བོད་ཡིག

e-texts based on the ACIP/ALL Input

/[ ]@##/ /rgya gar skad du/ shrI badzra A sa na sA d+ha naM/ bod skad du/ dpal rdo rje gdan gyi sgrub thabs/ dpal rdo rje gdan la phyag 'tshal lo/ /yon tan tshogs kyi gzhir gyur gzhan don bla med de bzhin gshegs pa kun la phyag 'tshal lo/ / dpal ldan rdo rje gdan zhes phun sum tshogs min 'joms shing 'khor ba'i skyon gyis ma gos pa/ /gang zhig dul zhing zhi ba mchog gi sangs rgyas nyid kyi de nyid sgrub pa'i thabs gyur pa/ /sna tshogs kha dog gis spras brgyan pa'i de bzhin gshegs pa la sogs bdag gis bri bar bya/ /de la mdun du 'og nas 'byung ba'i cho gas bcom ldan 'das sku mdog dang phyag mtshan la sogs pa dang ldan pa rnam par bsams te/ me tog la sogs pa dbul bar bya'o/ /oM na maHak+Sho b+h+yA ya hUM/ oM badzra puSh+pe hUM swA hA/ so sor lan gsum du dbul bar bya'o/ /oM na mo bai ro tsA na ya oM oM badzra puSh+pe hUM swA hA/ oM na mo rat+na saM b+ha bA ya trAM/ oM badzra puSh+pe hUM swA hA/ oM na mo a mi tA b+hA ya hrIH oM badzra puSh+pe hUM swA hA/ oM na mo a mo g+ha sid+d+ha ye aH/ oM badzra puSh+pe hUM swA hA/ oM na mo lo tsa nA yai lAM/ oM badzra puSh+pe hUM swA hA/ oM na mo mA ma kai mAM/ oM badzra puSh+pe hUM swA hA/ oM na maHpaN+Da rA yai paM/ oM badzra puSh+pe hUM swA hA/ oM na maHs+t+rA rA yai tAM/ oM badzra puSh+pe hUM swA hA/ slar yang mi bskyod pa'i gzugs la sogs pas rdo rje gdan la mang zhing ches rab tu mang ba'i me tog dbul bar bya'o/ /rim pa 'di nyid kyis te/ oM badzra d+hU pe hUM swA hA/ oM badzra gan+d+he hUM swA hA/ oM badzra nai bi d+ye hUM swA hA/ oM badzra dI pe hUM swA hA/ zhes pa la sogs pas mchod pa'i cho ga byas nas byams pa la sogs pa bsgom pa sngon du 'gro bas so/ /de nas rang gi snying gar a yig yongs su gyur pa las zla ba'i dkyil 'khor/ de'i steng du hUM yig gser gyi kha dog lta bu/ de las 'od zer 'phros pas bla ma dang / sangs rgyas dang / byang chub sems dpa' rnams bltas la/ de nas khrus dang me tog la sogs pa mchod pa'i sprin rab tu 'phros pas yang dag par mchod do/ /de nas sdig pa bshags pa dang / bsod nams la rjes su yi rang ba dang / dge ba yongs su bsngo ba dang / gsum la skyabs su 'gro ba dang / rgyal ba'i lam la brten pa dang / byang chub tu sems bskyed pa yang bya ste/ dkon mchog gsum la skyabs su mchi/ /zhes bya ba lu sogs pas so/ /de nas stong pa nyid bsgom par bya'o/ /chos thams cad rang bzhin med pa'i ngo bo nyid rnam par bsgoms nas/ yi ge'i gzugs byang chub kyi sems kyi rang bzhin 'od gsal ba'i bdag nyid blta bar bya'o/ /brtan par bya ba'i don du sngags brjod par bya'o/ /oM swa b+hA wa shud+d+hAHsarba d+harmaHswa b+hA wa shud+d+hou0f85haM/ de bzhin du 'od zer gyi gzugs yongs su gyur pa las zla ba'i dkyil 'khor ro/ /de'i steng du hUM gi yi ge la a la sogs pa'i dbyangs yig bcu drug gis yongs su bskor ba'o/ /gzhan yang ka yig la sogs pa'i sde tshan rnams kyis yongs su bskor ba'o/ /thams cad kha dog dkar po ste/ ma lus pa yongs su gyur pa las zla ba'i dkyil 'khor gyi gzugs su bsam par bya'o/ /de'i steng du hUM yig gi sa bon de yongs su gyur pa las rdo rje kha dog ser po'o/ /de la yang rdo rje'i lte ba la hUM yig go/ /de rnams thams cad yongs su gyur pa las rdo rje gdan gyi sku gser gyi mdog lta bu'o/ /de'i gdan bdud rnam pa bzhi ste/ de yang phung po dang / nyon mongs pa dang / 'chi bdag dang / lha'i bu'i bdud rnams ser po dang / dmar po dang / nag po dang / sngon po'i kha dog rnams rim pa ji lta ba bzhin du gzugs 'di rnams rnam par bsgom par bya'o/ /bdud 'di rnams kyis yongs su byas pa'i seng ge'i khri/ de'i steng du sna tshogs pad+ma dang rdo rje la bzhugs pa'i bcom ldan 'das zhal gcig phyag gnyis pa rdo rje'i skyil krung gis bzhugs pa/ phyag g.yas pa sa gnon gyi phyag rgya dang ldan pa/ g.yon pa gan rkyal du pang du bzhag pa'o/ /na bza' dmar po sku la bsnams pa zhi ba'i bdag nyid rnal 'byor pas bsgom par bya'o/ /de nas nga rgyal bskyed par bya ste/ oM d+harma d+hA tu swa b+hA wa At+ma kou0f85haM/ de nas bcom ldan 'das kyi g.yas phyogs na byang chub sems dpa' byams pa sku mdog ser po/ phyag gnyis pa ral pa'i cod pan 'dzin pa/ phyag g.yas pa na rin po che'i rnga yab bsnams pa/ g.yon na klu shing gi yal ga me tog dang bcas pa bsnams pa'o/ /de bzhin du g.yon na byang chub sems dpa' 'jig rten dbang phyug sku mdog dkar po phyag g.yas na rin po che'i rnga yab bsnams pa/ g.yon na pad+ma bsnams pa/ bcom ldan 'das kyi zhal la blta zhing 'khod pa bsgom par bya'o/ /de nas yan lag drug tu yi ge drug dgod par bya ste/ bcom ldan 'das kyi spyan gnyis la zla ba'i dkyil 'khor/ de'i steng du yi ge k+ShiM kha dog dkar po'o/ /snyan gnyis la zla ba'i dkyil 'khor gyi steng du dzrIM yig kha dog sngon po'o/ /shangs gnyis la zla ba'i dkyil 'khor gyi steng du khaM yig kha dog ser po'o/ / ljags la zla ba'i dkyil 'khor gyi steng du gaM yig kha dog dmar po'o/ /dpral bar zla ba'i dkyil 'khor gyi steng du kaM yig kha dog ljang gu'o/ /nu ma'i dbus su zla ba'i dkyil 'khor gyi steng du saM yig kha dog dkar po'o zhes bya ba ni yan lag drug la dgod pa bsgom par bya'o/ /de nas rang gi snying gar zla ba'i dkyil 'khor la hUM yig yongs su gyur pa las rdo rje/ de'i lte ba la zla ba'i dkyil 'khor de'i steng du hUM yig go/ /de thams cad yongs su gyur pa las ye shes sems dpa' bzhin du bsam par bya'o/ /spyi bor zla ba'i dkyil 'khor gyi steng du oM yig yongs su gyur pa las 'khor lo kha dog dkar po/ de'i dbus su zla ba la gnas pa'i oM yig ces bya ba ni bcom ldan 'das kyi sku rnam par dag pa bsgom pa'o/ /mgrin par zla ba'i dkyil 'khor de'i steng du AHyig yongs su gyur pa las pad+ma 'dab ma brgyad pa kha dog dmar po/ de'i dbus su zla ba'i dkyil 'khor la gnas pa'i AHyig ces bya ba ni bcom ldan 'das kyi gsung rnam par dag pa bsgom pa'o/ /lte ba'i dbus su zla ba'i dkyil 'khor de'i steng du hUM yig yongs su gyur pa las rdo rje kha dog nag po/ de'i dbus su zla ba'i dkyil 'khor la gnas pa'i hUM yig ces pa ni bcom ldan 'das kyi thugs rnam par dag par bsgom pa ste/ sangs rgyas sgrub cing sangs rgyas nyid kyi 'bras bu ster ba'o zhes so/ /de nas nam mkha' la gnas pa'i bcom ldan 'das snying ga'i sa bon gyi 'od zer gyis bkug nas dzaHhUM baM hoHzhes pa'i yi ge bzhis mdun du dgod par bya'o/ /de nas mchod yon dang zhabs bsil dang zhal bsil dang / bsang gtor rnams dbul bar bya'o/ /phyi nas 'o thug la sogs pa'i ston mo dbul bar bya'o zhes pa ni bdud rtsi myang bar bya'o/ /de nas/ sangs rgyas kun la phyag 'tshal lo/ /zhes pa'i bstod pa 'dis bstod par bya'o/ /de nas ye shes sems dpa' dang dam tshig sems dpa' gcig tu byas te/ sa ma ya s+t+waM/ sa ma ya s+t+waM/ sa ma ya s+t+waM a haM oM AHhUM zhes bya ba'i sngags 'dis gnyis su med par bya'o/ /de nas bsgoms pas ngal na sngags bzlas par bya'o/ /oM AHbadzra hUM swA hA zhes pa'i sngags bzlas par bya'o/ /phyi nas bsod nams yang dag par rdzogs pa'i byang chub tu bsngos nas gshegs su gsol te ji ltar 'dod par gnas par bya'o/ /bsod nams 'di yis sems can thams cad kyis de bzhin gshegs pa'i ye shes myur du thob par gyur cig /rje btsun rdo rje gdan gyi sgrub thabs kyi man ngag gi cho ga rdzogs so// //

CLOSE WINDOW