བོད་ཡིག

e-texts based on the ACIP/ALL Input

/de nas mchod yon la sogs pa phul te slar gshegs su gsol lo/ /'phags pa dru bi da'i bum pa'i cho ga rim par phye ba rdzogs so//[ ]@##/ /rgya gar skad du/ pra tiSh+Tha bi d+hiH/ bod skad du/ rab gnas kyi cho ga/ /dpal rdo rje sems dpa' la phyag 'tshal lo/ /bya ba'i rgyud kyi rjes 'brangs nas/ /rab gnas cho ga brjod par bya/ /snyan grags mi snyan rnyed ma rnyed/ /bde sdug bstod dang de bzhin smod/ /'jig rten chos kyis ma gos pa'i/ /rdo rje slob dpon dag gis bya/ /dkyil 'khor dang / ting nge 'dzin dang / phyag rgya dang / byed pa dang / gdan dang / bzlas pa dang / sbyin sreg dang / gtor ma dang / mchod pa'i las dang phab cing bsdu ba ste/ de kho na nyid bcu rig pa rtag tu sdig pa la 'jigs shing dran pa dang / lus dang srog la mi lta ba blo brtan pa/ 'jig rten pha rol la ltos pa dang bcas pa'o/ /nyal ba dang / gnyid dang / reg pa'i bde ba dang / bza' ba dang bgo ba la sogs pa'i nye bar longs spyod pa rnams la chags pa med pa/ phyin ci ma log pa sgrub pa la snying por byed pa/ phyi rol la ma chags pa/ sangs rgyas nyid sgrub par byed pa/ 'khor bas 'jigs pa/ sems can la ltos pa dang bcas pa/ kha na ma tho ba med pa/ sdig pa thams cad spangs pa/ 'dod pa'i chags pa la sogs pa la yang dag par mi rtog pa/ mi gtsang ba dang byams pa la sogs pa'i nyon mongs pa'i gnyen po'i phyogs su gyur pa'o/ /dge ba dang ldan pa mtshan nyid 'di rnams dang ldan pa la/ slob mas gsol ba btab ste/ lugs ma'am 'bur du byas pa'am/ 'dus byas la sogs pa rab tu gnas par bya ba'i don du rab tu gnas pa'i sa gzhi mngon par 'dus byas pa/ bla re dang / rgyal mtshan dang / ba dan la sogs pa bslang zhing rgyan thams cad kyis brgyan te/ rgyan med na gser gyi sor gdub gcig thogs te/ de la rab tu gnas pa'i sa gzhi la sku gzugs dang / pu sti dang / thang ga'am mchod rten la sogs pa mdun du yang dag par bzhag ste/ de la sku gzugs sam/ thang ga'am/ pu sti dang / mchod rten la bsang ba dang / kha bshal ba dang / me tog la sogs pa rnam par sbyin par bya'o/ /phyis ni nam mkha' la gnas pa'i de bzhin gshegs pa rnams la rnam pa lngas yang dag par mchod de/ rnam par mi rtog pa'i ting nge 'dzin la gnas pa'i slob dpon gyis bdug spos kyi snod gzung zhing / nam mkha'i khams pa'i de bzhin gshegs pa rnams la 'di skad brjod par bya'o/ /sa ma ya s+t+waM/ sa ma ya s+t+waM a haM zhes pa lan gsum brjod do/ / ji ltar sangs rgyas thams cad kyis/ /dga' ldan gnas su rab gnas nas/ /lha mo sgyu 'phrul lhums zhugs ltar/ /de yi rnam par 'dir zhugs shig /rtag tu mgon po 'dir bzhugs nas/ /che ge mo yi don phyir dang / /byang chub sems ni 'phel bya'i phyir/ /me tog la sogs 'di bzhes shig / ces bya ba 'dis de bzhin gshegs pa rnams lhag par gnas par bya'o/ /phyis ni bstod cing sbyin sreg gi dus su yang ji lta ba'i bstod pa bya'o/ /sku gzugs la sogs pa'i mdun du yang / yungs kar lag pa g.yon pa dang g.yas pa gnyis su gzung ste/ g.yas pa'i khu tshur gyis g.yas skor du lan gsum du bskor zhing yungs kar de rnams me la blugs par bya'o/ /g.yon pa'i khu tshur gyis g.yon du lan gsum du bskor zhing yungs kar mer blugs par bya ste/ 'di ni rtog pa med pa khams gsum du skyon bsal ba'i ched du bskor bar bya ba ni/ oM sarba pA paM da ha na badzrA ya swA hA/ zhes brjod do/ /de nas khyor ba dang bcas pas chu blangs te me de nyid du blugs par bya'o/ /de sngon du song bas sku gzugs la sogs pa rab tu gnas par bya'o zhes bya ba ni lhag par gnas pa'i rim pa'o/ /de nas phyi dro'i dus su bum pa ni lnga'am brgyad dam gcig kyang rung ste/ dri zhim po dang bcas pa'i chus yongs su bkang la/ rke la gos gnyis kyis dkris te/ aM pa'am pa la sha la sogs pa'i yal gas kha legs par brgyan la/ yungs kar dang ku su ma'i me tog dang bcas pa'i gser dang / dngul dang / mu tig dang / mu men dang / byi ru dang zhes bya ba rin po che sna lnga dang / gro dang / nas dang / mon sran gre'u dang / til dang / 'bras so ba dang / 'bru sna lnga dang / rnam par rgyal ba dkar po dang / br-i ha ti dang / kaN+Da ka ri dang / ha sa de ba dang / daN+Dot+pa la dang sman lnga'o/ /de rnams dang yang dag par ldan par byas la/ zlum por byas la gzhag par bya'o/ /bum pa so sor blangs te/ oM ru ru s+phu ru dz+wa la sid+d+ha lo tsa ni sar+b+ba ar+tha sA d+ha ni swA hA/ zhes bya ba'i sngags kyis mngon par bsngags par byas pa'am yang na byin pa'i sngags yi ge gsum dang spel ba 'dis phyi dro'i dus su bum pa mngon par bya'o/ /nang par snga bar sku gzugs gos ser pos dkris te/ kha shar phyogs su bstan te bzhag la khrus bya'o/ /de'i khrus kyi rim pa ni 'di yin te/ ba'i rnam pa lnga la/ oM hUM trAM hrIH aH/ zhes bya ba'i sa bon gyis mngon par bsngags shing dUr ba'i chang bus gzhug par bya'o/ /de nas dri zhim pa'i mar nag gis byugs te/ oM sarba ta thA ga ta kA ya bi sho d+ha ne swA hA/ zhes bya ba'i sngags kyis mngon par bsngags shing dUr ba'i chang bus gzhug par bya'o/ /de'i rjes su u dum+WA ra dang / n+ya gro d+h+ya las skyes pa'i shing shun legs par btags pa 'khor ba'i snod kyi dbus su bzhag ste g.yas phyogs kyi glor bzhag la/ mar nag dbyung ba'i don du sku gzugs la byug par bya'o/ /de nas bum pa re re'i chus sku gzugs la khrus gsol bar bya ste/ ji ltar bltams pa tsam gyis ni/ /de bzhin gshegs rnams khrus gsol ltar/ /lha yi chu ni dag pa yis/ /de bzhin bdag gis khrus gsol lo/ /zhes bya ba'i tshig brjod cing / oM sarba tathA ga ta a b+hi She ka sa ma ya shri ye hUM/ zhes bya ba'i sngags kyang brjod par bya'o/ /nam mkha' la gnas pa'i rig pa phab ste/ bum pa'i bdud rtsi'i chus sku gzugs la khrus byed par bsgom par bya'o/ /de nas slob dpon gyis de la gos kyi chu blangs shing bla na med par byas la gdan rang rang gi gzhag par bya'o/ / 'di ni sku gzugs kyi khrus kyi rim pa'o/ /gal te thang sku'am/ pu sti'am/ bris pa'i mchod rten nam sku gzugs la sogs pa khrus byed par 'dod na/ de'i tshe pu sti la sogs pa khrus kyi rim pa bya ste/ mdun du me long de la ba'i rnam pa lnga dang / mar nag dang / shun pa la sogs pa'i rim pas sngon bzhin du bum pa'i chus kyang bkru bar bya'o zhes bya ba ni khrus kyi rim pa'o/ /de nas nam mkha' la gnas pa bcom ldan 'das dkyil 'khor gyi 'khor lo'i rnam pa'i gzugs la khyad par du gzhug par bya'o/ /gal te sku gzugs sam pu stir byed par 'dod na/ nam mkha' la gnas pa'i bcom ldan 'das kyis dkyil 'khor gyi 'khor lo'i rnam pa'i pu sti yi ge'i rnam par yongs su gyur par bsam par bya'o/ /de nas gos zung brtsegs sku la bskon par byas te/ oM badzra bA sa se swA hA zhes bya ba'i sngags kyis so/ /ku sha'i chang bus ni sku gzugs la sogs pa la bsang gtor yang bya zhing zhal bsil yang bya'o/ /me tog la sogs pa mchod pa rnam pa lnga sngags 'dis dbul bar bya ste/ oM badzra puSh+pe hUM de ltar thams cad bya'o/ /yang de bzhin du/ chu dang thang las skyes pa yi/ / me tog 'di ni mchog yin te/ /bdag gis dad pas 'bul lags kyis/ /ji ltar bde bas bzhes su gsol/ /lhan cig skyes dang de bzhin sbyar/ /bdug pa 'di ni mchog yin te/ /bdag gis dad pas 'bul lags na/ /ji ltar bde bas bzhes su gsol/ /lhan cig skyes dang de bzhin sbyar/ /dri zhim bde ba'i mchog yin te/ /bdag gis gus pas 'bul lags kyis/ /ji ltar bde bas bzhes su gsol/ /mar dang mar nag mar me 'od/ /lha rdzas 'od 'bar mun 'joms pa'i/ /mi shes thams cad zhi ba'i phyir/ /bdag gis dad pas 'bul lags na/ /ci bde bar ni bzhes su gsol/ /bza' dang bca' dang ldan pa yi/ /lha bshos thams cad yang dag ldan/ /kha dog dri dang ror ldan pa/ /khyed la dbul gyis bzhes su gsol/ /zhes bya ba'i sngags 'dis 'di rnams kyi go rims bzhin du dbul bar bya'o/ /ji ltar sbyin sreg gi dus su yang ar+g+haM la sogs pa'i sngags kyis de bzhin du yang bya'o/ /de nas sku gzugs kyi spyan thur mas dbye bar bya ste/ oM tsak+Shu tsak+Shu sa man+ta tsak+Shu tsak+Shu bi sho d+ha ne swA hA/ de nas rdo rje gzung zhing dril bu dkrol nas mi bskyod rdo rje ye shes la sogs pas bstod par bya'o/ /de nas nang par snga bar sngon bzhin du sbyin sreg byas la/ tsA ru'i bza' ba sngags kyis dag byed sgrub par byed/ oM di bya ni sa mA d+hi d+h+yA na pr-i Na ne swA hA/ tsA ru'i bza' ba dbul ba'i sngags so/ /de nas lhag ma gzhan rnams slob dpon dang slob ma dang / yon bdag gis bza' bar bya'o/ /gzhan dag don du gnyer ba la yang cung zad sbyin no/ /gang yang nye bar dgos pa thams cad sbyin sreg gi dus dang / rab tu gnas pa'i dus kyi rdzas ni rdo rje slob dpon gyis dbang zhing yongs su brtag par bya'o/ /slob ma dang lha bzo la ni gang yang phul ba'i nor de rnams mi gnang ngo / /rab tu gnas pa'i cho ga slob dpon ngag gi dbang phyug grags pas mdzad pa rdzogs so// //paN+Di ta don yod rdo rje dang / khams pa lo tsA ba ba ris bsgyur ba'o/ /[ ]@##/ /de bzhin gshegs pa bdun gyi sngon gyi smon lam gyi khyad par rgyas pa'i mdo sde'i man ngag bzhugs/ @##/ /de bzhin gshegs pa bdun gyi sngon gyi smon lam gyi khyad par rgyas pa zhes bya ba'i mdo sde bklag cing de bzhin gshegs pa bdun mchod de smon lam gdab pa'i cho ga mdo sde las bsdus te rim par bklag pa/

CLOSE WINDOW