བོད་ཡིག

e-texts based on the ACIP/ALL Input

@##/ /rgya gar skad du/ sA d+ha na sa muts+tsha ya nA ma/ bod skad du/ sgrub thabs kun las btus pa zhes bya ba/ sangs rgyas dang byang chub sems dpa' thams cad la phyag 'tshal lo/ /srid dang ngan 'gros dub rnams la/ /bde dang phun tshogs kun 'byung zhing / /yid bzhin nor ltar rmad byung ba'i/ /dpal ldan dam tshig gsum phyag 'tshal/ / slob dpon sngon ma'i sgrub pa'i thabs/ /yang dag yod bzhin 'dir ston pa/ /ci ste mangs pas 'jigs rnams la/ /bsdus nas nye bar bstan par bya/ /'di nyid du dpal ldan dam tshig gsum gyi rgyal po'i rgyud chen po'i dkyil 'khor du rdul tshon gyi dkyil 'khor la spyir dbang bskur ba thob pa de las gsungs pa rnams sngags pa dam tshig dang sdom pa la gnas pas sngon du bsnyen pa bya ste/ ri dang dgon pa la sogs pa rnams su phug gam khyim mam skyed mos tshal la sogs pa'ang rung ste/ gtsang zhing skye bos dben pa yid du 'ong ba rnams su gnas nas/ dang po re zhig 'dir rtsa ba'i sngags ni sangs rgyas kyi sku gzugs kyi drung du maN+Dal me tog sil ma mngon par bkram ste/ phyag 'tshal nas byang chub tu sems bskyed bya zhing sangs rgyas dang byang chub sems dpa' thams cad la bdag nyid nges par phul nas de la phyag 'tshal bar dmigs nas bzlas pa brtsam par bya ste stong phrag gcig bzlas par bya'o/ /de nas sngags thams cad 'bum bzlas par bya ba yin no/ /srung ba la sogs pa thams cad kyi sngags kyis 'di'i dngos grub tu 'gyur ro/ /de la 'dir rig sngags ni/ /na maHsarba bud+d+ha bo d+hi sa twA nAM/ a ma lA ma la hA ra ka a nan+tAHsarba b+hU tAHsarba dzi nA a sI ma niSh+ThA ba ra dA ma ma de tu a t+yu dA raM ba ra ma/ g+r+yaM sa ma sarba dA a nan+taM ta tra me badzra pa dA/ a ra ra a sa ma sa ma sa man+tA nan+tA d+harma te/ kha Na kha Na/ ma hA bI rA tsa le/ sa ma sa ma/ a sa ha ma hA ba le/ ka Na ka Na/ ma hA bA rA gri ke ha ha ha ha badzra badzra a d+hA ye d+ha ra hUM hUM/ maN+Da laM sa ma ba lA gra bi kra me ku ru ku ru/ tu ru tu ru/ sarba thA sarbaM hi dz+wa la dz+wa la/ a gre a gri Ni hUM phaT phaT swA hA/ de nas las kyi sgrib pa thams cad zad pa'i don du de bzhin gshegs pa thams cad kyi snying po yi ge brgya pa'i cho gas stong phrag brgyad bzlas par bya'o/ /dam pa'i chos sun phyung ba dang mtshams med pa la sogs pa'i las kyi sgrib pa rab tu 'joms pa ni 'di'o/ /na ma s+t+rai ya d+h+wi kA nAM ta thA ga tA nA na/ sarba trA pra ti ha ta bAp+ti d+harma ta ba li nAM a sa ma sa ma sa man+ta to/ a nan+ta tA bAb+ti shA sa na/ ha ra ha ra/ sma ra sma ra Ne bi ga ta rA ga bud+d+ha d+harma te/ sa ra sa ra/ sa ma pa lA/ ha sa ha sa/ tra ya tra ya/ ga ga na/ ma hA ba ra lak+Sha Ne/ dz+wa la dz+wa la na sA ga re swA hA/ de nas rang dang gzhan gyi dge ba'i phyir/ sgrub thabs kyi cho ga'i yan lag bzhin sngon du bsnyen pa'i cho gas rjes su gnas par bya'o/ /de la dang po rab tu snga bar langs te/ sangs rgyas dang byang chub sems dpa' thams cad dang / bdag po rnams la lhag pa'i bsam pas de bzhin du phyag 'tshal nas/ mtha' yas 'jig rten khams rnams na/ /ji snyed rgyal ba sras bcas la/ /lus dang ngag dang yid rnams kyis/ /kun nas bdag ni phyag 'tshal lo/ /de nas byang chub tu sems bskyed par bya ste/ lus can rnams kyi byang chub phyir/ /yang dag byang chub sems bskyed nas/ /sems can kun la sman gyur phyir/ /bzang po spyod pa spyad par bgyi/ /de nas bgegs thams cad gzhom pa'i don du mi g.yo ba'i snying po don yod gtum po rdo rje'i phyag rgya bcings nas lan gsum brjod par bya'o/ /de la 'dir rdo rje'i phyag rgya ni lag pa g.yas pa spyi bor brkyang nas mthe bo che'i mdzub mo'i rtse mo mnan par bya'o/ /lhag ma ni rdo rje'i mtshan nyid do/ /sngags ni/ namaHsa man+ta badzrA NAM trAT/ a mo g+ha tsaN+Da ma hA ro Sha Na phaT ya/ oM b+h+ra ma ya b+h+ra ma ya/ oM trAT haM maM/ bkra shis bcings nas/ sor mo rnams 'khyud la khu tshur gyis nang du byas nas/ gung mo'i rtse mo dang / mdzub mo dag dang / mthe bong dang gung mo'i rtse dag kyang cung zad ma reg par gzung bar bya'o/ /sngags ni/ oM ha ra ha ra ma hA ni min+ta hUM phaT swA hA/ de nas zhal bsang ba la sogs pa byas nas stan bde ba la nye bar gnas te/ ras ris dang po ti dang sku gzugs la sogs pa dang / gzhan gyi drung du'ang rung ste/ phyogs bcu na bzhugs pa'i sangs rgyas dang byang chub sems dpa' rnams la dmigs te/ me tog sil ma gcal du bkram la maN+Dal byas nas sngon ma bzhin du tshigs su bcad pa dang / yan lag thams cad kyis phyag btsal nas/ de bzhin du sangs rgyas dang / byang chub sems dpa' rnams la bdag nyid phul nas/ byang chub tu sems bskyed par bya ba ni/ bdag ming 'di zhes bgyi ba sangs rgyas dang / byang chub sems dpa' rnams la thams cad du bdag nyid 'bul bas dus thams cad du gzung du gsol/ /sangs rgyas dang / byang chub sems dpa' thams cad kyis bdag la byin gyis brlab tu gsol/ mgon po thugs rje chen po rnams kyis bdag la mchog gi dngos grub rnams stsal du gsol zhes so/ /de nas sdig pa thams cad bshags par bya ste/ 'dod chags dang / zhe sdang dang / gti mug las skyes pa'i dus thams cad kyi sdig pa thams cad ji ltar sangs rgyas bcom ldan 'das rnams kyis mkhyen bzhin du ma lus par bdag gis bshags par bgyi'o/ /de nas bsod nams la rjes su yi rang ba ni/ sangs rgyas dang / byang chub sems dpa' thams cad kyi bsod nams dang ye shes kyi tshogs gang zhig 'jig rten dang / 'jig rten las 'das pa ji ltar dus gsum gyi sangs rgyas bcom ldan 'das rnams kyis mkhyen pa'i rjes su yi rang ba'i mchog de rnams la rjes su yi rang ngo / /de nas skyil mo krung gis gnas nas 'dir dam tshig phyag rgya bcing bar bya'o/ /thal mo sbyar ba spyi bor bzhag pa ni dam tshig gi phyag rgya'o/ /sngags ni/ namaHsu sid+d+hi sA d+ha ni a gre kA ru Ne/ ba ra de ta yi ta yi a ti pa le na ma stu ba ra sid+d+hi da ya ke b+h+yoHma hA kri se b+h+yaHswA hA/ 'di ni phyag rgya thams cad kyi sngags rnams kyi dam tshig la yang dag par mthong bar 'gyur ro/ /de nas sngon bzhin du rdo rje'i phyag rgya bcings nas mi g.yo ba'i snying po rjes su dran par bya'o/ /namaHsa man+ta badzrA NAM/ a tsa la kA Na tsaN+Da sA d+ha ya hUM phaT/ de nas rdo rje gtsug tor gyi phyag rgya spyi bor dgod par bya ste/ lag pa g.yas pa'i khu tshur la mthe bong gnas par bya'o/ /sngags ni/ na maHsarba bud+d+ha bo d+hi satwA nAM tri shi khA gri na me stu te sa man+ta/ da shA man+t+rA gri gu Na a tsa lo gra/ d+harma bi d+hu nA hi kle sha duHkha dzA lA na dza ga taHsarba su khAM da dA haM tsa shu tra tre ya ma tri sa ma ye ku ru swA hA/ 'dis ni sngags pa rnams la mi zad pa'i srung ba chen po ste/ bgegs med pa'i dngos grub tu 'gyur ro/ /slar yang mi tshugs pa'i srung ba chen po gnas lnga rnams su dgod pa byas pas srung ba chen por 'gyur ro/ /thal mo gan rkyal du byas nas mthe'u chung dang ming med lag pa'i mthil du byas te/ mthe'u chung gi rtse mo phyir bya'o/ /ming med cung zad dma' bar byas nas/ de'i steng du mthe bong dgod par bya'o/ /gung mo dag rtse mor byas te de'i logs su mdzub mo cung zad bkug nas tshigs gsum par bkod pa ni mi tshugs pa zhes bya ba'i phyag rgya'o/ /sngags ni/ na maHsa man+ta badzrA NAM/ oM haM hUM phaT/ ya sa he hUM phaT/ de nas go cha chen po gzhan gyis mi thub pa rdo rje'i go char bya ste/ mthe'u chung dang mtheb chen dag lcags sgrog tu byas nas gzhan rnams rtsa ba dang / dbus dang rtse mo yang dag par sbyar ba ni gzhan gyis mi thub pa'i phyag rgya'o/ /sngags ni/ na maHsa man+ta badzrA NAM/ oM haM hUM badzra ma ye/ ba kA ba tse ho badzra badzra hUM phaT/ de de bzhin du byas pas bdud rnams kyis shin tu mi tshugs par 'gyur ro/ /de ltar bdag nyid srung bar byas nas gnas bsrung bar bya'o/ /de la rdo rje gdan gyi phyag rgyas/ rdo rje gdan gyi rang bzhin du byin gyis brlab par bya ste/ rdo rje skyil krung bcings nas pang du lag pa g.yon pa gan rkyal du byas pa'i steng du lag pa g.yas pa bzhag pa ni rdo rje gdan gyi phyag rgya'o/ /sngags ni/ na maHsa man+ta badzrA NAM/ oM haM hUM badzrA sa ne baM hUM phaT/ de nas rdo rje'i gzhal yas khang gi phyag rgyas rang gi gnas rdo rje'i rang bzhin du byin gyis brlab par bya ste/ thal mo sbyar nas mdzub mo gnyis dang ming med gnyis kyang tshigs dbus ma bkug nas nang du bcug ste/ ka ba bzhi bzhin du byas nas/ lhag ma rtse mor byas pa ni rdo rje'i gzhal yas khang gi phyag rgya'o/ /sngags ni/ na maHsa man+ta badzrA NAM/ oM haM hUM/ badzrA gra b+hu ba ni maM hUM phaT/ de nas rdo rje'i ra ba'i phyag rgya de la dgod par bya ste/ thal mo gan rkyal du byas nas ming med gnyis dbus su byas/ gung mo rtse mor byas te/ mdzub mo gnyis rdo rje'i rnam pas tshigs gsum par dgod do/ /mthe bo dag la logs su byas pa ni/ ra ba'i phyag rgya'o/ /sngags ni/ na maHsa man+ta badzrA NAM/ oM haM hUM/ badzra maN+Da le/ ban d+ha ban d+ha hUM phaT/ de nas de'i steng du rdo rje'i gur te/ de'i phyag rgya dgod par bya ste/ thal mo sbyar nas ming med gnyis dang / mdzub mo gnyis phyir bzlog nas rgyab tu bcag ste/ gung mo rtse mor bya'o/ /de bzhin du mthe'u chung dang mthe bo dgod de gur gyi phyag rgya'o/ /sngags ni/ na maHsa man+ta badzrA NAM/ oM haM hUM/ badzrA gra b+hu ba ne hUM hUM phaT/ de nas rdo rje 'bar ba ni phyi rol te de'i phyag rgya dgod par bya ste/ lag pa mi 'jigs par bya ba'i steng du/ lag pa g.yon pa'i sor mo'i tshigs g.yas su bskor ba ni rdo rje 'bar ba'o/ /sngags ni/ na maHsa man+ta badzrA NAM/ oM haM hUM/ badzrA dz+wa le hUM phaT/ de nas mtshams bcing bar bya ste/ lag pa g.yas pa khu tshur bcings nas/ sdigs mdzub bsgreng ste g.yas su bskor ba ni mtshams med pa ste mtshams bcing ba'o/ /de'i sngags ni/ na maHsa man+ta badzrA NAM/ oM haM hUM/ ma hA si ma ban+d+he/ ban+d+ha ban+d+ha/ badzra badzri Ni hUM phaT/ de nas de bzhin du srung ba dang / yo byad dang bcas pas rang gi gnas su gnas nas/ ji ltar sangs rgyas dang byang chub sems dpa' rnams la de bzhin gshegs pa rnams mchod pa'i phyag rgyas mchod yon dbul bar bya'o/ /de nas dngos grub kyi mchog ster ba po rnams kyis dgongs par 'gyur ro/ /lag pa khu tshur bcings nas mthe'u chung nas dgrol ba ni de bzhin gshegs pa rnams mchod pa'i phyag rgya'o/ /sngags ni/ na maHsarba bud+d+ha bo d+hi sa twA nAM aHa ma la bi kran+ta te dzi ni/ a ra dze swA hA/ de nas phyi'i dri dang nye bar spyad kyi yo byad la rdo rje mi g.yo ba'i phyag rgyas yongs su sbyangs te dri la sogs pa rnams so so la rang gi sngags kyis lan brgyad du mngon par bsngags nas mchod par bya'o/ /de la dri'i sngags ni/ na ma s+t+rai yaM d+h+wi kA nAM sarba ta thA ga tA nAM/ a sa ma gan+d+ho ta me b+ha bA ti/ sba ra hi maM ga ga na kaM ma ho da ye/ sarbAr+tha sA d+ha ni swA hA/ me tog gi sngags ni/ na ma s+t+rai ya d+h+wi kA nAM/ sarba ta thA ga tA nAM/ a brtA brta ma hA su kha ba ti swA hA/ bdug spos kyi sngags ni/ na mas+t+rai yaM d+h+wi kA mAM sarba ta thA ga tA nAM/ a gre a gra ni khe/ a gra shi She d+hu ma shi She swA hA/ mar me'i sngags ni/ na mas+t+rai yaM d+h+wi kA nAM/ sarba ta thA ga tA nAM a lan+te dz+wA lan+te dI pa dz+ye ti shi khe swA hA/ zhal zas kyi sngags ni/ na mas+t+rai yaM d+h+wi kA nAM/ sarba ta thA ga tA nAM/ a ra ra/ pa ra ra/ ka ra ra/ ba li de ba li da dA hi ma hA ba li swA hA/ de nas phyogs bcu'i 'jig rten gyi khams na yod pa'i sna tshogs pa'i mchod pa gzhan yang dbul bar bya'o/ /phyag 'tshal ba'i thal mo sbyar nas/ bdag pos yongs su ma bzung ba'i phyogs bcu'i 'jig rten gyi khams kyi mchod pa'i yan lag khyad par du 'phags pa thang las skyes pa'i rin po che'i ri bo dang / dpag bsam gyi shing la sogs pa rnams dang / chu las skyes pa rgya mtsho'i rin po che la sogs pa gser dang / chu skyes la sogs pa rnams dang / gzhan yang 'jig rten gyi khams rnams na gang zhig lha dang mi sna tshogs pa'i gzugs dang / sgra dang / dri dang / ro dang / reg bya la sogs pa de rnams thams cad sangs rgyas dang / byang chub sems dpa' rnams la bdag gis dbul bar bgyi'o zhes brjod par bya'o/ /yid kyis rang bzhin gyi mchod pa'i sprin de bzhin du rab tu dbul bar bya'o/ /gang ba'i phyag rgya rtse mo cung zad bkug nas phyag 'tshal ba'i thal mo sbyar ba'i mtshan nyid bcings nas de bzhin du byas te/ sangs rgyas dang / byang chub sems dpa' thams cad kyi byin gyi rlabs kyi stobs dang / bdag gi smon lam dang / bsod nams kyi stobs dang / rig sngags kyi stobs kyis sangs rgyas dang / byang chub sems dpa'i 'khor gyi dkyil 'khor rnams la mchog tu rgya chen po byang chub sems dpa' kun du bzang po'i spyod pa las mngon par thob pa'i mchod pa'i sprin chen po rab tu 'phro bar bsams nas/ 'dir mchod pa byin gyis brlab par bya ste/ rig pa chen mo'i rgyal mo lan brgyad du brjod par bya'o/ /na maHsarba bud+d+ha bo d+hi satwa nAM/ sarba thA khaM/ ung+ga te s+pha ra Na hi maM ga ga na khaM sa man+taHswA hA/ de nas sangs rgyas dang / byang chub sems dpa' thams cad kyi sna tshogs pa'i yon tan brjod cing / glu dbyangs kyi sprin gyi rgya mtsho dang / chos kyi glu dbyangs kyi sprin gyi rgya mtsho rnams yongs su dag pa'i 'jig rten gyi khams thams cad nas dbul bar bsam mo/ /'dir glu dbyangs kyi bstod pa'i sprin rnams kyis mchod par byas nas rig pa'i rgyal mo 'di lan brgyad du bzlas par bya'o/ /na maHsarba bud+d+ha bo d+hi satwA nAM/ sarba sa tra saM ku su mi tA bi dz+nyA rA shi ni na ma stu te swA hA/ de nas 'jig rten gyi khams kyi rgya mtsho thams cad kyi sems can thams cad kyi bdag nyid kyi rang bzhin dang / mnyam pa'i sangs rgyas dang / byang chub sems dpa' thams cad kyi sprul pa'i sprin tshogs rnams kyi nges par spyod pa'i mdzad pa kun gyis sems can thams cad kyi sdug bsngal thams cad rab tu zhi ba dang / 'jig rten dang / 'jig rten las 'das pa'i phun sum tshogs pa ji snyed pa/ kun du bzang po la sogs pa yongs su dag pa thob par bsam par byas nas rig pa'i rgyal mo chen mo 'di lan brgyad bzlas par bya'o/ /na maHsarba bud+d+ha bo d+hi satwA nAM/ na ma stu te ma hA badzra sarba satwa hi ka ra/ tiSh+Tha sarba tra sarbe ShAM/ sarba d+harmA NAM/ a d+hiSh+Tha ya swA hA/ 'di rnams thams cad mchod pa la sogs pa'i sngags kyi stobs kyis bden pa'i rang bzhin du mos pa bya zhing dge ba'i rtsa ba bla na med pa yang dag par rdzogs pa'i byang chub tu yongs su bsngo bar bya'o/ /ji ltar sangs rgyas bcom ldan 'das rnams kyis mngon du rjes su mkhyen nas yongs su bsngo ba dang ldan pa bzhin du dge ba'i rtsa ba 'di yang de bzhin du bdag gis yongs su bsngo bar bya'o/ /bsod nams 'dis bdag kun du bzang po'i spyod pas mngon par byang chub nas sems can thams cad kyang kun du bzang po'i spyod pa dag pa la rab tu gnas par gyur cig / de nas sangs rgyas dang byang chub sems dpa' thams cad kyi byin gyi rlabs kyis so sor thob pa'i don du de'i phyag rgya bcings nas sngon du gsungs pa'i yi ge brgya pa rjes su dran par bya'o/ /yang na yi ge lnga pa'o/ /lag pa gnyis phan tshun rgyab sbyar nas sor mo rnams steng du kha sbyar te/ mdzub mo dang / mthe'u chung dag lcags sgrog gi rnam par byas nas gung mo dang ming med dbus su rtse mor byas/ mtheb chen gnyis mnyam du steng du rtse mo bstan pa ni yi ge brgya pa'i phyag rgya'o/ /yi ge lnga pa'i phyag rgya ni thal mo yang dag par sbyar nas mdzub mo gnyis kyis mtheb chen gyi rtse mo bsdams nas/ lhag ma ni de bzhin du rtse mo'i rnam pa'o/ /sngags ni/ na maHsarba bud+d+ha bo d+hi satwA nAM/ AHbI ra hUM khaM/ de nas phyag rgya thams cad yang dag par bsdus pa las byung ba kun gyi gtsug tor snang ba chos kyi phyag rgya bcing bar bya ste/ lag pa gan rkyal du mnyam du brkyang nas/ mi 'jigs pa'i lag pas ming med lag pa'i dkyil dang / mtheb chen gyi rtse mor sen mos sen mo yongs su bzung ste mtheb chung rtse mo'i rnam par byas te/ tshigs kyi rtse mo de bzhin du gung mo dang mnyam du sen mo'i rtse mor byas pa ni gtsug tor kun du snang ba'o/ /de bzhin du de rnams kyi mdzub mo dag bkug nas sen mo'i rtse mo la sbyar te/ maN+Dal gyi rnam pa ni chos kyi 'khor lo'i phyag rgya'o/ /sngags 'di dag go rims ji lta ba bzhin du'o/ /AM maM haM oM d+hu na ya ta yats+tshan+da tsa kre na badzri Ni hUM/ 'di dag gis sngags gzhan yang bcings nas lan cig brjod de/ gnas shing 'dug nas bzlas par bya'o/ /bdud la sogs pa rnams zil gyis gnon cing / dngos grub rnams mngon du byed par 'gyur ro/ /de nas dngos grub myur ba'i don du chos 'byung gi phyag rgyas bcings nas de'i sngags rjes su dran par bya'o/ /lag pa g.yon pas khu tshur bcangs nas mdzub mo dang mthe'u chung steng du brkyang ba ni chos 'byung gi phyag rgya'o/ /sngags ni/ na maHsarba bud+d+ha bo d+hi satwA nAM aHsarba thA sarba trAn ke swA hA/ rang gi phyag rgyas kyang sngags lan cig brjod nas dam tshig blta bar bya'o/ /rang gi phyag rgyas ji ltar sbyar bar rig par bya'o/ /de nas sangs rgyas dang / byang chub sems dpa' thams cad la phyag 'tshal bar dmigs nas bzlas pa brtsam par bya ste/ ji ltar 'dod pa bzhin no/ /sngags myur ba dang / bul ba dang / mi bden pa'i rtog pa spangs nas/ sngags kyi yi ge la sems ji srid ngal bar ma gyur pa de srid du bzlas par bya'o/ /de nas langs nas 'phags pa sdong po bkod pa'i mdo la sogs pa de bzhin gshegs pa'i snying po lan cig rjes su dran par byas te bklag par bya'o/ /mchod pa'i mthar phyag 'tshal nas zas bza'o/ /zas za ba'i dus su yang sngags 'dis zas la lan brgyad du mngon par bsngags nas phud kyi chang bu bzhag ste/ sangs rgyas dang byang chub sems dpa' thams cad la zhal zas phul nas bar ma la longs spyod par bya'o/ /de la sngags ni 'di'o/ /na maHsarba bud+d+ha bo d+hi satwA nAM/ oM ba liM da dA te dzo ma li ni swA hA/ zas zos pa'i lhag ma 'phags pa mi g.yo ba don yod gtum po'i snying pos lan cig mngon par bsngags nas lhag ma'i chang bu sbyin par bya'o/ /de dang rjes su 'brel pas dngos grub ci bde ba ster bar 'gyur ro/ /zos pa dang ngal bsos pa'i mthar yang sdig pa bshags pa la sogs pa byas nas dam pa'i chos kyi gtam la sogs pas gnas par bya'o/ /gal te nus par 'gyur na'o/ /phyi dro'i dus su yang thams cad bsrung ba la sogs pa yongs su bya ba dang / mchod pa la sogs pa byas nas bzlas pa bya'o/ /yang na snga dro'i thun la/ de bzhin du srung ba la sogs pa ma gshegs par gnas pa la/ de bzhin du mos pa brtan pos 'phags pa mi g.yo ba'i rdo rje'i phyag rgyas bgegs thams cad bskrad nas/ yi ge lnga pa la sogs pa rnams kyi phyag rgya gzhan dang bcas pas srung ba byas nas/ mchod pa dang bstod pa la sogs pa'i cho ga sngon bzhin du byas te/ bzlas pa bya'o/ /phyi dro'i dus su yang ra ba dang gur la sogs pa gshegs nas 'od zer phreng bas go cha bya'o/ /phan tshun du sor mo rnams 'khyud pa nang du khu tshur bcangs te gung mo rtse mo'i rnam par byas nas brkyang pa la mdzub mo gnyis de'i tshigs gsum par bzhag ste/ mthe bong dag la logs su byas pa ni/ 'od zer gyi phreng ba'i phyag rgya'o/ /sngags ni/ na maHs+t+rai ya d+h+wi kA nAM/ ta thA ga tA nAM ma hA sa ma ya ga te ga te/ sa ma te sa ma te/ sa ma sarba thA satwA tra Na ke/ d+harma d+hA twar+ya na tA saM ga te swA hA/ nam gyi cha stod dang / cha smad la mi nyal bar dam pa'i chos kyi kha ton la sogs pa bya'o/ /gung thun la khri la sogs pa spangs pa'i nyal sa la sangs rgyas dang / byang chub sems dpa' thams cad la yan lag thams cad kyis phyag 'tshal ba bzhin du nyal bar bya'o/ /zhu ba yang bya ste/ sangs rgyas dang byang chub sems dpa' bla na med pa'i dngos grub kyi mchog ster ba po thams cad kyis bdag la byin gyis brlab tu gsol/ bar du gcod pa thams cad rab tu zhi bar mdzad du gsol zhes so/ /de bzhin du cho ga 'dis nyi ma so so la ji srid zla ba gang gang gi bar du 'bum bzlas par bya'o/ /yang na ji srid dngos grub kyi mtshan ma ma byung gi bar du'o/ /de nas zla ba la sogs pa'i tshes grangs la zas bcad cing smyung bar gnas nas gso sbyong gi sdom pa gzung bar bya ba ni/ shing lo'am/ ku sha'i chun po'i steng du nye bar bsdad nas mchod rten dang / thang sku dang po ti dang / sku gzugs la sogs pa gzhan ji ltar rnyed pa'i drung du me tog sil ma gcal du bkram pa'i maN+Dal byas nas srung ba dang / mchod pa'i bya ba byas nas/ sngon bzhin chos 'byung gi phyag rgya bcings nas/ de'i sngags rjes su dran par bya'o/ /de nas rang gi lha'i phyag rgya bcings te/ de'i sngags bdun nam brgyad bzlas nas dam tshig blta bar bya'o/ /de nas sangs rgyas dang / byang chub sems dpa' thams cad la phyag 'tshal te 'khor lo dang rdo rje la sogs pa 'dzin pa'i de bzhin gshegs pa kun du bzang po'i sku la sogs pa dag cing rang gis mngon par 'dod pa'i dngos grub kyi snying po blang ba'i phyir sangs rgyas dang / byang chub sems dpa' thams cad la phyag 'tshal bar dmigs nas/ bzlas pa brtsam zhing / sangs rgyas dang / byang chub sems dpa' thams cad kyi bsod nams dang ye shes kyi tshogs la rjes su yi rang ba la yid kyis goms par byas nas nyi ma nub pa la sogs pa nas/ ji srid nam phyed kyi bar ram/ nyi ma shar gyi bar de srid du bzlas pas 'khor lo la sogs pa rab tu 'bar bar 'gyur ro/ /'bar ba dang nam mkha' la sangs rgyas la sogs pa byon pa bzhin du rtags chen po rnams dang / me tog gi char dang / rnga'i sgra dang / lha'i dbyangs dang / de bzhin gshegs pa rnams kyis legs so zhes brjod pa la sogs pa dang / sangs rgyas kyi zhing g.yo ba la sogs pa shin tu ngo mtshar ba rnams kyang 'byung bar 'gyur ro/ /rig pa 'dzin pa'i rig pa thams cad kyang 'byung bar 'gyur ro/ /'jig rten gyi khams thams cad na bzhugs pa'i sangs rgyas dang / byang chub sems dpa' rnams kyis mngon par dbang bskur bar 'gyur zhing / mngon par shes pa lnga thob pa dang / sangs rgyas dang / byang chub sems dpa' thams cad kyis mngon par bstod pa dang / byang chub sems dpa'i spyad pa spyod cing / rig pa 'dzin pa'i rgyal por 'gyur ro/ /rig pa mtha' yas pa 'dzin pa'i bud med kyi 'khor lus ma nyams pa rnams kyis bde bar rjes su 'jug par 'gyur ro/ /de bzhin du yang lus la sogs pa'i rim pas tshogs bsags pas byang chub sems dpa'i sa thams cad non par 'gyur zhing mngon par byang chub par 'gyur ro zhes so/ /gzhan yang sangs rgyas dang / byang chub sems dpa' rnams kyis gzigs pa dang / yid bzhin gyi nor bu dang / bum pa bzang po la sogs pa 'jig rten dang / 'jig rten las 'das pa'i dngos grub thams cad thob par 'gyur ro/ /'dis de bzhin du cho ga spyir khyad par du 'phags pa'i rim par blta ba'am/ cho ga rgyud las bltas na the tshom med par nges par bsgrubs pas dngos grub tu 'gyur ro zhes so/ /'dir thabs dang ldan pa rnams kyis sgrub thabs kyi cho gas ji ltar nus pa bzhin bsgrub par bya'o/ /ji ltar gsungs pa bdag gis nus pa bzhin bya'o/ /mthar gcig pu yang bdag nyid srung bar byas nas/ mtshams bcad pa dang / mchod pa la sogs pa yid kyis byas nas/ de'i sngags brjod cing ji srid 'dod kyi bar du bzlas shing bsgrubs pas/ brtson 'grus dang mthun pa gnyis las kyi rjes su mthun pa'i dngos grub nges par 'gyur ro/ /gcig gis kyang 'jig rten gsum bsrung nus par rgyud las gsungs so/ /don yod grub pa 'di yang dam tshig gsum gyi rgyal po las bgegs med pa'i dngos grub tu 'gyur te/ yid la 'dod pa'i rnam pa nyid/ /ces so/ /sngon du bsnyen pa la sogs pa'i cho ga dang bral yang / sangs rgyas dang / byang chub sems dpa' thams cad la dmigs pa tsam byas nas/ sems kyis sngags bzlas par bya'o/ /'dir yang gang dang gang gi cho ga yid kyis 'dod pas sngags pa rnams sgrub pa dang ldan pas dngos grub tu 'gyur ro/ /ji ltar 'dir gsungs pa dben zhing skye bo med pa'i gnas su smra ba yongs su spangs nas sems can rnams la gnod pa ma yin pas mchod pa med pa dang / stan med pa dang khrus ma byas pa la sogs pa cho ga'i tshogs ma tshang ba yang nges par bsgrubs pas dngos grub tu 'gyur ro/ /yang gsungs te/ 'dir yang shin tu ngo mtshar ba gnyis te/ sngags rnams kyis ji lta ji ltar bsgrubs pa'i mtha' la de lta de ltar rjes su mthun par 'gyur ro/ /yang gang dang gang gi cho ga sbyor ba'i mtha' la de'i mtha' bzhin du dngos grub tu 'gyur ro/ /slar yang gsungs pa/ gang gis byang chub sems brtan zhing / /rtog pa med pa'i blo gros gyur/ /the tshom med pas de bzhin sgrub/ /de 'dir dngos grub nges par 'gyur/ /zhes so/ /de'i phyir brtson 'grus bskyed nas the tshom med par bsgrubs pas nges par dngos grub tu 'gyur ro/ /'di yang dngos grub kyi don du dam tshig mchog tu bstan par 'bad pas bsrungs par 'gyur bas de dngos grub thams cad kyi rtsa bar 'gyur ro/ /dam tshig de yang dam pa'i chos phyir spang bar mi bya ba dang / bla ma la smad par mi bya'o/ /chang btung bar mi bya'o/ /khri la nyal bar mi bya'o/ /rdo rje'i rnam pa lta bu bza' bar mi bya zhing 'god par mi bya'o zhes bya ba la sogs pa ni nges par rgyud las shes par bya ste/ mangs pa'i 'jigs pas 'dir ma bris so/ /khrus byed par 'dod na yang dam tshig gsum bzlas pa'i 'phags pa mi g.yo ba'i snying po don yod gtum pos de bzhin du rdo rje'i phyag rgya dang ldan pas sa la sogs par khrus byas pa'i rdzas thams cad la mngon par bsngags te/ gdug pa can thams cad bskrad nas/ mtshams la sogs pa bcad par byas pa'i mthar bgegs thams cad rab tu zhi bar 'gyur ro zhes so/ /dam tshig gsum gyi rgyal po'i sgrub thabs rdzogs so/ /paN+Di ta chen po ku mu ta 'byung ba'i blo gros zhabs kyis mdzad pa rdzogs so//[ ]@##/ /rgya gar skad du/ t-I sa ma ya rA dza sA d+ha naM/ bod skad du/ dam tshig gsum gyi rgyal po'i sgrub thabs/

CLOSE WINDOW