བོད་ཡིག

e-texts based on the ACIP/ALL Input

/legs mchod su yang ji srid bdag song de srid mthong ba 'bab bkag la/ /slar log don bsgrub gtor mas mnyes bya slob ma bzang la rgyu mchod bsgoms/ /gzi brjid bskyed pa'i cho ga rdzogs so//[ ]@#/ /'phags pa thugs rje chen po yid du 'ong ba'i gzugs can la phyag 'tshal lo/ /gzi brjid phung po mthong tsam kyis/ /skye bo kun kyi yid 'phrog cing / /rgyal po'i ngag bzhin thams cad la/ /bsgos pa don yod byed rig bshad/ /thog mar brtan g.yo nam mkha'i spyor ba yis/ /ngag bcad de las pad+ma zla ba bskyed/ /de steng a dang ka phreng ze'u 'bru can/ /'dres gyur mgon po yid 'ong gzugs can bsgom/ /shel ltar rab dwangs rdo rje lta bur mkhregs pa'i sku/ /dkar la dmar dwangs shin tu 'od gsal rnam par dag /bltas pas mi ngoms dpe byad mtshan rab kun rdzogs pa/ /skyabs sbyin chu skyes g.yas g.yon phyag rgyas btab pa'o/ /brgya phrag 'od 'bar rgyan rnams las byung phan tshun 'od zer rnams 'khrugs pas/ /nyid kyi sgu bkab dra ba dang ni dra ba phyed dang rdo rje g.yung drung 'khyil/ /zer phog pa dang gzugs brnyan rab 'dres tig tig gong bu 'khyil 'gyur te/ /spu sgo kun la rin chen 'od 'dzag mkha' la nyi ltar mdzes bdag gyur/ /de'i snying por yi ge gsum pa 'dus pa la nu ma gnyis kyis brgyan pa bltas la/ dad pa dang lhan cig pa'i 'od kyi zhags pas po ta la nas gzhon nu 'bar ba nyid bkug la/ bcu drug dang brgyad dang / nyi shu dang bcu dang / bdun dang lnga la sogs pa'i lha mo lte ba'i sgo las mngon par 'phro ba'i mchod pa thams cad kyis yang dag par mchod nas/ phyogs kyi gzhon nu ma bzhis yid 'ong mtshungs med la sogs pas bstod nas lcags kyu dang zhags pa dang / lcags sgrog dang / dril bu'i rang bzhin gyis bkug bcings bcug ste bcings la dgyes par bya'o/ /de nas thugs ka dang ljags la yi ge bzhi dang bcu drug gi pad+mo dang 'khor lo nye bar bkod de/ byams pa chen po'i yid kyis bzlas la/ nam kyi tshe skye bo bdag gi ming thos pa dang / gzugs mthong bas dbang po mngon par g.yo ba'i tshe/ de dag gi snying la d+hIHdmar po bsams nas/ sna bug g.yas nas spyos pa'i sa bon las 'od kyi mda' bkye ba bsnun te/ de las bdud rtsi rgyun zags pas lus thams cad la khyab par bya'o/ /byams pa'i lta bas rnam blta zhing / /rtag tu kun la snying rje 'jug /chags bral sdang ba yang med pa/ /sgrub po 'gro ba kun yid 'phrog /dbang po rab tu dul ba dang / /dregs med bka' blo rab tu bde/ /'jig rten mgon la lhag par dad/ /yid gzhungs gang yin skal ldan mtshan/ /ci ste 'di brtsams kyis ma spobs/ /de nas sbrang rtsi rma bya'i mdongs/ /me tog bzang po kun 'dab che/ /spos chus sbyar ba smin mtshams byug /byang chub sems dkar dmar thig le/ /rgya mtsho'i lbu ba seng sdeng spags/ /tsan+dan dmar po ga pur bcas/ /dpral bar byugs la gsang sngags brjod/ /spyan ras gzigs dpal yid 'ong mthus/ /dam bcas dam tshig rjes dran phyir/ /rtag pa'i rgyal po las byed 'dis/ /skye bo kun yid mngon sum 'phrog /sems can mgu bar byed pa rdzogs so/ /[ ]@#/ /'phags pa thugs rje chen po rab tu snang mdzad la phyag 'tshal lo/ /ma 'ongs pa na 'byung bar 'gyur ba nges par mi shes pas ci bya gtol med par gyur te ldongs pa rnams kyis 'dir bcom ldan 'das 'phags pa thugs rje chen po rab tu snang mdzad la re ba bskyed la/

CLOSE WINDOW