བོད་ཡིག

e-texts based on the ACIP/ALL Input

/rgya gar skad du/ shrI badzra A sa na sAd+ha naM/ bod skad du/ dpal rdo rje gdan gyi sgrub thabs/ dpal rdo rje gdan la phyag 'tshal lo/ /yon tan tshogs kyi gzhir gyur gzhan don bla ma de bzhin gshegs pa kun la phyag 'tshal lo/ /dpal ldan rdo rje gdan zhes phun sum tshogs min 'joms shing 'khor ba'i skyon gyis ma gos pa/ /gang zhig dul zhing zhi ba mchog gi sangs rgyas nyid kyi de nyid sgrub pa'i thabs gyur pa/ /sna tshogs kha dog gis spras brgyan pa'i de bzhin gshegs pa la sogs bdag gis bri bar bya/ /de la mdun du 'og nas 'byung ba'i cho gas bcom ldan 'das sku mdog dang phyag la sogs pa dang ldan pa rnam par bsams te/ me tog la sogs pa dbul bar bya'o/ /oM na mo ak+Sho b+h+yaHya hUM/ oM badzra puSh+pe hUM swA hA/ so sor lan gsum gsum gsum du dbul bar bya'o/ /oM na mo bai ro tsa nA ya oM/ oM badzra puSh+pe hUM swA hA/ oM na mo rat+na sam+b+ha wA ya trAM/ oM badzra puSh+pe hUM swA hA/ oM na mo a mi tA b+hA ya hrIH/ oM badzra puSh+pe hUM swA hA/ oM na mo a mo g+ha sid+d+hi ye aH/ oM badzra puSh+pe hUM swA hA/ oM na mo lo tsa nA ye laM/ oM badzra puSh+pe hUM swA hA/ oM na mo mA ma kai maM/ oM badzra puSh+pe hUM swA hA/ oM na mo paN+Ta rA ye paM/ oM badzra puSh+pe hUM swA hA/ oM na mo tA rA ye tAM/ oM badzra puSh+pe hUM swA hA/ slar yang mi bskyod pa'i gzugs rdo rje gdan la mang zhing ches rab tu mang ba'i me tog dbul bar bya'o/ /rim pa 'di nyid kyis te/ oM badzra d+hU pe hUM swA hA/ oM badzra gan+d+he hUM swA hA/ oM badzra nai bi d+ye hUM swA hA/ oM badzra dI pe hUM swA hA/ zhes pa la sogs pas mchod pa'i cho ga byas nas/ byams pa la sogs pa bsgom pa sngon du 'gro bas so/ /de nas rang gi snying gar a yig yongs su gyur pa las zla ba'i dkyil 'khor/ de'i steng du hUM yig gser gyi kha dog lta bu de las 'od zer 'phros pas bla ma dang sangs rgyas dang byang chub sems dpa' rnams bltas la/ de nas khrus dang me tog la sogs pa mchod pa'i sprin rab tu 'phro bas yang dag par mchod de/ de nas sdig pa bshags pa dang / bsod nams la rjes su yi rang ba dang / dge ba yongs su bsngo ba dang / dkon mchog gsum la skyabs su 'gro ba dang / rgyal ba'i lam bsten pa dang / byang chub mchog tu sems bskyed pa yang bya ste/ dkon mchog gsum la skyabs su mchi/ /zhes bya ba la sogs pas so/ /de nas stong pa nyid du rnam par bsgom par bya ste/ chos thams cad rang bzhin med pa'i ngo bo nyid du rnam par bsgoms nas/ yi ge'i gzugs byang chub kyi sems kyi rang bzhin 'od gsal bar bdag nyid kyis blta bar bya'o/ /brtan par bya ba'i don du sngags brjod par bya ste/ oM swa b+hA ba shud+d+haHsarba d+harmAHswa b+hA ba shud+d+hou0f85haM/ de bzhin du 'od zer gyi gzugs de yongs su gyur pa las zla ba'i dkyil 'khor la de'i steng du hUM ngo / / a la sogs pa dbyangs yig bcu drug gis yongs su bskor ba/ gzhan yang yi ge ka la sogs pa'i sde tshan rnams kyis yongs su bskor ba'o/ /ma lus pa kha dog dkar po'o/ /de thams cad yongs su gyur pa las zla ba'i dkyil 'khor gyi gzugs su bsam par bya'o/ / de'i steng du yi ge hUM gi rnam pa'i sa bon no/ /de yongs su gyur pa las rdo rje mdog ser po'o/ /rdo rje de'i lte ba la yi ge hUM ngo / /de thams cad yongs su gyur pa las rdo rje gdan gyi gzugs kha dog gser gyi mdog lta bu de'i gdan bdud rnam par bzhi ste/ de yang phung po dang nyon mongs pa dang 'chi bdag dang lha'i bu'i bdud rnams ser po dang / dmar po dang / nag po dang / sngon po'i mdog can rim pa ji lta ba bzhin du gzugs 'di rnams rnam par bsgom par byas nas/ bdud 'di rnams kyis yongs su byas pa'i seng ge'i khri de'i steng du sna tshogs pad+ma dang rdo rje la gnas pa'i bcom ldan 'das zhal gcig phyag gnyis pa rdo rje'i skyil mo krung gis bzhugs pa phyag g.yas pas gnon gyi phyag rgya dang ldan pa/ phyag g.yon pa 'dzong par bkan nas gnas pa'o/ /na bza' dmar po sku la bsnams pa zhi ba'i bdag nyid rnal 'byor pas bsgom par bya'o/ /de nas nga rgyal bskyed par bya ste/ oM d+harma d+hA tu swa b+hA wa At+ma kou0f85haM/ de nas bcom ldan 'das kyi g.yas su byang chub sems dpa' byams pa sku mdog ser po phyag gnyis pa ral pa'i cod pan 'phyang ba phyag g.yas na rin po che'i rnga yab bsnams pa phyag g.yon na klu shing gi yal ga me tog dang bcas pa bsnams pa'o/ /de bzhin du g.yon na byang chub sems dpa' 'phags pa spyan ras gzigs dbang phyug mdog dkar ba phyag g.yas na rin po che'i rnga yab bsnams pa/ phyag g.yon na pad+ma bsnams pa/ bcom ldan 'das kyi zhal la blta zhing 'dug pa bsgom par bya'o/ /de nas yan lag drug la dgod par bya ste/ bcom ldan 'das kyi spyan gnyis la zla ba'i dkyil 'khor ro/ /de'i steng du yi ge k+ShiM mdog dkar po'o/ /rna ba gnyis la zla ba'i dkyil 'khor gyi steng du yi ge dzaM mdog sngon po'o/ /sna'i bu ga gnyis su zla ba'i dkyil 'khor gyi steng du yi ge khaM mdog ser po'o/ /lce la zla ba'i dkyil 'khor gyi steng du yi ge gaM mdog dmar po'o/ /dpral bar zla ba'i dkyil 'khor gyi steng du yi ge skaM mdog ljang gu/ nu ma'i dbus su zla ba'i dkyil 'khor gyi steng du yi ge saM mdog dkar po'o zhes bya ba ni yan lag drug la dgod par bsgom par bya'o/ /de nas rang gi snying gar zla ba'i dkyil 'khor la yi ge hUM yongs su gyur pa las rdo rje'o/ /de'i lte ba la zla ba'i dkyil 'khor gyi steng du yi ge hUM ngo / /de nas mgo la zla ba'i dkyil 'khor gyi steng du yi ge oM yongs su gyur pa las 'khor lo mdog dkar po'o/ /de'i dbus su zla ba'i dkyil 'khor la gnas pa'i yi ge oM mo zhes bya ba ni bcom ldan 'das kyi sku rnam par dag pa bsgom pa'o/ /mgrin par zla ba'i dkyil 'khor gyi steng du yi ge a yongs su gyur pa las pad+ma 'dab ma brgyad pa mdog dmar ba'o/ /de'i dbus su zla ba'i dkyil 'khor la gnas pa'i yi ge AH'o zhes bya ba ni bcom ldan 'das kyi gsung rnam par dag pa bsgom pa'o/ /lte ba'i steng du zla ba'i dkyil 'khor gyi steng du yi ge hUM yongs su gyur pa las rdo rje mdog sngon po'o/ /de'i dbus su zla ba'i dkyil 'khor la gnas pa'i yi ge hUM ngo zhes bya ba ni/ bcom ldan 'das kyi thugs rnam par dag pa bsgom pa'o/ /sangs rgyas bsgrub cing sangs rgyas nyid kyi 'bras bu ster ba zhes bya'o/ /nam mkha' la gnas pa'i bcom ldan 'das snying ga'i 'od zer gyis bkug nas dzaHhUM baM hoHzhes bya ba'i yi ge bzhis mdun du gzhug par bya'o/ /de la mchod yon dang / /zhabs bsil dang / gdan dang bsang gtor yang dbul bar bya'o/ /phyis ni 'o thug la sogs pa'i ston mo yang dbul bar bya'o zhes bya ba ni bdud rtsi myang bar bya'o/ /de nas/ sangs rgyas kun la phyag 'tshal lo/ /zhes bya ba'i bstod pa 'dis bstod par bya'o/ /de nas ye shes sems dpa' dang bcas pas dam tshig sems dpa' dang gcig tu byas nas sa ma ya s+t+waM sa ma ya s+t+waM sa ma ya s+t+waM a haM oM AHhUM zhes bya ba'i sngags kyis gnyis su med par bya'o/ /de nas bsgoms pas skyon sngags bzlas par bya ste/ oM AHbadzra hUM swA hA zhes bya ba'i sngags bzlas par bya'o/ /de nas bsod nams yang dag par rdzogs pa'i byang chub tu bsngos nas gshegs su gsol te ji ltar bde bar gnas par bya'o/ /bsod nams 'di yis sems can thams cad de bzhin gshegs pa'i ye shes myur du thob par gyur cig / rje btsun rdo rje gdan gyi man ngag gi sgrub thabs kyi cho ga rdzogs so/ /khams pa ba ri lo tsA bas bsgyur ba'o//[ ]@##/ /rgya gar skad du/ s+thi ra tsakra b+hA ba na/ bod skad du/

CLOSE WINDOW