བོད་ཡིག | e-texts based on the ACIP/ALL ![]() ![]() |
/ //rgya gar gyi mkhan po badzra bo d+hi dang / lo tsA ba tshul dge rin chen gyis bsgyur ba'o//[ M ]@##/ /rgya gar skad du/ badzra bi dA ra Na d+hA ra NI sA d+ha nA ma/ bod skad du/ rdo rje rnam par 'joms pa'i gzungs kyi sgrub thabs zhes bya ba/ bcom ldan 'das dpal kun du bzang po la phyag 'tshal lo/ /mi shigs kun 'joms rdo rje 'dzin/ /khros shing gtum pa'i sku mnga' ba/ /rdo rje yon tan rdzogs btud de/ / de nyid bsgrub pa'i rim pa bshad/ /dad brtan g.yo dang nga rgyal med/ /ser sna chung zhing bla mar gus/ /'di la lhag par che dad pas/ /bsgrub pa 'di 'bad bde legs shog /dang por yid 'ong phyogs su yang / /'gro ba bsgral ba'i bsam pa yis/ /rtag tu 'di la brtson par bya/ /maN+Dal mchod dang gtor ma dang / /las dang po yi rnal 'byor pas/ /dmigs pa'i rten kyang bri bar bya/ /rang nyid phyi nang khrus byas te/ /khyad par du ni lus kyi khrus/ /dri yi chu yis rtag tu bya/ /bde ba'i stan la 'dug nas ni/ /rang nyid zla ba sa bon bsam/ /de yi 'od kyis bla ma sogs/ /nam mkha'i phyogs su dmigs nas ni/ /byin gyis brlab par gsol ba gdab/ /de nas sems can thams cad la/ /lhag par byams pa bskyed par bya/ /de bzhin snying rje dga' ba dang / /btang snyoms tshul bzhin bsgom par bya/ /de rjes rnam par mi rtog pa'i/ /rdo rje'i rang bzhin bsgom par bya/ /de la cung zad dmigs nas ni/ /rnam par rtog par ldang bar bya/ /gzugs la sogs pa mi dmigs kyang / /sngags kyi sgra ru bsgom par bya/ /de rjes rang gi shes pa ni/ /sngags kyi phreng bar bsgom par bya/ /gsung gi rnam par rdzogs pa yi/ /phra zhing gsal pa'i rnam par ro/ /de nas zla ba'i dkyil 'khor de/ /gsal zhing cha ma 'dres par bsam/ /de yi 'od kyis 'gro ba rnams/ /rnam par 'joms pa byas nas ni/ /tshur la bsdu ba'i tshul gyis ni/ /rang snying rnam par 'joms par bsgom/ /zhabs gnyis chu 'dzin dag la ni/ /g.yon brkyang bas ni rnam par bzhugs/ /sku ni in+d+ra nI la dang / /rdo rje snying po dang yang mtshungs/ /mche ba rnam par gtsigs pa ste/ /spyan dmar dpral ba khro gnyer can/ /mgo skyes dmar ser gyen 'greng ba/ /gsus pa che zhing sbrul gyis brgyan/ /smad ni ba ti mnabs pa ste/ /sku stod dar la yis dkris pa/ /rin po che yi dpung rgyan can/ /rang gi bdag po dbu la gnas/ /g.yas pa rgya gram phyogs gsum bsnams/ /g.yon pa sdigs mdzub thugs kar 'dzin/ /sra zhing mkhregs pa'i sku dang ldan/ /'ja' ltar gsal ba'i bdag nyid du/ /bdag nyid rtag tu bsam par bya/ /dam tshig phyag rgya bcing bar bya/ /sngags 'dis byin gyis brlab bya zhing / /gnas lnga dag tu gtug par bya/ /oM badzra dz+wa lA na lA ya swA hA/ de nas rang mdog phyag mtshan dang / /blo yis gsal bar bsgom par bya/ /gsal ba sgyu ma'i rang bzhin du/ /bdag nyid rtag tu bsam par bya/ /de las skyon sngags bzlas pa/ /de ni phyi dang nang gi'o/ /de la nang gi bshad bya ste/ /rang nyid zla ba rang sa bon/ /de yi mtha' ma gsang sngags rgyal/ /mu tig 'ja' dang mar me ltar/ /rnam pa de ldan zla bar bsgom/ /de la cung zhig dmigs nas ni/ /yang ni gsang sngags rgyal bo bzlas/ /de dag ni na mo rat+na tra yA ya zhes pa nas/ a mr-i te hUM phaT ces pa'i bar du'o/ /de ni sgra dang bcas pa'o/ /rang snying khro bo'i tshogs spros te/ /kun kyang gsang sngags rgyal po zlos/ / sngags kyi 'brug gi sgra dang bcas/ /phyogs rnams kun du rnam par spro/ /gdug pa can rnams pa sdigs par mdzad/ /de bzhin spro zhing bsdu ba ni/ /mtshon cha'i 'khor lo drag spyod la/ /zhi la 'od zer dkar po ste/ /dbang la lcags kyu dmar po'o/ /rgyas pa la ni ser po ste/ / de ltar las dang rjes mthun par/ /'od zer dag kyang spro bar bya/ /phyi ni nam mkha'i zla dkyil du/ /yi ge'i phreng ba bsam byas te/ /rgyud las ji skad bshad pa bzhin/ /sgra la gnas pa'i bsam gtan bya/ /de ltar bsam gtan 'bum gyi bar/ /sngon du bsnyen pa bya ba'o/ /de ltar bsnyen pa rdzogs nas ni/ /las rnams kun du spyad par bya/ /de dag rab tu bshad pa ni/ /rig sngags bcad dang bcing ba dang / /phur bus gdab cing mnan par bya/ /de bzhin nor sogs rgyas pa dang / /sdig sogs zhi dang dbang du bya/ /de la dbang du bya ba ni/ /byi ru dmar 'dra'i sa gzhi la/ /mo yi pad+ma'i dbyibs 'dra ba'i/ /thab khung dag ni bca' zhing bsam/ /de nas star bu'i me bus te/ /me yi lha ni bdag po nyid/ /dmar po lcags kyu thogs bsams nas/ /mngon byas nas ni 'od zer spro/ /gsang sngags mjug la las mthun gdags/ /star bu'i 'bru dang me tog dmar/ /phub ma dag ni brgya stong sreg /de yis gang 'dod de bzhin no/ /pad ltar dkar ba'i sa gzhi la/ /zla rgyas 'dra ba'i thab khung du/ /tsan+dan dkar po'i me sbar te/ /rang lha dkar po bdud rtsir ldan/ /de la skad cig dmigs byas la/ /tsan+dan dkar po'i 'o ma sbags/ /de bzhin dkar po'i rdzas rnams la/ /de bzhin yang ni sngags bzlas te/ /ji tsam nus pa'i sbyin sreg bya/ /sa gzhi ser zhing 'phos pa na/ /dbang chen lta bu'i dbyibs su bya/ /mkhas pas thab ni bca' bya zhing / /star ka a ru ra yi me/ /cho ga dang bcas sbar bya ste/ /'bras bur bcas pa'i yam shing la/ /de bzhin ba ru la sogs kyis/ /dbang chen la gnas bcom ldan 'das/ /gser mdog 'dra zhing dbang chen 'phro/ /de la sbyin sreg stong byas la/ /gang dag 'dod pa rgyas par bya/ /de dag las kyi rim pa ste/ /rang nyid bsnyen pa rdzogs pas su/ /gsang sngags rgyal po rjes dran bya/ /gang dag gdon gyis nyen pa yi/ /cho ga la sogs bshad par bya/ /dkyil 'khor legs par byas nas ni/ /bum pa rdzas sogs ldan par bri/ /gsang sngags brgya dang gcig bzlas te/ /bsgrub bya dkyil 'khor steng gzhag ste/ /de la khrus ni lan gsum bya/ /srung skud mdud pa gsum pa ni/ /dpung pa'am srin lag dag la bcing / /des ni grol bar the tshom med/ /'khor lo dag gis bsrung bya ni/ /rtsibs bzhi'i mtshams su mtshon char ldan/ /mu khyud me ri rdo rjes bskor/ /gur kum gi waM dag gis bris nas ni/ /snga dro cho ga ldan par bsrung bar bya/ /de ltar 'di ni bsrung ba'i rgyal po ste/ /'gro ba rnams la gsang sngags rgyal pos brlab/ /de rgyud de dang gzhan las gsungs pa'o/ /oM badzra dz+wa lA na lA ya swA hA/ oM tsu ru tsu ru tsaN+Da ki li kI lA ya swA hA/ oM trA sa ya trA sa ya badzra ki li kI lA ya swA hA/ oM ha ra ha ra badzra d+ha rA ya swA hA/ oM pra ha ra pra ha ra badzra pra b+hany+dza nA ya swA hA/ bsrung ba yi'o/ /na mo rat+na tra yA ya/ na ma sh+tsaN+Da badzra pA Na ya/ mahA yak+Sha se nA ba ta ye/ tar+ya thA/ oM sarba byA d+hi/ sarba big+h+nAn/ sarba dur swa p+ni/ sarba du rmi ti/ sarba gra he/ sarba dz+wa re/ sarbA kA la mr-i t+yu/ sarba u pa dra pe b+h+yaH/ sarba sha trUM/ sarba pA paM shAn+tiM ku ru swA hA zhes khrus kyi'o/ /oM sarba puSh+Ta ye puSh+TiM ku ru swA hA/ rgyas pa'i'o/ /oM badzra ba shaM ku ru swA hA zhes dbang du bya'o/ /'di rnams las dang mthun pa'i sngags kha las kyang shes par bya'o/ /'di ni rdo rje rnam 'joms kyi sgrub thabs rgyud dang 'brel pa'i las dang bcas par shes par bya'o/ /gzhan yang 'dir ma bkod pa rnams bla ma'i zhal las shes par bya'o/ /'di ni sgrub thabs kun gyi rgyal/ /rang sems mos pa'i rjes 'brel pa'i/ /rtog pa dang bcas sgrub pa'i thabs/ /rnal 'byor rnams la phan byed yin/ /'di byas bsod nams dri med pa/ /zla ba yar ngo bzhin du 'phel gyur pa'i/ /'gro rnams mos pa'i bye brag 'grub gyur te/ /rnam par 'joms pa'i sku 'grub shog /rdo rje rnam par 'joms pa'i sgrub thabs las dang bcas pa slob dpon ye shes rdo rjes mdzad pa rdzogs so/ /[ ]@##/ /'phags pa rdo rje rnam par 'joms pa'i khrus kyi cho ga /chos nyid mnyam pa nyid la rab gnas kyang / /thugs rjes gtan du mya ngan mi 'da' zhing / /'dod pa'i don grub mtha' yas gzugs mnga' ba/
CLOSE WINDOW