བོད་ཡིག

e-texts based on the ACIP/ALL Input

/[ ]@##/ /rgya gar skad du/ badzra bi dA ra Na nA ma d+hA ra NI sA d+hA naM/ bod skad du/ /rdo rje rnam par 'joms pa zhes bya ba'i gzungs kyi sgrub thabs/ rdo rje rnam par 'joms pa la phyag 'tshal lo/ /rang gi rang bzhin zhi ba las/ /gdug pa 'dul phyir khro bo'i sku/ /ma rungs tshar gcod rdo rje can/ /rdo rje che la mgos phyag 'tshal/ /ji ltar bla ma'i zhal snga nas/ /legs rtogs gang de bri bar bya/ /rdo rje rnam par 'joms pa sgrub par 'dod pas dben zhing yid dang mthun pa'i sa phyogs su kun du spyod pa'i gtsang zhing gtsang ba dang ldan pa stan bde bar 'dug ste/ sems can thams cad srid pa'i sdug bsngal las bsgral la rdzogs pa'i byang chub kyi bde ba la 'god pa'i blo sngon du btang ste rang gi snying gar baM las pad+ma dang / der a las bsil ba'i 'od zer gyi dkyil 'khor la gnas pa/ hUM yig mthing shun gyi mdog lta bu bsam par bya'o/ /de las rnam par 'phros pa'i 'od zer gyis sangs rgyas dang byang chub sems dpa' dang / rdo rje khro bo'i dkyil 'khor mdun du dmigs la/ yid las byung ba'i mchod pa rnams kyis yang dag par mchod de/ phyag 'tshal ba la sogs pa bya'o/ /sangs rgyas kun gyi sku gsung thugs/ /gdug pa tshar gcod khro bo'i sku/ /rdo rje chen po 'jigs chen po/ /rdo rje 'joms la phyag 'tshal lo/ /thog med 'khor bar log pa yi/ /rnam rtog dbang gyur sgo gsum gyis/ /sdig pa bgyid la bdag 'gyod cing / /mgon po'i spyan sngar rab tu bshags/ /nyan thos sangs rgyas rang sangs rgyas/ /so so'i skye bo byang chub sems/ /kun gyi dge la dga' ba yis/ /bdag ni rjes su yi rang bgyid/ /sems can khams ni ma lus rnams/ /sangs rgyas bde la dgod pa'i phyir/ /bdag ni dge kun ltos med par/ /byang chub chen por bsngo bar bgyi/ /'gro ba'i skyabs chen gcig pu pa/ /sangs rgyas theg pa mchog gi mchog / tshogs mchog phyir mi ldog pa la/ /bdag ni skyabs su nye bar mchi/ /srid pa'i rgya mtsho sdug bsngal gyi/ /nyam thag mgon med gyur pa rnams/ /bla med bde la gzhag pa'i phyir/ /sems mchog yang dag bskyed par bgyi/ /lam gang gis ni der 'gro ba/ / sngags kyi theg pa'i lam 'di la/ /deng nas byang chub snying po'i bar/ /bdag ni tshul bzhin gnas par bgyi/ /zhes brjod la de nas byams pa dang / snying rje dang / rab tu dga' ba dang / kun la btang snyoms bsgom par bya'o/ /de'i rjes la brtan pa dang g.yo bar snang ba'i chos thams cad rang bzhin gyis rnam par dben pa'i don can du rig par bya ste/ oM swa b+hA ba shud+d+haHsarba d+d+harmaHswa b+hA ba shud+d+ho u0f85haM zhes pa'i sngags kyis byin gyis brlab po/ /stong par gnas pa'i paM yig dang / /raM las pad+ma nyi ma la/ /hUM byung ba las rgya gram gyi/ /rdo rje chen po rnam par bsgom/ /der gnas hUM las 'od 'phros pas/ /ra ba sa gzhi gur yang bsgom/ /de nas b+hUM las gzhal yas khang / /kun nas gru bzhi sgo bzhi pa/ /rtsibs brgyad 'khor lo'i lte ba la/ /rgya gram rdo rje dang bcas bsgom/ /der yang zla ba nyi ma dang / /hUM byung rdo rje che las 'od/ /spros shing bsdus las khro bo che/ / khro bo'i 'khor lo rdzogs par bskyed/ dbus gnas rdo rje'i lte dbus su/ /khro bo rdo rje 'joms chen po/ /char sprin sngon po'i mdog 'dra ba/ /rdo rje dril bu 'gying bcas 'dzin/ /shar phyogs rdo rje'i rwa dbus su/ /rdo rje khro bo phur bu che/ /ut+pal sngon po'i mdog mtshungs pa/ /phyag g.yas rdo rje phur bu 'dzin/ /lho yi phyogs su khro bo che/ /rdo rje be+e con stang zil mdog /g.yas na rdo rje be+e con te/ /rdo rje'i rwa dbus la gnas pa'o/ /nub gnas rdo rje'i rwa dbus su/ /rdo rje tho ba khro bo che/ /nam mkha'i mdog can phyag g.yas na/ /rdo rje tho ba phyar ba'o/ /byang gnas rdo rje khro bo che/ /gtum po bung ba'i mdog lta bu/ /rdo rje rgya gram phyag g.yas 'dzin/ /rdo rje'i rwa dbus gnas par bsgom/ /phyi rol rdo rje'i rtsibs rnams la/ /gzhan gyis mi thub gshin rje gshed/ /rta mgrin rdo rje bdud rtsi 'khyil/ /ut+pal kun+da dza ba dang / /mar gad mdog can g.yas pa na/ /thod pa dbyig pa pad+ma dang / / rgya gram rdo rje 'phyar ba 'dzin/ /shar nas g.yas skor rim pas bsgom/ /'dod pa'i rgyal po dbyig pa sngo/ /mi g.yo stobs chen sku mdog gnag /g.yas rnams rim bzhin lcags kyu dang / /dbyig pa ral gri rtse gsum 'dzin/ /byang shar nas ni nub byang mthar/ /'di yang g.yas skor rim pas bsgom/ /mkhar gnas rdo rje hUM mdzad dang / /sa 'og gnod mdzes rdo rje che/ /mdog nag g.yas na rdo rje 'dzin/ /khro bo 'di dag thams cad kyang / /phyag g.yon sdigs mdzub zhags par ldan/ /kun kyang g.yon brkyang gom pa yis/ /nyi ma'i dkyil 'khor la gnas pa'o/ /shar sgor rdo rje lcags kyu dkar/ /lhor gnas rdo rje zhags pa ser/ /nub tu rdo rje lcags sgrog dmar/ /rdo rje dril ljang byang sgor te/ /lcags kyu zhags pa lcags sgrog dang / /dril bu 'dzin cing g.yon brkyang bas/ /nyi ma'i steng na gnas pa'o/ /thams cad mche gtsigs spyan gsum zhal/ /dmar ser dbu skra gyen brdzes dang / /stag gi pags pas smad dkris shing / /sbrul dang rin chen rgyan mdzes pa/ /rang snying zla bar sa bon dang / /gnas gsum rdo rje gsum bsgoms te/ /sa bon 'od kyi sbyor ba yis/ /ye shes bkug mchod gnyis med bya/ /snying gar sngags kyi phreng bkod de/ /'khor lor gnas pa thams cad dang / /mgrin gcig skad gsang mthon pa yi/ /sngags mchog yang dag bzlas par ya/ /na mo rat+na tra yA ya/ /na maHtsaN+Da badzra pA Na ye/ ma hA yak+Sha se nA pa ta ye/ oM ha ra ha ra badzra/ ma tha ma tha badzra/ d+hu na d+hu na badzra/ da ha da ha badzra/ pa tsa pa tsa badzra/ d+ha ra d+ha ra badzra/ d+hA ra ya d+hA ra ya badzra/ dA ru Na dA ru Na badzra/ ts+tshin+da ts+tshid badzra/ b+hin+da b+hin+da badzra hUM phaT/ na ma sh+tsaN Da badzra kro d+hA ya hu lu hu lu/ tiSh+Tha tiSh+Tha/ ban+d+ha ban+d+ha/ ha na ha na/ a mr-i te hUM phaT/ 'di ni rdo rje khro bo rnams kyi thugs bskul nas/ /sgrub la bgegs med byed cing dngos grub ster ba'o/ /ji srid mi skyo'i bar du mngon par bzlas pa'i mthar/ /ye shes 'khor lo phyung nas mdun gzhag mchod pa dang / /yi ge brgya pa'i mthar ni rdo rje'i sngags brjod de/ /rang gnas gshegs la 'khor lo snying gar bsdu bar bya/ /rdo rje rnam par 'joms pa'i gzungs kyi sgrub thabs bram ze ma Ni badzra mdzad pa rdzogs so/ / //paN+Di ta chen po dz+nyA na shrI dang / /lo tsA ba rab zhi bshes gnyen gyis bsgyur ba'o//[ ]@##/ /rgya gar skad du/ shrI badzra bi dA ra Na sto tra/ bod skad du/ dpal rdo rje rnam par 'joms pa la bstod pa/ dpal rdo rje rnam par 'joms pa la phyag 'tshal lo/

CLOSE WINDOW