo las byung ste/ khams gsum mtha' dag snang bar byas nas pad+ma'i gdan la gnas nas dam tshig sems dpa' dang ye shes sems dpa'i rang bzhin dbyer med par bsgom par bya'o/ /de rnams kyi mdun du gnas nas yid kyis phyi'i mchod pa sna tshogs pas mchod de/ hUM baM dzaHhoHzhes brjod nas gcig tu blta bar bya'o/ /de nas skad cig gis brtan pa la g.yas phyogs su myur du 'khor bzhin pa'i 'khor lo rtsibs brgyad pa'o/ /zla ba'i dkyil 'khor la gnas pa'i lha lnga po rnams mi g.yo bar blta'o/ /de nas ba spu'i khung bu nas zhugs shing 'thon te 'jig rten thams cad snang bar byas nas zla ba'i gdan la rab tu bzhugs te/ 'od zer gyi tshogs kyis ji srid mi ngal gyi bar du yang dang yang du bsam par bya'o/ /bsam gtan gyis ngal na yang rim pa yongs su gyur pa las ston ka'i zla ba ltar dkar ba'i zhal nas yi ge rnams 'thon par bsam zhing yi ge drug pa'i sngags kyi rgyal po bzlas par bya'o/ /'dir yang ngal zhing ldang bar 'dod nas ji ltar bde bar lha'i nga rgyal gyis gnas par bya'o/ / phyag na ral gri bsnams shing gsung mchog shin tu rno/ /ngag gi dbang phyug 'jam pa'i dbyangs kyi sgrub pa'i thabs/ /legs bris bdag gis yang dag gang thob 'di yis ni/ /'gro la phan phyir rgyal ba'i go 'phang myur thob shog /a ra pa tsa na'i sgrub thabs rdzogs so//[ ]@##/ /rgya gar skad du/

CLOSE WINDOW